Դիտել ողջ տարբերակը : ԱԿՈՒՄԲ Նոր կառուցվածք, նոր կյանք
Քանի որ խոսք գնաց Ակումբի պասիվացման մասին և այն մասին, թե ինչ կարելի է անել Ակումբը վերակենդանացնելու համար, ապա այս հարցի շուրջ ունեցած իմ գաղափարները կներկայացնեմ այս թեմայում:
Նախ, լավ կլինի հասկանալ, թե ինչն է Ակումբի նպատակը կամ որն ենք ուզում, որ այդ նպատակը լինի: Բազմազան քննարկումները, մտքերի փոխանակություններն իհարկե լավ բան են, բայց դրանք էլ են ի վերջո հոգնեցնում և մարում, ինչը և ցույց է տալիս ինտերնետում ֆորումային համընդհանուր պասիվացումը: Եթե ուզում ենք, որ Ակումբը ապրի, ապա պիտի հասկանանք, թե ինչի համար: Այցելություններ ու քննարկումներ ապահովելը ինքնանպատա՞կ է, թե՞ ինչ-որ լավ գործի ծառայելու միջոց:
Իմ կարծիքով, լավ կլինի, եթե Ակումբի հիմնական ֆունկցիան կենտրոնանա ինֆորմացիա տալու, օգնելու, սովորեցնելու վրա: Հայատառ ինտերնետի զարգացման վրա դրված շեշտը միայն ինքը իրենով արդեն բավական չէ:
Դրա համար կարծում եմ, որ շեշտը պիտի դրվի նաև բազմաշերտ տեղեկատվության վրա: Եվ կարելի է փորձել Ակումբը վերածել տեղեկատվական ցանցի, որտեղ հնարավոր են նաև քննարկումները:
Այսինքն՝ այնպես անել, որ քննարկումների հիմքում ավելի շատ կոնկրետ իրադարձություններ ու նորություններ լինեն, քան մտքին եկած ինչ-որ անձնական-փիլիսոփայական հարցեր:
Այդ տեսանկյունից՝ կառաջարկեի հետևյալ (մոտավոր) մոդելը, որը թեև հնարավոր է, որ բացարձակ անմիաստ է ու ոչ էլ արժանի որևէ քննարկման: Բայց համենայնդեպս կներկայացնեմ, գուցե մեջը այնուամենայնիվ ինչ-որ պիտանի բան լինի:
Իմ կարծիքով, ավելի լավ է ունենալ նվազ թվով բաժիններ, բայց դրանցում՝ ակտիվ ու բազում թեմաներ, քանի լիքը բաժիններ, որոնցից կեսից ավելը մեռած վիճակում է:
Եվ քանի որ իմ պատկերացրած մոդելը լրատվության ու նորույթների քննարկման վրա է հիմնված, ապա առաջարկում եմ ունենալ հետևյալ բաժիններն ու ենթաբաժինները, որտեղ մոդերավորողների գլխավոր դերը կլինի դրանք ամեն օր նոր թեմաներով/լուրերով թարմացնելը՝ ապահովելով տեղեկատվությունը, թեև սովորական անդամները առաջվա պես հիմա ևս կկարողանան թեմաներ ստեղծել:
Բաժինները.
1.Դեպքեր ու դեմքեր
- Դեպքեր, իրադարձություններ և լուրեր (անընդհատ թարմացվաղ լրահոս՝ քննարկման հնարավորությամբ)
Քաղաքական
Հասարակական
Մշակութային - Աֆիշա (տեղեկություններ առաջիկայում սպասվող ներկայացումների, ֆիլմերի, համերգների, հանդիպումների և այլնի մասին)
Գիտական
Միջազգային
Այլ
- Դեմքեր (հայտնի և ակտիվ մարդկանց, նրանց գործերի ու ծրագրերի քննարկումներ)
Քաղաքական
Հասարակական
Մշակութային
Գիտական
Միջազգային
Այլ
- Հարցազրույցներ (պարբերաբար կազմակերվող հարցազրույցներ Ակումբ հրավիրված հյուրերի հետ)
2. Ուսումնական ծրագրեր
- Նորույթներ Հայաստանում (ինչ փոփոխություններ ու բարեփոխումներ են արվում, ինչ նոր բուհեր կամ ֆակուլտետներ են բացվել և այլն)
- Կրթություն արտասահմանում (անընդհատ թարմացվող մանրամասն տեղեկություններ կոնկրետ կրթաթոշակների, արտերկրյա բուհերի ու միջազգային ծրագրերի մասին )
3. Կոնֆերանսներ, սեմինարներ և թրեյնինգներ (ինֆորմացիա առաջիկայում սպասվող հետաքրքիր կոնֆերանսների մասին՝ թե հայաստանյան, թե միջազգային, մասնակցության դեպքում դրանց քննարկումները)
4. Նախագծեր և մրցույթներ (թե Ակումբում, թե դրանից դուրս անցկացվող մրցույթների և նախագծերի մասին տեղեկություններ. Ակումբում կարելի է պարբերաբար լուսանկարչական, նկարչական ու գրական մրցույթներ կազմակերպել, սահմանել մրցանակներ և/կամ պատվոգրեր)
5. Աշխատանքի բորսա (տարբեր կայքերից վերցված ու անընդհատ թարմացվող ինֆորմացիա Հայաստանում թափուր աշխատատեղերի մասին)
6. Թիմային աջակցություն և բարեգործություն (գնում ենք մանկատուն, կազմակերպում ենք ծառատունկ, օգնում ենք տատիկին, կարիգավոր ընտանիքին և այլն, կամ մի նոր նախագիծ ենք մշակվում, պետք է բոլորի աջակցությունը)
7. Օգնություն և խորհրդատվություն (տարբեր մասնագիտական և ոչ մասնագիտական հարցեր և դրանց լուծումներ. կարելի է նաև ստեղծել «մասնագետների անձնակազմ» կոնկրետ ենթաբաժինների համար).
