PDA

Դիտել ողջ տարբերակը : Հեռուստալրագրողների «հանճարեղությունը»



Artgeo
03.11.2006, 11:07
Այն որ մեր լրագրողները ունիկալ են, դրա մասին խոսք չկա։ Բավական է նայել մի քանի ծրագիր ու ամեն ինչ պարզ է դառնում։ Առաջարկում եմ այս թեմայում գրել նրանց հիմարիկ սխալները, լեզվի սայթաքումները և այլն։


Ես ոչ մի կերպ չեմ կարողանում հասկանալ, թե որոշ մարդկանց ինչպե՞ս են վերցրել աշխատանքի։ Օրինակ երեկ նայում էի Հ1-ի (այլ ոչ Հանրային հեռուստաընկերություն) «Հայլուրը» ժամը 17.00 ին։ Մի բարետես տղա է կարդում լուրերը վառ ռուսերեն ակցենտով։ Լավ, ակցենտը մի կողմ։ Շատ հազվադեպ եմ նայում «Վայլուրը», բայց այս անգամ չգիտես ինչու նստած նայում էի, կարծես թե գիտեի, որ մի բան լինելուա։ Դե, կառավարության «քաղաքական գործիչներին» սովորական դարձած գովասանքից հետո, Ռուսաստանի «եղբայրական» վերաբերմունքի արդարացումից հետո, հարևաններին թուքումրելուց հետո, ինչպես միշտ մի քանի խոսք էլ պիտի ասվեր արաբական երկրներում պայթյունների մասին (ինչքան կանխատեսելի են :( ):
Ու էս հաղորդավար տղեն կարդումա.
- Արաբական հեռուստաընկերություն Ալ Զա... Ալ Զաիրա... ներեցեք Ալ Զազիրան այսօր հաղորդեց...

Դժվար չի պատկերացնել վիճակս: Սկզբում :D Հետո էլ :[ Առաջին ալիք է, իսկ լրագրողները Ալ Ջազիրա հեռուստաընկերության անունը չգիտեն :[

Այդ ամենը շարունակվեց բազմաթիվ սայթաքումներով, վերջն էլ.
- Այսքանը, կհանդի... Ցտեսություն:
:D :D

milkyway
05.11.2006, 00:54
Լեզվի կենտրոնը կարծեմ բաժին ունի որ հենց հեռուսատահաղորդումներն են քնարկում:
շատ հետաքրքիր բաներ կարելի է գտնել ,իրենց զեկույցներում:angry մնում ա ճարել
օր`
ՙԱրմենիա՚ հեռուստաընկերություն

ԼԵԶՎԱԿԱՆ ՃՇՏՈԻՄՆԵՐ
ՀՀ ԿԳՆ ԼԵԶՎԻ ՊԵՏԱԿԱՆ ՏԵՍՉՈՒԹՅԱՆ ԱՄՓՈՓԱԳԻՐ (16)

ՙԲարի լո°ւյս, հայեր՚, 12.01.2005, ծրագրավար. ՙՄեր հյուրն է եղարվեստի միջազգային ակա/ձ/եմիայի ակա/ձ/եմիկոս Լևոն Թոքմաջյանը՚: Ակադեմիա, նաև ակադեմիկոս բառերը գրվում և արտասանվում են դ-ով: Հայերենում չունենք այդպիսի մի կանոն, համաձայն որի գրենք դ, բայց կարդանք ձ:
ՙԲարի լո°ւյս, հայեր՚, 15.01.2005, ծրա•րավար. ՙԴու լյավ ես զ•ում քեզ: Եթե ուզում եք օրը լյավ սկսել....՚: Լավ բառը լյավ են արտասանում որոշ բարբառներում (Ղարաբաղի, Գորիսի և այլն): Ինչ ասել կուզի, բարբառայնությունը չի կարող տեղ ունենալ ծրա•րավարի խոսքում: Լ հնչյունի փափկացումը, որ վերջերս նկատվում է, մերժելի է •րական լեզվում: Անհրաժեշտ էր ասելª լավ ես զգում..., լավ սկսել:
+ՙԲարի լո°ւյս, հայեր՚, 16.01.2005, ծրագրավար. ՙՄեր գիտակցականից բացի կա նաև մի այլ դաշտ. չգիտեմª ինչպես վերնագրեմ: Հոգեկան երևույթները, դեպրեսիա վերնագրենք այն, թե մի այլ բան....՚: Ակնհայտ է բառային շփոթը: Անվանել կամ կոչել բայերի փոխարեն ծրագրավարը գործածել է վերնագրել: Ըստ որում, սխալը կրկնվեց էլի մի քանի անգամ: Ճիշտ կլիներ ասել. ՙՉգիտեմª ինչպես անվանել: Դեպրեսիա կոչենք այն, թե մի այլ բան՚:

Aida
05.11.2006, 01:30
Երեխեք բան ու գործ չունե՞ք: Երանի մեկն էլ էնքան հավես ունենար, որ ձեր արած սխալներին հետևեր: «Մի՛ դատեք, որ չդատվեք»:

Մասսագետ
05.11.2006, 01:39
Երեխեք բան ու գործ չունե՞ք: Երանի մեկն էլ էնքան հավես ունենար, որ ձեր արած սխալներին հետևեր: «Մի՛ դատեք, որ չդատվեք»:
Քո գրածից կարելի՞ ա ենթադրել, որ էդքան էլ կարևոր չի հեռուստատեսային լեզվական սխալները ու ընդհանրապես լեզվական սխալները:

Aida
05.11.2006, 01:56
Քո գրածից կարելի՞ ա ենթադրել, որ էդքան էլ կարևոր չի հեռուստատեսային լեզվական սխալները ու ընդհանրապես լեզվական սխալները:
Ընդհանրապես ամեն տեսակ սխալներն էլ շատ կարևոր են: Բայց դա չի նշանակում, որ ամեն մեկը պետք ա դիմացինի սխալները հրապարակի: Կյանքում ոչ մեկն էլ կատարյալ չի ու սխալվելը ոչ մեկիցս հեռու չի: Գիտնական չեն ծնվում, գիտնական դառնում են: Ու եթե խորանանք ակադեմիա բառի ակաձեմիա արտասանությունը ոչ մի կերպ սխալ չի: Ընդհանրապես հայերենը շատ բարդ լեզու է, որն իր պատմական զարգացման ընթացքում ենթարկվել է բազմաթիվ հնչյունափոխությունների: Տվյալ օրինակը (ակադեմիա-ակաձեմիա) պատկանում է բաղաձայնների հնչյունափոխությանը:Դա սխալ չէ, դա արտասանական հնչյունափոխություն է: Եթե Արթուրին ասում ենք Արտուր ուրեմն անգրագե՞տ ենք: Կամ ցտեսության փոխարեն ասում ենք ստեսցյուն:

Riddle
05.11.2006, 02:01
Երեխեք բան ու գործ չունե՞ք: Երանի մեկն էլ էնքան հավես ունենար, որ ձեր արած սխալներին հետևեր: «Մի՛ դատեք, որ չդատվեք»:
Ի դեպ, մարդիկ հատուկ «հավես» ձեռք չեն բերում, ու հեռուստացույցի դիմաց նստում հենց հաղորդավարների սխալները լսելու նպատակով: Պատկերացրու, որ որոշ մարդկանց համար եթերից և նրանից դուրս հնչող լեզվական սխալներն ականջ են ծակում, և անտանելի տհաճ են՝ նույնիսկ այն ժամանակ, երբ «բան ու գործ» շատ ունեն:

Կամ ցտեսության փոխարեն ասում ենք ստեսցյուն:
Տառասխա՞լ էիր արել գրելուց, թե՝ իրոք այդպես ես արտասանում::o

Մասսագետ
05.11.2006, 02:29
Ու եթե խորանանք ակադեմիա բառի ակաձեմիա արտասանությունը ոչ մի կերպ սխալ չի: Ընդհանրապես հայերենը շատ բարդ լեզու է, որն իր պատմական զարգացման ընթացքում ենթարկվել է բազմաթիվ հնչյունափոխությունների: Տվյալ օրինակը (ակադեմիա-ակաձեմիա) պատկանում է բաղաձայնների հնչյունափոխությանը:Դա սխալ չէ, դա արտասանական հնչյունափոխություն է: Եթե Արթուրին ասում ենք Արտուր ուրեմն անգրագե՞տ ենք: Կամ ցտեսության փոխարեն ասում ենք ստեսցյուն:
Ակաձեմիան ամեն կերպ սխալ ա, դա բաղաձայների հնչյունափոխություն չի, դա ռուսական հնչյունափոխություն ա:
Այո՛, եթե Արթուր ասում են Արտուր, գուցե անգրագետ չեն, բայց չգիտեն, որ ճիշտը Արթուրն ա:

Aida
05.11.2006, 17:39
Սխալները իմ ականջն էլ են ծակում: Բայց ես ինձ իրավունք չեմ վերապահում ուղղեմ ուրիշների սխալները, որովհետև կրկնում եմ ամեն մարդ էլ սխալվում է շատ հնարավոր է շատ բաներում ես էլ սխալվեմ, ու ինձ հեչ հաճելի չի լինի, որ ինչ-որ մեկը իրան դնի ամենագրագետի տեղը ու իմ սխալը ուղղի(խոսքս հասակակիցներիս մասին է):
Եթե տենց եք կարծում ավելի լավ ա ես անգրագետ լինեմ, քան սենց խոսամ «Արթուր խնդրում եմ արդուկիր տաբատս»: Պատկերացնում եք ինչի կվերածվի լեզուն եթե ամեն մարդ բառն արտասանելուց նենց արտասանի, որ դիմացինը հասկանա, որ ինքը էդ բառի գրելաձևն էլ գիտի:

Artgeo
05.11.2006, 17:43
Պահո... Առoրյա խոսակցական լեզուն արդեն համեմատում են հեռուստացույցից հնչող լեզվի հետ... Ողբանք քեզ Հայաստան...

Ուլուանա
05.11.2006, 17:53
Սխալները իմ ականջն էլ են ծակում: Բայց ես ինձ իրավունք չեմ վերապահում ուղղեմ ուրիշների սխալները, որովհետև կրկնում եմ ամեն մարդ էլ սխալվում է շատ հնարավոր է շատ բաներում ես էլ սխալվեմ, ու ինձ հեչ հաճելի չի լինի, որ ինչ-որ մեկը իրան դնի ամենագրագետի տեղը ու իմ սխալը ուղղի(խոսքս հասակակիցներիս մասին է):
Եթե տենց եք կարծում ավելի լավ ա ես անգրագետ լինեմ, քան սենց խոսամ «Արթուր խնդրում եմ արդուկիր տաբատս»: Պատկերացնում եք ինչի կվերածվի լեզուն եթե ամեն մարդ բառն արտասանելուց նենց արտասանի, որ դիմացինը հասկանա, որ ինքը էդ բառի գրելաձևն էլ գիտի:
:o
Ուրեմն, փաստորեն, քեզ թվացել է, թե ճիշտ ու գրագետ խոսել նշանակում է բոլոր բառերն արտասանել այնպես, ինչպես գրվու՞մ են... :o :blin Չէ, ասեմ, իմացիր, որ այդպես չէ։ Հայերենում, օրինակ, դ-ն կարող է արտասանվել թ, բայց ձ՝ ԵՐԲԵ՛Ք։ Այդպիսի արտասանությունը որոշակիորեն սխալ է, այն ընդամենը ռուսերենի ազդեցության հետևանք է, այսինքն՝ ռուսերենի արտասանությանը հարմարեցված։

Aida
05.11.2006, 17:57
:o
Ուրեմն, փաստորեն, քեզ թվացել է, թե ճիշտ ու գրագետ խոսել նշանակում է բոլոր բառերն արտասանել այնպես, ինչպես գրվու՞մ են...
Ճիշտ չես հասկացել ես էլ հենց էդ եմ ասում, որ սխալ է արտասանել նենց, ոնց որ գրվում է: ...........
Իսկ ակադեմիա բառի համար համոզված եմ ոչ մեկդ էդ բառը չեք արտասանում նենց, ոնց որ գրվում է:

Ուլուանա
05.11.2006, 18:14
Ճիշտ չես հասկացել ես էլ հենց էդ եմ ասում, որ սխալ է արտասանել նենց, ոնց որ գրվում է: ...........
Իսկ ակադեմիա բառի համար համոզված եմ ոչ մեկդ էդ բառը չեք արտասանում նենց, ոնց որ գրվում է:
Չէ, դու ես իմ գրածը մասամբ սխալ հասկացել։ Ես գրել էի, որ հայերենում դ տառը ոչ մի դեպքում և ոչ մի կերպ չի կարող ձ արտասանվել։ Ես ասում եմ, թե որն է ճիշտը, իսկ թե ով ինչպես է արտասանում ակադեմիա բառը, արդեն այլ հարց է։ Նորից եմ ասում. ակադեմիա բառը հայերենի արտասանական կանոնների համաձայն արտասանվում է այնպես, ինչպես որ գրվում է, այսինքն՝ դ ով։ Եվ դա կախված չէ ոչ իմ, ոչ էլ քո ցանկությունից։
Եթե մարդկանց մեծ մասն ինչ-որ բառ սխալ է արտասանում, դա ինձ համար պատճառ չի կարող լինել, որ ես էլ այդպես սխալ արտասանեմ կամ սխալը ճիշտ համարեմ։ Չեմ կարող ասել, որ ես միշտ ամեն ինչ ճիշտ եմ արտասանում, բայց կարող եմ հաստատ ասել, որ միշտ աշխատում եմ ճիշտ արտասանել ու հիմնականում հաջողվում է։ Հենց թեկուզ այդ չարաբաստիկ ակադեմիա բառը։

Ծով
05.11.2006, 19:30
Լեզվի ինստիտեւտն իրոք որ հրաշալի զբաղվում է իր գործով…
ամեն օր ահռելի մեծ քանակությամբ ծրարներ են ստանում բոլոր հեռուստաընկերությունների գլխավոր խմբագիրները,սակայն խնդիրն արդեն տվյալ հեռուստաընկերության լրագրողների և հաղորդավարների մեջ է,որոնք ոչ մի կերպ չեն ուզում իրենց սխալները ուղղել…
Թեպետ ասեմ,որ բացառություններ կան…
Ի դեպ , ոչ ոք ոչ մեկի չի ստիպում խիստ գրական խոսել,բայց բառերի արտաբերման մեջ անգամ ահռելի սխալներ կան…
օրինակ։ձեռընտու,ոչ թե ձեռնտու,,բըռընկվել,ոչ թե բռնկվել ևայլն…
Ի դեպ,ես Ը-երը գրում եմ հատուկ արտասանության համար,չմտածեք անգրագետ եմ…
Երկրորդ տեղում,որտեղ ես սովորում եմ մենք անցնում են ք/ Մեր լեզուն մեր խոսքը դասի շրջանակներում / այս ամենը, էնպես որ ես հայտնեցի այն ինչ գիտեմ հավաստի աղբյուրներից…
Հաղորդավարությունն էլ իմ ապագա 2-րդ մասնագիտությունն է,այնպես որ հույս ունեմ հետագայում եթերից նման սխալներ թույլ չեմ տա:D

StrangeLittleGirl
05.11.2006, 20:19
Իսկ ակադեմիա բառի համար համոզված եմ ոչ մեկդ էդ բառը չեք արտասանում նենց, ոնց որ գրվում է:
Ես ակադեմիա եմ արտասանում: Եթե արտասանական սխալներ անում եմ, ապա ես երբեք դեմ չեմ լինում, երբ ինձ ուղղում են, թեկուզ հասակակիցներս: Ես ձգտում եմ հնարավորինս անթերի խոսել հայերեն, ուզում եմ, որ մյուսներն էլ այդպես խոսեն: Եթե մենք լրագրողների սխալները նկատենք ու լռենք, ապա դրանք կշատանան, մեր հեռուստատեսությունը ավելի շատ կտուժի: Սխալները երբեք չեն ուղղվում, եթե դրանց մասին չի խոսվում: Եթե չխոսվի, ո՞վ կիմանա, որ սխալ է, ո՞վ կփորձի ուղղել:

P.S.
27.01.2007, 07:39
Լրագրությունը լեզվաբանություն չէ: Լրագրողները օգտագործում են սովորաբար խիստ պարզ լեզու, որ բոլորին հասկանալի լինի:

Հայկական լրագրողության պրոբլեմը անորակությունն է: Չկան էկսքլուզիվ նյութեր: Ու դա խոսքի ազատության հետ կապ չունի:

StrangeLittleGirl
27.01.2007, 12:30
Լրագրությունը լեզվաբանություն չէ: Լրագրողները օգտագործում են սովորաբար խիստ պարզ լեզու, որ բոլորին հասկանալի լինի:
Խիստ պարզ լեզու օգտագործելու համար պարտադիր չեն խայտառակ սխալները: Կարելի է միաժամանակ և՛պարզ, և՛ ճիշտ խոսել:


Հայկական լրագրողության պրոբլեմը անորակությունն է: Չկան էկսքլուզիվ նյութեր: Ու դա խոսքի ազատության հետ կապ չունի:
Շատ մեծ կապ ունի խոսքի ազատության հետ: Որակյալ լրագրողները չեն գնա «Հայլուրում» աշխատելու, այլ կնախընտրեն ազատ լրատվամիջոցներ, իսկ ազատ լրատվամիջոցները, ցավոք, ոչ միայն քիչ են, այլև ոչ բոլորին հասանելի:

P.S.
28.01.2007, 09:31
<<Շատ մեծ կապ ունի խոսքի ազատության հետ: Որակյալ լրագրողները չեն գնա «Հայլուրում» աշխատելու, այլ կնախընտրեն ազատ լրատվամիջոցներ, իսկ ազատ լրատվամիջոցները, ցավոք, ոչ միայն քիչ են, այլև ոչ բոլորին հասանելի:>>

Խորը թյուրիմացության մեջ ես: Նախ, առաջինը, հեռուստալրագրությունը առաջին հերթին գործողություն է կադրում եւ լավ մոնտաժն է: Հեռուստալրագրությունը նկարներով պատմություն է եվ մեկնաբանություն: Կապ չունի բանասիրության հետ: Ու եթե անգամ լրագրողը թլիկ է խոսում, բայց կարգին բան է ցույց տալիս, դա ներելի է:

Ինչ վերաբերում է Հայլուրին, ապա Հայլուրում այսօր ամենաորակյալ հեռուստալրագրողներն են: Չեմ պաշտպանում որեւէ մեկին, ուղղակի արձանագրում եմ փաստը: Նայեք մյուս ալիքների լուրերը: Ու Հայլուրում եւ առաջին ալիքում, միշտ էլ եղել են ամենալավ լրագրողները: Նրանցից մի մասը շատ «կողմնորոշված է» իր քաղաքական հայացքներում, մյուսները, եվ հիմնականում մեծամասնությունը՝ ոչ: Հա, ի դեպ, չկա այնպիսի լավ ժուռնալիստ, որ առաջին ալիք մտնել չփորձեր: Ուղղակի ամեն լրագրող չէ, որ հեռուստալրագրող է: Հեռուստալրագրողությունը չափազանց բարդ է ու հոգնեցուցիչ:՛

Իսկ «ազատ լրատվամիջոց» արտահայտությունը նոն-սենս է եւ գոյություն չունի: Ոչ մի տեղ: Ու դա կապ չունի, էլի եմ կրկնում որակյալ լրագրության հետ: Դա ապացույցները շատ կան:

Հեռուստալրագրությունը Հայաստանում կզարգանա, երբ գովազդի գինը կբարձրանա ու կլինի շատ փող: Ու երբ հեռուստաընկերությունների մենեջմենթը թայֆա-բարեկամականից կփոխվի պրոֆեսիոնալներով: Երբ կհիմնվի հեռուստապրոդյուսերների ինստիտուտը: Երբ հեռուստալրագրողների աշխատավարձը բարձրանա: Այդ ժամանակ պահանջեք որակյալ հեռուստալրագրությունը: Ու մինչեւ քննադատեք էդ ժուռնալիստներին, մի քիչ գոնե այդ ոլորտում աշխատեք:

Հիմա ձեր նշած, քիչ եւ ոչ բոլորին հասանելի որակյալների մասին: ինչ, ԱրմենիաՆաուն է լավ ժուռնալ: Ամենաձանձրալի ինտերնետ պարբերականներից մեկն է, որ հոդվածների մեծ մասը ինչ-որ գյուղի մասին է: Գնում են, վիճակագրի պես արձանագրում ինչ կա, գրում գեղարվեստական ոճով: Հա, ու մեկ էլ դատեր լուսաբանում:

Իրականում վաղուց արդեն լրագրությունը սոցիալական շարժումի է վերածվել: Երբ մարդիկ փորձում են հոդվածից ակցիա ստանալ: Սովորական «մարդկային պատմությունները« , որ Արևմուտքում մոդա էր սրանից մի քանի տասնամյակ առաջ, մեզ նոր է տեղ հասել: Ու եթե ԱրմենիաՆաուն ամենապոպուլյար ժուռնալը չի, դա այն պատճառով է, որ ձանձրալի է: Նախկինում ասում էինք, պրոֆեսիոնալ, բայց ձանձրալի, հասարակության համար անհրաժեշտ: Չէ, ըտենց բան չկա: Երբ Ամեկ պլյուսը փակեցին, առաջին մի քանի ամիսներին վեբ-սայթը ամենապոպուլյարն էր Հայաստանյան նետում.: Ուրեմն, եթե հետաքրքիր է, կդառնա անգամ հասանելի:

Եվ հետո: Այս հասարակությունը երբեք որևէ լրագրողի չի պաշտպանել: Երբեք: Ամեկ պլյուսի վերաբացման համար հանրահավաքներին մի քանի հոգի հավաքվեց ու վերջ: Ոչինչ չեղավ: Հազար անգամ լրագրող են ծեծել: Ով է նրանց տեր կանգնել:

Հազար հատ հաղորդում փակվեց: Որ հաղորդման համար է հեռուստադիտողը գնացել ստուդիա, ռմբահարել զանգերով...Ոչ մեկի: Այնպես, որ հեռուստալրագրողների «հանճարեղությունը« պայմանավորված է հասարակության անտարբերությամբ և հեռուստաղեկավարության ոչպրոֆեսիոնալիզմով: Կարճ ասած, դրա պահանջը չկա: Դրա հետեւանքով, «որակյալները» իրենց գլխի ճարը ով ոնց կարող է գտնում է…գրանտով կամ ըտենց մի բանով, կամ ուրիշ գործով է զբաղվում: Իսկ նրանք, ովքեր այսօր եթերում են, ուղղակի ապահովում են հեռուստալրագրության ֆիզիկական գոյությունը, բժշկական լեզվով ասած, վեգետատիվ վիճակում են պահում, երբ ֆիզիկապես կա, իսկ մտավոր առումով բացակայում է: Դժգոհ եք...զանգեք, գրեք, պահանջեք...բայց ոչ թե հեգնեք ու ձեռ առեք: Հեռուստալրագրությունը ծանր, անշնորհակալ, պատասխանատու եւ վտանգավոր մասնագիտություն է...

otar
28.01.2007, 11:03
լուրերի թողարկում...
"Մոտաորապես 42 մարդ"
"Ավելի քան շուրջ 36 քաղաք"
վերջապես բացատրեք նրանց որ հասկացություն ու հասկացողություն և վերաբերել ու վերաբերվել բառերն իրարից տարբերվում են իմաստով :(
դա գիտի յուրաքանչյուր մարդ որ սոորել է դպրոցում

Վազգեն
28.01.2007, 11:51
Հեռուստալրագրությունը Հայաստանում կզարգանա, երբ գովազդի գինը կբարձրանա ու կլինի շատ փող: Ու երբ հեռուստաընկերությունների մենեջմենթը թայֆա-բարեկամականից կփոխվի պրոֆեսիոնալներով: Երբ կհիմնվի հեռուստապրոդյուսերների ինստիտուտը: Երբ հեռուստալրագրողների աշխատավարձը բարձրանա: Այդ ժամանակ պահանջեք որակյալ հեռուստալրագրությունը: Ու մինչեւ քննադատեք էդ ժուռնալիստներին, մի քիչ գոնե այդ ոլորտում աշխատեք:

Կառուցողական քննադատությունը չի խանգարի։;) Եթե մարդիկ ինչ–ոչ բանից դժգոհ են, պետք է արտահայտվեն, բողոքեն ու քննադատեն։ Պահանջարկն էլ է առաջարկ ծնում։


Եվ հետո: Այս հասարակությունը երբեք որևէ լրագրողի չի պաշտպանել: Երբեք: Ամեկ պլյուսի վերաբացման համար հանրահավաքներին մի քանի հոգի հավաքվեց ու վերջ: Ոչինչ չեղավ: Հազար անգամ լրագրող են ծեծել: Ով է նրանց տեր կանգնել: Հազար հատ հաղորդում փակվեց: Որ հաղորդման համար է հեռուստադիտողը գնացել ստուդիա, ռմբահարել զանգերով...Ոչ մեկի:
Շատ ճիշտ ես ասում։:( Դա էլայն բաներից մեկն է, որ պետք է հասարակությունը ըմբռնի և քայլեր ձեռնարկի։

Պանդուխտ
24.02.2007, 12:46
հավես
Ինչու՞ չէք գործածում հայերէն «եռանդ», «աւիւն» բառերը:

ամեն տեսակ սխալներն էլ շատ կարևոր են: Գիտնական չեն ծնվում, գիտնական դառնում են:
Ի՞նչ կը նշանակէ՝ «սխալներն էլ շատ կարեւոր են»: Ամէն մարդ իրաւունք ունի ուղղելու եթերում արտասանւող խօսքը, որպէսզի լեզուից անտեղեակ երեխան սկիզբից ճիշտը սովորի: Հայերէնում գոյ է «դ» եւ «ձ» հնչոյթները անջատօրէն: Մեր լեզուի մէջ նորամոյծ սա բառը կարելի չէ երկու ձեւ ունենայ: Կամ «ակաձեմիա» է, կամ՝ «ակադեմիա» երկուքը միաժամանակ ճիշտ չի կարող լինել: Իսկ «Դիաննա» անունը, կարո՞ղ ենք «Ձիաննա» արտասանել.. չենք կարող: Ինչ կը վերաբերի «ց»
Տառը «ս» հնչելուն, կարծում եմ սա պարսկահայերի յատուկ երեւոյթ է, գուցէ պարսկերէնի ազդեցութեամբ: Վերադառնալով «ակաձեմիա» բառին, ասեմ որ թերեւս սա էլ ռուսերէնի ազդեցութեամբ այսպէս արտասանւում է:
Arthur օտար անուն է: Th=Թ, T= Տ
Ինչու՞ չ'ձգտիլ լաւին ճիշտին: Հաղորդավարները պատասխանատու են իրենց գործի հանդէպ:
Մենեջմենթը management= տնօրինում, կառավարում
Պրոֆեսիոնալներով = մասնագէտներով
հեռուստապրոդյուսերների ինստիտուտը = արտադրիչների վարժարան կամ դպրոց կամ ուսումնարան:
ժուռնալիստներին = լրագրողներին, թղթակիցներին, լրաբերներին, սուրհանդակներին...
սոցիալական = ընկերային
ակցիա = ?????
ամենապոպուլյարն = ամէնաժողովրդական, ամէնաժողովրդային

Artgeo
05.03.2007, 15:44
«Բառի մեջ հատուկ կետադրական սխալ ենք թույլ տվել: չորրորդ տառը նույն առաջին տառն է:»

հ2, հենց նոր

Հ.Գ. Խոսքը «կարկին» բառի մասին էր, որը գրված էր «կարգին»:

P.S.
05.03.2007, 21:39
Լրագրողների մասին ֆորումը վերածել եք բանասիրաական վեճի: Ոչ ոք չի խոսում այն մասին, որ եթերում և թերթերում նույն դեմքերն են, որ չկան նոր հետաքրքիր պատմություններ, հետաքննություն, պարզապես լրագրողական հետազոտություն: Ոչ ոք չի խոսում, որ վերջին անգամ ՀԺ-ի Նիկոլն էր տպել Վանոյի հետ հարցազրույցը: Դրանից հետո այս երկրում որևէ բացառիկ հարցազրույցում օդում եւ թղթի վրա չի հայտնվել ու ոչ մեկն էլ անգամ չի փորձել նախաձեռնել...
Հիմա ակադեմիա է, թե ակաձեմիա, ինձ համար զրոյական նշանակություն ունի, եթե միտք չկա: Լեզուն մտածողության ու ինքնության արդյունք է: Ու եթե շատ են սխալները, նշանակում է կորած է ինքնությունը: Ռուսերեն շեշտադրումը խորհրդային գաղութատիրության մտածողության արդյունք է: Ինչպես կաշառակերությունը, ներկա ուղղագրությունը, դեդովշչինան բանակում, գողերը՝ բանտում, լավ տղու հավաքական և տխմար աղավաղված կերպարը՝ փողոցում, թուրքական հայհոյանքներն ու ռուսերեն մտածողությունը...այս ամենը փոքր ազգերի նկատմամբ կիրառված և նրանց կործանելու քաղաքականություն է, որն ի դեպ, շատ հաջողությամբ շարունակվում է Հայաստանում: