PDA

Դիտել ողջ տարբերակը : «Անահիտ» մուլտֆիլմը



Smokie
27.12.2014, 17:38
Փաստորեն էսօր էր պրեմիերան::roll Ես նայելու եմ էս մուլտը, իսկ դու՞ք:;) Կամ գուցե արդե՞ն նայել եք::think

Եթե նախընտրում եք դիտումից առաջ չիմանալ որոշ բաներ՝ խորհուրդ կտայի չկարդալ սա::pardon

Նե՜նց էլ նման ա Նազենիին:))

https://i.imgur.com/pKfrDuI.jpg
«Մոսկվա» կինոթատրոնում այսօր տեղի ունեցավ Ղազարոս Աղայանի «Անահիտ» ստեղծագործության հիման վրա ստեղծված համանուն լիամետրաժ մուլտֆիլմի մեկնարկային ցուցադրությունը, որին հանդիսատեսը սպասում էր գրեթե հինգ տարի։ Մուլտֆիլմը ողջ ընտանիքով դիտելու համար է, այն հագեցած է հումորային պահերով, ինչպես նաեւ մուլտֆիլմն ավելի հետաքրքիր դարձնելու համար դրանում կիրառվել են ժամանակակից հայերեն եւ ռուսերեն արտահայտություններ, հերոսներից, օրինակ, շունը ունի բջջային հեռախոս, համակարգիչ է օգտագործում։ Ֆիլմում անգամ մեկ կադրով անդրադարձ է լինում այս տարվա Եվրատեսիլի հաղթող Կոնչիտային։ Մուլտֆիլմի ռեժիսոր Դավիթ Սահակյանցը այս հանգամանքը բացատրում է նրանով, որ փորձել են հումորի միջոցով միաձուլել երկու ժամանակաշրջանները։ Ֆիլմում Անահիտը համաձայնում է ամուսնանալ Վաչագան արքայի հետ, եթե նա դառնա գորգագործ։ Անահիտին հնչյունավորած Նազենի Հովհաննիսյանը լրագրողների հետ կիսվեց իր տպավորություններով. «Սա այն դեպքերից է, երբ մանկական ժպիտը դեմքիս կանգնել եմ, որովհետեւ ահռելի աշխատանք է տարվել, որի մեջ մենք ընդամենը մի փոքր բան ենք ներդրել»։ Նազենի Հովհաննիսյանը պատմում է, որ ինքը փորձել է դառնալ հենց Անահիտ. «Ֆիլմը հնչյունավորելիս փորձում էի հասկանալ, թե ե՞ս եմ փորձում նմանվել կերպարին, թե այնուամենայնիվ այդ կերպարից իմ մեջ կար։ Այն, ինչ տեսանք, ապշելու է, ֆանտաստիկ եւ զարմանալի»։ Երեխաներից մեկն էլ Նազենիից հետաքրքրվեց՝ եթե արքան չդառնար գորգագործ, կամուսնանա՞ր ինքը արքայի հետ. «Ես վստահ եմ, որ Անահիտը սիրահարվեց հենց առաջին հայացքից, սակայն շատ կարեւոր է լինել սկզբունքային։ Մարդը պետք է իմանա արհեստ։ Պատկերացնո՞ւմ եք անգործ եւ անարհեստ տղամարդ՝ սարսափելի բան է»։ Դավիթ Սահակյանցը լրագրողներին տեղեկացրեց, որ մուլտֆիլմը ներկայացվելու է մի շարք միջազգային փառատոններում, ինչպես նաեւ այն թարգմանվելու է ռուսերեն եւ անգլերեն եւ ցուցադրվելու է այլ երկրներում։ «Անահիտի» ամերիկյան պրեմիերան տեղի կունենա հունվարի 10-ին։ Մուլտֆիլմի հերոսներին հնչյունավորել են հայտնի դերասաններ Խորեն Լեվոնյանը, Նազենի Հովհաննիսյանը, Հրանտ Թոխատյանը, Ռաֆայել Քոթանջյանը, Մկրտիչ Արզումանյանը եւ այլոք։

Աղբյուր (http://www.aravot.am/2014/12/27/529012/)

Տրիբուն
28.12.2014, 00:45
Մենք հաստատ գնալու ենք նայելու ...

keyboard
28.12.2014, 19:47
Երեւի Վաչագանն էլ ձիու տեղ պոռշ պանամեռա ա քշում։
Ժամանակին, երբ դեռ դպրոցական էի, դպրոցի ճանապարհին մի ծալապակաս ծերուկ էր ապրում, մի օր անցնում եմ իր տան մոտով, տեսնեմ երեխաներին խմբել է շուրջը ու բարձրաձայն ասում է՝ Աշոտ Երկաթի պադվոդնի լոդկեքն ու վայենոմոռսկոյ ֆլոտը Սեւանում սպասում էին <մարտի> հրահանգին։
Մի քանի օր շոկի մեջ էի, հիմա լավ եմ, բայց էս մուլտից վախեցա նման շոկ ապրեմ, ավելի լավա ես չնայեմ։

Chuk
28.12.2014, 22:28
Մի տեսակ դժվար ա էս թեմայում գրելը, որտև մարդիկ նստել են, չարչարվել են, եքա գործ են արել, իսկ իմ խոսքն առանց անգամ մուլտն ամբողջական նայելու ավելի շուտ քննադատական ա լինելու:

Բայց դե... ախր ոնց ասեմ... պետք չի էլի նմանակել:
Ռոբերտ Սահակյանցի մասին ինչ ուզում ա խոսենք՝ անձնական կամ մասնագիտական դաշտում, բայց բոլորն էլ պետք ա ընդունեն, որ ինքը ստեղծում էր յուրատիպ, օրիգինալ բաներ: Ու իրա ոճն ինչ որ տեղ դարձել էր հայկական մուլտինդուստրայի դեմքը, այցեքարտը: Գոնե ես էդպես եմ պատկերացնում:

Այ սենց մի հատ հզոր, յուրատիպ հիմք կար, որն իր հետևորդները կարող էին շարունակել ու զարգացնել: Փոխարենը չգիտես ինչի որոշվել ա կապկել Վոլթ Դիսնեյական մի ոճ, որն ինքն իրանով արդեն համապատասխան ինդուստրայում անցյալ ա: Հա, էլի կան արտասահմանյան ընկերություններ, որոնք էս ոճի մեջ մուլտեր են նկարում, բայց երբ ուզում են նկատվող, հետաքրքիր բան անել, արդեն էս ոճը անցյալ ա:

Իսկ ես Անահիտի թրեյլերներն եմ նայում, ու եթե ձենն անջատած լինի, ինձ կթվա, թե նայում եմ ասենք 90-ականներին նկարված ամերիկյան մի մուլտ: Ինչի՞ ախպեր ջան, էդքան փող դնելով ավելի օրիգինալ բան չէի՞ք կարող անել:

Աթեիստ
28.12.2014, 23:33
Ես իրանց Սասունցի Դավիթից մի քանի կադր նայելուց հետո արդեն առանձնապես սպասումներ չունեի։

Էսօրվա մուլտերը իմ համար կամ պիտի շատ սիրուն լինեն (pixar-ի կարգի), կամ շատ ուժեղ սյուժե ունենան (south park-ի կարգի)։

Հավանակնությունը, որ Սահակյանցի տղեն լուրջ սոցիալական հարցեր ա բարձրացնելու հեքիաթում ձգտում ա զրոյի։ Նայելուց հետո հաստատ կասեմ։ Գրաֆիկան քաք ա։

Ֆբ-ում էլ փորձում էի համոզել, որ ձիուն Ռապունցելից չեն ցրել, բայց ՖԲ-ում իրա հայտարարած ժամկետները հեչ չէի բռնում մինչ այդ մուլտի մասին պատմող հոդվածներում տրված ժամկետների հետ։

Դե իսկ էն, որ ֆիլմի հերոսուհին շատ տղերքից գեշ ա նկարած, արդեն վաղուց ա քննարկվում ՖԲ-ում։

Chuk
28.12.2014, 23:40
Ես իրանց Սասունցի Դավիթից մի քանի կադր նայելուց հետո արդեն առանձնապես սպասումներ չունեի։
Սասունցի Դավթի մեջ օրիգինալությունը ավելի շատ էր, ստեղ պլագիատը, դատելով թրեյլներից, քոքած ա:

Աթեիստ
28.12.2014, 23:43
Սասունցի Դավթի մեջ օրիգինալությունը ավելի շատ էր, ստեղ պլագիատը, դատելով թրեյլներից, քոքած ա:

Ես Դավիթին սպասում էի երեխաներին ցույց տալու համար, բայց 2 րոպեից հասկացա, որ նկարողները երեխաներին որպես թիրախային խումբ ոչ էլ դիտարկել են։ Ինչքան ուզում ես օրիգինալ եղի, նայելը չպիտի տհաճ լինի, իմ համար տհաճ էր։

Chuk
28.12.2014, 23:50
Ես Դավիթին սպասում էի երեխաներին ցույց տալու համար, բայց 2 րոպեից հասկացա, որ նկարողները երեխաներին որպես թիրախային խումբ ոչ էլ դիտարկել են։ Ինչքան ուզում ես օրիգինալ եղի, նայելը չպիտի տհաճ լինի, իմ համար տհաճ էր։
Բան չասեցի :)

Տրիբուն
28.12.2014, 23:56
Մենք մեկա գնալու ենք նայենք .... ։բեեեեե

Chuk
28.12.2014, 23:59
Մենք մեկա գնալու ենք նայենք .... ։բեեեեե

Ես էլ եմ նայելու, Տրիբուն ձյա :)

Rhayader
28.12.2014, 23:59
http://upload.wikimedia.org/wikipedia/en/6/65/Hercules_(1997_film)_poster.jpg

Վառել, քանի ձու չի դրել:

Աթեիստ
29.12.2014, 01:05
http://upload.wikimedia.org/wikipedia/en/6/65/Hercules_(1997_film)_poster.jpg

Վառել, քանի ձու չի դրել:

Էս, կակռազ, ձուն ա, հավը շուտ էր սատկել։

ivy
29.12.2014, 20:03
Մենք մեկա գնալու ենք նայենք .... ։բեեեեե

Ես էլ եմ գնալու նայեմ ու մեծ հետաքրքրությամբ :)
Թրեյլերը հավանեցի. Սահակյանցի ձեռագրին հատուկ մուլտֆիլմային կերպարներ կային: Ես նմանակում էդքան էլ չզգացի:
Իսկ Անահիտը շատ սիրուն էր. ով ասում է «գեշ», ինքը գիտի իր ճաշակը:

Enna Adoly
29.12.2014, 21:05
Ես էլ եմ գնալու նայեմ ու մեծ հետաքրքրությամբ :)
Թրեյլերը հավանեցի. Սահակյանցի ձեռագրին հատուկ մուլտֆիլմային կերպարներ կային: Ես նմանակում էդքան էլ չզգացի:
Իսկ Անահիտը շատ սիրուն էր. ով ասում է «գեշ», ինքը գիտի իր ճաշակը:
ես էլ ^_^

Mephistopheles
29.12.2014, 21:25
էս եղավ էն "երեսբուք"-ը… հայկական գինեսի գիրք՝ դյուցազնաfuckingգիրք… թխել՝ թխել ա, բայց ամոթն էլ ա լավ բան…

Հիդրոգեն
29.12.2014, 23:40
Ֆիլմի գրաֆիկայի մասին բան չեմ ասի, որտև նման ոլորտում բյուջեից ու նկարիչների տեխնիկական ու մասնագիտական հնարավորություններից շատ բան է գալիս, ու ~$0.5 միլիոնանոց նախագծից (https://www.facebook.com/karen.sahakyan.779/posts/868033623260155?ref=notif&notif_t=close_friend_activity), ասենք, մի $150 միլիոնանոցի (https://en.wikipedia.org/wiki/Frozen_%282013_film%29) կամ նույնիսկ €6,5 միլիոնանոցի (https://en.wikipedia.org/wiki/The_Secret_of_Kells) արդյունք սպասելը անարդար է։

Բայց գոնե սյուժեն հո կարելի՞ էր մի քիչ ավելի մարդավարի սարքել։ Ֆիլմը բացարձակապես զուրկ էր ինքն իրեն կողքից չեզոք դատելու (self-awareness) ունակությունից։ Հիմնական սյուժեն այն աստիճան տափակ է ստացվել, որ նույնիսկ սպասելով Դիսնեի կրկօրինակման միևնույնն է հիասթափվում ես։ Ինչու՞ չէր կարելի օգտվել հայկական դիցաբանությունից սյուժեն ավելի բովանդակալից դարձնելու համար։

Եվ եթե սյուժեի խնդիրները ֆիլմը դարձնում էին անհետաքրքիր, ապա անհաջող կատակներն ու դերասանական խաղը այն արդեն վեր էին ածում տհաճ ապրումի։ Չգիտես ինչու հայերեն ֆիլմում ռուսերեն բառեր ու արտահայտություններ մտցնելը սցենարիստները համարել էին շատ հաջողված կատակ։ Եվ դա էլ որ քիչ չլիներ, որոշել էին նույն տիպի կատակը կրկնել մի 4-6 անգամ՝ երևի որ դիտողին լավ տեղ հասնի, թե որ մասերում է պետք ծիծաղել։

Հա, մեկ էլ գնալուց խորհուրդ կտայի ականջակալներ վերցրել, որտև ձիու «դերասանական» ձայնը ողջ ֆիլմի երկայնքով ականջ է սղոցելու։

John
30.12.2014, 01:06
Ասում ա Նազենիի Հովհաննիսյանին ա Անահիտը նման հա՞։ Արժի նայել

