PDA

Դիտել ողջ տարբերակը : Հայեր, հավաքվեք մի բան որոշենք..



Գաղթական
12.11.2008, 20:14
Ցավոք ես քիչ ժամանակ եմ ունենում ինտերնետով նորություններին հետևելու..
իսկ Հ1-ը շատ բաներ բավական անհավանական է ներկայացնում..
և, քանի որ, արդեն երկար տարիներ է ինչ բացակայում եմ Հայաստանից, դժվար է փայլուն պատկերացում կազմելը, թե ով ով է երկրի ներսում..

այդ պատճառով էլ որոշեցի հարցս բարձրացնել այստեղ, ուր շատ են տվյալ պահին Հայաստանում գտնվողները..

ստեղծված իրավիճակը ես այսպես եմ հասկանում..
Ռուսաստանն ու Վրաստանը պատերազմեցին..
իր ռազմական գործողությունները ՌՖ-ն արդարացրեց այն հանգամանքով, թե ինքն է Կովկասի բնակչության ապահովության գարանտը..
այժմ էլ փորձեց ցույց տալ աշխարհին, թե միայն զենքով չէ, որ ինքը հարցեր է կարողանում լուծել տարածաշրջանում, ու, ամենայն հավանականությամբ, ստիպողաբար բանակցությունների սեղանի մոտ հրավիրեց ՀՀ և ԱՀ ղեկավարներին..

հիմա բանն այն է, որ Ռուսաստանը իր բաժին սպասելիքներն ունի Ադրբեջանից և Թուրքիայից..
իսկ Հայերից նա, բացի խորը նվիրվածությունից, դժվար թե ավելի շատ «օգուտ» կարողանա քաղել, քան է..
բայց համ էլ Ռուսը լավ գիտակցում է, որ եթե Հային նեղացնի, մեկ է վաղը Հայը մի քիչ նեղացած կմնա կմնա ու էլի իր մոտ կգա.. ինչպես մեկ անգամ չէ, որ եղել է պատմության մեջ..
իսկ եթե Հայը հիմա փորձի Ռուսի հետ իր հարաբերությունները սառեցնել, ասենք, ԱՄՆ-ի հետ ջերմ հարաբերությունների հաշվին.. Ռուսին բացեիբաց գործելու ու անսքող թուրքին պաշտպանելու շատ պատեհ առիթ կտա.. ինչի վրա և, երևի, հույս են դնում շատ Ռուս դիվանագետներ..
..բայց ինչը ամենևին ձեռնտու չի կարող լինել Հային, եթե նա զրկվի այդպիսի մի հզոր դաշնակցից..

այսինքն՝ Հայ ազգի ներկայիս վիճակը բավական աննախանձելի է..
կանգնած ենք անդունդի եզրին ու նախապատրաստվում ենք կորցնել ազգային գիտակցության, ազգային պատկանելիությամբ հպարտության և վաղվա օրվա հանդեպ ունեցած հույսի վերջին նշույլների բոլոր զգացմունքները..
իսկ որ ԼՂՀ կորուստը կնշանակի ողջ Հայ ազգի վերջնական ու հիմնահատակ բարոյազրկում՝ իմ մոտ կասկած չի առաջացնում..


հիմա հարցս.
արդյո՞ք այժմյան Հայաստանում կա որևիցե, բոլորի կամ գոնե համարյա թե բոլորի կողմից ճանաչված և հարգանքի արժանի մի ՈՒԺ, որ այսօր իր կոչն ուղղի աշխարհի չորս ծակերում ծվարած Հայությանը՝ թեկուզ և ժամանակավորապես մոռանալ բացարձակապես բոլոր ներքին տարաձայնությունները և ի մի հավաքվել մի բան որոշելու, թե ինչը ոնց ու ինչ հերթականությամբ պետք է արվի.. ընդհանուր ամբողջ ջանքերն ու եռանդը մի հունով համակարգված ուղղենք՝ ի սեր ազգային շահերի, նպատակների ի կատար ածման և պարզապես վասն Հայ ազգի վաղվա օրվա..
արդյո՞ք գոյություն ունի այդ ուժը, որը հասկանում է, որ հասել է պահը վերջ դնելու ներքին երկպառակտությանը ու անսահման վստահություն տածել միայն ու միայն սեփական հավաքական ուժերին և ոչ թե օտարի շահերին, քանի որ էլի մենք ենք ու մեր բախտը ու ոչ մեկի մրգին էլ չենք, ինչպես և միշտ է եղել..

Ambrosine
12.11.2008, 20:34
Գաղթական ջան, եթե փոփոխություններ ենք ուզում, ուրեմն պիտի սկսենք իշխանափոխությունից, որի համար ՀՀ բնակչության մեծ մասը մի տարուց ավելի է, ինչ պայքարում է;)

իսկ երրորդ ուժ, ցավոք չկա

Հակոբ Գեւորգյան
12.11.2008, 20:59
Ես կուզեի ավելացնել հետեւյալը՝


Հայեր. սիրեցե՛ք իրար, օգնեցե՛ք իրար. Օգնեցե՛ք իրար եթե նույնիսկ ատու՛մ ես իրար։
Ձեր ուժը ձեր միության մեջ է. դրանում է մեր հաջողությունների, մեր փրկության եւ մեր ծաղկման գրավականը։

Ambrosine
12.11.2008, 21:04
Ես կուզեի ավելացնել հետեւյալը՝


Հայեր. սիրեցե՛ք իրար, օգնեցե՛ք իրար. Օգնեցե՛ք իրար եթե նույնիսկ ատու՛մ ես իրար։
Ձեր ուժը ձեր միության մեջ է. դրանում է մեր հաջողությունների, մեր փրկության եւ մեր ծաղկման գրավականը։

եզակի երևի դեպքերից, որ քո հետ համաձայն եմ:)

Արիացի
12.11.2008, 21:54
Ես կուզեի ավելացնել հետեւյալը՝


Հայեր. սիրեցե՛ք իրար, օգնեցե՛ք իրար. Օգնեցե՛ք իրար եթե նույնիսկ ատու՛մ ես իրար։
Ձեր ուժը ձեր միության մեջ է. դրանում է մեր հաջողությունների, մեր փրկության եւ մեր ծաղկման գրավականը։

Հրեաներից վերցված նշանաբանը շատ տեղին է և մեզ իրոք շատ անհրաժեշտ: Բայց քանի որ այն հրեաներից է վերցված, ես այն կփոխարինեի հետևյալով`
<<Ով հայ ժողովուրդ, քո միակ փրկությունը քո հավաքական ուժի մեջ է>>:)

Արիացի
12.11.2008, 22:02
Ցավոք ես քիչ ժամանակ եմ ունենում ինտերնետով նորություններին հետևելու..
իսկ Հ1-ը շատ բաներ բավական անհավանական է ներկայացնում..
և, քանի որ, արդեն երկար տարիներ է ինչ բացակայում եմ Հայաստանից, դժվար է փայլուն պատկերացում կազմելը, թե ով ով է երկրի ներսում..

այդ պատճառով էլ որոշեցի հարցս բարձրացնել այստեղ, ուր շատ են տվյալ պահին Հայաստանում գտնվողները..

ստեղծված իրավիճակը ես այսպես եմ հասկանում..
Ռուսաստանն ու Վրաստանը պատերազմեցին..
իր ռազմական գործողությունները ՌՖ-ն արդարացրեց այն հանգամանքով, թե ինքն է Կովկասի բնակչության ապահովության գարանտը..
այժմ էլ փորձեց ցույց տալ աշխարհին, թե միայն զենքով չէ, որ ինքը հարցեր է կարողանում լուծել տարածաշրջանում, ու, ամենայն հավանականությամբ, ստիպողաբար բանակցությունների սեղանի մոտ հրավիրեց ՀՀ և ԱՀ ղեկավարներին..

հիմա բանն այն է, որ Ռուսաստանը իր բաժին սպասելիքներն ունի Ադրբեջանից և Թուրքիայից..
իսկ Հայերից նա, բացի խորը նվիրվածությունից, դժվար թե ավելի շատ «օգուտ» կարողանա քաղել, քան է..
բայց համ էլ Ռուսը լավ գիտակցում է, որ եթե Հային նեղացնի, մեկ է վաղը Հայը մի քիչ նեղացած կմնա կմնա ու էլի իր մոտ կգա.. ինչպես մեկ անգամ չէ, որ եղել է պատմության մեջ..
իսկ եթե Հայը հիմա փորձի Ռուսի հետ իր հարաբերությունները սառեցնել, ասենք, ԱՄՆ-ի հետ ջերմ հարաբերությունների հաշվին.. Ռուսին բացեիբաց գործելու ու անսքող թուրքին պաշտպանելու շատ պատեհ առիթ կտա.. ինչի վրա և, երևի, հույս են դնում շատ Ռուս դիվանագետներ..
..բայց ինչը ամենևին ձեռնտու չի կարող լինել Հային, եթե նա զրկվի այդպիսի մի հզոր դաշնակցից..

այսինքն՝ Հայ ազգի ներկայիս վիճակը բավական աննախանձելի է..
կանգնած ենք անդունդի եզրին ու նախապատրաստվում ենք կորցնել ազգային գիտակցության, ազգային պատկանելիությամբ հպարտության և վաղվա օրվա հանդեպ ունեցած հույսի վերջին նշույլների բոլոր զգացմունքները..
իսկ որ ԼՂՀ կորուստը կնշանակի ողջ Հայ ազգի վերջնական ու հիմնահատակ բարոյազրկում՝ իմ մոտ կասկած չի առաջացնում..


հիմա հարցս.
արդյո՞ք այժմյան Հայաստանում կա որևիցե, բոլորի կամ գոնե համարյա թե բոլորի կողմից ճանաչված և հարգանքի արժանի մի ՈՒԺ, որ այսօր իր կոչն ուղղի աշխարհի չորս ծակերում ծվարած Հայությանը՝ թեկուզ և ժամանակավորապես մոռանալ բացարձակապես բոլոր ներքին տարաձայնությունները և ի մի հավաքվել մի բան որոշելու, թե ինչը ոնց ու ինչ հերթականությամբ պետք է արվի.. ընդհանուր ամբողջ ջանքերն ու եռանդը մի հունով համակարգված ուղղենք՝ ի սեր ազգային շահերի, նպատակների ի կատար ածման և պարզապես վասն Հայ ազգի վաղվա օրվա..
արդյո՞ք գոյություն ունի այդ ուժը, որը հասկանում է, որ հասել է պահը վերջ դնելու ներքին երկպառակտությանը ու անսահման վստահություն տածել միայն ու միայն սեփական հավաքական ուժերին և ոչ թե օտարի շահերին, քանի որ էլի մենք ենք ու մեր բախտը ու ոչ մեկի մրգին էլ չենք, ինչպես և միշտ է եղել..

Իմ կարծիքով իրավիճակը շատ հոռետեսորեն է ներկայացված: Ռուսը էդքան հիմար չի ու հասկանում ա, որ ինքը եթե հային հակառակ մի բան անի, ապա շատ ա փոշմանելու: Ամբողջ խնդիրը այն է, որ մեր մոտ շատերը կարծում են, թե մենք ռուսի ծառան ենք ու ռուսը մեր հետ ոնց ուզի կանի: Ես այդպես չեմ կարծում, և համոզված եմ, որ եթե ռուսը հիմարություն անի ու անցնի թուրքի կողմը, ապա շատ ավելի մեծ կորուստներ կունենա քան մենք: Մենակ ռուսաստանի հայերը հերիք են, որ մի օրում ռուսներին տեղը դնեն: Էլ չեմ ասում աշխարհի մնացած հայերին:
Բայց ամեն դեպքում համախմբվածությունը ու միասնությունը պետք է: Եթե համախմբված լինենք, մենք շատ ավելի մեծ բարձունքների ու հաղթանակների կհասնենք:

voter
12.11.2008, 23:21
Միջազգային զարգացումներ, ՄԱԿի որոշումներ, մեր պատասխանը Չեմբերլենին, ոչ մի կապ չունի Հայաստանի իրավիճակի հետ։

Արտաքին հարաբերությունների վրա այսօրվա և իշխանության և ԼՏՊ-ընդիմության կենտրոնացումը, հայաստանցիներին իրենց դարդերը մոռացության տալու ու թոզ փչոցիի համար է։

Թոզ փչոցի են անում, որ մարդիկ չհարցնեն, լավ բա մեկնումեկը մեր հարցերը լուծելու է, մեր ՏԵՂԱԿԱՆ հարցերով զբաղվելու է, թե շարունակելու ենք հաբռգիստների ֆեոդալական կարգերով գոյատևել ու շարունակել զսպել հանուն աղվոր եղբայներու կողմից Չեմբեռլեններուն ու Օբամաներուն մոտ հայաստանի մասին միայն լավը խոսալու հնարավորության համար։

Համայն հայությանը կոչ անելու կարիք չկա, Հայաստանին պատերազմ հայտարարող չի եղել ու չի լինի, բայց ներքին կարգուկանոն հաստատելու խնդիրը արդեն 15 տարի է լուծված չէ, քանի որ ամեն էշությամբ զբաղվում են համայն հայությունում, ֆինանսավորում հայաստանյան ղեկավարների հաբռգումը, բալիկա թող մի քիչ էլ մածունը ուտի, չի խանգարի, կարևորը Հայաստանը որպես միջազգային հանգամանք,. գոյություն ունենա, բայց որ հայաստանում արդարության ու ժողովրդավարության վերականգնմամբ զբաղվող չկա - թքած, անօր գերեզմանաքարերն, խաչքարերն ու տաճարնեն կան հերիք է, մարդիկ կարևոր չին....

