PDA

Դիտել ողջ տարբերակը : "Բարգավաճ Հայաստան"



Philosopher
12.02.2007, 08:28
Ինչպե՞ս եք վերաբերվում այս կուսակցությանը: Ինչպե՞ս եք գնահատում նրա գործունեությունը ոչ միայն որպես քաղաքական երևույթ, այլև որպես առավել լայն՝ հասարակական երևույթ:

Philosopher
12.02.2007, 08:49
Առաջինը պատասխանելով հարցին՝ պետք է նշել, որ այսպիսի երևույթները ունեն գնահատականի երկու հարթություն՝ զուտ քաղաքական և հասարակագիտական։ Առաջին հարթությունում ամեն ինչ պարզ է. իշխանության կողմից ստեղծվում է մի կուսակցություն, որը տարիներով կուտակած անօրինական միջոցները ուղղում է այդ իշխանության վերարտադրմանը։ Այսպիսի երևույթներ միշտ եղել են, ընդ որում նաև այլ, հաճախ նույնիսկ զարգացած երկրներում։ Առավել կարևոր է, սակայն, այս երևույթի հասարակագիտական հարթությունը։ Մինչ դրա գնահատականին անցնելը՝ պետք է նշել, որ, օրինակ, գերմանական նացիստների պարագայում եղան այնպիսի փիլիսոփաներ, մասնավորապես՝ Է. Ֆրոմը, որոնք մինչև նրանց իշխանության գալը արդեն նշում և պնդում էին, որ Գերմանիայում իշխանության է գալու հենց այդպիսի ուժ։ Եվ հենց այդպես էլ եղավ։ Հայաստանում այդքան խորը հետազոտություններ, ինչպես և պետք էր սպասել, չեն կատարվում, և արդյունքում նաև ստեղծվում է ընդհանուր շփոթության մթնոլորտ՝ որևէ լուրջ հասարակական երևույթ գնահատելիս։ Հիմա առավել էականորեն։ "Բարգավաճ Հայաստանի" ֆենոմենը այն է, որ նա դիմում է համարյա ամեն հայ մարդու մեջ նստած ստրուկին, իսկ առավել գիտականորեն՝ նրա ավտորիտար բնավորությանը։ Ի՞նչ է ավտորիտար բնավորությունը։ Դա այն է, երբ միայնակ, հուսալքված, վախերի մեջ ապրող մարդը իր ազատությունը զիջում է մի ինչ–որ ուժի կենտրոնի, ընդ որում այդ ուժի կենտրոնը պետք է լինի հենց ֆիզիկական ու նյութական ուժ, և ենթարկվելով նրան սադո–մազոխիստական կապերով, իր հոգում ստեղծում է ապահովության ու կայունության զգացողություն։ Ահա հենց այս երևույթն է այսօր առկա Հայաստանում։ Այսօր իրեն միայնակ ու վտանգի մեջ զգացող բոլոր խավերը՝ գյուղացուց մինչև մտավորական ու նախկին ինժեներական միջին խավ, գիտակցաբար կամ անգիտակցաբար փնտրում են այն ուժի կենտրոնը, որին կարելի է զիջել անհատական ազատության՝ պատիժ դարձած բեռը ու ապրել հանգիստ, կուշտ ու ինքնագոհ ստրուկի կյանքով։ Բոլորը սպասում են Փոքր Մհերին, որ նա փրկի իրենց, և միանգամայն ուրախ կլինեն եթե այդ Մհերի անունը մոդիֆիկացվի, բայց նա կատարի նույն գործառույթը՝ վերցնի պատասխանատվությունը իրենց վրայից ու իր ստվերում տեղ տա նրանց։ Ահա սա է "Բարգավաճ Հայաստանի" ֆենոմենը, որը ազգային ինքնասպանության պատմական շղթայի մեջ կարևոր դեր կարող է ունենալ։
Այսպիսի սպասումներ ունեցողներին, այդ թվում՝ իրենց նախնական ստրկությունից չհեռացած մտավորականներին, պետք է հիշեցնել մի սլավոնական էպիկական սյուժե։ Այս սյուժեն մոտավորապես նույն կերպարի մասին է, ինչպես Փոքր Մհերը։ Ժողովուրդը գիտե, որ մի ծառի փչակում ապրում է իրենց հերոսը, որը ճիշտ ժամանակին դուրս է գալու ու փրկելու իրենց։ Եվ ահա գալիս է մի օր, որ ժողովուրդը հոգնում է սպասելուց և գնում է այդ այդ փչակի մոտ՝ իմանալու համար, թե երբ է դուրս գալու հերոսը։ Սակայն մոտենալով փչակին՝ նրանք տեսնում են, որ հերոսը նեխել է, նա չկա, նա ֆիկցիա էր։ Իսկ մնացածը կրկին լռություն է։

Մելիք
12.02.2007, 14:53
միայնակ, հուսալքված, վախերի մեջ ապրող մարդը իր ազատությունը զիջում է մի ինչ–որ ուժի կենտրոնի, ընդ որում այդ ուժի կենտրոնը պետք է լինի հենց ֆիզիկական ու նյութական ուժ, և ենթարկվելով նրան սադո–մազոխիստական կապերով, իր հոգում ստեղծում է ապահովության ու կայունության զգացողություն։ Շատ լուրջ ու հետաքրքիր վերլուծություն ես արել: Ի դեպ, հենց սա գիտակցելով էլ իրականացնում են այդ կուսակցության շինարարությունը, ավելի ճիշտ՝ ոչ թե գիտակցելով, այլ ինտուիտիվ կերպով հասկանալով: Դա առավել նկատելի է հատկապես մարզերում, որտեղ այդ կուսակցությունն իր գոծունեությունն սկսեց կիսակրիմինալ տարրերի (հեղինակությունների) վրա հենվելով, հիմա շարունակում է նման մարդկանց հավաքագրումը, ու հենց վախի ու ցինիկավարի փող "ցպնելու" վրա էլ պատրաստվում են կառուցել իրենց մոտակա գործունեությունը: Այս ամենը իհարկե նորություններ չեն հայկական ընտրական տեխնոլոգիաների մեջ, բայց այս կուսակցությունը չի խուսափում իր շարքերի մեջ այնփիսի անձանց ներգրավել, և նույնիսկ դարձնել տարածքային կառույցների առաջնորդներ, որոնց ծառայություններից մինչև այժմ թաքուն ու անուղղակիորեն էին օգտվում մյուս՝ իրենց կուսակցության բարոյական կերպարի մասին նույնպես ոչ այնքան հոգացող քաղաքական ուժերը:

Խաչակիր
12.02.2007, 15:37
Շատ լուրջ ու հետաքրքիր վերլուծություն ես արել:
Ես հավանաբար չհամաձայնվեմ Philosopher-ի գաղափարները վերլուծություն կոչելուց։ Հույս ունեմ, որ իր ներկայացրած մտքերը, ընդամենը մտքեր են, որոնք ոչ ոք չի փորձելու օգտագործել պրակտիկայում։ Իսկ եթե կան անհատներ, որոնք պատրաստ են առաջնորդվել նման գաղափարներով, ապա ես հանգիստ կարող եմ ասել, որ դրանք լավագույն դեպքում հակասոցիալական մարդիկ են, որոնք հասարակության հիվանդությունը բուժելու փոխարեն փորձում են սեփական շահերը առաջ բրդել։ Ասածներս շատ պարզ բացատրություն ունեն։ Նախ և առաջ չի կարելի պնդել, որ մեր հասարակությունը, և մանավանդ մտավորականությունը ստրկացած մտածելակերպ ունեն։ Կարծում եմ՝ ոչ մի իրեն հարգող մարդ չի հանդուրժի, որ իր հասարակության մասին նման արտահայտություններ հնչեցվեն։ Ընդհակառակը՝ մեր հասարակությունը այժմ չափից ավելի ինքնավստահ է։ Գաղտնիք չէ, որ 10 հայերի միջից 7-ը իրենց պոտենցիալ նախագահ են զգում։ Ուրիշ հարց է, որ շատերը ուղակի հոգնել են քաղաքական գզվրտոցից և ցանկանում են գլուխները հանգիստ պահել։
Երկրորդը. ես անընդունելի եմ համարում, որ նախկինում գողացված ժողովուրդի բարիքները ծառայեցվեն իշխանության վերատրադրման։ Նման պրակտիկան կբերի նրան, որ հաստավիզները առանց վախի կսկսեն գրփել ժողովրդին (ինչպես էսօր)՝ հետագայում այդ գումարի մի մասը օգտագործելով իշխանության պահպանման համար։ Ու էդպես շարունակ։
Եվ երրորդը վտանգը, որ տեսնում եմ մեր հարգելի փիլիսոփայի գրածներում դա այն է, որ նա սպանում, նեխացնում է ժողովրդի գաղափարական հերոսին՝ Փոքր Մհերին՝ փոխարենը առաջարկելով նրան այլընտրանքային տարբերակ Ծառուկյանի տեսքով։ Եթե Philosopher-ի նիկը համապատասխանում է իր մասնագիտությանը, ապա նա պետք է լավ հասկանա, որ Փոքր Մհերը հերթական հաստավիզը չէր, այլ ժողովրդի հաղթանակի կամքը։ Եվ հենց որ էդ Մհերը իսկապես նեխի, ապա Բարգավաճ Հայաստան կուսակցությունը ստիպված կլինի Մոզամբիկում գործել։ Էնպես որ եկեք շեշտերը ճիշտ դնենք։ Ժողովրդին պետք չի հերթական 100-րդ կուսակցությունը։ Կուսակցություններին են ժողովուրդ պետք, որ խաբեն, թալանեն, վերարտադրվեն...

Philosopher
12.02.2007, 15:43
Ես հավանաբար չհամաձայնվեմ Philosopher-ի գաղափարները վերլուծություն կոչելուց։ Հույս ունեմ, որ իր ներկայացրած մտքերը, ընդամենը մտքեր են, որոնք ոչ ոք չի փորձելու օգտագործել պրակտիկայում։ Իսկ եթե կան անհատներ, որոնք պատրաստ են առաջնորդվել նման գաղափարներով, ապա ես հանգիստ կարող եմ ասել, որ դրանք լավագույն դեպքում հակասոցիալական մարդիկ են, որոնք հասարակության հիվանդությունը բուժելու փոխարեն փորձում են սեփական շահերը առաջ բրդել։ Ասածներս շատ պարզ բացատրություն ունեն։ Նախ և առաջ չի կարելի պնդել, որ մեր հասարակությունը, և մանավանդ մտավորականությունը ստրկացած մտածելակերպ ունեն։ Կարծում եմ՝ ոչ մի իրեն հարգող մարդ չի հանդուրժի, որ իր հասարակության մասին նման արտահայտություններ հնչեցվեն։ Ընդհակառակը՝ մեր հասարակությունը այժմ չափից ավելի ինքնավստահ է։ Գաղտնիք չէ, որ 10 հայերի միջից 7-ը իրենց պոտենցիալ նախագահ են զգում։ Ուրիշ հարց է, որ շատերը ուղակի հոգնել են քաղաքական գզվրտոցից և ցանկանում են գլուխները հանգիստ պահել։
Երկրորդը. ես անընդունելի եմ համարում, որ նախկինում գողացված ժողովուրդի բարիքները ծառայեցվեն իշխանության վերատրադրման։ Նման պրակտիկան կբերի նրան, որ հաստավիզները առանց վախի կսկսեն գրփել ժողովրդին (ինչպես էսօր)՝ հետագայում այդ գումարի մի մասը օգտագործելով իշխանության պահպանման համար։ Ու էդպես շարունակ։
Եվ երրորդը վտանգը, որ տեսնում եմ մեր հարգելի փիլիսոփայի գրածներում դա այն է, որ նա սպանում, նեխացնում է ժողովրդի գաղափարական հերոսին՝ Փոքր Մհերին՝ փոխարենը առաջարկելով նրան այլընտրանքային տարբերակ Ծառուկյանի տեսքով։ Եթե Philosopher-ի նիկը համապատասխանում է իր մասնագիտությանը, ապա նա պետք է լավ հասկանա, որ Փոքր Մհերը հերթական հաստավիզը չէր, այլ ժողովրդի հաղթանակի կամքը։ Եվ հենց որ էդ Մհերը իսկապես նեխի, ապա Բարգավաճ Հայաստան կուսակցությունը ստիպված կլինի Մոզամբիկում գործել։ Էնպես որ եկեք շեշտերը ճիշտ դնենք։ Ժողովրդին պետք չի հերթական 100-րդ կուսակցությունը։ Կուսակցություններին են ժողովուրդ պետք, որ խաբեն, թալանեն, վերարտադրվեն...
Չհամաձայնելու համար որևէ բանին՝ նախ պետք է հասկանալ այն։ Այն ինչ դու ասում ես, արձագանքում է իմ մտքերին ու միանգամայն համապատասխանում նրանց հետ։ Նկարագրելով այս կուսակցության կողմից իրականացվող քաղաքականությունը՝ ես բոլորովին չեմ համաձայնում դրա հետ, և դա ակնհայտ է իմ տեքստից։ Ավելի հասկանալի լինելու համար ասեմ. ես քվեարկել եմ. "խիստ բացասական"։ Կարդա գրածս նորից, հասկացիր, եթե հասկացար, փորձիր ադեկվատ արձագանքել։ Եվ պատասխանել այն գրառմանը, որին փորձում ես պատասխանել, այլապես դու պատասխանում ես սեփական մտքերին և քո գրածը դառնում է մենախոսություն։

Artgeo
12.02.2007, 15:57
Բարգավաճ Հայատանը կուսակցությո՞ւն ա :o

Մելիք
12.02.2007, 16:09
Եվ երրորդը վտանգը, որ տեսնում եմ մեր հարգելի փիլիսոփայի գրածներում դա այն է, որ նա սպանում, նեխացնում է ժողովրդի գաղափարական հերոսին՝ Փոքր Մհերին՝ փոխարենը առաջարկելով նրան այլընտրանքային տարբերակ Ծառուկյանի տեսքով։ Եթե Philosopher-ի նիկը համապատասխանում է իր մասնագիտությանը, ապա նա պետք է լավ հասկանա, որ Փոքր Մհերը հերթական հաստավիզը չէր, այլ ժողովրդի հաղթանակի կամքը։ Եվ հենց որ էդ Մհերը իսկապես նեխի, ապա Բարգավաճ Հայաստան կուսակցությունը ստիպված կլինի Մոզամբիկում գործել։
Էս մասով քեզ հետ համաձայն եմ, որ Մհերի կերպարը էպոսում ավելի շուտ ժողովրդի հաղթական կամքի անձնավորումն էր, նման գրական հնարք հաճախ է կիրառվում գրականության ու հատկապես ժողովրդական բանահյուսության մեջ, բայց ինձ թվում է, Philosopher-ի մոտ այս համեմատատությունն, ինձ թվում է, ուղակի խոսքն ավելի պատկերավոր դարձնելու համար էր: Բայց, էդ սինդրոմը ամեն դեպքում կա, որ հասարակությունը, թեկուզ ոչ գիտակցված, սպասում են, թե երբ մի էնպիսի ուժ կգա, որը թեկուզ իրենց ստրկացնելու հաշվին, հանգիստ ապրելու հնարավորություն կտա:

Բոլորը սպասում են Փոքր Մհերին, որ նա փրկի իրենց, և միանգամայն ուրախ կլինեն եթե այդ Մհերի անունը մոդիֆիկացվի, բայց նա կատարի նույն գործառույթը՝ վերցնի պատասխանատվությունը իրենց վրայից ու իր ստվերում տեղ տա նրանց։ Ահա սա է "Բարգավաճ Հայաստանի" ֆենոմենը, որը ազգային ինքնասպանության պատմական շղթայի մեջ կարևոր դեր կարող է ունենալ։...

Խաչակիր
12.02.2007, 16:15
Philosopher, եթե կարծում ես, թե սխալ եմ հասկացել քեզ, ապա խնդրում եմ ինձ մի քանի մանրամասներ քո գրած տրակտատից բացատրի


նա դիմում է համարյա ամեն հայ մարդու մեջ նստած ստրուկին, իսկ առավել գիտականորեն՝ նրա ավտորիտար բնավորությանը։

Այսինքն ստրուկի գիտական եզրը ավտորիտար բնավորությունն է՞։


Ի՞նչ է ավտորիտար բնավորությունը։ Դա այն է, երբ միայնակ, հուսալքված, վախերի մեջ ապրող մարդը իր ազատությունը զիջում է մի ինչ–որ ուժի կենտրոնի, ընդ որում այդ ուժի կենտրոնը պետք է լինի հենց ֆիզիկական ու նյութական ուժ, և ենթարկվելով նրան սադո–մազոխիստական կապերով, իր հոգում ստեղծում է ապահովության ու կայունության զգացողություն։
Արդյո՞ք ավտորիտար բնավորության տեր մարդը նա չէ, որը ձգտում է իր իշխանությունը տարածել քո նկարագրած հուսալքված մարդկանց վրա՝ զրկելով նրանց նույնիսկ ազատ մտածելուց։


Բոլորը սպասում են Փոքր Մհերին, որ նա փրկի իրենց, և միանգամայն ուրախ կլինեն եթե այդ Մհերի անունը մոդիֆիկացվի, բայց նա կատարի նույն գործառույթը՝ վերցնի պատասխանատվությունը իրենց վրայից ու իր ստվերում տեղ տա նրանց։ Ահա սա է "Բարգավաճ Հայաստանի" ֆենոմենը, որը ազգային ինքնասպանության պատմական շղթայի մեջ կարևոր դեր կարող է ունենալ։

Կարծում եմ, որ հասարակությունը չի կարող "Բարգավաճ Հայաստանն" ընդունել, որպես ապաստան տվող կառույց, որովհետև նա իր հարստությունը տեսնում է այդ կուսակցության նախագահի ձեռքում։ Եվ երկրորդը, ես ուրախությամբ պետք է նշեմ, որ
մեր ժողովուրդը վաղուց հրաժարվել է նման փիլիսոփայությունից. "փնտրում են այն ուժի կենտրոնը, որին կարելի է զիջել անհատական ազատության՝ պատիժ դարձած բեռը ու ապրել հանգիստ, կուշտ ու ինքնագոհ ստրուկի կյանքով"։


իրենց նախնական ստրկությունից չհեռացած մտավորականներին
Իրական մտավորականն իր էությամբ չի կարող ստրկություն կրել իր հայացքներում։

Բայց այս ամենը, իհարկե ոչինչ է։ Կարծում եմ, թե իմ գրածի գլխավոր մտքի հետ՝ այն է, որ քո նկարագրած մտածելակերպով առաջնորդվող մարդիկ հակասոցիալական տարրեր են, դու կհամաձայնվես։

Philosopher
12.02.2007, 16:33
Այսինքն ստրուկի գիտական եզրը ավտորիտար բնավորությունն է՞։
Ոչ թե ստրուկի գիտական եզրն է, այլ ստրուկի հոգեբանության ամենաբնորոշ հատկանիշը։ Կարդա Է. Ֆրոմ. "Փախուստ ազատությունից", "Մարդն ինքն համար", "Մարդկային դեստրուկտիվության անատոմիա" աշխատությունները, նաև՝ Գասսետ, Մակ Դուգլ, Մոսկովիչի, Սիգալ և կհասկանաս, թե ինչի մասին է խոսքը. ավտորիտար բնավորություն ունի ոչ միայն ավտորիտար լիդերը, այլև նրան ենթարկվող զանգվածները։


Արդյո՞ք ավտորիտար բնավորության տեր մարդը նա չէ, որը ձգտում է իր իշխանությունը տարածել քո նկարագրած հուսալքված մարդկանց վրա՝ զրկելով նրանց նույնիսկ ազատ մտածելուց։
Ոչ, քո ասածը "ավտորիտարիզմ" տերմինի բառարանային բացատրությունն է, սակայն լուրջ վերլուծությունը պետք է հիմնվի աղբյուրների առավել լայն սպկետրի վրա, այդպիսի մի քանի աղբյուր նշեցի։


Կարծում եմ, որ հասարակությունը չի կարող "Բարգավաճ Հայաստանն" ընդունել, որպես ապաստան տվող կառույց, որովհետև նա իր հարստությունը տեսնում է այդ կուսակցության նախագահի ձեռքում։ Եվ երկրորդը, ես ուրախությամբ պետք է նշեմ, որ
մեր ժողովուրդը վաղուց հրաժարվել է նման փիլիսոփայությունից. "փնտրում են այն ուժի կենտրոնը, որին կարելի է զիջել անհատական ազատության՝ պատիժ դարձած բեռը ու ապրել հանգիստ, կուշտ ու ինքնագոհ ստրուկի կյանքով"։
Եթե որևէ մեկը հարստահարում կամ ստորացնում է որևէ մեկին կամ ժողովրդին, դա դեռ չի նշանակում, որ այդ որևէ մեկը կամ ժողովուրդը հասկանում են դա։ Այսպիսի բազմաթիվ օրինակներ կան համաշխարհային պատմության մեջ, երբ ժողովուրդը գնացել է հենց նրանց ետևից, ովքեր ստրկացրել են այդ նույն ժողովրդին։ Ինչ վերաբերում է նրան, թե ժողովուրդը ազատվել է ուժի կենտրոն փնտրելու փիլիսոփայությունից, ապա քո լավատեսությունը մոտենում է կրիտիկական սահմանի. նույնիսկ Չեխովն էր ասում. " Ես ամեն օր դուրս եմ մղում ստրուկին իմ միջից", այսինքն՝ այսօրվա հայությունը ավելի ազատ է իր ներքին ստրուկից, քան Չեխովը։ Իսկապես, ցնցող բացահայտում է։


Իրական մտավորականն իր էությամբ չի կարող ստրկություն կրել իր հայացքներում։
Իհարկե, չպետք է լինի. ես խոսում եմ փաստերից, դու քո ցանկություններից։ Մենք տարբեր բաներից ենք խոսում։


Բայց այս ամենը, իհարկե ոչինչ է։ Կարծում եմ, թե իմ գրածի գլխավոր մտքի հետ՝ այն է, որ քո նկարագրած մտածելակերպով առաջնորդվող մարդիկ հակասոցիալական տարրեր են, դու կհամաձայնվես։
Իսկ ըստ քեզ ես ինչու՞ եմ այս թեման բացել, որպեսզի դու և քո նման մարդիկ ոչ թե վիճեն իրենց դժգոհությունները ու վիրավորանքները գիտականորեն արտահայտած մարդու հետ, այլ քվարկեն "խիստ բացասական" ու դրանով ապացուցեն, որ հայ հասարակության մեծ մասը հակասոցիալական տարր է։ Պարզվում է, որ այսպես էլ է լինում։
Ինչ վերաբերում է Մհերի կերպարին։ Խոսքը գնում է այն մասին, որ այդպիսի առասպելներ ունեցող ժողովուրդները ի վերջո իրենց հոգին ու մարմինը հանձնում են մարդկանց, որոնք իրենց տեր կգանգնեն ու կօգնեն ապրել։ Որևէ առանձին հերոսի կողմից փրկվելու մեսսիանական փիլիսոփայությունը ինքնասպան ազգի փիլիսոփայություն է։ Եվ սրանից հնարավոր չէ խուսափել։

Խաչակիր
12.02.2007, 16:57
Philosopher, վիճելու ոչ տրամադրություն ունեմ, ոչ էլ հավես։ Ճիշտն ասած էդ հատորներն էլ չեմ կարդա՝ չնայած որ հետաքրքիր է թվում էդ թեման։ Առավել ևս հետաքրքիր է քո գրած հետևյալ գաղափարը.

ավտորիտար բնավորություն ունի ոչ միայն ավտորիտար լիդերը, այլև նրան ենթարկվող զանգվածները։
Միգուցե դա իսկապես այդպես է, բայց շատ հաճախ հասարակությունների մեջ ես տեսել եմ ընդվզում ավտորիտար լիդերների հանդեպ։ Այլ հարց է, թե այդ ընդվզումը որքան ակտիվ է լինում։


Իսկ ըստ քեզ ես ինչու՞ եմ այս թեման բացել, որպեսզի դու և քո նման մարդիկ ոչ թե վիճեն իրենց դժգոհությունները ու վիրավորանքները գիտականորեն արտահայտած մարդու հետ, այլ քվարկեն "խիստ բացասական" ու դրանով ապացուցեն, որ հայ հասարակության մեծ մասը հակասոցիալական տարր է։

Նպատակիդ հասել ես, որովհետև սկզբից ուզում էի "բացասական" քվեարկեի, բայց եթե ինձ քոռ դանակով անգամ մորթեն, չեմ համաձայանվի քո այն մտքին, թե մեր ժողովուրդը պատրաստ է հոգին ու մարմինը հանձնել այն մարդկանց, որոնք իրենց տեր կկանգնեն ու կօգնեն ապրել։ Կարծում եմ, որ էդ թեման կարելի է քննարկել առանձին։

Philosopher
12.02.2007, 17:11
Իսկ վիճելու բան ընդհանրապես չկա, պարզապես պետք է քվեարկել ու ապացուցել, որ հասարակության մեծ մասը ապստամբում է ավտորիտար լիդերների դեմ։ Ինչ վերաբերում է նշածս աղբյուրներին, կարող ես նաև չկարդալ, դու միայնակ չես դրանք կարդացած չլինելու մեջ։ Իսկ ինչ վերաբերում է այն հանգամանքին, որ հայության մեջ ներքին ստրկությունը ավելի քիչ է, քան էր Չեխովի մեջ, դա իսկապես սենսացիոն բացահայտում է, գոնե իմ՝ և՛ Չեխովին, և՛ հայ հասարակությանը իմացողիս համար։

Խաչակիր
12.02.2007, 17:20
Իսկ ինչ վերաբերում է այն հանգամանքին, որ հայության մեջ ներքին ստրկությունը ավելի քիչ է, քան էր Չեխովի մեջ, դա իսկապես սենսացիոն բացահայտում է, գոնե իմ՝ և՛ Չեխովին, և՛ հայ հասարակությանը իմացողիս համար։

Փիլիսոփաներից մեկը ասում էր "Ես գիտեմ, որ ոչինչ չգիտեմ"։ Եթե դա նշանակում է, որ ինքը իսկապես ոչինչ չգիտեր, ուրեմն Չեխովը ավելի ստրկամիտ էր, քան որևէ մեկը այս աշխարհում։ Իսկ հայության մեջ, ինչպես նաև ցանկացած այլ ժողովրդի, ստրկամտություն չի կարող լինել։ Օտար նվաճողների դեմ մեր ժողովրդի դարավոր պայքարը դրա խոսուն ապացույցն է։

Philosopher
12.02.2007, 17:24
Ազգային նարցիսիզմը իսկապես հզոր զենք է, հատկապես այնպիսի թույլ երևույթների դեմ, ինչպիսիք են Չեխովը և Սոկրատեսը։ Նրանք պարզապես կոմպլեքսավորվում են հայ ժողովրդի դարավոր պայքարի ու փառահեղ ձեռքբերումների առջև։

lili-4
12.02.2007, 17:40
Կարդում եմ ձեր բանավեճն ու մտածում, թե ամենից շատ ինչ եք ցանկացել ցույց տալ, ձեր իմացականը՞ քաղաքական հարցերի մասին, թե՞ ձեր անհատական տեսակետը տվյալ կուսակցության մասին:Ցանկացած կուսակցություն, անկախ նրանից ,թե ինչ անունով կներկայանա, բոլոր խնդիրների հետ մեկտեղ ունի մեկ գերխնդիր. հասնել իշխանության:Դե բնական է, առանց իշխանակն լծակների անհնար է հասնել այն "պայծառ ապագային", որ խոստանում են:Եվ ի՞նչ եք կարծում, այսքան արագ ու այսքան մեծ քանակով ստեղծված կուսակցության խնդիրն իսկապե՞ս բարգավաճ Հայաստան ունենալն է, թե՞ բարեկեցիկ թալան ապահովելն է…

Խաչակիր
13.02.2007, 11:01
Կարդում եմ ձեր բանավեճն ու մտածում, թե ամենից շատ ինչ եք ցանկացել ցույց տալ, ձեր իմացականը՞ քաղաքական հարցերի մասին, թե՞ ձեր անհատական տեսակետը տվյալ կուսակցության մասին
Ինչպես տեսաք, "Բարգավաճ Հայաստան" կուսակցության մասին երկուսիս կարծիքը խիստ բացասական է:

Ազգային նարցիսիզմը իսկապես հզոր զենք է, հատկապես այնպիսի թույլ երևույթների դեմ, ինչպիսիք են Չեխովը և Սոկրատեսը։ Նրանք պարզապես կոմպլեքսավորվում են հայ ժողովրդի դարավոր պայքարի ու փառահեղ ձեռքբերումների առջև։
Նման անպատասխանատու հայտարարությունները ինձ իսկապես զայրացնում են: Եթե Սոկրատեսը ժամանակին իմանար, որ իրանից հետո նման մեծ փիլիսոփաներ են ծնվելու, երևի չհամարձակվեր գրիչ ձեռքը վերցներ: Ինձ մոտ տպավորություն է ստեղծվում, թե Philosoper-ի նպատակը հայ ազգի մեջ ստրկամտության ոգի քարոզելն է: Այն ինչ, իրականում մենք գործ ունենք վատագույն դեպքում վառ արտահայտված հարմարվողականության կամ հանդուրողականության հետ: Ստրկացած հոգեբանություն ունեցող ժողովուրդները վաղուց պատմության գիրկն են անցել: Եթե մի ժողովուրդ շարունակում է օայքարել իր ինքնության պահպանման համար, ուրեմն բացառվում է, որ այն ստրկամիտ լինի: Ստրկամիտ կարող են լինել միայն անհատներ, որոնք իրենց հոգու տկարությունը փորձում են տարածել ամբողջ հասարակության վրա` դրանով իսկ թաքցնելով սեփական թերությունը:

Philosopher
13.02.2007, 11:08
Ինչպես տեսաք, "Բարգավաճ Հայաստան" կուսակցության մասին երկուսիս կարծիքը խիստ բացասական է:

Նման անպատասխանատու հայտարարությունները ինձ իսկապես զայրացնում են: Եթե Սոկրատեսը ժամանակին իմանար, որ իրանից հետո նման մեծ փիլիսոփաներ են ծնվելու, երևի չհամարձակվեր գրիչ ձեռքը վերցներ: Ինձ մոտ տպավորություն է ստեղծվում, թե Philosoper-ի նպատակը հայ ազգի մեջ ստրկամտության ոգի քարոզելն է: Այն ինչ, իրականում մենք գործ ունենք վատագույն դեպքում վառ արտահայտված հարմարվողականության կամ հանդուրողականության հետ: Ստրկացած հոգեբանություն ունեցող ժողովուրդները վաղուց պատմության գիրկն են անցել: Եթե մի ժողովուրդ շարունակում է օայքարել իր ինքնության պահպանման համար, ուրեմն բացառվում է, որ այն ստրկամիտ լինի: Ստրկամիտ կարող են լինել միայն անհատներ, որոնք իրենց հոգու տկարությունը փորձում են տարածել ամբողջ հասարակության վրա` դրանով իսկ թաքցնելով սեփական թերությունը:
Յուրաքանչյուր զրույց, եթե այն հոգեվերլուծողի սեանս չէ, կարող է արդյունավետ լինել, եթե երկու կողմերն էլ ադեկվատ են և հասկանում են դիմացինի մտքերը և ոչ թե փորձում իրենց մտքերը ներկայացնել որպես դիմացինինը և սկսել մեկնաբանել դրանք։ Սա շատ վտանգավոր պրակտիկա է, որից խորհուրդ է տրվում զգուշանալ։ Առավել ևս, եթե նկատվում են նաև ագրեսիայի ակնհայտ նշաններ, որոնք պղտորում են մարդու միտքը ու նրան հասցնում իրականի ու երևակայականի վտանգավոր սահմանների։ Առավել լավ է պարզապես պատասխանել հարցերին ու խուսափել տարբեր ինտելեկտուալ խութերից։ Մտածելը իսկապես գործունեության բավականին բարդ տեսակ է։

Խաչակիր
13.02.2007, 11:28
Մտածելը իսկապես գործունեության բավականին բարդ տեսակ է։
Ակնհայտ է, որ մտքի ու լեզվի վարժությունները քո մոտ լավ են ստացվում, բայց այնուամենայնիվ փորձիր հասկանալ, թե քո որ գաղափարներն են, որ ինձ մոտ ագրեսիա են առաջացնում:

Philosopher
13.02.2007, 11:35
Իմ հիմնական գաղափարին դու համամիտ ես
Ինչպես տեսաք, "Բարգավաճ Հայաստան" կուսակցության մասին երկուսիս կարծիքը խիստ բացասական է:, իսկ մյուս մտքերը դրա գիտական հիմնավորումն են՝ հաստաված գիտական ուսումնասիրություններով, ինչը նշանակում է, որ դրանք ոչ իմ, ոչ քո համամիտ լինելու կամ չլինելու, առավել ևս՝ ագրեսիայի կարիքը չունեն։

Ֆելո
13.02.2007, 19:53
վերաբերմունքս ընդհանրապես էնքան էլ դրական չէր, բայց հաշվի առնելով, որ Աբովյան քաղաքը "բարգավաճեց" էդ կուսակցության նախագահի շնորհիվ, կարծիքս ահագին լավացավ... էդ ուրիշ բան, որ "մեր փողերով", բայց 95%-ը էդքանն էլ չէն անում...;)

ladyARM
14.02.2007, 02:07
Ջան :[ .............................
Հերիք չի սաղ հայաստանը գրավել են, արդեն ֆորում էլ ներխուժեցին....
Էհհհհհ :think
դեռ շատ դժավարությունների միջով պիտի անցնենք, որ ժողովրդավար ու ազնիվ դառնանք...
Թե չէ, երբ մեզանից իսկ գողացված փողերով մեզ նվիրատվություն են անում, մենք հալվում էնք...
էսքան էլ նյութապաշտ........ :o

:o :( :o

Vive L'Armenie
17.02.2007, 02:54
Ճիշտն ասած սկի չգիտեի, որ այդպիսի կուսակցություն էլ գոյություն ուներ: :think

P.S.
17.02.2007, 10:00
Համաձայն եմ քո բոլոր գնահատականներին, բացառությամբ այն, ինչ վերաբերում է Փոքր Մհերին: Դու գրել ես.՝


Բոլորը սպասում են Փոքր Մհերին, որ նա փրկի իրենց, և միանգամայն ուրախ կլինեն եթե այդ Մհերի անունը մոդիֆիկացվի, բայց նա կատարի նույն գործառույթը՝ վերցնի պատասխանատվությունը իրենց վրայից ու իր ստվերում տեղ տա նրանց։ Ահա սա է "Բարգավաճ Հայաստանի" ֆենոմենը, որը ազգային ինքնասպանության պատմական շղթայի մեջ կարևոր դեր կարող է ունենալ։


Ոչ, իրականում ոչ ոք Մհերին չի սպասում: Մհերը նեղացավ և առանձնացավ: Ու սպասում է հրավերի: Նրան թվում էր, թե պետք է գան իր հետևից: ԻՆչպես օրինակ Լևոն Տեր Պետրոսյանը, հեռանալուց ասաց, որ եթե ազգով խնդրեք, կվերադառնամ: Ու դեռ հրավեր չի ստացել:
Ինչ մնում է ժողովրդին, ապա կա մի մեծ հասարակական հիվանդություն, կոչվում է ԱՆՏԱՐԲԵՐՈՒԹՅՈՒՆ: Կա նաև այդպիսի գիրք, որ կոչվում է ԱՆՏԱՐԲԵՐՆԵՐԻ ԴԱՎԱԴՐՈՒԹՅՈՒՆԸ, երբ իշխանությունը այնքան է բարոյալքում հասարակությունը, որն իր իսկ սեփական ճակատագրի հանդեպ անտարբեր է դառնում: Քաղաքացիական հասարակությունը հենց ամեն երկրի առողջ օրգանիզմն է: Մեր հասարակությունը չի ձգտում, չի հետևում որևէ մեկին, որովհետև անտարբեր է: Անտարբեր է սեփական երկրի, քաղաքի, բակի, մայթի, հարևանների, պատգամավորների նկատմամբ: Որովհետև ով էլ անտարբեր չի, հրապարակավ պատժվում է:
Երկրում փոփոխությունների համար պետք է վերացնել անտարբերությունը: Որ մարդիկ ուղղակի հանրահավաք անեն, որ Ծառուկյանի նման անգրագետին ուղղակի քաղաքականություն չթողնեն, որ Սեյրան Սարոյանին դատի տան զինվորների նկատմամբ դաժան վերաբերմունքի համար, այլ ոչ թե լեգալացնեն պատգամավորի թեկնածույով, որ չհանդուրժեն կոռուպցիան եւ մենաշնորհը:
Ցավոք, Հայաստանն այնքան խորն է մխրճվել այս ամենի մեջ, որ անձամբ ես չեմ կարող պատկերացնել, հնարավոր կլինի վերականգնվել: Ընդդիմությունը պարզունակ է եւ պատեհապաշտ, իշխանությունը՝ կոռումպացված եւ մարդասպան: Ցավոք, մայիսին մենք ընտրելու ենք վատի եւ վատթարագույնի միջև: Իսկ դա արդեն ընտրությւոն չէ, դա ինքնասպանություն է:
Հայաստանն աստիճանաբար եւ գուցե արդեն վերջնականապես վերածվել է չզարգացող բռնապետական երկրի, որտեղ ապրում են նվազագույն քանակի մարդ՝ պետության ատրիբուտիկան պահպանելու համար: Իրականում Հայաստանը վաղուց արդեն անհեռանկարային երկիր է, ու ով կարող էր, հեռացել է:
Իրականում մենք Թուրքիայում ապրող քրդերից տարբերվում ենք նրանով, որ կարողացանք պետություն պահպանել: Բայց ոչ ավելին: Հիմա պատմությունն ապացուցում է՝ դրան էլ արժանի չէինք: ՈՒ աստիճանաբար զրկվում ենք նաեւ ինքնիշխան Հայաստանից՝ դառնալով Ռուսաստանի հերթական կցորդը, որը կուզենա ժերտվա կտա կուզենա կխաղաղա Հայաստանի հետ:
Ու ես չեմ տեսնում որևէ ուժ, որևէ սերունդ, որ կարող է մեզ դուրս բերել այս փուլից: Այս ֆորումն էլ ինքնախաբեության մի ձև է, երբ տեսնում ես հարցեր՝ Հայաստանը երբ կդառնա ԵՄ անդամ: ԵՄ անդամությունը առաջին հերթին քաղաքակրության պատկանելիություն է նշանակում, իսկ մենք վաղուց արդեն կցված ենք միջին-արևելյան մուսուլմանական երկրների ցանկին, որտեղ ամենաէժանը մարդկային կյանքն է, կոռուպցիան՝ հանրային նորմ, ընտրությունը՝ միայն ֆիկցիա:
Ճամպրուկները հավաքելու ժամանակն է, պարոնայք: Ու դա ոչ թե դավաճանություն է, այլ կենդանի մնալու միակ ուղին: Դժբախտաբար…

AN3
24.02.2007, 01:24
Եթե մի կուսակցության ղեկավար կարող է այդքան անկիրթ ու քաղաքականապես ոչ հասուն լինել,էլ ինչ կուսակցության մասին է խոսքը:think

ladyARM
24.02.2007, 01:26
Եթե մի կուսակցության ղեկավար կարող է այդքան անկիրթ ու քաղաքականապես ոչ հասուն լինել,էլ ինչ կուսակցության մասին է խոսքը:think

Լիովին համաձայն եմ, մանավանդ, որ նույնիսկ իր համար գրված ելույթը կարդալ չի կարողանում: Համենայնդեպս այնպես է կարդում, ասես աշակերտը, որին ստիպում են դաս սովորել.....

Philosopher
24.02.2007, 08:24
Լիովին համաձայն եմ, մանավանդ, որ նույնիսկ իր համար գրված ելույթը կարդալ չի կարողանում: Համենայնդեպս այնպես է կարդում, ասես աշակերտը, որին ստիպում են դաս սովորել.....
Իմիջիայլոց, "Բարգավաճ Հայաստան" նախագծի հեղինակները նրա լիդերի գրագիտության մակարդակի հանգամանքը ևս հաշվի են առել։ Բ. Բերեզովսկին ժամանակի ասում էր. տվեք ինձ որոշակի գումար և ես ցանկացած կապիկի կդարձնեմ Ռուսաստանի նախագահ։ Խնդիրն այստեղ միայն այն չէ, որ ցանկացած մարդու կարելի է դարձնել քաղաքական լիդեր՝ անկախ նրա գրակգիտության մակարդակից, այլ այն, որ այնպիսի երկրներում, ինչպիսիք են Հայաստանն ու Ռուսաստանը, ընտրողների մեծամասնության մոտ լիդերի անգրագիտությունը առաջացնում է բավականին հետաքրքիր քաղաքական արձագանք. եթե, օրինակ, Եվրոպայում որևէ անգրագետ հայտարարություն անմիջապես կկործաներ ցանկացած քաղաքական գործչի կարիերան, ապա Հայաստանում այդպիսի հայտարարությունները առաջացնում են ընտրողի ինքնանույնացում այդ մարդու հետ՝ "անգրագետ ես դու, անգրագետ եմ ես, ուրեմն մենք նույն ճամբարից ենք", ինչը և քաղաքական լիդերության լավագույն նախապայմանն է։ Այնպես որ, "Բարգավաճ Հայաստանի" ինտելեկտուալ սակավամտությունը նրա հաջողության կարևոր բաղկացուցիչ մասերից է։

Philosopher
26.02.2007, 08:25
Ոչ, իրականում ոչ ոք Մհերին չի սպասում: Մհերը նեղացավ և առանձնացավ: Ու սպասում է հրավերի: Նրան թվում էր, թե պետք է գան իր հետևից: ԻՆչպես օրինակ Լևոն Տեր Պետրոսյանը, հեռանալուց ասաց, որ եթե ազգով խնդրեք, կվերադառնամ: Ու դեռ հրավեր չի ստացել: Մհերին սպասելը ազգային հոգեբանության ամենաէական գծերից է, որը եղել է և շարունակելու է մնալ միջին վիճակագրական հայ ընտրողի քաղաքական կողմնորոշումների ամենակարևոր որոշիչ գծերից մեկը։ Ինչ վերաբերում է հրավերին, ապա այն բոլորովին բնորոշ չէ հայի հոգեբանությանը։ Հայ մարդը իր հայրենակցին ուժով օժտել չի ցանկանում և երբեք չի վարվել այդպես, նա ցանկանում է, որ իրեն փրկի ու իր թևի տակ առնի արդեն ուժով օժտվածը. ահա սա է Մհերին սպասելու սինդրոմը։ Այսինքն՝ հայ հանրությունը ոչ թե ինքն է ծնում իր հերոսին, այլ ուզում է, որ արդեն իսկ որևէ ձևով հերոսի իմիջ ունեցող մեկը իրեն հովանավորի ու փրկի, ինչը և դառնում է ազգային ինքնասպանության կարևոր բաղադրիչներից մեկը։
Հ.Գ. Այս պահի դրությամբ "Բարգավաճ Հայաստանը", ըստ հարցման արդյունքների, ունի 20–25 % հասարակական աջակցություն, իսկ եթե հաշվի առնենք, որ նրա ընտրողների հիմնական զանգվածը Ինտերնետից չի օգտվում, իսկ համակարգիչն էլ նրա համար չբացահայտված չթռչող օբյեկտ է, ապա կարելի՞ է ենթադրել, որ նույնիսկ միանգամայն բաց և թափանցիկ ընտրությունների դեպքում այդ կուսակցությունը կստանա նվազագագույնը ձայների 25–30 %–ը, ինչը, ի դեպ, լիովին կբավարարի այդ նախագծի հեղինակներին։

Սալբի
26.02.2007, 11:11
Իմիջիայլոց, "Բարգավաճ Հայաստան" նախագծի հեղինակները նրա լիդերի գրագիտության մակարդակի հանգամանքը ևս հաշվի են առել։ Բ. Բերեզովսկին ժամանակի ասում էր. տվեք ինձ որոշակի գումար և ես ցանկացած կապիկի կդարձնեմ Ռուսաստանի նախագահ։ Խնդիրն այստեղ միայն այն չէ, որ ցանկացած մարդու կարելի է դարձնել քաղաքական լիդեր՝ անկախ նրա գրակգիտության մակարդակից, այլ այն, որ այնպիսի երկրներում, ինչպիսիք են Հայաստանն ու Ռուսաստանը, ընտրողների մեծամասնության մոտ լիդերի անգրագիտությունը առաջացնում է բավականին հետաքրքիր քաղաքական արձագանք. եթե, օրինակ, Եվրոպայում որևէ անգրագետ հայտարարություն անմիջապես կկործաներ ցանկացած քաղաքական գործչի կարիերան, ապա Հայաստանում այդպիսի հայտարարությունները առաջացնում են ընտրողի ինքնանույնացում այդ մարդու հետ՝ "անգրագետ ես դու, անգրագետ եմ ես, ուրեմն մենք նույն ճամբարից ենք", ինչը և քաղաքական լիդերության լավագույն նախապայմանն է։ Այնպես որ, "Բարգավաճ Հայաստանի" ինտելեկտուալ սակավամտությունը նրա հաջողության կարևոր բաղկացուցիչ մասերից է։

Կեցցես...
Կեցցես...

Երվանդ
26.02.2007, 15:42
Համաձայն եմ քո բոլոր գնահատականներին, բացառությամբ այն, ինչ վերաբերում է Փոքր Մհերին: Դու գրել ես.՝



Ոչ, իրականում ոչ ոք Մհերին չի սպասում: Մհերը նեղացավ և առանձնացավ: Ու սպասում է հրավերի:

Մհերի մասին ինչ որ հաճախ եմ հանդիպում, ուզում եմ ասեմ Մհերը հենց մենք ենք ու Մհերի գալու չգալու խնդիր չկա, երբ մենք կունենանք նորմալ արժեքային համակարգով ազատ ,առողջ ու իրավական հասարակություն, դա կնշանակի որ Մհերը վերադարձավ:

Cassiopeia
27.02.2007, 11:42
Շատ լավ նախընտրական ակցիա է իրականացնում… Այսօր նկատեցի, որ շրջաններից եկող ուսանողական ավտոբուսների վրա գրված է "Ուսանողների անվճար երթևեկություն": Կուսակցությունը շատ խորամանկ է գտնվել այդ հարցում: Գիտի, որ ձուկը բռնում են գլխից: :think

Avangardist
27.02.2007, 15:23
Էտ կուսակցությունը մերօրյա կեցության հայելային լիարժեք պատկերն ա, ու միանգամայն օրինաչափ ա, որ դինոզավրի ուղեղով հաստամարմինները էտալոնային են դառնում մեր հասարակության մեջ: Ժողովրդի 70 տոկոսի համար շատ օրինաչափ ա քաղաքական դաշտի նման ձևաղեղումներ: Բթամիտ հասարակությունը ամենավտանգավոր ու սարսափելի բանն ա:

Philosopher
27.02.2007, 16:14
Բթամիտ հասարակությունը ամենավտանգավոր ու սարսափելի բանն ա: Առավել վտանգավոր է մարգինալ ու ինֆանտիլ մտավորականությունը, որը այդ բթամտության դեմ վճռական պայքարի տպավորություն է ստեղծում, իսկ վճռական պահերին դառնում է այդ բթամտության ու նրա մարմնացում քաղաքական ուժերի պսեվդո–ինտելեկտուալ հենարանը։

Avangardist
28.02.2007, 10:44
Երբ ես ասում եմ բթամիտ հասարակություն, ես նկատի ունեմ, որ այդ հասարակության մի բաղկացուցիչ կազմող մտավորականությանը ևս, որը, ցավոք, այդ նույն բթամտության որոշ էլեմեններ կրում է իր վրա:Եթե նկատել էք, մտավորականություն բառը վերջերս բոլոր կողմերից բռնաբարվում ա, իսկ առհասարակ, կարծում եմ` մեզանում արհեստականորեն ցանկանում են որոշակիացնել մտավորականության առաքելությունը, մինչդեռ ակնհայտ է, որ այն սպոնտան ձևավորվող գերզգայուն օրգանիզմ է, որը դասակարգման կարիք չունի: Եթե փորձես, սահամնել մտավորականության գործառույթները, ապա դրանք այլևս կկորցնեն իրենց բուն ուղղվածությունը:
Հակառակ դրան, խուսափելով մտավորականություն հասկացությունից, կուզեի բնութագրել ԲԱՐՁՐ ինքնագիտակցություն ունեցող ԱՇԽԱՐՀԱՔԱՂԱՔԱՑՈՒ հիմնական մենթալ արժանիքը, այն է` գիտակցել կամ կանխազգալ մոտալուտ սարսափները և վտանգները, ահազանգել և անպայման առաջարկություններ անել, թե ինչպես խուսափել ԲԹԱՄՏՈՒԹՅԱՆ ԱՀԱՍԱՐՍՈՒՌ ՈՒԺԻՑ:
Բարեբախտաբար հասարակությունը ինքը ինքնապաշտպանական հատկություններով օժտված գերօրգանիզմ է և բնականորեն գտնում է ճանապարհներ ինքնամարգինալությունից դուրս գալու:
P. S. Հասարակությունը ունի կանխազգալու բնազդային կարողություն- մխիթարվենք, մխիթարվենք...

Philosopher
28.02.2007, 11:10
Երբ ես ասում եմ բթամիտ հասարակություն, ես նկատի ունեմ, որ այդ հասարակության մի բաղկացուցիչ կազմող մտավորականությանը ևս, որը, ցավոք, այդ նույն բթամտության որոշ էլեմեններ կրում է իր վրա: Այո, և ոչ միայն որոշ, այլև կրում է այն բոլոր հոգեբանական, գաղափարական վիրուս–արխետիպերը, որոնց արդյունքում հայ հասարակությունը դարձել է մարգինալ ու սահմանափակ։

Cleopatra
01.03.2007, 19:57
վերաբերմունքս ընդհանրապես էնքան էլ դրական չէր, բայց հաշվի առնելով, որ Աբովյան քաղաքը "բարգավաճեց" էդ կուսակցության նախագահի շնորհիվ, կարծիքս ահագին լավացավ... 95%-ը էդքանն էլ չէն անում...;)
Հարգելիս և ոչ միայն դա;) ինչպես արդեն այստեղ նշվեց շրջանների ուսանողների անվճար երթևեկություն է կազմակերպել, նաև շատ ուսանեղների ուսման վարձն է ապահովել, ու էլի շատ ու շատ բաներ, օրինակ`մեր Գեղարվեստի ակադեմիայի համար արվեստանոց Ֆրանսիայի կենտրոնում:B Այնպես որ Դրական

Philosopher
03.03.2007, 07:54
Հարգելիս և ոչ միայն դա;) ինչպես արդեն այստեղ նշվեց շրջանների ուսանողների անվճար երթևեկություն է կազմակերպել, նաև շատ ուսանեղների ուսման վարձն է ապահովել, ու էլի շատ ու շատ բաներ, օրինակ`մեր Գեղարվեստի ակադեմիայի համար արվեստանոց Ֆրանսիայի կենտրոնում:B Այնպես որ Դրական
Հետաքրքիր է՝ որևէ ամերիկացու մտքով կանցնե՞ր ասել. ճիշտ է՝ Ալ Կապոնեն հանցագործ է, բայց դե քանի որ արդեն հարուստ է, թող բերի իր հարստությունները ծառայեցնի ժողովրդին, տարբեր բարիքներ բաժանի, մենք էլ նրան ընտրենք ԱՄՆ–ի նախագահ, թե փրկի ԱՄՆ–ին՝ կփրկի Ալ Կապոնեն։

Cleopatra
03.03.2007, 22:14
Հետաքրքիր է՝ որևէ ամերիկացու մտքով կանցնե՞ր ասել. ճիշտ է՝ Ալ Կապոնեն հանցագործ է, բայց դե քանի որ արդեն հարուստ է, թող բերի իր հարստությունները ծառայեցնի ժողովրդին, տարբեր բարիքներ բաժանի, մենք էլ նրան ընտրենք ԱՄՆ–ի նախագահ, թե փրկի ԱՄՆ–ին՝ կփրկի Ալ Կապոնեն։
Հարցը նրանում է, թե Ալ Կապոնեն ընդհանրապես իր թեկնածությունը կառաջարկի՞, կամ ըմդհանրապես ցանկություն ունի՞ դառնալ ԱՄՆ-ի նախագահ: Եւ մի բան էլ բարիքներ բաժանի ժողովովրդին:;)

Philosopher
03.03.2007, 22:47
Հարցը նրանում է, թե Ալ Կապոնեն ընդհանրապես իր թեկնածությունը կառաջարկի՞, կամ ըմդհանրապես ցանկություն ունի՞ դառնալ ԱՄՆ-ի նախագահ: Եւ մի բան էլ բարիքներ բաժանի ժողովովրդին:;)
Հարցը նրանում է, որ եթե նա, իսկ ավելի ճիշտ՝ նրա նմանը ոչ միայն ցանկանում, այլև երազում է առաջադրվել ու հաղթել, ապա մենք նրան պետք է օգնենք այդ գործում, թե երազախաբ անենք։

AN3
04.03.2007, 02:14
Ես մի բան շատ լավ գիտեմ,որ մեր ազգը դարեր շարունակ ծախել ու ծախում է իր հոգին գրոշներով,հիմա էլ կցախվեն ու հետո կասեն վատ ենք ապրում ու ոչ մեկը չի մտծում ազգի բարօրության մասին.Եվ մի բան էլ,հետաքրքիրն այն է,որ ֆորումում համատարած դեմ են խոսում այդ կուսակցուտյանը,բայց քվեարկության արդյունքում առաջատար կուսակցությունն է,զարմանալի չէ՞::think

Artgeo
04.03.2007, 12:00
Հարցը նրանում է, թե Ալ Կապոնեն ընդհանրապես իր թեկնածությունը կառաջարկի՞, կամ ըմդհանրապես ցանկություն ունի՞ դառնալ ԱՄՆ-ի նախագահ: Եւ մի բան էլ բարիքներ բաժանի ժողովովրդին:;)

ՈՉ, հարցը նրանում է, որ ազգը այնքան է բթացված ու սահմանափակված մտքով, որ պատրաստ է իր ձայնը տալ գողերի ու ավազակների մի խմբի, ով արդեն 10 տարի է թալանում է նույն այդ ժողովրդին: Ընդ որում թալանում է ոչ միայն նյութապես, այլ գաղափարապես ու հոգեպես:

Հիմա, նայիր, ինչ է ստացվում: 10 տարի թալանից հետո, ընտրություններից առաջ երկու կտոր հաց են շպրտում ու ընտրազանգվածը հալչում է: Դա նորմա՞լ է: Նորմալ է այն, որ ընտրություններից հետո նույն ընտրազանգվածը կանգնելու է կոտրած տաշտակի առաջ ու, որ ավազակախումբը երկու անգամ ավելին է հետ վերադարձնելու և երկու կտորը զուտ տրյուկ է բթացված ընտրազանգվածին շողոքորթելու համար: Ամեն ինչ ընտրողների ձեռքում է: ՆՐԱՆՔ են որոշելու Հայաստանի ապագան: Մնալ շրջափակված ու ծնկաչոք, թե՞ փորձել շտկել իրավիճակը: Ու պետք չէ ասել, որ այլընտրանք չկա: Այլընտրանք արդեն կա:

Cleopatra
04.03.2007, 15:54
ՈՉ, հարցը նրանում է, որ ազգը այնքան է բթացված ու սահմանափակված մտքով, որ պատրաստ է իր ձայնը տալ գողերի ու ավազակների մի խմբի, ով արդեն 10 տարի է թալանում է նույն այդ ժողովրդին: Ընդ որում թալանում է ոչ միայն նյութապես, այլ գաղափարապես ու հոգեպես:

Հիմա, նայիր, ինչ է ստացվում: 10 տարի թալանից հետո, ընտրություններից առաջ երկու կտոր հաց են շպրտում ու ընտրազանգվածը հալչում է: Դա նորմա՞լ է: Նորմալ է այն, որ ընտրություններից հետո նույն ընտրազանգվածը կանգնելու է կոտրած տաշտակի առաջ ու, որ ավազակախումբը երկու անգամ ավելին է հետ վերադարձնելու և երկու կտորը զուտ տրյուկ է բթացված ընտրազանգվածին շողոքորթելու համար: Ամեն ինչ ընտրողների ձեռքում է: ՆՐԱՆՔ են որոշելու Հայաստանի ապագան: Մնալ շրջափակված ու ծնկաչոք, թե՞ փորձել շտկել իրավիճակը: Ու պետք չէ ասել, որ այլընտրանք չկա: Այլընտրանք արդեն կա:
Եւ ի՞նչ առաջարկներ ունես, ո՞րն է այլընտանքային տարբերակը, հետաքրքիր է...

Ավելացվել է 4 րոպե անց

Հարցը նրանում է, որ եթե նա, իսկ ավելի ճիշտ՝ նրա նմանը ոչ միայն ցանկանում, այլև երազում է առաջադրվել ու հաղթել, ապա մենք նրան պետք է օգնենք այդ գործում, թե երազախաբ անենք։
Ես դեմ չեմ լինի, կարևորը, որ նա կարողանա ինչ որ չափով ժողովրդի կյանքը բարելավվել:

Artgeo
04.03.2007, 20:04
Եւ ի՞նչ առաջարկներ ունես, ո՞րն է այլընտանքային տարբերակը, հետաքրքիր է...
Այլընտրանք (http://www.ayl.am) հասարակական նախաձեռնությունը։


Ես դեմ չեմ լինի, կարևորը, որ նա կարողանա ինչ որ չափով ժողովրդի կյանքը բարելավվել:
Նրա ուզենալը պիտի արտահայտվի հարկեր վճարելով։ Ոչ թե, ընտրություններից առաջ «մեծահոգաբար» երկու կտոր շպրտելով։

Cesar
26.03.2007, 15:50
:B Այցելել եք արդյոք www.bhk.am ինտերնետային կայքը?

Cleopatra
26.03.2007, 20:11
:B Այցելել եք արդյոք www.bhk.am (http://www.bhk.am) ինտերնետային կայքը?
Կայցելենք;)

Ֆուտբոլասեր
28.03.2007, 15:18
Հարգելիս և ոչ միայն դա ինչպես արդեն այստեղ նշվեց շրջանների ուսանողների անվճար երթևեկություն է կազմակերպել, նաև շատ ուսանեղների ուսման վարձն է ապահովել, ու էլի շատ ու շատ բաներ, օրինակ`մեր Գեղարվեստի ակադեմիայի համար արվեստանոց Ֆրանսիայի կենտրոնում Այնպես որ Դրական
Կարտո-կեն ու տուկի թելը մոռացար. :):):)
Կարապետիչն էլ հեռուստացույցա բաժանում թո-ակառուներն, դրա համար իրանք ջեբկիր Տիկոյին են ընտրում:
Ձեզ արվեստանոցա տոել դրա համար դուք Դոդի Գագոյին եք ընտրում:

Վնիմանիե վապրոս!!!! դդըմփ

Ինչ տարբերություն կա Դոդի ուսանողների(Ձեր) ու ջեբկիրի թո-ակառուների մեջ?

Իմ կարխիքով ոչ մի:

dijey timur
28.03.2007, 20:06
Դրական վերաբերմունք ունեմ Բ.Հ- նկատմամբ, որովհետև ինքս դրա անդամ եմ: Շատ հետաքրքիր և օգտակար է այդ անդամակցությունն ինձ համար:
:hands

Ներսես_AM
28.03.2007, 21:39
Դրական վերաբերմունք ունեմ Բ.Հ- նկատմամբ, որովհետև ինքս դրա անդամ եմ: Շատ հետաքրքիր և օգտակար է այդ անդամակցությունն ինձ համար:
:hands
Օռինակ կասես ինչո՞վ է հետաքրքիր ու օգտակար

Artashes
29.03.2007, 11:02
Բարգավաճ Հայատանը կուսակցությո՞ւն ա :o
Այո, իսկ ինչի ես զարմանում?
(Մարդ)ը ՀՀ բյուջեից շափ փող ունի, ինչ ուզես կանի!
Մենք ել ծախու ժողովուրդ ենք, ինչ է եղել որ?
Վատը գիտեք որն է? որ ասում են մեր մտավորականների մեծ մասը այդ կուսակցությունից է: Իսկ հիմա պատկերացրեք ովքեր են մեր ազգի մտավորականները?

lili-4
30.03.2007, 21:57
Այո, իսկ ինչի ես զարմանում?
(Մարդ)ը ՀՀ բյուջեից շափ փող ունի, ինչ ուզես կանի!
Մենք ել ծախու ժողովուրդ ենք, ինչ է եղել որ?
Վատը գիտեք որն է? որ ասում են մեր մտավորականների մեծ մասը այդ կուսակցությունից է: Իսկ հիմա պատկերացրեք ովքեր են մեր ազգի մտավորականները?

Գիտես ինչ, ցանկացած շուկայական բիզնեսում պահանջ- առաջարկ հարաբերությունը դադարում է գործել կողմերից մեկի բացակայության դեպքում:Եվ ոչ մի կուսակցություն չի կաող գնել մեր ձայնը, եթե դա մենք ինքներս վաճառքի չհանենք: Հերիք է մեր թուլությունը բարդենք ուրիշների վրա: Հնարավոր չէ գնել չվաճառածը:Հետո՞ ինչ, որ բյուջեից շատ փող ունի, վախենա՞նք, թե երկրպագենք: Եվ ով ասեց, թե մտավորականը նա է, ով կառավարության կողմից կոչումներ ու շքանշաններ է ստանում::P Արժե՞ մարդուն գնահատել նրանց մակարդակով, ովքեր անձին չափում են դրամապանակի հաստությամբ, ոչ թե մտավոր կարողությամբ… :read

AMzone
31.03.2007, 16:17
Գիտեք ինչովա լավ, Բարգավաճ Հայաստան կուսակցությունը, էնրանով որ նախագահը գագիկ Ծառուկյաննա, ու ես կասեմ ինքը իրա խոսքի տերնա, այսքան ժամանակ չկա մի բան որ ինքը ասաց լինի ու արած չլինի. ես կուսակցության հետ կապ չունեմ, ուղակի հավատում եմ Ծառուկյանի խոսքին:

Philosopher
31.03.2007, 16:37
Գիտեք ինչովա լավ, Բարգավաճ Հայաստան կուսակցությունը, էնրանով որ նախագահը գագիկ Ծառուկյաննա, ու ես կասեմ ինքը իրա խոսքի տերնա, այսքան ժամանակ չկա մի բան որ ինքը ասաց լինի ու արած չլինի. ես կուսակցության հետ կապ չունեմ, ուղակի հավատում եմ Ծառուկյանի խոսքին:
Իհարկե, կարելի է հավատել խոսքին, ֆիզիկական ուժին, ընտրազանգվածի մոտ գլխապտույտ առաջացնող ժպիտին և այլ բարեմասնությունների, սակայն արդյոք դրանք քաղաքական կատեգորիաներ են, եթե` այո, ապա մենք արժանի ենք հենց այդ բարեմասնություններին ու դրանց աստվածացման տկարամտությանը:

Array
31.03.2007, 16:44
Գիտեք ինչովա լավ, Բարգավաճ Հայաստան կուսակցությունը, էնրանով որ նախագահը գագիկ Ծառուկյաննա, ու ես կասեմ ինքը իրա խոսքի տերնա, այսքան ժամանակ չկա մի բան որ ինքը ասաց լինի ու արած չլինի. ես կուսակցության հետ կապ չունեմ, ուղակի հավատում եմ Ծառուկյանի խոսքին:
Բա էլ կուսաքցությունը որս ա:Ասում ենք "Բարգավաճ Հայաստան" հասկանում ենք Գագիկ Ծառուկյան,Ասում ենք Գագիկ Ծառուկյան հասկանում ենք Գագիկ Ծառուկյան:)
Ինձ ինքը դուր ա գալիս ենքանուվ,որ ինքը,ի տարբերություն շատերի ընդունում ա,որ քաղաքական գործիչ չի,ու բարի գործեր էլ ա անում:Ես համենային դեպս իրեն ավելի շատ եմ հարգում,քան մեր ,այսպես կոչված, վերնախավց որևէ մեկին

Մելիք
01.04.2007, 03:33
Ինձ ինքը դուր ա գալիս ենքանուվ,որ ինքը,ի տարբերություն շատերի ընդունում ա,որ քաղաքական գործիչ չիԷդ դեպքում ինչ գործ ունի քաղաքականուտըան մեջ, էն էլ մի հսկա կուսակցության ղեկին: Մենք չգիտեմ խի տարս ենք մտածում, մեր մոտ ոչ ոք իրա գործով չի զբաղվում, ու դա բոլորովին նշանակություն չունի, կարևորը , որ պրիզնատ գան, որ էդ իրանց գործը չի, մնացածը հեչ: Ու էդ մենք դեռ դրական էլ գնահատում ենք, ոչ իրանց գործով զբաղվողներին : Դրա համար էլ էս երկիրը երկիր չի դառնում: Այ երբ որ բարեգործական հիմնադրամի ու կուասկցության գործառույթներն սկսեն տարբերվել էս երկրում, էն ժամանակ գուցե հույս կլինի, որ ինչ որ բան փոխվելույա դեպի լավը:

Sergey
01.04.2007, 09:10
Վատը գիտեք որն է? որ ասում են մեր մտավորականների մեծ մասը այդ կուսակցությունից է: Իսկ հիմա պատկերացրեք ովքեր են մեր ազգի մտավորականները?

Ինչու՞ է վատ, շատ էլ լավ է՝ բոլորի համար էլ ակնհայտ դարձավ, որ այդ մարդիկ որևէ իրավունք չունեն մտավորական կոչվելու:[

AMzone
01.04.2007, 12:07
Ինչու՞ է վատ, շատ էլ լավ է՝ բոլորի համար էլ ակնհայտ դարձավ, որ այդ մարդիկ որևէ իրավունք չունեն մտավորական կոչվելու
Իսկ ամպայման է մտավորական լինես, և որ միյուս կուսակցություններից մտավորականներ ունեն, մենակ թե չասեք Հանրապետական, որոնք արդեն 4 տարի ավել է մեր հաշվին են ապրում:

Վազգեն
12.04.2007, 01:14
Վերջերս Ազգում հարցազրույց տեղի ունեցավ Գագիկ Ծառուկյանի հետ։
http://www.azg.am/?lang=AR&num=0000000201
Ինձ շատ հետաքրքիր է ձեր՝ ակումբակիցներիս կարծիքը։

քաղաքացի
12.04.2007, 01:52
Վերջերս Ազգում հարցազրույց տեղի ունեցավ Գագիկ Ծառուկյանի հետ։
http://www.azg.am/?lang=AR&num=0000000201
Ինձ շատ հետաքրքիր է ձեր՝ ակումբակիցներիս կարծիքը։
Ավելի շատ չէի կարող ծիծաղել։ :lol
Ախր զոռով չի էլի: Էդ մարդու մականունը անկապ հո չե՞ն դրել: Պարզ երևում է, որ…
Ի դեպ պատասխաններից մեկում սխալ բան է ասում: Նա ֆիզիկական կուլտուրայի ինստիտուտը ավարտել է ոչ թե 1989 այլ 2006-ին, այսինքն նա այդ տարի «ստացել» դիպլոմ:
Դե դա կարևոր չի, կարևորը, որ բարձրագույն կրթություն ունի: :D

Սահակ
12.04.2007, 08:43
Վերջերս Ազգում հարցազրույց տեղի ունեցավ Գագիկ Ծառուկյանի հետ։
http://www.azg.am/?lang=AR&num=0000000201
Ինձ շատ հետաքրքիր է ձեր՝ ակումբակիցներիս կարծիքը։
Հենց նոր կարդացի ամբողջ հարցազրույցը։ Բավականին լավ տպավորություն իմ վրա թոցեց։ Նաև ստուգեցի «դոդ» բառը Աղայանի արդի հայերենի բացատրական բառարանում։ Իրոք «դոդ» բառը միայն մեկ իմաստ ունի «մեծ կավե աման»։ Արդեն ավելացրեցի վիքիբառարանում՝ http://hy.wiktionary.org/wiki/դոդ

Marduk
12.04.2007, 11:06
ՀԱՐՁԱԿՈՒՄ «ԲԱՐԳԱՎԱՃ ՀԱՅԱՍՏԱՆ»-Ի ՇՏԱԲԵՐԻ ՎՐԱ
Անցած գիշեր պայթեցրել են Ավան և Քանաքեռ, Զեյթուն համայնքներում գտնվող «Բարգավաճ Հայաստան» կուսակցության երկու նախընտրական շտաբեր: Մեր տեղեկությունները հաստատեցին նաև կուսակցությունում:
Շարունակելի...

քաղաքացի
12.04.2007, 11:30
ՀԱՐՁԱԿՈՒՄ «ԲԱՐԳԱՎԱՃ ՀԱՅԱՍՏԱՆ»-Ի ՇՏԱԲԵՐԻ ՎՐԱ
Անցած գիշեր պայթեցրել են Ավան և Քանաքեռ, Զեյթուն համայնքներում գտնվող «Բարգավաճ Հայաստան» կուսակցության երկու նախընտրական շտաբեր: Մեր տեղեկությունները հաստատեցին նաև կուսակցությունում:
Շարունակելի...

Հայաստանում էլ են պայթեցնում: :8

Այսօր լուսաբացին պայթեցրել են ՚Բարգավաճ Հայաստանիՙ` Ավանի Նարեկացի 39 հասցեի` 16 հարկանի շենքի առաջին հարկում գտնվող շտաբը: Ինչպես ՚Ա1+ՙ-ին հայտնել է կուսակցության տարածքային կազմակերպության պատասխանատու Լեւոն Ասատրյանը` դռան շեմին պայթուցիկ է տեղադրված եղել: Ավերվել է ոչ միայն շտաբն ամբողջությամբ, այլեւ կից խանութը: Ըստ խանութի սեփականատիրոջ` իրեն հասցվել է 25000 դոլարի վնաս: Ի դեպ, այսօր պայթեցվել է նաեւ ԲՀԿ-ի Քանաքեռ-Զեյթունում գտնվող շտաբը: Կուսակցությունում հրաժարվում են մեկնաբանություններ տալ: Իրենք դիմել են իրավապահներին եւ, ըստ մամուլի քարտուղար Բաղդասար Մհերյանի, իրենք հանդես կգան հայտարարությամբ:
http://www.a1plus.am/amu/?page=issue&iid=47800

Հաստատ էն խանութի սեփականատիրոջ մատը խառն ա :lol

Լէգնա
12.04.2007, 11:38
Նա ֆիզիկական կուլտուրայի ինստիտուտը ավարտել է ոչ թե 1989 այլ 2006-ին, այսինքն նա այդ տարի «ստացել» դիպլոմ:
Դե դա կարևոր չի, կարևորը, որ բարձրագույն կրթություն ունի: :D
89 -ին ավարտել է Աբովյան քաղաքի "Ճարտարագիտական" քոլեջը:

Philosopher
12.04.2007, 13:03
Հենց նոր կարդացի ամբողջ հարցազրույցը։ Բավականին լավ տպավորություն իմ վրա թոցեց։ Նաև ստուգեցի «դոդ» բառը Աղայանի արդի հայերենի բացատրական բառարանում։ Իրոք «դոդ» բառը միայն մեկ իմաստ ունի «մեծ կավե աման»։ Արդեն ավելացրեցի վիքիբառարանում՝ http://hy.wiktionary.org/wiki/դոդ
Ի՞նչ առումով՝ լավ տպավորություն. նրա ինտելեկտը քեզ գերե՞ց, անկեղծությու՞նը, թե՞ այն, որ պարզ ու հասանելի ձևակերպումներով պատասխանում է այն հարցերին, որոնց այդպես պատասխանելը ու դրանցից այդքան հեշտ պրծնելը նորմալ երկրում, մեղմ ասած, խիստ դժվար կլիներ։ Ի դեպ, քանի որ դու ԱՄՆ–ում ես, այս հարցը կարծում եմ քեզ էլ կարելի է ուղղել.

Հետաքրքիր է՝ որևէ ամերիկացու մտքով կանցնե՞ր ասել. ճիշտ է՝ Ալ Կապոնեն հանցագործ է, բայց դե քանի որ արդեն հարուստ է, թող բերի իր հարստությունները ծառայեցնի ժողովրդին, տարբեր բարիքներ բաժանի, մենք էլ նրան ընտրենք ԱՄՆ–ի նախագահ, թե փրկի ԱՄՆ–ին՝ կփրկի Ալ Կապոնեն։

քաղաքացի
12.04.2007, 13:11
Հենց նոր կարդացի ամբողջ հարցազրույցը։ Բավականին լավ տպավորություն իմ վրա թոցեց։ Նաև ստուգեցի «դոդ» բառը Աղայանի արդի հայերենի բացատրական բառարանում։ Իրոք «դոդ» բառը միայն մեկ իմաստ ունի «մեծ կավե աման»։ Արդեն ավելացրեցի վիքիբառարանում՝ http://hy.wiktionary.org/wiki/դոդ

Մի մոռացի, որ հայերենից բացի ուրիշ լեզու էլ կա, օրինակ՝ ռուսերեն: Մականուն դնողները Աղայանի բառարանի գոյության մասին անգամ տեղյակ չեն, ուր մնաց «դոդ» բառի հայերեն բացատրությունը իմանան: Մնում է 1 տարբերակ: «Մականունը» ընտրված է ռուսերենի բառապաշարից: ;)

Սահակ
12.04.2007, 19:04
Ի՞նչ առումով՝ լավ տպավորություն. նրա ինտելեկտը քեզ գերե՞ց, անկեղծությու՞նը, թե՞ այն, որ պարզ ու հասանելի ձևակերպումներով պատասխանում է այն հարցերին, որոնց այդպես պատասխանելը ու դրանցից այդքան հեշտ պրծնելը նորմալ երկրում, մեղմ ասած, խիստ դժվար կլիներ։
Առաջին հերթին իր անկեղծությունը ու անմիջականությունը։ Նաև ի տարբերություն շատ որիշ ընդդիմության ներկայացուցիչների իր խոսելուց զգացվում էր որ ինքը ոչ մեկի վրա «նեղացած» չի ու ոչ մեկից ոչ մի բան չի ուզում։

Հետաքրքիր է՝ որևէ ամերիկացու մտքով կանցնե՞ր ասել. ճիշտ է՝ Ալ Կապոնեն հանցագործ է, բայց դե քանի որ արդեն հարուստ է, թող բերի իր հարստությունները ծառայեցնի ժողովրդին, տարբեր բարիքներ բաժանի, մենք էլ նրան ընտրենք ԱՄՆ–ի նախագահ, թե փրկի ԱՄՆ–ին՝ կփրկի Ալ Կապոնեն։
Նախ և առաջ Ամերիկայի բոլոր քաղաքական մարդիկ, սկսած երկրի հիմնադիրներից և վերջացրած ներկա Նյու Յորքի մերով՝ Մայքլ Բլումբերգ(բիլլիոնատեր), շատ մեծահարուստ գործարարներ են։ Երկրորդը՝ Ամերիկայում ցանկացած մարդ համարվում է անմեղ մինչև որ ինքը չդատապարտվի դատարանում։ Եվ այդ նույն Ալ Կապոնեն՝ Ամերիկայի ամենամեծ հանցագործը, համարյա իր ամբողջ կյանքի ընթացքում համարվել է անմեղ և շատ մեծ ազդեցություն է ունեցել ԱՄՆ-ի քաղաքականության վրա։
Հիմա բացատրեմ թե խի՞ եմ համարում որ քաղաքականությամբ պետք է զբաղվեն միայն մեծահարուստ գործարարները։ Մեծահարուստի տակ հասկանում եմ բիզնեսով զբաղվող մարդիկ, և ոչ թե մեկը որ կազինոյում փողա կրել, կամ բանկա թալանել։
1. Փողը դա ուղղակի թղթի կտոր է որ դու փոխանակում ես ինչ որ ապրանքի համար: Ինչքան մեծ արժեք ունի քո համար այդ ապրանքը այնքան շատ փող դու կտաս դրա համար։ Հետևաբար հարուստ մարդը դա նա է ով շատ արժեքներ է ստեղծել իր ժողովրդի համար, և ժողովուրդը որպես երախտապարտության նշան այդ մարդուն տվել են այդ թղթի կտորները որոնք կոչվում են փող։
2. Ի տարբերություն ֆիզիկայի որտեղ կան էներգիայի կամ իմպուլսի պահպանման օրենքներ, էկոնոմիկայում չկա փողի պահպանման օրենք։ Փողը դա արժեք է, և այն կարելի է ստեղծել ոչ մի բանից։ Օրինակ վերցրու փողոցում մի քարի կտոր։ Այդ քարից հնարավոր է ստեղծել շատ բարդ և թանկանոց միկրոպրոցեսոր։ Երբ որ այդ քարը ընկած էր փողոցում նա արժեք չուներ, երբ որ ես այդ քարից սարքեցի պրոցեսոր իր գինը դառավ $1000: Այս պարզ օրինակով ուզում եմ ցույց տալ որ փողի պահպանման օրենք չկա։ Փողը կարելի է ստեղծել ամեն ինչից, և ինչքան շատ ես դու փող վաստակում, այնքան շատ արժեքներ ես ստեղծում ուրիշների համար։
3. Քանի որ իր աշխատանքով հարստացած մարդը արդեն իսկ շատ մեծ ներդրում է կատարել իր ազգի շինության համար հույս կա որ նա կշարունակի դա անել քաղաքանության ոլորտում նաև։ Հարուստ գործարարը չի ունենա փող գողանալու գայթակղությունը։ Գործարարը ունի շատ մեծ փորձ գործը ավարտին հասցնելու, ռեալ արդյունքներ ստանալու, հուսալի մարդկանց վարձելու մեջ։ Այս բոլոր հմտությունները շատ անհրաժեշտ են քաղաքանության մեջ։ Ցավոք սրտի աղքատ, ինտելեկտուալ մտավորականը այդ հարցերում զրո է։
4. Ազնիվ և հարուստ գործարարը ավելի լավ կծառայի իր ազգին և ժողովրդին քան թե անհաջողակ, աբիժնիկ բոսյակը։

Philosopher
12.04.2007, 20:16
Առաջին հերթին իր անկեղծությունը ու անմիջականությունը։ Նաև ի տարբերություն շատ որիշ ընդդիմության ներկայացուցիչների իր խոսելուց զգացվում էր որ ինքը ոչ մեկի վրա «նեղացած» չի ու ոչ մեկից ոչ մի բան չի ուզում։
Սահակ, որևէ բան վերլուծելու համար նախ՝ պետք է իմանալ այդ երևույթը՝ իր մանրամասների ու իր կոնտեքստի մեջ։ Միայն քո "ուրիշ ընդդիմության ներկայացուցիչների..." արտահայտությունից երևում է, որ այդ կոնտեքստին այնքան էլ կամ գոնե անհրաժեշտ խորությամբ չես տիրապետում, ինչը, իհարկե, քո երջանկությունն է, սակայն Հայաստանում բնակվող որևէ մարդու, այդ թվում՝ հենց իր՝ Գագիկ Ծառուկյանի մտքով չի անցնի իրեն կոչել ընդդիմադիր։ Այս հարցը քննարկման կարիք չունի. Գագիկ Ծառուկյանը և "Բարգավաճ Հայաստանը" ընդդիմադիր չեն, սա, այսպես ասած, բժշկական փաստ է։


Նախ և առաջ Ամերիկայի բոլոր քաղաքական մարդիկ, սկսած երկրի հիմնադիրներից և վերջացրած ներկա Նյու Յորքի մերով՝ Մայքլ Բլումբերգ(բիլլիոնատեր), շատ մեծահարուստ գործարարներ են։ Երկրորդը՝ Ամերիկայում ցանկացած մարդ համարվում է անմեղ մինչև որ ինքը չդատապարտվի դատարանում։ Եվ այդ նույն Ալ Կապոնեն՝ Ամերիկայի ամենամեծ հանցագործը, համարյա իր ամբողջ կյանքի ընթացքում համարվել է անմեղ և շատ մեծ ազդեցություն է ունեցել ԱՄՆ-ի քաղաքականության վրա։
Հիմա բացատրեմ թե խի՞ եմ համարում որ քաղաքականությամբ պետք է զբաղվեն միայն մեծահարուստ գործարարները։ Մեծահարուստի տակ հասկանում եմ բիզնեսով զբաղվող մարդիկ, և ոչ թե մեկը որ կազինոյում փողա կրել, կամ բանկա թալանել։
1. Փողը դա ուղղակի թղթի կտոր է որ դու փոխանակում ես ինչ որ ապրանքի համար: Ինչքան մեծ արժեք ունի քո համար այդ ապրանքը այնքան շատ փող դու կտաս դրա համար։ Հետևաբար հարուստ մարդը դա նա է ով շատ արժեքներ է ստեղծել իր ժողովրդի համար, և ժողովուրդը որպես երախտապարտության նշան այդ մարդուն տվել են այդ թղթի կտորները որոնք կոչվում են փող։
2. Ի տարբերություն ֆիզիկայի որտեղ կան էներգիայի կամ իմպուլսի պահպանման օրենքներ, էկոնոմիկայում չկա փողի պահպանման օրենք։ Փողը դա արժեք է, և այն կարելի է ստեղծել ոչ մի բանից։ Օրինակ վերցրու փողոցում մի քարի կտոր։ Այդ քարից հնարավոր է ստեղծել շատ բարդ և թանկանոց միկրոպրոցեսոր։ Երբ որ այդ քարը ընկած էր փողոցում նա արժեք չուներ, երբ որ ես այդ քարից սարքեցի պրոցեսոր իր գինը դառավ $1000: Այս պարզ օրինակով ուզում եմ ցույց տալ որ փողի պահպանման օրենք չկա։ Փողը կարելի է ստեղծել ամեն ինչից, և ինչքան շատ ես դու փող վաստակում, այնքան շատ արժեքներ ես ստեղծում ուրիշների համար։
3. Քանի որ իր աշխատանքով հարստացած մարդը արդեն իսկ շատ մեծ ներդրում է կատարել իր ազգի շինության համար հույս կա որ նա կշարունակի դա անել քաղաքանության ոլորտում նաև։ Հարուստ գործարարը չի ունենա փող գողանալու գայթակղությունը։ Գործարարը ունի շատ մեծ փորձ գործը ավարտին հասցնելու, ռեալ արդյունքներ ստանալու, հուսալի մարդկանց վարձելու մեջ։ Այս բոլոր հմտությունները շատ անհրաժեշտ են քաղաքանության մեջ։ Ցավոք սրտի աղքատ, ինտելեկտուալ մտավորականը այդ հարցերում զրո է։
4. Ազնիվ և հարուստ գործարարը ավելի լավ կծառայի իր ազգին և ժողովրդին քան թե անհաջողակ, աբիժնիկ բոսյակը։
Քո ողջ վերլուծության հետ համաձայն եմ, սակայն խնդիրն այն է, որ քո նկարագրած գործարարների նման գործարարներ Հայաստանում չափազանց քիչ են և նրանց նկատմամբ սովորաբար հետապնդումներ են իրականացվում։ Քո վերլուծությունը չի կարող վերաբերել, ըստ էության, ետխորհրդային որևէ երկրի, բացառությամբ թերևս Մերթբալթյան երկների։ "Իր ժողովրդի համար արժեք ստեղծել", "իր աշխատանքով հարստանալ" և այլն, այս արտահայտությունները որևէ կերպ չեն համապատասխանում այն իրական վիճակին, որը կա կապիտալի նախնական կուտակման փուլում գտնվող Հայաստանում, որտեղ առանց կոռուպցիայի նույնիսկ որևէ փոքր կրպակ ունենալ չի կարելի, ուր մնաց մեծ բիզնես ու այդ բիզնեսին ծառայող՝ քաղաքական կուսակցություն։ Սրանք փաստեր են, որոնք լրացուցիչ ապացույցների կարիք չունեն և չարժե դրանց մասին երկար բանավիճել։ Առավել լավ կլիներ, եթե կայացած դեմոկրատական երկրների փորձը և այդ փորձը իմացողները, ինչպես ասենք դու, մեզ օգներ լրջագույնս գնահատել ժամանակակից Հայաստանի գործընթացները և փորձել դրանք ճիշտ ուղու բերել։ Կարծում եմ՝ այս խնդրում ավելի պրոդուկտիվ կլինի մեր խոսակցությունը, այլապես ո՛չ իմ, ոչ՛չ քո ընդունակությունները առանձին–առանձին և միասին վերցրած չեն կարող ապացուցել, որ "Բարգավաճ Հայաստանը" ընդդիմադիր կուսակցություն է, որը բարոյական ճանապարհներով ձևավորված ազգային կապիտալը օգտագործում է հզոր Հայաստանի ստեղծման համար։ Սա անապացուցելի իլյուզիա է։ Ցավալի է, իհարկե, բայց այդպես է։

Censor
12.04.2007, 22:15
Что примечательно, համ Բարգավաճ Հայաստանին ստեղ ճնշող մեծամասնությունը դեմ (ինչպես և ես) կամ խիստ դեմ ա , համ ընտրությունների մասին թեմայի քվեարկության մեջ իրանք առաջին տեղում են..

Мда...

P.S.
12.04.2007, 23:44
Պայթեցվել են Բարգավաճ Հայաստանի երկու գրասենյակները: Երբ կարդացի, շատ զարմացա...Ով կարող է պայթեցնել գրասենյակ, երբ պայթուցիկն էլ ու պայթեցնողն էլ նույն գրասենյակում են...

Ինչ են կարծում ֆորումի մասնակիցները: Իմ կարծիքով սա հետսքրքիր սոցիալական շարժման նոր ձև է, երբ ժողովուրդը իշխանության դեմ պայքարում է նրա իսկ մեթոդներով...Այսինքն, հանցագործ ու խուլիգան կուսակցության դեմ միայն խուլիգանությամբ կարելի է սաստել...

Հասկանում եմ սա ծայրահեղ ու ոչ խրախուսելի մեթոդ է, բայց մյուս կողմից, էլ ինչ անել...

dvgray
13.04.2007, 01:06
Նախ և առաջ Ամերիկայի բոլոր քաղաքական մարդիկ, սկսած երկրի հիմնադիրներից և վերջացրած ներկա Նյու Յորքի մերով՝ Մայքլ Բլումբերգ(բիլլիոնատեր), շատ մեծահարուստ գործարարներ են։ Երկրորդը՝ Ամերիկայում ցանկացած մարդ համարվում է անմեղ մինչև որ ինքը չդատապարտվի դատարանում։ Եվ այդ նույն Ալ Կապոնեն՝ Ամերիկայի ամենամեծ հանցագործը, համարյա իր ամբողջ կյանքի ընթացքում համարվել է անմեղ և շատ մեծ ազդեցություն է ունեցել ԱՄՆ-ի քաղաքականության վրա։
............
Հիմա բացատրեմ թե խի՞ եմ համարում որ քաղաքականությամբ պետք է զբաղվեն միայն մեծահարուստ գործարարները։

Հարգելիս
Դու խառնում ես տարբեր բաներ մի ընդհանուր կաշայի մեջ:
Քաղաքականություն - դա մասնագիտություն է, եվ ոչ թե հոբբի:
Ինչպես նշեցիր, "Ալ Կապոնեն ազդեցություն է ունեցել ԱՄՆ-ի քաղաքականության վրա։"
Ազդել - դա ուրիշ բան է, որպես մասնագիտություն զբաղվելը ուրիշ: Անգամ աշխարհի /լեգալ/ ամենահարուստ մարդը, Բիլ Գեյտսը, չի զբաղբում քաղաքականությամբ, այսինքն չի առաջադրվում ԱՄՆ պրեզիդենտ կամ կուսակցության լիդեր: Այլ միայն "ազդում է";) :



1. Փողը դա ուղղակի թղթի կտոր է որ դու փոխանակում ես ինչ որ ապրանքի համար: Ինչքան մեծ արժեք ունի քո համար այդ ապրանքը այնքան շատ փող դու կտաս դրա համար։ Հետևաբար հարուստ մարդը դա նա է ով շատ արժեքներ է ստեղծել իր ժողովրդի համար, և ժողովուրդը որպես երախտապարտության նշան այդ մարդուն տվել են այդ թղթի կտորները որոնք կոչվում են փող։


Սա 17-18-երորդ դարերի Անգլիայում էլի մի կերպ կուտվեր:
Իսկ քեզ ծանոթ ե՞ն էնպիսի բաներ, ինչպեսիք են մոնոպոլիա, ուզուրպացիա, ահաբեկում ... եվ վերջում ել հզոր PR.
Եվ հետո դու համոզված ե՞ս, որ Ծառուկյանը իսկապես էտքան հարուստ է, ինչպես ժողովրդի մեջ տարածում են իր ծառաները: Այսինքն էդ ամեն ինչը իրենն է կամ այլ խոսքով ասած տնօրինում է ինքը:



2. Ի տարբերություն ֆիզիկայի որտեղ կան էներգիայի կամ իմպուլսի պահպանման օրենքներ, էկոնոմիկայում չկա փողի պահպանման օրենք։ Փողը դա արժեք է, և այն կարելի է ստեղծել ոչ մի բանից։ Օրինակ վերցրու փողոցում մի քարի կտոր։ Այդ քարից հնարավոր է ստեղծել շատ բարդ և թանկանոց միկրոպրոցեսոր։ Երբ որ այդ քարը ընկած էր փողոցում նա արժեք չուներ, երբ որ ես այդ քարից սարքեցի պրոցեսոր իր գինը դառավ ծ1000: Այս պարզ օրինակով ուզում եմ ցույց տալ որ փողի պահպանման օրենք չկա։ Փողը կարելի է ստեղծել ամեն ինչից, և ինչքան շատ ես դու փող վաստակում, այնքան շատ արժեքներ ես ստեղծում ուրիշների համար։

Էլի ստիպված եմ չհամաձայնել : Ասեմ միայն , որ փողը դա թուղթ չէ, ու ինչպես և ամեն մի պետական ռեսուրս սահմանափակ քանակի է : :)



3. Քանի որ իր աշխատանքով հարստացած մարդը արդեն իսկ շատ մեծ ներդրում է կատարել իր ազգի շինության համար հույս կա որ նա կշարունակի դա անել քաղաքանության ոլորտում նաև։ Հարուստ գործարարը չի ունենա փող գողանալու գայթակղությունը։ Գործարարը ունի շատ մեծ փորձ գործը ավարտին հասցնելու, ռեալ արդյունքներ ստանալու, հուսալի մարդկանց վարձելու մեջ։ Այս բոլոր հմտությունները շատ անհրաժեշտ են քաղաքանության մեջ։ Ցավոք սրտի աղքատ, ինտելեկտուալ մտավորականը այդ հարցերում զրո է։
4. Ազնիվ և հարուստ գործարարը ավելի լավ կծառայի իր ազգին և ժողովրդին քան թե անհաջողակ, աբիժնիկ բոսյակը։

Դու պատկերացնում ե՞ս քո գովաբանած մարդուն , արտաքին քաղաքական կոնֆերանսներում եվ հանդիպումներում:) :
Ցավոք :D , աշխարհը միջնադարյան ասիական ֆեադալիզմից / որտեղ հարցերը լուծվում էին բլակների ուժով ու ոսկու սնդուկների ունեցած քանակով/ դուրս է եկել արդեն 500-300 տարի առաջ: Ի՞նչ է լինելու մեր երկրի վիճակը: Լավ, մենք ջհանդամ:oy : Դու օտար երկրում քեզ լավ ե՞ս զգալու, եթե Հայաստանի ղեկավարի ընդհանուր մարդկային մակարդակը ԱՄՆ-ի 100 հոգանոց գյուղի "գյուղապետի" մակարդակից ցածր է լինելու:

Սահակ
13.04.2007, 17:40
Ազդել - դա ուրիշ բան է, որպես մասնագիտություն զբաղվելը ուրիշ: Անգամ աշխարհի /լեգալ/ ամենահարուստ մարդը, Բիլ Գեյտսը, չի զբաղբում քաղաքականությամբ, այսինքն չի առաջադրվում ԱՄՆ պրեզիդենտ կամ կուսակցության լիդեր: Այլ միայն "ազդում է";) :
ԱՄՆ-ում գրեթե բոլոր քաղաքականությամբ զբաղբող մարդիկ մասնագիտությամբ բիզնեսմեններ են։ Օրինակ՝ Ջորջ Բուշ (http://en.wikipedia.org/wiki/Professional_life_of_George_W._Bush), Մայքլ Բլումբերգ (http://en.wikipedia.org/wiki/Michael_Bloomberg), Առնոլդ Շվարցենեգեր (http://en.wikipedia.org/wiki/Arnold_Schwarznegger#Business_career)


Իսկ քեզ ծանոթ ե՞ն էնպիսի բաներ, ինչպեսիք են մոնոպոլիա, ուզուրպացիա, ահաբեկում ... եվ վերջում ել հզոր PR.
Եվ հետո դու համոզված ե՞ս, որ Ծառուկյանը իսկապես էտքան հարուստ է, ինչպես ժողովրդի մեջ տարածում են իր ծառաները: Այսինքն էդ ամեն ինչը իրենն է կամ այլ խոսքով ասած տնօրինում է ինքը:
Մոնոպոլիան՝ Բիլլ Գէյթսի հարստանալու միջոցը, լեգալ հարստանալու միջոց չէ։ Մայքրոսոֆթը տարբեր երկրների(ԱՄՆ-ի ու Եվրամիության) դատարաններում չանաչվել է որպես մոնոպոլիստ։ Ինչպես ես վերը նշեցի ես խոսում էի լեգալ ձևով հարստացած մարդկանց մասին։ Հարուստների մասին իմ գրած մասը կոնկրետ չի վերաբերվում Ծառուկյանին, այլ ցանկացած հարուստ և ազնիվ գործարարին։


Ասեմ միայն, որ փողը դա թուղթ չէ, ու ինչպես և ամեն մի պետական ռեսուրս սահմանափակ քանակի է : :)

Պետությունը տպում է այնքան փող, ինչքան որ ժողովուրդը ներքին արտադրանք է արտադրել։ Դա արվում է գների կայունության համար։ Այդ տեսակետից պետության տպած փողը սահմանափակ է։ Բայց ժողովրդի ներքին արտադրանքը սահմանափակ չէ։ Եթե վաղը օրինակ Հայաստանում բացվեն Ինթել-ներ, կամ Մայքրոսոֆտ-ներ ու սկսեն միլլիարդավոր դոլլարների արտադրանք արտադրեն, ապա պետություննել ստիպված է լինելու ավելի շատ փող տպել որպեսզի դրամի գինը նորից չբարձրանա։ Այդ երկրորդ իմաստով փողը սահմանափակ է միայն իր ժողովրդի գործարարությամբ և ոչ թե փող տպելու մեքենաներով։


Դու պատկերացնում ե՞ս քո գովաբանած մարդուն , արտաքին քաղաքական կոնֆերանսներում եվ հանդիպումներում:) :
Ցավոք :D , աշխարհը միջնադարյան ասիական ֆեադալիզմից / որտեղ հարցերը լուծվում էին բլակների ուժով ու ոսկու սնդուկների ունեցած քանակով/ դուրս է եկել արդեն 500-300 տարի առաջ:
Ես սրա հետ համաձայն չեմ։ Որ հետևես միջազգային քաղաքականությանը կտեսնես որ համարյա ոչ մի բան չի փոխվել։ Ամեն ինչ որոշվում է երեք բանով՝
1. Ինչքան հզոր բանակ ունես։
2. Ինչքան փող ունես։
3. Ինչքան հզոր երկրներ ունես քո մեջքին կանգնած։

Ի՞նչ է լինելու մեր երկրի վիճակը: Լավ, մենք ջհանդամ:oy : Դու օտար երկրում քեզ լավ ե՞ս զգալու, եթե Հայաստանի ղեկավարի ընդհանուր մարդկային մակարդակը ԱՄՆ-ի 100 հոգանոց գյուղի "գյուղապետի" մակարդակից ցածր է լինելու:
dvgray ջան, Ծառուկյանի հարցազրույցի մեջ ինքը ասում է որ ո՛չ նախագահի, ո՛չ էլ ոչ մի ուրիշ պետական պաշտոն ինքը չի ուզում զբաղեցնի։

Ու էլի եմ ուզում կրկնեմ հարուստների մասին իմ գրած կտորը կոնկրետ Ծառուկյանի գովաբանություն չէր, այլ ցանկացած ազնիվ, հարուստ և հայրենասեր գործարարի մասին։

dvgray
14.04.2007, 01:06
ԱՄՆ-ում գրեթե բոլոր քաղաքականությամբ զբաղբող մարդիկ մասնագիտությամբ բիզնեսմեններ են։ Օրինակ՝ Ջորջ Բուշ (http://en.wikipedia.org/wiki/Professional_life_of_George_W._Bush), Մայքլ Բլումբերգ (http://en.wikipedia.org/wiki/Michael_Bloomberg), Առնոլդ Շվարցենեգեր (http://en.wikipedia.org/wiki/Arnold_Schwarznegger#Business_career)

Չեմ ուզում վիճեմ, մեկ է, էս հարցում երեվում է իրար չէնք հասկանալու:



Ես սրա հետ համաձայն չեմ։ Որ հետևես միջազգային քաղաքականությանը կտեսնես որ համարյա ոչ մի բան չի փոխվել։ Ամեն ինչ որոշվում է երեք բանով՝
1. Ինչքան հզոր բանակ ունես։
2. Ինչքան փող ունես։
3. Ինչքան հզոր երկրներ ունես քո մեջքին կանգնած։

Իսկ "հին ու բարի" Անգլիան: Բա Շվեցարիան: Բա Ավստրիան: Շարունակե՞մ:
Կարծես սրանք բոլորը միասին ունեն ավելի քիչ բանակ ու սպառազինություն, քան ասենք Թուրքիան, ավելի քիչ փող, քան Էմիրաթների շեյխերը:
Դու էլի մոռանում ու թերագնահատում էս էնպիսի զենքը, ինչպեսին է քաղաքական ինստիտուտները - իր գործիչներով հանդերձ:


dvgray ջան, Ծառուկյանի հարցազրույցի մեջ ինքը ասում է որ ո՛չ նախագահի, ո՛չ էլ ոչ մի ուրիշ պետական պաշտոն ինքը չի ուզում զբաղեցնի։

Հարգելիս, կարծում ես, որ "Բարգավաճ Հայաստան"-ը Ծառուկյանը իր ուզելով բացե՞ց: Նրա շատ պետքն է՞ր էս կուսակցություն-մուսակցությունները :) : Կամ Սերժը իր կամքով դարձավ վարչապե՞տ: Նրանք արդեն էնքան են պոկվել հողից, որ "վերեվներում" իրենց հետ ինչ ասեն անում են, ոնց ուզում "պտտում" են: Ու գնալով հետդարձի ճանապարհը դառնում է ավելի ու ավելի անհասանելի:
Ընենց որ, եթե կարգադրեն, Ծառուկյանը պրեզիդենտ էլ կդառնա, ՄԱԿ-ի գլքավոր քարտուղար էլ :B
Տղան գնալով ավելի ու ավելի ա խրվում:

Մելիք
14.04.2007, 09:42
Երեկ Բարգավաճ Հայաստանի նախընտրական գովազդային պաստառներից մեկն եմ տեսել, ոնց որ քֆուր անեին:angry . բովանդակությունը սենց էր.


"Բարգավաճ Հայաստան,
որովհետև դու արժանի ես:

Լավ ա չէին գրել, որովհետեվ էդ հլը քեզ քիչ ա:D

Philosopher
17.04.2007, 13:27
Երեկ Բարգավաճ Հայաստանի նախընտրական գովազդային պաստառներից մեկն եմ տեսել, ոնց որ քֆուր անեին:angry . բովանդակությունը սենց էր.


"Բարգավաճ Հայաստան,
որովհետև դու արժանի ես:

Լավ ա չէին գրել, որովհետեվ էդ հլը քեզ քիչ ա:D
Տարբերակ երկրորդ.
"Բարգավաճ Հայաստան,
որովհետև դու չգիտես էլ, թե ինչի ես արժանի"

Styop
25.04.2007, 14:12
Տարբերակ երկրորդ.
"Բարգավաճ Հայաստան,
որովհետև դու չգիտես էլ, թե ինչի ես արժանի"
[/QUOTE
Հարգելիս իմաստը նրանում է որ դու և բոլորս պետք է կերտենք մեր ապագան ու ստեղծենք մեր երազած ԲԱՐԳԱՎԱՃ ՀԱՅԱՍՏԱՆ-Ը,քանի որ բոլորս էլ արժանի ենք դրան....

Philosopher
01.05.2007, 10:01
Տարբերակ երկրորդ.
"Բարգավաճ Հայաստան,
որովհետև դու չգիտես էլ, թե ինչի ես արժանի"
[/QUOTE
Հարգելիս իմաստը նրանում է որ դու և բոլորս պետք է կերտենք մեր ապագան ու ստեղծենք մեր երազած ԲԱՐԳԱՎԱՃ ՀԱՅԱՍՏԱՆ-Ը,քանի որ բոլորս էլ արժանի ենք դրան....
Ես գիտեմ, թե ինչ ի նկատի ունեն "Բարգավաճ Հայաստանի" PR–ով զբաղվողները, բայց նաև, ի տարբերություն նրանց հավատացողների, գիտեմ, թե ինչ ի նկատի ունեն այդ մարդկանց ֆինանսավորողները։ Եվ, իսկապես, և "Բարգավաճ Հայաստանը", և՛ մյուս նմանատիպ կուսակցությունները մեզ ապացուցում են, որ մենք դեռ էլի շատ բաների ենք արժանի, ուղղակի անասնաֆերմայի քաղաքական էսթաբլիշմենթը դեռ չի հասել այն մակարդակին, որ մենք լովին ճանաչենք մեզ։ Բայց ցավոք կհասնի, եթե ներկա երկնիշ տեմպերը պահպանվեն, իսկ որ կպահպանվեն, ապացուցում են տարբեր տեսակի ու տարիքի տատիկներն ու պապիկները, որոնք օրը նվազագույնը մի թեկնածուի կամ կուսակցության առաջնորդի նվիրում են իրենց համբույրները, երևի մտածելով, որ դա բավականին պատվաբեր գործ է։

քաղաքացի
10.05.2007, 21:44
Այսօր առավոտյան գնացի գործի և իմ գործնկերը ինձ ասաց.
- Ուզու՞մ ես 20000 դրամ հենց-նենց աշխատես:
- Եթե անելու բան չկա և ընդամենը 1 օր կծախսեմ, ինչու՞ ոչ:
- Հա հենց 1 օր ես ծախսելու՝ շաբաթ օրը:
- Բայց մենք շաբաթ օրերը չենք աշխատում :unsure :
- Է՜, տենց գործ չէ:
- Բա ո՞նց:
- Դե ընտրությունների հետ կապված:
- Չեմ հասկանում :(
- Ուրեմն նայի, մեր թաղում ԲՀԿ-ի կողմից մարդա 20000 դրամ են տալիս ու անձնագիրդ պահում են իրենց մոտ…
Միանգամից խոսքը կտրեցի և ասացի
- Ես ընտրելու իրավունք չունեմ՝ ՀՀ քաղաքացի չեմ:
- Արա դե բախտդ չի բերում:

Հետո սկսեցի հարցեր տալ, թե իսկ եթե ես ընտրելու իրավունք ունենայի, բայց ես քո ընտրատեղամասից չէի լինի: Ինքը պատասխանեց, որ դա կապ չունի: Զարմացա :o
Հետո հարցրեցի իսկ եթե 20000 դրամը ինչ-որ մեկը վերցնի ու գնա ուրիշին քվեարկի, ապա ինչ կլինի: Նա պատասխանեց, «Եթե կյանքից ձեռ ա քաշել, թող անի»: Ես շարունակեցի և հարցրեցի, իսկ այդ դեպքում ինչպե՞ս են իմանում դու ում ես ընտրել, չէ՞ որ ընտրում էս քվեախցիկում, որը 4 կողմից փակ է և ըստ օրենքի ոչ ոք չի կարող իմանա թե ով ում է քվեարկել: Նա ինձ պատասխանեց «Ու՞ր ա ստե օրենք, վիզ դնողից ա, պետք ըլնի կարա իմանա… համ էլ թափանցիկ ընտրություններ են»
Այսքանից հետո ավելորդ էի գտնում զրույցն ու ասացի «էղավ :) »

Հիմա ասացեք խնդրեմ, արդյո՞ք ԲՀԿ-ն արդար ընտրություններ է պատրաստվում անել, թե՞ ոչ: :nea

Root
10.05.2007, 21:47
Այսօր առավոտյան գնացի գործի և իմ գործնկերը ինձ ասաց.
- Ուզու՞մ ես 20000 դրամ հենց-նենց աշխատես:
- Եթե անելու բան չկա և ընդամենը 1 օր կծախսեմ, ինչու՞ ոչ:
- Հա հենց 1 օր ես ծախսելու՝ շաբաթ օրը:
- Բայց մենք շաբաթ օրերը չենք աշխատում :unsure :
- Է՜, տենց գործ չէ:
- Բա ո՞նց:
- Դե ընտրությունների հետ կապված:
- Չեմ հասկանում :(
- Ուրեմն նայի, մեր թաղում ԲՀԿ-ի կողմից մարդա 20000 դրամ են տալիս ու անձնագիրդ պահում են իրենց մոտ…
Միանգամից խոսքը կտրեցի և ասացի
- Ես ընտրելու իրավունք չունեմ՝ ՀՀ քաղաքացի չեմ:
- Արա դե բախտդ չի բերում:

Հետո սկսեցի հարցեր տալ, թե իսկ եթե ես ընտրելու իրավունք ունենայի, բայց ես քո ընտրատեղամասից չէի լինի: Ինքը պատասխանեց, որ դա կապ չունի: Զարմացա :o
Հետո հարցրեցի իսկ եթե 20000 դրամը ինչ-որ մեկը վերցնի ու գնա ուրիշին քվեարկի, ապա ինչ կլինի: Նա պատասխանեց, «Եթե կյանքից ձեռ ա քաշել, թող անի»: Ես շարունակեցի և հարցրեցի, իսկ այդ դեպքում ինչպե՞ս են իմանում դու ում ես ընտրել, չէ՞ որ ընտրում էս քվեախցիկում, որը 4 կողմից փակ է և ըստ օրենքի ոչ ոք չի կարող իմանա թե ով ում է քվեարկել: Նա ինձ պատասխանեց «Ու՞ր ա ստե օրենք, վիզ դնողից ա, պետք ըլնի կարա իմանա… համ էլ թափանցիկ ընտրություններ են»
Այսքանից հետո ավելորդ էի գտնում զրույցն ու ասացի «էղավ :) »

Հիմա ասացեք խնդրեմ, արդյո՞ք ԲՀԿ-ն արդար ընտրություններ է պատրաստվում անել, թե՞ ոչ: :nea

Քաղաքացի ոնց նայում եմ իրոք բախտդ չի բերում .... հերիք չի իրավունք չունես մի հատել 20000 են առաջարկել ... ես 30 000 ով տեղ գիտեմ ...:) :P