PDA

Դիտել ողջ տարբերակը : Գենետիկա



StrangeLittleGirl
13.11.2006, 23:50
Մեր օրերում գենետիկան ամենաարագ զարգացող գիտություններից է: Այստեղ կխոսենք գենետիկայի ժամանակակից նվաճումների մասին, եթե կարիք կլինի, խնդիրներ կլուծենք, իրար հարցեր կտանք, կփորձենք պատասխանել հարցերին: Մի խոսքով, ամեն ինչ գենետիկայի մասին ;)

Արսեն
03.01.2007, 02:39
Ես 3-րդ կուրս եմ արդեն, մասնագիտությունս քիմիկ-էկոլոգ է, բայց նախկան ընդունվելս պարապել եմ կենսաբանուրյուն, բժշկականի դասախոսի հետ: գենետիկայի խնդիրները լուծում էի մեեեեեեեծ հաճույքով, հաց չէի ուտի, կնստեի ժամերով խնդիրների վրա...
հիմա էլ չեմ էլ բացում խնդրագիրքը, ինքնին է այդպես ստացվել, բայց որ տեսա թեման ուզեցի պատասխանել, միգուցե ամենապարզ խնդիր տաս ինձ լուծեմ, մեկ էլ տեսար հիշում եմ դեռ :)

StrangeLittleGirl
03.01.2007, 11:45
Դե պարզագույն խնդիրներ իմաստ չունի տեղադրել:
Ինձ մոտ մի հարց է ծագել: Չգիտեմ՝ արդյոք կլինե՞ն պատասխանողներ, ամեն դեպքում… Նույնիսկ մեր դասախոսները դժվարացան ճիշտ պատասխան տալ:
Իմփրինթինգի ժամանակ ինչու՞ է, որ մայրական քրոմոսոմի և հայրական քրոմոսոմի (չեմ հիշում որերորդ քրոմոսոմն է) նույն տեղամասերի միկրոդելեցիան բերում է տարբեր հիվանդությունների առաջացման (խոսքս Պրադեր-Վիլի և Անգելմանի հիվանդությունների մասին է):
Շատ ուրախ կլինեի, եթե որտեղից որտեղ համապատասխան մասնագետ հայտնվեր և այս հարցիս պատասխաներ:

Արսեն
05.01.2007, 01:06
չէ, էս հաստատ չլուծեցի, պետքա հեսհտից սկսեմ: բայց քննություններից հետօ երևի

StrangeLittleGirl
05.01.2007, 15:31
չէ, էս հաստատ չլուծեցի, պետքա հեսհտից սկսեմ: բայց քննություններից հետօ երևի
Որ լուծեիր էլ, չէի իմանա ճիշտ է, թե ոչ, որովհետև այս հարցն ինձ շատ է հուզում, բայց պատասխան դեռ չեմ ստացել:

Mesrop
05.01.2007, 18:42
Որ լուծեիր էլ, չէի իմանա ճիշտ է, թե ոչ, որովհետև այս հարցն ինձ շատ է հուզում, բայց պատասխան դեռ չեմ ստացել:
հմ
իսկ ինչու՞ չպիտի բերի հիվանդությունների, եթե տեղի ա ունենում մուտացիա

StrangeLittleGirl
05.01.2007, 21:16
իսկ ինչու՞ չպիտի բերի հիվանդությունների, եթե տեղի ա ունենում մուտացիա
Նախ ասեմ, որ պարտադիր չէ, որ ցանկացած մուտացիա հիվանդության պատճառ դառնա: Լինում են նաև չեզոք և դրական մուտացիաներ: Առաջինի դեպքում ոչ մի տարբերություն չի լինում, իսկ երկրորդը դրականորեն է ազդում օրգանիզմի վրա: Բացասական մուտացիաներն էլ միշտ չէ, որ արտահայտվում են: Դրանք կարող են լինել ռեցեսիվ վիճակում և միայն ապագա սերունդների մոտ արտահայտվել:

Իսկ կոնկրետ այս հարցում տարօրինակն այն է, որ մուտացիան գտնվում է նույն քրոմոսոմի նույն տեղամասում, բայց կախված նրանից հորից է, թե մորից տվյալ քրոմոսոմը, տարբեր հիվանդություններ են առաջանում: Չեմ հասկանում, թե ինչու է այդպես: :think

Mesrop
07.01.2007, 23:51
Իսկ կոնկրետ այս հարցում տարօրինակն այն է, որ մուտացիան գտնվում է նույն քրոմոսոմի նույն տեղամասում, բայց կախված նրանից հորից է, թե մորից տվյալ քրոմոսոմը, տարբեր հիվանդություններ են առաջանում: Չեմ հասկանում, թե ինչու է այդպես:
իսկ դա կախվա՞ ծ չե արդյոք սերնդի սեռից

StrangeLittleGirl
08.01.2007, 17:13
իսկ դա կախվա՞ ծ չե արդյոք սերնդի սեռից
Չէ՛, կախված չէ

dushman
20.08.2007, 17:15
Ես ունեմ մի քանի հարցեր գենետիկայի վերաբերյալ. ես նրանց կձևակերպեմ կորեկտ ու ֆորմալ և ակնկալում եմ այդպիսի պատասխաններ:

1. Արդյոք հետևյալը ճիշտ է. ամեն մարդ ունմի իր գենետիկ կոդը /գենը/, և չկան երկու տարբեր մարդիկ, որ ունեն նույն գենետիկ կոդը: Ավելին, ողջ պատմության ընթացքում չեն եղել երկու տարբեր մարդ /պարտադիր չէ նույն ժամանակում ապրած/, ովքեր ունեն /ունեցել են/ միևնույն գենետիկ կոդը:

Եթե ասածս ճիշտ չէ, այն պատճառով, որ երկվորյակները ունենում են նույն գենետիկ կոդը, ապա արդյոք դա միակ պատճառն է?

Հաջորդ հարցերս կախված են սրա պատասխանից. հուսով եմ կպատասխանեք:

StrangeLittleGirl
20.08.2007, 18:46
1. Արդյոք հետևյալը ճիշտ է. ամեն մարդ ունմի իր գենետիկ կոդը /գենը/, և չկան երկու տարբեր մարդիկ, որ ունեն նույն գենետիկ կոդը: Ավելին, ողջ պատմության ընթացքում չեն եղել երկու տարբեր մարդ /պարտադիր չէ նույն ժամանակում ապրած/, ովքեր ունեն /ունեցել են/ միևնույն գենետիկ կոդը:
Չեմ հիշում, թե որքան է, բայց հավանականությունը շատ փոքր է, որ նման բան լինի: Հաստատ թվեր չեմ հիշում, բայց եթե մուտացիաները բացառենք, ապա հսկայական թվով (վախենում եմ կոնկրետ թիվ ասել, բայց եթե մեր մոլորակում ապրող և ապրած մարդկանց թիվը գումարենք, ապա էլի շատ փոքր կլինի այդ «հսկայական թվից») մարդկանցից երկուսը կարող են ունենալ նույն գենոտիպը: Նշենք, որ մուտացիաները բացառել ենք, բայց դրանք կան, գոյություն ունեն: Հետևաբար հավանականությունը է՛լ ավելի է փոքրանում:

Հուսով եմ՝ պատասխանս բավարարեց: Սպասում եմ հաջորդ հարցին :)

dushman
21.08.2007, 11:10
Շնորհակալություն:

2. Փաստորեն երկվորյակները կապ չունեն? Գենի /գենետիկ կոդի/ իմաստով նրանց միջև տարբերությունը ընդհանուր դեպքում չի տարբերվում ոչ երկվորյակ քույր-եղբայրներից?

3. Արդյոք ճիշտ է հետևյալը, որ կամայական երկու զույգ մարդկանց համար /պարտադիր տարբեր և պարտադիր չէ միևնույն ժամանակ ապրած/ կարելի է խոսել այն մասին, որ գենետիկ կոդի իմաստով առաջին զույգը իրար ավելի մոտ է, քան երկրորդը /կամ հակառակը/:

Խնդրում եմ ուղղեք օգտագործածս տերմինները, եթե սխալ են :): Որն է տարբերությունը գեն, գենետիկ կոդ, գենոտիպ տերմինների միջև? Ճիշտն ասած իմ համար այնքան կարևոր չէ այն, թե որը ինչ է նշանակում, որքան այն որ դրանցից գոնե մեկը բավարարի իմ նշած /նաև նշվելիք/ պայմաններին :):

StrangeLittleGirl
21.08.2007, 14:47
2. Փաստորեն երկվորյակները կապ չունեն? Գենի /գենետիկ կոդի/ իմաստով նրանց միջև տարբերությունը ընդհանուր դեպքում չի տարբերվում ոչ երկվորյակ քույր-եղբայրներից?
Որքան հասկացա, որ սկզբում ասվել էր, որ երկվորյակների տարբերակը չենք հաշվում: Միաձվային երկվորյակները, այո՛, ունեն նույն գենոտիպը, որովհետև երբ տեղի է ունենում բեղմնավորում, արդեն կոնկրետ գենոտիպով ձվաբջիջ և սպերմատոզոիդ են հանդիպում: Երբ առաջանում է զիգոտը, այն սկսում է կիսվել: Առաջանում է երկու բջիջ, երկուսն էլ նույն գենոտիպով: Սակայն ինչ-ինչ պատճառներով այդ բջիջներն իրենց դրսևորում են որպես լրիվ նոր սաղմ, և յուրաքանչյուրից նոր օրգանիզմ է զարգանում: Դրա համար էլ միաձվային երկվորյակներն ունեն նույն գենոտիպը: Իսկ երկձվային երկվորյակների գենոտիպը չի կարող նույնը լինել, քանի որ միանգամից բեղմնավորվում են երկու տարբեր ձվաբջիջներ երկու տարբեր սպերմատոզոիդներով, հետևաբար առաջանում են երկու տարբեր գենոտիպներով զիգոտներ:

Անկեղծ ասած, երրորդ հարցը լավ չհասկացա: Որ խնդրեմ, կպարզաբանե՞ք:


Որն է տարբերությունը գեն, գենետիկ կոդ, գենոտիպ տերմինների միջև?
Գենը նուկլեոտիդների այն հաջորդականությունն է, որը կոդավորում է մեկ մոլեկուլ սպիտակուց:
Գենետիկ կոդը մի քիչ դժվարանում եմ սահմանել:
Գենոտիպը օրգանիզմի բոլոր գեների ամբողջությունն է:

dushman
21.08.2007, 18:35
Լավ, ուրեմն ես նկատի ունեմ գենոտիպը:

Նախ այուհետ միձվանի երկվորյակներին համարենք նույն մարդը, կամ որպեսզի գռեհիկ չհնչի, ասենք այսպես որ միձվանի երկվորյակներին հաշվի չենք առնում :):

Հիմա. երրորդ հարցս հետևյալն է. դիցուք a-ն, b-ն, c-ն և d-ն գենոտիպեր են. արդյոք ես միշտ կարող եմ ասել, որ a-ն ու b-ն իրար ավելի <<մոտիկ>> են քան c-ն ու d-ն կամ հակառակը:
Մի խոսքով ես ուզում եմ ֆորմալ սահմանել երկու գենոտիպերի միջև հեռավորություն, մասնավորապես այնպիսին, որ միևնույն ընտանիքի անդամների գենոտիպերը լինին իրար ավելի <<մոտիկ>> քան տարբեր ընտանիքի անդամներինը, միևնույն ագգի անդամների գենոտիպերը լինին իրար ավելի <<մոտիկ>> քան տարբեր ազգի անդամներինը: Որևէ մարդու գենոտիպին ամենամոտիկ գենոտիպը լինի իր հոր կամ մոր գենոտիպը. այ այստեղ հարց է. հնարավոր է պապունը ավելի մոտիկ լինի թե չէ, կամ հնարավոր է քրոջինը ավելի մոտիկ լինի....

Օրինակ ես հաստատ կրող եմ ասել, որ իմ ու քո գենոտիպերը իրար ավելի մոտ են քան իմ ու tupacի չէ? Ես ուզում եմ իմանալ, արդյոք սահմանված է կամ կարելի է արդյոք ֆորմալ սահմանել այդպիսի հեռավորության ֆունկցիա երկու գոնոտիպերի միջև, որը կբավարարի իմ նշած պայմաններին /ինչպես նաև նշվելիք :)/:

StrangeLittleGirl
21.08.2007, 20:57
Այո՛, կարելի է ասել:
Դու կրում ես քո մոր գեների 50%-ը և քո հոր գեների 50%-ը: Հենց դրա պատճառով դու նման ես ծնողներիդ: Քույրերդ ու եղբայրներդ էլ են նույն կերպ ծնողներիդ գեները կրում, բայց տարբեր 50%-ներ են, հետևաբար քո գենոտիպով դու ծնողներիդ ավելի մոտ ես, քան քույրերիդ ու եղբայրներիդ, իսկ TuPac-ի հետ ազգակցական կապ չունես, հետևաբար շատ ավելի հեռու ես:

dushman
22.08.2007, 08:57
Լավ. շատ լավ:

Հիմա սկսեմ սկզբից:
1. Փաստորեն ինչքան ես հասկացա տեղի ունի հետևյալը.
ա. ամեն մարդ ունի գենոտիպ,
բ. գենոտիպը կազմված է գեներից,
գ. գեները մասնավերապես զուտ ֆիզիկական օբյեկտներ են` մոլեկուլներ, և բոլոր մարդկանց մոտ գենոտիպը կազմված է ճիշտ միևնույն քանակությամբ մոլեկուլներից /ասենք բոլոր մարդկանց մոտ կա ճիստ 10 կամ ճիշտ 1580688817 հատ գեն. չէ, չէ կներես, փաստորեմ դրանց քանակը հաստատ զույգ է հա?/,
դ. եթե ամեն մարդու գեների 50%-ը հորից են 50-նն ել մորից, ապա յուրաքանչյուր սերնդի մոտ նոր գեներ չեն առաջանում, հետևաբա առհասարակ գոյություն ունի խիստ որոշակի քանակություն հատ գեն:

Ոնցորթե դ. կետը սխալ է մուտացիայի միապատճառուվ. ինչ է տեղի ունենում մուտացիայի ժամանակ? Առաջանում է նոր գեն /նոր մոլեկուլ/?

Անհամբերությամբ սպասում եմ պատասխանին:

StrangeLittleGirl
22.08.2007, 09:49
Ոնցորթե դ. կետը սխալ է մուտացիայի միապատճառուվ. ինչ է տեղի ունենում մուտացիայի ժամանակ? Առաջանում է նոր գեն /նոր մոլեկուլ/?
Գոյություն ունեն քրոմոսոմային և գենային մուտացիաներ: Երբ քրոմոսոմային մուտացիա է տեղի ունենում (սրանք ավելի կոպիտ են), փոխվում է քրոմոսոմի կառուցվածքը (օրինակ՝ կարող է քրոմոսոմի մի կտոր պոկվել ու լուծվել կամ պոկվել ու կպչել մեկ այլ քրոմոսոմի և այլն. եթե ուզում ես, բոլոր տարբերակները կարող եմ գրել համապատասխան տերմինաբանությամբ): Կոպիտ ասած, քրոմոսոմային մուտացիայի արդյունքում նոր քրոմոսոմ է առաջանում:
Գենային մուտացիայի դեպքում փոփոխությունը տեղի է ունենում գենային մակարդակում, այսինքն՝ փոփոխության են ենթարկվում սպիտակուցի մոլեկուլը կոդավորող նուկլեոտիդները (օրինակ՝ կարող է մի նուկլեոտիդը փոխարինվել մյուսով, մեկը կարող է լուծվել և այլն):
Ասենք, ունենք այսպիսի կոդ.
ՑՈւԳ ԱՑՈւ ՑՈւԱ ԱԱՑ (այս եռյակներից յուրաքանչյուրը մեկ ամինաթթու է կոդավորում)
Ասենք, երկրորդ եռյակի Ց-ն պոկվեց: Կդառնա
ՑՈւԳ ԱՈւՑ ՈւԱԱ
Ինչպես տեսնում ես, եռյակը փոխվեց, հետևաբար փոխվեց կոդավորվող ամինաթթուն, հետևաբար՝ նաև սպիտակուցը: Այստեղ փոխվում է գենը, ոչ թե քրոմոսոմը:

Կարող են նաև լինել հավաքակազմի փոփոխություններ (մի քրոմոսոմ ավել-պակաս և այլն), բայց սրանք հիմնականում բերում են շատ կոպիտ փոփոխությունների, և հիմնականում նման գենոտիպերով սաղմերը վիժվում են հղիության հենց ամենասկզբին: Այնուամենայնիվ, կան փոփոխություններ, որոնց դեպքում պտուղը կենսունակ է լինում, թեև արատներ է ունենում: Օրինակ, Դաունի հիվանդությունը:

dushman
22.08.2007, 11:50
Հիմա չհասկացա. ա.-ից գ. կետերը ճիշտ են?

Բոլոր մարդկանց մոր գենոտիպի միջի գեների քանակը միևնույնն է?

Mesrop
22.08.2007, 13:04
Բյուր, կարելի է ես… :D որպես ապագա բժիշկ… :)

Հիմա չհասկացա. ա.-ից գ. կետերը ճիշտ են?

ա. ամեն մարդ ունի գենոտիպ,
բ. գենոտիպը կազմված է գեներից,
ահա, որոնք ել տեղադրված են քրոմոսոմներում

գ. գեները մասնավերապես զուտ ֆիզիկական օբյեկտներ են` մոլեկուլներ
Գենը դա ԴՆԹ ի մոլեկուլի այն հատվածն ե, որը պարունակում է ինֆորմացիա 1 սպիտակուցի առաջնային կառուցվածքի մասին… (բայց լավ ասիմ չէ՞ :) )

բոլոր մարդկանց մոտ գենոտիպը կազմված է ճիշտ միևնույն քանակությամբ մոլեկուլներից
քրոմոսոմներն են, որոնք բոլոր տեսակների մոտ ունեն իրենց տեսակին բնորոշ կայուն քանակը… մարդու մոտ՝ 46, իսկ գեները շատ-շատ են, ու ոչ ոք չի կարող ասել դրանց թիվը… մարդու մոտ գեների թիվը հասնում է մոտավորապես 30-40 հազարի…
այսինքն 1 քրոմոսոմում պարունակվում են բազամաթիվ գեներ…

StrangeLittleGirl
22.08.2007, 14:35
քրոմոսոմներն են, որոնք բոլոր տեսակների մոտ ունեն իրենց տեսակին բնորոշ կայուն քանակը… մարդու մոտ՝ 46, իսկ գեները շատ-շատ են, ու ոչ ոք չի կարող ասել դրանց թիվը… մարդու մոտ գեների թիվը հասնում է մոտավորապես 30-40 հազարի…
Մե՛ս, աչքիս Մանդիբուլան սխալ ա սովորացրել :D
Ամեն դեպքում իմ դասախոսն ասում էր 45 000-ից ավելի գեն կա:

dushman
22.08.2007, 15:23
Լավ. գեները մոլեկուլներ են. իսկ քրոմոսոմները ինչ են? բջիջներ?
Եթե այո, ապա փաստորեն մարդն ունի 46 հատ այդպիսի բջիջ չէ?
Նա 23-ը ստանում է հորից, մյուս 23-ն էլ մորից?

StrangeLittleGirl
22.08.2007, 15:31
Լավ. գեները մոլեկուլներ են. իսկ քրոմոսոմները ինչ են? բջիջներ?
Եթե այո, ապա փաստորեն մարդն ունի 46 հատ այդպիսի բջիջ չէ?
Նա 23-ը ստանում է հորից, մյուս 23-ն էլ մորից?
Չէ՛, չէ՛, քրոմոսոմները բջիջներ չեն, այլ գտնվում են բջջի կորիզում: Նույն օրգանիզմի բոլոր բջիջները պարունակում են նույն 46 քրոմոսոմները:
Քրոմոսոմը կազմված է ԴՆԹ-ի մեկ մոլեկուլից (ԴՆԹ-ի մոլեկուլն իր հերթին կազմված է գեներից), որը միացած հիստոնային և ոչ հիստոնային սպիտակուցների հետ:

dushman
22.08.2007, 15:50
աաաաաաաաաաաաաա....
իսկականից որ տերմինակոխ արեցիք... խի եք տերմիններ էդքան շատ սիրում, չլինի պօլիտեխնիկն եք ավարտել...
Լավ, կներեք. փորձենք հասկանալ:

Քրոմոսոմը դա գեների հաջորդականություն է. մարդը ունի 46 հատ տարբեր քրոմոսոմներ. ճիշտ նույն 46 հատից կա մարդու յուրաքանչյուր բջիջի կորիզում:
Ճիշտ եմ?

Mesrop
22.08.2007, 15:58
ահա, մոտավորապես… :)
քրոմոսոմը թելիկի տեսք ունեցող զիբիլ է…ունի սեղմվածքներ…
ինչքան հիշում եմ քրոմոսոմը կազմում ա սպիտակուց + ԴՆԹ: չէ Բյուր?

մարդը ունի 46 հատ տարբեր քրոմոսոմներ. ճիշտ նույն 46 հատից կա մարդու յուրաքանչյուր բջիջի կորիզում:
Ճիշտ եմ?
հա վռոձի… :)

dushman
22.08.2007, 16:03
Մարդը իր քրոմոսոմների կեսը ժառանգում է հորից, կեսն էլ մորից?
Մարդու 46 քրոմոսոմներից ինչ-որ 23-ը անցնում է ժառանգին?
46-ից այդ 23-ի ընտրությունը պատահական է?

Mesrop
22.08.2007, 16:03
իսկ վապշե, Դուշման, եթե էդքան հետաքրքկում է քեզ գենետիկան, խորհուրդ կտամ կարդաս հմիկվա 9րդ դասարանի դասագիրքը… :)

Ավելացվել է 9 րոպե անց

Մարդու 46 քրոմոսոմներից ինչ-որ 23-ը անցնում է ժառանգին?

46 քրոմոսոմ (դիպլոիդ հավաք) են պարունակում գլխավոր սեռական բջիջները (օվոգոնիում, սպերմատոգոնիում)
դրանցից օվօգենեզի և սպետմատոգենեզի (իգական և արական սեռական բջիջների առաջացում) ընթաքում, մի քանի փուլերից հետո, մեյոզի (սեռական բջիջների բաժանում: առաջանում է կիսով չամ հավաքակազմ ունեցող դուստր բջիջներ) հետևանքով 1 օվոգոնիումից (դիպլոիդ, իգական) առաջանում է 1 իգական սեռական բջիջ` ձվաբջիջ, և 3 ուղղորդող մարմինկ (որոնք հետո սնունդ են ծառայում ձվաբջջի համար)
իսկ 1 սպերմատոգոնիումից (դիպլոիդ, արական) առաջանում է 4 արական սեռական բջիջ՝՝ սպերմատոզոիդ
առաջացած սեռական բջիջները մեյոզից հետո պարունակում են արդեն 23 պատահական ընտրությամբ քրոմոսոմ
բեզմնավորվելուց հետո արական և իգական սեռ. բջիջների միաձումումից առաջանում է սիգոտ, որն ունի արդեն 46 դիպլոիդ հավաքակազմ

dushman
22.08.2007, 16:19
իսկ վապշե, Դուշման, եթե էդքան հետաքրքկում է քեզ գենետիկան, խորհուրդ կտամ կարդաս հմիկվա 9րդ դասարանի դասագիրքը… :)

Դե չէ Մեսրոպ ջան ես ոչ էդքան ժամանակ ունեմ ոչ էլ էդքան առողջություն, որ դպրոցական կուրսից դնեմ կարդամ....

Mesrop
22.08.2007, 16:20
պատահական ընտրության -մասին…

46 դիպլոիդ հավաքակազմում պարունակվում են ամեն հատկանիշի դրսևորման վերաբերյալ 2 ձը …
23 -ի առաջացման ժամանակ ամեն հատկանիշի վերաբերյալ արդեն բջջում պարունակվում է 1 ձև …
այ այդ ձևերի ժառանգումն է պատահաբար…

Ավելացվել է 5 րոպե անց
2 նույն հատկանիշ պայմանավորվող ալելները (հենց եդ Ձևերը) իրար հետ փոխազդելով ձևավորվում է արդեն դուստ օրգանիզմի տվյալ հատկանիշի դրսևորումը…
կախված նրանից թե այդ ալելները Դոմինանտ են Թե ռեցեսիվ…
նայի, օրինակ եթե հոր սեռական բջջով փոխանցված ալելը ունի բազմամատության (6մատ)առկայությունը պայմանավորող հատկանիշ (բազմամատ- դոմինանտ), իսկ մորինը՝ նորմալ (ռեցեսիվ), ապա երեխան կլինի բազմամատ, քանի որ Դոմինանտը ճնշում է ռեցեսիվ ալելին…

Ավելացվել է 13 րոպե անց
Հ.Գ. Բյուր, շատ չքրֆես… :D

dushman
22.08.2007, 17:17
պատահական ընտրության -մասին…

46 դիպլոիդ հավաքակազմում պարունակվում են ամեն հատկանիշի դրսևորման վերաբերյալ 2 ձը …
23 -ի առաջացման ժամանակ ամեն հատկանիշի վերաբերյալ արդեն բջջում պարունակվում է 1 ձև …
այ այդ ձևերի ժառանգումն է պատահաբար…

Ավելացվել է 5 րոպե անց
2 նույն հատկանիշ պայմանավորվող ալելները (հենց եդ Ձևերը) իրար հետ փոխազդելով ձևավորվում է արդեն դուստ օրգանիզմի տվյալ հատկանիշի դրսևորումը…
կախված նրանից թե այդ ալելները Դոմինանտ են Թե ռեցեսիվ…
նայի, օրինակ եթե հոր սեռական բջջով փոխանցված ալելը ունի բազմամատության (6մատ)առկայությունը պայմանավորող հատկանիշ (բազմամատ- դոմինանտ), իսկ մորինը՝ նորմալ (ռեցեսիվ), ապա երեխան կլինի բազմամատ, քանի որ Դոմինանտը ճնշում է ռեցեսիվ ալելին…

Ավելացվել է 13 րոպե անց
Հ.Գ. Բյուր, շատ չքրֆես… :D

ես էս խոսակցությունը սկսելուց առաջ ասացի, որ հարցերս կձևակերպեմ ֆորմալ ու նդրեցի, որ դուք ել կորեկտ ու ֆորմալ պատասխանեք..

Censor
22.08.2007, 21:27
քրոմոսոմներն են, որոնք բոլոր տեսակների մոտ ունեն իրենց տեսակին բնորոշ կայուն քանակը… մարդու մոտ՝ 46, …

Պասեք, ես էլ մի բան հիշեցի..))
47 քրոմոսոմ ունեցար 46-ի տեղը - էլի մարդ ես մնում, բայց Դաունի ախտանիշով տառապող..

Տխուրա, տխուր..

StrangeLittleGirl
22.08.2007, 21:32
Պասեք, ես էլ մի բան հիշեցի..))
47 քրոմոսոմ ունեցար 46-ի տեղը - էլի մարդ ես մնում, բայց Դաունի ախտանիշով տառապող..
Դրա մասին ես արդեն գրել եմ: ;)
Նորից եմ կրկնում, որ ոչ բոլոր դեպքերում են 47 քրոմոսոմ ունեցողները կենսունակ: Դաունը, կարելի է ասել, լավագույն դեպքն է, երբ մարդն ունի 3 հատ 21-րդ քրոմոսոմ:
Իհարկե, սեռական X քրոմոսոմի ավել-պակասի դեպքում էլ է մարդը կենսունակ լինում, բայց սեռական համակարգը զարգացած չի լինում… Եվ ընդհանրապես, արտաքինից դժվար է լինում ասել, թե տվյալ մարդը որ սեռին է պատկանում:

dushman
23.08.2007, 09:50
Ես նորից կրկնեմ վերջին հարցս:

Մարդը իր քրոմոսոմների կեսը ժառանգում է հորից, կեսն էլ մորից?
Մարդու 46 քրոմոսոմներից ինչ-որ 23-ը անցնում է ժառանգին?
46-ից այդ 23-ի ընտրությունը պատահական է?

Արամ
23.08.2007, 11:24
Բյուրակնի Խոսքերից`
Այո՛, կարելի է ասել:
Դու կրում ես քո մոր գեների 50%-ը և քո հոր գեների 50%-ը: Հենց դրա պատճառով դու նման ես ծնողներիդ: Քույրերդ ու եղբայրներդ էլ են նույն կերպ ծնողներիդ գեները կրում, բայց տարբեր 50%-ներ են, հետևաբար քո գենոտիպով դու ծնողներիդ ավելի մոտ ես, քան քույրերիդ ու եղբայրներիդ, իսկ TuPac-ի հետ ազգակցական կապ չունես, հետևաբար շատ ավելի հեռու ես:

Mesrop
23.08.2007, 12:56
Ես նորից կրկնեմ վերջին հարցս:

Մարդը իր քրոմոսոմների կեսը ժառանգում է հորից, կեսն էլ մորից?
Մարդու 46 քրոմոսոմներից ինչ-որ 23-ը անցնում է ժառանգին?
46-ից այդ 23-ի ընտրությունը պատահական է?
իսկ ես փորձեմ հարցիդ պատասխանել նորից, ավ ելի համառոտ…
46 քրոմոսոմը դա 23զույգ է…
ամեն զույգից պետք է ժառանգին անպայման անցնի ընդամենը 1-ը…
հիմա թե որը կանցնի, առաջինը թե երկրորդը, դա արդեն պատահական է…

dushman
23.08.2007, 18:05
Լավ, մարդը ունի 32 զույգ քրոմոսոմ, որոնք գտնվում ոն բջիջի միջուկում:
Ճիշտ է արդյոք, որ այդ 46-ն ել իրարից տարբեր են?
Ճիշտ է արդյոք, որ հոր 46-ից յուրաքանչյուրը կարոզ է զույգվի մոր 46-ից յուրաքանչյուրի հտ?

StrangeLittleGirl
24.08.2007, 01:11
Ճիշտ է արդյոք, որ այդ 46-ն ել իրարից տարբեր են?
Ճիշտ է արդյոք, որ հոր 46-ից յուրաքանչյուրը կարոզ է զույգվի մոր 46-ից յուրաքանչյուրի հտ?
23 զույգ են, այսինքն՝ յուրաքանչյուր զույգի քրոմոսոմներն իրար նման են իրենց կառուցվածքով (նույն քանակաությամբ, նույն հատկանիշը պայմանավորող գեներ են պարունակում), բայց նույնը չեն:
Ոչ թե յուրաքանչյուրի, այլ ցանկացածի հետ կարող է զույգվել:
Մե՛ս, էս թողնում եմ քեզ… մանրամասն բացատրիր:

dushman
24.08.2007, 10:48
Փաստորեն ամեն հաջորդ սերունդը չի ունենում որըէ նոր քրոմոսոմ. յուրաքանչյուր սերնդի մոտ միաըն աըն քրոմոսոմներն են, որորք ուներ իր նախորդ սերունդը?

Mesrop
24.08.2007, 12:04
Փաստորեն ամեն հաջորդ սերունդը չի ունենում որըէ նոր քրոմոսոմ. յուրաքանչյուր սերնդի մոտ միաըն աըն քրոմոսոմներն են, որորք ուներ իր նախորդ սերունդը?
այո, նոր քրոմոսոմ չի առաջանում…
ուղղակի առաջանում են երկու ծնողներից ստացված ժառանգական հատկանիշների նոր համակցություններ
(ինչի պատճառով սերունդը կարող է ավելի կենսունակ լինել, քան ծնողներից յուրաքանչյուրը)

dushman
24.08.2007, 16:29
Ուրեմն կարելի է ասել, որ առհասարակ գորյություն ունի ինչ որ որոշակի քանակությամբ քրոմոսոմ? Որն է այդ քանակը?

StrangeLittleGirl
24.08.2007, 22:30
dushman, արդեն հազար անգամ ասացինք, որ մարդն ունի 46 քրոմոսոմ: Մի հատ էլ եմ գրում, որ լավ հասկանաս.
46

Ինձ թվում է՝ պարզապես ձեռ ես առնում նույն հարցը հազար անգամ տարբեր ձև ձևակերպելով:

Censor
24.08.2007, 23:50
Դաժե ես արդեն հասկացա))
Դուշման, նայի.

Քրոմոսոմներ - 1,2,3,4,5,6,...,45,46 :

Մարդ #1 - {(1,46),(33, 28), .., (24,2)}
Մարդ #2 - {(3,8),(33, 5), .., (6,2)}
....
ու տենց շարունակ..))) (C 46 2) տարբերակ - շաաաաաատ..))

Արամ
25.08.2007, 18:30
dushman - Մարդը իր քրոմոսոմների կեսը ժառանգում է հորից, կեսն էլ մորից?
Մարդու 46 քրոմոսոմներից ինչ-որ 23-ը անցնում է ժառանգին?
46-ից այդ 23-ի ընտրությունը պատահական է?
Mesrop - պատահական ընտրության -մասին…

46 դիպլոիդ հավաքակազմում պարունակվում են ամեն հատկանիշի դրսևորման վերաբերյալ 2 ձը …
23 -ի առաջացման ժամանակ ամեն հատկանիշի վերաբերյալ արդեն բջջում պարունակվում է 1 ձև …
այ այդ ձևերի ժառանգումն է պատահաբար…
dushman - Ես նորից կրկնեմ վերջին հարցս:

Մարդը իր քրոմոսոմների կեսը ժառանգում է հորից, կեսն էլ մորից?
Մարդու 46 քրոմոսոմներից ինչ-որ 23-ը անցնում է ժառանգին?
46-ից այդ 23-ի ընտրությունը պատահական է?
Արամ - Բյուրակնի Խոսքերից`

Այո՛, կարելի է ասել:
Դու կրում ես քո մոր գեների 50%-ը և քո հոր գեների 50%-ը: Հենց դրա պատճառով դու նման ես ծնողներիդ: Քույրերդ ու եղբայրներդ էլ են նույն կերպ ծնողներիդ գեները կրում, բայց տարբեր 50%-ներ են, հետևաբար քո գենոտիպով դու ծնողներիդ ավելի մոտ ես, քան քույրերիդ ու եղբայրներիդ, իսկ TuPac-ի հետ ազգակցական կապ չունես, հետևաբար շատ ավելի հեռու ես:
dushman -Լավ, մարդը ունի 32 զույգ քրոմոսոմ, որոնք գտնվում ոն բջիջի միջուկում:
Ճիշտ է արդյոք, որ այդ 46-ն ել իրարից տարբեր են?
Ճիշտ է արդյոք, որ հոր 46-ից յուրաքանչյուրը կարոզ է զույգվի մոր 46-ից յուրաքանչյուրի հտ?
Բյուրակն - 23 զույգ են, այսինքն՝ յուրաքանչյուր զույգի քրոմոսոմներն իրար նման են իրենց կառուցվածքով (նույն քանակաությամբ, նույն հատկանիշը պայմանավորող գեներ են պարունակում), բայց նույնը չեն:
Ոչ թե յուրաքանչյուրի, այլ ցանկացածի հետ կարող է զույգվել:
Մե՛ս, էս թողնում եմ քեզ… մանրամասն բացատրիր:
dushman - Ուրեմն կարելի է ասել, որ առհասարակ գորյություն ունի ինչ որ որոշակի քանակությամբ քրոմոսոմ? Որն է այդ քանակը?

Լավ էլ ջոգումա է
Բյուրակն/կատաղած/
dushman, արդեն հազար անգամ ասացինք, որ մարդն ունի 46 քրոմոսոմ: Մի հատ էլ եմ գրում, որ լավ հասկանաս.
46

Ինձ թվում է՝ պարզապես ձեռ ես առնում նույն հարցը հազար անգամ տարբեր ձև ձևակերպելով:

Հետևություն` dushman` ավելի լավ է դու ձեռ քաշես գենետիկաիտ, ետ ամեն ինչը թո լինի սովրոական առանց իմանալու:
Բյուրակն ջան դե քեզ ինչ ասեմ ավելի լավա ուրիշ համալսարան նդունվի:

Mesrop
25.08.2007, 21:38
ինձ ինչ կասես, Շեֆ ջան?

dushman
26.08.2007, 13:37
Առաջին հերթին` ակնհայտորեն այն, որ յուրաքանչյուր մարդ ունի 46 քրոմոսոմ, ու որ սերնդից սերունդ նոր քրոմոսոմներ չեն առաջանում, չի նշանակում, որ առհասարակ գոյություն ունեցող քրոմոսոմների քանակը 46 է. շատ ավելի լավ, որ այն 46 է:

Երկրորդ հերթին` փաստորեն իրարից տարբեր <<քրոմոսոմային հավաքածուների>> քանակը զուգորդություն 46*45-ից 23-ական է. այդ թիվը հետևյալն է` 11085298299462676860910285616001334261701073811050524665322326016000:

Հիմա եթե բոլոր մարդկանց մոտ միևնույն 46 քրոմոսոմներն են, էդ վոնցա տենց ստացվում, որ հերն ու տղեն իրար ավելի մոտ են քան երկու հատ անկապ մարդ?

Արամ
26.08.2007, 15:34
Է..... ՈՐՈՎՀԵՏև ԻՐԱՆՔ ՀԵՐ ՈՒ ՏՂԱ ԵՆ: Ախր մարդիկ տարբբերվում են գենետիկ կոդով:
Դուշման ջան եթե դու ետքան հասկանում ես գենետիկաից, ու որ Բյուրակնի ասած քո համար "ասնավանի" չի, բա էլ խես հարց տալի, որ պիտի հակաճառես, համել Որ ասում են 46 ա ուրեմն 46 ա, եթե կարաս ապցուցես որ 46ավել է, ուրեմն շատուրախ կլինենք որ ֆորումում նոր գիտնական է հայտնվել:

VisTolog
10.11.2007, 14:51
Որ ասում են 46 ա ուրեմն 46 ա, եթե կարաս ապցուցես որ 46ավել է, ուրեմն շատուրախ կլինենք որ ֆորումում նոր գիտնական է հայտնվել:

Հայտնի են դեպքեր, երբ մարդու քրոմոսոմների համալիրում մի ավելորդ փոքր քրոմոսոմ է հայտնվում, և նրանց ընդհանուր թիվը դիպլոիդ հավաքակազմում դառնում է 47:
Խախտումը շատ ծանր հետևանքներ ունի. Զարգանում է Դաունի հիվանդությունը:Հիվանդն ունենում է անհամաչափ փոքր գլուխ, աչքերի նեղ ճեղքեր, տափակ դեմք և խիստ արտահայտված մտավոր հետամնացություն:
Այս կարգի քրոմոսոմային խախտումների ծագումը կապված է մեյոզի ընթացքում տեղի ունեցող պատահական շեղումների հետ:
Բացի Դաունի հիվանդությունից, մարդու քրոմոսոմային համալիրի կառուցվածքում ուսումնասիրված են ավելի քան 100 խախտումներ, որոնք զուգակցվում են բնականոն զարգացման մեջ տեղի ունեցող շեղումնրով և ծանր հիվանդություններով:
Մարդու զարգացման և գենոտիպի դրսևորման վրա վերին աստիճանի բացասաբար է ազդում ալկոհոլը:

Փիսիկ
11.04.2008, 23:21
իսկականից ծիծաղս եկավ, որ չգիտեին շեղումների մասին. Գենետիկան այն առարկան է, որ ոչ մի վարկյան անգամ չի դոփում տեղում.

Դաունների հետ աշխատելու մեծագուն հաճույք եմ ունեցել. Անմեղ ու անուշիկ մարդիկ, որ երբեմն այնպիսի փիլիսոփայական մտքեր կարտահայտեին... էլ նի սկաժի...

Քրոմոսոմային և մոլեկուլյար մակարդակներում ամենաբազմապիսի մուտացիաներ են տեղի ունենում, բայց միևնույն ժամանակ աներևակայելի հրաշք մեխանիզմներով բջջային մակարդակի վրա կատարվում են ռեպարացիաներ: Մեկ-մեկ նենց զարմանում եմ, թե էդ պստիկ բջիջը էդքան ժամանակ ու խելք որտեղի՞ց ունի, որ գիտի երբ ու ինչ անի: Երբեմն բջիջն ավելի հետաքրքիր է, քան մարդկային օրգանիզմը, ազնիվ խոսք!

Լեռնցի
18.04.2008, 00:00
իսկականից ծիծաղս եկավ, որ չգիտեին շեղումների մասին. Գենետիկան այն առարկան է, որ ոչ մի վարկյան անգամ չի դոփում տեղում.

Դաունների հետ աշխատելու մեծագուն հաճույք եմ ունեցել. Անմեղ ու անուշիկ մարդիկ, որ երբեմն այնպիսի փիլիսոփայական մտքեր կարտահայտեին... էլ նի սկաժի...

Քրոմոսոմային և մոլեկուլյար մակարդակներում ամենաբազմապիսի մուտացիաներ են տեղի ունենում, բայց միևնույն ժամանակ աներևակայելի հրաշք մեխանիզմներով բջջային մակարդակի վրա կատարվում են ռեպարացիաներ: Մեկ-մեկ նենց զարմանում եմ, թե էդ պստիկ բջիջը էդքան ժամանակ ու խելք որտեղի՞ց ունի, որ գիտի երբ ու ինչ անի: Երբեմն բջիջն ավելի հետաքրքիր է, քան մարդկային օրգանիզմը, ազնիվ խոսք!
Եվ ոչ երբեմն... չէ որ start բջիջներում է նկարագրված մարկային օրգանիզմի ամբողջ գենետիկական պատմությունը և ամբող կառուցվածքը...
Մարդկային օրգանիզմը գենետիկային մետ դառնում է այն, ինչ դարձավ դասական ֆիզիկան Հարաբերականության Հատուկ տեսության համար

ArmenianMetal
25.02.2010, 20:35
Քրոմոսոմային և մոլեկուլյար մակարդակներում ամենաբազմապիսի մուտացիաներ են տեղի ունենում, բայց միևնույն ժամանակ աներևակայելի հրաշք մեխանիզմներով բջջային մակարդակի վրա կատարվում են ռեպարացիաներ: Մեկ-մեկ նենց զարմանում եմ, թե էդ պստիկ բջիջը էդքան ժամանակ ու խելք որտեղի՞ց ունի, որ գիտի երբ ու ինչ անի: Երբեմն բջիջն ավելի հետաքրքիր է, քան մարդկային օրգանիզմը, ազնիվ խոսք!
Դրանք մթնային և լուսային ռեպարացիաներն են, լուսային ռեպարացին շտկում է ճառագայթներից,ֆիզիկական,քիմիական ազդեցությունից առաջացաց վնասակար ազդեցությունը,իսկ մթնայինը ավելի բարդ մեխանիզմ է և ավելի լավ է վերացնում խախտումները հատուկ ֆերմենտներով,և վերջինը ՍՈՍ համակարգ սա շատ կարևոր մեխանիզմա քանի,որ արգելակում է բջջի բաժանումը և նրանում տեղի ունեցած մուտացիաները չեն տարածվում

Tornado
03.03.2010, 16:03
Ժող ջան մի հատ խնդիր տամ տեսեք լուծվողա թե չէ.
ԴՆԹ-ի մոլեկուլում նուկլեոտիդներից 15 ոկոսը թիմինային ա: Գտնել յուրաքանչյուր տեսակի նուկլեոտիդների քանակը, եթե 1 նուկլեոտիդի երկ. 0,34 նմ ա, մոլեկուլի տվյալ հատվածի երկ. 2839 նմ ա:

Դատարկություն
03.03.2010, 17:35
Ժող ջան մի հատ խնդիր տամ տեսեք լուծվողա թե չէ.
ԴՆԹ-ի մոլեկուլում նուկլեոտիդներից 15 ոկոսը թիմինային ա: Գտնել յուրաքանչյուր տեսակի նուկլեոտիդների քանակը, եթե 1 նուկլեոտիդի երկ. 0,34 նմ ա, մոլեկուլի տվյալ հատվածի երկ. 2839 նմ ա:

ԴՆԹ-ի մի շղթայում նուկլեոտիդների քանակը`
2839/0.34=8350 նուկլ.

ԴնԹ-ի մոլեկուլում նուկլեոտիդների քանակը`
8350*2=16700 նուկլ.

Թիմինի քանակը`
(16700*15)/100=2505 Թ.
Թ=Ա, Ա= 2505 ըստ կոմպլիմենտարության կանոնի

Ըստ Չարգաֆի կանոնի, գտնեմ Ցիտոզինի քանակը`
50-15=35%
(16700*35)/100=5845 նուկլ. Ց

և Գուանինի քանակը`
Ց=Գ, Գ= 5845 էլի ըստ կոմպլիմենտարության

Ահա և վերջ:))

Tornado
03.03.2010, 19:40
"Դատարկություն" ջան ընդեղ որ 8350-ը բազմապատկել ես 2 ով՝ երկու շղթայի համար, լինում ա, բայց վայթեմ ինքը միանգամից երկու շղթայինն ա տվել...:think

Դատարկություն
03.03.2010, 20:18
"Դատարկություն" ջան ընդեղ որ 8350-ը բազմապատկել ես 2 ով՝ երկու շղթայի համար, լինում ա, բայց վայթեմ ինքը միանգամից երկու շղթայինն ա տվել...:think
Չէ Tornado ջան, ԴՆԹ-ն երկպարույր ա, եթե գտնում ես երկարությունը արտահայտված նուկլեոտիդներով, դա միայն մի շղթայում պարունակվող նուկլեոտիդների քանակն է, ամբողջ ԴՆԹ-ինը որոշելու համար բազմապատկում ես երկուսով:;)

Tornado
03.03.2010, 20:38
համենայն դեպս մերսի պրոֆեսիոնալ պատասխանի համար:hands:B

Tornado
05.03.2010, 17:17
Ժողովուրդ ջան Դաունի հիվանդությունը մենակ աղջիկների մոտա չէ արտահայտվում, որովհետեը ինքը ռեցեսիվ մոտացիա ա ու X քրոմոսոմի: Իսկ ռեցեսիվ մուտացիան արտահայտվելու համար հոմոգամետ հավաքակազմ ա պետք այսինքն`XX: Բայց մի քիչ առաջ ուսումնասիրում էի ամենահեղինակավոր հանրագիտարաններից մեկը(եթե ոչ ամենահեղինակավորը) բայց ընդեղ դրած էր Դաուն տղայի նկարhttp://en.wikipedia.org/wiki/Down_syndrome::angry:o Հիմա մի քիչ խճճվել եմ չգիտեմ կենսաբիս գրքին ու դասատուին հավատամ թե` Վիքիպեդիային::think Համ էլ մտածում եմ կարողա արդեն հետերոգամետների մոտ ա արտահայտվում::8 Դուք ինչ կասեք?

Դատարկություն
05.03.2010, 19:37
Ժողովուրդ ջան Դաունի հիվանդությունը մենակ աղջիկների մոտա չէ արտահայտվում, որովհետեը ինքը ռեցեսիվ մոտացիա ա ու X քրոմոսոմի: Իսկ ռեցեսիվ մուտացիան արտահայտվելու համար հոմոգամետ հավաքակազմ ա պետք այսինքն`XX: Բայց մի քիչ առաջ ուսումնասիրում էի ամենահեղինակավոր հանրագիտարաններից մեկը(եթե ոչ ամենահեղինակավորը) բայց ընդեղ դրած էր Դաուն տղայի նկարhttp://en.wikipedia.org/wiki/Down_syndrome::angry:o Հիմա մի քիչ խճճվել եմ չգիտեմ կենսաբիս գրքին ու դասատուին հավատամ թե` Վիքիպեդիային::think Համ էլ մտածում եմ կարողա արդեն հետերոգամետների մոտ ա արտահայտվում::8 Դուք ինչ կասեք?
Tornado ջան, ես չգիտեմ ովա քեզ էդպես բան ասել, բայց Դաունի հիվանդությունը X քրոմոսոմի մուտացիա չի, Դաունի հիվանդությունը սեռական քրոմոսոմներին շղթայակցված չի ժառանգվում շատ հիվադությունների պես, և, ընդհանրապես, Դաունի հիվանդությունը պայմանավորում է 47-երորդ ավել քրոմոսոմը, որը սեռական քրոմոսոմ չէ, այլ աուտոսոմ է: Էնպես որ շղթայակցված ժառանգման, ռեցեսիվ-դոմինանտ փոխհարաբերության նաև ժառանգական հիվանդությունների ժառանգման հետ կապված օրինաչափությունները Դաունի հիվանդությանը չի վերաբերում: Դաունի հիվանդության առաջացման պատճառը բջջի բաժանման` հիմնականում գամետների առաջացման, պրոցեսի խախտումն է: Հետո էլ «Արևի երեխաները» անժառանգ են:) Կենսաբիդ գիրքը լավ չես կարդացել, դասատուիդ ասածը կամ չես հիշում կամ դասատուդա սխալ ասել, իսկ վիքիում ճիշտ է գրած:);)
Էս նույն բաները մի քիչ վերևում գրած է:)

Gayl
05.03.2010, 23:53
[QUOTE=Դատարկություն;1951910 Հետո էլ «Արևի երեխաները» անժառանգ են:) [/QUOTE]
Չորս հատ բառ ես գրել ու երեք հարց առաջացավ:D:D
1.Ովքեր են Արևի երեխաները:
2.Ինչու են նրանք անժառանգ:
3.Անժառանգ ասելով ի՞նչ նկատի ունես:

Դատարկություն
06.03.2010, 00:13
Չորս հատ բառ ես գրել ու երեք հարց առաջացավ:D:D
1.Ովքեր են Արևի երեխաները:
2.Ինչու են նրանք անժառանգ:
3.Անժառանգ ասելով ի՞նչ նկատի ունես:
Արևի երեխաներ են անվանում Դաունով հիվանդներին, որովհետև էդ հիվանդների ձեռքի ափի գծերը մի փոքր ուրիշ ձևի են, ճառագայթանման` հիշեցնում են արև, սա արևապաշտության հետ ոչ մի կապ չունի:)) Չեն կարող սերունդ թողնել, որովհետև 47 քրոմոսոմ ունեն: Ավելացված քրոմոսոմը հոմոլոգ չունի դրա համար էլ տարամիտում տեղի չի ունենում, թե կուզես մանրամասնեմ, բայց դե բարդ բան կստացվի:
Անժառանգ.. երևի մի քիչ սխալ ասեցի:oy, ավելի ճիշտ` չեն կարող բազմանալ, սերունդ իրենցից հետո չեն կարող թողնել:)

Gayl
06.03.2010, 00:16
Արևի երեխաներ են անվանում Դաունով հիվանդներին, որովհետև էդ հիվանդների ձեռքի ափի գծերը մի փոքր ուրիշ ձևի են, ճառագայթանման` հիշեցնում են արև, սա արևապաշտության հետ ոչ մի կապ չունի:)) Չեն կարող սերունդ թողնել, որովհետև 47 քրոմոսոմ ունեն: Ավելացված քրոմոսոմը հոմոլոգ չունի դրա համար էլ տարամիտում տեղի չի ունենում, թե կուզես մանրամասնեմ, բայց դե շատ բարդ բան կստացվի:
Անժառանգ.. երևի մի քիչ սխալ ասեցի:oy, ավելի ճիշտ` չեն կարող բազմանալ, սերունդ իրենցից հետո չեն կարող թողնել:)
Չէ ես ընդհանրապես ուրիշ կողմով գնացի ու մտածում էի այ մարդ էս Ճապոնացիք ի՞նչ կապ ունեն:D:D

Tornado
06.03.2010, 14:02
Չէ Դատարկոթյուն ջան (եթե գաղտնիք չի անունդ ասա, որովհետեւ որ ես անունով եմ քեզ դիմում մի քիչ սիրուն չի) մի օր կենսաբի դասատուն հարցրեց թե արդյոք տղաները կարան Դաուն լինեն, ես սկզբում ասեցի հա որովհետեւ մի երկու կինոյի ու վիկի-ի մեջ Դաուն տղա եէի տեսել, հետո ինձ համոզեց որ Դաունի գենը X ի վրայա, ես ասեցի որ էդ ժառանգական չի (էդ օրը դասս լավ էի սերտել, չնայած միշտ էլ լավ եմ սովորում...:8) բայց մեկա համոզեց: Հիմա մտածում եմ հաստատ դալտոնիզմի հետ ա խառնել:angry: Որովհետեւ d-գենը X- վրայա ու ռեցեսիվա: Բայց մի բան էլ. շատ կինոներում դալտոնիկ տղաներ եմ տեսել էդ ոնց կլինի Դատարկություն ջան???:think;)

Դատարկություն
06.03.2010, 14:46
Չէ Դատարկոթյուն ջան (եթե գաղտնիք չի անունդ ասա, որովհետեւ որ ես անունով եմ քեզ դիմում մի քիչ սիրուն չի) մի օր կենսաբի դասատուն հարցրեց թե արդյոք տղաները կարան Դաուն լինեն, ես սկզբում ասեցի հա որովհետեւ մի երկու կինոյի ու վիկի-ի մեջ Դաուն տղա եէի տեսել, հետո ինձ համոզեց որ Դաունի գենը X ի վրայա, ես ասեցի որ էդ ժառանգական չի (էդ օրը դասս լավ էի սերտել, չնայած միշտ էլ լավ եմ սովորում...:8) բայց մեկա համոզեց: Հիմա մտածում եմ հաստատ դալտոնիզմի հետ ա խառնել:angry: Որովհետեւ d-գենը X- վրայա ու ռեցեսիվա: Բայց մի բան էլ. շատ կինոներում դալտոնիկ տղաներ եմ տեսել էդ ոնց կլինի Դատարկություն ջան???:think;)
Դե ուրեմն ուսուցիչդ է խառնել: Վերևում ասեցի, որ Դաունի սինդրոմը սեռական քրոմոսոմներին շղթայակցված հիվանդություն չէ, այլ ավելի շատ գենոմային մուտացիա:)
Դու ճիշտ գիտես:)
Հ.Գ. Անունս էլ Դավիթ է:)

Tornado
06.03.2010, 15:56
Շատ ուրախ եմ, իմ անունն էլ ա Դավիթ :

ArmenianMetal
15.03.2010, 21:10
Դե ուրեմն ուսուցիչդ է խառնել: Վերևում ասեցի, որ Դաունի սինդրոմը սեռական քրոմոսոմներին շղթայակցված հիվանդություն չէ, այլ ավելի շատ գենոմային մուտացիա:)

Թե քրոմոսոմայի՞ն :think

Դատարկություն
15.03.2010, 22:48
Թե քրոմոսոմայի՞ն :think
Գենոմային:oy
Քրոմոսոմային մուտացիան` քրոմոսոմի առանձին հատվածների կամ ուսերի ձևի ու կառուցվածքի փոփոխություննա` դելեցիան, դուպլիկացին, տրանսլոկացիան և ինվերսիան, իսկ գենոմային մուտացիան դա ընդհանուր գենոմի փոփոխություննա` քրոմոսոմների քանակի փոփոխությունը հապլոիդ քանակին բազմապատիկ թվով` պոլիպլոիդիան, կամ հապլոիդ քանակին չհամապատասխանող թվով` անեուպլոիդիան: Դաունի սինդրոմը հենց էս վերջին տարբերակին է պատկանում :)

իզա
01.04.2010, 23:55
Դաունի հիվանդությունը դիտվում է այն ժամանակ ,երբ մարդու քրոմոսոմների համալիրում մի ավելնորդ քրոմոսոմ է հանդիպում …
Քրոմոսոմների թիվը այդ ժամանակ դիպլոիդ հավաքակազմում դառնում է քարասուն յոթ քարասուն վեցի փոխարեն:
Դաունի հիվանդությունը արտահայտվում է այսպես, անհամաչափ փոքր գլուխ , նեղ աչքեր , տափակ դեմք ու խիստ արտահայտված մտավոր հետամնացություն…
Այսպիսով մարդու շատ հիվանդությունները ւ շեղումները պայմանավորված են գենոտիպով ու դիտվում է երբ մարդու բջիջներում քրոմոսոմների թվի փոփոխություն է դիտվում: Խախտումը դիտվում է մեյոզի ընթացքում: Եթե մեյոզի ժամանակ զույգերից մեկի երկու հոմոլոգ քրոմոսոմները շարժվեն մի բեվեռը՝ փոխանակ երկու բջջիջների միջւ բաշխվելու , ապա կստացվի մեկ ավելորդ քրոմոսոմ ունեցող գամետ

Freeman
16.06.2010, 21:23
Դալտոնիզմի գեն ունեցող տղաներն ունեն xdy գենոտիպ,y-ի վրա D գեն չկա ,դրա համար էլ d-ն արտահայտվում ա ֆենոտիպում

Sergo13
28.06.2010, 21:41
Ինչ կարծիքի եք գենային ինժիներիան Հայաստանում ինչ մակարդակի վրա ք գտնվում: Արդյոք կան հեռանկարներ տվյալ բնագավառում:

Դեմետրիա
01.11.2010, 21:26
Ինձ շատ հետաքրքրում ե պարբերական հիվանդությունը կամ Երևանյան,եթե կարող եք գրեք դրա մասին:

ArmenianMetal
20.02.2011, 02:11
Ինձ շատ հետաքրքրում ե պարբերական հիվանդությունը կամ Երևանյան,եթե կարող եք գրեք դրա մասին
կոնկրետ ի՞նչ ես ուզում իմանաս

ArmenianMetal
20.02.2011, 02:12
Ինձ շատ հետաքրքրում ե պարբերական հիվանդությունը կամ Երևանյան,եթե կարող եք գրեք դրա մասին
կոնկրետ ի՞նչ ես ուզում իմանաս

Ամմէ
28.04.2012, 20:30
Չէ Դատարկոթյուն ջան (եթե գաղտնիք չի անունդ ասա, որովհետեւ որ ես անունով եմ քեզ դիմում մի քիչ սիրուն չի) մի օր կենսաբի դասատուն հարցրեց թե արդյոք տղաները կարան Դաուն լինեն, ես սկզբում ասեցի հա որովհետեւ մի երկու կինոյի ու վիկի-ի մեջ Դաուն տղա եէի տեսել, հետո ինձ համոզեց որ Դաունի գենը X ի վրայա, ես ասեցի որ էդ ժառանգական չի (էդ օրը դասս լավ էի սերտել, չնայած միշտ էլ լավ եմ սովորում...:8) բայց մեկա համոզեց: Հիմա մտածում եմ հաստատ դալտոնիզմի հետ ա խառնել:angry: Որովհետեւ d-գենը X- վրայա ու ռեցեսիվա: Բայց մի բան էլ. շատ կինոներում դալտոնիկ տղաներ եմ տեսել էդ ոնց կլինի Դատարկություն ջան???:think;)Ջոն Դալտոնը ինքը հենց տառապել է այդ հիվանդուտյամբ , դալտոնիզմով տառապում են տղաները

Freeman
28.04.2012, 21:41
Ջոն Դալտոնը ինքը հենց տառապել է այդ հիվանդուտյամբ , դալտոնիզմով տառապում են տղաները
Մենակ տղաները չէ, բայց դե տղաների մոտ ավելի շատ ա :( :))

Ամմէ
28.04.2012, 22:17
:B:D:P

Freeman
28.04.2012, 22:24
:B:D:P

Ընդհանրապես տղաների բախտն էդ հարցում չի բերել, հիվանդությունների մեծ մասը մեզ ավելի բնորոշ ա :(

Բայց քեզ հեսա մենակ սմայլիկներից կազմված գրառման համար կտուգանեն :P

Freeman
28.04.2012, 22:26
...

Ամմէ
28.04.2012, 22:28
Ընդհանրապես տղաների բախտն էդ հարցում չի բերել, հիվանդությունների մեծ մասը մեզ ավելի բնորոշ ա :(

Բայց քեզ հեսա մենակ սմայլիկներից կազմված գրառման համար կտուգանեն :Pբայց ինչու կտուգանեն:(

Ամմէ
28.04.2012, 22:34
ես նորեկ եմ է շատ բան չեմ հասկանում:oy:)

Freeman
28.04.2012, 22:42
ես նորեկ եմ է շատ բան չեմ հասկանում:oy:)

Դե էլ մենակ սմայլիկներից գրառում մի արա ու տվյալ թեմայում մենակ դրա մասին, խոսա, օրինակ ստեղ` մենակ գենետիկայից, թե չէ մի հատ էլ թեմայից դուրս գրառման համար կտուգանեն :)