PDA

Դիտել ողջ տարբերակը : Իմաստ ունի՞ ընտրության գնալը



Մելիք
25.11.2006, 16:59
Ընտրություններին էնքան էլ շատ ժամանակ չի մնացել, ու մտահոգիչա, որ անընդհատ լսում ես , որ ամեն ինչ արդեն որոշված ա, ու իրենց ընտրությունից ոչ մի բան կախված չի: Դու՞ք ինչ եք կարծում. ար՞ժի մասնակցել ընտրություններին, թե ամեն ինչ մեր փոխարեն որոշելու են:

Lapterik
25.11.2006, 17:14
Բնականաբար որոշելու են մեր փոխարեն ինչպես միշտ: Իրանք մեզ հիմարի տեղ են դնում իրանց թափանցիկ ընտրությունների մասին խոսելով: Իրականում արկղերն են թափանցիկ, բայց ոչ ընտրությունը:

քաղաքացի
27.11.2006, 11:59
Կապ չունի, թե մեր տեղը որոշում են, չեն որոշում:
Ես միայն մի բան կարող եմ ասել. ինչքան շատ լինեն ընտրություններին գնացողները, այնքան ավելի կդժվարանան խարդախությունները: Պետք չէ ասել -«մեկա, խաբելու են» այս արտահայտությունը ճիշտ է միայն այն դեպքում, երբ քվեների քանակը նվազագույնի է հասնում: Յուրաքանչյուր քաղաքացի, եթե գնա քվե տա, ապա կեղծիքները կդժվարանան, ավելին՝ ժողովուրդը կարող է դեմն առնել այդ քայլով:
Կողմ եմ քվե տալուն:

Angelina
27.11.2006, 12:22
Եթե ամեն ընտրության ժամանակ չգնանք, թողնենք, որ իրենք մեր փոխարեն ընտրեն, ապա այս երկիրը լրիվ կգնա կործանման, պետք է անպայման գնալ բոլոր ընտրություններին:

Գոռ Ջան - Հայ
27.11.2006, 14:13
Բոլորիս մասնակցությունն էլ անհրաժեշտ է: Ճիշտ կարծիք է, որ ինչքան շատ քվեարկենք, այնքան կդժվարանա կեղծելու գործընթացը:

Lapterik
27.11.2006, 15:50
Իրանց համար հեչ նշանակություն չունի դու գնացել ես ընտրության, թե չէ: Իսկ եթե էնպիսի մարդկանց անուններ կան ցուցակներում, որոնք վաղուց մահացել են կամ գրանցումից դուրս են եկել, էտ ոնց հասկանա՞նք: Ու եթե արկղերի մեջ միանգամից հայտնվում են մի քանից հարյուր քվեարկված թուղթ, բայց տվյալ ցուցակում էտքան մարդ չի էլ գրանցվա՞ծ: Ոչ գնալն ա մի բան, ոչ չգնալը:

քաղաքացի
27.11.2006, 18:00
Իրանց համար հեչ նշանակություն չունի դու գնացել ես ընտրության, թե չէ: Իսկ եթե էնպիսի մարդկանց անուններ կան ցուցակներում, որոնք վաղուց մահացել են կամ գրանցումից դուրս են եկել, էտ ոնց հասկանա՞նք: Ու եթե արկղերի մեջ միանգամից հայտնվում են մի քանից հարյուր քվեարկված թուղթ, բայց տվյալ ցուցակում էտքան մարդ չի էլ գրանցվա՞ծ: Ոչ գնալն ա մի բան, ոչ չգնալը:
Ովքեր արդեն մահացել են ու իրենց անունից քվեարկվում է, ապա կարող եմ ասել, որ հաստատ ավելի շատ չմահացած մարդիկ կան քան մահացած և սա չի լինի մերժել:
Հետո ասեմ, որ եթե դուք գնաք քվեարկելու և ձեր անվան դիմաց արդեն նշված լինի, որ քվեարկել եք, Դուք ունեք իրավունք դատի տալու կամ տեղյակ պահելու անօրինակության մասին: Իսկ եթե թաքուն պահեկ և ոչմեկին չասեք դրա մասին, այդ դեպքում հանգիստ կարող են կեղծել: Հրապարակայնորեն ասել ձեր նկատած կեղծիքը միշտ էլ դժվարություններ կարող է առաջացնել կեղծողների համար:
Հետո մի բան էլ կա: Եթե կեղծվում է ընտրությունը այն էլ ահռելի քանակությամբ, դրանից հետո եթե ժողովուրդը չի բողոքում, ապա ինքնըստինքյան ստացվում է այնպես, որ բոլոր խաբված քաղաքացիները համաձայն են և ոչ մի ցույց կամ որևէ ուրիշ բան չեն կազմակերպում ու «գառնուկի» պես հանդուրժում են ինշխանություններին:

Մի խոսքով, «ոչ իմացյալ քվեն կեղծիք է, իմացյալ քվեն՝ հեղափոխություն»

StrangeLittleGirl
27.11.2006, 23:40
Ինձ թվում է՝ տվյալ դեպքում իմաստ ունի չգնալը: Միևնույն է, գնալով որևէ բան չենք փոխի, իսկ եթե ժողովուրդը համախմբի ու չգնա, թող թվեր նկարեն, այդ ժամանակ ավելի հեշտ կլինի ապացուցել, որ արդյուքները կեղծված են:

Ուրվական
28.11.2006, 00:02
Ինձ թվում է՝ տվյալ դեպքում իմաստ ունի չգնալը: Միևնույն է, գնալով որևէ բան չենք փոխի
Միանշանակ սխալ կարծիք:Շատ ցավալի է, որ այսպես են մտածում շատ մեր հայրենակիցներ:Բայց չէ որ նստելով և սպասելով ոչ մի բան չի լինում:Հենց ընտրության գնալով և մեր ձայնը արտահայտելով կարող ենք հասնել նրան, որ այդ կեղծիքները վերանան:Իսկ ով ասաց, որ պետք է ապացուցել կեղծիքները` չգնալով ընտրության:Փոխանակ ձգտենք հնարավորինս այդ կեղծիքները հասցնել մինիմումի, նստենք, չգնանք ընտրության ու ապացուցենք, որ ընտրությունները կեղծված են?:Ոչ, ոչ մի բան ինքն իրեն չի լինում ու չի լինում միանգամից:Պետք է բոլորս հասարակական որոշ ակտիվություն դրսևորենք ու դրանով նպաստենք Հայաստանի զարգացմանը, քանի որ մեր փոխարեն դա ոչ-ոք չի անի:

StrangeLittleGirl
28.11.2006, 00:55
Ուրվական> քեզ չե՞ն սովորեցրել, որ սխալ կարծիք չի լինում:
Մի՞թե քեզ դուր է գալիս ընտրության գնալ՝ իմանալով, որ, միևնույն է, քո ձայնը ոչ մի նշանակություն չունի: Ի՞նչ կարող ես փոխել ընտրության գնալով:
Իսկ չգնալ դեռ չի նշանակում «նստել թախտին, սպասել բախտին»: Նախ, որպեսզի ընտրությունները կայացած համարվեն, անհրաժեշտ է, որ բնակչության կեսից ավելին մասնակցի: Ավելի հեշտ է արդեն գնացած մարդկանց քվեաթերթիկներն ուրիշ քվեաթերթիկներով փոխարինել կամ թեկուզ թվեր նկարել, քան չգնացած մարդկանց փոխարեն ստորագրել: Բացի դրանից, կարելի է ընտրության չգնալ ու պարզապես դուրս գալ փողոց ցույցերի. ամենապարզունակ տարբերակն եմ առաջարկում: Բայց ընտրությունների գնալը նշանակում է «իշխանությունների կուտն ուտել»:

քաղաքացի
28.11.2006, 01:15
… իսկ եթե ժողովուրդը համախմբի ու չգնա, թող թվեր նկարեն, այդ ժամանակ ավելի հեշտ կլինի ապացուցել, որ արդյուքները կեղծված են:
Համաձայն եմ միայն այն դեպքում, երբ ընտրությունը ռեֆերենդում է (այո, ոչ): Այդ դեպքում ընտրողների թիվը կարևոր դեր է խաղում:
Համ էլ այդպիսի փորձ եղավ «նոր» սահմանադրության հանրաքվեին: Մի բան փոխվե՞ց:
Իսկ ինչպե՞ս կարող են ազդել օտար պետությունների քննողների բողոքները: Միևնույնն է, մեկ է այդ նույն երկրի իշխանությունները ի վերջո ճանաչում և ընդունում են ընտրության արդյունքները, անկախ դրանից, թե ընտրությունն անցել է կեղծիքներով կամ «թափանցիկ»՝ անթերի:

Ուրվական
28.11.2006, 19:20
Ուրվական> քեզ չե՞ն սովորեցրել, որ սխալ կարծիք չի լինում:
Մի՞թե քեզ դուր է գալիս ընտրության գնալ՝ իմանալով, որ, միևնույն է, քո ձայնը ոչ մի նշանակություն չունի: Ի՞նչ կարող ես փոխել ընտրության գնալով:
Իսկ չգնալ դեռ չի նշանակում «նստել թախտին, սպասել բախտին»: Նախ, որպեսզի ընտրությունները կայացած համարվեն, անհրաժեշտ է, որ բնակչության կեսից ավելին մասնակցի: Ավելի հեշտ է արդեն գնացած մարդկանց քվեաթերթիկներն ուրիշ քվեաթերթիկներով փոխարինել կամ թեկուզ թվեր նկարել, քան չգնացած մարդկանց փոխարեն ստորագրել: Բացի դրանից, կարելի է ընտրության չգնալ ու պարզապես դուրս գալ փողոց ցույցերի. ամենապարզունակ տարբերակն եմ առաջարկում: Բայց ընտրությունների գնալը նշանակում է «իշխանությունների կուտն ուտել»:
Նախ ասեմ քեզ, որ քեզ այդ բանը սովորեցնողն ինքն էլ է սխալ ասել:Սխալ կարծիքներ լինում են, դրա օրինակը այս թեմայում քո արտահայտած կարծիքներն են, որոնք, ինչպես երևում է, փոխել հնարավոր չէ:Քո կարծիքով ավելի հեշտ է մի բանը ջնջել, սարքել քո ուզածով, թե միանգամից դատարկ թղթի վրա քո ուզածը ստանալ:Դա տրամաբանական չէ:Ինչ մնում է ցույցերին, ոչ մի բան միանգամից չի լինում, դու այդ ցույցերով ինչ ես ուզում ապացուցել:Մեր խնդիրը, կրկնում եմ, այն չէ, որ ապացուցենք ընտրությունների կեղծված լինելը, այլ այն, որ ընտրությունները լինեն արդար:Այստեղ նոր խնդիր է առաջանում, իսկ ինչքանով է զարգացած հայ ժողովրդի քաղաքական ինտելեկտը, արդյոք այդ կեղծումները կատարվում են ի վնաս ժողովրդի:Կարծում եմ, որ ոչ մեկն էլ այս հարցին միանշանակ "այո" ասել չի կարող:Մի բան էլ, եթե գնում ես ցույցերի, ապա այդ բանը կարող է իմաստ ունենալ միայն այն դեպքում, երբ կատարել ես քո ընտրությունը և ուզում ես լսելի դարձնել քո ձայնը:Ինչ, եթե ընտրության չես գնացել ու ասում ես, որ ընտրությունները կեղծված են:Մի խոսքով, ընտրության չգնալը ելք չէ, քանի որ այդ դեպքում մենք ոչ թե «իշխանությունների կուտն ուտում» ենք, այլ ևս մեկ քայլ ենք կատարում դեպի բարեկեցիկ և մեր ուզած Հայաստանը մեր իսկ սեփական ձեռքերով կառուցելու ճանապարհին:

Artgeo
01.12.2006, 23:02
Իմաստ ունի միայն այն դեպքում, եթե հետագայում ձեր ձայներին տեր եք կանգնելու ;)

Vive L'Armenie
17.02.2007, 01:43
Կարծում եմ իմաստ չունի, քանի որ անողն իրա գործն անում ա::angry

բիթի հարիֆ
20.03.2007, 14:26
Ընտրությունները ժողովրդավարության սահմաներում, դա մի մեծ սուտ է:
Դա ընտրությունե առանց այլըտրանքի: Ովել, որ կուսակցությունել չհախթի, նա ներկայացնելու է իշխող դասաարքի այն խմբին որը իրեն ֆինանսաորել է նախընտրական պայքարում, այլ ոչթե հասարակ ժողովրդին: Իսկ մեզ այդ ընտրություններով լռեցնումեն ու մատնումեն պասիվության: Երբ որ ընտրություններից հետո նորից կպարզվի որ ոչմի բան չի փոխվել ավելին աշխատավոր ժողովրդի վիճակը մենակ վատանուն է, մեզ կասեն «դուքեք մեզ ընտրել, դուր չի գալիս գնացեք
չորս տարուց հետո նորից եկեք»:Եվ այդ պես անընթմեջ...

Նաև այն փաստը թե ընտրությունները ազատ և մաքուրեն ոչ մի բան չի փոխում: Միևնունե մեզ սպասումեն ընտրություններից հետո տենց կոչեցյալ «սոցիալական բարեփոխումները» և երկարացված աշխատաժամեր, վորոնք միայն նվազացնելուեն մեր ապրելու մակառդակը: Դա ցույցե տալիս որ ոչթե մենքենք կառավարում մեր
կյանքը, աիլ մեզեն կառավարում և աշխատացնում հանուն իրանց շահույթների: Եվ աշխատավորները այդ այլըտրանքի բացակայությունը, թե որ այս թե այն խումբնե մեզ շահագոռծելու և ճնշելու, շատ լավ հասկանումեն, հետևաբար ինչի ոչ տասհազար դրամ վերցնել, մանավանդ այդ տասհազարը շատ պետկականե բանվորներին, միևնույնե ՍԵՎ ԾԱՂԻԿԻ ԵՎ ՔՈԼԵՐԱԻ ՄԻՋԵՎ ՉԵՆ ԸՆՏՐՈՒՄ:

Marduk
20.03.2007, 22:31
չեմ կարծում որ իմաստ կա
ես իմ ձայնը կնվիրեմ մի տատիկի թող տանի այն ծախի, գոնե այդ օրվա հացի փող ունենա,

Artgeo
20.03.2007, 22:57
այդ օրվա
Ցավալին այն չէ, որ դու ես այդպես մտածում: Ցավալի է, որ ամբողջ ազգն է այդպես: Կյանքն այդ մի օրով չի վերջանում: Իսկ մնացած 1465 օրը ո՞նց է ապրելու…

Marduk
20.03.2007, 23:57
Ցավալին այն չէ, որ դու ես այդպես մտածում: Ցավալի է, որ ամբողջ ազգն է այդպես: Կյանքն այդ մի օրով չի վերջանում: Իսկ մնացած 1465 օրը ո՞նց է ապրելու…

Ոնց որ միշտ այսինքն կիսաքաղց: Բայց դե գոնե թող այդ մի օրը իրա համար ուրախ լինի: Հիմա խեղճ մարդկանց զրկենք էդ մի ուրախությունից հանուն ինչ որ ռոմանտիկ գաղափարների՞

Դե որ էդ ռոմանտիկ գաղափարներին հավատացող կա թող էդ ջահելները որ հավատում են գնան փողոց պայքարեն, թե իրենք պետք է սրճարաններում զվարճանան ի՞սկ տատիկները գնան միտինգների:

dvgray
21.03.2007, 01:17
Ցավալին այն չէ, որ դու ես այդպես մտածում: Ցավալի է, որ ամբողջ ազգն է այդպես: Կյանքն այդ մի օրով չի վերջանում: Իսկ մնացած 1465 օրը ո՞նց է ապրելու…

Իսկ ինչու՞ է էդպես: Փորձե՞լ ես գտնել էս հարցերի պատասխանը:
Մի գուցե փորձենք իրականում հասկանալ, թե

1. մեր ժողովուրդը Ընտրություն ասելով ի՞նչ է հասկանում:
Արդյո՞ք մենք հասկանում ենք նույն բանը, ինչ գերմանացին, կամ կանադացին:

2. մեր ժողովուրդը Կուսակցություն ասելով ի՞նչ է հասկանում:
Արդյո՞ք մենք հասկանում ենք նույն բանը, ինչ ֆրանսիացին, կամ ամերիկացին:

3. մեր ժողովուրդը Կուսակցություն Պարագլուխ (լիդեր) ասելով ի՞նչ է հասկանում:
Արդյո՞ք նրանց իդենտիֆիկացիան չի կատարվում ամենաշատը
-"լավ" մարդ է... կամ "դեբիլի մեկն" է խորությամբ :think

եվ վերջապես
3. մեր ժողովուրդը Պետություն ասելով ի՞նչ է հասկանում:
Արդյո՞ք մենք հասկանում ենք նույն բանը, ինչ ասենք անգլիացին, ռուսը կամ թուրքը:

Էս , եվ մի շարք այլ հարակից հարցերին ճշգրտորեն պատասխանելուց հետո միայն կարելի է պարզել սպասելիքները մոտ ապագայից:
Նայեվ, ցանկության եվ հնարավորության դեպքում - հավակնել քաղաքական պաշտոնների :) :

Հ.Գ. Նախկին ստրկացված "սովետիկոս"-ի ներքին էության էական փոփոխություն 10-15 տարում սպասելը անմտություն է : Առավել եվս, երբ այդ "նախկին ստրկացված սովետիկոսը" - "հարմարվող" հայն է ;) :

Srtik
21.03.2007, 03:52
Հեչ էլ իմաստ չունի ընտրության գնալը...
Մերոնք Կիրովականի գրանցում ունեին, դրա համար գյուղում չթողեցին ընտրել, սակայն հետո իմացանք, որ ծնողներիս տեղն ընտրել են :( Նույնիսկ մահացած պապիկիս անունից էլ էին ընտրել... Էլ ի՞նչ իմաստ ունի գնալը: Իրենք կընտրեն էլի...

TigranM
21.03.2007, 05:02
Չգնալու մեջ էլ տրամաբանություն կա, բայց չեմ կարծում, որ դա ճիշտ որոշում է: Սահմանադրական հանրաքվեն դրա վառ օրինակն էր: Միանշանակ անհրաժեշտ է գնալ և կատարել քաղաքացիական պարտքը: Իսկ ինչ վերաբերվում է կեղծումներին, ապա մենք պարտավոր ենք ամեն ինչ անենք, որ դրանք չլինեն:Ամեն մեկս պետք է տեր կանգնի իր իրավոնքին: Ներկայիս ընտրությունների որակը և արդյունքները լիովին տեղավորվում եմ մեր հասրակության ժողովրդավարական զարգացման համատեքստում: Այս երկրում տեղի ունեցող գործընթացների համար պատասխանատու ենք մենք բոլորս:Այսօրվա քայլերից է կախված այն, թե ինչ երկիր կահանձնենք մեր սերունդներին: Այսօր մեք կերտում ենք մեր զավակներ ապագան: Այստեսղ նշվեծ պայքարի միտինգային տարբերակին, ես ընդանհրապես դեմ չեմ, բայց միտինգը ինքնանպատակ չպետք է լինի, դու պետ է ռեալ հասկանաս, թե ինչի համար էս պայքաում, և ինչ արդյունքի կհասնես:Պայքարել նրա համար, որ *******յանի փոխարեն իշանության գա *********յանը անիմաստ է քանի որ, կարծում եմ, ոչ մի ռեալ բան չի փոխվի մի երկու միլյուն ավել պակաս կթալանեն: Անհրաժեշտ են լուրջ համակարգային փոփոխություններ, որոնք կստեղծեն այնպիսի կառավարման հմակարգ որտեղ օրենքներում սողանցքեր քիչ կլինեն: Հիամա փակ ցիկլ է դրական հետադարձ կապով, ու այդ փակ շրջանից բավականին բարդ է դուրս գալը:Մի անօրինությունը վերացնելու համար պետք է վերացնես մեկ այլը և այդպես շարժվելով տեսնում ես, որ հասնում ես նույն կետին: Ես ինքս էլ չեմ պատկերացնում կոնկրետ մի մեխանիզմ, որը կբերի մեր երկրի արագ ժողովրդավարացմանը:
Արտասահմանյան դիտորդներ և այլն, դրանք բոլորը սուտ բաներ են:Մենք պետք է մտահոգված լինենք մեր երկրով:Թե չէ նրանց մեր երկրի ժողովրդավարացումը ընդանհրապես չի հետաքրքրում, այլ որոշ դեպքերում ձեռնտու է ոչ օրինական իշխանության ձևավորումը, որ հետագայում կարողանան իրենց անհրաժեշտ պահին մեր պետության վրա ճնշում գործադրեն:
Ես Հայաստանում չեմ տեսնում գաղափարական հիմքի վրա ձևավորված մեծաթիվ կուսակցություններ, որոնց գաղափթարները պաշտպանելու համար կարելի է պայքարել: Գրեթե բոլորն էլ մեկ շահ են հետապնդում, գալ իշխանության և թալանել ավելի շատ կամ երաշխիքներ ստեղծել իրենց թալանածը պահպանելու համար: Ընտրությունների ընթացքում զգալի գումարներ են ծախսվում և պարզ չէ, թե դրանք որտեղից են գոյանում: Եթե այդ գումարները ներ են դրվում խմբավորումներ կողմաից ապա բնականաբար պետք է ենթադրել, որ նրանք ակնկալում են, իշխանության գալով, ետ բերել այդ գումարները մի բան էլ ավելին:Թե ինչ ճանապարհներով դա կանեն մնում է միայն ենթադրել:

Kita
21.03.2007, 12:50
իմաստ չունի, քանի որ մեկ է կընտրեն իենց ձևով, բայց եթե նույն ձևով տարիներ շարունակ մտածենք ու անենք մեկ է բան չի փոխվի, այբնպես որ գոնե կարելի մի քիչճ իրենց գործը բարդացնել և գնալ...եթե իհարկե դա իրենց համար բարդացում է::)

Philosopher
21.03.2007, 14:18
Ընտրությունները ժամանակակից Հայաստանում որևէ կերպ չեն տարբերվում Խորհրդային Միությունում անցկացվող խորհուրդների ընտրություններից, պարզապես հիմա միագույն ցորենի հատիկներին փոխարինելու են եկել երկգույն ծրարները, իսկ ընտրություններին ուղեկցող դհոլ-զուռնային նախընտրական "բարեգործությունները": Մնացածը մարդկային, շատ մարդկային ցածրությունն ու ստորությունն է, որը կարող է այնքան խելոք լինել` համոզելու համար մեզ, որ մենք պետք ենք իրեն ու այն երկրին, որտեղ նա է թագավորում:

Array
21.03.2007, 16:46
Ասում ենք իմաստ չունի գնալը,հետո էլ մեկին հիգ հազար դրամով մեր ձայնը ծախում ենք,էտ մեկը ընտրվում ա,սկսում ա իրա բաժանած փողերը հավաքել,մենք էլ կանգնում ասում ենք արդարություն չկա,է որտեղից լինի,էտ մարդը,որ փող ա ծաղսում պարզ չի` ինչ սպասելիքներ ունի,մյուս կողմից էլ,եթե ծաղսում ա,ուրեմն ուրիշ հնարավորություն չունի ընտրվելու,պետք չի արդարանալ,թե մեկ ա սենց թե ընենց ինքն էր ընտրվելու:

Մերոնք Կիրովականի գրանցում ունեին, դրա համար գյուղում չթողեցին ընտրել, սակայն հետո իմացանք, որ ծնողներիս տեղն ընտրել են
Ընտրության չգնալով մենք օգտագործողներին հնարավորություն ենք տալիս մեր ձայնը օգտագործել,եթե թեքնածուների մեջ ձեր սրտով մարդ չկա,քվեարկեք բոլորին դեմ,չգնալը ելք չէ

lili-4
21.03.2007, 18:32
Իմաստ ունի միայն այն դեպքում, եթե հետագայում ձեր ձայներին տեր եք կանգնելու ;)

Ես լրիվ համամիտ եմ:Կարդում եմ մեր Ակումբի անդամների գրացներն ու զարմանում: ինչպես կարելի է այսքան անտարբեր, այսքան հիասթափնած լինել: Վերջապես երիտասարդ եք, թե չէ:Ինչքան պետք է փնթփնթան տատիկների պես նստեք ձեր տաք անկյուններում ու բողոքեք:Ո՞վ Է ձեր համար կատարելու ընտրություն, ո՞վ է որոշելու մեր երկրի ապագան, ռու՞սը, ամերիկացի՞ն:Թե սպասում ենք ինչ -որ դիտորդների, որ մեզ համար արդար ընտրություն ապահովեն:Դա գի՞տք ինչի է նման, ցուցադրական մի երևույթ, որ տունը մաքրում ենք առերես, որ դիտորդ հարևանները լավ տպավորություն ստանան: Եկեք վերջ տանք անտարբերությանն ու մտածենք մեր ապագայի մասին:Ամեն ժողովուրդ արժանի է իր ընտրած իշխանությանը:Ուրեմը թույլ չտանք, որ ուրիշի ընտրի մեր փոխարեն, լինենք մեր քվեին տեր, որ հետո չսկսենք ավանդական փնթփնթոցը:

Array
21.03.2007, 18:42
Ո՞վ Է ձեր համար կատարելու ընտրություն, ո՞վ է որոշելու մեր երկրի ապագան, ռու՞սը, ամերիկացի՞ն:
Այսինքն գնանք ընտրության և որոշենք`ով է որոշելու մեր ապագան`ռու՞սը,թե՞ ամերիկացին:lol

Նյուզ Ամ
21.03.2007, 19:33
Այսինքն գնանք ընտրության և որոշենք`ով է որոշելու մեր ապագան`ռու՞սը,թե՞ ամերիկացին:lol

Ընտրության գնալիս կարեւոր է էն գիտակցությամբ գնալ, որ չենք գնում ռուսի, ամերիկացու կամ թաթաթի ներկայացուցչին ընտրելու, հենց էդ գիտակցությունն սկսում է ուղեղներիս մեջ ավելանալ, ուրեմն ընտրվողները սկսում են դառնալ թաթարի, ռուսի կամ ամերիկացու ներկայացուցիչներ Հայաստանում: Ամերիկայի կամ Ռուսաստանի հետ խաղեր չտալու համար ընտրվողը պիտի շատ հաց ու պանիր ուտի, իսկ եթե ժողովուրդը էս հարց ու պանիրը չտա, ընտրվողը ստիպված ուտելու է ռուսների կուտը ու ամերկացու հոթ-դոգը: Այսինքն՝ ընտրական գործընթացից սկսած մեր բոլոր արեւմտամետ-ռուսամետներին, մենք՝ քաղաքացիներս, պիտի դարձնենք հայամետներ, մեր մեջ ներկարկելով այն գիտակցությունը, որ մենք ենք կառավարում էս պետությունը: Իսկ երբ մենք չենք փորձում կառավարել մեր պետությունը՝ ամերիկացին ու ռուսն է սկսում կառավարել մեզ: Ընտրության մասնակցելն էլ հենց կարեւոր է էս տեսանկյունից. ռուսներին ու ամերիկացիներին թողնենք էս երկի՞րը, թե՞ մեզ:

Crazy
21.03.2007, 21:11
IHARKE AYO!!!!
YURAQANCHYURS PETQ E MTATSI VOR CHGNALOV NRAN CHI HIZUM IR YERKRI CHAKATAGIRY.
:oy BOLORIN KOCH EM ANUM GNAL YNTRUTYUNNERI
isk ayn madiq ovqer mtatsum en vor nranc qven vochinch chi poxelu yev amen inch arden
naxapes planavorvats scenarov e yndanalu SXALVUM EM
:angry AMEN VOQ TOX TER KANGNI IR QVEIN!!!!

Մոդերատորական: Ծանոթացեք ակումբի օրենսդրությանը (http://www.akumb.am/showthread.php?t=2437#post67297)։ Մասնավորապես ֆորումում չեն ողջունվում լատիներեն տառերով հայերեն գրառումները:
Եթե ինչ-որ պատճառով հայերեն մեքենագրելու հետ կապված դժվարություններ կան, ապա կարող եք օգտագործել ֆորումում ներդրված հայերեն մեքենագրման համակարգը (http://www.akumb.am/showthread.php?t=497), Տրանսլիտի ձևափոխիչը (http://www.akumb.am/showthread.php?t=42)կամ կարդացեք «Ինչպե՞ս գրել հայերեն (http://www.akumb.am/showthread.php?t=279)» թեման : Կամ էլ օգտվեք Փոխարկիչից։ (http://hayeren.akumb.am/?p=convertor)

բիթի հարիֆ
23.03.2007, 16:53
Այս բոլորը պետքէ դիտարկել ամբողջ
քաղաքականտնտեսական
համակարգի սահմաներում, որը տիրում է Հայաստանում և նաև ամբողջ աշխարհում: Շուկայական տնտեսությունը և ժողովրդավարությունը, իր ազատ ընտրություներով և մարդու իրավունքներով, ծառայում են մի նպատակի, որ այս տնտեսա- քաղաքական համակարգը անխափան գործի:
Անխափան գործելը նշանակումե որ իշխող դասակարգը՝ սեփականատերեր, քաղաքական գործիչներ, չինովնիկների ամբողջ բանակ մեզ իրենց վրա աշխատացնելով, շահագործելով և վճարելով մեզ մինիմալը ավելի ու ավելի հարստանան:

Չորս տարին մեկ, ընտրութույների միջոցով մեզ թույլե տրվում քաղաքականտնտեսական քվյարկել մեր և շահագործման և մեզ ճնշման հոգտին: Այս համակարգի հնարողներն ու պաշտպաներն ենթադրում են, որ ընտրություներին մասնակցող աշխատավորները էլ չեն պայքարի ինքնուրույն, իշխող դասակարգի ամենորյա անարդարություների և նվաստացումների դեմ, այլ հույսը ավելի ճիշտ անհույսը կդնեն ընտրութույներում հաղթաց կուսակցությունների վրա:

Մի կյանք առանց վարցու աշխատանքի և նրանից բխող նվաստացումների, հնարավոր չե իրականացնել ընտրություների միջոցով: Այդպիի կյանք հնարվորե միայն այս քաղաքականտնտեսական համակարգի սահմաներից դուրս, դրա համար հարկավորե մեծամասնության գիտակցաբար խզումը այս հասարակության մեջ մեզ պարտադրված աշխատող
(շահույթ արտադրող) սպարողի կարգավիճակի հետ:

Goga
27.03.2007, 19:44
Իհարկե պետք է գնալ ընտրության, չէ որ վերջիվերջո սա մեր պետության ընտրություններն են, եթե մենք բոլորս չգնանք, ապա ինչ կլինի այդ դեպքում և ինձ թվում է, որ բոլորս այդպես մտածեինք կլիներ այնպես, ինչպես ցանկանում ենք, ոչ թե կնստենք տանը և կասենք.
«Մեկ է մեր ձայնը հաշվի չի առնվում, ոնց կուզեն, այդպես էլ կանեն», ոչ սիրելիներս, դա մեր բոլորիս իրավունքն է, պաշտպանեք այն:angry

REAL_ist
27.03.2007, 19:49
Միաշանակ կողմ եմ,քանի որ դա մեր քաղաքացիական պարտքն է;
մի կարևոր բան կա,եթե չես ընտրում,ապա ոչ մի իրավունք չունես ընտրվածներից որևէ բան պահանջել.................

Artashes
29.03.2007, 10:45
Այո, իմաստ ունի և անհրաժեշտ է: Ես կարծում եմ որ չի կարելի նստել տանը ու բողոքել, պետք է պայքարել: Ի վերջո եթե նստես տանը եւ չմասնակցես նշանակում է քեզ չի հետաքրքրում երկիրը, երկրի ապագան, հետեւաբար դու իրավուք ել չունես ինչ որ մի բան պահանջես այդ երկրից: (անտարբերությունը կործանում է)

Philosopher
04.04.2007, 08:52
Այո, իմաստ ունի և անհրաժեշտ է: Ես կարծում եմ որ չի կարելի նստել տանը ու բողոքել, պետք է պայքարել: Ի վերջո եթե նստես տանը եւ չմասնակցես նշանակում է քեզ չի հետաքրքրում երկիրը, երկրի ապագան, հետեւաբար դու իրավուք ել չունես ինչ որ մի բան պահանջես այդ երկրից: (անտարբերությունը կործանում է)
Ամեն անտարբերություն չէ, որ կործանարար է, կա անտարբերության մի տեսակ, որը համարժեք է սաբոտաժին, երբ մի խոշոր զանգվածի անտարբերությունը անխուսափելիորեն բերում է այդ զանգվածի կարծիքի ու շահերի հետ հաշվի չնստող քաղաքական իշխանության ու երբեմն էլ` էլիտայի զինաթափմանը, ահա այդպիսի անտարբերությունը փրկրարար է, սակայն հենց այդպիսի անտարբեր լինելու համար պետք է ունենալ քաղաքական բարձր գիտակցություն, իսկ քաղաքական բարձր գիտակցություն ունեն քչերը, իսկ մնացածին մնում է խորհուրդ տալ` գնալ կամ չգնալ ընտրությունների, ըստ տրամադրության կամ այդ օրը տեսած երազի սիմվոլիկայի: Մնացածը լռություն է ու արդեն անմեղսունակ ուշադրություն կամ անտարբերություն...

Ավելացվել է 3 րոպե անց

Միաշանակ կողմ եմ,քանի որ դա մեր քաղաքացիական պարտքն է;
մի կարևոր բան կա,եթե չես ընտրում,ապա ոչ մի իրավունք չունես ընտրվածներից որևէ բան պահանջել.................
Իսկ եթե ընտրում ես, ապա առավել ևս` իրավունք չունես որևէ բան պահանջելու, քանի որ պարզ է, թե ինչպես ես ընտրում` ինֆորմացիոն կամ նյութական ընտրակաշառքով, որոնց արդյունքը նույնն է` վաճառված ձեռքով կամ ստրկացված մտքով սեփական քաղաքական սուվերենության հանձնում մի վերին սուվերենի, որը քեզ պիտի այս կամ այն ձևով "տեր կանգնի": Եվ սա էլ կարող է կոչվել քաղաքացիական պարտք, եթե, իհարկե, այդ խիիստ բարդ արտահայտությունը որևէ մեկը ցանկանա արտաբերել...

Բարեկամ
04.04.2007, 09:01
Ընտրությունների գնալ արժի՝ կեղծողներին լրացուցիչ անհարմարություն ու բարդություններ պատճառելու համար… թեկուզ ;)

REAL_ist
04.04.2007, 13:06
Իսկ եթե ընտրում ես, ապա առավել ևս` իրավունք չունես որևէ բան պահանջելու, քանի որ պարզ է, թե ինչպես ես ընտրում` ինֆորմացիոն կամ նյութական ընտրակաշառքով, որոնց արդյունքը նույնն է` վաճառված ձեռքով կամ ստրկացված մտքով սեփական քաղաքական սուվերենության հանձնում մի վերին սուվերենի, որը քեզ պիտի այս կամ այն ձևով "տեր կանգնի": Եվ սա էլ կարող է կոչվել քաղաքացիական պարտք, եթե, իհարկե, այդ խիիստ բարդ արտահայտությունը որևէ մեկը ցանկանա արտաբերել...
Իմ ասածը չէր վերաբերվում քո ասած ինֆորմացիոն կամ նյութական ընտրակաշառքով ընտրողներին,այլ այն մարդկանց ովքեր ընդհանրապես չեն հետաքրքրվում ընտրություններով և բնականաբար չեն էլ մասնակցում և այդ մարդիկ ուղղակի բարոյական իրավունք չունեն պահանջել ընտրվածներից ինչ որ բան,կամ ընդհանրապես բողոքել,իսկ իսկական ընտրողները այդ իրավունքը ունեն

Philosopher
04.04.2007, 14:32
...իսկ իսկական ընտրողները այդ իրավունքը ունեն
Իսկական ընտրող Հայաստանում չկա, քանի որ չկա իսկական ընտրություն, որը այդպիսի ընտրողի գոյության առաջին պայմանն է, իսկ պոտենցիալ իսկական ընտրողները հենց չընտրողների մեջ են: Սա փաստ է:

REAL_ist
04.04.2007, 16:53
ես իսկական ընտրող ասելով`ի նկատի ունեյ այն անձանց,ովքեր իրանց կամքն ազատ արտահայտելու իրավունքովեն մասնակցում ընտրությանը,այլ ոչ թե ուրիշի կամքն են արտահայտում,
իսկական ընտրություննել հարաբերականա,մեր նման երիտասարդ պետության համար ընտրությունների ներկա մակարդակը նոռմալ երևույթա

Philosopher
08.04.2007, 16:49
ես իսկական ընտրող ասելով`ի նկատի ունեյ այն անձանց,ովքեր իրանց կամքն ազատ արտահայտելու իրավունքովեն մասնակցում ընտրությանը,այլ ոչ թե ուրիշի կամքն են արտահայտում, Իսկ ո՞վ է որոշում, թե նա ու՞մ կամքն է արտահայտում։ Նույնիսկ ժամանակակից Հայաստանի քաղաքական վերլուծաբանների ոչ այնքան ճկուն միտքն է ապացուցում, որ ընտրողին կարելի է համոզել ընտրել մեկին և համոզել նաև, որ դա իր ազատ կամքն է։

իսկական ընտրություննել հարաբերականա,մեր նման երիտասարդ պետության համար ընտրությունների ներկա մակարդակը նոռմալ երևույթա Մեր նման երիտասարդ այլ պետություններ էլ կան, որոնոց պարագայում իսկակական ընտրությունները ոչ թե հարաբերական կատեգորիա են, այլ նրանց կյանքի փաստ, թեև, իհարկե, կան նաև հարաբերականորեն իսկական ընտրություններ անցկացնող երկրներ, որոնց շարքին էլ հենց դասվում է Հայաստանը։

REAL_ist
08.04.2007, 17:17
Իսկ ո՞վ է որոշում, թե նա ու՞մ կամքն է արտահայտում։ Նույնիսկ ժամանակակից Հայաստանի քաղաքական վերլուծաբանների ոչ այնքան ճկուն միտքն է ապացուցում, որ ընտրողին կարելի է համոզել ընտրել մեկին և համոզել նաև, որ դա իր ազատ կամքն է։

մարդ իրա կամքնա արտահայտում,ուղղակի այդ կամքի ձևավորման վրա կարողեն ազդել տարբեր ևրևույթներ,
բայց դա չի նշանակում որ ինքը ուրիշի կամքնա արտահայտում ու իրա կամքը չի արտահայտում

Philosopher
08.04.2007, 17:22
մարդ իրա կամքնա արտահայտում,ուղղակի այդ կամքի ձևավորման վրա կարողեն ազդել տարբեր ևրևույթներ,
բայց դա չի նշանակում որ ինքը ուրիշի կամքնա արտահայտում ու իրա կամքը չի արտահայտում
Հենց խոսքն այն մասին է, որ քաղաքականությունը ձևավորում է այնպիսի կամք, որը չի համապատասխանում այն կամքին, որը կլիներ, եթե չլիներ այդ քաղաքական–քարոզչական ազդեցուրթյունը։ Եվ ընդհանրապես՝ խոսքը գնում է մեծամասնության մասին և ոչ՝ առանձին վերցրած մարդու։ Իսկ մեծամասնությունը միշտ ընտրում է նրան, ում նրան համոզում են ընտրել, և դա կոչվում է քաղաքականություն ու քաղաքական տեխնոլոգիաներ, որոնք, ի դեպ, դեռ հնագույն ժամանակներից եղել են և կառավարել են մարդկանց մտքերը և այժմ՝ ժամանակակից "մասսայական հասարակությունների" դարում, դարձել են մարդկային կամքի ու մտքի կառավարման վիթխարի համակարգեր՝ իրենց սկզբունքներով ու ազդեցության տարատեսակ եղանակներով։

Marduk
08.04.2007, 18:03
Ընտրությունների գնալ արժի՝ կեղծողներին լրացուցիչ անհարմարություն ու բարդություններ պատճառելու համար… թեկուզ ;)

Ես հաճախ եմ այսպիսի տրամաբանություն լսում ու կարծում եմ դա նրանից է, որ շատերը լավ չեն պատկերացնում կեղծիքների տեխնոլոգիաները:

Մարդը կարող է գնալ ու ասենք քվեարկել Պողոսի օգտին, բայց այդ ձայնը կարող են հաշվել Պետրոսի օգտին: Բանը նրանում է, որ քվեաթերթիկ կոչեցյալը ոչ համարակալած է, ոչ էլ անվանական: Այնպես որ նախապես կարելի է պատրաստել Պետրոսի օգտին քվեարկած թղթեր , մի 1000 հատ ու հետո դրանք լցնել քվեատուփի մեջ և այնտեղից հանել ուղիղ 1000 հատ Պողոոսի քվեներից: Այս տիպի կեղծարարությունը ավելի հեշտ է, քան երբ մարդիկ բոյկոտում են ընրությունները չեն գնում ու կեղծարարը ստիպված է լինում ոչ միայն 1000 թերթիկ լցնել այլ նաև ստիպված է լինում ապահովել 1000 կեղծ մասնակցության ստորագրություն:

Ասեմ ձեզ սա շատ դժվար մեթոդ է, ու ամեն մարդ չէ որ գնում է նման քայլի, քանի որ նման կեղծարարությունը բացահայտել շատ հեշտ է:

Հատկապես նրանք են շատ օգնում կեղծարարներին, ովքեր գնում ու բոլորի դեմ են քվեարկում: Դա ասեմ ձեզ լրիվ անիմաստ է: Այնպես որ ավելի լավ է չգնալ քան թե գնալ ու օգնել կեղծարարներին

Vive L'Armenie
14.04.2007, 11:18
Ինձ թվում է անիմաստ է ընտրության գնալը :)

քաղաքացի
14.04.2007, 11:43
Ընտրության չգնալու իմաստը միայն այն է, որ եթե ընտրության արդյունքներում ընդհանուր ընտրողների թիվը շատ կազմեց, ապա այդ չընտրողները ոտքի կագնեն ու պահանջեն ընտրությունները չեղյալ համարեն քանի որ պարզ երևացող կեղծիք է: Իսկ եթե այդ չընտրողները քաջություն չունեն «ոտքի կանգնել», ապա այդ չընտրելն անիմաստ էր:
Նույնն էլ կա հակառակը: Գնում ես ընտրության, կեղծվում է, հետո էլ կանգնում ու ասում ես. «Ես իմ ձայնի տերն եմ: Ընտրությունները կեղծված են»: Այդպես էլ չի լինում, որովհետև չես կարողանում ապացուցել, որ մեծամասնությունն է քո նման արել:
Կարճ ասած, եթե ուզում եք, որ ընտրությունները անցնեն արդար, ապա թող ժողովուրդը պատրաստվի ոտքի կանգնելու և առաջ դեպի հեղափոխություն: Այստեղից մի հետևություն, 1998-ից հետո ՀՀ-ում եղած ընտրություններից ոչ մեկը չի հետևել հեղափոխությամբ (թեկուզ ցույցերի մասսայական սպառնացումներով), ապա ենթադրում եմ, որ ժողովուրդը կա՛մ հարմարվել է ոչ դեմոկրատական՝ դիկտատուրական, ուժերին, կա՛մ էլ ժողովուրդը լուռ ընդունում է և համարում է, որ ընտրությունները անցել են արդար:
Պետք է գնալ ընտրության: Գնացե՛ք, և հաջորդ օրը կհամոզվեք, որ նույն «երեկվա» մարդիկ «այսօր» էլ դեռ իշխանությունում են, և կզգաք, որ «երեկ» նրանք խաբեց 2մլն ՀՀ քաղաքացու:

Kheranyan
18.04.2007, 14:02
:angry Իմ կարծիքով անպայման պետք է գնալ և ընտրել, քանի որ մենք ի վերջո պետք է գանք նրան, որ ժողուվուրդը գիտակցի որ ինքն է ընտրություն կատարողը և իր մասնակցությամբ չթողնի որպեսզի ընտրությունները կեղծվի որոշակի խումբ մարդկանց կողմից::angry

Vishapakah
18.04.2007, 17:20
Իհարկե պետք է՛
Առանց Պառլամենտ կամ Նախագահ երկիր չկա.
Պարտավոր ենք ինքներս կազմավորելու մեր ապագան.

Dragon
20.04.2007, 03:31
Այո պետք է և քաղաքացիակն պարտք:
Այլ հարց է արդյոք մենք ենք ընտրում իշխանություն: Չեմ կարծում:
Իշխանությունները միշտ էլ ձևավորում է տնտեսությունը(ավելի հասկանալի լեզվով փողը, գործարարները,կաշառքի իմաստով չէ, այլ նրանք են թելադրում իրենց հարմար կառավարման համակարգը):
Ամենաժողովրդավարական երկրում էլ ժաղաքացին չի ընտորում: Ժողովրդավարության իմիտացիան հետևյալն է, որ քեզ հնարավորություն է տրվում ում ուզես քվեարկես, բայց հո դու կամ մենք չենք որոշում ով և ինչպես. դա ավելի մեծ խնդիր է ու անհատների որոշելիքը:
Եթե այլ կարծիք ունեք սիրով կլսեմ:

Artgeo
20.04.2007, 11:10
Այո պետք է և քաղաքացիակն պարտք:
Պարտք չի, իրավունք է:

Root
20.04.2007, 14:09
Ընտրություններին էնքան էլ շատ ժամանակ չի մնացել, ու մտահոգիչա, որ անընդհատ լսում ես , որ ամեն ինչ արդեն որոշված ա, ու իրենց ընտրությունից ոչ մի բան կախված չի: Դու՞ք ինչ եք կարծում. ար՞ժի մասնակցել ընտրություններին, թե ամեն ինչ մեր փոխարեն որոշելու են:

Այո իմաստ ունի անկասկած:
Միակ բանը որ կորցնում եք դա վստահությունն է երկրի ապագայի նկատմամաբ և 20-ից մինև 30 հազար դրամ ` կախված թե որ կուսակցությունը Ձեզ կկաշառի: :)

Artsiv
25.04.2007, 22:00
ընտրության գնալը իմաստ ունի, քանի վոր եթե չգնանք. ապա մեր տեղը ամեն ինչ կվորոշեն, եթե բոլորով գնանք, ապա մենք կվորոշե:

Amaru
25.04.2007, 23:51
Իմաստ... Յուրաքանչյուրը ինքը պիտի որոշի դա ու հասկանա՝ եթե չի գնում ընտրության, ապա էլ ոչ մի իրավունք չունի ինչ-որ բան պահանջելու. չի գնացել ընտրության, դրանից հետևություն՝ համաձայն ա ցանկացած որոշման հետ:

Azgaynakan
26.04.2007, 21:20
Համաձայն եմ Amaru-ի հետ:Ես իմ ընտրությունը արդեն կատարել եմ www.hhk.am և պահանջելու եմ:

impression
26.04.2007, 22:38
Իմաստ... Յուրաքանչյուրը ինքը պիտի որոշի դա ու հասկանա՝ եթե չի գնում ընտրության, ապա էլ ոչ մի իրավունք չունի ինչ-որ բան պահանջելու. չի գնացել ընտրության, դրանից հետևություն՝ համաձայն ա ցանկացած որոշման հետ:

Լիովին համամիտ եմ, և անպայման մասնակցելու եմ ընտրություններին

_Cexakron
27.04.2007, 14:43
Ընտրության պետք է անպայման գնալ, ես գնալու եմ ու ընտրեմ այն կուսակցությանը, որի հետ կապում եմ իմ և առաջին հերթին մեր երկրի բարեկեցիկ ու խաղաղ ապագան...:hands

Hanrapetakan
28.04.2007, 17:51
Իմ կարծիքով ընտրության չգնալով մենք առջին հերթին թույլ ենք տալիս ոտնահարել մեր իրավունքները:

Artsiv
01.05.2007, 20:45
Այս պահի դրությամբ լավ հարց է, բայց ես ցավում եմ, որ մեր երկրում և հատկապես մեր երիտասարդության շրջանում դեռ առաջանում են նման հարցեր:
Չգնալ ընտրության նշանակում է.

լինել անտարբեր սեփական ազգի և երկրի ապագայի նկատմամբ
ինքտ քեզ չհամարել այդ իրավունքի կրողը

Չտալով չես կարող պահանջել:
Եկեք այսօր սթափ կատարենք մեր ընտրությունը և ապագայում էլ հստակ պահանջենք այն ինչին, որ արժանի ենք…

Մասսագետ
01.05.2007, 20:51
Անկասկած գնալու եմ, որտև ընտրության չգնալու պատճառով չեմ ուզում ուրիշ տեղ գնամ:

Artsiv
01.05.2007, 20:52
Բնականաբար որոշելու են մեր փոխարեն ինչպես միշտ: Իրանք մեզ հիմարի տեղ են դնում իրանց թափանցիկ ընտրությունների մասին խոսելով: Իրականում արկղերն են թափանցիկ, բայց ոչ ընտրությունը:

Բավականին գեղեցկադեմ աղջիկ ես, վստահ եմ հոգիտ էլ է նույնքան գեղեցիկ, բայց չեմ հասկանում որտեղից է գալիս այդ չարությունը և տգեղ վերաբերմունքը նման լուրջ և առանցքային հարցին ինչպիսին է ընտրությունները:
Փորձիր կյանքին նայել ավելի վառ գույներով և ներդնել քո փոքրիկ լուման, որպեսզի ամեն ինչ չլինի այնպես ինչպես դու ես կանխատեսում: Համենայն դեպս նման տրամադրվածությունը պարարտ հող է ստեղծում քո նշած չարությունների իրագործման համար:

Մարիաննա
10.09.2007, 00:21
Չգիտեմ, թե ձեզ, որքանով իրատեսական կթվա իմ գրածները, բայց ինձ թվում է, որ քաղաքականությանը վերաբերող խոսակցությունները, որպես կանոն, բոլոր խասակցություններից ամենատխուրն ու ապարդյունն են:

moj
10.09.2007, 09:41
Հարցման հեղինակին ցանկանում եմ մի փոքր ուղղել

Ոչ թե մեր փոխարեն որոշելու են, այլ ավելի ճիշտ կլինի գրել, որ մեր փոխարեն արդեն որոշել են

Smergh
10.09.2007, 10:29
Բավականին գեղեցկադեմ աղջիկ ես, վստահ եմ հոգիտ էլ է նույնքան գեղեցիկ, բայց չեմ հասկանում որտեղից է գալիս այդ չարությունը և տգեղ վերաբերմունքը նման լուրջ և առանցքային հարցին ինչպիսին է ընտրությունները:
Փորձիր կյանքին նայել ավելի վառ գույներով և ներդնել քո փոքրիկ լուման, որպեսզի ամեն ինչ չլինի այնպես ինչպես դու ես կանխատեսում: Համենայն դեպս նման տրամադրվածությունը պարարտ հող է ստեղծում քո նշած չարությունների իրագործման համար:

Եղբա'յր, Դուք պատճառն ու հետևանքը միմյանց հետ շփոթում եք: "Մոգական Լապտերիկ"-ը խոսում է այն տպավորությունների մասին, որոնք ստացել է ընտրությունների գործընթացից, և ոչ թե նրա վերաբերմունքն է դրա նկատմամբ տգեղ, այլ տգեղ գործընթացի պատճառով է, որ նա հավատ չունի գալիք ընտրությունների նկատմամբ: Ձեր պնդումն այնպիսի տպավորություն է ստեղծում` իբրև թե "Մոգական Լապտերիկ"-ն է ցանկանում, որ ընտրություններն այդպիսին լինեն ու կարծեք դրա համար մեղադրում եք նրան: Մինչդեռ ամեն ինչ հակառակն է:
Խորհուրդ եք տալիս վառ գույներով նայել կյանքին, իսկ ի՞ նչ է դա նշանակում, ուրախանալ այն հարևանիդ համար, որը մեկ օրվա հացի փող ձեռք բերելու համար 4 տարով վաճառում է իր խիղճը՞:
Ոչ մեկի տրամադրվածությունն էլ չի կարող ընտրակեղծիքներ ծնել, կամ պարարտ հող ստեղծել դրանց համար: Պարարտ հող ստեղծողներն էլ, սերմեր ցանողներն էլ իշխանություններն են իրենց ահարոն ադիբեկյաններով ու այլ խամաճիկներով: Արդեն տարիներ շարունակ այդ իշխանությունները նախընտրական հանդիպումներում անմեղ գառնուկի կեցվածք ընդունելով ձևացնում են , թե իրենք հակառակորդների նկատմամբ քաղաքակիրթ կեցվածք են դրսևորում, մինչդեռ բոլոր հակառակորդները ժողովրդի աչքում մշտապես վարքաբեկման են ենթարկվում մամուլով ու առանց դրա: Կերակրասաշտից օգտվողները հատուկ առաջադրանքներ են ստանում և տևականորեն հասարակ մարդկանց միջավայրում զբաղվում են մտածածին մեղադրանքներով մարդկանց վարքաբեկման գործընթացով:
Խնդրեմ փորձեք այս ամենին գունավոր աչքերով նայել, առանց գունավոր ակնոցների ու կտեսնոք, որ ոչինչ չի ստացվի:
Կարծում եմ այս ամենից հետո Ձեր տոնը "Մոգական Լապտերիկ"-ի նկատմամբ ավելի մեղմ ու սիրալիր կդառնա:

nanar
10.09.2007, 21:20
Հայաստանում չկա արդար ընտրություններ հիշեք.

Ուրվական
14.09.2007, 10:45
Հայաստանում չկա արդար ընտրություններ հիշեք.

Բայց դա չի նշանակում, որ ընտրության գնալն անիմաստ է: Երեկ մի հետաքրքիրր միտք կարդացի, այն է՝ քվեաթերթիկը շատ ավելի ուժեղ է փամփուշտից: Տողերի հեղինակը Ջոն Քենեդին է: Ճիշտ է, մենք դեռ այնքան չենք զարգացել, որ կարողանանք մտածել այնպես, ինչպես մտածել են նրա ժամանակաշրջանում, բայց դա չի նշանակում, որ պետք է նստենք մեր տեղում ու ասենք՝ ընտրության գնալն անիմաստ է, որովհետև դրանք արդար չեն: Նորից եմ ասում, գնանք, գոնե անենք որևէ քայլ, եթե չենք ուզում ասել, որ արդար ընտրություններ չկան:

քաղաքացի
10.12.2007, 01:01
Իսկ հիմա ի՞նչ կարծիքի եք: Վերջին գրառումը եղել է սեպտեմբերի 14-ին, իսկ դրանից հետո շատ բաներ են փոխվել:
Ինչպե՞ս եք մտածում, 2008թ ընտրություններին ազգովի մասնակցե՞լ, թե՛ համառորեն հրաժարվել քաղաքական պարտքը կատարելուց:

Ինչպե՞ս ազդեց 9 թեկնածուների առաջադրումը ձեր վրա:

Սերխիո
10.12.2007, 01:15
գնալ և ջնջել բոլորին `անարժաններին:angry

schuschanik
10.12.2007, 01:21
դա մեր սահմանադրական պարտքն է. հենց չմասնակցելով , մենք ինքներս ենք հիմք ստեղծում ընտրակեղծիքների համար... անպայման, բայց ես չեմ կարող:(

Վիշապ
11.12.2007, 00:18
Մենք նորաստեղծ պետություն ենք, մենք իրավունք չունենք ընտրություններին թափթփված մասնակցելու, ես կարծում եմ ազգովի պիտի ելնենք ու մեզ ցույց տանք:hands (թեպետ ցույց տալու բան գրեթե չունենք:8)

Tigran Adunts
11.12.2007, 12:34
Հարցը շատ հարաբերական էր :)) Եթե ուզում եք ներկայիս կառավարության թեկնածուին ընտրեք իհարկե իմաստ չունի :)) (ավելորդ ժամանակի վատնում, Ձեր տեղը կընտրեն) , եթե ուրիշին եք ուզում ընտրեք ապա իմաստ ունի :)

Հ.Գ.
Չնայած տարածքից էլ է կախված, թե որ ընտրատարածքում եք գրանցված ;)