PDA

Դիտել ողջ տարբերակը : Au-pair աշխատանք Գերմանիայում



Grieg
07.12.2009, 18:56
Գերմանիայում բնակվող ընտանիքը փնտրում է երիտասարդ և խելացի խնամող Հայաստանից, ով իր ժամանակը սիրով կտրամադրի 5 տարեկան և նորածին երեխաներին, կօգնի նրանց դաստիարակման և խնամքի հարցերում, ինչպես նաև տնային գործերում: Գերմաներեն լեզվի բազային իմացությունը (խոսել և հասկանալ պարզ նախադասություններ) պարտադիր է, տարիքային սահմանափակումը` 18-24:

Այս աշխատանքը նաև հիանալի միջոց է ծանոթանալու գերմանական մշակույթին և լեզվին: Որպես աջակցություն կտրամադրվի անվճար սնունդ, բնակություն, գրպանի գումար և բժշկական ապահովագրություն: Նաև կտրվի տարեկան 4 շաբաթ վճարվող արձակուրդ:

Au-Pair ծրագիրը ավելի լավ հասկանալու համար կարդացեք` http://www.arbeitsagentur.de/zentraler-Content/Veroeffentlichungen/Sonstiges/Au-pair-Info-bei-dt-Gastfam.pdf և http://de.wikipedia.org/wiki/Au-pair

Եթե այս առաջարկը Ձեզ հետաքրքրեց կապնվեք անձնական նամակի միջոցով ներկայացնելով սեղմ նկարագիր Ձեր մասին կամ ուղարկեք այն` vhovhan@googlemail.com վերնագիրը նշեlով “Au-Pair”, հարցերի դեպքում կարող եք զանգել (093) 31 43 53:

http://socialsciencelink.files.wordpress.com/2009/01/berlin.jpg

Ֆոտոն
07.12.2009, 19:28
Մի քանի հարց ունեմ. :)

1. Դուք ե՞ք միջնորդ կազմակերպությունը: Ինչքանո՞վ, ինչի՞ հիման վրա պետք է Ձեզ վստահել:
2. Վիզային վերաբերող հարցերն ինչպե՞ս են լուծվում:
3. Ճանապարհածախսը ո՞ւմ վրա է:
4.Ընտանիքի շահը ո՞րն է հենց օտար երկրից, անծանոթին իր երեխային վստահելու դիմաց:

Հ.Գ. Ներողություն եմ խնդրում, եթե հարցերիս պատասխանները այդտեղ կան, ուղղակի ես գերմաներեն չգիտեմ: Հարցերս մյուսների համար են:

Grieg
07.12.2009, 20:44
Մի քանի հարց ունեմ. :)

1. Դուք ե՞ք միջնորդ կազմակերպությունը: Ինչքանո՞վ, ինչի՞ հիման վրա պետք է Ձեզ վստահել:
2. Վիզային վերաբերող հարցերն ինչպե՞ս են լուծվում:
3. Ճանապարհածախսը ո՞ւմ վրա է:
4.Ընտանիքի շահը ո՞րն է հենց օտար երկրից, անծանոթին իր երեխային վստահելու դիմաց:

Հ.Գ. Ներողություն եմ խնդրում, եթե հարցերիս պատասխանները այդտեղ կան, ուղղակի ես գերմաներեն չգիտեմ: Հարցերս մյուսների համար են:

Ֆոտոն ջան, մերսի հարցերի համար, միջնորդ/կազմակերպություն չկա, ընտանիքին անձամբ գիտեմ իրենքել խնդրել են գտնել իրենց համար, քանի որ իրենց դժվար է հեռվից այստեղ ճիշտ մարդ գտնել: Քանի որ ընտանիքի հայրը հայ է բնականաբար ցանկալի է, որ երեխաներին խնամողնել հայ լինի, որպիսզի հայերեն լեզվով շփվեն երեխաները: Վիզան ստանալու համար գերմաներենից պետք է ունենալ Grundkenntnisse, A1 մակարդակի գիտելիքներ և լինել 18-24 տարեկան : Խնամողը նաև կունենա 4 շաբաթ վճարովի արձակուրդ և առողջության ապահովագրություն: Մնացած հարցեին այս պահին դեռ չեմ կարող պատսխանել:
Կկրկին վստահեցնում եմ, շատ վստահելի և կիրթ ընտանիք է :ok

Elmo
07.12.2009, 20:50
4.Ընտանիքի շահը ո՞րն է հենց օտար երկրից, անծանոթին իր երեխային վստահելու դիմաց:

Էժան աշխատուժը: Չեմ կարծում, որ ազգությամբ հայ, 18-24 տարեկան մարդիկ գերմանիայում քիչ են: Պարզապես այնտեղի հայերը երևի շատ կուզեն իրենց աշխատանքի համար, իսկ այստեցի անվճար էլ կվազեն Գերմանիա: Մեկ էլ տեսար կպավ՝ ամուսնացան ու մնացին այնտեղ:

Ֆոտոն
07.12.2009, 21:25
3. Ճանապարհածախսը ո՞ւմ վրա է:

Այս հարցին կխնդրեմ պատասխանել:

AniwaR
07.12.2009, 23:03
Գերմանիայում բնակվող ընտանիքը փնտրում է երիտասարդ և խելացի խնամող Հայաստանից, ով իր ժամանակը սիրով կտրամադրի 5 տարեկան և նորածին երեխաներին, կօգնի նրանց դաստիարակման և խնամքի հարցերում, ինչպես նաև տնային գործերում: Գերմաներեն լեզվի բազային իմացությունը (խոսել և հասկանալ պարզ նախադասություններ) պարտադիր է, տարիքային սահմանափակումը` 18-24:

Ինչքանո՞վ է 18-19-20 տարեկանը կոմպետենտ 5 տարեկան, առավել ևս նորածին երեխա խնամելու հարցում: Մեկն էլ լինի, նրանց խնամի: Ես 19 տարեկան եմ ու նույնիսկ վախենում եմ նորածիններին գրկել... Միայն թե պետք չի ասել, որ այս աշխատանքն այդ դեպքում ԻՆՁ համար չէ: Մեծամասնությունն է այդպիսին (ես իմ շրջապատին հո գիտեմ): Մի խոսքով, դժվար ճարվող դեպք է))

Grieg
07.12.2009, 23:06
Ֆոտոն այս պահին ցավոք չգիտեմ , բայց եթե ինչ որ մեկը կա ում հետաքրքրում է առաջարկը թող կապնվի ինձ հետ, հետագայում երբ մանրամասները հայտնի լինեն ես նրան կտեղեկացնեմ

Շնորհակալ կլինեմ եթե տեղեկացնեք այս հայտարարության մասին բոլոր այն ձեր ծանոթ մարդկանց ում այն կարող է հետաքրքրի:

Grieg
07.12.2009, 23:12
Ինչքանո՞վ է 18-19-20 տարեկանը կոմպետենտ 5 տարեկան, առավել ևս նորածին երեխա խնամելու հարցում: Մեկն էլ լինի, նրանց խնամի: Ես 19 տարեկան եմ ու նույնիսկ վախենում եմ նորածիններին գրկել... Միայն թե պետք չի ասել, որ այս աշխատանքն այդ դեպքում ԻՆՁ համար չէ: Մեծամասնությունն է այդպիսին (ես իմ շրջապատին հո գիտեմ): Մի խոսքով, դժվար ճարվող դեպք է))
Հա երևի հեշտ չէ գտնելը, բայց հույսովեմ անհնար չէ :)

Ֆոտոն
07.12.2009, 23:36
Մի բան էլ, աշխատանքային փորձ պետք չի՞: Խոսքս երեխա խնամելու մասին է: :)

Հ.Գ. Մտերիմներին ասելու համար պետք է վստահ լինել, որ կրակը չես գցի: Այս հարցերի ստույգ պատասխանը չունենալով ու չվստահելով՝ ինքս հրաժարվեցի նույն ծրագրով Անգլիա գնալու մտադրությունից, այնինչ ծրագրի համար նաև վճարել եմ:;)

Elmo
07.12.2009, 23:40
Հարգելի Grieg
Հայաստանում 40-ն անց կանաց մեջ գործազուրկների թիվը ահավոր չափերի են հասնում: Քեզ չի՞ թվում, որ ավելի լավ կլիներ այդ մարդկանց աշխատանքի առաջարկ ուղարկեին:

Իսկ 18-24 տարեկան երիտասարդները մեր հայրենիքի ապագան են: Նրանց պետք է կրթություն ստանան ու պատվավոր ու պատասխանատու պաշտոններ զբաղեցնեն: Քո կարծիով ինչքանո՞վ ա արդար ու գեղեցիկ 18-24 տարեկան երիտասարդին գրպանի փողով օրվա հացով ու տանիքով ապահովելու դիմաց 0-5 տարեկան երեխայի խնամքի աշխատանք տան: Բա էդ մարդիկ ի՞նչ են անելու ապագայում: Ասենք 18 տարեկան աղջիկը գնաց ու 7 տարի տակաշոր փոխելով գրպանի փող ու սնունդ ունեցավ, հետո՞: Ի՞նչ ապագա ես տեսնում էդ աղջկան 24-ը լրանալուց ու աշխատանքից տարիքային շեմը հաղթահարելու պատճառով ազատվելուց հետո:

Իմ որակավորմամբ այդ առաջարկը վիրավորական է: Վիրավորում է հայ երիտասարդներին:
Եվ մասնավոր և պետական ձեռնարկություններում այդպիսի հստակ տարիքային սահմանափակում չեն դնում մարդկանց առաջ, եթե խոքը սպասարկման ոլորտի մասին չէ: Որտեղ արտաքին տեսքը առաջնահերթ է: Երեխա խնամելու համար այդպիսի սահմանափակումը չհիմնավորված է և կասկածելի: Դու ես ճանաչում ու վստահում այդ ընտանիքին, ես չեմ ճանաչում ու իրավունք ունեմ կասկածել ամեն ինչ: Նույնիսկ թրաֆիքինգ:

Gayl
07.12.2009, 23:46
Հարգելի Grieg
Նույնիսկ թրաֆիքինգ:

Հենց կարդացի միանգամից դա մտածեցի,տարիքային սահմանափակումը շատ կասկածելի,այդ ընտանիքի համար իրանց երեխային խնամելն է կարևոր թե խնամողի տարիքը:
Ֆոտոնը հարց էր տվել.«ինչի՞ հիման վրա պետք է Ձեզ վստահել:» հստակ պատասխան չեղավ,կարո՞ղ եք վստահեցնել,որ 18 տարեկան աղջկան տանում եք որ երեխա խնամի ու ոչ թե մի հատ ստրիպ կլուբ:

Ֆոտոն
07.12.2009, 23:47
Էլմոյի կասկածները կիսում եմ:
Իդեպ, թրաֆիքինգը մարդու շահագործումն է,այդ թվում աշխատանքային:

Elmo
07.12.2009, 23:56
Ֆոտոնը հարց էր տվել.«ինչի՞ հիման վրա պետք է Ձեզ վստահել:» հստակ պատասխան չեղավ,կարո՞ղ եք վստահեցնել,որ 18 տարեկան աղջկան տանում եք որ երեխա խնամի ու ոչ թե մի հատ ստրիպ կլուբ:

Պայմաններն են զավեշտալի:
Չնայած ես Գրիգի մասին շատ լավ կարծիքի եմ, բայց դա կապ չունի: Ստորև գրածիս հետ:
Գրպանի փող են առաջարկում, սնունդ, ու տանիք:
Հա բայց ո՞ր 18-24 տարեկան երիտասարդը էդ ամեն ինչը չունի Հայաստանում: Բոլորն էլ գրպանի փող ու տանիք ունեն ու հաց էլ են ուտում:
Ստեղ 4 շաբաթվա արձակուրդն ու ապահովագրությունն են մնում որպես աշխատավարձ, բայց դա էդքան էական բան չի:
Այ գերմանիայում ապրելը որոշ երազկոտ ու արկածախնդիր ջահելների համար գայթակղիչ կլինի: Թող գնան, ես քեզ հաջողություն եմ մաղթում քո որոնումներում Գրիգ:
Բայց իմ կարծիքը հայտնեցի: Ու խնդրում եմ ցավագին մի տար, էդ քո անձի դեմ չի ուղված: Քո մասին շատ լավ մարդիկ են ինձ լավ բաներ պատմել, ու դա ա իմ մոտ կարծիք ձևավորել:

Քո ճանաչած ընտանիքին էլ փոխանցի որ հայ երիտասարդները վիրավորվեցին ձեր առաջարկից, բայց 40-ն անց կանայք ուրախությամբ կողջունեն նման առաջարկը:

Grieg
08.12.2009, 00:07
Էլմո,
նախ տարիքային սահմանափակման մասին
18-24 տարիքային սահմանափակում դա Գերմանիայում ՑԱՆԿԱՑԱԾ Au-pair աշխատանքի պայմաններն են , ու ըստ այդ պայմանների է դեսպանատունը որոշում տրամդրել վիզա թե չէ, եթե այդ պայմանները չբավարավեն ուղղակի կմերժեն վիզա տրամադրել :

հիմա աշխատանքի մասին և ինչ օգուտ կարող է այն բերել, օրինակ կան մարդիկ ովքեր ուզում են գերմաներենին լավ տիրապետել, դրա համար այցելել Գերմանիա ցանկալի է, այդ մարդկանցից մի մասը չեն կարողանում այցելել Գերմանիա իրենց գիտելիքները լրացնելու համար, քանի որ կան լիքը խոչընդոտներ բնակարանի բարձր վարձ և այլն և այլն: Նման ծրագրերը ազատում են մարդուն նման ծախսերից ճիշտ է համապատախան աշխատանքի համար, բայց դրա մեջ վատ բան ես չեմ տեսնում, ու ինչ վատ կլինի եթե որևէ գերմաներեն լեզվի սովորողը գնա Գերմանիա և վերադառնա ավելի լավ տիրապետելով լեզվին/ ավելի լավ մասնագետ լինի ?

Շատ բաներ բացատրվում են իմ տրված լինքերում, բայց այն գերմաներեն լեզվով է և ով գիտի նա հասկանում է :Մնացած վիրավորական մասին այստեղ երևի իմաստ չունի նորից պատասխանեմ քանի որ այն կրկին ջնջվելու է մոդերատորների կողմից, ու քո արածնել չեմ հասկանում գրել մի բան որի պատասխանը ջնջվելու է:

Elmo
08.12.2009, 00:13
Մնացած վիրավորական մասին այստեղ երևի իմաստ չունի նորից պատասխանեմ քանի որ այն կրկին ջնջվելու է մոդերատորների կողմից, ու քո արածնել չեմ հասկանում գրել մի բան որի պատասխանը ջնջվելու է:

1. Դու շատ հին մարդ ես էս ֆոռումում ու լավ պետք է իմանաս, որ մոդերատորների կողմից արված խախտումը չի ներվում: Ու բերում է այնպիսի հետևանքների, ինչպիսին են՝ մոդերատորությունից զրկելն ու ակումբից ընդմիշտ արգելափակվելը:
Ու դու ականատես ես եղել այդպիսի շատ դեպքերի: Դրա մասին բեր չխոսանք: Չեմ հասկանում քո բողոքը: Ես կանոնադրության սահմաններում եմ, դու՝ խախտել ես կանոնադրությունը, դրա համար էլ գրառումդ չկա:
2. Երեխա խնամելը(առավել ևս նորածին) սարսափելի դժվար գործ է: Մենք մեր հարազատ երեխու վրա 2 հոգով 24 ժամ տանջվում ենք, կողքից էլ երկուսիս ծնողներն էլ օգնում են, բայց էլի սարսափելի հոգնում ենք ու հուսահատման պահեր էլ են լինում:
Այսպես որ այդ վիճակում գերմաներեն չէ, ըսկի հասարակ թվաբանություն սովորելն էլ անհնարին գործ է:
Ու մի բան էլ: Նման աշխատանքը ոչ մի գումարի դիմաց չէի անի:

