PDA

Դիտել ողջ տարբերակը : Սնոուդենի գործը․ անձնական գաղտնիության իրավունքի և ահաբեկչության վտանգի միջև



ars83
09.08.2013, 18:39
55868 Էդվարդ Սնոուդենը (ծն․ 1983թ․ հունիսի 21-ին) ամերիկացի համակարգչային մասնագետ է, ով աշխատել է ԱՄՆ Կենտրոնական հետախուզական վարչությունում և Ազգային անվտանգության վարչությունում, ով հրապարակել է ամերիկյան և բրիտանական զանգվածային վերահսկողության/լրտեսման ծրագերի մասին տեղեկություններ։ ԱՄՆ Ազգային անվտանգության վարչության հետ համագործակցության պայմանագիր ունեցող Booz Allen Hamilton կազմակերպությունում աշխատելու ժամանակ The Guardian լրագրին Սնոուդենի հայտնած տվյալների և փաստաթղթերի հիման վրա վերջինս 2013 թվականին հրապարակել էր մի շարք հոդվածներ, որոնցում բացահայտում էր PRISM, XKeycore և Tempora գաղտնի ծրագրերի գոյությունը, որոնց միջոցով ԱՄՆ-ն, Ավստրալիայի, Նոր Զելանդիայի, Ֆրանսիայի և Անգլիայի հետ համագործակցելով, լրտեսել է այլ պետությունների, ինչպես նաև ամերիկայի քաղաքացիներին, գաղտնալսել նրանց հեռախոսազանգերը։
2013 թվականի հունիսի 14-ին նրան մեղադրանք է ներկայացվել ԱՄՆ դատական մարմինների կողմից՝ լրտեսության և կառավարական սեփականության գողության մեջ։ Նախքան տեղեկությունների հրապարակումը Սնոուդենը հեռացել էր ԱՄՆ-ից՝ սկզբում Հոնգ-Կոնգ, ապա ՌԴ՝ վերջինից խնդրելով քաղաքական ապաստարան։
«Սնոուդենի գործը» հակասությունների հսկայական ալիք է բարձրացրել աշխարհով մեկ․ ոմանք նրան հերոս են համարում, ով պաշտպանել է մարդկանց՝ անձնական տվյալների գաղտնիության իրավումքը, ոմանք էլ՝ դավաճան, ով գաղտնազերծել է ազգային անվտանգությանը և ահաբեկչության դեմ պայքարին վերաբերող տվյալներ։
Սնոուդենն իր գործողություններն արդարցրել է հետևյալ խոսքերով. «Ես ցանկացել եմ հանրությանը տեղեկացնել, թե ինչ է արվում նրա անունից և նրա դեմ»։ ԱՄՆ պաշտոնյաները պնդում են, որ լրտեսման գործողություններն ունեցել են նեղ ուղղվածություն և նպատակ են հետապնդել պաշտպանել ամերիկացիներին ահաբեկչական գործողություններից։

Նյութը կրճատումներով թարգմանված է Վիքիփեդիայի էջից (http://en.wikipedia.org/wiki/Snowden_affair)։
Ինչպես եք Դո՞ւք վերաբերվում Սնոուդենի գործողություններին։ Որտե՞ղ է, ըստ Ձեզ մեզնից յուրաքանչյուրի անձնական տվյալների գաղտնիության և պետական անվտանգության սահմանը։

ars83
09.08.2013, 19:14
Սնոուդենի հրապաչակումներից հետո լրատվամիջոցները սկսեցին գրել խոշոր ընկերությունների՝ ԱՄՆ Ազգային անվտանգության վարչության (ԱԱՎ) հետ համագործակցելու մասին, նրան օգտագործողների անձնական տվյալները փոխանցելու մասին։ Տվյալներ փոխանցելու մեջ կասկածում են Google-ին, Facebook-ին, Microsoft-ին և էլի մի քանի հսկաների։ ԱՄՆ օրենքով այդ ընկերություններն իրավունք չունեն հրապարակել, թե ինչ չափի և բնույթի տեղեկություններ են փոխանցում ԱԱՎ-ին։ Google-ը, օրինակ, հայտարարել է որ տվյալների զանգվածային տրամադրում ԱԱՎ-ին չի եղել (http://investigations.nbcnews.com/_news/2013/06/25/19042195-google-were-not-in-cahoots-with-the-nsa?lite), ասել է, որ ստանում են տվյալների տրամադրման հարցումներ ԱԱՎ-ին, քննում են դրանք, և բավարարում միայն «օրինավոր» հարցումները։
Բազմաթիվ մարդիկ որոշել են հրաժարվել Google-ի էլ․ փոստի ծառայությունից, ուրիշները՝ Ֆեյսբուքից՝ հաշվի առնելով անձնական տեղեկությունները կառավարությանը տրամադրելու կասկածը։

Չամիչ
09.08.2013, 20:01
Թե չէ նորություն ա՞ թե ԱՄՆ-ը ինչով ա զբաղված: Միանշանակ, ֆեյսբուքն էլ մի միջավայր ա, որտեղ մարդը ափի մեջ ա: Կամ պիտի դուրս գաս բոլոր տեսակի սոցիալական կայքերից, կամ էլ պիտի ընդունես, որպես անժխտելի իրողություն:

ars83
09.08.2013, 20:53
Թե չէ նորություն ա՞ թե ԱՄՆ-ը ինչով ա զբաղված: Միանշանակ, ֆեյսբուքն էլ մի միջավայր ա, որտեղ մարդը ափի մեջ ա: Կամ պիտի դուրս գաս բոլոր տեսակի սոցիալական կայքերից, կամ էլ պիտի ընդունես, որպես անժխտելի իրողություն:
Դե, ինձ թվում է՝ միայն ԱՄՆ չէ, որ անհատական տեղեկություններ է հավաքում։ Օրինակ, շատ մարդիկ բողոքում են մեր Զվարթնոց օդանավակայանում գրանցումն անցնելուց մատնահետքեր հանձնելու պայմանից, որոնք հետո ստուգվում են, որ համոզված լինեն, որ միևնույն մարդն է նստում օդանավ, ով գրանցվել է։ Որոշ եվրոպացիներ կասկածում են, որ մեզ մոտ այդպես հավաքվում են նրանց մատնահետքերը, հետո փոխանցվում Ռուսաստանին։ :))
Տվյալներդ պաշտպանելու որոշ եղանակներ կան, օրինակ դրանք ծածկագրելը։ Նույն Gmail-ով հնարավոր է նամակն ուղարկելուց առաջ այն ծածկագրել. այդպես (տեսականորեն) միայն հասցեատերը կկարողանա վերծանել ու կարդալ այն։ Իսկ Gmail-ի ադմինիստրատորները, կամ որևէ երրորդ կողմ, եթե նույնիսկ ձեռք բերի այդ նամակները, չի կարողանա դրանք կարդալ, որովհետև չունի ծածկագրման բանալին (միայն հասցեատերն այն ունի)։

Rhayader
09.08.2013, 21:43
Կգրեմ, բայց չեմ պատրաստվում հետո բանավեճի մեջ մտնել, որովհետև հոգնած եմ ու ժամանակ չկա: Խոստանում եմ լիքը փաստեր, լիքը անուններ, ու լիքը կեղտ, այդ թվում՝ մեր սիրելի Ազատություն ռադիոկայանի մասին:

Նախ հասկանանք, թե ինչ է PRISM (SIGAD US-984XN) (http://en.wikipedia.org/wiki/PRISM) ծրագիրը, որն իրականացվում է Patriot Act (http://en.wikipedia.org/wiki/Patriot_Act) օրինագծի շրջանակներում, որն ընդունվել է դեռ Ջորջ Բուշի վարչակազմի օրոք:

2001 թվականի հոկտեմբերի 26-ին ընդունված USA PATRIOT (Uniting (and) Strengthening America (by) Providing Appropriate Tools Required (to) Intercept (and) Obstruct Terrorism) օրինագիծն արձագանք էր Համաշխարհային Առևտրային կենտրոնի վրա 9/11-ի ու դրան հաջորդած սիբիրախտով վարակված նամակների միջոցով տեռորիստական հարձակումներին:

Բուշի ռեժիմին ու 9/11-ի դեպքերին բավականին լավ անդրադարձել է Մայքլ Մուրն իր «Ֆարենհեյտ 9/11» վավերագրական ֆիլմում.


http://www.youtube.com/watch?v=xOKFr34DV1w

Ինչևէ, օգտվելով 9/11-ի ողբերգության առաջացրած բողոքի ալիքից, ընդունվեց Patriot Act-ը, որով փոփոխություններ մտցվեցին հետևյալ օրինագծերի մեջ.

Foreign Intelligence Surveillance Act of 1978 (FISA) / Արտասահմանյան Հետախուզության Դիտարկման Օրինագիծ, 1978
Electronic Communications Privacy Act of 1986 (ECPA) / Էլեկտրոնային Կապի Գաղտնիության Օրինագիծ, 1986
Money Laundering Control Act of 1986 / Դրամական Միջոցների Լվացման Վերահսկման Օրինագիծ, 1986
Bank Secrecy Act (BSA) / Բանկային Գաղտնիության Օրինագիծ
Immigration and Nationality Act / Իմիգրացիոն և Ազգային Պատկանելության Օրինագիծ

Patriot Act-ն, օրինակ, հնարավորություն էր տալիս անորոշ ժամկետով առանց մեղադրանք ներկայացնելու ձերբակալել ցանկացած իմիգրանտի կացության մեջ գտնվող մարդու:

9/11-ը նաև հնարավորություն տվեց Բուշի ու նրան հաջորդած Օբամայի ռեժիմին «տեռորիզմի դեմ պատերազմի» անվան տակ իրականացնել տարբեր ռազմական գործողություններ աշխարհով մեկ: Դրանցից ամենափոքրը չէին Աֆղանստանում և Իրաքում իրականացրած գործողությունները:

Կոնկրետ Իրաքում ռազմական գործողությունների բացատրությունը Սադամ Հուսեյնի վարչակարգի կողմից քիմիական զենքի արտադրությունն էր: Բրիտանացի գիտնական, բրիտանական Պաշտպանության նախարարության աշխատակից Դևիդ Կելլին 2003 թ. հուլիսի 15-ին BBC-ի լրագրող Դևիդ Գիլլիգանի հետ զրույցի ժամանակ պատմեց, որ բրիտանական կառավարությունն ու պրեմիեր-մինիստր Տոնի Բլերը տեղյակ էին, որ Իրաքում քիմիական զենքի առկայության մասին տվյալները կեղծված են, ու չնայած դրան՝ միացել են ԱՄՆ ռազմական գործողություններին: Բրիտանիայում քաղաքական փոթորիկ սկսեց:

Դևիդ Կելլիին գտան սպանված 2003 թ. հուլիսի 17-ին: Պաշտոնական վարկածը՝ ինքնասպանություն:

(շարունակելի)

Rhayader
09.08.2013, 21:49
Եթե ձեզ հետաքրքիր է, թե ինչպես է CIA-ն լուծում իրեն անհանգստացնող մարդկանց հարցերը, բերեմ Օսվալդո Սանչես Կաբրերայի ու «Արագոնի» օրինակը: Երկուսն էլ КГБ-ի ագենտներ էին Կուբայում, ովքեր Կաստրոյի ռեժիմին զգուշացրեցին Խոզերի ծոցի ներխուժման (http://en.wikipedia.org/wiki/Bay_of_Pigs_Invasion) մասին: Օսվալդո Կաբրերան բռնի մահով մահացավ ներխուժումից անմիջապես առաջ, «Արագոնը»՝ անմիջապես հետո:

(շարունակելի)

ars83
09.08.2013, 22:48
Բուշի ռեժիմին ու 9/11-ի դեպքերին բավականին լավ անդրադարձել է Մայքլ Մուրն իր «Ֆարենհեյտ 9/11» վավերագրական ֆիլմում.

Շնորհակալություն հղումի համար, հիմա դիտում եմ ֆիլմը։


Ինչևէ, օգտվելով 9/11-ի ողբերգության առաջացրած բողոքի ալիքից, ընդունվեց Patriot Act-ը, որով փոփոխություններ մտցվեցին հետևյալ օրինագծերի մեջ.
Foreign Intelligence Surveillance Act of 1978 (FISA) / Արտասահմանյան Հետախուզության Դիտարկման Օրինագիծ, 1978
Electronic Communications Privacy Act of 1986 (ECPA) / Էլեկտրոնային Կապի Գաղտնիության Օրինագիծ, 1986
Money Laundering Control Act of 1986 / Դրամական Միջոցների Լվացման Վերահսկման Օրինագիծ, 1986
Bank Secrecy Act (BSA) / Բանկային Գաղտնիության Օրինագիծ
Immigration and Nationality Act / Իմիգրացիոն և Ազգային Պատկանելության Օրինագիծ

Փոփոխությունները, ինչքանով հասկանում եմ, թույլ են տալիս «օրինականացնել» տեղեկությունների կուտակման գործողությունը։ Ի՞նչ նպատակներով են օգտագործվել PRISM-ի կուտակած տվյալները՝ միայն ռազմակա՞ն։ Ես կարծում եմ, որ տնտեսական էլ պետք է լինի, չնայած աչքովս չեն ընկել այդ մասին նյութեր։
Եկեք նաև գրենք այստեղ, թե ի՞նչ հասանելի տեխնոլոգիաներ կան՝ մեր մասին ապօրինի տվյալներ կուտակելու դեմ։ Դեռ Անհատական տվյալների մասին օրենքը չեմ կարդացել (http://parliament.am/legislation.php?sel=show&ID=1331), բայց պատրաստվում եմ կարդալ, որպեսզի տեսնեմ, թե կոնկրետ մեր երկրում ինչքանով են պաշտպանված մեր անհատական տվյալները (ըստ օրենքի)։

Rhayader
09.08.2013, 22:50
Իրաքի պատերազմի մասին ամենախոշոր whistleblower-ներից մեկի անունն այս թեմայում նույնպես պետք է շոշափվի. Բրեդլի Մեննինգ: Մեննինգն էր, որ Wikileaks-ին փոխանցեց Իրաքի պատերազմում ԱՄՆ զինվորների իրականացրած անպատիժ հանցագործությունների մասին տվյալներ, օրինակ՝ սա (նախապես զգուշացնեմ, որ կոշտ տեսանյութ է, խորհուրդ չի տրվում դիտել անչափահասներին ու նյարդային խնդիրներ ունեցող մարդկանց), որը ցույց է տալիս Իրաքում Reuters գործակալության թղթակիցներ Սայիդ Չմաղի (40 տարեկան) ու Նամիր Նուր-Էլդինի (22 տարեկան) 2007 թ. հուլիսի 12-ի սպանությունները.


http://www.youtube.com/watch?v=5rXPrfnU3G0

Բրեդլի Մեննինգին FBI-ին հանձնեց նախկին «grayhat» հակեր Էդրիեն Լամոն, որի հետ Մեննինգը կապվել էր ինֆորմացիայի փոխանցման նպատակով: Նրանց չատային լոգերը կարող եք ամբողջությամբ կարդալ այստեղ (http://www.wired.com/threatlevel/2011/07/manning-lamo-logs/):

2010-ի մայիսին Մեննինգին ձերբակալեցին ու դատապարտեցին տարբեր մեղադրանքներով (պետական գույքի յուրացում, գաղտնի ինֆորմացիայի փոխանցում WikiLeaks կայքին, Լրտեսության մասին օրինագծի խախտում և այլն):

Նայեք այս մարդու դեմքին: Նա հերոս է:

http://upload.wikimedia.org/wikipedia/commons/thumb/5/5d/Bradley_Manning_US_Army.jpg/384px-Bradley_Manning_US_Army.jpg

Անոնիմուսի արձագանքը Բրեդլի Մեննինգի ձերբակալությանը.


http://www.youtube.com/watch?v=DI3gzMUFuQw

(շարունակելի)

Rhayader
09.08.2013, 22:58
Շնորհակալություն հղումի համար, հիմա դիտում եմ ֆիլմը։


Փոփոխությունները, ինչքանով հասկանում եմ, թույլ են տալիս «օրինականացնել» տեղեկությունների կուտակման գործողությունը։ Ի՞նչ նպատակներով են օգտագործվել PRISM-ի կուտակած տվյալները՝ միայն ռազմակա՞ն։ Ես կարծում եմ, որ տնտեսական էլ պետք է լինի, չնայած աչքովս չեն ընկել այդ մասին նյութեր։
Եկեք նաև գրենք այստեղ, թե ի՞նչ հասանելի տեխնոլոգիաներ կան՝ մեր մասին ապօրինի տվյալներ կուտակելու դեմ։ Դեռ Անհատական տվյալների մասին օրենքը չեմ կարդացել (http://parliament.am/legislation.php?sel=show&ID=1331), բայց պատրաստվում եմ կարդալ, որպեսզի տեսնեմ, թե կոնկրետ մեր երկրում ինչքանով են պաշտպանված մեր անհատական տվյալները (ըստ օրենքի)։

Էական չի: Գոյություն ունի անմեղության կանխավարկած, որը խախտվում է այս օրենքով, ու ինձ քիչ է հետաքրքրում, թե ինչ բարձր իդեալներով են առաջնորդվում իմ անձնական ինֆորմացիան հավաքող ամերիկյան գործակալություններն ու կառավարությունները: Եթե չստացվի իրավական ճանապարհով արգելել նման գործունեությունը, ես և շատ ուրիշները պատրաստ են անցնել պայքարի այլ մեթոդների, ներառյալ զինված և ինֆորմացիոն պարտիզանական պայքարը:

Rhayader
09.08.2013, 23:05
http://upload.wikimedia.org/wikipedia/commons/4/40/Adrian_Lamo.png

Էդրիեն Լամո, դավաճան, ինֆորմատոր:

(շարունակելի)

Rhayader
09.08.2013, 23:23
Ստրատֆորը գլոբալ հետախուզական մասնավոր ընկերություն է: Նրանց միջոցով է, որ PRISM-ի ու նման այլ ծրագրերի միջոցով հավաքվող տվյալները կարող են հայտնվել մասնավոր անձանց, կորպորացիաների, լրատվամիջոցների, կառավարական վարչությունների ձեռքերում: Կազմակերպությունը «բաժանորդագրական» ծառայություն է ապահովում իր հաճախորդների համար:

Ստրատֆորն ու նման կազմակերպություններն իրականում մեթոդ են, որոնց միջոցով ձեր անձնական տվյալները վաճառվում են նրան, ով պատրաստ է դրա համար բավականաչափ վճարել, իսկ կառավարությունը լվանում է իր ձեռքերը:

2012 թվականին Anonymous և LulzSec հակտիվիստական խմբերն իրականացրեցին AntiSec օպերացիան.


http://www.youtube.com/watch?v=lHApqy3n3Fs

Օպերացիայի ընթացքում հակտիվիստները հրապարակեցին բավականին մեծ քանակությամբ էլ. փոստի հաղորդագրություններ, որոնք Ստրատֆորն ուղարկել էր իր բաժանորդներին: Հրապարակված հաղորդագրություններն, իհարկե, տեղադրվեցին WikiLeaks-ում, որտեղ էլ կարող եք բզբզել դրանք. ահա հղումը (http://wikileaks.org/the-gifiles.html):

LulzSec-ի համահիմնադիր Sabu-ն, իրական անունը՝ Հեկտոր Քսավիե Մոնսեխուր, FBI-ի ինֆորմատոր դուրս եկավ ու օգնեց գտնել ու ձերբակալել օպերացիային մասնակցած մի քանի նշանավոր ակտիվիստների, որոնցից մեկն էր Ջերեմի Հեմմոնդը:

Նայեք այս մարդու դեմքին. նա հերոս է:

http://images.huffingtonpost.com/2013-05-29-Hammon_620x412.jpg

Ջերեմի Հեմմոնդ, 28 տարեկան:

(շարունակելի)

Rhayader
09.08.2013, 23:25
http://www.nypost.com/rw/nypost/2012/03/11/oped/web_photos/hector_xavier--300x300.jpg

Հեկտոր Քսավիե Մոնսեխուր, դավաճան, ինֆորմատոր:

(շարունակելի)

Rhayader
09.08.2013, 23:57
Շարունակությունն ավելի ուշ գրեմ, մոտավոր հաջորդականությունը հետևյալն է լինելու՝ Ալ Քաիդա, Ջուլիան Ասսանջ, Ազատություն ռադիոկայան, Էդվարդ Սնոուդեն:

Mephistopheles
10.08.2013, 00:09
իրանք whisleblower-ներ են… իրանց միջոցով անձնական տվյալների անօրինական կուտակման վրա դեմք դրվեց…

ars83
10.08.2013, 00:41
Էական չի: Գոյություն ունի անմեղության կանխավարկած, որը խախտվում է այս օրենքով, ու ինձ քիչ է հետաքրքրում, թե ինչ բարձր իդեալներով են առաջնորդվում իմ անձնական ինֆորմացիան հավաքող ամերիկյան գործակալություններն ու կառավարությունները: Եթե չստացվի իրավական ճանապարհով արգելել նման գործունեությունը, ես և շատ ուրիշները պատրաստ են անցնել պայքարի այլ մեթոդների, ներառյալ զինված և ինֆորմացիոն պարտիզանական պայքարը:
Իրավական ճանապարհով, իհարկե, պետք է սահմանափակում լինի։ Բայց, անկեղծ ասած, ես դրան էլ մինչև վերջ չեմ վստահում։ Միշտ էլ կգտնվեն կառավարություններ, ովքեր օրենքի վրայով կքայլեն ու կօգտագործեն մարդկանց մասին տեղեկություններ կուտակելու ու դրանք իրենց օգտին կիրառելու հնարավորությունը. դա պարզապես շատ մեծ գայթակղություն է։ Ես ընդամենը երեք ամիս է, ինչ գտնվում եմ Գերմանիայում, արդեն տարբեր պետական և ոչ պետական մարմիններին հանձնել եմ օրենքով նախատեսված տեղեկություններ՝ սկսած մատնահետքերիցս (3 զույգ, որոնցից, ենթադրաբար, մեկն է պահպանվել, այն էլ, ժամանակավորապես, մինչև որ փոխանցվել է ժամանակավոր կացության իրավունքի քարտի մեջ, իսկ վերցրածները, ըստ օրենքի, պետք է ջնջված լինեն), շարունակած աչքերիս գույնով, աշխատավարձիս կարգով, որը հայտնում է աշխատավարձիդ չափը՝ մի քանի հարյուր եվրոյի ճշտությամբ (սոցիալ ապահովագրության համար), վերջացրած ծննդավայրովս, ընտանեկան կացությամբս, ծնողներիս մասին տեղեկություններով, վարձակալած բնակարանի տարածքով, և այլն։
Ես համարում եմ, որ մենք ինքներս, հնարավորության ու օրենքի սահմաններում, պետք է կազմակերպենք մեր անհատական տեղեկությունների պաշտպանությունը։ Թեկուզ անձնական հաղորդակցմանը (որի վրա այդքան մեծ ուշադրություն է դարձնում NSA-ն)։ Հեռախոսայինինը չգիտեմ, բայց գոնե գրավորինը կարելի է։ Այդ պարագայում, կարծում եմ, Ֆիլ Ցիմերմանի անունն էլ պետք է նշել այս թեմայում։

55869
Ցիմերմանը Pretty Good Privacy (PGP) ծրագրի հեղինակն է։ PGP (https://en.wikipedia.org/wiki/Pretty_Good_Privacy)-ն թույլ է տալիս, մասնավորապես, ծածկագրել էլեկտրոնային հաղորդագրությունը։
Ժամանակին մտադիր էի ակումբում PGP-ի ու Web of Trust (https://en.wikipedia.org/wiki/Web_of_Trust)-ի մասին թեմա բացել, մտածում էի նույնիսկ ակումբային հանդիպումների ժամանակ key signing party (https://en.wikipedia.org/wiki/Key_signing_party)-ներ կազմակերպել։ Հետո ժամանակ չեղավ, ու ինձ թվում է, հետաքրքրվողներն էլ քիչ կլինեին՝ տեղեկության պակասի պատճառով։ Միգուցե, արժի, այնուամենայնիվ ժամանակ հատկացնել դրան։ :think

Ռուֆուս
10.08.2013, 01:55
Ինձ թվում ա հայերին Սնոուդենյան սկանդալները ամենաքիչը պիտի մտահոգեն, էն ինչը որ ԱՄՆ ԱԱծ-ն ա անում ծաղիկներ են մեր ԱԱԾ-ի էլ ավելի համատարած գաղտնալսումների հետ: Ամերիկայում գոնե ինչ-որ չափով խոսքի ազատություն, մարդու իրավունքներ, ֆլան ֆստան կա, մեր ԿԳԲշնիկներին ո՞նց հասկացնես, թե մարդու իրավունքն ինչ ա:

Մի հատ հրաշք գերմանական ֆիլմ կա ԳԴՀ-ի շտազիի մասին - Life of the Others, որևէ մեկը իրոք հավատու՞մ ա, որ մեր ԱԱԾ-ն կամ ռուսական ԿԳԲ-ն իր ռազմավարությունը փոխել է անկախանալուց հետո:

ars83
10.08.2013, 02:26
Կարդացի անհատական տվյալների մասին օրենքը (http://parliament.am/legislation.php?sel=show&ID=1331)։ Մի կետ կար, որի տակ տվյալների հավաքման ու մշակման ինչպիսի գործողություն ասես կարելի է հասկանալ, երևի (6.3).


Անհատական տվյալների մշակումը համարվում է օրինական, եթե անհատական տվյալները մշակվում են տվյալների սուբյեկտի կենսական շահերի պաշտպանության համար, երբ հիմքեր չկան ենթադրելու, որ նա, իմանալով մշակման մասին, չէր տա իր համաձայնությունը:

ars83
10.08.2013, 02:32
Ինձ թվում ա հայերին Սնոուդենյան սկանդալները ամենաքիչը պիտի մտահոգեն, էն ինչը որ ԱՄՆ ԱԱծ-ն ա անում ծաղիկներ են մեր ԱԱԾ-ի էլ ավելի համատարած գաղտնալսումների հետ: Ամերիկայում գոնե ինչ-որ չափով խոսքի ազատություն, մարդու իրավունքներ, ֆլան ֆստան կա, մեր ԿԳԲշնիկներին ո՞նց հասկացնես, թե մարդու իրավունքն ինչ ա:

Հայերիս ահագին մասի անձնական տվյալներից այսօր կան Gmail-ի, Facebook-ի ու Skype-ի նման հսկաների սերվերների վրա։ Քեզ թվում է՝ դրանք այդ տվյալները կտրամադրե՞ն մեր կառավարության պահանջով։ Ինձ չի թվում։ Իսկ այ ԱՄՆ կառավարության պահանջով հնարավոր է, որ տրամադրեն։

Rhayader
10.08.2013, 05:32
Իրավական ճանապարհով, իհարկե, պետք է սահմանափակում լինի։ Բայց, անկեղծ ասած, ես դրան էլ մինչև վերջ չեմ վստահում։ Միշտ էլ կգտնվեն կառավարություններ, ովքեր օրենքի վրայով կքայլեն ու կօգտագործեն մարդկանց մասին տեղեկություններ կուտակելու ու դրանք իրենց օգտին կիրառելու հնարավորությունը. դա պարզապես շատ մեծ գայթակղություն է։ Ես ընդամենը երեք ամիս է, ինչ գտնվում եմ Գերմանիայում, արդեն տարբեր պետական և ոչ պետական մարմիններին հանձնել եմ օրենքով նախատեսված տեղեկություններ՝ սկսած մատնահետքերիցս (3 զույգ, որոնցից, ենթադրաբար, մեկն է պահպանվել, այն էլ, ժամանակավորապես, մինչև որ փոխանցվել է ժամանակավոր կացության իրավունքի քարտի մեջ, իսկ վերցրածները, ըստ օրենքի, պետք է ջնջված լինեն), շարունակած աչքերիս գույնով, աշխատավարձիս կարգով, որը հայտնում է աշխատավարձիդ չափը՝ մի քանի հարյուր եվրոյի ճշտությամբ (սոցիալ ապահովագրության համար), վերջացրած ծննդավայրովս, ընտանեկան կացությամբս, ծնողներիս մասին տեղեկություններով, վարձակալած բնակարանի տարածքով, և այլն։
Ես համարում եմ, որ մենք ինքներս, հնարավորության ու օրենքի սահմաններում, պետք է կազմակերպենք մեր անհատական տեղեկությունների պաշտպանությունը։ Թեկուզ անձնական հաղորդակցմանը (որի վրա այդքան մեծ ուշադրություն է դարձնում NSA-ն)։ Հեռախոսայինինը չգիտեմ, բայց գոնե գրավորինը կարելի է։ Այդ պարագայում, կարծում եմ, Ֆիլ Ցիմերմանի անունն էլ պետք է նշել այս թեմայում։

55869
Ցիմերմանը Pretty Good Privacy (PGP) ծրագրի հեղինակն է։ PGP (https://en.wikipedia.org/wiki/Pretty_Good_Privacy)-ն թույլ է տալիս, մասնավորապես, ծածկագրել էլեկտրոնային հաղորդագրությունը։
Ժամանակին մտադիր էի ակումբում PGP-ի ու Web of Trust (https://en.wikipedia.org/wiki/Web_of_Trust)-ի մասին թեմա բացել, մտածում էի նույնիսկ ակումբային հանդիպումների ժամանակ key signing party (https://en.wikipedia.org/wiki/Key_signing_party)-ներ կազմակերպել։ Հետո ժամանակ չեղավ, ու ինձ թվում է, հետաքրքրվողներն էլ քիչ կլինեին՝ տեղեկության պակասի պատճառով։ Միգուցե, արժի, այնուամենայնիվ ժամանակ հատկացնել դրան։ :think

Ծածկագրեցիր, դժվա՞ր է այդ ծածկագիրը բացելը:)

ars83
10.08.2013, 11:58
Ծածկագրեցիր, դժվա՞ր է այդ ծածկագիրը բացելը:)
Բավականաչափ մեծ բանալիներ ընտրելու դեպքում զգալիորեն դժվար պետք է լինի (ըստ տեսության՝ նույնիսկ շատ դժվար)։ Եթե, իհարկե, բանալիներն ապահով պահվեն։ Համենայն դեպս, բաց տեքստով նամակներում ավտոմատ keyword-ներ փնտրող ծրագրերը չեն կարողանա աշխատել։

Rhayader
10.08.2013, 13:25
Բավականաչափ մեծ բանալիներ ընտրելու դեպքում զգալիորեն դժվար պետք է լինի (ըստ տեսության՝ նույնիսկ շատ դժվար)։ Եթե, իհարկե, բանալիներն ապահով պահվեն։ Համենայն դեպս, բաց տեքստով նամակներում ավտոմատ keyword-ներ փնտրող ծրագրերը չեն կարողանա աշխատել։

Ի նկատի ունեմ, կարող է բանալի ընտրելու կարիք էլ չլինի: Պարզապես, ասենք, կոդավորման ալգորիթմին հակառակ ալգորիթմ կիրառվի, ու վերջ: Իրականում հաճախ նման եղանակները կիրառվում են «բոլոր ձվերը մի զամբյուղի մեջ հավաքելու» համար. մարդկանց թույլ են տալիս անվտանգության իլյուզիա ստեղծել, երբ իրենք գիտեն դա ճեղքելու ձևը:

Անձամբ ես, ասենք LOIC օգտագործելուց առաջ անվտանգության հետևյալ քայլերով եմ անցնում՝ virtual pc եմ ստեղծում, հետո՝ ramdrive, virtual pc-ն գցում եմ ramdrive-ի վրա, այնտեղից միացնում, միջից TOR-ով ու LOIC-ով անում իմ գործերը: Virtual pc-ի վրա էլ ցանցային քարտերի MAC-հասցեները հետևում եմ, որ հանկարծ իմի հետ չբռնեն: մարդ ես, մեկ էլ:

Ու այդքանը՝ նոուտբուկից, public wifi-ի միջոցով, մի կետից 15 րոպեից ոչ երկար սեանսներով:

Chuk
10.08.2013, 13:58
2013 թվականի հունիսի 14-ին նրան մեղադրանք է ներկայացվել ԱՄՆ դատական մարմինների կողմից՝ լրտեսության և կառավարական սեփականության գողության մեջ։ Նախքան տեղեկությունների հրապարակումը Սնոուդենը հեռացել էր ԱՄՆ-ից՝ սկզբում Հոնգ-Կոնգ, ապա ՌԴ՝ վերջինից խնդրելով քաղաքական ապաստարան։
Պատմությանը շատ թռուցիկ եմ ծանոթ, դեռ չեմ խորացել: Հետո ժամանակ ունենամ կուսումնասիրեմ, ամեն դեպքում հետաքրքիր թեմա ու զարգացումներ է: Բայց էս ընդգծածս պահն ինձ մի այլ կարգի բացում ա, զավեշտի թատրոն, հեսա ՌԴ-ն անպայման կփրկի մարդկային չարիքի դեմ պայքարող հերոսին :))

ars83
10.08.2013, 14:44
Ի նկատի ունեմ, կարող է բանալի ընտրելու կարիք էլ չլինի: Պարզապես, ասենք, կոդավորման ալգորիթմին հակառակ ալգորիթմ կիրառվի, ու վերջ: Իրականում հաճախ նման եղանակները կիրառվում են «բոլոր ձվերը մի զամբյուղի մեջ հավաքելու» համար. մարդկանց թույլ են տալիս անվտանգության իլյուզիա ստեղծել, երբ իրենք գիտեն դա ճեղքելու ձևը:
Կարծում ես, prime factorization-ի համար, օրինակ, գոյություն ունի դետերմինիստիկ ալգորիթմ, որը գաղտնի՞ է պահվում։ :think


Անձամբ ես, ասենք LOIC օգտագործելուց առաջ անվտանգության հետևյալ քայլերով եմ անցնում՝ virtual pc եմ ստեղծում, հետո՝ ramdrive, virtual pc-ն գցում եմ ramdrive-ի վրա, այնտեղից միացնում, միջից TOR-ով ու LOIC-ով անում իմ գործերը: Virtual pc-ի վրա էլ ցանցային քարտերի MAC-հասցեները հետևում եմ, որ հանկարծ իմի հետ չբռնեն: մարդ ես, մեկ էլ:
Ու այդքանը՝ նոուտբուկից, public wifi-ի միջոցով, մի կետից 15 րոպեից ոչ երկար սեանսներով:
Բա որ TOR-ի relay-ներն էլ NSA-ի «հովանու» տակ լինե՞ն։ :))
Չէ, իհարկե, լավ է ցանցային անոնիմություն ունենալը, ինչ խոսք։

Իմ ասածն այն էր, որ վերահսկվող կամ կուտակվող ինֆորմացիայի ծավալն այնքան մեծ է, որ հաստատ դրա մեծ մասը մարդիկ չեն մշակում, այլ ավտոմատ ծրագրերը, որոնք ըստ որոշ բանալիային բառերի զտում են տեղեկատվությունը։ Դրանք շեղելու համար կամ պետք է այդ բառերն իմանալ ու փոխարինել այլ բառերով, կամ էլ ծածկագրել, որ գոնե վերծանման վրա լրացուցիչ ռեսուրս գնա ու դժվարացվի ավտոմատների գործը։ Ավելի գլոբալ առումով, ինձ թվում է, մեր դարում հատկապես, պետք է մարդիկ բավական տեղեկացված լինեն տվյալների ու ցանցային անվտանգության խնդիրներից ու լուրջ վերաբերվեն դրանց։ Ինձ թվում է, դեռ այդ գիտակցումը քչերի մոտ է, որ կա:

ars83
10.08.2013, 16:05
Բայց էս ընդգծածս պահն ինձ մի այլ կարգի բացում ա, զավեշտի թատրոն, հեսա ՌԴ-ն անպայման կփրկի մարդկային չարիքի դեմ պայքարող հերոսին :))
Ռուսաստանն արդեն ժամանակավոր ապաստարան է տրամադրել Սնոուդենին այն բանից հետո, երբ Չինաստանը, հաշվի չառնելով ԱՄՆ-ի՝ նրան հանձնելու պահանջը, թույլ տվեց Սնոուդենին հեռանալ Հոնգ-Կոնգից։ Ի պատասխան դրան, Օբաման հրաժարվեց Պուտինի հետ հաջորդ ամսին նախատեսված հանդիպումից (http://www.theguardian.com/world/2013/aug/07/obama-putin-talks-canceled-snowden), նշելով, որ «բավականաչափ առաջընթաց չկա երկկողմանի օրակարգում»:

Rhayader
10.08.2013, 22:03
Կարծում ես, prime factorization-ի համար, օրինակ, գոյություն ունի դետերմինիստիկ ալգորիթմ, որը գաղտնի՞ է պահվում։ :think


Բա որ TOR-ի relay-ներն էլ NSA-ի «հովանու» տակ լինե՞ն։ :))
Չէ, իհարկե, լավ է ցանցային անոնիմություն ունենալը, ինչ խոսք։

Իմ ասածն այն էր, որ վերահսկվող կամ կուտակվող ինֆորմացիայի ծավալն այնքան մեծ է, որ հաստատ դրա մեծ մասը մարդիկ չեն մշակում, այլ ավտոմատ ծրագրերը, որոնք ըստ որոշ բանալիային բառերի զտում են տեղեկատվությունը։ Դրանք շեղելու համար կամ պետք է այդ բառերն իմանալ ու փոխարինել այլ բառերով, կամ էլ ծածկագրել, որ գոնե վերծանման վրա լրացուցիչ ռեսուրս գնա ու դժվարացվի ավտոմատների գործը։ Ավելի գլոբալ առումով, ինձ թվում է, մեր դարում հատկապես, պետք է մարդիկ բավական տեղեկացված լինեն տվյալների ու ցանցային անվտանգության խնդիրներից ու լուրջ վերաբերվեն դրանց։ Ինձ թվում է, դեռ այդ գիտակցումը քչերի մոտ է, որ կա:

TOR-ի relay-ներից մեկը իմ համակարգիչն է:)

Վիշապ
10.08.2013, 22:51
Իսկ ի՞նչ տվեց մարդկությանը Սնոուդենի «ծակվելը»... Ինչու՞մն է նրա հերոսությունը կայանում, կոնկրետ օրինակներով, եթե կարելի է։

Rhayader
11.08.2013, 02:22
Իսկ ի՞նչ տվեց մարդկությանը Սնոուդենի «ծակվելը»... Ինչու՞մն է նրա հերոսությունը կայանում, կոնկրետ օրինակներով, եթե կարելի է։

Դրա համար պիտի հասկանաս նորմալ երկրների քաղաքական դաշտը: ԱՄՆ ու Մեծ Բրիտանիայի իշխող ռեժիմների ռեյտինգը կտրուկ կընկնի, եթե չհրաժարվեն PRISM-ից: Հիմա ինտենսիվ լոբբիինգ է կատարվում: + մարդիկ տեղեկացված են, թե իրենց տվյալների գաղտնիությունն ինչպես է խախտվում: Եթե դա բավարար չի քեզ համար, ապա ես էլ ասելիք չունեմ:

Mephistopheles
11.08.2013, 02:37
Իսկ ի՞նչ տվեց մարդկությանը Սնոուդենի «ծակվելը»... Ինչու՞մն է նրա հերոսությունը կայանում, կոնկրետ օրինակներով, եթե կարելի է։

առաջին հերթին Սնոուդենը չի ծակվել թշնամուն… ինքը դավաճան չի… երկրորդը վատ ցհի լինի որ մարդկությունը իմանա իրան ինչ են ասում ու իրականում ինչ են անում… երրորդ մարդկությունը պտի իմանա որ "սրանք" չիմանան ինչ ուզեն կարան անեն ու հաշվետու չլինեն իրանց արածների համար…

տարբեր տեսանլկյունից կարաս նայես...

Վիշապ
11.08.2013, 03:09
Դրա համար պիտի հասկանաս նորմալ երկրների քաղաքական դաշտը: ԱՄՆ ու Մեծ Բրիտանիայի իշխող ռեժիմների ռեյտինգը կտրուկ կընկնի, եթե չհրաժարվեն PRISM-ից: Հիմա ինտենսիվ լոբբիինգ է կատարվում: + մարդիկ տեղեկացված են, թե իրենց տվյալների գաղտնիությունն ինչպես է խախտվում: Եթե դա բավարար չի քեզ համար, ապա ես էլ ասելիք չունեմ:

Էս նեղացար, հա՞ ...:think Ուղղակի քննարկման երանգներից զգացում է, որ հակվածություն կա Սնոուդենին հերոսացնելու, ուզում եմ հասկանալ ինչքանով ենք օբյեկտիվ: Եթե համամարդկային արժեքների տեսակետից ենք նայում, ապա պիտի հասկանանք, թե մարդկությունը ինչ վնաս էր կրում PRISM-ի օգտագործումից, ու ինչ օգուտ կկրի նրա չօգտագործումից, կամ ԱՄՆ ռեյթինգի անկումից:
Եթե ռազմաքաղաքական տեսակետից ենք նայում, ապա այս «ծակվելը» կարծես թե վնաս հասցրեց ԱՄՆ-ին ու Մեծ Բրիտանիային, օգուտ տվեց հակադիր պետություններին: Հետևաբար էս տեսակետից, Սնոուդենը կարող է հերոս համարվել ասենք Չինաստանի ու Ռուսաստանի համար, իսկ դավաճան ու պուտանկա՝ ԱՄՆ-ի համար:
Կարծում եմ հատուկ ծառայությունները ցանկացած երկրում կարող են իմանալ ցանկացած քաղաքացու ամենազգայուն տվյալները՝ տոհմածառ, բիոտվյալներ, բանկային հաշիվներ, կրեդիտներ, առած ու ծախած առարկաներ, իրավախախտումների ու հանցագարծությունների պատմություն, հիվանդությունների պատմություն և այլն, թե օրինական թե ապօրինի ձևերով: Առնվազն ինքնախաբեություն է համարել, թե ինտերնետը երբեվիցե կարող է հարյուր տոկոսանոց տվյալների գաղտնիություն ապահովել: Կամ եթե հատուկ ծառայությունները ստոր նպատակներ ունենան ու ուզենան որևէ մեկի գլխին սարքել, ապա առանց ինտերնետի ու մարդու անձնական տվյալների մասին իմանալու է նրանց լծակները շատ են:
Հիմա հարց՝ եթե Սնոուդենը վեհ նպատակներ ուներ, ապա պատահակությու՞ն էր, որ նա որոշեց «այդ մասին» խոսել Չինաստանում ու հետո «անցնել» Ռուսաստանով, թե այնուամենայնիվ մտածել է իր անձնական անվտանգության մասին ու գուցե այլ պայմանների մասին էլ է մտածել:

Վիշապ
11.08.2013, 03:18
առաջին հերթին Սնոուդենը չի ծակվել թշնամուն… ինքը դավաճան չի… երկրորդը վատ ցհի լինի որ մարդկությունը իմանա իրան ինչ են ասում ու իրականում ինչ են անում… երրորդ մարդկությունը պտի իմանա որ "սրանք" չիմանան ինչ ուզեն կարան անեն ու հաշվետու չլինեն իրանց արածների համար…

տարբեր տեսանլկյունից կարաս նայես...

Հա, խոսքի չի գնացել Չինաստանի ռազմածովային ուժերին տեղեկացրել, այլ տեղեկացրել է «ալամ աշխարհին»: Բայց դա մոտավորապես նույն բանն է, ոնց որ ես ծառայեմ Ռուսաստանի հատուկ ծառայություններում, իմանամ որ Ռուսաստանը ձայնագրում է տրանսատլանտյան սաղ հեռախոսային խոսակցությունները ու էդ մասին գրեմ BBC-ին: Լրտեսությունը ամեն տեղ էլ լրտեսություն ա ու բոլորը բոլորին լրտեսում են, էդ նորություն չի:

Mephistopheles
11.08.2013, 04:28
Հա, խոսքի չի գնացել Չինաստանի ռազմածովային ուժերին տեղեկացրել, այլ տեղեկացրել է «ալամ աշխարհին»: Բայց դա մոտավորապես նույն բանն է, ոնց որ ես ծառայեմ Ռուսաստանի հատուկ ծառայություններում, իմանամ որ Ռուսաստանը ձայնագրում է տրանսատլանտյան սաղ հեռախոսային խոսակցությունները ու էդ մասին գրեմ BBC-ին: Լրտեսությունը ամեն տեղ էլ լրտեսություն ա ու բոլորը բոլորին լրտեսում են, էդ նորություն չի:

էդքան էլ տենց չի… լրտեսությունը հստակ նշանակում ա աշխատել որևէ ուժի օգտին… լրտեսը ոչթե ինֆորմացիան հրապարակայնացնում ա այլ տալիս թշնամուն որ օգտագործվի իր կամ մեկ այլ երկրի դեմ… ինֆորմացիան մնում ա գաղտնի… իսկ ուսիլբլոուերների դեպքում ինֆորմացիան դառնում ա հանրությանը մատչելի ու կորցնում ա իրա արժեքը որովհետև այլևս գաղտնի չի … բացի դրանից, Սնօուդենի դեպքում ինքը բացահայտել ա ոչ թե ռազմական գաղտնիք այլ հրապարակայնացրել ա էն անօրենությունները որոնք թաքնված են օրենքի և օրինականության անվան տակ…

Rhayader
11.08.2013, 07:21
Հա, խոսքի չի գնացել Չինաստանի ռազմածովային ուժերին տեղեկացրել, այլ տեղեկացրել է «ալամ աշխարհին»: Բայց դա մոտավորապես նույն բանն է, ոնց որ ես ծառայեմ Ռուսաստանի հատուկ ծառայություններում, իմանամ որ Ռուսաստանը ձայնագրում է տրանսատլանտյան սաղ հեռախոսային խոսակցությունները ու էդ մասին գրեմ BBC-ին: Լրտեսությունը ամեն տեղ էլ լրտեսություն ա ու բոլորը բոլորին լրտեսում են, էդ նորություն չի:

Ոչ մասնավոր անձանձ տվյալները, ու ոչ կազմակերպված կերպով՝ պայմանավորված էդ մասնավոր անձանց ծառայություններ տրամադրող ընկերությունների հետ:

Rhayader
11.08.2013, 07:24
Էս նեղացար, հա՞ ...:think Ուղղակի քննարկման երանգներից զգացում է, որ հակվածություն կա Սնոուդենին հերոսացնելու, ուզում եմ հասկանալ ինչքանով ենք օբյեկտիվ: Եթե համամարդկային արժեքների տեսակետից ենք նայում, ապա պիտի հասկանանք, թե մարդկությունը ինչ վնաս էր կրում PRISM-ի օգտագործումից, ու ինչ օգուտ կկրի նրա չօգտագործումից, կամ ԱՄՆ ռեյթինգի անկումից:
Եթե ռազմաքաղաքական տեսակետից ենք նայում, ապա այս «ծակվելը» կարծես թե վնաս հասցրեց ԱՄՆ-ին ու Մեծ Բրիտանիային, օգուտ տվեց հակադիր պետություններին: Հետևաբար էս տեսակետից, Սնոուդենը կարող է հերոս համարվել ասենք Չինաստանի ու Ռուսաստանի համար, իսկ դավաճան ու պուտանկա՝ ԱՄՆ-ի համար:
Կարծում եմ հատուկ ծառայությունները ցանկացած երկրում կարող են իմանալ ցանկացած քաղաքացու ամենազգայուն տվյալները՝ տոհմածառ, բիոտվյալներ, բանկային հաշիվներ, կրեդիտներ, առած ու ծախած առարկաներ, իրավախախտումների ու հանցագարծությունների պատմություն, հիվանդությունների պատմություն և այլն, թե օրինական թե ապօրինի ձևերով: Առնվազն ինքնախաբեություն է համարել, թե ինտերնետը երբեվիցե կարող է հարյուր տոկոսանոց տվյալների գաղտնիություն ապահովել: Կամ եթե հատուկ ծառայությունները ստոր նպատակներ ունենան ու ուզենան որևէ մեկի գլխին սարքել, ապա առանց ինտերնետի ու մարդու անձնական տվյալների մասին իմանալու է նրանց լծակները շատ են:
Հիմա հարց՝ եթե Սնոուդենը վեհ նպատակներ ուներ, ապա պատահակությու՞ն էր, որ նա որոշեց «այդ մասին» խոսել Չինաստանում ու հետո «անցնել» Ռուսաստանով, թե այնուամենայնիվ մտածել է իր անձնական անվտանգության մասին ու գուցե այլ պայմանների մասին էլ է մտածել:

Վիշապ, եթե ես նեղանայի, դու էլ կնեղանայիր :D երբ ես ասում եմ «պետք է հասկանալ», ստանդարտ արտահայտություն է, որը համարժեք է «պետք է հաշվի առնել» արտահայտությանը, ոչ թե «դու բան չես հասկանում»:

Հատուկ ծառայություններն օրենքով իրավունք չունեն նման տվյալներ ստանալ, բացի օրենքով սահմանված դեպքերի, ու ենթակա են պատասխանատվության: Դրա համար էի ուզում Ազատություն ռադիոկայանի օրինակը բերել, որ երբ Սառը պատերազմի ժամանակ պարզվեց, որ CIA-ն է ֆինանսավորում, ինչը մամուլի մասին օրենքի խախտում էր, CIA-ն ստիպված եղավ իր ֆինանսավորումը հանել (փոխարենը ֆինանսավորումը սկսեց իրականացվել այլ, օրինական մեթոդներով):

Mephistopheles
11.08.2013, 08:07
Էս նեղացար, հա՞ ...:think Ուղղակի քննարկման երանգներից զգացում է, որ հակվածություն կա Սնոուդենին հերոսացնելու, ուզում եմ հասկանալ ինչքանով ենք օբյեկտիվ: Եթե համամարդկային արժեքների տեսակետից ենք նայում, ապա պիտի հասկանանք, թե մարդկությունը ինչ վնաս էր կրում PRISM-ի օգտագործումից, ու ինչ օգուտ կկրի նրա չօգտագործումից, կամ ԱՄՆ ռեյթինգի անկումից:
Եթե ռազմաքաղաքական տեսակետից ենք նայում, ապա այս «ծակվելը» կարծես թե վնաս հասցրեց ԱՄՆ-ին ու Մեծ Բրիտանիային, օգուտ տվեց հակադիր պետություններին: Հետևաբար էս տեսակետից, Սնոուդենը կարող է հերոս համարվել ասենք Չինաստանի ու Ռուսաստանի համար, իսկ դավաճան ու պուտանկա՝ ԱՄՆ-ի համար:
Կարծում եմ հատուկ ծառայությունները ցանկացած երկրում կարող են իմանալ ցանկացած քաղաքացու ամենազգայուն տվյալները՝ տոհմածառ, բիոտվյալներ, բանկային հաշիվներ, կրեդիտներ, առած ու ծախած առարկաներ, իրավախախտումների ու հանցագարծությունների պատմություն, հիվանդությունների պատմություն և այլն, թե օրինական թե ապօրինի ձևերով: Առնվազն ինքնախաբեություն է համարել, թե ինտերնետը երբեվիցե կարող է հարյուր տոկոսանոց տվյալների գաղտնիություն ապահովել: Կամ եթե հատուկ ծառայությունները ստոր նպատակներ ունենան ու ուզենան որևէ մեկի գլխին սարքել, ապա առանց ինտերնետի ու մարդու անձնական տվյալների մասին իմանալու է նրանց լծակները շատ են:
Հիմա հարց՝ եթե Սնոուդենը վեհ նպատակներ ուներ, ապա պատահակությու՞ն էր, որ նա որոշեց «այդ մասին» խոսել Չինաստանում ու հետո «անցնել» Ռուսաստանով, թե այնուամենայնիվ մտածել է իր անձնական անվտանգության մասին ու գուցե այլ պայմանների մասին էլ է մտածել:

Պատասխանեմ… քանի որ ինքը բացահայտել ա սիայեյի անօրինականությունները (մենակ սիայեյինը չէ) ապա բնական ա որ կուզեն իրան բռնեն ու բանտարկեն կամ սպանեն… Չինաստանն ու Ռուսաստանը դա չեն անի… իրանց ձեռ ա տալիս ամերիկայի մասին վարկաբեկող ցանկացած նյութ… էսքան բան…

Վիշապ
11.08.2013, 08:50
Ամա՜ն, մյուս երկրները ոչ մի լրտեսություն չեն անում, ու դուք վստահ եք որ եթե անում էլ են, ապա սենց մասսայական բնույթ չի կրում...
Հիմա պատկերացրեք Հայաստանի ԱԱԾ-ն գաղտնալսում է ադրբեջանցիների հեռախոսազանգերը ու ֆիլտրում է «պետքական» ինֆորմացիան: Որ դուք իմանաք դրա մասին, կգրե՞ք Ա1+ին ու «Ազադլիգ»-ին, որ տեղյակ պահեք Ադրբեջանի հասարակությանը:

Սելավի
11.08.2013, 08:55
Իսկ ինձ թվում է, որ Սնոուդենը հենց ամերիկյան հատուկ ծառայությունների պռոյեկտն է, և Պուտինը շտապեց, ցուցադրելով ամբողջ աշխարհին, թե իբր տեսեք ինչ <<մեծ ձուկ>> եմ բռնել:
Հակառակ դեպքում, մի քիչ ապսուրդային է ստացվում: Տևական ժամանակ ամերիկայում Սնոուդենի հետ կապված սկանդալային իրավիճակ էր, ու հանկարծ, ինքը շատ հանգիստ, այդ նույն հատուկ ծառայությունների քթի տակից լքում է Ամերիկան:
Մի տեսակ խելքին մոտիկ չի էս ամբողջ շոուն:

Վիշապ
11.08.2013, 09:04
Տևական ժամանակ ամերիկայում Սնոուդենի հետ կապված սկանդալային իրավիճակ էր...

Աղբյուր կտա՞ս:

Սելավի
11.08.2013, 09:47
Վիշապ ջան, ես քաղաքականությունից հեռու եմ, ու հիմնականում չեմ հետաքրքրվում անց ու դարձով, մենակ հիշում եմ, որ մոտ երկու ամիս առաջ համացանցում աչքովս ընկել էր իրա անունը, որ իբր իր դատապաշտպանները դատարանից ինչ որ բան էին պահանջում:
Աղբյուրը հիմա չեմ հիշում, բայց կփորձեմ գտնել եթե հաջողվի:
Ես դրա հիման վրա էի գրել տևական ժամանակ սկանդալային իրավիճակ էր, որովհետև եզրակացնում եմ, որ նույն հարցի կապակցությամբ պիտի որ դատարանի հետ գործ ունենային Սնոուդենի պաշտպանները:
Մի գուցէ և սխալվում եմ:

Վիշապ
11.08.2013, 10:07
Հա... ըստ վիկիպեդիայի (http://en.wikipedia.org/wiki/Edward_Snowden) Սնոուդենը մինչև 2013թ մայիսը աշխատել է ԱՄՆ ազգային անվտանգության ծառայությունում, հետո նրան թույլատրել են հանգստանալ իր տանը` Հավայան կղզիներում։ Հետո մայիսի 20-ին թռել է Հոնգ–Կոնգ և առաջին ինֆորմացիայի արտահոսքը մամուլում հրապարակվել է հունիսի 6-ին, երբ նա գտնվել է Չինաստանում։ Ոնց որ հենց էդ ժամանակ էլ սկանդալը սկսվեց։

Սելավի
11.08.2013, 10:48
Հա... ըստ վիկիպեդիայի (http://en.wikipedia.org/wiki/Edward_Snowden) Սնոուդենը մինչև 2013թ մայիսը աշխատել է ԱՄՆ ազգային անվտանգության ծառայությունում, հետո նրան թույլատրել են հանգստանալ իր տանը` Հավայան կղզիներում։ Հետո մայիսի 20-ին թռել է Հոնգ–Կոնգ և առաջին ինֆորմացիայի արտահոսքը մամուլում հրապարակվել է հունիսի 6-ին, երբ նա գտնվել է Չինաստանում։ Ոնց որ հենց էդ ժամանակ էլ սկանդալը սկսվեց։
Մի գուցէ հենց այդ ժամանակ եմ առաջի անգամ հանդիպել այդ անվանը, չեմ պնդում, բայց ամեն դեպքում, ինձ մի քիչ պարզունակա թվում իրերի այսպիսի դասավորվածությունը:
Օբամայի վարչակազմը մի քիչ չափից շատ էր մտերմացել Պուտինին, ու ամբողջ աշխարհում խախտվում էր սևերի ու սպիտակների ներկայացումը: Մի տեսակ միջազգային քաղաքականությունը էդ ձևով հետաքրքիր չէր լինում, վախեր ու ինտրիգներ չկար, ու մեդիա հսկաները կորցնում են իրենց իրական ֆունկցիան. այն է, վախերի ազդեցության ներքո կառավարելի պահեն մասսաներին:
Մի քիչ փոփոխված, սական նմանատիպ բաներ արվում է թե Ազրբեջանի և թե Հայաստանի իշխանությունների կողմից: Այսինքը ամեն պահ իրենց ժողովրդին վախեցնում են արտաքին թշնամով, որպեսզի հեռու պահեն մարդկանց ինքնուրույն մտածելուց և հասունանալուց:
Հիմա նույն Սնոուդենի միջոցով բազմակի սկանդալներ ու սառեցրած ռազմական ծրագրեր են ակտիվացնելու, ով գիտի երևի մինչև անգամ, Ամերիկայի Սոճիում կայանալիք օլիմպյադային չմասնակցելը: Անկասկած, ամբողջ դպքերի զարգացմանը ուշի ուշով հետևելու է ամբողջ աշխարհը:
Սա համաշխարհային մեդիաների համար լավ հնարավորություն է, մարդկանց պահեն վախերի ազդեցության տակ:
Show must go on:
Համենայնդեպս ինձ այդպես է թվում:

Chuk
11.08.2013, 15:21
Ռուսաստանն արդեն ժամանակավոր ապաստարան է տրամադրել Սնոուդենին այն բանից հետո, երբ Չինաստանը, հաշվի չառնելով ԱՄՆ-ի՝ նրան հանձնելու պահանջը, թույլ տվեց Սնոուդենին հեռանալ Հոնգ-Կոնգից։ Ի պատասխան դրան, Օբաման հրաժարվեց Պուտինի հետ հաջորդ ամսին նախատեսված հանդիպումից (http://www.theguardian.com/world/2013/aug/07/obama-putin-talks-canceled-snowden), նշելով, որ «բավականաչափ առաջընթաց չկա երկկողմանի օրակարգում»:
Արս ջան, մի քիչ պարզաբանեմ, որ հարցիս ենթատեքստն այլ էր: Կասկածից դուրս էր, որ Ռուսաստանը «ապաստան» տրամադրելու էր: Թե ինչի չակերտի մեջ՝ քիչ անց:

Նախ երկու հստակություն:
- Ինչպես երևի թե քննարկմանը մասնակիցներից յուրաքանչյուրը, էնպես էլ ես կարևորում եմ մարդու, անհատի, քաղաքացու անձնական կյանքի գաղտնիության իրավունքը, անընդունելի եմ համարում գաղտնալսումներն ու նման բաները:
- Ինչքան էլ որ ես էդ գաղտնիությունը կարևորում եմ, նաև հասկանում եմ, որ որոշ դեպքերում ԲՈԼՈՐ պետությունները անցնում են դրա վրայով, շրջանցում օրենքը, որոշ դեպքերում ասենք իրենց բռնապետական ռեժիմը պահպանելու համար, մյուս դեպքերում ասենք պետության համար ձեռնտու, մյուս պետություններին վնաս հասցնող գործողություններ անելու համար, երրորդ դեպքերում իսկապես տեռորիզմի ու հանցագործության դեմ պայքարելու համար և այլն:

Եթե մենք խոսում ենք Ռուսաստանի ու ԱՄՆ-ի մասին, ինչքան էլ գիտենք, որ երկու պետությունների կառավարություններն էլ որոշակի ստորությունների ունակ են, ամեն դեպքում համեմատության եզր չկա. Ռուսաստանում քաղաքացու իրավունքները շատ ավելի վատ են պաշտպանվում, պետությունը շատ ավելի կոշտ մեթոդների է դիմում, գաղտնալսումները թեկուզ գուցե ոչ այնքան տեխնիկապես հագեցած, բայց ավելի վատ մակարդակի վրա են, քան ԱՄՆ-ում: Ես սա իհարկե ապացուցել չեմ կարող, բայց ավելի քան վստահ եմ ասածներումս:

Ու նման պարագայում, երբ Ռուսաստանը Սնոուդենին ապաստան է տալիս, դա զավեշտ է: Որովհետև իհարկե հասկանալի է, որ քաղաքական շահերից ելնելով տալու էր, բայց դա չի նշանակում, որ Ռուսաստանը կարևորում է անհատի անվտանգությունը, գաղտնիության իրավունքը:

Ավելին, եթե թեմայում մեկը կարող է վստահ տոնով գրել թեկուզ տրամաբանական, բայց միայն վարկածը (ասենք 9/11-ի հետ կապված), ապա ես էլ կարող եմ վստահ ուրիշ պնդումներ անել, որոնք իրականում նույնքան վարկած կլինեն: Հասկանանք, ես չեմ հերքում Սոֆի ասածները, ավելին, ինքս շատ հավանական եմ համարում, բայց դրանք որպես փաստ ներկայացնելը, որպես անհերքելի ճշմարտություն ներկայացնելը սխալ է, որտև դրա համար ԲԱՎԱՐԱՐ հիմքեր չունենք: Ունենք ԲԱվարար հիմքեր կասկածելու, ինքներս մեր մեջ գուցե վստահ լինելու համար, բայց ոչ ավելին: Հիմա գանք Ռուսաստանում ապաստան ստացողին. ես կարծում եմ, որ ճշմարտությունից շատ հեռու գնացած չեմ լինի, եթե ենթադրեմ, որ Ռուսաստանը ոչ միայն արտաքին էֆֆեկտի համար է Սնոուդենին ապաստան տվել, այլև նրանից իմացել է բավական մեծ քանակով ինֆո, որը վերջինս չի հրապարակել:

Ավելին, Ռուսաստանը վաղը մյուս օրը այդ ինֆոն կարող է օգտագործել ոչ թե նման չարիքի դեմն առնելու համար, այլ պարզապես փորձը կրկնելու, ինքն էլ նման բան անելու համար: Ու եթե Սնոուդենը սկզբում անգամ զուտ ազնիվ նկատառումներով է հրապարակել ինֆոն, ինքն ինչ-որ պահից դառնալու է զենք հակամարտող երկու գերտերություններից, այս դեպքում ԱՄՆ ու Ռուսաստանից մեկի՝ Ռուսաստանի ձեռքին: Ու մտածել, որ նման խնդիրներով զբաղվող անհատը չի գիտակցել նման վտանգը՝ ապաստան խնդրելուց առաջ, կարծում եմ, որ միամտություն է:

Ու ես չունեմ որևէ հիմք պնդելու, որ ինքը հերոս է, չնայած գուցե և այդպես է: Բայց ունեմ տրամաբանություն, որը ինձ թույլատրում է առնվազն ենթադրել, որ ինքը լրտես է:

Ի վերջո եթե անգամ էս PRISM ծրագիրը պաշտոնապես փակվի, ես, դու, Բայը հասկանալու ենք, որ ստեղծվելու է մեկ ուրիշ ծրագիր, նույն, գուցե ավելի խիստ գործառույթներ իրականացնող, որին երեքս էլ դեմ ենք: Ուղղակի էս անգամ ավելի խիստ են լինելու սեփական աշխատողների, սեփական գաղտնիության համար: Ամեն ինչ անելու են, որ արտահոսք չլինի: Բոլորս էլ հասկանում ենք, որ Սնոուդենի աղմուկից այո, կարող է ԱՄՆ-ի ու Մեծ Բրիտանիայի, ուրիշ երկրների հեղինակություններն ընկնեն, կարող է անգամ ՌԴ-ի հեղինակությունն աճել, բայց խնդիրները չեն լուծվելու:

Իսկ թե իրականում ստեղ ինչ խաղ ա գնում, ով ա կազմակերպել, վերջում որ պետությունը օգուտով դուրս կգա (ուշադրություն, պետությունը, ոչ թե մարդը, քաղաքացին), դեռ միայն կարող ենք գուշակել, ենթադրել, տրամաբանել, բայց ՉԻՄԱՆԱԼ:

Rhayader
11.08.2013, 15:36
Ամա՜ն, մյուս երկրները ոչ մի լրտեսություն չեն անում, ու դուք վստահ եք որ եթե անում էլ են, ապա սենց մասսայական բնույթ չի կրում...
Հիմա պատկերացրեք Հայաստանի ԱԱԾ-ն գաղտնալսում է ադրբեջանցիների հեռախոսազանգերը ու ֆիլտրում է «պետքական» ինֆորմացիան: Որ դուք իմանաք դրա մասին, կգրե՞ք Ա1+ին ու «Ազադլիգ»-ին, որ տեղյակ պահեք Ադրբեջանի հասարակությանը:

Ես միանգամից կուղարկեմ WikiLeaks ու DarkNet, առանց երկու անգամ մտածելու:

Rhayader
11.08.2013, 15:39
Չուկ, ցանկացած երկրի ագենտուրա կապ ունի այլ երկրի ագենտուրայի հետ: Այլ կերպ ասած, Սնոուդենը նախապես քննարկել էր թե՛ չինական, թե՛ ռուսական հատուկ ծառայությունների հետ իր այդ երկրներում գտնվելն ու ապաստանի խնդիրները:

Chuk
11.08.2013, 15:41
Չուկ, ցանկացած երկրի ագենտուրա կապ ունի այլ երկրի ագենտուրայի հետ: Այլ կերպ ասած, Սնոուդենը նախապես քննարկել էր թե՛ չինական, թե՛ ռուսական հատուկ ծառայությունների հետ իր այդ երկրներում գտնվելն ու ապաստանի խնդիրները:

Ուհուն, ու պուպուշ Ռուսաստանը դարձել էր մարդու իրավունքների պաշտպման:

Rhayader
11.08.2013, 16:06
Ուհուն, ու պուպուշ Ռուսաստանը դարձել էր մարդու իրավունքների պաշտպման:

Ինչպես պուպուշ Ամերիկան է դառնում մարդու իրավունքների պաշտպան, երբ իրեն դա ձեռնտու է:

ars83
11.08.2013, 16:58
Պուպուշ գերտերությունների գործողությունների համատեքստում եկեք քննարկենք՝ սովորական մարդիկ պե՞տք է իրենց անձնական տվյալների անվտանգության կամ դժվարամատչելիության մասին հոգ տանեն, թե՞ դա անիմաստ գործ է, միևնույն է, ում որ այդ տվյալները պետք են, ուզած ժամանակին առանց դժվարության կարող են ձեռք բերել դրանք։

Chuk
11.08.2013, 17:07
Պուպուշ գերտերությունների գործողությունների համատեքստում եկեք քննարկենք՝ սովորական մարդիկ պե՞տք է իրենց անձնական տվյալների անվտանգության կամ դժվարամատչելիության մասին հոգ տանեն, թե՞ դա անիմաստ գործ է, միևնույն է, ում որ այդ տվյալները պետք են, ուզած ժամանակին առանց դժվարության կարող են ձեռք բերել դրանք։

Իմ անձնական կարծիքով անպայման ա պետք հոգ տանել: Ուղղակի միշտ չի, որ դա արդյունքի կբերի: Կարճ ասած ես էս պահին գիտեմ, որ իմ մասին ԱՄՆ չէ, ՀՀ ԱԱԾ-ն որ ուզեց, էնքան բան կիմանա, որ էլ ասելու չի: Ու հստակ մեթոդ դրա դեմ պայքարելու համար ես չգիտեմ: Սնոուդենի արածը ԴԵՌ չեմ կարողանում ընկալել որպես դրա դեմ պայքար կամ ԱՌՆՎԱԶՆ արդյունավետ պայքար:

Rhayader
11.08.2013, 17:14
Իմ անձնական կարծիքով անպայման ա պետք հոգ տանել: Ուղղակի միշտ չի, որ դա արդյունքի կբերի: Կարճ ասած ես էս պահին գիտեմ, որ իմ մասին ԱՄՆ չէ, ՀՀ ԱԱԾ-ն որ ուզեց, էնքան բան կիմանա, որ էլ ասելու չի: Ու հստակ մեթոդ դրա դեմ պայքարելու համար ես չգիտեմ: Սնոուդենի արածը ԴԵՌ չեմ կարողանում ընկալել որպես դրա դեմ պայքար կամ ԱՌՆՎԱԶՆ արդյունավետ պայքար:

Սնոուդենի արածը պայքար չի, իրականում պայքարը պետք է լինի բոյկոտի, պիկետի, քաղաքական լոբբիինգի տեսքով: Սնոուդենը այդ պայքարի միջոցներին իրական, ոչ թե աբստրակտ թիրախ է տվել: Դրա համար էլ նրան անվանում են «whistleblower»:

Chuk
11.08.2013, 17:15
Սնոուդենի արածը պայքար չի, իրականում պայքարը պետք է լինի բոյկոտի, պիկետի, քաղաքական լոբբիինգի տեսքով: Սնոուդենը այդ պայքարի միջոցներին իրական, ոչ թե աբստրակտ թիրախ է տվել: Դրա համար էլ նրան անվանում են «whistleblower»:

Իրակա՞ն, թե՞ շեղող թիրախ: Սա էլ ա մտածելու հարց ;)

Rhayader
11.08.2013, 17:22
Իրակա՞ն, թե՞ շեղող թիրախ: Սա էլ ա մտածելու հարց ;)

Իրական: Ես էլ եմ լսել այն տեսանկյունը, թե Սնոուդենի գործը սկսել են Բրեդլի Մեննինգի հրատարակած նյութերից ուշադրություն շեղելու համար, բայց իրականում Սնոուդենի արածն ակտիվացրեց Մեննինգի նյութերի նկատմամբ հետաքրքրությունն ու մեծացրեց նրան աջակցող մարդկանց քանակը: Ու երկուսի արածն էլ ավիրում են նույն ոլորտը՝ Բուշի շրջանում սկսած ու Օբամայի շրջանում շարունակված «տեռորիզմի դեմ պատերազմի» անվան տակ արած անօրինականությունները: Գլոբալ մասշտաբով, այս միջադեպների ճիշտ շահարկումը կարող է կանգնեցնել ԱՄՆ արտաքին ռազմական ագրեսիան ու կասեցնել ներխուժումն Իրան: Մյուս կողմից՝ կկարողանանք թուլանալ ու ընկնել Ռուսաստանի ջանին:

Chuk
11.08.2013, 17:27
Ռայ, դե եթե դու կարող ես վստահ պնդումներ անել, ես չեմ կարող, որտև գիտեմ, որ դրա հիմքը չունեմ:

Սնոուդենի թեման իմ մոտ ավելի շատ հարցեր ա առաջացրել, քան պատասխաններ տվել:

Rhayader
11.08.2013, 17:34
Ռայ, դե եթե դու կարող ես վստահ պնդումներ անել, ես չեմ կարող, որտև գիտեմ, որ դրա հիմքը չունեմ:

Սնոուդենի թեման իմ մոտ ավելի շատ հարցեր ա առաջացրել, քան պատասխաններ տվել:

Սնոուդենի նպատակն էլ հենց դա էր, որ դու ու մնացած մարդիկ սկսեն հարցեր տալ:)

Chuk
11.08.2013, 17:49
Սնոուդենի նպատակն էլ հենց դա էր, որ դու ու մնացած մարդիկ սկսեն հարցեր տալ:)
Սոֆ ջան, ես իհարկե չգիտեմ թե դու երբ ես սկսել հարցեր տալ, բայց իմ հարցերը վաղուց էին տրվում: Իսկ այ հանգամանքների բերումով մի քանի նոր հարց նոր է ավելանում, դրանցից են.

- Սնոուդենի նպատակն ամեն դեպքում է՞ն էր, որ ես սկսեմ հարցեր տալ, թե՞ դա Սոֆի անձնական կարծիքն ա, որն ինքը որպես փաստ ա ներկայացնում:
- Ամեն դեպքում դա Սնոուդենի նպատա՞կն էր, թե՞ ինքն ինչ-որ գլոբալ խաղի պուճուր ֆիշկա ա:


Ամեն դեպքում մի տեսակ կարծում եմ, որ Սնոուդենի նպատակը կարող էր լինել էն, որ դու ու մնացած որոշ մարդիկ վստահ պնդումներ անեն նենց բաների մասին, որոնց մասին ընդամենը կարող են տրամաբանել, ենթադրել, բայց ոչ վստահ պնդել:

Rhayader
11.08.2013, 17:54
Սոֆ ջան, ես իհարկե չգիտեմ թե դու երբ ես սկսել հարցեր տալ, բայց իմ հարցերը վաղուց էին տրվում: Իսկ այ հանգամանքների բերումով մի քանի նոր հարց նոր է ավելանում, դրանցից են.

- Սնոուդենի նպատակն ամեն դեպքում է՞ն էր, որ ես սկսեմ հարցեր տալ, թե՞ դա Սոֆի անձնական կարծիքն ա, որն ինքը որպես փաստ ա ներկայացնում:
- Ամեն դեպքում դա Սնոուդենի նպատա՞կն էր, թե՞ ինքն ինչ-որ գլոբալ խաղի պուճուր ֆիշկա ա:


Ամեն դեպքում մի տեսակ կարծում եմ, որ Սնոուդենի նպատակը կարող էր լինել էն, որ դու ու մնացած որոշ մարդիկ վստահ պնդումներ անեն նենց բաների մասին, որոնց մասին ընդամենը կարող են տրամաբանել, ենթադրել, բայց ոչ վստահ պնդել:

Ապ, ես քեզ էսպես ասեմ: Սնոուդենն, ամենայն հավանականությամբ, տեղյակ լինելով գլոբալ խաղերից, իրա քայլն էնպես ա արել, որ դա ինչ-որ գլոբալ խաղի հետ բռնի: Գոյություն ունի անմեղության կանխավարկած, ու քանի դեռ բոլոր փաստերն ասում են, որ Սնոուդենը չի խաբում, ես հակված կլինեմ հենց այդ տեսանկյունին, մինչև հակառակ փաստեր չհայտնվեն:

Chuk
11.08.2013, 18:00
Ապ, ես քեզ էսպես ասեմ: Սնոուդենն, ամենայն հավանականությամբ, տեղյակ լինելով գլոբալ խաղերից, իրա քայլն էնպես ա արել, որ դա ինչ-որ գլոբալ խաղի հետ բռնի: Գոյություն ունի անմեղության կանխավարկած, ու քանի դեռ բոլոր փաստերն ասում են, որ Սնոուդենը չի խաբում, ես հակված կլինեմ հենց այդ տեսանկյունին, մինչև հակառակ փաստեր չհայտնվեն:

Սոֆ, նենց չի, որ դրեցի անմեղության կանխավարկածը անտեսելով Սնոուդենին դատեցի :))

Ընդհանրապես անմեղության կանխավարկածը ոչ տեղին հնչեցնել պետք չի, նենց յանի՞մ ես էդ վարկածն անտեսեցի, դու էլ պաշտպանում ես, հա՞ :)) Եթե տենց ա, չտեսնեմ մեկ էլ Բուշին մեղադրես 9/11-ի համար, յաա՜, անմեղության կանխավարկած կա ;)

Mephistopheles
11.08.2013, 18:48
Արս ջան, մի քիչ պարզաբանեմ, որ հարցիս ենթատեքստն այլ էր: Կասկածից դուրս էր, որ Ռուսաստանը «ապաստան» տրամադրելու էր: Թե ինչի չակերտի մեջ՝ քիչ անց:

Նախ երկու հստակություն:
- Ինչպես երևի թե քննարկմանը մասնակիցներից յուրաքանչյուրը, էնպես էլ ես կարևորում եմ մարդու, անհատի, քաղաքացու անձնական կյանքի գաղտնիության իրավունքը, անընդունելի եմ համարում գաղտնալսումներն ու նման բաները:
- Ինչքան էլ որ ես էդ գաղտնիությունը կարևորում եմ, նաև հասկանում եմ, որ որոշ դեպքերում ԲՈԼՈՐ պետությունները անցնում են դրա վրայով, շրջանցում օրենքը, որոշ դեպքերում ասենք իրենց բռնապետական ռեժիմը պահպանելու համար, մյուս դեպքերում ասենք պետության համար ձեռնտու, մյուս պետություններին վնաս հասցնող գործողություններ անելու համար, երրորդ դեպքերում իսկապես տեռորիզմի ու հանցագործության դեմ պայքարելու համար և այլն:

Եթե մենք խոսում ենք Ռուսաստանի ու ԱՄՆ-ի մասին, ինչքան էլ գիտենք, որ երկու պետությունների կառավարություններն էլ որոշակի ստորությունների ունակ են, ամեն դեպքում համեմատության եզր չկա. Ռուսաստանում քաղաքացու իրավունքները շատ ավելի վատ են պաշտպանվում, պետությունը շատ ավելի կոշտ մեթոդների է դիմում, գաղտնալսումները թեկուզ գուցե ոչ այնքան տեխնիկապես հագեցած, բայց ավելի վատ մակարդակի վրա են, քան ԱՄՆ-ում: Ես սա իհարկե ապացուցել չեմ կարող, բայց ավելի քան վստահ եմ ասածներումս:

Ու նման պարագայում, երբ Ռուսաստանը Սնոուդենին ապաստան է տալիս, դա զավեշտ է: Որովհետև իհարկե հասկանալի է, որ քաղաքական շահերից ելնելով տալու էր, բայց դա չի նշանակում, որ Ռուսաստանը կարևորում է անհատի անվտանգությունը, գաղտնիության իրավունքը:

Ավելին, եթե թեմայում մեկը կարող է վստահ տոնով գրել թեկուզ տրամաբանական, բայց միայն վարկածը (ասենք 9/11-ի հետ կապված), ապա ես էլ կարող եմ վստահ ուրիշ պնդումներ անել, որոնք իրականում նույնքան վարկած կլինեն: Հասկանանք, ես չեմ հերքում Սոֆի ասածները, ավելին, ինքս շատ հավանական եմ համարում, բայց դրանք որպես փաստ ներկայացնելը, որպես անհերքելի ճշմարտություն ներկայացնելը սխալ է, որտև դրա համար ԲԱՎԱՐԱՐ հիմքեր չունենք: Ունենք ԲԱվարար հիմքեր կասկածելու, ինքներս մեր մեջ գուցե վստահ լինելու համար, բայց ոչ ավելին: Հիմա գանք Ռուսաստանում ապաստան ստացողին. ես կարծում եմ, որ ճշմարտությունից շատ հեռու գնացած չեմ լինի, եթե ենթադրեմ, որ Ռուսաստանը ոչ միայն արտաքին էֆֆեկտի համար է Սնոուդենին ապաստան տվել, այլև նրանից իմացել է բավական մեծ քանակով ինֆո, որը վերջինս չի հրապարակել:

Ավելին, Ռուսաստանը վաղը մյուս օրը այդ ինֆոն կարող է օգտագործել ոչ թե նման չարիքի դեմն առնելու համար, այլ պարզապես փորձը կրկնելու, ինքն էլ նման բան անելու համար: Ու եթե Սնոուդենը սկզբում անգամ զուտ ազնիվ նկատառումներով է հրապարակել ինֆոն, ինքն ինչ-որ պահից դառնալու է զենք հակամարտող երկու գերտերություններից, այս դեպքում ԱՄՆ ու Ռուսաստանից մեկի՝ Ռուսաստանի ձեռքին: Ու մտածել, որ նման խնդիրներով զբաղվող անհատը չի գիտակցել նման վտանգը՝ ապաստան խնդրելուց առաջ, կարծում եմ, որ միամտություն է:

Ու ես չունեմ որևէ հիմք պնդելու, որ ինքը հերոս է, չնայած գուցե և այդպես է: Բայց ունեմ տրամաբանություն, որը ինձ թույլատրում է առնվազն ենթադրել, որ ինքը լրտես է:

Ի վերջո եթե անգամ էս PRISM ծրագիրը պաշտոնապես փակվի, ես, դու, Բայը հասկանալու ենք, որ ստեղծվելու է մեկ ուրիշ ծրագիր, նույն, գուցե ավելի խիստ գործառույթներ իրականացնող, որին երեքս էլ դեմ ենք: Ուղղակի էս անգամ ավելի խիստ են լինելու սեփական աշխատողների, սեփական գաղտնիության համար: Ամեն ինչ անելու են, որ արտահոսք չլինի: Բոլորս էլ հասկանում ենք, որ Սնոուդենի աղմուկից այո, կարող է ԱՄՆ-ի ու Մեծ Բրիտանիայի, ուրիշ երկրների հեղինակություններն ընկնեն, կարող է անգամ ՌԴ-ի հեղինակությունն աճել, բայց խնդիրները չեն լուծվելու:

Իսկ թե իրականում ստեղ ինչ խաղ ա գնում, ով ա կազմակերպել, վերջում որ պետությունը օգուտով դուրս կգա (ուշադրություն, պետությունը, ոչ թե մարդը, քաղաքացին), դեռ միայն կարող ենք գուշակել, ենթադրել, տրամաբանել, բայց ՉԻՄԱՆԱԼ:

Չուկ ապեր, եթե Սնօուդենը ինֆո ծախեր քո ասածը ճիշտ կլիներ ու մենք իրա անունը չէինք լսի… դա նա կաներ սուս ու փուս… էսօր Սնօուդենի ունեցած ինֆոն արդեն անպետք ա… հրապարակված լինի դա թե ոչ, կապ չունի… էդ ինֆոն արդեն անպետք ա… ու Սնօուդենի նպատակն չի եղել դա ինչ որ պետությանը վաճառել… ԱմՆ-ն վաղուց արդեն էդ ինֆոյի կարևեորության դեմն առել ա…

Ռուսաստանը ՍՍնօուդոնին զուտ պրոպագանդայի համար ա օգտագործում առայժմ և բացառված չի որ ինֆոն էլ ուզի…բայց ինֆոն էդքան կենսական չի արդեն…

Իսկ որ ասում ես "մեկ ա անելու են ու ավելի ուշադիր են լինելու" սխալ մոտեցում ա, տենց որ լինի պտի ասես, անտվիրուս պետք չի քանի որ վիրուսները միշտ կատարելագործվում են… նույնն էլ հանցագործությունները, բայց դա չի նշանակում որ դրա դեմ չպտի պայքարես, մեկ ա չես կարող վերացնել…

Հարցն էստեղ պետք ա նայել էն տեսանկյունից որ հասարակությունն ավելի զգայուն ա դառնում անօրենություններօ նլատմամբ ու արդեն գիտի թե ինչերին են ընդունակ գաղտնի գործակալություններն ու իշխանությունները…

Դեմոկրատիայի գործիքներից մեկն էլ էս ա… դեմոկրատիան ժողովոիրդն ա պարտադրում ու վերահսկում ոչ թե պետությունը…

ռուսաստանում, աենց բաները սկանդալ չեն, նախ էն որ մարդիկ դա բնական են համարքւմ և երկրորդ ուսըլ լոուերը ու՞ր պտի գնա իրա ինֆոյով… ամեն ինչ պետական ա… ու ռուսների ռեպուտացիան ավելի ներքև դժվար թե իջնի…

Chuk
11.08.2013, 18:52
Իսկ որ ասում ես "մեկ ա անելու են ու ավելի ուշադիր են լինելու" սխալ մոտեցում ա, տենց որ լինի պտի ասես, անտվիրուս պետք չի քանի որ վիրուսները միշտ կատարելագործվում են… նույնն էլ հանցագործությունները, բայց դա չի նշանակում որ դրա դեմ չպտի պայքարես, մեկ ա չես կարող վերացնել…

Մեֆ, բայց ես չասեցի, թե պետք չի պայքարել :)
Պետք ա, պարզապես ես դեռ էդ պայքարը չեմ տեսնում: Կարող ա լավ չեմ հետևել, հուշեք ինձ էդ դեպքում: Ամեն դեպքում սենց քննարկումների լինկեր չտաք. քննարկումները կարևոր են թեկուզ նույն պայքարը սկսելու համար, բայց դեռ պայքար չեն:

Chuk
11.08.2013, 18:58
Չուկ ապեր, եթե Սնօուդենը ինֆո ծախեր քո ասածը ճիշտ կլիներ ու մենք իրա անունը չէինք լսի… դա նա կաներ սուս ու փուս… էսօր Սնօուդենի ունեցած ինֆոն արդեն անպետք ա… հրապարակված լինի դա թե ոչ, կապ չունի… էդ ինֆոն արդեն անպետք ա… ու Սնօուդենի նպատակն չի եղել դա ինչ որ պետությանը վաճառել… ԱմՆ-ն վաղուց արդեն էդ ինֆոյի կարևեորության դեմն առել ա…
Մոռացա էս մասին անդրադառնալ: Մեֆ ջան, ուրեմն նորից ասեմ, որ ես որևէ կերպ չեմ պնդում, որ ինքը լրտես ա, ես ընդամենը դեն չեմ նետում էդ վարկածը:

Ինչ վերաբերում ա օգտագործել, նեա, Մեֆ ջան: Օգտագործման տարբեր ձևեր կան, ու էդ օգտագործման ձևերից մեկը մենք հիմա տեսնում ենք. ընդվզում ԱՄՆ-ի դեմ: Այսինքն եթե մի պահ զուտ հիպոթետիկ ենթադրում ենք, որ Սնոուդենը ասենք ՌԴ-ից փող ա ստացել ինֆո ծախելու համար, պայմանը կարող էր եղած լիներ ասենք սենց.
- ամբողջական փաթեթը մեզ, էս ու էս կետերը հրապայակին՝ շուխուռ բարձրացնելու համար:

Վիշապ
11.08.2013, 18:59
Մենք ինֆորմացիայի էն մասը գիտենք, որը որ «պետք ա» իմանանք։ Մենակ ԱՄՆ ԱԱԾ–ն ու ԿՀՎ–ը գիտեն (կամ հլը չգիտեն), թե Սնոուդենը էլի ինչքան ինֆորմացիա է «ծակվել» ու էլի ում։ Տղեն տարիներով ԱԱԾ–ի ու ԿՀՎ–ի համար գործ ա արել, նենց չի որ մենակ գիտեր, թե ԱՄՆ–ն ֆեյսբուքում ու սքայպում սրա նրա ինտիմ ինֆորմացիայի մեջ «ալլահ ակբար» էր բան գալիս ։Ճ
Թե էլի ինչ կա, երևի թե հիմա պարզվում է ռուսական ԱԱԾ–ում, Սնուդենի հետ, մտերմիկ սեղանի շուրջ... Հիմա ո՞նց կարող ենք բռնել ու առանց սաղ իմանալու ասել տղեն սաղ ճիշտ ա արել... հերոսա ա ինքը։ ԱՄՆ ԱԱԾ–ն չի կարող շուխուր անել, որ Սնոուդենը ԱՄՆ–ի անվտանգությանը վերաբերող լիքը ինֆորմացիա է տվել «թշնամուն», որովհետև կարող է լրիվ վստահ չեն ու սա շատ զգայուն ու վտանգավոր պրոբլեմ ա։ Անձամբ ինձ էս պահին թվում է, որ Սնուդենը ոռի բաներ ա արել, իսկ մենք «կենտրոնացվել ենք» մեր ինտիմ ինֆորմացիայի գաղտնիության վրա, այն էլ ֆեյսբուքում, գուգլում ու էլի եսիմ ուր...

ars83
11.08.2013, 19:01
Ի վերջո եթե անգամ էս PRISM ծրագիրը պաշտոնապես փակվի, ես, դու, Բայը հասկանալու ենք, որ ստեղծվելու է մեկ ուրիշ ծրագիր, նույն, գուցե ավելի խիստ գործառույթներ իրականացնող, որին երեքս էլ դեմ ենք: Ուղղակի էս անգամ ավելի խիստ են լինելու սեփական աշխատողների, սեփական գաղտնիության համար: Ամեն ինչ անելու են, որ արտահոսք չլինի: Բոլորս էլ հասկանում ենք, որ Սնոուդենի աղմուկից այո, կարող է ԱՄՆ-ի ու Մեծ Բրիտանիայի, ուրիշ երկրների հեղինակություններն ընկնեն, կարող է անգամ ՌԴ-ի հեղինակությունն աճել, բայց խնդիրները չեն լուծվելու:

PRISM-ը փակելուց հետո նոր ծրագիր գործարկելն այդքան հեշտ չի լինի, ինչպես նաև PRISM-ի փորձը կրկնելը: Սնոուդենի գործի բացահայտումները մարդկանց ցույց են տալիս PRISM-ի և դրա նման ծրագրերի աշխատանքի որոշ սկզբունքներ, որոնք մարդիկ սկսում են վերլուծել և մտածել, թե ինչպես կարելի է թույլ չտալ, որպեսզի դրանք աշխատեն: Այս հոդվածում (http://www.theguardian.com/world/2013/jul/17/nsa-court-challenges-tech-firms), օրինակ, պատմվում է, որ ԱՄՆ-ում հեռահաղորդակցման ինֆրակառույցների զգալի մասը ղեկավարվում է ոչ պետական առևտրական կազմակերպությունների կողմից: Որպեսզի PRISM-ն աշխատի, NSA-ին անհրաժեշտ է եղել առաջարկել կամ ստիպել այդ կազմակերպություններին համագործակցել՝ տրամադրելով դրանց հաճախորդների անհատական տվյալների հասանելիություն PRISM-ին: Ըստ որում, 2008-ին օրենք է ընդոնվել, որն ապահովում է այդ կազմակերպությունների անձեռնմխելիությունը, ասելով, որ դատարանը չպետք է գործեր հարուցի այն կազմակերպությունների դեմ, որոնք տեղեկություններ, տեխնիկական միջոցներ և օժանդակություն են հայտնում կառավարությանը/NSA-ին: Երբ որևէ մեկը տեղեկացված է իր անձնական տվյալների բացահայտման մասին տվյալ ընկերության կողմից, նա կարող է դատի տալ ընկերությանը և բախվել 2008-ի օրենքին: Պայքարելու մեկ այլ եղանակ, ինչպես հոդվածն է նշում, կարող է լինել կազմակերպության դրամական շահերի և NSA շահերի բախում առաջացնելը: Եթե ընկերության հաճախորդներն սկսեն զանգվածային բոյկոտ և չօգտվեն կազմակերպության ծառայություններից, կխփեն նրա գրպանին և կազմակերպությունը կսկսի մտածել, թե ինչն է ավելի կարևորում. իր եկամո՞ւտը, թե՞ NSA-ի հետ համագործակցելը: Հաճախորդը նաև կարող է պահանջել օրենքի սահմաններում իր անձնական տվյալների պատշաճ պահպանություն և փոխանցում, որի խախտման բացահայտման դեպքում իրավական հիմքեր ունենա դիմելու դատարան:

Chuk
11.08.2013, 19:04
PRISM-ը փակելուց հետո նոր ծրագիր գործարկելն այդքան հեշտ չի լինի, ինչպես նաև PRISM-ի փորձը կրկնելը: Սնոուդենի գործի բացահայտումները մարդկանց ցույց են տալիս PRISM-ի և դրա նման ծրագրերի աշխատանքի որոշ սկզբունքներ, որոնք մարդիկ սկսում են վերլուծել և մտածել, թե ինչպես կարելի է թույլ չտալ, որպեսզի դրանք աշխատեն: Այս հոդվածում (http://www.theguardian.com/world/2013/jul/17/nsa-court-challenges-tech-firms), օրինակ, պատմվում է, որ ԱՄՆ-ում հեռահաղորդակցման ինֆրակառույցների զգալի մասը ղեկավարվում է ոչ պետական առևտրական կազմակերպությունների կողմից: Որպեսզի PRISM-ն աշխատի, NSA-ին անհրաժեշտ է եղել առաջարկել կամ ստիպել այդ կազմակերպություններին համագործակցել՝ տրամադրելով դրանց հաճախորդների անհատական տվյալների հասանելիություն PRISM-ին: Ըստ որում, 2008-ին օրենք է ընդոնվել, որն ապահովում է այդ կազմակերպությունների անձեռնմխելիությունը, ասելով, որ դատարանը չպետք է գործեր հարուցի այն կազմակերպությունների դեմ, որոնք տեղեկություններ, տեխնիկական միջոցներ և օժանդակություն են հայտնում կառավարությանը/NSA-ին: Երբ որևէ մեկը տեղեկացված է իր անձնական տվյալների բացահայտման մասին տվյալ ընկերության կողմից, նա կարող է դատի տալ ընկերությանը և բախվել 2008-ի օրենքին: Պայքարելու մեկ այլ եղանակ, ինչպես հոդվածն է նշում, կարող է լինել կազմակերպության դրամական շահերի և NSA շահերի բախում առաջացնելը: Եթե ընկերության հաճախորդներն սկսեն զանգվածային բոյկոտ և չօգտվեն կազմակերպության ծառայություններից, կխփեն նրա գրպանին և կազմակերպությունը կսկսի մտածել, թե ինչն է ավելի կարևորում. իր եկամո՞ւտը, թե՞ NSA-ի հետ համագործակցելը: Հաճախորդը նաև կարող է պահանջել օրենքի սահմաններում իր անձնական տվյալների պատշաճ պահպանություն և փոխանցում, որի խախտման բացահայտման դեպքում իրավական հիմքեր ունենա դիմելու դատարան:

Արս ջան, նման բոյկոտի դեպք գիտե՞ս

ars83
11.08.2013, 19:50
Արս ջան, նման բոյկոտի դեպք գիտե՞ս
Գիտեմ հատուկենտ դեպքեր իմ շրջապատում: Ոմանք հրաժարվել են Gmail-ն օգտագործելուց, ոմանք duckduckgo.com (https://duckduckgo.com/)-ն են նախընտրում Google-ին, ոմանք ՖԲ-ում այլևս նկարներ չեն պիտակում, համենայն դեպս, սկսել են մտածել, այլընտրանքներ փնտրել։

Mephistopheles
11.08.2013, 20:00
Մոռացա էս մասին անդրադառնալ: Մեֆ ջան, ուրեմն նորից ասեմ, որ ես որևէ կերպ չեմ պնդում, որ ինքը լրտես ա, ես ընդամենը դեն չեմ նետում էդ վարկածը:

Ինչ վերաբերում ա օգտագործել, նեա, Մեֆ ջան: Օգտագործման տարբեր ձևեր կան, ու էդ օգտագործման ձևերից մեկը մենք հիմա տեսնում ենք. ընդվզում ԱՄՆ-ի դեմ: Այսինքն եթե մի պահ զուտ հիպոթետիկ ենթադրում ենք, որ Սնոուդենը ասենք ՌԴ-ից փող ա ստացել ինֆո ծախելու համար, պայմանը կարող էր եղած լիներ ասենք սենց.
- ամբողջական փաթեթը մեզ, էս ու էս կետերը հրապայակին՝ շուխուռ բարձրացնելու համար:

Չուկ ջան լրտեսության վարկածն առաջ քաշելու համար էլ ա հիմքեր պետք… առաջինը ամերիկան կասեր թե ում համար ա լրտեսել, որովհետև ամերիկան ա ուզում սնօուդենին դատի լրտեսության համար… եթե իրանք չեն ասում, ապ առայժմ վարկածն անհիմն ա…

Ինֆոն, լինի դա հրապարակված թե ոչ արդեն աբսոլիտ ա… անպետք որտև հրապարակման ենթակ ա… լրտեսների ի ք ությունը միշտ փորձում են գաղտնի պահել… ռուսաստանն առայժմ բացի "բարոյական" հաղթանակից ոչինչ չունի… բացի դրանից, եթե ամերիկայի ռեպուտացիան ընկնում ա, ապա էդտեղ ամերիկայի իշխանություններն են մեղավոր, իսկ հասարակության ընդվզումը ամերիկայի հեղինակությունը կարա մենակ բարձրացնի… դա ցույց ա տալիս որ ամերիկացի երը նաւյնպես դեմ են էդ մեթոդներին… իրականում ամերիկայի ռեպուտացիան կարա նույնօսկ բարձրանա, եթե ճիշտ արվի ամեն ինչ…

Chuk
11.08.2013, 20:09
Գիտեմ հատուկենտ դեպքեր իմ շրջապատում: Ոմանք հրաժարվել են Gmail-ն օգտագործելուց, ոմանք duckduckgo.com (https://duckduckgo.com/)-ն են նախընտրում Google-ին, ոմանք ՖԲ-ում այլևս նկարներ չեն պիտակում, համենայն դեպս, սկսել են մտածել, այլընտրանքներ փնտրել։

Հատուկենտ դեպքեր: Ամեն ինչ ասված ա ;)

Արս ջան, իմ տպավորությամբ էս ամեն ինչը ընդամենը կարճաժամկետ թեթև աժիոտաժ ա առաջացնելու հետո մոռացվի, գնա: Եթե սխալվեմ՝ հրաշալի ա:

Mephistopheles
11.08.2013, 20:10
Մենք ինֆորմացիայի էն մասը գիտենք, որը որ «պետք ա» իմանանք։ Մենակ ԱՄՆ ԱԱԾ–ն ու ԿՀՎ–ը գիտեն (կամ հլը չգիտեն), թե Սնոուդենը էլի ինչքան ինֆորմացիա է «ծակվել» ու էլի ում։ Տղեն տարիներով ԱԱԾ–ի ու ԿՀՎ–ի համար գործ ա արել, նենց չի որ մենակ գիտեր, թե ԱՄՆ–ն ֆեյսբուքում ու սքայպում սրա նրա ինտիմ ինֆորմացիայի մեջ «ալլահ ակբար» էր բան գալիս ։Ճ
Թե էլի ինչ կա, երևի թե հիմա պարզվում է ռուսական ԱԱԾ–ում, Սնուդենի հետ, մտերմիկ սեղանի շուրջ... Հիմա ո՞նց կարող ենք բռնել ու առանց սաղ իմանալու ասել տղեն սաղ ճիշտ ա արել... հերոսա ա ինքը։ ԱՄՆ ԱԱԾ–ն չի կարող շուխուր անել, որ Սնոուդենը ԱՄՆ–ի անվտանգությանը վերաբերող լիքը ինֆորմացիա է տվել «թշնամուն», որովհետև կարող է լրիվ վստահ չեն ու սա շատ զգայուն ու վտանգավոր պրոբլեմ ա։ Անձամբ ինձ էս պահին թվում է, որ Սնուդենը ոռի բաներ ա արել, իսկ մենք «կենտրոնացվել ենք» մեր ինտիմ ինֆորմացիայի գաղտնիության վրա, այն էլ ֆեյսբուքում, գուգլում ու էլի եսիմ ուր...

Եթե սնօուդենը ամերիկայի ազգային անվտանգությանը վերաբերվող ինֆորմացիա ունի կամ ամերիկան կասկածում ա որ ունի ապա հենց իրանք կբարձրաձայնեն ու կասեն որ ունի ու ուզում ա ծախի… դրանով իրանք ներսում մասսայի աջակցությունը կստանան ու կարան նույնօսկ ավելի խստացնել արդեն հիմնավորված…

Առայժմ հստակ չի թե ում համար ա լրտեսել սնօուդենը, եթե լրտեսել ա… էս ինֆորմացիայով սնօուդենին ձերբակալման օրդեր չես կարող տալ, լրտեսության համար… կարող ա և լրտես ա, բայց էսօր ամենաշահագռգիռ կողմը չի հիմնավորում դա…

Chuk
11.08.2013, 20:12
Չուկ ջան լրտեսության վարկածն առաջ քաշելու համար էլ ա հիմքեր պետք… առաջինը ամերիկան կասեր թե ում համար ա լրտեսել, որովհետև ամերիկան ա ուզում սնօուդենին դատի լրտեսության համար… եթե իրանք չեն ասում, ապ առայժմ վարկածն անհիմն ա…

Ինֆոն, լինի դա հրապարակված թե ոչ արդեն աբսոլիտ ա… անպետք որտև հրապարակման ենթակ ա… լրտեսների ի ք ությունը միշտ փորձում են գաղտնի պահել… ռուսաստանն առայժմ բացի "բարոյական" հաղթանակից ոչինչ չունի… բացի դրանից, եթե ամերիկայի ռեպուտացիան ընկնում ա, ապա էդտեղ ամերիկայի իշխանություններն են մեղավոր, իսկ հասարակության ընդվզումը ամերիկայի հեղինակությունը կարա մենակ բարձրացնի… դա ցույց ա տալիս որ ամերիկացի երը նաւյնպես դեմ են էդ մեթոդներին… իրականում ամերիկայի ռեպուտացիան կարա նույնօսկ բարձրանա, եթե ճիշտ արվի ամեն ինչ…

Այո, շատ հնարավոր ա, որ Ամերիկայի ռեպուտացիան բարձրանա:
Սա առավել քան հնարավոր սցենար ա, ու իմ ասածներին ոչ միայն բոլորովին չի հակասում, այլև կարող ա լրացնի:

Մեֆ ջան, եթե ուշադիր եղած լինես, ես էս թեմայում ոչինչ չեմ պնդել: Բայց այ էս կամ էն տեսակետը վստահ պնդողների վրա անկեղծ զարմանում եմ: Ձեռներիդ մի թիքա լղոզած ինֆո ա ընկել, կողքը լիքը հարցականներ կան, դուք դրած վստահ պնդումներ եք անում: Սա ինձ ենթադրել ա տալիս, որ մարդիկ հեշտ կառավարելի են :)

ars83
11.08.2013, 20:32
Հատուկենտ դեպքեր: Ամեն ինչ ասված ա ;)
Հո՛պ: :)) Ոչ թե հատուկենտ դեպքեր, այլ հատուկենտ դեպքեր իմ շրջապատում. դա հսկայական տարբերություն է: Բայց իմ տպավորությունն էլ այն է, արձագանքը դեռ զգալի չէ:
Հետաքրքիր է, եթե հարցում անցկանցնենք ակումբում, ի՞նչ կպարզվի հետևայլի մասին.
1. Քանի՞ հոգի է կանոնավոր կերպով հակավիրուս օգտագործում և թարմացնում իր համակարգչի վրա:
2. Քանի՞ հոգի է տեղյակ, թե ինչ է նշանակում s տառը https://-ով սկսվող հասցեատողում:
3. Քանի՞ հոգի է օգտվում mail.ru-ի ծառայություններից, gmail.com-ից:
4. Քանի՞ հոգի է օգտվում Facebook-ից, Odnoklassniki-ից կամ Google+ -ից, ի՞նչ անվտանգության կարգավորումներ են դրել իրենց պրոֆայլներին:
5. Քանի՞ հոգի է էլեկտրոնային ստորագրություն դնում իր էլ. նամակներին:
6. Քանի՞ հոգի գիտի, թե phishing-ն ինչ է:
Եվ այլն:

Նույնիսկ եթե Սնոուդենի դեպքն անցնի-գնա, շատ գովելի կլինի, եթե դրա շնորհիվ տվյալների/հաղորդակցության անվտանգության մասին մարդիկ ավելի տեղեկացված դառնան ու ավելի լայնորեն սկսեն կիրառել համապատասխան գործիքները:

Chuk
11.08.2013, 20:46
Հո՛պ: :)) Ոչ թե հատուկենտ դեպքեր, այլ հատուկենտ դեպքեր իմ շրջապատում. դա հսկայական տարբերություն է: Բայց իմ տպավորությունն էլ այն է, արձագանքը դեռ զգալի չէ:
Հետաքրքիր է, եթե հարցում անցկանցնենք ակումբում, ի՞նչ կպարզվի հետևայլի մասին.
1. Քանի՞ հոգի է կանոնավոր կերպով հակավիրուս օգտագործում և թարմացնում իր համակարգչի վրա:
2. Քանի՞ հոգի է տեղյակ, թե ինչ է նշանակում s տառը https://-ով սկսվող հասցեատողում:
3. Քանի՞ հոգի է օգտվում mail.ru-ի ծառայություններից, gmail.com-ից:
4. Քանի՞ հոգի է օգտվում Facebook-ից, Odnoklassniki-ից կամ Google+ -ից, ի՞նչ անվտանգության կարգավորումներ են դրել իրենց պրոֆայլներին:
5. Քանի՞ հոգի է էլեկտրոնային ստորագրություն դնում իր էլ. նամակներին:
6. Քանի՞ հոգի գիտի, թե phishing-ն ինչ է:
Եվ այլն:

Նույնիսկ եթե Սնոուդենի դեպքն անցնի-գնա, շատ գովելի կլինի, եթե դրա շնորհիվ տվյալների/հաղորդակցության անվտանգության մասին մարդիկ ավելի տեղեկացված դառնան ու ավելի լայնորեն սկսեն կիրառել համապատասխան գործիքները:
Հո՛պ-ը քեզ: Որտև ես քեզ հարցրի, թե բոյկոտի ինչ դեպքեր գիտես, դու խոսեցիր քո հատուկենտ ծանոթների մասին, դրանով ակամա խոստովանելով, որ գլոբալ տենց բոյկոտի մասին չգիտես:
Ես քեզ լրացնեմ. ինչքան փնտրեցի ինտերնետում, չհանդիպեցի որևէ լուրջ բոյկոտի մասին հաղորդման: Եղած բոլոր դեպքերը վկայում են, որ հատուկենտ են ոչ միայն քո շրջապատում:

Կարող ենք քո հարցերը տալ: Կարող ենք չտալ ու փորձիս վրա հիմնվելով ասեմ պատասխանները.
1. Մեծ մասն օգտվում են, բայց իրականում մեծ մասի օգտվելն անարդյունավետ է,
2. Մեծ մասը չգիտի,
3. Մոտ 16 տոկոսը ստաբիլ կիրառում է gmail, մոտ 60 տոկոսը՝ mail.ru, մնացածն այլ մեյլեր, ինչպես նաև մի ահագին մասը կիրառում է տարբեր մեյլեր,
4. Փոքր մասը կիրառում է google+, մեծ մասը երբևէ կիրառել է odnoklassniki, հիմա չի օգտագործում, երևի մի 60 տոկոսը հիմա օգտագործում է facebook: Մեծ մասը եթե նույնիսկ կիրառում է անվտանգության կարգավորումները, դա անում է իմիջայլոց:
5. Մաքսիմում 1 տոկոսը,
6. Երևի մի 20-30 տոկոսը:

Հետո՞: Էս հարցերդ ինչի՞ համար էին: Ցույց տալու ու ապացուցելու ասածս, որ գլոբալ բոյկոտ սրան չի՞ հետևելու: Շնորհակալություն օգնության համար:

Արս ջան, իհարկե օգտակար ա, եթե սրա շնորհիվ մարդիկ ավելի զգուշավոր դառնան, չնայած ասենք ֆեյսում կարգավորում դնեն թե չէ, էդ ԱՄՆ գաղտնի ծառայությունների համար մեկ ա, մեր մեջ ասած: Բայց այ որ կարելի ա էս դեպքը քո հիմնավորմամբ համարել եսիմ ինչ, արդեն վստահ պնդել, որ Սնոուդենը հերոս ա ու հերոսություն ա արել... դե կներես էլի :))


Ամեն դեպքում ես երևի թե լքեմ քննարկման էս հարթակը՝ առժամանակ, բացատրեմ թե ինչու: Թեմայում ես արդեն իմ դիրքորոշումը ներկայացրի, այն է. դեռ չունենք բավարար տվյալներ դեպքի մասին հստակ դիրքորոշում ունենալու համար, հնարավոր է, որ Սնոուդենը զիլ տիպ ա ու հերոսական քայլ ա արել, իսկ հնարավոր ա, որ շարքային սրիկա ա: Հնարավոր է նաև, որ պատմությունը «հորինված» է ու պետք է հետագայում քննարկել ոչ թե ինչ-որ Սնոուդեն անձի, այլ կատարված օպերացիան: Առայժմ եղած փաստերն ավելիի հնարավորություն մեզ չեն տալիս: Ու կարելի է քննարկումը շարունակել միայն բավարար քանակի ինֆո ստանալուց հետո, որը հավանաբար կլինի դեպքերի զարգացման արդյունքում: Իսկ առայժմ մենք ուղղակի միասին ջուր ենք ծեծում, որին էլ, գուցե, տենչացել են:

Mephistopheles
11.08.2013, 21:01
Այո, շատ հնարավոր ա, որ Ամերիկայի ռեպուտացիան բարձրանա:
Սա առավել քան հնարավոր սցենար ա, ու իմ ասածներին ոչ միայն բոլորովին չի հակասում, այլև կարող ա լրացնի:

Մեֆ ջան, եթե ուշադիր եղած լինես, ես էս թեմայում ոչինչ չեմ պնդել: Բայց այ էս կամ էն տեսակետը վստահ պնդողների վրա անկեղծ զարմանում եմ: Ձեռներիդ մի թիքա լղոզած ինֆո ա ընկել, կողքը լիքը հարցականներ կան, դուք դրած վստահ պնդումներ եք անում: Սա ինձ ենթադրել ա տալիս, որ մարդիկ հեշտ կառավարելի են :)

Չուկ ջամ, եթե գուգլը, ՖԲ-ն քո ինֆերմացիան տալիս ա ԿՀՎ-ին, էդ արդեն բավականին մեծ խնդիր ա… շատ մեծ, ու երբ որ ձեն չես հանում, փաստորեն քարտ բլամշ ես տալիս իշխանություններին ու մեծ ընկերութկուններին որ քո կյանքը տնօրինեն քեզնից անկախ… սա տանում ա ավտորիտարիզմի… էդ տենդենցն ունի նույնիսկ ամենադեմոկրատական երկրի իշխանությունները…

Նուկնիսկ էնքան էլ կարևոր չի թե սնօուդենը լրտես ա թե չէ, հարցն էն ա. Եղել ա տենց բան թե չէ… կարծես թե եղել ա… իսկ էդ տղին լրտեսութկսն համար եթե կախեն էլ հարցի էությունը չի փոխվում…

Մեր, հայերիս համար դա կարող ա մեծ բան չի, մենք դեր պետության մասին մեր պատկերացումներն ու փորձառությունը սովետական հայաստանի վրա ա հիմնված որտեղ նման բաները բնական ա… նույնիսկ էսօր, ամեն ընտրություններին հավաքում են մարդկանց պասպորտները ու դա բնական ա համարվում…

Chuk
11.08.2013, 21:06
Չուկ ջամ, եթե գուգլը, ՖԲ-ն քո ինֆերմացիան տալիս ա ԿՀՎ-ին, էդ արդեն բավականին մեծ խնդիր ա… շատ մեծ, ու երբ որ ձեն չես հանում, փաստորեն քարտ բլամշ ես տալիս իշխանություններին ու մեծ ընկերութկուններին որ քո կյանքը տնօրինեն քեզնից անկախ… սա տանում ա ավտորիտարիզմի… էդ տենդենցն ունի նույնիսկ ամենադեմոկրատական երկրի իշխանությունները…

Նուկնիսկ էնքան էլ կարևոր չի թե սնօուդենը լրտես ա թե չէ, հարցն էն ա. Եղել ա տենց բան թե չէ… կարծես թե եղել ա… իսկ էդ տղին լրտեսութկսն համար եթե կախեն էլ հարցի էությունը չի փողվում…

Մեֆ, ցավդ տանեմ, հերիք չի ինձ պատասխանես ինձ չպատասխանելով: Իհարկե պետք է ձեն հանել, որ քո ինֆորմացիան տալիս են (առանց համապատասխան օրենքները պահպանելու, դատական ձևով դրա իրավունքը ստանալու և այլն): Որտե- տեսար, որ հակառակն եմ ասել: Եթե ինձ հակաճառում ես, իմ գրածներին հակաճառի, ոչ թե քո՝ ինձ կպցրած մտքերին:

Իմ ասածը լրիվ ուրիշ բան ա, ես տեսնում եմ, որ կա Սնոուդենի թեմա, գովազդ (ակումբում չէ, ընդհանրապես) ու չեմ տեսնում էդ ինֆորմացիան տալու դեմ բողոքի ակցիա, ես չեմ տեսնում, որ մարդիկ բոյկոտեն: Առանձին դեպքեր կան, մինչև Սնոուդենն էլ են ահագին դեպքեր եղել: Այ էս ա ասածս, որ սա կարծես իրականում ընդամենը ժամանցային մի բան ա դառնում, ոչ թե իրական ժողովրդական արժեքների համար պայքարի սկիզբ ա, ոչ թե ընդվզում ա ու տենց բաներ: Ոչ մեկը չի ասում, իշխանությանը տենց հարցում քարտ-բլանշ տուր, բայց ես տեսնում եմ, որ տալիս են:

Mephistopheles
11.08.2013, 21:11
Մեֆ, ցավդ տանեմ, հերիք չի ինձ պատասխանես ինձ չպատասխանելով: Իհարկե պետք է ձեն հանել, որ քո ինֆորմացիան տալիս են (առանց համապատասխան օրենքները պահպանելու, դատական ձևով դրա իրավունքը ստանալու և այլն): Որտե- տեսար, որ հակառակն եմ ասել: Եթե ինձ հակաճառում ես, իմ գրածներին հակաճառի, ոչ թե քո՝ ինձ կպցրած մտքերին:

Իմ ասածը լրիվ ուրիշ բան ա, ես տեսնում եմ, որ կա Սնոուդենի թեմա, գովազդ (ակումբում չէ, ընդհանրապես) ու չեմ տեսնում էդ ինֆորմացիան տալու դեմ բողոքի ակցիա, ես չեմ տեսնում, որ մարդիկ բոյկոտեն: Առանձին դեպքեր կան, մինչև Սնոուդենն էլ են ահագին դեպքեր եղել: Այ էս ա ասածս, որ սա կարծես իրականում ընդամենը ժամանցային մի բան ա դառնում, ոչ թե իրական ժողովրդական արժեքների համար պայքարի սկիզբ ա, ոչ թե ընդվզում ա ու տենց բաներ: Ոչ մեկը չի ասում, իշխանությանը տենց հարցում քարտ-բլանշ տուր, բայց ես տեսնում եմ, որ տալիս են:

Օքեյ…

Mephistopheles
11.08.2013, 21:40
Մեֆ, ցավդ տանեմ ………

Իմ ասածը լրիվ ուրիշ բան ա, ես տեսնում եմ, որ կա Սնոուդենի թեմա, գովազդ (ակումբում չէ, ընդհանրապես) ու չեմ տեսնում էդ ինֆորմացիան տալու դեմ բողոքի ակցիա, ես չեմ տեսնում, որ մարդիկ բոյկոտեն: Առանձին դեպքեր կան, մինչև Սնոուդենն էլ են ահագին դեպքեր եղել: Այ էս ա ասածս, որ սա կարծես իրականում ընդամենը ժամանցային մի բան ա դառնում, ոչ թե իրական ժողովրդական արժեքների համար պայքարի սկիզբ ա, ոչ թե ընդվզում ա ու տենց բաներ: Ոչ մեկը չի ասում, իշխանությանը տենց հարցում քարտ-բլանշ տուր, բայց ես տեսնում եմ, որ տալիս են:

http://www.bbc.co.uk/news/world-us-canada-23642880

Չուկ ջան, դեմոկրատական երկրներում բողոքը մենակ ակցիաներով չի լինում… ընդեղ կան տարբեր լեգալ լծակներ… բողոքի ակցիան դա վերջին միջոցն ա երբ բոլոր միջոցները սպառվում են… Օբամայի էս ելույթը դրա մասին ա խոսում… իհարկե միամիտ չենք որ մտածենք թե եթե ասեց ուրեմն կանի… պտի ճնշումը ավելացվ… դրա ձևն էլ կա, թե չէ ընդհանրապես ձեն չէին հանի…

Վիշապ
12.08.2013, 00:45
Եթե սնօուդենը ամերիկայի ազգային անվտանգությանը վերաբերվող ինֆորմացիա ունի կամ ամերիկան կասկածում ա որ ունի ապա հենց իրանք կբարձրաձայնեն ու կասեն որ ունի ու ուզում ա ծախի… դրանով իրանք ներսում մասսայի աջակցությունը կստանան ու կարան նույնօսկ ավելի խստացնել արդեն հիմնավորված…

Ապեր, ԱՄՆ ԱԱԾ–ն երևի թե գիտի թե ինչ գիտի Սնոուդենը։ ԱԱԾ–ն երևի թե չի ուզենա շուխուր անել, որ ռուսներն էլ իմանան, թե ինչ գիտի Սնոուդենը ։Ճ
Նենց տրիվիալ չի որ ԱՄՆ–ում շուխուր արեցին, ապա կստանան մասսայի աջակցությունը, հակառակը` կարող է քննադատություն ստանան «լավ չաշխատելու» ու ԱՄՆ անվտանգությունը լավ չապահովելու համար։ Տենց պարզ հարց չի Մեֆ, որ դու հիմա միանգամից բոլոր հարցերի պատասխանները տաս, հիմնավորես ու պրծնես։

Mephistopheles
12.08.2013, 02:20
Ապեր, ԱՄՆ ԱԱԾ–ն երևի թե գիտի թե ինչ գիտի Սնոուդենը։ ԱԱԾ–ն երևի թե չի ուզենա շուխուր անել, որ ռուսներն էլ իմանան, թե ինչ գիտի Սնոուդենը ։Ճ
Նենց տրիվիալ չի որ ԱՄՆ–ում շուխուր արեցին, ապա կստանան մասսայի աջակցությունը, հակառակը` կարող է քննադատություն ստանան «լավ չաշխատելու» ու ԱՄՆ անվտանգությունը լավ չապահովելու համար։ Տենց պարզ հարց չի Մեֆ, որ դու հիմա միանգամից բոլոր հարցերի պատասխանները տաս, հիմնավորես ու պրծնես։

Սնօուդենը հիմա ռուսների մոտ ա ու եթե ռուսներն ուզեն իմանալ, հենց Սնօուդենից կիմանան… իրանց պետք չի սպասեն որ ամերիկացիները բարձրաձ-յնեն, որ իրանք էլ իմանան…

ԻՍԿ ամերիկացիմերը պարտադիր չի հրապարակայնորեն հայտարարեն թե ինչ գիտի Սնօուդենը… այսինքն իրանք պտի ասեն որ Սնօուդենն ունի գաղտնի՝ ազգային անվտանգությանը վնասող տեղեկություն ու ծախել ա կամ փոխանցել ա էսինչ պետության գործակալներին… հենց դա ասեն, կասեմ ործակալ ա… բայց մինչ այդ ուսլբլօուեր ա…

Լրտեսության փաստ չկա առայժմ…

Վիշապ
12.08.2013, 02:55
Սնօուդենը հիմա ռուսների մոտ ա ու եթե ռուսներն ուզեն իմանալ, հենց Սնօուդենից կիմանան… իրանց պետք չի սպասեն որ ամերիկացիները բարձրաձ-յնեն, որ իրանք էլ իմանան…

ԻՍԿ ամերիկացիմերը պարտադիր չի հրապարակայնորեն հայտարարեն թե ինչ գիտի Սնօուդենը… այսինքն իրանք պտի ասեն որ Սնօուդենն ունի գաղտնի՝ ազգային անվտանգությանը վնասող տեղեկություն ու ծախել ա կամ փոխանցել ա էսինչ պետության գործակալներին… հենց դա ասեն, կասեմ ործակալ ա… բայց մինչ այդ ուսլբլօուեր ա…

Լրտեսության փաստ չկա առայժմ…

Մեֆ, ինչ լավ ա որ դու ԱՄՆ ԱԱԾ պետը չես, թե չէ խայտառակ էիր անելու ԱՄՆ-ին... ապեր, տենց հայտարարությունները վտանգավոր են: ԱՄՆ-ը դիվանագիտորեն ասում ա «խնդրում եմ տվեք մեզ մեր մարդուն» ու պրծ, դրանից ավել բան ասելը մենակ վնաս ա տալու միջազգային հարաբերություններին: Էս նման ա էն կեղտին որ ինչքան փորփրես էդքան հոտը ավելի ա տարածվելու, սնաչալօ պադումայ, պատոմ գավարի:

Mephistopheles
12.08.2013, 04:40
Մեֆ, ինչ լավ ա որ դու ԱՄՆ ԱԱԾ պետը չես, թե չէ խայտառակ էիր անելու ԱՄՆ-ին... ապեր, տենց հայտարարությունները վտանգավոր են: ԱՄՆ-ը դիվանագիտորեն ասում ա «խնդրում եմ տվեք մեզ մեր մարդուն» ու պրծ, դրանից ավել բան ասելը մենակ վնաս ա տալու միջազգային հարաբերություններին: Էս նման ա էն կեղտին որ ինչքան փորփրես էդքան հոտը ավելի ա տարածվելու, սնաչալօ պադումայ, պատոմ գավարի:

Ապեր, ամերիկան ասում ա "տվեք իմ հարնցագործին" ոչ թե մարդուն… ու ամբողջ արևմուտքն ա ասում "հանցագործ"… իսկ Սնօուդենը համցագործ ա, եթե լրտես ա, որն առայժմ ապացուցված չի… ու հենց դրա համար էլ ռուսները չեն տալիս…

Եթե լրտես ա, կարան դավաճանության համար դատեն… Հակառակ դեպքում կարա որակավորվի որպես ինֆորմացիայի արտահոսք… սրանք ֆունդամենտալ տարբեր բաներ են…

ԱՄԵՐԻԿԱՆ ուզում ա Սնօուդենին ներկայացնի որպես լրտես, որ լինի հանցագործ ու դատվի… հիմա թե սրա համար ինչի են պատրաստ ժամանակը ցույց կտա…

Լրտեսներին հա էլ բռնել են, միշտ էլ բռնել են… դա նորություն չի որ խայտառակ լինեն… վերջերս էն մի քանի հատ բռնել, փոխանակեցին… քանի հատ էլ չինացի ու հրեա էին բռնել, կաեծեմ չինացուն դատեցին ռուսներինը փոխանակեցին…

Քո համար ուիսլբլօուերն ու լրտեսը նույն բանն ա…

Վիշապ
12.08.2013, 08:18
Ապեր, ամերիկան ասում ա "տվեք իմ հարնցագործին" ոչ թե մարդուն… ու ամբողջ արևմուտքն ա ասում "հանցագործ"… իսկ Սնօուդենը համցագործ ա, եթե լրտես ա, որն առայժմ ապացուցված չի… ու հենց դրա համար էլ ռուսները չեն տալիս…

Եթե լրտես ա, կարան դավաճանության համար դատեն… Հակառակ դեպքում կարա որակավորվի որպես ինֆորմացիայի արտահոսք… սրանք ֆունդամենտալ տարբեր բաներ են…

ԱՄԵՐԻԿԱՆ ուզում ա Սնօուդենին ներկայացնի որպես լրտես, որ լինի հանցագործ ու դատվի… հիմա թե սրա համար ինչի են պատրաստ ժամանակը ցույց կտա…

Լրտեսներին հա էլ բռնել են, միշտ էլ բռնել են… դա նորություն չի որ խայտառակ լինեն… վերջերս էն մի քանի հատ բռնել, փոխանակեցին… քանի հատ էլ չինացի ու հրեա էին բռնել, կաեծեմ չինացուն դատեցին ռուսներինը փոխանակեցին…

Քո համար ուիսլբլօուերն ու լրտեսը նույն բանն ա…

Մեֆ յուղ մի վառի էլի, մի հատ աղբյուր տուր, որտեղ ասվում է, թե ԱՄՆ-ն ու Ռուսաստանը լրտեսներ են փոխանակել …Ճ
Ինձ համար խնդալու է, որ ամերիկյան բոբո իշխանությունների ապօրինությունների դեմ պայքարողը հիմա ԱՄՆ-ից պաշտպանվում է Ռուսաստանում, նույնիսկ եթե էդ գյադու սաղ մոտիվացիաները մաքուր գաղափարական են, ապա գործողությունները մեկ ա տուֆտա են... Ասում ես ռուսները ինչի համար Սնուդենին չեն տալի՞ս...:D

Mephistopheles
12.08.2013, 16:58
Մեֆ յուղ մի վառի էլի, մի հատ աղբյուր տուր, որտեղ ասվում է, թե ԱՄՆ-ն ու Ռուսաստանը լրտեսներ են փոխանակել …Ճ
Ինձ համար խնդալու է, որ ամերիկյան բոբո իշխանությունների ապօրինությունների դեմ պայքարողը հիմա ԱՄՆ-ից պաշտպանվում է Ռուսաստանում, նույնիսկ եթե էդ գյադու սաղ մոտիվացիաները մաքուր գաղափարական են, ապա գործողությունները մեկ ա տուֆտա են... Ասում ես ռուսները ինչի համար Սնուդենին չեն տալի՞ս...:D

Վիշապ ջան, էս (http://www.washingtonpost.com/wp-dyn/content/article/2010/07/08/AR2010070803476.html) որ կարդաս կիմանաս ով ա յուղ վառում… ապեր մի հատ իմացի, ճշտի նոր գրի… նոր էր եղել, ընգեր…

Եթե խնդալու ա թվում, ուրեմն պտի խնդաս… ամեն մարդ մի տեսակի հումոր ունի, բայց փաստերն էսօր ասում են որ ինքը սըրվեյլընս պրոգրամն ա բացահայտել ու իրան դրա համար են ուզում բռնել… էդ բացահայտումները ցույց են տալիս որ ամերիկան անօրեն օրա ժողովրդի անձնական ինֆոն ա հավաքել ու էլի մի շարք ալյ անօրեն միջոցներ ա կիրառել… ու սրա հիման վրա են ասում որ էդ տղեն մեղադրվում ա շպիոնաժի մեջ… ինքն էլ ռուսների մոտ ա թաքնվում… ես ասում եմ եթե լրտես ա, հնավորեք՝ կասկածելու բավարար հիմքեր տվեք հետո ասեք շպիոն ա… քանի դեռ չկա՝ ինքը ուիսլբլօուեր ա… ուզում ա սատանայի մոտ թաքնվի…

keyboard
12.08.2013, 19:00
Թեման լրիվ չեմ կարդացել, զահլա չկա:
Ասեմ, որ չեմ հավատում էդ գյադին ու ամերիկան էլ լավ շոու ա սարքե յանիմ ընգած են հետեվից:
Ավտոռադիոյի փոխանցմամբ գյադին վկոնտակտեն առաջարկել ա զբաղվել իրա ռեսուրսների անվտանգությամբ ու պաշտպանել դրանք այսպեսասած գաղտնալսումից տոլի գաղտնակարդացումից:
Տակ շտո շոուն լավ սկսել են, շուուն լավ կշարունակվի, այ ավարտը դեռ լավ չեմ պատկերացնում, բայց մի քիչ մտածեմ ավարտն էլ կգրեմ:

Քյասար, դուք ստե հլը մի եռեսուն էջ էլ կքննարկեք սրան, հետո կանցնեք միասեռականներին, հետո մի բոլ իշխանություննեին կքլնգեք, հետո քաղաքապետարանի դեմի պրովոկատրներին ու մեկ էլ թեման կսառի, մեկ էլ մի եկու ամսից, մեկը էս գյադի հետ կապված մի նյութ կդնի ու սաղ կհիշեն, որ թեման իմեննո էդ գյադին էր վերաբերվում:

Ոնց որ հարևանս ասեց, նոր որ մտա հայաթ,թզբխեը ձեռին՝ բարիգուններս բարի ախպերս:

Վիշապ
12.08.2013, 21:15
Վիշապ ջան, էս (http://www.washingtonpost.com/wp-dyn/content/article/2010/07/08/AR2010070803476.html) որ կարդաս կիմանաս ով ա յուղ վառում… ապեր մի հատ իմացի, ճշտի նոր գրի… նոր էր եղել, ընգեր…
Ապ, քո տվածը էն դեպքն ա, երբ ԱՄՆ–ն ձերբակալում ա ռուսական շպիոնների ու Ռուսաստանը ձերբակալում ա ամերիկյան շպիոնների։ ՍՆուդենի դեպքը մի քիչ ուրիշ ա, Սնուդենը ռուսաստանում ա ու ամերիկյան գաղտնի ինֆրոմացիա ունի։ Տարբերությունը ջոկում ե՞ս։

Mephistopheles
12.08.2013, 21:39
Ապ, քո տվածը էն դեպքն ա, երբ ԱՄՆ–ն ձերբակալում ա ռուսական շպիոնների ու Ռուսաստանը ձերբակալում ա ամերիկյան շպիոնների։ ՍՆուդենի դեպքը մի քիչ ուրիշ ա, Սնուդենը ռուսաստանում ա ու ամերիկյան գաղտնի ինֆրոմացիա ունի։ Տարբերությունը ջոկում ե՞ս։

տարբերությունը ջոկում եմ, բայց Սնօուդենը շպիոն չի–հլա… Սնօուդենը իրա ինֆորմացիան տվել ա Գարդիանին, մամուլին, ոչ թե օտար երկրի գործակալությանը… հլա որ ոչ մի փաստ չկա որ Սնօուդենը ռուսներին ինֆորմացիա ա տալիս… երբ որ կտա՝ կասենք շպիոն ա, ես էլ ձեր հետ կասեմ…

Ջուլիան Ասանժն էլ հիմա Էկվադորում ա (դեսպանատանը), էդ հո չի նշանակում որ շպիոն ա…

Սնօուդենը մնաց ռուսաստանում երկար-բարակ բանակցություններից հետո ու իրան ապաստան էին առաջարկում տարբեր լատինամերիկյան երկրներ… Սնօուդենը ռուսաստանում ա իրա ֆիզիկական անվտանգության համար, ուրիշ ապացույց, հայտարարություն կամ կասկած որ շպիոն ա առայժմ չկա… հո զոռով չի… էս նույն բանի համար Մաննինգին էլ են դատել, բայց շպիոնաժի մեղադրանքը վրայից հանել են…

ասածս էն ա որ Սնօուդենը շպիոն չի, չկա տենց փաստ… մենակ ռուսաստանում գտնվելը հլա շատ բան չի նշանակում… շպիոնը լրիվ ուրիշ բան ա…

StrangeLittleGirl
13.08.2013, 01:20
Շատ ուշադիր չեմ հետևում Սնոուդենի պատմության զարգացումներին: Բայց դեռ տեռորիստ չե՞ն սարքել իրանից: Ամերիկային շատ չկա: Իրանք իրանց քաղաքացիների վրա շպիոնություն են անում, հետո էլ դրա մասին բարձրաձայնողին շպիոն ասում: մդաաաա

Ժող, Դոկտորովի Little Brother-ը կարդացե՞լ եք: Հինգ տարի առաջ ա գրել, բայց լրիվ ոնց որ Սնոուդենի պատմությունը լինի:

Վիշապ
13.08.2013, 07:36
տարբերությունը ջոկում եմ, բայց Սնօուդենը շպիոն չի–հլա… Սնօուդենը իրա ինֆորմացիան տվել ա Գարդիանին, մամուլին, ոչ թե օտար երկրի գործակալությանը… հլա որ ոչ մի փաստ չկա որ Սնօուդենը ռուսներին ինֆորմացիա ա տալիս… երբ որ կտա՝ կասենք շպիոն ա, ես էլ ձեր հետ կասեմ…
Մեֆ, օքեյ, Ռուսաստանը պարզապես ժամանակավոր ապաստան է տվել Սնուդենին, ու պաշպանում է նրան ԱՄՆ-ի ճիրաններից: Դու տենց մտածի ապեր:
Սնուդենը շպիոն չի, դավաճան ա: Սաղ աջափ-սանդալ արիր:


Ջուլիան Ասանժն էլ հիմա Էկվադորում ա (դեսպանատանը), էդ հո չի նշանակում որ շպիոն ա…
Ասանժը ավստրալացի ա, ու ԱՄՆ ԱԱԾ ու ԿՀՎ չի աշխատել: Կարող ա շպիոն էլ լինի, շատ գիտես:

Mephistopheles
13.08.2013, 19:41
Մեֆ, օքեյ, Ռուսաստանը պարզապես ժամանակավոր ապաստան է տվել Սնուդենին, ու պաշպանում է նրան ԱՄՆ-ի ճիրաններից: Դու տենց մտածի ապեր:
Սնուդենը շպիոն չի, դավաճան ա: Սաղ աջափ-սանդալ արիր:


Ասանժը ավստրալացի ա, ու ԱՄՆ ԱԱԾ ու ԿՀՎ չի աշխատել: Կարող ա շպիոն էլ լինի, շատ գիտես:

Վիշապ ջան, Սնօուդենը շպիոնի ոչմի հատկություն չունի… ինքը չի աշխատել այլ երկրի համար, գաղտնի ինֆո չի հավաքել օտար երկրին հանձնելու համար… դավաճան էլ չի ոետև թշնամու հետ չի համագործակցում… իրա հավաքած ինֆոն դառելա փաբլիք… ո՞ր շպիոնն ա տենց բան անում…

շատ պարզ ա… առայժմ եղած տեղեկատվությունն ու փաստերը ոչ մի ձև քո ասածը չեն հաստատում կամ կասկածի տեղ թողնում…

Վիշապ
14.08.2013, 04:57
Վիշապ ջան, Սնօուդենը շպիոնի ոչմի հատկություն չունի… ինքը չի աշխատել այլ երկրի համար, գաղտնի ինֆո չի հավաքել օտար երկրին հանձնելու համար… դավաճան էլ չի ոետև թշնամու հետ չի համագործակցում… իրա հավաքած ինֆոն դառելա փաբլիք… ո՞ր շպիոնն ա տենց բան անում…

շատ պարզ ա… առայժմ եղած տեղեկատվությունն ու փաստերը ոչ մի ձև քո ասածը չեն հաստատում կամ կասկածի տեղ թողնում…

Աբեր, մի հատ գրածներս նայի, տես ես որտե՞ղ եմ ասել որը Սնօուդենը շպիոն ա: Ինքը հասարակ խաբարբզիկ ա: Սրանում դու կասկածներ ունե՞ս, կամ փաստերի կարիք ունե՞ս:

Mephistopheles
14.08.2013, 06:29
Աբեր, մի հատ գրածներս նայի, տես ես որտե՞ղ եմ ասել որը Սնօուդենը շպիոն ա: Ինքը հասարակ խաբարբզիկ ա: Սրանում դու կասկածներ ունե՞ս, կամ փաստերի կարիք ունե՞ս:

Վիշ, ասել ես դավաճան ա… ավելի վատ… խաբարբզիկը ո՞րն ա… ու՞մ ա խաբար տվել… արդեն ասել եմ, մարդը հրապարակել ա ինֆորմացիա որտեղ ասվում ա որ ԱՄՆ իշխանությունները անօրեն լրտեսում ու data են հավաքում իրենց իսկ քաղաքացիների ու օտարերկրյա քաղաքացինեմրի մասին… սովորական սովետական մտածողության տեր մարդու համար սրա մեջ տարօրիանկ ոչինչ չկա "է հավաքում են թող հավաքեն" բայց ազատության մեջ ծնված մեծացած ու դաստիարակված մարդու համար սա մեծ խնդիր ա…

սենց ասեմ… քո հեռախոսազանգերը, ինտերնետի ակտիվիտիները ԱՄՆ իշխանությունները անօրեն լսում ու հետևում են… ու մարդն էդ բարձրաձայնել ա իմանալով որ իրան կարող ա վտանգ սպառնա… ինֆոն տվել ա Գարդիանին… ո՞րն ա խաբարբզիկը…

խաբարբզիկը վախից ու անզորութունից ա անում ինչ որ անում ա… էս մարդը իրա համոզմունքներից ելնելով ա արել…

փաստերի կարիք ունեմ որ խաբարբզիկ ա… բեր նայենք…

Վիշապ
14.08.2013, 07:37
Վիշ, ասել ես դավաճան ա… ավելի վատ… խաբարբզիկը ո՞րն ա… ու՞մ ա խաբար տվել… արդեն ասել եմ, մարդը հրապարակել ա ինֆորմացիա որտեղ ասվում ա որ ԱՄՆ իշխանությունները անօրեն լրտեսում ու data են հավաքում իրենց իսկ քաղաքացիների ու օտարերկրյա քաղաքացինեմրի մասին… սովորական սովետական մտածողության տեր մարդու համար սրա մեջ տարօրիանկ ոչինչ չկա "է հավաքում են թող հավաքեն" բայց ազատության մեջ ծնված մեծացած ու դաստիարակված մարդու համար սա մեծ խնդիր ա…

սենց ասեմ… քո հեռախոսազանգերը, ինտերնետի ակտիվիտիները ԱՄՆ իշխանությունները անօրեն լսում ու հետևում են… ու մարդն էդ բարձրաձայնել ա իմանալով որ իրան կարող ա վտանգ սպառնա… ինֆոն տվել ա Գարդիանին… ո՞րն ա խաբարբզիկը…

խաբարբզիկը վախից ու անզորութունից ա անում ինչ որ անում ա… էս մարդը իրա համոզմունքներից ելնելով ա արել…

փաստերի կարիք ունեմ որ խաբարբզիկ ա… բեր նայենք…

Մեֆ պետությունը ինձ կարիք չունի լրտեսելու, առանց լրտեսելու էլ ես հոժարակամ իմ սաղ sensitive ինֆորմացիան տվել եմ պետությանը՝ սկսած մատնահետքերիցս՝ վերջացրած սաղ ֆինանսական հաշիվներով ու պատմությունով: Եթե պետությունից թաքցնելու բան ունենամ, ապա երևի միայն օրենք խախտելու դեպքում: Ես օրենքը խախտելու նպատակ չունեմ, հետևաբար և թաքցնելու բան չունեմ: Ֆուֆլո ա էս շուխուրը, կուտ ա մեր պես հարիֆների համար: Սնուդենը երկու մոտիվացիա կարող էր ունենալ՝ կամ անմահանալ ու «համաշխարհային տղա» դառնալ, որին հասավ, կամ էլ յուղոտ պատառներ թռցնել, կամ երկուսը միասին: Ցանկացած պետություն նորմալ պետություն է, եթե իր քաղաքացիների մասին սաղ տվյալները ունի database-ում, հակառակ դեպքում բարդակ պետություն է: Դու ավելի լավ է փաստեր ներկայացրու, որ ԱՄՆ-ը քաղաքացիներին լրտեսելու արդյունքները օգտագործել է խարդախ նպատակներով: Տենց բան լիներ, հիմա ամերկացիք փողոցներում հիսթերիա էին սարքել: Սնոուդենը հետույքային գյադա դուրս եկավ, ԱՄՆ անօրեն իշխանությունների դեմ պայքարողը պախկվել ա Ռուսաստանի հետևը, յանի Ռուսատանի իշխանություններն էլ իր քաղաքացիների իրավունքների համար մեռած են, կամ էլ մարդասիրության ու օրինականության էտալոն են: Քյասար յան տուր, զահլա չունեմ :ճ

Mephistopheles
14.08.2013, 08:04
Մեֆ պետությունը ինձ կարիք չունի լրտեսելու, առանց լրտեսելու էլ ես հոժարակամ իմ սաղ sensitive ինֆորմացիան տվել եմ պետությանը՝ սկսած մատնահետքերիցս՝ վերջացրած սաղ ֆինանսական հաշիվներով ու պատմությունով: Եթե պետությունից թաքցնելու բան ունենամ, ապա երևի միայն օրենք խախտելու դեպքում: Ես օրենքը խախտելու նպատակ չունեմ, հետևաբար և թաքցնելու բան չունեմ: Ֆուֆլո ա էս շուխուրը, կուտ ա մեր պես հարիֆների համար: Սնուդենը երկու մոտիվացիա կարող էր ունենալ՝ կամ անմահանալ ու «համաշխարհային տղա» դառնալ, որին հասավ, կամ էլ յուղոտ պատառներ թռցնել, կամ երկուսը միասին: Ցանկացած պետություն նորմալ պետություն է, եթե իր քաղաքացիների մասին սաղ տվյալները ունի database-ում, հակառակ դեպքում բարդակ պետություն է: Դու ավելի լավ է փաստեր ներկայացրու, որ ԱՄՆ-ը քաղաքացիներին լրտեսելու արդյունքները օգտագործել է խարդախ նպատակներով: Տենց բան լիներ, հիմա ամերկացիք փողոցներում հիսթերիա էին սարքել: Սնոուդենը հետույքային գյադա դուրս եկավ, ԱՄՆ անօրեն իշխանությունների դեմ պայքարողը պախկվել ա Ռուսաստանի հետևը, յանի Ռուսատանի իշխանություններն էլ իր քաղաքացիների իրավունքների համար մեռած են, կամ էլ մարդասիրության ու օրինականության էտալոն են: Քյասար յան տուր, զահլա չունեմ :ճ

կարող ա ճիշտ լիներ ասածդ եթե Օբաման չառաջարկեր էդ ծրագիրն ավելի թափանցիկ դարձնել… եթե նման խնդիր գոյություն չունի ապա "ավելի թափանցիկ" դարձնելու խնդիր բնականաբար պտի չառաջանար…

խոսքը գնում ա ինտերնետի օգտագործման ու հեռախոսազանգերի գաղտնալսման մասին… սրանք ոչ մատնահետքեր են, ոչ էլ քո ֆինանսական հաշիվները որոնք երբ որ քեզնից ուզում են, հետն էլ բացատրություն ա տրվում թե ինչի համար ա… որևէ մենկն իրավունք չունի առանց քորթ օրդերի իմ հեռախոսազանգերը լսի, կամ առանց իմ իմացմության ու համաձայնության բանկից, էֆբիայ-ից ու տարբեր մասնավոր կազմակերպություններից իմ մասին ինֆորմացիա վերցնելու… գումարած մեդիքալ ռեկորդները… ոչ ոք իրավունք չունի հեռախոսի ընկերությունից վերցնել քո հեռախոսազանգերի տվյալները եթե սըփինա՝ քորտ օրդեր չունեն… էսի միանշանակ ա… իսկ իրանք արել են…

եթե դու վստահում ես գուգլին, տարբեր ինտերնետ էնգիննեմրին ու զանազան կազմակերպություններին որոնք քեզնից տարբեր տվյալներ են ուզում ու խոստանում են գաղտնիություն (դա բոլորն են անում), ապա ցանկացած ինֆորմացիայի կամ տվյալի արտահոսք համարվում ա հանցագործություն… էսի հիշի, քեզ մի օր կարող ա պետք գա…

անձնական շատ ինֆորմացիա կան որ պետությունն իրավուք չունի ստանալու առանց քո համաձայնության կամ էլ քորթ օրդերով եթե կա բավարար հիմքեր որ դու հանցանք ես գործել…

սա արվել ա ու իշխանությունը չի ժխտում…

նույնիսկ փոլիս դեպարթմոնթը իրավունք չունի էմիգտացիոն տվյալներ քեզնից վերցնելու ու տալու սիայէյին կամ ուրիշ կազմակերպությանը… էմիգրեյթընը ֆեդերալ տիրույթ ա… անգամ էդտեղ գաղտնիության ու օրինականության խնդիրներ կան… հասկանում ե՞ս…

Սնօուդենը ոչ հերոս ա, ոչ դավաճան ա (որ դու ասում էիր), ոչ շպիոն ա (որ կասկածում էիր), ոչ խաբարբզիկ ա, ոչ էլ հետւյքային գյադա ա (որ հիմա ես ասում ու աստված գիտի էդ ինչ ա նշանակում)… he's a whisleblower ապեր, էլ ո՞նց բացատրեմ որ հասկանալի լինի…

ապեր, դու քո ենթադրությունները որպես փաստ ես ներկայացնում առանց հիմնավորման… քո պնդումները ոչ մի ձև չհիմնավորեցիր, բա եղա՞վ…

StrangeLittleGirl
20.08.2013, 11:58
Էրեկ ուրեմն էս հոդվածն (http://www.hurriyetdailynews.com/al-qaeda-targeting-european-rail-network-report.aspx?pageID=238&nID=52819&NewsCatID=351) եմ կարդում: Անկեղծ ասած, սկզբում ահագին վախեցա, բայց մեջը նենց մի տեսակ կեղտոտ բան էի տեսնում, որովհետև ԱՄՆ-ի մատը խառն էր:

Մտածեցի-մտածեցի, եկա սենց եզրակացության: Կարո՞ղ ա էս Սնոուդենի պատմություններից հետո ԱՄՆ-ն հավայի շուխուռ ա անում, որ ապացուցի, որ գաղտնալսելը լավ բան ա, թե՝ տեսեք-տեսեք տեռորիզմ ենք կանխում: Ու դա անում ա Գերմանիային՝ մի պետության, որը Հիտլերի վախտերից հետո ահավոր ծանր ա տանում մարդկանց հետևելու ու գաղտնալսելու երևույթը: Բայց ստեղ Գերմանիայի պատասխանը շատ դուրս էկավ, այսինքն՝ ասում ա դու հալովդ մնա ԱՄՆ, մենք առանց գաղտնալսելու էլ միշտ ուշադիր ենք, կարիք չկա հսկողությունն ուժեղացնելու:

ars83
07.09.2013, 18:35
Սնոուդենի հերթական տեղեկատվահոսքը, այս անգամ՝ NSA-ի և բրիտանական GCHQ-ի կողմից գաղտնագրված տեղեկության վերծանման մասին (http://www.theguardian.com/world/2013/sep/05/nsa-gchq-encryption-codes-security):
Չեմ հասկանում, թե այս տեղեկատվահոսքերն ինչպես են ժամանակ առ ժամանակ հայտնվում. Սնուդե՞նն է դրանք պարբերաբար ուղարկում թերթերին, որ տպագրեն, թե՞ թերթերն ունեն իրենց մոտ այս տեղեկությունները, որոնք պարբերաբար տպագրում են:

dvgray
07.09.2013, 20:33
Սնոուդենի հերթական տեղեկատվահոսքը, այս անգամ՝ NSA-ի և բրիտանական GCHQ-ի կողմից գաղտնագրված տեղեկության վերծանման մասին (http://www.theguardian.com/world/2013/sep/05/nsa-gchq-encryption-codes-security):
Չեմ հասկանում, թե այս տեղեկատվահոսքերն ինչպես են ժամանակ առ ժամանակ հայտնվում. Սնուդե՞նն է դրանք պարբերաբար ուղարկում թերթերին, որ տպագրեն, թե՞ թերթերն ունեն իրենց մոտ այս տեղեկությունները, որոնք պարբերաբար տպագրում են:

կարծում եմ որ սրանք մեծ քաղաքական պրոցեսների մասն են... էսպես ասած "հացն ու զվարճությունը"
ով՞ է սա անում, և ավելի կարևոր հարցը - ինչու՞ է սա անում, դա իսկապես հասկանալու հավանականությունը մեկ հազարերրորդ է սիմվոլիկ ասած:

մենք կարող ենք խոսալ ընդամենը մեզ տեսանելի ու լսելի հետևանքների մասին:
իմ տեսած ամենամեծ հետևանքը առայսօր այն է, որ շատ մարդիկ արևմուտքում դադարել են կարծիք հայտնել հրապարակայնորեն- մասնավորապես վիրտուալ աշխարհում, վախենալով իրենց աշխատատեղը կորցնելուց ու այլ տեսակի, հիմնականում ֆինանսական ռեպռեսիաներից:
սա մարդկանց բերանը փակելու մի յուրօրինակ ու բավականին գործուն միջոց է...
"-մենք ամեն ինչ տնսում եմ, մենք ամեն ինչ լսում ենք..." ահա այս գործի ամենամեծ մեսեջները ...

մինչև ժողովուրդը խելքի գա ու հասկանա որ վախենալ պետք չէ, իրանք մասնավորապես մի քանի "Սիրիա" կհսցնեն ցեղասպանել ...

Վիշապ
24.12.2013, 23:59
Կեցցե՛ ազատ Ռուսաստանը։ Կեցցե՛ Պուծինը։

Նախօրեին Սնոուդենը շնորհակալություն է հայտնել Ռուսաստանին իրեն ազատության մեջ ապրելու հնարավորություն տալու համար։ (http://www.tert.am/am/news/2013/12/24/snowden-mission/)