PDA

Դիտել ողջ տարբերակը : Արտո Թունջբոյաջյան



Jarre
31.08.2009, 21:04
http://i919.photobucket.com/albums/ad33/JARREmenoid/IMG_3734.jpg

«Բարև, բարև, բարև

Ես ոչ ոքի ուղղություն չեմ տալիս, ես թողնում եմ, որ դուք ինքներդ պատկերացնեք, բայց այն, ինչ ես փորձում եմ Ձեզ տալ, Սերն է, Հարգանքն ու Ճշմարտությունը։ Ես համոզված եմ, որ հավատը հարստության պարզագույն ձևերից մեկն է աշխարհում։ Սա այն է, ինչ մեզ պետք է։

Այն ամենի պատճառով, ինչ այսօր կատարվում է աշխարհում՝ կապված իմ մարդկային իրավունքների, արժանապատվության և լիազորությունների հետ, ես հայտարարում եմ իմ սեփական երկրի ստեղծումն իմ մեջ. ԱՐՏՈՍՏԱՆ երկիրն է դա։

Արտոստանի գտնվելու վայրը.
այնքան հեռու, որքան միայն կարող է հասնել մարդկությունը՝ ֆիզիկապես և հոգեպես

Բնակչությունը.
1

Լեզուն.
Արտոյերեն (սա առաջին մարդկային լեզուն է. եթե ուշադիր լինեք, կհասկանաք)

Ազգային պատկանելիությունը.
Մարդ արարած

Օրենքներ և կարգավորում.
1. Մարդիկ պետք է միմյանց ընդունեն, նույնիսկ եթե իրար չեն համակրում։
2. Սիրով, Հարգանքով ու Ճշմարտությամբ մենք կկարողանանք հասնել վստահության դեպի մարդկությունը։
3. Ազգային և կրոնական դասակարգումներ այլևս գոյություն չունեն։ Իհարկե, ես չեմ խոսում անձի սեփական հավատի մասին։

Ինձ թվում է, որ մարդիկ կարող են ստեղծել իրենց սեփական երկիրն իրենց մեջ։ Սա է երկրի մարդկանց և Արտոստանի արքայի գաղափարախոսությունը»։

Եկեք քննարկենք ԱՐՏՈՍՏԱՆԻ արքա՝ Արտո Թունջբոյաջյանին թե՛ որպես երաժիշտ, և թե՛ որպես մարդ։

Jarre
31.08.2009, 21:08
Սկսեմ ես :)

Մարդ ում շատերը հարգում ու սիրում են, սակայն շատերն էլ չեն հասկանում նրան ո՛չ որպես արվեստագետ, ո՛չ էլ որպես մարդ։

Արտո Թունջբոյաջյանը իմ ամենասիրելի երաժիշտներից ու մարդկանցից է։

Նա մեր իրականության այն եզակի արվեստագետներից է ով ունի միայն իրեն պատկանող յուրահատուկ ոճ։ Նրա ստեղծագործությունները հնարավոր չէ չճանաչել։

Արտոյի ստեղծած մեղեդիները թափանցում են մինչև հոգուս ամենախորը տեղերը։

Հարգում եմ նաև Արտոյի տեսակետները կյանքի ու մարդկության վերաբերյալ։ Եվ ուրախ եմ, որ երաժշտության միջոցով քարոզում է Սեր, Հարգանք ու Ճշմարտություն։

Ուլուանա
01.09.2009, 01:27
Ես էլ եմ շատ սիրում ու գնահատում Արտոյի արվեստը։ Իսկապես յուրահատուկ, նույնիսկ կասեի՝ զարմանալի ոճ ունի՝ բառիս ամենաիսկական ու ամենադրական իմաստով։ Հաստատ ուրիշի հետ չես խառնի։ Կարծում եմ՝ նա կարողացել է առաջին հայացքից իրար հետ կարծես կապ չունեցող ոճերի հետաքրքիր համադրությամբ ստեղծել էնպիսի հոգեպարար երգեր, որոնցում ազգայինը սահուն կերպով կարծես լուծվում է համամարդկայինի մեջ։ Ճիշտ է, երգերի բառերը, խիստ դրական գաղափարներ հաղորդելով, միաժամանակ երբեմն բավական պարզունակ են, բայց Արտոյի ինքնատիպ կատարման ու երաժշտության շնորհիվ էդ թերությունը մի տեսակ անտեսում ես։ Ու ընդհանրապես ինքը շատ ինքնատիպ ու դրական կերպար է ինձ համար։ :) Դեմք։ :)

Elmo
01.09.2009, 10:21
Նա մեր իրականության այն եզակի արվեստագետներից է ով ունի միայն իրեն պատկանող յուրահատուկ ոճ

Ինչից զրկված են գրեթե մնացած 90 տոկոսը:

Շատ եմ հարգում Արտոին, ու ինչքան շահարկում են իր որոշ սովորությունները, այնքան ավելի շատ եմ հարգում նրան:
Եզակի մարդ, որի մտքերի վրա այսօր կարելի է հիանալ, մարդ, որը ոչ միայն ունի իր սեփական ոճը, այլ ունի այդ ոճը մատուցելու կարողություն ու շնորք:

Մի հատ սա լսեք


http://www.youtube.com/watch?v=PPT4CvEn8PA

Jarre
01.09.2009, 21:15
Արտոն ահավոր ազդված է իր մոր, հոր և եղբոր մահերից։ Իր ստեղծագործություններից մի քանիսը նա նվիրում է նրանց, բայց համարյա բոլոր իր ստեղծագործություններում երևում է, իր խոր հարգանքը, սերը ու նվիրվածությունը նրանց նկատմամբ։ Իր համերգներից ու երգերից պարզ երևում է, որ թեև անցել են տարիներ, բայց վիշտը մինչև օրս իր մեջ է։

Եթե ուշադրություն դարձնեք, ապա կտեսնեք, որ համերգների ժամանակ Արտոյի հագած մայկաների վրա միշտ գրված է ONNO անունը, դա իր եղբոր անունն է։ Նաև համարյա իր բոլոր CD-ների վրա է գրում ONNO։ Ու ես նկատել եմ, որ բավական խորհրդանշական տեղերում է գրում։ Չգիտեմ, մի գուցե սխալվում եմ։

Լավ, անձնական կյանքը թողնեմ հանգիստ, ու անցնեմ առաջ։
Խնդրում եմ դիտեք այս դրվագը, ու տեսեք թե ինչպես է արտասահմանցի հանդիսատեսը ողջունում Արտոյին։ Թեև սա մրցանակաբաշխություն է ու ոչ թե Արտոյի համերգը, բայց տեղին է նշել, որ Արտոն այն եզակի հայ երաժիշտներից է, ում համերգներին արտասահմանում հենց արտասահմանցիներն են գնում, ու ոչ թե միայն հայերը։ Ես դեռ կասեի հակառակը. գերակշռում են արտասահմանցիները։


http://www.youtube.com/watch?v=wHOYJF00qaA"]http://www.youtube.com/watch?v=wHOYJF00qaA

Jarre
01.09.2009, 21:26
Ճիշտ է, երգերի բառերը, խիստ դրական գաղափարներ հաղորդելով, միաժամանակ երբեմն բավական պարզունակ են, բայց Արտոյի ինքնատիպ կատարման ու երաժշտության շնորհիվ էդ թերությունը մի տեսակ անտեսում ես։
Ուլուանա, ես հասկանում եմ դու ինչը նկատի ունես և համաձայն եմ։ Շնորհակալություն, որ ուշադրություն դարձրեցիր այդ երևույթին։

Գիտե՞ս ինչն է հետաքրքիր։ Որ կան մարդիկ ովքեր ունեն հարուստ բառապաշար, շատ գեղեցիկ են շարադրում իրենց մտքերը և այլն, բայց իրենց բառերը կամ օդից թեթև են լինում, այսինքն՝ անիմաստ ու անօգուտ, իսկ հաճախ էլ անհասկանալի, կամ էլ՝ իրենց ճարտար լեզվով դրդում են մարդկանց սխալ արարքների։

Իսկ Արտոն շատ պարզ ասում է այն, ինչ պետք է երջանիկ լինելու համար։ Նրան հասկանում են բոլորը, անգամ երեխաները։ Իսկ սա իրոք նախանձելի հատկություն է։ Արտոյի մոտ ավելի զարգացած է մտքի ուժը և ոչ թե լեզվի։

Հիշեցի Էրնեստ Հեմինգուեյին. «Շատ հեշտ է պարզ մտքերը արտահայտել բարդ և ամպագրորգոռ բառերով։ Բայց շատ ավելի դժվար է բարդ մտքերը արտահայտել հասարակ և մատչելի բառերով»։

Հարդ
19.09.2009, 13:13
Նախ շնորհակալություն հայտնեմ թեման ստեղծողին, շատ լավ ներկայացրեց:

Շատ եմ սիրում Armenian Navy Band: Կարող եմ անվերջ լսել ու լսելով հանգստանալ:

Խումբը ներկայանում է Էթնո - Ռեգի ոճում, և երևի թե առաջին խումբն է տվյալ ոճում:

Դեկադա
19.09.2009, 13:24
Սիրում եմ հենց պարզունակության համար:)

Hda
12.01.2010, 11:37
Երեվույթ

Jarre
26.07.2011, 21:48
Արտո Թունջբոյաջյանը և «Ռեինկարնացիա» խմբի Ռոլանդ Գասպարյանը Mezzo ակումբում :love
Ուղղակի սրա էֆեկտը սենց չի երևում, պետք ա կենդանի կատարմանը ներկա գտնվես....


http://www.youtube.com/watch?v=OyPDRU_aJ1M


http://www.youtube.com/watch?v=Jd-oQHN4fnU

Freeman
26.07.2011, 21:53
Կարծեմ Թանկյանի հետ էլ ալբոմ ունի,չէ՞
Էնքան էլ չեմ լսել,բայց ինձ դուր ա գալիս միամտության ու անմիջականության համար,չնայած անձամբ չեմ շփվել:))

Skeptic
26.07.2011, 22:01
Բա հլը ստեղ 02:50-ից ոնց ա մտնում: :))


http://www.youtube.com/watch?v=WqLl8Bmqfjs

Բայց դուրս գալիս ա, չգիտեմ ինչի: :unsure

Jarre
26.07.2011, 22:07
Կարծեմ Թանկյանի հետ էլ ալբոմ ունի,չէ՞
Էնքան էլ չեմ լսել,բայց ինձ դուր ա գալիս միամտության ու անմիջականության համար,չնայած անձամբ չեմ շփվել:))

Այո, ճիշտ ես :)

Այ սա Թանկյանի հետ ալբոմն է՝

SERART (Serjh և Arto անունների առաջին երեք տառերը)
http://i919.photobucket.com/albums/ad33/JARREmenoid/serart.jpg

Թողարկվել է՝ 2003 թ., մայիսի 6
Լեյբլ՝ Serjical Strike/Columbia
Բեռնել՝ Այստեղից (http://www.mediafire.com/?4xlis6i47dr5s43#2)

Ցանկ (Եթե չեմ սխալվում այս ցանկը 2009-ի Deluxe Edition-ինն է, այսինքն հնարավոր է տվածս հղման հետ չհամապատասխանի :( )
1."Intro" Serj Tankian 0:38
2."Cinema" Tankian 3:59
3."Devil's Wedding" Arto Tunçboyacıyan 4:08
4."The Walking Xperiment" Tankian 3:33
5."Black Melon" Tunçboyacıyan 3:36
6."Metal Shock" Tunçboyacıyan 0:31
7."Save the Blonde" Tankian 3:14
8."Love is the Peace" Tunçboyacıyan 2:32
9."Leave Melody Counting Fear" Tankian 3:45
10."Gee-Tar" Tankian 1:11
11."Claustrophobia" Tankian 1:36
12."Narina" Tunçboyacıyan, Jenna Ross 5:31
13."Zumba" Tunçboyacıyan 0:53
14."Facing the Plastic" Tankian 3:46
15."If You Can Catch Me" Tunçboyacıyan 1:03
16."I Don't Want to Go Back Empty-Handed" Tunçboyacıyan 4:08
17."Facing the Plastic" (Mindless Self Indulgence Remix) (Deluxe Edition Bonus Track) Tankian, James Euringer 3:56
18."Narina" (Bill Laswell Remix — Radio Edit) (Deluxe Edition Bonus Track)

Jarre
26.07.2011, 22:18
Բա հլը ստեղ 02:50-ից ոնց ա մտնում: :))


http://www.youtube.com/watch?v=WqLl8Bmqfjs

Բայց դուրս գալիս ա, չգիտեմ ինչի: :unsure

Բայց եթե չեմ սխալվում, սա Արտոյի և Հայկական Նավատորմի New Apricot ալբոմի Love, Respect, Truth ստեղծագործության վերամշակած տարբերակն է։ Չգիտեմ ով ումից է վերցրել ու վերամշակել, բայց ալբոմի տարբերակը ահա այսպես է հնչում։ Կարծեմ հենց քո սիրած մասից էլ սկսվում է ալբոմային տարբերակում ;)


http://www.youtube.com/watch?v=7hzCD1m7OgY

Jarre
18.12.2011, 00:58
Արտո Թունջբոյաջյանի գրած սաունդթրիքը «Ալա Բալա Նիցա» ֆիլմի համար։ Ֆիլմի քննարկումները Կինո բաժնում, իսկ այստեղ կարող եք գրել ձեր կարծիքները այս ստեղծագործության մասին։


http://www.youtube.com/watch?v=F2mZrUNr4dQ

Jarre
03.02.2013, 19:42
Ջիվան Գասպարյանը երգել է Արտո Թունչբոյաջյանի հետ (http://style.news.am/arm/news/2745/jivan-gasparyany-ergel-e-arto-tunchboyajyani-het-video.html)

Աշխարհահռչակ դուդուկահար Ջիվան Գասպարյանը եւ հայտնի երաժիշտ Արտո Թունչբոյաջյանը հանդես են եկել դուետով «Bambaselos Trio»-ի համերգի ժամանակ, որը տեղի է ունեցել փետրվարի 2-ին, երեւանյան «Yans» ակումբում:

«Քանի որ համերգին ներկա էր Ջիվան Գասպարյանը, բեմն առանց նրա դատարկ կլիներ»,- NEWS.am STYLE –ին ասաց Արտո Թունջբոյաջյանի եւ «Armenian Navy Band» ավանգարդ-ֆոլկ-ջազային խմբի մենեջեր Արտակ Գեւորգյան: Նրա խոսքով` Արտոն սկսել է իմպորվիզը բեմում` երժշտությանն ավելացնելով Ջիվանի մասին խոսքեր, եւ դուդուկի վարպետը բարձարցել է բեմ. ադյունքում հրաշալի դուետ է ստացվել, որը ներկայացնում է տեսանյութը:

Նշենք, որ Bambaselos Trio կազմում են Արմեն Հյուսնունցը, Վահագն Հայրապետյանը եւ Արտո Թունչբոյաջյանը:


http://youtu.be/o6577V47szs



Աղբյուր՝ News.am (http://style.news.am/arm/news/2745/jivan-gasparyany-ergel-e-arto-tunchboyajyani-het-video.html)

Sambitbaba
04.02.2013, 00:08
Բայց եթե չեմ սխալվում, սա Արտոյի և Հայկական Նավատորմի New Apricot ալբոմի Love, Respect, Truth ստեղծագործության վերամշակած տարբերակն է։ Չգիտեմ ով ումից է վերցրել ու վերամշակել, բայց ալբոմի տարբերակը ահա այսպես է հնչում։ Կարծեմ հենց քո սիրած մասից էլ սկսվում է ալբոմային տարբերակում ;)
Ես կարծում եմ, որ այնուհանդերձ դա Արտոյի գործն է, քանի որ դեռևս 1996-ին նա այդ գործը կատարել է Ջո Զավինուլի "Սինդիկատ" խմբի հետ միասին, "Իմ ժողովուրդ" ձայնասկավառակի համար 4 գործն է: Ճիշտ է, քիչ այլ կերպ է հնչում, բայց կասկած չկա, որ նույն գործն է /ես հենց նոր ստուգեցի/: Գործի անունը հայերեն կհնչի այսպես. "Պապիկ ջան, մի բաժակ թեյ կխմե՞ս…", և որպես հեղինակ էլ նշված է Արտոն:

Ասեմ, որ ես էլ եմ Արտոյին հարգում ու շատ գնահատում որպես հետաքրքիր, յուրօրինակ ու տաղանդավոր երաժիշտ: Բայց մի բան ինձ տխրեցրեց: Հենց նոր նայեցի նրա հետ հարցազրույցը, Մոսկվայում տված համերգի նախօրյակին: Բավական երկար հացազրույց էր, երևի մոտ մի ժամ: Ընդ որում, կոնկրետ հարց էլ տվեցին, թե ինչպես է նա կայացել որպես երաժիշտ: Գիտեք, ես Արտոյի ամբողջ երաժշտությանն, իհարկե, ծանոթ չեմ: Բայց այն, ինչին ծանոթ եմ, դուրս գալիս է ոչ միայն այն պատճառով, որ այն գրավում է իր մեջ ազգային արմատներ կրելով. դա գործի մի մասն է: Իսկ երկրորդ ոչ պակաս կարևոր մասն է ինձ համար, որ ես նրանից Ջո Զավինուլի շունչ եմ առնում, - մի տեղ քիչ, մի տեղ՝ շատ: Այսինքն, այն լուրջ համոզմունքն ունեմ, որ Արտոն իր վրա է կրում Զավինուլի մեծ ազդեցությունը: Եվ նույնիսկ իր այդ "Արտոստանի" լեզուն, կարծում եմ, նա ընդօրինակել է Զավինուլից: Սա ասում եմ, ելնելով նրանից, որ առաջին անգամ Արտոյին լսել եմ նշածս "My People" ձայնասկավառակի վրա, որտեղ ինքը, Զավինուլն էլ երգում է "արտոստաներեն", իր "Waraya" գործը: Ես ուրախությամբ կհամարեի, որ Զավինուլն է վերցրել Արտոյի լեզուն, բայց կա մի հանգամանք. 1995-ին, "My People"-ը թողարկելուց մեկ տարի առաջ, Զավինուլն արդեն կատարել է իր "Waraya" գործը "Live in Den Haag"-ում /թե ավելի շուտ, ասենք, "Wheater report" խմբի հետ Զավինուլը երգել է "արտոերեն", այս պահին չեմ հիշում, իսկ ստուգել, կներեք, ալարեցի/: Իսկ տեղեկություններ, որ Արտոն կապի մեջ է եղել Զավինուլի հետ մինչև 1996-ը, ես չգիտեմ՝ շնորհակալ կլինեի, եթե մեկը տեղեկացներ, ու ես հաճույքով կփոխեի կարծիքս: Ասածս այն է, որ Արտոն կարող էր Զավինուլին էլ հիշատակել իր որպես երաժիշտ կայանալու ճանապարհին: Համենայն դեպս, Զավինուլը չի մոռացել նշել, որ "Պապիկ ջան, մի բաժակ թեյ կխմե՞ս…"-ը Արտոյի գործն է:

Վիշապ
25.08.2013, 11:37
Ես այս մեղեդին տարվա մեջ մի քանի անգամ հիշում եմ, ու գտնում եմ ու մի տաս անգամ լսում եմ, նոր հանգստանում... Ինձ թվում է քչերն են լսել։


http://youtu.be/sG4zjZ-2-1U

Հ.Գ. Շատ հարազատ բան կա էս երգի մեջ...

Աթեիստ
25.08.2013, 14:55
Ամեն անգամ Արտոյի մասին լսելուց ու կարդալուց փորձում եմ հասկանամ, թե ինչ են մարդիկ նրա (ավելի ճիշտ նրա երաժշտության մեջ) գտել։ Երաժշտությունը չակերտների մեջ էի ուզում գրեմ, բայց էնքան գովեցիք, սկսեցի կասկածել, որ այն երևի, այնուամենայնիվ, կա։ Բառերից ընդհանրապես չեմ խոսում, որտև եթե ամբողջ երգից 3 բառ հասկացա, արդեն լավ ա։
Ժամանակից սաղ ալիքներով իրա «Արարար» երգն էին դնում, որը ես իր պրիմիտիվությամբ նմանացնում էի Յորգանցի «ճկույթիկին» ու չէի հասկանում, թե մի՞թե մենակ «Արարատ» բառի համար կարա էդ մանկական երգը տենց ընդունվի։

Կարճ ասած, էս էն դեպքերից ա, որ իմ մոտ երգ բառի հետ հեչ չի ասոցացվում։ Ոչ երաժշտությունն եմ հասկանում, ոչ, կարծես թե հայերեն ասված, բառերը։

Hda
25.08.2013, 16:02
Ամեն անգամ Արտոյի մասին լսելուց ու կարդալուց փորձում եմ հասկանամ, թե ինչ են մարդիկ նրա (ավելի ճիշտ նրա երաժշտության մեջ) գտել։ Երաժշտությունը չակերտների մեջ էի ուզում գրեմ, բայց էնքան գովեցիք, սկսեցի կասկածել, որ այն երևի, այնուամենայնիվ, կա։ Բառերից ընդհանրապես չեմ խոսում, որտև եթե ամբողջ երգից 3 բառ հասկացա, արդեն լավ ա։
Ժամանակից սաղ ալիքներով իրա «Արարար» երգն էին դնում, որը ես իր պրիմիտիվությամբ նմանացնում էի Յորգանցի «ճկույթիկին» ու չէի հասկանում, թե մի՞թե մենակ «Արարատ» բառի համար կարա էդ մանկական երգը տենց ընդունվի։

Կարճ ասած, էս էն դեպքերից ա, որ իմ մոտ երգ բառի հետ հեչ չի ասոցացվում։ Ոչ երաժշտությունն եմ հասկանում, ոչ, կարծես թե հայերեն ասված, բառերը։

Աթեիստ ջան, դուխդ տեղը պահի: Ավելի շատ մարդիկ էլ էտ քո կոմպուտեր-մոմպուտերից չեն հասկանում, բայց հո դա չի նշանակում որ դա չկա. կամ ճիշտ չի: «Արարատ»-ն ու «ճկույթիկ»-ը սարեր ձորերի տարբերություն ա: Օտարալեզու էնքաաաան երգեր կա, որ ոչ մի բառ էլ չենք հասկանում՝ նենց որ էտ էլ կապ չունի: Արտոի ամենամեծ պլյուսը՝ իրա յուրահատկությունն է: Երկրորդ նմամանատիպ չգիտեմ: Անձամբ չեմ ճանաչում, բայց հարցազրույցներից էլ ամեն անգամ մի միտք բացահայտում եմ իմ համար: Մի խոսքով, ինքը լավն ա....
հ.գ.
ինչպես դու, այնպես էլ ես արտահայտել ենք մեր անձնական կարծիքները
Վերջին հաշվով, նույնիսկ քո այդպիսի ընկալմամբ, համոզված եմ, որ հազարապատիկ կգերադասես Սոֆի-մոֆիներից և այլն.....
Երաժշտության գիտակի տեղ չեմ դնում ինձ, բայց ակնհայտ է , որ Արտոն <<այլանդակ>> սլուխ ունի, ինչն էլ ամենակարևորն է երաժշտի համար:
Նույն նմանօրիակով, եթե մեկը ասի որ Շառլը լավ ձայն ունի ուեմն ինքն էլ ա հեռու երաժշտությունից: Որպես բանաստեղծ ու երգերի հեղինակ էլի հազար անգամ ավելի առաջ է, քան կատարող: Երկուսին էլ շատ սիրում եմ ու ինչ որ տեղ նմանացնում:

Աթեիստ
25.08.2013, 16:32
Լրիվ համաձայն եմ, դրա համար էլ, երբեք չեմ օգտագործի «չկա», կամ «ճիշտ չի» արտահայտությունները։ Սաղ գրածս էլ իմ ընկալմանն էր վերաբերում։ Բայց իմ համար աննորմալ ա, որ անգլերեն երգի բառերն ավելի լավ պտի հասկանամ, քան թե հայերենինը (նույնը վերաբերում ա Սայաթ-Նովայի երգերին)։ Անտաղանդ Սոսոն ռուսերեն ավելի լավ ա երգում, քան թե Արտոն հայերեն։ Նույնիսկ Սոնա Շահգլեդյանի ռուսերենն ա ավելի հեշտ հասկացվում ։)
Սլուխի մասին բան չեմ կարա ասեմ, բայց որ յուրահատուկ ա, էդ ընդունում եմ, պարզապես տենց էլի յուրահատուկներ կան, որ էնքան յուրահատուկ են, որ սկի երգիչ էլ չեն, յուրահատկության հաշվին «երգում են« (յուրահատուկ Մաիսեևը քեզ օրինակ ։) )։
Արմենչիկը հիվանդագինի աստիճան ռաբիզ ա, բայց ակնհայտ ա, որ շատ լավ ձեն ունի։ Արտոյի ոչ ձենն եմ տեսնում, ոչ երգերը որպես երգ ընկալում։

Ուլուանա
25.08.2013, 16:40
Լրիվ համաձայն եմ, դրա համար էլ, երբեք չեմ օգտագործի «չկա», կամ «ճիշտ չի» արտահայտությունները։ Սաղ գրածս էլ իմ ընկալմանն էր վերաբերում։ Բայց իմ համար աննորմալ ա, որ անգլերեն երգի բառերն ավելի լավ պտի հասկանամ, քան թե հայերենինը (նույնը վերաբերում ա Սայաթ-Նովայի երգերին)։ Անտաղանդ Սոսոն ռուսերեն ավելի լավ ա երգում, քան թե Արտոն հայերեն։ Նույնիսկ Սոնա Շահգլեդյանի ռուսերենն ա ավելի հեշտ հասկացվում ։)
Սլուխի մասին բան չեմ կարա ասեմ, բայց որ յուրահատուկ ա, էդ ընդունում եմ, պարզապես տենց էլի յուրահատուկներ կան, որ էնքան յուրահատուկ են, որ սկի երգիչ էլ չեն, յուրահատկության հաշվին «երգում են« (յուրահատուկ Մաիսեևը քեզ օրինակ ։) )։
Արմենչիկը հիվանդագինի աստիճան ռաբիզ ա, բայց ակնհայտ ա, որ շատ լավ ձեն ունի։ Արտոյի ոչ ձենն եմ տեսնում, ոչ երգերը որպես երգ ընկալում։
Ձայն չունի, բայց, իմ կարծիքով, իր յուրահատուկ ոճի շնորհիվ դա լրիվ կոնպենսացնում ա :)։ Ինքը ուղղակի լրիվ ուրիշ կողմից ա մոտենում երաժշտությանը, լրիվ այլ կերպ ա «խաղում» հնչյունների հետ, քան մյուս երաժիշտներն ու երգիչները։ Բայց էստեղ պետք ա նկատել, որ եթե զուտ յուրօրինակությունը լիներ, էլի էնքան արժեք չէր ունենա, արժեքը նաև որոշակի «թրթիռներ» բռնելու տաղանդի մեջ ա :)։ Չգիտեմ՝ ոնց բացատրեմ, բայց մի տեսակ շատ դիպուկ ա «խփում» էնտեղ, որտեղ պետք ա, էլի :))։ Բայց դե հասկանում եմ, որ կարող ա ոչ բոլորի ճաշակով լինի։

Աթեիստ
25.08.2013, 16:52
Ձայն չունի, բայց, իմ կարծիքով, իր յուրահատուկ ոճի շնորհիվ դա լրիվ կոնպենսացնում ա :)։ Ինքը ուղղակի լրիվ ուրիշ կողմից ա մոտենում երաժշտությանը, լրիվ այլ կերպ ա «խաղում» հնչյունների հետ, քան մյուս երաժիշտներն ու երգիչները։ Բայց էստեղ պետք ա նկատել, որ եթե զուտ յուրօրինակությունը լիներ, էլի էնքան արժեք չէր ունենա, արժեքը նաև որոշակի «թրթիռներ» բռնելու տաղանդի մեջ ա :)։ Չգիտեմ՝ ոնց բացատրեմ, բայց մի տեսակ շատ դիպուկ ա «խփում» էնտեղ, որտեղ պետք ա, էլի :))։ Բայց դե հասկանում եմ, որ կարող ա ոչ բոլորի ճաշակով լինի։


Կամ էլ, ոչ բոլորն ունեն էդ տեղը :)
Ես որ լսելուց ներվայնանում եմ հենց են փաստից, որ բան չեմ հասկանում։ Ինչ որ անկապ լեզվով բան լսելուց չես էլ փորձում հասկանալ բառերը, բսյց ստեղ, որ փորձում ես ու չես կարողանում, երաժշտությունը գնում ա 2-րդ պլան, 1-ինում մնում ես ներվայնացած դու (այսինքն ես :) )։

Ուլուանա
25.08.2013, 17:06
Կամ էլ, ոչ բոլորն ունեն էդ տեղը :)
Ես որ լսելուց ներվայնանում եմ հենց են փաստից, որ բան չեմ հասկանում։ Ինչ որ անկապ լեզվով բան լսելուց չես էլ փորձում հասկանալ բառերը, բսյց ստեղ, որ փորձում ես ու չես կարողանում, երաժշտությունը գնում ա 2-րդ պլան, 1-ինում մնում ես ներվայնացած դու (այսինքն ես :) )։
:D Ես, ճիշտն ասած, իրա երգերի բառերը չեմ էլ փորձում հասկանալ, մի տեսակ կարիքը չեմ զգում, ինձ երաժշտությունը կամ, եթե կուզես, հնչյունների հետ խաղերը լրիվ բավարարում են տվյալ դեպքում, էդքանը հերիքում ա նշանակետին խփելու համար։ Բառերը հիմնականում շատ պրիմիտիվ են, բայց, էլի եմ ասում, դա էլ ա կոմպենսացվում իրա մոտ :))։

Sambitbaba
25.08.2013, 18:51
Ես մի բան կավելացնեի ասածիդ, Ուլուանա ջան: Չեմ կարծում, թե Արտոն չկարողանա երգել նորմալ-հայերենով: Բայց այդպես նա հասկանալի կլիներ միայն հայերին: Իսկ արտոերեն-հայերենը հասկանալի է բոլոր ազգությունների մեջ նրանց, ովքեր ունեն իրենց մեջ Աթեիստի ասած "էն տեղը":

Եվ այնուհանդերձ, ինձ թվում է, այնքան էլ ճիշտ չէ Արտոյի երաժշտությանը նայել որպես ազգային երաժշտություն: Հաստատ չեմ կարող ասել, բայց կասկածում եմ, որ Աթեիստի վերաբերմունքը Արտոյի երաժշտությանը հենց դրանով է պայմանավորված:

Արտոյի ոճին ես "Համաազգային Ջազ" անունը կտայի: Եվ չեմ կարող կրկին չհիշեցնել ձեզ այդ "ոճի" արքա Ջո Զավինուլին...

Վիշապ
25.08.2013, 20:00
Երաժշտությունը ինձ համար առաջին հերթին մեղեդի է: «Լավ երաժշտության» մեջ մեղեդին անհամեմատ ավելի շատ բան է «ասում» քան բառերը: Ոնց որ ասեք` մարդ բան չի հասկանում Բախի սիմֆոնիաներից, ոչ մի բառ չկա մեջը:
Արտոյի երաժշտությունը հնչյուններ են, իր ձայնն էլ այդ երաժշտության մասն է կազմում՝ ոչ թե խոսքերի, այլ ավելի ավելի շատ հնչյունների տեսքով: Անշնորհակալ գործ կլինի սկսել վերլուծել նրա հայերենը, կամ փորձել հասկանալ ինչ խոսքեր է ասում, և արդյո՞ք գրագետ նախադասություններ է օգտագործում: …Ճ Նրա ոճը յուրահատուկ է, էքպերիմենտալ մինիմալիզմի ու «նյու էյչ»-ի ինչ-որ խառնուրդ կարելի է համարել: Ոչ բոլորն են մինիմալիզմ սիրում, ինչպես ասենք շատերին պրոգրեսիվ երաժշտությունը միապաղաղ ու ձանձրալի բան է թվում:
Եթե ձեզ համար երաժշտության մեջ խոսքերը շատ կարևոր են, ապա ռեփ լսեք: ;)

Ուլուանա
25.08.2013, 20:14
Արտոյի երաժշտությունը հնչյուններ են, իր ձայնն էլ այդ երաժշտության մասն է կազմում՝ ոչ թե խոսքերի, այլ ավելի ավելի շատ հնչյունների տեսքով:
Լրիվ համաձայն եմ։ Դիպուկ բնորոշում է։

Աթեիստ
25.08.2013, 20:29
Երաժշտությունը ինձ համար առաջին հերթին մեղեդի է: «Լավ երաժշտության» մեջ մեղեդին անհամեմատ ավելի շատ բան է «ասում» քան բառերը: Ոնց որ ասեք` մարդ բան չի հասկանում Բախի սիմֆոնիաներից, ոչ մի բառ չկա մեջը:
Արտոյի երաժշտությունը հնչյուններ են, իր ձայնն էլ այդ երաժշտության մասն է կազմում՝ ոչ թե խոսքերի, այլ ավելի ավելի շատ հնչյունների տեսքով: Անշնորհակալ գործ կլինի սկսել վերլուծել նրա հայերենը, կամ փորձել հասկանալ ինչ խոսքեր է ասում, և արդյո՞ք գրագետ նախադասություններ է օգտագործում: …Ճ Նրա ոճը յուրահատուկ է, էքպերիմենտալ մինիմալիզմի ու «նյու էյչ»-ի ինչ-որ խառնուրդ կարելի է համարել: Ոչ բոլորն են մինիմալիզմ սիրում, ինչպես ասենք շատերին պրոգրեսիվ երաժշտությունը միապաղաղ ու ձանձրալի բան է թվում:
Եթե ձեզ համար երաժշտության մեջ խոսքերը շատ կարևոր են, ապա ռեփ լսեք: ;)

Կներես, բայց էս վերջի նախադասությանդ մեջ էնքան իմաստ կար, ինչքան Գալուստ Սահակյանի նախադասությունների ։)
Ակնհայտ ա, որ երաժշտության մեջ բառ փնտրելն աբսուրդ ա, բայց թեմայում քննարկվում ա ոչ միայն երաժշտություն, այլ նաև ԵՐԳԸ։ Իսկ բառերը երգի բաղադրիչ մասն են։
Երբ ես առաջին անգամ լսեցի Արտոյին, երգ չկար, կային ինչ որ ձայնարկություններ։ Լսվում էր, որպես նորություն (լուրջ երաժշտության տպավորություն չթողեց)։ Բայց նա չբավարարվեց դրանով, նա փորձեց երգել, այսինքն այդ երաժշտության տակ փորձեց ինչ որ բառեր արտասանել, եթե դրանք պետք է իմաստ չարտահայտեն, ավելի լավ չի՞ լռել, քան նման բառերը «արտասանելը»։ Մանավանդ, որ, ինչպես ցույց են տալիս էս քննարկումները, նրա «բառերը» ոչ մեկի համար գրոշի արժեք չունեն։

Վիշապ
25.08.2013, 21:15
Կներես, բայց էս վերջի նախադասությանդ մեջ էնքան իմաստ կար, ինչքան Գալուստ Սահակյանի նախադասությունների ։)
Ակնհայտ ա, որ երաժշտության մեջ բառ փնտրելն աբսուրդ ա, բայց թեմայում քննարկվում ա ոչ միայն երաժշտություն, այլ նաև ԵՐԳԸ։ Իսկ բառերը երգի բաղադրիչ մասն են։
Երբ ես առաջին անգամ լսեցի Արտոյին, երգ չկար, կային ինչ որ ձայնարկություններ։ Լսվում էր, որպես նորություն (լուրջ երաժշտության տպավորություն չթողեց)։ Բայց նա չբավարարվեց դրանով, նա փորձեց երգել, այսինքն այդ երաժշտության տակ փորձեց ինչ որ բառեր արտասանել, եթե դրանք պետք է իմաստ չարտահայտեն, ավելի լավ չի՞ լռել, քան նման բառերը «արտասանելը»։ Մանավանդ, որ, ինչպես ցույց են տալիս էս քննարկումները, նրա «բառերը» ոչ մեկի համար գրոշի արժեք չունեն։

Աթեիստ, վերջին նախադասությունը կատակ էր, իրա սմայլիկով ու հեգնանքով …Ճ
Դու մոտավորապես ասում ես, որ եթե մարդը ձայն է հանում, ձայնը բառերի է նման, բայց բառերը բանի պետք չեն ուրեմն ավելի լավ է լռել: Իսկ եթե «պարամ-պամ-պամ» ասեր, կարող է՞ր երգել…
Եթե դու փորձես երաժշտության մեջ տրամաբանություն «խաղացնել», ապա կնշանակի որ քեզ համար երաժշտությունը դա մաթեմատիկա է: Այդ դեպքում խորհուրդ կտամ՝ Boards of Canada - Music Is Math (http://youtu.be/F7bKe_Zgk4o)

Ինձ թվում է այն մարդիկ, որ երաժշտության մասին դատում են երգի բառերով, ապա այդ մարդիկ բառերը ֆիլտրում են երաժշտությունից, ու երաժշտությունը «delete» են անում որպես անկարևոր ինֆորմացիա:

Աթեիստ
25.08.2013, 21:30
Վիշատ ջան, էլի ես խոսում եմերգերից, դու երաժշությունից։
Երաժշտության մեջ անիսատ է խոսել բառերից, այնտեղ դրանք ՉԿԱՆ։ Ճիշտ այդպես ասմունքում չկա երաժշտություն, եթե ֆոնում ինչ որ բան էլ միացնում են, դա ամենեվին չեն կապում կոնկրետ ստեղծագործության հետ։
Իսկ երգն ունի երկու բաղադրիչ, ու դրանցից ինչ որ մեկին ավելի շատ տեղ տալ քանի մյուսին, ըստ իս, սխալ ա։
Ասենք Ջեքսոնի Little Susie երգը առանց բառերի իր եֆեկտի կեսն էլ չէր ունենա։ Հիմա եթե համարում ենք որ Արտոն երգում ա, ուրեմն պետք ա համարենք որ դրանցում կան բառեր։
Արդեն շատերը նշեցին, որ իրա մոտ կարևորը երաժշտությունն ա, ու ես էլ հիշեցի որ սկզբում ինքը տենց էլ անում էր, բերանից արձակված ձայները հենց երաժշտության մաս էին, մինչև այն պահը երբ դրանք դարձան կոնկրետ լեզվով կոնկրետ (ու անհասկանալի) բառեր։

Հ.Գ.
Մի խնդրանք. եթե խոսում ես երգերից, մի օգտագործիր «երաժշտություն» տերմինը, դա քո ասած ֆիլտրված երգն ա։

Վիշապ
25.08.2013, 21:33
Վիշատ ջան, էլի ես խոսում եմերգերից, դու երաժշությունից։
Երաժշտության մեջ անիսատ է խոսել բառերից, այնտեղ դրանք ՉԿԱՆ։ Ճիշտ այդպես ասմունքում չկա երաժշտություն, եթե ֆոնում ինչ որ բան էլ միացնում են, դա ամենեվին չեն կապում կոնկրետ ստեղծագործության հետ։
Իսկ երգն ունի երկու բաղադրիչ, ու դրանցից ինչ որ մեկին ավելի շատ տեղ տալ քանի մյուսին, ըստ իս, սխալ ա։
Ասենք Ջեքսոնի Little Susie երգը առանց բառերի իր եֆեկտի կեսն էլ չէր ունենա։ Հիմա եթե համարում ենք որ Արտոն երգում ա, ուրեմն պետք ա համարենք որ դրանցում կան բառեր։
Արդեն շատերը նշեցին, որ իրա մոտ կարևորը երաժշտությունն ա, ու ես էլ հիշեցի որ սկզբում ինքը տենց էլ անում էր, բերանից արձակված ձայները հենց երաժշտության մաս էին, մինչև այն պահը երբ դրանք դարձան կոնկրետ լեզվով կոնկրետ (ու անհասկանալի) բառեր։

Հ.Գ.
Մի խնդրանք. եթե խոսում ես երգերից, մի օգտագործիր «երաժշտություն» տերմինը, դա քո ասած ֆիլտրված երգն ա։

Աթեիստ, եթե դու Արտո իսկապես լսել ես, ապա Արտո Թունջբոյաջյանը երաժիշտ ա, երգիչ չի:

Աթեիստ
25.08.2013, 21:36
«Արարատ»-ը ե՞րգ ա, թե՞ երաժշտություն։ Դրանում հնչող «Արարատ»-ը բա՞ռ ա, թե՞ անիմաստ ձայնարկություն։

Եթե «իսկապես լսել» ասելով ի նկատի ունես, ընկալել, հասկանալ, ապա առաջին իսկ գրառմանս մեջ տվել եմ դրա պատասխանը։

Վիշապ
25.08.2013, 21:56
«Արարատ»-ը ե՞րգ ա, թե՞ երաժշտություն։ Դրանում հնչող «Արարատ»-ը բա՞ռ ա, թե՞ անիմաստ ձայնարկություն։

Եթե «իսկապես լսել» ասելով ի նկատի ունես, ընկալել, հասկանալ, ապա առաջին իսկ գրառմանս մեջ տվել եմ դրա պատասխանը։

Լավ, համոզեցիր: Արտոն երգեր ունի, բայց այդ երգերը (մասնավորապես «Արարատը») իմ կարծիքով էլ երևելի չեն ու ես այդ երգերը չեմ լսում ոչ թե նրա համար, որ բառերը բանի պետք չեն, այլ երաժշտության համար…Ճ
Ինձ համար երգն ու երաժշտությունը համարյա նույնն են, ես գրեթե բառերի իմաստներին ուշադրություն չեմ դարձնում::8
Ինձ համար Արտոն երաժիշտ է, ու ճիշտն ասած մի քանի ընգծված ստեղծագործություն կա որ ես կարող եմ երկարատև լսել, որոնցից մեկը իմ տեղադրածն է:
Ուղղակի դու բուռն սկսեցիր քննադատել, ես էլ մի քիչ բուռն հակադարձեցի, ներող :))

Աթեիստ
25.08.2013, 22:04
Քննադատելու մաին խոսք չկա, որտև ես չեմ ասում ինքը վատն ա, ես ասում եմ, որ ես ոչ ձայնն եմ լսում, ոչ բառերը կամ երաժշտությունը հասկանում։ Բայց այս ամենը վերաբերում ա ինձ, ոչ թե Արտոյին, քանի դեռ ես փոքրամասնություն եմ։

Ակումբում մարդ կա՞, որ էդ «Արարատ»-ը հավանում ա։ Երկու բառով բացատրեք, թե դա ինչով ա առավել «ճկույթիկ»-ից։ Իմ համար երկուսինն էլ մանկական մոտիվներ են, բայց ճկույթիկի բառերը լավ հասկացվում են, երեխաները կարում են երգեն, Արարատը ոչ մեկ չի հասկանում, որ մի հատ էլ փորձի երգի։

Hda
25.08.2013, 22:17
Լեզվի մասնագետ էլ չեմ, բայց…
-ռուսերենում, գոնե ներկայումս օգտագործվող, բառբառները կամ էտքան շատ չեն, կամ էլ էտքան իրարից չեն տարբերվում ինչքան հայերենում: Նույնիսկ պաշտոնապես ունենք արևելյան ու արևմտյան լեզու: Բառբարներն էլ չհաշվենք… Համշենահայերի խոսալը որ լսես հաստատ ավելի քիչ բան կհասկանաս:
Աթեիստ ջան հաշվի առ, որ Արտոն նաև լեզվական խնդիրներ ունի ու ավելի ներողամիտ եղիր: Երգի դեպքում լրիվ համաձայն եմ, բոլոր երեք ֆակտորներն էլ կարևոր են
-երաժշտություն
-կատարում
-բառեր
իմ համար այս հերթականությամբ: Արևմտահայրենին երևի հարազատ չես…Բավականին դիպուկ բառեր կան, որ տվյալ պարագայում համով համարժեքով փոխարինել չի լինի: Մի ծանոթ ունեի Թուրքիայից, ինչ զուգադիպություն իրա անունն էլ էր Արտո, ազգանունը ճակատագրի բերումով Յանար: Ֆրանսիայում էինք, իրա շրջապատն էլ հայստանցիներ էին ու շատ դժվարությամբ էր շփվում հետները: Մի անգամ դիմեց ինձ
-երփ թուն կխոսիս ամեն փան կհասկընամ, ուրիշներուն խոսած են տակավին մեկ երկու փառ:
Ես էլ
-ես ցեր հայերենով կխոսիմ ադոր համար:
Դրանից հետո ինչքան հանդիպում էինք, խնդրում էր հատուկ հայաստանյան հայերենով խոսեմ որ վարժվի: Ես էլ կատակով
-կեցիր հայաստանյանեն ետքը ռուսերենին պիտ անցնինք:
Ես էլ առիրթը չեի կորցնում քչից-շատից իմացածս թուրքերեն լավացնելու: Երկու ամիս հետո ինքն ինձ դիմում էր երևանյան զըռ հայերենով, ես էլ պատասխանում էի թուրքերեն, իսկ իրականում :D երկուսս էլ հաճախում էինք ֆրանսերենի կատարելագործման դասընթացներին: Առիթը եղավ մի բան էլ ասեմ: Դասընթացներին մասնակցում էինք- 2 իտալացի, 2 գերմանացի, 1 ամերիկացի, 2 կոլումբացի, 3 ճապոնացի, ես ու Արտոն: Ամենա առաջին օրը մտնում եմ լսարան: Վերջինն եմ: Բոլոր նստարաններին արդեն մեկական հոգի նստած են: Բոլորն էլ իրար անծանոթ…Էտքանի մեջ գնում նստում եմ հենց հայի (Արտոն էլ միայն լեգենդներում լսված հայի տեսքով-շեկ մազեր, կապույտ աչքեր) կողքը: Էն էլ ասեմ- ճապոնացիներից մեկ նագռուզկին չդիմացավ ու 3-րդ դասից էլ չերևաց, պարզվեց ճապոնացիների համար բավականին բարդ է ֆրանսերենը շարահյուսական կառուցվածքի առումով: Շատ ընդարձակվեցի… վերջացնեմ:
Լեզուն սովորելու համար ինձ ժամանակին խորհուրդ էին տվել երգեր շատ լսել ու իրոք արդարացնում է, ամեն դեպքում բառերը ավելի պարզ են լսվում…Էն պուլիմյոտի նման ռեփերը նկատի չունեմ:
Աթեիստ ջան, էն Սոսո-Սոնա ռուսերեն համեմատության մոմենտով էլ էլի իմ նկատառումն ասեն- դրանց բառերը էնքան էլեմենտար են, որ մի բառից հետո գիտես ինչն ա հաջորդելու ու կարաս ընդհանրապես չլսես և ավտոմատ հասկանալու խնդիր էլ չի առաջացնում: Բավականին մեծ պատվի իրենց արժանացրիր Արտոի հետ համեմատելով: Սայաթ-Նովայի պահով լրիվ կողմ եմ:

Աթեիստ
25.08.2013, 23:17
Hda ջան, նոր զգացի, որ իմ համար էլ կատարողականն ավելի կարևոր ա քան թե երգի բառերը (իմաստը)։ Ու կատարողական ասելով ես հասկանում եմ էդ բառերի երգելու ձևը, արտահայտած էմոցիաները։ Օրինակ՝ Պրեսնյակովը մի երգ ունի՝ Обмани меня, նենց ա երգում պահի տեկ թվում ա, թե լացում ա։ Հա համադրելով երգի անվան հետ, ես արդեն իմ համար հորինում եմ իմաստ (չնայած իրանը լրիվ պարզ հասկացվում ա)։ Նույն կերպ Էմմա Պետրոսյանը մի «Օրորոցային» երգ ունի, մեջը ընդհանրապես բառեր չկան, մենակ ձայնարկություններ են, բայց դրանք բառերի նման են արտասանվում ու, էլի վերնագրի հետ միասին, դառնում են երգ, ոչ թե երաժշտություն։ Մի վառ օրինակ էլ Նինո Կատամաձեի Օլեի երգն ա։
Երբ որ ես Ջեքսոն եմ լսում, բառերի մեծ մասը սկի չեմ էլ հասկանում, բայց ա) գիտեմ երգի անունը (ենթադրում եմ իմաստը, բ) լսում եմ, թե ՈՆՑ ա ինքը երգում, ու արդյունքում ես իմ համար ունեմ լավ երգ։
Կռուտոյն էլ մի երաժշտություն ունի (http://www.youtube.com/watch?v=KLM6BBzNWlE) (когда я закрываю глаза), որում պահեր կան, որտեղ բացահայտ լսում ես «When I close my eyes»: Դա իմ համար երգ ա, ոչ թե պարզապես երաժշտություն։

Էլի հետ գանք մեր «հավերին». էսքան գրածս դեռ ոչ մի անգամ չեմ զգացել Արտոյի, շատ քիչ լսածս, գործերում։

Ուլուանա
25.08.2013, 23:24
Hda ջան, նոր զգացի, որ իմ համար էլ կատարողականն ավելի կարևոր ա քան թե երգի բառերը (իմաստը)։ Ու կատարողական ասելով ես հասկանում եմ էդ բառերի երգելու ձևը, արտահայտած էմոցիաները։ Օրինակ՝ Պրեսնյակովը մի երգ ունի՝ Обмани меня, նենց ա երգում պահի տեկ թվում ա, թե լացում ա։ Հա համադրելով երգի անվան հետ, ես արդեն իմ համար հորինում եմ իմաստ (չնայած իրանը լրիվ պարզ հասկացվում ա)։ Նույն կերպ Էմմա Պետրոսյանը մի «Օրորոցային» երգ ունի, մեջը ընդհանրապես բառեր չկան, մենակ ձայնարկություններ են, բայց դրանք բառերի նման են արտասանվում ու, էլի վերնագրի հետ միասին, դառնում են երգ, ոչ թե երաժշտություն։ Մի վառ օրինակ էլ Նինո Կատամաձեի Օլեի երգն ա։
Երբ որ ես Ջեքսոն եմ լսում, բառերի մեծ մասը սկի չեմ էլ հասկանում, բայց ա) գիտեմ երգի անունը (ենթադրում եմ իմաստը, բ) լսում եմ, թե ՈՆՑ ա ինքը երգում, ու արդյունքում ես իմ համար ունեմ լավ երգ։
Կռուտոյն էլ մի երաժշտություն ունի (http://www.youtube.com/watch?v=KLM6BBzNWlE) (когда я закрываю глаза), որում պահեր կան, որտեղ բացահայտ լսում ես «When I close my eyes»: Դա իմ համար երգ ա, ոչ թե պարզապես երաժշտություն։

Էլի հետ գանք մեր «հավերին». էսքան գրածս դեռ ոչ մի անգամ չեմ զգացել Արտոյի, շատ քիչ լսածս, գործերում։
Դե ուրեմն երևի էդ ուղղակի քոնը չի, էդքան բան։ Որովհետև ես էլ էդ նշածներդ շատ լավ զգում եմ Արտոյի գործերում։ Էստեղ ճիշտ ու սխալի հարց չկա, իմ կարծիքով, հետևաբար վիճելն էլ իմաստ չունի։ Ես էլ, օրինակ, ջազ չեմ հասկանում, չի գրավում ինձ (որոշ բացառություններ չհաշված), բայց համարում եմ, որ կամ ուղղակի իմը չի, կամ էլ ինձ դեռ հասու չի, չգիտեմ, մի օր գուցե հասկանամ ու սիրեմ, ի՞նչ իմանաս։

Hda
25.08.2013, 23:49
Դե ուրեմն երևի էդ ուղղակի քոնը չի, էդքան բան։ Որովհետև ես էլ էդ նշածներդ շատ լավ զգում եմ Արտոյի գործերում։ Էստեղ ճիշտ ու սխալի հարց չկա, իմ կարծիքով, հետևաբար վիճելն էլ իմաստ չունի։ Ես էլ, օրինակ, ջազ չեմ հասկանում, չի գրավում ինձ (որոշ բացառություններ չհաշված), բայց համարում եմ, որ կամ ուղղակի իմը չի, կամ էլ ինձ դեռ հասու չի, չգիտեմ, մի օր գուցե հասկանամ ու սիրեմ, ի՞նչ իմանաս։
Չենք վիճում:
Մի կարևոր մոմենտ էլ կա -երբ ես լսում: Ամեն դեպքում կարծում եմ հակատրամադրվել չարժի: Պետք ա պարզապես լսել երբ ականջովդ ա ընկնում: Դուրդ կգա՝ հաջորդ անգամ կողքով չես անցնի: Շատ դուրդ կգա՝ կփնտրես:Դուրդ չի գա՝ կողքով կանցնես: Վերջին հաշվով մենք, որպես մասսայական սպառողներ, լսում ենք հաճույք ստանալու համար ու այստեղ սրտի ձայնը իրենը ասում է: Պողոսի համար Հայկուշն է լավը, Պետրոսի համար՝ Վարդուշը (ներող անունների պատահական համընկման դեպքում):

Hda
26.08.2013, 00:20
Ժամանակակից հայ դասականները
55917

կամ էլ
Անհաղթի ու Ուլնեցու խաչմերուկ դեպի լամբադա
Աջ կողմում Ա. Իսահակյան-Ձախում Արմենչիկ, էն մեեեծ ռեկլամներից: Ինչքան էլ բիզնես, բայց իրար կողք հեչ չէր նայվում: Մի բարի մարդ ֆոտոխցիկով էտ կողմը նկարեք խնդրում եմ:

Ակամա հիշում ես անեկտոդը
-ո՞վ է Չարենցը
-էն 1000 դրամանոցի վրի նկարը



Ջիվան Գասպարյանը երգել է Արտո Թունչբոյաջյանի հետ

այ սա լրիվ ընդունեցի

Jarre
27.08.2013, 05:44
Աթեիստ ջան, ես քո տեսակետը հասկանում եմ ճիշտ այնպես, ինչպես հասկանում եմ նաև մնացած տեսակետները որոնք ակումցիները հայտնել են այս թեմայում։

Ստեղ գիտե՞ս հիմնական հարցը որն է։ Իմ կարծիքով հարցն այն է, որ մենք տարբեր ձև ենք ընկալում այն երևույթը, որը այսօր անվանում ենք մի բառով ՝ «երաժշտություն»։ Բացատրեմ։

Եթե հավես ու ժամանակ ունենաս աչքի անցկացրու այս թեման. Կոնկրետ երաժշտություն / Musique concrète (http://www.akumb.am/showthread.php/62237-Կոնկրետ-երաժշտություն-Musique-concrète)։ Այս թեմայից ուզում եմ մեջբերել հետևյալ միտքը.


«Կոնկրետ երաժշտությունը» առաջին հերթին մտավիճակ է, մտածելակերպ, երաժշտությանը լրիվ այլ տեսանկյունից դիտում, այսօր սովորական դարձած կաղապարներից ու սահմաններից բավական հեռու գտնվող մոտեցում։ Վերջիվերջո ի՞նչ է երաժշտությունը։ Մարդ արարածին հատուկ է ամեն ինչ ընդհանրացնել և խեղաթյուրել։ «Երաժշտություն» հասկացությունն էլ այդ խեղաթյուրումների և ընդհանրացումների միլիոնավոր օրինակներից ընդամենը մեկն է։.....

Կարճ ու կոնկրետ ասած «երաժշտություն» արտահայտությունը մենք կիրառում ենք բնորոշելու համար ձայների փունջը։ Իսկ «երաժիշտ» կոչում ենք նրան ով արտաբերում, ստեղծում, հավաքում..... է այդ ձայները։ Հետևաբար ցանկացած բան ինչ ձայն է հանում կարելի է դիտել որպես պոտենցիալ «երաժշտական» գործիք։ Ցանկացած ձայնի աղբյուր արդարացիորեն համարվում է ձայնային գործիք։ Իսկ ձայները համախմբողը՝ երաժիշտ։

Կոնկրետ երաժշտության սկզբունքներից մեկն է. սպանել մեղեդին։ Էնտեղ ամեն ինչ կա բացի մեղեդիից։ Լիքը ձայներ կան։ Օրինակ՝ սեղանին ափսեներ դնելու ձայն, ուտելու ձայն, գնացքի ձայն, մեքենայի ձայն, բղկալու ձայն, ծիծաղ, լաց.... Ու դա կոչվում է երաժշտություն։

Իմ կարծիքով Արտո Թունջբոյաջյանը էքսպերիմենտներ է կատարում ձայների հետ։
Իրա պես մի երաժիշտ էլ կա Laurie Anderson

http://youtu.be/osHBA6YAHAo

Ոչ կոնկրետ երաժշտությունը, ոչ էլ Լորի Անդերսոնը Արտոյի հետ անմիջական կապ չունեն։ Բայց դրանք կարան օգնեն հասկանալ Արտոյի արվեստի ճյուղը։

Օրինակ եթե ինձ թողնեն, Աթեիստ ջան, ես ինձ ծանոթ ու իմ սիրելի բոլոր «երաժիշտներին» կտայի առանձին անուններ ու չէի մտցնի «երաժշտություն» բառի մեջ։ Նույն Ժառին, Փինք Ֆլոյդին, Արտոյին, Լորի Անդերսոնին։ Իրանք իմ համար ընդհանրապես երաժշտություն չեն։ Ժառը ուղղակի ձայների գիտնական ա իմ համար ու իրա բոլոր գործերը ձայնային փորձարկումներ են, ոչ ավել։ Ու կոնկրետ ինքը հենց «կոնկրետ երաժշտության» ծնունդ ա։ Փինք Ֆլոյդը իմ համար ավելի շատ փիլիսոփայական ուղղություն է, քան երաժշտություն։ Արտոն իմ համար էն մարդն ա ում հետ շփվելով՝ դա լինի երաժշտություն լսելով, իր համերգներին ներկա գտնվելով կամ մի այլ կերպ ինձ ուղղակի մտցնում ա իմ ներքին աշխարհ։ Իմ զգացմունքների, երազների, անցյալիս մեջ։ Ինքն էլ իմ համար երաժիշտ չի, իրա արածն էլ երաժշտություն չի։ Շատ ավելին ա։

Ու վերջիվերջո էս ամեն ինչը ճաշակի հարց է։ Մեկին դուր է գալիս, մեկը էնքան է սիրում, որ գժվում է, իսկ մյուսը ընդհանրապես իմաստը չի հասկանում։ Ու ես էլ էտ ձև եմ բազմաթիվ այլ երևույթների նկատմամբ։ Սպանի, մեկ ա չեմ հասկանա, թե ոնց ա ինչ որ մեկը լսում ինչ որ ոճ ու ոնց ա դա համարում երաժշտություն։

ars83
21.09.2013, 01:09
Բազմաթիվ անգամներ փորձել եմ լսել Արտոյի երգածները, որպեսզի գտնեմ որևէ հոգեհարազատ կամ արժեքավոր բան դրանց մեջ: Չկա: Գեթ մի նոտա չկա: Իմ ականջին նրա այսպես կոչված «արվեստը» հնչում է պարզապես որպես... ներողություն, վնգվնգոց: Հազար ներողություն:

Jarre
21.09.2013, 03:40
Բազմաթիվ անգամներ փորձել եմ լսել Արտոյի երգածները, որպեսզի գտնեմ որևէ հոգեհարազատ կամ արժեքավոր բան դրանց մեջ: Չկա: Գեթ մի նոտա չկա: Իմ ականջին նրա այսպես կոչված «արվեստը» հնչում է պարզապես որպես... ներողություն, վնգվնգոց: Հազար ներողություն:

Արս, ճաշակի հարց ա ոչ ավել։ Հիմա երաժշտական տասնյակ նման անհասկանալի, անընկալելի, «երաժշտության» հետ կարթես թե աղերս չունեցող ուղղություններ կան։ Ընկալման հարց է։ Ես Արտոյին լիովին ընկալում եմ, թեև նվագարկիչով իր ստեղագործություններից մաքսիմու հինգն եմ լսում։ Սիրում եմ իր համերգները կլուբերում։

Mephistopheles
21.09.2013, 04:13
http://youtu.be/bnPWGUQ-HaM

շատ լավն ա…

Alphaone
21.09.2013, 04:14
Իմ երաժշտական ճաշակն աննորմալություն է, դրա համար չքլնգեք, խնդրում եմ, բայց էս երգիչին ես չեմ սիրում ու չեմ ընդունում, բառերը՝ հայերենի ծանակ, եղանակը՝ նվնվոց...

Mephistopheles
21.09.2013, 04:20
Արտոն որ չի խոսում, մենակ ձեներ ա հանում, ավելի լավն ա…

Mephistopheles
21.09.2013, 04:24
http://youtu.be/vO2UFNkcfnw

Mephistopheles
21.09.2013, 04:35
http://youtu.be/AR5P0_YROpQ

Jarre
21.09.2013, 04:37
Ի դեպ, էս երգի հեղինակը Արա Դինգջյանն ու Արտոն են։ Իրանք ժամանակին միասին մի խմբում էին՝ Night Ark։ Ես հենց էս խմբից իմացա Արտոյին, երբ 1998թ.-ին համաշխարհային ջազ փառատոնի շրջանակներում գտնվում էին Հայաստանում։ Էնքան լավ եմ հիշում տպավորություններս էս խմբից։ Ու համերգից հետո 20դոլարով գնեցի իրանց դիսկերից մեկը։ Դե էն ժամանակ քսան դոլարը մի հատ դիսկի համար հետաքրքիր գումար էր համարվում։

Իսկ էս երգը էլ ով ասես չի երգել՝ էլ Էլեֆտերիա Արվանակին, էլ Ֆիլիպ Կիրկորովը, էլ Ալաբինան ու իրանց պես այլ փոփ երգիչներ։


http://youtu.be/2Tlb_qhh3R8

Jarre
21.09.2013, 04:38
Արտոն որ չի խոսում, մենակ ձեներ ա հանում, ավելի լավն ա…

Դե ինքը տենց էլ անում ա, էլի :D

Mephistopheles
21.09.2013, 04:38
Արտոյի թուրքերեն ու առարց բառերի երգերն ինձ դուր են գալիս… ավելի էմոցիոնալ ու արտահայտիչ ա քան բառերով… անգամ արարատի մեջ էն մի մոմենտը ավելի լավ ա լսվում քան ամբողջ երգը… արարատ երգը դեբիլություն ա…

Mephistopheles
21.09.2013, 04:40
Դե ինքը տենց էլ անում ա, էլի :D

արտոն 3 տարեկանի սպիչ ունի…

Jarre
21.09.2013, 04:52
Ի դեպ, Արտոն մասնակցել է Paul Winter (http://en.wikipedia.org/wiki/Paul_Winter)-ի Miho: Journey to the Mountain (http://en.wikipedia.org/wiki/Miho:_Journey_to_the_Mountain) պրոեկտին և 2011-ին ողջ թիմի հետ արժանացել Գրեմի մրցանակի։

Mephistopheles
21.09.2013, 04:59
Ի դեպ, Արտոն մասնակցել է Paul Winter (http://en.wikipedia.org/wiki/Paul_Winter)-ի Miho: Journey to the Mountain (http://en.wikipedia.org/wiki/Miho:_Journey_to_the_Mountain) պրոեկտին և 2011-ին ողջ թիմի հետ արժանացել Գրեմի մրցանակի։

Արտոն վատը չի… ես հավանում եմ, բայց ամեն բանը չի որ լավ ա… ինքը ֆոլկ ա ու վատ ֆոլկ չի… ոնց որ թե թուրքիայում ինքն ավելի լավն էր քան Հայաստանում…

Jarre
21.09.2013, 05:31
Արտոն վատը չի… ես հավանում եմ, բայց ամեն բանը չի որ լավ ա… ինքը ֆոլկ ա ու վատ ֆոլկ չի… ոնց որ թե թուրքիայում ինքն ավելի լավն էր քան Հայաստանում…
Վերջերս ստեղ թուրքական հեռուստատեսություն եկել էին նկարահանումների ու հենց իմացան ես հայ եմ միանգամից ասեցին օօօ, Արտո Թունջբոյաջյան։

Mephistopheles
21.09.2013, 05:33
Վերջերս ստեղ թուրքական հեռուստատեսություն եկել էին նկարահանումների ու հենց իմացան ես հայ եմ միանգամից ասեցին օօօ, Արտո Թունջբոյաջյան։

ասա Արամ Խաչատրյան… տա տա տա տա տա տա տա տարա տա տա տարա տա տա տարարարարարարամ, տիիիիրամ

Sambitbaba
21.09.2013, 08:40
Իմ երաժշտական ճաշակն աննորմալություն է, դրա համար չքլնգեք, խնդրում եմ, բայց էս երգիչին ես չեմ սիրում ու չեմ ընդունում, բառերը՝ հայերենի ծանակ, եղանակը՝ նվնվոց...

Ալֆա ջան, Ալ Դի Մեոլային գիտե՞ս: Ի՞նչ ես կարծում, նա քեզ հետ կհամաձյնվե՞ր…



http://www.youtube.com/watch?v=E-F0dAgqZnQ

Sambitbaba
21.09.2013, 09:03
Վերջապես գտա այն գործը, որն Արտոն Ջո Զավինուլի "Սինդիկատ" խմբի հետ է կատարել: Ցավոք, օրիգինալը չի, բայց և այնպես...


http://www.youtube.com/watch?v=17fTp6oZyZU


Դե, քանի որ "Սինդիկատից" խոսեցի, սա էլ "Սինդիկատն" ինքը, ևս մեկ նվնվոցով.


http://www.youtube.com/watch?v=GpSzwaGvyKE

erexa
30.06.2015, 00:39
Ինձ դուր չի գալիս, Արտո Թունջբոյաջյանը՝ որպես երաժիշտ: Ո´չ երգերն են ինձ դուր գալիս, ո´չ ձայնը, ո´չ ոճը, ո´չ մի բան: Ո´չ մի հարազատ բան, ես չեմ գտնում, իր երգերում: Ավելի շատ ներվայնանում եմ, քան հաճույք ստանում իրեն լսելուց: ;)