PDA

Դիտել ողջ տարբերակը : Փողոց անցնելու համար էլ ձև գոյություն ունի



One_Way_Ticket
30.03.2009, 00:54
Շատերս գիտենք, որ երթևեկության կանոններ կան ոչ միայն մեքենաների համար, այլև հետիոտնների համար։ Փողոց անցնել կարելի է միայն հատուկ նշված տեղում և եթե լուսացույցը (նրա արկայության դեպքում) կարմիր չէ։
Սակայն դխբախտաբար, Երևանում քչերն են այդ կանոններին հետևում։ Այստեղ մի կարևոր խնդիր կա․ մեքենաները, որոնք պարտավոր են նման դեպքերում հետիոտնին ճանապարհ զիջել, համարյա երբեք չեն զիջում։ Բայց դե եթե վարորդները մեղադրեն հետիոտններին, իսկ հետիոտնները վարորդներին, ու այդ պատրվագով կանոններին չենթարկվենք, երբեք էլ իրավիճակը չի փոխվի։

Հարց․ Ինչպե՞ս եք վարվում դուք։ Օրինակ ես, նորմալ փողոցը (որտեղ նշված է անցնելու տեղ - զեբրա) միշտ անցնում եմ օրենքով սահմանված կարգով։ Եթե վարորդը մեծ արագությամբ չի գնում, ու վտանգ չկա որ տակը կգցի, ժեստով հասկացնում եմ, որ ճանապարհ զիջի։ Եթե դժգոհում է, բացատրում եմ։

Dorian
30.03.2009, 01:07
Ոչ մի կանոն չեմ կարդացել: Ոնց պատահի անցնում եմ: Հետևում եմ միայն մի կանոնի` ավտոների տակով անցնել չկա:

ministr
30.03.2009, 01:28
Էս իինչ լավ թեմայա... Հարգարժան հետիոտներ, կարող եք բացատրել իմաստը որն ա, ասենք գետնանցումի վրայով (!) փողոց անցնելու? Մամիկոնյանի արձանի մոտի անցումը ձեզ օրինակ!

Elmo
30.03.2009, 07:43
Անցնում եմ բացառապես սահմանված տեղով՝ զեբրի վրայով կամ անցումով: Անցնում եմ բացառապես հետիոտնի կանաչ լույսի տակով: Բայց մեկ ա էլի հելնում են վրես: Մանավանդ գազելներն ու տաքսիները, ըսկի հետիոտն հարգել չգիտեն: Կանաչ լույսի տակ հենց զեբրի վրա կտրորեն, եթե ժամանակին տակից չփախնես: Ավելի օրինապահ ու հետիոտնին հարգող են արտասահմանյան մեքենաները:

ministr
30.03.2009, 08:16
Հիմնականում հետիոտնի բողոքը լինում է այն, որ մեքենաները չեն զիջում աջ թեքվելիս, երբ հետիոտնի ճանապարհը ևս կանաչ է: Միանշանակ խախտում է, բայց... եթե կանգնես ու զիջես հավանական է, որ հետևից եկող որևէ հողաթափիկ ինֆուզորիա կհարվածի մեքենայիդ հետևից, մյուս վտանգը նա է, որ շատ են հետիոտները, որ զիջում ես ու սկսում են նենց ճեմելով փողոցն անցնել, ոնց որ թանգարանում լինեն, այդ դեպքում էլ կարող ա հա զիջես, լույսը փոխի կարմիր ու մնաս խաչմերուկի մեջտեղում:

Դեյզի
30.03.2009, 08:28
Ես էլ եմ մշտապես փողոցը անցնելուց հնարավորինս պահպանում կանոնները, բայց վերջերս մահից հազիվ եմ փրկվել. մի հողաթափիկ ինֆուզորիա մինչև վերջ երաժշտությունը միացրած, հավանաբար Բրյուսովի աղջիկների ուշադրությունը գրավելու այլ ձև չգիտեր, մեծ արագությամբ շարժվեց դեպի ինձ ու...ՈՒ էլի տենց շատ հողաթափիկ ինֆուզորիաներ, ես կասեի գեղցիներ, որոնք էշից իջել` ինֆինիտի են վարում:
Հետիոտների առումով, կարծում եմ, պետք է տարբեր ծրագրերի միջոցով սովորացնել երթևեկության կանոնները, նույնիսկ կարելի է համալսարաններում: Օրինակ, շատ մարզերում չկան լուսամփոփներ, և մարդիկ անցնում են այնպես, ինչպես իրենց հարմար է: Դպրոցներում երթևեկության կաննորների մասին չեն անցնում: Գալով Երևան` շատ հաճախ անցնում են նույն սկզբունքով( բայց դա չի նշանակում, որ ժամանակի ընթացքում չեն սովորում):
Հա, պետք է հնարավորինս խստացնել նաև վարորդական իրավունքներ ստանալու գործընթացը:

Poqrik_Arev
30.03.2009, 09:14
Շատ լավ ու տեղին թեմա է։ Ես ինքս աշխատում եմ փողոցն անցնել բոլոր կանոններով, զեբրայով և միայն կանաչ մարդուկի առկայությամբ։ Նամավան կարևորում եմ անցումներից օգտվելու փաստը, նամանավանդ Մամիկոնյանի արձանի մոտի գտնվող անցումից։ Ինձ թվում է, հիմա Խանջյանը դարձել է շատ վտանգավոր փողոց, որտեղ վարորդները լավ արագություններ են բացում։ Ես անձամբ մի անգամ մեքենայի տակ ընկնելուց եմ փրկվել (քույրիկս վախենում է Մամիկոնյանի ացնումներից, դրա համար էլ անցումի վրայով էինք անցնում :) )

Մի խոսքով, ժողովուրդ ճանապարհը ճիշտ անցեք ու քարոզեք ձեր բոլոր ծանոթներին, որ նույն ձևով վարվեն :oy

Elmo
30.03.2009, 09:24
Հիմնականում հետիոտնի բողոքը լինում է այն, որ մեքենաները չեն զիջում աջ թեքվելիս, երբ հետիոտնի ճանապարհը ևս կանաչ է: Միանշանակ խախտում է, բայց... եթե կանգնես ու զիջես հավանական է, որ հետևից եկող որևէ հողաթափիկ ինֆուզորիա կհարվածի մեքենայիդ հետևից, մյուս վտանգը նա է, որ շատ են հետիոտները, որ զիջում ես ու սկսում են նենց ճեմելով փողոցն անցնել, ոնց որ թանգարանում լինեն, այդ դեպքում էլ կարող ա հա զիջես, լույսը փոխի կարմիր ու մնաս խաչմերուկի մեջտեղում:

Նույնիսկ կարմիրի տակ ինչ ինչ պատճառներով զեբրի վրա հայտնված հետիոտնին պետք ա զիջել: Բայց ստեղ ուզում ա երեխա լինի գիրկդ, կապ չունի քշում են վրեդ:

Լեո
30.03.2009, 09:58
Ես շատ կուզեի միայն առաջին տարբերակով լիներ, բայց ցավոք ստիպված եմ շատ հաճախ երկրորդ տարբերակով էլ գործել, որովհետև միայն օրենքին հետևելը կարող է վրաս կյանք նստել: Հաճախ եմ տեսել, որ հետիոտների համար նախատեսված կանաչ լույսը վառվում է, բայց մեքենաները միևնույն է առանց ճանապարհը զիջելու գնում-գալիս են: Դե արի ու էդտեղ օրենքին հետևիր, հո՞ գիժ չեմ...

Taurus
30.03.2009, 10:04
Երբ շտապում եմ, մեքենաների վրայով էլ եմ անցում, բայց էս վերջերս սկսել եմ հետևել ինձ, ու արդեն մեքենաների միջով եմ անցնում, կամ էլ իրանք են իմ միջով անցնում:

ministr
30.03.2009, 10:17
Համաձայն եմ, որ պետք ա զիջել, բայց արի ու գեղցիներին դա բացատրի, որ հեռախոսը դիֆուզիայի պատճառով արդեն կպելա ականջին ու էությամբ էլ բոմժ են: Լրիվ կողմ եմ, որ խստացնեն վարորդական իրավունք տալու գործընթացը, որ ամեն մի թերմացք չհայտվնի ղեկին: Ես վարորդական իրավունքը ստացել եմ գումարով ու առանց դասերի գնալու, որովհետև ժամանակ չունեի, բայց համ կանոններն էի կարդում համ էլ օնլայն շաբլոններ էի լրացնում: Որ գնացի ԳԱԻ այսպես ասած քննություն տալու մի հատ մարդ էկավ, շաբլոնը տվեց ասումա կաչաս ասես պատասխանները? Ասում եմ հեսա պատասխանեմ դւ տես կարամ թե չէ: Առաջին 4 հարցից հետո կողքինին զարմացած ասումա "ջոկիր արա.. գիտի": Ու ես արդեն պատկերացրի թե քանի նախակենդանի ա առանց հասկանալու իրավունք ստացել:

ministr
30.03.2009, 10:19
Ես շատ կուզեի միայն առաջին տարբերակով լիներ, բայց ցավոք ստիպված եմ շատ հաճախ երկրորդ տարբերակով էլ գործել, որովհետև միայն օրենքին հետևելը կարող է վրաս կյանք նստել: Հաճախ եմ տեսել, որ հետիոտների համար նախատեսված կանաչ լույսը վառվում է, բայց մեքենաները միևնույն է առանց ճանապարհը զիջելու գնում-գալիս են: Դե արի ու էդտեղ օրենքին հետևիր, հո՞ գիժ չեմ...

Մի քանի խաչմերուկ չհաշված հիմնականում ավելի անվտանգ ա կարմիրի տակով անցնել (հետիոտնի կարմիրի մասին ա խոսքը) երբ որ մեքենան կամ հեռու է կամ չկա: Հակառակ դեպքում երաշխիք չկա, որ որևէ մակաբույծ գյադա իրա կարմիրի տակ կկանգնի ու չի քշի վրադ:

Guest
30.03.2009, 10:27
Չեմ իմամում կանոնների ենթարկվել ա թե չե, բայց ես երբ կանաչ ա չեմ նայոեւմ ավտոներին իսկ երբ կարմիր ա անգամ հեռվից ու դանդաղ եկող ավտորի զիչում եմ… դե ասածս էն ա, որ մառազմի չեմ հասցնում՝ կարմիրի տակ կանգնել անգամ այն դեպքում երբ ավտո չկա:

cold skin
30.03.2009, 10:38
Մի ժամանկ փողոցն անցնում էի մատս տնկած:D, դե որտեղ որ պարտավոր էին հարգել հոտիոտին ու ալարում էին:
Հիմա նայում եմ կարմիր լույս, կանաչ լույս, մեկ-մեկ որ կողքս մարդիկ են լինում ուզուոմ են անկապ ճանապարհն անցնեն՝ ասում եմ մերը չի:D, ո՞ւր եք վազում:
Բայց դե մի քանի երջանիկ ապուշեր կան չէ, որ "գյորմամիշավարի" են վարում ավտոմեքենան ու գալիս հենց զեբրի վրա էլ կանգնում են, դրանից իրնք խորն էքստազի մեջ են ընկնում:)
Բա որ ալարելով հարգում են հետիոտին, պարտավոր ես խորը գլուխ տալ ի նշան շնորհակալության, բայց եթե չես խոնարհվում, հետևիցդ գոռում են մեռսի, ապա արագ հետ ես վազում, արագ խոնարհվում ու շարունակում ճանապարհդ…
Ու՜ֆ…

Արմինե
30.03.2009, 10:43
Ես Հայաստանում չեմ, բայց եկած ժամանակ էլ աշխատում եմ օրենքով շարժվել, չնայած միշտ չի ստացվում, որովհետև եթե Հայաստանի պայմաններում շարժվես միայն օրենքով սահմանված կարգով, կարող ա այդպես էլ փողոցը չանցնես: Իսկ ինչ մնում է մեքենա վարելուն, ապա ես ռիսկ չէի անի, բացարձակ կարգ ու կանոն չկա, ավելի ճիշտ կա՛, բայց կանոններին շատ քչերն են հետևում:

Second Chance
30.03.2009, 11:00
Համարյա թե միշտ հետևում եմ կանոներին: Ասում եմ համարյա, որովհետև եթե տեսնեմ կարմիր է կամ ասենք փողոցի հատուկ նախատեսված անցնելու մասում չեմ ու մեքենա չկա չեմ կարող դիմանալ գայթակղությանը ու չանցնել:
Ինչ մեղքս թաքցնեմ անցումներից այդքան էլ չեմ սիրում օգտվել:oy հատկապես էն Ռոսիայի մոտի անցումից. էտ պեռաշկիների ու փտած մսերի ու հրավերքների մոտով մինչև անցնում ես կյանքիդ կես գնումա:

Չիպ
30.03.2009, 11:03
Օրենքներին չեմ հետևում, բայց աշխատում եմ ինչքան հնարավորա զգույշ լինեմ, օրենքս որնա օրենքին, որ հետևես սվետաֆոռի տակ կանգնած կմնաս: Որ մի "պապաի բալանա" սվետաֆոռի ուշադրություն դարձնում ով ոնց ուզում տենց էլ քշումա:angry

Dayana
30.03.2009, 11:15
Ես անցնում եմ օրենքով ՝ կանաչ մարդուկի առկայությամբ, ու ինձ հետ անցնողներին էլ նույնն եմ "ստիպում" :P իհարկե մեկ-մեկ խիստ անհաջող :bl

Yellow Raven
30.03.2009, 12:40
Համեմատաբար խոշոր փողոցներում հետևում եմ կանոններին ու միշտ համարյա սպասում եմ իմ ժամանակը գա ու դաշնամուրի ստեղների վրայով անցնում եմ;
Բայց հեճ հաճելի չի նույնը անել փոքր փողոցների վրա,օրինակ Նալբանդյանի վրա` Ժողի մոտ... Էդ փոքր տեղը ալարում եմ անցումով անցնեմ, կտրում անցնում եմ:oy

Moon
30.03.2009, 19:21
Հիմնականում օրինապահ եմ, բայց լինում են դեպքեր, որ կամ համբերութունս չի հերիքում կամ շտապում եմ, ու դառնում եմ օրինախախտ.:oy

One_Way_Ticket
30.03.2009, 19:53
Երանի մի օր իրականությունը համապատասխանի հարցման արդյունքներին :-)

Lion
30.03.2009, 20:19
Չէ, խախտելը թող էլի խախտեն... Բայց, որ այ որոշ ինդիվիդներ փողոցը արգելված վայրերում հատելիս... սկզբում աջ են նայում, սատանա, հենց աջ: Գրողը տանի, գոնե ձախ նայեք - ՁԱԱԱԱԱԱԱԱԱԱԽԽԽԽԽԽԽԽ... Իսկ հետո - ԱԱԱԱԱԱԱԱԱԱԱՋՋՋՋՋՋՋ:angry

Adriano
30.03.2009, 20:38
Երևանի փողոցներում ինչպես էլ անցնես մեկ է 2-ից մեկը կնգնի մեքենային տակ: Ասածս այն է, որ մեզ հայերիս, ինչպես վարորդներին, այնպես էլ անցորդներին, մինչև սովորացնեն հետևել, պահպանել անվտանգության կանոնները մի 121.5 տարի կանցնի::hands

Ներսես_AM
30.03.2009, 21:57
Նայում եմ, բոլորը բոլորից դժգոհ են, վարորդները հետիոտներից, հոտիոտնենրը վարորդներից, ու գիտեք ի՞նչ, մեր վարորդները ու հետիոտները իրար արժանի են: Անձամբ ես, թե որպես վարորդ, թե որպես հետիոտն աշխատում եմ հնարավորինս հետևել կանոններին: Իհարկե ոչ միշտ է ստացվում հենց երթևեկության մյուս մասնակիցների պատճառով:

Sunny Stream
30.03.2009, 22:05
Օրվա մեծ մասը կռիվ եմ տալիս ընկերներիս, վարորդների ու ինքս ինձ հետ, որ էդ 1 րոպեն անցնի օրինական, հանգիստ, ճիշտ ու կանաչ! էն էլ հիմնականում դժվար է լինում բոլորի, նույնիսկ ինձ հետ (եթե շատ շտապում եմ): Առհասարակ մեծ դժվարություն չէ էդ կես րոպեն սպասելը, ուղղակի եթե տարիներով ուզում ես քեզ զսպել, բայց մեկ ա դիմացից վայրենաբար քշող վարորդը դոդոշ ա ու իրան տեղ չի հասնում, կատաղում ես ու գնա~ց... հա, ինձ հաճախ կարելի է տեսնել խաչմերուկի մեջտեղում կանգնած ւո բորբոքված ձեռքերս թափահարելիս` փորձելով վարորդին պանտամիմային հնարքներով հաղորդակից դարձնել լուսաֆորի լույսերին... գոռալ, հայհոյել... դրանք իմը չեն, ամենաշատը կարող եմ ծափահարել զզվելի սխալ քշող վարորդի հետևից... հաճախ էլ ուղղակի ձեռքով կանգնացնում եմ վրաս եկող մեքենան, նորմալ վարորդները արգելակում են ու տենց հաշտ ու խաղաղ բաժանվում ենք իրարից: Ի դեպ մեր լուսաֆորային համակարգն էլ է շատ սխալ. շատ տեղերում, երբ ճանապարհը քոնն է, ուզում ես առանց կողքերդ նայելու հանգիստ անցնել, սկսում են աջից-ձախից թեքվել մեքենաները հենց քո վրա... շատ քիչ խաչմերուկներում, օրինակ` Պրոսպեկտ-Ամիրյանում դա ճիշտ տարանջատված է` սկզբում Պրոսպեկտի մեքենաներն են կանգնում, հետո Ամիրյանցիներն են թեքվում, հետո նոր հետիոտնի հերթն է:

One_Way_Ticket
30.03.2009, 22:42
Ի դեպ մեր լուսաֆորային համակարգն էլ է շատ սխալ. շատ տեղերում, երբ ճանապարհը քոնն է, ուզում ես առանց կողքերդ նայելու հանգիստ անցնել, սկսում են աջից-ձախից թեքվել մեքենաները հենց քո վրա.
Ամբողջ աշխարհում էլ այդպես է։ Եթե այնպես անեին, որ մեկը մյուսին ընդհանրապես չխանգարեր, ստիպված պիտի լինեինք ավելի երկար սպասել կանաչ լույսին։ Զարգացած (և նույնիսկ որոշ ոչ այնքան զարգացած) երկրներում էլի կարող ես առանց կողքերդ նայելու անցնել՝ համոզված լինելով որ մեքենաները ճանապարհը կզիջեն։

Աթեիստ
30.03.2009, 23:14
Վերջերս եմ դարձել կարգապահ հետիոտն, կարգը խախտում եմ եթե ստիպված եմ մինչև "զեբր" քայլել ասենք 100մ։
Եթե մոտակայքում կա ստորգետյա անցում, հետս քայլողներին աշխատում եմ թույլ չտալ փողոցով անցնել։

Lady SDF
01.04.2009, 20:52
Սյս բոլոր բացասական երևույթները որոնք քննարկվում են ակումբի էջերում (երթևեկության կանոնների խախտում, հերթի խախտում, և այլն) փոխադարձ հարգանքի պակասի և օրենքի հանդեպ հարգանքի պակասի արդյունք է:

Այ օրինակ այստեղ, Լոս-ում (հատկապես Գլենդելում) մերոնք փորձում են «հայավարի» երթևեկութուն ստեղծել, բայց քանի որ ոստիկանությունը բավականին խիստ է վերաբերվում երթևեկության խախտումներին, չի ստացվում: Տուգանվում են, վթարների առիթ ստեղծում, ծախսերի տակ ընկնում: Այսինքն, ինչ որ չափով զգուշանում են օրենքից վախենալով: (Ցավոք սրտի վերջերս ավելի շատ եմ նկատում հետիոտների անզգույշ փողոց կտրելը: Գումարած դրան վարորդների օրենքով սահմանվածից արագ վարելը: Դժբախտությունը անխուսափ է)

Եթե Երևանում մի որոշ ժամանակ «Գեստապոավարի» ոստիկանությունը ներկա լինի փողոցներում և հետևի վարորդներին և հետիոտներին, տուգանի խախտումների համար, գուցե օրենքից վախենալով (չեմ ասում հարգելով) կամաց կամաց կարգ ու կանոն հաստատվի:

Իսկ մի օր էլ, գուցե կհասնենք այն զարգացման մակարդակին, որ փոխադարձ հարգանքից դրդված հաշվի կառնենք միմյանց իրավունքները և կլինենք ավելի հանդուրժողական: :)

ministr
01.04.2009, 21:43
Լոս-ի երթևեկությունն էլ մի բարի պտուղ չի: Եթե համեմատենք Սան Հոզեի կամ Մաունթին Վյու-ի երևեկության հետ, ապա սարի ձորի տարբերությունա: Հայերն ու օրենք ասվածը դեպքերի մեծամասնությունում անհամատեղելի հասկացություններ կլինեն, քանի դեռ օրենք խախտելը մեր մոտ կհամարվի ոչ թե ամոթ այլ պրիստիժ: Լոսում նույնիսկ կեղծում են ինվալիդի նշանը մեքենայի հայելուց կախված ու որ կանգնեն ինվալիդների համար նախատեսված տեղում: Էլ ինչ ասես էդ մարդկանց մասին...

Lady SDF
01.04.2009, 22:10
Լոս-ի երթևեկությունն էլ մի բարի պտուղ չի: Եթե համեմատենք Սան Հոզեի կամ Մաունթին Վյու-ի երևեկության հետ, ապա սարի ձորի տարբերությունա: Հայերն ու օրենք ասվածը դեպքերի մեծամասնությունում անհամատեղելի հասկացություններ կլինեն, քանի դեռ օրենք խախտելը մեր մոտ կհամարվի ոչ թե ամոթ այլ պրիստիժ: Լոսում նույնիսկ կեղծում են ինվալիդի նշանը մեքենայի հայելուց կախված ու որ կանգնեն ինվալիդների համար նախատեսված տեղում: Էլ ինչ ասես էդ մարդկանց մասին...

Դե իհարկե, շատ ուրիշ քաղաքների համեմատ Լոս-ը ահավոր է: Բայց Երևանին դեռ չի հասել քանի որ ոստիկանները ձեռքները կողքին դրած «արևածաղիկ» չեն չրթում, այլ հետևում են երթևեկությանը և խախտում նկատելու դեպքում ազդանշանները միացնում:

Ինվալիդի նշան կեղծելը շատ փոքր հանցանք է համեմատած այն խայտառակությունների որոնք կատարվում են մերոնց կողմից: Օրինակ՝ Երևանում (կամ Հայաստանի այլ քաղաքներում) եթե վարորդը մեքենայով հարվածում է հետիոտնին, արդյոք շտապո՞ւմ է հեռանալ և հետքերը կորցնել:

ministr
01.04.2009, 22:38
Մեր մոտ ձեքները կողքներին այլևս կանթած կանգնած չեն:) Մեքենաներով ման են գալիս, եթե շատ վատ խախտում ես անում կանգնացնում են.. կամ էլ եթե հավես ունենան փոքր խախտման համար էլ կկանգնեցնեն: Բայց խախտում չանելու դեպքում համարյա չեն կանգնեցնում:

Վրաերթի դեպքում վարորդի փախուստի դեպքեր արձանագրվում են ցավոք սրտի:

Lady SDF
01.04.2009, 22:41
Մեր մոտ ձեքները կողքներին այլևս կանթած կանգնած չեն:) Բայց խախտում չանելու դեպքում համարյա չեն կանգնեցնում:


:hands Դա արդեն ՄԵԾ առաջխաղացում է: Քիչ մնաց, շուտով կգամ և իմ աչքով կտեսնեմ: :)

ministr
01.04.2009, 22:48
Հա պետավտոտեսչության աշխատանքում առաջընթաց կա միանշանակ: Ինչ կա կա.. չեմ զլանում ընդունել:

Rammstein
05.04.2009, 21:57
Գրե թե միշտ անցնում եմ օրենքով սահմանված կարգով, բացի գետնուղիներից:
Դժգոհ եմ հատկապես տաքսու, երթուղայիններրի, ավտոբուսների մեկ էլ որոշ այլ մեքենաների գեղացի վարորդներից, որոնք չեն նայում մեր` հետիոտններիս կանաչ լույսին, ու ողջ եռանդով թեքվում են մարդկանց վրա... դեռ որ փորձում ես դիմացով անցնել, մուննաթ են գալիս... :angry


Հարգարժան հետիոտներ, կարող եք բացատրել իմաստը որն ա, ասենք գետնանցումի վրայով (!) փողոց անցնելու?

Բացատրեմ. նախ շատ տհաճ է գետնի տակով անցնելը` զուտ հոգեբանական տեսանկյունից: Հետո մեծ մասամբ եթե կա ենթադրենք 7 մետր լայնքով անցում, ապա դրա 6.5 մետրը խանութների տրամադրության տակ ա (օրինակ` Գարեգին Նժդեհի հրապարակի անցումը, բժշկականի մոտի անցումը, Երիտասարդականի մոտի անցումը եւ այլն), դեռ որ մի էրկու հոգի էլ կանգնում ու առեւտուր են անում, ընդհանրապես անցնել չի լինում: Հետո` եթե չհաշվենք մի երկու նորակառույց գետնուղիներ, ապա հին գետնուղիների շահագործումը, ես կասեի, վտանգավորել է մարդկանց համար` աստիճանների սալերը պոկված մի կողմ են գցված, սանդուղքի ներքեւում գտնվող ջրընդունիչների ցանցերը շարժվում են, մարդ վախենում է վրան կոխի: Մեկ էլ ավելացնեմ օդի ձայնային աղտոտվածությունը (ինչ անասուն երգ ասես դնում են... :[)

ministr
05.04.2009, 22:32
Բացատրեմ. նախ շատ տհաճ է գետնի տակով անցնելը` զուտ հոգեբանական տեսանկյունից: Հետո մեծ մասամբ եթե կա ենթադրենք 7 մետր լայնքով անցում, ապա դրա 6.5 մետրը խանութների տրամադրության տակ ա (օրինակ` Գարեգին Նժդեհի հրապարակի անցումը, բժշկականի մոտի անցումը, Երիտասարդականի մոտի անցումը եւ այլն), դեռ որ մի էրկու հոգի էլ կանգնում ու առեւտուր են անում, ընդհանրապես անցնել չի լինում: Հետո` եթե չհաշվենք մի երկու նորակառույց գետնուղիներ, ապա հին գետնուղիների շահագործումը, ես կասեի, վտանգավորել է մարդկանց համար` աստիճանների սալերը պոկված մի կողմ են գցված, սանդուղքի ներքեւում գտնվող ջրընդունիչների ցանցերը շարժվում են, մարդ վախենում է վրան կոխի: Մեկ էլ ավելացնեմ օդի ձայնային աղտոտվածությունը (ինչ անասուն երգ ասես դնում են... )

Ավելի լավ չի մի քիչ դանդաղ անցնել անցումը բայց անվտանգ առաջին հերթին քո համար, քան թե վտանգի ենթարկել բոլորին? Մամիկոնյանի, կամ գազանանոցի մոտի գետնանցումներին բա ինչ ա եղել որ հազարից մեկնա դրանցով անցնում? Ցանցի վրա ավելի լավ չի ոտք չդնել? նույն ձևի ոնց որ խուսափում ես լյուկի կափարիչի վրա ոտք դնել.. Իսկ ձայներին 1-2 րոպե կարելի ա դիմանալ, համամիտ չես?

ministr
05.04.2009, 22:36
Միակ դեպքը որ մտնում եմ հետիոտնի դրության մեջ, դա երբ աղջիկները երեկոյան կողմ գետնանցումով չեն անցնում: Լրիվ հասկանալի է:

Աթեիստ
05.04.2009, 22:37
Այսօր շատ քիչ են այնքան կեղտոտ ստորգետնյա անցումները, որոնց կեղտոտությունն ավելի վատն է քան մեքենայի տակ հայտնվելու վտանգը։
Դրանցից մեկն օրինակ 6-րդ զանգվածի անցումն է, որը դարձել է հասակական զուգարան։
Լսել եմ, որ այդպիսին է նաև կինո Հայրենիքի անցումը։
Բայց նույնիսկ այդ դեպքում ինքս նախընտրում եմ կեղտոտ անվտանգությունը, քան մաքուր չարդարացված ռիսկը։

ministr
05.04.2009, 22:45
ԿինոՀայրենիքի անցումը փակ ա: Բայց զեբրով լինում ա նորմալ անցնել: Ուղղակի մի քիչ ուղեղի աշխատանքա պետք, որ գտնես թե որ պահից պետքա սկսել անցնել :)