- Բժշկական
- Իրավաբանական
- Համակարգչային/վեբ
- Լեզվական
- Հոգեբանական
- Կենցաղային
- Այլ
8. Գրադարան (տեղեկություններ գրքերից, հեղինակներից, նոր տպագրություններից)
9. Ֆիլմադարան (Ռուֆն ու Կլօրը հոյակապ վերլուծական թեմաներ ունեն ֆիլմերին վերաբերվող, պետք է շարունակել նույն ոճով)
10. Ձայնադարան (երաժշտություն, կատարողներ, խմբեր, նոր ձայնագրություններ)
11. Պատկերասրահ (լուսանկարիչներ, նկարիչներ, նրանց գործերը)
12. Կրեատիվ (ակումբցիների աշխատանքները, դրանց քննարկումները)
- Գրական ստեղծագործություններ
- Հոդվածներ, էսսեներ, վերլուծականներ
- Նկարչական աշխատանքներ
- Լուսանկարչական աշխատանքներ
- Ձեռքի աշխատանքները
- Կրեատիվ գաղափարներ (տարբեր ոլորտների առնչվող)
13. Համայնք (այստեղ մարդիկ կարող են ներկայանալ, ծանոթանալ, զրուցել, հանդիպումներ կազմակերպել և տեղադրել այդ հանդիպումների ու իրենց լուսանկարները)
Բացի դրանից կարելի է ունենալ «Ակումբի մասին» բաժին, որտեղ կներկայացվի Ակումբի ստեղծման պատմությունը, անցած ուղին, գործունեությունը, նպատակը, կանոնակարգը, ղեկավարները, ինչպես նաև այն ունենալ«Հարցեր ու առաջարկներ» ենթաբաժին: Այնտեղ կարելի է նաև տեղադրել «Արխիվ», որտեղ կլինի Ակումբի նախկին (այսինքն ներկայիս) ողջ պարունակությունը՝ իր բոլոր թեմաներով:
Իմ պատկերացրած նոր ֆորմատում ամենօրյա լիքը աշխատանք է պահանջվում մոդերատորներից՝ ապահովելու համար լրահոսն ու նոր ինֆորմացիան տարբեր բաժիններում՝ չհաշված քննարկումներին հետևելն ու մոդերավորումը: Չգիտեմ՝ արդյոք հնարավոր է գտնել այդպիսի մոդերների, որոնք կանեն էդ ամենը բարի կամքի հիմունքներով: Երևի թե հնարավոր է: Եթե ոչ, ապա կարելի է ավելացնել գովազդները ու փոքր հոնորարներ ստեղծել «աշխատողների» համար, գոնե որպես փոքր պարգևատրություններ և խրախուսանքներ:
Գրեմ միայն առաջին տպավորությունս. եթե իրագործվի, ապա հրաշալի բան կլինի:
Բայց իրագործելը էս պահին այնքան էլ իրատեսական չեմ համարում, որովհետև առաջադրված խնդիրները չափազանց մեծ էներգիա ու ժամանակ պահանջող են, որը կարելի է անել կամ մեծ էնտուզիազմ ունեցող մեծ քանակի մարդկանց միջոցով, կամ գումարով: Էս պահին ես երկուսն էլ իրատեսական չեմ համարում: Բայց սա կրկնում եմ, զուտ առաջին տպավորություն է:
Ուլուանա
17.09.2012, 01:48
Ինձ էլ շատ դուր եկավ գաղափարը։ Պարզ է, որ ահագին էներգիա ու ժամանակ է պահանջում իրագործումը, բայց կարծում եմ՝ Ակումբի՝ տեղեկատվական ֆունկցիայի վրա շեշտը դնելու հարցը լավ էլ ռեալ է։ Կարող ենք գոնե դրանից սկսել առայժմ։ Ես, օրինակ, մի քանի բաժիններում հաճույքով էդ գործը կանեմ։ Իհարկե, գոնե էս պահին չեմ կարող խոստանալ, որ կանոնավոր կերպով կանեմ, բայց ընդհանուր առմամբ ինձ համար դա ավելի քան ռեալ է։ Համոզված եմ՝ էլի կգտնվեն մարդիկ, որոնք հաճույքով կզբաղվեն նման գործով։ Թեև նախկինում էլ եմ արել, բայց հիմա մի տեսակ ոնց որ իմաստ չլիներ, ինչպես էն թեմայում գրել էի, Ակումբի հիմիկվա վիճակում գրառում անելդ չի գալիս, թեմա բացելու մասին էլ չեմ ասում, որովհետև էնպիսի տպավորություն է, որ էդքան էներգիա ու ջանք ներդնելու ես, իսկ դա համարյա ոչ մեկին պետք չի. մարդիկ առանձնապես ոչ կարդում են, ոչ արձագանքում։ Մի անգամ էլ ասեմ. ինչ–որ կերպ տեղից շարժել է պետք, թեկուզ զոռով բրդելով, մինչև որ թափ առնի ու արդեն «ինքնիրեն» գնա։
Մեկ է հաշվի առնելով, որ ներկայումս գրառումներ շատ քիչ են լինում, հետևաբար՝ խախտումներ նույնպես, ինձ թվում է՝ մոդերները կարող են իրենց թույլ տալ ժամանակի գոնե մի մասը տրամադրել իրենց բաժիններում հենց ակտիվություն ապահովելուն։ Վերջիվերջո, ժամանակին ահագին էլ ժամանակ ու դրանից տասնապատիկ ավելի շատ նյարդեր էինք ծախսում Ակումբում կարգուկանոն հաստատելու համար՝ նկատողություններ տալով, ի պատասխան բողոքական, հաճախ վիրավորական ու ահագին էներգիա խլող նամակներ ստանալով ու դրանց պատասխանելով։ Էդքանից հետո հետաքրքիր ինֆորմացիա ապահովելը պիտի որ բավական հաճելի զբաղմունք թվա :))։ Իսկ երբ նորից էնքան ակտիվանա, որ խախտումներն էլ առաջվա պես շատանան, արդեն համապատասխանաբար ակտիվությամբ հատուկ զբաղվելու կարիք էլ չի լինի :))։
StrangeLittleGirl
17.09.2012, 02:31
Ռիփ, գաղափարդ դուրս եկավ: Նույնիսկ շատ: Բայց...
StrangeLittleGirl
17.09.2012, 03:48
Բա՞յց :)
մոռացա :D իսկ ավելի շուտ՝ գաղափարը դուրս էկավ, բայց մի տեսակ ոնց որ կողքովս անցներ, ներսումս բան չշարժեց:
ivy , գիտությունների ակադեմիա էս ուզում բացես՞
իսկ համակարգչային ծրագրերն ու սարքավորումնե՞րը :(
8. Գրադարան (տեղեկություններ գրքերից, հեղինակներից, նոր տպագրություններից)
9. Ֆիլմադարան (Ռուֆն ու Կլօրը հոյակապ վերլուծական թեմաներ ունեն ֆիլմերին վերաբերվող, պետք է շարունակել նույն ոճով)
10. Ձայնադարան (երաժշտություն, կատարողներ, խմբեր, նոր ձայնագրություններ)
11. Պատկերասրահ (լուսանկարիչներ, նկարիչներ, նրանց գործերը)
12. Խաղադարան :goblin
Իսկ մտքին համաձայն եմ, մոտավոր սենց բան էն թեմայի սկզբի էջերում առաջարկել էի
Ժողովուրդ, հեչ անպայման չի, որ էս թեմայում իմ առաջ բերած մոդելը քննարկեք: Եթե ունեք ուրիշ կոնստրուկտիվ առաջարկներ, եկեք քննարկենք:
Թե չէ բոլորս էլ հասկանում ենք, որ պրոբլեմ կա: Հիմա լուծումներ գտնելու ժամանակն է:
Claudia Mori
18.09.2012, 17:21
Իմ կարծիքով, լավ կլինի, եթե Ակումբի հիմնական ֆունկցիան կենտրոնանա ինֆորմացիա տալու, օգնելու, սովորեցնելու վրա: Հայատառ ինտերնետի զարգացման վրա դրված շեշտը միայն ինքը իրենով արդեն բավական չէ:
Դրա համար կարծում եմ, որ շեշտը պիտի դրվի նաև բազմաշերտ տեղեկատվության վրա: Եվ կարելի է փորձել Ակումբը վերածել տեղեկատվական ցանցի, որտեղ հնարավոր են նաև քննարկումները:
2. Ուսումնական ծրագրեր
- Նորույթներ Հայաստանում (ինչ փոփոխություններ ու բարեփոխումներ են արվում, ինչ նոր բուհեր կամ ֆակուլտետներ են բացվել և այլն)
- Կրթություն արտասահմանում (անընդհատ թարմացվող մանրամասն տեղեկություններ կոնկրետ կրթաթոշակների, արտերկրյա բուհերի ու միջազգային ծրագրերի մասին )
3. Կոնֆերանսներ, սեմինարներ և թրեյնինգներ (ինֆորմացիա առաջիկայում սպասվող հետաքրքիր կոնֆերանսների մասին՝ թե հայաստանյան, թե միջազգային, մասնակցության դեպքում դրանց քննարկումները)
4. Նախագծեր և մրցույթներ (թե Ակումբում, թե դրանից դուրս անցկացվող մրցույթների և նախագծերի մասին տեղեկություններ. Ակումբում կարելի է պարբերաբար լուսանկարչական, նկարչական ու գրական մրցույթներ կազմակերպել, սահմանել մրցանակներ և/կամ պատվոգրեր)
Շատ համաձայն եմ Ռիպ ջան: Օրինակ կարելի է համագործակցել Արմակադի ու նման կայֆ ուսումնական կառույցների հետ, որտեղի տեղեկատվությունը կարող է հայտնվել նաև Ակումբում: Միգուցե բաներային փոխանակություն անեք: Սա ուղղակի առաջարկ լրացում է էլի:))
- Հարցազրույցներ (պարբերաբար կազմակերվող հարցազրույցներ Ակումբ հրավիրված հյուրերի հետ)
Այս հարցում ասել եմ ու կասեմ, որ խնդիր չունեք, ես պատրաստ եմ օգնել, ուղղակի մի միասնական բան որոշենք, ու ես կանցնեմ գործի;) Ի դեպ, մեր Ինչուիկն էլ է լրագրություն սովորում, տեսնես ինքն ի՞նչ կասի :) Կարելի է օրինակ հարցազրույցներ վերցնել տարբեր հեղինակավոր բուհերում սովորած մարդկանցից, կարծում եմ Ակումբում շատերն են ուզում գնալ արտասահման սովորելու, իսկ այդ մարդկանց հետ հարցազրույցը հա՛մ օգտակար ինֆորմաիա կտա, հա՛մ հարցեր տալու հնարավորություն կունենաք, հա՛մ էլ խելոք երեխեք են՝ կգրանցվեն Ակումբ ու կակտիվացնեն կայքը :))
ivy խելքի ծով !!!!!!!!!!!!!
