PDA

Դիտել ողջ տարբերակը : Տրանսլիտ. պատճառները, նպատակահարմարությունն ու հետևանքները



Chuk
02.07.2013, 11:18
Թեման ստեղծվել է «Թեմայից դուրս, բայց հետաքրքիր կամ կարևոր գրառումներ ("http://www.akumb.am/showthread.php/10353)» թեմայից առանձնացված 32 գրառումների հիման վրա:

Առաջարկում եմ այս թեմայում քննարկել տրանսլիտի պատճառները, տրանսլիտով գրելու նպատակահարմարությունը (տարբեր հարթակներում, դեպքերում, տարբեր սարքերով), տրանսլիտով գրելու հետևանքները:

Հիշեցնեմ, որ տրանսլիտ ասելով հասկանում ենք մի այբուբենի տառերով այլ լեզվով կատարված գրառումները: Հայերենի համար ամենատարածված տրանսլիտները լատինատառ հայերենն ա, ապա կիրիլիկ հայերենը:

StrangeLittleGirl
02.07.2013, 22:09
Բյուր, հլը մարշ գնա կարևոր հարցերը շոշափելու :)) Մինչև չշոշափես, աչքիս չերևաս :))

Հեսա կգնամ, էդ մեկնաբանության հեղինակին կշոշափեմ :D




Ուրիշ բան չհասկանաք, իրա կիրիլատառ գրելը շատ ավելի կարևոր հարց ա :))

Ուլուանա
02.07.2013, 22:44
Ուրիշ բան չհասկանաք, իրա կիրիլատառ գրելը շատ ավելի կարևոր հարց ա :))
Հա, իսկականից կիրիլատառը լատինատառից էլ բեթար ա, ուղղակի որ ավելի քիչ ա հանդիպում, դրա մասին չի խոսվում, բայց որ խորանում ես, գրավոր անճոռնիության վերին աստիճան ա :[։

StrangeLittleGirl
02.07.2013, 22:47
Հա, իսկականից կիրիլատառը լատինատառից էլ բեթար ա, ուղղակի որ ավելի քիչ ա հանդիպում, դրա մասին չի խոսվում, բայց որ խորանում ես, գրավոր անճոռնիության վերին աստիճան ա :[։

Ինձ համար նույն զիբիլն ա, բայց ավելի վիրավորական տեսակը: Այսինքն, ստացվում ա, որ տվյալ անձն ուրիշ ստեղնաշար ունենալու հնարավորություն ունի, բայց նախընտրում ա հայատառ չգրել:

Ուլուանա
02.07.2013, 22:49
Ինձ համար նույն զիբիլն ա, բայց ավելի վիրավորական տեսակը: Այսինքն, ստացվում ա, որ տվյալ անձն ուրիշ ստեղնաշար ունենալու հնարավորություն ունի, բայց նախընտրում ա հայատառ չգրել:
Նույնը չի։ Բացի նշածդ պատճառից, զուտ կարդալու համար էլ ավելի տհաճ ու դժվարընթեռնելի ա՝ պայմանավորված հայերենի ու ռուսերենի հնչյունական տարբերություններով։ Լատինատառը կիրիլատառի համեմատ դեռ ավելի ճիշտ ա արտահայտում հայերենի հնչյունները։ Կիրիլատառով լրիվ խեղկատակություն ա դառնում հայերեն խոսքը։

StrangeLittleGirl
02.07.2013, 22:57
Նույնը չի։ Բացի նշածդ պատճառից, զուտ կարդալու համար էլ ավելի տհաճ ու դժվարընթեռնելի ա՝ պայմանավորված հայերենի ու ռուսերենի հնչյունական տարբերություններով։ Լատինատառը կիրիլատառի համեմատ դեռ ավելի ճիշտ ա արտահայտում հայերենի հնչյունները։ Կիրիլատառով լրիվ խեղկատակություն ա դառնում հայերեն խոսքը։

Ես նույն կերպ եմ ընկալում, լատինատառին լրիվ հետ եմ սովորել, բան չեմ հասկանում:

Ուլուանա
02.07.2013, 23:02
Ես նույն կերպ եմ ընկալում, լատինատառին լրիվ հետ եմ սովորել, բան չեմ հասկանում:
Հա՜, դե դու ֆեյսբուք չես մտնում, չէ՞։ Ասա՝ կարգին հիգիենիկ պայմաններում ես ապրում, էլի :))։

StrangeLittleGirl
02.07.2013, 23:08
Հա՜, դե դու ֆեյսբուք չես մտնում, չէ՞։ Ասա՝ կարգին հիգիենիկ պայմաններում ես ապրում, էլի :))։

Բա :)) դրա համար ա սիրտս վատանում տենց քոմենթներ տեսնելիս:

Տրիբուն
02.07.2013, 23:15
Հա՜, դե դու ֆեյսբուք չես մտնում, չէ՞։ Ասա՝ կարգին հիգիենիկ պայմաններում ես ապրում, էլի :))։

Մենակ էտ լատինատառ գրառումների պատճառով կարելի ա ֆեյսբուք վաբշե չունենալ, ոչ թե ուղղակի չմտնել: Եթե հայերենը գրած ա բացի հայատառից ուրիշ կերպ, ում գրածն ուզում ա լինի, ու ինչի մասին ուզում ա լինի, կյանքում չեմ կարդա: Ուղղակի իգնոր կանեմ, նույնիսկ եթե աշխարհքիս վերջին խելոք միտքը գրած լինի:

One_Way_Ticket
03.07.2013, 10:28
Մենակ էտ լատինատառ գրառումների պատճառով կարելի ա ֆեյսբուք վաբշե չունենալ, ոչ թե ուղղակի չմտնել: Եթե հայերենը գրած ա բացի հայատառից ուրիշ կերպ, ում գրածն ուզում ա լինի, ու ինչի մասին ուզում ա լինի, կյանքում չեմ կարդա: Ուղղակի իգնոր կանեմ, նույնիսկ եթե աշխարհքիս վերջին խելոք միտքը գրած լինի:
Իմ ֆեյսբուքյան ընկերների մեջ գրեթե մարդ չի մնացել ով տրանսլիտով գրի: Նույնիսկ այն մարդիկ, ովքեր դեռ մի տարի առաջ ինձ ամեն կերպ համոզում էին որ տրանսլիտն է ճիշտը, նեղանում էին, որ հայատառ եմ գրում, որովհետև իրենց դա դժվար է կարդալ, աստիճանաբար իրենք էլ հայատառի անցան:

StrangeLittleGirl
03.07.2013, 10:47
Իմ ֆեյսբուքյան ընկերների մեջ գրեթե մարդ չի մնացել ով տրանսլիտով գրի: Նույնիսկ այն մարդիկ, ովքեր դեռ մի տարի առաջ ինձ ամեն կերպ համոզում էին որ տրանսլիտն է ճիշտը, նեղանում էին, որ հայատառ եմ գրում, որովհետև իրենց դա դժվար է կարդալ, աստիճանաբար իրենք էլ հայատառի անցան:

Իմոնք անուղղելի էին: Մի մասը զոռով-շառով անցավ հայատառի, մյուսները մինչև հիմա էլ լատինատառ են գրում: Զատո ես չկամ Ֆեյսբուքում, որ էդ սարսափը տեսնեմ:

Smokie
03.07.2013, 11:45
Ես միանշանակ հայատառի (քիչ էր մնում գրեի լատինատառի:D) կողմնակից եմ՝ անչափ ուրախանում եմ, երբ հայատառ ստատուս եմ տեսնում ու ես էլ եմ մեծամասամբ հայատառ գրում, նույնիսկ չատով խոսելիս::) Բայց լատինատառ կարդալը իմ համար բոլորովին բարդ ու անհասկանալի չի, լատինատառ գրառում տեսնելուց հեշտությամբ կկարդամ այն, գրառողն էլ չի իգնորվի:

Իսկ օրինակ FB-ի «Մայրենի լեզվի դասընթացներ» խմբում լատինատառ գրառումները խստիվ արգելվում ու ջնջվում են՝ էնպես ա, որ եթե լատինատառ գրառում, կամ մեկնաբանություն տեսնեմ, համ տհաճ կլինի, համ կվախենամ էդ գրառողի փոխարեն, համ էլ կմտածեմ «ինչի՞ գրեց»: Արդեն էնպես ա մոտս տպավորվել էդ խումբը, որ մյուս խմբերի լատինատառերն էլ են սկսում վատ ազդեցություն թողնել:))

StrangeLittleGirl
03.07.2013, 12:11
Սմոք, ես արդեն երկուսուկես ամիս ա ընդհանրապես լատինատառ հայերեն չեմ տեսնում: Մինչև էդ էլ չորով իգնոր էի անում: Ասենք, կարող ա նամակ գրեին, պատասխանեի՝ կներեք, կոմպս լատինատառ չի կարդում:

keyboard
03.07.2013, 12:22
Մեռնե~մ ձեր հայրենասեր ջանին ես, էն որ հայերեն դեռ չկար, ոչմեկդ ինտերնետից չէիք օգտվում չէ? :D
Իմ համար բացարձակապես մեկ ա, լատինատառ ա, թե հայատառ, ռուսատառ ա թե եսիմինչատառ ու եթե իմ զրուցակցին տենց հարամա հաղորդակցվելը ու ինքը ինձ հետաքրքիր ա, ես իմ հայատառը իրա վզին չեմ փաթաթի ու իրա հետ շփվելուց, միայն նրա համար, որ ինքը ինձ լատինատառ ա գրում, չեմ հրաժարվի ու դրա համար, որևէ պորտալ կամ կայք չեմ թողնի, ասեմ լատինատառ են գրում:
Իհարկե, ես առաջարկում եմ, որ շփումը լինի հայատառ, բայց եթե մարդը սովոր ա նենց, ինչը հիմք ա եղել բոլորիս համար, քանզի տենց մեկը չկա ստեղ երևի, որ լատինատառ գրելով չի սկսել հաղորդակցվել ինտերնետում, ապա դա իմ համար խոչնդոտ չի, որ ես դադարեցնեմ շփումը կամ դրանից ինձ վատ զգամ:
Ձեզ դուր ա գալիս ձեզ սահմանափակելը, մյուսներին դուր չի գալիս: greq hayatar, mernem dzer janin :D

StrangeLittleGirl
03.07.2013, 12:28
Իմ բլոգը երեք տարի անգլերեն ա էղել մենակ էն պատճառով, որ չէի ուզում լատինատառ գրել: Հըմ, հա, սաղս էլ անցել ենք դրա միջով, բայց կոնկրետ ինձ համար միշտ էլ ահավոր տհաճ ա էղել լատինատառ հայերեն գրելը: Իսկ հիմա, երբ տեխնիկական խոչընդոտներ չկան, որևէ մեկը որևէ տեսակի արդարացում չունի լատինատառ գրելու համար, բացառությամբ՝ ես թքած ունեմ քո լեզվի վրա, ինձ սենց հարմար ա: Թքած ունես լեզվիս վրա, ուրեմն թքած ունես նաև ինձ վրա: Բայ-բայ:

Ի դեպ, չնայած կիրիլիցա չունեմ, նույնիսկ ռուսերենը լատինատառ չեմ գրում՝ հարգելով դիմացինի լեզուն:

One_Way_Ticket
03.07.2013, 12:43
Ես էլ հեչ չեմ սիրում, որ հայատառ գրելը հայրենասիրության հետ են կապում։ Չէ, ընդամենը տարրական հարգանք է գրածդ կարդացողի նկատմամբ։ Ոնց որ ուղղագրությունն ու կետադրությունը։ Մի ծանոթ ունեմ, ստորակետներ բացարձակապես չի դնում։ Իր երկար գրառումները ես չեմ կարդում, որովհետև սովորականից ավելի ջանք պիտի գործադրեմ։ Իրենից ավելի քիչ ջանք կպահանջվեր գրածը նորմալ կետադրել։

One_Way_Ticket
03.07.2013, 12:50
Նույնը չի։ Բացի նշածդ պատճառից, զուտ կարդալու համար էլ ավելի տհաճ ու դժվարընթեռնելի ա՝ պայմանավորված հայերենի ու ռուսերենի հնչյունական տարբերություններով։ Լատինատառը կիրիլատառի համեմատ դեռ ավելի ճիշտ ա արտահայտում հայերենի հնչյունները։ Կիրիլատառով լրիվ խեղկատակություն ա դառնում հայերեն խոսքը։
Չէ, համաձայն չեմ։ Այբուբենը հնչյունաբանության հետ անմիջական կապ չունի։ Պարզապես մեզ մոտ կիրիլլիցան բացառապես ռուսերենի հետ է ասոցիացվում։ Դրա համար տրանսլիտը մտքիդ մեջ արտասանելիս т-ն "տ" ես արտասանում, նույնիսկ երբ ակնհայտ է որ այն "թ" է։ Իսկ լատինատառ t-ն կարտասանես "թ" կամ "տ", ոնց ուզես, քանի որ տարբեր լեզուներում այն տարբեր կերպ է հնչում։

keyboard
03.07.2013, 12:54
Բյուր, հետդ համաձայն չեմ, ինչ կապ ունի լեզուն, զուտ սովորության կամ ռեֆլեքսի հետ:
Հիմա օրինակ, երբ ասենք ընկերոջս հետ սկայպով խոսում ենք գրելով` լատինատառ եմ գրում, որտև տենց ա ռեֆլեքս ձևավորված մեջս, բայց հենց ակումբի էջը բացում եմ միանգամից հայերեն եմ գրում, հայատառ:
Հիմա քո ասածից դուրս ա գալիս, որ ընկերս թքած ունի իմ վրա, ես` իրա :D
Ինչ կապ ունի լեզուն ու տառերը, եթե դիմացինիդ կարևոր ա զուտ քեզ հասկանալը կամ քեզ կարևոր ա զուտ դիմացինիդ հասկանալը:
Ես չեմ բացառում, որ ասենք դու քո մտածելակերպն ունես, ես` իմը, բայց ամեն դեպքում քո ասածը մի քիչ դոգմատիկ ա, մանավանդ եթե խսոը զուտ սովորության ու հարմարության մասին ա, ոչ թե քաղաքականացված կամ լեզվի վրա թքած ունենալ չունենալու:

One_Way_Ticket
03.07.2013, 12:58
keyboard ջան, կան ուղղագրության ընդունված նորմեր։ Էդ ինչու՞ ենք դպրոցում անցնում լեզվի ուղղագրությունը։ Քո ասածով ստացվում է որ անպետք առարկա է, ով ոնց ուզում է, թող գրի։
Բայց երևի այն, որ բոլոր լեզուներն ուղղագրություն ունեն, օդից չի ծնվել։ Մարդիկ ժամանակին հասկացել են, որ եթե նույն բառը բոլորը նույն ձև գրեն, կարդալն էլ բոլորին ավելի հեշտ ու հաճելի կլինի։

keyboard
03.07.2013, 13:04
keyboard ջան, կան ուղղագրության ընդունված նորմեր։ Էդ ինչու՞ ենք դպրոցում անցնում լեզվի ուղղագրությունը։ Քո ասածով ստացվում է որ անպետք առարկա է, ով ոնց ուզում է, թող գրի։
Բայց երևի այն, որ բոլոր լեզուներն ուղղագրություն ունեն, օդից չի ծնվել։ Մարդիկ ժամանակին հասկացել են, որ եթե նույն բառը բոլորը նույն ձև գրեն, կարդալն էլ բոլորին ավելի հեշտ ու հաճելի կլինի։

հիմի լատինատառից անցանք ուղղագրության, իմ ասածի մեջ ուղղագրությանը վերաբերվող որևէ բառ կա՞ր, այ հոգուտ ղուրբան, քեզ պրոբլեմա առանց ստորակետ կարդալը, ինձ համար առհասարակ պռոբլեմ չի, քեզ պռոբլեմա ղ-ն խ կարդալ, ինձ պռոբլեմ չի, բացի այդ ուղղագրությունը ոչ մի կապ չունի լատինատառի հետ, քանզի եթե դու գիտես բառի ճիշտ ուղղագրությունը, անգամ լատինատռ դու այն ճիշտ ես գրում, օրինակ՝ համաշխարհային - hamashxarhayin, բարձրանալ -bardzranal և այլն, ասենք եթե մեկը լատինատառ գրում ա barcranal ամենայն հավանականությամբ ինքը հայատառ էլ ա գրելու բարցրանալ :)

Հ.Գ. ես շատ լավ գիտեմ, որ հայատառ գրելու հնարավորություններն ավելի մեծ են ուղղագրական սխալներ չանելու ու բառի իմաստը ճիշտ գրելու, իսկ լատնիատառով օինակ tnoren կամ pastoren բառերը նույն ձև են գրվում իսկ հայատառ ուրիշ ձև, դրա մասին չի գրածս:

One_Way_Ticket
03.07.2013, 13:09
Մենք "չանցանք" ուղղագրության։ Հայատառ գրելը հայերենի ուղղագրության թիվ մեկ պայմանն է։

keyboard
03.07.2013, 13:13
Մենք "չանցանք" ուղղագրության։ Հայատառ գրելը հայերենի ուղղագրության թիվ մեկ պայմանն է։

Ապրի արևդ, քո ու Բյուրի ասածի հետևություն.

1. Լատինատառ գրողները թքած ունեն իմ լեզվի ու իմ վրա, բայց արի ու տես, որ լատինատառ գրողներից շատերը կարան ինձանից ու գվենիկից շատ բան արած լինեն հայրենիքի ու լեզվի համար, բայց դե էդ ջանդամ:
2. Եթե դու գրում ես հայատառ ու ուղղագրական սխալ ես անում` ուրեմն դու անգրագետ, լեզվիդ վրա թքած ունեցող, դիմացինիդ չհարգոգ դուռակի մեկն ես, որ հայատառ ես գրում զուտ պոպուլիզմի ու ցուցադրական բաների համար:

Ոչ մի ավել բան իմ բերած կետերում:

One_Way_Ticket
03.07.2013, 13:30
Ճիշտն ասած, պատրաստվում էի ըստ կետերի պատասխանել, բայց հետո հասկացա, որ դու խելացի մարդ ես, ինքդ էլ ես գիտակցում, որ իմ ասածներից նման բաներ չէին հետևում։ Քեզ որևէ բան համոզելը ըստ այդմ անիմաստ եմ համարում, դու պարզապես ցանկություն չունես դիմացինիդ տեսակետը հասկանալու։

keyboard
03.07.2013, 13:35
Ճիշտն ասած, պատրաստվում էի ըստ կետերի պատասխանել, բայց հետո հասկացա, որ դու խելացի մարդ ես, ինքդ էլ ես գիտակցում, որ իմ ասածներից նման բաներ չէին հետևում։ Քեզ որևէ բան համոզելը ըստ այդմ անիմաստ եմ համարում, դու պարզապես ցանկություն չունես դիմացինիդ տեսակետը հասկանալու։

տեսակետը հասկանում եմ, բռթելը չեմ հասկանում :)

CactuSoul
03.07.2013, 13:47
Եթե կա մեկը, հատկապես տրանսլիտը պաշտպանողներից, ով սա չի կարդացել, խորհուրդ եմ տալիս կարդալ:

Վերք հայերենի (http://www.karenkarslyan.com/blog/2010/07/12/translit/)

Alphaone
03.07.2013, 14:42
Եթե կա մեկը, հատկապես տրանսլիտը պաշտպանողներից, ով սա չի կարդացել, խորհուրդ եմ տալիս կարդալ:

Վերք հայերենի (http://www.karenkarslyan.com/blog/2010/07/12/translit/)

Կակտուսս, նոր ոնց որ Շինարարն էր, ֆեյսբուքում ակումբցիներից դնող կար, կարդացել եմ, գռեհիկ բաներ էլ էր գրված, բայց շատ դիպուկ բաներ էլ կային :)

Շինարար
03.07.2013, 17:39
Մեռնե~մ ձեր հայրենասեր ջանին ես, էն որ հայերեն դեռ չկար, ոչմեկդ ինտերնետից չէիք օգտվում չէ? :D
Իմ համար բացարձակապես մեկ ա, լատինատառ ա, թե հայատառ, ռուսատառ ա թե եսիմինչատառ ու եթե իմ զրուցակցին տենց հարամա հաղորդակցվելը ու ինքը ինձ հետաքրքիր ա, ես իմ հայատառը իրա վզին չեմ փաթաթի ու իրա հետ շփվելուց, միայն նրա համար, որ ինքը ինձ լատինատառ ա գրում, չեմ հրաժարվի ու դրա համար, որևէ պորտալ կամ կայք չեմ թողնի, ասեմ լատինատառ են գրում:
Իհարկե, ես առաջարկում եմ, որ շփումը լինի հայատառ, բայց եթե մարդը սովոր ա նենց, ինչը հիմք ա եղել բոլորիս համար, քանզի տենց մեկը չկա ստեղ երևի, որ լատինատառ գրելով չի սկսել հաղորդակցվել ինտերնետում, ապա դա իմ համար խոչնդոտ չի, որ ես դադարեցնեմ շփումը կամ դրանից ինձ վատ զգամ:
Ձեզ դուր ա գալիս ձեզ սահմանափակելը, մյուսներին դուր չի գալիս: greq hayatar, mernem dzer janin :Dkeyboard ջան, նախ ուղեղս չի մտնում, թե ոնց կարող ա մեկին հարմար լինել լատինատառ գրելը, երբ ինքը 10-12 տարի դպրոցում հայերենը գրել ա մեսրոպատառ, այլ բան ա, եթե խոսում ա հայերեն, բայց տառերը չգիտի, բայց բացառություններից չենք չէ՞ խոսում: Ասել ասողը՝ մեսրոպատառ գրելն ու հայրենասեր լինելը տարբեր բաներ են. կարելի է լինել հայրենասեր ու գրել լատինատառ, կարելի է գրել մեսրոպատառ ու լինել ոչ հայրենասեր, բայց կարելի է նաև լինել հայրենասեր ու գրել մեսրոպատառ, նաև հարկերը վճարել, տուն կառուցել, տղա ունենալ, ծառ տնկել, ազատ ժամանակ սպորտով զբաղվել, նույնիսկ ծխելը թողնել, չէ՞:

keyboard
03.07.2013, 18:15
keyboard ջան, նախ ուղեղս չի մտնում, թե ոնց կարող ա մեկին հարմար լինել լատինատառ գրելը, երբ ինքը 10-12 տարի դպրոցում հայերենը գրել ա մեսրոպատառ, այլ բան ա, եթե խոսում ա հայերեն, բայց տառերը չգիտի, բայց բացառություններից չենք չէ՞ խոսում: Ասել ասողը՝ մեսրոպատառ գրելն ու հայրենասեր լինելը տարբեր բաներ են. կարելի է լինել հայրենասեր ու գրել լատինատառ, կարելի է գրել մեսրոպատառ ու լինել ոչ հայրենասեր, բայց կարելի է նաև լինել հայրենասեր ու գրել մեսրոպատառ, նաև հարկերը վճարել, տուն կառուցել, տղա ունենալ, ծառ տնկել, ազատ ժամանակ սպորտով զբաղվել, նույնիսկ ծխելը թողնել, չէ՞:

Հարկեր ասիր միտս ընկավ, էս ամիս եռամսյակ եմ փակում :D

Հա Շին ջան, չոտկի ես ասում, բայց ես լատինատառ գրող մարդկանց նման որակավորում չեմ տալիս եղբայր, իմ ասածն ընդամենը դա է ու ես կրկնվեմ երևի, ես` մարդու լատինատառ շփումից ելնելով իր մասին կարծիք չեմ կազմի ու շփումս չեմ դադարեցնի, ըդամենը էսքանը:

Հ.Գ. Որ տղա չունեմ, դրա համար էս ասածներս չի անցնում չէ՞ :D

Շինարար
03.07.2013, 20:48
Հարկեր ասիր միտս ընկավ, էս ամիս եռամսյակ եմ փակում :D

Հա Շին ջան, չոտկի ես ասում, բայց ես լատինատառ գրող մարդկանց նման որակավորում չեմ տալիս եղբայր, իմ ասածն ընդամենը դա է ու ես կրկնվեմ երևի, ես` մարդու լատինատառ շփումից ելնելով իր մասին կարծիք չեմ կազմի ու շփումս չեմ դադարեցնի, ըդամենը էսքանը:

Հ.Գ. Որ տղա չունեմ, դրա համար էս ասածներս չի անցնում չէ՞ :D

Դե մարդկանց հետ շփվում ենք, երբ ընդհանուր ինչ-որ բաներ ենք ունենում իրանց հետո, շփման եզրեր: Ես չգիտեմ՝ ով ինչ որակումներ ա տվել, բայց ինտերնետում, վիրտուալ շփման մեջ շփման եզր կարա լինի նաև մեսրոպատառ գրել-չգրելը, որովհետև եթե ինձ դժվար ա կարդալ ոչ մեսրոպատառ հայերենը, ես չեմ ուզում դա կարդալ: Ինտերնետից դուրս նույն մարդու հետ կարող եմ շփվել ավելի շատ, քան ցանկացած որևէ մեկի, որովհետև ինքն իմ հին, լավ ընկերն է, եղբայրն է, ազգականն է, ու ուրիշ մարդկանց հետ առօրյա շփման մեջ ես էդքան ընդհանրություններ չունեմ:

Երբ ես առաջին անգամ օնլայն պետք է նամակ գրեի իմ դասախոսին, ում չէի տեսել, միայն լսել էի իր մասին ու էնպես էր, որ առաջիկա 2 տարում վիրտուալ պետք է շփվեինք, մեյլ բացեցի՝ ավանդական հայկական անունով, այսինքն՝ անունս ու կպած՝ ջան, լատինատառ գրեցի, որ ես եմ էն ուսանողը, ում հետ պիտի աշխատեք: Սա իմ առաջին առնչություններից էր ինտերնետի հետ, պատկերացնում եմ էդ կինը ինչ շոկ ապրեց, բայց ինձ պատասխանեց, որ գրածս լատինատառ տեքստը չի կարողացել վերծանել, ինչպես նաև էլեկտրոնային հասցես իրեն տարակուսանքի մեջ է գցել, ընդ որում՝ ինքը ռուսախոս էր, բայց գրում էր գրագետ մեսրոպատառ հայերենով: Ես խայտառակված էի, առաջին տպավորության մարտը տանուլ էի տվել: Իհարկե դրանից հետո հնարավորինս խուսափում եմ լատինատառից, մանավանդ հրապարակային, չատով՝ մեկ-մեկ, եթե ուղղակի մի հարց եմ ճշտում, բայց դա էլ ա սխալ: Հետո արդեն կարող էի գլուխ գովալ, որ ինտերնետում իմ գրած առաջին նախադասությունը հայատառ ա եղել, որովհետև հրապարակային իրոք էդպես ա եղել: Մեսրոպատառ տեքստերով կարողացա դասախոսիս մոտ վարկանիշս վերականգնել, մենք ոչ միայն այդ երկու տարին իրար հետ աշխատեցինք, այլ հետո ևս 4 տարի:

Մեսրոպատառը պետք ա քարոզել, այո, երբեմն նաև սուր որակումներով, Մեսրոպ Մաշտոցը հենց էնպես չի ստեղծել էս տառերը՝ աշխարհի ամենասիրուն տառերը, էն ժամանակ էլ հունարենի տառերը կային էլի: Բոլորս էլ գիտենք, որ տեղ ա եկել, էս տառերը մեզ համար սրին են փոխարինել, մենք շատ բան չունենք գլուխ գովալու, իսկ ունեցածն էլ էս տառերով ա գրած: Ամեն մի լատինատառ գրել քոռացնում ա մեր սուրը: Ինձ տենց ա թվում:

Տղա ունենալը կապ չունի, keyboard ջան, ես ոչ տղա ունեմ, ոչ աղջիկ, ոչ ծառ եմ տնկում, ոչ տուն եմ կառուցել (մեղա-մեղա), ոչ ծխելն էլ կարում թողնել, այ սպորտով զբաղվում եմ, պրոֆեսիոնալ բուքրիդեր եմ :)) Ուղղակի մեսրոպատառ գրելը կարևոր է, դրա համար էլ մարդիկ տենց պաշտպանում են:

StrangeLittleGirl
04.07.2013, 01:51
Բյուր, հետդ համաձայն չեմ, ինչ կապ ունի լեզուն, զուտ սովորության կամ ռեֆլեքսի հետ:
Հիմա օրինակ, երբ ասենք ընկերոջս հետ սկայպով խոսում ենք գրելով` լատինատառ եմ գրում, որտև տենց ա ռեֆլեքս ձևավորված մեջս, բայց հենց ակումբի էջը բացում եմ միանգամից հայերեն եմ գրում, հայատառ:
Հիմա քո ասածից դուրս ա գալիս, որ ընկերս թքած ունի իմ վրա, ես` իրա :D
Ինչ կապ ունի լեզուն ու տառերը, եթե դիմացինիդ կարևոր ա զուտ քեզ հասկանալը կամ քեզ կարևոր ա զուտ դիմացինիդ հասկանալը:
Ես չեմ բացառում, որ ասենք դու քո մտածելակերպն ունես, ես` իմը, բայց ամեն դեպքում քո ասածը մի քիչ դոգմատիկ ա, մանավանդ եթե խսոը զուտ սովորության ու հարմարության մասին ա, ոչ թե քաղաքականացված կամ լեզվի վրա թքած ունենալ չունենալու:

Դու քո ընկերոջ հետ ինչ տառերով ուզում ես, խոսի: Բայց ինձ համար հայատառ գրելը սկզբունք ա, ու ես տարրական հարգանք եմ պահանջում իմ լեզվի նկատմամբ: Որտեղ ոնց ուզում ես գրի, բայց եթե ուզում ես մի բան գրել, որ ես հասկանամ կամ զրուցում ես ինձ հետ, ես պահանջում եմ հարգել լեզվի տարրական կանոնները: Ես լատինատառ հայերենը չեմ հասկանում:

Ձայնալար
04.07.2013, 07:49
Դե մարդկանց հետ շփվում ենք, երբ ընդհանուր ինչ-որ բաներ ենք ունենում իրանց հետո, շփման եզրեր: Ես չգիտեմ՝ ով ինչ որակումներ ա տվել, բայց ինտերնետում, վիրտուալ շփման մեջ շփման եզր կարա լինի նաև մեսրոպատառ գրել-չգրելը, որովհետև եթե ինձ դժվար ա կարդալ ոչ մեսրոպատառ հայերենը, ես չեմ ուզում դա կարդալ: Ինտերնետից դուրս նույն մարդու հետ կարող եմ շփվել ավելի շատ, քան ցանկացած որևէ մեկի, որովհետև ինքն իմ հին, լավ ընկերն է, եղբայրն է, ազգականն է, ու ուրիշ մարդկանց հետ առօրյա շփման մեջ ես էդքան ընդհանրություններ չունեմ:

Երբ ես առաջին անգամ օնլայն պետք է նամակ գրեի իմ դասախոսին, ում չէի տեսել, միայն լսել էի իր մասին ու էնպես էր, որ առաջիկա 2 տարում վիրտուալ պետք է շփվեինք, մեյլ բացեցի՝ ավանդական հայկական անունով, այսինքն՝ անունս ու կպած՝ ջան, լատինատառ գրեցի, որ ես եմ էն ուսանողը, ում հետ պիտի աշխատեք: Սա իմ առաջին առնչություններից էր ինտերնետի հետ, պատկերացնում եմ էդ կինը ինչ շոկ ապրեց, բայց ինձ պատասխանեց, որ գրածս լատինատառ տեքստը չի կարողացել վերծանել, ինչպես նաև էլեկտրոնային հասցես իրեն տարակուսանքի մեջ է գցել, ընդ որում՝ ինքը ռուսախոս էր, բայց գրում էր գրագետ մեսրոպատառ հայերենով: Ես խայտառակված էի, առաջին տպավորության մարտը տանուլ էի տվել: Իհարկե դրանից հետո հնարավորինս խուսափում եմ լատինատառից, մանավանդ հրապարակային, չատով՝ մեկ-մեկ, եթե ուղղակի մի հարց եմ ճշտում, բայց դա էլ ա սխալ: Հետո արդեն կարող էի գլուխ գովալ, որ ինտերնետում իմ գրած առաջին նախադասությունը հայատառ ա եղել, որովհետև հրապարակային իրոք էդպես ա եղել: Մեսրոպատառ տեքստերով կարողացա դասախոսիս մոտ վարկանիշս վերականգնել, մենք ոչ միայն այդ երկու տարին իրար հետ աշխատեցինք, այլ հետո ևս 4 տարի:

Մեսրոպատառը պետք ա քարոզել, այո, երբեմն նաև սուր որակումներով, Մեսրոպ Մաշտոցը հենց էնպես չի ստեղծել էս տառերը՝ աշխարհի ամենասիրուն տառերը, էն ժամանակ էլ հունարենի տառերը կային էլի: Բոլորս էլ գիտենք, որ տեղ ա եկել, էս տառերը մեզ համար սրին են փոխարինել, մենք շատ բան չունենք գլուխ գովալու, իսկ ունեցածն էլ էս տառերով ա գրած: Ամեն մի լատինատառ գրել քոռացնում ա մեր սուրը: Ինձ տենց ա թվում:

Տղա ունենալը կապ չունի, keyboard ջան, ես ոչ տղա ունեմ, ոչ աղջիկ, ոչ ծառ եմ տնկում, ոչ տուն եմ կառուցել (մեղա-մեղա), ոչ ծխելն էլ կարում թողնել, այ սպորտով զբաղվում եմ, պրոֆեսիոնալ բուքրիդեր եմ :)) Ուղղակի մեսրոպատառ գրելը կարևոր է, դրա համար էլ մարդիկ տենց պաշտպանում են:

Շին ջան, ախր դու լավ ես գրում, բայց էն բլոգային գրառումը որի հղումը ստեղ դրվեց, անդուր էր գրված ու ակամայից հակառակվելու ցանկություն առաջացրեց նույնիսկ իմ մոտ:
Փորձել էր հումորով գրել, բայց գռեհիկ էր ստացվել: Այսինքը գռեհիկի բաժինը ավելի շատ էր: Ես ընդունում եմ գռեհկությունը, եթե դրանից տեքստը ավելի համով ա դառնում, բայց ստեղ լրիվ անհամություն էր:

Իսկ բուն թեմայով կասեմ, որ մարդիկ պետք ա հասկանան, որ տրանսլիտով գրելը ԱՄՈԹ ա: Այսինքը ժարգոնով կամ քֆուրով խոսալու պես բան ա: Բոլորս էլ երբեմն ժարգոն երբեմն նաև հայհոյանք օգտագործում ենք, բայց հրապարակային կամ պաշտոնական նամակագրության մեջ տրանսլիտը ամոթ ա, անգրագիտություն ա, անհարմար ա, անիմաստ ա: Երբեմն պաշտոնական նամակ ես ստանում տրանսլիտով, էդ ահավոր ա:

Բայց նաև չեմ ընդունում ծայրահեղություննեը, որ ասենք մեկին չաթով գրես barev պատասխանի իմ հետ միայն հայատառ: Չնայած էս անցումային փուլում միգուցե ծայրահեղություններն անխուսափելի են, մինչև որ մարդիկ alt-shift -ի տեղը սովորեն:

One_Way_Ticket
04.07.2013, 10:03
Ժամանակին ես ֆեյսբուքում այսպիսի գրառում եմ արել.

Տրանսլիտին ես վերաբերվում եմ ինչպես ծխելուն։ Թե մեկը, թե մյուսը չի խոսում մարդու որակների մասին։ Արտահայտված մտքի բովանդակության հետ ուղիղ կապ դա չունի։ Պարզապես տհաճ է տրանսլիտով գրված տեքստը կարդալը։ Ոնց որ եթե այդ միտքը բանավոր ասողը կողքս ծխեր այդ պահին։ Մեկ-մեկ որ յութուբում կամ ինչ-որ այլ ռեսուրսում մի տեսահոլովակ եմ դիտում կամ նորություն կարդում, հետո անցնում տակի մեկնաբանությունների վրայով, որտեղ գրեթե ամբողջությամբ տրանսլիտ է, ոնց որ կուռիլկա մտնեմ։ Միանգամից փակում եմ ու վերադառնում իմ ֆեյսբուքի էջը, որտեղ ընկերներիցս շատ քչերն են տրանսլիտով գրում։ Ուխ, մաքուր օդ։
Եվ մեկնաբանություններիցս մեկը.

բան չունեմ ասելու, մարդ կա տեխնիկապես հնարավորություն չունի հայատառ գրելու, կամ ինչ-որ ուրիշ պատճառ ունի։ Ինձ համար տհաճ է տրանսլիտ կարդալը անկախ պատճառից։ Ոնց որ տհաճ է սիգարետի ծուխը շնչելը։ Մարդկանց ես վատ չեմ վերաբերվում դրա հիման վրա, հենց ինձ ամենամոտ ու սիրելի մարդկանց մեջ կան ծխողներ ու տրանսլիտով գրողներ։ Բլոկ անելուն, համապատասխանաբար, բացասական եմ վերաբերվում, դա նույնն է, որ ասես "իմ կողքը չծխեք": Մյուս կողմից, նորմալ եմ վերաբերվում, եթե որևէ հայկական կայքի ադմինիստրացիան արգելում է տրանսլիտով գրառումներ անել (օրինակ, akumb.am-ը)։ Ինչպես ռեստորանը կարող է արգելել ներսում ծխելը։

StrangeLittleGirl
04.07.2013, 12:29
One Way, կարող ա մի տասը տարի առաջ քո ասածը ճիշտ լիներ, բայց մեր օրերում, երբ հայատառ գրելը բացարձակապես տեխնիկապես դժվար չէ, տրանսլիտով գրելը հաճախ անբովանդակ տեքստի նշան ա: Չեմ ասում՝ ուղիղ գծային կապ կա, բայց հաստատ տրանսլիտով տեքստերի մեջ անբովանդակներն ավելի մեծ տոկոս են կազմում: Կարող ես բացել ամենայն հայոց վիրտուալ աղբանոցներն ու մեկնաբանությունները կարդալ: Հիմնականում տրանսլիտով անկապ, ոչինչ չասող նացիոնալիստական (հասկանու՞մ եք՝ նացիոնալիստակա՜ն) կամ սրան-նրան թունդ վիրավորող ելույթներ են:

Chuk
04.07.2013, 13:00
Մոդերատորական. Թեման ստեղծվել է «Թեմայից դուրս, բայց հետաքրքիր կամ կարևոր գրառումներ ("http://www.akumb.am/showthread.php/10353)» թեմայից առանձնացված 32 գրառումների հիման վրա:

Առաջարկում եմ այս թեմայում քննարկել տրանսլիտի պատճառները, տրանսլիտով գրելու նպատակահարմարությունը (տարբեր հարթակներում, դեպքերում, տարբեր սարքերով), տրանսլիտով գրելու հետևանքները:

Հիշեցնեմ, որ տրանսլիտ ասելով հասկանում ենք մի այբուբենի տառերով այլ լեզվով կատարված գրառումները: Հայերենի համար ամենատարածված տրանսլիտները լատինատառ հայերենն ա, ապա կիրիլիկ հայերենը:

StrangeLittleGirl
04.07.2013, 13:25
Ապրի արևդ, քո ու Բյուրի ասածի հետևություն.

1. Լատինատառ գրողները թքած ունեն իմ լեզվի ու իմ վրա, բայց արի ու տես, որ լատինատառ գրողներից շատերը կարան ինձանից ու գվենիկից շատ բան արած լինեն հայրենիքի ու լեզվի համար, բայց դե էդ ջանդամ:
2. Եթե դու գրում ես հայատառ ու ուղղագրական սխալ ես անում` ուրեմն դու անգրագետ, լեզվիդ վրա թքած ունեցող, դիմացինիդ չհարգոգ դուռակի մեկն ես, որ հայատառ ես գրում զուտ պոպուլիզմի ու ցուցադրական բաների համար:

Ոչ մի ավել բան իմ բերած կետերում:

Հով, նոր տեսա գրառումդ:
Լավ էլի... ցույց տուր մի լատինատառ գրողի, որ ավելի շատ բան ա արել լեզվի համար: Իսկ հայրենասիրությունից ոչ ոք էստեղ չի խոսում: Ես բացարձակապես հայրենասեր չեմ, բայց հայերենը հայատառ եմ գրում, անգլերենը՝ լատինատառ, ռուսերենը՝ կիրիլիցայով: Եթե վաղը-մյուս օր չինարեն սովորեմ, հիերոգլիֆներով կգրեմ:

Երկրորդ կետիդ մասին... նախընտրելի ա, որ մարդիկ հայատառ գրեն ու մեկ-մեկ էլ ուղղագրական սխալ անեն, քան դրանք քողարկեն լատինատառի տակ: Հակառակը՝ լատինատառ գրելը մարդկանց հետ ա սովորացնում, մոռանում են հայերենի ուղղագրությունը (տենց մեկը խոստովանել էր, երբ անցել էր հայատառ գրելուն):

Ու ընդհանրապես, էս գրառումները կարդալիս լատինատառ հայերենի մենակ մի (ոչ ամբողջապես) ընդունելի տարբերակ կա, այն է՝ երբ տվյալ անձն ուղղակի հայերենի այբուբենը չգիտի: Բայց էստեղ էլ... նման դեպքերում մարդիկ օգտագործում են իրենց մայրենի լեզվի ուղղագրական կանոնները, ու եթե հայաստանյան տրանսլիտի չգրված կանոնները մի կերպ հասկանում ենք (չնայած ահագին ժամանակ անցավ, մինչև հասկացա՝ 4-ը չ-ն ա), ապա գնացեք ու հոլանդերենի կամ նույնիսկ անգլերենի ուղղագրական կանոններով հայերեն կարդացեք: Տեսնեմ՝ մի բան կհասկանա՞ք:

Գյուլխ
06.07.2013, 11:13
Տրանսլիտին վատ եմ վերաբերում, բայց ժամանակ առ ժամանակ՝ ինչ-ինչ պատճառներով ես էլ եմ օգտագործում: Տռանսլիտով գրած երկար հաղորդագրություններին նայելիս աչքերս ահավոր ցավում են, չգիտեմ ինչի: Բա որ մի-երկու բլոգ էլ եմ տեսել տռանսլիտով գրած...
Ինձ թվում է սոց. ցանցերում օգտագործվող տռանսլիտի պատճառը, դա այն է, որ մեծամասամբ մարդիկ մտնում են հեռախոսներից, որոնք հայատառ ստեղնաշար չունեն: Երկրորդ պատճառը էն ա ինձ թվում ա, որ հայերը փոփոխություններ չեն սիրում, այսինքն վախտին սաղ տռանսլիտ ա էղել, QWERTY-ն են հազիվ սովորել, մեկ էլ հոպ՝ կարաք հայերեն էլ գրեք, բայց դե էլ հավես չկա սովորելու հայերեն դասավորվածությունը: Ճիշտ ա KDWIN-ն էդ գործը հեշտացնում է իր ֆոնետիկ տարբերակով, բայց կեսը KDWIN-ի տեղն էլ չգիտեն:
Այս հարցում ես պրոգրես եմ տեսնում, քանզի ժամանակին ֆեյսբուքով համատարած տռանսլիտ էր, հիմա արդեն 50-50:
Ռուսները տռանսլիտ համարյա թե չեն օգտագործում... Ես 5% դեպքերում եմ նկատել: Հայերը իրենցից բեթար նացիոնալիստ են իմ կարծիքով, բայց պատրիոտիզմից ելնելով թեկուզ տռանսլիտը չեն թարգում:

Chuk
06.07.2013, 15:03
Մի քանի բան էլ ես գրեմ:

Որպես կանոն եթե անձնական շփման հարթակներում ինձ տրանսլիտով են գրում, լռում եմ, չեմ պահանջում հայատառ գրել: Բայց երբեմն չեմ լռում, մեկ երբ գիտեմ, որ տվյալ մարդը որևէ խնդիր չունի ու հանգիստ կարող է հայատառ գրել, երկրորդ, երբ ընկալում եմ, որ տվյալ մարդուն կարող եմ օգնել ու սովորեցնել հայատառ գրել:

Բայց պիտի խոստովանեմ, որ երբ նման անձնական կարգի շփումները տրանսլիտով են լինում, դա ակամա բերում է իմ՝ նման շփման պակասեցման կամ դադարեցման: ԳՈնե հիմնական դեպքերում:

Նույն կերպ այն հրապարակային հարթակները, որտեղ շփումը տրանսլիտով է լինում, ակամա սկսում եմ շրջանցել այդ հարթակները:

Սա նացիոնալիզմի դրսևորում չի: Թեմայում արդեն շատերն են գրել: Ընդամենը տարրական հարգանք է քո լեզվի, այբուբենի ու զրուցակցիդ նկատմամբ:

Ինչևէ: Տեմպերը արագացել են, այժմ շատ ավելի շատերն են հայատառ գրում, քան նախկինում: Հետևաբար պետք է շարունակել.

- Ստեղծել նորանոր գործիքներ հայատառ գրելը հեշտացնելու համար,
- Տարածել եղած ու նոր ստեղծվելիք գործիքները, դրանց մասին տեղեկացնել մարդկանց,
- Թեկուզ և դաժան է հնչում, բայց որոշակիորեն մեկուսացնել, «մենակ թողնել» տրանսլիտով գրողներին:

Մնացածը ժամանակի խնդիր ա: Տրանսլիտը եղել, մնում ու շարունակում ա մնալ չարիք: Առաջիկայում չարիք լինելը հիմնավորելու թեմայով որոշակի ավելի լուրջ գրառումներ պատրաստվում եմ անել:

Alphaone
06.07.2013, 15:14
Ժողովուրդ իմ ռուս ծանոթներից շատերն էլ ռուսերենն են տրանսլիտով գրում, առաջ մի տեսակ ուշադրությույն չէի դարձնում, հիմա հասկանում եմ, որ ամբողջ խնդիրը սմայլիկներից առաջ ալտ-շիֆտ չանելն է... :D

Ուլուանա
06.07.2013, 16:57
Կարծում եմ՝ մարդկանց մի զանգված էլ կա (գուցե փոքր, բայց կա), որի համար տրանսլիտով գրելը ժամանակակից լինելու նշան է. լատինատառով գրելն էդ մարդկանց համար երևի ասոցիացվում է անգլերենի հետ ու դրա համար համարում են ավելի «պրեստիժ»։ Հակառակ դեպքում տրանսլիտը վիրտուալ տարածքից դուրս եկած ու փողոցի պատերի և այլ «իրական» տարածքներում արված գրությունների մեջ հայտնված չէր լինի։ Այլ կերպ ասած՝ օտարամալության գեղո դրսևորում։

impression
06.07.2013, 17:05
վառեք ինձ, բայց ինձ համար չատով շփվելն ու տրանսլիտը իրարից անբաժանելի են
կան ընկերներ, որոնք ստիպում են, որ իրենց հետ հայատառ գրեմ չատում
ես ինձ շատ անհարմար եմ զգում, որովհետև հայերենը քեզ լիքը բան չի թույլ տալիս
հասարակ բառեր կան, որոնք տրանսլիտով կգրես, որովհետև նորմալ ա, բայց հայատառ չես գրի, ստիպված ես լինում ավելի կոկիկ արտահայտել միտքդ
հիմա կասեք, որ այ հենց սրա մասին ենք ասում, այ /ստեղ ես տրանսլիտով կգրեի tapor/ ցնդած, բայց ես էլ ուզում եմ ասել, որ չատը էն տեղն ա, որտեղ ես հիմնականում հարաբերություններ եմ պարզում որոշ մարդկանց հետ, ու էդ ներվային պահին մի հատ էլ դնես մտածես՝ բա սա սենց էնքան էլ լավ չի նայվում հն ոնց որ...
մի խոսքով, իմ համար չատ անելը միայն լատինատառ ա
ու էն մարդիկ, ում դա դուր չի գալիս, ուղղակի հետս չատ չեն անում, որովհետև երկուստեք հարգում ենք միմյանց իրավունքները

Ուլուանա
06.07.2013, 17:14
Լիլ, կարծում եմ՝ էդ զուտ սովորության հարց ա, ինչպես նաև շատ ուրիշ բաներ, որոնց մենք անարդարացիորեն այլ՝ ավելի խոր իմաստներ ենք վերագրում ու դրանք որպես արդարացում բերելով (թեկուզ ինքներս մեզ համար) կառչում էդ բաներից։

Ոնց որ Ալֆան ասեց, տրանսլիտով գրելու պատճառներից մեկն էլ սմայլիկներ դնելու անհարմարությունն ա, որ պիտի ամեն անգամ Alt+Shift արվի, մարդիկ էլ ալարում են անել։ Ինձ համար էլ էր սկզբում էդ պահը շատ անհարմար, բայց հիմա իսկի չեմ էլ նկատում, թե ոնց եմ էդ փոխարկումն անում ամեն անգամ սմայլիկ դնելիս, ու երբեք ուզածիցս ոչ մի սմայլիկ պակաս չեմ դնում դրա պատճառով, այսինքն՝ էդ հարցն ինձ համար լիովին լուծված ա սովորության ուժի շնորհիվ։

impression
06.07.2013, 17:23
Ան ջան, ինձ մոտ հաստատ ալարելու կամ սմայլիկի հարց չի էլի
ես էդ անտեր տրանսլիտը որպես առանձին լեզու եմ ընկալում, որով հեշտ ա շփվելը
նայի ռուսերենն ունի չէ էն միջին լեզուն, որը ոչ գրական ա, ոչ էլ փողոցային
հայերենը չունի
կինո թարգմանելը այլանդակ բարդ բան ա, որտև հայերենն էդ միջին գործածվող լեզուն չունի
տրանսլիտն իմ համար այ էդ ա, կինո թարգմանելու լեզուն ա
շփվելու լեզուն ա
բացի էդ, կարող ա ես հիվանդ եմ, բայց հայատառ մեկին գրել իմ զգացմունքների մասին, լավ կամ վատ, կարևոր չի, ահավոր դժվար ա
իսկ լատինատառ, սենց հալած յուղի պես գնում ա

StrangeLittleGirl
06.07.2013, 17:33
Լիլ, մի քիչ համաձայն չեմ հետդ: Այսինքն՝ ճիշտ ես ասում, որ էդ միջին լեզուն հայերենը չունի, ավելի ճիշտ՝ չուներ, որովհետև արդեն ձևավորվելու փուլում ա կամ էլ արդեն ձևավորվել ա: Դու վերևի գրառումդ էդ լեզվով ես արել, ես էլ իմ գրառումն եմ էդ լեզվով անում: Իմ ինտերնետային ընկերներից մեկը շատ ճիշտ էր նկատել, որ հենց վիրտուալ տարածքում ու մասնավորապես բլոգոսֆերայում ա էդ լեզուն ձևավորվում:

Ինձ թվում ա՝ կարելի ա հանգիստ հարաբերություններ պարզել հայատառ գրելով ու հա՛, հենց տապոռ գրելով, թե չէ tapor-ը ես սկզբում թափոր հասկացա: Ի դեպ, ես տենց էլ անում եմ. սաղի հետ էլ հայատառ եմ կռիվ անում, ու դա հեչ չի խանգարում ինձ, ոչ էլ մտածում եմ որից հետո ինչ ասեմ: Երևի ավելի շուտ նախապես տենց ես տրամադրվել, թե եթե հայատառ ա, ուրեմն պիտի սիրուն ձևակերպված լինի:

Ի դեպ, սմայլիկների մասին: Ըհը, սկզբում դժվար ա հա ալտ-շիֆթ սեղմելը, հետո վարժվում ես: Իսկ երբ ավելի ես վարժվում, չես էլ սեղմում :ՃՃ

Ուլուանա
06.07.2013, 17:41
Ինձ համար էլ, օրինակ, տրասլիտը ոնց որ անմիջականությունն ինչ–որ չափով պակասեցնող բան լինի. ոնց որ ինչ–որ պատ լինի, որը թեկուզ բարակ ա, բայց լրիվ թափանցիկ չի, ու մտքերս, էմոցիաներս էդ «պատի» միջով կարծես հարյուր տոկոսով չեն փոխանցվում խոսակցիս և հակառակը՝ խոսակցիցս ինձ չեն հասնում հարյուր տոկոսով։ Անձամբ ինձ համար դա նորմալ չի, ճիշտ չի, բայց հասկանում եմ, որ որոշ մարդկանց կարող ա դուր գալ հենց նույն պատճառով, ինչ պատճառով որ ինձ դուր չի գալիս։

One_Way_Ticket
06.07.2013, 17:48
Ես impression-ի հետ ոչ թե համաձայն չեմ, այլ պարզապես չեմ կարողանում հասկանալ։ Այդ ի՞նչ բառեր են, որ տրանսլիտով նորմալ է, իսկ հայատառ՝ ոչ։ Ինձ համար տարբերությունը մենակ կարդալու մեջ է․ հայատառը ավելի արագ ու հաճույքով եմ կարդում, մեկ էլ այդ դեպքում երկիմաստ տառեր չկան (ր-ռ, տ-թ, և այլն)։ Բայց եթե արդեն կարդացել եմ բառը, վերաբերմունքը կախված չէ նրանից, թե ինչպես էր այն գրվել։ Լինի դա հայհոյանք թե գեղարվեստական հնաոճ արտահայտություն։

keyboard
06.07.2013, 17:52
impression

Լիլ, անիմաստ ա տրանսլիտով գրողներին շուտով նեկրոֆիլների պես են վերաբերվելու ու հատուկ օրենք են սահմանելու:
Հենց տրանսլիտով գրես` мужчин кастрировать а женщин утопить. :D

Աթեիստ
06.07.2013, 18:10
Ժամանակին մի ինտերնետ ակումբ էի սպասարկում (խնդիրների ժամանակ կանչում էին)։
Պայման էի դրեի. իմ ներսում եղած պահին չպիտի ծխեն, ու չպիտի հնչի հունա-արաբա-«հայկական» (տվյալ դեպքում ռաբիզ) երաժշտություն։ Այսինքն օգտվում էի էն փաստից, որ էդ մարդկանց ինձանից ինչ որ բան ա պետք, ու ես կարամ իրանց ինչ որ բան ստիպեմ։

Հիմա ինձ որ ՖԲ-ով գրում են, շատ հաճախ, որտև ինչ որ բան են ուզելու։ Եթե գրած ա լրիվ մեծատառերով, պարզապես կանտեսեմ։ Տրանսլիտի դեպքում նայում եմ, եթե հեռախոսով ա, չեմ պնդի, բայց կոմպով գրողներին կամաց-կամաց կստիպեմ։

Կամ ես պետք ա լարվեմ, որ տրանսլիտը կարդամ, կամ ինքը՝ որ հայաատռ գրի։ Ես նախընտրում եմ երկրորդը ։)

Հ.Գ.
Ի դեպ, ես վաղուց սմայլիկներ դնելուց օգտվում եմ հայերեն վերջակետից (առանց alt+shift անելու), ոչ թե լատինական երկու կետից, դրա համար իմ գրածները նկարն չեն դառնում, բայց դե ես էլ ամեն անգամ լեզուն չեմ փոխում։

StrangeLittleGirl
06.07.2013, 18:45
Արտ, հա, որ ֆբ-ով ինձ լատինատառ գրում էին, թե՝ էսինչը կլայքե՞ս, ասում էի՝ իմ կոմպը լատինատառ չի կարդում, հաջորդ վայրկյանին խելոք-խելոք հայատառ էին գրում: Բայց արի ու տես, երբ նույն բանն ասում էի նկարի տակ քոմենթողին, ինքը հանկարծ հիշում էր, որ իրա կոմպով տեխնիկապես հնարավոր չի հայատառ գրելը:


դա գիտեմ, բայց ցանկացած նման ծրագրի, հավելման օգտագործումից սկզբունքորեն հրաժարվում եմ: Ես չեմ ցանկանում հավելյալ «աշխատանք» անել, որ կարողանամ հայերեն գրել: Թող կայքերը և ծրագրերը /գոնե տարածվածները/ հնարավորություն ստեղծեն, ես էլ կօգտվեմ: Բացի այդ, ասենք իմ լեփթոփի վրա տեղադրեցի KDWin, բա ի՞նչ անեմ մնացած համակարգիչների հետ, որոնց վրա չկա:

Կարծեմ ժամանակին առանց KDWin-ի կարգի ծրագրի windows-ում հայերեն գրելը անհնար էր. հենց նոր ստեգեցի լեզուների ցանկը՝ հայերեն էլ ա կարելի արդեն գրել, բայց ստեղնաշարը տարբեր ա:

Կար նենց ժամանակ, որ անգամ KDWin-ով էր անհնար: Մեր կոմպը շա՜տ հին էր, windows98-ից ավելի նոր օպերացիոն համակարգով չէր աշխատում, իսկ 98-ին հազիվ համոզում էինք, որ հայատառը քառակուսիներ ցույց չտա, ու՜ր մնաց գրել կարողանանք: Բայց դե գրում էինք: Մտնում էինք հայերեն.ամ (http://hayeren.am), գրում տեքստը քոփի-փեսթ անում ուրիշ տեղ: Դրա համար հիմա որ չեն ասում՝ տեխնիկապես հնարավոր չի, սիրտս վատանում ա: Ախր ո՞նց հնարավոր չի:

Sagittarius
06.07.2013, 18:48
Ասածը էս ա՝ ես ուզում եմ լինել 80 տարեկան թոշակառու տատիկ, ով ALT+Shift անելով կարա իրա թոռնիկին հայատառ նամակ գրել, առանց նոր layout պատրաստելու կամ տեղադրելու:

Ոչ թե ամեն գրառման տակ հավելում գրի, թե ինչու ա տրանսլիտով գրում, որ տրանսլիտաֆոբների քլունգը գլխին չիջնի:

StrangeLittleGirl
06.07.2013, 18:52
Մերսի Վահե ջան, կօգտնվեմ դրանից

բայց ասածը էս ա՝ ես ուզում եմ լինել 80 տարեկան թոշակառու տատիկ, ով ALT+Shift անելով կարա իրա թոռնիկին հայատառ նամակ գրել, առանց նոր layout պատրաստելու կամ տեղադրելու:

Ոչ թե ամեն գրառման տակ հավելում գրի, թե ինչու ա տրանսլիտով գրում, որ տրանսլիտաֆոբների քլունգը գլխին չիջնի:

Ութսուն տարեկան թոշակառուին նախ տրանսլիտ երևույթն ա օտար, ուր մնաց՝ ալտ-շիֆթ, բան: Իրանք կնոպկան սեղմում, թոռնիկի հետ սկայփով խոսում են: Շատ ժամանակ իրանք էլ չեն սեղմում, կողքից ուրիշն ա սեղմում:

Sagittarius
06.07.2013, 18:54
Կար նենց ժամանակ, որ անգամ KDWin-ով էր անհնար: Մեր կոմպը շա՜տ հին էր, windows98-ից ավելի նոր օպերացիոն համակարգով չէր աշխատում, իսկ 98-ին հազիվ համոզում էինք, որ հայատառը քառակուսիներ ցույց չտա, ու՜ր մնաց գրել կարողանանք: Բայց դե գրում էինք: Մտնում էինք հայերեն.ամ (http://hayeren.am), գրում տեքստը քոփի-փեսթ անում ուրիշ տեղ: Դրա համար հիմա որ չեն ասում՝ տեխնիկապես հնարավոր չի, սիրտս վատանում ա: Ախր ո՞նց հնարավոր չի:

Կար մի ժամանակ՝ լույսը մի ժամ էին տալիս, տունը ցախով փեջ էին վառում, ցախն էլ հարակից ձորում կտրում, էրէխեքի սանկեքով բերում: Ակումբում հայերեն տեղադրված չլիներ, ոչ մի կանոնադրություն չէր ստիպի ինձ մտնել ինչ-որ երրորդ սայթ, գրել, ստեղ copy-paste անել:

StrangeLittleGirl
06.07.2013, 18:56
Կար մի ժամանակ՝ լույսը մի ժամ էին տալիս, տունը ցախով փեջ էին վառում, ցախն էլ հարակից ձորում կտրում, էրէխեքի սանկեքով բերում: Ակումբում հայերեն տեղադրված չլիներ, ոչ մի կանոնադրություն չէր ստիպի ինձ մտնել ինչ-որ երրորդ սայթ, գրել, ստեղ copy-paste անել:

Էդ ամեն ինչն ակումբում տեղադրվել ա, հետո ա երրորդ սայթը բացվել :))

Վահե-91
06.07.2013, 19:11
բայց ասածը էս ա՝ ես ուզում եմ լինել 80 տարեկան թոշակառու տատիկ, ով ALT+Shift անելով կարա իրա թոռնիկին հայատառ նամակ գրել, առանց նոր layout պատրաստելու կամ տեղադրելու:

ուրմեն թոշակառու տատիկը պետք ա Windows 8 օգտագործի :))

Ուլուանա
06.07.2013, 19:11
Մոդերատորական. հայերեն ստեղնաշարի վերաբերյալ տեխնիկական հարցեր պարզաբանող գրառումները տեղափոխվել են ավելի համապատասխան թեմա՝ «Ինչպե՞ս գրել հայերեն» (http://www.akumb.am/showthread.php/279-%D4%BB%D5%B6%D5%B9%D5%BA%D5%A5%D5%9E%D5%BD-%D5%A3%D6%80%D5%A5%D5%AC-%D5%B0%D5%A1%D5%B5%D5%A5%D6%80%D5%A5%D5%B6/page3)։ Խնդրում եմ այդ թեմայով քննարկումները շարունակել նշված թեմայում։ Այս թեմայի քննարկման նյութն այլ է։

Նարինէ
06.07.2013, 22:02
1. Եթե մեծ մասը գրում է լատինատառ, ավելի հեշտ է ընդհանուր հոսքին միանալը:
Իմ կարծիքով՝ սա առաջին պատճառն է: Օրինակ՝ երբ դեռ մի քանի տարի առաջ ծանոթներիցս մեկը հայատառ էր գրում, բոլորի համար սենսացիոն բան էր, ավելի կոնկրետ՝ ծիծաղելի, դոձիկի տեղ էին դնում :8

2. Ավելի հարմար է, լեզու փոխելու կարիք չկա: Լեզուն փոխելն էլ մի քանի վայրկյան դաժանագին աշխատանք կպահանջի, վիձիծե լի:

Հետևանքները շատ են ու բացասական..
1. Թեկուզ և էն, որ աղավաղում ենք մեր լեզուն: Փորձեք գրել Ձեր բառը տրանսլիտով (դզե՞ր) կամ Ճ տառը և այլն..
Իհարկե սրա տակ ավելի վատ բաներ կան..

2. Գլոբալացման անմիջական հետևանքներից մեկն է.
<<Մենք բոլորս մի հատ ենք, երկրներ գոյություն չունեն, ազգեր գոյություն չունեն, հետևաբար ընդհանուր կլինի և մեր լեզուն, գիրը>>:

ՀՀ պետական լեզուն ՀԱՅԵՐԵՆՆ Է: ՀԱՅ մարդը գրում է ՀԱՅԵՐԵՆ:
Ես ինքս գրել ու գրելու եմ Հայերեն: Լատինատառ բոլոր երևույթները վաղուց հեռացված են իմ Լրահոսից, որոհետև դրանք աչքիս համար մեղմ ասած տհաճ են:

Վը սամի րիշայեծե կակ պիսած: Նո յեսլի վը պիշիծե տրանսլիտըմ, տո ձելըյըծը շտօ-տը պրիմեռնը տակօե ս նաշիմ յազըկոմ: Դա պռասծիտ Մաշտոց վսոխ վաս, Ամինյ:

Երկար բարակ գրելուս համար ներողություն: Հարգանքներով՝ Նարինէ;)

Chuk
06.07.2013, 22:54
impression

Լիլ, անիմաստ ա տրանսլիտով գրողներին շուտով նեկրոֆիլների պես են վերաբերվելու ու հատուկ օրենք են սահմանելու:
Հենց տրանսլիտով գրես` мужчин кастрировать а женщин утопить. :D
Ուշացել ես, Հով: Պատահակա զուգադիպությամբ սրանից դեռ 6 տարի առաջ գրանցվել ես մի ֆորումում, որտեղ էդ ասածդ հատուկ օրենքը սահմանված ա:

Ու էլի հետաքրքիր զուգադիպությամբ պարզվել ա, որ հերիք ա օրենքով սահմանված լինի, որ հայատառ գրելը հնարավոր դառնում ա: Էս ընթացքում քիչ չեն եղել մարդիկ, ովքեր մտել ու հայտարարել են, որ հարմար չի հայատառ գրելը, սկսել են տրանսլիտով գրել, իսկ հետո սահուն ու սիրուն հարկադրված հայատառ են գրել: Ու պատկերացրու, որ շատ քչերն են եղել, որ էդպես էլ չեն կարողացել հայատառին վարժվել կամ չեն ուզել, մինչև վերջ պադոշություն են արել:

հ.գ. Պադոշ բառն էլ հայատառ գրելը լրիվ նորմալ ա :))

Chuk
06.07.2013, 22:58
ստեղ ես տրանսլիտով կգրեի tapor
Ստեղ մի հատ հետաքրքիր տեղ ենք հասնում, Լիլ:
Ուրեմն գալիս ենք նրան, որ եթե դու գրեիր հայատառ ու գրեիր «տապոռ» (ի դեպ ես հենց թեկուզ նույն «տապոռ» բառն օգտագործում եմ), գրած կլինեիր ոչ ավել, ոչ պակաս տրանսլիտով :))

Այլ կերպ ասած՝ հայերեն տառերով այլ լեզվով բառ, տրանսլիտ:

Լիլ, ես լրիվ ընկալում եմ էդ անսովորության պահը, բայց նույնքան էլ վստահ եմ, որ եթե մի քանի անգամ էդ քո ասած բառերը հայատառ գրես, օգտագործես, ակամա քո համար սովորական կդառնա: Նատուռի թե սխալ եմ, ասում, Լիլ :)

impression
06.07.2013, 23:01
չգիտեմ, իմ համար հայատառ գրելը մանավանդ չատում, դե հիմա մենակ որոշ մարդկանց հետ չատ անելիս եմ միայն տրանսլիտ օգտագործում, հա, հայատառ գրելը շատ ինտիմ բան ա, համբուրվելու նման
պիտի էդ մարդը եսիմ ինչ կարգի հոգուս մեջ մտած լինի, որ հայատառ կարողանամ ուզածս ասել
ոնց որ ոտանավոր գրելը
չեմ կարող բացատրել երևի թե

ի դեպ, տրանսլիտով լրիվ օկ ա գրել՝ չեմ կարա, իսկ հայատառ որ ուզում եմ գրել չեմ կարա, մտածում եմ՝ այ անգրագետ ապուշ, չեմ կարա չի, չեմ կարող ա

Chuk
06.07.2013, 23:07
չգիտեմ, իմ համար հայատառ գրելը մանավանդ չատում, դե հիմա մենակ որոշ մարդկանց հետ չատ անելիս եմ միայն տրանսլիտ օգտագործում, հա, հայատառ գրելը շատ ինտիմ բան ա, համբուրվելու նման
պիտի էդ մարդը եսիմ ինչ կարգի հոգուս մեջ մտած լինի, որ հայատառ կարողանամ ուզածս ասել
ոնց որ ոտանավոր գրելը
չեմ կարող բացատրել երևի թե

ի դեպ, տրանսլիտով լրիվ օկ ա գրել՝ չեմ կարա, իսկ հայատառ որ ուզում եմ գրել չեմ կարա, մտածում եմ՝ այ անգրագետ ապուշ, չեմ կարա չի, չեմ կարող ա
Հետաքրքիր ա, օրինակ ես խնդիր չունեմ այսպես ասած ոչ պաշտոնական տեղերում «չեմ կարա» գրելու մեջ: Բայց լրիվ հասկանում եմ ասածդ:

Ամեն դեպքում չատով երկու հոգու շփման դեպքում էդ երկու հոգին են որոշում, թե իրենց ոնց է հարմար, ոնց են ուզում: Ոնց որ ասենք երկու հոգի իրար հետ զրուցում են, մեկը գտնում ա, որ ինչքան կարող ա ժարգնով պետք ա խոսի: Դիմացինի համար էդ նորմալ ա լինում, լսում ա, նորմալ չի լինում, ասում ա, կներես, ես գնացի:

StrangeLittleGirl
07.07.2013, 01:05
Նայեք, ես էս պահին ընկերուհիներիցս մեկի հետ չաթվում եմ: Ինքը հայատառի չի անցնում ու չի անցնում: Աշխարհի բոլոր մեթոդները փորձել եմ ընդհուպ մինչև ֆեյսբուքում ընկերներիցս հեռացնելը: Էլի չի օգնել: Մի երկու անգամ գրել ա, հետո նորից անցել տրանսլիտի, ընդ որում՝ բավական հաճախ ասում էր, թե հեռախոսով ա, որ ես էլ տրանսլիտով գրեմ, որ կարողանա կարդալ:

Ի վերջո, կոմպոմիսի գնացի. թույլ եմ տալիս, որ ինքը տրանսլիտով գրի, բայց երբ նույնն ինձնից ա պահանջում, սիրուն գրում եմ, որ կարա գրածս ավելի ուշ կարդա, երբ կոմպով կմտնի:

Բայց որ ձևն ասեք իրան դարձի բերելու, էնքան երջանիկ կլինեմ :))

_Հրաչ_
07.07.2013, 11:00
...
1. Թեկուզ և էն, որ աղավաղում ենք մեր լեզուն: Փորձեք գրել Ձեր բառը տրանսլիտով (դզե՞ր) կամ Ճ տառը և այլն...

...Վը սամի րիշայեծե կակ պիսած: Նո յեսլի վը պիշիծե տրանսլիտըմ, տո ձելըյըծը շտօ-տը պրիմեռնը տակօե ս նաշիմ յազըկոմ: Դա պռասծիտ Մաշտոց վսոխ վաս, Ամինյ...



Տրանսլիտի ազդեցությունն արդեն իրական կյանքում ա երևում: Արդեն իսկ քանիցս հանդիպել եմ, որ նույն «Ձեզ» բառը, թեկուզև հայերեն տառերով, բայց գրում են «դզեզ»: Մի հատ նայեք՝ ինչ տհաճ ա: Մինչև տրանսլիտի արմատացումը հայ հասարակության մեջ ինչ-որ մեկը տենց կգրե՞ր էդ բառը: Չեմ կարծում: Այսինքն՝ ստացվում ա, որ տրանսլիտի հանդեպ մեր հանդուրժողականությունն աստիճանաբար տանում ա նրան, որ հասարակության որոշ հատվածներ, որոնց շրջանակը տարածվելու միտում ունի, ձեռագիր կամ տպագիր հայերեն գրելիս դա ու նման դաժան ճակատագրի արժանացած շատ այլ բառերը կօգտագործի սխալ, տրանսլիտանման տառադարձմամբ, դա կարմատանա, կունենա մեր չցանկացած հետևանքները: Նույնպիսի տրանսլիտանման տառադարձմամբ գրառումներ ոչ քչերս տեսած կլինենք նաև փողոցներում՝ պատերին և այլ շինությունների վրա:

Հիմա մարդիկ կան, որ կասեն. դե անգրագետը մնում ա անգրագետ, տրանսլիտն ի՞նչ մեղք ունի, նա նենց էլ անգրագետ էր գրելու: Ինչ-որ չափով համաձայն եմ, բայց ինչո՞ւ նպաստենք նրանց անգրագիտության զարգացման վրա:

Հ. Գ. Նարինէ ջան, ռուսներն ի՞նչ կմտածեն, որ իմանան՝ իրանց լեզուն տրանսլիտով ես գրում: :))

Նարինէ
07.07.2013, 16:29
Հ. Գ. Նարինէ ջան, ռուսներն ի՞նչ կմտածեն, որ իմանան՝ իրանց լեզուն տրանսլիտով ես գրում: :))

Հրաչ ջան, էս պարագայում էտ ինձ շատ քիչ ա հետաքրքրում: :ok

Ուզում էի ցույց տալ, որ հենց նույն բանն էլ մենք ենք անում մեր Լեզվի հետ: Ուղղակի արդեն սովորել ենք լատինատառ հայերենի, էդքան տարօրինակ չի մեր աչքի համար՝ ի տարբերություն Հայերեն տառերով ռուսերենի: Մենք էդ դեպքում միևնույնն ա հայերեն ենք գրում ու մտածում, չնայած լեզուն ռուսերենն ա:

էս թեմայով շատ երկար կարող եմ ծավալվել:

Նախ՝ նշեմ թեկուզ և մեր ուղղագրության հարցի կարևորությունը, որը շատ լուրջ քաղաքական հարց է (Խոսքս հայկազյան և Աբեղյանական ուղղագրությունների հակադրության ամսին է):

Թերևս զարմանալի չի լինի եթե ասեմ, որ տառերը սրբազան նշաններ են: Անմիջականորեն կապված են մեր հոգեկերտվածքի հետ: Ասածիս թերահավատորեն վերաբերել չի կարելի: Դա իրոք այդպես է: Մեր ծագումից ի վեր աշխարհընկալումը, լեզվամտածողությունը, պատկերաձայնային վերարտադրության կարողությունները բնականաբար փոխվել են.. Զարգացումն հասավ այն աստիճանի, որ ստեղծվեց գիր և խոսք: Գրի՝ այբուբենի՝ տառերի կապը հոգեկերտվածքի հետ, ըստ ասածիս, անխուսափելի ա:

Թեկուզ և էն պարզ օրինակը, թե ինչու 21-րդ դարում հայ մտածողների պակաս ենք զգում, ի տարբերություն նախորդ դարի մեր ՄԵծերի... Որովհետև նրանք գրում էին այն նույն տառերով, ինչ Մաշտոցը, իսկ հիմա մենք գրում ենք այլ ուղղագրությամբ (Քանի որ տառերն են կազմում բառը, հետևաբար բոլոր ասածներս վերաբերում են նաև բառերին, հետևաբար՝ ուղղագրությանը):

Այսինքն՝ Լուրջ փոփոխություններ ա առաջանում, երբ հայ մարդը գրում ա այլ ուղղագրությամբ: Էլ չասեմ, ինչ ազդեցություն կթողի տրանսլիտը, լատինատառ հայերենը...


Հետևաբար մենք էնքան զգոն պետք ա լինենք էս հարցում, որ հասկանանք՝ լատինատառ հայերենը ՝ տառերի աղավաղումը, կհանգեցնի մեր ազգային գիտակցության և հոգեբանության աղավաղմանը: Ինչը երկար , դանդաղ պրոցես ա, բայց էս դեպքում անխուսափելի..

Լեո
02.03.2016, 10:34
Ըստ իս տրանսլիտի ամենազազրելի դրսևորումներից մեկը էս երևույթն ա.

http://i68.tinypic.com/wqr9kk.jpg

Ներսես_AM
02.03.2016, 11:16
Ըստ իս տրանսլիտի ամենազազրելի դրսևորումներից մեկը էս երևույթն ա.

http://i68.tinypic.com/wqr9kk.jpg

Բացարձակ ոչ մե տարբերություն չկա կիրիլլիցա թե լատինատառ։ Որ աչքիդ մի քիչ շատ ընկներ ու արագ կարողանայիր կարդալ ոնց որ լատինատառը տենց չէիր ընկալի։

Chuk
02.03.2016, 14:31
Բացարձակ ոչ մե տարբերություն չկա կիրիլլիցա թե լատինատառ։ Որ աչքիդ մի քիչ շատ ընկներ ու արագ կարողանայիր կարդալ ոնց որ լատինատառը տենց չէիր ընկալի։

Կարող ա սխալվում եմ, բայց Լեոյի կարմիրով ընդգծածից ես ուրիշ բանի վրա սևեռվեցի, որն իմ համար ա անդուր դրսևորում, երբ որ մարդը կոչ ա անում սիրել «մեր անուշ լեզուն ու խոսքը», ու դա անում տրանսլիտով (կապ չունի կիրիլիկ թե լատինատառ):

Լեո
02.03.2016, 15:20
Կարող ա սխալվում եմ, բայց Լեոյի կարմիրով ընդգծածից ես ուրիշ բանի վրա սևեռվեցի, որն իմ համար ա անդուր դրսևորում, երբ որ մարդը կոչ ա անում սիրել «մեր անուշ լեզուն ու խոսքը», ու դա անում տրանսլիտով (կապ չունի կիրիլիկ թե լատինատառ):

Հա, հենց դա նկատի ունեի:

Ուլուանա
02.03.2016, 23:56
Կարող ա սխալվում եմ, բայց Լեոյի կարմիրով ընդգծածից ես ուրիշ բանի վրա սևեռվեցի, որն իմ համար ա անդուր դրսևորում, երբ որ մարդը կոչ ա անում սիրել «մեր անուշ լեզուն ու խոսքը», ու դա անում տրանսլիտով (կապ չունի կիրիլիկ թե լատինատառ):
Ի դեպ, իմ մեջ միշտ համանման զգացողություն ա առաջացրել նաև ռուսալեզու հայրենասիրությունը, էն որ Հայաստանում ապրելով՝ իրանց լեզվին բավականաչափ չեն տիրապետում կամ պարզապես չեն ուզում, թե իրանց «ինԾԻլեկտից» ցածր են համարում հայերենով գրելը կամ խոսելը (նույնիսկ չգիտեմ՝ էս տարբերակներից որն ա ավելի վատ), բայց նենց ամպագոռգոռ «հայրենասիրում են»։

Ինչ վերաբերում ա տրանսլիտին, մի ուրիշ զզվելի դրսևորում էլ էն ա, երբ գրում են անփույթ, լիքը վրիպակներով, սխալներով։ Այ մարդ, ասա՝ տրանսլիտը տեղից արդեն դժվարընթեռնելի ու թյուրիմացությունների բուն ա, էդ տեղից արդեն հաշմված բառերի տառերն էլ որ կուլ եք տալիս կամ սխալ գրում, էլ ընդհանրապես մարդու կարդալը չի գալիս։ Մարդ բռնի, տենց գրողներին իրանց գրածները ռեժիմով կարդալ տա էջերով։ Երևի մի երկու անգամից ինքնասպան կլինեն։

Շինարար
03.03.2016, 02:08
Քանի որ սխալներից խոսք գնաց, մի բան լ ես ասեմ, ինձ դուր չի գալիս, որ ֆեյսբուքւոմ ամեն երկրորդը իրան դասատուի դեր վերապահած, այդ թվում՝ նաև ակումբից ընկերներ, էրեխեք ձեզ հետ համաձայն չեմ, սկսւոմ են՝ էս բառը սենց ա գրվում, էն բառը նենց: Օնալյն լիքը բառարաններ կան և այլն, եթե որևէ մեկին որևէ բառի ուղղագրություն պետք լինի, թող բացի նայի: Այ մարդ, ոնց պատահի գրում ենք, արագ-արագ խոսալու պես: Ես որ լիքը նփոթույթան սխալներ եմ անում: Օնալյն տարածքը էն տեղն ա, որ շատ բառեր գրում ենք նենց ոնց ասում ենք՝ խոսակցականին հնարավորինս մոտեցնելու համար, ասնեք՝ կարող ա հենց գրի՝ խափել, Վրթո, ախպյուր կամ նույնիսկ ախպուր և այլն, ախպ, խի՞ չէ, Մայրենի լեզվի ժամին թելադրույթւոն չենք գրում էլի, թողեք մարդիկ մի քիչ ազատ շնչեն:

Chuk
03.03.2016, 02:17
Քանի որ սխալներից խոսք գնաց, մի բան լ ես ասեմ, ինձ դուր չի գալիս, որ ֆեյսբուքւոմ ամեն երկրորդը իրան դասատուի դեր վերապահած, այդ թվում՝ նաև ակումբից ընկերներ, էրեխեք ձեզ հետ համաձայն չեմ, սկսւոմ են՝ էս բառը սենց ա գրվում, էն բառը նենց: Օնալյն լիքը բառարաններ կան և այլն, եթե որևէ մեկին որևէ բառի ուղղագրություն պետք լինի, թող բացի նայի: Այ մարդ, ոնց պատահի գրում ենք, արագ-արագ խոսալու պես: Ես որ լիքը նփոթույթան սխալներ եմ անում: Օնալյն տարածքը էն տեղն ա, որ շատ բառեր գրում ենք նենց ոնց ասում ենք՝ խոսակցականին հնարավորինս մոտեցնելու համար, ասնեք՝ կարող ա հենց գրի՝ խափել, Վրթո, ախպյուր կամ նույնիսկ ախպուր և այլն, ախպ, խի՞ չէ, Մայրենի լեզվի ժամին թելադրույթւոն չենք գրում էլի, թողեք մարդիկ մի քիչ ազատ շնչեն:

Ընդհանուր առմամբ համաձայն եմ, Շին ջան, ինքս հազվադեպ եմ տենց ուղղումներ անում: Բայց կան դեպքեր, երբ տեսնում ես, որ մարդը գրելաձևը չգիտի, ու էդ դեպքերում կարելի ա ոչ պարտադրող, ոչ նվաստացնող, ոչ վերևից տոնով ուղղակի հանգիստ հուշել ճիշտ գրելաձևը, դրա մեջ վատ բան չկա: Բայց որ վերևից դասատուական վերամբարձ տոնով են էդ անում, ցուցադրելու համար սեփական գիտելիքները, էդ իսկապես հաճախ շատ տգեղ ա նայվում:

Շինարար
03.03.2016, 03:22
Ընդհանուր առմամբ համաձայն եմ, Շին ջան, ինքս հազվադեպ եմ տենց ուղղումներ անում: Բայց կան դեպքեր, երբ տեսնում ես, որ մարդը գրելաձևը չգիտի, ու էդ դեպքերում կարելի ա ոչ պարտադրող, ոչ նվաստացնող, ոչ վերևից տոնով ուղղակի հանգիստ հուշել ճիշտ գրելաձևը, դրա մեջ վատ բան չկա: Բայց որ վերևից դասատուական վերամբարձ տոնով են էդ անում, ցուցադրելու համար սեփական գիտելիքները, էդ իսկապես հաճախ շատ տգեղ ա նայվում:

Հա, եթե ձևը գտնես, թե ոնց անես, որ աչք չծակի, ոչ թե սենց կարմիրով ուղղումներով (ես նկատել էի, սովորաբար քանի որ գիտեմ, որ վրիպակներ շատ եմ անում, վերադառնում եմ, վերընթերցում, էս հերթ հատուկ թողեցի նենց, ոնց կա), խնդրեմ, բայց մեծ հաշվով դպրոցն ավարտած հասուն մարդը եթե մինչև հիմա չի սովորել ու դա չի խանգարում իր կյանքին, ուրեմն չի ուզում երևի սովորի էլ: Դե ոչինչ, թող չիմանա:

Հ. Գ. գիտեմ, որ հատուկ ես արել՝ ցուցադրելու՝ ոնց չարժե անել:

StrangeLittleGirl
03.03.2016, 11:48
Քանի որ սխալներից խոսք գնաց, մի բան լ ես ասեմ, ինձ դուր չի գալիս, որ ֆեյսբուքւոմ ամեն երկրորդը իրան դասատուի դեր վերապահած, այդ թվում՝ նաև ակումբից ընկերներ, էրեխեք ձեզ հետ համաձայն չեմ, սկսւոմ են՝ էս բառը սենց ա գրվում, էն բառը նենց: Օնալյն լիքը բառարաններ կան և այլն, եթե որևէ մեկին որևէ բառի ուղղագրություն պետք լինի, թող բացի նայի: Այ մարդ, ոնց պատահի գրում ենք, արագ-արագ խոսալու պես: Ես որ լիքը նփոթույթան սխալներ եմ անում: Օնալյն տարածքը էն տեղն ա, որ շատ բառեր գրում ենք նենց ոնց ասում ենք՝ խոսակցականին հնարավորինս մոտեցնելու համար, ասնեք՝ կարող ա հենց գրի՝ խափել, Վրթո, ախպյուր կամ նույնիսկ ախպուր և այլն, ախպ, խի՞ չէ, Մայրենի լեզվի ժամին թելադրույթւոն չենք գրում էլի, թողեք մարդիկ մի քիչ ազատ շնչեն:
Ինձ էլ ա էդ ահավոր ներվայնացնում: Մանավանդ էն բայլուսից էի կատաղել:

John
03.03.2016, 12:47
Քանի որ սխալներից խոսք գնաց, մի բան լ ես ասեմ, ինձ դուր չի գալիս, որ ֆեյսբուքւոմ ամեն երկրորդը իրան դասատուի դեր վերապահած, այդ թվում՝ նաև ակումբից ընկերներ, էրեխեք ձեզ հետ համաձայն չեմ, սկսւոմ են՝ էս բառը սենց ա գրվում, էն բառը նենց: Օնալյն լիքը բառարաններ կան և այլն, եթե որևէ մեկին որևէ բառի ուղղագրություն պետք լինի, թող բացի նայի: Այ մարդ, ոնց պատահի գրում ենք, արագ-արագ խոսալու պես: Ես որ լիքը նփոթույթան սխալներ եմ անում: Օնալյն տարածքը էն տեղն ա, որ շատ բառեր գրում ենք նենց ոնց ասում ենք՝ խոսակցականին հնարավորինս մոտեցնելու համար, ասնեք՝ կարող ա հենց գրի՝ խափել, Վրթո, ախպյուր կամ նույնիսկ ախպուր և այլն, ախպ, խի՞ չէ, Մայրենի լեզվի ժամին թելադրույթւոն չենք գրում էլի, թողեք մարդիկ մի քիչ ազատ շնչեն:

Նույն հիմնավորմամբ էլ մարդիկ լատինատառ են գրում, կիռիլիցայով, խոսակցի անունը փոքրատառով գրելով, քֆուրներով, առանց կետադրական նշանների։
Իրանք էլ իրանց չափով են ազատ շնչում։ շուշան պետրոսյանն էլ իր չափով է ազատ շնչում ֆբ-ում։
Անփությության սխալն ուրիշ հարց է, սաղս էլ անում ենք նման սխալներ, խոսակցական բառեր օգտագործելուն էլ դեմ չեմ (ինքս հաճախ օգտագործում եմ), բայց որ գրում են ընդհամենը, մարդիք ու ուղղարկել, էդ ոչ խոսակցական է, ոչ էլ անուշադրության։ Ու իմ համար անթույլատրելի է, որ անգրագետ հայերենով փաբլիք ստատուսներ են գրում ֆբ-ում հայտնի դեմքերը, ում ավելի շատ են կարդում մեր օրերի Հայաստանում, քան գեղարվեստական գրականություն։ Ու էն էշ-լրատվական սայթերն էլ copy-paste են անում առանց կարդալու-խմբագրելու, արդյունքում ամբողջ հայատառ համացանցը աղբանոց է դառնում։

Շինարար
03.03.2016, 14:28
Նույն հիմնավորմամբ էլ մարդիկ լատինատառ են գրում, կիռիլիցայով, խոսակցի անունը փոքրատառով գրելով, քֆուրներով, առանց կետադրական նշանների։
Իրանք էլ իրանց չափով են ազատ շնչում։ շուշան պետրոսյանն էլ իր չափով է ազատ շնչում ֆբ-ում։
Անփությության սխալն ուրիշ հարց է, սաղս էլ անում ենք նման սխալներ, խոսակցական բառեր օգտագործելուն էլ դեմ չեմ (ինքս հաճախ օգտագործում եմ), բայց որ գրում են ընդհամենը, մարդիք ու ուղղարկել, էդ ոչ խոսակցական է, ոչ էլ անուշադրության։ Ու իմ համար անթույլատրելի է, որ անգրագետ հայերենով փաբլիք ստատուսներ են գրում ֆբ-ում հայտնի դեմքերը, ում ավելի շատ են կարդում մեր օրերի Հայաստանում, քան գեղարվեստական գրականություն։ Ու էն էշ-լրատվական սայթերն էլ copy-paste են անում առանց կարդալու-խմբագրելու, արդյունքում ամբողջ հայատառ համացանցը աղբանոց է դառնում։

կիրիլիցա ա, կիռիլիցա չի խոսքի, ընդհանրապես քանի դեռ ոչ մեկի չեն վիրավորում, ում ինչ խնդիրն ա, դուրդ չիգալիս՝ մեկը քֆուրով ա գրում, անֆրենդ արա, ինչ վերաբերվում ա օտարալեզուին, էստեղ խնդիրը ջանացավությունն ա մեր մեսրոպատառ այբուբենի նկատմամբ, վերջին հաշվով, եթե արդարացի լինենք, էդ մարդկանց հիմնավորումն անհիմն չի՝ տենց են ուզւոմ, տենց են անում, բայց մեկը իմ սիրտը ցավում ա մեր գյոզալական այբուբենի համար,

ուղղագրական սխալներով տեքստերը աղբանո՞ց են, ասենք՝ լատինատառ ինտենետը փայլում ա ճիշտ ուղղագրությամբ էլի երևի,

մ

John
03.03.2016, 14:40
կիրիլիցա ա, կիռիլիցա չի խոսքի, ընդհանրապես քանի դեռ ոչ մեկի չեն վիրավորում, ում ինչ խնդիրն ա, դուրդ չիգալիս՝ մեկը քֆուրով ա գրում, անֆրենդ արա, ինչ վերաբերվում ա օտարալեզուին, էստեղ խնդիրը ջանացավությունն ա մեր մեսրոպատառ այբուբենի նկատմամբ, վերջին հաշվով, եթե արդարացի լինենք, էդ մարդկանց հիմնավորումն անհիմն չի՝ տենց են ուզւոմ, տենց են անում, բայց մեկը իմ սիրտը ցավում ա մեր գյոզալական այբուբենի համար,

ուղղագրական սխալներով տեքստերը աղբանո՞ց են, ասենք՝ լատինատառ ինտենետը փայլում ա ճիշտ ուղղագրությամբ էլի երևի,

մ
Բա հիմա որ ես ստատուս եմ գրում, ասենք

էս մեկն էլ իմ կողմից․ խՓել ու խաԲել, ոչ թե հակառակը։
բովանդակությամբ, ինչ-որ մեկին վիրավորո՞ւմ եմ։ Դուրդ չի գալիս՝ անֆրենդ արա։
Քո սիրտը Մեսրոպատառ այբուբենի համար ա ցավում, իմ սիրտը նաև հայերենի ուղղագրության։ Ինչո՞ւմն ա խնդիրը, չեմ հասկանում։


ուղղագրական սխալներով տեքստերը աղբանո՞ց են, ասենք՝ լատինատառ ինտենետը փայլում ա ճիշտ ուղղագրությամբ էլի երևի
Հեգնանքդ լրիվ ավելորդ էր, որտև իմ համար նույն աղբն են հետևյալ երկու տարբերակները՝

uxaki mardiq uxxarkumen yndhameny

ուղակի մարդիք ուղղարկումեն ընդհամենը
Եթե քո համար երկրորդ տարբերակն ավելի նախընտրելի է՝ էդ ուրիշ հարց, որպես տեսակետ ընդունում եմ, բայց համամիտ չեմ։

Chuk
03.03.2016, 14:40
կիրիլիցա ա, կիռիլիցա չի խոսքի, ընդհանրապես քանի դեռ ոչ մեկի չեն վիրավորում, ում ինչ խնդիրն ա, դուրդ չիգալիս՝ մեկը քֆուրով ա գրում, անֆրենդ արա, ինչ վերաբերվում ա օտարալեզուին, էստեղ խնդիրը ջանացավությունն ա մեր մեսրոպատառ այբուբենի նկատմամբ, վերջին հաշվով, եթե արդարացի լինենք, էդ մարդկանց հիմնավորումն անհիմն չի՝ տենց են ուզւոմ, տենց են անում, բայց մեկը իմ սիրտը ցավում ա մեր գյոզալական այբուբենի համար,

ուղղագրական սխալներով տեքստերը աղբանո՞ց են, ասենք՝ լատինատառ ինտենետը փայլում ա ճիշտ ուղղագրությամբ էլի երևի,

մ
Հա, բայց մեր սիրտն էլ ցավում ա մեր գյոզալ քերականության, ուղղագրության համար :))
Կարծում եմ, որ կհամաձայնվես, որ ինչքան գրագետ տեքստերը շատ լինեն, էնքան ավելի լավ: Խոսքը չի գնում բարբառի, խոսակցականի օգտագործման ու անփութության մասին: Այլ զուտ ոչ գրագիտության:

Շինարար
03.03.2016, 16:28
Հա, բայց մեր սիրտն էլ ցավում ա մեր գյոզալ քերականության, ուղղագրության համար :))
Կարծում եմ, որ կհամաձայնվես, որ ինչքան գրագետ տեքստերը շատ լինեն, էնքան ավելի լավ: Խոսքը չի գնում բարբառի, խոսակցականի օգտագործման ու անփութության մասին: Այլ զուտ ոչ գրագիտության:

Արտ, շատ լավ կլինի, դրա համար մարդիկ դպրոց են գնում, սովորում են ուղղագրություն, ինչքան սովորեցին, սովորեցին, հերիք ա, դրանից հետո էդ ուսուցողական մթնոլորտը ինձ համար սնոբիզմ ա, հաճախ վիպենդրյոժություն, ուրիշ ոչինչ: Սաղս մեզ իրավունք ենք վերապահում շրջապատին սովորացնել, թե ինչը ոնց ա, սաղս լուսավորիչ ենք: Որ ուզում ես իմանալ հիմա է իմ բողոքն էլ էդ նույն բանի տարրերն ունի, բայց ես դրա համար եկել եմ ակումբում եմ գրում, մենք մերոնցով, ոչ թե ֆեյսբուքում: Չգիտեմ՝ ինձ էդ համատարած դիդակտիկան որ կա մեր «հայալեզու ինտերնետում» ինձ մի այլ կարգի տհաճ ա: Մի խոսքով, ախպեր ջան, դուք ինչ ուզում եք արեք, ես պաս:

Chuk
03.03.2016, 16:36
Արտ, շատ լավ կլինի, դրա համար մարդիկ դպրոց են գնում, սովորում են ուղղագրություն, ինչքան սովորեցին, սովորեցին, հերիք ա, դրանից հետո էդ ուսուցողական մթնոլորտը ինձ համար սնոբիզմ ա, հաճախ վիպենդրյոժություն, ուրիշ ոչինչ: Սաղս մեզ իրավունք ենք վերապահում շրջապատին սովորացնել, թե ինչը ոնց ա, սաղս լուսավորիչ ենք: Որ ուզում ես իմանալ հիմա է իմ բողոքն էլ էդ նույն բանի տարրերն ունի, բայց ես դրա համար եկել եմ ակումբում եմ գրում, մենք մերոնցով, ոչ թե ֆեյսբուքում: Չգիտեմ՝ ինձ էդ համատարած դիդակտիկան որ կա մեր «հայալեզու ինտերնետում» ինձ մի այլ կարգի տհաճ ա: Մի խոսքով, ախպեր ջան, դուք ինչ ուզում եք արեք, ես պաս:

Շին ջան, տոնի առումով հետդ արդեն համաձայնվել եմ: Իսկ էնպես, ինձ դուր ա գալիս, երբ իմ որոշ սխալներ ինձ հուշում են (խոսքը միայն լեզվականի մասին չի):

StrangeLittleGirl
03.03.2016, 16:51
Հա, բայց մեր սիրտն էլ ցավում ա մեր գյոզալ քերականության, ուղղագրության համար :))
Կարծում եմ, որ կհամաձայնվես, որ ինչքան գրագետ տեքստերը շատ լինեն, էնքան ավելի լավ: Խոսքը չի գնում բարբառի, խոսակցականի օգտագործման ու անփութության մասին: Այլ զուտ ոչ գրագիտության:
Արտ, ուղղակի կոպիտ ուղղագրական սխալների ու կարգադրողական լեզվի միջև ընկած բարբառային/խոսակցական ու այլ ձևերն ահագին մեծ տեղ են զբաղեցնում: Մեկը էն մայրենի լեզվի դասեր թեմայում ժամանակ առ ժամանակ «ա» օժանդակ բայի թեման ա բարձրանում ու ներվ սղոցում:
Կարծում եմ՝ ճիշտ ա կոպիտ ուղղագրական սխալներն ուղղելը (օրինակ էն օրը էն սննդի խմբում երկու հոգի իրար հետևից զեղջ գրեցին, չդիմացա, ուղղեցի), բայց դրանից խոսակցական ձևերի վրա հարձակման անցնելն ընդամենը մի քայլ ա, ինչը հաճախ շատերն անում են: Նույն էն աղջիկը, որ նկարներով ցույց էր տալիս ուղղագրական սխալները, ինձ թվում ա՝ վատ բան չէր անում, բայց մեկ էլ էդ նկարների վրա հայտնվեց բայլուս տարբերակը, ու դա արդեն չափազանց էր:

Chuk
03.03.2016, 16:52
Արտ, ուղղակի կոպիտ ուղղագրական սխալների ու կարգադրողական լեզվի միջև ընկած բարբառային/խոսակցական ու այլ ձևերն ահագին մեծ տեղ են զբաղեցնում: Մեկը էն մայրենի լեզվի դասեր թեմայում ժամանակ առ ժամանակ «ա» օժանդակ բայի թեման ա բարձրանում ու ներվ սղոցում:
Կարծում եմ՝ ճիշտ ա կոպիտ ուղղագրական սխալներն ուղղելը (օրինակ էն օրը էն սննդի խմբում երկու հոգի իրար հետևից զեղջ գրեցին, չդիմացա, ուղղեցի), բայց դրանից խոսակցական ձևերի վրա հարձակման անցնելն ընդամենը մի քայլ ա, ինչը հաճախ շատերն անում են: Նույն էն աղջիկը, որ նկարներով ցույց էր տալիս ուղղագրական սխալները, ինձ թվում ա՝ վատ բան չէր անում, բայց մեկ էլ էդ նկարների վրա հայտնվեց բայլուս տարբերակը, ու դա արդեն չափազանց էր:

Նույն բանն եմ ասում, Բյուր ջան: Իսկ էդ աղջկա արածը լավ բան ա, բայց վատ կազմակերպված ու կոնկրետ օրինակները քիչ մտածված: Ես վաղուց տենց բան ուզում էի անել hayeren.am-ի շրջանակներում ու երևի դեռ կանեմ, ավելի ճիշտ կազմակերպված:

Շինարար
03.03.2016, 16:55
Շին ջան, տոնի առումով հետդ արդեն համաձայնվել եմ: Իսկ էնպես, ինձ դուր ա գալիս, երբ իմ որոշ սխալներ ինձ հուշում են (խոսքը միայն լեզվականի մասին չի):

Հա, դե դա ուրիշ բան ա, անձամբ ինձ իմ մտերիմը կամ օտարը թեկուզ բայց ընդունելի տոնայնությամբ եթե ասի՝ Տիրան, էս ինչ բանը սենց ասացիր կամ սենց գրեցիր, անվանական, կոնկրետ մարդու հասցեագրված՝ ինձ իմ դեպքում, էդ լրիվ ուրիշ ա՝ լինի վիրտուալում, թե ռեալում:

CactuSoul
03.03.2016, 17:02
Նույն էն աղջիկը, որ նկարներով ցույց էր տալիս ուղղագրական սխալները, ինձ թվում ա՝ վատ բան չէր անում, բայց մեկ էլ էդ նկարների վրա հայտնվեց բայլուս տարբերակը, ու դա արդեն չափազանց էր:
Ինձ նաև դուր չի գալիս այն, որ ոմանք իբրև ուզում են մի լավ բան անել, ուրիշներին լավություն անել, բան սովորեցնել, իսկ հենց իրենք պրիմիտիվ սխալներ են անում այդ ընթացքում։ Տվյալ դեպքում շատ չեմ խորացել, միայն նկարներն եմ նայել, բայց դրանցից մեկի նկարագրությունը կարճ էր, աչքովս ընկավ։ Քննարկվող բառի մասին գրել էր «․․․․, ինքը Վ չի ստանում»։ Կարծում եմ՝ եթե ուզում ես գրագիտություն քարոզել, ոչ մի բարոյական իրավունք չունես այսպիսի սխալներ անելու։ Ավելին․ ճիշտ կլիներ մասնագետների հետ խորհրդակցել, նկարագրություններն ու բացատրությունները ստուգել տալ, նոր հանրայնացնել։ Էլ չեմ ասում, որ տվյալ օրինակում «վ»֊ն պիտի չակերտներով գրվեր, ոչ թե հենց այնպես, օդի մեջ։

StrangeLittleGirl
03.03.2016, 17:06
Ինձ նաև դուր չի գալիս այն, որ ոմանք իբրև ուզում են մի լավ բան անել, ուրիշներին լավություն անել, բան սովորեցնել, իսկ հենց իրենք պրիմիտիվ սխալներ են անում այդ ընթացքում։ Տվյալ դեպքում շատ չեմ խորացել, միայն նկարներն եմ նայել, բայց դրանցից մեկի նկարագրությունը կարճ էր, աչքովս ընկավ։ Քննարկվող բառի մասին գրել էր «․․․․, ինքը Վ չի ստանում»։ Կարծում եմ՝ եթե ուզում ես գրագիտություն քարոզել, ոչ մի բարոյական իրավունք չունես այսպիսի սխալներ անելու։ Ավելին․ ճիշտ կլիներ մասնագետների հետ խորհրդակցել, նկարագրություններն ու բացատրությունները ստուգել տալ, նոր հանրայնացնել։ Էլ չեմ ասում, որ տվյալ օրինակում «վ»֊ն պիտի չակերտներով գրվեր, ոչ թե հենց այնպես, օդի մեջ։

Հենց էդ ա ասածս, որ սենց միանգամից էդ մոխրագույն զոնան ենք մտնում, որովհետև կարգադրողական լեզվում ինչքան էլ «ինքը» սխալ լինի էս կոնտեքստում, խոսակցական արդեն մտել ա, ու դե արի ու վիճի՝ ճիշտ ա, թե սխալ:

CactuSoul
03.03.2016, 17:37
Հենց էդ ա ասածս, որ սենց միանգամից էդ մոխրագույն զոնան ենք մտնում, որովհետև կարգադրողական լեզվում ինչքան էլ «ինքը» սխալ լինի էս կոնտեքստում, խոսակցական արդեն մտել ա, ու դե արի ու վիճի՝ ճիշտ ա, թե սխալ:

Վիճելու հարց չի առաջանում, որովհետև եթե լեզվի հետ կապված բան ես սովորեցնում, ՊԻՏԻ գրական լեզու կիրառես։
Թեպետ ընդհանրապես էլ, ոչ միայն լեզվի հարցում, այլև ցանկացած գիտելիք փոխանցելիս՝ ուսուցանողը պիտի գրագետ խոսի/գրի։

StrangeLittleGirl
03.03.2016, 18:05
Վիճելու հարց չի առաջանում, որովհետև եթե լեզվի հետ կապված բան ես սովորեցնում, ՊԻՏԻ գրական լեզու կիրառես։
Թեպետ ընդհանրապես էլ, ոչ միայն լեզվի հարցում, այլև ցանկացած գիտելիք փոխանցելիս՝ ուսուցանողը պիտի գրագետ խոսի/գրի։
Գրագետը ո՞րն ա: Գրակա՞նը

CactuSoul
03.03.2016, 18:12
Գրագետը ո՞րն ա: Գրակա՞նը

Պիտի գրագետ ու գրական լինի միաժամանակ։
[Ավելի շատ՝ գրագետ։]

Շինարար
03.03.2016, 19:58
Ինձ թվում ա, եթե խոսում ես, խոսակցական լեզու ես կիրառում, նույնիսկ եթե վիրտուալ տարածքում գրավոր ես խոսում, էլի խոսում ես, իսկ խոսակցական լեզուն գրության կանոններ, օրենքներ չունի, որովհետև դա խոսակցական լեզու ա:

StrangeLittleGirl
03.03.2016, 20:03
Ինձ թվում ա, եթե խոսում ես, խոսակցական լեզու ես կիրառում, նույնիսկ եթե վիրտուալ տարածքում գրավոր ես խոսում, էլի խոսում ես, իսկ խոսակցական լեզուն գրության կանոններ, օրենքներ չունի, որովհետև դա խոսակցական լեզու ա:

Համաձայն եմ: Ընդհանրապես, վիրտուալ տարածքը շատ տարօրինակ երևույթ ա, որտև էստեղ մենք խոսում ենք՝ գործածելով գրավոր խոսք: Ու դա բազմաթիվ պուրիստ լեզվաբանների համար անհասկանալի ու անընդունելի երևույթ ա, որովհետև մինչև ինտերնետը գրավոր խոսքը հիմնականում ոչ խոսակցական տարածքներում ա գործածվում:

_Հրաչ_
03.03.2016, 20:33
Մեկը՝ ես գրում եմ խոսակցական հայերենով, երբեմն ավելացնում եմ նաև բարբառային, օտար, ժարգոնային և այլ տեսակի բառեր՝ ըստ ձևակերպվող մտքի պահանջի: Բայց ինչքան էլ խոսակցական շարադրեմ միտքս, կգրեմ ուղարկել, այլ ոչ՝ ուղղարկել, կգրեմ մարդիկ, այլ ոչ՝ մարդիք, կգրեմ՝ ծնունդդ, այլ ոչ՝ ծնունդտ և այլն: Եթե ես գրում եմ՝ օժանդակ «է» բայի տեղն օգտագործելով «ա» (ինչը համատարած երևույթ ա), դա չի նշանակում, որ ես չգիտեմ «է»-ի մասին, բայց եթե գրում եմ «ինդզ», դա նշանակում ա, որ ես ակնհայտ չգիտեմ էդ բառի առավել գեղեցիկ ճիշտ գրելաձևը: Է պարզ ա, չիմանալը հանցանք չի, ուղղակի կարդացողի համար (ըստ իս՝ կարդացողների մեծամասնության համար) տհաճ ա: Ինչո՞ւ ա տհաճ, որովհետև մեր կարդացած գրքերում էդ կարգի սխալ գրելաձևեր չեն եղել, մեր աչքը խորթ ա տենց ակնհայտ անգրագետ բառաձևերին:
Ուղղագրական ու քերականական սխալը նկատողն ու արտահայտվողը բնականաբար (սովորաբար) զգում ա՝ էդ սխալը գրվել ա չիմացաբար, թե պատահաբար: Ինքս պատահաբար ու արագ գրելու ընթացքում տառասխալներ անող մարդկանց բան չեմ ասում, կարծում էլ եմ, որ չկա տենց մարդ, որ տենց վրիպակներ թողած չլինի, բայց էն, որ «բարեվ դեզ» գրելաձևը տհաճ ա ու նմանատիպ դեպքերի համար «հա, ոչինչ, էնքան որ հայերեն գրի» կամ «ինչ կարևոր ա՝ ոնց ա գրել, միտքը հասկանալի լինի» բովանդակության արդարացումները տեղին չեն, ինձ թվում ա՝ քչերը չէ, որ ինձ հետ համաձայն կլինեն:
Ամեն դեպքում, ուղղագրական սխալներ անողներին չենք գնդակահարում, ուղղակի ինքս կողմ եմ, որ խոսակցական լեզվի հետ կապ չունեցող, սենց ասած, «բառափոխություններ» չլինեն կամ նվազեն, որպիսի դեպքում չենք սևեռվի էդ՝ պահի տակ մանր թվացող սխալմունքի վրա, կկարդանք, առաջ կանցնենք:

John
03.03.2016, 22:35
Մի հատ էս նյութերի վերնագրերը կարդացեք
Եթե ուսուցիչն իսկապես խբել է, կպատժվի/ (http://www.slaq.am/arm/news/148084/)
Կլոզեն ձեռքով է գոլ խբել (http://www.hottv.am/sport/30861)
Արմեն Պողոսյանը խորհուրդ է տալիս պոմիդորը խբել պատին նոր գնել (http://tv.mediamall.am/?id=7021)
Մի կողմ դնենք, որ լրատվական կայքերում է էդ էշ սխալը։ Ու Շին ջան, փորձի ինձ համոզես որ էդ մարդիկ խոսալուց էլ են խբել ասում, դրա համար են տենց գրել։ Էդ ուղղակի 3րդ դասարանի մակարդակի հայերեն չիմանալու արդյունք է։ Էդ անտերը որ գրում են խբել՝ խոսակցական չի, էդ անգրագիտություն է ուղղակի։ Ու լավ եմ անում բարձրաձայնում եմ էդ մասին։ Դուրդ չի գալիս՝ քայլեր ձեռնարկի, որ չկարդաս նմանատիպ գրառումներս։ Թե չէ եկել հեքիաթներ ես պատմում ստեղ, թե խոսակցական են գրում, ամեն երկրորդն էլ դասատուի դեր է ստանձնել, այդ թվում քո ակումբակից ընկերներից․․․

Աթեիստ
03.03.2016, 22:54
http://armtimes.com/hy/read/77947

Վերջին նախադասությունը՝ «ինչպես նաև բարձրակարգ մարզիչներ ուղղարկել:»

http://hetq.am/arm/news/64606/samvel-karapetyan-kartsum-em-or-vracinern-aveli-en-gnahatum-im-ashkhatanqy-qan-hayery.html
http://javakhq.info/քաղաքականություն/3964__սամվել-կարապետյան.-«կարծում-եմ%2C-որ-վրացիներն-ավելի-են-գնահատում-իմ-աշխատանքը%2C-քան-հայերը»__1812150003964.html

«Վերջիններս հայտնել են, որ նամակն ուղղարկել են իրենց արտգործնախարարություն:»

http://armtimes.com/hy/read/78491

«Հունվարի 29-ից սկսած օդային հոսանքները կփոխեն իրեն ուղությունը՝»

Շինարար
03.03.2016, 22:58
Մի հատ էս նյութերի վերնագիրը կարդացեք
Եթե ուսուցիչն իսկապես խբել է, կպատժվի/ (http://www.slaq.am/arm/news/148084/)
Կլոզեն ձեռքով է գոլ խբել (http://www.hottv.am/sport/30861)
Արմեն Պողոսյանը խորհուրդ է տալիս պոմիդորը խբել պատին նոր գնել (http://tv.mediamall.am/?id=7021)
Մի կողմ դնենք, որ լրատվական կայքերում է էդ էշ սխալը։ Ու Շին ջան, փորձի ինձ համոզես որ էդ մարդիկ խոսալուց էլ են խբել ասում, դրա համար են տենց գրել։ Էդ ուղղակի 3րդ դասարանի մակարդակի հայերեն չիմանալու արդյունք է։ Էդ անտերը որ գրում են խբել՝ խոսակցական չի, էդ անգրագիտություն է ուղղակի։ Ու լավ եմ անում բարձրաձայնում եմ էդ մասին։ Դուրդ չի գալիս՝ քայլեր ձեռնարկի, որ չկարդաս նմանատիպ գրառումներս։ Թե չէ եկել հեքիաթներ ես պատմում ստեղ, թե խոսակցական են գրում, ամեն երկրորդն էլ դասատուի դեր է ստանձնել, այդ թվում քո ակումբակից ընկերներից․․․

Գրիր էդ լրատվամիջոցներին: Դու մամուլը դրել ես խոսակցության հե՞տ ես համեմատում, ո՞նց մի կողմ դիր էդ փաստը, որ լրատվամիջոցներն են անում: Դու եթե բան ես ուզում փոխել, պիտի էդ լրատվամիջոցներին դիմես: Իսկ էն մնացած նեղացած-նեղացած գրածիդ մասով, ի՞նչ ասեմ, հաճելի չի չէ՞ որ ինչ-որ բան ես կարդւոմ, որ կարող ա դիտարկվել որպես քո արածների քննադատություն: Բաաա, ապո ջան:


Մթամ բան ես անում, մամուլում սխալներ են անում, ֆեյսբուքի քո ընկերներին ճիշտը սովորացնում ես, որ ի՞նչ անես:



Եթե կոնկրետ իմ ընկերը ինչ-որ գրավոր տեքստում սխալ ունենա, որ մտածեմ՝ իրան հետաքրքիր կլինի ճիշտը իմանալ, անձնական նամակով տեղյակ կպահեմ, ի տո անում եմ հազար անգամ տաք ու հով լինելով, որ մարդը վատ չզգա: Ու էլի եմ ասում, դուք ոնց գիտեք, եթեգտնում եք, որ էդքան լուսավորյալ ե,ք որ եկել ա ազգը լուսավորելու ժամանակը, խնդրեմ: Ես՝ պաս:

John
03.03.2016, 23:05
Գրիր էդ լրատվամիջոցներին: Դու մամուլը դրել ես խոսակցության հե՞տ ես համեմատում, ո՞նց մի կողմ դիր էդ փաստը, որ լրատվամիջոցներն են անում: Դու եթե բան ես ուզում փոխել, պիտի էդ լրատվամիջոցներին դիմես: Իսկ էն մնացած նեղացած-նեղացած գրածիդ մասով, ի՞նչ ասեմ, հաճելի չի չէ՞ որ ինչ-որ բան ես կարդւոմ, որ կարող ա դիտարկվել որպես քո արածների քննադատություն: Բաաա, ապո ջան:


Մթամ բան ես անում, մամուլում սխալներ են անում, ֆեյսբուքի քո ընկերներին ճիշտը սովորացնում ես, որ ի՞նչ անես:



Եթե կոնկրետ իմ ընկերը ինչ-որ գրավոր տեքստում սխալ ունենա, որ մտածեմ՝ իրան հետաքրքիր կլինի ճիշտը իմանալ, անձնական նամակով տեղյակ կպահեմ, ի տո անում եմ հազար անգամ տաք ու հով լինելով, որ մարդը վատ չզգա: Ու էլի եմ ասում, դուք ոնց գիտեք, եթեգտնում եք, որ էդքան լուսավորյալ ե,ք որ եկել ա ազգը լուսավորելու ժամանակը, խնդրեմ: Ես՝ պաս:
Հզոր մտքեր են, ինչ խոսք։ Ափսոս տենց էլ չհիմնավորեցիր, որ խոսակցականում «խբել» ասելու պատճառով է տարածված էդ սխալը։
Փաստորեն ստացվում է, որ էդ ստատուսը քեզ ես վերագրել, նեղվել ես ու որոշել ես «արժանի հակահարված» տաս Ակումբում, որպես պատասխան քննադատություն, ու հատուկ շեշտել ես «խափելու» պահով, որ կարդամ, ինձ վերագրեմ ու նեղվե՞մ։ Էդ քայլը որ 13 տարեկան աղջիկ աներ, նորմալ կնայեի :D

Շինարար
03.03.2016, 23:12
Հզոր մտքեր են, ինչ խոսք։ Ափսոս տենց էլ չհիմնավորեցիր, որ խոսակցականում «խբել» ասելու պատճառով է տարածված էդ սխալը։
Փաստորեն ստացվում է, որ էդ ստատուսը քեզ ես վերագրել, նեղվել ես ու որոշել ես «արժանի հակահարված» տաս Ակումբում, որպես պատասխան քննադատություն, ու հատուկ շեշտել ես «խափելու» պահով, որ կարդամ, ինձ վերագրեմ ու նեղվե՞մ։ Էդ քայլը որ 13 տարեկան աղջիկ աներ, նորմալ կնայեի :D

չէ, ուղղակի դու քեզ վրա վերցրեցիր, ես սկի չէի հիշում քո գրառումը, ոչ էլ Բյուրի ասած բայլուսն եմ նկատել, ոչ էլ գիտեմ, թե ինչ նկարների մասին էր Չուկը խոսում, ազնվությամբ, ուղղակի զուգադիպեց, իսկ տանսերեք տարեկան աղջկա պահով՝ ես ինձ վատ չեմ զգում, եթե մեջս էնքան մանկականություն կա, որ կարամ ինձ տասներեք տարեկան աղջկա պես պահեմ, բայց ցավոք՝ չէ, չկա, բիձցել եմ


Հարցը էն չի, թե խի ա մարդը խբել գրում, հասուն մարդ ա, դպրոց չի գրում, տենց ա գրում, է թող գրի: Իմ ողջ ասելն էդ ա:

John
03.03.2016, 23:25
չէ, ուղղակի դու քեզ վրա վերցրեցիր, ես սկի չէի հիշում քո գրառումը, ոչ էլ Բյուրի ասած բայլուսն եմ նկատել, ոչ էլ գիտեմ, թե ինչ նկարների մասին էր Չուկը խոսում, ազնվությամբ, ուղղակի զուգադիպեց, իսկ տանսերեք տարեկան աղջկա պահով՝ ես ինձ վատ չեմ զգում, եթե մեջս էնքան մանկականություն կա, որ կարամ ինձ տասներեք տարեկան աղջկա պես պահեմ, բայց ցավոք՝ չէ, չկա, բիձցել եմ


Նշի՛ր խնդրեմ քո ակումբակից ընկերների ցանկը, ովքեր ֆբ-ում իրենց ուսուցչի տեղ են դրել, ու դու, նեղվելով էդ փաստից, որոշեցիր Ակումբի, ոչ համապատասխան թեմայում բարձրաձայնել էդ մասին, այլ ոչ թե իրենց անձնական նամակի միջոցով տեղյակ պահել, ինչպես ինձ ես առաջարկում։



Հարցը էն չի, թե խի ա մարդը խբել գրում, հասուն մարդ ա, դպրոց չի գրում, տենց ա գրում, է թող գրի: Իմ ողջ ասելն էդ ա:
էդ քո տեսակետն է ընդամենը։ Ու, ցավոք, հիմնավորում չունեցող։ Իսկ ինձ համար տհաճ է կարդալ բռնաբարված հայերեն, լինի դա լատինատառ թե մեսրոպատառ, ու, ավելի արդյունավետ միջոց չունենալու պարագայում ընտրել եմ էդ տարբերակը գոնե ինչ-որ չափով, գոնե իմ շրջապատում ինչ-որ բան փոխելու։ ԱՆձնական նամակով չեմ գրում, քանզի միշտ չի, որ ընկերներիցս մեկն է աչքի ընկնող ուղղագրական սխալներ անում, էդ ամենն ուղղակի երևում է իմ նյուզֆիդում, քանզի ընկերներիցս ինչ-որ մեկը հավանել-մեկնաբանել է այն։ Ու ֆիդբեքի մեխանիզմն էլ նույնն է․ գրում եմ փաբլիք ( ի տարբերություն սովորական, առօրեական, ընկերներիս հետ կիսվելու համար նախատեսված ստատուսը), ընկերներս հավանում են, իրենց ընկերների նյուզֆիդում երևում է։ Էդ սխալ գրողներն էլ, քանզի չգիտեն, որ սխալ են գրել, որ գնան բառարանում կարդան ճիշտը, իմանում են, որ սխալ են գրել։
Հիմա եթե քեզ այդ ամենը դուր չի գալիս, դա քո խնդիրն է, եղբայր, քանի դեռ ես չեմ ոտնահարել քո, քո մտերիմների, բարեկամների, ակումբակիցների, մոլորակակիցների իրավունքները, դու ոչ մի իրավական կամ տրամաբանական հիմք չունես իմ քայլերից դժգոհելու։ Մանավանդ որ ունես այլընտրանք (ընտրության հնարավորություն)․ չկարդալ իմ գրածները։

Շինարար
03.03.2016, 23:36
Նշի՛ր խնդրեմ քո ակումբակից ընկերների ցանկը, ովքեր ֆբ-ում իրենց ուսուցչի տեղ են դրել, ու դու, նեղվելով էդ փաստից, որոշեցիր Ակումբի, ոչ համապատասխան թեմայում բարձրաձայնել էդ մասին, այլ ոչ թե իրենց անձնական նամակի միջոցով տեղյակ պահել, ինչպես ինձ ես առաջարկում։



Օքեյ, սուտ եմ ասում, Ջոն ջան: Մենակ խնդրում եմ մի ջղայնացիր, հա՞: Ամենաքիչը ուզում եմ, որ էս զրույցների արդյունքում ինչ-որ մեկը էսպես սրտանց ջղայնանա ու նեղվի, ոնց հիմա դու: Կներես, իրոք չէի ուզում քեզ նեղսրտացնել: Առանց էն էլ էնքան ջղայնանալու բան կա, բա արժե՞, որ էս քննարկան պատճառով ջղայնանաս:

CactuSoul
03.03.2016, 23:49
Ես John֊ի կողմից եմ էս հարցում։ Մանավանդ, որ հենց նոր միտս եկան դեպքեր, երբ հենց էդ տեսակ [ուրիշների կողմից արված հրապարակային] ուղղումների արդյունքում ինքս էլ որոշ բառեր ու արտահայտություններ շտկել եմ իմ խոսքում։ Օրինակ՝ «վերաբերել֊վերաբերվել»֊ու տարբերությունը, «ավերել» բառը, որ դպրոցն ավարտելուց ահագին անց դեռ «ավիրել» գիտեի, «նկատի ունենալ», «շնորհիվ»՝ առանց դիմացից «ի» ավելացնելու է ճիշտը․․․ Ու երևի էլի կան, ուղղակի հիմա չեմ հիշում։
Հաստատ արժի բարձրաձայնել սխալների մասին, օգուտ կա։ :)

Շինարար
04.03.2016, 00:08
Ես John֊ի կողմից եմ էս հարցում։ Մանավանդ, որ հենց նոր միտս եկան դեպքեր, երբ հենց էդ տեսակ [ուրիշների կողմից արված հրապարակային] ուղղումների արդյունքում ինքս էլ որոշ բառեր ու արտահայտություններ շտկել եմ իմ խոսքում։ Օրինակ՝ «վերաբերել֊վերաբերվել»֊ու տարբերությունը, «ավերել» բառը, որ դպրոցն ավարտելուց ահագին անց դեռ «ավիրել» գիտեի, «նկատի ունենալ», «շնորհիվ»՝ առանց դիմացից «ի» ավելացնելու է ճիշտը․․․ Ու երևի էլի կան, ուղղակի հիմա չեմ հիշում։
Հաստատ արժի բարձրաձայնել սխալների մասին, օգուտ կա։ :)
Ըհըն, իմ գրառմամբ Կակտուսին նկատի ունեի, Ջոն ջան, ոչ թե քեզ: Իրոք չարժե էդքան ջղայնանալ:

Rammstein
04.03.2016, 03:24
Մի հատ էս նյութերի վերնագրերը կարդացեք
Եթե ուսուցիչն իսկապես խբել է, կպատժվի/ (http://www.slaq.am/arm/news/148084/)
Կլոզեն ձեռքով է գոլ խբել (http://www.hottv.am/sport/30861)
Արմեն Պողոսյանը խորհուրդ է տալիս պոմիդորը խբել պատին նոր գնել (http://tv.mediamall.am/?id=7021)
Մի կողմ դնենք, որ լրատվական կայքերում է էդ էշ սխալը։ Ու Շին ջան, փորձի ինձ համոզես որ էդ մարդիկ խոսալուց էլ են խբել ասում, դրա համար են տենց գրել։ Էդ ուղղակի 3րդ դասարանի մակարդակի հայերեն չիմանալու արդյունք է։ Էդ անտերը որ գրում են խբել՝ խոսակցական չի, էդ անգրագիտություն է ուղղակի։ Ու լավ եմ անում բարձրաձայնում եմ էդ մասին։ Դուրդ չի գալիս՝ քայլեր ձեռնարկի, որ չկարդաս նմանատիպ գրառումներս։ Թե չէ եկել հեքիաթներ ես պատմում ստեղ, թե խոսակցական են գրում, ամեն երկրորդն էլ դասատուի դեր է ստանձնել, այդ թվում քո ակումբակից ընկերներից․․․


http://armtimes.com/hy/read/77947

Վերջին նախադասությունը՝ «ինչպես նաև բարձրակարգ մարզիչներ ուղղարկել:»

http://hetq.am/arm/news/64606/samvel-karapetyan-kartsum-em-or-vracinern-aveli-en-gnahatum-im-ashkhatanqy-qan-hayery.html
http://javakhq.info/քաղաքականություն/3964__սամվել-կարապետյան.-«կարծում-եմ%2C-որ-վրացիներն-ավելի-են-գնահատում-իմ-աշխատանքը%2C-քան-հայերը»__1812150003964.html

«Վերջիններս հայտնել են, որ նամակն ուղղարկել են իրենց արտգործնախարարություն:»

http://armtimes.com/hy/read/78491

«Հունվարի 29-ից սկսած օդային հոսանքները կփոխեն իրեն ուղությունը՝»

:o
Ես սենց բաներ տեսնելուց առաջին հերթին անհանգստանում եմ էն մարդկանց համար, ովքեզ վստահ չեն իրենց լեզվի գիտելիքների հարցում ն ու կարող ա դա իրանց համար օրինակ դառնա, տենց սխալ տպավորվի էդ բառը, քանի որ հատկապես տենց մարդկանց մտքով դժվար անցնի, որ լրատվական կայքում, էն էլ վերնագրում ինչ-որ կոպիտ ուղղագրական սխալ կարա լինի:

Ինչ վերաբերում ա էսպես ասած խոսակցական գրելուն. պետք ա հստակ տարանջատել ոչ գրական բառերն ու ուղղագրական սխալները: Ուղղագրական սխալները, ինչպիսիք են բազմաչարչար խափելը, խբելը, պարկելը, սարգելը, եւ այլն, ոչ մի դեպքում ընդունելի չեմ կարա համարել: Հատուկենտ բացառություններ իմ համար վիճելի կարող ա լինեն, օրինակ` «քցել»-ը, որտեւ որ մարդ գրի «նա ինձ գցեց», բոլորը կմտածեն հրել գցելը, բայց որ «ք»-ով գրի, պարզ կլինի, որ խոսքը խաբեության մասին ա:

Ներսես_AM
04.03.2016, 05:16
էս քննարկումը կարդում ու ուզում եմ էն հարևան ոչ պակաս կրքոտ թեմայում գնամ գրեմ․ Հայաստանը նենց լավ երկիր ա, որ քսան տարի ա անկախություն ունի բայց մինչև հիմա էնքան փող չունի բոլոր տարածված Օպերացիոն համակարգերի ու Բրաուզերների համար ուղղագրության ստուգիչ (spellchecker) սարքել տա։ էս թեման էլ երևի իսկի չէր էլ քննարկվի որովհետև էդ վերնագիր հավաքողի մոտ նույնիսկ առանց իր նկատելու «խբելը» կդառնար «խփել», «ուղագրությունը» «ուղղագրություն», «ուղղարկելն» էլ «ուղարկել»‎։ :cry2

Աթեիստ
04.03.2016, 08:49
Օպերա 12, մի 4 տարի ա կա։ Բազան փոքր ա, բայց թույլ ա տալիս սովորեցնել ։)

http://s26.postimg.org/rzgdjmm7t/Opera_Spelling.jpg

Ուլուանա
04.03.2016, 09:02
Գրիր էդ լրատվամիջոցներին: Դու մամուլը դրել ես խոսակցության հե՞տ ես համեմատում, ո՞նց մի կողմ դիր էդ փաստը, որ լրատվամիջոցներն են անում: Դու եթե բան ես ուզում փոխել, պիտի էդ լրատվամիջոցներին դիմես:

...Մթամ բան ես անում, մամուլում սխալներ են անում, ֆեյսբուքի քո ընկերներին ճիշտը սովորացնում ես, որ ի՞նչ անես:
Շին, նման լրատվամիջոցներին գրելը, կարծում եմ, իմաստ չունի։ Նրանց եթե դա գոնե մի քիչ հուզեր, չէին էլ թույլատրի նման կոպիտ տառասխալներով տեքստեր, էլ չեմ ասում՝ վերնագրեր։ Էդ մակարդակի անգրագիտության դրսևորումները հստակ ցույց են տալիս, թե էդ մարդկանց համար ինչն ա կարևոր ու ինչքանով։ Էլ որպես ի՞նչ գրես։ Իսկ ճիշտը թեկուզ ստատուսի տեսքով հրապարակելով՝ ամեն դեպքում մարդը նպաստում ա գրագիտության տարածմանը, գուցե, կախված լսարանի մեծությունից՝ չնչին չափով, բայց համոզված եմ՝ նպաստում ա։ Էդ միջոցն ա մարդուն հասանելի, դրանով ա փորձում տարածել ճիշտը։ Ամեն դեպքում հաստատ ավելի հետաքրքիր ու օգտակար ա, քան եթե գրեր, թե էդ օրն ինչ ա կերել, կամ՝ թե ինչպիսին ա եղանակն իր պատուհանից դուրս։

Ի դեպ, որ ասում ես՝ օնլայն բառարաններ կան, ու եթե մեկին հետաքրքրի, թե էսինչ բառը ոնց ա գրվում, էնտեղ կնայի, ձեր գրածի հույսին չի, հեչ համաձայն չեմ։ Մարդը նախ պիտի իմանա, որ սխալ ա գրում, որ մի հատ էլ մտածի, որ բառարանում էս կամ էն բառի ուղղագրությունը ճշտելու կարիք ունի։ Ավելի լավ չի՞, երբ առանց հատուկ բառարան բացելու, հատկապես երբ չգիտես՝ կոնկրետ ինչի համար բացես էդ բառարանը, լրահոսիդ մեջ հայտնվում ա արածդ սխալների ուղղումներով ստատուս, որը կարդալով՝ իմանում ես սխալներիդ մասին։ Հա, հասկանում եմ, որ շատ մարդկանց չի էլ հետաքրքրում, թե իրենք ինչքանով են գրագետ խոսում կամ գրում, կարևորը՝ մի կերպ հասկացնեն իրենց ուզածը, բայց շատ կան նաև էնպիսիք, ում հետաքրքրում ա, ու բոլորովին դեմ չեն ճիշտն իմանալ, նաև շնորհակալ կլինեն իրենց լուսավորելու համար։ Իսկ ով դեմ ա, ասել Հովսեփի, թող չկարդա, ո՞վ ա ստիպում։ Հատկապես երբ ընդհանուր ա գրվում՝ առանց կոնկրետ անձի հրապարակավ դիմելու կամ անուն նշելու, ընդհանրապես չեմ հասկանում բողոքդ։


Եթե կոնկրետ իմ ընկերը ինչ-որ գրավոր տեքստում սխալ ունենա, որ մտածեմ՝ իրան հետաքրքիր կլինի ճիշտը իմանալ, անձնական նամակով տեղյակ կպահեմ, ի տո անում եմ հազար անգամ տաք ու հով լինելով, որ մարդը վատ չզգա: Ու էլի եմ ասում, դուք ոնց գիտեք, եթեգտնում եք, որ էդքան լուսավորյալ ե,ք որ եկել ա ազգը լուսավորելու ժամանակը, խնդրեմ: Ես՝ պաս:
«Լուսավորյալ» բառը պետք չի նման հեգնական երանգով օգտագործել. ընդհանրապես հա, ասում են՝ գիտելիքը լույս ա, ու էդ առումով բոլորս էլ էս կամ էն հարցում էս կամ էն չափով լուսավորյալ ենք, ի՞նչ կա որ, ու լույսը պետք ա հնարավորինս տարածել։ Եթե մարդը վստահ ա, որ կոնկրետ հարցում ճիշտը գիտի ու կարող ա դա ուրիշներին էլ փոխանցել, ինչի՞ չանի։

Անձնական նամակն էլ ա տարբերակ, իհարկե, կախված տվյալ մարդու հետ հարաբերությունների բնույթից, մտերմությունից։ Ես, օրինակ, ինտերնետ ոտք դնելուս օրվանից ինչքան առիթ ու հնարավորություն ունեցել եմ, միշտ աշխատել եմ ուղղել նկատածս լեզվական սխալները՝ օգտագործելով ինձ հասանելի բոլոր միջոցները. համ ֆորումում գրառումներ եմ արել համապատասխան թեմաներում, համ բլոգումս եմ լիքը գրել տարածված սխալների մասին, համ էլ տարբեր մարդկանց հետ առանձին խոսելիս եմ կոնկրետ սխալներ մատնանշել, որոնք էդ պահին նկատել եմ իրենց կողմից, երբեմն անձնական նամակներով էլ եմ ասել։ Ու դեռ չեմ հիշում, որ որևէ մեկը դրանից բողոքած լինի, վիրավորվի, կամ թեկուզ նկատեմ, որ իրեն վատ զգաց։ Հակառակը՝ միշտ շնորհակալ են եղել մարդիկ, որովհետև հասկացել են, որ իրենց համար եմ ասում, ոչ թե հաճույք եմ ստանում իրենց սխալ հանելուց։ Իհարկե, համոզված եմ, որ եղել են ու կան նաև մարդիկ, որոնց ներվերի վրա ազդում են հրապարակային ուղղումները (խոսքը կոնկրետ մարդկանց դիմելով կամ մատնանշելով հրապարակային ուղղումներ անելու մասին չի, նման բան չեմ արել, այլ տարածված սխալների մասին ընդհանուր գրելու), բայց դե էդ էլ իրենց խնդիրն ա։ Ես էլ գուցե իրենց արած սխալներից եմ ներվայնանում, հետո՞ ինչ։

Rammstein
04.03.2016, 11:02
Օպերա 12, մի 4 տարի ա կա։ Բազան փոքր ա, բայց թույլ ա տալիս սովորեցնել ։)

http://s26.postimg.org/rzgdjmm7t/Opera_Spelling.jpg

Հաա, ես էլ հիշեցի: Իրա բազան փոքր էր, բայց ես էնքան բառ էի ավելացրել արդեն իրա բառարանում, որ թույն բան էր դառել: :cry2

Աթեիստ
04.03.2016, 11:29
Սահակյանցներից նորմալ բան սպասելը միամտություն կլիներ, բայց մարդիկ այբուբեն սովորեցնող «մուլտ են» նկարում, որում հայոց լեզվի հերն անիծում են։ 27-րդ վարկյանին Այբբերանանը մի «բ»-ով։ Երգերը տեղով անգրագիտության օրինակներ են։


https://youtu.be/wIdsTD1U-Sg?t=27

Հըլը գուգլեք «այբենարան» բառն ու նայեք, թե ինչքան ա բերում։

John
04.03.2016, 11:47
Գրիր էդ լրատվամիջոցներին: Դու մամուլը դրել ես խոսակցության հե՞տ ես համեմատում, ո՞նց մի կողմ դիր էդ փաստը, որ լրատվամիջոցներն են անում: Դու եթե բան ես ուզում փոխել, պիտի էդ լրատվամիջոցներին դիմես: Իսկ էն մնացած նեղացած-նեղացած գրածիդ մասով, ի՞նչ ասեմ, հաճելի չի չէ՞ որ ինչ-որ բան ես կարդւոմ, որ կարող ա դիտարկվել որպես քո արածների քննադատություն: Բաաա, ապո ջան:


Մթամ բան ես անում, մամուլում սխալներ են անում, ֆեյսբուքի քո ընկերներին ճիշտը սովորացնում ես, որ ի՞նչ անես:




Մի հատ էս մասն էլ պարզաբանեմ, որ հանգիստ լինեմ։ Մի կողմ դնելու պահը ի նկատի ունեի, որ եթե նույնիսկ մարդ լրագրող չի, եթե նույնիսկ բարձրագույն կրթություն չունի, տենց տարրական սխալներ պետք ա որ չանի։ Էդ նույնն ա, որ 10/2=4 գրեն ու միայն էն պատճառով, որ ինքը դպրոցում 10 տարի մաթեմ է անցել ու էդքանը չի սովորել (ուրեմն պետք չի իրեն), պետք չի ուղղել, քանի որ հաշվիչի տեղը բոլորն էլ գիտեն։
Էդ «լրատվամիջոցներին» դիմելն իմաստ չունի, որտև դրանք քլիքոմանիայով են տառապում, ու բացարձակապես միևնույն է իրենց համար, թե ինչ են գրում ու ոնց են գրում, կարևորը՝ դիտում ապահովեն։
Ու նենց չի էլի, որ ես էդ լրատվականներում տեսնում եմ սխալը, գնում ֆբ-ում սկսում եմ ընկերներիս ճիշտը սովորեցնել։ Ուղղակի ցույց տալու համար, որ համընդհանուր տարածված սխալ է՝ գուգլեցի ու առաջին էջից մի քանի հղում դրեցի։ Որ ուզում ես ճիշտն իմանաս, ես հղման վրա սեղմելուց առաջ նայում եմ, թե ուր է ինձ տանելու էդ հղումը, եթե լուրջ լրատվական կայք չի` չեմ էլ բացում, ուր մնաց սխալները նկատեմ, էլ չեմ ասում բարձրաձայնեմ էդ սխալների մասին։
Նենց չի որ քունս կորցրած սխալ եմ ման գալիս՝ ի տես աշխարհի ցույց տամ, որ գիտեմ ոնց ա գրվում էդ բառը։
Որ տենց բնավորություն ունենայի, հազիվ թե ատեստատի մեջ «երեք» գնահատականը լիներ հայոց լեզվի դիմաց, դիպլոմի մեջ էլ «ճմռթած(նոր պարզեցի, որ ռ-ով է գրվում) ութ» ։



Օքեյ, սուտ եմ ասում, Ջոն ջան: Մենակ խնդրում եմ մի ջղայնացիր, հա՞: Ամենաքիչը ուզում եմ, որ էս զրույցների արդյունքում ինչ-որ մեկը էսպես սրտանց ջղայնանա ու նեղվի, ոնց հիմա դու: Կներես, իրոք չէի ուզում քեզ նեղսրտացնել: Առանց էն էլ էնքան ջղայնանալու բան կա, բա արժե՞, որ էս քննարկան պատճառով ջղայնանաս:

Շին ջան, ախպերս, բա արժի՞, որ առօրյա հազար ու մի գործերի մեջ ժամանակ գտնենք մի երկու բառի ճիշտ ուղղագրություն փորձենք տարածել, ու էդ բողոքելու առիթ դառնա․․․ Քիչ-քիչ բնավորություն է դառնում (դառել) հայերիս մոտ ամեն ինչից բողոքելը։ Գոնե նեյտրալ հարցերում, որ ուղղակի կամ անուղղակի չեն վնասում ինչ-որ մեկին, մեր անձնական քմահաճույքները արի կլինի մեր մեջ պահենք, իսկ ավելի լավ կլինի, որ ընդհանրապես չխորանանք ու մեր՝ առանց այն էլ հոգնած ուղեղներն էլ ավելի չծանրաբեռնենք։

StrangeLittleGirl
04.03.2016, 12:47
Մի հատ էս մասն էլ պարզաբանեմ, որ հանգիստ լինեմ։ Մի կողմ դնելու պահը ի նկատի ունեի, որ եթե նույնիսկ մարդ լրագրող չի, եթե նույնիսկ բարձրագույն կրթություն չունի, տենց տարրական սխալներ պետք ա որ չանի։ Էդ նույնն ա, որ 10/2=4 գրեն ու միայն էն պատճառով, որ ինքը դպրոցում 10 տարի մաթեմ է անցել ու էդքանը չի սովորել (ուրեմն պետք չի իրեն), պետք չի ուղղել, քանի որ հաշվիչի տեղը բոլորն էլ գիտեն։
Էդ «լրատվամիջոցներին» դիմելն իմաստ չունի, որտև դրանք քլիքոմանիայով են տառապում, ու բացարձակապես միևնույն է իրենց համար, թե ինչ են գրում ու ոնց են գրում, կարևորը՝ դիտում ապահովեն։
Ու նենց չի էլի, որ ես էդ լրատվականներում տեսնում եմ սխալը, գնում ֆբ-ում սկսում եմ ընկերներիս ճիշտը սովորեցնել։ Ուղղակի ցույց տալու համար, որ համընդհանուր տարածված սխալ է՝ գուգլեցի ու առաջին էջից մի քանի հղում դրեցի։ Որ ուզում ես ճիշտն իմանաս, ես հղման վրա սեղմելուց առաջ նայում եմ, թե ուր է ինձ տանելու էդ հղումը, եթե լուրջ լրատվական կայք չի` չեմ էլ բացում, ուր մնաց սխալները նկատեմ, էլ չեմ ասում բարձրաձայնեմ էդ սխալների մասին։
Նենց չի որ քունս կորցրած սխալ եմ ման գալիս՝ ի տես աշխարհի ցույց տամ, որ գիտեմ ոնց ա գրվում էդ բառը։
Որ տենց բնավորություն ունենայի, հազիվ թե ատեստատի մեջ «երեք» գնահատականը լիներ հայոց լեզվի դիմաց, դիպլոմի մեջ էլ «ճմռթած(նոր պարզեցի, որ ռ-ով է գրվում) ութ» ։

Ճմրթածն էլ ա ճիշտ ;)
Ընդհանրապես, նկատել եմ, որ մենք ավելի շատ սիրում ենք անանուն բողոքել, քան կոնկրետ մարդկանց կամ լրատվամիջոցներին ցույց տալ սխալները: Եթե դուրներդ չի գալիս, որ վերնագրի մեջ տառասխալ կա, ես էլ եմ կարծում, որ լավագույն տարբերակը լրատվամիջոցին գրելն ա՝ անկախ նրանից, թե ինչ կարգի լրատվամիջոց ա: Ի վերջո, էդպես ավելի հավանական ա, որ էլ նման սխալներ թույլ չեն տա, քան ֆեյսբուքում անանուն ստատուսներ գրելով կամ դասատուական տոնով նկարներ սարքելով:

CactuSoul
04.03.2016, 14:39
Երեկ աչքովս մարմնի խնամքի միջոցներ արտադրողի մի էջ ընկավ։ Մի քանի նկարի մեկնաբանությունների մեջ տեսա «գլինաներ» բառը (հայատառ), մի քիչ ուղեղիս զոռ տվեցի ու գլխի ընկա․ երևի կավ նկատի ունեն։ Մեկնաբանություն թողեցի, հարցրի՝ արդյոք ճիշտ եմ հասկացել։ Տրանսլիտով պատասխանեցին, որ այո։ Գրեցի՝ բա ինչո՞ւ միանգամից էդպես չեք գրել, կամ գոնե ռուսերեն գրեիք։ Նորից տրանսլիտով շնորհակալություն հայտնեցին, ասացին, որ կուղղեն։
Անձնական հաղորդագրություն ուղարկեցի՝ փորձելով հնարավորինս մատչելի ու մեղմ ձևով բացատրել, որ տրանսլիտով հրապարակային էջում բան գրելով՝ անլրջացնում են իրենց արած գործը։ Պատասխանը զավեշտալի էր․ մոտավոր էսպիսի բան է ասում (էլի տրանսլիտով)՝ «ազնիվ խոսք՝ translate չեմ օգտագործել, ուղղակի էդ բառը հայերեն չգիտեի»։
բառացի մեջբերում՝
Barev Ani jan) amenayn ankexcutyamb translate chem ogtagorcel!!! Es uxaki chisht bar@ chgitei.Amen depqum shnorhakal em.
Բացատրեցի՝ տրանսլիտն ինչ է։ Էլ արձագանք չեմ ստացել։

Լեո
04.03.2016, 15:22
Ուրեմն էն որ տրանսլիտով են գրում, էն որ սիստեմատիկ տարրական սխալներ են թույլ տալիս ամենափոքր տեքստերում անգամ, էն էր միտքն ու լեզուն էնպես են աղավաղում, որ ուղեղդ բռնաբարվում ա, ես դա կարողանում եմ հասկանալ, օբյեկտիվ պատճառներ կարող են լինել (օրինակ՝ սարքավորումը, որով գրում են, հայաֆիկացված չէ, տրանսլիտով գրելն ավելի արագ ա ստացվում (չնայած չեմ կարծում), մարդն անգրագետ ա կամ ծայրահեղ դեպքում ուղղակի փնթի և այլն)... Բայց չեմ կարողանում հասկանալ էն, երբ մարդուն նորմալ հարգալից ձևով հուշում ես, որ կան սխալներ, որոնք շատ հեշտ կարելի ա վերացնել (որի համար առանձնապես մեծ ջանք ու ինտելեկտ էլ չի պահանջվում), բայց մարդը չի ուզում անգամ լսել, ավելին, նույնիսկ ինչ-որ տեղ ագրեսիվ ձևով առաջարկում ա unfriend անել իրեն, եթե քեզ իր գրածները դուր չեն գալիս: Էդ նման ա նրան, որ աղբը թափես փողոցում, ու երբ քեզ քաղաքավարի հուշեն, որ դրա համար աղբաման գոյություն ունի, նույն ագրեսիվ ձևով առաջարկես՝ չեք ուզում ուրիշ փողոցով քայլեք...

Ես իհարկե չեմ խոսում մաքրամաքուր լեզվով խոսելու անհրաժեշտության մասին, ավելին, ես ինքս ավելի շատ խոսակցական լեզվով եմ գրում: Դեմ եմ նաև մաքրամոլությանը: Բայց էն, թե երբեմն մարդիկ ինչքան անհանդուրժողական են գրագետ գրելու կոչ անողների հանդեպ, այ դա իրոք լիրվ անհասկանալի ա:

Հ.Գ. Հա, ի դեպ, unfriend անել առաջարկողներին անպայման «send to գրողի ծոց» եմ անում :)

_Հրաչ_
28.02.2017, 15:52
Էս շեդևրը պետք ա պահվի: :))

https://fb-s-d-a.akamaihd.net/h-ak-xpt1/v/t1.0-9/16998677_10154159516626300_2409144345547993200_n.jpg?oh=7cf9b8360debf778447b14a227c2122a&oe=5930A5D1&__gda__=1496450102_33b6f919c9532a8f1df589b130fd25ee