PDA

Դիտել ողջ տարբերակը : Մուտքը Հայրենիք՝ շաատ թանկ արժե..



Գաղթական
13.06.2008, 14:19
Արդեն երկար տարիներ է, ինչ, բազմաբնույթ պատճառներով, Հայաստան ներս մտնող Հայազգիներից կորզվում են բավականին լուրջ գումարներ… հենց օդանավակայանում..
սա արվում է հիմնականում այն Հայազգիների նկատմամբ, ովքեր ակնհայտորեն ունեն/ունեցել են Հայաստանյան արմատներ (այսինքն՝ Արևմտահայեր չեն)..
ասենք՝ մարդը իջնում է ինքնաթիռից, իրեն կանչում են հատուկ սենյակ և հատուկ այրեր, իրենց մոտ պահելով նրանց փաստաթղթերը, առաջարկում են բերել, օրինակ՝ 5000 ԱՄՆ դոլար՝ որպեսզի առանց լուրջ խոչընդոտների կարողանան նորից հանգիստ վերադառնալ այնտեղ, որտեղից եկել են..
լինում են ավելի անտրամաբանական երևույթներ.. այն է՝ փորձել նվաստացնել մարդուն..
ասենք՝ մարդը Դանիայի քաղաքացի է.. նրա Դանիական անձնագիրը ստուգող Հայ սահմանապահը կարող է ուղղակի բացականչել "իյաաա.. հոպա՞ր, էս ասում ես Դանիայում ես ապրում հա՞.. դե հլա մի հատ ասա տենամ Դանիայի մայրաքաղաքը որնա էլի..".. և սա շրջապատողների կողմից կարող է ընդունվել որպես դեպքերի բնականոն ընթացք..

բազմաթիվ են մեր Հայրենակիցները, ովքեր, Հայաստանում երկար բացակայությունից հետո, վերադառնալով Հայրենիք՝ ինչ-ինչ պատճառներով բոլորովին կորցնում են այնտեղ հետագա այցելությունների ցանկությունը..
սա անտեսելով՝ կարծես արհեստականորեն ստեղծվեն նման ցանկություն արտահայտողների թվի գերաճ.. և ստեղծվեն հենց Հայաստանյան պաշտոնյա այրերի (օրինակ՝ սենյակ կանչող և գումար պահանջող) ձեռքերով..

տրամաբանական է՝ մարդը, երկար տարիներ քրտնաջան աշխատելով օտար երկրում, որտեղի քաղաքացին է հանդիսանում, գումար է հավաքել և որոշել վերջապես Հայրենիք այցելել.. գումարը նախատեսված է սեփական հանգիստն ապահովելու ու կարիքավոր բարեկամներին բաժանելու նպատակով.. բայց արի ու տես, որ երբեմն ստացվում է բոլորովին հակառակ պատկեր.. իրենից կարող են այնպիսի մեծ գումար պահանջել, որ բարեկամներին փողով օգնել ցանկացողը ինքն է սկսում նույն բարեկամներից օգնություն խնդրել, որ բարեհաջող "դուրս պրծնի" Հայաստանից.. ինչպիսի՞ տրամադրությամբ կայցելի Հայաստան նույն մարդը՝ հաջորդ անգամ..


Հարց.
Ինձ հետաքրքրում է սույն «արհավիրք»-ի մասին Հայաստանում ապրող Հայի՝ շարքային քաղաքացու, կարծիքը:

Հ.Գ. ասում եմ «արհավիրք», քանի որ Սփյուռքահայը՝ կորցնելով Հայրենիքի հետ կապը, կամ՝ դրա հանդեպ ունեցած զգացմունքները, ավելի հեշտ է հանձնվում համաշխարհային գլոբալիզացիա կոչվող գլխակերին.. իսկ նման հանձնվողներ, դժբախտաբար, Հայության մեջ, առանց նման արհեստականորեն ստեղծված պատճառների էլ, այսօր շատ ավելի շատ են, քան երբևէ եղել է..

քաղաքացի
13.06.2008, 15:00
Հարց.
Ինձ հետաքրքրում է սույն «արհավիրք»-ի մասին Հայաստանում ապրող Հայի՝ շարքային քաղաքացու, կարծիքը:

Չնայած դրան, որ ես իրավունք չունմ պատասխանել, այնուամենայնիվ մի երկու խոսք ասեմ:
Հայրենիք մուտքը այսպես թե այնպես լա՜վ թանկացրել են: Ափալ-թափալ օրենքներ ընդունելով ու ժողովրդին անտեղյակ պահելով, ճամփորդողները մեծ անակնկալների առջև են կանգնում սահմաններին:
Այսօր Հայաստան մտնելու համար տալիս են միայն մեկ տեսակի վիզա:
- Օդակայանում հնարավորություն են տալիս տեղում վիզա գնել՝ առնվազն 3 ամսվա վիզա, որն արժե 50 ԱՄՆ դոլար:
- Եթե պետք է բազմամուտք (multiple entry) վիզա գնել, այն արվում է հետևյալ կերպ:
Հայաստան գալուց տալիս ես 50 ԱՄՆ դոլար՝ ստանում 3 ամսվա կացության իրավունք, բայց եթե օրինակ գնաս Վրաստան և հետո ետ գաս նորից պետք է 50$ տաս: Այստեղ մտնում է այդ բազմամուտք վիզայի գաղափարը, որը օրենքով պետք է հեշտացնի ճամփորդների երկիր մտնելն ու դուրս գալը: Այդ վիզային տիրանալու համար պետք է նախևառաջ գնել 50$-ով 3 ամսվա վիզա, հետո Երևանում՝ օվիրում, այն դարձնել բազմամուտք, որն արժե 80 000 ՀՀ դրամ: Թալան:

Պարզ մաթեմատիկական հաշվարկով կարելի է տեսնել, որ շատ ավելի ձեռնտու է մի քանի անգամ այդ 50$-ները տալը:

Սա օրինական ճանապարհի մասին էր:

Իսկ ինչ վերաբերում է, սահմանում անձնագրի ստուգումներին ուղղակի ստորացուցիչ է հայ ազգի համար: Նախևառաջ դրանցից շատերը հայերեն անգամ խոսել չեն կարողանում, որովհետև ռուս են: Աշխատակազմը գործում է լրիվ սովետական ոճով (էս պասպորտը քո՞նն ա, քոնը չի, ինչի՞ ա 13-րդ էջի վերևի աջ անկյունը ծալված…): Այսպիսի խստություն չի կարելի անել, ամոթ է: Հայաստանը ԱՄՆ չէ, ոչ էլ եվրոպական որևէ պետություն:
Մի անգամ ինձ ասացին, թե իբր իմ անձնագիրը կեղծ է: Ես նրանց պատասխանեցի «Որ մի էշը կարար հայկական պասպորտ կեղծել, զուտ Հայաստան մտնելու համար»: Եվ ասենք թե կեղծած էր, մի՞թե Հայաստանը միգրացիայի՝ ներգախտի կարիք չունի:
Վերջերս պարզցի, որ շատ հայաստանցիներ եվրապայից դեպորտ են լինում ու այդ ավիակամպանիայի համար ամեն անձի համար տուգնավում է 5000 եվրո:

Փաստորեն Հայաստանը հերիք չէ շրջափակված է, արևմուտք արևելք սահմանները փակ են, գումարած դրան մեծ դժվարություններ են ստեղծում Հայաստան մտնողների համար, լինի դա ՀՀ կամ օտարերկրա քաղաքացի:

Գաղթական
14.06.2008, 21:48
Վերջերս պարզցի, որ շատ հայաստանցիներ եվրապայից դեպորտ են լինում ու այդ ավիակամպանիայի համար ամեն անձի համար տուգնավում է 5000 եվրո:

Կներես, այս մասը լավ չհասկացա..
ո՞վ է տուգանում..
ո՞ր ավիաընկերությանը՝ նրան Հայաստան բերո՞ղ..
ի՞նչ պատճառով..
այսինքն՝ պատճառը լրացուցիչ փողի աղբյուրն է..
բայց ինչպե՞ս է ձևակերպված էդ "պատճառ"-ը

Ambrosine
14.06.2008, 22:31
Գաղթական ջան, քեզ չեն թողնում Հայաստան գաս?

Գաղթական
14.06.2008, 22:37
Գաղթական ջան, քեզ չեն թողնում Հայաստան գաս?

:):)
ավելի ճիշտ՝ ես չեմ գալիս.. դեռ..
իսկ այ երբ գամ - կտեսնեմ - թողնում են, թե չէ..

իսկ թեման ոչ թե իմ մասին է, այլ՝ հազարավոր մարդկանց..
շատ-շատերին էլ անձամբ եմ ճանաչում, ով ծայրաստիաճան հիասթափվել է իր անձի նկատմամբ նման ստորացուցիչ վերաբերմունքից ու հստակ որոշել այլևս Հայաստան մուտք չգործել.. համենայն դեպս՝ մինչև այն ժամանակ, երբ իրեն լուրեր կհասնեն, որ արդեն մարդավայել են սկսել վերաբերվել Հայաստանում վայրէջք կատարող Հայազգուն, որը հանդիսանում է այլ երկրի քաղաքացի..

հ.գ. վերջին անգամ, մեր տղաներից մեկից, աստղաբաշխական գումար էին պահանջել միայն այն պատճառով, որ անձնագրում նշված իր ծննդավայրը Արցախում էր, բայց ինքը խոսում էր Գյումրվա բարբառով.. :B

քաղաքացի
14.06.2008, 22:38
Կներես, այս մասը լավ չհասկացա..
ո՞վ է տուգանում..
ո՞ր ավիաընկերությանը՝ նրան Հայաստան բերո՞ղ..
ի՞նչ պատճառով..
այսինքն՝ պատճառը լրացուցիչ փողի աղբյուրն է..
բայց ինչպե՞ս է ձևակերպված էդ "պատճառ"-ը

Տուգանում է այն պետությունը, որը դեպորտ է անում:
Տուգանում է հայկական ավիակամպանիային՝ Արմավիա (Հայաստանի ճախրող գույներ)
Ինձ թվում է, ի վերջո պետությունը ավիակամպանիային հատուցում է, որովհետև վերջին հաշվով պետությունն է տուգանվում այն պատճառով, որ իր քաղաքացուն առանց վիզայի թողել են:

Չգիտեմ: Ես էլ սկսեցի հարցականների մեջ ընկնել: Բայց որ տուգանվում են դեպորտի համար, դա հաստատ է:

Գաղթական
14.06.2008, 22:47
Տուգանում է այն պետությունը, որը դեպորտ է անում:
Տուգանում է հայկական ավիակամպանիային՝ Արմավիա (Հայաստանի ճախրող գույներ)
Ինձ թվում է, ի վերջո պետությունը ավիակամպանիային հատուցում է, որովհետև վերջին հաշվով պետությունն է տուգանվում այն պատճառով, որ իր քաղաքացուն առանց վիզայի թողել են:

Չգիտեմ: Ես էլ սկսեցի հարցականների մեջ ընկնել: Բայց որ տուգանվում են դեպորտի համար, դա հաստատ է:

էստեղ ինչ-որ բան իրարու չի բռնում եղբայր..
կոնկրետ էս Եվրոպական պետության մեջ, ուր ես հիմա ապրում եմ, գործում է համաեվրոպական մի կազմակերպություն, որը գումարային պարգևատրումներ է խոստանում այն օտարերկրացիներին, ովքեր որոշեն վերադառնալ հայրենիք՝ փոխելով իրենց մշտական բնակության վայրը..
կոնկրետ Հայերի դեպքում դա կազմում է մոտավորապես 5000-6000Եվրո՝ կախված նրա Եվրոպայում գտնվելու դրդապատճառներից ու կարգավիճակից.. ինչպես նաև՝ ընտանիքի անդամների թվաքանակից.. կարող են և ոչ մի բան չտալ, բայց կարող են նաև բավական լուրջ կլորիկ մի գումար տալ..
պաշտոնական տվյալներով՝ գումարը հայրենիքում նոր կյանք սկսելու համար է նախատեսված..

ինչ վերաբերում է Արմավիային՝ իսկ ո՞վ կարող է ապացուցել, թե տվյալ քաղաքացին Հայաստանից դուրս է եկել՝ հենց Արմավիայի ծառայություններից օգտվելով..
իսկ ՀՀ մասին՝ իսկ ո՞վ կարող է ապացուցել, թե հնարավոր է այնպիսի տարբերակ, որ քաղաքացին, չունենալով համապատասխան երկրի վիզա, կարող է Հայակական սահմանը հատել (տվյալ դեպքում՝ օդայինը) և/կամ դուրս գալ Հայաստանից կամ Զվարթնոցում օդանավ նստել..

քաղաքացի
14.06.2008, 22:54
էստեղ ինչ-որ բան իրարու չի բռնում եղբայր..
կոնկրետ էս Եվրոպական պետության մեջ, ուր ես հիմա ապրում եմ, գործում է համաեվրոպական մի կազմակերպություն, որը գումարային պարգևատրումներ է խոստանում այն օտարերկրացիներին, ովքեր որոշեն վերադառնալ հայրենիք՝ փոխելով իրենց մշտական բնակության վայրը..
կոնկրետ Հայերի դեպքում դա կազմում է մոտավորապես 5000-6000Եվրո՝ կախված նրա Եվրոպայում գտնվելու դրդապատճառներից ու կարգավիճակից.. ինչպես նաև՝ ընտանիքի անդամների թվաքանակից.. կարող են և ոչ մի բան չտալ, բայց կարող են նաև բավական լուրջ կլորիկ մի գումար տալ..
պաշտոնական տվյալներով՝ գումարը հայրենիքում նոր կյանք սկսելու համար է նախատեսված..

ինչ վերաբերում է Արմավիային՝ իսկ ո՞վ կարող է ապացուցել, թե տվյալ քաղաքացին Հայաստանից դուրս է եկել՝ հենց Արմավիայի ծառայություններից օգտվելով..
իսկ ՀՀ մասին՝ իսկ ո՞վ կարող է ապացուցել, թե հնարավոր է այնպիսի տարբերակ, որ քաղաքացին, չունենալով համապատասխան երկրի վիզա, կարող է Հայակական սահմանը հատել (տվյալ դեպքում՝ օդայինը) և/կամ դուրս գալ Հայաստանից կամ Զվարթնոցում օդանավ նստել..

Բոլոր կետերդ էլ ճիշտ են: :think
Ես կփորձեմ ավելի մանրամասն տեղեկանալ, հետո նոր ավելի ինֆորմատիվ գրառում կանեմ:
Ներողություն եմ խնդրում, որ վերը գրված խոսքերս հավաստի կամ ապացուցված աղբյուրներից չէին: Սակայն հույս ունեմ, որ կկարողանամ բացս լրացնել:

ars83
28.06.2008, 18:44
ասենք՝ մարդը իջնում է ինքնաթիռից, իրեն կանչում են հատուկ սենյակ և հատուկ այրեր, իրենց մոտ պահելով նրանց փաստաթղթերը, առաջարկում են բերել, օրինակ՝ 5000 ԱՄՆ դոլար՝ որպեսզի առանց լուրջ խոչընդոտների կարողանան նորից հանգիստ վերադառնալ այնտեղ, որտեղից եկել են..
Այս մասը չհասկացա, գումարն ինչի՞ համար է կորզվում, նա, ումից վերցնում են, ո՞ր երկրի քաղաքացի է։


լինում են ավելի անտրամաբանական երևույթներ.. այն է՝ փորձել նվաստացնել մարդուն..
ասենք՝ մարդը Դանիայի քաղաքացի է.. նրա Դանիական անձնագիրը ստուգող Հայ սահմանապահը կարող է ուղղակի բացականչել "իյաաա.. հոպա՞ր, էս ասում ես Դանիայում ես ապրում հա՞.. դե հլա մի հատ ասա տենամ Դանիայի մայրաքաղաքը որնա էլի..".. և սա շրջապատողների կողմից կարող է ընդունվել որպես դեպքերի բնականոն ընթացք..
Ոչ մի անգամ նման բան չեմ տեսել, բայց, համաձայն եմ, որ ոչ մի ուղևորի նկատմամբ չի կարելի նվաստեցուցիչ արտահայտություններ թույլ տալ։

ars83
28.06.2008, 20:51
Մի անգամ ինձ ասացին, թե իբր իմ անձնագիրը կեղծ է: Ես նրանց պատասխանեցի «Որ մի էշը կարար հայկական պասպորտ կեղծել, զուտ Հայաստան մտնելու համար»: Եվ ասենք թե կեղծած էր, մի՞թե Հայաստանը միգրացիայի՝ ներգախտի կարիք չունի:

Անկախ նրանից՝ ներգաղթի կարիք ունենք, թե ոչ, ՀՀ տարածքում պետք է գործի մեր Հանրապետության օրենքը։ Իսկ այն, ակնհայտորեն, չի նախատեսում մուտք ՀՀ տարածք՝ կեղծ փաստաթղթերով։

Տատ
28.06.2008, 23:11
Կներեք իհարկե, բայց դուք Հայաստանի մասին ե՞ք խոսում...Եվ ե՞րբ եք վերջին անգամ գնացել, 7 տարի առա՞ջ։
Դեռ 2008 ամռանը տուրիստական վիզան 3շաբաթով արժեր 50դօլլար, շվեյցարական քաղաքացու համար, իսկ 2008 մարտին` 25դօլլ. 3 ամսվա համար։ Դրա ստացումն ու ձևակերպումը ավելի արագ ու պարզ է անցնում, քան Եվրոպայում, հերթը` կարգին կազմակերպված, ճամպրուկների ստացումը` հեշտ ու հանգիստ։
Պրոպագանդա չեմ անում, վերջին երեք տարվա ընթացքում մի 8-9 այցելությունների (տարբեր կազմով ) անձնական փորձս է։
Այդքան անգամ պարզապես բախտս բերե՞լ է...
Իսկ ով այդքան շուտ հիասթափվում է, "ոտքը չի դնի այլևս", թող գնա Բահամաներում հանգստանա։ Բավականին ճանապարհորդել եմ, Հայաստանի վերջին տարիների երկրի մուտքը ՈՉԻՆՉՈՎ չի զիջում Եվր. և ԱՄՆ ին, շվեյցարացի ընկերներս էլ հետս եկան, այնքան նորմալ էր, որ նույնիսկ զարմացան ու հիասթափվեցին` կլիշե դժվարություններ էին սպասում։

Գուցե ավելի դժվար է Հայաստանի քաղաքացիների համար...բայց ոչ օտարերկրացի հայերի։ Չէ՞ որ հենց այդ դեպքերից սկվեց թեման։

Գաղթական
03.07.2008, 19:16
Այս մասը չհասկացա, գումարն ինչի՞ համար է կորզվում, նա, ումից վերցնում են, ո՞ր երկրի քաղաքացի է։

Ճիշտն ասած՝ դու միակը չես, ով չի կարողանում ընկալել, թե գումարն ինչի համար է կորզվում..
Անձամբ ինձ էլ է դա չափազանց հետաքրքիր..
Իսկ քաղաքացիները, տվյալ դեպքում, արևմտաեվրոպական տարբեր երկրների բազմաթիվ Հայազգիներն են..



Ոչ մի անգամ նման բան չեմ տեսել, բայց, համաձայն եմ, որ ոչ մի ուղևորի նկատմամբ չի կարելի նվաստեցուցիչ արտահայտություններ թույլ տալ։

կներես, դու օդանավակայանո՞ւմ ես աշխատում..

dvgray
03.07.2008, 19:23
էսօր իմացա, որ նոր հարկատեսակ են մոգոնել "մեր" կառավարիչները:
Մեքենայով Հայաստանից դուրս գալուց և մտնելուց պետք է վճարես 6500 դրամ: Ու ընդ որում եթե գնում ես ասենք Բաթումի հանգստանալու մի 10 օրով, ապա վճարում ես երկու անգամ՝ մեկ գնալուց մեկ էլ գալուց:
Լրիվ ցնդվել են փողի հոտից էս դեբիլները… :[

ars83
05.07.2008, 13:04
կներես, դու օդանավակայանո՞ւմ ես աշխատում..
Ոչ, պարզապես բավական հաճախ մեկնում և ժամանում եմ Հայրենիք։

Ինչ վերաբերվում է օդանավակայանի կարգուկանոնրն, այս առավոտյան վերադարձել եմ Մոսկվայի Շերեմետևո օդանավականից, պետք է ասեմ, որ համեմատած մեր Զվարթնոցի հետ հեչ բան է։ Մեր մոտ մեկ չվերթի ուղևորների համար կա 12 անձնագրային ստուգման կետ, նրանց մոտ, 2 չվերթի ուղևորներին (մերոնք էին և ղրղզստանցիները)՝ ընդամենը 5 կամ 6։ Մերոնք ամեն ինչ արագ և օպերատիվ են անում, բարեհամբույր են բավականին, նրանց մոտ՝ բավականին կոպիտ և դանդակոտ։ Հասարակ օրինակ՝ իմ և՛ մեկնելու, և՛ ժամանելու ժամանակ անձնագրային ստուգումը տևեց մոտ 1 րոպե, անձնագիրս տվեցի տոմսի հետ, ստուգողը հանգիստ առանձնացրեց իրեն անհրաժեշտ փաստաթղթերը և դրանք ստուգեց։ Իսկ ուսների մոտ տալիս եմ անձնագիրը, մեջում դրված տոմսով, «միգրացիոն քարտով» և գրանցումով։
Անձնագիրը, «միգրացիոն քարտը և տոմսը», –հրամայական տոնով ասում է օրիորդը։
Ասում եմ. «Տվել եմ՝ և՛ անձնագիրը, և՛ տոմսը, և՛ քարտը»։
–Ես մտադիր չեմ ձեր փաստաթղթերը քչփորել, – պատասխանում է նա։
Այ այսպիսի «բռի» մարդիկ են գրեթե միշտ հանդիպում Մոսկվայոի օդանավակայանում։ Իսկ մեր մոտ նման բան ինձ հետ երբեք չի եղել։
Կամ ել որ մարդկանց անձնագրերը ստուգելիս, կեսից իրենց խցիկի լույսն անջատում են և հրամայում սպասողներին գնալ կողքի խցիկի մոտ սպասել։ Եվ իհարկե, «ներողություն» բառը բացակայում է...

Գաղթական
07.07.2008, 14:24
Ոչ, պարզապես բավական հաճախ մեկնում և ժամանում եմ Հայրենիք։

Շատ հաճելի է լսել այստեղ նաև դրական արձագանքներ մեր օդանավակայանի աշխատակիցների աշխատաոճի վերաբերյալ..

բայց, այնուամենայնիվ, ինձ համար անհասկանալի է մնում օտարերկրյա քաղաքացիություն ունեցող Հայաստանցիների մեծամասնության նկատմամբ ցուցաբերած իրենց մոտեցումը..

և շատ հաճելի էր նաև լսել Տատ-ի դրական արձագանքը՝ իր անձնական փորձից..


մի քանի բառով պարզաբանեմ միտքս, թե ինչու համար են, մեղմ ասած, կողոպտում նշածս անձանց.
գաղտնիք չէ, որ անկախության տարիներից ի վեր բազմահազար ընտանիքներ ինչ-ինչ պատճառներով ստիպված են եղել լքել Հայաստանը..
դրսում, մասնավորապես՝ Արևմտյան Եվրոպայում, գրանցվելու և քաղաքացիություն ստանալու համար շատերը դիմել են տվյալ երկրներում գործող միգրացիոն բաժանմունքներին՝ ներկայանալով որպես փախստականներ ամենատարբեր երկրներից..
այս նպատակով շատերը ստիպված են եղել նաև փոխել սեփական անունները և/կամ ազգանունները, ծննդ.թիվը և այլն.. (շատ դեպքերում, նաև, ազգությունը...)
և այսպես՝ այս մարդկանց թիվը միլիոնով է հաշվվում..
այժմ, երբ նրանք կամ նրանց սերունդները, փորձում են հետևել Հայրենիքի կանչին՝ Հայաստանը ստեղծում է, նրանց համար, լրացուցիչ դժվարություններ..
չէ՞ որ Հայաստանում կան հատուկ օրգաններ, որոնք փայլուն գիտեն, թե ով որտեղ ինչ ասեց ու ինչը փոխեց..
տվյալների բազան մեծ է..
և եթե մի մարդու վախեցնեն, թե իր նկատմամբ կարող են քրեական գործ հարուցել ամենատարբեր հոդվածներով.. այդ մարդը կարող է իրոք վախենալ, որ իր գործերը կարող են լրջորեն փչանալ թե՛ Հայաստանում, և թե՛ այն երկրում, որտեղի քաղաքացին է հիմա նա հանդիսանում..
բայց.. եթե նա մուծի մի կլորիկ գումար.. (լսելովս՝ վերջերս այդ գումարը հասել է 30.000Եվրոյի) իհարկե նրա հանդեպ ոչ մի քրեական գործ չի հարուցվի, և նրան հանգիստ ու ժպտադեմ նորից կճանապարհեն Հայաստանից.. մինչ.. մինչ հաջորդ անգամը..

Fedayi
07.07.2008, 15:32
Վերջերս ինտերնետում կարդացի մի ռուսաստանաբնակ հայի օրագիրը` Հայաստան կատարած աայցելության մասին: Մարդն առաջին հերթին հիացմունքով էր արտահայտվում մեր օդանավակայանի սպասարկման արագության և մակարդակի մասին: Հատուկ ընդգծում էր աշխատակցուհիների բարի ժպիտները::)

ars83
07.07.2008, 15:55
և եթե մի մարդու վախեցնեն, թե իր նկատմամբ կարող են քրեական գործ հարուցել ամենատարբեր հոդվածներով..
Կարո՞ղ եք բերել մի այդպիսի հոդվածի օրինակ, որով սպառնացել են օտարերկրյա որևէ քաղաքացու (հո կատակ չէ՝ քրեական գործ հարուցելը։ Բացի դրանից այլ երկրի քաղաքացուն այդքան հեշտ կարելի՞ է դատել մեկ այլ երկրի օրենքներով)։

Դուք ասում եք ինչ–ինչ պատճառներով մարդիկ փոխել են իրենց քաղաքացիությունը։ Արդյո՞ք դա կատարվել է ոչ օրինական ճանապարհով (այլապես, ինչպես որևէ հայ սահմանապահ կարող է «կպնել» օտարերկրյա քաղաքացուց)։


Վերջերս ինտերնետում կարդացի մի ռուսաստանաբնակ հայի օրագիրը` Հայաստան կատարած աայցելության մասին: Մարդն առաջին հերթին հիացմունքով էր արտահայտվում մեր օդանավակայանի սպասարկման արագության և մակարդակի մասին: Հատուկ ընդգծում էր աշխատակցուհիների բարի ժպիտները:

Այո, և դա իրոք այդպես է։ Օրինակ, Ժնևի օդանավակայանում բարևում ես սահմանապահին, չի պատասխանում, նույնը պատահել է ինձ հետ Վիեննայի օդանավակայանում՝ դժգոհ կամ խիստ դեմքի արտահայտությամբ մարդիկ։ Իսկ մեզ մոտ երբ բարևում ես, բարևում են, եթե չեն էլ ժպտում, ապա միշտ համբերատար են, չեն կոպտում, չեն հրամայում (դա իմ անձնական փորձից)։

Իսկ ռուսաստանաբնակ հայը, իհարկե, կզարմանա, այնպիսի կոպիտ, դժգոհ և չարացած սպասարկող անձնակազմ, ինչպիսին Շերեմետևո-2 – ում է, ես մինչև այսօր որևէ այլ տեղում չեմ հանդիպել։

Ֆրեյա
07.07.2008, 16:32
Շատ հաճելի է լսել այստեղ ......
գաղտնիք չէ, որ անկախության տարիներից ի վեր բազմահազար ընտանիքներ ինչ-ինչ պատճառներով ստիպված են եղել լքել Հայաստանը..
դրսում, մասնավորապես՝ Արևմտյան Եվրոպայում, գրանցվելու և քաղաքացիություն ստանալու համար շատերը դիմել են տվյալ երկրներում գործող միգրացիոն բաժանմունքներին՝ ներկայանալով որպես փախստականներ ամենատարբեր երկրներից..
այս նպատակով շատերը ստիպված են եղել նաև փոխել սեփական անունները և/կամ ազգանունները, ծննդ.թիվը և այլն.. (շատ դեպքերում, նաև, ազգությունը...)
և այսպես՝ այս մարդկանց թիվը միլիոնով է հաշվվում..
այժմ, երբ նրանք կամ նրանց սերունդները, փորձում են հետևել Հայրենիքի կանչին՝ Հայաստանը ստեղծում է, նրանց համար, լրացուցիչ դժվարություններ..
չէ՞ որ Հայաստանում կան հատուկ օրգաններ, որոնք փայլուն գիտեն, թե ով որտեղ ինչ ասեց ու ինչը փոխեց..
տվյալների բազան մեծ է..
և եթե մի մարդու վախեցնեն, թե իր նկատմամբ կարող են քրեական գործ հարուցել ամենատարբեր հոդվածներով.. այդ մարդը կարող է իրոք վախենալ, որ իր գործերը կարող են լրջորեն փչանալ թե՛ Հայաստանում, և թե՛ այն երկրում, որտեղի քաղաքացին է հիմա նա հանդիսանում..
բայց.. եթե նա մուծի մի կլորիկ գումար.. (լսելովս՝ վերջերս այդ գումարը հասել է 30.000Եվրոյի) իհարկե նրա հանդեպ ոչ մի քրեական գործ չի հարուցվի, և նրան հանգիստ ու ժպտադեմ նորից կճանապարհեն Հայաստանից.. մինչ.. մինչ հաջորդ անգամը..

Չեմ ուզում որակավորումներ տալ, կամ վիրավորել ինչ-որ մեկին, բայց, այո գաղտնիք չէ, որ որոշ "հայեր" ոչ անտանելի կյանքի պատճառով, այլ "Եւրոպայում բնակվելու և "Եւրոպացի" դառնալու նպատակով" փախել են Եւրոպա, հանձնվել միգրացիոն ծառայությանը, ապրել ինչ-որ "հանրակացարաններում" ու ստացել են քաղաքացիություն, փաստորեն` նաև կեղծում են տարբեր անձնագրային տվյալներ, հա՞՞՞ Նաև ծանոթ եմ մի քանի անձանց, ովքեր Դանիայում դեպորտ են ստացել սուփերմարքեթում գողության վրա բռնվելուց հետո, հետո նոր անձնագիր են "սարքել" ու Շվեյցարիայի սահմանն են հատել: Այդպիսի հայեր էլ կան: Հիմա դուրս է գալիս, որ ցանկացած հանցագործ պետք է վերադառնա Հայաստան և նրան գրկաբաց ընդունեն՞՞
Ուրիշ հարց է, որ սահմանապահն է նաև այդ դեպքում խախտում օրենքը, և դա պետք է պատժվի:
Կամ ինչ է նշանակում փոխել է ազգությունը: Այսինքն, անձնագրի մեջ գրել է "Անտուն, անտեղ, չեչեն, եվրոպա ջան, ինձ տար պահի"՞՞՞
Եկեք չկիրառենք երկակի ստանդարտներ!!!!
Իսկ օրինական ճանապարհով քաղաքացիությունը փոխած մարդկանց չեմ կարծում որ ինչ-որ կերպ կարողանան խոչընդոտել (ի հարկե, չեմ բացառում, որ այդպիսի բան էլ կարող է լինել):

Որպեսզի Հայաստանը դառնա "լավ" երկիր, պետք է չսպասել, մինչև դառնա, ինչպես Դուք ասել էին գրառման մեջ, այլ պետք է գալ և պահանջել, և մասնակցել մեր երկրի երկիր դառնալուն;
Եթե բոլորը գնան, ու հեռվից ասեն, սպասում ենք ուղղվի, այդպես չի ուղղվի:cry

Գաղթական
08.07.2008, 05:19
Կարո՞ղ եք բերել մի այդպիսի հոդվածի օրինակ, որով սպառնացել են օտարերկրյա որևէ քաղաքացու (հո կատակ չէ՝ քրեական գործ հարուցելը։ Բացի դրանից այլ երկրի քաղաքացուն այդքան հեշտ կարելի՞ է դատել մեկ այլ երկրի օրենքներով)։

Ցավոք ոչ մի հոդվածի օրինակ չեմ կարող նշել, քանզի լավ ծանոթ չեմ ՀՀ քր.օրենսգրքին, բայց երևի դուք ինձնից ավելի շատ հոդվածներ կկարողանաք նշել, որոնք կարելի կլինի հարուցել նախկին քաղաքացու նկատմամբ, որը, ասենք՝ առանց ՀՀ քաղաքացիությունից հրաժարվելու ընդունել է մեկ այլ երկրի քաղաքացիություն (ըստ իմ տվյալների երկքաղաքացիության ինստիտուտը Հայաստանում դեռ լրիվ չի գործում.. այսինքն՝ օրենքը կա, բայց դեռ կիրառության մեջ չի մտել.. որոշ մշակումների է ենթարկվում..) և ներկայացել է, օրինակ, մեկ այլ անունով, քան էր ծննդավայր Հայաստանում..
և դեռ եթե նրա ներկայիս երկրից էլ պահանջեն իր «դոսյե»-ն ապա այնքան անհամապատասխանություններ կկարողանան գտնել, որ «ես սուս, դու սուս»..



Դուք ասում եք ինչ–ինչ պատճառներով մարդիկ փոխել են իրենց քաղաքացիությունը։ Արդյո՞ք դա կատարվել է ոչ օրինական ճանապարհով (այլապես, ինչպես որևէ հայ սահմանապահ կարող է «կպնել» օտարերկրյա քաղաքացուց)։

օրինական ճանապարհո՞վ..
և՛ այո, և՛ ոչ..
ասենք մարդը օրինական դիմել է միգրացիոն բաժանմունք, պատմել է իր կյանքի պատմությունը և ստացել միգրանտի, իսկ հետագայում նաև՝ տվյալ երկրի քաղաքացիություն..
սա օրինական է..
բայց անօրինական են որոշ հատվածներ իր «կյանքից», որը նա ներկայացրել է այդ միգրացիոն հանձնաժողովին..
:)

NetX
08.07.2008, 05:41
Հետաքրքրվել եմ ՀյուրՍերվիս (ծառայություններ ժամանողների համար) ընկեկերության տնօրենից, ասեց նման բաներ չի պատահել և հնի հետ համեմատած որոշ պրոցեդուրաներ հեշտացվել են:)

Գաղթական
08.07.2008, 06:15
Չեմ ուզում որակավորումներ տալ, կամ վիրավորել ինչ-որ մեկին, բայց, այո գաղտնիք չէ, որ որոշ "հայեր" ոչ անտանելի կյանքի պատճառով, այլ "Եւրոպայում բնակվելու և "Եւրոպացի" դառնալու նպատակով" փախել են Եւրոպա, հանձնվել միգրացիոն ծառայությանը, ապրել ինչ-որ "հանրակացարաններում" ու ստացել են քաղաքացիություն, փաստորեն` նաև կեղծում են տարբեր անձնագրային տվյալներ, հա՞՞՞ Նաև ծանոթ եմ մի քանի անձանց, ովքեր Դանիայում դեպորտ են ստացել սուփերմարքեթում գողության վրա բռնվելուց հետո, հետո նոր անձնագիր են "սարքել" ու Շվեյցարիայի սահմանն են հատել: Այդպիսի հայեր էլ կան: Հիմա դուրս է գալիս, որ ցանկացած հանցագործ պետք է վերադառնա Հայաստան և նրան գրկաբաց ընդունեն՞՞
Ուրիշ հարց է, որ սահմանապահն է նաև այդ դեպքում խախտում օրենքը, և դա պետք է պատժվի:
Կամ ինչ է նշանակում փոխել է ազգությունը: Այսինքն, անձնագրի մեջ գրել է "Անտուն, անտեղ, չեչեն, եվրոպա ջան, ինձ տար պահի"՞՞՞
Եկեք չկիրառենք երկակի ստանդարտներ!!!!
Իսկ օրինական ճանապարհով քաղաքացիությունը փոխած մարդկանց չեմ կարծում որ ինչ-որ կերպ կարողանան խոչընդոտել (ի հարկե, չեմ բացառում, որ այդպիսի բան էլ կարող է լինել):

գիտեք՝ արդեն սկսում ենք թեմայից խիստ շեղվել..
բայց պատասխանեմ Ձեր գրառմանը այդ «հանցագործների» մասին, ովքեր «դավաճանել» են Հայրենիքին, իսկ հիմա «անամոթաբար» փորձում են մուտք գործել ետ՝ Հայաստան..

բավականին հեշտ է առանց տեսնելու կամ, առավել ևս, իմանալու, թե ինչի մասին է խոսքը, բարձրաշունչ հայտարարություններ ու դատողություններ անել..
ըստ ամենայնի՝ դուք իրավացի եք, որ կան նաև Հայեր, ովքեր ուզում են հեռանալ իրենց Հայեցիությունից կամ մոռանալ դրա մասին.. կամ, ինչպես դուք արտահայտվեցիք՝ «Եվրոպացի» դառնան.. (չնայած՝ էդպես էլ չհասկացա, թե ինչու է ձեզ այդքան գրգռում Եվրոպացի լինելու հանգամանքը.. գուցե դուք ինքներդ, ձեր հնարավորությունների սահմաններում, խոչընդոտեք ՀՀ Եվրոպա մտնելուն, բայց երբ հանկարծ ու հանկարծ նման հարց բարձրանա՝ անձամբ ես 2 ձեռքով կողմ կլինեմ..)

Հավատացեք՝ ես հանդիպում ու շփվում եմ ամեն օր նման Հայերի հետ, ում մասին դուք խոսք բացեցիք.. և վստահեցնում եմ ձեզ՝ նրանց մեջ կան թե՛ վատ Հայեր, և թե՛ բավական լավ ու մակարդակով շատ բարձր.. ճիշտ այնպես՝ ինչպես Հայաստանում..
և հավատացեք՝ չի կարելի «հայրենիքի դավաճան» համարել մարդու, ով իր և իր ընտանիքի համար ապագա չտեսնելով սեփական ծննդավայրում դրդված է եղել լքել այն և բախտ որոնել անհյուրընկալ օտար ափերում..
հեչ որ չէ՝ գոնե աշխատանք կգտնի ու ստիպված չի լինի ամեն օր սոված երեխեքի աչքերին նայելով հպարտանալ, թե չլքեց Հայաստանը ու մնաց այնտեղ..
իհարկե մարդը չի կարողանում հարմարվել այնտեղ, ուր եկավ.. մարդիկ, ապրելաոճը, հասարակական բարքերը, ընդհանրապես կյանքը՝ ամեն ինչ այլ է, քան իր երկրում.. քան իր Հայրենիքում՝ ուր նա այցելում է ամեն գիշեր.. բայց դե որոշումը հաստատ է՝ իրեն զոհաբերում է, որ գլուխը պահի ու դեռ «մի 2 կոպեկ էլ» ուղարկի Հայաստանում մնացած հարազատներին, ում կյանքն էլ շատ քաղցր չի.. է կյանքը շարունակում է.. անցնում են տարիներ, մարդը հասակ է առնում այդպես էլ երազելով, թե մի օր անպայման կվերադառնա հետ.. երեխեքն են իր մեծանում, շրջապատ մտնում լրիվ այլ հասարակության մեջ.. Հայերենը թուլանում է.. խոսում են՝ բայց ոչ սահուն.. Հայաստանում ոչ աշխատանք կգնտեն, ոչ էլ հարևանների հարգանքը կվերագտնեն.. «հլա տեսար էդ զարգացած եվրոպացիներին..».. մեկ էլ մի օր որոշում է հետ դառնալ Հայաստան.. դեռ՝ պարզապես որպես զբոսաշրջիկ.. Աստված գիտե՝ գուցե նա վերգտնի իրեն ու որոշի նորից հաստատվել Հայաստանում՝ խիղճը հանգիստ ու պարզ ճակատով.. մեկ էլ նրան կանգնեցնում է սահմանապահը ու սկսում վրան «փոստեր վառել», իսկ փողոցում, հասարակ համաքաղաքացին ու հայրենակիցը սկսում է նրան մեղադրել, ինչպես դուք հիշատակեցիք՝ «այ դու գող ես, հանցագործ ես, գնացել ասել ես չեչեն եմ, ինձ պահեք ձեր հանրակացարանում, որ դառնամ եվրոպացի, վախ Եվրոպա ջան»..


ուղղակի ինֆորմացիայի համար մոտավոր նկարագրեմ, թե ինչպես է աշխատում միգրացիոն մեխանիզմը.
երևի թե բոլորին հայտնի պատճառներով ՀՀ բնակչության մի զգալի հատված, սկսած անկախության տարիներից, լքում է Հայրենիքը և բախտ որոնում օտար երկրներում..
դեպքերի ճնշող մեծամասնությունում Հայազգիները արևմտաեվրոպական երկրներում գրանցվում են որպես «փախստականներ»
Համաձայն Ժնևի կոնվենցիայի՝ փախստական կարող է համարվել մարդը, ով սեփական Հայրենիքում ենթարկվում է հետապնդման՝ իր ազգային պատկանելության, կրոնական համոզմունքի, քաղաքական հայացքների և այլնի համար (ընդհանուր 5 թե 6 կետ էր.. մնացածը ստույգ չեմ հիշում)
և այսպես՝ ՀՀ-ն համարվում է քաղաքականապես կայուն երկիր.. (համենայն դեպս՝ այդպես է գրանցված միջազգային համարյա թե բոլոր ատյաններում).. հետևաբար՝ քաղաքական հայացքների համար ՀՀ-ում «հետապնդվող փախստականները», ընդհանուր թվի, չնչին հատվածն են կազմում..
կրոնական հայացքների համար հետապնդվողներն էլ.. հիմնականում՝ մի քանի կոնկրետ աղանդների ներկայացուցիչներ.. սա էլ դժվար մթնոլորտ է, քանի որ ՀՀ-ում բոլոր աղանդները պետականորեն ճանաչում են ստացել.. և մարդիկ ստիպված են «ապացուցել», որ իրենք հետապնդվում են հենց հասարակության կողմից..
հիմնականում՝ Հայերը ստիպված են լինում գրանցվել որպես փախստականներ՝ «ազգային խտրականության» կետով.. այսինքն՝ Հայի և Ազերիի խառը ամուսնություն կամ նման ընտանիքիծ ծնունդներ..
ասեմ՝ սա փորձված տարբերակ է..
այդպես են վարվում համարյա թե բոլոր նախկին ԽՍՀՄ երկրներից եկածները (նու՝ բացի Մերձբալթիկայից.. թեև այնտեղից էլ քիչ թվով Ռուսներ կամ «Ռուսներ» չկան..)..
ասեն՝ Վրացիները ներկայանում որպես Վրացու և Աբխազի խառը ամուսնության ընտանիք.. և հակառակը.. կամ Օսերի հետ..
Ռուսները՝ Չեչենների.. բայց, առավելապես՝ Ռուսները ներկայանում են որպես Հրեաներ..
Ուզբեկները՝ Ույգուրների..
Տաջիկները՝ Աֆղանացիների..
Թուրքերը՝ Քրդերի..
նու Հայերն էլ՝ Հայի ու Ազերիի.. ասենք հիմնականում տղամարդը իր կնոջն է որպես Ազերի ներկայացնում.. որպեսզի ընտանիքը պահպանի Հայկական ազգանունը..
դե ասենք կինը Հայաստանի Ազերի ընտանիքի աղջիկ է եղել, բայց՝ Քրիստոնյա.. ինքն էլ ամուսնացել է հետը.. և դա ընդունվել է ո՛չ իշխանության կողմից, ո՛չ էլ՝ հասարակության.. ծեծ ջարդ, պրոբլեմներ.. դե ինքն էլ ստիպված է եղել վերցնել ընտանիքը ու փախնել Հայաստանից.. ---» ահա միգրացիոն պրոբլեմի ամենակլասիկ օրինակը..
դե իհարկե՝ Ազերիներն էլ հիմնականում իրենց կանանց են որպես Հայ ներկայացնում..
չնայած՝ շատ են նաև տղամարդիկ, ովքեր որպես Հայ են ներկայանում..
«պատիվ եմ ունեցել» ծանոթանալու նաև մի Պարսիկի ու իր ընկեր Աֆղանցու հետ, ովքեր նույնպես որպես Հայեր էին ներկայացել..

ինչևէ՝ ամեն մարդ ինքն է որոշում, թե որտեղ և ինչպես ապրի ու ոչ մեկ իրավասու չէ նրան դատապարտել իր այս կամ այն արարքի համար, որորվ նա չի վնասել և ոչ մեկի, քանի որ ամեն ոք պատասխանատու է միմիայն սեփական խղճի ու իր Աստծու առջև..



Որպեսզի Հայաստանը դառնա "լավ" երկիր, պետք է չսպասել, մինչև դառնա, ինչպես Դուք ասել էին գրառման մեջ, այլ պետք է գալ և պահանջել, և մասնակցել մեր երկրի երկիր դառնալուն;
Եթե բոլորը գնան, ու հեռվից ասեն, սպասում ենք ուղղվի, այդպես չի ուղղվի:cry

գիտեք՝ ես էլ եմ երբևէ ստիպված եղել մոռանալ Հայաստանի ետ ճանապարհը ու դրա համար ունեցել եմ իմ սեփական լուրջ պատճառները, բայց հիմա ի սրտե կծիծաղամ յուրաքանչյուր ոքի վրա, ով թեկուզ մտածի, թե ես իրենից պակաս Հայ եմ այնքանով, որ նա այժմ ապրում է Հայաստանում, իսկ ես՝ ոչ..
և պետք էլ չէ սպասել, ինչպես դուք ասացիք, մինչև Հայաստանը ինքն իրենով լավ երկիր դառնա..
այն վաղուց արդեն լավ երկիր է.. պարզապես ապրելու պայմաններրն են այնտեղ քիչ ծանր, և պետք է մտածել, թե ինչպես մեղմել դրանք, իսկ հետագայում ընդհանրապես դրանք շատ հաճելի դարձնել..

և ես դատում եմ այսպես՝ այստեղ Եվրոպայում գոյություն ունեն բազում ճանապարհներ, որոնք կարելի է օգտագործել սեփական շահերիդ համար՝ առանց որևէ մեկի վնաս տալու..
ինձանից շատ ավելի խելացի մարդիկ կան, որոնք հիմա Հայաստանում են, և չեն կարող օգտվել այդ հնարավորություններից.. իսկ ես՝ այստեղ լինելով, կարող եմ.. ուրեմն՝ ի՞նչ պատասխան պետք է ես տամ հետագայում սեփական խղճիս, եթե չօգտվեմ դրանցից..
դրանցից անպայման պետք է օգտվել ու ծառայեցնել քեզ ու հանրությանը..
իսկ սրանց հանրության համար ես ընդհանրապես աչքերս փակած ունեմ, քանզի իմը Հայաստանն է ու Հայությունը և, համապատասխանաբար, իմ ստեղծած բարիքն էլ պետք է դրանց պատկանի..

Ֆրեյա
08.07.2008, 09:02
գիտեք՝ արդեն սկսում ենք թեմայից խիստ շեղվել..
բայց պատասխանեմ Ձեր գր........................................իմ ստեղծած բարիքն էլ պետք է դրանց պատկանի..

Հարգելի Գաղթական,
Կարիք չկա ընդունել խոսքերս որպե Ձեզ ուղղված, կամ էլ բոլորին վերաբերող, երբ ասում եմ, որ որոշ հայեր մարդուն անվայել ճանապաարհներով փախնում են հայրենիքից, կամ անվայել ձևերով են գումար վաստակում, դա ես պատմում էի փաստ ինձ ծանոթ մի քանի ընտանիքներից, որոնցից մեկը ապրել է ռեզերվացիայում, անբարենպաստ, նսեմացնող պայմաններում, իսկ մյուսը կեղծ փաստաթղթերով տարբեր երկրներ է մուտք գործել և ասում եմ, բռնվել է գողության վրա, այդպիսի դեպքերը ամեն դեպքում շատ են:
և ես չեմ կարող փոխել կարծիքս այդպիսի երևույթների հանդեպ: Նման մարդիկ խայտառակ են անում մեր երկիրը:

Մեկ այլ պատմություն իմ ծանոթներից. կինը, լինելով ԱՄՆ քաղաքացի մուտք է գործում Հայաստան ցույց տալով սահմանապահներին հայկական անձնագիր; Հարց է առաջանում, ինչպես է ստացել այդ անձնագիրը: Պարզ է որ անօրինական ճանապարհով: և պարզ է, որ այդ կնոջը անհանգստացրին :)

Երկրի վրա կա մոտ 200 ազգ, բայց միայն դրանցից մի քանիսն են փախնում ուրիշ երկրներ: Բոլոր երկրներում էլ կան վատ ապրող մարդիկ, և բոլոր երկրներում էլ, և Ֆրանսիայում, և Իտալիայում, և Գերմանիայում, եղել են ժամանակներ, երբ կյանքը անտանելի է եղել, եղել են պատերազմներ, եղել են ֆաշիստներ: Բայց նրանք չեն փախել իրենց երկրից, որովհետև դա ազգի մտածելակերպ է: Հայ ազգը արդեն սովորել է գնալ վայելել ուրիշի կառուցածը (թե նյութական, թե գաղափարական իմաստով) գնալ, ապրել հարուստ երկրում, օրինական երկրում: Բայց կառուցել սեփական երկրում նույնը ոչ ոք չի ուզում: Ոչ ոք չի ուզում պայքարել սեփական երկրում օրինականության համար, ավելի հեշտ է փախնելը:

Հետաքրքիր է, որ նույն ամերիկահայը, երբ ԱՄՆում է, շատ վախկոտ է, շատ օրինապահ է, բայց երբ գալիս է Հայաստան, սկսում է անտեսել օրենքները, ապրել, ինչպես իրեն հարմար է, կաշառքներ տալ, երթևեկության կանոններ խախտել, ինչից է դա՞՞՞

Իսկ եթե բոլոր հայերը Հայաստանից գնալու փոխարեն, կանգնեին իրար հետ պայքարեին օրինականության, արդարության, և չարիքների դեմ, երկիրը կբարգավաճեր:

Ծանոներիցս մեկը մի անգամ ասեց, մեծ հպարտությամբ. "Երբ քայլում եմ Մոսկվայի փողոցներով, մեկ մեկ մոռանում են , որ հայ եմ, ինձ թվում եմ ես էլ եմ ռուս":
Ընդունեք, որ մեր մեջ կա օտարամոլությունը:

Ավելացվել է 4 րոպե անց


գիտեք՝ ես էլ եմ երբևէ ստիպված եղել մոռանալ Հայաստանի ետ ճանապարհը ..................
իմ ստեղծած բարիքն էլ պետք է դրանց պատկանի..

Մեկ մեկ բոլորս էլ զզված ենք լինում, և գալիս է կյանքում մի պահ, որ հոգնում ես ամենինչից և ուզում ես թողնել հեռանալ: Այո, շատ դժվար է պայքարել քեզնից ավելի մեծ ուժ ունեցողների դեմ:
և դա դրանից է, որ մենք համախմբված չենք, որ ամեն մեկս սեփական գլխի ճարն է տեսնում, բայց երբ ասում ես, արի իրար հետ պայքարենք այդ արատավոր երևույթի դեմ, ասում է, քեզ պետք է, թող գնա նորմալ երկիր;
Միակ ուրախացնող բանը, որ վերջերս այդ վիճակը մի քիչ փոխվել է:

Գաղթական
08.07.2008, 19:34
Հարգելի Գաղթական,
Կարիք չկա ընդունել խոսքերս որպե Ձեզ ուղղված, կամ էլ բոլորին վերաբերող, երբ ասում եմ, որ որոշ հայեր մարդուն անվայել ճանապաարհներով փախնում են հայրենիքից, կամ անվայել ձևերով են գումար վաստակում, դա ես պատմում էի փաստ ինձ ծանոթ մի քանի ընտանիքներից, որոնցից մեկը ապրել է ռեզերվացիայում, անբարենպաստ, նսեմացնող պայմաններում, իսկ մյուսը կեղծ փաստաթղթերով տարբեր երկրներ է մուտք գործել և ասում եմ, բռնվել է գողության վրա, այդպիսի դեպքերը ամեն դեպքում շատ են:
և ես չեմ կարող փոխել կարծիքս այդպիսի երևույթների հանդեպ: Նման մարդիկ խայտառակ են անում մեր երկիրը:

Հարգելի Victory,
Դուք, անխոս, իրավացի եք..
Հայ ազգի բազում ներկայացուցիչներ իրոք շատ ցածր են ընկել..
ընդհանրապես ամբողջ ազգի կենսամակարդակն ու մակարդակն է ընկել..
Ձեր նշած օրինակների կողքին ես կարող եմ բերել հազար ու մի այլ օրինակներ, որոնց համար իրոք արժե, որպես Հայ, ամաչել, և այլ շատ ու շատ օրինակներ, որոնցով կարելի է հպարտանալ..
սրանք դեպքեր են, որոնց հետ ես անմիջական առնչություն եմ ունեցել..
շփվել ու շփվում եմ այդ Հայերի հետ, որոնք այստեղ գողությամբ են զբաղվում..
սկզբից դա էլ ինձ համար բավական մեծ «շոկ» էր..
Հայաստանում դա ընդունված չէ.. համենայն դեպս՝ դրա մասին ոչ ոք այդքան բարձրաձայն չի խոսում..
իսկ այստեղ՝ ոչ միայն Հայերը.. ընդհանրապես բոլոր ազգերի ներկայացուցիչները զբաղվում են այդ գործով..
ու մեր Հայերն էլ արդեն չեն ամաչում դրա մասին իրար մեջ բարձրաձայն խոսել..
բայց երբ շփվում ես այդ մարդկանց հետ.. հասկանում ես, որ նրանք բոլորովին այլ կյանք են վարել ու նրանց լրիվ այլ արժեքներ են գրավել նրանց Հայաստանյան կյանքի ընթացքում..
այո՝ Հայերն էլ են գողություն անում.. բայց դա քաղցր կյանքից չեն անում.. Հայաստանում արդար քրտինքով երբևէ ապրուստ վաստակած մարդը ստիպված է եղել այստեղ դիմել նման քայլերի..
իրոք ստիպված է եղել..
հասարակության կողմից դու անտեսված ես ու արհամարհված.. աշխատել օրենքով չի կարելի՝ քանի դեռ քաղաքացիություն չես ստացել (իսկ Ձեր նշած հանրակացարաններում ու ռեզերվացիաներում՝ հազարավոր ընտանիքներ կան, որոնք ոչ թե մեկ կամ երկու այլ երբեմն 10-ից ավել տարիներ են ստիպված լինում ապրել՝ մինչև քաղաքացիություն ստանան.. կամ՝ այդպես էլ չստանալով դրդված են լինում փոխել բնակության երկիրը ու ամեն ինչ սկսել 0-ից..).. այսինքն՝ աշխատել կարելի է, օրինակ այս երկրում, 3 ամիս տարվա մեջ.. 2-3 ամիս առաջ այդ ժամկետը երկարացրին մինչև 24 շաբաթ.. բայց դե այդ 24 շաբաթյա աշխատանքի իրավունքով էլ քեզ ամեն աշխատանքի, առավել ևս՝ մասնագիտական, չեն վերցնում.. օրենքով արգելվում է..
իհարկե՝ կարող են անօրինական, այսպես կոչված «սև» գործի տեղավորվել.. եթե բռնվեն՝ մոտ 10.000Եվրոյի շտրաֆ է հասնում..
իսկ մարդիկ ապրել են ուզում.. փող վաստակել են ուզում.. վերջիվերջո էդ չոր հացի կտորը իրենք Հայաստանում էլ ունեյին..
բայց, իհարկե, շատերն էլ սահմանափակվում են այդ 3ամսվա աշխատանքով, որն իրենից ներկայացնում է ցածր վարձատրությամբ ծանր ֆիզիկական աշխատանք, որին ամեն Եվրոպացի չէ, որ համաձայնվում է..
իսկ ինչ վերաբերում է գողությամբ զբաղվող Հայերին..
նրանք էլ ունեն իրենց համար սահմանած «օրենքները».. ասենք՝ իրեն հարգող Հայը, իր գողոնը այլ ազգի վրա գուցե ծախի ինքնարժեքի մոտ 50տոկոսի չափով, բայց մեկ այլ Հայի վրա նա նույն ապրանքը կվաճառի շատ ավելի ցածր գներով..
Հայը, օրինակ, երբեք Հաց չի գողանա խանութից..
մի հետաքրքիր պատմություն.
իմ լավ ծանոթներից մեկը իր կացարանը իսկական «խանութ»-ի էր վերածել.. գալիս էին ամենատարբեր ազգերի ներկայացուցիչներ ու նրանից ապրանք գնում..
իսկ իր, այսպես կոչված, «հյուրասենյակում» նա կպցրած ուներ Հայաստանի փոքր չափսերի քարտեզը..
կոնկրետ Թուրք, Ազերի ու Քուրդ գնորդների դիմաց նա դնում էր մի պայման.
եթե ուզում եք ինձանից ապրանք գնել՝ ես այն ձեզ կվաճառեմ ավելի թանկ, քան մնացածին.. բայց կարող եմ ձեզ այն վաճառել շատ ու շատ էժան.. եթե ծնկի գաք քարտեզիս առջև ու «սօրրի» ասեք..
սեփական աչքերովս եմ տեսել մի քանի այդպիսի «սօրրի»-ների դեպքեր..



Մեկ այլ պատմություն իմ ծանոթներից. կինը, լինելով ԱՄՆ քաղաքացի մուտք է գործում Հայաստան ցույց տալով սահմանապահներին հայկական անձնագիր; Հարց է առաջանում, ինչպես է ստացել այդ անձնագիրը: Պարզ է որ անօրինական ճանապարհով: և պարզ է, որ այդ կնոջը անհանգստացրին :)

իրավացի եք..
այստեղ էլ կան շատ Հայեր, որոնք թաքցնում են իրենց Հայկական անձնագիրը և միգրացիոն բաժանմունք ներկայանում առանց դրա.. կապ չունի՝ անուն ազգանունը փոխելու են, թե ոչ..
երբ այդ երկրի քաղաքացիություն են ստանում, շատերին ընդհանրապես արգելվում է երբևէ Հայաստան մուտք գործել.. չէ որ նրանք հենց այդ երկրից են փախել..
ու Հայաստան նորից մուտք գործելու համար նրանք օգտագործում են իրենց Հայկական անձնագրերը..
(պատկերացրեք օրինակ՝ Հայկական անձնագրի հենց առաջին էջի ներքևի մասում գրված է՝ «վավերական է բոլոր երկրներում», իսկ այդ մարդու անձնագրում գրված է լինում՝ «վավերական է բոլոր երկրներում, բացի՝ Հայաստանից»)
առաջ շատերը խուսափում էին հենց Հայաստանում վայրէջք կատարել..
հազար ու մի հարցեր կան.. օրինակ՝ անձնագրի ժամկետն էր անցած լինում.. կամ «վիեզդի պեչատ»-ի ժամկետը..
և նրանք իրենց Եվրոպական անձնագրով իջնում էին Թբիլիսի, իսկ այնտեղից, արդեն Հայկականով՝ մտնում Հայաստան..
բայց այդ ճանապարհն էլ շուտ փակվեց, քանի որ Վրացիները չափից ծատ սկսեցին նեղացնել Հայազգիներին..
թե ինչու եք Թբիլիսի իջնում.. հենց Երևան իջնեիք.. ուրեմն մի բան կա, որ վախենում եք..
հետն էլ՝ ձեզ արգելվում է Հայաստան մտնել.. ինչո՞ւ.. գուցե հետո ցամաքային սահմանով մտնեք.. ուզում եք կապնվենք Հայկական ԱԱԾ.. չե՞ք ուզում.. դավայ փող ֆռացեք՝ գլխներիդ չսարքենք..
հետն էլ՝ նրանց ճամպրուկներից էին բաներ սկսում պակասել..



Երկրի վրա կա մոտ 200 ազգ, բայց միայն դրանցից մի քանիսն են փախնում ուրիշ երկրներ: Բոլոր երկրներում էլ կան վատ ապրող մարդիկ, և բոլոր երկրներում էլ, և Ֆրանսիայում, և Իտալիայում, և Գերմանիայում, եղել են ժամանակներ, երբ կյանքը անտանելի է եղել, եղել են պատերազմներ, եղել են ֆաշիստներ: Բայց նրանք չեն փախել իրենց երկրից, որովհետև դա ազգի մտածելակերպ է: Հայ ազգը արդեն սովորել է գնալ վայելել ուրիշի կառուցածը (թե նյութական, թե գաղափարական իմաստով) գնալ, ապրել հարուստ երկրում, օրինական երկրում: Բայց կառուցել սեփական երկրում նույնը ոչ ոք չի ուզում: Ոչ ոք չի ուզում պայքարել սեփական երկրում օրինականության համար, ավելի հեշտ է փախնելը:

մի անգամ Հ1-ով մի հաղորդում էի նայում, մի մտավորական կին.. չեմ հիշում անունը.. Հայերի արտագաղթը շատ հետաքրքիր համեմատեց ցլիկների գոմում անցկացրած ձմեռվանից հետո գարնանային զարթոնքի հետ..
նրանք էլ ամբողջ ձմեռ փակված են լինում իրենց մութ ու փոքր գոմում..
ու քանի ամիս այդպես միայն նստած որոճում են, իսկ դուրս գալ չի կարելի..
հենց հասնում է գարունը ու բացվում են դռները՝ նրանք՝ հանկարծ տեսնելով արևի լույսը, սկզբից զարմանում են ու աչքերը կկոցում.. իսկ հետո, երբ աչքերը մի քիչ ընտելանում են բնական արևի ճառագայթներին, դուրս են փախչում իրենց տնից՝ հարազատ մութ գոմից ու սկսում անկապ թռվռալ ու անհասկանալի շարժումներ անել..
դա տևում է որոշակի ժամանակ, մինչև նրանք լրիվ ընտելանում են ու սկսում հանգիստ որոճել դրսի թարմ ու ցողով օծված խոտը.. մինչև որ մի լավ կշտանում են ու նորից հետ են գալիս հայրենի գոմ..

հավատացեք՝ մոտ 220 երկիր կա Երկրի վրա ու 1000-ից ավել ազգություններ..
ու դրանցից ոչ թե մի քանի, այլ շատ ու շատ հարյուրավոր ազգերի ներկայացուցիչների է հատուկ փոխել իրենց ծծնդավայրը..
և այստեղ, սկզբունքորեն, ընդհանրապես կապ չունի մարդու ազգությունը..
հենց նույն Եվրոպացիներն էլ են արտագաղթում Եվրոպայից ու մեկնում Ավստրալիա, Հարավ-Աֆրիկյան Հանրապետություն կամ Կանադա.. ավելի քիչ՝ ԱՄՆ..
սա մարդկային երևույթ է..
բայց միայն քչերին է, ինչպես Հայերին, հատուկ, որ այնտեղ ուր գնում են՝ ամեն գնով պահել ազգային ինքնությունը ու օգնել հենց այն երկրին, որտեղից երբևէ «փախել» են և մի օր էլ անպայման վերադառնալ ու շատերն էլ՝ այնտեղ նորից մշտական բնակություն հաստատաելու հաստատ վճռով..

իսկ Հայերը իրոք որ չափազանց ծանր հոգեվիճակում են այժմ գտնվում..
մի բան ասեմ, գուցե զարմանաք, բայց հիմա, ինչպես և 20-րդ դարասկզբին, չափազանց բարձր թիվ է կազմում, Հայազգիների շարքերում, ինքնասպանության դեպքերը..
առավել ևս՝ հենց նույն այդ տաք ու փափուկ Եվրոպական երկրներում..
սա փաստ է.. և սրան ոչ մի բացատրություն դեռ գիտությունը չի տվել.. եթե ընդհանրապես մի գիտնական կա, ում սա հուզում է..
սա նույնիսկ չեմ կարող բացատրել ես ինքս.. նույնիսկ այն մյուս Հայերը, ում հետ նստած երեկոյան սրճում էինք ու խաղաղ զրուցում.. անցած գնացած Հայաստանյան օրերից, իսկ մյուս երեկոյան տեղեկացանք, որ անցած երեկոյի զրուցընկերներից մեկը ինքնասպանություն է գործել..
ինչո՞ւ այդպես էլ գաղտնիք մնաց նույնիսկ իր կնոջ ու երեխաների համար, ովքեր հաստատում էին, որ նախորդ երեկո, սովորականի պես վերադարձել է, ընթրել, հեռուստացույց դիտել.. իսկ առավոտ կանուխ վեր է կացել ու գնացել անհայտ ուղղությամբ..



Հետաքրքիր է, որ նույն ամերիկահայը, երբ ԱՄՆում է, շատ վախկոտ է, շատ օրինապահ է, բայց երբ գալիս է Հայաստան, սկսում է անտեսել օրենքները, ապրել, ինչպես իրեն հարմար է, կաշառքներ տալ, երթևեկության կանոններ խախտել, ինչից է դա՞՞՞

դա Հայերից չէ..
դա ընդհանրապես տիրող հասարակական բարքերից է..
մարդն էնպիսի կենդանի է, որ շատ շուտ ընտելանում է անծանոթ միջավայրին..
եթե հասրակաությունը օրենքները պահպանում է՝ դու էլ ես, ակախ քեզնից, սկսում դրանք պահպանել.. եթե ոչ ոք չի պահպանում՝ դու էլ «հետ չես մնում»..



Իսկ եթե բոլոր հայերը Հայաստանից գնալու փոխարեն, կանգնեին իրար հետ պայքարեին օրինականության, արդարության, և չարիքների դեմ, երկիրը կբարգավաճեր:

այժմյան տվյալներով մոտ 12-15մլն Հայ է ապրում աշխարհիս երեսին..
պատկերացրեք մի օր բոլորը հավաքվեն ու գան Հայաստան..
ի՞նչ պետք է լինի հետո..
ո՞նց պետք է ապրեն..
կամ ո՞րտեղ.. այդքան տարածք չկա..
կամ, մոտենանք հարցին հակառակ կողմից, իսկ ո՞վ պետք է պաշտպանի Հայության շահերը միջազգային բեմերում.. պաշտոնական ՀՀ-ն՞՞՞.. դա նույնիսկ ծիծաղելի է հնչում..
պաշտոնական ՀՀ-ն երբեմն նույնիսկ թերանում է հասարակ «ՇՆՈՐՀԱԿԱԼՈՒԹՅՈՒՆ» հայտնել այն Եվրոպական երկրի ներկայացուցիչներին, որտեղ տեղացի Հայերի տասնյակ տարիների քրտնաջան աշխատանքի արդյունքում ընդունվում է Հայոց Ցեղասպանությունը դատապարտող օրինագիծ..

ars83
11.07.2008, 14:38
Մի քանի տարի առաջ ես վրդովվում էի, թե ինչպես մարդիկ թողնում են իրենց Հայրենիքը և հեռանում։ Մտածում էի, որ լավ կյանքի ետևից ընկած են հեռանում։ Հետո առիթ ունեցա լսել և տեսնել այնպիսի օրինակներ, երբ մարդիկ հեռանում էին Հայաստանից՝ իրենց՝ այստեղ մնացող հարազատների և իրենց երեխաների համար ապրուստի միջոցներ վաստակելու համար։ Այսօր այլևս քննադատական խոսքեր չեմ ասում հեռացողների հասցեին։ Երևի ՀՀ–ում ընտանիքների մեծ մասն օգնություն է ստանում իրենց հարազատներից կամ բարեկամներից, որոնք ապրում են արտերկրում։ Եվ Սփյուռքի կատարած գործը և օգնությունը իրոք շնորհակալությն են արժանի, այլ ոչ քննադատության։

Ինչ վերաբերվում է ՀՀ մուտք գործելուն, փորձեք և դուք հասկանալ երիտասարդ ՀՀ–ի քաղաքացիներին։ Մենք բոլորս էլ ուզում ենք ունենալ առողջ և հզոր Հայրենիք, որում գործում է օրենքը։ Դրան չի կարելի հասնել օրինախախտությունների միջոցով։ Այդ պատճառով անօրինական փաստաթղթերով մուտքը մեր (ՀՀ–ի քաղաքացու և սփյուռքահայի) Հայրենիք պետք է արգելվի։

Ֆրեյա
11.07.2008, 17:10
Ես հիշում եմ, երբ 91 ին կործանվում էր ԽՍՀՄ, Հայաստանից այնքաաաան հայ գնաց.....
Ու հիշում եմ, որ ասում էին` գնանք "ԱՄԵՐԻԿԱ": Ամերիկան դառել էր սովետի ժողովուրդների համար երազանք: Ու գնում էին ոչ թե եկամուտներ չունանլու պատճառով,այլ որովհետև շատ էին երազում ԱՄԵՐԻԿԱյում ապրել :) Կան բազզզմաթիվ հայեր իմ ծանոթներից, ովքեր ենց այդ թվերին լքել են, ով շատ լավ այնտեղ ապրում է, ճիշտ է շատ են աշխատում, բայց տարին երկու անգամ պարտադիր մեկնում են կղզիներ, կամ Եւրոպա: Իսկ այստեղ վերադառնալուց ասում են` ընկել եմ իմ գիշերային մղձավանջներից մեկի մեջ. կեղտ, փոշի, հետամնացություն:
Իսկ իմ բերած Անձնագրով Կնոջ օրինակի կինը հենց դրանցից մեկն է, ով հոյակապ ապրում է ԱՄՆում:)
Մարդիկ տարբեր են:think Դեպքերը տարբեր:(

Չեմ ուզում որ թեման տեղափոխվի քաղաքականություն բաժին, բայց Ձեր նշած բոլոր խնդիրները լավ կլիներ ուղղեիք ..... դե գիտեք ում, էլի :) Ամբողջությամբ նրանց "շնորհքն է", նաև այն հարցում, որ իրենց ձեռնտու է, որ հայերը բոլորով տեղափոխվեն ուրիշ երկիր և անընդհատ տրանսֆերտներ հոսեն Հայաստան, իրենք էլ նստեն հպարտանում են`
$2 000 000 000 մասնավոր տրանսֆերտ ենք ստացել արտասահմանից: Չեն մտածում, որ մոտ 50 տարիների ընթացքում բոլոր Հայաստանից դուրս գտնվողները կսկսեն տանել ընտանիքներին և այդ դեպքում ՀՀ ընդհանրապես չի լինի, դատարկ, 0 :angry
Որոշ մասնը հայերի ամեն դեպքում ենթարկվում է ասսիմիլյացիայի և չի պահպանում արմատները, չի խոսում հայերեն այլևս:think