PDA

Դիտել ողջ տարբերակը : «Սփյուռքահայ Կամ Արևմտահայ գրողներ» ենթաբաժին բացել-չբացելու հարցը



Chuk
31.10.2010, 12:31
Դեռևս 08.07.2010-ին SSS-ը ներկայացրել է նման առաջարկ.

Առաջարկում եմ "Հայ գրականությունում" ավելացնել բաժին կամ ավելի ճիշտ առանձնացնել բաժին' "Սփյուռքահայ Կամ Արևմտահայ գրողներ":oy

Ես խոստացել էի, որ ղեկավար կազմում կքննարկենք ու որոշում կկայացնենք, սակայն այս հարցում կարծիքները տարաբնույթ են ու կողմնորոշվելը այնքան էլ հեշտ չի: Փաստարկված եմ համարում երկու կողմերի կարծիքներն էլ:

Որոշ կարծիքներ եղել են նաև տեղեկացման թեմայում, որոնք ներկայացնում եմ ստորև.

Առաջարկում եմ Հայերին չբաժանել...,ոչ իրանց գրականությունը...ոչ էլ գրողներին
Գրողը տանի...
Առավել ևս գրառումիցդ էլ երևում է,որ նույն հասկացությունն է քեզ համար


Ճիշտ է, առանց այդ էլ քիչ ենք, եկեք հայերին չբաժանենք, մոդեր-ադմին-անդամ բաժանումն էլ հանենք, որ անարդար չլինի, մնացած տեսակի բաժանումներն էլ հանենք հայերի միջից: Օրինակ՝ հենց նույն գրականություն բաժնում ինչո՞ւ պիտի ունենանք «Հայ գրականություն» և «Ժամանակակից հայ գրականություն»: Հայ են բոլորն էլ, ուրեմն ինչո՞ւ տարանջատել: Իսկ «Ստեղծագործողի անկյունը» լրիվ օտարամոլություն է. է՛լ «Ստեղծագործական նախագծեր», է՛լ «Օրագրեր»… Էլ չեմ ասում «Ոչ հայերեն ստեղծագործողի անկյուն», աստված հեռու պահի;):


Հետաքրքիր է ինչից վերցրեցիր, առաջարկել եմ Սփյուռքահայ կամ Արևմտահայ զուտ էն պատճառով ,որ սփյուռքահայի մեջ կարող ենք ններառել նաև պարսկահայ և մի շարք այլ արևելահայ գրողներ ,արևմտահայ-ում միայն արևմտահայ...
Շնորհակալ եմ այդչափ հայրենասիրական դրսեվորման համար:) բայ կներեք կոնկրետ ինձ ավելի հետաքրքիր է սփյուռքահայ գրականությունը և անհարմար' ընդհանուրի միջից գտնելը



Հարցին վերջնական լուծում տալու համար առաջարկում եմ այն համակողմանի քննարկել այստեղ՝ երեք-չորս օր: Կախված քննարկման ընթացքից հետո հավանաբար կբացեմ մինչև մեկ շաբաթ տևողությամբ քվեարկություն ու ըստ քվեների կորոշվի բաժինը բացել-չբացելու հարցը:

Պարզապես շատ կարևոր է, որ քվեարկությունը լինի կարծիքների բախման արդյունքում, որպեսզի այս կամ այն տեսակետի օգտին քվեարկողը ծանոթ լինի նաև հակառակ կողմի տեսակետին, հիմնավորումներին:

Ղեկավար կազմի քննարկումները այստեղ չեմ տեղափոխում, որովհետև կոռեկտ չէ, բայց յուրաքանչյուրն իրավունք ունի իր գրառումը պատճենել կամ միտքը կրկնել այստեղ:

Բարի ու անաչառ քննարկում եմ մաղթում:

Շինարար
31.10.2010, 13:09
Ես միանշանակ սխալ եմ համարում առանձնացնելը: Առաջ ինչ էի գրել, չեմ հիշում, բայց դեմ էի արտահայտվել, նախ սփյուռքահայն էլ արևմտահայից տարբեր հասկացություն ա, որովհետև արևմտահայը միշտ չի, որ սփյուռքահայ ա եղել, երկրորդ պարսկահայը սփյուռքահայ ա, բայց արևելահայ, ու հիմա արդեն սփյուռքահայում արևելահայերը նույնքան շատ են, որքան արևմտահայերը, նույնը ռոսահայը կամ վրացահայը և այլն: Մի խոսքով, ինձ ներկայիս բաժանումը լավագույնն ա թվում:

Հայկօ
31.10.2010, 13:17
Ավելի շատ դեմ եմ...

Արևածագ
31.10.2010, 18:14
Ես էլ եմ դեմ «Սփյուռքահայ Կամ Արևմտահայ գրողներ» անունով ենթաբաժին բացելուն ու համամիտ եմ Շինարարի փաստարկներին: Կարելի է բացել «Արևմտահայերենով ստեղծագործող հեղինակներ» կամ «Արևմտահայերենով ստեղծված գրականություն» թեմա հայ գրականության բաժնում՝ զուտ պահանջված գրողին հեշտությամբ գտնելու տեսանկյունից:

Նաիրուհի
31.10.2010, 20:50
Ճիշտ չեմ համարում։ Նույնիսկ բանասերներն են մինչև հիմա շատ հեղինակների հետ կապված վիճում. մի մասը նրանց համարում է արևմտահայ, մի մասը՝ սփյուռքահայ։ Ու կան հեղինակներ էլ, որ դժվար է որոշել՝ արևելահայ են, թե սփյուռքահայ։ Մի խոսքով՝ անհրաժեշտությունը չեմ տեսնում։ Հետո էլ պիտի սկսենք բազմաթիվ հեղինակների՝ այս կամ այն ենթաբաժնում ներառելը քննարկել ու վիճաբանել այն դեպքում, երբ երկու կողմն էլ կարող են հավասարապես իրավացի լինել։
Եկեք անիմաստ չբարդացնենք, էլի։

Lion
31.10.2010, 21:34
Դեմ եմ, համամիտ եմ Շինարարի հետ:

My World My Space
31.10.2010, 21:35
Եկեք անիմաստ չբարդացնենք, էլի։


+1
ես էլ եմ դեմ

SSS
01.11.2010, 11:20
Առաջակումս խնդիրն ամենևին էլ վերնագրում չէ,պարտադիր չԷ հենց իմ առաջարկած կերպով բաժինն անվանել, ինչպես նաև որոշել որն է արևմտահայ,որը աարևելահայ ըստ իս բոլորն էլ միասին Սփյռւքահայ են,ունենք սփյուռք ԱՄՆ ում, Ռուսաստանում, Պրկաստանում...
Ընդամենը ցանկություն կար առանձնացնել հայաստանցի և ոչ հայաստանցի գրողներին..Չգիտեմ որքանով կարողացա միտքս արտահայտել ,կամ Ճիշտ արտահայտել...

Chuk
02.11.2010, 16:48
Ուշադրություն
Տեղեկացնում եմ, որ թեմային ավելացվել է 7 օր տևողությամբ բաց հարցում (քվեարկողները տեսանելի են):
Հարցը կվճռվի ըստ քվեարկության արդյունքի:

Chuk
02.11.2010, 19:09
Գիտե՞ք, թե ինչն է տխուր: Նայում եմ էս թեմայում գրառումների քանակը, ապա հարևան թեմայի (http://www.akumb.am/showthread.php/57616) գրառումների քանակը, նայում եմ այստեղ քվեարկածների թիվը, ապա այնտեղի քվեարկածների թիվը ու նորից «բացահայտում», որ փաստորեն արվեստը ավելի քիչ է հետաքրքրում, քան ինչ-որ ախմախ ժամանցային տեխնիկական հնարավորություն :(

Հարդ
02.11.2010, 19:20
Չուկ ջան, իմ համար լրիվ մեկ ա, կբացվի, թե չէ: Որովհետև իմ կարծիքով էդ բացելը լրիվ անիմաստ քայլ ա:
Տենց որ մի քիչ էլ խորանանք, պիտի առանձին Լոռեցիների, Սյունեցիների, Ղարաբաղցիների, Վանեցիների, Պոլսեցիների համար առանձին առանձին բաժիններ բացվեն:
Ասածիս իմաստն էն ա, որ ինչպես իմ, այնպես էլ երևի շատերի համար էս հարցը բարձրացնելն ու քննարկելն անիմաստ էր:
Վերջին հաշվով դա ի՞նչ պիտի փոխի:

Chuk
02.11.2010, 19:27
Չուկ ջան, իմ համար լրիվ մեկ ա, կբացվի, թե չէ: Որովհետև իմ կարծիքով էդ բացելը լրիվ անիմաստ քայլ ա:
Տենց որ մի քիչ էլ խորանանք, պիտի առանձին Լոռեցիների, Սյունեցիների, Ղարաբաղցիների, Վանեցիների, Պոլսեցիների համար առանձին առանձին բաժիններ բացվեն:
Ասածիս իմաստն էն ա, որ ինչպես իմ, այնպես էլ երևի շատերի համար էս հարցը բարձրացնելն ու քննարկելն անիմաստ էր:
Վերջին հաշվով դա ի՞նչ պիտի փոխի:

Վերաբերմունք պետք է փոխի: Իսկ այն մարդկանց համար, ովքեր տարբերություն չեն տեսնում էդ երկու տարբերակների մեջ նախատեսված է «Ձեռնպահ եմ» կետը, որը նույնպես հստակ դիրքորոշում է:

Ձայնալար
02.11.2010, 20:37
Հարցման տեքստից լրիվ խուճապի մատնվեցի: Եթե լինի ենթաբաժին «արևմտահայ գրողներ» ես հասկանում եմ մարդիկ, ովքեր ստեղծագործում են կամ ստեղծագործել են արևմտահայերեն՝ անկախ բնակության վայրից, ապա կողմ եմ: Իսկ ըստ բնակության վայրի գրողներին բաժանելու իմաստ չեմ տեսնում :esim

Chuk
02.11.2010, 23:36
Հարցման տեքստից լրիվ խուճապի մատնվեցի: Եթե լինի ենթաբաժին «արևմտահայ գրողներ» ես հասկանում եմ մարդիկ, ովքեր ստեղծագործում են կամ ստեղծագործել են արևմտահայերեն՝ անկախ բնակության վայրից, ապա կողմ եմ: Իսկ ըստ բնակության վայրի գրողներին բաժանելու իմաստ չեմ տեսնում :esim
Հարցն ընդունվելու դեպքում մտածում էի, որ ֆորմատը կորոշենք, իսկ հարցման հարցադրումը սարքելուց քանի որ երկար տեքստ չէր հաջողվում գրել, օգտվեցի հարցն առաջադրողի այս գրառումից.

Առաջակումս խնդիրն ամենևին էլ վերնագրում չէ,պարտադիր չԷ հենց իմ առաջարկած կերպով բաժինն անվանել, ինչպես նաև որոշել որն է արևմտահայ,որը աարևելահայ ըստ իս բոլորն էլ միասին Սփյռւքահայ են,ունենք սփյուռք ԱՄՆ ում, Ռուսաստանում, Պրկաստանում...
Ընդամենը ցանկություն կար առանձնացնել հայաստանցի և ոչ հայաստանցի գրողներին..Չգիտեմ որքանով կարողացա միտքս արտահայտել ,կամ Ճիշտ արտահայտել...

My World My Space
02.11.2010, 23:45
Ժող պատահաբար քվեարկել եմ ձեռնպահ, :oy
Հարգելի ադմինիստրացիա, խնդրում եմ ձայները հաշվելուց իմ ձայնը համարել ԴԵՄ

Շինարար
02.11.2010, 23:49
Տարածքայինը մի կողմ, նույնիսկ զուտ լեզվի առումով էլ կան հեղինակներ, ում դժվար է որոշել՝ արևմտահայ է, թե արևելահայ, եթե այդպես կարելի է ասել, երկլեզու են, օրինակ՝ Լեռ Կամսար, Զապել Եսայան և այլն:

Դեկադա
02.11.2010, 23:58
Դեմ եմ: Իմաստը չեմ տեսնում: Ի՞նչի տարանջատել: Կամ ի՞նչ վերաբերմունք պետք ա փոխվի, ո՞ւմ նկատմամբ: Ի վերջո երկու դեպքում էլ խոսքը գնում ա հայի մասին ուրեմն ի՞նչի իրարից զատել, չէ՞ որ երկու դեպքում էլ նույն գործն ա արվում, ստեղծագործում են:

Արևածագ
03.11.2010, 00:55
Հայաստանցի ու ոչ հայաստանցի տարանջատումն ավելի սխալ քայլ կլինի, որովհետև գրականության բաժինն ավելորդ տեղը պիտի խճճի: Ահա թե ինչու.
Մեր գրականության նշանավոր դեմքերի մեծամասնությունը կամ Հայաստանում չի ծնվել կամ էլ առավել ևս՝ Հայաստանում չի ապրել: Միտքս եկած առաջին անունները, որոնք գոնե արևելահայերենով են գրել՝ Թումանյան, Մուրացան, Նար-Դոս, Ստեփան Զորյան, Դերենիկ Դեմիրճյան, կյանքի հիմնական մասը Թիֆլիսում են անցկացրել, եթե ոչ ամբողջ կյանքը: Թիֆլիսը հայ մշակութային կենտրոն էր, այնտեղ էր գտնվում Ներսիսյան ճեմարանը, Թիֆլիսում է հիմնադրվել «Վերնատունը» և այլն: Ավետիք Իսահակյանը մոտ երեք տասնամյակ ապրել է Եվրոպայում: Շիրվանզադեն ողջ կյանքը՝ Բաքվում: Վահան Տերյան, Ռափայել Պատկանյան՝ Ռուսաստան: Հիմա այս ողջ ընտրանին պիտի գցենք «չՀայաստան» ցուցակի մե՞ջ:
Հայ գրականագիտությունը, որ մեզնից քանիցս ավելի խելոք դեմքեր ունի, տարածքային սկզբունքով ո'չ մի տարանջատում չի անում մեր գրականության համար: Ու ո'չ էլ «արևելահայերեն- արևմտահայերեն» սկզբունքն է օգտագործվում գրականություն ուսումնասիրելիս: Մենք մի ժողովուրդ ենք, թող գրականությունն էլ մեկը լինի՝ հայ գրականություն ու վերջ:

