PDA

Դիտել ողջ տարբերակը : Դրամահավաքների հակառակ կողմը



Ruby Rue
14.08.2015, 17:00
Վերջերս ինտերնետում շատ են տարածվել դրամահավաքները, որոնք ուղղված են ինչ-որ մարդկանց բուժելուն, «ոտքի կանգնեցնելուն»: Թեև բարեգործություն անելը լավ արարք է, բայց շատ հաճախ դրամահավաքներն ուղղված են այնպիսի հիվանդությունների բուժմանը, որոնք բուժելի չեն: Օրինակ` գումար են հավաքում մանկական ուղեղային կաթված կամ ողնուղեղի վնասվածք ունեցող մարդկանց արտասահմանում բուժելու համար, բայց բազմաթիվ բժիշկներ վկայում են, որ տվյալ դեպքում դրանք բուժելի չեն:
Նաև ԶԼՄ-ներն իրենց կայքերում հայտարարություններ են տեղադրում` առանց նախապես խոսելու բժիշկների, ՀԿ-ների հետ, հաճախ էլ` բավարար փաստաթղթեր չեն տրամադրվում, որոնք կհավաստեն, որ էդ մարդը կբուժվի:

Ուզում եմ էս թեմայում քննարկենք ընդհանուր երևույթը, թե ի՞նչ նպատակներով կարող են մարդիկ օգտագործել իրենց հիվանդությունները կամ հաշմանդամությունը, ի՞նչ փաստաթղթերի առկայությամբ կարելի է համոզվել, որ դրամահավաքները ծառայելու են իրենց նպատակներին, ինչպես նաև թեմայում կարող ենք քննարկել դրամահավաքների առանձին դեպքեր` որպես օրինակելի կամ վստահություն չներշնչող դեպքեր: Քանի որ ակումբում շատ բժիշկներ կան, իրենց կարծիքները կարող են արժեքավոր լինել:

Իսկ այս նյութում (http://disabilityinfo.am/12056/) ներկայացված է բժիշկների, հաշմանդամության ոլորտի մասնագետների ու ՀԿ ներկայացուցիչների կարծիքները, նաև խոսել են դրամահավաքներ իրականացնող որոշ մարդկանց հետ, կարծում եմ ահագին օգտակար կարող է լինել:

Ruby Rue
14.08.2015, 17:33
Օրինակ, ուզում եմ գրել Էմմա ու Սամվել Ավետիսյանների մասին: (https://www.facebook.com/events/630449733724740/) Երևի շատերդ եք հանդիպել իրենց դրամահավաքներին: Չնայած ոմանք ինձ CAR U NAXAND են համարում, բայց իրենց պատմությունը շատ կասկածելի է: էդ տղան ունի C6 և C7 ողերի բազմակտոր կոտրվածք ու ողնուղեղի ընդհանուր վնասվածք, որի համար 7000 եվրո են հավաքում, որ գնան Գերմանիայի Կարմիր Խաչ:

1. Նախ, իրենք որևէ ապացույց չեն ներկայացնում, որ կարմիր խաչը երաշխավորել է, որ կբուժի իրեն: Իսկ իրենց իվենթներում փաստաթղթերի մասին հարցերը ջնջում են, էդ մարդկանց վիրավորելով ու ասում, որ ուզում են խանգարել, որպեսզի իրենք հասնեն իրենց ուզածին: Կամ էլ փաստեր ներկայացնելու փոխարեն ասում են, որ Աստված կօգնի բուժվել:
2. Հայաստանցի բժիշկներն ասում են, որ իր ունեցած վնասվածքները բուժելի չեն ո՛չ Հայաստանում, ո՛չ արտերկրում:
3. Իրենք շատ ագրեսիվ են տրամադրված բոլոր այն մարդկանց համար, ովքեր մի քիչ փորձում են խորանալ ու հավելյալ ինֆորմացիա գտնել: Ու նորմալ, ադեկվատ հարցերին վիրավորանքներով են պատասխանում: (Սքրինշոթեր էլ ունեմ համապատասխան: )
4. Մենք քոփի էինք արել իրենց հայտարարությունից, հետո գրել էին, որ մենք սխալ ինֆորմացիա ենք տարածում ու իվենթում միանգամից փոխել էին, բայց դրա սքրինշոթն էլ կա: :))

Էս դեպքի մասին շատ էի ուզում կիսվել, որովհետև ըստ իս, սա կամ խաբեություն է, կամ իրենք ուղղակի չեն գիտակցում խնդրի լրջությունը ու մտածում են, որ Եվրոպայում ամեն ինչ կբուժվի:
Ես հաստատ իրենց չուզողը չեմ էլի, որ էդ տղան չքայլի, ուղղակի մի քիչ իրատես լինել ա հարկավոր: :)

Ու միայն էս դեպքը չի: Մի դեպք էլ գիտեմ, որ ծնողները երեխային մանկատուն էին տարել, բայց ջոկելով որ կարող են դրամահավաք անել, երեխուն վերցրել են ու փող հավաքել: Ու իհարկե, երեխայի առողջականը չի լավացել, որովհետև գումարն էդ ուղղությամբ չի ծախսվել:

StrangeLittleGirl
14.08.2015, 17:42
Լավ թեմա ես բացել, Ռուբ: Ես որ տեսնում եմ էդ դրամահավաքները, ամոթից բերանս փակում եմ, որովհետև մյուս կողմում մարդ ա՝ իրա ցավով, իրա համար դա վերջին հույսի նման բան ա: Բայց շատ հաճախ ոչ մի ինֆորմացիա չի լինում. ի՞նչ հիվանդություն ա, ինչի՞ համար են փող հավաքում, ինչքա՞ն ա հավանականությունը, որ օգուտ կլինի: Շատ ժամանակ ուղղակի փող են հավաքում նույնիսկ նենց հիվանդությունների դեպքում, որոնք Հայաստանում էլ ա հնարավոր բուժել կամ ամբողջ աշխարհում հնարավոր չի: Էղել են դեպքեր, ամոթ էլ ա ասելը, մարդիկ իրավիճակն օգտագործել են փող աշխատելու համար (նույնիսկ հիվանդի մահվանից հետո):

Անձամբ ես զգուշանում եմ դրամահավաքներին գումար տրամադրելիս: Մինչև հիմա հենց առողջական նպատակներով կազմակերպված դրամահավաքներից երկուսին եմ գումար տրամադրել: Չեմ ուզում մանրամասների մեջ խորանալ, բայց երկու դեպքում էլ վստահ չեմ՝ ճիշտ եմ արել, թե չէ:

StrangeLittleGirl
14.08.2015, 17:46
Օրինակ, ուզում եմ գրել Էմմա ու Սամվել Ավետիսյանների մասին: (https://www.facebook.com/events/630449733724740/) Երևի շատերդ եք հանդիպել իրենց դրամահավաքներին: Չնայած ոմանք ինձ CAR U NAXAND են համարում, բայց իրենց պատմությունը շատ կասկածելի է: էդ տղան ունի C6 և C7 ողերի բազմակտոր կոտրվածք ու ողնուղեղի ընդհանուր վնասվածք, որի համար 7000 եվրո են հավաքում, որ գնան Գերմանիայի Կարմիր Խաչ:

1. Նախ, իրենք որևէ ապացույց չեն ներկայացնում, որ կարմիր խաչը երաշխավորել է, որ կբուժի իրեն: Իսկ իրենց իվենթներում փաստաթղթերի մասին հարցերը ջնջում են, էդ մարդկանց վիրավորելով ու ասում, որ ուզում են խանգարել, որպեսզի իրենք հասնեն իրենց ուզածին: Կամ էլ փաստեր ներկայացնելու փոխարեն ասում են, որ Աստված կօգնի բուժվել:
2. Հայաստանցի բժիշկներն ասում են, որ իր ունեցած վնասվածքները բուժելի չեն ո՛չ Հայաստանում, ո՛չ արտերկրում:
3. Իրենք շատ ագրեսիվ են տրամադրված բոլոր այն մարդկանց համար, ովքեր մի քիչ փորձում են խորանալ ու հավելյալ ինֆորմացիա գտնել: Ու նորմալ, ադեկվատ հարցերին վիրավորանքներով են պատասխանում: (Սքրինշոթեր էլ ունեմ համապատասխան: )
4. Մենք քոփի էինք արել իրենց հայտարարությունից, հետո գրել էին, որ մենք սխալ ինֆորմացիա ենք տարածում ու իվենթում միանգամից փոխել էին, բայց դրա սքրինշոթն էլ կա: :))

Էս դեպքի մասին շատ էի ուզում կիսվել, որովհետև ըստ իս, սա կամ խաբեություն է, կամ իրենք ուղղակի չեն գիտակցում խնդրի լրջությունը ու մտածում են, որ Եվրոպայում ամեն ինչ կբուժվի:
Ես հաստատ իրենց չուզողը չեմ էլի, որ էդ տղան չքայլի, ուղղակի մի քիչ իրատես լինել ա հարկավոր: :)

Ու միայն էս դեպքը չի: Մի դեպք էլ գիտեմ, որ ծնողները երեխային մանկատուն էին տարել, բայց ջոկելով որ կարող են դրամահավաք անել, երեխուն վերցրել են ու փող հավաքել: Ու իհարկե, երեխայի առողջականը չի լավացել, որովհետև գումարն էդ ուղղությամբ չի ծախսվել:

Հա, էս պատմությունն էլի եմ լսել, կարծեմ հենց քո պատին էլ կարդացել եմ:
Էստեղ քանի որ կարմիր խաչի անունն ա խառը, ես կասկածներ ունեմ, որ էստեղ ուղղակի բուժման նպատակով մեկնել չի, այլ մեկնել ու հանձնվել:

Շինարար
14.08.2015, 20:00
Ճիշտ եք ասում, բայց դրամահավաքին մասնակցելը աշխատանք չի, որ ավելորդ ժամանակ տրամադրես: Հիմնականում պահի էմոցիայի տակ , եթե կարողությունդ էդ պահին ներում ա, մասնակցում ես, բայց մեկը ես իմ չնչին մասնակցության համար չեմ նստի դնեմ լուրջ րիսըրչ անեմ, ժամանակ ծախսեմ, թե էդ հինգ ֆունտ փոխացնեմ, թե չէ: Միշտ ի նկատի ես ունենում, որ մեկ-մեկ կարա անիմաստ անցնի, մեկ-մեկ էլ նպատակային: Համարյա ցանկացած դրամահավաքի դեպքւոմ կա մեդալի հակառակ կողմը: Էրեկ եմ նկատել, Սեն Էնդրյուսից մի սիրիացի տղա կա, դեմքով գիտեմ, բարև-բարլուս, բայց չենք ծանոթացել, իր ընտանիքին Թադմորից տեղափոխելու համար դրամահավաք ա կազմակերպել, էս պահին վիճակս շատ սուղ ա, թե չէ ես էլ կմասնակցեի, բայց առանց ինձ էլ իր ուզած գումարը կհավաքի, որովհետև շատ լավ են մասնակցում: Մյուս կողմից որ մտածում ես, ինքը կիրթ տղա ա, բրիտանական տարբեր համալսարաններում ա սովորել, մեծ ծանոթությունների շրջանակ ունի, ինչը իրան օգնում ա էս դրամահավաքի հարցում, բա մնացա՞ծը: Ընդ որում, այնքան գումար ա հավաքում, որ սկզբնական շրջանում ընտանիքի ապրուստը հոգան Թուրքիայում, մինչև աշխատանք գտնեն: Ասենք՝ իմ գործը չի, բայց ավելի ճիշտ չէ՞ր լինի, եթե ընդհանրապես էդ տարածքից տեղափոխվել ուզեցողների համար հավաքեր, իր ընտանիքի օգնությամբ հնարավորինս շատ մարդկանց տեղափոխեր: Մյուս կողմից էլ, մասնակցողն էդքան չի խորանում. գոնե մի ընտանիք կփրկվի: Էս տղու նյարդային վիճակն էլ պատկերացնում եմ, ինքը դժվար էլ ի վիճակի լինի էդքան խորանալու, էս պահին իր ընտանիքն ա իրան հետաքրքրում:

Ինչ բան ա կյանքը. ժամանակին մարդիկ Թուրքիայից փախչում, Սիրիայում էին ապաստան գտնում, որ չկոտորվեն, հիմա Սիրիայից՝ Թուրքիա:

Էդ բուժման նպատակով հավաքողներն էլ մեծ մասամբ սոցիալական ծանր պայմաններում են ամեն դեպքում, չեմ իմանում, լավ օրից չի, եթե մանավանդ անաշխատունակ են՝ Հայաստանի պայմաններում, մտածում ես՝ ինչ կլինի, թող լինի:

Կահիրեում դեմքը նիկաբով փակած կանայք մտնում են մետրո, իրանց բարբառով ինչ-որ հարազատի հիվանդության մասին են պատմում, շատ բան չեմ հասկանում, դեմքը փակած ա, արդեն իսկ վստահություն չի ներշնչում, բայց մարդիկ փող են տալիս, երևի մտածում են՝ ուրեմն կարիքավոր ա:

Սխալ ա, բան չեմ ասում, բայց վերադառնալով նախաբանիս` շատ չես խորանում, էմոցիա առաջացրեց, ի վիճակի ես, մասնակցում ես, չէ՝ չէ:

Ռուֆուս
15.08.2015, 00:01
Օրինակ, ուզում եմ գրել Էմմա ու Սամվել Ավետիսյանների մասին: (https://www.facebook.com/events/630449733724740/) Երևի շատերդ եք հանդիպել իրենց դրամահավաքներին: Չնայած ոմանք ինձ CAR U NAXAND են համարում, բայց իրենց պատմությունը շատ կասկածելի է: էդ տղան ունի C6 և C7 ողերի բազմակտոր կոտրվածք ու ողնուղեղի ընդհանուր վնասվածք, որի համար 7000 եվրո են հավաքում, որ գնան Գերմանիայի Կարմիր Խաչ:

Ընկերներիցս մեկն իրենց իվենթին էր հրավիրել, հետաքրքրության համար իվենթի փոստերը կարդացի ու բերանս բաց մնաց, թե ինչ չոբան ու ագրեսիվ ձևի են պատասխանում մարդկանց հարցերին: Դե պարզ ա, որ գնում են ոչ թե բուժվելու, այլ Գերմանիայում հանձնվելու: Մյուս կողմից էլ ավելի լավ ա ազգովի էդ գումարը արագ հավաքենք, տանք, գնան հանձնվեն, պրծնենք էս մի դարդից:

Հա, ու անկախ ամեն ինչից, եթե մարդ դրամահավաքին գումար ա տալիս, ինքն իրավունք ունի իմանալ, թե իր տված ամեն մի կոպեկն ինչի վրա է ծախսվելու: Եթե գումարը վերցնողն էս տեղեկությունները գումարը տվողին չի տրամադրում, սա արդեն վերածվում է ողորմության:

Chuk
15.08.2015, 02:39
Մի բան գիտեմ, որ աչքիս էնքան են կեղծ դրամահավաքներ ընկել, որ հիմա ակամայից ցանկացած դրամահավաք տեսնելուց տաս կիլոմետր հեռավորությամբ շրջանցում եմ:

John
15.08.2015, 04:04
Մի հատ էլ «Արտաշես Առաջինի անվան բարեգործական բլա-բլա․․․» կա, անհասկանալի վերնագրերով դրամահավաքներ են անում կենտրոնում, ինչ-որ ակցիաներ-բան, բայց ոչ մի ինֆորմացիա չգտա իրանց մասին համացանցում, մի անգամ էլ, հերթական անգամը, որ մոտեցան, խնդրեցի ասել, թե որտեղի՞ց կարող եմ ինֆորմացիա ստանալ իրանց գործունեության մասին, տենց ասեցին, որ ֆբ-ում կան, էս էլ իրանց էջը (https://www.facebook.com/ArtashesI.charity.organization), որտեղ չկա ոչ մի հաշվետվություն, միայն մի քանի վիդեոներ, ոչինչ չասող, ու մեկ էլ հավաստիացումներ, որ «եսինչ ակցիայից ստացված գումարը փոխանցել ենք Էսինչի հաշվեհամարին»։ Գոնե էդ փոխանցումը հավաստող թուղթը կարելի էր սքան անել, կամ հեռախոսով նկարել․․․

հ․գ․
Ռահվիրա անունով ռոք խումբ կա, իրար հետ ինչ-որ կապ ունեն, համագոևծակցում են, թե նույն մարդիկ են, գուցե էդ խմբի ժողովրդին ճանաչո՞ւմ եք։
Թե չէ ֆբ-յան էջի ուսումնասիրությունից էնպիսի տպավորություն է, որ ոչ թե Ռահվիրա խումբը աջակցում է ակցիաներին, այլ ինքնաֆինանսավորման թույն միտք են հղացել ու հաջողությամբ իրագործում են։

StrangeLittleGirl
15.08.2015, 11:35
Մի հատ էլ «Արտաշես Առաջինի անվան բարեգործական բլա-բլա․․․» կա, անհասկանալի վերնագրերով դրամահավաքներ են անում կենտրոնում, ինչ-որ ակցիաներ-բան, բայց ոչ մի ինֆորմացիա չգտա իրանց մասին համացանցում, մի անգամ էլ, հերթական անգամը, որ մոտեցան, խնդրեցի ասել, թե որտեղի՞ց կարող եմ ինֆորմացիա ստանալ իրանց գործունեության մասին, տենց ասեցին, որ ֆբ-ում կան, էս էլ իրանց էջը (https://www.facebook.com/ArtashesI.charity.organization), որտեղ չկա ոչ մի հաշվետվություն, միայն մի քանի վիդեոներ, ոչինչ չասող, ու մեկ էլ հավաստիացումներ, որ «եսինչ ակցիայից ստացված գումարը փոխանցել ենք Էսինչի հաշվեհամարին»։ Գոնե էդ փոխանցումը հավաստող թուղթը կարելի էր սքան անել, կամ հեռախոսով նկարել․․․

հ․գ․
Ռահվիրա անունով ռոք խումբ կա, իրար հետ ինչ-որ կապ ունեն, համագոևծակցում են, թե նույն մարդիկ են, գուցե էդ խմբի ժողովրդին ճանաչո՞ւմ եք։
Թե չէ ֆբ-յան էջի ուսումնասիրությունից էնպիսի տպավորություն է, որ ոչ թե Ռահվիրա խումբը աջակցում է ակցիաներին, այլ ինքնաֆինանսավորման թույն միտք են հղացել ու հաջողությամբ իրագործում են։

Բայց եթե խումբը ֆինանսավորում ա ուզում, ի՞նչ վատ բան կա հենց խմբի ֆինանսավորման համար դրամահավաք անելը: Մեկը ես ավելի մեծ հաճույքով գումար փոխանցում եմ էդ տեսակ դրամահավաքներին, որովհետև տեսնում ես, որ մարդկանց էմոցիաների հետ չեն խաղում, այլ կոնկրետ նախագիծ ա, կոնկրետ բան են անելու էդ գումարով:

John
15.08.2015, 11:58
Վատ բան չկա, եթե դրամահավաքը կարիքավոր ընտանիքներին օգնելու անվան տակ չի արվում։

StrangeLittleGirl
15.08.2015, 12:07
Վատ բան չկա, եթե դրամահավաքը կարիքավոր ընտանիքներին օգնելու անվան տակ չի արվում։
Հա, համաձայն եմ: Ուղղակի իրանց էշ-էշ թվում ա, թե մարդկանց էմոցիաների հետ խաղալով ավելի լավ արդյունքի կհասնեն:

Smokie
15.08.2015, 12:19
էս էլ իրանց էջը (https://www.facebook.com/ArtashesI.charity.organization),

Բա անգրագետ ստատուսները:

Ruby Rue
15.08.2015, 15:14
Լավ թեմա ես բացել, Ռուբ: Ես որ տեսնում եմ էդ դրամահավաքները, ամոթից բերանս փակում եմ, որովհետև մյուս կողմում մարդ ա՝ իրա ցավով, իրա համար դա վերջին հույսի նման բան ա: Բայց շատ հաճախ ոչ մի ինֆորմացիա չի լինում. ի՞նչ հիվանդություն ա, ինչի՞ համար են փող հավաքում, ինչքա՞ն ա հավանականությունը, որ օգուտ կլինի: Շատ ժամանակ ուղղակի փող են հավաքում նույնիսկ նենց հիվանդությունների դեպքում, որոնք Հայաստանում էլ ա հնարավոր բուժել կամ ամբողջ աշխարհում հնարավոր չի: Էղել են դեպքեր, ամոթ էլ ա ասելը, մարդիկ իրավիճակն օգտագործել են փող աշխատելու համար (նույնիսկ հիվանդի մահվանից հետո):

Անձամբ ես զգուշանում եմ դրամահավաքներին գումար տրամադրելիս: Մինչև հիմա հենց առողջական նպատակներով կազմակերպված դրամահավաքներից երկուսին եմ գումար տրամադրել: Չեմ ուզում մանրամասների մեջ խորանալ, բայց երկու դեպքում էլ վստահ չեմ՝ ճիշտ եմ արել, թե չէ:

Խնդիրը նաև էն ա, որ հաճախ մարդիկ կարող են առանց վիրահատության էլ հանգիստ ապրել, իրենց կյանքին վտանգ չի սպառնում, բայց ուզում են օրինակ քայլել, չնայած բժիշկներն ասում են, որ հնարավոր չի: Օրինակ` չքայլող մարդն իր գլուխը մտցնում է, որ ինքը քայլելու է, ու ես չեմ կարծում, որ իրեն ասելը, որ ինքը չի քայլելու, հուսախաբ անել է: Դա ընդամենը ճշմարտություն է, որն ընդունելը իրեն կօգնի լիարժեք ապրել ու հասկանալ, որ կյանքը չի վերջացել: Օրինակ` քայլելու համար $50,000 հավաքող մարդը, որի վիրահատություններն անարդյունք են մեկ է անցնելու, կարող է $2000 կամ ավելի քչով թույն մոտորասայլակ գնել ու հանգիստ ապրել` համակերպվելով չքայլելուն:


Ճիշտ եք ասում, բայց դրամահավաքին մասնակցելը աշխատանք չի, որ ավելորդ ժամանակ տրամադրես: Հիմնականում պահի էմոցիայի տակ , եթե կարողությունդ էդ պահին ներում ա, մասնակցում ես, բայց մեկը ես իմ չնչին մասնակցության համար չեմ նստի դնեմ լուրջ րիսըրչ անեմ, ժամանակ ծախսեմ, թե էդ հինգ ֆունտ փոխացնեմ, թե չէ: Միշտ ի նկատի ես ունենում, որ մեկ-մեկ կարա անիմաստ անցնի, մեկ-մեկ էլ նպատակային: Համարյա ցանկացած դրամահավաքի դեպքւոմ կա մեդալի հակառակ կողմը:

Էդ բուժման նպատակով հավաքողներն էլ մեծ մասամբ սոցիալական ծանր պայմաններում են ամեն դեպքում, չեմ իմանում, լավ օրից չի, եթե մանավանդ անաշխատունակ են՝ Հայաստանի պայմաններում, մտածում ես՝ ինչ կլինի, թող լինի:

Հիմնականում դրամահավաքի գումարը գոյանում ա փոքր նվիրատվությունից, երբ տվողն ուղղակի փոքրիկ մասնակցություն ա ունենում: Էդպես մարդն իրեն ավելի քիչ խաբված կզգա կամ կմոռանա էդ գումարի մասին: Իսկ անաշխատունակության պահով. դրամահավաք իրականացնող շատ մարդկանց ու նրանց ընտանիքի անդամներին աշխատանք էլ են առաջարկել, բայց իհարկե, մերժում են ստացել: Իսկ սոցիալապես անապահով մարդկանց պարագայում միշտ պատրաստ եմ եղել մարդկանց աջակցել, որ կարողանան պետպատվերի շրջանակներում Հայաստանում իրենց անհրաժեշտ բժշկական օգնությունը ստանան: Բայց Հայաստանում էս ոլորտն ահավոր վիճակում ա. ամբողջ առողջությունդ էլ վատնես, կարող ա չկարողանաս քեզ հասանելիք պետպատվերից օգտվել:
Ռուֆը ճիշտ ա ասում, հաճախ փաստաթղթերի բացակայության դեպքում դրամահավաքները մուրացկանության են վերածվում, իսկ ես չեմ սիրում, որ իմ խղճի հետ խաղում են: Ինձ, օրինակ, պետք է որ դրամահավաքը լինի հիմնավորված ու համոզված լինեմ, որ արդյունավետ կլինի:

Արշակ
15.08.2015, 21:11
Իհարկե, մի կողմից ինֆորմացիայի հավաստիությունը, բուժելիությունն ա հարց առաջացնում, բայց Շինարարը այլ հանգամանք էլ նշեց, որն ինձ էլ ա մտահոգում։ Լիքը կարիքավորներ կան մեր հասարակությունում, հաճախ նույն պրոբլեմով տառապող բազմաթիվ մարդիկ կան, բայց որոշ դեպքերում հաջողվում ա ավելի լսելի դառնալ, ավելի էմոցիոնալ ներկայացնել ու մարդիկ փող են հավաքում ու էդ դեպքում խնդիրը լուծում ու խիղճը հանգստացնում, որ փոքր լումա ներդրեցին մարդկանց օգնելու համար։
Բայց արդյո՞ք նման մասնավոր սելեկտիվ լուծումը արդար ա մյուսների նկատմամբ։ Բա մյուսների հետ ի՞նչ ա լինելու։
Չգիտեմ որն ա ճիշտ, բայց ինձ հավաստիության ու էս նշածս հարցերը հետ են պահում դրամավաքներին մասնակցելուց, չնայած ամեն անգամ նման հայտարարություն տեսնելուց ինքս ինձ հետ կռիվ եմ տալիս։ Ի վերջո չեմ կարա բոլոր նման հայտարարություններին արձագանքեմ, բայց ի՞նչ սկզբունքով ընտրեմ մեկը, բայց ոչ մյուսը․ գուցե պետք ա ռեսուրսները ներդնել ավելի համակարգայի՞ն լուծումների վրա։

Աթեիստ
15.08.2015, 21:21
Իհարկե, մի կողմից ինֆորմացիայի հավաստիությունը, բուժելիությունն ա հարց առաջացնում, բայց Շինարարը այլ հանգամանք էլ նշեց, որն ինձ էլ ա մտահոգում։ Լիքը կարիքավորներ կան մեր հասարակությունում, հաճախ նույն պրոբլեմով տառապող բազմաթիվ մարդիկ կան, բայց որոշ դեպքերում հաջողվում ա ավելի լսելի դառնալ, ավելի էմոցիոնալ ներկայացնել ու մարդիկ փող են հավաքում ու էդ դեպքում խնդիրը լուծում ու խիղճը հանգստացնում, որ փոքր լումա ներդրեցին մարդկանց օգնելու համար։
Բայց արդյո՞ք նման մասնավոր սելեկտիվ լուծումը արդար ա մյուսների նկատմամբ։ Բա մյուսների հետ ի՞նչ ա լինելու։
Չգիտեմ որն ա ճիշտ, բայց ինձ հավաստիության ու էս նշածս հարցերը հետ են պահում դրամավաքներին մասնակցելուց, չնայած ամեն անգամ նման հայտարարություն տեսնելուց ինքս ինձ հետ կռիվ եմ տալիս։ Ի վերջո չեմ կարա բոլոր նման հայտարարություններին արձագանքեմ, բայց ի՞նչ սկզբունքով ընտրեմ մեկը, բայց ոչ մյուսը․ գուցե պետք ա ռեսուրսները ներդնել ավելի համակարգայի՞ն լուծումների վրա։

Իշխանափոխության կո՞չ ես անում ։)

StrangeLittleGirl
15.08.2015, 21:52
Իհարկե, մի կողմից ինֆորմացիայի հավաստիությունը, բուժելիությունն ա հարց առաջացնում, բայց Շինարարը այլ հանգամանք էլ նշեց, որն ինձ էլ ա մտահոգում։ Լիքը կարիքավորներ կան մեր հասարակությունում, հաճախ նույն պրոբլեմով տառապող բազմաթիվ մարդիկ կան, բայց որոշ դեպքերում հաջողվում ա ավելի լսելի դառնալ, ավելի էմոցիոնալ ներկայացնել ու մարդիկ փող են հավաքում ու էդ դեպքում խնդիրը լուծում ու խիղճը հանգստացնում, որ փոքր լումա ներդրեցին մարդկանց օգնելու համար։
Բայց արդյո՞ք նման մասնավոր սելեկտիվ լուծումը արդար ա մյուսների նկատմամբ։ Բա մյուսների հետ ի՞նչ ա լինելու։
Չգիտեմ որն ա ճիշտ, բայց ինձ հավաստիության ու էս նշածս հարցերը հետ են պահում դրամավաքներին մասնակցելուց, չնայած ամեն անգամ նման հայտարարություն տեսնելուց ինքս ինձ հետ կռիվ եմ տալիս։ Ի վերջո չեմ կարա բոլոր նման հայտարարություններին արձագանքեմ, բայց ի՞նչ սկզբունքով ընտրեմ մեկը, բայց ոչ մյուսը․ գուցե պետք ա ռեսուրսները ներդնել ավելի համակարգայի՞ն լուծումների վրա։

Հա, սրա մասին ես էլ եմ մտածել: Մասնավորապես, վերջերս մի էդպիսի դեպք եղավ: Ուրիշների համար ամենաակտիվ դրամահավաք կազմակերպողներից մեկի ընտանիքի անդամը լուրջ խնդիր ունի, ու դրա մասին ոչ մի կերպ չի բարձրաձայնում: Նենց մի տեսակ եմ լինում դրանից:

Ու համակարգային լուծումն էլ ա տարբերակ: Օրինակ, քայլել չկարողացողների բոլոր փողերը որ հավաքվեն, կարելի ա էդ մարդկանց շրջակայքն ավելի հարմարավետ դարձնել զանազան վերելակներով, թեքհարթակներով, հարմարեցված հասարակական տրանսպորտով և այլն: Մի ուրիշ ոչ էդքան համակարգային, բայց ոչ անձնավորված լուծում ծանոթներիցս մեկն էր կազմակերպել: Հիմնադրամ էին ստեղծել, ուղղակի փողերը կուտակում էին, երբ ինչ-որ մեկը դիմում էր բուժման համար, համապատասխան փաստաթղթերը ստուգելուց հետո գումար տրամադրում էին կամ չէ: Բայց չգիտեմ՝ էդ հիմնադրամին ինչ էղավ:

Կամ ուրիշ շատ ավելի համակարգային լուծման օրինակ ա նորմալ հիվանդանոցներ կառուցելն ու նորմալ սարքավորումներ առնելը, նորմալ աշխատավարձներ տալը, որ լավ բժիշկները ոչ թե փախնեն, այլ իրանց ոտով գան Հայաստան:

Շինարար
16.08.2015, 12:43
Իհարկե, մի կողմից ինֆորմացիայի հավաստիությունը, բուժելիությունն ա հարց առաջացնում, բայց Շինարարը այլ հանգամանք էլ նշեց, որն ինձ էլ ա մտահոգում։ Լիքը կարիքավորներ կան մեր հասարակությունում, հաճախ նույն պրոբլեմով տառապող բազմաթիվ մարդիկ կան, բայց որոշ դեպքերում հաջողվում ա ավելի լսելի դառնալ, ավելի էմոցիոնալ ներկայացնել ու մարդիկ փող են հավաքում ու էդ դեպքում խնդիրը լուծում ու խիղճը հանգստացնում, որ փոքր լումա ներդրեցին մարդկանց օգնելու համար։
Բայց արդյո՞ք նման մասնավոր սելեկտիվ լուծումը արդար ա մյուսների նկատմամբ։ Բա մյուսների հետ ի՞նչ ա լինելու։
Չգիտեմ որն ա ճիշտ, բայց ինձ հավաստիության ու էս նշածս հարցերը հետ են պահում դրամավաքներին մասնակցելուց, չնայած ամեն անգամ նման հայտարարություն տեսնելուց ինքս ինձ հետ կռիվ եմ տալիս։ Ի վերջո չեմ կարա բոլոր նման հայտարարություններին արձագանքեմ, բայց ի՞նչ սկզբունքով ընտրեմ մեկը, բայց ոչ մյուսը․ գուցե պետք ա ռեսուրսները ներդնել ավելի համակարգայի՞ն լուծումների վրա։
Օրինակ ռուսական հեռուստատեսությամբ նկատել եմ՝ տարբեր հայտնի մարդիկ ֆոնդեր ունեն՝ մանկական քաղցկեղ, աուտիզմ, կրծքագեղձի քաղցկեղ և այլն, և այլն ուղղվածությամբ: Այսինքն՝ դու փոխանցում ես ֆոնդին, ֆոնդը ծախսում ա ըստ նպատակի: Հետո պարբերաբար հեռուստատեսությամբ, նաև իրանց կայքերում հանդես են գալիս հաշվետվությամբ: Ինձ թվում ա՝ լավագույն տարբերակն ա: Ու եթե ես իմանամ հայկական ֆոնդերի գոյության մասին, էդ մարդկանց կուղղորդեմ տվյալ ֆոնդին, ու հաշվետվություններին նայելով, վստահության առկայության դեպքում ամեն ամիս ինքս որոշակի գումար կփոխանցեմ: Բրիտանիայում, ի դեպ, եթե դու հարկ ես վճարում, եկամտահարկ ա կոչվում, թե ինչ, չգիտեմ, ու գումար ես փոխանցում, էդ գումարից ինչքան որ դու հարկ ես վճարել, էդքան էլ բյուջեից ա ավելանում քո փոխանցմանը, որովհետև իրականում դա հարկ ես վճարել, բայց չես օգտվել անձամբ քո տվյալ եկամտից, մոտավորապես սենց մի բան: Այսինքն՝ եթե էդ ամենը արվում ա համակարգված ձևով, լիքը առավելություններ կարող են լինել, ուղղակի պիտի իրոք ազնիվ, վստահելի մարդիկ լինեն ֆոնդերի գլխին, որ մարդիկ վստահեն:

ivy
16.08.2015, 20:47
Հիվանդների համար արվող ինտերնետային դրամահավաքներին՝ համեմված սրտաճմլիկ լուսանկարներով ու տասնյակ շեյրերով, լավ չեմ վերաբերվում: Դա ինձ համար ոչ այլ ինչ է, քան մոդերն մուրացկանություն, իսկ մուրացկանությանը երբևէ լավ չեմ վերաբերվել:
Աշխարհի ամեն անկյունում լիքը դարդ կա, լիքը մարդ, որ ամեն տեսակի խնդիրներ ու կարիքներ ունի: Ինչով է իրեն ինտերնետ գցած ինչ-որ մեկի հիվանդությունն ինձ համար ավելի կարևոր, քան մնացած միլիոնավոր մարդկանց դարդուցավը: Ես ում կարող եմ, ոնց կարող եմ, օգնում եմ, բայց երբ ինքս եմ ուզում: Պետք չի հայտնվել իմ պատին ու ինձնից փող մուրալ՝ ինչ-որ մեկի եսիմ ինչ հիվանդության համար: Նյարդայնանում եմ ահավոր:
Ով ուզում է օգնել, թող օգնի: Բայց մարդիկ էլ կան, հաստատ մի դրամ անգամ չեն ներդնի, բայց ամեն մի էդ տեսակի հայտարարությունը բոլոր հնարավոր ձևերով շեյր կան: Իբր ինչ: Ոնց որ փողոցում մուրացկանը գա քեզ մոտ, դու ասես՝ չէ, ես փող չեմ տա, բայց գնա այ էնտեղ կանգնած ընկերներիս մոտ, իրենք կարող է տան:
Անդուր է:

Ուլուանա
16.08.2015, 21:42
Հիվանդների համար արվող ինտերնետային դրամահավաքներին՝ համեմված սրտաճմլիկ լուսանկարներով ու տասնյակ շեյրերով, լավ չեմ վերաբերվում: Դա ինձ համար ոչ այլ ինչ է, քան մոդերն մուրացկանություն, իսկ մուրացկանությանը երբևէ լավ չեմ վերաբերվել:
Աշխարհի ամեն անկյունում լիքը դարդ կա, լիքը մարդ, որ ամեն տեսակի խնդիրներ ու կարիքներ ունի: Ինչով է իրեն ինտերնետ գցած ինչ-որ մեկի հիվանդությունն ինձ համար ավելի կարևոր, քան մնացած միլիոնավոր մարդկանց դարդուցավը: Ես ում կարող եմ, ոնց կարող եմ, օգնում եմ, բայց երբ ինքս եմ ուզում: Պետք չի հայտնվել իմ պատին ու ինձնից փող մուրալ՝ ինչ-որ մեկի եսիմ ինչ հիվանդության համար: Նյարդայնանում եմ ահավոր:
Ով ուզում է օգնել, թող օգնի: Բայց մարդիկ էլ կան, հաստատ մի դրամ անգամ չեն ներդնի, բայց ամեն մի էդ տեսակի հայտարարությունը բոլոր հնարավոր ձևերով շեյր կան: Իբր ինչ: Ոնց որ փողոցում մուրացկանը գա քեզ մոտ, դու ասես՝ չէ, ես փող չեմ տա, բայց գնա այ էնտեղ կանգնած ընկերներիս մոտ, իրենք կարող է տան:
Անդուր է:
Ռիփ, ասածներդ մի քիչ իրար հակասում են։ Ասում ես՝ ով ուզում է օգնել, թող օգնի։ Բայց եթե շեյր չանեն, մարդիկ ո՞նց կիմանան, որ ցանկության դեպքում օգնեն։ Նախ ի՞նչ գիտես, թե շեյր անողներից ով ինչքանով ա ընդունակ ներդրում անելու, հա, գուցե առանձին մարդկանց դեպքում հիմքեր ունես նման ենթադրություն անելու, բայց սիրուն չի դա բոլորի վրա տարածելը։ Ես ինքս նման հայտարարություններ հանդիպելիս շեյր եմ անում համարյա միշտ, ու մի տեսակ վատ զգացի ինձ, որ, փաստորեն, իմ արածը որոշ մարդկանց համար կարող ա անդուր նայվի, ոնց որ դու ասեցիր։ Չնայած ես էդ քո ասած տեսակից շատ հեռու եմ («...հաստատ մի դրամ անգամ չեն ներդնի»), բայց նույնիսկ եթե երբևէ մի դրամ անգամ չներդնեի, մեկ ա, իմ արած շեյրի շնորհիվ կարող են լրացուցիչ մարդիկ ներգրավվել դրամահավաքի մեջ։ Դրա համար դա քննադատելն էնքան էլ չեմ հասկանում։ Թե՞ դու սովորական շեյրը նկատի չունեիր...

Ուլուանա
16.08.2015, 21:53
...Բայց արդյո՞ք նման մասնավոր սելեկտիվ լուծումը արդար ա մյուսների նկատմամբ։ Բա մյուսների հետ ի՞նչ ա լինելու։
Չգիտեմ որն ա ճիշտ, բայց ինձ հավաստիության ու էս նշածս հարցերը հետ են պահում դրամավաքներին մասնակցելուց, չնայած ամեն անգամ նման հայտարարություն տեսնելուց ինքս ինձ հետ կռիվ եմ տալիս։ Ի վերջո չեմ կարա բոլոր նման հայտարարություններին արձագանքեմ, բայց ի՞նչ սկզբունքով ընտրեմ մեկը, բայց ոչ մյուսը․ գուցե պետք ա ռեսուրսները ներդնել ավելի համակարգայի՞ն լուծումների վրա։
Արշակ, եթե խնդիրը անվստահությունը չի դրամահավաքի՝ ճիշտ նպատակին ծառայելու հետ կապված, այլ զուտ ընտրության հարցն ա, ապա ոչ մեկին չմասնակցելով՝ հաստատ ոչնչով չես նպաստելու էն մարդկանց բարօրությանը, ովքեր ինչ–ինչ պատճառներով չեն կարողացել բարձրաձայնել իրենց կարիքների մասին։ Տենց որ նայես, ոչ մեկին էլ չպիտի օգնես, որովհետև միշտ էլ կարող ա ինչ–որ մի տեղ գոյություն ունենալ մեկ ուրիշը, որը գուցե ավելի շատ ունի էդ օգնության կարիքը, քան նա, ում մասին հայտարարությունը քեզ հանդիպել ա։ Ճիշտ ա, համաձայն եմ, որ ավելի համակարգային լուծումներ են պետք։ Բայց քանի դեռ էդ լուծումները չկան, իմ կարծիքով, չարժե ավելի մանր լուծումներից հրաժարվել նշածդ պատճառով։

Cassiopeia
16.08.2015, 22:20
Մինչև հիմա մի երեխու համար եմ կիսվել նման դրամահավաքի հայտարարություններով։ Քանի որ այդ երեխայի ծնողների հետ ընդհանուր ծանոթ ունեինք, հավատում էի հիվանդության պատմությանը։ Գումարը հավաքվեց, երեխային տարան արտասահման, վիրահատեցին։ Ցավոք, երեխան կոմայից դուրս չեկավ։

Մի նման պատմություն էլ գիտեմ, որ էլի երեխան հիվանդ էր, Հայաստանում հույս չէին տալիս։ Մի կերպ դրամահավաքով, ընկերներով գումար են հավաքել, գնացել են Գերմանիա ու որպես փախստական հանձնվել։ Հետո նոր դիմել հիվանդանոց։ Երեխան հիմա պարբերաբար քիմիա է ստանում։ Բժիշկները հույս են տալիս։ Իսկ այդ ընտանիքին հիվանդանոցի կողքը մեկ սենյականոց տուն են տվել։ Առաջիկա 5 տարին նրանք Հայաստան չեն վերադառնա, իսկ հետո էլ՝ հարց է։