Դիտել ողջ տարբերակը : Անվերնագիր
Աստղամած երկինքը մի պահ շառագունեց պրոտոնային հրթիռի կուրացուցիչ ցոլքից և կրկին մթնեց։ Գլանաձև տիեզերանավը փափուկ վայրէջք կատարեց անծանոթ մոլորակի վրա։
Հրթիռի ողորկ, մետաղափայլ իրանի վրա լույսի թելեր ուրվագծվեցին։ Անձայն բացվեց տիեզերանավի դուռը, և սկաֆանդրներ հագած երեք տիեզերագնացները ծալովի աստիճանով հերթով իջան մոլորակի փափուկ, կանաչ մակերևույթի վրա։ Նրանք լավ գիտեին, որ մոլորակի հյուրընկալ տեսքը խաբուսիկ է. միջավայրի ջերմաստիճանը քսաներկու անգամ բարձր էր նորմայից, խիտ, գազային մթնոլորտը՝ թունավոր։ Սակայն այդ փոքրիկ մոլորակի բնությունը չէ, որ հետաքրքրել էր Միջաստղային Խորհրդին։ Հասանելի տիեզերքի ամենահեռավոր անկյուններից մեկում, երկար ու ապարդյուն որոնումներից հետո, վերջապես գտնվել էր մի նոր աշխարհ, որտեղ Բանական Կյանք կար։ Եվ հիմա Գալակտիկան անհամբեր սպասում էր Առաջին առաքելության արդյունքներին՝ երկու հազար ստանդարտ-տարվա մեջ առաջին անգամ դիմավորելու համար Խորհրդի նոր անդամներին, օգնելու, աջակցելու, սովորեցնելու և, անշուշտ, նորեկներից սովորելու ու ճանաչելու համար։
Տիեզերագնացների առաջադրանքը հստակ էր. աննկատ հետևել այլմոլորակայիններին, պարզել զարգացածության աստիճանը, կենսակերպը, սովորույթները, ֆիզիոլոգիական ու հոգեկան առանձնահատկությունները, ապա հանդիպել նրանց ու տեղեկացնել, որ նրանք միայնակ չեն Տիեզերքում և առաջարկել միանալ Միջաստղային Խորհրդին։ Սկզբում աշխատանքը շատ լավ էր ընթանում. երեք տեղական տարվա մեջ (տասնութ ստանդարտ-օր) հայտնաբերվեցին և քարտեզագրվեցին մոտակա բոլոր խոշոր բնակավայրերը, ուսումնասիրվեց տեղի բնությունն ու կենսոլորտը և, անշուշտ, միակողմանի կապ հասատվեց բնիկ ցեղերի հետ։ Ցավոք, այլմոլորակայինները, հակառակ ընդունված կարծիքի, ամենևին էլ առավել զարգացած չէին, քան Միջաստղային Հանրապետության քաղաքացիները։ Ընդհակառակը՝ նրանց քաղաքակրթությունը դեռ օրորոցային, նախնադարյան վիճակում էր։ Էլեկտրականությունը հայտնաբերված չէր, ատոմային ռեակտորներ չկային, իսկ միջաստղային թռիչքների ու պոզիտրոնային համակարգիչների մասին խոսք անգամ լինել չէր կարող։ Հոգևոր մակարդակը (եթե, իհարկե, կարելի է կիրառել «հոգևոր» բառն այնպիսի էակների մասին, որոնք ձեր ծնկներից են, փափուկ, երկարուկ շոշափուկներ ու նույնպիսի իրան ունեն և, ընդհանրապես, ոչնչով բանական արարածների չեն հիշեցնում) նույնպես անմխիթար էր։ Կարճատև խորհրդակցությունից հետո որոշվեց քաղաքակրթման գործընթացը սկսել հենց հոգևորից։ Եվ քանի որ տիեզերագնացներին խստիվ արգելված էր ժամանակից շուտ երևալու այլմոլորակայիններին (ասենք՝ վերջիններս չէին էլ ընկալի սովորական խոսքը. նրանց հաղորդակցման համակարգը բոլորովին այլ ֆիզիկական սկզբունքների վրա էր հիմնված), որոշվեց արհեստական պայմաններում ստեղծել մի նոր էակի, որը արտաքնապես նման կլիներ բնիկներին, սակայն իր մեջ կպարփակեր այն ամբողջ լավն ու բարին, այն ամբողջ զորեղ մշակույթն ու քաղաքակրթությունը, ինչին Հանրապետությունը հասել էր խաղաղության հազարավոր տարիների ընթացքում։ Կլոնավորումը և աճը տևեց երկու ստանդարտ-ժամ, արարածի մտավոր ծրագրավորումը՝ հինգ։ Միջքաղաքակրթային կենդանի կամուրջը պատրաստ էր։ Սկսվում էր ամենակարևոր ու ժամանակատար փուլը՝ այլմոլորակայիններին կրթելու ու «դարձի բերելու» աշխատանքը։
Հաջորդ գիշերը Երկրորդ տիեզերագնացն աննկատ մտավ բնիկներից մեկի բույնն ու նորածնին դրեց այլմոլորակայինի կողքին։ Դուրս եկավ, սկաֆանդրի հաղորդակն ուղղեց դեպի խավար երկնքի աստղերի գրկում առկայծող կետը՝ մայր-նավը։ Պատրաստ է, Առաջի՛ն։ Եվ հիմա, ըստ սոցիալական հոգեմաթեմատիկայի հիմնարար հաշվարկների, մնում էր լոկ սպասել երկու հարյուր ստանդարտ-օր՝ մինչև բնիկ արարածները կատարելապես կքաղաքակրթվեին, մինչև միջնորդի սերմանած բարին ու լավը անխուսափելիորեն կհասունանային, կտարածվեին ու կհաղթեին տեղացիների նախնադարյան բարքերին։ Միջամտել այլևս չէր կարելի։
Երեսուն օրը մեկ տիեզերագնացներն իջնում էին մոլորակի վրա և հետևում էին դեպքերի զարգացմանը՝ իրենք մնալով անմասն։ Ամեն ինչ ընթանում էր ըստ նախապես մշակված և այլ մոլորակների վրա բազմիցս փորձարկված նախագծի։ Միջնորդն արդեն կարողացել էր իր շուրջը համախմբել հազարավոր համակիրների, որոնք, իրենց հերթին, պետք է տարածեին Բանական Արարածի իրավունքների միջաստղային սկզբունքներն ամբողջ մայրցամաքով և ապա՝ մոլորակով մեկ։ Քաղաքակրթման ուղին սկսված էր։
Երկուհարյուրերորդ օրվա առավոտյան Երրորդը վայրէջք կատարեց բնիկների քաղաքից ոչ հեռու՝ մի բլրի հետևում և, միացնելով սկաֆանդրի միմիկրիան, աննկատ խառնվեց այլմոլորակայինների ամբոխին։ Քաղաքում այդ օրն ինչ-որ անսովոր իրարանցում էր տիրում։ Կենտրոնական հրապարակում մեծ ամբոխ էր հավաքված։ Երրորդը գիտեր, որ բնիկներն իրենց գալստյանն են սպասում։ Ցեղապետի կացարանի առջև՝ հարթակի վրա, Երրորդը նկատեց իրենց միջնորդին՝ շրջապատված արտաքուստ հուզված կամ անհանգստացած թվացող բնիկների մեծ խմբով։ Շուտով բազմության մեջ ինչ-որ շարժում ծագեց։ Ամբոխը, միջնորդի գլխավորությամբ, սկսեց ձգվել դեպի այն բլուրը, որի հետևում Երրորդը թաքցրել էր իր նավակը։ Երրորդը քայլում էր այլմոլորակայինների կողքով և ապարդյուն փորձում նկատել տիեզերական քաղաքակրթության ու մշակույթի նշանները։ Երթը շարունակվում էր։ Մոտենալով բլրին՝ միջնորդն այն չշրջանցեց, այլ սկսեց դանդաղ բարձրանալ վերև։ Բլրի գագաթին Խաչ էր կանգնեցված։
Մտահղացվել և գրվել է մի երկու ժամում: «Ոգեշնչման» աղբուր է եղել Բորխեսի մի պատմվածքը:
Ambrosine
12.11.2008, 21:02
Նավակը տիեզերանավի հետ ես? ես ինչ-որ գնացի դեպի Նոյի տապան...
իսկ խաչը? այսինքն միջնորդին էին խաչում?:8
Մտահղացվել և գրվել է մի երկու ժամում: «Ոգեշնչման» աղբուր է եղել Բորխեսի մի պատմվածքը:
Բորխեսի պատմվա՞ծքը, թե՞ Աստվածաշունչը :think
Իդեպ, ինչպե՞ս է կոչվում այդ պատմվածքը։ Ասա, ես էլ կարդամ։
Եթե քրիստոնեական դավանաբանության տեսանկյունից նայենք, մորմոնիզմի տարրեր կան ;)
Շնորհակալություն հորինվածքովդ կիսվելու համար։ Հետաքրքիր էր կարդալը։
Հ․Գ․ Մեկ էլ չհասկացա՝ ինչ է «պրոտոնային հրթիռը»։
Ճիշտն ասած, հետաքրքիր էր կարդացվում, բայց մի տեսակ բարդ էր, կամ էլ ես եմ բութ:oy...
Բլուրը ինձ մոտ ասոցացվեց Գողգոթայի հետ...Եվ հետո ես աղերսները այլ մոլորակի ու երկիր մոլորակի զուտ հոգևոր հարթության վրա տարա...չգիտեմ...
Մի՞թե պարզ չէր: Այլմոլորակայինները հենց մարդի՛կ էին: Բլուրը հենց Գողգոթա՛ն էր: Միջնորդը հենց Հիսու՛սն էր: Որոշ հուշումներ տեքստում կային. օրինակ՝ Բեթղեհամյան աստղի մասին էի ակնարկել: Կամ՝ կարելի էր հաշվել, որ երկու հարյուր ստանդարտ-օրը երեսուներեք երկրային տարվա է հավասար:
Բարդ չէր, ընդհակառա՛կը: Փորձել եմ շատ պարզ գրել, ոչ մի երկար նախադասություն չկար, ոչ մի ճոռոմ համեմատություն կամ թիթիզ արտահայտություն չի օգտագործվել: Կարճ-կոնկրետ: Մի քիչ անմշակ է, իհարկե, համաձայն եմ:
Ուլուանա
13.11.2008, 00:18
Մի՞թե պարզ չէր: Այլմոլորակայինները հենց մարդի՛կ էին: Բլուրը հենց Գողգոթա՛ն էր: Միջնորդը հենց Հիսու՛սն էր: Որոշ հուշումներ տեքստում կային. օրինակ՝ Բեթղեհամյան աստղի մասին էի ակնարկել: Կամ՝ կարելի էր հաշվել, որ երկու հարյուր ստանդարտ-օրը երեսուներեք երկրային տարվա է հավասար:
Բարդ չէր, ընդհակառա՛կը: Փորձել եմ շատ պարզ գրել, ոչ մի երկար նախադասություն չկար, ոչ մի ճոռոմ համեմատություն կամ թիթիզ արտահայտություն չի օգտագործվել: Կարճ-կոնկրետ: Մի քիչ անմշակ է, իհարկե, համաձայն եմ:
Դե, երկար նախադասությունները ոչ միշտ են բարդության նշան, կարճերն էլ՝ պարզության։ Իմ կարծիքով, գեղարվեստականությունը պակաս էր. կարծես հոդված լիներ։ Աչքիս թիթիզությունից ու ճոռոմաբանությունից խուսափելով՝ մյուս ծայրահեղության գիրքն ես ընկել. շատ չոր ու ցամաք է ստացվել։ ;)
Դե, կարելի է ասել, հենց հոդված էլ էր: Կամ, եթե կուզես, տարեգրություն: Ճիշտն ասած՝ գործի տեղը ընդմիջումներին գրելուց հետո լրիվ նորից կարդացի ու ես էլ զգացի, որ մի տեսակ «անհամ» է (վերևում դրա համար էի գրել՝ անմշակ է): Բայց ոչ մի բան չկարողացա փոխել. մի երկու ոչ էական աստղամած-մաստղամած եմ ավելացրել ու վերջ: Կարծում եմ՝ ոչ թե «ոչ գեղարվեստական» է, այլ՝ չափազանց կարճ: Չի հասկացվում՝ ինչի մասին է:
Ավելացվել է 1 րոպե անց
Ի դեպ՝ դա, կարելի է ասել, իմ ոճն է: Էս գրառումս էի կարդում ու նկատեցի, որ նույն՝ կցկտուր նախադասություններն են ու վերջակետերի առատությունը :)):
Երևի ես շատ խելացի եմ, որովհետև միանգամից հասկացա թե ինչի մասին էր պատմվածքը ;)
Լավն էր, բայց կարելի է մի քիչ էլ վրան աշխատել
Դե, կարելի է ասել, հենց հոդված էլ էր: Կամ, եթե կուզես, տարեգրություն: Ճիշտն ասած՝ գործի տեղը ընդմիջումներին գրելուց հետո լրիվ նորից կարդացի ու ես էլ զգացի, որ մի տեսակ «անհամ» է (վերևում դրա համար էի գրել՝ անմշակ է): Բայց ոչ մի բան չկարողացա փոխել. մի երկու ոչ էական աստղամած-մաստղամած եմ ավելացրել ու վերջ: Կարծում եմ՝ ոչ թե «ոչ գեղարվեստական» է, այլ՝ չափազանց կարճ: Չի հասկացվում՝ ինչի մասին է:
Ավելացվել է 1 րոպե անց
Ի դեպ՝ դա, կարելի է ասել, իմ ոճն է: Էս գրառումս էի կարդում ու նկատեցի, որ նույն՝ կցկտուր նախադասություններն են ու վերջակետերի առատությունը :)):
Շա~տ մեծ հետաքրքրությամբ կարդացի: Շատ մեծ սպասումներ ունեմ, հուսով եմ` կշարունակես :)
Հեչ էլ կցկտուր չէր, շատ ճիշտ ես արել, որ գիտական ոճով ես գրել :hands Նույնիսկ կասեի, որ կարող էիր ավելի չոր էլ գրել: Սա գիտաֆանտաստիկ ոճ է, ռեալսիտական: «Մեղմ զեփյուռն օրորում էր թիթեռնիկներին»-ը թող մնա ռոմանտիկ ստեղծագործություններին ;)
Սպասում եմ, որ կզարգացնես միտքն ու նոր մտածելու թեմաներ կտաս :)
Տես երեկվա գրառումս :oy
Նյուտ Հայկօ-ի գրածը կարդացիր ? :D մեռել եմ :D
Բիբլիան էդ տղայի ձեռքը չտաք :))
Բիբլիան էդ տղայի ձեռքը չտաք :))
Խի նո՛ր ե՞մ կարդացել: Ու ոչ միայն էդ «բիբլիան»:
Նյուտ Հայկօ-ի գրածը կարդացիր ? :D մեռել եմ :D
Թեմայից հեռու մեռի, մեռելներից սիրտս խառնում ա:
Ժողովու՛րդ, եթե ասելու բան չունեք, ոչինչ մի՛ ասեք, խնդրում եմ:
Հայկ, Վոննեգուտը մի հատ գիրք ունի` Сирены Титана.
Հաջորդ հանդիպմանը բերելու եմ, որ կարդաս...volens nolens ;)
Քաղաքակրթության ծննդի լավ լուծում էիր գտել, ապրես :)
Ժողովու՛րդ, եթե ասելու բան չունեք, ոչինչ մի՛ ասեք, խնդրում եմ:
Ախր ասել ենք, չես պատասխանում ;) Հարցրի՝ Բորխեսի պատմվածքի անունն ի՞նչ է։
Իսկ հասկանալին հասկանալի էր ամեն ինչ։
Քեզանից խնդրել են շարունակություն գրել։ Ես խորհուրդ կտայի որպես մեկնակետ վերցնել Ս․ Հովհաննես Աստվածաբանի «Հայտնությունը»։ Հետաքրքիր է, ինչպիսի մեկնաբանություն ունես այդ գրքի վերաբերյալ։
Ախր ասել ենք, չես պատասխանում ;) Հարցրի՝ Բորխեսի պատմվածքի անունն ի՞նչ է։
Իսկ հասկանալին հասկանալի էր ամեն ինչ։
Քեզանից խնդրել են շարունակություն գրել։ Ես խորհուրդ կտայի որպես մեկնակետ վերցնել Ս․ Հովհաննես Աստվածաբանի «Հայտնությունը»։ Հետաքրքիր է, ինչպիսի մեկնաբանություն ունես այդ գրքի վերաբերյալ։
:)Մի խանգարեք էս մարդուն :angry թողեք ինքը իրա մեկնակետերը ստեղծի, ինքը իրա պատկերացումները տա...
:)
Մի օր, համոզված եմ, Հայկօ-ի գրքերն են վերլուծելու ու մեկնաբանելու ;)
Խի նո՛ր ե՞մ կարդացել: Ու ոչ միայն էդ «բիբլիան»:
Թեմայից հեռու մեռի, մեռելներից սիրտս խառնում ա:
Ժողովու՛րդ, եթե ասելու բան չունեք, ոչինչ մի՛ ասեք, խնդրում եմ:
Կներես, ստիպված ես իմ դիակը տեսնել ;)
Բայց ո՞վ ա է Հայկոյին բան ասում:D
Ճիշտ էլ հասկացել էի փաստորեն, ինչի համար մի այլ կարգի ուրախ եմ...
իսկ պարզ չէր...հեշտացված էլ չէր...ամեն բառի վրա չի, որ մարդը կարդալիս կենտրոնանում ա...իրոք բարդ էր...ու դրանով իսկ խորն էր ու լավը...ընդ որում ստեղծագործությունն ավելի, քան ինքը հեղինակը...
:B:oy
Շարունակի՛ր...:oy
Վերադարձա :)
Բորխեսի պատմվա՞ծքը, թե՞ Աստվածաշունչը :think
Իդեպ, ինչպե՞ս է կոչվում այդ պատմվածքը։ Ասա, ես էլ կարդամ։
Հ․Գ․ Մեկ էլ չհասկացա՝ ինչ է «պրոտոնային հրթիռը»։
Խորխե Լուիս Բորխես - Ավետարան ըստ Մաթևոսի
«Պրոտոնային հրթիռը» ես եմ հորինել :): Կարող էր լինել, ասենք, ինչ-որ «հակագրավիտացիոն» կամ «մյուոնային» շարժիչ:
Շա~տ մեծ հետաքրքրությամբ կարդացի: Շատ մեծ սպասումներ ունեմ, հուսով եմ` կշարունակես :)
Հեչ էլ կցկտուր չէր, շատ ճիշտ ես արել, որ գիտական ոճով ես գրել :hands Նույնիսկ կասեի, որ կարող էիր ավելի չոր էլ գրել: Սա գիտաֆանտաստիկ ոճ է, ռեալսիտական: «Մեղմ զեփյուռն օրորում էր թիթեռնիկներին»-ը թող մնա ռոմանտիկ ստեղծագործություններին ;)
Սպասում եմ, որ կզարգացնես միտքն ու նոր մտածելու թեմաներ կտաս :)
Շնորհակալություն, Camilla ջան: Իմ ամենաչսիրած ոճին շատ լավ բնորոշում ես տվել :): Ես դրանց ասում էի «անձրևի տակ քայլող թախծոտ աղջիկ», բայց զեփյուռն էլ է լավը:
Գրվածքում դիտմամբ ոչ մի բան չեմ մեկնաբանել, ոչ մի «հեղինակի խոսք» չեմ օգտագործել. ես գրողն եմ, իսկ մտածողն ու մեկնաբանողը՝ կարդացողը: Եվ, ի վերջո, գրողը ես եմ ու ես էդպե՛ս եմ ուզեցել գրել: Ինչ-որ պատճա՞ռ է պետք «քնքույշ» չգրելու համար: Չեմ ուզել, չեմ գրել: Կուզենայի, կգրեի: Ճաշակին, գիտեք, ընկեր չկա:
Քեզանից խնդրել են շարունակություն գրել։ Ես խորհուրդ կտայի որպես մեկնակետ վերցնել Ս․ Հովհաննես Աստվածաբանի «Հայտնությունը»։ Հետաքրքիր է, ինչպիսի մեկնաբանություն ունես այդ գրքի վերաբերյալ։
Չեմ կարծում, որ շարունակություն, որպես այդպիսին կգրի: Դե ես զուտ «գրելու համար» չեմ գրում, ու մեջս էլ ոչ մի ոգեղեն ջիղ չկա, ոչ էլ ծանոթ մուսա ունեմ: Ես չափազանց ռեալիստ եմ՝ ինձ փետուրին նվիրելու ու չափազանց «հերմետիկ»՝ բոլոր մտածածներս գրելու համար: Նորից՝ պահն է ամեն ինչ որոշում: Գործի տեղը պարապ ժամանակ կարդալու կամ զրուցելու փոխարեն կարող եմ, օրինակ, գրել. դա ինձ համար զբաղմունք է և ոչ՝ նպատակ:
«Հայտնությունը» կարդացել եմ (հեծյալ-մեծյալներ, դևեր-մևեր, պոռնիկ-մոռնիկներ, թվեր-մվեր), մի քիչ նույնիսկ հիշում եմ :): Թե՞ քո ասածը Նոր կտակարանի վերջին մասերը չէ... Չգիտեմ:
Բայց ո՞վ ա է Հայկոյին բան ասում:D
Ճիշտ էլ հասկացել էի փաստորեն, ինչի համար մի այլ կարգի ուրախ եմ...
իսկ պարզ չէր...հեշտացված էլ չէր...ամեն բառի վրա չի, որ մարդը կարդալիս կենտրոնանում ա...իրոք բարդ էր...ու դրանով իսկ խորն էր ու լավը...ընդ որում ստեղծագործությունն ավելի, քան ինքը հեղինակը...
:B:oy Շարունակի՛ր...:oy
Չէ, խորն ու բարդ չէր հաստա՛տ: Ուղղակի վերցրել էի շա՜տ տարածված ու ծամծմված «այլ քաղաքակրթությունների» ու «տիեզերքից միջամտության» տեսություններն ու հարմարացրել էի ավետարանական պատումներին: Իսկ գրածիդ վերջին մասը ոնց որ թե փայլուն թղթով դառը հաբ էր, հա՞: Այսինքն՝ «դարդ մի՛ արա, որ դու էդքան տափակ ու տուֆտ ես. զատո, մեկ-մեկ որ բախտդ բերում ա, տանելի բաներ էլ ես կարողանում երկնել. ոչի՛նչ, բան ա, կանցնի»: Թե՞ ինչ-որ բան սխալ եմ հասկացել: Ոխերիմ բարեկամության հոտ ա գալիս :think:
Ambrosine
16.11.2008, 01:50
Չէ, խորն ու բարդ չէր հաստա՛տ
թող քո ընթերցողը ինքը որոշի՝ բարդ էր, խորն էր;). տնաշեն, իրոք բարդ բան ես գրել, ինչի ես փոքրացնում քո պատմվածքը?:) էլի եմ ասում, եթե վերջում խաչի պահը չլիներ, ես տենց էլ չէի հասկանա
թող քո ընթերցողը ինքը որոշի՝ բարդ էր, խորն էր;). տնաշեն, իրոք բարդ բան ես գրել, ինչի ես փոքրացնում քո պատմվածքը?:) էլի եմ ասում, եթե վերջում խաչի պահը չլիներ, ես տենց էլ չէի հասկանա
:) Դե դա հենց սկզբից էր էդպես մտածված: Այսինքն՝ նախ որոշել եմ, որ ավարտվելու է հենց այդպես՝ այդ մի նախադասությամբ, ու հենց այդ մի նախադասությունն է լինելու պատմվածքի բանալին, իսկ հետո «շարել» եմ ամբողջ ջանջալ նախաբանը: Սկզբի մոնոտոնությունն ու ծանծաղությունը կոչված էին (իմ մտահղացմամբ) ուժեղացնելու ու ընդգծելու վերջին հարվածը, երբ հանձինս տարօրինակ ու հետամնաց այլմոլորակայինների ճանաչում ես ինքդ քեզ: Ի դեպ՝ փորձել եմ էնպես սկսել, որ անընդհատ թվա, թե տիեզերագնացները մարդիկ են: Այսինքն՝ ոչ մի բանով չեմ հուշել, որ նրանք տարբեր են մեզնից՝ լինի կազմվածքով թե զարգավածությամբ. նաև դրանով էր պայմանավորված զուսպ ու սահմանափակ շարադրանքը. դիտմամբ շատ քիչ եմ անդրադարձել իրենց՝ եկվորներին:
ԸՀԸՆ...Հայկօ, սխալ ես հասկացել...փայլուն թղթով քաղցր հաբ...
իմ ապուշ հումորներից էր, ուզում էի ստուգել ժպիտով կանցնես, թե ոչ:):oy
Քեզ մի թերագնահատիր գրելու հարցում...
Հետո մի տեսակ տարօրինակ մթնոլորտ ես ստեղծել..ստեղծագործությունը ստիպում ա խորհել..ես նույնիսկ մտածեցի Հիսուսի երկրորդ գալստյան մասին, ում« բա որ խաչեմ»...իսկ հետո հանկարծ տարօրինակ ենթատեքստով գրառումներ, ինչ-որ մելանխոլիկ մեկնաբանություններ քո կողմից...ինչի՞ համար...
այնուամենայնիv ստեղծագործությանդ վերնագիր ա պետք...անվերնագիրը լավ վերնագիր չի...
Alize'e Դե էսօր ես շատ չար ու վատն եմ :): Ինձ մի քանի հոգի էսօր ռեալում տեսել են, կհաստատեն :): Ու ահավոր մարտական եմ տրամադրված ամեն ինչ նկատմամբ. երևի ցրտից ա :): Իսկ ընդհանրապես ես սպիտակ ու փափուկ եմ, մանավանդ՝ հանգստացած ու քունս առած ժամանակ :):
Հ.Գ. Զարմացա էլ, ճիշտ ասած :):
Հ.Հ.Գ. Էսքան ժպիտը հերիք ա՞ :):
ըհըն:)
վերնագիր չորոշե՞նք...
օրինակ ինչ կլիներ, եթե դնեիր «ՄԻջնորդը...»:think
Չէ, «Միջնորդը» չեմ ուզում՝ հաստատ: Գիտե՞ս՝ ինչու. սյուժեի հետ կապ ունեցող ցանկացած վերնագիր հուշում ա դառնալու, իսկ ես ուզում էի, որ միակ հուշումը վերջին նախադասությունը լինի: Եթե վերնագիր դնեմ, ապա գոնե էնպիսի բան, որ առաջին անգամ կարդաս, քեզ բա՜ն չասի, անցնես առաջ, կարդաս-պրծնես, հետո նորից նայես վերնագիրն ու հասկանաս :): Ու համ էլ՝ ինչ-որ վերացական բան լինի. ինչ-որ «եսիմինչություն», օրինակ: Մի խոսքով՝ բարդ գործ էր, ես էլ ոչ էդքան հավես ունեի, ոչ էլ՝ մուսա:
Ambrosine
16.11.2008, 02:38
Եթե վերնագիր դնեմ, ապա գոնե էնպիսի բան, որ առաջին անգամ կարդաս, քեզ բա՜ն չասի, անցնես առաջ, կարդաս-պրծնես, հետո նորից նայես վերնագիրն ու հասկանաս :)
Գողգոթա?:think
Գողգոթա?:think
Էդ գիտե՞ս՝ ոնց որ ինչ լինի ;): Ոնց որ խճճվա՜ծ, բարդ դետեկտիվ գրես ու վերնագիրը դնես «Մարդասպան պահակը» :lol: Չէ, ես ավելի աղոտ էի ուզում. ինչ-որ «Ընծան», կամ՝ «Երբ գա ժամը», կամ՝ «Կորուսյալները» (:hands): Բայց դե ոչ մեկն էլ դուրըս չի գալիս:
Ambrosine
16.11.2008, 02:52
Էդ գիտե՞ս՝ ոնց որ ինչ լինի ;): Ոնց որ խճճվա՜ծ, բարդ դետեկտիվ գրես ու վերնագիրը դնես «Մարդասպան պահակը» :lol: Չէ, ես ավելի աղոտ էի ուզում. ինչ-որ «Ընծան», կամ՝ «Երբ գա ժամը», կամ՝ «Կորուսյալները» (:hands): Բայց դե ոչ մեկն էլ դուրըս չի գալիս:
:D
<<փշե դափնին>>, <<Հավերժ խաչը>>......:D
Morpheus_NS
16.11.2008, 03:19
Հայկօ ջան դուրս շատ եկավ գրածդ: Հենց սկզբից հասկացա, որ այլմորակայինները մարդիկ են, բայց որ միջնորդը Հիսոսն էր, հասկացա միայն վերջին նախադասությունից: Էս գրածիդ վրա կարելի է լավ ֆիլմ նկարել: Վերնագիրն էլ կարելի է դնել «Բացահայտում»:
Չէ, ֆիլմ չի ստացվի: Ամբողջ գրվածքը կառուցված ա էն բանի վրա, որ դու ոչ էդ այլմոլորակայիններին չես տեսում, ոչ էլ՝ տիեզերագնացներին: Պատկերացրու՝ նկարազարդ հեքիաթ լիներ, նկարում էլ՝ սկաֆանդրով ինչ-որ անդուր, վեցոտանի-երկգլխանի մեկը Բեթղեհեմյան աստղի լույսի տակ նորածին երեխա է դնում գոմի մսուրի մեջ: Սաղ համը կհելներ, չէ՞ :):
Morpheus_NS
16.11.2008, 03:35
Չէ, ֆիլմ չի ստացվի: Ամբողջ գրվածքը կառուցված ա էն բանի վրա, որ դու ոչ էդ այլմոլորակայիններին չես տեսում, ոչ էլ՝ տիեզերագնացներին: Պատկերացրու՝ նկարազարդ հեքիաթ լիներ, նկարում էլ՝ սկաֆանդրով ինչ-որ անդուր, վեցոտանի-երկգլխանի մեկը Բեթղեհեմյան աստղի լույսի տակ նորածին երեխա է դնում գոմի մսուրի մեջ: Սաղ համը կհելներ, չէ՞ :):
Չէ Հայկօ ջան դա էլ եմ մտածել: Կարելի էր սկսել մոլորակի զարգացման պատմությունից. ասենք մեր ժամանակներից մոլորակը սկսում է զարգանալ ու գնում հասնում է եսիմ որ ժամանակները... բայց դե իտոգում էտ մեր մոլորակը չի զարգանում, այլ իրենց: Հետո էդ մեր զարգացած մոլորակի պատվիրակները(որը իրականում իրանց պատվիրակներն են) գտնում են մի մոլորակ (որը իրականում մեր մոլորակն է): Այ ստեղից մի քիչ զգույշ պետք ա շարունակել, որ գաղտնիությունը պահպանվի: Թե ինչ է անում Հիսուսը երկրի վրա, պետք չի նկարել, պետք է ցույց տալ, որ վերեւում ինչ որ հաղորդագրություններ են ստանում իրա արածների մասին: Այսինքն գլխավոր հերոսը ոչ թե միջնորդը կլինի, այլ Միջաստղային կոմիտեի գլխավորը:
Ոնց որ մի քիչ խառը ասեցի, որ չհասկանաս, ավելի պարզ կասեմ...
Չէ, բայց էսպես թե էնպես ֆիլմի իմաստը ցույց տալն ա: Կինոն տեսողական արվեստ ա, չէ՞: Ո՞նց պիտի կինո նկարես ու գործող անձանց մինչև վերջին պահը ցույց չտաս: Մենակ հրթիռ-մրթիռ, կոմունիկատորի էկրան-մէկրան ցույց տալով չի լինի: Հետո՝ Երկիր մոլորակը: Ես ախր ոչ մի տեղ չէի գրել, որ «մոլորակի» պայմանները էստեղից տարբեր են. գրել էի՝ տիեզերագնացների համար ջերմաստիճանը նորմայից (իրա՛նց նորմայից) էսքան անգամ բարձր, մթնոլորտը՝ թունավոր: Կամ էլ՝ մակերևույթը կանաչ, փափուկ և այլն: Ուզում էի նենց անել, որ կարդացողը նախ մի հատ լրիվ խորթ, տարօրինակ լանդշաֆտ պատկերացներ՝ «երկար, փափուկ իրան ու շոշափուկներ» (վերջույթներ) ունեցող այլմոլորակայիններով: Բայց՝ երկրորդ անգամ նայելիս ամեն ինչում ճանաչեր Երկիրն ու մարդկանց ու, մասնավորապես, Երուսաղեմը, Մարիամի տունը, աստղը, Պիղատոսի պալատը, հրապարակում հավաքված հրեաներին ու Գողգոթան: Այսինքն՝ շատ բան մնում էր կարդացողի պատկերացմանը: Ֆիլմում ոչ մի էդպիսի բան հնարավոր չի, երևի:
Morpheus_NS
16.11.2008, 03:56
Էդ նույն քո ասած պայմանները կարող ա ինչ-որ մեկը իրա շեֆին հաղորդի, ասենք
-Հարգելի Գլխավոր հայտնաբերել ենք մի մոլորակ, որտեղ էսինչ պայմաններ են:
Իսկ շարունակությունը էսպես լինի. պատմությունը կառուցվի ոչ թե մեր մոլորակում, այլ իրենց մոլորակում ինչ-որ դեպքեր զարգանան, իսկ մեր մոտից պարբերաբար որոշ հաղորդագրություններ ստանան:
Գրածդ լավ գործ ա, Հայկօ ջան ու ասենք եթե քո գրած գումարած իմ ասածը մի հատ ինչ որ հայտնի ռեժիսյորի ձեռք ընկներ, մի հատ լավ ֆիլմ կծնվեր, որը Կոդ Դավինչիից պակաս չէր ցնցի աշխարհը:
Չէ, մեկ ա՝ չեմ պատկերացնում :): Բայց դե՝ լիքը ուրիշ գործեր են եղել, որ Հոլիվուդը ֆիլտրել, քամել ու հերթական բլոկբաստերն ա սինթեզել: Գլխումս արդեն մի հատ բոց անոնս ա պտտվում, բայց ռուսերեն ա, դրա համար էլ չեմ գրի էստեղ: От создателей "Звездных войн" и "Страстей Христова" ոճով :):
Վերադարձա :)
«Պրոտոնային հրթիռը» ես եմ հորինել :): Կարող էր լինել, ասենք, ինչ-որ «հակագրավիտացիոն» կամ «մյուոնային» շարժիչ:
Պրոտոններով, մյուոններով ու գրավիտոններով հետաքրքրվող Հայկօ, առ քեզ մի հատ հղում, ահագին հետաքրքիր բաներ կան ՑԵՌՆ-ի մասին, կարող ես կարդալ․
http://cerncourier.com/cws/archive/cern
Թե՞ քո ասածը Նոր կտակարանի վերջին մասերը չէ... Չգիտեմ:
Նոր կտակարանի և, ընդհանրապես, Աստվածաշնչի վերջին գիրքն է։
Morpheus_NS
16.11.2008, 16:04
Չէ, մեկ ա՝ չեմ պատկերացնում :): Բայց դե՝ լիքը ուրիշ գործեր են եղել, որ Հոլիվուդը ֆիլտրել, քամել ու հերթական բլոկբաստերն ա սինթեզել: Գլխումս արդեն մի հատ բոց անոնս ա պտտվում, բայց ռուսերեն ա, դրա համար էլ չեմ գրի էստեղ: От создателей "Звездных войн" и "Страстей Христова" ոճով :):
Երեւի ես լավ չեմ կարողանում բացատրել, բայց գրածդ կարդալուց հետո տարբեր իրավիճակներ են աչքերիս առաջ գալիս ու լիքը մտքեր կան գլխումս, թե ոնց կարելի ա դրանից կինո նկարել: Ամեն դեպքում մի քիչ ավելի խորը ու ավելի երկար որ մտածեմ, ավելի հասկանալի ու պարզ կգրեմ:
Հ.Գ. Եվս մեկ անգամ պիտի ասեմ, որ գրածդ շատ լավ գործ ա:)
ars83 http://public.web.cern.ch/public/ - Էստեղ եղած-չեղածը կարդացել եմ, պլյուս՝ լիքը ուրիշ հանրամատչելի ու ոչ այնքան նյութեր, պլյուս՝ մի հինգ-վեց կուբամետր գիտաֆանտաստիկ գրականություն :):
Ինձ թվաց՝ ասում ես, որ ինչ-որ ուրիշ Հայտնություն էլ կա՝ առանձին գրքով: Եթե չէ, ուրեմն վաղուց կարդացել եմ, հետաքրքրում էր մի ժամանակ:
Morpheus_NS Շնորհակալություն :):
ars83 http://public.web.cern.ch/public/ - Էստեղ եղած-չեղածը կարդացել եմ,
Մենակ այս համա՞րը, թե՞ ՑԵՌՆ-կուրյերի ողջ արխիվը :o
պլյուս՝ լիքը ուրիշ հանրամատչելի ու ոչ այնքան նյութեր, պլյուս՝ մի հինգ-վեց կուբամետր գիտաֆանտաստիկ գրականություն :):
Հայկ ջան, գիտաֆանտաստիկ գրականությւոնը ռեալ ՑԵՌՆ-ի գիտափորձերի հետ ի՞նչ կապ ունի։
CERN-ի սայտում տեղադրված նյութերի ու նորությունների ճնշող մեծամասնությունը: Կուրիերից կարդացել եմ միայն այն մասերը, որոնց հղում էր արված մայր-սայտից:
Ի դեպ՝ ամեն ինչ սկսվեց Հոկինգի մի փոքրիկ գրքույկից՝ մի տասը տարի առաջ :):
Հայկ ջան, գիտաֆանտաստիկ գրականությւոնը ռեալ ՑԵՌՆ-ի գիտափորձերի հետ ի՞նչ կապ ունի։
Դե՜, գիտե՛ս, էլի՝ в каждой шутке есть доля шутки :): Համ էլ՝ իմ գրածն էլ գիտափորձ չէր, սովորական ֆանտաստիկա էր: Ուզում էի ասել՝ գրելու նյութին ու հիմունքներին մոտավորապես ծանոթ եմ :):
Ի դեպ՝ ամեն ինչ սկսվեց Հոկինգի մի փոքրիկ գրքույկից՝ մի տասը տարի առաջ :):
Ես գիտեմ այդ գրքույկը։ Մի տարուց ավել տանս դրածա, ժամանակ չեմ ունենում, կարդամ :(
Ուզում էի ասել՝ գրելու նյութին ու հիմունքներին մոտավորապես ծանոթ եմ :):
Չէ, ես դրա մասին չէի ասում, պարզապես, հետաքրքիր նյութեր կան այդ համարում, ասեցի, կարողա քեզ հետաքրքրի :)
Մի՞թե պարզ չէր: Այլմոլորակայինները հենց մարդի՛կ էին: Բլուրը հենց Գողգոթա՛ն էր: Միջնորդը հենց Հիսու՛սն էր: Որոշ հուշումներ տեքստում կային. օրինակ՝ Բեթղեհամյան աստղի մասին էի ակնարկել: Կամ՝ կարելի էր հաշվել, որ երկու հարյուր ստանդարտ-օրը երեսուներեք երկրային տարվա է հավասար:
Բարդ չէր, ընդհակառա՛կը: Փորձել եմ շատ պարզ գրել, ոչ մի երկար նախադասություն չկար, ոչ մի ճոռոմ համեմատություն կամ թիթիզ արտահայտություն չի օգտագործվել: Կարճ-կոնկրետ: Մի քիչ անմշակ է, իհարկե, համաձայն եմ:
Հետաքրքիր էր, կարևորը առանց թիթիզությունների:
Մի հարց ունեմ, Հայկ ջան:
Իսկ երեք տիեզերագնացներից ո՞վ էր այդ միջնորդ արարածի «հայրը»:
Այս հարցին պատասխանիր, էլի հարցեր ունեմ:
Մի հարց ունեմ, Հայկ ջան:
Իսկ երեք տիեզերագնացներից ո՞վ էր այդ միջնորդ արարածի «հայրը»:
Արդեն չեմ հիշում :):
Չէ, ոչ ոք էլ հայրը չէր՝ ֆիզիոլոգիական իմաստով: Միջնորդը չէր ծնվել, ստեղծվել էր: Զրոյից: Կամ գուցե երեքից մեկը մի օր թաքուն վերցրել էր Հովսեփի մի մազը, եսի՞մ :):
Արդեն չեմ հիշում :):
Չէ, ոչ ոք էլ հայրը չէր՝ ֆիզիոլոգիական իմաստով: Միջնորդը չէր ծնվել, ստեղծվել էր: Զրոյից: Կամ գուցե երեքից մեկը մի օր թաքուն վերցրել էր Հովսեփի մի մազը, եսի՞մ :):
Ուղղակի ուզում եմ հասկանալ, թե եթե Միջնորդը Հիսուսն էր, ապա ո՞վ էր Աստվածը :think
Ուղղակի ուզում եմ հասկանալ, թե եթե Միջնորդը Հիսուսն էր, ապա ո՞վ էր Աստվածը :think
Իսկ Աստված չկար :):
Իսկ Աստված չկար :):
Մտահաղացումդ շատ լավն ա: Ուղղակի կարելի ա մի քիչ մշակել:
Ես որոշակի մտահաղացում ունեմ. եթե որոշես մշակել ու իմ կարծիքն էլ քեզ հետաքրքրի, ասա ;)
Մտահաղացումդ շատ լավն ա: Ուղղակի կարելի ա մի քիչ մշակել:
Ես որոշակի մտահաղացում ունեմ. եթե որոշես մշակել ու իմ կարծիքն էլ քեզ հետաքրքրի, ասա ;)
Լեո ջան, հազիվ թե որոշեմ մշակել, բայց քո կարծիքը հետաքրքիր է, ասա:
Morpheus_NS
10.08.2009, 21:24
Հայկ որ ասում էի էս գործդ անմահ ա:))
Ես էլ միանում մշակման պրոցեսին, եթե որոշես:
Լեո ջան, հազիվ թե որոշեմ մշակել, բայց քո կարծիքը հետաքրքիր է, ասա:
Կարծիքս ըստ էության չի տարբերվում քո մտաղացումից: Ուղղակի կարելի ա դեպքերի զարգացումը շարադրել ինչքան հնարավոր ա նման աստվածաշնչյան սյուժեին, բայց այնպես, որ ընթերցողը մինչև վերջին պահը ոչինչ չկասկածի: Իսկ վերջում կարելի է միանգանից ամեն ինչ բացահայտ ակնարկել (բայց չասել. թողնել, որ ընթերցողը կռահի), այնպես, որ ընթերցողի մոտ անսպասելիությունից զարմանք ու հիմացմունք առաջանա :)
Ըստ էության դու հենց այսպես էլ վարվել ես, ուղղակի դեպքերը մի քիչ անհամատեղելի են աստվածաշնչյան սյուժեին:
Շնորհակալություն կարծիքի համար :):
Շնորհակալություն կարծիքի համար :):
Չէ, լուրջ, Հայկ, զբաղվիր: Ինձ վաղուց ոչ մի պատմվածք էսքան չէր հետաքրքրել: Մտահաղացումդ շատ լավն ա, թարմ ա: Եթե մշակես, հրաշալի բան դուրս կգա: Նույնիսկ կարելի կլինի գրքույկ հրատարակել :)