PDA

Դիտել ողջ տարբերակը : Իմ վերևի մարդու գրառումները



impression
19.07.2008, 21:42
Ժողովուրդ ջան, որոշել եմ "խփել" Իմ վերևի մարդը թեմային, :P բացում եմ նորը՝ վերևինի գրառումների մասին:
Գրում ենք հնարավորինս բովանդակալից, միայն գրել՝ լավ է գրում, վատ է գրում, անգրագետ է, շատ էլ գրագետ է, համարում եմ անիմաստ ու կխնդրեմ մոդերներին նման գրառումները պարբերաբար ջնջել: :)
Դե ինչ, սկսեցինք, առաջին "թիրախվածը" ես եմ ոնց որ ;)

Մարկիզ
19.07.2008, 21:49
Իմ վերեւի մարդու գրառումները կարդում եմ հաճույքով...:)
Հիմա բացատրեմ, թե ինչու՞:
Նախ, գրում է այնքան գրագետ, որ ես ինձ իրավունք չեմ վերապահի որեւիցե կարծիք ասել նրա գրառումների քերականության մասին::)
Երկրորդ, նրա գրառումները շատ իմաստալից են, եւ որն իմ համար ամենահետքրքիրն է պարունակում են "մեղմ", մի տեսակ հումոր:
էլ ինչ գրեմ . բառերս չեն հերիքում...
Կներես, գրառումս քո մասին, շատ սնանկ ստացվեց...
Չնայած, ինքան էլ գրեմ երեւի սնանկ ստացվի::)

Ավելացվել է 15 րոպե անց
Ժող ջան, մեռա սպասելով, հա լավ, դե մեկդ մի բան գրեք...:D
Հասկանում եմ շատերդ ուզում եք ուրիշների մասին գրել...
Բայց դե, պիտի չէ, հըլը իմ գրառումների մասին մեկը մի բան գրի:

Norton
19.07.2008, 22:41
Մարկիզի գրառումները կարդում եմ հաճույքով: Հիմնականում ծանոթ եմ քաղաքական գրառումներին՝ շատ գրագետ, իմաստալից: Իմ համար կարելի է ասել նաև ուսուցողական:
ՈՒնի հստակ քաղաքկան դիրքորոշումներ ու կարողանում է ընթերցողին շատ պարզ հասցնել իր ասելիքը, որից հետո բանվիճողի մոտ մութ հարցեր քիչ են մնում: Ափսոս ու-ուշ է գրում::)

Kuk
20.07.2008, 00:12
Norton

Անդոի հետ մեկ օրվա տարբերությամբ ենք գրանցվել;) Հաճախ հանդիպում էին քաղաքականությանը վերաբերող գրառումներ, որոնց հետ հիմնականում համակարծիք էի ու եմ: Լավ ես գրում Անդո ջան, շարունակի տենց;)

Հ.Գ. գրառումներիս մասին վատ բան չասե՛ք:angry

Lady-In-Red
20.07.2008, 00:21
Կուկը 1-ինն էր, որ ինձ ջերմ ընդունեց ակումբում,:) գրառումները հիմնականում սուր են ու հումորն էլ տեղին է, քաղաքական թեմաներում միշտ դիպուկ է գրում:ok ու այդպես շարունակ :P

Ուլուանա
20.07.2008, 00:35
Հ.Գ. գրառումներիս մասին վատ բան չասե՛ք:angry
Լավ, էլի, ասեմ։ :))
Kuk–ի գրառումներում հաճախ ագրեսիվության նոտաներ են լինում՝ բացահայտ կամ ոչ բացահայտ, երբեմն էլ՝ մեծամտության կայծկլտումներ։ Որքան նկատել եմ, վերջերս նշածս երևույթներն ահագին պակասել են, բայց չեն վերացել։ Հաճախ սրամիտ գրառումներ է անում, բայց այն դեպքերում, երբ սրամտությանը միախառնված է լինում նաև մեծամտությունը, էդ գրառումները չեմ հավանում։ :P Ընդհանուր առմամբ բավական գրագետ ու հստակ ձևակերպված գրառումներ է անում։ :ok

Lady-In-Red–ը դեռ նորեկ է, շատ բան ասել չեմ կարող, բայց նկատել եմ, որ նրա գրառումներում հիմնականում առկա են չարաճճիությունն ու կոկետությունը։ ;)

impression
20.07.2008, 00:42
Ուլուանայի գրառումները ճիշտ ու գեղեցիկ հայերենի փոքրիկ դասեր են, որից կարող ենք օգուտ քաղել բոլորս: Էդ առումով էլ ա ինքը ՄԱՄԱ (:D)
Նրա գրառումներում միշտ կա հոգատարություն՝ ընթերցողի նյարդերը չքայքայելու մարդկային միտում, որը շատ հարգում եմ:
Գրում է կոռեկտ, ասելիքը տեղավորում հենց էնքան բառերի մեջ, որքան որ պետք է: Գրառումներով իր գիտելիքները ցուցադրելու փորձեր չի անում, ինչը, կրկին, ըստ իս, արժանի է հարգանքի:
Իր գրառումները հիմնականում բաց չեմ թողնում, բացառությամբ մոդերատորականների: :)

Դեկադա
20.07.2008, 00:44
Ուլուանա -ի գրառումները աշխատում եմ միշտ կարդալ//ամեն անգամ ինձ համար ինչ-որ բացահայտում եմ կատարում// չնայած երբեմն խիստ տոնը գերակշռեւմ է:), սակայն աչքի է ընկնում չափազանց խելացի և իմաստալից գրառումներով:

dvgray
20.07.2008, 01:27
impression -ի գրառումերում առաջ ես ստանում էի կյանքից բեզարած մարդու մտքերի տպավորություն ու հենց այդքանով նրանք հետաքրքիր էին:
Այժմ 180 աստիճանով տարբեր տպավորություն եմ ստանում՝ կյանքը սիրող ու ներող լինի ասել մանկական միամտությամբ օժտված մարդու/ աղջնակի տպավորություն:
Մի խոսքով շատ հետաքրքիր է /դինամիկան/ :):

Gayane* - ի գրառումներում գերակշռում է անձնականը: Դա նորմալ է և գովելի, որ մարդ կարողանում է առանց կեղծելու կիսվել :):

Սերխիո
20.07.2008, 01:29
dvgray
Իմ վերև մարդուն ես սպասում էի ,որ նոր գրեյի:

ընդհանրապես ունի հղկված խոսք, գրագետ է , բայց իրա գրառումները շատ ժամանակ կոպիտ են , վիրավորական , մեկ-մեկ ոչ կոռեկտ համեմատությունների ու արտահայտությունների առումով:

Գալաթեա
20.07.2008, 01:56
Սերխիո :)

Սերխի սպորտային գրառումները չեմ կարդում, թող ների :)

Բայց մնացած տեղերում իր գրածներից միշտ պոզիտիվ ու բարություն է ճառագում։
Ինտիմում մեկ-մեկ լավ ակտիվա ու շատ հումորով :)
Սիրում եմ իր Զրուցարանի գրառումները։
Համարյա միշտ տրամս բարձրանումա :)

Empty`Tears
20.07.2008, 01:59
Գալաթեա

Լիլ ես եմ..:P;)
Շատ եմ սիրում քո գրառումները ու միշտ հավեսով կարդում եմ նամանավանդ "հոգեբանի"անկյունդ...
Միշտ ինչ գրառումներ էլ անես մեջը հումորդ կա...:love շարունակի սիրում եմ..;)
Մոզգիկ..:P

Amaru
20.07.2008, 02:02
եսիմ, ես երբվա Ակումբ մտնողն եմ, որ իմանամ… բայց մելանխոլիկա-նվնվիկա-խառը գրառումների եմ միշտ հանդիպել :)

Ուլուանա
20.07.2008, 02:10
Amaru–ի գրառումները մեկ–մեկ եմ հանդիպում, բայց միշտ աննկարագրելի հաճույքով եմ կարդում. որպես կանոն, շատ կարճ, բայց դիպուկ ու դեմքիկ գրառումներ է անում՝ հումորով ու շատ համով։ :hands :love Հա, մեկ էլ միշտ շատ հաջող սմայլիկներ է ընտրում։ :)

dvgray
20.07.2008, 02:18
Ուլուանայի գրառումերը խելոք են և կասեի խելամիտ: /Ես մի քիչ գժոտություն եմ սիրում: :D/ Հետո նրա գրառումներին հակադրվելու ցանկությունս հիմնականում կորում է, հաշվի առնելով հայերենի խղճուկ վիճակս :): Մի տեսակ ինքը շատ ճիշտ գրառումներ է անում :

Բարեկամ
20.07.2008, 02:19
Ուլուանան խոսքի կազմակերպման վարպետ ա:
Անթերիությունն արդեն ոչ մարդկային որակի ա հասել իր մոտ. վախենալու ա …

Բայց իրոք, այդպես անթերի, հանգամանալից ու պատճառահետևանքորեն կուռ կազմակերպված խոսք դեռ չեմ տեսել:
Ուլուանայի գրառումներն ավարտուն են՝ վրձնի ոչ մի հարված բաց չի թողնված: Պատկերները հստակ են, ու… "առարկություններ" չեն ընդունում :B

Ու մի կարևոր բան էլ. Ուլուանայի գրառումները Ակումբի որակի անկյունաքարերից են:

:kiss

Chuk
20.07.2008, 02:22
Dvgray-ի գրառումները սովորաբար խիստ փաստարկված ու համոզիչ են, էնքան համոզիչ, որ իր հայացքների հակառակորդները դրանց ոչ մի կերպ չեն ուզում համաձայնվել, բայց վստահ եմ, հոգու խորքում զգում են, որ ինչ-որ բան էն չի :D

Գրառումներում գերիշխող ա տրամաբանությունը, բայց ինֆորմատիվությունը երբեք ետին պլանում չի: Միշտ անհամբեր եմ սպասում իրա գրառումներին:




Բարեկամի գրառումները սարսռեցնելու չափ ճշմարիտ են, սովորաբար: Ամեն գրառումը կարդալիս նախապես պատրաստվում եմ, ինչ-որ նոր բացահայտում իմանալու կամ իմացածս ինչ-որ բանը ամրապնդելու համար: Գրառումները հուշում են տիրոջ բարիությունն ու մարդկանց հաճույք պատճառելու ցանկությունը: Գրում է համոզիչ, անբեկանելի:

dvgray
20.07.2008, 02:26
Բարեկանմի գրառումերը նմանացնում եմ "Նառոդնի կոնտռոլի"-ն :D: Եթե սկսեց քեզ քննել, ապա ուրեմն վիճակտ լինելու է աննախանձելի :) : Լավագույն դեպքում գործից կազատեն ;):

Չուկը "Ակումբի" առանացքային գրառում անողն է: Նրա մտքերը շատ անգամ վախ են ներշնչում են իմաստով, որ եթե էս տղեն մի 40 տարեկան բարով խերով դառնա, ապա ինչ հզոր մտքեր է ունենալու ու դրանք ի կատար ածելու :hands

Empty`Tears
20.07.2008, 02:40
dvgray
Դվ սիրում եմ գրառումներդ, մեկ մեկ զրուցարանում շատա չափը անցնում.:angry շատ ես խոսում..:P
Մեկ մեկ էլ այնպիսի գրառումներ է անում, որ շատ անհասկանալի է լինում, թե ինչ էր ուզում ասել դրանով...
սիրում այս թեմաների գրառումներ՝
"Հոգեբանություն և փիլիսոփայություն" :)

հ.գ մեկ մեկ էլ տարիքով փոքր մարդու տպավորություն ես թողնում..:oy

Բարեկամ
20.07.2008, 02:40
Բարեկանմի գրառումերը նմանացնում եմ "Նառոդնի կոնտռոլի"-ն :D: Եթե սկսեց քեզ քննել, ապա ուրեմն վիճակտ լինելու է աննախանձելի :) : Լավագույն դեպքում գործից կազատեն ;):


Լավ էլի :D չի կարելի այդքան մերկացնել…:D

dvgray-ի գրառումներն առաջ չէի կարողանում կարդալ. մի ձև ոնց որ ավազի միջով փորձես լողալով առաջանալ :blin կներես :oy
բայց էս վերջերս սկսել եմ բաց չթողնել, ու հավեսով: Երևի պետք էր կարդալ, որ նկատեի սուր, բայց բարի ու չկծող հումորը, անհավակնոտ տոնը, ոչ ադիկտիվիզմը /հա, հենց գրառումներում/, ու էլի ահագին բան , օրինակ՝ համարձակություն, բայց զգուշավորություն…

ՀԳ. էս յուղը վրեն թեման լավ պահանջարկ ա դրսևորում, կարող ա էլի ուշացա… :sad

Ավելացվել է 5 րոպե անց
Empty TearsԻնձ թվում ա՝ գրառումների ոճը պետք է որ նման լինի իր բանավոր խոսքին:
Համենայն դեպս, բավական պատկերավոր է նկարվում որպես բանավոր խոսք:

dvgray
20.07.2008, 02:46
dvgray
Դվ սիրում եմ գրառումներդ, մեկ մեկ զրուցարանում շատա չափը անցնում.:angry շատ ես խոսում..:P
Մեկ մեկ էլ այնպիսի գրառումներ է անում, որ շատ անհասկանալի է լինում, թե ինչ էր ուզում ասել դրանով...
սիրում այս թեմաների գրառումներ՝
"Հոգեբանություն և փիլիսոփայություն" :)

հ.գ մեկ մեկ էլ տարիքով փոքր մարդու տպավորություն ես թողնում..:oy

Empty`Tears -ի գրառումները շատ մեծ էմոցիոնա են պարունակում իրենց մեջ: Նման է կամակոր ու չենթարկվող ուլիկի գրառումերով: Սակայն երբ խորանում ես, իրա տարիքից շատ ավելի լուրջ ու պատրաստված է խելքով ու զգացմունքով:
Հ.Գ. եկեք իմ վրայով թռեք դեպի Բարեկամ :)

Ուլուանա
20.07.2008, 02:57
Չէ, հենց քո մասին եմ գրելու։ :P

dvgray-ի գրառումների մասին շատ երկար կարելի է խոսել, հատկապես որ դրանց մի տեսակը վերջերս է ի հայտ եկել՝ ի մեծ զարմանս բոլորի։ :D Խոսքս նրա անլուրջ գրառումների մասին է, որոնց մեջ ցանցառությունը երբեմն կարող է աներևակայելի չափերի հասնել՝ հաճախ ոտնատակ տալով իմաստային կողմը... :D Բայց դե մենք Դիվիին ճանաչում ենք բոլորովին էլ ոչ էդ ցանցառ գրառումների շնորհիվ, դրա համար անցնեմ լուրջ գրառումներին։

Հիշում եմ՝ Ակումբի սկզբնական ժամանակաշրջանում Դիվին այն աստիճանի լուրջ ու չոր գրառումներ էր անում, որ մարդ վախենում էր հետը խոսել... Ընդհանուր առմամբ Դիվիի գրառումները մի տեսակ անկախ են՝ բառիս բուն իմաստով։ :ok Նման անկախ գրառումների, ի դեպ, շատ քիչ կարելի է հանդիպել։ Բավական տրամաբանված են, գրեթե միշտ հետաքրքիր ու ոչ ստանդարտ մտքեր են պարունակում։ Մի անգամ Մելիքը մի բան ասեց նրա գրառումների մասին, որին լրիվ համամիտ եմ. գրառումներից երևում է, որ նա իր հայացքներին հանգել է ինքնուրույն, այսինքն՝ դա հենց ի՛ր տեսակետն է, ոչ թե կողքից պարտադրված։ Բայց նաև նկատել եմ, որ գրառումներ անելիս մեկ–մեկ կարծես կորցնում է մտքի թելը, շեղվում բուն թեմայից։ Բայց դա օֆֆտոպի երևույթը չի, այլ մի տեսակ ոնց որ ֆոկուսից ընկնելու։ :D :oy Հա, մեկ էլ տեխնիկական առումով անփույթ է գրում, մեկ–մեկ նույնիսկ ներվայնացնելու աստիճանի։

Adam
20.07.2008, 10:53
Մոդերատորական: Զերծ մնացեք 2 տողային գրառումներից: Թեմայի պահանջին հակառակ է: Այսուհետ 1-2 տողային գրառումները ջնջվելու են: Եթե ասելու բան չունեք տվյալ անձի գրառումների մասին, ապա մի գրեք:

Ուլուանայի գրառումները շատ գրագետ են, նույնիսկ եթե փորձումա զրուցարանում մի քիչ խոսակցական-ժարգոնով գրի, էլի պետքա ամեն մի ստորակետը ճիշտ տեղում լինի և այլն :D
Ցանկացած թեմայի վերաբերյալ ունի իր սուբյեկտիվ կարծիքը, որը չի փոխի և 7 օր 7 գիշեր բացատրելուց հետո՝ հաղթանակը կլինի մեկ է նրանը: :P
Գրառումներում շատը սիրում եմ այն, որ իր լավ ու գեղեցիկ շարադրված նախադասություններում, հաճախ կարող է ինչ-որ մեկին էնպես կպնել :D , որ հետո սկի ապացույց էլ չունենաս, որ ինքը էտա ուզեցել ասի :D
Մի խոսքով, նրա գրառումներն ակումբի անբաժանելի մասնիկն են: Խելացի, չափավոր հումորով և իհարկե ամեն ինչ սիրուն փաթեթավորած :P

impression
20.07.2008, 11:48
Surpr!Se-ի գրառումներից կարող եմ ենթադրել, որ երբ իր ձախ ականջը քոր է գալիս, ինքն աջ ձեռքով է այն քորում, էն էլ՝ գլխի հետևի մասով, որ հնարավորինս դժվար ու անհարմար լինի: Այ տղա մի քիչ պարզ գրի էլի :D կիլոմետրանոց գրառումներ կանի, որ կկարդաս, կկարդաս ու եթե հավես ունենաս դա կոնսպեկտելու, իմաստը կտեղավորես մաքսիմում երկու նախադասության մեջ: Լակոնիզմը տաղանդի նշան է ;)

Բայց չեմ կարող չասել, որ Ուլուանայի գրառումների մասին լավ էր գրել :)

Բարեկամ
20.07.2008, 12:01
impression-ն էլ վերարտադրության վարպետ ա :)

իր գրառումները նայում են պատկերին շատ անսովոր, բայց իրական տեսանկյունից,

ինքը նկարում ա երևույթը այնպիսի գծերով ու գույներով, որպիսին ոչ ոք չի նկարում, ու էդ նկարների մեջ երբեմն լինում են անվիճելի տաղանդի փայլատակումներ:

impression-ի գրառումները կարդացվում են, նույնիսկ երբ կարդալու հավես չունես:

impression-ի գրառումներից մնում են ոչ թե բառեր, այլ մթնոլորտ, ընդ որում՝ անսովոր, բայց իրական:

impression-ը ապրում ա իր շուրջը եղած էդ մթնոլորտի շիկացման կորիզը ու հմտորեն վերարտադրում:

impression-ի գրառումները բաբախյուն են, ռիթմ, ու կարելի ա էդ ռիթմը բռնել ու անցկացնել շրջանակի մեջ:

Adam
20.07.2008, 12:06
Բարեկամի գրառումները մի տեսակ նույնպես հանելուկ են, ոնց որ ինքը: Գրառումներից մի ուրիշ կարգի հանգստությունա գալիս: Չգիտեմ դա ինչիցա, բայց ինձ համար էդպեսա: Գրելաոճը Անահիտի գրելաոճին եմ նմանացնում: Չհոգնելու և գեղեցիկ շարադրված լինելու պատճառով: Եվ կարամ ասեմ, որ եթե ինչ-որ մի հատ թեմա լինի, որում անհնարա գրառում անել... այսինքն մտքիդ ոչ մի բան չի գալիս որ գրես, ինքը կդնի ու լեկցիա կգրի: :think :D
Հաճույքով եմ կարդում: Գրառումները միշտ իմաստալից են:

Գալաթեա
20.07.2008, 15:30
Սյուրի գրառումները թեթև են հիմնականում ու ոչ պարտադրող։
Իմաստային ավելորդ գերծանրաբեռնվածություն չկա։
Կարծիքները հիմնականում զգույշ են հայտնվում ու մտածված։
Զրուցարանում էլ որ սկսումա "Արի գնանք Բուրունդի" խաղիս մասկակցել, լրիվ վերջնա :)

Ռուֆուս
20.07.2008, 15:44
Միշտ մի տեսակ վախեցել եմ Գալոյիս գրառումներից, որովհետև համ սիրել գիտի, համ էլ կծել :D Մեկ մեկ շատ զգացմունքային գրառումներ է անում, մեկ մեկ թեթևակի կպնում է, բայց ամենահաճախը սարկազմով հագեցած դաժան բաներա գրում :D

Բայց ամենաշատը սիրում եմ հավեսով Գալաթեայի հետ զրուցել :)

Ուլուանա
20.07.2008, 21:36
Մոդերատորական: Զերծ մնացեք 2 տողային գրառումներից: Թեմայի պահանջին հակառակ է: Այսուհետ 1-2 տողային գրառումները ջնջվելու են: Եթե ասելու բան չունեք տվյալ անձի գրառումների մասին, ապա մի գրեք:

Չեմ կարծում, թե ասելիքի չափը տողերի քանակով որոշելը ճիշտ է։ Մարդ կա՝ երկու տողով կարողանում է շատ խիտ ու բովանդակալից ասելիք փոխանցել, մարդ էլ կա՝ մի էջում երկու տողին հավասարազոր ինֆորմացիա է գրում։ Հետևաբար ջնջելու դեպքում, կարծում եմ, պետք է ջնջվեն անբովանդակ գրառումները՝ անկախ դրանց տողերի քանակից։ ;)


Բայց ամենաշատը սիրում եմ հավեսով Գալաթեայի հետ զրուցել :)
Բայց էս մեկը լրիվ ուրիշ մուլտիկից էր, կոնկրետ՝ «Իմ վերևի մարդը» մուլտիկից։ :))

Raedwulf-ի գրառումները սովորաբար ուրախ են, թեթև ու մի տեսակ արագ տեմպով են, շտապ. որ կարդում եմ, համարյա միշտ էն տպավորությունն եմ ստանում, որ մարդը շտապում էր, արագ–արագ գրել ու դուրս ա եկել։ :)) Բայց դրանով հանդերձ չէի ասի, թե անփույթ է գրում։ Ուղղակի Հայկը գրառումներ անելիս մի տեսակ չի խորանում ոչ մի բանի մեջ, սրընթաց կերպով ընդհանուր խոսում է երևույթի մասին ու հեռանում՝ առանց հետ նայելու։ :))

ivy
20.07.2008, 22:12
Ուլուանայի գրառումներն աչքի են ընկնում բացառիկ գրագիտությամբ: Այդ առումով, գուցե նաև ընդհանրապես, Ուլուն պերֆեկցիոնիստ է: Նաև նրա գրառումները տարբերվում են նրանով, որ Ուլուի համար կարևոր է մանրուքների մեջ խորանալը, ամեն ինչ մանրակրկիտ դիտարկելը: Ինքը սիրում է հարցին տարբեր կողմերից մոտենալ, ընդգրկել բոլոր դետալները, խորությամբ քննարկել: Հետո նկատել եմ, որ իրեն համեմատաբար երկար ժամանակ է պահանջվում մի գրառում անելու համար, ինչը արդեն իսկ խոսում է նրա մասին, որ հարցին շատ լրջորեն ու մեծ պատասխանատվությամբ է մոտենում:
Սեփական տեսակետը հայտնելիս` նրա գրառումներում սովորաբար առկա է ակնհայտ համոզվածությունը, ինչն իմ կարծիքով շատ լավ հատկանիշ է, բայց ոչ բոլոր դեպքերում: :)
Հաճույքով եմ կարդում նրա գրառումները, որովհետև ինֆորմատիվ են, գրագետ, հետաքրքիր. անկապ տեղը կամ ուղղակի վարկանիշի համար գրառում երբեք չի անում:

Ուլուանա
20.07.2008, 22:35
ivy-ի գրառումները միշտ մեծ հաճույքով եմ կարդում, որովհետև ինքն էլ երբեք ուղղակի գրառում անելու համար չի գրում, գրագետ է գրում, միշտ հետաքրքիր ասելիք ունի, ընդ որում, գրառումները, որպես կանոն, թարմ, թեթև, հանգիստ ու հումորով են, նաև չպարտադրող։ Հումորն էլ երբեք կծան չի, ի դեպ։ Իմ կարծիքով, էս մի քանի հատկանիշները շատ հազվադեպ են համատեղվում, բայց ivy-ին ինչ–որ հրաշքով դա հաջողվում է։ :) ivy-ի գրառումներից մի տեսակ բարյացակամություն է կաթում։ :)

Երկնային
20.07.2008, 22:59
Ուլուանայի գրառումները սիրում եմ… :)
Էն քչերից է, որ երկար-բարակ գրածը չես ալարում ու մեծ հետաքրքությամբ կարդում ես… միշտ իմաստալից, խելացի, գրագետ գրառումներ են, որ իսկապես հաճույք է մարդ ստանում… զգացվում է, որ իր գրագիտությունը ոչ միայն գրավոր խոսքում է կատարելության աստիճանի հասնում, այլև բանավորում նույնպես…:)

Selene
20.07.2008, 23:00
Ուլուանայի գրառումները առանձնահատուկ են իմ համար:) Անգամ եթե համաձայն էլ չեմ լինում նրա արտահայտած այս կամ այն մտքին (ինչն այդքան էլ հաճախ չի պատահում), միևնույնն է, շատ ուշադիր կարդում եմ, հաստատ սովորելու մի բան կգտնեմ:P Ամենագրագետ գրառումների հեղինակն է, այնքան հանգիստ, համբերատար ու լրիվությամբ է կարողանում ձևակերպել իր ասելիքը Ուլուանան, որ կարդալիս մարդու հավես է գալիս:)

Chuk
20.07.2008, 23:03
Selene-ի գրառումերում կյանքի նկատմամբ պոզիտիվ տրամադրություն է զգացվում: Այդ գրառումները լցված են սիրով, քնշանքով ու խնամքով: Կարծես ինքն իր գրառումներով ուզում է փայփայել ընթերցողին, սիրտը ջերմությամբ լցնել: Մշտական հարգանք է զգացվում այդ գրառումներու՝ հարգանք իր ընթերցողի նկատմամբ, կարծես չի ցանկանում ընթերցողին նեղություն տալ ասենք անիմաստ բան կարդալով, որովհետև միշտ տեղին, լավ կառուցված, բովանդակալից գրառումներ են:

ivy
20.07.2008, 23:39
Չուկի գրառումներից սովորաբար բարության անուշ բույր է գալիս: Մեղմ է գրում, առանց ուրիշի կարծիքի վրա բռնանալու, երբեմն` հանգիստ հումորով: Ամենախաղաղասեր ու ոչ ագրեսիվ գրառումներ անող անդամներից է: Չգիտեմ` իրականում ինքն ինչպիսին է, բայց նրա գրառումներն աչքի են ընկնում համեստությամբ ու հանդուրժողականությամբ:
Չուկի գրառումները լուսավոր են, սիրում եմ իրեն կարդալ: :)

dvgray
20.07.2008, 23:47
ivy -ին առաջ շատ հետաքրքիր քննարկումների էր մասնակցում: Ակտիվ վարող էր ու խորաթափանց: Այժմ պասիվացել է: Հոգնե՞լ է, ինչ է, չգիտեմ: Սակայն ավելի շատ տեղաշարժվել է անձնական գրառումների դաշտ որը իմ համար վատ է ;)
Նրա հետ զրուցելը շատ հետաքրքիր է, գրում է սիրստեմավորված, հիմնավորված… իսկ գրառումներում հայտնվող հումորի զգացումը մեծ հավես է առաջացնում հետը "պախոդ" գնալու :)

Գալաթեա
21.07.2008, 00:15
Դիվիի գրառումները մի այլ կարգի եմ սիրում :)
Էնքան քիչ մարդ կա, ում գրառումները մինչև վերջ կարդում եմ...իսկ Դիվինը եթե չկարդամ, կարողա "ժոկ" կպնեմ :)
Առաջ մենակ լուրջ թեմաներում էր գրում, հիմա նենց լավա՝ սկսելա զրուցարաններում ջրիկանալ։ Հումորը՛ :love
Միշտ իմաստ կա գրածում ու զգում ես, որ գիտի ինչա գրել, ոչ թե հավայի կլավիատուրայա մաշացրել։
Համարյա ամեն անգամ նոր բան էմ բացահայտում Դիվի գրառումներում...երեկ օրինակ հասկացա, որ իր հետ վիճելը շատ հավեսա :)

impression
21.07.2008, 00:33
Գալաթեան գրում է սուր, կտրուկ, երբեմն՝ չափազանց կտրուկ: Միտքը պարզ է արտահայտում, ու ոնց ասում են, խոսքի հետևից գրպանը չի մտնում: Կարողանում է ճիշտ մետաֆորներով ու համեմատություններով նվագել ընթերցողի թույլ լարերի վրա: Միակ բանն, ինչ ինձ հեչ դուր չի գալիս, դա նրա գրառումների "գողականությունն" է, հեչ աղջկական չի էլի, ճիշտ է, ես էլ մի բան չեմ էդ հարցում, բայց Գալաթեային չեմ հասնում: Ու էդ ամենը չի ներվում հենց նրանց, ովքեր գրագետ ու գրական գրելու համար առանձնապես ջանքեր չեն թափում: :)

ivy
21.07.2008, 00:40
Իմփրեշընի գրածներն առաջ ավելի հավեսով էի կարդում: Հիմա մի տեսակ ջրիկությունը գրածների մեջ ավելի շատ է, քան կոնկրետ նյութը: Հետն էլ քյառթու-մառթու ձևով է սկսել գրել: :) Վերջակետներ էլ չի դնում: :))
Նախկինում էդպես չէր, մեկ-մեկ բացում, իր հին գրառումներն եմ կարդում, ոնց որ ուրիշ մարդ գրած լինի:
Բայց դե մեկա ես իր ոչ մի գրած բաց չեմ թողնում, բոլորը կարդում եմ. հետաքրքիր է ինքը ինձ: :)

dvgray
21.07.2008, 00:55
ivy -ին գրառոըւմները ցույց են տալիս որ ինքը լավ խաղարկող ա - դիսպեչեր:
Արարատ 73 -ում էտ պես մի հատ լավ դիսպեչեր կար ՝ Արկադի Անդրեսյանը:
Նա անգամ գնդակը վարում էր առանց գնդակին նայելու: Իսկ Իր պասերը՜՜՜:oy
Նրա տուգանային հարվածները և ֆռցևած գնդակերը հրաշք էիր:
Մի խոսքով լավ ֆուտբոլիստ է եղել: Բայց այ մարզիչ էնքան էլ հաջող դուրս չեկավ :(
Հիշում եմ թե ինչ կռիվ դավի ունեցավ Խորեն Հովանիսյանի հետ: Խորիկը իրեն լավ գցեց ;)

Երկնային
21.07.2008, 18:14
dvgray

Դիվիյի գրառումները խելացի են շատ…
գրում է այն, ինչի մասին գաղափարհ ունի, երբեք անիմաստ չեն իր գրառումները… :)
Առաջ լուրջ ձյաձյայի պես էր գրում, հիմա ջրիկացել ա… սենց ավելի լավ ա… ;) իր ներքինն ա արտահայտում, ըստ գրառումների` հոգով շատ ավելի երիտասարդ է իրեն զգում, քան կա, բայց և կարողանում է արտահայտել իր ունեցած կյանքի փորձը… :)

Ուլուանա
21.07.2008, 18:30
Շատ եմ սիրում Երկնայինի սմայլիկային գրառումները։ :hands Շատ դիպուկ սմայլիկներ է գտնում ու իրեն հատուկ հումորով համեմված մեկնաբանություններ գրում սմայլիկների մասին։ :love Ի դեպ, շատ նուրբ հումոր ունի, որը, կարծում եմ, դեռևս ըստ արժանվույն գնահատված չի։ Նույնը չեմ կարող ասել նրա լուրջ գրառումների մասին, համենայնդեպս, ինձ համար առանձնապես հետաքրքրություն չեն ներկայացնում. քնքշանքի «դոզան» չափից դուր շատ է ու գոնե ինձ համար ոչ մարսելի։ Ու մեկ էլ չեմ սիրում նրա թիթեռնիկաեթերային օրագրային գրառումները։ :oy Ուղղակի երևի դրանք ինչ–որ առումով ինձ համար արդեն անցած էտապ են, դրա համար չեն գրավում, չգիտեմ...

Մանոն
21.07.2008, 18:51
Ուլուանայի գրառումներն էլ իր նման համով են, երբեք չես հոգնի կարդալուց: Չնայած մեկ մեկ զարմանում եմ այն մանրակրկիտության վրա, որով սկսում է աշխատել Անահիտը: Դա ամենքին չի հաջողվում: Առավելապես հավանում եմ «հոգեբանություն և փիլիսոփայություն» բաժնում կատարած գրառումները, ամենքը մի-մի գաղափարախոսություն է :) Դեռ չեմ նկատել, որ նույն միտքը տարբեր տեղերում արտահայտած լինի, ասես ամեն հարցի շուրջ արդեն պատրաստի գրառումներ ունենա: :love

ivy
21.07.2008, 18:59
Մանոնի գրառումները անչափ մեղմ են ու հանգիստ: Անգամ եթե տխուր բաների մասին է գրում, նրա գրառումնեիրց լույս է կաթում: Մանոնի գրառումներում չկա բողոք, դժգոհություն, ըմբոստացում, պայքար: Կոնկրետ ինձ համար շատ հաճելի են նման գրառումները: Դրանք նման են իրիկնամուտի մեղմ զեփյուռի և անամպ երկինքը լունավորող արևի վերջին ճառագայթներին. խաղաղության ու հանգստության զգացում է իջնում վրադ Մանոնին կարդալիս: Բացի դրանից, նա գրառումները խորիմաստ են և հետաքրքիր, հաճախ` ուսանելի: Մանոնի գրառումները ակումբի արժեքներից են:

Բարեկամ
21.07.2008, 19:17
Այվիի գրառումները թունդ օպտիմիստական են: Նա տեսնում ու ներկայացնում է օպտիմիզմի ու պոզիտիվիզմի լույսի տակ: թեև չի խուսափում նաև ոչ դրական, բայց ցցուն կետերն էլ ներառել: Այվիի գրառումներն ու հեքիաթները շատ տարբեր են: Հեքիաթներում այվին ավելի կենդանի է, գրառումներում՝ անշոշափելի…
Ու գրառումներն այդ առումով " չեն սայթաքում", չեմ կարողանում տեսնել դրանց հետևում շնչող մարդուն :)

impression
21.07.2008, 19:22
Բարեկամ-ի գրառումները երբեք մեկ գումարած մեկ չեն, բայց ամենապարզ ճշմարտություններից է գրում: Նա ամեն ինչի մասին խոսում է՝ ելնելով իր փորձից, օդում կրակողներից չի: Իր շատ գրառումներ մի քանի անգամ եմ կարդում, որովհետև նա գրում է տողատակերով, ի դեպ, խուսանավել չունի, ասելիքը կշրխկացնի ճակատիդ՝ լավ իմանալով ասածի հետևանքները: Գրառումներում անտարբեր է ու ամենին նայում է "կողքից": Ինձ համար իր գրռումները հետաքրքիր են, արդեն հասցրել եմ ահագին բան սովորել իրենից:

John
21.07.2008, 19:29
Լիլիթի գրառուներում հումորն ու ՄԻՏՔը անպակաս են, հաճույքով կարդում եմ :)

Amaru
21.07.2008, 23:56
Հովսեփիս գրառումները նենց հանգի՜ստ են… :) ու գրագետ :)

Dayana
04.08.2008, 16:13
Ամառուկիս գրառումները լավն են, բարի :) մեկ էլ միշտ "ջղայնանումա" Սիրո մասին անվերջ ծեծվող գրառումներից (լինի դա ստեղծագործություն թե ուղղակի "տափակ" գրառում) :)

Երկնային
04.08.2008, 17:19
Dayana

Դայանչոյի գրածերը շատ պայծառ են…
էնքան քնքշանք ու երեխաություն կա դրանց մեջ…
Ի դեպ իր իսկական կերպարին համապատասխանում ա ամբողջությամբ` հրեշտակային, քնքուշ…
Իր գրառումներից բացասական ոչինչ չես կարող ստանալ, միայն բարին…

:)

Երվանդ
04.08.2008, 17:20
Երկնայինի գրառումների 90 տոկոսից լույս ու ռոմանտիկ թիթեռներ են թռնում:love:)

Janita Hero
04.08.2008, 17:40
Երվանդի գրառումներից միշտ ազատության հոտ ա գալիս ու բարության, ասես ակումբի հայրը լինի:oy, ոնց ես Երվանդ ջան;)

Empty`Tears
04.08.2008, 17:56
Janita Hero - ի գրառումներտ այնքան հանգիստ, ուրախ , որ կարդում էլ ես այնքան հեշտ է կարդացվում.. ու լի սիրով..:)

*e}|{uka*
04.08.2008, 18:17
Մայուսի գրառումներում զգացվում է իր բնավորության գծերը, բայց իրան չճանաչելով իր գրառումներից այլ կարծիք կարելի է կազմել իրա մասին:oy : Գրառումներում երևումա է . որ ինքը ուժեղ , խելացի, զգայուն, նպատակասլաց, ամբիցիաներով պստոյա :love , բայց ինչքան ուժեղ նույնքան էլ թույլ, ինչքան նպատակասլաց , այնքան էլ շուտ հանձնվող... :(

Empty`Tears
04.08.2008, 18:24
Իդ :(
*e}|{uka* - ի գրառումները այնքան կյանքով լի են, միշտ մի անկապ հումոր է մտցնում գրառումների մեջ, կապ չունի թե, որ բաժնում է գրառում կատարում... էս սմայլն էլ անպակասա --»" :D:D " :nono, գրառումներից դատելոց իրան վսոռավնո թե ինչ կասեն դրա վերավերիալ..:B

Adam
04.08.2008, 21:13
Մայայի գրառումները շատ թեթև են ինչպես որ ինքը...
էսքան վախտ ճիշտն ասած չեմ հիշում, որ որևէ լուրջ ինչ-որ քննարկման մասնակցած լինի: Գրառումները շատ թեթև, անշառ... մեկ-մեկ մեջները կծող բաներ լինում են, բայց դրանք էլ են անշառ: Լավ կծել չի կարողանում :D

Գալաթեա
04.08.2008, 23:54
Սյուրի գրառումները սիրում եմ :) Պոզիտիվ ա փչում մի այլ կարգի...ոնց որ ֆիրմա կալորիֆերից :)
Շատ եմ կարոտել իր անտաղանդ ոտանավորներին...էն որ կպած ուզում ա "արի գնանք մի տեղ" անի իմ հետ միասին :)

Իր գրառումներին նմանա Սյուրը։ Ձև չի բռնում։ Լավ ա :)

Kuk
05.08.2008, 01:30
Գալաթեա:love



Գալաթեայի գրառումները շատ լավն են:good քչերն են կարողանում այդպես գեղեցիկ, հետաքրքիր և դիպուկ արտահայտվել: Գալաթեայի գրառումներից կան, որ ամեն մեկը մի քանի անգամ եմ կարդացել. ոչ թե առաջին անգամից չեմ հասկացել, դրա համար, այլ շատ լավն են, հավեսա կարդալը:oy
Շատ գրի Գալաթեա ջան, շատ լավ ա ստացվում մոտդ:)

Chuk
05.08.2008, 01:35
Կուկ,
Գրառումները հաճախ սուրն ու կծող են, ինչն արժանանում է հակառակ դիրքորոշումն ունեցողի դժգոհությանը: Սակայն շատ հաճախ այս մարդու գրառումների ենթատեքստը շատ մոտ է իմ պատկերացումներին:

StrangeLittleGirl
05.08.2008, 01:35
Kuk-ի գրառումների մասին ոչինչ չեմ կարող ասել, քանի որ նա իմ անտեսվածների ցանկից է: Ավելի ճիշտ, դրանով ամեն ինչ ասացի :D

Empty`Tears
05.08.2008, 01:48
StrangeLittleGirl -ի գրառումներ շատ քիչ եմ կարդացել, շատ պարտադրողական են, շատ ծանր, այնպիսի տպավորություն է ,որ իրենցից (գրառումնեերից) հետո ոչ ոք չպետք է մեջբերում անի, բայց միևնույն ժամանակ խելացի մտքեր..:)

Kuk
05.08.2008, 01:53
...

Գալաթեա
05.08.2008, 01:59
Կուկի գրառումները հավեսով եմ կարդում :)
Սիրում է մինչև վերջին տառը չոտկի արտահայտվել, շատ հաճախ համառ է ու կտրուկ, որ, ինչ մեղքս թաքցնեմ, մի այլ կարգի դուրս գալիս ա :)

Իսկ էս վերևի գրառումը.. :D :D Կուկ...մի քիչ զուսպ էղի էլի այ տղա :D

StrangeLittleGirl
05.08.2008, 02:01
Գալոյի գրառումները մեկ շատ հաճելի են, խելացի, մեկ ներվերիս վրա ազդում են:

Empty`Tears
05.08.2008, 02:03
...

Կուկ ես էլ քեզ եմ շատ սիրում.. :D:friends:




Իսկ էս վերևի գրառումը.. :D :D Կուկ...մի քիչ զուսպ էղի էլի այ տղա :D

Հա էլ մի ասա է..:D

Chuk
05.08.2008, 02:03
Բյուր, իր գրառումները շատ եմ սիրում: Միշտ մարդկային հասունություն կա մեջները: Երբեմն՝ մինչև վերջ խոցող, ծակող, երբեմն՝ ջերմացնող: Սակայն ամենից հաճախ այդ գրառումներն ուզում են մանկականի տեղ անցեն, ինչը հազվադեպ է հաջողվում՝ հեղինակի լրջախոհության պատճառով:

Kuk
05.08.2008, 02:05
Empty`Tears-ի գրառումները լավն են:) Էս թեմայում նրա կողմից կատարված վերջին գրառումն էլ դուրս եկավ. սիրում եմ, երբ անտեսում են ոչնչությունը:

Ավելացվել է 58 վայրկյան անց
Հաջորդին խնդրում եմ գրել Չուկի գրառումների մասին:

Երկնային
05.08.2008, 02:10
Chuk

Չուկի գրառումները շատ խելացի են, երբեմն իմ խելքի բանը չեն նույնիսկ… :D

հանգիստ են, նույնիսկ երբ ջղայնացած է լինում, իր րառումներից երբեք ագրեսսիայի հոտ չեմ առնում… չափազանց բարի են գրառումները… :)

Սամվել
05.08.2008, 02:13
Երկնայինի գրառումները կամ շատ ռոմանտիկ են կամ լա՜վ զվարճալի, հումորով... :)

Լավն են :)

*e}|{uka*
05.08.2008, 19:56
Ասեմ, երբ նոր էի գրանցվել ակումբում, առաջին օրը մոտս տպավորվել էր միայն Սամվելի(Kiborg-ի) գրառումները, չգիտեմ երևի այդ օրը ինքն էր չարաշահել գրառումներով: :P
Սամոյի գրառումները շատ լայն են, խորը, բարի, միշտ հարցին փորձում է լուրջ անդրադառնալ, նայում է տարբեր տեսանկյուններից ու իհարկե «տակտիչնի» հումորը միշտ առկա է ... ;)
Համարյա բոլոր գրառումները կարդում եմ Սամոյի, իհարկե բացի քաղաքականությոան բաժնինը, քանզի.... :beee

Adam
05.08.2008, 20:10
Յոժի գրառումները հիմնականում ուրախ, թեթև, թլոշ :D
ոչ մի ծանրություն չկա գրառումների մեջ: Նույնիսկ կարդալուց ստիպված տրամըտ բարձրանումա :P
Համ ու հոտերից մեկնա: :)

Moon
06.08.2008, 01:02
Քո գրառումներին ինքս անձամբ շատ չեմ հանդիպել, բայց որպես մոդերատոր շատ։
Դե ուրախ մարդ ես, կիրթ ես գրում ու ես սիրում եմ քո նիկը կարդալ գրառումների շարքում։

Empty`Tears
06.08.2008, 02:22
Գժուկ!! -ի գրառումներ այսքան ժամանակ չի տպավորվել, որ ցանկություն առաջա բացեմ էջը ու կարդամ: Այնսպիս գրառումներ են, որ ցանկություն ունի իրենից հետո մեջբերում անեն.. ;)

StrangeLittleGirl
06.08.2008, 02:41
Չնայած արդեն ահագին ժամանակ է, ինչ դատարկ արցունքները ֆորումի անդամ է, բայց նրա գրառումները, չգիտեմ ինչու, բացարձակապես չեն տպավորվում: Նույնիսկ «Իմ վերևի մարդը» թեմայում գրելիս մի անգամ զգացի էդ բացը, որոշեցի ուշադրություն դարձնել նրա գրառումներին: Այդպես էլ արեցի, բայց էլի ոչինչ չի տպավորվել:

impression
06.08.2008, 08:12
Իմ վերևի մարդու գրառումները շատ հակասական զգացումներ են առաջացնում ինձ մոտ: Հաճախ դրանք շատ ինֆորմատիվ են, հատկապես երբ իր մասնագիտական թեմաներից է գրում, միշտ իմպուլսիվ են, իր ԵՍ-ը ամեն մի բառի մեջ կա, գրառում անելիս հաճախ չի մտածում այն ռեակցիայի մասին, որ կառաջացնի իր գրածը: Սիրում է մարդկանց մոտ շոկային ռեակցիա առաջացնել: Ինչ խոսք, միանգամից համուհոտը զգացվում է, ուրիշ ոչ մեկի գրառման հետ չես շփոթի: Ավարտեմ իր ամենասիրած ֆրազաներից մեկով. հետո, երբ ժամանակ ունենամ, կգրեմ ավելի մանրամասն: :)

Dayana
06.08.2008, 08:52
impression

Իմ վերևի մարդու գրառումները ոչ միայն ես եմ կարդում, այլև ակումբի մեծ մասը ;) ու բոլորը համոզված եմ սպասում են այս մարդու գրառումներին։ Շատ գրառումներ ունի, մասնավորապես Անկապ Օրագրում, որ միայն ինքն է հասկանում, բայց բոլորը կարդում ու վարկանիշախեղդ են անում ;) Միշտ սպասում եմ գրառումներիդ...

Guest
06.08.2008, 09:01
Ինչ լավ ա, որ ես Դայանային ճանաչում էի մինչև ակումբ մտնելը, թե չե ինձ էլ ա թվում, որ իր գրառումները կարող էին ինձ վրա լացկանի տպավորություն թողնել…

Տենց բան չկա, նայեք Դայուշին ուրիշ աչքերով :)

Empty`Tears
06.08.2008, 12:16
Guest-ի որքան , որ նկատել եմ, միշտ կպնողական գրառումներ է անում, ագրեսիայով լի..:)

impression
06.08.2008, 12:18
Էմփթիի գրառումները չեն առանձնանում, չեն տարբերվում: Առաջ առանձնանում էին, չէի կարդում, նյարդայնանում էի համ տառասխալներից, համ էլ գրածի բնույթից: Հիմա կամ փոխվել ա, կամ էլ աչքս ա սովորել, չգիտեմ:

Adam
06.08.2008, 12:29
Իմփրեշընի գրառումները բավական խելացի են: Հենց կարդալուց միայն զգացվում է, որ մակարդակ կա մեջները:

Janita Hero
06.08.2008, 12:36
քիչ եմ տեսել Սյուրպրիզի գրառումները, ստեղից ընդեղից գիտեմ, որ մրցույթասեր ա ու հետևաբար որտեղ կա խաղ ինքն էնտեղ ա գրառում անում կամ ինքն ա հենց ստեղծում էտ խաղը:

*e}|{uka*
06.08.2008, 13:39
Ջանիտան քիչ է գրառումներ անում, հիմնականում ժամանցային բաժնում, երևի ակումբ էլ մտնում է կարճտև ժամանակում լիցքաթափվելու համար :oy, բայց որ պստոյություն կա գրառումներում էդ հաստատ ;)

impression
06.08.2008, 13:44
Ջանիտան քիչ է գրառումներ անում, հիմնականում ժամանցային բաժնում, երևի ակումբ էլ մտնում է կարճտև ժամանակում լիցքաթափվելու համար :oy, բայց որ պստոյություն կա գրառումներում էդ հաստատ ;)

այ թլո՞շ, խոսել ես սովորել հա՞ ;)

Յոժի գրառումների էդ թլոշությունը մի տեսակ չէի սիրում, բայց դե գոհ ենք, մեծացավ, մարդ դառավ ;) համով ա գրում, թեթև, չպարտադրող: Հետաքրքիր գրառումներ ունի, հատկապես ինձ համար հետաքրքիր են նրանք, որոնցում ինքն իր կարծիքն է հայտնում:

Janita Hero
06.08.2008, 14:29
հա մտածում էի գրեմ չգրեմ, գրեմ չգրեմ, վերջը գրեցի……
ՏՊԱՎՈՐՈՒԹՅԱՆ գրառումներն իսկը իրա նիկի հոմանիշներն են…… չեմ հիշում մի գրառում իրա կողմից երկնած, որ չտպավորվեմ:
Ազատ ա գրում, ոչինչ չի պարտադրում: գրեթե բոլորի լեզուն հասկանում ա… երևի լինգվիստ ա …:P
մեկ-մեկ իրա գրառումներից կյանքի փորձ ա ինձ փոխանցվում…:aha
ՄԻԱԿ թերությունը մեր իմրեՇն-ի փոքրատառամոլությունն ա,:lol թե՞ մեծատառաատելությունն ա…… ով իմանա:
Միշտ գրի, ես էլ կարդամ ու հետո 2 ժամ իրար հետ գրածիդ վրա ուրախանանք ու գործ չանենք :secret

Մարիաննա
06.08.2008, 14:47
Janita Hero

Անփույթ, թափթփած գրառումների հեղինակ: Իրոք չտեսա մի գրառում կոկիկ, որ կատարեր Janita Hero:
Իսկ բովանդակությունը. Կարճ ժամանակ առաջ հարցում էիր անցկացնում զրուցարանում, թե ըստ քո գրառումների քեզ ինչ տարիք կտան: Մելիքն էլ պատասխանել էր՝ 14: Ես միայն կզարգացնեմ Մելիքի ասածը. «Հազիվ 14»:
Չգիտեմ, գուցե դու կյանքում լուրջ մարդ ես, բայց ֆորումում թեթև ես ու շատ:

Dayana
06.08.2008, 14:47
Ֆլորի գրառումները լավն են :) տեղը տեղին, չի ուզում ուղղակի տպավորություն թողնելու համար գրի, իսկ էս շատ լավա, բայց հենց իմպրեշընի մասինա գրում ես խանդում եմ :oy

օյ կներեք Մարիաննան առաջ էր ընկել, խնդրում եմ հաջորդին գրել Մարիաննաի մասին :)

Adam
06.08.2008, 15:00
Դայանի գրառումները շատ բարի են: :)
Չեմ պատկերացնում իրան ինչ-որ մեկին կծելուց կամ կոպտելուց :P
կարողա կարումա, բայց չեմ հանդիպել: Գրառումներում դրականը շատ մեծա: Կարդալուց էլ, երբեք իր հանդեպ վատ չես տրամադրվի:

Երկնային
06.08.2008, 15:20
Surpr!Se

Ադամի գրառումներում մի տեսակ պաշտոնականություն եմ նկատում էս վրջերս…
կամ քաշվում ա մարդկանցից, կամ էլ ժամանակ չունի ընկերական լինելու…
բայց մեկ ա, բարի են գրառումները…

Adam
06.08.2008, 15:25
Երկնայինի գրառումները միշտ էլ հավանել եմ: Ակումբում կարելիա ասել միակ մարդնա իմ կարծիքով, որ հա՛մ գրառումները, հա՛մ ակումբային կերպարը, հա՛մ իրական կերպարը 100 տոկոսով համապատասխանում են: էս վերջերս ինքն էլ մի տեսակ հետա քաշվել: էլ էն հինը չի ոնց տեսնում եմ.... առաջվա խանդավառությունը, տրամադրությունը չի էրևում: Ոնց որ մի բանից տխրած լինի, կամ... չգիտեմ:
Բայց որ ինքը ոտից գլուխ իրա գրառումներով դրականա, դա հաստատ:

Նորմարդ
06.08.2008, 15:50
Ադամը իր գրառումներով էս վերջերս զրուցարանում շփոթմունքի զոհ ա ադառնում, իսկ ընդհանուր գրառումները զուրկ չեն հումորով, ընդորում հաճախ այդ հումորը շատ նուրբ է լինում :)

impression
06.08.2008, 16:20
Նորոյի գրառումները չգիտեմ, բայց ստորագրություններն էնքան արագ ա փոխում, չենք հասցնում հետևել իրադարձությունների զարգացմանը: Այ տղա ջան հանգի~ստ, հանգի~ստ /թե էն սմայլիկն ու՞ր կորավ...;)/:
Հիմնականում հանգիստ է գրում, բայց որ ճիշտն ասեմ իր գրառումները միայն Զրուցարանում եմ կարդում, դե պատմություն, քաղաքականություն չեմ նայում տենց: :oy

Kuk
06.08.2008, 16:33
impression

impression-ի գրառումները մեծ հաճույքով եմ կարդում, հետաքրքիր են, երբ հումորային են լինում, հումորը լինում է հաճելի և չչարաշահված, ինչն էլ ապահովում է գրառման հետաքրքրությունն ու նրբությունը: Եթե Ակումբում չլիներ impression-ը, կարծում եմ` մեծ բան կկորցներ Ակումբը: Այնպես որ, impression-ին պետք է լավ նայել;) Շարունակի՛ր նույն ոճով, խորհրդավոր impression:)

Ձայնալար
06.08.2008, 16:48
Կուկի այժմյան գրառումները կարդալիս հաճույք եմ ստանում՝ էնքան տրամաբանված, գրագետ ու քաղաքակիրթ են: Իսկ առաջ, ես գտնում էի, որ նրան պետք է արգելափակել անընդհատ կռիվ էր անում, խոսակցությունները տեղափոխումեր, անձնական դաշտ, օֆտոպումեր, ժամանակավորապես արգելափակում էին ընկերոջ նիկով էր մտնում: մի խոսքով շատ ուրախ եմ, որ նման գրառումներ կատարող մարդ կա ակումբում, ու կրկնակի ուրախ եմ, որ Կուկը դառավ իսկական ակումբցի :)

Adam
06.08.2008, 19:10
Բգոյի գրառումները շատ թեթև են... թռուցիկ: Հումորը թեթև, լրջությունը թեթև... ամեն ինչ շատ թեթևա իրա գրառումների մեջ: Նույնիսկ մեկ-մեկ կասես, թե փոքր տղայա նստած համակարգչի առաջ ու գրում: չգիտեմ... իրա կերպարն ու գրառումները ակումբում մի տեսակ մոտս տենց են ասոցացվում:

impression
26.12.2009, 22:22
Թեման վերակենդանացնենք :)
Ադամի գրառումները վաղուց աչքովս չեն ընկել, թեև միգուե սխալվում եմ, ուղղակի բավական ժամանակ չկայի ակումբում, գուցե ուղղակի ես չեմ տեսել, ինքը գրել ա:
Ադամը միշտ մի հետաքրքիր առաջարկ էր ունենում, որը որոշ ժամանակով աշխուժացնում էր ակումբական կյանքը, կուզեի էլի նոր բաներ մոգոներ:

Ռուֆուս
26.12.2009, 22:30
Իմփրեշնի գրառումները միշտ էլ հաճույքով եմ կարդացել. երբեմն զվարճալի, երբեմն լուրջ, երբեմն տխուր ու դեպրեսիվ, երբեմն ուրախ ու պոզիտիվ, ամեն ինչ կարելի է գտնել Լիլի գրառումներում :)

Մեկ մեկ շատ սուր հումորներ է անում ու հումորի զգացումից թույլ մարդիկ շատ հաճախ չեն հասկանում իր հումորները :D

Շինարար
26.12.2009, 22:32
Ես էլ impression-ին նոր եմ հայտնաբերել, առեղծված կա իր գրառումներում, որը չի պարտադրում անպայման պարզել այն, ամենաանիրական բանը այնպես ա գրում, որ կարդում ես որպես այդպիսին, այդպես էլ պիտի լիներ, զարմանալի բաները այնպես ա պատմում, որ չզարմանաս: Վերջը, շատ հետաքրքիր ա իր գրածները կարդալ::8

Վայ, ուշացա, պիտի Ռուֆուսի գրածների մասին գրեմ:8 եսիմ, մի տեսակ անկեղծություն ու բարիություն ա թափում իրա գրածներից, էսքանը; Որ ճիշտն ասեմ իրա գրառումների մասին չէի խոսա, բայց կարգն ա պահանջում::)):P

One_Way_Ticket
26.12.2009, 23:06
Շինարարի գրառումներից սկզբում (դեռ Վանաձորցի տղա ժամանակ) այնպիսի տպավորություն էի ստանում, որ չի կարողանում իր մտքերը նորմալ արտահայտել: Հետո աստիճանաբար տպավորությունս հակառակի փոխվեց: Նույնսիկ եթե թեման առանձնապես չի հետաքրքրում, Շինարարի գրառումները հաճույքով եմ կարդում: Այդ թվում իր "Երևանյան ուղևորություններ" բլոգում:

Apsara
27.12.2009, 01:15
One_Way_Ticket- ի գրառումները հիմնականում երկար են /կամ էլ ինձ միշտ այդպիսիք են հանդիպել/, համենայն դեպս նրա տեսանկյունը տարբեր թեմաների վերաբերյալ միշտ չկրկնվող է լինում, հետաքրքրությամբ եմ կարդում և նրանից միշտ ինչ-որ նոր բան եմ իմանում: Ընդհանրապես եթե կան գրառումներ, որ բաց եմ թողնում կամ թռնելով եմ կարդում, One_Way_Ticket-ի գրառումները դրանց թվին չեն պատկանում:
Հա և մոռացա նշեմ նաև գրելաոճի ուրույնությունը, որը էլի ինձ դուր է գալիս:)

StrangeLittleGirl
27.12.2009, 01:22
Վարդը... Դե չասեմ էլի :D Մի ժամանակ նրա յուրաքանչյուր գրառումը կռվի պատճառ էր դառնում: Էդ աստիճանի ներվայնացնող էր... Իսկ հիմա, երբ տեսնում եմ, որ որևէ թեմայում Վարդն է վերջին գրառումն արել, անպայման բացում, կարդում եմ, ինչպես այս մեկը :D Մի խոսքով, ուրախանում եմ նրա գրառումներից: Չգիտեմ՝ Վարդն է հավասարակշռված դարձել, թե ես եմ ուրիշ աչքերով նայում, բայց փաստը մնում է փաստ, որ նրա գրառումները մեծ հաճույքով եմ կարդում:

impression
27.12.2009, 01:27
Բյուրի գրառումները հիմնականում ուրիշ ուղղություն ունեն, քան քննարկվող թեմայում արվող քննարկումներից շատերը
ու դրանով ինքը հետաքրքիր ա, ինքը իր տեսանկյունից ա նայում շատ բաների
դրանից պետք չի ներվայնանալ
չնայած ինքը մեկ-մեկ հատուկ ներվայնացնելու համար էլ ա գրում, բայց դե ուրեմն մի պատճառ կա, ու միշտ չի, որ պատճառը հենց դրանց հեղինակի մեջ ա լինում
մեկ-մեկ կարելի ա կարդալ` առանց նախօրոք ասելու` ա~ դե Բյուրն ա էլի...
ու լավ կլինի էդպես սկսենք կարդալ բոլորի գրառումները

Երկնային
27.12.2009, 02:06
Լիլի ոչ մի գրառում բաց չեմ թողնում… ինքը էն մարդկանցից ա, որ տեսնում եմ թեմայում վերջին գրառումն իրանն ա, միանգամից բացում եմ, որ կարդամ: :) Հատկապես ստեղծագործություններն ու օրագրային գրվածքները… ապրած կյանք են, ամեն մեկը մի դրվագ ա, շնչում ա, փոքրիկ շնչող մասնիկներ են… ու խառն ա, ոնց որ փազլ լինի, պետք ա կարողանաս ճիշտ գտնել, թե որ դրվագը որ մեկի հետ կապես, որ վերջում հոգու պատկեր ստանաս… ու ոնց էլ դասավորես, պատկեր կստանաս, ամեն մեկի համար իրա պատկերն ա, իսկ թե ինչ պատկեր ա իրականում մենակ ինքը գիտի :)

Նարե
27.12.2009, 02:17
Լիլի ոչ մի գրառում բաց չեմ թողնում… ինքը էն մարդկանցից ա, որ տեսնում եմ թեմայում վերջին գրառումն իրանն ա, միանգամից բացում եմ, որ կարդամ: :) Հատկապես ստեղծագործություններն ու օրագրային գրվածքները… ապրած կյանք են, ամեն մեկը մի դրվագ ա, շնչում ա, փոքրիկ շնչող մասնիկներ են… ու խառն ա, ոնց որ փազլ լինի, պետք ա կարողանաս ճիշտ գտնել, թե որ դրվագը որ մեկի հետ կապես, որ վերջում հոգու պատկեր ստանաս… ու ոնց էլ դասավորես, պատկեր կստանաս, ամեն մեկի համար իրա պատկերն ա, իսկ թե ինչ պատկեր ա իրականում մենակ ինքը գիտի :)

Իմ վերեվի մարդուն նախապես ճանաչել եմ իրականում, դրա համար ամենահետաքրքիրը՝ գրառումներով մարդուն ճանաչելը տեղի չի ունեցել, բայց նոր բաներ միշտ էլ իմանում եմ իր գրառումներից ու նորովի եմ ընկալում: Երկնայինը երկնայինա իրական, Արուս քեզ այնքան սազումա իմ աչքերում եթերային բառը: Երկնայինը ոնց որ էս աշխարհից չլինի, դժվարա ես երկրագնդի վրա ապրել- մեծանալ ու այսպիսին մնալ: Եթերային, խաղաղ ու հանգիստ են միշտ իրա գրառումնեը:)

AniwaR
27.12.2009, 03:11
Նանուկի գրառումները Ակումբում շատ քիչ եմ հանդիպել: Ինձ համար դրանք դեռևս ինչ-որ բանով աչքի չեն ընկել: Գուցե սա էլ է ինչ-որ բանի մասին ասում, հը՞ն::think:) Օրինակ՝ որ ինքը չի էլ ձգտում աչքի ընկնել: )))

Մանուլ
27.12.2009, 03:15
Velvet Bride-ի գրառումները մի քիչ տարօրինակ են, տարբերվող: Հետաքրքիր ձևով ա գրում :): Եթե ինձ հետաքրքրող թեմայում հանդիպում եմ, բաց չեմ թողնում:
Ինձ թվում ա, որ ինքն իրականում էլ ա մի քիչ ուրիշ, շրջապատից տարբերվող :oy/գրածս բացասական իմաստ չի պարունակում/

Ungrateful
27.12.2009, 03:36
"Մանուլի գրառումներ" բառերը, ինձ մոտ ասոցացվում են զրուցարանի հետ: :))
Բայց նենց լավ զրուցակից ա.... :love

Մանուլ
27.12.2009, 03:57
Որ նոր էի մտնում Ակումբ (հունիսին), մենակ կարդում էի, /թե չէ հիմա շատ ե՞մ գրում :))/մտածում էի, թե Ungrateful-ը ամենաքիչը 23-24 տարեկան կլինի... Նենց հասուն մարդու գրառումներ էին թվում /դե 23-24-ը իմ համար մեծ ա/:oy Ու նենց գրառումներ ունի, որ մինչև հիմա էլ հիշում եմ, լավ տպավորվել են :):
Հիմա էլ որ Արսենի գրառումները կարդում եմ, զգացվում ա, որ էս մարդը..ըըը... ոնց են ասո՞ւմ... ուրույն /երևի/ մտածելակերպ ունի ու շրջապատի ազդեցություններին չի ենթարկվում :oy Համ էլ հետաքրքիր ա :)

Ուլուանա
27.12.2009, 13:53
Մանուլի գրառումները միշտ հանգիստ են, չպարտադրող ու հաճախ վկայում են հեղինակի համեստության մասին։ Հավակնոտություն էլ չեմ նկատել գրառումներում, ինչն ինձ ահագին գրավում է։ :)) Մենակ չեմ սիրում :oy սմայլիկի չարաշահումը. իմ կարծիքով, շատ դեպքերում լրիվ անտեղի է գործածում էդ սմայլիկը։ :}

Բարեկամ
27.12.2009, 16:27
Ուլուանայի գրառումները ալգորիթմիկ ճշգրտությամբ են կառուցված. դրանք ավարտուն են ու սպառիչ ու միևնույն ժամանակ` չավելորդաբանված: Ուլուանայի գրառումները կարդալիս, թեև մի հայացք գցելիս մոտավորապես արդեն գիտեմ ինչ է գրելու կամ որ ուղղությամբ է տանելու, բայց սա էն հազվադեպ դեպքերից է, որ չնայած դրան` սկզբից մինչև վերջ կարդում եմ` անսալով ոչ թե ինֆորմացիան, այլ դրա մասնավոր արտահայտումը լոյալության տիպար Ուլուանայի կողմից :)

Philosopher
27.12.2009, 16:43
Բարեկամի գրածներում ինչ-որ անհանգստություն կա, ապրել-չապրելու, զգալ-չզգալու անհանգստություն, սահմանայնություն, չտեղավորված, չադապտացված նախամարդու անհագստություն, անհագստություն, որ մարդն ունենում է սկզբում ու վերջում, լավ ու վատ բանի անհանգստություն է, բնակչի, տեղավորվածի համար աններելի, մարդու համար չքերվող, ցավացնող, հարազատ անհանգստություն... Անընդհատ կորչելու սահմանին գտնվող ու ինքն իրեն իր մազերից քաշող, բարձրացնող, շարունակվող, չավարտվող անհանգստություն... Էսպես:

Բարեկամ
27.12.2009, 17:05
philosopher-ի գրառումները երկարաշունչ են /անգամ կարճերը/ ու հիմնականում անհասկանալի /ինձ համար/: Ասես նրան բնավ հատուկ չէ միտքը հանել արտաքին աշխարհ այլ կերպ, քան բոժոժի պես փաթաթելով համապարփակ, ինչ-որ տիեզերական գլոբալության ու անընդգրկելիության գաղափարական հոսքերով:
Միևնույն ժամանակ philosopher-ի գրառումներն աչքի են ընկնում կրքոտությամբ ու բուռն հույզերով, որոնց դեպքում է նա, թերևս միայն, գրում:

Ռուֆուս
27.12.2009, 17:14
Բարեկամի գրառումների մեջ ինչ-որ խորհրդավորություն կա: Բարեկամը ոնց որ նստած լինի աշխարհի մի ծայրին ու հետախույզ աչքերով հետևի կյանքին ու ակումբցիներին :) Ոչ մի բան աչքերից չի վրիպում, ամեն ինչ տեսնում է ու ամեն ինչի մասին գրում է՝ բացահայտ կերպով կամ էլ տողերի արանքում թաքնված: Ամենաշատը Բարեկամի գրառումներում սիրում եմ, երբ իր երեխաների մասին է պատմում, ափսոս վերջերս նման գրառումներ չի անում:

AniwaR
27.12.2009, 17:20
Ռուֆուսի գրառումները իրա ներկայիս ավատարին շատ նման են. վա՜յ, վա՜յ, շուշուտ գրեմ, էստեղ էլ, էստեղ էլ, դե թռա էնտեղ... (Բայց չգիտես խի՝ էն սարը միշտ նույն տեղում ա մնում))) Հա, ու արևոտ, պարզ եղանակ ա իրա գրառումներում, կոնֆլիկտային բաներ գրեթե չեմ նկատել: Ու կարևորը շատ հաճախ համով-հումորով ու սարկազմով: :)

Բարեկամ
27.12.2009, 17:21
Ռուֆուսի գրառումներն էն շարքից են, որոնք մեկը մեկին արտացոլում են հեղինակի, թող շատ համարձակ չհնչի, բայց ինչ-որ տեղ հոգին: Էդպես շատ քիչ է հանդիպում. կոնկրետ ակումբում էդ "շարքից" այլ մեկին չեմ մտաբերում... Թերևս մենակ Քաղաքացուն, չնայած վերջինիս ֆորումային ուրբաթախոսությանը:
Ռուֆուսի գրառումներում "ես"-ը հանված ա, ինչը ես շատ եմ սիրում :)

Artgeo
27.12.2009, 18:03
Բարեկամի գրառումները միշտ «սովորելով» եմ կարդում։ Միշտ մի նոր ու հետարքքիր բան կա գրած նրա գրուռումներում։ Ի դեպ, ոչ միայն նոր կա, այլ նաև ստիպում է նորը փնտրել։ Կարոտել եմ Բարեկամի գրառումները :love

Adriano
27.12.2009, 18:15
Արտգեոյի գրառումներից ծանոթ եմ մի քանիսին, սակայն իմ համար ամենատպավորիչը պարոն Սահակաշվիլու մասին թողած գրառումն է: Այն ինձ գրավել է քանի որ լրիվ իմ կարծիքին հակառակ կարծիք- գրառում էր, բավականին էմոցիոնալ և հետաքրքրիր իմ կարծիքով: ;)

Երկնային
31.12.2009, 03:36
Adriano- նայում եմ գրանցման ամսաթվին, ու հասկանում եմ, որ էս մարդն ինձ մոտ ախր ոչնչով չի տպավորվել… :oy դրանից ենթադրում եմ, որ «քչախոս» ա, կամ էլ էնպիսի հետաքրքրություններ ունի, որոնց հետ ես ոչ մի ընդհանուր բան չունեմ, կամ էլ իր գրառումներն ինձ երբևէ ոչինչ չեն ասել ոչ իր անձի մասին, ոչ ընդհանրապես, որ հիշվեին (կներես, եթե չափից դուրս անկեղծ ստացվեց :oy) Բայց նկատում եմ, որ արդեն քանի օր է ուրիշ ոչ մեկն էլ իր մասին չի գրում, փաստորեն ոչ միայն ինձ մոտ չի տպավորվել… :unsure

StrangeLittleGirl
31.12.2009, 12:41
Երկնայինի գրառումներում առաջին բանը, որ նկատել եմ, շեղատառն ա :D

Դե հիմա էլ, որ ավելի շատ ստեղ կարդում-մարդում եմ, քան գրում, նկատել եմ, որ լուրջ թեմաներում խելացի ու երկար գրառումներ է անում :)

Ռեդ
31.12.2009, 12:46
Բյուրի գրառումները, հատկապես երաժշտության թեմաներում, համարյա արտահայտում են այն, ինչ ես եմ մտածում այդ թեմայի վերաբերյալ: :8

Գալաթեա
31.12.2009, 13:49
Ռեդն էս վերջերս քիչ ա երևում, բայց դրանից իր գրառումները պակաս համով չեն դառնում :)
Հումորն ու թեթևությունն եմ սիրում էս պուճուրի գրառումների :) Չպարտադրող, հանգիստ ու իր պես ուտվող:
Տարիքի համար էլ բավականին խելացի լինելն էլ ավելի հմայք ա տալիս գրածներին:

Lion
31.12.2009, 14:27
Գալաթեա-ի գրառումները ինձ մոտ ասոցացվում են որակյալ թարգմանությունների հետ:)

Հայկօ
31.12.2009, 16:09
Lion. մարմնացյալ բծախնդրություն են Լիոնի գրառումները :)): Վկա՝ երկուսուկես էջանոց գրառումները բառ առ բառ մասնատելու ու ամեն մի բառին առանձին պատասխանելու իր ունակությույնը :):

Դեկադա
31.12.2009, 16:15
Հայկօ Ահագին սպսել եմ մինչև էս տղան կգրի.:)
Ինքը այն քչերից է, որի գրառումը միշտ կարդալու ցանկություն է լինում և ասեմ մի քանի անգամ կարդալու, քանի որ ամեն անգամ տողատակերում մի այլ կարգի նորություն եմ ինձ համար հայտնաբերում::)

Norton
31.12.2009, 17:29
Dekada-ի գրառումները հաճույքով եմ կարդում: Հաճելի ա, որ ավելի ավագ սերունդը ներկայացուցիչը ֆորումում ազատ գրառումներ ա կատարում ու հետաքրքիր գրառումներ:)

Dayana
01.01.2010, 21:40
Norton-ն իր հասակակիցներից շատերի համեմատ բավականին խելացի տղա է, ու ահագին խելացի ու կազմակերպված գրառումներ է անում ու հաճույքով եմ կարդում իր գրառումները, բայց մի բան կա, որ իր գրառումներում դուրս չի գալիս` չափազանց սուբյեկտիվ են ու շատ գրառումներ, որոնք կարող էին չափազանց արժեքավոր լինել, "սեղմվում են խիստ սուբյեկտիվության տակ":

dvgray
01.01.2010, 22:17
Դայանան ժամանակին գրում էր… :) ու դա լավ էր :oy

Հ.Գ. կորչի մոդեռությունը :angry

One_Way_Ticket
19.01.2010, 02:33
dvgray-ի գրառումները շատ անկանխատեսելի են: Թեմայի վերնագրին նայելով` նախօրոք երբեք չես կարող ասել, թե մոտավորապես ինչ է նա այնտեղ գրել: Երբեմն շատ հետաքրքիր է լինում, երբեմն ոչ այնքան, երբեմն ջղայնացնում է դատողությունների միակողմանիությունն ու ոչ օբյեկտիվությունը (հատկապես քաղաքականության բաժնում, չնայած վերջերս շատ հազվադեպ եմ այդ բաժին մտնում): dvgray-ի գրառումները երբեք բարդ չեն լինում: Նույնիսկ երբ թեման ինքնին բարդ է, նա կարողանում է հստակ և հասկանալի շարադրել իր մտքերը. շնորհք, որը ոչ բոորին է տրված: Կարող եմ ասել, որ երբ տեսնում եմ, որ թեմայի վերջին գրառումը dvgray-ինն է, 10 դեպքից 9-ում բացում կարդում եմ, անգամ եթե թեման ինքնին չի հետաքրքրում:

Jarre
19.01.2010, 14:37
One_Way_Ticket-ի գրառումներում ամենաշատը սիրում եմ ուղիղությունը։ Չի շողոքորթում ու հստակ գիտես իր կարծիքը քննարկվող հարցի ու քննարկողի նկատմամբ :)

Ռուֆուս
19.01.2010, 14:47
Ժառը...

Շատ հիմնավորված ու փաստերով է խոսում, երբեք (իմ նման) թռի-վռի գրառումներ չի կատարում, խնդրին տարբեր կողմերից է մոտենում, միաժամանակ հարգում է դիմացինի կարծիքը ու չի բռնանում նրա վրա: Ժառը էն մարդկանցից է, որ իր յուրաքանչյուր գրառման տակ հաճույքով շնորհակալություն կդնեի, եթե նույնիսկ համաձայն չլինեի իր կարծիքի հետ: Եթե Ժառը նույնիսկ ամենաանհետաքրքիր թեմայի մեջ է գրառում կատարում, թեման հետաքրքրանում է :)

Jarre
19.01.2010, 15:08
Ես Ռուֆուսի գրառումները շատ-շատ եմ սիրում։ Իր գրառումները միշտ շատ հեշտ կարդացվող են, ոչ ծանր, չերկար՝ այսինքն՝ կարճ-կոնկրետ :) , հումորով։

Ես նկատում եմ, որ Ռուֆուսը իր գրառումներում շատ մարդկային է ու միշտ հաշվի է առնում գրողին ու թեմայի հեղինակին։

Ես շատ ակումբցիների գիտեմ հենց իր գրառումների շնորհիվ, քանի որ հաճախ է նշում մյուս ակումբցիների մասին։

Ու ես իր բոլոր-բոլոր գրառումները կարդում եմ ոչ միայն այն պատճառով որ ռեալում իմ ամենասիրելի մարդկանցից է, բայց նաև, որ վիրտուալում էլ իրեն պահում է արժանապատվությամբ :)

Ես իրեն և իր գրառումները շատ եմ սիրում, մանավանդ երաժշտության բաժնում :love

AniwaR
19.01.2010, 15:16
Ասեեե՜մ: Ռուֆուսը շատ ճիշտ նկատեց, որ Ժարն իր գրառումներում հարցին տարբեր կողմերից է մոտենում, ու ես կասեի՝ շատ դժվար է իր հետ համաձայն չլինելը, որովհետև գրեթե ամենքիս կարծիքից մի կտոր կա իր գրառումներում: :) Բայց էս վերջերս մեկ էլ ծիկ՝ պատահաբար ընե՜նց թիթիզ գրառումների եմ հանդիպում Ժարի կողմից ու էդ ժամանակ իսկականից շատ եմ ուրախանում: :love Լավ ա, արդեն սկսել եմ իր մասին «դու»-ով մտածել, առաջ Ժարը «Դուք» էր ինձ համար: :oy :) :)

Yeghoyan
19.01.2010, 16:01
Velvet Bride-ի սկզբնական տուտուզաբանությունից /գիտության նոր ուղղվածություն է:P/ հետո թվում էր տարօրինակ, անհասկանալի երևույթի հետ գործ ունենք, բայց աստիճանաբար կարծիքս փոխվեց ու հիմա մեկ-մեկ /որովհետև տարբեր թեմաներում ենք մենք գրառումներ անում ու հնարավոր է չենք հանդիպում/ որոշակի հետաքրքրությամբ եմ կարդում իր գրառումները, չնայած որ սկզբում կարծում էի միայն դատարկ բաների մասին կարա խոսա կամ գրի:oy կամանց-կամանց կարծիքս փոխվում է:
սիրուն աղջիկ, նեղանալ չկա;)

Գալաթեա
19.01.2010, 17:24
Եղոյանի գրառումը որ բացում եմ, սպասում եմ, որ հեսա կռիվ ա անելու :) Ու չեմ սխալվում :D
Ճշտախոսությունը երբեմն կոպտության է հասնում...իմ պես էլի :oy
Հումորը վատը չի, թեև հաճախ վիրավորական է ստացվում:
Լուրջ թեմաներում հետաքրքրությամբ եմ իրեն կարդում:

Նարե
19.01.2010, 17:29
Եղոյանի գրառումը որ բացում եմ, սպասում եմ, որ հեսա կռիվ ա անելու :) Ու չեմ սխալվում :D
Ճշտախոսությունը երբեմն կոպտության է հասնում...իմ պես էլի :oy
Հումորը վատը չի, թեև հաճախ վիրավորական է ստացվում:
Լուրջ թեմաներում հետաքրքրությամբ եմ իրեն կարդում:

Գալաթեայի բոլոր գրածները հաճույքով կարդում եմ, քանի որ նրանում կա մի շատ ցայտուն հատկանիշ, որի կարիքը շատ ունեմ ու շատ քիչ եմ գտնում, դա մարդկային անկեղծություննա, անկեղծ է ամեն ինչում: էս աղջկա մեջ ամեն ինչ, որ տեսել եմ անկեղծ է: Լավն ես Գալաթեա, կրակ կա քո մեջ, որը գրավումա, որը տրամադրում է քո անձին շատ լավ վերաբերվել: Շատ գրի, մարդիկ անկեղծության կարիք հաստատ զգում են

Մանուլ
02.04.2010, 22:22
_Nanuk_
Նանուկի գրառումներից իր մասին բավականին խիստ ու չափից դուրս լուրջ մարդու տպավորություն էի ստացել: Մի անգամ Զրուցարանում հետը զրուցելուց հետո էդ տպավորությունը չքացավ. պարզվեց` լավ էլ ասող-խոսող, հումորով աղջիկ ա :)):
Հաճույքով եմ կարդում Նանուկի գրառումները: Գրագետ են, հետաքրքիր ու շատ դիպուկ :):

Հարդ
02.04.2010, 22:33
Մանուլի գրառումները գրեթե միշտ դրական, հաճելի գրառումներ են, ինչ որ քննադատող գրառում իր կատարմամբ չեմ հիշում... Հաճելի ա կարդալ, բայց միօրինակ ա:;)

Հայկօ
02.04.2010, 23:24
Հարդի գրառումներից դեռ էդքան գլուխ չեմ հանում, ճիշտն ասած: Մեկ «մեծական» են, մեկ՝ «փոքրական», մեկ երկար են, մեկ կարճ, մեկ հետաքրքիր են, մեկ էլ՝ էնքան էլ չէ :): Հակասական գրառումներ ա անում, մի խոսքով: Խառն են, բայց անկեղծ, ինչքան նկատել եմ :):

AniwaR
02.04.2010, 23:28
Տանել չեմ կարողանում, երբ Հայկօ-ի մուսան գալիս ա: Իսկ իրա մուսան, ինչքան զգացել եմ, միշտ տեղում ա, միշտ պատրաստ: Ես իր գրառումներն ավելի շատ չեմ կարդում, քան թե կարդում, որովհետև ամեն մեկն անկապ տեղը մի կիլոմետր ձգվում ա: :)) Սենց, պաղդօն: :oy

Dayana
03.04.2010, 01:55
Velvet Bride - Այ թե ում մասին Ակումբում կարելի է ասել Էքսցենտրիկ, դա Վելվետն է: Գրեթե բոլոր գրառումներում (որոնք ես կարդացել եմ) Վելվելտը ոչ ստանդարտ միտք, ժեստ (սմայլիկի միջոցով) անպայման ունի: Թե գրառումներում, թե Ակումբային ընդհանուր կերպարը ազատ է, անկաշկանդ, առանց ավելորդ կոմպլեքսների, չվախենամ ասել նաև дерзкий. Երբ Վելվետը նոր էր ակտիվացել Ակումբում ու ես ադմին էի, մտածում էի սադրել ու արգելափակել, ու շատ հաճախ ուզում էի տուգանայիններ տալ, սակայն ինչ-որ առիթով, հիմա նույնիսկ չեմ էլ հիշում, նկատեցի, որ աղջիկն ուղղակի կարողանում է պահելով որոշակի լրջության տարր լինել ֆորումին մոտենալ բավականին անլուրջ ու դրանով իսկ նկատելի ու հետաքրքիր կերպար ստեղծել: Դեռ կարդում եմ Վելվետին, ուսումնասիրում, հետաքրքրվում նրա երաժշտական ճաշակով: Մտածում եմ, երևի լավ էր, որ չսադրեցի Վելվետին ու չարգելափակեցի նրան, թե չէ "տուտուզներն" այդպես էլ չէին գա փոխարինելու որոշ արդեն հնացած արտահայտություններ Ակումբում:

yerevanci
03.04.2010, 10:56
Dayana - Իրա ուրույն ձեռագիրն ունի, բոլոր թեմաների գրառումներում էլ տալիսա իր բնորոշումը՝ չվախենալով հակառակ կարծիքից: Դա իմ կողմից շատ գնահատելիա: Որ նոր էի գրանցվել, Դայանան ադմին էր ու շատ էր սիրում իմ բացած թեմաները փակեր:) Ու հետաքրքիրն էնա, որ դա էնպես էր անում, որ չէիր կարում մի բան ասեիր, կամ էլ չէիր ուզում:)
Նաև կարևորա այն փաստը, որ Դայանան ունի իր անկյունը ակումբում, ու այդտեղ էլ չի կորցնում իր դեմքը:
Ապրես, տակ դեռժած:)

Շինարար
03.04.2010, 11:39
Երևանցու գրառումները միշտ կարդում եմ այ այսպիսի ժպիտով:))` լինեն դրանք զրուցարանում "առավոտ լուսոյի" ավետաբերներ, հայհիդրոմետային կանխագուշակումներ, թե սպորտային կայքերից քոփիփեյսթեր, բարի, պարզ, իսկական երևանցի, որ ըստ վիրտուալ տպավորության հիշեցնում է այն երևանցուն, որ ասում էր "ներս արի, ներս արի, ինչ ես կանգնել... սա Երևանն է, այստեղ դու տանն ես...":) անհետացող տեսակ:(

Հայկօ
03.04.2010, 12:25
Հանդարտ, կազմակերպված, խելացի, գրագետ, համակողմանի, տրամաբանված, լուրջ: Այ սենց :)): Մենակ մի թերություն ունեն գրառումները՝ ջրիԳ չեն: Հումորը լավ բան ա, բայց մեկ-մեկ ջրիԳանալը ավելի լավն ա :love: :ղժժ սմայլիկ ա պակասում Շինարարի գրառումներին :): Հենց սկզբից, որ սկսեցի գրառումները կարդալ, առաջին հերթին «աչքս մտան» գրագիտությունն ու գրելու կուլտուրան: Սիրում եմ, էլի, որ նախադասությունը մեծատառով սկսվում ա, վերջակետով՝ ավարտվում, «բայց»-ից առաջ էլ ստորակետ ա լինում :D:

SSS
03.04.2010, 12:39
Հատկապես սիրում եմ Հայկօ ի գրառումները "Անկապ օրագրում",և ինձ դուր է գալիս նրա Բնական ինտելեկտը ...բացառիկներից մեկն է ում գրառումները սիրով եմ կարդում

Rammstein
03.04.2010, 12:42
Սիրում եմ SSS-ի գրառումները, հատկապես «Ֆորումի անդամների Լուսանկարները 5» թեմայում։ :):B

Meme
03.04.2010, 18:01
Ճիշտա ես դեռ նորեկ եմ Ակումբում,բայց արդեն հասցրել եմ բազմիցս աննգամ կարդալ Rammstein-ի գրառումները,դրանք հետաքրքիր են կարդացվում,այնպես են գրված,որ կարդացողի համար հեշտ լինի, հաճելի,և համարձակ,նամանավանդ «Ինչն է վանում հակառակ սեռի մեջ» թեմայում:)

Ֆրեյա
12.11.2010, 11:54
meme-ի գրառումները նման են շաա՜տ եւ շաաա՜տ ակումբցիների, ովքեր նորեկ են; Բոլորի հանդեպ լավ տրամադրված, վստահող, վատ բան ասել չցանկացող ու բոլորին կոմպլիմենտներ անող:
Ռոմանտիկ ու զգացմունքային մարդու /կամ այդպիսի տպավորություն թողել ցանկացող/ աղջկական գրառումներ... :)

Ռուֆուս
12.11.2010, 11:59
Ֆրեյայի գրառումների հետ ոչ միշտ եմ համաձայն: Ընդհանուր առմամբ շատ համարձակ գրառումներ է անում, համարձակորեն գրում ա իր կարծիքը, որը սովորաբար տարբերվում է գորշ մասսայի կարծիքներից ու համարձակորեն պաշտպանում ա իր կարծիքը :))

Համ էլ կարոտել եմ Ֆրեյայի ստեղծագործություններում, ահագին ժամանակ ա Ստեղծագործողի Անկյունում չի երևում :)

Ֆրեյա
12.11.2010, 12:17
Ռուֆուսը,

Ինչպիսին ինքը կա, այդպիսի գրառումներ ա անում. էքստրաօրդինար, ալտերնատիվ տեսակետներով լի, միշտ էնպիսի մի բան կասի, որ մտքովդ չէր անցնի ու մի նոր բան ես սովորում/ձեռք բերում մարդկային առումով իր մտքերից:

Էլ չեմ ասում, որ կարելի ա Ռուֆուսին շնորհել Ակումբի Ամենաէքստրաօրդինար գրառումների Հեղինակ տիտղոսը, թեկուզ էն գերեզմանոցների թեման բացելու համար: :)
Ու միշտ հետաքրքիր բաներ ա գտնում, տեղադրում:
Էլ չեմ ասում, որ մի քանի էնպիսի հումորային գրառում ա արել, որ մեկընդմիշտ տպավորվել ա որպես տաղանդաշտ ու հումորով մարդ, Ապացույցը (http://www.akumb.am/showthread.php/42019-%D5%80%D5%A1%D5%B5%D5%BF%D5%A1%D6%80%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6-%D4%B2%D5%B8%D5%AC%D5%AB%D5%BE%D5%AB%D5%A1%D5%B5%D5%AB-%D5%B0%D5%A5%D5%BF-%D5%AF%D5%A1%D5%BA%D5%BE%D5%A1%D5%AE) :P

Օֆ... դե էլ երաժշտություն ու կինո բաժիններում արած կոլլոսյան ներդրումը չեմ ասում.... :)

Moonwalker
12.11.2010, 12:23
Ֆրեյայի գրառումներն իր նման (ենթադրաբար) վճռական են ու վստահությամբ լի: Իր մարդկային հետաքրքրիր խառնվածքի դրոշմը կրում է համարյա յուրաքանչյուր միտքը՝ գրված ակումբում: Ոճը հաճախ սեղմ է ու խիստ՝ համարյա հաշվապահական: Իր գրառումներում ամենաշատը գնահատում եմ անկեղծությունը ու անգամ վատը մատնացույց անելիս անկաշկանդությունը: «Ջրիկ» գրառումների գրեթե չեմ հանդիպել, ինչը վկայում է հեղինակի խիստ հավասարակշռված հոգեկերտվածքի մասին: Այնուամենայնիվ Ֆրեյայի կշռադատված ու փոքր ինչ գեստապոյական գրառումները գոնե իմ համար հետաքրքիր են ընթերցվում:

yerevanci
12.11.2010, 12:27
Moonwalker - Մայքլ Ջեքսոնի սիրահար, հետևում եմ բոլոր գրառումներին, տարատեսակ թեմաներում բազմաբնույթ գրառումներ, որոնք առանձնանում են սեփական ձեռագրով
Միշտ ունի իր ասելիքը գրեթե բոլոր բաժիններում, իր սեփական կարծիքը ամեն ինչի մասին, որն էլ նրան դարձնում է հաճելի զրուցակից բոլորի համար

Ձայնալար
12.11.2010, 19:11
Զրուցարանի բարլուսը լավ ա:
Աշխարհագրության թեմաներից կարելի ա օգտակար բան քաղել՝ կարդում եմ:
Ժամանցային թեմաներում գրածները չեմ կարդում՝ հիմնականում հետաքրքիր չեն:
Մյուս թեմաներում գրածների հետ հիմնականում համաձայն չեմ :)

Էլիզե
12.11.2010, 19:59
Ձայնալարի բոլոր /լավ, համարյա բոլոր :} / գրառումները կարդում եմ այ էս` :)) դեմքի արտահայտությամբ...

Meme
12.11.2010, 20:23
Էլիզեեե՜ե;) Էլիզեի գրառումները հենց սկզբից էլ հետաքրիր են եղել ինձ համար,որովհետև ինքը տարբեր է հենց ինքն իր գրելու ձևով.չնայած շաատ շուտվանից չեմ կարդացել իր գրառումները,բայց միշտ էլ խելացի մտքեր է արտահայտում իր գրառումներում.....

yerevanci
12.11.2010, 20:29
Մեմեի գրառումներին անկախ ինձանից հետևում եմ ու ժպտում, շատ թեթև ու միևնույն ժամանակ լուրջ, յուրօրինակ, հատկապես ակտիվ է ժամանցային թեմաներում, իր գրառումներում ձգտումա գոհացնել իր զրուցակցին, որը մարդկային դրական հատկանիշ եմ համարում, դեռ չեմ տեսել, որ խառնվի թեմաներում տեղի ունեցող «վեճերին», իր հանգստությամբ նույնիսկ ներվայնացնումա որոշ ակումբցիների :)

einnA
12.11.2010, 21:31
բարլուսախառը Երևանցի ջան ուզում եմ ասել,որ շատ մի նեղվի աշխարհագրության բաժնի ոչ շատ կարդացողներից :) մարդիկ տարբեր նախասիրություններ են ունենում:
Ես սկզբից քո տեղադրած նկարներն էի սիրում, հիմա ինչ-որ քչացել են հայրենի բնության պատկերները ;)
անկեղծ շատ այլ թեմաներում մասնակցություն չեմ նկատել: Մենակ զգացել եմ, որ ունես խիստ քո համար ընդունված կարծիք էս կամ էն երևույթի մասին, որ թվում է քեզ վերահամոզելը դժվար է կամ ավելի ճիշտ կլինի չսկսել;)

StrangeLittleGirl
13.11.2010, 14:37
Երբ տեսնում եմ, որ որևէ թեմայում վերջին գրառումը einnA-ն է արել, անպայման բացում, նայում եմ :) Շատ սիրում եմ նրա օրագիրը, չնայած վերջերս առաջվա նման տպավորիչ գրառումներ չի անում: Ամեն դեպքում, մի գրառում էնքան է տպավորվել մեջս, որ հենց einnA են ասում, էդ գրառումն եմ պատկերացնում: Իսկ օրագրից դուրս սիրում եմ նրա գրածների թեթևությունը, համովությունը: Ճիշտ է՝ Ակումբում շատ թեմաներ չեմ կարդում, բայց նրանք, որոնց հետևում եմ, լի են einnA-ով, ու դա յուրահատուկ համ ու հոտ է տալիս: :)

AniwaR
13.11.2010, 15:28
StrangeLittleGirl-ի գրառումներն ինձ մոտ ասոցացվում են մեր ժամանակներում դեռևս խելքը գլխին մնացած, հետաքրքրասեր ու խելացի մարդու գրառումների հետ: Ինչ-որ կերպար չի ձգտում ստեղծի ֆորումում: Կա ընենց, ոնց կա ու մի խոսքով, նորմալ մարդ ա, ինչն էս վերջերս աննորմալ երևույթ ա::pardon

Yevuk
13.11.2010, 16:25
Վելվետը...:) Չէ է...Վելվետս...:love Այ սենց լավա....Վելվետին առաջին օրից էլ շատ էի հավանում. իր գրառումները, ստորագրությունները, ավատարները....Իրա նման կայֆարիկ դեմք մեկ էլ ինքն ա: :)) Իրա գրառումների մեջ միշտ կա «կրակ», որ ստիպում ա, որ դու իրան միշտ կարդաս: Երբեք չի ամաչում արտահայտվելուց, թեկուզ բոլորը իր դեմ լինեն ու չհասկանան: Ու միշտ շատ անկեղծ ա գրում, գրում ա էն, ինչ մտածում ա տվյալ պահին: ;)

Meme
13.11.2010, 19:51
Yevuk -դե քանի որ ինքը իմ ամենառաջին ընկերնա եղել Ակումբում,ես միշտ հետաքրքրությամբ ու հաճույքով եմ կարդացել իր գրառումները,որովհետև սկզբում միակ ծանոթ մարդն էր էստեղ,միշտ բարի ու իրա նման համով գրառումներա արել,ու մի տեսակ միշտ եթե ջղայնացածելա լինում,էդ բարության մի նշույլը գրառումների մեջ մեկա պարունակումա........Միշտ սիրում եմ ու կսիրեմ բարի մարդկանց՝ իրենց անշահախնդիր ու հետաքրիր մտքերով հանդերձ.......Միշտ մնա էդպիսին;)

Հարդ
13.11.2010, 19:55
Կարճ, կոնկրետ:
Իմ վերևի մարդու գրառումները դարձել են ընդհանրապես անհետաքրքիր ու ներվայնացնող (սրանից վիրավորվել պետք չի, այլ մտածել ա պետք):

yerevanci
13.11.2010, 20:27
Հարդի գրառումներում միշտ հասարակություն ու մի տեսակ անտարբերություն եմ տեսնում: Ինձ թվումա, որ ինքը գրառումա կատարում, ուղղակի գրառում կատարելու համար: Հենց օրինակ նրա տեղադրած լուսանկարները հիմնականում անիմաստ են ու անորակ: Ու մեկ էլ նրա գրառումներում չեմ սիրում մեծամտությունը:
Մի կարևոր լավ բան նշեմ. ասում է այն ինչ մտածում է, դա շատ լավա, ու գրեթե բոլոր թեմաներում ակտիվ մասնակցությունա ունենում:

Moonwalker
13.11.2010, 20:32
Հարդ

Անվանը համապատասխան հատկանիշներով են աչքի ընկնում վերևումս գրառում կատարած մարդու գրառումները: Մի օրվա ընթացքում կատարած գրառումները կարող են նման լինել փոթորկոտ ծովի: Ըստ տրամադրության հստակորեն նկատվում են մակընթացություններ ու տեղատվություններ: Հարդի գրառումները հատկապես աչքի են ընկնում առանձնակի անկեղծությամբ (վերևի գրառումը վկա) ու անկաշկանդությամբ: Իրեն բնորոշող հատկանիշներից մեկը մտածածը առանց կաշկանդվելու շարադրել կարողանալու բավական հազվադեպ հանդիպող ունակությունն է: Հարդի գրառումները շատ չեն տպավորվել մեջս, բայց հատկապես երաժշտություն բաժնում իր մասնագիտական կարծիքը լսելը միշտ հաճելի է: Հա ու ամեն գրառումից առաջ դրվող էդ թերթի նշանը շատ օրիգինալ ա մտածել: Մի խոսքով ակումբի ասելիքով անդամներից մեկն ա վերևինս, ում ասում են երաժիշտ...:))

Օֆթոփից խուսափելու համար գրեմ նաև yerevanci-ի մասին:

yerevanci

Էն ավանդական զրուցարանային «բարի լույս»-ը մի տեսակ ակումբին համ ու հոտ ա տալիս:love
Աշխարհագրության բաժնի մի քանի գրառում ա մեջս տպավորվել: Բնության հանդեպ իր ունեցած սերը, որը զգացվում է շատ գրառումներից հազվագյուտ դրական հատկանիշ է: Թեև անձնապես գրեթե չենք շփվել, բայց իմ մոտ հարուստ ներաշխարով ու դրական աուրայով մարդու տպավորություն ա թողել մեր ակումբի բնասերը::)

*e}|{uka*
13.11.2010, 20:37
Երևանցի :)) Երևանցու գրառումներից հեղուկ ա կաթում: Ոնց որ ծակ լինեն գրառումները: Օդ ա խաղում, մեկ-մեկ էլ սկվազնյակ ա անում:Այնպիսի տպավորություն եմ ստացել Երևանցու գրառումներից, որ ուզում ա ցույց տա ինքը իրականում ով ա, իսկ մենք՝ ոչ նա, այլ կարծիք ենք կազմել իր գրառումներից իր մասին: :pardon //նեղանալ չկա//

Հայկօ
13.11.2010, 21:48
Յոժը դեմք ա: Բայց էդ դեմքը իրա գրառումներում շատ տարբեր ա լինում: Թվում ա, թե Յոժը նման ա իրա ավատարներին. միշտ չարաճճի, ահավոր սուր ու ընտիր հումորով, ռագատկեն գրպանում միշտ պատրաստ պահած: Կողքից նայողը կարող ա գրառումներում «լոլ» սմայլիկների առատությունը թյուրիմացաբար մակերեսայնության կամ սովորական ջրիկության տեղ դնի, ու դրանով գործած կլինի իր կյանքի ամենամեծ սխալներից մեկը: Որովհետև Յոժը շատ, շատ խորը ու խելացի մարդ ա, ու էդ հստակ արտացոլված ա իրա գրառումներում. ուղղակի հարկավոր ա կարողանալ տեսնել էդ, որովհետև ինքը երբեք չի փորձում էդ իր դիմացինի աչքը մտցնել: Յոժը կարող ա «Զրուցարանում» լա՜վ ջրիկանա, լա՜վ զվարճանա, հետո գնա մի ուրիշ տեղ մի նենց իմաստուն բան գրի, որ Չալոն մնա զարմացած: Ու էդ շատ լավ ա: «Ստեղծագործողում» էլ նենց կայֆ բաներ ունի գրած, մեկը մեկից սիրուն ու լավը: Հա, մեկ էլ իրա գրառումները մի հատ նե՜նց թունդ համուհոտ ունեն, որ ուրիշ ոչ մեկի գրառումներում չկա, չի եղել ու չի էլ լինի. մենակ ինքն ա տենց գրում: Եթե հասկանում եք, ինչի հետ եմ՝ լավ, իսկ եթե մինչև հիմա չեք նկատել էդ համուհոտը, ուրեմն ինչքան էլ փորձեմ բացատրել՝ անօգուտ ա լինելու: Ու եթե կարծում եք, որ մենակ գովելը սխալ ա, ձեզ դրեք իմ տեղը ու փորձեք Յոժի ու Յոժի գրառումների մասին ինչ-որ վատ բան գտնել ու ասել. կտեսնեք, որ ուղղակի չի ստացվի: Պըրծ :)):

Սլիմ
13.11.2010, 23:06
Չգիտեմ ինչու, բայց միշտ Հայկօի գրառուները կարդալուց պատկերացրել եմ , որ ինքը կյանքի տղայա:B:D Շատ ուղիղ ասումա էն ինչ մտածումա,( ինչը ինձ յուրահատուկ հաճույքա պատճառում;)) չի ընկնում ձևերի ու սրան նրան դու գալու հետևից :Երևումա, որ կարդացած ու գրագետ մարդա: Հա մեկ էլ կոմպլեքսներ համարյա չունի, ամեն դեպքում վիրտուալ կոմպլեքսներից զուրկա: Ակումբի յուրօրինակ դեմքերիցա:) Կյանքում չես շփոթի ուրիշ մեկի հետ, մի խոսքով անհատականությունա::)

Kita
14.11.2010, 00:15
Սլիմ-ին միշտ հավեսով եմ կարդում:) Թեկուզ ուզում է տխուր բան գրած լինի:) Ինքը որ հաստատ կյանքի աղջիկ է:) Գրառումներից զգացվում է, որ ամեն ինչը խորին զգացող է:) Ու միևնույն ժամանակ համարձակ, բայց և անհամարձակ:)
Հավեսն է ու յուրօրինակ:)

SSS
24.11.2010, 14:22
Կիտայի գրառումները վերջն են,ոնց ինքը խոսումա տենց էլ գրումա ,կայֆա :love Մեկ մեկ ոնց որ աջափ սանդալ լինի,բայց մեկա կայֆա :) Համովա գրում,մաքուր ,միամիտ :love Բա է-երի ու առօրյա խոսակցականի անկրկնելի համադրությունները .վերջն են ,ուշքս գնումա
Ազնիվ խոսք տենց գրառում չունի ,որ բաց թողած լինեմ:pioneer

Հարդ
24.11.2010, 18:48
Լավ էր, որ SSS - ը գրեց, քանի որ ասելիք ունեի փոքր մի:
Ուրեմն իրա գրառումները միշտ աչքի են ընկնում առօրյա-կենցաղակային բովանդակությամբ: Այսինքն կամ վերաբերվում են աշխատանքին, կամ իր զգացածին, կամ նրան, ինչ որ նոր արել ա: Կամ էլ ասենք ինչից ա վրդովվել:
Ինձ թվում ա, որ ասենք կյանքում մի հետաքրքիր դեպք ա պատահում, մտածում ա. «հեսա կգնամ ակումբ, կգրեմ, կկիսվեմ»: Ու թվում ա, որ ակումբին շատ ա սիրում (նախորդ նախադասության պատճառով):
Ամեն դեպքում, եթե մի հետաքրքիր թեմայում մի բան ա գրում, հետաքրքիր ա, թե ինչ ա գրել:

Kuk
24.11.2010, 21:41
Հարդի գրառումները ինձ մեկ-մեկ ներվայնացնում են մենակ նրա համար, որ վերնագրված են:pardon

Հ.Գ. Թող մյուսն էլ Հարդի գրառումների մասին գրի, որտև իմ գրառումների մասին համ չեմ ուզում կարծիք լսեմ :)), համ էլ Հարդի գրառումների մասին համարյա բան չասեցի :pardon

Dayana
24.11.2010, 22:04
Կուկի գրառումները միայն տողատակ են, ու միշտ հասցեատեր ունեն: Երբեմն մի այլ կարգի վրաս ազդում են էդ գրառումները, իսկ երբեմն էլ դրանց պակասն Ակումբում էնքան շատ են լինում, որ ուզում եմ խնդրել գրառում անի: Էստեղ էն «վայ, Կուկուսը շատգրագետ ա գրում» տեսակի գրառումներ չեն անում, չէ՞, որովհետև ինձ լրիվ մեկ ա Կուկը ժառգոնով կգրի, թե գրագետ, կարևորը, որ գրածը տեղ ա հասնում ՝ միշտ, դրա համար էլ հենց Կուկն Ակումբում ակտիվանում ա, վարկանշային աստղիկները սկսում են մեծանալ ՝ պլաստիկ վիրահատություն նման :))

Հ.Գ. Երբեք չէի մտածի, որ Կուկի գրառումների մասին սենց դրական կարծիք կհայտեի: :)

Էլիզե
24.11.2010, 22:19
Դայուշշշշ....
մի այլ կարգի դրական էմոցիաներ ա հաղորդում.... Սիրում եմ ԴայուշիԳի գրառումները` լավն են, հումորով ու ամենակարևորը` գրված են էմոցիայով և էքսպրեսիայով... :))

Ungrateful
24.11.2010, 22:26
Dayana-ի գրառումների տեսակը, ձևը, ոճը ըստ իս կապված է լինում տվյալ պահին իր տրամադրության հետ: Որոշ տեղեր նկարել եմ կպնողական, կծողական ոճ… Կպնողական գրառումների հանդեպ մեծ սեր եմ տածում, բայց կոնկրետ իր դեպքում՝ իր կծողականի ոճը չեմ սիրում, միգուցե դա կապված է նրա հետ, որ Dayana-ի կերպարը ինձ մոտ մի քիչ ուրիշ ձև է տպավորվել ու այդ տպավորված կերպարին մի քիչ չի սազում կծողականը, չգիտեմ: Ցավոք /կամ այդքան էլ չցավոք:))/ իր հետ ռեալ ծանոթ չեմ ու չեմ կարող պատկերացում կազմել իր վիրտուալ կերպարի մեծության, տարբերության մասին: Ամեն դեպքում, իմ մեջ ինձ մի բան հուշում է, որ նրա իրական կերպարն այդքան էլ հեռու չի ակումբականից:
Կարդում եմ օրագիրը, ավելին՝ հաճախ եմ կարդում: Օրագրային գրառումներում իր մեջ նկատել եմ նրբանկատությունն… Որոշ կենցաղային փաստեր, մանրուքներ որոնք կատարվում են համարյա բոլորիս հետ ու որոնք մենք չենք էլ նկատում, Դայանան կարողանում է դա նկատել, զգալ ու շատ համով ձևով մատուցել՝ 1-2 տողում: Dayana-ի օրագրում ինչ որ պայծառություն կա, պոզիտիվություն, լույս:


Կներեք ժող: Գրեցի, պատասխանեցի ու նոր տեսա, որ Էլիզեն արդեն գրել է:

Ուրվական
24.01.2011, 01:19
Ունգռատեֆուլի գրառումները պետք ա կարդաս, եթե իրան ռեալ կյանքում տեսել ես, գիտես, ոնց ա խոսում: Այ հենց էդ ձևով էլ գրում ա: Գրառումների մեջ միշտ մի տեսակ ես-ը շեշտվում ա իրա, նենց որ շատ դեպքերում կհասկանամ, որ իրա գրառումը կարդամ: Լավն են գրառումները, հավեսով կարդացվում ա, բայց մեկ-մեկ որ երկաաար գրում ա, չեմ կարդում: :D Օրիգինալություն էլ կա գրառումներում: Ոչ արհեստական:

Հայկօ
24.03.2012, 00:32
Գոռը հազար տարի ա՝ չի երևացել, ու հիմա իր ցանկացած գրառում կարդալը մենակ մի ազդեցություն ա ունենում. Գոռին կարոտել եմ, պետք ա Գոռին տեսնել, խոսել, խմել իրար հետ մի-մի գավաթ ու նենց հաջող ասել, իբր հաջորդ օրը էլի բոլորս էլ ազատ ենք լինելու ու նույն կերպ հանդիպենք, հավաքվենք: Այ հենց տենց էլ գրում ա Գոռը՝ անկախ նրանից՝ իրեն հազար տարի ա՝ չես տեսել, թե տեսել ես:

Շինարար
24.03.2012, 01:28
Հայկի գրառումների մեծ մասի իմաստը ես չեմ հասկանում: Գիտեմ, որ բոլորդ հասկանում եք ու ամաչում եմ խոստովանել, բայց ինչ կա, կա:) Մի գրողի մասին մի անգամ կարդացի" գրում ա էն, ինչ բոլորը, նույն լեզվով, նույն բառապաշարով, նույն կրկնվող պատմությունները, բայց իրա գրածներում մի անբացատրելի ուժ կա, որ դրանք առանձնացնում են բոլորից": Մոտավորապես եմ մեջբերում: Հայկի մասին ա: Հայկը շաաատ տաղանդավոր ա, էնքան տաղանդավոր ա, որ դրա կողքին էլ կարևոր չի, որ ինքը նաև շատ խելացի ա, գրագետ ա և այլն, և այլն: Ու հենց գրառումների թեմայում ա իր տաղանդավոր լինելը նշելը տեղին, շատ տաղանդավոր լինելը, ու ինչ լավ ա, որ ես էլ ձեզ հետ էն մարդկանցից եմ, ով ամեն օր հնարավորություն ա ունենում Հայկի գրածը կարդալու, հասկանալն էնքան էլ կարևոր չի, նկատի ունեմ ընդամենը մեկի:

Հ. Գ. Չհասկանալը հավանել-չհավանելու հետ հեչ կապ չունի:

StrangeLittleGirl
20.04.2012, 02:11
Շինոն ոնց որ վերջերս քիչ ա գրում: Ամեն դեպքում, էն քիչ ակումբցիներից ա, որի գրառումները կարդում եմ: Հա, սենց զզվելի մարդ եմ. որտեղ ծանոթ անուն եմ տեսնում, մտնում կարդում եմ: Դե էլ ի՞նչ ասեմ, Շինը գրագետ մարդու գրառումներ ա անում (եթե Արամ Ասատրյանից չի խոսում :D)

yerevanci
21.04.2012, 12:28
Նախկինում շատ էի հետևում StrangeLittleGirl-ի հատկապես բժշկական թեմաներով գրառումներին, շատ եմ հավանում հոգեկան ներաշխարհի մասին գրառումները: Այժմ մի տեսակ ես եմ սկսել քիչ երևալ այս կողմերում, պասիվացել եմ, բայց հարմար առիթի դեպքում անպայման կարդում եմ նրա գրառումները:

Meme
24.04.2012, 17:08
yerevanci:) - անկեղծ ու ոչ թե կեղծավոր սմայլիկ.....;)

Միշտ կարդացել եմ, ու մինչև հիմա էլ կարդում եմ Երևանցու գրառումները, ու սա բնավ չեմ ասում իրեն իսկ հաճոյանալու համար, ուղղակի հենց ամենասկզբից, երբ նորեկ էի, Երևանիցին իմ մոտ դրական մարդու կերպար է ստեղծել, թեթև, բարի, ու շա՜տ բարի , երևում է, որ ոչ մեկի վատը չի ցանկանում, միշտ դրական ու լավ մտքերով գրառումներում...

Չփոխվե՛ս, որ չկորցնեմ ընկերներիցս մեկին...

StrangeLittleGirl
02.05.2012, 02:24
Meme-ի գրառումներն էնքան չեն տպավորվել, ինչքան այն, որ բոլորը խոսում են դրանց մասին: Որ մտա էս թեման, չգիտեմ ինչու` սպասում էի, որ տեքստը վարդագույն է լինելու, կողքն էլ թիթեռներ են պտտվելու:

Վոլտերա
14.04.2013, 16:11
Իմ վերևի մարդու գրառումները քլունգը ձեռս պահած եմ կարդում, բայց էդ անտերը ոչ մի անգամ չեմ օգտագործում::)) Մի տեսակ նենց հավես ա գրում էս իմ վերևի մարդը:think

Ruby Rue
14.04.2013, 16:17
Իմ վերևի մարդուն իր ակումբային գրառումներով ահագին բացահայտել եմ: Մինչև ակումբում գրանցվելն էլ գիտեի, որ ինքը հարազատ հոգի է. ամեն տեղ չես գտնի գոտիկ մետալ լսող, ֆանտաստիկա ու միստիկա սիրող, խելացի ու ոչ գլամուռ 17 տարեկան աղջնակի: :)
Իսկ ակումբային գրառումներից հասկացա, որ մեր Վոլտերայի հոգին շատ ավելի խորն է, քան ինձ էր թվում, ինքն էդքան էլ դժգոհիկ ու մունաթիկ չի, տեղն եկած ժամանակ լավ էլ ջրիկ է ու դրական: :P
Վոլտերան հավես ա գրում, սիրում եմ իր գրառումների համով դաժանությունը:
Համ էլ չեմ կարա չասեմ, որ իմ վերևի մարդուն ես եմ ակումբ հրավիրել ու ուրախ եմ դրա համար: :D

Ուլուանա
14.04.2013, 16:58
Մոդերատորական. ուզում եմ հիշեցնել, որ թեման ոչ թե վերևի մարդու, այլ վերևի մարդու գրառումների մասին է։ Վերևի մարդու մասին առանձին թեմա (http://www.akumb.am/showthread.php/25949-%D4%BB%D5%B4-%D5%BE%D5%A5%D6%80%D6%87%D5%AB-%D5%B4%D5%A1%D6%80%D5%A4%D5%A8?p=2397944#post2397944) ունենք։ Վերջին մի քանի գրառումները ջնջվել են՝ վերևի մարդու, ոչ թե վերևի մարդու գրառումների վերաբերյալ լինելու պատճառով։ Նաև հիշեցնեմ, որ թեման միմյանց գրառումները մեջբերելով զրույցներ ծավալելու համար չի նախատեսված։ Ընդհանրապես մեջբերումները նմանատիպ թեմաներում տեղ չունեն։

Հաջորդը գրում է Ruby Rue–ի գրառումների մասին։

Անվերնագիր
14.04.2013, 18:23
Իմ վերևի մարդու գրառումները լավն են. մեկ-մեկ մունաթոտ են, բայց դե վհուկների մոտ էտ նորմալ ա :P, հատկապես լավն են իր գրառումները քաղաքական բաժնում, օրագրային գրառումներնել են հավեսին:Հա, մեկ էլ քաղցրավենիքին՝ ու ընդհանրապես ուտելիքներին ու խմելիքներին :)) նվիրված գրառումներներնել են լավը

Meme
14.04.2013, 20:41
Անվերնագիր ` այս անդամին բացահայտում եմ գրեթե միշտ անկապում կատարած գրառումներով ու ասեմ, որ սիրում եմ նրա ռիսկային գրառումները, ուրեմն նա հենց էդպիսիսնն է, ու վերջում միշտ նայում եմ տարիքին, եթե ճիշտ է գրել տարիքը, ողջունելի է,որ նման մտքեր կան հենց այս տարիքից....
սրամիտ է, որը երբեմն գնահատում եմ, իհարկե չափի մեջ, չափից դուրսը ինձ, տվյալ մարդուց վանում է....
եսիմ, ավատարը չեմ հասկանում իր մականվան հետ ինչ կապ ունի~, բայց որ թեմայից դուրս չլինի էս տողերս, ասեմ որ նաև գրագետ է, շատ թեմաներում չի արձագանքում, կամ ես չեմ հանդիպել....շատ շփվող էլ չի....
բայց ինձ հետաքրքիր է կարդալ իր արած գրառումները, իր կերպարով էլ չնայած անգույն է ամեն բան, բայց էլի տարբերվող է ու յուրօրինակ...ինձ համար....;):B

հ.գ` ահակին էլ բան գիտեմ, փաստորեն, եթե իհարկե գրածս բստրած չի.;).ու տվյալ անդամը համաձայն է ինձ հետ..համենայն դեպս էսքանն եմ ճանաչում` անկապ օրագրի արած գրառումներից...

էդպես շարունակիր, հետաքրքիր մտքերդ էլ միշտ շա~տ.:)...

Լեդի Վարդ
14.04.2013, 20:46
Շատ լավ գրառումներ է կատարում:Որովհետեվ՝ նախ գրում է շատ գրագետ,երկրորդ շատ խելացի է,եվ գիտի որտեղ, ինչպես, կամ ում մասին ինչ է գրում:Նրա կարողությունները տեսա այն ժամանակ երբ առաջին անգամ մտա ակումբ:Գնահատում եմ նաեվ նրա մարդկային հատկանիշները:

Այբ
15.12.2013, 01:00
Ակտիվ քննարկվող թեմաներում գրառումներ չի անում, հիմնականում գրառումներ է անում Զրուցարանում:
Մունաթոթ, դժգոհ, կամ վատատեսական գրառումներ չի անում: Անկեղծ է շատ: Եթե ինչ-որ մեկին նեղացրել է, անպայման գրառում պիտի անի դրա մասին:))

Շինարար
15.01.2014, 02:00
Այբը ակումբն օգտագործում ա էնպես, ինչպես ուրիշները ֆեյսբուքը: Էն ֆեյսբուքը որ հարցնում ա՝ մտքիդ ինչ կա, Այբը պարտաճանաչ կերպով նախանձելի հետևողականությամբ էդ հարցին պատասխանում ա ակումբում:)) Կան մարդիկ, ում դա դուր չի գալիս, կան մարդիկ, ում համար մեկ ա, կան մարդիկ էլ, ում գուցե նույնիսկ դուր ա գալիս: Նույնիսկ ոչ թե ֆեյսբուքը, այլ Թվիթերը Այբին ամենահամապատասխան սոցիալական ցանցը կլիներ, եթե Հայաստանում ժողովրդականություն վայելեր: Ինձ հետաքրքիր ա հետևել ոչ միայն իր գրառումներին, այլ այն դիմադրությանը, որ նա անընդհատ հաղթահարում ա ակումբում, առաջ էդպիսի բաներ ավելի շատ էր լինում, հիմա հազվադեպ ա, հետաքրքիր ա՝ հետոն: Ես հավեսով եմ հետևում:)

Ռուֆուս
15.01.2014, 11:38
Իմ վերևի մարդու գրառումները հետաքրքիր են ու օբյեկտիվ, հաճախ երկար ու գրեթե միշտ առանց էնթեռների։

Խղճա՛ ընթերցողներիդ, էնթռի՛ր

Ուլուանա
15.01.2014, 11:57
Ինձ թվում է՝ Ռուֆուսի գրառումները ժամանակի ընթացքում դարձել են ավելի անկաշկանդ, անմիջական, համարձակ ու հետաքրքիր։ Հաճախ դիպուկ ու սրամիտ դիտարկումներ է անում մարդկանց ու երևույթների վերաբերյալ։ Մի խոսքով՝ հաստատ չես ձանձրանա :))։

Smokie
15.01.2014, 12:22
Ուլուանայի գրառումները շա՜տ գրագետ են, բովանդակալից ու դյուրընթեռնելի: Հասուն մարդու ճկուն ձեռագիր, հումորն էլ անպակաս::hands Մի խոսքով ամեն ինչը տեղը տեղին:))

Կեցցե ակումբի Ուլումաման:clap

Chilly
15.01.2014, 12:27
Վերևիս մարդու գրառումները հետաքրքիր զրուցակցի ու լավ տղայի գրառումներ են, որը կյանքին նայում ա ոչ ստանդարտ անկյուններից ու սիրունություններ գտնում էնտեղ, որտեղ շատերն անտարբեր անցնում են:

Վոլտերա
15.01.2014, 15:07
Չիլիի գրառումների կարիքը միշտ զգացել եմ ակումբում, ինքն էլ որ ուշ ուշ է գրում, ստիպված իր հին օրագրերը, բացած թեմաներն եմ փնտրում, կարդում, որ էդ բացը լրացնեմ: Ինքն ահավոր հետաքրքիր ու թեթևակի միստիկ կերպար է` իր գրառումներով հանդերձ: Հիշում եմ մի անգամ օրագրերն էի փորփրում ու պատահմամբ Չիլիի օրագիրն աչքովս ընկավ, սկսեցի կարդալ: Տենց չեմ հիշում ինչքան կարդացի, բայց հիշում եմ որ մոտս տպավորվեց ու երկար ժամանակ մտածում էի դրանց մասին: Ինքը նենց նուրբ հումոր ունի ու իրեն կարդալուց խաղաղություն ես զգում: Չիլն էն մարդկանցից է, ում հետ կուզեի անձամբ ծանոթ լինել ու շփվել: Բայց ինչքան հանդիպումներին հրավիրում ես, էդքան ալարում է գալ :(

Alphaone
15.01.2014, 16:13
Վոլտերայի գրառումները ոնց որ երկու տարբեր մարկանց գրառումներ լինեն: Մի մասը տիպիկ թինեյջերական են, մնացածը ահավոր լուրջ, հասուն, խոհուն, բայց կան գրառումներ էլ, որ գլուխգործոց են, քանի որ հասուն միտքը, մարդկային ուժեղ տեսակն ու թինեյջերական էմոցիաներն էնքան համով, հումորով ու ամուր են շաղախված, որ ուզում ես ասել.
- Մար, արի ճակատդ պաչեմ:

Նարե91
15.01.2014, 16:45
Ալֆայի գրառումները համարյա միշտ մի շնչով եմ կարդում: Սահուն միտք ունի, չնայած մեկ -մեկ խառն ա գրում :))
Հատկապես անկապի գրառումները հավեսով եմ կարդում: :kiss

Smokie
15.01.2014, 17:47
Նարեի գրառումներում հումորը հազվադեպ ա հանդիպում, բողոքը հաճախ: Բայց չէի ասի, որ իր գրառումները վատատեսական են, Նարեն ինչ ասում ա ճիշտ ա ասում, մանավանդ եթե խոսքը վերաբերվում ա հայ ժողովրդի թերություններին, խնդիրներին: Երբեմն էլ իր թեթև ագրեսիայի հետ տեսնում եմ դեպրեսիա: Արդեն քիչ եմ իրեն պատկերացնում, որ ինչ-որ երևույթի մասին խոսելուց ծիծաղի, չնայած ժամանակին հանդիպել եմ նման գրառումների:

Հայկօ
15.01.2014, 21:36
Smokie-ն լրիվ սուրբ ա: Ամենաիսկական, էսօր ապրող ու գրող ճիշտ սուրբ: Մի երկու հազար տարի առաջ կտակարան-բան կգրեր, կասեր «սիրեցեք զմիմյանս», «մի բացասական վարկանիշեսցեք», «մի ղալմաղալավիճեսցեք», էսօր ուղղակի իր սիրած երգիչների մասին թեմաներ ա բացում: Մեկ-մեկ մտածում եմ, որ Smokie-ի նման գրողները շատ լինեին, Ակումբը մի քիչ ավելի անհետաքրքիր, բայց շատ ավելի օգտակար տեղ կլիներ: Ալելույա:

Շինարար
15.01.2014, 21:49
Հայկօի գրառումների մասին կարծեմ մի անգամ էլ եմ առիթ ունեցել ասելու. միշտ չի, որ ես կարողանում եմ ըմբռնել դրանք: Բայց իր ամեն գրառումից հորդում ա իր դեմք լինելը. գրելն էն ա, ինչ իր մոտ իրոք բացառիկ լավ ա ստացվում ու ինքնատիպ: Իր գրառումների պակասությունը զգացվում ա: Մեկ էլ ինչ-որ հակասականություն եմ զգացել. կարող ա չափազանց բարի գրառումներ անել՝ բարություն քարոզող, միմյանց սիրելու, ներողամիտ լինելու, կարող է նաև շատ հմտորեն սարկազմ ու կպնողականություն կիրառել: Ինձ թվում ա՝ բարի գրառումները դա հենց իր էության արտահայտումն ա, սարկազմն ու մնացած գրողական հմտությունները՝ գրական էն կարողությունների արտահայտումը, որոնց նա կատարելապես տիրապետում ա:

Հ. Գ. Մեկ էլ` մեկ-մեկ որ ինչ-որ թեմայում հարց ա տալիս, նորից չեմ կարողանում հասկանալ` իրո՞ք ինքը դա հարցնում ա, թե՞ ուսումնասիրում ա` ով ինչ կասի. կա՞ տենց բան, որ ինքը չգիտի:

StrangeLittleGirl
15.01.2014, 22:58
Շինի գրառումները միշտ հավեսով եմ կարդում: Էն իրա լոռեցիական պարզությունը, նուրբ հումորը, անկեղծ նեղվելը... շատ եմ սիրում :love

ivy
15.01.2014, 23:03
Շինարարի գրառումները հաճախ եմ կարդում, անգամ օրագրայինները: Ընդհանրապես, պիտի խոստովանեմ, որ ես Ակումբում վաղուց ի վեր ավելի շատ կոնկրետ մարդկանց գրածների վրա եմ ֆիքսվում, քան թեմաների: Շինարարն էն մարդկանցից է, ում գրառումը եթե աչքովս ընկավ, հաստատ կկարդամ:
Մեկ-մեկ իր գրածներից զայրանում եմ, ուզում եմ ասել՝ ա դե լա՜վ էլի, մեկ-մեկ՝ տխրում, մեկ-մեկ ուզում գրկել իրեն, մեկ-մեկ էլ՝ լայն ժպտում (հակառակ էն մարդկանց կարծիքի, թե հումորի զգացումն իր աչքի ընկնող կողմերից չի): Իր մեջ շատ շիտակն ու մաքուրը շատ է, ու էդ միշտ երևում է գրածներում: Գիտես, որ ինչ էլ ասի, կեղծավորություն չի անում, գովելիս չի քծնում, փնովելիս չարակամություն չունի: Ինչ սրտին կա, էն էլ ասում է, անկեղծ, պարզ:
Իր հետ հաճախ է, որ համաձայն չեմ լինում, ու երևի էն մարդկանցից է, որ իրականում երբևէ ընկերություն չանեինք. շատ տարբեր միջուկներ ունենք, բայց իր արտայտած մտքերն ու գրառումներն ինձ շատ հետաքրքիր են, ու կարծում եմ, էդպես էլ կմնա:

Շինարար
15.01.2014, 23:04
Ոչի՞նչ, որ համը հանեմ: Լավ էս էլ կգրեմ ու վերջ: Բյուրի գրառումների անմիջականությունն ա գրավում՝ ոչ միայն սովորական գրառումների, այլև ստեղծագործությունների: Էն վերջերս բացածս թեմայում Բյուրն ասում ա՝ չի կարա մարդու խոսքն ու ստեղծագործությունը նույն ոճի մեջ լինի: Ինքն իր ասածի հակառակ ապացուցումն ա. նույն անմիջականությունը, նույն շիտակությունը, նույն կռիվը իր ստեղծագործություններում կարելի ա տեսնել ու իր սովորական գրառումներում. պատահական չի, չէ՞, որ ակումբում ամենագուշակելի ոճն ունես, Բյուր: Բյուրի գրառումներին հետևել եմ իր բլոգում դեռ մինչև ակումբում գրացնվելս, իր վրդովվմունքն էլ էր անկեղծ, ուրախությունն էլ, կարդալիս իր հետ ուրախանում էի, իր հետ համարյա լացում (ուղղակի ես լացկան չեմ, բայց էդ նեղվելը զգում էի, ոնց որ ես կնեղվեմ): Սիրում եմ Բյուրի գրելը, ինձ շաաատ հարազատ ա էդպեսը:

Հ. Գ. Ժող, իմ ու Այվիի գրառումները հակառակ ստացվեցին: Եթե դեմ չեք, հաջորդը թող գրի Այվիի գրառումների մասին:)

Ծլնգ
09.06.2018, 03:27
կլինի՞ ես ամեն դեպքում իմ վերևի մարդու գրառումների մասին ասեմ․․․

Շինարարի գրառումների մասին երկու բառով՝ կարոտել եմ :love

Norton
16.06.2018, 23:03
Մի փոքր ակումբում ֆռֆռալուց հետո, Ծլնգի մասին կարամ ասեմ, 2017-18 եթերաշրջանի ակումբի միակ ակտիվ յուզեր, որ թեման մտնում ես ինքը կա:))
Ակումբը ակտիվ պահելը մեծ առաքելությունա, ուստի գնահատելիա :ok

StrangeLittleGirl
16.06.2018, 23:06
Որ տեսա Նորտոնը գրել ա, աչքերիս չհավատացի. հաստա՞տ նոր գրառում ա, թե՞ տեխնիկական սխալ: Մի խոսքով, լավ ա, որ հետ ա էկել:
Մենակ էն եմ հիշում Նորտոնի գրառումներից, որ քաղաքական տուրուդմփոցներում էր տարիներ առաջ, ու իրար հետ չունեինք: Բայց ոնց որ հիմա սաղ օք ա: Հավեսով կարդում էի իրա թավշյա գրառումները

LisBeth
17.06.2018, 22:54
Մի քանի բան չեմ պատկերացնում, ու դրանցից մեկը ակումբը առանց Բյուրի գրառումների։ Ու անկախ իմ համաձայնությունից, տարակարծությունից, միշտ հետաքրքիր ա իմանալ ինչ ա ինքը մտածում ինչ որ հարցի շուրջ։ Ճիշտ ա իրա կտրուկ տոնը մեկ մեկ ներվերիս վրա ազդում ա, բայց դե դա իմ խնդիրն ա, կարամ և շրջանցեմ տենց գրառումները, կարամ և ասեմ։ Լեզուս քյառթ չունի Բյուր, բայց գիտեմ դու սրտիդ մոտ չես ընդունում։ :)

ivy
18.06.2018, 01:18
Լիզի գրառումները առաջին անգամ նկատեցի գրական բաժնում՝ մրցութային աշխատանքների մեջ։ Էդքան տարբերվող ձեռագիր երևի մինչև հիմա երբևէ չի եղել ամբողջ ստեղծագործականում։ Չէ, առանց երևի-ի, հաստատ չի եղել։ Էն որ ուղեղդ տեղ-տեղ կախվում է, բայց հետն էլ զգում ես՝ սենց գժական գրված բան հայերենով կարդալու եզակի շանսերիցդ է։
Լիզը անկեղծ է գրում, ինչ էլ գրի՝ ստեղծագործական լինի, թե չէ։ Ես իր գրառումները բաց չեմ թողնում, ինչ թեմայում էլ լինեն։ Նոր մտածեցի, որ հազվադեպ է մոտս միտք առաջանում՝ համաձայն եմ հետը, թե չէ․ գրվածի ձևը էնքան է տանում, որ դրա ոչ էլ կենտրոնանում եմ։
Միակ բան որ չեմ սիրում իր գրառումներում էն է, որ մեկ էլ անջատված սկսում է օֆտոպել, նենց մի պստիկ չէ էլի, սենց լրիվ անաստված ձևով։ Ու էդ սովորաբար լինում է Մեֆի գրառումների շուրջ։ Մեֆի գրառումները Լիզի գրառումների վրա ազդում են ոնց որ վալերիանկան կատվի վրա։ Նույնիսկ էդ առիթով Մեֆի հանդեպ սերս կրճատումների է ենթարկվել։ Երևի խանդում եմ, թե ինչ...

Alphaone
18.06.2018, 01:27
Այվիի գրառումներում ստեղծագործականությունն ու ծայրաստիճան ռացիոնալ ադեկվատությունն էնքան սիրուն են զուգահեռ գնում, ոնց որ երկու ծայրահեղությունից՝ «շշմածից» ու ամենահավասրակշիռ մարդուց հիբրիդ ստացած լինեն, դիտավորյալ, էն հաշվարկով, որ հանճարեղ բան ա ստացվելու: Ու ստացվել ա: Այվին կարողանում ա խրախուսել, մոտիվացնել, առաջ գնալու ուժ հաղորդել իր գրառումներով, եթե անգամ էդ գրառումն ավտոբուսի սպասող կամ մետրոյում կանգնած կամ աշխատավայրում վռազի մեջ մի բան ուտող մարդու մասին ա: Այվիի գրառումներում հոգեբանն ա նաև շատ սուր երևում, էնքան մեղմ, հանդարտ, զուսպ, բայց երբեմն սաստող ու տիրական, երբ պետք ա դիմացինին սթափեցնել, կամ ինչ-որ բան այսպիսովել՝ խոսքն ի մի բերել, ամփոփել: Լրիվ ուրիշ աշխարհ են Այվիի գրական գործերը, Այվիի անգամ ամենառեալիստական գրածում էլ ինչ-որ թեթև, ֆենտեզիոտ պատառիկ կա, որ տաքուկ գրկում ա, մեկ ուզում ես էդ գործի մի անկյունում ապահով ծվարել, նայել՝ ինչ ա կատարվում, մերթ գլխովին սուզվել էդ կախարդական աշխարհ, ճամպրուկները հավաքել, գնալ... չէ, ինչ ճամպրուկ, թոլքինյան Բիլբոյի նման առանց թաշկինակ ուզում ես վազել էդ աշխարհի հետևից: Շա՜տ առաջ, նախքան Այվիին կենդանի հանդիպելը, ես իրեն արդեն սիրում էի՝ իր գրառումների շնորհիվ, թեև էն սկզբում, հիշում եմ, Այվին ինձ հեչ չէր սիրում :D

Գաղթական
18.06.2018, 04:09
Էսօր ինքս ինձ համար նորովի բացահայտեցի Ալֆային:
Երևի ավելի շատ իմ անուշադրության պատճառն էր, քան նրա վերջին ժամանակների թեթև ակտիվությունը, որ քիչ էի հանդիպում իր գրառումներին:

Միառժամանակ առաջ էլ մի փոքրիկ տհաճ միջադեպ էր եղել իր օրագրային գրառման շուրջ ծավալված քննարկումների ընթացքում, երբ ես անզգուշորեն մեջ էի բերել վաղուցվա իր բացած ինչ-որ թեմա՝ դրանով իրեն հավանաբար մի քիչ վշտացնելով:
Չնայած հենց էն ժամանակ էլ խոստովանեցի, որ հաջող կատակ չէր, բայց հուսով եմ դա իր մոտ նստվածք չի թողել:

Մի քանի օր առաջ էլ շատ էի տպավորվել դասական երաժշտությունը նրա զգալու ու ընկալելու ունակությամբ:
Շատ նուրբ ու գեղեցիկ էր ինքը դա նկարագրել՝ խոսքը համեմելով քաղցր ու սուր հումորով:

Շատ կուզենայի, որ նա մի օր իր կյանքում ապրեր միայն իր համար հանդես եկող նվագախմբի հաճույքը:

Դե իսկ այսօրվա քննարկումից էլ, որից սկսվեց խոսքը, հասկացա, որ նա շատ բանիմաց ու կիրթ մարդ է, ով լավ գիտե, թե ինչի մասին է խոսում, ինչ է ուզում ու թե ինչ է պետք դրան հասնելու համար:

Հարգանքներս:

Բարեկամ
18.06.2018, 04:58
Գաղթականի գրառումները մի տեսակ չեմ կարողանում մի հայացքով կարդալ․ կա՛մ ընդհանուր ֆորմատից է, կա՛մ ներքին հարմոնայի ինչ-որ բացակայությունից (իմ ընկալմամբ, իհարկե)
Իր գրառումները սկզբից մինչև վերջ կարդալու համար կարծես ինձ պիտի տրամադրեմ աշխատանք կատարելու․․․
/հուսով եմ՝ չի նեղանում․․․/

Բայց դրանով հանդերձ՝ Գաղթականն, իր գրառումներով, ակումբի ինքնության /identity/ մեջ իր հաստատ ու կայուն մասն է կազմում, սիրում եմ իր անչարությունը, ու ինչ էլ լինի՝ ինքն Ակումբից իրավունք չունի պակասելու :)

Գաղթական
18.06.2018, 05:18
Բարեկամի գրառումների մասին չեմ կարող չասել, թե դրանք ինչքան լիքն են:
Լիքն են ասելիքով, զգացմունքներով ու խոսքի հարստությամբ:

Բարեկամի պատումներն էնքան իրական են, որ դրանք կարդալիս մարդ էնքանա ընկղմվում դրանց մեջ, որ ինքն իրեն էլ է տեսնում որպես էդ պատմությունների մասնակից:

Միայն մի փոքրիկ թերություն կա ըստ իս, ու իր հետ էլ եմ դրա մասին խոսել:
Երբեմն էդ գրելու իսկական տաղանդն ինքն օգտագործումա ոչ նպատակային:
Այսինքն՝ ընտրված թեման լինում է այնքան աննշան ու իմաստային պաշարով չհագեցած, որ հաստատ չարժեր իր գրչին:

Այնուամենայնիվ անպայման գնելու եմ իր գիրքը, թե մի օր իմանամ, որ կա այդպիսին:

Հ.Գ. Իհարկե չեմ նեղանում Բարեկամ ջան: Մեկ-մեկ ինքս էլ եմ խնդիր ունենում սեփական մտքերս ծայրից ծայր քննելու, ուր մնաց թե մնացածը )))