PDA

Դիտել ողջ տարբերակը : Փախստականների «ճգնաժամը» Եվրոպայում



Էջեր : [1] 2

StrangeLittleGirl
03.09.2015, 13:07
Վերջին օրերին մեծ աղմուկ է բարձրացել Եվրոպայում Սիրիայից և այլ կոնֆլիկտային շրջաններից եկած/եկող փախստականների թեմայով:

Բուդապեշտի կայարանում քաոս է. արևմտյան Եվրոպա մեկնող բոլոր գնացքները կանգ են առել, կայարանը ողողված է Գերմանիա մեկնել ցանկացող փախստականներով:

Ավստրիայում հսկայական բողոքի ցույցեր են՝ պահանջելով ընդունել փախստականներին:

Գերմանիայում Անգելա Մերկելը հայտարարել է, որ իրենք պատրաստ են ընդունել:

ՄԹ-ն կոշտ քաղաքականություն է վարում՝ ասելով, որ էլ չեն ընդունելու փախստականների:

Իսլանդիայում մարդիկ իրենց տներն են առաջարկել փախստականների համար:

Դանիայում նեոֆաշիստները հարձակվել են փախստականների ճամբարի վրա: Դրան ի պատասխան դանիացիները բողոքի ցույցի են դուրս եկել նեոֆաշիստների դեմ:

Եվրոպացիների մի մասն ասում է՝ պետք է օգնություն ցույց տանք, որովհետև մարդիկ կարիքն ունեն: Մյուս մասն ասում է՝ ինչու՞ չեն գնում իրենց եղբայրական արաբական պետություններ:

Իսկ դուք ի՞նչ կարծիք ունեք թեմայի վերաբերյալ: Արդյոք Եվրոպան իր դեմքը կորցնու՞մ է փախստականներին ներս թողնելով, թե՞ վտանգի մեջ գտնվող մարդկանց օգնություն ցուցաբերելը հենց եվրոպական արժեհամակարգի մի մաս է:

Էստեղ էլ մի քիչ մանրամասն ինֆորմացիա: (http://www.abc.net.au/news/2015-09-03/refugee-crisis-exposes-rifts-in-europe/6745708)

Շինարար
04.09.2015, 06:55
Ես կուզեի Հայաստանը ավելի բաց լիներ, իսկ թե խի չեն էսըտեղ գնում կամ էնտեղ, էն ա թող սենց կամ նենց, չգիտեմ ինձ համար տենց զրույցները պատասխանատվության բեռը վրայից գցել ա ընդամենը, մենք պիտի բոլորս էլ միմյանց համար պատասխանտու լինենք, չակերտների իմաստը չհասկացա, քո վերաբերմո՞ւնքն ա թեմայի հանդեպ:

Աթեիստ
04.09.2015, 08:26
Ես կարծում եմ Եվրոպան պետք ա շարունակի փախստականներին ընդունելը, բայց պետք ա խստացի դրանց պահելու պայմանները։
էնօր ՖԲ-ում լավ հարց էին տվել, թե խի փախստականները ռուսաստան չեն գնում։

Որտև ընտեղ սկի աշխատողը էն պայմաններում չի կարում ապրի, ինչ Եվրոպայում չաշխատողը։
Խի՞ պտի եվրոպա փախած ու հանձնված ընտանիքն ավելի լավ ապրի, քան հայաստանում առավոտից իրիկուն աշխատողը։
Պետք ա նենց անել, որ փախնեն միայն մահից փրկվելու համար, ոչ թե ձրիակեր ու լավ կյանքի համար։

Բացի էդ էկածների ինտերգրման ընթացքում պետք ա շատ մեծ ուշադրություն դարձնել էն փաստի վրա, թե իրանք ոնց են ընդունում «եվրոպական արժեքները»։ Եթե մարդն ուզում ա ապրի Եվրոպայում, բայց «գեյ» բառը լսելուց հետո առաջի ռեակցիան լուցկի ման գալն ա, տենց մարդկանց թող հանեն ռադ անեն ասենք նույն ռուսաստան։
Կամ ամբողջ կյանքն ապրի փախստականի ճամբարում՝ օրվա հացի կարոտ։

Արէա
04.09.2015, 09:19
Ես կարծում եմ Եվրոպան պետք ա շարունակի փախստականներին ընդունելը, բայց պետք ա խստացի դրանց պահելու պայմանները։

Ես էի ուզում գրել էս նույն բանը, հետո մտածեցի որ տենց էլ իր երկրի աղքատ, սոված ու հետևաբար անկանխատեսելի ու ռիսկային քաղաքացիների թիվն ա ավելացնելու, որը հետագայում կարա ավելի մեծ խնդիրների պատճառ դառնա։

StrangeLittleGirl
04.09.2015, 10:48
Ես կուզեի Հայաստանը ավելի բաց լիներ, իսկ թե խի չեն էսըտեղ գնում կամ էնտեղ, էն ա թող սենց կամ նենց, չգիտեմ ինձ համար տենց զրույցները պատասխանատվության բեռը վրայից գցել ա ընդամենը, մենք պիտի բոլորս էլ միմյանց համար պատասխանտու լինենք, չակերտների իմաստը չհասկացա, քո վերաբերմո՞ւնքն ա թեմայի հանդեպ:
Շատ լավ կլիներ, եթե Հայաստանը բաց լիներ: Ի վերջո, 15 թվին Սիրիան հայերի համար բաց էր: Ու սիրիահայերի գալուց Հայաստանը, կարծում եմ, մենակ շահել ա:
Չակերտները դրել եմ, որովհետև ճգնաժամ բառը Հունգարիայի դեպքերից հետո սկսեցին օգտագործել, ու իմ կարծիքով, հունգարացիների էշ խելքից դա ճգնաժամի վերածվեց: Էն ա, Գերմանիան շատ խելոք ու կազմակերպված կերպով ընդունում ա բոլորին:

StrangeLittleGirl
04.09.2015, 10:55
Ես կարծում եմ Եվրոպան պետք ա շարունակի փախստականներին ընդունելը, բայց պետք ա խստացի դրանց պահելու պայմանները։
էնօր ՖԲ-ում լավ հարց էին տվել, թե խի փախստականները ռուսաստան չեն գնում։

Որտև ընտեղ սկի աշխատողը էն պայմաններում չի կարում ապրի, ինչ Եվրոպայում չաշխատողը։
Խի՞ պտի եվրոպա փախած ու հանձնված ընտանիքն ավելի լավ ապրի, քան հայաստանում առավոտից իրիկուն աշխատողը։
Պետք ա նենց անել, որ փախնեն միայն մահից փրկվելու համար, ոչ թե ձրիակեր ու լավ կյանքի համար։

Բացի էդ էկածների ինտերգրման ընթացքում պետք ա շատ մեծ ուշադրություն դարձնել էն փաստի վրա, թե իրանք ոնց են ընդունում «եվրոպական արժեքները»։ Եթե մարդն ուզում ա ապրի Եվրոպայում, բայց «գեյ» բառը լսելուց հետո առաջի ռեակցիան լուցկի ման գալն ա, տենց մարդկանց թող հանեն ռադ անեն ասենք նույն ռուսաստան։
Կամ ամբողջ կյանքն ապրի փախստականի ճամբարում՝ օրվա հացի կարոտ։
Արտ, իսկ 15 թվին հայերն ինչու՞ Ռուսաստան չէին գնում: Իրենց մեծ եղբոր երկիրն էր, ու հենց Ռուսաստանի պատճառով էլ քաքի մեջ էին ընկել:

Եվրոպա, որովհետև ԵՄ-ն ա, որ մարդու իրավունքները դրոշակ սարքած եվրոպական արժեքներ ա քարոզում:

Եվրոպա փախած ու հանձնված ընտանիքը, հավատա, հեչ էլ ավելի լավ չի ապրում, քան Հայաստանում առավոտից իրիկուն աշխատողը: Կարող ա իրանց ստացած նպաստը Հայաստանի միջին աշխատավարձից բարձր ա, բայց իրանք լիքը իրավունքներից զրկված են: Հիմա կասես՝ դուք էլ Հայաստանում եք զրկված: Չէ, տենց չի, Հայաստանում կարաս հանգիստ երկրից դուրս գաս, աշխատելու իրավունք ունես, քո մշակույթի ներսում ես ապրում:

Ինչ վերաբերում ա ինտեգրմանը, մեկ ա, ինչքան էլ տանջվես, առաջին սերնդին չես ինտեգրի: Ու հետո, էսօրվա աշխարհի լիքը ազդեցիկ հայեր փախստականների ընտանիքներից դուրս եկածներ են:

Ուղղակի չեմ ուզում էլի, որ փախստականի մասին տենց կարծիք ձևավորվի, որ իրանք իրանց կայֆին պետության հաշվին ապրում են: Էդպես չի:


Ես էի ուզում գրել էս նույն բանը, հետո մտածեցի որ տենց էլ իր երկրի աղքատ, սոված ու հետևաբար անկանխատեսելի ու ռիսկային քաղաքացիների թիվն ա ավելացնելու, որը հետագայում կարա ավելի մեծ խնդիրների պատճառ դառնա։
Արէա, փախստականը մինչև էդ երկրի քաղաքացի դառնալը շա՜տ երկար ճանապարհ ունի անցնելու: Ու հետո, ինչո՞վ են փախստականներն ավելի ռիսկային դառնում, քան տվյալ երկրի քաղաքացիները: Բրեյվիկը կարո՞ղ ա Նորվեգիայի քաղաքացի չէր:

Շինարար
04.09.2015, 11:00
Վերևի գրառումներց հասկացա, որ մարդիկ չեն պատկերացնում, որ էս մարդիկ կոտորվելուց են փախչում, դրանք, բան,չեմ անում ինչ, ոնց որ անասուննների մասին դատողություններ կարդայի,ինչ վերաբերվում ա հոմոֆոբիային, նույնիսկ վիզայի համար իմելիս նշում ես, որ հմոֆոբ չես, ռասիստ չես և այլն, նենց որ հաստատ իրանք էլ ինչ-որ թղթեր լրացնելիս կլինեն: Մի խոսքով, «հիանում եմ» ձեր «սառը դատողությամբ», ցանկացած իրավիճակում «տրամաբանությունը չկորցնելու անկոտրում կարողությամբ»: Ուղղակի իմացեք, որ 21-րդ դարում էլ ոչ մեկս ապահովագրված չենք, Աստված մի արասցե, բայց էս վտանգը մեր պատուհանի տակ էլ ա, սահմանի վրայի միջադեպերը վկա:

Արէա
04.09.2015, 11:05
Արէա, փախստականը մինչև էդ երկրի քաղաքացի դառնալը շա՜տ երկար ճանապարհ ունի անցնելու: Ու հետո, ինչո՞վ են փախստականներն ավելի ռիսկային դառնում, քան տվյալ երկրի քաղաքացիները: Բրեյվիկը կարո՞ղ ա Նորվեգիայի քաղաքացի չէր:

Ո՞վ ասեց փախստականներն ավելի ռիսկային են, քան Բրեյվիկը :think

ivy
04.09.2015, 11:08
Գերմանիան լրիվ բացել է դռները փախստականների առաջ: Էս երկիրը երևի դեռ իր «ֆաշիստական» անցյալի բարդույթից չի ազատվում, ու էս ճանապարհով «մաքրում» է իր անունը: Ընդունում են ու ամեն ինչ անում, որ մարդն ինտեգրվի իրենց համակարգում: Բայց եկեք հասկանանք, որ մեծ տարբերություն կա՝ փախստականը ոնց է հասել տեղ, ինչ երկրից է, քանի տարեկան, ինչ կրթությամբ: Ըստ դրա որոշվելու է, թե ինքն ինչքանով է ինտեգրվելու ու ոնց է ապրելու էս երկրում:

Չգիտեմ՝ դուք գիտեք, թե ինչ մաֆիա է փախաստականներին Եվրոպա հասցնելու համակարգը, թե չէ: Ու խոսքը «քաղաքակիրթ փախուստի» մասին չի, որ ասենք գալիս ես քիչ, թե շատ նորմալ երկրից՝ ինչ-որ լեգալ կամ ոչ լեգալ ճանապարհներ գտնելով:
Այլ եկեք խոսենք օրինակ՝ Աֆրիկայի երկրներից կամ Աֆղանստանից եկած փախստականների մասին:
Էնտեղ մարդիկ արթնանում են՝ չիմանալով էդ օրը կապրեն, թե չէ: Իրենց համար Եվրոպա հասնելը հեշտ բան չի: Իրենք ստիպված են լինելու ոտքով լիքը ճանապարհ կտրել, անցել ջրային տարածքներ՝ որոնք դեռ հարց է, կանցնեն, թե էդ իրենց կյանքի վերջը կլինի, իրենք ստիպված են լինելու դիմանալ ինչին ասես: Խոշտանգված, բռնաբարված, սոված. շատերը ահավոր վիճակում են հասնում տեղ:
Կան էսպես կոչված «ագենտներ», որոնք օգնում են մի երկրից մյուսի սահմանն անցնել, ու իրենց պիտի վճարվի: Էդ մի ամբողջ ցանց է, որը համակարգված գործում է՝ իր մեջ կյանքի ու մահվան մեծ ռիսկեր ներառելով: Հսկայական խմբերով տեղափոխում են «վճարված» մարդկանց՝ առանց երաշխիք տալու, որ ամեն մեկը տեղ կհասնի: Ու վճարը շատ թանկ է: Մի քանի հազար եվրո, որն ասենք աֆրիկացու համար հսկայական թիվ է: Բայց էդ մարդիկ հնարավոր է մի քանի սերունդ հավաքել ու կուտակել են էդ փողը, որ վերջում ընտանիքից մեկին «փրկեն»: Ու եթե ընտանիքում հինգ երեխա կա, պիտի որոշում կայացվի, թե ով է լինելու էդ մեկը: Գիտեն, որ ուղարկելուց հետո էլ չեն տեսնելու իրար ու հնարավոր է, էլ երբևէ ոչ մի բան իրար մասին չլսեն:
Էդ վիճակին մի հատ գումարեք սարսափելի ճանապրհը ու վերջում լրիվ օտար աշխարհ, ես կասեի՝ նոր մոլորակ ընկնելը: Այ փախստականը դա է: Ու պիտի մարդ առնվազն սիրտ չունենա, որ իրենց հետ ուղարկի:
Գերմանիան Աֆրիկայից, Իրաքից, Սիրայից ու Աֆղանսատնից եկած ոչ մեկին հետ չի ուղարկում ու պահում է՝ ոնց կարող է:

Հիմա գանք էդ մարդկանց, թե ոնց են իրենք իրենց դրսևորում:
Ինչքան փոքր են, էնքան շանսերը մեծ են, որ կինտեգրվեն, նորմալ կյանք կունենան: Նախ դպրոց կգնան: Եթե էստեղ գոնե մի տարի դպրոց գնան ու կարողանան թեկուզ ամենացածր կատեգորիայի դպրոց (Hauptschule) ավարտել, հետո արդեն առաջ գնալու շանսեր կունենան. համալսարան չեն ընդունվի, բայց ինչ-որ մասնագիտացում կարող են ձեռք բերել՝ մի երկու տարի "Ausbildung" անելով: Ու արդեն նորմալ կապրեն՝ առանց պետության վզին մնալու:
Բայց դրա համար տարիքը շատ կարևոր է: Ու բոլորը օգնում են փախստականներին «փոքր դառնալ»: Էդ էլ շատ մարդկային բան է, որ անում են գերմանացիները՝ ոստիկաններից բռնած, բոլոր ատյաններով վերջացրած: Առաջին հարցը, որ արտաքինից 20 տարեկան տղային կտան՝ «16 ես, չէ՞», ու էդպես էլ կգրանցեն: Որ էդ մարդը հասցնի դպրոց գնալ, իր համար ճանապարհ հարթել:
Իսկ երեսուն տարեկան եկած մեկի համար ամեն ինչ ավելի դժվար է լինելու: Հնարավոր է, ինքն իր երկրում էլ ոչ մի տարրական կրթություն անգամ չի ստացել, գրաճանաչ չի: Իսկ եթե մարդ իր լեզուն անգամ չգիտի, նա օտար լեզու էդ տարիքում դժվար թե կարողանա էնպես սովորել, որ նոր երկրում ոտքի կանգնի: Ինքն ամբողջ կյանքում բանվորություն ու ցածր կարգի աշխատանք է անելու, հնարավոր է, որ տասը տարուց մեջքը կոտրելու է ու էլ չկարողանա աշխատել, մնա պետության վրա:
Ու էդ մարդկանց պիտի ոնց կարողանաս օգնես, որ էդ վիճակից դուրս գա, բայց հաճախ ուղղակի գիտես, որ լավ ելքի հավանականությունը շատ քիչ է, եթե ոչ անհնար:

Իսկ այ «քաղաքակիրթ փախստակնները» ուրիշ օպերայից են: Արևելյան Եվրոպայից ու նախկին սովետական երկրներից որ լցվում են ու սկսում տզրուկի նման մնալ պետության վզին, էդ շատ ահավոր բան է: Որովհետև իրենք շատ ավելի մեծ շանսեր ունեն մարդավարի ապրելու, բայց չեն անում, որովհետև ձրիակեր են:
Լիքն են էստեղ ռուսներ, ուկրաինացիներ և այլոք, որ ամբողջ կյանքում չեն աշխատում ու ոչ էլ թե դարդ են անում էդ կապակցությամբ: Ահավոր կատեգորիա է:

Արէա
04.09.2015, 11:09
Վերևի գրառումներց հասկացա, որ մարդիկ չեն պատկերացնում, որ էս մարդիկ կոտորվելուց են փախչում, դրանք, բան,չեմ անում ինչ, ոնց որ անասուննների մասին դատողություններ կարդայի,ինչ վերաբերվում ա հոմոֆոբիային, նույնիսկ վիզայի համար իմելիս նշում ես, որ հմոֆոբ չես, ռասիստ չես և այլն, նենց որ հաստատ իրանք էլ ինչ-որ թղթեր լրացնելիս կլինեն: Մի խոսքով, «հիանում եմ» ձեր «սառը դատողությամբ», ցանկացած իրավիճակում «տրամաբանությունը չկորցնելու անկոտրում կարողությամբ»: Ուղղակի իմացեք, որ 21-րդ դարում էլ ոչ մեկս ապահովագրված չենք, Աստված մի արասցե, բայց էս վտանգը մեր պատուհանի տակ էլ ա, սահմանի վրայի միջադեպերը վկա:

Ոչ մի կապ չունի գրառումդ իմ ասածի հետ։ Ճիշտ ոնց որ Բյուրինը։ Կարդում եք էն, ինչ ուզում եք, ոչ թե էն ինչ գրած ա։

Իմ ասածն էս ա. էդ մարդկանց հետ ուղարկել չի կարելի։ Բայց նաև իրենց երկրների աշխատավարձերից մի քանի անգամ բարձր թոշակներ ապահովել չի կարելի։ Հենց էդ մարդկանց համար, թող ինտեգրվեն, մերվեն հասարակությանը, աշխատեն, հարկեր մուծեն, խնդիրներ չունենան ու չստեղծեն իրենց ազգության, կրոնի, համոզմունքներով պայմանավորված, թող գնան ապրեն, ո՞վ ա բան ասում։ Ի՞նչ անասուններ, ի՞նչ ռիսկային փախստականներ, ի՞նչ եք խոսում։

StrangeLittleGirl
04.09.2015, 11:12
Վերևի գրառումներց հասկացա, որ մարդիկ չեն պատկերացնում, որ էս մարդիկ կոտորվելուց են փախչում, դրանք, բան,չեմ անում ինչ, ոնց որ անասուննների մասին դատողություններ կարդայի,ինչ վերաբերվում ա հոմոֆոբիային, նույնիսկ վիզայի համար իմելիս նշում ես, որ հմոֆոբ չես, ռասիստ չես և այլն, նենց որ հաստատ իրանք էլ ինչ-որ թղթեր լրացնելիս կլինեն: Մի խոսքով, «հիանում եմ» ձեր «սառը դատողությամբ», ցանկացած իրավիճակում «տրամաբանությունը չկորցնելու անկոտրում կարողությամբ»: Ուղղակի իմացեք, որ 21-րդ դարում էլ ոչ մեկս ապահովագրված չենք, Աստված մի արասցե, բայց էս վտանգը մեր պատուհանի տակ էլ ա, սահմանի վրայի միջադեպերը վկա:
Սրա հետ կապված մի դեպք պատմեմ: Դրանից դրդված էս թեման բացեցի:

Էրեկ առավոտը ընկերուհիս, որն ԱՄՆ քաղաքացի ա (բայց ԱՄՆ-ում չի ծնվել, արմատներով Հարավային Ամերիկայից ու Եվրոպայից ա), ինձ գրում ա, որ Բուդապեշտում են լռվել: Տոնն ահավոր կատաղած ա, թե «էդ փախստականները» սենց ու սենց, ամենաուշը կես ժամից պիտի հյուրանոցից չեքաութ լինենք, իսկ Գերմանիա գնացող գնացքները քենսըլվել են, ի՞նչ պիտի անենք, սենց ու նենց: Սկսեցի հանգստացնել ու բացատրել, որ էդ մարդիկ մահվանից են փրկվել, որ եթե դու մի քանի ժամ ուշ Գերմանիա հասնես, քեզ ոչ մի վնաս չի լինի: Մեկ էլ թե՝ բայց էդ փախստականները չեն ինտեգրվում, լեզու չեն սովորում, գեթոներում են ապրում: Էլի բացատրեցի, որ հիմա դրա ժամանակը չի, հիմա պետք ա նենց անել, որ էդ մարդիկ չկոտորվեն: Չգիտեմ՝ հասկացավ, թե չէ: Բայց ինձ չի զարմացնում, որ էշ կերած-էշ մեծացած ամերիկացին տենց ա մտածում: Զարմացնում ա, որ ցեղասպանության հարյուրամյակը տոնող հայ ազգը դռները չի բացում, ասում՝ էկեք, մենք ձեզ տեղ կտանք:

StrangeLittleGirl
04.09.2015, 11:16
Ոչ մի կապ չունի գրառումդ իմ ասածի հետ։ Ճիշտ ոնց որ Բյուրինը։ Կարդում եք էն, ինչ ուզում եք, ոչ թե էն ինչ գրած ա։

Իմ ասածն էս ա. էդ մարդկանց հետ ուղարկել չի կարելի։ Բայց նաև իրենց երկրների աշխատավարձերից մի քանի անգամ բարձր թոշակներ ապահովել չի կարելի։ Հենց էդ մարդկանց համար, թող ինտեգրվեն, մերվեն հասարակությանը, աշխատեն, հարկեր մուծեն, խնդիրներ չունենան ու չստեղծեն իրենց ազգության, կրոնի, համոզմունքներով պայմանավորված, թող գնան ապրեն, ո՞վ ա բան ասում։ Ի՞նչ անասուններ, ի՞նչ ռիսկային փախստականներ, ի՞նչ եք խոսում։

Արէա, նախ, էդ երկրներում տալիս են էնքան նպաստ, ինչքան հերիք ա նորմալ ապրելու համար: Երկրորդ, էդ մարդիկ երբ փախստականի կարգավիճակ ունեն, աշխատելու իրավունք չունեն: Քեզ թվում ա՝ չե՞ն ուզում աշխատել: Մի հատ նայի Հայաստան էկած քանի՞ սիրիահայ ա պարապ տանը նստած: Երրորդ, ի՞նչ խնդիր պիտի ստեղծեն իրանց ազգությամբ, համոզմունքներով ու կրոնով պայմանավորված: Ֆաշիզմն էլ հո Եվրոպայում ծնունդ առած երևույթ ա, որը խնդիր ա ստեղծել ժամանակին ու հիմա էլ պիտի ստեղծի: Չորրորդ, էս պահին էդ մարդկանց ինտեգրելու/լեզու սովորացնելու/աշխատելու իրավունք տալու-չտալու հարցերը ծիծլյոներորդական կարևորություն ունեն: Ավելի հրատապ ա իրանց գլխներին տանիք ու մի կտոր հաց տալը:

StrangeLittleGirl
04.09.2015, 11:21
Իսկ այ «քաղաքակիրթ փախստակնները» ուրիշ օպերայից են: Արևելյան Եվրոպայից ու նախկին սովետական երկրներից որ լցվում են ու սկսում տզրուկի նման մնալ պետության վզին, էդ շատ ահավոր բան է: Որովհետև իրենք շատ ավելի մեծ շանսեր ունեն մարդավարի ապրելու, բայց չեն անում, որովհետև ձրիակեր են:
Լիքն են էստեղ ռուսներ, ուկրաինացիներ և այլոք, որ ամբողջ կյանքում չեն աշխատում ու ոչ էլ թե դարդ են անում էդ կապակցությամբ: Ահավոր կատեգորիա է:
Հա, բայց էսօր խոսքը հեչ նրանց մասին չի, լուրերն էլ իրանցով չի ողողված: Տենց «փախստականներ» Հայաստանից էլ լիքը կան, որ հազարումի սուտ հորինելով մնում են Եվրոպայում: Անընդհատ շեշտվում ա. Սիրիայից, Իրաքից ու Աֆրիկայից:

Արէա
04.09.2015, 11:22
Արէա, նախ, էդ երկրներում տալիս են էնքան նպաստ, ինչքան հերիք ա նորմալ ապրելու համար: Երկրորդ, էդ մարդիկ երբ փախստականի կարգավիճակ ունեն, աշխատելու իրավունք չունեն: Քեզ թվում ա՝ չե՞ն ուզում աշխատել: Մի հատ նայի Հայաստան էկած քանի՞ սիրիահայ ա պարապ տանը նստած: Երրորդ, ի՞նչ խնդիր պիտի ստեղծեն իրանց ազգությամբ, համոզմունքներով ու կրոնով պայմանավորված: Ֆաշիզմն էլ հո Եվրոպայում ծնունդ առած երևույթ ա, որը խնդիր ա ստեղծել ժամանակին ու հիմա էլ պիտի ստեղծի: Չորրորդ, էս պահին էդ մարդկանց ինտեգրելու/լեզու սովորացնելու/աշխատելու իրավունք տալու-չտալու հարցերը ծիծլյոներորդական կարևորություն ունեն: Ավելի հրատապ ա իրանց գլխներին տանիք ու մի կտոր հաց տալը:

Բյուր ի՞նչ ես խոսում, ինչի եք հետս կռիվ անում այ մարդ։
Ես հստակ լուծում չունեմ էս հարցին, ես չեմ ասում էդ մարդկանց դուրս արեք, թող գնան մեռնեն։ Ասում եմ պիտի ընդունեն, հետո ասում եմ բայց պիտի շատ արքայավայել պայմաններ չստեղծել (իրենց երկրների հետ համեմատած), որպեսզի փախստականի անվան տակ ինչքան աղքատ երկրի բնակիչ կա, չգան եվրոպական գաղութներում թոշակ ստանան ապրեն (ես մի քանի նման հայ ընտանիք գիտեմ), հետո մտածում եմ բայց եթե գումարը չհերիքի ապրել, սնվելու համար էդ մարդիկ ռիսկային կդառանան, հետևաբար էս մեթոդը կիրառել պետք չի։ Էս ա իմ ասածը։ Դուք չգիտեմ ինչի մասին եք խոսում, ու իմ որ ասածի հետ չեք համաձայնվում։

Շինարար
04.09.2015, 11:22
Ոչ մի կապ չունի գրառումդ իմ ասածի հետ։ Ճիշտ ոնց որ Բյուրինը։ Կարդում եք էն, ինչ ուզում եք, ոչ թե էն ինչ գրած ա։

Իմ ասածն էս ա. էդ մարդկանց հետ ուղարկել չի կարելի։ Բայց նաև իրենց երկրների աշխատավարձերից մի քանի անգամ բարձր թոշակներ ապահովել չի կարելի։ Հենց էդ մարդկանց համար, թող ինտեգրվեն, մերվեն հասարակությանը, աշխատեն, հարկեր մուծեն, խնդիրներ չունենան ու չստեղծեն իրենց ազգության, կրոնի, համոզմունքներով պայմանավորված, թող գնան ապրեն, ո՞վ ա բան ասում։ Ի՞նչ անասուններ, ի՞նչ ռիսկային փախստականներ, ի՞նչ եք խոսում։
Օքեյ:

StrangeLittleGirl
04.09.2015, 11:28
Բյուր ի՞նչ ես խոսում, ինչի եք հետս կռիվ անում այ մարդ։
Ես հստակ լուծում չունեմ էս հարցին, ես չեմ ասում էդ մարդկանց դուրս արեք, թող գնան մեռնեն։ Ասում եմ պիտի ընդունեն, հետո ասում եմ բայց պիտի շատ արքայավայել պայմաններ չստեղծել (իրենց երկրների հետ համեմատած), որպեսզի փախստականի անվան տակ ինչքան աղքատ երկրի բնակիչ կա, չգան եվրոպական գաղութներում թոշակ ստանան ապրեն (ես մի քանի նման հայ ընտանիք գիտեմ), հետո մտածում եմ բայց եթե գումարը չհերիքի ապրել, սնվելու համար էդ մարդիկ ռիսկային կդառանան, հետևաբար էս մեթոդը կիրառել պետք չի։ Էս ա իմ ասածը։ Դուք չգիտեմ ինչի մասին եք խոսում, ու իմ որ ասածի հետ չեք համաձայնվում։
Արէա, էս թեման Հայաստանից ու մյուս նմանատիպ երկրներից գնացած-հանձնվածների մասին չի, այլ շատ կոնկրետ հիմիկվա ճգնաժամի: Թեմայի առաջին գրառումը չե՞ս կարդացել: Լուրեր չե՞ս կարդում: Թե՞ կարծում ես Բուդապեշտի կայարանում մի քանի հարյուր հոգի էլ Հայաստանից ա հավեսի համար գնացել:
Ո՞վ ա էդ մարդկանց համար արքայավայել պայմաններ ապահովում: Էն ա, Ռիփի գրառումը կարդա, տես, թե ինչ ճանապարհ են անցնում էդ մարդիկ:

ivy
04.09.2015, 11:28
Եկեք մի կարևոր բան չմոռանանք: Պետության վզին ապրել կարող է նաև Եվրոպայում ծնված մեծացած մարդը: Ինչը որ շատ գերմանացիներ մեծ հաջողությամբ անում են իրենց սիրելի Գերմանիայում: Էդպես է էս երկիրը. աշխատես-չաշխատես, կապրես:
Հարցը էն է, թե ով ինչ հնարավորություն ունի, որ չի օգտագործում:

Իսկ եվրոպական արժեքներ և այլնի վերաբերյալ, պարզ է, չես կարող ակնկալել, որ օտար կրոնով ու այլ ազգային գիակցությամբ մարդը պիտի էդ ամենը մի կողմ թողնի ու ապրի եվրոպացու նման:
Ինտեգրվելը պիտի լինի մյուս երկրի արժեքները ճանաչելը, դրանք հարգելը, օրենքներին ենթարկվելը ու իհարկե լեզուն սովորելը: Բայց ոչ ոք էդ մարդկանցից, առնվազն Գերմանիայում, չի պահանջում, որ իրենց սեփական արժեքներից հրաժարվեն, եթե դա որևէ այլ մեկին չի վնասում:
Երևի թուրքերը ամենալավ օրինակն են, թե ոնց են ապրում Գերմանիայում: Ապրում են մարդիկ արդեն երեք սերունդ է, բայց համ իրենց կրոնն ու ավանդույթներն են պահել, համ էլ կարողանում են եվրոպական երկրում նորմալ գոյատևել: Ու ոչ մեկին վնաս չի տալիս ոչ իրենց մուսուլման լինելը, ոչ մնացած ամեն ինչը:

Արէա
04.09.2015, 11:32
Արէա, էս թեման Հայաստանից ու մյուս նմանատիպ երկրներից գնացած-հանձնվածների մասին չի, այլ շատ կոնկրետ հիմիկվա ճգնաժամի: Թեմայի առաջին գրառումը չե՞ս կարդացել: Լուրեր չե՞ս կարդում: Թե՞ կարծում ես Բուդապեշտի կայարանում մի քանի հարյուր հոգի էլ Հայաստանից ա հավեսի համար գնացել:
Ո՞վ ա էդ մարդկանց համար արքայավայել պայմաններ ապահովում: Էն ա, Ռիփի գրառումը կարդա, տես, թե ինչ ճանապարհ են անցնում էդ մարդիկ:

Ստեղ կա 2 խնդիր.

1. կոնկրետ էս մարդկանց խնդիրը
2. ներգաղթյալների խնդիրը եվրոպական երկրներում

1. էդ մարդկանց պետք ա ընդունել
2. էն վերևի բոլոր գրածներս էստեղ քոփի փաստ

սենց ավելի՞ պարզ ա ինչ եմ ասում։

StrangeLittleGirl
04.09.2015, 11:36
Ստեղ կա 2 խնդիր.

1. կոնկրետ էս մարդկանց խնդիրը
2. ներգաղթյալների խնդիրը եվրոպական երկրներում

1. էդ մարդկանց պետք ա ընդունել
2. էն վերևի բոլոր գրածներս էստեղ քոփի փաստ

սենց ավելի՞ պարզ ա ինչ եմ ասում։

Չէ, պարզ չի, որովհետև մենք ստեղ ներգաղթյալներից չենք խոսում, խոսում ենք փախստականներից, էս թեման ներգաղթյալների մասին չի: Թե չէ ես էլ, Շինն էլ ներգաղթյալ ենք, Ռիփն էլ վախտին էղել ա, բայց մեր խնդիրներն էս թեմայի հետ ոչ մի կապ չունեն:

StrangeLittleGirl
04.09.2015, 11:41
Լավ հոդված էն մասին, թե ոնց կարելի ա օգնել փախստականներին: (http://mashable.com/2015/09/03/refugee-crisis-how-to-help/)
Էս էլ հատված միգրանտի ու փախստականի տարբերությունների մասին.


A migrant is someone who chooses to seek better living conditions in another country. While there, too, is certainly a migrant crisis, the distinction is important because countries deal with migrants based on individual immigration policies and processes, while international law dictates that countries have a responsibility to protect refugees. Conflating the terms can have dangerous consequences for refugees, and often gives way to political debate and xenophobia in place of relief during a humanitarian crisis.

ivy
04.09.2015, 11:43
Բյուր, կներես, եթե մի քիչ լայնացրեցինք թեման, եթե դեռ էլի գրելու լինեմ, մենակ «փախստական» կատեգորիային կանդրադառնամ:

StrangeLittleGirl
04.09.2015, 11:45
Բյուր, կներես, եթե մի քիչ լայնացրեցինք թեման, եթե դեռ էլի գրելու լինեմ, մենակ «փախստական» կատեգորիային կանդրադառնամ:

Չէ, Ռիփ, հակառակը, քո գրառմամբ դու շատ հստակ նկարագրել ես երկուսի տարբերությունները: Սկզբի համար պետք ա էդ տարբերությունները սահմանել, որովհետև շատերը չգիտեն դրանց մասին:

Արէա
04.09.2015, 11:46
Չէ, պարզ չի, որովհետև մենք ստեղ ներգաղթյալներից չենք խոսում, խոսում ենք փախստականներից, էս թեման ներգաղթյալների մասին չի: Թե չէ ես էլ, Շինն էլ ներգաղթյալ ենք, Ռիփն էլ վախտին էղել ա, բայց մեր խնդիրներն էս թեմայի հետ ոչ մի կապ չունեն:

Դու ու Շինը գնացել եք գաղութում թոշակով ապրելո՞ւ։ Մուհամեդի ծաղրանկարի համար մարդ ե՞ք սպանում։ Բոլոր ներգաղթյալները ձեր նման են, ու Եվրոպան հրաժարվո՞ւմ ա ընդունել էդ մարդկանց։
Եվրոպայում կա՞, թե՞ չկա ներգաղթյալների խնդիր, դժգոհություն։
Փախստականներին չընդունելը կապ ունի՞ էդ խնդրի հետ, թե չէ։

Թե չէ ասում էս թեման փախստականների մասին ա, մենք ներգաղթյալների մասին չենք խոսում։
Օքեյ։
Փախստականներին պետք ա ընդունել։
Շատ հետաքրքիր քննարկում կստացվի տենց։

Շինարար
04.09.2015, 11:47
Ստեղ կա 2 խնդիր.

1. կոնկրետ էս մարդկանց խնդիրը
2. ներգաղթյալների խնդիրը եվրոպական երկրներում

1. էդ մարդկանց պետք ա ընդունել
2. էն վերևի բոլոր գրածներս էստեղ քոփի փաստ

սենց ավելի՞ պարզ ա ինչ եմ ասում։
Ուղղակի մի տեսակ որ էն մնացած մարդկանց մասով խոսալը թեմայի հետ էդքան չբռնվեց, դրա համար սխալ ընկալեցի ասածդ: Վերադառնալով սիրիացիքին՝ահավոր ա, Արեա ջան, ասենք գնում են մյուս արաբական երկրներ, քանի որ եվրոպացիներից շատերը շեշտում են, թե թող մուսուլմանական երկրները կամ արաբները օգնեն, ինչը արդեն իսկ խորացնում ա քրիստոնյա-մուսուլման լարվածությունը, բայց տես, Լիբանանը փոքր երկիր ա, միլիոնից ավել փախստական ա ընդւոնել, բայց նաև շատ խառը երկիր ա, բազմաթիվ կորնական խմբերով՝ նույն իսլամի ներսում, նույն քրիստոնյանեի ներսում, բռնում էս գնացածներին տեղացիները տփում են, եկեղեցուց շատերը վախում են դուրս գան, մոտ մի միլիոն էլ եկել են Եգիպտոս, ճահճի մեջ գտնվող մի երկիր, որը առանց էն էլ տարին երկւ միլիոն բնական աճ ունի, ինչը արգելակում ա զարգացման ամեն հեռանկար, որովհետև առանց էն էլ ճահճի մեջ են, մի բան էլ ծանրանում են, ի՞նչ կարա տա էս երկիրը եկածներին, շատ-շատ նոր եկած վաղտ տեղացիք սուտի օգնելու անվան տակ, վերջին խնայողությունները պոկեն, ճամփեն, ոնց որ շատ սիրիահայերի հետ տեղացիները Հայաստանում են վարվում: Բնական ա, որ մարդիկ Եվրոա են ձգտում, երկրներ, որտեղ աշխատող սիստեմ կա, ու հույս ինտեգրվելու, հազվագյուտ մարդիկ կլինեն, որ կուզեն գնան ձրիակերությամբ զբաղվեն, բայց մեծ մասը ուղղակի մտածում ա փրկի իր կյանքը, ու նենց տեղ գնա, որտեղ նորմալ պայմաններ կլինեն քչից շատից: Դրա համար հենց էս թեմայում, ցեղասպանությունից փախչողների մասին քննարկման ֆոնին տենց ընդհանուր այլ հարցերի շոշափումը մի տեսակ տարօրինակ ընկալվեց, ներող:

StrangeLittleGirl
04.09.2015, 11:52
Դու ու Շինը գնացել եք գաղութում թոշակով ապրելո՞ւ։ Մուհամեդի ծաղրանկարի համար մարդ ե՞ք սպանում։ Բոլոր ներգաղթյալները ձեր նման են, ու Եվրոպան հրաժարվո՞ւմ ա ընդունել էդ մարդկանց։
Եվրոպայում կա՞, թե՞ չկա ներգաղթյալների խնդիր, դժգոհություն։
Փախստականներին չընդունելը կապ ունի՞ էդ խնդրի հետ, թե չէ։

Թե չէ ասում էս թեման փախստականների մասին ա, մենք ներգաղթյալների մասին չենք խոսում։
Օքեյ։
Փախստականներին պետք ա ընդունել։
Շատ հետաքրքիր քննարկում կստացվի տենց։
Միգրանտ բառի սահմանումը. a person who moves from one place to another in order to find work or better living conditions.
Հիմա միգրանտներն էլ են տարբեր տեսակի լինում: Լինում են կրթություն ունեցող ու չունեցողներ, լինում են նախապես գործ ճարած ու չճարածներ, լեզու իմացողներ ու չիմացողներ: Բայց ես ու Շինը մտնում ենք էդ մեծ միգրանտ կատեգորիայի մեջ, ու երբ պետությունը մեզ հետ գործ ա ունենում, նայում ա իրա ներգաղթի քաղաքականությանը (կրթություն ունես/չունես, լեզու գիտե/չգիտես և այլն), ոչ թե փախստականներ ընդունելուն: Իհարկե, կան նաև լիքը խաբեբաներ, որոնք փախստականի անվան տակ ուզում են անցնել, բայց իրանց իրական կարգավիճակը շարունակում ա մնալ միգրանտ, նույնիսկ եթե իրանք ստեր են հորինում, թե պատերազմից են փախել:

ivy
04.09.2015, 11:57
Միգրանտ բառի սահմանումը. a person who moves from one place to another in order to find work or better living conditions.
Հիմա միգրանտներն էլ են տարբեր տեսակի լինում: Լինում են կրթություն ունեցող ու չունեցողներ, լինում են նախապես գործ ճարած ու չճարածներ, լեզու իմացողներ ու չիմացողներ: Բայց ես ու Շինը մտնում ենք էդ մեծ միգրանտ կատեգորիայի մեջ, ու երբ պետությունը մեզ հետ գործ ա ունենում, նայում ա իրա ներգաղթի քաղաքականությանը (կրթություն ունես/չունես, լեզու գիտե/չգիտես և այլն), ոչ թե փախստականներ ընդունելուն: Իհարկե, կան նաև լիքը խաբեբաներ, որոնք փախստականի անվան տակ ուզում են անցնել, բայց իրանց իրական կարգավիճակը շարունակում ա մնալ միգրանտ, նույնիսկ եթե իրանք ստեր են հորինում, թե պատերազմից են փախել:

Բյուր, բայց դե նույն փախստականն էլ ապրելու ու աշխատելու իրավունք ստանալուց հետո դառնում է «միգրանտ»:

StrangeLittleGirl
04.09.2015, 12:07
Բյուր, բայց դե նույն փախստականն էլ ապրելու ու աշխատելու իրավունք ստանալուց հետո դառնում է «միգրանտ»:

Հա, տենց ա, բայց դա նախ ահագին երկար, հաճախ տարիների ճանապարհ ա, երկրորդ՝ էս պահն ա կարևոր, թե էս պահին «ճգնաժամը» ովքեր են ստեղծել: Լրատվամիջոցներն անընդհատ միգրանտ տերմինն են օգտագործում, իսկ դա խառնաշփոթ ա առաջացնում, մարդիկ ասում են՝ հետ գնացեք ձեր երկրները:

Աթեիստ
04.09.2015, 12:11
Եթե թեման վերաբերում ա ՄԵՆԱԿ էսօրվա խնդրին, ի՞նչ քննարկում եք ակնկալում։ Պարզ ա, որ որ երկիրն եմ լինի, պտի ընդունի։ Կենաց-մահու հարց ա։
Բայց էլի շարունակեմ։ էն Այվիի ասած վատ մասսան դա տեսնելով ա նոր թափով վազելու։ Ու չեմ կարծում, թե իրանք հիմա կարանալու են տարբերակեն մահից ա փախե՞լ, թե սաշիկից։

StrangeLittleGirl
04.09.2015, 12:14
Եթե թեման վերաբերում ա ՄԵՆԱԿ էսօրվա խնդրին, ի՞նչ քննարկում եք ակնկալում։ Պարզ ա, որ որ երկիրն եմ լինի, պտի ընդունի։ Կենաց-մահու հարց ա։
Բայց էլի շարունակեմ։ էն Այվիի ասած վատ մասսան դա տեսնելով ա նոր թափով վազելու։ Ու չեմ կարծում, թե իրանք հիմա կարանալու են տարբերակեն։
Հենց մենակ էսօրվա խնդրի մեջ լիքը քննարկելու հարց կա.
1. Եվրոպան ինչքա՞ն կարա փախստական ընդունի, հո ռեզին չի՞:
2. Գերմանիան ինչքա՞ն կարա բեռն իրա վրա վերցնի, հո մենակ ինքը չի՞ Եվրոպա:
3. Փախստականներն ինչու՞ են Գերմանիա վազում, թող Հունգարիայում մնան, էդ էլ ա Եվրոպա, Հունգարիան էլ փախստական ընդունելու պարտավորություն ունի:
4. Հունգարիան Սերբիայի սահմանին պատ ա դնում, որ էլ փախստականներ չգան: Իրա սահմաններն ա պաշտպանում, կարա՞ս դրա դեմ բան ասես:
5. Մենք ի՞նչ կարանք անենք:

Ու սենց լիքը հարցեր: Դրան էլ ավելացրած հենց քո բարձրացրած հարցը:

ivy
04.09.2015, 12:18
Եթե թեման վերաբերում ա ՄԵՆԱԿ էսօրվա խնդրին, ի՞նչ քննարկում եք ակնկալում։ Պարզ ա, որ որ երկիրն եմ լինի, պտի ընդունի։ Կենաց-մահու հարց ա։
Բայց էլի շարունակեմ։ էն Այվիի ասած վատ մասսան դա տեսնելով ա նոր թափով վազելու։ Ու չեմ կարծում, թե իրանք հիմա կարանալու են տարբերակեն մահից ա փախե՞լ, թե սաշիկից։

Արտ, էդքան էլ տենց չի. իրականում լավ էլ տարբերակում են: Եթե որպես «փախստական» է եկել, այսինքն՝ եկել հանձնվել է, ու քիչ թե շատ նորմալ երկրից է, մեծ հավանականությամբ հետ են ուղարկելու: Ու հիմա դա ավելի է խստացել, որովհետև մնացած ավելի կարիքավոր երկրներից եկածներին տեղ է պետք:
Մենք փախստականների տանը Իրանից եկած տղա ունեինք. իր մնալու իավունքը չհաստատվեց:
Անգամ հաշվի առնելով, որ անչափահաս է ու էնտեղ դիսկրիմինացիայի է ենթարկվել՝ որպես աֆղանցի:

Ու էստեղ արդեն հաստատ «փախստական» կատեգորիային անդրադառնալը կարևոր է: Էդ ստատուսով հիմա մենակ վերոհիշյալ երկրների մարդիկ կարող են ընդունվել՝ շատ քիչ բացառություններով:

Շինարար
04.09.2015, 12:41
5. Մենք ի՞նչ կարանք անենք:


Մե՞նք, ապրիլի 24-ին կրկին կասենք՝ քաղաքակիրթ Եվրոպան թքած ուներ և այլն, և այլն, ու չենք հիշի, որ մենք էլ էսօր թքած ունենք: Չգիտեմ, ես համ ասում եմ՝ չեմ ուզւոմ մասնավոր դպքրի, համ չեմ կարում անտարբեր մնամ, բայց նաև մտածում եմ կարելի ա նաև մի քիչ ավելի ընդհանրական բան մտածել, մի ռուս ծանոթուհի ունեմ, ուզում ենք՝ ինչ-որ բան նախաձեռնել, բայց մենք էլ գլխի չենք ինչ :) Մեր հավաքած փողը եվրոպական երկրների համար ինչ տի լինի, նույնիսկ եթե միլիոն էլ հավաքենք, այ եթե Հայաստանի մենակ սիրիահայերին չընդուներ,այլ նաև արաբների,դե մեզ մոտ սենց թե նենց էդքան շատ չէին գա, կրայինք մենք էլ ինչ-որ նախաձեռնություններ անել, որոնցով ռեալ օգտակար կլինեինք: Բայց ինքը քանի որ հենց րիսըրչ ա անում Սիրիայի փախստականների թեման, ահագին ծանոթներ ունի էնտեղ, օրական ուղակրում ա ծայրահեղ վիճակում գտնվող մարդկանց մասին նոր պատմություններ, մարդ չի իմանում ինչ անի, ոնց անի: Այսինքն՝եթեմեր պետությունը չի ընդւոնում, մենք մասնավոր մարդիկ ի՞նչ կարանք անենք:

Ներսես_AM
04.09.2015, 12:46
Ես էլ եմ համարում որ զուտ մարդասիրական տեսանկյունից պետք ա փախստականներին ընդունել։
Բայց օրինակ էս նկարը մի տեսակ երկակի զգացողություններ առաջացրեց։
Հիմա մարդը պատերազմից ա փրկվել եկել հասել ա եվրոպա ու ջոկողություն ա դնում Հունգարիայի ու Գերմանիա/Շվեդիայի միջև։

https://pbs.twimg.com/media/CNuh-U8WsAAWrsH.jpg

StrangeLittleGirl
04.09.2015, 13:13
Մե՞նք, ապրիլի 24-ին կրկին կասենք՝ քաղաքակիրթ Եվրոպան թքած ուներ և այլն, և այլն, ու չենք հիշի, որ մենք էլ էսօր թքած ունենք: Չգիտեմ, ես համ ասում եմ՝ չեմ ուզւոմ մասնավոր դպքրի, համ չեմ կարում անտարբեր մնամ, բայց նաև մտածում եմ կարելի ա նաև մի քիչ ավելի ընդհանրական բան մտածել, մի ռուս ծանոթուհի ունեմ, ուզում ենք՝ ինչ-որ բան նախաձեռնել, բայց մենք էլ գլխի չենք ինչ :) Մեր հավաքած փողը եվրոպական երկրների համար ինչ տի լինի, նույնիսկ եթե միլիոն էլ հավաքենք, այ եթե Հայաստանի մենակ սիրիահայերին չընդուներ,այլ նաև արաբների,դե մեզ մոտ սենց թե նենց էդքան շատ չէին գա, կրայինք մենք էլ ինչ-որ նախաձեռնություններ անել, որոնցով ռեալ օգտակար կլինեինք: Բայց ինքը քանի որ հենց րիսըրչ ա անում Սիրիայի փախստականների թեման, ահագին ծանոթներ ունի էնտեղ, օրական ուղակրում ա ծայրահեղ վիճակում գտնվող մարդկանց մասին նոր պատմություններ, մարդ չի իմանում ինչ անի, ոնց անի: Այսինքն՝եթեմեր պետությունը չի ընդւոնում, մենք մասնավոր մարդիկ ի՞նչ կարանք անենք:
Չեմ կարծում՝ մեր հավաքած փողը քիչ կլինի: Այսինքն, քիչը քիչ, բայց էլի բան ա: Մարդ ա որ իրա կարացածի չափ օգնի, էլի մի բան դուրս կգա:
Մտածում եմ՝ կարելի ա շուխուռ անել, Հայաստանի իշխանությունների ուշադրությունը հրավիրել նաև արաբներին ընդունելու վրա: Ուղղակի ստեղ մի քանի բարդ հարց կա. նայի, ես ու դու ենք, մենք Հայաստանում չենք, շատ բան չենք կարա անենք, իսկ Հայաստանում գտնվողներից շատ-շատերը, էդ թվում ակտիվիստներ, ոնց հասկանում եմ խոսակցություններից, էդքան մտահոգված չեն էս հարցով: Կարելի ա նաև կամավորություն անել, ասենք, կարմիր խաչում:
Դանիան էլ նոր փախստականների չի ընդունում, բայց Շվեդիան քթներիս տակ ա, իրանց դռները բաց են:


Ես էլ եմ համարում որ զուտ մարդասիրական տեսանկյունից պետք ա փախստականներին ընդունել։
Բայց օրինակ էս նկարը մի տեսակ երկակի զգացողություններ առաջացրեց։
Հիմա մարդը պատերազմից ա փրկվել եկել հասել ա եվրոպա ու ջոկողություն ա դնում Հունգարիայի ու Գերմանիա/Շվեդիայի միջև։

https://pbs.twimg.com/media/CNuh-U8WsAAWrsH.jpg
Ինչու՞
Ներս, էս ջոկողությունը պարզից էլ պարզ ա ինչու ա տեղի ունենում. Գերմանիան էլ, Շվեդիան էլ շատ պարզ, սևը սպիտակի վրա հայտարարել են, որ ընդունում են փախստականների, մինչդեռ Հունգարիան սահմաններ ա փակում: Պարզ չի՞, որ մարդիկ կուզենան գնալ էնտեղ, որտեղ պաշտոնապես հայտարարված ա, որ իրանց ընդունում են:

StrangeLittleGirl
04.09.2015, 13:25
Մի հատ էլ լավ հոդված: (https://www.hrw.org/news/2015/09/03/refugee-crisis-isnt) Էստեղ էլ ա ասվում, թե ինչու են փախստականները Շվեդիային ու Գերմանիային նախընտրություն տալիս:

StrangeLittleGirl
04.09.2015, 15:19
Էս էլ Կանադան (https://news.vice.com/article/drowned-syrian-toddler-was-one-of-thousands-of-refugees-rejected-by-canada?utm_source=vicenewsfb):

Ներսես_AM
04.09.2015, 15:44
Ինչու՞
Ներս, էս ջոկողությունը պարզից էլ պարզ ա ինչու ա տեղի ունենում. Գերմանիան էլ, Շվեդիան էլ շատ պարզ, սևը սպիտակի վրա հայտարարել են, որ ընդունում են փախստականների, մինչդեռ Հունգարիան սահմաններ ա փակում: Պարզ չի՞, որ մարդիկ կուզենան գնալ էնտեղ, որտեղ պաշտոնապես հայտարարված ա, որ իրանց ընդունում են:

Եսիմ մի տեսակ եթե հարցը պատերազմից փրկվելն ա, ցանկացած տեղ որտեղ իրենց չեն խոշտանգում ու նեղացնում պիտի փրկություն համարվի։ Թեկուզ նույն Հունաստանն ու Թուրքիան։ Ինչի ա պետա մի հատ էլ կյանքը վտանգի տակ դնել ու գնալ հասնել Կանադա կամ Գերմանիա։ Կոնկրետ էս նկարում մարդիկ արդեն հասել են Հունգարիա որտեղից իրենց ոնց որ թե չեն ուզում քշեն հետ։ Կամ էլ ես չգիտեմ թե իրենց ինչ են անում Հունգարիայում որ ուզում են ըտեղից էլ թռնել։

StrangeLittleGirl
04.09.2015, 15:53
Եսիմ մի տեսակ եթե հարցը պատերազմից փրկվելն ա, ցանկացած տեղ որտեղ իրենց չեն խոշտանգում ու նեղացնում պիտի փրկություն համարվի։ Թեկուզ նույն Հունաստանն ու Թուրքիան։ Ինչի ա պետա մի հատ էլ կյանքը վտանգի տակ դնել ու գնալ հասնել Կանադա կամ Գերմանիա։ Կոնկրետ էս նկարում մարդիկ արդեն հասել են Հունգարիա որտեղից իրենց ոնց որ թե չեն ուզում քշեն հետ։ Կամ էլ ես չգիտեմ թե իրենց ինչ են անում Հունգարիայում որ ուզում են ըտեղից էլ թռնել։
Կոնկրետ էրեկ Հունգարիայում իրանց շատ վատ են վերաբերվել. գնացքները կանգնացնելով, առանց սննդի-բանի, ճամբարներ քշելով: Անմարդկային վերաբերմունք ա էղել: Սերբիայի սահմանին պատ կառուցելն էլ էդ վատ վերաբերմունքի մեկ այլ դրսևորում ա: Հունգարիան իրա գործով ցույց ա տալիս, որ փախստականներին չի ուզում:

Ինչ վերաբերում ա Հունաստատնին, ապա մեկը լիներ, հիմա Հունաստանին փրկեր: Ինքը սկի իրան չի կարում պահի, ուր մնաց փախստականներին: Թուրքիա գնում են: Բայց էս ամբողջ ֆոնի վրա մենակ Գերմանիան ու Շվեդիան են պաշտոնապես հայտարարել, որ ընդունում են փախստականներին, այսինքն՝ դրանք ամենաապահով երկրներն են, որ կարան հասնեն, այսինքն՝ էդ երկրների դռնից իրանց հետ չեն ուղարկի: Պարզ ա էսքանից հետո բոլորը կուզենան Գերմանիա հասնել, որտեղ իրանց շոկոլադով են դիմավորում, ոչ թե մնան Հունգարիայում կամ այլ երկրներում, որտեղ նորից իրանց կյանքը հարցականի տակ ա դրվելու:

Ռուֆուս
04.09.2015, 16:14
Բայց հետաքրքիր ա, որ ոչ ոք Քաթար, Բահրեյն, Էմիրաթներ, Օման, Սաուդյան Արաբիա չի ուզում գնալ։ Շատ հարուստ ու արագ զարգացող երկրներ են, հաստատ բոլորին կկարողանան համ կերակրել, համ հագցնել համ էլ լիքը հնարավորություններ կստեղծեն էս մարդկանց ապագայի համար։

StrangeLittleGirl
04.09.2015, 16:18
Էս էլ ավստրիացիները (http://www.thelocal.at/20150904/vienna-group-plans-refugee-convoy-to-hungary) ու էն մասին, թե ոնց կարան հասարակ մարդիկ որևէ օգուտ տան, Հունգարիայի թեմային էլ մանրամասն անդրադառնում ա:

Հունգարիայի վարքն էլի ինչ-որ տեղ կարելի կլիներ հասկանալ, որ Դուբլինի կոնվենցիային են հետևում: Բայց Մերկելը բավական հստակ ասել ա, որ իրանք ոչ մեկի հետ չեն ուղարկելու սահման: Անհասկանալի ա, թե ինչու Հունգարիան ոչ մի կերպ չի թողնում էդ մարդիկ հասնեն Գերմանիա՝ սարսափելի պայմաններ ստեղծելով իրանց համար Հունգարիայով, տեղափոխող մաֆիաներին էլ անօրինական գործողությունների հնարավորություններ ստեղծելով: Ախր նենց չի, որ Հունգարիան զոռով ուզում ա օգնել փախստականներին, փախստականները չեն ուզում:

StrangeLittleGirl
04.09.2015, 16:19
Բայց հետաքրքիր ա, որ ոչ ոք Քաթար, Բահրեյն, Էմիրաթներ, Օման, Սաուդյան Արաբիա չի ուզում գնալ։ Շատ հարուստ ու արագ զարգացող երկրներ են, հաստատ բոլորին կկարողանան համ կերակրել, համ հագցնել համ էլ լիքը հնարավորություններ կստեղծեն էս մարդկանց ապագայի համար։
Էդ երկրները հայտարարե՞լ են, որ փախստականներին կընդունեն կամ իրանց օրենքներում ամրագրվա՞ծ ա, թե տարին քանի փախստական կարան ընդունեն:

Ռուֆուս
04.09.2015, 16:21
Էդ երկրները հայտարարե՞լ են, որ փախստականներին կընդունեն կամ իրանց օրենքներում ամրագրվա՞ծ ա, թե տարին քանի փախստական կարան ընդունեն:
Չգիտեմ, հռետորական հարց եմ տալիս։ :)) մանավանդ որ բոլորն էլ արաբ են ու պետք ա որ ինտեգրումն ավելի հեշտ անցնի

StrangeLittleGirl
04.09.2015, 16:24
Չգիտեմ, հռետորական հարց եմ տալիս։ :)) մանավանդ որ բոլորն էլ արաբ են ու պետք ա որ ինտեգրումն ավելի հեշտ անցնի

Էն ա, Շինն ասեց, որ արաբականներից Լիբանան ու Եգիպտոս հասնում են, որտեղ եսիմինչ երևելի վիճակ չի: Բայց եթե Լիբանան ու Եգիպտոս հասնում են: Իսկ մյուս արաբական երկրների մասին պատասխաններն էս (http://www.quora.com/Why-dont-rich-Arab-countries-accept-and-integrate-refugees-from-other-Muslim-Arab-countries) են: Նրանք ուղղակի չորով չեն ընդունում փախստականների:

ivy
04.09.2015, 16:37
Ռուֆ, գնում են, ով ասեց չեն գնում, նույնիսկ Աֆրիկայի ներսում մի երկրից մյուսն են գնում. օրինակ Քենյան հսկայական ճամբար ունի Սոմալիայի փախստականների համար։
Ուղղակի հարցն էն է, թե որտեղ է ավելի ապահով, ոչ միայն ֆիզիկապես, այլեւ սոցիալապես։
Գերմանիայի ու սկանդինավյան երկրների նման ամուր սոցիալական համակարգ ուրիշ ոչ մի տեղ չկա, հետն էլ լավ են տրամադրված օտարերկրացիների հանդեպ:

Արշակ
04.09.2015, 16:51
Դեռ չեմ հասցրել կարդալ թեմայի գրառումները, բայց սենց մի հոդված էր ընկել աչքիս ֆբ ֆիդումս․ ասում ա Հայաստանը ավելի շատ փախստական ա ընդունել մինչև հիմա (դե մեծ մասը հայեր են երևի), քան Գերմանիան, Ֆրանսիան, Իտալիան, Իսպանիան ՈՒ ՄԹ–ն իրար գումարած․
http://thegampr.com/2013/12/13/armenia-shames-europe-in-humanitarian-aid-to-syrian-refugees/

StrangeLittleGirl
04.09.2015, 17:05
Դեռ չեմ հասցրել կարդալ թեմայի գրառումները, բայց սենց մի հոդված էր ընկել աչքիս ֆբ ֆիդումս․ ասում ա Հայաստանը ավելի շատ փախստական ա ընդունել մինչև հիմա (դե մեծ մասը հայեր են երևի), քան Գերմանիան, Ֆրանսիան, Իտալիան, Իսպանիան ՈՒ ՄԹ–ն իրար գումարած․
http://thegampr.com/2013/12/13/armenia-shames-europe-in-humanitarian-aid-to-syrian-refugees/

Էս 2013 թվի ա:

Էլի հնոտ բան, բայց խոսում ա հարևան երկրների մասին (https://www.amnesty.org/en/latest/news/2014/12/facts-figures-syria-refugee-crisis-international-resettlement/):

Ruby Rue
04.09.2015, 17:07
Դեռ չեմ հասցրել կարդալ թեմայի գրառումները, բայց սենց մի հոդված էր ընկել աչքիս ֆբ ֆիդումս․ ասում ա Հայաստանը ավելի շատ փախստական ա ընդունել մինչև հիմա (դե մեծ մասը հայեր են երևի), քան Գերմանիան, Ֆրանսիան, Իտալիան, Իսպանիան ՈՒ ՄԹ–ն իրար գումարած․
http://thegampr.com/2013/12/13/armenia-shames-europe-in-humanitarian-aid-to-syrian-refugees/

Էս նյութն էլի էր աչքովս ընկել. մոտ 2 տարի առաջ ա գրված: Դրանից հետո Սիրիայում իրավիճակն ավելի ա լարվել, բայց Սիրիայից Հայաստան եկող մարդկանց թիվը նվազել ա: Եթե սկզբում 10000-11000 մարդ ա եկել, ապա վերջին 1 տարվա ընթացքում էդ մարդկանց թիվը, ըստ Save the Children-ի, չի աճել: Ես էլ շատ սիրահայերի գիտեմ, որ Հայաստան գալուց հետո կամ գնացել են Սիրիա, կամ այլ երկրներ, որովհետև էստեղ տարրական պայմաններ չէին ապահովվում:
Ճիշտ է, դասական սահմանումով սիրիահայերը փախստական են, որովհետև պատերազմից փախել, հասել էին Հայաստան, բայց իրենց մի մասը նաև Հայաստանի քաղաքացի էր ու իրենց համար մեր երկիրը համարյա ոչ մի բան չի արել: Մենակ սննդամթերք էին(ձեթ ու բրինձ) տալիս ու վերջ. մարդիկ ապրում էին իրենց խնայողությունների հաշվին, պարտքեր էին անում, բայց ոչ մի պետական աջակցություն չէին ստանում:
Էս հոդվածը գրողը հայրենասիրության բռնկումներ ա ունեցել, որովհետև շատ սուբյեկտիվ էր: Հետն էլ քանի՞ արաբ ա Հայաստան եկել, ու եթե գային, արդյո՞ք կընդունեին իրենց:

Արշակ
04.09.2015, 17:11
Կներեք, չէի նկատել, որ հին ա հոդվածը

StrangeLittleGirl
04.09.2015, 17:13
Էս նյութն էլի էր աչքովս ընկել. մոտ 2 տարի առաջ ա գրված: Դրանից հետո Սիրիայում իրավիճակն ավելի ա լարվել, բայց Սիրիայից Հայաստան եկող մարդկանց թիվը նվազել ա: Եթե սկզբում 10000-11000 մարդ ա եկել, ապա վերջին 1 տարվա ընթացքում էդ մարդկանց թիվը, ըստ Save the Children-ի, չի աճել: Ես էլ շատ սիրահայերի գիտեմ, որ Հայաստան գալուց հետո կամ գնացել են Սիրիա, կամ այլ երկրներ, որովհետև էստեղ տարրական պայմաններ չէին ապահովվում:
Ճիշտ է, դասական սահմանումով սիրիահայերը փախստական են, որովհետև պատերազմից փախել, հասել էին Հայաստան, բայց իրենց մի մասը նաև Հայաստանի քաղաքացի էր ու իրենց համար մեր երկիրը համարյա ոչ մի բան չի արել: Մենակ սննդամթերք էին(ձեթ ու բրինձ) տալիս ու վերջ. մարդիկ ապրում էին իրենց խնայողությունների հաշվին, պարտքեր էին անում, բայց ոչ մի պետական աջակցություն չէին ստանում:
Էս հոդվածը գրողը հայրենասիրության բռնկումներ ա ունեցել, որովհետև շատ սուբյեկտիվ էր: Հետն էլ քանի՞ արաբ ա Հայաստան եկել, ու եթե գային, արդյո՞ք կընդունեին իրենց:

Հայաստան էկող արաբներ էղել են: Պահանջել են, որ իրանց հայությունը հաստատող փաստաթուղթ ցույց տան (մկրտման վկայական, տո եսինչգիտեմ ինչ զահուրմար), ու էդ մարդիկ, բնականաբար, չեն ունեցել նման փաստաթուղթ, հետևաբար չեն թողել իրանց Հայաստան: Հեսա էդ հոդվածները գտնեմ, դնեմ:

Արշակ
04.09.2015, 17:17
Էս նյութն էլի էր աչքովս ընկել. մոտ 2 տարի առաջ ա գրված: Դրանից հետո Սիրիայում իրավիճակն ավելի ա լարվել, բայց Սիրիայից Հայաստան եկող մարդկանց թիվը նվազել ա: Եթե սկզբում 10000-11000 մարդ ա եկել, ապա վերջին 1 տարվա ընթացքում էդ մարդկանց թիվը, ըստ Save the Children-ի, չի աճել: Ես էլ շատ սիրահայերի գիտեմ, որ Հայաստան գալուց հետո կամ գնացել են Սիրիա, կամ այլ երկրներ, որովհետև էստեղ տարրական պայմաններ չէին ապահովվում:
Ճիշտ է, դասական սահմանումով սիրիահայերը փախստական են, որովհետև պատերազմից փախել, հասել էին Հայաստան, բայց իրենց մի մասը նաև Հայաստանի քաղաքացի էր ու իրենց համար մեր երկիրը համարյա ոչ մի բան չի արել: Մենակ սննդամթերք էին(ձեթ ու բրինձ) տալիս ու վերջ. մարդիկ ապրում էին իրենց խնայողությունների հաշվին, պարտքեր էին անում, բայց ոչ մի պետական աջակցություն չէին ստանում:
Էս հոդվածը գրողը հայրենասիրության բռնկումներ ա ունեցել, որովհետև շատ սուբյեկտիվ էր: Հետն էլ քանի՞ արաբ ա Հայաստան եկել, ու եթե գային, արդյո՞ք կընդունեին իրենց:
Դե Հայաստանում տեղացիների համար էլ տարրական պայմաններ չեն ապահովվում, նենց չի որ դրսից էկածներին են հատուկ վատ աչքով նայում։ Սկի երկրաշարժից 26 տարի հետո անտուն մնացածներ կան։

Շինարար
04.09.2015, 18:07
Բայց հետաքրքիր ա, որ ոչ ոք Քաթար, Բահրեյն, Էմիրաթներ, Օման, Սաուդյան Արաբիա չի ուզում գնալ։ Շատ հարուստ ու արագ զարգացող երկրներ են, հաստատ բոլորին կկարողանան համ կերակրել, համ հագցնել համ էլ լիքը հնարավորություններ կստեղծեն էս մարդկանց ապագայի համար։Չեն ընդունում, Ռուֆ։ Մերձավոր Արևելքում ընդունում(ել) են Թուրքիան, Լիբանանը, Իրաքը, Հորդանանը ու Եգիպտոսը։ Բայց հաշվի առեք, որ մենակ ընդունելը չի, անաշխատանք, անապրուստ, տարրական պայմաններ են պետք, մինչև գործ ճարեն,քնելու տեղ, օրվա սնունդ, նենց չի, որ սահմանս բաց ա։ Եկեք բայց գլխներիդ ճարը տեսեք։ Տենց արագ գող ու հքնցագործ կդառնան։ Հո սովամահ չեն լինելու։ Նույն Եգիպտոսում ծայրահեղ գործազրկության պայմաններում ինչա սպասում իրանց։ Դրա համար էլ ձգտում են կայացած համակարգ ունեցող երկրներ։

Ռուֆուս
04.09.2015, 22:56
Ժող ջան, գիտեմ, որ Լիբանանը, Եգիպտոսն ու այլոք ընդունում են, ես էն հարուստ արաբական երկրների հետ եմ, որոնց շեյխերը ոսկեզոծ զուգարանների մեջ են ք*քում, եթե ուզենան ամեն մի փախստականի եվրոպական երկրներից էլ լավ ամեն ինչով կապահավեն, բայց արի ու տես, որ նույն լեզվով խոսացող ու նույն կրոնն ունեցող մարդկանց սկի չեն ուզում օգնեն: Դրանք քսենոֆոբ ու ռասիստ մեռնում են, էն որ աֆրիկացի ու հնդիկ միգրանտ աշխատողներին ստրուկների պես էին վերաբերվում, սպասելի էր, որ փախստականների խնդիրներն էլ իրենց բնավ չի հուզի:

Տրիբուն
04.09.2015, 23:42
Ժող ջան, գիտեմ, որ Լիբանանը, Եգիպտոսն ու այլոք ընդունում են, ես էն հարուստ արաբական երկրների հետ եմ, որոնց շեյխերը ոսկեզոծ զուգարանների մեջ են ք*քում, եթե ուզենան ամեն մի փախստականի եվրոպական երկրներից էլ լավ ամեն ինչով կապահավեն, բայց արի ու տես, որ նույն լեզվով խոսացող ու նույն կրոնն ունեցող մարդկանց սկի չեն ուզում օգնեն: Դրանք քսենոֆոբ ու ռասիստ մեռնում են, էն որ աֆրիկացի ու հնդիկ միգրանտ աշխատողներին ստրուկների պես էին վերաբերվում, սպասելի էր, որ փախստականների խնդիրներն էլ իրենց բնավ չի հուզի:

Բացի քսենոֆոբն ու ռասիստը, Սաուդին ու Քաթարը Սիրիայի էսօրվա վիճակի հիմնական մեղավորներն են ու ամեն տեսակի այլանդակ ծայրահեղական կազմակերպության հիմնական ֆինանսավորողները։ Դրանք ո՞նց կարան փախստական ընդունեն ու պահեն։ Կամ ո՞ր սիրիացին ռիսկ կանի գնա հարուստ Սաուդիա։ Տեղում ստրկության կվաճառեն սաղին։

Շինարար
05.09.2015, 02:18
Ժող ջան, գիտեմ, որ Լիբանանը, Եգիպտոսն ու այլոք ընդունում են, ես էն հարուստ արաբական երկրների հետ եմ, որոնց շեյխերը ոսկեզոծ զուգարանների մեջ են ք*քում, եթե ուզենան ամեն մի փախստականի եվրոպական երկրներից էլ լավ ամեն ինչով կապահավեն, բայց արի ու տես, որ նույն լեզվով խոսացող ու նույն կրոնն ունեցող մարդկանց սկի չեն ուզում օգնեն: Դրանք քսենոֆոբ ու ռասիստ մեռնում են, էն որ աֆրիկացի ու հնդիկ միգրանտ աշխատողներին ստրուկների պես էին վերաբերվում, սպասելի էր, որ փախստականների խնդիրներն էլ իրենց բնավ չի հուզի:

Ռուֆ ջան, էդ էի ասում էլի, չեն ընդունում ու վերջ: Ընդհանրապես արաբների մի ազգ լինելը շատ հարաբերական ա, ու իրանք փաստացի էդքան էլ նույն լեզվով չեն խոսում, բայց հա, երևի մի միլիարդատեր էդ երկրներից մենակով կարողանար սաղի խնդիրները լուծել: Ի միջի այլոց մի եգիպտացի միլիարդատեր Հունաստանին ու Իտալիային ասում ա՝ ձեր կղզիներից մեկը ծախեք ինձ վրա, փախստականներին տեղավորեմ, պետություն հիմնեմ անկախ, աշխատատեղեր բացեմ և այլն:

Շինարար
05.09.2015, 02:21
Բացի քսենոֆոբն ու ռասիստը, Սաուդին ու Քաթարը Սիրիայի էսօրվա վիճակի հիմնական մեղավորներն են ու ամեն տեսակի այլանդակ ծայրահեղական կազմակերպության հիմնական ֆինանսավորողները։ Դրանք ո՞նց կարան փախստական ընդունեն ու պահեն։ Կամ ո՞ր սիրիացին ռիսկ կանի գնա հարուստ Սաուդիա։ Տեղում ստրկության կվաճառեն սաղին։

Միացյալ Նահանգների բարձր հովանու ներքո, չէ՞:

Տրիբուն
05.09.2015, 10:21
Միացյալ Նահանգների բարձր հովանու ներքո, չէ՞:

Կատակ ես անում, բայց՝ հա։ Ու վատ չէր լինի, որ փախստականները, կեսը զինված, նավերով հասնեին Նյու Յորք։

Վիշապ
05.09.2015, 10:34
Կատակ ես անում, բայց՝ հա։ Ու վատ չէր լինի, որ փախստականները, կեսը զինված, նավերով հասնեին Նյու Յորք։

Նահանգներին Մեքսիկայի փախստականներն էլ են հերիքում։:P

Տրիբուն
05.09.2015, 12:01
Նահանգներին Մեքսիկայի փախստականներն էլ են հերիքում։:P

քաղաքացիական պատերազմից են փախնում, թե՞ Մեքսիկայի ու Գվատեմալայի իսլամական պետության գրոհայիններից։

Mephistopheles
05.09.2015, 12:04
քաղաքացիական պատերազմից են փախնում, թե՞ Մեքսիկայի ու Գվատեմալայի իսլամական պետության գրոհայիններից։

մարդիկ աշխատում են... էն գնով որ ամենավերջին սպիտակը սկի վրեդ չի նայի

StrangeLittleGirl
05.09.2015, 15:12
Էս էլ թվերը (https://www.facebook.com/photo.php?fbid=1203247299701113&set=a.103365506355970.7084.100000475640787&type=1&theater):

Շինարար
05.09.2015, 15:53
Էս էլ թվերը (https://www.facebook.com/photo.php?fbid=1203247299701113&set=a.103365506355970.7084.100000475640787&type=1&theater):
Արաբալեզու ֆեյսում քանի օրա էս քարտեզը շրջանառվում ա։ Եգիպտոսում ավելի քիչ են քան տպավորվել էր։

Տրիբուն
05.09.2015, 16:18
....ինչու՞ չեն գնում իրենց եղբայրական արաբական պետություններ:

Իսկ դուք ի՞նչ կարծիք ունեք թեմայի վերաբերյալ: Արդյոք Եվրոպան իր դեմքը կորցնու՞մ է փախստականներին ներս թողնելով, թե՞ վտանգի մեջ գտնվող մարդկանց օգնություն ցուցաբերելը հենց եվրոպական արժեհամակարգի մի մաս է:

]

Չեն գնում արաբական երկրներ, քանի որ եվրոպայում շների իրավունքներն ավելի պաշտպանված են, քան մարդու իրավունքները արաբական լիքը երկրներում։

Իսկ Եվրոպան իր դեմքը չի կորցնի։ Որքան էլ տարօրինակ ա, բայց Եվրոպայի ողջ պատմությունը ներգաղթի, արտագաղթի, գաղութացման, ներբնակեցման ու ասիմիլյացիայի պատմություն ա, սկսած դեռ հռոմեական ժամանակներից ու ժողովուրդների մեծ գաղթից։ Եվրոպան դրանով մենակ հզորացել, հարստացել ու գեղեցկացել ա։ Էս հարցն էլ լավից վատից, բայց մի ձևի հաստատ կլուծեն։

Էս պատմության մեջ ափսոսը Սիրիան ու Իրաքն են, հատկապես Սիրիան։ Տակնուվրա արեցին թողեցին երկիրը, իբր բարի ու դեմոկրատական նպատակներով դրդված։

StrangeLittleGirl
05.09.2015, 20:14
Չեն գնում արաբական երկրներ, քանի որ եվրոպայում շների իրավունքներն ավելի պաշտպանված են, քան մարդու իրավունքները արաբական լիքը երկրներում։

Իսկ Եվրոպան իր դեմքը չի կորցնի։ Որքան էլ տարօրինակ ա, բայց Եվրոպայի ողջ պատմությունը ներգաղթի, արտագաղթի, գաղութացման, ներբնակեցման ու ասիմիլյացիայի պատմություն ա, սկսած դեռ հռոմեական ժամանակներից ու ժողովուրդների մեծ գաղթից։ Եվրոպան դրանով մենակ հզորացել, հարստացել ու գեղեցկացել ա։ Էս հարցն էլ լավից վատից, բայց մի ձևի հաստատ կլուծեն։

Էս պատմության մեջ ափսոսը Սիրիան ու Իրաքն են, հատկապես Սիրիան։ Տակնուվրա արեցին թողեցին երկիրը, իբր բարի ու դեմոկրատական նպատակներով դրդված։

Հույս ունենանք՝ կլուծեն: Ստեղ որ ֆաշիստական նոր ալիք ա բարձրանում, ինչը շատ վտանգավոր ա:

Mephistopheles
05.09.2015, 20:39
Չեն գնում արաբական երկրներ, քանի որ եվրոպայում շների իրավունքներն ավելի պաշտպանված են, քան մարդու իրավունքները արաբական լիքը երկրներում։

Իսկ Եվրոպան իր դեմքը չի կորցնի։ Որքան էլ տարօրինակ ա, բայց Եվրոպայի ողջ պատմությունը ներգաղթի, արտագաղթի, գաղութացման, ներբնակեցման ու ասիմիլյացիայի պատմություն ա, սկսած դեռ հռոմեական ժամանակներից ու ժողովուրդների մեծ գաղթից։ Եվրոպան դրանով մենակ հզորացել, հարստացել ու գեղեցկացել ա։ Էս հարցն էլ լավից վատից, բայց մի ձևի հաստատ կլուծեն։

Էս պատմության մեջ ափսոսը Սիրիան ու Իրաքն են, հատկապես Սիրիան։ Տակնուվրա արեցին թողեցին երկիրը, իբր բարի ու դեմոկրատական նպատակներով դրդված։

ապեր, վիճակը մի քիչ բարդ ա ... գերմանիա, ֆրանսիա, անգլիա, ավստրիա... կարան մարսեն փախստականներին, բայց մնացած երկրմերը՝ մակեդոնիա հունաստան, հունգարիա, կարան կոլապս ըլնեն էդ բեռի տակ ու հլա մի բան էլ ավելացնեն էդ ճգնաժամը...

Շինարար
05.09.2015, 21:02
ապեր, վիճակը մի քիչ բարդ ա ... գերմանիա, ֆրանսիա, անգլիա, ավստրիա... կարան մարսեն փախստականներին, բայց մնացած երկրմերը՝ մակեդոնիա հունաստան, հունգարիա, կարան կոլապս ըլնեն էդ բեռի տակ ու հլա մի բան էլ ավելացնեն էդ ճգնաժամը...
Դրա համար էլ մարդիկ ասում են Հունգարիա չենք ուզում։ Ժող, իսկ խի չեն Իսլամական պետության հախից փորձում գալ, ինչն ա խանգարում։ Նավթ չկա՞ էդ կողմերը։

StrangeLittleGirl
05.09.2015, 21:08
Դրա համար էլ մարդիկ ասում են Հունգարիա չենք ուզում։ Ժող, իսկ խի չեն Իսլամական պետության հախից փորձում գալ, ինչն ա խանգարում։ Նավթ չկա՞ էդ կողմերը։

Մի րոպե, ինչի՞ համար հախից գան: Ժողովրդավարություն չե՞ն հաստատում:

Ի դեպ, էսօր սա ա (http://i100.independent.co.uk/article/this-syrian-boy-has-explained-what-many-dont-understand-about-the-refugee-crisis--ZypVLjKYSx)պտտվում ֆեյսբուքում: Ինչքան էլ պրիմիտիվ հնչի, բայց մեկ ա, էս էրեխեն շատ պարզ ու հասարակ, իրականանալի բան ա պահանջում: Զարգացած աշխարհը որ ուզի, կարճ ժամանակում ISIS-ի հախից կգա, սաղ հարցերը կլուծվեն: Բայց պե՞տք ա իրանց:

Mephistopheles
05.09.2015, 21:35
Մի րոպե, ինչի՞ համար հախից գան: Ժողովրդավարություն չե՞ն հաստատում:

Ի դեպ, էսօր սա ա (http://i100.independent.co.uk/article/this-syrian-boy-has-explained-what-many-dont-understand-about-the-refugee-crisis--ZypVLjKYSx)պտտվում ֆեյսբուքում: Ինչքան էլ պրիմիտիվ հնչի, բայց մեկ ա, էս էրեխեն շատ պարզ ու հասարակ, իրականանալի բան ա պահանջում: Զարգացած աշխարհը որ ուզի, կարճ ժամանակում ISIS-ի հախից կգա, սաղ հարցերը կլուծվեն: Բայց պե՞տք ա իրանց:

Բա ինչի՞ չեն ուզում...