Համայն հայությանը պետք է կոչ անել մասնակցել ներքին հարցերի կարգավորմանը, աջակցել ոչ միայն կառավարական ու պատգամավորական ստատուսով հաբռգիստներին այլև տարբեր հասարակական կազմակերպություններին ու կառավարությունից դուրս կուսակցություններին ու միություններին։

Երբ համայն հայությունը հասկանա, որ Հայաստանի կառավարությունը ոչ միայն հայաստանի բնակչության ներկայացուցիչը չի այլ նաև համայն հայության հետ ոչ մի կապ չունի, միգուցե սկսեն մտածել, ոչ միայն կառավարության անդամների հետ քծնա-սիրաբանական կապեր ստեղծելով այլև հայության համար մնայուն արժեքների ընդհանուր աջակցությամբ։

Javakhk
13.11.2008, 00:07
Գաղթական ջան, շատ կարեւոր հարց եք բարձրացնում: Մեր թաքնված ռեսուրսը մեր ազգային արժեքների մեջ է: 1988-ին մեր համախմբվածության ու համաձայնության շնորհիվ ավելի մեծ ուժ էինք ներկայացնում մեզնից, քան մեր թվական քանակությունն էր թույլ տալիս:

Իսկ վերջին տարիներին մեր ամենաթույլ տեղը եղել է ազգային էլիտայի կառուցման, ներազգային ղեկավարման մեխանիզմների աշխատանքի հարցը: Ինչ-որ տեղից սկսած փողի քանակությունը սկսեց խաղալ հայկական “էլիտայի” մաս կազմելու հիմնական հայտանիշի դերը: Հայ մտավորականությունը մի կողմ է հրված անլեզու դիտորդի կարգավիճակով:

Նավատորմի արագությունը որոշվում է նրա ամենադանդաղընթաց նավի արաությամբ: Իսկ Հայաստանը այսօր մի երկիր է, որի բորոր հարցերը անառարկելիօրեն ու առանց բաց քննարկման որոշվում են այն խավի կողմից, որը շատ փող ունի: Ընդ որում, անկախ այն բանից որ այդ փողը կոնֆետի վաճառքով է գոյացել թէ ինչ…

Վիշապ
13.11.2008, 11:07
Պետությունը ուժեղ է և ժողովուրդը հեշտ է համախմբվում միայն այն դեպքում, եթե այդ պետության մեջ քչից շատից արդարություն կա։ Իսկ եթե պետությունը կառուցված է թալանի ու անարդարության հողի վրա, եթե իշխանությունները ժողովրդին էշի տեղ են դնում, լրատվական պրոպագանդա գոյություն չունի, այլ միայն գովերգական լուրերի ու սերիալների թմբիրի տակ բթացնում են ժողովրդի զգոնությունը, ապա դատապարտված ենք։ Ուրեմն առաջին նպատակը պիտի լինի արդարության ու օրենքի ուժի վերականգնումը, քաղաքացիական գիտակցության պրոպագանդան, հարկային, տնտեսական, կրթական հեղափոխությունները։ Իսկ դրա համար պետք է իշխանափոխություն, քանի որ ներկայիս իշխանություները այդ ամենը իրականացնելու քաղաքական կամքի նշույլ իսկ չունեն։

Elmo
13.11.2008, 11:38
Հայերի ոգին ընտրություններից ընտրություն ա արթնանաում:

Հակոբ Գեւորգյան
13.11.2008, 12:49
Հայերի ոգին ընտրություններից ընտրություն ա արթնանաում:

Դա մենք տեսանք.

Elmo
13.11.2008, 14:54
Դա մենք տեսանք.

Դե ուրեմն կոչերը պահենք մինչև հաջորդ քվազի-ընտրություններ:

Chuk
13.11.2008, 15:02
Դե լավ, վերջը որոշեցի 2 տող գրել:
Դուք սպասեք, կամ երազեք, կամ խոսեք, կամ մի բան արեք, չգիտեմ, փորձեք, ձգտեք և այլն, ցանկություն ունենալը լավ բան ա:

Իսկ էդ ընթացքում կա մի ուժ, անունը հիմա ՀԱԿ ա, որը համախմբել ա Հայաստանից հսկայական զանգածի, Ռուսաստանից, ԱՄՆ-ից, Ֆրանսիայից, այլ երկրներից շատ հայերի: Ու անում ա:

Դուք էլ ձգտեք, տեսնենք մի բան կստացվի :)
Կամ էլ միացեք, ՀԱԿ-ը բաց ա բոլոր ցանկացողների համար ;)

Ֆրեյա
13.11.2008, 15:05
Դե ուրեմն կոչերը պահենք մինչև հաջորդ քվազի-ընտրություններ:


Դա մենք տեսանք.

Բայց մեկը լինի` հարցնի, ինչի վրա եք տենց ուրախանում՞
Ընտրությունները ընդամենը մեր ազգի երեսի հայելին են, ու այդ հայլու մեջ բացի ԿԵՂՏից ոչինչ չի երևում:
Բացի այդ, այդքան գոռում-գոչում եք ազգային արժեքներ, համախմբվենք դրանց շուրջ...~
Արդեն հերիք եղավ, ինչքան լռեցինք, մենք մեզ «ընտրյալ» ազգի տեղ դրեցինք...
Ինչ՞ արժեքներ, ինչ մեծ-մեծ արժեքներ՞
Մի հատ նայեք մեր ընտրություն-հայելու մեջ, մեր առօրյա-հայելու մեջ, մեր ամենօրյա կյանքը նման ա արժեքներ ունեցող ազգի կյանքին: Արժեքներ ունեցող ազգի երեսը ԿԵՂՏԻ, ցեխի ու արյունի մեջ շաղախված կլինի՞
Արժեքներ ունեցող ազգի մեջ կարա մեր փետրվարյան և հետփետրվարյան ընտրությունների նման խայտառակություն լինի, կարա ընտրյալ ազգի հետ պատահի մարտի մեկին նման դեպք, կարա Ընտրյալ երկրի ղեկավարությունը թյուրիմացություն լինի....՞՞՞՞
Արժեքներ ունեցող ազգերը իրենք իրենց չեն գզում:[, այլ բարգավաճում են
Արժեքները Աստված չի տալիս երկնքից իջեցնում:
Իսկ ազգը լավ էլ համախմբված է արժեքների շուրջ, լավ համախմբված ընդհանուր գործը անում ենք ` թալան, մաֆիա, ավազակություն...
Դա էլ ա արժեք, ինչի չէ որ՞ Ով ասաց,որ արժեքները մենակ լավն են լինում ;)

Միակ բանը, ինչ հույս ա տալիս, որ ազգը դեռ լրիվ դեգենեռատ, միաբջիջ կենդանիների չի վերածվել այն է, որ դեռ կան մարդիկ, ով «Քվազի-ընտրություններին» գոնե ինչ-որ մի կոչեր անում Է...

Մարկիզ
13.11.2008, 15:14
Հրեաներից վերցված նշանաբանը շատ տեղին է և մեզ իրոք շատ անհրաժեշտ: Բայց քանի որ այն հրեաներից է վերցված, ես այն կփոխարինեի հետևյալով`
<<Ով հայ ժողովուրդ, քո միակ փրկությունը քո հավաքական ուժի մեջ է>>:)
Եթե անգամ հրեաներն են այդ խոսքի հեղինակը, ապա մինչ քո փոխարինելը, այն արդեն փոխարինել են.