Grieg
08.12.2009, 00:25
Երեխա խնամելը(առավել ևս նորածին) սարսափելի դժվար գործ է: Մենք մեր հարազատ երեխու վրա 2 հոգով 24 ժամ տանջվում ենք, կողքից էլ երկուսիս ծնողներն էլ օգնում են, բայց էլի սարսափելի հոգնում ենք ու հուսահատման պահեր էլ են լինում:
Այսպես որ այդ վիճակում գերմաներեն չէ, ըսկի հասարակ թվաբանություն սովորելն էլ անհնարին գործ է: Ու մի բան էլ: Նման աշխատանքը ոչ մի գումարի դիմաց չէի անի:
այո, պատասխանատու և դժվար գործ է , և բոլորը չեն որ կարող են անել երևի պետք է հատուկ բնավորությամբ օժտված լինի մարդ, որ կարողանա նման գործ անել:


1. Դու շատ հին մարդ ես էս ֆոռումում ու լավ պետք է իմանաս, որ մոդերատորների կողմից արված խախտումը չի ներվում: Ու բերում է այնպիսի հետևանքների, ինչպիսին են՝ մոդերատորությունից զրկելն ու ակումբից ընդմիշտ արգելափակվելը:
Ու դու ականատես ես եղել այդպիսի շատ դեպքերի: Դրա մասին բեր չխոսանք: Չեմ հասկանում քո բողոքը: Ես կանոնադրության սահմաններում եմ, դու՝ խախտել ես կանոնադրությունը, դրա համար էլ գրառումդ չկա:
հա հին մարդ եմ, բայց երևի շատ արագ ա փոխվում, մոդերները հիմա գտնում էն, որ կոռեկտ է երբ մարդ համոզված պատասխանում է մի այլ ընտանիքի անունից և դա չի ջնջվում այլ ջնջվում է միայն դրա մասին մատնանշող գրառում..., այդ մոտեցումը նոր է իմ համար, ու ընդհանրապես ես Ակումբում սովոր եմ հարգալից և քաղաքակիրթ քննարկումների նույնիսկ ամենաթեժ քննարկումների ժամանակ :


Վստահության հարցով, այդ ընտանիքին կարող եք այքանով վստահել որքանով ինձ, կարծում եմ ով ինձ ճանաչում է հասկացավ. :)

Elmo
08.12.2009, 00:49
հա հին մարդ եմ, բայց երևի շատ արագ ա փոխվում, մոդերները հիմա գտնում էն, որ կոռեկտ է երբ մարդ համոզված պատասխանում է մի այլ ընտանիքի անունից և դա չի ջնջվում այլ ջնջվում է միայն դրա մասին մատնանշող գրառում..., այդ մոտեցումը նոր է իմ համար, ու ընդհանրապես ես Ակումբում սովոր եմ հարգալից և քաղաքակիրթ քննարկումների նույնիսկ ամենաթեժ քննարկումների ժամանակ :

Ես ոչինչ համոզված չեմ ասել: Դու ես տենց ընկալել: Ես մի քանի հատ երևի եմ գրել: Նորից կարդա գրառումս, ու կտեսնես, որ ճիշտ չես հասկացել ինձ:
Նշել եմ հնարավոր պատճառ, ի միջայլոց բավականին ակտուալ պատճառ:

Grieg
08.12.2009, 01:00
Մի բան էլ, աշխատանքային փորձ պետք չի՞: Խոսքս երեխա խնամելու մասին է: :)
Հ.Գ. Մտերիմներին ասելու համար պետք է վստահ լինել, որ կրակը չես գցի: Այս հարցերի ստույգ պատասխանը չունենալով ու չվստահելով՝ ինքս հրաժարվեցի նույն ծրագրով Անգլիա գնալու մտադրությունից, այնինչ ծրագրի համար նաև վճարել եմ:;)

Աշխատանքային փորձը ցանկալի է բայց պարտադիր չի: Իսկ վստահ լինելու հարցում հավաստիացնում եմ, որ դրանից էլ ավելի վստահելի դժվար է պատկերացնել :ok

Էլմո առաջին նախադասությունը շատ համոզված պատասխան է մեջբերված ընտանիքին ուղղված հարցը :

Elmo
08.12.2009, 01:04
Էլմո առաջին նախադասությունը շատ համոզված պատասխան է մեջբերված ընտանիքին ուղղված հարցը :

Որովհետև խոքսը շահի մասին է: Իսկ անհերքելի փաստ է, որ Հայաստանում աշխատուժը էժան է Գերմանիայի աշխատուժից: Դրա մեջ վիրավորական ի՞նչ կա: Եթե հնարավոր է գտնել աշխատող, որը նույն ծավալի աշխատանքը կանի ավելի քիչ գումարով ու գոհ կմնա, ուրեմն հենց էդպես էլ պետք է վարվել:
Իսկ մնացած բոլոր նախադասություններում առկա է հստակ ենթադրություն նշանակող երևի բառը:

Grieg
08.12.2009, 01:20
Որովհետև խոքսը շահի մասին է: Իսկ անհերքելի փաստ է, որ Հայաստանում աշխատուժը էժան է Գերմանիայի աշխատուժից: Դրա մեջ վիրավորական ի՞նչ կա: Եթե հնարավոր է գտնել աշխատող, որը նույն ծավալի աշխատանքը կանի ավելի քիչ գումարով ու գոհ կմնա, ուրեմն հենց էդպես էլ պետք է վարվել:
Իսկ մնացած բոլոր նախադասություններում առկա է հստակ ենթադրություն նշանակող երևի բառը:
Էլմո ենթադրությունները պետք չէ ներկայացնել որպես իրականություն, կրկնում եմ նախադասության առաջին մասում ոչ մի երևի չկա, դու համոզված պատասխանում ես այլ ընտանիքին ուղղված հարցին դա ոչ կոռեկտ է ոչ ել գեղեցիկ:
Իդեպ Գերմանիան չի լինի համեմատել օրինակ Ֆրանսիայի հետ, Գ.-ում հայերը անհեմամատ ավելի քիչ են, և ցրված տարբեր քաղաքներով :

Ռուֆուս
08.12.2009, 10:33
Պայմաններն են զավեշտալի:
Չնայած ես Գրիգի մասին շատ լավ կարծիքի եմ, բայց դա կապ չունի: Ստորև գրածիս հետ:
Գրպանի փող են առաջարկում, սնունդ, ու տանիք:
Հա բայց ո՞ր 18-24 տարեկան երիտասարդը էդ ամեն ինչը չունի Հայաստանում: Բոլորն էլ գրպանի փող ու տանիք ունեն ու հաց էլ են ուտում:
Վազգեն ջան, կներես, բայց քո լավատեսությունը չեմ կիսում: Հավատա, որ Հայաստանում բոլոր երիտասարդները չեն, որ իմ ու քո նման կայուն աշխատանքով են ապահովված, եթե ապահովված լինեին ամառները գրոշների դիմաց կաֆեներում մատուցող չէին աշխատի, որ կարողանային ուսման վարձը փակեին: Եթե բոլորը լավ ապրեին, ոչ ոք էլ չէր ուզենա հայրենիքը թողնել ու գնալ արտասահման ուրիշների երեխեքի կեղտոտ պամպերսները փոխելու համար: Հա, տխուր ա, որ մեր փայլուն երիտասարդները թողնում գնում են, բայց մեղավորը ոչ թե արտասահմանում նման աշխատանք առաջարկողներն են, այլ մեր պետությունը, որ չի կարող երիտասարդությանը նորմալ աշխատանքով ապահովել:

Ընկերներիցս մեկը ուսանող ժամանակ երեք անգամ նմանատիպ ծրագրով ամառները ԱՄՆ էր գնացել: Արած գործն էլ ինչ էր՝ ֆաստֆուդ ռեստորանում խոհարարություն էր անում ու կեղտոտ ամաններ էր լվանում, ու բնականաբար դրա դիմաց ամերիկացիներից էլ քիչ էր ստանում, բայց արդյունքում կարողացավ իր հինգ տարվա ուսման վարձը փակել: Հիմա էլ դասախոս մարդ է, բայց ասում է, եթե հնարավորություն ունենա, էլի կգնա:

Ուսանող ժամանակ ես էլ էի էդ ծրագրով ուզում արտասահման գնալ, բայց չդիմեցի, որովհետև մերժման հավանականությունը բավականին մեծ էր, դեպոզիտային գումարը (որը չէր վերադարձվում) բավականին զգալի, որոշեցի ռիսկի չդիմել, ինչի համար հիմա ափսոսում եմ:

Եթե քեզ էս առաջարկը դուր չի գալիս, էդ քո պրոբլեմն է, բայց վստահ եղիր, որ Հայաստանում լիքը գործազուրկ աղջիկներ կգտնվեն, ովքեր կուզենան նման ձևով մի փոքր գումար աշխատել:

Elmo
08.12.2009, 11:25
Ես էլ բան չունեմ ավելացնելու:
Հարակից թեմայում մոտ 50 հոգի 18-24 տարեկան հայ երիտասարդ աշխատանք է փնտրում: Թող արձագանքեն ու գնան: Բարի աշխատանք, ու նորանոր հաջողություններ եմ մաղթում գնացողներին:

Ֆոտոն
08.12.2009, 12:52
Ճիշտ է, Գրիգը շատ հարցերի չպատասխանեց, այնուամենայնիվ ես այսպիսի եզրակացության եկա.

հայ ընտանիքում աշխատելու համար դիմող աղջիկը au pair ծրագրով, որ Գերմանիայում գործում է, վիզայի խնդիր չի ունենա: Կարծում եմ՝ հետևյալ (http://www.akumb.am/showpost.php?p=1877060&postcount=10) կետերին պարտադիր է ծանոթ լինելն ու պաշտպանվելը: Ընտանիքի հետ ծանոթանալու, վստահելու, պայմանագրային հարցերն էլ իրեն է մնում կարգավորել (իրավաբանի խորհրդակցությամբ): Գերմանիայի դեսպանատանն էլ Հայաստանում կարելի է շատ բաներ ճշտել: ;)

Հ.Գ. Անձամբ ես մոտ 90 տոկոս վստահություն ունեցա:

Grieg
08.12.2009, 13:45
Ֆոտոն, Այո տարիքային սահմանափակումը դա Գերմանիայի օրենքների պահանջն է, այստեղ (http://www.arbeitsagentur.de/zentraler-Content/Veroeffentlichungen/Sonstiges/Au-pair-Info-bei-dt-Gastfam.pdf) գերմաներենով պաշտոնական տեղեկությունն կա աշխատանքային պայմանները և իրավունքները Գերմանիայում բոլոր Au-Pair աշխատանքների համար
մեջբերեմ մի հատված


...Das Visum muss vor Vollendung des 25. Lebensjahres...
թարգմանաբար` Վիզաի համար անհրաժեշտ է դիմել մինչև 25 տարվա լրացումը


Es wird erwartet, dass das Au pair über Grundkenntnisse der deutschen Sprache verfügt. Verlangt
werden Sprachkenntnisse, die mindestens dem Level A 1...
Սպասվում է, որ ծրագրին դիմողը կունենա գերմաներեն լեզվից բազային գիտելիքներ, պահանջվելու են լեզվի գիտելիքներ, ամենաքիչը Ա1 մակարդակի