PDA

Դիտել ողջ տարբերակը : Ի՞նչպէս Պատմական Հայաստանը օտարացաւ մեզնից



Պանդուխտ
02.10.2008, 10:49
Այստեղ քննարկենք Պատմական Հայաստանի օտարացումը: Ի՞նչպէս Պ. Հայաստանը դադրեցաւ այդպիսին լինելուց:


http://culture.azg.am/?lang=AR&num=2006090202
Ստորեւ, Կարպիս Սուրենեանի յօդուածից մէջբերում, ուր ինքը մէջբերում է միջնադարեան պատմիչ ՄԱտթէոս Ուռհայեցուց.

Միտքս գալիս է XI-XII դ.դ. մեր ժամանակագիր-պատմիչ Մատթեոս Ուռհայեցին: Խստորեն դատապարտելով Բյուզանդիային, թե իր անկուշտ հայահալած քաղաքականությամբ ոչ միայն կործանեց Հայոց թագավորությունը, այլեւ Հայոց տնից մեկ առ մեկ քակեց հանեց երկիրը պաշտպանող քաջ զորավարներին ու զորքերին, հափշտակելով նրանց տոհմային ամրոցներն ու գավառները, Մատթեոս Ուռհայեցին շատ դիպուկ բացատրություն է տալիս ներխուժած սելջուկ-թուրքերի նվաճումներին, բնորոշելով, թե բյուզանդացիները «ջանքեր ջանալով այն արեցին միայն, որ զուր քանդեցին կործանեցին Հայոց տան ամրության պարիսպը»: Այս պատկերավոր բնորոշումը բարձր է գնահատվում պատմաբանության մեջ որպես արժեքավոր բացատրություն, թե ինչու սելջուկ-թուրքերը կարողացան հեշտորեն նվաճել Հայաստանն ու Փոքր Ասիան, պարզապես «անտեր տեսան ամբողջ արեւելքը», ինչպես ավելացնում է Մատթեոս Ուռհայեցին: Ակամա տարվում ես մտածելու, թե Ռուսաստանը, որ Բյուզանդիայի ժառանգն է համարել իրեն, արդյո՞ք նման մի ընթացք չի բռնել հայերի ու Հայաստանի հանդեպ՝ թե՛ ցարական (չհիշե՞նք չարագուշակ «Հայաստանն առանց հայերի»-ն), թե՛ ահա բոլշեւիկյան ժամանակաշրջանի էլ իր քաղաքականությամբ...:

Գաղթական
02.10.2008, 11:08
Ի՞նչպէս Պ. Հայաստանը դադրեցաւ այդպիսին լինելուց:

Պանդուխտ ջան, գուցե ի նկատի ունեիր՝ «ինչպես Պատմական Հայաստանը դադարեցավ Հայաստան լինելուց»..
թե չէ, ինձ համար, այսօր էլ կա «Պատմական Հայաստան» գաղափարը..
այն է՝ ՀՀ + ԼՂՀ + Թուրքիայում, Իրանում, Ադրբեջանում ու Վրաստանում մնացած այլ Հայկական տարածքներ..

Հակոբ Գեւորգյան
02.10.2008, 11:20
Ի սեր մարդկության խաղաղության՝ կարո՞ղ են Հայերը հեռանալ Հայաստանից, մոռանալ իրենց հողերը՝ պատմական, վերցնելով հոգսերը համայն մարդկության։ Այս վիճակից շատերն են սարսափում, քանզի այս հարցն է դրված Հայու արջեւ։

Պանդուխտ
02.10.2008, 11:26
Պանդուխտ ջան, գուցե ի նկատի ունեիր՝ «ինչպես Պատմական Հայաստանը դադարեցավ Հայաստան լինելուց»..
թե չէ, ինձ համար, այսօր էլ կա «Պատմական Հայաստան» գաղափարը..
այն է՝ ՀՀ + ԼՂՀ + Թուրքիայում, Իրանում, Ադրբեջանում ու Վրաստանում մնացած այլ Հայկական տարածքներ..

Իմ մօտն էլ կայ այդ գաղափարը...
Շօշափելով շատերիս մտածելակերպը, նկատում եմ, որ անհանգստանում են, երբ Պատմական Հայաստանը այժմ էլ Հայաստան անունով ճանաչեմ, մանաւանդ երբ, թուրքերի հետ հիմա բարեկամութիւն են անում, իբրեւ...
Ինչ վերաբերի Արցախին, իրական ու գաղափարական Հայաստան է:
Գաղթական, արի՛ իրատես լինենք, ու տեսնենք որ մեր պատմական հայրենիքը, այժմ, հիմնովին թուրքաբնակ ու քրդաբնակ է:
Իսկ դադարել բառը օտարանալ բառից աւելի ճիշտ է: Ընդունում եմ, որ միշտ վերնագիր ընտրելու խնդիր ունեցել եմ, այստեղ եւ այլուր: Թեման մտածում եմ, բովանդակութիւնը պատրաստում եմ, վերնագիրը վերջին պահին հապճեպով մի բան գրում եմ:

Պանդուխտ
02.10.2008, 11:38
Բայց օտարացումն էլ կայ: Այժմ քիչերը գիտեն քարտէսը, քաղաքների, գետերի, լեռների գագաթների, լեռնաշղթաների, բնիկ հայկական անունները: Ուխտի են գնում Արեւմտեան Հայաստան ու Կիլիկիա, վերադառնալուց ետք պատմում են իրենց յուշերը, տալով թուրքական անուանումները իրենց պապերի երկրի տեղանուններին:
Միթէ Արցախը, պատմական Առանը, Խաչենը, Հայոց Արեւելից Կողմնը օտարանալով թուրքահունչ Ղարաբաղ չի՞ եղել: Որքանով ճանաչում ենք մեր հայրենիքը, Արդի ու Պատմական Հայաստանը: Հարցման նշան:

Գաղթական
02.10.2008, 12:39
երբ Պատմական Հայաստանը այժմ էլ Հայաստան անունով ճանաչեմ,

Պետք է ընդունեմ, որ գոնե ինձ համար էլ, ՀԱՅԱՍՏԱՆը դա ԱՄԲՈՂՋ Հայաստանն է..
թեև՝ շատ հաճախ «Հայաստան» ենք կոչում լոկ արդի Հայաստանի Հանրապետությունը.. զուտ խոսակցական առումով.. հեշտացնելով «Հայաստանի Հանրապետություն» «երկար» արտասանությունը..

ինչ վերաբերում է «Պատմական Հայաստան», այո՝ գաղափարին՝ այն ինձ համար ո՛չ դադարել է, ո՛չ էլ, առավել ևս, օտարացել..
գուցե հեռացել է.. ավելի շուտ՝ անվանափոխվել.. բայց ոչ՝ դադարել..



Գաղթական, արի՛ իրատես լինենք, ու տեսնենք որ մեր պատմական հայրենիքը, այժմ, հիմնովին թուրքաբնակ ու քրդաբնակ է:

ստիպված ենք ընկալել այդ հանգամանքը, որ մեր Պատմական Հայրենիքը այսօր բնակեցված է իրենց «թուրք» ու «քուրդ» համարողներով/կոչողներով..
բայց ինձ սեփական աչքերովս ու ականջներովս լսածն էլ բավական է, որ այսօրվա այնտեղի բնակիչը իրեն համարում է որպես «Էրմենիստան-ի հողում ապրող»..
բավական է, որ համարեմ, որ Պատմական Հայաստանը չի դադարել և ոչ էլ օտարացել ո՛չ միայն ինձ, այլև՝ այսօր այդ հողի վրա ապրող ու սերունդ տվող մարդու համար..

Գաղթական
02.10.2008, 12:52
Միթէ Արցախը, պատմական Առանը, Խաչենը, Հայոց Արեւելից Կողմնը օտարանալով թուրքահունչ Ղարաբաղ չի՞ եղել: Որքանով ճանաչում ենք մեր հայրենիքը, Արդի ու Պատմական Հայաստանը: Հարցման նշան:

Պանդուխտ, դարձյալ պետք է խոսեմ իմ անունից..
ես էլ, այսօր, կոչում եմ «Ղարաբաղ» պատմական Արցախի լեռնային հատվածը..
համաձայն եմ՝ թուրքահունչ անունով եմ կոչում..
բայց այն դրանից չի օտարանում գոնե ինձ համար..
պարզապես սա է արդի իրականությունը..
վաղը կհաստատվի ԼՂՀ-ն քարտեզի վրա Ադրբեջան կոչվող երկրից առանձին՝ հուսանք կվերանվանեն ու ես մեծ հաճույքով կսկսեմ այն կոչել Հայեցի անունով.. իրական անունով..

ճիշտ ես՝ հաստատելով, որ քչերս գիտենք մեր Պատմական Հայրենիքի վայրերի այսօրվա թուրքահունչ անվանումների իրական Հայկական համարժեքները..
բայց օրինակ ես, վերադառնալով Արևմտյան Հայաստանից, այցելածս քաղաքներից մեկը, Կարին կոչելու փոխարեն, պատմում էի՝ ..եղա նաև Էրզրումում, որի Հայկական անունն էր Կարին..

Պանդուխտ
02.10.2008, 14:48
ստիպված ենք ընկալել այդ հանգամանքը, որ մեր Պատմական Հայրենիքը այսօր բնակեցված է իրենց «թուրք» ու «քուրդ» համարողներով/կոչողներով..
բայց ինձ սեփական աչքերովս ու ականջներովս լսածն էլ բավական է, որ այսօրվա այնտեղի բնակիչը իրեն համարում է որպես «Էրմենիստան-ի հողում ապրող»..
բավական է, որ համարեմ, որ Պատմական Հայաստանը չի դադարել և ոչ էլ օտարացել ո՛չ միայն ինձ, այլև՝ այսօր այդ հողի վրա ապրող ու սերունդ տվող մարդու համար..

Պանդուխտ, դարձյալ պետք է խոսեմ իմ անունից..
ես էլ, այսօր, կոչում եմ «Ղարաբաղ» պատմական Արցախի լեռնային հատվածը..
համաձայն եմ՝ թուրքահունչ անունով եմ կոչում..
բայց այն դրանից չի օտարանում գոնե ինձ համար..
պարզապես սա է արդի իրականությունը..
վաղը կհաստատվի ԼՂՀ-ն քարտեզի վրա Ադրբեջան կոչվող երկրից առանձին՝ հուսանք կվերանվանեն ու ես մեծ հաճույքով կսկսեմ այն կոչել Հայեցի անունով.. իրական անունով..

ճիշտ ես՝ հաստատելով, որ քչերս գիտենք մեր Պատմական Հայրենիքի վայրերի այսօրվա թուրքահունչ անվանումների իրական Հայկական համարժեքները..
բայց օրինակ ես, վերադառնալով Արևմտյան Հայաստանից, այցելածս քաղաքներից մեկը, Կարին կոչելու փոխարեն, պատմում էի՝ ..եղա նաև Էրզրումում, որի Հայկական անունն էր Կարին..

Գաղթական, գրեթէ համաձայն եմ, բայց...չեմ կարծում որ ողջ բնակչութիւնը իրեն հայ, կամ հայկական ծագում է վերագրում:
Այնումենայնիւ, ասածիդ մէջ ճշմարտութիւն կայ: Նրանց, երկրում մնացածներին, հայերի ու Հայաստանի հետ շաղախուելնին արգիլելու չյայտարարուած մտադրութեամբ՝ Թուրքիան սահմանը փակ է պահում:
Ամաչում է, կամ նպատակահարմար չի տեսնում, մնացեալ պայմաններին աւելացնել այս մտավախութիւնը:

Koms
02.10.2008, 16:32
Սա բարդ թեմա է, գուցե խոսենք ՀԱՅՔ-ի որպես տեղանվանման մասին? Որովհետեւ "Հայաստան" հասկացությունը որպես պետական կազմավորում հայտնվել էառաջին անգամ 1918թ, 28 մայիսին: Այդպես է կարծեմ? Իսկ մինչ այդ եղել են ՀԱՅՔ-ի տարբեր պատմական հատվածներ` Վասպուրական, Վանանդ, Շիրակ, Լոռի, եւ այլն:

Lion
02.10.2008, 18:54
Չէ, եղբայր... Այնքան էլ չի օտարացել: Իսկ այն, որ շատերը պատմական քարտեզներից և փաստերից տեղյակ չեն - միշտ էլ այդպես է եղել: Անանիա Ծիրակացին իր ժամանակի առաջնագույն գիտելիքներն ուներ, բայց նրա ժամանակակից գյուղացին հազիվ գիտեր, թե կողքի քաղաքը որտեղ է...

Դրա համար էլ կան մտավորական կոչվածները /ավաղ, այս հասկացությունը հիմա թքոտված է/... Իսկական մտավորականները:)

Մեղապարտ
02.10.2008, 19:12
«Ի՞նչպէս Պատմական Հայաստանը օտարացաւ մեզնից»
Լավ հարցադրում է ,սակայն հարցին հարցով, աշխարհում քանի հայ կգտնվի որ համաձայնվի այս տեսակետի հետ:
Ես ինքս փորձում եմ հասկանալ խնդրո առարկան և կարող եմ ասել, Պատնական Հայաստանի ներկա բնակիչները հաստատապես ահամոզված են որ հայը վերադառնալու է:Ահա այս մասից է սկսվում «օտարացման » հարցադրումը որը ամեն օր հացի և ջրի հետ կերակրում են մեզ:
1828,1905,1915,1988, «ուռուսների» տված կուտը մնացել է մեր «բկին»:
Փնտրեք օտարացման պատասխանը այս հատվածում և ազգովին ծառաելու ձգտման մեջ:

Ambrosine
02.10.2008, 20:32
Ամենևին չի օտարացել. այսօր էլ հայերը ու հատկապես հայ երիտասարդները ուխտի են գնում Արմ Հայաստան. չեն ասում, որ գնում են Թուրքիա, այլ ասում են, որ գնում են Արմ Հայաստան. տարբերությունը էական է;) Այսինքն մենք չենք ընդունում, որ այդ տարածքները թուրքական են, այլ գտնվում են նրա ձեռքում: Ու ոչ միայն այնտեղի բնակիչները, կարծում եմ, որ նաև մեր մեջ կա այն վստահությունը, որ մի օր հայը վերադառնալու է. գուցե դա լինի 100, 200... անգամ 1000 տարի հետո, բայց լինելու է

Պանդուխտ
02.10.2008, 20:50
Ամենևին չի օտարացել. այսօր էլ հայերը ու հատկապես հայ երիտասարդները ուխտի են գնում Արմ Հայաստան. չեն ասում, որ գնում են Թուրքիա, այլ ասում են, որ գնում են Արմ Հայաստան. տարբերությունը էական է;) Այսինքն մենք չենք ընդունում, որ այդ տարածքները թուրքական են, այլ գտնվում են նրա ձեռքում: Ու ոչ միայն այնտեղի բնակիչները, կարծում եմ, որ նաև մեր մեջ կա այն վստահությունը, որ մի օր հայը վերադառնալու է. գուցե դա լինի 100, 200... անգամ 1000 տարի հետո, բայց լինելու է
Լաւ է, շնորհակալ եմ:
Թեմայի ստեղծման նպատակը, ինչպէս Գաղթականը նշեց, հասկանալ ու վերլուծելն է, թէ ի՞նչ կերպ ու միջոցով, Պատմական Հայաստանը դատարկուեց բնիկներից, այսինքն՝ հայաթափուեց: Այս գծով, եթէ պատմական վկայութիւններ կան, թէ հայեր ինչո՞ւ, ե՞րբ եւ ինչպէ՞ս են հեռացել Հայաստանից, խնդրեմ հրատարակէք այս թեմայում:
Ընթացքում՝ կարող ենք զրուցել, խորհրդածել, դասեր քաղել...

Ambrosine
02.10.2008, 22:05
Լաւ է, շնորհակալ եմ:
Թեմայի ստեղծման նպատակը, ինչպէս Գաղթականը նշեց, հասկանալ ու վերլուծելն է, թէ ի՞նչ կերպ ու միջոցով, Պատմական Հայաստանը դատարկուեց բնիկներից, այսինքն՝ հայաթափուեց: Այս գծով, եթէ պատմական վկայութիւններ կան, թէ հայեր ինչո՞ւ, ե՞րբ եւ ինչպէ՞ս են հեռացել Հայաստանից, խնդրեմ հրատարակէք այս թեմայում:
Ընթացքում՝ կարող ենք զրուցել, խորհրդածել, դասեր քաղել...

ինչ պատմական վկայություններ են պետք, Պանդուխտ ջան? թիվ մեկ հանգամանքը ցեղասպանությունն էր. հիմա այնտեղ կան համշենահայեր` ծածուկ հայեր, կան մահմեդական դարձած հայեր... նույնիսկ կան այնքան հեռավոր վայրերում ապրող հայեր, որ չգիտեն էլ, որ ՀՀ գոյություն ունի

իսկ եթե ցեղասպանությունից առաջ ընկած ժամանակահատվածի մասին ես խոսում, դրա վերաբերյալ էլ շատ հանգամանքներ կան

Պանդուխտ
03.10.2008, 15:49
Koms
Հայք-ը նոյն Հայաստան-ն է, ինչպէս գիտես, անուան տարբերանքը գալիս հայերէնում տեղի ունեցած փոփոխութիւններից:

Աստղ
Հայաստանի պարբերաբար հայաթափումը նպաստել է Ցեղասպանութեան իրականացմանը:
Երբ Հայքը կառավարւում էր հայերով, հայ մշակոյթը ստորադասուած չէր, ուստի Հայքում եկուոր տարրերը ձուլւում՝ հայանում էին, ապագայում նպաստելով երկրի զարգացմանն ու պաշտպանութեանը:
Որոշ դարաշրջանից ետք, հայի կրած մշակոյթի տիպը ստորագնահատուեց, Հայքում բնակուող եկուորները առաջուայ նման չէին ձուլւում ու հայանում: Ահա այս դարաշրջանում սկսկուող գործընթացը. Հայոց Ցեղասպանութեան գիտակցուած կամ չգիտակցուած գործընթացի սկիզբն է եղել:
Որեւէ երկրի անվտանգութիւնը կայանում է սեփական պետութեան գոյութեամբ:
Հարազատ պետութեան վերացման զուգահեռ, սկիզբ առաւ յարատեւ արտագաղթի մի ընթացք, որը հանգեցրեց Հայաստանի՝ որպէս ազգ-տարածքի անախընթաց խոցելիութեան: Համիդեան կոտորածներից ետք, չպատժուած Թուրքիան կազմակերպեց եւ գործադրեց Հայոց Ցեղասպանութիւնը, իր ժամանակի տեխնոլոգիաների սպաս դրած բոլոր միջոցներով: Մի կերպ ազատածներ, ժամանակ անց, դարձեալ չկարողացան Երկրում ապրել, կամ հայօրէն ապրելու համար գաղթեցին Պոլիս (Իստանբուլ):
Առաջին աշխարհամարտի նախօրէին իսկ, Պատմական Հայրենիքից ընդարձակ տարածքներ հայաթափ էր արդէն: Օրինակ՝ Բայազետի Դութաղ գաւառը, որ գտնւում է Պատմական Հայաստանի կենտրոնում:
-Արաբական արշաւանքները
-Սելջուկ թուրքեր
-Մոնղոլ թաթարներ
-Բիւզանդիա
-Մեմլուքներ
-Թուրքմենական իշխանութիւններ
-Թուրք-պարսկական պատերազմներ
-Ռուս-պարսկական պատերազմներ
Սրանք բոլորը չեն, որպէս օրինակներ եմ նշել: Սրանք պատճառ հանդիսացան Հայրենիքի հայաթափմանը, որ անխուսափելիօրէն խոցելի դարձրեց Հայաստանը, ու նպաստեց Հայոց Ցեղասպանութեան հեշտ գործադրմանը:
Ահա այս թեման, որ գտնւում է «Պատմութիւն» բաժնում կարող է ուռճանալ, տարբեր պատմական յիշատակների վկայում-մէջբերումներով:
Ընթացքում, կարող ենք հասկանալ, որ առանց Հայի Հայաստանը չի կարող Հայաստանի նմանուել:

Ambrosine
03.10.2008, 20:57
ես համաձայն չեմ, որ հայաթափումն է ցեղասպանության պատճառ եղել. շատ պատճառներ կան` սկսած կենցաղային ու ավարտած քաղաքական հիմքերից:
Ճիշտն ասած` չհասկացա, թե ինչի էիր գրել էս տեղեկությունները:think ես ուղղակի հետաքրքրվում էի, թե քեզ ինչ փաստեր են պետք Արևմտյան Հայաստանի հայաթափվելու վերաբերյալ` ցանկանալով օգնել դրանք գտնել;)

Պանդուխտ
03.10.2008, 20:59
ես համաձայն չեմ, որ հայաթափումն է ցեղասպանության պատճառ եղել. շատ պատճառներ կան` սկսած կենցաղային ու ավարտած քաղաքական հիմքերից:
Ճիշտն ասած` չհասկացա, թե ինչի էիր գրել էս տեղեկությունները:think ես ուղղակի հետաքրքրվում էի, թե քեզ ինչ փաստեր են պետք Արևմտյան Հայաստանի հայաթափվելու վերաբերյալ` ցանկանալով օգնել դրանք գտնել;)

Պատճառ չէ: Խոցելի ենք եղել հայաթափութեան պատճառով:

Ambrosine
03.10.2008, 21:08
Պատճառ չէ: Խոցելի ենք եղել հայաթափութեան պատճառով:

Պանդուխտ ջան, բայց էդ հայաթափությունը ինչի եղավ? ստեղծված պայմանների պատճառով չէ? այսինքն` հայի համար այլևս անհնար էր ապրել սեփական հողում. ինչ էր մնում նրան անել. ուղղակի հեռանալ
բաաաաաայց. մի հատ մեեեեեծ բայց. եթե հայերը ամեն մի խաչի փոխարեն իրենց տանը սուր ունենային, տենց չէր լինի. վախկոտ քուրդը կյանքում չէր համարձակվի, մտքով էլ չէր անցնի հայի վրա ձեռք բարձրացնել, հայ աղջիկներին իր հարեմ տանել... սենց երկար կարելի է շարունակել. միանշանակ Թուրքիան հանցագործ է, բայց հայը չպիտի ոչխարի նման քշվեր....

Պանդուխտ
03.10.2008, 21:12
Պանդուխտ ջան, բայց էդ հայաթափությունը ինչի եղավ? ստեղծված պայմանների պատճառով չէ? այսինքն` հայի համար այլևս անհնար էր ապրել սեփական հողում. ինչ էր մնում նրան անել. ուղղակի հեռանալ
բաաաաաայց. մի հատ մեեեեեծ բայց. եթե հայերը ամեն մի խաչի փոխարեն իրենց տանը սուր ունենային, տենց չէր լինի. վախկոտ քուրդը կյանքում չէր համարձակվի, մտքով էլ չէր անցնի հայի վրա ձեռք բարձրացնել, հայ աղջիկներին իր հարեմ տանել... սենց երկար կարելի է շարունակել. միանշանակ Թուրքիան հանցագործ է, բայց հայը չպիտի ոչխարի նման քշվեր....
Այո սա եմ ուզում զրուցել, որ մի անգամից չեղաւ ամեն ինչ. «այդ ամպերն էին որ բերեցին այս անձրեւը»:

Ambrosine
03.10.2008, 21:14
Այո սա եմ ուզում զրուցել, որ մի անգամից չեղաւ ամեն ինչ. «այդ ամպերն էին որ բերեցին այս անձրեւը»:

գոնե կասես, թե որ շրջանից սկսած ես ուզում զրուցել?, թե չէ Բագրատունիների անկումից հետո /Կիլիկիան մի կողմ/ սկսվեց էդ լայնամասշտաբ հայաթափությունը

Պանդուխտ
03.10.2008, 21:20
Կարելի է սկսել Մեծ Հայքի տրոհումից սկսած, երբ բաժանեցին երկու գերտէրութիւնների միջեւ՝ Հռոմի ու Պարսկաստանի:
Բայց բուն խնդիրը որ ուզում եմ զրուցել Հայաստանի հողում օտար ժողովուրդների բնակեցումն է, որ սկսեց Իսլամական արշաւանքներից յետոյ...
Բուն Աղուանքը, Փայտակարանը կորցրեց երբեմնի դիմագիծը: Աւելի շատ փոխուեց դաշտային բարեբեր շրջանների ազգագրական դիմագիծը, իսկ բնիկները բարձրացան լեռները, ուր մշակութիւն անելը այնքան շահաբեր չէ, որքան դաշտում:

Պանդուխտ
04.10.2008, 22:02
http://www.akumb.am/showthread.php?t=34206

Բագավանում է կաrուցված Ս. Հովհաննես տաճարը՝ հեթանոսական մեհյանի տեղում։ Այն հիմնվել է 801 թվականին, այլ խոսքով հասակակից է Էջմիածնին ։

Մինչև Բագրևանդի գավառի (Ալաշկերտի) հայաթափ լինելը վանքին կից կար հայկական գյուղ, որին տեղացիները Վանքի գյուղ էին անվանում։ Թուրքերը դա Ուչ Քիլիսա (երեք եկեղեցի) էին անվանում, նկատի ունենալով տաճարի երեք սեղանները կամ խորանները։ Այդ հոյակապ վանքը, որը հայ ճարտարապետական կոթողներից է, մինչև այսօր էլ կանգուն է։

Ս. Հովհաննես վանքը ուներ ընտիր ձեռագրերի մատենադարան, որոնք դեռ 1877 թվականի ռուս-թուրքական պատերազմների ժամանակ փչացել և կորստի են մատնվել։
Հայաստանի ռուսական կիսկատար գրաւումը, պատճառ հանդիսացաւ, Հայաստանի օսմանեան հատուածում, ընդարձակ գաւառների հայաթափմանը, ինչը անկասկած կաղացրեց ու ձախողեցրեց ապագայում մղուելիք ազգային ազատագրական պայքարն ու ինքնապաշտպանութիւնը, ու անհամեմատելի աւելի խոցելի դարձրեց հայերին:

Life
17.12.2009, 18:08
Ժող շտապ պետք ա էս թեմաների մասին նյութեր`Սելջուկ թուրքերի նվաճումները և Հայաստանը:Խաչակրաց արշավանքները և մոնղոլական արշավանքները:Որտեղ կարամ գտնեմ?

Ambrosine
17.12.2009, 19:13
Ժող շտապ պետք ա էս թեմաների մասին նյութեր`Սելջուկ թուրքերի նվաճումները և Հայաստանը:Խաչակրաց արշավանքները և մոնղոլական արշավանքները:Որտեղ կարամ գտնեմ?
Գրքերի անուննե՞ր են պետք, թե՞ պատրաստի կուրսային կամ դիպլոմային աշխատանք:

Աինի
19.12.2009, 10:44
. միանշանակ Թուրքիան հանցագործ է, բայց հայը չպիտի ոչխարի նման քշվեր....

Համաձայն եմ հաշվի առնեով այն փաստը, որ նրանց ոչխարի պես քշողներին հենց իրենք հայերը իշխանության բերեցին, ամենագլխավոր միամիտն էկ մեռավ ամենադաժան մահով եթե մյուս մտավորականներին գնդակահարեցին, ապա նրա գլուխը ջախջախվեց

Լեռնցի
01.01.2010, 15:20
Իրականում Պատմական Հայաստանը չի օտարացել և երբեք չի օտարանա Հայ ազգից: Պարզապես ոմանց մոտ թուլանում է ազգային ինքնագիտակցությունը և ոմանց մոտ մնում նույնը և ավելին, ուժեղանում:
Թեման ինքնին սխալ թեմա է այնքանով, որ մոլորված հայորդիներին էլ ավելի է մոլորեցնում և օտարացնում հայորդիներից:
Քանի դեռ մենք գիտակցում ենք և նշում ենք որ այն պատմական Հայաստան է` ՀԱՅԱՍՏԱՆ, ապա այն օտար չէ մեզնից:
Կարծում եմ որ թեման իր կառուցվածով և վերնագրի դրվածքով շատ սխալ է:

Պանդուխտ
02.01.2010, 17:10
Իրականում Պատմական Հայաստանը չի օտարացել և երբեք չի օտարանա Հայ ազգից: Պարզապես ոմանց մոտ թուլանում է ազգային ինքնագիտակցությունը և ոմանց մոտ մնում նույնը և ավելին, ուժեղանում:
Թեման ինքնին սխալ թեմա է այնքանով, որ մոլորված հայորդիներին էլ ավելի է մոլորեցնում և օտարացնում հայորդիներից:
Քանի դեռ մենք գիտակցում ենք և նշում ենք որ այն պատմական Հայաստան է` ՀԱՅԱՍՏԱՆ, ապա այն օտար չէ մեզնից:
Կարծում եմ որ թեման իր կառուցվածով և վերնագրի դրվածքով շատ սխալ է:

Սիրելի Լեռնցի,
Թոյլ տուր ասել՝ ոմանք թուլանում են: Մօտակայքում եթէ ինչ-որ բան թուլանում է, գոնէ իմանանք ի՛նչ է՝ անուանենք այն (դիտէ՛ք «Մեր լեզուն մեր խօսքը» հաղորդաշարը usARMENIA հ/կ-ով):
Սիրով կը ջնջէի թեման, որովհետեւ ես էլ չեմ հաւանում նրա կազմուածքն ու վերնագիրը:
Թերեւս այն լինէր՝ «Ինչպէ՞ս Պատմական Հայաստանը հայաթափուեց» (մի անպէտք հարց էլ սա կլինէր, որովհետեւ` վերիվարոյ բոլորս գիտենք):
Ուստի՝ եթէ որեւիցէ կենսունակութիւն ապրում է թեման, կուզենայի նպաստել՝ յստակեցնելով, որ ի մտի եմ ունեցել տեղանունների հայկական անուանումները:
Շնորհակալութիւն:

Marine-24
02.01.2010, 22:08
Ըստ իս պատմական Հայաստանը չի օտարացել մեզնից, բայց ինչ-ինչ մարդիկ ձգտում են օտարացնեն, նոր սերնդին այլ դաստիարակություն են տալիս: Ցանկանում են անել այն ինչ չկարողացան անել կոմունիստները և ինձ թվում է մեր ժողովուրդը այս փորձությունը ևս կհաղթահարի:

Արիացի
09.02.2010, 15:34
Վակիֆլի գյուղը միակ հայկական գյուղն է Կիլիկիայում գտնող Անթակիա քաղաքի շրջանում: Ամեն տարվա օգոստոս ամսվա կեսերին հազարավոր հայեր թուրքիայի տարբեր շրջաններից հավաքվում են այստեղ և տոնում Աստվածածնի տոնը: Առաջին օրը եկեղեցու քահանան օրհնում է "աղը" ի նշան տոնակատարությունների սկզբի: Գյուղի կանայք պատրաստում են ավանդական ճաշատեսակ հարիսան, որը յոթ կաթսաների մեջ եփում են ամբողջ գիշերվա ընթացքում: Յոթը խորհրդանշում է նախկինում Մուսա լեռան շրջանում գտնվող յոթ հայկական գյուղերը: Ամբողջ գիշեր մարդիկ պարում են ու երգում հայկական ավանդական երգեր: Երկրորդ օրը քահանան եկեղեցու բակում ծիսակատարությամբ օրհնում է խաղողը, որից հետո օրհնում է հարիսան, մինչ այն կբաժանվի ժողովրդին: Դրանից հետո գյուղացիները բաժանում են հարիսան ...
Նկարները կարող եք նայել այստեղ (http://www.cetinbostanoglu.com/vakifli/vakifli.htm), իսկ ներկայիս թուրքիայի տարածքում ապրող հայերի մասին կարող եք կարդալ նաև այստեղ (http://www.cetinbostanoglu.com/armenians/armenians.htm): Այսքանից հետո ես ասում եմ. պատմական Հայաստանը չի օտարացել և չի օտարանա մեզանից:

Պանդուխտ
09.02.2010, 18:21
Այսքանից հետո ես ասում եմ. պատմական Հայաստանը չի օտարացել և չի օտարանա մեզանից:
Անթակիայի հայերէնն է Անտիոք: Սելեւկեանների մայրաքաղաքն է եղել: Քրիստոնէութեան տարածման կենտրոն է եղել:
Կիլիկիայի հայկական թագաւորութեան ժամանակ եղել է խաչակրական լատին իշխանութիւն:
Երբ արաբական երկրները ազատագրուեցին օսմանեան տիրապետութիւնից, Անտիոքի շրջանը ներառուեց Սիրիայի կազմում, ինչը հնարաւորութիւն ընձեռեց շրջանի հայ բնակչութեանը վերադառնալ ու շէնացնել հայրենի շէներն ու տուները՝ հարեւան արաբ (ալեւի եւ սուննի), յոյն եւ թուրք բնակչութեան առկայութեամբ: ֆրանսիական գաղութարար իշխանութիւնը, որ գրաւել էր Սիրիան, ինչ-ինչ քաղաքականութիւնից դրդուելով, Երկրորդ Աշխարհամարտի նախօրէին շրջանը յանձնեց Թուրքիայի հանրապետութեանը: Անտիոքի շրջանի (Իսքենդերունի սանջակ, կամ, հայերէն՝ Ալեքսանդրետի շրջան) հայերը, ի դժբախտութիւն նրանց, վերջին անգամ ու վերջնականօրէն հայրենազրկուեցին՝ հեռանալով դարաւոր հայրենիքից ու սփռուեով Սիրիայի միւս շրջաններում, Լիբանանում: Մուսա Լեռան հայերի բնակեցին Լիբանանի Այնճար աւանում: Հետագայում, ինչպէս բոլոր հայերը, ներգաղթեցին, արտագաղթեցին ու ամէն տեղ բնակեցին:
Յիշողութեամբ ասեմ տեղեկացածս՝ 1939 թուին մօտաւորապէս 40 000 հայ Անտիոքի շրջանից հեռացաւ՝ տարածքը Թուրքիային բռնակցուելուց յետոյ:
Հիմա Վակիֆլիում 40 հայ ընտանիք կապրի՝ մեծամասնութեամբ տարեց մարդիկ: Երիտասարդ ընտանիքները ապրում են Կոստանդնուպոլսում եւ այլուր: Այնպէս որ նշեցիր, Արիացի, Աստուածածնի տօնին դառնում են գիւղ, ուխտի, միասնաբար տօնելու:
Մի կարեւոր պարագայ: Վակիֆլիում հայեր ապրում են, քանի որ, նրանց հայրեւանների մեծ մասը թուրքեր չեն. ալեւի արաբներ են: Եղեռնի տարիներին, ալեւիների շեյխին առաջարկուել է մասնակցել հայկական ջարդերին: Բայց նա մերժել է, քանի որ հնուց աւանդուած բաեկամութեան դաշինք կայ ալեւիների եւ հայերի միջեւ: Այս շրջանի հայերը ալեւիներին անուանում են Թաթ: Աւելիները քիչ-շատ բարեացակամ են քրիստոնեաների հանդէպ, քան թուրք գիւղացիները՝ ինչի պատճառով ուրիշ եւ ոչ մի տեղ հայերը չեն կարողանում ինքնարտայայտուել, բացայայտուել, ուստի ուծանում եւ օտարանում են, շատերն արդէն ձուլուել են: