PDA

Դիտել ողջ տարբերակը : Հարցազրույց Tig-ի հետ



E-la Via
01.10.2011, 08:34
Հարցազրույց Tig-ի հետ
«Ամեն հարցում աշխատաում եմ լինել հնարավորինս անկեղծ»:


Բարև, Տիգ ջան :
Բարև:

Ինչպե՞ս ես:
Լավ, դո՞ւ:

Ես էլ եմ լավ: Մեր Ծիածանը գլխավերևո՞ւմդ է :):
Անպայման, թարս-թարս էլ նայում է :D:

Այսօր հո չե՞ս նեղացրել, որ թարս է նայում, եթե հա` ուրեմն քեզ հարցախեղդ եմ անելու :):
Չէ հա ,խանդումա, ասումա ի՞նչ գործ ունես ուրիշ աղջիկներին հարցազրույց ես տալիս :)):

Էլ մի: Ի՞նչ ուրիշ աղջիկ-ի՞նչ խանդ, ես այստեղ հանդես եմ գալիս որպես ձայն բազմաց,իսկ ավելի ճիշտ՝ ձայն ակումբցիների: Սուրբ գործ է :)) :
Տիգ, հիմա որ մտածում եմ, մեր ցանկացած զրույց փիլիսոփայական երանգ է ունեցել: Ասում եմ` հանկարծ այսօր էլ այդպես չլինի ու ակումբցիների զահլեն տանենք :
Դե լավ, թեթև տար, ոնց կստացվի, թող դիմանան, սամի նապրասիլիս :D:

Բայց ոնց որ թե յա սամա նապրասիլաս ;): Թեկուզև դրա տակ լիքը ստորագորություն, էէէ, շնորհակալություն տեսա:
Կամաց-կամաց չսկսե՞նք:
Սկսենք:

Էդ դեպքում սկսենք մանկությունիցդ: Որո՞նք են ամենավաղ մանկական հուշերդ:
Մանկությունս աղոտ եմ հիշում: Մանկապարտեզից հիշում եմ, որ մի անգամ ես ինքս իմ գլխին քար գցեցի, ու գլուխս ճղվեց... Երեխեքը քարերով տանձի ծառին էին խփում, փորձում էին տանձ գցել ներքև: Չէր ստացվում: Ես էլ մոտեցա, ասեցի, այդպես չեն անում է, այ այսպես պետք է արվի: Ու մի մեծ քար վերցրեցի ու դեպի վեր շպրտեցի... մի քանի վայրկյան անց արունլվիկ էի : Ցավ չէի զգում, ուղակի հիշում եմ, որ չորս բոլորս խառնվել էին իրար :)): Իսկ այ դպրոցական վաղ տարիների հիշողություններից ամենատպավորվածը երկրաշարժի օրն էր...

Իսկ ինչպիսի՞ երեխա ես եղել:
Շատ հանգիստ, խելոք երեխա եմ եղել: Մամաս միշտ ասում է, որ հենց սկսզբից իրեն թվացել է, թե իր կողքին մեծ մարդ է:

Ի՞նչ է չարաճճիություններ չե՞ ն եղել:
Դե եղել են, բայց ավելի շատ միջնեկ եղբայս էր դրանց հեղինակը, ես ուղղակի մասնակից էի :):

Կարելի՞ է ենթադրել, որ դպրոցում էլ լավ սովորող ես եղել:
Հա, ճիշտ ենթադրեցիր: Բայց սկզբում ինձ այդպես չէր թվում: Այսինքն, երբ Վանաձորում էի սովորում: Դասարանի միջին սովորողներից էի: Բայց երբ տեղափոխվեցի Էջմիածնի դպրոց, միանգամից աչքի ընկա: Նույնն էլ Երևանի դպրոցում: Երևի դասարանների ընդհանուր մակարդակից էր: Չգիտեմ:

Վանաձորում երեխաներն ավելի լա՞վ էին սովորում:
Կամ այդպես, կամ էլ տարրական դասարաններում են երեխաները դեռ ավելի լավ սովորում: Չնայած ես միշտ էլ զգացել եմ, որ շրջանի երեխաները ավելի խելացի են լինում, քան կենտրոնի երեխաները: Դա էլ երևի նրանից է, որ կենտրոնի երեխաները ավելի շատ այլ հետաքրքրությունների հնարավորություններ ունեն:

Իսկ ինչպե՞ս ընտրեցիր մասնագիտությունդ:
Ճիշտն ասած` երեխա ժամանակ ուզում էի կենդանիների հետ գործ ունենալ: Շատ էի սիրում կենդանական աշխարհը: Բայց երբ վերջին դասարանում էի` 90-ականներն էր: Ծանր ու դժվար տարիներ էին: Կեսաբանություն, քիմիա պարապելու հնարավորություն չունեինք: Փոխարենը ունեինք ֆիզիկայի ու մաթեմատիկայի մտերիմ մասնագետներ, ու իրենց մոտ ընդհանեմը երկու ամիս պարապելով` ընդունվեցի ՀՊՃՀ-ի հաշվողական տեխնիկայի ֆակուլտետ: Ավարտելուց հետո բանակ գնացի: Բանակում հենց առաջին իսկ օրը առաջարկ եղավ որպես սպա ծառայել: Երկու տարվա փոխարեն հինգ տարի: Մտածելով, որ զորացրվելուց հետո դժվար կլինի աշխատանք գտնել, պայմանագիր ստորագրեցի: Շատ շուտ հասկացա, որ ինձանից լավ սպա դուրս չի գա, բայց արդեն ուշ էր: Ում էլ դիմեցի` պայմանագիրս չեղյալ չհամարվեց: Մի խոսքով, 5.5 տարի ծառայելուց հետո զորացրվեցի ու սկսեցի ինքնուրույն ծրագրավորում սովորել: Դե ինստիտուտից որոշակի բազա կար, բայց սկսնակներին այդ ոլորտում դժվար է գործ ճարել: Մոտ երկու տարի գովազդային գործակալությունում արտաքին գովազդների պատրաստող էի աշխատում: Բայց ընթացքում տարբեր տեղեր հարցազրույցի էի գնում: Մինչև որ մի տեղ ինձ փորձնական վերցրեցին ու... Ու այդպես դարձա ծրագրավորող:

5.5 տարի ծառայել… դա արդեն հերոսություն է:
Իսկ սիրո՞ւմ ես մասնագիտությունդ:
Այո, շատ սիրեցի: Սկզբում ուղղակի հետաքրքիր էր: Բայց գնալուվ ավելի սիրեցի:

Դա շատ կարևոր է, ինչպես ասում են` լավագույն արդյունքների կարելի է հասնել միայն հաճույքով կատարած աշխատանքով:
Բնականաբար: Բայց միայն աշխատանքը չի, որ լցնում է մարդու կյանքը :):

Դե իհարկե: Բոլորիս է հայտնի քո սերը արվեստի, մշակույթի, հատկապես ազգային պարի հանդեպ: Պատմիր, թե ինչպես ստացվեց, որ որոշեցիք հաճախել պարի դասընթացների:
Հա, Ան ջա: Սա արդեն դարձել է էն հարցը, որ մեզ արդեն աղանդավոր են համարում :D: Ուրեմն այսպես:
2008թ-ի կեսերն էր: Մի աբովյանցի Հարութ կար, մեզ արշավների էր տանում տարբեր տեղեր: Մենք էլ Հասմիկի հետ նոր – նոր էինք ծանոթացել: Ու ամեն մի առիթ հանդիպման պատճառ էի փորձում դարձնել : Մի օր էդ Հարութը պատմեց Կարին խմբի մասին: Պարզվեց, որ ինքն էլ է պարում Կարինում: Արշավների ժամանակ նույնիսկ մի երկու պար սովորացրեց: Հետո պատմեց, որ Նարեկացի մշակույթի կենտրոնում պարային բաց դասեր են կազմակերպվում: Հասմիկին հրավիրեցի միասին գնալ նայելու: Հենց առաջին անգամից ապշել էի: Ես չէի պատկերացնում, որ մենք այդպիսի մշակույթ ունենք, որ մենք այդքան հզոր պարեր ունենք, որ այդ պարերը պատմում են մեր մասին ամեն ինչ... Մի խոսքով` սեր առաջին հայացքից :)): Սկզբում վախենում էինք պարել: Դե, բնական վախ է` բա որ չստացվի, բա որ կողքից տեսնեն և այլն: Հետո իմացանք Բնատաճարի կազմակերպած սիրողական դասընթացների մասին: Մի քանի ամիս գնացինք: Այնուհետև մի քիչ դադար տվեցինք, բայց պարն արդեն մտել էր մեր մեջ, ու էլ չէինք կարող չպարել: Որոշ ժամանակ անց նորից սկսեցինք գնալ: Այս անգամ խումբն ահագին մեծացել էր: Մի օր էլ մտքովս անցավ, թե ինչու Կարինի ամենամսյան դասընթցները ավելի հաճախ չանցկացնել: Խոսեցի ընկեր Գինոսյանի հետ: Ասեց, որ դեմ չի, ու ինչով կարող են կօգնեն: Երեխաների հետ խոսեցի: Բոլորը միանգամից ոգևորվեցին: Հետո Հովոյի` MWMS-ի հետ խոսեցի այս գաղափարի մասին: Ինքն էլ ոգևորվեց ու.. Ու գնաց: Ծնվեց "Պարենք Հայերենը": Ու արդեն երեք ամիս է ակտիվ միջոցառումներ ենք անցկացրում: Հիմա էլ, քանի որ ցրտեց, գնալու ենք դպրոցներում անցկացնենք միջոցառումները :

Պարը մարմնի միջոցով ներքին հույզերի, հոգեվիճակի հիանալի արտահայտչաձև է: Կա՞ մի պար, որ ամենից լավ է արտահայտում քո էությունը:
Չեմ կարող կոնկրետ պար նշել: Նայած տրամադրության: Եվ հետո մեր պարերը այնքան են մտել մեր մեջ, որ ամեն մի պարը պարելուց անկախ քեզնից մտնում ես այդ պարի հոգեվիճակի մեջ: Եթե հասկանում ես պարի խորհուրդն ու իմաստը, չես կարող չմտնել:

Ճիշտ է, ես չգիտեմ պարել մեր պարերը, բայց ամենից շատ Իշխանաց պարն եմ սիրում, շատ գեղեցիկ պար է:
Դե Իշխանացի ժամանակ անկախ քեզնից իշխան ես դառնում, Փափուռու ժամանակ այնպես ես հարվածում կրունկով, որ քեզ թվում է, թե էլ չարք չմնաց գետնի տակ : Շավալիի ժամանակ քեզ թվում է, թե իրոք հարսանիքի արարողությանն ես գտվում: Ու այսպես շարունակ:

Մի օր հաստատ կսովորեմ ու կպարեմ :
Հա , բա ոնց, կպարենք :):


շարունակելի

E-la Via
01.10.2011, 08:40
Մեր ազգային պարերը հայ մարդու միասնականությունը ի ցույց դնող վառ օրինակ են, բայց այդ միասնականությունը գնալով ավելի քիչ է արտահայտվում, գնալով մարդիկ ավելի շատ են մեկուսանում, մի տեսակ կորած ոնց որ լինենք: Այ ի՞նչ ես կարծում, հնարավո՞ր է նորից, թեկուզև այս անցկացվող միջոցառումների շնորհիվ, վերականգնել մեր միասնականությունը, դրա շնորհիվ էլ արթնացնել հայի ոգին, ազգային ինքնագիտակցումը:
Հա, բա ոնց: Եթե դրանում համոզված չլինեինք, մենք ուղղակի մեզ համար կպարեինք, ոչ թե կաշխատեինք մեր պարերի տարածման ուղղությամբ: Երբ մտնում ես պարաշրջան` միանգամից զգում ես, թե ինչ է ՄԵՆՔ ասվածը: Դու մնալով անհատ` տարալուծվում ես ՄԵՆՔ-ի մեջ, զգում նրա զորությունը, հասկանում, որ քո գումարումով ՄԵՆՔը մի քիչ էլ հզորացավ:

Կարծում եմ հիմա մեզ ավելի քան երբեք անհրաժեշտ է զգալ, թե ինչ բան է Մենք ասվածը:
Դա միշտ է պետք զգալ:

Ինչպես ասվում է ազգի հզորության հիմքը ամուր, առողջ ընտանիքն է: Բայց ,ինչպես նկատել եմ, մի տեսակ խեղաթյուրվել է ընտանիք հասկացությունը, շատացել են ամուսնալուծությունները, կարծես այդքան էլ չենք գիտակցում, թե ինչ է ամուսնությունը, ինչպես է պետք այն պահպանել: Ըստ քեզ` ի՞նչ է անհրաժեշտ առողջ ու միասնական ընտանիք կազմելու համար:
Շաբլոն պետք է հնչի, բայց ասեմ` սերը, հարգանքը, փոխադարձ հասկացվածությունը, անկեղծությունը և ազատությունը: Այո, ազատությունը հարաբերություններում: Զույգերը ազատ պիտի լինեն միմյանց հետ ցանկացած հարցում: Ամուսինների կաշկանդվածությունը միմյանց նկատմամբ որևէ, թեկուզ աննշան հարցում, վաղ, թե ուշ հանգեցնելու է մեծ խնդրի:

Համաձայն եմ քեզ հետ:
Դու նաև գրում ես: Ինձ ամենից շատ դուր է գալիս քո ստեղծագործություններում առկա խորը միտքը: Բայց վաղուց է որ մեր դատին չես հանձնել նոր աշխատանքներ: Պատճառը ո՞րն է: Հաստատ գիտեմ, որ թեկուզ հենց “Շենքայիններիդ” շատ սպասողներ կան: Բա մեղքդ չե՞նք գալիս: Աչքներս ճամփին սառավ:):
Դե չգիտեմ: Ստեղծագործել մի քիչ բարձր է հնչում: Ես ուղղակի մտքերս հանձնում եմ թղթին, ու շատ լուրջ չեմ վերաբերվում դրան: Այսինքն գտնում եմ, որ իրեն ստեղծագործող համարող մարդը պիտի լուրջ վերաբերվի դրան ու խորանա, մշտապես աշխատի իր վրա: Իսկ ես նույնիսկ երբեմն տարրական ուղղագրական կամ կետադրական սխալներ կարող եմ անել: Լավ, շատ չխորանամ: Հիմա երևի լռության ժամանակաշրջանն է: Համ առօրյաս է շատ լիքը, համ էլ հոգեբանական վիճակս հավասարակշռված է: Ես հիմնականում գրելու մտքեր ունենում եմ, երբ պարապ ժամանակ շատ եմ ունենում, ու սկսում են ուղեղիս որդերը շարժվել :)): Իսկ հիմա պարապ չեմ լինում :

Իհարկե, ամեն ինչ իր ժամանակին, բայց մի խնդրանք, էլի: Երբ ասելիք ունենաս` “Շենքայիններդ” անպայման շարունակիր: Ախր հիանալի մտահղացում է:
Շենքայինները... Հա ինձ էլ սկզբում դուր եկավ, բայց հիմա մի տեսակ ինքս ինձ փակուղու առաջ կանգնեցրեցի, որից այն կողմ կամ էլ չեմ անցնի, կամ պիտի շատ հզոր լուծում գտնեմ, որ փակուղին քանդելով` առաջ գնամ, ոչ թե հետ դառնամ...

Քեզ այդ հարցում սրտանց մտքի փայլատակում եմ ցանկանում :
Շնորհակալ եմ :):

Ընդհանրապես ի՞նչ տեսակի գրականություն ես նախընտրում կարդալ: Ունե՞ս սիրելի ժանր, հեղինակ:
Ճիշտն ասած` շատ քիչ եմ կարդում: Հատկապես հիմա: Կոնկրետ ժանր չեմ կարող նշել: Բայց վերջին կարդացածներիցս ամենատպավորիչը Աղասի Այվազյանի ստեղծագործություններն են: Ի դեպ, վաղուց եմ կարդացել, բայց դրանից հետո կարդացածներս դեռ չեն անցել նրան :):

Էլ ի՞նչ հետաքրքրություններ ունես: Ազատ ժամանակ էլ ինչո՞վ ես սիրում զբաղվել:
Ուսանող ժամանակ երբեմն նկարում էի: Նույնիսկ խմբակ էի գնում: 3-րդ մասի առաջվա պիոներ պալատում Վահրամ Կաթրջյանը երեխաների խմբակ ուներ: Բայց ես ուսանող հալով գնում պստոների հետ նկարում էի: Նենց հանգստություն էր իջնում վրաս… Իսկ հիմա` Ֆիլմեր: Գրեթե ամեն երեկո Հասմիկի հետ մի ֆիլմ ենք ընտրում ու դիտում: Հետո քննարկում ենք, փորձում հասկանալ, թե ինչ տվեց այն… Իսկ այ շաբաթ-կիրակի օրերին հնարավորինս թափառում ենք: Ամռանը` արշավներ, իսկ հիմա գոնե այգի գնում ենք, շնչում մաքուր օդ, հանգիստ քայլում… Սիրում եմ հենց այնպես քայլել այգում:

Տիգ, ակումբում, և ոչ միայն ակումբում, կարծում եմ կյանքում էլ ես այդպիսին, շատ հավասարակշռված մարդու տպավորություն ես թողնում: Ի՞նչը կարող է քեզ հունից հանել:
Հա, հունից շատ հազվադեպ եմ դուրս գալիս: Չգիտեմ էլ` ոնց բացատրեմ, թե ինչը կարող է ինձ հունից հանել...Երևի բացեիբաց ցինիկությունը, կամ.... չգիտեմ...



շարունակելի

E-la Via
01.10.2011, 08:45
Վերևում ասացիր, որ հավասարակշռված հոգեվիճակում ես, բայց մենք մի քիչ տարօրինակ արարածներ ենք, գարուն է գալիս աշուն ենք ուզում, ձմռանը ամռան մասին ենք երազում: Ի՞նչ է, չե՞ս կարոտում ներքին փոթորիներին, պարպումներին, քաոսին:
Քաոսին կամ տարերքներին տրվելը դեռ չի նշանակում կորցնել ներքին հավասարակշռությունը: Համենայն դեպս ինձ համար այդպես է ;):

Լավ, իսկ ունե՞ս մի այնպիսի բնավորության գիծ, որը կցանկանայիր փոխել, բայց այդպես էլ չես փոխում կամ չես կարողանում:
Հա, ունեմ: Լինում են դեպքեր, որ մարդուն ուզում եմ ասել, թե նա ինչպիսին է, ասել նրա սխալները, ու նույնիսկ գիտեմ էլ, թե ոնց ասեմ, որ նրան չվիրավորեմ... բայց չեմ կարողանում.... Ավելի շատ ոչ թե թերություններ ունեմ, որոնցից կուզեի ազավել, այլ վախեր: Անիմաստ վախեր:

Դե այդ վախերը բոլորս էլ ունենք, որքան էլ պայքարում ես դրանց դեմ, միևնույնն է , կողքից մի նորն է բուսնում: Կարևորը, որ ինքներս մեզ խոստովանում ենք, որ դրանք կան:
Կարող ես ասել, ո՞ր հատկությունն է լավագույնս բնորոշում քո էությունը:
Չգիտեմ` կողքինների համար ոնց, բայց ինձ համար` ինքս իմ հանդեպ անկեղծ լինելը: Աշխատում եմ հնարավորինս քիչ ինքնախաբեությամբ զբաղվել, եթե իհարկե ստացվում է :) :Մեկ էլ երևի հանգստությունը:

Ըստ քեզ` մարդու մեջ ամենավտանգավոր հատկանիշը ո՞րն է:
Խղճի կորուստը:

Ի՞նչ ես կարծում` հեշտ ես ճանաչում, այնուհետև վստահում մարդկանց:
Չգիտեմ հեշտ, ավելի ճիշտ կլինի ասել` ճի՞շտ եմ ճանաչում, թե՞ ոչ: Բայց հիմա ավելի հեշտ եմ վստահում, քան առաջ: Դա երևի նրանից է, որ առաջ չգիտեի, թե մարդկանցից ինչ կարող եմ սպասել, իսկ հիմա գիտեմ, որ մարդկանցից ամեն ինչ էլ հարկավոր է սպասել: Բայց հիմա էլ արդեն չեմ վախենում դրանից: Ու պատրասր եմ ընդունել ամեն ինչ: Եվ դա գալիս է նաև նրանից, որ մարդկանց աշխատում եմ ընդունել այնպիսին, ինչպիսին որ կան:

Բայց իրականում, խոստովանիր, որ մարդկանց ընդունել այնպիսին, ինչպիսին, որ կան շատ դժվար է: Ինչպես ծանոթներիցս մեկն է ասում` մեզանից յուրաքանչյուրի մեջ էլ աշխարհիս երեսի վրա գույություն ունեցող ամեն վատից էլ կա: Հարցը միայն նրանում է, թե որքանով է այն հաղթահարվում: Իսկ այն մարդկանց , ովքեր իրենց բնավորության հիմնական գծերն են դարձրել վատ հատկանիշները, շատ դժվար է ընդունել, շփվելու մասին էլ չասեմ: Նման դեպքում ի՞նչ ես անում: Ու ի՞նչ կանես, եթե այդպիսինը քեզ հարազատ մարդ է:
Համամիտ եմ քեզ հետ: Նման դեպքերում ուղղակի հեռանում եմ, եթե հնարավոր է, և էլ չեմ շփվում տվյալ մարդու հետ: Եթե հնարավոր չէ և պարտադրված շփումը անխուսափելի է, ուրեմն այդ շփումը դնում եմ սառը մակարդակի վրա, հնարավորինս խուսափում եմ կոնֆլիկտներից: Իսկ եթե տվյալ մարդը հարազատ է… Այ սա արդեն բարդ է: Նայած, թե ինչ աստիճանի հարազատ է: Կամ կրկին հրաժարվում եմ նրա հետ շփումից, կամ, եթե դա անհնար է, ուղղակի հարմարվում եմ: Բայց ասեմ, որ այդ աստիճանի անհամատեղելի հարազատ մարդ չկա իմ շրջապատում:

Տիգ, իսկ կա՞ մեկը, որը մեծ ազդեցություն է թողել աշխարհայացքիդ ձևավորման վրա:
Կոնկրետ մեկի անուն չեմ կարող տալ: Մանկական ու պատենեկան տարիքում` մամաս: Հետո` ավելի հասուն տարիքում` պապաս, բայց իր ապրելակերպով ու շրջապատի հանդեպ վերաբերմունքով , ոչ թե խոսքով: Պապաս շատ քիչ է խոսում: Հետո շատերը, ամեն մեկից մի տող, մի արտահայտութուն. մի կյանք...

Գրեթե բոլոր գրառումներիդ հետևում առկա է հավատը: Հավատն առ Աստված, մարդու ստեղծագործ ուժի հանդեպ հավատ, անհրաժեշտ քայլեր գցելու դեպքում` նաև ապագայի հանդեպ հավատ: Կա՞ այնպիսի մի բան, որ կարող է սասանել հավատդ:
Պահի տակ տատանումներ շատ են լինում, բայց հիմնակում կայուն է: Սակայն չեմ բացառում, որ կյանքը կարող է այնպիսի իրավիճակում ինձ դնել, որ կորցնեմ հավատիս վերջին նշույլը: Ուղղակի կոնկրետ իրավիճակ հիմա չեմ կարող պատրեկացնել: Ու ճիշտն ասած չեմ էլ ուզում պատկերացնել :

Ու տա Աստված, որ այդպիսի իրավիճակում երբեք չհայտնվես էլ :
Ապրես, դու էլ :):

Փափուկ անցում կատարենք դեպի մեր ավանդական հարցը :
Ի՞նչպես հայտնվեցիր ակումբում: Պատմիր, թե այս ընթացքում ինչ ձեռքբերումներ ու հիասթափություններ ես ունեցել (եթե իհարկե այդպիսիք եղել են):
Մի օր ընկերոջս հետ ICQ-ով ինչ -որ հարցի շուրջ վիճաբանում էինք: Մեկ էլ ընկերս ասեց. “Տի’գ, քո իսկական տեղը ակումբն ա:” Ես էլ նոր`դեռ մի ամիս էլ չկար, ինչ ինետի մասին պատկերացում էի կազմում: Ու չգիտեի էլ, որ կան նման ձևաչափի կայքեր, ֆորումներ: Հարցրեցի` դա ինչ է: Հղում ուղարկեց.... ու այդպես գնաց... Բայց էդ ընկերս երբեք ոչ մի տեղ գրանցված չի եղել: Ուղակի կարդում է:
Ձեռքբերումներ շատ են եղել: Նոր մարդին, նոր ընկերներ, նոր մտածողություն... Ի վերջո Հասմիկի հետ նույնպես առաջին անգամ վիրտուալ շփվել ենք հենց ակումբում :): Իսկ հիասթափությունները այնքան չնչին են եղել, որ ձեռքբերումների ֆոնին չեն էլ երևում:

Քո ու Հասմիկի նման հանդիպումը ճակատագի՞ր էր, թե՞ պատահականություն:
Չգիտեմ, ինձ համար նման բաները թե պատահականություն են, թե ճակատագիր: Պատահականություն են լինելիության առումով, բայց ճակատագիր են պահը որսալու ու բաց չթողնելու առումով :):

Տիգ, գոյություն ունի՞ լիակատար երջանկություն: Իսկ եթե ունի, ինչպիսի՞ն է այն քեզ համար:
Նայած, թե լիակատար ասելով ի՞նչ ես հասկանում: Եթե լիակատար ասելով հասկանաս երջանկություն ողջ կյանքում, ապա նման բան գոյություն չունի: Բայց ընդհանուր կյանքի առումով, իհարկե, գոյություն ունի: Ու ինձ համար երջանկության գագաթնակետը կեսիդ առկայությունն է քո կողքին: Եթե նա իսկապես քո կեսն է, ապա ձեր երջանկությունը անկասելի է :): Իսկ մնացածը ինքնաբերաբար լինում է:

Ո՞ւնես կյանքի նշանաբան, որով առաջնորդվում ես:
Կոնկրետ նշանաբան չունեմ: Ուղակի ամեն հարցում աշխատում եմ լինել հնարավորինս անկեղծ:

Կարծում եմ կարող ենք հենց այստեղ էլ հարցազրույցն ավարտել:
Ես էլ ուզում էի ասեի` թեյս սառեց :D:

Տիգ ջան, շատ ապրես, որ համաձայնեցիր հարցազրույց տալ:
Դու էլ ապրես, Ան ջան: Անչափ հաճելի էր:
Նմանապես :):



Ավարտ

Հ.Գ. Սիրելի ակումբցիներ, Տիգի համաձայնությամբ կարող եք նրան հղել ձեր հարցերը:

E-la Via
01.10.2011, 09:03
Ուրեմն այսպես, ժողովուրդ ջան:
Տիգից հարցազրույց եմ վերցրել մեծ հաճույքով: Խոսակցությունը շատ հանգիստ էր ընթանում, առանց որևէ լարվածության: Նման մարդու հետ կարելի է երկար խոսքի բռնվել ու, համոզված եղեք, որ չեք ձանձրանա:
Շատ ուրախ եմ, որ ստացվեց այնպես, որ հենց ես նրանից հարցազրույց վերցրեցի :):

Հարցազրույցին ամենայն պատասխանատվությամբ եմ մոտեցել, բայց պետք է մի բան խոստովանեմ: Քանի որ ես Տիգին որոշ չափով լավ գիտեմ, բավական ուշադիր հետևում եմ նրա գրառումներին ու նախապես գիտեի նրա շատ հարցերի պատասխանները, փորձեցի տալ այն հարցերը, որոնք ինքս չգիտեի ու կցանկանայի իմանալ: Արդյունքում հնարավոր է ձեզ հետաքրքրող շատ հարցեր բացթողած լինեմ: Էնպես որ եկեք ինձ լրացման ;):

Lusinamara
01.10.2011, 12:00
Վախ, էս ի՜նչ լավ զրույց էր, ամբողջը ժպիտի ու ջերմության մեջ էր, ապրեք… Տիգ ջան, դու ու Հասն ինձ համար շատ օրինակելի եք, շարունակեք մնալ այնպիսին, ինչպիսին կաք:)

Մի հարց ունեմ.


Ես էլ ուզում էի ասեի` թեյս սառեց :D:

Ժասմինով է՞ր թեյդ:D:P

Tig
01.10.2011, 12:34
Վախ, էս ի՜նչ լավ զրույց էր, ամբողջը ժպիտի ու ջերմության մեջ էր, ապրեք… Տիգ ջան, դու ու Հասն ինձ համար շատ օրինակելի եք, շարունակեք մնալ այնպիսին, ինչպիսին կաք:)


Ապրես Լուս ջան :)



Մի հարց ունեմ.

Ժասմինով է՞ր թեյդ:D:P

Դե բնականաբար :))

Դեկադա
01.10.2011, 12:44
Մի հարց էլ ես տամ: Տեսնելով քո ինտուզիազմը ես ճիշտ ասած երբեմ մեղադրում եմ ինձ «շուտ կոտրվելուս» մեջ: Գիտեմ որ քեզ համար էլ դժվար կլինի հիասթափություններին, ձախողումներին դիմակայելը, բայց դրանք քեզ ավելի նպատակասլաց են դարձնո՞ւմ, թե՞ պահ կա որ ինքդ էլ ձեռքը թափ տալու ու հեռանալու միտք ես ունենում: Ընդհանրապես /ընդունելով որ կյանքը ամեն րոպեն պայքար ա/ ի՞նչքան ու մինչև ո՞ր սահմանը կարաս պայքարես:

...երկու հարց եղավ:)

John
01.10.2011, 13:00
Լավ հարցազրույց էր շատ, ապրեք ;) :)

Tig
01.10.2011, 13:12
Մի հարց էլ ես տամ: Տեսնելով քո ինտուզիազմը ես ճիշտ ասած երբեմ մեղադրում եմ ինձ «շուտ կոտրվելուս» մեջ: Գիտեմ որ քեզ համար էլ դժվար կլինի հիասթափություններին, ձախողումներին դիմակայելը, բայց դրանք քեզ ավելի նպատակասլաց են դարձնո՞ւմ, թե՞ պահ կա որ ինքդ էլ ձեռքը թափ տալու ու հեռանալու միտք ես ունենում: Ընդհանրապես /ընդունելով որ կյանքը ամեն րոպեն պայքար ա/ ի՞նչքան ու մինչև ո՞ր սահմանը կարաս պայքարես:

...երկու հարց եղավ:)

Ավելի շուտ երկուսը մեկում :))

Գայանե ջան ես ինտուզիաստ հիմա եմ դարձել: Առաջ այդպիսին չէի: Չեմ էլ կարա բացատրեմ, թե ինչն ա ինձ ոգևորում ու առաջ բրդում: Երևի միանգամից մի քանի բան: Նախ ամենակարևորը, որ կողքիս այն մարդն է, որ ինձ հասկանում է և ամեն հարցով աջակցում: Երկրորդ այն հանգամանքը, որ հիմա շրջապատումս այնքան շատացան գաղափարակից մարդիկ, որ թեկուզ միայն իրենց ներկայությամբ աջակցություն են ցուցաբերում, և ոչ միայն: Երրորդ իմ աշխատանքը: Մարդ, եթե իր սրտով աշխատանք է ունենում, որն էլ բացի իրեն դուր գալուց նաև հնարավորություն է տալիս զբաղվել այլ, իրեն հոգեհարազատ բաներով... Էլի հանգամանքներ կան, որ չմանրանամ: Բայց տվյալ պահին այդ հանգամանքների հանրագումարն է ստացվել ու .... Այստեղ մտածողության խնդիր էլ կա երևի: Քանի դեռ ես մտածում էի, որ մարդիկ "այնքան էլ լավը չեն", ես շրջապատված էի նման մարդկանցով: Բայց երբ հասա այն մտքին, որ մարդկանց մեծամասնությունը իրականում լավն են, ուղակի տեսնել է պետք ու համախմբել նրանց: Մեկ էլ անկախ ինձնից հայտնվեցի նմանատիպ մարդկանց շրջապատում... Իսկ սահման... չգիտեմ: Ժամանակին ես հասած եմ եղել այդ սահմանին... Ու ամենավատը այն է, երբ այդ սահմանին գտնվելուց մենակ ես... Բայց էլի մի փոքր էլ համբերելուց հետո հանգամանքները այնպես դասավորվեցին, որ ամեն ինչ իր տեղը ընկավ: Հետո կամաց կամաց ավելի ու ավելի լավ ուղղով սկսեց ընթանալ:
Իրականում ոչ թե հիասթափություններն ու ձախողումներն են ինձ այսպիսին դարձրել, այլ այն հանգամանքը, որ ես համոզվել եմ, որ իմ նման մտածող մարդիկ կան, որ շատ են ու որ նրանց ուղակի իրար գլխի հավաքել է պետք: Մոտ մի 10 տարի առաջ մեկից մի այսպիսի միտք էի լսել, որը մինչև հիմա ինձ առաջնորդում է` "Լավ մարդիկ պարտավոր են միմյանց ճանաչել": Հիմա այդ միտքը արտահայտողի անունն էլ չեմ հիշում, բայց այն իմ մտածողության մեջ ահագին բան փոխեց:

Գեա
01.10.2011, 14:02
Վանաձորում երեխաներն ավելի լա՞վ էին սովորում:
Չնայած ես միշտ էլ զգացել եմ, որ շրջանի երեխաները ավելի խելացի են լինում, քան կենտրոնի երեխաները: Դա էլ երևի նրանից է, որ կենտրոնի երեխաները ավելի շատ այլ հետաքրքրությունների հնարավորություններ ունեն:
Տիգ խելացի լինելն ու շատ հետաքրքրություն ունենալը տարբեր բաներ են,մանավանդ որ ոչ Վանաձորը , ոչ էլ Էջմիածինը էդպիսի մի խուլ անտառ չեն, ուղղակի չգիտեմ ինչի համար է այդ ֆրազան այդպես քարացած ու արմատացած հնչում շրջանների բնակիչների կողմից:Ներիր, բայց սխալ ու անիմաստության հասնող անարդար կարծիք է , մանավանդ եթե հաշվի առնենք այն փաստը, որ այսօր Երևանի բնակչության շատ զգալի մասը երեկ շրջանում էր ապրում ու նրանց երեխաներն էլ գնում են երևանյան դպրոցներ:
Պարզապես կան լավ ու վատ դպրոցներ, ուսուցիչներ ու աշակերտներ` գլոբալ իմաստով:Քո բախտը երևի լավ դպրոցի առումով չի բերել, կամ կարելի է ասել բերել է , դարձել ես առաջինը:
Մի հարց տամ էլի: Քո կարծիքով հավասարակշիռ դառնում են , թե դա գենետիկ հատկանիշ է ու ժառանգվում է ծնողներից:Ուզում եմ հասկանալ դա քեզ հեշտ ու հանգիստ տրվել է բնությունից .թե այնուամենայնիվ դրան հասնելու համար քո վրա աշխատել ես ???

Tig
01.10.2011, 14:13
Տիգ խելացի լինելն ու շատ հետաքրքրություն ունենալը տարբեր բաներ են,մանավանդ որ ոչ Վանաձորը , ոչ էլ Էջմիածինը էդպիսի մի խուլ անտառ չեն, ուղղակի չգիտեմ ինչի համար է այդ ֆրազան այդպես քարացած ու արմատացած հնչում շրջանների բնակիչների կողմից:Ներիր, բայց սխալ ու անիմաստության հասնող անարդար կարծիք է , մանավանդ եթե հաշվի առնենք այն փաստը, որ այսօր Երևանի բնակչության շատ զգալի մասը երեկ շրջանում էր ապրում ու նրանց երեխաներն էլ գնում են երևանյան դպրոցներ:
Պարզապես կան լավ ու վատ դպրոցներ, ուսուցիչներ ու աշակերտներ` գլոբալ իմաստով:Քո բախտը երևի լավ դպրոցի առումով չի բերել, կամ կարելի է ասել բերել է , դարձել ես առաջինը:


Չեմ առարկում Ծով ջան: Նույնիսկ համաձայն եմ: Դրա համար էլ երևիով եմ ասել:



Մի հարց տամ էլի: Քո կարծիքով հավասարակշիռ դառնում են , թե դա գենետիկ հատկանիշ է ու ժառանգվում է ծնողներից:Ուզում եմ հասկանալ դա քեզ հեշտ ու հանգիստ տրվել է բնությունից .թե այնուամենայնիվ դրան հասնելու համար քո վրա աշխատել ես ???


Ինձ համար հեշտ է եղել, գուցեև գենետիկորեն եմ ժառանգել: Բայց կարծում եմ դրան նաև մարդ իր վրա աշխատելով էլ կարող է հասնել: Եթե ընդունենք վերամարմնավորման գաղափարը, ապա կարծում եմ դա նաև մի քանի կյանքերի արդյունքում կուտակած հավասարակշռվածություն կարող է լինել...:8

Շինարար
01.10.2011, 14:37
Նախ ապրեք հացազրույցի համար, հիմա մի երկու հարց էլ ես ունեմ Մարսել Պրուստի միջոցով կամ Պրուստը իմ միջոցով:))

1. Ո՞րն է քո գլխավոր թերությունը:
2. Ո՞ր երկրում կցանկանայիր ապրել, եթե Հայաստանում ապրելու չլինեիր:
3. Եթե հնարավորություն ունենայիր ծնվել այլ ժամանակաշրջանում, ո՞ր ժամանակաշրջանը և որտե՞ղ կնախընտրեիր:
4. Քո սիրած հերոսը կամ անձնավորությունը պատմությունից, այսինքն՝ ում ես բոլորից բարձր գնահատում, և հակառակը՝ ում հանդեպ ես հատկապես բացասաբար տրամադրված:
5. Ո՞վ է էսօր քեզ համար հերոս:
6. Ի՞նչ հատկանիշ կցանկանայիր ունենալ, որ չունես:
7. Եթե հնարավորություն ունենայիր որևէ նշանավոր, բայց արդեն մահացած մարդու հետ զրուցել, քաղաքական գործիչ, մշակութային գործիչ, հասարակական գործիչ և այլն, ո՞ւմ հետ կուզենայիր, ու խի՞:
8. Աստծուն ի վերջո հավատո՞ւմ ես, թե՞ չէ:
9. Ենթադրենք, Աստված կա, ու մի երկուհարյուր երեսունվեց տարի հետո մահանում ես, և հանդիպում իրան, ի՞նչ ունես ասելու:
10. Քո սիրած ծաղիկը ո՞րն ա :))

Tig
01.10.2011, 14:55
Նախ ապրեք հացազրույցի համար, հիմա մի երկու հարց էլ ես ունեմ Մարսել Պրուստի միջոցով կամ Պրուստը իմ միջոցով:))


Տնաշեն, ասինք հարց տուր չասինք հարցախեղդ արա... :))



1. Ո՞րն է քո գլխավոր թերությունը:


Ամաչկոտությունը:8



2. Ո՞ր երկրում կցանկանայիր ապրել, եթե Հայաստանում ապրելու չլինեիր:


Գուցե Սկանդինավյան...



3. Եթե հնարավորություն ունենայիր ծնվել այլ ժամանակաշրջանում, ո՞ր ժամանակաշրջանը և որտե՞ղ կնախընտրեիր:


Շումերների, շումերստանում... Կուզեի հասկանամ էսքան "շումը" իրանց մաիսն ճիշտ ա, թե սուտ :))



4. Քո սիրած հերոսը կամ անձնավորությունը պատմությունից, այսինքն՝ ում ես բոլորից բարձր գնահատում, և հակառակը՝ ում հանդեպ ես հատկապես բացասաբար տրամադրված:


Չգիտեմ: Էս պահին Պապ թագավորին հիշեցի: Իսկ բացասաբար... Եսիմ... Հիտլերին :))



5. Ո՞վ է էսօր քեզ համար հերոս:


Ապրելուց չտրտնջացողը:



6. Ի՞նչ հատկանիշ կցանկանայիր ունենալ, որ չունես:


Համարձակության պակաս եմ զգում: Չնայած շատ հարցերում դա օգնում է անիմաստ խնդիրներից խուսափել...



7. Եթե հնարավորություն ունենայիր որևէ նշանավոր, բայց արդեն մահացած մարդու հետ զրուցել, քաղաքական գործիչ, մշակութային գործիչ, հասարակական գործիչ և այլն, ո՞ւմ հետ կուզենայիր, ու խի՞:


Կարեն Դեմիրճյանի: Մի հարց ունեմ` տնաշենը խի? մեզ սենց թողեց ու գնաց...



8. Աստծուն ի վերջո հավատո՞ւմ ես, թե՞ չէ:


Վերջ ի վերջո` այո :))



9. Ենթադրենք, Աստված կա, ու մի երկուհարյուր երեսունվեց տարի հետո մահանում ես, և հանդիպում իրան, ի՞նչ ունես ասելու:


Շնորհակալություն :)



10. Քո սիրած ծաղիկը ո՞րն ա :))

Յասամանը:

Claudia Mori
01.10.2011, 18:27
Շատ անուշ ու խորը հարցազրույցի համար շնորհակալություն երկուսիդ էլ: Տիգ ջան ինձ թվում է, դու այնքան լիքն ես, որ բոլոր ակումբցիներով կարող ենք հետդ հարցազրույց անցկացնել ու դու անընդհատ նոր բան կունենաս ասելու;) Ես էլ հարցեր ունեմ՝

1. Ազգագրական պարերից ո՞ր մեկն ես ամենաշատը սիրում ու ինչու՞:
2. Եղել է երբեւէ, որ մի քանի ազգագրագետից լսես տարբեր կարծիքներ նույն պարի մասին: Եթե այո, այդ դեպքում ո՞րն ես քեզ համար ճշմարտություն համարում:
3. Փորձե՞լ ես արդյոք ինքդ պարեր ու երգեր պեղել, կամ արդյոք ունե՞ս նման նպատակներ:
4. Ծրագրավորող լինելը որքանո՞վ է արտացոլվում քո պարելու մեջ, կամ պարը որքանո՞վ է արտացոլվում ծրագրավորման մեջ:
5. Կա՞ մարդու տեսակ, որ դու տանել չես կարողանում: Եթե այո, նման մարդու կողքին ստիպված լինելու դեպքում ի՞նչ ես անում:

ars83
01.10.2011, 19:26
Հիանալի էր: :clap Անչափ հետաքրքիր հարցազրույց. գրագետ հարցեր, բովանդակալից պատասխաններ: Նույնիսկ :o MWMS-ը կար մեջը: :P Աստերոիդաչափ շնորհակալություն երկուսիդ էլ: :ok

Մի առաջարկություն անեմ, էլի, առիթից օգտվելով: Միգուցե, նման հարցազրույցներն անցկացվեն միանգամից ամուսնական զույգի՞ հետ: Շատ հետաքրքիր կլինի լսել նաև Հասմիկին: Մտածեք, ժողովուրդ ջան, հետո կարող ենք առաջարկությունը տանել համապատասխան բաժին:

Տիգ և Հասմիկ ջաներ, պրծավ, հաջորդ հանդիպմանը, որտեղ դուք ու ես ներկա լինենք, իրար մոտ ենք նստելու, խոսենք: :oy Ես ձեզ ձեռքից բաց չեմ թողնելու: ;) Սաղ MWMS-ն ա մեղավոր. առգրավում ա ինձ (ես էլ իրան) ու չի թողնում ուրիշ հետաքրքիր մարդկանց հետ էլ շփվել: :beee

Mark Pauler
01.10.2011, 19:33
Ապրի Way-ը, որ նախաձեռնեց Տիգի հետ հարցազրույցը: Հետաքրքիր ա ստացվել:
Տիգ ջան, կարդում եմ պատասխաններդ ու զգում, որ առավելագույնս անկեղծ ես եղել: Դե էտ բնական ա, քանի որ անկեղծությունն էլ ա քո բնավորության հիմնական գծերից: Ով քո հետ շփվել ա համոզված կարա ասի, որ դու նաև շատ հավասարակշռված մարդ ես: Իսկ հարցս, որ ուզում եմ ուղղեմ քեզ, հավասարակշռվածության հակադիր կողմերից մեկին ա վերաբերվում` արկածախնդրությանը:

Ինչքանո՞վ ես արկածախնդիր: Ի՞նչ դեպք կարաս հիշես ու մեզ պատմես էտ հատկանիշի հետ կապված ու պարտադիր չի, որ դա եղած լինի վերջին շրջանում, թեկուզ մանկությունից:

Մի հարց էլ: Քո կողմից եղե՞լ ա ինչ-որ արարք, որը անելոււ համար գլխիցդ բարձր ես թռել, այսինքն վեր ես կանգնել սեփական վախերից ու նմանատիպ բաներից ուզածիդ հասնելու համար կամ արել ես առավելը քան առաջին հայացքից հնարավորություններդ էին թույլ տալիս…

Մի խոսքով՝ ինձ հետաքրքիր ա քո առաջին հայացքից չերևացող կողմերը ;)

Ռուսա
01.10.2011, 21:27
Տիգ ջան, ես ու Լուսն իրար հետ կարդացինք, ափսոս, չեմ կարողանում դեռևս "շնորհակալություն" սեղմել:)
Շատ ուրախ եմ, որ ճանաչում եմ քեզ ու Հասմիկիս:love:flowerԱստված ձեզ երկար կյանք տա :)

Ի՞նչ կլինի ես իմ հարցը Հասմիկին տամ կամ հենց քեզ Տիգ ջան
Ինքն ակումբում ինչի՞ չի երևո՜ւմ:aaa

My World My Space
01.10.2011, 21:39
Հիանալի էր: :clap Անչափ հետաքրքիր հարցազրույց. գրագետ հարցեր, բովանդակալից պատասխաններ: Նույնիսկ :o MWMS-ը կար մեջը: :P Աստերոիդաչափ շնորհակալություն երկուսիդ էլ: :ok

Մի առաջարկություն անեմ, էլի, առիթից օգտվելով: Միգուցե, նման հարցազրույցներն անցկացվեն միանգամից ամուսնական զույգի՞ հետ: Շատ հետաքրքիր կլինի լսել նաև Հասմիկին: Մտածեք, ժողովուրդ ջան, հետո կարող ենք առաջարկությունը տանել համապատասխան բաժին:

Տիգ և Հասմիկ ջաներ, պրծավ, հաջորդ հանդիպմանը, որտեղ դուք ու ես ներկա լինենք, իրար մոտ ենք նստելու, խոսենք: :oy Ես ձեզ ձեռքից բաց չեմ թողնելու: ;) Սաղ MWMS-ն ա մեղավոր. առգրավում ա ինձ (ես էլ իրան) ու չի թողնում ուրիշ հետաքրքիր մարդկանց հետ էլ շփվել: :beee

Յախքեմ ըզքեզ, Արս տղա.....
Սաղ հարցազրույցը հեչ, էն խեղճ MWMS-ն աչքդ ծակեց, հա՞....

Հասմիկի հարցազրույցի հարցին 5 ձեռքով կողմ եմ, բայց Տիգին մի երկու հատ հարց պիտի տամ....

1. Տիգ, դու խի՞ ես էդքան համեստ ու լավը....
2. Չե՞ս հոգնում բարի լինելուց...
3. էս էլ հետո կասեմ.....

E-la Via
01.10.2011, 21:42
Հիանալի էր: :clap Անչափ հետաքրքիր հարցազրույց. գրագետ հարցեր, բովանդակալից պատասխաններ: Նույնիսկ :o MWMS-ը կար մեջը: :P Աստերոիդաչափ շնորհակալություն երկուսիդ էլ: :ok

Մի առաջարկություն անեմ, էլի, առիթից օգտվելով: Միգուցե, նման հարցազրույցներն անցկացվեն միանգամից ամուսնական զույգի՞ հետ: Շատ հետաքրքիր կլինի լսել նաև Հասմիկին: Մտածեք, ժողովուրդ ջան, հետո կարող ենք առաջարկությունը տանել համապատասխան բաժին:



Արսեն ջան, ազնիվ խոսք, համ հարցազրույցը վերցնելուց հետո դա մտքովս անցավ, համ էլ այսօր առավոտյան: Անգամ մի պահ մտածեցի չտեղադրեմ, Տիգին գրեմ, Հասոյից էլ հարցազրույց վերցնեմ ու երկուսինը միասին տեղադրեմ: Բայց այստեղ երևի խոսեց շտապողականությունս ու գլխացավս :oy:
Ամեն դեպքում շատ լավ միտք է, որի շուրջ արժե լուրջ մտածել:
Քեզ էլ շնորհակալություն :):

Chilly
01.10.2011, 23:33
Ապրեք երեխեք :) Տիգը էն դեմքերից ա, որոնց խորությունն ու թափը մի շփվելով երբեք չես կարող բացահայտել... Հպարտանում եմ տենց ընկերոջով :)

Tig
02.10.2011, 10:37
Ժող, էս ինչքա?ն վարկանիշ եք տալիս...:oy Առանձին առանձին չասեմ: Բոլորիցդ անչափ շնորհակալ եմ :)


Շատ անուշ ու խորը հարցազրույցի համար շնորհակալություն երկուսիդ էլ: Տիգ ջան ինձ թվում է, դու այնքան լիքն ես, որ բոլոր ակումբցիներով կարող ենք հետդ հարցազրույց անցկացնել ու դու անընդհատ նոր բան կունենաս ասելու;) Ես էլ հարցեր ունեմ՝


Շնորհակալություն Կարինե ջան: :oy
Բայց դժվար թե էդքան ձգեմ: Ամեն մեկն էլ իր սպառման սահմանն ունի... երևի :)



1. Ազգագրական պարերից ո՞ր մեկն ես ամենաշատը սիրում ու ինչու՞:


Էս հարցը Վեյն էլ էր տվել: Ու էլի դժվարացա պատասխանել... Ամեն մի պար իր տեղն ունի իմ մեջ: Ամեն մի պար բոլորից լավն է թվում, երբ այն պարում եմ ու երբ լավ է ստացվում :)
Օրինակ երեկ Ֆնջանը նենց լավ ու հավես ստացվեց, որ հիմա առաջին տեղում է, բայց կարող ա մի հատ հավեսով Քերծի պարենք ու զբաղեցնի առաջին տեղը... :)



2. Եղել է երբեւէ, որ մի քանի ազգագրագետից լսես տարբեր կարծիքներ նույն պարի մասին: Եթե այո, այդ դեպքում ո՞րն ես քեզ համար ճշմարտություն համարում:


Իհարկե եղել է: Տվյալ դեպքում կողմնարոշվելը դժվար է: "Ճշմարտություն" համարում եմ այն կարծիքը, որը իմ աշխարընկալմանը ավելի հոգեհարազատ է: Բայց նման հարցերում ճշմարտություն ասվածը միշտ հարաբերական եմ համարում: Մեր մշակույթը շատ մեծ կորուստներ է կրել ու հիմա կծիկի թելը ճիշտ տեղից բռնելը ահավոր դժվար է: Մանավանդ, որ այդ թելը բազմաթիվ տեղերից կտրտված է... Ինձ համար մեկնաբանությունները մի տեսակ երկրորդ տեղում են գտնվում: Կարևորը այն է, թե ես ինչ եմ զգում որևէ պար պարելուց: Եթե պարը ինձ էներգիա է տալիս ուրեմն ինքն է... Իսկ տարբեր մեկնաբանությունները կարող են լինել թե երկուսն էլ սխալ, թե երկուսն էլ ճիշտ... Ցանկացած պարագայում այդ տարակարծությունների համադրման միջոցով միայն կարելի է գտնել առավել ճիշտը: Որքան էլ, որ առաջին հայացքից լրիվությամբ հակառակ մեկնաբանություններ լինեն, միևնույն է մեծ ցանկության դեպքում հնարավոր է գտնել դրանց համադրման եզրեր...



3. Փորձե՞լ ես արդյոք ինքդ պարեր ու երգեր պեղել, կամ արդյոք ունե՞ս նման նպատակներ:


Չէ, չեմ փորձել ու նպատակ էլ չունեմ: Քանի որ գտնում եմ, որ նման գործով պիտի զբաղվեն նվիրյալները: Եվ բացի դրանից այդ նվիրյալը պիտի այդ ոլորտում լուրջ մասնագետ լինի: Դիլետանտությունը նման հարցում կարող է շատ վատ հետևանքներ ունենալ: Իսկ ես այս ոլորտում դիլետանտ եմ:



4. Ծրագրավորող լինելը որքանո՞վ է արտացոլվում քո պարելու մեջ, կամ պարը որքանո՞վ է արտացոլվում ծրագրավորման մեջ:


Դժվար է ասել: Բայց կարծում եմ, որ մեկը մյուսի մեջ ոչ մի ձևով էլ չի դրսևորվում... Գուցե և կողքից ինչոր մեկը այլ բան նկատի, բայց ես իմ մեջ նման փոխդրսևորումներ չեմ զգում :)



5. Կա՞ մարդու տեսակ, որ դու տանել չես կարողանում: Եթե այո, նման մարդու կողքին ստիպված լինելու դեպքում ի՞նչ ես անում:

Կա: Դիմացինին շահագործելու հակում ունեցող մարդկանց տանել չեմ կարողանում: Ամեն դեպքում աշխատում եմ ազատվել նման մարդկանց հետ շփում ունենաու պարտադրվածությունից: Ու վաղ թե ուշ ազատվում եմ:

Tig
02.10.2011, 10:42
Հիանալի էր: :clap Անչափ հետաքրքիր հարցազրույց. գրագետ հարցեր, բովանդակալից պատասխաններ: Նույնիսկ :o MWMS-ը կար մեջը: :P Աստերոիդաչափ շնորհակալություն երկուսիդ էլ: :ok

Մի առաջարկություն անեմ, էլի, առիթից օգտվելով: Միգուցե, նման հարցազրույցներն անցկացվեն միանգամից ամուսնական զույգի՞ հետ: Շատ հետաքրքիր կլինի լսել նաև Հասմիկին: Մտածեք, ժողովուրդ ջան, հետո կարող ենք առաջարկությունը տանել համապատասխան բաժին:

Տիգ և Հասմիկ ջաներ, պրծավ, հաջորդ հանդիպմանը, որտեղ դուք ու ես ներկա լինենք, իրար մոտ ենք նստելու, խոսենք: :oy Ես ձեզ ձեռքից բաց չեմ թողնելու: ;) Սաղ MWMS-ն ա մեղավոր. առգրավում ա ինձ (ես էլ իրան) ու չի թողնում ուրիշ հետաքրքիր մարդկանց հետ էլ շփվել: :beee

Շնորհակալ եմ Արս ջան: Ինկատի կունենանք ու հաջորդ անգամ հանդիպման ժամանակ անպայման քո մոտ կնստենք: Ու կաշխատենք Հովոյից հեռու լինել :))

Իսկ զույգերով պատասխանելու հարցը... Չգիտեմ, եթե ադմինիստրացիան թույլ տա, Հասմիկը պատրաստ է հենց այս թեմայում պատասխանել ձեզ հետաքրքրող հարցերին :)

Tig
02.10.2011, 11:03
Ապրի Way-ը, որ նախաձեռնեց Տիգի հետ հարցազրույցը: Հետաքրքիր ա ստացվել:
Տիգ ջան, կարդում եմ պատասխաններդ ու զգում, որ առավելագույնս անկեղծ ես եղել: Դե էտ բնական ա, քանի որ անկեղծությունն էլ ա քո բնավորության հիմնական գծերից: Ով քո հետ շփվել ա համոզված կարա ասի, որ դու նաև շատ հավասարակշռված մարդ ես: Իսկ հարցս, որ ուզում եմ ուղղեմ քեզ, հավասարակշռվածության հակադիր կողմերից մեկին ա վերաբերվում` արկածախնդրությանը:
Ինչքանո՞վ ես արկածախնդիր: Ի՞նչ դեպք կարաս հիշես ու մեզ պատմես էտ հատկանիշի հետ կապված ու պարտադիր չի, որ դա եղած լինի վերջին շրջանում, թեկուզ մանկությունից:


Մարտուն ջան, ես էդքան էլ արկածախնդիր չեմ: Մանր մունր փոքրիկ դեպքեր եղել են, բայց տենց մեծ տպավորիչ հիշարժան դեպք չեմ հիշում:



Մի հարց էլ: Քո կողմից եղե՞լ ա ինչ-որ արարք, որը անելոււ համար գլխիցդ բարձր ես թռել, այսինքն վեր ես կանգնել սեփական վախերից ու նմանատիպ բաներից ուզածիդ հասնելու համար կամ արել ես առավելը քան առաջին հայացքից հնարավորություններդ էին թույլ տալիս…

Մի խոսքով՝ ինձ հետաքրքիր ա քո առաջին հայացքից չերևացող կողմերը ;)

Օրինակ հենց "Պարենք Հայերեն" նախաձեռնությունը կյանքի կոչելը: Նախ սկզբում չէի պատկերացնում ինչ, ոնց, ու երբ պիտի լինի: Լուրջ եմ ասում առաջին իսկ պահից մտածում էի, որ տակից դուրս չենք գա: Մտածում էի, ով պիտի վարի միջոցառումները, ոնց պիտի կազմակերպվի, որտեղից տեխնիկա պիտի ճարվի, տրանսպորտի հարցը ոնց պիտի լուծվի: Բայց ամեն ինչ ստացվեց ու 3 ամիս անց հաստատ կարող եմ ասել, որ նախաձեռնությունը կայացավ ու իմ սպասվածից ավելին ստացվեց: Ու առիթից օգտվելով շնորհակալություն եմ հայտնում նախ (էլի չեմ կարող չհիշել MWMS-ին) Հովոյին: Կազմակերպչական բոլոր հարցերով զբաղվելու համար: Նախաձեռնության բոլոր անդամներին գաղափարի շուրջ համախմբվելու ու իրենց միջոցներով ամեն ինչ անելու համար, որ այն կայանա: Եվ իհարկե Կարին խմբին ու Գինոսյանին, թե այս ամենի հիմքը դնելու համար, թե մեզ այս ամենի կրողը դարձնելու համար: Հա քիչ մնաց ԿԳԴ-ին մոռանաի: Մեր նախաձեռնության հրաշք լոգոյի հեղինակին նույնպես մեծ շնարհակալություն: Մի մարդ էլ կա, որին շնորհակալություն եմ հայտնում: նա եթե սա կարդա հաստատ կիմանա, որ իրեն եմ հայտնում... ;) Լավ կանգ առնեմ, թե չէ էս շնորհակալությունների շարքը մեծանում է ու մինչև իրիկուն չեմ վերջացնի :)

Tig
02.10.2011, 11:06
Տիգ ջան, ես ու Լուսն իրար հետ կարդացինք, ափսոս, չեմ կարողանում դեռևս "շնորհակալություն" սեղմել:)
Շատ ուրախ եմ, որ ճանաչում եմ քեզ ու Հասմիկիս:love:flowerԱստված ձեզ երկար կյանք տա :)

Ի՞նչ կլինի ես իմ հարցը Հասմիկին տամ կամ հենց քեզ Տիգ ջան
Ինքն ակումբում ինչի՞ չի երևո՜ւմ:aaa

Ապրես Ռուզան ջան::)
Էսա ես վերջացնեմ, Հասմիկը կպատասխանի քո հարցերին:

Tig
02.10.2011, 11:10
1. Տիգ, դու խի՞ ես էդքան համեստ ու լավը....


Հով ջան, անկեղծ եմ ասում չգիտեմ...:8



2. Չե՞ս հոգնում բարի լինելուց...


Ինչպես ասում էր մեծն... չեմ հիշում ով... "բարի լինելը հեշտ է, արդար լինելն է դժվար"...
Չգիտեմ Հով, հլը որ չեմ հոգնել...



3. էս էլ հետո կասեմ.....

Էս էլ հետո կպատասխանեմ...

melancholia
02.10.2011, 12:21
Հարգելի Տիգ, քեզ անձամբ չեմ ճանաչում,( ներիր, որ խոսքս դու-ով սկսեցի,) բայց հետևում եմ ակումբի անցուդարձին: Անչափ հետաքրքիր էր հարցազրույցդ ու անկեղծ: մի հարց էլ ես ուղղեմ, եթե իհարկե դեմ չես: Ինչն ես համարում քո կյանքի նպատակը, ու ինչի ես պատրաստ հանուն քո գաղափարի..... նախապես շնորհակալություն:)

Tig
02.10.2011, 12:58
Հարգելի Տիգ, քեզ անձամբ չեմ ճանաչում,( ներիր, որ խոսքս դու-ով սկսեցի,) բայց հետևում եմ ակումբի անցուդարձին: Անչափ հետաքրքիր էր հարցազրույցդ ու անկեղծ: մի հարց էլ ես ուղղեմ, եթե իհարկե դեմ չես: Ինչն ես համարում քո կյանքի նպատակը, ու ինչի ես պատրաստ հանուն քո գաղափարի..... նախապես շնորհակալություն:)

Շատ էլ լավ արեցիր, որ դու-ով սկսեցիր:
Որպես կյանքի մեծ նպատակ... ուղակի մարդ մնալ, իսկ հանուն դրա ուղակի ապրել :)

rainbow
02.10.2011, 14:33
Տիգ ջան, ես ու Լուսն իրար հետ կարդացինք, ափսոս, չեմ կարողանում դեռևս "շնորհակալություն" սեղմել:)
Շատ ուրախ եմ, որ ճանաչում եմ քեզ ու Հասմիկիս:love:flowerԱստված ձեզ երկար կյանք տա :)

Ի՞նչ կլինի ես իմ հարցը Հասմիկին տամ կամ հենց քեզ Տիգ ջան
Ինքն ակումբում ինչի՞ չի երևո՜ւմ:aaa

Շնորհակալ եմ Ռուզան ջան, դու իմ ամենասիրելի աշակերտուհիներից ես եղել :love սիրով պատասխանեմ հարցիդ;) Ակումբում գրանցվելու պահից ես շատ մեծ ակտիվություն երբեք չեմ ցուցաբերել, ես միշտ ընթերցողի դերում եմ եղել, բայց այս ամենի անմիջական հաղորդակիցն եմ ու մասանակիցը, պարզապես ես ավելի շատ առերես շփման սիրահար եմ, մի տեսակ դժվար է սմայլիկի միջոցով արտահայտել իմ զգացածն ու իմ էներգիայով կիսվել:) ;)

Mark Pauler
02.10.2011, 19:03
Էլի հարցեր են մտքովս անցել... ;)
Տիգ, քաղաքականությանը ինչպե՞ս ես վերաբերվում հիմա:
Ի՞նչը կարա պատճառ դառնա, որ դու որոշես ակտիվորեն քաղաքականությամբ զբաղվել:
Պատասխանդ մոտավորապես պատկերացնում եմ, բայց չգիտեմ, որ եթե այնուամենայնիվ դու որոշես դա անել Հասմիկը ինչպես կվերաբերվի դրան:
Կարծում եմ, որ ճիշտ կլինի վերջին հարցին հենց Հասմիկը պատասխանի: Հաս ջան, խնդրում եմ, մենակ ծեծված արտահայտությամբ չպատասխանես, օրինակ էսպես. "Ես ցանկացած հարցում իմ ամուսնուն նեցուկ կլինեմ" :))

rainbow
02.10.2011, 19:23
Էլի հարցեր են մտքովս անցել... ;)
Տիգ, քաղաքականությանը ինչպե՞ս ես վերաբերվում հիմա:
Ի՞նչը կարա պատճառ դառնա, որ դու որոշես ակտիվորեն քաղաքականությամբ զբաղվել:
Պատասխանդ մոտավորապես պատկերացնում եմ, բայց չգիտեմ, որ եթե այնուամենայնիվ դու որոշես դա անել Հասմիկը ինչպես կվերաբերվի դրան:
Կարծում եմ, որ ճիշտ կլինի վերջին հարցին հենց Հասմիկը պատասխանի: Հաս ջան, խնդրում եմ, մենակ ծեծված արտահայտությամբ չպատասխանես, օրինակ էսպես. "Ես ցանկացած հարցում իմ ամուսնուն նեցուկ կլինեմ" :))


Շատ լավ կլիներ , որ երբեք քաղաքականությամբ չզբաղվեր. նա չափազանց ազնիվ է դրա համար: Բայց եթե որոշի քաղաքականությամբ զբաղվել................. "կծյոռկեմ":love:D

Mark Pauler
02.10.2011, 19:29
Շատ լավ կլիներ , որ երբեք քաղաքականությամբ չզբաղվեր. նա չափազանց ազնիվ է դրա համար: Բայց եթե որոշի քաղաքականությամբ զբաղվել................. "կծյոռկեմ":love:D

Հաս ջան, դու դեմք ես: Քո պատասխանից հետո Տիգի պատասխանի մասը ավելի հետաքրքիր կդառնա:
Դե Տիգ ջան, անկեղծացի :D

Freeman
02.10.2011, 19:45
Բայց եթե որոշի քաղաքականությամբ զբաղվել................. "կծյոռկեմ":love:D
Ապրես, ճիշտ էլ կանես, համ էլ հեչ ծեծված արտահայտություն չէր :)
Փաստորեն Տիգն ստիպված ա ազնիվ լինի:))

Tig
02.10.2011, 19:46
Էլի հարցեր են մտքովս անցել... ;)


Էդ ինչե?ր ա մտքովդ անցնում, հը?::angry Չես էլ ամաչում::B



Տիգ, քաղաքականությանը ինչպե՞ս ես վերաբերվում հիմա:


Քաղաքականությանը վերաբերվում եմ զուտ հետաքրքրության տեսանկյունից և կարևորություն եմ տալիս զուտ ժողովրդին օգտակար լինելու առումով:



Ի՞նչը կարա պատճառ դառնա, որ դու որոշես ակտիվորեն քաղաքականությամբ զբաղվել:


Ոչ մի բանն էլ պատճառ չի կարող դառնալ: Ես հիմա ինձ լավ եմ ճանաչում, ու հաստատ էն գործի մեջ քիթս չեմ խցկի, որից որ գիտեմ գլուխ չեմ հանելու: Մանավանդ որ գիտեմ քիթս տրորվելու դեպաքում չեմ կարող նման պատասխան տալ:

հ.գ. հանկարծ չմտածես Հասմիկից վախեցա :))

Դեկադա
02.10.2011, 19:56
Էդ ինչե?ր ա մտքովդ անցնում, հը?::angry Չես էլ ամաչում::B



Քաղաքականությանը վերաբերվում եմ զուտ հետաքրքրության տեսանկյունից և կարևորություն եմ տալիս զուտ ժողովրդին օգտակար լինելու առումով:



Ոչ մի բանն էլ պատճառ չի կարող դառնալ: Ես հիմա ինձ լավ եմ ճանաչում, ու հաստատ էն գործի մեջ քիթս չեմ խցկի, որից որ գիտեմ գլուխ չեմ հանելու: Մանավանդ որ գիտեմ քիթս տրորվելու դեպաքում չեմ կարող նման պատասխան տալ:

հ.գ. հանկարծ չմտածես Հասմիկից վախեցա :))

Հասմիկից չէ ծյոռկվելուց::)
Տիգ. ամենից դժվարը ո՞րն է խիղճը հանգիստ ապրել թե՞ խղճի առաջ մաքուր մնալ: Ընդհանրապես նշածներիցս ո՞րն է ավելի կարևոր ըստ քեզ, քո համար:

Mark Pauler
02.10.2011, 19:58
... հ.գ. հանկարծ չմտածես Հասմիկից վախեցա :))

Ժամանակակից հայկական ասացվածքն ասում ա` "Ով իրա կնոջից չի վախենում, ուրեմն ղզիկ ա" :D

Տիգ, մեր սերունդը բարդ անցումային շրջանում ա ապրում, որտեղ մտածելակերպերի ծայրահեղություններ կան:
Դու քեզ ավելի շատ ավանդապաշտ ես համարում, թե ժամանակակից ազատական??? Այսինքն էտ երկու ծայրահեղություններից որին ես քեզ ավելի մոտ զգում???

Tig
02.10.2011, 20:05
Հասմիկից չէ ծյոռկվելուց::)


Հաաա, էդ "ծյոռկի" անունը, որ լսում եմ ոտքերս թուլանումա...:8



Տիգ. ամենից դժվարը ո՞րն է խիղճը հանգիստ ապրել թե՞ խղճի առաջ մաքուր մնալ: Ընդհանրապես նշածներիցս ո՞րն է ավելի կարևոր ըստ քեզ, քո համար:

Գայանե ջան, ճիշտն ասած լավ չհասկացա, թե ի?նչ ինկատի ունես խիղճը հանգիստ ապրել ասելով....
Իսկ խղճի առաջ մաքուր մնալը բնականաբար շատ կորևոր է իմ համար:

Դեկադա
02.10.2011, 20:09
Հաաա, էդ "ծյոռկի" անունը, որ լսում եմ ոտքերս թուլանումա...:8



Գայանե ջան, ճիշտն ասած լավ չհասկացա, թե ի?նչ ինկատի ունես խիղճը հանգիստ ապրել ասելով....
Իսկ խղճի առաջ մաքուր մնալը բնականաբար շատ կորևոր է իմ համար:

Տիգ ջան պատասխանը արդեն բավական էր մյուսին չպատասխանելու համար::)

Tig
02.10.2011, 20:10
Ժամանակակից հայկական ասացվածքն ասում ա` "Ով իրա կնոջից չի վախենում, ուրեմն ղզիկ ա" :D


Իիիի, ես ղզիկ չեմ....:angry:hands



Տիգ, մեր սերունդը բարդ անցումային շրջանում ա ապրում, որտեղ մտածելակերպերի ծայրահեղություններ կան:
Դու քեզ ավելի շատ ավանդապաշտ ես համարում, թե ժամանակակից ազատական??? Այսինքն էտ երկու ծայրահեղություններից որին ես քեզ ավելի մոտ զգում???

Ժամանակակից ազատական չեմ հաստատ, բայց ավանդապաշտ էլ չեմ էլի հաստատ: Չեմ կարող ասել որն եմ ավելի մոտ համարում...:think Նայած որ հարցում:

Freeman
02.10.2011, 20:15
Ժամանակակից հայկական ասացվածքն ասում ա` "Ով իրա կնոջից չի վախենում, ուրեմն ղզիկ ա" :D


Էդ կարելի ա փոխել «Ով իր կնոջից չի վախենում, ուրեմն ծյոռկա չի գնել »:))
Ի դեպ հարցազրույցից քո մասին ահագին բաներ իմացա, փաստորեն ակումբում էնքան էլ լավ չէի հետևել, մասնավորապես պարերի մասին չգիտե :oy

Mark Pauler
02.10.2011, 20:26
Իիիի, ես ղզիկ չեմ....:angry:hands

Ժամանակակից ազատական չեմ հաստատ, բայց ավանդապաշտ էլ չեմ էլի հաստատ: Չեմ կարող ասել որն եմ ավելի մոտ համարում...:think Նայած որ հարցում:

Հաս ջան, քանի որ Տիգը պատասխանից խուսափեց, դու էս հարցին կպատասխանես???
Քո կարծիքով Տիգը էս 2 ծայրահեղությունների մեջ որին ա ավելի մոտ???
Համ էլ ասա իմանանք, ձեր երկուսից, ով ա ավելի խանդոտ: :))

Ժողովուրդ, ով ուզում ա Տիգի լավ թաքցրած մութ կողմերը բացահայտի Ակումբի առաջ, թող Հասմիկին հարցնի Տիգի մասին: :D:D:D

Tig
02.10.2011, 22:03
Հաս ջան, քանի որ Տիգը պատասխանից խուսափեց, դու էս հարցին կպատասխանես???
Քո կարծիքով Տիգը էս 2 ծայրահեղությունների մեջ որին ա ավելի մոտ???
Համ էլ ասա իմանանք, ձեր երկուսից, ով ա ավելի խանդոտ: :))

Ժողովուրդ, ով ուզում ա Տիգի լավ թաքցրած մութ կողմերը բացահայտի Ակումբի առաջ, թող Հասմիկին հարցնի Տիգի մասին: :D:D:D

Ես մութ կողմ չունեմ:P

rainbow
02.10.2011, 22:26
Հաս ջան, քանի որ Տիգը պատասխանից խուսափեց, դու էս հարցին կպատասխանես???
Քո կարծիքով Տիգը էս 2 ծայրահեղությունների մեջ որին ա ավելի մոտ???
Համ էլ ասա իմանանք, ձեր երկուսից, ով ա ավելի խանդոտ: :))

Ժողովուրդ, ով ուզում ա Տիգի լավ թաքցրած մութ կողմերը բացահայտի Ակումբի առաջ, թող Հասմիկին հարցնի Տիգի մասին: :D:D:D

Մարկ ջան հաստատ ավանդապաշտ չի, եդ ամենակարևորնա, բայց իսկապես չափից ավել ազատական էլ չի, կարևորը ծայրահեղական չի:hands Մութ կողմեր 3 տարվա մեջ չեմ հայտնաբերել, խանդել - մանդել չունի, ես էլ չունեմ:oyխափում եմ , մեկ մեկ ունեմ:love

Գեա
02.10.2011, 23:04
Տիգ, Հասմիկ ջաաան:love, երանի ձեր նման ամուսնական զույգերը շատ լինեն,պարզ երևում է, որ Ձեր համատեղ կյանքը հարմոնիկ է, իրար սիրում , հարգում եք, իրարով եք ապրում(հանկարծ չմտածեք, թե սիլիբիլի եմ անում :), լրիվ սրտանց եմ ասում).կիսվեք, թե ինչպես կարելի է գտնել իսկական կեսին, ու ինչպես անել , որ համատեղ կյանքում փոխադարձ սերն ու հարգանքը չպակասի , այլ ամուր ու պինդ սոսնձի նման միշտ կողք կողքի պահի:Մի խոսքով , ինչում է ձեր ընտանեկան համահունչ կյանքի գաղտնիքը:

E-la Via
02.10.2011, 23:10
Տիգ, Հասմիկ ջաաան:love, երանի ձեր նման ամուսնական զույգերը շատ լինեն,պարզ երևում է, որ Ձեր համատեղ կյանքը հարմոնիկ է, իրար սիրում , հարգում եք, իրարով եք ապրում(հանկարծ չմտածեք, թե սիլիբիլի եմ անում :), լրիվ սրտանց եմ ասում).կիսվեք, թե ինչպես կարելի է գտնել իսկական կեսին, ու ինչպես անել , որ համատեղ կյանքում փոխադարձ սերն ու հարգանքը չպակասի , այլ ամուր ու պինդ սոսնձի նման միշտ կողք կողքի պահի:Մի խոսքով , ինչում է ձեր ընտանեկան համահունչ կյանքի գաղտնիքը:

Այ քեզ բան, ես էլ եկել էի, որ էս հարցը տայի :):

Հաս ջան, էն ծյոռկելը կարդալուցս հետո ծիծաղում եմ, ժպտում, ծիծաղում, ժպտում.....
Լավն ես էլի :kiss:

rainbow
02.10.2011, 23:23
Տիգ, Հասմիկ ջաաան:love, երանի ձեր նման ամուսնական զույգերը շատ լինեն,պարզ երևում է, որ Ձեր համատեղ կյանքը հարմոնիկ է, իրար սիրում , հարգում եք, իրարով եք ապրում(հանկարծ չմտածեք, թե սիլիբիլի եմ անում :), լրիվ սրտանց եմ ասում).կիսվեք, թե ինչպես կարելի է գտնել իսկական կեսին, ու ինչպես անել , որ համատեղ կյանքում փոխադարձ սերն ու հարգանքը չպակասի , այլ ամուր ու պինդ սոսնձի նման միշտ կողք կողքի պահի:Մի խոսքով , ինչում է ձեր ընտանեկան համահունչ կյանքի գաղտնիքը:

:love Հա շատ ներդաշնակ զույգ դուրս եկավ մեզնից, դա նրանից է, որ մենք չափազանց նման ենք իրար ,եվ հետո երկուսս էլ սիրում ենք երջանիկ լինել ու երբեք գույները ավելորդ տեղը չենք խտացնում:Գաղտնիքը դա է;)

Tig
02.10.2011, 23:31
Տիգ, Հասմիկ ջաաան:love, երանի ձեր նման ամուսնական զույգերը շատ լինեն,պարզ երևում է, որ Ձեր համատեղ կյանքը հարմոնիկ է, իրար սիրում , հարգում եք, իրարով եք ապրում(հանկարծ չմտածեք, թե սիլիբիլի եմ անում :), լրիվ սրտանց եմ ասում).կիսվեք, թե ինչպես կարելի է գտնել իսկական կեսին, ու ինչպես անել , որ համատեղ կյանքում փոխադարձ սերն ու հարգանքը չպակասի , այլ ամուր ու պինդ սոսնձի նման միշտ կողք կողքի պահի:Մի խոսքով , ինչում է ձեր ընտանեկան համահունչ կյանքի գաղտնիքը:

Խաբումա Ծով ջան, չհավատաս: Սաղ սուտ ա: Բախտի բան ա: Իմ բախտը ուղակի բերել ա...:love
;)

rainbow
02.10.2011, 23:35
Այ քեզ բան, ես էլ եկել էի, որ էս հարցը տայի :):

Հաս ջան, էն ծյոռկելը կարդալուցս հետո ծիծաղում եմ, ժպտում, ծիծաղում, ժպտում.....
Լավն ես էլի :kiss:

:love դու էլ

Գեա
02.10.2011, 23:39
Խաբումա Ծով ջան, չհավատաս: Սաղ սուտ ա: Բախտի բան ա: Իմ բախտը ուղակի բերել ա...:love
;)
ինչպես տեսնում եմ , քո բախտը ոչ թե ուղղակի այլ կոնկրետ է բերել:love, բա Հասմիկինը ոնց է բերե~լ:love, հը Հաս, ինչ կասես?, հիմա ծիածանի գույների մեջ է գաղտնիքը , թե ամեն ինչ բախտի ձեռքին ա???:)

rainbow
02.10.2011, 23:44
ինչպես տեսնում եմ , քո բախտը ոչ թե ուղղակի այլ կոնկրետ է բերել:love, բա Հասմիկինը ոնց է բերե~լ:love, հը Հաս, ինչ կասես?, հիմա ծիածանի գույների մեջ է գաղտնիքը , թե ամեն ինչ բախտի ձեռքին ա???:)

Բախտս բերել է , շատ է բերել, բայց կարծում եմ եդ բախտը մեր ձեռքում է:love

Tig
02.10.2011, 23:49
Բախտս բերել է , շատ է բերել, բայց կարծում եմ եդ բախտը մեր ձեռքում է:love

Ճիշտ ա կյանքիկս, բախտը բերելը մի բան ա, այդ բախտը ձեռքերում պահելը մի բան :kiss

Claudia Mori
03.10.2011, 10:46
Մի խոսքով լիքը ծիածանագույն վարկանիշ երկուսիդ էլ :flower

Դեկադա
04.10.2011, 19:34
Տիգրան և Հասմիկ հարցը եկուսիդ էլ վերաբերվում է: Ակումբում կա թեմա « Ով եմ ես»: Կպատասխանե՞ք հարցին: Եվ « Ով եմ ես»-ը ակնհայտ ձևափոխությունների ենթարկվո՞ւմ է կողակցի «ազդեցության» տակ::)

Tig
04.10.2011, 21:00
Տիգրան և Հասմիկ հարցը եկուսիդ էլ վերաբերվում է: Ակումբում կա թեմա « Ով եմ ես»: Կպատասխանե՞ք հարցին: Եվ « Ով եմ ես»-ը ակնհայտ ձևափոխությունների ենթարկվո՞ւմ է կողակցի «ազդեցության» տակ::)

Գայանե ջան ավելի բարդ հարց չկա?ր...:think

Ես մարդ եմ, որը ժամանակին լիքը հարցեր ուներ, որոնց պատասխանների բացակայությունը ճնշում էր նրան: Բայց որը համարյա հասավ նրան, որ այդ հարցերը իրենք տվեցին իրենց պատասխանները: Եվ դրանից հետո ես ուղակի ապրում եմ: Ապրում եմ իմ բարոյահոգեբանական կերտվածքին համապատասխան: Ձգտում առավել պարզեցնել ինքս ինձ և դրանով իսկ աշխարհը: Մարդ եմ, որը չնայած նրան, որ ժամանակին ուներ կոսմապոլիտական ձգտումներ, բայց այսօր այս պահին ազգային ինքնագիտակցություն է դրսևորում և ուզում է, որ իր տեսակը գերակշռի իր ազգի մեջ, իսկ իր ազգն էլ ունենա իր ուրույն ու գեղեցիկ տեղը աշխարհի հրաշալի ու գեղեցիկ բոլոր ազգությունների շարքում: Այս պահին ես հասել եմ այն մտքին, որ կոսմապալիտեն հասկացությունը տանում է դեպի լճացման և այն ուտապիստական գաղափար է: Չի կարող համաշխարհային միատոնություն գոյություն ունենալ: Եվ աշխարհը հենց այս բազմազանության շնորհիվ է, որ այսքան գեղեցիկ է, բարի, հետաքրքիր ու դաժան:
Ինչ վերաբերվում է կողմնակի ազդեցություններին, ապա կարծում եմ այդ ազդեցությունները իրապես ակնհայտ կարող են լինել միայն այն դեպքում, եթե Եսի մեջ լինեն դրան տրվելու հիմքեր: Այսինքն` օրինակ, եթե մարդու մեջ չկա ծխել հասկացությունը, ինչքան ուզում է կողմնակի ազդեցություն լինի, նա եթե փորձի էլ, զուտ հետաքրքրության համար, ապա միևնույն է մոլի ծխող չի դառնա: Իսկ եթե մարդու մեջ կա դրա նկատմամբ իծնե հակում, ապա մի չնչին պատրվակն էլ հերիք կլինի ամբողջությամբ դրան տրվելու համար:
Չգիտեմ որքանով հասկանալի եղա, բայց...

rainbow
04.10.2011, 21:27
Տիգրան և Հասմիկ հարցը եկուսիդ էլ վերաբերվում է: Ակումբում կա թեմա « Ով եմ ես»: Կպատասխանե՞ք հարցին: Եվ « Ով եմ ես»-ը ակնհայտ ձևափոխությունների ենթարկվո՞ւմ է կողակցի «ազդեցության» տակ::)

:) Գայ ջան , պիտի անկեղծ լինեմ` ես ինքնաճանաչման բավականին բարդ ճանապարհ եմ անցել, բայց իմ բոլոր հարցերը իրենց լուծումը ստացան, երբ առաջին անգամ նայեցի Տիգրանի աչքերին: Ես մի հասարակ, բազմաթիվ երազանքներով լի, երկինքներում սավառնող փխրուն բնավորությամբ ու շատ ամաչկոտ աղջիկ էի, Իսկ Տիգրանի կողքին արդեն հատուկ, բազմաթիվ նպատակներ ունեցող , հողի վրա ամուր կանգնած, հաստատուն բնավորությամբ , համարձակ կին եմ: Նա ինձ եվ' վահան դարձավ , եվ' սուր դրեց ձեռքիս, ու հիմա ես այն եմ ինչպիսին դուք ինձ տեսնում եք:love

erexa
05.10.2011, 02:09
Վա՜յ ի՞նչ հավես հարցեր ու պատասխաններ եք գրել: Վատ չէր լինի rainbowի հարցազրույցն էլ կարդաինք: :oy Անկեղծ ասած ես Տիգին պատկերացնում էի լուրջ ձյաձյայի, բայց փաստորեն լավ էլ հումորով ձյաձյա է: :D

Ես մի երկու անձնական հարց ունեմ Տիգին ուղղված, բայց եթե rainbowն ցանկանում է, թող ինքն էլ պատասխանի: :)

Հարց 1. Տիգ, քո մեջ, քո ո՞ր բնավորության գիծը կամ գծերն ես ամենաշատը սիրում և քո ո՞ր բնավորության գիծը կամ գծերը, կցանկանայիր տեսնել շատերի մեջ, բայց չես տեսնում:

Հարց 2. Քո ո՞ր բնավորության գծով կամ գծերով ես քեզ համարում յուրահատուկ անձ: :)

Tig
05.10.2011, 09:38
Վա՜յ ի՞նչ հավես հարցեր ու պատասխաններ եք գրել: Վատ չէր լինի rainbowի հարցազրույցն էլ կարդաինք: :oy Անկեղծ ասած ես Տիգին պատկերացնում էի լուրջ ձյաձյայի, բայց փաստորեն լավ էլ հումորով ձյաձյա է: :D


Էհե... ձյաձյա էլ դառանք... :(
Այ երեխա ջան ինձնից ի՞նչ ձյաձյա: Ինձ սկի եղբորս երեխեքը հոպար չեն ասում ;)



Հարց 1. Տիգ, քո մեջ, քո ո՞ր բնավորության գիծը կամ գծերն ես ամենաշատը սիրում և քո ո՞ր բնավորության գիծը կամ գծերը, կցանկանայիր տեսնել շատերի մեջ, բայց չես տեսնում:


Ամեն ինչի մեջ լավը գտնելու ցանկությունը...

հ.գ. Նենց էլ լուրջ լուրջ հարցեր ես տալիս: Ինձ էլ ասում ես լուրջ ձյաձյա...:8



Հարց 2. Քո ո՞ր բնավորության գծով կամ գծերով ես քեզ համարում յուրահատուկ անձ: :)

Ես ինձ յուրահատուկ չեմ համարում ;)

rainbow
05.10.2011, 09:58
Վա՜յ ի՞նչ հավես հարցեր ու պատասխաններ եք գրել: Վատ չէր լինի rainbowի հարցազրույցն էլ կարդաինք: :oy Անկեղծ ասած ես Տիգին պատկերացնում էի լուրջ ձյաձյայի, բայց փաստորեն լավ էլ հումորով ձյաձյա է: :D

Ես մի երկու անձնական հարց ունեմ Տիգին ուղղված, բայց եթե rainbowն ցանկանում է, թող ինքն էլ պատասխանի: :)

Հարց 1. Տիգ, քո մեջ, քո ո՞ր բնավորության գիծը կամ գծերն ես ամենաշատը սիրում և քո ո՞ր բնավորության գիծը կամ գծերը, կցանկանայիր տեսնել շատերի մեջ, բայց չես տեսնում:

Հարց 2. Քո ո՞ր բնավորության գծով կամ գծերով ես քեզ համարում յուրահատուկ անձ: :)

:) Իրականում Տիգրանը շատ մեծ հումորի տեր անձնավորությունա, ձյաձյա չի ընդհանրապես, շատ հիանալի, քաղցր բնավորություն ունի:Մի խոսքով իդեալական տղամարդա առանց որևէ ավելորդ չափազանցության:Բարի եվ կամեցող է , այ դա է պակասում շատ շատերի մեջ ,եվ ամենակարեվորը Տիգրանը անտարբեր մարդ չի, ես դա ամենաշատն եմ նրա մեջ սիրում .կուզենայի , որ այդ հատկանիշը մեզ բոլորիս էլ հատուկ լինիեր, եթե դադարենք անտարբեր լինել վատ երևույթների նկատմամբ`շատ բան կփոխվի:)մի խոսքով արժե ճանաչել Տիգրանին;)

Tig
05.10.2011, 10:07
:) Իրականում Տիգրանը շատ մեծ հումորի տեր անձնավորությունա, ձյաձյա չի ընդհանրապես, շատ հիանալի, քաղցր բնավորություն ունի:Մի խոսքով իդեալական տղամարդա առանց որևէ ավելորդ չափազանցության:Բարի եվ կամեցող է , այ դա է պակասում շատ շատերի մեջ ,եվ ամենակարեվորը Տիգրանը անտարբեր մարդ չի, ես դա ամենաշատն եմ նրա մեջ սիրում .կուզենայի , որ այդ հատկանիշը մեզ բոլորիս էլ հատուկ լինիեր, եթե դադարենք անտարբեր լինել վատ երևույթների նկատմամբ`շատ բան կփոխվի:)մի խոսքով արժե ճանաչել Տիգրանին;)

Հաս, բայց դու քո մասին պիտի պատասխանեիր :)

rainbow
05.10.2011, 10:37
Հաս, բայց դու քո մասին պիտի պատասխանեիր :)

Պատասխանեմ:oy Ես ենքան լի եմ կյանքով ու ենքան լավատես եմ , ես նեղվել , տխրել , հուսալքվել չունեմ, , դա շատ կարևորա, երեվի ես դրանով էլ հենց յուրահատում եմ , տենց չի?:B

Tig
05.10.2011, 10:40
Պատասխանեմ:oy Ես ենքան լի եմ կյանքով ու ենքան լավատես եմ , ես նեղվել , տխրել , հուսալքվել չունեմ, , դա շատ կարևորա, երեվի ես դրանով էլ հենց յուրահատում եմ , տենց չի?:B

Տենց ա :kiss:love

հ.գ. մենակ թե ակնոցներդ հանի:B:D

E-la Via
05.10.2011, 11:48
Պատասխանեմ:oy Ես ենքան լի եմ կյանքով ու ենքան լավատես եմ , ես նեղվել , տխրել , հուսալքվել չունեմ, , դա շատ կարևորա, երեվի ես դրանով էլ հենց յուրահատում եմ , տենց չի?:B


Տենց ա :kiss:love

հ.գ. մենակ թե ակնոցներդ հանի:B:D

Տիգ ջան, քանի դեռ դու Հասոյի կողքին ես, ինքը հանգիստ կարա էդ "ակնոցները" չհանի :):
Հաս, ոչ մի դեպքում չհանես դրանք, դու իրան մի լսի ;): Ճիշտ ասեցիր, էդ "ակնոցների" մեջ ա քո յուրաատկությունը:

rainbow
05.10.2011, 12:57
Տիգ ջան, քանի դեռ դու Հասոյի կողքին ես, ինքը հանգիստ կարա էդ "ակնոցները" չհանի :):
Հաս, ոչ մի դեպքում չհանես դրանք, դու իրան մի լսի ;): Ճիշտ ասեցիր, էդ "ակնոցների" մեջ ա քո յուրաատկությունը:

:love Ոնց կասես

My World My Space
16.10.2011, 17:18
պատասխաններ կային, որ չեմ կարդացել.... :oy գիտե՛մ, թե ինչ էիր գրել.... ;)
չգիտեմ ում համար ոնց, բայց էս հարցազրույցը ինձ համար նոր ոչինչ չբացահայտեց....
փոխարենը հաստատեց տեսածս...

Հասոյի նայվածքը քեզ, ու իրեն ուղղված քո հայացքները զուլալ ու պարզ լեռնային լճակ է, որի հանդարտ հայելում խորաթափանց նայողը կնկատի իր բոլոր թերություններն ու... անսահման սիրով կլցվի դրանց հանդեպ....

Ուզում եմ էդ հայելին երբեք չխռովվի....:love