PDA

Դիտել ողջ տարբերակը : Արամ Կարապետյանը հիվանդանոցում է



Sator
16.05.2008, 11:07
Friday 16 May 2008
|16.05.2008| ԱՐԱՄ ԿԱՐԱՊԵՏՅԱՆԸ «ԷՐԵԲՈՒՆԻ» ԲԺՇԿԱԿԱՆ ԿԵՆՏՐՈՆՈՒՄ Է
Վերջին շրջանում միտումնավոր ու կազմակերպված կերպով խեղաթյուրվում են արդարադատության նախարարության «Երևան-կենտրոն» քրեակատարողական հիմնարկում նախնական կալանքում գտնվող Արամ Կարապետյանի առողջական վիճակի վերաբերյալ իրական տեղեկատվությունը: Փորձ է արվում «հիմնավորելու», որ իբր ծայրահեղ վատառողջ անձի նկատմամբ չի ցուցաբերվում համարժեք հոգատարություն, որ, անտեսելով վերջինիս առողջական վիճակը, նրա նկատմամբ ընտրվել է ակնհայտ անհիմն խափանման միջոց և այլն:
Հայտնվում է, որ կալանքում գտնվող Արամ Կարապետյանի առողջական վիճակը պարբերաբար հետազոտվել է ինչպես քրեակատարողական հիմնարկի բժշկական ծառայության, այնպես էլ` համապատասխան մասնագիտական հանձնաժողովի կողմից, որոնց կողմից տրված եզրակացությունները բացարձակապես հիմք չեն տալիս վերը նշված ենթադրությունների համար: Այսպես, բժշկական գիտությունների դոկտոր պրոֆեսոր Լուսյա Միքայելյանի գլխավորությամբ քրեակատարողական հիմնարկ է այցելել բժշկական խումբը, հետազոտել Արամ Կարապետյանին և տվել «էսենցիալ հիպերտոնիա II-III փուլ սիրտ ուղեղային ձև, կորոնար անգիոներոզ ախտորոշում»: Բժշկական խումբը հաստատել է քրեակատարողական հիմնարկի բուժծառայության եզրակացությունը, ըստ որի անհրաժեշտություն չկա հիվանդին տեղափոխելու ստացիոնար բուժման:
Իսկ անհարկի ասեկոսների ու ընդգծված շահարկումների համար, թերևս, կարող էր հիմք հանդիսանալ հենց Արամ Կարապետյանի միջնորդությամբ քրեակատարողական հիմնարկում զննություն կատարած բժիշկ-սրտաբան, դոցենտ Արմեն Գասպարյանի մասնավոր կարծիքը:
Ինչևէ, հաշվի առնելով անհարկի շահարկումները կանխելու անհրաժեշտությունը, ինչպես նաև նրա փաստաբանի միջնորդությունը, կայացվել է որոշում` Արամ Կարապետյանին «Էրեբունի» բժշկական կենտրոն տեղափոխելու և լրացուցիչ զննության ենթարկելու վերաբերյալ:
Ներկայումս Արամ Կարապետյանը գտնվում է «Էրեբունի» բժշկական կենտրոնի բժիշկների շուրջօրյա հսկողության տակ, առողջական վիճակը կայուն է: Բժշկական կենտրոնի վերջնական ախտորոշումը կներկայացվի ավելի ուշ:


ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՔՐԵԱԿԱՏԱՐՈՂԱԿԱՆ
ՎԱՐՉՈՒԹՅԱՆ ՊԵՏԻ ՄԱՄՈՒԼԻ ՔԱՐՏՈՒՂԱՐ ԱՐՍԵՆ ԲԱԲԱՅԱՆ
http://lraber.info/news.php?item.413.101

Kuk
16.05.2008, 12:23
Իմ կարծիքով՝ հիմիկվանից փորձում են տեղեկացնել, որ Արամ կարապետյանը ի ծնե ինչ որ ծանր հիվանդություն ունի, որպեսզի կարողանան նրան սպանել և ինչպես միշտ չմեղադրվել, իսկ էս հայլուրատաթոյական ոճի դատարկություններով չեն կարող խաբել ժողովրդին:

ChildOfTheSky
16.05.2008, 14:27
մի 2 օրից հետ կտանեն

Քամի
17.05.2008, 12:17
ԱՊՏԱԿ ԲԺԻՇԿԻՆ` ՀԻՊՈԿՐԱՏԻ ԵՐԴՈՒՄԸ ՉԽԱԽՏԵԼՈՒ ՀԱՄԱՐ


«Էրեբունի» բժշկական կլինիկայի դռները այսօրվանից փակվել են սրտաբան, Երեւանի պետական բժշկական համալսարանի Ներքին հիվանդությունների թիվ 1 ամբիոնի դոցենտ Արմեն Գասպարյանի առաջ, որը 1997թ-ից աշխատում է այնտեղ: Պատճառն այն է, որ դոցենտ Գասպարյանը այցելել է « Նոր ժամանակներ» կուսակցության նախագահ Արամ Կարապետյանին եւ իր մասնագիտական պարտքը կատարելուց հետո երեկ ահազանգեց, որ Կարապետյանին որպես սրտային հիվանդի պետք է անմիջապես տեղափոխել սրտաբանական կենտրոն եւ հետազոտության ենթարկել:

«Այսօր առավոտյան Էրեբունի բժշկական կենտրոնի տնօրեն Արթուր Ռոստոմյանը ինձ կանչեց իր մոտ եւ ասաց, որ այլեւս չպետք է մտնեն կենտրոն: Պատճառն այն է, որ ես որպես սրտաբան գնացել եմ Արամ Կարապետյանի մոտ»,- «Ա1+»-ին տեղեկացրեց Արմեն Գասպարյանը: Շարունակելով կատարել իր մասնագիտական պարտքը` բժիշկ Գասպարյանը հայտարարեց. «Հիվանդի վիճակը կայուն միջին ծանրության է: Ճնշումը չի կարգավորվում` 140-110 է, կան ռիսկի բազմաթիվ գործոններ, նյութափոխանակության խանգարումը չի անցնի եւ հաշվի առնելով այդ փաստը` պետք է միջոցներ ձեռնարկել»:

Գասպարյանը շարունակում է պնդել, որ այս պահին բոլորը պետք է մտածեն միայն Արամ Կարապետյանի առողջական վիճակով եւ սրտաբանները հայտնեն իրենց անաչառ գնահատականը եւ ոչ թե զբաղվեն քաղաքականությամբ: Բժիշկ Գասպարյանը գտնում է, որ այս պահին Արամ Կարապետյանի կյանքի սպառնացող վտանգը չի վերացել եւ նա պետք է գտնվի բժիշկների հսկողության տակ: «Բժիշկները պետք է հավաքվեն եւ որոշում կայացնեն: Ես կցանկանայի մասնակցել այդ կոնսիլումին, պետք է հաշվի առնել ակադեմիկոս սրտաբան Կառլեն Ադամյանի` Երեւան գլխավոր սրտաբանի կարծիքը: Բոլոր սրտաբանները պետք է առաջին հերթին որպես մարդ մոտենան Արամ Կարապետյանին եւ ոչ թե որպես քաղաքական գործչի: Ես նշեցի այնպիսի սրտաբանների, որոնք անաչառ կարծիք կհայտնեն»: Իսկ Դուք չե՞ք զղջում, որ այցելել եք Արամ Կարպետյանին` «Ա1+»-ի հարցին` բժիշկը պատասխանեց. «Ոչ: Եթե բժիշկը կանչ ունի, նա չի կարող չգնալ: Դա մեր պատվի, հեղինակության հետ է կապված»: Բժիշկ Գասպարյանը, որի կարծիքն այսօր հաշվի են առնում ԱՄՆ-ում, Եվրոպայում,

ՌԴ-ում եւ հրապարակում նրա աշխատությունները, վիրավորված ու զայրացած էր իր նկատմամբ կայացված որոշմամբ. «Այսօր հիվանդին այցելելու համար, ես պետք է չայցելեմ իմ սիրելի բժկական կենտրոնը, որտեղ աշխատում եմ շուրջ 11 տարի: Ներկայումս աշխատում էի մի ձեռնարկի վրա, որը պատրաստում եմ հայալեզու ուսանողների համար եւ վերջին էջերը տպագրելու պահին ապտակ ստացա: Կարծում եմ, որ այդ պատիժն իմ նկատմամբ կվերանա եւ ես «Էրեբունի» բժշկական կենտրոն կկարողանամ մտնել ոչ թե իբրեւ ՀՀ քաղաքացի, այլ բժիշկ»: Բժիշկը դժվարացավ ասել, թե իր նկատմամբ հաշվեհարդարն այսքանով կավարտվի, թե՞ ոչ եւ հետագայում ինչ քայլեր կկատարվեն:


A1+

Ուրվական
17.05.2008, 15:13
Քայլ առ քայլ առաջ ենք գնում: Վերջը մոտ է: Ափսոս, հազար ափսոս ճանապարհին թողնվող մարդկային կյանքերը: Նրանք էլ են իսկական ազգի հերոսներ...

Brigada
17.05.2008, 16:19
Կարողա՞ մի վնաս տան վերջը Արամ Կարապետյանին:angry

Kuk
17.05.2008, 19:52
Կարողա՞ մի վնաս տան վերջը Արամ Կարապետյանին:angry

Դրանցից սպասելի ա. թողել են էն աստիճան ա վատացել վիճակը, որ վերակենդանացման բաժին են տարել:

Լ.յ.ո.վ.
18.05.2008, 23:46
Մեր սուտի իշխանություններից ու իրանց հավատարիմ շներից` մլիցեքից, ամեն-ինչ սպասելի է:
Մոռացաք էն դեպքը, որ մարդը գնացել էր ցուցմունք տալու, պատուհանից դուրս էին քցել, հետո էլ ասին իբր ինքնասպանություն էր:
Չեմ զարմանա եթե էդ թուլեքը Արամ Կարապետյանին սպանեն, դրանցից ամեն-ինչ սպասելի է:
Եթե Յուշենկոի նման մարդուն կարան Պուտինենք թունավորեն, էլ ինչ Արամ Կարապետյան?? Պետք ըլնի մի երկու ժամվա հարց ա: :ok
Չէ~~~: Էս ամեն-ինչի համար պատասխան պիտի տան Սերժենք: :angry
Իմ համար պարզա, որ ինքը թռնելուա նախագահի պաշտոնից, բայց եթե անպատիժ կարենա հեռանա ուրեմն ինքը հաղթած դուրս կգա, ինքը մեզ սաղիղ հաղթած կլինի:
Լավ չի :(
Երանի դրան վերջում ցմահ տան, կամ սատկացնեն շատ նման :angry

Kuk
19.05.2008, 20:52
Չեն վախենում

Վերջին օրերի հետ համեմատած` երեկ Հյուսիսային պողոտայում քաղաքական զբոսանքի եկած մարդկանց թիվն անհամեմատ մեծ էր: Նախօրեին նորից սկսված ապօրինի ձերբակալություններից հետո մարդիկ եկել էին ապացուցելու, որ իրենք չեն վախենում: Քաղաքական զբոսանքի ժամին երեկ Համաժողովրդական շարժման կողմնակիցների մեջ մի պահ երեւաց Երեւանի Կենտրոն համայնքի թաղապետ Գագիկ Բեգլարյանը: Վերջինս, ժողովրդի կողմից այնքան էլ հաճելի խոսքեր չլսելով, միայն խեթ-խեթ նայեց եւ քայլեց առաջ: Հանդարտ զբոսնելը, թերթերի ընթերցումը, երեխաների` պարանով եւ գնդակով խաղը երեկ նույնպես երբեմն-երբեմն ուղեկցվում էին «Լեւոն, Լեւոն», «Պայքար, պայքար մինչեւ վերջ», «Ազատություն», «Ազատ, անկախ, Հայաստան» վանկարկումներով, որի հետեւանքով տարածքը հսկող ոստիկանները մոտենում էին, ապա նորից հեռանում: «Հիմա» երիտասարդական շարժման ներկայացուցիչները Հյուսիսային պողոտայում նկարում էին: Նրանք խոստացան մի ամբողջ շարք նկարել եւ նվիրել իշխանություններին: «Օպերան ենք պատկերել եւ նախկին նախագահ Քոչարյանի ասած «թատերական մարդկանց», որոնք իրականում ազատ մարդիկ են եւ այդ պատճառով պատկերված են այսքան վառ գույներով»,- նկարը մեկնաբանեց դրա համահեղինակ Թաթուլը: Քանի որ պողոտայում հավաքված մարդկանց երեկ ամենից շատ մտահոգում էր ՆԺԿ առաջնորդ Արամ Կարապետյանի առողջական վիճակը, ուստի զբոսնողները որոշեցին միանալ ՀՀ գլխավոր դատախազության մոտ գտնվող եւ Ա. Կարապետյանին աջակցող մարդկանց:

Ս.Պ.

Sator
29.05.2008, 12:07
Հետաքրքիր է, փաստորեն այս ակումբում ընդդիմադիր կեցվածք ընդունածներից ոչ մեկի մտավախությունները չիրականացան կապված Արամ Կարապետյանի հետ: Ի ուրախություն բոլորիս, նման մտավախությունները, որոնք հնչեցվում են որոշակի նկատառումներով` չեն իրականանում: Կարծում եմ արդեն իմաստ չունի անդադար պատեհ ու անպատեհ, սուտ քննադատություններ հնչեցնել իշխանությունների հասցեին:

Մտահոգ
29.05.2008, 12:12
Հետաքրքիր է, փաստորեն այս ակումբում ընդդիմադիր կեցվածք ընդունածներից ոչ մեկի մտավախությունները չիրականացան կապված Արամ Կարապետյանի հետ: Ի ուրախություն բոլորիս, նման մտավախությունները, որոնք հնչեցվում են որոշակի նկատառումներով` չեն իրականանում: Կարծում եմ արդեն իմաստ չունի անդադար պատեհ ու անպատեհ, սուտ քննադատություններ հնչեցնել իշխանությունների հասցեին:


ներողություն, Իրավապաշտպան, ընդդիմադիր կեցվածք ընդունածների այդ որ որոշակի նկատառումներով հնչեցված որ մտավախությունների մասին է խոսքդ՞

Sator
29.05.2008, 12:18
ներողություն, Իրավապաշտպան, ընդդիմադիր կեցվածք ընդունածների այդ որ որոշակի նկատառումներով հնչեցված որ մտավախությունների մասին է խոսքդ՞

Կներկայացներ մեջբերումներով


Իմ կարծիքով՝ հիմիկվանից փորձում են տեղեկացնել, որ Արամ կարապետյանը ի ծնե ինչ որ ծանր հիվանդություն ունի, որպեսզի կարողանան նրան սպանել և ինչպես միշտ չմեղադրվել, իսկ էս հայլուրատաթոյական ոճի դատարկություններով չեն կարող խաբել ժողովրդին:


մի 2 օրից հետ կտանեն


Կարողա՞ մի վնաս տան վերջը Արամ Կարապետյանին :angry


Դրանցից սպասելի ա. թողել են էն աստիճան ա վատացել վիճակը, որ վերակենդանացման բաժին են տարել:
Իրականում որևէ վերակենդանացման բաժին չեն տարել:

Կարծում եմ արդեն բավական է:

Մտահոգ
29.05.2008, 12:44
Կներկայացներ մեջբերումներով








Իրականում որևէ վերակենդանացման բաժին չեն տարել:

Կարծում եմ արդեն բավական է:

մտավախությունների մասին բավական է, իհարկե ես ոչ մի պախարակելի բան չեմ տեսնում երբ նորմալ մարդիկ մտահոգվում են հիվանդ մարդու ճակատագրով, դա մարդկային է ու գոնե ինձ համար շատ նորմալ մարդկային կեցվածք, իսկ այ նկատառումների մասին ոչ մի խոստ չասացիր, իսկ ես նաև հարցրել էի "որ նկատառումների մասին է խոսքդ"
"Կարծում եմ արդեն իմաստ չունի անդադար պատեհ ու անպատեհ, սուտ քննադատություններ հնչեցնել իշխանությունների հասցեին:" Սատոր
Այս հայերեն նախադասությունը կարդալիս, ակամայից մտածում եմ
1. ինչ որ ժամանակ կարծել ես որ ԻՄԱՍՏ ՈՒՆԻ անդադար պատեհ ու անպատեհ, սուտ քննադատություններ հնչեցնել իշխանությունների հասցեին, հիմա արդեն կարծում ես որ չունի:think
2. ինչ որ ժամանակ կարծել ես որ սուտ քննադատություններ հնչեցվել են երբեմն պատեհ , երբեմն անպահետ ընդ որում անդադար
3. կբացատրեիր ինձ խնդրեմ, ինչ է նշանակում սուտ Քննադատություն՞,
նկատի ունես որ հնչեցվում է քննադատություն որը քննադատություն չէ, այլ ներբող՞
4. ինչքան իմ հայերեն լեզվի իմացությունը ներում է, ես գիտեմ որ քննադատությունը կարող է լինել սխալ, ճիշտ և այլն, բայց երբեք՝ սուտ, այն կարող է լինել տեղին կամ անտեղի, բայց երբեք պատեհ կամ անպատեհ քննադատություն, ու ինչքան ես գիտեմ, եթե դիցուք քննադատությունը սուտ է, ապա երբեք ԻՄԱՍՏ չի ունեցել հնչեցնել այն, առավել ևս անդադար:

Mephistopheles
29.05.2008, 12:59
Friday 16 May 2008
|16.05.2008| ԱՐԱՄ ԿԱՐԱՊԵՏՅԱՆԸ «ԷՐԵԲՈՒՆԻ» ԲԺՇԿԱԿԱՆ ԿԵՆՏՐՈՆՈՒՄ Է
Վերջին շրջանում միտումնավոր ու կազմակերպված կերպով խեղաթյուրվում են արդարադատության նախարարության «Երևան-կենտրոն» քրեակատարողական հիմնարկում նախնական կալանքում գտնվող Արամ Կարապետյանի առողջական վիճակի վերաբերյալ իրական տեղեկատվությունը: Փորձ է արվում «հիմնավորելու», որ իբր ծայրահեղ վատառողջ անձի նկատմամբ չի ցուցաբերվում համարժեք հոգատարություն, որ, անտեսելով վերջինիս առողջական վիճակը, նրա նկատմամբ ընտրվել է ակնհայտ անհիմն խափանման միջոց և այլն:
Հայտնվում է, որ կալանքում գտնվող Արամ Կարապետյանի առողջական վիճակը պարբերաբար հետազոտվել է ինչպես քրեակատարողական հիմնարկի բժշկական ծառայության, այնպես էլ` համապատասխան մասնագիտական հանձնաժողովի կողմից, որոնց կողմից տրված եզրակացությունները բացարձակապես հիմք չեն տալիս վերը նշված ենթադրությունների համար: Այսպես, բժշկական գիտությունների դոկտոր պրոֆեսոր Լուսյա Միքայելյանի գլխավորությամբ քրեակատարողական հիմնարկ է այցելել բժշկական խումբը, հետազոտել Արամ Կարապետյանին և տվել «էսենցիալ հիպերտոնիա II-III փուլ սիրտ ուղեղային ձև, կորոնար անգիոներոզ ախտորոշում»: Բժշկական խումբը հաստատել է քրեակատարողական հիմնարկի բուժծառայության եզրակացությունը, ըստ որի անհրաժեշտություն չկա հիվանդին տեղափոխելու ստացիոնար բուժման:
Իսկ անհարկի ասեկոսների ու ընդգծված շահարկումների համար, թերևս, կարող էր հիմք հանդիսանալ հենց Արամ Կարապետյանի միջնորդությամբ քրեակատարողական հիմնարկում զննություն կատարած բժիշկ-սրտաբան, դոցենտ Արմեն Գասպարյանի մասնավոր կարծիքը:
Ինչևէ, հաշվի առնելով անհարկի շահարկումները կանխելու անհրաժեշտությունը, ինչպես նաև նրա փաստաբանի միջնորդությունը, կայացվել է որոշում` Արամ Կարապետյանին «Էրեբունի» բժշկական կենտրոն տեղափոխելու և լրացուցիչ զննության ենթարկելու վերաբերյալ:
Ներկայումս Արամ Կարապետյանը գտնվում է «Էրեբունի» բժշկական կենտրոնի բժիշկների շուրջօրյա հսկողության տակ, առողջական վիճակը կայուն է: Բժշկական կենտրոնի վերջնական ախտորոշումը կներկայացվի ավելի ուշ:


ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՔՐԵԱԿԱՏԱՐՈՂԱԿԱՆ
ՎԱՐՉՈՒԹՅԱՆ ՊԵՏԻ ՄԱՄՈՒԼԻ ՔԱՐՏՈՒՂԱՐ ԱՐՍԵՆ ԲԱԲԱՅԱՆ
http://lraber.info/news.php?item.413.101

Սոնա Տռուզյանն էլ ասում էր զենք չի կիրառվել…հիմա ինչքնո՞վ կարելի է վստահել պաշտովական տեղեկություններին

Տրիբուն
29.05.2008, 15:24
Եվ ընդհանրապես, մեր դատախազության, ոստիկանության ու արդարադատնախի հայտարարությունները լուրջ ընդունելը անլրջություն է:

Kuk
29.05.2008, 16:32
Իրականում որևէ վերակենդանացման բաժին չեն տարել:

Կարծում եմ արդեն բավական է:

Անկեղծ ասած՝ գրառումներիդ այնքանով եմ հավատում, որքանով հայլուրին, այսինքն՝ մի բան որ ասում ես, ես հակառակն եմ պատկերացնում որպես իրականություն:
Հակառակն ապացուցելու համար փաստ բեր, բայց ոչ հայլուրային:

Brigada
29.05.2008, 21:41
ԵԿԵԼ Է ՔԱՂԱՔԱԿԱՆ ԼՈՒԾՈՒՄՆԵՐ ԳՏՆԵԼՈՒ ՊԱՀԸ
Արամ Կարապետյանը 82-օրյա կալանքի ընթացքում
3 անգամ է հարցաքննվել


Երեկ մենք այցելեցինք «Էրեբունի» բժշկական կենտրոն, ուր «Նոր ժամանակներ» կուսակցության նախագահ Արամ Կարապետյանը ստացիոնար բուժում է ստանում` սրտանոթային խնդիրների համար: Ինչպես գիտենք, նրա նկատմամբ խափանման միջոց կալանքը փոխվել է ստորագրությամբ չհեռանալու մասին եւ նրան ազատ են արձակել:

Պարոն Կարապետյանին երեկ խնդրեցինք նախ մի փոքր պատմել կալանավորի հոգեբանության ու առօրյայի մաին:
- Առօրյան այսպես էր սկսվում. ամեն օր հերթափոխի պետը մտնում է խուց եւ հարցնում, թե ինչ պահանջներ կան: Կարող ես պահանջել քննիչ, խնդրել, որ կապվեն դատապաշտպանիդ հետ, քրեակատարողական հիմնարկի պետի հետ հանդիպում, բժիշկ եւ ամսական 3 անգամ քարտով զանգելու թույլտվություն պահանջել: Ասեմ, որ մարդիկ իդեալական աշխատանք էին տանում: 82-օրյա կալանքի ընթացքում ես որեւէ մեկին չտեսա իմ ընկերներից: Շատ խիստ սիստեմ է, բայց մարդկային ժողովուրդ են, հոգեբանական, ֆիզիկական կամ այլ ձեւով ճնշումներ չեն գործադրվում: Ասեմ, որ «նստելը» ծանր բան է: Ես բախտ ունեցել եմ նստելու, բայց ոչ այսքան երկար: Բայց ես խորին շնորհակալություն պիտի հայտնեմ մեկուսարանի ղեկավարությանը եւ անձնակազմին, որովհետեւ իդեալական ու հետաքրքիր իրավիճակ է ստեղծված այնտեղ:

- ՔԿՀ պետն հաճա՞խ էր ընդունում Ձեզ:

- Ասեմ, որ բոլորս էլ ուզում էինք պետի հետ հանդիպել, եւ նա արդեն մեր ձեռքը խելագարվել էր, որովհետեւ դա էր մեր համար ազատության մի մասնիկը: Ուղղակի ցանկանում ես մեկի հետ խցից դուրս խոսել: Պարզ է, լուրեր, նորություններ չես կարող իմանալ, բոլորն էլ հին, չեկիստական անցյալ ունեցող մարդիկ են եւ նրանցից մի բան հասկանալը շատ բարդ է:

- 82 օրվա ընթացքում քննիչի հետ քանի՞ անգամ եք հանդիպել:

- Ցավոք, 3 անգամ: Ինչու եմ ասում ցավոք, որովհետեւ ուրախանում է մարդ, երբ քննիչի մոտ է գնում, գոնե դուրս ես գալիս խցից: Քննիչ գնդապետ Մարուքյանը բավականին պատրաստված մարդ է եւ քաղաքական գործունեությունից շատ լավ հասկանում է: Հետաքրքիր էր իր հետ շփվելը:

- Ձեր հայացքներում փոփոխություն նկատվո՞ւմ է:

- Ես ընդդիմադիր եմ եւ պայքարող ընդդիմադիր եմ: Կարող էիք նույնիսկ այդ հարցը չտալ ինձ: Պարզապես այս ընթացքում առողջական խնդիրներ ունեմ, կլավանամ... Ինձ համար ամենակարեւոր հարցն այսօր այն է, որ մենք վերջ տանք ձեւավորված ավանդույթին: 15 տարի մեր երկրում նույն բանն է տեղի ունենում. նոր իշխանությունը կալանավորում է հներին: Բայց այդպես չպետք է լինի: Այնքան արդարություն պետք է մտցնել, որ նման բաներ ուղղակի չլինեն: Հիմա դա կլինի իշխանական վերնախավի փոփոխությամբ, նոր ԱԺ ընտրություններով, որոնք կսկսեն օրենքները իրագործել, այս պահին չեմ կարող ասել: Բայց որ 21-րդ դարում այդ անասնական վերաբերմունքը իրար նկատմամբ պետք է վերացվի, միանշանակ է, սիրտներս էլ պայթի, պետք է վերացնենք: Հայաստանն այնքան արդարացի երկիր պետք է լինի, որ մատով ցույց տան: Ես իշխանություններին միանշանակ կոչ եմ անում ազատ արձակել բոլոր քաղբանտարկյալներին: Դա խիստ մտահոգում է թե՛ հասարակությանը, թե՛ արտաքին աշխարհին: Եկեք այնպես չանենք, որ մեր երկիրը վերջնականապես դառնա իզգոյ երկիր: Համաժողովրդական շարժումն էլ է ասում, հորդորում` բաց թողեք մարդկանց, սկսենք խոսել: Ես լիովին համոզված եմ, որ բաց են թողնվելու մարդիկ, եւ ամեն ինչ անելու եմ, պայքարելու եմ, որ իմ բախտակից ընկերները բանտից ազատվեն հնարավորինս շուտ:

- Պայքարի ի՞նչ ձեւեր եք ընտրելու:

- Ես ցավոք հիմա չեմ կարող որեւէ բան ասել: Ասեմ, որ կուզենայի բանտում նստած լինեի, բայց հիվանդություն չունենայի: Իմ հիվանդությունը գենետիկորեն է գալիս ու չեմ կարող ուշադրություն չդարձնել: Հայրական կողմից իմ հարազատները միշտ այդ պրոբլեմով են մահացել: Իսկ իմ մասով փաստորեն թթվածնի պակասը, սթրեսները, արդարությանը չհասնելու մտահոգությունը, բախտակից ընկերներիս վիճակը... ազդեց: Բայց ասեմ, որ «նստելը» բարդ բան չէ, ոչ էլ հերոսություն է: Հերոսությունն այն է, որ հասնենք մեր ուզածին, որից երկիրը շահի, ընկերներդ, ընտանիքդ... Ես կարծում եմ, որ քաղաքականության մեջ եղած յուրաքանչյուր տղամարդ կարող է այդ վիճակում հայտնվել: Բայց կուզեմ, որ այսօրվա ընդդիմությունը, երբ դառնա իշխանություն, կարողանանք մի տեղ կանգնել եւ քաղաքական հայացքների համար մարդիկ չբանտարկվեն: Անասնական բնազդով պատիժներ չպետք է կիրառվեն մարդկանց նկատմամբ, ովքեր կարծիք են արտահայտել, միտինգի են մասնակցել եւ այլն: Չեմ ասում հանցագործներին: Դա ուրիշ հարց է, այ նրանք պիտի «նստեն»:

- Պրն Կարապետյան, Դուք ճաղերի հետեւից եք հետեւել մարտի 1-ի իրադարձություններին, ի՞նչ տպավորություն ունեք, ի՞նչ է տեղի ունեցել:

- Մինչեւ այսօր մեզ ասում էին, թե երկրում ամեն ինչ լավ է, թռիչքաձեւ աճում ենք: Լեւոն Տեր-Պետրոսյանն առաջին նախագահն էր, որը հրաժարական տվեց եւ հեռացավ: Ճշմարտացի լինելու համար պետք է ասել, որ երբ նա հեռացավ, շատ վատ ռենոմեով հեռացավ: Ու այստեղ Ռոբերտ Քոչարյանը պետք է մտածի` 10 տարի ինչպե՞ս է կառավարել, որ 10 տարի հետո Լեւոն Տեր-Պետրոսյանը կարողացավ այսպես տրիումֆով հետ գալ: Թող մտածի այդ մարդը: Այս ամենը պատասխանն էր իրենց 10 տարվա կառավարման, այդ թռիչքների ու բոլոր գործողությունների: Չէ՞ որ կա քաղաքական տրամաբանություն: Լեւոն Տեր-Պետրոսյանն այդքան ձայն հավաքեց, որովհետեւ մարդիկ չեն ուզում այս իշխանությանը: Սա լակմուսի թղթի վրա մատուցված իրականություն է: Մարդիկ մարտի 1-ին ցույց տվեցին, որ կա ընդվզում, որը համաժողովրդական է, ուրեմն երկրում վիճակը լավ չէ:

- Պրն Կարապետյան, երբ Ձեզ ձերբակալեցին, բոլորի մեջ այսպիսի հարց առաջացավ, բա ո՞ւր էին Մոսկվայի նրա հզոր կապերը, որոնք պիտի արգելեին այդ երեւույթը: Նաեւ խոսակցություններ տարածվեցին, որ Ձեր եղբայրն է եկել Հայաստան, բանակցություններ է վարել, որի արդյունքում էլ Ձեզ ազատ են արձակել:

- Նախ իմ խափանման միջոցն է փոխվել, ինձ չեն ազատել, իմ եղբայրն էլ չի եկել: Ինչ վերաբերում է կապերին, ապա կարծում եմ, որ վերջին օրերին տպագրված նյութերը ցույց են տալիս, որ ես որպես մարդ, գիտությամբ զբաղվող, ընկալելի եմ եղել որոշ շրջանակների համար: Ես միշտ մնում եմ իմ կարծիքին: Հայաստանի ներքին գործերին պիտի ոչ մեկը չմիջամտի: Եթե սրանք մեր ներքին խնդիրներն են ու արդարացի են, կարծում եմ, որ ոչ մի միջամտություն չի լինի: Եթե մայիսի 19-ին դատարանն արդարացի նայեր, ինձ գրավի դիմաց պետք է բաց թողնեին, քանի որ օրենքների բոլոր պայմաններն առկա էին, ավելի նորմալ կլիներ: Իսկ միջամտությունները դրսից լինում են միայն այն ժամանակ, երբ լուծումները արդարացի չեն լինում: Ես ուզում եմ, որ սա էլ ապագայում հանենք: Այնքան արդարացի պիտի լինի ամեն ինչ, որ որեւէ մեկի միջամտությունը չլինի:

- Հիմա եղե՞լ է այդ միջամտությունը, թե՞ ոչ:

- Ես պատասխանեցի Ձեր հարցին ու հիմա Ձեր առաջ նստած հարցազրույց եմ տալիս:

- Մամուլում հրապարակում եղավ, որ իշխանությունը Ձեզ առաջարկել է մի պայմանով ազատ արձակել, եթե հրաժարվեք զբաղվել քաղաքականությամբ:

- Չի եղել նման բան: Ինձ որեւէ մեկը որեւէ բան չի առաջարկել, որեւէ ճնշում չի գործադրել, չի համոզել: Ընդհանուր խոսակցությունների մեջ մարդիկ իրենց տեսակետներն են առաջարկել եւ լսել իմ բավականին կտրուկ պատասխանները:

- Շարունակելու եք պայքարել:

- Իհարկե: Առաջին հերթին պայքարելու եմ քաղբանտարկյալների ազատության համար: Հետո, բուժվելուց հետո, քաղաքական պայքարի շրջանակներում պետք է նաեւ երկխոսենք դե ֆակտո իշխանությունների հետ, տեսնենք, թե ոնց ենք դուրս գալու քաղաքական այս լուրջ ճգնաժամից:

- Ո՞ւմ հետ եք պատկերացնում երկխոսությունը:

- Իշխանությունը` ամենաբարձր ֆորմատով, ընդդիմությունը` ամենաբարձր ֆորմատով: Ես կարծում եմ, որ այս դեպքերը մի լավ բան ունեն իրենց մեջ` դաշտը սեւ ու սպիտակի է վերածված. կա ընդդիմություն, կա իշխանություն: Իշխանությունը չպետք է մտածի, թե ինքը շատ ուժեղ է եւ կարող է մահակներով պրոցես տանել, իսկ ընդդիմությունն էլ պետք է հասկանա, որ դե ֆակտո կա իշխանություն (ինչպես ասաց Լեւոն Տեր-Պետրոսյանը) եւ երկխոսություն պետք է սկսել: Այն, ինչ սպասվում է տարածաշրջանում, շատ վատ դրության մեջ կարող է դնել մեր երկիրը: Պետք է կոնսենսուսային լուծումներ գտնել: Երկկողմանի ուժերի ցուցադրումն ավարտվել է եւ եկել է քաղաքական լուծումներ գտնելու պահը: Որ մի նոր համապետական ընտրություններ են պետք, միանշանակ է: Կա՛մ հայհոյանքներով լի համայնապատկերի վերածված խորհրդարանը պետք է լուծարվի, որովհետեւ այնտեղ հայտնվել են մարդիկ, ովքեր չգիտես, թե ինչ գործ ունեն, կա°մ նախագահական նոր ընտրություններ պիտի լինեն: Տեսա՞ք Լիբանանում վերջերս հավաքվեցին եւ վերջիվերջո լուծում գտան քաղաքական իրավիճակից: Մենք էլ պետք է նստենք, խոսենք:

- Իսկ եթե չեն բավարարում ձեր պահանջները:

- Պայքար է գնում` օրենքի շրջանակներում:

- Հունիսի 20-ին հանրահավաք է նախատեսվում, կմասնակցե՞ք:

- Եթե առողջական վիճակս ների, անպայման: Բայց ուզում եմ լավ կազդուրվել, նոր դուրս գալ: Ինձ որեւէ մեկը որեւէ բանում չի կաշկանդել: Պարզապես բարի կամքի դրսեւորում է եղել, որ փոխել են խափանման միջոց կալանքը: Ես կաշկանդվածություն չունեմ:

- Այսինքն, Աղվան Հովսեփյանին ուղղված Ձեր հարցերը Դուք պնդո±ւմ եք, որի համար կալանավորվեցիք:

- Իհարկե: Ես տվել եմ հարցեր` ճշմարտությունը իմանալու համար: Ես չեմ հրաժարվում դրանցից:



Զրուցեց
ԹԱԳՈՒՀԻ ԹՈՎՄԱՍՅԱՆԸ

Sator
30.05.2008, 13:56
մտավախությունների մասին բավական է, իհարկե ես ոչ մի պախարակելի բան չեմ տեսնում երբ նորմալ մարդիկ մտահոգվում են հիվանդ մարդու ճակատագրով, դա մարդկային է ու գոնե ինձ համար շատ նորմալ մարդկային կեցվածք, իսկ այ նկատառումների մասին ոչ մի խոստ չասացիր, իսկ ես նաև հարցրել էի "որ նկատառումների մասին է խոսքդ"
"Կարծում եմ արդեն իմաստ չունի անդադար պատեհ ու անպատեհ, սուտ քննադատություններ հնչեցնել իշխանությունների հասցեին:" Սատոր
Այս հայերեն նախադասությունը կարդալիս, ակամայից մտածում եմ
1. ինչ որ ժամանակ կարծել ես որ ԻՄԱՍՏ ՈՒՆԻ անդադար պատեհ ու անպատեհ, սուտ քննադատություններ հնչեցնել իշխանությունների հասցեին, հիմա արդեն կարծում ես որ չունի:think
2. ինչ որ ժամանակ կարծել ես որ սուտ քննադատություններ հնչեցվել են երբեմն պատեհ , երբեմն անպահետ ընդ որում անդադար
3. կբացատրեիր ինձ խնդրեմ, ինչ է նշանակում սուտ Քննադատություն՞,
նկատի ունես որ հնչեցվում է քննադատություն որը քննադատություն չէ, այլ ներբող՞
4. ինչքան իմ հայերեն լեզվի իմացությունը ներում է, ես գիտեմ որ քննադատությունը կարող է լինել սխալ, ճիշտ և այլն, բայց երբեք՝ սուտ, այն կարող է լինել տեղին կամ անտեղի, բայց երբեք պատեհ կամ անպատեհ քննադատություն, ու ինչքան ես գիտեմ, եթե դիցուք քննադատությունը սուտ է, ապա երբեք ԻՄԱՍՏ չի ունեցել հնչեցնել այն, առավել ևս անդադար:

Կարծում եմ նաև քեզ համար ակնհայտ է թե որն է մտավախությունը և որը պարզապես չարամիտ կասկածների արտահայտումը:

Փորձեմ հակիրճ պատասխանել համարակալված հարցադրումներիդ: Նախ սուտ քննադատությունը պարզ արտահայտվում է անդադար կեղծ քննադաական հայտարարություններ արտահայտելիս, իսկ ինչը կեղծ է, ուստի և սուտ է: Թե երբ և ինչ եմ կարծել պատեհ թե անպատեհ, բացատրեմ. խոսքը գնում է այն պայքարին, որի իրականացման արդյունքում մասսամբ ընդունելի էին կիրառված բոլոր ինֆորմացիոն տեռորի միջոցները, սակայն արդեն անցել է այդ ժամանակը և նույն ձեռագիրը չի ընդունվում: Կարծում եմ պատասխանեցի հարցերիդ, իսկ եթե այնուամենայնիվ դեռ հարցեր են մնացել, ապա այլևս չեմ անդրադառնա դրանց, քանի որ եթե ցանկությունը կա, ապա բոլոր հարցերիդ պատասխանները կգտնես այս գրառման մեջ:

Brigada
30.05.2008, 14:14
ՄԻԱՅՆ ՈՒԺՈՎ ՀԱՐՑ ՉԻ ԼՈՒԾՎԻ

«Էրեբունի» բժշկական կենտրոնում գտնվող ՆԺԿ առաջնորդ Արամ Կարապետյանը, որի խափանման միջոցը նախօրեին ՀՀ գլխավոր դատախազի ցուցումով փոխվեց, երեկ պատասխանել է «ՀԺ»-ի հարցերին:

- Պարոն Կարապետյան, ձեզ հետ կապված ամբողջ այս պատմությունն ինչպե՞ս եք գնահատում:

- Այնպես, ինչպես երկրում կատարվող բոլոր գործընթացները: Որեւէ բացատրություն ես չունեմ հիմա: Քաղաքական շարժառիթներն ինձ հասկանալի են` մենք ընդդիմություն ենք, կա իշխանություն, երկուսն էլ համապատասխանաբար գործողություններ են անում:

- Խոսակցություններ կան, որ հնարավոր է դուք առաջիկայում մեկնեք Մոսկվա: Ունե՞ք նման մտադրություններ:

- Ես նման մտադրություն ունեմ: Բայց ես ունեմ ստորագրություն երկրից չհեռանալու մասին: Եթե նախաքննական մարմինը եւ դատախազությունը հարգեն խնդրանքս, ես ունեմ նկատառում` Մոսկվայում բուժվելու: Դեռ չեմ դիմել, որովհետեւ առողջությանս կայունացման պրոցեսը մի քիչ բարդ է, ճգնաժամային պահեր են լինում, մինչեւ չկարգավորվի, ես չեմ կարող ինքնաթիռ նստել, նույնիսկ եթե թույլատրեն էլ: Ես կցանկանայի լինել շատ ավելի մասնագիտացված կլինիկայում, ամբողջական հետազոտում անցնել:

- Պարոն Կարապետյան, ձեր կարծիքով, ներքաղաքական այս լարված իրավիճակն ինչպե՞ս կարող է հանգուցալուծվել:

- Մի հետաքրքիր իրավիճակ է ստեղծվել Հայաստանում, երբ մի կողմից ընդդիմությունը չի դադարում իր պայքարը, մյուս կողմից` իշխանությունը փորձում է ցույց տալ, որ ինքն իշխանություն է, եւ այս բախման մեջ, կարծում եմ, առաջին հերթին տուժում է մեր պետականությունը, հասարակական շահը: Ու քանի կան քաղբանտարկյալներ, երկխոսությունը դառնում է անիմաստ: Ես կարծում եմ` քաղբանտարկյալների ազատվելուց հետո ռեալ կլինի սկսել քաղաքական երկխոսություն: Ես շատ մեծ ցանկություն ունեմ, որ այդպիսի երկխոսություն կայանա: Ինչով կավարտվի այն, ինչի շուրջ ի մի կգանք, այսինքն` կորոշվի, որ նոր ընտրություններ են պետք, թե կբավարարվենք նրանով, ինչ ունենք, երկխոսության խնդիր է: Հայաստանն այսօր այսպիսի իրավիճակով առաջ շարժվել, իմ կարծիքով, չի կարող, որովհետեւ ամեն օր հացադուլ, ամեն օր դատեր, ամեն օր ձերբակալություններ, իսկապես անհասկանալի, շիլաշփոթ վիճակ է: Ելքը մեկն է` ռեալ երկխոսությունը, եւ իշխանությունը պիտի հասկանա, որ երկրում կա ռեալ ընդդիմություն եւ պիտի փորձի այդ ընդդիմության հետ բանակցել: Կարծում եմ` ընդդիմության պահանջները ռեալ ձեւավորված են, իշխանության պահանջները` նույնպես, հիմա պիտի փորձեն կոմպրոմիս գտնել:

- Հայտարարվել է, որ հունիսի 20-ին, անկախ ամեն ինչից, ընդդիմությունը հանրահավաք է անելու: Ձեր կարծիքով, ինչպե՞ս կանցնի այդ հանրահավաքը, որովհետեւ վերջիվերջո այսքան ժամանակ է անցել, երկրում այսքան բան է տեղի ունեցել:

- Ես կարծում եմ, որ եթե հանրահավաքը թույլ չտան, դա վատ երեւույթ կլինի: Եթե մինչեւ ԵԽԽՎ նիստը լուծված չլինի քաղբանտարկյալների հարցը, էլ ավելի կխստանա հատկապես եվրոպա-ամերիկյան շրջանակների դիրքորոշումը ՀՀ-ի հանդեպ: Իշխանությունը պիտի հասկանա, որ միայն ուժով հարց չի լուծի: Ընդդիմությունն էլ պիտի հասկանա, որ միայն հասարակական աջակցությամբ հարց չի լուծվում, կան քաղաքական խնդիրներ: Բայց այդ հանրահավաքը, իմ կարծիքով, ցույց կտա, որ ընդդիմությունն ունի այդ ռեսուրսը` հասարակության անունից խոսելու: Եւ իշխանությունն էլ պիտի հասկանա, որ դրա հետ հաշվի է պետք նստել: Սրա համար, իմ կարծիքով, այդ հանրահավաքը կլինի մի ելակետային պահ` երկխոսություն սկսելու, եթե մինչ այդ իշխանությունը չանի այն քայլերը, որ հանրահավաքի պահանջատիրական էությունը դադարի գոյություն ունենալուց: Եթե կատարեց քայլեր, ուրեմն հունիսի 20-ի հանրահավաքը կկայանա որպես հանրահավաք, որը կազդարարի, ամենայն հավանականությամբ, թե ինչ է ցանկանում ընդդիմությունը երկրում տեսնել: Եթե չկատարվեն գործողություններ, եթե մարդիկ ազատ չարձակվեն, բանաձեւի պահանջները չկատարվեն, ապա կլինի պահանջատիրական հանրահավաք: Ես հակված եմ մտածելու, որ իշխանությունը հիմա պիտի անպայման գնա փոփոխությունների:

- Պարոն Կարապետյան, բայց ԵԽԽՎ-ն հստակ պահանջներ է դրել իր բանաձեւում, ինչը իշխանությունը կարծես թե մտադիր չէ կատարելու:

- Իշխանությունը հիմա գտել է մի իրավիճակ, որով ինչ-որ ձեւով փորձում է ցույց տալ, որ երկրի տերն ինքն է: Բայց մարդիկ են զոհվել, որի համար պատասխանատվության կանչվածներ դեռ չկան: Հիմա իշխանությունը փորձում է ապացուցել, որ իր գործողություններն ադեկվատ են եղել ընդդիմության կատարած գործողություններին: Սրանով է պայմանավորում այն տրամաբանությունը, որ իրենք կրակել են, որովհետեւ ստեղծված է եղել անհանդուրժելի իրավիճակ, որովհետեւ իբր ոզնիներ են ուզել շպրտել, շշեր եւ այլն: Ես կարծում եմ, որ, միեւնույն է, քաղաքական երկխոսությամբ է հարցը լուծվելու, եւ կոչ եմ անում ազատել քաղբանտարկյալներին ու դրանից հետո առանց որեւէ նախապայմանի սկսել երկխոսություն իշխանության եւ ընդդիմության միջեւ:

Լուսինե Բարսեղյան