ՊԱՏԳԱՄ

Նոր լույս ծագեց աշխարհին.
Ո՞վ այդ արեւը բերեց:–

Ահա ոսկյա մի արեւ`
Ճառագումով իր հրե`
Այգաբացի պուրպուրե
Նժույգների վրա հեց`
Նոր աշխարհին ու մարդուն
Հղում է լույս զվարթուն:
Նոր աշխարհին ու մարդուն
Ո՜վ բերեց լույս այս արթուն,
Օ՜, ու՞մ ձեռքով վառվեց, ու՞մ
Հրակարմիր հրավարս,
Ադամանդյա լույսը այս:–

Կքած կյանքի բեռի տակ,
Խոր գերության ընդերքում,
Իմաստության մի գետակ
Հիմարության համերգում–
Քանի՜ տարի, քանի՜ դար
Վկայեցիր անհերքում…
Ափերին այն խավարչտին
Ուր հայրենիքն էր մեր հին,–
Չկա՞ր արդյոք գետ մի հորդ,
Որ գերության անհաղորդ`
Լուրթ հոսելով դարից դար`
Մթության մեջ այն համառ
Այս այգաբացն էր կրում,
Հու՜ր այգաբացն այս հեռու`
Հնուց պահած իր ջրում
Օ՜, ըղձակա՛ն այս հեռուն…
Կքած կյանքի բեռի տակ`
Ո՜գի անկոր, հու՜ր գետակ…

Ահա վառվում է մեր նոր
Հաղթանակի լույսը բորբ.
Լվանում է նա հիմա
Վառվող ոգին մեր անմահ,
Չքնաղ արև՛ն այդ արի,
Վառված հրով աշխարհի…
Չկա՜ ուրիշ արեւ է՛լ.
Նա է միայն, որ դարեր
Անմար`պիտի արևե՛…

Լույսով վառված սակայն այդ`
Նժարներից հիմա մենք
Հիմարությամբ չթափենք
Իմաստությունն այս արար.–
Մեր անցյալի խորամիտ
Է՛ջն այն արդար ու ռամիկ`
Մեծահանճար ու վարար…

09.05.1933թ Ե. ՉԱՐԵՆՑ

Elmo
13.11.2008, 15:32
Բայց մեկը լինի` հարցնի, ինչի վրա եք տենց ուրախանում՞

Էդ որտեղի՞ց երևաց որ ուրախացել եմ:

Մնացած տեքստի հետ համաձայն եմ:

Marduk
13.11.2008, 16:05
Բայց մեկը լինի` հարցնի, ինչի վրա եք տենց ուրախանում՞
Ընտրությունները ընդամենը մեր ազգի երեսի հայելին են, ու այդ հայլու մեջ բացի ԿԵՂՏից ոչինչ չի երևում:
Բացի այդ, այդքան գոռում-գոչում եք ազգային արժեքներ, համախմբվենք դրանց շուրջ...~
Արդեն հերիք եղավ, ինչքան լռեցինք, մենք մեզ «ընտրյալ» ազգի տեղ դրեցինք...
Ինչ՞ արժեքներ, ինչ մեծ-մեծ արժեքներ՞
Մի հատ նայեք մեր ընտրություն-հայելու մեջ, մեր առօրյա-հայելու մեջ, մեր ամենօրյա կյանքը նման ա արժեքներ ունեցող ազգի կյանքին: Արժեքներ ունեցող ազգի երեսը ԿԵՂՏԻ, ցեխի ու արյունի մեջ շաղախված կլինի՞
Արժեքներ ունեցող ազգի մեջ կարա մեր փետրվարյան և հետփետրվարյան ընտրությունների նման խայտառակություն լինի, կարա ընտրյալ ազգի հետ պատահի մարտի մեկին նման դեպք, կարա Ընտրյալ երկրի ղեկավարությունը թյուրիմացություն լինի....՞՞՞՞
Արժեքներ ունեցող ազգերը իրենք իրենց չեն գզում, այլ բարգավաճում են
Արժեքները Աստված չի տալիս երկնքից իջեցնում:

Դե մի օր բոլոր ազգերը կգան մեր մակարդակին կհասնեն... Դա է մոլորված քաղաքակրթությունների ապագան... Նայիր այսօրվա Հայաստանը ու տես վաղվա Եվրոպան, ԱՄՆ-ը , Ռուսաստանը.... դա լավագույն դեպքում, կա ավելի վատ դեպքեր օրինակ Բյուզանդիայի վարիանտը

Ամբողջ գաղտնիքը այս մի նախադասության մեջ է "Արժեքները Աստված չի տալիս երկնքից իջեցնում"

Հետաքրքիր է որ սա գրում է մի մարդ որը ապրում է հուդա-քրիստոնեա-իսլամական աշխարհում որտեղ իբր Աստված 3 անգամ մինիմումը արժեքներ տվեց մարդկությանը իր ներկայացուցիչների միջոցով:
Առաջինը Մովսեսի միջոցով, երկրորդը Հիսուսի, երրորդը Մոհամեդի.....

Ու հիմա պարզվում է որ այդպիսի բան չկա դա սաղ սուտ էր ... Դե քյասա ասեք որ Աստված չի տվել արժեքները այլ մարդիկ են հնարել իրենց կամայականությունների համար

Ֆրեյա
13.11.2008, 16:50
Դե մի օր բոլոր ազգերը կգան մեր մակարդակին կհասնեն... Դա է մոլորված քաղաքակրթությունների ապագան... Նայիր այսօրվա Հայաստանը ու տես վաղվա Եվրոպան, ԱՄՆ-ը , Ռուսաստանը.... դա լավագույն դեպքում, կա ավելի վատ դեպքեր օրինակ Բյուզանդիայի վարիանտը

Ամբողջ գաղտնիքը այս մի նախադասության մեջ է "Արժեքները Աստված չի տալիս երկնքից իջեցնում"

Հետաքրքիր է որ սա գրում է մի մարդ որը ապրում է հուդա-քրիստոնեա-իսլամական աշխարհում որտեղ իբր Աստված 3 անգամ մինիմումը արժեքներ տվեց մարդկությանը իր ներկայացուցիչների միջոցով:
Առաջինը Մովսեսի միջոցով, երկրորդը Հիսուսի, երրորդը Մոհամեդի.....

Ու հիմա պարզվում է որ այդպիսի բան չկա դա սաղ սուտ էր ... Դե քյասա ասեք որ Աստված չի տվել արժեքները այլ մարդիկ են հնարել իրենց կամայականությունների համար
:o ինչ հուդա-քրիստոնեա-իսլամական աշխարհի մասին է խոսքը՞՞՞ :o Չեմ պատրաստվում հիմա այս թեմայում քննարկել, թե «ինչ աշխարհում եմ» ապրում ու ինչի եմ հավատում ու արի դու էլ մի քննարկի, մանավանդ, եթե աղավաղում ես ու այլ կերպ մեկնաբանում:bad

Նույն գիտելիքը տրվել և տարածվել է բոլոր ազգերին, նույնիսկ մենք`հայերս մեզ համարում ենք քրիստոնեական արժեքների «ավելի» մոտ, քան մյուս բոլոր ազգերը, քանի որ առաջիններից ենք ընդունել քրիստոնեություն: Բայց արի ու տես, որ լրիվ ուրիշ արժեքներ ունեցող ազգեր, որոնք շատ ավելի ուշ են կազմավորվել քան հայերը, շատ ավելի հումանսիտ են, քան մենք:

Այո', պատրաստ եմ կրկնել բոլոր գրառումներս հատ-հատ ու բոլորի համար պատասխանատու եմ: «Աստված չի երկնքից իջեցնում արժեքները», նկատի եմ ունեցել, որ աստված հենց այնպես չի բերում պատրաստի մատուցում արժեքները, ինքնիրեն ափլոդ-դաունլոդ չի լինում: Այդ արժեքները ընկալելու համար դեռ մտավոր ու հոգեվոր աշխատանք է պետք կատարել, հետո` առօրյա աշխատանք, որպեսզի այդ արժեքները տարածվեն նաև ամեն մարդու կյանքի վրա, պահպանվեն բոլորի կողմից:


