PDA

Դիտել ողջ տարբերակը : Բեովուլֆ / Beowulf



Ռուֆուս
22.04.2010, 09:27
Բեովուլֆ/Beowulf

http://upload.wikimedia.org/wikipedia/en/a/ab/Beowolfposter.jpg

ԱՄՆ, 2007
Ռեժիսյոր՝ Ռոբերտ Զեմեկիս
Դերերում՝ Ռեյ Վինստոուն, Էնթոնի Հոպկինս, Ջոն Մալկովիչ, Անջելինա Ջոլի
Ժանրը՝ արկածային, ֆանտաստիկա
IMDB ռեյտինգը՝ 6.6 (http://www.imdb.com/title/tt0442933/)
RottenTomatoes ռեյտինգը՝ 70% (http://www.rottentomatoes.com/m/beowulf/)

Էս ֆիլմից էլ մեծ սպասելիքներ չունեի, որովհետև Հոլիվուդը յուրահատուկ տաղանդ ու փորձ ունի հին լեգենդները այլանդակելու ու բռնաբարելու մեջ: Ու մի քիչ վախենալով սկսեցի ֆիլմը դիտել, որովհետև կասկած չունեի, որ հին անգլիական էպոսն էլ էր նույն բախտից արժանանալու: Բայց հենց առաջին կադրերից զգացի, որ սխալվում եմ: Նախ ֆիլմը յուրահատուկ ձևով է նկարահանված, կոմպյուտերային հատուկ էֆեկտները ֆիլմին բնորոշիչ համ ու հոտ էին տալիս: Վիզուալ առումով շատ գեղեցիկ էր. ոնց որ լիներ ֆիլմի, մուլտֆիլմի ու համակարգչային խաղի գրաֆիկայի խառնուրդ: Չնայած որոշ հատվածներում հատուկ էֆեկտները չափից դուրս շատ էին ու անիմաստ, բայց ֆիլմը հետաքրքրությամբ էր նայվում:

Ինչ վերաբերվում է սցենարին, սցենարիստները այդքան էլ չէին շեղվել էպոսից, սակայն հետաքրքիր լրացում էին մտցրել, ինչից ֆիլմը միայն շահել էր:

Գրենդելը էդքան էլ նման չէր իմ պատկերացրածին, մի տեսակ խղճուկ Գրենդել էր ստացվել, ու ավելի շուտ զզվելի էր, քան թե վախենալու:

Գրենդելի մայրը՝ Անջելինա Ջոլին լավիկն էր :)) Վիշապն էլ էր լավը ստացվել:

Մի խոսքով Բեովուլֆը գեղեցիկ նկարահանված, լավ երաժշտությունով ժամանցային ֆիլմ է, որը հաստատ արժի նայել: