PDA

Դիտել ողջ տարբերակը : Հայաստանը` դրսից



Նուշություն
17.12.2011, 21:10
Ինչպիսի՞ն է մեր երկիրը օտարերկրացիների աչքերով:

Ռուս հայտնի ճանապարհորդ-լրագրող Դմիտրի Կրիլովի աչքերով Հայաստանը սիրեցի :)

http://www.youtube.com/watch?v=Za0tRfg0QZ0

yerevanci
18.12.2011, 11:43
Ստեփան Քոչարյանի ֆիլմը Հայաստանի մասին, ստեղծված Республика СВ-ի կողմից


http://www.youtube.com/watch?v=_uXPCRLawsA

Նուշություն
19.12.2011, 12:43
CNN-ի աչքերով` պուճուրիկ Հայաստան...

http://www.youtube.com/watch?v=r5oon66fEG8

http://www.youtube.com/watch?v=3uAb0KO-RYc

Նուշություն
24.03.2012, 14:10
Եթե ժամանակը հնչողություն ունենար, այն կհնչեր Հաղպատի նման...
Բացահայտելով կորուսյալ Սուրբ երկիրը,,,,Denis Berman-ն է բացահայտել: Վայելե՜ք ...
http://online.wsj.com/article/SB10001424052702304692804577285571885674022.html

Նուշություն
03.04.2012, 16:48
Շախմատային Հայաստանն ու շախմատային կրթությունն այստեղ՝ գերմանական Deutsche Welle-ի աչքերով

http://www.youtube.com/watch?feature=player_embedded&v=PwgZlkVkzzw#!

Tig
03.04.2012, 17:47
http://www.youtube.com/watch?v=kw6eikwTiq8&feature=g-vrec&context=G2c5169eRVAAAAAAAACQ

Նուշություն
11.04.2012, 15:48
Քրիստոնեության տարածման պատմությունը՝ National Geographic-ի չափազանց պրոֆեսիոնալ մեկնաբանությամբ: Հայաստանն այս պատմության շղթայի առաջին օղակում է՝ իր Սուրբ գեղարդով: Բաց չթողնե՛ք հոյակապ աշխատանք է:

http://www.youtube.com/watch?v=QFnTA46Nd8I&feature=related

Նուշություն
13.04.2012, 16:14
Արցախն օտարերկրացի լուսանկարչին տպավորվել է իր baby-boom-ով :)
http://centerawards.org/gallery/gallery.php?comp=6

Ներսես_AM
24.02.2013, 02:19
Մի քանի օր առաջ բան էր պետք, ընկած ՄԹի վիզաների բաժինն էի քչփորում‎։ Գնացի գնացի վերջը հայտնվեցի ՄԹի Հայաստան այցելելու խորհուրդների (http://www.fco.gov.uk/en/travel-and-living-abroad/travel-advice-by-country/europe/armenia) էջի վրա‎։ Համարյա ամբողջ էջը քչից շատից նորմալ տեղեկություններ ու խորհուրդներ են‎։ Բայց էս մասը սբանում ա‎, փորս հո չէր ցավում ծիծաղից։ :))


LOCAL LAWS AND CUSTOMS
․․․․
Homosexuality was decriminalised in 2003 but is still viewed with disapproval by many Armenians. Local LGBT groups occasionally suffer from verbal and physical harassment. Although same sex couples are often seen holding hands and kissing in public, this is common in Armenian culture, and is not necessarily an indicator of sexual orientation. You should be discreet.
․․․․


Հայերեն ազատ թարգմանությունը հատուկ Ակումբի համար



Հոմոսեքսուալիզմը 2003 թվականից ապաքրեականացվել է, սակայն առ այսօր շատ հայերի կողմից այն հավանության չի արժանանում‎։ Տեղական լեսբի–գեյ–բի–տրանսվեստիտ խմբերը ժամանակ առ ժամանակ ենթարկվում են հոգեբանական և ֆիզիկական ճնշման‎։ Չնայած դրան հասարակական վայրերում հաճախ կարելի է տեսնել նույն սեռի զույգերի ձեռք ձեռքի տված ու համբուրվելիս։ Սա հայկական մշակույթում ընդունված երևույթ է և ոչ անհրաժեշտաբար է սեռական կողմնորոշման ցուցիչ‎‎։ Դրանից առիթավորվել պետք չի‎։


Բայց հիմա ավելի շատ լացս ա գալիս ճիշտն ասած :D

StrangeLittleGirl
24.02.2013, 02:23
Նե՜րս, մեռաաաաաա՜, էս ինչ ես գտել :D :D :D

Նուշություն
12.10.2013, 13:12
Հայաստանի ճանապարհները...Ավտոտուրիզմ

http://www.redmediatv.ru/video.php?id=76547

Նուշություն
11.11.2013, 15:56
Իմ ամենասիրելի հաղորդումն իմ ամենասիրելի քաղաքում:
Ինչպես հանգստանալ Երևանում՝ 100 դոլարով և անսահմանափակ փողերով՝ ուկրաինացիների աչքերով :)

http://www.youtube.com/watch?v=MsbJkurRP3I

Նուշություն
19.01.2014, 17:04
Հոյակապ տեսանյութ, անպայման նայեք...

http://www.youtube.com/watch?v=deulC739we0

My World My Space
11.02.2014, 02:01
լավ են ներկայացրել


http://www.youtube.com/watch?v=D2huOeD7MIk

Նարե91
28.02.2014, 20:15
Սարկազմը շատ էր, բայց ընդհանուր վատ չէր, մանավանդ սպիտակ նիվան` հայերի համար որպես բենթլի ներկայացնելը սպանեց: :))

http://www.youtube.com/watch?v=ISKc7U4Qh5k

Լեո
06.03.2014, 17:51
Սարկազմը շատ էր, բայց ընդհանուր վատ չէր, մանավանդ սպիտակ նիվան` հայերի համար որպես բենթլի ներկայացնելը սպանեց: :))

Ստանդարտ հայ տաքսիստ :lol

Սկզբից ասեց` ձրի կտանեմ, բայց հետո 10 հազար էր ուզում :))

Ռուֆուս
06.03.2014, 18:23
Շատ անհաջող էր, մանավանդ երբ համեմատում ես հարևան պետություններում նույն հաղորդման էպիզոդների հետ

Ձայնալար
06.03.2014, 23:12
Մակերեսային էր ու որոշ դրվագներ արհեստական էին սարքած շատ: Ամեն դեպքում նայվում էր, հատկապես աղջկա մասը: Գյադեն լրիվ լոխ էր, սկի միհատ արտաշնոցի շաուրմա չկերավ:

Ուլուանա
31.08.2014, 21:29
Ֆինն հոգևորականը՝ Հայաստանի մասին։ Բացառիկ հիացական կարծիք։ Հայաստանը լրիվ տարել ա էս մարդուն :))։


Հայաստանի մասին 500 էջանոց գիրք հեղինակած ֆինն հոգևորական. «Երբեք ոչ մի տեղ նման գեղեցկություն չեմ տեսել»

Հայաստանի մասին 500 էջանոց գիրք հեղինակած ֆին հոգևորական. «Երբեք ոչ մի տեղ նման գեղեցկություն չեմ տեսել»

Ֆին հոգևորական Սերաֆիմ Սեպալան երկար տարիներ ուսումնասիրել է հայկական մշակույթն ու պատմությունը և ունի մի շարք հրապարակումներ այս թեմայով, այդ թվում 500 էջանոց մի գիրք հայ մշակույթի մասին, իսկ ներկայումս նա աշխատում է հայոց ցեղասպանության թեմայի շուրջ մի նոր գրքի վրա: Panorama.am-ին տված հարցազրույցում նա պատմում է իր գործունեության, ինչպես նաև Հայաստանի հետ ունեցած իր յուրահատուկ կապի մասին: Ըստ նրա Հայաստանը Միջին Արևելքի մշակույթների վերջին անկյունն է, որտեղ հին քրիստոնեական ավանդույթները դեռևս պահպանվում են և նա անվանում է Հայաստանը իր հոգու տունը:

-Հայր Սերաֆիմ, Դուք մի քանի տարի է, ինչ զբաղվում եք հայագիտությամբ և ունեք մի քանի հրապարակումներ հայկական մշակույթի մասին: Ինչպե՞ս Դուք, լինելով ֆին ուղղափառ վանական, սկսեցիք հետաքրքրվել Հայաստանով: Մասնավորապես ի՞նչ թեմաներ եք ուսումնասիրել:
-Ես հետաքրքրված էի Հայաստանով նախքան ուղղափառություն ընդունելը. դա երկար պատմություն է: 1990-ականներին, երբ երիտասարդ ուսանող էի, ես ցանկանում էի դառնալ քրիստոնյա, բայց դեռ չգիտեի, թե ինչպիսի քրիստոնյա էի ուզում լինել: Հելսինկիում կային բազմաթիվ դավանանքներ ունեցող եկեղեցիներ և ես դրանք բոլորն այցելեցի: Ուղղափառ եկեղեցին իմ ցանկի վրա վերջինն էր: Իսկ մինչ այդ ես արդեն այցելել էի մի հայկական եկեղեցի Ստամբուլում: Ես ուսումնասիրում էի արևելագիտություն և սեմական լեզուներ Հելսինկիում և շատ գրքեր էի կարդում քրիստոնեության պատմության մասին: Ես համոզվեցի, որ քրիստոնեությունը իր ոգով արևելյան կրոն է, և որ արևելյան եկեղեցիները ամենամոտն են ակունքներին: Հետո ես գնացի Երուսաղեմ մեկ տարով և ծանոթացա այդ բոլոր եկեղեցիների հետ` սիրիական, ղպտի և եթովպական ուղղափառ եկեղեցիների, ինչպես նաև հայկական եկեղեցու հետ: Այնտեղ ես ապրում էի հայկական թաղամասում` մի հայկական տան տանիքում: Այսպիսով, դա ինձ համար և՛ ակադեմիական և՛ անձնական փորձառություն էր: Ես թարգմանում էի հոգևոր գրականություն սիրիակ (արամեերեն) լեզվից ֆիներեն, բայց այդպես էլ հնարավորություն չունեցա սովորել հայերեն: Հետո ես ընդունեցի ուղղափառություն և դրանից մի քանի տարի անց դարձա վանական: Վանական տարիներին մեծ զբաղվածություն ունեի: Ամեն օր 14 ժամ եկեղեցում էի և աշխատանքի մեջ, իսկ երեկոյան աշխատում էի իմ դոկտորական թեզի վրա: Հետո ես անսպասելիորեն ստացա աշխատանքի հրավեր համալսարանից և եկեղեցին հավանություն տվեց, որ ես ստանձնեմ այդ աշխատանքը: Միայն այդ ժամանակ ես հնարավորություն ստացա իրականացնել իմ երազանքը և ավելի խորը ուսումնասիրել Հայաստանը:

-Ի՞նչ հետաքրքիր բացահայտումներ եք արել Հայաստանն ուսումնասիրելիս:
-Ինձ համար հայկական ամեն բան, որ գոյություն է ունեցել ցեղասպանությունից առաջ ընկած ժամանակաշրջանից ի վեր, բարձրագույն գեղեցկության արտահայտում է: Վասպուրականի մանրանկարները, դուդուկի եղանակները, շարականները, Սայաթ Նովան, Արցախի կարպետները և անգամ լարախաղացների պարերը: Ես երբեք ոչ մի տեղ նման գեղեցկություն չեմ տեսել: Այս ամենի համադրությունը ցեղասպանություններով և արյունահեղություններով լի պատմության հետ հիրավի յուրօրինակ է: Այս բոլորը իմ հոգու տունն է: Ես ցավ եմ զգում ամեն անգամ, երբ տեսնում եմ, որ այս թանկարժեք մարգարիտները փոխարինվում են արևմտյան աղբով Երևանում: Հայաստանը Միջին Արևելքի մշակույթների վերջին անկյունն է, որտեղ հին քրիստոնեական ավանդույթները դեռևս պահպանվում են ողջ մշակույթի մեջ` օպերաներից մինչև սրբավայրերը: Այս ամենն այնքան մեծ արժեք ունի: Ես իհարկե տեսնում եմ Հայաստանի ներկայիս խնդիրները, բայց խնդիրներ կան բոլոր երկրներում: Մի ծայրահեղ օրինակ բերեմ` ինքնասպանությունների թիվը ֆինական զարգացած գյուղերում անհամեմատ ավելի մեծ է, քան հայկական ամենաաղքատ գյուղում: Ինչու՞: Միգուցե այն պատճառով, որ դեռ մի շատ թանկագին բան կա աղքատ հայկական գյուղերում, մի բան, որ ֆիները չունեն…

-Դուք ուսումնասիրել եք հայոց ցեղասպանության փիլիսոփայությունը, ինչպես նաև ցեղասպանությանը հաջորդող ժամանակաշրջանի հայկական արվեստը: Կարո՞ղ եք մի փոքր խոսել Ձեր այս աշխատանքի մասին:
-Այո, ես ուսումնասիրել եմ ցեղասպանությանը հաջորդող ժամանակաշրջանի մշակույթը, թե ինչպես է ցեղասպանությունն ու դրա ժխտումը ազդել և ինչպես է այն արտացոլվել հայկական մշակույթի, կերպարվեստի, ֆիլմերի, գրականության և ընդհանրապես հայկական ինքնության վրա: Ես զգացի, որ որքան ավելի եմ խորանում իմ ուսումնասիրության մեջ, այնքան ավելի մեծ ցավ եմ զգում: Ցեղասպանություն տերմինը այսօր շատ թույլ իմաստով է օգտագործվում: Երբ մի քանի հազար մարդ է մահանում օրինակ միջին արևելքի հակամարտություններում, քաղաքական գործիչները միանգամից դա անվանում են ցեղասպանություն: Իրական ցեղասպանության ժամանակ մահացածների թիվը, լինի դա հազարներ, թե միլիոններ, իրականում երկրորդական հարց է: Ես դիտարկում եմ ցեղասպանությունը որպես գոյաբանական իրադարձություն` համակարգված հարձակում տվյալ ազգի գոյության դեմ բոլոր մակարդակներում` անցյալի, ներկայի և ապագայի վրա: Հայերի անցյալը ոչնչացվել է և շարունակում է ոչնչացվել Թուրքիայի կողմից: Ներկան հափշտակվել էր այդ 1.5 միլիոն նահատակներից: Իսկ ցեղասպանության հետևանքով առաջացած իրական խնդիրը ազգի ապագան է և ողջ կենսակերպը: Նստել և զրուցել եկեղեցու բակում Լոս Անջելեսում նույնը չէ, ինչ որ նստել և զրուցել Աղթամարում: Աղոթքների, ազգային երգերի, գորգագործության, ավանդույթների հազարավոր տարիների կենսափորձը հողին հավասարեցվեց - սա՛ է ցեղասպանության բուն էությունը: Այս պահին ես արդեն գրում եմ իմ երրորդ գիրքը ցեղասպանության 100-ամյա տարելիցի առիթով: Այս անգամ ես ցանկանում եմ նկարագրել Արևմտյան Հայաստանի գյուղերից մեկի կյանքը` իր խնջույքներով և ավանդույթներով, ինչպես նաև ներկայացնել մի քանի մարտիրոսության դեպքեր հիմնված ականատեսների պատմությունների վրա: Ես երբեք չեմ գրում քաղաքական գործիչների կամ դիվանագետների մասին: Ինձ համար նրանք երկրորդական են: Այն, ինչ կարևոր է, ժողովուրդն է և նրա ոգին` իր ոգեղենության և արվեստի մեջ:

-Հայր Սերաֆիմ, Դուք նաև հրատարակել եք 500 էջանոց գիրք ֆիներեն լեզվով վերնագրված «Արարատից արևելք», որը ներկայացնում է հայկական մշակույթը, պատմությունը, արվեստը և կրոնը: Կարո՞ղ եք մի քանի խոսքով ներկայացնել գրքի բովանդակությունը:
-Ես 15 տարի ապասում էի, որ որևէ մեկը գիրք գրի հայկական մշակույթի մասին ֆիներեն լեզվով, բայց ոչ ոք չէր գրում: Այսպիսով ես հասկացա, որ ես ինքս պետք է դա անեմ: Այս գիրքը մշակույթի պատմություն է, որը ներկայացնում է հայոց պատմության տասներկու ամենակարևոր գլուխները: Ես փորձեցի դա ներկայացնեմ այնպես, որ այն չլինի կայսրությունների, առաջնորդների և իշխանավորների հարաբերությունների մասին պատմող չոր նկարագրություն, այլ ներկայացնի հայկական ինքնությունը պատմական հարթության մեջ: Ես խոսում եմ այն մասին, թե ինչու այնպիսի երևույթներ, ինչպիսին են Ավարայրը, կաթողիկոսը, այբուբենը, Նարեկացին, Ազնավուրը և այլք մաս կազմում հայկական ինքնության:

-Արդյո՞ք գիրքը թարգմանվելու է հայերեն կամ անգլերեն:
-Ցավոք, կարծում եմ, որ ոչ: Այն նախատեսված է ֆին ընթերցողների համար: Ի ուրախություն ինձ, արդեն հարյուրավոր ֆիներ կան, ովքեր ճամփորդել են Հայաստան այս «աղյուսն» իրենց ձեռքերում: Նրանք ասում են, որ Հայաստանում նրանք տեսնում են իրենց հետաքրքրող շատ բաներ և շատ խորն են ամեն ինչ վերապրում, հետո նրանք կարդում և հասկանում են: Ճիշտն ասած ինձ թվում է, որ ես նպաստել եմ Ֆինլանդիայում մի զարմանալի ենթամշակույթի ստեղծմանը: Մեզ մոտ բազմաթիվ մարդիկ կան, ովքեր մեծապես սիրում են Հայաստանը, իր բոլոր թերություններով հանդերձ, և անգամ ունեն իրական կարոտի զգացում Հայաստանի հանդեպ: Իմ ընկերների մեծ մասը եղել է Հայաստանում արդեն մոտ հինգ անգամ և որքան ավելի շատ են նրանք այցելում, այնքան ավելի են խենթանում: Հենց այս պահին նրանցից մեկը ձիով գնում է Ջերմուկից Սևան:

-Իսկապես շատ հաճելի է բացահայտելը, որ մենք ունենք այսպիսի լավ ֆին ընկերներ, ովքեր այսպես սիրում են Հայաստանը: Հետագայում Հայաստան այցելելու ի՞նչ ծրագրեր ունեք:
-Տարին երկու անգամ ես խումբ եմ բերում Ֆինլանդիայից: Հոկտեմբերին տանում եմ նրանց Հյուսիսային Հայաստան, իսկ մայիսին տանելու եմ Արցախ և Սյունիք: Հուսով եմ կկարողանամ նոր տարին էլ անցկացնել Հայաստանում: Չեմ կարող երկար ամիսներ ապրել առանց Հայաստանի:

-Հայր Սերաֆիմ, շնորհակալություն հետաքրքիր զրույցի, ինչպես նաև Ձեր կատարած հայանպաստ աշխատանքի համար:

Հեղինակ` Նվարդ Չալիկյան



Աղբյուր՝ Panorama.am (http://www.panorama.am/am/interviews/2014/08/19/seraphim-seppala/)

StrangeLittleGirl
29.01.2015, 20:12
Լավն ա էս վիդեոն :)


https://www.youtube.com/watch?v=sL4JK_bDo0A

Ճիշտ ա՝ որոշ բաների հետ կարելի ա չհամաձայնել, բայց որպես ներածական բավական լավն ա:

Ձայնալար
30.01.2015, 11:14
Լավն ա էս վիդեոն :)


https://www.youtube.com/watch?v=sL4JK_bDo0A

Ճիշտ ա՝ որոշ բաների հետ կարելի ա չհամաձայնել, բայց որպես ներածական բավական լավն ա:

Շատ լավն էր: Առաջի հայացքից ջրիկ, բայց շատ պրոֆեսիոնալ գործ էր արած: Աչքիս սկսեմ մյուս երկրների մասին նայել:

Մովսես
06.02.2015, 11:20
Լավն ա էս վիդեոն :)


https://www.youtube.com/watch?v=sL4JK_bDo0A

Ճիշտ ա՝ որոշ բաների հետ կարելի ա չհամաձայնել, բայց որպես ներածական բավական լավն ա:

Այս տեսանյութն այդ օտարների համար է ովքեր գնալու են Հայաստան միամիտ կին ման գալու....