Rhayader
30.12.2014, 15:11
Բռնեցի ու զահլա արեցի բավականին ծավալուն գրել, թե ինչու «Անահիտն» իմաստ չունի նայել, այ այստեղ (http://songoffall.blogspot.com/2014/12/anahit.html): Ես հասկանում եմ, որ ամեն մեկն իրավունք ու կարիք ունի սեփական կարծիքը կազմել, բայց ասենք չարդարացված օպտիմիզմը չի խոսում մեծ մտավոր ունակությունների մասին, էլի :)) նույնիսկ զահլա եմ արել նշել, թե ինչ սխալներից կարելի էր հանգիստ խուսափել ցանկության դեպքում: Բայց դե, ոնց ասում են, Captain Hindsight-ի սուպերունակությունները ոչ մուլտֆիլմը կփրկեն, ոչ էլ հայկական մուլտիպլիկացիան:

ivy
30.12.2014, 18:58
Նայեցի ու շատ գոհ եմ, լավն էր :)
Բացեր իհարկե կային. Անդոկ ձին նման էր Ռապունցելի ձիուն, չարի կերպարն էլ Ռասպուտինի մուլտից ոնց որ լիներ, գրաֆիկան էլ իհարկե ամենա-ամենան չէր, բայց մնացած ամեն ինչով շատ լավն էր:
Ընտիր համադրել էին հին ու ժամանակակից տարրերը, համով կատակներ կային, լիքը կոլորիտ: Շատ եմ սիրում տենց հեքիաթներ, մի ժամանակ ինքս էլ էի էդպես փորձում գրել:
Կարգին գործ էին արել մարդիկ:
Լիքը ծիծաղել եմ ու լավ տրամադրությամբ եկել տուն :)

Chuk
30.12.2014, 19:52
Նայեցի ու շատ գոհ եմ, լավն էր :)
Բացեր իհարկե կային. Անդոկ ձին նման էր Ռապունցելի ձիուն, չարի կերպարն էլ Ռասպուտինի մուլտից ոնց որ լիներ, գրաֆիկան էլ իհարկե ամենա-ամենան չէր, բայց մնացած ամեն ինչով շատ լավն էր:
Ընտիր համադրել էին հին ու ժամանակակից տարրերը, համով կատակներ կային, լիքը կոլորիտ: Շատ եմ սիրում տենց հեքիաթներ, մի ժամանակ ինքս էլ էի էդպես փորձում գրել:
Կարգին գործ էին արել մարդիկ:
Լիքը ծիծաղել եմ ու լավ տրամադրությամբ եկել տուն :)

Այվ, իհարկե կնայեմ, նոր ամբողջական կարծիք կկազմեմ, բայց մինչ դա մի քանի հարց, եթե կարելի ա: Քեզ, որտև ոնց-որ թե մենակ դու ես ստեղ նայել (դեռ), եթե էլի նայողներ կան, իրանք էլ թող պատասխանեն:

- Ո՞վ ա մուլտի աուդիտորիան: Մենք՝ հայերս, հայերեն իմացող ու հայկական մշակույթ ունեցող, թե բոլոր մարդիկ՝ ամբողջ աշխարհից:
- Եթե բոլոր մարդիկ (իսկ ինձ թվում ա, որ էդպես ա նախատեսված, որտև անիմաստ ա էդքան փող ծախսել ու բավարարվել փոքր աուդիտորիայով), մեզնից, հայերից բացի, ու նաև բացի նրանցից ովքեր կոնկրետ հետաքրքրվել են հայկական մշակույթով, մուլտն ի՞նչ որ բան կտա, հումորը հասանելի կլինի՞, մուլտը հրապուրիչ, գրավիչ կլինի՞:

ivy
30.12.2014, 21:57
Չուկ, պատասխանեմ հարցերիդ։

Մշակութային լավ տարրեր ունի մուլտը. Վարդավառն է շատ սիրուն ներկայացվում, ազգային նիստուկացը, գույները, տարազը ու նաև՝ հայկական գորգագործությունը։ Դրանով ինքը մշակույթ է ներկայացնում ու կարող է դրսի համար հետաքրքիր լինել։
Բացի դրանից, հեքիաթի կարևոր գծերից մեկը շատ լավն է, էն, որ «արքա» ես, թե ցանկացած ուրիշ մարդ, պիտի գործով զբաղվես, ստեղծես ու արարես. դա ոչ միայն հայկական, այլև համամարդկային գաղափարախոսություն կարող է լինել։
Կար Սահակյանցի դասական դպրոցի ձեռագիրը, նույնիսկ հին մուլտերի ձևափոխված դրվագներ կային, որը հենց մենակ մերն է, էյ դրանով շատ հանգիստ կարելի է ներկայանալ դրսի աշխարհին։
Կային լիքը բառախաղեր, ժամանակակից բարբառ ու արտահայտությունների վրա հիմնված կատակներ, որոնք հենց հայերի համար են հասկանալի ու ծիծաղելի, չգիտեմ դա ոնց պիտի թարգմանվի, որ դրսից նայողի համար էլ հումորը պահպանվի։
Կար հնի ու նորի շատ հավես համադրություն, որը ցանկացած հանդիսատեսի համար էլ պիտի հասկանալի ու հավես դիտվող լինի։

Այսինքն, բառախաղերի վրա հիմնված հումորը հանած, մնացած ամեն ինչով ինքը հետաքրքիր նայվող ու լավ մուլտ կարող է լինել ցանկացած ուրիշ ազգի հանդիսատեսի համար։

Chuk
30.12.2014, 22:25
Չուկ, պատասխանեմ հարցերիդ։

Մշակութային լավ տարրեր ունի մուլտը. Վարդավառն է շատ սիրուն ներկայացվում, ազգային նիստուկացը, գույները, տարազը ու նաև՝ հայկական գորգագործությունը։ Դրանով ինքը մշակույթ է ներկայացնում ու կարող է դրսի համար հետաքրքիր լինել։
Բացի դրանից, հեքիաթի կարևոր գծերից մեկը շատ լավն է, էն, որ «արքա» ես, թե ցանկացած ուրիշ մարդ, պիտի գործով զբաղվես, ստեղծես ու արարես. դա ոչ միայն հայկական, այլև համամարդկային գաղափարախոսություն կարող է լինել։
Կար Սահակյանցի դասական դպրոցի ձեռագիրը, նույնիսկ հին մուլտերի ձևափոխված դրվագներ կային, որը հենց մենակ մերն է, էյ դրանով շատ հանգիստ կարելի է ներկայանալ դրսի աշխարհին։
Կային լիքը բառախաղեր, ժամանակակից բարբառ ու արտահայտությունների վրա հիմնված կատակներ, որոնք հենց հայերի համար են հասկանալի ու ծիծաղելի, չգիտեմ դա ոնց պիտի թարգմանվի, որ դրսից նայողի համար էլ հումորը պահպանվի։
Կար հնի ու նորի շատ հավես համադրություն, որը ցանկացած հանդիսատեսի համար էլ պիտի հասկանալի ու հավես դիտվող լինի։

Այսինքն, բառախաղերի վրա հիմնված հումորը հանած, մնացած ամեն ինչով ինքը հետաքրքիր նայվող ու լավ մուլտ կարող է լինել ցանկացած ուրիշ ազգի հանդիսատեսի համար։
Շնորհակալ եմ, հետաքրքրությունս շարժվեց :)

Աթեիստ
31.12.2014, 02:58
Վաչագան Սարգսյանի կարծիքը ՖԲ-ում (https://www.facebook.com/zorayrvas/posts/750407655044900)։



Երեկ ահը սրտումս գնացի <Անահիտ> մուլտֆիլմը նայելու: Վաչագան թագավորը հարբում էր ու ռուսերեն երգում, հերոսները ռուսերեն դարձվածներ էին գործածում խոսքի մեջ, ՄԵՆԱԿՈՎ գնում էին, ժարգոնում էին աջ ու ահյակ: Օտար ուժը Վաչագանին ու Անահիտին կախարդական շուն ու ձի նվիրեց, որոնց շնորհիվ միայն Վաչագանը հաղթեց: Հեքիաթի հիմնական գաղափարը` հենվիր քո ուժերին, ոչ թե չկար, այլ հանված էր ու օտար ուժերին էր գլխավոր դերը տված: Ձայնավորումները հիանալի էին, սակայն, ամբողջ հեքիաթը դարձրել էին մասխարա:

ivy
31.12.2014, 04:54
Էս ամենն ինձ հիշեցնում է «Հայելի» մուլտֆիլմը. ամեն մարդ էն է տեսել «Անահիտը» նայելիս, ինչ իր մեջ կա։

Պոզիտիվի պակաս կա հայաստանաբնական մարդկանց մոտ, որ ամեն ինչ դեռ անգամ չտեսած փնովում են ու թշնամանքով լցվում։
Մի քիչ թուլացեք մարդիկ, կայֆ մուլտ է, նայեք ուրախացեք։
Թե չէ օտար ուժեր ու ռուսական բառեր, էլ ոնց կլիներ։
Ցանկացած մուլտ էլ, որ սենց ակնոցներով նայես, աչքիդ չար դավադրություն կերևան։ Բայց դե ուրիշների մուլտերը առանց խորանալու էլ նայում ենք, իսկ այ մեր ստեղծածը հաստատ մի վատ մեսիջ ունի կամ էլ ուղղակի մասխարա է։
Լավ էլի, իսկականից թուլացեք մի քիչ։ Մուլտ է եղածը ու շատ բարի մուլտ։

Նոր տարի է, տոն, լավ է ամեն ինչ :)

Գալաթեա
31.12.2014, 06:12
Հետաքրքիր ա, որ վերլուծություն անելիս ռուսերեն դարձվածքներից բողոքող մարդը մուլտի՝ իր գլխավոր ու վերջնական նկարագիրը մաքուր արաբերեն բառով ա եզրափակել։

Mephistopheles
31.12.2014, 06:22
Էս ամենն ինձ հիշեցնում է «Հայելի» մուլտֆիլմը. ամեն մարդ էն է տեսել «Անահիտը» նայելիս, ինչ իր մեջ կա։

Պոզիտիվի պակաս կա հայաստանաբնական մարդկանց մոտ, որ ամեն ինչ դեռ անգամ չտեսած փնովում են ու թշնամանքով լցվում։
Մի քիչ թուլացեք մարդիկ, կայֆ մուլտ է, նայեք ուրախացեք։
Թե չէ օտար ուժեր ու ռուսական բառեր, էլ ոնց կլիներ։
Ցանկացած մուլտ էլ, որ սենց ակնոցներով նայես, աչքիդ չար դավադրություն կերևան։ Բայց դե ուրիշների մուլտերը առանց խորանալու էլ նայում ենք, իսկ այ մեր ստեղծածը հաստատ մի վատ մեսիջ ունի կամ էլ ուղղակի մասխարա է։
Լավ էլի, իսկականից թուլացեք մի քիչ։ Մուլտ է եղածը ու շատ բարի մուլտ։

Նոր տարի է, տոն, լավ է ամեն ինչ :)

Այվ, Լավ, է… ախր ազդված չի, է… թխած ա… ազդվելու դեմ բան չունեմ, թխելու դեմ ունեմ… ճիշտ ես ասում որ հայաստանում պոզիտիվի պակաս կա մարդկանց մոտ, բայց դա իրա պատճառներն ունի… Հայկական հեքիայթները դիզնիֆիկացնելով կամ դիզնին հայաֆիկացնելով չի…

Rhayader
31.12.2014, 07:23
Այվի, էս մուլտը նկարահանողի շրջապատը, եթե ոչ ընտանիքը, ցուցակներ էր կազմում, որտեղ ներառված մարդկանց պիտի գնդակահարեն կամ աքսորեն, հենց ՍՍՀՄ 2.0-ն սկսի: Անհիմն չեն էդ դիտարկումներն էլի, գոնե այս դեպքում:

Rhayader
31.12.2014, 07:33
Էս էլ որ լավ պատկերացնես, ինչի մասին եմ խոսում.

https://www.facebook.com/nana.sahakyantz/posts/954740491216674

Rhayader
31.12.2014, 07:34
Բայց սրանք ընդամենը կողմնակի բաներ եմ: Մնացածն այն էր, որ ողորմելի մուլտ էր՝ սիրողականից ցածր մակարդակի նկարած: Եթե ինչ-որ մեկը վայելել է, ապրի ինքը, բայց մուլտը դրանից լավը չի դառնում:

Տրիբուն
31.12.2014, 13:04
- Ո՞վ ա մուլտի աուդիտորիան: Մենք՝ հայերս, հայերեն իմացող ու հայկական մշակույթ ունեցող, թե բոլոր մարդիկ՝ ամբողջ աշխարհից:


Մուլտը դեռ չեմ նայել, բայց թրեյլերի 1:26-29 ում Քարահունջը կար, ուրեմն համաշխարհային մուլտիկ ա: :D

Chuk
31.12.2014, 19:04
Պոզիտիվի պակաս կա հայաստանաբնական մարդկանց մոտ, որ ամեն ինչ դեռ անգամ չտեսած փնովում են ու թշնամանքով լցվում։
Թշնամանքով լցվելու հարց չի, Այվի ջան:

Էս պահին իմ համար երկու հիմնական կողմ կա
1. Ոճական առումով պլագիատ ա, ու էդ հաստատ,
2. Դու հավանել ես, ուրեմն իմաստային առումով հավանական ա, որ լավն ա: Չնայած իհարկե ստեղ ճաշակի խնդիր էլ կա, կարող ա և չհավանեմ:

Իսկ նենց, ես ավելի հավեսով սպասում եմ «Անբան Հուռին» երաժշտական մուլտին, որը սուղ միջոցներով սիրողական թիմ ա նկարում:


Իսկ ընդհանրապես գտնում եմ, որ մեր մուլտինդուստրիայի կայացման համար մի հատ անհրաժեշտ բան կա. գլխից վերև չթռնել ու սկսել կարճամետրաժ մուլտերից:

Rhayader
01.01.2015, 00:39
Թշնամանքով լցվելու հարց չի, Այվի ջան:

Էս պահին իմ համար երկու հիմնական կողմ կա
1. Ոճական առումով պլագիատ ա, ու էդ հաստատ,
2. Դու հավանել ես, ուրեմն իմաստային առումով հավանական ա, որ լավն ա: Չնայած իհարկե ստեղ ճաշակի խնդիր էլ կա, կարող ա և չհավանեմ:

Իսկ նենց, ես ավելի հավեսով սպասում եմ «Անբան Հուռին» երաժշտական մուլտին, որը սուղ միջոցներով սիրողական թիմ ա նկարում:


Իսկ ընդհանրապես գտնում եմ, որ մեր մուլտինդուստրիայի կայացման համար մի հատ անհրաժեշտ բան կա. գլխից վերև չթռնել ու սկսել կարճամետրաժ մուլտերից:

Ու ընդհանրապես, ավելի լավ կլինի՝ սեփական սյուժեով բաներ նկարեն, ոչ թե շարունակեն հեքիաթները բռանբարել:

Jarre
01.01.2015, 01:46
Կային լիքը բառախաղեր, ժամանակակից բարբառ ու արտահայտությունների վրա հիմնված կատակներ, որոնք հենց հայերի համար են հասկանալի ու ծիծաղելի, չգիտեմ դա ոնց պիտի թարգմանվի, որ դրսից նայողի համար էլ հումորը պահպանվի։
Կար հնի ու նորի շատ հավես համադրություն, որը ցանկացած հանդիսատեսի համար էլ պիտի հասկանալի ու հավես դիտվող լինի։

Այսինքն, բառախաղերի վրա հիմնված հումորը հանած, մնացած ամեն ինչով ինքը հետաքրքիր նայվող ու լավ մուլտ կարող է լինել ցանկացած ուրիշ ազգի հանդիսատեսի համար։

Բա ի՞նչ ես ուզում, երկխոսությունների հեղինակներից մեկը իմ շատ սիրելի (ու գիտեմ, որ շատերի՝ չսիրելի) Վահրամ Սահակյանն է՝ Խաթաբալադայի, Մեա Կուլպայի սցենարիստը։

Rhayader
01.01.2015, 16:43
Ենթադրենք դիալոգները լավն էին, ձայներն էլ: Մուլտիպլիկացիայի առումով ձեռքերը, կներեք ֆրանսերենս, հետույքից է աճում: Թող ռադիոդրամա սարքեին, էլ ինչի էին մուլտֆիլմ նկարում որ:

Chuk
01.01.2015, 17:30
Բա ի՞նչ ես ուզում, երկխոսությունների հեղինակներից մեկը իմ շատ սիրելի (ու գիտեմ, որ շատերի՝ չսիրելի) Վահրամ Սահակյանն է՝ Խաթաբալադայի, Մեա Կուլպայի սցենարիստը։

Էս գրածիցդ մոտս մի հատ խառը, հակասական զգացում արթնացավ, փորձեմ ձևակերպել:

1. Իսկապես շատերիս կողմից չսիրելի է, մասնավորապես՝ իմ կողմից: Բայց չսիրելի է որպես անհատ, անձ, իր անձնային հատկանիշների առումով, համարում եմ սրիկա: Ու ստեղ համենայնդեպս ասեմ, որ խնդիրը նույնիսկ քաղաքական հայացքները ու քաղաքականությունում ու քաղաքացիական միջավայրում իր դրսևորած վարքի մասին չէ, այլ զուտ անձնական, մարդկային, որոնց մի մասը հանրությանն էլ է հայտնի, մի մասն էլ էնպես, ուրիշ տեղերից գիտեմ:

2. Չնայած առաջին կետին, իրեն համարում եմ շատ տաղանդավոր անձնավորություն, անգամ կարող է իր ինչ-որ ստեղծագործություններ ինքս չսիրեմ, բայց դա բացարձակ նշանակություն չունի, անգամ դրանք հաջող ստեղծագործություններ են, հաշվի առնելով այլոց վերաբերմունքն ու գնահատականը դրանց նկատմամբ:


Էս երկու կետից բխում է, որ եթե ես օբյեկտիվ մարդ եմ, պետք է որ մտածեմ, որ դիալոգներն ուրեմն լավն են: Որովհետև դրանցում կապ ունի իր տաղանդը, այլ ոչ անձնական հատկանիշները: Բայց, սատանան տանի, չէ, էնքան էլ էդպես չէ: Ախր ինքն իր ամբողջ էությամբ, ոճով, ստեղծագործական ուղղությամբ լրիվ ուրիշ ոճ է: Ախր մանկական բան ստեղծելուց, դա կլինի հեքիաթ, մուլտ, կինո թե մյուզիքլ, ուրիշ տիպի մարդիկ են պետք: Ախր եթե նույնիսկ հաջող հումորներ անի, դա ավելի շուտ լեզվի ճկունություն է լինելու, ոչ թե մանկականը հասկացողի երեխու համար ստեղծած բան:

Բայց էս ամեն ինչից հետո հետաքրքրությունս ավելի է շարժվում: Դեռ իմ մոտ նախատպավորություններ են, ոչ թե տպավորություններ :))

ivy
01.01.2015, 17:38
Էրեխեք, ախր սենց վերլուծություններ ոնց է հնարավոր անել՝ առանց նայելու, մնում եմ զարմացած։
Եթե դեռ չնայած սենց ծերից ծեր վերլուծում եք, նայելուց հետո ասենք կարող եք գիրք գրել :think

ivy
01.01.2015, 18:08
Էս երկու կետից բխում է, որ եթե ես օբյեկտիվ մարդ եմ, պետք է որ մտածեմ, որ դիալոգներն ուրեմն լավն են: Որովհետև դրանցում կապ ունի իր տաղանդը, այլ ոչ անձնական հատկանիշները: Բայց, սատանան տանի, չէ, էնքան էլ էդպես չէ: Ախր ինքն իր ամբողջ էությամբ, ոճով, ստեղծագործական ուղղությամբ լրիվ ուրիշ ոճ է: Ախր մանկական բան ստեղծելուց, դա կլինի հեքիաթ, մուլտ, կինո թե մյուզիքլ, ուրիշ տիպի մարդիկ են պետք: Ախր եթե նույնիսկ հաջող հումորներ անի, դա ավելի շուտ լեզվի ճկունություն է լինելու, ոչ թե մանկականը հասկացողի երեխու համար ստեղծած բան:


Չուկ, սկսենք նրանից, որ մեր հայկական հեքիաթներն էլ նենց լրիվ մանկական «քնելուց առաջ կարդալու» հեքիաթներ չեն։ Ու ընդհանրապես, ոչ հեքիաթները, ոչ մուլտերը մենակ բալիկների համար չի, որ ստեղծվում են։
Կոնկրետ էս մուլտը կարելի է նայել ամբողջ ընտանիքով. հնարավոր է, կատակներից ավելի շատ մեծերն ուրախանան, բայց դրանցում ոչ մի ցինիկ կամ գռեհիկ հումոր չկա։

Ու համաձայն չեմ, որ մենակ լսելով է մուլտը հաճելի (Բայն էլ էր էդ միտքը հայտնել). կերպարները, իրավիճակները շատ-շատ լավն են։ Ասում եմ, մշակութային տարրեր կան, Սահակյանցի ձեռագիրը կա, դուք ասում եք՝ թխած է։ Ախր գոնե նայած լինեիք, էլի ասեի, հա, բայց սենց չգիտեմ էլ ոնց հետներդ վիճել։

Chuk
01.01.2015, 19:47
Էրեխեք, ախր սենց վերլուծություններ ոնց է հնարավոր անել՝ առանց նայելու, մնում եմ զարմացած։
Եթե դեռ չնայած սենց ծերից ծեր վերլուծում եք, նայելուց հետո ասենք կարող եք գիրք գրել :think

Վերլուծություն չի, գրել էի՝ նախատպավորություն ա ;)

Էդ նախատպավորությունը ստացել եմ նայելով թրեյլերները, ներկայացնող նյութերը, ընթերցելով լիքը կարծիքներ: Կարող ա նախատպավորությունս սխալ լինի, կերևա :)

Chuk
01.01.2015, 19:50
հ.գ. Վահրամ Սահակյանի մասին ասածս մնում ա ուժի մեջ:

Այվի, ես չեմ, դու ես, ասենք իմանաս, որ էդ մուլտի երկխոսությունները գեներալ Մանվելը ու գեներալ Սեյրանն են գրել, կշտապե՞ս կարծիք կազմել, թե՞ կնայես, նոր կասես, մտածելով, որ վայ, կարողա և լավ բան են արել:

impression
04.01.2015, 14:09
կներեք, որ սենց անկոչ հյուրի նման խառնվում եմ, արդեն ինձ խորթ էլ եմ զգում մի տեսակ, բայց ասեմ. Վահրամ Սահակյանը կարող ա և էշի տղա տողի դիմացի պտիչկեն ա մարդ տեսակի մեր պատկերացումների բարդ ու խրթին համակարգում, բայց ախր դե ոնց ա կարելի ուրանալ իրա տաղանդը հումոր անելու հարցում
ինքը քիչ թե շատ գրագետ ա, գրեթե ամբողջ մուլտի ընթացքում պահպանած չափածո զրույցներում մի քանի տեղ են ուղեղս ծակել զզվելի հանգավորումն ու քերականական սխալները, բայց ընդհանուր առմամբ լավն էր:

էկեք սենց նայենք էլի, հա, ես էլ, նայելուց անընդհատ զուգահեռներ էի տանում ուրիշ մուլտերի հետ, բայց ոչ թե դիսնեյական, այլ ավելի շուտ էս վերջերս նկարված ռուսական մի քանի մուլտերի հետ՝ Զմեյ Գառինիչ, Սալավեյ Ռազբոյնիկ և այլն: գրաֆիկան, կերպարների արտաքին տեսքը ահագին նման էին իրար: բայց էկեք ընդունենք, որ հայկական մուլտինդուստրիան բարուրի մեջի ճուտ ա, նոր նոր մարդիկ սկսում են ինչ-որ բան անել, ու դնել սենց քլնգել ամեն ինչ, ոտատակ տալ, շաաաատ հեշտ ա, նույնիսկ առանց նայելու /թեև տարօրինակ ա դա իմ կարծիքով/, բայց ես ուրախ եմ, որ ինչ-որ բան արվում ա
հայկական լիքը անասուն կինոներ ունենք նոր, կամեդիաներ են իրանց արևին, մեկը մեկից վատն են ու անտանելի, բայց օրինակ էրեկ պարզեցի, որ մեջներից մի հատը կա, որ բավականին լավն ա, սկսել են որակ տալ մարդիկ, սկսել են ոչ թե գռեհիկ հումորներ անել, այլ շեշտը դնել կոլորիտի վրա, ոչ թե սուպեր սեքսի /թե դրանց սեքսին որն ա, ես չհասկացա տենց էլ/ ջանիկբեկյաններ ու նազենիներ նկարել, այլ միքայել պողոսյանին էլ են սկսել խաղացնել, ու դա շատ լավ ա, ես հավատում եմ, որ մենք լավ մուկտեր ու ֆիլմեր կունենանք, իսկ էդ ճանապարհի ընթացքում լիքը խոտան ա լինելու, ու էդ էլ ա նորմալ:
մուլտը ընդհանուր առմամբ հավանել եմ, որովհետև անսպասելի մի քանի պահ կար, դուրս շատ եկան, ու դե հումորը, հա, լավն էր:
վատ բաներ էլ կային, ինչ խոսք, բայց կսպասեմ դուք էլ նայեք, հետո միասին մի օր կխոսենք ;)

Աթեիստ
04.01.2015, 14:48
Երեկ Վերայի քուրն ու ախպերն էին գնացել։ 10 բալանոց համակարգով գնահատեցին 2։
Նման գնահատականներից հետո ես հաստատ փողով չեմ դիտի։ Կսպասեմ ինտերնետում հայտնվելուն։

Իսկ Վահրամ Սահակյանը հաստատ տաղանդ ա։
Որպես մարդ էլ ասեմ. մի անգամ թաքնված տեսախցիկում զոհի կարգավիճակում իրան նենց դրսևորեց, որ երկու ոտքով մտավ աչքս։

Chuk
04.01.2015, 17:16
Եկա ասեմ, որ ընդունում եմ, որ առանց նայելու էս աստիճանի քննադատական խոսքս էնքան էլ տեղին չի :))
Հաջորդ՝ դրական կամ բացասական կարծիքներս նայելուց հետո:

Ամսի 8-ին կամ 9-ին տենց ցերեկոտ կամ երեկոյանոտ ո՞վ ա գալիս գնանք նայելու:

Աթեիստ
04.01.2015, 21:00
Եկա ասեմ, որ ընդունում եմ, որ առանց նայելու էս աստիճանի քննադատական խոսքս էնքան էլ տեղին չի :))
Հաջորդ՝ դրական կամ բացասական կարծիքներս նայելուց հետո:

Ամսի 8-ին կամ 9-ին տենց ցերեկոտ կամ երեկոյանոտ ո՞վ ա գալիս գնանք նայելու:


Էս նշածս հատվածի հետ էնքան էլ համաձայն չեմ. երեկ ահագին երկար թռել էի «փոքրիկ զորավարը» տարօրինակության (ֆիլմ դա չեմ կարա անվանեմ) դեմքին։ Լավ երկար քննադատեցի, մենակ տրեյլերի հիման վրա։
Լավն էն ա, որ կողքից ով միանում էր, հաստատում էր, որ ճիշտ եմ։ Մենակ մի հոգի էր մինչև վերջ կպած համոզում, որ քննադատելը լավ չի, էն էլ «Ой, всё»-ով թողեց թռավ։

Chuk
05.01.2015, 00:13
Էս նշածս հատվածի հետ էնքան էլ համաձայն չեմ. երեկ ահագին երկար թռել էի «փոքրիկ զորավարը» տարօրինակության (ֆիլմ դա չեմ կարա անվանեմ) դեմքին։ Լավ երկար քննադատեցի, մենակ տրեյլերի հիման վրա։
Լավն էն ա, որ կողքից ով միանում էր, հաստատում էր, որ ճիշտ եմ։ Մենակ մի հոգի էր մինչև վերջ կպած համոզում, որ քննադատելը լավ չի, էն էլ «Ой, всё»-ով թողեց թռավ։

Հա, Արտ ջան, համաձայն եմ, բայց եթե կողքից թեկուզ ընդամենը երկու հոգու կարծիք ես դնում՝ Այվիինը ու Իմփրեշնինը, ում ճաշակներին վստահում եմ ու ովքեր նայած լինելով դրական են խոսում, զգում ես, որ էս դեպքում ավելի ճիշտ ա նայել, նոր խոսել :)

Իմ ամեն գրածը ես նորից կարող եմ գրել ու պնդել, բայց պետք ա ֆիքսեմ, որ դա ընդամենը հիմնված ա թրեյլերների ու ուրիշների կարծիքների վրա:

Rhayader
05.01.2015, 00:36
Էս նշածս հատվածի հետ էնքան էլ համաձայն չեմ. երեկ ահագին երկար թռել էի «փոքրիկ զորավարը» տարօրինակության (ֆիլմ դա չեմ կարա անվանեմ) դեմքին։ Լավ երկար քննադատեցի, մենակ տրեյլերի հիման վրա։
Լավն էն ա, որ կողքից ով միանում էր, հաստատում էր, որ ճիշտ եմ։ Մենակ մի հոգի էր մինչև վերջ կպած համոզում, որ քննադատելը լավ չի, էն էլ «Ой, всё»-ով թողեց թռավ։

Ծանոթներիցս մեկը ճանաչում էր «Փոքրիկ Զորավարը» նկարահանողներին, հարցրեցի՝ լավ, դու՞ ինչ կարծիք ես: Ասեց՝ նենց էլ ուրախացել էին, ոնց որ մի լավ բան արած լինեին, տուտուզություն է, մեղմ ասած:

Բայց արի համաձայնենք, որ ոնց որ էս դեպքում, էնպես էլ «Փոքրիկ Զորավարի» մասին դատելու համար թրեյլերը բավական էր:

Smokie
08.01.2015, 21:37
Ուրեմն էսպես:))

Սկզբի մասերում բավականին ուրախացել էի՝ հիացած էի, ասում էի շատ զվարճալի մուլտ ա, նաեւ դուր էր եկել էն, որ չափածոյով էին խոսում: Հետո ընթացքում քանի գնաց հասարակ դարձավ, բայց վատը չէր: Ամենաշատը սիրեցի Զանգիին՝ ճիշտ ա առանց Զրանգի անարդար ա թվում, բայց լավ էր, որ մի շուն էր ու մի ձի, ձին էլ Անդոկ անունով::good Սերոբն էլ էր շատ լավը՝ հեշտ ճանաչելի էր Թոխատյանի խոսելաոճը: Լավն էին Վարդավառի ու սկզբի երգերը տեսարաններով հանդերձ՝ չնայած մյուսներն էլ վատը չէին, վերջում որ կրկնեցին Անդոկի ու Զանգիի երգը, տուն գալուց մտքումս անընդհատ էդ էր: Բայց իրոք շատ սիրեցի էդ շանը::love
Անահիտին ու իր գյուղը էդքան հաճախ ցույց չէին տալիս, ինչքան Վաչագանին ու իր պալատը, կարծես էնքան էլ գլխավոր հերոս չլիներ, Անդոկին էնքան էլ չհավանեցի, չնայած տեսքը, շարժումները ու ընդհանրապես ինքը ծիծաղելի ու լավ դեմք էր բոլոր մուլտֆիլմային ձիերի պես, բայց ձայնավորողն ու լեքսիկոնը...:nea համ էլ պարծենկոտ էր::))
Մի խոսքով, կարեւորը՝ հումորը տեղն էր (ո՛չ անտեղին), եթե կարող են ժամանակակից էլեմենտներ մտցնելով հետաքրքիր ու զվարճալի դարձնել, ինչու՞ չանել: Ու խոսքերն էին շատ-շատ լավը::good Բուն իմաստը, իր ամբողջ ճշտությամբ արդեն ասված է Աղայանի հեքիաթում ու պետք չի կենտրոնանալ միայն դրա վրա::aha

Smokie
08.01.2015, 22:03
Սպասում եմ թե ե՞րբ ա YouZTube-ում հայտնվելու: Բայց երեւի երկար պիտի սպասեմ::D

Լեո
09.01.2015, 02:46
Սպասում եմ թե ե՞րբ ա YouZTube-ում հայտնվելու: Բայց երեւի երկար պիտի սպասեմ::D
YouZTube-ն ի՞նչ ա:

Լեո
09.01.2015, 18:37
Ես էլ նայեցի «Անահիտը»:
Ասեմ, որ ոչ շատ տպավորված ու հիացած եմ, ոչ էլ հիասթափված եմ: Հայ իրականության համար վատը չէր, ինչ-որ տեղ սա դեռ սկիզբ ա ու զարգանալու շատ ճանապարհ կա:
Ուղղակի կասեմ, որ անաղոք քննադատները լավ կանեն մի քիչ մեղմ լինեն, կամ եթե անպայման ուզում են անողոք լինել, թող նախ իրենք ինչ-որ բան ստեղծեն, հետո քննադատեն ուրիշներինը :)

Մի խոսքով 10-ից 7:

Հ.Գ. Կարծում եմ հումորը չարաշահված էր:

Chuk
09.01.2015, 18:40
թող նախ իրենք ինչ-որ բան ստեղծեն, հետո քննադատեն ուրիշներինը :)
Իսկ պարտադի՞ր ա մուլտ: Կարա՞մ ասենք իմ մասնագիտականով, գլխիցս վերև չթռնելով, մի հատ նորմալ որակի գործ անեմ, հետո որպես շարքային սպառող ու պլյուս հայկական մշակույթով հետաքրքրված մարդ քննադատե՞մ:

Եթե չէ, ասա, իմանամ:

Լեո
09.01.2015, 18:50
Իսկ պարտադի՞ր ա մուլտ: Կարա՞մ ասենք իմ մասնագիտականով, գլխիցս վերև չթռնելով, մի հատ նորմալ որակի գործ անեմ, հետո որպես շարքային սպառող ու պլյուս հայկական մշակույթով հետաքրքրված մարդ քննադատե՞մ:

Եթե չէ, ասա, իմանամ:

Չէ դու կարաս :ՃՃ

Խոսքս անհիմն քլնգողներին էր ուղղված:
Ինձ էլ շատ բաներ դուր չեկան, բայց չեմ ուզում քննադատեմ, որոնհետև ինքս չեմ պատկերացնում, թե մուլտֆիլմ նկարելը էսօր ինչպիսի դժվարությունների հետ ա կապված:

Լեո
09.01.2015, 18:54
...պլյուս հայկական մշակույթով հետաքրքրված մարդ քննադատե՞մ:

Հա, ի դեպ, մշակույթն ի՞նչ կապ ունի:
Ըստ իս սա խիստ կոմերցիոն նախագիծ ա, բիզնես. փող աշխատելու միջոց: Ոչ մի կերպ ես սա չէի կապի մշակույթի հետ: Էն որ հեքիաթի մոտիվներով ա, դա դեռ ոչինչ չի նշանակում, եթե հաշվի առնենք, որ հեքիաթից մենակ կմախքն էր մնացել:

Chuk
09.01.2015, 20:40
Հա, ի դեպ, մշակույթն ի՞նչ կապ ունի:
Ըստ իս սա խիստ կոմերցիոն նախագիծ ա, բիզնես. փող աշխատելու միջոց: Ոչ մի կերպ ես սա չէի կապի մշակույթի հետ: Էն որ հեքիաթի մոտիվներով ա, դա դեռ ոչինչ չի նշանակում, եթե հաշվի առնենք, որ հեքիաթից մենակ կմախքն էր մնացել:
Մուլտը մշակույթի մաս ա, Լեո ջան:

Իմ քննադատության հիմնական պատճառն էն ա, որ ես վախենում եմ, որ սա նախադեպ կդառնա հայկական մուլտիպլիկացիոն մշակույթի համար: Ասենք ոնց մի քանի ապուշ սերիալներ նախադեպ դառան հայկական սերիալային մշակույթի համար: Ես շատ հավանական եմ համարում, որ «հաճույքով» (մի քիչ չակերտների մեջ), առանց ձանձրանալու, բանի նայեմ էս մուլտը: Բայց արդյո՞ք դա բավարար ա: Ես նույն կերպ որոշ հայկական սիթքոմեր եմ նայել ու նայում, դրանք իմ համար նայվում են, որտև հայկական են, մեր իրականությունից ինչ-որ բան են կրում իրանց մեջ, մեր առօրյաի հումորներն են ներկայացնում: Բայց իրանք համաշխարհային մշակույթում տեղ բացարձակ չունեն: Ինչի՞: Ավելի լավը չէի՞նք կարող: Իհարկե կարող էինք: Ու երբ ասում եմ կարող էինք, հեչ նկատի չունեմ, որ ես պետք ա սիթքոմ նկարեի: Էս մուլտն էնքան ա գովազդվել, որ իմ կարծիքով հենց ինքն ա դառնալու հայկական նոր մուլտիպլիկացիոն մշակույթի հիմքը: Լա՞վ ա դա: Դեռ, առանց նայելու, կարծում եմ, որ ահավոր ա:

Իսկ մենք ունեինք լավ մուլտի մշակույթ, ունենք հիմա էլ լավ նկարիչներ ու այլ տաղանդավոր դեմքեր, ովքեր կարող են լավը կերտել: Որը լավը կլինի ոչ միայն մեր համար, այլ էդ մուլտը պատահական միացնող ու նայող այլազգիի համար:

Հիմա Այվին ասում ա, որ չէ, էս մուլտը դրսի մարդիկ էլ հետաքրքրությամբ կնայեն: Շատը դրա համար եմ ուզում նայել, հետաքրքրեց, բայց դեռ մի տեսակ հավատս չի գալիս, ախր թրեյլերն աչքիս առաջ ա:

Chuk
09.01.2015, 20:44
Չէ դու կարաս :ՃՃ

Խոսքս անհիմն քլնգողներին էր ուղղված:
Իսկ ո՞նց ա որոշվում «անհիմն քլնգո՞ղ» ա, թե՞ իմ նման «կարացող»:

Mephistopheles
10.01.2015, 10:21
Ժող, ինձ թվում ա ստեղ մի հատ շատ կարոր հանգամանք կա…

թխելը, կամ նմանակելը խնդիր չի իմ կարծիքով, բայց նայած ով ու երբ…

օրինակ 50-60-ականներին ամերիկյան բլյուզը հիմք հանդիսացավ բրիտանական ռոք-բլյուզին որը եղա շատ պտղատու… անգամ նենց որ ռոքի սիմվոլ դառան… էդ եկավ էն բանից որ 15 տարեկան երեխեքը էնքան էին սիրմում էդ բլյուզը որ դրած նմանակակում էին, նոիյնիսկ ուզնում էին ձայնը նմանակել (15 տարեկան նսպիտակամորփ երեխեն ուզում էր 60 տարեկան սեև բիձու խռպոտ ձեն հաներ), բայց ժամանակի ընթացքում իրենցը գտան… նայեք Ռոլինգ Սթոնզի, Էնիմալզի Բիթըլզի հին գործերը… ոչ միձև չէին տարբերվում ամերիկյանից, բայց ընթացքում մշակվեց… որովհետև ազնիվ էին, սիրում էին իրենց արածը ու հավատում էին, ասելիք ունեին… ապստամբ էին…

…էս դեպքում դրա խնդիրը չկա, զուտ կոմերցիոն նմանակում ա ու անգամ որակը ինչքան էլ որ բարձր լինի, մեկա "նպատակը"՝ "խնդիրը" քաքի համը հանում ա… չկա էդ ազնիվ էնտուզիաստ սերը որի շնորհիվ իրանք նմանակեն… "մեր հայկական"-ը, "ազգայինը" դառել ա միակ նպատակը… օրինակ "մեր աշխարհի ամենաերկար ճոպանուղին" "անրդկովկասի միակ եռահարկ փարքինգը" և այլն մրցությունները մեր ստեղխագործական միտքը սպանում ա… արվեստը դարձնում ա պրոպագանդայի կեղտոտ գործիք… մշակույթը սպանում ա ու լուծում ա մեյնստրիմ ինտերնացիոնալ էժանագին մշակույթի մեջ… դառնում ենք դրա վատ տեսակը… էն էրեխեն որ կիփառ ա վերցնում ձեռն ու անսլուխ փողոցում երգում , ավելի շատ բան ա անում մեր մշակույթի համար քան էս մույլտը… որովհետև էդ երեխեն ազնիվ ա՝ իրանք չէ… խաբում են… մեր մշակույթն ուզում են մեր վրա սաղացնեն դիզնիի յառլիկ կպցնելով… ես էդ ապրանքը չեմ առնի…

մեր մետ գալի ասում են, հայկականն առեք որ մեր երյկրին ու բիզնեսին օգուտ լինի… fuck you, լավ ապրանք սարքի առնեմ,ապրանքը ճախելու միակ չափանիշը որակն ու գինն ա… ոչ էն եք անում, ոչ էլ էն…

էս էլ նույնն ա… ինչի՞ դիզնին չնայեմ բայց էս նայեմ…կամ ինչի՞ էս նայեմ…

…անգամ թրեյլերը երկար ա թվում… իսկ նկարը որ նայում ես, լրիվ ուրիշ բանի հետ ես ասոցեացնում… ուրիշ բան ես հօշում… դիզնի… էն էլ երկրորդ ձեռի… չերեզ ռուսներ…

Լեո
10.01.2015, 14:11
Իսկ ո՞նց ա որոշվում «անհիմն քլնգո՞ղ» ա, թե՞ իմ նման «կարացող»:

Անհիմն քլնգողը նա ա, ով իր «բարձր» ճաշակով առանձնապես աչքի չի ընկնում, ինքն անձամբ որևէ բան չի անում, բայց քննադատում ա բոլոր նրանց, ովքեր գոնե ինչ-որ բան անում են: Կարծում եմ կհամաձայնես:

Chuk
10.01.2015, 17:56
Անհիմն քլնգողը նա ա, ով իր «բարձր» ճաշակով առանձնապես աչքի չի ընկնում, ինքն անձամբ որևէ բան չի անում, բայց քննադատում ա բոլոր նրանց, ովքեր գոնե ինչ-որ բան անում են: Կարծում եմ կհամաձայնես:

Մեղքս ինչ թաքցնեմ, երբեմն ես էլ եմ սրան կամ նրան «անհիմն քլնգող» համարում, եղել ա, որ բարձրաձայնել էլ եմ: Բայց որ խորն եմ մտածում, էդ մի տեսակ սխալ ա: Որտև էդ ամեն ինչը շատ սուբյեկտիվ ա: Հիմա դու ասում ես, որ ես կարող եմ, այսինքն ենթադրվում է, որ քո կարծիքով ես իմ «բարձր ճաշակով» ինչ-որ չափով աչքի եմ ընկնում ու ինչ-որ բան անում եմ, բայց համաձայնի, որ Պետրոսն էլ կարող ա ինձ համարի «բարձր ճաշակով» բացարձակ աչքի չընկնող, ու իմ արածն էլ ոչ մի բան արած համարող: Այ էդ Պետրոսի կարծիքով, ըստ քո սահմանման, ես «անհիմն քլնգող» եմ:

Ես կարծում եմ, որ ցանկացած ստեղծագործության մասին ցանկացած մեկն իրավունք ունի ներկայացնել իր տեսակետը, լինի դա գովաբանական, թե քննադատական: Էդ կարծիքը կարդացողն էլ ինքը կորոշի, թե ոնց վարվել կարծիքի հետ, ինչպես ընդունել այն, այդ թվում հաշվի առնելով իր սուբյեկտիվ վերաբերմունքը տվյալ անձի նկատմամբ:

Լեո
10.01.2015, 18:38
Մեղքս ինչ թաքցնեմ, երբեմն ես էլ եմ սրան կամ նրան «անհիմն քլնգող» համարում, եղել ա, որ բարձրաձայնել էլ եմ: Բայց որ խորն եմ մտածում, էդ մի տեսակ սխալ ա: Որտև էդ ամեն ինչը շատ սուբյեկտիվ ա: Հիմա դու ասում ես, որ ես կարող եմ, այսինքն ենթադրվում է, որ քո կարծիքով ես իմ «բարձր ճաշակով» ինչ-որ չափով աչքի եմ ընկնում ու ինչ-որ բան անում եմ, բայց համաձայնի, որ Պետրոսն էլ կարող ա ինձ համարի «բարձր ճաշակով» բացարձակ աչքի չընկնող, ու իմ արածն էլ ոչ մի բան արած համարող: Այ էդ Պետրոսի կարծիքով, ըստ քո սահմանման, ես «անհիմն քլնգող» եմ:

Ես կարծում եմ, որ ցանկացած ստեղծագործության մասին ցանկացած մեկն իրավունք ունի ներկայացնել իր տեսակետը, լինի դա գովաբանական, թե քննադատական: Էդ կարծիքը կարդացողն էլ ինքը կորոշի, թե ոնց վարվել կարծիքի հետ, ինչպես ընդունել այն, այդ թվում հաշվի առնելով իր սուբյեկտիվ վերաբերմունքը տվյալ անձի նկատմամբ:

Չուկ ջան, հուսով եմ դու իմ տեսակետը հասկացել ես: Իսկ ինչ վերաբերում ա Պետրոսին ու նրա կարծիքին քո մասին, ապա դա արդեն հարց ա ուղղված Պետրոսին:

Արդեն ասեցի, դու իրավունք ունես քննադատելու (ըստ իս), քանի որ քննադատում ես գրագետ ու հիմնավորում ես տեսակետդ: Արդեն ասել եմ, որ ինքս էլ հիացած չեմ, բայց չեմ քննադատում (համենայդեպս խիստ) ու չեմ պնդում, որ արվածը արժեք չունի: Այո՛, ասում եմ, որ թերություններ շատ կային, բայց փաստը մնում ա փաստ, որ կա արված գործ, ինչը էսքան ժամանակ չէին անում: Ես ուրախ կլինեմ, որ ուրիշներն էլ թասիբի ընկնեն ու ավելի որակով գործեր անեն՝ ապացուցելով, որ քննադատությանը երբեմն գործ ա հետևում:

Chuk
10.01.2015, 20:51
Արդեն ասեցի, դու իրավունք ունես քննադատելու (ըստ իս), քանի որ քննադատում ես գրագետ ու հիմնավորում ես տեսակետդ
Լեո ջան, իմ ամբողջ գրածը սրա դեմ էր.

թող նախ իրենք ինչ-որ բան ստեղծեն, հետո քննադատեն ուրիշներինը :)
Ես բացարձակապես ինձ չէի պաշտպանում, այլ պնդում եմ, որ յուրաքանչյուրն իրավունք ունի անողոք քննադատելու, անկախ իր որևէ բան ստեղծած լինել-չլինելուց: Մուլտը ստեղծվել է ու հանձնվել բոլորիս դատին: Եթե դու որոշել ես խրախուսել, խրախուսի: Ուրիշը կհամարի, որ սա վնասակար բան ա, թող բարձրաձայնի դա: Էդքան մի բան:

Աթեիստ
10.01.2015, 21:48
Լեո ջան, իմ ամբողջ գրածը սրա դեմ էր.

Ես բացարձակապես ինձ չէի պաշտպանում, այլ պնդում եմ, որ յուրաքանչյուրն իրավունք ունի անողոք քննադատելու, անկախ իր որևէ բան ստեղծած լինել-չլինելուց: Մուլտը ստեղծվել է ու հանձնվել բոլորիս դատին: Եթե դու որոշել ես խրախուսել, խրախուսի: Ուրիշը կհամարի, որ սա վնասակար բան ա, թող բարձրաձայնի դա: Էդքան մի բան:

Լրիվ համաձայն եմ Արտակի հետ, որտև եթե մարդը որոշել ա ինչ որ քննադատտ (քլնգի), ուրեմն ինքը դա մասին գոնե ինչ որ բան իմանում ա, դրա հիման վրա քննադատում ա։
Ասենք ստեղ քննադատողները դիտել են տրեյլերը։ Որոշ դեպքերում նույնիսկ դա ավելորդ ա։ Օրինակ բերեմ, հայ «մեծն» ռեժիսոր Սարիկ Անդրեասյանը էս տարվա սկզբին հանրության դատին ա ներկայացնելու իր հերթական «գլուխգործոցը», որի գլխավոր դերում լինելու Էդրիան Բրոուդին։

Բրոուդիին ծանոթ մարդիկ ակնկալում են առնվազն լավ ֆիլմ։
Ես, որ գիտեմ նաև թե ով է Սարիկը, ակնկալում եմ կամ քաք, կամ ավելի վատ բան։ Տես, ֆիլմը դեռ չկա, չկա տրեյլեր, կա միայն ռեժիսորի անուն։

Նշեմ, որ էս նախօրոք քննադատելով ֆիլմը, կյանքումս ոչ ֆիլմ եմ նկարել, ոչ մուլտ։


Հ.Գ.
Քննադատության թեմայի մեջ մի բան էլ ասեմ, արդեն 20 օր է հայկական ՖԲ-ն տարածում է Լենոնին Imagine երգի մեր երգիչների քավրը։ Ես 20 օր առաջ որ տեսա ինչ հիացական կարծիքներ են հնչում այդ անճաշակության մասին, զահլա չարեցի արտահայտվեմ։ Երբ 2 օր առաջ վերջապես հանդիպեցի քննադատական կարծիքի, նոր հասկացա, որ ես մենակ չեն։ ԲԱՅՑ, երբ քննադատողները շատացան, մեջ ընկան մի քանի երաժշտագետ աշխարհի ամենահիմար փաստարկով՝ ավելի լավն արա, նոր քննադատի։

Տենց դեպքի համար լավ նկար կա։
http://lurkmore.so/images/thumb/9/9d/Dobeisa.jpeg/409px-Dobeisa.jpeg

Chuk
10.01.2015, 22:02
Հ.Գ.
Քննադատության թեմայի մեջ մի բան էլ ասեմ, արդեն 20 օր է հայկական ՖԲ-ն տարածում է Լենոնին Imagine երգի մեր երգիչների քավրը։ Ես 20 օր առաջ որ տեսա ինչ հիացական կարծիքներ են հնչում այդ անճաշակության մասին, զահլա չարեցի արտահայտվեմ։ Երբ 2 օր առաջ վերջապես հանդիպեցի քննադատական կարծիքի, նոր հասկացա, որ ես մենակ չեն։ ԲԱՅՑ, երբ քննադատողները շատացան, մեջ ընկան մի քանի երաժշտագետ աշխարհի ամենահիմար փաստարկով՝ ավելի լավն արա, նոր քննադատի։
Սամվելի էդ ստատուսը, քո ու ուրիշ իմ կողմից հարգված մարդկանց նմանատիպ արձագանքները ստատուսի տակ որ կարդացի, ուզեցի գրել ու ասել, որ ի տարբերություն ձեզ բավական լավն եմ համարում կատարումը՝ առանց համեմատելու օրիգինալի հետ: Հետո որ էդ «երաժշտագետների» էդ տոնով գրածները կարդացի, ձենս կտրեցի, քաշվեցի մի կողմ, որ հանկարծ իրանց հետ չասոցացվեմ: Որտև դուք իրավունք ունեք քննադատելու ու չհավանելու, ես իրավունք ունեմ գովելու ու հավանելու, բայց էդ կարգի՝ կարծիքները լռեցնել փորձել կարծում եմ չի կարելի:

մարդագայլուկ
10.01.2015, 23:42
Հենց մենակ թրեյլերը ինձ համար լրիվ հերիք էր, որ չուզենամ մուլտը նայել: Նույնիսկ թրեյլերը մի կերպ մինչև վերջ նայեցի, ամեն հաջորդ կադրին facepalm վիճակ էր մոտս:

Աթեիստ
10.01.2015, 23:55
Սամվելի էդ ստատուսը, քո ու ուրիշ իմ կողմից հարգված մարդկանց նմանատիպ արձագանքները ստատուսի տակ որ կարդացի, ուզեցի գրել ու ասել, որ ի տարբերություն ձեզ բավական լավն եմ համարում կատարումը՝ առանց համեմատելու օրիգինալի հետ: Հետո որ էդ «երաժշտագետների» էդ տոնով գրածները կարդացի, ձենս կտրեցի, քաշվեցի մի կողմ, որ հանկարծ իրանց հետ չասոցացվեմ: Որտև դուք իրավունք ունեք քննադատելու ու չհավանելու, ես իրավունք ունեմ գովելու ու հավանելու, բայց էդ կարգի՝ կարծիքները լռեցնել փորձել կարծում եմ չի կարելի:


Լրիվ հետդ համաձայն եմ։ Ի դեպ, ընտեղ ոնց որ էլի հավանողներ կային, որոնք սակայն նորմալ էին արտահայտվում ։)

Լեո
11.01.2015, 01:00
Ես բացարձակապես ինձ չէի պաշտպանում, այլ պնդում եմ, որ յուրաքանչյուրն իրավունք ունի անողոք քննադատելու, անկախ իր որևէ բան ստեղծած լինել-չլինելուց: Մուլտը ստեղծվել է ու հանձնվել բոլորիս դատին: Եթե դու որոշել ես խրախուսել, խրախուսի: Ուրիշը կհամարի, որ սա վնասակար բան ա, թող բարձրաձայնի դա: Էդքան մի բան:

Լավ, օքեյ, համոզեցիր :ok

Գալաթեա
11.01.2015, 01:34
Մի հատ թրեյլերի լինկը դրեք նայեմ էլի: Փնտրելու հավես չկա:

Chuk
11.01.2015, 01:43
Էս թրեյլեր՝


https://www.youtube.com/watch?v=yogir3sXMJw

Էս էլ թիզերներ՝


https://www.youtube.com/watch?v=1r8UOMCjPFQ


https://www.youtube.com/watch?v=G-6GrGKiKeA


https://www.youtube.com/watch?v=4y-FEwaqzM4

Գալաթեա
11.01.2015, 01:50
Հմմ...
Վաչագանի բլանդինկա մորուքը շեղում էր:
Ձիուն էլ Մադագասկարի Զեբրին նմանացրի խասիաթով:
"Հայելի" մուլտը կարոտեցի:

Rammstein
11.01.2015, 14:35
Մուլտֆիլմը չեմ նայել, չեմ էլ պատրաստվում փող վճարել սրա համար: Առաջին անգամ որ նկարը տեսա, մտածեցի` էս ի՞նչ Դիսնեյի կերպարներ են հավաքել իրար գլխի: Իսկ թրեյլերը նայելուց էլ հասկացա, որ նկարը ավելի լավ թխածի տպավորություն էր թողել, քան իրականում կա: Իրականում անորակ թխած ա:
Հետո էն ձիու խոսալը հեչ դուր չեկավ: Պլյուս դրան, Շուշան Պետրոսյանի անունը լսեցի, սիրտս խառնեց… Մի խոսքով, ինետում որ հայտնվի, կարող ա նայեմ:

Հա, մեկ էլ երրորդ թիզերում էն գյադեն ասում ա «բըզկըտեց», բայց ճիշտը «բըզըկտեց»-ն ա (աղբյուր` Ստեփան Մալխասյանցի բառարան (http://www.nayiri.com/media/images/dp//6/Malkhasiants_Page_0390.png)): Լավ, ենթադրենք հնչյունավորողը չի իմանում, բա մի հատ գրագետ մարդ չկա՞, որ հետեւի, որ նման բաներ չլինեն:

Շինարար
11.01.2015, 16:55
Հա, մեկ էլ երրորդ թիզերում էն գյադեն ասում ա «բըզկըտեց», բայց ճիշտը «բըզըկտեց»-ն ա (աղբյուր` Ստեփան Մալխասյանցի բառարան (http://www.nayiri.com/media/images/dp//6/Malkhasiants_Page_0390.png)): Լավ, ենթադրենք հնչյունավորողը չի իմանում, բա մի հատ գրագետ մարդ չկա՞, որ հետեւի, որ նման բաներ չլինեն:

Սարսափելի ա, ինչպես կարելի ա նման ծայրահեղ անգրագիտություն ցուցաբերել:diablo

Rammstein
11.01.2015, 17:56
Սարսափելի ա, ինչպես կարելի ա նման ծայրահեղ անգրագիտություն ցուցաբերել:diablo

Մի բանը կամ ճիշտ ա, կամ` սխալ: Չեմ հասկանում ծայրահեղ կամ ոչ ծայրահեղ անգրագիտությունը որն ա: :)

Իհարկե, միգուցե անիմաստ ա գրագիտություն պահանջել էն կարգի մուլտֆիլմից, որի մեջ ինչ-որ էֆեկտ ստանալու համար ռուսերեն բառեր են օգտագործված: Բայց ամեն դեպքում չեմ ընդունում, որ լեզուն աղավաղվում ա: Բարբառային բառերի դեմ էլ բան չունեմ, բայց սա համարում եմ պարզապես չիմացության արդյունք:

Նաիրուհի
11.01.2015, 17:59
Հա, մեկ էլ երրորդ թիզերում էն գյադեն ասում ա «բըզկըտեց», բայց ճիշտը «բըզըկտեց»-ն ա (աղբյուր` Ստեփան Մալխասյանցի բառարան (http://www.nayiri.com/media/images/dp//6/Malkhasiants_Page_0390.png)): Լավ, ենթադրենք հնչյունավորողը չի իմանում, բա մի հատ գրագետ մարդ չկա՞, որ հետեւի, որ նման բաներ չլինեն:

Ավ, Մալխասյանցի բառարանը չի բացում, որ նայեմ, բայց գիտեմ, որ հազար տարի էլ անցնի՝ ես «բզըկտել» չեմ արտասանի։ Աբեղյանն էլ Մաշտոցի ձեռը բռնած գա՝ ինձ համար «բզկըտելն» ավելի բարեհունչ է ու ճիշտ։

Smokie
11.01.2015, 18:17
Անկեղծ ասած ինձ համար էլ էր նորություն որ բըզըկտել ա::think Զարմացել էի ու չէի պատկերացնում էդ արտասանությամբ: Ես միշտ էլ բզկըտել եմ լսել::pardon

Նաիրուհի
11.01.2015, 18:37
Էս էլ բացատրական բառարանի հղումը (http://www.nayiri.com/imagedDictionaryBrowser.jsp?dictionaryId=29&query=%D5%A2%D5%A6%D5%AF%D5%BF%D5%A5%D5%AC), որ բըզկըտել է հնչում :)

Chuk
11.01.2015, 19:12
Հա, մեկ էլ երրորդ թիզերում էն գյադեն ասում ա «բըզկըտեց», բայց ճիշտը «բըզըկտեց»-ն ա (աղբյուր` Ստեփան Մալխասյանցի բառարան (http://www.nayiri.com/media/images/dp//6/Malkhasiants_Page_0390.png)): Լավ, ենթադրենք հնչյունավորողը չի իմանում, բա մի հատ գրագետ մարդ չկա՞, որ հետեւի, որ նման բաներ չլինեն:

Ինձ որ մեկը ասեր «բըզըկտել եմ», զարմացած կհարցնեի «ի՞նչ ես արել :o» :))

Ասածս էն ա, որ կարող ա Մալխասյանցի գեղումը տենց են արտասանել, բայց մեր քաղաքումը «բըզկըտել» են արտասնում :))

Rammstein
11.01.2015, 19:25
Չգիտեմ, իմ համար էլ բըզկըտելն ա խորթ, որովհետեւ արմատը բզիկն ա: :)
Իսկ եթե տարբեր բառարաններ տարբեր բան են ասում, ո՞րը պետք ա հիմք ընդունել, եթե հաշվի չառնենք, թե ում համար ոնց ա հոգեհարազատ:

Chuk
11.01.2015, 19:28
Չգիտեմ, իմ համար էլ բըզկըտելն ա խորթ, որովհետեւ արմատը բզիկն ա: :)
Իսկ եթե տարբեր բառարաններ տարբեր բան են ասում, ո՞րը պետք ա հիմք ընդունել, եթե հաշվի չառնենք, թե ում համար ոնց ա հոգեհարազատ:

Հաշվի առնելով, որ Մալխասյանցը հիմնականում Ղարաբաղի, Սյունիքի բարբառն ա հիմք վերցրել, այլ ոչ թե Այրարատինը, իրանը պետք ա առնվազն տենց հարցերում երկրորդ պլան մղել :)

Գալաթեա
11.01.2015, 19:47
Ինձ բացի Վաչի պերօքսիդով գունաթափած անբնական մորուքից մեկ էլ էն դուր չեկավ, որ մուլտի հերոսները իրական կյանքի իրենց ձայնավարողների հետ նմանություն ունեն։ Հա գիտեմ, դա ընդունված բան ա դրսի մուլտերում, բայց ստեղ հեչ դուրըս չեկավ։
Մի կերպ կդիմանայի առանց Նազենիին Շուշանին մուլտիկի մեջ տեսնելու։
Հա ու մեկ էլ ինֆորմատիվ էր ինձ համար։
Չգիտեի, որ Քոթանջյանը դեռ սաղ ա։

Մի օր որ նայեմ մուլտը՝ սյուժեի մասին էլ կխոսեմ՝ արդեն առաջին տպավորությունւց դուրս։

Շինարար
11.01.2015, 21:36
Մի բանը կամ ճիշտ ա, կամ` սխալ: Չեմ հասկանում ծայրահեղ կամ ոչ ծայրահեղ անգրագիտությունը որն ա: :)

Իհարկե, միգուցե անիմաստ ա գրագիտություն պահանջել էն կարգի մուլտֆիլմից, որի մեջ ինչ-որ էֆեկտ ստանալու համար ռուսերեն բառեր են օգտագործված: Բայց ամեն դեպքում չեմ ընդունում, որ լեզուն աղավաղվում ա: Բարբառային բառերի դեմ էլ բան չունեմ, բայց սա համարում եմ պարզապես չիմացության արդյունք:



Լեզվի հետ կապված նենց չի որ ճիշտը մի հատ ա: Եթե էդպես լինի, լեզւոն կմեռնի, կդառնա՝ լատիներեն խոսքի: Օրինակ ես գրել եմ՝ նենց չի, բոլորին հասկանալի ա, չէ՞, որ նկատի ունեմ՝ այնպես չէ, ուրեմն հրաշալի ա:
Ինձ թվում ա՝ պետք ա թողնել լեզուն մի քիչ ավելի ազատ շնչի, երբեմն բազմազան լինի՝ ընդունելի համարելով բարբառային տարբերությունները՝ բառային, շեշտադրման, գաղտնավանկի տեղի, ինչու չէ՝ երբեմն նաև ուրիշ լեզուների ազդեցության, էս վերջինը մի քիչ չափի մեջ: Մի խոսքով, ազատության ճանապարհին առաջին հերթին պետք ա լեզուն ազատել, որ հետո մտածողությունն էլ ազատանա:Էնտեղ լիքը բարբառ-բան կար, ուղղակի ապշեելու էր, որ մտքովդ անցել ա բզկտել բառի բառարանային տեղը փնտրել:esim

Շինարար
11.01.2015, 22:43
Ինձ բացի Վաչի պերօքսիդով գունաթափած անբնական մորուքից մեկ էլ էն դուր չեկավ, որ մուլտի հերոսները իրական կյանքի իրենց ձայնավարողների հետ նմանություն ունեն։ Հա գիտեմ, դա ընդունված բան ա դրսի մուլտերում, բայց ստեղ հեչ դուրըս չեկավ։


Հայկականներում էլ ա հանդիպում, մի դեպք որ էս վերջերս աչքովս ընկավ
https://www.youtube.com/watch?v=lm5btDpdd80

Գալաթեա
11.01.2015, 23:07
Հայկականներում էլ ա հանդիպում, մի դեպք որ էս վերջերս աչքովս ընկավ

Համեմատեցիր դու էլ, այ Մաքլաուդ :)
Էս կերպարը պետք ա Մհերի տեսքն ու ձենն ունենար:
Ինձ մոտ լիչնի նեպրիյազնը հենց Նազենիի ու Շուշանի ու հիմիկվա մնացած "աստղերի" հանդեպ ա:

Chuk
11.01.2015, 23:14
Հայկականներում էլ ա հանդիպում, մի դեպք որ էս վերջերս աչքովս ընկավ
Իսկ էս մուլտում ձայնավորողը Ֆրու՞նզն ա:
Ուղղակի հիշում եմ, որ մի տեղ կարդացել եմ, որ իրա ձենին նմանացնելով են կարդացել, ու դա հնարավոր էլ եմ համարում, որտև մուլտը 94 թվի, իսկ Ֆրունզը 93-ին ա մահացել: Չնայած, իհարկե, հնարավոր ա, որ մինչև մահանալն ա եղել ձայնագրությունը:

Շինարար
11.01.2015, 23:41
Իսկ էս մուլտում ձայնավորողը Ֆրու՞նզն ա:
Ուղղակի հիշում եմ, որ մի տեղ կարդացել եմ, որ իրա ձենին նմանացնելով են կարդացել, ու դա հնարավոր էլ եմ համարում, որտև մուլտը 94 թվի, իսկ Ֆրունզը 93-ին ա մահացել: Չնայած, իհարկե, հնարավոր ա, որ մինչև մահանալն ա եղել ձայնագրությունը:

Տեղյակ չեմ ընդհանրապես, էս քանի օրն եմ էս էլ տեսել:

Rammstein
12.01.2015, 00:33
Լեզվի հետ կապված նենց չի որ ճիշտը մի հատ ա: Եթե էդպես լինի, լեզւոն կմեռնի, կդառնա՝ լատիներեն խոսքի: Օրինակ ես գրել եմ՝ նենց չի, բոլորին հասկանալի ա, չէ՞, որ նկատի ունեմ՝ այնպես չէ, ուրեմն հրաշալի ա:
Ինձ թվում ա՝ պետք ա թողնել լեզուն մի քիչ ավելի ազատ շնչի, երբեմն բազմազան լինի՝ ընդունելի համարելով բարբառային տարբերությունները՝ բառային, շեշտադրման, գաղտնավանկի տեղի, ինչու չէ՝ երբեմն նաև ուրիշ լեզուների ազդեցության, էս վերջինը մի քիչ չափի մեջ: Մի խոսքով, ազատության ճանապարհին առաջին հերթին պետք ա լեզուն ազատել, որ հետո մտածողությունն էլ ազատանա:Էնտեղ լիքը բարբառ-բան կար, ուղղակի ապշեելու էր, որ մտքովդ անցել ա բզկտել բառի բառարանային տեղը փնտրել:esim

Շինարար ջան, իմ համար էլ ապշելու էր, որ որոշեցիր գրածներիս էսքան երկար-բարակ արձագանքես: Լավ ա եղկանք ու նողկանք չապրեցիր գրառումիցս: :))
Ես ընդամենը ասել եմ, որ դա սխալ ա, որտեւ տենց գիտեմ (ու, ոնց դու ասեցիր, նենց չի որ ճիշտը մի հատ ա, էնպես որ էլի շարունակում եմ տենց համարել), լինկն էլ դրել եմ, որտեւ իմ ականջը ծակեց էդ: Իսկ բարբառների վերաբերյալ գրել եմ, որ ոչ մի բանով դեմ չեմ: ;)

Շինարար
12.01.2015, 00:36
Շինարար ջան, իմ համար էլ ապշելու էր, որ որոշեցիր գրածներիս էսքան երկար-բարակ արձագանքես: Լավ ա եղկանք ու նողկանք չապրեցիր գրառումիցս: :))
Ես ընդամենը ասել եմ, որ դա սխալ ա, որտեւ տենց գիտեմ (ու, ոնց դու ասեցիր, նենց չի որ ճիշտը մի հատ ա, էնպես որ էլի շարունակում եմ տենց համարել), լինկն էլ դրել եմ, որտեւ իմ ականջը ծակեց էդ: Իսկ բարբառների վերաբերյալ գրել եմ, որ ոչ մի բանով դեմ չեմ: ;)

Դե վաղուց ակտիվ չեմ եղել առանձնապես, բայց քննարկման համար որոշակի անհամաձայնություն ա պետք գտնել, չէ՞, քեզ հետ համաձայն չէի, արտահայտվեցի: Հոգաչափ շնորհակալ եմ,որ իմ գրառումները բառացիորեն հիշում ես ու տեղին հղումներ ես կատարում :hi

Chuk
14.01.2016, 15:00
Վերջապես օնլայն, վերջապես կնայեմ.


https://www.youtube.com/watch?v=GM_kIIS6Gx4

Smokie
14.01.2016, 15:42
Որ իմանայի սպասող ու ցանկացող կա, առաջինը կդնեի ամբողջական տարբերակը (http://merojax.tv/online-movies/armenian-movies/item/17043-anahit-multfilm-2014):))
Ընդամենը մի քանի օր առաջ եմ սա տեսել ինտերնետում::)

Cassiopeia
14.01.2016, 16:49
Երեխեքի համար միացրեցի, բայց արդեն փոշմանել եմ։ Դուրս չեկավ։

Ուլուանա
18.01.2016, 23:59
Երեկ ես էլ նայեցի։ Խոստովանեմ, որ նայելիս շատ հակասական զգացողություններ եմ ունեցել. մի կողմից ափսոսում էի էդքան աշխատանքը, էն ամբողջ դրականը, որ կար, մյուս կողմից՝ տհաճ ու անհաջող տարրերն էնքան շատ էին... Ախր բաներ կան, որոնց շտկումն ու կատարելագործումն առանձնապես մեծ ջանք, էլ չեմ ասում՝ ծախսեր չէին պահանջի հաստատ, ընդամենը մի քիչ ֆայմ ու պրոֆեսիոնալություն էր պետք, բայց կարծես լրիվ բարձիթողի արված լիներ։
Փորձեմ կոնկրետ նշել նկատածս դրականն էլ, բացասականն էլ։

Նախ սյուժեի մասին։ Ինձ դուր չեկավ բուն հեքիաթից շեղվածության աստիճանը. կարելի է ասել՝ հեքիաթից բան չէին թողել համարյա։ Ընդհանրապես էս հեքիաթում մի քանի շատ կարևոր գաղափարներ են բարձրացված, որոնցից մեկը Անահիտի հորը ժամանակից շուտ մեռցնելու հետևանքով ինքնըստինքյան դուրս էր մղվել մուլտից։ Թե ինչի էին որոշել համ Վաչագանի ծնողներին, համ Անահիտի հորը ժամանակից շուտ մեռցնել՝ չհասկացա։ Եթե դրա շնորհիվ ինչ–որ հաջողված սյուժետային փոփոխություն ներմուծված լիներ, կարելի էր արդարացված համարել, բայց ես նման բան չնկատեցի։ Հա, էն կարևոր գաղափարը, որը Անահիտի հոր հետ մեկտեղ դուրս էր մղվել, էն էր, որ հեքիաթում, երբ Վաչագանի կողմից գալիս են Անահիտենց տուն՝ նրա ձեռքը խնդրելու, նրանց դիմավորում է հայրը, Անահիտը սկզբում տանը չի լինում, հորը հարցնում են՝ համաձայն է արդյոք աղջկան հարսնության տալ Վաչագան արքայազնին, նա էլ պատասխանում է, որ դա իր որոշումը չի, դստեր որոշումն է, ինքը չի կարող դստեր փոխարեն պատասխանել, դուստրը կգա, ինքը կորոշի՝ համաձայն է ամուսնանալ, թե ոչ։ Ամուսնանալու որոշումն աղջկան թողնելու գաղափարը, հատկապես էն ժամանակվա հայկական իրականության համար բավական համարձակ ու ինչ–որ առումով հակաավանդական մոտեցում էր, իսկ ընդհանուր առմամբ՝ կնոջ դերի, իրավունքի բարձրացում, հարգանք կնոջ նկատմամբ, որը մեր հայ հասարակության մեջ մինչև հիմա էլ շատ տեղերում ընդունված չի։ Ու էդ կարևոր գաղափարը լրիվ առանց հիմքի վերցնելն ու մուլտից դուրս շպրտելը ոչ մի կերպ չեմ կարող արդարացված համարել։

Իրականում «Անահիտ» հեքիաթն իրապատում է, ոչ թե հրաշապատում, այսինքն՝ անիրական երևույթներ, հրաշքներ, կախարդներ ու նման բաներ չկան հեքիաթում։ Դրանով հանդերձ՝ չեմ կարծում, թե հրաշապատման տարրերի հաջող ու տեղին ներմուծումից որևէ մեկը դժգոհ լիներ։ Բայց էդ չար կախարդ հորեղբոր (թե՞ մորեղբոր) ահասարսուռ կերպարի ներմուծումն ու դրա շուրջ ձևավորված մնացած սարսափազդու երևույթներն անձամբ ինձ տեղին ու հաջողված չթվացին, էլ չեմ ասում, որ էդ «բոբոների» հետ կապված տեսարանները չափից դուրս մեծ տեղ էին գրավում մուլտում, անտեղի երկարատև էին, ու ինձ համար մուլտի միակ մասերը, որոնք անընդհատ առաջ տալու ցանկություն էի ունենում, էդ աստիճանի ձանձրացնող ու անիմաստ էին թվում։

Ժամանակակից տարրերի ներմուծումն էլ ինձ դուր չեկավ։ Ոչ մի կերպ չկարողացա մարսել էդ համադրությունը։ Չեմ կարող ասել՝ էդ գաղափարն էր ինքնին վատը, թե զուտ իրագործումն էր անհաջող, բայց իրագործումը հաստատ չհավանեցի։ Մի տեսակ չեմ պատկերացնում, թե ոնց պիտի լիներ, որ հավանեի։

Մուլտում ինձ համար ամենաանընդունելի ու ամենազայրացնող տարրը պարբերաբար հայտնվող ռուսերեն խոսքն ու հաճախակի հնչող ժարգոնն էր։ Խոսքեր չեմ գտնում նկարագրելու համար, թե էդ ռուսերեն «պոռթկումներն» ինչ աստիճանի աչք ծակող անտեղի, անհամապատասխան ու տհաճ էին։ Ուղեղիս մեջ չի տղավորվում, թե ինչ են մտածել նման մուլտում ռուսերեն խոսք ներմուծելով։ Չեմ հասկանում, մեր հայերենի բառապաշարն ու լեզվական հնարներն էնքան խղճու՞կ են, որ հումոր անելու համար պիտի պարտադիր ռուսերենին դիմենք։ Էլ չեմ ասում Վաչագանի՝ հարբած ժամանակ ռուսերեն արտասանելն ինչ անկապ էր։ Էն որ միանգամից ոնց որ մի բանով գլխիդ տան, ու անհույս կերպով փորձում ես գլուխ հանել՝ լավ, բայց ի՞նչ ա մտքներով անցնել, որ որոշել են էդ պահին Վաչագանին ռուսերենով արտասանել տալ, էն էլ էդքան երկար։ Ինչի՞, էլի։

Ընդհանուր առմամբ, նույնիսկ գրական խոսքը շատ անմշակ էր, անփույթ, տեղ–տեղ անգրագետ, քերականական սխալներով, չափածո խոսքն էլ էր տկար, շատ դեպքերում՝ անհաջող հանգերով՝ իմաստը հանգին զոհաբերված։ Ուղղակի զարմանում եմ, ո՞նց է հնարավոր էդքան աշխատանք անել մի մուլտի վրա, ու տեքստերի նկատմամբ էդ աստիճանի անփույթ ու անպատասխանատու վերաբերմունք ցուցաբերել։ Ախր մեծ բան չէր, չէ՞, հայերենին լավ տիրապետող մի գրագետ մարդու գտնելն ու ամբողջ տեքստը խմբագրել տալը։ Ես նայելիս մտածում էի, որ պատրաստ կլինեի ձրի խմբագրել էդ ամբողջ տեքստը, մենակ թե էդքան անմշակ չլիներ...
Ժարգոնն էլ էր ահավոր անհարիր էս մուլտին։ Ճիշտ է, ես ընդհանրապես համարում եմ, որ ժարգոնից պետք է հնարավորինս խուսափել, բայց կարող եմ հասկանալ, որ որոշ դեպքերում կարող է ընդունելի լինել, եթե իրավիճակը պահանջում է։ Բայց դժվար թե գտնվի մեկը, ով հանգիստ խղճով կարողանա պնդել, թե կոնկրետ էս մուլտում իրավիճակն իսկապես պահանջում էր, ու ժարգոնն անհրաժեշտ էր կամ թեկուզ ցանկալի։

Ճիշտն ասած՝ մուլտի գրաֆիկան էդքան քննադատողներին ու հողին հավասարեցնողներին էնքան էլ չեմ հասկանում։ Ճիշտ է, Դիսնեյի մուլտերի հետ նմանությունը ժխտել չի կարելի, բայց համաձայն չեմ, որ լրիվ թխած էր։ Ամեն դեպքում հայկականություն կար։ Շատ տեսարաններ բավական հաջող էին, սիրուն, կոլորիտային։ Օրինակ, Վարդավառի տեսարանը շատ հավանեցի, պարերը, ընդհանուր մասսայական տեսարանները, հայկական զարդանախշերը։ Անահիտի ու Վաչագանի կերպարներն էլ եմ հավանել։ Ինձ համար Անահիտը շատ էլ սիրուն էր, ու թեև արտաքինը նմանություն ուներ դիսնեյական աղջիկների կերպարներին, բայց նաև մի տեսակ հայկական էր ու պարզ։ Ինձ դուր եկավ, չգիտեմ։ Վաչագանի գունաթափած մորուքն առաջին հայացքից գուցե մի քիչ տարօրինակ է նայվում, բայց իրականում էդպես լինում է, էնպես որ դա թերություն չեմ համարում :))։ Սերոբի կերպարն էլ էր հաջողված՝ տեղ–տեղ ժարգոնն ու անմշակ խոսքը չհաշված։ Համ արտաքինն էր լավը՝ հավես հայ բիձուկի համով կերպար էր, համ էլ ընդհանուր կերպարը։ Ճիշտ է, հեքիաթում նրա կերպարն ընդհանրապես գոյություն չունի, բայց տվյալ դեպքում ներմուծումը լավ էր մտածված ու հաջող էր ստացվել, իմ կարծիքով։

Զանգիի կերպարն էլ էր լավը, չնայած էն ժամանակակից դրվագները, որ խցկել էին, արդեն ասեցի, որ ոչ մի կերպ չկարողացա համադրել էնտեղի իրականության հետ, անկապ էին, իմ կարծիքով։ Բայց ինքն ամեն դեպքում խելոք ու հավես կերպար էր, ինչը հեչ չէի ասի Անդոկ ձիու մասին, որը մի տափակագույն ու, ըստ իս, միանգամայն ավելորդ կերպար էր. բացի տափակություններ դուրս տալուց, ուրիշ ոչ մի էական բան կարծես չարեց ամբողջ մուլտի ընթացքում։ Հա, ինչ–որ պահի հրեղեն ձիու վերածվեց ու Անահիտին տարավ Վաչագանին փրկելու։ Բայց դե, մեկ է, անկապ էր։ Ինքը երևի նախատեսված էր մուլտին իր «հումորներով» ու թունդ ժարգոնով համուհոտ տալու, ինչպես նաև իր լատիներենով տպավորություն թողնելու համար, բայց ինձ համար ոչ միայն համուհոտ չէր տալիս ու չէր տպավորում, այլև շատ անկապ էր ու անհամ, ձանձրացնում ու ներվայնացնում էր մենակ։ Բա որ Անահիտին ասում էր՝ բալես :bad։ Այ, ինքը լրիվ թխած կերպար էր. ես Ռապունցելը չեմ տեսել, բայց անընդհատ մեկ Մադագասկարի զեբրին էր հիշեցնում, մեկ Շրեկի էշին։

Ընդհանրապես, ըստ իս, հումորի գործածությունը չարաշաhված էր մուլտում։ Ես, իհարկե, հումորի դեմ բան չունեմ, բայց սա էն մուլտը չէր, էլի, որ կարելի էր էդպես հումորախեղդ անել։ Ընդհանուր ցանցառությունը շատ էր։ Գոնե էն իմաստուն ծերուկին տենց ցանցառ դեմք չդարձնեին։ Ու մեկ էլ շնորհակալ եմ, որ գոնե Անահիտի ու Վաչագանի կերպարներին էդ առումով խնայել էին, չէին ցանցառացրել։

Իսկ ընդհանրապես մուլտը լավ էր նայվում, չեմ կարող ասել, թե նայելիս ձանձրանում էի կամ փոշմանեցի նայելս, չէ, բոլորովին, շատ գոհ եմ, որ նայել եմ, ընդհանուր հետաքրքրությամբ եմ նայել, դե, նշածս տհաճություններն ու որոշ ձանձրացնող պահերը չհաշված։

Ինչ վերաբերում է օտար հանդիսատեսի համար հասանելի լինելուն, ապա հումորների մեծ մասը հասանելի չէր լինի, կարծում եմ, որովհետև չափից դուրս հայկական էին, նույնիսկ ռուսերենով հումորները հենց միայն հայերենի համատեքստում կարող էին ընկալվել որպես հումոր։ Չգիտեմ, մի քիչ կասկածում եմ, որ օտար հանդիսատեսի համար առանձնապես տպավորիչ լինի։

Հ.Գ. Տեսնես՝ ո՞վ զահլա կանի՝ էսքանը կարդա :D։

StrangeLittleGirl
19.01.2016, 00:41
Ան, զահլա արեցի, կարդացի: Էս ինչ լավ ռիվյու էր :) Ուրեմն հաստատ չեմ նայի:

Ներսես_AM
19.01.2016, 01:21
Ան, բայց կարող ա նկարողները կողմ չեն որ Անահիտը որոշի ում հետ ամուսնանա, դրա համար էդ մասը հանել են։ Հայ կնոջը հարիր չի տենց փչացած եվրոպական բարքերը։

Rammstein
19.01.2016, 01:42
Ան, ես էլ զահլա արեցի, կարդացի (ես էլ եմ իմ վրա զարմանում :D):
Հիմանականում համաձայն եմ, չնայած, ի տաբերություն քեզ, իմ համար լավ նայվող չէր ու ահագին ձանձրալի էր:
Ռուսերեն պահերը լրիվ եզություն էին:
Անիմացիան իրոք վատը չէր, չհաշված որոշ մանրուքներ:

իսկ ընդհանուր առմամբ ախմախագույն մուլտ էր:

Աթեիստ
19.01.2016, 02:01
Ես շատ քիչ ձգեցի, նույնիսկ Անահիտի հավանած էն վարդավառի գրաֆիկան տհաճ էր։ Սաղ չափածո խոսքը տհաճ էր, շան ժամանակակից ֆինտերը տհաճ էին։ Դե Կոնչիտայի վրա Սահակյանցների նայեզդն էլ պարզապես զզվելի էր, ինչպես Սահակյացների մտքի ցանկացած արգասիք։

Հ.Գ.
Հա, ես դրանցից ահագին վախտ ա զզվում եմ ։)

Ուլուանա
19.01.2016, 03:27
Ան, զահլա արեցի, կարդացի: Էս ինչ լավ ռիվյու էր :) Ուրեմն հաստատ չեմ նայի:
Էհ, բայց ես չէի ուզում տենց հուշտ անել :))։


Ան, բայց կարող ա նկարողները կողմ չեն որ Անահիտը որոշի ում հետ ամուսնանա, դրա համար էդ մասը հանել են։ Հայ կնոջը հարիր չի տենց փչացած եվրոպական բարքերը։
Հա, հնարավոր տարբերակ ա :)։

Chuk
19.01.2016, 10:59
Ես դեռ տաս րոպե եմ ձգել: Սովետի ժամանակ լիներ, երբ տոննաներով իսկապես լավ մուլտֆիլմերն հասանելի չէին, կարող ա գրավիչ լիներ, հիմա ընդհանրապես նայելս չի գալիս: Բայց մեկ ա դեռ նայելու եմ ու ամբողջական կարծիքս գրեմ:

Chuk
19.01.2016, 11:01
Անահիտը ոտնահատակ քարուքանդ արեց «Անահիտը» :))

Լեո
19.01.2016, 12:03
Մի ծերունի կար, որը Անահիտին խորհուրդներ էր տալիս (կարծեմ անունը Պետրոս):
Ըստ իս էդ կերպարը պիտի լիներ իմաստուն ու կշռադատված, ձայնը պիտի բարի լիներ ու հանդարտ…

Բայց էն, ինչ ստացել էին մուլտֆիլմում, զազրելի մի բան էր: Քնձռոտ ու հիմար բիձուկ ծվծվան ձայնով: Ահավոր էր:

Smokie
19.01.2016, 12:06
Պետրոս առաքյալն ա դա, իսկ ես սկզբից կարծում էի, թե Ղազարոս Աղայանն ա ու վերջին տարբերակն ինձ ավելի էր դուր գալիս: Բայց շատ էլ համապատասխան ձայն ուներ ու վատը չէր: Իրան ու իմ սիրելի Զանգիին Վարդան Զադոյանն ա ձայնավորել:;)

StrangeLittleGirl
19.01.2016, 12:50
Չէ, հուշտ չես արել: Ուղղակի նկարագրածիցդ շատ լավ երևում ա, որ եթե նայեմ, հաճույք չեմ ստանալու: Ռիվյուի ամբողջ իմաստն էլ էդ ա:

Ուլուանա
19.01.2016, 22:46
Մի ծերունի կար, որը Անահիտին խորհուրդներ էր տալիս (կարծեմ անունը Պետրոս):
Ըստ իս էդ կերպարը պիտի լիներ իմաստուն ու կշռադատված, ձայնը պիտի բարի լիներ ու հանդարտ…

Բայց էն, ինչ ստացել էին մուլտֆիլմում, զազրելի մի բան էր: Քնձռոտ ու հիմար բիձուկ ծվծվան ձայնով: Ահավոր էր:
Լրիվ, բառացիորեն նույնն բանն էի մտածում էդ ծերուկի մասին, ուղղակի մինչև հասա իրեն, արդեն էնքան երկար էի գրել, որ վերջերում փորձեցի կարճ կապել, ծերուկի մասին շատ չծավալվեցի :))։

Այբ
19.01.2016, 23:06
Ինձ դուր չեկավ :( Նախ՝ հեքիաթի կարևոր գաղափարները դուրս էին հանված, հետո լեզուն(արա, պտի, ա-ով, լակոտ ․․․) ու դա հերիք չի՝ ռուսերեն արտահայտություններն էլ գումարած։ Իսկ հեքիաթը ոչ թե կորել է, այլ լրիվ խեղաթյուրվել։ Չէի ուզենա, որ երեխաները նման մուլտֆիլմով պատկերացում կազմեին Աղայանի հեքիաթի մասին, լավ է հեքիաթը կարդան։

Ռուֆուս
20.01.2016, 00:22
Հ.Գ. Տեսնես՝ ո՞վ զահլա կանի՝ էսքանը կարդա :D։

Ան, բայց դու ընտիր պրոֆեսիոնալ կինոքննադատ կլինեիր :)) Չէի պատրաստվում նայել (մի տեղ որ համ Շուշանը կա համ Նազենին), գրածդ կարդալուց հետո առավել ևս չեմ ուզում նայել :))

Lion
20.01.2016, 08:33
Հ.Գ. Տեսնես՝ ո՞վ զահլա կանի՝ էսքանը կարդա :D։

Ես կարդացի` մեծ հետաքրքրությամբ, այժմ անհամբեր սպասում եմ ժամանակ գտնեմ, վերջը նայեմ էս մուլտը: Վստահ եմ, որ ասածներիդ մեծ մասի հետ համաձայն կլինեմ - հիանալի կինոքննադատ ես :)

Արևածագ
20.01.2016, 14:41
Որոշեցի նայել, շատ էր գովազդվել: Հենց առաջին րոպեներից չէր նայվում, համոզեցի ինձ, թե 10- 10 րոպեներով կարելի է նայել, պրծնել, ի վերջո հայկական առաջին լիամետրաժ մուլտֆիլմն է, եթե հայերով էլ չնայենք, ո՞վ պիտի նայի: Հասա 26- րդ րոպեին ու թարկեցի: Այ մարդ, պարտավորություն են դրե՞լ վրաս, եթե չի նայվում, ինչու՞ եմ ինձ բռնության ենթարկում: Գուցե թե երեխա լինեի, կարողանայի նայել: Տեսածիս մեջ երգ- երաժշտությունն ու գործիքավորումը դուր եկավ, զգացվեց, որ մատների արանքով չեն նայել: Մեկ էլ վարդավառի տեսարանի պատկերները:

_Հրաչ_
20.01.2016, 21:18
Ամենատհաճից ասեմ.
1. Ռուսերեն ու ժարգոնային ամեն բառը,
2. Անգրագետ տեքստերը, մեջբերումները,
3. Հանգերի բռնաբարությունը,
4. 2D ու 3D տեսարանների խառնուրդը,
5. «Բալես»-ի գործածումը (չնայած սա կարելի ա տանել առաջին հորիզոնական):

Ընդհանուր համաձայն եմ մյուս գրված կարծիքներին, բայց կոնկրետ իմ նշած թերությունների պատճառով դրանց յուրաքանչյուր դրսևորման պահին ուզում էի անջատեի մուլտը: Չեմ կարողանում հիշել հին հայկական որևէ մուլտ, որ իմ նշած թերություններից գոնե մեկը լինի, դժվար էլ լինի: Հազիվ մի լիամետրաժ էին նկարելու, էն էլ տվին, սաղ պաժառ տվին:

Աթեիստ
20.01.2016, 22:15
4. 2D ու 3D տեսարանների խառնուրդը,


Ես օրինակ դա հավանում եմ ։)
Դիսնեյական մուլտերում վաղուց տեսել եմ ու սիրում եմ էդ համադրումը։

_Հրաչ_
20.01.2016, 22:25
Ես օրինակ դա հավանում եմ ։)
Դիսնեյական մուլտերում վաղուց տեսել եմ ու սիրում եմ էդ համադրումը։

Կարող ա, բան չեմ ասում, բայց ստեղ, իմ կարծիքով, մի քիչ պրոֆեսիոնալ չեն համադրել:

Universe
21.01.2016, 00:30
Թող ների ինձ Անահիտի վրա աշխատող հայությունը, բայց ոնց որ էն առաջվա Ժորիկ մորիկ, տենց մուլտեր կային է որ բռնում թարգմանում էին ով ոնց հասցնի, ոնց որ դրանց նմանակը լիներ։
Անկեղծ ասած կոնչիտաաբռազնի ու կիսառուսերեն բովանդակություն չէի սպասում, ավելի շատ կրթական-ինֆորմատիվ էի պատկերացնում։ Բայց արի ու տես, որ դրվագներ կան, կարաս ասենք նայես ջակուզիյում պիվա խմելուց որ բացի))
Հիմա մարդիկ աշխատել են, ստեղծել են, ապրեն, բայց հուսով եմ որ նույն խմբի կողմից մյուս մուլտֆիլմը սրանից ավելի լավը կլինի արդյունքում , որպես մուլտֆիլմ։

Ուլուանա
30.01.2016, 06:50
Ուրեմն Ֆեյսբուքում սենց մի խումբ կա՝ Mamayin Hokin, էն «Հայ ծնողների անկյուն» խմբի սփյուռքահայ տարբերակն է։ Բոլորն էնտեղ անգլերեն են խոսում, մի խոսքով՝ արտասահմանում ապրող ու, ինչքան նկատել եմ, հայերենից ու հայ մշակույթից հեռու, բայց ծագումով հայ մամաների խումբ է։ Էն օրն էնտեղ մեկը «Անահիտ» մուլտի հղումն էր դրել։ Հետաքրքրության համար տակի մեկնաբանությունները կարդացի. 30–ից ավել մեկնաբանություն կար. պատկերացրեք, բոլորը դրական, հիացական, նմուշի համար մի հատիկ բացասական կարծիք չկար. մարդ կար՝ լրիվ նայել, հիացել էր, մարդ կար՝ դեռ մի քիչ էր նայել ու արդեն հասցրել էր հիանալ, մարդ կար՝ դեռ չտեսած էր արդեն հիացած :)), ու բոլորը՝ նայած, թե չնայած, որոշել էին իրենց երեխաների հետ էլ անպայման նայել։ Մի խոսքով՝ համատարած հիացմունք էր տիրում։ Մենակ մեկը գրել էր. Why does Anahit look so muscular? (Ինչու՞ է Անահիտն այսքան մկանոտ)։ Մեկն էլ գրել էր (բնականաբար, անգլերենով)՝ մինչև էս մուլտը նայելը չգիտեի, թե հայերենս ինչ ահավոր ա։ Բայց աչքիս՝ իրականում էնքան ահավոր չի, ինչքան իրեն է թվացել. ենթադրում եմ, որ ռուսերեն խոսքերը չհասկանալն էլ է հաշվել ի վնաս իր հայերենի, դե, ժարգոնն էլ վրադիր։ Մի խոսքով՝ էս խեղճերը հիանում են մուլտով ու միաժամանակ հիասթափվում իրենց հայերենից։ Ու ամենակարևորը՝ շատերն ամենաշատը ձիուն էին հավանել :))։

Ռուֆուս
30.01.2016, 18:53
Ուրեմն Ֆեյսբուքում սենց մի խումբ կա՝ Mamayin Hokin, էն «Հայ ծնողների անկյուն» խմբի սփյուռքահայ տարբերակն է։ Բոլորն էնտեղ անգլերեն են խոսում, մի խոսքով՝ արտասահմանում ապրող ու, ինչքան նկատել եմ, հայերենից ու հայ մշակույթից հեռու, բայց ծագումով հայ մամաների խումբ է։ Էն օրն էնտեղ մեկը «Անահիտ» մուլտի հղումն էր դրել։ Հետաքրքրության համար տակի մեկնաբանությունները կարդացի. 30–ից ավել մեկնաբանություն կար. պատկերացրեք, բոլորը դրական, հիացական, նմուշի համար մի հատիկ բացասական կարծիք չկար. մարդ կար՝ լրիվ նայել, հիացել էր, մարդ կար՝ դեռ մի քիչ էր նայել ու արդեն հասցրել էր հիանալ, մարդ կար՝ դեռ չտեսած էր արդեն հիացած :)), ու բոլորը՝ նայած, թե չնայած, որոշել էին իրենց երեխաների հետ էլ անպայման նայել։ Մի խոսքով՝ համատարած հիացմունք էր տիրում։ Մենակ մեկը գրել էր. Why does Anahit look so muscular? (Ինչու՞ է Անահիտն այսքան մկանոտ)։ Մեկն էլ գրել էր (բնականաբար, անգլերենով)՝ մինչև էս մուլտը նայելը չգիտեի, թե հայերենս ինչ ահավոր ա։ Բայց աչքիս՝ իրականում էնքան ահավոր չի, ինչքան իրեն է թվացել. ենթադրում եմ, որ ռուսերեն խոսքերը չհասկանալն էլ է հաշվել ի վնաս իր հայերենի, դե, ժարգոնն էլ վրադիր։ Մի խոսքով՝ էս խեղճերը հիանում են մուլտով ու միաժամանակ հիասթափվում իրենց հայերենից։ Ու ամենակարևորը՝ շատերն ամենաշատը ձիուն էին հավանել :))։

Ան, բայց լրիվ սպասելի էր: Նույն ձևի այ տենց կապը կտրած սփյուռքահայերը գժվում են ռաբիզի համար՝ մտածելով, որ հայկական երաժշտությունը դա է:

StrangeLittleGirl
30.01.2016, 18:58
Ան, բայց լրիվ սպասելի էր: Նույն ձևի այ տենց կապը կտրած սփյուռքահայերը գժվում են ռաբիզի համար՝ մտածելով, որ հայկական երաժշտությունը դա է:

Ու նույն ձևի գազարին ստեպղին են ասում :))

Շինարար
30.01.2016, 19:05
Ու նույն ձևի գազարին ստեպղին են ասում :))

Է՞:

StrangeLittleGirl
30.01.2016, 19:19
Է՞:
Ուրիշ մայնդսեթ ունեն

Ուլուանա
30.01.2016, 21:49
Ան, բայց լրիվ սպասելի էր: Նույն ձևի այ տենց կապը կտրած սփյուռքահայերը գժվում են ռաբիզի համար՝ մտածելով, որ հայկական երաժշտությունը դա է:
Հա, էդ կա։ Ու ինձ թվում ա՝ նաև էն հանգամանքը կա, որ իրանք դժվար թե Աղայանի հեքիաթը կարդացած լինեն, հետևաբար մուլտն ընկալել են երևի զուտ որպես թեթև, զվարճալի մուլտ, իսկ որ բնօրինակը կարդացած ես լինում, ակամա փորձում ես կարդացածիդ հետ համեմատել, իսկ տվյալ դեպքում համեմատությունը, մեղմ ասած, մուլտի օգտին չի։ Բացի դրանից, քանի որ լեզվի խնդիրն էլ կա իրանց դեպքում, շատ բաներ չեն հասկանում, որ իմանան՝ ինչ ապուշություններ են դուրս տալիս հերոսները, դրա համար ընդհանուր ավելի լավ տպավորություն ունեն :))։

Ուլուանա
30.01.2016, 22:32
Բյուր, բայց ստեպղինի օրինակը չհասկացա։ Ի՞նչ կապ ուներ։

ivy
30.01.2016, 22:43
Մուլտը հավանել եմ շատ. աչքիս ես էլ եմ կտցրած սփյուռքահայ :pardon

StrangeLittleGirl
31.01.2016, 19:38
Բյուր, բայց ստեպղինի օրինակը չհասկացա։ Ի՞նչ կապ ուներ։
Էն, որ արևմտահայերի ուղեղը լրիվ ուրիշ ձև ա աշխատում:

Ռուֆուս
31.01.2016, 19:46
Չէ, բայց իրոք իրենք ի վիճակի չեն լավը վատից տարբերել:

Իմ հետ էլ է տենց եղել, մի ժամանակ ինձ մի այլ կարգի նապոլիտաներենն էր դզում, քրքրեցի, Նեապոլից մի հատ շատ հայտնի երգիչ գտա: Երգերն առանձնապես դուրս չէին գալիս, մեկ ու մեջ մուղամոտ էր, բայց մենակ լեզվի համար հաճույքով լսում էի: Փարթիներից մեկի ժամանակ մի հատ իտալացի աղջկա ասացի, որ էս երգչին եմ սիրում, աչքերը թռավ ճակատը, հետո ջոգեցի, որ ինքը Վլեի ու Սպիտակցի Հայկոյի իտալական տարբերակն ա :)) Լավ ա, փոխարենը մի քանի ֆոլկ երգիչների անուններ տվեց, անցա ավելի որակյալ երաժշտության :))

Malxas
01.02.2016, 19:10
Նայեցի առաջին քսան րոպեն: Երևի ահագին դրական բաներ էլ կարելի է ասել: Ինձ առանձնապես դուր չեկավ երաժշտությունը, որը բոլորովին համահունչ չէր մուլտֆիլմի հետ: Ոնց որ երգ գրողի մեջքին մի ծանր բեռ դրած լինեին ու ինքն էլ սկսելուց առաջ չհասկանար ու չպատկերացներ, թե իրեն ինչ աշխատանք է սպասվում, որ չի կարողանալու տակից դուրս գալ: Համեմատության համար դնեմ «Աղվեսագիրք» մուլտֆիլմի երաժշտությունը, սարերի ու ձորերի տարբերություն: