PDA

Դիտել ողջ տարբերակը : Ո՞վ քանդեց Խորհրդային Միությունը` ԽՍՀՄ



Պանդուխտ
01.10.2008, 11:46
Հայաստանի անկախութիւնը հարցականի տակ չառնելով, առաւել եւս չափսոսալով ՍՄ տարանջատմանը:

Ո՞վ քանդեց Ս. Միութիւնը
Ներքի՞ն թէ՝ արտաքին պատճառներն էին, կենտրոնի՞ց թէ՝ հանրապետութիւններից...թէ՞ բոլորը մասնակցեցին քանդմանը:
Ո՞վ է Միխայիլ Գորբաչովը այսօր, նախկին Ս Միութեան քաղաքացիների համար: Ճի՞շտ է որ Բրիտանիայում ուսանել է:
Ի վերջոյ, էկոլոգիական (կենսոլորտային) պահանջների բարձրացումը, ի՞նչքանով նպաստեց տնտեսութեան քանդմանը, ի մասնաւորի՝ Ս. Հայաստանի:
Ինչո՞ւ Հայաստանում պահանջուեց Նայիրիտի ու Մեծամօրի փակումը:

Lion
01.10.2008, 12:37
Ինքը իրեն քանդեց...

REAL_ist
01.10.2008, 12:42
կոմունիզմը քանդեց, մարդկությունը ունակ չի հասնելու ներկա համակարգերից ամենաիդեալականին, Սովետի փորձը ապացուցեց անհնարինությունը, մենակ թատրոն կարա լինի, որն էլ երկար չի կարող տևել;)

Պանդուխտ
01.10.2008, 12:56
Ինքը իրեն քանդեց...

Ինչքանով է տրամաբանական ինքնակործանումը, որ անշուշտ պատահած է պատմութեան մէջ, բայց նորից դժուար հաւատալի: Չէի՞ն հայրենասէր: Պետութիւնը ու երկիրը կործանումից փրկել ուզւողներ չկայի՞ն:

Lion
01.10.2008, 13:00
Չէ, պատկերացրու... ուզողներ չկաին: Իրոք - իշխող վերնախավը լիքը միլիոններ էր դիզել ու նեղվում էր սովետի կարգերից, երբ չէր կարող իր փողերը վայելել, լեգալացնել դրանք...

Իսկ մնացած ՄԱՍՍԱՆ ուղղակի չհասկացավ ինչ է կորցնում: Մի մասը ընկավ էկոլոգիական և դեմոկրատական հիմար գաղափարների հիպնոսի տակ, մի մասն էլ ցանկացավ իբր ազատ երկրում առևտուր անել... և այլն:

Բայց քանդման հիմնական մեղավորը իհարկե վերնախավն էր...

Պանդուխտ
01.10.2008, 13:04
Չէ, պատկերացրու... ուզողներ չկաին: Իրոք - իշխող վերնախավը լիքը միլիոններ էր դիզել ու նեղվում էր սովետի կարգերից, երբ չէր կարող իր փողերը վայելել, լեգալացնել դրանք...

Իսկ մնացած ՄԱՍՍԱՆ ուղղակի չհասկացավ ինչ է կորցնում: Մի մասը ընկավ էկոլոգիական և դեմոկրատական հիմար գաղափարների հիպնոսի տակ, մի մասն էլ ցանկացավ իբր ազատ երկրում առևտուր անել... և այլն:

Բայց քանդման հիմնական մեղավորը իհարկե վերնախավն էր...
Ուրեմն հայրենասիրութեան պակասը, կոռուպցիան (փտածութիւնը), կեղծ ու ներածուած գաղափարները երկիր են քանդում:
Ուսանելի դասեր են, այն էլ ոչ հեռու անցեալից:
Ո՞վ է ասում. պատմութիւնը անցեալում թողէ'ք:

Lion
01.10.2008, 13:06
Միանգամայն ճիշտ ես:) Դրանք վտանգավոր ախտեր են, որ տարբեր ժամանակներում հարվածել ու հարվածում են տարբեր պետությունների:(

ArmineIvanyan
01.10.2008, 13:35
Հայաստանի անկախութիւնը հարցականի տակ չառնելով, առաւել եւս չափսոսալով ՍՄ տարանջատմանը:

Ո՞վ քանդեց Ս. Միութիւնը
Ներքի՞ն թէ՝ արտաքին պատճառներն էին, կենտրոնի՞ց թէ՝ հանրապետութիւններից...թէ՞ բոլորը մասնակցեցին քանդմանը:
Ո՞վ է Միխայիլ Գորբաչովը այսօր, նախկին Ս Միութեան քաղաքացիների համար: Ճի՞շտ է որ Բրիտանիայում ուսանել է:
Ի վերջոյ, էկոլոգիական (կենսոլորտային) պահանջների բարձրացումը, ի՞նչքանով նպաստեց տնտեսութեան քանդմանը, ի մասնաւորի՝ Ս. Հայաստանի:
Ինչո՞ւ Հայաստանում պահանջուեց Նայիրիտի ու Մեծամօրի փակումը:

Միանշանակ Ամերիկան քանդեց Սովետին - իր համար մեկ թշնամուն:

Նորմարդ
01.10.2008, 14:58
Մոդրատորական: Իմ կարծիքով ճիշտ կլիներ թեմային ավելացնել նաև հարցում, թեմայի հեղինակի հարցադրման շրջանակներում: Կարծում եմ եթե այս փոքրիկ բացը լրացնեմ թեմայի հեղինակը դեմ չի լինի :)

Պանդուխտ
01.10.2008, 15:41
Մոդրատորական: Իմ կարծիքով ճիշտ կլիներ թեմային ավելացնել նաև հարցում, թեմայի հեղինակի հարցադրման շրջանակներում: Կարծում եմ եթե այս փոքրիկ բացը լրացնեմ թեմայի հեղինակը դեմ չի լինի :)
Ճիշտ ես արել: Շնորհակալ եմ նաեւ վերնագրի հայացման ու ամբողջացման համար:
Հարցադրումին պատասխանել առայժմ դժուարանում եմ: Գուցէ պիտի աւելացնել. «բոլորն էլ նպաստեցին ԽՍՀՄ-ի քանդումին« տարբերակը: Այսինքն՝ եւ ներքին եւ արտաքին պատճառներ եղան:

Artgeo
01.10.2008, 15:45
Ինձ համար օրինակ բացարձակապես էական չի, թե ով է քանդել: Կարևորը քանդել են ու կարևորը որ չկառուցեն կրկին:

Shauri
01.10.2008, 15:50
Իմ համեստ կարծիքով՝ համակարգն ի սկզբանե դատապարտված էր ձախողման։ Նույնիսկ զարմանում եմ, որ այդքան երկար դիմացավ...

Պանդուխտ
01.10.2008, 15:52
Միանշանակ Ամերիկան քանդեց Սովետին - իր համար մեկ թշնամուն:

Արմինէ ջան, ես ու Lion-ը համաձայնել էինք, որ՝ ինքիրենից կործանուեց ներքին սպառման հետեւանքով, իսկ դու, քո գրառումով, քանդեցիր իմ ու Lionի եզրակացութիւնը: :)
Խնդրեմ ասա՛, ի՞նչպէս Ամերիկան քանդեց: Մինչ այդ, յիշենք Կարմիր Բանակի ժամանակաւոր յեղաշրջումը. կասեցնելու համար զարիվայր ընթացքը, ու Բորիս Ելցինի՝ այդ ժամանակուայ ՌԴ նախագահի, փողոց իջնելով կրակմար հաստատող տանկերի մօտ գնալով ծաղիկ բաժանելը:
Այս ամենը անհասկանալի են ինձ համար, ու եթէ չբացատրուի, ակամայ պիտի մտածեմ, թէ եղածը բեմադրութիւն էր, սարքուած Գորբաչով-Ելցին զոյգի կողմից:
ԿԳԲ ո՞ւր էր:
Կապելով այս օրերին, տեսնում ենք, Ելցինի յաջորդ Պուտինն ու Մեդվեդեվը, փորձում են վերականգնել երբեմնի կայսրութեան հանգամանքը:
Պուտինը Ելցինի օրհնեալ-ընտրեալ յաջորդն էր: Ելցինը քանդեց. Պուտինը ուզում է վերականգնել: Անհասկանալի է:

Ariadna
01.10.2008, 15:53
Ինձ համար օրինակ բացարձակապես էական չի, թե ով է քանդել: Կարևորը քանդել են ու կարևորը որ չկառուցեն կրկին:

Էրեխեք, մի հատ օֆֆտոպեմ էլի, որ չօֆտոպեմ կմեռնեմ, հետո հարգելի ադմինները թող ջնջեն։ Էն օրը ուրեմն գնացել եմ ընկերուհուս երեխա ունենալու տոնախմբությանը, այսպես ասած, ու էկել ա մի հատ կին, ցնդած, ինքը վերջն էր էրեխեք, մանրամասն չպատմեմ հագածներն ու նկարած հոնքերն ու թարթիչները, բայց էս մասը որ չասեմ կմեռնեմ։ Ուրեմն կենաց ա խմում, ասում ա՝ ցանկանում եմ, որ 2020 թվականին Հայաստանում հաղթանակած լինի կոմունիստական կուսակցությունը և քո տղան հետագայում դառնա ՍՄԿԿ առաջին քարտուղար :D Ու դա էնքան լուրջ ու պաթոսով էր ասվում, չեք պատկերացնի։ Ասում ա՝ ես կոմունիստ եմ և երբեք չեմ դավաճանի իմ կուսակցությանը։ Դե մենք էլ խելոք խելոք բաժակները խբեցինք ու համաձայնեցինք ու ցանկացանք, որ փոքրիկ Հրանտիկը (ՍԻՄ Հրանտ Խաչատրյանի թոռնիկը) մեծանա և դառնա ԽՄԿԿ առաջին քարտուղար :D

Պանդուխտ
01.10.2008, 18:02
Արիադնա, պատմուածքդ հաճելի ու նոյն պահին ծիծաղելի էր: Առաջարկում եմ մնալը, քանզի իրօք, ԽՍՀՄ-ի հանդէպ կարօտաբաղձում (նոստալգիա) կայ քաղաքացիների շարքերում: Պատմուածքդ էլ մի խայթող օրինակ է, թէ նոտալգիայի եւ թէ կարոտողների առնչութեամբ:

Պանդուխտ
02.10.2008, 10:45
http://culture.azg.am/?lang=AR&num=2006090202
Հատուած Կարպիս Սուրենեանի վերոյիշեալ յօդուածից: Նախընտրելի է ամբողջութեամբ ընթերցելը:


Իսկ ինձ համար, մի անգամ գրել եմ արդեն, այսօր էլ հարց է՝ ո՞վ էր բուն խորքում այդ Գորբաչով կոչեցյալը, որ ճողոպրեց այս ու այն անցքերից, նույնիսկ չարաբաստիկ այդ թԽճկ-ի տակից էլ դուրս պրծավ կասկածելիորեն, մինչեւ վերջ Լենին եւ սոցիալիզմ հոլովեց, իսկ իր ամբողջ գործունեությունը հանգեց Սովետական Միության տարապայման շուտափույթ, ուստի աղետաբեր կործանման, որի համար , կարծես, գնահատվում է Արեւմուտքում որպես ի՞նչ: Իրո՞ք ապիկար մի ղեկավար էր, կամ բարձրաթռիչ մի ավանտյուրի՞ստ պարզապես, կամ միջազգային մակարդակի թաքնամիտ քաղաքական գործի՞չ, որ կարողացավ խորամանկորեն իրագործել նպատակադրված մի խնդիր, ինչպես ասում են: Տեղի ունեցածը, սակայն, աշխարհի համար շրջադարձային պատմական բարդ իրադարձություն էր՝ կենտրոնում այդ մութ անձնավորության դեմքով: Գուցե պատմությունը կպարզի կամ չի պարզի, թե նա ով էր եւ ինչը ինչոց էր իրականում: Այսինքն՝ այդ շրջադարձային իրադարձության խորքը, աստառը:

Համենայն դեպս, անցած տասնհինգ տարիներում Ժամանակը, պատմական առումով այնքան արագընթաց դարձած, ընդհանրապես բավական բան պարզեց արդեն: Աշխարհից երկաթե վարագույրով մեկուսացած սովետական սեւ-սպիտակ տոտալիտարիզմը վերացավ, բայց իր իսկական դեմքով հանդես եկավ մի այլ, այսպես կոչված «դեմոկրատիայով» գունազարդված տոտալիտարիզմ՝ համահարթող համաշխարհայնացման ձգտող իր globalization-ով, արտաքուստ իբր բարենպատակ շպարված, իսկ խորքում շահադիտական ռազմամոլ clash of civilizations-ով , դրա դեմ նորատեսակ պատերազմ դարձած տեռորիզմով, որ արդեն երկակի իմաստ է ստանում՝ իբր տեռորիզմի դեմ պատերազմ հայտարարող պետական տեռորով նաեւ: Եվ այսպիսի տենդախտով հիվանդացած մարդկության օրգանիզմում ճիճուների նման գործող իբր թե փրկիչ, իրականում քայքայիչ աղանդներ ու այլազան շարժումներ, որոնց խորքում էլ չգիտես ինչ շահադիտական մոլուցքներ են թաքնված: Ո՞վ պիտի իսկապես փրկի տիեզերքում այս գեղեցիկ երկրագունդը մարդկության այս տենդախտից...

Ասացի՝ «գոնե» հիշատակեմ միայն 1988-ի հուլիսյան այն դրվագն էլ ու անցնեմ, բայց մեր գլխին Գորբաչովի սարքած այդ այլանդակությունը այնքան արտառոց էր, որ պարզապես հիշատակելուց շատ ավելին եղավ: Զանց առնեմ հեռուն գնացող որոշ մտորումներս, որ այդ օրերին ինքնաբերաբար ելնում էին, այսպես ասեմ, այն պատմա-հայտնատեսակա՞ն զգացողությունից, թե Ղարաբաղի հարցը ոչ միայն մեզ, այլեւ Ռուսաստանի համար էլ կարող է էական, գուցե նույնիսկ ճակատագրական նշանակություն ունենալ: Չէ՞ որ թե՛ Թուրքիայի, թե՛ Ադրբեջանի կողմից միշտ էլ թաքուն գործել ու գործում է պանթուրքիզմի ձգտումը, որի հեռահար նպատակն է կամ, ասենք, թեկուզ երազանքը՝ թուրքալեզու ցեղերի կայսրություն ստեղծելու «մահիկով» շրջափակել Ռուսաստանը հարավից ու արեւելքից մինչեւ Չինաստան ու չգիտես ուր: Փետրվարյան դեպքերի առթիվ, երբ Կիպրոսում էի, գրել եմ արդեն, թե ինչ էր նշանակում Նախիջեւանն ու Ղարաբաղը հանձնելը նորելուկ Ադրբեջանին (ավելացնեմ՝ քեմալական Թուրքիան էլ մյուս կողմից հաջողեցրեց մի նրբանցքով կապվել Նախիջեւանի սահմանին), առավել եւս՝ Նախիջեւանի ամբողջ տարածքի լրիվ հայաթափումը, թուրքացումը սովետական իշխանության, այսինքն Մոսկվայի թույլտվությամբ: Փաստորեն դա նպաստ էր պանթուրքիզմի ձգտումներին:

Ղարաբաղին էլ սպառնում էր հայաթափում եւ թուրքացում: Եվ այժմ, երբ Ղարաբաղը եւ նրա հետ ամբողջ հայ ժողովուրդը գլուխ է բարձրացրել դրա դեմ, տակավին այդ նույն Ադրբեջանին թողնել Ղարաբաղը՝ նշանակում է եւ եւս առավել նպաստել պանթուրքիզմին, որին (այսպես կոչված «մուսուլման եղբայրության» առընթեր) քաջալերող հակառուսական ուժեր թաքնորեն (հենց «մահիկ»- «crescent» ծրագիրը) գործում են նաեւ Արեւմուտքից: Եվ ինչպես երեւաց մեր հանդեպ այդ Գորբաչովի այլանդակ վերաբերմունքից Գերագույն սովետի նախագահության այդ նիստում, որի որոշումն էլ կայացվել է հօգուտ Ադրբեջանի, թե իբր, առանց որեւէ խելամիտ հիմնավորման, պարզապես «անկարելի» է մեր հինավուրց բռնանջատված Արցախի վերամիավորումը մայր Հայաստանին, ստացվում է ուրեմն... ի՞նչ է ստացվում ... թե դարձյալ Մոսկվա՞ն է պանթուրքիզմին մատուցում այս ավելի եւս խորագնաց նպաստը, որ հեռահար հաշվով կարող է ճակատագրական հետեւանք ունենալ, ինչո՞ւ չէ, նաեւ Ռուսաստանի համար: Աբսո՛ւրդ:

Հակոբ Գեւորգյան
02.10.2008, 10:48
Ով որ այն ստեղծեց, այն էլ քանդեց. Սիոնիստները։

Պանդուխտ
02.10.2008, 10:54
Ով որ այն ստեղծեց, այն էլ քանդեց. Սիոնիստները։
Որ ի'նչ, Իսրայէ՞լը վերաբնակեցնելու...

Պանդուխտ
02.10.2008, 11:00
Մի հարց էլ ծեծւում է շատերի կողմից:
Խորհրդային Միութեան քանդումը աւա՞րտն էր պաղ պատերազմի: Այսինքն, Ռուսաստանը ներսից տարանջատելով քանդելու ծրագիր կա՞ր: Այսպէս կմտածես յատկապէս, երբ մտաբերես Չեչնիայի պատերազմը, ու դասական Արեւմուտքի երկկշիռ պահուածքը: Չէ ո՞ր վահաբականների որջ էր եղել Չեչնիան:

Հակոբ Գեւորգյան
02.10.2008, 11:00
Որ ի'նչ, Իսրայէ՞լը վերաբնակեցնելու...

Չեմ կարծում Իսրայելով նրանք կբավարարվեն. Նրանց խոստումներից մեկն է՝ «…մենք հավաքվում ենք, որ նորից սփռվենք…»

Նրանց կատարած գործերը բազում են։ Եթե խորանքնք կխճճվենք։ Բայց դե, ի՞նչ արած, քիչ քիչ նրանց մասին խոսելն են պակաս գործ չէ…

Լ.յ.ո.վ.
02.10.2008, 12:06
Սխալ հարցադրում եք դրել, պիտի կլորակների տեղը 'պտիչկա'-ներ դնեիք:

ԱՄՆ-ը մեծ դեր ուներ Սովետի կործանման գործում: Ժողովրդի մի ահռելի մասն էլ ներսից էր ուզում ազատվել Սովետից (սկսած մերձբալթյան երկրներից, վերջացրած մեզանով): ՍՍ ղեկավարն էլ իր բաժինը ուներ էդ գործում:

Նենց որ միանշանակ չի կարելի ասել ԱՄՆ-ը քանդեց Սովետը, իսկ սեվետ-մարդիկ քնած էին էդ ընթացքում, կամ էլ` հակառակը: :)

Պանդուխտ
02.10.2008, 12:16
Սխալ հարցադրում եք դրել, պիտի կլորակների տեղը 'պտիչկա'-ներ դնեիք:

ԱՄՆ-ը մեծ դեր ուներ Սովետի կործանման գործում: Ժողովրդի մի ահռելի մասն էլ ներսից էր ուզում ազատվել Սովետից (սկսած մերձբալթյան երկրներից, վերջացրած մեզանով): ՍՍ ղեկավարն էլ իր բաժինը ուներ էդ գործում:

Նենց որ միանշանակ չի կարելի ասել ԱՄՆ-ը քանդեց Սովետը, իսկ սեվետ-մարդիկ քնած էին էդ ընթացքում, կամ էլ` հակառակը: :)
Ուրեմն ԱՄՆ մեծ փորձ ու անցեալ ունի վարչակարգեր (ռեժիմ) փոխելու մէջ: Տուեալ պահին ԱՄՆ-ի եւ Հայ ժողովուրդի շահը համընկնում էր, Հայաստանի Հանրապետութեան անկախութեան գծով:

Լ.յ.ո.վ.
02.10.2008, 12:49
Ուրեմն ԱՄՆ մեծ փորձ ու անցեալ ունի վարչակարգեր (ռեժիմ) փոխելու մէջ: Տուեալ պահին ԱՄՆ-ի եւ Հայ ժողովուրդի շահը համընկնում էր, Հայաստանի Հանրապետութեան անկախութեան գծով:

Իմ ասածն էլ էր դա: ;)
Դրա համար էլ առաջարկում եմ քվեարկության ձևը փոխել, սենց անիմաստ է, իմ կարծիքով, քանզի պատասխանը միանշանակ չէ: :)

Պանդուխտ
02.10.2008, 13:06
Իմ ասածն էլ էր դա: ;)
Դրա համար էլ առաջարկում եմ քվեարկության ձևը փոխել, սենց անիմաստ է, իմ կարծիքով, քանզի պատասխանը միանշանակ չէ: :)
Եթէ պատասխանը միանշանակ չի կարող լինել, գոնէ կարող ենք զրուցել. թէ ո՞վքեր են մասնակցել Խորհրդային Միութեան քանդումին, եւ իւրաքանչիւրը՝ ի՞նչ դրդապատճառներով, ի՞նչ շահադիտական նկրտումներով, եւն:

Օբսիդիան
02.10.2008, 14:28
ԽՍՀՄ-ը ոչ ոք չի քանդել: Ինքն իրանով արդեն քայքայված համակարգ էր, որը պտի քանդվեր ուզումա Գառբաչովը լիներ ուզումա մեկ ուրիշը:Յուրաքանչյուր ոք պետքա իր համար աշխատի, որ շահագռգռված լինի այդ աշխատանքի հետագա զարգացման և առաջընթացի համար: Իսկ այդ համակարգում ոչ ոք չէր աշխատում իր շահերի համար բոլորը մտածում էին թե ով ինչքան շատ կարողա գռփի էդ հիմնարկությունից կամ որտեղ որ աշխատումա: Պատճառը սա է ուրիշ ոչինչ::pardon

Koms
02.10.2008, 16:38
Բնականորեն քանդվեց, որովհետեւ նմանատիպի իմպերիաները միշտ փլուզվում են: Այսինքն ռուսները չկարողացած միատարր-միալեզու ենթագիտակցությամբ երկիր ստեղծեն, այն վերածվել էր ազգային սեպարատիստական մի մեծ կաթսայի` դրա համար էլ քանդվեց: Ի դեպ` նույնը հիմա շարունակվում ա բուն Ռուսաստանում արդեն:

Rammstein
02.10.2008, 16:57
Ով որ այն ստեղծեց, այն էլ քանդեց. Սիոնիստները։

+1
Ճիշտն ասած արդեն պատրաստվում էի սեղմել «Պատասխանել» կոճակը ու գրել հենց այս նախադասությունը, մեկ էլ տեսա արդեն գրած ա։
Համաձայն եմ, հրեաներն են քանդել։ Հիմա էլ Ամերիկան են քանդում։

Պանդուխտ
02.10.2008, 20:15
ԽՍՀՄ-ը ոչ ոք չի քանդել: Ինքն իրանով արդեն քայքայված համակարգ էր, որը պտի քանդվեր ուզումա Գառբաչովը լիներ ուզումա մեկ ուրիշը:Յուրաքանչյուր ոք պետքա իր համար աշխատի, որ շահագռգռված լինի այդ աշխատանքի հետագա զարգացման և առաջընթացի համար: Իսկ այդ համակարգում ոչ ոք չէր աշխատում իր շահերի համար բոլորը մտածում էին թե ով ինչքան շատ կարողա գռփի էդ հիմնարկությունից կամ որտեղ որ աշխատումա: Պատճառը սա է ուրիշ ոչինչ::pardon
Ճիշտ ախտորոշում է... բայց բաւարար պատճառ չէ: :)

Օբսիդիան
02.10.2008, 21:30
Ճիշտ ախտորոշում է... բայց բաւարար պատճառ չէ: :)

Էլ ուրիշ ինչ պատճառա պետք եթե պետությունը գնա դեպի սնանկացում:)

Artgeo
02.10.2008, 23:20
Հարցի մեջ ափսոսանք ու կարոտ կա՞, թե՞ ինձ ա թվում :think

Պանդուխտ
03.10.2008, 11:16
Հարցի մեջ ափսոսանք ու կարոտ կա՞, թե՞ ինձ ա թվում :think

տես

Ավելացվել է 57 վայրկյան անց

Հայաստանի անկախութիւնը հարցականի տակ չառնելով, առաւել եւս չափսոսալով ՍՄ տարանջատմանը:


Առաջին գրառումիս առաջին տողը:

Elmo
03.10.2008, 12:32
Չգիտեմ ով ա ստեղծել, բայց քանդել ա ԱՄՆ-ը Գորբաչովի ձեռքով: Հալա նոբելյան մրցանակ էլ տվեցին դրա համար տղուն: Սխալ կառույցը միշտ էլ քանդման ա դատապարտված:

Ambrosine
12.10.2008, 15:13
քանդել ա ԱՄՆ-ը

1950թ. ապրիլին ԱՄՆ-ի Ազգային անվտանգության խորհուրդը ընդունեց մի դիրեկտիվ, որը հայտնի է էս էն բէ 68 անունով: Այս փատաթղթում նշվում էր, որ ԽՍՀՄ-ը համարվում է ԱՄՆ-ի տոտալ թշնամի, որի հետ հարաբերություններում ծագած ճգնաժամը չի կարող ավարտվել մինչև որ ԽՍՀՄ-ում տեղի չունենան համակարգային փոփոխություններ և չքանդվի խարհրդային հասարակարգը: ԽՍՀՄ-ի զսպման քաղաքականությունը պետք է հենվեր միմիայն ուժի վրա, իսկ սպառազինությունների մրցավազքը և սպառազինությունների մոդեռնացումը պետք է քայքայեին Խորհրդային միության դիրմադրողականությունը: Այս նպատակից ելնելով ԱՄՆ-ը ռազմական բյուջեն մեծացրեց մի քանի անգամ. այսպես, եթե 1950 թ. ռազմ նպատակներով ծախսել էր 14.5 մլրդ դոլար, ապա 1951-ին` 22, իսկ 1952թ.` 44 մլրդ դոլար. ու այսպես մինչև փլուզումը

Պանդուխտ
14.10.2008, 18:40
քանդել ա ԱՄՆ-ը

Արդեօ՞ք Ռուսաստանի քանդումը չեն նպատակադրել:

dvgray
15.10.2008, 02:56
Կարծում եմ, որ Elmo-ի սահմանածը պետք է որպես առանձին կետ մտցնել հարցման մեջ:
Որ ՝

Սխալ կառույցը միշտ էլ քանդման ա դատապարտված:
Սովետը էնքան սխալ կառույց էր, որ հրաշքով միայն 70 տարի գոյատևեց: Այսինքն ոչ թե հրաշքով, այլ միլիոնավոր մարդակնց արյունի ու զրկանքների գնով:

Իհարկե, ամեն ինչ էլ ունի իր կյանքի տևողությունը, սակայն սխալ կառույցներիւ դեպքում այդ "կյանքի" համար անընդատ "դիքեջների" կարիք ա առաջանում: Ու գալիս ա ընենց մոմենտ, որ էտ դիքեջմերի տեսակարար կշիռը ավելի շատ է լինում, քան բուն կառույցիը: Սովոտը էտ դեպքն էր:

Հա, ամերիկան ու միջազգային հանրությունը նավթի գնի վրա խաղեր տալով էտ տձև կայսրությանը ծանր հարվածներ հասցրին, սակայն դա միայն արագացրեց քայքայիչ ռեակցիան:

Norton
15.10.2008, 09:54
քանդել ա ԱՄՆ-ը

1950թ. ապրիլին ԱՄՆ-ի Ազգային անվտանգության խորհուրդը ընդունեց մի դիրեկտիվ, որը հայտնի է էս էն բէ 68 անունով: Այս փատաթղթում նշվում էր, որ ԽՍՀՄ-ը համարվում է ԱՄՆ-ի տոտալ թշնամի, որի հետ հարաբերություններում ծագած ճգնաժամը չի կարող ավարտվել մինչև որ ԽՍՀՄ-ում տեղի չունենան համակարգային փոփոխություններ և չքանդվի խարհրդային հասարակարգը: ԽՍՀՄ-ի զսպման քաղաքականությունը պետք է հենվեր միմիայն ուժի վրա, իսկ սպառազինությունների մրցավազքը և սպառազինությունների մոդեռնացումը պետք է քայքայեին Խորհրդային միության դիրմադրողականությունը: Այս նպատակից ելնելով ԱՄՆ-ը ռազմական բյուջեն մեծացրեց մի քանի անգամ. այսպես, եթե 1950 թ. ռազմ նպատակներով ծախսել էր 14.5 մլրդ դոլար, ապա 1951-ին` 22, իսկ 1952թ.` 44 մլրդ դոլար. ու այսպես մինչև փլուզումը
Համաձայն եմ մասամբ: Ճիշտա ԱՄՆ մեծ ջանքեր թափեց, տնտեսապես խեղդելու ԽՍՀՄ-ը՝ օգտվելով նրա ընտրած փտած տնտեսակն համակարգը: Կարծեմ նույնիկս լուրեր տարածեց տիեզերական լազերային զենքի մասին, որը չուներ՝ ինչը ԽՍՀՄ ուշադրությունը շեղեց դեպի նոր զինատեսակների վրա ծախսերի մեծացմանը:
Բայց վերջնական խոսքը պատկանում էր ԽՍՀՄ ժողովուրդներին ու առաջին հերթին Գորբաչովին: Հենց պերեստրոյկայի տարիներին հնարավոր եղավ ազատ կարծիք արտահայտել և տարածել, բացահայտ քննադատել տիրող ռեժիմի թերությունները՝ դրան գումարած ժամանակին սառեցված հակամարտությունների մի մեծ շարք:
Կարծում եմ, եթե Գորբաչովի փոխարեն գար Ստալինի պես դիկտատոր, միգուցե ԽՍՀՄ-ը դեռևս գոյատևեր:

Պանդուխտ
15.10.2008, 11:23
Կարծում եմ Բորիս Ելցինն էլ մասնակցեց ԽՍՀՄ-ի քանդումին. ՌԴ անկախութիւնը հռչակելով, ինքնաբերաբար ԽՍՀՄ քանդեց:
Բոլորս համաձայն ենք, որ Ռուս ժողովուրդը եւ Ռուսիան ընդհանրապէս ԽՍՀՄ-ի հիմնաքարն էր: Եթէ այդպէս չվարուէր Ելցինը, պարտադրուած պէտք է արիւն թափուէր անկախութիւն պահանջող (եւ յայտարարած) Խորհրդային հանրապետութիւններում, ի շարս՝ Բալթեան հանրապետութիւններում եւ Հայաստանում:
ԽՍՀՄ քանդուելու ատակ էր, քանի որ պատմութեան ընթացքում պետութիւն չկերտած ու չեղած ազգերին հանրապետութիւններ էր նուիրուած: Կեանքում ազգ չեղած ազգերին ազգութիւն էր նուիրուած Լենինի կողմից: Այդպէս են միջին Ասիոյ մի շարք ազգերը, որոնցից ոմանք այնքան էլ տարբեր չեն իրարից:
Այսինքն՝ այնպէս էր կերտուած, ու շուտ փուլ գայ:
Անդրադառնալով փխրուն իրավիճակին....
Ուքրաինան Ռուսաստանից կախման մէջ պահելու համար Ղրիմը նուիրել են նրան: Վրաստանը Ռուսաստանի հետ կախման մէջ պահելու համար Հարաւ Օսիան նուիրել են նրան, եւ այսպէս շարունակ:

Ambrosine
15.10.2008, 18:28
Կարծում եմ Բորիս Ելցինն էլ մասնակցեց ԽՍՀՄ-ի քանդումին. ՌԴ անկախութիւնը հռչակելով, ինքնաբերաբար ԽՍՀՄ քանդեց:
Բոլորս համաձայն ենք, որ Ռուս ժողովուրդը եւ Ռուսիան ընդհանրապէս ԽՍՀՄ-ի հիմնաքարն էր: Եթէ այդպէս չվարուէր Ելցինը, պարտադրուած պէտք է արիւն թափուէր անկախութիւն պահանջող (եւ յայտարարած) Խորհրդային հանրապետութիւններում, ի շարս՝ Բալթեան հանրապետութիւններում եւ Հայաստանում:
ԽՍՀՄ քանդուելու ատակ էր, քանի որ պատմութեան ընթացքում պետութիւն չկերտած ու չեղած ազգերին հանրապետութիւններ էր նուիրուած: Կեանքում ազգ չեղած ազգերին ազգութիւն էր նուիրուած Լենինի կողմից: Այդպէս են միջին Ասիոյ մի շարք ազգերը, որոնցից ոմանք այնքան էլ տարբեր չեն իրարից:
Այսինքն՝ այնպէս էր կերտուած, ու շուտ փուլ գայ:
Անդրադառնալով փխրուն իրավիճակին....
Ուքրաինան Ռուսաստանից կախման մէջ պահելու համար Ղրիմը նուիրել են նրան: Վրաստանը Ռուսաստանի հետ կախման մէջ պահելու համար Հարաւ Օսիան նուիրել են նրան, եւ այսպէս շարունակ:

Բայց մեզ ինչ?, թե Լենինը որ մի քոչվորին պետություն տվեց, փաստ ա, որ մեզ զրկեց մեր երկրի մեծագույն մասից;)
մի բան էլ. եթե Ելցինով վերցնենք, ապա ԽՍՀՄ-ը քանդել ենք մենք կամ չեչենները, որոնք իրենց սուվերենության մասին ավելի շուտ են հայտարարել, քան ռուսները. զավեշտ է, բայց փաստ

Նորտոն, դե պարզ ա, որ ԱՄՆ-ը չի լինելու միակ մեղավորը, բայց որ կարողացել է ամեն գնով վերացնել խորհրդային կոչվածը, դա հաստատ:)

Պանդուխտ
15.10.2008, 20:38
Հասկանանք, ի'նչ է կատարուել մեր անմիջական շրջապատում: Ինչպէս որ Խորհրդային Միութեան նման մի պետութեան վերականգնումը, մեզ՝ Հայաստանի Հանրապետութեան նպաստաւոր չէ, նմանապէս Ռուսաստանի քայքայումը վնասակար է: Այնպէս որ՝ աշխարհաքաղաքական նոր վերիվայրումներից Հայաստանը կարող է լուրջ վնասուել:
Հարց եմ տալիս, արդեօ՞ք ԱՄՆ շարունակում է իր քայքայիչ քաղաքականութիւնը, այս անգամ տարանջատելու ՌԴ: Եթէ այ'ո, ապա ո՞րքան է Հայաստանը վնասում դրանից:
Արցախի բանակցութիւններում, ԱՄՆ, ՌԴ, Ֆրանսիա համակարծիք էին, ու միասին էն գործում, մինչեւ Օսական պատերազմը: Հիմա, նոր-նոր միջնորդութիւններ ու նոր հաշիւներ են գործում: Որքանո՞վ հաւատարիմ դաշնակիցներ են ռուսները, որպէսզի այս անգամ էլ չդաւաճանեն հայերին. Ամերիկայի հետ հակամարտութիւնում «մուսուլման աշխատաւոր արեւելքի» (Թուրքիա-ազեր.) համակրանքը չշահելով: Գիտենք բոլշեւիկ-թուրք գործակցութեան մասին իմպերիալիստ Բիտանիայի դէմ, երբ ոտնակոխ եղան հայերն ու նոր խորհրդայնացած Հայաստանը: Հակաբրիտանական մոլուցքը այնքան ուժեղ էր, որ, բոլորովին անմեղ մարդիկ բանտ նետուեցին 30ականներին, բրիտանական լրտես լինելու զրպարտանքով ու մուղդուսիի նմանների ձեռագործով: Հիմա (աւելի քան 5 տասնամեակից ի վեր) Ամերիկան եկած է ստանձնելու Բրիտանիոյ հակառուս քաղաքականութիւնը:

Ambrosine
16.10.2008, 19:45
Հասկանանք, ի'նչ է կատարուել մեր անմիջական շրջապատում: Ինչպէս որ Խորհրդային Միութեան նման մի պետութեան վերականգնումը, մեզ՝ Հայաստանի Հանրապետութեան նպաստաւոր չէ, նմանապէս Ռուսաստանի քայքայումը վնասակար է: Այնպէս որ՝ աշխարհաքաղաքական նոր վերիվայրումներից Հայաստանը կարող է լուրջ վնասուել:
Հարց եմ տալիս, արդեօ՞ք ԱՄՆ շարունակում է իր քայքայիչ քաղաքականութիւնը, այս անգամ տարանջատելու ՌԴ: Եթէ այ'ո, ապա ո՞րքան է Հայաստանը վնասում դրանից:
Արցախի բանակցութիւններում, ԱՄՆ, ՌԴ, Ֆրանսիա համակարծիք էին, ու միասին էն գործում, մինչեւ Օսական պատերազմը: Հիմա, նոր-նոր միջնորդութիւններ ու նոր հաշիւներ են գործում: Որքանո՞վ հաւատարիմ դաշնակիցներ են ռուսները, որպէսզի այս անգամ էլ չդաւաճանեն հայերին. Ամերիկայի հետ հակամարտութիւնում «մուսուլման աշխատաւոր արեւելքի» (Թուրքիա-ազեր.) համակրանքը չշահելով: Գիտենք բոլշեւիկ-թուրք գործակցութեան մասին իմպերիալիստ Բիտանիայի դէմ, երբ ոտնակոխ եղան հայերն ու նոր խորհրդայնացած Հայաստանը: Հակաբրիտանական մոլուցքը այնքան ուժեղ էր, որ, բոլորովին անմեղ մարդիկ բանտ նետուեցին 30ականներին, բրիտանական լրտես լինելու զրպարտանքով ու մուղդուսիի նմանների ձեռագործով: Հիմա (աւելի քան 5 տասնամեակից ի վեր) Ամերիկան եկած է ստանձնելու Բրիտանիոյ հակառուս քաղաքականութիւնը:

ԱՄՆ-ը հիմա էլ քանդում է ՌԴ-ն. ինչպես. օրինակ ֆինանսավորելով չեչեններին. չեչենների ամեն մի օպերացիան իր գինը ունի. նույնիսկ մասնավոր նկարահանմամբ Ռուդաևը ծիծաղելով իր գրոհայիններին ասում է, թե` օգնենք ԱՄՆ-ին, որ կործանի Ռուսաստանը: Հուսով եմ պետք չի, որ այստեղ գրեմ չեչենների իրագործած բոլոր օպերացիաները. իսկ ինչու չեչնները, որովհետև նրանք շուտ հայտարարեցին իրենց սուվերենության մասին, այն դեպքում, երբ Դաղստանը ասում է, որ եղել է, է և լինելու է ՌԴ կազմում. Դուդաևը ռազմական մեծ արսենալ պահանջեց Ստալինից, որը զիջեց:o ու Չեչնիան հանդիսավոր ցուցադրում էր իր զենքերը, նույնիսկ մտածում Մոսկվան գրավելու մասին;)

իսկ հիմա ՀՀ-ին պատճառվող վնասի մասին.
արտաքին քաղաքականության մեջ գլխավորը պետության շահն է, եթե Ռուսաստանի շահերը համընկնում են Թուրքիայի հետ, ապա նա գնալու է Թուրքիայի հետ մերձեցման, իսկ քանի որ մեր իշխանությունները ամբողջովին գտնվում են Ռուսաստանի լծի տակ, ուրեմն էս իշխանություններին էլ կստիպեն մերձեցման գնալ
էս ամեն ինչը մի կողմ, ԱՄՆ-ը մի կողմ, ՌԴ-ի ոչ հայանպաստ քաղաքականությունը մի կողմ... մենք ալտերնատիվա չունենք, մեր դաշնակիցը ՌԴ-ն ա. ուրիշ բան, որ ՀՀ-ն էնքան դուխ ունենար, որ ՌԴ-ին շանտաժ աներ, որ կլքի ռուսական ճամբարը. բայց ես էս գեղցիներից տենց բան չեմ սպասում