PDA

Դիտել ողջ տարբերակը : Մաքուր գեներ, մաքուր արյուն



Տրիբուն
18.12.2009, 02:01
Մի քանի օր է, որ Eupedia-ում կարդում եմ եվրոպական ժողովուրդների ծագման ու էթնիկ կառուցվածքի վերաբերյալ կատարված վերջին գենետիկ հետազոտությունների մասին: Վերջին անգամ հոդվածը թարմացվել է մի քանի օր առաջ: Գիտեմ որ այս թեմայով Ակումբի տարբեր թեմաներում անընդհատ քննարկումներ են լինում – արիացի հայերը, մնացածի ծագումը հայերից, արյան մաքրությունը, ազգի գենետիկ ժառանգությունը և այն:

Ուրեմն եվրոպացի մի շարք լուրջ գենետիկներ ուսումնասիրել են ամբողջ աշխարհի, ու հատկապես եվրոպայի ժողովուրդների ԴՆԹ-ի կառուցվածքը (հիմա բոլոր երկրները ունեն արյան բանկ, հիմնականում բժշկական նպատակներով, բայց ինֆորմացիան կարող է օգտագործվել այլ նպատակներով նույնպես): ԴՆԹ-ի Y քրոմոսոմի հիման վրա, որը ցույց է տալիս ուղիղ ժառանգականությունը ինչ-որ մի կետից սկսած (որպես ելման կետ վերցրել են 26.000 տարի մ.թ.ա), ԴՆԹ-ն դասկարգել են այսպես կոչված հապլոխմբերում: Հետո յուրաքանչյուր ժողովրդի մոտ նայել են, թե որ հապլոխումբն է գերակշռում:

Թեման բացում եմ պատմության բաժնում, քանի որ այս ուսումնասիրությունների հիման վրա, եվրոպացիները հետազոտել են նաև, թե եվրասիա մայրցամաքով, գեների տարածմանը զուգնըթաց, ինչպես են տարածվել նաև լեւզուները: Բնականաբար եվրոպացիներին առաջին հերթին հետաքրքրում է եվպրոպական, կամ մեր կողմից սիրված արիական գենի, ու հետևաբար հնդեվրոպական լեզուների տարածումը:

Ցանկացողները կարող են մանրամասն այս ամենի մասին կարդալ այստեղ (http://www.eupedia.com/europe/origins_haplogroups_europe.shtml#HV), ու նայել նաև քարտեզները:

Ուրեմն բուն եվրոպական (արիական եթե կուզեք) երեք հապլոխումբ են առանձնացրել- R1a (արևելաեվրոպական տիպ), R1b (արևմտաեվրոպական տիպ), ու I1 (գերմանոդինարիան տիպ).

http://www.freeuploadimages.org/images/5cnfj18cxv4uchb190li.jpg

Բնականաբար, այն ժողովուրդը որի մոտ ավելի շատ են գերակշռում այս երեք տիպերը, ամենաեվրոպականն են, կամ ամենաարիականն են (մեր սիրած էլի):

Հիմա, ում մոտ են գրակշռում այս երեք հապլոխմբերը: Պարզվել է, որ ամենամաքուր եվրոպացիները իսլանդացիներն են, վիկինգների ուղղակի ժառանգները: Նրանց մոտ բացի այս երեք հապլոխմբից, ուրիշ հապլոխումբ չի հանդիպում: Եկրորդ տեղում շվեդներն են, հետո անգլաիցիները, հետո լեհերը, հետո գերմանացիները: Որ տեղում են հայերը ?? 40-րդ: Որ շատ վատ չզգանք մեզ, ասեմ, որ հույները 42-րդ տեղում են, քրդերը 45-րդ: Իսկ վատ զգալու համար ասեմ, որ տաջիկները 25-րդ տեղում են:

Ավելի մանրամասն – հայերի մոտ գենետիկ կառուցվածքը հետևյալն է R1b – 25%, R1a – 6%, I1 – 31%: Մնացած 38%-ը, այլ` ոչ եվրոպական գեներ են` մոնղոլ, սելջուկ, թաթար, կարող ա բուշմեն: Մեր չափ ոչ եվրոպական գեներ ունեն պարսիկները: Մեզանից շատ հույները, քրդերը, էստոնացիները (սա բնականաբար, նրանք ուգորֆին են), լիտովցիները (երևի ուգորֆինների հետ շատ են շփվել):

Առանց մանրամասների մեջ խորանալու (ցանկացողները կարող են բացել համապատասխան կայքը ու կարդալ) ասեմ, որ արդյունքում գենետիկ հիմնավորում է ստացել հնդեվրոպական լեզուների տարածման կուրգանների տեսությունը:

Lion
18.12.2009, 09:17
Ես գենետիկ այդ ուսումնասիրություններին լուրջ չեմ վերաբերվում: Որպեսզի այդ ոլորտի կողմնակիցները իրենց վատ չզգան, ասեմ, որ ազգագրական առումով ես ընդհանրապես չեմ կարևորում գենետիկան...

ministr
18.12.2009, 09:21
Դե բա որտեղից մաքուր լինի? Ասում են չէ, որ մի ժամանակ եղել ենք կյաժ մազերով, կապույտ աչքերով բաց մաշկով և այլն: Դրանից հետո վրաներովս անցել են մոնղոլ, սելջուկ, թաթար, թուրք, պարսիկ, արաբ... ու հիմա իրենցից չենք ջոկվում:

Lion
18.12.2009, 11:52
Էդ "մի ժամանակ"-ը պատմական միֆերի թվին է պատկանում - իրականում "մի ժամանակ"-ի ժամանակ էլ մենք մոտավորապես այսպիսին ենք եղել...

StrangeLittleGirl
18.12.2009, 12:49
Չնայած ես պատմության հետ չունեմ, բայց էս թեման շատ հետաքրքիր էր: Տրիբուն, շնորհակալ եմ այն բացելու համար: Իսլանդացիների՝ ամենաեվրոպականը լինելը զարմանալի չէ, որովհետև շատ փակ ազգ են, իրենց տարածքից քիչ են դուրս գալիս: Ինձ բացարձակապես չանհանգստացրեց հայերի՝ 40-րդ տեղում գտնվելը, բայց ուրիշ բանից ջղայնացա:


ԴՆԹ-ի Y քրոմոսոմի հիման վրա, որը ցույց է տալիս ուղիղ ժառանգականությունը ինչ-որ մի կետից սկսած (որպես ելման կետ վերցրել են 26.000 տարի մ.թ.ա)...
Էս ի՞նչ սեռական խտրականություն ա: Ստացվում ա, որ իրանք մենակ արական ԴՆԹ են ուսումնասիրել :angry

Տրիբուն
18.12.2009, 13:14
Էս ի՞նչ սեռական խտրականություն ա: Ստացվում ա, որ իրանք մենակ արական ԴՆԹ են ուսումնասիրել
Հա, ի միջի այլոց, տենց էլ գրված էր, որ ուղիղ ժառանգականությունը դիտարկված է տղամարդկանց գծով:

StrangeLittleGirl
18.12.2009, 13:16
Հա, ի միջի այլոց, տենց էլ գրված էր, որ ուղիղ ժառանգականությունը դիտարկված է տղամարդկանց գծով:

Դե սեռական խտրականություն ա էլի :(

Տրիբուն
18.12.2009, 13:16
Ես գենետիկ այդ ուսումնասիրություններին լուրջ չեմ վերաբերվում: Որպեսզի այդ ոլորտի կողմնակիցները իրենց վատ չզգան, ասեմ, որ ազգագրական առումով ես ընդհանրապես չեմ կարևորում գենետիկան...
Ես էլ:

Բայց լրիվ ուրիշ տեսանկյունից: Ես ինձ հայ եմ համարում պատմամշակութային առումով, ու թքած ունեմ թե մի քանի հազար տարի առաջ արիացի նախնիներս հայկական լեռնաշխարհից են գնացել ուրիշ տեղեր, թե ուրիշ տեղերից են եկել հայկական լեռնաշխարհ:

Բայց, Լիոն ջան, եվրոպացի գիտնականների ուսումնասիրություններին ավելի շատ եմ վստահում, քան Ապոպ-Հակոբ, խուռի-միտանի, փղեր տեսությանը: Կներես:

Տրիբուն
18.12.2009, 13:20
Դե սեռական խտրականություն ա էլի :(

Դե, գենդերային հավասարության ջատագով եվրոպացիներն են ուսումնասիրության հեղինակը, ընկեր, ինչ անեմ:

Բայց եթե նույնիսկ ուսումնասիրության հիմքում սեռական խտրականության կա, ապա օբյեկտիվորեն եվրոպացիները ճիշտ են արել, քանի որ 26.000 տարի առաջվանից մինչև վերջերս ժառանգականությունը իրոք փոխանցվում էր հայրական գծով: Մամաներին հավասար իրավունքեր տալը 20-րդ դարի ֆենոմեն է: Որ մայրական գծով ժառանգականություն սկսենք ուսումնասիրել, պիտի երևի էլի մի 26.000 տարի սպասենք:

Lion
18.12.2009, 15:04
Բայց, Լիոն ջան, եվրոպացի գիտնականների ուսումնասիրություններին ավելի շատ եմ վստահում, քան Ապոպ-Հակոբ, խուռի-միտանի, փղեր տեսությանը: Կներես:

Իրավունք ունես, բայց նաև հաշվի առ հետևյալը.

- գենետիկ ուսումնասիրությունների ճշմարտացիության կամ էլ դրա հետևությունների միանշանակության վերաբերյալ դեռևս վեճեր են գնում,
- այդ ամենը կարող է քաղաքական պատվեր լինել, քանի որ հետևությունները անկասկած քաղաքականացվելու են,
- Եվրոպան հայտնի է իր "եվրոպակենտրոնությամբ":

Հա, ի դեպ, մոռացա ասել...


Բնականաբար, այն ժողովուրդը որի մոտ ավելի շատ են գերակշռում այս երեք տիպերը, ամենաեվրոպականն են, կամ ամենաարիականն են (մեր սիրած էլի):

Իսկ ինչու՞... այն էլ "բնականաբար": Ո՞վ ասաց, որ "արիները" պետք է անպայման եվրոպական գեներ ունենա՞ն:o

Տրիբուն
18.12.2009, 15:36
- գենետիկ ուսումնասիրությունների ճշմարտացիության կամ էլ դրա հետևությունների միանշանակության վերաբերյալ դեռևս վեճեր են գնում,
այնպես, ինչպես պրոտոհնդեվրոպական ազգերի ելման կետի վերաբերյալ

- այդ ամենը կարող է քաղաքական պատվեր լինել, քանի որ հետևությունները անկասկած քաղաքականացվելու են,
Ջհուդամասնոնական դավադրություն կլինի: Իսկ Եվրոպացիների ինչին ա պետք քաղաքականացնել այս ամենը: Ասենք ֆրանսիացիների ձե՞ռ ա տալիս իմանալը, որ իրանց հեռավոր նախնիները Ֆրանսիա են եկել Վոլգայի ստորին հոսանքներից: Հեռավոր պատմությունը ընթացիկ քաղաքականության հետ կապելու բարդույթ-իրավունքը մեզ՝ հայերիս ա պատկանում:

Եվրոպան հայտնի է իր "եվրոպակենտրոնությամբ":
Բացարձակ եվրոպակենտրոնություն չկա: Ընդհակառակը, եվրոպացիները ապացուցում են հնդեվրոպական ժողովուրդների ծագման կուրգանների տեսությունը: Ուզենային եվրոպայի հետ կապել, գոնե բալկանյան տեսությունը կհաստատեին:

Իսկ ինչու՞... այն էլ "բնականաբար": Ո՞վ ասաց, որ "արիները" պետք է անպայման եվրոպական գեներ ունենա՞ն
Եվրոպական գեն ասելով, ի նկատի է առնվում հնդեվրոպական ժողովուրդներին հատուկ, արդեն նշված երեք հապլոխնբերը: Իսկ եթե նկատել ես, Եվրոպա աշխարհամասում մեծմասամբ հնդեվրոպական լեզուներով խոսող ժողովւորնդր են ապրում: Այլ բաղադրիչները փոքր տեսակարար կշիռ ունեն լուրջ ազդեցություն ունենալու համար, ի տարբերություն մերձավոր արևելքի, իրանի ու հնդկաստանի:
Կամ հիամ պիտի նոր տեսություն ընդունենք, քո հիմնավորումներով, որ գեները գնացել են մի ուղղությամբ, իսկ լեզուն լրիվ ուրիշ ուղղությամբ:
Ի միջի այլոց, հայերի մեջ այլ ոչ հնդեվրոպական գեների մեծ տեսակարար կշիռը հիմնավորվում է նաև հայերենում մեծ տեսակարար կշիռ ունեցող սեմիտական ծագման բառերով: Դե էլ չենք խոսում, արդեն մի քանի դար խոսակցական հայերենում հսկա տեղ զբաղեցնող թուրքերենի մասին, հատկապես արևմտյան հայաստանի դիալեկտներում:

Ու էլի որպես ամփոփում - սա համարում եմ ավելի քան բնական, բարդույթավորվելու ոչ մի պատճառ չեմ տեսնում, քաղաքականացնելու պատճառ առավել ևս չեմ տեսնում, ու կարծում եմ, որ մեր ապագան ոչ մի առնչություն չի ունենալու այն բանի հետ, թե մեր գեների մեջ քանի տոկոս ինչ կա: Ամեն դեպքում, ազգի գենետիկ ու արյան մաքրությունից խոսող արիացիներին խորհուրդ եմ տալիս հնարավորինս քիչ տխմարաբանել: Մենք հայ ենք մեր լեզվով, մշակույթով ու փաստարկված պատմությամբ: Ու ուրիշների նախապապը լինելու ոչ մի ցանկություն, անձամբ ես չունեմ, ոչ էլ կարիք ունեմ արիական-հայկական կայսրությունների մասին հորինվածքների:

Տրիբուն
18.12.2009, 15:40
Ի միջի այլոց, գենետիկ ամենագունավոր քարտեզը թուրքերինն ա: Դրանց մեջ ինչ ուզես կա, ու ամեն ինչից մի քիչ մի քիչ:

Արիացի
18.12.2009, 15:43
Բնականաբար, այն ժողովուրդը որի մոտ ավելի շատ են գերակշռում այս երեք տիպերը, ամենաեվրոպականն են, կամ ամենաարիականն են (մեր սիրած էլի):

Հիմա, ում մոտ են գրակշռում այս երեք հապլոխմբերը: Պարզվել է, որ ամենամաքուր եվրոպացիները իսլանդացիներն են, վիկինգների ուղղակի ժառանգները: Նրանց մոտ բացի այս երեք հապլոխմբից, ուրիշ հապլոխումբ չի հանդիպում: Եկրորդ տեղում շվեդներն են, հետո անգլաիցիները, հետո լեհերը, հետո գերմանացիները: Որ տեղում են հայերը ?? 40-րդ: Որ շատ վատ չզգանք մեզ, ասեմ, որ հույները 42-րդ տեղում են, քրդերը 45-րդ: Իսկ վատ զգալու համար ասեմ, որ տաջիկները 25-րդ տեղում են:


Արիական գեներ կարող են համարվել միայն իմ գեները, իսլանդացի-միսլանդացի, հապլոխումբ-մապլոխումբ չգիտեմ: :apeape

Իսկ եթե լուրջ, ապա ոչ մեկը լիազորված չի որոշելու, թե որ գենն ա որից առավել, որ մի հատ էլ կարգի հարաբերություն մտցնեն ու դրանով ազգեր դասակարգեն: Հենց այդ դասակարգումը նացիզմի դրսևորում ա: Ի՞նչ ա նշանակում իսլանդացիները առաջինն են, շվեդները` երկրորդը կամ հույները` 42-րդը: Մի խոսքով էս ամենից ֆաշիզմի հոտ ա գալիս:

Շինարար
18.12.2009, 15:46
Պարզվել է, որ ամենամաքուր եվրոպացիները իսլանդացիներն են, վիկինգների ուղղակի ժառանգները: Պիտի, որ շատ տգեղ ազգ լինեն:8 Միշտ էլ սելեկցիոն ճանապարհով ստացված պոպուլյացիաները առավել առողջ, մսակաթնաձվատու և դիմացկուն են լինում՝ ի տարբերություն մաքրարյունների, որոնց վրա Աստծո արարումից հետո որևէ շտկումներ ու սրբագրումներ չեն կատարվել :8

Էդուարդ_man
18.12.2009, 15:46
Ես մի բան չհասկացա, թե ինչ կապ ունի լեզուն գեների հետ: Եթե մեր լեզվի մեջ առկա են շատ թուրքական, արաբական քրդական կամ չգիտեմ ինչ բառեր /բաղադրիչներ/ դա դեռ չի նշանակում, որ արյան մեջ էլ են առկա:

Միգուցե ճիշտ չեմ հասկացել:think

Շինարար
18.12.2009, 15:47
Ես մի բան չհասկացա, թե ինչ կապ ունի լեզուն գեների հետ: Եթե մեր լեզվի մեջ առկա են շատ թուրքական, արաբական քրդական կամ չգիտեմ ինչ բառեր /բաղադրիչներ/ դա դեռ չի նշանակում, որ արյան մեջ էլ են առկա:

Միգուցե ճիշտ չեմ հասկացել:think

Դե եթե լեզվին ինչ-որ տարրեր անցել են կամ մշակույթին, հավանական է, որ գենին էլ անցած կլինեն, բայց պարտադիր չի:

Տրիբուն
18.12.2009, 15:51
Պիտի, որ շատ տգեղ ազգ լինեն:8 Միշտ էլ սելեկցիոն ճանապարհով ստացված պոպուլյացիաները առավել առողջ, մսակաթնաձվատու և դիմացկուն են լինում՝ ի տարբերություն մաքրարյունների, որոնց վրա Աստծո արարումից հետո որևէ շտկումներ ու սրբագրումներ չեն կատարվել :8
Տենց էլ կա, ահավոր գեշ ազգ են: Բայց ցրտադիմացկուն են:

Տրիբուն
18.12.2009, 15:52
Իսկ եթե լուրջ, ապա ոչ մեկը լիազորված չի որոշելու, թե որ գենն ա որից առավել, որ մի հատ էլ կարգի հարաբերություն մտցնեն ու դրանով ազգեր դասակարգեն: Հենց այդ դասակարգումը նացիզմի դրսևորում ա: Ի՞նչ ա նշանակում իսլանդացիները առաջինն են, շվեդները` երկրորդը կամ հույները` 42-րդը: Մի խոսքով էս ամենից ֆաշիզմի հոտ ա գալիս:
Առաջինն են կառուցվածքով: Առավելությունների մասին խոսք չկա: Նայի Շինարարի գրածը: Որ մի իքչ ուրիշների հետ խռնված լինեին, տեսքները տեղը կլիներ:

Տրիբուն
18.12.2009, 15:54
Դե եթե լեզվին ինչ-որ տարրեր անցել են կամ մշակույթին, հավանական է, որ գենին էլ անցած կլինեն, բայց պարտադիր չի:
Տարբեր էթնոսների իրար հետ շփումները տարատեսակ են լինում: Տրամաբանական է ենթադրել նաև, որ լեզուները միախառնվում են կամ միմյանցից փոխառնվում են բիոլոգիական միախառնմանը կամ փոխառմանը զուգնըթաց:

Elmo
18.12.2009, 15:56
Գեներն ե՞նք ստուգում:
Ստեղ էլ ենք տակ տված հա՞ :D:
Անձամբ ես գենը հարգող տղա չեմ ու ինձ համար լրիվ մեկ ա քանի գույնանի ա իմ գինետիկ դիագրամը: Բայց նենց առանձնապես չեմ էլ հպարտանում, որ հայ եմ: Մարդս մարդ լինի:

Էդուարդ_man
18.12.2009, 16:01
Տարբեր էթնոսների իրար հետ շփումները տարատեսակ են լինում: Տրամաբանական է ենթադրել նաև, որ լեզուները միախառնվում են կամ միմյանցից փոխառնվում են բիոլոգիական միախառնմանը կամ փոխառմանը զուգնըթաց:
Ինձ թվոում է բիոլոգիական միախառնման առումով հայերն ավելի քան պահպանողական են եղել
Ու ըստ այդմ էլ այս տեսությունը զուտ ենթադրություն է, որը հավանականությոն քիչ եզրեր ունի

Արիացի
18.12.2009, 16:06
Առաջինն են կառուցվածքով: Առավելությունների մասին խոսք չկա: Նայի Շինարարի գրածը: Որ մի իքչ ուրիշների հետ խռնված լինեին, տեսքները տեղը կլիներ:

Ինչ կառուցվածքի մասին ա խոսքը? Քո գրածը ազգերի դասակարգում ա գեների մաքրության սկզբունքով, իսկ դա հենց բուն ֆաշիզմն ա:

Մի խոսքով, իմ կարծիքով, թեման ազգային խտրականություն ա քարոզում:

Տրիբուն
18.12.2009, 16:13
Ինչ կառուցվածքի մասին ա խոսքը? Քո գրածը ազգերի դասակարգում ա գեների մաքրության սկզբունքով, իսկ դա հենց բուն ֆաշիզմն ա:

Մի խոսքով, իմ կարծիքով, թեման ազգային խտրականություն ա քարոզում:
Ապեր ջան,
Ոչ մեկը չի ասում որ R1a կամ R1b խումբը մնացածից մաքուր կամ առավել ա: Ում մոտ էտ երկու ԿԵԽՏՈՏ խմբից շատ ա, նա էլ առաջին տեղում ա: Մաքուր ու կեղտոտի հարց չկա, պարզ խմբավորում ա:

Տրիբուն
18.12.2009, 16:14
Ինձ թվոում է բիոլոգիական միախառնման առումով հայերն ավելի քան պահպանողական են եղել
Ու ըստ այդմ էլ այս տեսությունը զուտ ենթադրություն է, որը հավանականությոն քիչ եզրեր ունի
Լավն էլ էն ա, որ հենց սրա հիմքում ոչ մի տեսություն դրված չի: Կոնկրետ ԴՆԹ են մարդիկ անալիզ անում:

Lion
18.12.2009, 18:58
այնպես, ինչպես պրոտոհնդեվրոպական ազգերի ելման կետի վերաբերյալ

Համաձայն չեմ:) Քո ասած դեպքում ամեն ինչ ավելի քան հստակ է, իսկ ապացուցողական բազան՝ որոշակի: Իսկ գենետիկան անորոշ ու հստակ չափանիշներ չունեցող ոլորտ է...


Ջհուդամասնոնական դավադրություն կլինի:

Ոչ, ընդամենը իրենց կարևորությունը ապացուցելու մարմաջ, որը կհիմնավորի իրենց "նախասկզբնական ծագումն ու իրավունքները" /կոլոնիալիզմ/:


Իսկ Եվրոպացիների ինչին ա պետք քաղաքականացնել այս ամենը:

Տես վերևում:


Ասենք ֆրանսիացիների ձե՞ռ ա տալիս իմանալը, որ իրանց հեռավոր նախնիները Ֆրանսիա են եկել Վոլգայի ստորին հոսանքներից:

Իսկ քո ասած գենետիկ ուսումնասիրությունը դա ամենևին էլ չի ասում: Ընդհակառակը, հիմնավորում է, որ եվրոպացիները հենց տեղաբնիկներ են:


Հեռավոր պատմությունը ընթացիկ քաղաքականության հետ կապելու բարդույթ-իրավունքը մեզ՝ հայերիս ա պատկանում:


Չէի ասի - մենք ուղղակի խոսում ենք նրա մասին, ինչ մերն է: Դա չի կարող բարդույթ լինել: Ընդհակառակը, դա բարդույթ անվանելն է հենց բարդույթ...


Բացարձակ եվրոպակենտրոնություն չկա:

Կա: Գաղութատիրական քաղաքականության գաղափարական արտացոլումներից մեկն է...


Ընդհակառակը, եվրոպացիները ապացուցում են հնդեվրոպական ժողովուրդների ծագման կուրգանների տեսությունը: Ուզենային եվրոպայի հետ կապել, գոնե բալկանյան տեսությունը կհաստատեին:

Եվ կրկին - քո ասած գենետիկ ուսումնասիրությունը ինչո՞վ է հիմնավորում Կուրգանների տեսությունը:


Եվրոպական գեն ասելով, ի նկատի է առնվում հնդեվրոպական ժողովուրդներին հատուկ, արդեն նշված երեք հապլոխնբերը:

Իսկ ո՞վ ասաց, որ հենց այդ գեներն են հատուկ ՀԵ ժողովուրդների՞ն:


Իսկ եթե նկատել ես, Եվրոպա աշխարհամասում մեծմասամբ հնդեվրոպական լեզուներով խոսող ժողովւորնդր են ապրում:

Ասիա աշխարհամասում ավելի շատ ՀԵ լեզուներով խոսող ժողովուրդներ են առկա եղել: Ճիշտ չէ ներկան ու անցյալը համեմատել: Նման դեպքում ինչքան հին, այսինք ՀԵ ցեղերի ցրման մոտ ժամանակ վերցնենք, այնքան ճիշտ: Եվ այժմ միանշանակ ընդունվում է, որ "ՀԵ" կոչվածը իրենց հետ Եվրոպա են բերել կելտերը, որոնք եվրոպացի չէին: Դա եղել է մ.թ.ա. վեցերորդ դարի վերջին: Իսկ հիմա արի վերցնենք նույն ժամանակաշրջանի Ասիան ու Եվրոպան և համեմատենք: Կպարզվի, որ Ասիայում ՀԵ ժողովուրդները ավելի շատ էին ու հասնում էին մինչև Մոնղոլիա, այն դեպքում երբ եվրոպացի ՀԵ-ները /կելտերը/ մեծ հաշվով նույն ասիացիներն էին... ՈՒղղակի հետո թյուրքական տարրը Ասիայից մեծապես դուրս է մղել ՀԵ ժողովուրդներին, իսկ եվրոպայում այդպես չի եղել...

Այնպես որ նոր տեսություն հորինելու կարիք բացարձակապես չկա:


..Ի միջի այլոց, հայերի մեջ այլ ոչ հնդեվրոպական գեների մեծ տեսակարար կշիռը հիմնավորվում է նաև հայերենում մեծ տեսակարար կշիռ ունեցող սեմիտական ծագման բառերով:

Սխալ հիմնավորում է: Լեզվաբանություն կապ չունի գեների հետ...


Ու էլի որպես ամփոփում - սա համարում եմ ավելի քան բնական, բարդույթավորվելու ոչ մի պատճառ չեմ տեսնում, քաղաքականացնելու պատճառ առավել ևս չեմ տեսնում, ու կարծում եմ, որ մեր ապագան ոչ մի առնչություն չի ունենալու այն բանի հետ, թե մեր գեների մեջ քանի տոկոս ինչ կա:

Միանշանակ: Ուղղակի պետք չէ ամեն ինչ հալած յուղի տեղ ընդունել և սեփական արժեքներից այդքան հեշտ հրաժարվել...


Ամեն դեպքում, ազգի գենետիկ ու արյան մաքրությունից խոսող արիացիներին խորհուրդ եմ տալիս հնարավորինս քիչ տխմարաբանել: Մենք հայ ենք մեր լեզվով, մշակույթով ու փաստարկված պատմությամբ: Ու ուրիշների նախապապը լինելու ոչ մի ցանկություն, անձամբ ես չունեմ, ոչ էլ կարիք ունեմ արիական-հայկական կայսրությունների մասին հորինվածքների:

Ուղղակի եթե դա ճիշտ է, ապա քո վարքագիծը ուղիղ այնքան է խեղում իրականությունը, ինչքան սուտն ու չափազանցությունը;)

Տրիբուն
18.12.2009, 23:07
Ապրես Լիոն ջան:

Բոլորս հպարտանում ենք քեզանով - 18 տողով հերքեցիր դավադիր, կոլոնիալիստ եվրոպացիների գիտական հետազոտության արդյունքները, քանի որ քո վերլուծություններն ավելի խորքային ու հիւմնավորված են: Ինչես ասես արժե միայն այս միտքը.

Ոչ, ընդամենը իրենց կարևորությունը ապացուցելու մարմաջ, որը կհիմնավորի իրենց "նախասկզբնական ծագումն ու իրավունքները" /կոլոնիալիզմ/:
Լիոն ջան, դու ես ամենագետը, քո ապացուցողական բազան է ամենամեծը, քո գրածներն են անժխտելին ու ամենահիմնավորը: Դե իսկ եթե մի քանի եվրոպացի սխալվել ու հակառակ բանն են ուզում ասել, ապա դա մարմաջ է, կոլոնիալիզմ, գաղութատիրություն:

Ուզում եմ բռնել առաջին հանդիպած մարմաջող եվրոպացուն ու ձեռիս տակ եղած հիքսոսը տալ գլխին:

Լավ էր ապեր ??

Lion
18.12.2009, 23:24
Ինչ ասեմ, Տրիբուն ջան, եթե համոզեցի... ուրեմն երևի լավ էր;)

Տրիբուն
18.12.2009, 23:57
Ինչ ասեմ, Տրիբուն ջան, եթե համոզեցի... ուրեմն երևի լավ էր;)

Լավը քիչ ա, արտակարգ էր:

Հւսով եմ դեմ չես, որ մի քիչ էլ բացահայտենք կոլոնիալիստների դավադրությունները:

Ուրեմն, էս քարտեզում բաց կարմի գույնով ներկայացված է R հապլոխմբի (R1a և R1b) տարածվացությունը: Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ:

http://www.freeuploadimages.org/images/vltxpndo1hgqofvfiefq.png

Lion
19.12.2009, 00:40
Հա, լավ է, որ ներկայացված է - բայց այստեղ ընդամենը տուրք է տրված "Կուրգանային տեսությանը", թեև ես իհարկե չեմ կարող պնդել, որ 26.800 տարի առաջ ով արտեղ է ապրել...

Ի դեպ, գրեցի, նոր խորացա նկարիդ մեջ. Կարծես թե այնտեղ ոչ թե մ.թ.ա. 26.800 թվերն է, այլ... մ.թ.ա. երկրորդ հազարամյակի առաջին կեսը - հնդարիներ, թոխարներ... և այլն:think

Ռուֆուս
19.12.2009, 00:47
Լավը քիչ ա, արտակարգ էր:

Հւսով եմ դեմ չես, որ մի քիչ էլ բացահայտենք կոլոնիալիստների դավադրությունները:

Ուրեմն, էս քարտեզում բաց կարմի գույնով ներկայացված է R հապլոխմբի (R1a և R1b) տարածվացությունը: Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ:

http://www.freeuploadimages.org/images/vltxpndo1hgqofvfiefq.png
Ի դեպ այս քարտեզը լրիվ համընկնում centum/satem իզոգլոսսի քարտեզի հետ - կապույտով նշած լեզուները պատկանում են centum խմբին, կարմրովը՝ satem խմբին: :)

One_Way_Ticket
19.12.2009, 02:01
Բնականաբար, այն ժողովուրդը որի մոտ ավելի շատ են գերակշռում այս երեք տիպերը, ամենաեվրոպականն են
Իմ համեստ կարծիքով "ոչ եվրոպացի" ֆիններն ավելի եվրոպական են, քան "եվրոպացի" ռուսները:

Տրիբուն
19.12.2009, 17:59
Ի դեպ այս քարտեզը լրիվ համընկնում centum/satem իզոգլոսսի քարտեզի հետ - կապույտով նշած լեզուները պատկանում են centum խմբին, կարմրովը՝ satem խմբին: :)
Սուպեր: Քարտեզը նույնն ա:

Հենց դրա հիման վրա էլ գենետիկները, ըստ էության ցույց են տալիս R1 հապլոխմբի տարածվացության արեալը:

Էս մի քարտեզն էլ դնեմ, որ տեսնենք, թե ինչ լավ են էտ երկու քարտեզներն իրար հետ համընկնում:

http://www.freeuploadimages.org/images/3pgo9c8yk1yogssgqm.png

Մուգ կարմիրն ու վարդագույնը R1a ու R1b են:

Տրիբուն
19.12.2009, 18:44
Կարծես թե այնտեղ ոչ թե մ.թ.ա. 26.800 թվերն է, այլ... մ.թ.ա. երկրորդ հազարամյակի առաջին կեսը - հնդարիներ, թոխարներ... և այլն
Լիոն, ուշադիր կարդա

ելման կետը, պայմանական առաջին կրողներից 26,800 տարի առաջ:
Պայմանական ելման պահից մինչև տարբեր հնդեվրոպական էթնոսների ձևավորվելը, հազարավոր տարիներ են անցել:

Տրիբուն
19.12.2009, 18:46
Իմ համեստ կարծիքով "ոչ եվրոպացի" ֆիններն ավելի եվրոպական են, քան "եվրոպացի" ռուսները:
Իմ կարծիքով էլ ;)

Բայց էս թեմայի շրջանակներում, եվրոպացի ասելով մենք ի նկատի ունենք ոչ թե պատմամշակութային գործոնը, այլ զուտ գենետիկ: Տաջիկներն էլ եվրոպացի չեն, բայց եվրոպացի են :hands

Lion
19.12.2009, 18:56
Լիոն, ուշադիր կարդա

Պայմանական ելման պահից մինչև տարբեր հնդեվրոպական էթնոսների ձևավորվելը, հազարավոր տարիներ են անցել:


ելման կետը, պայմանական առաջին կրողներից 26,800 տարի առաջ:

Հաաա, այսինքն քարտեզի թոխարներն ու հնդարիները "պայմանական առաջին կրողներն" են, իսկ ելման կետն էլ ցույց է տրված հենց դրանից 26,800 առաջ...:think Այսինքն խոսքը գնում է մ.թ.ա. մոտ 28.600 թվականների մասի՞ն:B

Տրիբուն
19.12.2009, 19:14
Ուզում եմ հիշեցնել, որ թեման բացել եմ հատուկ այն բանի համար, որ փորձենք հասկանալ, թե որքանով են հիմնավորված մաքուր գեներ, կամ մաքուր արյուն հասկացությունները, ու կարելի է արդյոք շահարկել այդ կատեգորիաները պատմության, մշակույթի, քաղաքականության համատեքստում:

Շարունակենք, հայերի մասով: Ինչպես արդեն գրել էի, հայերի մոտ ոչ հնդեվրոպական հապլոխմբերի տեսակարար կշիռը 38% է:

Կամաց կամաց պարզենք թե, ինչ է մտնում այդ 38%-ի մեջ:

5% G2c, որը ամենաշատը հանդիպում է աշկենազի հրեաների մետ:

Մյուս հապլոխումբը, J2-ն է, որը անվանում են նաև Միջագետքյան հապլոխումբ: Ամենաշատը հանդիպում է մերձավոր արևելքի արաբների մոտ (Իրաք, Սիրիա, Լիբանան, Հորդանա), միջինը 25%: Շատ բարձր է կովկասյան ժողովուրդների մոտ - ինքուշների մոտ մինչև 32%, ադրբեջանցիների մոտ մինչև 48%, վրացիների մոտ 21%: Հայերի մոտ 21,3%: Հույների մոտ, արևելքում 36%, արևմուտքում 9%:

Հապլոխումբ L կամ հարավ ասիական հախլոխումբ: Ամենաշատը տարածված է հարավային Հնդկաստանի ոչ հնդեվրոպական ժողովուրդների մոտ: Հայերի մոտ միջինը 3%:

Տրիբուն
19.12.2009, 19:19
Հաաա, այսինքն քարտեզի թոխարներն ու հնդարիները "պայմանական առաջին կրողներն" են, իսկ ելման կետն էլ ցույց է տրված հենց դրանից 26,800 առաջ..

Լիոն ուշադիր կարդա, էս էլ փիղ հաշվել չի, երկու տող կարդալ ա ու քարտեզին նայել ա:


Իսկ մուգ կարմիրով ներկայացված է ելման կետը,

Քարտեզի վրա, մուգ կարմիր ներկայացված է ելման կետը, 26.800 տարի առաջ: Մուգ կարմիրի տակ որտեղ ես հնդարի ու թոխար տեսնում ?? Թոխարները ընդհանրապես ոչ մի գույնի տակ չեն:

Ջուզեպե Բալզամո
19.12.2009, 21:41
Տրիբուն եղբա՛յր, լուրջ թեմա ես բացել: Ժամանակին ուզել եմ նման մի զրույց սկսել, նույնիսկ մի քանի բառ գրել եմ քաղաքական մի թեմայում: Քննարկումը կարծում եմ ավելի նեղ հուն է պետք ուղղել:
Ըստ նույն աղբյուրի արևմտյան Եվրոպայում ամենատարածված հապլոխումբն է R1b- ն:

In human genetics, Haplogroup R1b is the most frequently occurring Y-chromosome haplogroup in Western Europe
Մոտ տարվա ծագում ունի, համարվում է R1-ի ժառանգն ու R1b1-ի ծնողը: Ծննդավայրը՝ արևմտյան կամ միջին Ասիա: Առավել հաճախ հանդիպում է այս ազգերի մոտ.
Իռլանդացիներ 93%, Բասկեր 92%, Ուելսցիներ 86%, Պորտուգալացիներ 80%, Շոտլանդացիներ 77%, Անգլիացիներ 75%, Բելգիացիներ 70%, Իսպանացիներ 65%, Դանիացիներ 65%, Բաշկիրներ 55%, Գերմանացիներ 45%, Արևմտաաֆրկական Հաուսա ցեղ 40%, Չեխեր-Սլովակներ36%, Հայեր 36%, Իտալացիներ 36%, Թուրքմեններ 35%,Չադ 20-35% Աֆղանական պարսկալեզու Հազարա ցեղ 32%

http://en.wikipedia.org/wiki/File:Distribution_Haplogroup_R1b_Y-DNA.svg

Չնայած սա բնիկ եվրոպական գենը չի, բայց ոչ պակաս էական ա… ցավոք հիմա շատ ժամանակ չունեմ, ստիպված հապճեպ մեջբերումներ եմ անում: Սա առայժմ, դեռ կգրեմ :)

Քարտեզ էի ներդրել, չի երևում: Ավելի փորձվածներին խնդրում եմ ներդնել սա
http://en.wikipedia.org/wiki/File:Distribution_Haplogroup_R1b_Y-DNA.svg

davidus
19.12.2009, 22:05
Բայց, Լիոն ջան, եվրոպացի գիտնականների ուսումնասիրություններին ավելի շատ եմ վստահում, քան Ապոպ-Հակոբ, խուռի-միտանի, փղեր տեսությանը: Կներես:

Բայց ինչի Տրիբուն ջան, եվրոպական կուտը հայկականից ավելի համով ա???

Տրիբուն
19.12.2009, 23:29
Բայց ինչի Տրիբուն ջան, եվրոպական կուտը հայկականից ավելի համով ա???
Ապեր գիտությունը ազգությունով չի որոշվում: Կուտն էլ: Էնշեյնն էլ հրեա էր, Լիոնն էլ հայ ա (արիական ծագումով), Կյուրին էլ ֆրանսիացի:

Բայց ես արդեն Լիոնին իմ կոմպլիմենտն արել եմ, իրար խառնվել պետք չի:

Տրիբուն
19.12.2009, 23:51
Ըստ նույն աղբյուրի արևմտյան Եվրոպայում ամենատարածված հապլոխումբն է R1b- ն:
Ի միյի այլոց, հապլոխումբ R1b-ն ունի մի հատ հետաքրքիր հապլոտիպ - ht35: ԱՀԱԳԻՆ ՀԵՏԱՔԻՔԻՐ:

Ռուֆուս
19.12.2009, 23:54
Քարտեզի վրա, մուգ կարմիր ներկայացված է ելման կետը, 26.800 տարի առաջ: Մուգ կարմիրի տակ որտեղ ես հնդարի ու թոխար տեսնում ?? Թոխարները ընդհանրապես ոչ մի գույնի տակ չեն:

Թոխարները centum/satem խմբերից ոչ մեկին էլ չեն պատկանում, թոխարերենը ու անատոլիական լեզվախումբը (խեթերեն) միջանկյալ խումբ են: Սակայն գենետիկ տեսակետից, թոխարները պետք է որ արևմտաեվրոպական լինեն, քանի որ թոխարերենը շատ նման է գերմանական լեզուներին, իսկ թոխարները եղել են սպիտակամորթ, շիկահեր, կապույտ աչքերով:

davidus
20.12.2009, 00:02
Ապեր գիտությունը ազգությունով չի որոշվում: Կուտն էլ: Էնշեյնն էլ հրեա էր, Լիոնն էլ հայ ա (արիական ծագումով), Կյուրին էլ ֆրանսիացի:

Բայց ես արդեն Լիոնին իմ կոմպլիմենտն արել եմ, իրար խառնվել պետք չի:

չհասկացար ասածս...... այստեղ ոչ թե գիտություն էի կասկածի տակ դնում, այլ այդ փորձերը իրականացնողների կոմպետենտությունը ու արդյունքները....... շատ դեպքերում (այն էլ նմանատիպ, մեծ հարցականներով հետազոտությունների դեպքում) պետք է նայես ոչ թե փորձի արդյունքներին, այլ այդ փորձը պատվիրած ու ֆինանսավորող մարդկանց..... նման փորձերը նաև լուրջ պրոպագանդական ակցիաներ են, ու շատ դժվար ա ասել, թե իրականում ինչ ա թաքնված նման հետազոտությունների հետևում......

Lion
20.12.2009, 00:03
Լիոն ուշադիր կարդա, էս էլ փիղ հաշվել չի, երկու տող կարդալ ա ու քարտեզին նայել ա:

Փիղ հաշվելը հեշտ գործ չի, թե չէ շատերը մինչև հիմա հաշված կլինեին… Ես քարտեզին նայում եմ. Քարտեզի վրա, մուգ կարմիր ներկայացված է ելման կետը, 26.800 տարի առաջ, այսինքն մ.թ.ա 24.800 թվականներին, ճի՞շտ է: Հիմա ես հարց եմ տալիս, մ.թ.ա 24.800 թվականներին ի՞նչ թոխար, ի՞նչ արի կամ հնդարի:o


Թոխարները ընդհանրապես ոչ մի գույնի տակ չեն:

Ու հենց դա էլ ստիպում է կասկածանքով վերաբերվել քարտեզի հեղինակներին - սրանք հնդեվրոպական թոխարներին չեն ընդգրկել "գույների" մեջ - ի՞նչ ասես դրանից հետո...:think

Տրիբուն
20.12.2009, 00:04
չհասկացար ասածս...... այստեղ ոչ թե գիտություն էի կասկածի տակ դնում, այլ այդ փորձերը իրականացնողների կոմպետենտությունը ու արդյունքները....... շատ դեպքերում (այն էլ նմանատիպ, մեծ հարցականներով հետազոտությունների դեպքում) պետք է նայես ոչ թե փորձի արդյունքներին, այլ այդ փորձը պատվիրած ու ֆինանսավորող մարդկանց..... նման փորձերը նաև լուրջ պրոպագանդական ակցիաներ են, ու շատ դժվար ա ասել, թե իրականում ինչ ա թաքնված նման հետազոտությունների հետևում......
Այո այո ... թաքնված ..

Lion
20.12.2009, 00:07
Ապեր գիտությունը ազգությունով չի որոշվում: Կուտն էլ: Էնշեյնն էլ հրեա էր, Լիոնն էլ հայ ա (արիական ծագումով), Կյուրին էլ ֆրանսիացի:

Բայց ես արդեն Լիոնին իմ կոմպլիմենտն արել եմ, իրար խառնվել պետք չի:

Բայց երևում է չես դադարում կոմպլիմենտներ անել;)

Ռուֆուս
20.12.2009, 00:08
Ու հենց դա էլ ստիպում է կասկածանքով վերաբերվել քարտեզի հեղինակներին - սրանք հնդեվրոպական թոխարներին չեն ընդգրկել "գույների" մեջ - ի՞նչ ասես դրանից հետո...:think

Լիոն ջան, ինձ մի հատ ժամանակակից թոխար ցույց կտա՞ս: :) Թոխարները չկան, շատ վաղուցվանից վերացել են երկրագնդի երեսից, ձուլվել այլ ժողովուրդների հետ: Իսկ ո՞նց էին քարտեզի վրա ներառելու, եթե ոչ մի թոխար չկա, ում վրա կարողանային գենետիկ հետազոտություն կատարել...

Տրիբուն
20.12.2009, 00:09
Թոխարները centum/satem խմբերից ոչ մեկին էլ չեն պատկանում, թոխարերենը ու անատոլիական լեզվախումբը (խեթերեն) միջանկյալ խումբ են: Սակայն գենետիկ տեսակետից, թոխարները պետք է որ արևմտաեվրոպական լինեն, քանի որ թոխարերենը շատ նման է գերմանական լեզուներին, իսկ թոխարները եղել են սպիտակամորթ, շիկահեր, կապույտ աչքերով:
Ես էլ մի տեղ կարդացել եմ, որ թոխարիանը centum խմբի մեջ ա մտնում, չնայած աշխարհագրականորեն խիստ առանձնացված ա satemi մյուս լեզուներից, ու պիտի որ satem լիներ:

Արիացի
20.12.2009, 00:12
Ապեր ջան,
Ոչ մեկը չի ասում որ R1a կամ R1b խումբը մնացածից մաքուր կամ առավել ա: Ում մոտ էտ երկու ԿԵԽՏՈՏ խմբից շատ ա, նա էլ առաջին տեղում ա: Մաքուր ու կեղտոտի հարց չկա, պարզ խմբավորում ա:

Ոչ մեկը իհարկե չի ասում, բացի քեզնից: Թեմայի վերնագրից ու քո առաջին գրառումից ակնհայտորեն դա ա բխում: Նենց որ հիմա պետք չի մաքուրը փոխարինել կեխտոտով, դրանով այս թեմայի հակամարդկային բնույթը չի վերանում: Ու եթե չգիտես ասեմ, որ խմբավորումը դասակարգումից տարբերվում ա: Քո գրածը դասակարգում էր;)

Երվանդ
20.12.2009, 00:17
Ոչ մեկը իհարկե չի ասում, բացի քեզնից: Թեմայի վերնագրից ու քո առաջին գրառումից ակնհայտորեն դա ա բխում: Նենց որ հիմա պետք չի մաքուրը փոխարինել կեխտոտով, դրանով այս թեմայի հակամարդկային բնույթը չի վերանում: Ու եթե չգիտես ասեմ, որ խմբավորումը դասակարգումից տարբերվում ա: Քո գրածը դասակարգում էր;)

Այս թեման հակամարդկային ա:o:o:think

Տրիբուն
20.12.2009, 00:19
Հիմա ես հարց եմ տալիս, մ.թ.ա 24.800 թվականներին ի՞նչ թոխար, ի՞նչ արի կամ հնդարի
Լիոն, դու իսկականից չես ջոգում, թե ջոգում ես, մեր վրա ես կայֆավատ լինում ??

Ընկեր, մուգ կարմիրի տակ որտեղ ես թոխար կամ հայ տեսնում ?? Թոխարները կամ հայերը, որպես էթնիկ խմբեր կարող ա վերջնականապես 3000 տարի առաջ են են ձևավորվել: Ելման կետում, պրոտոհնդեվրոպական ազգն ա ապրում 26.800 տարի առաջ, թոխար չի, հնդիկ չի, առավել ևս իռլանդացի չի: Հետո էտ պրոտոհնդեվրոպական էթնոսը, սկսել ա մաաաանրից ցրվել: Երկու տարում չի ցրվել, մի քանի հազար տարում ա ցրվել, ու ցրվելու ընթացքում իր հետ տարել ա լեզուն ու գեները: Էս քարտեզին որպես դինամիկ քարտեզ նայի, ոչ թե որպես ստատիկ իրավիճակ 26.800 տարի առաջ:

Մի անգամ էլ հատուկ փղեր սիրողների համար - 26.800 տարի առաջը վերաբերվում ա մուգ կարմիրին, որը պրոտոհնդվերոպական լեզվի ու գենի կրող էթնոսի սկզբնական բնակության արեալն ա:

Հիմա էտ հնդեվրոպական լեզուներով խոսացող ժողովուրդների մոտ հանդիպում ա նույն տիպիկ գեների խումբը: ՊԱՆԻՄԱԾ ??

Բայց էտ տիպիկ գեների հետ նաև հանիդպում ա սավսեմ, սամսեմ, ուրիշ գեներ նույնպես, այնպես ինչպես լեզվի մեջ են հանդիպում այլ լեզվաընտանիքներից փոխառված էլեմենտներ: Ու դա կախված է նրանից, թե ով որտեղ ում հետ ա շփվել, մոդիգից, ջերմ: Նենց ա շփվել, որ համ գեներն ա փոխառել, համ էլ լեզուն, ուղղակի և անուղղակի իմաստներով:

Ռուֆուս
20.12.2009, 00:19
Ես էլ մի տեղ կարդացել եմ, որ թոխարիանը centum խմբի մեջ ա մտնում, չնայած աշխարհագրականորեն խիստ առանձնացված ա satemi մյուս լեզուներից, ու պիտի որ satem լիներ:

Կներեք, սխալ էի ասել, նոր մի հատ էլ ճշտեցի... Թոխարերենը հաստատ centum լեզու է, չնայած աշխարհագրական տեսակետից գտնվում է satem լեզուների տարածքում: :)

Տրիբուն
20.12.2009, 00:20
Այս թեման հակամարդկային ա:o:o:think
Փոխարենը շատ մարդկային ա Հիտլերին լավ տղա ասելը:

Տրիբուն
20.12.2009, 00:21
Ոչ մեկը իհարկե չի ասում, բացի քեզնից: Թեմայի վերնագրից ու քո առաջին գրառումից ակնհայտորեն դա ա բխում: Նենց որ հիմա պետք չի մաքուրը փոխարինել կեխտոտով, դրանով այս թեմայի հակամարդկային բնույթը չի վերանում: Ու եթե չգիտես ասեմ, որ խմբավորումը դասակարգումից տարբերվում ա: Քո գրածը դասակարգում էր;)
Ապեր, բողոքի հիմնավորումներով ադմիսնիտրացիային, որ ռասիզմ եմ քարոզում:

Elmo
20.12.2009, 00:23
Եկել եմ ասեմ, որ թեման կարդում եմ ու հակականոնադրական բան չեմ տեսնում: Թեման իմ լիազորության տակ գտնվող բաժնում ա բացված ու բոլոր գրառումները մոդերավորվել(կարդացվել) են:

Տրիբուն
20.12.2009, 00:30
Իսկ եվրոպական գաղութատիրական դավադրության տեսության սիրահարբերին, հատկապես Լիոնին ու davidus-ին, խնդրում եմ առանձին թեմա բացել, ու այնտեղ հիմնավորել, թե ինչ նպատակներ են հետապնդում չար եվրոպացիներն ու նրանց ֆինասավորող մութ ուժերը, որ իրենց հեռավոր նախնիներին տանում են Կասպիցից հյուսիս գտնվող տափաստանները:

Ես մի տարբերակ ունեմ, երևի ուզում են սև իկռայի բիզնեսը զարգացնեն:

Տրիբուն
20.12.2009, 00:38
Լիոն ջան, ինձ մի հատ ժամանակակից թոխար ցույց կտա՞ս:
Ռուֆուս ջան, Լիոնի լեզվափղաբանական տեսության համաձայն, Հրանտ Թոխատյանը թոխար ա: Ինչի Ապոպը Հակոբ կլինի, հիքսոսը, հաքսոս ու հայ կլինի, Թախատյանը թոխար չի լինի ?

Ու ես թոխարներին սիրում եմ, հատկապես էս վերջին youtube-յան դեպքերից հետո: տես Թոխատյանը ինչ արի արիացի ա: Կներես Լիոն ջան, ուզում էի գրել արի արի ա:

Elmo
20.12.2009, 01:03
Մոդերատորական: Թեմայի հեղինակի խնդրանքով թեմային կցվել է հարցում: Հարցումը ԲԱՑ է, քանի որ կրում է ոչ միայն վիճակագրական նշանակություն, այլ քվեարկողների անունները տեսնելիս, մարդիկ կարող են գտնել նրանց հիմնավորումները թեմայում՝ դրանով իսկ ավելի լավ պատկերացում կազմելով հարցման մասին:

davidus
20.12.2009, 02:34
իսկ ինչի 3-րդ տարբերակը չկա???
"թքած չունեմ գեներիս վրա, բայց կուզենայի մաքուր հայ լինել"

Հայկօ
20.12.2009, 02:45
իսկ ինչի 3-րդ տարբերակը չկա???
"թքած չունեմ գեներիս վրա, բայց կուզենայի մաքուր հայ լինել"
Դե եթե քեզ հայ չես համարում, չես քվեարկում, էլի :): Թե չէ ինչ տարբերակ ասես կարող էր լինել. «Տաջիկ եմ, բայց մորական կողմից պապս ճկութի երկար եղունգ ա ունեցել», «Ի՞նչ հայ, ի՞նչ բան, այ ախպեր, յան տու», «I don't understand, two colas, please», «Իմ ձախից չորրորդ գենից ավելի մաքուր հայկական գեն չկա», «Գենս ուտես», «Հապլոիդ ըլնեմ՝ հայ եմ», «Փիղը մտավ կրկեսը, բռնեց կրկեսի կեսը», «Քյալ եմ, մախ եմ, շատ ուրախ եմ» ու տենց:

davidus
20.12.2009, 02:58
Դե եթե քեզ հայ չես համարում, չես քվեարկում, էլի :): Թե չէ ինչ տարբերակ ասես կարող էր լինել. «Տաջիկ եմ, բայց մորական կողմից պապս ճկութի երկար եղունգ ա ունեցել», «Ի՞նչ հայ, ի՞նչ բան, այ ախպեր, յան տու», «I don't understand, two colas, please», «Իմ ձախից չորրորդ գենից ավելի մաքուր հայկական գեն չկա», «Գենս ուտես», «Հապլոիդ ըլնեմ՝ հայ եմ», «Փիղը մտավ կրկեսը, բռնեց կրկեսի կեսը», «Քյալ եմ, մախ եմ, շատ ուրախ եմ» ու տենց:

ինչ էլ չես ալարել, էսքան նորարար մտքեր ես գրել..... մեկը ես, իմ ուզած տարբերակը հաստատ չկա... որի տակ էլ քվեարկեմ, հաստատ իմ ուզածը չի, որովհետև հաստատ թքած չունեմ գեներիս վրա, բայց չեմ էլ կարա հաստատ ասեմ, մեջս մաքուր հայի արյուն ա թե չէ.......

Chuk
20.12.2009, 03:05
Մոդերատորական. Հարցմանը ավելացվեց այսպես կոչված չեզոք տարբերակ՝ «Սեփական տարբերակ կամ պատասխան չունեմ»:

Հայկօ
20.12.2009, 03:11
ինչ էլ չես ալարել, էսքան նորարար մտքեր ես գրել..... մեկը ես, իմ ուզած տարբերակը հաստատ չկա... որի տակ էլ քվեարկեմ, հաստատ իմ ուզածը չի, որովհետև հաստատ թքած չունեմ գեներիս վրա, բայց չեմ էլ կարա հաստատ ասեմ, մեջս մաքուր հայի արյուն ա թե չէ.......

Դե տարբերակները շատ էին :): davidus ջան, հարցման իմաստը հենց գենային ֆակտորի ազդեցությունը պարզելն ա: Ինձ համար, օրինակ, ինքն իրեն հայ համարող, հայերեն խոսող, խաշ դնել ու նարդի խաղալ իմացող էսկիմոսը հազար անգամ ավելի հայ ա, քան Հայկի՝ հորական գծով էն ուղիղ ժառանգը, ով հայերեն երկու բառ չի կարողանում իրար կապել, խորովածին ասում ա բարբիքյու, Հայաստան էլ գալիս ա որպես տուրիստ: Կամ էն զտարյուն հարյուր տոկոսանոց արիացին (էն որ մեկ ինքն ա տենց եղել, մեկ էլ Տիգրան Մեծը), ով առավոտից իրիկուն ասում ա «Ուֆ սլուշայ, էս հայեռն էլ նենց տուպօյ ազգ են, նադայելօ ուժէ»: Կարևորն էն ա, թե մարդ ինչ ա համարում ինքն իրեն, իսկ թե մեջը քանի տոկոս եսիմինչ գեն կա, մազերը սև են, թե դեղին, բերանում ոսկի ատամ կա, թե չէ՝ էդ արդեն կարևոր չի:

davidus
20.12.2009, 03:46
Դե տարբերակները շատ էին :): davidus ջան, հարցման իմաստը հենց գենային ֆակտորի ազդեցությունը պարզելն ա: Ինձ համար, օրինակ, ինքն իրեն հայ համարող, հայերեն խոսող, խաշ դնել ու նարդի խաղալ իմացող էսկիմոսը հազար անգամ ավելի հայ ա, քան Հայկի՝ հորական գծով էն ուղիղ ժառանգը, ով հայերեն երկու բառ չի կարողանում իրար կապել, խորովածին ասում ա բարբիքյու, Հայաստան էլ գալիս ա որպես տուրիստ: Կամ էն զտարյուն հարյուր տոկոսանոց արիացին (էն որ մեկ ինքն ա տենց եղել, մեկ էլ Տիգրան Մեծը), ով առավոտից իրիկուն ասում ա «Ուֆ սլուշայ, էս հայեռն էլ նենց տուպօյ ազգ են, նադայելօ ուժէ»: Կարևորն էն ա, թե մարդ ինչ ա համարում ինքն իրեն, իսկ թե մեջը քանի տոկոս եսիմինչ գեն կա, մազերը սև են, թե դեղին, բերանում ոսկի ատամ կա, թե չէ՝ էդ արդեն կարևոր չի:

ըհը... այ ապրես.... բայց տես ինչքան լավ կլինի չէ, որ քո նշած դրական հատկանիշները ունենա իսկական հայը, ոչ թե հայացած օտարազգին...... ես էլ շատ օրինակներ ունեմ..... մի լուսանկարիչ կա, ամեն տարի մեր օֆիս իր`Հայաստանի լուսանկարներն ա բերում`օրացույց սարքած..... էտ մարդը գիտես ոնց ա սիրում մեր բնությունը... այնպիսի տեղերից նկարած լուսանկարներ ա ցույց տալիս, որ մարդու ոտքը կարող ա դրած չլինի.... վերջը, մի հրաշք մարդ... բայց ամենակարևորը, այդ մարդը հույն ա..... որ խոսացնում էլ ես, ասում ա "էս իմ երկիրն ա, ոնց կարամ չսիրեմ".... 1000 հատ քո ասած армянин-ներից արժի..... հիմա, ինչի ես չեի ուզի, որ նման մարդիկ շատ լինեին, էն էլ հայ?? հաստատ կուզեի......

Lion
20.12.2009, 15:15
Լիոն, դու իսկականից չես ջոգում, թե ջոգում ես, մեր վրա ես կայֆավատ լինում ??

Չէ, ապեր, ես չեմ սիրում նման բաներ, այն էլ նման թեմաներում:


Ընկեր, մուգ կարմիրի տակ որտեղ ես թոխար կամ հայ տեսնում ?? Թոխարները կամ հայերը, որպես էթնիկ խմբեր կարող ա վերջնականապես 3000 տարի առաջ են են ձևավորվել: Ելման կետում, պրոտոհնդեվրոպական ազգն ա ապրում 26.800 տարի առաջ, թոխար չի, հնդիկ չի, առավել ևս իռլանդացի չի: Հետո էտ պրոտոհնդեվրոպական էթնոսը, սկսել ա մաաաանրից ցրվել: Երկու տարում չի ցրվել, մի քանի հազար տարում ա ցրվել, ու ցրվելու ընթացքում իր հետ տարել ա լեզուն ու գեները: Էս քարտեզին որպես դինամիկ քարտեզ նայի, ոչ թե որպես ստատիկ իրավիճակ 26.800 տարի առաջ:


Լավ, նայեցի, թեև սկզբում նման բան կարծես չէր ասվել: Դե իսկ իմ, սենց ասենք, պատմաբանի փորձած աչքը հակասություն տեսավ: Այո, եթե որպես դինամիկ քարտեզ նայեն ասենք երեսուն հազար տարվա կտրվածքով, ամեն ինչ տեղն է ընկնում: Բայց էլի մնում է մի "բայց" - թոխարները միանշանակ ՀԵ ժողովուրդ են եղել, իսկ նրանք դուրս են թողնված բաց կարմի տարածքից, այսինքն չեն համարվել ՀԵ ժողովուրդ: Այս հանգամանքը բարձր չի խոսում քարտեզը կազմողների պրոֆեսիոնալիզմի մասին...:think


Մի անգամ էլ հատուկ փղեր սիրողների համար - 26.800 տարի առաջը վերաբերվում ա մուգ կարմիրին, որը պրոտոհնդվերոպական լեզվի ու գենի կրող էթնոսի սկզբնական բնակության արեալն ա:


Մի անգամ էլ հատուկ փղեր չսիրողների համար - կարծես թե մինչև հենց նոր քո ասելը այդ մասին նշում չկար...


Հիմա էտ հնդեվրոպական լեզուներով խոսացող ժողովուրդների մոտ հանդիպում ա նույն տիպիկ գեների խումբը: ՊԱՆԻՄԱԾ ??

Նետ - ի՞նչ տիպի գեն է հանդիպում "էտ հնդեվրոպական լեզուներով խոսացող ժողովուրդների մոտ":think

Բանն այն է, որ ՀԵ ժողովուրդների նախահայրենիքը, մուգ կարմի տարածքը, շատ հնարավոր է, որ սխալ է ընտրված - այստեղ ընդամենը "Կուրգանային տեսությունն" է, որը դեռ վիճելի է: Այսինքն, քարտեզը կազմվել է հենց այդ տեսության հիմքով - իսկ եթե կազմվեր ասենք "Հայկական լեռնաշխարհի" տեսության հիմքով, շատ հնարավոր է, որ շատ գեներ" ունենաին հենց այն ազգերը, որոնք ըստ այս քարտեզի քիչ գեներ ունեն: Արդյունքը, համաձայնիր, ինքնին տարօրինակ է - հույները, հայերը և տաջիկները փոքրամասնության մեջ են...:think

Հայկօ
20.12.2009, 15:57
ըհը... այ ապրես.... բայց տես ինչքան լավ կլինի չէ, որ քո նշած դրական հատկանիշները ունենա իսկական հայը, ոչ թե հայացած օտարազգին...... ես էլ շատ օրինակներ ունեմ..... մի լուսանկարիչ կա, ամեն տարի մեր օֆիս իր`Հայաստանի լուսանկարներն ա բերում`օրացույց սարքած..... էտ մարդը գիտես ոնց ա սիրում մեր բնությունը... այնպիսի տեղերից նկարած լուսանկարներ ա ցույց տալիս, որ մարդու ոտքը կարող ա դրած չլինի.... վերջը, մի հրաշք մարդ... բայց ամենակարևորը, այդ մարդը հույն ա..... որ խոսացնում էլ ես, ասում ա "էս իմ երկիրն ա, ոնց կարամ չսիրեմ".... 1000 հատ քո ասած армянин-ներից արժի..... հիմա, ինչի ես չեի ուզի, որ նման մարդիկ շատ լինեին, էն էլ հայ?? հաստատ կուզեի......

Ամբողջ իմաստը հենց էդ մարդկանց օտարազգի չհամարելն է: Ընկերոջս թաղում մի «գեներով» ռուս տղա է ապրում: Ռուս հոր ու մոր զավակ է, էստեղ որդեգրել են: Ամբողջ կյանքում՝ նորածին ժամանակից սկսած, Հայաստանում է ապրել: Տեսքից տիպիկ ռուս է՝ շեկ, կապույտ աչքերով, ռուսական քթով: Հիմա էդ տղան իր մտածելակերպով, վարվելակերպով, մի խոսքով՝ ամեն ինչով հարյուր տոկոսանոց հայ է: Մաքուր հայ: Ցեղասպանություն, խորոված, Գառնի-Գեղարդ, պպզել-թքել, թաշախուստ: Ինձ համար, համենայն դեպս, ինքը իսկական հայ է: Որովհետև մարդու ինքնությունը որոշում են իր արարքներն ու մտածածը, իսկ էդ տղան ցանկացած իրավիճակում մտածում ու գործում է որպես հայ: Հիմա ի՞նչ նշանակություն ունի՝ ինքը շեկ է, թե սև:

Նմանապես՝ հիմա որոշ մարդիկ պնդում են, որ իսկական հայը էն մարդն ա, ով գեներով էլ ա «մաքուր» հայ: Մի կողմ թողնենք էն փաստը, որ գեներով «մաքուր» հայ էլ չկա, չէր էլ կարող լինել, քանի՜ հազար տարի է անցել: Ի՞նչ նշանակություն ունի, թե էդ մարդու նախնիների մեջ քանի թուրք, պարսիկ, հույն կամ հրեա է եղել. եթե ինքը հիմա ապրում է, ասենք, Քանաքեռում, անունը Վարդան է, շրջապատում Ճուտ են ասում, անհրաժեշտության դեպքում էլ կգնա Ղարաբաղ՝ կռվելու: Կամ ասում են, որ էսինչ գենային կազմը էնինչ գենային կազմց ավելի լավն է. հենց նույն արիականության օինակը: Եղբայրներ ջան, մարդկանց միավորում է ոչ թե իրենց գենային կազմը, այլ իրենց գաղափարների, նպատակների, նախընտրությունների (և այլն) ընդհարնությունը: Առավել ևս՝ ոչ մի գենային կազմ երբեք ի զորու չի եղել ու չի լինի մարդու ծննդդյան օրից ի վեր պայմանավորելու նրա ապագա կարծիքներն ու գաղափարական ուղղվածությունը: Անկախ իր գեներից՝ մարդը կարող է լինել նացիստ, դեմոկրատ, ֆիզիկոս, հայրենասեր, համասեռամոլ, էսթետ, վախկոտ և այլն: Մինչև հիմա մարդկությանը քանի՞ խմբակցություններ, միություններ ու նման այլ բաներ են հայտնի, որտեղ մարդկանց միավորողը եղել է իրենց գենային կազմը: Քանի՞ Շիկահերների կուսակցություն է եղել: Կամ քանի՞ Բոյովների հեղափոխություն: Ուղիղ քթով մարդկանց հանրապետություն: Էական չի դա: Էականը մարդկանց վարքն ու մտածելակերպն են:

One_Way_Ticket
20.12.2009, 16:12
խաշ դնել ու նարդի խաղալ իմացող

Ցեղասպանություն, խորոված, Գառնի-Գեղարդ, պպզել-թքել, թաշախուստ
Ես խաշ/խորոված պատրաստել չգիտեմ, նարդի խաղալ չեմ սիրում, պպզել-թքելուց կիլոմետրով հեռու եմ, Գառնիով էլ չեմ հպարտանում: Բայց ինձ հայ եմ համարում: :think

Հայկօ
20.12.2009, 16:29
Ես խաշ/խորոված պատրաստել չգիտեմ, նարդի խաղալ չեմ սիրում, պպզել-թքելուց կիլոմետրով հեռու եմ, Գառնիով էլ չեմ հպարտանում: Բայց ինձ հայ եմ համարում: :think

Չէ հա, քեզնից ի՞նչ հայ :D:

Հային բնորոշ հատկանիշները էդքանով չեն սահմանափակվում, չմտածես :)):

Աինի
20.12.2009, 18:21
Ես խաշ/խորոված պատրաստել չգիտեմ, նարդի խաղալ չեմ սիրում, պպզել-թքելուց կիլոմետրով հեռու եմ, Գառնիով էլ չեմ հպարտանում: Բայց ինձ հայ եմ համարում: :think

Ապեր նարդին հայերինը չի պպզել թքելն էլ մեր գեները չեն թելադրողը, որ խորոված անել չգիտես էդ հլը տանելի ա, բայց, որ Գառնի-ով չես հպարտանում այ էդ արդեն տխուր ա

Kuk
20.12.2009, 19:40
Կարծում եմ՝ թեմայից շեղված չեմ լինի, եթե մի հոդված դնեմ:pardon


ՃԱՆԱՉՈՂԱԿԱՆ

ԲՈՒՇՄԵՆ ԱԴԱՄԸ ԵՎ ԲՈՒՇՄԵՆՈՒՀԻ ԵՎԱՆ` ՉՈՐԱՑԱԾ ԴՐԱԽՏՈՒՄ


Փենսիլվանիայի համալսարանի գիտնականների խումբը երկարատեւ գենետիկական հետազոտություններ է անցկացրել աֆրիկյան ազգությունների շրջանում եւ պարզել, որ երկրագնդի վրա ապրող հնագույն մարդիկ հարավաֆրիկյան բուշմեններն են:

Դոկտոր Սառա Տիշկոֆֆի գլխավորած գիտնականների միջազգային խումբը հանգամանալից ուսումնասիրել է աֆրիկյան 121 ազգությունների 3 հազար նեկայացուցչի: Այդ նպատակով գիտնականները ծայրից ծայր կտրել են «սեւ մայրցամաքը», արյան նմուշ վերցրել ջունգլիների եւ անապատների բնակիչներից` Սահարայից մինչեւ Կալահարի: Բազմաթիվ անգամ նրանք հազիվ փրկվել են տարատեսակ ապստամբներից, թեեւ կառավարական զորքերն էլ ոչ պակաս մահացու վտանգ են ներկայացրել բազմազգ գիտախմբի համար: Այնուհանդերձ. 10-ամյա գիտահետազոտական աշխատանքները վերջակետ են դրել բանական մարդու ծագման բնօրրանի շուրջ բանավեճերին: Դրախտի կոորդինատներն արդեն ճշգրիտ հայտնի են, բացի այդ, հայտնաբերվել են մոլորակի հնագույն բնակիչները` մարդիկ, ովքեր գենետիկորեն առավելագույնս են մոտ 50 հազար տարի առաջ հոմո սապիենսին:

Գիտնականները կազմել են ժողովուրդների գենետիկական քարտեզը: Պարզվել է, որ ամենաշատը գենետիկական բազմազանությունը առկա է հենց Աֆրիկայում: Մարդ արարածի աֆրիկյան ծագման վարկածը արդեն մի քանի տասնամյակ գիտական շրջանառության մեջ է, բայց միայն այս գիտափորձն է ներկայացրել դրա օգտին գենետիկական ծանրակշիռ փաստարկը: Հնագույն երկրացիները որսորդների փոքրաթիվ ազգությունն է` բուշմենները, նրանք խոսում են արտառոց լեզվով, որն էլ համարում են մարդկության նախալեզուն: Տարօրինակ են այդ լեզվի ոչ միայն կանոնները, այլեւ մինչեւիսկ հնչյունները: Օրինակ, բուշմեներենի մի բաղաձայն նկարագրելու համար պետք է գրել` «հիշեցնում է շամպայնի շշից թռչող խցանի ձայնը»: Բուշմենները ապրում են Նամիբիայի եւ Կալահարիի անապատներում եւ, ամենայն հավանականությամբ, հենց այդ տարածքում է եղել աստվածաշնչյան Դրախտի Պարտեզը: Իսկ ավելի որոշակի` բուշմեն Ադամը եւ բուշմենուհի Եվան ապրել են Կունենե գետի ափին` 12.5 աստիճան արեւելյան երկայնության եւ 17.5 աստիճան հարավային լայնության տարածքում: Հնարավոր զբոսաշրջիկներին, սակայն, պետք է հիասթափեցնենք` այնտեղ վաղուց դրախտային եղանակ չէ, ինչպես աշխարհի արարումից 7518 տարի առաջ, եւ ոչ միայն դրախտի, այլեւ սովորական խնձորենի չի աճում:

Հայաստանը կամ, ավելի ճիշտ, պատմական Հայաստանը մարդկության բնօրրան համարողներին այս լուրն, անշուշտ, դուր չի գա, եւ նրանք բուշմեններին ջղայնությունից «դուշմեն» կկոչեն: Իսկ ավելի լուրջ` երկրագնդի այս կամ այն ծայրում դրախտի որոնումները սրանով չեն սկսվել եւ սրանով չեն ավարտվելո՜ւ: Այնպես որ, ավելի լավ է` մտածել Հայաստանը դժոխքի չվերածելու մասին:

Ա. Հ.

Ջուզեպե Բալզամո
20.12.2009, 22:09
Հայաստանը կամ, ավելի ճիշտ, պատմական Հայաստանը մարդկության բնօրրան համարողներին այս լուրն, անշուշտ, դուր չի գա, եւ նրանք բուշմեններին ջղայնությունից «դուշմեն» կկոչեն:

Մարդկության բնօրրան ասվածն, ինչ խոսք չափազանցություն է: Բայց էն , որ Հայկական Լեռնաշխարհն ինչ ինչ ազդեցություն ունի արդի քաղաքակրթության վրա կարծում եմ ընդունելի է: Մարդկային աշխարհայացքի ձևավորման, և դրան հետևող մշակութային ու գիտական մտքի ծննդավայր է այն տարածքն, որ հայերն իրենց են համարում: Բայց կան նաև այլ ազգեր, որ համառորեն իրենց կապում են այս տարածքի հետ, նախահայրենիք են կոչում, մեզ ՝ եկվոր: Նույնիսկ գնում են ավելի հեռու իսկական զտարուն հայ համարելով իրենց, իսկ մեզ խառնածին ու սամազվանեց (Էդ Խաչիկյանը ես ե՜մ…) Եվ դա անում են հազարավոր կիլոմետրերի հեռուներից: Ազատ խոսքի իրավունք կա, անում են: Իսկ կա՞ հիմք… միգուցե կա՞ հիմք: Կարծում եմ գենետիկ ուսումնասիրությունների արդյունքում ավելի պարզ պատկեր է լինելու (ասեմ,որ ինքս անվերապահորեն չեմ ընդունում նման հետազոտությունների արդյունքները) ու նոր լույս է սփռվելու լեգենդ-ավանդույթների և էլի շատ բաների վրա: Տարիներ առաջ էր, ձեռքս ընկած մի գրքույկի հեղինակ, "բավական հիմնավորած ու սահուն", լեզվաբանական հանգույցներով կապում էր Հայկազուն Գեղամին կելտերի հետ: Ղ-Լ, Աղի- անալի, Գեղամ-գելամ, կելամ-կելտ…ամ (սա իմ շորթքաթն էր, հեղինակն ավելի լավ էր մատուցում ՝ թող ներող լինի): Ու հիմա Տրիբունի հուշած ht35 գենոտիպի մասին կարդալուց հետո, տարիներ առաջ կարդացածս ցնդաբանությունը նոր լույսով երևաց, կամ նոր ստվեր գցեց…
Հնարավոր է, որ համաշխարհային ջհուդամասսոնականությունն իր ստոր նպատակներն է հետապնդում նման հետազոտություններով: Բայց մեզ դրանից վատ բան չի կարող սպասել, քանի դեռ մենք իրական տերերն ենք էն տարածքի, որին նրանք ոտնձգում են, նույնիսկ եթե գենետիկ ղրղզներ ենք… Հայաստանը մերն ա՝ հայ ենք:

Հ.Գ. Իրենց հայ-գեների մաքրության մեջ վստահ իմ ակումբակիցներին խնդրում եմ ասել այն լաբորատորիայի տեղը, որտեղ իրենց գենետիկ անալիզն են արել… ես էլ եմ ուզում ստուգվել:

Invisible man
20.12.2009, 22:43
Ես մի բան չհասկացա, թե ինչ կապ ունի լեզուն գեների հետ: Եթե մեր լեզվի մեջ առկա են շատ թուրքական, արաբական քրդական կամ չգիտեմ ինչ բառեր /բաղադրիչներ/ դա դեռ չի նշանակում, որ արյան մեջ էլ են առկա:

Միգուցե ճիշտ չեմ հասկացել

Միգուցե: Եթե մի քանի դար ապրել ենք քո նշած ազգերի հարևանությամբ և նրանց լեզվից բաղադրիչներ կան մեր լեզվում, վոնց կարող ա խառը ամուսնություններ կամ եդ տիպի բաներ եղած չլինեն: Դե մենակ արաբների հետ շփվում ենք մի 13-14 դար դե պատկերացրա:8:think;)

One_Way_Ticket
20.12.2009, 23:00
Ապեր նարդին հայերինը չի պպզել թքելն էլ մեր գեները չեն թելադրողը, որ խորոված անել չգիտես էդ հլը տանելի ա, բայց, որ Գառնի-ով չես հպարտանում այ էդ արդեն տխուր ա
Դե ինչ արած, հո զոռով չէ: Գառնին ինձ մոտ լքված տնակի տպավորություն թողեց, ոչ թե լեգենդար տաճարի: Ջհանդամ, գոնե մի քիչ մաքուր պահեին կողք բոլորը:
Մեկ էլ, ի տարբերություն հայերի մեծամասնության, չեմ հպարտանում մեր "հզոր" անցյալով, "ծովից ծով" Հայաստանով: Տանել չեմ կարող, երբ ռուսալեզու ֆորումներում հավաքվում են տարբեր կովկասցիներ ու ամեն մեկը ապացուցում է, որ մ.թ.ա. "ճ" թվականին երկրագնդի կեսը իրենցն էր:

Հպարտանում եմ Տիգրան Պետրոսյանով, Արամ Խաչատրյանով... Դպրոցականների ծրագրավորման միջազգային օլիմպիադայի բացմանը, որտեղ առկա էին գրեթե բոլոր երկրների ներկայացուցիչներ, Արամ Խաչատրյան նվագեցին: Հպարտությանս չափ չկար:

Lion
21.12.2009, 10:28
.Հպարտանում եմ Տիգրան Պետրոսյանով, Արամ Խաչատրյանով... Դպրոցականների ծրագրավորման միջազգային օլիմպիադայի բացմանը, որտեղ առկա էին գրեթե բոլոր երկրների ներկայացուցիչներ, Արամ Խաչատրյան նվագեցին: Հպարտությանս չափ չկար:


Իսկ չի լինի՞, որ համ քո ասածով հպարտանաս, համ էլ քո ազգի հպարտանալու արժանի անցյալով: Ինչու՞ անպայման "կամ//կամ":think

One_Way_Ticket
21.12.2009, 13:57
քո ազգի հպարտանալու արժանի անցյալով
Դե փաստորեն հպարտանալու արժանի չեմ համարում:
Մեր պատմությունը տիպիկ փոքր ազգի պատմություն է:
"Մենք շատ հզոր էինք, ու եթե այդ զզվելի թուրքերը (այլ տարբերակներ` ռուսները, անգլիացիները, ֆրանսիացիները, գերմանացիները) չլինեին, էլ ավելի հզոր կլինեինք..."

Ռուֆուս
21.12.2009, 14:14
Ապեր նարդին հայերինը չի պպզել թքելն էլ մեր գեները չեն թելադրողը, որ խորոված անել չգիտես էդ հլը տանելի ա, բայց, որ Գառնի-ով չես հպարտանում այ էդ արդեն տխուր ա

Հետաքրքիր ա, Գառնին տեսած մարդիկ երբևէ Աթենքի Պարթենոնը տեսե՞լ են (թեկուզ նկարներով): Դրանք համեմատելի՞ են:

Ես հպարտ եմ, որ մենք Գառնիի տաճար ունենք, բայց ավելի հպարտ եմ, որ մարդկային միտքն ու երևակայությունը Պարթենոնի պես հոյակապ կառույց է ստեղծել, որի մեջ 20 հատ Գառնիի տաճար կտեղավորվեր...

Տրիբուն
21.12.2009, 14:23
կարծես թե մինչև հենց նոր քո ասելը այդ մասին նշում չկար...
Կա, ու բոլորը հասկացել էին, բացի քեզանից: Մի քիչ տարօրինակ էր: Սա էլ երևի խոսում է կարդացողի կարդացողի պրոֆեսիոնալիզամի մասին: Դե չեմ նեղանում Լիոն ջան: Ես գիտեմ որ կան մարդիկ որոնք միայն գրում են, ու կան մարդիկ որոնք նաև կարդում են ուրիշների գրածները: Իսկ մաիյն գորղների մեջ կան մարդիկ, որոնք կարծում են, որ միայն իրենց գրածն է համամարդկային ճշմարտություն: Մարդկային թուլություններ են: Հնարավոր է գենետիկորեն ժառանգած:
Նետ - ի՞նչ տիպի գեն է հանդիպում "էտ հնդեվրոպական լեզուներով խոսացող ժողովուրդների մոտ"
Լիոն, ուշադիր կարդա: Մենակ գրելով չի էս կյանքը: Մեկ մեկ էլ ուրիշների գրածները ուշադիր կարդալով ա: Հիմա ես էլ քո նման գիրք չունեմ գրած, որ ամեն հարցի տակ, քոփի փեյսթ անեմ գրածներս: Հոգնեցնող է:

Ուրեմն բուն եվրոպական (արիական եթե կուզեք) երեք հապլոխումբ են առանձնացրել- R1a (արևելաեվրոպական տիպ), R1b (արևմտաեվրոպական տիպ), ու I1 (գերմանոդինարիան տիպ).

Տրիբուն
21.12.2009, 14:26
Ամբողջ իմաստը հենց էդ մարդկանց օտարազգի չհամարելն է: Ընկերոջս թաղում մի «գեներով» ռուս տղա է ապրում: Ռուս հոր ու մոր զավակ է, էստեղ որդեգրել են: Ամբողջ կյանքում՝ նորածին ժամանակից սկսած, Հայաստանում է ապրել: Տեսքից տիպիկ ռուս է՝ շեկ, կապույտ աչքերով, ռուսական քթով: Հիմա էդ տղան իր մտածելակերպով, վարվելակերպով, մի խոսքով՝ ամեն ինչով հարյուր տոկոսանոց հայ է: Մաքուր հայ: Ցեղասպանություն, խորոված, Գառնի-Գեղարդ, պպզել-թքել, թաշախուստ: Ինձ համար, համենայն դեպս, ինքը իսկական հայ է: Որովհետև մարդու ինքնությունը որոշում են իր արարքներն ու մտածածը, իսկ էդ տղան ցանկացած իրավիճակում մտածում ու գործում է որպես հայ: Հիմա ի՞նչ նշանակություն ունի՝ ինքը շեկ է, թե սև:

Ավելցանեմ Հայկո-ի գրածին, որ էտ հետազոտությամ մեջ մի շատ հետաքրքր միտք կար հայերի մասին: Թարգմանությունը մոտավոր եմ անում.

Հայերը ունեն շատ հաստակ էթնիկ և մշակութային իդենտիֆիկացիա, սակայն գենետիկ առումով նրանց մոտ հանդիպում են տարածաշրջանին հատուկ գրեթե բոլոր հապլոխմբերը, ներառյալ որ հնդեվրոպական կովկասյան ժողովուրդներին հատուկ հապլոխմբեր:

One_Way_Ticket
21.12.2009, 14:32
Ի դեպ, լսել եմ, որ լաբորատորիաներ կան, որ արյան անալիզի հիման վրա մանրամասն կարող են պատմել, թե նախնիներդ որտեղից են: Հետաքրքիր է, Հայաստանում նման բան կա՞: Ինձ հետաքրքիր կլիներ :think

Lion
21.12.2009, 14:39
Կա,

Ցույց կտա՞ս "քարտեզի պոստում" նշումն այն մասին, որ քարտեզը կրում է "դինամիկ բնույթ"...


ու բոլորը հասկացել էին, բացի քեզանից: Մի քիչ տարօրինակ էր: Սա էլ երևի խոսում է կարդացողի կարդացողի պրոֆեսիոնալիզամի մասին:

Ընդամենը կարծիք...


Դե չեմ նեղանում Լիոն ջան: Ես գիտեմ որ կան մարդիկ որոնք միայն գրում են, ու կան մարդիկ որոնք նաև կարդում են ուրիշների գրածները:

Կան էլ մարդիկ, չեն գրում, բայց սիրում են անտեղի տեղը քննադատել ուրիշների գրածները:


Իսկ մաիյն գորղների մեջ կան մարդիկ, որոնք կարծում են, որ միայն իրենց գրածն է համամարդկային ճշմարտություն:

Կան էլ մարդիկ, որոնք քննադատություն չեն սիրում: Մարդկային թուլություններ են: Հնարավոր է գենետիկորեն ժառանգած:


Լիոն, ուշադիր կարդա: Մենակ գրելով չի էս կյանքը: Մեկ մեկ էլ ուրիշների գրածները ուշադիր կարդալով ա: Հիմա ես էլ քո նման գիրք չունեմ գրած, որ ամեն հարցի տակ, քոփի փեյսթ անեմ գրածներս: Հոգնեցնող է:

Ուշադիր եմ կարդում. Այս


Ուրեմն բուն եվրոպական (արիական եթե կուզեք) երեք հապլոխումբ են առանձնացրել- R1a (արևելաեվրոպական տիպ), R1b (արևմտաեվրոպական տիպ), ու I1 (գերմանոդինարիան տիպ).

տողերը գրված չեն խնդրո առարկա քարտեզի մոտ

http://www.akumb.am/showpost.php?p=1889285&postcount=28

Այնպես որ դեռ հարց է, ով է ուշադիր կարդում, իսկ ով ոչ…

Բացի այդ, ո՞վ ասաց, որ "արիական" են հենց R1a (արևելաեվրոպական տիպ), R1b (արևմտաեվրոպական տիպ), ու I1 (գերմանոդինարիան տիպ) գեները:

Տրիբուն
21.12.2009, 14:39
Կարծում եմ՝ թեմայից շեղված չեմ լինի, եթե մի հոդված դնեմ
Ապեր, շատ լավ հոդված էս դրել: Իրոք:

Ոչ մեկին չհետաքրքրեց թե ինչի է հնդեվրոպական ժողովուրդներին հատուկ R1 հապլոխումբը, հենց R տառով նշանակված, որը լատինական այբուբենի վերջին տառերից է:

Ես լավ չամ հասկանում գենետիկայից, բայց կարդացածիս հիման վրա ու տրամաբանությունս աշխատացնելով ասեմ, որ գեները անըդհատ մուտացիայի են ենթարկվում, ու յուրաքանչյուր հապլոխմբի պայմանական առաջին կրողը, ըստ էության այն ամենահին նախնին է, որին կարելի ա առաննացնել տվյալ տիպիկ գենով: R1-ի ելակետը դնում են 26.800 տարի առաջ, բայց դա չի նշանակում որ այդ թվին ծնվեց առաջին հնդեվրոպացին: Դա այն պայմանական առաջինն է, որին կարող են տվյալ գենրի կրողները իրենց պայմանական նախապապ համարել: Իսկ R հապլոխումբը, ունի նախնիներ, որոնց գենետիկ կառուցվածքը ուրիշ է: Եթե գեները մուտացիայի չենթարկվեին, ապա մենք հիմա բոլորս բուշմեն կլինեինք ու սև:

http://www.freeuploadimages.org/images/0loo1vly8pp1b92okef.jpg

Տրիբուն
21.12.2009, 14:41
Հետաքրքիր ա, Գառնին տեսած մարդիկ երբևէ Աթենքի Պարթենոնը տեսե՞լ են (թեկուզ նկարներով): Դրանք համեմատելի՞ են:

Ես հպարտ եմ, որ մենք Գառնիի տաճար ունենք, բայց ավելի հպարտ եմ, որ մարդկային միտքն ու երևակայությունը Պարթենոնի պես հոյակապ կառույց է ստեղծել, որի մեջ 20 հատ Գառնիի տաճար կտեղավորվեր...
Ի միջի այլոց, Գառնիի կառուցելը ֆինասավորել է Ներոնը, իսկ ճարտարապետն էլ հույն է եղել: Այստեղից էլ զուտ հելենիստական ոճը տաճարի:

Lion
21.12.2009, 14:43
Դե փաստորեն հպարտանալու արժանի չեմ համարում:

Քո իրավունքն է, թեև ես կարծում եմ, որ սխալվում ես:


Մեր պատմությունը տիպիկ փոքր ազգի պատմություն է:

Համաձայն չեմ - քո այդ "փոքր ազգը" շատ անգամ է ոտք մեկնել աշխարհակալ պետությունների հետ՝ Շումեր, Աքքադ, Ասորեստան, Բաբելոն, Խեթթի, Պարսկաստան, Հռոմ, Բոյւզանդիա, Արաբական Խալիֆաթ և այլն...



"Մենք շատ հզոր էինք, ու եթե այդ զզվելի թուրքերը (այլ տարբերակներ` ռուսները, անգլիացիները, ֆրանսիացիները, գերմանացիները) չլինեին, էլ ավելի հզոր կլինեինք..."

Իհարկե, մեծապես սխալ դատողություն է, այնուհանդերձ ամեն ինչ չէ, որ մեզնով է պայմանավորված...

Տրիբուն
21.12.2009, 14:49
Ցույց կտա՞ս "քարտեզի պոստում" նշումն այն մասին, որ քարտեզը կրում է "դինամիկ բնույթ"...
Դա հասկանալը դժվար չէր, եթե ոտրամաբանող մարդը կարդում է, որ մուգկարմիրով նշված է ելման կետը 26.800 տարի առաջ:

Դու որ Տիգրան Մեծի քարտեզները նայում ես գրաված տարածքներով, ինչ ես մտածում ? Չլինի, որ մինչև հիմա մերձավոր արևելքի քարտեզը հենց այդպիսին է ?

Ու էլի Լիոն ջան, տաօրինակ է, որ մենակ դու չես հասակացել դա, մնացած բոլոր արիացիները հասկացել են:


Կան էլ մարդիկ, չեն գրում, բայց սիրում են անտեղի տեղը քննադատել ուրիշների գրածները:

Կան: ;)
Թեմաս անձնական հարցեր պարզելու վայր մի սարքի խնդրում եմ: Քո գրածները կարծես ուրիշ թեմայում են քննարկվում: Արձագանքներ ոնց որ առանձնապես չունես - հիմանականում շնորհակալություններ ու բարեմաղթանքներ են: Շատ հայրենասիրական միջավայր է:
տողերը գրված չեն խնդրո առարկա քարտեզի մոտ
Տողերը գրված են թեմայի առաջին պոստում: Ու չեն վերաբերվում քարտեզին, վերաբերվում են տիպիկ գեներին: Ուրիշ ??????????


Բացի այդ, ո՞վ ասաց, որ "արիական" են հենց R1a (արևելաեվրոպական տիպ), R1b (արևմտաեվրոպական տիպ), ու I1 (գերմանոդինարիան տիպ) գեները:
Կոլոնիալսիտ, մարմաջող եվրոպացի գենետիկները, որոնք ցանկացած հետազոտություն անում են միայն ու միայն մի նպատակով, որ ամբողջ աշխարհին ապացուցեն, որ Լիոնը էնքան էլ ճիշտ չի: Տեսնում ես, քո հայ-արի-փիղ տեսությունը քիչ թե շատ ժխտելու համար մարդիկ միլիարդներով փողեր են ծախսում ?

Տրիբուն
21.12.2009, 14:55
Բայց մեզ դրանից վատ բան չի կարող սպասել, քանի դեռ մենք իրական տերերն ենք էն տարածքի, որին նրանք ոտնձգում են, նույնիսկ եթե գենետիկ ղրղզներ ենք… Հայաստանը մերն ա՝ հայ ենք:
Հազար տոկոս համաձայն եմ այս մտքի հետ:

Ու իմ կողմից ավելացնեմ նաև, որ էական չի, թե հնեդվրոպական ցեղերին ելման կետը կլինի սիբիրի տափաստաններում, Չուկոտկայում, Ալավերդիում, թե Ավստրալիայում: Մենք հայ ենք մեր պատմությամբ, մշակույթով, լեզվով: Մենք որպես էթնոս վերջնականապես ձևավորվել ենք հայկական լեռնաշխարհում, ու դա եղել է 48 000 տարի առաջ, թե 3000 բացարձակ նշանակություն չունի: Ինչ-որ նախնի ու իրա ապուպապ ծնվել են Արարտի ստորոտին, թե Էլբրուսի, ու հետո են գաղթել մեր կողմերը, էլի նշանակություն չունի: Սիրենք ու հարգենք մեր պատմությունն ու մշակույթը այնպես ինչպես կա, ու ավելորդ փղերով չաղավաղենք այն:

Lion
21.12.2009, 14:56
Դա հասկանալը դժվար չէր, եթե ոտրամաբանող մարդը կարդում է, որ մուգկարմիրով նշված է ելման կետը 26.800 տարի առաջ:

ոտրամաբանող մարդը՝ գուցե, բայց տրամաբանող մարդը, որը մինիմալ գիտելիքներ ունի պատմության բնագավառում, նայում է մուգ կարմիրով նշված ելման կետը 26.800 տարի առաջ... և այլ որևէ հիմք չունի ենթադրություն անելու քարտեզի "դինամիկ" բնույթի մասին:


Դու որ Տիգրան Մեծի քարտեզները նայում ես գրաված տարածքներով, ինչ ես մտածում ? Չլինի, որ մինչև հիմա մերձավոր արևելքի քարտեզը հենց այդպիսին է ?

Քանի որ քարտեզի մոտ սովորաբար գրված է լինում "Հայաստանը մ.թ.ա. 95-66 թվականներին":


Ու էլի Լիոն ջան, տաօրինակ է, որ մենակ դու չես հասակացել դա, մնացած բոլոր արիացիները հասկացել են:

Ես միայն ինձ համար եմ պատասխանատու ու մեկ էլ, ես "արիացի" չեմ, ընդամենը իմ նախնիները ունեն այսպես կոչված "արիական" - իրականում ուղղակի հայկական - արմատներ:


Կան: ;)
Թեմաս անձնական հարցեր պարզելու վայր մի սարքի խնդրում եմ:

Խնդրանքդ հարգում եմ, բայց լավ կլինի այդ մասին հիշես "Lion"-ի ու փղերի մասին գրելիս...


Արձագանքներ ոնց որ առանձնապես չունես - հիմանականում շնորհակալություններ ու բարեմաղթանքներ են: Շատ հայրենասիրական միջավայր է:

Շատ հնարավոր է - ինչին պետք է, արձագանքել եմ ոնց պետք է:


Տողերը գրված են թեմայի առաջին պոստում: Ու չեն վերաբերվում քարտեզին, վերաբերվում են տիպիկ գեներին: Ուրիշ ??????????

Ուրիշ այն, որ դեռ պետք է հիմնավորել, որ հենց դրանք են արիական գեներ:
.

Կոլոնիալսիտ, մարմաջող եվրոպացի գենետիկները, որոնք ցանկացած հետազոտություն անում են միայն ու միայն մի նպատակով, որ ամբողջ աշխարհին ապացուցեն, որ Լիոնը էնքան էլ ճիշտ չի:

Կոլոնիալսիտ, մարմաջող եվրոպացի գենետիկները, որոնք ցանկացած հետազոտություն անում են միայն ու միայն մի նպատակով, որ ամբողջ աշխարհին ապացուցեն, որ Եվրոպան աշխարհի կենտրոնն է:


Տեսնում ես, քո հայ-արի-փիղ տեսությունը քիչ թե շատ ժխտելու համար մարդիկ միլիարդներով փողեր են ծախսում ?

Ես նման տեսություն չգիտեմ - եթե դու գիտես, ասա, թե հայերն ինչ կապ ունեն փղերի հետ:think

Տրիբուն
21.12.2009, 14:59
Կոլոնիալսիտ, մարմաջող եվրոպացի գենետիկները, որոնք ցանկացած հետազոտություն անում են միայն ու միայն մի նպատակով, որ ամբողջ աշխարհին ապացուցեն, որ Եվրոպան աշխարհի կենտրոնն է:
Լիոն, դու էսքան գրածների մեջ որտեղ տեսար, որ ապացուցվում է, որ Եվրոպան աշխարհի կենտրոնն է: Մարդիկ առաջին Y քրոմոսոմ կրող պապային տանում են Աֆրիկայի հարավը, առաջին R1 կրողին էլ տանում են Սիբիրի տափաստաններ:

Հենց քարտեզի վրա Եվրոպա գտնես էտ կողմերում, մի հատ ձեն կհանես:

Ուրիշ այն, որ դեռ պետք է հիմնավորել, որ հենց դրանք են արիական գեներ:
Գրելուց առաջ, խորհուրդ է տրվում մի հատ էլ նայել բոլոր նախորդ պոստերը, և աշխատացնել մոխրագույնի բջիջները:

Lion
21.12.2009, 15:00
Լիոն, դու էսքան գրածների մեջ որտեղ տեսար, որ ապացուցվում է, որ Եվրոպան աշխարհի կենտրոնն է: Մարդիկ առաջին Y քրոմոսոմ կրող պապային տանում են Աֆրիկայի հարավը, առաջին R1 կրողին էլ տանում են Սիբիրի տափաստաններ:

Հենց քարտեզի վրա Եվրոպա գտնես էտ կողմերում, մի հատ ձեն կհանես:

Մեկ էլ տեսնում են, որ միայն իրենք են "արիական" գեներ կրողներ... էդ էլ ասա, ինչի՞ ես համեստություն անում;)


Գրելուց առաջ, խորհուրդ է տրվում մի հատ էլ նայել բոլոր նախորդ պոստերը, և աշխատացնել մոխրագույնի բջիջները:

Հարցս մնում է ուժի մեջ:

Տրիբուն
21.12.2009, 15:01
Մեկ էլ տեսնում են, որ միայն իրենք են "արիական" գեներ կրողներ... էդ էլ ասա, ինչի՞ ես համեստություն անում;)



Հարցս մնում է ուժի մեջ:

Մեկ էլ տեսնում են, որ միայն իրենք են "արիական" գեներ կրողներ... էդ էլ ասա, ինչի՞ ես համեստություն անում

Յաաաաաաա... Լիոն ուշադիր կարդա:

Նույնիսկ Տաջիկների մասին էր գրված, որ իրենք էլ կրում: Ու օրինակ եվրոպացի հույներից շատ:

Լիոն, մի հարց: Դժվար ա կարդալը ?

Lion
21.12.2009, 15:03
Յաաաաաաա... Լիոն ուշադիր կարդա:

Նույնիսկ Տաջիկների մասին էր գրված, որ իրենք էլ կրում: Ու օրինակ եվրոպացի հույներից շատ:

Լիոն, մի հարց: Դժվար ա կարդալը ?

Հարցիս կոնտեքստը պարզ է - նկատի ունեի, որ այդ գեների առկայության մակարդակով իրենք առաջին տեղերում են:B

Տրիբուն
21.12.2009, 15:04
Հարցս մնում է ուժի մեջ:
Հարցդ անիմաստ է:

Բայց կարող ես մի անգամ էլ կարդալ:

Եվրոպական գեն ասելով, ի նկատի է առնվում հնդեվրոպական ժողովուրդներին հատուկ, արդեն նշված երեք հապլոխնբերը: Իսկ եթե նկատել ես, Եվրոպա աշխարհամասում մեծմասամբ հնդեվրոպական լեզուներով խոսող ժողովւորնդր են ապրում: Այլ բաղադրիչները փոքր տեսակարար կշիռ ունեն լուրջ ազդեցություն ունենալու համար, ի տարբերություն մերձավոր արևելքի, իրանի ու հնդկաստանի:

Lion
21.12.2009, 15:09
վրոպական գեն ասելով, ի նկատի է առնվում հնդեվրոպական ժողովուրդներին հատուկ, արդեն նշված երեք հապլոխնբերը: Իսկ եթե նկատել ես, Եվրոպա աշխարհամասում մեծմասամբ հնդեվրոպական լեզուներով խոսող ժողովւորնդր են ապրում: Այլ բաղադրիչները փոքր տեսակարար կշիռ ունեն լուրջ ազդեցություն ունենալու համար, ի տարբերություն մերձավոր արևելքի, իրանի ու հնդկաստանի:

Ես էլ հարց եմ տալիս - ի՞նչ գիտեք, որ հենց դրանք են "հատուկ" հնդեվրոպական ժողովուրդներին: Ասում եք եվրոպա աշխարհյամասի ազգերի՞ն է հատուկ, բայց, կներեք, չէ՞ որ այն հատուկ չէ այնպիսի անկասկած ՀԵ ժողովուրդներին, ինչպիսիք են հայերը, հույները, տաջիկները և այլոք:B Իսկ Ձեր մտքերով չի՞ անցել, որ մի քանի հարյուրամյակ Եվրոպան հեղեղել են ոչ ՀԵ ժողովուրդները՝ հոները, հին բուլղարները, ավարները, մադյարները /հին հունգարները/ և այլն, իսկ մինչ կելտերի մուտքն էլ Եվրոպա այստեղ ով ասես, որ չի ապրել...

Տրիբուն
21.12.2009, 15:11
Քանի որ քարտեզի մոտ սովորաբար գրված է լինում "Հայաստանը մ.թ.ա. 95-66 թվականներին":

Ապեր իմ դրած քարտեզի տակ էլ գրված է


Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ:
Էտքան բարդ ա շատ պարզ գրված բանը հասկանալը ?? Չի գրված քարտեզը 26.800 տարի առաջ: Չի գրված բաց կարմիրը 26.800 տարի առաջ: Գրված ա, մուգ կարմիրը, որպես ելման կետ 26.800 տարի առաջ: Հեսա հարցում եմ բացելու տեսնեմ, բացի քեզանից էլ ով չի հասկացել ?

Տրիբուն
21.12.2009, 15:14
Իսկ Ձեր մտքերով չի՞ անցել, որ մի քանի հարյուրամյակ Եվրոպան հեղեղել են ոչ ՀԵ ժողովուրդները՝ հոները, հին բուլղարները, ավարները, մադյարները /հին հունգարները/ և այլն, իսկ մինչ կելտերի մուտքն էլ Եվրոպա այստեղ ով ասես, որ չի ապրել...
Դրա համար էլ բացի R-ից, բոլոր եվրոպացիների մոտ հանդիպում են նաև քո ասած հոների, մոնղոլների ու մնացածների գեները: Ամենքիչը հանդիպում է իսլանդացիների մոտ, քանի որ, եթե մի հատ էլ ուշադիր նայես քարտեզին (իսկ դու աչքիս էնքան էլ քարտեզներ չես սիրում), կտեսնես որ Իսլանդիան Եվրասիա մայրցամաքի կենտրոնում չի: Կղզի է, Եվրոպայից ահագին հեռո, հյուսիս արևմուտքում: Այնտեղ ապրում են իսլանդացիներ:

Lion
21.12.2009, 15:14
Լավը քիչ ա, արտակարգ էր:

Հւսով եմ դեմ չես, որ մի քիչ էլ բացահայտենք կոլոնիալիստների դավադրությունները:

Ուրեմն, էս քարտեզում բաց կարմի գույնով ներկայացված է R հապլոխմբի (R1a և R1b) տարածվացությունը: Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ:

http://www.freeuploadimages.org/images/vltxpndo1hgqofvfiefq.png

Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ

Ես էլ հարց եմ տալիս - պայմանական առաջին կրողներից 26,800 տարի առաջ ինչ ... էին կորցրել թոխարները ու հնդարիները քարտեզի վրա, էլ չասած որ թոխարները ընդգրկված չեն ՀԵ տարածքում, իսկ գերմանացիներն էլ, չգիտես ինչու, կապույտ գույնն են ստացել:

Տրիբուն
21.12.2009, 15:15
Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ

Ես էլ հարց եմ տալիս - պայմանական առաջին կրողներից 26,800 տարի առաջ ինչ ... էին կորցրել թոխարները ու հնդարիները քարտեզի վրա, էլ չասած որ թոխարները ընդգրկված չեն ՀԵ տարածքում:
Լիոն, ես արդեն մտածում եմ, որ դու գույներն էլ լավ չես տարբերում:

Ժողովուրդ Լիոնից բացի ուրիշ մարդ կա, որ դժվարություններ ունի պարզ քարտեզը հասկանալու հարցում ??

Lion
21.12.2009, 15:18
Դրա համար էլ բացի R-ից, բոլոր եվրոպացիների մոտ հանդիպում են նաև քո ասած հոների, մոնղոլների ու մնացածների գեները: Ամենքիչը հանդիպում է իսլանդացիների մոտ, քանի որ, եթե մի հատ էլ ուշադիր նայես քարտեզին (իսկ դու աչքիս էնքան էլ քարտեզներ չես սիրում), կտեսնես որ Իսլանդիան Եվրասիա մայրցամաքի կենտրոնում չի: Կղզի է, Եվրոպայից ահագին հեռո, հյուսիս արևմուտքում: Այնտեղ ապրում են իսլանդացիներ:

Հարցս մնում է ուժի մեջ - եթե այդ "արիական" գեները հատուկ չէ այնպիսի անկասկած ՀԵ ժողովուրդներին, ինչպիսիք են հայերը, հույները, տաջիկները և այլոք, ի՞նչի հիման վրա եք պնդում, որ հենց դրանք են արիական գեներ:

Եվ էլի մի հարց - պայմանական առաջին կրողներից 26,800 տարի առաջ ինչ ... էին կորցրել թոխարները ու հնդարիները քարտեզի վրա, էլ չասած որ թոխարները ընդգրկված չեն ՀԵ տարածքում:

Ռուֆուս
21.12.2009, 15:22
Իսկ մուգ կարմիրով ներկայացցած է ելման կետը, պայմանական առաջին կրողներից 26,800 տարի առաջ

Ես էլ հարց եմ տալիս - պայմանական առաջին կրողներից 26,800 տարի առաջ ինչ ... էին կորցրել թոխարները ու հնդարիները քարտեզի վրա, էլ չասած որ թոխարները ընդգրկված չեն ՀԵ տարածքում, իսկ գերմանացիներն էլ, չգիտես ինչու, կապույտ գույնն են ստացել:

Լիոն ջան...

Ի՞նչ կա էստեղ չհասկանալու՞:

Քարտեզը դինամիկ է, մուգ կարմիրով նշված է այն տարածքը, որտեղ 26.800 տարի առաջ ապրել է պրոտոհնդեվրոպական ցեղերը, այդ թվում հնդարիները, թոխարները, գերմանացիները և այլն:

Իսկ կարմրով ու կապույտով նշված են այն տարածքները, որտեղ հետագայում տարածվել են այդ ցեղերը:

Տրիբուն
21.12.2009, 15:22
Ու սետղ ես, արիական գեներիս սղության պատճառով, դադարեցնում եմ Լիոնի հետ ցանկացած քննարկում այս թեմայի շրջանակներում, քանի որ Լիոնի կողմից բարձրացված բոլոր հարցրերը կրկնվում են նույնությամբ, պատասխանները չեն ընկլավում, կամ արհեստականորեն ներկայացվում են որպես չընկալված:

Հատուկ ու էքսկլուզիվ Լիոնի համար ընդում եմ. (միայն ու միայն Լիոնի համար, ու խնդրում եմ մնացվածին ստորը բերված կետերը ոչ մի տեղ չշահարկել)

- հայերը ու միայն հայերն են հնդեվրոպական առաջին ժողովուրդը, որից ծագել են մնացած բոլոր ժողովուրդները

- հնդեվորպական ժողովուրդների ելման կետը բացի հայկական լեռնաշխարհից ուրիշ տեղ լինել չի կարող

- փղերը հարյուր հատ էին, ու ոչ մի հ ատով ավել կամ պակաս

- Ապոպը Հակոբն էր, ու հայ էր, ու ուրիշ բան չէր կարող լինել

- Հիքսոսները հայ էին

- Բասկերը հայ էին

- Ցանկացած այլ ժողովուրդ, որին կոնկրետ Լիոնը ուզում է որ հայ լինեն, ՀԱՅ են

- Հրանտ Թոխատյանը թոխար էր

Լիոնին անկեղծորեն խորհուրդ եմ տալիս գիշերը քնելուց առաջ մտածել, թե քանի հոգի են իրեն լուրջ ընդունում:

Lion
21.12.2009, 15:23
Բնականաբար, այն ժողովուրդը որի մոտ ավելի շատ են գերակշռում այս երեք տիպերը, ամենաեվրոպականն են, կամ ամենաարիականն են (մեր սիրած էլի):

Մեկ էլ, Տրիբուն, չէր խանգարի սրա տրամաբանությունը բացատրես - ինչո՞ւ "բնականաբար"...

Lion
21.12.2009, 15:31
Ու սետղ ես, արիական գեներիս սղության պատճառով, դադարեցնում եմ Լիոնի հետ ցանկացած քննարկում այս թեմայի շրջանակներում, քանի որ

... չես կարող պատասխանել այն հարցին, թե.

Ինչու ՀԵ կելտերը ու գերմանացիները ընդգրկված չեն "բաց կարմի գույնով ներկայացված է R հապլոխմբի" մեջ, բայց ամենաառաջին պոստում դրված քարտեզում նույն այդ կելտերի ու գերմանացիների հետնորդ ազգերի մոտ հանկարծ այդ գեները գերակշռում են,

Իսկ դա մեկ անգամ ևս ապացուցում է նման ուսումնասիորւթյունների ու քարտեզների աբսուրդ ու քաղաքականացված բնույթը;


- հայերը ու միայն հայերն են հնդեվրոպական առաջին ժողովուրդը, որից ծագել են մնացած բոլոր ժողովուրդները


Շատ հնարավոր է;


- հնդեվորպական ժողովուրդների ելման կետը բացի հայկական լեռնաշխարհից ուրիշ տեղ լինել չի կարող


Շատ հնարավոր է;


- փղերը հարյուր հատ էին, ու ոչ մի հ ատով ավել կամ պակաս

Նայած որտեղ;


- Ապոպը Հակոբն էր, ու հայ էր, ու ուրիշ բան չէր կարող լինել

Միանշանակ, ինչքանով որ միանշանակ կարող է լինել պնդումը պատմական փաստի վերաբերյալ ընդհանրապես;


Հիքսոսները հայ էին

Միանշանակ:


- Բասկերը հայ էին

Հնարավոր է ունեցել են հայկական արմատներ;


- Ցանկացած այլ ժողովուրդ, որին կոնկրետ Լիոնը ուզում է որ հայ լինեն, ՀԱՅ են

Դա իմ ուզելուց կախված չէ, այլ նախ և առաջ հանդիսանում է տվյալ ժողովրդի ինքնագիտակցության հարցը;


- Հրանտ Թոխատյանը թոխար էր


:think


Լիոնին անկեղծորեն խորհուրդ եմ տալիս գիշերը քնելուց առաջ մտածել, թե քանի հոգի են իրեն լուրջ ընդունում:

Ես քո խորհուրդների կարիքը չունեմ - նույն բանի մասին ինքդ մտածիր, հատկապես գեների այս խճճված պատմությունում միանշանակ հետևություններ անել փորձելիս...

Lion
21.12.2009, 15:38
Ուրեմն բուն եվրոպական (արիական եթե կուզեք) երեք հապլոխումբ են առանձնացրել- R1a (արևելաեվրոպական տիպ), R1b (արևմտաեվրոպական տիպ), ու I1 (գերմանոդինարիան տիպ).

http://www.freeuploadimages.org/images/5cnfj18cxv4uchb190li.jpg

Բնականաբար, այն ժողովուրդը որի մոտ ավելի շատ են գերակշռում այս երեք տիպերը, ամենաեվրոպականն են, կամ ամենաարիականն են (մեր սիրած էլի):

Հիմա, ում մոտ են գրակշռում այս երեք հապլոխմբերը: Պարզվել է, որ ամենամաքուր եվրոպացիները իսլանդացիներն են, վիկինգների ուղղակի ժառանգները: Նրանց մոտ բացի այս երեք հապլոխմբից, ուրիշ հապլոխումբ չի հանդիպում:


Իրոք չի հանդիպում, լավ եք նայել;)?

Ռուֆուս
21.12.2009, 17:02
Լիոն ջան, դավայ մի հատ էլ սկզբից անցնենք էս ամենի վրայով


Մեկ էլ, Տրիբուն, չէր խանգարի սրա տրամաբանությունը բացատրես - ինչո՞ւ "բնականաբար"...
Ինձ թվում է էստեղ Տրիբունի սարկազմը չհասկացար :))

... չես կարող պատասխանել այն հարցին, թե.

Ինչու ՀԵ կելտերը ու գերմանացիները ընդգրկված չեն "բաց կարմի գույնով ներկայացված է R հապլոխմբի" մեջ, բայց ամենաառաջին պոստում դրված քարտեզում նույն այդ կելտերի ու գերմանացիների հետնորդ ազգերի մոտ հանկարծ այդ գեները գերակշռում են,


Լիոն ջան, ախր սևով սպիտակի մեջ գրված...

http://www.freeuploadimages.org/images/vltxpndo1hgqofvfiefq.png
Այս քարտեզում կապույտով նշված են R1b (արևմտաեվրոպական), կարմրով R1a (արևելաեվրոպական) գեների տարածվածությունը, մուգ կարմրով պրոտոհնդեվրոպական նախաժողովրդի նախահայրենիքը:

http://www.freeuploadimages.org/images/5cnfj18cxv4uchb190li.jpg
Այս քարտեզում R1b գեները նշված են կարմիր գույնով, R1a գեները դեղինով, ընդամենը գույների տարբերություն է նախորդ քարտեզի հետ.... Տեսնու՞մ ես, որ էլի արևմտյան Եվրոպայում գերակշռում է R1b գեները, արևելյանում՝ R1a-ն...

Իրոք չի հանդիպում, լավ եք նայել;)?

Հա, մի քանի տոկոս (մաքսիմում 10%) այլ գեներ են հանդիպում, հետո՞ ;)

Lion
21.12.2009, 17:12
Ինձ թվում է էստեղ Տրիբունի սարկազմը չհասկացար :))

Պատկերացրու` չէ:B


Լիոն ջան, ախր սևով սպիտակի մեջ գրված...

http://www.freeuploadimages.org/images/vltxpndo1hgqofvfiefq.png
Այս քարտեզում կապույտով նշված են R1b (արևմտաեվրոպական), կարմրով R1a (արևելաեվրոպական) գեների տարածվածությունը, մուգ կարմրով պրոտոհնդեվրոպական նախաժողովրդի նախահայրենիքը:

http://www.freeuploadimages.org/images/5cnfj18cxv4uchb190li.jpg
Այս քարտեզում R1b գեները նշված են կարմիր գույնով, R1a գեները դեղինով, ընդամենը գույների տարբերություն է նախորդ քարտեզի հետ.... Տեսնու՞մ ես, որ էլի արևմտյան Եվրոպայում գերակշռում է R1b գեները, արևելյանում՝ R1a-ն...

Հա, այ հիմա պարզա - ախր մինչև այդ այն, որ գույները երկու քարտեզներում փոփոխված էր, չէր ասվել...


Հա, մի քանի տոկոս (մաքսիմում 10%) այլ գեներ են հանդիպում, հետո՞ ;)

Հետո էն, որ, ըստ քարտեզագիրների տրամաբանության,"մաքուր" են ոչ թե իսլանդացիները, այլ ուելսցիները և Ֆրանսիայի հարավ-արևմուտքի բնակիչները...

davidus
21.12.2009, 17:59
Հետո էն, որ, ըստ քարտեզագիրների տրամաբանության,"մաքուր" են ոչ թե իսլանդացիները, այլ ուելսցիները և Ֆրանսիայի հարավ-արևմուտքի բնակիչները...

իմիջիայլոց, ես էլ էս պահը չհասկացա..... դուրս ա գալիս, որ հարավային Ֆրանսիայի տարածքում ապրողները գենետիկորեն ավելի "մաքուր են", քան իսլանդացիք... :think
եթե կարելի ա ավելի մանրամասն

Շինարար
21.12.2009, 20:34
Լիոն ջան, քո գրառման տակ էլ էի ուզում շնորհակալություն դենմ, բայց քանի որ Տրիբունի հետ բանավիճում եք, դուրս կգար, որ համ նալին եմ խփում համ մեխին, պարզապես նշեմ, որ հիքսոսների պահով, չգիտեմ, թե որքանով են իրանք գիտակցել իրանց որպես հայ, բայց հակված եմ կարծել, որ մեր արմատները նաև իրենցից են գալիս:)), բայց բասկերին հանգիստ թող:

Աինի
22.12.2009, 03:08
Լիոն ջան, քո գրառման տակ էլ էի ուզում շնորհակալություն դենմ, բայց քանի որ Տրիբունի հետ բանավիճում եք, դուրս կգար, որ համ նալին եմ խփում համ մեխին, պարզապես նշեմ, որ հիքսոսների պահով, չգիտեմ, թե որքանով են իրանք գիտակցել իրանց որպես հայ, բայց հակված եմ կարծել, որ մեր արմատները նաև իրենցից են գալիս:)), բայց բասկերին հանգիստ թող:

Այ, եթե դու իմանայիր ինչպես էր կոչվում մեր Տորք Անգեղի Պապը, և ինչպես էր կոչվում Իսպանացիների Տորկույի պապը դու անշուշտ այդպես չէիր ասի, Ըստ մեր ավանդազրույցի Տորքը Պասկամի թոռն էր, իսկ Ըստ Իսպանացիների իրենց Տորկուն սերվել է Բասկից, ահա, թե ինչու են որոշ պատմաբաններ հակված նույնացնել Տորքին ու Տարկուին, որոնք նույննեն ոչ միայն դիցաբանական ֆունկցիաներով այլև հնարավոր է նաև գենետիկ պարունակությամբ, այնպես, որ սպասեք անակնկալների

Շինարար
22.12.2009, 04:44
Այ, եթե դու իմանայիր ինչպես էր կոչվում մեր Տորք Անգեղի Պապը, և ինչպես էր կոչվում Իսպանացիների Տորկույի պապը դու անշուշտ այդպես չէիր ասի, Ըստ մեր ավանդազրույցի Տորքը Պասկամի թոռն էր, իսկ Ըստ Իսպանացիների իրենց Տորկուն սերվել է Բասկից, ահա, թե ինչու են որոշ պատմաբաններ հակված նույնացնել Տորքին ու Տարկուին, որոնք նույննեն ոչ միայն դիցաբանական ֆունկցիաներով այլև հնարավոր է նաև գենետիկ պարունակությամբ, այնպես, որ սպասեք անակնկալների

Այո:think, սա արդեն լիովին փոխում է իրավիճակը և նոր լույս սփռում պատմության և մեր երկու ժողովուրդների ծագումնաբանության վրա:8 Շնորհակալություն, հարգելիս:

Lion
22.12.2009, 08:19
Լիոն ջան, քո գրառման տակ էլ էի ուզում շնորհակալություն դենմ, բայց քանի որ Տրիբունի հետ բանավիճում եք, դուրս կգար, որ համ նալին եմ խփում համ մեխին, պարզապես նշեմ, որ հիքսոսների պահով, չգիտեմ, թե որքանով են իրանք գիտակցել իրանց որպես հայ, բայց հակված եմ կարծել, որ մեր արմատները նաև իրենցից են գալիս:)), բայց բասկերին հանգիստ թող:

Հայք(սոս)ների պահով ինձ համար ամեն ինչ հստակ է, իսկ բասկերը դեռևս հավանական հիպոթեզների շարքինեն դասվում: Ինչ վերաբերվում է "մաքուր գեներ"-ի ողջ այս ուսումնասիրությանը, ապա ես սրանից ապագա ֆաշիզմի հոտ եմ առնում - ու թող չասեն, թե ամեն ինչ այդքան անմեղ է, գուցե և... բայց բացառված չէ, որ այս ամենը երբևէ կօգտագործվի հենց նման նպատակներով, ինչպես ժամանակին օգտագործվեց հակագիտական տեսությունը, որը դասակարգում էր մարդկային գանգերը,,,:(

Rammer
22.12.2009, 11:35
Պատմական պատմություններ. առաջին հայերը

Ո՞վ է եղել առաջին հայը դժվար է ասել: Փոխարենը շատ հեշտ է ասել, թե ով է եղել առաջին հայը, ով հայ անվան տակ առաջինը հիշատակվում է համաշխարհային պատմության մեջ: Հայ ասելով, ի նկատի ունեմ «արմեն» անվամբ, որով էլ մենք երեք հազար տարի հայտնի ենք օտարազգիներին բացի վրացիներից: Ու ավելի ճիշտ կլինի ասել, ոչ թե առաջին, այլ առաջին երկու հայը: Հետարքրիր է, որ երկուսն էլ գործել են Հայաստանից դուրս, այսինքն եղել են «սփյուռքահայ»: Այսինքն` հայ ազգը չի հասցրել կարգին ձեւավորվել (Ուրարտուից-Հայաստան անցման շրջանն էր, որը պատմագիտությունն, ի դեպ այդպես էլ մարդավարի չի վերլուծել-բացատրել), բայց արդեն հայտնվել է միջազգային ասպարեզում: Այդ առաջին երկու հայը, պարսից Դարեհ 1 Աքեմենյան արքայի Բեհիսթունյան արձանագրությունում հիշատակվող` Դադարշիսն է եւ Արախան: Հետաքրքրիր է տեսնել, թե ինչով էին զբաղված մեր այս երկու հայրենակիցները հեռավոր մ.թ.ա 6-րդ դարում: Նախ` Դադարշիսը: Սա Դարեհի զորավարն էր: Ի դեպ միակ ոչ պարսիկ եւ ոչ մարացի զորավարը, որը հիշատակվում է արձանագրության մեջ: Չգիտենք, զորավար ասելով նա հենց Դարեհի արքունիկում էր ծառայում, թե՞ Հայաստանում պարսկական զորքերի ներկայացուցիչն էր: Միայն կարող ենք եզրակացնել, որ Դարեհը նրան շատ էր վստահում: Երբ Դարեհը գահ բարձրացավ, Աքեմենյան կայսրության գրեթե բոլոր երկրամասերը նրա դեմ հերթով ապստամբեցին, այդ թվում նույնիսկ բուն Պարսկաստանը: Նոր արքան իր իշխանության առաջին երկու տարիներն անցկացրեց անվերջ ապստամբությունների ճնշմամբ զբաղվելով (պետք է ասել, որ որոշ երկրներ ապստամբում էին երկու անգամ): Ապստամբ երկրամասերի թվում էր նաեւ Հայաստանը` Արմինիան: Որոշ երկրներում խռովությունները Դարեհը անձամբ էր ճնշում, իսկ որոշներում իր զորավարների օգնությամբ: Հայերի ապստամբությանը Դարեհը երեւում է մեծ նշանակություն չէր տվել, եւ որոշեց ոչ թե անձամբ պատերազմել, այլ զորավարների միջոցով: Ինչպես, կարելի է ենթադրել, Դարեհի հիշատակարան` Բեհիստունյան արձանագրությունից, դա այդքան էլ ճիշտ քայլ չէր: Հայերի ապստամբությունը ճնշելու Դարեհը ուղարկում է մեզ արդեն ծանոթ Դադարշիսին: Այսինքն` նա այնքան էր վստահում հայ զորավարին, որ ուղարկում է նրան ճնշել հայերի իսկ ապստամբությունը: Դրանից հետո Դարեհը պատմում է, թե ինչպես Դադարշիսը երեք անգամ պատերազմեց եւ երեք անգամ էլ հաղթեց ապստամբելու: Չնայած Դարեհը իր արձանագրության մի զգալի մասը նվիրել է նրան, որ նա ամենից շատ սիրում էր ճշմարտախոսությունը, եւ դրա համար էլ Արամազդ աստվածը նրան սիրում էր ու հաղթանակներ էր շնորհում, սակայն Դադարշիսի պատմության հետ կապված, ավելի քան կասկածելի են թվում հարգարժան արքայի խոսքերը: Նախ` ոչ մի այլ ապստամբության ճնշման համար Դարեհը եւ նրա զորավարները, ըստ արձանագրության երեք ճակատամարտ չեն տալիս: Երկրորդ` երեք ճակատամարտից հետո, Դարեհը Հայաստան է ուղարկում նոր զորավարի, այս անգամ արդեն ազգությամբ պարսիկ` Վահումիսային, ինչն անհասկանալի քայլ է, եթե Դադարշիսն իրոք հաղթեր: Երրորդ` Վահումիսան տալիս է սպատմաբների դեմ երկու ճակատամարտ, որոնցից առաջինը` արդեն ոչ թե Հայաստանում, այլ Ասորիքում: Այսինքն` հայերը դուրս էին մղել Դադարշիսին Հայաստանից եւ ներխուժել Ասորիք: Ամեն դեպքում Վահումիսան, ինչպես երեւում է կարողանում է ավելի արդյունավետ լուծել ապստամբ հայերի հարցերը: Ինչպես երեւում է, Դադարշիսը, որի անունը թարգմանաբար նշանակում է աներկյուղ, բավականին երկիմաստ խաղ էր խաղում: Դժվար չէ ենթադրել, որ նա նպաստում էր ապստամբ հայերի հաղթանակներին: Մանրամասները, մենք, իհարկե երբեք չենք իմանա, սակայն պարզ է, որ առաջին հայը, այսպես ասած, հակասական բնավորության տեր մարդ էր: Մի կողմից նա մեծ վստահություն էր վայելում պարսից արքայի կողմից, մյուս կողմից էլ, ենթադրաբար, տակից օգնում էր իր ապստամբ հայրենակիցներին: Թե ի՛նչ եղավ իրա վերջը, դժվար է ասել, բայց, կարելի է, ենթադրել, որ Դարեհը նրան այս ամենից հետո «պուպուշ» չարեց: Պակաս հետաքրքրիր կերպար չէ Դարեհի հիշատակված երկրորդ «առաջին հայը»` Արախան: Սա արդեն գործում է միջազգային ասպարեզում: Դադարշիսը որքան էլ կայսերական զորավար, այնուամենայնիվ, ինչպես երեւում է կապված էր իր հայրենիքի հետ: Արախայի հավակնություններն ավելի մասշտաբային էին: Նա Դարեհի դեմ ապստամբեցնում է ոչ ավել ոչ պակաս` Բաբելոնը: Իրեն էլ հայտարարում է Բաբելոնի արքա: Բաբելացիները նրան չեն մերժում, այլ միավորվում են նրա շուրջ, եւ նա որոշ ժամանակ թագավորում է աշխարհի այն ժամանկվա թիվ մեկ քաղաքում: Ճիշտ է, դա երկար չի տեւում, եւ Դարեհի զորքերից պարտություն կրելուց հետո, Արախան ու իր կուսակիցները դաժան մահվան են ենթարկվում: Այսպիսին էին, ուրեմն, առաջին հայերը: Իհարկե, առաջին ասածը տվյալ դեպքում պայմանականություն է: Բայց հարցի էությունը դրանից չի փոխվում: Առաջին հայերը հիշատակվում են ոչ թե Հայաստանում, ինչպես կարելի էր ենթադրել, այլ Հայաստանից դուրս: Մեկը` արքայից արքայի զորավար, մյուսը` Բաբելոնի ինքնահռչակ թագավոր: Այս պատմությունը չպատմեցի նրա համար, որպեսզի ինչ որ խորիմաստ եզրակացություններ անեմ, կամ, պատմական անձերին` պլյուս ու մինուս նշանակեմ, այլ ուղղակի հետաքրքրության համար: Իսկ եզրակացությունները կարող էք անել ըստ անձնական ճաշակի:

Հրանտ

Արիացի
22.12.2009, 11:47
Հրանտ

Չնայած թեմայի հետ կապ չուներ, բայց հետաքրքիր պատմություն էր: Էս որ Հրանտն ա գրել? Չլինի՞ Թոխատյան :o

Rammer
22.12.2009, 11:50
Չնայած թեմայի հետ կապ չուներ, բայց հետաքրքիր պատմություն էր: Էս որ Հրանտն ա գրել? Չլինի՞ Թոխատյան :o
Քո եզրակացությունը պարզ է...:)
Հրանտ Տեր Աբրահամյան

Արիացի
22.12.2009, 11:53
Հրանտ Տեր Աբրահամյան

Էդ ով ա?:think

Lion
22.12.2009, 14:49
Պատմական պատմություններ. առաջին հայերը

Հրանտ

Թույլ տամ ինձ չհամաձայնել հարգելի Հրանտի հետ:) Առաջին հիշատակված "հայ"-ը, որի. "աստվածը Հայան էր", հայտնի է Դումուզի անունով և նա ապրել է մ.թ.ա. 26-րդ դարում և եղել է Արատտայի քրմերից մեկը...

Աինի
22.12.2009, 17:04
Թույլ տամ ինձ չհամաձայնել հարգելի Հրանտի հետ:) Առաջին հիշատակված "հայ"-ը, որի. "աստվածը Հայան էր", հայտնի է Դումուզի անունով և նա ապրել է մ.թ.ա. 26-րդ դարում և եղել է Արատտայի քրմերից մեկը...

Այո ամբողջովին համամիտ եմ, ընդ որում նրա մասին հիշատակված է շումերական արքայացնկում, որպես որսորդի , ինչը լիովին հմապատասխանում է նրան, որ օրիոն համաստեղությունը, որն ինչպես մեզ հայտնի է կոչվլ է նաև որսորդի համաստեղություն, երկար ժամանակ կոչվել է հայք, :think

Լեռնցի
23.12.2009, 00:06
Թույլ տվեք նկատել, որ հայերը առայժմ միակ ազգն են, որ կարող են ոսկրածուծի դոնոր լինել կամայական ազգի ներկայացուցչի համար, սակայն ոչ մի այլ ազգի ներկայացուցիչ չի կարող ոսկրածուծի դոնոր լինել հայի համար…

իզա
23.12.2009, 00:20
Թույլ տվեք նկատել, որ հայերը առայժմ միակ ազգն են, որ կարող են ոսկրածուծի դոնոր լինել կամայական ազգի ներկայացուցչի համար, սակայն ոչ մի այլ ազգի ներկայացուցիչ չի կարող ոսկրածուծի դոնոր լինել հայի համար…
Գիտականորեն դա հաստատված է ա՞րդյոք… Ես գիտեմ որ ամերիկյան բնիկ
«հնդիկներին » բնորոշ է արյան առաջին խումբ ունենալը , բայց դրա մասին ճիշտն ասած այդքան էլ տեղյակ չէի:think

Լեռնցի
23.12.2009, 00:27
Գիտականորեն դա հաստատված է ա՞րդյոք… Ես գիտեմ որ ամերիկյան բնիկ
«հնդիկներին » բնորոշ է արյան առաջին խումբ ունենալը , բայց դրա մասին ճիշտն ասած այդքան էլ տեղյակ չէի:think

Այո նշածս գիտական փաստ է: :)

davidus
23.12.2009, 00:36
Այո նշածս գիտական փաստ է: :)

այ քեզ բան :o :o :o

եթե ձեռքիդ տակ որևէ նյութ կա, խնդրանքի կարգով, անպայման դիր այստեղ, որ եվրոպական արժեքների հավատարիմ հետևորդները համոզվեն.....

իզա
23.12.2009, 01:21
Թույլ տվեք նկատել, որ հայերը առայժմ միակ ազգն են, որ կարող են ոսկրածուծի դոնոր լինել կամայական ազգի ներկայացուցչի համար, սակայն ոչ մի այլ ազգի ներկայացուցիչ չի կարող ոսկրածուծի դոնոր լինել հայի համար…

Ճիշտն ասած ինձ շատ հետաքրքրեց , եթե դժվար չէ ավելին կուզեի իմանալ , որտեղից էք տեղեկացվել…:ok

Լեռնցի
23.12.2009, 03:29
Ս. Ավագյանի պատմելով՝ հայերն ունեն յուրահատուկ ժառանգական կառուցվածք, եւ այդ պատճառով, դժբախտաբար, հայ հիվանդների համար պրակտիկորեն հնարավոր չէ ներկայումս աշխարհում գործող ռեեստրներում գտնել համապատասխան դոնորներ. 'Հայերը միջերկրածովյա գենետիկ խմբից են, եւ բացի այն, որ հայը հային կարող է դոնոր լինել, հայերը կարող են ոսկրածուծ տալ նաեւ այլ էթնիկ խմբի, օրինակ՝ հույներին, հրեաներին, իտալացիներին, նույնիսկ թուրքերին եւ այլն':
Վերցրած է այստեղից (http://www.armtown.com/news/am/arv/20090224/56097/)
Ինչպես նաև կարող եք նաել այստեղ (http://abmdr.am/Ru/about.html)

Բիձա
23.12.2009, 07:24
Տրիբուն- գենետիկական հարցը զարմանալի աժիոտաժ բարձրացրեց հայրենասերների շրջանում:
Նայելով քարտեզին ես հանգում եմ այն եզրակացության, որ ինչքան հեռանում ենք դեպի հյուսիս արևմուտք, այնքան պարզանում է կառուցվածքը- դուրս են մղվում մինորային բաղադրիչներչը և մնում են հիմնականները: Այսինքն կորչում է գենային բազմազանությունը- որը ի դեպ բացասական վիճակ է: Եվ դա պարզ է, ինչքան հեռու են գնացել եվրոպացիների նախնինները, այնքան պակասել են հարևան վայրենիները ու իրենք մնացած են եղել իրենցով-ու ստիպված պատերազմներով իրար են "կերել",- մաքրել գեները:
Վերջին 50 տարիներին բազմաթիվ գենետիկական մեթոդներ են եղել առաջարկված ազգերի պատմական կապը որոշելու համար: Ապացուցված է, որ իրարից հեռու ապրող /չխառնվող/ պոպուլյացիաներում մուտացիաների հետևանքով իրար հետ կապակցված գեները աստիճանաբար հեռանում են և գոյանում է տարածություն սկզբնապես կից/մոտ տեղադրված գեների միջև: Ըստ այդ տարածության եզրակացություն է արվում այդ տեսակների նախորդ պատմության մասին: Իհարկե միայն տղամարդու Y խրոմոսոմով արված գործը թերի է և իսկապես քաղաքական կամ սկանդալային արճեք էլ կարող է ունենալ, մանավանդ որ նույն սկզբանակետից չի տարվել հետազոտումը: Ես միշտ մտածել եմ, որ ինչքան գեղեցիկ է ազգը, այնքան նա պատմականորեն ագրեսսիվ է եղել, շատ պատերազմներ է մղել, հաղթել, գեղեցիկ որակյալ կանանց է տիրացել ու լավացրել իր գենետիկան:
Պատերազմներն են կերտել կանացի գեղեցկությունը և տղամարդու առնականությունը:
Թուրքերը իրենց մոնղոլ հալով եկել եվրոպոիդ են դարձել:
Երևի հետաքրքիր կլիներ նաև այդ պայմանով դասակարգել ազգերին:
Իսկ եթե շատ եք ուզում գիտականորեն հարցը պարզել, դիմեք համալսարանի գենետիկայի ամբիոն- վարիչը հենց գենետիկական հեռավորությունների ուսումնասիրման մասնագետներից է:

Mephistopheles
23.12.2009, 07:33
ես մաքուր հայ եմ… 100% անոց… սաղ գեներս մեկ-մեկ ստուգել եմ տվել… բժիշկս հրեա էր ասեց սենց բան առաջին անգամ եմ տեսնում…

Mephistopheles
23.12.2009, 07:37
Ես գենետիկ այդ ուսումնասիրություններին լուրջ չեմ վերաբերվում: Որպեսզի այդ ոլորտի կողմնակիցները իրենց վատ չզգան, ասեմ, որ ազգագրական առումով ես ընդհանրապես չեմ կարևորում գենետիկան...

խի՞ ապեր, ձեռ չի տալի՞

Lion
23.12.2009, 08:16
խի՞ ապեր, ձեռ չի տալի՞

Չէ, ապեր, որովհետև լուրջ չի: Ու որ կարդաս թեման, կտեսնես թե ինչու: Իսկ որ սխալվես ու նայես քվեարկծս տրբերակը, ավելի լվ կհասկանս, որ ձեռ տալ-չտալու խնդիր անձմբ ես չունեմ:B

Lion
23.12.2009, 08:35
Թույլ տամ ինձ մի փոք շեղվել թեմայից, հույսով հանդերձ, որ սա քննարկման առարկա չի դառնա: Ուղղակի ցավս էգալիս, որ մեր լրագրողները այսքան թույլ գիտելիքներ ունեն իրենց ժողովրդի հնագույն պատմությունից և արդյունքում, չունենալով բավար գիտելիքներ, իրենց կամքից անկախ կեղծ-պաթետիկ ու անիմաստ հետևությունների են գալիս:(


Ո՞վ է եղել առաջին հայը դժվար է ասել:

Արդեն ասվեց - արձանագրություններից հայտնի առաջին հայըԴումուզին է, որն ուղղակի կոչվում է այդպես: Իսկ եթե նայենք տրամաբանորեն, ապա ավելի ճիշտ է առաջարկել Արատտայի մեկ այլ քրմի անունը՝ Դումուզիի նախորդ Էնսուխքեշդանան: Ուղղակի վերջինս ուղղակիորեն հայ չի կոչվում, թեև նա իշխում էր Արատտայում, Դումուզիի նախորդն էր և հետևաբար, հաստատ հայ էր


Փոխարենը շատ հեշտ է ասել, թե ով է եղել առաջին հայը, ով հայ անվան տակ առաջինը հիշատակվում է համաշխարհային պատմության մեջ: Հայ ասելով, ի նկատի ունեմ «արմեն» անվամբ, որով էլ մենք երեք հազար տարի հայտնի ենք օտարազգիներին բացի վրացիներից:

Հեղինակը մոռանում է նշել նաև քրդերին ու խեթերին:


Ու ավելի ճիշտ կլինի ասել, ոչ թե առաջին, այլ առաջին երկու հայը: Հետարքրիր է, որ երկուսն էլ գործել են Հայաստանից դուրս, այսինքն եղել են «սփյուռքահայ»: Այսինքն` հայ ազգը չի հասցրել կարգին ձեւավորվել

Իհարկե սխալ է: Մ.թ.ա վեցերորդ դարի վերջի վիճակով հայ ազգը արդեն առնվազն երկու հազարամյակ էր, որ ձևավորված էր:


(Ուրարտուից-Հայաստան անցման շրջանն էր, որը պատմագիտությունն, ի դեպ այդպես էլ մարդավարի չի վերլուծել-բացատրել),

Իրականում հուշենք հարգելի Հրանտին, որ ոչ մի "Ուրարտու" էլ բնության մեջ չի եղել, ինչպես, ի դեպ, չի եղել ուչկա նաև "Էրմենիստան" անունով պետություն կամ աշխարհագրական միավոր…


ոչ մարացի զորավարը,

Ոչ թե "մարացի", այլ "մար", քանի որ մենք ասում ենք "հայ", այլ ոչ թե "հայացի";)


դեմ հերթով ապստամբեցին,

Ոչ թե "հերթով", այլ միաժամանակ:


Ապստամբ երկրամասերի թվում էր նաեւ Հայաստանը` Արմինիան:

Այնքան էլ ճիշտ չէ - Արմենին իրականում ենթակա չէր Աքեմենյան Պարսկաստանին, որ ապստամբեր: Խոսքը երկու անկախ պետությունների միջև ընթացած պատերազմի մասին է:


Հայերի ապստամբությանը Դարեհը երեւում է մեծ նշանակություն չէր տվել, եւ որոշեց ոչ թե անձամբ պատերազմել, այլ զորավարների միջոցով:

Եվ կրկին հետևություն, համեմված ազգային բարդույթներով: Հուշենք լրագրողին, որ Արմենին իր ուժով և նշնակությամբ տարածաշրջանում վստահորեն զբաղեցնում էր երրորդ տեղը: Իսկ արքային անձամբ չպատերազմելը դեռ ոչինչ չի նշանակում և, ընդհակառկը, կարող էր լինել հակառակի արդյունք - վախենում էր անհջողությունից /ինչպես և սկզբում եղավ/ և հենց դրա արդյունքում անձմբ չէր երևում մարտադաշտում:


Դրանից հետո Դարեհը պատմում է, թե ինչպես Դադարշիսը երեք անգամ պատերազմեց եւ երեք անգամ էլ հաղթեց ապստամբելու: Չնայած Դարեհը իր արձանագրության մի զգալի մասը նվիրել է նրան, որ նա ամենից շատ սիրում էր ճշմարտախոսությունը, եւ դրա համար էլ Արամազդ աստվածը նրան սիրում էր ու հաղթանակներ էր շնորհում, սակայն Դադարշիսի պատմության հետ կապված, ավելի քան կասկածելի են թվում հարգարժան արքայի խոսքերը: Նախ` ոչ մի այլ ապստամբության ճնշման համար Դարեհը եւ նրա զորավարները, ըստ արձանագրության երեք ճակատամարտ չեն տալիս: Երկրորդ` երեք ճակատամարտից հետո, Դարեհը Հայաստան է ուղարկում նոր զորավարի, այս անգամ արդեն ազգությամբ պարսիկ` Վահումիսային, ինչն անհասկանալի քայլ է, եթե Դադարշիսն իրոք հաղթեր: Երրորդ` Վահումիսան տալիս է սպատմաբների դեմ երկու ճակատամարտ, որոնցից առաջինը` արդեն ոչ թե Հայաստանում, այլ Ասորիքում: Այսինքն` հայերը դուրս էին մղել Դադարշիսին Հայաստանից եւ ներխուժել Ասորիք:

Սկզբունքորեն ճիշտ է: Հետաքրքիր է, որ մինչ այս ոչ-ոքի մտքով չի անցել այն փաստը, որ գուցե Դադարշիսը կրկնակի գործակալ էր և մեծապես հենց նրա պատճռով էր պարսկական բանակը պարտություններ կրում:think Ավելացնեմ, որ իմ մտքով էլ էր անցել այս տարբերակը, մինչև այս հոդվածը կարդալը /հուսով եմ անկեղծությանս կհվատաք:)/:


Ինչպես երեւում է, Դադարշիսը, որի անունը թարգմանաբար նշանակում է աներկյուղ, բավականին երկիմաստ խաղ էր խաղում: Դժվար չէ ենթադրել, որ նա նպաստում էր ապստամբ հայերի հաղթանակներին: Մանրամասները, մենք, իհարկե երբեք չենք իմանա, սակայն պարզ է, որ առաջին հայը, այսպես ասած, հակասական բնավորության տեր մարդ էր: Մի կողմից նա մեծ վստահություն էր վայելում պարսից արքայի կողմից, մյուս կողմից էլ, ենթադրաբար, տակից օգնում էր իր ապստամբ հայրենակիցներին: Թե ի՛նչ եղավ իրա վերջը, դժվար է ասել, բայց, կարելի է, ենթադրել, որ Դարեհը նրան այս ամենից հետո «պուպուշ» չարեց:

Լիովին հնարվոր է, որ մենք գործ ունենք մոռացված մի "Շտիռլիցի" հետ:


Պակաս հետաքրքրիր կերպար չէ Դարեհի հիշատակված երկրորդ «առաջին հայը»` Արախան: Սա արդեն գործում է միջազգային ասպարեզում: Դադարշիսը որքան էլ կայսերական զորավար, այնուամենայնիվ, ինչպես երեւում է կապված էր իր հայրենիքի հետ: Արախայի հավակնություններն ավելի մասշտաբային էին: Նա Դարեհի դեմ ապստամբեցնում է ոչ ավել ոչ պակաս` Բաբելոնը: Իրեն էլ հայտարարում է Բաբելոնի արքա: Բաբելացիները նրան չեն մերժում, այլ միավորվում են նրա շուրջ, եւ նա որոշ ժամանակ թագավորում է աշխարհի այն ժամանկվա թիվ մեկ քաղաքում: Ճիշտ է, դա երկար չի տեւում, եւ Դարեհի զորքերից պարտություն կրելուց հետո, Արախան ու իր կուսակիցները դաժան մահվան են ենթարկվում:

Ի դեպ, այս մարդու անունը կապվում է "արքա" անվան հետ:


Առաջին հայերը հիշատակվում են ոչ թե Հայաստանում, ինչպես կարելի էր ենթադրել, այլ Հայաստանից դուրս: Մեկը` արքայից արքայի զորավար, մյուսը` Բաբելոնի ինքնահռչակ թագավոր:

Լավ էլի, Հրանտ;) Գուցե ուզում ես ճիշտ բան ասել, բայց օրինակներդ ու դրանից բխող հետևություններդ չափազանց անհաջող են:

Տրիբուն
23.12.2009, 13:00
Ժողովուրդ, հայերի ծագումը քննարկող առանձին թեմա կա "Ով ենք մենք իրականում":

Ինչպես մի անգամ արդեն գրել եմ, թեմայի նտակաը հետևյալն է.


Ուզում եմ հիշեցնել, որ թեման բացել եմ հատուկ այն բանի համար, որ փորձենք հասկանալ, թե որքանով են հիմնավորված մաքուր գեներ, կամ մաքուր արյուն հասկացությունները, ու կարելի է արդյոք շահարկել այդ կատեգորիաները պատմության, մշակույթի, քաղաքականության համատեքստում:

Ու որպես հիշեցում ֆաշիզմից շատ խոսողների համար.


Ու էլի որպես ամփոփում - սա ( մեր գենետիկ բազմազանությունը)համարում եմ ավելի քան բնական, բարդույթավորվելու ոչ մի պատճառ չեմ տեսնում, քաղաքականացնելու պատճառ առավել ևս չեմ տեսնում, ու կարծում եմ, որ մեր ապագան ոչ մի առնչություն չի ունենալու այն բանի հետ, թե մեր գեների մեջ քանի տոկոս ինչ կա: Ամեն դեպքում, ազգի գենետիկ ու արյան մաքրությունից խոսող արիացիներին խորհուրդ եմ տալիս հնարավորինս քիչ տխմարաբանել: Մենք հայ ենք մեր լեզվով, մշակույթով ու փաստարկված պատմությամբ: Ու ուրիշների նախապապը լինելու ոչ մի ցանկություն, անձամբ ես չունեմ, ոչ էլ կարիք ունեմ արիական-հայկական կայսրությունների մասին հորինվածքների:

Տրիբուն
23.12.2009, 13:17
Ի միյի այլոց, հապլոխումբ R1b-ն ունի մի հատ հետաքրքիր հապլոտիպ - ht35: ԱՀԱԳԻՆ ՀԵՏԱՔԻՔԻՐ:
Շարունակենք էլի:

Ուրեմն R1b հապլոխմբում, կա ht35 հապլոտիպը, որը կոչվում է նաև տիպիկ հայկական հապլոտիպ: Թե ինչի է կոչվում հենց տիպիկ հայկական, դժվարանում եմ ասել, ու դեռ ոչ մի տեղ պարզ բացատրությունը չեմ գտել: Ամենայն հավանականությամբ, սա նշանակում է, որ R1b հապլոխմբի գեներ ունեցող բոլոր հայերը, կամ մեծամասնությունը, ունեն հենց այս հապլոտիպը (DYS393=12):

Հետաքրքիր է, որ այս հապլոտիպը բացի հայերից հանդիպում է նաև Անատոլիայում, Կենտրոնական Ասիայում, Մերձավոր Արևելքում, Բալկաններում, Կովկասում և շատ հրեաների մոտ:

Այս հապլոտիպը հանդիպում է նաև Բրիտանիայում (ու ստեղ կարելի է սահուն ացնում կատարել "Բրիտները եկել են Հայաստանից" թեմա), ինչպես նաև այնտեղ, որտեղ կա J հապլոխմբի բարձր կոնցետրացիա:

Ստորև ներկայացված քարտեզը ցույց է տալիս J հապլոխմբի տարածվացությունը, որտեղ փաստորեն տարածված է նաև տիպիկ հայկական հապլոտիպը:

http://www.freeuploadimages.org/images/k613z3f6790sl260wni.png

Արիացի
23.12.2009, 13:32
Դե ինչ, քանի որ թեման տենց էլ չի գտնում իր վախճանը, ներկայացնեմ գենետիկական մի դաժան հետազոտություն, որը նվիրված է միայն հայերին` Armenian Y chromosome haplotypes reveal strong regional structure
within a single ethno-national group (http://www.4shared.com/file/179423765/8c58038d/Armenian_Y_chromosome_haplotyp.html): Հուսով եմ՝ այս հոդվածից հետո թեման կփակվի :))
Գիտնականները հետազոտել են Հայաստանի տարբեր շրջանների և սփյուռքի ներկայացուցիչների գենետիկան ու պարզել նրանց միջև նմանությունները, ինչպես նաև, կապը հարևան ու հեռավոր ազգերի հետ: Հայությունը բաժանվել է 6 շրջանների` Սյունիք, Ղարաբաղ, Արարատյան (Արարատյան դաշտ), հյուսիս (ՀՀ հյուսիսային շրջանները, ինչպես նաև վիրահայությունը), մերձավոր սփյուռք (իրանահայություն, սիրիահայություն) ու հեռավոր սփյուռք (եվրոպահայություն, ամերիկահայություն):
Թվեր չեմ գրի, ներկայացնեմ միայն որոշ հետաքրքիր արդյունքներ.
1. Սյունիքը ու Արցախը, լինելով գենետիկորեն իրար շատ նման, տարբերվում են հայության մյուս շրջաններից: Իրանահայությունը ավելի նման է Արարատյան շրջանին, քան Սյունիքին ու Արցախին:
2. Հայության բոլոր շրջանները գենետիկ ոչ մի ընդհանրություն չունեն վրացիների հետ: Թուրքերի ու ադրբեջանցիների հետ կապն ավելի մեծ է, քան վրացիների: Սա մի քիչ տարօրինակ ու անսպասելի արդյունք է, եթե հաշվի առնենք, որ վրացիները մեր դարավոր հարևաններն են, որոնց հետ մենք ընդհանուր առմամբ միշտ դրական հարաբերություններ ենք ունեցել:
3. Անդրադառնալով հարևան մյուս ժողովուրդների՝ թուրքերի, ադրբեջանցիների, արաբների ու հույների հետ կապին պետք է նշել հետևյալը: Սյունիքի ու Արցախի կապը հարևան ազգերի հետ բացակայում է: Սյունիքն ու Արցախը կարելի է դիտել, որպես գենետիկ տեսակից մաքսիմալ մեկուսացված հայկական մի շրջան, որը, ի տարբերություն այլ շրջանների նվազագույն չափով է խառնվել հարևանների հետ: Սա անսպասելի է նրանով, որ Արցախը երկար ժամանակ ադրբեջանի տիրապետության տակ է եղել, իսկ Սյունիքում այդ վտանգը միշտ եղել է: Չնայած նրան, որ կովկասյան թուրքերի հետ մաքսիմալ շփումը եղել է Սյունիքում ու Արցախում, այս շրջանների ժողովուրդը համարյա չի խառնվել նրանց հետ: Մյուս կողմից, պետք է նկատել, որ դարերի ընթացքում Սյունիքը համարյա միշտ չի կորցրել իր անկախությունը, կամ նվազագույնը եղել է կիսանկախ ու միջնադարում հենց Սյունիքն է եղել հայության մշակութային ու հոգևոր կենտրոնը բուն Հայաստանում:
4. Ի տարբերություն հարևան ազգերի, հակառակ պատկերն է նկատվում հեռավոր ազգերի՝ անգլիացիների ու գերմանացիների հետ կապը դիտարկելիս: Սյունիքն ու Արցախը գենետիկ կառուցվածքով ավելի մոտ են անգլիացիներին, քան հայկական մյուս շրջանները: Սա ևս մեկ ապացույց է այն բանի, որ բրիտները Բրիտանիա են տեղափոխվել Հայաստանից, ավելի կոնկրետ՝ Գորիսի շրջանի Բռուն և Սիսիանի շրջանի Անգեղակոթ գյուղերից: :D
5. Եվրոպական ազգերի մեջ ամենատարածված գեներից մեկը, որը կոչվում է Atlantic Modal Haplotype (R1b3), որը ամենաշատը տարածված է կելտերի, բասկերի ու ուելսցիների մոտ, մեծ տարածում ունի հայկական բոլոր շրջանների ներկայացուցիչների մոտ, իսկ ամենաշատը... ճիշտ ա՝ Սյունիքում ու Արցախում:D : Ավելին՝ Սյունիքի որոշ լեռնային շրջաններում վերոնշյալ հապլոտիպը ավելի մեծ հաճախականությամբ է հանդիպում, քան եվրոպական վերոնշյալ ազգերի մոտ: Դե էլ չասեմ, թե կելտերն ու բասկերը, որտեղից են հայտնվել եվրոպայում:B :D

Ինչպես ասում են մեռնեմ գենետիկայի հզորությանը: :))

Տրիբուն
23.12.2009, 14:06
Դե ինչ, քանի որ թեման տենց էլ չի գտնում իր վախճանը, ներկայացնեմ գենետիկական մի դաժան հետազոտություն, որը նվիրված է միայն հայերին` Armenian Y chromosome haplotypes reveal strong regional structure
within a single ethno-national group: Հուսով եմ՝ այս հոդվածից հետո թեման կփակվի
Արիացի ջան, իսկ փակվելու պաճռաների մասին մի քիչ ավելի մանրամասն չես ասի ?

Շատ հետաքրքիր պոստ ես արել: Հատուկ շնորհակալություն:
Եվրոպական ազգերի մեջ ամենատարածված գեներից մեկը, որը կոչվում է Atlantic Modal Haplotype (R1b3),
Ի միջի այլոց, Atlantic Modal Haplotype (R1b3)-ը Armenian Modal Haplotype (R1b3)-ից շատը քիչ ա տարբերվում: Ինչ-որ մի քրոմոսմ էս կողմ, էն կողմի հարց ա

Armenian Modal Haplotype, DYS393=12
Atlantic Modal Haplotype, DYS393=13

Տրիբուն
23.12.2009, 14:08
Սա ևս մեկ ապացույց է այն բանի, որ բրիտները Բրիտանիա են տեղափոխվել Հայաստանից, ավելի կոնկրետ՝ Գորիսի շրջանի Բռուն և Սիսիանի շրջանի Անգեղակոթ գյուղերից:
Բա, տենում ես ինչ լավ ա ստացվում? Օրինակ դու հիմա պոտենցիալ անգլիական լորդ ես` գենետիկ իրավունքներով:

Արիացի
24.12.2009, 11:43
Շատ հետաքրքիր պոստ ես արել: Հատուկ շնորհակալություն:
Խնդրեմ :)

Ի միջի այլոց, Atlantic Modal Haplotype (R1b3)-ը Armenian Modal Haplotype (R1b3)-ից շատը քիչ ա տարբերվում: Ինչ-որ մի քրոմոսմ էս կողմ, էն կողմի հարց ա

Armenian Modal Haplotype, DYS393=12
Atlantic Modal Haplotype, DYS393=13
Հետաքրքիր ինֆորմացիա է: Աշխատության մեջ նշվում է հետևյալը`

the modal haplotype in these two regions (haplotype 1) is a one-step neighbour of the Atlantic Modal Haplotype that is also found at highest frequencies in Syunik and Karabakh (14.3% and 11.2%, respectively).
Սա ինչքան հասկացա, հենց քո ասածն է: :think


Բա, տենում ես ինչ լավ ա ստացվում? Օրինակ դու հիմա պոտենցիալ անգլիական լորդ ես` գենետիկ իրավունքներով:

Ցավոք սրտի, ես չէ :( Ես Կապանից եմ, բայց Անգեղակոթից ու Բռունից ծանոթներ ունեմ, իրանց կասեմ, էս հարցով կզբաղվեն: :))


Արիացի ջան, իսկ փակվելու պաճռաների մասին մի քիչ ավելի մանրամասն չես ասի ?
Ապեր, թեմայից դուրս մի հարց տամ. քո մոտ սմայլերը անջատած ա՞ :think

5. Եվրոպական ազգերի մեջ ամենատարածված գեներից մեկը, որը կոչվում է Atlantic Modal Haplotype (R1b3), որը ամենաշատը տարածված է կելտերի, բասկերի ու ուելսցիների մոտ, մեծ տարածում ունի հայկական բոլոր շրջանների ներկայացուցիչների մոտ, իսկ ամենաշատը... ճիշտ ա՝ Սյունիքում ու Արցախում : Ավելին՝ Սյունիքի որոշ լեռնային շրջաններում վերոնշյալ հապլոտիպը ավելի մեծ հաճախականությամբ է հանդիպում, քան եվրոպական վերոնշյալ ազգերի մոտ: Դե էլ չասեմ, թե կելտերն ու բասկերը, որտեղից են հայտնվել եվրոպայում

5-րդ կետի հետ կապված մի փոքր ճշգրտում մտցնեմ: R1b3-ը հայկական մյուս շրջաններում չի հանդիպում: Հանդիպում է միայն Սյունիքում (7.9%) և Արցախում (2.8%):
Իսկ ընդհանուր Atlantic Modal Cluster-ով (որը սահմանվում է, որպես Atlantic Modal Haplotype և նրանից մեկ քրոմոսոմ տարբերվողները (its one-step neighbours)) հայկական շրջանների ցուցանիշները հետևյալն են. Սյունիք՝ 24.3%, Արցախ՝ 14.0%, մնացած շրջաններ՝ 10%-ից փոքր: Սյունիքում հանդիպած հաճախականությունը ոչ արևմտաեվրոպական շրջաններում հանդիպած ամենամեծ ցուցանիշն է: Եթե սրան ավելացնենք այն փաստը, որ Կապանի բարբառը նման է ֆրանսերենին, իսկ գորիսինը ու արցախինը՝ անգլերենին, ապա պատկերը ավելի հստակ է դառնում :D

Տրիբուն
24.12.2009, 13:04
Ապեր, թեմայից դուրս մի հարց տամ. քո մոտ սմայլերը անջատած ա՞
Սմայլերը որն ա? Ընկեր ես սյունիքի բարբառը լավ չեմ հասկանում, կներես:

5-րդ կետի հետ կապված մի փոքր ճշգրտում մտցնեմ: R1b3-ը հայկական մյուս շրջաններում չի հանդիպում: Հանդիպում է միայն Սյունիքում (7.9%) և Արցախում (2.8%):
Իսկ ընդհանուր Atlantic Modal Cluster-ով (որը սահմանվում է, որպես Atlantic Modal Haplotype և նրանից մեկ քրոմոսոմ տարբերվողները (its one-step neighbours)) հայկական շրջանների ցուցանիշները հետևյալն են. Սյունիք՝ 24.3%, Արցախ՝ 14.0%, մնացած շրջաններ՝ 10%-ից փոքր: Սյունիքում հանդիպած հաճախականությունը ոչ արևմտաեվրոպական շրջաններում հանդիպած ամենամեծ ցուցանիշն է: Եթե սրան ավելացնենք այն փաստը, որ Կապանի բարբառը նման է ֆրանսերենին, իսկ գորիսինը ու արցախինը՝ անգլերենին, ապա պատկերը ավելի հստակ է դառնում
Ես ուրեմն առաջարկ ունեմ ապեր: Արցախն ու Սյունիքը Հայաստանից անկախանում են ու հիմնում են ՄՀՀ - Մաքուր Հայաստանի Հանրապետություն: Դիմում են Եվրոմիություն ու մի անգամից ընդունվում են` գենետիկ անալիզի արդյունքների հիման վրա: Լեզվական խոչընդոտ էլ, ոնց հասկացա, առանձնապս չկա - Գորիսում ու Արցախում Եվրոմիության երկու հիմնական լեզուները մայրենի լեզու են:

Արիացի
24.12.2009, 13:23
Սմայլերը որն ա? Ընկեր ես սյունիքի բարբառը լավ չեմ հասկանում, կներես:
Ներելու խնդիր չկա, ապեր: Քեզ վատ մի զգա: Բայց ասեմ, որ Սյունիքի բարբառ չկա: Սյունիքի ամեն շրջան առանձին բարբառ ունի:

Ես ուրեմն առաջարկ ունեմ ապեր: Արցախն ու Սյունիքը Հայաստանից անկախանում են ու հիմնում են ՄՀՀ - Մաքուր Հայաստանի Հանրապետություն: Դիմում են Եվրոմիություն ու մի անգամից ընդունվում են` գենետիկ անալիզի արդյունքների հիման վրա: Լեզվական խոչընդոտ էլ, ոնց հասկացա, առանձնապս չկա - Գորիսում ու Արցախում Եվրոմիության երկու հիմնական լեզուները մայրենի լեզու են:
Ես գիտեի, որ էս գենետիկան վերջը մեր ազգը պառակտելու ա: :angry
Տրիբուն, մի փորձիր գիտությանը քաղաքական ենթատեքստ տալ ու ազգը պառակտող առաջարկներ մի արա: Այստեղ քննարկվում են զուտ գիտական փաստեր ու արդյունքներ: Դրանք քաղաքականացնելը միայն խանգարում է:


Ցավոք սրտի, ես չէ Ես Կապանից եմ, բայց Անգեղակոթից ու Բռունից ծանոթներ ունեմ, իրանց կասեմ, էս հարցով կզբաղվեն:
Հա ասեմ, որ ասեցի ծանոթներիս, նրանք ասեցին, որ թող անգլիացի լորդերը իրենց բռունեցի զգան, ոչ թե բռունեցին՝ անգլիական լորդ: Մի պահ նույնիսկ վատ զգացի առաջարկիս համար:(

Տրիբուն
24.12.2009, 22:18
Տրիբուն, մի փորձիր գիտությանը քաղաքական ենթատեքստ տալ ու ազգը պառակտող առաջարկներ մի արա: Այստեղ քննարկվում են զուտ գիտական փաստեր ու արդյունքներ: Դրանք քաղաքականացնելը միայն խանգարում է:

Ընկեր, եթե ապագայում ՄՀՀ-ն մտնի Եվրոմիության մեջ, մնացած կիսամաքուր Հայաստանն էլ կարող է դիմել ու, որպես ավտոնոմ օկրուգ, մտնել ՄՀՀ կազմի մեջ, արյդունքում նաև Եվրոմիություն:

Արիացի ախպեր, ես ազգը պառակտող ոչ մի բան չեմ գրում: Ընդհակառակը, դնում եմ ապագա Կովկասից-Ատլանտյան Օվկիանոս Հայաստանի հիմքերը: Պատկերացրու, որ գենետիկորեն պարզվի, որ Ռիչարդ Առյուծասիրտը գորիսեցի էր, իսկ Ֆիլիպ Օգոստոս Կապետինգը կապանցի: Ինչքան լավ կլինի:

Արիացի
25.12.2009, 11:39
Հա ասեմ, որ ասեցի ծանոթներիս, նրանք ասեցին, որ թող անգլիացի լորդերը իրենց բռունեցի զգան, ոչ թե բռունեցին՝ անգլիական լորդ: Մի պահ նույնիսկ վատ զգացի առաջարկիս համար:(


Ընկեր, եթե ապագայում ՄՀՀ-ն մտնի Եվրոմիության մեջ, մնացած կիսամաքուր Հայաստանն էլ կարող է դիմել ու, որպես ավտոնոմ օկրուգ, մտնել ՄՀՀ կազմի մեջ, արյդունքում նաև Եվրոմիություն:
Տրիբուն ջան, էս գրառումիցս՝

Հա ասեմ, որ ասեցի ծանոթներիս, նրանք ասեցին, որ թող անգլիացի լորդերը իրենց բռունեցի զգան, ոչ թե բռունեցին՝ անգլիական լորդ: Մի պահ նույնիսկ վատ զգացի առաջարկիս համար:(
կարելի էր ենթադրել, որ մենք եվրոմիություն չենք ձգտում: Այ որ եվրոմիության երկրները դարձի գան ու ընդունեն, որ իրանք մեր ղոլերից են, եվրոմիության կենտրոնն էլ տեղափոխեն Բռուն, մենք սրտաբաց նրանց կընդունենք: Էն անառակ որդու վերադարձի նման: ;)
Այ էս ուղղությամբ պետք ա մտածել:

Արիացի ախպեր, ես ազգը պառակտող ոչ մի բան չեմ գրում: Ընդհակառակը, դնում եմ ապագա Կովկասից-Ատլանտյան Օվկիանոս Հայաստանի հիմքերը: Պատկերացրու, որ գենետիկորեն պարզվի, որ Ռիչարդ Առյուծասիրտը գորիսեցի էր, իսկ Ֆիլիպ Օգոստոս Կապետինգը կապանցի: Ինչքան լավ կլինի:
Քեզ ասեմ, որ փաստեր կան, որ Շառլ Դը Գոլը մանկությունը Կապանում ա անցկացրել: Հերը մեր ղոլերում պղնձի արտադրության բիզնես ա ունեցել, տղուն էլ հետը բերել ա, ասել ա թող իր ակունքներին մոտ լինի:

Հ.Գ. Նորից հիշեցնեմ վերևում գրածս: Էս թեման նվիրված ա զուտ գենետիկային ու պետք չի քաղաքականացնել: Քաղաքական քննարկումները պատիվ չեն բերում գիտությանը:

Տրիբուն
26.12.2009, 00:57
կարելի էր ենթադրել, որ մենք եվրոմիություն չենք ձգտում: Այ որ եվրոմիության երկրները դարձի գան ու ընդունեն, որ իրանք մեր ղոլերից են, եվրոմիության կենտրոնն էլ տեղափոխեն Բռուն, մենք սրտաբաց նրանց կընդունենք: Էն անառակ որդու վերադարձի նման:
Այ էս ուղղությամբ պետք ա մտածել:
Արի ախպեր, կարող ա չենք ձգտում, բայց առավոտից իրիկուն շենգեն քոսոտ վիզայի համար ազգի կեսը հետույքը եվրոմիության դեսպանատների դեմը պատառոտում ա: Չեմ հաշվել թե քանի հոգի են մեջը կապանցի ու գորիսեցի:
Քեզ ասեմ, որ փաստեր կան, որ Շառլ Դը Գոլը մանկությունը Կապանում ա անցկացրել: Հերը մեր ղոլերում պղնձի արտադրության բիզնես ա ունեցել, տղուն էլ հետը բերել ա, ասել ա թող իր ակունքներին մոտ լինի:
Դրա համար էլ տենց կարգին տղա դառավ վերջում: Նամուսով դաստիարակություն էր ստացել: Կապանի անարատ կաթ մածուն կերած կլինի:

Հ.Գ. Նորից հիշեցնեմ վերևում գրածս: Էս թեման նվիրված ա զուտ գենետիկային ու պետք չի քաղաքականացնել: Քաղաքական քննարկումները պատիվ չեն բերում գիտությանը:
Շնորհակալեմ որ հիշեցրիր ընկեր: Անցնենք մեր գործին, ու նայենք թե մեր հարևանների մոտ ինչ գենետիկ դրություն է:
2003 թվականին արված հետազոտությունը ցույց է տվել, որ ադրբեջանցիները գենետկորեն ավելի մոտ են իրենց կովկասցի հարևաններին, քան թրքախոս մյուս ազգերին, կամ հենց նույն թուրքերին: Սակայն, նրանց մոտ սահմանափակ քանակությամբ հանդիպում է նաև H12 հապլոխումբը, և թուրքմեննրին հատուկ հապլոտիպեր: Ադրբեջանցիների մոտ թուրքմեննրին հատուկ գեները հանդիպում են ավելի շատ, քան հայերի ու վրացիների մոտ:

Ամեն դեպքում, գենետիկ հետազոտությունները ցույց են տալիս, որ ադրբեջանցիների գենետիկ կապը իրենց թրքախոս ալթայցի նախնիների, ինչպես նաև ժամանակակաից Թուրքիայի թուրքերի հետ, գրեթե գոյություն չունի: Իսկ նրանց ամենամոտ գենետիկ բարեկամները պարսիկներն են:

Արիացի
28.12.2009, 16:09
Շնորհակալեմ որ հիշեցրիր ընկեր: Անցնենք մեր գործին, ու նայենք թե մեր հարևանների մոտ ինչ գենետիկ դրություն է:
2003 թվականին արված հետազոտությունը ցույց է տվել, որ ադրբեջանցիները գենետկորեն ավելի մոտ են իրենց կովկասցի հարևաններին, քան թրքախոս մյուս ազգերին, կամ հենց նույն թուրքերին: Սակայն, նրանց մոտ սահմանափակ քանակությամբ հանդիպում է նաև H12 հապլոխումբը, և թուրքմեննրին հատուկ հապլոտիպեր: Ադրբեջանցիների մոտ թուրքմեննրին հատուկ գեները հանդիպում են ավելի շատ, քան հայերի ու վրացիների մոտ:

Ամեն դեպքում, գենետիկ հետազոտությունները ցույց են տալիս, որ ադրբեջանցիների գենետիկ կապը իրենց թրքախոս ալթայցի նախնիների, ինչպես նաև ժամանակակաից Թուրքիայի թուրքերի հետ, գրեթե գոյություն չունի: Իսկ նրանց ամենամոտ գենետիկ բարեկամները պարսիկներն են:

Հետաքրքիր տեղեկություն էր, Տրիբուն ջան: Ինտերնետային աղբյուր կա?

Տրիբուն
28.12.2009, 22:56
Հետաքրքիր տեղեկություն էր, Տրիբուն ջան: Ինտերնետային աղբյուր կա?
Լիքը ընկեր: Առաջին պոստում դրել եմ հիմնական աղբյուրը: Էտ էջի վրայից լինքերով կարող ես առաջ գնալով ահագին հետաքրքիր բաներ հայտնաբերել: Էս էրկու օրն էլ թուրքերի մասին եմ կարդում: Ժամանակ չկա պոտս անեմ, բայց շուտով կանեմ:

Գաղթական
24.01.2010, 22:31
«գեների վրա թքած ունեմ» տարբերակը կոպիտ սխալ եմ համարում՝ հարուստ գենոֆոնդի ժառանգորդին ոչ հարիր..

ստույգ տվյալներ չունեմ, թե ասենք սրանից մի հազար տարի առաջ նախապապերիցս մեկը մի օտարազգու հետ չի ամուսնացել, բայց ինձ Հայ եմ համարում որպես Հայ գենոֆոնդի և մշակույթի ժառանգորդ ու կրիչ..


Սա էլ, իմ կողմից շատ հարգված, Արմեն Այվազյանի կարծիքը վեճի առարկայի վերաբերյալ..


http://www.youtube.com/watch?v=ZilStTsJAJs


http://www.youtube.com/watch?v=71iGdZrHoMc&feature=related

Արիացի
24.01.2010, 23:16
Ի դեպ, ժողովուրդ, ինչ-որ մեկը այս գրքի (http://www.golos.am/index.php?option=com_content&task=view&id=34649&Itemid=53) մասին գիտեք? Որտեղից կարելի է գտնել?
Левон ЕПИСКОПОСЯН "Когда генетика и история сталкиваются"

My World My Space
25.01.2010, 01:26
Ի միջի այլոց, Գառնիի կառուցելը ֆինասավորել է Ներոնը, իսկ ճարտարապետն էլ հույն է եղել: Այստեղից էլ զուտ հելենիստական ոճը տաճարի:


Հարգելիս Գառնիի հեթանոսական տաճարը կառուցվել է ՄԹ 76թ. իսկ Ներոնը մահացել է ՄԹ 68 թվականին, հիմա եթե կարելի է մանրամասնիր թե ինչպե՞ս կարող էր 8 տարվա մեռելը տաճարի կառուցում ֆինանսավորել..............

Ժունդիայի
25.01.2010, 01:55
Չէ Տրիբուն ոչ թե ի նկատի ուներ մեռնելուց հետո է Ներոնը ֆինանսավորել, այլ պարզապես որոշ աղբյուրներ ասում են թե իբր հավանական է Ներոնը կառույցը ֆինանասավորել է Տրդատի՝ Հռոմ հյուրնկալալվելու ժամանակ.

My World My Space
25.01.2010, 01:56
Եթե սրան ավելացնենք այն փաստը, որ Կապանի բարբառը նման է ֆրանսերենին, իսկ գորիսինը ու արցախինը՝ անգլերենին, ապա պատկերը ավելի հստակ է դառնում :D

Հա, էդ իրոք տենց ա, մանավանդ, որ մենակ ղարաբաղցիք ու անգլիացիք են, որ շշին "բոթըլ" են ասում........:D:D:D





Ես ուրեմն առաջարկ ունեմ ապեր: Արցախն ու Սյունիքը Հայաստանից անկախանում են ու հիմնում են ՄՀՀ - Մաքուր Հայաստանի Հանրապետություն: Դիմում են Եվրոմիություն ու մի անգամից ընդունվում են` գենետիկ անալիզի արդյունքների հիման վրա: Լեզվական խոչընդոտ էլ, ոնց հասկացա, առանձնապս չկա - Գորիսում ու Արցախում Եվրոմիության երկու հիմնական լեզուները մայրենի լեզու են:

Էձիկին ասե՞լ եք էս մասին............

My World My Space
25.01.2010, 02:05
Չէ Տրիբուն ոչ թե ի նկատի ուներ մեռնելուց հետո է Ներոնը ֆինանսավորել, այլ պարզապես որոշ աղբյուրներ ասում են թե իբր հավանական է Ներոնը կառույցը ֆինանասավորել է Տրդատի՝ Հռոմ հյուրնկալալվելու ժամանակ.

66 թ. Տրդատը եկել ա Հայաստան, 10 տարի էդ փողերը գործի մեջ ա դրել,հետո սարքել ա Գառնի՞ն..............
Չի կպնում էլի իրար էդ անտերը...... հետո միակ փաստն այն է, որ Ներոնը Տրդատին փող է տվել Արտաշատը վերականգնելու համար, իսկ որ ենթադրենք էլ, որ Տրդատը էդ փողերից "կռայիտ արել" ու Գառնի ա սարքել, էլի չի կարելի ասել,որ դա Ներոնն ա հովանավորել.....

Ժունդիայի
25.01.2010, 02:11
Չէ պարզապես Վիքիպեդիայի անգլերեն տարբերակում նման մի հատված կա, մոդերատորներց ներողություն անգլերեն գրառմանս համար, It has been surmised that it was constructed in the 1st century AD by the King Tiridates I of Armenia, probably funded with money the king received from emperor Nero during his visit to Rome.

My World My Space
25.01.2010, 02:28
Չէ պարզապես Վիքիպեդիայի անգլերեն տարբերակում նման մի հատված կա, մոդերատորներց ներողություն անգլերեն գրառմանս համար, It has been surmised that it was constructed in the 1st century AD by the King Tiridates I of Armenia, probably funded with money the king received from emperor Nero during his visit to Rome.


Կատարյալ ապուշություն.....

Ժունդիայի
25.01.2010, 02:37
միգուցե...........

davidus
25.01.2010, 02:39
դե կարելի ա հաշվի առնել այն փաստը, որ Գառնին 1 տարում չեն սարքել.....շատ հնարավոր ա, որ շինարարությունը տևել ա 8 կամ 10 տարի, եթե չմոռանանք, որ Գառնինի համալիրը մենակ տաճարից բաղկացած չի.......

բայց դե համաձայն եմ, որ Ներոնը սրա հետ առանձնապես կապ չպիտի որ ունենա

My World My Space
25.01.2010, 02:45
դե կարելի ա հաշվի առնել այն փաստը, որ Գառնին 1 տարում չեն սարքել.....շատ հնարավոր ա, որ շինարարությունը տևել ա 8 կամ 10 տարի, եթե չմոռանանք, որ Գառնինի համալիրը մենակ տաճարից բաղկացած չի.......

բայց դե համաձայն եմ, որ Ներոնը սրա հետ առանձնապես կապ չպիտի որ ունենա


գառնիի տաճարի "համալիրը" կառուցվել ա հետագայում, տենց միանգամից չբռնեցին ու որոշեցին, որ էտի պիտի տուրիստական կենտրոն սարքե..............

Ժունդիայի
25.01.2010, 02:49
Այսպիսի փաստերն են էլի որ աղավաղում եմ մեր ժողովրդի պատմությունը այլոց պատկերացումներում. Հետաքրքիր է ովքեր են, որ աղավաղում են փաստերը. Աչքիս Վիքիպեդիան պայտեցնենք, քանզի որոնողական համակարգերում առաջին տեղն է գրավում երբ հայաստանի վերաբերյալ ինչ-որ բան ես ուզում գտնես համացանցում. Կատարյալ ապատեղեկատվություն, ու սրանով են միջազգային հանրությունը տեղեկանւմ մեր մասին.
Աստված իմ փրկեա զմեզ ի չարե........

My World My Space
25.01.2010, 02:52
Այսպիսի փաստերն են էլի որ աղավաղում եմ մեր ժողովրդի պատմությունը այլոց պատկերացումներում. Հետաքրքիր է ովքեր են, որ աղավաղում են փաստերը. Աչքիս Վիքիպեդիան պայտեցնենք, քանզի որոնողական համակարգերում առաջին տեղն է գրավում երբ հայաստանի վերաբերյալ ինչ-որ բան ես ուզում գտնես համացանցում. Կատարյալ ապատեղեկատվություն, ու սրանով են միջազգային հանրությունը տեղեկանւմ մեր մասին.
Աստված իմ փրկեա զմեզ ի չարե........


Հարգելիս,ընդամենը խմբագրել ա պետք ու ծառայեցնել մեր շահերին......


Հ.Գ. իսկ ինչո՞ւ աստված......... փրկենք մեզ ի չարե........

Ժունդիայի
25.01.2010, 03:00
Շատ ճիշտ ես ասում, երևի միայն մենք կփրկենք մեզ չարից, դե ւրեմն հառաջ.......

davidus
25.01.2010, 03:08
գառնիի տաճարի "համալիրը" կառուցվել ա հետագայում, տենց միանգամից չբռնեցին ու որոշեցին, որ էտի պիտի տուրիստական կենտրոն սարքե..............

ինչ տուրիստական կենտրոնի մասին ա խոսքը???? թե հումոր էր??? խոսքը արքայական ամառանոցի մասին ա.....

Տրիբուն
25.01.2010, 09:38
66 թ. Տրդատը եկել ա Հայաստան, 10 տարի էդ փողերը գործի մեջ ա դրել,հետո սարքել ա Գառնի՞ն..............
Չի կպնում էլի իրար էդ անտերը...... հետո միակ փաստն այն է, որ Ներոնը Տրդատին փող է տվել Արտաշատը վերականգնելու համար, իսկ որ ենթադրենք էլ, որ Տրդատը էդ փողերից "կռայիտ արել" ու Գառնի ա սարքել, էլի չի կարելի ասել,որ դա Ներոնն ա հովանավորել.....

Իսկ եթե հետևենք քո տրամաբանությանը, ապա Գառնիի տաճարը կառուցվել է մեկ տարում, ու այդ տարին 76-ն է: Ի միջի այլոց, Գառնին միայն տաճարը չի, այլ հասկայական ամրոց-կոմպլեքս է` ամառանոց-պալատով, բաղնիքներով, պաշտպանական շինություններով և այլն:

Իսկ քեզ երբեք չի հետաքրքրել, թե ինչպես ստացվեց որ զուտ հելենական ոճի տաճարը հանկարծ հայտնվեց Հայաստանում ու Գառննի նման ուրիշ ոչ մի տաճար ուրիշ ոչ մի տեղ Հայաստանում չկա ?

Պետք չի կարդալ, թե ինչ է գրված Վիքի-ում, Գառնիի հունատառ գրություններ են հաստատում որ այն հույն ճարտարապետների գործն է:

My World My Space
25.01.2010, 10:15
Իսկ եթե հետևենք քո տրամաբանությանը, ապա Գառնիի տաճարը կառուցվել է մեկ տարում, ու այդ տարին 76-ն է: Ի միջի այլոց, Գառնին միայն տաճարը չի, այլ հասկայական ամրոց-կոմպլեքս է` ամառանոց-պալատով, բաղնիքներով, պաշտպանական շինություններով և այլն:

Իսկ քեզ երբեք չի հետաքրքրել, թե ինչպես ստացվեց որ զուտ հելենական ոճի տաճարը հանկարծ հայտնվեց Հայաստանում ու Գառննի նման ուրիշ ոչ մի տաճար ուրիշ ոչ մի տեղ Հայաստանում չկա ?

Պետք չի կարդալ, թե ինչ է գրված Վիքի-ում, Գառնիի հունատառ գրություններ են հաստատում որ այն հույն ճարտարապետների գործն է:

նախ պիտի ասեմ, որ, էդ ամբողջը միաժամանակ չի կառուցվել,
2. Էն որ գառնիի նմանը չկա` մեղավորությունը մերն ա, քրիստոնյաները ոչ մի հեթանոսական տաճար կանգուն չէին թողել.
3. Ոչ թե գառննի տաճարը, այլ բաղնիքը, մասնավորապես սալահատակի խճանկարն են սարքել հույները
4. ո՞ւր կորավ Ներոնը, չէ որ պնդում էիր որ Ներոնն ա հովանավորել։

davidus
25.01.2010, 11:28
Իսկ եթե հետևենք քո տրամաբանությանը, ապա Գառնիի տաճարը կառուցվել է մեկ տարում, ու այդ տարին 76-ն է: Ի միջի այլոց, Գառնին միայն տաճարը չի, այլ հասկայական ամրոց-կոմպլեքս է` ամառանոց-պալատով, բաղնիքներով, պաշտպանական շինություններով և այլն:

Իսկ քեզ երբեք չի հետաքրքրել, թե ինչպես ստացվեց որ զուտ հելենական ոճի տաճարը հանկարծ հայտնվեց Հայաստանում ու Գառննի նման ուրիշ ոչ մի տաճար ուրիշ ոչ մի տեղ Հայաստանում չկա ?

Պետք չի կարդալ, թե ինչ է գրված Վիքի-ում, Գառնիի հունատառ գրություններ են հաստատում որ այն հույն ճարտարապետների գործն է:

Ամառանոցներն ու պաշտպանական շինություններն էլ մի կողմ դնենք.... Գառնին, հեթանոսական տաճար լինելով, ուղղակի չէր կարող չունենալ սպասարկող շինություններ.... ըստ ինձ, դրանք ևս մի քանի ամսում չէին սարքի.....

իմ կարծիքով, մեր հեթանոսական տաճարները լրիվ այլ տեսք են ունեցել, Գառնու տաճարին ոչ նման.....

Տրիբուն
25.01.2010, 15:48
նախ պիտի ասեմ, որ, էդ ամբողջը միաժամանակ չի կառուցվել,
2. Էն որ գառնիի նմանը չկա` մեղավորությունը մերն ա, քրիստոնյաները ոչ մի հեթանոսական տաճար կանգուն չէին թողել.
3. Ոչ թե գառննի տաճարը, այլ բաղնիքը, մասնավորապես սալահատակի խճանկարն են սարքել հույները
4. ո՞ւր կորավ Ներոնը, չէ որ պնդում էիր որ Ներոնն ա հովանավորել։

Չեմ պնդում: Կա այդպիսի կարծիք: Ներոնի տված փողերով սարքել են հույները: Փաստորեն հույները լավ կաֆելշիկներ էին, եկել էին բաղնիքը սարքեին ու գնային :))) Ի միջի այլոց չեմ հիշում, Գառնիի արձանագրությունները հունարեն են թե լատիներեն: Հաստատ գիտեմ, որ հայերեն չեն: Հայաստանի արքա, ազգությամբ պարթև Տրդատը, Հռոմից վերադառնալուց հետո կառուցել է տաճար, որի վրա պարթևերեն կամ հայերեն ոչ մի բան գրված չի :)))) Իսկ քրիստոնյաները քանդեցին բոլոր հեթանոսական տաճարները, բայց չգիտես ինչի Գառնին կանգուն թողեցին: Ուրիշ ոչ մի նման տաճարի հետք անգամ չկա: Էտ ինչ մի հատ քանդել են քանդել, ու հանկարծ անտեսել են Գառնին:

Տրիբուն
25.01.2010, 15:52
Ամառանոցներն ու պաշտպանական շինություններն էլ մի կողմ դնենք.... Գառնին, հեթանոսական տաճար լինելով, ուղղակի չէր կարող չունենալ սպասարկող շինություններ.... ըստ ինձ, դրանք ևս մի քանի ամսում չէին սարքի.....

իմ կարծիքով, մեր հեթանոսական տաճարները լրիվ այլ տեսք են ունեցել, Գառնու տաճարին ոչ նման.....

100%: Գառնիի տաճարը զուտ հելենիստական ոճի տաճար է: Ճարտարապետը եղել հույն, առանց կասկածի: Ու դրա հետ չհամաձայնվելն առնվազն անգրագիտություն է:

davidus
25.01.2010, 17:58
100%: Գառնիի տաճարը զուտ հելենիստական ոճի տաճար է: Ճարտարապետը եղել հույն, առանց կասկածի: Ու դրա հետ չհամաձայնվելն առնվազն անգրագիտություն է:

ու գիտես հետաքրքիրը ոնր ա, որ անընդհատ ծեծվու ա էն հանգամանքը, որ այդ ժամանակ Հայաստանում հելլենական մշակույթի դարաշրջան էր և նման այլբաներ... բայց ախր էդ անտեր մշակույթը միթե մի հատ տաճարի տեսքով ա մնացել, կամ էդ մշակույթը միայն տաճարներին ա վերաբերել, որ դրանք քանդել են, դրա համար ուրիշ նմանատիպ կառույց չկա.... չէ, մի տեսակ արհեստական ա ստացվում.... ավելի լավա դնեն, մի հատ նորից լուրջ ուսումնասիրեն այդ ժամանակահատվածը.... համոզված եմ, որ դրա կարիքը հաստատ կա....

My World My Space
25.01.2010, 18:19
Իսկ քրիստոնյաները քանդեցին բոլոր հեթանոսական տաճարները, բայց չգիտես ինչի Գառնին կանգուն թողեցին: Ուրիշ ոչ մի նման տաճարի հետք անգամ չկա: Էտ ինչ մի հատ քանդել են քանդել, ու հանկարծ անտեսել են Գառնին:

Փաստը մնում ա փաստ, որ բոլոր մեհյանների տեղը կառուցել են եկեղեցիներ, թե գառնու դեպքում խի են "ասեչկա" տվել, չեմ կարա ասեմ.

Չնայած կարծիք կա, որ գառնին չի քանդվել, որովհետև Տրդատ 3-րդ թագավորի քրոջ՝ Խոսրովդուխտի ամառանոցն է եղել: Դրա համար էլ Գառնին կոչվել է նաև «Տրդատի հովանոց»:



Փաստորեն հույները լավ կաֆելշիկներ էին, եկել էին բաղնիքը սարքեին ու գնային :)))

ասեմ նաև որ էդ քո ասծ մետլախը ամեն մարդ չի կարա խփի, թեկուզ այսօր էլ, ու ի՞նչ զարմանալի բան կա, որ Տրդատը հատուկ դրա համար Բյուզանդիայից վարպետ ա բերել.......



Հայաստանի արքա, ազգությամբ պարթև Տրդատը, Հռոմից վերադառնալուց հետո կառուցել է տաճար, որի վրա պարթևերեն կամ հայերեն ոչ մի բան գրված չի :))))

Պարթևերենը ինչքան գիտեմ իր գիրը չի ունեցել, հայերենի "մոմենտով" "կիքս" տվիր, հայերեն գիրը ստեղծվել ա դրանից մոտ 250 տարի հետո.....

Այ մարդ սենց մտածում եմ, Մաշտոցն էլ Սամոսատ էր գնացել, Կարո՞ղ ա հայկական տառերի հովանովորն էլ Անտիոքոսն ա.......:D:D:D


Ի միջի այլոց չեմ հիշում, Գառնիի արձանագրությունները հունարեն են թե լատիներեն:

...Գառնիի տաճարի բաղնիքում բացված հին հունարեն գրությունն ասում է՝ «Աշխատեցինք՝ ոչինչ չստանալով»։
Գրության շարունակությունը չի պահպանվել եւ հայտնի չէ, թե ինչու հույները չեն վարձատրվել իրենց աշխատանքի համար կամ ինչն է դրդել նրանց՝ թողնելու այս արձանագրությունը...

Հետաքրքիրը գիտես ո՞րն ա, որ էս մարդկանց փող չեն տվել, իսկ եթե փող չեն տվել, որևէ մեկը չի կարա պնդի թե գառնին Ներոնի հովանավորությոմբ է պատրաստվել......:)

Ի դեպ ըստ վկայությունների / աղբյուրը չեմ հիշում / տեքստը եղել է այսպիսին «Աշխատեցինք ոչինչ չստանալով, ի նվիրումն աշխարհին Հայոց»։

Sphinx
25.01.2010, 19:06
Ի դեպ ըստ վկայությունների / աղբյուրը չեմ հիշում / տեքստը եղել է այսպիսին «Աշխատեցինք ոչինչ չստանալով, ի նվիրումն աշխարհին Հայոց»։

Տեքստի շարունակությունը գեղարվեստական երևակայության արդյունք է՝ ինչ-որ ներկայացման մեջ մերոնք ավելացրել են.տե'ս
http://www.hhpress.am/index.php?sub=hodv&hodv=20090402_3&flag=am

Տրիբուն
26.01.2010, 10:33
Փաստը մնում ա փաստ, որ բոլոր մեհյանների տեղը կառուցել են եկեղեցիներ, թե գառնու դեպքում խի են "ասեչկա" տվել, չեմ կարա ասեմ.

Չնայած կարծիք կա, որ գառնին չի քանդվել, որովհետև Տրդատ 3-րդ թագավորի քրոջ՝ Խոսրովդուխտի ամառանոցն է եղել: Դրա համար էլ Գառնին կոչվել է նաև «Տրդատի հովանոց»:


Էտ փաստի մասին բոլորս էլ գիտենք: Բայց եթե մեկին հարցնես, թե ինչ տեսք ունի հայկական դասական մեհյանը, կդժվարանան պատասխանել: Համենայն դեպս մի բան պարզ է, Գառննի Տաճարը (խոսքը հենց տաճարի մասին է) զուտ հելենիստական ոճի է: Գառնիում իրոք եղել է արքունի ամառանոց, բայցդ դժվար թե դա միակ ամառանոցն էր: Կամ կարող էին ամառանոցը թողնել, տաճարը քանդե, ու տեղում էլի եկեղեցի սարքել, ինչն էր խանգարում: Դժվար ամառանոցի նշանակությունը տաճարի վերանալուց հետո պակասեր: Ենթադրվում է, որ չի քանդվել մի պարզ պատճառով - քրիստոնեության ընդունումից հետո, հույների կողմից սարքված հայկական ճարտարապետությանը ոչ տիպիկ տաճարը չի ընկալվել որպես մեհյան, որը ենթակա էր քանդվելու: Այն ընկալվել է ընդամենը որպես գեղեցիկ շինություն, ու ամառանոցային կոմպլեքսի էսթետիկ բաղադրիչ:


ասեմ նաև որ էդ քո ասծ մետլախը ամեն մարդ չի կարա խփի, թեկուզ այսօր էլ, ու ի՞նչ զարմանալի բան կա, որ Տրդատը հատուկ դրա համար Բյուզանդիայից վարպետ ա բերել.......

Ինչպես և ամեն մարդ չի կարա սարքի զուտ հելենիստական ոճի տաճար: Դրա համար էլ պետք են համապատասխան վարպետներ, կամ հույն, կամ հունաստանում սովորած:
Այնպես ինչպես ամեն մեկի չի կարա սարքի տիպիկ հայկական եկեղեցի, դրա համար էլ պետք են հայ վարպետներ: Այնպես ինչպես ճարտարապետ Տրդատը դրանից հազար տարի հետո վերականգնեց Սոֆիայի տաճարի գավիթը Պոլիսում, քանի որ ինքն էր էտ գործից հասկացողը: Իսկ առաջին դարում դասական դորիական սյունաշարով տաճարներ սարքում էին ու էտ գործից հասկանում էին հույները:

Համ էլ ինչ Բյուզանդիա, երևի պռոստը Հունաստան էլի: Չնայած Փոքր Ասիայի բոլոր հելենական քաղաքաներում էլ լիքը լավ հույն ճարտարապետներ կային:



Պարթևերենը ինչքան գիտեմ իր գիրը չի ունեցել, հայերենի "մոմենտով" "կիքս" տվիր, հայերեն գիրը ստեղծվել ա դրանից մոտ 250 տարի հետո.....

Հայերի մոմենտով կիքսը պատահական չէր: Ինադու կիքս էր: Ահագին արիացի բարեկամներ անկեղծորեն հավատում են որ հայկական գրերը եղել Մաշտոցից դեռ շատ առաջ: Ու էլի հանկարծ, եթե նրանք ճիշտ են, ապա տարօրինակ է, որ հին-հայատառ գրությունները զուտ հայկական տաճարի վրայից ջնջվել են, իսկ հունատառ գրերը մնացել են: Ի միջի այլոց, կարելի էր գոնե հունատառ հայերեն գրել, որը պրակտիկայում կիարռվել է: Բայց միևնույն է, գրությունները հունարեն են:

Պարթևներն օգտագործել են իդեոգրամաներ կամ գրել են արամեերեն, իսկ հետագայում արամեերենի հիման վրա ստեղծել են այբուբեն փեհլեվիի համար, մ.թ.ա 2-3 դարերում: Սելևկանների հզոր ժամանակներում գրել են նաև հունարեն: Բայց Գառնիի կառուցման ժամանակ, պարթևներն արդեն լրիվ մոռացել էին հելենիստական ազդեցության մասին:




...Գառնիի տաճարի բաղնիքում բացված հին հունարեն գրությունն ասում է՝ «Աշխատեցինք՝ ոչինչ չստանալով»։
Գրության շարունակությունը չի պահպանվել եւ հայտնի չէ, թե ինչու հույները չեն վարձատրվել իրենց աշխատանքի համար կամ ինչն է դրդել նրանց՝ թողնելու այս արձանագրությունը...

Հետաքրքիրը գիտես ո՞րն ա, որ էս մարդկանց փող չեն տվել, իսկ եթե փող չեն տվել, որևէ մեկը չի կարա պնդի թե գառնին Ներոնի հովանավորությոմբ է պատրաստվել......:)

Ի դեպ ըստ վկայությունների / աղբյուրը չեմ հիշում / տեքստը եղել է այսպիսին «Աշխատեցինք ոչինչ չստանալով, ի նվիրումն աշխարհին Հայոց»։
Եթե գրությունը բաղնիքում է, դեռ չի նաշանակում որ միայն բաղնիքն են սարքել: Դժվար բռնեին ու տաճարի ճակատին գրեին, որ իրենց քցել են: Իսկ քցել են հայավարի, ցավն էլ տանեմ, փողը առել են Ներոնից, բանվորները` իմիգրանտ հացի կարոտ հույներն էին, գործատուն էլ` հերթական քցող հայ օլիգարխը: :))))))

Միակ գրությունը որ խոսում է գոնե ինչ-որ աշխատողի մասին, խոսում է հույ բանվորական ուժի մասին: Գոնե այսքանով Գառնիի տաճարը ավելի շատ հունական է, քան հայկական:

Ու էս թեման իբր գեների մասին էր:

Տրիբուն
26.01.2010, 11:14
Մերձավոր արևելքում հայտնված առաջին թրքախոս ցեղերի մշակույթի ու գենետիկ առանձնահատկությունների մասին տեղեկատվությունը շատ ասհմանափակ է, կամ գրեթե գոյություն չունի: Ամեն դեպքում, մինչև սելջուկների Անատոլիա ներծուժելը, Անատոլիայի բնակչությունը եղել է մոտ 12 միլիոն: Իսկ Մանազկերտի ճակատամարտից հետո Անատոլի մուտք գործած սելջուկների թիվի հասել է մոտ մեկ միլիոնի: Այսինք, հետագա մի քանի հարյուամյակների ընթացքում, մեկ միլիոնը վերցրել է 12 միլիոնի գենետիկ առանձնահատկությունները` աջ ու ձախ խաչասերվելուվ ում հետ պատահի, և միևնույն ժամանակ, որպես դոմինանտ էթնոս 12 միլիոն տեղացիներին է փոխանցել իր լեզուն ու ապրելակերպը (մշակույթ դժվարանում եմ անվանել): Այսինք, սելջուկների հետնորդ ժամանակակից թուրքերին դժվար է տալ որոշակի գենետիկ առանձնահատկություն, թեև նրանք ունեն հստակ լեզվական, մշակութային ու կրոնական ինքնություն: Նրանք իրենց գենետիկ կառուցվածքով շատ մոտ են մերրձավոր արևելքում ապրող գրեթե բոլոր ժողովուրդներին: Թուրքերը արդեն Օսմանյան կայսրության ժամանակներում, վարել են քրիստոնեաներին թրքացնելու քաղաքականություն - լավագոյն օրինակը ենիչերներն են:

Էս էլ ժամանակակից թուրքերի գենետիկ կառուցվածքը, որի մեջ մտնում են քսան հապլոխմբեր, որտեղից ուզում ես, հալալ ա: Իսկ մոտ 16%-ով (R1b հապլոխում) թուքերը հայերի, կամ մնացած հնդեվրոպական ժողովուրդների, գենետիկ եղբայրներն են: Իսկ ոմանք խոսում էին գենետիկ անհամատեղելիության մասին:

http://www.freeuploadimages.org/images/m40bsjb10pb4zx3tyz7t.png

Lion
26.01.2010, 14:04
Իսկ Մանազկերտի ճակատամարտից հետո Անատոլի մուտք գործած սելջուկների թիվի հասել է մոտ մեկ միլիոնի:

Հետաքրքիր է, իսկ թվական այս տվյալը որտեղի՞ց է վերցված...

Տրիբուն
26.01.2010, 15:34
Հետաքրքիր է, իսկ թվական այս տվյալը որտեղի՞ց է վերցված...

Ապեր, դու քո տվյալները գրի, հաստատ ավելի հավաստի կլինեն: Ինչ կարևոր ա սրանք որտեղից են վրացված ?

Sphinx
26.01.2010, 16:03
Ապեր, դու քո տվյալները գրի, հաստատ ավելի հավաստի կլինեն: Ինչ կարևոր ա սրանք որտեղից են վրացված ?

Տրիբուն ջան, էստեղ նեղանալու բան չկա, ցանկացած փաստ ներկայացնելիս, հնարավորության սահմաններում, հարկավոր է նշել աղբյուրը:Դա լրջություն է հաղորդում ցանկացած տեղեկատվությանը:Ինչպես տեսնում ես ,վերևում, ես եմ այդպես վարվել::)

Տրիբուն
26.01.2010, 16:21
Տրիբուն ջան, էստեղ նեղանալու բան չկա, ցանկացած փաստ ներկայացնելիս, հնարավորության սահմաններում, հարկավոր է նշել աղբյուրը:Դա լրջություն է հաղորդում ցանկացած տեղեկատվությանը:Ինչպես տեսնում ես ,վերևում, ես եմ այդպես վարվել::)

Հա իրոք, ես չգիտեի:

Աղբյուր - Սելջուկների մարդահամար, N 145-B, 27 Նոյեմբեր, 1071թ. Պաչակչողլու հրատարակչություն:

Իսկ ավելի լուրջ, Լիոնի հարցին պատասխանելու համար պիտի Լիոնի պես էլ աղբյուրը նշեի - մոտավորապես այպես "Սելջուկների թվաքանակը նշված է Կոստանդին Ծիրանածինի մոտ, տեղեկություններ կան նաև բյուզանդական այլ աղբյուրներում": Ու հետո, մի հատէլ ցուցակ ներկայացնեի մի 100 անվանում գրքերով:

Իսկ իրականում, կոնկրետ այս դեպքում աղբյուրը կարել է նշել ոչ թե կոնկրետ թվաքանակի համար, այլ ամբողջ հետազոտության համար - Excavating Y-chromosome haplotype strata in Anatolia, Published online: 29 October 2003
© Springer-Verlag 2003

Lion
27.01.2010, 08:35
Մի խոսքով - աղբյուր չկա... Այդ դեպքում անձամբ ինձ համար սելջուկների՝ մեկ միլիոն լինելը կասկած է հարուցում: Կարծում եմ, որ նրանք անհամեմատ շատ են եղել...


Իսկ ավելի լուրջ, Լիոնի հարցին պատասխանելու համար պիտի Լիոնի պես էլ աղբյուրը նշեի - մոտավորապես այպես "Սելջուկների թվաքանակը նշված է Կոստանդին Ծիրանածինի մոտ, տեղեկություններ կան նաև բյուզանդական այլ աղբյուրներում": Ու հետո, մի հատէլ ցուցակ ներկայացնեի մի 100 անվանում գրքերով:

Վատ չէր լինի... այդքան ինձ քննադատում ես թվական տվյալների համար, բայց ես գոնե աղբյուրներ եմ նշում ու հիմնավորումներ եմ բերում, այն դեպքում, երբ դու ընդամենը ինչ-որ մի ինտերնետ հղում ես անում...

Տրիբուն
28.01.2010, 12:40
Մի խոսքով - աղբյուր չկա... Այդ դեպքում անձամբ ինձ համար սելջուկների՝ մեկ միլիոն լինելը կասկած է հարուցում: Կարծում եմ, որ նրանք անհամեմատ շատ են եղել...

Լաաավ էլ կա, բացի ու կարդա ողջ հետազոտությունը, երբ ժամանակ կունենաս: Անունով, վայրով, տեղով նշված է:



Վատ չէր լինի... այդքան ինձ քննադատում ես թվական տվյալների համար, բայց ես գոնե աղբյուրներ եմ նշում ու հիմնավորումներ եմ բերում, այն դեպքում, երբ դու ընդամենը ինչ-որ մի ինտերնետ հղում ես անում...
Էս էլ քո նշած աղբյուրը կողքքի թեմայում, բանակի թվաքանակի վերաբերյալ:

Բանակի թվաքանակը հայտնվում է Կյուրոպեդիայում; որոշ լրացուցիչ տվլաներ էլ հայտնում է Հերոդոտը...
Ինչով ա լավը իմ աղբյուրից ?

"Սելջուկների թվաքանակը նշված է Կոստանդին Ծիրանածինի մոտ, տեղեկություններ կան նաև բյուզանդական այլ աղբյուրներում":
Իսկ իրականում, կոնկրետ այս դեպքում աղբյուրը կարել է նշել ոչ թե կոնկրետ թվաքանակի համար, այլ ամբողջ հետազոտության համար - Excavating Y-chromosome haplotype strata in Anatolia, Published online: 29 October 2003
© Springer-Verlag 2003
Որ ուզում ես իամանաս, իմը աղբյուրը քո աղբյուրից մաքուր ու սառնորակ ա:

Բայց հատուկ քո խաթեր համար սելջուկների թիվն ընդունում ենք կրկնակի ավել - երկու միլիոն: Տասերկու միլիոնի մեջ տարալուծվելով արդյունքոը համարյա նույննա մնում: բան չունեմ ասելու, որ դու հեսա ուղտերով, ձիերով, փղերով ու մնացած էկզոտիկ կենդանիներով որ հաշվես, կպարզվի որ սելջուկների թիվը 40 միլիոն ա եղել:

Տրիբուն
28.01.2010, 12:44
Մոռացա Լիոն ջան - մի մոռացի որ դու գիրք ես գրում ու վաճառում, այսինք սերունդ ես կրթում, իսկ ես ընդամենը ֆորմումում քննարկման եմ մասնակցում: Ուրեմն քո ամեն աղբյուրը պիտի ավել կոնկրետ լինի - գրքով, էջով, տեղով, աղբյուրից մեջբերումն էլ տողատակում:

Lion
29.01.2010, 08:26
Էդ սաղ հասկանալիա, բայց կարծում եմ երկու միլիոնն էլ է քիչ: Բացի այդ պետք է հաշվի առնել հետևյալ հանգամանքները.

- սելջուկյան արշավանքներից հետո Կապադոկիայի հույները սկսեցի մասսայականորեն արտագաղթել բուն Հունաստան,
- Փոքր Ասիայի էթնիկ պատկերը փոխվեց ոչ այնքան բուն սելջուկյան արշավանքների հետևանքով, թեև դրանց նշանակությունն էլ էր զգալի, որքան տասներեքերորդ դարում՝ մոնղոլական արշավանքների հետևանքով ու արդյունքում: Մոնղոլները, հատկապես սկզբնական շրջանում, շատ անհաշտ վերաբերմունք ունեին "թյուրքական տարր"-ի նկատմամբ և, երբ գրավեցին Միջին Ասիան, այնպիսի վիճակ ստեղծեցին, որ տարաբնույթ թյուրքական ցեղերը զուտ ֆիզիկական ոչնչացման վտանգից խուսափելու հմար շարժվեցին դեպի արևմուտք ու հաստատվեցին Փոքր Ասիայում: Վիճակը չփոխվեց նաև հետագա տասնամյակներում, երբ մոնղոլները, նստակյաց ժողովուրդների նկատմամբ իրենց իշխանությունը տեղերում ամրպնդելու նպատակով, պարբերաբար կազմակերպեցին քոչվորների ներգաղթ Միջին Ասիայից: Հենց սրա արդյունքում տարածաշրջանում հայտնվեցին Աղ-Ղոյունլուները, Ղարա-Ղոյունլունեըը, Զուլքադարյանները, Վարշակները, Աղաչարիկները, Ղոզանօղլիները, Սեֆեվյանների ապագա շահության համար հիմք հանդիսացած ղզլբաշների թուրքմենական ցեղերը և այլ... զիբիլ:

Այնպես որ Փոքր Ասիայի էթնիկ վիճակը ավելի շուտ փոխվեց գրեթե մեկ հազարամյակում, ընդհուպ մինչև քսաներորդ դարի սկիզբը /Մեծ Եղեռն, հույների եղեռնը Փոքր Հայքում, Զմյուռնիայում և այլ ծովափնյա քաղաքներում, Աթաթյուրքի նախաձեռնությամբ իրակնացված "ազգերի փոխանակում"-ը Հունաստանի և Թուրքիայի միջև, ասորիների եղեռնը Վասպուրականում և այլն/, այլ ոչ թե տասնմեկերորդ դարում:

Տրիբուն
29.01.2010, 10:01
Էդ սաղ հասկանալիա, բայց կարծում եմ երկու միլիոնն էլ է քիչ: Բացի այդ պետք է հաշվի առնել հետևյալ հանգամանքները.

- սելջուկյան արշավանքներից հետո Կապադոկիայի հույները սկսեցի մասսայականորեն արտագաղթել բուն Հունաստան,
- Փոքր Ասիայի էթնիկ պատկերը փոխվեց ոչ այնքան բուն սելջուկյան արշավանքների հետևանքով, թեև դրանց նշանակությունն էլ էր զգալի, որքան տասներեքերորդ դարում՝ մոնղոլական արշավանքների հետևանքով ու արդյունքում: Մոնղոլները, հատկապես սկզբնական շրջանում, շատ անհաշտ վերաբերմունք ունեին "թյուրքական տարր"-ի նկատմամբ և, երբ գրավեցին Միջին Ասիան, այնպիսի վիճակ ստեղծեցին, որ տարաբնույթ թյուրքական ցեղերը զուտ ֆիզիկական ոչնչացման վտանգից խուսափելու հմար շարժվեցին դեպի արևմուտք ու հաստատվեցին Փոքր Ասիայում: Վիճակը չփոխվեց նաև հետագա տասնամյակներում, երբ մոնղոլները, նստակյաց ժողովուրդների նկատմամբ իրենց իշխանությունը տեղերում ամրպնդելու նպատակով, պարբերաբար կազմակերպեցին քոչվորների ներգաղթ Միջին Ասիայից: Հենց սրա արդյունքում տարածաշրջանում հայտնվեցին Աղ-Ղոյունլուները, Ղարա-Ղոյունլունեըը, Զուլքադարյանները, Վարշակները, Աղաչարիկները, Ղոզանօղլիները, Սեֆեվյանների ապագա շահության համար հիմք հանդիսացած ղզլբաշների թուրքմենական ցեղերը և այլ... զիբիլ:

Այնպես որ Փոքր Ասիայի էթնիկ վիճակը ավելի շուտ փոխվեց գրեթե մեկ հազարամյակում, ընդհուպ մինչև քսաներորդ դարի սկիզբը /Մեծ Եղեռն, հույների եղեռնը Փոքր Հայքում, Զմյուռնիայում և այլ ծովափնյա քաղաքներում, Աթաթյուրքի նախաձեռնությամբ իրակնացված "ազգերի փոխանակում"-ը Հունաստանի և Թուրքիայի միջև, ասորիների եղեռնը Վասպուրականում և այլն/, այլ ոչ թե տասնմեկերորդ դարում:

Լիոն ջան, ո մեկը չէր պնդում որ Փոքր Ասիայի պատկերը երկու տարում ա փոխվել: Իրոք փոխվել ա մի քանի հարյուր տարվա ընթացքում: Տվյալ գենետիկ վերլուծությունն արել են ժամանակակից թուրքերի համար, ու ժամանակակից թուրքերի մոտ առկա են բոլոր քո նշված այն ժամանակ ապրող, հետո եկած ու գնացած, եկած ու մնացած էթնիկ խմբերին հատուկ գեները: Պատահական չի, որ թուրքերի մոտ առկա է 20 հապլոխումբ:

Ու իրանց զիբիլ մի ասա, իրանք մեր գենետիկ եղբայրներն են :)))))))))))))))))))))) գոնե մի 15%-ով:

Lion
29.01.2010, 17:10
Չէ, ես բան չեմ ասում, ուղղակի մեկ միլիոնի պահով մի քիչ կասկածում եմ, այսքան բան...

Մեղապարտ
30.01.2010, 01:36
Էս ինչ հաճույք ստացա էս թեմայից:

Մեղապարտ
31.01.2010, 21:47
Արիացի ջան, իսկ փակվելու պաճռաների մասին մի քիչ ավելի մանրամասն չես ասի ?

Շատ հետաքրքիր պոստ ես արել: Հատուկ շնորհակալություն:
Ի միջի այլոց, Atlantic Modal Haplotype (R1b3)-ը Armenian Modal Haplotype (R1b3)-ից շատը քիչ ա տարբերվում: Ինչ-որ մի քրոմոսմ էս կողմ, էն կողմի հարց ա

Armenian Modal Haplotype, DYS393=12
Atlantic Modal Haplotype, DYS393=13

Սա էլ իմ կողմից

Տրիբուն
12.08.2016, 00:28
https://www.youtube.com/watch?time_continue=334&v=PIgtbC5Dj6A

Mephistopheles
12.08.2016, 00:32
Անալիզներս նոր եմ տվել... պատասխանը գա, կգրեմ ու կքվեարկեմ...

StrangeLittleGirl
12.08.2016, 12:11
https://www.youtube.com/watch?time_continue=334&v=PIgtbC5Dj6A

Բայց էս վիդեոյի դերասանները շատ վատ են խաղում է: Իհարկե դա ճիշտ ա, որ սաղի գեներն էլ տեղը տեղին խառնուրդ են, բայց զռռում ա, որ էս վիդեոն սարքած ա:

Տրիբուն
13.08.2016, 15:09
Բայց էս վիդեոյի դերասանները շատ վատ են խաղում է: Իհարկե դա ճիշտ ա, որ սաղի գեներն էլ տեղը տեղին խառնուրդ են, բայց զռռում ա, որ էս վիդեոն սարքած ա:

Սոցիալական ռոլիկ ա էլի, Բյուր, Օսկարի չի գնում։

StrangeLittleGirl
13.08.2016, 15:18
Սոցիալական ռոլիկ ա էլի, Բյուր, Օսկարի չի գնում։

Հա բայց մարդկանց հուզվել, էս անտերը տարածելը չեմ հասկանում: Ախր շատ ա կեղծ, ոնց կարելի ա սրանից հուզվել:

Տրիբուն
13.08.2016, 17:59
Հա բայց մարդկանց հուզվել, էս անտերը տարածելը չեմ հասկանում: Ախր շատ ա կեղծ, ոնց կարելի ա սրանից հուզվել:

Բայց տեսնու՞մ ես, աշխատում ա։

Ինձ էլ ա օրինակ դուր եկել, ու դերասանական խաղի որակին էլ բացարձակ ուշադրություն չեմ դարձրել, քանի որ նայելուս նապտակն էտ չէր։

Lion
28.08.2016, 16:56
https://www.youtube.com/watch?time_continue=334&v=PIgtbC5Dj6A

Բայց ուշադրություն դարձրեք, այն քուրդ աղջիկն իրականում... մեջը հայի արյուն ուներ, չասացին, շրջանցեցին, ասացին` Կովկաս: Իսկ իրականում, իհարկե, գենը կապ չունի, կապ ունի այն, թե իրեն որպես ինչ ազգի ներկայացուցիչ է մարդը ԶԳՈՒՄ ԵՎ ՀԱՄԱՐՈՒՄ...

Գաղթական
28.02.2018, 23:46
2060516844191834/

Գիտունիկ
13.11.2018, 16:19
Մաքուր գեներ չկա,Հորս մայրը ջհուդա կամ նեմկա իրա ասելով,իսկ ես Հայ եմ ,բայց ազգանունս թուրքականա