PDA

Դիտել ողջ տարբերակը : Ցեղասպանություն 1915



kiki
08.11.2006, 18:53
5. Խայտառակությունը - Ցեղասպանությունը
այ սրա վրա զարմացա, Սերգեյ ջան կբացատրե՞ս, իմ գրածից ավելի անհասկանալի ա, եթե ես ինչ որ չափով իփր կարողացա բացատրել իմ գրածը, էս քո գրածից բան չհասկացա ... ինչի՞ ա խայտառակություն ... միգուցե թուրքերի համա՞ր, ոչ մեզ ...

Մոդերատորական: Թեման առանձնացվել է «Հայաստանի պատմության ամենա, ամենա իրադարձությունները» (http://www.akumb.am/showthread.php?t=3077) թեմայից:

Գոռ Ջան - Հայ
08.11.2006, 19:06
Մեջբերում:
5. Խայտառակությունը - Ցեղասպանությունը

այ սրա վրա զարմացա, Սերգեյ ջան կբացատրե՞ս, իմ գրածից ավելի անհասկանալի ա, եթե ես ինչ որ չափով իփր կարողացա բացատրել իմ գրածը, էս քո գրածից բան չհասկացա ... ինչի՞ ա խայտառակություն ... միգուցե թուրքերի համա՞ր, ոչ մեզ ...

Թույլ տուր ես պատասխանեմ:
Հիմանկանում համաձայն եմ ցեղասպանության հետ կապված ՀԱՅԿԱԿԱՆ բոլոր գաղափարներին: Բայց...Կատաղում եմ ,որ մտածում եմ ՀԱՅԵՐԻ «իբր անճարության »
մասին:
Բազմաթիվ փաստերը վկայում են, որ ցեղասպանությունը կարելի էր կանխել, կամ գոնե
մեծ մասին փրկել: Պատմական փաստերին եթե ծանոթ եք, նկատած կլինեք բազմաթիվ դեպքեր, երբ օրինակ երեք քուրդ կամ թուրք զինվոր 10 000 -ից ավել գերի են տեղափոխել, քշել են իրեն ուզած ուղղությամբ: Ու թող չպատճառաբանեն, թե մարդկանց ոգին էր կոտրված, որովհետև եթե այդպես էլ լիներ, գոնե հուսահատությունից շատերը կփորձեին պայքարել: 10000-ից թող 15 հոգին իրենց կյանքը զոհեին հանուն մյուսների:
Ուղղակի անբացատրելի երևութ է: Ու պետք չէ միայն թուրքին մեղադրել:
Ուղղակի հայ ազգը միշտել սիրել է տուժածի դեր խաղալ ու նվնվալ, նայելով սրա նրա ձեռքին: :angry :angry
Ես ամեն ինչը մեր ազգի մեջ վերանում է մենակ են պահին, երբ «դանակը հասնում է ոսկորին» կամ հայտնվում են Սերոբի, Անդրանիկի, Չաուշի, Նժդեհի նման անհատականություններ,իսկակն ՀԱՅԵՐ::think

Դե իսկ ընդհանրապես, եթե հարցին գլոբալ մոտենանք, իհարկե չի կարելի խայտառակություն համարել::o

kiki
08.11.2006, 19:11
Ուղղակի հայ ազգը միշտել սիրել է տուժածի դեր խաղալ ու նվնվալ, նայելով սրա նրա ձեռքին:
փաստորեն ուզում ես ասել հայերը նստել ու սպասել են , թե երբ պիտի իրենց ամեն անգամ կոտորեն, ուզում ես ասել իրանց հաճելի՞ էր կոտորվելը ...

Aida
08.11.2006, 19:12
փաստորեն ուզում ես ասել հայերը նստել ու սպասել են , թե երբ պիտի իրենց ամեն անգամ կոտորեն, ուզում ես ասել իրանց հաճելի՞ էր կոտորվելը ...
Հաճելի չէր, բայց ոչ մի բան չէին անում, որ չկոտորվեին:

Գոռ Ջան - Հայ
08.11.2006, 19:18
փաստորեն ուզում ես ասել հայերը նստել ու սպասել են , թե երբ պիտի իրենց ամեն անգամ կոտորեն, ուզում ես ասել իրանց հաճելի՞ էր կոտորվելը ...
Չէ, միքիչ տնական արտահայտվեմ երևի կհասկանաս.
Մինչև կողից մեկը չեր բզում, ոչ մեկ մատը մատին չեր տալիս:
Ամենքը իրա գլուխներ քորում:
Ու չգիտես ինչու շատերը միշտ սպասում էին ինչ որ օգնության:

Դե սենց չեմ կարում արտահայտվեմ, լիքը բան կա ասելու:
«Ռանչպարների կանչը» կարդացել ե՞ս, Խաչիկ Դաշտենցի:

kiki
08.11.2006, 19:27
Հաճելի չէր, բայց ոչ մի բան չէին անում, որ չկոտորվեին:
բան չէին անու՞մ ... դու երևի էնտեղ կանգնած նայում էրի, թե ինչպես էին իրենք հանգիստ կանգնում ու սպասում մինչև գան ու իրենց կոտորեն հա՞ ...
որպես մուսալեռցու թոռ, որի պապերն ու նարնց պապաերը կռվել ու դիմադրել են , կենդանի մնացել, հետ եկել հայրենիք , ու որոնց նկարներն ու իրերը, որ մնացել են այդ տարիներից հիմա ցաղասպանության թանգարանում են դրված , ես միայն կարող եմ վիրավորվել նման խոսքերից, չնայած չեմ վիրավորվի, քանի որ գիտեմ որ բոլորովին չես գիտակցում թե ինչ ես ասում ...

Ավելացվել է 2 րոպե անց

Չէ, միքիչ տնական արտահայտվեմ երևի կհասկանաս.
Մինչև կողից մեկը չեր բզում, ոչ մեկ մատը մատին չեր տալիս:
Ամենքը իրա գլուխներ քորում:
Ու չգիտես ինչու շատերը միշտ սպասում էին ինչ որ օգնության:

Դե սենց չեմ կարում արտահայտվեմ, լիքը բան կա ասելու:
«Ռանչպարների կանչը» կարդացել ե՞ս, Խաչիկ Դաշտենցի:
ես իմ պապու եղբոր պատմություններն եմ լսել, ու Աստված տա, մի օր կգնամ ու կձայնագրեմ իրեն, քանի որ եղբայրներից միայն ինքն է կենդանի մնացել որ ամեն ինչ իր աչքով տեսել է ու կռվել է, ցավում եմ որ իմ պապիկը շուտ մահացավ, ու հիմա հնարավորություն չունեմ նրան էլ լսելու ու ձայնագրելու ...

