Տեր-Պետրոսյանն իր ասուլիսի ժամանակ հրապարակեց ևս 3 փաստաթուղթ

[Chuk]

Այսօր Լևոն Տեր-Պետրոսյանը մասնակցել է մամլո ասուլիսի, որի ժամանակ հրապարակել է ևս 3, իմ գնահատմամբ հակասահմանադրական փաստաթուղթ: Առայժմ հրապարակում եմ ասուլիսի այդ հատվածի մասին պատմող lragir.am-ի հոդվածը, հետագայում այս թեմայում կտեղադրվի ասուլիսի այլ հատվածներ.

Սեպտեմբերի 2-ին մամուլի ասուլիս էր հրավիրել առաջին նախագահ Լեւոն Տեր-Պետրոսյանը, որի ընթացքում նա ներկայացրել է իր տրամադրության տակ հայտնված երեք փաստաթուղթ, որոնք, ըստ Լեւոն Տեր-Պետրոսյանի, կրկին վկայում են ներկայիս իշխանության այն հրեշավոր հանցանքները, որ նա գործում է հասարակության եւ պետության հանդեպ, ինչպես նաեւ ի ցույց դնում Հայաստանի իրավապահ եւ արդարադատության համակարգերում տիրող իրական մակարդակը:

Առաջին փաստաթուղթը, որ ներկայացրել է Լեւոն Տեր-Պետրոսյանը, եղել է Կենտրոն եւ Նորք Մարաշ համայնքների ընդհանուր իրավասության դատարանների դատավոր Ժորա Վարդանյանի վճիռը, որոնք նա փետրվարի 19-ին, այսինքն նախագահի ընտրության օրը, Ազգային անվտանգության ծառայությանը թույլատրել է գաղտնալսել նախագահի թեկնածու Լեւոն Տեր-Պետրոսյանի նախընտրական շտաբի պետ Ալեքսանդր Արզումանյանի հեռախոսը, էլփոստը, հետեւել Արզումանյանի տեղաշարժին: Ժորա Վարդանյանի այդ որոշմամբ, փաստացի, իշխանության վերահսկողության տակ է հայտնվել Լեւոն Տեր-Պետրոսյանի ամբողջ նախընտրական շտաբի անցուդարձը: Այդ մասին նշելով, Լեւոն Տեր-Պետրոսյանն ասում է, թե հիմք ունի ասելու, որ գաղտնալսել եւ հետեւել են շտաբի բոլոր աշխատակիցներին, իսկ Ալիկ Արզումանյանի հեռախոսը գաղտնալսել են անգամ մինչեւ դատարանի որոշումը, քանի որ ԱԱԾ-ն ֆիքսել է մի հեռախոսահամար, որից օգտվել է Արզումանյանը, ինչը չէին կարող անել առանց գաղտնալսելու:

Դատավորի այդ որոշումը համարելով Հայաստանի Հանրապետության Սահմանադրության եւ օրենքների կոպիտ ոտնահարում, Լեւոն Տեր-Պետրոսյանն իրավիճակը համեմատել է 1972 թվականին ԱՄՆ Ուոթերգեյթյան սկանդալին,. Երբ պարզվեց, որ նախագահ Նիքսոնը նախագահի ընտրությանը հրահանգել է գաղտնալսել իր մրցակցի շտաբի հեռախոսները: Դրանից հետո ԱՄՆ-ում տեղի ունեցած սկանդալի հետեւանքով Նիքսոնը հրաժարական տվեց: Լեւոն Տեր-Պետրոսյանը ասել է, թե միգուցե երկրները, իրավիճակները տարբեր են, սակայն համեմատությունը միանգամայն տեղին է, քանի որ խոսքը նույն երեույթի մասին է:

Տեր-Պետրոսյանի խոսքով, հետաքրքիր է, թե եթե իր շտաբի պետի հեռախոսի գաղտնալսման փաստի մասին հայտնի լիներ ԵԱՀԿ դիտորդական առաքելության ղեկավար Գերտ Արենսին, ապա ինչպես կվարվեր Արենսը ընտրությունը գնահատելու հարցում: Նույն կերպ եւ Լեւոն Տեր-Պետրոսյանը խոսել է Սահմանադրական դատարանի մասին, ասելով, թե հետաքրքիր է ինչ որոշում կկայացներ դատարանը, եթե ժամանակին տեղեկանար նախագահի ընտրության օրը Լեւոն Տեր-Պետրոսյանի շտաբի հեռախոսը գաղտնալսելու մասին: Տեր Պետրոսյանն Արենսի մասով ասել է, թե տրամաբանական կլիներ, որ այժմ, Արենսը այդ մասին տեղեկանալով, ուղղակի պատռի Հայաստանի նախագահի ընտրությանը տված իր գնահատականը:

Հաջորդ փաստաթուղթը, որ ներկայացրել է Լեւոն Տեր-Պետրոսյանը, դա Հատուկ քննչական ծառայության քննիչ Վահագն Հարությունյանի մարտի 1-ի որոշումն է, որ վերաբերում է նույն օրն առավոտյան Ազատության հրապարակում ոստիկանության գործողությանը: Այդ որոշման մեջ Լեւոն Տեր-Պետրոսյանն առանձնացնում է երկու ուշագրավ պահ: Մեկն ըստ նրա, այն է, որ Վահագն Հարությունյանի որոշման մեջ նշվում է, որ մարտի 1-ի առավոտյան ոստիկանությունն Ազատության հրապարակում իր գործողությունը սկսել է ժամը առավոտյան 6-ի սահմանում: Լեւոն Տեր-Պետրոսյանը նշել է, թե դա արձանագրվում է Հատուկ քննչական ծառայության քննիչի որոշման մեջ, ինչը չափազանց կարեւոր փաստաթուղթ է, հետեւաբար, ոստիկանության այն ղեկավարները, որոնք մարտի 1-ի հարցերի հանձնաժողովում նշել են, թե ոստիկանությունը գործողությունը սկսել է ժամը 7-ին, ուղղակի ստում են, ու անհրաժեշտ է, որ նրանք ստելու համար ենթարկվեն պատասխանատվության:

Դրանից բացի, Վահագն Հարությունյանի որոշման մեջ նշված է նաեւ, որ ոստիկանությունն Ազատության հրապարակ առավոտյան գնացել է անօրինական ցույցը հարկադիր դադարեցնելու նպատակով: Լեւոն Տեր-Պետրոսյանն այստեղ էլ ուշադրություն է հրավիրում քննիչի որոշման եւ հետագայում ոստիկանության տարածած թեզի հակասության վրա, քանի որ ոստիկանությունը հետագայում հայտարարում էր, թե Ազատության հրապարակ է գնացել զննության նպատակով: Լեւոն Տեր-Պետրոսյանը կարծում է, որ իշխանությունը թերեւս զննության վարկածը “մոգոնել” է ավելի ուշ, երբ հաջողացրել է թփերի տակ զենքեր տեղադրել, որոնք հետո վերագրի ընդդիմությանը:

Երրորդ փաստաթուղթը, ըստ Լեւոն Տեր-Պետրոսյանի, որ նա ներկայացրել է ասուլիսի ընթացքում, առերեւույթ այդքան էլ կապ չունի ներկայիս իրավիճակին եւ խնդիրներին, քանի որ փաստաբանական կոլեգիայի մի հարցման պատասխան է, որ ստացվել է հասցեների հանրապետական բյուրոյից, կապված Ռոբերտ Քոչարյանի բնակության վայրի տեղեկանքի հետ, որով նա 1998 թվականին առաջադրվել է Հայաստանի նախագահի թեկնածու: Ըստ այդմ, հասցեների հանրապետական բյուրոն այդ տեղեկանքի մասին հարցմանն ի պատասխան նշել է, թե այն հասցեում, որ նշված է որպես Ռոբերտ Քոչարյանի Երեւանի գրանցման վայր, իրականում Ռոբերտ Սեդրակի Քոչարյան անուն ազգանունով մարդ չի գրանցված: Լեւոն Տեր-Պետրոսյանը նշել է, թե 1998 թվականի այդ փաստաթուղթը երեք օր է, ինչ հայտնվել է իր տրամադրության տակ, ու թվում է, թե կապ չունի ներկա իրողությունների հետ, անցած փուլ է, սակայն երբ 1998 թվականի եւ 2008 թվականի իրադարձությունները տեղավորում ենք իշխանության նույն իրավագիտակցական մակարդակի ծիրում, ապա արձանագրում ենք, որ Հայաստանում իշխանությունը շարունակում է հասարակության հանդեպ նույն “բեսպրեդելը”: Ի դեպ, Լեւոն Տեր-Պետրոսյանն առաջարկել է “բեսպրեդել” բառի իր թարգմանական տարբերակը, նշելով, որ թեեւ բառարանում նման բառ չկա, սակայն ինքը ներկաների ճաշակի դատին է հանձնում սահմանազանցություն բառը, առաջարկելով դրանով փոխարինել “բեսպրեդել” հասկացությունը:

Ինչ վերաբերում է փաստաթղթերին, ապա Լեւոն Տեր-Պետրոսյանը դրանց ազդեցության մասին դժվարանում է կանխատեսումներ անել, սակայն նշում է, որ որեւէ նորմալ երկրում այդ փաստաթղթերի հրապարակումը ուղղակի պետք է մեծ աղմուկի պատճառ դառնար եւ իշխանությանը ստիպեր հրաժարական տալ: Փաստաթղթերը Լեւոն Տեր-Պետրոսյանի թիմը ներկայացնելու է նաեւ միջազգային կառույցներին: Առաջին նախագահն ասում է, թե այդ փաստաթղթերը միջազգային կառույցների ներկայացուցիչների վրա բավական մեծ տպավորություն են թողնում, քան որ նրանք պարզապես իրենց այցերի ընթացքում ունկնդրում են իշխանության եւ ընդդիմության կարծիքները:

[Chuk]

Մանրամասներ մամլո ասուլիսից՝ ըստ Ա1+-ի


ՀԱՍՈՒՆԱՆՈՒՄ Է ՀՐԱԺԱՐԱԿԱ՞Ն

[18:49] 02 Սեպտեմբերի, 2008

ՀՀ առաջին նախագահ Լեւոն Տեր-Պետրոսյանի գնահատմամբ` իր այսօր հրապարակած 3 փաստաթղթերը բացահայտում են ՚ընդդիմության դեմ ՀՀ իշխանությունների կազմակերպած հրեշավոր դավադրության էությունըՙ:

Այն, որ Կենտրոն եւ Նորք-Մարաշ համայնքների առաջին ատյանի դատավոր Ժորա Վարդանյանը բավարարել է ՀՀ ԱԱԾ պետ, գեներալ-մայոր Զ. Նանյանի միջնորդությունը` Ալեքսանդր Արզումանյանի հեռախոսային խոսակցությունները լսելու մասին, Տեր-Պետրոսյանին թույլ է տալիս ասել.՚Նշանակում է` քվեարկության օրը իշխանությունները լիովին վերահսկել են այդ շտաբի ողջ անցուդարձը, ընտրախախտումների վերաբերյալ տեղամասերից ստացվող ահազանգերը, վստահված անձանց, դիտորդներին եւ լրագրողներին տրվող տեղեկությունները, ինչպես նաեւ բողոքարկումների հետ կապված ցուցումները: Այսինքն` խոսքը վերաբերում է Սահմանադրության եւ ԸՕ-ի կոպտագույն խախտման մի արտառոց դեպքի, որը ցանկացած նորմալ երկրում համազգային ընդվզման եւ կառավարական ճգնաժամի պատճառ կարող էր դառնալ: Կատարվածն, ըստ էության, ոչնչով չի տարբերվում 1972 թ Ուոթըրգեթյան հայտնի սկանդալից, որը վերջիվերջո հանգեցրեց նախագահ Նիքսոնի հրաժարականինՙ:

Շարունակելով մանրամասնել Արզումանյանի նկատմամբ իշխանությունների գործողությունները` Տեր-Պետրոսյանն ասաց. ՚Որպես Արզումանյանի նկատմամբ կիրառված միջոցառման հիմնավորում նշված է այն ենթադրությունը, որ նա իբր թե ՚իրականացնում է գործունեություն` ուղղված ՀՀ ներքաղաքական վիճակի ապակայունացման, քաղաքացիական անհնազանդության իրավիճակի ստեղծման` դրանով իսկ հիմքեր ստեղծելով ՀՀ-ում հակասահմանադրական ճանապարհով իշխանափոխության իրագործման համարՙ:

Տեր-Պետրոսյանը ընդգծեց, որ այս հիմնավորումը լիովին հակասում է մեկ այլ պաշտոնական փաստաթղթի` ԱԱԾ Քննչական վարչության ավագ քննիչ Մ. Մարուքյանի կողմից Համաժողովրդական շարժման գործիչների դեմ քրեական գործ հարուցելու մասին փետրվարի 24-ին կայացրած որոշման բովանդակությանը, ըստ որի` ընդդիմությունը ՚ՀՀ պետական իշխանությունը յուրացնելու, ՀՀ Սահմանադրության խախտմամբ պետական իշխանությունը բռնությամբ զավթելու փորձՙ կատարել է միայն այն բանից հետո, երբ տեղեկացել է, որ Լեւոն Տեր-Պետրոսյանը, ըստ նախնական տվայալների` պարտվել է ընտրություններում եւ ստացել ընտրողների ձայների 21, 5 տոկոսը:

՚Փետրվարի 19-ին դեռեւս հայտնի չէր, թե ով է հաղթելու: Հետեւաբար հարց է ծագում, թե ինչո՞ւ պիտի Արզումանյանը այդ օրը ՚հակասահմանադրական ճանապարհով իշխանափոխության իրագործմանՙ փորձ կատարեր: Ավելի խղճուկ տրամաբանություն կամ ողորմելի իրավագիտակցություն դժվար է պատկերացնելՙ:

Տեր-Պետրոսյանը լուրջ հիմքեր ունի պնդելու, որ դատավոր Ժորա Վարդանյանը փետրվարի 19-ին նման որոշում կայացրել է ոչ միայն Արզումանյանի, այլեւ Համաժողովրդական շարժման բազմաթիվ անդամների նկատմամբ: ՚Այսինքն` խոսքը վերաբերում է ընդդիմության նախընտրական պայքարի ապօրինի վերահսկման տոտալ միջոցառմանըՙ,- ասաց Տեր-Պետրոսյանը:

ՏԵՐ-ՊԵՏՐՈՍՅԱՆԸ ՀԱՄԱՐԵՑ ՍՈՒՏ ՎԿԱՅՈՒԹՅՈՒՆ

Այսօր Տեր-Պետրոսյանի հրապարակած 2-րդ փաստաթուղթը մարտի 1-ի առավոտյան Ազատության հրապարակում տեղի ունեցած իրադարձությունների առթիվ քրեական գործ հարուցելու մասին էր: Փաստաթղթի մեջ հստակ նշված է, որ ոստիկանության աշխատակիցները Ազատության հրապարակում իրենց գործողությունները սկսել են առավոտյան ժամը 6-ի սահմաններում: Նույն ժամը նշված է նաեւ այդ օրը դատախազության տարածած հաղորդագրության մեջ:

՚Հետեւաբար ոստիկանության բարձրաստիճան պաշտոնյանների հետագա պնդումներն այն մասին, որ գործողություններն իբր սկսվել են ժամը 7-ից հետո, այլ բան, քան սուտ վկայություն, չեն կարող չկոչվել եւ ըստ այդմ պետք է արժանանան համապատասխան իրավական գնահատականիՙ,- ասաց Տեր-Պետրոսյանը: Շարունակելով նույն փաստաթղթի հրապարակումը` Տեր-Պետրոսյանն ընդգծեց. ՚Տվյալ փաստաթղթում նույնքան հստակորեն արձանագրված է, որ մարտի 1-ի առավոտյան ոստիկանությունը Ազատության հրապարակ է ժամանել սահմանված կարգի խախտմամբ անցկացվող հրապարակային միջոցառումները հարկադիր դադարեցնելու նպատակովՙ, այդ գործողությունները հիմնավորելով ՚Ժողովներ, հանրահավաքներ, երթեր եւ ցույցեր անցկացնելու մասինՙ ՀՀ օրենքի 14-րդ հոդվածի պահանջներով:

Կարճ ասած` ոստիկանության գործողության նպատակը, ըստ այդ փաստաթղթի, Ազատության հրապարակի խաղաղ նստացույցի ցրումն էր: Սակայն, տարօրինակ կերպով, նույն օրը ոստիկանության տարածած մի հաղորդագրության մեջ նշվում է, որ բոլորովին այլ նպատակ է եղել, այն է. ՚ Ազատության հրապարակում հրազեն, նռնակներ, պայթուցիկ նյութեր,մետաղյա ձողեր եւ մահակներ …առգրավելուն ուղղված զննությունՙ: Վարկած, որը կրկնում է նաեւ ՀՀ գլխավոր դատախազը մարտի 4-ին տեղի ունեցած ասուլիսի ժամանակՙ:

Այս հակասությունը Առաջին նախագահն այսպես բացատրեց. ՚Իմ կարծիքով տեղի է ունեցել հետեւյալը. երբ նստացույցը ցրելու նպատակով ժամանած ոստիկանությունը կատարել է իր խնդիրը ե ապա ճարպկորեն թփերի տակ տեղադրել եւ հեռուսախցիկների առաջ հայտնաբերել անհրաժեշտ ՚իրեղեն ապացույցներըՙ, դրանից հետո իշխանության բռնազավթման վարկածին ավելի մեծ համոզչականություն հաղորդելու համար մոգոնվել է ՚զննությանՙ վարկածըՙ: Երկրորդ փաստաթղթի ամփոփման ընթացքում Տեր-Պետրոսյանը վստահեցրեց.՚՚Զննությանՙ վարկածը, որը տեղ է գտել Ոստիկանության եւ Դատախազության մամլո հաղորդագրություններում, ոչ մի կերպ պաշտոնական համարել, հնարավոր չէՙ: Իսկ առաջին նախագահի հրապարակած 3-րդ փաստաթուղթը վերաբերում էր Ռոբերտ Քոչարյանին, որ 1998թ. նա Երեւանում գրանցված չի եղել:

՚Թվում է նրա նշանակությունը զուտ պատմական է, քանի որ ընդամենը ապացուցում է, որ 1998թ. Քոչարյանը Երեւանում գրանցված չի եղել եւ հետեւաբար նախագահ է ընտրվել կեղծ տեղեկանքի շնորհիվ: Սակայն եթե նկատի ունենանք 1998-ի եւ 2008-ի իրավագիտակցության խորքային կապը, ապա դժվար է չնկատել, որ 10 տարվա ընթացքում Հայաստանում տիրող իրավական ՚բեսպրիդելիՙ վիճակում ոչինչ չի փոխվել, իսկ եթե այնուամենայնիվ փոխվել է,ապա դեպի ՚բեսպրիդելիՙ կատարելագրոծումՙ: Լրագրողների աշխատանքը հեշտացնելու համար` առաջին նախագահը նաեւ թարգմանեց ՚բեսպրիդելըՙ. ՚Թերեւս կարելի է վերարտադրել հայերեն ՚սահմանազանցությունՙ բառովՙ:

ՏԵՐ-ՊԵՏՐՈՍՅԱՆԸ ԿԱՍԻ, ԵՐԲ ՔՈՉԱՐՅԱՆԸ ՎԵՐԱԴԱՌՆԱ

Այսօր իրար հաջորդող եւ լրացնող մի քանի հարցերի միջոցով լրագրողները փորձեցին պարզել, թե Տեր-Պետրոսյանը իր ապագա քաղաքական գործունեության ընթացքում Ռոբերտ Քոչարյանին համարո՞ւմ է իր մրցակիցը, թե՞ ոչ: Լեւոն Տեր-Պետրոսյանը հիշեցրեց, որ 10 տարի չէր զբաղվում քաղաքականությամբ, եւ նա որեւէ մեկին մրցակից չէր համարվում:

՚Քաղաքական մրցակից համարվելու համար պետք է լինել քաղաքականության մեջ: Ես չգիտեմ, թե Ռոբերտ Քոչարյանը հիմա ինչով է զբաղված: Քոչարյանն այժմ քաղաքականության մեջ չէ: Եթե Ռոբերտ Քոչարյանը վերադառնա քաղաքականություն, եւ ես էլ մնամ քաղաքականության մեջ, ապա այդ ժամանակ մենք կլինենք մրցակիցներՙ,- ասաց Տեր-Պետրոսյանը` չբացառելով ինչ-որ հարցերում, ժամանակի ընթացքում Քոչարյանի հետ դաշնակից լինելու պարագան:

Ներկանների ծիծաղից հետո Տեր-Պետրոսյանը շարունակեց իր խոսքը` ՚Իհարկե, կատակ էր: Բայց քաղաքականության մեջ նման վայրիվերումները բացառել պետք չէ, քանի որ օրինակներ կան, երբ երեկվա մրցակիցներն ու հակառակորդները դաշինքներ են կազմելՙ:

Մոտ ապագայում Քոչարյանի վերադարձը իշխանության ղեկին` Լեւոն Տեր-Պետրոսյանը համարում է ասեկոս, որոնց մեկնաբանելու սովորություն չունի:

՚Երբ Քոչարյանը գա քաղաքականություն, այն ժամանակ էլ կխոսեմՙ,- նշեց Տեր-Պետրոսյանը:

ՏԵՐ-ՊԵՏՐՈՍՅԱՆԸ ՄՆԱԼՈՒ Է ՕՐԵՆՍԴՐԱԿԱՆ ԴԱՇՏՈՒՄ

՚Ազնիվ իշխանությունը երբեք չի կառչում իշխանական լծակներից, դա անում է միայն հանցավոր իշխանությունըՙ- այսօրվա իր ասուլիսում վստահեցրեց ՀՀ առաջին նախագահ Լեւոն Տեր-Պետրոսյանը: Նա պատահական չի համարում, որ այս իշխանությունները հանրության հետ շփվելու խնդիր իրենց առաջ չեն դրել:

՚Դա նրանց պետք չէ, քանի որ նրանք ընտրությանը ոչ թե հասարակական կարծիքով են հաղթում, ձայն ստանում, այլ ասենք` Թոխմախի Մհերին եւ Նեմեց Ռուբոյին իշխանության համար ցանկալի արդյունքի անհրաժեշտ պատվերներ տալով: Իսկ եթե դա էլ չբավարարի, ապա մարտի 1 կանենՙ- ասաց Տեր-Պետրոսյանը: Անկախ իշխանությունների գործողություններից նա վստահեցրեց, որ իր գլխավորած ընդդիմությունը երբեք չի դիմելու բռնության, չի գնալու ուժային որեւէ ճանապարհով, այլ ինչպես 1988 թ. շարժումը, մինչեւ վերջ մնալու է օրենսդրության շրջանակում, ինչպիսին էլ այդ օրենսդրությունը լինի, եւ հասնելու են իրենց նպատակին:

Նա այսօր եւս մեկ անգամ ընդգծեց, որ որեւէ երկխոսություն չի կարող տեղի ունենալ իշխանությունների հետ, քանի դեռ նրանք պատանդ են պահում Շարժման 76 անդամների, հանուն որոնց Շարժումը ստիպված էր նստացույցեր, հացադուլներ անել, որոնք Շարժման` իր նպատակներին հասնելու ծրագրում ընդգրկված չէին: Իշխանությունների կողմից ընդդիմության ակտիվիստներին բանտերում պահելով հարցեր լուծելու փորձերը` Տեր-Պետրոսյանը համարում է տեռորիստներին բնորոշ քայլ:

[Chuk]

ՈՂՋՈՒՆՈՒՄ Է ԳՅՈՒԼԻ ՀԱՅԱՍՏԱՆ ՀՐԱՎԻՐԵԼԸ

ՀՀ առաջին նախագահն այսօր անդրադարձավ նաեւ Թուրքիայի նախագահ Աբդուլլահ Գյուլի հնարավոր այցին Հայաստան եւ նշեց, որ կարող է միայն ողջունել Գյուլին Հայաստան հրավիրելու քայլը: ՚Հատկապես որ առիթն էլ բավական հարմար է, հատուկ քաղաքական ինտրիգ չկա, մարզական միջոցառում է, որը կարող է նպաստել երկու երկրների միջեւ սառույցը հալեցնելունՙ,- ասաց Առաջին նախագահը:

Նա նորմալ չի համարում, որ մինչ օրս որեւէ թուրք բարձրաստիճան պաշտոնյա Հայաստան չի այցելել, այն դեպքում, երբ ՀՀ նախագահները 4 անգամ եղել են Թուրքիայում` երեք անգամ ինքը, մի անգամ` Ռոբերտ Քոչարյանը: ՚Դա նորմալ հարեւանություն չէ: Հայաստանի հասարակությունը միշտ էլ պատրաստ է եղել հայ-թուրքական հարաբերության կարգավորմանը, Թուրքիայի հետ բարիդրացիական հարաբերության հաստատմանըՙ,- ասում է Տեր-Պետրոսյանը:

Պատասխանելով ՚Ա1+ՙ-ի հարցին` Տեր-Պետրոսյանը այսօր անդրադարձավ հայ-թուրքական պատմաբանների հանձնաժողով ստեղծելու մասին Սերժ Սարգսյանի հայտարարությանը:

Ի դեպ, Մոսկվայում կրկնելով հայ-թուրքական պատմաբաների հանձնաժողով ստեղծելու մասին` Սերժ Սարգսյանն այն պայմանավորել էր սահմանների բացումով:

՚Սահմանների բացումով հանձնաժողովի ստեղծում պայմանավորելն ուղղակի նշանակում է ցեղասպանության հարցը դարձնել սակարկության առարկաՙ,- ասաց առաջին նախագահը` ավելացնելով, որ հետագայում Սերժ Սարգսյանը փաստացի հրաժարվել է իր այդ մտքից եւ այլեւս չի խոսել պատմաբանների հանձնաժողովի մասին: Լեւոն Տեր-Պետրոսյանը համարում է, թե պատմաբանների հանձնաժողովի մասին Սերժ Սարգսյանի մոտ երեւի թե սայթաքում է եղել, որը նա փորձել է շտկել, այդ մասին այլեւս չխոսելով:

ՈՎՔԵ՞Ր ԵՆ ՈՐՈՇՈՒՄ ԱՇԽԱՐՀԻ ԿԱՐԳԸ

ՀՀ առաջին նախագահն այսօր ստիպված էր անդրադառնալ նաեւ վրաց-օսեթական հակամարտությանը վերաբերյալ իր տված հարցազրույցին եւ մեկ անգամ եւս հստակեցնել, որ այն ոչ ռուսամետ էր եւ ոչ էլ դեմ արեւմուտքին: Նա նշեց, որ ընդամենը արձանագրել է փաստը. ՚Հարձակվել է Վրաստանը` փորձելով Օսիայի հարցը լուծել օսերի տեղահանությամբ, իսկ Ռուսաստանն էլ միակ ուժն էր, որ կարող էր կանխել դա եւ կանխել էՙ: Բոլորովին չքննադատելով այդ հարցում ՀՀ իշխանությունների լռությունը` առաջին նախագահը ավելացրեց, որ ինքն այդ առումով ազատ եւ անկաշկանդ կարող էր արտահայտել իր տեսակետը, քանի որ իշխանություն չէ, իսկ իշխանությանը հասկանում է եւ որեւէ բանի համար այդ առումով չի մեղադրում, քանի որ թե Ռուսաստանը, թե Վրաստանը մեր բարեկամն են, ու պետք չէ փչացնել նրանցից որեւէ մեկի հետ մեր հարաբերությունը.

՚Եթե ես լինեի իշխանության, գուցե ես էլ զգուշավոր լինեիՙ:

Տեր-Պետրոսյանն այսօր նաեւ խոսեց ԼՂ հիմնախնդրի վրա վրաց- օսեթական հակամարտության հնարավոր ազդեցության մասին: ՚Դատելով համաշխարհային գործընթացներից, որ այդ թվում ծավալվում են նաեւ Կովկասում, կարելի է ասել, որ սառեցված հակամարտությունները լուծվում են մեկը մյուսի հետեւից: Այդ մեկը մյուսի հետեւից լուծման մասին վկայող գործընթացը, որի օրինակներն են` Կոսովոն, Աբխազիան, Հարավային Օսեթիան, ամենեւին չի ենթադրում, որ մնացյալ սառեցված հակամարտությունների լուծումն էլ նույնքան մոտ է եւ դյուրին, ինչպես Ղարաբաղը կամ Մերձդնեստրի հակամարտությունըՙ:

Առաջին նախագահը չի բացառում, որ Կոսովոյի, Աբխազիայի եւ Հարավային Օսիայի հակամարտությունների լուծումը ավելի դժվարացնի մյուս հակամարտությունների, այդ թվում եւ Ղարաբաղի հակամարտության կարգավորումը: Նախագահը ընդգծեց, որ հակամարտությունների կարգավորումը տեղի է ունենում ոչ ազգերի ինքնորոշման, եւ ոչ էլ տարածքային ամբողջության, այլ գերտերությունների նպատակահարմարության ծիրում, ըստ գերտերությունների շահի. ՚Ինչպես այդ շահը պահանջի, այդպես էլ կկիրառվի կամ տարածքային ամբողջության, կամ ազգի ինքնորոշման սկզբունքը: Միջազգային իրավունք կոչվածն ընդամենն աշխարհի հզորների իրավունքն է, եւ 4-5 զորեղ պետություն են որոշում աշխարհի կարգըՙ:

Իսկ, թե ինչ է սպասվում է ԼՂ-ին այս համատեքստում ` Տեր-Պետրոսյանն այսօր դժվարացավ ասել:

Ի դեպ, լրագրողների խնդրանքով ՀՀ առաջին նախագահն այսօր իր տեսակետը հայտնեց նաեւ Կովկասյան Ալյանսի վերաբերյալ թուրքական առաջարկին, որի քննարկումը չի բացառվում նաեւ Հայաստանում: Առաջարկը Տեր-Պետրոսյանին հիշեցնում է սեւծովյան տնտեսական գործակցության առաջարկը, որը նույն Թուրքիան արեց 16 տարի առաջ, որը, ըստ Տեր-Պետրոսյանի, փաստացի մնացած անկատար:

՚Եթե Կովկասյան Ալյանսի մասին առաջարկն էլ պետք է արժանանա նույն ճակատագրին, ապա ավելորդ եմ համարում դրա հետ ինչ որ հույսեր կապելըՙ,-ասաց նա:

Առաջին նախագահը հիշեցրեց, որ թե Թուրքիան, եւ այլ ազդեցիկ տերություններ ժամանակ առ ժամանակ հանդես են գալիս նման քաղաքական նախաձեռնություններով, եւ կյանքը ցույց կտա, թե որքան կենսունակ է հերթականը: ՚Ամեն դեպքում այդօրինակ առաջարկները դրական են եւ նպաստում են ճգնաժամային եւ լարված իրավիճակների լիցքաթափմանըՙ,- կարծում է ՀՀ Առաջին նախագահ Լեւոն Տեր-Պետրոսյանը:


Աղբյուր՝ Ա1+ (http://www.a1plus.am/amu)

[Artgeo]

Էլ. փոստը ո՞նց :think

[Chuk]

Էլ. փոստը ո՞նց :think

Եթե հայկական սերվերի վրա ա, ապա թերևս պարզ է, թե ոնց, եթե արտասահմանյան, ապա երևի սպասենք մասնագետների մեկնաբանության: Տեսականորեն, իմ տրամաբանությամբ, պրովայդերների հետ համագործակցելով հնարավոր է դա իրականացնել:

[Ջուզեպե Բալզամո]

Չգիտեմ հիշում եք, թե չէ… 2 տարի առաջ Yahoo-ն Չինաստանի կառավարությանն էր հանձնել ընդդիմադիրների էլ-նամակագրությունը: Բազմաթիվ մարդիկ էին ձերբակավել: ԱՄՆ-ում թքեցին մրեցին, անբարոյականություն կոչեցին: Դրանից հետո դանդաղ սկսեց սկել: Իսկ Google-ը հրաժարվել էր անգամ ԱՄՆ պետական անվտանգության մարմինների հետ համագործակցել և հաճախորդների տվյալները գաղտի պահեց: Հիմա լավ ա :)

[Հակոբ Գեւորգյան]

Այսօր Լևոն Տեր-Պետրոսյանը մասնակցել է մամլո ասուլիսի, որի ժամանակ հրապարակել է ևս 3, իմ գնահատմամբ հակասահմանադրական փաստաթուղթ: Առայժմ հրապարակում եմ ասուլիսի այդ հատվածի մասին պատմող lragir.am-ի հոդվածը, հետագայում այս թեմայում կտեղադրվի ասուլիսի այլ հատվածներ.

Շատ հզոր հայտարարություն է կատարաել Պրն. Լ.Տ. Պետրոսյանը։

Հայաստանի Հանրապետության Սահմանադրության մեջ, արդյոք կա՞ մի հոդված, որով արգելվում է հարուցել քրեական հետապնդում։

[Chuk]

Շատ հզոր հայտարարություն է կատարաել Պրն. Լ.Տ. Պետրոսյանը։

Հայաստանի Հանրապետության Սահմանադրության մեջ, արդյոք կա՞ մի հոդված, որով արգելվում է հարուցել քրեական հետապնդում։

Հրաշալի մեկնաբանություն էր: Կասեի Տեր-Պետրոսյանի խոսքերով՝ հրա՜շք :)
Կան դեպքեր, երբ բացատրելն անիմաստ է, խորհուրդ կտայի մտածել, խորհել ու ինքնուրույն հասկանալ, թե ինչի՞ մասին է խոսել Տեր-Պետրոսյանը, այսպիսի հանճարեղ մտքեր չասելու համար:

[Հակոբ Գեւորգյան]

Հրաշալի մեկնաբանություն էր: Կասեի Տեր-Պետրոսյանի խոսքերով՝ հրա՜շք :)
Կան դեպքեր, երբ բացատրելն անիմաստ է, խորհուրդ կտայի մտածել, խորհել ու ինքնուրույն հասկանալ, թե ինչի՞ մասին է խոսել Տեր-Պետրոսյանը, այսպիսի հանճարեղ մտքեր չասելու համար:

Շնորհակալություն,

Ես ինկատի ունեմ հետեւյալ գրառման մեջ արված հայտարաությունը, որում ասվում է՝


Առաջին փաստաթուղթը, որ ներկայացրել է Լեւոն Տեր-Պետրոսյանը, եղել է Կենտրոն եւ Նորք Մարաշ համայնքների ընդհանուր իրավասության դատարանների դատավոր Ժորա Վարդանյանի վճիռը, որոնք նա փետրվարի 19-ին, այսինքն նախագահի ընտրության օրը, Ազգային անվտանգության ծառայությանը թույլատրել է գաղտնալսել նախագահի թեկնածու Լեւոն Տեր-Պետրոսյանի նախընտրական շտաբի պետ Ալեքսանդր Արզումանյանի հեռախոսը, էլփոստը, հետեւել Արզումանյանի տեղաշարժին: Ժորա Վարդանյանի այդ որոշմամբ, փաստացի, իշխանության վերահսկողության տակ է հայտնվել Լեւոն Տեր-Պետրոսյանի ամբողջ նախընտրական շտաբի անցուդարձը: Այդ մասին նշելով, Լեւոն Տեր-Պետրոսյանն ասում է, թե հիմք ունի ասելու, որ գաղտնալսել եւ հետեւել են շտաբի բոլոր աշխատակիցներին, իսկ Ալիկ Արզումանյանի հեռախոսը գաղտնալսել են անգամ մինչեւ դատարանի որոշումը, քանի որ ԱԱԾ-ն ֆիքսել է մի հեռախոսահամար, որից օգտվել է Արզումանյանը, ինչը չէին կարող անել առանց գաղտնալսելու:

Չեմ կարծում թե սահմանադրություն մշակողներն այդքան հիմար լինեն։ Նրանք միշտ էլ ունեն իրենց՝ օրենքը ներկայացնողներին ձեռնատու օրենքներ։

Չուկ, մի կարծիր թե ես ամեն ինչ գիտեմ։ Ես, եւ կարծում եմ շատ շատերը, ովքեր գրում են այս ֆորումում, փորձում են փոխըմբռնել կատարվող քննակումները։

[dvgray]

Ներկանների ծիծաղից հետո Տեր-Պետրոսյանը շարունակեց իր խոսքը` ՚Իհարկե, կատակ էր: Բայց քաղաքականության մեջ նման վայրիվերումները բացառել պետք չէ, քանի որ օրինակներ կան, երբ երեկվա մրցակիցներն ու հակառակորդները դաշինքներ են կազմելՙ:

Տեսնես ի՞նչ դաշինքներ կարող են կազմել Լևոնը ու Քոչը :think
Մտածում եմ ամենահավանական տարբերակը տնտեսական դաշինքն է: Լևոնը իր միլիարդը միացնի Քոչի միլիարդին, ու մի հատ համատեղ գործ սկսեն :D
Հ.Գ. Եթե իհարկե շուտվանից միացված չէ ;)

[Հայկօ]

Հարգելի Հակոբ Գևորգյան ջան, օրենքները հաճախ գրվում են խախտվելու համար, բայց ամենացավալին այն է, երբ այդ օրենքները խախտում են իրենք՝ օրենք մշակողները: Չեմ կարծում, որ սահմանադրության մեջ ինչ-որ лазейка՝ սողանցք թողած լինեն, որով թույլատրվի, ասենք, «ժուչոկներ» դնել քո՝ Հակոբ Գևորգյանի ննջարանում ու թաքնված տեսախցիկներ՝ զուգարանում, կամ՝ կարդալ, թե դու ինչ ես գրում քո ընկերուհուն ուղղված ինտիմ նամակի մեջ: Իսկ քո՝ վերևում գրվածը քրեական հետապնդում հարուցելն արգելող հոդվածի մասին հիշեցնում է Գուլիվերի մեջի «Լապուտա» կղզու արդարադատությունը: Այնտեղ մարդկանց ձերբակալում էին, ոչ մի մեղադրանք չներկայացնելով՝ բանտ նետում ու մի երկու օր տալիս՝ ապացուցելու համար, որ ինքն անմեղ է: Չէր ապացուցում՝ դատավճիռ: Տարբերությունը տեսնու՞մ ես: Մեղադրո՛ղը պետք է ապացուցի մեղադրյալի մեղքը, ոչ թե՝ անմեղին ստիպի ապացուցել, որ ինքն անմեղ է: Քրեական հետապնդում արգելող հոդված չկա՛ և չի էլ կարող լինել, կան քրեական հետապնդումը կոնկրետ այս-այս-այս և միայն ու միայն այդ դեպքերում թույլատրո՛ղ հոդվածներ: Ամեն պատահածի (ասենք՝ քեզ) վրա անհիմն գործ չի՛ կարելի բացել:

[Հակոբ Գեւորգյան]

Հարգելի Հակոբ Գևորգյան ջան, օրենքները հաճախ գրվում են խախտվելու համար, բայց ամենացավալին այն է, երբ այդ օրենքները խախտում են իրենք՝ օրենք մշակողները: Չեմ կարծում, որ սահմանադրության մեջ ինչ-որ лазейка՝ սողանցք թողած լինեն, որով թույլատրվի, ասենք, «ժուչոկներ» դնել քո՝ Հակոբ Գևորգյանի ննջարանում ու թաքնված տեսախցիկներ՝ զուգարանում, կամ՝ կարդալ, թե դու ինչ ես գրում քո ընկերուհուն ուղղված ինտիմ նամակի մեջ: Իսկ քո՝ վերևում գրվածը քրեական հետապնդում հարուցելն արգելող հոդվածի մասին հիշեցնում է Գուլիվերի մեջի «Լապուտա» կղզու արդարադատությունը: Այնտեղ մարդկանց ձերբակալում էին, ոչ մի մեղադրանք չներկայացնելով՝ բանտ նետում ու մի երկու օր տալիս՝ ապացուցելու համար, որ ինքն անմեղ է: Չէր ապացուցում՝ դատավճիռ: Տարբերությունը տեսնու՞մ ես: Մեղադրո՛ղը պետք է ապացուցի մեղադրյալի մեղքը, ոչ թե՝ անմեղին ստիպի ապացուցել, որ ինքն անմեղ է: Քրեական հետապնդում արգելող հոդված չկա՛ և չի էլ կարող լինել, կան քրեական հետապնդումը կոնկրետ այս-այս-այս և միայն ու միայն այդ դեպքերում թույլատրո՛ղ հոդվածներ: Ամեն պատահածի (ասենք՝ քեզ) վրա անհիմն գործ չի՛ կարելի բացել:

Ես այս պահին չեմ բնակվում Հայաստանի Հանրապետությում, հետեւաբար այն օրինակները, որոնք Դուք վերագրեցիք ինձ, անհնար կլինի գործել։ Կներեք, օֆթոփիքի համար։ Եկեք ծաղրի չվերածենք իմ հարցումը, լա՞վ։

Ես կարծում եմ որ Լ.Տ. Պետորսյանը անտեղյակ է ՀՀ սահմանադրությունից, քնաի, չէ որ այն բարեփոխվեց Ռ. Քոչարյանի օրոք։

[Հայկօ]

Բնավ չեմ փորձել ծաղրի վերածել և ոչ մի բան, քավ լիցի. եթե օրինակները բերել եմ կոնկրետ Ձե՛ր դեպքի համար, դա դեռ չի նշանակում, որ մտադիր եմ եղել Ձեզ ծաղրել:

Իսկ եթե Ձեր անուն-ազգանվան փոխարեն ուրիշ անուն գրեի, օրինակն ավելի հասկանալի կդառնա՞ր: Եթե Ձե՛զ չեն գաղտնալսում այլ, ասենք, Ալեքսան Արզումանյանին, դրանից գաղտնալսողների մեղքը քչանու՞մ է: Թե՞՝ Ձեզնից հետո՝ ջրհեղեղ:

(Բարե)փոխումներից անտեղյակության մասին. հարգելի՛ս, իսկ ինչու՞ եք կարծում, թե ԼՏՊ-ն հրաժարականից հետո կրիոստատում է եղել և ամեն բանից անտեղյակ՝ իր համար քնել է իր սառցե դղյակում: Եթե նույնիսկ ես և Դուք գիտենք փոփոխությունների մասին, տրամաբանական է ենթադրելը, որ նա էլ գուցե ականջի պոչով ինչ-որ բան լսած լինի:

Չէ, ինչքան մտածում եմ, էնքան անօգուտ եմ համարում էս Ձեր վերջին միտքը մեկնաբանելը: Հազար ներողություն, բայց:

[Mephistopheles]

Ես այս պահին չեմ բնակվում Հայաստանի Հանրապետությում, հետեւաբար այն օրինակները, որոնք Դուք վերագրեցիք ինձ, անհնար կլինի գործել։ Կներեք, օֆթոփիքի համար։ Եկեք ծաղրի չվերածենք իմ հարցումը, լա՞վ։

Ես կարծում եմ որ Լ.Տ. Պետորսյանը անտեղյակ է ՀՀ սահմանադրությունից, քնաի, չէ որ այն բարեփոխվեց Ռ. Քոչարյանի օրոք։

Սխալ ես կարծում Հակոբ ջան, երևում է, որ ոչ միայն Հայաստանում չես բնակվում այլ նաև նորեւթյուններն էլ չես կարդում, թե չէ կիմանայիր որ ԼՏՊ-ի ոչ մի մեղադրանք կապված սահմանադրական խախտման հետ (և ոչ միայն սահմանադրական) չի հերքվել…սա անտեղյակության մասին չի խոսում:

[Հակոբ Գեւորգյան]

Բնավ չեմ փորձել ծաղրի վերածել և ոչ մի բան, քավ լիցի. եթե օրինակները բերել եմ կոնկրետ Ձե՛ր դեպքի համար, դա դեռ չի նշանակում, որ մտադիր եմ եղել Ձեզ ծաղրել:

Իսկ եթե Ձեր անուն-ազգանվան փոխարեն ուրիշ անուն գրեի, օրինակն ավելի հասկանալի կդառնա՞ր: Եթե Ձե՛զ չեն գաղտնալսում այլ, ասենք, Ալեքսան Արզումանյանին, դրանից գաղտնալսողների մեղքը քչանու՞մ է: Թե՞՝ Ձեզնից հետո՝ ջրհեղեղ:

(Բարե)փոխումներից անտեղյակության մասին. հարգելի՛ս, իսկ ինչու՞ եք կարծում, թե ԼՏՊ-ն հրաժարականից հետո կրիոստատում է եղել և ամեն բանից անտեղյակ՝ իր համար քնել է իր սառցե դղյակում: Եթե նույնիսկ ես և Դուք գիտենք փոփոխությունների մասին, տրամաբանական է ենթադրելը, որ նա էլ գուցե ականջի պոչով ինչ-որ բան լսած լինի:

Չէ, ինչքան մտածում եմ, էնքան անօգուտ եմ համարում էս Ձեր վերջին միտքը մեկնաբանելը: Հազար ներողություն, բայց:

Լավ, ես հասկանում եմ Ձեզ. գիտեմ թե ուր եք ուզում տանել այս քննարկումը։ Շատ հակիրճ ասեմ, որ ամեն մարդ տարբեր է։ Օրինակ, ես եւ դու, ԼՊՆ ու Սերժիկը, Քոչիկն ու Բուռչիկ, Բուշը եւ Մոշե Դայանը… Հետեւաբար ինձ վրա օրինակներ մի բերեք։ Ես ստախոս չեմ։

Բայց որ փաստը մնում է փաստ, այն որ Դուք էլ չգիտեք, թե արդյոք կա՞ օրենք, ըստ որի իրավազրկվում է դատավորը։

Եթե կա, ուրեմն կհարգեմ Լ.Տ. Պետրոսյանին։ Եթե չկա, ուրեմն նա ջուր ծեծող է… Ասել ընկերոջս, Զահլա չկա…

Իսկ ընդհանրապես, եթե ուզում ես իմանալ թե ինչ բան է օրենքը, :) պետք է հակառակվես դրան։ Օրենքի հետ խաղալը դա ամենա մեծ հաճույքն է։ Եվ վերջում, երբ գալիս է հաղթանակի պահը, կողմերից մեկը հանգիստ ասում է «օրենքը չի գրվում քարի վրա…»

Կներեք, մի լավ օֆթոփիկ եղավ իմ այս պատասխանը… Կներես ինձ Հայկօ ջան, բայց եթե ցանկանաս, ինձ այստեղ նամակով գրի կխոսենք։ Արի այս թեման թողնենք լուրջ թեմա։ Խոսքը գնում է ԼՏ Պետրոսյանի եւ իր կարգի մարդկանց մասին։ Ես չկամ–փաս…

[Հայկօ]

Իսկ ես ինչ-որ տեղ փորձե՞լ եմ Ձեզ ստախոս անվանել ;): Չէ՛, չէ՞: Ոչ էլ ձգտել եմ խոսակցությունը տանել կոնկրետ ինչ-որ ուղղությամբ: Պարզապես պատասխանել եմ այն ամենին, ինչ տվյալ պահին գրել էիք: Այնպես որ՝ եկեք ավելորդ տեղը չշեղվենք: Այն, որ բոլոր մարդիկ տարբեր են, փաստ է, բայց այն, որ օրենքի առաջ բոլորը պիտի հավասար լինեն, դա է՛լ է փաստ: Դեռ թողնենք մի կողմ, որ բոլորը հավասար են, բայց ոմանք մյուսներից ավելի՛ հավասար են: Իսկ ամեն մարդու շապիկն իր մարմին ամենամոտն է, դրա համար էլ սեփական անձի վրա բերված օրինակները ավելի ցավագին են ընդունվում: Այն փաստը, որ Հյուսիսային պողոտայում ծեծելով կնոջ ձեռք են կոտրել՝ ոչինչ, իսկ այն ենթադրությունը, որ Ձեր ննջարանում կարող է «ժուչոկ» լինել, արդեն խիստ տհաճ է: Հասկանում եմ Ձեր վրդովմունքը:

Դատավորի իրավազրկվելու պահը չհասկացա: Ի՞նչ նկատի ունեիք: Դատավորին բացարկ հայտարարե՞լը: Դատավորի ինքնաբացա՞րկը:

Օրենքի հետ խաղից հետո կողմերից մեկը սովորաբար ճաղապատ արև է տեսնում մի քանի տարի անընդմեջ: :) Իսկ իմանալու համար, թե ինչ է օրենքն այստեղ՝ Հայաստանում, պարզապես պետք է նայել, թե ոստիկան-օրինապահներն ինչ են անում ու պատկերացնել ճիշտ հակառակը:

[Mephistopheles]

..........................

.................................................

Իսկ ընդհանրապես, եթե ուզում ես իմանալ թե ինչ բան է օրենքը, :) պետք է հակառակվես դրան։ Օրենքի հետ խաղալը դա ամենա մեծ հաճույքն է։ Եվ վերջում, երբ գալիս է հաղթանակի պահը, կողմերից մեկը հանգիստ ասում է «օրենքը չի գրվում քարի վրա…»

Կներեք, մի լավ օֆթոփիկ եղավ իմ այս պատասխանը… Կներես ինձ Հայկօ ջան, բայց եթե ցանկանաս, ինձ այստեղ նամակով գրի կխոսենք։ Արի այս թեման թողնենք լուրջ թեմա։ Խոսքը գնում է ԼՏ Պետրոսյանի եւ իր կարգի մարդկանց մասին։ Ես չկամ–փաս…

Կներես Հակոբ ջան, որ խառնվում եմ, բայց էս միտքը ցնցեց…Ես կարծում էի օրենքի մասին կարելի է իմանալ…ասենք…օրենքը կարդալով, կամ իրավաբանական դպրոց (համալսարան) գնալով, բայց էս մեկը չգիտեի…աչքիս դու բանտից ես գրում Հակոբ ջան…ԼՏՊ-ն այդ ճանապարհով չի իմացել օրենքի մասին և նրա սահմանադրության իմացության վրա կարող ես չկասկածել

Ես եթե օրենքի հետ խնդիրներ ունենայի, հաստատ "պրակտիկ փաստաբանների" օգնությանը չէի դիմի…

[Հակոբ Գեւորգյան]

Կներես Հակոբ ջան, որ խառնվում եմ, բայց էս միտքը ցնցեց…Ես կարծում էի օրենքի մասին կարելի է իմանալ…ասենք…օրենքը կարդալով, կամ իրավաբանական դպրոց (համալսարան) գնալով, բայց էս մեկը չգիտեի…աչքիս դու բանտից ես գրում Հակոբ ջան…ԼՏՊ-ն այդ ճանապարհով չի իմացել օրենքի մասին և նրա սահմանադրության իմացության վրա կարող ես չկասկածել

Ես եթե օրենքի հետ խնդիրներ ունենայի, հաստատ "պրակտիկ փաստաբանների" օգնությանը չէի դիմի…

Միֆ, ընկերներիցս մեկը Դիքենսի մեծ մասնագետ է, եւ ունի ութից ավել հատորյակներ, նորավեպեր, իր գրքերից մեկում գրել էր «օրենքը չի գրված քարի վրա։» Գիրքը հենց ամերիկյան պատմության մասին էր։ Եվ ամենա ծիծաղելին այն է, որ գիրքը համարվում է արգելված գրականություն (Banned Books). Բայց դե դա չի կարեւորը. խեղճ Ջեյմզը բանտում երբեք նստած կամ էլ կանգնած չի եղել։ Ուրեմն, ինչ է, նա խե՞նթ է, որ տարեկան մի տասնակ ուսանողների դիսերտացիաներ կարդալուց, եւ մի քանի հատ էլ հոգին ուտող կատակներից հետո տալիս է դոկտորի տիտղոս։ Չէ, Ջեյմզը խելացի մարդ է…:)

[Koms]

Եկեք համաձայնենք, որ այս ամենը նրանից է, որ մենք ապրում ենք բավականին թույլ ու խոցելի մի երկրում, որտեղ չկա հստակ ձեւակերպված ազգային գաղափար ու նպատակներ: Ուր ենք մենք գնում? Ինչն է մեր վերջնական նպատակը /ոչ թե ձեւական/? Օլիգարխների հետագա հարստացումը ի հաշիվ "հասարակ մահկանացուների", թե օրենքներին ենթարկվող նորմալ քաղաքացիական հասարակության ձեւավորումը? Սա շատ կարեւոր է, ի վերջո կյանքը ցույց տվեց, որ վաղը-մյուս օրը մենք կարող ենք կանգնել լրջագույն մարտահրավերների առջեւ, բայց հարց է, թե կարող ենք դիմակայել դրանց?

[Երվանդ]

Տեսնես ի՞նչ դաշինքներ կարող են կազմել Լևոնը ու Քոչը :think
Մտածում եմ ամենահավանական տարբերակը տնտեսական դաշինքն է: Լևոնը իր միլիարդը միացնի Քոչի միլիարդին, ու մի հատ համատեղ գործ սկսեն :D
Հ.Գ. Եթե իհարկե շուտվանից միացված չէ ;)

Մի հիշեցրա էլի էտ մասերը Դիվ:[:secret

[Chuk]

Տեսնես ի՞նչ դաշինքներ կարող են կազմել Լևոնը ու Քոչը :think
Մտածում եմ ամենահավանական տարբերակը տնտեսական դաշինքն է: Լևոնը իր միլիարդը միացնի Քոչի միլիարդին, ու մի հատ համատեղ գործ սկսեն :D
Հ.Գ. Եթե իհարկե շուտվանից միացված չէ ;)
Դիվի, ի դեպ տեղեկություններ կան, որ այդ արտահայտության պատճառով մերձիշխանական ու հանրապետական որոշ թևերում մի հատ հավեսով խառնված վիճակ ա :D
Տեր-Պետրոսյանը անհրաժեշտ պահերին կարողանում ա լավ ինտրիգաներ անել: Ինձ ուղղակի հետաքրքրում է, դա նախապես մտածվա՞ծ էր, թե՞ տեղում սարքված :)



Հակոբ Գևորգյանին. Բազմիցս նշեցիր, որ այստեղ չես ու ծանոթ չես իրավիճակին: Գուցե դա քեզ կօգնի հասկանալ առնվազն մի բան. վերևից դատողություններ պետք չի անել այստեղի իրավիճակի մասին: Շատ պարզ պատճառով. դու ծանոթ չես այստեղի իրավիճակին, դու չգիտես ինչի մասին ես խոսում: Քո ասածներից շատերը կառաջացնեին անգամ եփած հավի ծիծաղն, էլ ուր մնաց իմը: Այն, որ Հայաստանում չկա անկախ դատարան վաղուց ապացուցված է, իսկ վերջին կես տարվա ընթացքում դարձել է անհերքելի փաստ: Ինչպես որ անհերքելի փաստ է այն, որ այսօրվա դատավորները խամաճիկներն են, իսկ եղած որոշումները (մասնավորապես Ալ. Արզումանյանին գաղտնալսելու) հիմնված են ոչ թե քրեական գործերի, այլ մարդու ազատությունների վրա հակասահմանադրորեն բռնանալու, նրան ենթարկելի դարձնելու, անօրինական ճանապարհներով ճնշելու, կեղեքելու փորձերի վրա: Անգամ Տեր-Պետրոսյանի այս հակիրճ խոսքից կարող էիր հետևություն անել ու հասկանալ, որ նրան գաղտնալսելը չի տեղավորվել, իրականում, որևէ քրեական գործի մեջ: Որ նրան մինչև դատական որոշումն էլ են գաղտնալսել, ինչի միջոցով «պարզել են» իր հեռախոսահամարներից մեկը, որը եթե ուշադիր կարդայից, կհասկանայիր, որ իրականում իրենը չէ, այլ ուրիշինն է, ուրիշի անունով գրանցված: Բայց քեզ դա ձեռ չի տալիս: Քո գրառումները ցույց են տալիս, որ քեզ ձեռք է տալիս թշնամական հայացքով նայել ընդդիմությանը՝ ոչինչ չնկատելով, բարեկամական հայացքով իշխանությանը՝ ոչինչ չնկատելով:

[Kuk]

Միֆ, ընկերներիցս մեկը Դիքենսի մեծ մասնագետ է, եւ ունի ութից ավել հատորյակներ, նորավեպեր, իր գրքերից մեկում գրել էր «օրենքը չի գրված քարի վրա։» Գիրքը հենց ամերիկյան պատմության մասին էր։ Եվ ամենա ծիծաղելին այն է, որ գիրքը համարվում է արգելված գրականություն (Banned Books). Բայց դե դա չի կարեւորը. խեղճ Ջեյմզը բանտում երբեք նստած կամ էլ կանգնած չի եղել։ Ուրեմն, ինչ է, նա խե՞նթ է, որ տարեկան մի տասնակ ուսանողների դիսերտացիաներ կարդալուց, եւ մի քանի հատ էլ հոգին ուտող կատակներից հետո տալիս է դոկտորի տիտղոս։ Չէ, Ջեյմզը խելացի մարդ է…:)

Հակոբ, ինձ հետաքրքրեց, թե ինչ կապ ունի Ջեյմզը Տեր-Պետրոսյանի հրապարակած փաստաթղթերի հետ:think