PDA

Դիտել ողջ տարբերակը : Էլի մի գազանային սպանություն.



Մելիք
15.11.2006, 17:17
Մի քանի օր առաջ ռուսական Իվանտեևկա քաղաքում ռուս ֆաշիստների ձեռքով սպանվել է ևս մի հայ պատանի՝ Նարեկ Քոչարյանը:

http://www.sarinfo.org/nov078.htm

Ցավակցում ենք, նրա հարազատներին ու հույս ունենք, որ հերթական բացահայտ հակահայ արարքը հերթական անգամ սոսկ իբրև խուլիգանություն չի որակվի:

kiki
15.11.2006, 17:20
........................................

Ուլուանա
15.11.2006, 18:43
Էհ, ի՞նչ ասեմ, ուղղակի զարհուրելի է... :angry

քաղաքացի
15.11.2006, 18:54
Ի՞նչ անել…
Հետո էլ ասում ենք «Ռուս եղբայրներ»
Իսկ ի՞նչ են ասում ռուս լրագրողները կամ իշխանությունները: Երևի, ամենաշատը, իրենք էլ իրենց «խորին ցավակցությունները» կհայտնեն Նարեկի ընտանիքին ու հարցը կմոռացվի: :(

Lionne_en_Chasse
15.11.2006, 19:23
Զզվում եմ ռսներից !
15 տարեկան, դեռ երեխա... :(

Նորմարդ
15.11.2006, 20:06
Ես էլ եմ միանում բոլորիդ ցավակցություններին:
Երբ իմացա լուրը անմիջապես միացրեցի ռուսական ալիքները և երկու օր հետևում էի նրանց լրաբերներին, կարծեմ ոչինչ չասացին կամ էլ եթե ասել են ապա շատ կարճ և ընդհանուր կերպով: Հաճախ ինձ թվում է թե այս սպանությունները պատահական չեն այլ մանրամասն կազմակերպված(ռուս իշխանությունների կողմից) մի ինչ որ զարհուրելի միջոցառման սկիզբն են տա աստված որ ես սխալվեմ բայց այսքանն էլ ավելին է քան բավարար, որպեսզի մտածելու և գործելու տեղիք տա:

otar
15.11.2006, 20:58
ցավակցում եմ...

p.s. ինչ լավա իմ եղբայրը արտաքինից ռուսի նման ա, ու ուժեղ ա, ու ... ու թու-թու-թու...

Մելիք
16.11.2006, 14:17
Ես էլ եմ միանում բոլորիդ ցավակցություններին:
Երբ իմացա լուրը անմիջապես միացրեցի ռուսական ալիքները և երկու օր հետևում էի նրանց լրաբերներին, կարծեմ ոչինչ չասացին կամ էլ եթե ասել են ապա շատ կարճ և ընդհանուր կերպով: Հաճախ ինձ թվում է թե այս սպանությունները պատահական չեն այլ մանրամասն կազմակերպված(ռուս իշխանությունների կողմից) մի ինչ որ զարհուրելի միջոցառման սկիզբն են տա աստված որ ես սխալվեմ բայց այսքանն էլ ավելին է քան բավարար, որպեսզի մտածելու և գործելու տեղիք տա:
Ես էլ չեմ լսել, որ ռուսական հեռուստաալիքները գոնե մի խոսք ասեն էդ մասին: Բայց ինձ չի թվում, թե էս դեպքերը հատուկ իշխանությունների պատվերով ա լինում, ուղղակի նրանց ձեռք ա տալիս, որ դրսից եկածները վախի մեջ ապրեն էնտեղ, դրա համար էլ աչք են փակում: Մի կողմից իրանց ձեռք ա տալիս, ԱՊՀ-ից աշխատուժի ներհոսքը Ռուսաստան (դրանով նրանք մի շարք պրոբլեմներ են լուծում, այդ թվում դեմոգրաֆիական), մյուս կողմից էլ ամեն ինչ անում են, որ էդ միգրանտները "իրանց տեղն իմանան":

John
16.11.2006, 14:55
Մարդ չեմ էլի դրանք… խոսքեր չեմ գտնում ասելու…

Արշակ
16.11.2006, 16:20
Նախ, խորին ցավակցությունս եմ հայտնում զոհված հայ երիտասարդի հարազատներին:

Մեր սիրտը հատկապես ցավում է ու զայրանում ենք Ռուսաստանում հայերի սպանությունների մասին լսելիս: Փաստերը դատապարտելի են և դրանց դեմ պետք է լուրջ պայքարել: Բայց եկեք անաչառ լինենք ու նկատենք, որ Ռուսաստանում ամեն օր սպանվում, ծեծի են ենթարկվում ինչպես այլազգիները, այնպես էլ բազմաթիվ ռուսներ: Ռուսաստանը լիքն է բազմաթիվ քրեական տարրերով ու այլասեռված գաղափարախոսություններով, որոնք պատուհաս են դարձել ինչպես հայերի, այնպես էլ ռուսների գլխին: Որոշ ուժեր փորձում են դրանց միջոցով թշնամանք ու ագրեսսիա սերմանել ռուս ու հայ ժողովուրդների միջև: Բայց եկեք զգոն լինենք ու չենթարկվենք նման սադրանքների: Չգիտեմ, թե ինչքանով են այդ ամենի մեջ խառնված ռուսական իշխանությունները (կարծում եմ, որ ռուսական իշխանությունները ուղղակի չեն կարողանում գլուխ հանել այդ ամենից ու անհրաժեշտ ձևով հակազդել քրեական տարրերին), բայց նորից եմ ասում. չի կարելի այդ ամենը որակել որպես գլոբալ առումով ռուս ժողովրդի թշնամական վերաբերմունք հայերի նկատմամբ: Դրանից տուժում են և՛ հայերը, և՛ ռուսները: Պետք է միացյալ ուժերով պայքարել չարիքի դեմ:
Բայց ամեն դեպքում գտնում եմ ռուսական իշխանությունները պարտավոր են պաշտոնապես իրենց խիստ բացասական վերաբերմունքն արտահայտել այդ սպանությունների մասին ու հնարավորինս քայլեր ձեռնարկել նոր սպանությունները կանխելու համար:

Artgeo
16.11.2006, 16:56
Բայց ամեն դեպքում գտնում եմ ռուսական իշխանությունները պարտավոր են պաշտոնապես իրենց խիստ բացասական վերաբերմունքն արտահայտել այդ սպանությունների մասին ու հնարավորինս քայլեր ձեռնարկել նոր սպանությունները կանխելու համար:Չեն հայտարարել ու չեն էլ հայտարարի: Հայտարարելու դեպքում էլ դա կլինի ձևական, քանի որ հենց Ռուսաստանի իշխանության սատարմամբ և Պուտինի բարձր հովանու ներքո է այդ ամենը իրականացվում:


Հերիք եղավ էլի Ռուսաստանի տակ պառկել: Հենց որևէ թուրք կամ ադրբեջանցի է սպանում որևէ հայի, ընդ որում էական չէ, թե ինչ հանգամանքներում է տեղի ունեցել սպանությունը, մեր վայ հայրենասերները ձայները քցում են ամբողջ աշխարհով մեկ: Իսկ երբ Ռուսաստանում է սպանվում անօգնական 15 տարեկան երեխա, նույն գոռացողները սկսում են պաշտպանել Ռուսաստանի կառավարությանը աբսուրդային հայտարարություններով: Թքած ունեմ, թե Ռուսաստանում ում ու ինչքան են սպանում: Նրանից, որ ասենք 15 հնդիկ են սպանել ու 14 հայ ոչինչ չի փոխվում: Ու արդարացնել ու ուրախանալ, որ տեսեք հայերին քիչ են սպանում, առնվազն հիմարություն է և ստրուկի մտածելակերպ: Ինչո՞ւ վրացիներին չեն սպանում նույն Ռուսաստանում: Կարո՞ղ է որևէ մեկը ինձ բացատրի դա: Ինչո՞ւ: Պարզապես նրանք գիտեն, որ դա հայերը չեն ու սուսութուս չեն նստի, այլ դա նույնպես նրանց դեմ կուղղվի:

Սուս ու փուս նստեք, ու սպասեք, «... մինչ կմնա մեկ հայ, այն էլ թանգարանում»:

StrangeLittleGirl
16.11.2006, 17:05
Արշակ ջան, ես քեզ հետ լիովին համաձայն եմ: Ռուսի սպանածը քաղցր է, իշխանությունները ոնց էլ չլինի, իրենց բացասական վերաբերմունքը կարտահայտեն, ամեն ինչ կանեն, որ սրանից հետո ոչ թե 15 տարեկաններ սպանվեն, այլ գոնե չափահասներ:

Արշակ
16.11.2006, 17:34
Առնվազն կույր պետք է լինել, ինձ ստրկամտության մեջ մեղադրելու ու չնկատելու համար, որ գրառմանս մեջ մի քանի անգամ շեշտել էի, որ պետք է պայքարել այդ սպանությունների դեմ:
Բայց այդ պայքարը չպիտի լինի ագրեսսիա ու թշնամանք տարածելը: Այդպես միայն կհասնենք նրան, որ Հայաստանում էլ կսկսեն ռուս երեխաներին մորթել: Հետո՞: Ո՞վ կշահի դրանից:

Հ. գ.
Նախորդ գրառումս անելիս շատ լավ գիտակցում էի, որ հակառուսական քաղաքականության վրա խփնված բազմաթիվ երիտասարդների արյունը գլխներին կխփի գրածս կարդալիս: Բայց ես նրանց համար չեմ գրել ;) Քաղաքական անիմաստ ու անպտուղ վիճաբանությունների մեջ մտնելու ժամանակ չունեմ:

StrangeLittleGirl
16.11.2006, 17:35
Բայց այդ պայքարը չպիտի լինի ագրեսսիա ու թշնամանք տարածելը: Այդպես լավագույն դեպքում կհասնենք նրան, որ Հայաստանում էլ կսկսեն ռուս երեխաներին մորթել: Հետո՞: Ո՞վ կշահի դրանից:
Արշա՛կ, դու էլ մյուս ծայրահեղության մեջ ես ընկնում: Հավատա՛ ինձ, որ ռուսները բարի պտուղ չեն: Ճիշտ է՝ պետք է պայքարել այս ամենի դեմ, բայց ոչ էլ պետք է իշխանություններին արդարացնել:

Լէգնա
16.11.2006, 17:44
հ.գ.
ՆԱՐԵԿ ների սպանությունը ՀՀ ում ,նման սահմանափակ ռեակցիա կունենար տեսնես :think

Artgeo
16.11.2006, 17:45
Առնվազն կույր պետք է լինել, ինձ ստրկամտության մեջ մեղադրելու ու չնկատելու համար, որ գրառմանս մեջ մի քանի անգամ շեշտել էի, որ պետք է պայքարել
Քեզ ոչ ոք ստրկամտության մեջ չի մեղադրել։ Ես գիտեմ, որ այդպիսին չես։ Քեզ ընդամենը այս երկու տողն էր ուղղված.


Չեն հայտարարել ու չեն էլ հայտարարի: Հայտարարելու դեպքում էլ դա կլինի ձևական, քանի որ հենց Ռուսաստանի իշխանության սատարմամբ և Պուտինի բարձր հովանու ներքո է այդ ամենը իրականացվում:


Բայց այդ պայքարը չպիտի լինի ագրեսսիա ու թշնամանք տարածելը: Այդպես միայն կհասնենք նրան, որ Հայաստանում էլ կսկսեն ռուս երեխաներին մորթել: Հետո՞: Ո՞վ կշահի դրանից:

Ցույց տուր գեթ մեկ ազգ, որն ավելի շատ է ատում ռուսներին քան վրացիները։ Չգտնելուց հետո ասա, թե քանի ռուս է սպանվել Վրաստանում վերջին 15 տարվա ընթացքում, զուտ ազգային պատկանելիության պատճառով։ Այս հայտարարությունդ անհիմն է։ Ոչ ոք չի կոչ չի անում մորթել ռուսներին։ Բայց հանդուրժել, որ քեզ են մորթում նույնպես չի կարելի։

Արշակ
16.11.2006, 18:04
Արշա՛կ, դու էլ մյուս ծայրահեղության մեջ ես ընկնում: Հավատա՛ ինձ, որ ռուսները բարի պտուղ չեն: Ճիշտ է՝ պետք է պայքարել այս ամենի դեմ, բայց ոչ էլ պետք է իշխանություններին արդարացնել:
Բյուրակն, ծայրահեղությունների մեջ չեմ ընկնում ու չեմ արդարացնում ռուսական իշխանություներին: Երևի չես նկատել այս միտքս.

Չգիտեմ, թե ինչքանով են այդ ամենի մեջ խառնված ռուսական իշխանությունները
Ուղղակի նաև սխալ եմ համարում իշխանությունների նկատմամբ վերաբերմունքը ժողովրդի վրա տարածելը: Եթե հայկական իշխանությունների նկատմամբ վերաբերմունքս տարածեի ողջ հայ ժողովրդի վրա, ապա հավանաբար ազգությունս կփոխեի:

StrangeLittleGirl
16.11.2006, 18:22
Ուղղակի նաև սխալ եմ համարում իշխանությունների նկատմամբ վերաբերմունքը ժողովրդի վրա տարածելը:
Տվյալ դեպքում հակառակն է. ժողովրդի վերաբերմունքը իշխանությունների վրա ենք տարածում: Ես սրանով չեմ արդարացնում իշխանություններին, չեմ ասում, թե պատվիրված սպանություններ են: Ո՛չ, պատվիրված չեն, պարզապես ձեռնտու են իշխանություններին:

Արշակ
16.11.2006, 18:37
Քեզ ոչ ոք ստրկամտության մեջ չի մեղադրել։ Ես գիտեմ, որ այդպիսին չես։
Այդ դեպքում կարող ես համոզված լինել, որ խիստ տոնով ասածս էլ քեզ չի ուղղված:;)


Ցույց տուր գեթ մեկ ազգ, որն ավելի շատ է ատում ռուսներին քան վրացիները։ Չգտնելուց հետո ասա, թե քանի ռուս է սպանվել Վրաստանում վերջին 15 տարվա ընթացքում, զուտ ազգային պատկանելիության պատճառով։ Այս հայտարարությունդ անհիմն է։ Ոչ ոք չի կոչ չի անում մորթել ռուսներին։ Բայց հանդուրժել, որ քեզ են մորթում նույնպես չի կարելի։
Վրաստանի ու վրացիների մասին բավարար տեղեկություն չունեմ եզրակացություններ անելու համար, բայց գիտեմ անցյալում ինչ-որ առումով նման իրավիճակում հայերի պահվածքի մասին:
Սումգայիթյան հայտնի դեպքերից հետո որոշ հայեր (այդ թվում դպրոցի դասատուներ) մոտավորապես այսպիսի ելույթներ էին ունենում «ձեռքս ադրբեջանցի երեխա ընկներ, կմորթեի, արյունը կխմեի»: Արդյունքում նմանատիպ որոշ դաժանություններ եղան նաև Հայաստանում ազերի խաղաղ բնակչության նկատմամբ: Ճիշտ է, բարեբախտաբար մասշտաբներով շատ ավելի փոքր, քան Սումգայիթյան դեպքերն էին:
Եվ հաստատ ավելի շատ կլինեին, եթե նման մոտեցումների դեմ պայքար չմղվեր:

Արամ
16.11.2006, 18:41
Հետո ել ասում ենք թե ռուսները մեր ախպերներն....են....զարհուելի է....

Լէգնա
17.11.2006, 09:32
Հայ փաստաբանը վստահ է, որ Նարեկ Քոչարյանի սպանությունը սքինհեդների ձեռքի գործն է

Անցած հանգստյան օրերին Մոսկվայի մարզի Իվանտեեւկա ավանի մոտ տեղի ունեցած սպանությունը, որին զոհ է գնացել 15-ամյա Նարեկ Քոչարյանը, միանշականորեն, սքինհեդների ձեռքի գործն է` համոզված է Ռուսաստանի հայերի միության շահերը ներկայացնող փաստաբան Սիմոն Ծատուրյանը: Փաստաբանը «Ազատություն» ռադիոկայանին հայտնեց, որ Նարեկ Քոչարյանին խեղդամահ են արել. - «Ըստ մեզ, դա առանձնակի դաժանությամբ կատարված հանցագործություն է, անշուշտ, խմբակային ձեւով եւ ազգամիջյան հողի վրա, քանի որ դեպքի վայրում հայտնաբերել են շարֆ, որի վրա եղել են ֆաշիստական սիմվոլներ` գանգ, ոսկորներ, նշաններ ու տառեր»: Մոսկվայի մարզի դատախազությունը, սակայն, քրեական գործ է հարուցել միանգամայն այլ հոդվածով: «Մենք՝ համայնքի ներկայացուցիչների մասնակցությամբ, եղել ենք դատախազությունում եւ տարակուսանք հայտնել, որ քրեական գործը հարուցվել է «անզգուշությամբ մարմնական ծանր վնասվածք պատճառելու համար, որը մահվան պատճառ է դարձել», - հայտնեց Սիմոն Ծատուրյանը՝ ընդգծելով. - «Դրան ոչ մի դեպքում չի կարելի համաձայնել»: Նա ասաց, որ իրենք այցելել են նաեւ Անվտանգության ծառայության տեղի մասնաճյուղ` խնդրելով հետաքննությունը հատուկ հսկողության տակ վերցնել: «Արդեն որերորդ անգամն է՝ միլիցիայի նկատմամբ վստահություն չենք կարող ունենալ», - այդ քայլն այսպես բացատրեց հայազգի փաստաբանը: Հարցին, թե ո՞րն է պատճառը, որ չնայած դեպքը տեղի է ունեցել անցած շաբաթ օրը, լրատվամիջոցները դրա մանրամասներին տեղեկացել են գրեթե 4 օր հետո, Ծատուրյանը պատասխանեց. - «Պաշտոնական տեսակետից սա ներկայացվել է որպես սովորական, դասական սպանություն՝ հենց այդ նպատակով, որ դեպքը արձագանք չգտնի: Բայց այնքան արտահայտիչ, այնքան ցայտուն են գործի հանգամանքները, որ, ըստ երեւույթին, կան մարդիկ, որոնք խուսափում են կամ վախենում, որ այդ սպանությունը ներկայացվի այնպես, ինչպես եղել է»: Սպանված հայ պատանու ընտանիքը Ռուսաստան է տեղախոխվել 90-ականներին՝ Հայաստանի Մասիսի շրջանից:

Գեւորգ Ստամբոլցյան, Պրահա
http://armtown.com/news/am/rfe/20061116/200611168/
հ.գ.:think

Marduk
17.11.2006, 12:08
Շատ տարօրինակ սքինհեդներ են: Ոչ մի անգամ հրեաի կամ թեկուզ վրացու չսպանեցին:

Հենց փաստորեն միայն հայերին ու ասենք տաջիկների են սպանում:
Շաաատ տարօրինակ է այս բոլորը.........

Հ.Գ. Այս սպանությունները կշարունակվեն ու կդառնան ավելի շատ քանի դեռ հստակ չի գիտակցվել թե ով է դրանց պատվիրատուն:

Վարպետ
17.11.2006, 14:55
Ի դեպ: Թեմայի շրջանակներում:
Ով ունի Գլումովի "Мама называла меня Хачиком" սոցիալական հոլովակը?

Հայրենասեր
19.11.2006, 15:31
իմ կարծիքով եթե Ռուսաստանը շահագրգռված լիներ այս հարցը կարգավորելու այն վաղուց այդ արած կլիներ: :(

Մելիք
10.12.2006, 13:48
Դե արի ու հավատա, որ ռուսական իշխանությունները չեն խրախուսում ֆաշիստ-սափրագլուխներին: Նարեկ Քոչարյանի գործով ձերբակալված չորս տականքներին մեղադրանք է հարուցվել: Բայց ավելի տականք չե՞ն մեղադրանքին հետևյալ ձևակերպումը տվողները. " Անզգուշության պատճառով հասցված մարմնական վնասվածքներ, որոնք մահվան պատճառ են հանդիսացել": Փաստորեն "Անզգուշության պատճառով" ոտքով բազմաթիվ հարվածներ են հասցրել տղայի գլխին, հետո "անզգուշության պատճառով" խեղդել են ու դանակահարել: Սա մի՞թե չի նշանակում որ տականքները հավանավորվում են իրավապահ մարմինների կողմից:

Ուրվական
10.12.2006, 14:20
Գիտեք ինչի վրա եմ զարմանում. էդ ազգի հոգեբանության: Էն օրը ռուսական չեմ հիշում, թե որ ալիքով լուրեր եմ նայում, մի հատ թափառական շուն էին սպանել, և դա նրանց մոտ առաջացրել էր, մեջբերում եմ, "հասարակական մեծ դժգոհություն" :angry :Միթե նրանք իրոք այդպիսին են. 15 տարեկան երեխային գազանաբար սպանում են, բայց ոչ մի բացասական արձագանք, իսկ այդ շան համար...:[
Չգիտեմ, բառեր էլ չեմ գտնում այս պահվածքը նկարագրելու համար: Սրանից հետո ում մոտ կարող է կասկած առաջանալ, որ այս սպանությունները կազմակերպված չեն վերևներից՝ ամենաբարձր մակարդակով:angry :angry :angry :angry :

Artgeo
23.01.2007, 23:31
Մոսկվայում Ռուսաստանի կառավարության ու Պուտինի կողմից հովանավորվող սափրագլուխները մորթել են 16 տարեկան Արթուր Մարտիրոսյանին: Միայն նրա համար, որ նա հայ էր...
Ռուսական ոստիկանությունը ինչպես և բոլոր այլ այսպիսի սպանությունների դեպքում առաջ է քաշում այլ վարկածներ, ժխտելով իրականությունը:

Anul
24.01.2007, 00:03
.......................................................................

Արսեն
24.01.2007, 00:07
Չեմ սիրում Ռուսներին, բայց ապրել եմ այնտեղ, ու ետ սափրագլուխներից մի քանիսին մենակ բռնել ու ջարդել ենք, մեկա բան չի փոխվի, կառավարությունը պետքա անի, ձեռք չի տալիս....

Ծով
25.01.2007, 18:40
Ցավում եմ շատ…
Ես երբեք ռուսներին մեր բարեկամները չեմ համարել…
Իսկ մերոնք դեռ ռուսամետ քաղաքականություն են վարում կենտրոնամետի փոխարեն…
Եթե Ռուսական կառավարության մտքին տեղ լիներ,կկանխեր այդ սպանությունները…
:angry :

NACIST
26.01.2007, 00:03
:think ՊԻՏԻ ՀԵՆՑ ՌՈՒՍԱՍՏԱՆՈՒՄ ՀԱՅ ՋԱՀԵԼՆԵՐԸ ՀԱՎԱՔՎԵՆ ԽՄԲԵՐ ԿԱԶՄԵՆ ՈՒ ԵԴ ՍԱՓՐԱԳԼՈՒՂ ԱՆԱՍՈՒՆՆԵՐԻՆ ՍԱՏԿԱՑՆԵՆ:angry

Մոդերատորական: Ծանոթացեք ակումբի օրենսդրությանը (http://www.akumb.am/announcement.php?f=26)։ Մասնավորապես ֆորումում չեն ողջունվում միայն մեծատառերով հայերեն գրառումները:

Vive L'Armenie
17.02.2007, 03:01
Ցավակցում եմ...:(

Artgeo
26.02.2007, 10:37
1 500 000 + մի քանի հազար + 1

Մոսկվայում Հայաստանի քաղաքացի է սպանվել. ՌԻԱ «Նովոստի»-ին հայտնել են իրավապահները: «1969 թվականին ծնված Արմեն Հարությունյանի դիակը՝ դանակի հասցրած 22 վերքերով, չորեքշաբթի երեկոյան հայտնաբերվել է շենքի մուտքի մոտ»,- հաղորդում է գործակալությունը։

Ֆելո
28.04.2007, 22:11
http://www.sarinfo.org/nov218.htm:cry

Artgeo
28.04.2007, 22:25
http://www.sarinfo.org/nov218.htm:cry
Չէ, մենք դրա հետ գործ չունենք: Ինքը Ռուսաստանի քաղաքացի էր, իսկ մենք Ռուսաստանի պես մեզ թույլ չենք տալիս այլ երկրների գործերի մեջ խցկվել:

Ֆելո
29.04.2007, 09:45
ինչ կապ ունի քաղաքացիությունը. թեմաի անունը "Էլի մի գազանային սպանություն"-ա, դրա համար էլ գրել եմ...

Philosopher
27.05.2007, 17:33
Կրկին սպանություն Մոսկվայում: Պնդել, թե այն տեղի ունեցել ազգային հողի վրա, առայժմ դժվար է, բայց առավել դժվար է ապացուցել, որ այդ սպանությունների շարքը որևէ առնչություն չունի Ռուսաստանում օրեցօր խորացող համակարգային, գաղափարական ճգնաժամի հետ, որի ամենաակնհայտ ախտանիշներից են ազգայնամոլությունն ու հոմոֆոբիան:


Մոսկվայում հայ են սպանել

[20:53] 25 Մայիսի, 2007

Հայաստանի քաղաքացի, 30-ամյա Ահարոն Տիգրանյանի մարմինը երեկ հայտնաբերվել է Մոսկվայի Ռուդնեւկա փողոցի թիվ 15 շենքի մոտ: Նա սպանվել է "կտրող սուր գործիքի հարվածներով":

Մոսկվայի Արեւելյան շրջանի դատախազության աղբյուրը "Ազատություն" ռադիոկայանին ասել է, որ նշված շենքում բնակվում էին ազգականներ Աշոտ եւ Ահարոն Տիգրանյաները:

Աղբյուրը փոխանցել է նաեւ, որ երեկ երեկոյան վիճաբանություն է տեղի ունեցել Տիգրանյանների եւ Բելառուսի մի քաղաքացու միջեւ, որի անունը չի նշվում: Վերջինս արդեն ձերբակալվել է սպանության կասկածանքով:

http://www.a1plus.am/am/?page=issue&iid=49810

Էդգար
27.05.2007, 18:58
Մոդերատորական: Գրառումը ջնջված է` կոպիտ, վիրավորական լինելու պատճառով, հեղինակը` զգուշացված:

dvgray
28.05.2007, 01:38
Կրկին սպանություն Մոսկվայում: Պնդել, թե այն տեղի ունեցել ազգային հողի վրա, առայժմ դժվար է, բայց առավել դժվար է ապացուցել, որ այդ սպանությունների շարքը որևէ առնչություն չունի Ռուսաստանում օրեցօր խորացող համակարգային, գաղափարական ճգնաժամի հետ, որի ամենաակնհայտ ախտանիշներից են ազգայնամոլությունն ու հոմոֆոբիան:

Չգիտեմ... Նոր եմ վերադարձել Մոսկվայից, ու ինչ-որ հասցրել եմ հասկանալ նրանց պահվածքից, դա ճիշտն ասած չի վկայել այնտեղ առկա ինչ-որ ճգնաժամի մասին: Ավելի շուտ ես տեսել եմ պետական ապարատի նպատակային գործողություններ - ուղղված Ռուսաստանի կայսերապաշտական մղումներից նահանջի պարագայում ժողովրդի հնարավոր դժգոհությունը մեղմելուն: Կայսրության ժողովուրդը զբաղված է "ամֆիթատրոններում" հագուրդ տալով իր ստոր զգացմունքներին , քանի դեռ Կրեմլը սահուն կերպով իրականացնում է միջազգային իր պարտավորվածությունները, հանելով իր զորքերը Վրաստանից և նախապատրաստվելով ՀՀ-ում նմանատիպ օպերացիայի համար իր "հասարակական" կարծիքին:

Artgeo
25.10.2007, 20:56
ՀԱՅ Է ՍՊԱՆՎԵԼ

[20:33] 25 Հոկտեմբերի, 2007

Մոսկվայում դանակի հարվածներից մահացել է 24-ամյա Հովհաննես Հայրումյանը: Այդ մասին հաղորդում է Newsru-ն: Նա դարձել է ֆուտբոլային ֆանատների զոհը: Ի դեպ, վերջիններիս զոհեր են դարձել հիմնականում ՚ոչ ռուսներըՙ:

http://a1plus.am/amu/?page=issue&iid=53772

Պանդուխտ
25.10.2007, 21:21
Եթէ «թուրքիա» կոչուող ոջլապետութիւնում գտնուէին 2 միլիոն հայ. Արարիչը գիտէ օրական քանի հայ պիտի սպանուեր:
Վատ է, ցաւալի է, նեղանալիք է, քստմնելի ոճիր է, հաշիւ պէտք է պահանջել::angry

Աթեիստ
25.10.2007, 22:40
Քանի մեր կառավարությունը ցույց չի տվել, որ գոնե մի քիչ հետաքրքրվում է նմանատիպ դեպքերով, դրանք շարունակվելու են:
Մի քանի մասնավոր իրավաբան ոչինչ չեն կարող անել:

Ի դեպ, վերջերս Noname-ում տեսա, որ նույնիսկ ռուսները գիտեն, որբոլոր սքինհեդերի ետևում կանգնած է Պուտինը, բայց անկախ դրանից ֆորումի անդամների մոտ 70% չէին համակերպվում այն մտքի հետ, որ հայերն ինչ որ հաջողություններին են հասել Մոսկվայում:
Այսինքն, մոսկվացիները չեն սիրում սքինհեդերին, բայց եթե իրենց ներկայությամբ վերջիններս "Խաչիկ" սպանեն, իրենք չեն փորձի խանգարել (ինչը, որ արդեն մի քանի անգամ պատահել է):

Artgeo
26.01.2008, 02:41
Հունվարի 23 ին Մոսկվայում սպանվել է 1987 թվականին ծնված Քարամջյան Վլադիմիրը։ Երիտասարդի վրա հարձակվել են սկինհեդները և դանակահարել։

http://sarinfo.org/

Աթեիստ
26.01.2008, 09:56
Ո՞րտեղ կարելի է ավելի մանրամասն կարդալ:
Regnum-ը կարծես լռում է:

Artgeo
26.01.2008, 10:36
Ո՞րտեղ կարելի է ավելի մանրամասն կարդալ:
Regnum-ը կարծես լռում է:
http://sarinfo.org/forum/viewtopic.php?p=43302#43302

Regnum-ը Կրեմլի լրատվամիջոցն է։ Ռուսական առաջին ալիքի, «հայկական» Ազգ թերթի և Հայաստանի առաջին ալիքի ռուսական էլեկտրոնային տարբերակը։

ցեղակրոն
19.02.2008, 02:50
Չեն հայտարարել ու չեն էլ հայտարարի: Հայտարարելու դեպքում էլ դա կլինի ձևական, քանի որ հենց Ռուսաստանի իշխանության սատարմամբ և Պուտինի բարձր հովանու ներքո է այդ ամենը իրականացվում:


Հերիք եղավ էլի Ռուսաստանի տակ պառկել: Հենց որևէ թուրք կամ ադրբեջանցի է սպանում որևէ հայի, ընդ որում էական չէ, թե ինչ հանգամանքներում է տեղի ունեցել սպանությունը, մեր վայ հայրենասերները ձայները քցում են ամբողջ աշխարհով մեկ: Իսկ երբ Ռուսաստանում է սպանվում անօգնական 15 տարեկան երեխա, նույն գոռացողները սկսում են պաշտպանել Ռուսաստանի կառավարությանը աբսուրդային հայտարարություններով: Թքած ունեմ, թե Ռուսաստանում ում ու ինչքան են սպանում: Նրանից, որ ասենք 15 հնդիկ են սպանել ու 14 հայ ոչինչ չի փոխվում: Ու արդարացնել ու ուրախանալ, որ տեսեք հայերին քիչ են սպանում, առնվազն հիմարություն է և ստրուկի մտածելակերպ: Ինչո՞ւ վրացիներին չեն սպանում նույն Ռուսաստանում: Կարո՞ղ է որևէ մեկը ինձ բացատրի դա: Ինչո՞ւ: Պարզապես նրանք գիտեն, որ դա հայերը չեն ու սուսութուս չեն նստի, այլ դա նույնպես նրանց դեմ կուղղվի:

Սուս ու փուս նստեք, ու սպասեք, «... մինչ կմնա մեկ հայ, այն էլ թանգարանում»:


100 տոկոսով համաձայն եմ Artgeo–ի խոսքերին...
Մենք բոլորս ազգովին քիչ թե շատ տառապում ենք անլիարժեքության, ստրկամտության, ինքնանվաստացուցիչ բարդույթներով...
Ազատ, ինքնիշխան ազգ ենք, բայց մեզ կարծես զգում ենք մի մեծ կայսերության ծայրամասում բուն դրած փոքրամասնություն...
Հայկական հեռուստատեսային դաշտում ընդհանրապես չեն խոսում արևելա–եվրոպական երկրներում մեր հայրենակիցների դեմ կատարվող օտարատյաց հարձակումները...
Ասացեք, խնդրեմ Հայաստանի արտաքին գործոց նախարարությունը ինչու՞ չի արձագանքում։

Նախարարությունը պետք է առավել «առույգ» ու արագ դիվանագիտորեն «հասցնի» ռուս «եղբորը», քանի–որ ռազմական, տնտեսական, քաղաքական ամենահավատարիմ գործընկերն է Անդրկովկասում։

Artgeo
21.03.2008, 17:00
Մոսկվայի մարզում Հայաստանի քաղաքացի է սպանվել

Մոսկվայի մարզի Պուշկինի շրջանում Հայաստանի քաղաքացի է սպանվել: 43-ամյա տղամարդուն` վզի վրա դանակով հասցված վերքերով, գտել են հինգշաբթի առավոտյան Զավետի Իլյիչա ավանում: Տուժողը մահացել է, երբ բժիշկները փորձում էին օգնություն ցուցաբերել նրան:

Ինչպես «Ինտերֆաքս» գործակալությանը փոխանցել են մարզի իրավապահ մարմիններից, դեպքի կապակցությամբ քրեական գործ է հարուցվել, անցկացվում են օպերատիվ-որոնողական միջոցառումներ:

Azatutyun.am

Ուրվական
11.04.2008, 21:34
Նոր լսում էի, թե ինչպես Մոսկվայի վերաքննիչ դատարանը արդարացրել է 19-ամյա հայ պատանու՝ Արթուր Սարդարյանի սպանողին: 19-ամյա... Ու սպանելուց ասել ա, "За Россию". Տղա, որը հազիվ է իր ընտանիքի հետ միասին փրկվել Սումգայիթի ջարդերից: Ճիշտն ասած, հազիվ եմ զսպում ինձ, արցունքներս... ոչ միայն վշտի, ցավի, այլև վրեժի արցունքները... Պետականորեն իրականացվող քաղաքականություն մեծ եղբոր կողմից, որի պատճառով մեր հայ ազգը, 19 տարեկան էրեխեքն են մահանում, սպանվում գազանաբար, ինչքան կարելի ա աչք փակել...
Այդ մարդիկ, ոչ մի բան չանելով, անկախ իրենցից, մեռնում են, ազգի համար, բայց ոչ հայ ազգի: Առանց այն էլ քիչ ենք, էս ինչ են անում...
Երկար չի մնալու սենց...
Կանք, պիտի լինենք, ու դեռ շատանանք...

Լ.յ.ո.վ.
11.04.2008, 21:43
Նոր լսում էի, թե ինչպես Մոսկվայի վերաքննիչ դատարանը արդարացրել է 19-ամյա հայ պատանու՝ Արթուր Սարդարյանի սպանողին: 19-ամյա... Ու սպանելուց ասել ա, "За Россию". Տղա, որը հազիվ է իր ընտանիքի հետ միասին փրկվել Սումգայիթի ջարդերից: Ճիշտն ասած, հազիվ եմ զսպում ինձ, արցունքներս... ոչ միայն վշտի, ցավի, այլև վրեժի արցունքները... Պետականորեն իրականացվող քաղաքականություն մեծ եղբոր կողմից, որի պատճառով մեր հայ ազգը, 19 տարեկան էրեխեքն են մահանում, սպանվում գազանաբար, ինչքան կարելի ա աչք փակել...
Այդ մարդիկ, ոչ մի բան չանելով, անկախ իրենցից, մեռնում են, ազգի համար, բայց ոչ հայ ազգի: Առանց այն էլ քիչ ենք, էս ինչ են անում...
Երկար չի մնալու սենց...
Կանք, պիտի լինենք, ու դեռ շատանանք...

Տեսնես, որ ստեղ ասենք ամիսը մեկ մի ռուս սպանեին, ռուսները մեզ ինչ կանեին? Երևի հում-հում ուտեին մեզ, իսկ մենք, ոնց "ռուսաֆիլ" կանք տենց էլ շարունակելու ենք, զզվում եմ :[

Yellow Raven
11.04.2008, 21:45
Չէ սա արդեն բացի բարբարոսությունից ու վայրագությունից այլ կերպ չեմ կարող անվանել:
Ամբողջովին աշխարհը գնում է դեպի կործանում,յուրաքանչյուր երկիր մտածում է,թե որ երկիրը իրեն կարող է ավելի օգտակար լինել ու ամեն կերպ փորձում է նրա`կներեք արտահայտությանս համար <<հետևը մտնել>>,անգամ ոտնահարելով մարդկային բարոյական բոլոր հատկանիշները:
Ուղղակի ԱՆԲԱՐՈՅԱԿԱՆՈՒԹՅՈՒՆ...

Սաքուլ
11.04.2008, 22:55
Ռուսների քաղաքականությունը ուղղված է Ռուսաստանւմ ապրող ՈՉռուսներին իրենց երկրից հեռացնելուն: Այսինքն` կարևոր չէ, թե դու հայ ես, վրացի ես, ազեր ես և այլն.... կարևորը էնա, որը ռուս չես և ուրեմն- գնա մեռի.... սարսափելիա:

Աբելյան
11.04.2008, 23:02
մարդիկ էլ կան ասում են Ռուսաստանում հայերի համար լավ ա...

Ծով
12.04.2008, 01:12
մարդիկ էլ կան ասում են Ռուսաստանում հայերի համար լավ ա...

:o Իսկ Հայաստանում հայերի համար տենց ապահով ու լավ ա?..

Ahik
12.04.2008, 01:19
Մնացած ազգերի հետ համեմատ մեր հանդեպ բավականին լավ են տրամադրված

Լ.յ.ո.վ.
12.04.2008, 01:51
Մնացած ազգերի հետ համեմատ մեր հանդեպ բավականին լավ են տրամադրված

Զգացվումա... Եթե էդ թեկուզ տենց էլ լիներ էդ բան չի փոխում: ԵՍ ՉԵՄ ՀԱՆԴՈՒՐԺԻ ՈՐ ՌՈՒՍԸ ՀԱՅ ՍՊԱՆԻ ՈՒ ԻՐԱՆ ԱՐԴԱՐԱՑՆԵՆ, իչպես վարվեցին ռուսական դատարանները:
Եթե ասենք շաբաթական մի հայ են սպանում և երկու վրացի, էդ չի նշանակում, որ հայերին լավ են վերաբերվում ու պիտի ասենք, "վա~յ ռուսները մեր հանդեպ լավ են վերաբերվում": Լավ չեն վերաբերվում ու էդ ամենը ցույց են տալիս, իսկ մենք` էհ~~ մենք, մենք... :(


:o Իսկ Հայաստանում հայերի համար տենց ապահով ու լավ ա?..

Այո, շատ անգամ ավելի ապահովա քան ամերիկացու համար ԱՄՆ-ում: /խոսքս էս ընտրական պրոցեսների` ոստիկանություն տանել-մանելու մասին չի/

Ծով
12.04.2008, 01:57
Այո, շատ անգամ ավելի ապահովա քան ամերիկացու համար ԱՄՆ-ում: /խոսքս էս ընտրական պրոցեսների` ոստիկանություն տանել-մանելու մասին չի/
Ամերիկայում նայած թաղամաս...
Գիտե?ս, երևի ես շատ ռոմանտիկ եմ, բայց շատ չի ժամանակյին ընթացքը, որ մեզ բաժանում է այն պայծառ օրերից, երբ հայի տան բանալին կախվում էր դռան կողքին..
Շեղում ա քննարկումից..նկատի ունեմ. եկե'ք չխորանանք հենց հայի հարցում Ռուսաստանում: Դրանք ազգայնամոլներ են, որ չեն կենտրոնանում հենց հայերի վրա, ընդհանուր երևույթն ա շատ ցավալի...
Ներողություն եմ խնդրում, բոլոր գրառումները չեմ կարդացել: Ես ինքս էլ չեմ հանդուրժի և ընդհանրապես շատ վաղուց արդեն ես ռուսներին չեմ հանդուրժում..Կարծում եմ պիտի մի բան մտածենք այս հարցի շուրջ:Ոչ թե միայն խոսենք, այլ հենց կոնկրետ էս հարցի հետ կապված գործենք...

Աբելյան
12.04.2008, 09:58
:o Իսկ Հայաստանում հայերի համար տենց ապահով ու լավ ա?..
չէ
даже Թուրքիայում են հայերը ավելի ապահով :oy

Լ.յ.ո.վ.
12.04.2008, 15:11
չէ
даже Թուրքիայում են հայերը ավելի ապահով :oy

+1
Ճիշտ նկատեցիր:


Դրանք ազգայնամոլներ են, որ չեն կենտրոնանում հենց հայերի վրա, ընդհանուր երևույթն ա շատ ցավալի...

Հա, շատ ճիշտ ես ասում, բայց պետք չի մտածել. "դե եթե էս մենակ հայերին չի վերաբերվում, այլ նաև վրացիքին, եվրեյներին, ղրղզներին և այլն, ապա անհանգստանալու բան չկա": Սա մեր պրոբլեմն է` իմ, քո, վրացու, ղրղզի, ու ճիշտ ասացիր`

Ոչ թե միայն խոսենք, այլ հենց կոնկրետ էս հարցի հետ կապված գործենք...

Ես գտնում եմ, որ պիտի հասնենք էն բանին, որ ոչ թե մեր հարգարժան նորընտիրը լիզի Պուտինի/ Մեդվեդեվի ձեռքն ու ընկնի ոտերը, այլ սրա նման կարևոր հարցեր լուծի` ստիպի, որ ռուսները ապահովեն հայերի անվտանգությունը Ռուսաստանում: Ինձ թվում է ցանկության դեպքում, Մեդվեդեվի համար սա սթից հարց է, երկու շաբաթում կլուծի: Հենց, որ մի 10 սքինհեդի նստացնեն մարդասպանության համար, այլ ոչ արդարացնեն, մյուսները կզգաստանան: Բայց էսքանը ռուսները չեն անի, քանի դեռ մենք... քանի դեռ սերժը... Ուֆ Ուֆ~~ :(

Djavaxhq
12.04.2008, 15:20
Պետք է փնտռել պատճառները այդ սպանությունների, եթե դրանք կատարվում են միայն ռասայի պատկանելության վրա ապա դա արդարացնելը ցույց է տալիս պետական հովանավորություն, ինչպես սրա դեմն առնել եռբ մի ժամանակ ռուսաստանում սպանում էին միայն Եվրեներին «սպանիր եվրեյին փրկիր Ռուսաստանը» կարգախոսով այսօր ակն փոխարինվել է «սպանիր կավկասցուն....» պատճառահետեվանքային կաօը շատ խորն է այն կապված է մեր կառավարությունների սխալ քաղաքականության, մեր Ռուսահայ ազդեցիկ դեմքերի սխալների եւ նաեվ ես կարծում եմ եվրեյսկի լոբիզմի հետեւանքն է
խնդրի լուծումը պահանջում է հետեւողական քաղաքականություն մեր կառավառության կողմից,
Երբ ենք ունենալու իրական կառավարություն որ զբաղվի ,իայն ազգային հարցերով այլ ոչ թե բիզնես-մաֆիա խաղան

Artgeo
16.04.2008, 16:51
Զոհվել է հայ

Տվերի մարզի Ռժեւսկի շրջանի Մուրավյովո գյուղում ապրիլի 6-ին տեղի ունեցած ծեծկռտուքի ժամանակ մոտ 20 տուժածներից մեկը` 26-ամյա Կարեն Աղաջանյանը մահացել է: Հիշեցնենք, որ ոստիկանությունն ի սկզբանե բացառեց ազգամիջյան հողի վրա ծագած ծեծկռտուքի վարկածը՝ հայտարարելով, թե կռվի պատճառը ինչ-որ առեւանգված ավտոմեքենա է եղել: Սակայն տեղի հայ համայնքի ներկայացուցիչները պնդում են, թե բախումը տեղի է ունեցել ազգամիջյան հողի վրա:

http://www.hayqdaily.am/

Artgeo
21.05.2008, 21:46
սպանել են

Նախօրեին ժամը 23-ի սահմաններում Մոսկվայի կենտրոնում գնդակահարվել է Հայաստանի մի քաղաքացի: Իրավապահները չեն նշել սպանվածի անունը: Միայն հայտնի է, որ նա 45-46 տարեկան է: Իրավապահների տվյալներով, ՀՀ քաղաքացին մահացել է գլխին ստացված հրազենային վնասվածքից: Հարուցվել է քրեական գործ:

ՀԺ.am

Aurora
01.11.2008, 00:40
Ռուս ոստիկանները գազանաբար սպանել են ՀՀ քաղաքացուն


Հերթական դաժան և անհավանական սպանությունն է գրանցվել Ռուսաստանում, որի զոհ է դարձել ՀՀ քաղաքացի Արմեն Գասպարյանը: Ինչպես հայտնում է Новая газета պարբերականը, քաղաքային քննչական ծառայության և ներքին գործերի վարչության ներկայացուցիչները համատեղ մամուլի ասուլիսի ժամանակ բացահայտել են, որ այս պահին տվյալ գործով անցնում են Լենինյան շրջանի ներքին գործերի վարչության երեք լեյտենանտ: Քննիչների պնդմամբ, նրանք դաժանաբար սպանել են Արմեն Գասպարյանին` փորձելով վերջինիցս խոստովանություն կորզել:

Հոկտեմբերի 28-ի երեկոյան ներքին գործերի հարբած աշխատակիցները բաժին են բերել Արմեն Գասպարյանին, ով ապրում էր Ռուսաստանում օրինական հիմունքներով բավական երկար ժամանակահատվածի ընթացքում: ՀՀ քաղաքացուն դաժան ծեծի են ենթարկել մեկ ժամ շարունակ. ինչպես հայտնում է Ներքին գործերի վարչության ղեկավարի պաշտոնակատար Բորիս Օրլովը, 30-ամյա հայից պահանջել են խոստովանել, որ ինքը կատարել է ոսկյա իրերի գողություն, թեև Գասպարյանը տվյալ գործով երբեք չի անցել:

Չհասնելով իրենց նպատակին` նրանք Գասպարյանին տարել քաղաքից դուրս և Սոկոլ բնակավայրի շրջակայքում շարունակել են մահապատիժն իրականացնել: Ինչպես լրագրողների հետ զրույցում ասել է Օրլովը, նրան դաժանաբար ծեծել են փայտերով` «հիմնականում հարվածելով գլխին»: Ապա բենզին են լցրել Գասպարյանի վրա և վառել:

Երեք ոստիկաններին գտել են մեկ օր հետո ընկերոջ տանը հարբած վիճակում: Նրանցից մեկն անմիջապես խոստովանել կատարած սպանությունը, մյուս երկուսը դա արել են հաջորդ առավոտյան: Նրանք քննիչներին ցույց են տվել, թե որտեղ են թաղել դիակը: Օրլովը չի հայտնել, թե որտեղից են Ներքին գործերի բաժնի աշխատակիցներն իմացել կատարված սպանության մասին: Գասպարյանի բարեկամենրը տեղեկացվել են դժբախտ պատահարի մասին մի քանի ժամ հետո:

Քոռանան մորդ աչքերը, ընդամենը երեսուն տարեկան::(

Ուրվական
01.11.2008, 12:39
Ռուս ոստիկանները գազանաբար սպանել են ՀՀ քաղաքացուն


Հերթական դաժան և անհավանական սպանությունն է գրանցվել Ռուսաստանում, որի զոհ է դարձել ՀՀ քաղաքացի Արմեն Գասպարյանը: Ինչպես հայտնում է Новая газета պարբերականը, քաղաքային քննչական ծառայության և ներքին գործերի վարչության ներկայացուցիչները համատեղ մամուլի ասուլիսի ժամանակ բացահայտել են, որ այս պահին տվյալ գործով անցնում են Լենինյան շրջանի ներքին գործերի վարչության երեք լեյտենանտ: Քննիչների պնդմամբ, նրանք դաժանաբար սպանել են Արմեն Գասպարյանին` փորձելով վերջինիցս խոստովանություն կորզել:

Հոկտեմբերի 28-ի երեկոյան ներքին գործերի հարբած աշխատակիցները բաժին են բերել Արմեն Գասպարյանին, ով ապրում էր Ռուսաստանում օրինական հիմունքներով բավական երկար ժամանակահատվածի ընթացքում: ՀՀ քաղաքացուն դաժան ծեծի են ենթարկել մեկ ժամ շարունակ. ինչպես հայտնում է Ներքին գործերի վարչության ղեկավարի պաշտոնակատար Բորիս Օրլովը, 30-ամյա հայից պահանջել են խոստովանել, որ ինքը կատարել է ոսկյա իրերի գողություն, թեև Գասպարյանը տվյալ գործով երբեք չի անցել:

Չհասնելով իրենց նպատակին` նրանք Գասպարյանին տարել քաղաքից դուրս և Սոկոլ բնակավայրի շրջակայքում շարունակել են մահապատիժն իրականացնել: Ինչպես լրագրողների հետ զրույցում ասել է Օրլովը, նրան դաժանաբար ծեծել են փայտերով` «հիմնականում հարվածելով գլխին»: Ապա բենզին են լցրել Գասպարյանի վրա և վառել:

Երեք ոստիկաններին գտել են մեկ օր հետո ընկերոջ տանը հարբած վիճակում: Նրանցից մեկն անմիջապես խոստովանել կատարած սպանությունը, մյուս երկուսը դա արել են հաջորդ առավոտյան: Նրանք քննիչներին ցույց են տվել, թե որտեղ են թաղել դիակը: Օրլովը չի հայտնել, թե որտեղից են Ներքին գործերի բաժնի աշխատակիցներն իմացել կատարված սպանության մասին: Գասպարյանի բարեկամենրը տեղեկացվել են դժբախտ պատահարի մասին մի քանի ժամ հետո:

Քոռանան մորդ աչքերը, ընդամենը երեսուն տարեկան::(

Ահավոր ա, ահավոր... չեմ կարողանում սենց բաներ տանել, հակասական զգացմուքների տարափ ա մոտս...
Հանգչիր խաղաղությամբ, հերթական զոհ...

Ambrosine
01.11.2008, 13:14
Ռուս ոստիկանները գազանաբար սպանել են ՀՀ քաղաքացուն


Հերթական դաժան և անհավանական սպանությունն է գրանցվել Ռուսաստանում, որի զոհ է դարձել ՀՀ քաղաքացի Արմեն Գասպարյանը: Ինչպես հայտնում է Новая газета պարբերականը, քաղաքային քննչական ծառայության և ներքին գործերի վարչության ներկայացուցիչները համատեղ մամուլի ասուլիսի ժամանակ բացահայտել են, որ այս պահին տվյալ գործով անցնում են Լենինյան շրջանի ներքին գործերի վարչության երեք լեյտենանտ: Քննիչների պնդմամբ, նրանք դաժանաբար սպանել են Արմեն Գասպարյանին` փորձելով վերջինիցս խոստովանություն կորզել:

Հոկտեմբերի 28-ի երեկոյան ներքին գործերի հարբած աշխատակիցները բաժին են բերել Արմեն Գասպարյանին, ով ապրում էր Ռուսաստանում օրինական հիմունքներով բավական երկար ժամանակահատվածի ընթացքում: ՀՀ քաղաքացուն դաժան ծեծի են ենթարկել մեկ ժամ շարունակ. ինչպես հայտնում է Ներքին գործերի վարչության ղեկավարի պաշտոնակատար Բորիս Օրլովը, 30-ամյա հայից պահանջել են խոստովանել, որ ինքը կատարել է ոսկյա իրերի գողություն, թեև Գասպարյանը տվյալ գործով երբեք չի անցել:

Չհասնելով իրենց նպատակին` նրանք Գասպարյանին տարել քաղաքից դուրս և Սոկոլ բնակավայրի շրջակայքում շարունակել են մահապատիժն իրականացնել: Ինչպես լրագրողների հետ զրույցում ասել է Օրլովը, նրան դաժանաբար ծեծել են փայտերով` «հիմնականում հարվածելով գլխին»: Ապա բենզին են լցրել Գասպարյանի վրա և վառել:

Երեք ոստիկաններին գտել են մեկ օր հետո ընկերոջ տանը հարբած վիճակում: Նրանցից մեկն անմիջապես խոստովանել կատարած սպանությունը, մյուս երկուսը դա արել են հաջորդ առավոտյան: Նրանք քննիչներին ցույց են տվել, թե որտեղ են թաղել դիակը: Օրլովը չի հայտնել, թե որտեղից են Ներքին գործերի բաժնի աշխատակիցներն իմացել կատարված սպանության մասին: Գասպարյանի բարեկամենրը տեղեկացվել են դժբախտ պատահարի մասին մի քանի ժամ հետո:

Քոռանան մորդ աչքերը, ընդամենը երեսուն տարեկան::(

չկա-չկա, բա հիմի մահմեդական չլինեինք, որ Ջիխադ անեինք?:angry
երկիրը երկիր չի:[

Elmo
01.11.2008, 13:24
Իհարկե կատարվածը մարդկայինության սահմաններում ոչ մի կերպ չի տեղավորվում: Բայց ջիխադ միխադ հայտարարելուց առաջ մի քիչ մտածենք «բա մեր երկրում ինչքա՞ն գազանաբար սպանություններ են տեղի ունենում» Չգիտեմ խ՞ի ա ուրիշի սպանածը տենց սուր ընդունվում, բայց հայի սպանածը՝ ոչ:

Ambrosine
01.11.2008, 13:35
Իհարկե կատարվածը մարդկայինության սահմաններում ոչ մի կերպ չի տեղավորվում: Բայց ջիխադ միխադ հայտարարելուց առաջ մի քիչ մտածենք «բա մեր երկրում ինչքա՞ն գազանաբար սպանություններ են տեղի ունենում» Չգիտեմ խ՞ի ա ուրիշի սպանածը տենց սուր ընդունվում, բայց հայի սպանածը՝ ոչ:

մեր երկրում մենք ռուս չենք սպանում՝ ազգային հողի վրա

Elmo
01.11.2008, 13:53
մեր երկրում մենք ռուս չենք սպանում՝ ազգային հողի վրա

Բեր մի հատ հասկանանք: Ի՞նչ կապ ունի սպանությունը ազգային հողի վրա է, խանդի հողի վրա է , թե պարզապես շատ սիրելուց է: Ասենք դեպքեր են եղել, երբ ֆանատը սպանել ա իր սիրած աստղին: Մոլագար մարդասպանը խլում ա մարդու կյանքը: Հիմա էդ մոլագարության բնույթը էդքան էական ա՞: Չէ որ մեկ ա արդյունքում մարդու կյանք են խլում: Սպանողը հիվանդ աննորմալի մեկն ա, ու իմ համար սկի կարևոր չի ինչով ա ինքը հիվանդ, ազգայինամոլությամբ, թե եսիմինչամոլությամբ: Տենց ուռոդ հիվանդներ ամեն տեղ կան ու ամեն մեկը սպանելու իր պատճառը ունի: Չեմ գտնում ոչ մի խելամիտ բացատրություն մի սպանությունը մյուսից ավելի շատ դատապարտելու համար, կամ մի մարդասպանին մյուսից ավելի մարդասպան անվանելու համար:

Ավելացվել է 1 րոպե անց

մեր երկրում մենք ռուս չենք սպանում՝ ազգային հողի վրա

Հա մի հատ էլ ռեպլիկ: Համարժեք ռեպլիկ; Քո երկրում հայ են սպանում քաղաքական հողի վրա: Ավելի «պատվաբեր» կլիներ ռուս սպանեին ազգային հողի վրա:

Ambrosine
01.11.2008, 14:15
Բեր մի հատ հասկանանք: Ի՞նչ կապ ունի սպանությունը ազգային հողի վրա է, խանդի հողի վրա է , թե պարզապես շատ սիրելուց է: Ասենք դեպքեր են եղել, երբ ֆանատը սպանել ա իր սիրած աստղին: Մոլագար մարդասպանը խլում ա մարդու կյանքը: Հիմա էդ մոլագարության բնույթը էդքան էական ա՞: Չէ որ մեկ ա արդյունքում մարդու կյանք են խլում: Սպանողը հիվանդ աննորմալի մեկն ա, ու իմ համար սկի կարևոր չի ինչով ա ինքը հիվանդ, ազգայինամոլությամբ, թե եսիմինչամոլությամբ: Տենց ուռոդ հիվանդներ ամեն տեղ կան ու ամեն մեկը սպանելու իր պատճառը ունի: Չեմ գտնում ոչ մի խելամիտ բացատրություն մի սպանությունը մյուսից ավելի շատ դատապարտելու համար, կամ մի մարդասպանին մյուսից ավելի մարդասպան անվանելու համար:
մարդու կյանքը խլելը ամեն դեպքում դատապարտելի ա. ես հասկանում եմ քո դիրքորոշումը, բայց դու իմ դիրքորոշումը չես հասկանում. երբ որ մեկը մի երկրի քաղաքացի է, ուրեմն գտնվում է տվյալ պետության հովանու ներքո. այդ պետությունը պարտավոր է պաշտպանել այդ մարդու իրավունքները, անվտանգությունը, հարկ եղած դեպքում հանդես գալ նրա շահերի պաշտպանությամբ, նույնիսկ եթե այդ մարդը այլազգի է, բայց էդ պետության քաղաքացի է: Իսկ այս առումով մենք ինչ ենք տեսնում? մեր <<պետությունը>> <<էդքան չկա>>, որ Ռուսաստանից բացատրություն պահանջի, այս խնդիրը փաստորեն անլուծելի է մնում. Ռուսաստանը ավելի շատ խրախուսում է այս իրականությունը


Հա մի հատ էլ ռեպլիկ: Համարժեք ռեպլիկ; Քո երկրում հայ են սպանում քաղաքական հողի վրա: Ավելի «պատվաբեր» կլիներ ռուս սպանեին ազգային հողի վրա:
ներքին կյանքի անցուդարձը այդպիսի արձագանք չի գտնում, ինչպես արտաքին աշխարհինը. հիմա դու ավելի շուտ իմանում ես, որ Վ... գյուղում Փանողը սպանել ա Մարգուշին, թե իմանում ես, որ չուկչաներից մեկը կորել ա Հնդկական օվկիանոսում?

ստեղ հարցը միայն սպանությունը չի. ստեղ հարցը քաղաքական ա /ազգայինն էլ ա տեղավորվում քաղաքականի մեջ/ ու ահավոր մեծ հարված ա մեր պետության միջազգային <<հեղինակությանը>>. ստացվում ա, որ մենք ապահովագրված չենք օտար երկրներում. մինչդեռ մենք կարող էինք մեծ աղմուկ բարձրացնել, բայց գտնվում ենք ռուսական լծի տակ

Elmo
01.11.2008, 14:27
մեր <<պետությունը>> <<էդքան չկա>>, որ Ռուսաստանից բացատրություն պահանջի

Իհարկե չկա: Ինչո՞վ լինի: Մեր երկիրը թող հալա իրա քաղաքացիներին իրա ներսում պաշտպանի, հետո նոր ուրիշ երկրներից պահանջի դա: Մենք որ մերոնց կոտորում ենք, ռուսը գենոցիդ էլ կարա անի:

Ambrosine
01.11.2008, 16:08
Իհարկե չկա: Ինչո՞վ լինի: Մեր երկիրը թող հալա իրա քաղաքացիներին իրա ներսում պաշտպանի, հետո նոր ուրիշ երկրներից պահանջի դա: Մենք որ մերոնց կոտորում ենք, ռուսը գենոցիդ էլ կարա անի:

<<պետությունը>> չկա, բայց գոնե հասարակությունը իր բողոքը պիտի հայտնի;)

Elmo
03.11.2008, 16:20
<<պետությունը>> չկա, բայց գոնե հասարակությունը իր բողոքը պիտի հայտնի;)

Հայտնում ա: Հենա մարտի 1-ից հայտնում ա: և ի՞նչ

Ambrosine
03.11.2008, 19:02
Հայտնում ա: Հենա մարտի 1-ից հայտնում ա: և ի՞նչ

լավ չի հայտնում. երբ որ կան չեզոք տարրեր, պետությունը օգտվում ա դրանից. վերջիվերջո լռությունը համաձայնության նշան է;) իսկ չեզոքները քիչ թիվ չեն կազմում. ու էդ չեզոքները հատկապես մարզերից են

Elmo
03.11.2008, 20:54
լավ չի հայտնում. երբ որ կան չեզոք տարրեր, պետությունը օգտվում ա դրանից. վերջիվերջո լռությունը համաձայնության նշան է;) իսկ չեզոքները քիչ թիվ չեն կազմում. ու էդ չեզոքները հատկապես մարզերից են

Չեզոքը էդ ո՞րն ա:

Ambrosine
03.11.2008, 21:24
Չեզոքը էդ ո՞րն ա:

էն որ թեկուզ ինձ ասում են, թե հավես ունես, մեր նման հանգիստ կյանքդ ապրի. ինչ տարբերություն, թե ով ա կառավարում երկիրը

Elmo
03.11.2008, 21:42
էն որ թեկուզ ինձ ասում են, թե հավես ունես, մեր նման հանգիստ կյանքդ ապրի. ինչ տարբերություն, թե ով ա կառավարում երկիրը

Եթե ընտրությունս գնում ա Լևոնի, Քոչարյանի ու Սերժի մեջ ես էլ եմ տենց ասում: Ի՞նչ տարբերություն որ մեկը լինի նույնն են էլի: Բոլորի ժամանակ էլ նույն սպանությունները նույն նագլիությամբ: Մենակ են ժամանակ ինտերնետ, լույս հեռուստատեսություն չկար, շատ բան չէինք իմանում: Այ եթե խոսք կգնա լավ մարդու մասին, ես առաջին շարքում եմ:

Kuk
03.11.2008, 22:04
Եթե ընտրությունս գնում ա Լևոնի, Քոչարյանի ու Սերժի մեջ ես էլ եմ տենց ասում: Ի՞նչ տարբերություն որ մեկը լինի նույնն են էլի: Բոլորի ժամանակ էլ նույն սպանությունները նույն նագլիությամբ: Մենակ են ժամանակ ինտերնետ, լույս հեռուստատեսություն չկար, շատ բան չէինք իմանում: Այ եթե խոսք կգնա լավ մարդու մասին, ես առաջին շարքում եմ:

Էլմո ջան, էս խոսակցությունը կարուսելի նման ա, անընդհատ պտտվում ա, դու ու քո նման մտածողները պնդում են, որ Լևոնը սրիկայա, չեն գնա նրա ետևից, ես ու իմ նմաններն էլ պնդում ենք, որ կապ չունի, թե ով ա, կարևորը, որ գոնե տվյալ պահին` ժամանակահատվածում, անի այն, ինչ մեզ պետք ա, անձերի խնդիր չկա քաղաքականության մեջ, կա գործողությունների, գործելաոճի, գաղափարների, նպատակների ու դրանց կատարման խնդիր:

Elmo
04.11.2008, 12:45
Էլմո ջան, էս խոսակցությունը կարուսելի նման ա, անընդհատ պտտվում ա, դու ու քո նման մտածողները պնդում են, որ Լևոնը սրիկայա, չեն գնա նրա ետևից, ես ու իմ նմաններն էլ պնդում ենք, որ կապ չունի, թե ով ա, կարևորը, որ գոնե տվյալ պահին` ժամանակահատվածում, անի այն, ինչ մեզ պետք ա, անձերի խնդիր չկա քաղաքականության մեջ, կա գործողությունների, գործելաոճի, գաղափարների, նպատակների ու դրանց կատարման խնդիր:

Հա ես էլ եմ ասում անձերի հնդիր չկա: Լևոն ասելով ես մի քիչ ավելի շատ մարդկանց ի նկատի ունեմ: Կոնրետ Լևոնին ես սրիկա չեմ համարում: Հիմա Սերժն էլ սրիկա չի, Քոչարյանին էլ: Էս ամեն ինչը իրանք չեն անում, իրանք դերասան են , իրանց դեր ա տված, իրանք էլ խաղում են: Սա կլան ա, շուտվանից ձևավորված ու խորը արմատներ ձգած կլան: Կլան, որը մեղավոր ա հայաստանում բոլոր տեղի ունեցած անասունություններում ու սպանություններում: Իսկ Լևոնի թիմն ու ինքը(որոշ բացառություններվ) կլանից հեռավցած անդամներ, գուցէ և կլանի հետ նույն խաղը խաղացող, գուցէ և կլանը քանդել փորձող անդամներ: Քանի համոզված չեմ, չեմ էլ հետևում իրանց, բայց դանակը իմ ոսկորին էլ կհասնի, ու իմ նման տասնյակ հազարավորների:

Մելիք
19.01.2011, 18:08
Հունվարի 15-ին, երբ ամբողջ Ռուսաստանում ակցիաներ էին ընթանում ի հիշատակ հյուսիսկովկասցիների կողմից սպանված «Սպարտակի» երկրպագու Եգոր Սվիրիդովի, Սամարայում մեկ այլ սպանություն է կատարվել։

Անհայտ հանցագործի զոհ է դարձել Սամարայի պետական համալսարանի իրավաբանական ֆակուլտետի երրորդ կուրսի 19-ամյա ուսանող Արմեն Սահակյանը։ Չարագործը դանակով հարվածել է Արմենի կրծքավանդակին, ինչից հետո փախուստի է դիմել։ Արմենն ինքն է կանգնեցրել պատահական մի ավտոմեքենա, որպեսզի հասնի հիվանդանոց, սակայն հիվանդանոցի ճանապարհին մահացել է։

Ռուսական ֆաշիզմի հերթական զոհը. Սամարայում հունվարի 15-ին սպանվել է հայ ուսանող Արմեն Սահակյանը (http://lurer.net/story/11207/)
Սամարայի պետական համալսարանի դասախոս Վիկտոր Պոլյանսկիի հետ հարցազրույց (Վիդեո) (http://lurer.net/story/11208/)