Համաներում [Պահոց] - «ԴԱՐ» Ակումբ

Chuk

10.06.2009, 18:56

Ինքնակոչ նախագահ Սերժ Սարգսյանը «Առաջին Հանրապետության» օրը հայտարարեց, որ պատրաստ է ՀԿ-ների և Հանրային խորհրդի կողմից առաջարկություններ լսել հնարավոր համաներման մասին ու եթե տեսնի, որ դրա հասարակական պահանջ կա, ապա համաներում կհայտարարի:

Որ սա զուտ քաղաքական ենթատեքստ հետապնդող քայլ է, այլ ոչ թե մարդկային կամք, մարդասիրություն, կարծում եմ, որ ակնհայտ է յուրաքանչյուրիս համար: Համաներման պահանջը վաղուց ի վեր դրված է Եվրոխորհրդի կողմից ու պարզ է, որ այս ամբողջ պատմությունը ԵԽԽՎ լիագումար նիստին ընդառաջ:

Սակայն նաև մեծամասնությանը պարզ է, որ սա ընդամենը խաբեբայություն է: Համաներումը մինչև այսօր բանտերում գտնվող քաղբանտարկյալներից ազդելու է լավագույն դեպքում 10-20-ի վրա, ընդ որում՝ ոչ առանցքային դեմքերի:

Արդյունքում մի քանի տասնյակ իսկական քրեական հանցագործներ հայտնվելու են ազատության մեջ, իսկ այդ ընթացքում մեր «պատվիրակները» ԵԽԽՎ-ում փորձելու են պատրանք ստեղծել, որ կատարում են առաջադրված բանաձևերի պահանջները: Հասարակության կարծիքը այս հարցի նկատմամբ ևս տարբեր է ու առաջարկում եմ սույն թեմայում քննարկել համաներմանը վերաբերվող բոլոր ասպեկտները՝ քաղաքականից մինչև իրավական:

Նաև առաջարկում եմ մասնակցելհարցմանը, որը վերաբերվում է միայն ու միայն մարտի 1-ի հետ կապված գործերով ազատությունից զրկվածներին՝ քաղբանտարկյալներին:

Վարպետ

10.06.2009, 22:04

Elmo

10.06.2009, 22:22

Ես երկար, շատ երկար էի մտածում քվեարկելուց առաջ: Ի վերջո քվեարկեցի չորրորդ տարբերակի օգտին, բայց դեռ երկմտում եմ` ճիշտ վարվեցի արդյոք? Առաջին տարբերակը մարդկայնորեն, նրանց ընտանիքներում տիրող իրավիճակից ելնելով, ավելի ընդունելի էր գուցե: Չգիտեմ..

Նույն բանն էլ ես եմ մտածում: Մի կողմից պետք ա մարդիկ գնան իրանց տները, որ ընտանիք պահեն: Մյուս կողմից էլ անտեցի դատեն, հետո էլ «լավություն անեն» բաց թողնե՞ն: Քանի որ ասում են, ոչ բոլորին են բաց թողնելու, մտավախություն կա, որ իրական հանցագործներ են ազատելու, իսկ անմեղներին տենց էլ թողնելու են բանտերում. քվեարկեցի 4 տարբերակ: Պետք ա արդարացնեն:

REAL_ist

10.06.2009, 23:20

Ես համոզված եմ, որ իրանց ըտնանքիների համար մեկա, թե համաներումա լինելու, թե արդարացում, ուստի և առաջին տարբերակի օգտին եմ քվեարկել, քանի որ ամենաիրականը ներկա պահին հենց ետ տարբերակնա: Կարևորը մարդիկ ազատության մեջ լինեն իրենց մտերիմներն էլ ուրախ, իսկ մնացածը երկրորդական բաներ են:

Chuk

10.06.2009, 23:28

Վիշապ

10.06.2009, 23:46

Տնաշեններ, ընենց ծանր-ծանր եք դատում ու տարբերակը ընտրում, ոնց որ ստեղի արդյունքներին է Սերժը նայելու: Էս խեղկատակություն է, այդ մարդկանց դատավարությունները, դատարանների վճիռները, դատավորների ով լինելը, համաներելու իրավունք ունեցողի ով լինելը, ոնց որ մի տեսակ մեծ հոգեբուժարան լինի՝ որտեղ առանձնապես ծանր հիվանդները կայֆավատ են լինում, սրանց մեջի նապոլեոնը նախ բռնում նստացնում է, հետո է համաներելու նամյոկներ է անում, ու ոչ մեկ չգիտի թե ով է համաներվելու, ով ոչ, հատուկ՝ որ երկար տանջվեն: Էն անեկդոտը գիտե՞ք, որ սադիստին ու մազոխիստին բանտում մի խցում են տեղավորում, էս մազոխիստը մնում-մնում էս սադիստին ասում է՝ ապե, մի հատ խփի էլի՜, էս սադիստն էլ թե՝ չեմ խփի, հա հա հա:crazy
Ալրաղացի Լյովիկը պետական ստրատեգիական օբյեկտ հանդիսացող ԱԱԾ է մտնում, ցխում-մխում, ծեծում-մեծում, հաջորդ օրը իրար հետ գնում են ուտուշ խմուշի, իսկ այս մարդկանց 5-6 տարի տվեցին պարզապես ցույցի մասնակցելու համար, ինչ է թե հիմնական դեմքերը իրենք են: Գժերի ցավը տանեմ: Ստեղ չկա պետություն, չկա իշխանություն, չկա նախագահ, ինքնահոս ապրում ենք, պարադոքսն էլ էն է, որ վերջը չի երևում:

REAL_ist

11.06.2009, 00:00

Կհիմնավորե՞սինչը հիմնավորեմ Չուկ ջան? Քո համար ակնհայտ չի, որ արդարացումը ուտոպիայի շարքիցա?

Chuk

11.06.2009, 00:14

ինչը հիմնավորեմ Չուկ ջան? Քո համար ակնհայտ չի, որ արդարացումը ուտոպիայի շարքիցա?

Իմ համար ակնհայտ ա, որ քաղբանտարկյալների մեծ մասին համաներմամբ ազատման մասին խոսակցություններն են ուտոպիայի շարքից, որ դա լոկ խաբեություն ա, ու ավելի հավանական ա, որ նրանք իրենց ժամկետը կնստեն, մինչև որ գործերը հասնի Եվրոդատարան, որտեղ կարդարացվեն: Դա կլինի նստելու ժամկետից առաջ, թե հետո, ավելի հավանական է, քան համաներմամբ ազատ արձակելը: Համաներմամբ ազատ արձակումը հատկապես առանցքային դեմքերի համար համարում եմ անհավանական:

Վիշապ

11.06.2009, 00:17

ինչը հիմնավորեմ Չուկ ջան? Քո համար ակնհայտ չի, որ արդարացումը ուտոպիայի շարքիցա?

Ապեր, ամենաիրականը էն ա, որ Սերժը ավելի շուտ կհամաների Փոսի Մնացին, Ուռչոյին, Կակաշին, Ժնջիլ Վաղոյին, Աղվես Ջոնիկին, քան թե քաղբանտարկյալներին: Արդարացումն էլ են կլինի, որ վերոհիշյալ մարդիկ իրենց վերջին 10-12 տարիներին կարգապահ ու խելոք են պահել: Զվարճալին էլ էն ա, որ տենց էլ խելք չենք հավաքում, չգիտես ինչի ամեն անգամ հանկարծ ու կարծում ենք, թե Սերժը հեսա բարիանալու է, ժողովրդավարվելու է, խոհեմ ու խելամիտ որոշում է կայացնելու (դե մեր կարծիքով), արդար ընտրություններ է անցկացնելու, ազատելու է քաղբատնարկյալներին, բլա բլա բլա, ու ի վերջո բարին հաղթելու է չարին::D
Աստված սիրեք, վազն եկեք այս ռեժիմից որևէ լավ բանի ակնկալիքներ ունենալուց:

REAL_ist

11.06.2009, 00:32

Իմ համար ակնհայտ ա, որ քաղբանտարկյալների մեծ մասին համաներմամբ ազատման մասին խոսակցություններն են ուտոպիայի շարքից, որ դա լոկ խաբեություն ա, ու ավելի հավանական ա, որ նրանք իրենց ժամկետը կնստեն, մինչև որ գործերը հասնի Եվրոդատարան, որտեղ կարդարացվեն: Դա կլինի նստելու ժամկետից առաջ, թե հետո, ավելի հավանական է, քան համաներմամբ ազատ արձակելը: Համաներմամբ ազատ արձակումը հատկապես առանցքային դեմքերի համար համարում եմ անհավանական:Ինչ ի նկատի ունես առանցքային ասելով? 7-ի գործԸ? Եթե նույնիստկ 50 քաղբանտարկյալից 40-ը ազատ արձակվեն, ես դրական կվերաբերվեմ դրան, անկեղծորեն կուրախանամ իրանց և իրանց ընտանիքների համար: Ու համաներումը կլինի նաև ընդիմության պայքարի և քչից շատից եվրոպական մարմինների ճնշման ԱՐԴՅՈՒՆՔ:
ՎԻշապ, համաներման ինստիտուտը հենց քո ասած Փոսի Մնացի ու մնացացի համարա նախատեսված, և փաստը, որ նրանք ևս կազատազրկվեն, ոչ մի կերպ չի նվազեցնում քաղբանտարկյալների ազատ արձակման արժեքը: Իսկ եթե ՍՍ-ն համաներումով իրա ռեյտինգը կբրաձրացնի, կարումա անումա, ինչ խնդիր կա? Ընդիմության գործն էլ հենց նրանումա, որ ՍՍ-ի ռեյտինգի տեղը ընդիմության ռեյտինգը բարձրանա:

Chuk

11.06.2009, 00:35

Ինչ ի նկատի ունես առանցքային ասելով? 7-ի գործԸ? Եթե նույնիստկ 50 քաղբանտարկյալից 40-ը ազատ արձակվեն, ես դրական կվերաբերվեմ դրան, անկեղծորեն կուրախանամ իրանց և իրանց ընտանիքների համար: Ու համաներումը կլինի նաև ընդիմության պայքարի և քչից շատից եվրոպական մարմինների ճնշման ԱՐԴՅՈՒՆՔ:
Ոչ միայն, այլ նաև ասենք Աշոտ Մանուկյանին, Պետրոս Մակեյանին, Դավիթ Մաթևոսյանին, ինչու ոչ, Նիկոլ Փաշինյանին, Սուքիասյանին, Գագիկ Ջհանգիրյանին և այլն, հիմա անուններով բոլորին չեմ հիշի:

Իսկ որ 40 հոգի 55-ից չի «համաներվի», կարծում եմ կտեսնենք բոլորս: Առավելագույնը 10-20 հոգի՝ ձևի համար: Ու ես անշուշտ ուրախ կլինեմ, որ այդ 10-20 հոգին վերադառնան իրենց ընտանիքների գիրկը, բայց դրանից ողջ գործընթացը չի շարունակի խաբեություն և ընդամենը որոշակի շրջանակների աչքերը փակելուն ուղղված քայլ լինել:

Elmo

11.06.2009, 00:36

Իսկ օրենքով քանի՞ հոգու կարա համաների: Քանակ կա՞ ֆիքսված, թե ինչքան ուզի կհամաների:

Chuk

11.06.2009, 00:39

Իսկ օրենքով քանի՞ հոգու կարա համաների: Քանակ կա՞ ֆիքսված, թե ինչքան ուզի կհամաների:

Քանակով չի հարցը դրվում, այլ չափանիշներով: Այսինչ պայմաններին բավարարողները համաներվում են: Ըստ ամենայնի կհամաներվի քիչ քանակով մարդ՝ ընդհանուր, ոչ թե մենակ մարտի 1-ի հետ կապված:

REAL_ist

11.06.2009, 00:39

բայց դրանից ողջ գործընթացը չի շարունակի խաբեություն և ընդամենը որոշակի շրջանակների աչքերը փակելուն ուղղված քայլ լինել:Չուկ ակնահյտա, որ համաներումը քաղաքական քայլա, ինչը իմ համեստ կարծիքով մեծ արդյունքա տալու մեր երկրում ու բնակչության զգալի մասը կուտը ուտելուա: Եվրոպական մարմիններն էլ առիթ են ունելաու մեղմացնելու գնահատականները և պահանջները: Փաստացի թոզ փչելու տարատեսակա, բայց մի մեծ պլյուսով` մարդիկ ազատ կարձակվեն, ու ինձ վումա քո նշած թվից ավելի շատ մարդկիկ:

Իսկ օրենքով քանի՞ հոգու կարա համաների: Քանակ կա՞ ֆիքսված, թե ինչքան ուզի կհամաների:Քանակով չի համաներումը, այլ ըստ կատարած հանցագորությունների ծանրության կամ կոնկրետ հոդվածների, հանցագործների տարիքի և այլն:

Chuk

11.06.2009, 00:42

Ի դեպ, թեմայի վերաբերյալ մեջբերում 10.06.2009թ. «Հայկական ժամանակ» օրաթերթից.

ինչպես եւ սպասվում էր

Մինչ Սերժ Սարգսյանը ինչ-որ բեմականացումներ է խաղում համաներման թեմայով եւ համաներման համար առաջարկություններ ու միջնորդություններ հավաքում, համաներման օրինագիծն արդեն պատրաստ է, եւ այն շրջում է կալանավայրերում: Ըստ սույն նախագծի, այսօրվա 52 քաղբանտարկյալներից միայն 14-ի վրա կարող է համաներում տարածվել:

Հիշեցնենք, որ համաներում հայտարարելը ԵԽԽՎ-ի պահանջն էր. ԵԽԽՎ-ն գտնում էր, որ ներքաղաքական լարվածությունը հանգուցալուծելու լավագույն տարբերակը հենց համաներումն է, եւ ԵԽԽՎ Մոնիտորինգի հանձնաժողովի վերջին նիստում եզրակացության մասը բաց էր թողնվել, քանի որ եվրոպական այս կառույցում սպասում էին քաղբանտարկյալների հանդեպ համաներման կիրառմանը: Իհարկե, համաներման մասին այն օրինագծում, որն այսօր շրջում է կալանավայրերում, առաջին հայացքից թվում է, թե «մարտի 1»-ին լուրջ տեղ է հատկացված: Բայց իրականում, ձեւակերպումները շատ խորամանկ են արված եւ փաստորեն, տարածվում են միայն 14 քաղբանտարկյալի վրա: Ինչպես երեկ մեզ հայտնի դարձավ, այդ նախագիծը խիստ գաղտնիության պայմաններում նախագահականից տրվել է կալանավայրերի ղեկավարներին, որոնց հանձնարարվել է հաշվել, թե իրենց մոտից քանի հոգի է մտնում համաներման տակ: Ավելին, սույն նախագծով չի լուծվում նաեւ մեկ այլ հարց: Բանն այն է, որ, ըստ միջազգային չափանիշների եւ ըստ ՀՀ-ում գործող նորմատիվների, 1 բանտարկյալին պետք է բաժին ընկնի 4 քմ-ից ոչ պակաս մակերես: Նախնական կալանքի եւ խիստ ռեժիմի տակ պահվողների դեպքում 1 սենյակում 4 հոգուց ավելի մարդ իրավունք չունեն պահելու, իսկ փակ ռեժիմի դեպքում` 6 հոգուց ավելի: Այնինչ, այսօր կալանավայրերում կրկնակի, եռակի ավելի բանտարկյալ են պահում, քան թույլատրվում է: Եւ այն օրինագիծը, որն այսօր շրջանառության մեջ է, սույն խնդիրը չի լուծում: Օրինակ` միայն «Վարդաշեն» ՔԿՀ-ում պահվում են 200-ից ավելի մարդիկ, իսկ սույն օրինագծի ընդունման դեպքում ազատ կարձակվեն միայն 20-ը: Այնինչ, միայն այս կալանավայրում նախատեսվածից 60-70 տոկոս ավելի մարդ է պահվում: «Նուբարաշենում» 1 խցում 4 հոգու փոխարեն նախնական կալանքի տակ պահվում է մինչեւ 15 մարդ, Սեւանում` 6 մարդու փոխարեն` 15-25-30 մարդ:

Ինչեւէ, մինչ կալանավայրերի պետերը հաշվում են, թե քանի բանտարկյալի վրա կարող է տարածվել համաներումը, երեկ էլ սույն թեմայով նիստ էր անում Հանրային խորհուրդը` քննարկելու համաներման մասին Սերժ Սարգսյանին ուղարկելիք նամակը: Դերասան Սոս Սարգսյանը հայտարարել է, թե «Մարտի 1-ի» գործով անազատության մեջ գտնվողները սովորական քրեական հանցագործներ են: «Ինչո՞ւ եք նրանց առանձնացնում»,- ասել է Սոս Սարգսյանը: «Իսկ եթե ոչինչ չգրենք` ենթադրելով, որ կհասկացվի, ու նրանց չներառենք: Չէ՞ որ համաներման գործընթացն ուղղակիորեն կապ ունի «մարտի 1-ի» հետ եւ «մարտի 1-ի» ներառման պարագայում հասարակության մեջ հանդուրժողականության հաստատմանը կնպաստի: Եթե այսքան քննարկումից հետո վերջում պարզապես 1 տողով գրենք` համաներում շնորհեք, ուրեմն, ինքներս մեզ լուրջ չենք վերաբերվում»,- ասել է Խոսրով Հարությունյանը` Խորհրդի ուշադրությունը հրավիրելով այն փաստի վրա, թե Խորհուրդը ոչ միայն 36 հոգու, այլեւ հասարակության կարծիքը պետք է արտացոլի, իսկ համաներում ասելով` հասարակությունը «մարտի 1» է հասկանում: Եւ միայն երբեմնի ընդդիմադիր Արշակ Սադոյանն է հայտարարել, թե` «Ամեն մի փորձ «մարտի 1»-ը շրջանցելու, վարկաբեկելու է մեր աշխատանքը: Եթե մենք ուզում ենք իսկապես հանրային խորհուրդ լինել, պետք է ընդգրկենք»:

Հակոբ Գեւորգյան

11.06.2009, 03:41

Հայկօ

11.06.2009, 03:47

Ահագին մտածելուց հետո որոշեցի, որ ես կողմ եմ առաջին տարբերակին: Դե յուրե չորրորդ տարբերակն է ճիշտը, բայց դե ֆակտո՝ այն չափազանց դաժան է, ու հեշտ է այդ մասին վեհ բաներ ասելը, բայց դժվար է հենց բանտում գտնվող մարդկանց ու իրենց հարազատների համար: Իսկ ազատությունը ազատություն է, անկախ նրանից, դե դա ոնց կներկայացվի: Որովհետև այդ մարդկանց անմեղ համարողները շարունակելու են անմեղ համարել նրանց ու ուրախանալ նրանց ազատությամբ, ու մեղավոր համարողներն էլ իրենց կարծիքը, մեկ է, այդ համաներման արդյունքում չեն փոխելու: Ցանկացած դեպքում, նույնիսկ իշխանության կողմից «ադալժենիի» տեսքով, ես կողմ եմ քաղբանտարկյալների ազատ արձակվելուն: Ի վերջո՝ նրանց՝ բանտում մնալն այսօր ավելի շատ ջուր է լցնում իշխանական ջրաղացին, քան թե կլցնի բանտարկյալին «ներողի» վսեմ դերը: Իսկ Եվրոպա-մեվրոպաներից սպասումներ, այսպես թե այնպես, չունեմ. եթե իրենք դա համարելու են ժողովրդավարական քայլ ու կուտը ուտեն, թո՛ղ ուտեն. միևնույն է՝ մեզ ոչ ժողովրդավարական ու իշխանություններին էլ՝ բռնակալ համարելու դեպքում էլ ոչ մի բան չեն անելու ու չեն անում. մարտի մեկը ու վերջին երկու ընտրությունները աչքներիս առաջ են: Այնպես որ՝ հարկավոր է մտածել միայն, թե այդ քայլը ինչ արդյունքներ կունենա երկրի ներսու՛մ. իսկ արդյունքները միայն ու միայն դրական կլինեն ընդդիմության համար: Եվ, վերջիվերջո, իշխանությունը, ըստ էության, պիտի ուզենար ինչքան հնարավոր է երկար ու ինչքան հնարավոր է շատ փտեցնել այդ մարդկանց բանտերում. ուզում եմ մի քիչ էլ միամտորեն հավատալ, որ եթե այսօր խոսք կա համաներման մասին (թեկուզ ցնորական, թեկուզ ոչ այն մարդկաց, ովքեր առաջին հերթին պիտի ազատ արձակվեն), դա նաև ընդդիմության պայքարի արդյունքն է: Ու որ եթե այդ քայլով իշխանությունն ուզում է թոզ փչել բնակչության աչքերին ու խաբել մարդկանց, ուրեմն դեռ կան մարդիկ, ովքեր խաբված չեն, ու վերևները վախենում են այդ մարդկանցից: Եվ ի՞նչ օգուտ կտա ընդդիմությանն այն, որ քաղբանտարկյալները լրիվ նստեն իրենց ժամկետն ու դուրս գան, ինչին փորձում են այսօր տանել անընդհատ ձգձգվող դատավարություններով ու մեքենայություններով: Այո՛, նրանց, գուցե, կարդարացնեն, բայց միայն ու միայն տարիներով բանտում պահելուց հետո: Մեզ բարոյական հաղթանակ պետք չի՛: Ռեալ արդյունք է պետք:

Ազատություն քաղբանտարկյալներին:

Հ.Գ. Թե մի գրամ հավատում եմ էս համաներմանը, ինչ ուզում եք՝ ասեք: Յոթի գործով ոչ մեկը չի ազատվելու: Ոչ մի լուրջ դեմք ազատություն չի ստանալու: Վերևում գրածս վերացական մտքեր են՝ անիրականալի ենթադրության վերաբերյալ: Ջուրը չտեսած բոբիկանում եմ, ինչպես միշտ:

Chuk

11.06.2009, 04:39

Համաներումը կեղծարարություն է։ Եթե դատել են օրենքով, էլ ի՞նչ ներման մասին է խոսքը։ Կամ քաղաքացին անմեղ է, կամ մեղավոր։ Սա հերթական ապուշություն է, որն այս անգամ արվում է նախագահ Սերժ Սարգսյանի կողմից։ Տեսնես այդ ո՞ր մի խորհրդատուն է նրան համաներման խորհուրդ տվել։

Հակոբ ջան, կարծում եմ որ քեզ չի խանգարի ծանոթանալ ասենք ՀՀ սահմանադրության հետ, մասնավորապես հետևյալի կետերի.

Գլուխ 3: ՀԱՆՐԱՊԵՏՈՒԹՅԱՆ ՆԱԽԱԳԱՀԸ
Հոդված 55. Հանրապետության Նախագահը՝
17) ներում է շնորհում դատապարտյալներին:

Գլուխ 4: ԱԶԳԱՅԻՆ ԺՈՂՈՎԸ
Հոդված 81. Ազգային ժողովը Հանրապետության Նախագահի առաջարկությամբ՝
1) հայտարարում է համաներում.

dvgray

11.06.2009, 06:38

ես չեմ կարողանում հասկանամ, թե ոնց ըսնեց անմեղ ձևով նստած, կամ բռնի ձևով նստեցրած երկրապահները ըսենց հանգիստ դուրս են գալու ու գնան իրենց տուն՞: թե՞ իրենց կյանքի նպատակ են դարձնելու իրենց հետ սենց նագլի ձևի վարվողի հերը անիծել, կամ այլ կեպ ասած շան պես սատկացնել:

Հակոբ Գեւորգյան

11.06.2009, 10:53

Հակոբ ջան, կարծում եմ որ քեզ չի խանգարի ծանոթանալ ասենք ՀՀ սահմանադրության հետ, մասնավորապես հետևյալի կետերի.

Գլուխ 3: ՀԱՆՐԱՊԵՏՈՒԹՅԱՆ ՆԱԽԱԳԱՀԸ
Հոդված 55. Հանրապետության Նախագահը՝
17) ներում է շնորհում դատապարտյալներին:

Գլուխ 4: ԱԶԳԱՅԻՆ ԺՈՂՈՎԸ
Հոդված 81. Ազգային ժողովը Հանրապետության Նախագահի առաջարկությամբ՝
1) հայտարարում է համաներում.

Ողջույն Արտակ,

Այս ամենը՝ սահմանադրությունը, օրենքը, դատը, մարտի մեկը, Լեւոն Տեր Պետրոսյանը, Սերժ Սարգսյանը, Ռոբերտ Քոչարյանը…նկատում ես չէ՞, թե ինչքան անկապ են. իրար կապ չունեցող դրություններ են։ Մեկով մարդ է սպանվում, մյուսով դատվում, հետո ներվում, հետո նորից դատվում…ասես բազառ լինի։ Ես մի բան գիտեմ, կամ ճիշտ է լինում, կամ սխալ։ Հիմա եթե սա է մեր սահմանադրությունը, ու եթե սա է ճիշտ…ապա էլ ինչու՞ են դատում մարդուն առաջին հերթին։ Իմ կարծիքով հարկավոր է արդարադատության բարեփոխումներ կատարել։

ministr

11.06.2009, 11:19

Ինձ համար կարևորը նա է տվյալ դեպքում, որ անմեղ մարդը ճաղերի ետևից դուրս գա, ու թքած ունեմ քաղաքական բոլոր ենթատեքստերի վրա: Առաջին տարբերակ:

Ձայնալար

11.06.2009, 11:25

Մի երկրում, որտեղ օրենքներ չեն գործում, որտեղ դատարան չկա, որտեղ դատախազ չկա, կարևորը մարդկանց փաստացի ազատության մեջ լինելն է: Թող դուրս գան ցանկացած գնով ու շարունակեն պայքարել: Ուզում ա արդարացնեն, ուզում ա չէ, էս համակարգի ոչ՝ մեղադրանքը ուժ ունի, ոչ՝ արդարացումը, կարևորը փաստն է՝ մարդը փակված է, կամ ազատության մեջ:

Տրիբուն

11.06.2009, 11:29

Ողջույն Արտակ,

Այս ամենը՝ սահմանադրությունը, օրենքը, դատը, մարտի մեկը, Լեւոն Տեր Պետրոսյանը, Սերժ Սարգսյանը, Ռոբերտ Քոչարյանը…նկատում ես չէ՞, թե ինչքան անկապ են. իրար կապ չունեցող դրություններ են։ Մեկով մարդ է սպանվում, մյուսով դատվում, հետո ներվում, հետո նորից դատվում…ասես բազառ լինի։ Ես մի բան գիտեմ, կամ ճիշտ է լինում, կամ սխալ։ Հիմա եթե սա է մեր սահմանադրությունը, ու եթե սա է ճիշտ…ապա էլ ինչու՞ են դատում մարդուն առաջին հերթին։ Իմ կարծիքով հարկավոր է արդարադատության բարեփոխումներ կատարել։

Նախ համաներման ինստիտուտը միայն մեր սահմանդրության մեջ չի, ամբողջ աշխարհում կա՝ բացառությամբ մի քանի երկրների: Մարդոււն դատում են հանցագործության համար: Բայց մարդկությունը ընդունում է, որ գոյություն ունի առաձին դեպքերում ներման ու դատապարտվածներին հասարակության մեջ վերաինտեգրելու ինստիտուտ: Մարդիկ վիճում են, բարիշում են, իրարցի նեղանում են, ու էլի ընկերանում են: Դրանք մարդկային նորմալ հարաբերություններ են: Նույն կերպ էլ հանցագործները զղջում են, դաստիարակվում են, վերդառնում են հասարակություն, որպես լիարժեք անդամներ: Կան որ ամբողջ կյանքում էլ հանցագործ են մնում:

Ու ինչ միանշանակ հայտարարություններ ես անում - կամ ճիշտ են լինում կամ սխալ: Հիմա դու միշտ ճիշտերի մեջ ես, թե՞ միշտ սխալների:

Tig

11.06.2009, 12:35

Նախ համաներման ինստիտուտը միայն մեր սահմանդրության մեջ չի, ամբողջ աշխարհում կա՝ բացառությամբ մի քանի երկրների: Մարդոււն դատում են հանցագործության համար: Բայց մարդկությունը ընդունում է, որ գոյություն ունի առաձին դեպքերում ներման ու դատապարտվածներին հասարակության մեջ վերաինտեգրելու ինստիտուտ: Մարդիկ վիճում են, բարիշում են, իրարցի նեղանում են, ու էլի ընկերանում են: Դրանք մարդկային նորմալ հարաբերություններ են: Նույն կերպ էլ հանցագործները զղջում են, դաստիարակվում են, վերդառնում են հասարակություն, որպես լիարժեք անդամներ: Կան որ ամբողջ կյանքում էլ հանցագործ են մնում:

Ու ինչ միանշանակ հայտարարություններ ես անում - կամ ճիշտ են լինում կամ սխալ: Հիմա դու միշտ ճիշտերի մեջ ես, թե՞ միշտ սխալների:

Դե դրա համար էլ պիտի օրենսդրական բարեփոխումներ կատարել: Որպեսի համաներումը օդից չլինի, այսինքն նախագահի ցանկությունից կախված չլինի, այլ կարգավորվի օրենքի համապատասխան դրույթներով համապատասխան դեպքերում:
Այսինքն էդ բարիշելը, զղջալը ու հասարակությունում վերաինտեգրվելը պիտի օրենքով կարգավորվի:

հ.գ. չնայած մեկա առայժմ օրենքի երկիր չենք…

Chuk

11.06.2009, 16:11

Հանրային խորհրդի որոշումը համաներում հայտարարելու վերաբերյալ Հայաստանի Հանրապետության Նախագահին առաջարկ ներկայացնելու մասին.

Հանրային Խորհրդի անդրանիկ նիստում անդրադարձ կատարելով հասարակության լայն շրջանակներում և զանգվածային լրատվության միջոցներում քննարկվող համաներման հարցին, ինչպես նաև արձագանքնելով Հայաստանի Հանրապետության Նախագահի' Հանրային Խորհրդի կողմից համաներում հայտարարելու վերաբերյալ առաջարկություն անելու դիմումին, Հանրային Խորհուրդը իր 12 հանձնաժողովներում կազմակերպել է Հայաստանի Հանրապետությունում համաներում հայտարարելու վերաբերյալ քննակումներ:

Քննարկումներին մասնակցել են հանձնաժողովներում ներգրավված, հասարակության տարբեր շերտեր ներառող շուրջ 1500 անդամներ, որոնք ներկայացնում են 960 հասարակակական կազմակերպություններ, միություններ և հիմնադրամներ:

Համաներման' հասարակակական հնչեղության և կարևորության հարցի նման ձևաչափով քննարկումը նորույթ է մեր իրականության մեջ, որը պայմանավորված է Հանրային Խորհրդի ստեղծմամբ:

Քննարկումների արդյունքում դրսևորվեցին համաներման հայտարարման նկատմամբ հասարակության մեջ ձևավորված ամենատարբեր կարծիքներ և մոտեցումներ:

Կարևորելով համաներման մարդասիրական նշանակությունը և ելնելով հանրապետությունում առկա լարվածության թուլացման անհրաժեշտությունից, Հանրային Խորհրդի հանձնաժողովներում մտքերի փոխանակում տեղի ունեցավ նաև 2008 թվականի մարտի 1-ի և 2-ի իրադարձությունների կապակցությամբ և նշվեց, որ դրանց մասնակիցների նկատմամբ համաներման' որպես իրավական միջոցի կիրառումը, ելնելով արարքի ծանրության աստիճանից, կարող է նպաստել անհանդուրժողականության մթնոլորտի մեղմացմանը և հանրային կյանքում փոխադարձ վստահության ամրապնդմանը:

Համաներումը' որպես լայնամասշտաբ միջոցառում, դրականորեն են ընկալում հանրության լայն շերտերը: Քննարկումների ժամանակ, անշուշտ, արվել են նաև հարցադրումներ համաներման արդյունքում հանցավորության ակտիվացման վտանգի վերաբերյալ և առաջարկվել է համաներման ծավալները և սկզբունքները որոշելիս հաշվի առնել վերը նշված մտահոգությունը:

Հանրային Խորհուրդը, ամփոփելով քննարկումների արդյունքները, հիմք ընդունելով արտահայտված կարծիքները, գտնում է, որ համաներումը' որպես մարդասիրական, քաղաքական, սոցիալական և իրավական նշանակության միջոցառում, կարող է նպաստել հասարակության մեջ առողջ մթնոլորտի ձևավորմանն ու պետական իշխանության մարմինների հանդեպ հանրային վստահության հաստատմանը:

Հիմք ընդունելով Հայաստանի Հանրապետությունում համաներման հասարակական առկա պահանջը, ինչպես նաև Հանրային Խորհրդի հանձնաժողովներում և խորհրդում կայացած լայն քննարկումների արդյունքները, ղեկավարվելով Հանրային Խորհրդի կանոնադրությամբ' Հանրային Խորհուրդը որոշում է.

1. Կարևորելով համաներում հայտարարելու անհրաժեշտությունը, դիմել Հայաստանի Հանրապետության Նախագահին առաջարկ ներկայացնել Հայաստանի Հանրապետության Ազգային Ժողովին' համաներում հայտարարելու մասին:

2. Ամփոփել և Հայաստանի Հանրապետության Նախագահին ներկայացնել Հանրային Խորհրդի հանձնաժողովների առաջարկած համաներման ենթակա խմբերի ընտրության սկզբունքները:

Աղբյուր՝ Ա1+ (http://a1plus.am/am/politics/2009/06/11/public-council)

Ես՝ հանրության ներկայացուցիչ Արտակ Հարությունյանս պաշտոնապես հայտարարում եմ.

- ՀՀ ինքնակոչ նախագահ Սերժ Սարգսյանի հրամանագրով ստեղծված և «Հանրային խորհուրդ» հորջորջված մարմինը ոչ մի կերպ չի ներկայացնում հանրության շահերը, նրա տեսակետը: Այն ավելին չէ, քան օլիգարխիկ-կրիմինալ հանցագործ համակարգի գործունեությունները կոծկել փորձող, ժողովրդավարության պատրանք ստեղծող մի մարմին, որը կազմված է ծախու, անդեմ, ամբիցիոզ անձերից, որոնք վաղուց ի վեր հասարակության առավել գիտակից շերտերում կորցրել են իրենց անձի, մարդկային արժեքների նկատմամբ հարգանքը, արժանացել նրանց բացասական գնահատականին ու արդարացի քննադատությանը, պախարակմանը:
- «Հանրային խորհուրդ» հորջորջված մարմինը չունի ինքնուրույնություն, այն չի իրականացնում հասարական գործունեություն, այլ կատարում է միայն վերևներից՝ կրիմինալ տարրերի կողմից իջեցված պատվերներ:
- «Հանրային խորհուրդ» անվանված մարմնի ցանկացած որոշում, քայլ, գործողություն ուղղված է հանրային շահերի դեմ, այդ շահերի դեմ է ուղղված նրա ստեղծումը, նրան անդամագրված ցանկացած անհատ կամովի ստանձնել է իշխանության փաստաբանի դերը, կորցրել իր ինքուրույնությունը, անկախ նրանից, գիտակցում է դա, թե ոչ:
- «Հանրային խորհուրդ» արհեստածին միությունը ունակ չէ կատարելու որևէ որոշում, նրա կատարած իբր «որոշումները» կրելու են իմիտացիոն բնույթ, իրականում արհամարհվելու իրենց հովանավոր կրիմինալ-օլիգարխիկ համակարգի կողմից:

Հետևաբար, հաշվի առնելով այս ամենը, ես հայտարարում եմ, որ «Հանրային Խորհուրդը» և նրա մեջ մտած անհատները խեղաթյուրում են իմ, Հայաստանի Հանրապետության քաղաքացուս, հանրության ներկայացուցչիս ձայնը, նրանք ինքնակոչ են և հետևաբար հանցագործներ: Այս կեղծ մարմնին չեմ թույլատրում հանդես գալ իմ անունից, խոսել իմ անունից, հայտարարություն անել իմ անունից, որոշում կայացնել իմ անունից, չեմ թույլատրում նրանց միջազգային հանրության աչքին արատավորել իմ բարի անունը, արժանապատվությունը, ներկայանալ որպես իմ ձայն: Հայտարարում եմ, որ սրանց կատարած որևէ գործողություն չունի իրավական ուժ, պաշտոնապես տեղեկացնում եմ, որ այն երբևէ չի կարող արտահայտել իմ կարծիքը:

ministr

11.06.2009, 16:57

Տրիբուն

11.06.2009, 20:00

Դե դրա համար էլ պիտի օրենսդրական բարեփոխումներ կատարել: Որպեսի համաներումը օդից չլինի, այսինքն նախագահի ցանկությունից կախված չլինի, այլ կարգավորվի օրենքի համապատասխան դրույթներով համապատասխան դեպքերում:
Այսինքն էդ բարիշելը, զղջալը ու հասարակությունում վերաինտեգրվելը պիտի օրենքով կարգավորվի:

հ.գ. չնայած մեկա առայժմ օրենքի երկիր չենք…
Ընկեր, այդ բոլոր օերենքները կան, օրենսդրական դաշտը Հայաստանում վատը չի, Ռեամ Մադրիդը կհաստատի: Ուրիշ բան, որ օրենքների կրառումը ոչ մի կապ չունի այդ օրենքների հետ: Դատարաններն էլ, որոնք արդարադատության իրացման առանցքային ինստիտուտն են, Հայաստանում ընդամնեը պատժիչ մեքենա են: Պրիտոմ, համ պատժում են, ում ուզում են, համ էլ լաաավ փող են աշխատում; Բարիշելը, զղջալը ու հասարակությունում վերաինտեգրվելը օենսդրությամբ կարգավորված են: ՔրՕր ունենք, Քրեադատավարական օրենսգիրք ունենք, և այլն և այլն: Համաներումը, լրիվ ուրիշ բան է: Դա բացառիկ իրավունք է, որը տրվում է երկրների բարձրագույն իշխանություններին:Միջազգային տերմինն է ամնիստիա: Մի ժամանակ նույնիսկ հայերեն համաներմանը ամունիստ էին ասում: Սա մեկ անգամյա գործողություն է, ու կիրառվում է դատապարտվածների դաժան ճակատագիրը որոշ չափով մեղմելու համար: Կիրառվում է ոչ բոլոր նկատմամաբ: ԱԺ-ն ընդունում է օրենք, որով սահմանվում են այն դովածներն ու առաձին դեխքերը, որոնց վրա համաներումը տարածվում է: Միևնույն ժամանակ նուրբ տարբերություններ կա նհամաներման ու ներման միջև: Մի անգամ դրա մասին արդեն խոսվել է, բայց դա ուրիշ թեմա է: Ամեն դեպքում հիմնական տարբերությունն այն է, որ համաներում նորմատիվային ակտ է, որը ենթակա է կատարման համապատասխան մարմինների կողմից օրենքն ընդունելուց հետո, ու կապ չունի բարեգթության հետ: Իսկ ներումը բարեգթության դրսևորում է:

REAL_ist

11.06.2009, 20:27

Ավելացնեմ նաև, որ ներումը անհատական ակտա, կոնկրետ հասցեատեր ունի և կիրառվումա համապատասխան "խնդրանքի" առկայության դեպքում:

Տրիբուն

11.06.2009, 20:37

Ավելացնեմ նաև, որ ներումը անհատական ակտա, կոնկրետ հասցեատեր ունի և կիրառվումա համապատասխան "խնդրանքի" առկայության դեպքում:
Այ օրինակ ես ու Ռեալ Մադրիը բարեգթություն ենք դրսևորում ու ներում ենք Հակոբ Գևորգյանին՝ անտեղի սամադավոլնիության դրսևորումների համար: Բայց Չուկը կարա համաներում հայտարարի, ու ասենք չորս ամսով բոլոր արգելափակվածներին վաղվանից արգելաբացի:

Հակոբ Գեւորգյան

11.06.2009, 21:50

Այ օրինակ ես ու Ռեալ Մադրիը բարեգթություն ենք դրսևորում ու ներում ենք Հակոբ Գևորգյանին՝ անտեղի սամադավոլնիության դրսևորումների համար: Բայց Չուկը կարա համաներում հայտարարի, ու ասենք չորս ամսով բոլոր արգելափակվածներին վաղվանից արգելաբացի:

Ներում շնորհելու, դատելու, վախացնելու մասին իմ կարծիքը ձեւավորվել է Ադամի ու Եվայի անարդար դատը վերլուծելուց անմիջապես հետո։ Իմ կարծիքը այս աշխարհի արդարադատության մասին այն է, որ դատը կեղծ բնույթ ունի։ Եթե թույլ տաք, մեկ օրինակ կբերեմ ԱՄՆ–ի դատական համակարգից եւ դուք ինքներդ կհասկանաք որ այն կեղծ է. անարդար է։

Ենթադրենք, տաս վարորդներ իրենց մեքենաները վարում են մեկ կողմանի ճանապարհով, որի արագության սահմանն է հիսուն կմժ.։
Ոստիկանը նկատում է, որ տաս մեքենաներն էլ ընթանում են վասուն կմժ արագությամբ։
Միայնակ ոստիկանն անկարող է կանգնեցնել տաս վարորդներին, հետեւաբար նա կանգնեցնում եւ տուգանում է միայն մեկին։
Այս տուգանված վարորդը հարցնում է ոստիկանին,–հարգելիս, ինչու՞ տուգանեցիր միայն ինձ, չէ՞ որ մնացած ինը վարորդները նույնպես խաղտելով օրենքը, ընթանում էին չափից բարձր արագությամբ։
Ոստիկանը վարորդին պատասխանում է,–ես մենակ եմ, եւ չեմ կարող տասին նույն պահին կանգնեցնեմ։
Հարցը տեղափոխվում է դատարան, որտեղ լսվում է դատական գործը՝ Ժողովուրդը vs. Մեկ Վարորդի (որտեղ ժողովուրդը ԱՄՆի քաղաքացիներն են, իսկ Մեկ Վարորդն այն անձը՝ որը խաղտել էր օրենքը)։
Վարորդը դիմում է դատարանին,–ինչպե՞ս կարող են իմ հետ ու իմ պես խաղտում կատարած մնացած ինը վարորդները դուրս գալ ընդեմ ինձ. չէ՞ որ նրանք էլ են խաղտել այն օրենքը, որը որ ես եմ խաղտել։
Դատավորը մեղավոր է ճանաչում Մեկ Վարորդին, հիմնվելով ոստիկանի խոսքին, այն է՝ նույն պահին մեկ ոստիկանն անկարող է տուգանել մեկից ավել քաղաքացիների. այսինքն, նրանց բախտը բերել է։

Ըստ ձեզ, ի՞նչ է, այս դատավարությունն արդա՞ր է։

Chuk

11.06.2009, 22:31

Իսկ ԱԺ-ին թույլատրում ես? Հանրային խորհուրդը միայն խորհրդատվական ֆունկցիա ունի և ոչ պարտադրողական, ինչ էլ ուզումա ասի որոշում ընդունողը գիտես ովա: Այ իրան թույլ կտաս թե չէ չգիտեմ :)
Ներկայիս «Ազգային» ժողովի խամաճիկ լինելու մասին վաղուց եմ արտահայտվել, կարող եմ կրկնել: Հիմնական տարբերությունը.
- Ազգային ժողով - իմիտացիա են փորձել ստեղծել (Չընտրությունների միջոցով), որ սա ժողովրդի կողմից ընտրված միավոր է,
- Հանրային խորհուրդ - ստեղծվել է «նախագահի» հրամանագրով, բայց իբրև թե ներկայացնում է հանրային տեսակետը:

Rammer

11.06.2009, 22:46

Աղբյուր՝ Ա1+ (http://a1plus.am/am/politics/2009/06/11/public-council)

Ես՝ հանրության ներկայացուցիչ Արտակ Հարությունյանս պաշտոնապես հայտարարում եմ.

- ՀՀ ինքնակոչ նախագահ Սերժ Սարգսյանի հրամանագրով ստեղծված և «Հանրային խորհուրդ» հորջորջված մարմինը ոչ մի կերպ չի ներկայացնում հանրության շահերը, նրա տեսակետը: Այն ավելին չէ, քան օլիգարխիկ-կրիմինալ հանցագործ համակարգի գործունեությունները կոծկել փորձող, ժողովրդավարության պատրանք ստեղծող մի մարմին, որը կազմված է ծախու, անդեմ, ամբիցիոզ անձերից, որոնք վաղուց ի վեր հասարակության առավել գիտակից շերտերում կորցրել են իրենց անձի, մարդկային արժեքների նկատմամբ հարգանքը, արժանացել նրանց բացասական գնահատականին ու արդարացի քննադատությանը, պախարակմանը:
- «Հանրային խորհուրդ» հորջորջված մարմինը չունի ինքնուրույնություն, այն չի իրականացնում հասարական գործունեություն, այլ կատարում է միայն վերևներից՝ կրիմինալ տարրերի կողմից իջեցված պատվերներ:
- «Հանրային խորհուրդ» անվանված մարմնի ցանկացած որոշում, քայլ, գործողություն ուղղված է հանրային շահերի դեմ, այդ շահերի դեմ է ուղղված նրա ստեղծումը, նրան անդամագրված ցանկացած անհատ կամովի ստանձնել է իշխանության փաստաբանի դերը, կորցրել իր ինքուրույնությունը, անկախ նրանից, գիտակցում է դա, թե ոչ:
- «Հանրային խորհուրդ» արհեստածին միությունը ունակ չէ կատարելու որևէ որոշում, նրա կատարած իբր «որոշումները» կրելու են իմիտացիոն բնույթ, իրականում արհամարհվելու իրենց հովանավոր կրիմինալ-օլիգարխիկ համակարգի կողմից:

Հետևաբար, հաշվի առնելով այս ամենը, ես հայտարարում եմ, որ «Հանրային Խորհուրդը» և նրա մեջ մտած անհատները խեղաթյուրում են իմ, Հայաստանի Հանրապետության քաղաքացուս, հանրության ներկայացուցչիս ձայնը, նրանք ինքնակոչ են և հետևաբար հանցագործներ: Այս կեղծ մարմնին չեմ թույլատրում հանդես գալ իմ անունից, խոսել իմ անունից, հայտարարություն անել իմ անունից, որոշում կայացնել իմ անունից, չեմ թույլատրում նրանց միջազգային հանրության աչքին արատավորել իմ բարի անունը, արժանապատվությունը, ներկայանալ որպես իմ ձայն: Հայտարարում եմ, որ սրանց կատարած որևէ գործողություն չունի իրավական ուժ, պաշտոնապես տեղեկացնում եմ, որ այն երբևէ չի կարող արտահայտել իմ կարծիքը:
Չուկ ջան +1...:good
Գրառմանդ մեջ ՀՀ քաղաքացու, հանրության ներկայացուցչի կարծիքը այնպես էր շեշտված, մի տեսակ հպարտությամբ, որ մի պահ ինձ թվաց որ իրոք` ՀՀ քաղաքացուս կարծիքը աշխարհքիս վրա հաշվի առնող կա, ինչ-որ բանի տեղ դնող կա...:cry

Chuk

17.06.2009, 18:42

ԱԺ-ի պետաիրավական հարցերի հանձնաժողովին ուղարկված Համաներման վերաբերյալ որոշման նախագիծը թեեւ գաղտնի էր, սակայն մեզ հաջողվեց ճշտել մանրամասներ: Ինչպես հայտնի է` համաներման առաջարկը հիմնականում պայմանավորված է մարտի 1-ի դեպքերի հետ, եւ նախագծի 3-րդ կետի զ/ ենթակետի համաձայն համաներում պետք է կիրառել նաեւ "2008 թվականի մարտի1-ի, 2-ին Երեւան քաղաքում տեղի ունեցած իրադարձությունների առնչությամբ հանցագործություն կատարած անձանց" նկատմամբ: Բայց հոդվածը վերնագրված է` "պատժից ազատել առավելագույնը 5 տարի ժամկետով ազատազրկման դատապարտվածներին":
Փաստաթուղթը որոշ երկակի մեկնաբանությունների տեղիք է տալիս: Ասենք մի դեպքում նշվում է մարտի 1-ի առնչությամբ կալանավորված անձանց վրա կիրառել, բայց մյուս դեպքում նշված են այն հոդվածները, որոնց վրա չի տարածվում համաներումը, եւ դրանցում այնպիսի հոդվածներ կան, որոնցով մեղադրանք է առաջադրված նույն մարտի 1-2-ի դեպքերի մասնակիցներին: Օրինակ, Համաներումն ամբողջությամբ տարածվելու է 225 հոդվածով դատապարտվածների կամ մեղադրվողների վրա, իսկ չի տարծվում 316 հոդվածի 2-րդ մասով դատապարտվածների /իշխանության ներկայացուցչի նկատմամբ կյանքի կամ առողջության համար վտանգավոր եղանակով կատարված բռնություն/, 235 հոդվածի 2 եւ 3-րդ մասերով դատապարտվածների /մի խումբ անձանց կամ խմբավորման կողմից ապօրինի զենք զինամթերք կրել, պահել/ եւ մի շարք այլ հոդվածներով դատապարտվածների վրա: Իսկ, մարտի 1-ի իրադարձություններից հետո դատապարտվածներ մեջ կան նաեւ 316 հոդվածի 2-րդ, 235 հոդվածի 2-րդ եւ 3-րդ մասով: Մասնավորապես, Սասուն Միքայելյանի վրա, ըստ վերը նշված դրույթների, տրամաբանորեն չպետք է տարածվի:
Համաներումը տարածվելու է մինչեւ 5 տարի պատիժ նախատեսող բոլոր այն հանցագործությունների վրա, որոնք կատարվել են մինչեւ այս տարվա հունիսի 1-ը: Այսինքն, մայիսի 31-ի ընտրակեղծարարների վրա եւս համաներումը տարածվում է:
Բավականին հետաքրքրիր է նաեւ որոշման կատարման ժամկետը. "Համաներման որոշումը ենթակա է կատարման մինչեւ 2009 թվականի սեպտեմբերի 30-ը":
Այսօր ԱԺ պետաիրավական հարցերի մշտական հանձնաժողովում նախագիծը քննարկվել է եւ տրվել է դրական եզրակացություն: Այն ԱԺ-ում քննարկվելու է հունիսի 19-ի արտահերթ նիստի ժամանակ:

Աղբյուր՝ Ա1+ (http://a1plus.am/am/politics/2009/06/17/amnesty)

Ընդգծածս հատվածները ամենաուշագրավներն են, ըստ իս:

Առաջին ընդգծածս հատվածի մասին վստահ էի դեռ երեկ, երբ արագացված դատաքննությամբ ընտրակեղծարարներին դատապարտեցին, նրանք էլ ասացին, որ «զղջում են իրենց կատարած հանցանքի համար»: Պարզապես հրաշալի մտածված ծրագիր էր: Մալաթիայում կազմակերպվեցին ամենակոպիտ խախտումները, բոլորի ուշադրությունը հրավիրվեց դրա վրա, բոլոր ուժերը (դիտորդներ, լրագրողներ և այլն) կենտրոնացվեցին այնտեղ, մյուս տեղերում կեղծիքները անցան առավել աննկատ (սրա շնորհիվ, ուշադրությունն այնտեղ էր): Վերջում «պաշտոնապես հաստատվեց», որ Մալաթիայում խախտումներ եղել են, հաստատումը հասավ պիկին, երկու հոգու նստացրին խախտումների համար: Բոլորի աչքին թոզ փչեցին, թե տեսեք ինչ խիստ ենք, ընտրախախտին պատժել ենք: Բայց վերջիններս ընդամենը ինքնակամ գնացել են էդ գործին՝ սեփական շահի համար: Կարճ ժամանակ անց նրանք համաներմամբ դուրս են գալու և կարող եք վստահ լինել, նրանց գործը շատ լավ առաջ է գնալու, կարող ա խանութ-մանութ էլ դնեն տղերքը, հովանավորությունը, նստելու գինը հաստատ մեծ է լինելու:

Երկրորդ մասը, մինչև սեպտեմբերի 30-ը կատարելու մասին նորից հաստատում է ՀԱԿ դիրքերն ամուր լինելու մասին: Կարծում եմ, որ բոլորի համար է հասկանալի, որ սա պայմանավորված է սեպտեմբերի 18-ի ՀԱԿ հանրահավաքով: Անգամ ենթադրում եմ, որ պատանդներին շահարկելով կփորձեն կանխել հանրահավաքը: Սպասենք:

murmushka

18.06.2009, 09:45

Եթե Խաչատուր Սուքիասյանը ներկայանա...

«Սասուն Միքայելյանի վրա համաներումը չի տարածվի»,- այսօր ԱԺ-ում հայտարարել է ՀՀ Արդարադատության նախարար Գեւորգ Դանիելյանը: ԱԺ պետաիրավական հանձնաժողովում այսօր պարոն Դանիելյանը ներկայացրել է Սերժ Սարգսյանի համաներման նախագիծը:

Նախարարին առաջին հարցն ուղղել է պատգամավոր Վիկտոր Դալլաքյանը, որին նախարարը հայտնել է, որ համաներումը մոտավորապես տարածվելու է ավելի քան 2000 ազատազրկվածների վրա եւ ի կատար է ածվելու մինչեւ սեպտեմբերի 30-ը: Արդարադատության նախարարն այսօր նաեւ նշել է, որ սպասվող համաներումն աննախադեպ լայն է լինելու: Պատասխանելով Դալլաքյանի հարցին' նախարարը կոնկրետ նշել է, թե «7-ի գործը» մասերի բաժանած գործերով եւ ընդհանրապես մարտի 1-2-ի դեպքերով ազատազրկվածներից ում վրա է տարածվելու համաներումը: «Համաներումը կտարածվի Մյասնիկ Մալխասյանի, Հակոբ Հակոբյանի, Գագիկ Ջհանգիրյանի, Սմբատ Այվազյանի, Խաչատուր Սուքիասյանի վրա կտարածվի, եթե նա գա, ներկայանա»,- «Ա1+»-ին ասաց Վիկտոր Դալլաքյանը:

Վիկտոր Դալլաքյանն այսօր Արդարադատության նախարարին առաջարկել է ԱԺ Պետաիրավական հարցերի հանձնաժողովի հետ միասին վերահսկել համաներման գործընթացը եւ առաջարկն հավանության է արժանացել:

«Քանի որ գաղտնիք չէ, որ այդ գործընթացում բացասական երեւույթներ են տեղի ունենում' կաշառակերություն եւ այլն»,- «Ա1+»-ին ասաց Դալլաքյանը:

Համաներման նախագծի քննարկման ընթացքում Արդարադատության նախարարին առաջարկներ է ներկայացրել նաեւ «Ժառանգության» պատգամավոր Զարուհի Փոստանջյանը:

Նա մտավախություն ունի, որ համաներման ենթակաների ցանկը կարող է սահմանափակել: « Ես առաջարկել եմ, որ մի կետով ամրագրվի, որ համաներումը չսահմանափակվի»:

Զարուհի Փոստանջյան քաղաքական հայացքների համար ձերբակալվածների ցանկ է կազմել' 51 քաղբանտարկյալ եւ ըստ Արդարադատության նախարարի ներկայացրած համաներման նախագծի' նրանցից մոտ 15-ի վրա համաներումը չի տարածվի: «Սասուն Միքայելյան, Մուշեղ Սաղաթելյան, Հայկ Գևորգյան, Մկրտիչ Սափեյան, Ժորա Սափեյան, Հարություն Ուռուտյան, Շմավոն Գալստյան, Վանուշ Դավթյան, Արա Հովհաննիսյան, Արամ Ղահրամանյան, Արմեն Խուրշուդյան, Գաբրիել Գեւորգյան, Ֆելիքս Գեւորգյան, Վրեժ Նիկոլյան: Նրանց մեղադրանքներ է առաջադրվել Քր. Օր. 235 հոդվածի 2-րդ մաս, 258 հոդվածի 4-րդ մասի, 112 հոդվածի, 260 հոդվածի,316 հոդվածի 2-րդ մասի վրա չի տարածվում եւ այլն»,- թվարկեց Զարուհի Փոստանջյանը:

Ինչ վերաբերում է «7-ի գործից» անջատված մասերով մեղադրվող Ալեքսանդր Արզումանյանի, Սուրեն Սիրունյանի, Գրիգոր Ոսկերչյանի վրա կտարածվի՞ համաներումը, թե ոչ «Ա1+»-ի հարցին' Զարուհի Փոստանջյանն ասաց. «Կա մտավախություն եւ ես իմ առաջարկության մեջ նշել եմ, որ 2008թ. մարտի 1-2 ին հանցագործություն կատարած անձանց վրա տարածվի համաներումը: Այսինքն, անկախ նրանց նկատմամբ դատարանի արձակած վճռի չափից, նրանց վրա համաներումը տարածվի: Օրինակ' եթե Քր. օր 225 հոդվածով որեւէ մեկին դատապարտեն 6 տարով, ապա համաներումը նրա վրա չի տարածվի, նրանք անմիջապես ազատ չեն արձակվի, նրանց պատիժը կկրճատվի»:

Ձայնալար

19.06.2009, 17:42

«Թացն ու չորը խառնվել է համաներման նախագծում»

Մարտի 1-ի դեպքերի առիթով ազատազրկվածներից ո՞ւմ նկատմամբ կտարածվի համաներումը. Արդարադատության նախարար Գեւորգ Դանիելյանն այսօր հստակ ոչինչ չասաց:

ԱԺ-ն արտահերթ նիստ է հրավիրել Սերժ Սարգսյանի ներկայացրած «Համաներում հայտարարելու մասին» առաջարկությունը քննարկելու համար: ԱԺ պետաիրավական հարցերի հանձնաժողովն արդեն հավանություն է տվել նախագծին: Այսօր ԱԺ-ում նախագիծը ներկայացրեց Արդարադատության նախարարը:

Մարտի 1-ի դեպքերի համար դատապարտվածները տեղ են գտել նախագծի «զ» կետում, համաձայն որի' համաներումը կտարածվի նրանց նկատմամբ, ովքեր նախկինում դատապարտված չեն եղել եւ ազատազրկման են դատապարտվել առավելագույնս 5 տարի ժամանակով եւ համաներման որոշման ուժի մեջ մտնելու ընթացքում կրել են ոչ պակաս, քան պատժի 1/3-ը:

Իսկ մարտի 1-ի դեպքերով 10 տարի ազատազրկման դատապարտվածների վրա կտարածվի, եթե համաներման որոշման ուժի մեջ մտնելու պահին դատապարտվածը արդեն կրած կլինի պատժի կեսը:

Ինչ վերաբերում է մարտի 1-ի դեպքերից հետո հետախուզման մեջ գտնվողներին, մասնավորապես Խաչատուր Սուքիասյանին եւ Նիկոլ Փաշինյանին, ապա Արդարադատության նախարարն ասաց. «Այն հոդվածները, որոնցով նշված մարդկանց մեղադրանք է առաջադրվել եւս ենթակա են համաներման: Եթե հիշյալ անձիք մինչեւ հուլիսի 31-ը ներկայանան իրավապահ մարմիններին, նրանց վրա համաներումը կազդի»:

Արդարադատության նախարարի խոսքից միայն հստակ էր այն, որ համաներումը չի տարածվելու պատգամավոր Սասուն Միքայելյանի վրա. «Մնացածի վրա կիրառվի, սակայն չմ կարող ասել ամբողջությամբ ազատ կարձակվեն, թե պատիժը կկրճատվի: Ամբողջությամբ ազատ կարձակվեն Գագիկ Ջհանգիրյանը, Սմբատ Այվազյանը»:

«Համաներումը անվերապահորեն կտարածվի բոլոր այն անձանց վրա, ովքեր ազատազրկման են դատապարտվել 3 տարի ժամանակով, այն անձանց, որոնց նկատմամբ, պատիժը պայմանական չի կիրառվել, կամ պատժի կիրառումը հետաձգվել է եւ ազատությունից զրկելու հետ չկապված պատիժների դատապարտված անձանց»,- ասաց Գեւորգ Դանիելյանը:

5 տարի ժամանակով դատապարտվածների նկատմամբ համաներումը կտարածվի այն դեպքում, եթե դատապարտվածը առաջին կամ երկրորդ խմբի հաշմանդամ է, 60 տարին լրացած է, հանցագործությունը կատարել է մինչեւ 18 տարին լրանալը: Համաներումը տարածվում նաեւ դիտավորյալ հանցագործություն չկատարածների նկատմամբ, որոնք ազատազրկման են դատապարտվել 10 տարի ժամկետով: Պատժի 1/3 կրած լինելու դեպքում 10 տարով ազատազրկման դատապարտվածները եւս ազատ են արձակվում: Նախագծում նշված է նաեւ այն բոլոր հոդվածները եւ դեպքերը, որոնցով ազատազրկվածների նկատմամբ համաներումը չի տարածվում: Նախարարն այսօր նշեց, որ համաներումը կտարածվի մոտ 2000 ազատազրկվածների նկատմամբ, սակայն նրանցից միայն 500 անմիջապես ազատություն կստանան: Համաներման որոշումը կիրառվում է այն անձանց նկատմամբ, ովքեր հանցագործություն են կատարել մինչեւ 2009թ. հունիսի 1-ը: ԱԺ 14 պատգամավոր հերթագրվել է ելույթների համար: Ժառանգության պատգամավոր Ստեփան Սաֆարյանը գտնում է, որ այս նախագծով թացն ու չորը խառնվել է իրար: Նրա կարծիքով' մարտի 1-ի դեպքերին առնչվող բոլոր ազատազրկվածները, այդ թվում' բոլոր քաղբանտարկյալները պետք է անմիջապես ազատ արձակվեն: Սաֆարյանը հիշեցրեց ԵԽԽՎ բոլոր բանաձևերը' նշելով, որ պետք է ազատ արձակվեն նաեւ բոլոր այն դատապարտյալները, որոնց ազատազրկվել են բացառապես ոստիկանների ցուցմունքների հիման վրա: Նաիրա Զոհրաբյանին հետաքրքրում էր, թե ընտրակեղծիքներ կատարողների նկատմամբ համաներումը տարածվելու է, թե՞ ոչ: Նախարարը նրան խորհուրդ տվեց այդ հարցով գրավոր առաջարկ ներկայացնել: Նախագծի քննարկումը շարունակվում է կիսադատարկ դահլիճում:
www.a1plus.am

Տրիբուն

19.06.2009, 18:47

Իսկ մարտի 1-ի դեպքերով 10 տարի ազատազրկման դատապարտվածների վրա կտարածվի, եթե համաներման որոշման ուժի մեջ մտնելու պահին դատապարտվածը արդեն կրած կլինի պատժի կեսը:
Էս պահը ով ա հասկանում ?? 10 տարվա կեսը իմ իմանալով 5 տարին է: Համաներման որոշումը ուժի մեջ կմտնի, իրենց ասելով մինչև սեպտեմբերի 1-ը; Հիմա մարտի 1-ի դեպքով 10 տարի ազատազրկման դատապարտվածները, ոնց հասցնեն մինչև օգոստոսի վերջը 5 տարի նստեն ?
Ինչ վերաբերում է մարտի 1-ի դեպքերից հետո հետախուզման մեջ գտնվողներին, մասնավորապես Խաչատուր Սուքիասյանին եւ Նիկոլ Փաշինյանին, ապա Արդարադատության նախարարն ասաց. «Այն հոդվածները, որոնցով նշված մարդկանց մեղադրանք է առաջադրվել եւս ենթակա են համաներման: Եթե հիշյալ անձիք մինչեւ հուլիսի 31-ը ներկայանան իրավապահ մարմիններին, նրանց վրա համաներումը կազդի»:
Վատ կուտ չի: Սրանք որ Նիկոլին ու Սուքիասյանին ձերբակալեցին, մեղադրանքները կփոխեն ու նենց հոդվածներ վրաները կդնեն, որ եթե ամբողջ աշխարհով մեկ համաներում էլ հայտարարվի, Նիկոլի վրա դա չի տարածվի:
Նիկոլ, կուտը չուտես :))))))

Ամբողջությամբ ազատ կարձակվեն Գագիկ Ջհանգիրյանը, Սմբատ Այվազյանը
Չեմ հավատում: Սերոժը Ջհանգիրյանին մինչև պատժի վերջը բերդում եթե չպահի, Աղվանի հետ երկուսով խառակիրի կանեն: Բացառում եմ:

Տրիբուն

19.06.2009, 19:19

ՀԱՄԱՆԵՐՄԱՆ ԱՌԱՋԱՐԿՆ ԸՆԴՈՒՆՎԵՑ
98 կողմ, 1 դեմ և 3 ձեռնպահ ձայների հարաբերակցությամբ ԱԺ այսօր ընդունեց Սերժ Սարգսյանի առաջարկը համաներման վերաբերյալ:

Լրագիր (http://www.lragir.am/src/index.php?id=country&pid=27377)

Բա, այ սենց բարի ԱԺ ու նախագայ: Մնում ա օրենքը տպվի կարդանք, տենանք երբ ում ինչ:

Բուռն ծափահարություններ Եվրոպայից: Առաջ Հայաստան; Կեցցե դեմոկրատիան: Աղբահանություն:

Տրիբուն

19.06.2009, 19:21

ԱԶԳԱՅԻՆ ԺՈՂՈՎԻ ՈՐՈՇՈՒՄԸ ՀԱՄԱՆԵՐՈՒՄ ՀԱՅՏԱՐԱՐԵԼՈՒ ՄԱՍԻՆ
Քննարկելով համաներում հայտարարելու մասին Հայաստանի Հանրապետության Նախագահի առաջարկությունը եւ ղեկավարվելով Հայաստանի Հանրապետության Սահմանադրության 81-րդ հոդվածի 1-ին մասի 1-ին կետով`

Հայաստանի Հանրապետության Ազգային ժողովը ՈՐՈՇՈՒՄ Է.

1. Պատժից ազատել`
1) առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց.
2) այն անձանց, որոնց նկատմամբ պատիժը պայմանականորեն չի կիրառվել, կամ պատժի կրումը հետաձգվել է.
3) ազատությունից զրկելու հետ չկապված պատիժների դատապարտված անձանց:

Մնացածն այստեղ (http://www.lragir.am/src/index.php?id=lrahos||society&pid=27382)

Ես էլ սենց:

Chuk

19.06.2009, 19:25

Ես էլ սենց:

ՀԺ-ն դեռ երեկ էր ձեռք բերել ու տպել (http://hzh.am/18-06.html) :))

Տրիբուն

19.06.2009, 19:27

Չէի կարդացել: Դե նախագիծը շրջանառության մեջ ա եղել: Հիմա ով ա մնում, ով ա հելնում ?? Անուններով, երբ պարզ կլինի ??

Chuk

19.06.2009, 19:34

Չէի կարդացել: Դե նախագիծը շրջանառության մեջ ա եղել: Հիմա ով ա մնում, ով ա հելնում ?? Անուններով, երբ պարզ կլինի ??

Ալեքսանդր Արզումանյան, Հակոբ Հակոբյան, Մյասնիկ Մալխասյան, Գագիկ Ջհանգիրյան, Սմբատ Այվազյան - դուրս են գալիս:

Սասուն Միքայելյան, Աշոտ Մանուկյան, Մուշեղ Սաղաթելյան, Սափեյան եղբայրներ - դուրս չեն գալիս:

Սրանք նրանք են, որ հիշում եմ:

Վիշապ

19.06.2009, 19:51

Եվրոպոսները այնուամենայնիվ խրեցին Սերոժին, փաստորեն դրա համար էր գոհ:mda

REAL_ist

19.06.2009, 20:25

Էս պահը ով ա հասկանում ?? 10 տարվա կեսը իմ իմանալով 5 տարին է: Համաներման որոշումը ուժի մեջ կմտնի, իրենց ասելով մինչև սեպտեմբերի 1-ը; Հիմա մարտի 1-ի դեպքով 10 տարի ազատազրկման դատապարտվածները, ոնց հասցնեն մինչև օգոստոսի վերջը 5 տարի նստեն ?հումորա ապեր:Dնախարարական
Չեմ հավատում: Սերոժը Ջհանգիրյանին մինչև պատժի վերջը բերդում եթե չպահի, Աղվանի հետ երկուսով խառակիրի կանեն: Բացառում եմ:Եթե համաներման տակ ընկնեն ոնց պիտի պահեն? Չգիտեմ, ինձ թվումա չոտկի համաներումը կատարելու են, իրանց հիմա ետ պետքա ավելի շատ, քան Ջհանգիրյանին փագի տակ պահելը: Մեկա ներկա պահին շարժումը իրանից էն վտանգի կեսն էլ չի ներկայացնում իրանց համար, ինչ մի տարի առաջ:

Երկակի գնահատական կտամ համաներմանը. մի կողմից ինչ որ տեղ պայքարի ու եվրոպայի ճնշումների արդյունքա, մյուս կողմից էլ հասարակության չկողմնորոշված մասի մոտ իշխանությունների ռեյտինգնա բարձրացել ու էլի կբարձրանա::think Ամեն դեպքում կարևորը մարդիկ ազատ կարձակվեն, քաղբանտարկյալների մեծ մասը, ինչը և շարժման նպատակներից էր:

Hay_XY

19.06.2009, 20:47

Խայտառակ երկիր: Հովիկ Աբրահամյանը .... ախր էնքան բան ունեմ գրելու էդ խուլիգանի մասին (հանցագործ էլ չի, ասես՝ հանցագործ է)... մի խոսքով ներվեր չունեմ )))
Կամ էլ չէ Սերժ Սարգսյանը՝ խառատ-«պրեզիդենտ»: Ու՞մ են համաներում: 2000 հոգի հանցագործ ու խուլիգանների՞՝ իրենց «օրթախներին»՝ միաժամանակ Եվրոպայի առջև թատերական ներկայացում խաղալով:

Քաղ. բանտարկյալներին ձերբակալելու փոխարեն (իբր զանգվածային անկարգությունը մարտի 1-ին էր), թող իրենց իշխանության շերտերում զանգվածային անկարգության համար բոլորին կախեն, ավելի լավ է: Եթե մարտի 1-ը անվանում են զանգվածային անկարգություն, ապա ամեն օր իրենք դրանից էլ բեթար անկարգություններ են անում: Խուլիգան ու խայտառակ մոնոլիտ բրգաձև միապետություն:

Արդարացնել քաղբանտարկյալներին:

Հայկօ

19.06.2009, 23:18

REAL_ist

19.06.2009, 23:21

Ոչ թե վերադառնան ու դատվեն նոր ազատ արձակվեն, այլ ուղղակի ներկայանան մինչև ամսի 31-ը, քանի որ հետախուզման մեջ գտնվողների վրա չի տարածվում համաներումը:

Ձայնալար

19.06.2009, 23:22

Ջհանգիրյանը ներկայացած ա, ալիքները մի խառնեք, Նիկոլն ու խչոն են հետախուզման մեջ:

Chuk

19.06.2009, 23:23

Ժողովուրդ ջան, ամբողջ օրը դրսերում եմ եղել, բան չգիտեմ: Իմացածս լսել եմ մարշուտնիների մեջի ռադիոներից: Մենակ իմացա, որ Գագիկ Ջհանգիրյանին ու Նիկոլ Փաշինյանին կհամաներեն, եթե նրանք ներկայանան մինչև ամսի էսինչը, նորմալ դատվեն ու ստանան մինչև 5 թե 3 տարի: Հակառակ դեպքում՝ ոչ մի համաներում: Մի խոսքով՝ մի քիչ ասեք, լուսավորեք, էլի. մարդավարի, առանց հայլուրական բառերի: Շնորհակալություն:
Երևի Սուքիասյան պիտի գրեիր ;)
Դե իրանց մասով էսպես ա, եթե մինչև հուլիսի 1-ը ներկայանան ու հետո դատվեն, դատվելուց հետո իրանց հոդվածները համընկնի համաներման տակ ընկնողներին, կհամաներվեն: Բայց դե չես կարող ասել, թե ներկայանալուց հետո ամեն ինչը ոնց գլխի վրա շուռ կտան ու վրաներն ուրիշ ինչ հոդվածներ կգրեն:

Մնացածը կարդա նախորդ գրառումներում:

REAL_ist

19.06.2009, 23:26

Դե իրանց մասով էսպես ա, եթե մինչև հուլիսի 1-ը ներկայանան ու հետո դատվեն, դատվելուց հետո իրանց հոդվածները համընկնի համաներման տակ ընկնողներին, կհամաներվեն: սխալ ես ասում Չուկ`

5. Նյութերով քրեական հետապնդում չհարուցել եւ քրեական հետապնդում չիրականացնել, ինչպես նաեւ կարճել այն անձանց կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող` մինչեւ 2009 թվականի հունիuի 1-ը կատարած հանցագործություններով քրեական գործերը, որոնցով`
1) անձինք կարող են մեղադրվել կամ մեղադրվում են այնպիuի հանցագործություններ կատարելու մեջ, որոնց համար նախատեuված է պատիժ` չ ավելի, քան երեք տարի ժամկետով ազատազրկում.
2) uույն որոշման 2-րդ կետում թվարկված անձինք կարող են մեղադրվել կամ մեղադրվում են այնպիuի հանցագործություններ կատարելու մեջ, որոնց համար նախատեuված է պատիժ` ոչ ավելի, քան հինգ տարի ժամկետով ազատազրկում.
3) անձինք կարող են մեղադրվել կամ մեղադրվում են անզգուշությամբ հանցագործություններ կատարելու մեջ, որոնց համար նախատեuված է պատիժ` ոչ ավելի, քան հինգ տարի ժամկետով ազատազրկում.
4) անձինք կարող են մեղադրվել կամ մեղադրվում են այնպիuի հանցագործություններ կատարելու մեջ, որոնց համար նախատեuված է միայն ազատությունից զրկելու հետ չկապված պատիժ:
Ոչ թե դատվելուց հետո պետքա հոդվածները համընկնի, այլ հարուցված քրեական գործերի հոդվածները պետքա համընկնեն: Իսկ համաներումը ուժի մեջ մտնելուց հետո դատապարտվածների վրա այն բնականաբար չի կարող տարածվել:

Chuk

19.06.2009, 23:29

սխալ ես ասում Չուկ`

Ոչ թե դատվելուց հետո պետքա հոդվածները համընկնի, այլ հարուցված քրեական գործերի հոդվածները պետքա համընկնեն: Իսկ համաներումը ուժի մեջ մտնելուց հետո դատապարտվածների վրա այն բնականաբար չի կարող տարածվել:

Լավ, չեմ վիճում: Պարզապես մի քանի տեղից լսել, կարդացել եմ: Կփորձեմ գտնել, ցույց տալ: Եթե չեմ սխալվում, նախարարն էլ էր էդպես ասում:

Chuk

19.06.2009, 23:45

Լավ, չեմ վիճում: Պարզապես մի քանի տեղից լսել, կարդացել եմ: Կփորձեմ գտնել, ցույց տալ: Եթե չեմ սխալվում, նախարարն էլ էր էդպես ասում:
Ռեալիստ ջան, ինձ քո ասածը համոզում է, քանի-որ որոշման տեքստը կարդալուց ես էլ եմ էդպես հասկանում, բայց մեջբերում եմ օրինակ.

«Համաձայն համաներման' հետախուզման մեջ գտնվողները պետք է վերադառնան մինչեւ հուլիսի 31-ը, նրանց նկատմամբ նախաքննություն պետք է կատարվի, գործը դատարան հասնի, վճիռ կայացվի եւ եթե նրանց պատժաչափը 5 տարուց ավել չլինի, նոր նրանց նկատմամբ հնարավոր կլինի համաներում կիրառել»,- ասաց տիկին Փոստանջյանը: Այսինքն' Խաչատուր Սուքիասյանի, Նիկոլ Փաշինյանի եւ հետախուզման մեջ մյուս գտնվողների վրա համաներումը չի տարածվում:
Աղբյուր՝ Ա1+ (http://a1plus.am/am/politics/2009/06/19/confirmed)

REAL_ist

19.06.2009, 23:50

Տենաս իրան որ մի գիտուննա խաբել: Չնայած ինչ կա զարմանալու, աջուձախ ոչ կոմպետենտ մարդիկ են` նախարարություններից սկսած...

Chuk

19.06.2009, 23:51

Լավ, չեմ վիճում: Պարզապես մի քանի տեղից լսել, կարդացել եմ: Կփորձեմ գտնել, ցույց տալ: Եթե չեմ սխալվում, նախարարն էլ էր էդպես ասում:
Ուղղեմ ապատեղեկատվությունս, նախարարն այլ բան էր ասել, մեջբերեմ.

Ինչ վերաբերում է մարտի 1-ի դեպքերից հետո հետախուզման մեջ գտնվողներին, մասնավորապես Խաչատուր Սուքիասյանին եւ Նիկոլ Փաշինյանին, ապա Արդարադատության նախարարն ասաց. «Այն հոդվածները, որոնցով նշված մարդկանց մեղադրանք է առաջադրվել եւս ենթակա են համաներման: Եթե հիշյալ անձիք մինչեւ հուլիսի 31-ը ներկայանան իրավապահ մարմիններին, նրանց վրա համաներումը կազդի»:

Աղբյուր՝ Ա1+ (http://a1plus.am/am/politics/2009/06/19/national-assembly)

Աբելյան

19.06.2009, 23:56

Մի կողմից` "ու՛ռռռաաաա~", մյուս կողմից էլ` ափսոս

Elmo

20.06.2009, 10:37

Ինչ վերաբերում է մարտի 1-ի դեպքերից հետո հետախուզման մեջ գտնվողներին, մասնավորապես Խաչատուր Սուքիասյանին եւ Նիկոլ Փաշինյանին, ապա Արդարադատության նախարարն ասաց. «Այն հոդվածները, որոնցով նշված մարդկանց մեղադրանք է առաջադրվել եւս ենթակա են համաներման: Եթե հիշյալ անձիք մինչեւ հուլիսի 31-ը ներկայանան իրավապահ մարմիններին, նրանց վրա համաներումը կազդի»:

Հետաքրքիր ա կգա՞ն:

Rammstein

20.06.2009, 10:56

Շատ դժվար հարց է: Մի կողմից չեմ կարող հաստատ վստահ լինել, որ բոլոր քաղբանտարկյալ կոչվող մարդիկ անմեղ են, մյուս կողմից էլ գիտեմ, որ նրանց մեջ կան անմեղները:
Այսինքն՝ մի կողմից չի կարելի անմեղ մարդուն կալանքի տակ պահել նրա քաղաքական հայացքների համար, մյուս կողմից էլ չի կարելի այդ անմեղների հետ միասին ազատել նաեւ որոշակի մեղքի բաժին ունեցող մարդու (թեկուզ եթե մեղավորները անմեղների համեմատ շատ քիչ են): Քվեարկում եմ 2-րդ տարբերակի օգտին:

Elmo

20.06.2009, 11:13

Rammstein ջան օրենքի առաջ ես էլ եմ մեղավոր: Բանակից սամավոլկա եմ դուրս եկել, մարդ եմ ծեծել, ծեծկռտուկ եմ սարքել ինձ են ծեծել, ոստիկան եմ խաբել:
Ես անմեղ չեմ, բայց դա չի նշանակում, որ ինձ իրավունք ունեն ինձ բռնեն ու ասենք պետության դեմ ուղղված հանցագործության հոդվածով 1 տարի անկապ փակեն: Ու հալա մի հատ էլ համաներեն:
Ու հալա մարդիկ էլ ասեն «կասես նենց սուրբ ա էլի, էնքան բան ա արել, որ՜»: Է հա, արել եմ, թող արածներիս համար ժամանակին պատժեին:
Հիմա որ լավ ման գանք դու էլ օրենք խախտած կլինես: Բայց դա չի նշանակում, որ դու բացարձակ անմեղ կամ մեղավոր ես: Իրավական տեսակետից տենց բան չկա: Մարդը բացարձակ անմեղ ու մեղավոր չի լինում, էդ Աստծո դատաստան չի էլի: Պետք ա ռեալ հոդվածով մեղավոր լինի:
Կոնկրետ տվյալ մարդիկ քաղբանտարկյալ են, որովհետև բոլոր ներկայացված մեղադրանքները հիմք ու ապացույց չունեն: Սկի դուզգյունի վկա չունեն:

Ձայնալար

22.06.2009, 17:56

«Համաներումը թերի է»
15:41 | Այսօր | ՔԱՂԱՔԱԿԱՆՈՒԹՅՈՒՆ

«Համաներումը թերի է, քանի որ այստեղ խճճվել են մի քանի նրբերանգներ' սոցիալական, իրավական եւ քաղաքական»,- այսօր այդ մասին լրագրողներին հայտնեց ԵԽԽՎ-ում Հայաստանյան պատվիրակության նախկին ղեկավար Հովհաննես Իգիթյանը:

Ընդդիմադիր գործչի կարծիքով' կազմվել է մի ցուցակ եւ այդ ցուցակից վերցրել են մի քանի մարդ, ովքեր պետք է շարունակեն մնալ բանտերում եւ փաստաթուղթը ձեւակերպել են այդպես: Ըստ այդմ էլ'օրինակ' 316 հոդվածի միայն 1-ին մասով են մարդիկ ազատ արձակվում, իսկ 316 հոդվածի 2-ով' ոչ:

«Համաներումը կապված է մարտի 1-ի հետ' չնայած նրանք են դա չեն ասում>»,-ասում է նա: Ըստ Իգիթյանի, ԱԺ նախագահ Հովիկ Աբրահամյանը գնացել է Ստրասբուրգ, որպեսզի բարձրաձայն ասի, որ ԵԽԽՎ պահանջները իրականացրել են:

Իսկ ի՞նչ է սպասվում անցած տարվա մարտիմեկյան դեպքերից հետո հետախուզման մեջ գտնվող ԱԺ պատգամավոր Խաչատուր Սուքիասյանին ու «Հայկական ժամանակ» օրաթերթի խմբագիր Նիկոլ Փաշինյանին:

«Այս մարդիկ որոնք հետախուզման մեջ են գտնվում, ընդհատակում են գտնվում, նրանց պատժելու հարցը, ի վերջո լուծելու են այն իշխանավորները, որոնք գրել են այդ փաստաթուղթը»,- ասաց Հովհաննես Իգիթյանը' միաժամանակ նշելով, որ համաներման առաջարկը խիստ անհատավորված է և կախված որևէ գործչի նկատմամբ «պերսոնալ ատելության» չափից։ Իսկ ինքը չգիտի' կոնկրետ Խաչատուր Սուքիասյանի և Նիկոլ Փաշինյանի հանդեպ իշխանությունների զայրույթն ինչ աստիճանի է:

Իսկ այսօր 8 տարի ազատազրկման դատապարտված պատգամավոր Սասուն Միքայելյանի հանդեպ, նրա խոսքերով, անձնական թշնամանք կա: «Մյուս կողմից էլ'Հանրապետական ցույց է տալիս իր անդամներին, թե ինչ է լինելու իրենց հետ, եթե նրանք հանկարծ համարձակություն ունենան քաղաքական դիրքորոշում փոխելու եւ հակաիշխանական հայտարարություններ անել»,- եզրափակեց Հովհաննես Իգիթյանը:

a1plus.am

Rammer

22.06.2009, 19:00

15-Ը ԱՆԱԶԱՏՈՒԹՅԱՆ ՄԵՋ

Չնայած իշխանությունները համաներում հայտարարեցին` մարտի 1-ի ողբերգական էջը շրջելու նպատակով, սակայն այդ համաներումը ոչ բոլոր քաղբանտարկյալների վրա է տարածվելու: Փոխարենը, իշխանություններն ազատ արձակեցին իրենց ընտրակեղծարարներին: Ներկայացնում ենք 2008 թ. մարտի 1-ի իրադարձությունների կապակցությամբ դատապարտված 15 անձանց ցուցակը, որոնց վրա այս համաներումը չի տարածվելու.

Սասուն Միքայելյան - դատապարտվել է 8 տարվա ազատազրկման` 235 հ 2 մասի եւ 225 հոդվածի 1-ին մասի հատկանիշներով

Հարություն Ուռուտյան - դատապարտվել է 6 տարվա ազատազրկման` 149 եւ 112 հոդվածների հատկանիշներով

Մկրտիչ Սափեյան - դատապարտվել է 2 տարվա ազատազրկման` 258 հոդվածի 4 մասի հատկանիշներով

Ժորա Սափեյան - դատապարտվել է 2,5 տարվա ազատազրկման` 258 հոդվածի 4 մասի հատկանիշներով

Հայկ Գեւորգյան - դատապարտվել է 1,5 տարվա ազատազրկման` 258 հոդվածի 4 մասի հատկանիշներով

Մուշեղ Սաղաթելյան - դատապարտվել է 5 տարվա ազատազրկման` 316 հոդվածի 2 մասի եւ 235 հոդվածի 1 մասի հատկանիշներով

Արամ Բարեղամյան - դատապարտվել է 6 տարվա ազատազրկման` 316 հոդվածի 2 մասի հատկանիշներով

Աշոտ Մանուկյան - դատապարտվել է 5 տարվա ազատազրկման` 316 հոդվածի 2 մասի հատկանիշներով

Արմեն Խուրշուդյան - դատապարտվել է 5 տարվա ազատազրկման` 235 հոդվածի 2 մասի եւ 238 հոդվածի հատկանիշներով

Ֆելիքս Գեւորգյան - դատապարտվել է 7 տարվա ազատազրկման` 235 հոդվածի 2 մասի եւ 238 հոդվածի հատկանիշներով

Գաբրիել Գաբրիելյան - դատապարտվել է 7 տարվա ազատազրկման` 225 հոդվածի 1 մասի հատկանիշներով

Վրեժ Նիկոլյան - դատապարտվել է 6,5 տարվա ազատազրկման` 225 հոդվածի հատկանիշներով

Արա Հովհաննիսյան - դատապարտվել է 9 տարվա ազատազրկման` 225 հոդվածի 2 մասի եւ 235 հոդվածի 1-ին մասի հատկանիշներով

Շմավոն Գալստյան - դատապարտվել է 6 տարվա ազատազրկման` 206 հոդվածի հատկանիշներով

Արշալույս Հակոբյան - մեղադրվում է 316 հոդվածի հատկանիշներով: Նրա դեմ հարուցված քրեական գործի նախաքննությունը դեռ չի ավարտվել եւ այն դեռ չի ուղարկվել դատարան:

Lragir.am

Hay_XY

22.06.2009, 21:08

Շաբաթ օրը միջանկյալ հանրահավաք:

Chuk

22.06.2009, 21:10

Շաբաթ օրը միջանկյալ հանրահավաք:

Ողջույն:
Որքան գիտեմ, դեռ վերջնական հաստատված չի սա:

Hay_XY

22.06.2009, 21:11

Ողջույն:
Որքան գիտեմ, դեռ վերջնական հաստատված չի սա:

Ողջույն,
Եղավ, մեկ անգամ էլ կճշտեմ, կասեմ: ))

Hay_XY

22.06.2009, 21:22

Դիմումը ներկայացված է, մնում է արտոնագրվի: ))

Chuk

22.06.2009, 21:39

http://www.youtube.com/watch?v=NaziewxW44U

Համաներման արդյունքում այսօր ազատ արձակվեց 15 քաղբանտարկյալ:

Լեւոն Տեր-Պետրոսյանն այսօր Սարյանի արձանի մոտ դիմավորեց բոլոր այն քաղբանտարկյալներին, որոնք համաներման արդյունքում այսօր ազատ արձակվեցին: Նա Սարյանի արձանի մոտ էր ժամանել նախատեսված ժամից մեկ ժամ շուտ' իր համակիրների հետ շփվելու համար: Հանդիպումը անմիջական էր, Տեր-Պետրոսյանը շատերին ճանաչում էր անուններով եւ խնդրեց հնարավորինս անաղմուկ սպասել քաղբանտարկյալներին: Քաղբանտարկյալներից առաջինը ներկայացավ Մյասնիկ Մալխասյանը, որից հետո նաեւ մյուսները: Ներկաները քաղբանտարկյալներին դիմավորեցին «Հերոսներ» վանկարկումներով, ազգային ազատագրական երգերով ու ծափերով: Բոլոր քաղբանտարկյալները դեմ էին իրենց նկատմամբ համաներման կիրառմանը եւ, իրենց խոսքերով, մինչեւ վերջ պայքարելուն են արդար դատավճռի հասնելու համար: «Կիսատ հանդուրժողականություն, ներողամտություն, մեծահոգություն, համաներում չի լինում: Մեծահոգության, Աստվածահաճո գործի մասին իշխանությունների հայտարարությունները ծիծաղելի են: Ամենակարեւորը մենք այդ համաներման կարիքը չունենք: Մեր նկատմամաբ ամենամեծ հանդուրժողականությունը կլիներ այն, որ իշխանությունները արդար դատավարության հնարավորություն տային մեզ »,- Ա1+ին ասաց Մյասնիկ Մալխասյանը: Նրա կարծիքով' այս համաներմամբ իշխանությունները ավելի խորացրեցին երկրում ստեղծված քաղաքական ճգնաժամը, քանի որ այն արվեց միայն ԵԽԽՎ-ին ցույց տալու համար. «Այլապես, իշխանությունները հազար առիթ ունեին համաներում հայտարարելու համար»: Սմբատ Այվազյանը Սարյանի արձանի մոտ էր եկել անմիջապես Վարդաշենի քրեակատարողական հիմնարկից'«Պայքար, պայքար մինչեւ վերջ» վանկարկելով: «Իշխանությունները գավառական, գյուղական , ճղճիմ մակարդակի համաներում անցկացրեցին: Ամոթ իրենց»,-Ա1+ին ասաց Սմբատ Այվազյանը: Նրան չի զարմացնում այն փաստը որոշ քաղբանտարկյալներ իշխանությունները ազատ չարձակվեցին. «Նրանց թվում է, որ մենք մեր պայքարը չենք շարունակի, քանի որ մեր ընկերներից շատերը դեռ անազատության մեջ են, բայց նրանք սխալվում են: Մենք մեր պայքարը շարունակելու են հենց հանուն մեր անազատության մեջ մնացած ընկերների»: Այսօր ազատ արձակված քաղբանտարկյալների շարքում էր Դավիթ Մաթեւոսյանը: Վերջինս հետախուզման մեջ գտնվողների վերաբերյալ իշխանությունների հայտարարությունների մասին ասաց. «Դա ընդամենը ծուղակ է հետախուզման մեջ գտնվողների համար»:

Քաղբանտարկյալներից Աշոտ Զաքարյանը ցավ հայտնեց, որ այսօր ոչ բոլոր քաղբանտարկյալները են ազատ արձակվել, սակայն վստահեցրեց, որ իշխանությունները նրանց եւս չեն կարող երկար պահել պատանդի կարգավիճակում: Նա հատկապես ցավում է Սասուն Միքայելյանի համար: «Մեզ համաներում պետք չէր: Մենք շարունակելու ենք մեր պայքարը այնպես, ինչպես մինչեւ անազատության մեջ հայտնվելը»,- Ա1+ին ասաց Աշոտ Զաքարյանը:

Մոտ 3 ժամ այսօր Տեր-Պետրոսյանն անցկացրեց Սարյանի արձանի մոտ' իր համակիրների հետ շփվելով: Նրա հեռանալուց հետո էլ հավաքվածները ոգեւորված վանկարկում էին. «Լեւոն, նախագահ»:

Աղբյուր՝ Ա1+ (http://a1plus.am/am/politics/2009/06/22/action)

REAL_ist

22.06.2009, 22:41

հիմա 15 հոգի ազատ արձակեցին, թե 15ից բացի բոլորին ազատ արձակեցին?:think

Chuk

22.06.2009, 22:43

հիմա 15 հոգի ազատ արձակեցին, թե 15ից բացի բոլորին ազատ արձակեցին?:think

Էս պահին ազատ են արձակել 15-ին, մի մասին կազատեն վաղն ու այլ օրերի, իսկ 15 հոգի ընդհանրապես չեն ազատվի ;)

murmushka

23.06.2009, 12:31

«Համաներումն ավելի է խորացնում այդ ճգնաժամը»
13:22 | Այսօր | ՔԱՂԱՔԱԿԱՆՈՒԹՅՈՒՆ

«Համաներումը ոչ միայն չի նպաստում Հայաստանում ստեղծված մեկ ու կես տարի տեւող քաղաքական ճգնաժամի հաղթահարմանը, այլ ընդհակառակը` էլ ավելի է խորացնում այդ ճգնաժամը»,- նման համոզման է Հայ ազգային կոնգրեսի ներկայացուցիչ Դավիթ Շահմազարյանը: Վերջինս կարծում է, որ իշխանությունները քաղաքական մեթոդներով ճգնաժամը վերացնելու որեւէ միտում չունեն:

Նա չի ուզում դրական գնահատական տալ այդ ակտին, քանի որ իրենց հաշվարկներով տարբեր մեկուսարաններում շարունակում են մնալ 20 քաղբանտարկյալներ:

Իսկ թե ինչո՞ւ համաներում շնորհվեց. ըստ Դավիթ Շահնազարյանի` կա երկու պատճառ: Առաջինը ժողովրդի ակտիվությունն է, իսկ երկրորդը` թատրոն են խաղում ԵԽԽՎ համար: Եվ , նրա խոսքերով, ԵԽԽՎ նստաշրջանից առաջ նման քայլը թույլ տվեց, որ նրանց չզրկեն ձայնի իրավունքից, ավելին` կգովեն նրանց դրական քայլը, բայց այնուամենայնիվ, Հայաստանը կմնա մոնիտորինգի ռեժիմում:

«Բոլոր քաղբանտարկյալները ազատ են արձակվելու, բայց ոչ թե արտաքին ճնշման տակ, այլ ժողովրդի պայքարի շնորհիվ»,- ասաց նա, ապա հավելելով, որ քան դեռ Հայաստանում կա մեկ քաղբանտարկյալ, ապա շարժումը շարունակվելու է: Իսկ երբ արդեն չլինի որեւէ քաղբանտարկյալ, իրենք պատրաստ կլինեն երկխոսության իշխանությունների հետ:

Հայ ազգային կոնգրեսի ներկայացուցիչը կարծում է, որ շատ այլ հանցագործների ազատ արձակելու համար էլ է շնորհվել համաներումը` ասենք ընտրակեղծարարների, սակայն դեռ ցուցակին ծանոթ չի:

Ի դեպ, Դավիթ Շահնազարյանը հաստատեց, որ հաջորդ շաբաթ, հավանաբար, հանրահավաք կհրավիրեն:

Նշենք նաեւ, որ Դավիթ Շահնազարյանը, խոսելով իշխանությունների արտաքին քաղաքականության գործելաոճից, ասաց. «Երբ տեսնում եմ, թե իշխանությունները ոնց են արտաքին քաղաքականությամբ զբաղվում, նման տպավորություն է, թե ոնց է երեխան պայթուցիկի հետ խաղում»:

;)

Chuk

23.06.2009, 14:40

Գագիկ Ջհանգիրյանը ազատ արձակվեց

http://a1plus.am/content/301x168/09e9b495fca3a758c8936bb290b684d0.jpg

«Ես տոկունություն, կամք, արիություն եմ ցանկանում ճաղավանդակների հետեւում մնացած մեր բոլոր ընկերներին»,- ՀՀ Ազգային անվտանգության մեկուսարանից ազատ արձակվելուց հետո ասաց Գլխավոր դատախազի նախկին տեղակալ Գագիկ Ջհանգիրյանը: Նա ազատ արձակվեց համաներման կիրառմամբ:

Վերջինիս դիմավորելու էին եկել նրա ընկերները, համակիրները եւ երեկ ազատ արձակված քաղբանտարկյալների մի մասը: Ողջագուրվելով ներկաների հետ, այնուհետեւ պատասխանելով «Ա1+»-ի հարցերին` Գագիկ Ջհանգիրյանը հուզված ձայնով վստահեցրեց. «Խոստանում եմ, որ մենք իրենց(դեռ բանտում գտնվողներին) արագ ազատ ենք արձակելու»:

Այնուհետեւ «Ա1+»-ի հարցին, թե ինչպես է գնահատում համաներման որոշումը` Գագիկ Ջհանգիրյանը ասաց, թե համաներումը ընդհանրապես չի առնչվում մարտի 1-ի իրադարձությունների, ապօրինի կալանված անձանց հետ: Իսկ ասածը հիմնավորելու համար` նշեց. «Տեքստի կետը չեմ հիշում, հանեք այդ տեքստի կետը, որում գրված է, որ համաներումը տարածվում է մարտի 1-ի դեպքերով կալանավորված անձանց վրա, համաներման բովանդակությունը չի փոխվի: Նա նորից կտարածվի այն հանցագործությունների վրա, որոնց վրա տարածվում է եւ այն նույն հանցագործությունների վրա, որոնց վրա չի տարածվում: Պարզ ու հասարակ: Ժողովրդական շարժման ճնշումների, եվրոպական կառույցների հորդորների ազդեցության տակ ընդունվեց կիսահղի փաստաթուղթ»:

Իսկ հեռանալուց առաջ փաստեց, որ ինքը ՀԱԿ-ի զինվոր է եւ ինչ քայլեր կանի ՀԱԿ-ը,նա էլ` նրանց հետ:

Հիշեցնենք, որ Գագիկ Ջհանգիրյանը մեղավոր էր ճանաչվել 316 հոդվածի 1-ին մասով` իշխանության ներկայացուցչի նկատմամբ ոչ վտանգավոր բռություն գործադրել, եւ դատապարտել էր 3 տարվա ազատազրկման: Նա անազատության մեջ է փետրվարի 23-ից. մեկ օր առաջ «Ազատության» հրապարակում ելույթ էր ունեցել ի պաշտպանություն առաջին նախագահ Լեւոն Տեր-Պետրոսյանի:

Ի դեպ, ոստիկանության աշխատակիցները արգելում էին դրսում հավաքվածներին կանգնել ԱԱԾ շենքի առաջ եւ հորդորում էին կանգնել դիմահայաց մայթին:

Աղբյուր՝ Ա1+ (http://a1plus.am/am/politics/2009/06/23/gagik-jhangiryan)

Վիշապ

23.06.2009, 15:26

Բավականին տարօրինակ «համաներում» էր, տպավորություն է, թե իշխանությունները վռազ էին։ Սովորաբար համաներումը որևէ ազգային տոնի առթիվ են հայտարարում, ԱԺ նախագահը վռազ կանխատեսում արեց անկախության տոնի առթիվ համաներում հայտարարելու վերաբերյալ, սակայն ուշացրին, թվաց թե սահմանադրության օրվա առթիվ կհայտարարեն, ու սենց… համ էլ անձամբ ինձ համար անսպասելի էր ասենք Արզումանյանին կամ Ջհանգիրյանին բաց թողնելու լուրերը լսելը, անշուշտ շատ ուրախալի է, բայց ինչ–որ մի բան էն չի…:think Տո լի չափից ուժեղ են եվրոպոսները «մերոնց» էն բանից արել, տո լի ընդդիմությունը արդեն երկխոսում է իշխանությունների հետ:8…
Հ.Գ. Տո լի ես արդեն քաղաքականությունից բան չեմ ջոկում:esim

ministr

23.06.2009, 15:28

Ինչ արել չէր արել Սասունն էր արել???

Վիշապ

23.06.2009, 15:35

Ինչ արել չէր արել Սասունն էր արել???

Սա նման է ավազակների կողմից պատանդներ վերցնելուն։ Ավազակների որոշակի պահանջներ կատարելու դեպքում ավազակները բաց են թողնում պատանդների մի մասին, պահանջների վերջնական կատարման համար մյուս մասին էլ բաց թողնելու պայմանով։ Թվում է թե ինչ–որ պայմաններ արդեն կատարվել են, բայց թե ի՞նչ, դեռ պարզ չի…

Chuk

23.06.2009, 15:36

Համաներումով առաջին ազատ արձակված քաղբանտարկյալների օրը արդեն պետք է հուշեր, թե իրական ու խորքային պատճառները համաներման որն էր: Պիտի ոչ թե հուշեր, այլ ապացուցեր: Սա անշուշտ կատարվեց առաջին հերթին եվրոպոսների ուժեղ ճնշումների ներքո, որն իր հերթին այդքան ուժեղ եղավ ՀԱԿ-ի գրագետ քաղաքականության արդյունքում: Ամեն վայրկյան այդ հարցերի արծարծումը, մոռանալ չթողնելը, գրագետ փաստաթղթերը և մնացած այլ հանգամանքները հնարավորություն չտվեցին իշխանություններին եվրոպաների աչքին թոզ փչել:

Ինչ վերաբերվում է Սասունին, ապա ակնհայտ է որ անձնական վրիժառություն էր ու թերևս հիմնական նպատակն էր հանրապետականներին ցույց տալ, թե ինչ կարվի իրենց նկատմամբ, եթե լքեն հանրապետական կուսակցությանն ու միանան ՀԱԿ շարքերին:

Սասունի, Մուշեղի, Սափեյանների, Աշոտ Մանուկյանի, Ուռուտյանի ու մյուսների ազատ արձակմանն էլ ենք հասնելու: Պայքարը շարունակվում է:

Վիշապ

23.06.2009, 15:44

Եվրոպոսների վարկածը իհարկե ծանրակշիռ կարող է թվալ, ես էլ եմ ասել՝
http://www.akumb.am/showpost.php?p=1720557&postcount=42
Համենայն դեպս ընդդիմության հուժկու դադարն էլ կարող էր իր դերը ունեցած լինել այս գործում, եթե ենթադրենք, որ եվրոպոսների ուշքը առանձնապես չի գնում հայերիս դեմոկրատական տեսնելու համար։ Կամ էլ գուցե գնու՞մ է…:esim

Chuk

23.06.2009, 15:46

Համենայն դեպս ընդդիմության հուժկու դադարն էլ կարող էր իր դերը ունեցած լինել այս գործում, եթե ենթադրենք, որ եվրոպոսների ուշքը առանձնապես չի գնում հայերիս դեմոկրատական տեսնելու համար։ Կամ էլ գուցե գնու՞մ է…:esim
Իսկ ի՞նչ կասես նման վարկածի մասին. ընդդիմությունն իմիտացիոն դադար է ստեղծել, որպեսզի համաներման ակտի որոշման մեջ ներառվեն հնարավորինս շատ քաղբանտարկյալներ:

Հիշեցնեմ. առաջիկայում ՀԱԿ-ը կազմակերպելու է նոր հանրահավաք: Թերևս հաջորդ շաբաթվա մեջ:

Տրիբուն

24.06.2009, 12:11

Իսկ ի՞նչ կասես նման վարկածի մասին. ընդդիմությունն իմիտացիոն դադար է ստեղծել, որպեսզի համաներման ակտի որոշման մեջ ներառվեն հնարավորինս շատ քաղբանտարկյալներ:
ՍՍ ինտելեկտով չի փայլում, բայց որպես հայտնի ղումարբազ, դժվար թե սենց իմիտացիոն կտեր ուտեր: Դժվար է ասել, թե ինչ կլինի, բայց անկախ այն բանից, թե եվրոպոսների ճնշման տակ ազատ արձակեցին, ՀԱԿ ճնշման տակ ազատեցին, թե երկուսի գումարային ճնշման տակ ազատեցին քաղբանտարկյալներին, ՍՍ իրեն բավականին ինքնավստահ է զգում: Չեմ զարմանա եթե եկող շաբաթվա ակնկալվող հանրահավաքը հանկած արտոնվի:

murmushka

24.06.2009, 14:24

ՉԷԻՐ, ՉԷԻՐ, ՉԷԻՐ ՈՒԶՈՒՄ…
Այսօր, երբ քաղբանտարկյալների զգալի մասը ազատության մեջ է, արժե, թերեւս, վերլուծել այն քաղաքական պրոցեսը, որի արդյունքում իշխանությունը` Սերժ Սարգսյանի գլխավորությամբ, ստիպված եղավ գնալ նման քայլի, այսինքն` ազատ արձակել քաղբանտարկյալներին։ Սա, մեծ հաշվով, Հայ ազգային կոնգրեսի եւ նրա առաջնորդ Լեւոն Տեր-Պետրոսյանի մարտավարական հաղթանակն է եւ ըստ էության` անհերքելի ապացույցը իշխանության թուլության ու խոցելիության։ Ընդ որում, իշխանությունը ինքը, մի շարք մարտավարական սխալներ թույլ տալով, նման եզրակացություններ անելու հիմք տվեց։ Համաներում կոչվածը իրոք կարող էր դառնալ իշխանության ուժեղության եւ համոզվածության խորհրդանիշ։ Բայց որպեսզի նման բան տեղի ունենար, այդ համաներումը պետք է իրականություն դառնար ճիշտ ժամանակ եւ ճիշտ շեշտադրումներով։ Սերժ Սարգսյանը, սակայն, կոպիտ սխալ թույլ տվեց` Մարտի 1-ի շրջանում հարուցված խայտառակ գործերին դատավարական ընթացք տալով։ Այսպիսով` իշխանության ներկայացուցիչները փորձեցին լուծել իրենց անհատական անձեռնմխելիության հարցը։ Հաշվարկը հետեւյալն էր. դատական վճիռներով հիմնավորել, որ 2008 թվականի Մարտի 1-ին իրոք եղել է իշխանության բռնազավթման փորձ, կազմակերպվել են զանգվածային անկարգություններ, եւ ուրեմն` իշխանությունները այդ օրվա եւ հետագա իրենց գործողությունների, զոհերի համար ենթակա չեն քրեական պատասխանատվության։ Այդ դատավարություններն ու դատավճիռները ինչ-որ տեղ պետք է ծառայեին նաեւ գործեր վարած քննիչների, դատախազների, ոստիկանների հետագա քրեական պատասխանատվության հարցը փակելուն։ Տեսության մեջ սա, իհարկե, ճիշտ մոտեցում է։ Ամբողջ խնդիրն այն է, որ իշխանությունը ոչ միայն չկարողացավ դատավարությունները իրեն ցանկալի հունով տանել, այլեւ դրանք դարձան նորանոր բացահայտումների թատերաբեմ, բացահայտումներ, որոնք ընդամենը ապացուցում էին ապացուցվածը` Հայաստանի իշխանությունների գործած բազմաթիվ եւ բազմապիսի հանցանքների մասին։ Իշխանությանը փակուղային վիճակի առաջ կանգնեցրեց նաեւ Փաստահավաք խումբը, որի երկու զեկույցներն արդեն մի հսկայական եւ նոր քրեական գործի առիթ կարող են դառնալ։ Փաստահավաք խմբի զեկույցների ավելի մանրամասն ուսումնասիրությունը, սակայն, հեռուն գնացող եզրակացությունների տեղիք է տալիս։ Մասնավորապես, անհասկանալի է մնում, թե ինչ նպատակով են Մարտի 1-ին ոստիկանները հրկիզող հատկություն ունեցող հատուկ միջոցներ կիրառել։ Պատասխանը ենթադրվում է ինքնին` հանրային եւ մասնավոր գույքի հրկիզումներ իրականացնելու եւ դրանց մեղքը ընդդիմության վրա գցելու համար։ Կարճ ասած` հիմա բավարար փաստեր կան` պնդելու համար, որ զանգվածային անկարգությունները իրոք կազմակերպվել են եւ կազմակերպվել են նույն իշխանավորների կողմից։ Կարճ ասած` այս ավելի քան մեկ տարին իշխանությունը չկարողացավ օգտագործել իր մարտիմեկյան հանցանքները կոծկելու համար, եւ հիմա ավելի ակնհայտ է, որ 2008-ի մարտի 1-ին ոստիկանության բոլոր գործողությունները եղել են ապօրինի, որ խանութների թալանը կազմակերպվել է Սերժ Սարգսյանի շրջապատի կողմից, որ Մարտի 1-ի զոհերի թիվը տասից ավելի է, որ հրկիզումները կազմակերպվել են ոստիկանության կողմից, որ իշխանությունը բռնազավթվել է այդ նույն իշխանության կողմից։ Այս բացահայտված փաստերի շարքը դեռ կարելի է շարունակել, բայց սրանք այն փաստերն են, որ ապացուցվել են իշխանության գործունեության արդյունքում։ Պատկերացրեք, թե ինչեր կարող են բացահայտվել անաչառ քննության կողմից։ Իսկ ընդհանրապես, իշխանությունը քաղբանտարկյալներին ազատ արձակելուց հրաժարվում էր` Արեւմուտքին համոզելով, թե այդ քայլը կարող է հղի լինել անկանխատեսելի հետեւանքներով, որ կարող է լինել քաղաքացիական պատերազմ եւ այլն, եւ այսպես շարունակ։ ՀՀ առաջին նախագահ Լեւոն Տեր-Պետրոսյանը իշխանությանը զրկեց այս փաստարկից` Համաժողովրդական շարժումը տանելով «Սահմանադրական պայքարի» հունով։ Սա, թերեւս, այն առանցքային քայլն էր, որ իշխանությանը, ի վերջո, փակուղու առաջ կանգնեցրեց, եւ իշխանությունը ստիպված էր համաներում հայտարարել, ընդ որում` համաներումը հայտարարել այնպես եւ այնպիսի ժամանակում, որ անգամ թույլ հասկացողների համար ակնհայտ դառնա, որ սա ճարահատյալ քայլ է, որ իշխանությունը շատ կցանկանար չանել այդ քայլը, բայց ստիպված է անել։ Սրանում առանցքային դեր խաղաց նաեւ քաղբանտարկյալների անկոտրում կամքն ու միասնականությունը, սկզբունքայնությունն ու նվիրվածությունը արժեքներին։ Իհարկե, այս պատմությունը դեռ չի ավարտվել եւ նոր միայն սկսվում է։ Ճիշտ է, քաղբանտարկյալների մի մեծ մասը շարունակում է մնալ անազատության մեջ (հապացույց այն բանի, որ իշխանությունը չի ուզում, ահավոր չի ուզում ազատ արձակել ոչ մի քաղբանտարկյալի), մի մասը դեռ ընդհատակում է, բայց պայքարը շարունակվում է, պայքարը շարունակվելու է նոր թափով, եւ սա, թերեւս, ամենակարեւորն է։ Մնացածը լուծվող հարցեր են, լուծվող տեխնիկական հարցեր։

ՆԻԿՈԼ ՓԱՇԻՆՅԱՆ

Հունիսի 23, 2009