PDA

Դիտել ողջ տարբերակը : Ճանապարհային երթևեկությունը Երևանում և Հայաստանում



Աթեիստ
10.07.2015, 13:06
Երկու օր առաջ ՖԲ-ում մի ռուսի գրառում աչքով ընկավ, որտեղ վերջինս գովում էր Երևանյան փողոցների երթևեկության վիճակը։

Ես ինքս Հայաստանից դուրս չեմ եղել, ու երթևեկության մասին կարծիք կազմում եմ ոչ թե ուրիշ երկրների հետ համեմատելով, այլ ղեկավարվելով երթևեկության կանոններով։

Ըստ այդմ ես շատ դժգոհ եմ վարորդներից, ու պարզապես դժգոհ եմ հետիոտներից։

2 օր առաջ էլ գնացել եմ ՃՈ ու դիմում գրել, որ մեր օֆիսի դեմի զեբռի ուղղությամբ տեսախցիկ տեղադրեն, որ տուգանեն բոլոր այն անասուններին, որոնք զեբռի վրա հելնում են հետիոտների վրա։

Դուք ի՞նչ կարծիքի եք, ու ո՞նց կարելի ա խելքի բերեն էն ինչից դժգոհ եք։

Նիկեա
10.07.2015, 13:22
Դուք ի՞նչ կարծիքի եք, ու ո՞նց կարելի ա խելքի բերեն էն ինչից դժգոհ եք։

Ամեն պատահածի վարորդական իրավունք չտալ: Բոլորս էլ գիտենք, որ շատ վարորդներ էդ իրավունքը գնել են: Եթե սովորեին, քննություն հանձնեին, մի էրկու անգամ կտրվելուց հետո վերջապես ձեռք բերեին մեքենա վարելու իրավունքը, երևի պատկերը ուիրշ կլիներ:

Աթեիստ
10.07.2015, 13:48
Ամեն պատահածի վարորդական իրավունք չտալ: Բոլորս էլ գիտենք, որ շատ վարորդներ էդ իրավունքը գնել են: Եթե սովորեին, քննություն հանձնեին, մի էրկու անգամ կտրվելուց հետո վերջապես ձեռք բերեին մեքենա վարելու իրավունքը, երևի պատկերը ուիրշ կլիներ:


Բայց ոնց որ թե մենք ոչ մեկս վարորդական իրավունքն չենք տալիս, դա տալիս է ՃՈ-ն։
Գիտե՞ս ինչ որ ձև, որ կարող ենք կանխել իրավունքների բացահայտ վաճառքը։ Ես որ չգիտեմ։

Ես ասեմ իմ մեթոդները։

2 օր առաջ տեսա, որ օֆիսի դիմաց մեքենաները կանգնել են զեբռից քիփ կպած, թեև ըստ օրենքի պետք է կանգնեին առնվազն 5 մետր հեռավորության վրա։
Զանգեցի 177, հայտնեցի խախտումի մասին մասին, մեքենա ուղարկեցին, եկավ, սխալ կայանած մեքենաները հանել տվեց։ ԲԱՅՑ ոչ մեկին չտուգանեց, բավարարվեց նախազգուշացումով։

Հիմա քանի դեռ սպասում եմ դիմումիս պատասխանին, ակտիվ քայլեր չեմ ձեռնարկում։ Այսինքն նույն խախտումը հա տեսնում եմ, բայց դեռ սպասում եմ։ ՄԻ շաբաթը լրանալուց հետո էլի կսկսեմ զանգել։

Բացի այդ, երբ հեծանիվով չեմ ու հաճախակի օգտվում եմ զեբռերից, որոշել եմ միացնել հեռախոսիս տեսախցիկն ու նկարել բոլոր չզիջողներին։ Դրանով կարող եմ դիմել ՃՈ, ու պահանջել պատիժ։

Rammstein
10.07.2015, 13:51
Ես ինքս հիմա Հայաստանից դուրս եմ` Վրաստան ու հիմա ամբողջ սրտով գովում եմ Հայաստանի երթեւեկությունը։ :))
Լուրջ, ակնհայտորեն Վրաստանում շատ ավելի վատ ա, ընդ որում համ Թբիլիսիում նկատեցի դա, համ Բաթումիում։ Կարմիրի տակ կանգնած մեքենաների վեջին չի կանգ գիծ գծանշումը, մի պահ հիշեցի մի 15 տարի առաջվա Հայաստանի երթեւեկությունը, էն որ կարմիրի տակ ոչ թե կանգնում էին, այլ սենց մանր-մանր առաջ էին գնում, մինչեւ կանաչի։ Հետիոտներին զիջելը ընդհանրապես հազվագյուտ բան ա։ Էլ չասեմ, որ արդեն մի քանի խաչմերուկում նկատեցի, որ հետիոտնի լուսացույցը հավերժ կարմիր ա ցույց տալիս։ Երեւի դրանից էլ ա, որ համարյա ոչ մեկ փողոց անցնելուց լուսացույցին չի նայում։ Միակ լավ բանը, որ նկատեցի, մի տեղ կար անցում, որ կոճակը սեղմում ես, լուսացույցը կարմրում ա, անցնում ես։ Բայց ըտեղ էլ որոշ վարորդներ էդ կարմիրի տակով արխային քշում են` չնայած կամերաների առկայությանը։

Աթեիստ
10.07.2015, 13:56
Կապ չունի թե ինչքան վատն ա Վրաստանի երթևեկությունը։
Իմ համար կարևոր ա, որ մեր մոտ գործեն օրենքները։

Որ մարդիկ ստորգետնյա անցումով անցնելուց ոչ թե ինչ որ ոստիկանի սուլոց լսեն, այլ տուգանվեն, ցանկալի ա ոչ չնչին գումարների։

Ձայնալար
10.07.2015, 14:25
Կապ չունի թե ինչքան վատն ա Վրաստանի երթևեկությունը։
Իմ համար կարևոր ա, որ մեր մոտ գործեն օրենքները։

Որ մարդիկ ստորգետնյա անցումով անցնելուց ոչ թե ինչ որ ոստիկանի սուլոց լսեն, այլ տուգանվեն, ցանկալի ա ոչ չնչին գումարների։

Հը՞ :8

Ձայնալար
10.07.2015, 14:27
Բայց ոնց որ թե մենք ոչ մեկս վարորդական իրավունքն չենք տալիս, դա տալիս է ՃՈ-ն։
Գիտե՞ս ինչ որ ձև, որ կարող ենք կանխել իրավունքների բացահայտ վաճառքը։ Ես որ չգիտեմ։

Ես ասեմ իմ մեթոդները։

2 օր առաջ տեսա, որ օֆիսի դիմաց մեքենաները կանգնել են զեբռից քիփ կպած, թեև ըստ օրենքի պետք է կանգնեին առնվազն 5 մետր հեռավորության վրա։
Զանգեցի 177, հայտնեցի խախտումի մասին մասին, մեքենա ուղարկեցին, եկավ, սխալ կայանած մեքենաները հանել տվեց։ ԲԱՅՑ ոչ մեկին չտուգանեց, բավարարվեց նախազգուշացումով։

Հիմա քանի դեռ սպասում եմ դիմումիս պատասխանին, ակտիվ քայլեր չեմ ձեռնարկում։ Այսինքն նույն խախտումը հա տեսնում եմ, բայց դեռ սպասում եմ։ ՄԻ շաբաթը լրանալուց հետո էլի կսկսեմ զանգել։

Բացի այդ, երբ հեծանիվով չեմ ու հաճախակի օգտվում եմ զեբռերից, որոշել եմ միացնել հեռախոսիս տեսախցիկն ու նկարել բոլոր չզիջողներին։ Դրանով կարող եմ դիմել ՃՈ, ու պահանջել պատիժ։

Էն որ գրել են շարժական կամերաներ են սկսելու կիրառել քո մասի՞ն ա, Արտ :D

Ձայնալար
10.07.2015, 14:31
Ես ինքս հիմա Հայաստանից դուրս եմ` Վրաստան ու հիմա ամբողջ սրտով գովում եմ Հայաստանի երթեւեկությունը։ :))
Լուրջ, ակնհայտորեն Վրաստանում շատ ավելի վատ ա, ընդ որում համ Թբիլիսիում նկատեցի դա, համ Բաթումիում։ Կարմիրի տակ կանգնած մեքենաների վեջին չի կանգ գիծ գծանշումը, մի պահ հիշեցի մի 15 տարի առաջվա Հայաստանի երթեւեկությունը, էն որ կարմիրի տակ ոչ թե կանգնում էին, այլ սենց մանր-մանր առաջ էին գնում, մինչեւ կանաչի։ Հետիոտներին զիջելը ընդհանրապես հազվագյուտ բան ա։ Էլ չասեմ, որ արդեն մի քանի խաչմերուկում նկատեցի, որ հետիոտնի լուսացույցը հավերժ կարմիր ա ցույց տալիս։ Երեւի դրանից էլ ա, որ համարյա ոչ մեկ փողոց անցնելուց լուսացույցին չի նայում։ Միակ լավ բանը, որ նկատեցի, մի տեղ կար անցում, որ կոճակը սեղմում ես, լուսացույցը կարմրում ա, անցնում ես։ Բայց ըտեղ էլ որոշ վարորդներ էդ կարմիրի տակով արխային քշում են` չնայած կամերաների առկայությանը։

Վրաստանում երթևեկությունը ահավոր ա: Զիջել չկա, ո՛չ իրար, որ հետիոտնին: Բաթումիում ոտով եմ ահագին ման եկել, Թբիլիսիում՝ ավտոյով: Երկու տեղն էլ ահավոր էր: Իհարկե երկրորդ օրը հարմարվեցի համ ընդեղ, համ ընդեղ, դե հայ ենք :D
Ասեմ, որ տեսուչներն էլ են ահավոր, ոչ ապացույց են ներկայացնում քո արած խախտմնա, ոչ բան: Միհատ վրացերեն թուղթ են ստորագրել տարի ճամփում են, պտի վճարես:

Միհատ կարևոր առավելություն կա՝ Վրաստանի գաիշնիկները կաշառք չեն վերցնում: Մնացած հարցերում մի 20 տարի հետ են:

Ruby Rue
10.07.2015, 15:01
Կապ չունի թե ինչքան վատն ա Վրաստանի երթևեկությունը։
Իմ համար կարևոր ա, որ մեր մոտ գործեն օրենքները։

Որ մարդիկ ստորգետնյա անցումով անցնելուց ոչ թե ինչ որ ոստիկանի սուլոց լսեն, այլ տուգանվեն, ցանկալի ա ոչ չնչին գումարների։

Երևի նկատի ես ունեցել չանցնելուց :)) : Ստորգետնյա անցումները անմատչելի են. անմատչելի են հենաշարժողական խնդիրներ ունեցող անձանց, տարենցների, հղիների, փոքր երեխաներ ունեցող ծնողների կամ վերջին հաշվով հոգնած մարդկանց համար: Ինչի՞ պիտի փոքրիկ փողոց անցնելու համար էդքան իջնեմ ու բարձրանամ, ինչ է թե իրենց ավտոների համար ավելի հարմար լինի: Եթե վերելակով ու նորմալ լինեին, միգուցե դե չլինեի դրանց:

StrangeLittleGirl
10.07.2015, 15:04
Երևանում ահագին լավացել ա երթևեկությունը: Իսկ հետիոտն էլ էնքան լավ ա սկսել իրան պահել, որ կարող եմ նույնիսկ ասել, որ որոշ եվրոպական երկրների էլ են գերազանցում: Բայց դե լիքը անտրամաբանական բաներ կան, օրինակ, զեբրերի հետ կապված: Էն Հերացու վրայի զեբրն ա ահավոր. ո՛չ սվետաֆոր կա, ո՛չ կամերա, վերևից մեքենաները մեծ արագության տակ քշում են:

Cassiopeia
10.07.2015, 15:08
Երևի նկատի ես ունեցել չանցնելուց :)) : Ստորգետնյա անցումները անմատչելի են. անմատչելի են հենաշարժողական խնդիրներ ունեցող անձանց, տարենցների, հղիների, փոքր երեխաներ ունեցող ծնողների կամ վերջին հաշվով հոգնած մարդկանց համար: Ինչի՞ պիտի փոքրիկ փողոց անցնելու համար էդքան իջնեմ ու բարձրանամ, ինչ է թե իրենց ավտոների համար ավելի հարմար լինի: Եթե վերելակով ու նորմալ լինեին, միգուցե դե չլինեի դրանց:

Ռուբի ջան, նշածդ բոլոր կատեգորիաների համար (բացառությամբ անվասայլակով կամ մանկասայլակով դեպքերում) աստիճան բարձանալ-իջնելը օգտակար է բժշկական տեսանկյունից։ Հիմա Տրդատին տանում եմ ոտքերն ամրացնելու համար հատուկ կենտրոն ու էնտեղի կարևորագույն վարժություններից մեկը աստիճան բարձանալ իջնելն է։
Հղի եղել եմ եռակի անգամ ու նույնը հղիների համար՝ քայլել, աստիճան բարձրանալ-իջնել…
Մանկասայլակով թե վերգետնյա թե ստորգետնյա անցումներն անցնելու համար երբեք չեմ խուսափել դրանցից, գրկել եմ մանկասայլակը ու անցումով անցել։ Ավելի լավ է մի փոքր ինձ համար ծանր լինի ու դժվար, բայց իմ ու երեխաների կյանքն ապահով լինի։

Rammstein
10.07.2015, 15:48
Ռուբի ջան, նշածդ բոլոր կատեգորիաների համար (բացառությամբ անվասայլակով կամ մանկասայլակով դեպքերում) աստիճան բարձանալ-իջնելը օգտակար է բժշկական տեսանկյունից։ Հիմա Տրդատին տանում եմ ոտքերն ամրացնելու համար հատուկ կենտրոն ու էնտեղի կարևորագույն վարժություններից մեկը աստիճան բարձանալ իջնելն է։
Հղի եղել եմ եռակի անգամ ու նույնը հղիների համար՝ քայլել, աստիճան բարձրանալ-իջնել…
Մանկասայլակով թե վերգետնյա թե ստորգետնյա անցումներն անցնելու համար երբեք չեմ խուսափել դրանցից, գրկել եմ մանկասայլակը ու անցումով անցել։ Ավելի լավ է մի փոքր ինձ համար ծանր լինի ու դժվար, բայց իմ ու երեխաների կյանքն ապահով լինի։
Վերա ջան, եթե մարդը դժվարությամբ ա քայլում, ի՞նչ օգտակար լինելու մասին կարա խոսք լինի։ Եթե բժիշկը կոնկրետ մարդուն ասել ա, որ աստիճան բարձրանա իջնի, ուրիշ բան, թող անի, անկախ անցումներից։ Բայց վստահաբար չի կարելի պնդել, որ բոլորին դա օգտակար ա։ Շատ դեպքերում վնասակար էլ կարա լինի։

Cassiopeia
10.07.2015, 15:50
Վերա ջան, եթե մարդը դժվարությամբ ա քայլում, ի՞նչ օգտակար լինելու մասին կարա խոսք լինի։ Եթե բժիշկը կոնկրետ մարդուն ասել ա, որ աստիճան բարձրանա իջնի, ուրիշ բան, թող անի, անկախ անցումներից։ Բայց վստահաբար չի կարելի պնդել, որ բոլորին դա օգտակար ա։ Շատ դեպքերում վնասակար էլ կարա լինի։

Խոսքը հենց հենաշարժական խնդիրներ ունեցողների մասին է։ Ինքս վերջին շաբաթը անընդհատ առնչվում եմ էդ խնդիրով երեխաների հետ ու տեսնում եմ, թե ինչպես են սովորում քայլել ու ինչ վարժություններ են անում։ Չեմ ասում կոտրվածք ունեցողները։

Աթեիստ
10.07.2015, 17:32
Հը՞ :8

Պտի գրեի ստորգետնյա անցումի ՎՐԱՅՈՎ անցնող ...

Աթեիստ
10.07.2015, 17:35
Ռամշ, նույնիսկ եթե մարդը նեղվում ա քայլելուց կամ աստիճան իջնելուց, դա իրան իրավունք չի տալիս փողոցով անցնել: Կան երթևեկության կանոններ:

Rammstein
10.07.2015, 18:23
Ռամշ, նույնիսկ եթե մարդը նեղվում ա քայլելուց կամ աստիճան իջնելուց, դա իրան իրավունք չի տալիս փողոցով անցնել: Կան երթևեկության կանոններ:
1. Խոսքը ոչ թե նեղվելու մասին ա, այլ` խիստ դժվարանալու կամ ընդհանրապես չկարողանալու։ Չմանրամասնեմ, թե որ խմբերի մարդկանց համար կարան էդ անցումներն անանցանելի լինեն, ինձ թվում ա պարզ ա։ Աշխարհը գնում ա նրան, որ բոլոր մարդկանց համար քաղաքները անցանելի ու հարմար լինեն, իսկ մեր մոտ զեբրաները ջնջում, վերգետնյա անցումներ են կառուցում լիքը տեղերում` մարդկանց մի, թեկուզ ոչ մեծ մասին անտեսելով։
2. Կանոնները բոլոր մարդկանց կյանքը հեշտացնելու համար պիտի լինեն, ոչ թե մի մասինը հեշտացնելու, մյուսինը` վատացնելու։ Պետք չի էլի կանոններն աստվածացնել։

Աթեիստ
10.07.2015, 21:02
1. Խոսքը ոչ թե նեղվելու մասին ա, այլ` խիստ դժվարանալու կամ ընդհանրապես չկարողանալու։ Չմանրամասնեմ, թե որ խմբերի մարդկանց համար կարան էդ անցումներն անանցանելի լինեն, ինձ թվում ա պարզ ա։ Աշխարհը գնում ա նրան, որ բոլոր մարդկանց համար քաղաքները անցանելի ու հարմար լինեն, իսկ մեր մոտ զեբրաները ջնջում, վերգետնյա անցումներ են կառուցում լիքը տեղերում` մարդկանց մի, թեկուզ ոչ մեծ մասին անտեսելով։
2. Կանոնները բոլոր մարդկանց կյանքը հեշտացնելու համար պիտի լինեն, ոչ թե մի մասինը հեշտացնելու, մյուսինը` վատացնելու։ Պետք չի էլի կանոններն աստվածացնել։

Ռամշ, ուզում ե՞ս իրար հետ մի ժամ կանգնենք երիտասարդական մետրոյի մոտ ու հաշվենք, թե վերևով անցնողներից քանի տոկոսն ա քո ասած կատեգորիայի մեջ մտնում։

Ես մնացած տոկոսին տուգանելու մասին եմ խոսում։
Եթե մեր քաղաքային իշխանությունները եզ են ու սկի չեն մտածում տեղաշարժվելու դժվարություն ունեցող անձանց մասին, դա չի նշանակում, որ մնացածն էլ պտի թքած ունենան տարրական կանոնների վրա։

Հ.Գ.

Ամեն դեպքում ես դեռ հետիոտների դեմ պայքարելու ձևեր չեմ մտածել ու չեմ էլ պատկերացնում (ինձ հասանելի միջոցներով)։
Որ օրը դարձա միլպետ, արգելված վայրում փողոցն անցնելու տուգանքը առնվազն 10 անգամ կբարձրացնեմ ու կխստացնեմ։

Kuk
11.07.2015, 00:27
Բայց ոնց որ թե մենք ոչ մեկս վարորդական իրավունքն չենք տալիս, դա տալիս է ՃՈ-ն։
Գիտե՞ս ինչ որ ձև, որ կարող ենք կանխել իրավունքների բացահայտ վաճառքը։ Ես որ չգիտեմ։

Ես ասեմ իմ մեթոդները։

2 օր առաջ տեսա, որ օֆիսի դիմաց մեքենաները կանգնել են զեբռից քիփ կպած, թեև ըստ օրենքի պետք է կանգնեին առնվազն 5 մետր հեռավորության վրա։
Զանգեցի 177, հայտնեցի խախտումի մասին մասին, մեքենա ուղարկեցին, եկավ, սխալ կայանած մեքենաները հանել տվեց։ ԲԱՅՑ ոչ մեկին չտուգանեց, բավարարվեց նախազգուշացումով։

Հիմա քանի դեռ սպասում եմ դիմումիս պատասխանին, ակտիվ քայլեր չեմ ձեռնարկում։ Այսինքն նույն խախտումը հա տեսնում եմ, բայց դեռ սպասում եմ։ ՄԻ շաբաթը լրանալուց հետո էլի կսկսեմ զանգել։

Բացի այդ, երբ հեծանիվով չեմ ու հաճախակի օգտվում եմ զեբռերից, որոշել եմ միացնել հեռախոսիս տեսախցիկն ու նկարել բոլոր չզիջողներին։ Դրանով կարող եմ դիմել ՃՈ, ու պահանջել պատիժ։

Թումանյան-Մաշտոց խաչմերուկում Թումանյան 38-ն ա ընկնում եթե չեմ սխալվում, կարմիր գիծ են գծել զեբռային շատ մոտ: Զանգելու հավես ունես, էդ հարցով զանգի, թեչէ վարորդների գրպանը քիչ են մտնում, դու էլ կողքից նպաստում ես, գիտես լավ բան ես անում: Տռասին դեմից արագ էկող ավտո տենաս, իմանաս գաի կա հետևումդ, դալնի-բլիժնի էլ չես անի, որ դանդաղացնի, չտուգանվի :D

Rammstein
11.07.2015, 00:57
Ռամշ, ուզում ե՞ս իրար հետ մի ժամ կանգնենք երիտասարդական մետրոյի մոտ ու հաշվենք, թե վերևով անցնողներից քանի տոկոսն ա քո ասած կատեգորիայի մեջ մտնում։

Ես մնացած տոկոսին տուգանելու մասին եմ խոսում։
Եթե մեր քաղաքային իշխանությունները եզ են ու սկի չեն մտածում տեղաշարժվելու դժվարություն ունեցող անձանց մասին, դա չի նշանակում, որ մնացածն էլ պտի թքած ունենան տարրական կանոնների վրա։



Ես մոտավոր պատկերացնում եմ, թե ինչքան մարդ վերեւով կանցնի։
Բան հիշեցի. մոտ մի երկու ամիս առաջ էն որ երիտի սասի ներքեւից դեպի Յունիբանկ անցումը բացել էին, իսկ վերեւի մայթինը` փակել ու հատուկ էդ մասում մենթեր էին դրել, որ փողոցի վրայով անցնողներին ասեն, որ չի կարելի։ Ես էլ եթե տեսնում եմ, որ իմ ստորգետնյա անցումը փակ ա, բնականաբար կանցնեմ փողոցով, այլ ոչ թե 2 րոպե կքայլեմ դեպի սասի անցում, կանցնեմ ու 2 րոպե էլ հետ կբարձրանամ։ Մի երկու անգամ մենթերն ասել են, որ ներքեւի անցումից օգտվեմ, ես էլ ասել եմ, որ անցումը փակ ա, իսկ էն մեկը սրան այլընտրանք չի։ Էս ինչի՞ հիշեցի, աբսուրդ ա չէ՞, երբ որ վերեւով անցնելը իրոք կանոնների խախտում ա, ոչ մեկ չկա, որ բան ասի, իսկ երբ որ մարդը ստիպված ա վերեւով անցնում, քանի որ իրա անցումը փակել մոլ են սարքում, էդ շրջանում ամբողջ օրը հերթապահող մենթեր կկանգնացնեն, որոնք մարդկանց անհիմն կուղարկեն եսիմինչքան ավել քայլելու։


Հ.Գ.

Ամեն դեպքում ես դեռ հետիոտների դեմ պայքարելու ձևեր չեմ մտածել ու չեմ էլ պատկերացնում (ինձ հասանելի միջոցներով)։
Որ օրը դարձա միլպետ, արգելված վայրում փողոցն անցնելու տուգանքը առնվազն 10 անգամ կբարձրացնեմ ու կխստացնեմ։

Թող գլուխ գովել չլինի, բայց երեւի Երեւանի բնակիչների 70 տոկոսից ավելի շատ եմ հետեւում կանոններին։ Բայց ամեն դեպքում քո ասած ռեժիմն ունեցող քաղաքից կնախընտրեի հեռանալ։ Նենց որ լավ ա, որ դու միլպետ չես։ :))

Chuk
11.07.2015, 01:34
Ռամշ, նույնիսկ եթե մարդը նեղվում ա քայլելուց կամ աստիճան իջնելուց, դա իրան իրավունք չի տալիս փողոցով անցնել: Կան երթևեկության կանոններ:

Կարծում եմ, որ Ռամշի ասածն ոչ թե կանոնները խախտելն ա, այլ էն, որ լիքը դեպքերում վերգետնյա անցումներ են սարքում սովորական անցման փոխարեն: Այսինքն եթե լիներ սովորական անցում, բարձրանալ ու իջնել դժվարացնողների համար դժվար չէր լինի ու իրենք դա կկարողանային անել առանց կանոն խախտելու, սպասելով կանաչ լույսին: Էդ մասին ժամանակին Ռամշը թեմա էր բացել (http://www.akumb.am/showthread.php/56345):

Աթեիստ
11.07.2015, 09:54
Թումանյան-Մաշտոց խաչմերուկում Թումանյան 38-ն ա ընկնում եթե չեմ սխալվում, կարմիր գիծ են գծել զեբռային շատ մոտ: Զանգելու հավես ունես, էդ հարցով զանգի, թեչէ վարորդների գրպանը քիչ են մտնում, դու էլ կողքից նպաստում ես, գիտես լավ բան ես անում: Տռասին դեմից արագ էկող ավտո տենաս, իմանաս գաի կա հետևումդ, դալնի-բլիժնի էլ չես անի, որ դանդաղացնի, չտուգանվի :D

1. Նենց չի, որ էս քաղաքում մենակ ես հեռախոս ունեմ. գտնում ես, որ սխա՞լ ա, զանգի ուղղել տուր։
2. Մենք տարբեր պատկերացում ունենք վարորդ հասկացության մասին, ամեն մեքենա քշող դեռ վարորդ չի։ Վարորդը օրենքով, նորմալ քշողն ա
3. Իհարկե դալնի բլիժնի չեմ անի, որտև եթե թույլատրելիից արագ ա գնում, պտի տուգանվի, որ դաս ըլնի։

Հ.Գ.
Քանի դեռ վարորդները կամերայից կամերա են օրենքով քշում, ուրեմն իրանց գրպանը քիչ են մտնում։ Ինչպես ցույց ա տալիս փորձը, հենց էդ «վարորդները» մտնում են Գերմանիա, որտեղ գետնին աղբ թափելու համար հարյուրավոր եվրոների տուգանվում են, վռազ դառնում են օրենքով քշող։ Իրանք մենակ տուգանքն են հասկանում։

Աթեիստ
11.07.2015, 09:58
Ես մոտավոր պատկերացնում եմ, թե ինչքան մարդ վերեւով կանցնի։
Բան հիշեցի. մոտ մի երկու ամիս առաջ էն որ երիտի սասի ներքեւից դեպի Յունիբանկ անցումը բացել էին, իսկ վերեւի մայթինը` փակել ու հատուկ էդ մասում մենթեր էին դրել, որ փողոցի վրայով անցնողներին ասեն, որ չի կարելի։ Ես էլ եթե տեսնում եմ, որ իմ ստորգետնյա անցումը փակ ա, բնականաբար կանցնեմ փողոցով, այլ ոչ թե 2 րոպե կքայլեմ դեպի սասի անցում, կանցնեմ ու 2 րոպե էլ հետ կբարձրանամ։ Մի երկու անգամ մենթերն ասել են, որ ներքեւի անցումից օգտվեմ, ես էլ ասել եմ, որ անցումը փակ ա, իսկ էն մեկը սրան այլընտրանք չի։ Էս ինչի՞ հիշեցի, աբսուրդ ա չէ՞, երբ որ վերեւով անցնելը իրոք կանոնների խախտում ա, ոչ մեկ չկա, որ բան ասի, իսկ երբ որ մարդը ստիպված ա վերեւով անցնում, քանի որ իրա անցումը փակել մոլ են սարքում, էդ շրջանում ամբողջ օրը հերթապահող մենթեր կկանգնացնեն, որոնք մարդկանց անհիմն կուղարկեն եսիմինչքան ավել քայլելու։



Թող գլուխ գովել չլինի, բայց երեւի Երեւանի բնակիչների 70 տոկոսից ավելի շատ եմ հետեւում կանոններին։ Բայց ամեն դեպքում քո ասած ռեժիմն ունեցող քաղաքից կնախընտրեի հեռանալ։ Նենց որ լավ ա, որ դու միլպետ չես։ :))


Ռամշ, եթե իրանք դրել իրար շատ մոտ անցումներ են սարքել, ու ինչ որ պատճառով դրանցից մեկը փակվում ա, դա քաղաքացիներին իրավունք չի տալիս փողոցով անցնել։

Արշակունյացում էլ իրարից 50 մետրի վրա 2 հատ զեբռ կա, 1 հատ կամուրջ, սա աբսուրդ ա։

Էն քո ասած «իսկ էն մեկը սրան այլընտրանք չի»-ն սխալ ա, որտև հենց այլըտրանք ա։ Եթե տեսադաշտում կա անցում, իրավունք չունես փողոցով անցնել։

Ձայնալար
11.07.2015, 11:17
1. Նենց չի, որ էս քաղաքում մենակ ես հեռախոս ունեմ. գտնում ես, որ սխա՞լ ա, զանգի ուղղել տուր։
2. Մենք տարբեր պատկերացում ունենք վարորդ հասկացության մասին, ամեն մեքենա քշող դեռ վարորդ չի։ Վարորդը օրենքով, նորմալ քշողն ա
3. Իհարկե դալնի բլիժնի չեմ անի, որտև եթե թույլատրելիից արագ ա գնում, պտի տուգանվի, որ դաս ըլնի։

Հ.Գ.
Քանի դեռ վարորդները կամերայից կամերա են օրենքով քշում, ուրեմն իրանց գրպանը քիչ են մտնում։ Ինչպես ցույց ա տալիս փորձը, հենց էդ «վարորդները» մտնում են Գերմանիա, որտեղ գետնին աղբ թափելու համար հարյուրավոր եվրոների տուգանվում են, վռազ դառնում են օրենքով քշող։ Իրանք մենակ տուգանքն են հասկանում։

Արտ ջան, օրենքներով քշելը լավ ա, բայց մի փոքր ծայրահեղ ա մոտեցումդ (ֆաշիստական ես կասեի :)) ) : Ընդհանուր առմամբ ես էլ եմ օրենքի մեռած, բայց երբ սկսում ես մեքենա վարել, ակամայից սկսում ես որոշ դեպքերում օրենք խախտել:

Կես րոպեյով կանգնում ես գանգառն արգելված տեղում, որ արագ մեկին մի բան տաս գնաս կամ միքիչ արագ ես քշում, որովհետև կարա միջպետական նշանակության ճանապարհին բնակավայրի նշան լինի առանց որևէ կենդանության նշանների ու դու որ արդեն 200 կմ քշել ես, էլ չես կարում էդ բոլոր դեբիլ նշաններին ենթարկվես: Էլ չեմ ասում հազարումի հոծ գիծը, որոնք երբեմն հատելը շատ ավելի անվտանգ ա՝ կախված իրավիճակից, քան չհատելը:

Ի դեպ, հեծանվորդներն էլ են շատ հաճախ օրենք խախտում, օրինակ զեբրան քշելով են անցնում կամ առանց շլեմ են քշում: Հետաքրքիր ա դու միշտ իջնո՞ւմ ես զեբրան անցնելուց:

Էդ խնդիրները մենակ Հայաստանում չեն: Նույն քո սիրած Կանադայում, մայրուղիներին շատ հաճախ թույլատրվածից արագ են քշում ու հատուկ տեխնիկաներ կան չբռնվելու՝ պետք ա առաջի կամ վերջի ավտոն չլինես:

Ու քանի որ վարորդները իրար վիճակի մեջ մտնում են, դրա համար կա փոխադարձ համերաշխություն՝ դալնի-բլիժնի, խաչմերուկում նոր կամերայի մասին զգուշացում և այլը: Շատ հնարավոր ա, որ մի տարի ավտո քշելուց հետո դու էլ փոխես վերաբերմունքդ:

Ձայնալար
11.07.2015, 11:21
Ես նույնիսկ երբեմն հավայի դալնի-բլիժնի եմ անում, որ զգում եմ վտանգավոր արագ են քշում :D

StrangeLittleGirl
11.07.2015, 11:25
Դալնի-բլիժնին ո՞րն ա :oy

Ձայնալար
11.07.2015, 11:30
Դալնի-բլիժնին ո՞րն ա :oy

Ավտոյի լուսարձակները երկու ռեժիմ ունեն՝ հեռուն լուսավորելու ու մոտիկը: Որ արագ-արագ հեռու-մոտիկ ես անում, լինում ա դալնի բլիժնի :))

Աթեիստ
11.07.2015, 11:37
Արտ ջան, օրենքներով քշելը լավ ա, բայց մի փոքր ծայրահեղ ա մոտեցումդ (ֆաշիստական ես կասեի :)) ) : Ընդհանուր առմամբ ես էլ եմ օրենքի մեռած, բայց երբ սկսում ես մեքենա վարել, ակամայից սկսում ես որոշ դեպքերում օրենք խախտել:

Կես րոպեյով կանգնում ես գանգառն արգելված տեղում, որ արագ մեկին մի բան տաս գնաս կամ միքիչ արագ ես քշում, որովհետև կարա միջպետական նշանակության ճանապարհին բնակավայրի նշան լինի առանց որևէ կենդանության նշանների ու դու որ արդեն 200 կմ քշել ես, էլ չես կարում էդ բոլոր դեբիլ նշաններին ենթարկվես: Էլ չեմ ասում հազարումի հոծ գիծը, որոնք երբեմն հատելը շատ ավելի անվտանգ ա՝ կախված իրավիճակից, քան չհատելը:

Ի դեպ, հեծանվորդներն էլ են շատ հաճախ օրենք խախտում, օրինակ զեբրան քշելով են անցնում կամ առանց շլեմ են քշում: Հետաքրքիր ա դու միշտ իջնո՞ւմ ես զեբրան անցնելուց:

Էդ խնդիրները մենակ Հայաստանում չեն: Նույն քո սիրած Կանադայում, մայրուղիներին շատ հաճախ թույլատրվածից արագ են քշում ու հատուկ տեխնիկաներ կան չբռնվելու՝ պետք ա առաջի կամ վերջի ավտոն չլինես:

Ու քանի որ վարորդները իրար վիճակի մեջ մտնում են, դրա համար կա փոխադարձ համերաշխություն՝ դալնի-բլիժնի, խաչմերուկում նոր կամերայի մասին զգուշացում և այլը: Շատ հնարավոր ա, որ մի տարի ավտո քշելուց հետո դու էլ փոխես վերաբերմունքդ:

1. Եթե զեբռով ես մենակ եմ անցնելու իջնում եմ, ոտքով անցնում եմ։ Եթե լիքը մարդ կա անցնող, իրանց կողքով ու իրանց արագությամբ քշելով եմ գնում։
2. Եթե ես ինձ կարամ նեղություն տամ կամուրջով անցկացնեմ համարյա 20կգ-անոց հեծանիվը (որը հաստատ նույն քաշող տոպրակներից դժվար ա տանելը), ուրեմն տեղ ունեմ խոսալու
3. Համաձայն եմ, որ լիքը հեծանվորդներ սխալ են քշում, շատերը նույնիսկ հակառակ ուղղությամբ են քշում։
4. Համաձայն եմ, որ լիքը տեղեր անտրամաբանական նշաններ ու սահմանափակումներ կան։ Օրինակ՝ ջրաշխարհից որ մտնում ես մասիվ, հենց դիքի վերևի բռնել զեբր են նկարել, ու եթե ես փորձեմ դրանով անցնել, սաղ հելնողների թափը կոտրելու եմ (մի անգամ տենց սխալ արել եմ), ես էլ էդքանը հասկանալով մի 50 մետր էլ եմ բարձրանում, հեծոս գրկում, ստորգետնյա անցումով անցում եմ, ու հետ գալիս։ Նայի, թե դա ինչքան նեղություն ա, մենակ նրա համար, որ էդքան ավտոյի նեղություն չտամ։ Դրա փոխարեն ես պահանջում եմ, որ օֆիսի դեմի կամ նույն տերյանի զեբրի վրա ինձ զիջեն, ոչ թե ձեռները սիգնալին դրած հելնեն վրես (ստեղլիքը քֆուր եմ ուզում գրեմ)։

Վերջի նախադասությանդ հետ կապված, ինչքան շատ եմ հեծո քշում, էնքան ավելի շատ եմ ուշադրություն դարձնում օրենքներին ու աշխատում հնարավորինս քիչ խախտել։

Էն զեբռի անցնելն էլ, որ ոտքիս ցավն անցնի, դրանք էլ քայլելով կգնամ, էս պահին ամեն քայլը ցավ ա։

Rammstein
11.07.2015, 12:12
Ռամշ, եթե իրանք դրել իրար շատ մոտ անցումներ են սարքել, ու ինչ որ պատճառով դրանցից մեկը փակվում ա, դա քաղաքացիներին իրավունք չի տալիս փողոցով անցնել։

Արշակունյացում էլ իրարից 50 մետրի վրա 2 հատ զեբռ կա, 1 հատ կամուրջ, սա աբսուրդ ա։

Էն քո ասած «իսկ էն մեկը սրան այլընտրանք չի»-ն սխալ ա, որտև հենց այլըտրանք ա։ Եթե տեսադաշտում կա անցում, իրավունք չունես փողոցով անցնել։

Քո համար շատ մոտ ա, իմ համար տվյալ պահին շատ հեռու ա։ Էդ հեռու, մոտիկ, տեսադաշտ բառերը հարաբերական են, կարող ա 500 մետր էն կողմ էլ տեսադաշտդ թույլ տա անցում տեսնել։ Դրա համար եթե կա տենց կանոն, որի համաձայն էդ դեպքում պետք ա անցնեի մենթի ասած ձեւով, ասա էդ կանոնը, ես էլ իմանամ, թե ոնց ա սահմանված, քանի մետր եւ այլն։ Կարծում եմ չկա։ Ես, էլի ասեմ, եթե ես ուզում եմ հատել Աբովյան-Իսահակյան խաչմերուկը, ու անցումը փակ ա, ես միակ ճիշտ տարբերակը համարում եմ վերեւով անցնելը ու ես պարտավոր չեմ իմ խաչմերուկի փոխարեն իջնեմ Աբովյան-Մոսկովյանը հատեմ, հելնեմ, որտեւ եթե կա խաչմերուկ, պիտի լինի նաեւ ինչ-որ ձեւի հետիոտնային անցում, այսինքն մի խաչմերուկի անցումը չի կարա մյուսին փոխարինի։
Ի դեպ մի անգամ որ մենթին ասեցի, որ նա սրան այլընտրանք չի, ասեց, որ ընդունում ա, ու իրանք դրա համար են ըտեղ կանգնած։

Հ.Գ. Էս միտքը ասել եմ ու ասելու եմ, ով չի ուզում, թող չընդունի. նորմալ քաղաքը առաջին հերթին հետիոտնինն ա, հետո նոր վարորդինը։ Իսկ Երեւանը գնալով հարմարեցնում են մեքենաներին` տասնապատիկ ավելի անհարմար դարձնելով հետիոտների համար։ Չի կարելի տենց։

Աթեիստ
11.07.2015, 13:30
Քո համար շատ մոտ ա, իմ համար տվյալ պահին շատ հեռու ա։ Էդ հեռու, մոտիկ, տեսադաշտ բառերը հարաբերական են, կարող ա 500 մետր էն կողմ էլ տեսադաշտդ թույլ տա անցում տեսնել։ Դրա համար եթե կա տենց կանոն, որի համաձայն էդ դեպքում պետք ա անցնեի մենթի ասած ձեւով, ասա էդ կանոնը, ես էլ իմանամ, թե ոնց ա սահմանված, քանի մետր եւ այլն։ Կարծում եմ չկա։ Ես, էլի ասեմ, եթե ես ուզում եմ հատել Աբովյան-Իսահակյան խաչմերուկը, ու անցումը փակ ա, ես միակ ճիշտ տարբերակը համարում եմ վերեւով անցնելը ու ես պարտավոր չեմ իմ խաչմերուկի փոխարեն իջնեմ Աբովյան-Մոսկովյանը հատեմ, հելնեմ, որտեւ եթե կա խաչմերուկ, պիտի լինի նաեւ ինչ-որ ձեւի հետիոտնային անցում, այսինքն մի խաչմերուկի անցումը չի կարա մյուսին փոխարինի։
Ի դեպ մի անգամ որ մենթին ասեցի, որ նա սրան այլընտրանք չի, ասեց, որ ընդունում ա, ու իրանք դրա համար են ըտեղ կանգնած։

Հ.Գ. Էս միտքը ասել եմ ու ասելու եմ, ով չի ուզում, թող չընդունի. նորմալ քաղաքը առաջին հերթին հետիոտնինն ա, հետո նոր վարորդինը։ Իսկ Երեւանը գնալով հարմարեցնում են մեքենաներին` տասնապատիկ ավելի անհարմար դարձնելով հետիոտների համար։ Չի կարելի տենց։


3.3. Հետիոտները պետք է երթևեկելի մասը հատեն հետիոտնային անցումներով, իսկ դրանց բացակայության դեպքում՝ խաչմերուկներում՝ մայթերի կամ կողնակների ուղղությամբ:

Եթե տեսադաշտում բացակայում են հետիոտնային անցում և խաչմերուկ, ապա բաժանարար գոտի կամ պատնեշ չունեցող ճանապարհները թույլատրվում է հատել երթևեկելի մասի եզրին ուղղահայաց, երկու կողմերից լավ տեսանելի հատվածներում:


Հիմա Բաղրամյան Դեմիրճյան խաչմերուկի վրա զեբրը խաչմերուկի 3 կողմում ա նկարած։ Եթե քեզ պետք ա անցնել հենց են մասը, որտեղ գծած չի, դու պետք ա անցնես մնացած 3-ով ու հասնես քո ուզած կետին։

Նույնն էլ երիտասարդական։ Եթե քո դիմաց անցում չկա, պտի գնաս կամ վերևի կամ ներքևի անցումներով անցես ու հետ գաս հասնես քո ուզած կետին։ Որովհետև տեսադաշտում կա առնվազն 2 այլընտրանքային անցում։

Ինչ վերաբերում ա քաղաքը մեքենաների համար հարմար դարձնելուն։ Եթե ես հասնեմ իմ ուզածին ու իրանք բոլորը սկսեն քշել իմ ուզած ձևով, ես հաստատ չեմ նեղվի իրանցից։

StrangeLittleGirl
11.07.2015, 13:51
Ես համաձայն եմ Ռամշի հետ, որ քաղաքն առաջին հերթին հետիոտնին պիտի հարմարեցված լինի, հետո նոր ավտոմեքենաներին: Իմ կողմից կավելացնեմ նաև՝ հեծանվորդներին, հետո՝ հասարակական տրանսպորտին, հետո նոր անձնական օգտագործման մեքենաներին: Ու բնականաբար Երևանը շատ հեռու ա էդպիսին լինելուց: Ավելին՝ օրեցօր ամեն ինչ անում են, որ մեքենաներին ավելի հարմար լինի: ԲԱՅՑ
Եթե անցումը փակ ա, ու ՃՈ-ն քեզ ուղարկում ա մյուս անցումից անցնելու, դա բնավ չի նշանակում, որ պիտի ջղայնանաս ու վերևով անցնես, որովհետև քեզ տենց ա հարմար: Առաջին հերթին դա քո անվտանգության հարցն ա: Ու եթե դու ՃՈ-ի ու մեքենաների ինադու անցնում ես վերևով, մենակ քեզ ես վնասում: Քեզ խփող մեքենան էլ պատասխանատվություն չի կրելու, որովհետև խախտում անողը դու ես:
Բացի դրանից, չնայած Երևանը մեքենաներին հարմարեցված քաղաք ա, անցումները բավական խելամիտ հեռավորության վրա են տեղադրված (երևի հաշվի ա առնված հայ հետիոտնի ալարկոտությունը): Եվրոպական քաղաքներում հաճախ էդ հեռավորությունները կարան անհեթեթության հասնեն:
Ու համաձայն եմ Աթեիստի հետ. եթե ես կարամ (աղջիկ հալով!) քսան կիլոյանոց հեծանիվով իջնեմ անցում, բարձրանամ, ինչու՞ մյուսները չեն կարա մի երկու քայլ ավել անեն, մտնեն անցում:
Ու համաձայն եմ նաև, որ հեծանվորդներն էլ են օրենքներ շատ խախտում, բայց դա վարորդներին ու հետիոտնին իրավունք չի տալիս, որ իրենք էլ խախտեն: Տեսել եմ լիքը հեծանվորդների, որոնք քֆրտում են երթևեկությունը, բայց պետք եղած դեպքում ձախ շրջադարձ են կատարում: Անկեղծ ասած, շատ ուրախ կլինեի, որ ՃՈ-ն օրինազանց հեծանվորդներին էլ կանգնացներ, ինչպես դա անում են եվրոպական երկրներում:

Մեկ էլ բողոք հնչեց, թե լիքը կանոններ անտրամաբանական են: Համաձայն եմ, որ կարա տենց լինի, բայց ի՞նչ եք անում էդ հարցը լուծելու համար: Ես համոզված եմ, որ հաճախ էդ կանոնները ոչ կոմպետենտ մարդիկ են հորինում: Կարելի ա ուղղակի որևէ անտրամաբանական բան տեսնելու դեպքում նամակ գրել քաղաքապետարանին կամ զանգել, ասել: Թե չէ նստած բողոքելը հեշտ ա:

Ruby Rue
11.07.2015, 14:26
Մեկ էլ բողոք հնչեց, թե լիքը կանոններ անտրամաբանական են: Համաձայն եմ, որ կարա տենց լինի, բայց ի՞նչ եք անում էդ հարցը լուծելու համար: Ես համոզված եմ, որ հաճախ էդ կանոնները ոչ կոմպետենտ մարդիկ են հորինում: Կարելի ա ուղղակի որևէ անտրամաբանական բան տեսնելու դեպքում նամակ գրել քաղաքապետարանին կամ զանգել, ասել: Թե չէ նստած բողոքելը հեշտ ա:

Բյուր, նենց չի էլի, որ մենակ նստած բողոքում ենք: Քաղաքապետարանին ու քաղշինին լիքը դիմումներ ու նամակներ ենք ուղարկել` ստորգետնյա ու վերգետնյա անցումները տեղաշարժման դժվարություններ ունեցող մարդկանց համար հարմարեցնեն: Իրականում քաղշինը որոշում թե հրաման ուներ, ըստ որի 2007 թվականից հետո կառուցված բոլոր շինությունները պիտի հարմարեցված լինեն, բայց արի ու տես, հենց իրենք են կառուցում վերգետնյա ու ստորգետնյա անցումներ` խախտելով նորմերը: Օրինակ, երիտասարդականի գետնանցումը վերակառուցում են, մենք էլ բազմիցս իրենց հիշեցրել ենք մատչելիության մասին, իրենք էլ պատասխանել են, որ վերելակ կլինի: Բայց հիմա արդեն ամեն ինչ ավարտում են, իսկ վերելակ, իհարկե, էդպես էլ չկա: Միակ տարբերակը մնում ա դատական գործ հարուցելը, որովհետև թե՛ օրենք են խախտել, թե՛ նամակներին են սխալ պատասխաններ տվել:

Իմ համար էլ դժվար չի իջնել-բարձրանալը, բայց ասենք սայլակով տեղաշարժվող մեկի հետ չեմ կարող քաղաքում հանգիստ զբոսնել, որովհետև երիտասարդականի ու բժշկականի մասում լիքը գետնանցումներ են:

Rammstein
11.07.2015, 14:34
3.3. Հետիոտները պետք է երթևեկելի մասը հատեն հետիոտնային անցումներով, իսկ դրանց բացակայության դեպքում՝ խաչմերուկներում՝ մայթերի կամ կողնակների ուղղությամբ:
Ըհը, ամեն ինչ ճիշտ ա, անցումը բացակայում ա, խաչմերուկում հատում եմ փողոցը։


Եթե տեսադաշտում բացակայում են հետիոտնային անցում և խաչմերուկ, ապա բաժանարար գոտի կամ պատնեշ չունեցող ճանապարհները թույլատրվում է հատել երթևեկելի մասի եզրին ուղղահայաց, երկու կողմերից լավ տեսանելի հատվածներում:
Տվյալ դեպքում խաչմերուկը չի բացակայում տեսադաշտից, էդ խաչմերուկը հենց Աբովյան-Իսահակյանն ա, որը եւ հատում անցնում էի վերեւով։ Իսկ թե հարեւան խաչմերուկը ինչքան ա մոտիկ սրան, կանոնների մեջ բան չի խոսվում էդ մասին։


Հիմա Բաղրամյան Դեմիրճյան խաչմերուկի վրա զեբրը խաչմերուկի 3 կողմում ա նկարած։ Եթե քեզ պետք ա անցնել հենց են մասը, որտեղ գծած չի, դու պետք ա անցնես մնացած 3-ով ու հասնես քո ուզած կետին։

Նույնն էլ երիտասարդական։ Եթե քո դիմաց անցում չկա, պտի գնաս կամ վերևի կամ ներքևի անցումներով անցես ու հետ գաս հասնես քո ուզած կետին։ Որովհետև տեսադաշտում կա առնվազն 2 այլընտրանքային անցում։

Ինչ վերաբերում ա քաղաքը մեքենաների համար հարմար դարձնելուն։ Եթե ես հասնեմ իմ ուզածին ու իրանք բոլորը սկսեն քշել իմ ուզած ձևով, ես հաստատ չեմ նեղվի իրանցից։
Բաղրամյան-Դեմիրճյանը մի հատ խաչմերուկ ա, ստիպված չես իջնել ներքեւի խաչմերուկի անցումով անցնել, էլի բարձրանալ։ Չնայած տրամաբանությունը չեմ հասկանում, բայց հա, ըտեղ երեք հատով ա պետք անցնել էդ մասը։

Իսկ երիտում ինձ անհրաժեշտ խաչմերուկի անցումներից բաց են մենակ Իսահակյանը հատողները, Աբովյանը հատողները փակ են։ Էդ դեպքում ես ՊԱՐՏԱՎՈՐ ՉԵՄ օգտվել հարեւան խաչմերուկի անցումից ու կկիրառվի քո մեջբերած կանոնը. քանի որ կա խաչմերուկ, փողոցը կարելի ա հատել էդ խաչմերուկում, մայթի ուղղությամբ։

Kuk
11.07.2015, 14:35
1. Նենց չի, որ էս քաղաքում մենակ ես հեռախոս ունեմ. գտնում ես, որ սխա՞լ ա, զանգի ուղղել տուր։
2. Մենք տարբեր պատկերացում ունենք վարորդ հասկացության մասին, ամեն մեքենա քշող դեռ վարորդ չի։ Վարորդը օրենքով, նորմալ քշողն ա
3. Իհարկե դալնի բլիժնի չեմ անի, որտև եթե թույլատրելիից արագ ա գնում, պտի տուգանվի, որ դաս ըլնի։

Հ.Գ.
Քանի դեռ վարորդները կամերայից կամերա են օրենքով քշում, ուրեմն իրանց գրպանը քիչ են մտնում։ Ինչպես ցույց ա տալիս փորձը, հենց էդ «վարորդները» մտնում են Գերմանիա, որտեղ գետնին աղբ թափելու համար հարյուրավոր եվրոների տուգանվում են, վռազ դառնում են օրենքով քշող։ Իրանք մենակ տուգանքն են հասկանում։

Խնդիրը հեռախոս ունենալ չունենալու մեջ չի, խնդիրը սկզբունքի մեջ ա: Էդ վարորդը կարա մի ժամ ըտեղ կանգնի, տասը ժամ կանգնի, մի օր, տասը օր, բայց ոչ միշտ, իսկ էդ կարմիր գիծը որ գծել են, միշտ ըտեղ գծած ա ու օրենքով թույլ ա տալիս վարորդին խախտել օրենքը: Ու եթե քեզ էդքան նեղությւն ա տալիս զեբռային մոտ կանգնած մեքենան, որի համար զանգում ես գաի (:D) ասում ես ստեղ խախտում են արել, էդ կարմիր գիծը պետք ա անհաղթահարելի խոչընդոտ լինի վապշե :D
Թե՞ ինչ որ վարորդի խախտման համար զանգել ու հետևողական լինելը սաշիկի ֆիրմային դեմ զանգելուց անհամեմատ ապահով ա :))

Աթեիստ
11.07.2015, 14:46
Խնդիրը հեռախոս ունենալ չունենալու մեջ չի, խնդիրը սկզբունքի մեջ ա: Էդ վարորդը կարա մի ժամ ըտեղ կանգնի, տասը ժամ կանգնի, մի օր, տասը օր, բայց ոչ միշտ, իսկ էդ կարմիր գիծը որ գծել են, միշտ ըտեղ գծած ա ու օրենքով թույլ ա տալիս վարորդին խախտել օրենքը: Ու եթե քեզ էդքան նեղությւն ա տալիս զեբռային մոտ կանգնած մեքենան, որի համար զանգում ես գաի (:D) ասում ես ստեղ խախտում են արել, էդ կարմիր գիծը պետք ա անհաղթահարելի խոչընդոտ լինի վապշե :D
Թե՞ ինչ որ վարորդի խախտման համար զանգել ու հետևողական լինելը սաշիկի ֆիրմային դեմ զանգելուց անհամեմատ ապահով ա :))


Փաստորեն դու առանց տեսնելու գուշակեցիր, որ զեբռին մոտ կանգնած մեքենայի համար զանգելը բեսամտ խնդալու ա։
Ափսոս իմ համար հեչ խնդալու չի, որ դեմս կանգնած եզի պատճառով ես չեմ տեսնում, փողոցով իմ կողմ եկող մեքենա կա՞, թե՞ չէ։ Ու նույնքան ոչ խնդալու ա, որ եկող մեքենան էլ ինձ չի տեսնում զեբռի վրա։
Եթե քո ասած կարմի գիծը քեզ ա նեղություն տալիս, դու զանգի։ Ես ինձ խանգարողի համար ինչ կարում եմ, անում եմ։ Ոչ թե անունը դնում սաշիկ ու տեղս նստում։

Լեո
11.07.2015, 16:58
Աթեիստ ջան, դու մեքենա ունե՞ս կամ ունեցե՞լ ես: Երևանում վարե՞լ ես:

Աթեիստ
11.07.2015, 17:11
Աթեիստ ջան, դու մեքենա ունե՞ս կամ ունեցե՞լ ես: Երևանում վարե՞լ ես:

Քանի երթևեկությունն էս օրին ա, չեմ պատրաստվում ունենալ ու վարել:

keyboard
11.07.2015, 17:50
Սաղ թեման չեմ կարդացել, բայց ասեմ, օրենքով քշելու ցավը տանեմ։
Խախտում ես, տուգանվի, էս ա պրինցիպը։
Ես մեքենա ունեմ ու ահավոր "լկտի" քշող եմ, բայց վստահ եմ, որ օրենքով քշել կարամ, եթե էդ օրենքը գործի, որտեւ եվրոպայում լավ էլ օրենքով քշում էի, որտեւ օրենքը կիրառվում, գործում էր ու ամենակարեւորը բոլորի համար էր։
Տարիներ առաջ, Ամստերդամի քաղաքապետին կարմիր լույսի տակով հեծանիվով անցնելու համար տուգա ել էին, եթե տենց բան մեր մոտ լինի, ես խելոք-խելոք օրենքով կքշեմ։
Մի քիչ երազանքների գիրկն ընկա, բայց մեկ ա, մեռնեմ օրենքին։

Լեո
11.07.2015, 17:52
Քանի երթևեկությունն էս օրին ա, չեմ պատրաստվում ունենալ ու վարել:

Պարզ երևում ա, որ չես վարում, դրա համար էլ վերաբերումդ էդքան խստապահանջ ա:

Ես էլ, Ձայնալարի ասած, օրենքի մեռած եմ, փորձում եմ պահել բոլոր կանոնները, բայց ոչ միշտ ա դա ստացում ու ոչ միշտ ա Երևանը էդ հնարավորությունը տալիս:
Իհարկե, խախտում անողը պիտի տուգանվի, բայց դա չպիտի լինի ծայրահեղության հասնող: Օրինակ ստիպված զեբրային մի քիչ մոտ կանգնած վարորդին տուգանելը անխղճություն ա: Կամ օրինակ երբեմն զեբրայի վրա հետիոտնին չզիջելը: Երբեմն ստացում ա, որ շտապում եմ ու թույլատրելի 60կմ/ժ արագությամբ քշելիս մեկ էլ հանկարծ 10 մետրից զեբրայի վրա անսպասելի մարդ ա հայտվում: Թդ ժամանակ համարյա անհնար ա միանգայից արգելակելը, կարող ա հետևի ավտոն խփի քեզ, դու էլ՝ հետիոտնին: Տենց դեպքում երբեմն չեմ զիջում (կարելի ա ասել հետիոտնի անվտանգությունից ելնելով), չնայած էլի աշխատում եմ զիջել:

Ըստ իս մի քիչ հանդուրժողականություն ա պետք (և՛ հետիոտների, և՛ վարորդների կողմից): Թե չէ աջ ու ձախ տուգանելը անխղճություն ա (նկատի ունեմ ոչ չարամտորեն (ստիպված) փոքր խախտում անողներին):

Տրիբուն
11.07.2015, 18:26
Ըստ իս մի քիչ հանդուրժողականություն ա պետք (և՛ հետիոտների, և՛ վարորդների կողմից): Թե չէ աջ ու ձախ տուգանելը անխղճություն ա (նկատի ունեմ ոչ չարամտորեն (ստիպված) փոքր խախտում անողներին):

Անխղճություն չի, տեռոռ ա ու դասական թալան՝ ամրագրված օրենքով: Որ տենց չանեն, Սաշիկը հեղափոխություն կանի, Սերժին գործից կհանի:


Օրինակ ստիպված զեբրային մի քիչ մոտ կանգնած վարորդին տուգանելը անխղճություն ա: Կամ օրինակ երբեմն զեբրայի վրա հետիոտնին չզիջելը: Երբեմն ստացում ա, որ շտապում եմ ու թույլատրելի 60կմ/ժ արագությամբ քշելիս մեկ էլ հանկարծ 10 մետրից զեբրայի վրա անսպասելի մարդ ա հայտվում: Թդ ժամանակ համարյա անհնար ա միանգայից արգելակելը, կարող ա հետևի ավտոն խփի քեզ, դու էլ՝ հետիոտնին: Տենց դեպքում երբեմն չեմ զիջում (կարելի ա ասել հետիոտնի անվտանգությունից ելնելով), չնայած էլի աշխատում եմ զիջել:


Ոչ մի նորմալ երկրում դրա համար ոչ մի կոպեկ չեն տուգանում: Նամուսով երկրների մեծամասնությունում, կամ նույնիսկ բոլորում, էտ զեբրայից առաջ քաշած հաստ գիծն ընդհանրապես գոյություն չունի: Սկզբունքը նրանում ա, որ մեքենաները զեբրայի վրա չկանգնեն: Բայց ասենք մի քիչ մոտ կամ մի քիչ հետ կանգնելու համար տուգանելը անասունություն ա ու տեղով վթարի ու մարդասպանության պատճառ ա հանդիսանում: Վարորդը մոտենում ա գծին ու լույսը փոխվում ա, ոչ էն ա անցնի, ոչ էն ա չանցնի: Անցնի, շանս կա որ կարմիր լույսի տուգանք ա գալու: Չանցնի, գիծը հատելու տուգանք ա գալու: Վարդրոդների մեծ մասը շշկռվում ա, ոչ էն ա զիջի անցորդին, ոչ էն ա զիջի էն կողմից խաչմերուկը դեռ չազատածին կամ նոր մտնողին, ոչ էն ա կանգնի, ոչ էն ա քշի: Զիջի, գծից առաջ ա կանգնում, ու մեկ էլ լույսը փոխվում ա: Ու սենց լիքը անհարմարություններ:

Երևանում տեղով սվետաֆորների աշխատանքը ոչ մի լոգիկայի չի ենթարկվում, տարրական 5-7 վարկյանանոց ինտեվալ մի կողմի կարմիրի ու մյուս կողմի կանաչի միջև չկա: Դեղին լուսյը վաբշե անիմաստություն ա ու վաղուց պիտի հանված լիներ: Ոչ մեկը էտ դեղինի իմաստը չի հասկանում - յանիմ զգուշացի հեսա կարմիր կամ կանաչ ա լինելու :D Ու էտ պայմաններում զեբրայի ու գծի համար տուգանելը սաշիկություն ա:

Տրիբուն
11.07.2015, 18:35
Ես համաձայն եմ Ռամշի հետ, որ քաղաքն առաջին հերթին հետիոտնին պիտի հարմարեցված լինի, հետո նոր ավտոմեքենաներին:..

Նանար, քաղաքը պիտի հարմարեցված լինի բոլորին: Հատկապես էն քաղաքը, որտեղ գեղցիները հասարակական տրանսպորտի համակարգը փաստացի քանդել են ու սարքել են Բաղդադի շուկա, ու որտեղ արագ տեղաշարժվելու միակ միջոցը մնացել ա անձնական ավտոմեքենան: Ես մեծ ֆանատ չեմ անձնական մեքենայի, ու եթե հարմար տրանսպորտ լիներ, հաստատ մենակ դրանով կտեղաշարժվեի: Բայց մեր քաղաքը դարձնել հարմար առաջին հերթին հետիոտնի համար նշանակում ա դարձնել վերջնական դժողք ավտոմեքենաների համար, որն ի վերջո էլի անդրադառնալու ա հետիոտնի առողջության վրա:


Բացի դրանից, չնայած Երևանը մեքենաներին հարմարեցված քաղաք ա, անցումները բավական խելամիտ հեռավորության վրա են տեղադրված (երևի հաշվի ա առնված հայ հետիոտնի ալարկոտությունը):

Երևանում զեբրաները շարել են ամեն աբսուրդ տեղում՝ հետիոտնին հատուկ սպանելու համար: Ի միջի այլոց, ամեն մետր դրած ռազվառոտներն էլ նրա համար են, որ դաժան վթարներ լինեն՝ պարտադիր ծանր մարմնական վնասվածքով, նախընտրելի ա մահվան ելքով:

Ես չգիտեմ որ էշն ա մտածել էտ զեբրաները տենց շարի կամ էտքան ռազվառոտի տեղ անի, ասենք Բաղրամյանի սկզբնամասի կամ Կիևյանի վրա, բայց էտ հաստատ հետիոտնի հարմարավետության համար չի արած: Շարքային տգիտության արդյունք ա:

Աթեիստ
11.07.2015, 21:59
Լեո, իմ մտքերի մասին դատի իմ գրածներով, ոչ թե օրինակ Kuk-ի մեկնաբանություններով: Ես ինքս էլ նշել եմ, որ լիքը սխալ օրենքներ ու նշաններ կան:
Բայց ես ինքս չեմ պատրաստվում դրանց բոլորի դեմ պայքարել:
Ու ես չեմ ասել, որ բոլոր խախտողները պտի պատժվեն:
Կոնկրետ ես պայքարելու եմ բոլոր նրանց դեմ, ովքեր խանգարում եմ անձամբ ինձ:
Կոնկրետ զեբրի դեպքն էլ բացատրեցի, մեր մոտի զեբրի դիմաց կանգնելով փակում են վարորդի տեսադաշտը:
Տերյանի վրա չզիջողը շատ հեռվից ինձ ու հղի կնոջը տեսել էր ու հանգիստ կատար (պարտավոր էր) կանգներ: Բայց ինքը դրա փոխարեն ձեռը սիգնալին դրած քշեց վրեքս: Տենց ԲՏ-ի ընտանիքը իմ պատճառով մի ամիս սոված մնա չեմ ափսոսա:

Chuk
12.07.2015, 00:46
Եթե ինչ-որ մեկը նենց լկտիավարի խախտում անի, որը սպառնա ասենք հղի կնոջ կյանքին, ես էլ կզանգեմ գաի, եթե իհարկե ապացույց ունենամ:


Իսկ զեբռներին մոտ ավտոկայանելու հիմնական մեղավորը ոչ թե էդ կայանողներն են, այլ կանգառների բացակայությունը: Թող կանգառների համակարգը հիմնավոր լուծվի, նենց լինի, որ մեքենա վարողը ստիպված չլինի բենզին ու ժամանակ ծախսելով կանգառի հարմար տեղ փնտրել, որը հաճախ կարող ա լինի մի քանի կիլոմետր էնկողմ, ես էլ կարող ա առանձին տենց կայանողների վրա վրդովվեմ:

Աթեիստ
12.07.2015, 00:53
Եթե ինչ-որ մեկը նենց լկտիավարի խախտում անի, որը սպառնա ասենք հղի կնոջ կյանքին, ես էլ կզանգեմ գաի, եթե իհարկե ապացույց ունենամ:


Դեպքից անմիջապես հետո զանգել եմ 177 ու հարցրել, թե ինչ միջոց ունեմ դրան ... պատժելու։ Քանի որ էդ պահին չէի նկարում, ոչ մի կեթոդ էլ չունեի, նույնիսկ եթե համարը հիշել էի։


Իսկ զեբռներին մոտ ավտոկայանելու հիմնական մեղավորը ոչ թե էդ կայանողներն են, այլ կանգառների բացակայությունը: Թող կանգառների համակարգը հիմնավոր լուծվի, նենց լինի, որ մեքենա վարողը ստիպված չլինի բենզին ու ժամանակ ծախսելով կանգառի հարմար տեղ փնտրել, որը հաճախ կարող ա լինի մի քանի կիլոմետր էնկողմ, ես էլ կարող ա առանձին տենց կայանողների վրա վրդովվեմ:

1. Մի օր մտի, տես թե Օպերայի տակի կանգառի քանի տոկոսն ա պարապ էն ժամերին, երբ վերևում կանգառի տեղի համար 5-10 րոպե ֆռռում են։
2. Կոնկրետ իմ նշած տեղում արգելվում ա համ օրենքով (զեբռից 5 մետր հեռավորություն), համ տրամաբանորեն (փակում ա շատ կարևոր տեսադաշտ)։ Անկախ նրանից, տեղ կա թե չկա, ըտեղ չպետք ա կանգնեն։

Chuk
12.07.2015, 00:56
1. Մի օր մտի, տես թե Օպերայի տակի կանգառի քանի տոկոսն ա պարապ էն ժամերին, երբ վերևում կանգառի տեղի համար 5-10 րոպե ֆռռում են։
2. Կոնկրետ իմ նշած տեղում արգելվում ա համ օրենքով (զեբռից 5 մետր հեռավորություն), համ տրամաբանորեն (փակում ա շատ կարևոր տեսադաշտ)։ Անկախ նրանից, տեղ կա թե չկա, ըտեղ չպետք ա կանգնեն։

Վերջին 2 շաբաթը համարյա ամեն օր մտել եմ էդ ավտոկանգառը (ընկերոջս մեքենայով): Առաջին հարկը շատ հաճախ լրիվ զբաղված ա լինում, երբեմն նաև երկրորդը: Ու պատկերացրու, որ շատ տհաճ ա մի 4-5 ժամ կանգնելու համար 1000 դրամ տալը: Էլ չասած էդ կանգառի նեղության ու անհարմարության մասին, որի պատճառով նույնիսկ հմուտ վարորդներն են երբեմն իրենց մեքենաները վնասում:

Օպերայի ավտոկանգառն իմ համար դասական օրինակ ա, թե ոնց չի կարելի փորձել լուծել խնդիրը:

Աթեիստ
12.07.2015, 01:07
Վերջին 2 շաբաթը համարյա ամեն օր մտել եմ էդ ավտոկանգառը (ընկերոջս մեքենայով): Առաջին հարկը շատ հաճախ լրիվ զբաղված ա լինում, երբեմն նաև երկրորդը: Ու պատկերացրու, որ շատ տհաճ ա մի 4-5 ժամ կանգնելու համար 1000 դրամ տալը: Էլ չասած էդ կանգառի նեղության ու անհարմարության մասին, որի պատճառով նույնիսկ հմուտ վարորդներն են երբեմն իրենց մեքենաները վնասում:

Օպերայի ավտոկանգառն իմ համար դասական օրինակ ա, թե ոնց չի կարելի փորձել լուծել խնդիրը:


1. ես չեմ հիշում, որ մտնենք ու կանգնելու տեղ չգտնենք։
2. Ես ինչ որ շատ ավելի էժան գներ եմ հիշում։ Առաջի անգամ որ տեսա գները, զարմացա, որ սաղ քաղաքը ըտեղ չի գալիս։ Հիմա չեմ հիշում։

Kuk
12.07.2015, 01:09
Վերջին 2 շաբաթը համարյա ամեն օր մտել եմ էդ ավտոկանգառը (ընկերոջս մեքենայով): Առաջին հարկը շատ հաճախ լրիվ զբաղված ա լինում, երբեմն նաև երկրորդը: Ու պատկերացրու, որ շատ տհաճ ա մի 4-5 ժամ կանգնելու համար 1000 դրամ տալը: Էլ չասած էդ կանգառի նեղության ու անհարմարության մասին, որի պատճառով նույնիսկ հմուտ վարորդներն են երբեմն իրենց մեքենաները վնասում:

Օպերայի ավտոկանգառն իմ համար դասական օրինակ ա, թե ոնց չի կարելի փորձել լուծել խնդիրը:

Դե հեշտ ա տենց ասելը, որտև հեծոյի համար ոչ գույքահարկ կա, ոչ ապահովագրության ծախսեր կա, ոչ խախտում անելու համար տուգանվել կա, ոչ փարկինգի վճար կա: Էս էղավ սփյուռքահայերի արած հեղափոխությունը: Ուղիղ միացումով մտնում են ցույցերը նայում են, գրում են` ժողովուրդ հարձակվեք գրավեք, խաղաղ նստացույցով ոչնչի չենք հասնի: Հիմա ստեղ ա` մտեք Օպերայի կանգառ:

Պարզ ա չէ՞, որ ըտեղ Օպերայի շենքն ա, որտեղ մարդիկ գալիս են համերգի, այսինքն նույն պահին մեծ հոսք կարա լինի, նույն ձև համերգի ավարտին` դուրս գալուց: Քանյե Վեսթի համերգին ըտեղ էի կանգնացրել, ուղիղ մի ժամ դուրս ենք էկել: Մարդիկ խեղդվում էին արդեն, էդքան ավտո խոդ տված կանգնել ենք, օդափոխություն էլ չկա նորմալ, արդեն դուրս գալու շարքի մեջ ես, չես էլ կարա թողես գնաս մի թեթևանա նոր գաս վերցնես մեքենադ: Մի էրկու լակոտ էլ առանց հասկանալու իրանց արևին սիգնալի փոխարեն պերեգազովկա էին անում, մի հատ անասուն վիճակ: Էլ չեմ ասում որ էդ հորթի մեջ վճարդ էլ ավելանում ա :))

Chuk
12.07.2015, 01:09
1. ես չեմ հիշում, որ մտնենք ու կանգնելու տեղ չգտնենք։
2. Ես ինչ որ շատ ավելի էժան գներ եմ հիշում։ Առաջի անգամ որ տեսա գները, զարմացա, որ սաղ քաղաքը ըտեղ չի գալիս։ Հիմա չեմ հիշում։

Ես չասեցի չես գտնի, ասեցի որ միշտ էդտեղ լիքը կանգնողներ կան: Չնայած էդ կանգնողներից շատերին էլ կարելի ա քֆուր տալ, որտև կանգնում են երկու հոգու համար նախատեսված տեղի մեջտեղում, երկրորդին կայանել արգելելով: Արդյունքում հաճախ դրա պատճառով առաջին հարկում տեղ չի գտնվում: Բայց երրորդ հարկ հասնել դեռ չի հաջողվել, երկրորդում թեկուզ լիքն ա եղել, մի տեղ պեղել ենք:

Վճարն էլ ժամը 200 դրամ ա, եթե չեմ սխալվում:

Աթեիստ
12.07.2015, 01:12
Ես չասեցի չես գտնի, ասեցի որ միշտ էդտեղ լիքը կանգնողներ կան: Չնայած էդ կանգնողներից շատերին էլ կարելի ա քֆուր տալ, որտև կանգնում են երկու հոգու համար նախատեսված տեղի մեջտեղում, երկրորդին կայանել արգելելով: Արդյունքում հաճախ դրա պատճառով առաջին հարկում տեղ չի գտնվում: Բայց երրորդ հարկ հասնել դեռ չի հաջողվել, երկրորդում թեկուզ լիքն ա եղել, մի տեղ պեղել ենք:

Վճարն էլ ժամը 200 դրամ ա, եթե չեմ սխալվում:

Հա, մինչև մի ժամը 200 ա, բայց ավելի երկար ժամանակի դեպքում կարծեմ լրիվ այլ հաշվարկ ա գնում։

Chuk
12.07.2015, 01:13
օդափոխություն էլ չկա նորմալ
Օդափոխությունը մոռացել էի, ինչքան մտնում ենք, ծանր, անտանելի օդ ա, որ անձամբ ես ինձ քիչ մը վատ եմ զգում մինչև դուրս գալը:

Chuk
12.07.2015, 01:14
Հա, մինչև մի ժամը 200 ա, բայց ավելի երկար ժամանակի դեպքում կարծեմ լրիվ այլ հաշվարկ ա գնում։

Չէ, Արտ, համենայն դեպս մի անգամ չի, որ 1000 ու ավելի ենք փող տվել, իսկ հաստատ 5-6 ժամից ավելի չենք թողել:

Եթե սխալ եմ հիշում, թող ուրիշներն ուղղեն:

Kuk
12.07.2015, 01:22
Օդափոխությունը մոռացել էի, ինչքան մտնում ենք, ծանր, անտանելի օդ ա, որ անձամբ ես ինձ քիչ մը վատ եմ զգում մինչև դուրս գալը:

Դե պատկերացրու իմ ասած ժամանակ ինչ էր կատարվում: Առանց չափազանցնելու եմ ասում, իմ սենյակի պատալոկը ավելի բարձր ա:

Աթեիստ
12.07.2015, 01:31
Չէ, Արտ, համենայն դեպս մի անգամ չի, որ 1000 ու ավելի ենք փող տվել, իսկ հաստատ 5-6 ժամից ավելի չենք թողել:

Եթե սխալ եմ հիշում, թող ուրիշներն ուղղեն:

Մնաց հասկանամ, թե սա ինչ կապ ունի ճանապարհային երթևեկության (այսինքն թեմայի) հետ ։)
Այսինքն, քանի որ կանգնելու տեղ չկա (իրականում հեռու ա, կամ թանկ ա), կանգնում եք արգելված տեղում ու ուզում եք, որ դա խախտում չհամարվի՞ :D

Քանի՞ հոգի ա էդ հարցով դիմել համապատասխան մարմիններին։ Վախում եք դիմեք, մի հատ թեմա բացեք, կիսվեք լավ տեղերի մասին ինֆորմացիայով։

Chuk
12.07.2015, 01:33
Մնաց հասկանամ, թե սա ինչ կապ ունի ճանապարհային երթևեկության (այսինքն թեմայի) հետ ։)
Այսինքն, քանի որ կանգնելու տեղ չկա (իրականում հեռու ա, կամ թանկ ա), կանգնում եք արգելված տեղում ու ուզում եք, որ դա խախտում չհամարվի՞ :D

Քանի՞ հոգի ա էդ հարցով դիմել համապատասխան մարմիններին։ Վախում եք դիմեք, մի հատ թեմա բացեք, կիսվեք լավ տեղերի մասին ինֆորմացիայով։

Թե ինչ կապ ունի, արդեն գրել եմ: Քանի դեռ կանգառների համակարգը լուծված չի, քանի դեռ կան խնդիրներ կայանելու տեղ գտնելու համար, էդ կարգի խախտումները անձամբ ես հանցավոր խախտում չեմ համարում:

Ես չեմ դիմել ոչ մի մարմնի: Երևի դու բոլոր՝ քեզ հանդիպած խնդիրների մասին դիմել ես, չէ՞ :)

Աթեիստ
12.07.2015, 01:36
Թե ինչ կապ ունի, արդեն գրել եմ: Քանի դեռ կանգառների համակարգը լուծված չի, քանի դեռ կան խնդիրներ կայանելու տեղ գտնելու համար, էդ կարգի խախտումները անձամբ ես հանցավոր խախտում չեմ համարում:

Ես չեմ դիմել ոչ մի մարմնի: Երևի դու բոլոր՝ քեզ հանդիպած խնդիրների մասին դիմել ես, չէ՞ :)

Մի շաբաթվա մեջ 3 անգամ դիմել եմ տարբեր հարցերով, հիմա սպասում եմ դիմումիս պատասխանին, որ շարունակեմ։

Իսկ ի՞նչ ես արել ԴՈւ։:P

Chuk
12.07.2015, 01:37
Մի շաբաթվա մեջ 3 անգամ դիմել եմ տարբեր հարցերով, հիմա սպասում եմ դիմումիս պատասխանին, որ շարունակեմ։

Իսկ ի՞նչ ես արել ԴՈւ։:P

Չէ, ես քո նման հերոս չեմ: Ընդամենը մի քանի շոֆերի հեռվից քրֆել եմ :))

Chuk
12.07.2015, 01:40
Արտ, իմ համար խնդալու ա տենց լոկալ խնդիրներով զբաղվելը: Հա, կարող ա անձամբ քո համար մի պուճուրիկ բարեկեցություն ապահովես, որտև անձամբ քեզ նեղող բաներին ես դիմում, բայց գլոբալ համակարգում դրանք օգուտ չեն տալիս:

Ռուբիենց դիմումները շատ ավելի արժեքավոր են, որտև իրանք դիմում են խնդիրներ ունեցողների համար գլոբալ բան փոխելու համար:


Իսկ ընդհանրապես պետք ա գլխից բռնել: Ես «Սերժիկ հեռացիր» եմ գոռում, ու թեկուզ դեռ արդյունք չի տվել, քո արածից մեկ միլիոն յոթ հարյուր հազար ինն հարյուր վաթսունչորս անգամ ավելի օգտակար ա:

Ներսես_AM
12.07.2015, 01:46
Էդ զեբրից առաջ հինգ մետրը պահելը շատ կարևոր ա իմ կարծիքով‎։ Մանավանդ հիմա որ հետիոտների կարծիքով իրանք հենց ոտը դրին զեբրի վրա պիտի ավտոտ մեխվի տեղում։ Տեսած կլինեք տենց կովեր կան ոտը դնում են մայթից ու սկսում քայլել առանց մի հատ նայելու զիջում են իրանց թե չէ։ ՈՒ երբ որ սենց փակ ա լինում զեբրը վարորդը պրակտիկորեն ոչ մի հնարավորություն չունի նկատելու տենց կովի‎։ Իրա կարծիքով ինքը զեբրի վրա ա արդեն, ոչինչ որ վարորդը իրեն չի տեսել ինքն էլ մեքենան։ Էդ խախտումի համար ՃՈ–ն պիտի անխնա տուգանի։ Հազար հատ անցում չկա քաղաքում խաչմերուկներից դուրս, որ էդ մի մեքենայի տեղը ազատելով կայանման հարց լուծվի բայց լիքը անիմաստ պատահարներից կարելի ա խուսափել։

Kuk
12.07.2015, 01:48
Մի շաբաթվա մեջ 3 անգամ դիմել եմ տարբեր հարցերով, հիմա սպասում եմ դիմումիս պատասխանին, որ շարունակեմ։

Իսկ ի՞նչ ես արել ԴՈւ։:P

եթե մեկ-երկու խնդիր նկատես, կարողա դիմես, բայց եթե ամբողջ քաղաքը, երկրի մասին էլ չեմ ասում (չեմ ընդհանրացնում, խոսքս մենակ երթևեկության խնդիրների մասին ա) համատարած խնդիրներ ա, ու ոչ թե ինչ որ բան մտածել արել են, լավ չի ստացվել, կարար ավելի լավ լիներ, այլ ուղղակի չենա րել, կամ միտումնավոր արել են նենց, որ վատ լինի, էդ դեպքում ի՞նչ դիմես, ո՞ւմ դիմես, մի հատ անասունի՞: Էս դեպքում պատասխանատուներին ա պետք աշոտյան անել պաշտոնից, խելքը գլխին գործից հասկացող մարդ դնել ու ասել, որ պետք ա ճիշտ լուծումներ գտնել: Թեչէ ո՞վ ա էդաքն պարապ, որ նստի էդքան դիմում գրի ու հետևի, կամ դիմումին էլ իբր բանի տեղ դնող ա՞ լինելու: Ինչի՞ համար ես պետք ա նստեմ ուրիշի գործը անեմ, որ ինքը աշխատավարձ ստանա: Իմ տված հարկերից մի հատ տգետ հաստագլուխ աշխատավարձ ստանա, հլը մ հատ էլ ես իրա գործը անե՞մ:

Աթեիստ
12.07.2015, 01:50
Արտ, իմ համար խնդալու ա տենց լոկալ խնդիրներով զբաղվելը: Հա, կարող ա անձամբ քո համար մի պուճուրիկ բարեկեցություն ապահովես, որտև անձամբ քեզ նեղող բաներին ես դիմում, բայց գլոբալ համակարգում դրանք օգուտ չեն տալիս:

Ռուբիենց դիմումները շատ ավելի արժեքավոր են, որտև իրանք դիմում են խնդիրներ ունեցողների համար գլոբալ բան փոխելու համար:


Իսկ ընդհանրապես պետք ա գլխից բռնել: Ես «Սերժիկ հեռացիր» եմ գոռում, ու թեկուզ դեռ արդյունք չի տվել, քո արածից մեկ միլիոն յոթ հարյուր հազար ինն հարյուր վաթսունչորս անգամ ավելի օգտակար ա:

Գլոբալ համակարգում մի հատ չմո երկրի չմո նախագեյի փոփոխությունն էլ անձամբ քո ու քո շատ փոքր ազգի մի մասի բարեկեցությունն ա ապահովելու։ Ու հերիք չի գլոբալ մակարդակով քո ուզածն ա մանրուք, քո ուզածին հասնելու համար «Սերժիկ հեռացիր» գոռալը նույնիսկ մանրուք գնահատելը գովասանք պտի համարվի։

Էս տեմպերով ես մանրուքների մասին մտածելով ավելի շուտ ինչ որ բանի կհասնեմ (կապ չունի էս երկրում, թե նորմալ), քան դու՝ գոռալով։

Հ.Գ.
Իրականում ոչ դու էս բավարարվում գոռալով, ոչ ես ՃՈ դիմելով, բայց որ տենց ես ուզում ներկայացնես ...

Chuk
12.07.2015, 01:52
Էդ զեբրից առաջ հինգ մետրը պահելը շատ կարևոր ա իմ կարծիքով‎։ Մանավանդ հիմա որ հետիոտների կարծիքով իրանք հենց ոտը դրին զեբրի վրա պիտի ավտոտ մեխվի տեղում։ Տեսած կլինեք տենց կովեր կան ոտը դնում են մայթից ու սկսում քայլել առանց մի հատ նայելու զիջում են իրանց թե չէ։ ՈՒ երբ որ սենց փակ ա լինում զեբրը վարորդը պրակտիկորեն ոչ մի հնարավորություն չունի նկատելու տենց կովի‎։ Իրա կարծիքով ինքը զեբրի վրա ա արդեն, ոչինչ որ վարորդը իրեն չի տեսել ինքն էլ մեքենան։ Էդ խախտումի համար ՃՈ–ն պիտի անխնա տուգանի։ Հազար հատ անցում չկա քաղաքում խաչմերուկներից դուրս, որ էդ մի մեքենայի տեղը ազատելով կայանման հարց լուծվի բայց լիքը անիմաստ պատահարներից կարելի ա խուսափել։

Լրիվ համաձայն եմ, ու կարծում եմ, որ ոչ մեկն էլ ստեղ ճիշտ չի համարում զեբռին մոտ կանգնելը: Խոսքը ավելի շատ գնում ա դրանք անպայման պատժել-չպատժելու մասին: Ու դա քննարկելուց պետք ա նայել հնարավորությունները: «Ուրեմն մեքենա մի քշիր»-ը հնարավորություն չի: «Գնա մի կիլոմետր հեռու կանգնիր»-ը հնարավորություն չի:

Եթե մոտակայքում կայանելու տեղ կա, բայց մեկը նագլիավար էդտեղ ա կանգնացնում, սրիկայություն ա: Եթե այլ ելք չունի, ու կանգնացնում ա, ինչ-որ տեղ պետք ա հասկանալ, ըմբռնել:

Chuk
12.07.2015, 01:53
Գլոբալ համակարգում մի հատ չմո երկրի չմո նախագեյի փոփոխությունն էլ անձամբ քո ու քո շատ փոքր ազգի մի մասի բարեկեցությունն ա ապահովելու։ Ու հերիք չի գլոբալ մակարդակով քո ուզածն ա, մանրուք, քո ուզածին հասնելու համար «Սերժիկ հեռացիր» գոռալը նույնիսկ մանրուք գնահատելը գովասանք պտի համարվի։

Էս տեմպերով ես մանրուքների մասին մտածելով ավելի շուտ ինչ որ բանի կհասնեմ (կապ չունի էս երկրում, թե նորմալ), քան դու՝ գոռալով։

Հ.Գ.
Իրականում ոչ դու էս բավարարվում գոռալով, ոչ ես ՃՈ դիմելով, բայց որ տենց ես ուզում ներկայացնես ...

«Սերժիկ հեռացիր»-ը անձ փոխելու կոչ չի, բայց որ ծավալվենք, թեման լրիվ կփոխենք:

Kuk
12.07.2015, 01:55
Էդ զեբրից առաջ հինգ մետրը պահելը շատ կարևոր ա իմ կարծիքով‎։ Մանավանդ հիմա որ հետիոտների կարծիքով իրանք հենց ոտը դրին զեբրի վրա պիտի ավտոտ մեխվի տեղում։ Տեսած կլինեք տենց կովեր կան ոտը դնում են մայթից ու սկսում քայլել առանց մի հատ նայելու զիջում են իրանց թե չէ։ ՈՒ երբ որ սենց փակ ա լինում զեբրը վարորդը պրակտիկորեն ոչ մի հնարավորություն չունի նկատելու տենց կովի‎։ Իրա կարծիքով ինքը զեբրի վրա ա արդեն, ոչինչ որ վարորդը իրեն չի տեսել ինքն էլ մեքենան։ Էդ խախտումի համար ՃՈ–ն պիտի անխնա տուգանի։ Հազար հատ անցում չկա քաղաքում խաչմերուկներից դուրս, որ էդ մի մեքենայի տեղը ազատելով կայանման հարց լուծվի բայց լիքը անիմաստ պատահարներից կարելի ա խուսափել։

Էդ ի՞նչ արագությամբ եք խաչմերուկ մտնում կամ ի՞նչ ավտոյով եք մտնում, որ տենց դժվար ա դառնում տոռմուզ տալը: Ասենք մեր նեղ փողոցներին ու նեղ խաչմերուկներին ոնց էլ քշես, հատկապես որ գիտես զեբռա կա, պարզ չի՞ որ հավանական ա ու սպասելի ա, որ մարդ էլ պետք ա լինի: Իմ հետ էսքան ժամանակ հլը չի էղել, որ թեկուզ շատ չնչին վտանգավոր պահ ստացվի դրա պատճառով: Հազարից մեկ նեղում ա, եթե մեծ մեքենա ա լինում, միքիչ անհարմար ա:

Աթեիստ
12.07.2015, 01:56
Լրիվ համաձայն եմ, ու կարծում եմ, որ ոչ մեկն էլ ստեղ ճիշտ չի համարում զեբռին մոտ կանգնելը: Խոսքը ավելի շատ գնում ա դրանք անպայման պատժել-չպատժելու մասին: Ու դա քննարկելուց պետք ա նայել հնարավորությունները: «Ուրեմն մեքենա մի քշիր»-ը հնարավորություն չի: «Գնա մի կիլոմետր հեռու կանգնիր»-ը հնարավորություն չի:

Եթե մոտակայքում կայանելու տեղ կա, բայց մեկը նագլիավար էդտեղ ա կանգնացնում, սրիկայություն ա: Եթե այլ ելք չունի, ու կանգնացնում ա, ինչ-որ տեղ պետք ա հասկանալ, ըմբռնել:

Եթե մոտակայքում տեղ չկա, ընբռնումով մոտենանք իրա պատճառով կատարված վրաերթի՞ն :o

Chuk
12.07.2015, 01:57
Եթե մոտակայքում տեղ չկա, ընբռնումով մոտենանք իրա պատճառով կատարված վրաերթի՞ն :o

Քանի տենց վրաերթի դեպք գիտես, լուրջ հետաքրքիր ա: Ես որ ոչ մեկը չգիտեմ:

Աթեիստ
12.07.2015, 02:00
Էդ ի՞նչ արագությամբ եք խաչմերուկ մտնում կամ ի՞նչ ավտոյով եք մտնում, որ տենց դժվար ա դառնում տոռմուզ տալը: Ասենք մեր նեղ փողոցներին ու նեղ խաչմերուկներին ոնց էլ քշես, հատկապես որ գիտես զեբռա կա, պարզ չի՞ որ հավանական ա ու սպասելի ա, որ մարդ էլ պետք ա լինի: Իմ հետ էսքան ժամանակ հլը չի էղել, որ թեկուզ շատ չնչին վտանգավոր պահ ստացվի դրա պատճառով: Հազարից մեկ նեղում ա, եթե մեծ մեքենա ա լինում, միքիչ անհարմար ա:


Մի աշխատանքային օր 10 րոպե ժամանակ գտի, արի Չարենցի 1-ի դեմը հաշվի, թե քանի ավտոյա մտնում թույլատրելու արագությամբ (60-ի մոտ), առանց ձեբրը տեսնելու (այսինքն տեսնում ա էն ժամանակ, երբ արդեն չի հասցնի կանգնի)։
Լավ ա, գոնե շատ բանուկ տեղ չի, զեբրով ուշ-ուշ ա մարդ անցում, անցնողներն էլ ուզած-չուզած շատ զգույշ են, որտև իրանք էլ եկող ավտոներին չեն տեսնում։

Chuk
12.07.2015, 02:05
Մի աշխատանքային օր 10 րոպե ժամանակ գտի, արի Չարենցի 1-ի դեմը հաշվի, թե քանի ավտոյա մտնում թույլատրելու արագությամբ (60-ի մոտ), առանց ձեբրը տեսնելու (այսինքն տեսնում ա էն ժամանակ, երբ արդեն չի հասցնի կանգնի)։
Լավ ա, գոնե շատ բանուկ տեղ չի, զեբրով ուշ-ուշ ա մարդ անցում, անցնողներն էլ ուզած-չուզած շատ զգույշ են, որտև իրանք էլ եկող ավտոներին չեն տեսնում։

Արտ, էդտեղի կայանողի՞ն էիր առաջարկում կայանել Օպերայի ավտոկանգառում :))

Էդ զեբրով աշխատում եմ չանցնել, բայց ոչ զեբրին մոտ կայանած մեքենաների պատճառով :)

Աթեիստ
12.07.2015, 02:05
Քանի տենց վրաերթի դեպք գիտես, լուրջ հետաքրքիր ա: Ես որ ոչ մեկը չգիտեմ:


Էն որ հասցնում, հետ ենք քաշվում, մեր շնորհքն ա, որ վրաերթ չի լինում։ Մի քանի տենց դեպք իմ հետ ա եղել, որ քսվելով անցել ա, կամ հետիս քայլողին թափով հետ եմ քաշել, որ չկպնեն։

Chuk
12.07.2015, 02:08
Էն որ հասցնում, հետ ենք քաշվում, մեր շնորհքն ա, որ վրաերթ չի լինում։ Մի քանի տենց դեպք իմ հետ ա եղել, որ քսվելով անցել ա, կամ հետիս քայլողին թափով հետ եմ քաշել, որ չկպնեն։

Ապ, նայի օրինակ բերեմ: Ասենք հենց էն տեղում, որտեղ էդ մեքենաները օրենքի խախտումով կայանել են, ավտոս փչացել ա: Ի՞մ մեղավորությունն ա, թե մյուս քշողների, որ ուշադիր չլինելով կարող ա փողոցն անցնողին վրաերթի ենթարկեն: Իհարկե մյուսների, որտև անտերը մեքենա են քշում, ու պետք ա ուշադիր լինեն: Ու զեբրի մոտ էլ կրկնակի ուշադիր լինեն, առավել ևս եթե դիմացի տեսադաշտը մեքենա ա կիսով չափ փակում:

Մի խոսքով, անձամբ ինձ չհամոզեցիր: Իհարկե լավ չի, որ զեբրին մոտ են կանգնում, բայց ավելի շատ դու ես իրավիճակը դրամատիզացնում, իմ կարծիքով :)

Kuk
12.07.2015, 02:09
Մի աշխատանքային օր 10 րոպե ժամանակ գտի, արի Չարենցի 1-ի դեմը հաշվի, թե քանի ավտոյա մտնում թույլատրելու արագությամբ (60-ի մոտ), առանց ձեբրը տեսնելու (այսինքն տեսնում ա էն ժամանակ, երբ արդեն չի հասցնի կանգնի)։
Լավ ա, գոնե շատ բանուկ տեղ չի, զեբրով ուշ-ուշ ա մարդ անցում, անցնողներն էլ ուզած-չուզած շատ զգույշ են, որտև իրանք էլ եկող ավտոներին չեն տեսնում։

Դա Չարենցի 1-ի խնդիր չի ախր, ոչ էլ կոնկրետ ըտեղ զեբռային մոտ կանգնած մեքենայի խնդիր ա: Տենց պռոմբլեմ սաղ քաղաքում ա: Ըտեղ որ զեբռային մոտ մեքենա էլ չլինի, էդ անտեր անցումով անցնել չի լինում: Ոչ հետիոտնին ա հարմար էդ անցումը, ոչ վարորդներին ա հարմար զիջելը: Պարոնյանի վրայի անցումը տեսել ե՞ս, պավառոտի վրա, հիմա ըտեղ զեբռայի մոտ ավտո լինի, թե չլինի, դրանով անցնելը վտանգավոր ա ու անհարմար: Մի կողմից դիք են իջնում ու պավառոտ, մյուս կողմից բարձրանում են ու պավառոտ, տեսադաշտը քիչ ա, դրել զեբռա են գծել իձիոտները:
Դրել Սայաթ Նովայի վրա, որ Տերյանի կողմից գալիս հասնում ես Աբովյան խաչմերուկ, ձախ մտնելու նշան են գծել գետնին, հետո ջնջել են, հիմա էլ կարաս անցնես դեռ տեղը էրևում ա, ու նենց ա էրևում, որ չիմացող մարդը կարա շփոթի ու մտնի: Ոչ մի կերպ չեմ կարում հասկանամ, թե ոնց կարային դա գծեին: Մի հատիկ տարբերակ մտքովս չի անցնում: Եթե էդքան անուղեղ են, որ դա գծվել ա, եթե էդքան անուղեղ են, որ ամիսներով դեռ նորմալ չեն մաքրել, ի՞նչ դիմում գրես դրանց, դիմում գրելուց առաջ մի պահ ոնց էլ չլնի մտքովդ կանցնի չէ՞, որ դրանք կարդալ էլ չեն իմանա, բա դիմումդ ո՞վ ա կարդալու:

Աթեիստ
12.07.2015, 02:19
Դա Չարենցի 1-ի խնդիր չի ախր, ոչ էլ կոնկրետ ըտեղ զեբռային մոտ կանգնած մեքենայի խնդիր ա: Տենց պռոմբլեմ սաղ քաղաքում ա: Ըտեղ որ զեբռային մոտ մեքենա էլ չլինի, էդ անտեր անցումով անցնել չի լինում: Ոչ հետիոտնին ա հարմար էդ անցումը, ոչ վարորդներին ա հարմար զիջելը: Պարոնյանի վրայի անցումը տեսել ե՞ս, պավառոտի վրա, հիմա ըտեղ զեբռայի մոտ ավտո լինի, թե չլինի, դրանով անցնելը վտանգավոր ա ու անհարմար: Մի կողմից դիք են իջնում ու պավառոտ, մյուս կողմից բարձրանում են ու պավառոտ, տեսադաշտը քիչ ա, դրել զեբռա են գծել իձիոտները:
Դրել Սայաթ Նովայի վրա, որ Տերյանի կողմից գալիս հասնում ես Աբովյան խաչմերուկ, ձախ մտնելու նշան են գծել գետնին, հետո ջնջել են, հիմա էլ կարաս անցնես դեռ տեղը էրևում ա, ու նենց ա էրևում, որ չիմացող մարդը կարա շփոթի ու մտնի: Ոչ մի կերպ չեմ կարում հասկանամ, թե ոնց կարային դա գծեին: Մի հատիկ տարբերակ մտքովս չի անցնում: Եթե էդքան անուղեղ են, որ դա գծվել ա, եթե էդքան անուղեղ են, որ ամիսներով դեռ նորմալ չեն մաքրել, ի՞նչ դիմում գրես դրանց, դիմում գրելուց առաջ մի պահ ոնց էլ չլնի մտքովդ կանցնի չէ՞, որ դրանք կարդալ էլ չեն իմանա, բա դիմումդ ո՞վ ա կարդալու:

Պարոնյանինը չգիտեմ, ես էլ օրինակ բերեցի որտեղ անհարմար ա (Մասիվի սկիզբը), դքի վրայա, դրա համար դրանից չեմ օգտվում, հեծոյով գնում, անցումով եմ անցնում։
Բայց դրա համար հաստատ ես չեմ դիմի, դրա առկայությունը ինձ չի խանգարում, վարորդներին ա խանգարում։
Նույնն էլ Սայաթ Նովայինը, ձախ ա, ես դրա իրավունքը չունեմ, ինձ չի հետաքրքրում։ Հեչ պետք չի դրա համար գնալ, դիմում գրել։ Ընդամենը պետք ա 2 րոպե ծախսել, զանգել բողոքել։
Իմ զանգելուց 1 ժամ հետո հերթապահն եկավ, ավտոները հանեց, զանգեց, ինձ էլ տեղյակ պահեց։ Պարզ ա, որ մաքրելը տենց արագ չի լինի, բայց իրանց մի բուշլաթի թև զեկուցել ա, իբր մաքրել ա, գրել են մաքրած ա։ Կարող ա մի զանգով գալիս են, մարդավարի մաքրում են, խի՞ չփորձել, եթե էդքան կարևոր ա։

Չարենցինը չգիտեմ ինչով ա անհարմար մեքենաների համար. երբ իմ տեսադաշտը բաց ա, ես էլ հանգիստ կարում եմ անցնեմ, եկողներն էլ ինձ կարում են տեսնեն ու զիջեն։
Էս պահին ով որ հիշում ա, որ ըտեղ զեբր ա, մոտենալուց թափը գցում ա, կարում ա զիջի, բայց օրինակ տաքսիների մեծ մասը (որոնք նաղդ գիտեն զեբրի մասին) վրեքս են հելնում։

Էս քանի օր ուշադրություն եմ դարձնում, սաղ МВД-ի ավտոներն են սկսել կանգնել։ Էլի կզանգեմ, թող իրանք գան, ոնց ուզում են իրար հետ լեզու գտնեն։

Աթեիստ
12.07.2015, 02:22
Ապ, նայի օրինակ բերեմ: Ասենք հենց էն տեղում, որտեղ էդ մեքենաները օրենքի խախտումով կայանել են, ավտոս փչացել ա: Ի՞մ մեղավորությունն ա, թե մյուս քշողների, որ ուշադիր չլինելով կարող ա փողոցն անցնողին վրաերթի ենթարկեն: Իհարկե մյուսների, որտև անտերը մեքենա են քշում, ու պետք ա ուշադիր լինեն: Ու զեբրի մոտ էլ կրկնակի ուշադիր լինեն, առավել ևս եթե դիմացի տեսադաշտը մեքենա ա կիսով չափ փակում:

Մի խոսքով, անձամբ ինձ չհամոզեցիր: Իհարկե լավ չի, որ զեբրին մոտ են կանգնում, բայց ավելի շատ դու ես իրավիճակը դրամատիզացնում, իմ կարծիքով :)


Արտ, ախր զեբրը պտի՞ երևա, որ եկողը զգույշ լինի։ Տաքսիները ինադու են վրեքս հելնում, բայց լիքը նորմալ վարորդ կա, որ մինչև չի հասնում, չի տեսնում էդ զեբրի վրա, որը օրվա մեծ մասն ազատ ա, մարդ կա՞, թե՞ չէ։

Նենց չի, որ ես մենակ էդ զեբրից եմ օգտվում. դա իմ առորյայի ամենավտանգավորն։ Սա դրամատիզացնել չի, իսկականից շատ են հելնում վրեքս։

Chuk
12.07.2015, 02:23
Արտ, ախր զեբրը պտի՞ երևա, որ եկողը զգույշ լինի։ Տաքսիները ինադու են վրեքս հելնում, բայց լիքը նորմալ վարորդ կա, որ մինչև չի հասնում, չի տեսնում էդ զեբրի վրա, որը օրվա մեծ մասն ազատ ա, մարդ կա՞, թե՞ չէ։

Նենց չի, որ ես մենակ էդ զեբրից եմ օգտվում. դա իմ առորյայի ամենավտանգավորն։ Սա դրամատիզացնել չի, իսկականից շատ են հելնում վրեքս։

Գիտեմ որ շատ են հելնում, ու եթե իմ հասկացած զեբրն ա, բոլորովին ոչ զեբրին մոտ կայանած ավտոների պատճառով:

Աթեիստ
12.07.2015, 02:29
Գիտեմ որ շատ են հելնում, ու եթե իմ հասկացած զեբրն ա, բոլորովին ոչ զեբրին մոտ կայանած ավտոների պատճառով:

Արտ, եթե ես իրանց տեսնեմ, իրանք հաստատ իմ վրա չեն հելնի։

Ներսես_AM
12.07.2015, 02:29
Լրիվ համաձայն եմ, ու կարծում եմ, որ ոչ մեկն էլ ստեղ ճիշտ չի համարում զեբռին մոտ կանգնելը: Խոսքը ավելի շատ գնում ա դրանք անպայման պատժել-չպատժելու մասին: Ու դա քննարկելուց պետք ա նայել հնարավորությունները: «Ուրեմն մեքենա մի քշիր»-ը հնարավորություն չի: «Գնա մի կիլոմետր հեռու կանգնիր»-ը հնարավորություն չի:

Եթե մոտակայքում կայանելու տեղ կա, բայց մեկը նագլիավար էդտեղ ա կանգնացնում, սրիկայություն ա: Եթե այլ ելք չունի, ու կանգնացնում ա, ինչ-որ տեղ պետք ա հասկանալ, ըմբռնել:

Ըմբռնել չի կարելի շատ պարզ պատճառով, որտև իրա պատճառով կարող ա ես որպես վարորդ գնամ դատվեմ։ Ինքը ինձ զրկում ա պոտենցիալ վտանգը տեսնելու կարողությունից։ ՈՒ էլի եմ ասում էս մի ավտոյի տեղը եղանակ չի փոխում։ Օրինակ խաչմերուկի բերան չի կարելի կանգնել։ ՈՒ չեն կանգնում չէ՞։ էդ էլ մի մեքենայի տեղ չի մի 4-5 մեքենայի տեղ կլինի։ Կանգնողին էլ ոչ մեկ ըմբռնումով չի մոտենում։

Ավտոկայանատեղերի հարցը տենց հեշտ բան չի է։ Ինչի ա Հայաստանում սաղին թվում թե էդ պրոբլեմը մենակ մեր գլխին ա եկել։ Քաղաքների զգալի մասը որոնք կառուցվել են ոչ վերջին հիսուն տարում էդ խնդիրն ունեն։ Հեշտ բան չի դնել ու կառուցապատված քաղաքում կայանատեղի սարքել։ ՈՒ հա շատ եվրոպական քաղաքներում եթե մի կիլոմետրի վրա լինում ա կայանատեղի էդ լավ մոտիկ ա։ Դրա համար հազար ու մի ուրիշ ձևերով են նվազեցնում մեքենաների քանակը։ Հասարակական տրանսպորտ կա, հեծանիվ կա, մոտո կա, մոտոռոլլեր կա։ Մեր օֆիսում 300 հոգուց ոչ մեկ ավտոյով գործի չի գալիս։ Ավտոն շաբաթ կիրակիի համար ա հիմնականում։ Որտև էս հին քաղաքում էդքան ավտոյի տեղ չկա։

Ներսես_AM
12.07.2015, 02:35
Էդ ի՞նչ արագությամբ եք խաչմերուկ մտնում կամ ի՞նչ ավտոյով եք մտնում, որ տենց դժվար ա դառնում տոռմուզ տալը: Ասենք մեր նեղ փողոցներին ու նեղ խաչմերուկներին ոնց էլ քշես, հատկապես որ գիտես զեբռա կա, պարզ չի՞ որ հավանական ա ու սպասելի ա, որ մարդ էլ պետք ա լինի: Իմ հետ էսքան ժամանակ հլը չի էղել, որ թեկուզ շատ չնչին վտանգավոր պահ ստացվի դրա պատճառով: Հազարից մեկ նեղում ա, եթե մեծ մեքենա ա լինում, միքիչ անհարմար ա:

Հարցը խաչմերուկների վրայի անցումներին չի վերաբերվում։ Խաչմերուկների մոտ հիմնականում սենց թե նենց չեն կանգնում, բացի դրանից եթե կանաչ էլ ա հետիոտնի համար սենց թե նենց կարմիր ա։ Խոսքը խաչմերուկներից դուրս չկարգավորվող անցումների մասին ա։ Մեկը ասենք Ռայկոմից որ գալիս ես լամբադան անցնում ես ըտեղ կանգառ կա ու դրանից հետո անցում ա։ Ըտեղ եթե ավտո ա կանգնած պտի քսանից ավել չմոտենաս անցումին, որտև որ մեկը հելավ դեմդ ձև չունես կանգնելու։ Հետ բարձրանալուց էլ կա բայց ավելի մեղմ ա որտև դիք ես հելնում ավտոն շուտ ա կանգնում։ ՈՒ հենց էդ անցումի վրա լիքը դեպքեր ա լինում յա մարդ են գցում տակը յա ավտոներն են հագնում իրար։

Chuk
12.07.2015, 02:38
Օրինակ խաչմերուկի բերան չի կարելի կանգնել։ ՈՒ չեն կանգնում չէ՞։
Կանգնում են, նույն Չարենցի վրա, Սայաթ-Նովայի խաչմերուկի մոտ: Էլի լիքը տեղեր կան, էս պահին էդ հիշեցի: Պատճառը բավական ակնհայտ ա, բանուկ մաս ա, հիմնարկներ, ԲՈՒՀ-եր, ու ավտոկանգայանատեղիների մեծ պրոբլեմ:

Աթեիստ
12.07.2015, 02:43
Կանգնում են, նույն Չարենցի վրա, Սայաթ-Նովայի խաչմերուկի մոտ: Էլի լիքը տեղեր կան, էս պահին էդ հիշեցի: Պատճառը բավական ակնհայտ ա, բանուկ մաս ա, հիմնարկներ, ԲՈՒՀ-եր, ու ավտոկանգայանատեղիների մեծ պրոբլեմ:


Արտ, նենց էլ օրինակ բերեցիր։ Ես հա ըտեղով անցնում եմ, ոչ մի անգամ խաչմերուկին մոտ կանգնած ու տեսադաշտը փակող մեքենա չեմ տեսել։
Յուքոմի դեմը կանգնելուց նույնիսկ կամերան նկարում ա, ու տուգանք ա գալիս (նաղդ տեսել եմ տուգանքը)։

Նույնիսկ ստոլբի վրա գրել կպցրել են, որ ըտեղ կամերան նկարում ա, չկանգնեն։

Ներսես_AM
12.07.2015, 02:46
Կանգնում են, նույն Չարենցի վրա, Սայաթ-Նովայի խաչմերուկի մոտ: Էլի լիքը տեղեր կան, էս պահին էդ հիշեցի: Պատճառը բավական ակնհայտ ա, բանուկ մաս ա, հիմնարկներ, ԲՈՒՀ-եր, ու ավտոկանգայանատեղիների մեծ պրոբլեմ:

Չեմ ասում ընդհանրապես չեն կանգնում։ Տենց տեղեր ես էլ գիտեմ որ կանգնում են։ Օրինակ Ցիտադելի մոտ Տերյանի վրա։ Կանգնում են ու աջ գիծը փակում, որ հետո աջ մտնողը անիմաստ կարմիրի տակ սպասում ա մեջտեղի գծում երբ իրա աջ սեկցիան բաց կլիներ։ :angry

Իմ կարծիքով էդ մեջբերածդ ամենաանհետաքրքիր մասն էր քննարկումը շարունակելու համար, ավելի լավ կլիներ որ էդքան ասում ես ավտոկայանատեղիների մեծ պրոբլեմ դու ասես ոնց ես էդ պրոբլեմի լուծումը տեսնում։

Chuk
12.07.2015, 02:47
Արտ, նենց էլ օրինակ բերեցիր։ Ես հա ըտեղով անցնում եմ, ոչ մի անգամ խաչմերուկին մոտ կանգնած ու տեսադաշտը փակող մեքենա չեմ տեսել։
Յուքոմի դեմը կանգնելուց նույնիսկ կամերան նկարում ա, ու տուգանք ա գալիս (նաղդ տեսել եմ տուգանքը)։

Նույնիսկ ստոլբի վրա գրել կպցրել են, որ ըտեղ կամերան նկարում ա, չկանգնեն։

Լիքն եմ տեսել, որ Չարենցից իջնում ես, ու աջով Սայաթ-Նովա ես մտնում: Մանավանդ ցերեկային ժամերին, մանավանդ ուսանողական շրջանում: Առիթ կլինի, կնկարեմ, ցույց կտամ: Լիքը նման իրավիճակ տեսել եմ նաև Ալեք-Մանուկյան - Վարդանանց Խաչմերուկում, Նար-Դոսից Վարդանանց մտնելուց: Իհարկե միշտ չի, բայց ահագին շատ են լինում: Դե իսկ ասենք Վարդանանց-Վրացյան խաչմերուկի մասին չխոսեմ: Երբեմն հերիք չի զեբռին են կպած կանգնում, այլ հենց զեբռին են կանգնում: Էլի նույն պատճառով, ահավոր բանուկ տեղ ա, ու կայանելու նորմալ տեղ չկա:

Chuk
12.07.2015, 02:49
Իմ կարծիքով էդ մեջբերածդ ամենաանհետաքրքիր մասն էր քննարկումը շարունակելու համար, ավելի լավ կլիներ որ էդքան ասում ես ավտոկայանատեղիների մեծ պրոբլեմ դու ասես ոնց ես էդ պրոբլեմի լուծումը տեսնում։
Աչքիս Մեֆին ու Ռամշին կանչենք, էդ իրանց պրոֆիլով ա :))

Չգիտեմ ինչքանով ա նորմալ, թող մասնագետներն ասեն, բայց ես միշտ մտածել եմ, որ օղակաձև այգու տակ կարելի ա ավտոկանգառ սարքել: Ուրիշ հարց, որ կարող ա ոչ մասնագետ լինելս թույլ չի տալիս դրա պրոբլեմները տեսնել: Ուղղակի մի կարևոր պահ էլ կա, ստորգետնյա ավտոկանգառը չպետք ա լինի Օպերայինի նման նեղլիկ-մեղլիկ ու թանկ: Ու կարծում եմ, որ քաղաքային իշխանությունը պետք ա դրանց համար բյուջեից գումար տրամադրի:

Chuk
12.07.2015, 02:50
Պլյուս ես շարունակում եմ համարել, որ թեկուզ նույն ԲՈՒՀ-երը պետք ա կենտրոնից սկսել հեռացնել, քաղաքում բաշխվածությունը փոխել:

Mephistopheles
12.07.2015, 03:20
Աչքիս Մեֆին ու Ռամշին կանչենք, էդ իրանց պրոֆիլով ա :))

Չգիտեմ ինչքանով ա նորմալ, թող մասնագետներն ասեն, բայց ես միշտ մտածել եմ, որ օղակաձև այգու տակ կարելի ա ավտոկանգառ սարքել: Ուրիշ հարց, որ կարող ա ոչ մասնագետ լինելս թույլ չի տալիս դրա պրոբլեմները տեսնել: Ուղղակի մի կարևոր պահ էլ կա, ստորգետնյա ավտոկանգառը չպետք ա լինի Օպերայինի նման նեղլիկ-մեղլիկ ու թանկ: Ու կարծում եմ, որ քաղաքային իշխանությունը պետք ա դրանց համար բյուջեից գումար տրամադրի:

Փարքինգի հարցը քաղաքաշինական ա՝ ճիշտ ա... բողոքելն աշխատում ա բայց լուծում չի տալիս

Rammstein
12.07.2015, 12:46
Կարծում եմ պետք ա մտածել ոչ միայն կայանատեղերն ավելացնելու ուղղությամբ։ Ոչ պակաս պետք ա մտածել հասարակական տրանսպորտի բարելավման մասին, ինչը կարա զգալիորեն պակասացնի մեքենաների թիվը, հատկապես տաքսիների հաշվին։ Եթե իսկականից որակյալ տրանսպորտ լինի, կարող ա բացի տաքսիներից նաեւ բազմաթիվ մեքենա ունեցող մարդիկ մեքենա հանել, բենզին կամ գազ լցնել, գնալ, կայանատեղ փնտրել եւ այլ գլխացավանքների փոխարեն նախընտրեն հասարակական տրանսպորտով երթեւեկել։

Կամ կարելի ա առավոտվա ժամը 20:000-ին տաքսիների մինիմալը դարձնել 1500 դրամ, որ մարդիկ սկսեն օգտվել ամբողջ օրը դատարկ երթեւեկող տրանսպորտից… Լավ, չէ, էղ մեկը չեմ առաջարկում, կարող ա հեղինակային իրավունք խախտեմ։ :))

Vaio
12.07.2015, 13:36
Որ խոսքը գնաց զեբռաներից մի բան էլ ես ասեմ:

Բաշինջաղյան փողոցից շրջանաձև երթևեկությամբ խաչմերուկից (Չաուշի հրապարակից) դեպի ձախ՝ Մազմանյան փողոց մուտք գործելիս հենց խաչմերուկի սահմաններում, ձախ շրջադարաձի սկզբնամասում, կա հետինոտնային անցում: Այս հետիոտնային անցման վտանգն այն է, որ այդ հատվածում (խաչմերուկի սահմաններում) վարորդը ձախ թեքվելիս պետք է նայի աջ, որպեսզի աջից այլ ավտոմեքենաների կողմից հարված չստանա, իսկ մյուս կողմից էլ՝ պետք է նայի ձախ, որպեսզի հետիոտնին վրաերթի չենթարկի:

Սրա միակ լուծումը հետիոտնային անցումը մի քանի մետրով տեղափոխելն է, ավելի հեռու տանելն է:

Աթեիստ
12.07.2015, 18:52
Որ խոսքը գնաց զեբռաներից մի բան էլ ես ասեմ:

Բաշինջաղյան փողոցից շրջանաձև երթևեկությամբ խաչմերուկից (Չաուշի հրապարակից) դեպի ձախ՝ Մազմանյան փողոց մուտք գործելիս հենց խաչմերուկի սահմաններում, ձախ շրջադարաձի սկզբնամասում, կա հետինոտնային անցում: Այս հետիոտնային անցման վտանգն այն է, որ այդ հատվածում (խաչմերուկի սահմաններում) վարորդը ձախ թեքվելիս պետք է նայի աջ, որպեսզի աջից այլ ավտոմեքենաների կողմից հարված չստանա, իսկ մյուս կողմից էլ՝ պետք է նայի ձախ, որպեսզի հետիոտնին վրաերթի չենթարկի:

Սրա միակ լուծումը հետիոտնային անցումը մի քանի մետրով տեղափոխելն է, ավելի հեռու տանելն է:


Ժող, քանի որ լիքը բան ասում եք, բայց գիտեմ, որ ոչ մեկդ էդ նույն բանը ՃՈ-ին չի առաջարկի, ես սենց բան առաջարկեմ։

Նորմալ շարադրեք ձեր առաջարկները, ես էլ դրանք դիմումի ձևով հանձնեմ ՃՈ։

Աթեիստ
12.07.2015, 18:53
Կարծում եմ պետք ա մտածել ոչ միայն կայանատեղերն ավելացնելու ուղղությամբ։ Ոչ պակաս պետք ա մտածել հասարակական տրանսպորտի բարելավման մասին, ինչը կարա զգալիորեն պակասացնի մեքենաների թիվը, հատկապես տաքսիների հաշվին։ Եթե իսկականից որակյալ տրանսպորտ լինի, կարող ա բացի տաքսիներից նաեւ բազմաթիվ մեքենա ունեցող մարդիկ մեքենա հանել, բենզին կամ գազ լցնել, գնալ, կայանատեղ փնտրել եւ այլ գլխացավանքների փոխարեն նախընտրեն հասարակական տրանսպորտով երթեւեկել։

Կամ կարելի ա առավոտվա ժամը 20:000-ին տաքսիների մինիմալը դարձնել 1500 դրամ, որ մարդիկ սկսեն օգտվել ամբողջ օրը դատարկ երթեւեկող տրանսպորտից… Լավ, չէ, էղ մեկը չեմ առաջարկում, կարող ա հեղինակային իրավունք խախտեմ։ :))

Հասարակական տրանսպորտի խնդիրը իմ համար ամենացավոտ պրոբլեմներից ա, բայց էդ հարցում չեմ պատկերացնում իմ անելիքը։ Եթե ինչ որ բան գիտես, որ կարամ անեմ ու դրանով ինչ որ բան փոխեմ, ասա, փորձեմ։

Լեո
12.07.2015, 20:07
Լեո, իմ մտքերի մասին դատի իմ գրածներով, ոչ թե օրինակ Kuk-ի մեկնաբանություններով: Ես ինքս էլ նշել եմ, որ լիքը սխալ օրենքներ ու նշաններ կան:
Բայց ես ինքս չեմ պատրաստվում դրանց բոլորի դեմ պայքարել:
Ու ես չեմ ասել, որ բոլոր խախտողները պտի պատժվեն:
Կոնկրետ ես պայքարելու եմ բոլոր նրանց դեմ, ովքեր խանգարում եմ անձամբ ինձ:
Կոնկրետ զեբրի դեպքն էլ բացատրեցի, մեր մոտի զեբրի դիմաց կանգնելով փակում են վարորդի տեսադաշտը:
Տերյանի վրա չզիջողը շատ հեռվից ինձ ու հղի կնոջը տեսել էր ու հանգիստ կատար (պարտավոր էր) կանգներ: Բայց ինքը դրա փոխարեն ձեռը սիգնալին դրած քշեց վրեքս: Տենց ԲՏ-ի ընտանիքը իմ պատճառով մի ամիս սոված մնա չեմ ափսոսա:

Աթեիստ ջան, Կուկի մեկնաբանություններով չէի դատել: Ուղղակի ինձ թված, որ շատ խիստ ես դատում, չնայած ես էլ եմ երբեմն նյարդայնանում (երբեմն ցանկություն եմ ունենում որոշ հետիոտների ավտոյի տակ գցել :)) ):

Մնացածի մասով լրիվ համամիտ եմ, որոշ ԲՏ-ների քաղաքից արտաքսել ա պետք:

Tiger29
12.07.2015, 20:28
Ժող, քանի որ լիքը բան ասում եք, բայց գիտեմ, որ ոչ մեկդ էդ նույն բանը ՃՈ-ին չի առաջարկի, ես սենց բան առաջարկեմ։

Նորմալ շարադրեք ձեր առաջարկները, ես էլ դրանք դիմումի ձևով հանձնեմ ՃՈ։

ՀՀ ոստիկանության «Ճանապարհային ոստիկանություն» ծառայության պետ` ոստիկանության գնդապետ` Արմեն Վաչիկի Հակոբյանին:

Պարոն Հակոբյան առաջարկում եմ Երևան քաղաքի որոշակի լուսացույցների աշխատանքը փոխել` խաչմերուկների ծանրաբեռնվածությունից ելնելով: Օրինակ այն խաչմերուկներինը, որտեղ կանաչ լույսը բացվելուց հետո ավտոմեքենաները չեն կարողանում առաջ շարժվել: Լավ կլինի, եթե երկու կողմում էլ մի քանի վայրկյան կարմիր լույս լինի, որպեսզի դեղինի տակով անցածները հասցնեն ավարտեն շրջադարձը:
Հիմնական օրինակը Մայիսի 9 և Գարեգին Նժդեհ փողոցների հատման տեղում է: Մեքենաները 6-8 վայրկյան ստիպված կանգնում են, կամ փորձում են շրջանցել դիմացը փակած մեքենաներին`ստեղծելով վթարային իրավիճակներ:

Երկրորդը Սեբաստիա-Րաֆֆի խաչմերուկն է: Մալաթիա-Սեբաստիայի թաղապետարանի կողմից երթևեկելիս, ցանկալի է այդ խաչմերուկի առաջին փոքրիկ հատվածը անցնողները` երկրորդն էլ կարողանան անցնել: Որովհետև հետո Մալաթիա փողոցի կողմից թեքվողները այնքան շատ են լինում, որ փակում են ուղիղ երթևեկողների ճանապարհը: Եթե էդտեղ էդ պահին մեքենա չլինի, իրենք կարող են տեղավորվել և անիմաստ վայրկյաններ չեն կորչի:

Տրիբուն
12.07.2015, 20:29
Ժող, քանի որ լիքը բան ասում եք, բայց գիտեմ, որ ոչ մեկդ էդ նույն բանը ՃՈ-ին չի առաջարկի, ես սենց բան առաջարկեմ։

Նորմալ շարադրեք ձեր առաջարկները, ես էլ դրանք դիմումի ձևով հանձնեմ ՃՈ։

Չի օգնի .. միայն Սերժիկ հեռացիր :D

Ապեր, որ քաղաքում սաղ նորմալ աշխատի, Սաշիկն ի՞նչ պիտի ուտի: Ամեն թեթև խախտումը, երկու հատ շաուրմայա, իրա թանով:

Լեո
12.07.2015, 20:35
Էս վիդեոն էսօր եմ նկարել (ափսոս կիսատ ստացվեց ու համարները չեն երևում):
Սրա տիրոջը ի՞նչ կարելի ա ասել :sad


https://www.youtube.com/watch?v=ZL9etETg2jU&feature=youtu.be

Տրիբուն
12.07.2015, 21:07
ՀՀ ոստիկանության «Ճանապարհային ոստիկանություն» ծառայության պետ` ոստիկանության գնդապետ` Արմեն Վաչիկի Հակոբյանին:

Պարոն Հակոբյան առաջարկում եմ Երևան քաղաքի որոշակի լուսացույցների աշխատանքը փոխել` խաչմերուկների ծանրաբեռնվածությունից ելնելով: Օրինակ այն խաչմերուկներինը, որտեղ կանաչ լույսը բացվելուց հետո ավտոմեքենաները չեն կարողանում առաջ շարժվել: Լավ կլինի, եթե երկու կողմում էլ մի քանի վայրկյան կարմիր լույս լինի, որպեսզի դեղինի տակով անցածները հասցնեն ավարտեն շրջադարձը:
Հիմնական օրինակը Մայիսի 9 և Գարեգին Նժդեհ փողոցների հատման տեղում է: Մեքենաները 6-8 վայրկյան ստիպված կանգնում են, կամ փորձում են շրջանցել դիմացը փակած մեքենաներին`ստեղծելով վթարային իրավիճակներ:

Երկրորդը Սեբաստիա-Րաֆֆի խաչմերուկն է: Մալաթիա-Սեբաստիայի թաղապետարանի կողմից երթևեկելիս, ցանկալի է այդ խաչմերուկի առաջին փոքրիկ հատվածը անցնողները` երկրորդն էլ կարողանան անցնել: Որովհետև հետո Մալաթիա փողոցի կողմից թեքվողները այնքան շատ են լինում, որ փակում են ուղիղ երթևեկողների ճանապարհը: Եթե էդտեղ էդ պահին մեքենա չլինի, իրենք կարող են տեղավորվել և անիմաստ վայրկյաններ չեն կորչի:

ՀՀ ոստիկանության «Ճանապարհային ոստիկանություն» ծառայության պետ` ոստիկանության գնդապետ` Արմեն Վաչիկի Հակոբյանին:

Խնդրում ենք սիկտիր լինել էս երկրից:

Rammstein
12.07.2015, 23:33
Հասարակական տրանսպորտի խնդիրը իմ համար ամենացավոտ պրոբլեմներից ա, բայց էդ հարցում չեմ պատկերացնում իմ անելիքը։ Եթե ինչ որ բան գիտես, որ կարամ անեմ ու դրանով ինչ որ բան փոխեմ, ասա, փորձեմ։
Չեմ ուզում թեմայից դուրս շատ բաներ գրել, բայց մի քիչ ասեմ. էդ հարցը շատ արմատական լուծում ա պահանջում։ Հիմա Հայաստանում ամեն ինչ ձգտում ա շահույթի, պետությունը կտրատել, սրան նրան են ծախել ու դեռ ծախում, որ ամեն առանձին մաս իրա շահույթը հետապնդելով յոլա գնա։ Պետությունը չի կարում էլ. ցանցեր պահի, ծախել ա բիբինին, չի կարում ջրմուղ պահի, ծախում ա եսիմում, փոստ չի կարում պահի, ծախում ա, հեռախոսային ցանց չի կարում պահի, դեռ եսիմերբվանից ծախել պրծել ա… Հասարակական տրանսպորտ չի կարում պահի, ծախում ա ինչ-որ գծատերերի։ Հենց տենց եղավ, արդեն անիմաստ ա ակնկալել, որ որակյալ տրանսպորտ կլինի։ Մի տեսակ աննասուն իրավիճակ ա. տրանսպորտը ստիպված ա գերբեռնված երթեւեկել, թե չէ վարորդը իրա պլանն էլ չի հանի 100 դրամ ուղեվարձի պայմաններում, ժողովուրդն էլ արդարացիորեն չի պատրաստվում մի դրամ ավել վճարել էդ աղբին։ Ես սա համարում եմ ճգնաժամային վիճակ, որտեւ մի մազ էս կողմ կամ էն կողմ, վիճակը խիստ անկայուն կդառնա։ Հասարակական տրանսպորտը չպետք ա շահույթ հետապնդի։ Պիտի պետական լինի, վարորդները պիտի ֆիքսված աշխատավարձ ստանան, ունենան ֆիքսված չվացուցակ ու հարցը կլուծվի։ Կարճ ասած, հեռու չգնանք, նույն Երեւանի մետրոյի մոդելը որ կիրառվի մնացած տրանսպորտի վրա, ամեն ինչ շատ լավ կլինի։

Բայց չեմ հավատում, որ մոտ ապագայում կարա սենց բան լինի, որտեւ շատերի շահին ա հակասում դա։

Աթեիստ
12.07.2015, 23:42
Չեմ ուզում թեմայից դուրս շատ բաներ գրել, բայց մի քիչ ասեմ. էդ հարցը շատ արմատական լուծում ա պահանջում։ Հիմա Հայաստանում ամեն ինչ ձգտում ա շահույթի, պետությունը կտրատել, սրան նրան են ծախել ու դեռ ծախում, որ ամեն առանձին մաս իրա շահույթը հետապնդելով յոլա գնա։ Պետությունը չի կարում էլ. ցանցեր պահի, ծախել ա բիբինին, չի կարում ջրմուղ պահի, ծախում ա եսիմում, փոստ չի կարում պահի, ծախում ա, հեռախոսային ցանց չի կարում պահի, դեռ եսիմերբվանից ծախել պրծել ա… Հասարակական տրանսպորտ չի կարում պահի, ծախում ա ինչ-որ գծատերերի։ Հենց տենց եղավ, արդեն անիմաստ ա ակնկալել, որ որակյալ տրանսպորտ կլինի։ Մի տեսակ աննասուն իրավիճակ ա. տրանսպորտը ստիպված ա գերբեռնված երթեւեկել, թե չէ վարորդը իրա պլանն էլ չի հանի 100 դրամ ուղեվարձի պայմաններում, ժողովուրդն էլ արդարացիորեն չի պատրաստվում մի դրամ ավել վճարել էդ աղբին։ Ես սա համարում եմ ճգնաժամային վիճակ, որտեւ մի մազ էս կողմ կամ էն կողմ, վիճակը խիստ անկայուն կդառնա։ Հասարակական տրանսպորտը չպետք ա շահույթ հետապնդի։ Պիտի պետական լինի, վարորդները պիտի ֆիքսված աշխատավարձ ստանան, ունենան ֆիքսված չվացուցակ ու հարցը կլուծվի։ Կարճ ասած, հեռու չգնանք, նույն Երեւանի մետրոյի մոդելը որ կիրառվի մնացած տրանսպորտի վրա, ամեն ինչ շատ լավ կլինի։

Բայց չեմ հավատում, որ մոտ ապագայում կարա սենց բան լինի, որտեւ շատերի շահին ա հակասում դա։


Ռամշ, էն 150 դրամի շուխուրի վախտով շիքը մարդիկ հաշվում էին, ու ստացվում էր, որ եթե գրատերեի փոխարեն պետության ձեռն անցնի, որն էլ իրա հերթին գերշահույթներ չի հետապնդի, դա էլի կարա եկամտաբեր լինի։ Նույնիսկ 100 դրամով։

Էսօր որ իմանում ես, թե վարորդները գծի տերերին ինչ կարգի փողեր են վճարում, շշմում ես։
Էս վիճակի դեմ պայքարելու միակ հիմը Yerevan.am-ում տեղադրված ինֆորմացիան ա, որտեղ նշված ա, թե որ երթուղին ինչ հաճախությամբ պտի քշի, մինչև որ ժամը ու գծի մեջ քանի մեքենա պիտի լինի։ Իրականում շատ քիչ երթուղիներ են համապատասխանում էդ ցուցակին, բայց ապացուցելը, որ իրականում չի համապատասխանում, շատ դժվար ա։

Rammstein
13.07.2015, 01:04
Ռամշ, էն 150 դրամի շուխուրի վախտով շիքը մարդիկ հաշվում էին, ու ստացվում էր, որ եթե գրատերեի փոխարեն պետության ձեռն անցնի, որն էլ իրա հերթին գերշահույթներ չի հետապնդի, դա էլի կարա եկամտաբեր լինի։ Նույնիսկ 100 դրամով։

Էսօր որ իմանում ես, թե վարորդները գծի տերերին ինչ կարգի փողեր են վճարում, շշմում ես։
Էս վիճակի դեմ պայքարելու միակ հիմը Yerevan.am-ում տեղադրված ինֆորմացիան ա, որտեղ նշված ա, թե որ երթուղին ինչ հաճախությամբ պտի քշի, մինչև որ ժամը ու գծի մեջ քանի մեքենա պիտի լինի։ Իրականում շատ քիչ երթուղիներ են համապատասխանում էդ ցուցակին, բայց ապացուցելը, որ իրականում չի համապատասխանում, շատ դժվար ա։

Իրականում` հա, 100 դրամը բավարար ա։
Շատ կոպիտ հաշվարկ. ասենք ավտոբուսի վարորդը մի 15,000 օրական պլան ա տալիս, գծում էլ կա, շատ չասեմ, 10 մեքենա։ Էդ եղավ օրական 150,000 դրամ, կարծեմ ՀՀ միջին ամսականաշխատավարձն ա էդքան։ Ամսական սա անում ա 4.5 մլն դրամ, որը կարա չլինի պետական լինելու դեպքում։ Դրանից բացի եթե հաշվենք վառելիքի փողն ու վարորդի եկամուտը, կստացվի` ընդհանուր ահագին եկամուտ։

Chuk
13.07.2015, 04:24
Չեմ նկարել, ինչի համար փոշմանում եմ, բայց ենթադրում եմ, որ նկարածներ կլինեն:

Առավոտը 9:30-10:00 շրջակայքում անդադարում սիգնալներ են: Ես, կիրակի ա, հանգիստ քնած եմ: Մտածեցի, թե հարսանիք կլինի: Մի քիչ երկարեց, որոշեցի պատուհանից դուրս նայել:

Առաջինը մի մոտոցկիլիստ էր գալիս, ձեռքին ջրի պիստոլետ: Հետևից երկու մեքենա, մեկը իրա գծով, մեկը՝ պրոծիվ: Ու գալիս էր առանց անհանգստանալու, որ պռոբկա ա ստեղծում: Երկու ավտոյից էլ օպերատորներ էին կախված: որ կողքից սլացող մեքենան գլուխները ցխեր, մեղավոր կհամարվեր, բայց դե... հետո էլի մի քանի մեքենա, մի քանիսն էլի պրոծիվ: Հետո երկու ջրցան մեքենա: Բոլորը փուչկիներով «զարդարված»: Ջրցան մեքենաները ջուր էին ցանում. տոն ա, հրճվեք:

Արտ, հավես ունես, դիմում գրի, ափսոս չեմ նկարել, տոլի թաղապետարանը, տոլի քաղաքապետարանը վտանգավոր վիճակ ստեղծելով «տոնական վիճակ» էր ապահովոում:

Chuk
13.07.2015, 04:27
Ասլանյան Արայի էջից էս վիդեոն գտա, էս մասում ոնց-որ պրոծիվ չեն գնում, մեր մոտ հստակ պրոծիվով էին քշում.


https://www.youtube.com/watch?v=HdRd__6kL4U

Kuk
13.07.2015, 22:32
Էս վիդեոն էսօր եմ նկարել (ափսոս կիսատ ստացվեց ու համարները չեն երևում):
Սրա տիրոջը ի՞նչ կարելի ա ասել :sad


https://www.youtube.com/watch?v=ZL9etETg2jU&feature=youtu.be

Հա ի՞նչ ա անում որ, միքիչ դրիֆտ արեց էլի, էլ ոնց կլնի: Ես էլ որ հավեսի եմ ընգնում, աէսցեն անջատում եմ սկսում եմ սահել :)) եթե ոչ մեկի չխանգարես, ոչ մի վատ բան չկա. էս պահին էս ավտոն ոնց որ թե ոչ մեկին էլ չէր խանգարում:

Kuk
13.07.2015, 22:40
Փարքինգի հարցը լուծելն էդքան էլ դժվար չի. էդքան նորակառույց բարձրահարկեր են սարքում խելքից դուրս, որ ոչ էլ մարդիկ առնում են տները, թող էդ շենքերը սարքեն ավտոկայանատեղի: Ավելի լավ ա տասը հարկ բարձրանաս փարկինգ անես, նստես լիֆտ իջնես, քան ութ կռուգ էդ փողոցով ֆռաս, տենց էլ տեղ չգտնես ու եսիմորտեղ կանգնես:

Լեո
14.07.2015, 09:32
Հա ի՞նչ ա անում որ, միքիչ դրիֆտ արեց էլի, էլ ոնց կլնի: Ես էլ որ հավեսի եմ ընգնում, աէսցեն անջատում եմ սկսում եմ սահել :)) եթե ոչ մեկի չխանգարես, ոչ մի վատ բան չկա. էս պահին էս ավտոն ոնց որ թե ոչ մեկին էլ չէր խանգարում:

Էս պահին էս ավտոն ոչ ոքի չխանգարեց, բայց եթե սենց շարունակի, մի օր մեկին վնաս ա տալու (ինքն իր գլուխն ուտելը ջհանդամ):
Ու էդ հաստատ դրիֆտ անելու ամենահարմար տեղը չէր:

Mephistopheles
14.07.2015, 14:49
Ասլանյան Արայի էջից էս վիդեոն գտա, էս մասում ոնց-որ պրոծիվ չեն գնում, մեր մոտ հստակ պրոծիվով էին քշում.


https://www.youtube.com/watch?v=HdRd__6kL4U

Էս ինչ ա՞...

Chuk
14.07.2015, 15:26
Էս ինչ ա՞...

Թաղապետարանը ջրոցի ա խաղում ավտոների հետ:

Mephistopheles
14.07.2015, 18:38
Թաղապետարանը ջրոցի ա խաղում ավտոների հետ:

չէ լուրջ... էս ի՞նչ ա

Chuk
14.07.2015, 19:14
չէ լուրջ... էս ի՞նչ ա
Թաղապետարանը ջրոցի ա խաղում մեքենաների հետ։

Mephistopheles
14.07.2015, 19:21
Թաղապետարանը ջրոցի ա խաղում մեքենաների հետ։

Չուկ, թաղապետարանը ինչի՞ պտի ջրոցի խաղա ավտոների հետ... մեքենաների պարտադիր լավցում ա՞… եսի՞մ…

Mephistopheles
14.07.2015, 19:23
օլիգարխի հարսանիք ա՞…

Chuk
14.07.2015, 19:26
Չուկ, թաղապետարանը ինչի՞ պտի ջրոցի խաղա ավտոների հետ... մեքենաների պարտադիր լավցում ա՞… եսի՞մ…
Վարդավառի օրն առավոտյան իրանց արևին քաղաքում տոնական տրամադրություն էին ստեղծում

Mephistopheles
14.07.2015, 19:32
Վարդավառի օրն առավոտյան իրանց արևին քաղաքում տոնական տրամադրություն էին ստեղծում

դաաաա… էրևում ա ահագին երկար չեմ եղել Հայաստանում… ինչքան բան ա փոխվել…

anhush
05.11.2015, 20:04
հասարակական տրանսպորիտի հետ կապված իրավիճակը խայտառակ է Հայատանում և ընդանրապես հայկական տրանսպորտային միջոցների հետ ամենուր:
Մեքենաների տեխնիակակն վիճակից քիչ թե շատ հասկանալով Երևանում գերադասում էի ոտքով տեղափոխվել, բայց տաքսի կամ մարշրուտնի չնստել:


այսօր առավոտյան Մոսկվայում ոստիկանությունը Երևան ուղևորվող երկու ավտոբուս է տեղափոխել հատուկ տարածք՝ արգելելով շարունակել ճանապարհը: «Ռիա նովոստի» լրատվական գործակալության փոխանցմամբ, դրանց տեխզննման արդյունքում լուրջ խախտումներ են հայտնաբերվել, կաված, մասնավորապես, ավտոբուսների ղեկերի և արգելակման համակարգերի հետ, իսկ վարորդները ուղևորափոխադրումներ են իրականացրել առանց համապատասխան լիցենզիայի և անվտանգության պահանջների կոպիտ խախտումներով:
http://www.azatutyun.am/content/article/27346894.html

Հասարակակն տրանսպորտը պետք է միանշանակ անցնի պետական-հասարակական կարգավիճակի, ինչպես է օրինակ Տորոնտոյում: Իսկ Տորոնտոյի հասարկական տրանսպորտի ցանցը համարվում է ըստ արժանավույն լավագույներից մեկը աշխարհում:
Իհարկե, գինն էլ բավականին բարձր է /տոմսը 3 դոլար/, բայց այստեղ կան լիքը նյուանսներ, որ այդ վճարը դարձնում է մրցունակ:
իսկ Տալլինում ընդանրապես այն ձրի է երկրի քաղաքացիների համար ու աշխատում է ժամացույցի նման ու ժողովուդրը սեփական մեքենա պրակտիկորեն չի օգտագործում:

Լեո
06.11.2015, 14:06
իսկ Տալլինում ընդանրապես այն ձրի է երկրի քաղաքացիների համար ու աշխատում է ժամացույցի նման ու ժողովուդրը սեփական մեքենա պրակտիկորեն չի օգտագործում:

Հայաստանում կարելի ա Երևանում աշխատող ճանապարհային ոստիակններին, նրանց մեքենաներն ու վառելիքը ընդհանրապես կրճատել/վերացնել, ու ազատված գումարներն ուղղել հասարակական տրանսպորտի վիճակը լավացնելուն ու ձրի դարձնելուն:
Արդյունքում երևի հա՛մ հասարակական տրանսպորտի վիճակը կլավանա, հա՛մ էլ երթևության որակը կբարձրանա:

Տրիբուն
06.11.2015, 14:45
Հայաստանում կարելի ա Երևանում աշխատող ճանապարհային ոստիակններին, նրանց մեքենաներն ու վառելիքը ընդհանրապես կրճատել/վերացնել, ու ազատված գումարներն ուղղել հասարակական տրանսպորտի վիճակը լավացնելուն ու ձրի դարձնելուն:
Արդյունքում երևի հա՛մ հասարակական տրանսպորտի վիճակը կլավանա, հա՛մ էլ երթևության որակը կբարձրանա:

Սրան գումարի հազարից ավել ծառայողական ավտոմեքենաները, որի 95%-ը կարելի ա հանել՝ իրա վարորդներով, բենզինով, դիվանով ու քարտուղարուհիով։ Էտ փողերով մետրոյի երկու նոր գիծ կբացվի, տրամվայն էլ վրից։