Ոչ ոք ֆրանսիացիներին, անգլիացիներին, նույն ամերիկացիներին, ավստրալիացիներին, ճապոնացիներին, արաբներին և ո'չ ոքին առանձին ականջին չի եկել ասել` էսպես է պետք ապրել:
Եթե ձեզ լսենք, մենք ամենասուրբ, ամենահումանիստ ազգերից մեկն ենք, եղել ենք: Քրիստոնեական արժեքների կրող ենք եղել, բայց չգիտես ինչու` հիմա վայրի ցեղի ենք նմանվել` անհասկանալի ազգային մտածելակերպով, անհասկանալի ազգային դեմքով: Այստեղից-այնտեղից վերցրած, խառը, շիլաշփոթ:

Ամեն առանձին մարդու մտածելակերպը ու արժեքները միասին հենց կազմում են ազգային արժեքներ ասվածը: Եթե մեծամասնությունը «աղքատ» է, ազգը սկսում է անկում ապրել:

Marduk
14.11.2008, 00:09
Նույն գիտելիքը տրվել և տարածվել է բոլոր ազգերին, նույնիսկ մենք`հայերս մեզ համարում ենք քրիստոնեական արժեքների «ավելի» մոտ, քան մյուս բոլոր ազգերը, քանի որ առաջիններից ենք ընդունել քրիստոնեություն: Բայց արի ու տես, որ լրիվ ուրիշ արժեքներ ունեցող ազգեր, որոնք շատ ավելի ուշ են կազմավորվել քան հայերը, շատ ավելի հումանսիտ են, քան մենք:

Դուք հումանիստ եք համարում այն ազգերին որոնք 150 տարում իրականացրել են 2 համաշխարհային պատերազմ, որտեղ կոտորվել է ավելի քան 70 միլլիոն մարդ, իրականացրել մանր ու միջին ցեղասպանություններ իրենց գաղութացման պռոցեսում, իրենց ընդերքում ծնել են այնպիսի հակամարդկային գաղափարներ ինչպիսին են ֆաշիզմը, նացիզմը, ռասիզմը, կոմունիզմը, մարքսիզմը... Եվ հետո այդքան չարիքներ անելուց հետո ոչնչացրել են սեփական ազգերի առողջ կորիզը և այսօր մտել են դեկադենտիզմի կայուն փուլ, և դարձել են համեմատաբար «խաղաղ» ոչ թե այն պատճառով որ հանկարծ սկսել են հավատալ իրենց հումանիզմին այլ միայն այն պատճառով որ որպես ազգեր հոգեպես սպառվել են ու ընկել են խորը նյութապաշտության ու հեդոնիզմի մեջ: Եվ ամբողջ աշխարհին վարակելով իրենց նյութապաշտությամբ ու անհագ սպառելու մոլուցքով այսօր վտանգի տակ են դնում բուն Մոլորակի էկոհամակարգերը ....

Զարմանալի չափանիշներ են... և հետո ուզում եք որ մարդիկ մնան մաքուր երբ իրականում նրանց ուզում եք հրամցնել հակամոլորակային մտածելակերպ:

dvgray
14.11.2008, 07:30
Դուք հումանիստ եք համարում այն ազգերին որոնք 150 տարում իրականացրել են 2 համաշխարհային պատերազմ, որտեղ կոտորվել է ավելի քան 70 միլլիոն մարդ, իրականացրել մանր ու միջին ցեղասպանություններ իրենց գաղութացման պռոցեսում, իրենց ընդերքում ծնել են այնպիսի հակամարդկային գաղափարներ ինչպիսին են ֆաշիզմը, նացիզմը, ռասիզմը, կոմունիզմը, մարքսիզմը... Եվ հետո այդքան չարիքներ անելուց հետո ոչնչացրել են սեփական ազգերի առողջ կորիզը և այսօր մտել են դեկադենտիզմի կայուն փուլ, և դարձել են համեմատաբար «խաղաղ» ոչ թե այն պատճառով որ հանկարծ սկսել են հավատալ իրենց հումանիզմին այլ միայն այն պատճառով որ որպես ազգեր հոգեպես սպառվել են ու ընկել են խորը նյութապաշտության ու հեդոնիզմի մեջ: Եվ ամբողջ աշխարհին վարակելով իրենց նյութապաշտությամբ ու անհագ սպառելու մոլուցքով այսօր վտանգի տակ են դնում բուն Մոլորակի էկոհամակարգերը ....

Զարմանալի չափանիշներ են... և հետո ուզում եք որ մարդիկ մնան մաքուր երբ իրականում նրանց ուզում եք հրամցնել հակամոլորակային մտածելակերպ:

Մարդուկ
Ես ոչ մեկի գազանությունները արդարացնելու մտադրություն չունեմ:
Բայց արի մի քիչ ռեալ նայենք իրավիճակին: Քո ասելով ասիական ժողովուրդները իրար սիրելով ու քնքուշ փաղաքշելով էին զբաղված՞:
Մի հատ նայի, թե ճապոն-չին-կորեացի իրար ինչերեն արել:
Իսկ հնդիկների բախտը որոշ առումով բերել ա, որ վերջին հարյուրամյակները անգլիացիների ուշադրության տակ էին:

մի հատ նայի, թե պարսիիկները ինչեր են արել: Ու մինչև հիմա… իրանց ձեռի տակ ապրող ազերիներին շանսատակ են անում, հենց որ որոշում են մի հատ իրանց մայր լեզվով իրար բարև տալ…

եվրոպայի տարբերությունը են ա ասիայից, որ եվրոպայում էս ամեն ինչը բացեիբաց ա արվում, սաղի աչքի առաջ, իսկ ասիայում վռաղզ հետքերը ծածկում են:

իսկ ինչի՞ չես խոսում, թե ինչ ա անում սեփական ժողովրդի գլխին հյուսիսային կորեան:
Էտ ձև ուժաս անգամ հիտլերի վախտերը չեն եղել…

Ֆրեյա
14.11.2008, 09:34
Դուք հումանիստ եք համարում այն ազգերին որոնք 150 տարում իրականացրել են 2 համաշխարհային պատերազմ, որտեղ կոտորվել է ավելի քան 70 միլլիոն մարդ, իրականացրել մանր ու միջին ցեղասպանություններ իրենց գաղութացման պռոցեսում, իրենց ընդերքում ծնել են այնպիսի հակամարդկային գաղափարներ ինչպիսին են ֆաշիզմը, նացիզմը, ռասիզմը, կոմունիզմը, մարքսիզմը... Եվ հետո այդքան չարիքներ անելուց հետո ոչնչացրել են սեփական ազգերի առողջ կորիզը և այսօր մտել են դեկադենտիզմի կայուն փուլ, և դարձել են համեմատաբար «խաղաղ» ոչ թե այն պատճառով որ հանկարծ սկսել են հավատալ իրենց հումանիզմին այլ միայն այն պատճառով որ որպես ազգեր հոգեպես սպառվել են ու ընկել են խորը նյութապաշտության ու հեդոնիզմի մեջ: Եվ ամբողջ աշխարհին վարակելով իրենց նյութապաշտությամբ ու անհագ սպառելու մոլուցքով այսօր վտանգի տակ են դնում բուն Մոլորակի էկոհամակարգերը ....

Զարմանալի չափանիշներ են... և հետո ուզում եք որ մարդիկ մնան մաքուր երբ իրականում նրանց ուզում եք հրամցնել հակամոլորակային մտածելակերպ:

Ոչ, չարաչար սխալվում ես, Մարդուկ ջան… Այդ ազգերը շաաաա՜տ, հազարավոր անգամներ ավելի հումանիստ են, քան մենք, իսկ պատճառն այն է, որ ֆաշիզմ, նացիզմ, ռասիզմի մեջով են անցել, երկու համաշխարհային պատերազմ են տեսել ու իրանց սխալների վրա հասկացել են ճիշտը… Կարևորը վերջնական արդյունքն է, եթե չունես արդյունք, արածդ ,ունեցածդ անիմաստ է... Ով ենք այսօր մե՞նք, ով են նրա՞նք: Եթե այդքան խելոք ենք, այդքան լավն ենք, ինչ ենք սեփական կեղտի մեջ տապակվում՞
Իսկ մենք, դարերով մենակ վատն ենք տեսել, եղեռն ենք տեսել, երկու համաշխարհային ենք տեսել, ու էլի խելք չենք հավաքել, էլի դեպի ներս ենք մեզ ուտում...

Սեփական ժողովրդի միսը ուտելը շատ ավելի հեշտ է, քան թշնամունը…

Լեռնցի
14.11.2008, 11:42
Ըստ իս, ոչ ՍՍ-ն, ոչ էլ ՀԱԿ-ը կամ ԼՊՏ-ն, չեն կարող միավորել հայ ժողովրդին, որովհետը հայ ժողովուրդի մեծամասնությունը չի ընդունում երկուսին էլ....
Հայ ժողովուրդին միակ միավորիչ ուժը արժեքների վերականգնումն է, ազգային ինքնագիտակցության բարձրացումը... այսօր, ինչպես տեսնում եք, հեռուստատեսությամբ իրականացնում են դրա ուղիղ հակառակը, քայքայվում է հայկական ընտանիքը,..և շատ էլի շատ արժեքներ մոռացվածության են մատնվում:
Չեմ ցանկանում միայն բացականչողի դերում լինել, հենց այս բաժնում "Ինչի շուրջ միավորվել և ինչ խնդիրներ լուծել" թեմայում ցանկացել եմ քննարկել բոլորի այդ հարցերը:

Ֆրեյա
14.11.2008, 11:55
Ըստ իս, ոչ ՍՍ-ն, ոչ էլ ՀԱԿ-ը կամ ԼՊՏ-ն, չեն կարող միավորել հայ ժողովրդին, որովհետը հայ ժողովուրդի մեծամասնությունը չի ընդունում երկուսին էլ....
Հայ ժողովուրդին միակ միավորիչ ուժը արժեքների վերականգնումն է, ազգային ինքնագիտակցության բարձրացումը... այսօր, ինչպես տեսնում եք, հեռուստատեսությամբ իրականացնում են դրա ուղիղ հակառակը, քայքայվում է հայկական ընտանիքը,..և շատ էլի շատ արժեքներ մոռացվածության են մատնվում:
Չեմ ցանկանում միայն բացականչողի դերում լինել, հենց այս բաժնում "Ինչի շուրջ միավորվել և ինչ խնդիրներ լուծել" թեմայում ցանկացել եմ քննարկել բոլորի այդ հարցերը:

Իսկ գուցե լավ կլինի, եթե որոշ արժեքներ, որոնք մի քանի հարյուրամյակների ընթացքում արմատավորվել հայ ժողովրդի մտածելակերպում վերանան ու դրա փոխարեն ներմուծվեն արևմտյան արժեքները՞
Բերեմ օրինակ. քանի որ հայերը մոտ 700 տարի ապրել են օտարի տիրապետության տակ` իշխանավորները միշտ եղել են օտարազգի նշանակովի կառավարիչներ, հայերի մոտ ձևավորվել է շատ յուրահատուկ վերաբերմունք իշխանության նկատմամբ.
1. իշխանությունը չի ընտրվում, նշանակվում է /ներքին կամ արտաքին ուժերի կողմից/
2. իշխանությունը և չինովնիկը դաժան ու անարդար է, խոշոր հարկեր է գանձում, լցնում է սեփական գրպանները, և դա նորմալ է / լրիվ պատմականորեն եկած` արաբ, թուրք, պարսիկ, ռուս կառավարիչների թողած բարոյահոգեբանական տրավմա/
3. իշխանությանը և չինովնիկի կաշառելով կարելի է անձնական հարցեր լուծել /նույնը/
4. իշխանությանը, կամ չինովնիկին պետք է լավն նայել, նրա առաջ գլուխ խոնարհել, նրանից վախենալ և ՈՉ ՄԻ ԴԵՊՔՈՒՄ ՆՐԱ ԴԵՄ ՉԸՆԴՎԶԵԼ / արդեն գեների մեջ է մտել այս վախը, դրա համար ՀԱՅ ժողովուրդը վախենում է համախմբվել և դժգոհ լինելու դեպքում բողոքներով վռնդել վատ կառավարիչին/
5. երկրի ներսում իշխանություն ունենալու համար օտար երկրի ստրուկը դառնալ, վաճառվել օտարին` նրա հնազանդ կառավարիչը լինելու խոստում տալ, գալ ջարդուփշուր անել քաղաքական հակառակորդներին /նրանց հետ մեկտեղ` ժողովրդին/, հետո խելոք շունիկի նման ծառայել այդ օտարին` սեփական ժողովրդի հաշվին լցնել օտարի գանձարանները:
6. Իշխանավորին, կառավարիչին «գործ տալ» հարևանի վրա, հակառակորդի վրա, մատնություն անել, գլխին սարքել, նրա ունեցվածքը սեփականացնել, կամ որևէ այլ հարցերում շահել...

Եթե այս չորսի փոխարեն գա արևմտյան մտածելակերպը, կարծում եմ, Հայաստանը կդառնա ոչ պակաս ԱՐԺԱՆԱՊՏԻՎ և բարգավաճ երկիր, քան Շվեյցարիան, Մոնակոն, Իսրաելը, Ճապոնիան, Սինգապուրը....

voter
14.11.2008, 14:10
Մտածելակերպը արևմտյան ամերիկյան թե արևելյան ճապոնական, կամ ավստրիալական չի անցնի, ՀԱՅԿԱԿԱՆ մտածելակերպ է պետք ստեղծել ու անկասկած ներառել այն լավը, որ կա արևմտյայում, արևելյանում կամ հին հայկականում։

Հայ հասարակությանը սեփական ուժերին հավատ է պետք ներշնչել, որ YES WE CAN ու փոխեն կարգապահություն հաստատեն իրենք իրենց հարկի տակ։

Քանի դեռ զբաղված ենք սրա նրա արժեքների ադապտացիայով, հավերժ կմնանք, արաբաֆոբ, թրքաֆոբ, ռուսաֆոբ, մեկքիկաֆոբ կամ արևելաֆոբ, բայց Հայ չենք լինի։

Tig
14.11.2008, 14:54
Մտածելակերպը արևմտյան ամերիկյան թե արևելյան ճապոնական, կամ ավստրիալական չի անցնի, ՀԱՅԿԱԿԱՆ մտածելակերպ է պետք ստեղծել ու անկասկած ներառել այն լավը, որ կա արևմտյայում, արևելյանում կամ հին հայկականում։

Հայ հասարակությանը սեփական ուժերին հավատ է պետք ներշնչել, որ YES WE CAN ու փոխեն կարգապահություն հաստատեն իրենք իրենց հարկի տակ։

Քանի դեռ զբաղված ենք սրա նրա արժեքների ադապտացիայով, հավերժ կմնանք, արաբաֆոբ, թրքաֆոբ, ռուսաֆոբ, մեկքիկաֆոբ կամ արևելաֆոբ, բայց Հայ չենք լինի։

Կեցցես, Վոթեր ջան, շատ ճիշտ ես նկատել, ինքնակարգապահության հաստատումը մեր մոտ ձգտումա զերոի: Դրա համար էլ մենք չենք կարողանում հաստատուն ասել, որ «մենք կարող ենք»: Երբ պիտի ամեն մի հայ հասկանա այս պարզ ճշմարտությունը ու վերջ դնի /ինչպես դու ես ասում/ հաբռգիզմին:

Ձայնալար
14.11.2008, 15:03
Մոդերատորական: Բարաք Օբամային ուղղված նամկը տեղափոխվել է «Քաղաքական հումոր» թեմա:

voter
15.11.2008, 01:05
Կեցցես, Վոթեր ջան, շատ ճիշտ ես նկատել, ինքնակարգապահության հաստատումը մեր մոտ ձգտումա զերոի: Դրա համար էլ մենք չենք կարողանում հաստատուն ասել, որ «մենք կարող ենք»: Երբ պիտի ամեն մի հայ հասկանա այս պարզ ճշմարտությունը ու վերջ դնի /ինչպես դու ես ասում/ հաբռգիզմին:
ՈՒրախ եմ, որ համակրում ես մտքերիս։
Ասեմ ավելին, ավելի ճիշտ կրկնվեմ ինչպես պետք է անել, որ ինքնակազմակերպումը, կարգապահությունը վերականգնվի ու հաստատվի հայության մեջ – պիտի զրկել բոլորին ՊԱՊԱ ունենալուց, որի ասածները յուղի տեղ անցնում են ու սեձափական սթափությունը քնեցվում – արա ՊԱՊԱն տենց ա ապրում ուրեմն մենք էլ պիտի տենց ապրենք...

Կասես, եթե բոլորը սկսենց իրենց ուզածը անել ու վերեվից կարգող կարգավորող հրամայող չլինի քաոս ու անարխիա կլինի հայերի մեջ – այ հենց այդտեղ էլ իրենց մաշկի վրա կզգան, որ ԲՈԼՈՐԻ ԿՈՂՄԻՑ ՀԱՐԳՎՈՂ ԽԱՂԻ ԿԱՆՈՆՆԵՐ են հարկավոր, այսինքն ոչ թե ինչ որ մեկը պիտի նստի ու սովորացնի բոլորին ինչպես այդ քաոսից դուրս գալ ու կարգապահ լինել այլ ամեն մեկը մտածի մյուսի հետ իր հարաբերությունները նորմալ պահելու համար իրեն ինչ է հարկավոր ու ինչ ընդհանուրյթուններ ունի ու դա վավերացնի որպես օրենք....

ԺՈՂՈՎԸ պիտի օրենքներ ստեղծի տարբեր ժողովի մասնակիցների կարծիքների հիման վրա իսկ ով ի վիճակի է այդ բոլոր տարաբնույթ պահանջները իմի բերելու ու դրանից օրենսդրություն մոգոնելու, նրան կարգեն ԺՈՂՈՎԻ ՆԱԽԱԳԱՀ։ Այիսնք կԺՈՂՎԵ լավ մտքերն ու դրանից օրենք կստեղծէ և ոչ թէ իրեն ամենազոր, ամենախելոք, ամենասիրուն համարողին ասենք «պապա ջան ասա ոնց ապրենք»....

Բայց այդ ամենի հիմնաքարը ԱԶԱՏ ԱՐՏԱՀԱՅՏՎԵԼՈՒ հնարավորությունն է։ Առանց ԱԶԱՏ ԽՈՍՔԻ դրան հասնել անհընար է։

Kuk
15.11.2008, 01:13
«Հայեր, հավաքվեք մի բան որոշենք..»

Մի բան չհասկացա` որտե՞ղ եք հավաքվում:esim Թե՞ նենց վերացական ա:think

Մարկիզ
15.11.2008, 01:17
«Հայեր, հավաքվեք մի բան որոշենք..»

Մի բան չհասկացա` որտե՞ղ եք հավաքվում:esim Թե՞ նենց վերացական ա:think
:oy
Խմելու հարց կա՞…:))

Բայց այդ ամենի հիմնաքարը ԱԶԱՏ ԱՐՏԱՀԱՅՏՎԵԼՈՒ հնարավորությունն է։ Առանց ԱԶԱՏ ԽՈՍՔԻ դրան հասնել անհընար է։

Բռավո…՜
լավ կենաց էր:;)

Լեռնցի
15.11.2008, 16:16
Իսկ գուցե լավ կլինի, եթե որոշ արժեքներ, որոնք մի քանի հարյուրամյակների ընթացքում արմատավորվել հայ ժողովրդի մտածելակերպում վերանան ու դրա փոխարեն ներմուծվեն արևմտյան արժեքները՞
Բերեմ օրինակ. քանի որ հայերը մոտ 700 տարի ապրել են օտարի տիրապետության տակ` իշխանավորները միշտ եղել են օտարազգի նշանակովի կառավարիչներ, հայերի մոտ ձևավորվել է շատ յուրահատուկ վերաբերմունք իշխանության նկատմամբ.
1. իշխանությունը չի ընտրվում, նշանակվում է /ներքին կամ արտաքին ուժերի կողմից/
2. իշխանությունը և չինովնիկը դաժան ու անարդար է, խոշոր հարկեր է գանձում, լցնում է սեփական գրպանները, և դա նորմալ է / լրիվ պատմականորեն եկած` արաբ, թուրք, պարսիկ, ռուս կառավարիչների թողած բարոյահոգեբանական տրավմա/
3. իշխանությանը և չինովնիկի կաշառելով կարելի է անձնական հարցեր լուծել /նույնը/
4. իշխանությանը, կամ չինովնիկին պետք է լավն նայել, նրա առաջ գլուխ խոնարհել, նրանից վախենալ և ՈՉ ՄԻ ԴԵՊՔՈՒՄ ՆՐԱ ԴԵՄ ՉԸՆԴՎԶԵԼ / արդեն գեների մեջ է մտել այս վախը, դրա համար ՀԱՅ ժողովուրդը վախենում է համախմբվել և դժգոհ լինելու դեպքում բողոքներով վռնդել վատ կառավարիչին/
5. երկրի ներսում իշխանություն ունենալու համար օտար երկրի ստրուկը դառնալ, վաճառվել օտարին` նրա հնազանդ կառավարիչը լինելու խոստում տալ, գալ ջարդուփշուր անել քաղաքական հակառակորդներին /նրանց հետ մեկտեղ` ժողովրդին/, հետո խելոք շունիկի նման ծառայել այդ օտարին` սեփական ժողովրդի հաշվին լցնել օտարի գանձարանները:
6. Իշխանավորին, կառավարիչին «գործ տալ» հարևանի վրա, հակառակորդի վրա, մատնություն անել, գլխին սարքել, նրա ունեցվածքը սեփականացնել, կամ որևէ այլ հարցերում շահել...

Եթե այս չորսի փոխարեն գա արևմտյան մտածելակերպը, կարծում եմ, Հայաստանը կդառնա ոչ պակաս ԱՐԺԱՆԱՊՏԻՎ և բարգավաճ երկիր, քան Շվեյցարիան, Մոնակոն, Իսրաելը, Ճապոնիան, Սինգապուրը....
Սրանք արժեքներ չեն հարգելիս, դու լրիվ շփոթում ես.... արժեքներ են ադաթները, ընտանիքին նվիրվածությունը, հայկական երգը, պարը, այսօր որ մի տեղ հավաքվենք, միասին մի հայկական երգ ծերից ծեր չենք կարող երգել, ասածս սա է... իսկ էն մնացածը որ դու ես նշում, ամեն հայի մոտ չի որ կա, այդ խնդիրների պատճառը սովորաբար ֆինանսապես կախվածությունն է:
Իսկ ինքնակարգապահության ամենալավ Ձևը հայեցի իսկական դաստիարակությունն է: Օրինակ: Մի առիթով մեկը էսպիսի պատմությունն է պատմում.
"Գնում եմ մի հայկական գյուղ, թաղման արարողություն էր, մի քանի գյուղացի պապիկներ կանգնած զրուցում են, ոչ մեկը չունի բարձրագույն կրթություն, դե հովիվ մարդիկ են: Ուրեմն զրույցի ընթացքում, մեկը որ խոսում է, մյուսները բոլորը ուշադիր լսում են նրան, հենց ավարտում է էդ մարդը, ինչ որ մեկը մյուս կողմից սկսում է խոսել, ոնց որ թե մեկն ասեր հերթը քոնն է, ու հետո մյուսը և այլն, մարդիկ կարողանում են, տարրական մեկը մեկին լսելով զրուցել: Բայց հիմա որ մի քանի բարձրագույնավարտ զրուցելիս լինեին չէ, էէէ, մի ղալմաղալ կլիներ:)"
Դե սա փոքր օրինակ էր, ըստ իս կհասկանաք ասածիս իրական իմաստը....

Մարկիզ
15.11.2008, 16:19
Սրանք արժեքներ չեն հարգելիս, դու լրիվ շփոթում ես.... արժեքներ են ադաթները, ընտանիքին նվիրվածությունը, հայկական երգը, պարը, այսօր որ մի տեղ հավաքվենք, միասին մի հայկական երգ ծերից ծեր չենք կարող երգել, ասածս սա է... իսկ էն մնացածը որ դու ես նշում, ամեն հայի մոտ չի որ կա, այդ խնդիրների պատճառը սովորաբար ֆինանսապես անկախությունն է:
Իսկ ինքնակարգապահության ամենալավ Ձևը հայեցի իսկական դաստիարակությունն է: Օրինակ: Մի առիթվ մեկը էսպիսի պատմությունն է պատմում.
"Գնում եմ մի հայկական գյուղ, թաղման արարողություն էր, մի քանի գյուղացի պապիկներ կանգնած զրուցում են, ոչ մեկը չունի բարձրագույն կրթություն, դե հովիվ մարդիկ են: Ուրեմն զրույցի ընթացքում, մեկը որ խոսում է, մյուսները բոլորը ուշադիր լսում են նրան, հենց ավարտում է էդ մարդը, ինչ որ մեկը մյուս կողմից սկսում է խոսել, ոնց որ թե մեկն ասեր հերթը քոնն է, ու հետո մյուսը և այլն, մարդիկ կարողանում են, տարրական մեկը մեկին լսելով զրուցել: Բայց հիմա որ մի քանի բարձրագույնավարտ զրուցելիս լինեին չէ, էէէ, մի ղալմաղալ կլիներ:)"
Դե սա փոքր օրինակ էր, ըստ իս կհասկանաք ասածիս իրական իմաստը....
Հա, գյուղերում տենց ա: Մեկը խոսում ա, մնացածը լսում են: Բայց դե էդ էլ մի բան չի:

Լավ կենաց էր::D

Elmo
15.11.2008, 21:06
Ըստ իս, ոչ ՍՍ-ն, ոչ էլ ՀԱԿ-ը կամ ԼՊՏ-ն, չեն կարող միավորել հայ ժողովրդին, որովհետը հայ ժողովուրդի մեծամասնությունը չի ընդունում երկուսին էլ...

Մեկը ասեց «Հա» 100-ը կասի «Չէ», բայց սրանք կեթան փող կտան ու 1000-ը կասեն «Հա», ու իրանց ուզածը կլինի: Վարդան Պետրոսյան:

Լեռնցի
16.11.2008, 10:12
Հա, գյուղերում տենց ա: Մեկը խոսում ա, մնացածը լսում են: Բայց դե էդ էլ մի բան չի:

Լավ կենաց էր::D

Քեզնից թամադա դուրս եկղոը չի, իսկ ես բնավ էլ կենաց չէի ասում, որ առիթ լինի, իսկական կենացս կլսես:

Հակոբ Գեւորգյան
16.11.2008, 10:59
Մարդուկի եւ Քամիլայի զրույցի հետքերով…

Հայերը վաղուց կորցրել են Աստծու ուղեցույցը։ Այլոք ունեն հրահանգ, նպատակ. Նպատակ, որին ծառայում են ազգովի՝ միասնական, անխթիր եւ տքնաջան կերպով։ Իսկ պարզ ապրելակերպը՝ այն ինչ աստվածատուր է, այն ինչ բարի է, այն ինչ առկա է աշխարհում, պետք է տեսնել. պետք է փնտրել. պետք է խնդրել… «Խնդրիր եւ կստանաս, փնտրիր եւ կգտնես…» Սա է մարդկային՝ ճիշտ ուղղին։ Սա դեռ չի կայացել։ Ինչու՞։ Պատասխանը գտնելուն պես, բարի մարդիկ կարարեն աստվածային, բարի նպատակը։

Արիացի
16.11.2008, 16:22
Օրինակ: Մի առիթով մեկը էսպիսի պատմությունն է պատմում.
"Գնում եմ մի հայկական գյուղ, թաղման արարողություն էր, մի քանի գյուղացի պապիկներ կանգնած զրուցում են, ոչ մեկը չունի բարձրագույն կրթություն, դե հովիվ մարդիկ են: Ուրեմն զրույցի ընթացքում, մեկը որ խոսում է, մյուսները բոլորը ուշադիր լսում են նրան, հենց ավարտում է էդ մարդը, ինչ որ մեկը մյուս կողմից սկսում է խոսել, ոնց որ թե մեկն ասեր հերթը քոնն է, ու հետո մյուսը և այլն, մարդիկ կարողանում են, տարրական մեկը մեկին լսելով զրուցել: Բայց հիմա որ մի քանի բարձրագույնավարտ զրուցելիս լինեին չէ, էէէ, մի ղալմաղալ կլիներ:)"
Ապի, լավն էր: Լավ էլ հիշում ես: ;)

Դե սա փոքր օրինակ էր, ըստ իս կհասկանաք ասածիս իրական իմաստը....
Այ էն, որ բոլորը կհասկանան ասածիդ իմաստը, հազիվ թե: Մանավանդ բարձրագույավարտների մեծ մասը: