PDA

Դիտել ողջ տարբերակը : Չարի վերջը



Աբելյան
11.12.2006, 10:47
Երեկ 91 տարեկան հասակում Սանտիագոյում շունչը փչեց հայտնի չիլիացի բռնապետ Աուգուստո Պինոչետը: 16 տարի եղել է Չիլիի նախագահը: Նրա ֆաշիստական վարչակարգին զոհ են գնացել տասնյակ հազարավոր մարդիկ:

Angelina
11.12.2006, 11:49
Երեկ 91 տարեկան հասակում Սանտիագոյում շունչը փչեց հայտնի չիլիացի բռնապետ Աուգուստո Պինոչետը: 16 տարի եղել է Չիլիի նախագահը: Նրա ֆաշիստական վարչակարգին զոհ են գնացել տասնյակ հազարավոր մարդիկ:
Ուրեմն իրոք չարի վերջն էր:

StrangeLittleGirl
11.12.2006, 12:00
91 տարեկանն ի՞նչ չարի վերջ: Մարդը կարգին երկար ապրել է :o :D

Shauri
11.12.2006, 15:09
Վայ բայց ինքը լեգենդար անձնավորություն էր... ես իրան շատ էի հարգում
Օրինակ Հայաստանին չէր խանգարի մի հատ տենց մարդ հիմա..

Մելիք
11.12.2006, 18:25
Վայ բայց ինքը լեգենդար անձնավորություն էր... ես իրան շատ էի հարգում
Օրինակ Հայաստանին չէր խանգարի մի հատ տենց մարդ հիմա..
Պահո՜, Հայաստանին հենց մենակ Պինոչետն էր պակասում: Գուցե մի հատ էլ Ստալի՞ն ուզեինք:

Shauri
12.12.2006, 00:59
Պահո՜, Հայաստանին հենց մենակ Պինոչետն էր պակասում: Գուցե մի հատ էլ Ստալի՞ն ուզեինք:
Թե չէ շատ ենք տարբերվում Ստալինի ժամանակներից... :(

Արսեն
12.12.2006, 01:04
Այ թե Ստալինը ողջ լիներ... կասեին մեր մեծերը...:hands
մի քիչ թեմայից շեղվել եք ժող ջան:hands
օրինեկ մի հատ դասախոս ունենք, տնտես ա տալիս, այ որ հրաժեշտ տար ես դաժան աշխարհին, դա չարի վերջը կլիներ հաստատ:8 :ok

Խաչակիր
14.12.2006, 18:16
Երեկ 91 տարեկան հասակում Սանտիագոյում շունչը փչեց հայտնի չիլիացի բռնապետ Աուգուստո Պինոչետը: 16 տարի եղել է Չիլիի նախագահը: Նրա ֆաշիստական վարչակարգին զոհ են գնացել տասնյակ հազարավոր մարդիկ:

Ժողովուրդ ջան, Պինոչետին քննադատելուց առաջ խորհուրդ եմ տալիս ծանոթանալ նրա պատմությանը։ Վերոնշյալ մեջբերված տողերի միայն մի մասն է ճշմարտություն։ Իսկ ավելի ճիշտ վատ ներկայացված ճշմարտություն է, ինչը հիմնովին փոխում է Պինոչետի կերպարը նրա գործունեությանը անծանոթ մարդկանց աչքերում։ Բանը նրանում է, որ այդ մարդը իշխանության է եկել մի ժամանակաշրջանում, երբ Չիլիի տնտեսությունը ամբողջությամբ քանդվել էր, իսկ ժողովուրդը կանգնած էր քաղաքացիական պատերազմի շեմին։ Պինոչետը լայն ընտրության հնարավորություն չուներ։ Կամ պետք է վերացներ մի շարք առաջնորդների, կամ էլ պետք է թույլ տար, որ երկիրում քաղաքացիական պատերազմ սկսեր։ Ես, առանց երկմտելու կընտրեի երկրորդ տարբերակը, որովհետև քաղաքացիական պատերազմի զոհերը միշտ ահռելի շատ են լինում։ Մնացածը առավոտյան կգրեմ...

Marduk
14.12.2006, 22:32
Դիկտատորներ կան որոնք իրենցից հետո թողնում են զարգացած տնտեսությամբ երկիր, դիկտատորներ էլ կան որոնք իրենցից հետո անապատ են թողնում:
Առաջի կարգի մեջ են մտնում օրինակ Կրոմվելը, Ֆրանկոն, Պինոչետը ... Երկրորդ կարգի մեջ են մտնում օրինակ Մաբութուն, Պոլպոթը, Սուկարնոն ու լատինական ամերիկայում բազմաթիվ խունտաներ / հիմնական խամաճիկային բնույթի, ամերիկյան հատուկ ծառայությունների աշխատակիցներ / որոնք ավերում են իրենց երկրները:

Ի դեպ Պինոչետը իշխանության է եկել Ամերիկայի օգնությամբ, որպեսզի չթողնի Կոմունիստական վարչակարգի հաստատում: Բայց հետո Պինոչետը փոխեց իր քաղաքականությունը ու սկսեց օժանդակել տեղական կապիտալին ու չդարձավ ամերիկյան խամաճիկ… Հենց դրա համար էլ նրա դեմ այսքան աղմուկ աղաղակ է, դե չէ պատճառը իրա օրոք մեռած 3000 մարդը չեն: Եթե զոհերի քանակով լիներ ապա Արգենտինայում , Բրազիլիայում ռազմական խունտաները ավելի շատ մարդ են սպանել, բայց նրանց անունները այսօր ոչ մեկ չի հիշում: Ավելին հենց այսօր էլ Կոլումբիայում ու Մեքսիկայում իշխող ռեժիմները հազարավոր մարդիկ են սպանում, բայց դրա համար աշխարհում շուխուր չկա, որոբհետեւ թիկունք ունեն այդ ռեժիմները:

Համ էլ մի փաստ էլ, որը կարծում եմ պարզ կդարձնի պատկերը, Սալվադորը Ալյենդեն որին տապալեց Պինոչետը ազգությամբ հրեա էր: Կոմունիստական հեղաշրջման անվան տակ հրեական կապիտալը փորձում էր իր դիրքերը ամրապնդել Չիլիում, բայց դա խափանվեց.... Իսկ այդպիսի ոտնձգությունը "ընտրյալ" ազգի ներկայացուցիչի նկատմամբ դեռ երկար չի մոռացվի ու ներվի

Ավելացվել է 18 րոպե անց
Ասեմ, որ ես անձամբ պինոչեթյան մեթոդների կողմնակից չեմ, հատկապես Հայաստանի համար: Հայաստանը կարող է առանց այդպիսի մեթոդների էլ զարգանալ:

dvgray
15.12.2006, 00:23
Շատ հետաքրքիր էր, որ այստեղ Կրոմվելին անվանում են դիկտատոր :) , և նաև Ֆրանկոյան զարգացած տնտեսություն թողած անձ:
ասեմ միայն , որ Պինոչետը 3000-ից շատ ավելի մարդու գլուխ է կերել;
Ինչ որ է , ամեն մի երկրի ղեկավարի (նաև դիկտատորի) մասին ավելի լավ է գնահատականներ տա հենց էտ երկրնի բնակչությունը; Չիլիում նրա մասին երկու կարծիքի են; Մեծագույն մասը համարում է նրան շատ վատը, փոքր մասը շատ լավը; Ես (շա՜՜՜տ հեռվից) միանում եմ մեծամասնությանը եվ օրհթնում "սրիկայի" մահը; Տարոսը մյուսներին :hands ;
Իմ կողմից ավելացնեմ - որ ոչ մի դիկտատ (-որ) էլ չեմ ընդունել և չեմ ընդունի, ինչ "լավ" նպատակի համար էլ ուզում է ստեղծվեն;
Մահ դիկտատորներին!!!! :hands
Ամեն.

Խաչակիր
15.12.2006, 13:10
Ի միջի այլոց ավելացնեմ, որ քաղաքացիական պատերազմը կանխարգելուց և երկրի տնտեսությունը վերականգնելուց հետո Պինոչետը ինքնակամ հեռացավ իշխանությունից։ Կասկածելի չէ՞ նման քայլը դիկտատորի համար։ Իսկ 16 տարվա նրա իշխանությունը, բացի տնտեսական աճից ու խաղաղության հաստատումից, նաև նշանավորվեց Չիլիի իչական անկախությամբ։ Այսինքն Չիլին վերածվեց մի պետության, որը սպասարկում էր միայն սեփաքական քաղաքացիների շահերը և թքած ուներ Ամերիկայի ու ԽՍՀՄ-ի վրա։ Նման երկրների ղեկավարները միշտ հրեա-մասոնական աաջնորդների կողմից կոչվում են դիկտատոր։ Վստահ եմ, որ Ահմադինեդժադի մահից հետո, նրան ևս կոչելու են դիկտատոր։ Տրամաբանությունը մեկն է և այն շատ պարզ է։

Marduk
15.12.2006, 17:30
Շատ հետաքրքիր էր, որ այստեղ Կրոմվելին անվանում են դիկտատոր :) , և նաև Ֆրանկոյան զարգացած տնտեսություն թողած անձ:
ասեմ միայն , որ Պինոչետը 3000-ից շատ ավելի մարդու գլուխ է կերել;
Ինչ որ է , ամեն մի երկրի ղեկավարի (նաև դիկտատորի) մասին ավելի լավ է գնահատականներ տա հենց էտ երկրնի բնակչությունը; Չիլիում նրա մասին երկու կարծիքի են; Մեծագույն մասը համարում է նրան շատ վատը, փոքր մասը շատ լավը; Ես (շա՜՜՜տ հեռվից) միանում եմ մեծամասնությանը եվ օրհթնում "սրիկայի" մահը; Տարոսը մյուսներին :hands ;
Իմ կողմից ավելացնեմ - որ ոչ մի դիկտատ (-որ) էլ չեմ ընդունել և չեմ ընդունի, ինչ "լավ" նպատակի համար էլ ուզում է ստեղծվեն;
Մահ դիկտատորներին!!!! :hands
Ամեն.

Կրոմվելը դիկտատոր է եղել, եւ Պինոչեթի նման վերջում վերականգնեց լեգիտիմ թագավորական իշխանությունը:
Ֆրանկոն էն մարդն էր, որ չթողեց Իսպանիան դառնա կոմունիստական ու էն մարդն էր որը զերծ պահեց Իսպանիային անիմաստ պատերազմի մեջ ներքաշվելուց, ու միլլիոնավոր զոհեր տալուց: Այսօր էլ Իսպանիայում Ֆրանկոին սիրում են:

Չիլիի բնակչության կարծիքների մասին օբիեկտիվ դատելու համար պետք է ծանոթ լինել այդ երկրին մոտիկից այլ ոչ թե Եվրոնյուսով կամ ՍՆՆ-ով: ՍՆՆ-ը ում ուզենա էլ դիկտատոր կդարձնի իսկ դիկատատորներին էլ կարող է սուրբ դարձնել:
Էդ նույն բան է թե մի քանի հատ հայկական թերթ կարդալով կարծիք կազմել թե Հայաստանում բնակչության մեծ մասը սիրում է ԼՏՊ-ին, այնինչ հակառակն է: Չիլիի բնակչության մեծ մասը հատկապես մայրաքաղաքից դուրս սիրում է Պինոչետին ու հենց այդ պատճառով էլ նա հանգիստ իր երկրում մահացավ, թե չէ վաղուց նրա նկատմամբ դատաստան կտեսնեին:

Իսկ ինչ վերաբերվում է Տարոսը մյուսներին լինելուն ապա կարող եմ թվարկել մի քանիսի անունները: Օրինակ Մուշառաֆ Պակիստանում, օրինակ Սաուդյան թագավորը, օրինակ Անվար Սադաթը Եգիպտոսում որը ի դեպ իր երկրի ժողովրդին սոված է պահում: Ու լիքը նման դիկտատորներ, բայց որոնք հանգիստ կիշխեն քանի որ նրանց թիկունքում կանգնած է Անգլո-Ամերիկյան էլիտան ու նրանց սպասարկող մամուլը:

Մելիք
16.12.2006, 14:54
Ժողովուրդ ջան, Պինոչետին քննադատելուց առաջ խորհուրդ եմ տալիս ծանոթանալ նրա պատմությանը։ Վերոնշյալ մեջբերված տողերի միայն մի մասն է ճշմարտություն։ Իսկ ավելի ճիշտ վատ ներկայացված ճշմարտություն է, ինչը հիմնովին փոխում է Պինոչետի կերպարը նրա գործունեությանը անծանոթ մարդկանց աչքերում։ Բանը նրանում է, որ այդ մարդը իշխանության է եկել մի ժամանակաշրջանում, երբ Չիլիի տնտեսությունը ամբողջությամբ քանդվել էր, իսկ ժողովուրդը կանգնած էր քաղաքացիական պատերազմի շեմին։ Պինոչետը լայն ընտրության հնարավորություն չուներ։ Կամ պետք է վերացներ մի շարք առաջնորդների, կամ էլ պետք է թույլ տար, որ երկիրում քաղաքացիական պատերազմ սկսեր։ Ես, առանց երկմտելու կընտրեի երկրորդ տարբերակը, որովհետև քաղաքացիական պատերազմի զոհերը միշտ ահռելի շատ են լինում։ Մնացածը առավոտյան կգրեմ...
Փորձենք վերլուծել Պինոչետի անձը՝ մեր ունեցածդ ինֆորմացիան մեր անձնական արժեքային համակարգով սինթեզելով, այլ ոչ մատուցվող կոնկրետ տեսակետն ընդունելով: Ես չգիտեմ, թե որտեղից է գալիս, են մատուցվող տեսակետը, ըստ որի Պինոչետի բռնությունները, արդարացված էին, քանի որ դրանք կանխեցին քաղաքացիական պատերազմն ու տնտեսության անկումը: Քաղաքացիական պատերազմի մասով կարելի ա ժամանակակից օրինակներ բերել, որոնց մասին ավելի շատ բան գիտենք, ու ավելի ճիշտը կդատենք: Եկեք հիմա համձայնենք, որ Լիբանանում հակասիրիկան ուժերը կոտորեն սիրիամետ ուժերի ակտիվիստներին, որ հանկարծ քաղաքացիական պատերազմ չլինի, ինչի վտանգը հաստատ կա: Նման սցենարը ձեզ դուր կգա՞ր, ինձ թվում ա՝ չէ: Կամ եթե դրանով ամեն ինչ արդարացվեր, ուրեմն հարկավոր կլիներ արդարացնել բոլոր բռնապետերին էլ, քանի որ դրանք բոլորն էլ սարսափի մեջ կայուն են պահում երկիրը:
Ինչ վերաբերվում է նրան Պինոչետի կողմից Չիլլիի տնտեսությունը "փրկելուն", ընդհանրապես անհնար է հասկանալ, թե էդ միֆը ով ա հորինել:
Պինոչետը եկավ իշխանության 1973թ. , երբ իրոք Չիլլիի տնտեսոթյունը վատ վիճակում էր: Սակայն Մինչև 1982թ. տնտեսության վիճակը գնալով ավելի ու ավելի վատանում էր: 1982թ. դրությամբ արդյունաբերության մակարդակը ընկել էր մինչև 60-ականնեի կեսերի մակարդակը: Պինոչետի տնտեսական կուրսի արդյունքում, ինֆլիացիան հասավ 30%-ի, համախառն ներքին արտադրանքը մինչև 79թ.-ը կրճատվեց մոտ 20 տոկոսով: Ազգային դրամական միավորը՝ էսկուդոն, լրիվ արժեզրկվեց Դրա փոխարեն մտցված նոր դրամական միավորը, որի կուրսը "կապեցին" դոլլարի հետ, ևս արժեզրկվեց ևՊինոչետի իշխանույան վարջում 300 անգամ ցածր էր դոլլարից: Փոխարենը աճեց արտաքին պարտքը՝ 1978թ. դառնալով 6.5 մլրդ դոլլար, իսկ 1982թ. հասնելով 18 մլրդ-ի:
Եվ միայն 1982թ.-ից հետո տնտեսության որոշ աճ սկսվեց, Էն էլ Պինոչետի միակ ներդրումն այստեղ այն էր, որ թույլ տվեց նեոլիբերալ տնտեսագետներին տնտեսական քաղաքականության նոր կուրս վերցնել: Բայց միևնույնն է, Չիլլիի տնտեսությունը միայն Պինոչետից հետո զարգացման նորմալ տեմպ վերցրեց:
Իսկ Պինոչետը բռնապետ էր ոչ միայն էդ 3000 մարդկանց սպանելու համար, բա էն տասնյակ հազարները, որ անմարդկային ստորացումների ու կտտանքների էին ենթարկվում, բա են հարյուր հազարները, որ նպատակաուղղվածքաղաքականության հետևանքով ստիպված փախչում էին երկրից: Բա "Մահվան էսկադրոնները", երբ քաղաքական հակառակորդներին ուղղաթիռով տանում էին ու օվկիանոսի վրա կիսամեռ դուրս շպրտում: Բա Չիլլիացի պոետ ու երաժիշտ Վիկտոր Հարաի կտտանքները Սանտիագոյի մարզադաշտում: Ու լիքը սենց դեպքեր կարելի ա բերել:
Լավ շատ գրեցի ոնց որ, մենակ մի բան ավելացնեմ: Պինոչետը չզիջեց իշխանությունը, նա ընդհամենը սխալվեց իր հաշվարկներում: Նա կարծում էր , որ արդեն ժողովրդի ուղեղը էնքան ա լվացել, որ օրինական ընտրությունների միջոցով կարող է լեգիտիմ առաջնորդի դեր ստանալ թեկուզ ոչ ի պաշտոնե, բայց ոնց որ տեսանք , սխալվեց:

Խաչակիր
16.12.2006, 16:07
Պինոչետը չզիջեց իշխանությունը, նա ընդհամենը սխալվեց իր հաշվարկներում: Նա կարծում էր , որ արդեն ժողովրդի ուղեղը էնքան ա լվացել, որ օրինական ընտրությունների միջոցով կարող է լեգիտիմ առաջնորդի դեր ստանալ թեկուզ ոչ ի պաշտոնե, բայց ոնց որ տեսանք , սխալվեց:

Այդ ի՞նչ դիկտատոր էր, որ կարծում էր, թե ժողոուրդը սիրում է իրեն։ Մելիք ջան, որ խնդրեմ նյութիդ սկզբնաղբյուրը կարո՞ղ ես ուղարկել ինձ։ Շատ հետաքրքիր է, թե որտեղ ես դու նման թվեր հանդիպել։ Կախված "տնտեսական վերլուծությունների" եզրակացություններից՝ կարելի է գտնել, թե ինչ ուժ է դրանց հեղինակը։ Քո մեջբերած թվերը լիովին արտահայտում են հրեա-մասսոնականության շահերը։ Բայց դու ի՞նչ գործ ունես դրանց հետ։ Ավելի լավ է, արի մեր երկրի մասին մտածենք, որպեսզի ո՜չ քաղաքացիական պատերազմ լինի, ո՜չ տնտեսական ճգնաժամ, ո՜չ էլ դիկտատորներ։

Sergey
16.12.2006, 16:25
Օրինակ Մուշառաֆ Պակիստանում, օրինակ Սաուդյան թագավորը, օրինակ Անվար Սադաթը Եգիպտոսում որը ի դեպ իր երկրի ժողովրդին սոված է պահում:


Մի բան չհասկացա, Սադաթը հիմա՞ է սոված պահում:o

Դե իսկ բռնապետ են բոլոր նրանք, որոնք իշխանության են եկել, կամ իրենց իշխանությունը պահում են ոչ ժողովրդավարական, այսինքն ոչ ընտրությունների ճանապարհով։

Մելիք
18.12.2006, 16:41
Քո մեջբերած թվերը լիովին արտահայտում են հրեա-մասսոնականության շահերը։ Բայց դու ի՞նչ գործ ունես դրանց հետ։ Ավելի լավ է, արի մեր երկրի մասին մտածենք, որպեսզի ո՜չ քաղաքացիական պատերազմ լինի, ո՜չ տնտեսական ճգնաժամ, ո՜չ էլ դիկտատորներ։
Լավ էլի, ինչի եք ամեն ինչին հրեամասոնականության պիտակ կպցնում: Ես էլ կարամ ասեմ, որ նույն հրեա-մասոնականներն են Պինոչետին իշխանության գլուխ բերել, ու դա ավելի հիմնավորված կլինի, քան սովորական տնտեսական վերլուծությունը հրեամասոնականությանը վերագրելը:
Իսկ ինչ վերաբերվում ա, մեր երկրի մասին մտածելուն, հենց դրա մասին մտացելով ա, որ չէի ուզի, որ մեր երկրում որևէ մեկը արդարացներ բռնություններն ու բռնապետներին:

Marduk
18.12.2006, 18:13
Մելիք

Ես գրել էի, նախորդիվ որ չէի ուզենա, որ Հայաստանում բռնապետություն լիներ, թեկուզ ինչ որ լավ նպատակի հասնելու համար, բայց այնուամենայնիվ ինձ այդ հարցում զարմացնում է մարդկանց կարճ հիշողությունը ու հեշտ ազդեցության տակ ընկնելը: Կարծում եմ, որ դա ավելի վտանգավոր է պոտենցիալ դիկտատ հաստատվելու համար քան թե այն թե ինչ որ մեկը ինչ կարծիք կունենա Պինոչետի մասին:

Երբ Պինորետը տապալեց Կոմունիստ Ալյենդեին, ամբողջ Սովետական մամուլը կատաղած գոռում էր թե Ամերիկյան իմպերիալիզմը ամեն գնով փորձում է իր դիկտատը հաստատել աշխարհում: Բայց հետո երբ դեմոկրատ-լիբերալները սկսեցին քանդել Սովետը ամեն ինչ փոխվեց: Դեմոկրատները ելան ու սկսեցին ապացուցել, որ տեսեք Պինոչետը փրկեց Չիլին Կոմունիզմի արհավիրքներից: Եթե Պինոչետը չլիներ ապա Ալիենդեն կաներ նույն բանը Չիլիում ինչ որ արեցին Լենինը ու Ստալինը Ռուսաստանում: Ու բոլորը նույն ձեւով ասացին հա բա ճիշտ էն ասում , բա ուրեմն մեզ էլ է պետք Պինոչետ որպեսզի այս անցումային շրջանը լավ անցնենք:

Հիմա էլ նորից հակառակ կարծիքը սկսեցին հուպ տալ ու նորից ստացվավ, որ վերադարձանք Սովետի տեսակետին: 25 տարվա մեջ մարդկաց հեշտությամբ կարողավում են երեք անգամ կարծիքները ստիպել տալ ու հետո էլ մարդիկ զարմանում են, որ դիկտատ կա: Բա որ մարդիկ հեշտությամբ պռոպագանդայի տակ ընկնեն բա դիկտատ էլ կլինի :

Ճշմարտությունը լրիվ այլ տեղ է, ու մարդ պետք է կարողանա սառնասիրտ այն գտնել ու վերլուծել այլ ոչ թե թութակավարի կրկնի այն ինչ տեսնում է Եվրոնյուսում

Հ.Գ. Իհարկե ես Սադդաթին նկատի չունեի, հիմա այնտեղ Մուբարակն է իշխում, բայց որը շարունակում է Սադաթի գիծը, այսինքն ժողովրդին կիսասոված պահելով ծառայել ամերիկյան շահերին ի վնաս արաբական շահերի

Մելիք
19.12.2006, 12:42
Երբ Պինորետը տապալեց Կոմունիստ Ալյենդեին, ամբողջ Սովետական մամուլը կատաղած գոռում էր թե Ամերիկյան իմպերիալիզմը ամեն գնով փորձում է իր դիկտատը հաստատել աշխարհում: Բայց հետո երբ դեմոկրատ-լիբերալները սկսեցին քանդել Սովետը ամեն ինչ փոխվեց: Դեմոկրատները ելան ու սկսեցին ապացուցել, որ տեսեք Պինոչետը փրկեց Չիլին Կոմունիզմի արհավիրքներից: Եթե Պինոչետը չլիներ ապա Ալիենդեն կաներ նույն բանը Չիլիում ինչ որ արեցին Լենինը ու Ստալինը Ռուսաստանում: Ու բոլորը նույն ձեւով ասացին հա բա ճիշտ էն ասում , բա ուրեմն մեզ էլ է պետք Պինոչետ որպեսզի այս անցումային շրջանը լավ անցնենք:

Հիմա էլ նորից հակառակ կարծիքը սկսեցին հուպ տալ ու նորից ստացվավ, որ վերադարձանք Սովետի տեսակետին: 25 տարվա մեջ մարդկաց հեշտությամբ կարողավում են երեք անգամ կարծիքները ստիպել տալ ու հետո էլ մարդիկ զարմանում են, որ դիկտատ կա: Բա որ մարդիկ հեշտությամբ պռոպագանդայի տակ ընկնեն բա դիկտատ էլ կլինի :

Ճշմարտությունը լրիվ այլ տեղ է, ու մարդ պետք է կարողանա սառնասիրտ այն գտնել ու վերլուծել այլ ոչ թե թութակավարի կրկնի այն ինչ տեսնում է Եվրոնյուսում

Ես քեզ հետ լրիվ համաձայն եմ: Ու ճիշտն ասած չհասկացա, թե ինչու էիր ինձ ուղղել այս խոսքերդ: Եվրոնյուս կամ BBS ընդհանրապես չեմ նայում հանգամանքների բերումով, ու թքած ունեմ սովետական քարոզչության վրա էլ ամերիկյան արժեքների վրա էլ: Ես ունեմ իմ արժեքները, որոնք ասում են, որ կյանքում ոչ մի բան չի կարող արդարացնել բռնությունը, լինեն դրանք տեռորիզմի դեմ ուղղված "գործողություններ", թե կոմունիստական չարիքի տարածման դեմն առնելու "միջոցներ":
Չարիքը չարիք է ծնում ու երբեք չի կարելի դադարեցնել բռնությունը բռնության միջոցով:

Marduk
19.12.2006, 20:23
Ես ունեմ իմ արժեքները, որոնք ասում են, որ կյանքում ոչ մի բան չի կարող արդարացնել բռնությունը, լինեն դրանք տեռորիզմի դեմ ուղղված "գործողություններ", թե կոմունիստական չարիքի տարածման դեմն առնելու "միջոցներ":

Ախր ամբողջ հարցը այստեղ հենց այն է, որ Կոմունիստներն էլ մի պտուղ չէին ու նրանք էլ էին հաճախ ուժ գործադրում իրենց գաղափարները տարածելու համար:

Բերեմ կոնկրետ օրինակ : Ավելի լավ չեր լինի ասենք Կամբոջայում լիներ Պինոչետ, որը մի 10.000 մարդու գնդակահարելով կփրկեր այն 2-3 միլլիոնի կյանքը որոնք զոհ գնացին Պոլպոտի կոմունիստական էքսպերիմենտներին:

Դրա համար եմ ես դեմ միանշանակ գնահատականներին: Էդ հիմա երբ չկա Կոմունիզմ մենք մոռացել ենք 20-րդ դարի կեսերին տիրող մթնոլորտը, բայց չէ որ այն ժամանակ երբ Պինոչետը գնդակահարում էր կոմունիստներին, հենց այդ նույն տարիներին կոմունիստները ասիական ու աֆրիկյան երկրներում միլլիոներով մարդ էին կոտորում: Պինոչետն էլ իր մտքում քցում բռնում էր, որ ավելի լավ է ինքը մի քանի հազար այստեղ խփի քան թե թողնի որ նույն բանը սկսվի Չիլիում, ինչ որ ասենք կատարվում էր այդ ժամանակ Կամբոջայում:

Կյանքը ավելի բարդ է, գունավոր է ... նյունսներ կան..

Իհարկե ես քո հետ համաձայն եմ որ բռնությունը ոչ մի ձեւով արդարացում չունի եթե գործում է խաղաղասեր ուժի դեմ: Այստեղ երկու կարծիք չկա

Ավելացվել է 4 րոպե անց
Ինչ վերաբերվում է մասոնության ապա դա իրական ուժ է, որ նախկինում էլ դերակատարություն է ունեցել ու հիմա էլ ունի Եվրոպայի ու Ամերիկայի քաղաքական կյանքում: Բայց դա առանձին թեմա է

Մելիք
20.12.2006, 19:30
Ախր ամբողջ հարցը այստեղ հենց այն է, որ Կոմունիստներն էլ մի պտուղ չէին ու նրանք էլ էին հաճախ ուժ գործադրում իրենց գաղափարները տարածելու համար:
Հենց դրա համար էլ նրանց իշխանությունն անընդուելի էր, չէ՞, որովհետև ուժ էին գործադրում, ուրեմն Պինոչետին ընդունենք, քանի որ նա կոմունիստ չէ՞ր, չնայած աշխատում էր, նույն, հաճախ նույնիսկ ավելի դաժան մեթոդներով:


Բերեմ կոնկրետ օրինակ : Ավելի լավ չեր լինի ասենք Կամբոջայում լիներ Պինոչետ, որը մի 10.000 մարդու գնդակահարելով կփրկեր այն 2-3 միլլիոնի կյանքը որոնք զոհ գնացին Պոլպոտի կոմունիստական էքսպերիմենտներին:
Եթեներ պատմությունը չի սիրում: Իսկ ինչ գիտենք, որ Ալյենդեն , եթե մնար, նույն կերպ չեր վարվի, ու իր հակառակորդներից մի քանի տասնյակ հազարներ կոտորելով, չէր ճնշի նրանց ու ոչ մի քաղաքացիական պատերազմ էլ չէր լինի:
Բայց եթե այնուամենայնիվ արդարացնում ենք Պինոչետին, ուրեմն եկեք արդարացնենք նաև Ստալինին, որովհետև, եթե Ստալինն էլ չկոտորեր էդքան այլախոհների, գուցե Սովետական Միությունում էլ քաղաքացիական ու անջատողական պատերազմներ կսկսվեին:



Իհարկե ես քո հետ համաձայն եմ որ բռնությունը ոչ մի ձեւով արդարացում չունի եթե գործում է խաղաղասեր ուժի դեմ: Այստեղ երկու կարծիք չկա

Իսկ ես այնուամենայնիվ պնդում եմ, որ բռնությունն ընդհանրապես արդարացում չունի, բոլոր դեպքերում: Անընդունելի պետք է համարել, երևույթը, ոչ թե դրա չափերը:

Ու վերջում մի հարց. կոնկրետ Հայաստանի համար վերցնենք մի իրավիճակ, երբ ձեր հարազատներից մեկը տեսնում է Հայաստանի ապագան այլ կերպ քան ղեկավարությունը, իսկ ղեկավարությունը գտնում է, որ երկրի ապագայի համար լավ կլինի նրան վերացնելը:
Ես հազարների մասին դեռ չեմ խոսում, մենակ մեկին են վերացնում, կարդարացնե՞ք նման գործողությունները:

NACIST
28.01.2007, 14:30
Երեկ 91 տարեկան հասակում Սանտիագոյում շունչը փչեց հայտնի չիլիացի բռնապետ Աուգուստո Պինոչետը: 16 տարի եղել է Չիլիի նախագահը: Նրա ֆաշիստական վարչակարգին զոհ են գնացել տասնյակ հազարավոր մարդիկ:

ԳԱՂԱՓԱՐ ՉՈՒՆԵՆԱԼ ՄԱՐԴԿԱՆՑ ԱՊՐԱԾ ԿՅԱՆՔԻ ՄԱՍԻՆ < ԻՐԱՎՈՒՆՔ ՉԻ ՏԱԼԻՍ ՔԵԶ ԱՅԴՊԽԻՍԻ ԲԱՆԵՐ ԱՍԵԼ;ՆԱ ՉԻԼԻԻ ՀԵՐՈՍՆ Է:ՈՒ ԱՄԲՈՂՋ ԱՇԽԱՐՀՈՒՄ ԱԶԱՏՈՒԹՅԱՆ ՈՒ ԱՐԴԱՐՈՒԹՅԱՆ ԽՈՐՀՐԴԱՆԻՇՆԵՐԻՑ ՄԵԿԸ