Արտակարգ գաղափար ա: Կարող ա առանձին դետալներ պետք ա քննարկել, բայց ընդհանոր ֆորմատը շատ լավն ա:
Գրեմ միայն առաջին տպավորությունս. եթե իրագործվի, ապա հրաշալի բան կլինի:
Բայց իրագործելը էս պահին այնքան էլ իրատեսական չեմ համարում, որովհետև առաջադրված խնդիրները չափազանց մեծ էներգիա ու ժամանակ պահանջող են, որը կարելի է անել կամ մեծ էնտուզիազմ ունեցող մեծ քանակի մարդկանց միջոցով, կամ գումարով: Էս պահին ես երկուսն էլ իրատեսական չեմ համարում: Բայց սա կրկնում եմ, զուտ առաջին տպավորություն է:
Ապեր, դու մի հատ բյուջե կազմի ու տես ինչքան գումար ա պետք: Մի հատ էլ հաշիվ բացի ու տես ոնց ենք կարում փող հավաքենք: Ամեն ինչին էլ լուծում կա, եթե լավ բռթող լինի: Կարող ա արդյունքում Ակումբդ ԲԲԸ դառնա:
Մշտական աշխատողներ են պետք, ոնց հասկանում եմ: Բայց մշտական եկամուտը իրատեսական ա՞: Որտեղի՞ց պիտի էդքան եկամուտ լինի:
Մշտական աշխատողներ են պետք, ոնց հասկանում եմ: Բայց մշտական եկամուտը իրատեսական ա՞: Որտեղի՞ց պիտի էդքան եկամուտ լինի:
Մշտական դոնոր ա պետք, սենց ասած:)) Ինտերնետում զուտ գովազդով, ես ինտերնետից բան չհասկացողս, չեմ կարծում, որ հայաստանյան միջավայրում հնարավոր ա աշխատող պահելու չափ եկամուտ ունենալ: Ակումբի դեպքում ջատագովության գործոնը կարա աշխատի, բայց էդ դեպքում դա կարելի էր մի հատ փորձել հենց ունեցած ֆորմատով, եթե արդյունք չտար, նոր: Կամ էլ փորձվեց, չստացվեց: Այվիի ասածը հզոր բան ա, բայց ես դա պատկերացնում եմ սենց, ավելի հանրամատչելի լեզվով ասած՝ լրատվամիջոց, հայտարարությունների կայք, ֆորում, օնլայն գրադարան, ընդ որում բոլորը մեկում: Լրատվամիջոցս էլ նենց նյուզ.էյեմ կամ 1ին.էյեմ չէ է, այլ հզոր մի բան՝ մշակույթով, քաղաքականությամբ, հարցազրույցներով, օնլայն հարցազրույցներով, գիտական լրահոսով, մնում ա օնլայն հեռուստատեսության գաղափարն էլ ներդնել:)) Իրոք հզոր բան ա, հրաշք գաղափար, չեմ ուզում էս ակումբի վատատեսի կերպարը մարմնավորողը դառնամ, բայց նաև շատ լուրջ ներդրումներ ա պետք դա ռեալիզացնելու համար, ու հետո ո՞ւմ ծառայել...
Ինչի՞ էդպես միանգամից ֆիքսվեցիք աշխատավարձի վրա, ես գրել էի, որ կարելի է և բարի կամքի վրա փորձել ամենը հիմնել: Եթե նախագիծը կյանքի կոչվի, ես ինքս պատրաստ եմ (առանց որևէ վարձի) անընդհատ թարմացնել մի քանի բաժին՝ ուսումնական ծրագրերի, կոնֆերանսների ու մրցույթների բաժինները:
ԲԲԸ չգիտեմ, բայց ՀԿ (հասարակական կազմակերպություն) ցանկության դեպքում կարելի է ստեղծել էս ամենից:
Պարզ է, որ եթե վարձատրություն լինի, մարդիկ ավելի ինտենսիվորեն կկցվեն գործին, բայց կարելի է առայժմ առանց դրա էլ փորձել: Ի վերջո, մի բանի սկիզբը, նոր նախաձեռնությունը ոգևորող երևույթ է և կարող է ակտիվություն առաջացնել. մոտիվացիան հո միայն փողո՞վ չի որոշվում: :)
Ինչի՞ էդպես միանգամից ֆիքսվեցիք աշխատավարձի վրա, ես գրել էի, որ կարելի է և բարի կամքի վրա փորձել ամենը հիմնել: Եթե նախագիծը կյանքի կոչվի, ես ինքս պատրաստ եմ (առանց որևէ վարձի) անընդհատ թարմացնել մի քանի բաժին՝ ուսումնական ծրագրերի, կոնֆերանսների ու մրցույթների բաժինները:
ԲԲԸ չգիտեմ, բայց ՀԿ (հասարակական կազմակերպություն) ցանկության դեպքում կարելի է ստեղծել էս ամենից:
Պարզ է, որ եթե վարձատրություն լինի, մարդիկ ավելի ինտենսիվորեն կկցվեն գործին, բայց կարելի է առայժմ առանց դրա էլ փորձել: Ի վերջո, մի բանի սկիզբը, նոր նախաձեռնությունը ոգևորող երևույթ է և կարող է ակտիվություն առաջացնել. մոտիվացիան հո միայն փողո՞վ չի որոշվում: :)
Այվ, ես քո առաջարկը հասկանում եմ, որ հիմիկվա ֆորումային մեխանիզմը լրիվ փոխում ենք, փոխում ենք բաժինների կառուցվածքը ու լծվում նոր գործի: Շատ լավ: Բայց եթե էնտուզիազմը բավարարեց ասենք ընդամենը մի ամիս, արդյունքում լրիվ ա վարի գնում: Դրա համար ես ինքս ֆիքսվում եմ փողի վրա, հասկանալով, որ առանց դրա սա երկար ժամանակ չենք կարող առաջ տանել:
Բայց կա նաև երկրորդ տարբերակը: Ֆորումը մնում ա նենց ոնց կա, քո ասածը փորձում ենք կենտրոնացնել կայքի հոդվածներ հատվածի վրա՝ նախապես դա ահագին ձևափոխելով, հարմար դարձնելով: Բայց էս դեպքում էլ պետք է նախ տեսնել, թե ովքեր են, որ իսկապես կուզեն անշահախնդիր դա անել ու որ թեմատիկաները արժի սկզբի համար առաջ մղել, ու անել քայլ առ քայլ, այսինքն ոչ թե միանգամից քո ներկայացրած բոլոր ուղղություններով, այլ ասենք սկզբի համար ընտրվում ա «Կինո»-ն, դա առաջ ա մղվում, տեսնում ենք ինչի ենք հասնում, անցնում ենք հաջորդ թեմատկային՝ որով հետաքրքրվող էնտուզիաստներ կան: Ու նաև անպայման պետք ա փորձենք «հաշվել» կյանքի տևողությունը: Ես նորից համոզված եմ, որ ոչ մեկս մինչև կյանքների վերջը տենց ակտիվ, առանց շահի նման լրատվություն ապահովելով չի զբաղվի:
Հասկանում եմ, որ կառուցվածքը ամբողջովին փոխելը ռիսկային կարող է լինել: Բայց գոնե հնարավո՞ր է էնպես անել, որ մոդերներն իրենց բաժինները անընդհատ թարմացնեն թեմատիկ նորություններով, որ տեղեկատվական դաշտը ուժեղանա, քննարկելու բան լինի:
Ուլուանա
18.09.2012, 22:28
Այվ, ես քո առաջարկը հասկանում եմ, որ հիմիկվա ֆորումային մեխանիզմը լրիվ փոխում ենք, փոխում ենք բաժինների կառուցվածքը ու լծվում նոր գործի: Շատ լավ: Բայց եթե էնտուզիազմը բավարարեց ասենք ընդամենը մի ամիս, արդյունքում լրիվ ա վարի գնում: Դրա համար ես ինքս ֆիքսվում եմ փողի վրա, հասկանալով, որ առանց դրա սա երկար ժամանակ չենք կարող առաջ տանել:
Բայց կա նաև երկրորդ տարբերակը: Ֆորումը մնում ա նենց ոնց կա, քո ասածը փորձում ենք կենտրոնացնել կայքի հոդվածներ հատվածի վրա՝ նախապես դա ահագին ձևափոխելով, հարմար դարձնելով: Բայց էս դեպքում էլ պետք է նախ տեսնել, թե ովքեր են, որ իսկապես կուզեն անշահախնդիր դա անել ու որ թեմատիկաները արժի սկզբի համար առաջ մղել, ու անել քայլ առ քայլ, այսինքն ոչ թե միանգամից քո ներկայացրած բոլոր ուղղություններով, այլ ասենք սկզբի համար ընտրվում ա «Կինո»-ն, դա առաջ ա մղվում, տեսնում ենք ինչի ենք հասնում, անցնում ենք հաջորդ թեմատկային՝ որով հետաքրքրվող էնտուզիաստներ կան: Ու նաև անպայման պետք ա փորձենք «հաշվել» կյանքի տևողությունը: Ես նորից համոզված եմ, որ ոչ մեկս մինչև կյանքների վերջը տենց ակտիվ, առանց շահի նման լրատվություն ապահովելով չի զբաղվի:
Արտ, ընդհանուր առմամբ համաձայն եմ ասածիդ, մենակ չհասկացա, թե ինչն ա խանգարում մեկից ավել թեմատիկաներ միաժամանակ առաջ տանել փորձելուն։ Նկատի ունեմ՝ մեկ ա, դրանք ամենայն հավանականությամբ տարբեր մարդիկ են անելու՝ կախված տվյալ ոլորտի նկատմամբ ունեցած հետաքրքրությունից։ Բացի դրանից, ընդհանուր ակտիվությունն էլ չի տուժի, քանի որ եթե սկզբում զարգացվի միայն, օրինակ, «Կինո» թեմատիկան, ապա կինոյով առանձնապես չհետաքրքրվածների համար ֆորումը կշարունակի մնալ անհետաքրքիր, ու էդպես ցանկացած այլ թեմատիկայի դեպքում։
Արտ, ընդհանուր առմամբ համաձայն եմ ասածիդ, մենակ չհասկացա, թե ինչն ա խանգարում մեկից ավել թեմատիկաներ միաժամանակ առաջ տանել փորձելուն։ Նկատի ունեմ՝ մեկ ա, դրանք ամենայն հավանականությամբ տարբեր մարդիկ են անելու՝ կախված տվյալ ոլորտի նկատմամբ ունեցած հետաքրքրությունից։ Բացի դրանից, ընդհանուր ակտիվությունն էլ չի տուժի, քանի որ եթե սկզբում զարգացվի միայն, օրինակ, «Կինո» թեմատիկան, ապա կինոյով առանձնապես չհետաքրքրվածների համար ֆորումը կշարունակի մնալ անհետաքրքիր, ու էդպես ցանկացած այլ թեմատիկայի դեպքում։
Չէ, էդ մի բաժինը ընդամենը որպես օրինակ էի բերել: Ասածս էն էր, որ ոչ թե կազմում ենք թեմատիկաների ցուցակ, հետո փորձում դրանց համար մարդիկ գտնել, այլ թեմատիկաները կազմում ենք ըստ էն մարդկանց, ովքեր ուզում են անեն ու ունեն իրենց կոնկրետ հետաքրքրող ուղղությունը: Թե չէ ասենք, եթե օրինակ ինձ հանձարարվի «Խաղեր» բաժին վարել, ես դա կանեմ առանց սիրելու ու արդյունքում շատ շուտ կհոգնեմ: Մեկով սահմանափակվելու մասին չէի ասում, էդ ուղղակի օրինակ էր:
Չէ, էդ մի բաժինը ընդամենը որպես օրինակ էի բերել: Ասածս էն էր, որ ոչ թե կազմում ենք թեմատիկաների ցուցակ, հետո փորձում դրանց համար մարդիկ գտնել, այլ թեմատիկաները կազմում ենք ըստ էն մարդկանց, ովքեր ուզում են անեն ու ունեն իրենց կոնկրետ հետաքրքրող ուղղությունը: Թե չէ ասենք, եթե օրինակ ինձ հանձարարվի «Խաղեր» բաժին վարել, ես դա կանեմ առանց սիրելու ու արդյունքում շատ շուտ կհոգնեմ: Մեկով սահմանափակվելու մասին չէի ասում, էդ ուղղակի օրինակ էր:
Օրինակ, իմ հավեսը որոշ ժամանակ կարող ա հերիքի կրոնով զբաղվելուն, բայց վախենամ բաժինը խիստ մուսուլմանական դառնա:))
Դե եթե պետք գամ, ասեմ, որ ես էլ (երկարաժամկետ) հետաքրքրություն ունեմ կրթության ու հոգեբանության հանդեպ:
իմ երազանքը շուտվանից էն ա, որ ցանկացած թեմայի առաջին գրառումը երևա թեմայի բոլոր էջերում :) եթե կարող եք, իրագործեք:
Մեկ էլ լավ կլինի, որ ցանկացած մարդ իրա գրառումը ցանկացած ժամանակ կարողանա խմբագրել
Հ.Գ.
իմ աչքն էլ համակարգչային ծրագրերի վրա ա :D
Ոնց որ մոդերատորների ընտրությունն էլ ա մանրից սկսվում (ինքնառաջադրումով) :)
Մի բան հարցնեմ, էլի: Ասենք հոգեբանությունից նորություն դնելը ո՞րն ա: Բրիտանացի գիտնականի հերթական փիլիսոփայությունը՞: Դրանով ե՞նք պատրաստվում լրահոս ապահովել: :think Խաղեր ու կինոներ բաժինների նորությունը հասկանալի ա:
Ոնց որ մոդերատորների ընտրությունն էլ ա մանրից սկսվում (ինքնառաջադրումով) :)
Մի բան հարցնեմ, էլի: Ասենք հոգեբանությունից նորություն դնելը ո՞րն ա: Բրիտանացի գիտնականի հերթական փիլիսոփայությունը՞: Դրանով ե՞նք պատրաստվում լրահոս ապահովել: :think Խաղեր ու կինոներ բաժինների նորությունը հասկանալի ա:
Իմ ինքնառաջադրութմը մոդերության չէր, այլ հոդվածագրության:oy Կրոն բաժինը, փառք Ալլահին, լավ մոդեր ունի:)
Ֆոտոն, ինձ թվաց՝ խոսքը թեմատիկ հոդվածներ ստեղծելու մասին էր. ես ֆորումային մոդերատորության ցանկություն չունեմ...
Ինչ վերաբերվում է նորություններին, ապա իմ ներկայացրած ֆորմատի մեջ հատուկ «հոգեբանություն» բաժին չկար, որ նորություններով թարմացնելու կարիք ունենար: Բայց եթե Ակումբն էնպիսի տեսքով պիտի մնա, ինչպիսին հիմա ունի, ապա իհարկե հոգեբանության բաժնում էլ լիքը հետաքրքիր գիտական հետազոտություններ ու էքսպերիմենտներ կան, որոնց մասին կարելի է գրել: Ինտերնետում հսկայածավալ պորտալներ կան՝ միայն ու միայն հոգեբանության առաջընթացին վերաբերվող: Ո՞նց է հնարավոր մտածել, որ ինչ-որ մի բաժին կամ գիտական ճյուղ միայն «դեղին մամուլի» կարգի հոդվածներ ունի՝ որպես նորություն:
Մի հատ որ գուգլում գրես "psychology news" կամ "psychology new articles", էնքան հետաքրքիր բաներ կգտնես՝ լրիվ գիտական մակարդակի, բայց նաև սովորական ընթերցողի համար հետաքրքիր:
StrangeLittleGirl
19.09.2012, 01:20
Բժշկության ու գրականության համար ինքնաառաջադրվում եմ:
Երկիր մոլորակն էլ
Եթե կարելի է մի երկու բան էլ առաջարկեմ :think
Նախ առաջարկում եմ համակարգչային խաղերը հանել համակարգչային ծրագրերի մեջից ու նրա համար նոր բաժին բացել: Համակարգչային ծրագրերում կան երկու անհեռանկարային թեմա՝ «Հարցեր համակարգչային ծրագրերի վերաբերյալ, խնդրում եմ շտապ օգնել», «Ծրագրերի նոր տարբերակներ / Փնտրում եմ ծրագիր»: Ցանկացած ֆորումում կա սենց պայման՝ եթե մի հարց արդեն քննարկվել ա, ապա երկրորդ անգամ այդ հարցը քննարկելը ճիշտ չի: Պետք ա օգտագործողը ման գա ֆորումում իրան հուզող հարցը, եթե չգտնի, նոր թեմա բացի այդ հարցի վերաբերյալ: Փաստորեն դուրս է գալիս, եթե մարդը հարց ունի համակարգչային ծրագրերի վերաբերյալ, պիտի դնի 475 էջ կարդա, տեսնի, թե իրա հարցը մեկ ուրիշն արդեն տվել ա, թե չէ :o
Դրա համար պետք ա էտ բաժնի կառուցվածքը լրիվ փոխել: Համակարգչային ծրագրերը բացելուց հետո պետք ա երևան հետևյալ ենթաբաժինները՝ (ռուսերեն գրեմ, հետո դրա հայերեն համարժեքները կստանանք)
1. Системные утилиты
2. Офис
3. Безопасность
4. Интернет
5. Мультимедиа
6. Украшения
7. О системе Windows
8. Unix-системы
9. Հայկական ու հայաֆիկացված ծրագրեր
Ենթադրենք բացեցինք Системные утилиты բաժինը, պետք ա ընտրել կատեգորիան՝
1. Архиваторы
2. Оптимизация и мониторинг
3. Резервное копирование и восстановление
4. Другое
Եվ այսպես շարունակ: Եթե հավանում եք, նոր մյուս բաժինների շարունակությունը կգրեմ :)
Կարծում եմ, Ակումբի խնդիրը կառուցվածքի մեջ չէ և այս հարցը նման ակտիվությամբ քննարկելը շեղում է մեզ հիմնական խնդիրներից...
StrangeLittleGirl
19.09.2012, 12:55
Օրինակ, իմ հավեսը որոշ ժամանակ կարող ա հերիքի կրոնով զբաղվելուն, բայց վախենամ բաժինը խիստ մուսուլմանական դառնա:))
կարամ քրիստոնեական բալանսն ապահովեմ :D
ի դեպ, էրեկ մոռացա գրել: եթե ֆինանսների վրա ենք ֆիքսվում, կարելի ա ոչ թե աշխատողներ պահել, այլ սիմվոլիկ հոնորարներ տալ ամեն հոդվածի համար: իսկ եթե էդ դեպքում էլ գովազդն էդքան գումար չի բերի, ապա կարելի ա ամեն դեպքում ֆոնդ ստեղծել, որտեղ ակումբցիները նվիրատվություն կանեն: պետք չի թերագնահատել նվիրատվության դերը :)
Կարծում եմ, Ակումբի խնդիրը կառուցվածքի մեջ չէ և այս հարցը նման ակտիվությամբ քննարկելը շեղում է մեզ հիմնական խնդիրներից...
Լիոն, կառուցվածը դիզայնը չի, այլ պարունակությունը և այդ պարունակությունը վարելու/ներկայացնելու ձևը, նույն հենց մոդերատորության ու նոր թեմաներ բացելու հարցը: Չգիտեմ կարդացել ես ամբողջը, թե չէ, բայց ասեմ, որ գլխավոր քննարկումը առնչվում է ակումբի տեղեկատվական դաշտի ամրացմանը: Իմաստն այն է, որ ֆորումի պարունակությունը հետաքրքրացնելով ու անընդհատ թարմացնելով, ավելի շատ մարդ գրավել դեպի Ակումբ: Սա էլ հենց հիմնական նպատակն է՝ մարդկանց հոսքը շատացնել:
Փորձեմ գրել, թե էս առաջարկի կատարումը ոնց եմ պատկերացնում:
Նախ իսկապես ձեռք չենք տալիս ֆորումի հիմնական կառուցվածքին: Ձեռք չենք տալիս մի քանի պատճառով.
Պատճառ 1. Ակումբում ներկա պահին կան մեծ քանակով թեմաներ, որոնք ունեն որոշակի դասավորություն՝ ըստ բաժինների: Բաժինների կառուցվածքը ամբողջովին փոխելու դեպքում առաջանում է այս թեմաների հետ ինչ-որ բան անելու խնդիրը: Իսկ ի՞նչ կարելի է անել այդ դեպքում, տարբերակներն ընդամենը երկուսն են.
Տարբերակ 1. Դրանք վերադասավորում ենք նոր բաժիններում: Սակայն բացի նրանից, որ սա իրականում բարդ ու շատ աշխատատար գործ է, երբեմն, կախված նոր կառուցվածքից կարող է անհնար էլ լինել: Վերադասավորումը, եթե այնուամենայնիվ հաջողացնենք, այլ խնդիրներ էլ կառաջացնի, մասնավորապես ըստ առաջարկի հիմա շեշտը պետք է դրվի ինֆորմատիվ թեմաների վրա, որոնցում նաև քննարկումներ պետք է լինեն: Այսինքն մոտավորապես այնպիսի կառուցվածք, որ թեմայի առաջին գրառումը որակապես տարբերվում է մյուս գրառումներից, ունի գերակա դիրք, ի տարբերություն առկա թեմաների մեծ մասի, որոնցում բոլոր գրառումներն իրար կարող են համարժեք լինեն: Վերադասավորման դեպքում, երբ այս երկու տիպի թեմաները կլինեն իրար կողքի, փաստացի կտապալվի նոր նախաձեռնությունը, չի վերածվի ինֆորմատիվ հարթակի: Վերադասավորման մյուս մեծ խնդիրն էլ էն է, որ ակումբին արդեն սովոր մարդկանց համար դժվար կլինի գտնել մեզ հետաքրքրող թեման, քանի որ արդեն վարժ ենք այս կառուցվածքին: Եվ եթե մենք դեռ կարող ենք վարժվել, ապա հին ակումբցիներից ոմանք, ովքեր վաղուց ակումբում չեն եղել, մտնելով ֆորում, ու տեսնելով, որ ամեն ինչը գլխի վրա շուռ է եկել, հիմնականում ուղղակի կլքեն կայքը, առանց ման գալու էն, ինչի համար եկել էին:
Տարբերակ 2. Ջնջել հին թեմաները: Մինչդեռ դա լուծում լինելով հանդերձ կլինի ուղղակի հիմարություն: Բացի նրանից, որ առկա թեմաներում կա մեծ քանակով օգտակար տեղեկություն, ուղղակի սխալ է ջնջել մարդկանց մտավոր աշխատանքը, ստեղծածը:
Պատճառ 2. Եթե մի պահ ենթադրենք, որ գնում ենք որոշակի «զոհողությունների», փոխում ենք ֆորումի կառուցվածքը, սկսում ենք աշխատել նոր նախագծի վրա, բայց այն իրեն չի արդարացնում, սելը տեղից չի շարժվում: Էդ դեպքում փաստացի ստացվում է, որ մենք մեռ ձեռքով ուղղակի վերացրեցինք ակումբը:
Պատճառ 3. Առաջարկը իսկապես շատ լավն է ու արժի գնալ այդ ուղղությամբ: Բայց դա պետք չէ անել ի հաշիվ ֆորումի: Փաստացի այդ դեպքում մենք գործ ունենք ոչ ֆորումային հարթակի հետ: Ֆորումների հիմնական առանձնահատկությունը քննարկումներն են, որոնք ոչ թե քննարկման առաջին գրառման շուրջ են, այլ ֆորումի բարձրացրած հարցի: Իհարկե սրանից բացառություններ էլ կարող են լինել, օրինակ՝ ստեղծագործական թեմաները: Բայց ամեն դեպքում ֆորումի առանձնահատկությունն ասածս է: Քննարկված դեպքը կայքի այլ տեսակ է արդեն, ըստ էության, դա ավելի մոտ լրատվական, ճանաչողական, բլոգային ու այլ կայքերի կառուցվածքին. նյութ ու տրված նյութի քննարկում: Մինչդեռ իմ խորին համոզմամբ ֆորումները անհրաժեշտ գործիքներ են ու դրանց գոյությունն անհրաժեշտ պայման ՏՏ (IT) ոլորտի զարգացման համար: Ու ես իմ առաջ ոչ միայն խնդիր եմ դնում ակումբը պահպանել իր առաջնային նշանակությամբ՝ որպես ֆորում, այլև ընդհանրապես հայկական ինտերնետային դաշտում ֆորումների չվերացմանը, դրանց զարգացմանը նպաստել, դրանց դերի ու նշանակության բարձրացման խնդիր լուծել:
Սրանով հանդերձ ես կարծում եմ, որ ժամանակն է իսկապես դուրս գալ զուտ ֆորումային շրջանակներից ու կայքը (ակումբը) դարձնել առավել հզոր: Դրա իրագործման համար լավ ճանապարհ է այս թեմայում առաջարկվածը: Բայց ես դա տեսնում եմ ֆորումին զուգահեռ: Դրա ճանապարհին տեսնում եմ հետևյալ քայլերը.
Քայլ 1. Ստեղծել թիմ, ովքեր ունեն որոշակի կարգավիճակ, բայց այդ կարգավիճակը մոդերատորությունը չի: Չնայած բացառված չի, որ նրանք կունենան նաև մոդերատորական լիազորություններ: Բայց ավելի շուտ նրանք լրագրող են, բլոգեր են, թարգմանիչ են կամ նման մի բան: Նրանք նյութ գրողն են: Սրա նպատակը որակի պահպանումը կլինի, որպեսզի ոչ թե լինի ազատ ցանց, որտեղ ինչ ուզի կդնի, այլ կլինեն վստահելի, նորմալ շարադրող, որակյալ ու հետաքրքրիր նյութ գրող մարդիկ, ովքեր մեզ միայն որակյալ նյութեր կմատուցեն:
Քայլ 2. Քննարկել ու գտնել միջավայրի ձևը: Մասնավորապես հիմա մտածում եմ առկա «հոդվածներ» բաժինը զարգացնելու ու նման հարթակ սարքելու մասին, մտածում եմ նաև ենթակայք ստեղծելու մասին, որևէ ազատ պալտֆորմի հիման վրա, որը ավելի հարմար կլինի նյութերի տեղադրման, դրա քննարկումները վարելու համար: Էստեղ պարզապես կառաջանա խնդիր գրանցված օգտվողների նույնացման, ֆորումի հետ կապի համար: Կարծում եմ, որ ամեն դեպքում կարելի է մնալ վԲուլլետինի շրջանակներում ու զարգացնել Հոդվածներ բաժինը:
Չուկ, լավն էին «քայլերը»: :)
Իսկ թեմաների ջնջման մասին ինձ մոտ էլ խոսք չկար: Իմ կարծիքով հնարավոր էր ամենը գցել Արխիվ:
Տարբերակ 2. Ջնջել հին թեմաները: Մինչդեռ դա լուծում լինելով հանդերձ կլինի ուղղակի հիմարություն: Բացի նրանից, որ առկա թեմաներում կա մեծ քանակով օգտակար տեղեկություն, ուղղակի սխալ է ջնջել մարդկանց մտավոր աշխատանքը, ստեղծածը:
Բացի դրանից կարելի է ունենալ «Ակումբի մասին» բաժին, որտեղ կներկայացվի Ակումբի ստեղծման պատմությունը, անցած ուղին, գործունեությունը, նպատակը, կանոնակարգը, ղեկավարները, ինչպես նաև այն ունենալ «Հարցեր ու առաջարկներ» ենթաբաժին: Այնտեղ կարելի է նաև տեղադրել «Արխիվ», որտեղ կլինի Ակումբի նախկին (այսինքն ներկայիս) ողջ պարունակությունը՝ իր բոլոր թեմաներով:
Չուկ, լավն էին «քայլերը»: :)
Իսկ թեմաների ջնջման մասին ինձ մոտ էլ խոսք չկար: Իմ կարծիքով հնարավոր էր ամենը գցել Արխիվ:
Գիտեմ որ խոսք չկար, Այվ :) Ես էի ներկայացնում հնարավոր ճանապարհները: Էդ ձևով արխիվացնելը ոնց-որ էնքան էլ ռեալ չի (տեխնիկական խնդիրներ):
Ձայնալար
19.09.2012, 22:55
Այվ, Արտ, լավ եք ասում: Հոդվածների համար միայն կառաջարկեմ, որ բոլորն ունենան հոդված հրապարակելու հնարավորություն, բայց մոդերատորի հաստատմամբ:
Ձայնալար
19.09.2012, 23:00
Հետո պետք ա ֆեյսբուքում էջ բացել, որտեղ ավտոմատ կհայտնվեն նոր ստեղծված հոդվածներն ու թեմաները, կամ մենակ հոդվածները: