Դիտել ողջ տարբերակը : Սխալը windows xp-ում է՞, թե՞ որտեղ
Ինչու՞ grapaharan.org կայքի էջերը և կայքում եղած գրքերը w10-ում բացվում են կոռեկտ, իսկ xp-ում սխալներով (չակերտների, բազմակետերի և էլի ինչ-որ սխալներ):Կայքն առաջարկում է նաև կայքում եղած գրքերի ներբեռնում epub ֆորմատով: w10-ով ներբեռնած epub-ի բովանդակությունը կոռեկտ է, բայց գրքի անունը՝ անհասկանալի նշաններ: Նույն գիրքը xp-ով ներբեռնելու դեպքում կոռեկտ են և գրքի անունը և բովանդակությունը: Ինչու՞ է այդպես խառը արդյունքներ, որտե՞ղ է սխալը և ինչպե՞ս այն ուղղել:
Նմանատիպ սխալը կրկնվում է նաև Վիքիդարանի գրքերի հետ, իսկ ուրիշ կայքերում այդպիսի բան չեմ նկատել:
Որ ավելի կոնկրետ ասես, թե ինչ սխալներով են բացվում գրքերը, միգուցե կարողանամ օգնել։
Մեկ էլ ասա, թե ինչ բռուզերով ես բացում, ու որ բռաուզերի որ տարբերակով (version)։
Նախ՝ թեմայի հետ կապ չունեցող մի հարց: գրանցվելու ժամանակ ինձ ուղարկած նամակն ինչու՞ է անգլերեն և ոչ թե հայերեն: Հարցը քեզ չի ուղղված, բայց երևի թե պատասխանը իմանաս: Սա հենց այնպես: Անցնեմ առաջ:
...Մեկ էլ ասա, թե ինչ բռուզերով ես բացում, ու որ բռաուզերի որ տարբերակով (version)։
Ինձ թվում է թե արդեն որոշ բան սկսեցի հասկանալ, բայց դա չի խանգարում որ պատասխանեմ հարցերիդ ու սպասեմ պատասխանի:
xp-ում ունեմ 2 բրաուզեր՝ Firefox 50.1.0 և Chrom 49.0.2623.112m: Firefox-ով բացած կայքի էջերում ու գրքի բովանդակությունում չակերտների սխալ կա՝ սկզբի չակերտների փոխարեն 1 հատ ստորակետ է, վերջի չակերտների փոխարեն «ե» տառը: Ներբեռնած epub-ի մեջ այդ սխալը չկա, բայց նախադասության սկզբի բազմակետերի փոխարեն (եթե հիմնական տեքստում դրանք եղել են) 3 հատ ուղղանկյուն վանդակներ են: Chrom-ով բացելու դեպքում միայն epub-ի բազմակետերի սխալն է, մնացածը ճիշտ է:
w10-ում ունեմ Microsoft Edge և Chrom 55.0.2883.87m : Chrom-ով բացելու դեպքում դարձյալ միայն epub-ի բազմակետերի սխալն է, մնացածը ճիշտ է: Edge-ով բացելու ժամանակ էլի epub-ի բազմակետերի սխալն է, իսկ epub գրքի անունն էլ անհասկանալի նշաններ են՝ այս տեսքով Ô±Ő¶ŐˇŐ¶Ő±Ö€ŐĄÖ‚ Ő°Ő¸Ö‚Ő¬Ő«Ő˝.epub :
Այսքանը: Իմ կարծիքով շատ խառը չի գրված:
Մեկ պրոբլեմի լուծումը գտել եմ, մյուս երկուսի մասին էլ կարծիքս կասեմ:
1. Firefox-ում փոխեցի տառատեսակը Liberation serif և չակերտների հարցը կարգավորվեց:
2. Քանի որ հիմնական տեքստում եղած բազմակետերը epub գրքում 3 հատ ուղղանկյուն վանդակների տեսքով երևալը կրկնվում է բոլոր 4 բրաուզերների դեպքերում, կարծում եմ որ դա բազմակետերը սխալ ձևով կայքում տեղադրելու արդյունք է:
3. Իսկ epub-ի անունի հետ կապված սխալի (Ô±Ő¶ŐˇŐ¶Ő±Ö€ŐĄÖ‚ Ő°Ő¸Ö‚Ő¬Ő«Ő˝.epub) պատճառը պտի փորձեմ գտնել: