Նստացույց

[Kuk]

Համաժողովրդական շարժման ներկայացուցիչ Լեւոն Զուրաբյանը հայտարարեց, որ այսօրվանից շարժումը 28-օրյա շուրջօրյա նստացույց է սկսում, իսկ օգոստոսի 1-ին կկայանա հաջորդ հանրահավաքը: Զուրաբյանը կարծում է, որ այդ նստացույցը վճռական դեր կունենա պայքարի ընթացքում:

Նա վստահ է, որ իրենց այդ նստացույցից հետո` անազատության մեջ գտնվող իրենց համախոհները ազատ կարձակվեն: Ըստ նրա, ամռանը շարժումն իր պայքարը չի դադարեցնելու, եւ
«առնվազն տգիտություն է պայքարը եղանակի հետ կապելը»:

[Ambrosine]

Զուրաբյանը նշեց, որ աշխարհում ընդունված է, որ յուրաքանչյուր նախագահի գործունեությանը գնահատական է տրվում100 օր անց, եւ 10 օրից կլրանա այդ աթոռը զբաղեցնող Սերժ Սարգսյանի 100 օրը, եւ իրենք իրենց գնահատակաը կհայտնեն:

:hands շուտվանից պետք է սկսեին կոշտ պայքարը:hands

[Mephistopheles]

:hands շուտվանից պետք է սկսեին կոշտ պայքարը:hands

Astgh ջան սա կոշտ պայքար չի, այլ օրինական է…աստված տա բանը կոշտին չհասնի

[Ambrosine]

Astgh ջան սա կոշտ պայքար չի, այլ օրինական է…աստված տա բանը կոշտին չհասնի
դե գուցե էդքան էլ կոշտ չի:think
ես սկզբից էի ասում, որ պետք ա դիմել կտրուկ քայլերի. չպիտի թողնեինք, որ ինքը 100 օր ձգեր. պատկերացնում եք, Նապոլեոնն էլ ա վերջում 100 օր իշխել, Սերժն էլ?:D

[Տրիբուն]

Նստացույցը բողոքի ամենաէֆեկտիվ մեթոդներից մեկն է:
Մնում է, որ տականքները սադրանքներ չանեն:
Իսկ ցրելը բացառում եմ: Խելքները հացի հետ չեն կերել: Չնայած էս մարդակերներին ով գիտին, էն ժամանակ էլ էինք մտածում, որ բացառվում է ժողովրդի վրա կրակելը:

[Մտահոգ]

ԵՐԹԸ ԱՎԱՐՏՎԵՑ ՆՍՏԱՑՈՒՅՑՈՎ
[00:20] 05 Հուլիսի, 2008

Այսօր համաժողովրդական շարժման հանրահավաքն ավարտվեց երթով, որի ավարտը նախատեսված էր Հյուսիսային պողոտայում, որտեղ եւ 28 օրյա նստացույց են պատրաստվում անել Շարժման մասնակիցները: Բազմահազարանոց հանրահավաքի մասնակիցները Մաշտոցի պողոտա- Գրիգոր Լուսավորիչ- Հանրապետության հրապարակ-Հյուսասային պողոտա երթուղով` §Լեւոն-նախագահ¦ §Սերժիկ հեռացիր¦ վանկարկումներով, երթ իրականացրին: Երթին միանում էին նաեւ պատահական անցորդներ, որոց ոգեւորում էր երթի հզորությունը: Լուսավորիչ փողոցի §Ձկան խանութ¦- Մյասնիկյանի արձան հատվածում երթի մի քանի տասնյակ հազար մասնակիցներն անցան քար լռությամբ` բռունցքները պարզած` ի հիշատակ մարտի 1-ին զոհերի: Ու մինչ երթի մասնակիցները կհասնեին Հյուսիսային պողոտա, ոստիկանները մեկ հրահանգով մի քանի շարք կազմեցին եւ փակեցին Հյուսիսային պողոտայի մուտքը` Թումանյան փողոցի կողմից: Եվ թեեւ Հյուսիսային պողոտայում այս պահին ոստիկան չկա, §Ազատության¦ հրապարակը շարունակում է շրջափակված մնալ ոստիկանական ուժերով: Իսկ հրապարակի մեջտեղում կանգնած էր ջրցան մեքենան: Համաժողովրդական շարժման մասնակիցները մինչեւ կեսգիշեր մնացին պողոտայում, նրանցից ոմանք, ովքեր նստացույցի մասնակից են, մնացին պողոտայում գիշերելու:

Ա1+

[Mephistopheles]

դե գուցե էդքան էլ կոշտ չի:think
ես սկզբից էի ասում, որ պետք ա դիմել կտրուկ քայլերի. չպիտի թողնեինք, որ ինքը 100 օր ձգեր. պատկերացնում եք, Նապոլեոնն էլ ա վերջում 100 օր իշխել, Սերժն էլ?:D

Գիտեմ ինչ ես ասում Աստղ ջան, ուրախ եմ որ նստացույցը համարվում է կոշտ միջոց, ես էլ եմ դա այդպես համարում…

[Աբելյան]

եթե հացադուլը չի օգնում, նստացույցը կօգնի՞ :oy

[Ahik]

եթե հացադուլը չի օգնում, նստացույցը կօգնի՞ :oy

Ընդհանրապես նստացույցն բողոքի ավելի մեղմ ձևա համարվում քան հացադուլը

[Ambrosine]

ԵՐԹՆ ԱՎԱՐՏՎԵՑ, ՍԿՍՎԵՑ ՆՍՏԱՑՈՒՅՑԸ
Ժամը 23.00-ի մոտակայքում ավարտվեց Մաշտոցի պողոտա-քաղաքապետարան-Հանրապետության հրապարակ-Նալբանդյան եւ Թումանյան փողոցներով երթը: Երթը բավական բազմամարդ է, առաջին շարքերը Հյուսիսային պողոտա հասնելուց հետո վերջին շարքերը տեղ են հասել 20-25 րոպե անց: Համաժողովրդական շարժման ներկայացուցիչ Լեւոն Զուրաբյանը շնորհակալություն է հայտնել երթի մասնակիցներին եւ ոստիկաններին. «Այժմ մենք տոնում ենք մեծ հաղթանակ, որը միայն մեր հաղթանակը չէ, այլ ամբողջ հասարակության, ոստիկանության, եթե կուզեն` նաեւ իշխանության«, որովհետեւ, ըստ Լեւոն Զուրաբյանի, եւ ընդդիմությունը, եւ իշխանությունը ապացուցեցին, որ պատրաստ են քաղաքակիրթ պայքարի, եւ սա ամբողջ պետության հաղթանակն է: «Մենք կշարունակենք նույն ոգով եւ իշխանություններին առաջարկում ենք նույնպիսի քաղաքակիրթ պայքար»: Այնուհետեւ Լեւոն Զուրաբյանը խնդրել է բոլոր նրանց, ովքեր չեն մասնակցելու նստացույցին, առանց միջադեպերի, հանգիստ գնալ տուն:
լրագիր (http://lragir.am/src/index.php#top)
23:29:46 - 04/07/2008

[Ձայնալար]

Մոդերատորական: Ծաղրական և թեմայից դուրս գրառումները ջնջվել են:

[murmushka]

ԱՌԵՎԱՆԳԵԼ ԵՆ ՆՍՏԱՑՈՒՅՑԻ ՄԱՍՆԱԿՑԻ

[16:09] 07 Հուլիսի, 2008

Համաժողովրդական շարժման կենտրոնը տարածել է հետեւյալ հաղորդագրությունը.

՚Այսօր, ժամը 15:15-ի սահմաններում Աբովյան-Թումանյան խաչմերուկից 11…887 արծաթագույն ՚Մերսեդեսՙ մակնիշի մեքենայով առեւանգվել է Հյուսիսային պողոտայում ընթացող շուրջօրյա նստացույցի մասնակից ` Համաժողովրդական Շարժման ակտիվիստ Արսեն Ներսիսյանը: Առեւանգիչները փորձել են գողանալ նստացույցի եւս 2 մասնակցի, ինչը նրանց չի հաջողվել:

Սա դիտարկելով որպես բանդիտիզմի հերթական դրսեւորում, խստորեն պահանջում ենք ոստիկանությունից` անհապաղ հայտնաբերել եւ պատասխանատվության կանչել առեւանգիչներինՙ:

Ավելացվել է 9 րոպե անց
ՍԿԶԲՈՒՄ ԱՌԵՎԱՆԳՈՒՄ ԵՆ, ՀԵՏՈ ՊԱՐԶՈՒՄ

[18:35] 07 Հուլիսի, 2008

Աբովյան-Թումանյան խաչմերուկից այսօր ժամը 15:15-ի սահմաններում առեւանգել են Հրազդանի Վանատուր գյուղի բնակիչ Արսեն Ներսիսյանին:

Նա վանատուրցիների հետ միասին եկել էր Սասուն Միքայելյանի դատավարությանը մասնակցելու համար եւ դատական նիստից հետո մյուսների հետ միասին երթով գնացել է Հյուսիսային պողոտա: Հենց այնտեղից էլ քաղաքացիական հագուստով մոտ 10 անհայտ անձինք առանց բացատրության հարձակվել են Արսեն Ներսիսյանի եւ եւս 2 վանատուրցիների վրա եւ փորձել մտցնել 11...887 արծաթագույն ՚Մերսեդեսՙ մակնիշի մեքենան:

՚Մինչեւ մեզ վրա հարձակվելը ինձ մոտեցավ Հյուսիսային պողոտայից մի տղա եւ ասաց` ՚Հորեղբայր, ոստիկանները ուզում են քեզ եւ Արսենին տանեն: Այդ պահին Հյուսիսային պողոտայում մոտ 30 ոստիկան կար, եւ 30-ն էլ մեզ հետ երթով եկել էին Կենտրոնի դատարանից: Այդպես էլ եղավ: Մենք մեր գյուղի մոտ 10 բնակիչների ՚Գազելովՙ ճանապարհեցինք Վանատուր եւ Արսենի հետ մնացինք կանգնած Աբովյան- Թումանյան խաչմերուկում եւ հենց այդ պահին էլ մեր կողքին կանգնեց 2 մեքենա` սեւ ՚Ջիպՙ եւ արծաթագույն ՚Մերսեդեսՙ: Մենք փախանք, իսկ Արսենը չհասցրեց, ձեռքերը ոլորեցին եւ մտցրեցին մեքենա: Այդպես էլ չիմացանք, թե ովքեր էին եւ ինչի համար տարանՙ,- ՚Ա1+ՙ-ին պատմեց Արսեն Ներսիսյանի ընկերներից Ժորա Ստեփանյանը: Դեպքից անմիջապես հետո առեւանգված Արսեն Ներսիսյանի ընկերները մոտեցել են Հյուսիսային պողոտայի ոստիկաններին եւ օգնություն խնդրել:

՚Ոստիկանները մեզ ասացին, որ դա իրենց գործը չէ եւ այդ հարցերով նրանք չեն զբաղվում: Ինչ ասենք, ոստիկանների աչքի առաջ մարդ են գողանում, նրանք ել հանգիստ նայում են ու ասում, որ իրենց գործը չէՙ,-ասաց նա:

Դեպքից 15 րոպե հետո Արսեն Ներսիսյանին հաջողվել է զանգահարել վանատուրցի իր ընկերներից մեկին եւ տեղեկացնել, որ իրեն առեւանգած քաղաքացիական հագուստով անհայտ անձինք իրեն տարել են Ոստիկանության կենտրոնի բաժին: Կենտրոն բաժնից ՚Ա1+ՙ-ին տեղեկացրեցին, որ Արսեն Ներսիսյանն իսկապես իրենց մոտ է: Նրանք թույլ տվեցին Ոստիկանության Կենտրոնի բաժնի պետ Արթուր Մեհրաբյանի մոտ բարձրանալ միայն ՚Ժառանգությանՙ պատգամավոր Զարուհի Փոստանջյանին:

՚Մեհրաբյանն ասաց, որ Արսեն Ներսիսյանին բերման են ենթարկել իրենց բաժին, սակայն թույլ չտվեց հանդիպել նրա հետ` ասելով, որ ես նրան կսովորեցնեմ չպատասխանել ոստիկանների հարցերին եւ կխոչընդոտեմ նրանց աշխատանքը: Մեհրաբյանը մոռանում է, որ եթե մարդուն բերման են ենթարկել եւ կասկածում են ինչ-որ հանցանքի մեջ, ապա նա փաստաբան ունենալու իրավունք ունիՙ,- ՚Ա1+ՙ-ին ասաց տիկին Փոստանջյանը: Արթուր Մեհրաբյանը տիկին Փոստանջյանին նաեւ հայտնել է, որ Ներսիսյանին մեղադրում են դիտավորյալ գույքի ոչնչացման մեջ, իսկ գույքը` ոստիկանության մեքենա է: Ընդամենը մի քանի րոպե հետո Ոստիկանության Կենտրոնի բաժնից դուրս եկավ նաեւ անձամբ Արթուր Մեհրաբյանը:

Նա ՚Ա1+ՙ-ին ասաց, որ խորհրդակցության է շտապում եւ խոսելու ժամանակ չունի, եւ մինչեւ իր ծառայողական մեքնան հասնելը փորձեց պատասխանել մեր այն հարցին, թե ինչու են առեւանգել Արսեն Ներսիսյանին. ՚Մենք չենք առեւանգել, մենք բերման ենք ենթարկել, որովհետեւ նա այսօր հարվածել է ոստիկանության մեքենայինՙ: Իսկ բերման ենթարկելու որոշում ունե՞ք. ՚Ա1+ՙ-ի մեկ այլ հարցին` Մեհրաբյանը պատասխանեց.՚Ի՞նչ որոշում, մենք փաստեր ունենք, որ նա է հարվածել մեքենային: Եթե պարզվի, որ անմեղ է, բաց կթողնենքՙ:

Զարուհի Փոստանջյանը նշեց, որ ոստիկանության այս գործելաոճի մեջ հանցակազմ կա, քանի որ ոստիկանները չարաշահում են իրենց պաշտոնական դիրքն ու լիազորությունները: Ինչ վերաբերում է Արսեն Ներսիսյանի` ոստիկանության մեքենային հարվածելուն, ապա վանատուրցիները ՚Ա1+ՙ-ին պատմեցին, որ Սասուն Միքայելյանի դատավարությունից հետո, վանատուրցի կանանցից մեկը զայրացած ոտքով հարվածել է Կենտրոնի դատարանի մոտ կանգնած ոստիկանության ՚Գազելՙ մակնիշի մեքենայի անիվին, իսկ Արսեն Ներսիսյանն այդ մեքենայի մոտով անգամ չի անցել:

[Yellow Raven]

Տենաս սրանց հաջորդ քայլը ինչա լինելու?

[Ձայնալար]

Մոդերատորական: Թեմայից դուրս, անձնական բնույթի և կոնֆլիկտի հանգեցնող 7 գրառումներ ջնջվել են:

[murmushka]

ՀԱՅՏՆՎԵՑ ՀԱՐԲԱԾ ԵՒ ԱՏՐՃԱՆԱԿԸ ՁԵՌՔԻՆ

[23:37] 10 Հուլիսի, 2008

Այսօր ժամը 22.10-ի սահմաններում ոչ սթափ վիճակում, ատրճանակը ձեռքին Հյուսիսային պողոտայում հայտնվեց գրող, հրապարակախոս Վահրամ Սահակյանը:

՚էստեղ ո՞վ ա լեւոնականը: Դե ձեն հանեքՙ,- ատրճանակն ուղղելով նստացույցի մասնակիցների վրա, Վահրամ Սահակյանը մի կերպ ճոճվելով առաջ շարժվեց` սեռական բնույթի հայհոյանքներ ուղղելով նստացույցի մասնակիցներին :

Թեեւ Հյուսիսային պողոտան մարդաշտ էր, սակայն Սահակյանի հայտնվելը բոլորի համար անակնկալ էր: Նրանք, ովքեր նկատեցին Սահակյանի ձեռքի ատրճանակը, չփորձեցին մոտենալ` վախենալով, որ նա կարող է կրակել:

Նա մոտեցավ Հյուսիսային պողոտայի աստիճանների վրա նստած կանանց, զենքը պահեց նրանց վրա եւ ասաց.՚Բա էստեղ մի հատ տղա չկա՞, ու՞ր են փախելՙ: Այդ պահին Սահակյանի հետեւից նստացույցի մասնակիցներից Արամ անունով մեկին հաջողվեց ոլորել Սահակյանի ձեռքը եւ վերցնել նրա ձեռքի ատրճանակը: Այդ ընթաքում Սահակյանին մոտեցավ նաեւ ՚Ժառանգությունՙ կուսակցության անդամ , պատգամավոր Արմեն Մարտիրոսյանը, վերցրեց զենքը, հանձնեց Հյուսիսային պողոտայում գտնվող ոստիկաններին: Ավելի ուշ պարզվեց, որ Վահրամ Սահակյանն եւ Արմեն Մարտիրոսյանը Ոստիկանության Կենտրոնի բաժնում են:

՚Ես եկել եմ որպես վկա: Վահրամ Սահակյանը ոստիկանների մոտ է, իսկ ես ոստիկանության պետիՙ,- հեռոխոսով ՚Ա1+ՙ-ին տեղեկացրեց Արմեն Մարտիրոսյանը: Նա մեզ նաեւ տեղեկացրեց, որ Վահրամ Սահակյանը հարբած էր եւ նրա ձեռքի ատրճանակը գազային էր:

Մեր խնդրանքով, նա Կենտրոնի ոստիկանապետ Արթուր Մեհրաբյանից ճշտեց` Ոստիկանությունը պատրաստվու՞մ է քրեական գործ հարուցել տեղի ունեցածի կապակցությամբ, թե՞ ոչ: Պարզվեց, որ ոտիկանությունը պատրաստվում է գործ հարուցել միայն այն դեպքում, եթե Հյուսիսային պողոտայի նստացույցի մասնակիցները ներկայանան ոստիկանություն, համապատասխան վկայություն տան եւ տուժող ճանաչվեն:

[murmushka]

ՎԱՀՐԱՄ ՍԱՀԱԿՅԱՆԸ ԶԵՆՔՈՎ ԽԱՆՈՒ՞Թ ԷՐ ԳՆՈՒՄ

[17:11] 11 Հուլիսի, 2008

Ոստիկանությունն այսօր հաղորդագրություն է տարածել, որ հուլիսի 10-ին, ժամը 23.00-ին ապօրինի զենք կրելու եւ պահելու կասկածանքով ոստիկանության Կենտրոնականի բաժին բերման է ենթարկվել 1964 թ. ծնված Վահրամ Սահակյանը: Ինչպես երեկ տեղեկացրել էինք` հրապարակախոս Վահրամ Սահակյանը ժամը 22.10-ի սահմաններում ճոճվելով, գազային ատրճանակով հայտնվել էր Հյուսիսային պողոտայում եւ հայհոյելով, ինչպես ինքն էր ասում, ՚՚Լեւոնականՙ էր փնտրում ՚գյուլելուՙ համարՙ:

Երկվա միջադեպի վերաբերյալ Ոստիկանության կենտրոնի բաժինը տեղեկացնում է. ՚Նյութերի նախապատրաստման ընթացքում պարզվել է, որ Վ. Սահակյանը գնումներ կատարելուց հետո, տուն գնալիս, ձեռքում պահել է գ-3478 լիցենզիայով 12.01.2006 թ. իրեն տրված ՚Վոլտրանՙ տեսակի գազային ատրճանակը: Երբ նշված զենքը ձեռքին հասել է Հյուսիսային պողոտա, նրան է մոտեցել ԱԺ պատգամավոր Արմեն Մարտիրոսյանը եւ Վ. Սահակյանին, զենքով հանդերձ, հանձնել է ոստիկանության աշխատակիցներին, որոնք էլ նրան բերման են ենթարկել ոստիկանության բաժինՙ:

Ոստիկանությունը նաեւ հայտնում է, որ ԱԺ պատգամավոր Արմեն Մարտիրոսյանը բացատրություն է տվել, թե Սահակյանը պարզապես քայլել է` զենքը ձեռքին բռնած, որեւէ մեկին չի սպառնացել, որեւէ գործողություն չի կատարել:

՚Նույնաբովանդակ բացատրություն է տվել նաեւ Վահրամ Սահակյանը` նշելով, որ ատրճանակը ձեռքին է պահել` հագուստը ուղղելու եւ զենքը հագուստի վրա ամրացնելը հարմար չլինելու պատճառով: Համաձայն Երեւանի ՚Շտապօգնությունՙ ՊՓԲԸ կողմից կազմված արձանագրության` Վահրամ Սահակյանը գտնվել է 3-րդ աստիճանի խմածության վիճակումՙ,- նշված է Ոստիկանության հաղորդագրության մեջ:

Հաղորդագրությունից ակնհայտ է, որ որեւէ մեկը չի զրուցել Հյուսիսային պողոտայում այդ պահին ներկա գտնվողների եւ նրանց հետ, ում վրա զենք է բարձրացրել Վահրամ Սահակյանը: ՚Վահրամ Սահակյանը հայտնվեց ճոճվելով, ձեռքին ատրճանակ: Հայհոյելով ասում էր. էստեղ ուր են լեւանականները, քանիսին պիտի միանգամից գյուլեմՙ: Հետո մեր տղաներից հաջողվեց նրա ձեռքից վերցնել ատրճանակը եւ տալ ՚Ժառանգությունՙ կուսակցության պատգամավոր Արմեն Մարտիրոսյանին, որն էլ զենքը հանձնեց ոստիկաններինՙ,- ՚Ա1+ՙ-ին պատմեց ականատեսներից Ալլա Սարդարյանը: Մեկ այլ ականատես` Արմեն Հովհաննիսյանը ՚Ա1+ՙ-ին հայտնեց, որ Վահրամ Սահակյանը քայլել է իր կողքով եւ հայհոյելով ասել.՚Պիտի գյուլեմ, փռեմ լեւանակններինՙ:

՚ Կնոջս հետ էի, նրան թողեցի եւ մոտեցա Վահրամին: Այդ ընթացքում մեր տղաներից Արմանը նրա ձեռքից կարողացավ վերցնել զենքը եւ տալ պատգամավոր Արմեն Մարտիրոսյանինՙ,-ասաց նա:

Վահրամ Սահակյանի ձեռքից գազային ատրճանակը վերցրել է Արման Վեզիրյանը, որն ասաց. ՚Ես թույլ տվեցի, որ Վահրամն անցներ իմ կողքով , որպեսզի հետեւից կարողանայի ոլորել նրա ձեռքն ու վերցնել ատրճանակը: Ատրճանակը տվեցի Արմեն Մարտիրոսյանին: Այդ ընթացքում նա հայհոյում էր եւ սպառնում սպանել բոլոր լեւոնականներինՙ:

Հյուսիսային պողոտայում ներկա գտնվողներից Մկրտիչ Սարգսյանը, տեսնելով Վահրամ Սհակյանին, կարծել է. ՚Ինձ թվաց հիվանդ տղա է, ձեռքին խաղալիք ատրճանակ է, բայց կանայք շատ վախեցան, քանի որ քայլեց կանանց ուղղությամբ եւ նրանց հարցնում էր` ո՞ւմ գյուլեմՙ: Կանանցից մեկին` Լաուրա Տերտերյանին նույնիսկ հանգստացնող դեղեր են տվել: ՚Հանգիստ նստած էինք, զենքը ձեռքին եկավ, թե ձեզանից ո՞վ է լեւոնականը, պիտի փռեմ: Հետո իմացանք, որ Արամայիս Սահակյանի տղան է: Ի՞նչ կապ ունի, թե ում տղան է: ժողովրդի վրա զենք է բարձրացրել` պիտի պատասխան տա: Ոչ ոք չէր կարող վստահ լինել, որ նա չի կրակի, եթե կրակեր, ո՞վ էր պատասխան տալուՙ,- ասաց տիկին Տերտերյանը:

Իսկ ՚Ժառանգությունՙ կուսակցության անդամ Արմեն Մարտիրոսյանը,որն, ըստ Ոստիկանության հաղորդագրության,ասել է, թե Սահակյանը պարզապես քայլել է` զենքը ձեռքին բռնած, որեւէ մեկին չի սպառնացել, այսօր ՚Ա1+ՙ-ին պարզաբանեց. ՚Ես ասել եմ, որ այն պահին, երբ ես մոտեցել եմ Սահակյանին, արդեն զենքը ձեռքից վերցրած են եղել: Իսկ մինչ այդ ինչ է ասել Սահակյանը, ում է սպառնացել, ում է հայհոյել, ես չեմ նկատել, քանի որ հեռու եմ կանգնած եղելՙ:

[Kuk]

Վահրամ Սահակյանի ձեռքից գազային ատրճանակը վերցրել է Արման Վեզիրյանը, որն ասաց. ՚Ես թույլ տվեցի, որ Վահրամն անցներ իմ կողքով , որպեսզի հետեւից կարողանայի ոլորել նրա ձեռքն ու վերցնել ատրճանակը: Ատրճանակը տվեցի Արմեն Մարտիրոսյանին: Այդ ընթացքում նա հայհոյում էր եւ սպառնում սպանել բոլոր լեւոնականներինՙ:


Զենքը վերցնելը քիչ էր, ոստիկաններին հանձնելն էլ՝ սխալ. պետք էր վերցնել և տեղադրել «համապատասխան տեղը»՝ առավել ևս, որ ձեռքերն ոլորած է եղել, ինքն էլ՝ հագուստն ուղղելուց:

[Sunny Stream]

Ժողովուրդ լավ, բայց էս ի՞նչ ագրեսիվ են դարձել մարդիկ :(
Երեկ երեկոյան ժամերին անցա, ամեն բան շատ լավ էր, նույնիսկ ուրախացա, թե` Ազատության հրապարակի մթնոլորտն է վերականգնվում...
էսօր հեռվից ես ու ընկերուհիս երաժշտության ձայներ լսեցինք, անմիջապես մոտեցանք (առանց դրա էլ` մոտենալու էին, բայց ավելի ուշ), մեկ էլ ի՞նչ տեսնենք` Բամբիռի խեղճ տղաները աթոռներում կուչ են եկել, էս ժողովուրդը հավաքվել է նրանց «հարթակի» մոտ ու հո չի~ աղաղակում... էլի ոստիկանախառը տխուր վիճակ... մի մարդ շատ ճիշտ խոսեց` հենց նստացույցի մասնակիցներից. ասաց` ամեն օր ձեզ հետ երգում եմ, հիմա էս մարդիկ են եկել երգեն, մենք ո՞նց կարող ենք բռնանալ նրանց իրավունքին... իսկ մարդիկ` Լևոն, Լևոն... դե շատ է արդեն... հետո իմացա, որ «համերգը» կազմակերպել էր ՄԻԱԿ կուսակցության Միասին շարժումը. էդ տխրեցրեց, Նարեկենցից չէի սպասում, բայց ամեն դեպքում վստահ եմ, որ իրենք որպես հաշտարար էին եկել, ուզեցել էին երաժշտության միջոցով էդ մարդկանց հետ զրուցել, հաստատ Բամբիռը չէր սկսելու ՍՍ-ի քարոզ անել... ժողովուրդն էլ մի պահ լրիվ անկառավարելի էր դարել :sad
մի խոսքով, շատ սխալ բան ստացվեց, տղաները գործիքները հավաքեցին, գնացին... նստացույցի մասնակիցներից մեկն ասում է` ախր իրենք գիտեն, որ էս ժամին մենք ենք էստեղ հավաքվում, զրուցում, իսկ իրենք եկել են դմփդմփացնում են գլխներիս... է~, որ էդ տեսանկյունից նայենք, ամեն մեկն էլ իր արդարացումը կգտնի. ես ճիշտ չեմ համարում էս ագրեսիան ու էսպիսի ինքնամեկուսացումը... էն էլ Բամբիռից!

[murmushka]

Ժողովուրդ լավ, բայց էս ի՞նչ ագրեսիվ են դարձել մարդիկ :(
Երեկ երեկոյան ժամերին անցա, ամեն բան շատ լավ էր, նույնիսկ ուրախացա, թե` Ազատության հրապարակի մթնոլորտն է վերականգնվում...
էսօր հեռվից ես ու ընկերուհիս երաժշտության ձայներ լսեցինք, անմիջապես մոտեցանք (առանց դրա էլ` մոտենալու էին, բայց ավելի ուշ), մեկ էլ ի՞նչ տեսնենք` Բամբիռի խեղճ տղաները աթոռներում կուչ են եկել, էս ժողովուրդը հավաքվել է նրանց «հարթակի» մոտ ու հո չի~ աղաղակում... էլի ոստիկանախառը տխուր վիճակ... մի մարդ շատ ճիշտ խոսեց` հենց նստացույցի մասնակիցներից. ասաց` ամեն օր ձեզ հետ երգում եմ, հիմա էս մարդիկ են եկել երգեն, մենք ո՞նց կարող ենք բռնանալ նրանց իրավունքին... իսկ մարդիկ` Լևոն, Լևոն... դե շատ է արդեն... հետո իմացա, որ «համերգը» կազմակերպել էր ՄԻԱԿ կուսակցության Միասին շարժումը. էդ տխրեցրեց, Նարեկենցից չէի սպասում, բայց ամեն դեպքում վստահ եմ, որ իրենք որպես հաշտարար էին եկել, ուզեցել էին երաժշտության միջոցով էդ մարդկանց հետ զրուցել, հաստատ Բամբիռը չէր սկսելու ՍՍ-ի քարոզ անել... ժողովուրդն էլ մի պահ լրիվ անկառավարելի էր դարել :sad
մի խոսքով, շատ սխալ բան ստացվեց, տղաները գործիքները հավաքեցին, գնացին... նստացույցի մասնակիցներից մեկն ասում է` ախր իրենք գիտեն, որ էս ժամին մենք ենք էստեղ հավաքվում, զրուցում, իսկ իրենք եկել են դմփդմփացնում են գլխներիս... է~, որ էդ տեսանկյունից նայենք, ամեն մեկն էլ իր արդարացումը կգտնի. ես ճիշտ չեմ համարում էս ագրեսիան ու էսպիսի ինքնամեկուսացումը... էն էլ Բամբիռից!

ԱՆՎՃԱՐ ԳԱՐԵՋՈ՞ՒՐ, ԹԵ՞ ՍԱԴՐԱՆՔ

[21:45] 11 Հուլիսի, 2008

՚Բամբիռՙ խմբի համերգը Հյուսիսային պողոտայում քիչ է մնացել ավարտվի ծեծկռտուքով: Այն կազմակերպել էր ՚Միասինՙ երիտասարդական շարժումը, որը իշխանական կողմնորոշում ունի: ՚Միասինՙ-ը բավականին շռայլ էր գտնվել եւ այսօր Հյուսիսային պողոտայում անվճար` ՚Բալթիկաՙ, ՚Բավարիաՙ եւ ՚ Հոլսթենՙ ֆիրմաների գարեջուր էր բաժանում: Այս փաստը բնավ դուր չեկավ նրանցից մի քիչ հեռու նստացույց անող Համաժողովրդական շարժման ներկայացուցիչներին, մանավանդ երբ գարեջուր սկսեցին խմել անչափահասները, որոնց իրենց հետ բերել էին համերգի կազմակերպիչները:

Նրանք սկսեցին ՚Լեւոն, Լեւոնՙ վանկարկել` ընդհատելով համերգը: Այդ ժամանակ միջամտեցին ոստիկանները` ասելով, թե ՚ոչ մի գարեջուր էլ չի բաժանվումՙ, եւ ՚ նրանք էլ իրավունք ունեն , ինչպես ուզում են իրենց հանգիստը կազմակերպելՙ: Համաժողովրդական շարժման ներկայացուցիչ Դավիթ Շահնազարյանը դրանից խիստ զայրացավ եւ ոստիկաններին ցույց տվեց գարեջրի շշերը, որոնք նրանք չգիտես ինչու չէին տեսնում: Լեւոն Զուրաբյանի եւ ՚Միասինՙ-ի համակարգող Էրիկ Անթառամյանի միջեւ բանակցություններից հետո համերգի կազմակերպիչները հավաքեցին երաժշտական գործիքները եւ հեռացան: Ըստ համաժողովրդական շարժման ներկայացուցիչների` սա սադրանք էր իշխանությունների կողմից:

Իսկ նստացույցի մասնակիցները Հյուսիսային պողոտայում այսօր ցուցահանդես են կազմակերպել բնական ծաղիկների, որոնցից յուրաքանչյուրին կնքել են մի քաղբանտարկյալի անունով:

[Chuk]

Սեդա, փաստորեն դու էլ էիր այնտեղ այդ ժամերին: Ափսոս չեմ տեսել :(
Իսկ որ Բամբիռը որոշել էր մասնակցել այդ ստոր խաղին, շատ տխրեցնող է: Տեսնես գիտեի՞ն, թե իրենց ինչի համար են բերել:

[Ambrosine]

Ժողովուրդ լավ, բայց էս ի՞նչ ագրեսիվ են դարձել մարդիկ :(
բայց ով ա մեղավոր ագրեսիայի համար?


ես ճիշտ չեմ համարում էս ագրեսիան ու էսպիսի ինքնամեկուսացումը... էն էլ Բամբիռից!
այսինքն Բամբիռը այնքան մեծ արժեք ունի, կարելի է ասել, որ հավերժի արժեք է, որ ժողովուրդը իրա պատճառով պիտի դադարեցնի պայքարը կամ չկանխի սադրանքի նրանց փորձը?

[Kuk]

այսինքն Բամբիռը այնքան մեծ արժեք ունի, կարելի է ասել, որ հավերժի արժեք է, որ ժողովուրդը իրա պատճառով պիտի դադարեցնի պայքարը կամ չկանխի սադրանքի նրանց փորձը?

Էդ ովքե՞ր են է էդ բամբիռները:unsure Առաջին անգամ եմ լսում:esim

[Sunny Stream]

այսինքն Բամբիռը այնքան մեծ արժեք ունի, կարելի է ասել, որ հավերժի արժեք է, որ ժողովուրդը իրա պատճառով պիտի դադարեցնի պայքարը կամ չկանխի սադրանքի նրանց փորձը?

Բայց ո՞վ է ասում` դադարեցնի պայքարը: Ուրեմն էդ տարածքում երաժշտական խմբին համերգ անկցանելու թույլ տալ-չտալը նշանակում է պայքարել կամ չպայքարե՞լ: Ես գրել եմ «Էն էլ Բամբիռին», որորվհետև եթե գոնե մեկ անգամ ներկա եղել եք իրանց ելույթներին, նկատած կլինեք, որ իրանք բացի երգելուց անընդհատ զրուցում են հանդիսատեսի հետ, քննադատում երկրում առկա թերությունները, թեև երգերից շատերն էլ են դրա մասին խոսում. ես իրենց միշտ իմացել եմ որպես ընդդիմադիր տղաներ, ովքեր չեն վախենում իրենց բողոքն արտահայտել: Գուցե իրենք Հիմա´ շարժման հետ չեն, բայց հաստատ իրենց բողոքն ունեն ու վստահ եմ, որ երեկ չէին պատրաստվում որևէ քարոզչություն կատարել...

Տեսնես գիտեի՞ն, թե իրենց ինչի համար են բերել:
երևի իսկապես լրիվ լրջությունը չէին պատկերացրել... (ի դեպ, ես մի քիչ շրջեցի` ակումբցիներին ու մյուս ծանոթներիս գտնելու ակնկալիքով, բայց... երևի լավ չփնտրեցի :oy)
այ, գարեջրի մասին չգիտեի, դա իսկապես սադրանք է... բայց խնդիրն էն ա, որ Հյուսիսային պողոտայի ժողովուրդը հաճախ արդեն չի տարբերում` ում հետ է իր կռիվը: Խոստովանեք, որ մի պահ Լևոն Զուրաբյանն էլ չէր կարողանում հավաքել ժողովրդին, քանի անգամ ու քանի հոգով հանգստության կոչեր արեցին բարձրախոսով, մինչև մարդիկ խաղաղվեցին, իսկ դա լավ բանի մասին չի խոսում...

ծաղիկների ցուցահանդեսը սիրուն գաղափար է :) թեև լավ կլիներ, որ կակտուսը ծաղկած լիներ (չեմ հիշում` որ քաղբանտարկյալի անունն էր կրում), թե չէ էսպես շատ փշոտ է, մնացածը գեղեցիկ էին...

[Chuk]

երևի իսկապես լրիվ լրջությունը չէին պատկերացրել... (ի դեպ, ես մի քիչ շրջեցի` ակումբցիներին ու մյուս ծանոթներիս գտնելու ակնկալիքով, բայց... երևի լավ չփնտրեցի :oy)
Մենք մինչ այդ միջադեպը դուրս եկանք: «Համերգը» սկսվելու պահին: Անգամ չէինք կարող պատկերացնել, որ այդպիսի բան է սպասվում: Հետո եկանք արդեն միջադեպի ավարտից բավական ուշ ու նոր իմացանք, թե ինչ է եղել:

Կարող եմ ասել, թե ինչ եմ նկատել, մինչ միջադեպը: Նկատել եմ Հյուսիսային պողոտայում քաղաքական զբոսանքի մասնակիցներ, ովքեր բավական դրական էին տրամադրված համերգ տվողների նկատմամբ, շատերն ուրախ էին: Ես նկատել եմ, որ նրանք պատրաստվում էին լսել համերգը: Բայց դա երևի մինչ այն պահը, երբ հասկացել են, թե իրականում ինչ է կատարվում: Երբ դուրս գալուս մենք լսում էինք «Լե՛վո՛ն, Լե՛վո՛ն» բացականչություններն, անգամ այդ ժամանակ ես կարծում էի, թե ողջունում են խմբին: Մինչդեռ փաստորեն արդեն սադրանքն էր բացահայտվել: Բամբիռը թող ինքը վերլուծի ու հասկանա միջադեպի պատճառը: Ես չեմ կարծում, որ եթե վաղը իրենց կամքով այդ տղերքը գան Հյուսիսային պողոտա ու շարժման մասնակիցներին ասեն. «Մենք ուզում ենք Ձեր համար համերգ տալ» ու դա կազմակերպված չլինի մի երրորդ ուժի կողմից՝ այլ նպատակներով, չեմ կարծում, որ այդ ժամանակ ժողովուրդը նրանց մերժի...