PDA

Դիտել ողջ տարբերակը : Գրաքննություն համացանցում



ars83
29.07.2008, 17:29
Հ.Գ. Եթե խոսակցությունը ցանկանում ես տանել այն ուղղությամբ, թե ինչու՞ եմ կառչել գրքերից, եթե նույն բանը կատարվում է նաև, ասենք ինտերնետում, ապա իհարկե հետդ կհամաձայնվեմ: Ու կասեմ, որ այս համակարգերում էլ հավաստիության վավերացման համակարգեր է պետք ներմուծել, ամրապնդել: Մասնավորապես, որ ես, օրինակ, ոմն փղիկի բլոգը մտնելուց անմիջապես ինչ-որ նշան տեսնեմ իմ բրոուզերում, որ սույն անձը միայն թունավոր ու ապատեղեկատվական բաներ է գրում: Թե դա ինչպես կարելի է անել, չգիտեմ, բայց պետք է:

Իմ կարծիքով՝ սա պարզապես անհնար է։ Համացանցը որևէ մեկ պետության տարածք չէ, որ այնտեղ գործեն տվյալ պետության օրենքները։ Որևէ փղիկի գրածը մի երկրում թունավոր և ապատեղեկատվական կհամարվի, մեկ այլ երկրում՝ լրիվ ընդունելի։
Մենք օգտվում ենք բրաուզերներից, որոնք ստեղծվել են այլ պետություններում, ո՞վ պիտի նստի մեզ համար գրաքաննություն կազմակերպի։
Ընդհանրապես, նման գրաքննության կազմակերպումը կենտրոնացված ձևով անիմաստ բան է։ Դա արվում է անհատների կողմից։ Համարում ես, որ փղիկը վտանգավոր է՝ բլոգումդ գրիր «ժողովուրդ, զգուշացեք փղիկից» և հիմնավորիր, կամ էլ մեկնաբանություն կարող ես ավելացնել փղիկի բլոգում։

Բայց այն, ինչ առաջարկում ես («Մասնավորապես, որ ես, օրինակ, ոմն փղիկի բլոգը մտնելուց անմիջապես ինչ-որ նշան տեսնեմ իմ բրոուզերում, որ սույն անձը միայն թունավոր ու ապատեղեկատվական բաներ է գրում»:) :o
կբերի խոսքի ազատության սահմանափակման և, վերջիվերջո, մարդկանց կարծիքների մանիպուլյացիայի։ Ինչու՞ որևէ մեկը պետք է իմ փոխարեն որոշի՝ արդյո՞ք այս անձի գրածը թունավոր և ապատեղեկատվական է, թէ՞ ոչ։

Chuk
29.07.2008, 18:17
Իսկ ինչու՞ որևէ մեկը: Ենթադրենք Google-ն ունի փիառ համակարգ: Կարող է ստեղծվել նմանատիպ այլ համակարգ, որում յուրաքանչյուր օգտագործող իր գնահատականն է տալիս կայքին ինչ-ինչ չափանիշներով: Ընդ որում ըստ այդ օգտագործողի ակտիվության և նրա գնահատականների ինչ-որ մեխանիզմով օբյեկտիվության գնահատմամբ նրա ձայնը կարող է տարբերվել մյուս օգտագործողի ձայնից: Ի վերջո կայքը ստանում է գնահատական: Սա պետք է լավ մշակվի, նորմալ ալգորիթմներ կառուցվեն: Բրոուզերում ներդրվում է համակարգ, որը ցույց կտա տվյալ կայքի գնահատականը, ըստ որի կորոշես քո վերաբերմունքը տվյալ կայքի նյութերի նկատմամբ: Ես իհարկե չեմ ասում արգելել:

Բայց նմանատիպ բան կարելի է իրականացնել... գուցե և արդեն արվել է ;)

ars83
30.07.2008, 14:37
Բրոուզերում ներդրվում է համակարգ, որը ցույց կտա տվյալ կայքի գնահատականը, ըստ որի կորոշես քո վերաբերմունքը տվյալ կայքի նյութերի նկատմամբ:
Ես, օրինակ, այդ գնահատականին չէի հավատա, մինչև ինքս կայքի պարունակությունը չուսումնասիրեի։ Շատ էլ, որ, ասենք 5000 հոգի այն վատն է համարում, կարող է դրանցին 4999–ը ադրբեջանցի ազգայնամոլներ են ;)
Նաև ֆորումում, երբ տեսնում եմ, որ թեման հինգ աստղիկով նշված է որպես հետաքրքիր, չեմ հավատում. որոշ դեպքերում ինձ լրիվ անհետաքրքիր թեմաներ են լինում։


Ես իհարկե չեմ ասում արգելել:
Շատ բարդ հարց է... Ի՞նչ անել, եթե կայքում, օրինակ, տեղադրված է ռասիստական կոչեր անող հոդված։ Արգելել, թե՞ ոչ։

Գործի բերումով, ես հիմա հենց այդպիսի բաներ եմ ուսումնասիրում, այս թեմայում կփորձեմ հետաքրքիր տեղեկատվություն տեղադրել...

Chuk
30.07.2008, 14:47
Արս, ընտրությունը կմնար քեզ, հավատալ, կամ ոչ: Օրինակ ես որոշ ժամանակ կուսումնասիրեի ու եթե տեսնեի, որ գնահատման համակարգն ինձ բավարարում է, որ իմ կարծիքով արժանին բարձ միավոր ունի, իմ կարծիքով անարժանը՝ ցածր, ապա կհավատայի: Բայց համակարգի առավելությունն այն կլիներ, որ դու կկարողանայիր անկախ ամեն ինչից կարդալ, իսկ վեբ կայքերի հեղինակները կաշխատեին այնպիսի նյութեր տեղադրել, որ բարձր գնահատականի արժանանային:

Իսկ կոնկրետ բաներ կան, որոնք բնականաբար պետք է արգելվեն: Ու արգելվում են: Խոսքս դրա մասին չէր: Կոնկրետ օրինակների մեջ չեմ ուզում մտնել, քանի-որ լավ չեմ ուսումնասիրել: Առավելագույնը կարող եմ ասել, թե ակումբում ինչն ենք արգելում :D

ars83
05.08.2008, 13:08
Եվրոպայում կրակն են ընկել խոսքի ազատության ձեռքը։ Մի կողմից, եթե համացանցով փոխանցվող տեղեկատվությունը չի վերահսկվում, դա կարող է մի շարք հանցագործությունների պատճառ դառնալ (մանկական պոռնոգրաֆիա, ահաբեկչություն, հեղինակային իրավունքի խախտում, և այլն)։ Մյուս կողմից, տեղեկատվության ֆիլտրումը կարող է սահմանափակել խոսքի ազատությունը։

Ֆինլանդիայում ծրագրավորող Նիկի Մատին հետաքննության տակ է. նա հրապարակել է կայքերի մի գաղտնի ցուցակ, որոնց իշխանությունները ենթարկել էին գրաքննության՝ փորձելով կանխել մանկական պոռնոգրաֆիայի տարածումը։ Նիկին հրապարակել էր այդ ցուցակը, որպեսզի ցույց տա, որ համակարգը չարաշահման զոհ է դարձել։ Ֆինլանդիայի վարչապետը բողոք է ստացել ոստիկանության վերաբերյալ։
Իշխանություններն իրենց ցուցակն ուղարկել են երկրի խոշորագույն 20 ինտերնետ մատակարարողներին (պրովայդերներ), որոնք արգելափակել են նշված կայքերի հասանելիությունը։ Մնացած 200 ինտերնետ մատակարարողները արգելափակում չեն կատարել, այնպես որ (մանկական պոռնոգրաֆիայից) պաշտպանությունը կատարյալ չէ։
Շվեդացի ակտիվիստ Օսկար Շվարցը համարում է, որ ֆիլտրումը չափից դուրս կտրուկ քայլ է։ «Ես տեսել եմ Նիկիի հրատարակած ցուցակը,– ասում է Շվարցը,– այն պարունակում է հղումներ հասարակ պոռնոգրաֆիայով կայքերի վրա. դրանք չպետք է արգելափակվեին»։
Ֆիննական ոստիկանություն տեղյակ է ֆիլտրման հետ կապված խնդիրներին։
«Տեխնոլոգիան, որը մենք ներկյումս օգտագործում ենք,– ասում է Հետաքննության ազգային բյուրոյի ղեկավար Լարս Հենրիկսոնը,– լավ է աշխատում միայն այն կայքերի հետ, որոնք պարունակում են մանկական պոռնոգրաֆիա։ Այն կայքերի համար, որոնք խառը պարունակություն ունեն, մենք պետք է օգտագործենք նաև այլ տեխնոլոգիաներ»։

Ֆինլանդիան միակ պետությունը չէ, որտեղ կրքերը նման հարցերի շուրջ բորբոքվում են։ Վերջերս դանիական իշխանությունները որոշեցին արգելափակել Pirate Bay (ծովա–/ցանցահենների ծովածոց) կայքը՝ Ֆոնոգրաֆիկական արդյունաբերության (ձայնագրություններ) միջազգային դաշնության կողմից ճնշման ենթարկվելուց հետո։ Tele2–ը որոշել է բողոքարկել դատարանի որոշումը։ Այն դեռ միակ ինտերնետ մատակարարողն է, որին պատվիրել են արգելափակել ձայնագրությունների անօրինական կրկնօրինակներ տարածող կայքը, բայց միջազգային դաշնությունը մտադիր է այլ ինտերնետ մատակարարողների ևս ստիպել արգելափակել այդ կայքը։

Մյուս կազմակերպությունները ևս հետաքրքրություն են ցուցաբերում ֆիլտրման կիրառման նկատմամբ, մասնավորապես՝ բջջային կապի օպերատորները։ Նրանք համատեղ պայքար են ձեռնարկում մանկական պոռնոգրաֆիայի տարածման դեմ։

«Մենք այստեղ ենք հավաքվել, պայքարելու շատ տարածված և վնասակար երևույթի դեմ»,– հայտարարել է բջջային կապի օպերատորների GSM Association ցանցի նախագահ Կրեյգ Էրլիխը՝ նախաձեռնության մեկնարկի ժամանակ Բարսելոնում 2008թ փետրվարին կայացած գիտաժողովի ժամանակ։

Ոմանք համարում են, որ գրաքննության ներմուծումը կամ նրա շրջանակների ընդլայնումը հիմնավորվում է զգացմունքներից ելնելով։ «Երբ խոսքը գնում է այնպիսի հանրորեն չսիրված երևույթի մասին, ինչպիսին է մանկական պոռնոգրաֆիան, հեշտ է չնկատել ֆիլտրման հետ կապված բացասական պարագաները»,– ասում է Շվարցը։ [Այս մարդը երևի ինքը պոռնոգրաֆիայի սիրահար է, որ այսքան մտահոգվել է սահմանափակումներով (մեկն. գրառման հեղինակի)]
Բայց պետական գրաքննությունը խոստանում է այսքանով չսահմանափակվել. Եվրամիության Արդարադատության և անվտանգության հանձնաժողովի անդամ Ֆրանկո Ֆրատինին անցյալ տարվա սեպտեմբերին կոչ է արել ինտերնետ մատակարարողներին արգելափակել այն կայքերը, որոնք տեղեկատվություն են պարունակում ռումբերի պատրաստման մասին, իսկ Միացյալ թագավորության ներքին գործերի նախարար Ջեքի Սմիթը հունվարին հայտարարել է, որ կցանկանար, որ գործողություններ ձեռնարկվեն՝ ուղղված ահաբեկչությունը խրախուսող կայքերի դեմ, ներառյալ սոցիալական կայքերը։

Վերցված է http://www.infoworld.com/article/08/02/22/Europe-makes-moves-towards-Internet-censorship_1.html կայքից

Ֆրեյա
05.08.2008, 14:04
Եվրոպայում .................. «Երբ խոսքը գնում է այնպիսի հանրորեն չսիրված երևույթի մասին, ինչպիսին է մանկական պոռնոգրաֆիան, հեշտ է չնկատել ֆիլտրման հետ կապված բացասական պարագաները»,– ասում է Շվարցը։ [Այս մարդը երևի ինքը պոռնոգրաֆիայի սիրահար է, որ այսքան մտահոգվել է սահմանափակումներով (մեկն. գրառման հեղինակի)]


"It's easy to ignore the negative aspects of filtering and censorship when talking about something so universally disliked as child pornography," said Swartz

Կարծում եմ իմաստը ուղիղ հակառակն է:P

Շնորհակալություն հոդվածի համար, շատ հետաքրքիր էր, ափսոս, որ քաղաքական թեմաների ֆիլտրման մասին խոսք չկար, մեզ մոտ ակտուալ կլիներ:D

ars83
05.08.2008, 14:22
"It's easy to ignore the negative aspects of filtering and censorship when talking about something so universally disliked as child pornography," said Swartz

Կարծում եմ իմաստը ուղիղ հակառակն է:P


:think Ինձ թվում է՝ իմաստավոր ճիշտ եմ թարգմանել, հը՞։ Դու ինչպե՞ս կթարգմանեիր։


Շնորհակալություն հոդվածի համար, շատ հետաքրքիր էր, ափսոս, որ քաղաքական թեմաների ֆիլտրման մասին խոսք չկար, մեզ մոտ ակտուալ կլիներ:D
Հոդվածից հետո մեկնաբանություններ կան, որտեղ ասում են, որ սկսում են նման բաներից, հետո կանցնեն ուրիշների էլ։ Բայց հարցը իրոք շատ բարդ է։
Դու ինչպե՞ս ես կարծում՝ գրաքննությունը համացանցում անհրաժե՞շտ է։ Եթե այո, ապա որտե՞ղ է գրաքննության սահմանագիծը։ :think