PDA

Դիտել ողջ տարբերակը : Հեղուկների գործածությունը սննդի հետ



Artgeo
15.05.2008, 19:43
Հարգելի տիկին Նալյան, ճի՞շտ է (մայրիկիս) այն պնդումը, որ ջրալի ճաշ ուտելը պարտադիր է: Հնարավո՞ր է արդյոք ընդհանրապես առանց ջրալի ճաշ ուտելու նորմալ ապրել (ըստ իմ համոզմունքի): Եվ վերջապես ջրալի ճաշը օգո՞ւտ է, թե՞ վնաս:
Եթե հնարավոր է հիմնավորեք պատասխանը, որ հետագայում ես հիմնավորեմ մայրիկիս կամ հակառակը, լռեմ ընդմիշտ ու սուսուփուս ճաշ ուտեմ...

Մոդերատորական. առաջին երկու գրառումները պատճենվել են «Հարցեր առողջագետին» թեմայից, հաջորդ 30 գրառումները տեղափոխվել են «Հարցեր բժիշկներին» թեմայից:

Առողջագետ
16.05.2008, 09:55
Որքան էլ զարմանալի է, դուք ավելի ճիշտ եք, քան ձեր մայրիկը: Իր համոզմունքը ծագում է XX դարում ձևավորված սննդային պատկերացումներից, ես էլ, բժշկական իմ կրթությամբ, իմ փոքրիկներին "զոռով-շառով" ջրալի ճաշ էի կերակրում, որպեսզի "աղիքները լավ գործեն" և ընդհանրապես առողջ լինեն: Միայն շատ ավելի ուշ, երբ ինքնակրթությամբ սկսեցի ուսումնասիրել հինգհազարամյա բժշկական մշակույթը, գտա այլ ճշմարտություններ, որոնք այսօր փայլուն արդյունքներ են տալիս իմ բուժական գործում և հետզհետե /թեկուզ դանդաղ/ ճանաչվում են նաև ակադեմիական բժշկության կողմից;
Սկսեմ ամենահին "ապացույցներից". Ավիցեննան իր հայտնի, աշխարհում թերևս ամենահայտնի բժշկական մենագրության մեջ մի ամբողջ գլուխ է նվիրել` ինչպես ուտել և ինչպես օգտագործել հեղուկները, և գրում է, որ "պինդ" կերակուրը չպետք է զուգակցվի հեղուկների հետ, քանի-որ դրանք "նոսրացնում" են ստամոքսահյութը և դրանով իսկ դժվարացնում, դանդաղեցնում մարսողությունը, առաջացնելով ամենատարբեր նյութափոխության խանգարումներ, սկսած խմորման պրոցեսից մինչև նեխային:
Եվ խորհուրդ է տալիս հեղուկը օգտագործել ուտելուց առաջ կամ "երբ կերակուրը ստամոքսից ներքև է իջնում"` դա տևում է առնվազն 2-2,5 ժամ:
Վերջին հաստատումը /որպեսզի գրառումս մի ամբողջ գիրք չդառնա/, Վաշինգտոնյան համալսարանի բժշկագիտական համալսարանի տեղեկատուն արդեն 90-ականների սկզբի հրատարակման մեջ շեշտում է."Այդպես էլ չհաջողվեց ապացուցել, որ ջրալի կերակուրների օգտագործումը նպաստում է մարսողության ֆունկցիայի բարելավմանը":
Մեր կողմից և այլ գիտական աղբյուրներից էլ ավելացնենք, որ ընդհակառակը` որքան ավելի է արմատավորվել ջրալի ճաշերի և ուտելու ընթացքում և անմիջապես դրանից հետո հեղուկ օգտագործելու սովորույթը, այնքան ավելի են շատացել ու շատանում ստամոքս-աղիքային և բոլոր տեսակի այլ հիվանդությունները, և բժիշկները` սնունդը կարգավորելու փոխարեն, բուռ-բուռ մարսողական դեղեր են նշանակում` մեզիմներ, ֆեստալներ, կրեոններ և այլն, ավելի ու ավելի տհաճ հետևանքներով:
Սակայն ջրալի ճաշերը ավելի "պինդ" տեսակներով փոխելիս, չպետք է մոռանալ նաև առողջ սննդի այլ սկզբունքները, որոնց մասին տարբեր տեղերում գրել և խոսել ենք, այս պարագայում ամենակարևորը` ուտելու սկզբում առատ կանաչեղեն, բանջարեղեն կամ ուղղակի համեղ սալաթի մի լավ բաժին ուտելու կարևորությունն է` այ սա է կարգավորում մարսողությունը և սրանց մեջ եղած 80-90% ջուրն է, որ կենարար է մարդու առողջության համար:
Ավելացնեմ, որ հենց ջրալի ճաշերի օգտագործումը և ուտելու ընթացքում ջուր կամ այլ հեղուկ խմելը ճարպակալմանը նպաստող առավել կարևոր գործոններից են:

StrangeLittleGirl
11.05.2012, 18:40
Ան, բայց դու ոնց ես հետևում էդ ուտելու բոլոր կանոններին... Նախանձելի բան է: Եթե ես էլ էդքան հետևեմ, երևի ինձ մոտ էլ երկաթի խնդիր չլինի:
Ուտելու ժամանակ կամ անմիջապես հետո ջուր խմելու սովորությունը որ ոչ մի կերպ չեմ կարողանում վերացնել: :(
Ռիփ, այ էդ սովորությունը չեմ հասկանում ինչու ա վնասակար: Սաղ ասում են, բայց նորմալ չեն հիմնավորում: Իսկ որ ուտելուց ծարավում ես, նորմալ ֆիզիոլոգիական երևույթ ա, հետևաբար պիտի ջուր խմելն էլ ֆիզիոլոգիական լինի:

Ուլուանա
11.05.2012, 22:20
Ռիփ, այ էդ սովորությունը չեմ հասկանում ինչու ա վնասակար: Սաղ ասում են, բայց նորմալ չեն հիմնավորում: Իսկ որ ուտելուց ծարավում ես, նորմալ ֆիզիոլոգիական երևույթ ա, հետևաբար պիտի ջուր խմելն էլ ֆիզիոլոգիական լինի:
Հիմնավորումն էն ա, որ հեղուկները խանգարում ենմ ա նորմալ մարսողությանը։ Ավելի մանրամասն չեմ հիշում :))։ Բայց նույնիսկ եթե դրա մասին լսած չլինեի, սեփական փորձս լրիվ հերիք ա էդ տեսակետը ճիշտ համարելու համար։ Երբ ուտելու ընթացքում կամ հետո ջուր եմ խմում, որպես կանոն, դրանից հետո որոշակի անհարմարավետություն, տհաճ զգացողություն ունենում եմ ստամոքսի շրջանում։ Ու միայն ես չեմ էդպես։ Իհարկե, մարդկանց օրգանիզմը տարբեր ա, ու կարող ա մարդիկ լինեն, որոնք նման անմիջական ազդեցություն չզգան իրենց վրա։ Իմ ստամոքսն ի ծնե ուժեղ կողմերիցս չի, այսպես ասած, դրա համար հենց մի քիչ շեղում անում եմ, արդեն զգում եմ տարբերությունը, մինչդեռ ամեն ինչ ճիշտ անելու դեպքում ոչ մի խնդիր չի լինում։

StrangeLittleGirl
11.05.2012, 23:22
Հիմնավորումն էն ա, որ հեղուկները խանգարում ենմ ա նորմալ մարսողությանը։ Ավելի մանրամասն չեմ հիշում :))։ Բայց նույնիսկ եթե դրա մասին լսած չլինեի, սեփական փորձս լրիվ հերիք ա էդ տեսակետը ճիշտ համարելու համար։ Երբ ուտելու ընթացքում կամ հետո ջուր եմ խմում, որպես կանոն, դրանից հետո որոշակի անհարմարավետություն, տհաճ զգացողություն ունենում եմ ստամոքսի շրջանում։ Ու միայն ես չեմ էդպես։ Իհարկե, մարդկանց օրգանիզմը տարբեր ա, ու կարող ա մարդիկ լինեն, որոնք նման անմիջական ազդեցություն չզգան իրենց վրա։ Իմ ստամոքսն ի ծնե ուժեղ կողմերիցս չի, այսպես ասած, դրա համար հենց մի քիչ շեղում անում եմ, արդեն զգում եմ տարբերությունը, մինչդեռ ամեն ինչ ճիշտ անելու դեպքում ոչ մի խնդիր չի լինում։
Հա, իբր ասում են, որ մարսողական հյութերը նոսրանում են: Բայց... երբ սնունդ ես ընդունում, որոշ հեշտ մարսվող նյութեր անմիջապես ներծծվում են, այսպես ասած «խտացնում» արյունը, ծարավի զգացողություն առաջացնում: Ու դա նորմալ ֆիզիոլոգիա ա: Մի ժամանակ ես էլ էի ինձ տանջում, որ ուտելուց ջուր չխմեմ, հետո մտածեցի` իսկ ինչու՞: Եթե իմ օրգանիզմը շուխուռ ա անում, որ ծարավ ա, որ աղաչում-պաղատում ա, որ խմեմ, ինչու՞ չխմեմ: Էդ ինչքա՞ն պիտի մարսողական հեղուկները նոսրանան, որ կերածս չմարսեմ:


Ռիփ, դե ես էդքան խելոք եմ, որ էս երկրում չապրեմ :))

Գեա
12.05.2012, 01:07
Մարսողությունը բարդ պրոցես է ու սկսվում է բերանի խոռոչից: Այնտեղ թքի ֆերմենտների աղդեցությամբ սկսվում են ածխաջրերի քայքայումը,ստամքոսում սկսվում է սպիտակուցի քայքայումը: Ստամոքսի հիմնական ֆերմենտը պեպսինն է , նրան անհրաժեշտ են որոշակի պայմաններ` աղաթթվի որոշակի կոնցենտրացիա,որոշակի ջերմաստիճան: Երբ ուտելուց անմիջապես հետո ջուր ենք օգտագործում խախտվում է սննդախյուսի կառուցվածքը ստամոքսահյութում, նոսրանում է աղաթթվի կոնցենտրացիան, փոխվում է ջերմաստիճանը, արդյունքում սպիտակուցների քայքայման պրոցեսը լիարժեք տեղի չի ունենում, մյուս կողմից նորմալ մարսողական պրոցեսի ընթացքում ձևավորված սննդագնդի խորքում դեռ պահպանվում է թույլ հիմնային միջավայրը,որի շնորհիվ օսլայի քայքայումը, որը սկսվել էր դեռ բերանի խոռոչում կարողանում է շարունակվել ստամոքսում, հեղուկ օգտագործելիս երբ խախտվում է սննդագնդի կառուցվածքը հիմնային միջավայրը դառնում է թթվային աղաթթվի ազդեցությամբ,արդյունքում մնացած օսլան ևս չի հասցնում լիարժեք տրոհվել, արդյունքում երբ ժամանակը գալիս է ու սննդախյուսը անցնում է տասներկումատնյա աղի, որտեղ պետք է արդեն սկսվի նոր պրոցես` ճարպերի քայքայումը ու ավարտվի այսպես ասած կիսաքանդված սպիտակուցի քայքայումը մինչև ամինաթթուներ ունենում ենք մի պատկեր, երբ տասներկումատնյա աղին ստիպված է լինում աշխատել մեծ ծանրաբեռնվածությամբ վերևի բացթողումները ավարտելու համար: Բայց անժամանակ օգտագործած հեղուկը այստեղ էլ է իր վատ գործը անում, որպեսզի ճարպալուծ ֆերմենտները ակտիվանան հարկավոր պայմաններից է լեղին, սրա նոսրացումից ճարպերի քայքաքյումն էլ է դժվարանում, արդյունքում ստացվում է , որ անժամանակ խմած հեղուկը մարսողական պրոցեսի վրա իսկապես վատ ազդեցություն է թողնում, իսկ խրոնիկ ազդեցությունը վաղ թե ուշ բերելու է խնդիրների`վքնածություն, գազեր, գաստրիտ ... ու այսպես շարունակ, Մարսողական տրակտի հիվանդութունների պատճառագիտության մեջ շատ կարևոր նշանակությունունի հենց ուտելու հիգիենայի խախտումը, սա է հենց պատճառը , որ երեսունից հետո շատերը տառապում են էդ տրակտի ֆունկցիոնալ այս կամ այն խանգարումներով:

ոնց որ բարդ գրեցի , մի խոսքով ուտելուց անմիջապես հետո
կամ առաջ ջուր խմել պետք չի,թույլատրվում է հյութերի օգտագործումը ուտելուց տասնհինգ- քսան րոպե առաջ, որովհետև հյութերը պարունակում են պեկտին,որը մի շարք արժանիքների հետ ունի շատ կարևոր մի արժանիք , սնունդ է հանդիսանում հաստ աղու բակտերիաների համար ու ըստ գաստրոէնտերոլոգների հավաստիացումների ցանկալի է ,որ այն հաստ աղի հասնի, մինչև հիմնական սնունդ օգտագործելը և ոչ թե նրանից հետո:Նույնը կարելի է ասել նաև բանջարեղենային սալաթների մասին:
ՀԳ Բյուր ջան ուտելուց հետո օրգանիզմը խմել է ուզում, որովհետև առաջին հերթին արյան մեջ հայտնվում է գլյուկոզան , առաջացնելով ժամանակավոր հիպերգլիկեմիա, դրանից արյունը խտանում է , ու բնականաբար դա բերում է ծարավի զգացման , մի քիչ դիմանալու դեպքում , երբ ինսուլինը արտադրվում է ու գլյուկոզայի կոնցենտրացիան ընկնում է , ծարավի զգացումը անցնում է ...

StrangeLittleGirl
12.05.2012, 01:25
Գեա ջան, էդքանը հասկանում եմ, ուղղակի ժողովրդին հասկանալի լեզվով էի գրել: Ինչ վերաբերում ա ինսուլինի արտադրվելուն, ինքը մինչև արտադրվում ա, ես արդեն ջուր խմած եմ լինում:

Գեա
12.05.2012, 01:39
Բյուր քո գրածից իմ մոտ տպավորություն ստեղծվեց, թե պրոպոգանդա ես անում հաց ուտելուց հետո ջուր խմելը:))
հա փաստորեն չես դիմանում ու ջուր ես խմում , ու ստացվում է որ վնասում ես քեզ, եսիմ եթե ֆիզիլոգիա գիտությունը նոր բաներ չի հայտնաբերել էս ընթացքում:
Ես ֆիզիոլոգիայի դասերից` մի փորձ եմ հիշում, երբ կոլբայի մեջ լցնոuմ են ստամոքսահյութ ու ձվի կիսաեփ սպիտակուց, հետո կոլբան պահում են երեսունութ -երեսունինը աստիճանում, էդքան է ստամոքսում ջերմաստիճանը: Մոտ երեսուն րոպե է պետք լինում, որ սպիտակուցը լրիվ լուծվի: Այսինքն գոնե էդքան ժամանակ հեղուկ օգտագործել իրոք խորհուրդ չի տրվում, անկախ նրանից ծարավում ես թե , չէ, իսկ ծարավելու ֆիզիոլոգիական լինելը փաստորեն չի արդարացնում խմելը:էն էլ ջուր, էն էլ սառը...

StrangeLittleGirl
12.05.2012, 01:52
Բյուր քո գրածից իմ մոտ տպավորություն ստեղծվեց, թե պրոպոգանդա ես անում հաց ուտելուց հետո ջուր խմելը:))
հա փաստորեն չես դիմանում ու ջուր ես խմում , ու ստացվում է որ վնասում ես քեզ, եսիմ եթե ֆիզիլոգիա գիտությունը նոր բաներ չի հայտնաբերել էս ընթացքում:
Ես ֆիզիոլոգիայի դասերից` մի փորձ եմ հիշում, երբ կոլբայի մեջ լցնոuմ են ստամոքսահյութ ու ձվի կիսաեփ սպիտակուց, հետո կոլբան պահում են երեսունութ -երեսունինը աստիճանում, էդքան է ստամոքսում ջերմաստիճանը: Մոտ երեսուն րոպե է պետք լինում, որ սպիտակուցը լրիվ լուծվի: Այսինքն գոնե էդքան ժամանակ հեղուկ օգտագործել իրոք խորհուրդ չի տրվում, անկախ նրանից ծարավում ես թե , չէ, իսկ ծարավելու ֆիզիոլոգիական լինելը փաստորեն չի արդարացնում խմելը:էն էլ ջուր, էն էլ սառը...
Չեմ պրոպագանդում, բայց իմ համեստ կարծիքով «ուտելու ժամանակ կամ ուտելուց անմիջապես հետո ջուր խմելն արգելված է» կանոնը խիստ չափազանցված ա: Մինչև հիմա ոչ ոք չի մեռել ուտելու ժամանակ/հետո ջուր խմելով, ու եթե ծարավում ես, ուրեմն օրգանիզմդ քեզնից լավ գիտի` ինչ ա անում: Վերջին ժամանակներս բժշկության մեջ էնքան հեքիաթներ են հորինում, որ արդեն քիչ ա մնում ասեն` զգույշ շնչի, թե չէ կմեռնես: Լավ էլի... Թող ջուր խմելով էլ ձվի սպիտակուցը քսան րոպե ավել մարսվի, դրանից ոչ մի վատ բան չի լինի:

Ներսես_AM
12.05.2012, 01:54
Փաստորեն ապուրները վնաս են :(

ivy
12.05.2012, 02:06
Փաստորեն ապուրները վնաս են :(

Փաստորեն մրգերն էլ. սաղ ջուր են :(

StrangeLittleGirl
12.05.2012, 02:06
Փաստորեն ապուրները վնաս են :(
Հա, Ներս ջան, էս սաղ պատմությունը դրան էլ ա տանում: Որ վերցնես, միրգ-բանջարեղենն էլ ա վնաս, որովհետև կեսից շատը ջուր ա:

Գեա
12.05.2012, 12:32
Փաստորեն ապուրները վնաս են :(
չէ ապուրները վնաս չեն, իհարկե , որովհետև իրենք այնքան էլ ուղղակի ջուր չեն, այլ բանջարեղենամսային արգանակ ու պարունակում են արդեն մշակված ու ավելի հեշտ մարսվող կարևոր սննդանյութեր, բայց ամեն դեպքում , սխալ է այն պահը, թե ապուրը պետք է սկզբում ուտել...


Փաստորեն մրգերն էլ. սաղ ջուր են :(
փաստորեն դա այդպես չէ, եթե էդ գաղափարով նայենք մարդու 96% տոկոսը ջուր է ուրեմն մարդն էլ է ջուր: Ջուր ասելով պետք է հասկանալ էն զանգվածը, որը իր մեջ պարունակում է միայն ջուր կամ երբ ինքը ոչ թե լուծված նյութի դերում է այլ հենց ինքն է լուծիչը` հյութ, կոմպոտ , թեյեր , սուրճ ... էլ չշարունակեմ


Չեմ պրոպագանդում, բայց իմ համեստ կարծիքով «ուտելու ժամանակ կամ ուտելուց անմիջապես հետո ջուր խմելն արգելված է» կանոնը խիստ չափազանցված ա: Մինչև հիմա ոչ ոք չի մեռել ուտելու ժամանակ/հետո ջուր խմելով, ու եթե ծարավում ես, ուրեմն օրգանիզմդ քեզնից լավ գիտի` ինչ ա անում: Վերջին ժամանակներս բժշկության մեջ էնքան հեքիաթներ են հորինում, որ արդեն քիչ ա մնում ասեն` զգույշ շնչի, թե չէ կմեռնես: Լավ էլի... Թող ջուր խմելով էլ ձվի սպիտակուցը քսան րոպե ավել մարսվի, դրանից ոչ մի վատ բան չի լինի:
հաստատ դեռ ոչ մեկը չի մեռել, բայց էդ տրամաբամությամբ եթե շարժվենք լիքը վտանգավոր բաներ կան որ մահվան պատճառ չեն , բայց առողջությանը վնաս են:Ծխելուց ու ալկոհոլ օգտագործելուց էլ մարդ հենց նույն պահին կամ երկու օրից չի մեռնում: Բյուր լավ էլի, եթե ֆիզիոլոգիայից բան չիմանայիր էս խոսքերիդ վրա էսքան չէի զարմանա, իսկ էս պարագայում ,մնում է զարմանալ թե նեղ մասնագիտացումը ինչքան է մարդուն հեռվացնում ընդհանուր բժշկությունից, կներես խոսքերիս համար ու խնդրում եմ չնեղանաս, ուղղակի հաշվի առնելով որ բժիշկ ես , ենթադրում եմ, որ խոսքդ արժեք ունի ընկերներիդ մոտ, ու դրա արժեքը չարարշահել պետք չի:
ՀԳ Ջուր խմելով ձվի սպիտակուցը ստամոքսում ոչ թե քսան րոպեից ավելի է մարսվում այլ կիսամարսված անցնում է տասներկու մատնյա աղի, որտեղ ենթաստամոքսային գեղձի ֆերմենտներն են ստիպված լինում ավելի շատ արտադրվել ու արդյունքում թեկուզ քսան տարի անց ունենում ենք հյուծված ենթաստամոքսային գեղձ , արդյունքում դրա հետ կապված լիքը պրոբլեմներ ամբողջ մարսողական տրակտում:
Ի դեպ ուտելուց հետո անմիջապես հեղուկ օգտագործելը նպաստում է նաև գիրանալուն...

StrangeLittleGirl
12.05.2012, 12:43
Գեա ջան, արխային, իմ նեղ մասնագիտացումն ինձ հեչ էլ չի հեռացրել ընդհանուր բժշկությունից: Հիմա ես էլ քո հասցեին կարամ շատ բան ասեմ, բայց սուս եմ մնում:

Լավ էլի, ուտելուց հետո ջուր խմելը համեմատեցիր ծխել-խմելու հետ: Եթե ծարավի զգացողություն է առաջանում, ուրեմն օրգանիզմը մի բան գիտի: Մի հատ կբացատրե՞ս, թե ինչով ա տարբերվում սուպի ջուրը, եթե ամեն պորցիայի մեջ կես լիտր ջուր կա ու նույն H2O-ն ա: Իսկ ուտելուց հետո գոնե մի բաժակ ես ջուր խմում, ինչը քառորդ լիտր ա կամ ավելի քիչ: Կամ միրգ-բանջարեղենի ջուրն ինչո՞վ ա տարբերվում: Էլի նույն ստամոքսով են անցնում, նույն ստամոքսահյութն են նոսրացնում:

Հա, ըհը, գիրանալն էլ տատիկի ասածների շարքից ա: Նստակյաց կյանքը, ածխաջրերով հարուստ սնունդը հեչ, ուտելուց հետո ջուր խմելը մեջ:

Մի ժամանակ էլ ասում էին` սպորտով զբաղվելիս չի կարելի ջուր խմել: Էլի ինչ-որ անհեթեթ հիմնավորումներ էին բերում: Բայց ախր սպորտով զբաղվելու պահին լիքը հեղուկ ես կորցնում, ու բնական ա, որ օրգանիզմդ ջուր ա ուզում:

Մեկ էլ նման է նրան, երբ ասում են` ութ ժամից շատ քնել չի կարելի, առողջությանը վնաս է: Բայց երբ քունդ տանում է, պիտի քնես, որովհետև հնարավոր է, որ նախ դու ուրիշ ֆիզիոլոգիա ունես, երկրորդ` գերհոգնած ես, երրորդ` քնի շատ թեթև խանգարում ունես, որի հետևանքով քունդ այնքան էլ «որակյալ» չէ:

Էկեք մեզ տանջելու փոխարեն լսենք, թե օրգանիզմն ինքն ինչ ա ասում: Ինքը հաստատ մեզնից խելոք ա:

Գեա
12.05.2012, 12:48
Նշվածներից միայն թեյ եմ օգտագործում, էն էլ հազվադեպ, էն էլ հիմնականում դաղձի թեյ։ Դրա մե՞ջ էլ կա, թե՞ խոսքը հենց սովորական սև թեյի մասին է։ Ընդհանրապես դեղաբուսական թեյերի մեջ կա՞ էդ տանինը։
ճիշտն ասած կոնկրետ դաղձի մեջ տանինի պարունակության ու կոնցենտրացիայի մասին չգիտեմ, ուղղակի ասեմ, որ տանինը բուսական ծագում ունի, ու գտնվում է բոլոր էն բույսերի մեջ,որոնք ունեն դաբաղող հատկություն, : Չեմ կարողանում հիշել թե դաղձը ունի թե չունի դաբաղող հատկություն ընդհանրապես, ենթադրում եմ որ էնքան էլ չունի , որովհետև օրինակ կաղնու կեղևի, նռան կեղևի , էֆկալիպտի, թեյի, սուրճի հատիկների կողքին գրված չէ :Հետո էլ նույնիսկ կաղնու կեղևի հազվադեպ օգտագործումը անեմիայի պատճառ լինել չի կարող, չնայած տանինի մեծ քանակներին,Իսկ դու նշեցիր, որ դաղձի թեյ օգտագործում ես հազվադեպ ու դա չես անում անմիջապես ուտելուց հետո: այնպես որ հանգիստ կարող ես շարունակել օգտագործել այդ թեյը: Չնայած ես խոստանում եմ բուսաբուժությամբ զբաղվող ծանոթ մասնագետին այդ հարցը տալ ու եթե հետաքրքիր բան պարզվի, անպայման պատասխանը կտեղադրեմ այստեղ:

Գեա
12.05.2012, 12:54
Բյուր ես քո հետ վիճելու ցանկություն ընդհանրապես չունեմ, մասնագիտական գիտելիքներդ անբավարար են էդ հարցում իսկ էդ պարագայում բան բացատրելը էն էլ բժշկական կրթութոյւն ունեցող մարդուն անիմաստ է:
առխային ջուր խմիր ուտելու ընթացքում, մրգի մեջի ջուրն էլ նույն ծորակի ջուրն է ...

StrangeLittleGirl
12.05.2012, 13:01
Գեա, ի դեպ մի բան էլ հիշեցի: Ստամոքսի կառուցվածքը արի հիշենք: Մոռացե՞լ ես, որ հեղուկը ստամոքսում չի մնում, այլ փոքր կորության վրա տեղակայված խողովակով անմիջապես անցնում ա տասներկումատնյա աղի: Էնպես որ, եթե նոսրացնում էլ ա, ենթաստամոքսային գեղձի հյութն ա նոսրացնում:

Գեա
12.05.2012, 13:03
Գեա, ի դեպ մի բան էլ հիշեցի: Ստամոքսի կառուցվածքը արի հիշենք: Մոռացե՞լ ես, որ հեղուկը ստամոքսում չի մնում, այլ փոքր կորության վրա տեղակայված խողովակով անմիջապես անցնում ա տասներկումատնյա աղի: Էնպես որ, եթե նոսրացնում էլ ա, ենթաստամոքսային գեղձի հյութն ա նոսրացնում:
Բյուր խնդրում եմ էլի, էլ մի շարունակիր, ուղղակի մեկ-մեկ ֆիզիլոգիայի, պաթ ֆիզի , ու հիմա նաև ասեմ անատոմիայի գիրք ձեռքդ վերցրու:

StrangeLittleGirl
12.05.2012, 13:05
Բյուր ես քո հետ վիճելու ցանկություն ընդհանրապես չունեմ, մասնագիտական գիտելիքներդ անբավարար են էդ հարցում իսկ էդ պարագայում բան բացատրելը էն էլ բժշկական կրթութոյւն ունեցող մարդուն անիմաստ է:
առխային ջուր խմիր ուտելու ընթացքում, մրգի մեջի ջուրն էլ նույն ծորակի ջուրն է ...
Գեա, նույնը կարող եմ քո մասին ասել: Ժամանակին որևէ պրոֆեսորի ասածն ի գիտություն ես ընդունել ու չես փորձել հարցին այլ տեսանկյուններից էլ նայել: Ախր ժամանակն առաջ ա գնում, գիտությունը զարգանում ա, մարդիկ քննադատելով ու քննարկելով են հանգում ճշմարտությանը: Խնդրեմ, էդքան ծեծված ու պարսավանքի ենթարկված շոկոլադի մասին վերջերս հայտնաբերել են, որ արյան մեջ իջացնում ա խոլեսթերոլի մակարդակը: Պետք չի տեղում դոփել ու հարցին միակողմանի նայել:

Լավ, գիտելիքներս անբավարար են: Կբացատրե՞ս, թե մրգի H2O-ն ծորակի H2O-ից ինչով ա տարբերվում: Կարո՞ղ ա ինչ-որ մոգական հատկություններ ունի, որով չի նոսրացնում մարսողական հյութերը: Էն բժիշկները, որոնք դեմ են ուտելուց հետո ջուր խմելուն, գոնե պնդում են, որ սուպն էլ ա վնաս, մրգերն էլ են վնաս ուտելուց անմիջապես հետո:

StrangeLittleGirl
12.05.2012, 13:06
Բյուր խնդրում եմ էլի, էլ մի շարունակիր, ուղղակի մեկ-մեկ ֆիզիլոգիայի, պաթ ֆիզի , ու հիմա նաև ասեմ անատոմիայի գիրք ձեռքդ վերցրու:
Նույնը քեզ կխնդրեի ;)

Ներսես_AM
12.05.2012, 13:09
չէ ապուրները վնաս չեն, իհարկե , որովհետև իրենք այնքան էլ ուղղակի ջուր չեն, այլ բանջարեղենամսային արգանակ ու պարունակում են արդեն մշակված ու ավելի հեշտ մարսվող կարևոր սննդանյութեր, բայց ամեն դեպքում , սխալ է այն պահը, թե ապուրը պետք է սկզբում ուտել...


Գեա ջան, մի բան չեմ հասկանում հիմա եթե ապուրին նայես, իր մեջի ջուրը հենց լուծիչն է։ Ստամոքսի համար ի՞նչ տարբերություն ապուրի միջի պարուրնակությունը կուտեմ հետո ջուրը կլցնեմ վրայից, (ընդ որում իմ դեպքում շատ ավելի շատ քանակությամբ, քան հյութ կամ սովորական ջուր եմ խմում), թե՞ այդ ամենը միանգամից իրար հետ խառնած‎։
Համաձայն եմ որ սառը ջուրը վատ կարող ա լինել‎։ Սառնարանի ջուր չեմ խմում‎։ Մեկ էլ հնարավոր եմ համարում ուրիշ բան։ Քանի որ մարսողությունը սկսվում է դեռ բերանից, ապա ապուր ուտելիս արտադրվում է դրա մարսելու համար նախատեսված ֆերմենտները ու հանգիստ մարսվում է, իսկ մի բան ուտել հետո վրայից ջուր խմելուց ստամոքսը խառնվում է քանի որ ուտում ես, օրինակ փլավ, արտադրվում է համապատասխան բաղադրությամբ ստամոքսահյութ, ու մեկ էլ մի քանի վայրկյանում ստամոքսի պարունակությունը փոխվում է‎։
Երկրորդ‎․ հնարավոր է անկապ հարց եմ տալիս, բժիշկ չեմ, լավ չգիտեմ, բայց ձվի սպիտակուցի հետ կապված փորձը արդյո՞ք իրական պատկերին մոտ է‎։ Ճիշտ է արդյոք այն դիտարկել առանձնացված կոլբայի մեջ‎‎։ Միգուցե ջրի ավելանալուց հետո նոր ստամոքսահյութ է արտադրվում ու մի քիչ ավելի երկար է մնում ստամոքսում կերակուրը‎։ :think Թե՞ ֆիկսված ժամանակից հետո այնուամենայնիվ անցնում եմ աղիներ‎։

StrangeLittleGirl
12.05.2012, 13:14
Երկրորդ‎․ հնարավոր է անկապ հարց եմ տալիս, բժիշկ չեմ, լավ չգիտեմ, բայց ձվի սպիտակուցի հետ կապված փորձը արդյո՞ք իրական պատկերին մոտ է‎։ Ճիշտ է արդյոք այն դիտարկել առանձնացված կոլբայի մեջ‎‎։ Միգուցե ջրի ավելանալուց հետո նոր ստամոքսահյութ է արտադրվում ու մի քիչ ավելի երկար է մնում ստամոքսում կերակուրը‎։ :think Թե՞ ֆիկսված ժամանակից հետո այնուամենայնիվ անցնում եմ աղիներ‎։
Բնականաբար համեմատելի չէ ;) Ստամոքսն ավելի ճկուն է, քան կոլբան: Իսկ տասներկումատնյա աղի անցնելու հարցը ոչ թե ֆիքսված ժամանակի հետ է կապված, այլ ստամոքսահյութի միջավայրի: Հենց մի քիչ բարձրանում է pH-ը, այսինքն` պակաս թվվային է դառնում միջավայրը, սնունդն անցնում է տասներկումատնյա աղի: Ուղղակի հարցն էն ա, որ ջուրը չի մնում ստամոքսում: Ստամոքսի անատոմիական կառուցվածքն էնպիսին ա, որ ջուրն անմիջապես անցնում ա տասներկումատնյա աղի (եթե, իհարկե, հինգ լիտր ջուր չես խմում)

Գեա
12.05.2012, 13:20
Նույնը քեզ կխնդրեի ;)
ցավոք սրտի այս պարագայում քեզ համար, ստիպված եմ ասել, որ աշխատանքս պահանջում է կարդալ ոչ միայն պապիս թվի պրոֆեսորի, այլ ժամանակակից գրականություն ևս.որովհետև պրակտիկայից բացի զբաղվում եմ նաև տեսական աշխատանքով ;): մի անգամ էլ ասեմ ցավոք սրտի էս անգամ իմ համար, որովհետև միա այլ կարգի զզվել եմ էդ կարդալու պահից, Բյուր ջան չնեղվես գրածներիցս անկեղծ եմ ասում , ամենավերջին բանը որ ուզում եմ էդ քեզ նեղացնելն է...ուղղակի էս հարցում այլ տեսանկյուն չկա ..
մրգի մեջ եղած ջուրն ու ծորակի ջուրը իսկականից նույնն են :D էլ ինչ ասեմ..
ու մի պորցիա ապուրի պարունակության միայն ջուրը կազմում է կես լիտր??? դու քո կյանքում մի անգամ սուպ պատրաստած կաս??
ուֆ էլ չեմ պատասխանելու,ինչ ուզում ես ասա...էսքան ներվ ով ունի որ էսքան աքսիոմայի ապցույց տա...

Գեա
12.05.2012, 13:36
Գեա ջան, մի բան չեմ հասկանում հիմա եթե ապուրին նայես, իր մեջի ջուրը հենց լուծիչն է։ Ստամոքսի համար ի՞նչ տարբերություն ապուրի միջի պարուրնակությունը կուտեմ հետո ջուրը կլցնեմ վրայից, (ընդ որում իմ դեպքում շատ ավելի շատ քանակությամբ, քան հյութ կամ սովորական ջուր եմ խմում), թե՞ այդ ամենը միանգամից իրար հետ խառնած‎։
Համաձայն եմ որ սառը ջուրը վատ կարող ա լինել‎։ Սառնարանի ջուր չեմ խմում‎։ Մեկ էլ հնարավոր եմ համարում ուրիշ բան։ Քանի որ մարսողությունը սկսվում է դեռ բերանից, ապա ապուր ուտելիս արտադրվում է դրա մարսելու համար նախատեսված ֆերմենտները ու հանգիստ մարսվում է, իսկ մի բան ուտել հետո վրայից ջուր խմելուց ստամոքսը խառնվում է քանի որ ուտում ես, օրինակ փլավ, արտադրվում է համապատասխան բաղադրությամբ ստամոքսահյութ, ու մեկ էլ մի քանի վայրկյանում ստամոքսի պարունակությունը փոխվում է‎։
Երկրորդ‎․ հնարավոր է անկապ հարց եմ տալիս, բժիշկ չեմ, լավ չգիտեմ, բայց ձվի սպիտակուցի հետ կապված փորձը արդյո՞ք իրական պատկերին մոտ է‎։ Ճիշտ է արդյոք այն դիտարկել առանձնացված կոլբայի մեջ‎‎։ Միգուցե ջրի ավելանալուց հետո նոր ստամոքսահյութ է արտադրվում ու մի քիչ ավելի երկար է մնում ստամոքսում կերակուրը‎։ :think Թե՞ ֆիկսված ժամանակից հետո այնուամենայնիվ անցնում եմ աղիներ‎։
ճիշտն ասած հավեսս նենց փախավ, հարցերիդ պատասխանելու համար, պետք է երկար գրեմ, եթե իսկապես հետաքրքիր է ֆիզիոլոգիայի գիրք վերցրու,էնտեղ բոլոր հարցերի պատասխանները կգտնես : եթե դա դժվար է կարող ես դպրոցական դասագրքից սկսել, որը ժամանակին բոլորս ենք անցել: Եթե կարդալուց հետո հարցեր մնան , պատրաստ եմ հարցերիդ պատասխանել:
Հգ վսյո , լարյոկը փակում եմ , ժենիտես ուտոպիտես ,մոռե ռյադոմ...( այ Չուկ դյադյա,թող գոնե մեկ-մեկ ռուսերեն գրենք էլի, թե չէ , էս վերջին գրածս քեզ դուր գալիս է?:D)

ivy
12.05.2012, 13:42
Գեա, դու Ակումբում արդեն մի թեմա չի, որ վեճի ես վերածում, ու միշտ նույն կարգախոսով, որ վիճելու ցանկություն չունես:
Քո գրածներում միշտ հիմնավոր տեսակետ կա, և լավ է, որ բժշկության հետ առնչվող ցանկացած հարցում միշտ արտահայտում ես այն, ու շատերս ենք հետաքրքրությամբ կարդում: Վատն էն է, որ մինչև վերջին խազ քոնն ես առաջ տանում՝ չուզելով ընդունել ուրիշ ոչ մի այլ կարծիք:
Թմրամոլությունը, երեխանրի ատամները երբ լվանալը, երեխային կողքին քնեցնելը, ուտելու ժամանակ ջուր խմելը, սրանք բոլորն էլ հարցեր են, որոնք տարբեր կարծիքներ ու մոտեցումներ ունեն: Եվ ոչ միայն սրանք, ցանկացած հարց էլ էդպես է: Պետք չի մենակ քո իմացածի վրա էդքան վստահ լինել (սա արդեն քեզ մի ուրիշ թեմայում էլ եմ ասել) ու մյուսներին համառորեն սխալ հանել:
Էստեղ ի վրեջո «ճշտի բազար» չի, այլ տեսակետների փոխանակման հարթակ:
Էլ չեմ ասում հարցի էթիկական կողմի մասին: Որ մեկ այլ բժշկի ուրիշների ներկայությամբ բառացիրեն անգրագետ ես հանում: Զարմացած եմ մնում: Մի՞թե մարդիկ չեն անցնում բժշկական էթիկա:

Գեա
12.05.2012, 14:01
Այվի ես արդեն մի անգամ ասել եմ ու հիմա էլի կկրկնվեմ, որ բժշկությունը հիմնված է միայն ապացուցողական բազայի վրա, այն կամ կա կամ չկա , հասկանում ես? , ու ես չեմ վիճում ու տեսակետս էլ պնդում եմ միայն այն դեպքում , երբ դրանում համոզված եմ լինում ոչ թե սեփական տրամաբանությունից ելնելով այլ մասնագիտորեն , ելնելով բժշկական գրականությունից: Հիմա էս պարագայում անընդհատ կրկնում եմ, որ էդ ամենը գրված է ու ֆիքսված է մասնագիտական գրականության մեջ: Իմ նպատակը ոչ թե սեփական կարծիքը առաջ տանելն է այլ համընդհանուր ընդունվածը ներկայացնելը, թե չէ հացից հետո կարող է ես էլ եմ ջուր խմում:D: նույնը կասեմ , երեխեքի ատամներ լվանալու կամ կողքին քնեցնելու վերաբերյալ , կա համընդհանուր ցուցումներ, որոնք յոթ տարի ինստիտուտում ասում են , դա կոչվում է մասնագիտանալ, չհաշված հետ ինստիտուտային թրենինգներն ու վերապատրաստումները: Փորձեմ ավելի պարզ ասել, որ հասկանալի լինի, փորձում եմ պաշտոնական ընդունված ցուցումները գրել: ԻՄ սեփական կարծիքը թողնելով մի կողմ, որովհետև ոչ ոք չգիտի ես իմ երեխային անկողին կվերցնեմ կամ վերցրել եմ թե չէ:
Նույնը էլի եմ ասում քո նշած վերևի թեմաների հետ կապված, քո դեպքում դա կարծիք էր, իմ դեպքում այն է, ինչ սովորեցնում ու ստիպում են, որ ես էլ պացիենտին ասեմ, պարզ է? իսկ սեփական կարծիքս քո վերը նշված թեմաներում չի եղել , որովհետև դիմացինին խորհուրդ տալու հարցում սեփական կարծիքով կամ ուրիշի ասածը մեջ բերելու դեպքում անպայման ֆիքսում եմ, որ ասենք էսինչ մարդն է ասել ...կամ էլ նշում եմ ԻՀԿ սա էսպես է...
Բժշկական էթիկան պահանջում է , ընդունել ու հարգել ապացուցողական բազան ...
եկեք էս անիմաստ վեճը վերջացնենք, ինձ էլ ղալմաղալչի բազառչի սարքեցիր, շատ մերսի...

Ներսես_AM
12.05.2012, 14:02
ճիշտն ասած հավեսս նենց փախավ, հարցերիդ պատասխանելու համար, պետք է երկար գրեմ, եթե իսկապես հետաքրքիր է ֆիզիոլոգիայի գիրք վերցրու,էնտեղ բոլոր հարցերի պատասխանները կգտնես : եթե դա դժվար է կարող ես դպրոցական դասագրքից սկսել, որը ժամանակին բոլորս ենք անցել: Եթե կարդալուց հետո հարցեր մնան , պատրաստ եմ հարցերիդ պատասխանել:

Եղավ շնորհակալություն։ Համենայն դեպս եթե հավեսդ գա, հետաքրքիր կլիներ պատասխանդ կարդալ‎։ :)

ivy
12.05.2012, 14:23
Այվի ես արդեն մի անգամ ասել եմ ու հիմա էլի կկրկնվեմ, որ բժշկությունը հիմնված է միայն ապացուցողական բազայի վրա, այն կամ կա կամ չկա , հասկանում ես? , ու ես չեմ վիճում ու տեսակետս էլ պնդում եմ միայն այն դեպքում , երբ դրանում համոզված եմ լինում ոչ թե սեփական տրամաբանությունից ելնելով այլ մասնագիտորեն , ելնելով բժշկական գրականությունից: Հիմա էս պարագայում անընդհատ կրկնում եմ, որ էդ ամենը գրված է ու ֆիքսված է մասնագիտական գրականության մեջ: Իմ նպատակը ոչ թե սեփական կարծիքը առաջ տանելն է այլ համընդհանուր ընդունվածը ներկայացնելը, թե չէ հացից հետո կարող է ես էլ եմ ջուր խմում:D: նույնը կասեմ , երեխեքի ատամներ լվանալու կամ կողքին քնեցնելու վերաբերյալ , կա համընդհանուր ցուցումներ, որոնք յոթ տարի ինստիտուտում ասում են , դա կոչվում է մասնագիտանալ, չհաշված հետ ինստիտուտային թրենինգներն ու վերապատրաստումները: Փորձեմ ավելի պարզ ասել, որ հասկանալի լինի, փորձում եմ պաշտոնական ընդունված ցուցումները գրել: ԻՄ սեփական կարծիքը թողնելով մի կողմ, որովհետև ոչ ոք չգիտի ես իմ երեխային անկողին կվերցնեմ կամ վերցրել եմ թե չէ:
Նույնը էլի եմ ասում քո նշած վերևի թեմաների հետ կապված, քո դեպքում դա կարծիք էր, իմ դեպքում այն է, ինչ սովորեցնում ու ստիպում են, որ ես էլ պացիենտին ասեմ, պարզ է? իսկ սեփական կարծիքս քո վերը նշված թեմաներում չի եղել , որովհետև դիմացինին խորհուրդ տալու հարցում սեփական կարծիքով կամ ուրիշի ասածը մեջ բերելու դեպքում անպայման ֆիքսում եմ, որ ասենք էսինչ մարդն է ասել ...կամ էլ նշում եմ ԻՀԿ սա էսպես է...
Բժշկական էթիկան պահանջում է , ընդունել ու հարգել ապացուցողական բազան ...
եկեք էս անիմաստ վեճը վերջացնենք, ինձ էլ ղալմաղալչի բազառչի սարքեցիր, շատ մերսի...

Ես էլ էն եմ ասում, որ քո իմացած մոտեցումը միակը չի... Հիմա ես ունեմ երեխա և իր բժիշկն էլ, որը նույնպես կրթություն և պրակտիկա ստացած մասնագետ է, ասում է, որ իր ատամները լվամ՝ մինչև թքել սովորելը ու չվախենամ, որ մածուկը կուլ է տալիս: Կամ էլ ասում, որ կերակրելիս երեխային կարող եմ կողքիս քնացնել:
Սրանք էլ են մասնագիտական կարծիքներ. էդ կարծիքը ոչ մի հարցում էլ միայն մեկը չի: Դրա համար էլ կա «երկրորդ կարծիք» արտահայտությունը:
Իսկ էն որ քեզ ինչ-որ բան եմ սարքում, ապա, ինչ արած, աչքիս տեսածն եմ ասում:

Freeman
12.05.2012, 14:53
Վերջին ժամանակներս բժշկության մեջ էնքան հեքիաթներ են հորինում, որ արդեն քիչ ա մնում ասեն` զգույշ շնչի, թե չէ կմեռնես: Լավ էլի... Թող ջուր խմելով էլ ձվի սպիտակուցը քսան րոպե ավել մարսվի, դրանից ոչ մի վատ բան չի լինի:

Էդ էլ են ասել` էն օրը մեկն ասում էր, որ եթե ճիշտ շնչենք, մի երեսուն տարի ավել կապրենք: Երևի Բրիտանացի գիտնական էր :D


Ինչ վերաբերվում ա ջուր խմելուն` գաստրիտի ու խոցի առաջացմանը նպաստելու մեխանիզմներն ինչքան կարդում եմ, էնքան քիչ համոզիչ ա դառնում, իսկ մյուս <<վնասները>> չարժեն որ ջուր խմելս հետաձգեմ:)

Հ.Գ. էս ի՞նչ կռիվ ա գնում :))

Գեա
13.05.2012, 11:35
...:
ես երևի չեմ կարողանում հասկանալի բացատրել,բժշկությունը հիմնվում է միայն ստուգված, ապացուցված փաստերի վրա, նրա շուրջը լինում են ոչ միայն երկրորդ, երրորդ այլ չորրորդ .... հազարերրորդ կարծիք, որոնք ալտերնատիվ կամ ինչպես ասացիր երկրորդ կարծիք կոչվելու իրավունք ձեռք են բերում միայն այն դեպքում, երբ ժամանակի ընթացքում, բազմաթիվ հետազոտություններից ու փորձարկումներից հետո կարողանում են ապացուցողական բազա ձեռք բերել և հայտնվում են ոչ թե որևէ N մարդու մոնոգրամայի մեջ, այլ ընդգրկվում են մասնագիտական ուսուցողական գրականության մեջ և ուսուցանվում են ԲՈՒՀ երում, միջին մասնագիտական հաստատություններում..ու դա այդպես է ամբողջ աշխարհում...
Ու ընդհանրապես կարծում եմ ճիշտ կլիներ, որ բժշկության վերաբերյալ թեմաներում անկախ նրանից այն բժշկական թեմաներում է թե կենցաղային, թույլ տայիր, որ էդ խորհուրդները տային բժիշկները, որովհետև դա ստեղծագործական նախագծեր բաժինը չէ:
Ատամների հետ կապված` նպատակս էր, որ մայրերը ակցենտը դնեն վիտ Դ վրա , իսկ դու ատամի մածուկը դարձրեցիր գերակա թույլ չտալով առաջնայինը տարանջատել երկրորդայինից...այս ընթացքում շատ ատամնաբույժների եմ հարցրել, չգիտեմ բոլորն էլ մի տեսակ շատ թերահավատ են, որ էդ տարիքում անվտանգ է ատամ լվանալը, հաշվի առնելով լնդերի լորձաթաղանթի բարակությունը, էմալի կառուցվածքը , ինչու չէ նաև ատամի մածուկը, հնարավոր է, որ աշխարհը գնում է նրան , որ իսկապես կարելի է երեխայի ատամները լվանալ վեց ամսեկանից: Կապրենք կտեսնենք, ես կհամոզվեմ դրանում միայն էն դեպքում , երբ կտեսնեմ արված հետազոտություններն ու դրանց անվտանգության աստիճանը...մի քանի հարյուր երեխաների ընդգրկվածությամբ...Ու եթե ինչ-որ մեկը ունի նման ռոնդոմիզացված հետազոտության արդյունքեր, կխնդրեի այն տեղադրել, որովհետև իսկապես հետաքրքրիր է ...
Ու Բյուրին էլ արջի ծառայություն մատուցել պետք չի, եթե որոշել է բժիշկ դառնալ, պետք է կարողանա սեփական կարծիքը հիմնավորել փաստերով:
Վերջապես կարծում եմ ժամանակն է . որ առողջության հետ կապված թեմաները, անկախ նրանից թե, որ բաժնում են բացվել, կամ հսկվեն ու խորհուրդը իբրև խորհուրդ որակվի կարծիքը իբրև կարծիք , կամ փակվեն ընդհանրապես, ի վերջո լիքը թեմաներ կան, որտեղ կարող եք կանանցով հավաքվել ու զրուցել իրար հետ...
Վախենում եմ արածս փոքրհոգություն դիտարկվի, բայց իրականում , հենց սկզվից սեփական կարծիքը բոլոր հնարավոր ու անհնար տարբերակներով մինչև վերջ տանելու գիծը ես էլ քո մեջ եմ տեսնում , հետն էլ էն թեմաներում, որտեղ մասնագիտական հնարավորություններդ չեն ներում, կարծիքդ հիմնվում է միայն սեփական փորձի վրա, ուրիշներից լսածի վրա, ու չունի ամուր հիմք:Ընդունումեմ , որ երևի շատ ցավոտ եմ տանում, ոչ մասնագետի կողմից բարձրաձայն տրվող խորհուրդներին, դա էլ իր հիմքը ունի, միլիոն դեպքերի օրինակներ ունեմ, մարդը սրտանց խորհուրդ է տվել, ելնելով սեփական փորձից, լսածից, տեսածից,ապրածից ու դրանով վնասել է... էս բաժնում իմ ակտիվությունն էլ սկսվեց հենց նմանատիպ դեպքից, երբ կարդացի հերթական աբսուրդ խորհուրդը: Բայց քանի որ վիրտուալ տիրույթում ենք, ու փաստորեն այստեղի ֆորմատը ուղղակի թույլ է տալիս, որ բոլորը կիսվեն իրենց կյանքի փորձով, կիսատ պռատ իմացածով, ուրեմն իրոք ստացվում է , որ ես անընդահատ պետք է վեճի բռնվեմ ու արդյունքում շուխոռչիի անուն հանեմ, ու ելնելով դրանից բժշկության հետ կապված էլ ոչ մի թեմայի չեմ խառնվելու:Հատկապես, որ առանձնապես խելքս չի էլ գնում կարծիք գրելու համար...
Հիմա նաև հասկանում եմ , թե ինչու բաժինը մոդեր չունի, "ով ունի էդքան առողջություն" վիճակ է տիրում...

StrangeLittleGirl
13.05.2012, 13:00
Գեա, կխնդրեի, որ քո ապացուցված փաստերը ներկայացնելիս հղումներ անես համապատասխան հոդվածներին, որ տեսնենք` մարդիկ ի՞նչ հետազոտություն են արել, ի՞նչ մեթոդներ են օգտագործել, ընտրանքի չափը բավական մե՞ծ է, թե՞ ոչ, ի՞նչ ստատիստիկա են օգտագործել: Ու զարմանում եմ, որ պնդում ես երկրորդ կարծիք հնարավոր չի լինի, երբ ինքդ շատ լավ գիտես, որ անգամ ապացուցողական բժշկության դարում բժիշկներն իրար միս են ուտում, թե որն է ճիշտ: Կասես` պրոտոկոլներ: Իսկ գիտե՞ս էդ պրոտոկոլներն ինչքան իրար միս ուտելով են գրվում: Գիտե՞ս, որ էդ պրոտոկոլները երկրից երկիր էապես տարբերվում են իրարից, ու դրանք ստեղծված են բժշկին, ոչ թե հիվանդին պաշտպանելու համար:

Ու էս ամբողջ բանավեճի մեջ քո հիմնական փաստարկը գիտելիքների անբավարար լինելն ա: Ու՞ր ա, հղում արա, ասա` այ էս ինչը կարդա, սենց ասում: Ես անկեղծորեն ասում եմ, որ որևէ հոդվածի վրա չեմ հիմնվում, այլ տարիների ընթացքում ստացածս գիտելիքների ու սեփական ուղեղի: Իսկ դու պնդում ես, որ ունես աղբյուրներ, բայց տեղը չես ասում: Երկրորդ, Ռիփը ճիշտ նկատեց, որ կոլեգային հրապարակայնորեն անգրագետ հանելը բժշկական էթիկայի խախտում է: Լավ, գոնե դա՞ էլ չգիտես: Երրորդ, քանի որ դու արդեն սկսել ես, թույլ տուր ես էլ քո գիտելիքների վրա խիստ կասկածեմ: Մասնավորապես, երեկ թմրամոլության թեմայում քո գրառումները կարդացի, ու դրանք, մեղմ ասած, բժշկի գրառումների նման չէին:

Վերջին պարբերությանդ վերաբերյալ... Երբ այս բաժնի մոդերատորը ես էի, հստակ գրել եմ, որ միայն բժիշկները խորհուրդ տան, իսկ մյուսները երկու անգամ մտածեն խորհուրդ տալուց առաջ: Ավելին` էս բաժնում միշտ էլ շատ բժիշկներ են եղել, միշտ էլ տարբեր հարցերի շուրջ համաձայնության չենք եկել, բայց երբեք բանավիճելիս որևէ մեկի փաստարկը չի եղել դիմացինի գիտելիքների բացակայությունը (ի դեպ, նման փաստարկ բանավիճելիս բերում են նրանք, ովքեր իրականում փաստարկ չունեն, էդ էլ իմացիր բանավեճերի կանոններից):

ivy
13.05.2012, 15:16
Ու ընդհանրապես կարծում եմ ճիշտ կլիներ, որ բժշկության վերաբերյալ թեմաներում անկախ նրանից այն բժշկական թեմաներում է թե կենցաղային, թույլ տայիր, որ էդ խորհուրդները տային բժիշկները, որովհետև դա ստեղծագործական նախագծեր բաժինը չէ:


Իմ գրածները «Մայրության անկյուն»-ում են եղել, որտեղ մայրերը կիսվում են իրենց փորձով, ինչպես նաև իրենց մանուկների բժիշկների խորհուրդներով:
Հիմա ինչ, էդ բաժնում էլ ասեմ, որ մենակ մամաները պիտի մտնե՞ն կամ գոնե նրանք ովքեր մանկաբույժի մասնագիտացում ունե՞ն:
Մի քիչ հետևիր տրամաբանությանդ ընթացքին:

Artgeo
14.05.2012, 09:40
Գեա ջան, նախ մի բան խնդրեմ էլի http://www.akumb.am/showthread.php/3305-%D4%BB%D5%B6%D5%BF%D5%A5%D6%80%D5%B6%D5%A5%D5%BF%D5%B8%D6%82%D5%B4-%D5%A3%D6%80%D5%A5%D5%AC%D5%B8%D6%82-%D5%A7%D5%A9%D5%AB%D5%AF%D5%A1 9-րդ կետ, կներես չդիմացա, գրառումներդ շատ հետաքրքիր են, բայց անկեղծ ներվայինանում եմ կարդալուց: Վիրավորելու կամ նեղացնելու համար չեմ ասում, հուսով եմ ճիշտ կընդունես:

Թեմայի հետ կապված

Նախկինում անառողջ սնունդ էի ուտում, լիքը աղով, քիմիայով և այլն: Ուտելու ընթացքում և անմիջապես հետո խիստ ծարավ էր առաջանում, ընդ որում խմում էի պայթելու չափ, բայց դա չէր հագեցնում ծարավը:

Հիմա ուտում եմ առողջ սնուն, բանջարեղեն, մրգեր, առանց ժարիտ, շաքար, աղ, միայն եփած: Օրական խմում եմ 3-4 նույնիսկ մեկ-մեկ 5-6 լիտր մաքուր սենյակային ջերմաստիճանի ջուր: Խմել դադարում եմ սնվելուց 20 րոպե առաջ ու վերսկսկում սնվելուց 40 րոպե անց: Ոչ մի ծարավի զգացում, ոչ մի դիսկոմֆորտ: Ապուրներ չեմ ուտում ընդհանրապես: Հեղուկն էլ բավականին արագ օրգանիզմից դուրս է մղվում, մինչդեռ մինչ այդ երկար մնում էր օրգանիզմիս մեջ:

Freeman
19.05.2012, 11:23
Ժող, տեսեք ինչ եմ գտել, փաստորեն ուտելու ընթացքում ջուր խմելն էլի օգտակար ա (http://news.yandex.ru/yandsearch?cl4url=www.aif.ru%2Ffood%2Fnews%2F133914&cat=96&lang=ru):))

Մարկիզ
07.06.2012, 00:00
Ներողություն իհարկե, բժիշկներ ջան, տենց էլ չհասկացա, թե հիմա որն է ճիշտ:

Հաց ուտելիս ջուր խմել, թե հաց ուտելիս ջուր չխմել?

Ասեք, խնդրում եմ, էս ջրի պահն էլի::(

Թե չէ մամաս արդեն չորս ժամ ա (ինչ այս թեման կարդում եմ) կանչում ա, որ գնամ հաց ուտեմ, իսկ ես վախենում եմ գնամ, որովհետև չգիտեմ ինչ է լինելու իմ նուրբ ու զգայուն մարսողական համակարգի հետ: Այնպես որ` ասեք, հիմա ես ինչ անեմ, էս ճամպրուկն ինչ անեմ?

Մեր հարևան Էմա տատն էլ մի քանի օր առաջ խորհուրդ էր տալիս ջուր ընդհանրապես չխմել ոչ ուտելիս և ոչ էլ ուտելուց առաջ կամ հետո: Ասում էր` ափսոս ա մեր հողնուջուրը:

:))