PDA

Դիտել ողջ տարբերակը : Պե՟տք է արդյոք ՀՀ-ին գիտություն



Tirim-tim
03.10.2012, 14:26
Հետաքրքիր է իմանալ, թե ինչ են մտածում Ակումբցիները Հայաստանում գիտության մասին և արդյո՟ք Հայաստանի Հանրապետությանն անհրաժեշտ է գիտություն:

Նաև համամի՟տ եք Գիտնականները պարզել են ... (http://www.akumb.am/showthread.php/63530-%D4%B3%D5%AB%D5%BF%D5%B6%D5%A1%D5%AF%D5%A1%D5%B6%D5%B6%D5%A5%D6%80%D5%A8-%D5%BA%D5%A1%D6%80%D5%A6%D5%A5%D5%AC-%D5%A5%D5%B6) թեմայում հնչված հետևյալ կարծիքի հետ


Այժմ «Հայ» գիտնականները դարձել են պետության և կառավարության անդամների խաղալիքները , ինչ ասում են դա էլ գրում են : Պետությունն ասում է , որ գրքում ոչ մի հակաքրիստոնեական ոչինչ պետք է չլինի և այդպես էլ լինում է , որովհետև պարտադրում են , իսկ նրանք էլ անում են այն ինր իրենց թելադրում են : Գիտնականները այժմ չեն պայքարում ճիշտը բացահայտելու համար ::8

Chuk
03.10.2012, 15:11
Հետաքրքիր է իմանալ, թե ինչ են մտածում Ակումբցիները Հայաստանում գիտության մասին և արդյո՟ք Հայաստանի Հանրապետությանն անհրաժեշտ է գիտություն:

Նաև համամի՟տ եք Գիտնականները պարզել են ... (http://www.akumb.am/showthread.php/63530-%D4%B3%D5%AB%D5%BF%D5%B6%D5%A1%D5%AF%D5%A1%D5%B6%D5%B6%D5%A5%D6%80%D5%A8-%D5%BA%D5%A1%D6%80%D5%A6%D5%A5%D5%AC-%D5%A5%D5%B6) թեմայում հնչված հետևյալ կարծիքի հետ
Ոչ միայն պետք են, այլ անհրաժեշտ են: Կոպիտ եթե ասեմ, սենց կձևակերպեմ. մեր ուղեղները Հայաստանի ունեցած ամենալուրջ կապիտալն է, որն անհրաժեշտ է օգտագործել:

Խաղալիք գիտնականներ... հմմ... իհարկե կան էդպիսիք: Բայց նախ դա լավ օրից չի, հետո ամեն դեպքում քչերն են էդպես: Ուրիշ հարց, որ էսօր գիտությունը Հայաստանում իր բարձունքի վրա չի, հեչ որ չէ ֆինանսների սխալ բաշխման, չֆինանսաֆորման ու այլ պատճառներով: Գիտությունը արհեստականորեն արժեզրկվում է Հայաստանում, ես էդպես եմ զգում: Ստեղծվում ա միջավայր, որտեղ փոքր երեխեն մտածում ա մեծանալ ու «օլիգարխ» դառնալու, մի քանի թիկնապահ ունենալու մասին, ոչ թե գիտությամբ զբաղվելու: Գիտնականներին ներկայացնում են որպես «աչկարիստներ» ու բաղձալի նպատակ չի դառնում գիտությամբ զբաղվելը: Սենց բաներ շատ կան:

Բայց մենք գիտության ցանկացած ճյուղում, իրականում, կարող ենք լուրջ ներդրում ունենանք, եթե գործը ճիշտ կազմակերպվի: Ու դա նաև տնտեսապես շատ օգտակար կլինի Հայաստանին:

Peace
03.10.2012, 15:32
Հայաստանի Հանրապետությանն անհրաժեշտ է գիտություն:
ՀՀ-ին, ինչպես որ յուրաքանչյուր այլ պետության, գիտություն անհրաժեշտ է: Ես հարցդ կվերաձևակերպեի՝ կա՞ արդյոք գիտություն ՀՀ-ում: Պատասխան՝ միգուցե կա... միգուցե չկա…

Ambrosine
03.10.2012, 18:07
Ոչ միայն պետք է, այլև կա գիտություն: Ուրիշ բան է, որ ակտիվությունը հասարակական գիտություններինն է, մինչդեռ մեր երկրի համար կենսական նշանակություն ունի բնական, ճշգրիտ գիտությունների զարգացումը: Իսկ դրանցով զբաղվողները քիչ են, ոչ թե որ քիչ են վաստակում, այլ` ֆակուլտետի անունը լավ չի հնչում: Չեմ հերքում այն փաստը, որ աշխատատեղերը քիչ են, բայց կարիք կա լավ մասնագետի: Մեր ֆակուլտետում սովորողներից շատերը միայն անվան համար էին ընդունվել, ասելով` լավ է հնչում. լուրջ եմ խոսում: Իսկ քիմիայի ֆակուլտետում սովորողները հիմնականում եռանդով չեն սովորում, որովհետև իրենց թվում է, թե ապագան մշուշոտ է: Իմ կարծիքով ավելի մշուշոտ է հասարակական գիտություններով մասնագիտացողի ապագան, քանի որ մրցակցությունը շատ մեծ է, իսկ բնական գիտությունների ոլորտում քիչ թե շատ լավ սովորող ուսանող կարող է իր տեղը գտնել: Մեր գիտությունը այնքան է զարգացած, որ մեր շրջանավարտները պահանջարկ ունեն նաև արտասահմանում: Այնպես որ գիտության ոլորտում մեր լճացված կամ արդեն հետընթաց զարգացման վիճակի համար մեղավոր են գիտության ոլորտը կարգավորողները:

Իսկ այն մասով, որ գիտնականները խաղալիք են կառավարության ձեռքում, չեմ համաձայնի մասամբ: Իսկ մասամբ կհամաձայնեմ, որովհետև եթե ԲՈՒՀ-երի կառավարման խորհուրդների նախագահները մեր կառավարության անդամներն են և նաև մեր նախագահը, ապա գիտնականները ինչքան էլ ջանան լինել անկախ, լիովին չի ստացվի:

soultaker
03.10.2012, 18:21
Բնական է որ գիտություն ամեն տեղ էլ կա, չնայած համոզված չեմ որ հարցի բուն էությունը ճիշտ եմ հասկանում: Իրականում այն մարդիկ, որոնք միայն իրենց գործն են կարողանում լավ անել, վերջ ի վերջո դառնում են գործիք ավելի "շուստրի" մարդկանց ձեռքում, օրինակ՝ բիզնեսմենների:

Նետ
03.10.2012, 21:22
Կարծում եմ թեմայի վերնագիրը ճիշտ ձևակերպում չունի: Գիտություն ասածը շատ լայն հասկացողություն է: Գուցե արժեր գրել՝ Պե՟տք է արդյոք ՀՀ-ին գիտությունների ակադեմիա: Ամեն դեպքում, իհարկե պետք է:

MSGM
03.10.2012, 23:28
Հայաստանին գիտություն պետք է, որովհետև արտահանման լուրջ պոտենցիալ ունեցող ոչ մի ճյուղ չունենք: Գիտությունը պետք է զարգացնել ոչ թե ինչ-որ վերացական/բարոյական պատկերացումներից ելնելով, այլ որովհետև դա կենսական անհրաժեշտություն է, հնարավորություն, որ մենք էլ աշխարհում մեր տեղը ունենանք: Ներկա պահին գիտության զարգացման գործում ամենակարևորը կրթության հարցն է (ոչ միայն դպրոցական, այլև բուհական): Այսինքն առանց ճիշտ կազմակերպված դպրոցի ու ուժեղ բարձրագույն կրթական հաստատությունների (որոնց դիպլոմը հնարավոր կլինի ընկալել որպես տվյալ ոլորտում խորը գիտելիքների, ընկալման ու հասկացողության վկայական) գիտությունը ոչ մի տեղ էլ չի զարգանա:
Էս թեմայով մի հատ լավ հարցազրույց կա.
http://news.am/arm/news/110611.html

dvgray
04.10.2012, 06:41
արդյո՟ք Հայաստանի Հանրապետությանն անհրաժեշտ է գիտություն:

հարցը մոտավորապես նույն է, ինչ հարցնես,
- արդյոք Հայաստանի Հանրապետությանն անհրաժեշտ է միջմոլորակային արբանյակ, կամ ատոմային ռումբ, կամ մարդա 50000 դոլար թոշակ... :):
իհա՞րկե պետք է, բայց ինչքանով՞ է այն ռեալ:
Հայաստանում գիտությունը ընդանրապես ռեալ կատեգորիա չէ, հաշվի առնելով այն, թե ինչպիսի փողեր են պետք ժամանակակից գիտական հետազոտությունների համար

Ambrosine
04.10.2012, 17:31
Իմ կարծիքին ավելացնեմ նաև այն, որ մեզ գիտությունահեն :8 տնտեսություն է պետք:

Ambrosine
04.10.2012, 17:52
Կարծում եմ թեմայի վերնագիրը ճիշտ ձևակերպում չունի: Գիտություն ասածը շատ լայն հասկացողություն է: Գուցե արժեր գրել՝ Պե՟տք է արդյոք ՀՀ-ին գիտությունների ակադեմիա: Ամեն դեպքում, իհարկե պետք է:

Գիտությունների ակադեմիան ամենից շատ ներդրումների կարիքը ունի, ինչպես գրադարանների շարքում` հանրայինը :Ճ
Անունը բավականին հնչեղ է, բայց արի ու տես, որ բավականին հեշտ է այնտեղ սովորելը` համեմատած ԵՊՀ-ի, վարձն էլ քիչ է: Միգուցե իմ իմացած ֆակուլտետների հարցում է այդպես, բայց փաստ է, որ ակադեմիան ավարտածները մեզ հետ չեն կարող մրցել: Ու շատ ուսանողներ, որ ցանկանում են ավելի քիչ ժամանակ հատկացնել կրթությանը և ավելի քիչ էլ գումար, ԵՊՀ-ի բակալավրիատը ավարտելուց հետո դիմում են ԳԱԱ: Իմ կողմից ասեմ, որ եթե երբևէ ասպիրանտուրա դիմեմ, դա կլինի ԳԱԱ-ն, որովհետև ես հանգստի ու հոգևոր անդորրի վաստակած իրավունք ունեմ :)): Ու նաև համոզված եմ, որ այնտեղի գիտնականները ավելի ըմբռնումով են մոտենում ուսանողին, քան` ԵՊՀ-ում:

Մյուս կողմից նկատել եմ, որ ԳԱԱ-ում շատ են տարեց գիտնականները: Դա չգիտեմ կապեմ կադրերի պակասի՞, թե՞ երիտասարդների կողմից գիտական անհրաժեշտ բազա չունենալու խնդրի հետ: Կան շատ խոստումնալից երիտասարդ գիտնականներ, որոնք նորից գալիս են ԵՊՀ-ում դասավանդելու: ԳԱԱ-ի պոտենցիալը շատ մեծ է, պետք է զարգացնել, պետք է նրա երբեմնի հեղինակությունը վերականգնել: Իսկ դրա համար "գիտնական" երևույթը պետք է իր արժանի դիրքը ունենա հասարակությունում. սա իրոք ցավալի խնդիր է: Մեկ-մեկ նայում եմ գայիշնիկների տները, հետո` գիտնականների, տեսնում եմ, թե ովքեր են համարվում "էլիտա", ովքեր` ոչ... մեզ չի սազում:

Մի խնդիր էլ կա. ասենք թուրքագետը չգիտի` գիտական ինչ աստիճան պետք է ստանա, որովհետև կամ բանասիրական գիտությունների դոկտոր պետք է դառնա, կամ` պատմական: Իմ դասախոսը Հայաստանում պաշտպանել է դոկտորականը (պատմաբան), հետո Մոսկվայում պաշտպանել է թուրքագետի դոկտորական աստիճանը: Ստացվում է, որ ով ինչ ավարտի, պատմաբան պիտի դառնա:

Էս ինչ շատ խոսեցի :Ճ

Katka
04.10.2012, 21:36
Մեկ-մեկ նենց հարցեր են տրվում, որ ինձ թվում է` ես դեբիլ եմ: Եթե մի բանի ուղղությամբ ճիշտ բաներ չեն արվում, ապա չի նշանակում, որ պետք հարցնել՝ արդյոք այդ բանը մեզ պետք է: Տենց ու՞ր ենք հասնելու: Հարց տվողին "վստրեչ" հարց եմ ուզում տալ՝ իսկ դու կուզե՞ս տգետ լինել: Մի քանի քայլ առաջ էլի մտածեք՝ ինչ անենք, որ ստեղծված իրավիճակը փոխվի, որ գիտությունից գլուխ չբերողը գիտության բնագավառում խաղի կանոններ չորոշի: Սենց բաներ... Նենց տպավորություն ա մոտս, որ էս երկրում սաղ դրած նորից վելասիպեդ են հորինում: Ուղեղների արտահոսքի մասին է պետք հարց տալ::[
Ինչ չի մեզ պետք՝
1. հաստագլուխների կույտը և նրանց դինաստիան
2. անտարբերություն
3. տգիտություն
4. ժամանակն է ստրկատիրական հասարակարգի դեմ պայքարել
5. հարմարվողականություն…

Mephistopheles
04.10.2012, 21:51
Դատելով էս ֆորումի մասնակիցների կարծիքից ու ունեցած վերաբերմունքից գիտության ու գիտնականների մասին ես ենթադրում եմ որ ոչ… գիտության պահանջ չկա, բայց տեխնոլոգիայի կա, որն էլ ներմուծվում ա… մեր ժողովրդի մեծամասնությունը ուսումը, հատկապես բարձրագույն ուսումը համարում ա պրիստիժ, չեն օգտագործում բայց պտի լինի… Հայաստանի համալսարաններում ու բարձրագույն հաստատություններում ըմբոստ, հեղափոխական, առաջադեմ ուսանողություն չկա, նոր գաղափարներ գտնելը նպատակ չի, էնտուզիազմը շարժիչ ուժ չի Հայաստանում, իսկ գիտության արվեստի ու այլ բնագավառների զարգացման համար էնտուզիազմը նախապայման ա…

մարդիկ գիտության կարիք չեն զգում մինչդեռ պսևդոգիտությունները լայն տարածում են գտնում… տնտեսությունը հիմնականում հիմնված ա ներկրման վրա ոչ թե արտադրության…

սովետի ժամանակ Ճարտարապետական ֆակուլտետում 50 տեղ կար (կոնկուրսը 1 տեղին 2 հոգի), բնակչությունը 3.2 միլիոն էր, շինարարությունն ու գործատեղերն էլ պետության կողմից ապահովված էր՝ լավ կամ վատ… էսօր բնակչությունը 2.5 միլիոն ա, ֆինանսավորում չկա, շինարարություն չկա, բայց ճարտարապետականում տեղերը աժել են դառնալով 125… կարա՞ մեկը բացատրի սրա լոգիկան…

ընդհանուր առմամբ բոլոր երկրներին էլ պտի որ պետք ըլնի, բայց զարգանում ա այնտեղ որտեղ հասարակական պահանջ կա…

Varzor
06.10.2012, 02:44
Հայաստանում գիտությունը ընդանրապես ռեալ կատեգորիա չէ, հաշվի առնելով այն, թե ինչպիսի փողեր են պետք ժամանակակից գիտական հետազոտությունների համար
Համամիտ չեմ: Տենց միանշանակ չի կարելի ասել: Ոչ բոլոր գիտական հետազոտություններն են մեծ նյութական ռեսուրսներ պահանջում:

Varzor
06.10.2012, 02:47
Գիտություն պետք է ցանկացած երկրի, ցանկացած հասարակարգի, ցանկացած ժամանակ:
ԻՀԿ հարցը լղոզված է ձևակերպված և կոնկրետացման կարիք ունի:

dvgray
06.10.2012, 08:05
Համամիտ չեմ: Տենց միանշանակ չի կարելի ասել: Ոչ բոլոր գիտական հետազոտություններն են մեծ նյութական ռեսուրսներ պահանջում:
օրինա՞կ,
եթե կա այդպիսի գիտություն, որը պրակտիկ Հայաստանին փող ա բերելու, ո՞րն ա դա

dvgray
06.10.2012, 08:08
Գիտությունների ակադեմիան ամենից շատ ներդրումների կարիքը ունի,
որպես ի՞նչ պետք ա ներդրում արվի, ի՞նչ օգուտ ա դրանից ակընկալվելու ու ո՞վ ա լինելու էտ օգուտի տերը

Tirim-tim
06.10.2012, 11:54
ՀՀ-ին, ինչպես որ յուրաքանչյուր այլ պետության, գիտություն անհրաժեշտ է: Ես հարցդ կվերաձևակերպեի՝ կա՞ արդյոք գիտություն ՀՀ-ում: Պատասխան՝ միգուցե կա... միգուցե չկա…

Զարմանալի է, բայց այժմյան խայտառակ սուղ պայմաններում ՀՀ-ում գիտություն կա, ընդ որում հայ գիտնականները մեծ պահանջարկ ունեն արտերկրում: Ինչևէ, այն խնդիրները, որոնք լուծվում են ՀՀ-ում, փոքր-մոքր հարցեր են ու ոչ մի գիտական կենտրոն չի կարող իրեն թույլ տա, որ գլոբալ խնդիրներով զբաղվի:

Tirim-tim
06.10.2012, 11:57
Ոչ միայն պետք է, այլև կա գիտություն: Ուրիշ բան է, որ ակտիվությունը հասարակական գիտություններինն է, մինչդեռ մեր երկրի համար կենսական նշանակություն ունի բնական, ճշգրիտ գիտությունների զարգացումը:

Այս հարցում Ձեզ հետ համամիտ չեմ, ստատիստիկայի համաձայն տարվա կտրվածքով հասարակական ճյուղերում գիտական հրապարակումներն արտերկրում կարելի է հաշվել մատների վրա, մինչդեռ տեխնիկական ուղղություններով հրապարակումները ինստիտուտների մեծ մասում հարյուրի կարգի են:

Tirim-tim
06.10.2012, 12:01
Կարծում եմ թեմայի վերնագիրը ճիշտ ձևակերպում չունի: Գիտություն ասածը շատ լայն հասկացողություն է: Գուցե արժեր գրել՝ Պե՟տք է արդյոք ՀՀ-ին գիտությունների ակադեմիա: Ամեն դեպքում, իհարկե պետք է:
Ակադեմիան ընդամենը մի կառույց է, որի աշխատանքը միայն ադմինիստրատիվ գործն է: Իսկ այ գիտությամբ զբաղվում են ակադեմիայի կառույցները` ինստիտուտները: Ներկայումս ՀՀ-ում կա երեք կառույց, որոնք պետք է "օգնեն, կառավարեն, հետևեն" գիտության ընթացքին: Դրանք են Ակադեմիան, Գիտության Պետական Կոմիտեն, Գիտության և Կրթության նախարարությունը: Կարծում եմ այս օղակներից մեկն ավելորդ է և անձամբ ես կարծում եմ ավելի ճիշտ կլիներ ԳիտՊետԿոմը ներառվեր նախարարության մեջ:

Tirim-tim
06.10.2012, 12:08
ԻՀԿ հարցը լղոզված է ձևակերպված և կոնկրետացման կարիք ունի:

Հարցն էդպես եմ ձևակերպել, որովհետև շատ-շատերն ասում են, որ Հայաստանին գիտություն պետք չի, որովհետև գիտությունը բյուջե չի լցնում: Ավելին, շատերն էլ գիտնականներին վերաբերվում են որպես ձրիակերների:

Տրիբուն
07.10.2012, 00:10
Նախ պետք ա բյուջեն լցնի գիտությունը, որ հետո գիտությունը բյուջե լցնի: Բայց դե մեր բյուջեում ամեն ախմախ բանի համար փող կա, իսկ գիտության ու կրթության համար չի հերքում: Չնայած սրանցից ավել բան չի էլ կարելի սպասել: Յարաբ գիտեն գիտությունն ինչ ա, որ մի հատ էլ դրա պետք լինել չլինելը քննարկեն:

Իսկ կոնկրետ հարցի պահով - Հայաստանին գիտությունը պետք ա այնքան, որքան ցանկացած երկրին ա պետք, որ նորմալ երկիր կոչվի: Հարվարդներ ու Ստենֆորդներ չենք կարա ունենանք, բայց մենք մեր չափով կարանք զարգացնենք համ ֆունդամենտալ համ կիրառական գիտությունները: Այնքան որքան պետք ա, որ երկրի տնտեսական հիմքը մի քիչ ժամանակակից տեսք ստանա ու մի երկու գրամ մարդկությանը պիտանի բան աառաջարկի: Թե չէ սիգարետ, պիվա, կոյնակ, սոկ, կաթ ու սմետան ամենավերջին հավայի երկրն էլ հիմա արտադրում ա:

Varzor
07.10.2012, 03:24
օրինա՞կ,
եթե կա այդպիսի գիտություն, որը պրակտիկ Հայաստանին փող ա բերելու, ո՞րն ա դա
Ապեր ենքան կան, որ մի էջի վրա թվարկել չի լինի:
Մի քանիսը, մենակ կասեմ`
1. Արևային էներգետիկա
2. Միջուկային էներգետիկա
3. Հիդրոէներգետիկա
4. Գյուղատնտեսություն
5. Անասնաբուծություն

Varzor
07.10.2012, 03:27
Հարցն էդպես եմ ձևակերպել, որովհետև շատ-շատերն ասում են, որ Հայաստանին գիտություն պետք չի, որովհետև գիտությունը բյուջե չի լցնում: Ավելին, շատերն էլ գիտնականներին վերաբերվում են որպես ձրիակերների:
Իհարկե գիտնականների մեջ կան նաև ձրիակերներ, բայց ընդհանուր առմամբ կիրառական գիտությունը լավ էլ բյուջե կարող է լցնել:

dvgray
07.10.2012, 04:44
Ապեր ենքան կան, որ մի էջի վրա թվարկել չի լինի:
Մի քանիսը, մենակ կասեմ`
1. Արևային էներգետիկա
2. Միջուկային էներգետիկա
3. Հիդրոէներգետիկա
4. Գյուղատնտեսություն
5. Անասնաբուծություն
իսկ սրանցի մեջ գիտական աշխատանքների համար ինչքա՞ն փող է հարկավոր: կարող էս գնահատել ու ասել ամենահամեստ թիվը
աբեր, հիմա 7 դարը չի, ու գիտությւոնը քո նշած ճյուղերում ընենց մակարդակի վրա ա հիմա, որ անգամ մի երկրի գիտական ռեսուրսները անբավարար են:
իսկ այ ուրիշ երկրների գիտական կենտրոնների հետ համատեղ, երևի հնարավորություն կա.: օրինակ վերջերևս մեր ֆիզիկայի ինստիտիուտը լավ համագործակցում է ֆիզիկների հետ... սնեց լոկալ պռոեկտներ կան, ու արվում են, բայց գիտական կենտրոն Հայաստանում, դա լրիվ ուտոպիա ա...

Varzor
09.10.2012, 16:23
իսկ սրանցի մեջ գիտական աշխատանքների համար ինչքա՞ն փող է հարկավոր: կարող էս գնահատել ու ասել ամենահամեստ թիվը
աբեր, հիմա 7 դարը չի, ու գիտությւոնը քո նշած ճյուղերում ընենց մակարդակի վրա ա հիմա, որ անգամ մի երկրի գիտական ռեսուրսները անբավարար են:
իսկ այ ուրիշ երկրների գիտական կենտրոնների հետ համատեղ, երևի հնարավորություն կա.: օրինակ վերջերևս մեր ֆիզիկայի ինստիտիուտը լավ համագործակցում է ֆիզիկների հետ... սնեց լոկալ պռոեկտներ կան, ու արվում են, բայց գիտական կենտրոն Հայաստանում, դա լրիվ ուտոպիա ա...
Շատ մակերեսային ես նայում խնդրին: Գիտությունը կարծրացած մարմին չի, ու ասել, որ այս կամ այն ճյուղում այլևս անելիք չկա ուղղակի տրամաբանորեն ճիշտ չի:
Իսկ նյութական ներդրումների պարագայում միայն ասեմ, որ ՀՀ-ում գիտության որոշ ճյուղերի հետազոտություններ շատ ավելի էժան են նստում, քան արտասահմանում:
Իսկ ինչ վերաբերվում է արդյունաբերությանը, ապա կոնկրետ երկու օրինակ բերեմ.
Ամերիկյան համալսարանի տանիքին կարող է նկատած լինես արևային վահանակները: Դրանք, որքան էլ որ տարօրինակ կհնչի արտադրվել են և ամբողջ համակարգը նախագծվել ու իրականացվել է հենց մեր տեղի մասնագետների ուժերով: Ու եթե տեսնեիր, թե ինչ պայմաններում են այդ աշխատանքները իրականացվել ուղղակի ապշել կարելի էր, որ նման արդյունքների են հասել: Մանավորապես արևային էներգետիկայի ոլորտում, մեր գիտնականները չնչին ծախսերի հաշվին լուրջ գյուտեր են կատարել:
Բուսաբուծության ոլորտում վերջին նորարարությունը` պոմիդորի նոր "Նորք" տեսակի ստացումը, որի թե բերքատվությունը և թե սննդային հատկանիշները շատ բարձր են: Ու այդ ամենն առանց գենային ինժեներիայի:

Գիտական կենտրոն ՀՀ-ում ուտոպիա չի, ուղղակի հարց է, թե ինչ ի նկատի ունես դու գիտական կենտրոն ասելով:

StrangeLittleGirl
28.06.2014, 21:54
Ուզում եմ էս թեման ակտիվացնել, որովհետև էս հարցն ինձ լուրջ մտահոգում ա:

Երբ անցյալ տարի վերադարձել էի Հայաստան ու գործ էի ման գալիս, պոտենցյալ գործատուներին ասում էի, որ ես կարող եմ գիտություն անել: Քմծիծաղ էին տալիս, ասում՝ թե ում է պետք գիտությունը: Ընդ որում, այդպես ասողների մեջ կային նաև մարդիկ, որոնք մեկումեջ տպագրվում են գիտական ամսագրերում: Ուղղակի լեզուս չի պտտվում նրանց գիտնական անվանել, որովհետև, փաստորեն, իրանք իրանց գործին լուրջ չեն վերաբերվում:

Որ պետության կողմից էլ թքողական վերաբերմունք կա գիտության նկատմամբ, գաղտնիք չի: Մի կողմից, խղճուկ աշխատավարձերն են: Մյուս կողմից, էդ աշխատավարձը չբարձրացնելն ու պետբյուջեից շատ քիչ միջոցներ տրամադրելը: Մի քանի տարի առաջ Պահանջում ենք գիտության ֆինանսավորման ավելացում շարժումը փորձեց որոշ բաների հասնել, բայց մեծ մասամբ արդյունքը մինչև այսօր չկատարված խոստումներն են:

Բայց էստեղ ամենասարսափելին քաղաքացիական հասարակության վերաբերմունքն ա: Վերջերս իմ շատ մոտ ընկերուհիներից մեկի հետ վիճեցի: Մարդ, որն ամեն օր Աֆրիկյանների շենքի մոտ է: Ինքը պնդում էր, թե գիտնականները պիտի ոտքի կանգնեն և այլն: Բայց ամբողջ խնդիրը նրանում է, որ անգամ գիտնականների ոտքի կանգնելու դեպքում ոչ ոք իրենց բանի տեղ չի դնում (իմ ասած շարժումը վառ օրինակ, սուտ խոստումներից ու շատ ժամանակավոր ֆինանսավորումներից էն կողմ չգնաց): Ասենք, գիտնականները գործադուլ են նախապատրաստում, բայց դրա մասին ոչ մի տեղ չի ասվում, որովհետև լրագրողը նախընտրում ա վազել ոստիկանների ծեծած ցուցարարներ նկարել, ոչ թե գիտնականի գործադուլ: Ու անգամ ակտիվիստները ֆեյսբուքում չեն տարածում գիտական խնդիրներին վերաբերող առանց այդ էլ սակավաթիվ հոդվածները:

Մի խոսքով, անգամ ակտիվիստների խումբն ուղղակիորեն կամ ոչ այնքան ուղղակի կերպով ասում է, որ Հայաստանին գիտություն պետք չի: Իսկ ի՞նչ կարծիքի եք դուք: Իմ կարծիքը ես հետո կասեմ:

Արէա
28.06.2014, 22:33
Գիտնականը պիտի ոտքի չկանգնի, գիտնականը պիտի գիտությամբ զբաղվի:
Որպեսզի գիտնականը գիտությամբ զբաղվի, պիտի ոտքի կանգնելու կարիք չունենա:
Որպեսզի ոտքի կանգնելու կարիք չունենա, պիտի ապրի ընենց միջավայրում, որտեղ իրոք դրա կարիքը չի ունենա, ու հանգիստ գիտությամբ կզբաղվի:
Էդ մենք պիտի ոտքի կանգնենք, որ գիտնականները ստիպված չլինեն ոտքի կանգնելու:
Բայց, քանի որ մենք մանկուց տանել չենք կարողանում խելացի մարդկանց, մեզ մորթես էդ դոդիկ գյադեքի համար ոտքի կանգնողը չենք:
Դրա համար էլ Հայաստանում գիտ-ով սկսվող համարյա բան չկա էլ:

Ambrosine
28.06.2014, 23:12
Այս հարցում Ձեզ հետ համամիտ չեմ, ստատիստիկայի համաձայն տարվա կտրվածքով հասարակական ճյուղերում գիտական հրապարակումներն արտերկրում կարելի է հաշվել մատների վրա, մինչդեռ տեխնիկական ուղղություններով հրապարակումները ինստիտուտների մեծ մասում հարյուրի կարգի են:

Բայց մենք Հայաստանի մասին ենք խոսում:

Vaio
29.06.2014, 18:08
Գիտություն?
Հայաստանում?
Իմաստը?
Ինչ կարիք կա?

Վիշապ
30.06.2014, 00:05
Հայաստանին գիտություն շատ շատ է պետք, որովհետև Հայաստանը տեղից շատ բնական ռեսուրսներ չունի, հետևաբար կարող է հույսը դնել միտքը զարգացնելու ու ծախելու վրա, որ գոյատևի առհասարակ։
Որպեսզի գիտությունը զարգանա, պետք է արդարություն, ռացիոնալիզմ, տրամաբանություն, մազգավատ ատակ…
Այսինքն իշխանություն ունեցող մարդիկ պիտի մի քիչ լայն մտածել կարողանան։

ՀՀ–ում հաստատվել է դեբիլների դիկտատուրա որտեղ արդարությունը ոտի տակ է, կամ ոմանց ո.ռներում։
Այսինքն իշխանություն ու արտոնություն ունեն դեբիլները, որոնց համար գիտությունը թշնամի է, քանի որ եթե խելոք մարդկանց առավելություն տրվի`
ապա այդ դեբիլները կկորցնեն իրենց արտոնություններն ու իշխանությունը։

Իշխանությունը կորցնելու վախից դրդված, ՀՀ–ում պաշտոնյաները ընտրում են իրենցից ավելի դեբիլների որպես իրենց ենթակա։
Գալուստ Սահակյանին ԱԺ նախագահ ու Հովիկ Աբրահամյանին էլ վարչապետ դարձնելը դրա վառ օրինակն էր։
Այսինքն, այս տրամաբանությամբ եթե նայենք, ապա ՀՀ–ում իշխանությունները գնալով ավելի ու ավելի են դեբիլանալու։

Կարծես թե ընդդիմությունն էլ է ներկա պահին նույն ճանապարհով գնում… (թարսի պես)

Աստված վերջը խերն անի…

Progart
20.03.2017, 16:55
Հայաստանին գիտություն շատ֊շատ է պետք, որովհետև Հայաստանը տեղից շատ բնական ռեսուրսներ չունի, հետևաբար կարող է հույսը դնել միտքը զարգացնելու ու ծախելու վրա, որ գոյատևի առհասարակ։

Նշվեց, որ Հայաստանը բնական ռեսուրսներ չունի․ սա հարցի պատասխանն է։ Չկան բնական ռեսուրսներ, կօգտագործեն մեր ուղեղը։
Իսկ առհասարակ գիտություն անհրաժեշտ է ողջ աշխարհին․ Ուզբեկստանից մինչև Աֆրիկայի կորած գյուղ։ Հայաստանն ինչի՞ պիտի բացառություն կազմի։
Իշխանությունները չեն ֆինանսավորում․ օքեյ, համաձայն եմ։
(Գիտության հետ ծանոթությունն սկսվում է դպրոցից)
Բայց
Լավ, թե վատ կան դպրոցներ, որտեղ լավ, թե վատ կան ավարտած ուսուցիչներ։
Հիմա հարցը․
Էդ աշակերտներից քանի՞սն են ուզում սովորեն ֆիզիկա, քիմիա, կենսաբանություն, աշխարհագրություն։
Ուսուցչին թույլ են տալիս, որ դասընթացից հոգնի։ Աշակերտին թույլ են տալիս, որ դաընթացի ժամանակ քնի։
Իշխանությունն ա՞ մեղավոր։
Իշխանություններին մեղադրել պետք չի, ամեն ինչում(Չէ՛ ՀՀԿ֊ական չեմ, Չէ՛֊չէ՛ Դաշնակ էլ չեմ, ոչ էլ Բարգավաճ)

Եկեք մարդկանց մեջ գիտության նկատմամբ թեկուզ մի փոքր հարգանք սերման ենք, նոր միասին (Չ)բողոքենք, մի բան էլ փոխենք։
Ծախված գիտնականներ էլ ամբողջ աշխարհում կգտնենք։ Եկեք չծախվածներին վստահ ենք։