Նորմարդ
08.11.2006, 20:08
Մուսա լեռ, Մշո առաքելոց վանք և նման մի քանի դեպքեր... բան չունեմ ասելու, ես միայն գլուխ եմ խոնարհում, բայց դրանք ընդամենը բացառություններ էին, որ հաստատում էին օրինաչափությունը։ Հայերը բնակչության քանի՞ տոկոսն էին կազմում այսպես ասած «Արևելյան Անատոլիայում», թուրքական բանակը որքա՞ն կորուստ է կրել 1896-1920-ական թվականներին՝ հայերի պերմանենտ կոտորածների ու տեղահանումների ընթացքում, կարծում եմ այսքանն էլ է բավարար, որպեսզի տեղի ունեցածը գոնե ինքներս մեզ համար «խայտառակություն» բնորոշենք։
Ցեղասպանությունը խայտառակություն չի Հայ ժեղովրդի պատմության մեջ դա թուրք ժողովրդի խայտառակություն է, որովհետև ցեղասպանություն ասելով հիմա թուրքերն են գլուխները կախում(ոմանք իհարկե) կամ հիստերիկ կերպով մերժում այն:
Իմ կարծիքով 1915-1920թթ հայերը որոշ կազմակերպված քայլի դիմեցին իսկ եթե դրանք չվերաճեցին համազգային բնույթ ունեցող իրադարձության իմ կարծիքով այստեղ պատճառը ոչ միայն մեր անճարակության այլև մեր թշնամում խորամանկության և իրադարձությունները նախապես ծրագրելու մեջ էր:

TigranM
08.11.2006, 23:42
Իմ կարծիքով,այս դեպքում իրենց մեղքի մեծ բաժին ունեն ,այդ ժամանակվա հայ քաղաքական կուսակցությունները,որոնք չկատարեցին այն անհրաժեշտ քայլերը, որպիսի չունենայինք այն ինչ ունենք:Ընկան երիտթուրքերի լարած թակարդը ,հավատալով որ նարանք ուրիշ թուրքեր են:Ինչպես Վարդան Պետրոսյաննա ասում -թուրքի ուրուշը որնա…:
Նրանք պետք է համախմբեյին ժողովրդին ,մեծահարուստերից ,վաճառականներից գումար հավաքեին զինեին ազգին:Այն գավառներում որտեղ ժողովուրդը պայքարելա կոտորածները այդքան մեծ չեն եղել:

Lionne_en_Chasse
09.11.2006, 02:00
Ցեղասպանություն 1915։ Խայտառակութո՞ւն հայերի համար
Ո´Չ: Ողբերգություն էր ! իսկ խայտառակությունը այն է, որ հիմա այդ ողբերգությունը մոռացողներ կան ( էլ չեմ ասում ուրացողների մասին)
ՈՒ որոշ դեռահաս-պատանիներն, նախ և առաջ թող իրենց պատմությունը այն խորությամբ ուսումնասիրեն , իրենց ազգային ինքագիրը ( մեռած) այնքան բարձրացնեն , որ նման անպատասխանատու հայտարարություններ անելու իրավունք վաստակեն:
Էստեղ խոսք գնաց Խաչիկ Դաշտենցի "Ռանչպարների կանչը" գրքի մասին: Միայն այդ գիրքը կարդալը բավարար է, հասկանալու համար, որ հենց հասարակ ժողովուրդն էր ( առանց պետականության աջակցության) կազմակերպում իքնապաշտպանական մարտեր: Այն մարդիկ, որոնք ամբողջ կյանքում հող մշակելուց բացի ուրիշ բան չէին արել, զենք առան ձեռները ու ՀԱՅԴՈՒԿ դառան : Անգամ անասունը մորթվելուց առաջ պայքարում է, ինչքան էլ գիտակցի իր վիճակի անելանելիությունը: Դուք մոռանում եք, որ ցեղասպանությունը մեկ տարվա ընթացքում չի եղել (երևի միայն 1915 թվի հաճախակի հիշատակումն է պատճառը) : Թուրքերը սկզբից ժողովրդին զինաթափել, աղքատացրել, տանջահար են արել թե ֆիզիկապես , թե հոգեպես ...հետո նոր անցել իրենց սև գործին: Էդքան բան տեսած ժողովուրդը, որ դեռ պայքարելու ուժ ու համարձակություն էր գտել իր մեջ.... իսկ քննադատել կոտորված ազգիդ ...դա արդեն սրբապղծություն է թե զոհվածների , թե ազգությանդ հանդեպ : Ոչ ոքի չեմ ուզում վիրավորել, ու գիտեմ, որ հիմիկվա սերունդը ուզում է համարձակ արտահայտվել...բայց արտահայտվելուց առաջ նախ և առաջ պետք է տեղեկանալ ու ըմբռնել ( հատկապես նման հարցերում) :
Եվ վերջապես փոխեք էս թեմայի վերնագիրը :angry

Նորմարդ
09.11.2006, 11:56
Ո´Չ: Ողբերգություն էր ! իսկ խայտառակությունը այն է, որ հիմա այդ ողբերգությունը մոռացողներ կան
Եվ վերջապես փոխեք էս թեմայի վերնագիրը :angry
Լիովին համամիտ եմ Arm_Lionne-ի կարծիքի մեջ ցեղասպանությունը իհարկե խայտառակ երևույթ է բայց այն մեր ազգի համար խայտառակություն չէ:
Ցեղասպանությունը խայտառակություն է թուրք ազգի համար ամբողջ աշխարհի համար, որի լուռ համաձայնությամն էլ տեղի ունեցավ վերջինս:
Իսկական խայտառակությունը այդ <<խայտառակության>> ժխտման ու մոռանալու փորձերն են:
Եվ վերջապես ի՞նչ է սեփական ազգի խայտառկ լինելը դա կոմպլեքսի զգացում է ցանկություն երբեք չլսելու և չքննարկելու այդ խայտառակությունը` այն ինչ մենք պետք է խոսենք, մենք պետք է պատմենք աշխարհին ճշմարտությունը հանուն մեր ազգի ապագայի հանուն համայն մարդկության ապագայի...

dvgray
09.11.2006, 11:59
Ցեղասպանությունը հետևանք էր.
Իսկ իրական խայտարակությունը մինչ ցեղասպանություն, մոտ 50 տարի ,մեր ջոջերի վարած "քաղաղականությունն" էր. էն ավանտյուրիզմը, որը շատ հաճախ շփոտվում է հայրենասիրության հետ.

Վերջին հաշով պատմական դեպքերի մասին կարելի է դատել միմիայն փաստերով, իսկ մնացածը հօգեկան զեղումները դատարկ ջուր ծեծոցի են.

Իսկ փաստը անչապ խայտարակ է, և հետևանքը ահավոր.

ավելի քան 50 տարում մեր ազգից սպանվեց մոտ 1 500 000 մարդ. բռնագրավեց մեր ազգային հարսպուտյան 99 % (նաեվ ցարական Ռուսաստանում).
անվերադարձ կորցվեց մեր պատմական տարածքներում ապրելու իրավունքը.
մեզ մնաց 30 000 կմ2 ում բնակվելու իրավունք, և մի ահավոր (ամեն իմաստով) աշքարհագրական տարածք.

Եվ ինչ՞,
սա մեր ազգի նախնիների համար Խայտառակութուն չէ՞ (բա ինչ է՞, հերոսութու՞ն է)

Ոչ մի ազգ էլ ես բաներից ապահովագրված չէ (հույներ,բուլղարներ և այլն)
Սակայն նորմալ մարդիկ(ազգերը ) աշխատում են սենց բաներից դաս խաղել և գնալ առաջ. իսկ մենք արդեն 40 տարի է պտտվում ենք ես դեպքերի շուրջը, որի վերջը ամեն անգամ թուրք քրֆել է և ուրիշ ազգերի ողորմությունը մուրալը.
Սա էլ արդեն մեր սերնդի Խայտառակութունն է:

kiki
09.11.2006, 12:56
քո խոսքերից, հարգելիս, դուրս է գալիս, որ ոչ թե ցեղասպանությունը, այլ հայ ազգի պատմությունն է խայտառակություն ...

dvgray
09.11.2006, 15:20
քո խոսքերից, հարգելիս, դուրս է գալիս, որ ոչ թե ցեղասպանությունը, այլ հայ ազգի պատմությունն է խայտառակություն ...
Ոչ հարգելիս :) ; Պետք չէ ընկնել ծայրահեղությունների մեջ

մենք ունեցել ենք մեր տեղը ես արևի տակ;
Ետ տեղը բարադիների ու ոչ պրոֆեսիոնալների (արաջին հերթին դիվանագիտական ֆրոնտում) պատճառով կորցրել ենք;
Այժմ, փոխանակ զբաղվենք նույն տապակ պահվածքով մեր տեղը ես արևի տակ ավելի ու ավելի քչացնելով ("հայ դատ" , ցեղասպանության ընդունմուն եվ այլն), պետք է ավելորդ ժամանակ չկորցնել, և լայնացնել էտ տեղը: ոչ միայն տարածքների առումով, որը մեր դեպքում գրեթե անհնարին է, այլ առաջին հերթին մեր շրջակա շուկաները գրավելու իմաստով, որից մենք միշտ էլ եղել ենք ուժեղ և դա իսկապես կարող ենք անել ; Հենց հիմա, և ոչ թե վաղը կամ մյուս օրը,
Այ դա իսկապես կպահանջի պրոֆեսիոնալների առկայություն և դրա հետևանքները կլինի իրական արժեքներ և մեր, և մեր սերունդների համար;
Այ այստեղ է, որ պահանջվում է իրական աշքատանք, և ոչ թե դատարկ ղժղժոց;

kiki
09.11.2006, 15:32
լավ, էդ դեպքում հարգելիս, լսում եմ ձեր կոնկրետ առաջարկությւոնները , վերացական խոսել բոլորն էլ կարող են, կոնկրետ ասեք, ինչ պետք է անենք, որ չենք անում ...

dvgray
09.11.2006, 15:51
լավ, էդ դեպքում հարգելիս, լսում եմ ձեր կոնկրետ առաջարկությւոնները , վերացական խոսել բոլորն էլ կարող են, կոնկրետ ասեք, ինչ պետք է անենք, որ չենք անում ...
Այ սա ուրիշ բան:hands

Իսկ իմ առաջարկությունները հլա որ սրանք են,
Աշխատել ամեն ինչ անել, որ ինտեգրվենք (մուտք գործենք և շահավետ աշխատենք) Թուրքիայի և Ազերբեդջանի տնտեսության մեջ , հատկապես միջին բիզնեսում; Այնտեղ էտ նիշան դեր բաց է, և նրանք հաստատ մեր կարիքը ունեն;

Իսկ թե սրան ո՞նց պետք է հասնենք , դա պետք է ասեն ու անեն մեր պրոֆեսիոնալ դիվանագետները ու քաղաքական գործիչները, (եթե իհարկե այդպիսիք ունենք :( );

kiki
09.11.2006, 16:34
Աշխատել ամեն ինչ անել, որ ինտեգրվենք (մուտք գործենք և շահավետ աշխատենք) Թուրքիայի և Ազերբեդջանի տնտեսության մեջ , հատկապես միջին բիզնեսում; Այնտեղ էտ նիշան դեր բաց է, և նրանք հաստատ մեր կարիքը ունեն;
շատ լավ բաներ եք ասում, անկեծ եմ ասում, բայց մի քանի բայց կա ... նախ, Թուրքիան մեր կարիքը չեմ կարծում թե ունի, Ադրբեջանի մասին էլ չեմ խոսում ... ի՞նչ ինտեգրման մասին է խասքը, եթե էդ մարդիկ հայ բառը մի քիչ մեզմ արտասանողներին մեզմ ամած սանձազերծում են ...
դու մեկ մեկ Ադրբեջանի նախագահի էլույթները կարդա, կհասկանաս, որ եթե մենք անգամ շատ ուզնեք, նման բան համենայն դեպս մոտակա մի 10-20 տարիների ընթացքում չի լինի...

dvgray
09.11.2006, 16:53
շատ լավ բաներ եք ասում, անկեծ եմ ասում, բայց մի քանի բայց կա ... նախ, Թուրքիան մեր կարիքը չեմ կարծում թե ունի, Ադրբեջանի մասին էլ չեմ խոսում ... ի՞նչ ինտեգրման մասին է խասքը, եթե էդ մարդիկ հայ բառը մի քիչ մեզմ արտասանողներին մեզմ ամած սանձազերծում են ...
դու մեկ մեկ Ադրբեջանի նախագահի էլույթները կարդա, կհասկանաս, որ եթե մենք անգամ շատ ուզնեք, նման բան համենայն դեպս մոտակա մի 10-20 տարիների ընթացքում չի լինի...

Թուրքիան ունի մեր կարիքը (հլա դեռ), մանավանդ Կարսի և Վանի շրջաններում; Եթե սահմանները բացվի, ապա 1 ժամից կարելի է մեքենայով մտնել էտ շրջանները, (և որպես հետևանք, մեր ազգի կեսը կպրծնի Ռուսաստանում անտեր ու դուզ թափառելուց ու ազգայնականների պոտենցիալ զոհ դառնալուց);

Ազերիների դեպքը ավելի բարդ է , սակայն հասանելի:
Ասեմ, որ ազերիները շատ ավելի պրիմոիտիվ են - և որպես հերևանք ավելի ազնիվ ու բաց, քան դու պատկերացնում ես, և նրանց հետ լեզու գտնելը մեր համար բարդ չի լինի - նայիր հայերի և ազերիների հարաբերությունները Մառնեուլի շրջանում - ուղղակի իդեալական է

Մելիք
09.11.2006, 17:01
Ասեմ, որ ազերիները շատ ավելի պրիմոիտիվ են - և որպես հերևանք ավելի ազնիվ ու բաց, քան դու պատկերացնում ես, և նրանց հետ լեզու գտնելը մեր համար բարդ չի լինի - նայիր հայերի և ազերիների հարաբերությունները Մառնեուլի շրջանում - ուղղակի իդեալական է
Ժամանակին Բաքվում ու Սումգաիթում էլ իրար հետ վատ յոլա չէին գնում, բայց... անձնական փոխհարաբերություններն ու ազգային կամ պետական քաղաքականությունը տարևբեր բաներ ա:

Riddle
09.11.2006, 18:11
Համաձայն եմ kiki-ի ու Arm_Lionne-ի հետ:
Խայտառակությունն այս թեմայի վերնագիրն է, և այն, որ որոշ մարդիկ կարող են ասել.
Հաճելի չէր, բայց ոչ մի բան չէին անում, որ չկոտորվեին:
Կամ, ականատեսի վստահությամբ ասել.

Մինչև կողից մեկը չեր բզում, ոչ մեկ մատը մատին չեր տալիս:
Ամենքը իրա գլուխներ քորում:
Այնքան հեշտ է նստել տաք տանը, ոտքը ոտքին քցել, և խոսել մի սարսափելի ողբերգության մասին այնպես հասարակ, կարծես խոսքը հարևանի գործազուրկ տղայի մասին է: Ու հիմա էլ, յուրաքանչյուր դեղնակտուց կարող է վեր կենալ, ու ասել. «Էսպես պիտի անեին, էնպես պիտի անեին»: Ի՞նչ ասեմ, ափսոս, որ ձեր խելքը չեն ունեցել այն ժամանակվա մարդիկ, ափսոս, որ մի քիչ ուշ եք ծնվել, թե չէ ձեր ուղեղի պոտենցիալով կկարողանայիք կանխել ու փրկել ազգին այս «խայտառակությունից»:
Էլ ի՞նչ սպասենք օտարներից, երբ նույնիսկ մենք չենք հարգում անմեղ նահատակների հիշատակը:

StrangeLittleGirl
09.11.2006, 18:19
Այնքան հեշտ է նստել տաք տանը, ոտքը ոտքին քցել, և խոսել մի սարսափելի ողբերգության մասին այնպես հասարակ, կարծես խոսքը հարևանի գործազուրկ տղայի մասին է: Ու հիմա էլ, յուրաքանչյուր դեղնակտուց կարող է վեր կենալ, ու ասել. «Էսպես պիտի անեին, էնպես պիտի անեին»: Ի՞նչ ասեմ, ափսոս, որ ձեր խելքը չեն ունեցել այն ժամանակվա մարդիկ, ափսոս, որ մի քիչ ուշ եք ծնվել, թե չէ ձեր ուղեղի պոտենցիալով կկարողանայիք կանխել ու փրկել ազգին այս «խայտառակությունից»:
Էլ ի՞նչ սպասենք օտարներից, երբ նույնիսկ մենք չենք հարգում անմեղ նահատակների հիշատակը:
Աչքիս դուք պատմությունը լավ չեք ուսումնասիրել: Այն վայրերում, որտեղ դիմադրություն են ցույց տվել, շատ ավելի քիչ զոհեր են եղել:

kiki
09.11.2006, 18:27
Բյուր, հարցը դրանում չի ախր, հարցը նրանում է, որ որոշ մարդիկ հավատացնում են, թե մենք հանգիստ նստել ու սպասել ենք, մինչև մեզ կոտորեն, ու անգամ ոչինչ չենք արել որ չկոտորվենք ... մի հատ զգա այս բառերի աբսուրդության աստիճանը ...

StrangeLittleGirl
09.11.2006, 18:29
Ճիշտ են ասում: Այդ ինչու՞ այն վայրերում, որտեղ դիմադրություն են ցույց տվել, զոհեր քիչ են եղել, իսկ շատ զոհեր եղել են այնտեղ, որտեղ, պատկերավոր ասած, նստել ու սպասել են, թե երբ պետք է կոտորվեն:

kiki
09.11.2006, 18:30
dvgray, դու սնտեսության մասին էրի խոսում, ասեմ, որ Թուրքիան տնտեսապես մեզնաից կախված չի, չնայած որ թուրքական ապրանքները հիմա Հայաստանում շատ են, այնուամենայնիվ հատկապես սննդարդյունաբերության մեջ հիմա թուրքականը մեզ մոտ շատ քիչ է, բայց առանց մեզ շատ հանգիստ էլ յոլա կգնան, հատկապխես իրենց տուրիզմով ...

Ավելացվել է 5 րոպե անց
Բյուր, լու՞րջ ես գրում ... դե հիմա ասա կոնկրետ տեսնեմ էդ ո՞ր տեղերի մասնին ես ասում...
էն գյուղերի, որտեղ տղամարդկանց նախորոք հավաքել տարել էին, որ մենակ կանա՞յք էին մնացել ... ասեմ քեզ, որ շատ տեղերում հենց այդ կանայք էլ են դիմանդրություն ցույց տվել, բայց դու պատկերացրու երեխաներով շրջապատված կինն ու զինված թուրք տղամարդը ... եկեք ռեալ նայենք սրան ու ռեալ պատկերացնենք, ոչ թե բառեր ասենք, պարզապես ասելու համար ... իսկ էդ պատմության գրքերում գրաված թվերին շատ մի հավատացեք , գնացեք հարցուփորձ արեք նրանց , ով դա իր աչքերով է տեսել ...

ոֆ, հոգնեցի էս թեմաներից արդեն ...

Riddle
09.11.2006, 18:38
Աչքիս դուք պատմությունը լավ չեք ուսումնասիրել:
Աչքիս դու հերթական անգամ սխալվում ես:

Ավելացվել է 5 րոպե անց


[/I]Բյուր, լու՞րջ ես գրում ... դե հիմա ասա կոնկրետ տեսնեմ էդ ո՞ր տեղերի մասնին ես ասում...
էն գյուղերի, որտեղ տղամարդկանց նախորոք հավաքել տարել էին, որ մենակ կանա՞յք էին մնացել ... ասեմ քեզ, որ շատ տեղերում հենց այդ կանայք էլ են դիմանդրություն ցույց տվել, բայց դու պատկերացրու երեխաներով շրջապատված կինն ու զինված թուրք տղամարդը ... եկեք ռեալ նայենք սրան ու ռեալ պատկերացնենք, ոչ թե բառեր ասենք, պարզապես ասելու համար ... իսկ էդ պատմության գրքերում գրաված թվերին շատ մի հավատացեք , գնացեք հարցուփորձ արեք նրանց , ով դա իր աչքերով է տեսել ...

ոֆ, հոգնեցի էս թեմաներից արդեն ...
Իհարկե, ու նաև էն դեռ չծնված երեխաներն էլ, որոնց հանում էին խելագարված մայրերի փորից, պիտի դիմադրություն ցույց տային, որ չկոտորվեին:
Ինձ ուղղակի տհաճ է էս թեման` իր վերնագրով;

Լէգնա
10.11.2006, 09:53
Սպանդը 15 -ին միայն չէր ,այն վաղուց էր սկսել ,իսկ դրա դեմը առնել կարելի էր ,խայտառակությունը սա է:
Իսկ պայքարելը , կռվելը այդ օրերին ???
այսօր ՀՀում,ՀՀ ի քաղաքացիների լույս աչքերի դեմ մարդ են ծեծում,ավտովթարի են ենթարկում երեխանների, դանակահարում են պատանու, այս ամենը բոլորի աչքի առաջ, նրանց համառ լռության մեջ ,իսկ պայքարող կարծես թե չկա, նույնիսկ ականատեսները մեկ րոպեի ընթացքում ,հոդս են ցնդում ,էլ ինչ պայքար 15-ին,Հայ կանայք պետք է պայքարեին ,թե թլատված պատանիները ,եթե արդեն տղամարդ չկար:

Ape
11.11.2006, 16:40
է, ամեն մեկդ էլ ձեր փայ ճիշտը ունեք, բայց եկեկ մի հատ նորից նայենք անցյալը... Տեսեք Արեվմտահայաստանում մեծամասնությունը հայերն էին կազմում 17-18րդ եվ մինչեվ 19 դարի կեսերը, ինչի՞ մենք այդ ժամանակ մենք՝ մեր ապուպապերը եվ մեր պապերը չհամախմբվեցին եվ պայքարեցին ընդհանուր թշնամու դեմ, այլ ֆիդայական կռիվներով ավելի լարեցին մեր հայերիս վիճակը, ժողովուրդ ճիշտ հասկացեք մեզ միասնություն է պետք ոչ անհատականություն, իսկ այսօր մենք՝ հայերս տառապում ենք նույն անհատականության ցավով,եվ շատ ապսոս որ մենք այդպիսի ազգ ենք դառել, տես թե ինչպես մենք սպառվեցինք տարածաշրջանում, ֆիդայիները սպանեցին մի թուրք բեկի, իսկ թուրքերը ջնջեցին մի վողջ գյուղ, եվ այդպես 1 եվ 2 դար հաշվեք էլ հայ կմնա, բերին այդ հայերի տեղը լցրին տարբեր ազգություններով եվ ինչ՞, մենք դատարկվեցինք իսկ իրենք շատացան, եվհիմա ել նույն վիճակն է, բոլոր հայերը գնում են տեղը Պարսիկ եվ թուքերն են գալիս, էնպես որ ափսոս մեր նախնիների եվ մեր հիմիկվա փառապանծ տղաների թափած արյանը որ մենք այսօր չենք գնահատում:

Գոռ Ջան - Հայ
19.01.2007, 22:09
ՍՏԱԼՈՆԵ. «ԹՈՒՐՔԵՐԸ ՑԵՂԱՍՊԱՆՈՒԹՅԱՆ ԹԵՄԱՆ ԽԵՂԴԵԼ ԵՆ ԱՎԵԼԻ ՔԱՆ 85 ՏԱՐԻ»

Խոսակցությունները, թե Հոլիվուդի աստղ Սիլվեստր Ստալոնեն ծրագրում է Ֆրանց Վերֆելի «Մուսա լեռան 40 օրը» վեպի հիման վրա ֆիլմ նկարել, խնդիր է դարձել հոլիվուդյան աստղի բոլոր այցելություններում այն երկրներ, որտեղ ներկայացված է թուրքական համայնքը: Ինչպես նշում է բրիտանական «Ինդիփենդենթ» պարբերականը, ավստրիացի գրողի վեպը նկարագրում է 1915 թ.-ին թուրքերի կողմից հայերի կոտորածը, որը Թուրքիան ցայսօր ժխտում է: Պարբերականի տեղեկացմամբ, Ստալոնեն դարձել է իրենք իրենց Հայոց ցեղասպանության դեմ պայքարող խումբ անվանողների նամակների թիրախ:

Ինչ վերաբերում է Ստալոնեին, ապա վերջինս նման իրավիճակը որակել է քաղաքականապես անմարսելի: «Թուրքերն այդ թեման խեղդում են ավելի քան 85 տարի», նշել է Ստալոնեն: «Ինդիփենդենթն» էլ իր հերթին Ստալոնեի մտահղացման արձագանքները նույնացրել է Մել Գիբսոնի «Քրիստոսի չարչարանքները» ֆիլմի անդրադարձներին:
ԱԶԳ օրաթերթ 19.01.07

Egern.net
20.01.2007, 01:11
Հայեր ջան,
Հայերի անկազմակերպվածությունն ու անմիասնականությունը իրենց հետքը թողել են, իհարկե, Հայոց Ցեղասպանության, մարդկանց և տարածքների կորստի մեջ: Խոսք գնաց Վարդան Պետրոսյանից: Հենց նա իր "Վերելք" ներկայացմանը բավական լավ ցույց տվեց, թե հայ գործարարները Իզմիրում և Ստամբուլում ինչքան լծակներ ունեին այս ամենը գոնե մեղմացնելու համար, բայց չօգտագործեցին` սեփական շահերից ելնելով: Բայց պիտի նշեմ, որ բուն Հայաստանի բնակչությունից լուրջ դիմադրություն սպասել հնարավոր չէր: Մենք հաճախ մոռանում ենք, որ պատերազմ էր` Առաջին Համաշխարհային Պատերազմը, և գործնականում չկար մարտունակ բնակչություն: Ուրիշ բան, որ շատ բան կարելի էր անել Ստամբուլում...

Բայց, սա երբեք չի կարող արդարացնել օսմանյան իշխանությունների վարած քաղաքականությունն ու ցեղասպանությունը և չի կարելի մարդկության դեմ կատարված հանցանքն անվանել խայտառակություն տուժող կողմի համար:

Սրանք պատմության անցքեր են, որոնցից պետք է դասեր քաղել, որպեսզի ապագայում, ցանկացած խնդրի առջև կանգնելիս, հնարավոր լինի կանոնակարգված օգտագործել հայերի բոլոր ռեսուրսները: Իսկ կոնկրետ Ցեղասպանության հարցում պետք է ոչ թե քննադատել տուժող կողմին, այլ պայքարել Եղեռնի ճանաչման համար, որ ապագայում այսպիսի խոսակցությունների համար այլևս առիթ չլինի ոչ մի ազգի համար...

Artgeo
20.01.2007, 10:14
Բայց, սա երբեք չի կարող արդարացնել օսմանյան իշխանությունների վարած քաղաքականությունն ու ցեղասպանությունը և չի կարելի մարդկության դեմ կատարված հանցանքն անվանել խայտառակություն տուժող կողմի համար:
Այդ դեպքում եկեք, չբարդենք մարդկության կողմից մարդկության դեմ կատարված հանցանքը միայն թուրքերի վրա: Թե՞ դա մեր շահերից չի բխում: Ըստ իս միայն թուրքերի վրա բարդելը նույնպես մեր շահերից չի բխում: Բոլորից էլ լավ հայտնի է, որ դրա մեջ իրենց ներդրումն են ունեցել գրեթե բոլոր այն ժամանակվա գերտերությունները: Նրանցից մի մասը ուղղակի (Ռուսաստան, Գերմանիա) մյուս մասը անուղղակի (Ֆրանսիա, ԱՄՆ, Մեծ Բրիտանիա)։ Վերջինները նույնքան մեղավոր են իրենց «թքած ունենք» պահվածքով, որքան առաջինները Թուրքիայի հետ միասին։ Իսկ գործնականում իրագործողները ընհանրապես քրդերն էին։ Էն մյուս կողմից էլ վրացիք են սպիտակ գենոցիդ կազմակերպել։ Էլ ո՞վ մնաց։ Հա... Հիշեցի։ Հրեաները... Դե նրանց ամբողջ աշխարհին տիրելու ցակությունն էր այս ամենի պատճառը...

Պանդուխտ
17.05.2007, 17:33
Ցեղասպանութիւնը սկսեց, կամ ազդանշանը տրուեց, երբ կորցրեցինք պետականութինը. նախ Մեծ Հայքում, ետքը Կիլիկիայում: Միայն Հայ պետութիւնն էր, որ կարող էր ապահովել հայ մշակոյթի, հետեւաբար հայ ազգի յաւերժանքը, ապահովութիւնը, զարգացման բնական պայմանները. պատմական հայրենիքում: Հայ պետութեան բացակայութեան ընթացքին, կորզեցին (եւ դա բնական է) մեր ազգից հատուածներ, դրա համար ասում եմ. անկախութիւնը եւ պետականութիւնը սրբութեան նման պահենք, երբ պետութիւնը ուժեղ է, ազգի գոյութիւնը ապահով է, իսկ արտաքին ուժերի միջամտութիւնը հեռաւոր է լինում: Ցեղասպանութեան դրդապատճառը փնտռէ՛ք հայ նախարարների մօտ, նրանք անձնական թէ ցեղային շահերի համար միմիանց միսը կերան, զիրար ջարդեցին: Նոյնը այսօր պատահեց. Հոկտեմբեր 27 դէպքը ինչպէս կարելի է մեկնել եթէ ոչ պետութեան տկարացման միտում: Մի խումբ գռեհիկ անձինք արեցին իրենց սեւ գործը: Որքան որ էլ պաշտպանութեան նախարարը կամ վարչապետը վատ անձինք լինեն, դարձեալ կարելի չէ արդարացնել հայ պետութիւնը հիմքից ցնցող այդ արարքը: Ուստի կը հետեւեցնենք. որքան որ սպիտակի վրայ թանաք թափենք, որքան որ շաղակրատենք, գլուխ արդուկենք, դարձեալ ազգի մէջ գտնւում են, գտնուելու են անձինք, որոնք գիտակցաբար, թէ՝ անգիտակցաբար կործանելու, քանդելու մղում ունեն: Նրանք այսօր մեր մէջ են: Նրանք լինելու են պատճառը. ապագայի հայասպանութեանց: Խնդրեմ՝ կարդացէք այս զրուցարանի մէջ հնչող, արձանագրւող հակապետական գաղափարները, քաղաքացիական ապստամբութեան կոչերը:
Ցեղասպանութիւնը (ջարդ, գաղթ, անխիղճ տուրք, կրօնափոխութիւն, հալածանք, անարդարութիւն) մի շարունակւող գործընթաց էր սկսեալ այն օրից երբ ոչ հայեր իշխեցին Հայաստանի, հայաբնակ վայրերի վրայ: Եղեռնը ոչ 1915ին սկսեց, ոչ էլ 1894ին: Երբ խնդրին այսպէս մօտենաս, այնժամ հասկանալի կը լինի քեզ համար, սիրելի Հայ, թէ ինչպէս 2-3 (հարիւր) ոստիկան, ընդհանրապէս կանանցից եւ երեխաներից կազմուած, պետութեան հաւատարիմ, սակայն անզէն եւ խաբուած քաղաքացիների աքսորն ու սպանդը գործեցին: Պէտք է նկատի առնել, որ «չեթէ»ները, յատուկ հայասպանութեան համար բանտից արձակուած ոճրային խմբակները, մսագործները, թուրք, քուրդ, չեչեն եւ չերքեզ ժողովուրդները մասնակցեցին հայ ժողովուրդի ոչնչացման գործում (բացառութեանց յարգումով):
Նկատի առ. դահիճը ոսմանեան կայրութիւնն էր, իսկ զոհը. նոյն կայսրութեան անզէն եւ ցանցառաբնակ քաղաքացիք, որոնց արուները 18-60 տարեկան կանչուել էին բանակային ծառայութեան:
Dvgray
Թուրքիան ունի մեր կարիքը (հլա դեռ), մանավանդ Կարսի և Վանի շրջաններում; Եթե սահմանները բացվի, ապա 1 ժամից կարելի է մեքենայով մտնել էտ շրջանները, (և որպես հետևանք, մեր ազգի կեսը կպրծնի Ռուսաստանում անտեր ու դուզ թափառելուց ու ազգայնականների պոտենցիալ զոհ դառնալուց);
Ազերիների դեպքը ավելի բարդ է , սակայն հասանելի:
Ասեմ, որ ազերիները շատ ավելի պրիմոիտիվ են - և որպես հերևանք ավելի ազնիվ ու բաց, քան դու պատկերացնում ես, և նրանց հետ լեզու գտնելը մեր համար բարդ չի լինի - նայիր հայերի և ազերիների հարաբերությունները Մառնեուլի շրջանում - ուղղակի իդեալական է
Թուրքիոյ արեւելեան նահանգները (արեւմտեան Հայաստան) եւ նրա բնակիչները (մեր նախնեաց դահիճների թոռներն ու ծոռները) մի քիչ կը զարգանան երբ՝ դռները բացուեն, բայց դեռեւս չէք հասկանում, որ նրանց մօտ ամէն ինչ քաղաքականացուած է, չէք հասկանում չէք ուզում հասկանալ, որ նրանք իրանց ազգի 3րդ 4րդ կարգի շահը (ազրբոխտանի հետ եղբայրական բարոյական անբարոյ կապը) չեն զոհում յանուն ինչ որ տնտեսական զարգացման: Սովորենք առնուազն թուրքի չափ ազգասէր հայրենասէր լինել:
Գալով խայտառակութեան, մոռանում եք, որ ինքնապաշտպանութեան հիմնական ապաւէնը զէնքն ու մթերքն է, որոնցից զուրկ էր հայ ժողովուրդը, ի դիմաց պետութեան (հասկանում ե՞ք պետութեան), որ տարիներով կուտակուած զինապաշար եւ զիանոցներ (օրինակ թնդանօթի ձուլարան) ուներ:
Բայց ինչո՞ւ ոչ ոք չգրեց ինքնապաշտպանութեան մասին՝ Շապինի, Վանի, Բաղէշի, Տարօն աշխարհի, Սասնոյ, Ուրֆայի: Մարդիկ կռուեցին մինչ վէրջին փամփուշտ, ետքը կոտորուեցին: Ոմանք նախընտրեցին իրանց ձեռքով սպանել հարազատ երախաներին կանանց, որպէսզի չի չարչարուեն թուրքերի ձեռքով:

Այնքան հեշտ է նստել տաք տանը, ոտքը ոտքին քցել, և խոսել մի սարսափելի ողբերգության մասին այնպես հասարակ, կարծես խոսքը հարևանի գործազուրկ տղայի մասին է: Ու հիմա էլ, յուրաքանչյուր դեղնակտուց կարող է վեր կենալ, ու ասել. «Էսպես պիտի անեին, էնպես պիտի անեին»: Ի՞նչ ասեմ, ափսոս, որ ձեր խելքը չեն ունեցել այն ժամանակվա մարդիկ, ափսոս, որ մի քիչ ուշ եք ծնվել, թե չէ ձեր ուղեղի պոտենցիալով կկարողանայիք կանխել ու փրկել ազգին այս «խայտառակությունից»:
Էլ ի՞նչ սպասենք օտարներից, երբ նույնիսկ մենք չենք հարգում անմեղ նահատակների հիշատակը:
Ապրես Գաղտնիք, ճշմարիտ ասացիր: Ցեղասպանութիւնը հասկանալու համար ուժեղ երեւակայութիւն պէտք է ունենալ: Մարդկային ուղեղը հեշտաբար չի ընկալում, թէ ինչպէ՞ս մարդը կարող է մարդու հանդէպ վարուել այնպէս, որ վարուեցին մեզ հետ ոսմանցին, երիտ թուրք կառավարութիւնը, թուրք ու քուրդ խուժանները:

Աչքիս դուք պատմությունը լավ չեք ուսումնասիրել: Այն վայրերում, որտեղ դիմադրություն են ցույց տվել, շատ ավելի քիչ զոհեր են եղել:
Ո՛չ միշտ, Մուսա Լեռան հերոսամարտին մասնակցողները փրկուեցին, որովհետեւ ծովին մօտն էին եւ ֆրանսական նաւն իրանց վերցրեց, վանեցիք որոշ չափով փրկուեցին. շնորհիւ ինքնապաշտպանութեան եւ առաջացած հայ կամաւորական գնդին: Իսկ նրանք ովք, ո՛չ ծով ունէին ո՛չ զէնք ու զինամթերք, ո՛չ էլ ռուսական սահմանի մօտ բնակավայր ի՞նչ թող անէին: Այդպիսիք դատապարտուած էին մահուան...եւ մահացան ամէնավատ կերպերով:

Հենց նա իր "Վերելք" ներկայացմանը բավական լավ ցույց տվեց, թե հայ գործարարները Իզմիրում և Ստամբուլում ինչքան լծակներ ունեին այս ամենը գոնե մեղմացնելու համար, բայց չօգտագործեցին` սեփական շահերից ելնելով:
Ոչ մի գործ չէին կարող անել, վասնզի նրանք էլ ստրուկներ էին, բայց հարուստ ստրուկներ: Ցեղասպանութեան արդիւնքում նրանցից շատի կալուածները, գործարանքը, դրամատան հաշիւները փոխանցուեցին դաճիճներին: թալյաթ կոչուած թուրքը, դեսպան Մորգենտաւից պահանջել էր հայերի ապահովագրական ընկերութեանց մօտ արձանագիր ցուցակները, մի առաջարկ, որի առաջ դեսպանը քամահրել է:

wagamaffia
18.05.2007, 12:32
Դուք ինտերնետով կարդացեք, թե տուրիստները, որ գալիս են Հայաստան, ինչ travel-rapport են գրում. նրանցից շատերը զարմանում են, թե ինչպես կարող է շրջափակված այս պետությունը հարուստ տպավորություն թողնի, ու ամեն ինչ ունենա և ամեն ինչ հնարավոր լինի գնել ՀՀ-ում... ու բացի դրանից առատ ու հյուրընկալ մարդիկ ունենա...Իսկ դուք կարդացեք նաև, թե Ադրբեջանի մասին ինչեր են գրում:D Ազերիները ասում են եկեք գնանք ռեստորան, ուտում խմում են ու ասում են տուրիստին,- «Դե մուծեք, մեր մոտ սենց ա ձևը»...

Հայոց ցեղասպանությունը ԵՐԲԵՔ չհամեմատեք տնտեսական որևէ կապի բարելավման արժեքների հետ. Թող մնա սահմանը փակ. Իրան հարևան ունենք, որը ունի նավթի հզոր պաշարներ, իսկ ամբողջ աշխարհը Իրանի նավթի վրա է աչքերը հառել..
իսկ Հայ-Թուրքական հարցի պատասխանը կգտնեք այստեղ http://www.youtube.com/profile?user=sakobb , տեսեք, որ Գերմանիայի հրամանատարները ոնց են հրամայել Թալաթին, որ հայերին վերացնի, ու Բեռլին-Բաղդադ երկաթգծին ճորտ սարքի, որն էլ հայերը կսարքեն ու անապատում սոված կմեռնեն... Մենակ թուրքերը չեն արել, գերմանացիներն են արել... նույն սցենարը եղել ա հրեաների հանդեպ, իրականացված Հիտլերի կողմից...

Նայեք ես ֆիլմերը, բաղկացած է 7 մասից…Germany, Turkey and Armenian Genocide վերնագրով... ու նոր եկեք բանավիճենք սիրելի ակումբցիներ

terev
19.04.2010, 17:45
Լռենք 19.15-ին

«Սարդարապատ» շարժումն առաջարկում է այս տարվանից սկսած Հայոց Ցեղասպանության տարելիցը նշել համահայկական լռության րոպեով:

«Կոչ ենք անում բոլոր հայերին ուղիղ ժամը 19:15 -ին մեկ րոպե կանգ առնել ու լռել այն վայրում ուր նրանք գտնվում են տվյալ պահին»,-ասված է համայն հայությանն ուղղված առաջարկում: ժամը 19.15 -ը խորհրդանշելու է 1915 թվականը:

Ըստ առաջարկի հեղինակների` սա կարող է դառնալ համազգային համերաշխության և պայքարի նշան:

http://a1plus.am/content/301x168/84e1c1e50460b9494248b8c0e1d85737.jpg
http://a1plus.am/am/social/2010/04/19/sardarapat

Հետաքրքիր գաղափար է: Ինչ կասեք՞:

DavitH
19.04.2010, 18:12
լռության րոպեի համար ասեմ որ շատ լավ գաղափար ա ու ամբողջ աշխարհը կտեսնի թե մենք ինչքան միասնական կարող ենք լինել

http://www.msnbc.msn.com/id/21253084/from/et
չգիտեմ ճիշտ տեղ եմ լինկ դնում բայց ամեն դեպքում դնում եմ քվեարկենք արդարության օգտին ու ում կարող ենք ուղարկենք որ քվեարկեն
մենք կհաղթենք եթե միասին լինենք

Ambrosine
19.04.2010, 18:37
Հետաքրքիր գաղափար է: Ինչ կասեք՞:
Գաղափարը լավն է: Միայն թե այդ ժամին պետք է բոլորս դրսում լինենք, որ մեր լռելը իմաստ ունենա: Թե չէ տանը լռելը աբսուրդ է: Կարելի է ապրիլի 24-ին Ծիծեռնակաբերդում կամ հանրապետության հրապարակում հավաքվել:

http://www.msnbc.msn.com/id/21253084/from/et
չգիտեմ ճիշտ տեղ եմ լինկ դնում բայց ամեն դեպքում դնում եմ քվեարկենք արդարության օգտին ու ում կարող ենք ուղարկենք որ քվեարկեն
մենք կհաղթենք եթե միասին լինենք
Լավ էլի, ու այս միջոցներո՞վ ենք ուզում, որ ճանաչվի Ցեղասպանությունը: Սա սոց հարցման նման սուտ բան ա: ԱՄՆ-ը որ ցանկանա ճանաչել, պիտի էս հարցմա՞մբ առաջնորդվի: Տեսականորեն էլ անհնար է. Թուրքիայի բնակչությունը 70 մլն է, մերը՝ 3: Քվեարկության արդյունքներն էլ ձեզ ապացույց: Ու, ընդհանրապես, այս հարցում կարևորը Թուրքիայի ճանաչելն է, ԱՄՆ-ի ճանաչելը իմ կարծիքով ոչինչ էլ չի տա՝ չնայած, որ պարտավոր է ճանաչել:
Էնպես որ անտեղի ժամանակ մի ծախսեք էս հարցումների վրա;)

Chuk
19.04.2010, 23:08
Մեկ րոպե լռելու ակցիան գեղեցիկ ակցիա է, ցավոք անիրականանալի հեչ որ չէ այն պատճառով, որ այս կոչը քչերին է հասնելու:

terev
19.04.2010, 23:24
Եթե հեռուստատեսությամբ ու ռադիոյով ագիտացիա անեն, 2-3 տարում ժողովուրդը կսովորի:
Մեր ազգը սիրում է այդպիսի բաներ: :think

Այբ
09.05.2013, 21:05
Լեզուս էլ չի պտտվում ասել, բայց էս վերջին տարիներին Ցեղասպանությունը որոշ հայերի համար դարձել է «շոու»: Ճիշտ է, ամեն տարի Ծիծեռնակաբերդ գնացողների հոսքը չի դադարում, բայց երբ տեսնում ես, թե ինչպես են որոշ մարդիկ գնում (արևածաղիկներով, նաուշնիկներով և այլն), զարմանում եմ, թե այդ մասսան ինչի՞ համար է գալիս:
Ցավալ է, բայց մեր զոհերին հարգել չգիտենք: