PDA

Դիտել ողջ տարբերակը : Սոցիալական ցանցերի հոգեբանություն



Thom
05.02.2019, 22:00
Վերջին տարիներին սոցիալական տարբեր կայքերի կողքին իր տեղն ա գտել Instagram-ը։ Կարծում եմ, որ բոլորն էլ գիտեն ամեն ինչ Instagram-ի մասին։ Քանի որ ես ցանկացած մարդկային քայլ սիրում եմ վերլուծել հոգեբանության տեսանկյունից, ինձ միշտ հետաքրքրել ա, թե մարդիկ ինչ են ստանում էտ տիրույթում։ Ի՞նչ կապ ունի ինստագրամյան ակտիվությունը նարցիսիզմի, ուրիշների կողմից վալիդացիա ստանալու անհրաժեշտության հետ, ու որքանով ա էտ ամեն ինչը բնութագրում մարդու հոգեբանական կողմը, խնդիրները։
Զուգահեռներ կարելի ա տանել նաև ֆբ-ում ակտիվության հետ։ Ուրախ կլինեմ լսել տարբեր կարծիքներ։



PS. Ֆորումում առաջին քայլերս են, ուստի խնդրում եմ լինել ներողամիտ հնարավոր սխալների հարցում։

Աթեիստ
05.02.2019, 22:52
Ես հուսով եմ էս թեմայում կգրեն, թե ինչ են գտել էդ ցանցում։ Ես վաղուց գրանցված եմ, բայց դեռ չեմ հասկանում, թե ինչ կարա ինձ տա, կամ ընդհանապես ինչ պտի նկարեմ։

Այ, գրեցի, նոր մտքովս անցավ, որ կարելի ա մեքենաների խախտումները գցել :D

ivy
05.02.2019, 22:59
Կարծում եմ, որ բոլորն էլ գիտեն ամեն ինչ Instagram-ի մասին։

Անունը լսել եմ ու գիտեմ, որ մեջը նկարներ են տեղադրում, բայց ավել ծանոթ չեմ։ Ի դեպ, նույնն էլ թվիթերը, էդպես էլ չծանոթացա էդ սոց կայքին։

Յոհաննես
05.02.2019, 23:06
Ես ոնց հասկացա մենք`ակումբցիներս,ահագին հետամնաց մարդիկ դուրս եկանք:Ես անգամ չեմ հիշում գրանցված եմ,թե չէ:
Հ.Գ Ես սոցիալական կայքերից հրաժարվել եմ,սաղ վեշերս հավաքել եկել եմ ակումբ

Progart
05.02.2019, 23:23
։Դ հետաքրքիր ա, ես էլ չկամ ֆբ, twitter, instagram :D

Յոհաննես
05.02.2019, 23:30
։Դ հետաքրքիր ա, ես էլ չկամ ֆբ, twitter, instagram :D

Չեմ հասկանայ քեզ վոր դու էս աղւոր հայերենով ես սկսալ գրել

Progart
05.02.2019, 23:32
Չեմ հասկանայ քեզ վոր դու էս աղւոր հայերենով ես սկսալ գրել

:D չես հասկանայ, որտեւ ես չսկսալ գրել, երեւի զուտ քո աչքը սովորալ արդէն, ազիզ :oy

Lion
05.02.2019, 23:40
Ես ոնց հասկացա մենք`ակումբցիներս,ահագին հետամնաց մարդիկ դուրս եկանք:Ես անգամ չեմ հիշում գրանցված եմ,թե չէ:
Հ.Գ Ես սոցիալական կայքերից հրաժարվել եմ,սաղ վեշերս հավաքել եկել եմ ակումբ

Ես էլ չկամ ու միշտ մտածում եմ՝ կարողա՞ հետամնաց եմ...

Thom
06.02.2019, 00:11
Ես հուսով եմ էս թեմայում կգրեն, թե ինչ են գտել էդ ցանցում։ Ես վաղուց գրանցված եմ, բայց դեռ չեմ հասկանում, թե ինչ կարա ինձ տա, կամ ընդհանապես ինչ պտի նկարեմ։

Այ, գրեցի, նոր մտքովս անցավ, որ կարելի ա մեքենաների խախտումները գցել :D

Հեչ պարտադիր չի, որ օգտվողները պատասխանեն։ Եկեք ուղղակի մտածենք, թե ինչի են իրանք էտ ամեն ինչը անում։ 100ավոր սելֆիներ, հիմնականում նույն դիրքով, տարբեր ուտելիքներ, մարմնի առանջին մասեր և այլն։ Հա, ենթադրենք, հավաքեց 50 կամ 100 լայք։ Ի՞նչ ա դա տալիս իրան։ Ի՞նչն ա իրա բավարարում։ Նույն հարցը տանջում ա ֆբ-ում լայք հավաքելու հարցով տառապող լիքը ֆոտո քցողներին ու "ստատուսագիրներին"։

Thom
06.02.2019, 00:13
Էս ինչ թույն մասսա ա ստեղ հավաքվել, մենակ ինստագրամի բացակայությունը արդեն դրա մասին ա խոսում :hands :hands

PS. Մարդիկ, ովքեր ֆբ-ում ունեն 1000ավոր ընկերներ, դուք էլ ասեք, ոնց ու ինչի համար։

Աթեիստ
06.02.2019, 00:29
Էս ինչ թույն մասսա ա ստեղ հավաքվել, մենակ ինստագրամի բացակայությունը արդեն դրա մասին ա խոսում :hands :hands

PS. Մարդիկ, ովքեր ֆբ-ում ունեն 1000ավոր ընկերներ, դուք էլ ասեք, ոնց ու ինչի համար։

Արի թեման վերանվանեմ «Սոցցանցերի հոգեբանություն» ու ՖԲ-ն էլ ներառենք ։)

Thom
06.02.2019, 00:38
Արի թեման վերանվանեմ «Սոցցանցերի հոգեբանություն» ու ՖԲ-ն էլ ներառենք ։)

Հա, տենց համ էլ ավելի ընդգրկուն կլինի։)

Աթեիստ
06.02.2019, 00:48
Ես 1000-ից ավել ընկեր ունեմ ՖԲ-ում, ու էդ լսարանի հաշվի հարցեր եմ բարձրացնում, որոնք մենակով լուծելը շատ դժվար կլիներ։
Երբ ասենք ՃՈ-ի վատ աշխատանքի մասին գրառում եմ անում, ու դա լիքը մարդ լայքում ա, շատեըր տարածում են, ինքնըստինքյան ՃՈ-ն ավելի ուշադիր ա լինում նման գրառումներին։
Դրա արդյունքն ա, որ ՃՈ պետի մոտ մտա, ինձ ճանաչոււմ էր։

Կամ երեկ Գլոբբինգի մասին քննադատական գրառում էի արել, չերեզներով խնդրել էին գրառումս ջնջել, ես էլ չերեզներով բացատրեցի, որ ձևը տենց չի, թող մտնեն, տակը հարցին պատասխանեն։

Պարզ ա, որ եթե ես գրեմ, ես էլ կարդամ, իրանք էլ ականջի հետև կգցեն։

Կարճ ասած մեծ լսարանը հանրային լավ ուժ ա։ Նիկոլը վկա :D

Thom
06.02.2019, 00:52
Ես ոնց հասկացա մենք`ակումբցիներս,ահագին հետամնաց մարդիկ դուրս եկանք:Ես անգամ չեմ հիշում գրանցված եմ,թե չէ:
Հ.Գ Ես սոցիալական կայքերից հրաժարվել եմ,սաղ վեշերս հավաքել եկել եմ ակումբ

մի ամիս ա ակումբում գրանցվել եմ, ու ակտիվ քննարկումներ շատ քիչ եմ տեսել։ Շատ լավ գաղափար ա հայկական ֆորումը, ափսոս, որ շատ քիչ մարդ կա։ Էն անտանելի ֆբ-ում են նստած, սեփական լայքերն են հաշվում ;)

Յոհաննես
06.02.2019, 00:59
մի ամիս ա ակումբում գրանցվել եմ, ու ակտիվ քննարկումներ շատ քիչ եմ տեսել։ Շատ լավ գաղափար ա հայկական ֆորումը, ափսոս, որ շատ քիչ մարդ կա։ Էն անտանելի ֆբ-ում են նստած, սեփական լայքերն են հաշվում ;)

Ֆբն շատ դրական կողմեր ունի,եթե արդյունավետ օգտագործես,իսկ ակումբում հիմա պասիվ շրջան է,բայց էս էլ կանցնի ;)

Thom
06.02.2019, 01:08
Ես 1000-ից ավել ընկեր ունեմ ՖԲ-ում, ու էդ լսարանի հաշվի հարցեր եմ բարձրացնում, որոնք մենակով լուծելը շատ դժվար կլիներ։
Երբ ասենք ՃՈ-ի վատ աշխատանքի մասին գրառում եմ անում, ու դա լիքը մարդ լայքում ա, շատեըր տարածում են, ինքնըստինքյան ՃՈ-ն ավելի ուշադիր ա լինում նման գրառումներին։
Դրա արդյունքն ա, որ ՃՈ պետի մոտ մտա, ինձ ճանաչոււմ էր։

Կամ երեկ Գլոբբինգի մասին քննադատական գրառում էի արել, չերեզներով խնդրել էին գրառումս ջնջել, ես էլ չերեզներով բացատրեցի, որ ձևը տենց չի, թող մտնեն, տակը հարցին պատասխանեն։

Պարզ ա, որ եթե ես գրեմ, ես էլ կարդամ, իրանք էլ ականջի հետև կգցեն։

Կարճ ասած մեծ լսարանը հանրային լավ ուժ ա։ Նիկոլը վկա :D

Ես ֆբ-ից հենց ճանաչում եմ քեզ, Աթեիստ ջան ։) Չնայած ֆռենդներում չկամ։

Չէ, թեմա բացելու իմ նպատակը ոչ թե ֆբ-ի էտ տիպի կիրառությունն էր, այլ էն, երբ մարդ ինչ-որ հոգեբանական հարցեր ա լուծում։ Ու էտպիսի դեպքեր շատ շատ են։ Միտքը մոտս առաջացավ էս կարճամետրաժը նայելուց հետո։ Նայողները թող կիսվեն ու ասեն, որ ամեն մեկն էլ ինչ-որ սենց նմանություն ունեցող մարդու գիտի կամ նույնիսկ ինքն իրան որոշ չափով կճանաչի։
https://www.youtube.com/watch?v=GXdVPLj_pIk&t=440s

Աթեիստ
06.02.2019, 02:16
Ես ֆբ-ից հենց ճանաչում եմ քեզ, Աթեիստ ջան ։) Չնայած ֆռենդներում չկամ։

Չէ, թեմա բացելու իմ նպատակը ոչ թե ֆբ-ի էտ տիպի կիրառությունն էր, այլ էն, երբ մարդ ինչ-որ հոգեբանական հարցեր ա լուծում։ Ու էտպիսի դեպքեր շատ շատ են։ Միտքը մոտս առաջացավ էս կարճամետրաժը նայելուց հետո։ Նայողները թող կիսվեն ու ասեն, որ ամեն մեկն էլ ինչ-որ սենց նմանություն ունեցող մարդու գիտի կամ նույնիսկ ինքն իրան որոշ չափով կճանաչի։
https://www.youtube.com/watch?v=GXdVPLj_pIk&t=440s

Ուրեմն արդեն գիտես, որ էդ սննդի ու մարմնի մասերի նկարներ չեմ գցում, ու էդ հարցում էս թեմայի հետ կապված բան չեմ կարա ասեմ :D

Ներսես_AM
06.02.2019, 04:52
էդ լայքամուրությունը Ակումբում էլ կար տարիներ առաջ։ Վարկանիշ մուրալը ահագին տարածված էր։ ։Ճ

Adam
06.02.2019, 05:07
instagram-ի անհրաժեշտությունը երբեք չեմ զգացել: Միշտ մտածել եմ. եթե ֆեյսբուքը կա, էլ ինստագրամի իմաստը ո՞րն ա: Երևի թե՝ պարտավորված զգալ՝ ավելի պրոֆեսիոնալ ու որակյալ ֆոտոապարատ առնել ու ավելի որակյալ նկարներ ստանալ: Իսկ twitter-ը երբեք չեմ սիրել՝ իր անշուքության համար: Շատ անշուք տեղ ա: Ու խառը, մի տեսակ, ինչ-որ: Ֆեյսբուքյան հիվանդությամբ տառապում եմ, այո: Բայց ավելի քիչ, քան առաջ: Ֆեյսբուքյան նարցիսիզմը կայանում ա սեփական ինտելեկտը, գեղեցկությունը, cool-ությունն ու կյանքի ոճը ցույց տալու մեջ: Կամ սեփական դեբիլությունը: Նարցիստությունից զատ կա նաև ուրիշների կողմից վալիդացիա ստանալու պահ: Դրա համար մորաքույրս մի անգամ մի առիթով լա՛վ ասեց. «ֆեյսբուքը հիվանդների տեղ ա: Ես ինչի՞ պետք ա իմ ֆոտոները ցույց տամ օտար մարդկանց ու հլը մի հատ էլ լայք ստանամ դրա դիմաց: Ինձ շատ պետք ա՞ ուրիշի ռեակցիան»: Ավաղ՝ բոլորս մորաքրոջս նման չենք մտածում: Ու երբեմն լայքի կարիք ունենք: Ու դա անպայման չի՝ լինի ինքնահաստատվելու համար, այլ ուղղակի ուշադրության արժանանալու: Էն վերևի notification-ի կարմիր լույսը որ վառվում ա ամեն անգամ երբ տեղեկացում ա գալիս՝ իր համապատասխան թվերով. 1, 2, 3 կամ 14՝ ստիպում ա սրտիդ թրթռալ ու բացել տեսնել, թե ով ինչ տիպի ուշադրության ա քեզ արժանացրել: Տխուր ա. շատ տխուր ա մեր՝ ֆեյսբուքից օգտվողներիս վիճակը: Մեր վրա հոգեբանական կայֆեր ա բռնում իլյումինատ Մարկը: Աշխատում եմ որքան հնարավոր ա քչացնեմ օգտագործումս: Ու հասկացել եմ մի բան. deactivate լինել է՛լ չարժի: Որտև հա՛ մտածելու ես reactivate-ի մասին ու էն նրա, թե ինչ ա ներսում կատարվում առանց քեզ: Եթե ուզում ես կտրվես՝ ավելի լավ ա պրոֆիլդ թողես նենց, ոնց որ կա՝ իրա ընկերներով ու էլ ոչինչ չանես: Տենց թողես ու ֆսյո: Մեկ-մեկ մտնես messenger՝ տենաս նամակ ունես, թե չէ ու վերջ:

Progart
06.02.2019, 09:44
instagram-ի անհրաժեշտությունը երբեք չեմ զգացել: Միշտ մտածել եմ. եթե ֆեյսբուքը կա, էլ ինստագրամի իմաստը ո՞րն ա: Երևի թե՝ պարտավորված զգալ՝ ավելի պրոֆեսիոնալ ու որակյալ ֆոտոապարատ առնել ու ավելի որակյալ նկարներ ստանալ:

ուզում էի գրել, որ ֆոտոների առումով էլ հէնց ինստագրամը լաւ չի, որովհետեւ էդ ֆիդի մէջ ընդհանուր չես կարողանում գնահատել։ ես աւելի շատ ֆլիքրն եմ էդ առումով հաւանում, ու էնտեղ մակարդակն աւելի բարձր ա։


Իսկ twitter-ը երբեք չեմ սիրել՝ իր անշուքության համար:

:D այ twitter֊ի հայկական համայնքը որ տենայիր, չէիր ասի անշուք ա :D

Freeman
06.02.2019, 09:56
Եթե թվիթերը կարելի ա սոցիալական ցանց համարել, հիմնականում էդտեղից եմ օգտվում։ Հայկական մասին էդքան էլ ծանոթ չեմ, երևի մի երեք հոգու եմ հետևում ։դ
Ֆբ-ից զզվում եմ բագերի, դանդաղ աշխատելու ու տարրական ֆունկցիաների բացակայության համար, ՎԿ-ն տեխնիկական առումով մի հազար անգամ ավելի լավն ա, երևի օդնոն էլ։ Ուղղակի ծանոթներիցս գրեթե բոլորը էնտեղ կան, դրա համար չեմ ջնջվում։
Ինստագրամում էլ մի քանի նորմալ ալիք կա, տարբեր տեղերից ֆոտոներ են գցում, բայց ես էլ եմ ֆլիքրը հավանում։

Իսկ "լայքամոլության" իմաստը երևի էն ա, որ մարդիկ կայքով գնահատում են քո կերածը/արածը/մտքերը ու բոլորիս էլ դուր ա գալիս, որ մեզ գնահատում են, մինչև որոշակի սահման դրա մեջ վատ բան չեմ տեսնում։

StrangeLittleGirl
06.02.2019, 13:03
Թվիթերը ես էլ եմ նախընտրում մյուսներից։ Դանիական թվիթերի մասին մի բան են ասում. օգտվում են մենակ գիտնականները, լրագրողներն ու քաղաքական գործիչները։ Էդ ա, ինձ ուրիշ բան պետք չի։ Էնտեղ ավելի հետաքրքիր ա, քան ֆբ֊ում։

Տրիբուն
06.02.2019, 14:45
Թվիթերի մաիսն լավ բաներ եմ լսել, ու հիմնականում հետազոտողներից, որ կարաս արագ ռեֆերենսներ գտնես վերջին գրականությանը, հոդվածներին, ռիփորթներին, վիճակագրությանը, լուրերին քո ուզած ոլորտներում։ Բայց մեկա, չեմ գրանցվելու :D Ես էտ ամեն ինչը գտնելու իմ սիստեման ունեմ, ու նորմալ աշխատում ա։

ՖԲ-ի ու Ինստագրամի մասին կարծիքս միշտ նույնն ա եղել, էգոցենտրիզմի բացարձակ դրսևորում ա։ Երբ մարդ իրա նկարները, իրա անելիքները, կյանքը, դեպքերը կամավոր դարձնում ա բոլորին հասանելի ու սպասում ա, որ պիտի արձագանք լինի, ուրմեն ինքը հավատացած ա, որ իրա անձը բոլորին պետք ա հետաքրքիր լինի։ Խույ, ոնց կասեր մեր Ծլնգը, ես սկի իմ ծնունդի օրը չեմ հիշում, հեռախոսիս մեջ էլ մի հինգ նկար ա, ես էլ մեկի վրա կամ թե չկամ ․․․․ոչ ուզում եմ ուրիշների հետ կիսվեմ, ոչ էլ առավել ևս ուզում եմ որ ուրիշները իմ հետ կիսվեն։ :D Ինձ հետաքրքիր մարդիկ միշտ հասանելի են, ես էլ իրանց եմ հասանելի։

Հ․Գ․ Սոցցանցերի կարևորությունը ամեն դեպքում չեմ ժխտում, ոնց կասեր դասականը, Նկոլը վկա։ Բայց որ էտ ցանցերը ահավոր մանիպուլյատիվ ռեսուրս ունեն, էտ էլ պետք ա ընդունել։ Մի ընկեր ունեմ, ասում ա, եթե դավադրությունների տեսություն ես փնտրում, որ ամերիկացիները յանի ռուսների հետ յանի յեվրեյների քավորությամբ խաղեր են տալիս, մուտիտ ա։ Հիմա հինգ հոգի խելոք մարդ կոմպի դեմը կարող ա սաղ աշխարհը մի քանի օրում խառնի իրար։

ivy
06.02.2019, 14:57
Սոց. ցանցերից մենակ Ակումբում եմ մնացել (եթե սա կարելի է սոց. ցանց համարել), մի ֆեյսբուք ունեի, էն էլ դեակտիվացրեցի, մենակ մեսինջերն եմ թողել՝ անհրաժեշտության դեպքում ֆբ կոնտակտների հետ կապ հաստատելու համար:
Մի խոսքով, Ակումբից բացի ուրիշ ոչ մի տեղ չկամ, ու լավն էլ դա է:

Իսկ Ակումբից երևի թե էդպես էլ երբևէ չհրաժարվեմ, ինչքան էլ ներվայնացնող երևույթներ լինեն. տան պես կապված եմ էս վիրտուալ տարածքի հետ: Էլ չասած՝ սերը, հարազատությունն ու պատասխանատվության զգացումը:
Ուրիշ ոչ մի վիրտուալ միջավայրի հանդեպ սենց խորը զգացմունքներ չեմ ունեցել. էս էլ ձեզ «հոգեբանություն» թեմայով :)

Lion
06.02.2019, 17:04
Թվիթերի մաիսն լավ բաներ եմ լսել, ու հիմնականում հետազոտողներից, որ կարաս արագ ռեֆերենսներ գտնես վերջին գրականությանը, հոդվածներին, ռիփորթներին, վիճակագրությանը, լուրերին քո ուզած ոլորտներում։ Բայց մեկա, չեմ գրանցվելու :D Ես էտ ամեն ինչը գտնելու իմ սիստեման ունեմ, ու նորմալ աշխատում ա։

ՖԲ-ի ու Ինստագրամի մասին կարծիքս միշտ նույնն ա եղել, էգոցենտրիզմի բացարձակ դրսևորում ա։ Երբ մարդ իրա նկարները, իրա անելիքները, կյանքը, դեպքերը կամավոր դարձնում ա բոլորին հասանելի ու սպասում ա, որ պիտի արձագանք լինի, ուրմեն ինքը հավատացած ա, որ իրա անձը բոլորին պետք ա հետաքրքիր լինի։ Խույ, ոնց կասեր մեր Ծլնգը, ես սկի իմ ծնունդի օրը չեմ հիշում, հեռախոսիս մեջ էլ մի հինգ նկար ա, ես էլ մեկի վրա կամ թե չկամ ․․․․ոչ ուզում եմ ուրիշների հետ կիսվեմ, ոչ էլ առավել ևս ուզում եմ որ ուրիշները իմ հետ կիսվեն։ :D Ինձ հետաքրքիր մարդիկ միշտ հասանելի են, ես էլ իրանց եմ հասանելի։

Հ․Գ․ Սոցցանցերի կարևորությունը ամեն դեպքում չեմ ժխտում, ոնց կասեր դասականը, Նկոլը վկա։ Բայց որ էտ ցանցերը ահավոր մանիպուլյատիվ ռեսուրս ունեն, էտ էլ պետք ա ընդունել։ Մի ընկեր ունեմ, ասում ա, եթե դավադրությունների տեսություն ես փնտրում, որ ամերիկացիները յանի ռուսների հետ յանի յեվրեյների քավորությամբ խաղեր են տալիս, մուտիտ ա։ Հիմա հինգ հոգի խելոք մարդ կոմպի դեմը կարող ա սաղ աշխարհը մի քանի օրում խառնի իրար։

Մի խոսքով, ով չի սիրում Ակումբը, նեդեմ նրա Ֆեյսբուքը...

Յոհաննես
06.02.2019, 17:38
Ֆբն շատ դրական կողմեր ունի,եթե արդյունավետ օգտագործես,իսկ ակումբում հիմա պասիվ շրջան է,բայց էս էլ կանցնի ;)

Ֆբով գոնե ծնունդս շնորհավորում էին :D

Adam
06.02.2019, 17:41
Ֆբով գոնե ծնունդս շնորհավորում էին :D Ծնունդդ ա՞ … բա ասա շնորհավորենք :))

ivy
06.02.2019, 17:53
Ֆբով գոնե ծնունդս շնորհավորում էին :D

Ֆբ-ն մարդկանց՝ քո անձով հետաքրքված լինելու պատրանքների վրա ա հիմնված. լայքեցին, շեյրեցին, սրտիկեցին, հարյուրներով ծնունդ շնորհավորեցին, էգո-ն ցնծության մեջ ա՝ «ես դեմք եմ»: Ընտիր ալտերնատիվ՝ իրականությանը:
Յոհաննես ջան, բա քեզ պե՞տք են էն շնորհավորանքները, որ նոթիֆիքեյշնների վրա են հիմնած. ում համար որ կարևոր ես, առանց էդ էլ կհիշի ու կշնորհավորի:

Adam
06.02.2019, 17:57
Ֆբ-ն մարդկանց՝ քո անձով հետաքրքված լինելու պատրանքների վրա ա հիմնված. լայքեցին, շեյրեցին, սրտիկեցին, հարյուրներով ծնունդ շնորհավորեցին, էգո-ն ցնծության մեջ ա՝ «ես դեմք եմ»: Ընտիր ալտերնատիվ՝ իրականությանը:
Յոհաննես ջան, բա քեզ պե՞տք են էն շնորհավորանքները, որ նոթիֆիքեյշնների վրա են հիմնած. ում համար որ կարևոր ես, առանց էդ էլ կհիշի ու կշնորհավորի: Ճիշտ ես, Այվ: Դրա համար էլ 10 օր առաջ իմ ծնունդը փակեցի ֆբ-ում: Ու ոչ մեկ էլ չհիշեց ու չշնորհավորեց: Էնքան կայֆ էր :p

Գաղթական
06.02.2019, 18:06
Մի մոռացեք, որ Ինստագրամով մարդիկ շատ մեծ գումարներ են աշխատում՝ կախված ֆոլլոուերների քանակից ))

StrangeLittleGirl
06.02.2019, 19:10
Մի մոռացեք, որ Ինստագրամով մարդիկ շատ մեծ գումարներ են աշխատում՝ կախված ֆոլլոուերների քանակից ))

Էդ ո՞վ :'

Գաղթական
06.02.2019, 19:29
Էդ ո՞վ :'

Կոնկրետ անուններ ե՞ն պետք ))

Որոշ դեպքերում 1 պոստի համար կարելիա մինչև €1000 աշխատել՝ ամեն 10.000 ֆոլլոուերի դեպքում:

Դե հաշիվդ առ..
ասենք Սելենա Գոմեսը 133 մլն ֆոլլոուեր ունի, Ռոնալդուն՝ 121 մլն, մեր Քարտաշյանը՝ 108 մլն, ու տենց...

Smokie
06.02.2019, 20:52
Fb-ում կամ: Միշտ բաց ա Firefox-ումս ու առավոտները հետևում եմ նորություններին` ի՞նչ ստատուսներ կան, ի՞նչ կա-չկա քաղաքում, ինչի՞ց են բողոքում ու ինչի՞ց են գոհ:
Ինստագրամում չկամ ու ես էլ իմաստ չեմ գտնում իմ էնտեղ լինելու մեջ: Իսկ ով էլ կա` իր գործն ա::)
Գրանցվսծ եմ Ok-ում Vk-ում, բայց գրեթե երբեք չեմ հիշում էդ մասին ու չեմ բացում: Գրանցվել էի` զուտ ուրիշ տեղ չճարվող երգի համար: Նա վսյակի պահեցի պրոֆիլներս` լսել էի, որ էնտեղ հնարավոր ա բացառիկ բաներ գտնել, բայց ոչ էլ առանձնապես բզբզացել եմ էդ նպստակով::))

Իսկ իմ Hotel... ըըը Ակումբ California-յից հո էլ ավելի հավանական ա, որ երբեք չեմ հրաժարվի:;)

Thom
06.02.2019, 22:17
Ֆբ-ն մարդկանց՝ քո անձով հետաքրքված լինելու պատրանքների վրա ա հիմնված. լայքեցին, շեյրեցին, սրտիկեցին, հարյուրներով ծնունդ շնորհավորեցին, էգո-ն ցնծության մեջ ա՝ «ես դեմք եմ»: Ընտիր ալտերնատիվ՝ իրականությանը:


Շատ դիպուկ ու հակիրճ բնութագրում էր։


Ֆեյսբուքյան նարցիսիզմը կայանում ա սեփական ինտելեկտը, գեղեցկությունը, cool-ությունն ու կյանքի ոճը ցույց տալու մեջ: Կամ սեփական դեբիլությունը: Նարցիստությունից զատ կա նաև ուրիշների կողմից վալիդացիա ստանալու պահ: Դրա համար մորաքույրս մի անգամ մի առիթով լա՛վ ասեց. «ֆեյսբուքը հիվանդների տեղ ա: Ես ինչի՞ պետք ա իմ ֆոտոները ցույց տամ օտար մարդկանց ու հլը մի հատ էլ լայք ստանամ դրա դիմաց: Ինձ շատ պետք ա՞ ուրիշի ռեակցիան»: Ավաղ՝ բոլորս մորաքրոջս նման չենք մտածում: Ու երբեմն լայքի կարիք ունենք: Ու դա անպայման չի՝ լինի ինքնահաստատվելու համար, այլ ուղղակի ուշադրության արժանանալու: Էն վերևի notification-ի կարմիր լույսը որ վառվում ա ամեն անգամ երբ տեղեկացում ա գալիս՝ իր համապատասխան թվերով. 1, 2, 3 կամ 14՝ ստիպում ա սրտիդ թրթռալ ու բացել տեսնել, թե ով ինչ տիպի ուշադրության ա քեզ արժանացրել: Տխուր ա. շատ տխուր ա մեր՝ ֆեյսբուքից օգտվողներիս վիճակը:

Ինչքան հիշում եմ, ֆբ-ի ստեղծման մասին պատմող ֆիլմում հերոսը՝ նույն ինքը Մարկը, արտահայտում ա տենց մտքեր, թե մարդուն ինչքան հետաքրքիր են կողքինների կյանքը, անձնական հարաբերությունները և այլն։ Ու հիմա ֆբ-ն դարձել ա մի հատ մեծ թակարդ, որի մեջ կամա թե ակամա հայտնվում ես։ Թե ինչ չափով, կախված ա քեզնից ու քո թուլություններից։ Հաճելի ա տեսնել, որ կան մարդիկ, որոնք էս դարում կարողանում են 100%-ով հրաժարվել դրանից, իսկ շատերն էլ օգտագործում են տվյալ գործիքը շատ ավելի արդյունավետ նպատակների համար։
Երբեք չեմ հասկացել ինստագրամի իմաստը։ Ում ա հետաքրքիր, թե ես ինչ հագա, որտեղ անցկացրեցի շաբաթ երեկոն, ինչ կերա նախաճաշին և այլն։ Ֆբ-ն գոնե հարթակ ա ստեղծում որոշակի քննարկումների համար, բայց ինստագրամը․․․․
Ու հա, հոգեբանական խնդիրների հետ կապված։ Էս վերջերս ինչ-որ հոգեբանի հարցազրույց էի կարդում էս թեմայով։ Ինչ-որ հետազոտություններ էին անցկացրել․ պարզվել էր, որ նմանատիպ հոգեբանական խնդիրներ ունեցող մարդկանց ֆբ-ի էջերը շատ նման կոնտենտ ունեն։ Ի՞նչ ա սա նշանակում։ Որ ֆբ-ն առաջացնում ա նարցիսիզմ, անընդհատ վալիդացիա ստանալու չսպառվող պահանջմունք, թե՞ որ ուղղակի ցույց ա տալիս (ընդգծում) մարդու լավ ու վատ կողմերը։

Յոհաննես
06.02.2019, 22:45
Էս երևույթը շատ ավելի խորն է ու հասկանալու համար լուրջ սոցոլոգիական հետազոտություններ են պետք,սա գլոբալ տենդենց է,որը բնորոշ է որոշակի տարիքային խմբի,բայց ներկա պահին սոցիոլոգիան ու մնացած հասարակական գիտությունները էնքան տխուր վիճակում են գտնվում,որ ավելի լավ է ոչ մի բան չանեն:
Ինձ էդ իրենց կյանքի իրադարձություններով կիսվող մարդիկ ընդհանրապես չեն մտահոգել ու էս դեպքում Ինստագրամը չեմ կարծում,որ շատ մեծ բացասական ազդեցություն կարող է ունենալ,բացի էդ կարծում եմ ահագին հետաքրքիր էջեր էլ կլինեն:
Ֆբի դեպքում ամեն ինչ քիչ մը այլ է,քանի որ այստեղ գործ ունենք հսկայական ինֆորմացիոն հոսքի հետ,որը շատ բացասական ազդեցություն կարող է ունենալ ու էդ ինֆորմացիայի կառավարումը,կամ գոնե դրանից զերծ մնալը չափազանց բարդ է:

StrangeLittleGirl
06.02.2019, 23:25
Էս երևույթը շատ ավելի խորն է ու հասկանալու համար լուրջ սոցոլոգիական հետազոտություններ են պետք,սա գլոբալ տենդենց է,որը բնորոշ է որոշակի տարիքային խմբի,բայց ներկա պահին սոցիոլոգիան ու մնացած հասարակական գիտությունները էնքան տխուր վիճակում են գտնվում,որ ավելի լավ է ոչ մի բան չանեն:
Ինձ էդ իրենց կյանքի իրադարձություններով կիսվող մարդիկ ընդհանրապես չեն մտահոգել ու էս դեպքում Ինստագրամը չեմ կարծում,որ շատ մեծ բացասական ազդեցություն կարող է ունենալ,բացի էդ կարծում եմ ահագին հետաքրքիր էջեր էլ կլինեն:
Ֆբի դեպքում ամեն ինչ քիչ մը այլ է,քանի որ այստեղ գործ ունենք հսկայական ինֆորմացիոն հոսքի հետ,որը շատ բացասական ազդեցություն կարող է ունենալ ու էդ ինֆորմացիայի կառավարումը,կամ գոնե դրանից զերծ մնալը չափազանց բարդ է:
Հը՞՞՞՞՞՞՞՞՞՞՞՞՞

StrangeLittleGirl
06.02.2019, 23:42
Կոնկրետ անուններ ե՞ն պետք ))

Որոշ դեպքերում 1 պոստի համար կարելիա մինչև €1000 աշխատել՝ ամեն 10.000 ֆոլլոուերի դեպքում:

Դե հաշիվդ առ..
ասենք Սելենա Գոմեսը 133 մլն ֆոլլոուեր ունի, Ռոնալդուն՝ 121 մլն, մեր Քարտաշյանը՝ 108 մլն, ու տենց...
Էդ ո՞նց :'
Ես գիտեմ, որ լիքը ֆեյքեր կան, որ ֆոլոուեր են հավաքում, հետո էդ ըքաունթը ծախում կոմերցիոն նպատակներով ինստագրամում հայտնված մեկին, ով միանգամից իրա պրոդուկտը կարա հազարների ներկայացնի։ Բայց փող աշխատել ֆոլոուերներո՞վ։ Լավ էլի։

Աթեիստ
07.02.2019, 00:02
Էդ ո՞նց :'
Ես գիտեմ, որ լիքը ֆեյքեր կան, որ ֆոլոուեր են հավաքում, հետո էդ ըքաունթը ծախում կոմերցիոն նպատակներով ինստագրամում հայտնված մեկին, ով միանգամից իրա պրոդուկտը կարա հազարների ներկայացնի։ Բայց փող աշխատել ֆոլոուերներո՞վ։ Լավ էլի։

Հասարակ գովազդով։

Ուլուանա
07.02.2019, 10:42
Սոցիալական ցանցերից մենակ Ֆեյսբուք եմ մտնում, դե, Ակումբը չհաշված, չգիտեմ էլ` ֆորումը սոցիալական ցանց համարվում ա, թե չէ։ Արդեն էնքան մոռացված ու անտեսված հարթակ ա դարձել ֆորումը, որ վիրտուալ հաղորդակցության վերաբերյալ քննարկումներում սովորաբար չի էլ դիտարկվում, կարծես նման հարթակ երբեք գոյություն չի էլ ունեցել... Ինձ ընդհանուր առմամբ Ֆեյսբուքի կարգի սոցիալական ցանցերի ֆորմատը էնքան էլ հոգեհարազատ չի, քանի որ ասոցիացվում ա ամբոխի ու ժխորի հետ, ինչն ինձ համար դիսկոմֆորտի բուն ա։ Թեև ընդհանուր առմամբ կանոնավոր կերպով մտնում եմ Ֆեյսբուք, բայց պարբերաբար ահավոր հոգնում ու զզվում եմ էդ ամբողջ աղմուկից ու մարդաշատությունից, ինքնասևեռվածությունից ու համատարած լայքաորսից, ու որոշ շրջան պասիվանում (չնայած առանձնապես ակտիվ էլ չեմ լինում հիմնականում)։ Էս առումով ֆորումն ինձ ամենահոգեհարազատ հարթակն ա, իր ֆորմատով լրիվ իմն ա, ու ոչ մի սոցիալական ցանց ու կայք ինձ համար չի կարող փոխարինել ֆորումին։ Շատ եմ ափսոսում, որ ֆորումների դարն անցել ա, ու շատերն են ֆորումից հեռանում, հաստատվում Ֆեյսբուքում։

Այնուամենայնիվ, չի կարելի նաև թերագնահատել Ֆեյսբուքի դերն ու ֆունկցիաները. որևէ հարցի վերաբերյալ հնարավորինս արագ ինֆորմացիա ստանալու, ինչպես նաև ինֆորմացիա տարածելու համար, կարծում եմ, Ֆեյսբուքն ամենահարմար ու ամենաարդյունավետ գործիքներից մեկն ա, եթե ոչ հենց ամենան, քանի որ ամենապոպուլյարն ա կարծես. էսօր շատ քիչ մարդկանց կարելի գտնել, որոնք Ֆեյսբուքում գրանցված չեն։

Ինստագրամում վերջերս գրանցվել եմ, բայց միայն էդքանը։ Ոչ մի գործունեություն չեմ ծավալում։ Ճիշտն ասած` մինչև գրանցվելը մի քիչ ուրիշ պատկերացում ունեի էդ կայքի մասին, թե չէ` դժվար թե գրանցվեի. ինձ թվում էր` էնտեղ հիմնականում լուսանկարչությամբ, արվեստով հետաքրքրվողներն են նկարներ դնում, բայց գրանցվելուց հետո տեսա, որ չէ, ով ասես` չկա, ու ինչ նկար ասես` չեն դնում, կարճ ասած` հերթական սելֆիանոց, լրացուցիչ ՖԲ` ավելի քիչ ֆունկցիաներով ու ավելի շատ ինքնագովազդով. եթե ֆբ-ում գոնե ինչ-որ կարևոր ու հետաքրքիր հարցեր են բարձրացվում, քննարկվում, ապա Ինստագրամում կարծես միայն ցուցադրություն ա։ Համենայնդեպս, եթե էնտեղ որոշեմ երբևէ ակտիվ լինել, ապա միայն ստեղծագործական նպատակով կլինի դա. կդնեմ աշխատանքներիս նկարները ու կհետևեմ միայն արվեստի ոլորտի նկարներ դնողներին։ Ոչ մի իմաստ չեմ տեսնում նույն ֆեյսբուքյան ընկերներիս էնտեղ գտնելու ու հետևելու մեջ. լրացուցիչ ժամանակի ու էներգիայի կորուստ ա։

Թվիթերում երբեք չեմ եղել։ Ինչքանով որ լսել եմ ու պատկերացում ունեմ էդ կայքի մասին, ինձ մի տեսակ չի գրավել, չեմ կարծում, թե երբևէ գրանցվեմ։

Վիրտուալ հարթակներից մեկ էլ բլոգն եմ շատ սիրում, բայց դա էլ կարծես սոցիալական կայք չի համարվում։ Էլի ֆորումի պես, ավելի ճիշտ`ֆորումից էլ ավելի խաղաղ միջավայր ա, բայց, ցավոք, ևս մի հարթակ, որի դարն անցել ա։ Այ սենց հետամնաց էլ ապրում ենք` դարն ապրած ու մոռացության մատնված հարթակներ սիրելով ու այցելելով :D։

Հա, քիչ մնաց մոռանամ իմ ամենասիրելի կայքերից մեկը` Pinterest-ը: Էս կայքը մնացած բոլորից առանձնանում ա ինձ համար նրանով, որ էնտեղ իսպառ բացակայում ա հաղորդակցությունը, թեև իր ֆորմատով կարծես միանգամայն համապատասխանում ա սոցիալական ցանցի ֆորմատին։ Չափազանցրած չեմ լինի, եթե ասեմ, որ Pinterest-ն իմ վիրտուալ դրախտն ա` միակ կայքն ա, որտեղ կարելի ա մոռանալ բոլոր, էդ թվում և վիրտուալ տհաճությունների ու ընդհանրապես բացասական ամեն ինչի մասին և խորասուզվել միայն դրական լիցքերի` արվեստի, ստեղծագործականությանը վերաբերող ամենատարբեր նկարների ու նյութերի մեջ։

Վերջում որպես հոգեբանական դիտարկում` ասեմ, որ, իմ կարծիքով, Ֆեյսբուքն ու նմանատիպ սոցիալական կայքերն ընդհանուր առմամբ ավելի հոգեհարազատ են էքստրավերտների համար, քանի որ ավելի անձնակենտրոն են, արագ, ակտիվ, մրցակցության դրդող ու մարդաշատ, իսկ ֆորումներն ու բլոգներն ավելի հոգեհարազատ են ինտրովերտների համար, քանի որ ավելի հանգիստ միջավայրեր են, դանդաղ տեմպով, ավելի մտահայեցողական բնույթի:

Աթեիստ
07.02.2019, 11:01
Վերջում որպես հոգեբանական դիտարկում` ասեմ, որ, իմ կարծիքով, Ֆեյսբուքն ու նմանատիպ սոցիալական կայքերն ընդհանուր առմամբ ավելի հոգեհարազատ են էքստրավերտների համար, քանի որ ավելի անձնակենտրոն են, արագ, ակտիվ, մրցակցության դրդող ու մարդաշատ, իսկ ֆորումներն ու բլոգներն ավելի հոգեհարազատ են ինտրովերտների համար, քանի որ ավելի հանգիստ միջավայրեր են, դանդաղ տեմպով, ավելի մտահայեցողական բնույթի:

ինձ հակառակն ա թվում, էքստրավերտը դրսերում զվռնում ա, ՖԲ-ի հույսին չի մնում։
Իսկ էն մարդը, որ չի սիրում աղմկոտ միջավայր, բայց միևնույն ժամանակ ինքնադրսևորման, արտահայտվելու կարիք ունի, դա կանի հենց սոց.ցանցերում։

Ուլուանա
07.02.2019, 11:08
ինձ հակառակն ա թվում, էքստրավերտը դրսերում զվռնում ա, ՖԲ-ի հույսին չի մնում։
Իսկ էն մարդը, որ չի սիրում աղմկոտ միջավայր, բայց միևնույն ժամանակ ինքնադրսևորման, արտահայտվելու կարիք ունի, դա կանի հենց սոց.ցանցերում։
Ես չեմ էլ ասում, թե ՖԲ-ի հույսին ա. էքստրավերտը հասցնում ա համ դրսերում զվռնել, համ էլ ֆբ-ում տժժալ, դու մի թերագնահատի էքստրավերտների ակտիվությունն ու արագությունը :))։

Ուլուանա
07.02.2019, 11:16
Ֆբ-ն մարդկանց՝ քո անձով հետաքրքված լինելու պատրանքների վրա ա հիմնված. լայքեցին, շեյրեցին, սրտիկեցին, հարյուրներով ծնունդ շնորհավորեցին, էգո-ն ցնծության մեջ ա՝ «ես դեմք եմ»: Ընտիր ալտերնատիվ՝ իրականությանը:
Յոհաննես ջան, բա քեզ պե՞տք են էն շնորհավորանքները, որ նոթիֆիքեյշնների վրա են հիմնած. ում համար որ կարևոր ես, առանց էդ էլ կհիշի ու կշնորհավորի:
Ախր խնդիրն էն ա, որ մեր ժամանաներում արդեն շատ քչերն են փորձում որևէ մեկի ծնունդը մտապահել, քանի որ դրա անհրաժեշտությունը հիմնականում չկա բազմաթիվ վիրտուալ հարթակներից տեղեկացումների շնորհիվ: Ու ստացվում ա, որ իսկապես, եթե հանկարծ վիրտուալ բոլոր միջավայրերից ծնունդդ ջնջես, կարող ա բացի ընտանիքիդ անդամներից, ուրիշ ոչ ոք չհիշի: Ու ինչքան էլ որ սա տխուր ա, հանգամանքները հաշվի առնելով` նեղանալու էլ չի. մարդիկ սովոր են արդեն, որ հիշելու կարիք չկա, ու ոչ ոք պարտավոր չի նկատել, որ դու ջնջել ես ծննդյանդ մասին տեղեկությունը, որ հատուկ փորձեն հիշել, շնորհավորել:

Աթեիստ
07.02.2019, 11:30
Նույնը վերաբերում ա հեռախոսի համարներին։ Անիմաստ ա դարձել համարն անգիր հիշելը։

One_Way_Ticket
07.02.2019, 11:40
Ինձ համար ծնունդ շնորհավորելու հիմնական իմաստը հենց ցույց տալն է, որ հիշում ես։ Թե չէ էն "ամենալավն ու բարին" շաբլոն, մեծ հաշվով անիմաստ խոսքեր են։ Ես ինքս 2014 թվականից միշտ ծննդյանս օրվանից մի քանի օր առաջ այն ջնջում եմ ՖԲ-ից, մի քանի օրից էլի հետ բերում (մնացած ժամանակ ում հետաքրքիր է, թող մտնի, նայի)։ Չհիշողներից բացարձակապես չեմ նեղանում։ Հիշողներից սրտանց շնորհակալ եմ: Ինքս առանձնապես չեմ հետևում ՖԲ-ի հիշեցումներին։ Եթե առանց հիշեցման չէի շնորհավորելու, հիշեցումով էլ չեմ շնորհավորի։

StrangeLittleGirl
07.02.2019, 11:53
Ես չեմ էլ ասում, թե ՖԲ-ի հույսին ա. էքստրավերտը հասցնում ա համ դրսերում զվռնել, համ էլ ֆբ-ում տժժալ, դու մի թերագնահատի էքստրավերտների ակտիվությունն ու արագությունը :))։

Չէ, բայց իրոք համաձայն չեմ հետդ։ Ասենք ֆեյսբուքի առյուծ ճղողներին իրական կյանքում հանդիպում ես, որևէ բառ բերաններից դուրս չի գալիս։

Adam
07.02.2019, 14:37
Համամիտ եմ, որ երկակիության բալանսը միշտ էլ կա ֆեյսբուքյան վարազ կտրողների մեջ: Իրական էքստրովերտների ֆեյսբուքյան պրոֆիլները ամիսներով պասիվության մեջ են…

Յոհաննես
07.02.2019, 15:06
Հը՞՞՞՞՞՞՞՞՞՞՞՞՞
Էս օրիգինալը
http://https://areomagazine.com/2018/10/02/academic-grievance-studies-and-the-corruption-of-scholarship/ (https://areomagazine.com/2018/10/02/academic-grievance-studies-and-the-corruption-of-scholarship/)
Էս ռուսերեն վերսիան
https://inosmi.ru/science/20181011/243440625.html
https://inosmi.ru/science/20181012/243451148.html
Էս կարճ-համառոտ
https://22century.ru/society/70574

StrangeLittleGirl
07.02.2019, 15:56
Էս օրիգինալը
http://https://areomagazine.com/2018/10/02/academic-grievance-studies-and-the-corruption-of-scholarship/ (https://areomagazine.com/2018/10/02/academic-grievance-studies-and-the-corruption-of-scholarship/)
Էս ռուսերեն վերսիան
https://inosmi.ru/science/20181011/243440625.html
https://inosmi.ru/science/20181012/243451148.html
Էս կարճ-համառոտ
https://22century.ru/society/70574
Ես սա տեսել եմ։ Կոնկրետ էս դեպքով մի խումբ գիտնականներ, որոնք նույն հասարակական գիտություններն են ներկայացնում ընդամենը կոնկրետ բան են ցույց տվել։ Սենց լյապսեր բնական գիտություններում էլ են լինում, հոդված ա հետ կանչվում և այլն, բայց դրանից բնական գիտությունները զիբիլ չեն դառնում։ Նենց որ ճիշտ չի հիմնվելով մենակ մի սենց դեպքի վրա՝ հարյուր հազարավոր մարդկանց աշխատանքը զրոյի հավասարացնելը։

Յոհաննես
07.02.2019, 17:14
Ես սա տեսել եմ։ Կոնկրետ էս դեպքով մի խումբ գիտնականներ, որոնք նույն հասարակական գիտություններն են ներկայացնում ընդամենը կոնկրետ բան են ցույց տվել։ Սենց լյապսեր բնական գիտություններում էլ են լինում, հոդված ա հետ կանչվում և այլն, բայց դրանից բնական գիտությունները զիբիլ չեն դառնում։ Նենց որ ճիշտ չի հիմնվելով մենակ մի սենց դեպքի վրա՝ հարյուր հազարավոր մարդկանց աշխատանքը զրոյի հավասարացնելը։
Բյուր,լավ էլի,էն որ իրոք լավ էլի :Դ
Կներես իհարկե,որ մի քիչ անձնական դաշտ եմ տեղափոխում զրույցը,բայց դե ախր դու հիմնականում մի դեպքի վրա էնպես վստահ ու հաստատուն կարծիքս ես արտահայտում,որ մարմինս փշաքաղվում է ու էդ կարծիքդ ներկայացնում ես որպես օբյեկտիվ ճշմարտություն,իսկ ես,որ ներկայացնում եմ ահագին լուրջ հետազոտություն,որի հիման վրա կարելի է որոշակի եզրակացություններ անել ներկայիս հասրարական գիտությունների մասին,էդ դառնում է չհիմնավորված կարծիք :))

ներկա պահին սոցիոլոգիան ու մնացած հասարակական գիտությունները էնքան տխուր վիճակում են գտնվում,որ ավելի լավ է ոչ մի բան չանեն:
Այ էստեղ քիչ մը կոպիտ եմ արտահայտվել,բայց ես հարյուր հազարավոր մարդկանց աշխատանքը զրոյին չեմ հավասարացնում,հենց դու էլ նշեցիր,որ էս հետազոտության հեղինակները հասրակական գիտությունների ներկայացուցիչներ են:Միանշանակ,կան շատ թույն դեմքեր ու լուրջ աշխատանք են կատարում,բայց ՀԳ-ի ընդհանուր վիճակը մտահոգիչ է ու էս հետազոտությունը էդ չափազանց լավ է ներկայացնում: :)

StrangeLittleGirl
07.02.2019, 17:41
Բյուր,լավ էլի,էն որ իրոք լավ էլի :Դ
Կներես իհարկե,որ մի քիչ անձնական դաշտ եմ տեղափոխում զրույցը,բայց դե ախր դու հիմնականում մի դեպքի վրա էնպես վստահ ու հաստատուն կարծիքս ես արտահայտում,որ մարմինս փշաքաղվում է ու էդ կարծիքդ ներկայացնում ես որպես օբյեկտիվ ճշմարտություն,իսկ ես,որ ներկայացնում եմ ահագին լուրջ հետազոտություն,որի հիման վրա կարելի է որոշակի եզրակացություններ անել ներկայիս հասրարական գիտությունների մասին,էդ դառնում է չհիմնավորված կարծիք :))

Յոհան ջան, դա ահագին լուրջ հետազոտություն չի, մի կոնկրետ հոդվածի պատմություն ա։ Սենց բաներ լինում են նաև բնական գիտություններում, էլի եմ կրկնում։ Նույն էն աուտիզմի ու վակցինացիայի զիբիլ հոդվածը, որ վաղուց արդեն ժուռնալից հանվել ա, բայց անտիվաքսերը գնալով ավելի բարձր են գոռում։
Շատ կներես, բայց ես երբեք մի դեպքի հիման վրա կարծիք չեմ հայտնում։ Իմ մասնագիտությունն ա դատա հավաքելը։ Իսկ տվյալ դեպքում դատա չկա։


Այ էստեղ քիչ մը կոպիտ եմ արտահայտվել,բայց ես հարյուր հազարավոր մարդկանց աշխատանքը զրոյին չեմ հավասարացնում,հենց դու էլ նշեցիր,որ էս հետազոտության հեղինակները հասրակական գիտությունների ներկայացուցիչներ են:Միանշանակ,կան շատ թույն դեմքեր ու լուրջ աշխատանք են կատարում,բայց ՀԳ-ի ընդհանուր վիճակը մտահոգիչ է ու էս հետազոտությունը էդ չափազանց լավ է ներկայացնում: :)
Ընդհանուր վիճակը, էլի եմ ասում, մտահոգիչ չի։ Կա replicability crisis, կա տեղային գիտության որակի խնդիր (այսինքն, էն ինչ միջազգային հարթակ չի հասնում, սովորաբար լավը չի), կան տարբեր տեսակի այլ խնդիրներ հասարակական գիտություններում, բայց ընդհանուր վիճակը մտահոգիչ չի, այսինքն նենց չի էլի, որ լավ ժուռնալում տպագրված կամայական հասարակագիտական հոդվածի մասին կարաս ասես՝ քըխ ա։ Ես սա ասում եմ ինքս էդ ոլորտում աշխատելով ու տեսնելով մյուսների աշխատանքային էթիկան ու մեթոդաբանությունը։

Էս ա, քեզ հասարակական գիտությունների լավ ու թարմաշխատանքի մի օրինակ (https://www.nature.com/articles/s41598-018-36076-x)։
Էս էլ սոցիալ մեդիայի (https://www.nature.com/articles/s41562-018-0510-5)մասին։

Յոհաննես
07.02.2019, 21:41
Յոհան ջան, դա ահագին լուրջ հետազոտություն չի, մի կոնկրետ հոդվածի պատմություն ա։ Սենց բաներ լինում են նաև բնական գիտություններում, էլի եմ կրկնում։ Նույն էն աուտիզմի ու վակցինացիայի զիբիլ հոդվածը, որ վաղուց արդեն ժուռնալից հանվել ա, բայց անտիվաքսերը գնալով ավելի բարձր են գոռում։
Շատ կներես, բայց ես երբեք մի դեպքի հիման վրա կարծիք չեմ հայտնում։ Իմ մասնագիտությունն ա դատա հավաքելը։ Իսկ տվյալ դեպքում դատա չկա։


Ընդհանուր վիճակը, էլի եմ ասում, մտահոգիչ չի։ Կա replicability crisis, կա տեղային գիտության որակի խնդիր (այսինքն, էն ինչ միջազգային հարթակ չի հասնում, սովորաբար լավը չի), կան տարբեր տեսակի այլ խնդիրներ հասարակական գիտություններում, բայց ընդհանուր վիճակը մտահոգիչ չի, այսինքն նենց չի էլի, որ լավ ժուռնալում տպագրված կամայական հասարակագիտական հոդվածի մասին կարաս ասես՝ քըխ ա։ Ես սա ասում եմ ինքս էդ ոլորտում աշխատելով ու տեսնելով մյուսների աշխատանքային էթիկան ու մեթոդաբանությունը։

Էս ա, քեզ հասարակական գիտությունների լավ ու թարմաշխատանքի մի օրինակ (https://www.nature.com/articles/s41598-018-36076-x)։
Էս էլ սոցիալ մեդիայի (https://www.nature.com/articles/s41562-018-0510-5)մասին։
Իմ շատ սիրելի Բյուր,խոսքը մի հոդվածի մասին չէ,ուղղակի էդ հոդվածներից մեկը շատ բարձր գնահտականի է արժանացել ու ժուռնալի 25 տարվա պատմության լավագույն 12 հոդվածներից մեկն է ճանաչվել :Դ Էդ հոդվածն էն մասին էր,որ տղամարդկանց պետք է շան նման վարժեցնել :D հետո ասում է,որ եթե ձեռնաշարժության ընթացքում մտածում ես մի կնոջ մասին առանց իրա համաձայնության էդ սեռական բռնությունա համարվում :D ու սրանցից բեթար հոդվածներ էլ են եղել,որոնք հրատարակվել են բարձր վարկանիշ ունեցող ժուռնալներում:Հետո էս հետազոտությունը մոտ մի տարի է տևել:Քո թույլտվությամբ,ես էս լուրջ հետազոտություն կհամարեմ: :oy
Նորից ասեմ,ես համաձայն եմ որ ոլորտի լիքը ներկայացուցիչներ լուրջ աշխատանք են կատարում,բայց երբ խոսքը գնում է ընդհանուր գնահատական տալու մասին ամեն ինչ պետք է հաշվի առնել ու եթե էս ոլորտում այ սենց խելքից մտքից դուրս հոդվածները հրատարակվում են,ապա կարծում եմ,որ իմ ասածը մեղմ ասած խելքին մոտա :oy

StrangeLittleGirl
07.02.2019, 22:18
Իմ շատ սիրելի Բյուր,խոսքը մի հոդվածի մասին չէ,ուղղակի էդ հոդվածներից մեկը շատ բարձր գնահտականի է արժանացել ու ժուռնալի 25 տարվա պատմության լավագույն 12 հոդվածներից մեկն է ճանաչվել :Դ Էդ հոդվածն էն մասին էր,որ տղամարդկանց պետք է շան նման վարժեցնել :D հետո ասում է,որ եթե ձեռնաշարժության ընթացքում մտածում ես մի կնոջ մասին առանց իրա համաձայնության էդ սեռական բռնությունա համարվում :D ու սրանցից բեթար հոդվածներ էլ են եղել,որոնք հրատարակվել են բարձր վարկանիշ ունեցող ժուռնալներում:Հետո էս հետազոտությունը մոտ մի տարի է տևել:Քո թույլտվությամբ,ես էս լուրջ հետազոտություն կհամարեմ: :oy
Նորից ասեմ,ես համաձայն եմ որ ոլորտի լիքը ներկայացուցիչներ լուրջ աշխատանք են կատարում,բայց երբ խոսքը գնում է ընդհանուր գնահատական տալու մասին ամեն ինչ պետք է հաշվի առնել ու եթե էս ոլորտում այ սենց խելքից մտքից դուրս հոդվածները հրատարակվում են,ապա կարծում եմ,որ իմ ասածը մեղմ ասած խելքին մոտա :oy
Ուֆ դե եքա պատասխանեցի, կորավ գրառումս։ Վերջը, ասում եմ՝ հասարակական գիտությունների հետևից ընկածներ շատ կան, ու եթե էդքան պրոբլեմատիկ լիներ, ամեն օր մի նոր սենց բացահայտում կլսեինք։ Բայց էս դեպքն ա, մեկ էլ մի երկու ավելի վաղուցվա դեպք կա ու վերջ։ Նենց որ սա մի կաթիլ ա հսկայական օվկիանոսում։

Thom
08.02.2019, 02:07
Վերջում որպես հոգեբանական դիտարկում` ասեմ, որ, իմ կարծիքով, Ֆեյսբուքն ու նմանատիպ սոցիալական կայքերն ընդհանուր առմամբ ավելի հոգեհարազատ են էքստրավերտների համար, քանի որ ավելի անձնակենտրոն են, արագ, ակտիվ, մրցակցության դրդող ու մարդաշատ, իսկ ֆորումներն ու բլոգներն ավելի հոգեհարազատ են ինտրովերտների համար, քանի որ ավելի հանգիստ միջավայրեր են, դանդաղ տեմպով, ավելի մտահայեցողական բնույթի:
Հետաքրքիր դիտարկում ա, չնայած որ վիճելի էլ ա։ Ֆբ-ն էնքան լավ ա մտածված, որ թե ինտրովերտի, թե էքստրովերտի համար շատ լավ միջոց ա ինչ-ինչ նպատակների հասնելու համար։ Էքստրավերտը ինքնացուցադրման, վերևում արդեն քննարկված "ես դեմք եմ"-ին հասնելու համար, ինտրովերտին էլ՝ նոր շփումների, ավելի ազատ միջավայրի համար։

Հա, ի դեպ, նկատել եք, որ ֆեյսբուքի հայկական տիրույթում լավ մոդայիկ ա դարձել ինքն իրան ինտրովերտ համարելը։ Չգիտեմ, թե ինչի, բայց տենց տենդենց եմ նկատում։

Յոհաննես
08.02.2019, 03:08
Հետաքրքիր դիտարկում ա, չնայած որ վիճելի էլ ա։ Ֆբ-ն էնքան լավ ա մտածված, որ թե ինտրովերտի, թե էքստրովերտի համար շատ լավ միջոց ա ինչ-ինչ նպատակների հասնելու համար։ Էքստրավերտը ինքնացուցադրման, վերևում արդեն քննարկված "ես դեմք եմ"-ին հասնելու համար, ինտրովերտին էլ՝ նոր շփումների, ավելի ազատ միջավայրի համար։

Հա, ի դեպ, նկատել եք, որ ֆեյսբուքի հայկական տիրույթում լավ մոդայիկ ա դարձել ինքն իրան ինտրովերտ համարելը։ Չգիտեմ, թե ինչի, բայց տենց տենդենց եմ նկատում։

Ֆբի հայկական տիրույթը մի քանի շերտ ունի,բայց հա էն <<էքզիստենցիալների>> մոտ ինտրովերտ լինելը խիստ ցանկալի է :))

Ուլուանա
08.02.2019, 07:05
Հետաքրքիր դիտարկում ա, չնայած որ վիճելի էլ ա։ Ֆբ-ն էնքան լավ ա մտածված, որ թե ինտրովերտի, թե էքստրովերտի համար շատ լավ միջոց ա ինչ-ինչ նպատակների հասնելու համար։ Էքստրավերտը ինքնացուցադրման, վերևում արդեն քննարկված "ես դեմք եմ"-ին հասնելու համար, ինտրովերտին էլ՝ նոր շփումների, ավելի ազատ միջավայրի համար։
Դե, ես չասեցի, թե միանշանակ ա դա, դրա համար էլ գրել էի` ընդհանուր առմամբ: Որպես գործիք կոնկրետ գործնական նպատակների համար` բնականաբար, բոլորի համար էլ հարմար ա, բայց զուտ շփման առումով ես որոշակիորեն նախընտրում եմ ֆորումն ու բլոգը, իսկ ՖԲ-ում հեչ էլ ինձ ազատ չեմ զգում, հակառակը` ամեն անգամ մի բան գրելիս էնպիսի զգացողություն եմ ունենում, կարծես ամբոխի առաջ ելույթ ունենալիս լինեմ, իսկ դա ինձ համար ամենաանհարմար բաներից մեկն ա, ուղղակի ցանկացած բան էլ շատ անելիս սովորում ես ինչ-որ չափով: Ինձ, օրինակ, ահագին ժամանակ էր պետք, որ ինձ հոգեպես պատրաստեմ առաջին անգամ ստատուս գրելուն: Նույնը լինում ա, երբ երկար ժամանակ ստատուս գրած չեմ լինում, ու մեկ էլ ուզում եմ գրել, այսինքն` արդեն սկսում եմ կոմպլեքսավորվել: Նման դեպքերում ինձ թվում ա` մի դահլիճ մարդիկ աչքները պլշած ինձ են տնտղում: :D Իսկ մի՞թե դրանից ավելի սարսափելի բան կա աշխարհում :D: Մինչդեռ ֆորումում կամ բլոգում էդպիսի զգացողություն չեմ ունենում: Սա հետաքրքիր ա էն առումով, որ տեսականորեն ֆորումն ավելի շատ մարդիկ կարող են մտնել ու կարդալ, քան Ֆեյսբուքը: Ֆեյսբուքում գոնե կարող ես մոտավորապես իմանալ, թե ովքեր են կարդալու կամ ցանկության դեպքում էնպես անել, որ միայն քո ուզած մարդիկ կարդան, իսկ ֆորումում էդ հնարավորությունը չկա, բայց չնայած դրան` էստեղ մի տեսակ ավելի հանգիստ եմ ինձ զգում ու էն զգացողությունը չեմ ունենում, որ բազմաթիվ տնտղող հայացքներ են վրաս հառված: Բացառություններ լինում են, իհարկե, երբ էդպես եմ զգում, բայց հիմնականում էդպես չի:


Հա, ի դեպ, նկատել եք, որ ֆեյսբուքի հայկական տիրույթում լավ մոդայիկ ա դարձել ինքն իրան ինտրովերտ համարելը։ Չգիտեմ, թե ինչի, բայց տենց տենդենց եմ նկատում։
Էդ մոտավորապես նույնն ա, ինչ էն, որ շատերն ասում են` հիմա մոդայիկ լինելու համար շատերը գեյ են ձևանում :)): Ես մի տեսակ չեմ պատկերացնում, էլի, որ մարդն, էքստրավերտ լինելով, փորձի ինտրովերտ ձևանալ: Ի դեպ, ինտրովերտ-շքերթներ կարծեմ դեռ չկան, չէ՞ :)): Չնայած էն օրը մի հոդված էի կարդում ինտրովերտների թեմայով, հեղինակն ասում էր, որ արժե նման շքերթներ կազմակերպել, բողոքել, թե ինչու ա աշխարհը հարմարեցված էքստրավերտներին, ոչ թե ինտրովերտներին, ու որ ինտրովերտների իրավունքները երբեք պաշտպանված չեն եղել, ինտրովերտները միշտ ստիպված են եղել թաքցնելու, ճնշելու իրենց իսկական բնույթը, որպեսզի կարողանան գոյատևել էքստրավերտների աշխարհում, բայց որ ինքը հավատում ա, որ մի օր ինտրովերտների շարժում էլ կբռնկվի, ինչպես որ ֆեմինիզմն ու սեքսուալ հեղափոխությունն են եղել ժամանակին: Մի խոսքով` մի բողոքեք, գոհ եղեք, որ դեռ շքերթներ չենք անում :P:

StrangeLittleGirl
08.02.2019, 13:29
Հետաքրքիր դիտարկում ա, չնայած որ վիճելի էլ ա։ Ֆբ-ն էնքան լավ ա մտածված, որ թե ինտրովերտի, թե էքստրովերտի համար շատ լավ միջոց ա ինչ-ինչ նպատակների հասնելու համար։ Էքստրավերտը ինքնացուցադրման, վերևում արդեն քննարկված "ես դեմք եմ"-ին հասնելու համար, ինտրովերտին էլ՝ նոր շփումների, ավելի ազատ միջավայրի համար։

Հա, ի դեպ, նկատել եք, որ ֆեյսբուքի հայկական տիրույթում լավ մոդայիկ ա դարձել ինքն իրան ինտրովերտ համարելը։ Չգիտեմ, թե ինչի, բայց տենց տենդենց եմ նկատում։
Սաղ հարցն էն ա, որ հենց ինտրովերտն ինքնացուցադրման մեծ պահանջ ունի, իսկ ֆեյսբուքը ազատ տարածք ա, չես տեսնում մարդկանց դեմքի արտահայտությունները։ Էքստրավերտն ինքն իր անձի վրա էդքան տարած չի։

Thom
08.02.2019, 20:53
Ֆբի հայկական տիրույթը մի քանի շերտ ունի,բայց հա էն <<էքզիստենցիալների>> մոտ ինտրովերտ լինելը խիստ ցանկալի է :))
աաա :D Ես մի քանի հոգու պրոֆիլ հիշեցի արդեն մի վայրկյանում։


Էդ մոտավորապես նույնն ա, ինչ էն, որ շատերն ասում են` հիմա մոդայիկ լինելու համար շատերը գեյ են ձևանում :)): Ես մի տեսակ չեմ պատկերացնում, էլի, որ մարդն, էքստրավերտ լինելով, փորձի ինտրովերտ ձևանալ: Ի դեպ, ինտրովերտ-շքերթներ կարծեմ դեռ չկան, չէ՞ :)): Չնայած էն օրը մի հոդված էի կարդում ինտրովերտների թեմայով, հեղինակն ասում էր, որ արժե նման շքերթներ կազմակերպել, բողոքել, թե ինչու ա աշխարհը հարմարեցված էքստրավերտներին, ոչ թե ինտրովերտներին, ու որ ինտրովերտների իրավունքները երբեք պաշտպանված չեն եղել, ինտրովերտները միշտ ստիպված են եղել թաքցնելու, ճնշելու իրենց իսկական բնույթը, որպեսզի կարողանան գոյատևել էքստրավերտների աշխարհում, բայց որ ինքը հավատում ա, որ մի օր ինտրովերտների շարժում էլ կբռնկվի, ինչպես որ ֆեմինիզմն ու սեքսուալ հեղափոխությունն են եղել ժամանակին: Մի խոսքով` մի բողոքեք, գոհ եղեք, որ դեռ շքերթներ չենք անում :P:

Չգիտեմ՝ ձևանում են, թե չէ․․․բայց փաստը էն ա, որ մարդու էջը մտնում ես, տարբեր տեղերում ինքը հպարտորեն հա շեշտում ա, թե բա "ես ինտրովերտ եմ"։ Գեյ ձևանալու մոդան մի քիչ ծանր հետևանքներ կարա ունենա հայաստանյան իրականության մեջ, չեմ կարծում, որ նման ռիսկի գնացող կլինի :D
Իսկ ի՞նչ ա նշանակում՝ ինտրովերտների իրավունքները երբեք պաշտպանված չեն եղել, ինտրովերտները միշտ ստիպված են եղել թաքցնելու, ճնշելու իրենց իսկական բնույթը, որպեսզի կարողանան գոյատևել էքստրավերտների աշխարհում։ Տպավորություն էր, որ էս նախադասությունում ինտրովերտ բառի տեղը հենց "գեյ" բառը պետք ա լիներ։ :D


Սաղ հարցն էն ա, որ հենց ինտրովերտն ինքնացուցադրման մեծ պահանջ ունի, իսկ ֆեյսբուքը ազատ տարածք ա, չես տեսնում մարդկանց դեմքի արտահայտությունները։ Էքստրավերտն ինքն իր անձի վրա էդքան տարած չի։
Վստահ չէի լինի, որ էքստրավերտը իր անձի վրա տարած չի։ Օրինակ, նարցիսիզմ ունեցող մարդը, ըստ երևույթին, պետք ա լինի էքստրավերտ շրջապատից վալիդացիա ստանալու համար։ Իսկ ինտրովերտին սեփական անձի վրա տարած համարելը մի քիչ շատ կոպիտ ա հնչում :D , ուղղակի ցանկացած երևույթ ավելի շատ վերլուծության կարիք կա։

Ուլուանա
08.02.2019, 22:55
Չգիտեմ՝ ձևանում են, թե չէ․․․բայց փաստը էն ա, որ մարդու էջը մտնում ես, տարբեր տեղերում ինքը հպարտորեն հա շեշտում ա, թե բա "ես ինտրովերտ եմ"։ Գեյ ձևանալու մոդան մի քիչ ծանր հետևանքներ կարա ունենա հայաստանյան իրականության մեջ, չեմ կարծում, որ նման ռիսկի գնացող կլինի :D
Հա, բան չունեմ ասելու, գուցե կան տենց մարդիկ, բայց իմ աչքով ավելի շատ ընկել են էդպիսի մարդկանց մասին քննադատություններ, քան հենց էդպիսի մարդիկ :)):
Ես չեմ էլ ասել, թե գեյ ձևացողներ կան, ասում եմ, որ շատ են տենց ասողները, որ, իբր, մոդայի համար շատերը ձևանում են:


Իսկ ի՞նչ ա նշանակում՝ ինտրովերտների իրավունքները երբեք պաշտպանված չեն եղել, ինտրովերտները միշտ ստիպված են եղել թաքցնելու, ճնշելու իրենց իսկական բնույթը, որպեսզի կարողանան գոյատևել էքստրավերտների աշխարհում։ Տպավորություն էր, որ էս նախադասությունում ինտրովերտ բառի տեղը հենց "գեյ" բառը պետք ա լիներ։ :D
Դե, էն իմաստով, որ կյանքի ռիթմը, դրվածքները, կարելի ա ասել` ամեն ինչն իրականում հարմարեցված ա էքստրավերտներին, իսկ ինտրովերտները դրանցից շատերին ստիպված են լինում հարմարվել, օրինակ` գնալ բազմամարդ հավաքույթների, երբ կգերադասեին չգնալ, շփվել լիքը մարդկանց հետ, երբ իրականում կգերադասեին չշփվել, հետևել բազմաթիվ ու բազմազան սոցիալական նորմերի, որոնք իրանց ընկալմամբ աբսուրդ են ու դիսկոմֆորտի բուն, բայց եթե չհետևեն, իրենց անքաղաքավարի, անշնորհք կհամարեն կամ առնվազն տարօրինակ: Չեմ կարծում, թե որևէ մեկը վիճի, որ աշխարհն ավելի շատ էքստրավերտներին ա հարմարեցված, քան ինտրովերտներին: Այլ հարց ա, թե դա ինչքանով ա արդարացված կամ չարդարացված, բայց փաստ ա, որ տենց ա:


Վստահ չէի լինի, որ էքստրավերտը իր անձի վրա տարած չի։ Օրինակ, նարցիսիզմ ունեցող մարդը, ըստ երևույթին, պետք ա լինի էքստրավերտ շրջապատից վալիդացիա ստանալու համար։ Իսկ ինտրովերտին սեփական անձի վրա տարած համարելը մի քիչ շատ կոպիտ ա հնչում :D , ուղղակի ցանկացած երևույթ ավելի շատ վերլուծության կարիք կա։
Էքստրավերտների բնութագրի ամենատիպիկ կողմերից մեկը հենց ուշադրության պահանջն ա, իսկ ինտրովերտները` հակառակը` սովորաբար խուսափում են ուշադրությունից: Բյուրի գրածը շատ տարօրինակ էր, ճիշտն ասած...

Տրիբուն
08.02.2019, 23:35
Էս հեղափոխության օրերին մամայիս մի հատ օգտագործած այֆոն տվեցինք, կինս էլ վրեն ֆեյսբուք քաշեց, որ մամաս կարանա յանի հետևի պրոցեսներին։ Հիմա չենք կարում ձեռից հետ առնենք :D Արա սաղ օրը ֆեյսբուքի մեջ ա, ինչ կա ծերից ծեր նայում ա, պրիտոմ բարձր ձենով :D Արդեն խելագարվում ենք, բայց բան չենք կարում ասենք։ Մեր տան մեջ արդեն մի յոթ անգամ հեղափոխությունը զրոյից արել ենք։ Էսօր չդիմացա, ասեցի, մա, սքայփով գործով բան ունեմ խոսալու, դրա ձենը անջատի, չերեզ չորս պատ աղմուկ ա։ Նեղացավ ախպեր ․․․ հիմա հետս չի խոսում։

Ես էտ ֆեյսբուք սարքողի էն մերը ․․․․

StrangeLittleGirl
09.02.2019, 16:32
Վստահ չէի լինի, որ էքստրավերտը իր անձի վրա տարած չի։ Օրինակ, նարցիսիզմ ունեցող մարդը, ըստ երևույթին, պետք ա լինի էքստրավերտ շրջապատից վալիդացիա ստանալու համար։ Իսկ ինտրովերտին սեփական անձի վրա տարած համարելը մի քիչ շատ կոպիտ ա հնչում :D , ուղղակի ցանկացած երևույթ ավելի շատ վերլուծության կարիք կա։
Ես մի քիչ ուրիշ բան նկատի ունեի։ Նարցիսիստները կարան թե՛ ինտրովերտ լինեն, թե՛ էքստրավերտ։
Ինտրովերտի ինտրովերտության պատճառներից մեկն էն ա, որ ինքը չափից դուրս շատ ա անհանգստացած, թե շրջապատում ով ինչ մտածեց իր մասին, ով ինչ նկատեց։ Քանի որ շատերն իրենց բնույթով պերֆեկցիոնիստ են, նախընտրում են որևէ բան չասել, քան ասել ու հիմար էրևալ։ Էքստրավերտներն էդքան չեն կենտրոնանում իրանց թողած տպավորությամբ։ Ու էս առումով էքստրավերտները խնդիր չունեն դուրս գալու, աշխարհում մարդկանց հետ շփվելու, իրանց ուզած ուշադրությունը ստանալու, իսկ ինտրովերտների համար սոցիալական ցանցերը շատ լավ հարթակ են մտքերը դիպուկ ձևակերպելու կամ իրանց անձը նենց ներկայացնելու, որ համապատասխանի իրանց պերֆեկցիոնիստական հակումներին։

Adam
10.02.2019, 06:12
Բյուր, բայց տարօրինակն էն ա, որ իմ մոտ կողմեր կան, որ կարան մտնեն քո ասած երկու կատեգորիաների մեջ է՛լ միաժամանակ: Օրինակ՝ ես արդեն չեմ հասկանում՝ ես ինտրովերտ եմ, թե էքստրովերտ: Մարդ կարա՞ երկուսն էլ լինի ըստ շրջանի՞: Ես միշտ ինձ պերֆեկցիոնիստ եմ համարել ամեն ինչում, բայց մարդկանց կարծիքներն էդ աստիճանի սրտին մոտիկ չեմ ընդունում ու մի քիչ էլ «թքողականություն» կա մեջս: Ո՞նց կարելի ա բնորոշել էս երևույթը: Ես սիրում եմ ուշադրության արժանանալ, բայց որ չեմ արժանանում՝ պոֆիգիստ եմ: Ու հիվանդագին աստիճանի հասնող պերֆեկցիոնիստ, բայց ուշադրություն. պերֆեկցիոնիստ աշխատանքի՛ վերաբերյալ և կամ ինչ-որ մի բան սովորելու, այլ ոչ՝ հասարակության մեջ ինձ դրսևորելու ու դուր գալու:

Thom
10.02.2019, 13:19
Դե, էն իմաստով, որ կյանքի ռիթմը, դրվածքները, կարելի ա ասել` ամեն ինչն իրականում հարմարեցված ա էքստրավերտներին, իսկ ինտրովերտները դրանցից շատերին ստիպված են լինում հարմարվել, օրինակ` գնալ բազմամարդ հավաքույթների, երբ կգերադասեին չգնալ, շփվել լիքը մարդկանց հետ, երբ իրականում կգերադասեին չշփվել, հետևել բազմաթիվ ու բազմազան սոցիալական նորմերի, որոնք իրանց ընկալմամբ աբսուրդ են ու դիսկոմֆորտի բուն, բայց եթե չհետևեն, իրենց անքաղաքավարի, անշնորհք կհամարեն կամ առնվազն տարօրինակ: Չեմ կարծում, թե որևէ մեկը վիճի, որ աշխարհն ավելի շատ էքստրավերտներին ա հարմարեցված, քան ինտրովերտներին: Այլ հարց ա, թե դա ինչքանով ա արդարացված կամ չարդարացված, բայց փաստ ա, որ տենց ա:

Իսկ եթե սրան նայենք հակառակ կողմից․․․ Նույն ձև կարելի ա պնդել, որ էքստրավերտները ուղղակի ավելի արագ ու ավելի լավ են հարմարվում տրված պայմաններին, քան ինտրովերտները։ Ինձ թվում ա, որ դրա հետ բոլորն էլ կհամաձայնեն։


Ես մի քիչ ուրիշ բան նկատի ունեի։ Նարցիսիստները կարան թե՛ ինտրովերտ լինեն, թե՛ էքստրավերտ։
Ինտրովերտի ինտրովերտության պատճառներից մեկն էն ա, որ ինքը չափից դուրս շատ ա անհանգստացած, թե շրջապատում ով ինչ մտածեց իր մասին, ով ինչ նկատեց։ Քանի որ շատերն իրենց բնույթով պերֆեկցիոնիստ են, նախընտրում են որևէ բան չասել, քան ասել ու հիմար էրևալ։ Էքստրավերտներն էդքան չեն կենտրոնանում իրանց թողած տպավորությամբ։ Ու էս առումով էքստրավերտները խնդիր չունեն դուրս գալու, աշխարհում մարդկանց հետ շփվելու, իրանց ուզած ուշադրությունը ստանալու, իսկ ինտրովերտների համար սոցիալական ցանցերը շատ լավ հարթակ են մտքերը դիպուկ ձևակերպելու կամ իրանց անձը նենց ներկայացնելու, որ համապատասխանի իրանց պերֆեկցիոնիստական հակումներին։
Ընդհանուր առմամբ, համաձայն եմ մտքերիդ հետ։ Մի խոսքով, գալի՞ս ենք էն եզրակացության, որ ֆբ-ն ու սոց․ ցանցերը էնքան հանճարեղ են ստեղծված, որ բոլոր տեսակի մարդկանց ինչ-որ բանում օգնում են :D


Օրինակ՝ ես արդեն չեմ հասկանում՝ ես ինտրովերտ եմ, թե էքստրովերտ: Մարդ կարա՞ երկուսն էլ լինի ըստ շրջանի՞:
Ինձ թվում ա, որ շատ բան կախված ա արտաքին գործոններից, միջավայրից, կյանքում խնդիրների առկայությունից և այլն։ Մի քիչ սխալ եմ համարում մարդուն կոնկրետ մի տեսակի դասելը։ Օրինակ, ես խնդիրների առկայությունից, պրոբլեմներից, դեպրեսիայից շատ շատ խորացված ինտրովերտ եմ դառնում, բայց էտ ամեն ինչի բացակայության շրջանում, լավ միջավայրի առկայության դեպքում շատ կտրուկ փոխվում եմ։

Հարց առաջացավ․ իսկ մարդ կարա՞ աշխատի իրա բնույթը փոխելու վրա։ Այսինքն, անընդհատ սեփական կոմֆորտի զոնայից դուրս գալով աստիճանաբար հարմարվես էտ զոնայից դուրս տարածքին ու քեզ էնքան դուր գա, որ չուզես վերադառնալ սկզբնակետին։

Ուլուանա
12.02.2019, 06:18
Իսկ եթե սրան նայենք հակառակ կողմից․․․ Նույն ձև կարելի ա պնդել, որ էքստրավերտները ուղղակի ավելի արագ ու ավելի լավ են հարմարվում տրված պայմաններին, քան ինտրովերտները։ Ինձ թվում ա, որ դրա հետ բոլորն էլ կհամաձայնեն։
Էդ ասածդ հաստատ առկա ա. ավելի արագ ու հեշտությամբ հարմարվելն էքստրավերտների բնույթի մի մասն ա: Բայց ամեն ինչ մենակ դրանով պայմանավորելն էլ սխալ ա: Առնվազն ներկայիս քաղաքակիրթ կյանքն իրոք էքստրավերտների բնույթին ավելի համապատասխան ա: Նայի, էքստրավերտները սիրում են մարդկանց մեջ լինել, հավաքույթների գնալ, հագեցած իրադարձություններով կյանք վարել, ակտիվ լինել, իրանք շփումներից, մարդկանց մեջ լինելուց լիցքավորվում են, իսկ մենակ մնալուց ձանձրանում, դիսկոմֆորտի մեջ ընկնում: Իսկ քաղաքակիրթ կյանքի պայմանները նենց են, որ մարդը եթե ճգնավոր չի, ուրեմն հանգամանքների բերումով պարտադիր ու կանոնավոր կերպով պիտի լինի մարդաշատ վայրերում, պիտի շփվի լիքը մարդկանց հետ, պիտի լիքը small talk անի`հարևանների, կոլեգաների, տարբեր տեղեր հանդիպող ծանոթների հետ, տարբեր ծառայություններից օգտվելիս` էդ ծառայությունները մատուցողների հետ, պիտի զանգի տարբեր տեղեր, պայմանավորվի տարբեր բաների համար, պարզի տարբեր բաներ: Սրանց մեծ մասն էքստրավերտների համար լրիվ նորմալ, շատերը նույնիսկ հաճելի ու ցանկալի բաներ են, իսկ ինտրովերտների համար սրանց մեծ մասը սթրես ա ու դիսկոմֆորտ, էներգիա խլող, ոչ թե տվող: Ժամանակակից աշխարհում միջին վիճակագրական մարդը, ով աշխատում ա, ընտանիք ունի և այլն, ընդհանրապես շատ քիչ ժամանակ ա ունենում մենակ, հանգիստ պայմաններում, ինքն իր հետ մնալու, «պասիվ»` դանդաղ ու խաղաղ պայմաններում ու մենակ` առանց ուրիշների մասնակցության, զուտ ինքն իր համար ինչ-որ բանով զբաղվելու, արտաքին աշխարհի ժխորից հանգստանալու համար: Սրա կարիքն իրականում բոլոր մարդիկ էլ ունեն ինչ-որ չափով, նույնիսկ եթե չեն գիտակցում դա, բայց ինտրովերտների համար սա կենսական անհրաժեշտություն ա, իրանք տենց են լիցքավորվում ու հանգստանում, ու դրա բացակայությունը լրջորեն քայքայում ա իրանց թե՛ ֆիզիկապես, թե՛ հոգեպես:


Ինձ թվում ա, որ շատ բան կախված ա արտաքին գործոններից, միջավայրից, կյանքում խնդիրների առկայությունից և այլն։ Մի քիչ սխալ եմ համարում մարդուն կոնկրետ մի տեսակի դասելը։ Օրինակ, ես խնդիրների առկայությունից, պրոբլեմներից, դեպրեսիայից շատ շատ խորացված ինտրովերտ եմ դառնում, բայց էտ ամեն ինչի բացակայության շրջանում, լավ միջավայրի առկայության դեպքում շատ կտրուկ փոխվում եմ։
Կոնկրետ տեսակների բաժանումը լուրջ հիմնավորված ա, էդ էլ հո էն բրիտանացի գիտնականների հայտնաբերած տուֆտություններից չի, որ ասենք` լուրջ չի, էնքան որ մեկը տուֆտել ա: Ուղղակի հարյուր տոկոսանոց ինտրովերտներ ու հարյուր տոկոսանոց էքստրավերտներ շատ քիչ են պատահում, բացի դրանից, կան նաև ամբիվերտներ, որոնք միջանկյալ դիրքում են, ու էդ առումով համաձայն եմ, որ մարդը կարող ա նշածդ գործոններով պայմանավորված` մի քիչ ավելի ինտրովետ, մի քիչ ավելի էքստրավերտ դառնալ տարբեր շրջաններում:


Հարց առաջացավ․ իսկ մարդ կարա՞ աշխատի իրա բնույթը փոխելու վրա։ Այսինքն, անընդհատ սեփական կոմֆորտի զոնայից դուրս գալով աստիճանաբար հարմարվես էտ զոնայից դուրս տարածքին ու քեզ էնքան դուր գա, որ չուզես վերադառնալ սկզբնակետին։
Կարծում եմ` բնույթը տենց արմատապես փոխել անհնար ա, բայց բազմաթիվ մարդկանց փորձը ցույց ա տվել, որ հնարավոր ա էդ դիսկոմֆորտի ահագին մաս հաղթահարել ինքն իր վրա աշխատելով, վարժվելով, ընտելանալով և այլն, այսինքն` նենց անել, որ դա քեզ էնքան նեղություն չպատճառի, ինչքան մինչև էդ էր պատճառում, կյանքիդ որակի վրա զգալի ազդեցություն չունենա, բայց որ ընդհանրապես դիսկոմֆորտ չպատճառի ու դեռ մի բան էլ հաճելի ու ցանկալի դառնա` չեմ պատկերացնում, որ հնարավոր լինի: Ի դեպ, էդ թեմայով մի հատ վիդեո կար ինտրովերտների թեմայում, հատուկ փնտրեցի, գտա. էս (https://www.akumb.am/showthread.php/66714-%D4%BB%D5%B6%D5%BF%D6%80%D5%B8%D5%BE%D5%A5%D6%80%D5%BF%D5%AB-%D5%A1%D5%B6%D5%AF%D5%B5%D5%B8%D6%82%D5%B6?p=2527901&viewfull=1#post2527901) ա, կարող ես նայել: Ընդհանրապես էդ թեման խորհուրդ կտամ սկզբից մինչև վերջ կարդալ, մեջը ահագին հետաքրքիր ինֆորմացիա կա, խոստանում եմ, չես փոշմանի :)):

StrangeLittleGirl
12.02.2019, 12:14
Բնույթը փոխելու մասով մի բան էլ ես ասեմ։ Նաև հնարավոր ա բնույթը փոխել միջավայրից կախված։ Օրինակ Հայաստանում ես մաքուր ամբիվերտ էի, լրիվ 50/50 վիճակ էր։ Իսկ Դանիա տեղափոխվելիս կամաց֊կամաց սկսեցի ավելի ինտրովերտանալ. էստեղ հասարակությունը պահանջում ա ինտրովերտ լինել, դրանից լավ բան կա՞։ Հիմա ավելի շատ 70/30 եմ դառել։ Բայց ամենատխուրն էն ա, որ անգամ էս ինտրովերտ հասարակության մեջ էքստրավերտությունը սկսել են դրական հատկանիշ համարել, ու գործատուները թեստեր են անում, որ էքստրավերտներին գործի ընդունեն։

One_Way_Ticket
12.02.2019, 13:06
Բայց ամենատխուրն էն ա, որ անգամ էս ինտրովերտ հասարակության մեջ էքստրավերտությունը սկսել են դրական հատկանիշ համարել, ու գործատուները թեստեր են անում, որ էքստրավերտներին գործի ընդունեն։
Ինձ էլ է դա ջղայինացնում։ Մի շատ ինտրովերտ երկրում small talk-ի դասընթացներ էին գովազդում։ Իբր դա լավ բան է...
Հալալ է գերմանացիներին, որ walmart-ը չընդունեցին, ու պատճառներից մեկը հենց մշակութային տարբերություններն էին։ Типа եթե հաճախորդը ամենաշատը X մետր է հեռու սպասարկող անձնակազմից, ապա պետք է նրան օգնություն առաջարկել։ Ինտրովերտները, իհարկե, հուշտ են լինում նման մոտեցումից։ Թողեք մեզ հանգիստ ուսումնասիրենք ապրանքները։ Եթե օգնության կարիք լինի, կհարցնենք, չենք ամաչի։

Thom
13.02.2019, 20:10
Կոնկրետ տեսակների բաժանումը լուրջ հիմնավորված ա, էդ էլ հո էն բրիտանացի գիտնականների հայտնաբերած տուֆտություններից չի, որ ասենք` լուրջ չի, էնքան որ մեկը տուֆտել ա: Ուղղակի հարյուր տոկոսանոց ինտրովերտներ ու հարյուր տոկոսանոց էքստրավերտներ շատ քիչ են պատահում, բացի դրանից, կան նաև ամբիվերտներ, որոնք միջանկյալ դիրքում են, ու էդ առումով համաձայն եմ, որ մարդը կարող ա նշածդ գործոններով պայմանավորված` մի քիչ ավելի ինտրովետ, մի քիչ ավելի էքստրավերտ դառնալ տարբեր շրջաններում:

Կոնկրետ տեսակների պահով մի քիչ սխալ եմ ձևակերպել։ Ավելի ճիշտ, նկատի ունեմ, որ մարդը կախված հասարակությունից, միջավայրից, արտաքին այլ գործոններից կարող ա իրան շատ ավելի ազատ զգալ, հաճելի ժամանակ անցկացնել կամ հակառակը։ Մի խոսքով, ասածս էն էր, որ մարդը ստատիկ վիճակում չի էտ առումով, ու կախված հանգամանքներից ինչ-որ միջակայքում տատանվում ա իրա Էքստրավերտ-Ինտրովերտ միջակայքի մեջ։ Ու ոնց հասկանում եմ, էս առումով StrangeLittleGirl-ի ու իմ տեսակետները համընկնում են։ Եթե իմ ձևակերպումը հասկանալի չի(ինչը շատ հնարավոր ա :D), կարդալ իրա գրածը։


Բայց ամենատխուրն էն ա, որ անգամ էս ինտրովերտ հասարակության մեջ էքստրավերտությունը սկսել են դրական հատկանիշ համարել, ու գործատուները թեստեր են անում, որ էքստրավերտներին գործի ընդունեն։
Էտ թեստերը շատ հանգիստ կարելի ա տալ ու լրիվ հակառակ արդյունքը ստանալ, եթե մի քիչ քթածակ ունես :D


Հալալ է գերմանացիներին, որ walmart-ը չընդունեցին, ու պատճառներից մեկը հենց մշակութային տարբերություններն էին։
Էտ Walmart-ի մասին link կա՞։

Thom
13.02.2019, 20:15
Էս վերջերս մի հատ կինո նայեցի։ Двойник (https://www.kinopoisk.ru/film/dvoynik-2013-602694/): Գլխավոր հերոսը սուսուփուս մի հատ տղա ա, լավագույն աշխատողը, ում արածն ու գիտելիքները ոչ ոք չի նկատում, սիրահարված ա մի հատ աղջկա, ում մի քանի տարի չի կարողանում մոտիկանա ու երկու բառ խոսա և այլն։ Ու իրանց մոտ գործի ա ընդունվում կլոնը, որի հագուստն անգամ չի տարբերվում հերոսինից։ Կլոնը ինքնավստահ, ոչ մի գիտելիք չունեցող, ասող-խոսող, իրա ուզածին միշտ հասնող մի հատ տիպ ա :D Մի խոսքով, ինձ դուր ա եկել, խորհուրդ եմ տալիս։

Lion
13.02.2019, 22:49
Հմի էս հոգեբանությունա՞, թե չէ, որ Ակումբից հեռացված անդամներ թեման թարմացված նկատելիս արդեն առանց բացելու գիտես, որ Chuk-ն ակումբից հեռացրելա Գիտունիկ-ին...:think

Ուլուանա
14.02.2019, 00:56
Կոնկրետ տեսակների պահով մի քիչ սխալ եմ ձևակերպել։ Ավելի ճիշտ, նկատի ունեմ, որ մարդը կախված հասարակությունից, միջավայրից, արտաքին այլ գործոններից կարող ա իրան շատ ավելի ազատ զգալ, հաճելի ժամանակ անցկացնել կամ հակառակը։ Մի խոսքով, ասածս էն էր, որ մարդը ստատիկ վիճակում չի էտ առումով, ու կախված հանգամանքներից ինչ-որ միջակայքում տատանվում ա իրա Էքստրավերտ-Ինտրովերտ միջակայքի մեջ։ Ու ոնց հասկանում եմ, էս առումով StrangeLittleGirl-ի ու իմ տեսակետները համընկնում են։ Եթե իմ ձևակերպումը հասկանալի չի(ինչը շատ հնարավոր ա :D), կարդալ իրա գրածը։
Դե, իմ ասածն էլ էր էդ, էլի: Ես քո բացատրածը հասկացել եմ, բայց ոնց որ թե դու իմ գրածը չես հասկացել :)): Համաձայնել եմ ասածիդ, ուղղակի որոշ բաներ ավելացնելով:

One_Way_Ticket
14.02.2019, 04:48
Էտ Walmart-ի մասին link կա՞։
Անգլերեն՝ լիքը։ Գուգլի "Why Walmart Failed in Germany":

Thom
14.02.2019, 16:22
Անգլերեն՝ լիքը։ Գուգլի "Why Walmart Failed in Germany":

Ճիշտն ասած, գուգլեցի, բայց նյութ չգտա հոգեբանության հետ կապված։

Thom
14.02.2019, 16:27
Մի քանի հարց էլ կապված թեմայի հետ։
Եղե՞լ են ձեր հետ դեպքեր, որ․
1․ Սոց․ ցանցով ծանոթացել եք մի մարդու հետ, ով ձեր վրա թողել ա շատ լավ/վատ տպավորություն, իսկ հետո իրական կյանքում ծանոթությունը հիասթափացրել/հաճելիորեն զարմացրել ա։
2․ Իրականում ծանոթացել եք մի մարդու հետ, ով ձեզ տպավորել ա ու շատ հետաքրքիր մարդ ա թվացել, բայց հետո մտել քչփորել եք ստատուսները, քոմենթները ու, մեղմ ասած, հիասթափվել։
3․ Ձեր ծանոթներից (մոտիկ, կարևոր մարդկանցից) մեկը իր գրառումներով ու ընդհանրապես վարքով սոց․ ցանցերում փոխել ա ձեր տրամադրվածությունը իր հանդեպ, հետևաբար նաև վերանայել եք հարաբերությունները իր հետ։

One_Way_Ticket
14.02.2019, 16:35
Ճիշտն ասած, գուգլեցի, բայց նյութ չգտա հոգեբանության հետ կապված։
Օրինակ սա կարդա, մասնավորապես "ten foot rule"-ի ու "greeter"-ի մասը։
http://www.opentextbooks.org.hk/ditatopic/7191

Ուլուանա
14.02.2019, 20:47
Մի քանի հարց էլ կապված թեմայի հետ։
Եղե՞լ են ձեր հետ դեպքեր, որ․
1․ Սոց․ ցանցով ծանոթացել եք մի մարդու հետ, ով ձեր վրա թողել ա շատ լավ/վատ տպավորություն, իսկ հետո իրական կյանքում ծանոթությունը հիասթափացրել/հաճելիորեն զարմացրել ա։
2․ Իրականում ծանոթացել եք մի մարդու հետ, ով ձեզ տպավորել ա ու շատ հետաքրքիր մարդ ա թվացել, բայց հետո մտել քչփորել եք ստատուսները, քոմենթները ու, մեղմ ասած, հիասթափվել։
3․ Ձեր ծանոթներից (մոտիկ, կարևոր մարդկանցից) մեկը իր գրառումներով ու ընդհանրապես վարքով սոց․ ցանցերում փոխել ա ձեր տրամադրվածությունը իր հանդեպ, հետևաբար նաև վերանայել եք հարաբերությունները իր հետ։
Մի ճշտում. սոց. ցանցեր ասելով` ֆորումնե՞րն էլ նկատի ունես, թե՞ մենակ ֆեյսբուք-մեյսբուքները:

Thom
14.02.2019, 22:26
Մի ճշտում. սոց. ցանցեր ասելով` ֆորումնե՞րն էլ նկատի ունես, թե՞ մենակ ֆեյսբուք-մեյսբուքները:
Ահա, ֆորումներն էլ հետը։

Ուլուանա
15.02.2019, 01:55
Մի քանի հարց էլ կապված թեմայի հետ։
Եղե՞լ են ձեր հետ դեպքեր, որ․
1․ Սոց․ ցանցով ծանոթացել եք մի մարդու հետ, ով ձեր վրա թողել ա շատ լավ/վատ տպավորություն, իսկ հետո իրական կյանքում ծանոթությունը հիասթափացրել/հաճելիորեն զարմացրել ա։
Իրական կյանքում հիասթափության դեպք չեմ մտաբերում: Իսկ որ սոց. ցանցերում վատ տպավորություն թողնի, հետո` իրականում հանդիպելիս` լավ, մի երկու դեպք եղել ա շատ վաղուց:


2․ Իրականում ծանոթացել եք մի մարդու հետ, ով ձեզ տպավորել ա ու շատ հետաքրքիր մարդ ա թվացել, բայց հետո մտել քչփորել եք ստատուսները, քոմենթները ու, մեղմ ասած, հիասթափվել։
Կածում եմ` չի եղել նման դեպք:


3․ Ձեր ծանոթներից (մոտիկ, կարևոր մարդկանցից) մեկը իր գրառումներով ու ընդհանրապես վարքով սոց․ ցանցերում փոխել ա ձեր տրամադրվածությունը իր հանդեպ, հետևաբար նաև վերանայել եք հարաբերությունները իր հետ։
Մի դեպք ա եղել, երբ սկզբից իրականում եմ ճանաչել ու ընդհանուր առմամբ ահագին դրական կարծիք եմ ունեցել, բայց հետո սոց. ցանցերում գրառումները տեսնելով` կարծիքս ահագին փոխվել ա դեպի վատը. որոշ բացասական հատկանիշներ եմ բացահայտել, որոնք իրականում չէին դրսևորվել: Բայց ինձ թվում ա` իրականում շփումը քիչ ա եղել ու մի քիչ սահմանափակ հանգամանքներում, թե չէ` էդ հատկանիշները վաղ թե ուշ կդրսևորվեին: Ճիշտն ասած` նման ուրիշ դեպք չեմ հիշում, որ եղած լինի հետս:

Thom
16.02.2019, 15:22
Իրական կյանքում հիասթափության դեպք չեմ մտաբերում: Իսկ որ սոց. ցանցերում վատ տպավորություն թողնի, հետո` իրականում հանդիպելիս` լավ, մի երկու դեպք եղել ա շատ վաղուց:


Կածում եմ` չի եղել նման դեպք:


Մի դեպք ա եղել, երբ սկզբից իրականում եմ ճանաչել ու ընդհանուր առմամբ ահագին դրական կարծիք եմ ունեցել, բայց հետո սոց. ցանցերում գրառումները տեսնելով` կարծիքս ահագին փոխվել ա դեպի վատը. որոշ բացասական հատկանիշներ եմ բացահայտել, որոնք իրականում չէին դրսևորվել: Բայց ինձ թվում ա` իրականում շփումը քիչ ա եղել ու մի քիչ սահմանափակ հանգամանքներում, թե չէ` էդ հատկանիշները վաղ թե ուշ կդրսևորվեին: Ճիշտն ասած` նման ուրիշ դեպք չեմ հիշում, որ եղած լինի հետս:

Ամեն դեպքում, հաճախ ա լինում, որ մարդու իրական ու ինտերնետային "կերպարները" տարբերվում են:

Տրիբուն
16.02.2019, 18:52
Ակումբում Black Mirror նայող կա՞։

Երրորդ սեզոնի առաջին էպիզոդը նայեք էս թեմայով, շատ լավն ա ․․․

Nosedive (https://www.imdb.com/title/tt5497778/?ref_=ttep_ep1)

Ուլուանա
16.02.2019, 21:02
Ամեն դեպքում, հաճախ ա լինում, որ մարդու իրական ու ինտերնետային "կերպարները" տարբերվում են:
Ընդհանրապես համաձայն եմ, բայց պիտի խոստովանեմ, որ ինձ հետ արդեն վաղուց համարյա չեն լինում նման անակնկալներ. երևի շատ եմ թրծվել վիրտուալ-ռեալ միջավայրերի մեջ, հիմա ահագին գլուխ եմ հանում տենց բաներից :)):

Thom
17.02.2019, 02:01
Ակումբում Black Mirror նայող կա՞։

Երրորդ սեզոնի առաջին էպիզոդը նայեք էս թեմայով, շատ լավն ա ․․․

Nosedive (https://www.imdb.com/title/tt5497778/?ref_=ttep_ep1)

Հետաքրքրեց, անպայման կնայեմ :)


Ընդհանրապես համաձայն եմ, բայց պիտի խոստովանեմ, որ ինձ հետ արդեն վաղուց համարյա չեն լինում նման անակնկալներ. երևի շատ եմ թրծվել վիրտուալ-ռեալ միջավայրերի մեջ, հիմա ահագին գլուխ եմ հանում տենց բաներից :)):

Էտ շատ լավ ա :) Հիասթափություններ քիչ կլինեն :D

Fragile
08.03.2021, 00:18
հետաքրքիր է, բայց ֆբից հրաժարվելը իմ համար, հիմա եմ հասկանում, որ աբստամբության պես մի բան էր․ ա լյա՝ բողոք աշխարհի դեմ, որ սա նոր նորմալը չէ, ու երբեք չի կարեի գերադասել-ստորադասել իրականությունները՝ վիրտուալ թե ռեալ։ Բայց եկանք մի պահի, երբ կար գերադասություն իրոք․ վիրտուալը սկսել էր հաղթել՝ սկսած քաղականությունից մինչև դասախոսի՝ ես այս մասին ֆբ խմբում գրել էի: Ես ինձ շատ ըմբոստ չէի որակի, բայց հասկացա, թե որքան կապանքներ են միանգամից հրամցվում, որոնք ընդունվում են նորմալ։ Այսինքն, այն մարդիկ, ովքեր չկան ՖԲ-ում, ինքնըստինքյան, բացառվում են շատ ու շատ հարցերում։ Իսկ հոգեկան առողջության հետ կապված, ամենակարևոր բաներից մեկը, որ վերևում չտեսա՝ օնլայն սթոլքինգն ա, հայերեն երևի՝ հետևամոլությու՞ն ... մմ․․ ուրիշ կողմ տարավ ։Դ Ամեն դեպքում, էդ ցավով ես էլ եմ տառապել, ավելի շատ տառապել պատճառը ինքս իմ համար չգտնելուց, ու հետո զգացել, որ ես եմ սթոլքինգի զոհ, քիչ-քիչ բացահայտել, որ իմ քայլերը արձանագրվում են, ու կյանքում առաջին անգամ վիրտուալ մերկության ապտակը զգացել։ Ինստագրամը մի առավելություն ունի ՖԲ-ից, էնտեղ եթե փակվում ես՝ փակվում ես, անգամ ընդհանուր ընկերների միջոցով ոչ մի հրապարակում չի լինում տեսնեկ։ Իսկ ՖԲից երբեք չես ՛՛պախկվի՛՛․ անհատակ անդունդ կամ լաբիրինթոս է։

Բարեկամ
08.03.2021, 04:11
հետաքրքիր է, բայց ֆբից հրաժարվելը իմ համար, հիմա եմ հասկանում, որ աբստամբության պես մի բան էր․ ա լյա՝ բողոք աշխարհի դեմ, որ սա նոր նորմալը չէ, ու երբեք չի կարեի գերադասել-ստորադասել իրականությունները՝ վիրտուալ թե ռեալ։ Բայց եկանք մի պահի, երբ կար գերադասություն իրոք․ վիրտուալը սկսել էր հաղթել՝ սկսած քաղականությունից մինչև դասախոսի՝ ես այս մասին ֆբ խմբում գրել էի: Ես ինձ շատ ըմբոստ չէի որակի, բայց հասկացա, թե որքան կապանքներ են միանգամից հրամցվում, որոնք ընդունվում են նորմալ։ Այսինքն, այն մարդիկ, ովքեր չկան ՖԲ-ում, ինքնըստինքյան, բացառվում են շատ ու շատ հարցերում։ Իսկ հոգեկան առողջության հետ կապված, ամենակարևոր բաներից մեկը, որ վերևում չտեսա՝ օնլայն սթոլքինգն ա, հայերեն երևի՝ հետևամոլությու՞ն ... մմ․․ ուրիշ կողմ տարավ ։Դ Ամեն դեպքում, էդ ցավով ես էլ եմ տառապել, ավելի շատ տառապել պատճառը ինքս իմ համար չգտնելուց, ու հետո զգացել, որ ես եմ սթոլքինգի զոհ, քիչ-քիչ բացահայտել, որ իմ քայլերը արձանագրվում են, ու կյանքում առաջին անգամ վիրտուալ մերկության ապտակը զգացել։ Ինստագրամը մի առավելություն ունի ՖԲ-ից, էնտեղ եթե փակվում ես՝ փակվում ես, անգամ ընդհանուր ընկերների միջոցով ոչ մի հրապարակում չի լինում տեսնեկ։ Իսկ ՖԲից երբեք չես ՛՛պախկվի՛՛․ անհատակ անդունդ կամ լաբիրինթոս է։

Ըմբոստանաս-չըմբոստանաս, մի բան եթե օրինական հիմքով դառնում է կյանքի ու գործունեության պայմաններից, ստիպված ես լինում ընդունել, բայց քո կանոններով․ օրինակ՝ դնել "ոչմի" կամ սահմանափակ ինֆո քո մասին ու հետևել դասախոսիդ հայտարարություններին։ Կամ, եթե օրենքը թույլ է տալիս, պահանջել դասախոսիդ, որ միայն ֆբ չդնի իր հայտարարությունները, այլ օգտագործի ավելի "փրայվիթ" միջոցներ ևս, իմեյլ՝ օրինակ։ Մեկ-երկու նման բողոքներ, և ֆբ-ի ուժը՝ որպես պարտադիր հարթակ, կթուլանա։
Ուզում էի ասել, որ սոցիալական ցանցերի պարտադրանքի գերակայությունը մեզնից է կախված․ և՛ ընդունողներից, և՛ չընդունողներից։ Ուղղակի չընդունողները պիտի ավելի հետևողական լինեն ըմբոստացման մեջ՝ ոչ միայն ուղղակի ջնջվելով կամ բացառելով իրենց ներկայությունը էդ հարթակներում, այլև պահանջելով, որ դրանք չդառնան միակ այլընտրանքը :)

Fragile
08.03.2021, 13:13
Ըմբոստանաս-չըմբոստանաս, մի բան եթե օրինական հիմքով դառնում է կյանքի ու գործունեության պայմաններից, ստիպված ես լինում ընդունել, բայց քո կանոններով․ օրինակ՝ դնել "ոչմի" կամ սահմանափակ ինֆո քո մասին ու հետևել դասախոսիդ հայտարարություններին։ Կամ, եթե օրենքը թույլ է տալիս, պահանջել դասախոսիդ, որ միայն ֆբ չդնի իր հայտարարությունները, այլ օգտագործի ավելի "փրայվիթ" միջոցներ ևս, իմեյլ՝ օրինակ։ Մեկ-երկու նման բողոքներ, և ֆբ-ի ուժը՝ որպես պարտադիր հարթակ, կթուլանա։
Ուզում էի ասել, որ սոցիալական ցանցերի պարտադրանքի գերակայությունը մեզնից է կախված․ և՛ ընդունողներից, և՛ չընդունողներից։ Ուղղակի չընդունողները պիտի ավելի հետևողական լինեն ըմբոստացման մեջ՝ ոչ միայն ուղղակի ջնջվելով կամ բացառելով իրենց ներկայությունը էդ հարթակներում, այլև պահանջելով, որ դրանք չդառնան միակ այլընտրանքը :)

Ճիշտ եք, համաձայն եմ, ու այլընտրանքները գտնում եմ ավելի հեշտ, քան տեքստում է թվում, բայց խնդիրը արդեն իսկ ՖԲ-ում չլինելը բացառելն է, որը որոշակի անհարմարության զգացում է տալիս միշտ։

Աթեիստ
08.03.2021, 13:33
2000 թվին շատերն ինտերնետ չունեին, չգիտեին դա ինչ ա, բայց 2005-ին արդեն ամոթ էր էլ. հասցե չունենալը։
2010-ին նույնը վերաբերում էր բջջային հեռախոսին։ Ընկերս պատմում էր, որ իրանց օֆիսի հավաքարարը շատ լավ աշխատում ա, բայց «սկզբունքորեն» բջջային չի պահում, տան համարով են հետը կապնվում։ Սա ըստ իս սկզբունք չի, հիմարություն ա։
2020-ին նույնը վերաբերում ա ՖԲ-ին։
Ֆեյսը շատ հիմար, անհարմար ու ժամանակ խլող ցանց ա, բայց փաստն էն ա, որ մարդկությունը հասել ա մի փուլի, երբ դա պարտադիր ա։ Լսել եմ, շատ ընկերություններ CV_ում խնդրում են նշել նաև FB պրոֆիլի հասցեն։ Դա էսօր հերթական կապի միջոցն ա։

One_Way_Ticket
08.03.2021, 15:20
2000 թվին շատերն ինտերնետ չունեին, չգիտեին դա ինչ ա, բայց 2005-ին արդեն ամոթ էր էլ. հասցե չունենալը։
2010-ին նույնը վերաբերում էր բջջային հեռախոսին։ Ընկերս պատմում էր, որ իրանց օֆիսի հավաքարարը շատ լավ աշխատում ա, բայց «սկզբունքորեն» բջջային չի պահում, տան համարով են հետը կապնվում։ Սա ըստ իս սկզբունք չի, հիմարություն ա։
2020-ին նույնը վերաբերում ա ՖԲ-ին։
Ֆեյսը շատ հիմար, անհարմար ու ժամանակ խլող ցանց ա, բայց փաստն էն ա, որ մարդկությունը հասել ա մի փուլի, երբ դա պարտադիր ա։ Լսել եմ, շատ ընկերություններ CV_ում խնդրում են նշել նաև FB պրոֆիլի հասցեն։ Դա էսօր հերթական կապի միջոցն ա։
Ստեղ մի նրբություն կա։ Ինտերնետն ու բջջային հեռախոսը մոնոպոլիզացված չեն որևէ ընկերության կողմից։
Ֆեյսբուքը մասնավոր սեփականություն է, ու Ցուկերբերգն ինչ ուզի, հետը կանի։ Ինձ ահավոր ջղայինացրեց պանդեմիայի ժամանակ իրեն դատավոր հռչակելն ու որոշելը, թե որ ինֆորմացիան տեղ ունի իր հարթակում, իսկ որը դավադրության տեսություն է։ Մի քանի անգամ նույնիսկ ստիպված ներողություն է խնդրել, երբ իր "fact checker"-ը շատ է համը հանել։
Ես Բարեկամի ասածի պես փորձելու եմ հնարավորինս կտրվել ֆեյսբուքից։ Հուսով եմ, արժանի ալտերնատիվներ ժամանակի հետ կհայտնվեն։ Նույն whatsapp-ից մարդիկ (այդ թվում ես) մանրից telegram են քոչում։

Շինարար
08.03.2021, 15:54
2000 թվին շատերն ինտերնետ չունեին, չգիտեին դա ինչ ա, բայց 2005-ին արդեն ամոթ էր էլ. հասցե չունենալը։
2010-ին նույնը վերաբերում էր բջջային հեռախոսին։ Ընկերս պատմում էր, որ իրանց օֆիսի հավաքարարը շատ լավ աշխատում ա, բայց «սկզբունքորեն» բջջային չի պահում, տան համարով են հետը կապնվում։ Սա ըստ իս սկզբունք չի, հիմարություն ա։
2020-ին նույնը վերաբերում ա ՖԲ-ին։
Ֆեյսը շատ հիմար, անհարմար ու ժամանակ խլող ցանց ա, բայց փաստն էն ա, որ մարդկությունը հասել ա մի փուլի, երբ դա պարտադիր ա։ Լսել եմ, շատ ընկերություններ CV_ում խնդրում են նշել նաև FB պրոֆիլի հասցեն։ Դա էսօր հերթական կապի միջոցն ա։

Ախպոր պես, ինչեր ես խոսում։ Ֆեյսբուքը անձնական օգտագործման, ընկերների հետ շփման համար ա մեծ մասամբ ընկալվում։ Շատ մարդիկ սկզբունքորեն գործընկերներին չեն ավելացնում իրենց ընկերների ցանկի մեջ։ Ես իմ ուսանողներին երբեք չեմ ավելացնում։ Ընդհանրապես խորհուրդ չի տրվում, որ ուսանողդ քո անձնականին հաղորդակից լինի, նույնը վերաբերվում ա գործընկերներին։ Իրան հարգող լուրջ ընկերությունը իր համակարգը կունենա իր աշխատողների հետ շփվելու, ոչ թե կօգտագործի ֆեյսբուքը։ Մեղայ Աստծո։

Աթեիստ
08.03.2021, 16:15
Ախպոր պես, ինչեր ես խոսում։ Ֆեյսբուքը անձնական օգտագործման, ընկերների հետ շփման համար ա մեծ մասամբ ընկալվում։ Շատ մարդիկ սկզբունքորեն գործընկերներին չեն ավելացնում իրենց ընկերների ցանկի մեջ։ Ես իմ ուսանողներին երբեք չեմ ավելացնում։ Ընդհանրապես խորհուրդ չի տրվում, որ ուսանողդ քո անձնականին հաղորդակից լինի, նույնը վերաբերվում ա գործընկերներին։ Իրան հարգող լուրջ ընկերությունը իր համակարգը կունենա իր աշխատողների հետ շփվելու, ոչ թե կօգտագործի ֆեյսբուքը։ Մեղայ Աստծո։Ես էլ էի երկար ժամանակ էդ կարծիքին։
Բայց ֆեյսը վաղոոց դադարել ա լինել էն, ինչի համար ստեղծվել էր։

Sent from my Redmi 5 Plus using Tapatalk

Fragile
08.03.2021, 16:50
2000 թվին շատերն ինտերնետ չունեին, չգիտեին դա ինչ ա, բայց 2005-ին արդեն ամոթ էր էլ. հասցե չունենալը։
2010-ին նույնը վերաբերում էր բջջային հեռախոսին։ Ընկերս պատմում էր, որ իրանց օֆիսի հավաքարարը շատ լավ աշխատում ա, բայց «սկզբունքորեն» բջջային չի պահում, տան համարով են հետը կապնվում։ Սա ըստ իս սկզբունք չի, հիմարություն ա։
2020-ին նույնը վերաբերում ա ՖԲ-ին։
Ֆեյսը շատ հիմար, անհարմար ու ժամանակ խլող ցանց ա, բայց փաստն էն ա, որ մարդկությունը հասել ա մի փուլի, երբ դա պարտադիր ա։ Լսել եմ, շատ ընկերություններ CV_ում խնդրում են նշել նաև FB պրոֆիլի հասցեն։ Դա էսօր հերթական կապի միջոցն ա։

Իրականում էս դեպքում հեռախոսը իր տեսակի մեջ արագությամբ և հարմարությամբ անփոխարինելի ա, ու դրա բացակայությունը ազդում ա աշխատաքի արդյունավետության վրա։ Իսկ Ֆբ-ն նույնը չի․ այլ շատ մեսենջերներ կան, որոնք որպես արագ տեքստային հաղորդագրության միջոց հրաշալի են․ telegram, viber, և ինչու չէ, հենց ուղղակի messenger, արդեն պարտադիր չի ֆբ հաշիվ ունենալը։
Իսկ պրոֆիլի լինկը ուզում են, ոչ թե արագ կապի համար (հեռախոսը ավելի արագ ա, ըստ տրամաբանության), այլ ուղնուծուծով ուսումնասիրելու՝ ում հետ են ընկեր, ինչ նկարներ են նախընտրում, ինչով են կիսվում և այլն։ SMM գործի համար միգուցե կարևոր ա, բայց մյուս տեսակի աշխատանքների դեպքում շատ կողմնակալ վերաբերմունք ա։ Ոչ բոլորն են ֆբ-ում իրական․ ընդ որում, իրականից որքան լավը կարող են ձևանալ, նույնքան էլ կարող են իրականից ավելի վատ տպավորություն թողնել։
Ես մի ընկեր ունեի, պետական հիմնարկի հերթում մի աղջիկ էր տեսել, ու մեկ շաբաթ բոլոր ծանություններն ու ելքերը-հնարները գտավ, զուտ անուն ազգանունն իմանալու համար։ Առաջաինը բանը ՖԲ-ում փնտրելն էր, որին հաջորդեց հիասթափությունը՝ տարածած ռուսական ռեփի պատճառով :) առաջին տպավորությունը իրականում, ու առաջին տպավորությունը վիրտուալում։ Շատ հետաքրքիր հետհամ էր թողել․․տխուր)))))

Շինարար
08.03.2021, 16:59
Ես էլ էի երկար ժամանակ էդ կարծիքին։
Բայց ֆեյսը վաղոոց դադարել ա լինել էն, ինչի համար ստեղծվել էր։

Sent from my Redmi 5 Plus using Tapatalk

Իհարկե դադարել ա, բայց ընկերությունը չի կարող ակնկալել որ ֆեյսբուքը պիտի աշխատանքիդ համար օգտագործես, սովորաբար հակառակն ա, իհարկե եթե ֆեյքերի ֆաբրիկայում չես աշխատում։

Բարեկամ
09.03.2021, 15:57
Սոցիալական կայքերից հրաժարվել-չհրաժարվելը նույնն է, ինչ ժամանակին, մինչ ինտերնետը, այսինչ թերթը կարդալուց հրաժարվել-չհրաժարվելը․ եթե բաժանորդագրված ես, չի նշանակում, որ պարտադիր կարդալու ես բոլորն, ինչ տպում են կամ ամեն հրապարակված նյութ սրտովդ է լինելու։ Սա մի կողմից՝ որպես դիտորդ։
Մյուս կողմից, որպես ինքդ՝ հրապարակվող (ինչն առկա չէր թերթերի ժամանակ), էլի կարող ես խնամքով ընտրել՝ ինչն ես ուզում տեսնեն, ով տեսնի-ով չտեսնի, կամ կարող ես դառնալ առհասարակ անտեսանելի՝ միայն դիտորդի դերում, ընդ որում անհայտ կարող ես պահել օնլայն երևալուդ օպցիան ևս։
Եվ կա երրորդ կողմը՝ շփում․ հարազատներ, ընկերներ, ծանոթներ, անծանոթներ։ Դա էլ է միանգամայն ընտրովի և կառավարելի։ Միակ "անհարմարությունը" թերևս այն կարող է լինել, որ եթե ինքդ չես նախընտրում շփման նման ձևը, ապա հրաժարվելով դրանից, փաստացիորեն կտրվելու ես ընկերական կամ բարեկամական շրջապատներիդ ակտիվ շփումներից, վերջին թեժ լուրերից, բամբասանքներից, կարևոր և անկարևոր ինֆորմացիայից, այլ կերպ ասած՝ զրկվելու ես սոցիալական տեղեկատվության ամենաթարմ աղբյուրներից։ Կարող ես, եթե դա է քո ընտրությունը։ Բայց արգելել այլոց նույնպես չսիրելու շփման նման ձևերը՝ իրավունք չունես (բացառությամբ օրենքով նախատեսված դեպքերից)։ Իսկ չհրաժարվելու դեպքում, այո, ուզած-չուզած դառնում ես հասարակական կյանքի արդի դոմինանտ ձևի հետևորդ, ինչի մեջ արտառոց չկա ոչինչ․ ինչու այդպիսին չե՞նք հենց ծնված օրվանից, համարյա ամեն ինչում․ մսուր-մանկապարեզ-դպրոց-համալսարան-աշխատանք-հոլիդեյ-սպորտ-մեքենա-նավ-տիեզերանավ և այլ ստանդարտներ՝ ըստ իրենց ժամանակներում ձևավորված պարտադրանքի ու պահանջի։
Իսկ սոցիալական կայքերը մենք (դեռ) դիտարկում ենք որպես անկոչ "ներխուժում" մեր այլ կերպ չափված-գծված տարածք, որովհետև դա համեմատաբար նոր բան է մեզ համար, բախվել ենք դրան հասուն տարիքում, մանկապարտեզից չի դաստիարակվել։ Իսկ այ մեր երեխաների համար ի սկզբանե նորմալ, առօրյա կյանքի մյուս ստանդարտ կոմպոնենտներից չտարբերվող երևույթ է, և նրանց մտքով էլ չի անցնում մեզ նման՝ ուխտադրման հանդիսավորությամբ, հրաժարվել սոցիալական կայքերից, ինչպես որ մեր մտքով չի անցնում հրաժարվել կամ ըմբոստանալ, օրինակ, անձնագիր ունենալուց, աշխատանքային ձևաթղթեր լրացնելիս մեր մասին ինֆո տրամադրելուց, և այլ "ոչ փրայվիթ" դրսևորումներից։

Եվ այնուհանդերձ, այս ամենը չի խանգարում (դեռևս) պահանջելու համալսարաններից կամ հիմնարկներից մեզ ուղղակիորեն վերաբերող կարևոր ինֆոյի մասին չիրազեկել միմիայն սոց․ կայքերով, եթե այդպիսին է մեր ընտրությունը, և նախընտրում ենք մնալ երբեմնի "անինտերնետ" անցյալի վերջին մոհիկաններ։