PDA

Դիտել ողջ տարբերակը : Վ. Բրյուսովի անվան պետական լեզվաբանական համալսարան



Ռուֆուս
17.04.2012, 17:56
Մի քիչ զարմացա, որ մայրենի բուհիս նվիրված թեմա չկար, բայց ոչինչ, բացը լրացրեցինք:

Էսօր Արմեն ԱշոԾյանը հրաման է ստորագրել


Դադարեցվել են ռեկտորի լիազորություները և լուծվել աշխատանքային պայմանագիրը

ՀՀ կրթության և գիտության նախարար Արմեն Աշոտյանն այսօր հրաման է ստորագրել` «Երևանի Վ. Բրյուսովի անվան պետական լեզվաբանական համալսարան» պետական ոչ առևտրային կազմակերպության գործադիր մարմնի ղեկավար` ռեկտոր Ս. Զոլյանի լիազորությունները դադարեցնելու և 2008 թվականի մարտի 17-ին կնքված թիվ 134 աշխատանքային պայմանագիրը լուծելու մասին, որի համար հիմք են ծառայել ՀՀ կրթության և գիտության նախարարի 2012 թվականի ապրիլի 6-ի թիվ 160-Ա և 2012 թվականի ապրիլի 17-ի թիվ 173-Ա հրամանները:

Աղբյուր (http://edu.am/)

Մեր մանկամիտ նախարարը վերջը ուզածին հասավ, Զոլյանին գործից հանեց :( Էնպես չէր, որ Զոլյանը աչքիս լույսն էր (լեզվաբանությունս վերջում 4 դրեց), բայց իմ սովորելու ժամանակ ինքը Բրյուսովը բավականին լավ էր կառավարում, թեկուզ և այն առումով, որ կոռուպցիան մեր համալսարանում թերևս ամենացածրն էր պետական բուհերի շարքում:

Կարծիքնե՞ր:

StrangeLittleGirl
18.04.2012, 02:42
Մի ուրիշ տեղ էլ եմ գրել, էստեղ էլ ասեմ: Ինձ մոտ էնպիսի տպավորություն ա, որ անցյալ տարվա սցենարի ավելի անհաջող կրկնություն ա: Նույն բանն արեցին Գոհար Քյալյանի հետ, բայց բավականաչափ ժամանակ ունեին ինչպես հարկն է սևացնելու, նրա հեռացումն առանց սկանդալների կազմակերպելու համար (վերջիվերջո, պաշտոնավարման ժամկետը լրացավ, նորից չառաջադրվեց, ոչ թե հեռացրին): Դրանից հետո երկար տարիներ ապաքաղաքականացված բժշկականում նորից հանրապետական բնադրեց ու ձվադրեց:

Զոլյանի դեպքում Աշոտյանի ներգրավվածությունը շատ հստակ ա, ու նախապատրաստական սևացումներն էդքան էլ էֆեկտիվ չէին: Դրան գումարած` միանգամից հանեց: Այ չգիտեմ` վիզ պե՞տք էր քաղաքականություն մտցնել Բրյուսով, թե՞ ուղղակի վրեժ էր Աստված գիտի ինչի համար:

Ռուֆուս
18.04.2012, 12:53
Ինչու է ուսխորհրդի նախագահը դեմ Բրյուսովի ուսանողների նախաձեռնությանը

Այսօր Բրյուսովի անվան պետական լեզվաբանական համալսարանի ուսանողները առավոտյան 9:30 ցանկանում էին երթ կազմակերպել, սակայն Ռեկտոր Ս. Զոլյանը թույլ չտվեց խանգարել բնականոն դասապրոցեսը: Համալսարանի երրորդ հարկի դահլիճում նա խոսեց ուսանողների հետ և դասի ուղարկեց: Ուսանողները նրան ծափահարություններով ուղեկցեցին:

Մեզ հետ զրույցում Ս. Զոլյանն ասաց, որ իր պարտականությունն է ապահովել ուսումնական պրոցեսը և իրեն հաջողվեց այդ անել: Ուսանողների նախաձեռնությունը նա բացատրեց հետևյալ կերպ. << Սա ցույց է տալիս, որ ուսանողները ցանկանում են որակյալ կրթություն ստանալ:

Ի հակառակ ուսանողության՝ ուսխորհրդի նախագահ Հասմիկ Ափյանը մեզ հետ զրույցում հայտնեց, որ ռեկտորի հեռացումը օրենքի սահմաններում է իրականանում և ինքն անձամբ դեմ է բոլոր տեսակի ցույցերին և երթերին: Վերջում նա ասաց, որ ամեն դեպքում պարոն Զոլյանը լավ ռեկտոր էր:

Տարօրինակ է, որ ուսխորհրդի նախագահը, ով մեր տվյալներով հարում է Հանրապետական կուսակցությանը, արդեն անցյալ ժամանակով է խոսում ռեկտորի մասին:

Աղբյուր (http://www.hraparak.am/2012/04/18/us-xorhrdi-naxagahy-dem-e/)

Էս էն նույն աղջիկն ա, ով մի մի ամիս առաջ ամբողջ Բրյուսովի անունից հայտարարել էր, թե Բրյուսովը կողմ է Մաշտոցի պուրակի բուծիկաշինությանը: Սա մեծանա Աշոծյան ա դառնալու, Աշոծյանն էլ վախտին սենց սկսեց... :[

Tig
18.04.2012, 17:43
«Չկա Զոլյան, չկանք մենք». Բրյուսովի ուսանողները իրենց բողոքն արտահայտեցին նախարարի որոշման դեմ (http://tert.am/am/news/2012/04/18/brusovcineri-cuyc/)


http://www.youtube.com/watch?v=P4aTe6HIkYM&feature=player_embedded


http://www.youtube.com/watch?feature=player_embedded&v=VaEwKS6p7Pc

StrangeLittleGirl
18.04.2012, 18:30
Ի հակառակ ուսանողության՝ ուսխորհրդի նախագահ Հասմիկ Ափյանը մեզ հետ զրույցում հայտնեց, որ ռեկտորի հեռացումը օրենքի սահմաններում է իրականանում և ինքն անձամբ դեմ է բոլոր տեսակի ցույցերին և երթերին: Վերջում նա ասաց, որ ամեն դեպքում պարոն Զոլյանը լավ ռեկտոր էր:

Էս էն նույն աղջիկն ա, ով մի մի ամիս առաջ ամբողջ Բրյուսովի անունից հայտարարել էր, թե Բրյուսովը կողմ է Մաշտոցի պուրակի բուծիկաշինությանը: Սա մեծանա Աշոծյան ա դառնալու, Աշոծյանն էլ վախտին սենց սկսեց... :[
Էս առաջին նախադասությունը որ կարդացի, միանգամից մտածեցի` կա-չկա, հանրապետական ա: Տենց էլ դուրս էկավ:

Շատ ճիշտ ես, ԱշոԾյանն էլ ա տենց սկսել:

Լավ կլինի` Բրյուսովի էրեխեքը կարողանան ցույց-մույց անել: Մերոնք չկարողացան, դուխները չհերիքեց:

Ռուֆուս
18.04.2012, 19:32
Էս առաջին նախադասությունը որ կարդացի, միանգամից մտածեցի` կա-չկա, հանրապետական ա: Տենց էլ դուրս էկավ:

Շատ ճիշտ ես, ԱշոԾյանն էլ ա տենց սկսել:

Լավ կլինի` Բրյուսովի էրեխեքը կարողանան ցույց-մույց անել: Մերոնք չկարողացան, դուխները չհերիքեց:

Բրյուսովի աղջկերքին ու տղերքին մի աչքով մի նայի, բողոքում են ու լավ են անում, նույնիսկ ինչ-որ տեղ նախանձում եմ, որ շուտ եմ ավարտել ու իրենց հետ բողոքել չեմ կարող: Աշոծյանի աչքն էլ կհանեն, սենց շուտ չեն հանգստանա:

Ռուֆուս
18.04.2012, 19:56
Բյուրի բլոգից :))

Զոլյան-Աշոտյան հակամարտություն. սցենարի կրկնությու՞ն

Երբ Բրյուսովի ռեկտորի հեռացման մասին կարդացի, անմիջապես հիշեցի նմանատիպ մի պատմություն, որն անցյալ տարի էր տեղի ունեցել, բայց մի քիչ ուրիշ սցենարով ընթացավ, չնայած արդյունքը նույնն էր. ռեկտոր փոխվեց:

Հիշու՞մ եք, որ հանկարծ մամուլը հարձակվել էր Գոհար Քյալյանի վրա: Բանից անտեղյակ քաղաքացին, կարդալով այդ բոլոր հոդվածները, մտածում էր. «Թու, ինչ վատն ա էս Քյալյանը»: Մի կողմ ենք թողնում, որ նրա խոսքը բավական աղավաղված է ներկայացվել, մի կողմ ենք թողնում, որ Գոհար Քյալյանն ընդհանրապես խոսակցական լեզվով է շփվում ուսանողների հետ: Լինելով նույն համալսարանից, ինձ մոտ հարց էր ծագել` լրագրողներն ինչպե՞ս էին հայտնվել ռեկտորի հետ հանդիպմանը, որին սովորաբար հրավիրվում են միայն ուսանողներն ու դեկանատի ներկայացուցիչները: Ինչու՞ հանկարծ որոշեցին հենց այդ հանդիպումը լուսաբանել, երբ Քյալյանը տարին մի քանի անգամ տարբեր ֆակուլտետների և ուսանողների հետ հանդիպումներ ունենում էր, ու նախորդ հինգ տարիների ընթացքում ոչ մի անգամ որևէ լրագրող չհայտնվեց դահլիճում:

Ինչ խոսք, ինչ-որ մեկը զանգել-կանչել էր, ընդ որում` տարբեր թերթերից: Ավելին` տարբեր ուսանողների հետ զրուցելուց հետո պարզեցի նաև, որ այդ հանդիպման ժամանակ ինչ-որ աղջիկներ ոտքի են կանգնում ու բավական հարձակողական տոնով հարցեր ուղղում` ոչ թե պատասխան ակնկալելով, այլ փորձելով ռեկտորին հունից հանել:

Մի ամիս անց Քյալյանի պաշտոնավարման ժամկետը լրացավ, սակայն նորից չառաջադրվեց: Կհարցնեք` իսկ ինչու՞ ոչ, եթե համալսարանի ուսանողությունն ու դասախոսական կազմն այդքան սիրում էր նրան: Հարցի պատասխանը մինչև հիմա չունեմ, բայց կարող եմ ենթադրություն անել: Ռեկտորին ընտրում է համալսարանական խորհուրդը, որի նախագահը (գոնե էն ժամանակ, հիմա չգիտեմ) Աշոտյանն էր: ԵՊԲՀ ռեկտորի ընտրություններից առաջ նա հոգացել էր, որ խորհրդի կազմն ամբողջությամբ փոխվի: Չգիտեմ` ում էր ընդգրկել նոր կազմում, ոչ էլ նրանց կուսակցական կողմնորոշումն եմ ստուգել, բայց ակնհայտ էր, որ նրանք նույն մարդիկ չէին, որոնք հինգ տարի առաջ գրեթե միաձայն ընտրել էին Քյալյանին:

Աշոտյանի ինչի՞ն էր պետք Քյալյանից ազատվել:

Քյալյանի մտնելուց հետո ԵՊԲՀ-ն ապաքաղաքականացվել էր, ոչ մի կուսակցություն մուտք չուներ, ցանկացած տիպի քարոզարշավ արգելված էր: Դա ձե՞ռք էր տալիս Աշոտյանին և ընդհանրապես ՀՀԿ-ին, որը մի ժամանակ մեծ ազդեցություն ուներ ԵՊԲՀ-ում. ուսանողական խորհրդարանը, կարելի է ասել, ՀՀԿ-ին էր պատկանում (ուսանողական խորհրդարանի մասին ավելի մանրամասն կարդացեք այստեղ): 2007-ն ու 2008-ը ձեռքներից բաց թողեցին, բայց հո թույլ չէին տա՞, որ 2012-ին նույնը կրկնվեր: Դրա համար պետք էր Քյալյանին այնպիսի մեկով փոխարինել, որը գրկաբաց կընդունի հանրապետականներին, ու ուսանողական խորհրդարանը նորից կդառնա քարոզչամեքենա:

Էդպես էլ կա: Ճիշտ է` լսել եմ, որ պաստառներ գոնե փակցված չեն, բայց ուսանողական խորհրդարանի ուսանողների մեծ մասը հանրապետականներ են: Բա ոնց, ընտրությունների համար համեղ պատառ չէ՞: Ձեռքի հետ էլ հիմիկվանից Աշոտյանների հաջորդ սերունդն են մեծացնում:

Զոլյանի հեռացումն էլ նորից Աշոտյանի հետ հակամարտության արդյունք է, բայց այս անգամ ավելի բացահայտ, առանց հմտորեն կազմակերպված նախերգանքի: Կարդալով հայտնաբերված «խախտումների» մասին` երկու հարց է առաջանում մոտս. նախ, մի՞թե Զոլյանը միակ ռեկտորն է, որը խախտումներ է թույլ տալիս: Երկրորդ, արդյոք այդ ամենը համապատասխանու՞մ է ճշմարտությանը: Գաղտնիք չէ, որ հայկական բոլոր պետական բուհերը (մեկը շատ, մեկը քիչ) կոռումպացված են: Բայց բոլոր ռեկտորները չեն պատժվում, չէ՞: Ստացվում է, որ մեր երկրում ոչ թե որևէ հանցանքի համար են պատժվում, այլ ինչ-որ մեկի «չլսելու»: Մի անհանգստացեք, հենց որևէ ռեկտոր իրեն «խելոք չպահի», նրանից ազատվելու ձևն էլ կգտնեն:

Պարզ չէ, թե Աշոտյանը Զոլյանի հետ ինչ խնդիր ունի, բայց գիտեմ, որ Բրյուսովն ամենաքիչ կոռումպացված ու քաղաքականացված բուհերից է: Մի՞թե Զոլյանին պաշտոնից ազատում են, որպեսզի ապահովեն ՀՀԿ-ի ազատ մուտքը համալսարան:

Արդյոք երկու ռեկտորների պատմությունը նշանակում է, որ Հայաստանում գոնե կրթական համակարգում բոլորը կախված են ինչ-որ մեկի կամ ինչ-որ կուսակցության քմահաճույքներից:

Բյուրի բլոգ (http://byurie.livejournal.com/541134.html)

StrangeLittleGirl
18.04.2012, 20:18
Բրյուսովի աղջկերքին ու տղերքին մի աչքով մի նայի, բողոքում են ու լավ են անում, նույնիսկ ինչ-որ տեղ նախանձում եմ, որ շուտ եմ ավարտել ու իրենց հետ բողոքել չեմ կարող: Աշոծյանի աչքն էլ կհանեն, սենց շուտ չեն հանգստանա:
Հալալ ա :)) Թե չէ բժշկականի էրեխեքը խեղճ են, շուտ են հանձնվում կամ էլ ընտրում են պայքարի «քաղաքակիրթ միջոցներ»:

Vaio
19.04.2012, 00:45
Օրիորդ StrangeLittleGirl, հիմա որ մի հատ գործից չհասկացող մարդ կարդա Ձեր գրածը` լուրջ կընդունի, կհավատա:


Հիշու՞մ եք, որ հանկարծ մամուլը հարձակվել էր Գոհար Քյալյանի վրա: Բանից անտեղյակ քաղաքացին, կարդալով այդ բոլոր հոդվածները, մտածում էր. «Թու, ինչ վատն ա էս Քյալյանը»:

Ուզում եմ հիշեցնել, որ այդ "հարձակվող" մամուլը հենց ընդդիմական մամուլն էր` ի դեմս չորրորդ իշխանության:


Մի ամիս անց Քյալյանի պաշտոնավարման ժամկետը լրացավ, սակայն նորից չառաջադրվեց: Կհարցնեք` իսկ ինչու՞ ոչ, եթե համալսարանի ուսանողությունն ու դասախոսական կազմն այդքան սիրում էր նրան: Ռեկտորին ընտրում է համալսարանական խորհուրդը, որի նախագահը (գոնե էն ժամանակ, հիմա չգիտեմ) Աշոտյանն էր: ԵՊԲՀ ռեկտորի ընտրություններից առաջ նա հոգացել էր, որ խորհրդի կազմն ամբողջությամբ փոխվի:

այդքան սիրում էր նրան - շատ վիճելի արտահայտություն եք գրել...

որ խորհրդի կազմն ամբողջությամբ փոխվի - տենց բան չկա:


Քյալյանի մտնելուց հետո ԵՊԲՀ-ն ապաքաղաքականացվել էր, ոչ մի կուսակցություն մուտք չուներ, ցանկացած տիպի քարոզարշավ արգելված էր:

ԵՊԲՀ-ում հիմա քարոզչություն գոյություն չունի:
Քյալյանը ԲՀԿ-ին էր սատարում (դու տեղյակ չես եղել!)

Որպես վերջաբան, բժշկուհի ջան, ուզում եմ ասել, որ պրիմիտիվ հոդված էր, օրինակ, որպես գաղտնիք, ասեմ իմացի, Աշոտյանը կապ չունի ռեկտոր նշանակելու գործում... թե չէ ինչ-որ ասում էիր Աշոտյանը նոր սերունդ է պատրաստում )))

Ի դեպ միակ մարդն ես, որ Քյալյանին պաշտպանում ես, իրա համար "դոշ ես տալիս", ՄԻԱԿ մարդն ես, ինչի մասին նույնիսկ գրել էր Գոհար Վեզիրյանը:

Ռուֆուս
19.04.2012, 10:48
Հօգուտ Հայաստանի հանրապետական կուսակցության:

Չհամոզեցիր :)

StrangeLittleGirl
19.04.2012, 11:25
Ուզում եմ հիշեցնել, որ այդ "հարձակվող" մամուլը հենց ընդդիմական մամուլն էր` ի դեմս չորրորդ իշխանության:
Հիշեցնեմ, որ ամենակեղտոտ հոդվածները հրապարակն էր գրում, իսկ հրապարակի պատկանելությունը մինչև օրս հայտնի չէ: Ի դեպ, տեսակետ կա, որ ոչ թե ՀՀԿ-ի, այլ ԲՀԿ-ի կազմակերպածն էր ի դեմս առողջապահության նախարարի:



այդքան սիրում էր նրան - շատ վիճելի արտահայտություն եք գրել...
Չեմ ասում` բոլորը, բայց գրեթե բոլոր խելքը գլխին ուսանողները, որոնք դուրս մնալու, վճարովի սովորելու խնդիր չեն ունեցել: Ավելին` նույնիսկ նրանք, ովքեր չէին սիրում Քյալյանին, Դումանյանի գալուց հետո երազում էին, որ վերադառնա:


որ խորհրդի կազմն ամբողջությամբ փոխվի - տենց բան չկա:
Կա, տեղյակ չեք ;)



ԵՊԲՀ-ում հիմա քարոզչություն գոյություն չունի:
Քյալյանը ԲՀԿ-ին էր սատարում (դու տեղյակ չես եղել!)
Շատ էլ լավ գոյություն ունի, աչքիս թոզ մի փչի: Ուսխորհրդի ՀՀԿ-ացվածությունից տեղյակ եմ ու տեղյակ եմ նաև, թե ոնց են ուսանողները նրանց միջոցառումներին մասնակցում:
Ինչ վերաբերում է Քյալյանի քաղաքական պատկանելությանը, ում էլ սատարի, դա ինձ չի հետաքրքրում, որովհետև համալսարանում որևէ տեսակի քաղաքականացվածություն ցույց չի տվել:

Որպես վերջաբան, բժշկուհի ջան, ուզում եմ ասել, որ պրիմիտիվ հոդված էր, օրինակ, որպես գաղտնիք, ասեմ իմացի, Աշոտյանը կապ չունի ռեկտոր նշանակելու գործում... թե չէ ինչ-որ ասում էիր Աշոտյանը նոր սերունդ է պատրաստում )))
Աչքիս դու տեղյակ չես, որ ռեկտոր ընտրում է համալսարանական խորհուրդը, որի նախագահը Աշոտյանն է:


Ի դեպ միակ մարդն ես, որ Քյալյանին պաշտպանում ես, իրա համար "դոշ ես տալիս", ՄԻԱԿ մարդն ես, ինչի մասին նույնիսկ գրել էր Գոհար Վեզիրյանը:
Մենակ ես չեմ, շատ են էդպիսի մարդիկ: Ուղղակի մեր համալսարանի էրեխեքից շատերին բնորոշ է սուս մնալը, իսկ ես սուս մնացողներից չեմ: Բացի դրանից, վախի մթնոլորտում են: Մի երկու դեպք գիտեմ, երբ մի ուսանող ստիպված է եղել ինտերնետում տեղադրած հոդվածը ջնջել, որովհետև «վերևները» նեղվել են, մարդ ուղարկել, որ ջնջել տա: Մի ուրիշ դեպքում էլ Ֆեյսբուքում քոմենթների համար խոսակցություն է բացվել մի աղջկա վրա:

Ինչ վերաբերում է Գոհար Վեզիրյանին, ապա ինքը բառիս բուն իմաստով էշ-էշ դուրս էր տվել: Դու էլ մարդ գտար մեջբերելու:

Հ.Գ. Չմոռանանք, որ սա Բրյուսովի մասին թեման է:

Ռուֆուս
19.04.2012, 12:38
KarineIonesyan-ի տեսանյութը.


http://www.youtube.com/watch?v=JyabRhlaR2s&feature=youtu.be

Vaio
19.04.2012, 14:35
Չհամոզեցիր :)

Ես չեմ էլ ուզում քեզ համոզեմ:

Յուրաքանչյուր քաղաքացու իրավունքն է իր քվեն տալ այն կուսակցության օգտին, որին ինքը ցանկանում է:

Ոչ մի կապ չունի քո գրածը իմ գրածի հետ:

Vaio
19.04.2012, 14:50
Հիշեցնեմ, որ ամենակեղտոտ հոդվածները հրապարակն էր գրում, իսկ հրապարակի պատկանելությունը մինչև օրս հայտնի չէ:

Հաստատ սխալ ես հիշում, Գոհար Վեզիրյանն էր Գոհար Քյալյանի մասին գրում, ի դեպ` այդ հոդվածները համարակալվում էին հոդվածագրի կողմից, որովհետև դրանք շատ էին:


նույնիսկ նրանք, ովքեր չէին սիրում Քյալյանին, Դումանյանի գալուց հետո երազում էին, որ վերադառնա:

Ախր դու ոնց կարաս տենց անհեթեթ բաներ ասես, որ տենց բաներ չկա, կակռազ ներկայիս ռեկտորին լավ էլ հարգում ու սիրում են, իսկ ներկայիս ռեկտորը նոր չհայտնվեց, ինքը առողջապահության համակարգի ամենահարգված մարդկանցիցա, եթե ծանոթ բժիշկներ ունես հարցրա իր մասին, թե քանի հոգու է էտ մարդը լավություն արել անշահախնդիր:


Աչքիս դու տեղյակ չես, որ ռեկտոր ընտրում է համալսարանական խորհուրդը, որի նախագահը Աշոտյանն է:

Աչքիս դու էլ տեղյակ չես, որ համալսարանական խորհրդի նախագահը բան չի որոշում, բայց եթե շատ ես ուզում տենց էլ մտածի...


վախի մթնոլորտում են:

Այո իհարկե, ոմանք վախից տակները լցնում են: :D
Ոնցա երևում, որ բժշկականի դեմ կոնկրետ սև փիար ես անում:


Ինչ վերաբերում է Գոհար Վեզիրյանին, ապա ինքը բառիս բուն իմաստով էշ-էշ դուրս էր տվել: Դու էլ մարդ գտար մեջբերելու:

Դե բնականաբար տենց պետքա ասես, քանի որ իրա ասացը քո շահերից չի բխում!
Վեզիրյանն էլ հո ընդդիմական լրագրողա, լավա չես ասում Վեզիրյանը Սերժ Սարգսյանի մարդնա: )))

Ռուֆուս
19.04.2012, 15:01
Vaio ու StrangeLittleGirl - http://www.akumb.am/showthread.php/36409-%D4%B2%D5%AA%D5%B7%D5%AF%D5%A1%D5%AF%D5%A1%D5%B6

Շնորհակալություն

Apsara
19.04.2012, 15:05
Քաղաքականությունից հեռու եմ, քիթս էլ չեմ կոխի ըտեղ, բայց ասեմ, որ Ռուֆուսի առաջին գրառումը լրիվ ճիշտ ա: Համ դասավանդման մակարդակը, համ բուհի ներսի մաքրությունը, կաշառքների պահով, և էլի շատ բաներ, որ թույլ են տալիս հպարտանալ, որ մի ձև ավարտեցի ԵՊԼՀ-ն: Էդ էլ են ուզում փչացնեն:

Ես էլ եմ ափսոսում, որ ուսանողների հետ հավասար չեմ կարող դուրս գալ և պաշտպանել սովորողների շահերն ու ապագան ինչ-որ տեղ:

Ռուֆուս
19.04.2012, 18:47
Բրյուսովցիներն ընդդեմ նախարարի որոշման. մեկ ուսանող բերման ենթարկվեց

19.04.2012

Քիչ առաջ ոստիկանության «Կենտրոն» բաժնից ազատ արձակվեց Բրյուսովի անվան Երևանի պետական լեզվաբանական համալսարանի ուսանող, «Հրապարակ» թերթի աշխատակից Նարեկ Սամսոնյանը: Նրան առանց հիմնավորման բերման էին ենթարկել այսօր ՀՀ Կրթության և գիտության նախարար Արմեն Աշոտյանի և բրյուսովցիների հանդիպման ընթացքում:

Ոստիկանությունը առայժմ չի մեկնաբանում իր գործողությունները:

«Երևանի Վ. Բրյուսովի անվան պետական լեզվաբանական համալսարան» պետական ոչ առևտրային կազմակերպության ռեկտորի լիազորությունները դադարեցնելու մասին ՀՀ կրթության և գիտության նախարարի որոշումը առաջացրել է ուսանողների, դասախոսական կազմի, ինչպես նաև որոշ իրավապաշտպանների դժգոհությունը:

Նրանք պնդում են, որ ռեկտորին՝ Սուրեն Զոլյանին, պաշտոնանկ կարելի է անել միայն ՀՀ կառավարության համապատասխան որոշման համաձայն, որը այս պարագայում առկա չէ: ԿԳ նախարար Արմեն Աշոտյանը խորհուրդ է տալիս լրագրողներին «օրենքների մեկնաբանման խնդիրը չդարձնել լրահոսի խնդիր»: «Դա իրավական խնդիր է, որը պետք է լուծվի դատարանում»,- www.hra.am –ին ասել էր նա: ՀՀ վարչապետ Տիգրան Սարգսյանն էլ կարծիք է հայտնել, որ ամեն ինչ արվել է օրենքի շրջանակներում:

Ինչպե՞ս և ե՞րբ սկսվեց ռեկտոր-նախարար անհամաձայնությունը

Ապրիլի 10-ն էր, երբ ՀՀ կրթության և գիտության նախարար Արմեն Աշոտյանն իր 06.04.2012թ N 160-Ա հրամանովԵրևանի Վ.Բրյուսովի անվան պետական լեզվաբանական համալսարանի ռեկտոր Սուրեն Զոլյանի նկատմամբ կիրառեց կարգապահական տույժ՝ հայտարարվելով «խիստ նկատողություն»: Պատճառն այն էր, որ Զոլյանը երեք օրով բացակայել էր ՀՀ-ից փորձագետների միջազգային նիստի մասնակցելու նպատակով և իր լիազորությունները փոխանցել պրոռեկտորին:

Ռեկտորը հրապարակային դարձրեց նախարարի հետ իր նամակագրական կապը, որից պարզ դարձավ, որ հակասությունները սկսել են դեռ մարտ ասմից:

Աշոտյանն, առանց պարզաբանումների, ոչ նպատակահարմար էր համարել Զոլյանի մասնակցությունըմարտի 19-23-ը Ստրասբուրգ քաղաքում կայացած«Տարածաշրջանային կամ փոքրամասնությունների լեզուների Եվրոպական խարտիայի փորձագետների կոմիտեի 41-րդ հերթական նիստին»: Իսկ ռեկտորը ոչ նպատակահարմար էր համարել հետևել Աշոտյանի որոշմանը: Այդ օրվանից էլ սկսվել են հակասությունները:

ԿԳ նախարարը մի քանի օր հետո նախ կարգապահական տույժի ենթարկեց ռեկտորին, հետո մեղադրեց նրան ՀՀ կառավարության որոշումները և նորմատիվ գերատեսչական իրավական ակտերը խախտելու մեջ, իսկ ապրիլի 17-ի հրամանով հեռացրեց ռեկտորին իր պաշտոնից:

Ամեն ինչ տեղի ունեցավ արագ, բայց կանխատեսելի սցենարով


Աշոտյանի առաջին իսկ նկատողությունից հետո սոցիալական կայքերն ու մամուլը սկսեցին բարձրաձայնել, որ Զոլյանին ուզում են զրկել իր պաշտոնից:

«Հայաստանի Հելսինկյան կոմիտեի» նախագահ, իրավապաշտպան Ավետիք Իշխանյանը www.hra.am –ին հաղորդեց, որ Բրյուսովի համալսարանը միշտ հեռու է եղել քաղաքականությունից, բուհում չի եղել կոռուպցիա:

«Բուհում կազմակերպվող ուսումնական գործընթացը իրականանում է ժամանակակից մեթոդներով, իսկ Աշոտյանի որոշումը, թե որքանով է իրավական, կասկածի տեղիք է տալիս, քանի որ այդպես էլ պարզ չէ, թե ինքը իրավունք ունի՞ ռեկտորին պաշտոնակ անել, թե՞ խորհուրդն ու ՀՀ կառավարությունը պիտի անեն դա»,- կարծում է իրավապաշտպանը:

Ամենաշատ շրջանառվող վարկածն այն էր, որ Զոլյանը թույլ չի տալիս, որպեսզի բուհը քաղաքականացվի և դառնա ՀՀԿ կուսակցության նախընտրական քարոզի հարթակ, և որ սա պարզապես քաղաքական պատվեր է իշխանական օղակների կողմից: Այս վարկածը հետագայում ժխտեցին ինչպես Զոլյանը, այնպես էլ Աշոտյանը, սակայն ուսանողները չհավատացին այդ փաստարկներին:

Ցուցարարները նախարարի որոշման մեջ քաղաքական ենթատեքստ են տեսնում

«Ինչու՞ մեր ուսխորհրդի նախագահը մեզ հետ չէ այս բողոքի ակցիայի ժամանակ, որովհետև ինքը ՀՀԿ կուսակցությունից է... Մենք կարծում ենք, որ նախարարը իրավունք չուներ մեր ռեկտորին պաշտոնանկ անել: Սա անարդարություն է...»,- այսպես էին մեկնաբանում ուսանողներն իրենց կողմից կազմակերպված բողոքի երթը դեպի ԿԳՆ նախարարություն: Բողոքի ակցիայի ընթացքում նրանք վանկարկում էին՝ «ազատ, անկախ, Բրյուսով», «արդարություն»:

Ուսանողներին դիմավորեց ՀՀ ԿԳՆ հասարակայնության հետ կապերի և տեղեկատվության վարչության պետ Արթուր Բաղդասարյանը: Նա առաջարկեց մի քանի ուսանողների բարձրանալ նախարարի մոտ և ներկայացնել իրենց պահանջները: Ուսանողները չհամաձայնվեցին ՝ բղավելով՝ «Աշոտյան, իջի՛ր...», «Դո՛ւրս արի Ֆեյսբուքից ու արի խոսենք»:

ԿԳ նախարար Արմեն Աշոտյանը ընդունեց լրագրողներին՝ նրանց մեկնաբանություններ տալու համար:

«Ֆեյսբուքն աշխատանք չէ, որ աշխատանքային ժամին այնտեղ լինես: Ինձ համար այն աշխատանքի հաշվին չէ, ես իմ հիմնական գործառույթին զուգահեռ հնարավրություն ունեմ նաև մտածել ու հրապարակել միտքս»,- նա այսպես պատասխանեց ուսանողների մեղադրանքին:

Նա հայտնեց, որ ոչ թե իր որոշման, այլ՝ ուսանողների բողոքի ակցիայի մեջ է քաղաքական ենթատեքստ տեսնում: Նախարարի աղբյուրների համաձայն՝ կազմակերպիչների մեջ կան շահագրգիռ քաղաքական ուժեր, ում անունները Աշոտյանը այդպես էլ չտվեց:

«Դուք էլ կարող եք հետաքրքրվել ու իմանալ, թե բուհի որոշ վարչական աշխատողների կողմից ինչ աշխատանքներ են իրականացվել այս երկու օրերի ընթացքում ու ինչպես են օգտագործել իրենց վարչական ռեսուրսները»,- հայտնեց նախարարը:

Աշոտյանը պնդում է, որ առաջնորդվել է օրենքով իրեն տրված լիազորություններով, իսկ մնացած հարցերի պատասխանը պետք է փնտրել դատարանում:

Աշոտյան-Զոլյան վեճը կշարունակվի դատարանում

Սուրեն Զոլյանն արդեն մեկ գործով դիմել է ՀՀ վարչական դատարան ու ասում է, որ ևս երկու հայցով էլ դիմելու է, բողոքարկելու նախարարի որոշումներն ու հրամանները:
ՀՀ ԿԳ նախարարության ներկայացրած իրավական փաստարկների հետ բուհի նախկին ռեկտորը համաձայն չէ: Նա պնդում է, որ ՀՀ Սահմանադրությամբ, օրենքով կամ այլ իրավական ակտերով սահմանված չէ, որ նախարարը կարող է ռեկտորին կարգապահական տույժի ենթարկել ռեկտորի գործուղման և գործուղման ընթացքում ռեկտորի պարտականությունները պրոռեկտորի վրա դնելու համար:
Ընդհակառակը՝ օրենքը սահմանում է, որ ռեկտորը կարող է իր բացակայության ժամանակ պարտականությունների կատարումը դնել պրոռեկտորներից մեկի վրա: («Կրթության մասին» ՀՀ օրենքի 40-րդ հոդվածի 6-րդ մաս, ՀՀ կառավարության 31.10.2002թ. թիվ 1929-Ն որոշման 38-րդ կետի «Ժ» ենթակետ):

«Ինչ վերաբերվում է իմ արտասահման գործուղումներին, ապա պետք է նշեմ, որ ռեկտորը իրավունք ունի ներկայացնել համալսարանը օտարերկրյա պետություններում («Կրության մասին» ՀՀ օրենքի 51-րդ հոդվածի 2-րդ մասին համապատասխան ԵՊԼՀ կանոնադրության 38-րդ կետի «Բ» ենթակետ)»,- գրել է ռեկտորը ԿԳ նախարարին ուղղված նամակում:

Վերահսկողական հանձնաժողովի բացահայտումը և ռեկտորի պարզաբանումները

Նախարարությունը ռեկտորին մեղադրում է գոյություն չունեցող մասնագիտություններով ուսանողներին դիպլոմներ տալու մեջ, ինչը օրինախախտում է: Ըստ նախարարության տարածած հաղորդագրության՝ այդ փաստը հայտնաբերվել և արձանագրվել է ԵՊԼՀ-ում վերահսկողություն իրականացնող հանձնաժողովի կողմից:

Սուրեն Զոլյանը հրաժարվել է այս մեղադրանքներից, որը հաստատել են նաև ռեկտորի գործընկերներից մի քանիսը: Սակայն

«Պետական ոչ առևտրային կազմակերպությունների մասին» ՀՀ օրենքի 16-րդ հոդվածի 3-րդ մասի ժգ) կետի համաձայն «Գործադիր մարմնի պաշտոնում նշանակված կամ ընտրության արդյունքում գործադիր մարմնի պաշտոնում նշանակված անձի լիազորությունները դադարեցվում են իրավասու մարմնի որոշմամբ, եթե` մեկ տարվա ընթացքում օրենքի խախտման համար ենթարկվել է կրկնակի կարգապահական պատասխանատվության»,- նշված է նախարարության վերջին հայտարարության մեջ: նախարարությունը չի փոխել իր որոշումը:

Զոլյանն էլ պատասխանում է, որ ինքը առաջնորդվել է նույն օրենքի 15-րդ հոդվածով՝ «Պետական կազմակերպության գործադիր մարմնի պաշտոնում նշանակված անձը պարտավոր է չկատարել հիմնադրի, լիազորված պետական մարմնի, պետական կազմակերպության կոլեգիալ կառավարման մարմինների` օրենսդրությանը հակասող որոշումները, կարգադրությունները, հրամանները և դրանց չկատարման համար չի կարող ենթարկվել պատասխանատվության»:

«Ես արդեն դիմել եմ վարչական դատարան ու դեռ պատրաստվում եմ ամենաքիչը երկու բողոքով էլ գնալ դատարան: Դեռ լուր չունեմ դատարանից, սակայն շարունակելու եմ պաշտոնավարել, քանի որ ստացել եմ ուսանողներիս վստահության ու աջակցության քվեն»,- www.hra.am –ին հաղորդել է Զոլյանը:

Հիշեցնենք, որ նախարարի մեկ այլ հրամանով բուհը ժամանակավորապես կղեկավարի բուհի պրոռեկտոր ԳաբրիելԲալայանը, ով հայտարարել է, որ ռեկտորի թիմակից է իրեն համարում ու նրա օրոք բուհում միայն դրական անցուդարձ է տեսել: Բալայանը նաև ասել է, որ նախարարի որոշումը կատարելու է, սակայնիր համար բուհի ռեկտորըդեռՍուրենԶոլյանն է:

Պայքարում են սոցիալական ցանցերի միջոցով և այլ եղանակներով

Մինչև հարցի կարգավորումը իրավական դաշտում, բրյուսովցիները շարունակում են պայքարել սոցիալական ցանցերի ու «Բրյուսովցիներ» միության միջոցով: Սա հասարակական կազմակերպություն չէ, ինչպես շրջանառվում է մամուլում, այլ նախաձեռնող խումբ, որի մեջ ներգրավված են բուհի ուսանողներ, շրջանավարտներ, նախկին ու ներկա դասախոսներ:

Դասախոսներն այսօր հրապարակել են անկախ բուհի ազատ դասախոսի մանիֆեստը՝ հիշեցնելով, որ համալասարանը ինքնավար կառույց է:

Հեղինակը՝ Կարինե Իոնեսյան
Աղբյուրը՝ www.hra.am
Կրթության իրավունք

Աղբյուր (http://www.hra.am/hy/point-of-view/2012/04/19/zolyan)

Ռուֆուս
19.04.2012, 19:40
Աշոծյանի այցը Բրյուսով.


http://www.youtube.com/watch?feature=player_embedded&v=6lZ-1DI58HE

Sirarpi
19.04.2012, 20:27
Մենակ էն, որ բրյուսովցիները չեն լռում ու հանուն ռեկտորի ցույց են անում, դա արդեն շատ գովելի ա

keyboard
19.04.2012, 20:48
Մենակ էն, որ բրյուսովցիները չեն լռում ու հանուն ռեկտորի ցույց են անում, դա արդեն շատ գովելի ա
Շատ գովելիա, շատ, Հայաստանում ցույց անելն ու տելեվիզրով երևալն ու սեփական անխելքությունից ուրիշների փիարի ու անձնական շահերի գործիք դառնալը մոդայա դառել:
Էսօր մեր հարևանի կանալիզացիան զասարենի էր եղել, արդեն հարևաննորով գնում էին օպերա ցույց անելու ու նախագահի հրաժարականը պահանջելու: Վայ քեզ հայ ժողովուրդ վայ...

murmushka
19.04.2012, 20:53
իհարկե պետք է սուս մնալ ամեն դեպքում, ինչ ուզում են թող անեն, մենակ թե հանկարծ "մոդայիկ" չդառնանք, մոդային տուրք չտանք
իսկ ինչ վերաբերում է թեմային, ուրախ եմ, որ երիտասարդների մեջ իրենց իրավունքները պաշտպանելու ձգտում ու գիտակցություն կա ու ցավում եմ, որ մեր ժամանակ դա չկար

Հայուհի
19.04.2012, 22:18
Ըստ Աշոծյանի՝ բուհի ռեկտորի ընտրության ժամանակ Զոլյանն էլի կարող է թեկնածություն դնել...
Բանից գլուխ հանող մարդի՛կ, որքանո՞վ է հավանական, որ նման բան կլինի:

StrangeLittleGirl
20.04.2012, 12:09
Աշոտյանն, առանց պարզաբանումների, ոչ նպատակահարմար էր համարել Զոլյանի մասնակցությունըմարտի 19-23-ը Ստրասբուրգ քաղաքում կայացած«Տարածաշրջանային կամ փոքրամասնությունների լեզուների Եվրոպական խարտիայի փորձագետների կոմիտեի 41-րդ հերթական նիստին»:
Եվս մեկ հարված հայոց լեզվի՞ն

Ռուֆուս
22.04.2012, 21:43
Զոլյանը բացառիկ մանրամասներ կհրապարակի

Նոր մանրամասներ են ի հայտ գալիս Բրյուսովի անվան համալսարանի շուրջ իրադարձություններից: Իշխանական հավաստի աղբյուրների համաձայն, ՀՀԿ-ական վերնախավը որոշել է , /իսկ որոշ տվյալների համաձայն արդեն իսկ իրականացրել է/ վաճառել Բրուսովի համալսարանի և Երևանի Պետական Կոնսերվատորիայի շենքերը: Բուհերի փոխարեն, վաճառքից հետո այդ շենքերը դառնալու են հյուրանոցներ, իսկ բուհերը մտնելու են մանկավարաժական հալասարանի կազմի մեջ:

Հաշվի առնելով, որ գործարքը կարող էր մեծ աղմուկ հանել, ՀՀԿ նախագահն ու վարչապետը որոշել են դա անել նախընտրական փուլի թոհուբոհի ընթացքում: Գործարքի առաջին քայլը դրված է նախարար Ա. Աշոտյանի վրա: ՀՀԿ վերնախավը որոշել է, որ ամեն դեպքում, նա ընտրություններից հետո չի մնալու նախարար և նրան հանձնարարավել է կեղտոտ գործի առաջին մասը` բարձրացնել աղմուկ, հեռացնել ռեկտորներին, բուհերի շուրջ ստեղծել անառողջ մթնոլորտ:Այնպես, որ մոտ ապագայում սպասենք կոնսերվատորիայի նորանշանակ ռեկտորի ազատման հրամանին: Բնականաբար, Ա. Աշոտյանը պետք է նաև ջանասիրաբար հերքի շենքերի վաճառքի լուրերը, սակայն, ամիսներ անց նա չի լինի նախարար, իսկ նոր նախարարը կհայտարարի, որ պատասխանատու չէ նախորդի ասածների համար:

Նշենք, որ այսօր ուսանողների հետ հանդիպման ժամանակ Սուրեն Զոլյանը հայատարարել է, որ փորձել է հանդիպել վարչապետ Տիգրան Սարգսյանի հետ, սակայն չի կարողացել. վարչապետին ուղղած իր նամակն էլ չի ընդունվել ԵՊԼՀ բլանկի վրա ներկայացված լինելու պատճառաբանությամբ։ Զոլյանին առաջարկել են նամակը գրել որպես քաղաքացի: Արդյունքում նա ստիպված է եղել դիմել ԵՊԼՀ ուսանողներին՝ խնդրելով իր նամակը փոխանցել վարչապետին:

Նա նաև խոստացել է առաջիկայում իր և Արմեն Աշոտյանի հակամարտության մասին բացառիկ մանրամասներ հրապարակել:

Zham.am (http://www.zham.am/index.php?lid=am&pageName=lrahos&id=525623797)

Ռուֆուս
22.04.2012, 22:04
«Աշոտյանը պետք է մտածեր, նոր խոսեր»

Ինչպես արդեն տեղյակ ենք,ԿԳ նախարար Ա.Աշոտյանի և Երևանի Վ. Բրյուսովի անվան պետական լեզվաբանական համալսարանի ռեկտոր Ս. Զոլյանի հակամարտության արդյունքում ռեկտորը հեռացվեց աշխատանքից: Սակայն նույն համալսարանի ուսանողներն իրենց բողոքի ձայնը բարձրացրեցին` կազմակերպելով բողոքի խաղաղ երթեր, հանդիպումներ ՀՀ վարչապետ Տիգրան Սարգսյանի և ԿԳ նախարար Ա. Աշոտյանի հետ: Քանի որ ուսանողներն իրենց ուսխորհրդի կողմից աջակցություն չստացան, ստեղծեցին նոր կառույց` «Ազատ ուսանողների ֆորում» անվանմամբ: Նրանց գործունեության մասին մանրամասներ պարզելու համար հարցազրույցի հրավիրեցինք ֆորումի ակտիվիստներից մեկին` Նարեկ Սամսոնյանին:

-Ուսանողական ֆորումի բողոքի պատճառն արդեն հայտնի է հասարակությանը: Սակայն խնդրում եմ ևս մեկ անգամ հստակեցնե՞ս:

-Ուսանողական Ֆորումը ստեղծվել է ԵՊԼՀ ուսանողների մեծամասնության կամքով, այն բանից հետո երբ ԿԳ Նախարարը, կամայականորեն, որոշեց աշխատանքից հեռացնել բուհի ռեկտոր պարոն Ս. Զոլյանին:



-Ի՞նչն է պատճառը, որ չեք ցանկանում՝ ռեկտորին հեռացնեն:

-Նախ և առաջ պատճառը օրինական չլինելն է, քանի որ ԿԳ նախարարի առաջին հրամանից սկսած մինչև վերջին հրամանը ապօրինի է և չի համապատասխանում իրավական նորմերին: Առաջին հրամանի մեջ նախարարի կողմից նույնիսկ օգտագործվել է «նպատակահարմար չեմ գտնում», բառակապակցությունը, որը քիչ թե շատ հասկացող մարդկանց համար, արդեն իսկ չի կարող ասոցացվել օրենքի հետ:

-Քո կարծիքով Ս. Զոլյանն ի՞նչ դեր է ունեցել ԵրՊԼՀ-ում:

-Սուրեն Զոլյանի ունեցած դերի մասին է խոսում հենց նույն ուսանողնական ֆորումի ստեղծումը և նմանատիպ լուրջ աջակցությունը ուսանողների, դասախոսների և ինչու չէ նաև միջազգային հանրության կողմից: Ավելացնելը, թերևս, անիմաստ է:

-Որո՞նք են ձեր հետագա անելիքները:

-Մենք սկսել ենք ինքնաբուխ բողոքի միջոցառումներով, որոնցով մեր բողոքն էինք արտահայտում ԿԳ նախարարի կողմից արված ապօրինությունների դեմ: Հիմա Ազատ Ուսանողների Ֆորումն արդեն կազմակերպված և իր նպատակներին հասնելու ունակ և ես կասեի, որոշ անգրագետների համար` վախենալու կառույց է, որին պաշտպանում են մի շարք բուհերի ուսանողներ և տարբեր միջազգային ու տեղական հասարակական՝ ոչ քաղաքական կազմակերպություններ և շարժումներ: Մենք հաստատակամ ենք մեր ցանկությունների մեջ և վստահ ենք, որ կարողանալու ենք իր հաղթական ավարտին հասցնել մեր սկսած գործը և պատրաստակամ ենք հետագայում էլ շարունակել մեր գործունեությունը և արձագանքել ցանկացած ապօրինության, որը կլինի բուհական համակարգում:

-Ինչո՞ւ ուսխորհրդի նախագահը ձեզ չի աջակցում:

-Ուս խորհրդի նախագահի մասին կարծիք հայտնելն ինձ համար վիրավորական եմ համարում, կներեք, սակայն վստահեցնում եմ ձեզ, որ բոլոր դավաճան մարդիք, ովքեր դավաճանել են բուհի սկզբունքները ստանալու են իրենց քայլերին համապատասխան գնահատական և վերաբերմունք ուսանողների կողմից:

-ԿԳ նախարար Աշոտյանը ուսանողների հետ հանդիպման ժամանակ ասաց, որ ձեր շարքերում կան որոշ մարդիկ, որ փորձում են քաղաքական դիրք զբաղեցնել ` օգտագործելով այս առիթը: Արդյո՞ք նա քեզ ի նկատի ուներ:

-Չգիտեմ Աշոտյանն ինչ ի նկատի ուներ, կամ, առավել ևս, ում, բայց այն, որ Աշոտյանը պետք է սկզբից մտածեր, նոր խոսեր դրանում վստահ եմ միանշանակ: Ամենաառաջինը քաղաքականացնել այս շարժումը, բոլորս էլ հասկանում ենք՝ նշանակում է վերացնել այն, իսկ այդ բանն ում է ձեռնտու կարող եք՞ ասել: Իհարկե Աշոտյանին և Կուսխորհրդի վերածված ուսանողական խորհրդին: Իսկ միգուցե Աշոտյանը երիտասարդ տարիքում իր քաղաքական կարիերան այդպես է սկսել և սեփական փորձից ելնելով է դիտարկում այս իրավիճակը: Համենայն դեպս խորհուրդ կտամ պարոն Աշոտյանին նախ և առաջ փորձել ապակուսակցականացնել Երևանի բուհերի Կուսակցական ուսխորհուրդները, նոր անցնել մնացած իրեն հուզող հարցերին:

-Նույն հանդիպման ժամանակ քեզ ոստիկանություն հրավիրեցին: Ի՞նչն էր պատճառը:

-Պատճառը ինձ մեկուսացնելու անհագ ցանկությունն էր: Այնտեղ կային մարդիկ, որոնք ապօրինի էին մուտք գործել համալսարան և նրանց միակ նպատակը համալսարանի տարածքում սադրանք կազմակերպելն էր, որին էլ նպաստեցին ոստիկանության աշխատակիցները:

-Մամուլում նաև շահարկվում է ուսանողների որոշակի քաղաքական հայացքներ ունենալու հարցը: Արդյո՞ք այդպես է:

-Այն, որ ցանկացած ՀՀ քաղաքացի ունի ազատ կամաարտահայտման իրավունք, դա թերևս զարմանալի չէ: Իսկ ուսանողները, երևի թե ՀՀ քաղաքացիներ են, և բնական է, որ պետք լինեն նաև տարբեր քաղաքական հայացքներ ունեցող մարդիկ, ուրիշ հարց է, որ փորձ է արվում ամենստոր և ճղճիմ ձևով ցեխ շպրտել մեր սկսած արդար և ազնիվ գործի վրա, պարզապես այս մարդկանց համար անհասկանալի և մահու չափ սարսափելի է առերեսվել ինտելեկտի և կրթվածության հետ, քանի որ իրենք, իրենց ողջ քաղաքական և հասարակական գործունեության ընթացքում, իրենց շրջապատել են տգիտությամբ և շողոքորթ ու պնակալեզ մարդկանցով: Իսկ մամուլի կողմից հաճախակի լսվող վայրահաչոցներն ավելի են մեր կամքն ու պատրաստակամությունը ավելացնում: Վերջում միայն կարող եմ ասել, որ մեր շարժման մեջ քաղաքական տարրեր փնտրելը հավասարազոր է մութ սենյակում սև կատու փնտրելու հետ, որը նույնիսկ այդ սենյակում չէ:

Սեդա Ստեփանյան

Աղբյուր (http://www.hraparak.am/2012/04/22/ashoyany-petq-e-mtacer/)

Sagittarius
22.04.2012, 22:20
«Աշոտյանը պետք է մտածեր, նոր խոսեր»

Սեդա Ստեփանյան

Աղբյուր (http://www.hraparak.am/2012/04/22/ashoyany-petq-e-mtacer/)

wow, հետաքրքիր զարգացումներ են. հուսով եմ ուսանողական ակտիվությունը կտարածվի նաև մյուս ԲՈՒՀերի վրա, և ուսխորհուրդներից կտշեն հանրապետական ժոպալիզներին: Ամենացավալին երկրում ստրկացած ուսանողությունն է. նույնիսկ ամենատոտալիտար համակարգերում ուսանողությունը լինում է ամենաառաջադեմ, անկաշկանդ և հեղափոխական զանգվածը:

Ձայնալար
28.04.2012, 00:52
http://www.youtube.com/watch?feature=player_embedded&v=AvzR36Sp2PU

StrangeLittleGirl
28.04.2012, 12:32
Դուրս շատ էկավ էս կինը :) Շատ լավ խոսեց