SSS
03.11.2010, 10:28
Իսկապես չեմ հասկանում ինչու եք բառերից կառչում, ես ենթաբաժնի համար կոնկրետ անուն չեմ առաջարկում,դա կարող եք ինքնուրույն որոշել...Տարածաշրջանի հետ կապված.կա որևէ մեկը ով կարող է ինձ ապացուցել որ որակը, միտքը ,մատծողությունը նույնն են?Եկեք ուրեմն ժամանակից գրողներին ևս չտարաջատենք,չգիտեմ, որքան էլ խոսեք կարծում եմ հայ գրականությունը և սփյուռքահայ գրականություն առանձին կուլտուրաներ են

SSS
03.11.2010, 10:30
Հայ գրականագիտությունը, որ մեզնից քանիցս ավելի խելոք դեմքեր ունի, տարածքային սկզբունքով ո'չ մի տարանջատում չի անում մեր գրականության համար: Ու ո'չ էլ «արևելահայերեն- արևմտահայերեն» սկզբունքն է օգտագործվում գրականություն ուսումնասիրելիս: Մենք մի ժողովուրդ ենք, թող գրականությունն էլ մեկը լինի՝ հայ գրականություն ու վերջ:
Իսկապես այդպես ես կարծում? Համալսարանում առարկաներն եք նույնիսկ առանձին անցել, մասնագետներն են անգամ տարբեր,ինչի մասին է խոսքը?

Արևածագ
03.11.2010, 10:49
Իսկապես այդպես ես կարծում? Համալսարանում առարկաներն եք նույնիսկ առանձին անցել, մասնագետներն են անգամ տարբեր,ինչի մասին է խոսքը?

:o Ճիշտ է, ինչ -որ բաներ կարող է մոռացած լինեմ, սիրելի SSS, բայց նման բանը հաստատ մտքիցս չէր թռնի: Այնքան վստահ ես գրել, որ մի պահ նույնիսկ կասկածեցի: Ափսոս սկաներից օգտվել չեմ կարողանում, թե չէ դիպլոմիս ստուգման տեղեկագրի քաղվածքը կդնեի այստեղ, որ բոլորդ էլ տեսնեիք՝ համալսարանում արևմտահայ գրականություն առանձին առարկա չկա: Համենայն դեպս՝ 89- 94 թվերին չի եղել:

SSS
03.11.2010, 11:04
:o Ճիշտ է, ինչ -որ բաներ կարող է մոռացած լինեմ, սիրելի SSS, բայց նման բանը հաստատ մտքիցս չէր թռնի: Այնքան վստահ ես գրել, որ մի պահ նույնիսկ կասկածեցի: Ափսոս սկաներից օգտվել չեմ կարողանում, թե չէ դիպլոմիս ստուգման տեղեկագրի քաղվածքը կդնեի այստեղ, որ բոլորդ էլ տեսնեիք՝ համալսարանում արևմտահայ գրականություն առանձին առարկա չկա: Համենայն դեպս՝ 89- 94 թվերին չի եղել:

Ես անցել եմ Սփյուռքահայ գրականություն և Հայ գրականություն առանձին ունեինք առանձին դասախոսներ ,դա էն դեպքում, երբ ֆակոիլտետս մասնագիտական չէր :

Շինարար
03.11.2010, 11:11
:o Ճիշտ է, ինչ -որ բաներ կարող է մոռացած լինեմ, սիրելի SSS, բայց նման բանը հաստատ մտքիցս չէր թռնի: Այնքան վստահ ես գրել, որ մի պահ նույնիսկ կասկածեցի: Ափսոս սկաներից օգտվել չեմ կարողանում, թե չէ դիպլոմիս ստուգման տեղեկագրի քաղվածքը կդնեի այստեղ, որ բոլորդ էլ տեսնեիք՝ համալսարանում արևմտահայ գրականություն առանձին առարկա չկա: Համենայն դեպս՝ 89- 94 թվերին չի եղել:

Մենք նույնիսկ դպրոցում ենք առանձին առարկա անցել` 9-10-րդ դասարաններում, հւմանիտար թեքումովդպրոց եմ գնացել, առանձին դասագիրք էլ ունեինք, բայց դա չի նշանակում, թե ճիշտ բան է:)

Նաիրուհի
03.11.2010, 11:58
Հա, մենք էլ ենք սփյուռքահայ գրականություն անցել, բայց ինքս շատ դեպքերում համաձայն չեմ եղել տվյալ գրողի սփյուռքահայ համարել-չհամարելուն: Հաճախ դասահոսներն էլ չեն կարողանում հիմնավորել, թե ինչու է Կոստան Զարյանը սփյուռքահայ գրող, իսկ, ասենք, Իսահակյանը՝ ոչ :P

Արևածագ
03.11.2010, 12:54
Հա, մենք էլ ենք սփյուռքահայ գրականություն անցել, բայց ինքս շատ դեպքերում համաձայն չեմ եղել տվյալ գրողի սփյուռքահայ համարել-չհամարելուն: Հաճախ դասահոսներն էլ չեն կարողանում հիմնավորել, թե ինչու է Կոստան Զարյանը սփյուռքահայ գրող, իսկ, ասենք, Իսահակյանը՝ ոչ :P

Ախր հայ գրողներին տարածքային սկզբունքով իրարից ջոկելը լրիվ անիմաստ է: Հայ գրողը հայոց լեզվով գրականություն ստեղծողն է: էս մի կտոր Հայաստան պետության վրա բնակվելով հո՞ չի որոշվում հայ գրող լինել- չլինելը: Վերջին ութսուն տարին է, որ այս պետությունը կա, բա դրանից առաջ եղած գրողները , որ ապրել են Ռուսաստանի, Վրաստանի կամ Թուրքիայի տարածքներում, նրանք ի՞նչ է, սփյուռքահայե՞ր են:
SSS ը գրում է, թե բառերից ենք կառչում: Որովհետև ինքն էլ հստակ չի սահմանել, թե ի՞նչ է ուզում: Թեմայի վերնագիրը մի բան է, հարցումը լրիվ այլ թեմայով է ընդհանում:
Սրա մասին այլ առիթով մի անգամ գրել եմ ակումբում.
Հովհաննես Բարսեղյանին, որ «Հայերեն ուղղագրական, ուղղախոսական, տերմինաբանական բառարանի» հեղինակն է, հարցրի.
-Ինչպիսի՞ն պիտի լինի հայոց լեզվի ուսուցչի վերաբերմունքը բարբառի նկատմամբ:
Ահա պատասխանը.
- Եթե մենք որպես կայուն պետություն ունեցող ժողովուրդ պիտի ապրենք, մեզ մի' լեզու է պետք՝ գրական հայերենը: Իսկ եթե մի օր պետությունն էլ պիտի կորցնենք, ժողովուրդն էլ ցրիվ գա աշխարհով մեկ, լավ կլինի որ բարբառներից գոնե մեկը գոյատևի:

Կարծում եմ, գրականության նկատմամբ էլ այս հայեցակետով կարող ենք առաջնորդվել: Մանավանդ, հակառակ տեսակետը լրջորեն հիմնավորող փաստարկ այստեղ ոչ ոք չի գրում:

Chuk
03.11.2010, 13:02
Տարածաշրջանի հետ կապված.կա որևէ մեկը ով կարող է ինձ ապացուցել որ որակը, միտքը ,մատծողությունը նույնն են?Եկեք ուրեմն ժամանակից գրողներին ևս չտարաջատենք,չգիտեմ, որքան էլ խոսեք կարծում եմ հայ գրականությունը և սփյուռքահայ գրականություն առանձին կուլտուրաներ են

Ես էլ եմ կարծում, որ ոչ մեկը չի կարող ապացուցել, որ որակը, միտքը, մտածողությունը նույնն են: Չի կարող հասարակ պատճառով. դրանք տարբերվում են:
Բայց որևէ մեկը կարո՞ղ է ապացուցել, որ Հայաստանում ապրած երկու գրողի մտածողությունը, միտքը, որակը, ոճը, գրելաձևը. աշխարհափիլիսոփայական մոտեցումն ու մնացած եսիմինչերը նույնն են: Առանձին որոշ դեպքերում՝ գուցե: Իսկ ընդհանուր առմամբ՝ չէ, ոչ մեկն էլ չի կարող հասարակ պատճառով. դրանք տարբերվում են:

Անձամբ ես կարծում եմ, որ գրողը կամ հայ ա, կամ հայ չի: Ավելի ճիշտ գրում ա կամ հայերեն ու հայ ընթերցողի համար, կամ չէ: Եթե լինի այլազգի գրող, ով գրում ա հայերեն, ինձ թվում ա (չեմ պնդում) իր տեղը նորից հայ գրականության մեջ ա: Եթե լինի հայ գրող, ով գրում ա չինարեն, իմ կարծիքով իր տեղը հայ գրականությունից դուրս ա: Բայց սրանք մտորումների կարգով: Վստահ պնդում չեմ անում, որտև դեռ ինքս իմ համար էլ վերջնական չեմ ձևակերպել:

Իսկ ժամանակակիցներին առանձնացնելը ճիշտ եմ համարում: Հարյուր տարի անց նրանք կլինեն ուղղակի «հայ գրականության» մեջ, ավելի ճիշտ այդ գրողներից նրանք, ովքեր ժամանակի կտրվածքում կապրեն:

SSS
03.11.2010, 13:09
Գոյություն ունի հստակ դասակրգում' այսօր:Ես չեմ առաջարկում Ամերիկա հայտնաբերել,ինչպես նաև մերը չէ խնդիրը որոշելու ով է սփյուռքահայ, ով արևմտահայ կամ արևելահայ.դա արդեն որոշված է,ինչպես արդեն նշված էր Կոստան Զարյանը դասվում է մի շարքի, Իսհակայանը' մյուս ... Վիլյամ Սարոյանին էլ ենք հայ համարում, բայց նրան ուսումնասիրել եմ արտասահմանյան գրականության դասերին...Գուց,ե եթե որոշելու լինեինք ,որն է ճիշտ ,որը սխալ 'դասել թե չդասել,ես ձեզ հետ միակարծիք լինեի...բայց ես դա չէ ,որ ասում եմ.Առաջարկս է
Բացել բաժին ,որտեղ սփյուռքահայ գրողը կլինի իր բաժնում

CactuSoul
03.11.2010, 19:09
Սփյուռքահայ գրականությունն առանձնացնելուն կողմ չեմ, բայց կարելի էր ունենալ արևմտահայերեն գրականության ենթաբաժին:oy:

Ձայնալար
03.11.2010, 19:59
«Արևմտահայ» -ով ձևակերպված ենթաբաժնի գոյությանը կողմ եմ, մնացած ձևակերպումների դեպքում՝ ահավոր դեմ: Հիմա ի՞նչ քվեարկեմ :esim

Հայկօ
03.11.2010, 21:04
Իսկ բաժանման պրակտիկ օգուտը ո՞րն է լինելու:

Chuk
03.11.2010, 21:20
«Արևմտահայ» -ով ձևակերպված ենթաբաժնի գոյությանը կողմ եմ, մնացած ձևակերպումների դեպքում՝ ահավոր դեմ: Հիմա ի՞նչ քվեարկեմ :esim

Եթե քվեարկես կողմ, ու քո նման մտածողները շատ լինեն ու քվեարկեն կողմ, «կողմ»-ն անցնի, ապա հետո արդեն կհստակեցվի ֆորմատը:

CactuSoul
03.11.2010, 21:51
Եթե քվեարկես կողմ, ու քո նման մտածողները շատ լինեն ու քվեարկեն կողմ, «կողմ»-ն անցնի, ապա հետո արդեն կհստակեցվի ֆորմատը:

Բայց ախր իրարից շատ են տարբեր սփյուռքահայն ու արևմտահայը… Լեզվով տարորոշել կամ ապրած վայրով՝ իրար բոլորովին մոտ բաներ չեն: Անձամբ ես գերադասոմ եմ լեզվական առանձնացումը, քանի որ արևմտահայերենն, այսպես ասեմ, ավելի շատ էսթետիկական հաճույք է պատճառում, իսկ արևելահայերենն ավելի հասու և «դյուրամարս» է: Իսկ եթե սփյուռքահայ գրողը պիտի իր ոճով առանձնանա ոչ սփյուռքահայից, թող հենց նույն բաժնում էլ առանձնանա, միևնույն է, առանձին բաժնում միմյանցից են ոճերով տարբերվելու:
Լեզվական բաժանումն ուզում եմ զուտ հնչողության տեսանկյունից, հավանական եմ համարում, որ դա էլ առանձնապես հիմնավորում չի:

Chuk
03.11.2010, 22:54
Բայց ախր իրարից շատ են տարբեր սփյուռքահայն ու արևմտահայը… Լեզվով տարորոշել կամ ապրած վայրով՝ իրար բոլորովին մոտ բաներ չեն: Անձամբ ես գերադասոմ եմ լեզվական առանձնացումը, քանի որ արևմտահայերենն, այսպես ասեմ, ավելի շատ էսթետիկական հաճույք է պատճառում, իսկ արևելահայերենն ավելի հասու և «դյուրամարս» է: Իսկ եթե սփյուռքահայ գրողը պիտի իր ոճով առանձնանա ոչ սփյուռքահայից, թող հենց նույն բաժնում էլ առանձնանա, միևնույն է, առանձին բաժնում միմյանցից են ոճերով տարբերվելու:
Լեզվական բաժանումն ուզում եմ զուտ հնչողության տեսանկյունից, հավանական եմ համարում, որ դա էլ առանձնապես հիմնավորում չի:
Ան, ես կարող եմ էս հարցումը զրոյացնել ու մի քիչ ավելի ծավալուն հարցում առաջարկել, մոտավորապես նման կետերով հարցում.


Կողմ եմ, որ բացվի «Սփյուռքահայ գրականություն» ենթաբաժին
Կողմ եմ, որ բացվի «Արևմտահայերեն գրականություն» ենթաբաժին
Կողմ եմ, որ բացվի «Սփյուռքահայ ու արևմտահայերեն գրականություն» ենթաբաժին
Դեմ եմ տարածաշրջանային և լեզվական տարբերակումով հայ գրականության ենթաբաժնի բացմանը
Ձեռնպահ եմ



Երևի թե այդպես ավելի ճիշտ կլինի: Բայց նայելով քննարկման ու քվեարկության հիմնական ընթացքին կարծում եմ, որ անիմաստ է. այսպես էլ պարզ է, որ երկու տարանջատումներին էլ մեծամասնությունը դեմ է: Բայց ուրախ կլինեմ, եթե կարծիքներ գրեք: Եթե համարում եք, որ էդպիսի հարցումը ավելի ճիշտ է, ապա ներողություն կխնդրեմ վատ հարցում բացելուս համար, կջնջեմ սա, կբացեմ նորը:

Շինարար
03.11.2010, 23:06
Իսկ բաժանման պրակտիկ օգուտը ո՞րն է լինելու:

Իմհկ, ոչ մի նպատակահարմարություն չկա, զուտ բաժնի մոդերատորի դիրքերից էլ կրկնեմ վերի գրառումս՝
Տարածքայինը մի կողմ, նույնիսկ զուտ լեզվի առումով էլ կան հեղինակներ, ում դժվար է որոշել՝ արևմտահայ է, թե արևելահայ, եթե այդպես կարելի է ասել, երկլեզու են, օրինակ՝ Լեռ Կամսար, Զապել Եսայան և այլն:
Եթե գրականագետները, հայ գրականության մասնագետները չեն կարող այդ գրողներին այս կամ այն թևին դասել՝ իրենց գրվածքների սկզբում արևմտահայերեն, հետո՝ խառը, հետո արևելահայերեն լինելու պատճառով, բաժնի մոդերատորները հայ գրականության մասնագետ չլինելով՝ ո՞նց պետք է հիմնավորեն այդ գրողների՝ երկու բաժիններից ցանկացածում ներառելը, հո նոր գրականագիտական ուսումնասիրություններ չեն անի:8

Rammstein
07.11.2010, 14:48
Վայ քու արա, էս թեման ո՞նց ա աչքիցս վրիպել: :o

Առաջարկում եմ ոչ միայն «Սփյուռքահայ Կամ Արևմտահայ գրողներ» բաժին, այլեւ լեննականցի, վայոց ձորցի, լոռեցի, սյունիքցի, …, երեւանցի եւ իհարկե ղարաբաղցի գրողներին նվիրված առնձին բաժիններ: :D
SSS ջան, նեղանալ չկա: :))

Եթե լուրջ` ես էլ եմ դեմ տարածքային տարանջատմանը: Եթե առաջարկվի լեզվական տարանջատում (օրինակ` ինչպես արդեն թեմայում բազմիցս նշվեց, «Արեւմտահայերեն գրականություն»), կողմ կլինեմ:

Հայկօ
07.11.2010, 16:11
Եթե լուրջ` ես էլ եմ դեմ տարածքային տարանջատմանը: Եթե առաջարկվի լեզվական տարանջատում (օրինակ` ինչպես արդեն թեմայում բազմիցս նշվեց, «Արեւմտահայերեն գրականություն»), կողմ կլինեմ:

Ինչու՞: Դե ուրեմն թող լինեն նաև Լեննականի, Վայոց ձորի, Լոռվա, Սյունիքի... Երևանի և, իհարկե, Ղարաբաղի բարբառներին ձոնված բաժիններ:

Rammstein
07.11.2010, 19:08
Ինչու՞: Դե ուրեմն թող լինեն նաև Լեննականի, Վայոց ձորի, Լոռվա, Սյունիքի... Երևանի և, իհարկե, Ղարաբաղի բարբառներին ձոնված բաժիններ:

Իսկ ես ո՞րտեղ եմ կոնկրետ նշել` ինչ լինի, ինչ չլինի:

Եթե գոյություն ունի հայերենի` գրական հայերենից զգալի չափով տարբերվող ճյուղ, որով զգալի քանակի ստեղծագործություններ կան, ապա ինչո՞ւ չառանձնացնել:
Եթե լեննականերենով էդքան շատ ստեղծագործություններ կան, ու եթե էդ բարբառը գրականից շատ ա տարբերվում (հասկանալու-չհասկանալու համար եմ ասում), ապա խնդրեմ, կարաս իմ գրառման մեջի «Արեւմտահայերեն»-ը մտքումդ փոխարինես «Լեննականերեն» բառով: :)

Շինարար
07.11.2010, 19:35
Իսկ ես ո՞րտեղ եմ կոնկրետ նշել` ինչ լինի, ինչ չլինի:

Եթե գոյություն ունի հայերենի` գրական հայերենից զգալի չափով տարբերվող ճյուղ, որով զգալի քանակի ստեղծագործություններ կան, ապա ինչո՞ւ չառանձնացնել:
Եթե լեննականերենով էդքան ստեղծագործություններ կան, ու եթե էդ բարբառը գրականից շատ ա տարբերվում (հասկանալու-չհասկանալու համար եմ ասում), ապա խնդրեմ, կարաս իմ գրառման մեջի «Արեւմտահայ»-ը մտքումդ փոխարինես «Լեննականերեն» բառով: :)

Ռամշ ջան, ուղղակի զի քո համենայն դեպս ասեմ, որ լեննականերենը արևմտահայերեն ա, ինչպես կիրովականերենն ու երևաներենը արևելահայերեն են, գրական լեզվի երկու տարբերակներն էլ, գիտես, Պոլսի ու Արարատյան բարբառների հիման վրա են ձևավորվել, բայց նաև հսկայական գրականություն ունենք, որ Թիֆլիսի բարբառով են, Գյումրվա բարբառով այդքան չկա ոնց որ, մի խոսքով, մինչև կողմ լինելը, լավ կլնի համապարփակ ներկայացնեք, թե այն, ինչին կողմ եք, ինչպես պետք է իրագործվի, որովհետև եղած, առաջարկված բաժանումներից և ոչ մեկի հնարավորինս ամբողջական իրագործումը ես չեմ պատկերացնում, գոնե որ այնքան ամբողջական լինի, որքան ներկայիս ակումբում մեր ունեցած բաժանումն է :)

Հայկօ
07.11.2010, 21:22
Իսկ ես ո՞րտեղ եմ կոնկրետ նշել` ինչ լինի, ինչ չլինի:

Եթե գոյություն ունի հայերենի` գրական հայերենից զգալի չափով տարբերվող ճյուղ, որով զգալի քանակի ստեղծագործություններ կան, ապա ինչո՞ւ չառանձնացնել:
Եթե լեննականերենով էդքան շատ ստեղծագործություններ կան, ու եթե էդ բարբառը գրականից շատ ա տարբերվում (հասկանալու-չհասկանալու համար եմ ասում), ապա խնդրեմ, կարաս իմ գրառման մեջի «Արեւմտահայերեն»-ը մտքումդ փոխարինես «Լեննականերեն» բառով: :)

Անիմաստ ա: Անօգուտ:

davidus
07.11.2010, 22:01
Ես ահավոր վիրավորված եմ, որ ակումբում մինչև հիմա երևանցիների ստեղծագործողներին «ղուրբան» արած թեմա չկա: Ինչպե՞ս կարող են երևանցի ու ոչ-երևանցի հեղինակները ստեղծագործեն կողք կողքի: Դա խորը հարված ա երևանցիների ինքնասիրությանը:

Հ.Գ. Առաջարկում եմ նաև յուրաքանչյուր ստեղծագործություն տեղադրելիս կից ներկայացնել ԺԵԿ-ի տեղեկանքը` բնակության վայրի մասին: Սա որոշակի հստակություն կմտցնի բնակության վայրը ճշտելու հարցում:

Chuk
12.11.2010, 21:41
Ամփոփում. հաշվի առնելով, որ քվեարկողների բացարձակ մեծամասնությունը դեմ է նման տարանջատմանը՝ «Հայ գրականություն» բաժինը մնում է անփոփոխ:
Թեման շարունակում է բաց մնալ՝ հարցի վերաբերյալ հնարավոր քննարկումների համար:

Քննարկման ու քվեարկության բոլոր մասնակիցներին շնորհակալություն եմ հայտնում՝ ցուցաբերած հետաքրքրության ու ակտիվության համար: