Հարգելի Ակումբի անդամներ. Ձեզ եմ ներկայացնում <<Հայ-Ռուսական միավորում>> հասարակական կազմակերպությունը, որը դավանում է ձախակողմյան գաղա-փարախոսությանը: Մեր նպատակն է ստեղծել Հայաստան-Ռուսաստան-Բելոռուս-Ղազախստան միությունը:
Ընդհանուր գաղափարախոսությանն ավելի մանրամասն ծանոթանալու, առաջարկություններ անելու համար կարող եք կապվել մեզ հետ հետևյալ կերպ.
Քաղաք Երևան Մամիկոնյանց 38 , հեռ. 096 21 91 79 Նարեկ Վարազդատյան / Մամլո քարտուղար/, 099 277 095 Ռոբերտ Ահարոնյան / ՀԿ-ի նախագահ/,
[email protected]
Իմ կարծիքով եթե, այստեղ թեմա ես բացել և ուզում ես քննարկել, ապա հարցերին պատասխանելու փոխարեն գրել «ավելի մանրամասնորեն տեղեկանալու համար կարող եք գրել մեր մաիլին, կամ զանգահարել»-ու փոխարեն պետք է այստեղ գրես, որ բոլորն էլ կարդան տեսնեն:
1. Ի՞նչ է նշանակում «ձախակողմյան գաղափարախոսություն»: Իմ իմացած ձախակողմյան գաղափարախոսության կրողը պիտի որ ԱՄՆ-ի, առնվազն Եվրոպայի կողմնակից լիներ:
2. Կարելի՞ է գաղափարախոսությունը այստեղ ներկայացնել:
3. Կարելի՞ է ՀԿ-ի ղեկավար կազմի կենսագրական տվյալները ներկայացնել:
Ուրեմն պատասխանեմ մեծ սիրով: Այդ միությունը Եվրասիական երկրների միությունն է, մեր նպատակն է, որպեսզի ՀՀ-ն անդամակցի այդ միությանը և մտնենք միասնական ռուբլու գոտի: Համագործակցությունը կոչվում է Evrazes: Եթե կցանկանաք ավելի մանրամասնորեն տեղեկանալ կարող գրել մեր մաիլին, կամ զանգահարել
Իմ կարծիքով հաշվի առնելով վերջին տարիների տնտեսական ցուցանիշները, ավելի նպատակահարմար է մտնել Չինական Յուանի գոտի: Ինչի՞ց ելնելով է ընտրվել հենց ռուսական ռուբլու գոտին:
Իհարկե, կնշեմ մեծ սիրով: Ռուբլու գոտի անցնելու դեպքում Ռուսաստանի աջակցությամբ և պատվերներով կվերաբացվեն ՀՀ-ում գործող մի շարք գործարաններ, մարդիկ ապահովված կլինեն աշխատանքով, մինչդեռ ներկայիս պահին ՀՀ-ում առկա է ավելի քան 1.300.000 անգործունյա: 1 կարևոր առավելություն ևս. կվերանա ՀՀ դրամը և ինչ վերաբերում է ավանդներին կստանանք էլ ավելի բարենպաստ փոխհատուցում, քան ներկայիս կառավարության որոշումն է: Մենք չունենք անձնական շահեր, մեր միակ շահը դա մեր Հայ ազգի շահն է:
1․ Կբացատրե՞ք ռուբլու գոտի մտնելու և գործարաններ բացելու միջև կապը: Ինչն է խանգարում Ռուսաստանին հենց հիմա բացել գործարան: ՀՀ դրամը ռուսական ռուբլու չե՞ն կարող փոխարկել: Թող օրինակ Արմենթելից հարցնեն: Որպես վերջին տարբերակ ես անվճար կօգնեմ իրենց այդ բարդ մաթեմատիկական գործողությունը կատարել:
2. Մանրամասն խնդրում եմ ՀՀ դրամի վերացման առավելությունների մասին: Ու նաև դրա բացասական կողմերի մասին:
3. Ավանդների մասին ոչ ոք չէր հարցրել, բայց խնդրում եմ մի քիչ ավելի մանրամասն: Ձեր գրածից բան չհասկացա:
Ում է պետք մեր ունեցած անկախությունը, երբ երկրում իշխում է օր օրի զարգացող օլիգարխիկ համակարգը??? Ես շատ լավ ծանոթ եմ մեր գաղափարախոսությանը և պետք չի ինձ խորհուրդներ տալ: Այո ՀՀ-ում կա ավելի քան 1.300.000 գործազուրկ: Մնացածն էլ թողնում եմ ձեր խղճին...
1. Ձեր կարծիքով երկրում իշխում է օլիգարխիկ համակարգը: Ձեր կարծիքով ի՞նչպիսի համակարգ է իշխում Ռուսաստան-Բելոռուս-Ղազախստանում:
2. 1.300.000 գործազուրկների թվի աղբյուրը նշեք: