Դիտել ողջ տարբերակը : Վարանդ
Այս թեմայում եթե ծանոթ չեք, կծանոթանաք Վարանդի կենսագրության և նրա ստեղծագործությունների հետ: :)
http://www.youtube.com/watch?v=MeNa0OFV-v8&feature=related
http://www.youtube.com/watch?v=RHR6-NjzkQ4&feature=related
http://www.youtube.com/watch?v=ohxsQx1MZSQ&feature=related
http://www.youtube.com/watch?v=UmggUc2DDl4&feature=related
http://www.youtube.com/watch?v=6cfg1bdElGg
http://www.youtube.com/watch?v=XMUiXDyA_DM&feature=related
http://www.youtube.com/watch?v=x5j1GV8vEP4&feature=related
http://www.youtube.com/watch?v=qAsU71JkxeM&feature=related
http://www.youtube.com/watch?v=vR9ZaXEFwTQ&feature=related
Աիդա Ասատրյանի ձայնն ավելի հուզիչ, զգացմունքային է դարձնում ամեն տողը::love
http://www.youtube.com/watch?v=iFpKGj2tFTg
Կէտը դառնում է գիծ . . .
Կէտը դառնում է գիծ,
Գիծը՝ տառ,
Տառը՝ բառ,
Բառը՝ Սէր,
Այսինքն՝ Արեգակ արդար,
Կամ՝ յաւերժութիւն...
Տեսնու՞մ ես, սէր իմ,
Ին՜չ հեշտ է... անմահանալ,
Միայն պիտ
Ունենալ՝ կէտ,
Այսինքն՝ սիրտ,
Որ ունի խենթ
սիրոյ գոյն:
Սիրտ,
Որ չէ՝ բիրտ:
*** Լաւս, արդարս . . .
Լաւս, արդարս, բարբառս, վառս,
Լարս, քնարս, յարմարս, ճարս,
Մեծ աղմուկի մէջ՝ նինջս, դադարս,
Երբ էլ խօսք չկայ՝ սկիզբս, բառս։
*** Մի քիչ հարբած՝ մի քիչ գինով . . .
Մի քիչ հարբած՝ մի քիչ գինով,
Մի քիչ մենակ լինէինք,
Դրսում աշուն, թախիծ լինէր,
Մի քիչ կրակ լինէինք,
Թող աշխարհը մտնէր խոր քուն
աշուն, ձմեռ, մինչ գարուն...
Ամառնագոյն գինու համար
մի-մի բաժա՜կ լինէինք:
*** Աչքերիդ խորքում . . .
Աչքերիդ խորքում անտառ եմ տեսնում,
Դրանից յետոյ մշուշ ու երկինք,
Շրթերիդ վրայ մի բառ եմ տեսնում,
Որով բացւում է ամէն սիրոյ գիրք.
Շրթերիդ համար երազ եմ տեսնում-.
Այդ անտառի մէջ ես ու դու մենակ...
Աչքերիդ համար մի բառ եմ ասում,
Ու սրտիս մէգը դառնում է կրա՜կ:
*** Այսօր տեսել եմ . . .
Այսօր տեսել եմ
Այն նամակդ, որ
Չէի համոզւում կը կարդամ նորէն,
Ճիշտ էի, քանզի,
Սէր ամէնազօր,
Դա ինքն էր, բայց ես…
Ես չէի արդէն…
Իսկ նամակներդ
Դեղնել են, մարել,
Յիշատակների
Անփա՜կ դարակում,
Յոյսի խորանը
Էլ շատ է մթնել,
Իմ երազների խորտակւած վանքում։
*** Կախարդ աշուն է . . .
Կախարդ աշուն է,
Կախարդ անձրեւ է,
Կախարդող գոյն է,
Կախարդող ամպ.
Կախարդող շունչ է.
Կախարդ հունչ է,
Կախարդ փունջ է,
Ու տագնապ…։
Աչքս չոր է,
Սիրտս թաց է,
Լեզուս համր է,
Բուռս՝ բաց.
Ասես ձեռքիցս
Թռել է մի
Հազարա՜ն հաւք,
Երբ չկաս…
Կախարդ փունջ է,
Կախարդ հունչ է,
Կախարդ շունչ է,
ՄԷգ ու ամպ.
Կախարդ գոյն է,
Կախարդ անձրեւ,
Կախարդ աշուն։
ԲՈՅՐՈՎ ՄՈԳԱԿԱՆ
Սիրում եմ արեւ, սիրում եմ եւ գոյն,
Ծաղկած ծառերի բոյրը մոգական.
Իսկ քեզ սիրում եմ, սիրում եմ թաքուն,
Դրա համար էլ՝ թանձր ու խոր այսքան։
Սիրում եմ ամառ, սիրում եմ գարուն,
Սիրում եմ աշուն, ցուրտ ձմեռն անգամ.
Իսկ քեզ սիրում եմ անտես ու թաքուն,
Դրա համար էլ բազմագոյն այսքան։
Սիրում եմ ապրել, երազել անքուն,
Երգել՝ կեանք, պայքար, իբր լուսէ պատգամ.
Իսկ քեզ սիրում եմ լռելեան, թաքուն,
Դրա համար էլ իրական այսքան։
…Ամէ՛ն ինչ կը տամ անցաւոր կեանքում,
Չեմ խորշում մահից՝ վախճանից անգամ.
Լոկ ապրի սէրդ, թէկուզ եւ թաքուն,
Ծաղկած ծառերի բոյրով մոգական։
https://www.youtube.com/watch?v=ftME4LVkAkY
* * *
Եթէ մի տեղ նուշ կայ ծառի վրայ,
Ենթադրում է՝ շուրջը արեւ,
ծաղիկ,
ճիւղ,
անտառային խոնաւութիւն,
լուսաբաց,
շող։
Աչքերդ են՝ դէմքդ։
Եթէ մի տեղ բալ կայ ճիւղի վրայ,
Ենթադրում է՝ շուրջը ստւեր,
սարսուռ,
խէժ,
քաղցրութիւն,
կապոյտ,
կաթնագոյն-դեղին տարածքներ։
Լանջդ է՝ կուրծքդ։
Եթէ մի տեղ դու կաս,
այնտեղ կայ՝ նշենի, բալենի…
ԳԵՂՈՒՀԻՆ
Աշխարհում կայ մի Հայաստան, Հայաստանում կայ հայութիւն.
Նրա սրտում կան աղջիկներ, համակ նազանք, ե՛ւ լոյս, ե՛ւ գոյն.
Նրանց մէջ կայ մի շէկ աղջիկ, որից լաւին չեմ ճանաչում,
Աչքերը վառ, վարսը ոսկի, ինչպէս արեւն է ճաճանչում.
Ռոմանտիկ է, անրջական, բայց եւ արդի, բայց եւ արթուն,
Արդի, սակայն՝ նուրբ, դասական, ինչպէս ուռին շքեղ հանդում.
Զարմանալի՜ հմայք ունի, յոյս, հաւատ, սէր է ներշնչում,
Երանի՜ է նրան ով որ նրան մօտկից է ճանաչում.
Առաւել է երանելի, ով իշխում է նրա սրտին,
Նա կարող է արդէն երդւել, որ տիրում է ո՜ղջ դրախտին…
ՍԻՐԵՐԳ
Դող ու սարսուռ է, երեկոյ է ջինջ,
Շողերի փունջ է, ծաղիկ է հրկէզ.
Ով՝ ինչ-որ ինչ է, ով՝ փուչ է, ոչինչ,
-Ես սիրում եմ քեզ, ես սիրում եմ քեզ։
Կարօտի գոյն է, նարօտի երանգ,
Թրթիռ ու թոյր է, թառանչ աղեկէզ.
Մէկը հեռու է, երկուսը երազ.
-Ես սիրում եմ քեզ, ես սիրում եմ քեզ։
Տունդ իմ բոյնն է, բոյրդ ամենուր
Շաղել է՝ գարնան թովչանք, շուք ու ծէս.
Մէկը լալիս է, մէկն էլ մունջ է, լուռ.
-Ես սիրում եմ քեզ, ես սիրում եմ քեզ։
Փունջդ անուրջ է, շունչդ կախարդանք,
Շուրջդ մրմունջ է, շշունջդ պէս-պէս.
Մէկը խելօք է, մէկն էլ խենթ է, կեա՛նք,
-Ես սիրում եմ քեզ, ես սիրում եմ քեզ։