Դիտել ողջ տարբերակը : Մարտի 1
Այս թեմայում կտեղադրենք 2008 թվականի մարտի 1-2-ին տեղի ունեցած ողբերգական իրադարձություններին վերաբերող նյութեր՝ լուսանկարներ, վիդեոներ:
Այս թեման քննարկումների, բանավեճերի համար չի, դրանց համար կա թեմա:
Բաժնի մոդերատորներին խնդրում եմ, որ թեման զերծ պահեն քննարկումներից ու բանավեճերից:
http://www.youtube.com/watch?v=E8CRq7_F8Cg
http://www.youtube.com/watch?v=WOan6m2six8
http://www.youtube.com/watch?v=uqd-sB-BBd4
http://www.youtube.com/watch?v=iYYuT6ePPZ4
http://www.youtube.com/watch?v=vbZmpJmKmZg
http://www.youtube.com/watch?v=9SxeK_lJrlw
http://www.youtube.com/watch?v=ovRNo_6BpJk
Քանդված օջախ. սպանված Գոռ Քլոյանի ընտանիքի համար
Ատամները թափվել էին բռան մեջ, փորձում էր մեկ-մեկ տեղը դնել, չէր ստացվում, էլի թափվում էին:
«Մամ, երազ եմ տեսել»,- առավոտյան մորն իր երազը պատմեց 28-ամյա Գոռ Քլոյանը:
«Ասացի` վայ, Գոռիկ ջան, վատ երազ ես տեսել: Ատամ ընկնելը հարազատի մահ է: Էսօր տնից դուրս չգաս,- պատմում է մայրը՝ Ազատուհին: - Մտածեցի` մեծ տատիկ-պապիկ ունենք ընտանիքում, ու բոլորն էլ վատառողջ, մեկին մի վատ բան կլինի»:
Սակայն «վատ բանը» եղավ հենց Գոռի հետ:
Ընտանիքի անդամները սևազգեստ են, կանանց ձեռքերի թաշկինակները սգից էլ ավելի սեղմված, իսկ արտասվաթոր աչքերը` կարմրած:
Գարնան առաջին օր, երբ Երևանի կենտրոնը պայթում էր հակասական տրամադրություններից, Գոռ Քլոյանը Երևանի արվարձաններից մեկի իր խաղաղ ընտանեկան տնից դուրս գալով, առանց որևէ մեկին զգուշացնելու, քայլերն ուղղեց դեպի իրադարձությունների կիզակետ:
Այնտեղից նա չվերադարձավ: Եվ չտվեց ծնողների, կնոջ ու բարեկամների հարցերի բազմաթիվ «ինչո՞ւ»-ների պատասխանը:
Կեսգիշերին Գոռից լուր գուժեց կանացի ձայնը: Հիվանդանոցի բուժքույրը Քլոյաններին տեղեկացրեց, որ տղան հիվանդանոցում է՝ վիրավոր:
«Ասեցին` ոտքը վիրավոր է, վիրահատում են,- պատմում է մայրը: - Չեմ էլ հիշում` ոնց հասանք շտապօգնության 3-րդ հիվանդանոց ու սկսեցինք խելագարի պես միջանցքներով քայլել»:
Հիվանդանոցում ծնողներին հայտնեցին, որ իրենց որդին «հրազենի բեկորային» վնասվածք է ստացել՝ վնասվել է ոտքը սնուցող երակը՝ աորտան:
«Վիրահատությունը տարօրինակ երկար էր տևում: Ասեցին` արյուն ա պետք: Ասեցի` վերցրեք իմ արյունը, մենք հազվագյուտ արյան խումբ ունենք. առաջին խումբ, ռեզուս բացասական…. Հետո ասեցին, որ ճնշումը չի կարգավորվում, ու մի քանի ժամ չէին կարողանում ասել, որ իմ տղան էլ չկա»,- հեկեկում է որդեկորույս մայրը:
«Տատիկ, էլի ես լացո՞ւմ: Բա ասում էիր` չես լացելո՞ւ»,- սգավոր տատի մոտ վազելով հարցնում է Գոռի մեծ տղան՝ երեքամյա Սարգիսը:
Հյուրասենյակի կոմոդի վրա Գոռի մեծադիր նկարն է, անկյունում սգավոր կանայք՝ տատիկներն ու հորաքույրը: Կողքի սենյակում քնած է Գոռի փոքր տղան՝ Լևոնը, որ հազիվ երկու ամսական կլինի:
Գոռի հայրը՝ 57-ամյա Սարգիս Քլոյանը, հայացքը մի կետի հառած` ասում է, որ տղան որևէ հանրահավաքի մինչ այդ օրը չի մասնակցել:
«Մենք, որդուս ընկերները, բարեկամները մինչև հիմա ցնցված ենք, ապշած, չենք հասկանում, թե ինչո՞ւ նա, ամբողջ ժամանակ չմասնակցելով որևէ հանրահավաքի, այդ օրը որոշեց անպայման գնալ այնտեղ,- ասում է նա: - Ամեն ինչի հեռուստացույցով էր հետևում, չնայած շատ էր սիրում նաև կարդալ թերթերը»:
Հայրը նշում է Գոռի սիրած թերթերը` «Հայկական ժամանակ», «Չորրորդ իշխանություն»:
Երկուսն էլ արմատական ընդդիմադիր թերթեր են, ինչը զարմանալի է, քանի որ Գոռը իշխանական կուսակցություններից մեկի՝ ԲՀԿ-ի անդամ էր, իսկ ընտրությունների ժամանակ Սերժ Սարգսյանի վստահված անձն էր ընտրատեղամասերից մեկում:
Սարգիս Քլոյանը պատմում է, որ ինքը ևս նախընտրական ողջ շրջանում աշխատել է Սերժ Սարգսյանի շտաբի համար որպես բեռնատարի վարորդ: Ասում է, որ մինչև հոգու խորքը վիրավորված է:
«Ոչ մի հեռագիր ու ցավակցական չստացանք»,- ասում է նա:
Մայրը նայում է Գոռի նկարին ու ասում, որ տղան ապագայի հետ կապված մեծ հույսեր ու ծրագրեր ուներ` կրթությունը շարունակելու, նոր գործեր սկսելու:
«Կորցրի երեխուս իզուր տեղը… ու չեմ իմանում պատասխանը,- ասում է Ազատուհին: - Նա շատ չէր խոսում, շատ ազնիվ էր, իսկական տղամարդ: Ընտրություններից հետո էլ շատ չխոսեց: Միգուցե հիասթափվել էր ինչ-որ բանից… Չգիտենք` ի՞նչ եղավ իրականում: Չգիտեմ` ումից ի՞նչ պահանջեմ»
http://s49.radikal.ru/i125/0910/73/1d4a1ea7f650.jpg (http://www.radikal.ru)
Երեկոյան ժամը 7-ի մոտ Գրիգորը զանգահարեց կնոջը՝ Վարդուհուն, ու ասաց, որ ճաշը տաքացնի, քանի որ տուն է գալիս ու շատ քաղցած է:
«Ասեցի` Գոքոր ջան, քո սիրած ոսպով ճաշն եմ եփել, հենց հիմա դնում եմ կրակին»,- պատմում է Գոքորի կինը՝ 27-ամյա Վարդուհին:
Բայց իր սիրած ճաշը Գոքորը մարտի 1-ին այդպես էլ չկերավ:
Կոնդում գտնվող մեկ սենյականոց կիսախոնավ ու աղքատիկ տնից 28-ամյա Գրիգոր Գևորգյանը, որը 6 հոգանոց ընտանիքի միակ կերակրողն էր, դուրս եկավ ժամը 5-ից հետո, իսկ մյուս օրը կինն ու երկու փոքր տղաները ստացան նրա դիակը՝ ճակատին հրազենային վնասվածքով:
«Բենզալցակայանում էր աշխատում, զանգեցին` ասեցին, փող կա, արի ստացի: Մենք էլ հեռուստացույց էինք նայում: Գոքորն ասեց` մարդիկ խաղաղ ցույց են անում, գնամ փողերս ստանամ գամ, ի՞նչ պիտի լինի որ»:
Վարդուհին հիշում է` ինչպես արդուկեց ամուսնու շորերը, սուրճ պատրաստեց նրա համար: Գոքորն ինչպես գրկեց երկու որդիներին՝ 8-ամյա Հովհաննեսին ու 4-ամյա Ռուբիկին, «պաչպչեց» ու ինքն իրեն ասաց. «Շուտ գնամ-գամ, գոնե էսօր փող կլինի ձեռներս»:
Խառնված մազերով, անխնամ տեսքով վշտից ավելի ամրացած Վարդուհին մեկիկ-մեկիկ վերհիշում է, թե ինչ էր կատարվում այդ օրը: Տեղեկությունները նա ստանում էր Գոքորից, որը «Հայրենիք» կինոթատրոնի մոտ գտնվող աշխատավայրից տրանսպորտ չլինելու պատճառով ոտքով բարձրացել էր մինչև կրկես, հետո հայտնվել շրջափակման մեջ:
«Ժամը 8-ի մոտ էր` Գոքորը զանգեց, Լեոյի փողոցում էր: Ասեց`Վարդուհի, ոռի դրություն ա, շրջափակման մեջ եմ ընկել, միլիցեքը չեն թողնում դուրս գամ, զենք են պահում վրես, ասում են` կսատկացնենք, հետ գնա,- պատմում է Վարդուհին: - Գոռգոռոցս գցեցի, ասեցի` գալիս եմ մոտդ: Ասեց` տնից դուրս չգաս: 9-ի կողմերը հեռախոսն էլ չէր պատասխանում: Հետո լրիվ անջատվեց, ու ոչ մի լուր չունեցանք»:
Մի քանի ժամ անց Գոքորի հարազատները սկսում են բոլոր հնարավոր վայրերում փնտրել նրան:
«Անատոմիկի միջանցքում իմացանք, որ Գոքորը չկա: Ասեցին` սնայպերն ա խփել: Ուղեղը լրիվ թափվել էր»,- ձեռքերն է կոտրատում Վարդուհին:
«Գլխուղեղի կենսական կարևորագույն ֆունկցիաների սուր խանգարում, գանգի հրազենային վիրավորում»,- նշված է Գրիգոր Գևորգյանի մահվան վկայականում:
«Եթե իմանայի, որ մարդս ակտիվ ա, պայքարել ա, իր գաղափարի համար ա գնացել, գոնե սիրտս հանգիստ կլիներ: Բայց սկի ընտրություններին չգնաց: Ասում էի` գնա, ում ուզում ես, ընտրի, բայց գնա, ասում էր` գործ չունեմ»:
Վարդուհին հիշում է, որ երբ մինչև ամուսնու գնալը լուրեր էին ստանում, թե մարդիկ քարեր են հավաքում, որ պաշտպանվեն, Գրիգորը զարմանում էր:
«Ասում էր` Վարդուհի, տեսնես չե՞ն վախենում,- հիշում է Վարդուհին: - Ես էլ ասում էի` մարդիկ պայքարում են, ի՞նչ վախենան»:
Վարդուհին ասում է, որ միգուցե ծանր մանկությունն էր պատճառը, որ Գրիգորն այդքան զգուշավոր էր:
«90-ականներին հայրն է զոհվել Ղարաբաղում, ազատամարտիկ էր: Հոր կռվի ընկերներն էլ էին եկել Գոքորի թաղմանը ու իրենք էլ էին ասում, որ սնայպերի խփած ա: Ոնց էլ լինի` էդքան տարի կռվել են»,- ասում է երիտասարդ այրին:
Սենյակի պատերը վառարանի ծխից սևացել են: Վերևի տանը ևս ապրում են Գևորգյանների ազգականները: Մոտ մեկ տարի առաջ մահացել էր Գրիգորի մայրը: Հիմա մոր սգո նկարի փոխարեն կախել են Գրիգորինը:
«Էս տունն անիծված է,- ձեռքերը վեր է պարզում Վարդուհու մայրը՝ Գայանեն, որը նույնպես նրանց հետ է ապրում: - Երեխեքը հազար ու մի երազանք ունեին, մի րոպեում հեչ եղավ: Մի տարվա մեջ էս հայաթից 4 դիակ դուրս եկավ: Չգիտենք` գլուխներս առնենք ո՞ւր փախնենք, ի՞նչ պատասխան տանք էս երեխեքին»
http://i020.radikal.ru/0910/5f/d0c81baae0a2.jpg (http://www.radikal.ru)
Ինչո՞ւ. սպանվածները պատասխան չեն թողել
Գարնան առաջին օրը դարձավ վերջինը 31-ամյա Զաքար Հովհաննիսյանի համար, որը հարևանին հանրահավաքից տուն բերելու համար երեկոյան գնացել է քաղաքի կենտրոն ու այլևս չի վերադարձել, չի վերադարձել նաև հարևանը` Դավիթ Պետրոսյանը:
Զաքարի անկողնուն գամված հայրը որդու և հարևանի մահվան մասին իմանում է հաջորդ օրը` հեռուստատեսությամբ հայտարարված մահացածների ցուցակից: Իմանում է, որ հրազենային վնասվածքով որդուն տարել են հիվանդանոց, անհույս վիրահատել են, բայց նա այդպես էլ գիտակցության չի եկել:
Ինչո՞ւ:
«Երբ Քելբաջարում 19 տարեկան հասակում զոհվեց մեծ տղաս, էս հարցը ինձ չէր տանջում, գիտեի` ինչու գնաց, հանուն ինչի զոհվեց, բայց Զաքարինը... Չգիտեմ` ումի՞ց հարցնեմ, ումի՞ց պահանջեմ»,- դողացող ձայնով հազիվ ասում է Սարիբեկ Հովհաննիսյանն ու գլուխը թաղում բարձի մեջ` թաքցնելով արցունքները:
Չորս ամիս ինսուլտից ողջ մարմնով թուլացած հորը պահում էր Զաքարը, որը տնից դուրս չէր գալիս` հորը մենակ չթողնելու համար, ու երկրի քաղաքական իրավիճակին ծանոթ էր լրատվամիջոցների ու հարևանների պատմածով:
Հոր խոսքերով` միշտ քննադատում էր վերջին իրադարձությունները, դեմ էր լարվածությանը, «քանի որ լավ գիտեր` ինչ բան ա կռիվն ու հարազատ կորցնելը, բայց չէր մտածում, որ էդ կռիվը պատահական իրան կտանի»:
Զաքարը մորը կորցրել է 2 տարեկանում, նրան, եղբորն ու քրոջը պահել են հայրն ու հորաքույրը: Դժվարությունների միջով անցած Զաքարը նախորդ հինգ տարին էլ խնամում էր անկողնային հիվանդ տատին, որի մահից հետո որոշել էր ամուսնանալ:
«Խեղճ երեխես հազիվ շունչ քաշեց, էն էլ ես հիվանդացա, ամբողջ օրը կողքիս էր, իբր ուզում էր տունը վերանորոգել, ամուսնանալ, ապրել, վերջապես: Գնդակը կույր ա, չգիտի` ում ա դիպչում ու ինչի»,- մղկտում է երկու որդի կորցրած հայրը, որի միակ մխիթարությունը աղջիկն է, թոռն ու Զաքարի թողած ծաղիկները:
Հին, խունացած տան սենյակի մի կեսը գրավել են մեծ որդու` Բենիամինի` ազատամարտիկի համազգեստով մարտական նկարները, մյուս կեսը` Զաքարի սենյակային բույսերն ու ծաղիկները, որոնք նրա ամենասիրած զբաղմունքն էին, ու հիմա քույրը դրանք շարել է նրա նկարի առաջ:
«Չեք հավատա, բայց էս բույսերը բոլորը ցուրտը տարած էին, ինքը կենդանացրեց դրանք, բույսերի խնամքի մասին տարբեր գրքեր ու ամսագրեր էր ուսումնասիրում, ամեն օր մաքրում էր,- ասում է քույրը` Մարինե Հովհաննիսյանը` ջրելով սիրելի եղբոր ծաղիկները: - Նա մարդկանց էլ էր էդպես սիրում, ընկերներին: Չգիտեմ` ինչի՞ ա բախտը էսքան դաժան մեր հանդեպ»:
Քույրը պատմում է, որ այդ օրը Զաքարը պետք է զարմիկի ծննդյան խնջույքին գնար, բայց քրոջն ասել է, թե չի ուզում մենակ թողնել հորը:
«Ես համոզում էի, ասեցի` կմնամ պապայի մոտ մինչև գաս, չթողեց, լվացք էի արել, չթողեց փռեմ, ասեց` ուշ ա, գնա տուն, ես ինքս կփռեմ,- պատմում է քույրը: - Որ դուրս է եկել բակ լվացքը փռելու, տեսել է, որ դրկից հարևանի կինը, 11-ամյա որդու հետ դուրս է գնում, հարցրել է, թե ուր են գնում: Դավիթի կինն ասել է` գնամ ամուսնուս բերեմ, հանրահավաքի է գնացել: Նա էլ չի թողել, որ մթով գնան, ասել է, ես կգնամ, դուք գնացեք տուն»:
«Ու ոչ Դավիթը վերադարձավ, ոչ էլ ինքը, երկուսն էլ էդ վայրագության զոհը դարձան, չգիտեմ` հանուն ինչի»:
http://www.nikolpashinyan.com/wp-content/uploads/2009/03/marti-1-i-aravot.jpg
http://www.youtube.com/watch?v=9whMzYZxy6s
Նախապես զգուշացնեմ, որ թեմայում կարող են հայտնվել արյունոտ կադրեր: Ովքեր թույլ նյարդեր ունեն, կարող են ուղղակի չբացել թեման, քանի որ թեմայի վերնագիրը և, հատկապես, առաջին գրառումը ենթադրում են նմանատիպ նյութերի առկայության հնարավորությունը:
http://www.prizma.am/images/yerevan_marta70e12e1a303ec6_middle.jpg
http://www.anc.am/media/images/%D5%84%D5%A1%D6%80%D5%BF%D5%AB%201%202008/25.jpg
Սրանք Մարտի 1-ի առավոտյան Ազատության Հրապապարակում արված կուսանկարներն են:
Ինչպես երևում է լուսանկարներում՝ լրիվ մութ է: Հետաքրքիր է՝ ժամը քանի՞սը կլինի:
http://www.anc.am/media/images/%D5%84%D5%A1%D6%80%D5%BF%D5%AB%201%202008/Marti12008_aravot_Azatutyanhraparak.jpg
http://www.nikolpashinyan.com/wp-content/uploads/2008/12/operamarch-1-300x199.jpg
http://irevan-az.com/prv/pictures/08-08-06-18-02-31-001.jpg
http://www.hzh.am/Arkhiv/2008/August/0608/111.jpg
Սրանք Միասնիկյանի արձանի մոտ արված լուսանկարներն են: Այս լուսանկարների միջոցով կարելի է գոնե մոտավոր պատկերացում կազմել ցուցարարների թվաքանակի մասին:
http://www.zhamanak.com/2008/6/18/a-9548-b.jpg
http://www.nikolpashinyan.com/wp-content/uploads/2009/02/marti-1_bruncqner.jpg
http://www.politlur.com/photo/20090918102825Marti1.jpg
http://lh4.ggpht.com/_L0R7X32-H3M/SMXzXDdK6RI/AAAAAAAAACQ/nDpNI5cwJaw/March1_1.jpg
Mephistopheles
16.10.2009, 06:38
Մարտի 1
http://i078.radikal.ru/0910/bb/2b6d2517043d.jpg
http://bp0.blogger.com/_tAHE3je2P-4/R9fIT6U8ovI/AAAAAAAAF2Y/-mxCZbRhAD4/s400/Levon2_Liberty+sq.jpg
Միասնիկյանի արձանի մոտ: Կեսօրին:
http://ankakh.com/wp-content/uploads/2009/09/mhm35159-copy-300x239.jpg
http://www.aravot.am/2008/aravot_arm/December/5/p1.jpg
http://www.armenianow.com/images/uploadedimages/ai288901.jpg
Առավոտյան Ազատության Հրպարակում:
Ֆրանսիական դեսպանատան դիմաց:
Ջրցան մեքենան ջրում է հարակից շենքի պատուհանները:
Առավոտյան Հյուսիսային Պողոտայում՝ Ազատության Հրապարակի մոտ:
Ենթադրում եմ, որ Մարքարյան հիվանդանոցի մոտակայքում ա: Երևի դեպի ֆրանսիական դեսպանատուն տանող ճանապարհն են փակում:
http://4.bp.blogspot.com/_he2sO8lvdb8/R-anJ2k0s0I/AAAAAAAAARE/lAVlDQEBZo0/s400/capt.3d96dea386f04fa6b063f96751090cae.armenia_opposition_mosb113.jpg
Մարտի 1-ի զոհեր։ Ա1+
Մաս 1.
http://www.youtube.com/watch?v=kvxJ-upoN-E
Մաս 2.
http://www.youtube.com/watch?v=pH8WpFcmlfU
Մաս 3.
http://www.youtube.com/watch?v=w5O4AUoQc6o
Մաս 4.
http://www.youtube.com/watch?v=b1Um9Mv4jos
Մաս 5.
http://www.youtube.com/watch?v=iMIgnmGejGk
Մաս 6.
http://www.youtube.com/watch?v=-7PV7fQRt0o
Մաս 7.
http://www.youtube.com/watch?v=Xc1Jh7SToDs
http://www.youtube.com/watch?v=NhP_x04A9z0
Թույլ նյարդերի տեր մարդկանց խորհուրդ եմ տալիս չդիտել այս վիդեոները։
Մաս 1.
http://www.youtube.com/watch?v=sIk1moVCKqs
Մաս 2.
http://www.youtube.com/watch?v=l01Th5WbGVM
Մաս 3.
http://www.youtube.com/watch?v=9sZblJB4LUc
Մաս 4.
http://www.youtube.com/watch?v=PjqlennWeaQ
http://www.youtube.com/watch?v=RHhKq-0zKXg
http://www.youtube.com/watch?v=c_zS477Mt_s
http://www.youtube.com/watch?v=9B1v5RoDenI
Պատարագ` մարտի 1-ի զոհերի հիշատակին
http://www.1in.am/upld_img/arm129483424225.JPG
Ինչպես «Առաջին լրատվական»-ին տեղեկացրին Հայ ազգային կոնգրեսից, վաղը՝ ժամը 12.30-ին, Սուրբ Կաթողիկե եկեղեցում (Աբովյան և Սայաթ-Նովա փողոցների խաչմերուկ) կմատուցվի պատարագ` ի հիշատակ մարտի 1-ի զոհերի:
Առաջին (http://www.1in.am/arm/armenia_society_6539.html)
Ձայնալար
11.04.2011, 17:07
Մարտի 1-ի գործով Ա. Քոչարյանը հարցաքննում է ՀՀ պաշտպանության նախարարին
http://www.1in.am/upld_img/arm130251999760.JPG
Մենք ներկայացրել էինք Մարտի 1-ին Երևանի կենտրոնում իրականացված սպանդի գլխավոր դերակատարների վերաբերյալ շարքը: Փետրվարի 22-ին ներկայացրել էինք Հայաստանի պաշտպանության նախկին նախարար Միխայիլ Հարությունյանի`այդ օրը ունեցած դերակատարության մասին վերլուծական հոդված (տես`http://www.1in.am/arm/armenia_politics_10661.html):
Հիշեցնենք, որ պաշտպանության նախկին նախարար Միխայիլ Հարությունյանը 2008 թ. փետրվարին արձակել էր հայտնի`հույժ գաղտնի 0038 հրամանը, որով, փաստացիորեն, բանակը անօրինական կերպով ներգրավել էր մարտի 1-ի ոճրագործության մեջ:
Մեր ձեռքի տակ են Youtube-ում տեղադրված երկու տեսագրություններ, որոնցում Մարտի է 1-ի դեպքերն ուսումնասիրող փաստահավաք խմբի ներկայացուցիչ Անդրանիկ Քոչարյանը հարցեր է ուղղում այդ ժամանակվա ՀՀ պաշտպանության նախարար Միխայիլ Հարությունյանին:
http://www.youtube.com/watch?feature=player_embedded&v=m3b__efNJio
http://www.youtube.com/watch?feature=player_embedded&v=VIsV0siO-j0
Աղբյուրը՝
1in.am
Ձայնալար
18.04.2011, 11:59
ՀՀ փոխոստիկանապետ Սաշիկ Աֆյանի հարցաքննությունը (տեսանյութ)
http://1in.am/upld_img/arm130311230541.JPG
Մարտի 1-ի գործով հերթական երկու տեսանյութեր, որոնցում Մարտի 1-ի դեպքերն ուսումնասիրող փաստահավաք խմբի ընդդիմադիր անդամներ Անդրանիկ Քոչարյանը և Սեդա Սաֆարյանը հարցեր են ուղղում Հայաստանի ոստիկանության պետի տեղակալ, Մարտի 1-ի իրադարձությունների ակտիվ դերակատար Սաշիկ Աֆյանին:
http://www.youtube.com/watch?feature=player_embedded&v=I63epOSph1Q
http://www.youtube.com/watch?v=LMpmmHLtkdk&feature=player_embedded
http://1in.am/arm/armenia_politics_16648.html
murmushka
27.04.2011, 13:09
http://www.youtube.com/watch?v=I8VvLvJSDPU&feature=player_embedded
http://www.youtube.com/watch?v=0B1LfcKAcbk&feature=player_embedded
Նախորդ գրառման մեջ ֆիլմի որակը կարծես թե ավելի լավն է, բայց որոշ հատված բացակայում է: Ֆիլմը բավականին հաջող է ու հետաքրքիր, խորհուրդ եմ տալիս անպայման դիտել:
«Հայաստանի կորսված գարունը»
(դիտել ֆիլմն ամբողջությամբ)
http://www.hraparak.am/wp-content/uploads/2011/04/hayastani-korsvac-garune-e1303897834830-400x250.jpg
Տիգրան Պասկեւիչյանի «Հայաստանի կորսված գարունը» ֆիլմն արդեն շրջանառության մեջ է DVD-ներով, դրանք տարածվելու են հասարակության բոլոր ներկայացուցիչների շրջանում` ներառյալ նաեւ իշխանական օղակները: 2 ժամ 4 րոպե տեւողությամբ փաստավավերագրական ֆիլմը բաղկացած է երկու մասից, որոնցից առաջինը պատմում է մարտի 1-ի նախորդող, իսկ երկրորդ մասը` բուն մարտի 1-ի եւ դրան հաջորդող իրադարձությունների մասին: Ֆիլմն արդեն տեղադրվել է նաեւ ինտերնետում, եւ այն կարելի է դիտել ամբողջությամբ:
http://www.youtube.com/watch?v=VaYE1XMYOmQ&feature=player_embedded
«Հայաստանի կորսված գարունը»
Հեղինակ՝ Տիգրան Պասկևիչյան
Ռեժիսոր՝ Արա Շիրինյան
Խորհրդատու՝ Առաքել Սեմիրջյան
Լրագրող՝ Վիկտորյա Աբրահամյան
Մոնտաժ՝ Վարդան Խաչատրյան
Պրոդյուսեր՝ Սաթենիկ Ֆարամազյան
Հրապարակ (http://www.hraparak.am/2011/04/27/armenias-lost-spring/)
murmushka
25.05.2011, 10:01
Սոցիալական ցանցերում և YouTube վիդեոհոսթինգում տարածվել են մարտմեկյան իրադարձություններից մի դրվագ պատկերող կադրեր։ Տեսանյութը կոչվում է «Ահա թե ինչպես են կրակում 2008 թվականի մարտի մեկին»։ Վերևից նկարված կադրերում երևում է, որ ջրցան մեքենայի կողքին խմբված իրավապահների միջից ինչ-որ անձինք կրակոցներ են արձակում հորիզոնական ուղղությամբ: Նկարահանումը կատարվել է գիշերը:
http://www.youtube.com/watch?v=8Cuy0XUYyqw&feature=player_embedded
Նոր կադրեր. Մարտի 1-ին Սամվել Հարությունյանի գնդակահարությունը (տեսանյութ)
Մայիսի 28-ին Youtube կայքում հայտնվել է տեսահոլովակ, որը կոչվում է «Սամվել Հարությունյանի գնդակահարությունը… 01.03.2008թ.»:
Պետք է նշել, որ դեռ հայտնի չէ, թե իսկապես տեսագրությունն արտացոլում է հենց Սամվել Հարությունյանի սպանությունը: Հատկանշական է, որ տեսագրությունը հայտնվել է այն ժամանակ, երբ ակտիվացել է իշխանությունների և ընդդիմության երկխոսության թեման, որի երեք պահանջներից մեկը 2008-ի մարտի դեպքերի հետաքննությունն էր և մարդկային զոհերի համար պատասխանու անձնանց պատժի ենթարկելը:
Ընդդիմությունը ՀՀ առաջին նախագահ Լևոն Տեր-Պետրոսյանի գլխավորությամբ, որն իր թեկնածությունն էր առաջադրել 2008թ. փետրվարի 19-ի նախագահական ընտրությունների ժամանակ և պարտվեց Սերժ Սարգսյանին, փետրվարի 20-ից Երևանի կենտրոնում հանրահավաքներ էր անցկացնում՝ իր դժգոհությունն արտահայտելով քվեարկության արդյունքների կապակցությամբ: Բողոքի ցույցերը մարտի 1-2-ին անկարգությունների և ոստիկանության հետ ցուցարարների բախումների վերածվեցին:
Գլխավոր դատախազության տվյալներով, տուժեց մոտ 200 մարդ, տասը զոհվեցին, իսկ բերման ենթարկվեց ավելի քան 100 մարդ:
Տեսանյութում հայհոյանքները մոնտաժված են «Առաջին լրատվականի» կողմից: Օրիգինալ տեսանյութը YouTube-ում տեղադրվել է martimek2008 օգտատիրոջ կողմից:
http://www.youtube.com/watch?v=GbBlW498z3M&feature=player_embedded
Առաջին (http://1in.am/arm/armenia_politics_21968.html)
Я хочу мертвого человека՝ հրահանգ դիպուկահարների՞ն
http://www.youtube.com/watch?v=vysJhgGSfmg&feature=player_embedded#at=100
http://1in.am/arm/world_wmiddleeast_23438.html
Մարտի 1-ն ու օտար ծառայությունները
Մարտի 1-ի թեման երեկ կրկին «թարմացվեց», եւ դա առիթ տվեց մտածելու, որ այն կարող է օգտագործվել ներքաղաքական պայքարում:
Մարտի 1-ի գործերը մտել են մարդու իրավունքների եվրոպական դատարան, եւ դատարանը ամեն պահի կարող է սկսել քննություն: Քննության ընթացքում կարող են պարզվել որոշ փաստեր, որոնք կարող են արտահայտվել Հայաստանում ներքաղաքական դասավորության վրա: Մասնավորապես, եթե հաստատվի հայտնի օլիգարխների, մասնավորապես Գագիկ Ծառուկյանի, թիկնազորների մասնակցությունը ցուցարարների դեմ բռնություններում, դա կարող է ՀՀԿ-ԲՀԿ «մրցակցությունում» վերջին փաստարկը դառնալ:
Երեկ մարտի 1-ի քննչական խմբի նախկին ու ներկա ղեկավարները հայտարարեցին, որ Սերժ Սարգսյանի՝ քննությունն ակտիվացնելու ցուցումից հետո հարցաքննվել է մոտ 500 մարդ: Հայտարարվեց, որ մոտ ժամանակներս կհրապարակվի քննչական խմբի 4 տարվա աշխատանքի արդյունքների վերաբերյալ զեկույց: Եւ հենց այդ զեկույցը կարող է տեղեկատվական դաշտ նետել մարտի 1-ի իրադարձություններին այս կամ այն մարդկանց մասնակցության վերաբերյալ տվյալներ:
Սակայն, ըստ ամենայնի, մարտի 1-ի գործի բացահայտումն ունի ոչ միայն ներքաղաքական, այլեւ միջազգային մակարդակ: Հայ պաշտոնյաները տարբեր առիթներով հայտարարել են, որ Հայաստանն այնքան ուժեղ չէ, որ բացահայտի այդ կարգի հանցագործությունները: Եւ այն, որ ԵԽԽՎ նույնպես փորձում էր փակել մարտի 1-ի էջը, բավարարվելով համաներման մասին որոշումով, վկայում է, որ գործի բացահայտումը կարող է միջազգային սկանդալի պատճառ դառնալ:
Բանն այն է, որ դեռեւս մայիսին քննչական խմբի ղեկավար Վահագն Հարությունյանը հայտարարել էր, որ 10 սպանություններն անհնար է բացահայտել: Նա ասել էր, թե այն փամփուշտները, որ հանվել են դիակներից կամ հայտնաբերվել Պարոնյան, Գրիգոր Լուսավորիչ եւ Մաշտոցի փողոցներում, չեն համապատասխանում ոստիկանության զենքին:
Հարությունյանի այս պնդումից հետեւում է, որ այդ փամփուշտներն արձակվել են կամ ՊՆ զինծառայողների, կամ էլ անհայտ խմբավորումների կողմից, որոնք թափանցել են Հայաստան:
Այս վերջին դրվագը հատկապես հետաքրքիր է: Ստացվում է, որ ինչ որ արտասահմանյան խմբավորումներ ներխուժել են Հայաստան, գնդակահարել 10 մարդու եւ թաքնվել, վստահ լինելով, որ կասկածները կընկնեն իշխանությունների վրա: Սկզբունքորեն, այդպես էլ եղավ, եւ ընդդիմությունը գործող նախագահ Ռոբերտ Քոչարյանին հռչակեց հիմնական մեղավոր:
Ինքը Քոչարյանը մի քանի ամիս առաջ նույնպես հայտարարեց, որ սպանությունները կապ չունեն իր մտցրած արտակարգ իրավիճակի հետ: Քանի որ դրանք կատարվել են ոչ այնտեղ, որտեղ հավաքվել է ընդդիմությունը եւ որտեղ իրավիճակը վերահսկել է ոստիկանությունը, այլ լիովին ուրիշ տեղ: Քոչարյանը, փաստացի, ուղիղ տեքստով ասել է, որ սպանությունները կատարել են օտար ուժեր:
Ինչ օտար կազմավորումներ կարող էին ներխուժել Հայաստանի տարածք եւ իրականացնել ահաբեկություն: Այն ժամանակ մամուլը գրում էր ռուսական հատուկ ծառայությունների ներկայության մասին:
Փաստացի, մարտի 1-ի իրադարձությունների բացահայտումը ներկայում հանգում է նրան, թե արդյոք որեւէ մեկը կհամարձակվի նշել այն արտասահմանյան կազմավորումները, որոնք կրակել են մարտի 1-ին: Դա կարող է լինել միայն մեկ դեպքում՝ եթե Հայաստանում մեղքը դրվի կոնկրետ մարդկանց վրա, եւ նրանք պաշտպանվելու համար կնշեն իրական մեղավորներին:
Արդյոք Եվրոպական դատարանում քննության ընթացքում կպարզվեն մանրամասներ: Թե դատարանը կսահմանափակվի միայն զոհերի հարազատներին փոխհատուցում տալու որոշմամբ:
Նաիրա Հայրումյան
Lragir.am (http://lragir.am/armsrc/comments57619.html)
Թե ինչու է «Մարտի 1-ի» համար մեղավոր Սերժ Սարգսյանը եւ անմեղ Ռոբերտ Քոչարյանն ու Տեր-Պետրոսյանը
«Մարտի 1-ի հետ կապված ես չեմ տեսնում, որ ՀԱԿ-ն իր դիրքորոշումը փոխել է, որովհետեւ նրանք մեղադրում են իշխանություններին, իսկ Գագիկ Ծառուկյանը չի իշխանությունը»,- Aravot.am-ի հետ զրույցում ՀԱԿ խմբակցության քարտուղար Արամ Մանուկյանի՝ վերջերս արած հայտարարությունն այսպես մեկնաբանեց «Պոլիտէկոնոմիա» ինստիտուտի տնօրեն Անդրանիկ Թեւանյանը: Հիշեցնենք, որ Արամ Մանուկյանն ասել էր, թե մարտի 1-ը «Ռոբերտ Քոչարյանի խելահեղության արդյունքն էր, Քոչարյանի հրահանգով է եղել և նրան աջակցող ուժերի: Այնտեղ քաղաքական ուժ աշխատո՞ւմ էր, ի՞նչ քաղաքական ուժ, լավ, էլի»,
Նա վստահեցրեց, որ ծանոթ չէ ՀԱԿ-ի հրապարակած 2008-ի մարտի 1-ին ՀՀ պաշտպանության նախարարության թիկունքի վարչության իրային պահեստից զինվորական համազգեստ ու զինամթերք ստացած գործիչների այն ցանկին, որտեղ նշվել է նաեւ Գագիկ Ծառուկյանի անունը. «Մարտի 1-ի» թիվ մեկ շահառուն եւ թիվ մեկ շահագրգիռ անձը դա Սերժ Սարգսյանն էր»:
Մեր հարցին՝ ԲՀԿ-ն մասնակից եղե՞լ է՝ Անդրանիկ Թեւանյանը պատասխանեց. «Մասնակից….ես չունեմ այդպիսի փաստեր: Եթե կան այդ փաստերը, դուք կարող եք հրապարակել: Մասնակից եղել է, չի եղել՝ այլ սուբյեկտների որոշելիք խնդիրն է»: Մենք հետաքրքրվեցինք՝ այսինքն, ըստ Ձեզ, իշխանության մաս չի՞ կազմել ԲՀԿ-ն՝ նա պատասխանեց. «ԲՀԿ-ն իշխանության մաս կազմել է այնքանով՝ որքանով: Ինքը որոշում կայացնող չի եղել: Որոշում կայացնում են նախագահական նստավայրում՝ գործադիր իշխանության մոտ: Նախագահ պետք է դառնար Սերժ Սարգսյանը, եւ նա շահագրգիռ էր, որպեսզի լիներ այդ ցնցումը: Առանց դրա ինքը նախագահ չէր դառնա, այսպես ասեմ: Անշուշտ, պատասխանատվություն ունեն նաեւ այն մարդիկ, ովքեր այդ պրոցեսի մեջ ներգրավված են եղել, բայց եթե մենք վերցնենք 3 նախագահներին, ապա ամենաշատը շահագրգռված էր ուժի կիրառման մեջ Սերժ Սարգսյանը: Քոչարյանը գնացող նախագահ էր, իհարկե, ինքը իր համար էր նաեւ որոշակի գործողությունների դիմում, բայց Քոչարյանը գնացող էր, նրան դա պետք չէր, Տեր-Պետրոսյանին էլ նույնպես դա պետք չէր: Տեր-Պետրոսյանը կշահեր, եթե, ասենք, «Մարտի 1-ի» արդյունքում քաղաքացիական պատերազմ լիներ, եւ իշխանությունն իր ձեռքը վերցներ: «Մարտի 1-ի» թիվ 1 շահագրգիռ անձը Սերժ Սարգսյանն է»:
Մեր հարցին՝ հրահանգը տվել է Ռոբերտ Քոչարյա՞նը, թե՞ չէ՝ նա պատասխանեց. «Եթե դուք հրահանգ տալուց այնտեղ եք եղել, ես այնտեղ չեմ եղել, ես չգիտեմ: Եթե մարդիկ այսօր ասում են՝ ԲՀԿ-ն էլ է մասնակից եղել, ճիշտն ասած, դա գեղամյանության պես մի բան է դառնում, որովհետեւ «Մարտի 1»-ի մեջ մեղադրել ԲՀԿ-ին…ՀԱԿ-ը ես չգիտեմ՝ իրենք ինչ որոշում են կայացրած եղել, որ ասել են: Ասելը մի բան է, բայց ՀԱԿ-ի շահերը ներկայացնող մամուլում նշված է եղել, որ Գագիկ Ծառուկյանը դեմ է եղել ուժի կիրառմանը: Գագիկ Ծառուկյանը կամ մյուսները չէին որոշողը: Որոշողը իշխանությունն էր՝ ռեալ գործադիր իշխանությունը: Իսկ գործադիր իշխանությունը…դա ուրիշ մարդիկ են: Մարդիկ, որոնք իշխանության մեջ են եղել, դա չի նշանակում, որ…ԲՀԿ-ն այսօր դուրս եկավ կոալիցիայից՝ ցույց տալով իր անհամաձայնությունը տարբեր հարցերի մեջ: Այսօր ասել, որ ա՛յ, ԲՀԿ-ն էլ է եղել, հետեւաբար ամոթ է, կամ սխալ է համագործակցելը, դա նշանակում է սատարել Սերժ Սարգսյանին»:
Աղբյուր (http://www.aravot.am/2012/11/08/128426/)
Ձայնալար
11.11.2012, 11:24
Մոդերատորական.
Այս թեմայում կտեղադրենք 2008 թվականի մարտի 1-2-ին տեղի ունեցած ողբերգական իրադարձություններին վերաբերող նյութեր՝ լուսանկարներ, վիդեոներ:
Այս թեման քննարկումների, բանավեճերի համար չի, դրանց համար կա թեմա:
Բաժնի մոդերատորներին խնդրում եմ, որ թեման զերծ պահեն քննարկումներից ու բանավեճերից:
2 գրառում ջնջվել է:
Չնայած ստեղ քննարկելու տեղ չի, բայց ուրիշ թեմա չգտա:
Էս էլի մարդ տեսել ա, էս ինչա, մոնտաժա?
http://www.youtube.com/watch?v=l2sf6oLaeZY
Հ.Գ. Տեսանյութում կան հայհոյանքներ:
http://youtu.be/YX_ywduRs7Y
http://www.youtube.com/watch?v=YX_ywduRs7Y