էդքան պարզ չի... ուզում ես արևմուտքը զորք ուղարկի՞... IS օդից չի իջել էդտեղ ու իրա կազմը տենց պարզ՝ հոմոգեն չի...

StrangeLittleGirl
05.09.2015, 21:38
Բա ինչի՞ չեն ուզում...

էդքան պարզ չի... ուզում ես արևմուտքը զորք ուղարկի՞... IS օդից չի իջել էդտեղ ու իրա կազմը տենց պարզ՝ հոմոգեն չի...

Բա ասածս էդ ա. իսլամական պետությունն իրանց կերած քաքն ա, պիտի նախ խոստովանեն, որ քաք են կերել, հետո նոր զորք ուղարկեն: Չեն անի:

Mephistopheles
05.09.2015, 21:41
Դրա համար էլ մարդիկ ասում են Հունգարիա չենք ուզում։ Ժող, իսկ խի չեն Իսլամական պետության հախից փորձում գալ, ինչն ա խանգարում։ Նավթ չկա՞ էդ կողմերը։

հունգարիա չեն ուզում որտև գործ ու սոցիալական ծրագրեր չկան... իրանք շատ լավ գիտեն որտեղ ինչ կա... բայց էդ երկրներն էլ բեզռազմերնի չեն... օրինակ յուքեյը սահմանափակել ա ներգաղթը...

Mephistopheles
05.09.2015, 21:44
Բա ասածս էդ ա. իսլամական պետությունն իրանց կերած քաքն ա, պիտի նախ խոստովանեն, որ քաք են կերել, հետո նոր զորք ուղարկեն: Չեն անի:

ու՞մ... ո՞վ ա ինչ քաք կերել... ես էն օրը մի յատ շատ լավ վերլուծաբանի էի լսում ով հատուկ հենց էդ հարցերով ա զբաղվում... բավականին հետաքրքիր բաներ էր ասում դրա մասին

StrangeLittleGirl
05.09.2015, 21:46
հունգարիա չեն ուզում որտև գործ ու սոցիալական ծրագրեր չկան... իրանք շատ լավ գիտեն որտեղ ինչ կա... բայց էդ երկրներն էլ բեզռազմերնի չեն... օրինակ յուքեյը սահմանափակել ա ներգաղթը...
Պարզ ա՝ ռեզին չեն էդ երկրները: Դրա համար մյուսները պիտի իրանց վրա վերցնեն: Նույն Յուքեյը լիքը հնարավորություն ունի, բայց սահմանափակել ա փախստականների ընդունումը:


ու՞մ... ո՞վ ա ինչ քաք կերել... ես էն օրը մի յատ շատ լավ վերլուծաբանի էի լսում ով հատուկ հենց էդ հարցերով ա զբաղվում... բավականին հետաքրքիր բաներ էր ասում դրա մասին

Բա ժողովրդավարություն են հաստատում-բան: Ի՞նչ էր ասում վերլուծաբանը:

Mephistopheles
05.09.2015, 22:15
Պարզ ա՝ ռեզին չեն էդ երկրները: Դրա համար մյուսները պիտի իրանց վրա վերցնեն: Նույն Յուքեյը լիքը հնարավորություն ունի, բայց սահմանափակել ա փախստականների ընդունումը:



Բա ժողովրդավարություն են հաստատում-բան: Ի՞նչ էր ասում վերլուծաբանը:

IS-ը լոկալ կազմակերպություն ա ու հստակ վայլում ա տեղի բնակչության մեծամասնությունը որը էդ ընտրությունն անում ատեղական իշխանություններին դիմակայելու համար... իրաքում մալիքիի ռեժիմը հստակ բռնել էր սյուննի բնակչության տոտալ մեկուսացման ուղին, այրահեղ կոռուծպացված էր նույնիսկ շիաների համար սիրիայում ընդդիմությունը ռադիկալացավ քաղաքացիական պատերազմի պատճառով... մի մասը դուրս եկավ երկրից մյուս մասը միացավ IS-ին... քրդական բնակչության մեջ էլ մինշանակ բոլորը դեմ չեն IS-ին ելնելով թուրքիայի դիրքերից... իսկ պարսկաստանն ու արաբական աշխարհը վաբշե շիլա շփոթ ա... եմենը, լիբանանը, լիբիան, սիրիան, եգիպտոսն ու իրաքը լրիվ տարբեր խաղերի մեջ են... երկար խոսելու բան ա, բայց մենակ մի օրինակ ասեմ... մուսուլմանական ախպերութունը եգիպտոսում արգելված ա, բայց եմենում կռվում ա եգիպտական ուժերի (ոչ պաշտոնական) հետ միասին իսկ իրաքում IS-ի կողմից

Շինարար
06.09.2015, 02:32
հունգարիա չեն ուզում որտև գործ ու սոցիալական ծրագրեր չկան... իրանք շատ լավ գիտեն որտեղ ինչ կա... բայց էդ երկրներն էլ բեզռազմերնի չեն... օրինակ յուքեյը սահմանափակել ա ներգաղթը...

Հունգարիա չեն ուզւոմ, որովհետև Հունգարիան իրանց չի ուզում, ինչ վերաբերվում ա Միացյալ Թագավորությանը, էնտեղ վափշե անհասկանալի բաներ են կատարվում, միգրանտների նկատմամբ անընդհատ խստացումներ են անում, որպեսզի ընտրազանգվածին դուր գան, բնակչության մի հսկայական շերտ գտնում ա, որ իրանց վնաս են միգրանտները, մինչդեռ լուրջ վերլուծություններ ես կարդում, պարզվում ա էդ խստացումներով միգրատները լավ տուժում են, բայց բյուջեի համար կոպեկներ են ուղղակի, բան չի փոխվում, իսկ իրականում իրանք աշխատուժի կարիք ունեն, ես ում հետ խոսացել եմ, կիրթ մարդիկ սաղ էդ են ասում, որ մենք աշխատուժի կարիք ունենք: Բայց էլի եմ ասում՝ մենք մեր երկրից պահանջենք, ուրիշների հետ ինչ գործ ունենք, բայց համոզված եմ՝ երկիրը եթե ինչ-որ անհավանական պատահականությամբ ուզեր էլ ընդուներ, մեզ մոտ էլ բնակչության մեծ մասը չէր ուզելու՝ չգան անկախություն ուզեն:

StrangeLittleGirl
06.09.2015, 10:46
Հունգարիա չեն ուզւոմ, որովհետև Հունգարիան իրանց չի ուզում, ինչ վերաբերվում ա Միացյալ Թագավորությանը, էնտեղ վափշե անհասկանալի բաներ են կատարվում, միգրանտների նկատմամբ անընդհատ խստացումներ են անում, որպեսզի ընտրազանգվածին դուր գան, բնակչության մի հսկայական շերտ գտնում ա, որ իրանց վնաս են միգրանտները, մինչդեռ լուրջ վերլուծություններ ես կարդում, պարզվում ա էդ խստացումներով միգրատները լավ տուժում են, բայց բյուջեի համար կոպեկներ են ուղղակի, բան չի փոխվում, իսկ իրականում իրանք աշխատուժի կարիք ունեն, ես ում հետ խոսացել եմ, կիրթ մարդիկ սաղ էդ են ասում, որ մենք աշխատուժի կարիք ունենք: Բայց էլի եմ ասում՝ մենք մեր երկրից պահանջենք, ուրիշների հետ ինչ գործ ունենք, բայց համոզված եմ՝ երկիրը եթե ինչ-որ անհավանական պատահականությամբ ուզեր էլ ընդուներ, մեզ մոտ էլ բնակչության մեծ մասը չէր ուզելու՝ չգան անկախություն ուզեն:

Շին, էդ բնակչության դժգոհություններն ամեն տեղ էլ կան: Էն ա, Գերմանիայում էլ ինչքան էլ մեդիան տա, որ գրկաբաց դիմավորում են, մի լայն զանգված դժգոհ ա: Բայց էրեկ ֆազերս գցել էին, որտև խոսում էի գերմանաբնակ մի հայի հետ, որը գերմանացիների գրպանից կրթաթոշակ ա ստանում, ինքն էլ էր դժգոհում, ասում էր՝ գերմանացին ինչու՞ պիտի փախստականների վրա փող ծախսի: Չգիտեմ, դրեցի սաղ բացատրեցի, ոնց որ հասկացավ: Ինձ թվում ա՝ էս էն դեպքն ա, որ երբ բացատրում ես մարդկանց, հասկանում են: Ուղղակի ներվ ա պետք էդքան մարդու հետ հատ-հատ նստելու, բացատրելու համար:

Ու ճիշտ ես, Հայաստանում որ սիրիահայերի գալուց էին էդքան դժգոհ, պատկերացնում եմ սիրիացիների դեպքում ինչ կլինի: Բայց երևի էլի պետք ա նստել, բացատրել, թե՝ տեսեք ինչքան ենք շահել, որ սիրիահայերն էկել են: Նոր կոլորիտ ա ավելացել, մարդիկ լավ բիզնեսներ են դրել, լիքը համով ու էժան ուտելու տեղեր են բացվել և այլն:

Վիշապ
06.09.2015, 10:49
քաղաքացիական պատերազմից են փախնում, թե՞ Մեքսիկայի ու Գվատեմալայի իսլամական պետության գրոհայիններից։

Պիտի գրեի` Նահանգներին Հայաստանից փախածներս էլ ենք հերքում ։Ճ
Մեքսիկները փախնում են խոսքի սովից ու անտերությունից։
Փախստականները տարերային աղետի պես մի բան են, ու զարգացած երկրները փախստականներից խուսափելու ձև չունեն (ոչ մեկ վատ երկիր չի փախնում, մարդիկ փախնում են լավ ու ապահով երկրներ), հետևաբար էդ երկրները պիտի պատրաստ լինեն փախստականներին ընդունելու, ադապտացնելու ու էֆեկտիվ օգտագործելու ու վայթեմ պատրաստ են, դրա համար էլ փախստականները գիտեն, թե ուր են գնում (ցիկլի մեջ ընկա ։Ճ)։
Անճար ու անպատրաստ երկրները (տվյալ դեպքում Հունգարիան) կարող են միայն պատեր կառուցել կամ փախստականներին հրմշտել աջուձախ։
«Եղբայրական» արաբական երկրները մարդու իրավունքների հետ կապ չունեցող բիզնես պլաններ են ընդհամենը, որոնք ավելի շուտ տեռորիստներին կֆինանսավորեն, քան թե կընդունեն փախստականների։ Էս դարում թուրքերն աչքիս ավելի մարդկային են ։Ճ

Norton
06.09.2015, 12:35
Մյունխեն

https://www.youtube.com/watch?v=Emt1gfWWLe4

Տրիբուն
06.09.2015, 21:54
ապեր, վիճակը մի քիչ բարդ ա ... գերմանիա, ֆրանսիա, անգլիա, ավստրիա... կարան մարսեն փախստականներին, բայց մնացած երկրմերը՝ մակեդոնիա հունաստան, հունգարիա, կարան կոլապս ըլնեն էդ բեռի տակ ու հլա մի բան էլ ավելացնեն էդ ճգնաժամը...

Ապեր, Հունգարիան ու Մակեդոնիան, հատկապես Մակեդոնիան, եթե Եվրոպա են, ուրեմն Հայաստանը Սամսունգ ա։ Մակեդոնիան ինքը տեղով ոչ լեգալ միգրանտների աղբյուր ա, նա ո՞ր օրվա փախստական ընդունողն ա։

Էտ ա աշխարհի օրենքը, եթե կյանքդ վտանգելով էկել հասել ես ԵՄ սահմանին, ուրեմն պիտի մինչև վերջ վիզ դնես ու հասնես նամուսով երկիր, որ էտքան կրածդ տառապանքներն իմաստ ունենան։

Տրիբուն
06.09.2015, 22:20
ու՞մ... ո՞վ ա ինչ քաք կերել... ես էն օրը մի յատ շատ լավ վերլուծաբանի էի լսում ով հատուկ հենց էդ հարցերով ա զբաղվում... բավականին հետաքրքիր բաներ էր ասում դրա մասին

Ապեր, ԱՄՆ ու Եվրոպան դրած սիրիական «ընդդիմություն» էին զինում, ինչ ա Ասադի դեմ Էին։ Ասադը մեռավ ասելով, որ էտ ընդդիմության մեջ ամեն տեսակի բոսյակ կա, բայց իրան տանձի տեղ դնող չկար։ Հիմա էլ պարզ ա, որ IS-ի դեմ պայքարում Ասադը միակ դաշնակիցն ա։ Բայց չէէէէէէէ, չաթլախ ԱՄՆ ու Եվրոպան ո՞նց կարան ընդունեն իրանց սխալները։ Օբաման էրեկ իրա դաշնակից Սաուդին հաշվետվություն էր տալիս Իրանի պահով։ Կարճ ասած, էս վիճակը իրոք իրանց կերած քաքն ա, ու որ մի գրամ բարոյականություն ունենային դեռ երկու տարի առաջ Ֆրանսիան ու ԱՄՆ Սիրիա ու Իրաք զորք մտցրած կլինեին ու էս հարցը վաղուց փակված կլիներ։

Ռուֆուս
06.09.2015, 22:27
Ներսեսն ա գտել...

http://i.imgur.com/VruscoR.jpg

Տրիբուն
06.09.2015, 22:28
Պիտի գրեի` Նահանգներին Հայաստանից փախածներս էլ ենք հերքում ։Ճ
Մեքսիկները փախնում են խոսքի սովից ու անտերությունից։

Հոպար, անտերության ու 250.000 զոհվածի ու 5 միլիոն տեղահանվածի մեջ թեթև տարբերություն կա էլի։ Սիրիայում ու Իրաքում ակնհայտորեն խայտառակ վիճակ ա, լրիվ համադրելի 15 թվի հետ։ Ու էտ մարդկանց չօգնելը ու տեղ չտալը ու ամեն տեսակի ատմազկեք ման գալը անբարոյականություն ա։ Հայաստանն էլ պիտի առաջիններից մեկը լիներ, որ գոնե հայտարարեր որ պատրաստ ա ընդունել մարդկանց՝ անկախ կրոնից ու ազգանունից։ Հատկապես, երբ մեր էշերը հասկանում են, որ փաստացի հայ-թուրքական սահմանը հատել հնարավոր չի։

StrangeLittleGirl
06.09.2015, 23:11
Դանիացիները պետական մակարդակով են էշ կերած-էշ մեծացած: Էս հոդվածը (http://www.thelocal.dk/20150906/denmark-gulf-states-responsibility-syrian-tragedy)կարդացի, վատացա:

Mephistopheles
07.09.2015, 01:02
Ապեր, ԱՄՆ ու Եվրոպան դրած սիրիական «ընդդիմություն» էին զինում, ինչ ա Ասադի դեմ Էին։ Ասադը մեռավ ասելով, որ էտ ընդդիմության մեջ ամեն տեսակի բոսյակ կա, բայց իրան տանձի տեղ դնող չկար։ Հիմա էլ պարզ ա, որ IS-ի դեմ պայքարում Ասադը միակ դաշնակիցն ա։ Բայց չէէէէէէէ, չաթլախ ԱՄՆ ու Եվրոպան ո՞նց կարան ընդունեն իրանց սխալները։ Օբաման էրեկ իրա դաշնակից Սաուդին հաշվետվություն էր տալիս Իրանի պահով։ Կարճ ասած, էս վիճակը իրոք իրանց կերած քաքն ա, ու որ մի գրամ բարոյականություն ունենային դեռ երկու տարի առաջ Ֆրանսիան ու ԱՄՆ Սիրիա ու Իրաք զորք մտցրած կլինեին ու էս հարցը վաղուց փակված կլիներ։

Տրիբուն ախպար, թուն շատ լավ քիդես որ ադիգա ադանգ չէ... ասսադը ոչ մի բան, չէ՞... հեսա ժամանակ գտնեմ քեզ ասեմ...

Աթեիստ
07.09.2015, 10:16
Տրիբուն ախպար, թուն շատ լավ քիդես որ ադիգա ադանգ չէ... ասսադը ոչ մի բան, չէ՞... հեսա ժամանակ գտնեմ քեզ ասեմ...


Более четырех тысяч боевиков террористической организации «Исламское государство» (ИГ) проникли в страны Европейского союза (ЕС) под видом беженцев, сообщает газета Sunday Express со ссылкой на источник в группировке. По его словам, операция по переброске прошла успешно.


http://lenta.ru/news/2015/09/07/isis/

Եվրոպան վերջը թքելու ա։

4 հոգով մի հատ թերթի խմբագրություն կոտորեցին, 4000-ով ինչե՞ր կանեն։

StrangeLittleGirl
07.09.2015, 10:23
http://lenta.ru/news/2015/09/07/isis/

Եվրոպան վերջը թքելու ա։

4 հոգով մի հատ թերթի խմբագրություն կոտորեցին, 4000-ով ինչե՞ր կանեն։

Արտ, մի քիչ ճշմարտանման չի: Էս թեմայում արդեն խոսվել ա, թե ինչերի միջով են անցնում, մինչև էդ փախստականները հասնում են Եվրոպա: Չեմ կարծում՝ ջիհադիստները նման ռիսկի կգնան: Բացի դրանից, էդքան էշ չեն, որ հիմիկվանից սենց արխային հայտարարեն, որովհետև Եվրոպան շատ արագ միջոցներ կձեռնարկի իրանց դեմ: Շատ-շատ կարող ա տարածել են սենց բան, որ փախստականներին չընդունեն:

Աթեիստ
07.09.2015, 10:24
Էս էլ կարդացեք ու նայեք։

Շատ հետաքրքիր պատկեր ա ստացվում։

http://kniga-bukv.livejournal.com/165266.html

Մահից մազապուրծ եղած փախստականներ։


https://www.youtube.com/watch?feature=player_embedded&v=7L3eSbpETf8

Աթեիստ
07.09.2015, 11:01
Արտ, մի քիչ ճշմարտանման չի: Էս թեմայում արդեն խոսվել ա, թե ինչերի միջով են անցնում, մինչև էդ փախստականները հասնում են Եվրոպա: Չեմ կարծում՝ ջիհադիստները նման ռիսկի կգնան: Բացի դրանից, էդքան էշ չեն, որ հիմիկվանից սենց արխային հայտարարեն, որովհետև Եվրոպան շատ արագ միջոցներ կձեռնարկի իրանց դեմ: Շատ-շատ կարող ա տարածել են սենց բան, որ փախստականներին չընդունեն:

Բյուր, հունգարիայի ականատեսի բլոգը կարդացի՞ր։
Վիդեոները նայեցի՞ր։

Դու ըտեղ տեսա՞ր էդ «ինչերի միջով անցնածներին»։

StrangeLittleGirl
07.09.2015, 13:29
Բյուր, հունգարիայի ականատեսի բլոգը կարդացի՞ր։
Վիդեոները նայեցի՞ր։

Դու ըտեղ տեսա՞ր էդ «ինչերի միջով անցնածներին»։

Արտ, լավ էլի, վիդեոյի մեջ մի քանի կատաղած որձ ա, էն ա, նայի, էրեխեքը վազում են ուտելիքի վրա: Պարզ ա ցանկացած իրավիճակում էլ ինչ-որ անասուններ պիտի առիթից օգտվեն: Իսկ ականատեսի պատմածները լրիվ միակողմանի են: Պարզ չի՞, որ որտեղ շատ մարդ, էնտեղ շատ աղբ: Ու ինչքան էլ աղբամաններից խոսեն, մեկ ա, նույնիսկ ամենաքաղաքակիրթ երկրներում լիքը աղբ ա կուտակվում, նույնիսկ երբ մի քանի ժամով են լիքը մարդիկ նույն տեղում հավաքվում: Դրան գումարի, որ էս մարդիկ օրերով տանիքի տակ չեն էղել:

Էն ա, մեր ակումբի Րիկն էլ ա ականատես, իրանից հարցրու՝ ինչ ա կատարվում, տես ինչ կասի:

StrangeLittleGirl
07.09.2015, 18:14
Էս ա, Դանիան էլ ա հարուստ երկիր, բայց ստեղ չեն ուզում մնալ, ու թվարկված պատճառները ճշմարտությանը համապատասխանում են: (http://www.thelocal.dk/20150907/refugees-threaten-to-walk-from-denmark-to-sweden)

Շինարար
07.09.2015, 19:32
http://lenta.ru/news/2015/09/07/isis/

Եվրոպան վերջը թքելու ա։

4 հոգով մի հատ թերթի խմբագրություն կոտորեցին, 4000-ով ինչե՞ր կանեն։
Արտ,առանց փախստականների էլ տարբեր մարդիկ ներթափանցում են Եվրոպա ուտարբեր բաներ են տողի ունենում, բնիկ ովրոպացիներից էլ գնում միանում են իսլամիստներին։ Իսկ էս քարոզչական նյութերը, եսիմ, դու Կիսիլյով էլ կնայես երևի։ Էդփախստականնռրի մեջ նաև լիքը բռի, անտաշ, անկիրթ, ստախոս, վատ, հոմոֆոբ, հիմար և այլ մարդիկ կան, հիմա ի՞նչ, պետք ա թողել սովամահ լինեն ու համաճարակների զոհ դառնա՞ն սահմանների վրա։ Ասելդ ի՞նչ ա,ու եթե պատասխանդ հա ա, ընդհանրապես քեզ հետ զրուցելու ցանկություն չեմ ունենա էս թեմայով, իսկ եթե ոչ ա, չեմհասկանում ինչ ես ասում, քեզ թվում ա տասնհինգ թվին գաղթող հայերը հումանիզմի մարմնացումնե՞ր էին։

Աթեիստ
08.09.2015, 00:23
Արտ,առանց փախստականների էլ տարբեր մարդիկ ներթափանցում են Եվրոպա ուտարբեր բաներ են տողի ունենում, բնիկ ովրոպացիներից էլ գնում միանում են իսլամիստներին։ Իսկ էս քարոզչական նյութերը, եսիմ, դու Կիսիլյով էլ կնայես երևի։ Էդփախստականնռրի մեջ նաև լիքը բռի, անտաշ, անկիրթ, ստախոս, վատ, հոմոֆոբ, հիմար և այլ մարդիկ կան, հիմա ի՞նչ, պետք ա թողել սովամահ լինեն ու համաճարակների զոհ դառնա՞ն սահմանների վրա։ Ասելդ ի՞նչ ա,ու եթե պատասխանդ հա ա, ընդհանրապես քեզ հետ զրուցելու ցանկություն չեմ ունենա էս թեմայով, իսկ եթե ոչ ա, չեմհասկանում ինչ ես ասում, քեզ թվում ա տասնհինգ թվին գաղթող հայերը հումանիզմի մարմնացումնե՞ր էին։

Պատասխանս հենց սկզբից գրել եմ, հիմա էլ կրկնեմ։
Մարդիկ մահից են փախնում, միանշանակ պետք ա ընդունել, բայց ...

Պետք ա շատ կոպիտ լինել։ Այվին ասեց, որ մասնավորապես տարբերակում են սիրայից էկած փախստականներին ուրիշ երկրներից եկածներից։
Նույն կերպ պետք ա տարբերակել իսկականից խեղճին ագրեսիվից, վախեցածին վախեցնողից և այլն։

Հենց սկզբից պետք ա ցույց տալ, թե ով ա դրության տերը, ով ա որոշելու հաջորդ քայլը։ Որ էս կարգի բառդակ չդառնա։
Էդքան ճամփա անցած փախստականին ես պատկերացնում եմ սոված, ծարավ ու խեղճացած։ Ու էդքան բան տեսած մարդը չէր դնի ջուրն ու սնունդը թափեր գետնին գնար։
Կամ ավտոբուսում տուփերով պամպերս ա թափած, բայց մի անկյունում ինչ որ մեկը քաքել ա. պատրաստ եմ գրազ գալ, որ երեխայա եղել, որին լայեղ չեն արել պամպերս հագցնեն։

Արդեն համը հանում են։ Ես չեմ զարմանա, որ էս մի շաբաթվա ընթացքում եվրոպացիների տրամադրությունը կտրուկ շուռ գա։

Ռուֆուս
08.09.2015, 01:19
Արտ, լավ էլի, նենց ես ասում, ոնց որ Եվրոպա գնացող հանձնվող «փախստական» հայերը քաղաքավարության ու հեզության մարմնացումն են: Չէ, մեծ մասամբ վերին աստիճանի բռի ու անմակարդակ մասսա ա գնում ու եվրոպացիները խելք ունենային, բոլորին կհավաքեին, սիրուն ուպակովկա կանեին ու կուղարկեին ասենք հարավային Սուդան կամ Բուրկինա Ֆասո, կամ էլ Տաջիկստան:

Երբ որ Հռոմ էի թռնում, կողքի շարքում մի հատ տենց «փախստական» ընտանիք կար, գնում էին հանձնվելու: Ամեն անգամ երբ ստյուարդեսսան անցնում էր, մարդը հետևից ռեպլիկներ էր թողնում (լավ ա ստյուարդեսսան հայերեն չէր հասկանում): Ու ճամփի կեսին մեկ էլ էս եզը որոշեց ծխել, սիգարետը հենց կպցրեց, ստյուարդեսան վազեց պիլոտին կանչեց, սրանք սիգարետը հանգցնել տվին, ձեռի փաստաթղթերը վերցրին իրենց մոտ, թարգմանիչ ճարեցին ու զգուշացրին, որ եթե խելոք չմնա, ճամփի մյուս մասը ձեռնաշղթաներով կանցկացնի: Էս ա միջին վիճակագրական հայ «փախստականի» կերպարը:

Շինարար
08.09.2015, 01:31
Պատասխանս հենց սկզբից գրել եմ, հիմա էլ կրկնեմ։
Մարդիկ մահից են փախնում, միանշանակ պետք ա ընդունել, բայց ...

Պետք ա շատ կոպիտ լինել։ Այվին ասեց, որ մասնավորապես տարբերակում են սիրայից էկած փախստականներին ուրիշ երկրներից եկածներից։
Նույն կերպ պետք ա տարբերակել իսկականից խեղճին ագրեսիվից, վախեցածին վախեցնողից և այլն։

Հենց սկզբից պետք ա ցույց տալ, թե ով ա դրության տերը, ով ա որոշելու հաջորդ քայլը։ Որ էս կարգի բառդակ չդառնա։
Էդքան ճամփա անցած փախստականին ես պատկերացնում եմ սոված, ծարավ ու խեղճացած։ Ու էդքան բան տեսած մարդը չէր դնի ջուրն ու սնունդը թափեր գետնին գնար։
Կամ ավտոբուսում տուփերով պամպերս ա թափած, բայց մի անկյունում ինչ որ մեկը քաքել ա. պատրաստ եմ գրազ գալ, որ երեխայա եղել, որին լայեղ չեն արել պամպերս հագցնեն։

Արդեն համը հանում են։ Ես չեմ զարմանա, որ էս մի շաբաթվա ընթացքում եվրոպացիների տրամադրությունը կտրուկ շուռ գա։

Axպեր, կներես բայց ախմախ բաներ ես ասում մի այլ կարգի: Փախստականների հետ շփման մեծ փորձ ունես երևի, ու սովորաբար նրանք աչքի են ընկել ինքնակազմակերպման մեծ կուլտուրայով, հիմա սրանք էլ սխալ փախստական դուրս եկան, մի հատ էլ չստուգե՞ն՝ առավոտ իրիկուն ատամները լվանում են, թե չէ, ով չի լվանում, պոտենցիալ տեռորիստ ա: Ասում եմ՝ դու նաղդ Կիսիլյով էլ ոգևորված նայելիս կլինես, ուղղակի էստեղ ամաչում ես արտահայտվես:

Աթեիստ
08.09.2015, 08:21
Արտ, լավ էլի, նենց ես ասում, ոնց որ Եվրոպա գնացող հանձնվող «փախստական» հայերը քաղաքավարության ու հեզության մարմնացումն են: Չէ, մեծ մասամբ վերին աստիճանի բռի ու անմակարդակ մասսա ա գնում ու եվրոպացիները խելք ունենային, բոլորին կհավաքեին, սիրուն ուպակովկա կանեին ու կուղարկեին ասենք հարավային Սուդան կամ Բուրկինա Ֆասո, կամ էլ Տաջիկստան:

Երբ որ Հռոմ էի թռնում, կողքի շարքում մի հատ տենց «փախստական» ընտանիք կար, գնում էին հանձնվելու: Ամեն անգամ երբ ստյուարդեսսան անցնում էր, մարդը հետևից ռեպլիկներ էր թողնում (լավ ա ստյուարդեսսան հայերեն չէր հասկանում): Ու ճամփի կեսին մեկ էլ էս եզը որոշեց ծխել, սիգարետը հենց կպցրեց, ստյուարդեսան վազեց պիլոտին կանչեց, սրանք սիգարետը հանգցնել տվին, ձեռի փաստաթղթերը վերցրին իրենց մոտ, թարգմանիչ ճարեցին ու զգուշացրին, որ եթե խելոք չմնա, ճամփի մյուս մասը ձեռնաշղթաներով կանցկացնի: Էս ա միջին վիճակագրական հայ «փախստականի» կերպարը:


Axպեր, կներես բայց ախմախ բաներ ես ասում մի այլ կարգի: Փախստականների հետ շփման մեծ փորձ ունես երևի, ու սովորաբար նրանք աչքի են ընկել ինքնակազմակերպման մեծ կուլտուրայով, հիմա սրանք էլ սխալ փախստական դուրս եկան, մի հատ էլ չստուգե՞ն՝ առավոտ իրիկուն ատամները լվանում են, թե չէ, ով չի լվանում, պոտենցիալ տեռորիստ ա: Ասում եմ՝ դու նաղդ Կիսիլյով էլ ոգևորված նայելիս կլինես, ուղղակի էստեղ ամաչում ես արտահայտվես:

Ես ոնց կարդում եմ գրածներս, չեմ տեսնում էն ինչ դուք տեսաք։

Որտե՞ղ ես ԷՍ փասխտականներին համեմատեցի ՈւՐԻՇ փախստականների հետ։

Օրինակ՝ «Էդքան ճամփա անցած փախստականին ես պատկերացնում եմ սոված, ծարավ ու խեղճացած։» էս գրելուց ես հիշում եմ իմ ծանոթին (հայ), որը փորձել էր ընտանիքով, գնար, բռնին հետ ուղարկեցին։ Հա, ինքն էլ համեստության տիպար չէր, լավ արին հետ ուղարկեցին։

Ու սաղ գրածս էլ վերաբերում ա ընդհանուր մոտեցմանը։ Այսինքն քանի որ Հայաստանից չեն փախնում, այլ Սիրիայից, ուրեմն սաղին պետք ա ընդունել, բայց ընդունել ոչ թե երկար սպասված հյուրի պես, այլ մարդու, որը մահից փրկվելու համար ապօրինի խախտել ա իրանց պետական սահմանը։

ivy
08.09.2015, 11:13
48 ժամվա մեջ Մյունխենը 14 հազար փախստական է ընդունել:
Ամեն տեսակի մարդ էլ կա մեջները: Ու էս երկրի էն է լավը, որ մարդկանց չեն դասակարգում լավի ու վատի, ընդհանրապես ոչ մի ձև չեն դասակարգում՝ անկախ մաշկի գույնից, կրոնից, լեզվից, գրաճանաչությունից, մասնագիտությունից, սեռական կողմնորոշումից և այլն: Քանի դեռ ապրում ես՝ կանոններին ու օրենքներին ենթարկվելով, առանց ուրիշներին նեղություն տալու, ոչ ոք քո դեմ ոչինչ չունի: Բոլորը հավասար են: Ու էդպես էլ պիտի լինի: Որովհետև հակառակը, ինչ սիրուն մեկնաբանություն էլ ուզենաս տալ, ոչ այլ ինչ է, քան ֆաշիզմ:
Հա, էս մարդիկ ինտեգրման երկար ճանապարհ են անցնելու, ու էս պահին հաստատ «քաղաքակիրթ եվրոպացու» վարք չունեն: Բայց եթե անգամ իրենք չկարողանան լիովին ինտեգրվել, իրենց երեխաներն արդեն ուրիշ են լինելու՝ այլ արժեքներ կրող, կիրթ, ու կարևորը՝ ազատ:

Էն որ ասում եք՝ պիտի խիստ լինի: Խստությունը սկսվում է հենց առաջին պահից, երբ ամեն մեկը հասկանում է, որ կան կանոններ, որոնց ինքը հետևելու է, թե չէ համակարգն իրեն չի ընդունի, բառիս բուն իմաստով փողոց կշպրտվի: Մեկի մոտ ամեն ինչ արագ ու հեշտ է լինելու, մյուսի մոտ՝ չէ: Համ գոռալու է, համ հայհոյելու, համ հարձակվելու, համ կեղտ ու ապականություն բերելու, համ կռիվների մեջ ներքաշվելու: Բայց իրեն ամեն անգամ քաղաքակիրթ ձևով հետ են բերելու նորմալ վիճակի: Ու խստությամբ. երեք անգամ կանոնները խախտես, առաջին երկուսին՝ դեղին քարտ, երրորդին՝ կարմիր, վեշերդ հավաքի ու գնա որտեղից եկել ես: Հետևեցիր կանոններին ու օրենքներին, ինքդ քո ճանապարհը քիչ-քիչ կհարթես էս երկրում:

Էդպես է: Ու չի կարելի մտածել, թե պիտի նախապես զտես էդ մարդկանց՝ լավի ու վատի, արժանիի, անարժանի, ագրեսիվի ու խաղաղասերի: Պիտի բոլորին էլ տրվեն ինտեգրվելու հավասար պայմաններն ու հնարավորությունները:
Ու ինձ որ լսեք, առաջին հերթին հենց էդ ագրեսիվներին ու անկիրթներին պիտի ընդունել, որովհետև սա լավագույն միջոցն է էդ մարդկանց «մարդ» դարձնելու: Գնա կանգնի իրենց երկրում, գոռա «դեմոկրատիա» ու փորձիր եվրոպական աշխարհայացք սերմանել: Չի ստացվում էդպես, հնարավոր չի: Մինչև չհայտնվեն էս ուրիշ աշխարհում, մինչև չտեսնեն, որ կյանքը ուրիշ կարող է լինել, ու որ բոլորը հավասար են, ինչպես մեկը մյուսի, էնպես էլ օրենքի առաջ, մինչև էդ ամենի մեջ չապրեն, չեն փոխվելու: Էս է մարդկանց կրթելու լավագույն միջոցը: Հա, էդ ինտեգրացիան դժոխքի միջով անցնել է լինելու, բայց որ անցան, կարգին մարդ են դառնալու: Ու էդ արժեքները իրենց երեխեքին են տալու:
Իսկ դուք ասում եք՝ ագրեսիվներին դուրս շպրտեք...

Իսկ տեռորիզմը ուրիշ թեմա է: Հա, կա ISIS, ու պիտի զգույշ լինել: Բայց կա նաև ամուր, ուժեղ ու խելոք Եվրոպա, որին մատի վրա պտտելը էնքան էլ հեշտ բան չի:
Ի դեպ, Գերմանիայում ամենամեծ տեռորիստական ակտը տարիներ առաջ Օկտոբերֆեստի ժամանակ է եղել, որի հեղինակը քրիստոնյա գերմանացի էր: Էս էլ՝ որպես փաստ:

Տրիբուն
08.09.2015, 15:07
Պետք ա շատ կոպիտ լինել։ Այվին ասեց, որ մասնավորապես տարբերակում են սիրայից էկած փախստականներին ուրիշ երկրներից եկածներից։
Նույն կերպ պետք ա տարբերակել իսկականից խեղճին ագրեսիվից, վախեցածին վախեցնողից և այլն։


Ու էս սաղ պետք ա անել Միջերկրական ծովի մեջտեղը, մինչև փախստականների լոդկեքը կհասնեն իտալական Լամպեդուզա կամ հունական Լեսբոս, որ ով չի համապատասխանում լավ փախստականի չափանիշներին, ռեսկի լցնեն ծովը:

Գալաթեա
08.09.2015, 19:59
Արտ, նույնիսկ կրթված, նորմալ տունուտեղում երեխեն կարա քաքի պոլին, չհասցնես նկատես։ Դրանով հո չի որոշվում։ Էդ քաոսում ուզում ես ամեն մեկն ավել սավոկով իր հետևից հավաքի՞։ Մարդ կա կարող ա վեց երեխու հետ ա փախնում, ո՞նց ես պատկերացնում իրանց վիճակը...
Ոչ մի դեպքում չի կարելի ընդունելուց առաջ կամ ընդհսնրապես, տեսակավորել մարդկանց, կարտոշկա չեն։

Աթեիստ
08.09.2015, 21:52
48 ժամվա մեջ Մյունխենը 14 հազար փախստական է ընդունել:
Ամեն տեսակի մարդ էլ կա մեջները: Ու էս երկրի էն է լավը, որ մարդկանց չեն դասակարգում լավի ու վատի, ընդհանրապես ոչ մի ձև չեն դասակարգում՝ անկախ մաշկի գույնից, կրոնից, լեզվից, գրաճանաչությունից, մասնագիտությունից, սեռական կողմնորոշումից և այլն: Քանի դեռ ապրում ես՝ կանոններին ու օրենքներին ենթարկվելով, առանց ուրիշներին նեղություն տալու, ոչ ոք քո դեմ ոչինչ չունի: Բոլորը հավասար են: Ու էդպես էլ պիտի լինի: Որովհետև հակառակը, ինչ սիրուն մեկնաբանություն էլ ուզենաս տալ, ոչ այլ ինչ է, քան ֆաշիզմ:
Հա, էս մարդիկ ինտեգրման երկար ճանապարհ են անցնելու, ու էս պահին հաստատ «քաղաքակիրթ եվրոպացու» վարք չունեն: Բայց եթե անգամ իրենք չկարողանան լիովին ինտեգրվել, իրենց երեխաներն արդեն ուրիշ են լինելու՝ այլ արժեքներ կրող, կիրթ, ու կարևորը՝ ազատ:

Էն որ ասում եք՝ պիտի խիստ լինի: Խստությունը սկսվում է հենց առաջին պահից, երբ ամեն մեկը հասկանում է, որ կան կանոններ, որոնց ինքը հետևելու է, թե չէ համակարգն իրեն չի ընդունի, բառիս բուն իմաստով փողոց կշպրտվի: Մեկի մոտ ամեն ինչ արագ ու հեշտ է լինելու, մյուսի մոտ՝ չէ: Համ գոռալու է, համ հայհոյելու, համ հարձակվելու, համ կեղտ ու ապականություն բերելու, համ կռիվների մեջ ներքաշվելու: Բայց իրեն ամեն անգամ քաղաքակիրթ ձևով հետ են բերելու նորմալ վիճակի: Ու խստությամբ. երեք անգամ կանոնները խախտես, առաջին երկուսին՝ դեղին քարտ, երրորդին՝ կարմիր, վեշերդ հավաքի ու գնա որտեղից եկել ես: Հետևեցիր կանոններին ու օրենքներին, ինքդ քո ճանապարհը քիչ-քիչ կհարթես էս երկրում:

Էդպես է: Ու չի կարելի մտածել, թե պիտի նախապես զտես էդ մարդկանց՝ լավի ու վատի, արժանիի, անարժանի, ագրեսիվի ու խաղաղասերի: Պիտի բոլորին էլ տրվեն ինտեգրվելու հավասար պայմաններն ու հնարավորությունները:
Ու ինձ որ լսեք, առաջին հերթին հենց էդ ագրեսիվներին ու անկիրթներին պիտի ընդունել, որովհետև սա լավագույն միջոցն է էդ մարդկանց «մարդ» դարձնելու: Գնա կանգնի իրենց երկրում, գոռա «դեմոկրատիա» ու փորձիր եվրոպական աշխարհայացք սերմանել: Չի ստացվում էդպես, հնարավոր չի: Մինչև չհայտնվեն էս ուրիշ աշխարհում, մինչև չտեսնեն, որ կյանքը ուրիշ կարող է լինել, ու որ բոլորը հավասար են, ինչպես մեկը մյուսի, էնպես էլ օրենքի առաջ, մինչև էդ ամենի մեջ չապրեն, չեն փոխվելու: Էս է մարդկանց կրթելու լավագույն միջոցը: Հա, էդ ինտեգրացիան դժոխքի միջով անցնել է լինելու, բայց որ անցան, կարգին մարդ են դառնալու: Ու էդ արժեքները իրենց երեխեքին են տալու:
Իսկ դուք ասում եք՝ ագրեսիվներին դուրս շպրտեք...

Իսկ տեռորիզմը ուրիշ թեմա է: Հա, կա ISIS, ու պիտի զգույշ լինել: Բայց կա նաև ամուր, ուժեղ ու խելոք Եվրոպա, որին մատի վրա պտտելը էնքան էլ հեշտ բան չի:
Ի դեպ, Գերմանիայում ամենամեծ տեռորիստական ակտը տարիներ առաջ Օկտոբերֆեստի ժամանակ է եղել, որի հեղինակը քրիստոնյա գերմանացի էր: Էս էլ՝ որպես փաստ:

Այվի (ու մյուսներ), նայեք ընդգծածս մասը։
Կա, չէ՞, էդ անտեր մոտեցումը՝ խախտեցի՞ր, վեշերդ հավաքի, գնա։ Ես նոր բան չեմ հորինում, ասում եմ եղածը խստացրեք։

Մարդկանց տեսակավորելու մասին։
Մարդիկ սաղ էլ տարբեր են, անկախ նրանից, մենք իրանց բարձրաձայն կտեսակավորենք, թե չէ։
Ասենք լիքը մարդ սև ա, անկախ նրանից դու սևի ու սպիտակի մեջ տարբերություն դնում ե՞ս, թե՞ չէ։
Լիքը մարդ կյանքում մի քանի անգամ գողություն ա արել, անկախ էն հանգամանքից դու իրան հանցագործ կանվանե՞ս, թե՞ չէ։

Լիքը չափորոշիչներ կան, որոց հիման վրա կարելի ա մարդկանց նախնական էդ 2 դեղին քարտը ցույց տալ։ Էն կինոներում որ նշան են են անում՝ «ես քեզ հետևում եմ»։
http://media.tumblr.com/0809497470ae6a3238196da6b1f826cb/tumblr_inline_mlf4mbTjvC1rh4u0i.gif#im%20watching%20you%20gif%20500x264

Ասենք էն գնացքը գրավողների միջից ընտրեն առավել ագրեսիվներին ու հենց էն երկրներում, որտեղ իրանք չեն ուզում մնալ, տանեն բանտ նստեցնեն. գնացք գողանալու մեղադրանքը լրիվ հերիք ա։
Խստությունն էս ա։

Mephistopheles
08.09.2015, 22:15
Այվի (ու մյուսներ), նայեք ընդգծածս մասը։
Կա, չէ՞, էդ անտեր մոտեցումը՝ խախտեցի՞ր, վեշերդ հավաքի, գնա։ Ես նոր բան չեմ հորինում, ասում եմ եղածը խստացրեք։

Մարդկանց տեսակավորելու մասին։
Մարդիկ սաղ էլ տարբեր են, անկախ նրանից, մենք իրանց բարձրաձայն կտեսակավորենք, թե չէ։
Ասենք լիքը մարդ սև ա, անկախ նրանից դու սևի ու սպիտակի մեջ տարբերություն դնում ե՞ս, թե՞ չէ։
Լիքը մարդ կյանքում մի քանի անգամ գողություն ա արել, անկախ էն հանգամանքից դու իրան հանցագործ կանվանե՞ս, թե՞ չէ։

Լիքը չափորոշիչներ կան, որոց հիման վրա կարելի ա մարդկանց նախնական էդ 2 դեղին քարտը ցույց տալ։ Էն կինոներում որ նշան են են անում՝ «ես քեզ հետևում եմ»։
http://media.tumblr.com/0809497470ae6a3238196da6b1f826cb/tumblr_inline_mlf4mbTjvC1rh4u0i.gif#im%20watching%20you%20gif%20500x264

Ասենք էն գնացքը գրավողների միջից ընտրեն առավել ագրեսիվներին ու հենց էն երկրներում, որտեղ իրանք չեն ուզում մնալ, տանեն բանտ նստեցնեն. գնացք գողանալու մեղադրանքը լրիվ հերիք ա։
Խստությունն էս ա։

Ապեր չէ… չես կարա… մարդիկ մահից, տանջանքից ու պատերազմից են փախել ու շատ բաների են պատրաստ իրանց ընտանիքը փրկելու համար, թեկուզ ավտոբուս կամ գնացք գողանան…

քո չափանիշներով որ լիներ, Արտ, 15 թվին ոչ մի հայ պտի չփրկվեր… հաստատ…

Աթեիստ
08.09.2015, 22:27
Մեֆ, իմ համար Եվրոպան էն տեղն ա, որտեղ օրենքը նույնքան մեծ արժեք ա, ինչքան մարդը։

Էս մարդիկ սկզբից խախտում են երկրի սահմանները։ Ոչինչ, դա ներեցին, հնարավորության սահմաններում տեղավորեցին. մարդիկ մահից են փախել։
Բայց հիմա արդեն պահանջներ են ներկայացնում, էս չենք ուզում, են ենք ուզում։
Հետո սկսում են տրամադրվող օգնությունից ոչ թե հրաժարվել, այլ փչացնել։

Հետո սկսում են այլ օրենքներ խախտել, գնացք գրավել, մայրուղիների վրա մեքենաներ թալանել (ֆրանսիայի վիդեոն կա) ...

Անունն ի՞նչ դնես, որ սա էլ ներես։ Մահի՞ց են փրկվում։
Հըլը մի շաբաթ չկա մտել են եվրոպա։

Ստեղ որ բջջային օպերատորները հաճախորդ հավաքելու համար սկսում են նոր եկածներին հատուկ առաջարկներ անել, մեզ վատ ենք զգում, ասում ենք 10 տարի ա ձեզնից ենք օգտվում, մեզ տենց առաջարկ չեք անում։ Բայց ստեղ գոնե գիտես, ֆիրման դա անում ա հաճախորդ հավաքելու համար։

Իսկ պետությո՞ւնը։ Նոր երկիր մտած մարդուն ինչ հանցանք ասես ներում ա, իսկ ներսի մարդը մի հատ սիգարետ ա գցում փողոցում, տանում, տուգանում ա։ Ես դրա տրամաբանությունը չեմ կարա հասկանամ։

Գալաթեա
09.09.2015, 00:11
Մեֆ, իմ համար Եվրոպան էն տեղն ա, որտեղ օրենքը նույնքան մեծ արժեք ա, ինչքան մարդը։

Էս մարդիկ սկզբից խախտում են երկրի սահմանները։ Ոչինչ, դա ներեցին, հնարավորության սահմաններում տեղավորեցին. մարդիկ մահից են փախել։
Բայց հիմա արդեն պահանջներ են ներկայացնում, էս չենք ուզում, են ենք ուզում։
Հետո սկսում են տրամադրվող օգնությունից ոչ թե հրաժարվել, այլ փչացնել։

Հետո սկսում են այլ օրենքներ խախտել, գնացք գրավել, մայրուղիների վրա մեքենաներ թալանել (ֆրանսիայի վիդեոն կա) ...

Անունն ի՞նչ դնես, որ սա էլ ներես։ Մահի՞ց են փրկվում։
Հըլը մի շաբաթ չկա մտել են եվրոպա։

Ստեղ որ բջջային օպերատորները հաճախորդ հավաքելու համար սկսում են նոր եկածներին հատուկ առաջարկներ անել, մեզ վատ ենք զգում, ասում ենք 10 տարի ա ձեզնից ենք օգտվում, մեզ տենց առաջարկ չեք անում։ Բայց ստեղ գոնե գիտես, ֆիրման դա անում ա հաճախորդ հավաքելու համար։

Իսկ պետությո՞ւնը։ Նոր երկիր մտած մարդուն ինչ հանցանք ասես ներում ա, իսկ ներսի մարդը մի հատ սիգարետ ա գցում փողոցում, տանում, տուգանում ա։ Ես դրա տրամաբանությունը չեմ կարա հասկանամ։

Տրամաբանությունն էն ա, որ դա քո երկիրն ա, դու օրենքները գիտես, որ սիգարետ չի կարելի գցել, բայց գցում ես, որտև ալարում ես հասնես աղբամանին։
Իսկ պատերազմից ու մահից փախած մարդու խնդիրը շատ ավելի մեծ ա, քան դա, կարծում եմ կընդունես։
Պարզ ա, որ էդքան փախած մարդկանց մեջ անասուններ էլ կլինեն, որ օրենք էլ կխախտեն, չափն էլ կանցնեն։ Եվրոպան կարծում եմ ի զորու ա իրենց կարգի բերել, մենք չի որ պետք ա անհանգստանանք։
Դու մի քանի հոգու անխուսափելի վատ պահվածքից ելնելով բոլորին մի կուչկի մեջ ես լցնում։
Ու ոչ, ես ոչ կիսաձայն, ոչ էլ շշուկով մարդկանց չեմ տեսակավորում։
Փարիզումն Ռումինիայից փախած ցիգանների բնակավայրերի մոտով եմ անցել մի քանի անգամ ու տեսել եմ ինչ ա կատարվում Սենի ափին, իրանց անկանոն լցված բուդկաների, տրեյլերների ու ապրանքի պատճառով։ Բայց կարա՞ս ասես, եթե տեղի կառավարման մարմինները դեմ չեն, որ նրանք էնտեղ լինեն, եթե իրանց ուժերի ներածի չափով կարողանում են օրենքի մեջ պահել էդ մարդկանց, ես ու դու ո՞վ դատանք, որ էդ մարդկանց տեսակավորենք կամ քիթ շուռ տանք իրանցից։

Mephistopheles
09.09.2015, 00:50
Մեֆ, իմ համար Եվրոպան էն տեղն ա, որտեղ օրենքը նույնքան մեծ արժեք ա, ինչքան մարդը։

Էս մարդիկ սկզբից խախտում են երկրի սահմանները։ Ոչինչ, դա ներեցին, հնարավորության սահմաններում տեղավորեցին. մարդիկ մահից են փախել։
Բայց հիմա արդեն պահանջներ են ներկայացնում, էս չենք ուզում, են ենք ուզում։
Հետո սկսում են տրամադրվող օգնությունից ոչ թե հրաժարվել, այլ փչացնել։

Հետո սկսում են այլ օրենքներ խախտել, գնացք գրավել, մայրուղիների վրա մեքենաներ թալանել (ֆրանսիայի վիդեոն կա) ...

Անունն ի՞նչ դնես, որ սա էլ ներես։ Մահի՞ց են փրկվում։
Հըլը մի շաբաթ չկա մտել են եվրոպա։

Ստեղ որ բջջային օպերատորները հաճախորդ հավաքելու համար սկսում են նոր եկածներին հատուկ առաջարկներ անել, մեզ վատ ենք զգում, ասում ենք 10 տարի ա ձեզնից ենք օգտվում, մեզ տենց առաջարկ չեք անում։ Բայց ստեղ գոնե գիտես, ֆիրման դա անում ա հաճախորդ հավաքելու համար։

Իսկ պետությո՞ւնը։ Նոր երկիր մտած մարդուն ինչ հանցանք ասես ներում ա, իսկ ներսի մարդը մի հատ սիգարետ ա գցում փողոցում, տանում, տուգանում ա։ Ես դրա տրամաբանությունը չեմ կարա հասկանամ։
Արտ, էդ մարդիկ հենց ոտները դուրս են դրել իրանց երկրից արդեն սաղ անօրինական ա... սահման անցնելն անօրինական ա տեղից... հասկացանք որ եթե ավտո են թալանում պտի բռնես, բայց ուտելիք թափելու կամ դայփեր թողելու համար մարդ չես կարա սորտավորես... մի բան ա օրենք խախտես սենց պայմաններում, մի այլ բան ա հանցագործություն անես կամ օրենք խախտես երբ էդ երկրի քաղաքացի ես...

պայմանները պետք ք հաշվի առնես, թե չէ սաղ փախստականներն էլ հանցագործ են որտև երկիր են մտել անօրեն... ոչոք վիզայով չի եկել...

Mephistopheles
09.09.2015, 01:04
Հ.Գ. Արտ, օրենքը մարդուց քիչ արժեք ունի... մարդու կյանքը օրենքից ավելի կարևոր ա իսկ մարդու ու օրենքի արանքը իրավունքն ա... օրենքը ստորադասա էդ երկուսին...

StrangeLittleGirl
10.09.2015, 17:20
Էստեղ (http://www.thelocal.at/20150910/one-syrian-familys-terrifying-journey-to-austria) մի փախստական ընտանիքի պատմություն ա: Մարդիկ կրթություն էլ ունեն, կարիերա էին ուզում անել, էղած-չեղածը ծախել են, ճամփա ընկել Եվրոպա: Մի ամսից ավել ա տևել, մինչև մտել են Ավստրիա: Ճամփեքին իրանց խաբել-քցել են, դեռ իրանք էլ իբր ավելի լավ պայմանների համար ավելի շատ են վճարել: Եթե սա լավն ա, պատկերացրեք վատն ինչ կլինի: Ինչ խոսք, բոլոր փախստականները չեն, որ սենց կիրթ են, բայց նայեք, տեսեք, որ սենց մարդիկ էլ կան մեջները:

Mephistopheles
11.09.2015, 05:29
Syria's Armenians look to ancient homeland for safety
http://www.bbc.co.uk/news/world-europe-34210854

StrangeLittleGirl
11.09.2015, 17:58
Սաուդի Արաբիան Գերմանիային փող ա տալիս, որ 200 հատ մզկիթ կառուցեն: (http://www.independent.co.uk/news/world/europe/saudi-arabia-offers-germany-200-mosques--one-for-every-100-refugees-who-arrived-last-weekend-10495082.html)

Տրիբուն
14.09.2015, 23:22
Բունդեսլիգան ողջունում (http://www.bundesliga.com/en/news/Bundesliga/bundesliga-clubs-welcoming-refugees-with-open-arms.jsp) ու օգնում (http://www.bundesliga.com/en/bundesliga-tv/bundesliga-tv_381475.jsp) ա փախստականներին:

StrangeLittleGirl
15.09.2015, 14:47
Կոպենհագենի համալսարանն (http://universitypost.dk/article/let-refugees-study-ucph-open-letter-rector?utm_source=Universitypost+via+mailman+-+UK&utm_medium=newsletter&utm_campaign=Copenhagen+drops+to+69th+on+QS+ranking+%2F+When+Tinder+goes+wrong) անվճար ուսում ա առաջարկում փախստականներին :)

Աթեիստ
18.09.2015, 01:06
Շատ հետաքրքիր վերլուծություն (http://gabblgob.livejournal.com/194773.html) ա։

Ու մի կետ կա, որ սրտովս ա։
«Нужно принять закон, согласно которому дети, рождённые после оговорённой даты, должны быть на содержании не у государства, а у своих родителей. Это будет революция. Но такой революционный путь в Европе даже не обсуждается»

Իմ առաջարկած խստացման շատ հետաքրքիր տարբերակ։

Տրիբուն
18.09.2015, 14:05
Շատ հետաքրքիր վերլուծություն (http://gabblgob.livejournal.com/194773.html) ա։

Ու մի կետ կա, որ սրտովս ա։
«Нужно принять закон, согласно которому дети, рождённые после оговорённой даты, должны быть на содержании не у государства, а у своих родителей. Это будет революция. Но такой революционный путь в Европе даже не обсуждается»

Իմ առաջարկած խստացման շատ հետաքրքիր տարբերակ։
Ապեր, եվրոպացիներից շատ ես անհանգստանում եվրոպացիների համար։ Իրանք հաստատ էտքան խելք, հնարավորություն ու փորձ ունեն, որ քո ու իմ հոգածության կարիքը չունենան։ Արի մի քիչ էլ ասենք սիրիացիների մասին մտածի, որոնց քո մշակույթով, դիրքով, ճակատագրով, էությամբ ու բովանդակությամբ ավելի մոտ ես։

Աթեիստ
18.09.2015, 14:43
Ապեր, եվրոպացիներից շատ ես անհանգստանում եվրոպացիների համար։ Իրանք հաստատ էտքան խելք, հնարավորություն ու փորձ ունեն, որ քո ու իմ հոգածության կարիքը չունենան։ Արի մի քիչ էլ ասենք սիրիացիների մասին մտածի, որոնց քո մշակույթով, դիրքով, ճակատագրով, էությամբ ու բովանդակությամբ ավելի մոտ ես։

Եթե հաշվի առնենք, որ ես ինձ շատ հեռու եմ համարում քո ինձ վերագրած մշակույթից, ճակատագրից, էությունից ու բովանդակությունից, մնում ա դիրքը, որը սկի հաստատուն արժեք չի։

Կարծում ես էսքանը հերիք ա հասկանալու համար, որ սիրիացիների ճակատագիրն առաձնապես գալուստ սահակյանիս չի ։)

ի տարբերություն նույն Գերմանիայի, որտեղ արդեն մի քանի ամիս ա բնակվում ա ախպերս՝ ընտանիքով։

Ռուֆուս
18.09.2015, 15:03
Եթե հաշվի առնենք, որ ես ինձ շատ հեռու եմ համարում քո ինձ վերագրած մշակույթից, ճակատագրից, էությունից ու բովանդակությունից, մնում ա դիրքը, որը սկի հաստատուն արժեք չի։

Կարծում ես էսքանը հերիք ա հասկանալու համար, որ սիրիացիների ճակատագիրն առաձնապես գալուստ սահակյանիս չի ։)

ի տարբերություն նույն Գերմանիայի, որտեղ արդեն մի քանի ամիս ա բնակվում ա ախպերս՝ ընտանիքով։

Արտ, Տրիբունի ասածն էն ա, որ եթե կրոնն ու լեզուն մեջտեղից հանես, հայերն ու սիրիացիները ահավոր իրար մոտ են թե մշակույթով, թե մտածելակերպով, թե մնացած ամեն ինչով:

Շինարար
18.09.2015, 15:11
Ապեր, եվրոպացիներից շատ ես անհանգստանում եվրոպացիների համար։ Իրանք հաստատ էտքան խելք, հնարավորություն ու փորձ ունեն, որ քո ու իմ հոգածության կարիքը չունենան։ Արի մի քիչ էլ ասենք սիրիացիների մասին մտածի, որոնց քո մշակույթով, դիրքով, ճակատագրով, էությամբ ու բովանդակությամբ ավելի մոտ ես։

Եվրոպացիները հենց էս վիճակում են, որում են, նաև նրա շնորհիվ, որ անկախ նման միջակ ու այլատյացական «վերլուծություններից» իրանց պահում են նենց, ոնց տեսնում ենք՝ մարդավարի:

Շինարար
18.09.2015, 15:14
Արտ, Տրիբունի ասածն էն ա, որ եթե կրոնն ու լեզուն մեջտեղից հանես, հայերն ու սիրիացիները ահավոր իրար մոտ են թե մշակույթով, թե մտածելակերպով, թե մնացած ամեն ինչով:

Էլ չասեմ, չկրկնեմ զուտ մեր մարդկային պարտքը Սիրիայի հանդեպ, քիչ մի չենք ընդւոնում, մի բան խառնվել ենք, թե չգնան՝ Եվրոպան վարի տան: Եվրոպանա զարգանում ա նրա շնորհիվ, որ բաց ա:

Գալաթեա
18.09.2015, 15:23
Արտ, ոնց չես գիտակցում, որ Եվրոպան, որի արժեքները դու էդքան գնահատում ես, Եվրոպա ա հենց նրա համար, որ հալածվածի ու կսրիքավորի երեսին դուռ չի շխկցնում։
Եթե չլիներ, եթե փակեր դռները, կդառնար շոֆինիստ մարդատյաց Ռուսաստան։
Ու մի անհանգստացի, եթե անգամ ախպորդ պատկից հարևանը սիրիացի լինի, նա կշարունակի ավելի ապահով երկրում լինել քան դու՝ էս եթիմնոցում։

Աթեիստ
18.09.2015, 15:49
Արտ, Տրիբունի ասածն էն ա, որ եթե կրոնն ու լեզուն մեջտեղից հանես, հայերն ու սիրիացիները ահավոր իրար մոտ են թե մշակույթով, թե մտածելակերպով, թե մնացած ամեն ինչով:

Հայերը կարան սիրիցիներին մոտ լինեն լիքը հարցերում, այլ հարց ա թե ես անձամբ ինչքան եմ մոտ հայերին էդ նույն հարցերում ։)

StrangeLittleGirl
18.09.2015, 15:55
Հայերը կարան սիրիցիներին մոտ լինեն լիքը հարցերում, այլ հարց ա թե ես անձամբ ինչքան եմ մոտ հայերին էդ նույն հարցերում ։)
Արտ, բայց քո վերաբերմունքով դու Ռուսաստանին ավելի մոտ ես, քան Եվրոպային

Աթեիստ
18.09.2015, 15:56
Արտ, ոնց չես գիտակցում, որ Եվրոպան, որի արժեքները դու էդքան գնահատում ես, Եվրոպա ա հենց նրա համար, որ հալածվածի ու կսրիքավորի երեսին դուռ չի շխկցնում։
Եթե չլիներ, եթե փակեր դռները, կդառնար շոֆինիստ մարդատյաց Ռուսաստան։
Ու մի անհանգստացի, եթե անգամ ախպորդ պատկից հարևանը սիրիացի լինի, նա կշարունակի ավելի ապահով երկրում լինել քան դու՝ էս եթիմնոցում։

Եվրոպան 2 «արժեք» ունի՝ մարդկությունն ու օրենքները։

Ես շատ բարձր եմ գնահատում եմ 2-րդը։ Ես հումանիստ չեմ։ Ինչպես արդեն բազմիցս ասել եմ, ես բոլոր վերջույթներով կողմ եմ մահապատժին ու լիքը տենց այլ հարցեր։
Բայց ես պատրաստ եմ ենթարկվել իրանց օրենքներին, որտև է օրենքները գործում են։

Դուք գնահատում եք Եվրոպայի մյուս արժեքը։

Դրա համար ինձ չեք հասկանում։ Դրա համար էլ ես չեմ հասկանում հիմիկվա Եվրոպայի որոշ քայլեր։
Էլի հիշեցնեմ, որ ես ոչ մի անգամ չեմ ասել, թե պետք ա դուռը դեմները փակել։ Բայց ընդունելոց հետո պետք ա «օդերը փակել»։ Ցույց տալ իրանց տեղը։ Հիշեցնել, որ իրանք էդ երկրում ոչ մի իրավունք չունեն, քանի դեռ չեն վաստակել էդ իրավունքը։

Ռուֆուս
18.09.2015, 15:56
Հայերը կարան սիրիցիներին մոտ լինեն լիքը հարցերում, այլ հարց ա թե ես անձամբ ինչքան եմ մոտ հայերին էդ նույն հարցերում ։)

Արտ, հավատա ինձ ես էլ, դու էլ ավելի շատ սիրիացիներին ենք մոտ, քան թե գերմանացիներին :Ճ

Շինարար
18.09.2015, 15:57
Հայերը կարան սիրիցիներին մոտ լինեն լիքը հարցերում, այլ հարց ա թե ես անձամբ ինչքան եմ մոտ հայերին էդ նույն հարցերում ։)

Արտ ջան, սիրիացիները մարդու վատ տեսակ չեն, որ տենց հուշտ ես լինում իրանց մոտ լինելուց: Ու եվրոպացիներն էլ մարդու լավ տեսակ չեն, որ հանկարծ սիրիացիներին դիպչելուց դեֆեկտավորեն: Մարդիկ նույնն են՝ հավասար:

Ռուֆուս
18.09.2015, 16:04
Քոռանամ ես, Բյուրը վերջապես արեց դա, նա սեղմեց «Շնորհակալություն» կոճակը:

Արմագեդդոնը մոտ է, ընկերներ....

Աթեիստ
18.09.2015, 16:05
Արտ ջան, սիրիացիները մարդու վատ տեսակ չեն, որ տենց հուշտ ես լինում իրանց մոտ լինելուց: Ու եվրոպացիներն էլ մարդու լավ տեսակ չեն, որ հանկարծ սիրիացիներին դիպչելուց դեֆեկտավորեն: Մարդիկ նույնն են՝ հավասար:

Շին, հլը գրածը մի հատ էլ կարդա։

Ես ինձ հայերից եմ զատում, ոչ թե սիրիացիներից։

Հիշեցնեմ, որ ես ոչ մի վատ խոսք չասեցի ոչ հայերի, ոչ սիրիացիների մասին։

Շինարար
18.09.2015, 16:05
Եվրոպան 2 «արժեք» ունի՝ մարդկությունն ու օրենքները։

Ես շատ բարձր եմ գնահատում եմ 2-րդը։ Ես հումանիստ չեմ։

Արտակ ջան,նենց վստահ եմ, որ իսկի ինքդ չես գիտակցում, թե ինչ ես խոսում: Եթե օրենքի հիմքում մարդը չի, ո՞նց կարաս բարձր գնահատես օրենքը: Նույնիսկ կենդանիների պաշտպանությանը նվիրված օրենքների հիմքում մարդն ա: Եթե օրենքը մարդւո դեմ լինի, ո՞նց կարա բարձր գնահատես:

StrangeLittleGirl
18.09.2015, 16:07
Քոռանամ ես, Բյուրը վերջապես արեց դա, նա սեղմեց «Շնորհակալություն» կոճակը:

Արմագեդդոնը մոտ է, ընկերներ....
Յա, էս լայքի նշանը փաստորեն շնորհակալություն ա

Գալաթեա
18.09.2015, 16:08
Համակարգը մոլորեցրեց Բյուրին։

Աթեիստ
18.09.2015, 16:09
Արտակ ջան,նենց վստահ եմ, որ իսկի ինքդ չես գիտակցում, թե ինչ ես խոսում: Եթե օրենքի հիմքում մարդը չի, ո՞նց կարաս բարձր գնահատես օրենքը: Նույնիսկ կենդանիների պաշտպանությանը նվիրված օրենքների հիմքում մարդն ա: Եթե օրենքը մարդւո դեմ լինի, ո՞նց կարա բարձր գնահատես:

Շին, ԱՄՆ-ի տարբեր նահագների անասուն օրենքների մասին լսած կլնես։

Էշ օրենք ա, ըստ օրի օրինակ կիրակի օրերը սեքսով զբաղվել չի կարելի։
Սրա հիմքում մարդն ա՞։

Բայց կայֆն էն ա, որ էս հոդվածով եթե որոշեն մարդուն դատեն, իրան կդատեն անկախ նրանից, ինքը սենատո՞ր ա, թե բոմժ։ Այ էս ա իմ ուզածը։
Թող լիքը էշ օրենք լինեն (որոնց դեմ կարելի ա պայքարել), բայց էդ օրենքները գործեն բոլորի համար։

StrangeLittleGirl
18.09.2015, 16:10
Արտակ ջան,նենց վստահ եմ, որ իսկի ինքդ չես գիտակցում, թե ինչ ես խոսում: Եթե օրենքի հիմքում մարդը չի, ո՞նց կարաս բարձր գնահատես օրենքը: Նույնիսկ կենդանիների պաշտպանությանը նվիրված օրենքների հիմքում մարդն ա: Եթե օրենքը մարդւո դեմ լինի, ո՞նց կարա բարձր գնահատես:
Օրենքի համաձայն ԵՄ յուրաքանչյուր պետություն փախստականներ ընդունելու տարեկան կոնկրետ մինիմալ քվոտա ունի, ինչից հիմա սաղ թռնում են, առյուծի բաժինը թողնում Գերմանիային: Բայց Գերմանիան ընտիր ձևով ա տակից դուրս գալու, հեչ չմտածեք:

StrangeLittleGirl
18.09.2015, 16:14
Շին, ԱՄՆ-ի տարբեր նահագների անասուն օրենքների մասին լսած կլնես։

Էշ օրենք ա, ըստ օրի օրինակ կիրակի օրերը սեքսով զբաղվել չի կարելի։
Սրա հիմքում մարդն ա՞։

Բայց կայֆն էն ա, որ էս հոդվածով եթե որոշեն մարդուն դատեն, իրան կդատեն անկախ նրանից, ինքը սենատո՞ր ա, թե բոմժ։ Այ էս ա իմ ուզածը։
Թող լիքը էշ օրենք լինեն (որոնց դեմ կարելի ա պայքարել), բայց էդ օրենքները գործեն բոլորի համար։
Արտ, Եվրոպայում ապաստան խնդրելու օրենքներից ինչքանով ես խաբար:

Շինարար
18.09.2015, 16:14
Շին, ԱՄՆ-ի տարբեր նահագների անասուն օրենքների մասին լսած կլնես։

Էշ օրենք ա, ըստ օրի օրինակ կիրակի օրերը սեքսով զբաղվել չի կարելի։
Սրա հիմքում մարդն ա՞։

Բայց կայֆն էն ա, որ էս հոդվածով եթե որոշեն մարդուն դատեն, իրան կդատեն անկախ նրանից, ինքը սենատո՞ր ա, թե բոմժ։ Այ էս ա իմ ուզածը։
Թող լիքը էշ օրենք լինեն (որոնց դեմ կարելի ա պայքարել), բայց էդ օրենքները գործեն բոլորի համար։

Տենց բան չկա, թե բոլորին հավասար կդատեն՝ սենատոր, թե բոմժ: Չհավատաս: Մեկ էլ էն մուսւոլման երեխու հանդեպ, որ ժամացույց էր սարքել, վերաբերմունքն էր հավասար: Լավ էլի:


Գրառմանդ մնացած մասով էլ ուզում էի հարցնեմ՝ այսինքն, ուզածդ էշությո՞ւն ա, բայց քո հանդեպ դրական վերաբերմունքս թույլ չի տալիս տենց կոպիտ ձևակերպել, չնայած ուղղակի քո ասածի վերաձևակերպումն ա:

Աթեիստ
18.09.2015, 16:31
Տենց բան չկա, թե բոլորին հավասար կդատեն՝ սենատոր, թե բոմժ: Չհավատաս: Մեկ էլ էն մուսւոլման երեխու հանդեպ, որ ժամացույց էր սարքել, վերաբերմունքն էր հավասար: Լավ էլի:


Գրառմանդ մնացած մասով էլ ուզում էի հարցնեմ՝ այսինքն, ուզածդ էշությո՞ւն ա, բայց քո հանդեպ դրական վերաբերմունքս թույլ չի տալիս տենց կոպիտ ձևակերպել, չնայած ուղղակի քո ասածի վերաձևակերպումն ա:


Շին, ընտիր օրինակ բերեցիր, ի՞նչ արեցին էդ երեխուն օրենքով։ Դասատուն կանչել ա ոստիկան, ինչ որ բան կասկածելով, ոստիկանությունն էլ տարել ստուգել ա։
Հիմա եթե էդ երեխեն մարդկանց աչքին ավելի կասկածելի ա, դա մարդկանց պրոբլեմն ա, ոչ թե օրենքի։ Կասկածեին սենատորին, կգնային, սենատորին կստուգեին։

Աթեիստ
18.09.2015, 16:35
Արտ, Եվրոպայում ապաստան խնդրելու օրենքներից ինչքանով ես խաբար:

Օրենքներից խաբար չեմ, դրանց թուլության արդյունքներից եմ խաբար։
Որ ծանոթս ընտանիքով գնում հանձնվում ա ֆրանսիա, 2 տարի հետո (հըլը սկի փախստականի կարգավիճակ չի ստացել, ինչ որ որոշման ա սպասում), ինձ ասում ա, ես զարմանում եմ, թե ըտեղ ոնց էի յոլա գնում։
Մարդը ոչ մի բան չի անում, ավելի լավ ա ապրում, քան ստեղ աշխատելով։ Օրենքով։

Աթեիստ
18.09.2015, 16:37
Գրառմանդ մնացած մասով էլ ուզում էի հարցնեմ՝ այսինքն, ուզածդ էշությո՞ւն ա, բայց քո հանդեպ դրական վերաբերմունքս թույլ չի տալիս տենց կոպիտ ձևակերպել, չնայած ուղղակի քո ասածի վերաձևակերպումն ա:

Եթե էշ օրենքների առկայությունը համարժեք ա էշության, հա, տենց ա ստացվում։ Ուզածս Ամերիկայի պես էշությունն ա։

Շինարար
18.09.2015, 16:42
Օրենքներից խաբար չեմ, դրանց թուլության արդյունքներից եմ խաբար։


Թուլության արդյունքը Ֆրանսիան ա: Ֆրանսիան Ֆրանսիա ա հենց էդ քո ասած օրենքի թուլության արդյունքում:

Շինարար
18.09.2015, 16:44
Շին, ընտիր օրինակ բերեցիր, ի՞նչ արեցին էդ երեխուն օրենքով։ Դասատուն կանչել ա ոստիկան, ինչ որ բան կասկածելով, ոստիկանությունն էլ տարել ստուգել ա։
Հիմա եթե էդ երեխեն մարդկանց աչքին ավելի կասկածելի ա, դա մարդկանց պրոբլեմն ա, ոչ թե օրենքի։ Կասկածեին սենատորին, կգնային, սենատորին կստուգեին։

Ասածս վերաբերմունքի մասով էր, բայց օրինակս իրականում լավը չէր, որ էրևար ինչ եմ ասում:

StrangeLittleGirl
18.09.2015, 17:37
Օրենքներից խաբար չեմ, դրանց թուլության արդյունքներից եմ խաբար։
Որ ծանոթս ընտանիքով գնում հանձնվում ա ֆրանսիա, 2 տարի հետո (հըլը սկի փախստականի կարգավիճակ չի ստացել, ինչ որ որոշման ա սպասում), ինձ ասում ա, ես զարմանում եմ, թե ըտեղ ոնց էի յոլա գնում։
Մարդը ոչ մի բան չի անում, ավելի լավ ա ապրում, քան ստեղ աշխատելով։ Օրենքով։
Արտ, եթե ծանոթդ հանձնվեր ու նպաստ չստանար, հանցագործ էր դառնալու: Դա էլ ա մտածված

Տրիբուն
18.09.2015, 19:12
Եթե հաշվի առնենք, որ ես ինձ շատ հեռու եմ համարում քո ինձ վերագրած մշակույթից, ճակատագրից, էությունից ու բովանդակությունից, մնում ա դիրքը, որը սկի հաստատուն արժեք չի։

Կարծում ես էսքանը հերիք ա հասկանալու համար, որ սիրիացիների ճակատագիրն առաձնապես գալուստ սահակյանիս չի ։)

ի տարբերություն նույն Գերմանիայի, որտեղ արդեն մի քանի ամիս ա բնակվում ա ախպերս՝ ընտանիքով։

Ինչ ասեմ, ընգեր ... ցավում եմ ախպորդ համար, որ ստիպված պիտի Գերմանիայում կեղտոտ սիրիացի փախաստականների գյության հետ համակերպվի: Ասա թող հետ գա Հայաստան:

Տրիբուն
18.09.2015, 19:21
Արտ, Տրիբունի ասածն էն ա, որ եթե կրոնն ու լեզուն մեջտեղից հանես, հայերն ու սիրիացիները ահավոր իրար մոտ են թե մշակույթով, թե մտածելակերպով, թե մնացած ամեն ինչով:

Ապեր, հարցը նրանում չի, որ մենք սիրացիներին նման ենք, կամ իրանք մեզ, էտ երկրորդական ա: Հարցը նրանում ա, որ ամեն տեղից հելնողը իրա պարտքն ա համարում Եվրոպային խելք ու խրատ տա, թե ոնց իրան պահի էս պարագայում: էտ էշ եվրոպացիներն էլ բան չեն հասկանում, դրա համար էլ էս օրի են: Ուզբեկը, ռուսն ու հայը սաղ լավ հասկանում են, գերմանացին ու ֆրանսիացին չեն հասկանում, իրանց ձեռով իրանց գերեզմանն են փորում, հեսա մուսուլմանները հերներն անիծելու են, իրանց հացը ուտելու են, իրանց կնանիքին շինելու են, էրեխեքին ստրկության են վաճառելու:

Տրիբուն
18.09.2015, 19:25
Հայերը կարան սիրիցիներին մոտ լինեն լիքը հարցերում, այլ հարց ա թե ես անձամբ ինչքան եմ մոտ հայերին էդ նույն հարցերում ։)

Արտ ջան, ինձ թվում ա դու ոչ միայ հայ ես, այլ կովկասյան հայի ինքնահավան (բռիության հետ սահմանակցող) տեսակն ես :D Էն որ գիտի ինքը օրենքի ու ճշտի պահապանն ա, մնացածն էլ դրանք խախտելու համար են ու արժանի են խստագույն պատժի:

Աթեիստ
18.09.2015, 20:50
Ինչ ասեմ, ընգեր ... ցավում եմ ախպորդ համար, որ ստիպված պիտի Գերմանիայում կեղտոտ սիրիացի փախաստականների գյության հետ համակերպվի: Ասա թող հետ գա Հայաստան:

Ըստ քեզ Գերմանիա մենակ կեղտո՞տ սիրիացիներն են գնում, թե՞ դու բոլոր սիրիացիներին ես համարում կեղտոտ։

Աթեիստ
18.09.2015, 20:58
Ապեր, հարցը նրանում չի, որ մենք սիրացիներին նման ենք, կամ իրանք մեզ, էտ երկրորդական ա: Հարցը նրանում ա, որ ամեն տեղից հելնողը իրա պարտքն ա համարում Եվրոպային խելք ու խրատ տա, թե ոնց իրան պահի էս պարագայում: էտ էշ եվրոպացիներն էլ բան չեն հասկանում, դրա համար էլ էս օրի են: Ուզբեկը, ռուսն ու հայը սաղ լավ հասկանում են, գերմանացին ու ֆրանսիացին չեն հասկանում, իրանց ձեռով իրանց գերեզմանն են փորում, հեսա մուսուլմանները հերներն անիծելու են, իրանց հացը ուտելու են, իրանց կնանիքին շինելու են, էրեխեքին ստրկության են վաճառելու:

Ընկեր, դու նկատե՞լ ես, որ էս ֆորում ա։ Ստեղ մարդիկ հայտնում են իրանց կարծիքը։ Թե՞, ըստ քեզ, ինչ ա թե իմ կարծիքը մեծամասնության հետ չի բռնում, պտի չգրեմ։
Նենց չի, որ ես գրելուց հույս ունեմ, թե Մերկելը հեսա կարդալու ա, ասի, վայ էս տղեն ինչ լավ խորհուրդ տվեց, չէինք ֆայմում։
Գրում եմ, որտև տենց եմ մտածում, ու համարում ճիշտ։ Պրծ։

Էս էլ թեման բացողի հարցերը։


Հենց մենակ էսօրվա խնդրի մեջ լիքը քննարկելու հարց կա.
1. Եվրոպան ինչքա՞ն կարա փախստական ընդունի, հո ռեզին չի՞:
2. Գերմանիան ինչքա՞ն կարա բեռն իրա վրա վերցնի, հո մենակ ինքը չի՞ Եվրոպա:
3. Փախստականներն ինչու՞ են Գերմանիա վազում, թող Հունգարիայում մնան, էդ էլ ա Եվրոպա, Հունգարիան էլ փախստական ընդունելու պարտավորություն ունի:
4. Հունգարիան Սերբիայի սահմանին պատ ա դնում, որ էլ փախստականներ չգան: Իրա սահմաններն ա պաշտպանում, կարա՞ս դրա դեմ բան ասես:
5. Մենք ի՞նչ կարանք անենք:

Ու սենց լիքը հարցեր: Դրան էլ ավելացրած հենց քո բարձրացրած հարցը:

Իմ գրածը կապ չունի՞ էս հարցերի հետ։
Եթե ոչ մեկս Եվրոպային սովորեցնելու չունենք, ի՞նչ եք քննարկում։ Կողքից նայեք, ծափ տվեք։

Շինարար
18.09.2015, 21:22
Ընկեր, դու նկատե՞լ ես, որ էս ֆորում ա։ Ստեղ մարդիկ հայտնում են իրանց կարծիքը։ Թե՞, ըստ քեզ, ինչ ա թե իմ կարծիքը մեծամասնության հետ չի բռնում, պտի չգրեմ։
Նենց չի, որ ես գրելուց հույս ունեմ, թե Մերկելը հեսա կարդալու ա, ասի, վայ էս տղեն ինչ լավ խորհուրդ տվեց, չէինք ֆայմում։
Գրում եմ, որտև տենց եմ մտածում, ու համարում ճիշտ։ Պրծ։


Արտ ջան, մի ջղայնացի, մնացել էր առողջություններս կորցնենք քննարկման պատճառով: Ուղղակի քննարկումը նաև համաձայնության գալ ա, չէ՞, ոչ թե էս իմ ճիշտն ա, տասը հոգի էն կողմից մի այլ բան են ասում, բայց չէ, դու ինչ-որ ռուսերեն հոդված ես գտել, դրել ու շարունակում ես միանշանակ պնդել, որ պետք ա իրավունքները սահմանափակել և այլն: Վերջում էլ՝ պրծ: Պրծով ֆորումային քննարկում կլինի՞: Սաղիս ուզածը քեզ համոզելն ա, որ չէ, էլի, տենց չի, տենց չոր չի լինի, բայց դու ասում ես՝ ես սենց եմ մտածում ու պրծ: Դրանից հետո ի՞նչ ես կարծում քննարկումը շարունակելը իմաստ ունի՞:

Աթեիստ
18.09.2015, 21:26
Արտ ջան, մի ջղայնացի, մնացել էր առողջություններս կորցնենք քննարկման պատճառով: Ուղղակի քննարկումը նաև համաձայնության գալ ա, չէ՞, ոչ թե էս իմ ճիշտն ա, տասը հոգի էն կողմից մի այլ բան են ասում, բայց չէ, դու ինչ-որ ռուսերեն հոդված ես գտել, դրել ու շարունակում ես միանշանակ պնդել, որ պետք ա իրավունքները սահմանափակել և այլն: Վերջում էլ՝ պրծ: Պրծով ֆորումային քննարկում կլինի՞: Սաղիս ուզածը քեզ համոզելն ա, որ չէ, էլի, տենց չի, տենց չոր չի լինի, բայց դու ասում ես՝ ես սենց եմ մտածում ու պրծ: Դրանից հետո ի՞նչ ես կարծում քննարկումը շարունակելը իմաստ ունի՞:

Շին, կարա՞ս իմ մի գրառում ցույց տաս, որտեղ ես սիրացիներին, հայերին կամ ցանկացած այլ ազգին անուն եմ կպցրել։

Իսկ ուզում ե՞ս, ես ցույց տամ գրառում, որտեղ իմ գրածը տենց ա ներկայացվում։

Եթե տենց պտի ինձ «համոզեք», պրծ-ից բացի ասելու բան չունեմ։

Ստեղ եթե մարդ կա, որ իսկանակից համոզում ա, Բյուրն ա։ Մյուսներդ իմ պես ամեն մեկդ ձեր կարծիքն եք պնդում։ Շեշտը «պնդում» բառի վրա դիր, համոզում, քննարկում չկա։

Աթեիստ
18.09.2015, 21:32
Ամսի 9-ից 15-ը ոչ մի գրառում չեմ արել, տեսնում եմ, թե ինչ ուժեղ քննարկումներ ու համոզումներ են գնում։

Դրել եմ հղում։

Հիմա ցույց տուր ինձ մի գրառում, որ էդ վերլուծությանն անուն կպցնելուց բացի որևէ փաստարկ, կամ դրա սխալ լինելու բացատրություն ա տվել։

Եթե դու էլ «Եվրոպան սաղից լավ գիտի ինչ ա անում»-ը համարում ես փաստարկ ու բացատրություն, նշանակում ա էս թեման ընդամենը լրահոս ա։

Տրիբուն
18.09.2015, 22:20
Ընկեր, դու նկատե՞լ ես, որ էս ֆորում ա։ Ստեղ մարդիկ հայտնում են իրանց կարծիքը։ Թե՞, ըստ քեզ, ինչ ա թե իմ կարծիքը մեծամասնության հետ չի բռնում, պտի չգրեմ։
Նենց չի, որ ես գրելուց հույս ունեմ, թե Մերկելը հեսա կարդալու ա, ասի, վայ էս տղեն ինչ լավ խորհուրդ տվեց, չէինք ֆայմում։
Գրում եմ, որտև տենց եմ մտածում, ու համարում ճիշտ։ Պրծ։



Քո կարծիքը ծայրահեղական ա, կամ գոնե ինձ տենց ա թվում, ու էսօր պարզվեց, որ նաև շատ նեղ շահադիտական, քանի որ Գերմանիայում մի քանի ամիս ընտանիքով բնակվող ախպեր ունես:

Էտ նույն բանն ա, որ ես ասեմ մորքուրս սիրիացի փախստական ա, դրա համար էլ Գերմանիայի ճակատագիրը իմ բողկին չի, ոնց որ քո բողկին չի Սիրիայինը, ու պիտի սաղ փախստականները գնան լցվեն Գերմանիա, հետներն էլ պիտի մինչև ատամները զինված տեռորիստներ տանեն ու Գերմանիան մեջտեղից գմփցնեն: Էս կարա կարծի՞ք լինի:

Աթեիստ
18.09.2015, 22:27
Քո կարծիքը ծայրահեղական ա, կամ գոնե ինձ տենց ա թվում, ու էսօր պարզվեց, որ նաև շատ նեղ շահադիտական, քանի որ Գերմանիայում մի քանի ամիս ընտանիքով բնակվող ախպեր ունես:

Էտ նույն բանն ա, որ ես ասեմ մորքուրս սիրիացի փախստական ա, դրա համար էլ Գերմանիայի ճակատագիրը իմ բողկին չի, ոնց որ քո բողկին չի Սիրիայինը, ու պիտի սաղ փախստականները գնան լցվեն Գերմանիա, հետներն էլ պիտի մինչև ատամները զինված տեռորիստներ տանեն ու Գերմանիան մեջտեղից գմփցնեն: Էս կարա կարծի՞ք լինի:

Դու սիրիացիքին անվանես կեղտոտ, ես դառնամ ծայրահեղակա՞ն http://s26.postimg.org/9dq3tmbud/facepalm.gif

Հա, լիքը հարցերում ես ծայրահեղական եմ, էլի հիշեցնեմ մահապատժի թեման։ Բայց ոնց որ թե ծայրահեղականը սխալի հոմանիշ չի։

Mephistopheles
18.09.2015, 22:38
Էս ինչ լավ խորաթա կենեք

StrangeLittleGirl
18.09.2015, 22:46
Ամսի 9-ից 15-ը ոչ մի գրառում չեմ արել, տեսնում եմ, թե ինչ ուժեղ քննարկումներ ու համոզումներ են գնում։

Դրել եմ հղում։

Հիմա ցույց տուր ինձ մի գրառում, որ էդ վերլուծությանն անուն կպցնելուց բացի որևէ փաստարկ, կամ դրա սխալ լինելու բացատրություն ա տվել։

Եթե դու էլ «Եվրոպան սաղից լավ գիտի ինչ ա անում»-ը համարում ես փաստարկ ու բացատրություն, նշանակում ա էս թեման ընդամենը լրահոս ա։

Ու՞ր ա հղում: Ես մենակ էն բամբասանքի մակարդակի հղումները գտա:
Ի դեպ, կարամ էդ կարգի մի քանի հղում էլ իմ կողմից ավելացնեմ, դրան էլ գումարեմ մի երկու այլ հղում, որտեղ խոսվում ա դրանց բովանդակության, նկարների ու մնացած բաների՝ հատուկ քարոզչական նպատակ ունենալու մասին: Ընդ որում, փախստականների դեմ քարոզչություն մենակ Ռուսաստանը չի, որ տանում ա: Նաև Եվրոպայի ծայրահեղ աջերն էլ են նույնն անում: Բայց էդ ծայրահեղ աջերը ոչ միայն փախստականներին, այլև մնացած միգրանտներին, ինձ ու Շինին ու Արտակի ախպոր ընտանիքին դուրս շպրտելուն են կողմ: Հայաստանի գոմիկներին վառել մակարդակի մարդիկ են:

Աթեիստ
18.09.2015, 23:00
Ու՞ր ա հղում: Ես մենակ էն բամբասանքի մակարդակի հղումները գտա:
Ի դեպ, կարամ էդ կարգի մի քանի հղում էլ իմ կողմից ավելացնեմ, դրան էլ գումարեմ մի երկու այլ հղում, որտեղ խոսվում ա դրանց բովանդակության, նկարների ու մնացած բաների՝ հատուկ քարոզչական նպատակ ունենալու մասին: Ընդ որում, փախստականների դեմ քարոզչություն մենակ Ռուսաստանը չի, որ տանում ա: Նաև Եվրոպայի ծայրահեղ աջերն էլ են նույնն անում: Բայց էդ ծայրահեղ աջերը ոչ միայն փախստականներին, այլև մնացած միգրանտներին, ինձ ու Շինին ու Արտակի ախպոր ընտանիքին դուրս շպրտելուն են կողմ: Հայաստանի գոմիկներին վառել մակարդակի մարդիկ են:

Ես ուրախ կլնեի դրածդ հղումները կարանայի կարդայի ։)

Տրիբուն
18.09.2015, 23:05
Հա, լիքը հարցերում ես ծայրահեղական եմ, էլի հիշեցնեմ մահապատժի թեման։ Բայց ոնց որ թե ծայրահեղականը սխալի հոմանիշ չի։

Չենք ասում սխալ ես, բայց պախարակում ենք:

ivy
18.09.2015, 23:07
Հոդվածը կարդացի:
Էստեղ երկու հարց կա, որ պիտի իրարից առանձնացվի: Փախստականներին ընդունելու հարցը ու Գերմանիայում սոցիալական համակարգի գործառության հարցը:
Անդրադառնամ երկրորդին:
Գերմանիայում կա էդ կոչված «սոցիալը»՝ սոցիալական օգնությունը, որը թույլ է տալիս չաշխատողներին նորմալ ապրել: Ու հա, լիքը մարդ ամբողջ կյանքում չի աշխատում՝ չարաշահելով սոցիալական համակարգը: Տունն էլ է պետությունը վճարում, կոմունալ ծախսերն էլ, ուտելիքն էլ, հետն էլ գրպանում ամեն ամիս փող է դնում:
Ես էդ համակարգի աշխատող եմ: Մի աշխատանքս փախստականների կացարանում է, իսկ այ մյուսը՝ հիմնականը, հենց էդ «սոցիալի» վրա նստած էմիգրանտների հետ է: Որովհետև թեև պետությունը իրենց պահում է, բայց հետն էլ ամեն ինչ անում է, որ դուրս գան սոցիալական օգնությունից: Ուղարկում է մեզ մոտ, որ էս մարդկանց «ճիշտ ուղու վրա դնենք», ոտքի կանգնեցնենք, որ իրենք իրենցով կարողանան ապրել ու իրենց ընտանքիը պահել՝ առանց պետության օգնության:
Ու ես լավ գիտեմ էդ համակարգի բոլոր բացերը: Սկզբում մարդկանց դնում են «սոցիալի» մեջ, երբ ապրելու փողը երկնքից է թափվում, հետո էլ ստիպում են դուրս գալ էդ վիճակից: Դա աբսուրդ է: Որովհետև մարդիկ շատ արագ հարմարվում են էդ կյանքին ու շատ կարևոր մարդկային հատկանիշներ են կորցնում, դառնում են զզվելի ձրիակերներ:
Իրենց հետ պիտի լիքը մոտիվացիոն աշխատանք տանես, որ հասկանան՝ տենց ապրելը ուղղակի ամոթ է, ու որ իրենք պիտի հենց թեկուզ իրենց երեխեքի առջև ամաչեն, որ «սոցիալի» մեջ են մեծացնում: Բայց հետն էլ գիտես՝ շատերի համար ուղղակի քիչ ելքեր կան՝ էդ վիճակից դուրս գալու. էդ էլ ուրիշ դարդ է:
Բայց մի մեծ մոլորություն կա, թե էդ «սոցիալում» մենակ էմիգրանտներն են ապրում: Էդպես չի էլի. էդ հոդվածի հեղինակը թող պորտաբույծ գերմանացիների մասին էլ գրի, որ նույն ձևով օգտվում են պետության տրամադրած ձրի կյանքից:
Էս համակարգի ձևն է էդպիսին: Սա անընդհատ մեծ քննարկման հարց է Գերմանիայում, որ էդ զզվելի "Hartz IV" կոչված սցիալական օգնությունը պիտի հանվի, որ բոլոր մարդիկ էլ իրենք իրենց հույսին մնան ու աշխատեն:
Բայց էդ համակարգը կա ու գործում է: Էդպես է էս երկրում:
Ու նորից եմ ասում՝ սա էմիգրանտների թեմային անմիջականորեն չի առնչվում, որովհետև էդ համակարգից բոլորն են օգտվում: Բայց դե լիքը շովինիստներ սիրում են իրենց «սոցիալը» քննարկել՝ որպես մենակ էմիգրանտների համար նախատեսված «բարիք»: Սուտ է, էդպես չի:

Իսկ ինչ վերաբերվում է փախստականներ ընդունելուն, ապա լավ են անում, որ ընդունում են: Էս ծերացող երկրին դա հեչ չի խանգարի, ռեսուրսների ու տեղի պակաս էլ հաստատ չունեն: Թող ընդունեն ու օգնեն մարդկանց: Աշխարհը պիտի բաց լինի բոլորի համար: Ու ուժեղները պիտի օգնեն թույլերին, ինչքան էլ տրիվիալ դա հնչի: Էդպես է, էդ է մարդկությունը: Ու եթե շարքային գերմանացին չի դժգոհում էս վիճակից, ապա էստեղ ապրող կամ էստեղ հարազատներ ունեցող օտարերկրացիները ընդհանրապես պիտի ձայն չհանեն, որովհետև ոչ ոք մյուսից ոչնչով լավը չի:

Մենակ թե փախստական ընդունելու ու սոցիալական համակարգի հարցերը պետք չի իրար խառնել:

Տրիբուն
18.09.2015, 23:25
Էս համակարգի ձևն է էդպիսին: Սա անընդհատ մեծ քննարկման հարց է Գերմանիայում, որ էդ զզվելի "Hartz IV" կոչված սցիալական օգնությունը պիտի հանվի, որ բոլոր մարդիկ էլ իրենք իրենց հույսին մնան ու աշխատեն:

Այվուշկա ջան, էս հարցը նոր հարց չի, էս հարցը հազար տարի ա կա, ու մենակ Գերմանիայում չի, լիքը եվրոպական երկրներում կա: Դժվար ա հավատալ, բայց նույնիսկ զարգացող շատ երկրներում կա: Շատերը չգիտեն, բայց նման խնդիր նաև սովետում կար, иждивенчество:

Էս հարցը համ տնտեսական ա, համ սոցիալական ա, համ փիլիսոփայական: Մի հարթության վրա են ծախսերը, սոցիալական արդարությունը, մարդկայնությունը, արդյունավետություն, և այլն, բլա բլա բլա ....Լիքը հասարակությունները վերջին մի 50-60 տարում էկել են էն եզրակացության, որ պառազիտներին պահելը ավելի էժան ա նստում հասարակության վրա, քան էտքան մարդու սոված ծարավա հասարակության մեջ բաց թողնելը՝ իրա բոլո հետևանքներով: Էս նենց ամենապարզ վերլուծությունը:

Ասծաս ինչ ա; էս էտքան հեշտ հարց չի, որ չորով դնես ու ասես, ոչ չի աշխատում պիտի հաց չուտի:Եթե էս պարզ տրամաբանությամբ գնաս, շատ հանգելու ես նույնքան պարզ եզրահանգման - ով չի կարում իրա ձեռով սեփական հացը վաստակի, պիտ սովից մեռնի: Ու սրա տակ կարելի ա սղացնել բոլորին, փախստական, միգրանտ, որբ, ծեր, ինվալիդ, հիվանդ ...

Դրա համար էլ էս չորով արած եզրահանգումները իմ վրա փիս բացասական ազդեցություն են թողնում: Լիքը մարդ պռոստը չգիտի ինչ ա փախստականը, աղքատությունը, հնարավորությունների բացակայությունը, վերջին հույսը ....

Աթեիստ
18.09.2015, 23:44
Ապրեք, վերջապես по существу.

Հիմա հարց ինչքանո՞վ ա անմարդկային էն առաջարկը, որ եթե ընտանիքը, մանավանդ փախստականը, ուզում ա չաշխատի, բայց վրա վրա երեխա ունենա, իրա 5-րդ երեխու արդեն պետությունը տիրություն չանի. էդքան շա՞տ ես ուզում, մտածի թե ոնց ես պահելու։

Ինչո՞վ ա սա հակասում փախստականներին ընդունելու ու լավ պայմաններով ապահովելու քաղաքականությանը։ Նրանով, որ չի թողնո՞ւմ ինչքան ուզեն բազմազան։

Գալաթեա
18.09.2015, 23:54
Բայց դու սենց չէիր ասում սկզբում, Արտ, հինգերորդ կամ վեցերորդ երեխու մասին խոսք չի եղել։
Ասում էիր՝ տեսակավորել ա պետք, ագրեսիվներին էլ լիկվիդացնել։

ivy
18.09.2015, 23:54
Ապրեք, վերջապես по существу.

Հիմա հարց ինչքանո՞վ ա անմարդկային էն առաջարկը, որ եթե ընտանիքը, մանավանդ փախստականը, ուզում ա չաշխատի, բայց վրա վրա երեխա ունենա, իրա 5-րդ երեխու արդեն պետությունը տիրություն չանի. էդքան շա՞տ ես ուզում, մտածի թե ոնց ես պահելու։

Ինչո՞վ ա սա հակասում փախստականներին ընդունելու ու լավ պայմաններով ապահովելու քաղաքականությանը։ Նրանով, որ չի թողնո՞ւմ ինչքան ուզեն բազմազան։

Կոնկրետ երեխային տրվող փողը ամիսը 180 եվրո է, Արտ, որը ստանում են բոլորը, ովքեր ունեն անչափահաս երեխա. կապ չունի աշխատում են, թե չէ: Էդ փողով չի, որ երեխուն պահում ես: Երեխան պահվում է «մեծերին հասնող փողով». աշխատողը աշխատավարձով է պահում, չաշխատողը՝ «սոցիալով»:
Հիմա դու ո՞նց ես պատկերացնում կոնկրետ ինչ-որ մի երեխային պետության վզից հանելը: Դա չաշխատող նախագիծ է. պիտի ծնողները դուրս գան սոցիալից ու պահեն իրենց բոլոր երեխաներին: Քանի ծնողները «սոցիալի» մեջ են, երեխան դրա մեջ է. իրեն էտեղից հանել հնարավոր չի: Իսկ իրեն տրվող փոքր նպաստ հանել-չհանելը մեծ բան չի փոխի, թեև դա հնրավար էլ չի հանել, քանի որ, ինչպես ասեցի, դա ստանում են բոլորը՝ աշխատող, թե չաշխատող:

Աթեիստ
19.09.2015, 00:35
Բայց դու սենց չէիր ասում սկզբում, Արտ, հինգերորդ կամ վեցերորդ երեխու մասին խոսք չի եղել։
Ասում էիր՝ տեսակավորել ա պետք, ագրեսիվներին էլ լիկվիդացնել։

Գալ, ես առաջարկում էի խստացնել փախստականների ապրելը։
Երեկ էս տարբերակն աչքովս ընկավ, դրա հղումը տեղադրեցի։

Խստացնելու հազար ու մի տարբերակ կարելի ա մտածել։

Շինարար
19.09.2015, 01:46
Գալ, ես առաջարկում էի խստացնել փախստականների ապրելը։
Երեկ էս տարբերակն աչքովս ընկավ, դրա հղումը տեղադրեցի։

Խստացնելու հազար ու մի տարբերակ կարելի ա մտածել։

Արտակ ջան, սխալ ես անում, չի կարելի մարդւո ապրելը խստացել, դա սորտավորում ա արդեն իսկ: Եթե դու ինտեգրում ես ուզում, պիտի հավասար հնարավորություններ տաս, ընդհակառակը էդ երեխաների համար բարվոք պայմաններ ստեղծես, որ կրթվեն, ինտեգրվեն, հետագայում լիարժեք քաղաքացի դառնան ու քո երկիրը զարգացնեն, ուրիշ ձև չկա: Իսկ առաջին սերնդի ոչ բոլոր փախստականների համար տենց հեշտ կլինի ինտեգրվելը, բայց դու չես կարա ծնողների համար պատժես երեխաներին, դա սխալ ա:

Ես էլի եմ ասում, նենց չի որ էդ փախստականները բոլոր հրեշտակներ են, բայց այլ տարբերակ չկա, քան հավասար հնարավորությունների ստեղծումը, այլապես դա չի լինի հումանիստական մոտեցում, իսկ առանց հումանիզմի չկա քո էդքան սիրած Եվրոպան, արդեն դա չի լինի Եվրոպա, կլինի մի ուրիշ բան, չգիտեմ ինչ, բայց ինչ-որ այլանդակություն: Դու ուղղակի չես ուզւոմ պատկերացնես, որ այլ ձև չի լինում, եթ լիներէ օրինակը կունենայինք:

StrangeLittleGirl
19.09.2015, 03:15
Ու ես լավ գիտեմ էդ համակարգի բոլոր բացերը: Սկզբում մարդկանց դնում են «սոցիալի» մեջ, երբ ապրելու փողը երկնքից է թափվում, հետո էլ ստիպում են դուրս գալ էդ վիճակից: Դա աբսուրդ է: Որովհետև մարդիկ շատ արագ հարմարվում են էդ կյանքին ու շատ կարևոր մարդկային հատկանիշներ են կորցնում, դառնում են զզվելի ձրիակերներ:
Իրենց հետ պիտի լիքը մոտիվացիոն աշխատանք տանես, որ հասկանան՝ տենց ապրելը ուղղակի ամոթ է, ու որ իրենք պիտի հենց թեկուզ իրենց երեխեքի առջև ամաչեն, որ «սոցիալի» մեջ են մեծացնում: Բայց հետն էլ գիտես՝ շատերի համար ուղղակի քիչ ելքեր կան՝ էդ վիճակից դուրս գալու. էդ էլ ուրիշ դարդ է:
Բայց մի մեծ մոլորություն կա, թե էդ «սոցիալում» մենակ էմիգրանտներն են ապրում: Էդպես չի էլի. էդ հոդվածի հեղինակը թող պորտաբույծ գերմանացիների մասին էլ գրի, որ նույն ձևով օգտվում են պետության տրամադրած ձրի կյանքից:
Էս համակարգի ձևն է էդպիսին: Սա անընդհատ մեծ քննարկման հարց է Գերմանիայում, որ էդ զզվելի "Hartz IV" կոչված սցիալական օգնությունը պիտի հանվի, որ բոլոր մարդիկ էլ իրենք իրենց հույսին մնան ու աշխատեն:
Բայց էդ համակարգը կա ու գործում է: Էդպես է էս երկրում:
Ու նորից եմ ասում՝ սա էմիգրանտների թեմային անմիջականորեն չի առնչվում, որովհետև էդ համակարգից բոլորն են օգտվում: Բայց դե լիքը շովինիստներ սիրում են իրենց «սոցիալը» քննարկել՝ որպես մենակ էմիգրանտների համար նախատեսված «բարիք»: Սուտ է, էդպես չի:

Ռիփ, էս հարցը Դանիայում էլ կա, ու կարծում եմ՝ եվրոպական բոլոր քչից-շատից հարուստ երկրներում (ի դեպ, էն հանրահայտ տանտերս, որի մասին էդքան ֆբ-ում գրում եմ, քո գործից ա անում. մարդկանց էդ համակարգից հանելու աշխատանքներ ա տանում): Մի կողմից դա ընկալվում ա որպես համակարգի բաց, բայց մյուս կողմից դա ձեռնտու ա ամբողջ հասարակությանը. հանցագործությունները կտրուկ նվազում են: Ու էս Դանիայի նոր կառավարությունը, որ աջ ա ու էշ մեռնում ա, իշխանության էկած-չեկած փախստականին տրվող նպաստն ավելի պակաս ա սարքել, քան ուսանողներին տրվող նպաստն ա (չխառնել գործազրկության նպաստի հետ, որն ավելի բարձր ա): Այսինքն, ստացվում ա, որ փախստականները մի կերպ ծայրը ծայրին հասցնելու գումար ունեն, մինչդեռ դանիացի ուսանողները մեր հարկերի հաշվին շաբաթ-կիրակի թռնում են Բեռլին, հարբում են, հետ են գալիս:


Ապրեք, վերջապես по существу.

Հիմա հարց ինչքանո՞վ ա անմարդկային էն առաջարկը, որ եթե ընտանիքը, մանավանդ փախստականը, ուզում ա չաշխատի, բայց վրա վրա երեխա ունենա, իրա 5-րդ երեխու արդեն պետությունը տիրություն չանի. էդքան շա՞տ ես ուզում, մտածի թե ոնց ես պահելու։

Ինչո՞վ ա սա հակասում փախստականներին ընդունելու ու լավ պայմաններով ապահովելու քաղաքականությանը։ Նրանով, որ չի թողնո՞ւմ ինչքան ուզեն բազմազան։
Արտ, ընդհանրապես, Եվրոպային շատ ձեռնտու են վրա-վրա էրեխեքը, որովհետև հասարակությունը ծերանում ա, ջահել զույգերը չեն ուզում շատ էրեխեք ունենալ, ու եթե սենց շարունակվի, Եվրոպայի վերջն իսկականից կգա: Եվրոպայի վերջն ավելի շուտ կգա դրսից մարդ չընդունելուց, քան ընդունելուց:


Գալ, ես առաջարկում էի խստացնել փախստականների ապրելը։
Երեկ էս տարբերակն աչքովս ընկավ, դրա հղումը տեղադրեցի։

Խստացնելու հազար ու մի տարբերակ կարելի ա մտածել։
Էլ ի՞նչը խստացնես: Տեղից էդ մարդիկ խիստ պայմաններում են ապրում: Տարիներով ճամբարներում սպասում են, մինչև իրանց գործը քննվի: Աշխատելու ու երկիրը լքելու իրավունք չունեն: Երկրի լեզուն չգիտեն, լրիվ օտար մթնոլորտում են: Ֆաշիստ գյադեքը հարձակվում են էդ ճամբարների վրա: Էլ ի՞նչ ես ուզում անել, որ իրանց ավելի վատ լինի:

Տրիբուն
19.09.2015, 16:56
Գալ, ես առաջարկում էի խստացնել փախստականների ապրելը։
Երեկ էս տարբերակն աչքովս ընկավ, դրա հղումը տեղադրեցի։

Խստացնելու հազար ու մի տարբերակ կարելի ա մտածել։

Ինչի՞ ընգեր, էտ ի՞նչ սադիստական հակումներ են: Մարդը հերիք չի արդեն գտնվում ա խոցելի վիճակում, փախստական ա, դու մի հատ էլ ուզում ես խստացնես իրա ապրելը: Ոնց որ ասես, առաջարկում եմ ավելի ցավոտ դարձնել հիվանդի բուժումը: Ապեր, դուշամանիս չեմ ուզենա քո ձեռն ընկնի:

Աթեիստ
19.09.2015, 17:49
Ինչի՞ ընգեր, էտ ի՞նչ սադիստական հակումներ են: Մարդը հերիք չի արդեն գտնվում ա խոցելի վիճակում, փախստական ա, դու մի հատ էլ ուզում ես խստացնես իրա ապրելը: Ոնց որ ասես, առաջարկում եմ ավելի ցավոտ դարձնել հիվանդի բուժումը: Ապեր, դուշամանիս չեմ ուզենա քո ձեռն ընկնի:

Կարծեմ մի քանի անգամ ասել եմ, ինչի։

Որ էդ ծանոթիս պես չզանգեն ու ինչքան լոդր ծանոթ ունեն, սաղին ասեն, «եկեք, ստեղ ոչ մի բան չես անում, աբրըմ ես»։

StrangeLittleGirl
19.09.2015, 18:16
Կարծեմ մի քանի անգամ ասել եմ, ինչի։

Որ էդ ծանոթիս պես չզանգեն ու ինչքան լոդր ծանոթ ունեն, սաղին ասեն, «եկեք, ստեղ ոչ մի բան չես անում, աբրըմ ես»։
Արտ, նավսյակի ասեմ, որ էդ ծանոթիդ տիպի աֆերիստները միշտ էլ կարում են իրանց ուղին հարթեն: Նույնն ա, ինչ ասես, որ լավ ա, որ քո ծանոթի նմանների պատճառով վիզային ռեժիմը բարդացնո են նաև նորմալ մարդկանց համար: Նույնն ա, ինչ ասես, որ հաշմանդամություն ունեցողը չպիտի նպաստ ստանա, ինչ ա թե մի երկու հոգի թղթեր են կեղծում, խաբում սաղին, նպաստ ստանում

Տրիբուն
19.09.2015, 20:37
Կարծեմ մի քանի անգամ ասել եմ, ինչի։

Որ էդ ծանոթիս պես չզանգեն ու ինչքան լոդր ծանոթ ունեն, սաղին ասեն, «եկեք, ստեղ ոչ մի բան չես անում, աբրըմ ես»։

Ապեր, շրջապատդ փոխի ....

Աթեիստ
19.09.2015, 22:35
Ապեր, շրջապատդ փոխի ....

Թարսի պես իրանք են փոխում. որպես փախստական (լոդր փախստական) գնում են էն երկրներ, որտեղ ես երազում եմ նորմալ գնալ (աշխատանքի)։

Շինարար
19.09.2015, 23:57
Թարսի պես իրանք են փոխում. որպես փախստական (լոդր փախստական) գնում են էն երկրներ, որտեղ ես երազում եմ նորմալ գնալ (աշխատանքի)։

Արտ, իրանք քո գնալուն ոչ մի կերպ չեն խանգարում: Ու մի մեղադրի, մարդիկ գնում են իրանց երեխաների համար նորմալ ապագա ապահովելու նաև: Ու չեմ հասկանում, թե Հայաստանից գնացածները ո՞նց են փախստական համարվում:

Տրիբուն
20.09.2015, 00:42
Արտ, իրանք քո գնալուն ոչ մի կերպ չեն խանգարում: Ու մի մեղադրի, մարդիկ գնում են իրանց երեխաների համար նորմալ ապագա ապահովելու նաև: Ու չեմ հասկանում, թե Հայաստանից գնացածները ո՞նց են փախստական համարվում:

Պատմեմ ... ամցած տարի Բրյուսելու եմ մի երկու ամիս, տուն եմ վարձել: Օրը մի բան փչանում էր էս տան մեջ: Մի օր սկսեց առաստաղից ջուր կաթալ: Զանգեցի, բողոքեցի, մարդ ուղարկեցին: Էկավ սարքեց-մարքեց, դեմքից զգացի որ հայ ա, պարզվեց Մկոն ա, Արմավիրից: Խոսացինք մի քիչ զրուցեցինք, անցավ, գնաց: Մի քանի օրից լվացքի մեքենան փչացավ: Զանգեցի, բողոքեցի, մարդ ուղարկեցին: Էկավ, սարքեց, դեմքից ջոկեցի որ հայ ա, պարզվեց Բակոն ա, չասեց որտեղից ա, բայց զըռ խոսում ա Շաիրակի դաշտավայրի բարբառով:

- Ընգեր, էն օրն էլ մեկը էկավ առաստաղը սարքելու էլի հայ էր, ճանաչու՞մ ես:
- Հա մեր Մկոն ա, իրար հետ ենք ստեղ արդեն յոթ տարի ա:
- Քաղաքացի՞ եք:
- Չէ… էս վերջերս ենք դիմել, որ թղթերներս դասավորենք, ստատուս բան ստանանք:
- Որպես ի՞նչ եք բա ստեղ մնում, որպես ի՞նչ եք դիմել:
- Փախստական ենք, ախպեր:
- Արա, որդեղի՞ց եք փախել, Մարալիկի՞ց:
- Չէ ախպեր, Սիրիայից:

Երկրորդ պատմությունը .... Բրյուսելում կյանքում տաքսի չեմ նստել: Էտ օրը խայտառակ ուշանում էի, տաքսի կանչեցի: Էկավ, վարորդը ինքը սկսեց հարց ու փորձ.
- Որտեղի՞ց ես:
- Հայաստանից:
- Ի, բա այ ախպեր ես էլ եմ Հայաստանից:
- Հա, բա ի՞նչ ես անում ստեղ, ինչքան ժամանակ ա ստեղ ես .. և այլն և այլն
- Ախպեր, էս տաս տարուց ավել ա ստեղ եմ: Սզբից Հայաստանի դեսպանատանն էի աշխատում, հետո գործից դուրս էկա, մնացի ստեղ: Դե հիմա էլ տեսնում ես, տաքսի եմ քշում:
- Բա դեսպանատանը ի՞նչ էիր աշխատում:
- Դեսպան, ախպեր:

Հորս արև, երկուսն էլ լրիվ իրական պատմություններ են:

Շինարար
20.09.2015, 01:09
Ամեն մարդ մի ձև գլուխը պահում ա :բիձա

Գալաթեա
20.09.2015, 01:10
- Բա դեսպանատանը ի՞նչ էիր աշխատում:
- Դեսպան, ախպեր:

Հորս արև, երկուսն էլ լրիվ իրական պատմություններ են:

Էն անեկդոտն եղավ, որ ասում ա՝ ինքը չգիտեմ ով էր, բայց շոֆեռը Հռոմի Պապն էր:

StrangeLittleGirl
26.09.2015, 12:40
Էրեկ մի գերմանացու հետ էի խոսում, ասեց, որ հայ փախստականներն իրանց լուրերում են հայտնվել: Հարցրեցի՝ սիրիահա՞յ, ասեց՝ չէ, Հայաստանից: Ռիփ, մյուսներ, տեղյա՞կ եք դրանից: Ի՞նչ հաշիվ ա:
Ամոթից քիչ էր մնում գետինը մտնեի :(

ivy
26.09.2015, 14:14
Չգիտեմ՝ ինչ նկատի ուներ, ու ինչ լուրերի մասին է խոսքը:
Էստեղ ոչ մի էդպիսի աչքի ընկնող բան չի եղել՝ հայերի հետ կապված:

Շինարար
26.09.2015, 14:54
Էրեկ մի գերմանացու հետ էի խոսում, ասեց, որ հայ փախստականներն իրանց լուրերում են հայտնվել: Հարցրեցի՝ սիրիահա՞յ, ասեց՝ չէ, Հայաստանից: Ռիփ, մյուսներ, տեղյա՞կ եք դրանից: Ի՞նչ հաշիվ ա:
Ամոթից քիչ էր մնում գետինը մտնեի :(

Բայց ինչու ես ամաչում: Եթե մեկը փորձի ընդհանրացնել, կարելի ա էդ ընդհանրացնողի պորտը տեղը դնել, տարբեր տիպի մարդիկ կան, հայ լինելը էդտեղ ոչ մի կապ չունի:

StrangeLittleGirl
26.09.2015, 14:56
Բայց ինչու ես ամաչում: Եթե մեկը փորձի ընդհանրացնել, կարելի ա էդ ընդհանրացնողի պորտը տեղը դնել, տարբեր տիպի մարդիկ կան, հայ լինելը էդտեղ ոչ մի կապ չունի:

Շին, անդուր ա, երբ ամբողջ ազգություն հայտնվում ա լուրերում, ու մարդիկ տենց են կարծիք կազմում՝ ուզես, չուզես: Իհարկե պորտը տեղը դնել պետք ա, բայց մեկ ա ստերեոտիպներից պոկվողը չես:

StrangeLittleGirl
26.09.2015, 14:58
Չգիտեմ՝ ինչ նկատի ուներ, ու ինչ լուրերի մասին է խոսքը:
Էստեղ ոչ մի էդպիսի աչքի ընկնող բան չի եղել՝ հայերի հետ կապված:
Չգիտեմ, շատ չեմ խորացել: Դանիերենս չհերիքեց մանրամասն հարցաքննելու համար: Բայց ասածն էն էր, որ հայերը խառնվում են Սիրիայի փախստականների հետ, ապաստան ուզում: Ու հարցնում էր՝ պատճառ ունե՞ն հայերն ապաստան ուզելու: Ասեցի՝ Հայաստանի վիճակը պայծառ չի, բայց հիմնականում պատճառ չունեն:

ivy
26.09.2015, 17:17
Մեզ մոտ օրենք ընդունվեց, որ Սիրիայից եկած բոլոր փախստականներին անմիջապես Aufenthaltserlaubnis (կացության իրավունք) են տալիս 3 տարով՝ երկարաձգելու հնարավորությամբ:
Անմիջապես :)
Նույնն էլ ժամանակին Վիետնամից եկած փախստականների հանդեպ է կիրառվել:
Նենց հպարտ եմ գերմանացիներով:

Տրիբուն
26.09.2015, 17:42
Մեզ մոտ օրենք ընդունվեց, որ Սիրիայից եկած բոլոր փախստականներին անմիջապես Aufenthaltserlaubnis (կացության իրավունք) են տալիս 3 տարով՝ երկարաձգելու հնարավորությամբ:
Անմիջապես :)
Նույնն էլ ժամանակին Վիետնամից եկած փախստականների հանդեպ է կիրառվել:
Նենց հպարտ եմ գերմանացիներով:

Ժամանակին վիետնամցիներ հետ նույն բանը Ֆրանսիան էլ ա արել, ու շատ կազմակերպված ձևով: Իսկ հիմա, սաղ աշխարհում յոթ միլիոն սիրիացի փախստական կա արդեն, իրանք մի ամիս ա որոշում են ընդունեն 30 հազար հոգու, թե չէ:

arazaz
26.09.2015, 18:31
Մեզ մոտ օրենք ընդունվեց, որ Սիրիայից եկած բոլոր փախստականներին անմիջապես Aufenthaltserlaubnis (կացության իրավունք) են տալիս 3 տարով՝ երկարաձգելու հնարավորությամբ:
Անմիջապես :)
Նույնն էլ ժամանակին Վիետնամից եկած փախստականների հանդեպ է կիրառվել:
Նենց հպարտ եմ գերմանացիներով:
գերմանացիք աշխարհի ամենալավ ազգն են; շատ մարդասեր են ու հյուրընկալ;

Աթեիստ
09.01.2016, 03:22
Կարծում եմ, էս թեման հըլը շատ «ջուր ա քաշելու»։

Կարծում եմ արդեն մեծ մասը լսել են Քյոլնում նոր տարվա գիշերը փախստականների կազմակերպած անկարգությունների ու առնվազն մեկ արձանագրված բռնաբարության մասին։
Ով էլ տեղյակ չի երկու բառով ասեմ, որ գիշեր մոտ 1000 փախստական հավաքվել են կայարանի դիմաց, դիմավորել եկող կանանց, թալանել, մերկացրել, ձեռ-մեռ գցել ...։

Իշխանությունները մի 2 օր անց նոր որոշել են բարձրաձայնել էդ մասին։

http://nv.ua/publications/kelnskij-novyj-god-kak-germanija-okazalas-bezzashchitna-pered-svoimi-gostjami-89982.html

Արդյունքում որոշել են մի քիչ խստացնել փախստականների ընդունման պայմանները ու տեղում ավելի խիստ հսկել։

Հետաքրքիր կլինի լսել մանավանդ Այվիի ու մյուս եվրոպաբնակ ակումբցիների կարծիքները։ Ո՞նց եք պատկերացնում կառավարության հաջորդ քայլը։
Ինչքա՞ն ժամանակ ա պետք կենդանիներից մարդ սարքելու համար ու արդյո՞ք Գերմանիան էդքան ժամանակ ունի, մինչև դրանք սաղ երկիրը ջունգլի չեն սարքել։

Աթեիստ
09.01.2016, 03:35
Ստեղ կտեղադրեմ էն մեկնաբանություն բերեմ, որոնք հավանում եմ։ Աղբյուր (http://www.exler.ru/blog/item/18352/?180#comm)։


На самом деле всё не так плохо, как часто рисуется в прессе, когда показывают, что все тут в хиджабах уже ходят. Беженцы распределены по разным городам и из своих лагерей особо не выезжают. Опять таки, 1 млн. это 1/80 от населения.

С другой стороны, конечно, миграционная политика в Германии это полный отстой. Я уже давно говорил, что нужно ввести систему пунктов, как в Канаде или Австралии. Образование, опыт работы, знание языков, спрос на профессию и т.п. Беженцам нужно урезать пособие так, чтобы не было мотивации ехать в Германию в качестве "экономического беженца". Те, кто хочет тут работать потерпят, для них это не проблема, а халявщиков легко отсеять. А то уже до абсурда доходит, когда образованная сирийка со знанием языка, которая училась в Германии еще до беженцев, должна пройти кучу бюрократических препонов, чтобы устроиться на работу и остаться в Германии, а туповатой беженке из зачуханого села всё подают на блюдечке, хотя она никогда ни учиться ни работать в Германии не будет.

Чем больше будет наплыв беженцев и чем больше это будет влиять на качество жизни немцев, тем больше будут поднимать голову правые движения вроде PEGIDA.

StrangeLittleGirl
09.01.2016, 14:47
Արտ, ի՞նչ ա նշանակում կենդանիներից մարդ սարքել: Բոլորն էլ մարդ են՝ լինեն եվրոպացի, թե արաբ, կնոջը հարգեն, թե բռնաբարեն (ու սրանով բնավ չեմ արդարացնում բռնաբարությունը): Կարծում եմ՝ էդ մարդկանց ընդամենը պետք ա պատժել, որովհետև ի տարբերություն իրենց երկրների, Գերմանիայում բռնաբարությունն օրինական չի: Մեկը Նորվեգիան շատ հետաքրքիր ծրագիր ա մտցրել. փախստականների համար դասընթացներ են կազմակերպվում, բացատրվում են Նորվեգիայի օրենքները, բացատրվում ա, որ Նորվեգիայում օքեյ չի կնոջը ձեռք գցելը, նույնիսկ եթե կիսամերկ ա:

Աթեիստ
09.01.2016, 19:14
Բյուր, կենդանին ոչ թե փախստականն ա, այլ բռնաբարողը։

StrangeLittleGirl
09.01.2016, 19:15
Բյուր, կենդանին ոչ թե փախստականն ա, այլ բռնաբարողը։
Եթե տենց նայենք, էդ կենդանիներից ամեն ազգում էլ կա:

Աթեիստ
10.01.2016, 00:23
Բյուր, կենդանին ազգություն չունի։ Էդ կենդանիները փախստականների հետ մտան Գերմանիա։ Ու հիմա Գերմանիան երկու տարբերակ ունի։ Կամ պտի փորձի դրանցից մարդ սարքի, կամ հանի վռնդի։ Երկրորդ տարբերակը ես հենց սկզբից էլ առաջարկում էի, բայց էն ժամանակ ոչ թե կենդանի էի անվանում, այլ «էն փախստականները, որոնք պտի մտնեն, բայց չենթարկվեն տեղի կանոններին»։

Դեպքերի զարգացումը ցույց ա տալիս, որ իշխանությունները ևս նայում են երկրորդ տարբերակի կողմը (http://newsru.com/world/09jan2016/merkelsays.html)։

Եթե նախկինում փախստականներին երկրից վռնդում էին լուրջ քրեական հանցագործություների համար, ապա հիմա Մերկելն առաջարկել է դա խստացնել, ու նույնիսկ փոքր զանցանքների համար էլ երկրից դուրս շպրտել։

Տրիբուն
10.01.2016, 16:17
Մեկը Նորվեգիան շատ հետաքրքիր ծրագիր ա մտցրել. փախստականների համար դասընթացներ են կազմակերպվում, բացատրվում են Նորվեգիայի օրենքները, բացատրվում ա, որ Նորվեգիայում օքեյ չի կնոջը ձեռք գցելը, նույնիսկ եթե կիսամերկ ա:

ԸՆգեր, էն երկրներում, որտեղից էտ փախստականները եկել են, կնոջ վրա մենակ նայելու համար քամակները երկու մետր երկարության ու մի մետր դիամետրով մախատ են մտցնում։ Մի տեսակ, իրանց բացատրելը, որը կնոջը ձեռ քցելը վատ բան ա, աբսուրդի ա նմավնում։ Ինչ-ինչ, գոնե էտ մի բանը իրանք բոլորից լավ պիտի իմանան։ Ու հետո, քանի՞ հոգու համար տենց դասընթաց կազմակերպես, քսա՞ն, քառասու՞ն, տաս հազա՞ր, կես միլիո՞ն։ Հեռուստատեսային հաղորդում մտցնե՞ս, որտեղ պոռնոն մենակ չադրաներով ա։

Տրիբուն
10.01.2016, 16:35
Բյուր, կենդանին ազգություն չունի։ Էդ կենդանիները փախստականների հետ մտան Գերմանիա։ Ու հիմա Գերմանիան երկու տարբերակ ունի։ Կամ պտի փորձի դրանցից մարդ սարքի, կամ հանի վռնդի։ Երկրորդ տարբերակը ես հենց սկզբից էլ առաջարկում էի, բայց էն ժամանակ ոչ թե կենդանի էի անվանում, այլ «էն փախստականները, որոնք պտի մտնեն, բայց չենթարկվեն տեղի կանոններին»։

Դեպքերի զարգացումը ցույց ա տալիս, որ իշխանությունները ևս նայում են երկրորդ տարբերակի կողմը (http://newsru.com/world/09jan2016/merkelsays.html)։

Եթե նախկինում փախստականներին երկրից վռնդում էին լուրջ քրեական հանցագործություների համար, ապա հիմա Մերկելն առաջարկել է դա խստացնել, ու նույնիսկ փոքր զանցանքների համար էլ երկրից դուրս շպրտել։

Խնդիրը էն, որ փախստականների մեծագույն մասը ԵՄ սահմաններին հասել ա փաստացի ոտով, ու եկել դեմ ա առել ասենք Հունգարիայի ու Սերբիայի սահմանին։ Ու դրանք երկու կամ քսան հոգի չեն, որ հատ հատ ստուգես, թե ով ինչի ա պիտանի, նոր ներս թողնես։ Ասենք մի ռեյսից քսան հազար հոգի են։ Ու տենց ամեն շաբաթ։ Ի՞նչ անես։ Ներս չթողնես, պիտի սահմանի վրա զորքով պատնեշ կանգնացնես, անցնողին գնդակահարես, ու ձեռ հետ էլ պատժես ասենք Հունաստանին, Մակեդոնիային ու Սերբիային, որ դժբախտություն են ունեցել առաջին գծում հայտնվել, քանի որ, եթե չթողնես Գերմանիա կամ Շվեդիա, սաղ լռվելու են մնան էտ երկրներում։ Դրա համար էլ առաջին պլան ա մղվում սաղին նես թողնելն ու հնարավորինս հավասարաչափ տեղաբաշխելը (եվրոպական արժեքներ, մարդկայնություն, բլա բլա), ու հետո կտեսնենք ինչ ենք անում։

Ուղակի, էն տպավորությունն ա, որ Եվրոպան ինքն էլ բացարձակ չի կողմնորոշվել դեռ, թե ինչ ա անելու էսքան մարդու հետ։ Նույնիսկ եթե որոշի կեսին դեպորտ անել, ո՞նց ա անելու։ Էլի ոտով քշելու ա հետ մինչև Թուրքիայի ա՞փ։ Նստացնելու ա նավերն ու ուղարկի գորղի ծոցը, թող սաղ խորտավեն, սատկե՞ն։ Երկու հարյուր մարդ դեպորտ անելը արդեն մի հատ ինքնաթիռի ռեյս ա, ուր մնաց ասենք տաս հազար մարդ դեպորտ անելը։ Կոպիտ ասած, էս մասշտաբերի պայմաններում, հարցի լուծումը էտքան էլ հեշտ չի որ ասես «լավին պահեք, վատին ուղարկեք հետ», խոսքը գնում ա մենակ 2015-ի ընթացքում մի միլիոն մարդու մասին ու սպասվում ա, որ գնալով շատանալու են։

Իտոգում, շատ հնարավոր ա, որ Եվրոպայում էլի գլուխ բարձրացնի ազգայնականությունը (ասենք Ֆրանսիայում նախագահական ընտրություններում հաղթում ա Մարի Լե Պենը, որը տեղական ընտրություններում արդեն 30% ձայն ունի) ու ոնց որ 60 տարի առաջ հրեաներին էին կոտորում, հիմի էլ սկսեն սաղ Եվրոպայով մուսուլմաններին կոտորել, մի երկու հատ էլ ատոմային ռումբ քցեն Մերձավոր Արևելքի ու հյուսիսային Աֆրիկայի գլխին ու հարցը գլոբալ լուծվի:

anhush
14.01.2016, 08:07
էս վիդեոն բավականին բացատրում է, թե ինչ է լինելու փախստականների փախուստի վերջը




https://www.youtube.com/watch?v=VPPaoXzJIbc

StrangeLittleGirl
14.01.2016, 13:58
էս վիդեոն բավականին բացատրում է, թե ինչ է լինելու փախստականների փախուստի վերջը




https://www.youtube.com/watch?v=VPPaoXzJIbc
Շատ լավն էր: Շատ չոտկի ա բացատրում էն, ինչ տեղի ա ունենում փախստականների հետ ու էն ինչ կարա տեղի ունենա:

StrangeLittleGirl
14.01.2016, 20:31
Էս էլ էն մասին (http://www.indiatimes.com/news/world/german-gangs-are-beating-up-syrians-after-immigrants-sexually-assault-germany-s-women-249310.html), որ մի խումբ գերմանացիներ չեն տարբերվում կանանց վրա հարձակված մի խումբ միգրանտներից: Բայց էս լուրի մասին ոչ ոք չի ասում՝ գերմանացիները սենց են-նենց են, ասում ա՝ կոնկրետ խումբ:

Lion
14.01.2016, 22:01
Էս էլ էն մասին (http://www.indiatimes.com/news/world/german-gangs-are-beating-up-syrians-after-immigrants-sexually-assault-germany-s-women-249310.html), որ մի խումբ գերմանացիներ չեն տարբերվում կանանց վրա հարձակված մի խումբ միգրանտներից: Բայց էս լուրի մասին ոչ ոք չի ասում՝ գերմանացիները սենց են-նենց են, ասում ա՝ կոնկրետ խումբ:

Այ որ գերմանական միջին սեռի որոշ քաղաքական գործիչներ տենց հորթային քաղաքականություն որդեգրած չլինեին, բանը սենց ծայրահեղությունների չէր հասնի...

anhush
14.01.2016, 23:26
իսկ ահա թե ինչով է իրականում զբաղված գերմանական վերխուշկան

https://www.youtube.com/watch?v=dIQrMs3j9sM
:D

One_Way_Ticket
15.01.2016, 08:23
Էս էլ էն մասին (http://www.indiatimes.com/news/world/german-gangs-are-beating-up-syrians-after-immigrants-sexually-assault-germany-s-women-249310.html), որ մի խումբ գերմանացիներ չեն տարբերվում կանանց վրա հարձակված մի խումբ միգրանտներից: Բայց էս լուրի մասին ոչ ոք չի ասում՝ գերմանացիները սենց են-նենց են, ասում ա՝ կոնկրետ խումբ:
Քոմմենտները որ նայես, լավ էլ ասում են: Պարզապես դրական իմաստով են ասում:

Տրիբուն
15.01.2016, 16:35
Անհուշի էս դրած վիդեոները ախր լավ էլ հավես վիդեոներ են։ Պռոստը իրա գրառումները էտ վիդեոների հետ հեչ կապ չունեն։

Ռուֆուս
15.01.2016, 23:12
Ահավոր լավ հոդված անգլուհի լրագրողի ու իր տանն ապրող սիրիացի փախստական տղամարդու մասին (http://www.theguardian.com/world/2016/jan/09/my-syrian-refugee-lodger-helen-pidd)

StrangeLittleGirl
16.01.2016, 01:23
Ահավոր լավ հոդված անգլուհի լրագրողի ու իր տանն ապրող սիրիացի փախստական տղամարդու մասին (http://www.theguardian.com/world/2016/jan/09/my-syrian-refugee-lodger-helen-pidd)

Շատ լավն էր :)
Ի դեպ, Կոպենհագենում էլ լիքը դանիացի ընտանիքներ իրանց տներում փախստականներին տեղ են տալիս, իրար հետ հաշտ ու համերաշխ ապրում են: Բայց սենց բաների մասին լրատվամիջոցները շուխուռ չեն անում:

Ու մեկ էլ հոդվածի մեջ ինձ շատ դուր էկավ, որ երկուսը հարգում են միմյանց մշակույթը: Մեկը փորձում ա հալալ միս ճարել, մյուսն էլ զիջում ա, ասում ա՝ եթե քրիստոնյաների սուրբ միսն ա, ուրեմն հալալ ա:

Lion
16.01.2016, 15:52
Ըստ իս` իրականում այս ամենն ուտոպիա է, երբեք էլ եվրոպական արժեքների ու արևելան արժեքների տեր մարդիկ չեն կարող մի հարկի տակ հաշտ ու համերաշխ ապրել: Ահա թե ինչու - Մեկ, երկու, երբ եկվորները` Արևելքը, չի գերակշռում, հասկանալի է, բայց հետո` երբ Արևելքը գերակշռի, այն կսկսի թելադրի (սա բնական օրենք է) ու այդ ժամանակ կսկսվեն կոնֆլիկտները:

Արևելցիների հետ Եվրոպայում հաշտ ապրելու միայն մի միջոց կա` պետք է իրենք չգերակշռեն ու, ժամանակի ընթացքում, թեկուզ շատ դանդաղ ու դժվար, բայց մարսվեն եվրոպական արժեքներ կրողների կողմից: Հակառակ պարագայում նրանք, ինչպես ասացի, կսկսեն թելադրել, ինչի առաջին ծաղիկները տեսնում ենք այժմ:

Ռուֆուս
16.01.2016, 17:30
Լիոն, դու կյանքում եվրոպա ոտք դրե՞լ ես, որ սենց միանգամից եզրակացություններ ես անում։ Ի դեպ հնդիկները, պակիստանցիներն ու բանգլադեշցիները կես դար ա ապրում են անգլիայում, թուրքերը Գերմանիայում, արաբներն էլ Ֆրանսիայում ու էլի կարողանում են որոշ չափով ինտեգրվել հասարակությանը։ Որոշ երկրներում դա չափից դուրս լավ ա ստացվում, որոշներում էլ խնդիրներ կան, բայց պնդել, որ սա ուտոպիա է, իրականությանը հեչ չի համապատասխանում

Ruby Rue
16.01.2016, 20:03
Ահավոր լավ հոդված անգլուհի լրագրողի ու իր տանն ապրող սիրիացի փախստական տղամարդու մասին (http://www.theguardian.com/world/2016/jan/09/my-syrian-refugee-lodger-helen-pidd)

Ինչ լավն էր: Այ սենց պիտի լինի, որ մարդիկ ներառվեն հասարակության մեջ: Մարդկային շփումը, նորմալ վերաբերմունքը ամեն ինչ փոխում ա, մարդիկ տեղեկանում են մեկը մյուսի սովորույթներից ու հարգում դրանք: Ինձ ամենաշատը դուր եկավ, որ էս տղամարդը հանդիպել ա նաև անգլուհու լեսբի ընկերներին, ովքեր երեխա ունեն: Ու թեև դա էդ մարդու համար չլսված ու չտեսնված բան ա, բայց շփման ու լավ վերաբերմունքի շնորհիվ ինքը կարողանում ա ընկալել ու հարմարվել դրան` ինչքան էլ իր համար խորթ լինի:

Ռուֆուս
16.01.2016, 20:27
Ինձ ահավոր շատ մշակութային ենթատեքստը դուր եկավ, օրինակ էն, որ Հելենի համար ինչ-որ տեղ ծիծաղելի էր, որ հասուն տղամարդը եփել թափել չգիտի, իսկ Յասիրի համար էլ էդ եփել թափելը կնոջ գործն է, որը սերունդներով փոխանցվում է մորից դստերը: Կամ որ Հելենի համար ոչ մի տարօրինակ բան չկա, որ կինն ու տղամարդը իրար հետ նույն տանն ապրեն առանց ռոմանտիկ ենթատեքստի, իսկ Յասիրի համար նման համակեցությունը նորություն էր: Կամ որ Յասիրն ասում էր, թե Հելենի ծնողները շատ լավն են ու ինքը չի հասկանում, թե ինչու Հելենը ավելի հաճախ չի այցելում ծնողներին, որովհետև Սիրիայում ընտանեկան կապերն ավելի ամուր են, քան Անգլիայում: Ու չնայած էս ահռելի մշակութային տարբերություններին, իրար հետ շատ լավ ու տոլերանտ ձևով ապրում են:

StrangeLittleGirl
16.01.2016, 20:37
Ինձ ահավոր շատ մշակութային ենթատեքստը դուր եկավ, օրինակ էն, որ Հելենի համար ինչ-որ տեղ ծիծաղելի էր, որ հասուն տղամարդը եփել թափել չգիտի, իսկ Յասիրի համար էլ էդ եփել թափելը կնոջ գործն է, որը սերունդներով փոխանցվում է մորից դստերը: Կամ որ Հելենի համար ոչ մի տարօրինակ բան չկա, որ կինն ու տղամարդը իրար հետ նույն տանն ապրեն առանց ռոմանտիկ ենթատեքստի, իսկ Յասիրի համար նման համակեցությունը նորություն էր: Կամ որ Յասիրն ասում էր, թե Հելենի ծնողները շատ լավն են ու ինքը չի հասկանում, թե ինչու Հելենը ավելի հաճախ չի այցելում ծնողներին, որովհետև Սիրիայում ընտանեկան կապերն ավելի ամուր են, քան Անգլիայում: Ու չնայած էս ահռելի մշակութային տարբերություններին, իրար հետ շատ լավ ու տոլերանտ ձևով ապրում են:
Հա, հավես էին էդ պահերը: Ինձ էն խոհարարական գրքի մասն էլ դուր էկավ: Պատկերացրի էն Սիրիայի անող-դնող, հազարումի ճաշ սարքող կնանիքին, որ էդ բոլոր համով բաները փոքր տարիքից են սովորել սարքել ու լիքը խոհարարական գաղտնիքներ գիտեն: Ու մեկ էլ Հելենի չոր-չոր ռեցեպտները, որ գրքից մի տառ չի շեղվում ու չի ջոկում, թե ինչու ոչ մի բան համով չի ստացվում :))

anhush
16.01.2016, 21:15
Ըստ իս` իրականում այս ամենն ուտոպիա է, երբեք էլ եվրոպական արժեքների ու արևելան արժեքների տեր մարդիկ չեն կարող մի հարկի տակ հաշտ ու համերաշխ ապրել: Ահա թե ինչու - Մեկ, երկու, երբ եկվորները` Արևելքը, չի գերակշռում, հասկանալի է, բայց հետո` երբ Արևելքը գերակշռի, այն կսկսի թելադրի (սա բնական օրենք է) ու այդ ժամանակ կսկսվեն կոնֆլիկտները:

Արևելցիների հետ Եվրոպայում հաշտ ապրելու միայն մի միջոց կա` պետք է իրենք չգերակշռեն ու, ժամանակի ընթացքում, թեկուզ շատ դանդաղ ու դժվար, բայց մարսվեն եվրոպական արժեքներ կրողների կողմից: Հակառակ պարագայում նրանք, ինչպես ասացի, կսկսեն թելադրել, ինչի առաջին ծաղիկները տեսնում ենք այժմ:
արևելքը ու արևմուտքը ըստ ամեն ինչի, իրար անիտիպոդեր են: հակառակ բևեռներ, ու իրար հետ խաղաղ կարան ապրե մենակ աշխարհի կործանումից հետո:

իսկ շատ արևելքցիներ ու ապրում են արևմուտքում, կամ շատ արևմուտքցիներ, որ ապրում են արևելքում /օրինակ բազմաթիվ կանադացիներ - Ֆիլիպիններում / , նրանք իրենց բևեռի չկրողներ են- կամ չեզոք մարմին են կամ էլ հակառակ բռևեռի լիցքը: Խոսքը գնում ա գաղափարականնների մասին

Տրիբուն
16.01.2016, 23:16
Ահավոր լավ հոդված անգլուհի լրագրողի ու իր տանն ապրող սիրիացի փախստական տղամարդու մասին (http://www.theguardian.com/world/2016/jan/09/my-syrian-refugee-lodger-helen-pidd)

Իսկ ինձ, շատ կներեք, հեչ դուր չեկավ էս հոդվածը։ Շատ ա պաստանովչնի։ Ոնց որ մեկը սցենարը նախապես գրած լինի, երկուսը խաղացած լինեն, որ վերջում իմ հատ սիրուն պատմություն ստացվի ու վրով հոդված գրեն։

Ես հավատում եմ մշակութային երկխոսությանը ու համոզված եմ, որ աշխարհի ապագան էտ ա։ Բայց կոնկրետ էս դեպքը խիստ ծայրահեղացված ներկայացում ա, որը իրականությունից կտրված ա։

Վիշապ
17.01.2016, 00:08
Ինձ էլ դուր չի գալիս որ ինչ-որ մասնավոր դեպքերի/պատմությունների հիման վրա փորձում են երևույթները ընդհանրացնել ու սարքել ինչ-որ դոգմատիկ գաղափարախոսություն։ Էդ փախստականների մեջ ենթադրում եմ, որ կան լիքը նորմալ մարդիկ, ինչպես նաև կլինեն գողեր, ստահակներ, մանյակներ, աբիժնիկներ, թմրամոլներ, խելագարներ և այլն, ինչպես բոլոր մնացած ազգերի մեջ։ Մեկին ինտելիգենտ, բարի/խորամանկ աչքերով իրեն տիրապետող տղամարդ ա բաժին ընկել, մյուսին էլ՝ հազար տարի կնոջ կրծքեր ու հետույք չտեսած, թույլ ներվեր ունեցող մեկը, հիմա ո՞վ են էդ սիրացիք։
Ու մեկ էլ արդեն տանել չեմ կարողանում եվրոպական արժեքները ու եվրոպական արժեքները ատողներին ։Ճ
Ու վապշէ, զզվում եմ դիսկրիմինացիայից ու նեղաչքներից։

ivy
17.01.2016, 01:59
Հետաքրքիր կլինի լսել մանավանդ Այվիի ու մյուս եվրոպաբնակ ակումբցիների կարծիքները։ Ո՞նց եք պատկերացնում կառավարության հաջորդ քայլը։
Ինչքա՞ն ժամանակ ա պետք կենդանիներից մարդ սարքելու համար ու արդյո՞ք Գերմանիան էդքան ժամանակ ունի, մինչև դրանք սաղ երկիրը ջունգլի չեն սարքել։

Կառավարության հաջորդ քայլն արդեն եղել է. նույնիսկ փոքր քրեական հանցագործություններ ունենալու դեպքում (մի տարի ազատազրկումից սկսած), փախստականները կորցնում են երկրում մնալու իրավունքը:
Սա հենց Քյոլնի դեպքից հետո է որոշվել:
Հարցը էն է, որ մարդկանց հետ ուղարկելու համար նաև հետ ուղարկվող երկրի համագործակցումն է կարևոր, ինչը փախստականների երկրների դեպքում էդքան հեշտ բան չի: Ինչևէ, խստացրել են էստեղ մնալու պայմանները:

Ես իհարկե էդքան էլ լավ չեմ հասկանում, թե դու կոնկրետ ինչ ունես էդքան բորբոքվելու: Եթե քո խնդիրն էն է, որ մտածում ես՝ էդքան արժանի մարդ կա, որ կարող էր գնալ, տեղավորվել, ապրել ու չի կարողանում, իսկ էդ «կենդանիները» որ ծակից ուզում հայտնվում ու բնավորվում են, ապա կարծում եմ, էդքան էլ լավ չի էդպես մտածելը: Ամեն մարդ իր ճանապարհն ունի, իր կյանքը, փախուստի դիմելու իր պատճառները: Ուրիշ երկիր տեղափոխվելը մի բան է, ուրիշ երկիր ճարահատյալ փախչելը՝ լրիվ ուրիշ բան: Հաստատ ոչ ոք չէր ուզենա էդ մարդկանց բախտին արժանանալ, դրա համար պետք չի իրենց հետ համեմատվել. իրենք ուրիշի տեղը չեն զբաղեցնում, իրենք ընդամենն իրենց տեղն են փնտրում: Հա, իրենք ուրիշ մշակույթի ու արժեքների տեր են, մեջներն էլ ամեն տեսակի մարդ կա, գումարած ստացած տրավմաները, ինչ ասես կարելի է սպասել: Բայց դե դա չի նշանակում, թե պիտի ձեռ քաշել էդ մարդկանցից: Իրենք օգնության կարիք ունեն:

Lion
17.01.2016, 13:12
Լիոն, դու կյանքում եվրոպա ոտք դրե՞լ ես, որ սենց միանգամից եզրակացություններ ես անում։ Ի դեպ հնդիկները, պակիստանցիներն ու բանգլադեշցիները կես դար ա ապրում են անգլիայում, թուրքերը Գերմանիայում, արաբներն էլ Ֆրանսիայում ու էլի կարողանում են որոշ չափով ինտեգրվել հասարակությանը։ Որոշ երկրներում դա չափից դուրս լավ ա ստացվում, որոշներում էլ խնդիրներ կան, բայց պնդել, որ սա ուտոպիա է, իրականությանը հեչ չի համապատասխանում

Չէ, ոտք չեմ դրել, բայց նման կերպ խոսելու համար պարտադիր է Էյֆելյան աշտարակի տակ քայլած լինելը? Եվրոպա ոտք չեմ դրել, բայց ահագին մասնագիտական գրականություն եմ կարդացել "քաղաքակրությունների մասին", իսկ ներկայիս եվրոպական ճգնաժամն էլ միայն հաստատում է իմ ասածը - մենք 1.000 տարուց ավել ապրում ենք էս վայրենիների հետ, ասում ենք, գազան են կամ, սենց ասենք մեր աչքերով, ուրիշ արժեքների կրող են, եվրոպացիք պնդում են, թե չէ - դե հիմի տեսեք ձեր "չէ"-ն:

Ինչ ուզում եք ասեք, կա քաղաքակրթական տարբերություն, որը, էս հոդվածի պարագայում, կարա սենց գեղեցիկ ու ռոմանտիկ տեսք ստանա, բայց "մեծ թվերի դեպքում" բերում է ողբերգությունների: Կա մշակութային հիշողություն, կա գենետիկ հիշողություն, կա մտածողության ստերեոտիպ և վերջապես կա կրոնական տարբերություն - դա կարող է "խոսել ու համագործակցել" միայն երկար ժամանակի ու զգույշ շփումների ժամանակ, բայց նման պարագայում` ոչ ու կրկին անգամ ոչ:

Աթեիստ
17.01.2016, 18:36
Կառավարության հաջորդ քայլն արդեն եղել է. նույնիսկ փոքր քրեական հանցագործություններ ունենալու դեպքում (մի տարի ազատազրկումից սկսած), փախստականները կորցնում են երկրում մնալու իրավունքը:
Սա հենց Քյոլնի դեպքից հետո է որոշվել:
Հարցը էն է, որ մարդկանց հետ ուղարկելու համար նաև հետ ուղարկվող երկրի համագործակցումն է կարևոր, ինչը փախստականների երկրների դեպքում էդքան հեշտ բան չի: Ինչևէ, խստացրել են էստեղ մնալու պայմանները:

Ես իհարկե էդքան էլ լավ չեմ հասկանում, թե դու կոնկրետ ինչ ունես էդքան բորբոքվելու: Եթե քո խնդիրն էն է, որ մտածում ես՝ էդքան արժանի մարդ կա, որ կարող էր գնալ, տեղավորվել, ապրել ու չի կարողանում, իսկ էդ «կենդանիները» որ ծակից ուզում հայտնվում ու բնավորվում են, ապա կարծում եմ, էդքան էլ լավ չի էդպես մտածելը: Ամեն մարդ իր ճանապարհն ունի, իր կյանքը, փախուստի դիմելու իր պատճառները: Ուրիշ երկիր տեղափոխվելը մի բան է, ուրիշ երկիր ճարահատյալ փախչելը՝ լրիվ ուրիշ բան: Հաստատ ոչ ոք չէր ուզենա էդ մարդկանց բախտին արժանանալ, դրա համար պետք չի իրենց հետ համեմատվել. իրենք ուրիշի տեղը չեն զբաղեցնում, իրենք ընդամենն իրենց տեղն են փնտրում: Հա, իրենք ուրիշ մշակույթի ու արժեքների տեր են, մեջներն էլ ամեն տեսակի մարդ կա, գումարած ստացած տրավմաները, ինչ ասես կարելի է սպասել: Բայց դե դա չի նշանակում, թե պիտի ձեռ քաշել էդ մարդկանցից: Իրենք օգնության կարիք ունեն:

Հիշեցնեմ, որ կառավարության էդ հաջորդ քայլը ես հենց սկզբից էի առաջարկում ։)

Ես չեմ բորբոքվում, ընդամենը ուզում էի իմանալ քո ու մյուս եվրոպաբնակների կարծիքը։ Որտև երբ ես մինչև էդ դեպքերը առաջարկում էի ավելի խիստ լինել փախստականների հանդեպ, ոնց որ թե արտհայտվող համախոհներ չունեի։ Հիմա ուզում եմ իմանալ ձեր կարծիքը կառավարության էդ քայլի մասին։ Ու ըստ ձեզ արդյո՞ք դա հերիք ա, թե՞ կարող ա ավելի կարդինալ քայլերի կարիք առաջանա։

Ես շատ հեռու եմ, ու տեսնում եմ մենակ էն ինչ ներկայացնում են լուրերը։ Դրանք էլ նորմալ փախստականների մասին բան չեն գրում, ու դժվար ա պատկերացնել, թե աննորմալներն ինչ կշիռ են կազմում։

Հ.Գ.
Պարզաբանեմ, որ չեմ չարախնդում. ես վաղուց եմ երազում ստեղից փախնել ու Գերմանիան նորմալ երկրի էտալոն ա եղել։ Ու էն ինչ հիմա կարդում եմ, ցավալի ա։ Մասնավորապես ոստիկանության անգործությունն էդ օրը։ Ու ես շատ կուզեմ, որ կառավարությունն ինչ էլ անի, դա որևէ կերպ վատ չանդրադառնա էդ երկրի վրա։

StrangeLittleGirl
17.01.2016, 20:35
Ինձ էլ դուր չի գալիս որ ինչ-որ մասնավոր դեպքերի/պատմությունների հիման վրա փորձում են երևույթները ընդհանրացնել ու սարքել ինչ-որ դոգմատիկ գաղափարախոսություն։ Էդ փախստականների մեջ ենթադրում եմ, որ կան լիքը նորմալ մարդիկ, ինչպես նաև կլինեն գողեր, ստահակներ, մանյակներ, աբիժնիկներ, թմրամոլներ, խելագարներ և այլն, ինչպես բոլոր մնացած ազգերի մեջ։ Մեկին ինտելիգենտ, բարի/խորամանկ աչքերով իրեն տիրապետող տղամարդ ա բաժին ընկել, մյուսին էլ՝ հազար տարի կնոջ կրծքեր ու հետույք չտեսած, թույլ ներվեր ունեցող մեկը, հիմա ո՞վ են էդ սիրացիք։
Ու մեկ էլ արդեն տանել չեմ կարողանում եվրոպական արժեքները ու եվրոպական արժեքները ատողներին ։Ճ
Ու վապշէ, զզվում եմ դիսկրիմինացիայից ու նեղաչքներից։

Կարծում եմ՝ մասնավոր դեպքերը կարևոր են էնքանով, ինչքանով բացասական մասնավոր դեպքերով էլ են ընդհանրացումներ անում: Ինչու՞ ձեռ գցելու ու թալանի մասնավոր դեպքն էդքան շուխուռ հանեց, ու էլի սկսեցին փախստականների հասցեին ինչ ասես չասել, իսկ դրական օրինակների մասին պատմությունները ոչ ոք չի տարածում:

Ու բնական ա, որ ամեն տեսակի մարդ էլ կլինի մեջները, ինչպես ամեն տեսակի մարդ ամեն հասարակության մեջ կա: Դրա համար կարևոր ա ամեն մեկին անհատական մոտեցում ու վերաբերմունք ցուցաբերել, ոչ թե բոլորին լցնել մի «փախստական» կամ «արևելքցի» մեշոկի մեջ ու ասել՝ էս են: Էդ առումով շատ լավ գործ ա արել Humans of New York (https://www.facebook.com/humansofnewyork/?fref=ts) էջը, որտեղ մի շարք փախստականների պատմություններ առանձին-առանձին պատմվում են:

StrangeLittleGirl
17.01.2016, 20:45
Չէ, ոտք չեմ դրել, բայց նման կերպ խոսելու համար պարտադիր է Էյֆելյան աշտարակի տակ քայլած լինելը? Եվրոպա ոտք չեմ դրել, բայց ահագին մասնագիտական գրականություն եմ կարդացել "քաղաքակրությունների մասին", իսկ ներկայիս եվրոպական ճգնաժամն էլ միայն հաստատում է իմ ասածը - մենք 1.000 տարուց ավել ապրում ենք էս վայրենիների հետ, ասում ենք, գազան են կամ, սենց ասենք մեր աչքերով, ուրիշ արժեքների կրող են, եվրոպացիք պնդում են, թե չէ - դե հիմի տեսեք ձեր "չէ"-ն:

Ինչ ուզում եք ասեք, կա քաղաքակրթական տարբերություն, որը, էս հոդվածի պարագայում, կարա սենց գեղեցիկ ու ռոմանտիկ տեսք ստանա, բայց "մեծ թվերի դեպքում" բերում է ողբերգությունների: Կա մշակութային հիշողություն, կա գենետիկ հիշողություն, կա մտածողության ստերեոտիպ և վերջապես կա կրոնական տարբերություն - դա կարող է "խոսել ու համագործակցել" միայն երկար ժամանակի ու զգույշ շփումների ժամանակ, բայց նման պարագայում` ոչ ու կրկին անգամ ոչ:

Լիոն, թե՛ արտաքնապես, թե՛ սովորություններով հայերն էլ պակաս արևելքցի չեն, բայց արի ու տես, որ 15 թվից հետո աշխարհում մեկ սփռվելով աշխարհին մենակ օգուտ են տվել: Ու ընդհանրապես, եթե մշակութային տարբերություններին ճիշտ անկյունից ես նայում, դրանք մենակ օգուտ են տալիս տվյալ հասարակությանը:

Sagittarius
17.01.2016, 21:54
Չէ, ոտք չեմ դրել, բայց նման կերպ խոսելու համար պարտադիր է Էյֆելյան աշտարակի տակ քայլած լինելը? Եվրոպա ոտք չեմ դրել, բայց ահագին մասնագիտական գրականություն եմ կարդացել "քաղաքակրությունների մասին", իսկ ներկայիս եվրոպական ճգնաժամն էլ միայն հաստատում է իմ ասածը - մենք 1.000 տարուց ավել ապրում ենք էս վայրենիների հետ, ասում ենք, գազան են կամ, սենց ասենք մեր աչքերով, ուրիշ արժեքների կրող են, եվրոպացիք պնդում են, թե չէ - դե հիմի տեսեք ձեր "չէ"-ն:

Ինչ ուզում եք ասեք, կա քաղաքակրթական տարբերություն, որը, էս հոդվածի պարագայում, կարա սենց գեղեցիկ ու ռոմանտիկ տեսք ստանա, բայց "մեծ թվերի դեպքում" բերում է ողբերգությունների: Կա մշակութային հիշողություն, կա գենետիկ հիշողություն, կա մտածողության ստերեոտիպ և վերջապես կա կրոնական տարբերություն - դա կարող է "խոսել ու համագործակցել" միայն երկար ժամանակի ու զգույշ շփումների ժամանակ, բայց նման պարագայում` ոչ ու կրկին անգամ ոչ:

չէ հա՞ :))

խի՞ էս էտ «վայրենիներիդ» ու «գազաններիդ» երրորդ դեմքով դիմում: Լիոն, ոնց շատերը քո ու քո հասարակության մեծամասնության «գենետիկ հիշողության» ու շովունիզմի հետ են գլուխ դնում, տենց էլ էտ «վայրենիներիդ» հետ են շատ եվրոպացիներ ներողաբար գլուխ դնում, համբերատար բացատրում ու ժամանակի հետ շատերի մոտ փոփոխություն ա նկատվում:

Բայց դե ոմանք լրիվ կորած case են ու ես մտածում եմ թե խի եմ էլի գլուխ դնում:

Sagittarius
17.01.2016, 22:00
Լիոն, թե՛ արտաքնապես, թե՛ սովորություններով հայերն էլ պակաս արևելքցի չեն, բայց արի ու տես, որ 15 թվից հետո աշխարհում մեկ սփռվելով աշխարհին մենակ օգուտ են տվել: Ու ընդհանրապես, եթե մշակութային տարբերություններին ճիշտ անկյունից ես նայում, դրանք մենակ օգուտ են տալիս տվյալ հասարակությանը:

Բոլոր ազգերի ներկայացուցիչներն էլ հա՛մ օգուտ են տվել, հա՛մ վնաս: Ընդհանրապես, անհատներն են ինչ-որ բան անում կամ չանում:

StrangeLittleGirl
17.01.2016, 22:06
Իսկ ինձ, շատ կներեք, հեչ դուր չեկավ էս հոդվածը։ Շատ ա պաստանովչնի։ Ոնց որ մեկը սցենարը նախապես գրած լինի, երկուսը խաղացած լինեն, որ վերջում իմ հատ սիրուն պատմություն ստացվի ու վրով հոդված գրեն։

Ես հավատում եմ մշակութային երկխոսությանը ու համոզված եմ, որ աշխարհի ապագան էտ ա։ Բայց կոնկրետ էս դեպքը խիստ ծայրահեղացված ներկայացում ա, որը իրականությունից կտրված ա։
Տրիբուն ձյա, չեմ կարծում՝ չափազանցված ա: Սենց դեպքերի շատ կարելի ա հանդիպել: Մահմեդականների մեջ ահագին շատ են նենց մարդիկ, որոնք իրոք փորձում են հասկանալ արևմտյան մշակույթը, ընդ որում՝ անկախ նրանից փախստական են, թե այլ հիմքերով են արևմուտքում հայնտնվել: Ու երբ մյուս կողմն էլ ա ըմբռնում ու փորձում հասկանալ դիմացինին, ահագին սիրուն ինտեգրացիա ա ստացվում:


Բոլոր ազգերի ներկայացուցիչներն էլ հա՛մ օգուտ են տվել, հա՛մ վնաս: Ընդհանրապես, անհատներն են ինչ-որ բան անում կամ չանում:
Կա տենց բան: Բայց ասել, որ վայրի գազաններն էկել են Եվրոպան կործանելու... Մմմ, մեղմ ասած միամտություն ա:

ivy
17.01.2016, 23:17
Հիշեցնեմ, որ կառավարության էդ հաջորդ քայլը ես հենց սկզբից էի առաջարկում ։)

Ես չեմ բորբոքվում, ընդամենը ուզում էի իմանալ քո ու մյուս եվրոպաբնակների կարծիքը։ Որտև երբ ես մինչև էդ դեպքերը առաջարկում էի ավելի խիստ լինել փախստականների հանդեպ, ոնց որ թե արտհայտվող համախոհներ չունեի։ Հիմա ուզում եմ իմանալ ձեր կարծիքը կառավարության էդ քայլի մասին։ Ու ըստ ձեզ արդյո՞ք դա հերիք ա, թե՞ կարող ա ավելի կարդինալ քայլերի կարիք առաջանա։

Արտ, էս իմ գրածն էր «խստության» վերաբերյալ՝ մինչև Քյոլնի դեպքերը.

Էն որ ասում եք՝ պիտի խիստ լինի: Խստությունը սկսվում է հենց առաջին պահից, երբ ամեն մեկը հասկանում է, որ կան կանոններ, որոնց ինքը հետևելու է, թե չէ համակարգն իրեն չի ընդունի, բառիս բուն իմաստով փողոց կշպրտվի: Մեկի մոտ ամեն ինչ արագ ու հեշտ է լինելու, մյուսի մոտ՝ չէ: Համ գոռալու է, համ հայհոյելու, համ հարձակվելու, համ կեղտ ու ապականություն բերելու, համ կռիվների մեջ ներքաշվելու: Բայց իրեն ամեն անգամ քաղաքակիրթ ձևով հետ են բերելու նորմալ վիճակի: Ու խստությամբ. երեք անգամ կանոնները խախտես, առաջին երկուսին՝ դեղին քարտ, երրորդին՝ կարմիր, վեշերդ հավաքի ու գնա որտեղից եկել ես: Հետևեցիր կանոններին ու օրենքներին, ինքդ քո ճանապարհը քիչ-քիչ կհարթես էս երկրում:

Խստություն միշտ էլ եղել է. ես չգիտեմ՝ դու ինչ ես պատկերացնում, բայց սա օրենքներով շարժվող, խիստ երկիր է:
Կառավարության նոր օրենքը իրականում լրիվ նոր չի. առաջ էլ կար, ուղղակի մի տարվա տեղը երկու տարի դատվածության դեպքում էին հետ ուղարկում, հիմա դարձրել են մի տարի:

Նենց չի էլի, որ ոչ ոք մինչև էս չի մտածել նրա մասին, որ հանցագործներին պատժել ու քշել է պետք:
Չգիտեմ ով ինչ պատկերացումների մեջ է, բայց Գերմանիան հաստատ անարխիայից շատ հեռու գտնվող երկրներից մեկն է: Նոր չի, որ պիտի ուշքի գա ու ինչ-որ բաներ ձեռնարկի:

Lion
17.01.2016, 23:39
Լիոն, թե՛ արտաքնապես, թե՛ սովորություններով հայերն էլ պակաս արևելքցի չեն, բայց արի ու տես, որ 15 թվից հետո աշխարհում մեկ սփռվելով աշխարհին մենակ օգուտ են տվել: Ու ընդհանրապես, եթե մշակութային տարբերություններին ճիշտ անկյունից ես նայում, դրանք մենակ օգուտ են տալիս տվյալ հասարակությանը:

Մենք "արևելքցի" չենք, մենք քրիստոնեական քաղաքակրթության կրողներ ենք և, ի դեպ ասած հիշեցնեմ, ավելի հին ու զարգացած մշակույթ, դրական սովորություններ և գենետիկ հիշողություն ունենք, քան եվրոպական շատ ու շատ ազգեր, ինչը, ըստ իս իհարկե, առնվազն մեզ հիմք է տալիս համարվել եվրոպական քաղաքակրթության կրողներ, իսկ այն որոշ բաներն էլ, որ մեզ տարբերում է եվրոպացիներից, օրինակ, որ դասական հայ տղան ուզում է, որ իր կինը կույս լինի ու նման ընտանեկան-կենցաղային որոշ մանրուքներ, էլի ըստ իս մեզ միայն դրական բոնուսներ է տալիս և, ինչը հաստատ է, հաստատ մեզ չի դնում նույն հարթակի վրա Եվրոպան հեղեղած արևելյան, որպես կանոն իսլամական քաղաքակրթության կրողների հետ:

Սա Եվրոպայի ճգնաժամն է, որ ինձ ու իմ նման մարդիկ վաղուց էին տեսնում, սակայն շատ "բարի եվրոպացիներ" հույս ունեին - կանցնի: Չի անցնի, հարգելի եվրոպացիներ, ու իմ սիրտը այժմ ցավում է ձեզ համար, որովհետև ներկայիս աշխարհում դուք իրոք հսկայական, մեծագույն ու համամարդկային արժեքների կրողներ եք (դեմոկրատիա, ազատ հասարակություն և այլն), ինչը մեծ ձեռքբերում է և ես ոչ մի կերպ չէի ուզենա, որ այն ոտնատակ գնա:


չէ հա՞ :))

խի՞ էս էտ «վայրենիներիդ» ու «գազաններիդ» երրորդ դեմքով դիմում: Լիոն, ոնց շատերը քո ու քո հասարակության մեծամասնության «գենետիկ հիշողության» ու շովունիզմի հետ են գլուխ դնում, տենց էլ էտ «վայրենիներիդ» հետ են շատ եվրոպացիներ ներողաբար գլուխ դնում, համբերատար բացատրում ու ժամանակի հետ շատերի մոտ փոփոխություն ա նկատվում:

Բայց դե ոմանք լրիվ կորած case են ու ես մտածում եմ թե խի եմ էլի գլուխ դնում:

Sagittarius, վերևում որոշակիորեն պատասխանեցի քեզ, թեև չհասկացա, թե ինչ "երրորդ դեմքի" մասին ես ասում: Ինչ վերաբերվում է անձնական բնույթի կծոցներին, ապա ցավում եմ, որ միանգամից դրան ես անցնում, հարգելի տոլերանտ եվրոպացի, որ փորձում ես իմ ու իմ Հայաստանի քաղաքակրթական մակարդակի տարբերության ու շովինիզմի մասին խոսել :) Ի դեպ ասած շատ ճիշտ էիր գրել "քո ու քո հասարակության", այսինքն իմ ու իմ հասրակության մասին հենց երկրորդ դեմքով - դու ակնհայտորեն իմ ու իմ հասարակության մասնիկը չես:

Տրիբուն
17.01.2016, 23:54
Ըստ Լիոնի մենք լիբերալ հիքսոսներ ենք։

StrangeLittleGirl
17.01.2016, 23:55
Մենք "արևելքցի" չենք, մենք քրիստոնեական քաղաքակրթության կրողներ ենք և, ի դեպ ասած հիշեցնեմ, ավելի հին ու զարգացած մշակույթ, դրական սովորություններ և գենետիկ հիշողություն ունենք, քան եվրոպական շատ ու շատ ազգեր, ինչը, ըստ իս իհարկե, առնվազն մեզ հիմք է տալիս համարվել եվրոպական քաղաքակրթության կրողներ, իսկ այն որոշ բաներն էլ, որ մեզ տարբերում է եվրոպացիներից, օրինակ, որ դասական հայ տղան ուզում է, որ իր կինը կույս լինի ու նման ընտանեկան-կենցաղային որոշ մանրուքներ, էլի ըստ իս մեզ միայն դրական բոնուսներ է տալիս և, ինչը հաստատ է, հաստատ մեզ չի դնում նույն հարթակի վրա Եվրոպան հեղեղած արևելյան, որպես կանոն իսլամական քաղաքակրթության կրողների հետ:

Լիոն, մի հատ կասե՞ս գենետիկ հիշողությունը որն ա: Էն որ սաղ բջիջներով զգում ես, թե ոնց են մեր նախնիներին կոտորե՞լ, թե՞ ոնց ա Մեսրոպ Մաշտոցը հայոց գրերը ստեղծել:

Իսկ էն, ինչը դու համարում ես ընտանեկան-կենցաղային «մանրուքներ», դրանք հենց էն հատկանիշներն են, որոնք դրոշակ սարքած եվրոպացի աջերը չեն ուզում, որ փախստականներ գան իրենց մոտ: Ու երևում ա, որ Եվրոպայում չես եղել, չգիտես: Միջին վիճակագրական եվրոպացին չի դնում, քարտեզ բացում, գտնում Հայաստանը, մի հատ պարզում՝ քրիստոնյա ա, թե չէ (մի կողմ թողնենք հին հայկական մաքուր մահմեդական ավանդույթները): Միջին վիճակագրական եվրոպացին տեսնում ա երկու բան. արևելյան արտաքին ու որ դու տեղացի չես: Ու ավտոմատ վտանգ ա տեսնում: Իսկ դա շատ-շատ սխալ ա: Ոչ միայն հայերի, այլ ցանկացած ազգի ու կրոնի ներկայացուցչի դեպքում, որովհետև մարդու ով լինելն ու ինչ անելը չի որոշվում իր ազգությամբ կամ կրոնական պատկանելությամբ:


Սա Եվրոպայի ճգնաժամն է, որ ինձ ու իմ նման մարդիկ վաղուց էին տեսնում, սակայն շատ "բարի եվրոպացիներ" հույս ունեին - կանցնի: Չի անցնի, հարգելի եվրոպացիներ, ու իմ սիրտը այժմ ցավում է ձեզ համար, որովհետև ներկայիս աշխարհում դուք իրոք հսկայական, մեծագույն ու համամարդկային արժեքների կրողներ եք (դեմոկրատիա, ազատ հասարակություն և այլն), ինչը մեծ ձեռքբերում է և ես ոչ մի կերպ չէի ուզենա, որ այն ոտնատակ գնա:

Ի՞նչ էիր տեսնում :)) Արի թող քո սիրտը չցավա, հա՞: Եվրոպան դարերի ընթացքում շատ բաներ ա հաղթահարել, սա էլ կհաղթահարի (ի տարբերություն քո գենետիկ հիշողություն ունեցող պետության, որ էնքան ուժեղ հիշողություն ունի, որ չի կարում նորմալ պետություն կառուցի):

Ռուֆուս
17.01.2016, 23:55
Լիոն, Եվրոպան կործանվու՞մ ա, հլը ճիշտն ասա:

Lion
18.01.2016, 00:10
Ըստ Լիոնի մենք լիբերալ հիքսոսներ ենք։

Էլի սկսիր պիտակավորել, Տրիբուն - մենք մարդիկ ենք, հայեր, իրենց թերություններով ու առավելություններով: Հիքսոս-միքսոս չգիտեմ, բայց դե լավ գտնում ենք մեր տեղը Եվրոպական արժեքային համակարգում, ինչը համարում եմ դրական: Որ ուզում եք իմանալ, հենց նույն հայերն իրենց մտածողությամբ ավելի եվրոպացի են, քան ռուսները:


Լիոն, մի հատ կասե՞ս գենետիկ հիշողությունը որն ա: Էն որ սաղ բջիջներով զգում ես, թե ոնց են մեր նախնիներին կոտորե՞լ, թե՞ ոնց ա Մեսրոպ Մաշտոցը հայոց գրերը ստեղծել:

Էն որ "սաղ բջիջներով" զգում ես, որ նորածին երեխայի գլուխը չի կարելի քարերին հարվածելով ջախջախել կամ որ հալալ աշխատելն ու տքնելն ավելի լավ է, քան թալանելն ու կոտորելը, ի տարբերություն շատ քոչվոր ազգերի ներկայացուցիչների, որոնց մոտ հենց գենետիկ հիշողության մակարդակով էս սաղ նորմալ բաներ են: Ես իմ կարծիքն ունեմ, դուք կարող եք այլ կերպ մտածել, բայց ըստ իս մեծ թվերի դեպքում սա որակ է ապահովում:


Իսկ էն, ինչը դու համարում ես ընտանեկան-կենցաղային «մանրուքներ», դրանք հենց էն հատկանիշներն են, որոնք դրոշակ սարքած եվրոպացի աջերը չեն ուզում, որ փախստականներ գան իրենց մոտ:

Դե կներես, էլի, ես էլ "նեմց" լինեի, կընդվզեի - մի անգամ, շուտ էր, լսեցի, որ իսլամիստները հասել են նրան, որ Վիննի Պուխին Լոնդոնի խանութների ցուցափեղկերում դնում են... առանց "պիտաչոկի", ինչ է թե, տեսեք-տեսեք, էդ իրենց կրոնական զգացմուքնները վիրավոորւմ է, խոզ է: Գերմանիայում էլ կանգնել, յոլկեն են պաժառ տվել: Հիմի պատկերացրեք, ասենք, մի օր մեր երկրում հայտնվեն մարդիկ, որ նման ոճի բաներ անեն, չեք ընդվզի, գոնե ներքնապես: Ես հասկանում եմ, Եվրոպան աշխատուժի կարիք ունի, ծնելիության անկումն ուզում են հաղթահարել այս կերպ, բայց էդ պիտի զգույշ, շատ զգույշ անել:


Իսկ էն, ինչը դու համարում ես ընտանեկան-կենցաղային «մանրուքներ», դրանք հենց էն հատկանիշներն են, որոնք դրոշակ սարքած եվրոպացի աջերը չեն ուզում, որ փախստականներ գան իրենց մոտ:

Չէմ կարծում, որ հենց դա է պատճառը :)


Ու երևում ա, որ Եվրոպայում չես եղել, չգիտես: Միջին վիճակագրական եվրոպացին չի դնում, քարտեզ բացում, գտնում Հայաստանը, մի հատ պարզում՝ քրիստոնյա ա, թե չէ (մի կողմ թողնենք հին հայկական մաքուր մահմեդական ավանդույթները): Միջին վիճակագրական եվրոպացին տեսնում ա երկու բան. արևելյան արտաքին ու որ դու տեղացի չես: Ու ավտոմատ վտանգ ա տեսնում: Իսկ դա շատ-շատ սխալ ա: Ոչ միայն հայերի, այլ ցանկացած ազգի ու կրոնի ներկայացուցչի դեպքում, որովհետև մարդու ով լինելն ու ինչ անելը չի որոշվում իր ազգությամբ կամ կրոնական պատկանելությամբ:

Դե հիմի ինչ անես - համենայն դեպս գոնե հայերն արագորեն ինտեգրվում են, ի տարբերություն նույն իսլամական աշխարհի ներկայացուիցչների, տենց չի?


Ի՞նչ էիր տեսնում :))

Էս:


Արի թող քո սիրտը չցավա, հա՞:

Ինչի չցավա, որ, կասես?


Եվրոպան դարերի ընթացքում շատ բաներ ա հաղթահարել, սա էլ կհաղթահարի

Աստված տա:


(ի տարբերություն քո գենետիկ հիշողություն ունեցող պետության, որ էնքան ուժեղ հիշողություն ունի, որ չի կարում նորմալ պետություն կառուցի):

Ես հույս ունեմ մեզ մոտ կստացվի: Ի դեպ, էդ պետությունը քոնը չի?

Ի՞նչ էիր տեսնում :)) Արի թող քո սիրտը չցավա, հա՞: Եվրոպան դարերի ընթացքում շատ բաներ ա հաղթահարել, սա էլ կհաղթահարի (ի տարբերություն քո գենետիկ հիշողություն ունեցող պետության, որ էնքան ուժեղ հիշողություն ունի, որ չի կարում նորմալ պետություն կառուցի):


Լիոն, Եվրոպան կործանվու՞մ ա, հլը ճիշտն ասա:

"հլը ճիշտն ասա", կայֆավատ ըլնելու հավես ունես հարգելի Ռուֆուս? - կարծում եմ ամեն դեպքում Եվրոպային կհաջողվի մեջքն ուղղել, համենայն դեպս ես տենց հույս ունեմ, կայֆդ կոտրվավ, ափսոս :)

StrangeLittleGirl
18.01.2016, 00:25
Էն որ "սաղ բջիջներով" զգում ես, որ նորածին երեխայի գլուխը չի կարելի քարերին հարվածելով ջախջախել կամ որ հալալ աշխատելն ու տքնելն ավելի լավ է, քան թալանելն ու կոտորելը, ի տարբերություն շատ քոչվոր ազգերի ներկայացուցիչների, որոնց մոտ հենց գենետիկ հիշողության մակարդակով էս սաղ նորմալ բաներ են: Ես իմ կարծիքն ունեմ, դուք կարող եք այլ կերպ մտածել, բայց ըստ իս մեծ թվերի դեպքում սա որակ է ապահովում:
Քեզ շատ իզուր ա թվում, թե արևելքում ծնված-մեծացած յուրաքանչյուր անձ գիշերները չի քնում, մտածում ա, թե ոնց երեխայի գլուխը քարերին խփելով կոտորի կամ երազում ա, թե ինչ անի, որ ձրիակեր պարազիտի նման պետության վզին նստի: Արևելքն ISIS-ը չի: ISIS-ն էղած-չեղած մի 20 000 հոգուց բաղկացած պսիխոպաթների հավաքածու ա, որն էնքան բախտավոր ա, որ կարողացել ա էդ բոլոր անասուններին մի տեղում հավաքել: Թե չէ էդ եվրոպական բարձր արժեքները կրող ու վեհ գենետիկ հիշողությամբ սպիտակ ու կապուտաչյա եվրոպացիներից էլ են միանում ISIS-ին կամ իրանց ձևով մարդ սպանում: Թե՞ իրանց գենետիկ հիշողությունը շատ վատ ա: Շատ սխալ ա արևելքին ու ISIS-ին նույնացնելը: Նույնն ա, թե Հայաստանին ու ՀՀԿ-ին նույնացնես:

Կամ նույն ձրիակերության մասին եթե խոսում ես, վեհ եվրոպացիների մեջ էլ կան մարդիկ, որոնք չեն ուզում աշխատել ու պետության վզին նստել: Տո քո հայ ազգի ներկայացուցիչներից էլ կան նենցները, որոնք տքնաջան աշխատում են ու կան նենցները, որոնք գիշերները չեն քնում, մտածում են, թե էլ ոնց փող քամեն:


Դե կներես, էլի, ես էլ "նեմց" լինեի, կընդվզեի - մի անգամ, շուտ էր, լսեցի, որ իսլամիստները հասել են նրան, որ Վիննի Պուխին Լոնդոնի խանութների ցուցափեղկերում դնում են... առանց "պիտաչոկի", ինչ է թե, տեսեք-տեսեք, էդ իրենց կրոնական զգացմուքնները վիրավոորւմ է, խոզ է: Գերմանիայում էլ կանգնել, յոլկեն են պաժառ տվել: Հիմի պատկերացրեք, ասենք, մի օր մեր երկրում հայտնվեն մարդիկ, որ նման ոճի բաներ անեն, չեք ընդվզի, գոնե ներքնապես: Ես հասկանում եմ, Եվրոպան աշխատուժի կարիք ունի, ծնելիության անկումն ուզում են հաղթահարել այս կերպ, բայց էդ պիտի զգույշ, շատ զգույշ անել:

Էս ինչե՞ր ես լսել: Մի անգամ էլ Դանիայի ինտեգրացիայի նախարարուհին քեզ նման լսել էր, որ իսլամիստները հասել են նրան, որ մանկապարտեզում խոզի միսն արգելել են: Լրագրողները հետաքննություն անցկացրեցին, սաղ երկիրը ոտի տակ տվեցին ու պարզեցին, որ նախարարուհին պոչով սուտ էր ասել: Բայց դե միմյանց մշակութային ու անհատական առանձնահատկությունները հարգելը շատ կարևոր ա: Եթե ես մահմեդականի իմ տուն հյուր եմ կանչում, սեղանին խոզի միս ու ալկոհոլ չեմ դնում: Ու նույն կերպ ակնկալում եմ, որ երբ դանիացին ինձ հյուր կանչի, հարգի բուսակեր լինելս ու դիմացս տավարի, խոզի կամ եղնիկի միս չդնի:



Չէմ կարծում, որ հենց դա է պատճառը :)

Դա ա, բա ի՞նչ ա: Հայ տղամարդկանցից շատերի վավաշոտ հայացքները տեսե՞լ ես լողավազաններում: Կամ տեսե՞լ ես ոնց են հայ տղաները ռեպլիկ բաց թողնում աղջիկների հետևից: Մենք դրան սովոր ենք, շուխուռ չենք դնում: Բայց Գերմանիայում լողավազաններում սկսել են արգելել փախստական տղամարդկանց մուտքը:


Դե հիմի ինչ անես - համենայն դեպս գոնե հայերն արագորեն ինտեգրվում են, ի տարբերություն նույն իսլամական աշխարհի ներկայացուիցչների, տենց չի?
Տենց չի: Մնացած ազգերն էնքան են ինտեգրվում կամ չինտեգրվում, ինչքան հայերը:


Ես հույս ունեմ մեզ մոտ կստացվի: Ի դեպ, էդ պետությունը քոնը չի?


Յա՜, բա որ էդ անհույս Հայաստանի հետ հույսեր ես կապում, ի՞նչ հիմք ունես մտածելու, որ Եվրոպան, որ Հայաստանից շատ ավելի խելոք ա, շատ ավելի հարուստ ա ու շատ ավելի կազմակերպված, իրա մոտ չի ստացվելու:
Չէ (քանի դեռ էդտեղ չեմ ապրում ու հարկ չեմ մուծում ու ընտրել էլ չեմ կարող):



"հլը ճիշտն ասա", կայֆավատ ըլնելու հավես ունեցող հարգելի Ռուֆուս - կարծում եմ ամեն դեպքում Եվրոպային կհաջողվի մեջքն ուղղել, համենայն դեպս ես տենց հույս ունեմ, կայֆդ կոտրվավ, ափսոս :)[/QUOTE]

anhush
18.01.2016, 03:17
Էլի սկսիր պիտակավորել, Տրիբուն - մենք մարդիկ ենք, հայեր, իրենց թերություններով ու առավելություններով: Հիքսոս-միքսոս չգիտեմ, բայց դե լավ գտնում ենք մեր տեղը Եվրոպական արժեքային համակարգում, ինչը համարում եմ դրական: Որ ուզում եք իմանալ, հենց նույն հայերն իրենց մտածողությամբ ավելի եվրոպացի են, քան ռուսները:

աբեր, ինչի՞ էս քեզ սենց կոտորում եվրպացի -ասել ա անգլո-գերմանո-ֆրանսիացի երևալու համար
ինչն՞ ա քեզ ստիպում դավաճանել Երվանդունիներից...Արշակունիներից սկսած մինչև Հովանես Թումանյանին,Իսահակյանին... Շիրազին
ի՞նչը...

anhush
18.01.2016, 03:23
ISIS-ն էղած-չեղած մի 20 000 հոգուց բաղկացած պսիխոպաթների հավաքածու ա, որն էնքան բախտավոր ա, որ կարողացել ա էդ բոլոր անասուններին մի տեղում հավաքել: Թե չէ էդ եվրոպական բարձր արժեքները կրող ու վեհ գենետիկ հիշողությամբ սպիտակ ու կապուտաչյա եվրոպացիներից էլ են միանում ISIS-ին կամ իրանց ձևով մարդ սպանում: Թե՞ իրանց գենետիկ հիշողությունը շատ վատ ա: Շատ սխալ ա արևելքին ու ISIS-ին նույնացնելը: Նույնն ա, թե Հայաստանին ու ՀՀԿ-ին նույնացնես:
:)
ISIS-ը անգլո-սաքսերի աշխարհի կողմից հավաքագրված վարձկանների բանակ ա, որի քանակը արդեն գերազանցում ա 150000 ու շուտով Թուրքիայից աշխատելու է այդ վարձու բանակը մի մասը մուտք գործել Հայաստանի տարածքով Կովկաս:
Շատ դաժան պատերազմ է լինելու, ոնց որ եղեվ 41-ին Բելոռուսիայում:
...
Հայսատանաբնակներին, մանավանդ փոքր երեխա ունեցող, համառորեն խորհուրդ եմ տալիս - տանը պատրաստեք շաքարի, իսկ ավելի լավ է շոկոլադի մեծ պաշար:

Տրիբուն
18.01.2016, 10:15
Լիոն, մի հատ կասե՞ս գենետիկ հիշողությունը որն ա: Էն որ սաղ բջիջներով զգում ես, թե ոնց են մեր նախնիներին կոտորե՞լ, թե՞ ոնց ա Մեսրոպ Մաշտոցը հայոց գրերը ստեղծել:



Էտ էն ա, որ դանիացիներն ու շվեդները, նախնի վիկինգների նման, հիմա պիտի տապոռներով զինված, մուսուլմաններին մոռռռռթելով, ելնեին Սասուն, իջնեին Վան։

StrangeLittleGirl
18.01.2016, 16:26
:)
ISIS-ը անգլո-սաքսերի աշխարհի կողմից հավաքագրված վարձկանների բանակ ա, որի քանակը արդեն գերազանցում ա 150000 ու շուտով Թուրքիայից աշխատելու է այդ վարձու բանակը մի մասը մուտք գործել Հայաստանի տարածքով Կովկաս:
Շատ դաժան պատերազմ է լինելու, ոնց որ եղեվ 41-ին Բելոռուսիայում:
...
Հայսատանաբնակներին, մանավանդ փոքր երեխա ունեցող, համառորեն խորհուրդ եմ տալիս - տանը պատրաստեք շաքարի, իսկ ավելի լավ է շոկոլադի մեծ պաշար:
Ես կարծում եմ՝ եթե իրանք 150 000 լինեին, աշխարհը վաղուց վերացրած կլինեին: Իրանց մասին ոչ մի իրական թիվ հայտնի չի, բայց ավելի հակված եմ հավատալու համեմատաբար փոքր թվերին՝ մի քանի տասնյակ հազար: Ու ընդհանրապես, ինչքան էլ արևմտյան մութ ուժերը ստեղծած լինեն ISIS-ը, մարդ պետք ա պսիխոպաթ լինի, որ բացի վարձու զինվոր լինելու պարտավորություններից ուրիշ բաներ անի (մասնավորապես, խաղաղ բնակչությանը դաժանաբար ոչնչացնի կամ ահաբեկչական գործողություններ անի): Ու նաև հայտնի փաստ ա, որ ISIS-ին անդամագրվածներից շատերն արևմուտքից են գնացել, միացել: Արևմուտքում ինչքան պսիխոպաթ կա, գնացել, լցվել ա էնտեղ: Եթե մի քանի տենց պատմություն կարդաս, կտեսնես, թե ինչքան նման են ISIS-ին անդամակցած ջահելները:

Շինարար
18.01.2016, 16:31
էս հարցազրույցները նայեք, ժող: Կոմպետենտ մարդիկ են խոսում էս թեմայից: Ու շատ լավ բացատրում են, թե Մերձավոր Արլ-ի ներկայիս վիճակը, թե դրա խորքային պատճառները, թե դեպի ուր ենք շարժվում, թե Արմ-ի անմիջական ու նաև անուղղակի դերակատարումը էս ամենում:


https://www.youtube.com/watch?v=_GQ_aNtVN50


https://www.youtube.com/watch?v=pSFjJ7jQ6Bo

Sagittarius
18.01.2016, 17:08
Էտ էն ա, որ դանիացիներն ու շվեդները, նախնի վիկինգների նման, հիմա պիտի տապոռներով զինված, մուսուլմաններին մոռռռռթելով, ելնեին Սասուն, իջնեին Վան։

Դագլըս Ադամսը Լիոնին կսիրեր :))



Mr L Prosser was, as they say, only human. In other words he was a carbon-based life form descendedfrom an ape. More specifically he was forty, fat and shabby and worked for the local council. Curiously enough, though he didn't know it, he was also a direct male-line descendant of Genghis Khan, though intervening generations and racial mixing had so juggled his genes that he had no discernible Mongoloid characteristics, and the only vestiges left in Mr L Prosser of his mighty ancestry were a pronounced stoutness about the tum and a predilection for little fur hats.
...
His wife of course wanted climbing roses, but he wanted axes. He didn't know why - he just liked axes.
...
Mr Prosser's mouth opened and closed a couple of times while his mind was for a moment filled with inexplicable but terribly attractive visions of Arthur Dent's house being consumed with fire and Arthur himself running screaming from the blazing ruin with at least three hefty spears protruding from his back. Mr Prosser was often bothered with visions like these and they made him feel very nervous.
...
He was trying to marshal his arguments for proving that he did not now constitute a mental health hazard himself. He was far from certain about this - his mind seemed to be full of noise, horses, smoke, and the stench of blood. This always happened when he felt miserable and put upon, and he had never been able to explain it to himself.


Լիոն, քեզ համար եմ չարչարվել, հավաքել, որ գենետիկ հիշողության մասին գիրք գրես, սրանց հղում կանես, գիտական հոդված ա:

StrangeLittleGirl
18.01.2016, 18:42
Էս էլ լավ հոդված էն մասին, թե ոնց են հին էկածներն օգնում նոր էկածներին ինտեգրել, ստորագրահավաք կազմակերպում Քյոլնի դեպքերը դատապարտող ու նշում, որ ինտեգրումը միմյանց մշակույթների փոխըմբռնման արդյունք ա: (http://www.theguardian.com/world/2016/jan/16/germans-accept-arabs?CMP=twt_a-world_b-gdnworld)

One_Way_Ticket
19.01.2016, 05:42
Լիոնը իրականում լիքը ճիշտ բաներ է ասում :) Ափսոս որ չափն անցնում է, ինչը թույլ է տալիս իրեն հեշտությամբ թրոլլել ու ասած ճիշտ բաներն էլ լուրջ չընդունել:
Եթե ունենք երկու մշակույթ, մեկը սահմանափակող, մյուսը ավելի ազատ, ապա դրանք համերաշխ գոյատևել չեն կարող: Ասենք, եթե դպրոցում աղջիկները ոգևորված քննարկում են, թե ով ում երբ ու ինչ պոզաներով, այլ մշակույթից եկած աղջկան շատ դժվար կլինի համակերպվել այն մտքի հետ, թե ինչ անենք, մեր մոտ մինչև ամուսնանալը չի կարելի: Կամ պիտի ինքը նրանց նման դառնա, կամ եթե իրենք արդեն մեծամասնություն են կազմում, իրենք մյուսներին հալածեն, թե դուք դուրս ընկած եք (ինչի հիման վրա էլ գոյատևում է սահմանափակող մշակույթը):
Մուլտիկուլտուրալիզմը լավ բան է, երբ կա մի կորիզային մշակույթ, ու մնացածները չեն գերազանցում ինչ-որ կրիտիկական տոկոսը: Այդ դեպքում նրանց երեխաները աստիճանաբար ձուլվում են կորիզային մշակույթին, իսկ մնացած մշակույթները պահպանվում են նոր եկած իմմիգրանտների օգնությամբ:

Շինարար
19.01.2016, 15:52
Էս մեր երրորդ աշխարհի էսքան բուռն անհանգստությունը չեմ հասկանում Եվրոպայի համար, եվրոպական արժեքների համար, մանավանդ էդ մարդկանցից շատերը տեղն ընկած վաղտ նույն եվրոպական արժեքները նեխած էին համարում, անբարո էին համարում: Չես ջոկում, էնքան ա դժգոհեն, տո լի ինչ:


Իսկ «կենդանիներից մարդ սարքելու առումով», մեջբերելս էլ չի գալիս, բայց իմ որակավորումը չի, ոնց որ ֆաշիզմի նման սարսափելի ախտից Գերմանիան կարողացավ ապաքինվել ժամանակին, հիմա էս բոլոր խնդիրները ֆաշիզմի կողքին էնքան փոքր են ու հաղթահարելի՝ իմ կարծիքով:

Իսկ էս համաշխարհային տեռորիզմը, որ ֆաշիզմին հավասար մեծ խնդիր ա աշխարհի գլխին, անկախ փախստականներին ընդունել-չընդունելուց գոյություն ունի, ու մեկը ես սրա վերջը չեմ պատկերացնում՝ ոնց ա աշխարհն առնելու:

StrangeLittleGirl
19.01.2016, 16:02
Էս մեր երրորդ աշխարհի էսքան բուռն անհանգստությունը չեմ հասկանում Եվրոպայի համար, եվրոպական արժեքների համար, մանավանդ էդ մարդկանցից շատերը տեղն ընկած վաղտ նույն եվրոպական արժեքները նեխած էին համարում, անբարո էին համարում: Չես ջոկում, էնքան ա դժգոհեն, տո լի ինչ:


Իսկ «կենդանիներից մարդ սարքելու առումով», մեջբերելս էլ չի գալիս, բայց իմ որակավորումը, ոնց որ ֆաշիզմի նման սարսափելի ախտից Գերմանիան կարողացավ ապաքինվել ժամանակին, հիմա էս բոլոր խնդիրները ֆաշիզմի կողքին էնքան փոքր են ու հաղթահարելի՝ իմ կարծիքով:

Իսկ էս համաշխարհային տեռորիզմը, որ ֆաշիզմին հավասար մեծ խնդիր ա աշխարհի գլխին, անկախ փախստականներին ընդունել-չընդունելուց գոյություն ունի, ու մեկը ես սրա վերջը չեմ պատկերացնում՝ ոնց ա աշխարհն առնելու:

Շին, ես շատ լավ եմ հասկանում երրորդ աշխարհի անհանգստությունը: Նայի, ամբողջ Եվրոպայով մեկ սկսում են աջ ուժերն իշխանության գալ: Չգիտեմ՝ որտեղ ոնց, բայց կոնկրետ Ավստրիայում հետազոտություն են արել, պարզել են, որ աջերին ձայն տվողները հիմնականում երկրորդ սերնդի իմիգրանտներն են: Զարմանալի ա, չէ՞: Ինչու՞ պիտի իմիգրանտներն իրանց դեմ պայքարողներին ձայն տան: Ու պարզվում ա՝ իրանք վախենում են, որ ավելի շատ իմիգրանտներ կգան, իրանց տեղը կնեղանա: Նույնն էլ էս Հայաստանի ու Եվրոպայում գտնվող շատ հայերի անհանգստությունն ա: Մեկ էլ սկսում են մշակութային տարբերությունների մասին վերամբարձ ելույթներ ունենալ: Նենց են ելույթ ունենում, ոնց որ իրանք իրանց մշակույթով տոչնի եվրոպացի են: Բայց ինքդ էլ ես Եվրոպայում ապրող, շատ լավ գիտես, որ մենք էլ ենք եվրոպացիներից տարբերվում գրեթե էնքան, ինչքան արաբները:

Շինարար
19.01.2016, 16:29
Շին, ես շատ լավ եմ հասկանում երրորդ աշխարհի անհանգստությունը: Նայի, ամբողջ Եվրոպայով մեկ սկսում են աջ ուժերն իշխանության գալ: Չգիտեմ՝ որտեղ ոնց, բայց կոնկրետ Ավստրիայում հետազոտություն են արել, պարզել են, որ աջերին ձայն տվողները հիմնականում երկրորդ սերնդի իմիգրանտներն են: Զարմանալի ա, չէ՞: Ինչու՞ պիտի իմիգրանտներն իրանց դեմ պայքարողներին ձայն տան: Ու պարզվում ա՝ իրանք վախենում են, որ ավելի շատ իմիգրանտներ կգան, իրանց տեղը կնեղանա: Նույնն էլ էս Հայաստանի ու Եվրոպայում գտնվող շատ հայերի անհանգստությունն ա: Մեկ էլ սկսում են մշակութային տարբերությունների մասին վերամբարձ ելույթներ ունենալ: Նենց են ելույթ ունենում, ոնց որ իրանք իրանց մշակույթով տոչնի եվրոպացի են: Բայց ինքդ էլ ես Եվրոպայում ապրող, շատ լավ գիտես, որ մենք էլ ենք եվրոպացիներից տարբերվում գրեթե էնքան, ինչքան արաբները:
Մի հատ փոքրիկ, բայց շատ էական լրացմամբ՝ ոչ մեկի վեջը չի: Ոչ մեկ քո մշակութային տարբերության համար որևէ կերպ չի անհանգստանում, նկատում, քանի դեռ ինքդ չսևեռվես դրա վրա:



Էդ մշակութային տարբերությունը կարևոր ա դառնում մենակ էն պահին, երբ սկսում ես կարևորել դա: Եթե չսևեռվես դրա վրա, բոլորս էլ մարդ ենք, ասած՝ Եգիպտոսում հանդիպած մի տղայի՝ նույն մսից, ոսկորներից, արյունից, մազից :ԴԴ

Իմ մտերմության շրջանակում կան և արևմտաեվրոպացիներ, և բրիտանացիներ, և պարսիկներ, ու էդ բոլոր մարդկանց մեջ էլ հավասարապես հարմարավետ եմ ինձ զգում: Ու բացարձակ չեմ խորանում, թե մենք մշակութային ինչ տարբերություններ ունենք, պահում եմ ինձ նենց, ոնց կամ: Իսկ ռուս, պոստսովետ նաև սփյուռքահայ ծանոթների հետ ուղղակի ծանոթ եմ ու որևէ մշակութային ընդհանրություն էդ ծանոթությունը մտերմության չի վերածում:

Ջիմում ինչքան կտեսնես չադրայով մի աղջիկ իր եվրոպացի սուպերկարճ շորտերով ընկերուհիների հետ չաչանակելիս, ամենքը պահում ա իրան նենց, ոնց կա, ու ոչ մեկ եթե չսևեռվի դրա վրա, բոլորն էլ իրանց լավ կզգան:

StrangeLittleGirl
19.01.2016, 17:06
Մի հատ փոքրիկ, բայց շատ էական լրացմամբ՝ ոչ մեկի վեջը չի: Ոչ մեկ քո մշակութային տարբերության համար որևէ կերպ չի անհանգստանում, նկատում, քանի դեռ ինքդ չսևեռվես դրա վրա:



Էդ մշակութային տարբերությունը կարևոր ա դառնում մենակ էն պահին, երբ սկսում ես կարևորել դա: Եթե չսևեռվես դրա վրա, բոլորս էլ մարդ ենք, ասած՝ Եգիպտոսում հանդիպած մի տղայի՝ նույն մսից, ոսկորներից, արյունից, մազից :ԴԴ

Իմ մտերմության շրջանակում կան և արևմտաեվրոպացիներ, և բրիտանացիներ, և պարսիկներ, ու էդ բոլոր մարդկանց մեջ էլ հավասարապես հարմարավետ եմ ինձ զգում: Ու բացարձակ չեմ խորանում, թե մենք մշակութային ինչ տարբերություններ ունենք, պահում եմ ինձ նենց, ոնց կամ: Իսկ ռուս, պոստսովետ նաև սփյուռքահայ ծանոթների հետ ուղղակի ծանոթ եմ ու որևէ մշակութային ընդհանրություն էդ ծանոթությունը մտերմության չի վերածում:

Ջիմում ինչքան կտեսնես չադրայով մի աղջիկ իր եվրոպացի սուպերկարճ շորտերով ընկերուհիների հետ չաչանակելիս, ամենքը պահում ա իրան նենց, ոնց կա, ու ոչ մեկ եթե չսևեռվի դրա վրա, բոլորն էլ իրանց լավ կզգան:
Շին, մշակութային տարբերություններ կան, ու դրանք արհամարհել պետք չի: Դա ոչ մեկի վեջը չի էնքան ժամանակ, քանի դեռ իրանք տեղյակ չեն էդ տարբերությունների առկայությունից, ու քո էս կամ էն վարքը կարող ա համարեն վիրավորական՝ չհասկանալով, որ դա ուղղակի քո մշակույթն ա: Ու ինչքան ավելի խորը, մտերիմ շփում ես ունենում մարդկանց հետ, էնքան էդ տարբերություններն ավելի են ի հայտ գալիս: Նայի, մի քանի օրինակ բերեմ, կհասկանաս.

1. Բրիտանացի մեկի հետ մտնում եմ խանութ քրուասան առնելու: Ինքն ինձ համարում ա անքաղաքավարի, որովհետև պատվերը տալիս վաճառողուհու աչքերի մեջ չեմ նայում:
2. Նույն էն ծննդյան տոնի հրավերի հատվածը, որ տեղադրել էի: Ես դանիացիներին լավ գիտեմ, ինձ բացել էր էդ: Բայց բանից անտեղյակ հային պատկերացրու, պատկերացրու ինչ վիրավորական ա հայի համար կարդալը, թե ինչ բերի ծնունդին: Կամ՝ էդ նույն հրավերների մեջ հաճախ ոչ միայն փարթիի սկզբի, այլև ավարտի ժամն ա գրված լինում, այսինքն՝ էսինչ ժամին դու պիտի գնաս: Էլի հայի համար դա շատ վիրավորական կհնչի:
3. Հյուրի նկատմամբ վերաբերմունքի թեման: Հայերը հյուրին ամենափափուկ, ամենահարմար անկողինն են տալիս, իսկ եվրոպացիները՝ էս քեզ փչովի մատրաս, էս քեզ՝ քնապարկ: Պատկերացրու, եվրոպացուն հյուր գնացած հայը ոնց կնեղվի:
4. Աղջիկ-տղա հարաբերությունները մի հսկայական առանձին թեմա են՝ սկսած ժամադրությունների մշակույթից, վերջացրած էնպիսի հարցերով, ինչպիսին ամուսնությունն ու էրեխա մեծացնելը: Հայ կինը տղամարդուն չի թողնում, որ իր խոհանոցային հարցերին խառնվի (տղամարդը չի էլ ուզում): Իսկ դանիացի տղամարդուն խոհանոցից վտարես, մի այլ կարգի կնեղանա:
5. Ռեստորանում հաց ուտելը: Եվրոպայում սպասում են մինչև բոլորի ուտելիքները բերեն, նոր սկսում են ուտել: Կամ եթե մեկինը շուտ են բերել, ումը որ չեն բերել, ասում ա՝ կարաս հանգիստ ուտես: Իսկ Հայաստանում հենց բերում են, ուտում ես: Պատկերացրու՝ հայը միանգամից սկսի ուտել: Եվրոպացին կվիրավորվի:
6. Ուշանալը: Հայերս արխային ուշանում ենք, հետո էլ դեմքներիս հիմար ժպիտ մի անկապ պատճառաբանություն ենք բերում, թե՝ Բաղրամյանում պրոպկա էր, թե՝ սենց-նենց: Դու փորձի գերմանացու հետ հանդիպման գնալիս ուշանալ, տես քեզ ինչ օրը կգցի:
7. Հեռախոսի զանգը: Երևանում լրիվ նորմալ ա, որ հեռախոսի զըըըռ ձայնը որտեղ պատահի, լսվի, որտեղ պատահի, վերցնես, պատասխանես: Դանիայում կյանքում հեռախոսի զանգ չես լսի, իսկ խոսելու համար մարդիկ առանձնանում են:

Ու սենց լիքը «մանրուքներ» կարամ թվարկեմ, որոնք իրականում մանրուք չեն ու շատ ուժեղ կարան խանգարեն ինտեգրմանն ու խորը միջանձնային հարաբերությունների ստեղծմանը, եթե փոխըմբռնում չլինի: Ու էս ցուցակը, որ տեղադրեցի, մի օրում չեմ սովորել: Տարիների փորձ ա:

Շինարար
19.01.2016, 17:15
Շին, մշակութային տարբերություններ կան, ու դրանք արհամարհել պետք չի: Դա ոչ մեկի վեջը չի էնքան ժամանակ, քանի դեռ իրանք տեղյակ չեն էդ տարբերությունների առկայությունից, ու քո էս կամ էն վարքը կարող ա համարեն վիրավորական՝ չհասկանալով, որ դա ուղղակի քո մշակույթն ա: Ու ինչքան ավելի խորը, մտերիմ շփում ես ունենում մարդկանց հետ, էնքան էդ տարբերություններն ավելի են ի հայտ գալիս: Նայի, մի քանի օրինակ բերեմ, կհասկանաս.

1. Բրիտանացի մեկի հետ մտնում եմ խանութ քրուասան առնելու: Ինքն ինձ համարում ա անքաղաքավարի, որովհետև պատվերը տալիս վաճառողուհու աչքերի մեջ չեմ նայում:
2. Նույն էն ծննդյան տոնի հրավերի հատվածը, որ տեղադրել էի: Ես դանիացիներին լավ գիտեմ, ինձ բացել էր էդ: Բայց բանից անտեղյակ հային պատկերացրու, պատկերացրու ինչ վիրավորական ա հայի համար կարդալը, թե ինչ բերի ծնունդին: Կամ՝ էդ նույն հրավերների մեջ հաճախ ոչ միայն փարթիի սկզբի, այլև ավարտի ժամն ա գրված լինում, այսինքն՝ էսինչ ժամին դու պիտի գնաս: Էլի հայի համար դա շատ վիրավորական կհնչի:
3. Հյուրի նկատմամբ վերաբերմունքի թեման: Հայերը հյուրին ամենափափուկ, ամենահարմար անկողինն են տալիս, իսկ եվրոպացիները՝ էս քեզ փչովի մատրաս, էս քեզ՝ քնապարկ: Պատկերացրու, եվրոպացուն հյուր գնացած հայը ոնց կնեղվի:
4. Աղջիկ-տղա հարաբերությունները մի հսկայական առանձին թեմա են՝ սկսած ժամադրությունների մշակույթից, վերջացրած էնպիսի հարցերով, ինչպիսին ամուսնությունն ու էրեխա մեծացնելը: Հայ կինը տղամարդուն չի թողնում, որ իր խոհանոցային հարցերին խառնվի (տղամարդը չի էլ ուզում): Իսկ դանիացի տղամարդուն խոհանոցից վտարես, մի այլ կարգի կնեղանա:
5. Ռեստորանում հաց ուտելը: Եվրոպայում սպասում են մինչև բոլորի ուտելիքները բերեն, նոր սկսում են ուտել: Կամ եթե մեկինը շուտ են բերել, ումը որ չեն բերել, ասում ա՝ կարաս հանգիստ ուտես: Իսկ Հայաստանում հենց բերում են, ուտում ես: Պատկերացրու՝ հայը միանգամից սկսի ուտել: Եվրոպացին կվիրավորվի:
6. Ուշանալը: Հայերս արխային ուշանում ենք, հետո էլ դեմքներիս հիմար ժպիտ մի անկապ պատճառաբանություն ենք բերում, թե՝ Բաղրամյանում պրոպկա էր, թե՝ սենց-նենց: Դու փորձի գերմանացու հետ հանդիպման գնալիս ուշանալ, տես քեզ ինչ օրը կգցի:
7. Հեռախոսի զանգը: Երևանում լրիվ նորմալ ա, որ հեռախոսի զըըըռ ձայնը որտեղ պատահի, լսվի, որտեղ պատահի, վերցնես, պատասխանես: Դանիայում կյանքում հեռախոսի զանգ չես լսի, իսկ խոսելու համար մարդիկ առանձնանում են:

Ու սենց լիքը «մանրուքներ» կարամ թվարկեմ, որոնք իրականում մանրուք չեն ու շատ ուժեղ կարան խանգարեն ինտեգրմանն ու խորը միջանձնային հարաբերությունների ստեղծմանը, եթե փոխըմբռնում չլինի: Ու էս ցուցակը, որ տեղադրեցի, մի օրում չեմ սովորել: Տարիների փորձ ա:

Բյուր ջան, ես պնդում եմ, որ չարժե սևեռվել մշակութային տարբերությունների վրա, հատուկ հարմարվել և այլն: Բայց դե դու վարվիր նենց, ոնց քո փորձն ա թելադրում, իմ փորձը դեռ շատ ավելի քիչ ա ու առայժմ ինձ թույլ ա տալիս չխորանալ ու չանհանգստանալ ու ենթադրել, որ էդ բոլոր մշակութային տարբերությունները կարևոր են դառնում էն պահից, երբ դրանք կարևորում ես:

StrangeLittleGirl
19.01.2016, 17:22
Բյուր ջան, ես պնդում եմ, որ չարժե սևեռվել մշակութային տարբերությունների վրա, հատուկ հարմարվել և այլն: Բայց դե դու վարվիր նենց, ոնց քո փորձն ա թելադրում, իմ փորձը դեռ շատ ավելի քիչ ա ու առայժմ ինձ թույլ ա տալիս չխորանալ ու չանհանգստանալ ու ենթադրել, որ էդ բոլոր մշակութային տարբերությունները կարևոր են դառնում էն պահից, երբ դրանք կարևորում ես:

Շին, էդ տարբերությունները կարևոր են հենց առաջին վայրկյանից: Ու եթե նոր ժամանած մարդուն մի հատ բրոշյուր տաս, ասես՝ մարդիկ ստեղ էս ձևի են, էդ մարդը շատ ավելի արագ կհարմարվի նոր միջավայրին ու էդ երկրում իրա գտնվելը վտանգող արարքներ թույլ չի տա: Իմ բերած օրինակներն ավելի շրջապատ ստեղծելու ու ընկերներ ձեռք բերելու մասին են: Բայց մինչև էդ փուլը հասնելը, ասենք, պետք ա հասկանալ, որ եթե փողոցում համբուրվող երկու տղամարդ ես տեսնում, չի կարելի իրանց ծեծել, կամ եթե կարճ շորտով աղջիկ ես տեսնում, չի նշանակում ինքը բոզ ա, ու կարաս ձեռ գցես: Շատ կարևոր ա մշակութային տարբերությունները հասկանալը, ինչպես կարևոր ա հասկանալը, որ դիմացինդ ուղղակի ուրիշ մարդ ա, աշխարհն այլ կերպ ա տեսնում: Հենց հիմա Եվրոպայում էս սաղ տուրուդմփոցի պատճառը հենց էդ ա, որ մի կողմը հրաժարվում ա մյուսին հասկանալուց:

Շինարար
19.01.2016, 17:28
Շին, էդ տարբերությունները կարևոր են հենց առաջին վայրկյանից: Ու եթե նոր ժամանած մարդուն մի հատ բրոշյուր տաս, ասես՝ մարդիկ ստեղ էս ձևի են, էդ մարդը շատ ավելի արագ կհարմարվի նոր միջավայրին ու էդ երկրում իրա գտնվելը վտանգող արարքներ թույլ չի տա: Իմ բերած օրինակներն ավելի շրջապատ ստեղծելու ու ընկերներ ձեռք բերելու մասին են: Բայց մինչև էդ փուլը հասնելը, ասենք, պետք ա հասկանալ, որ եթե փողոցում համբուրվող երկու տղամարդ ես տեսնում, չի կարելի իրանց ծեծել, կամ եթե կարճ շորտով աղջիկ ես տեսնում, չի նշանակում ինքը բոզ ա, ու կարաս ձեռ գցես: Շատ կարևոր ա մշակութային տարբերությունները հասկանալը, ինչպես կարևոր ա հասկանալը, որ դիմացինդ ուղղակի ուրիշ մարդ ա, աշխարհն այլ կերպ ա տեսնում: Հենց հիմա Եվրոպայում էս սաղ տուրուդմփոցի պատճառը հենց էդ ա, որ մի կողմը հրաժարվում ա մյուսին հասկանալուց:
եսիմ, դե ես ինձանով եմ չափում: Ես չես հավատա ոչ միայն համբուրվող տղամարդիկ, այլև կին ու տղամարդ չեմ տեսել, ոչ թե որ չկան, այլ որ հեչ վեջս էլ չի, որ տեսնեմ:ԴԴ

Վիշապ
19.01.2016, 22:04
Ինձ կանխատեսելի է թվում այն, որ մարդկության թվի աճի, կոմունիկացիաների զարգացման, ինչպես նաև աղետների ու պատերազմների հետ զուգահեռ մարդիկ մոլորակով մեկ ավելի ու ավելի արագ կխառնվեն իրար իրենց մշակութային ելևէջներով ու սովորույթներով, չնայած որ շատ վաղուցվանից է գնում այս ձուլման պրոցեսը։ Ինչքան էլ որ բոլորով ափսոսենք Ոսկե դարաշրջանի ու Ռենեսանսյան Եվրոպայի կուսությունից զրկվելու համար։
Բայց այնուամենայնիվ Եվրոպային հասնում ա․ Երբ որ թուրքերը գրավում էին Կոստանդնուպոլիսը, ու լացացնում էին Բյուզանդիայի մաման՝ Եվրոպայի տանձին չէր, երբ որ թուրքերը հայերիս վրայով էին անցնում՝ էլի Եվրոպայի տանձին չէր, իսկ հիմա՝ տեսեք-տեսեք, նեղվում են, որ սիրացի տղամարդիկ ձեռ-մեռ են քցում իրենց կանանց։ Լա՛վ են անում, էդ ձեզ քիչ ա։
Հիմա եվրոպական ցանկացած քաղաք թռիչք եմ ման գալիս՝ բերում է Թուրքական ավիաուղիներ, Ստամբուլով, մնացած բոլորից երկու անգամ էժան․․․ գնա գրողի ծոցը, Եվրոպա, եթե արդեն չես գնացել։

anhush
22.01.2016, 00:41
ինչքան էլ արևմտյան մութ ուժերը ստեղծած լինեն ISIS-ը, մարդ պետք ա պսիխոպաթ լինի, որ բացի վարձու զինվոր լինելու պարտավորություններից ուրիշ բաներ անի (մասնավորապես, խաղաղ բնակչությանը դաժանաբար ոչնչացնի կամ ահաբեկչական գործողություններ անի): Ու նաև հայտնի փաստ ա, որ ISIS-ին անդամագրվածներից շատերն արևմուտքից են գնացել, միացել: Արևմուտքում ինչքան պսիխոպաթ կա, գնացել, լցվել ա էնտեղ: Եթե մի քանի տենց պատմություն կարդաս, կտեսնես, թե ինչքան նման են ISIS-ին անդամակցած ջահելները:
է հա... ես էլ եմ նույնը ասում: Մենակ թե ես դրա վրա չեմ զարմանում:
Վարձկանը, ով ոչ թե աշխատավարձ է ստանում իր հայրենիքից, այլ եսիմ ումից, ոչնչով քիլլերից- վարձու մարդասպանից չի տարբերվում: հանդիսանում է վարձու մարդասպան:
Իսկ փողի համար մարդ սպանել- դա ոչ մի նորմալ մարդ չի կարող անել: Իհարկե իրանք հոգեկան հիվանդներ են:
Անգամ են "գաղափարական" վարձկանների համար 100 տոկոս կարող եմ աեել, որ իրանք հեգական հիվանդներ են: Բավականին լուրջ տրամվաներով: Բայց վերջին հաշվով մարդասպաններ են - ու ոչ թե հանուն ինչ որ վեհ նպատակների, այլ հանուն դոլլլարի:
...
Իմիջայլոց, հռոմեական լեգեոններում ահռելի թիվ էին կազմում վարձկանները -փողով կռվողները, ովքեր, ոնց որ էսօրվա վարձկանները, բավականին վախկոտ էին ու իրենց մորթին պաշպանելուը համար համարժեք վտանգ դեպքում զերքեր թափում ու փախնում էին: Ոչինչ չի փոխվել: նույն հռոմեա-անգլիական վարձկաններն են :)

Տրիբուն
23.01.2016, 00:19
Էս էլ լավ հոդված էն մասին, թե ոնց են հին էկածներն օգնում նոր էկածներին ինտեգրել, ստորագրահավաք կազմակերպում Քյոլնի դեպքերը դատապարտող ու նշում, որ ինտեգրումը միմյանց մշակույթների փոխըմբռնման արդյունք ա: (http://www.theguardian.com/world/2016/jan/16/germans-accept-arabs?CMP=twt_a-world_b-gdnworld)

Էս ամեն ինչը ճիշտ կլիներ, եթե խոսք գնար մի քանի, քսան, հարյուր, կամ քսան հազար հոգու ինտեգրման մասին։ Խնդիրը նրանում ա, որ փախստականների վերջին հոսքերը արդեն նմանվում են ժողովուրդների մեծ գաղթի։ Գլոբալ տեղաշարժեր են տեղի ունենում, որոնք գլոբալ հետևանքներ են ունենալու։ Սենց պրոբլեմը դասընթացներով, վորքշոփներով, գեղեցիկ հոդվածներով, դաստիարակչական ֆիլմերով, իրար պուպուշ անելով, չի լուծվելու։ Եվրոպան չի կործանվելու, գրողի ծոցը չի գնալու, քանի որ երկու հազար տարվա պատմություն ունի ժողովուրդների տեղաշարժերի, ասիմիլիացիայի, գաղութացման, մշակույթների միախառնման, և այլն, ու հենց էս էլ Եվրոպայի հզորությունն ա։ Բայց նաև այնպես չի, որ սաղ հալած յուղի պես ա անցնելու։ Մենակ էն, որ Դանիան ու Շվեդիան իրար մեջ սահմանային հսկողություն են մտցնում, իսկ Ավստրիան շենգենյան գոտու սահմանափակումներ ա մտցնում, արդեն խոսուն ա։ Իմ համեստ կարծիքով, Եվրոպայում ծայրահեց աջերը փիս գլուխ են բարձրացնելու ու վերջին 60 տարվա լիքը ձեռքբերումներ ցավոք փոզմիշ են լինելու։

Ռուֆուս
23.01.2016, 00:28
Ուրիշ հոդված մեկ ուրիշ փախստականի մասին, էս էն մարդն ա, ում էն հունգարացի ժուռնալիստը գցել էր գետնին: Ու թե ինչքան դժվար ա ինտեգրացիան.

http://www.spiegel.de/international/world/syrian-refugee-kicked-in-hungary-starts-a-new-life-in-spain-a-1070739.html

Շինարար
25.01.2016, 16:33
Գերմանիայի դեպքերը պարզից պարզ ա, որ սադրանք էր: Քանի գնում՝ ավելի եմ համոզվում, որ Եվրոպայի գլխին ոչ մի վտանգ էլ չկա, մարդիկ էնքան հաշտ են իրանց պարտավորության հետ՝ ընդունելու նրանց, ովքեր դրա կարիքը ունեն, շատ ավելի հաշտ, քան կառավարությունները:

Նենց եմ նախանձում, որ էսպիսի հասարակություն ունի, ասենք, նույն Շոտլանդիան, որի բնակչությունը էս անկախության խոսակցությունների ֆոնի վրա նաև զերծ չի որոշակի ռազմահայրենասիրությունից: Չէ մեր նման՝ հայի մաքրամաքուր գենը վառ պահենք ինչպես ատրուշան: Խի՞ ենք էսքան նեղ:

Էս Աթեիստին ախր ես հեռվից հեռու շատ եմ սիրում, բայց էս թեմայի իր գրառումների համար ուժս պատեր, կբռնեի մի լավ կդնքստեի:

Անհույսի ու Լիոնի հետ դե խոսալու բան էլ չկա:

հ. գ. ի միջի այլոց, կարծում եմ, որ կպատի

StrangeLittleGirl
25.01.2016, 17:56
Գերմանիայի դեպքերը պարզից պարզ ա, որ սադրանք էր: Քանի գնում՝ ավելի եմ համոզվում, որ Եվրոպայի գլխին ոչ մի վտանգ էլ չկա, մարդիկ էնքան հաշտ են իրանց պարտավորության հետ՝ ընդունելու նրանց, ովքեր դրա կարիքը ունեն, շատ ավելի հաշտ, քան կառավարությունները:

Նենց եմ նախանձում, որ էսպիսի հասարակություն ունի, ասենք, նույն Շոտլանդիան, որի բնակչությունը էս անկախության խոսակցությունների ֆոնի վրա նաև զերծ չի որոշակի ռազմահայրենասիրությունից: Չէ մեր նման՝ հայի մաքրամաքուր գենը վառ պահենք ինչպես ատրուշան: Խի՞ ենք էսքան նեղ:

Էս Աթեիստին ախր ես հեռվից հեռու շատ եմ սիրում, բայց էս թեմայի իր գրառումների համար ուժս պատեր, կբռնեի մի լավ կդնքստեի:

Անհույսի ու Լիոնի հետ դե խոսալու բան էլ չկա:

հ. գ. ի միջի այլոց, կարծում եմ, որ կպատի
Շին, ծայրահեղ աջեր ամեն տեղ կան, որոնք իրանց որջերից առիթի դեպքում միանգամից դուրս են պրծնում: Նույն էդ հունգարացի լրագրողի գցած մարդու մասին էլ ինչ ասես չէր պտտվում, թե՝ տեռորիստ ա, էս ա, էն ա: Հիմա հարցն էդ ծայրահեղ աջերի սադրանքներին չտրվելն ա, բայց դա չես կարա երաշխավորես Եվրոպայի բոլոր ժողովրդների համար: Գերմանիան հավանաբար չի տրվի էդ սադրանքներին, որտև իրանք ունեն մութ անցյալ ու գիտեն, թե դա ինչի կարա բերի: Բայց նույն Դանիայում կոշմար ա տեսնելը, թե ինչ ա կատարվում: Ուզում են օրենք անցկացնեն, ըստ որի փախստականների ձեռից առնելու են 10 000 կրոն (1000 ֆունտ) արժողությամբ ցանկացած իր: Դեռ 10 000-ը բարձրացրել են, մինչև էդ 3000 էր: Ու խոզի մսի հետ կապված մի այլ կարգի պատերազմ ա սկսվել: Մի քաղաքում պարտադրել են բոլոր դպրոցներին ու մանկապարտեզներին, որ ամեն օր ճաշացանկում խոզի միս լինի: Բա ինչ, խոզի միս ուտելը դանիական ինքնության մի մասն ա: Ու ընդհանրապես, եթե էս նոր օրենքների փաթեթն անցնի, մի սարսափելի շրջան ա սկսվելու Դանիայում: Նույնիսկ իմ էստեղ մնալն ա հարցականի տակ դրվելու:

Իսկ Եվրոպայի ուժը կպատի, եթե փախստականներին հավասարապես բաշխեն բոլոր պետությունների միջև ու եթե աջերին մի քիչ զուսպ պահեն: Բայց ոնց աջերին զուսպ պահեն, երբ գրեթե բոլոր երկրներում կառավարությունը աջերից ա կազմված:

Ռուֆուս
25.01.2016, 18:05
Նույն էդ հունգարացի լրագրողի գցած մարդու մասին էլ ինչ ասես չէր պտտվում, թե՝ տեռորիստ ա, էս ա, էն ա:

Ի դեպ մենակ ռուսական լրատվականներն էին բան ասում (մյուսներն էլ դրամց ասածը տարածում)

Աթեիստ
25.01.2016, 18:08
Շին, ծայրահեղ աջեր ամեն տեղ կան, որոնք իրանց որջերից առիթի դեպքում միանգամից դուրս են պրծնում: Նույն էդ հունգարացի լրագրողի գցած մարդու մասին էլ ինչ ասես չէր պտտվում, թե՝ տեռորիստ ա, էս ա, էն ա: Հիմա հարցն էդ ծայրահեղ աջերի սադրանքներին չտրվելն ա, բայց դա չես կարա երաշխավորես Եվրոպայի բոլոր ժողովրդների համար: Գերմանիան հավանաբար չի տրվի էդ սադրանքներին, որտև իրանք ունեն մութ անցյալ ու գիտեն, թե դա ինչի կարա բերի: Բայց նույն Դանիայում կոշմար ա տեսնելը, թե ինչ ա կատարվում: Ուզում են օրենք անցկացնեն, ըստ որի փախստականների ձեռից առնելու են 10 000 կրոն (1000 ֆունտ) արժողությամբ ցանկացած իր: Դեռ 10 000-ը բարձրացրել են, մինչև էդ 3000 էր: Ու խոզի մսի հետ կապված մի այլ կարգի պատերազմ ա սկսվել: Մի քաղաքում պարտադրել են բոլոր դպրոցներին ու մանկապարտեզներին, որ ամեն օր ճաշացանկում խոզի միս լինի: Բա ինչ, խոզի միս ուտելը դանիական ինքնության մի մասն ա: Ու ընդհանրապես, եթե էս նոր օրենքների փաթեթն անցնի, մի սարսափելի շրջան ա սկսվելու Դանիայում: Նույնիսկ իմ էստեղ մնալն ա հարցականի տակ դրվելու:

Իսկ Եվրոպայի ուժը կպատի, եթե փախստականներին հավասարապես բաշխեն բոլոր պետությունների միջև ու եթե աջերին մի քիչ զուսպ պահեն: Բայց ոնց աջերին զուսպ պահեն, երբ գրեթե բոլոր երկրներում կառավարությունը աջերից ա կազմված:


Էդ մսի պահը կարդացել էի, բայց ինձ թվաց օդի մեջ խոսակցություն ա։

Լրիվ թեմայի մեջ ։)


https://www.youtube.com/watch?v=bE3eF59R8fs

StrangeLittleGirl
25.01.2016, 18:09
Ի դեպ մենակ ռուսական լրատվականներն էին բան ասում (մյուսներն էլ դրամց ասածը տարածում)

Ռուֆ, տեղականներից էլ են տենց բաներ դուրս գալիս, ռուսականներին էլ տենց բան ա պետք, որ տարածեն, դեռ օրիգինալ անգլերենին էլ հղում են դնում, որ ճպպցնեն, թե՝ մեր հորինածը չի, տեսեք՝ իրանք են ասում: Դեբիլներ, ցավոք, մենակ Ռուսաստանում չեն:

Շինարար
25.01.2016, 18:19
Հա, ռուսական լրատվամիջոցները մի առանձին ջերմությամբ են անհանգստանում Եվրոպայի ապագայի համար:

StrangeLittleGirl
25.01.2016, 19:02
Էդ մսի պահը կարդացել էի, բայց ինձ թվաց օդի մեջ խոսակցություն ա։


Չէ, ցավոք լուրջ ա: Ստեղի իշխանություններից դուրս էկած ամեն մի նոր բան տեսնելիս սկզբում մտածում ես՝ ձև չի սա լուրջ բան լինի, հետո պարզվում ա՝ տենց ա: Նույնն էլ էդ կոնֆիսկացիայի մասին խոսակցություններն էին:

Աթեիստ
25.01.2016, 19:09
Չէ, ցավոք լուրջ ա: Ստեղի իշխանություններից դուրս էկած ամեն մի նոր բան տեսնելիս սկզբում մտածում ես՝ ձև չի սա լուրջ բան լինի, հետո պարզվում ա՝ տենց ա: Նույնն էլ էդ կոնֆիսկացիայի մասին խոսակցություններն էին:

Ես դե ռուսական հոդվածն եմ կարդացել, բայց նույնիսկ նրա հեղինակի տոնից չէիր ասի, թե դա լուրջ ա, իսկ կոնֆիսկացիան, որ լրիվ էշություն ա։ Յանի ձեռները շատ բան կա, էդ էլ վերցնենք։

Շինարար
25.01.2016, 19:30
Չէ, ցավոք լուրջ ա: Ստեղի իշխանություններից դուրս էկած ամեն մի նոր բան տեսնելիս սկզբում մտածում ես՝ ձև չի սա լուրջ բան լինի, հետո պարզվում ա՝ տենց ա: Նույնն էլ էդ կոնֆիսկացիայի մասին խոսակցություններն էին:

Բյուր, բա շարքային ժողովո՞ւրդը ոնց ա մտածում:

StrangeLittleGirl
25.01.2016, 20:26
Բյուր, բա շարքային ժողովո՞ւրդը ոնց ա մտածում:
Շին, շարքային ժողովուրդն ա էս իշխանություններին ընտրել: Կոպենհագենի բնակչությունը դրած քֆրտում ա, բայց գյուղերի խոզապահները, որոնց համար խոզ ուտելն ազգային ինքնության մի մասն ա, որոնք կյանքում բլոնդ ու կապույտ աչքերով վիկինգից բացի ուրիշ բան չեն տեսել, սարսափում են իմիգրանտներից ու գնում, էս ֆաշիստ կուսակցությանը ձայն են տալիս, սենց որոշումներն էլ ծափահարություններով ընդունում:

Տրիբուն
26.01.2016, 05:08
Շին, շարքային ժողովուրդն ա էս իշխանություններին ընտրել: Կոպենհագենի բնակչությունը դրած քֆրտում ա, բայց գյուղերի խոզապահները, որոնց համար խոզ ուտելն ազգային ինքնության մի մասն ա, որոնք կյանքում բլոնդ ու կապույտ աչքերով վիկինգից բացի ուրիշ բան չեն տեսել, սարսափում են իմիգրանտներից ու գնում, էս ֆաշիստ կուսակցությանը ձայն են տալիս, սենց որոշումներն էլ ծափահարություններով ընդունում:

Բյուր, Դանիան դեռ նենց փոքր երկիր ա, կարող ա շատ որոշիչ չի եվրոպական գործերում։ Ֆրանսիայում Լե Պենի կուսակցությունը եվրոպառլամենտի ընտրություններում 74 տեղից 23-ը իրանով ա արել, իսկ ռեգիոնալ խորհուրդներում 1800-ից 400 տեղն իրանն ա։ Ու էս սաղ մինչև փախստականների վերջին կրիզիսը ու փարիզյան տեռակտները։ Ասել է թե, Ֆրանսիայի պես երկրում լրջով շրջում ա ազգայնականության ուրվականը, ու ոչ մի վորքշոփ ու կենակցող մշակույթների մասին գեղեցիկ հոդված, դրա դեմը չի առնի։

ivy
26.01.2016, 12:33
Գերմանիայում ֆրաու Մերկելը մնացել է լրիվ մենակ՝ իր բարի քաղաքականությամբ. ոչ միայն մյուս եվրոպական երկների կողմից ոչ մի աջակցություն չի ստանում, այլ հենց Գերմանիայի ներսում էս պահին ոչ մի քաղաքական ուժ չկա, որ հավանության արժանացնի փախստականների հանդեպ իր բաց ու բարի քաղաքականությունը: Նույնիսկ հենց իր կուսակցության մեջ են արդեն կռիվներ գնում: Մի քանի օր առաջ Բավարարիան օֆիցիալ նամակ է ուղարկել Բեռլին՝ համարյա սպառնանքի տեսքով, որ եթե անմիջապես չվերանայվեն փախստակնների հոսքը կրճատելու իրենց պահանջները, արդեն ստիպված են լինելու ուրիշ քայլերի դիմել: Հիմա էստեղ էնպիսի վիճակ է, ոնց որ կլիներ, ասենք եթե ընտանիքում ամուսններից մեկը մյուսին դատի տար: Մերկելը դեռ որ հանգստություն է պահպանում, բայց ինչքան կդիմանա, դժվար է ասել:
Հասարակության կողմից էլ ոչ մի աջակցություն չկա: Ես էս պահին ոչ մեկին չգիտեմ էստեղ, որ փախստականների թեմային լավ է վերաբերվում: Առաջ աշխատում էին գոնե օտարերկրացիների մոտ շատ չարտահայտվել, հիմա արդեն էդ էլ չեն նայում. ինչ ասես ասում են: Ասենք՝ գերմանացի կոլեգաս ամբողջ օրը թույն է թափում՝ էստեղի որոշ գրառումներից ոչ պակաս: Ու մեկ էլ վերջում. «Ես իրականում միգրանտների դեմ ոչինչ չունեմ, ես էլ եմ օտարերկրացի. տատիս տատը Ավստրիայից էր»: Մարդ չգիտի էլ ծիծաղի, թե լացի:
Կամ ասենք մեր հարևաններից մեկը, որ արևելյան Եվրապայից է քոչել ժամանակին, կանգնում նենց բաներ է ասում փախստականների հասցեին, որ քիչ է մնում մի բան գլխով տամ, որ ձենը կտրի. ասենք դու ինչով ես էդ մարդկանցից ավելին կամ ինչ են քեզ արել:
Ու բոլորն են վատ խոսում. արդեն շատ տհաճ է իսկականից:
Քյոլնի դեպքերի հետևում ամենայն հավանականությամբ քաղաքական ուժեր կային. ուղղակի դժվար է պատկերացնել, որ Գերմանիայի պես կարգապահ երկրում ամբողջ մի գիշերվա ընթացքում էդ կարգի իրավիճակի ժամանակ ոչ մի ոստիկանական միջամտություն չի եղել: Բայց դե իսկանանից չի եղել: Իսկ ինչի՞ չի եղել: Որովհետև տենց էր պետք:
Մի խոսքով, զզվելի է: Մարդասիրություն գնալով պակասում է աշխարհում:

Շինարար
26.01.2016, 13:58
Բյուր, Դանիան դեռ նենց փոքր երկիր ա, կարող ա շատ որոշիչ չի եվրոպական գործերում։ Ֆրանսիայում Լե Պենի կուսակցությունը եվրոպառլամենտի ընտրություններում 74 տեղից 23-ը իրանով ա արել, իսկ ռեգիոնալ խորհուրդներում 1800-ից 400 տեղն իրանն ա։ Ու էս սաղ մինչև փախստականների վերջին կրիզիսը ու փարիզյան տեռակտները։ Ասել է թե, Ֆրանսիայի պես երկրում լրջով շրջում ա ազգայնականության ուրվականը, ու ոչ մի վորքշոփ ու կենակցող մշակույթների մասին գեղեցիկ հոդված, դրա դեմը չի առնի։

Սաղ մամուլն ա այ անում իր ուռճացված լուրերով, պատկերը հատկապես դրամատիկ ներկայացնելով, նույնիսկ էս իդիլիական լուրերը հակառակ ազդեցություն են թողնում, էնքան որ արհեստական են:

StrangeLittleGirl
28.01.2016, 13:11
Էդ խայտառակ օրենքն անցկացրեցին :(
Հիմա սաղ աշխարհի ուշադրությունը Դանիայի վրա ա: Էս էլ հարցազրույց ֆաշիստական կուսակցության ներկայացուցչի հետ: Դասական օրինակ, թե ոնց ա քաղաքական գործիչն անամոթաբար խաբում: Ու ուշադրություն դարձրեք, իրա ձևակերպումներն ահագին նման են փախստականներին դեմ խոսող հայաստանցիների ձևակերպումներին:


https://www.facebook.com/halagoraniCNN/videos/1247255255290760/

Ահավոր տարօրինակ ա Դանիայի վիճակը: Քաղաքական գործիչները մի բան են անում, իսկ ժողովուրդը մի ուրիշ բանի կողմնակից ա: Իմ շրջապատի սաղ դանիացիներն էս օրերին ամոթից չգիտեն որ ծակը մտնեն:

Տրիբուն
28.01.2016, 13:51
Ահավոր տարօրինակ ա Դանիայի վիճակը: Քաղաքական գործիչները մի բան են անում, իսկ ժողովուրդը մի ուրիշ բանի կողմնակից ա: Իմ շրջապատի սաղ դանիացիներն էս օրերին ամոթից չգիտեն որ ծակը մտնեն:

Շրջապատդ պիտի փոխես։ Քո իմացած դանիացիները մեր իմացած հայաստանցիներրից են, այսինքն միջին վիճակագրականից մի չռթ բարձր։ Իսկ միջին վիճակագրական դանիացին, ոնց որ դու ես ասում, խոզի միսը մշակութային ու պատմական ժառանգություն համարող կապուտաչյա վիկինգ ա։

Նենց որ, էս օրենքը լրիվ համապատասխանում ա դանիացիների ակնկալիքներին։ Դանիայի պառլամենտում աջ ագայնականոտ Dansk Folkeparti-ն, եթե չեմ սխալվում, երկրորդն ա քանակով, իսկ Ռասմուսենը իրա Venstre-ով ավելի ու ավելի ա աջ թեքվում։

Ասածս էն ա, որ պետք ա հանել վարդագույն ակնոցները։ Ալամ աշխարհում հարաբերությունները ծայրահեղանում են ու կոնֆլիկտները սրվում են։ Ու սա մենակ իսլամական աշխարհին չի վերաբերվում, քրիստոնյա աշխարհին էլ ա վերաբերվում։ Իսկ երբ ծայրահեղանում են քրիստոնյաները, արդյունքը լինում ա մայրցամաքները գրավելն ու բնիկներին ոչնչացնելը, համաշխարհային պատերազմները մի քանի տասնյակ միլիոն զոհով, համակենտրոնացման ճամբարները, սրա նրան գլխին ատոմային ռումբ քցելը։

StrangeLittleGirl
28.01.2016, 14:49
Շրջապատդ պիտի փոխես։ Քո իմացած դանիացիները մեր իմացած հայաստանցիներրից են, այսինքն միջին վիճակագրականից մի չռթ բարձր։ Իսկ միջին վիճակագրական դանիացին, ոնց որ դու ես ասում, խոզի միսը մշակութային ու պատմական ժառանգություն համարող կապուտաչյա վիկինգ ա։

Նենց որ, էս օրենքը լրիվ համապատասխանում ա դանիացիների ակնկալիքներին։ Դանիայի պառլամենտում աջ ագայնականոտ Dansk Folkeparti-ն, եթե չեմ սխալվում, երկրորդն ա քանակով, իսկ Ռասմուսենը իրա Venstre-ով ավելի ու ավելի ա աջ թեքվում։

Ասածս էն ա, որ պետք ա հանել վարդագույն ակնոցները։ Ալամ աշխարհում հարաբերությունները ծայրահեղանում են ու կոնֆլիկտները սրվում են։ Ու սա մենակ իսլամական աշխարհին չի վերաբերվում, քրիստոնյա աշխարհին էլ ա վերաբերվում։ Իսկ երբ ծայրահեղանում են քրիստոնյաները, արդյունքը լինում ա մայրցամաքները գրավելն ու բնիկներին ոչնչացնելը, համաշխարհային պատերազմները մի քանի տասնյակ միլիոն զոհով, համակենտրոնացման ճամբարները, սրա նրան գլխին ատոմային ռումբ քցելը։
Տրիբուն ձյա, էնքան էլ տենց չի: Ստեղ բարդ քաղաքական խաղեր են գնում, ու մարդիկ ասում են, որ էս կառավարությունը իրա լրիվ ժամկետը չի ձգի, նոր ընտրություններ կլինեն շուտով:
DF-ը 20% ա խորհրդարանում: Պատմության մեջ առաջին անգամ ա էսքան շատ ձայն հավաքել, բայց դե էս ձայներն էլ լրիվ դեբիլ խոզապահներից, կյանքում արտասահմանցի չտեսածներից էկած ձայներն են: Էսքանով հանդերձ, իրանք երրորդ տեղում են պառլամենտում: Առաջին տեղում սոցիալ-դեմոկրատներն են, որոնք ձախ են, երկրորդում՝ venstre-ն, որը կենտրոնին մոտ աջ ա: Բայց քանի որ Venstre-ն DF-ի հետ կոալիցիա ա կազմել, շատ բաներում պետք ա իրանց հետ հաշվի նստի: Ոչ թե ավելի ծայրահեղ աջ ա դառնում, այլ ուղղակի DF-ի դեբիլ պահանջներին սուսուփուս լսում ա, որտև DF-ն ասում ա՝ էս օրենքը չանցկացրիր, մենք քո հետ կոալիցիա չենք լինի: Իսկ եթե DF-ը դուրս գա կոալիցիայից, venstre-ն չի կարողանա իշխող կուսակցություն լինել: Ստացվում ա նենց, որ էն կուսակցությունը, որին Դանիայում ժողովրդի մեծամասնությունը ձայն չի տվել, որից շատերի սիրտը խառնում ա, հիմա դարձել ա երկրի ասիչը:

Ու ստեղ մենակ փախստականների հարցը չի: Լիքը տնտեսական, կրթական ու առողջապահական հարցեր կան, որոնք մեկը մեկի հետևից վարի են տալիս: Համալսարանները հիմա խորը ճգնաժամի մեջ են, որովհետև ահռելի քանակությամբ ֆինանսավորում են կտրել: Առողջապահությունը վարի ա գնում, որտև փորձում են մասնավոր ապահովագրության վրա շեշտ դնել: Ու երբ կողքից փախստականների հարցն էլ կա, ամեն ինչ ավելի ա ծանրանում:

Արշակ
28.01.2016, 17:58
Ահավոր տարօրինակ ա Դանիայի վիճակը: Քաղաքական գործիչները մի բան են անում, իսկ ժողովուրդը մի ուրիշ բանի կողմնակից ա: Իմ շրջապատի սաղ դանիացիներն էս օրերին ամոթից չգիտեն որ ծակը մտնեն:
Տրիբունի պատասխանը ավելի մանրամասն․
https://en.wikipedia.org/wiki/Filter_bubble
https://www.ted.com/talks/eli_pariser_beware_online_filter_bubbles?language=en


Ի դեպ, էս էլ Շվեդիան․
http://www.dailymail.co.uk/news/article-3416343/Sweden-asylum-worker-22-stabbed-death-frenzied-attack-CHILD-migrant-centre-refugee-boy-15-arrested-murder.html?ito=social-facebook

StrangeLittleGirl
28.01.2016, 18:17
Տրիբունի պատասխանը ավելի մանրամասն․
https://en.wikipedia.org/wiki/Filter_bubble
https://www.ted.com/talks/eli_pariser_beware_online_filter_bubbles?language=en


Ի դեպ, էս էլ Շվեդիան․
http://www.dailymail.co.uk/news/article-3416343/Sweden-asylum-worker-22-stabbed-death-frenzied-attack-CHILD-migrant-centre-refugee-boy-15-arrested-murder.html?ito=social-facebook
Արշակ, դա չոր փաստ ա, որ.
1. էդ օրինագիծը DF-ինն ա
2. DF-ը Դանիայում մեծամասնություն չի, խորհրդարանում երրորդն ա իրա քանակով
3. DF-ի ձայների մեծ մասը Յուլանդի գեղերից են գալիս (Յուլանդի գեղերը թեև իրանք իրանց դանիական ազգային արժեք են համարում, մեկ ա բնակչության մեծամասնություն չեն)

Օրինագծի օգտին ժողովուրդը չի քվեարկել, այլ խորհրդարանը: Ու էս կոալիցիայի արդյունքում էնպիսի մարդիկ են կառավարությունում, որոնցից ժողովուրդը դժգոհ ա: Ստեղ բարդ քաղաքական հարց ա գնում, ի՞նչ filter bubble-ի մասին ա խոսքը: Շարքային դանիացին իրա մաշկի վրա զգում ա, որ էս կառավարությունն իրան վնաս ա տալիս (խոսքը մենակ փախստականների թեման չի), որտև շարքային դանիացին գնացել, ուրիշ կուսակցության ա ձայն տվել ուրիշ սպասելիքներով: Ու շատ հավանական ա, որ էս կառավարությունն իրա լրիվ ժամկետը չձգի:

StrangeLittleGirl
28.01.2016, 18:21
Ի դեպ, էս էլ Շվեդիան․
http://www.dailymail.co.uk/news/article-3416343/Sweden-asylum-worker-22-stabbed-death-frenzied-attack-CHILD-migrant-centre-refugee-boy-15-arrested-murder.html?ito=social-facebook

Ու դա Շվեդիան չի, դա կոնկրետ խանգարված թինեյջերի արարք ա, որոնցից բոլոր ազգություններում էլ կան ու որոնք իրանց ծնողներին էլ են սպանում: