Դիտել ողջ տարբերակը : Բիձինա Իվանիշվիլին Վրաստանում ապրող հայերի մասին
Իվանիշվիլին «տեղը չի բերում» հայերին
Վրաստանի խորհրդարանի ընտրությանը հաղթանակ տարած «Վրացական երազանք» դաշինքի հիմնադիր-ղեկավար, միլիարդատեր Բիձինա Իվանիշվիլին հարցազրույց է տվել ռուսական The New Times պարբերականի գլխավոր խմբագիր Եվգենիա Ալբացին:
Հարցերից մեկին պատասխանելիս, Իվանիշվիլին հետաքրքրական անդրադարձ է անում Վրաստանում բնակվող հայերին:
Դուք ապրել եք Ֆրանսիայում, ձեր երեխաները մեծացել են այդ երկրում, եւ հանկարծ՝ կուսակցություն, ընտրություններ… Ձեր ինչի՞ն է պետք այդ ամենը, հարցնում է Ալբացը:
«Մենք վրացիներս այդպես տարօրինակ ենք՝ մենք կապված ենք մեր հողին: Այդպիսին է մեր բնավորությունը: Ահա, օրինակ, մեզ մոտ այստեղ հայեր են ապրում: Իսկ ես ապշահար եմ լինում. ահա նրանց հայրենիքը կողքին է, իսկ նրանք մեզ մոտ են ապրում: Ձեր համար, հավանաբար, այդպիսի հարց չկա: Իսկ ինձ համար անհասկանալի է: Ես ապրել եմ Ֆրանսիայում, մեկ տարի Ամերիկայում, իսկ ինձ երազում սկսեց երեւալ իմ գյուղը, իմ հողը…», ասում է Իվանիշվիլին:
Միգուցե Ֆրանսիայում ապրելու հանգամանքն է նաեւ, որ զարմացնում է Բիձինա Իվանիշվիլուն, թե ինչու հայերը ապրում են ոչ թե «կողքը՝ հայրենիքում, այլ Վրաստանում»:
Ըստ երեւույթին, ապրելով Վրաստանում, Բիձինա Իվանիշվիլին կտեղեկանա, որ հայերն այդտեղ ապրում են շատ վաղուց, եւ ոչ միայն ապրում են, այլ թերեւս վրացիներից ավելի զգալի դեր են խաղացել վրացական տարածության ձեւավորման հարցում, Թբիլիսիի քաղաքային դեմքի կերտման հարցում: Նաեւ, Բիձինա Իվանիշվիլին Վրաստանում մի փոքր ապրելուց հետո կարող է տեղեկանալ, որ Վրաստանում ապրող հայ քաղաքացիների մի զգալի մասը ապրում է հենց իր հայրենիքում՝ Ջավախքում: Բանն այն է, որ հայերի հայրենիքի մի մասը ներկայում Վրաստանի տարածքում է, եւ Բիձինա Իվանիշվիլին թերեւս այդքան էլ խոհեմ չի վարվում, բացելով հայերի հայրենիքի թեման:
Եթե հայերը այդ թեման չեն բացում, ապա Իվանիշվիլին թերեւս հաստատապես լավ կանի չբացի այն: Դա կարող է շատ թանկ նստել թե տարածաշրջանի, թե մասնավորապես Վրաստանի համար: Այնպես որ, Վրաստանում հայերի բնակությունից ապշահար լինելու փոխարեն, Բիձինա Իվանիշվիլին թերեւս լավ կանի շարունակի Վրաստանում Միխայիլ Սահակաշվիլիի սկսած բարեփոխումների կուրսը:
Բայց, այստեղ իհարկե ակնհայտորեն խնդիր կա, համենայնդեպս նկատելի է, որ առնվազն ենթագիտակցական մակարդակում, եթե ոչ քաղաքական առումով գիտակցված, Իվանիշվիլին խնդիր ունի վիրահայության գոյության հետ:
Հետեւաբար, վիրահայությունն էլ այստեղ անելիք ունի, Վրաստանի այսպես ասած նոր առաջնորդին բացատրել, թե ինչ գործ ունեն հայերը Վրաստանում, ու նաեւ բավական հանդարտ, բայց հանգամանալից ձեւով հասկացնել, որ Իվանիշվիլիի համար այդքան էլ խրախուսելի չէ այդ ոգով գործ ունենալ հայերի հետ:
Թեեւ, այդ բացատրության հարցում վիրահայ համայնքը կարող է ունենալ լուրջ դժվարություններ, քանի որ տեսակարար կշռով լինելով աշխարհում ամենաշատ ներկայացված համայնքներից մեկը՝ տվյալ երկրի բնակչության համադրությամբ, հայկական համայնքը Վրաստանում երեւի թե հանդիսանում է աշխարհում ամենաթույլ կազմակերպված եւ կշռով ամենանվազ համայնքներից մեկը:
Այստեղ, այդ առումով, իրավիճակը դառնում է բավական հարաբերական, քանի որ տեսակարար կշռով այդքան մեծ, բայց այդքան թույլ կազմակերպված որեւէ ազգային փոքրամասնություն կարող է օբյեկտիվորեն խնդիր դիտվել տվյալ երկրի իշխանության համար: Եվ այդ տեսակետից, Իվանիշվիլիի որոշակի մտահոգություններ այդուհանդերձ կարող են նաեւ օբյեկտիվ ու հասկանալի լինել, որովհետեւ երբ կա բավական մեծաքանակ, բայց բավական թույլ կառավարվող համայնք, այն կարող է դառնալ նաեւ տարատեսակ մանիպուլյացիաների եւ խնդիրների աղբյուր:
ՀԱԿՈԲ ԲԱԴԱԼՅԱՆ
Ambrosine
05.10.2012, 16:15
Ինձ թվում ա` Բիձիկը միտումնավոր ա էդպես արտահայտվել: Վրացիները` թուրքերի նման, հայկական ներկայությունը տանել չեն կարողանում և փորձում են ամենաչնչին հնարավորությունն անգամ օգտագործելով մաքրել հայի հետքերը: Ես Ջավախքի հայերի անկազմակերպվածության հարցում համոզվեցի նաև վերջին ընտրությունների ժամանակ, երբ երկու ճամբարներում էլ հայեր կային և ցեխ էին շպրտում մյուս ճամբարի երեսին: Նվաստիս կարծիքով` ազգային փոքրամասնությունը պետք է մեկ թեկնածու ունենա, պետք է գնա բոլոր թեկնածուների մոտ և ուղղակի հարց տա` ի՞նչ օգուտ իմ ժողովրդին, որ դու ընտրվես: Առևտուր ա, պիտի մաքսիմալ օգուտ քաղես, թե չէ Ջավախքի հայերը իրենք են իրենց համար Ջավախքում ապրելու հնարավորությունը նվազագույնի հասցնում: Եթե վրացին հայերի "աջակցությունը" չստանա, ոչինչ էլ չի կարողանա անել:
Նոր ֆեյսբուքում կարդացի՝
"Վրացիները, տարօրինակ ազգ են: Նրանց երկիրը մեր կողքին է, իսկ նրանք ապրում են Ջավախքում:"
Ambrosine
05.10.2012, 16:44
Նոր ֆեյսբուքում կարդացի՝
"Վրացիները, տարօրինակ ազգ են: Նրանց երկիրը մեր կողքին է, իսկ նրանք ապրում են Ջավախքում:"
Մենք շրջապատված ենք տարօրինակ ազգերով:
Բիձինա Իվանիշվիլու և նրա պեսների պատճառով է, որ Վրաստանն ի վերջո դադարելու է պետական կազմավորում լինելուց: Աբխազիան և Հարավային Օսիան քիչ էր, հիմա էլ նույն եղանակով Ջավախքն են ուզում կորցնել:
Ambrosine
05.10.2012, 20:06
Բիձինա Իվանիշվիլու և նրա պեսների պատճառով է, որ Վրաստանն ի վերջո դադարելու է պետական կազմավորում լինելուց: Աբխազիան և Հարավային Օսիան քիչ էր, հիմա էլ նույն եղանակով Ջավախքն են ուզում կորցնել:
Բայց արդյո՞ք հայերը դա գիտակցում են: Մինչև մենք Հայաստանից նման ցանկություններ ենք հայտնում, նրանք ավելի ու ավելի հեռանում են Հայաստանից: Ջավախքից մի պաշտոնյա մի անգամ հետևյալ հարցադրումը կատարեց, թե` հո չե՞ք կարծում, որ եթե անգամ Ջավախքը անկախ ճանաչվի, ցանկանալու է միանալ Հայաստանին. անկախությունը, հանրապետությունը բարձր կատեգորիա է: Ճիշտն ասած` այդ պահին այնքան էի բարկացել, որ... հետո նույն արտահայտությունը ես տարածեցի Արցախի վրա, չէ՞ որ արդեն անկախության գաղափարը շատ է արծարծվում, մի օր էլ կարող ա չցանկանան Ստեփանակերտը վերածել շարքային քաղաքի, դրոշի սպիտակ գիծն էլ ջնջել: Իսկ Ջավախքի դեպքում ինչ-որ եզրահանգումներ անելը բավականին բարդ է, երբ չկա գերիշխող նպատակ այդ համայնքում: Արցախում գոնե հստակ է, որ երբեք չեն վերադառնալու Ադրբեջանի կազմ, իսկ Ջավախքում նույնիսկ անկախ լինելու ցանկությունը հստակ չի:
Alex-Grig
05.10.2012, 20:17
վրացիները իրենք իրենց երկրում փոքրամասնություն են կազմում, եթե հանենք մեգրելներին, սվաններին, աջարներին, հայերին ու ազերներին, տակը բան չի մնում, իսկ վրաստանը վաղ թե ուշ կմասնատվի, որովհետև լինելով իբրև թե քրիստոնյա ժողովուրդ, սնապարծ են, լոպազ ու թուրքամետշ այնքան, որ ամբողջ Աջարիան այսօր թուրքերի ձեռքին է.
Ինչքան էլ իրան չսիրեմ, բացատրություն ա տվել՝ պնդելով որ այլ կերպ է արտահայտվել և լրագրողը աղավաղել է իր ասածը:
Mephistopheles
05.10.2012, 20:53
Ինչքան էլ իրան չսիրեմ, բացատրություն ա տվել՝ պնդելով որ այլ կերպ է արտահայտվել և լրագրողը աղավաղել է իր ասածը:
իսկ ճիշտը ո՞րն ա Արտ…
«Տատրօրինակ ազգ ենք վրացիներս: Միգուցե մեր անվանումը՝ Գեորգիա հողի հետ կապ ունի, այնուամենայնիվ վրացիները չեն կարողանում այլ տեղ հիմնվել: Այդ է պատճառը որ չունենք ուժեղ համայնք որևէ երկրում: Նախանձում եմ հայերին և հրեաներին, կոսմոպոլիտներ են և ամենուր կարողանում են հիմնավորվել և ապրել: Որտեղ լավ է, այնտեղ ապրում են: Ես ինքս չկարողացա ուրիշ տեղ ապրել և հենց պատճառով վերադարձա և այդ պատճառով եկա քաղաքականություն: Ահա, օրինակ, մեզ մոտ այստեղ հայեր են ապրում: Իսկ ես ապշահար եմ լինում. ահա նրանց հայրենիքը կողքին է, մեզ մոտ իրավիճակը ավելի լավ չէ, քան իրենց հայրենիքում, իսկ նրանք մեզ մոտ են ապրում: Ձեր համար, հավանաբար, այդպիսի հարց չկա: Իսկ ինձ համար անհասկանալի է: Ես ապրել եմ Ֆրանսիայում, մեկ տարի Ամերիկայում, իսկ ինձ երազում սկսեց երեւալ իմ գյուղը, իմ հողը… »
http://www.youtube.com/watch?v=7TF497S2v1Q
Mephistopheles
05.10.2012, 21:42
«Տատրօրինակ ազգ ենք վրացիներս: Միգուցե մեր անվանումը՝ Գեորգիա հողի հետ կապ ունի, այնուամենայնիվ վրացիները չեն կարողանում այլ տեղ հիմնվել: Այդ է պատճառը որ չունենք ուժեղ համայնք որևէ երկրում: Նախանձում եմ հայերին և հրեաներին, կոսմոպոլիտներ են և ամենուր կարողանում են հիմնավորվել և ապրել: Որտեղ լավ է, այնտեղ ապրում են: Ես ինքս չկարողացա ուրիշ տեղ ապրել և հենց պատճառով վերադարձա և այդ պատճառով եկա քաղաքականություն: Ահա, օրինակ, մեզ մոտ այստեղ հայեր են ապրում: Իսկ ես ապշահար եմ լինում. ահա նրանց հայրենիքը կողքին է, մեզ մոտ իրավիճակը ավելի լավ չէ, քան իրենց հայրենիքում, իսկ նրանք մեզ մոտ են ապրում: Ձեր համար, հավանաբար, այդպիսի հարց չկա: Իսկ ինձ համար անհասկանալի է: Ես ապրել եմ Ֆրանսիայում, մեկ տարի Ամերիկայում, իսկ ինձ երազում սկսեց երեւալ իմ գյուղը, իմ հողը… »
http://www.youtube.com/watch?v=7TF497S2v1Q
Արտ ջան էս Եվգենիա Ալբացի հետ ա՞… ես իհարկե սրան քաղաքական աստառ չեմ տալիս, բայց ինքը պտի հասկանա որ հայերը դարեր շարունակ են ապրել Վրաստանում, իսկ Ջավախքը ջավախքցիների հայրենիքն ա, իանք ընդեղ հյուր չեն ոչ էլ գրին քարտ են շահել կամ էլ որպես փախստական գնացել են աշխատելու… ժամանակ կար որ հայերը մեծամասնություն են եղել Թիֆլիսում (Պուշկինն ա գրել կովկսայան արշավանքների ժամանակ)…
հարցը դա չի ուղղակի ինքը տենց բան պտի չասեր… վատ ա նայվում… ամենակարևորը անգրագետ…
Բայց արդյո՞ք հայերը դա գիտակցում են: Մինչև մենք Հայաստանից նման ցանկություններ ենք հայտնում, նրանք ավելի ու ավելի հեռանում են Հայաստանից: Ջավախքից մի պաշտոնյա մի անգամ հետևյալ հարցադրումը կատարեց, թե` հո չե՞ք կարծում, որ եթե անգամ Ջավախքը անկախ ճանաչվի, ցանկանալու է միանալ Հայաստանին. անկախությունը, հանրապետությունը բարձր կատեգորիա է: Ճիշտն ասած` այդ պահին այնքան էի բարկացել, որ... հետո նույն արտահայտությունը ես տարածեցի Արցախի վրա, չէ՞ որ արդեն անկախության գաղափարը շատ է արծարծվում, մի օր էլ կարող ա չցանկանան Ստեփանակերտը վերածել շարքային քաղաքի, դրոշի սպիտակ գիծն էլ ջնջել: Իսկ Ջավախքի դեպքում ինչ-որ եզրահանգումներ անելը բավականին բարդ է, երբ չկա գերիշխող նպատակ այդ համայնքում: Արցախում գոնե հստակ է, որ երբեք չեն վերադառնալու Ադրբեջանի կազմ, իսկ Ջավախքում նույնիսկ անկախ լինելու ցանկությունը հստակ չի:
Որքանով որ ես գիտեմ, ամեն անգամ, երբ Ջավախքը ապստամբություն բարձրացնելու ցանկություն է ունենում, Հայաստանից մռայլ տեսքով հորդորում են նրանց հանգիստ նստել տեղները: Երկու կոնֆլիկտ միառժամանակ Հայաստանի ուժերից վեր է: Բայց դե ինչ իմանաս, թե ինչ կլինի վաղը: Եթե Ռուսաստանը սակարկության արդյունքում ԱՄՆ -ից ստանա Վրաստանը, ու այնտեղ այդ պահին գամսախուրդիատիպ ղեկավար լինի, ապա Ջավախքը Վրաստանից անջատելը մեծ դժվարություն չի լինի: Երբ բազմազգ պետությունը ազգայնական քաղաքականություն է սկսում վարել, դրանով միայն իր թշնամիների ջրաղացին է ջուր լցնում:
Իսկ ջավախցիների միասնական լինելու մեջ դժվարություն չեմ տեսնում: Եթե պահը գա համապատասխան քաղաքական ուժերը կարճ ժամանակում այնպիսի գործունեություն կծավալեն այնտեղ, որ բոլորը կամ գոնե մեծամասնությունը, մեկ գաղափարի կողմնակից կլինեն:
Արտ ջան էս Եվգենիա Ալբացի հետ ա՞… ես իհարկե սրան քաղաքական աստառ չեմ տալիս, բայց ինքը պտի հասկանա որ հայերը դարեր շարունակ են ապրել Վրաստանում, իսկ Ջավախքը ջավախքցիների հայրենիքն ա, իանք ընդեղ հյուր չեն ոչ էլ գրին քարտ են շահել կամ էլ որպես փախստական գնացել են աշխատելու… ժամանակ կար որ հայերը մեծամասնություն են եղել Թիֆլիսում (Պուշկինն ա գրել կովկսայան արշավանքների ժամանակ)…
հարցը դա չի ուղղակի ինքը տենց բան պտի չասեր… վատ ա նայվում… ամենակարևորը անգրագետ…
Հա, Ալբացն ա
Դու էս մեկը գիտես.... հազար ու մեկը կա :D Իրա ամեն մի ելույթը շեդևրա: Մանավանդ որ արտասահմանյան լրագրողների հետ ա խոսում, հետո մի շաբաթ բացատրություններ են տալիս: Մի տարի առաջ, հեռուստացույցով ընդհանրապես չէր երևում: Մի տարվա ընթացքում լավ զարգացել ա:
Ընդհանրապես վրացի պաշտոնյաների ու քաղաքագետների թավաքյալի հարցազրույցները նորություն չեն: Տարիներ առաջ, Քոչարյանի նախագահության ժամանակով, ինչ որ վրացական պատվիրակություն էր ժամանել Հայաստան: Մամլո ասուլիս էր կազմակերպվել: Վրացի գեներալ երկար ժամանակ ամբարտավան տեսքով պատասխանում էր լրագրողների հարցերին ու իր կարծիքով խորիմաստ տեսքով նայում շուրջբոլորը: Լրագրողի հերթական հարցին, թե ինչ կասի այն մարդկան մասին, որոնք օրերով սպասում են վրացական սահմանին, էս տուտուց գեներալը բառացի պատասխանեց հետևյալը` - կակիե տամ լյուդի, էտո վոդիտելի: Մի քանի վայրկյան քար լռություն տիրեց, հետո լրագրողներն այնպիսի հռհռոց բարձրացրին, որ խեղ- գեներալը չգիտեր որ ծակը մտներ: Ամբարտավան ու ինքնավստահ տեսքից հետք չէր մնացել, ոնց որ անձրևի տակ թրջված հավ լիներ արդեն: Ինչն է հետաքրքիր, այդ հարցազրույցը, որ ցուցադրվել էր առավոտյան, նույն երեկոյան արդեն եթերից բացակայում էր: Հայերը համերաշխորեն մեծահոգություն ցուցաբերեցին փոքր եղբոր նկատմամբ, ամենայն հավանականությամբ, վերևից եկող հրամանի համաձայն:
Malxas
ենթադրում եմ, որ մինչև հեղափոխությունն ա եղել ու չեմ զարմանում, քանի որ էն ժամանակ Վրաստանի իշխանությունում էին ամենատգետ, գողական մտածելակերպով մարդիկ... մոտավորապես նենց, ոնց հիմա Հայաստանում ա:
Քաղաքական գործիչներն ինձ համար էնքան էլ կարևոր չեն, որքան հոգևոր հայրերը... վերջերս Գարեգին (կներեք արտահայտությանս համար) Բ ի վիդեոներից եմ հայտնաբերել, այ դա իրոք տխուր ա:
http://www.youtube.com/watch?v=jIzmiGUfqJs
Malxas
ենթադրում եմ, որ մինչև հեղափոխությունն ա եղել ու չեմ զարմանում, քանի որ էն ժամանակ Վրաստանի իշխանությունում էին ամենատգետ, գողական մտածելակերպով մարդիկ... մոտավորապես նենց, ոնց հիմա Հայաստանում ա:
Քաղաքական գործիչներն ինձ համար էնքան էլ կարևոր չեն, որքան հոգևոր հայրերը... վերջերս Գարեգին (կներեք արտահայտությանս համար) Բ ի վիդեոներից եմ հայտնաբերել, այ դա իրոք տխուր ա:
http://www.youtube.com/watch?v=jIzmiGUfqJs
Կամ հին իշխանության օրոք էր կամ նոր իշխանության ամենասկզբում, ցավոք չեմ կարող ճշգրիտ հիշել:
Գարեգին Բ - ի մասին տեսանյութով էլ վերքի վրա աղ ես լցնում: :(
Mephistopheles
05.10.2012, 23:19
Ժող, տարբերությունը մեր ու վրացիների մեջ ոչ թե էլիտայի մեջ ա, այլ նրա մեջ որ իրանք իրանց սահակաշվիլիներին, իվանիշվիլիներին եսիմ խույաշվիլիներին կարում են փոխեն, իսկ մենք ոչ… ու իրանք էդ փոփոխման ընթացքում հիմնականում հղկում են իրանց գործիչներին, մինչդեռ մեր մոտ հետ են գնում…
իվանիշվիլիի ասածը դուռակություն ա, բայց ինքը բացատրություն ա տվել, զգացել ա ասածի անիմաստությունը… էդ մի պլյուսը ես իրանց կարամ տամ…
keyboard
06.10.2012, 00:28
Malxas
ենթադրում եմ, որ մինչև հեղափոխությունն ա եղել ու չեմ զարմանում, քանի որ էն ժամանակ Վրաստանի իշխանությունում էին ամենատգետ, գողական մտածելակերպով մարդիկ... մոտավորապես նենց, ոնց հիմա Հայաստանում ա:
Քաղաքական գործիչներն ինձ համար էնքան էլ կարևոր չեն, որքան հոգևոր հայրերը... վերջերս Գարեգին (կներեք արտահայտությանս համար) Բ ի վիդեոներից եմ հայտնաբերել, այ դա իրոք տխուր ա:
Արթ, չի էլ երևում կողքերն ով կա, մի ծանոթ մարդ տեսնեի, փորձեի ճշտեի, էսի կարողա՞ դլյա խռաբռստի ուռել մուռելա նորա գնացել հանդիպման
Արթ, չի էլ երևում կողքերն ով կա, մի ծանոթ մարդ տեսնեի, փորձեի ճշտեի, էսի կարողա՞ դլյա խռաբռստի ուռել մուռելա նորա գնացել հանդիպման
Չգիտեմ, ինքը իմ կաթողիկոսը չի: Վերջին կաթողիկոսս Վազգեն Ա-ն էր...
Ժող, դզելա ընդդիմություն լինելը... Վրաստանում ընդդիմություն լինելը Հայաստանում ընդդիմություն լինելուց տարբերվում ա: Դեռ հանգստանում ենք... բայց աչքիս կամաց-կամաց իշխանամետ դառնամ: Էսօր գործարարների հետ էր հանդիպել, ասեց, իշխանության հետ ընկերություն մի արեք, հենց ընկերության փորձեր եղան, սկսեք գոռալ, որ ձեզ բռնաբարում են: Մեծ հավանականությամբ բենզինի գինը կնվազի 30-40 դրամով: Գազի գինն էլ ասում են պիտի նվազեն: Իշխանամետ ալիքների լիքը ծրագրեր փակվում են «ֆինանսների բացակայության պատճառով»: Փակվում է նաև մեկ իշխանամետ լրատվական ալիք, նույնպես «ֆինանսական խնդիրների հետ կապված»:
Նախանձում եմ հայերին և հրեաներին, կոսմոպոլիտներ են և ամենուր կարողանում են հիմնավորվել և ապրել: Որտեղ լավ է, այնտեղ ապրում են:
Ու հետո ինքն իրեն հակասում է
Իսկ ես ապշահար եմ լինում. ահա նրանց հայրենիքը կողքին է, մեզ մոտ իրավիճակը ավելի լավ չէ, քան իրենց հայրենիքում, իսկ նրանք մեզ մոտ են ապրում:
Ի դեպ, հետաքրքիր է, որ ընդիմության, օ կներեք, իշխող կուսակցության ղեկավարը նույնպես համարում է, որ Վրաստանում վիճակն ավելի լավ չէ, քան Հայաստանում: Հետաքրքիր է, սա իր անձնական կարծիքն է, թե պաշտոկանա կուսակցության կարծիքը? :D
Mephistopheles
06.10.2012, 02:39
Չգիտեմ, ինքը իմ կաթողիկոսը չի: Վերջին կաթողիկոսս Վազգեն Ա-ն էր...
Ժող, դզելա ընդդիմություն լինելը... Վրաստանում ընդդիմություն լինելը Հայաստանում ընդդիմություն լինելուց տարբերվում ա: Դեռ հանգստանում ենք... բայց աչքիս կամաց-կամաց իշխանամետ դառնամ: Էսօր գործարարների հետ էր հանդիպել, ասեց, իշխանության հետ ընկերություն մի արեք, հենց ընկերության փորձեր եղան, սկսեք գոռալ, որ ձեզ բռնաբարում են: Մեծ հավանականությամբ բենզինի գինը կնվազի 30-40 դրամով: Գազի գինն էլ ասում են պիտի նվազեն: Իշխանամետ ալիքների լիքը ծրագրեր փակվում են «ֆինանսների բացակայության պատճառով»: Փակվում է նաև մեկ իշխանամետ լրատվական ալիք, նույնպես «ֆինանսական խնդիրների հետ կապված»:
ապեր, ձեր մոտ համ ընդդիմությունը, համ իշխանությունը ազգընտիր ա… չես սխալվի ինչ էլ որ անես… ժողովրդավարության գեղեցկությունը, պրակտիկությունը, իմաստն ու առավելությունը հենց սրա մեջ ա… մի բան որ ես 4 տարի ա չեմ կարում բացատրեմ…
ապեր, ձեր մոտ համ ընդդիմությունը, համ իշխանությունը ազգընտիր ա… չես սխալվի ինչ էլ որ անես… ժողովրդավարության գեղեցկությունը, պրակտիկությունը, իմաստն ու առավելությունը հենց սրա մեջ ա… մի բան որ ես 4 տարի ա չեմ կարում բացատրեմ…
Ինձ գործարարները դուր եկան... Նենց խելացի երկխոսություն էր... Չես կարա համեմատես Հայաստանի Գագիկ Ծառուկյանի, Սամվել Ալեքսանյանի և մնացածների խոսալու հետ: Լրիվ քաղաքավարի, ինտելեկտուալ զրույց էր: Իշխանության և բիզնեսի:
keyboard
06.10.2012, 10:28
Ի դեպ, հետաքրքիր է, որ ընդիմության, օ կներեք, իշխող կուսակցության ղեկավարը նույնպես համարում է, որ Վրաստանում վիճակն ավելի լավ չէ, քան Հայաստանում: Հետաքրքիր է, սա իր անձնական կարծիքն է, թե պաշտոկանա կուսակցության կարծիքը? :D
Վարզոր, որ վրաստանում էիր, հո Բձի հետ չէ՞ս հանդիպել, որտև ինչ-որ սլիշկըմ շատ սավպադենիներ եղավ էլի :D
Վրաց միլիարդատերը չդիմացավ
Որքան էլ իմ կողմից հարգված ջավախքահայ քաղաքական գործիչ Դավիթ Ռստակյանը փորձի մեկնաբանել Բիձինա Իվանիշվիլիի շովինիստական հայտարարությունը, կարելի է համարել, որ եվրոպացի փորձագետները, ովքեր զգուշացնում էին Իվանիշվիլիի՝ Վրաստանի հայերի համար ավելի մեծ սպառնալիք լինելու մասին, երեւում է ճիշտ դուրս եկան: Վրաց նոր առաջնորդի մյուս բոլոր հայտարարություններն ու արտահայտությունները բավական հասկանալի, որոշակի եւ կոռեկտ էին, եւ միայն հայերի բախտը կրկին չբերեց:
Շատ շուտով կպարզվեն Իվանիշվիլիի շովինիստական տվյալ տրամադրությունների հիմքերը՝ արդյոք դրանք կապված էին ընդամենը նախընտրական արշավի իրավիճակին, թե դրանք բխում են նրա գենետիկ կոդից: Հնարավոր է, այլ իրավիճակում կարելի էր այս նորաթուխ գործչից սպասել հայերի վերաբերյալ ավելի զուսպ արտահայտություններ, սակայն այն պայմաններում, երբ հայ ընտրողը գերադասեց «լոյալությունը» գործող իշխանությանը, հայերն ինքզինքը զրկեցին որեւէ գործուն հասարակական-քաղաքական մանեւրից:
Վրաստանի հայերը պետք է ցուցադրաբար բոյկոտեին ընտրությունը, կամ քվեարկեին մարգինալ կուսակցությունների օգտին, որոնք մասնակցում էին ընտրություններին:
Մոտենում է ԱՄՆ նախագահի ընտրությունը, եւ այնտեղ հայերի համար ձեւավորվում է մի իրավիճակ, որ նման է վրացականին: Ռուսաստանում հայերն այդ դասն արդեն «անցել են» վերջերս:
Պարզ է դարձել, որ հայ համայնքները քաղաքական ղեկավարության կարիք ունեն: Ծիծաղելի է կարծելը, թե այդ խնդիրը կարող են իրականացնել այսպես կոչված հայկական ավանդական կուսակցությունները, կամ էլ իշխանության կողմից լեգիտիմ ճանաչված ներկայում գործող հասարակական կազմակերպությունները, կամ էլ Սփյուռքի նախարարությունը: Բոլոր այս կառույցները ստեղծվել են ամենեւին ոչ դրա համար, դրանք չունեն համապատասխան լծակներ եւ նման նպատակներ:
Ընդհանրապես, Հայաստանի համար կարեւոր շատ երկրներում հայկական համայնքները կանգնել են հասարակական եւ քաղաքական ձախողման առջեւ, չնայած արտերկրի համայնքների շատ ղեկավարների թվում է, թե գործերը հիանալի են, եւ մնացել է ընդամենը մի քանի շտրիխ ընդհանուր կառուցվածքային աշխատանքի ավարտին: Լովին հասկանալի է, որ ոմն անհատական ընտրությանը խաղադրույք կատարելը, որ կցանկանային պարտադրել սփյուռքի արմատական-լիբերալ գործիչները, անգործունակ է, քանի որ կասկած չկա, որ գործնականում բոլոր երկրներում հայերի ազգային եւ համայնքային շահերը սերտ կապված են տվյալ երկրների սոցիալ-տնտեսական եւ քաղաքական շահերին:
Համայնքները պետք է հանդես գան համերաշխ, եւ դա պետք է հասկանան քաղաքական կուսակցություններն ու խմբերը տարբեր երկրներում: Խնդիրը քաղաքական կամ գաղափարական կողմնորոշման մեջ չէ, այլ սփյուռքի հայ գործիչների դիրքորոշման եւ բնույթի մեջ: Հայերին կազմակերպչական կառույցների եւ ֆունկցիոներների հարցերի լուծումից սովորաբար շեղում է այն, թե իբր հայ համայնքները համեմատաբար ուժեղ են կազմակերպված եւ ընդունակ են լուծել խնդիրներ, որին ընդունակ չեն այլ էթնիկ համայնքներն ու նրանց կազմակերպությունները:
Սակայն հայկական սփյուռքը ակնհայտորեն հետ է մնում նոր տեղեկատվական եւ տեխնոլոգիական դարաշրջանից, այն բանից, ինչը ընդունված է կոչել «գլոբալիզմ», եւ անընդունակ է ադապտացվել պոստմոդեռնի պայմաններին: Հայ համայնքներն ու նրանց կազմակերպչական կառույցները գերազանցապես արխայիկ են եւ ավանդական, ամենաանհեթեթ եւ անիմաստ պատկերացմամբ:
Վրաստանի եւ նախեւառաջ Ջավախքի հայերը ստիպված էին պայքար մղել միաժամանակ մի քանի ճակատով: Ամենակոշտ ճակատը Հայաստանի իշխանությունն է եւ նրա արբանյակները: Ջավախքահայ սփյուռքը պարզվեց պարզապես հիմար եւ տեղական մանր մաֆիա է, թեեւ մաֆիա էլ հնարավոր չէ անվանել, պարզապես՝ չկայացած «կայֆովչիկների» եւ «կրթված մանր-գողականների» մանր խմբակներ: Ջավախքի տեղական իշխանությունը պարզապես կոնֆորմիստների հավաքատեղի է, որոնք նույնիսկ փորձ չարեցին օգտվել Վրաստանի Սահմանադրությունից ու օրենսդրությունից: Տեղական հասարակական կազմակերպությունները վիճեցին ու կռվեցին իրար հետ, ինչը հանգեցրեց դրանց լիակատար ապակազմակերպմանը եւ դեգրադացմանը:
Շատ բանով շնորհիվ աշխարհքաղաքական գործոնի, Ջավախքի հարցը, անկախ ձեւական գնահատականներից, ձեռք է բերել քաղաքական եւ միջազգային կարգավիճակ: Եւ նույնիսկ նման ակնհայտ հաջողության ֆոնին, Ջավախքի հասարակական հատվածը չկարողացավ օգտվել նոր իրավիճակից եւ լուծել գլխավոր հարցը՝ նախագծել եւ նախաձեռնել Ջավախքի եւ Վրաստանի հայերի քաղաքական սուբյեկտությունը: Ո՞վ հաշվի կնստի անկազմակերպ մարդկանց նման զանգվածի հետ:
Միեւնույն ժամանակ, կասկած չկա, որ Արեւմուտքի եւ Արեւելքի առաջատար տերությունների աշխարհքաղաքական շահերը Վրաստանի հայերի համար ստեղծում են բավական բարենպաստ պայմաններ, եւ նրանք կարող էին առավել էական դեր խաղալ Հարավային Կովկասում ծավալվող քաղաքական նոր խաղում: Բնութագրական է, որ Վրաստանի հայկական նոր կազմակերպված խմբերը չմասնակցեցին վրացական ընտրություններ կոչվող պրոֆանացիային եւ շարունակում են ջանքերը կազմակերպչական նոր կառույցներ ստեղծելու ուղղությամբ, առանց արդեն ինքզինքը սպառած գործիչների: Սա նոր սերունդ է, որը հիանալի հասկանում է եւ պատրաստ է իրականացնել խնդիրներ ժամանակակից աշխարհում, եւ Հայաստանի քաղաքական գործիչները շուտով ստիպված են լինելու սովորել նրանցից:
Իգոր Մուրադյան
Վարզոր, որ վրաստանում էիր, հո Բձի հետ չէ՞ս հանդիպել, որտև ինչ-որ սլիշկըմ շատ սավպադենիներ եղավ էլի :D
Իրա հետ չէ, տղու հետ եմ հանդիպել :)) :hands