PDA

Դիտել ողջ տարբերակը : Կոկա-կոլա. ֆանատի՞զմ թե՞ ազգային արժանապատվություն



Գաղթական
19.06.2017, 22:14
Թեմայի առիթ հանդիսացավ Վիշապի հետևյալ գրառումը.


Ընդհանրապես Հայաստանում խմիչքեղենից ամենաանշառը հանքային ջրերն են ու կոկա կոլան (աշխարհի ամենահամով կոկա-կոլան իմիջայլոց Հայաստանում ա) :D

Միշտ շատ եմ սիրել թե՛ ֆանտա ու թե՛ սպրայթ (coca cola company-ի արտադրանք), բայց վաղուց արդեն իմ ու հարազատներիս անունից բոյկոտ եմ հայտարարել վերոնշյալ ընկերությանը ու գտնում եմ, որ դրա արտադրատեսականու ներմուծումն ու սպառումը Հայաստանում արգելելը դա ազգային արժանապատվության հարց է:

բոյկոտս սկսել եմ էն պայծառ օրվանից, երբ իմացա, որ Մուհթառ Քենթը (http://www.coca-colacompany.com/our-company/board-of-directors-muhtar-kent) ընկերության նախկին CEO-ն էր, իսկ 2009-ից սկսած՝ Տնօրենների Միության Նախագահն է (Chairman of the Board of Directors):

նույն ինքը Մուհթառ Քենթը հայտնի է իր հակահայկական ծավալուն գործունեությամբ ու նրան մեկ անգամմ չէ, որ կոչ է արվել (http://asbarez.com/109524/genocide-prevention-organizations-call-on-coca-cola-citigroup-to-sever-ties-with-denial-group/) դադարեցնել Հայոց Եղեռնի ժխտողական քաղաքականությունը:


Խնդրեմ՝ կարծիքներ էս ամենի վերաբերյալ:


Verzonden vanaf mijn iPhone met Tapatalk

Աթեիստ
19.06.2017, 22:31
Ես որ խմում եմ, ինձ համն ա հետաքրքրում, ոչ թե տոհմածառը։
Մաքսիմում կարող ա ադրբեջանից եկած ապրանքից հեռու մնամ, որտև մարդ ես, կարող ա թունավորած լինեն։

Հիմի որ ազգի կեսը Սիթիից, Սասից առտևուր ա անուն, դրա տերերն էն Հայաստանին ավելի շատ վնաս տալի՞ս, թե՞ ինչ որ Թուրք։

Էնի ինչ որ կոչեր ա անում, սրանք կոնկրետ երկրի մաման էն լացացնում։

Լեո
19.06.2017, 22:45
Միշտ շատ եմ սիրել թե՛ ֆանտա ու թե՛ սպրայթ (coca cola company-ի արտադրանք), բայց վաղուց արդեն իմ ու հարազատներիս անունից բոյկոտ եմ հայտարարել վերոնշյալ ընկերությանը ու գտնում եմ, որ դրա արտադրատեսականու ներմուծումն ու սպառումը Հայաստանում արգելելը դա ազգային արժանապատվության հարց է:

Կոկան կոլան, ֆանտան ու սփրայթը չեն ներմուծվում, շշալցվում են Հայաստանում:

Շինարար
19.06.2017, 23:05
ֆանատիզմ

Վիշապ
19.06.2017, 23:42
Կոկա կոլան ու մյուսները ընդհնարապես վնասակար են առնվազն գոնե շաքարի սուպերդոզաների համար, իսկ ասենք դիետիկ կոլան վայթե էլ ավելի վնասակար ա՝ արհեստական կասկածելի փոխարինիչների համար:
Սրանք կարելի է խմել միայն արագ էնէրգետիկ քաղցը հագեցնելու համար, ասենք երկար հեծանիվ քշելուց հետո կոկա կոլա կամ պաղպաղակ վայելելը կարող ա նույնիսկ օգտակար է՝ չքայքայվելու համար :Ճ
Հայաստանի կոլան, ֆանտան ոու սփրայթը օրինակ ասենք ամերիկյաններից կամ հնդկականներից լավն են օբյեկտիվ պատճառներով՝ 1. պատրաստվում են Գառնու ջրից, 2. (հուսով եմ դեռ) օգտագործվում է բնական շաքար, արհեստական քաղցրացուցիչի փոխարեն (շատ երկրներում արհեստական քաղցրացուցիչ ա օգտագործվում, երևի ավելի էժան է):
Թուրքական «բաղադրիչի» մասով. Իմ կարծիքով լավն այն է, որ տեղական որակյալ արտադրություն կա, ու կան աշխատատեղեր, ինչը շատ ավելի լավ է, քան ծիծեռնակաբերդում ցուցադրվող հայենյացների կողմից Թուրքիայից զանազան ապրանք ներմուծելն ու վերավաճառելը:
Մեր մեջ ասած, ես Նահանգներում էլ թուրքական ապրանք սկզբունքայնորեն չեմ առնում ինչքան էլ գրավիչ լինի, թուրքիշ էյրլայն-ը չի դիտարկվում որևէ չվերթում, ինչքան էլ էժան լինի մյուսներից (թարսի պես լիքը եվրոպական քաղաքներ ամենաէժանը թուրքիշով ա), վերջերս էլ իմացա, որ Chevron-ի խոշոր փայատերերը թուրքեր են, հիմա բենզին եմ լցնում մենակ Shell-ից, չնայած Shell-ն էլ լիքը ներդրումներ ունի Թուրքիայում, մի խոսքով դրանցից պրծում չկա :Ճ
Էս մասին լիքը խոսել ենք, մի հատ էլ ասեմ կարծիքս՝ մեր երկրին ամենաշատ վնասը տալիս են ներքին թաթարները, դրանց տված վնասին զուտ նյութական ու բարոյական չափանիշներով ոչ մի ցեղասպանություն ժխտող թուրքի տված վնաս չի հասնի, համենայն դեպս իմ հասկացածով:
Կարող ա սխալվում եմ, ու կարող ա մարդիկ գիշեր ցերեկ հայրենիքի համար են վիզ դնում, ուղղակի կեղտոտ լրատվական պրոպագանդայի զոհ եմ (նոր պաշտպանական ձև ա հանրապետականներից) :Ճ

Տրիբուն
20.06.2017, 00:11
Հենց հիմա դրած լիտրանոց շշով կոլա եմ խմում ։) ամառվա շոգին անմահական ա

Գաղթական
20.06.2017, 02:22
Կոկան կոլան, ֆանտան ու սփրայթը չեն ներմուծվում, շշալցվում են Հայաստանում:

ուզում ես ասել՝ Հայաստանում գործող Coca-Cola Hellenic Bottling Company (http://www.spyur.am/en/companies/coca-cola-hellenic-bottling-company-armenia/1770)-ն անկախ ընկերություն է ու լցնում է ՀՀ բյուջե՞ն:

ումի՞ց են քո նշած շշերը գնում:
իսկ գործելու լիցենզիա՞..

հեռու չգնանք՝ Հայաստանի էդ կոկա-կոլայի տնօրենն ո՞վա..

խնդրեմ՝ համեցեք Սայորա Այուպովայի (https://ru.linkedin.com/in/sayora-ayupova-7800815) անձնական էջ ու ծանոթացեք:
ճիշտա՝ ազգությամբ ուզբեկա, բայց իր էջում բավական անթաքույց նշվածա թուրքիայի հետ կապը ;)


Verzonden vanaf mijn iPhone met Tapatalk

Գաղթական
20.06.2017, 02:30
Հայաստանի օլիգարխների ու հակահայկական կոմպանիաներ ֆինանսավորող թուրք մեծահարուստների միջև տարած զուգահեռի հետ, իհարկե, մեծ վերապահումներով կարելի է համաձայնվել այնքանով, որքանով երկուսի գործունեությունն էլ հարվածում է հայկական պետականությանն ու ազգային անվտանգությանը:

բայց եկեք համաձայնենք, որ սրանք նույն բանը չեն ու չեն կարող լինել:

ու երկուսի գոյության ու անպատիժ գործունեության պատճառն էլ, ըստ իս, մեկն է՝ մեր անսկզբունքային վերաբերմունքը էն հարցերի նկատմամբ, որոնք հույժ կարևոր են մեզ համար ու իրենցից ուղիղ վտանգ են ներկայացնում մեր ազգային շահերին:


Verzonden vanaf mijn iPhone met Tapatalk

Յոհաննես
20.06.2017, 02:53
Չգիտեմ դուք ոնց,բայց իմ համար առանց Կոլա կյանքը մի տեսակ թերի է։Կոլայի տեղը պետքա հսյ կոլա խմե՞նք :D
Հ.Գ թուրքական արտադրության շորերն էլ որ հանեք ազգիս 60%-ը թփով ման կգա

Վիշապ
20.06.2017, 03:31
ուզում ես ասել՝ Հայաստանում գործող Coca-Cola Hellenic Bottling Company (http://www.spyur.am/en/companies/coca-cola-hellenic-bottling-company-armenia/1770)-ն անկախ ընկերություն է ու լցնում է ՀՀ բյուջե՞ն:

ումի՞ց են քո նշած շշերը գնում:
իսկ գործելու լիցենզիա՞..

հեռու չգնանք՝ Հայաստանի էդ կոկա-կոլայի տնօրենն ո՞վա..

խնդրեմ՝ համեցեք Սայորա Այուպովայի (https://ru.linkedin.com/in/sayora-ayupova-7800815) անձնական էջ ու ծանոթացեք:
ճիշտա՝ ազգությամբ ուզբեկա, բայց իր էջում բավական անթաքույց նշվածա թուրքիայի հետ կապը ;)


Verzonden vanaf mijn iPhone met Tapatalk

Հայաստանի «Կոկա-կոլա»-ն ալամ աշխարհի Կոկա-կոլայի մասնաճյուղն ա ու պիտի որ ՀՀ-ում գրանցված հարկատու կազմակերպություն լինի, անկախ նրանից, թե ինչ ազգի ա կազմակերպության տարածաշրջանի վաճառքի դիրեկտորը:
Ինչու՞մն ա պրոբլեմը:

Շինարար
20.06.2017, 04:07
ես հիմնականում ճամփորդում եմ թուրքական ավիաուղիներով՝ Հայաստան գալիս գնում եմ Թիֆլիս, մեկ ա մոտավորապես նույն հեռավորությունն ա Վանաձորից ինչ Երևանը, Եգիպտոս գնալիս էլ գնում եմ Եգիպտոս :ԴԴ Ասեմ որ ահագին ռասիստական մոտեցում ունեն Հայաստանի հանդեպ, աշխարհի քարտեզի վրա միակ երկիրն ա, որ գոյություն չունի, ասենք, որ մեծացնում եք Մեղրի, Ագարակ և այլն, սաղ կան, բայց տոլի Ադրբեջան ա, տոլի Թուրքիա, Հայաստան չկա էդ քարտեզի վրա: Ամեն դեպքում ես իրանց արտադրանքից չեմ օգտվում իրանց արտադրությունը նպաստելու համար, այլ օգտվում եմ, որովհետև էժան ա ու շատ հարմար, ասենք Էդինբուրգ ու Էդինբուրգից թռիքչների համար քառասուն կգ կարաս տանես պլյուս ութ կգ հետդ ներս:

Օգտվոմ եմ թուրք վարսավիրի ծառայությունից, դե սա իհարկե Շոտլանդիայում, այսինքն՝ ինքը Թուրքիայի բյուջեին հարկեր երևի չի վճարումԴԴ բայց ամեն դեպքում ես օգտվում եմ, որովհետև էստեղ հանդիպածս լավագույն վարսավիրն ա:

Բայց հա, որ ասում են՝ էս ինչ տեղը ընտիր թուրքական ռեստորան կա, անպայման գնանք, ասում եմ՝ չեմ պատրաստվում իրանց բիզնեսին աջակցել:ԴԴ բայց իհարկե ուղղակի մեկ ա ես բուսակեր եմ, ինձ թուրքական խոանոցը ի՞նչ պիտի առաջարկի:

Ես ընդհանրապես ազգային արժանապատվության խնդիր չեմ դնում իմ առաջ, զուտ ես ինքս իմ մարդկային արժանապատվության համար եմ պատասխանատու ու կարծում եմ՝ պատվով եմ էդ բեռը տանում: Իմ ազգային արժանապատվությունը կարար շոյված լիներ, եթե իմ երկիրը լիներ ազատ, լիբերալ, սոցիալական, իրավական, հանդուրժող, բարի, փախստականներին ձեռք մեկնող, լավագույն սոցիալական համակարգ ունեցող երկիր, ասենք՝ Շվեդիայի նման, որ երկրիս նախագահը Սերժը չլիներ, առաջին տիկինը տիկին Ռիտան, լավագույն երգիչը Սպիտակցի Հայկոն, մեր ժամանակների պոետը Ավետը Բարսեղյան: Քանի որ էս թվարկածներիցս ոչ մեկը չկա, իհարկե իմ ազգային արժանապատվությունը խորապես խոցված ա, բայց թուրքական ավիաուղիներից առած տոմսերը դրան ոչ մի կերպ չեն կարող օգնել կամ խանգարել:

One_Way_Ticket
20.06.2017, 04:23
Ես ընդհանրապես չեմ հասկանում, թե էդ քաղցր խմիչքները ոնց կարելի է խմել: Հիմա որ հիշում եմ, թե ոնց էի ժամանակին երկու գդալ շաքար լցնում թեյի մեջ, մազերս բիզ-բիզ են կանգնում:

Բարեկամ
20.06.2017, 07:07
Իմ՝ որպես սպառողի համար նշանակություն չունի ազգային պատկանելությունը՝ գաղափարական առումով։ Նախ, չեմ համարում, որ իմ՝ տվյալ ծառայությունից օգտվելուց կամ չօգտվելուց տվյալ բիզնեսը կհարստանա կամ կաղքատանա, այսինքն՝ կոնկրետ իմ օգտվելու-չօգտվելու ազդեցությունը նրանց վրա ոչինչ է, հաստատ չեն տուժելու, բայց հակառակը կարող է լինել․ես տուժեմ, քանի որ չեմ օգտվի տվյալ պահի համար հարմար, էֆեկտիվ կամ որակյալ ծառայությունից, ու հպարտ ու արժանապատիվ նստեմ, մանավանդ, որ հպարտանալու բան էլ չեմ տեսնում։ Անհատների դեմ՝ լինի թուրք կամ նույնիսկ ադրբեջանցի, ես հատուկ թշնամանք չեմ տածում, հատկապես՝ ելնելով հարյուր տարի առաջ իրենց որոշ ազգակիցների ձեռքով թափված արյան պատմությունից /ադրբեջանցիների դեպքում մի քիչ տարբեր է, վերքերը թարմ են, արյունը հեղվում է, բայց էլի ամեն անհատի մեջ արնախում գազան չեմ տեսնում/։
Բայց այն դեպքերում, եթե նմանատիպ հարմար այլընտրանք ունենամ, բնականաբար կնախընտրեմ ընտրել ոչ թուրքականը՝ ներքին որոշ տհաճությունից զերծ մնալու համար, որոշ դեպքերում՝ նաև ապահովության համար, եթե ասենք ազգանունիցս երևա որ հայ եմ։

Գաղթական
20.06.2017, 10:00
Հայաստանի «Կոկա-կոլա»-ն ալամ աշխարհի Կոկա-կոլայի մասնաճյուղն ա ու պիտի որ ՀՀ-ում գրանցված հարկատու կազմակերպություն լինի, անկախ նրանից, թե ինչ ազգի ա կազմակերպության տարածաշրջանի վաճառքի դիրեկտորը:
Ինչու՞մն ա պրոբլեմը:

էդ կապն ուզում էի ցույց տալ 2 պատճառով.

1. կապ չունի, թե ասենք ԱՄՆ-ում ես կոկա-կոլա գնում, թե Հայաստանում շշալցվածը: երկու դեպքում էլ եկամուտը նույն տեղնա գնում:

2. Հայաստանի կոկա-կոլայի տնօրենի ոչ թե ազգությունը, այլ՝ նրա պրոթուրքականությունը տեսնելով, կարող եմ ենթադրել, որ ասենք եթե խնդիր դրված լինի ՀՀ տարածքում ինչ-որ հիվանդություն տարածել՝ տեղում շշալցվող խմիչքը պատրաստելու համար դրսից ներմուծված ինչ-որ բաղադրիչի միջոցով, ապա դա մեծ խնդիր իրենից չպիտի որ ներկայացնի:


ընդհանուր առմամբ՝ ոչ ոքի իհարկե չեմ մեղադրում հակառակ կարծիք ունենալու մեջ:
հետաքրքիրա ուղղակի, էս թեմայի շրջանակներում, ծանոթանալ դրանց:

իսկ ես ինքս համարում եմ, որ ասենք եթե կոկա-կոլայի ընդհանուր տարեկան եկամուտը 35մլրդ-ա ու մուհթառի աշխատավարձը 25մլն, ուրեմն իմ գնած խմիչքի ասենք 1 եվրոյից 7ցենտը գնում է իրեն ու մեծ հավանականությամբ կարող է տրամադրվել հակահայկական պրոպագանդային:
իսկ էդ պրոպագանդան ֆինանսավորելը տրամագծորեն հակասումա իմ անձնական սկզբունքներին :)


Verzonden vanaf mijn iPhone met Tapatalk

Տրիբուն
20.06.2017, 10:34
Չգիտեմ դուք ոնց,բայց իմ համար առանց Կոլա կյանքը մի տեսակ թերի է։Կոլայի տեղը պետքա հսյ կոլա խմե՞նք :D
Հ.Գ թուրքական արտադրության շորերն էլ որ հանեք ազգիս 60%-ը թփով ման կգա

Մենակ ազգի չէ, Արևելյան Եվրոպայի 60%-ն էլ տկլոր կմնա։

Տրիբուն
20.06.2017, 10:55
էդ կապն ուզում էի ցույց տալ 2 պատճառով.

1. կապ չունի, թե ասենք ԱՄՆ-ում ես կոկա-կոլա գնում, թե Հայաստանում շշալցվածը: երկու դեպքում էլ եկամուտը նույն տեղնա գնում:


Դժվար ա ասել։ Կամ նույնիսկ շատ հավանական ա, որ հեչ տենց չի։

Կոկա Կոլան, ոնց որ աշխարհի մյուս գիգանտ ֆիրմաները բարդ կառուցվծք ունի, ու ապրանքի արտադրությունն ու տարածումը տարբեր մոդելներով ա արվում, հիմնականում ռեգիոնալ ֆրենչայզինգով։ Հայաստանի Կոկա Կոլան հունականի, Coca-Cola Hellenic Bottling Company-ի մասնաճյուղն ա, որը հիմնադրվել ա Աթենքում 1969 թվին ու 2012-ին գլխավոր գրասենյակը տեղափոխվել ա Շվեցարիա։ Coca-Cola Hellenic Bottling Company-ի ընդամենը 23%-ն ա պատկանում էն կենտրոնական Կոկա Կոլային, որ Ատլանտայում ա։

Արամ
20.06.2017, 11:07
2. Հայաստանի կոկա-կոլայի տնօրենի ոչ թե ազգությունը, այլ՝ նրա պրոթուրքականությունը տեսնելով, կարող եմ ենթադրել, որ ասենք եթե խնդիր դրված լինի ՀՀ տարածքում ինչ-որ հիվանդություն տարածել՝ տեղում շշալցվող խմիչքը պատրաստելու համար դրսից ներմուծված ինչ-որ բաղադրիչի միջոցով, ապա դա մեծ խնդիր իրենից չպիտի որ ներկայացնի:

Լավ էլի։ Հա մի հատ չեղած Հայաստանի համար կոկա-կոլան նման ռիսկի կգնա։

Էն որ եթե կոկա-կոլայի մտքին լինի Հայաստանին/հայերին վնաս տա, խի ա իրա արտադրանքը/անունը վարի տալի, ինքը էնքան փող ունի, որ կարա ուղղակի մի հատ տեռոռիստական խումբ վարձի մի քանի տասնյակ ռումբ ուղարկեն մեզ։ Հետո՞։

StrangeLittleGirl
20.06.2017, 12:36
Ջահել ժամանակ կոկա-կոլա ահավոր շատ էի խմում. օրը մի կեսլիտրանոց շիշ: Հետո եսիմ ոնց քաղցրից զզվեցի, անցա դառը սուրճին, ու կոկա-կոլայի ու իրա մնացած գազավորված զիբիլի գոյության մասին ո՛չ հիշում եմ, ո՛չ կարոտում: Կոկա-կոլայի միակ արտադրանքը, որ երբևէ առնում եմ, Innocent հյութերն են, էն էլ մենակ էն դեպքում, երբ իմ մշտական բնական հյութը սպառված ա լինում. Innocent-ը երկրորդ ամենալավն ա:

Ինչ վերաբերում ա կոկա-կոլային բոյկոտելուն: Ուրեմն նախ ես կողմ կլինեմ, որ կոկա-կոլայի վաճառքը սահմանափակեն, ու հարցը մոտավորապես ալկոհոլային խմիչքների կամ ծխախոտի նման դրվի: Բայց բոյկոտե՞լ տնօրենի զանազան տեսակետների պատճառով: Եթե տնօրենը շշերի վրա կպցներ ցեղասպանություն չի էղել, սաղ աշխարհով մեկ տարածեր, էդ ժամանակ կարելի էր մտածել, որ հահահայկական քաղաքականություն ա տանում, սկսել բոյկոտել: Բայց կոնկրետ էս պահին իր շահը մի կողմ, Հայաստանում լիքը աշխատատեղեր ա բացել ու բավական լավ ա վարձատրում: Իմ մի շատ լավ ընկերուհի, որը մասնագիտությամբ քիմիկոս ա, էնտեղ ա աշխատում: Հայաստանում քանի՞ հիմնարկ կա, որ քիմիկոսի համար աշխատատեղ ա բացում: Ասենք, կոկա-կոլային վռնդեցինք Հայաստանից, միանգամից մի քանի հարյուր մարդ գործազուրկ ա դառնում: Պլյուս էլ չասեմ, որ լիքը հարկ ա մուծում պետբյուջե: Ստեղ ուրիշ հարց ա, թե պետբյուջեի փողերն ուր են գնում: Բայց էկեք դրա մասին խոսենք, թե չէ որ կոկա-կոլան բոյկոտենք, պետբյուջեի փողերը հետ չեն գալու:

keyboard
20.06.2017, 13:31
Էս թեման հլը ակտուալ ա՞ :D

Ի դեպ, ամենահամով կոլան Վրաստանում ա։ :love

Գաղթական
02.09.2017, 14:14
Երեկ, տուն գալուց, էլի էս թեման էի հիշել..

Գնացինք IKEA, մի սայլակ լիքը ապրանք բարձեցինք: Այդ թվում՝ ամանեղենի մեծ սերվիս՝ 12-ական մեծ ու փոքր ամաններով, աղցանների ամանիկներով և այլն:
Շատ էլ սիրուն էր ու նոր էին ստացել:

Բայց կասսայի մոտ սկան անելուց աչքս ընկավ, որ մէյդ ին թըրքի..
էս կասսայի պատասխանատուն մի 10-15 րոպե գովազդ էր մտել, իբր պետք չի հետ տալ, բոլոր գործարանները՝ ուր մենք ապրանք ենք պատվիրում, մի քանի ISO ունեն, աշխատում են ֆլորային ու ֆաունային քիչ վնասել, և այլն և այլն..

Չգիտեմ՝ ինչ-որ մեծ սխալ կա թշնամու տնտեսությանը նպաստելուն:

Գուցե, Բարեկամի ասած, նենց չի, որ թըրքիայի տնտեսությունը խորը ճգնաժամի մեջ ընկնի՝ իմ իրենց ապրանքները չգնելուց, բայց դե հաստատ չի էլ շահի ))

Ցոյ
02.09.2017, 15:23
էս վերջերս տեսնում եմ մարդկանց, որ ասում են, չգնենք թուրքական իրեր, որովհետև «այդ գումարով փամփուշտ է գնում, քո զինվորի վրա կրակում»։
Էս էլ ա երևի էդ շարքից, բայց ժող, ոչ թե ասենք մի առեք էս ինչ բանը, որտև թուրքական ա, այլ եկեք զարգացնենք մերը, որ մարդիկ հենց հայկականը ընտրեն, մերն էնքան զարգանա, որ իրանք էլ շանսեր չունենան։
«քֆուր» մի քանի հոգի էնքան են «քֆուր» երկիրը, որ խեղճ ժողովուրդը թողնում գնում ա, իսկ մենք «թուրքական իրեր չենք գնում»։ Երկիրդ ա դատարկվում, թուրքական իրեր գնես թե չգնես, ու ստեղ թուրքը ընդհանրապես կապ չունի :)
եսիմ, բայց մարդը ով փող ա աշխատում մեծ դժվարությամբ, ինքը որակին ա նայում, ոչ թե երկրին։ Չնայած մի քանիսը կան, որ կպած թուրքականն են գովում, բայց դա ուրիշ խնդիր ա։

Իսկ կոլան վնաս է առողջությանը, եկեք չխմենք ընդհանրապես։