PDA

Դիտել ողջ տարբերակը : Հին, թե՞ նոր Հրապարակ



REAL_ist
17.05.2011, 18:38
Շուրջ երկու տարի հետո Հանրապետության հրապարակում վեր կխոյանա 50 մետր բարձրությամբ եւ շուրջ 30 մետր տրամագծով հսկա տուֆակերտ աշտարակ: Այպիսի հայտարարություն է տեղադրվել ՀՀ քաղաքաշինության նախարարության պաշտոնական կայքում 24.02.2011թ. (http://www.mud.am/htmls/topics/main_1_2/24_02_11.pdf):

Ինչ եք կարծում, չի՞ խախտվի արդյոք հրապարակի 4 համանման շենքերի համերաշխությունը/սիմետրիան և չի՞ տուժի արդյոք հրապարակի ընդհանուր պատկերը:

Կո՞ղմ եք Հանրապետության հրապարակում նման աշտարակի կառուցմանը, թե՞ դեմ:

Claudia Mori
17.05.2011, 18:48
Էէէէ, ես մեր հրապարակը հենց ընդարձակության համար եմ սիրում, համ էլ հենց ուղիղ կենտրոնում սիրում եմ պարբերաբար կանգնել... չեն կարողանում էլի հանգիստ թողնեն Թամանյանին:(

Valentina
17.05.2011, 19:23
Էէէէ, ես մեր հրապարակը հենց ընդարձակության համար եմ սիրում, համ էլ հենց ուղիղ կենտրոնում սիրում եմ պարբերաբար կանգնել... չեն կարողանում էլի հանգիստ թողնեն Թամանյանին:(

Բայց ոնց հասկացա կենտրոնում չեն կառուցելու :think
Ժամացույցի հետևի հատվածնա ընկնում:

Rammstein
17.05.2011, 19:32
Էէէէ, ես մեր հրապարակը հենց ընդարձակության համար եմ սիրում, համ էլ հենց ուղիղ կենտրոնում սիրում եմ պարբերաբար կանգնել... չեն կարողանում էլի հանգիստ թողնեն Թամանյանին:(

Բայց հենց Թամանյանի նախագծի հիման վրա են անում: Համ էլ հրապարակի կենտրոնը էստեղ կապ չունի:

Միանշանակ կողմ եմ:

Ռուֆուս
17.05.2011, 19:37
Եսի՞մ, Հրապարակի տեսքն արդեն իսկ փչացրել են Փոստի հետևի բարձրահարկ շենքերով: Աշտարակը տեսքից վատիկը չի, եթե ֆունկցիոնալ առումով անհրաժեշտ է (որպես կառավարության նիստերի դահլիճ կամ նման մի բան), դեմ չեմ որ կառուցեն:

My World My Space
17.05.2011, 19:42
նաև չմոռանաք , որ ըստ նախագծի հետագայում քանդվելու է ազգային պատկերասրահի շենքը, որպեսզի ըստ թամանյանական նախագծի հրապարակը կապվի օպերայի հետ Հյուսիսային պողոտայով:

Կողմ եմ: բայց սխալմամբ դեմ եմ քվեարկել.... :oy

Claudia Mori
17.05.2011, 19:47
Բայց հենց Թամանյանի նախագծի հիման վրա են անում: Համ էլ հրապարակի կենտրոնը էստեղ կապ չունի:

Միանշանակ կողմ եմ:

Հղումը չեմ կարողանում բացել:( առաջին նկարները չէի մեծացրել, մյուսներից էլ այնպես էր զգացվում, թե կենտրոնում է,
Այս դեպքում նորմալ է, ինչ ուզում են թող անեն կառավարության շենքի բակում... չնայած իմ բացթողումն է, բայց կարելի էր գրել Կառավարության շենքի բակում վեր կխոյանա աշտարակ, թե չէ որ կարդում ես հրապարակում, միանգամից այլ բան ես հասկանում ;)

Chuk
17.05.2011, 19:48
Դեմ եմ, միանշանակ: Սենց սիրուն ա, հարմար ա: Իսկ Թամանյանի հետ դառնալու անունով ապականելուց արդեն հոգնել ենք: Նույն Հյուսիսային պողոտայից, որը դարձել ա Երևանի ամենասառը հատվածը, կուշտ ենք:

AniwaR
17.05.2011, 20:06
Վատիկը չի երևում: Թող սարքեն, բայց շատ չձգձգեն: Ընթացող շինարարության տեսքն ավելի գեշո ա: :Պ

REAL_ist
17.05.2011, 21:08
Թամանյանի նախագծում չկար պատկերասրահը, չկար կառավարության շենքին համահունչ արտգործնախարարության շենքը և ընդհանրապես ներկայիս ամբողջական հրապարակը Թամանյանի նախագծածը չի:

Ստացվումա գնալ Թամանյանի նախագծով ենթադրումա նաև քանդե՞լ Պատկերասրահի շենքը:

Ու ամենակարևորը, ինչու չկան հրապարակային քննարկումներ և քաղաքաշինության նախարարությունը արդեն իսկ կայացած որոշման մասին է խոսում, երբ քաղաքի բնակչության մեծ մասը անտեղյակ է նման փոփոխության նախագծից:

Chuk
17.05.2011, 21:25
Մի անգամ էլ եմ ուզում ասել, որտև երևի լավ չեմ ձևակերպել:
Թամանյանի նախագծին վերադառնալու խնդիր գոյություն չունի: Թամանյանի անունն ընդամենը շահարկվում ա, ինչպես որ շահարկվեց Հյուսիսային պողոտան կառուցելուց, որը նույն Թամանյանի նախագծի հետ բացի ուղղությունից որևէ ուրիշ առնչություն չունի: Եվ վերջապես, ինչքան էլ որ հանճարեղ էր Թամանյանը, մենք խնդիր չունենք անպայման իր «երազանքին» վերադառնալու: Այսօրվա Երևանը ամբողջությամբ հեռու է Թամանյանի երազանքից: Ու ոչ մի շինություն դրան չի մոտեցնելու: Այդ անունը տրվում է մարդկանց ապակողմնորոշելու ու լռեցնելու համար:

Ներկայիս հրապարակը իսկապես շատ սիրուն է: Գուցե այնքան սիրուն չէ, որ դասվի աշխարհի ամենագեղեցիկ հրապարակների շարքը: Բայց սիրուն է: Ոչ մի իմաստ չկա այն փոխել անպատկերացնելիով: Անգամ էսքիզները տեսնելը հերիք չի հասկանալու համար, թե ինչ է դառնալու հրապարակը: Ունենք գեղեցիկը, ունենք լավը: Ի՞նչը չի գոհացնում: Նոր աշխատասենյակներ են պետք... թող ուրիշ տեղ կառուցեն, պարտադիր չի դա անել Երևանի ամենաներկայանալի ու ամենակենտրոնական մասերում:

Ձայնալար
17.05.2011, 22:20
ԴԵՄ եմ, եքսպերիմենտների համար լիքը չոլեր կան, հրապարակը արդեն խորհրդանիշ ա՝ չի՛ կարելի փոխել: Համ էլ վախում եմ՝ լավ բան չեմ սպասում, մեկա համը կհանեն: Չեմ վստահում:

Շինարար
17.05.2011, 22:37
Սիմետրիայի խախտումը հակափաստարկ չէի ընդունի, սիմետրիան սովետից ա եկել, երբ սաղ ու ամեն ինչ ուզում էին սիմետրիկացնել, բայց չկարողացան, բայց քանի որ հեռու եմ ճարտարապետությունից, դժվարանում եմ կողմ կամ դեմ քվեարկել ու անտարբեր էլ չեմ, կուզենայի՝ ավելի տեղեկացված լինել, ավելի մանրամասն բացարտվեր ու պարզաբանվեր հանրությանը, բայց շատ ավելի կողմ եմ, որ նման աշտարակ կառուցվի ինչ-որ կառավարական շինության վրա, քան ևս մի անիմաստ դատարկությամբ լցված հսկա եկեղեցի կառուցեն:

Հ.Գ. Մոտավորապես կիսում եմ Ռուֆուսի արտահայտած «եսիմ է» կարծիքը:

Chuk
17.05.2011, 22:51
Սիմետրիայի խախտումը հակափաստարկ չէի ընդունի, սիմետրիան սովետից ա եկել, երբ սաղ ու ամեն ինչ ուզում էին սիմետրիկացնել, բայց չկարողացան, բայց քանի որ հեռու եմ ճարտարապետությունից, դժվարանում եմ կողմ կամ դեմ քվեարկել ու անտարբեր էլ չեմ, կուզենայի՝ ավելի տեղեկացված լինել, ավելի մանրամասն բացարտվեր ու պարզաբանվեր հանրությանը, բայց շատ ավելի կողմ եմ, որ նման աշտարակ կառուցվի ինչ-որ կառավարական շինության վրա, քան ևս մի անիմաստ դատարկությամբ լցված հսկա եկեղեցի կառուցեն:

Հ.Գ. Մոտավորապես կիսում եմ Ռուֆուսի արտահայտած «եսիմ է» կարծիքը:

Հսկա եկեղեցուն էլ եմ դեմ, բայց կարող ա շատ դրական լինի: Եթե լինի բաց գույնի քարերով, իրա ֆոնի վրա ունեցած փոքր եկեղեցին՝ Կաթողիկեն, շատ ավելի լավ կարտահայտվի, քան ներկայիս՝ ախմախագույն շենքերով ֆոնի վրա: Բայց էստեղ եթե-ներն ու իմ սուբյեկտիվ ընկալումը շատ-շատ են:

Հրապարակի մասին:
Ես մասնագետ չեմ: Ճարտարապետ չեմ: Ու իմ խոսքը մասնագիտական չի, ցավոք: Բայց կարող եմ ներկայացնել իմ իմացածն ու պատկերացումը:
Նախ սիմետրիան սովետից չի, որ գալիս ա:
Սիմետրիան միշտ էլ աչքին հաճելի երևույթ ա: Դա հանդիպում ա ոչ միայն ճարտարապետությունում, այլ նաև արվեստի այլ ճյուղերում, այդ թվում՝ քո մասնագիտություն գրականությունում:

Վերադառնանք մեր հրապարակ: Ու վերադառնանք թեզին, որ «վերականգնում ենք Թամանյանի երազանքը»: Ես որքան հասկանում եմ, Թամանյանը բազում նախագծեր է ունեցել այդ շինության համար: Աշատարակով գուցե «հաղթողի» հավակնողներից մեկն էր, բայց ընդամենը սևագրերից մեկը: Ի վերջո ընտրվել է, նաև իր մասնակցությամբ, ոչ աշտարակով տարբերակը: Հաղթել է, ոչ աշտարակով տարբերակը: Սարքել են սա: Հետո կողքի ողջ ամեն ինչը հարմարացրել են եղածին, պահելու համար թե՝ սիմետրիան, թե՝ գեղեցիկ տեսքը: Էսօր ո՞նց որոշեցին, որ Թամանյանի երազանքը աշտարակն է: Ես նման բան չեմ տեսել: Թամանյանն ինքն է ընտրել ներկայիս տարբերակը: Բլեֆ է մնացածը, չգիտեմ, փող լվանանալու՞, թե՞ աշխատանք անելու իմիտացիայի համար: Էսօր աշտարակ կառուցելը խախտելու է ունեցած ողջ պատկերը: Իմ համեստ կարծիքով դա անթույլատրելի ա: Արկածախնդրություն, եթե կուզեք: Արժեքների կամայական վերանայում:

Ի դեպ, ճարտարապետներից շատերը, էդ թվում անուն ու հեղինակություն ունեցող, դեմ են էս նախագծին: Սա էլ մասնագիտական տեսանկյունից:

Mephistopheles
17.05.2011, 22:52
Անգամ եթե Թամանյանի նախագծերին վերադառնալու խնդիր լիներ, ապա դա կլիներ միանշանակ սխալ… ճարտարապետությունը որքան էլ որ գեղագիտական կողմ ունենա, նամանավանդ քաղաքաշինությունը, լուծում է կոնկրետ պայմաններում առաջացած կոնկրետ խնդիրներ… Թամանյանը նախագծել է մի քաղաք որը նախատեսված է եղել մաքսիմում 200 000 բնակչության համար, իսկ այսօր մենք ունենք քաղաք որը ոչ միայն չի կառուցվել ամբողջովին նույն նախագծով այլև իր բնակչույամբ 5 անգամ գերազանցում է նախատեսվածին… քաղաքաշինական խնդիրներն այսօր բոլորովին էլ այն չեն ինչ այն ժամանակ նախատեսված քաղաքի դեպքում կլինեին և բնականաբար հին լուծումներն այսօր միայն պրոբլեմներ են առաջացնելու… այսօր մենք ունենք քաղաքաշինական բոլորովին այլ մոդուլ/ էլեմենտ, դա մեքենան է և մեքենա/հասրակական տրանսպորտ/հետիոտն հարաբերություններ որոնք պետք է համահունչ և կոմպլիմենտար լինի կանաչապատման, բնակչության քանակի (բնակելի տնաշինության) և նրա աճի, բնակելի/ինդուստրիա/առևտրական և այլ խնդիրների հետ… Հյուսիսային պողոտան արդեն հսկա ծախս էր որը ոչ մի հարց չի լուծել… իսկ թմբուկը Հրապարակն առանցքից գցելուց բացի ուրիշ ոչինչ չի անելու… մի կողմից շեշտում են պատկերասրահ/շահումյանի արձան առանցքը մյուս կողմից նոր առանցք են առաջարկում որը զարգանալու տեղ չունի… և սա զուտ կոմպոզիցիոնալ տեսանկյունից, իսկ գործնականորեն աըն ոչ մի դեր չի խաղում… չարժե այդ փողը որ պիտի ծախսեն

Rammstein
17.05.2011, 23:16
Եթե նայենք թամանյանականացման տեսանկյունից, ապա Հյուսիսային պողոտան ու այս աշտարակը համեմատելի չեն: :)
Հյուսիսային պողոտան բացի աշխարհագրական դիրքից, թամանյանական ուրիշ ոչինչ չունի, իսկ աշտարակը, համաձայն առաջին գրառման մեջի հղման, անելու են Թամանյանի էսքիզների հիման վրա, մասնավորապես` շենքի չափերը նույնն են թողնելու, ճակատները նույնպես հիմնականում ըստ Թամանյանի են անելու:

Իսկ հիմա թամանյանականացումը թողնենք մի կողմ:
Եթե ճիշտն ասեմ, հրապարակի տեսքը էականորեն չի շահելու, քանի որ մյուս կողմերից արդեն ահռելի ծավալներով այլանդակված ա (փոստի շենքի հետեւը, հյուսիսային պողոտան…): Բայց չեմ էլ կարծում, որ կտուժի:
Մարկ Գրիգորյանի պատկերասրահի շենքը ինձ հեչ դուր չի գալիս, ինքը սխալ դոմինանտ ա (կոպիտ ասած` ոնց որ էլեգանտ մեքենաների կողքին բերենք մի հատ բուլդոզեր կանգնացնենք), դրա համար ուրախ կլինեմ, եթե վերջինս իր գերակա դիրքը մի քիչ զիջի կառավարության շենքին:

Կարճ ասած` սա էն եզակի դեպքերից է, երբ նոր կառուցվող շինությունը չեմ համարում հերթական քանդելու ապրանք:

Իսկ Հրապարակն իրոք կշահեր, եթե վերականգնվեր իրական դոմինանտը` արձանը, բայց դե իհարկե ոչ լենին պապիկի տեսքով: :))

Շինարար
18.05.2011, 00:13
Հ
Ես մասնագետ չեմ: Ճարտարապետ չեմ: Ու իմ խոսքը մասնագիտական չի, ցավոք: Բայց կարող եմ ներկայացնել իմ իմացածն ու պատկերացումը:
Նախ սիմետրիան սովետից չի, որ գալիս ա:
Սիմետրիան միշտ էլ աչքին հաճելի երևույթ ա: Դա հանդիպում ա ոչ միայն ճարտարապետությունում, այլ նաև արվեստի այլ ճյուղերում, այդ թվում՝ քո մասնագիտություն գրականությունում:


Արտ ջան, բնականաբար ես ի նկատի ունեի էն համատարած սիմետրիան, որ կար սովետում՝ իր բոլոր ենթաիմաստներով, չգիտեմ՝ կոնկրետ ճարտարապետության մեջ ես ասիմետրիկություն եմ սիրում՝ իհարկե թույլ արտահայտված: Գրականության մեջ էլ թույլ արտահայտված ասիմետրիան կամ ասիմետրիկությամբ քողարկված սիմետրիան յուրահատուկ գրավչություն ա տալիս չէ՞: Բնականաբար, էլի եմ ասում, միանշանակ համաձայն եմ, որ կարիք կար ավելի մանրամասն տեղեկացնել, հրապարակային քննարկումներ կազմակերպել՝ կողմ և դեմ տեսակետներով, ես էլ ավելի լավ կհասկանայի, թե ինչ ա կատարվում: Իսկ փող լվանալու մասին, ցավոք հակաճառելու բան չունեմ, ինչ լավ կլիներ, որ էնպիսի երկրում ապրեինք, որ փող լվանալու մասին հայտարարությունները կարողանայինք որակել մերկապարանոց, բայց ցավոք...:)

Rammstein
18.05.2011, 02:30
Մի բան էլ ասեմ, ու գնամ: :P
Ամենաշատ գիտե՞ք ինձ ինչն ա բացում, որ մինչեւ հիմա քաղաքը, այդ թվում Հանրապետության հրապարակը էդքան այլանդակել են ու դեռ չեմ լսել, որ մեկնումեկը ասի, որ փոստի շենքի հետեւի նորակառույցը կամ մոտակայքի մյուս նորակառույցները մինչեւ սարքելը պետք ա հրապարակային քննարկումների դրվեին: Իսկ հենց խոսքը գնաց թամանյանական ինչ-որ բանի իրագործման մասին, որը նորակառույցների 90%-ից հազար անգամ լավ ա, մարդիկ խիստ անհանգստացան, որ հրապարակի տեսքը կփչանա, ժողովրդի կարծիքը հաշվի չի առնվի, էլի փողեր կլվացվեն եւ այլն:


Ո՜ւֆ… ավելի լավ ա պայքարենք էն սուրբ Աննա ա ինչ ա, դրա դեմ, գոնե էդ թյուրիմացությունը չիրականացնեն… չնայած արդեն սկսել են… :(

REAL_ist
18.05.2011, 09:28
1-ին կառավարության շենքն էլ են այլանդակել, հիմա ինչ քանի որ այլանդակածա, թող Հրապարակն է՞լ այլանադակվի: Հրապարակի ֆոնի շենքերն էլ պակաս հակակրանք չեն առաջացնում, բայց այս նախագծով արդեն Հրապարակի հիմնասյուներն են փոխում, ինչի հետևանքով ուղակիորեն կորցնելու ենք ներկայիս հրապարակը, որը կոնկրետ իմ համար մեր քաղաքի ամենարժեքավոր ու ամենագեղեցիկ կառույցնա:

Արէա
18.05.2011, 10:15
Այլանդակելու խնդիր չեմ տեսնում: Բնականաբար, եթե կառուցում են, ուրեմն կա անհրաժեշտությունը, գոնե տարածքի առումով: Ու հազար անգամ ավելի ուրախ եմ, որ էդ անհրաժեշտությունը լրացնում են էդ տիպի շենքով, քան պատկերասրահի նման անճաշակությամբ: Միանշանակ կողմ եմ, իրոք բավականին համահունչ ա մնացած թամանյանական շինությունների հետ, թե օգտագործվելիք քարի գույնով, թե Թամանյանի ձեռագիր հանդիսացող կոր գծերով ու կամարներով, որից բացարձակ զուրկ է պատկերասրահի շենքը: Միանշանակ կողմ եմ կառուցմանը, ինչպես որ հետագայում կողմ կլինեմ պատկերասրահի ապամոնտաժմանը (և մեծ հույսեր ունեմ, որ թեկուզ ոչ մոտ, բայց ապագայում, ականատես կլինենք նաև էս էլիտարների վերացման, ու իրոք թամանյանական շինությունների ավելացմանը):

Chuk
18.05.2011, 10:20
Մի բան էլ ասեմ, ու գնամ: :P
Ամենաշատ գիտե՞ք ինձ ինչն ա բացում, որ մինչեւ հիմա քաղաքը, այդ թվում Հանրապետության հրապարակը էդքան այլանդակել են ու դեռ չեմ լսել, որ մեկնումեկը ասի, որ փոստի շենքի հետեւի նորակառույցը կամ մոտակայքի մյուս նորակառույցները մինչեւ սարքելը պետք ա հրապարակային քննարկումների դրվեին: Իսկ հենց խոսքը գնաց թամանյանական ինչ-որ բանի իրագործման մասին, որը նորակառույցների 90%-ից հազար անգամ լավ ա, մարդիկ խիստ անհանգստացան, որ հրապարակի տեսքը կփչանա, ժողովրդի կարծիքը հաշվի չի առնվի, էլի փողեր կլվացվեն եւ այլն:


Ո՜ւֆ… ավելի լավ ա պայքարենք էն սուրբ Աննա ա ինչ ա, դրա դեմ, գոնե էդ թյուրիմացությունը չիրականացնեն… չնայած արդեն սկսել են… :(
1. Սխալ ես ասում, որ այլ դեպքերում ձայն չի բարձրացվել, ուղղակի էնպես ա ստացվել, որ վերջին շրջանում քաղաքացիական հասարակությունն ավելի ակտիվ ա ու ավելի ակտիվ ա ձայն բարձրացնում, այդ թվում այս աշտարակի համար, սբ. Աննա եկեղեցու համար, Մոսկվա կինոթատրոնի ամառային դահլիճի չքանդելու համար և այլն: Ու ուղղակի հրաշալի ա, որ քաղաքացիներն ու քաղաքացիական նախաձեռնությունները փորձում են աստիճանաբար իրենց ձեռքը վերցնել որոշողի դերը, ցույց տալ իրենց ես-ը, պահանջում են, որ իրենց հետ հաշվի նստեն:

2. Գուցե և ինչ-որ բան կիսատ գիտեմ, բայց իմ իմացածով դա Թամանյանական ինչ-որ բան իրագործել չի, այլ ընդամենը Թամանյանի ինչ-որ նախագիծ, որից հենց ինքն էլ հրաժարվել ա: Հերի՛ք ա Թամանյանի անունը խառնեք:

Tig
18.05.2011, 10:37
Տեսքից սիրունա նայվում: Կողմ եմ քվեարկել: Խնդիրը Թամանյանականին վերադառնալու կամ չվերադառնալու հետ չեմ կապում: Խնդիրը զուտ գեղեցկության հարմարավետության և ֆունկցիոնալ նշանակության հետ պիտի կապել: Իսկ, որ ամենակարևորն է՝ ժամանակի հետ: Արդյոք պե՞տք է դա մեզ հենց հիմա, թե՞ կան ավելի առաջնային հարցեր...

Արէա
18.05.2011, 10:51
Հերի՛ք ա Թամանյանի անունը խառնեք:

Լրիվ համաձայն եմ քո հետ, որովհետև հասկանում եմ ինչ ես ուզում ասել դրանով: Բայց արի նայենք սենց, Երևանում ինձ դուր են գալիս հիմնականում էն շենքերը, որոնք նախագծել է Թամանյանը, որովհետև. նախ նման չի ոչ մի երկրի ճարտարապետությանը, ունի յուրահատուկ ոճ, հետաքրքիր, հեքիաթային տպավորություն ա թողնում, իրոք ունի բավականին բարձր մակարդակ, թե ճարտարագիտական տեսանկյունից, թե էսթետիկական: Ուրեմն հաշվի առնելով էս ամենը, ինչի չփորձենք հետագայում էլ, նոր շինություններ ստեղծելիս անենք ամեն ինչ, որպեսզի դա չտարբերվի Թամանյանի ստեղծածից: Համաձայն եմ պետք չի անհարկի շահարկել նրա անունը, բայց արի համաձայնվենք, որ էն ինչ կառուցել ենք շեղվելով նրա սկզբունքներից, մի քանի բացառություններով, իրոք փչացրել է մեր քաղաքի տեսքը: Իսկ, որ նա հրաժարվել է իր նախագծի մի մասից, դա ինձ թվում ա ոչ մի բան չի նշանակում, խառը ժամանակներ էին, ով գիտի ինչն ա դրան պատճառ հանդիսացել:

Chuk
18.05.2011, 11:32
Լրիվ համաձայն եմ քո հետ, որովհետև հասկանում եմ ինչ ես ուզում ասել դրանով: Բայց արի նայենք սենց, Երևանում ինձ դուր են գալիս հիմնականում էն շենքերը, որոնք նախագծել է Թամանյանը, որովհետև. նախ նման չի ոչ մի երկրի ճարտարապետությանը, ունի յուրահատուկ ոճ, հետաքրքիր, հեքիաթային տպավորություն ա թողնում, իրոք ունի բավականին բարձր մակարդակ, թե ճարտարագիտական տեսանկյունից, թե էսթետիկական: Ուրեմն հաշվի առնելով էս ամենը, ինչի չփորձենք հետագայում էլ, նոր շինություններ ստեղծելիս անենք ամեն ինչ, որպեսզի դա չտարբերվի Թամանյանի ստեղծածից: Համաձայն եմ պետք չի անհարկի շահարկել նրա անունը, բայց արի համաձայնվենք, որ էն ինչ կառուցել ենք շեղվելով նրա սկզբունքներից, մի քանի բացառություններով, իրոք փչացրել է մեր քաղաքի տեսքը: Իսկ, որ նա հրաժարվել է իր նախագծի մի մասից, դա ինձ թվում ա ոչ մի բան չի նշանակում, խառը ժամանակներ էին, ով գիտի ինչն ա դրան պատճառ հանդիսացել:
Որ Երևանի «մայրիկը լացացրել» են, էդ փաստ ա: Որ ունենք լիքը տձև ու ախմախ շինություններ, որոնք ուղղակի փչացնում են Երևանի տեսքը, էդ էլ ա փաստ: Ու Թամանյանական շնչով շինություններին ես էլ եմ 10 ձեռով կողմ:

Բայց ինչի՞ նման շինություններ չէինք անում ասենք նույն Հյուսիսային պողոտայում, ինչի՞ մյուս նոր շինություններն էդպես չենք անում: Ինչի՞ ենք որոշում հատկապես գալ ու փոփոխել հրապարակը, որ իր ներկայիս տեսքով իսկապես սիրուն ու ներկայանալի է: Իհարկե գուցե կարելի է ավելի գեղեցկացնել, բայց էդ չպետք ա լինի ինքնանպատակ:

Մի քանի աշխատասենյակ ավելացնելը հենց ինքնանպատակություն ա: Աշխատասենյակներ ապահովել մեր տված հարկերով սնվող ու ընդամենը տիեզերագնաց Արթուրներ ընդունող, ոչինչ չանող Սփյուռքի նախարարությա՞ն համար: Իսկ ի՞նչ ենք անելու, երբ էդ տարածքն էլ չհերիքի կառավարությանը: Մի քանի աշտարա՞կ էլ ենք կառուցելու, թե՞ էդ մի աշտարակն ենք ևս 4 անգամ բարձրացնելու:

Ասում են, որ հետո էլ պատկերասրահն են քանդելու՝ Հյուսիսային պողոտան անմիջապես հրապարակին կապելու համար: Իսկ էդ ու՞մ ա պետք: Ինչի՞ պետք ա քանդենք բավական լավ ու ֆունկցիոնալ շենքը, թեկուզ և այն ոմանց ճաշակով չի: Երբ Թամանյանը նախագծում էր Հյուսիսային պողոտան, որոշակի խնդիր էր լուծվում: Ուղղությունն էնպիսին էր, որ պետք ա հովացնող դեր կատարեր լայն հրապարակի համար: Քամիները պետք ա մտնեին էդ պողոտա ու հասնեին հրապարակ: Քամիները հիմա իսկապես էլ մտնում են պողոտա, բայց հենց ամենասկզբում կտրվում են, որովհետև նախատեսված ծառերը, որոնք պետք է քամիները հասցնեին հրապարակ, չկան, դրանց փոխարեն քարե անհրապույր ամրոցներ են: Այսինքն նորից գալիս ենք ինչ որ աննպատակ գործողություն անելու:

Արէա
18.05.2011, 11:59
Որ Երևանի «մայրիկը լացացրել» են, էդ փաստ ա: Որ ունենք լիքը տձև ու ախմախ շինություններ, որոնք ուղղակի փչացնում են Երևանի տեսքը, էդ էլ ա փաստ: Ու Թամանյանական շնչով շինություններին ես էլ եմ 10 ձեռով կողմ:

Բայց ինչի՞ նման շինություններ չէինք անում ասենք նույն Հյուսիսային պողոտայում, ինչի՞ մյուս նոր շինություններն էդպես չենք անում: Ինչի՞ ենք որոշում հատկապես գալ ու փոփոխել հրապարակը, որ իր ներկայիս տեսքով իսկապես սիրուն ու ներկայանալի է: Իհարկե գուցե կարելի է ավելի գեղեցկացնել, բայց էդ չպետք ա լինի ինքնանպատակ:

Մի քանի աշխատասենյակ ավելացնելը հենց ինքնանպատակություն ա: Աշխատասենյակներ ապահովել մեր տված հարկերով սնվող ու ընդամենը տիեզերագնաց Արթուրներ ընդունող, ոչինչ չանող Սփյուռքի նախարարությա՞ն համար: Իսկ ի՞նչ ենք անելու, երբ էդ տարածքն էլ չհերիքի կառավարությանը: Մի քանի աշտարա՞կ էլ ենք կառուցելու, թե՞ էդ մի աշտարակն ենք ևս 4 անգամ բարձրացնելու:

Ասում են, որ հետո էլ պատկերասրահն են քանդելու՝ Հյուսիսային պողոտան անմիջապես հրապարակին կապելու համար: Իսկ էդ ու՞մ ա պետք: Ինչի՞ պետք ա քանդենք բավական լավ ու ֆունկցիոնալ շենքը, թեկուզ և այն ոմանց ճաշակով չի: Երբ Թամանյանը նախագծում էր Հյուսիսային պողոտան, որոշակի խնդիր էր լուծվում: Ուղղությունն էնպիսին էր, որ պետք ա հովացնող դեր կատարեր լայն հրապարակի համար: Քամիները պետք ա մտնեին էդ պողոտա ու հասնեին հրապարակ: Քամիները հիմա իսկապես էլ մտնում են պողոտա, բայց հենց ամենասկզբում կտրվում են, որովհետև նախատեսված ծառերը, որոնք պետք է քամիները հասցնեին հրապարակ, չկան, դրանց փոխարեն քարե անհրապույր ամրոցներ են: Այսինքն նորից գալիս ենք ինչ որ աննպատակ գործողություն անելու:

Չգիտեմ, ինձ թվում ա պետք չի ամեն առիթով մտածել, որ իշխանությունները իրենց քմահաճույքն են բավարարում էս, կամ էն նախաձեռնությունն իրականացնելով: Ճիշտ ա էս դեպքն էլ ինչ-որ շահադիտական նպատակ ունի` լավ գործ անելով ցույց տալ, որ լավ գործ են անում: Բայց ջհանդամ, թող լավ գործ անեն, թող միայն ցույց տալու համար լինի: Իսկ Հյուսիսային պողոտայում, եթե չենք պահանջել քաղաքի դեմքի պահպանումը դա մեր թերությունն է, ու ես ահավոր շատ մեծ հույսեր ունեմ, որ ապագայում կուղղվի էդ սխալը:
Իսկ պատկերասրահի մասին իմ կարծիքը մնում է անփոփոխ` անհամապատասխան տեղում կառուցված, թեկուզ և ոչ էնքան ահավոր, ինչքան հիմիկվա շենքերը, բայց էլի շրջապատող շինություններին բավականին անհամապատասխան շինություն, որը էլի հույս ունեմ, որ ապագայում կվերամոնտաժվի այլ, ավելի հարմար տեղում, փոխարենը կառուցելով շենք, որը կլրացնի օվալաձև շրջանը լիարժեք կերպով: (Տվյալ դեպքում Թամանյանի միտքը, Հյուսիսային պողոտան հասցնել հրապարակ, իրոք ժամանակավրեպ եմ համարում):

My World My Space
18.05.2011, 12:27
2. Գուցե և ինչ-որ բան կիսատ գիտեմ, բայց իմ իմացածով դա Թամանյանական ինչ-որ բան իրագործել չի, այլ ընդամենը Թամանյանի ինչ-որ նախագիծ, որից հենց ինքն էլ հրաժարվել ա: Հերի՛ք ա Թամանյանի անունը խառնեք:

Էս մի կետիդ պիտի առարկեմ: Ոչ թե Թամանյանն ա հրաժարվել, այլ պատերազմի տարիներին գումար չեն հատկացրել շինարարության համար՝ տնտեսել են: Հետագայում էլ Ազգային պատկերասրահն են սարքել, որը փաստացի դառել ա հրապարակի գլխավոր շենքը, այնինչ ըստ էության գլխավոր շենքը պիտի լինի կառավարության շենքը՝ ժամացույցի աշտարակով: Երևանի թղջ հատակագիծը գծվել ա էդ սկբունքի հիման վրա:

My World My Space
18.05.2011, 12:44
Ու հետո մի բան էլ: Արդեն նենց ա դառել, որ իշխանությունն ինչ ուզում ա անի, մեկ ա ընդդիմոնում են, մտածելով որ տակը հաստատ մի բան կա:

Օրինակ սա: Մի քանի ճարտարապետ աղմուկ են բարձրացրել, թե աղարտում ա քաղաքի դեմքը: Նարեկ Սարգսյանն էլ ասում ա չի աղարտում, իշխանություններն էլ համաձայն են: Հիմա հարցը. Արդյո՞ք այս փիառն արվում է քաղաքի դեմքը պաշտպանելու համար, թե այլ անձնական հաշիվներ ունեն որոշ ճարտարապետներ նարեկ Սարգսյանի հետ, որն ի դեպ նախկինում Երևանի գլխավոր ճարտարապետն է էղել, ու ըստ իս նաև բավականին տաղանդավոր և գրագետ ճարտարապետ է, խորապես գիտի նաև հայ դասական ճարտարապետության հիմքերը:

Մենակ մի բան կասեմ: Էն որ Թամանյանի մտահղացումն ա, դա արդեն լավ ա, որովհետև տեսնում ենք նույն հեղինակի միտքը, այսինքն մի ամբողջություն: Եթե էդպես էր նախագծել մարդը, ուրեմն էդպես ավելի ճիշտ էր էդ ամբողջականության մեջ: Այլ հարց է, որ հիմա, ազգային պատկերասրահի հետ կոնֆլիկտ է լինելու գերիշխող դիրքի համար: բայց սա ևս լուծելի խնդիր է: Իսկ էն որ կառավարության շենքը պիտի տարբերվի ու ավելի գերիշխող լինի քան փոստի շենքն ու Արմենիա հյուրանոցը, էդ հաստատ ա: Պետական ու պետականամետ մտածողություն զարգացնելու համար նաև խիստ կարևոր պայման ա երկրի սիմվոլները արտահայտիչ դարձնելը: Օրինակ ո՞ր մեկիդ դուր չի գալիս ՊՆ նոր շենքը: ախր տեղով հզորություն ա ցույց տալիս:

Իսկ ընդդիմություն խաղալը հիմա մոդայա դառել արդեն: ցավալի ա, որ մարդիկ ոչ թե զգտում են իրենց արժանիքներով բարձրանան, այլ ուրիշերին գցելով:

REAL_ist
18.05.2011, 13:01
Գերիշխող դիրքի խնդիրը լուծելու համար շատ ավելի լավ կլինի լուծել Հրապարակին համապատասխանող արձան նախագծելով ու տեղադրելով, քանի պատկերասրահը քանդելով, որը արդեն իսկ հասցրելա Հրապարակի սիրված և անբաժանելի մասը դառնալ:

My World My Space
18.05.2011, 13:09
Գերիշխող դիրքի խնդիրը լուծելու համար շատ ավելի լավ կլինի լուծել Հրապարակին համապատասխանող արձան նախագծելով ու տեղադրելով, քանի պատկերասրահը քանդելով, որը արդեն իսկ հասցրելա Հրապարակի սիրված և անբաժանելի մասը դառնալ:

Ես հենց դա էլ ի նկատի ունի, ասելով որ պատկերասրահի դոմինանտության հարցը հեշտ ա լուծել: Մի կողմից մեծ արձան, կամ արձանախումբ, մյուս կողմից, կառավարության շենքի աշտարակը

Chuk
18.05.2011, 13:30
Չգիտեմ, ինձ թվում ա պետք չի ամեն առիթով մտածել, որ իշխանությունները իրենց քմահաճույքն են բավարարում էս, կամ էն նախաձեռնությունն իրականացնելով:


Ու հետո մի բան էլ: Արդեն նենց ա դառել, որ իշխանությունն ինչ ուզում ա անի, մեկ ա ընդդիմոնում են, մտածելով որ տակը հաստատ մի բան կա:
...

Իսկ ընդդիմություն խաղալը հիմա մոդայա դառել արդեն: ցավալի ա, որ մարդիկ ոչ թե զգտում են իրենց արժանիքներով բարձրանան, այլ ուրիշերին գցելով:

Տղերք, ձեր պատկերացումները ուրիշների վզին մի փաթաթեք: Եթե մարդիկ, օրինակ ես, դեմ եմ կանգնում, էդ նրա համար չի որ դեմ ենք կանգնում, որտև ԷՍ իշխանությունն ա անում, այլ որտև հերթական տուֆտա նախագիծն ա: Երբ նույն քաղաքապետը շենքերը գեղեցկացնում ա՝ լվանալով ու նաև ներկելով, մեկը ես դրա դեմ բան չեմ ասում, հակառակը, գովում եմ, չնայած որ մարդիկ կան, որ ներկելը սխալ են համարում: Ու եթե իշխանությանն անպայման ընդդիմանալու խնդիր լիներ, դրան էլ կընդդիմանայի:

Հիմա կոնկրետ էս թեմայում կոնկրետ տեսակետներ են հնչում, կոնկրետ հիմնավորումներ, ձեր պատկերացումները բերելով թեման մի բերեք հանգեցրեք նրան, որ իբր «ընդդիմանում են ընդդիմանալու» համար: Սիրուն չի: Հակափաստարկներ բերեք հնչած տեսակետներին, ոչ թե պատրանքներ ստեղծեք:

Արէա
18.05.2011, 13:38
Տղերք, ձեր պատկերացումները ուրիշների վզին մի փաթաթեք: Եթե մարդիկ, օրինակ ես, դեմ եմ կանգնում, էդ նրա համար չի որ դեմ ենք կանգնում, որտև ԷՍ իշխանությունն ա անում, այլ որտև հերթական տուֆտա նախագիծն ա: Երբ նույն քաղաքապետը շենքերը գեղեցկացնում ա՝ լվանալով ու նաև ներկելով, մեկը ես դրա դեմ բան չեմ ասում, հակառակը, գովում եմ, չնայած որ մարդիկ կան, որ ներկելը սխալ են համարում: Ու եթե իշխանությանն անպայման ընդդիմանալու խնդիր լիներ, դրան էլ կընդդիմանայի:

Հիմա կոնկրետ էս թեմայում կոնկրետ տեսակետներ են հնչում, կոնկրետ հիմնավորումներ, ձեր պատկերացումները բերելով թեման մի բերեք հանգեցրեք նրան, որ իբր «ընդդիմանում են ընդդիմանալու» համար: Սիրուն չի: Հակափաստարկներ բերեք հնչած տեսակետներին, ոչ թե պատրանքներ ստեղծեք:

Անկեղծ, ինչ-որ մեկին վիրավորելու նպատակ չունեի: Կոնկրետ տեսակետս արտահայտեցի, կոնկրետ փաստարկներ բերեցի տեսակետս հիմնավորելու համար: Թեման չի "ճղճիմացել" Chuk, ճղճիմ մտքեր չեն հնչել: Թեման բանավեճի վերածելու նպատակ չունեմ, հաճելի էր զրուցել:

Տրիբուն
18.05.2011, 15:53
Քաղաքի բոլոր հիմնախնդիրը թողած շենքի գլխին շենք են կառուցում: Թե ում ա դուր գալիս, ում դուր չի գալիս, ամեն մեկի գործն ա, բայց Երևանը լիքը հիմնավոր խնդիր ունի լուծելու, որից բոլոր քաղաքացիները օգուտ կստանան: Ու եթե փող կա, ավելի լավ ա հիմնական խնդիրների լուծման վրա դրվի.
- մետրոյի ընլայնում, ժամանակակից տրամվայի ցանցի ստեղծում, որ երթուղայիններից պրծնենք, ու ընդհանրապես տրանսպորտի վիճակի բարելավում:
- հրազդան ու հանրապետական ստադիոնների ու շրջակայքի բարելավում, մարդ գնում ա հանրապետական ֆուտբոլ նայելու, քիչ ա մնում մթան մեջ ոտերը ջարդի
- համալիրի շրջակայքի բարելավում, մի հատ սիրուն շենք ա կենտրոնում, ներքևում սաղ փուլա գալիս ու զիբիլի մեջ ա
- կանաչապատում, ոռոգման ջրի ցանցի վերականգնում
- ու էլի սենց լիքը բաներ

Սրանց թողնես, ամեն անկապ տեղում անկապ շենք կառուցեն, հետո էլ հրամցնեն սաղիս արպես գլուխգործոց
-

My World My Space
18.05.2011, 16:37
Հիմա կոնկրետ էս թեմայում կոնկրետ տեսակետներ են հնչում, կոնկրետ հիմնավորումներ, ձեր պատկերացումները բերելով մի ճղճիմացրեք թեման ու բերեք հանգեցրեք նրան, որ իբր «ընդդիմանում են ընդդիմանալու» համար: Սիրուն չի: Հակափաստարկներ բերեք հնչած տեսակետներին, ոչ թե պատրանքներ ստեղծեք:

Ապեր նախ խոսքը վերաբերվում ա ոչ թե քաղաքացիներին, որորնց հավասարապես կարա և դուր գա և չգա տվյալ պրոյեկտը, այլ մասնագետներին: Իսկ էնտեղ հնչած փաստարկները տրամաբանորեն հակափաստարկվում են:

Երկրորդ:
Սեփական պատկերացումներով չե՞ս դու փաստարկներ բերում, թե՞ ուրիշն ա քո տեղը պատկերացնում...

էս էլ քեզ իմ գրած փաստարկները

Մենակ մի բան կասեմ: Էն որ Թամանյանի մտահղացումն ա, դա արդեն լավ ա, որովհետև տեսնում ենք նույն հեղինակի միտքը, այսինքն մի ամբողջություն: Եթե էդպես էր նախագծել մարդը, ուրեմն էդպես ավելի ճիշտ էր էդ ամբողջականության մեջ: Այլ հարց է, որ հիմա, ազգային պատկերասրահի հետ կոնֆլիկտ է լինելու գերիշխող դիրքի համար: բայց սա ևս լուծելի խնդիր է: Իսկ էն որ կառավարության շենքը պիտի տարբերվի ու ավելի գերիշխող լինի քան փոստի շենքն ու Արմենիա հյուրանոցը, էդ հաստատ ա: Պետական ու պետականամետ մտածողություն զարգացնելու համար նաև խիստ կարևոր պայման ա երկրի սիմվոլները արտահայտիչ դարձնելը: Օրինակ ո՞ր մեկիդ դուր չի գալիս ՊՆ նոր շենքը: ախր տեղով հզորություն ա ցույց տալիս:

REAL_ist
18.05.2011, 17:45
Իսկ էնտեղ հնչած փաստարկները տրամաբանորեն հակափաստարկվում են:

Ինչո՞վ են հակափաստարկվում:

Նրանով, որ Կառավարության շենքին պետքա դոմինանտ դե՞ր տալ ու քանդել պատկերասրահը՞: Իսկ ու՞րա նման դեպքում վերջնական և ամբողջական ՆՈՐ Հրապարակի նախագիծը՝ Կառավարություն-դոմինանտով:
Նրանով, որ սիմետրիան սովետական երևույթա և վատ երևույթա՞:
Նրանով, որ Թամանյանի անուննա՞ շահարկվում:


Իմ փաստարկը մեկնա. Հրապարակը իր ներկայիս ամբողջականությամբ Թամանյանի նախագիծը չի, ուստի արդեն առկա ամբողջականության վրա խաչ դնել՝ հիմք ընդունելով մի պատմական նախագիծ-սևագիր, որը հաշվի չի առել հետագայում Հրապարակում կառուցված մնացած բաղադրատարրերը, ճիշտ որոշում չի: Կորցնում ենք ներկայիս հրապարակը, փոխարենը ստանալով ոչ այդքան հասկանալի լուծում՝ անհայտ հետևանքներով ու վերջաբանով:

davidus
18.05.2011, 17:49
Տեսքը դուրս եկավ, բայց չէի ասի. թե կողմ եմ կառուցելուն։ Ըստ ինձ՝ դրա անհրաժեշտությունը չկա։ Էսօր քաղաքը շատ ավելի կարևոր խնդիրներ ունի լուծելու, քան զուտ գեղագիտական նկատառումներով կառավարության նիստերի դահլիճ սարքելը։ Բնակարանային ֆոնդը ահավոր վիճակում ա, հանրային ծառայությունների մատուցման մակարդակը 0-յականից մի քիչ ա վերև, գերեզմանոցները մտել են քաղաք, կենտրոնից դուրս նորմալ ճանապարհ չկա, կանաչ գոտիների պահպանության և ընդլայնման հետ (էս մեկը երազանքների շարքից էր) լրջագույն խնդիրներ ունենք։ Ու էս ամենի ֆոնի վրա՝ վարչապետ Տիկոն՝ փայտից աբշիվկայով կառավարության դահլիճում նստած։ :)) Լավն ա։

Հ.Գ. Ախր չի լինում էլի չքաղաքականացնել։ Էս շենքի կառուցումը բավականին երկար գործ ա։ Նախ պիտի կառավարությունը իր ողջ աշխատակազմով տեղափոխվի նոր ժամանակավոր վայր, հետո նոր միայն բուլդոզերները մտնեն «դարպասներից ներս»։ Թող մասնագետները ավելի կոնկրետ ասեն, բայց տարուց ավել հաստատ կտևի։
Էս ի՞նչ մի համոզվածություն, որ իրենք կակ մինիմում 1 տարի դեռ պաշտոնավարելու են. աչքիս մի բան գիտեն, մեզ չեն ասում։ :D

Morg
18.05.2011, 17:50
Իմ կարծիքով շատ էլ սիրուն կլինի եթե կառուցեն աշտարակը, ավելի կսիրունանա կարծում եմ: Մենակ դուրս չի գալիս պատկերասրահը ու մանավանդ դրա հետևն ու պլակատների տակի հատվածը: Պատերին սաղ գրած ա emo, rock 4ever, SOAD:jagi ու սենց լիքը ախմախ բաներ, մեկե մի քանի հոտած աթոռներով սրճարանի տիպի եսիմինչ կա, փչացնում ա տեսքը: Կարային օրինակ էտ դիմացի մասը ու լուսավորությունը կարգավորեին, իսկ աշտարակը ավելի ժամանակակից տեսք կտա հրապարակին, մենակ աչքը սարքելու տեղը ունքն էլ չհանեն: Համաձայն եմ, շատ ավելի լուրջ հիմնախնդիներ կան այսօրվա դրությամբ, բայց սենց բաներ էլ են մեկ մեկ պետք: :think

Chuk
18.05.2011, 22:24
Գլխավոր ճարտարապետը հրաժարական է տվել

Երեւանի քաղաքապետարանի մեր աղբյուրների հաղորդմամբ, այսօր հրաժարականի դիմում է ներկայացրել Երեւանի գլխավոր ճարտարապետ Միքայել Հասրաթյանը: Նույն աղբյուրների պնդմամբ, հրաժարականի պատճառը Երեւանում իրականացվող մի քանի նախագծերի հետ Հասրաթյանի անհամաձայնությունն է եղել: Մասնավորապես, Հանրապետության հրապարակում, կառավարության շենքի վրա գմբեթի տեղադրման հետ կապված նախաձեռնությունը:

Հիշեցնենք, որ Միքայել Հասրաթյանը ՀՀ Նախագահի աշխատակազմի ղեկավարի առաջին տեղակալ Միքայել Մինասյանի մորեղբոր տղան է:
Աղբյուր՝ Լրագիր (http://lragir.am/armsrc/country48073.html)

Լեո
18.05.2011, 22:43
Բյուջեի փողերը բարով ծախսեն այս հույժ կարևոր կառույցի շինարարության վրա:

Chuk
20.05.2011, 11:56
Նարեկ Սարգսյանի կոմունալկան

Կառավարության շենքի բակում աշտարակ կառուցելու եւ այնտեղ լրացուցիչ գերատեսչություններ տեղավորելու նախաձեռնությունը արդեն բավական աղմուկ է հանել: Այն նույնիսկ դարձավ Երեւանի գլխավոր ճարտարապետի հրաժարականի պատճառ:

Ինչ հարց է լուծվում կառավարության շենքի բակում կառուցվող աշտարակով, բացի իհարկե շենքը “կոմունալ բնակարանի” վերածելուց, որտեղ բոլորն այսպես ասած իրար գլխի լցված կլինեն: Մեր կյանքն ինչով պակաս կլիներ, եթե ասենք Հայաստանի գլխավոր ճարտարապետ Նարեկ Սարգսյանը մի քիչ զբաղված լիներ ու չունենար Թամանյանի կտակները կամ սեւագրերը քրքրելու ժամանակ:

Երեւի թե այդ դեպքում մեր կյանքը լրացուցիչ խցանումներով կպակասեր, որոնք անկասկած ավելանալու են կառավարության շենքի մերձակայքում, եթե այնտեղ լրացուցիչ գերատեսչություններ բերեն ու խցկեն: Երեւի թե քաղաքի կենտրոնում շինարարության փոշին ու կեղտը մի քիչ պակաս կլիներ:

Ուրիշ որեւէ բանով հազիվ թե պակասեր երեւանցիների կյանքը, եթե Նարեկ Սարգսյանը մի քիչ քիչ Թամանյան կարդար: Երեւանի ճարտարապետությամբ զբաղվողներն ավելի լավ է մտածեն քաղաքի կենտրոնը թեթեւացնելու, ոչ թե էլ ավելի ծանրացնելու մասին: Գերատեսչական կառույցները կառավարության բակում իրար գլխի լցնելու փոխարեն, պետք է հեռացնել քաղաքի կենտրոնից եւ թեթեւացնել այն:

Ոչ թե քաղաքն է ճարտարապետության համար, այլ ճարտարապետությունը քաղաքի եւ քաղաքացիների:
Աղբյուր՝ Լրագիր (http://www.lragir.am/armsrc/country48167.html)


Կենտրոնը թեթևացնելու անհրաժեշտության մասին մտքին լիարժեք համաձայն եմ:

Chuk
27.05.2011, 00:36
Հետաքրքիր հարցազրույց է, կարդացեք (http://1in.am/arm/armenia_interview_21025.html), նայեք.


http://www.youtube.com/watch?feature=player_embedded&v=WBpT3IQnylQ

Rammstein
27.05.2011, 03:25
Հետաքրքիր հարցազրույց է, կարդացեք (http://1in.am/arm/armenia_interview_21025.html), նայեք.

http://www.youtube.com/watch?feature=player_embedded&v=WBpT3IQnylQ

Սարհատը խելոք տղա ա, մեր դասախոսներից էր: Լավ ճիշտ բաներ ա ասում, չնայած` որոշ առանցքային հարցերում պիտի իրա հետ չհամաձայնեմ. ասում ա, որ Թամանյանը իրա նախագծածը չի իրականացրել` ենթադրաբար իմանալով, որ լավ գաղափար չի. ես էլ կասեմ, որ Թամանյանը շուտ ա մահացել ու չի հասցրել իրականացնի: Անգամ Օպերայի շենքը չի հասցրել ավարտի, ուր մնաց մյուս բոլոր նախագծերը: Նաեւ չեմ ընդունում, որ էդ գմբեթի գաղափարը հնացած ա, ժամանակավրեպ ա ու նման բաներ: Ես Թամանյանին, ինչպես Սարհատն ա ասում, չեմ աստվածացնում, բայց շարունակում եմ համարել, որ Թամանյանի նախագծած շենքը անկասկած պիտի բերվի ավարտուն տեսքի:

Բայց անկեղծ ասեմ, տվյալ դեպքը ինձ սկսեց մտահոգել, որտեւ մինչեւ հիմա հավատում էի առաջին գրառման մեջի հղման նյութին, որտեղ ասվում էր, որ Թամանյանի նախագծածից գրեթե ոչինչ չի փոխվում: Ձեռքի տակ Թամանյանի նախագիծը չունեի, որ վերհիշեի ու համեմատեի, հիմա ոնց որ թե գտա, նայում եմ ու ահագին տարբեր ա նոր նախագծից:
Խնդրեմ նկարը.
http://ankakh.com/ankakh/wp-content/uploads/2011/05/Tamanyan11.jpg

Համեմատեք սա ու թեմայի առաջին գրառման մեջի մանրակերտը. Թամանյանից մենակ «Թ»-ն ա մնացել: :{
Թամանյանի նախագիծն էսքան փոխելուն անտարակույս դեմ եմ:


Չափից դուրս լավատես լինելն էլ մի բան չի: Փաստորեն Նարեկ սարգսյանն էլի կացինը սրում ա, որ գնա բերի քաղաքը քանդի: :[

Հայկօ
27.05.2011, 17:02
Խնդրեմ նկարը.
http://ankakh.com/ankakh/wp-content/uploads/2011/05/Tamanyan11.jpg

Մեկին մեկ Օպերայի շենքն ա.

http://i.imgur.com/uUwaW.jpg

Ի՞նչ իմաստ ունի քաղաքում երկու հատ նույն շենքից ունենալը:

Rammstein
27.05.2011, 18:07
Մեկին մեկ Օպերայի շենքն ա.

Ի՞նչ իմաստ ունի քաղաքում երկու հատ նույն շենքից ունենալը:

Հորինվածքը համարյա նույնն ա, բայց լրիվ տարբեր բաներ են, մենակ չափսերը համեմատելը հերիք ա (Օպրերան մոտ երկու անգամ լայն ա): :)
Հետո էլ ոչ մի տարօրինակ բան չկա, որ ճարտարապետը նույն տարրը տարբեր տեղերում օգտագործում ա: Քաղաքի ճարտարապետական ամբողջականության համար դա անհրաժեշտ ա: Ինչպես որ Հանրապետության Հրապարակն ա մի ամբողջություն, քանի որ չորս շենքերը իրար նման են (մեկը կոնստրուկտիվիզմ չի, մյուսը` բարոկկո, երրորդը` հայ-տեք), այնպես էլ քաղաքը պիտի ամբողջություն լինի:

Norton
27.05.2011, 18:25
Հորինվածքը համարյա նույնն ա, բայց լրիվ տարբեր բաներ են, մենակ չափսերը համեմատելը հերիք ա (Օպրերան մոտ երկու անգամ լայն ա): :)
Հետո էլ ոչ մի տարօրինակ բան չկա, որ ճարտարապետը նույն տարրը տարբեր տեղերում օգտագործում ա: Քաղաքի ճարտարապետական ամբողջականության համար դա անհրաժեշտ ա: Ինչպես որ Հանրապետության Հրապարակն ա մի ամբողջություն, քանի որ չորս շենքերը իրար նման են (մեկը կոնստրուկտիվիզմ չի, մյուսը` բարոկկո, երրորդը` հայ-տեք), այնպես էլ քաղաքը պիտի ամբողջություն լինի:

Բայց ոնց հասկացա Թամանյանը ոչ թե 4, այլ 7 շենք էր նախագծել Հանրապետության Հրապարակում ու կարծում եմ ճիշտ կլինի իրա երազանքը իրագործել ամբողջությամբ:

Հայկօ
27.05.2011, 18:37
Հորինվածքը համարյա նույնն ա, բայց լրիվ տարբեր բաներ են, մենակ չափսերը համեմատելը հերիք ա (Օպրերան մոտ երկու անգամ լայն ա): :)
Հետո էլ ոչ մի տարօրինակ բան չկա, որ ճարտարապետը նույն տարրը տարբեր տեղերում օգտագործում ա: Քաղաքի ճարտարապետական ամբողջականության համար դա անհրաժեշտ ա: Ինչպես որ Հանրապետության Հրապարակն ա մի ամբողջություն, քանի որ չորս շենքերը իրար նման են (մեկը կոնստրուկտիվիզմ չի, մյուսը` բարոկկո, երրորդը` հայ-տեք), այնպես էլ քաղաքը պիտի ամբողջություն լինի:

Պարզ ա դե, էդ էլ ես ճիշտ ասում...

Rammstein
27.05.2011, 19:45
Բայց ոնց հասկացա Թամանյանը ոչ թե 4, այլ 7 շենք էր նախագծել Հանրապետության Հրապարակում ու կարծում եմ ճիշտ կլինի իրա երազանքը իրագործել ամբողջությամբ:

Հիմա 4 հատ չի, 5 հատ ա: :)
Երկու գրառում առաջ տեղադրածս նկարի ներքեւի հատակագծում երեւում ա, թե Թամանյանը ոնց էր նախագծել: Մասնավորապես հիմիկվա պատկերասրահի տեղում պիտի արձան լիներ (ըստ նախագծի` բնականաբար լենինը), իսկ շատրվանը նախկին լենինի արձանի տեղում պիտի լիներ: Կարճ ասած, եթե հիմա ուզեն հրապարակը բերել դրան, ահռելի աշխատանք պիտի կատարվի, որը իմ կարծիքով անիմաստ ա: Էլ չասեմ, որ եթե պատկերասրահը քանդեն, հրապարակը հյուսիսային պողոտայի գեղական տեսքից լրիվ այլանդակվելու ա:

Norton
27.05.2011, 20:04
Հիմա 4 հատ չի, 5 հատ ա: :)
Երկու գրառում առաջ տեղադրածս նկարի ներքեւի հատակագծում երեւում ա, թե Թամանյանը ոնց էր նախագծել: Մասնավորապես հիմիկվա պատկերասրահի տեղում պիտի արձան լիներ (ըստ նախագծի` բնականաբար լենինը), իսկ շատրվանը նախկին լենինի արձանի տեղում պիտի լիներ: Կարճ ասած, եթե հիմա ուզեն հրապարակը բերել դրան, ահռելի աշխատանք պիտի կատարվի, որը իմ կարծիքով անիմաստ ա: Էլ չասեմ, որ եթե պատկերասրահը քանդեն, հրապարակը հյուսիսային պողոտայի գեղական տեսքից լրիվ այլանդակվելու ա:

Դե իմ ասածն էլ այն ա,



Քաղաքի ճարտարապետական ամբողջականության համար դա անհրաժեշտ ա:
որ քաղաքի ճարտարապետական ամբողջականությունը արդեն իսկ խախտված ա, ու մի շենքի "հին" տեսքի բերելը հարցի լուծում չի:

Rammstein
27.05.2011, 21:08
Դե իմ ասածն էլ այն ա,


որ քաղաքի ճարտարապետական ամբողջականությունը արդեն իսկ խախտված ա, ու մի շենքի "հին" տեսքի բերելը հարցի լուծում չի:

Նայած թե հարցը ինչն ա. եթե քաղաքի թամանյանականացումն ա, ապա այո, լուծում չի, բայց լուծում ա այլ հարցերի համար. առաջինը` օբյեկտիվ ա, շենքի թամանյանականացման հարցն ա լուծում, քանի որ շենքը ոչ միայն քաղաքի կամ հրապարակի մասշտաբով ա կարելի դիտարկել, այլեւ առանձին: Երկրորդը լուծվող հարցը սուբյեկտիվ ա` պատկերասրահի հոռադարի շենքի դոմինանտությունը մասամբ տեղափոխում ա իրա վրա, որը ես դրական եմ համարում:

Էդ պատկերասրահի շենքը ոնց որ Թամանյանի նախագծի ինադու բերած էդտեղ դրած լինեն: Ինքը շատ կարեւոր առանցքների` հյուսիսային ու գլխավոր պողոտաների հատման կետում ա դրված:

Բայց նորից ասեմ, որ եթե Թամանյնինից էսքան տարբեր նախագիծ պիտի իրականացնեն, ապա ես էլ եմ դեմ, որ սարքեն:

Chuk
20.06.2011, 15:09
Նարեկ Սարգսյանի թմբուկը

http://lragir.am/upld_img/130856498488.JPG

Հունիսի 17-ին տեղի է ունեցել Երևանի քաղաքաշինական խորհրդի նիստը, որը վարել է Երևանի քաղաքապետ Կարեն Կարապետյանը: Օրակարգում քննարկման է դրվել ՀՀ Կառավարական շենքի բակում Ալ.Թամանյանի նախագծով նախատեսված թմբուկի կառուցման հարցը:

Երևանի գլխավոր ճարտարապետ Նարեկ Սարգսյանը ներկայացրել է թմբուկի կառուցման անհրաժեշտության քաղաքաշինական հիմնավորումները: Խորհրդի ներկա գտնվող 24 անդամներից 21-ը քվեարկությամբ կողմ են արտահայտվել թմբուկի կառուցման ծրագրին և այդ կառույցը վարչական նշանակությամբ օգտագործելու առաջարկին /1դեմ, 3 ձեռնպահ/:

Առաջարկվել է նախագծի վերջնական տարբերակի մշակումից հետո այն ներկայացնել խորհրդի համաձայնեցմանը, տեղեկացնում են Երեւանի քաղաքապետարանից:
Աղբյուր՝ Լրագիր (http://lragir.am/armsrc/country-lrahos49584.html)