PDA

Դիտել ողջ տարբերակը : Երկաթուղին կտան օտարերկրյա կառավարման



Marduk
11.10.2006, 12:52
Ինչպես տեղեկացնում է ԱՌԿԱ գործակալությունը, «Հայկական երկաթուղի» փակ բաժնետիրական ընկերությունը տրվելու է կոնցեսիոն կառավարման 40 տարի ժամկետով: Այդ մասին հոկտեմբերի 11-ին հայտարարել է Հայաստանի կապի ու տրանսպորտի նախարար Անդրանիկ Մանուկյանը:

«Հոկտեմբերի 12-ին կառավարության նիստի ընթացքում կայացվելու է վերջնական որոշում», ասել է նախարարը: Նրա խոսքով, երկաթուղին հավատարմագրային կառավարման հանձնելու քայլը պայմանավորված է Համաշխարհային բանկի եւ Հայաստանի կառավարության համատեղ ծրագրով, որը վերաբերում է երկաթուղու զարգացմանը:


«Հայկական երկաթուղին» հանձնվելու է արտասահմանյան որեւէ ընկերության կառավարմանը, նշել է Անդրանիկ Մանուկյանը, ասելով, որ տվյալ ընկերությունն ի հայտ կգա միջազգային մրցույթի շնորհիվ: Բայց նախարարը չի նշել մրցույթի եւ հայտերի ներկայացման մոտավոր ժամկետ:

http://www.lragir.am/src/index.php?id=4&l_id=17801&firstpg=1

Այս դեպքը երևի վերջին դասական նմուշն է հասկանալու թե ինչպես է հայկական կառավարությունը փոշիցնում ամեն տեսակի ազգային հարստություն:
Սկզբից Համաշխարհային Բանկի խորհդատվության ու հովանավորության ներքո մի որևէ պետական մենաշնորհ հանձնվում է օտարերկրացիների: Հետո այդ օտարերկրացին գալիս է, մի երկու տարի սովորաբար ոչինչ չի անում ու զբաղվում է պարզագույն պարազիտությամբ: Եվ հետո այն նորից վերավաճառվում է: Եվ մեծ մասսամբ այդ վերավաճառքի արդյունքում հայտնվում է ռուսների ձեռքում ու դրանից հետո սկսվում է մի աննկարագրելի աղմուկ - աղաղակ: Հանկարծ որոշ հայերի մեջ արթնանում են հայրենասիրական ու անկախական բնազդներ ընդդեմ կայսրապաշտների:

Էլ. ցանցերի հետ կատարվեց նույն բանը, արմենթելի հետ կատարվում է նույն բանը, ու հիմա էլ հերթը երևի երկաթգիծն է:

Իրական հայրենասերները աղմուկ կբարձրացնեն հիմա քանի դեռ գործարքը չի կատարվել, դրանից հետո անիմաստ է

Մոդերատորական: Ծանոթացեք ակումբի օրենսդրությանը (http://www.akumb.am/announcement.php?f=26)։ Մասնավորապես ֆորումում չեն ողջունվում ՄԻԱՅՆ ՄԵԾԱՏԱՌԵՐՈՎ, «գոռացող վերնագրերը»:

Վերնագիրը խմբագրված է:

Artgeo
12.10.2006, 22:31
Այսօր խոսում էին 30-40 տարվա մասին ու նամյոկներ անում, որ նախապատվությունը տալու են Ռուսաստանին :[

Koms
13.10.2006, 08:20
նախապատվությունը տալու են Ռուսաստանին :[
ինչ ա, վագոնները ինքնթիռներով են տեղափոխելու? :B

Artgeo
17.10.2006, 22:39
ԻՆՉՊԵՍ ԲԱՐՁՐԱՑՆԵԼ ԱՆԴՐԱՆԻԿ ՄԱՆՈՒԿՅԱՆԻ ՏՐԱՄԱԴՐՈՒԹՅՈՒՆԸ

Ընդամենը մեկ-երկու տարի առաջ Հայաստանի երկաթուղին, որ տոնում էր իր ստեղծման կլոր ամյակներից մեկը, համարվում էր բուռն զարգացող կառույց: Պաշտոնական վիճակագրությունն ու կապի եւ տրանսպորտի նախարարությունը առիթը չէին կորցնում ցույց տալու համար, թե ինչպես է օր օրի ավելանում երկաթուղու բեռնափոխադրման ծավալը: Նույնիսկ հայտարարություն էր արվում, թե շրջափակման պարագայում անգամ հայկական երկաթուղին զարգացում է ապրում (Վարդան Օսկանյանի ականջը խուլ): Իսկ «Հայկական երկաթուղի» ընկերության տնօրեն Արարատ Խրիմյանը հայտարարում էր, թե երկաթուղին աշխատում է այնպես, որ ամեն տարի լինելու է երկաթուղագործների աշխատավարձի բարձրացում:

Ինչ եղավ հանկարծ, չգիտեմ, բայց հոկտեմբերի 12-ի լույս 13-ի ամբողջ գիշեր Արարատ Խրիմյանի եւ տրանսպորտի նախարար Անդրանիկ Մանուկյանի տխուր դեմքն ու ողբերգական ձայնը ինձ եւ կարծում եմ շատերին է զրկել քնից` ստիպելով փնտրել հարցի պատասխանը` ինչ եղավ հայկական երկաթուղու հետ: Խրիմյանը հայտարարեց, «որ հայկական երկաթուղին» փրկելու միակ միջոցը հավատարմագրային կառավարման հանձնելն է: Այդ հարցն արդեն վճռված է: Հանձնելու են: Դեռեւս հայտնի չէ, թե ում, հայտնի է միայն, որ միջազգային մրցույթով են հանձնելու: Մենք ունենք արդեն այդպիսի մի օրինակ: ԲԷՑ-երը: Դրանք էլ փրկելու միակ միջոցը համարվեց մասնավորեցումը: Դա էլ, ինչպես երկաթուղին, ՀԲ պահանջն էր, որ կառավարությունը կատարեց, սակայն ոչ այնքան սրբորեն: Միջազգային մրցույթով մասնավորեցման հանված ցանցերը վաճառվեցին առանց մրցութային պայմանները հաշվի առնելու, որոնք կոչված էին բացառել մենաշնորհը, եւ ցանցերի սեփականատեր դարձավ էներգետիկայի հետ կապ չունեցող մի ընկերություն: Եվ պատկերացնում եք, Համաշխարհային Բանկը ոչինչ էլ չասաց ու ոչ մի բողոք չներկայացրեց դրա դեմ: Նույնիսկ այն բանից հետո, երբ այդ «անկապ» ընկերությունը ցանցերը վաճառեց ռուսներին, ինչին դեմ էր ՀԲ-ն, բանկը որեւէ առարկայական դժգոհություն չհայտնեց, եթե չհաշվենք ՀԲ Երեւանի գրասենյակի ղեկավար Ռոբինսոնի դիվանագիտապատ բանաձեւումները:

Որեւէ կերպ պետք չէ բացառել, որ ցանցերի ճակատագիրն է սպասում նաեւ հայկական երկաթուղուն: Համենայն դեպս գործընթացի սկիզբը կրկնվում է գրեթե մաթեմատիկական ճշգրտությամբ: Վերջը պարզ կլինի 2008 թվականին, չնայած արդեն իսկ նկատելի են վերջի որոշ ուրվանկարներ: Հայաստանի կապի ու տրանսպորտի նախարարը չի թաքցնում, որ Հայաստանի երկաթուղին կցանկանար կառավարման հանձնել ռուսներին: Դա միանգամայն բնական ցանկություն է, եթե հաշվի առնենք, որ այլ բան Հայաստանի իշխանական վերնախավում երբեք էլ չեն ցանկացել եւ պետք է` միայն զարմանալ, թե այսքան ժամանակ ինչու չէին խոսում այդ մասին: Պարզ է` թե ինչու: Երկաթուղին աշխատում էր, Համաշխարհային Բանկը Հայաստանի այլ ոլորտների ճակատագրով էր զբաղված, երկաթուղագործների աշխատավարձը 5 տոկոս բարձրացնում էին, երկաթուղու օրերին մի քանի կտոր քյաբաբ ու խորտիկներ էին դնում «Երկաթուղու» վարչության ընդարձակ սրահում եւ վայելում էին «հարյուր տարվա շրջափակումը» «քիչ լինի` միշտ լինի» հին հայկական ավանդույթով: Եվ հանկարծ որոշեցին փրկել երկաթուղին եւ այն էլ այնպիսի ողբերգական ձայնով ազդարարեցին, որ հանրությունը գիշերը դուրս գար փողոց եւ պահանջեր անհապաղ հավատարմագրային կառավարման հանձնել մեր երկաթուղին, քանի դեռ դրա վագոններն ու գծերը երկաթից չեն վերածվել թղթի:

Բայց, ինչպես ասում են, մի բան է, թե ինչ են ուզում Հայաստանի կառավարությունն ու Համաշխարհային Բանկը, եւ մեկ այլ բան, թե ինչ են անում ի վերջո: Թերեւս մի փոքր դժվարության են հանդիպելու նրանք երկաթուղին ցանցերի նման ռուսների վրա սաղացնելու հարցում: Բանն այն է, որ ռուսական երկաթուղու ղեկավարը, որ հայկական երկաթուղու համար այս ողբերգական օրերին Երեւանում էր, մեր երկաթուղին փրկելու այնքան էլ մեծ ոգեւորություն չարտահայտեց, նույնիսկ այն բանից հետո, երբ Անդրանիկ Մանուկյանն ու Արարատ Խրիմյանը` մոռացած ամեն կարգ ու պետականության ատրիբուտները, բացահայտ հայտարարեցին, թե իրենք կուզեն, որ երկաթուղին ռուսները կառավարեն: Կարծես թե խոսքը ոչ թե պետության ռազմավարական ոլորտի մասին էր, այլ Անդրանիկ Մանուկյանի «Մետրոպոլ» հյուրանոցի կամ ավտոսերվիզի:

Բայց վասալության այդ առկայծումը ամենեւին չկուրացրեց ռուսների աչքը եւ առավել եւս` միտքը: «Ռուսական երկաթուղին» տարեկան ունի 25 մլրդ դոլար շահույթ: Տպավորիչ է: Եվ զարմանալի չէ, որ դրանից տպավորվել է նաեւ Անդրանիկ Մանուկյանը եւ գուցե նաեւ Հայաստանի ամբողջ իշխանական վերնախավը, որ այդքան համերաշխ որոշել է երկաթուղին տալ հավատարմագրային կառավարման, թեպետ պետք է խիստ կասկածել այդ համերաշխությանը, բայց խոսքն այժմ այդ մասին չէ: Եվ ահա մեր կառավարության մտքով անցել է, որ ռուսներն իրենց 25 միլիարդի որոշ մասը կհամաձայնեն ծախսել հայկական երկաթուղու վրա` հավատարմագրային կառավարման 40 տարիների առաջին տարում վճարելով 10 միլիոն դոլար, հետո տասը տարվա ընթացքում ներդնել 170 միլիոն դոլար եւ Հայաստանի կառավարությանը վճարել բեռնափոխադրումների շահույթի 2 տոկոսը: Թե ինչու պետք է ռուսները անեն դա, մի փոքր անհասկանալի է: Հայկական երկաթուղին ռազմավարական եւ քաղաքական նշանակություն կարող է ունենալ միայն այն դեպքում, երբ վերանա Հայաստանի շրջափակումը: Բայց երբ վերանա Հայաստանի շրջափակումը, գուցե հայկական երկաթուղին այլեւս ոչ մեկին պետք չլինի, այն պարզ պատճառով, որ մինչ այդ տարածաշրջանում կառուցված կլինեն նոր երկաթուղիներ: Ի վերջո, աշխարհը հո չի սպասելու, մինչեւ Վարդան Օսկանյանն ապացուցի 100 տարի առանց ճանապարհի զարգանալու իր տեսությունը:

Այսինքն. ռուսները, եւ ոչ միայն նրանք, այլեւ որեւէ ընկերություն, չունի որեւէ ռացիոնալ մոտիվացիա Հայաստանի երկաթուղին կառավարելու համար` եթե այդ երկաթուղու ամենահեռավոր երթը Բաթումն է, եւ այն էլ միայն ամառային օրերին: Իսկ այն, որ Հայաստանի կառավարությունը տնտեսության գերակա ճյուղ է հայտարարել ՏՏ ոլորտը, վկայում է, որ Հայաստանին մի քանի տարի անց, եթե ՏՏ ոլորտը զարգանա այս տեմպերով, այլեւս երկաթուղի պետք չի լինելու, քանի որ մեր բեռները կփոխադրվեն չիպերով: Ռուսներին այդ դեպքում ավելի լավ է մտածել Հայաստանի համակարգչային ցանցը գնելու մասին: Իսկ կառավարությանը անհրաժեշտ է մտածել մեր երկաթուղին ռուսների վրա նաղդելու մեկ այլ խայծի մասին կամ համոզել նաեւ վրացիներին, որ իրենք էլ իրենց երկաթուղին տան ռուսներին: Այդ դեպքում հայկական երկաթուղին կփրկվի, եւ Անդրանիկ Մանուկյանի տրամադրությունը մի փոքր կբարձրանա:


ՀԱԿՈԲ ԲԱԴԱԼՅԱՆ
lragir.am (http://lragir.am/src/index.php?id=3&l_id=17961)

Artgeo
17.10.2007, 01:40
ԵՐԿՈՒ ԱՌԱՋԱՐԿ

Երեկ ավարտվել է Հայաստանի տրանսպորտի եւ կապի նախարարության հայտարարած` «Հայկական երկաթուղի» ՓԲԸ-ն հավատարմագրային կառավարման հանձնելու մրցույթի վերջնաժամկետը: Ներկայացվել է 2 առաջարկ` «Ռոսիյսկիե ժելեզնիե դորոգի» ՓԲԸ-ից եւ հնդկական «Rites»-ից։ Հայտամրցույթի վերջնական հաղթողը հայտնի կլինի 2008-ի հունվարին։ Հիշեցնենք, որ ՀՀ կառավարության որոշմամբ, «Հայկական երկաթուղին» հավատարմագրային կառավարման է հանձնվում 30 տարի ժամկետով` 20 տարի երկարաձգման իրավունքով: Հավատարմագրային կառավարման վերցնող ընկերությունը պարտավոր է 10 մլն դոլար վճարել նախնական մուծման տեսքով եւ 170 մլն դոլար ներդնել «Հայկական երկաթուղու» արդիականացման, վերանորոգման, շարժակազմի ձեռքբերման եւ ենթակառույցի զարգացման նպատակով:

http://hzh.am

քաղաքացի
17.10.2007, 11:41
2 առաջարկ :think
Պարզ է, քանի որ թվական կա: Եթե թվականը լիներ 2008-ի ընտրություններից հետո, ապա կտրվեր հնդիկներին (հուսով եմ), իսկ քանի որ հունվարին է որոշվելու, ապա անկասկած կտան ռուսներին: :[

Artgeo
17.10.2007, 14:45
2 առաջարկ :think
Պարզ է, քանի որ թվական կա: Եթե թվականը լիներ 2008-ի ընտրություններից հետո, ապա կտրվեր հնդիկներին (հուսով եմ), իսկ քանի որ հունվարին է որոշվելու, ապա անկասկած կտան ռուսներին: :[

Խնդիրը դա չէ: Այն, թե ում «կնվիրեն» երկաթուղին պարզ է բոլորին: Դա խնդիր չէ, քանի որ հանգիտս կարելի է անվավեր ճանաչել այս հերթական կեղտոտ գործարքը: Հարցն այստեղ շատ ավելի տխուր է: Տուպիկ երկրի երկաթուղով հետաքրքրված են միայն ռուսներն ու հնդիկները: Հնդիկների երկաթուղու մակարդակը շաաաատ ցածր ա, իսկ ռուսները գիտենք թե ինչի են հետաքրքրված: Փաստորեն ոչ մի նորմալ կազմակերպության Հայաստանի երկաթուղին պետք չի, այն պարզ պատճառով, որ ՀՀ գենիալ արտաքին քաղաքականության պատճառով (կամ ճիշտ կլինի, բացակայության պատճառով):

dvgray
17.10.2007, 17:38
Artgeo ջան:
Ինչի հետևից ես ընկել, ինչ ես ման գալիս:
Սրանք մի քանի տարի առաջ մեզ բոլորիս ես ծախել ռուսներին, հայտարարելով իրենց ֆորպոստ…
Եթե հոգիտ ու արժանապատվությունտ վաճառված է, շատ հետաքրքի՞ր է թե շորերովտ ով է հետաքրքրված գնելու: Նախ պետք է ազատագրել հոգին ու մարդկային արժանապատվությունը: Իսկ մնացածը… երկու րոպեի հարց է: Տեխնիկական մանր հարց :):

Artgeo
25.10.2007, 20:54
Այսօր Երևան-Թբիլիսի գնացքը Թբիլիսի հասավ երեկոյան 19.05-ին: Սա այն դեպքում, որ տվյալ մարդատար կոչվող (իրականում կիսաբեռնատար) գնացք կոչեցյալը (իրականում ջարդոնի հավաքածուն) Թբիլիսիից պիտի մեկներ Երևան 15.15-ին Թբիլիսիի ժամանակով:
Տրամաբանական հարց է առաջանում: Հետաքրքիր է ո՞ւր են ուղղվում «հսկայական ներդրումները», եթե միջազգային միակ ուղղին Հայաստան-Վրաստան ուղղին է:

Artgeo
17.01.2008, 17:42
Լուծարեցին, հետագայում ռուսներին նվիրելու համար :) Մի՞թե միակ պայմանը Կրեմլի կողմից Սերժ Սարգսյանին աջակցելու համար Երկաթուղին էր։ :think Կասկածում եմ։

Artgeo
08.06.2008, 11:08
Երևան-Թբիլիսի մարդատար գնացքը երեկ էլի մի քանի ժամ ուշացել էր, վթարի պատճառով: Սրանից առաջ վթար տեղի էր ունեցել մի քանի շաբաթ առաջ:
Երկրում ստաբիլություն կա... Մի քանի շաբաթը մեկ վթար է տեղի ունենում...

Artgeo
14.03.2009, 23:33
ՙՀարավկովկասյան երկաթուղուն՚ խոշոր ներդրում է անհրաժեշտ

Հայկական երկաթուղին հավատարմագրային կառավարման հանձնելու արդարացումներն հիմա ավելի շատ են դարձել: Ըստ մասնագետների դրա անհրաժեշտության մասին առաջինը երկաթուղու ֆիզիկական մաշվածությունն էր խոսում: Ենթակառուցվածքն այդ վիճակից փրկելու համար մեր պետությունը ներդրումներ իրականցնելու հնարավորություն
անշուշտ չուներ , այսինքն ընկերության լուծարումն ամենևին էլ անխուսափելի չէր, իսկ այդ փակուղուց դուրս գալու միակ միջոց մեր պետությունը գտավ երկաթուղին կոնցեսիոն կառավարման հանձնելու տարբերակով: Գյումրու կայարանի տնօրեն Վահան Գասպարյանը գտնում է, որ հակառակ դեպքում ներկա ճգնաժամի պայմաններում չէր բացառվի, որ ենթակառուցվածքը դադարեր գործելուց:

Արդյո՞ք ռուսական կողմի իրականացրած ներդրումները գոհացնում են
հայկական կողմին և կամ ի՞նչ է արվել մինչ այժմ երկաթուղու զարգացման համար: Այս հարցին տեղի կառույցում դժվարանում են պատասխանել: Միայն հայտնի է, որ առաջիկայում երկաթուղու կապիտալ վերանորոգման համար ռուսական կողմը 2միլիարդ դրամ է ներդնելու: Իսկ օգոստոսից մինչ այժմ կոնկրետ Գյումրի կայարանում որոշ շարժակազմեր են թարմացվել՝ այսինքն նորացվել են բեռնատար ու մարդատար որոշ գնացքներ: Իսկ երկաթուղին կառավարման հանձնելու 2կողմերի միջև կնքված պայմանագրով խոստացված աննախադեպ փոփոխություններն առայժմ չկան,այնպես ինչպես չկան նաև մեր երկրի տնտեսապես զարգացման նախադրյալները:

Գյումրի կայարանում այժմ աշխատանքներ են տարվում Գյումրի-Արյում ուղղության վերկանգնման համար:

Խակայն առավել հատկանշական է այն, որ գնացքների նորացմանը զուգահեռ ուղեվարձն է թանկացել՝60-70 տոկոսով: Օրինակ Գյումրի-Երեվան ուղղության ուղղեվճարն այժմ 800 դրամ է նախկին 500-ի փոխարեն, որոշ ուղղություններ թանկացել են կրկնակի:

ՈՒղեվարձերի թանկացմանը զուգահեռ պակասել են ուղեվորափոխադրումները: Սակայն կայարանում հույս ունեն, որ մեկ ամսից այդ առումով փոփոխություն կնկատվի: Այսինքն երբ ապրիլի 1-ից գազի թանկացում լինի,հաջորդաբար նաև ավտոբուսների և միկրոավտոբուսների ուղեվճարները կթանկանան: Իսկ այդ դեպքում ենթադրվում է, որ շատերը կսկսեն գնացքով երթևեկել:

Հերմինե Մկրտչյան
14.03.2009 թվական
http://www.galatv.am/new32.php

ministr
15.03.2009, 01:42
Որևէ մեկը գիտի ինչ է ենթադրում "ազգայնացում" կոչվածը? Օրինակ կարող ենք ազգայնացնել այն, ինչը որ ծախել են ռուներին? Ազգայնացնելուց պետությունը պետք ա փող տա տիրոջը, թե ասում են փասա-փուսեդ հավաքի ու "արագ հեռացի"? :)

Հակոբ Գեւորգյան
15.03.2009, 04:01
Ոչ պատշաճ բառերի օգտագործումը իսկապես փոխում է իմաստը. ի նկատի ունեմ օտարերկրյա եւ միջազգային բառերը, որոնք նույն են, բայց վերջինն ավելի թեթեւ է տարվում քան թե առաջինը։ Օրինակ. ԱՄՆ–ում կան օտարերկրյա կազմակերպություններ, սակայն դրանք երբեք չեն պիտակավորվում որպես օտար կազմակերպություններ (alien corporation), այլ կոչվում են միջազգային կազմակերպություններ (international corporation): Ի տարբերություն հայրենի կազմակերպությունների (domestic corporation), միջազգային կազմակերպությունների առջեւ դրված օրենքներն ավելի խիստ են. լավագույն օրինակներից այն է, որ այդ միջազգային կազմակերպությունները պետք է աշխատատեղեր ստեղծեն ամերիկացիների համար, վճարեն ԱՄՆ ֆեդերալ եւ նահանգային հարկերը, եւ շարունակաբար ցուցաբերեն մայր ընկերության ներդրումները ԱՄՆում։ Լավ կլիներ, որ Հայաստանում այս նույն գաղափարախոսությամբ առաջնորդվեյին պետության այրերը։

dvgray
15.03.2009, 04:49
Լավ կլիներ, որ Հայաստանում այս նույն գաղափարախոսությամբ առաջնորդվեյին պետության այրերը։
Հայաստանում պետությունը այրեր չունի:
Հայաստանում պետության հերն անիծողներ են մենակ պետության մեջ նստած:
՛Գարնանացան ցորեն գողացող մկան պես՛

Elmo
15.03.2009, 09:34
Որևէ մեկը գիտի ինչ է ենթադրում "ազգայնացում" կոչվածը? Օրինակ կարող ենք ազգայնացնել այն, ինչը որ ծախել են ռուներին? Ազգայնացնելուց պետությունը պետք ա փող տա տիրոջը, թե ասում են փասա-փուսեդ հավաքի ու "արագ հեռացի"? :)

Հաշվի առնելով, որ ստրատեգիական նշանակության օբիեկտներն էլ ազգային չեն(կապ, էներգետիկա, ջրրամատակարարման ցանց, օդանավակայան, նույնիսկ բանակի սպառազինության մի մասը) մենք ոչ ոքի չենք կարող ասել «արագ հեռացիր»:

ministr
15.03.2009, 12:26
Ես հենց դրա մասին եմ խոսում, որ ստրատեգիական նշանակության օբյեկտները ազգայնացվեն: Մի պահ մոռանանք բանակ-մանակ, ընկերություն բան.. կարող ենք ազգայնացնել թե ոչ? Ազգայնացումը ինչ քայլեր է ենթադրում?

Տրիբուն
15.03.2009, 14:29
Ազգայնացումը ինչ քայլեր է ենթադրում
Ամեն ինչ կախված է նրանից, թե վաճառքի պայմանագրով ինչ է նախատեսված: Որպես կանոն, պայմանգրում գնորդը որոշակի պարտավորություններ է ստանձնում՝ կոնկրետ ժամկետներում: Ասենք ներդնել այսքան գումար, վերանորոգել այսքանը, վերագործակել այնքանը մինչև էսինչ թիվը, ու սենց բաներ:

Պայմանագրի պայմանները չկատարելու դեպքում, կառավարությունը կարող է ասել, փասա փուսեքդ հավաքի, գնա:

Բայց քանի որ մեր մոտ վաճառքը կատարվում, իբր աճուրդով, իսկ իրականում, չորս կողմից փայ են մտնում ու վաճառքի պաշտոնական հայտարարված գնի վրայից էլ քեշ փող են վերցնում, ապա գնորդի կողմից պայմանագրային պարտավորությունները չկատարելու դեպքում, ոչ մեկը խոսալու տեղ չի ունենում:

dvgray
15.03.2009, 17:12
շիսկ էտ ոնց՞ եք պատկերացնում որ ռսներին ասեն - ապեր, փասա-փուսատ հավաքի ու գնա: ավելի շուտ ռսները մեզ կասեն, - ազգովի փասա-փուսեքտ հավաքեք ու շուտ քոչեք այստեղից դալնիյ վաստոկ, ամուրսկի օբլոստ, ձեր Մամիկոնյանի նախնիների հետ համատեղ ապրելու :D

Artgeo
31.07.2009, 01:22
Հայաստանում Երևան-Բաթումի գնացքը բախվել է ստոլբին... Զոհեր չկան, մեքենավարը խմած չէր, պռավաները ստացել ա քննություն հանձնելով, պարզապես ռուսական «Հարավկովկասյան երկաթուղիներ» կազմակերպությունը ռուսական ա...

Տատ
31.07.2009, 12:53
:o
Որ հայկական լիներ, երբեք չէր բախվի՞: Կամ, ասենք՝ անգլիական...
Չարախնդությունը չեմ հասկանում:

Marduk
31.07.2009, 13:04
Որ հայկական լիներ, երբեք չէր բախվի՞: Կամ, ասենք՝ անգլիական...

որ անգլիական լիներ թևեր կունենար կթռներ:

Իսկ ընդանրապես վերջերս նկատել եմ որ մարդիկ կան որ բոլոր չարիքները բացատրում են Ռուսաստանով ու ԿԳԲ-ով ( էդ էն ամերիկյան դավադրության հակառակ տարբերակն է, երբ ԿԳԲ-ն ամենուրեք դավեր է նյութում ), բայց հենց այդ մարդկանց առաջարկում ես թե եկեք կոնկրետ քայլեր անենք որ «Ռուսական» կապիտալի ազդեցությունը պակասի միանգամից սկսում են ասել կամ դա անիմաստ է, կամ էլ որ իրենք հավատարիմ են ազատ շուկային թեկուզ եթե ազատ շուկայից օգտվում է չար ԿԳԲ-ն:

Կարճ ասած այդ մարդիկ շարժվում են ոչ թե սկզբունքով այնպես անենք, որ Հայաստանին կամ Վրաստանին լավ լինի այլ այնպես որ Ռուսաստանին վատ լինի: Ընդ որում Ռուսաստան ասելով էլ հասկանում են ռուսական պետությունը ու ժողովուրդը այլ ոչ թե ասենք ռուսական (ավելի կոնկրետ ռուս-հրեական ) խոշոր կապիտալը, Գազպռոմ, ՌԱՒ, Երկաթգիծ և այլն: Ռուսական կապիտալին իրենք չեն ուզում կպնել:


Ընդ որում այդ Ռուսաստանին վատություն անելու մոլուցքը այնքան ուժեղ է, որ կարելի է դա անել նույնիսկ Հայաստանին ու Վրաստանին վնասելու գնով:

Իսկ օրինակ թուրքերը ու ադրբեջանցիները այդպես չեն գործում: Նրանք շատ լավ գտել են ձևը ոնց Ռուսաստանից մաքսիմում օգուտ քաղեն առանց սեփական դիրքերը զիջելու:

Norton
31.07.2009, 13:06
էդ էն ամերիկյան դավադրության հակառակ տարբերակն է, երբ ԿԳԲ-ն ամենուրեք դավեր է նյութում
Դե հենց ամերիկյան ու ջհուդամասոնական դավադրությունների առաջին պրոպագանդողն ու մասնագետը դու էս , ի՞նչից էս բողոքում:

Տատ
31.07.2009, 13:15
Ես եմ բողոքողը: Ռուս = վատ մտածելակերպից: Տվայալ թեմայում՝ վթար=ռուս նախադասությունից

Marduk
31.07.2009, 13:33
Դե հենց ամերիկյան ու ջհուդամասոնական դավադրությունների առաջին պրոպագանդողն ու մասնագետը դու էս , ի՞նչից էս բողոքում:

Նորտոն

Բողոքում եմ մարդկանց մտածողության պռիմիտիվիզմից:
Կներես բայց քո որակումը իմ գրառումների վերաբերյալ նույնպես այդ դասին է պատկանում:
Ես չեմ ասում թե չկա ԿԳԲ: Եթե կա ԿԳԲ ուրեմն նրանք ինչ որ բաներ անում են: Ընդ որում դու հաստատ չես էլ կարողանում իմանաս թե ինչ են անում: Օրինակ դու վստահ ես որ ՀԱԿ-ի թիկունքում ԿԳԲ-ը չկա՞:

Եթե կա մասոնություն ուրեմն նրանք էլ են մի բան անում, եթե կա հրեաներ նրանք ել են մի բան անում, եթե կա ԱՄՆ-ի պես հզոր պետություն ուրեմն հաստատ նրանք ել մի բան կանեն այստեղ այնտեղ:

Նրանք բոլորը անում են բաներ որոնցից էլ ձևավորվում է այն քաղաքականությունը որ տիրում է մեր շուրջը:

Բայց դու ոչ մի տեղ չես գտնի իմ գրառումներից մի դեպք որտեղ ես ասել եմ թե մասոնները, կամ հրեաները , կամ ԱՄՆ-ը կամ ԿԳԲ-ն ԱՄԵՆԱԶՈՐ ԵՆ:

Ընդհակառակը այս ֆորումում ես մի քանի անգամ շեշտել եմ որ մասոնությունը ունի լիքը պարտություններ բայց որոնց մասին ամեն անկյունում չեն գոռում որպեսզի հանկարծ չխաթարվի մասոնության ամենազորության միֆը:

Marduk
31.07.2009, 13:36
ջհուդամասոնական դավադրությունների

Ի դեպ Նորթոն ես կխնդրեի ձեզնից գտնել մի գրառում որտեղ ես օգտագործել եմ ջհուդամասոն բառը:

Norton
31.07.2009, 13:39
Բողոքում եմ մարդկանց մտածողության պռիմիտիվիզմից:
Կներես բայց քո որակումը իմ գրառումների վերաբերյալ նույնպես այդ դասին է պատկանում:
Ես չեմ ասում թե չկա ԿԳԲ: Եթե կա ԿԳԲ ուրեմն նրանք ինչ որ բաներ անում են: Ընդ որում դու հաստատ չես էլ կարողանում իմանաս թե ինչ են անում: Օրինակ դու վստահ ես որ ՀԱԿ-ի թիկունքում ԿԳԲ-ը չկա՞:

Եթե կա մասոնություն ուրեմն նրանք էլ են մի բան անում, եթե կա հրեաներ նրանք ել են մի բան անում, եթե կա ԱՄՆ-ի պես հզոր պետություն ուրեմն հաստատ նրանք ել մի բան կանեն այստեղ այնտեղ:

Նրանք բոլորը անում են բաներ որոնցից էլ ձևավորվում է այն քաղաքականությունը որ տիրում է մեր շուրջը:

Բայց դու ոչ մի տեղ չես գտնի իմ գրառումներից մի դեպք որտեղ ես ասել եմ թե մասոնները, կամ հրեաները , կամ ԱՄՆ-ը կամ ԿԳԲ-ն ԱՄԵՆԱԶՈՐ ԵՆ:

Ընդհակառակը այս ֆորումում ես մի քանի անգամ շեշտել եմ որ մասոնությունը ունի լիքը պարտություններ բայց որոնց մասին ամեն անկյունում չեն գոռում որպեսզի հանկարծ չխաթարվի մասոնության ամենազորության միֆը:
Իսկ ես ԿԳԲ մասին խոսք չասացի Մարդուկ:
Խոսքը նրա մասին է, որ դու իրավունք չունես մեղադրես մարդկանց ԿԳԲ դավադրություններին հավատալու մեջ, քանի որ դու շա՜տ-շա՜տ ավելի պրիմիտիվ գրառումներ էս անում Հայաստանի դեմ ուղղված դավադրությունների թեմայով:
Ես դավադրությունների մասին չեմ խոսացել ու չեմ խոսա, այնքան որ մի ներքաշիր ՀԱԿ-ի թիկունքում առնվազն մի հզոր ուժ կա՝ դա ժողովուրդն է, մնացած ուժերի մասին Ձեր ֆանտազիաները պրիմիտիվ էն ու ծիծաղելի, ինչպես Ձեր գրառումների ճնշիչ մեծամասնությունը, ցավոք:

Marduk
31.07.2009, 13:52
Իսկ ես ասում եմ ինչ օգուտ էդ ԿԳԲ-ի դավադրության դեմ պայքարողներից եթե նրանք մուծվում են ԿԳԲ-ին ի դեմս իրենց հեռախոսավարձի, իրենց էլեկտրականության վարձի, և այլ տեսակի տրանսպորտային վարձերի ձևով:
Նույն ձևի էլ կան հրեական դավադրության դեմ պայքարողներ որոնք ամեն ամսվա վերջում գնում են ինչ որ հրեական բանկի տոկոսներ են փակվում...:

Իսկ ինձ խոսալու իրավունք է տալիս իմ օբյեկտիվ գնահատականը իրականությանը, այլ ոչ թե կեղծավոր կեցվածքը երբ կոչ են անում մի բանի դեմ պայքարել , բայց իրականում այդ բանի հլու հնազադներն են:

Թող էդ ԿԳԲ-ի դեմ պայքարողները ստորագրահավաք սկսեն ու պահանջեն ազգայնացում ես էլ եմ կասեմ, հալալ է տղերք, դուխով տղերք են, ելել են ԿԳԲ-ի դեմ պայքարելու, նաղդ միացող եմ...

Վիշապ
31.07.2009, 14:18
Ես եմ բողոքողը: Ռուս = վատ մտածելակերպից: Տվայալ թեմայում՝ վթար=ռուս նախադասությունից

Իմիջայլոց, իզուր ես բողոքում Տատ։ Այս մտածելակերպը օդից չի առաջացել։ Պրակտիկան է այս մտածելակերպի ստեղծողը։ Իսկ պրակտիկայում շատ հաճախ է ստացվում, որ ալտերնատիվների մեջ ռուսականը վատն է, եթե ոչ ամենավատը։ Սպասարկումը, արտադրանքը, մարդկայինը… Ու իզուր եք ԿԳԲ–ի մասին խոսելիս խորշում, ԿԳԲ–ն դա ուղղվածության, կամ գուցե քաղաքական մտածելակերպի հետ այնուամենայնիվ առնչություն ունի, ԿԳԲ–ն նշանակում է չուզողություն, անվստահություն, կոմպրոմիսների գնալու անընդունակություն, էգոիզմ, կռիսական մանեվրներ… սա ռուսական ԿԳԲ–շնիկ Պուտինի քաղաքականությունն է… Պատահականությու՞ն է, որ գերհարուստ ռեսուրսների ու հսկա տարածությունների տեր Ռուսաստանը իր փոքրաթիվ բնակչությամբ սպառել է իր արտաքին ֆինանսական ռեզերվները, ու արդեն պատրաստվում է տասնյակ միլիարդների դոլարային պարտքեր անել Եվրոպայից… Պատահակա՞ն է, որ Ռուսաստանը ցորեն, կարտոֆիլ, ձուկ, միս է ահռելի քանակություններով ներմուծում դրսից, չի՞ կարողանում արտադրել ինչ է։ Ոչ ռուսական դեղամիջոցներն են մրցունակ, ոչ տեխնիկան, ոչ ավտոմեքենաները, ոչ հագուստեղենը, գրեթե ոչինչ չունի Ռուսաստանը մրցունակ, միայն բնական հանքեր ունի, մեծ տերետորիա, երկար լեզու, ամբիցիաներ… Բոլորը յան են տալիս Ռուսաստանից, Հայաստանը արդեն մնացել է մեն մենակ, որը դեռ Ռուսաստանի պոչից քարշ է գալիս, որովհետև մեր տուկատների վարած քաղաքականությունը, ավելի շուտ դրա բացակայությունը որևէ այլընտրանքի հնարավորություն արդեն չեն թողել։
Ահավասիկ, շատ նման է՝


Հայկական երկաթուղու հավատարմագրային կառավարումն ստանձնած «Հարավկովկասյան երկաթուղի» ընկերությունը կարծես թե չի արդարացնում այն սպասումները, որ վերջապես Երևան-Բաթում-Երևան երթուղով ուղևորների բարձրակարգ սպասարկում կիրականացվի:
Այդ ուղղությամբ գնացքի հետ կապված իրավիճակը, չնայած նոր ու հարմարավետ վագոնների շահագործմանը, արդեն մեծ դժգոհության ալիք է հարուցել։
Խնդիրներն սկսում են արդեն տոմսերի վաճառքից:
Սև ծովի վրացական լողափում հանգստանալ ցանկացողներն ստիպված են լինում ժամերով հերթ կանգնել, ինչը սակայն չի երաշխավորում տոմսի գնումը։ Տոմսարկղերի մոտ կարելի է տեսնել Խորհրդային Միության ժամանակաշրջանի բոլոր բացասական երևույթները՝ ցուցակներով հերթերը, ծանոթով առաջ խցկվելը, «տակից» վաճառքը, զոռբայությունը։

Մնացածն այստեղ՝ Դեպի Բաթում՝ նյարդերի հաշվին (http://www.cdaily.am/home/paper/2009_07_28/news/13504/)

Elmo
31.07.2009, 14:47
Մոդերատորական: Թեմայից դուրս գրառումները ջնջվել են: Իմ գործողություններից դժգոհ մարդկանց խնդրում եմ բողոքել ադմինիստրացիային:

Artgeo
31.07.2009, 16:05
Ես եմ բողոքողը: Ռուս = վատ մտածելակերպից: Տվայալ թեմայում՝ վթար=ռուս նախադասությունից
Տատ, իսկ չգիտեի՞ր, որ միայն ու միայն ռուսական իրականության մեջ կարող են տենց հիմար պատահարներ լինել, մեկ էլ նախկին խորհրդային նեխած տարածքներում:
Բացատրի ինձ տրամաբանորեն, ո՞նց կարա գնացքը խբել էլեկտրո ստոլբին: ախր էդ անտերը ԳԾԵՐՈՎ ա գնում, չես կարա աջ թեքես ու խբես, ՆԵՏ

Artgeo
31.07.2009, 16:10
Վիշապի տված էջից

Հնարավոր է, «Հարավկովկասյան երկաթուղին» ուղևորափոխադրումները համարում է ոչ եկամտաբեր ուղղություն և չի ցանկանում միջոցներ ծախսել։ Նշենք, որ կոնցեսիոն պայմանագրով՝ կոնցեդենտը (ՀՀ կառավարությունը) սուբսիդավորում է (մասնակի փոխհատուցում է) ուղևորափոխադրումների տարեկան վնասը։

Տատ
31.07.2009, 16:30
գրեթե ոչինչ չունի Ռուսաստանը մրցունակ, միայն բնական հանքեր ունի, մեծ տերետորիա, երկար լեզու, ամբիցիաներ…
Ստոպ, Կանգնիր, հանգստացիր, մի գոռոզանա:
Ռուսաստանն ունի (և չնայած բոլոր ինքնավերացման փորձերին՝ միշտ ունեցել է) այնպիսի Արվեստ, որը ծալած ունի մնացած բարգավաճ աշխարհինը, իսկ ինձ համար դա մեծագույն ցուցանիշ է՝ մեծ ոգու առկայությունը:

Բոլորը յան են տալիս Ռուսաստանից, Բոլորը հակառակն են անում, և հիմա՝ առավել ևս:

Տատ, իսկ չգիտեի՞ր, որ միայն ու միայն ռուսական իրականության մեջ կարող են տենց հիմար պատահարներ լինել, Ոչ, չգիտեի... հիմարագույն պատահարներ լինում են ամեն տեղ, այդ թվում Ամերիկայում, պարզապես այդ մասին բարձր ու չարախինդ չեն բղավում, ծածուկ են պահում: Իսկ Գիննեսի գրքի հատուկ ստեղծված հիմարությունները ևս ոչ ռուսական ձեռքով են ստեղծված:

Դե ինչ անեմ, թեմայից դուրս է՞ համարվում:

Հայկօ
31.07.2009, 16:32
Տատ, իսկ չգիտեի՞ր, որ միայն ու միայն ռուսական իրականության մեջ կարող են տենց հիմար պատահարներ լինել, մեկ էլ նախկին խորհրդային նեխած տարածքներում:
Բացատրի ինձ տրամաբանորեն, ո՞նց կարա գնացքը խբել էլեկտրո ստոլբին: ախր էդ անտերը ԳԾԵՐՈՎ ա գնում, չես կարա աջ թեքես ու խբես, ՆԵՏ

Ասում են՝ էս վերջին անձրևներից բլուրից քար-մար ա գլորվել, խփել ա սյանը, սյան տակի հողը ցեխ ա դառած եղել, սյունն էլ շուռ ա եկել գծերի վրա :think:

Artgeo
31.07.2009, 16:50
Ասում են՝ էս վերջին անձրևներից բլուրից քար-մար ա գլորվել, խփել ա սյանը, սյան տակի հողը ցեխ ա դառած եղել, սյունն էլ շուռ ա եկել գծերի վրա :think:
Հաաա, փաստորեն սխալ էի հասկացել: Ներողություն եմ խնդրում:
Միևնույն է անհասկանելի պահեր կան:
ԵՐԵՎԱՆ-ԲԱԹՈՒՄ ԷԼԵԿՏՐԱՔԱՐՇԸ ԲԱԽՎԵԼ Է ՍՅԱՆԸ

Այսօր գիշերը 02.35-ին Բաթումի-Երևան գնացքի էլեկտրաքարշը բախվել է երկաթգծի վրա ընկած էլեկտրասյանը: Ինչպես տեղեկացնում են ԱԻՆ փրկարար ծառայության լրատվական կենտրոնից, «Վանաձոր երկաթգծի կայարան» ՓԲԸ-ից երեկ տեղեկություն է ստացվել, որ ժամը 00.05-ի սահմաններում, հորդառատ անձրևից, Սպիտակ-Գյումրի ավտոճանապարհի 2 կմ-ում, թունելից պոկված ժայռաբեկորներն ընկել են հարակից բարձրավոլտ էլեկտրասյան վրա և այն տապալվել է երկաթգծի վրա: Ժամը 02.35-ին Բաթումի-Երեւան գնացքի էլեկտրաքարշը բախվել է ընկած սյանը:

http://www.panorama.am/am/society/2009/07/30/yerevanbatum/

Որ խնդրեմ որևէ մեկը տրամաբանորեն կբացատրի՞ այս հատվածը

Artgeo
19.01.2010, 21:30
Հերթական վթարն է տեղի ունեցել Հայաստանի ռուսական Յուժնոկավկազկի ժելեզնի դառոգաներում։ Հունվարի 16 ին Մերսեդես մակնիշի մեքենան և էլեկտրաքարշը բախվել են իրար Արտաշատ - Այգեվան հատվածում, ինչի արդյունքում Մերսեդես մակնիշի մեքենայում գտնվող երեք մարդ մահացել է։
ՅՈՒԿԺԴ.ամ (http://www.ukzhd.am/news/press-centre/press_131.html)

Artgeo
03.02.2010, 23:16
Այս «էլեկտրավոզը» (հայերենը չեմ հիշում) ռուսները «մեծահոգաբար»… Չէ, չեն նվիրել, 20 տարով տվել են Հայաստանին… Սրա նման ևս 4-ը
http://parovoz.com/gallery/AM/20071218_112350.jpg
http://www.parovoz.com/newgallery/?ID=112350&LNG=RU#picture

Երևան - Թբիլիսի մարդատար կոչվող գնացքի «էլեկտրավոզը» (հայերենը չեմ հիշում) Նույնպես 20 տարով օգտագործման տրվածներից
http://parovoz.com/gallery/AM/20060526_34742.jpg
http://www.parovoz.com/newgallery/?ID=34742&LNG=RU#picture

Հետաքրքիր է, 20 տարի հետո ի՞նչ են հետ տանելու…

ՅՈՒԿԺԴ - Երթուղայինով ավելի անվտանգ է… http://www.ukzhd.am/

Amarysa
04.02.2010, 00:55
Այս «էլեկտրավոզը» (հայերենը չեմ հիշում) ռուսները «մեծահոգաբար»… Չէ, չեն նվիրել, 20 տարով տվել են Հայաստանին… Սրա նման ևս 4-ը...

Հետաքրքիր է, 20 տարի հետո ի՞նչ են հետ տանելու…
http://www.ukzhd.am/

Հաստատ 20 տարվա ընթացքում դրանց արժեքի 20–ապատիկ ավելին կաշխատեն։
:[

Տրիբուն
05.02.2010, 12:12
Այս «էլեկտրավոզը» (հայերենը չեմ հիշում) ռուսները «մեծահոգաբար»… Չէ, չեն նվիրել, 20 տարով տվել են Հայաստանին… Սրա նման ևս 4-ը

Երևան - Թբիլիսի մարդատար կոչվող գնացքի «էլեկտրավոզը» (հայերենը չեմ հիշում) Նույնպես 20 տարով օգտագործման տրվածներից

http://www.parovoz.com/newgallery/?ID=34742&LNG=RU#picture

Հետաքրքիր է, 20 տարի հետո ի՞նչ են հետ տանելու…

ՅՈՒԿԺԴ - Երթուղայինով ավելի անվտանգ է… http://www.ukzhd.am/

Արտակարգ գնացքներ են: Սրանցից Գերմանիայում եմ տեսել, կարծեմ 280կմ/ժամ միջին արագություն ունեն ու արտակարգ հարմարավետ կուպեներ: Գույնն էլ, էն սպիտակ խաղերով, ավանգարդիստական ա ու շատ սիրուն ա նայվում:

Rammer
05.02.2010, 12:21
Արտակարգ գնացքներ են: Սրանցից Գերմանիայում եմ տեսել, կարծեմ 280կմ/ժամ միջին արագություն ունեն ու արտակարգ հարմարավետ կուպեներ: Գույնն էլ, էն սպիտակ խաղերով, ավանգարդիստական ա ու շատ սիրուն ա նայվում:

Գերմանիայինը տուֆտա բաներ են: Էսի սվեռխ զվուկավոյա ու պռավադնիցանները ինչ ուզես ոնց, ուզես սպասարկում են...

Artgeo
05.02.2010, 19:50
Դուք մնացածները չեք տեսել, թե չէ տենց իռոնիայով չէիք խոսա :)
http://www.parovoz.com/gallery/AM/20070815_91507.jpg
http://www.parovoz.com/newgallery/index.php?CATEG=&REGION=AM&TAKENON=&AUTHOR=&DESCR=&MONTH=&SHOW_ALL=1&HOWMANY=48&LNG=RU&NO_ICONS=0

Adriano
05.02.2010, 23:55
Իհարկե երկրի համար կենսական նշանակության օբյեկտները նպատակահարմար չէ հանձնել օտարներին: Այնպիսի օբյեկտներ ինչպիսիք են տրանսպորտային հանգույցները, որոնք փաստացի հանդիսանում են արտադրության զարգացման երակները, ջուրը գազը: Սակայն նախքան կառավարությանը մեղադրելը պետք է հասկանալ թե ինչու են ապաազգայնացվում այսպես կոչված բնական մոնոպոլիաները:
Ըստ առաջին վարկածի մեկին շտապ փողա պետք, մեր երկրի հետ ինչ կլինի թքած, մյուս վարկածի համաձայն կառավարությանը ստիպել են ինչ-որ պարտքերի կամ հին հաշիվների դիմաց, մեկ այլ տարբերակով, որը համարում եմ ամենախելամիտը կառավարությունը չի կարողանում ապահովել տրանսպորտային համակարգի, մասնավորապես երկաթուղու նորմալ անվնաս աշխատանք: Պարզաբանեմ վերջինը, այսինքն գումարներ չկան երկաթուղին հասցնելու միջազգային ստանդարտների: Հասկանալի է, որ երկաթուղին չի ենթադրում տրանսպորտային մի միջոցի առկայություն, ամբողջ պարկը պետք է փոխվի, նորացվի:
Սակայն ապաազգայնացման կա մի քանի տարբերակ ուղիղ և անուղղակի: Ուղիղի ժամանակ պետությունը ամբողջությամբ օբյեկտը տալիս է օտարերկրացու տիրապետմանը, կամ մի քանի տարով կամ մշտական:
Անուղղակի ձևի դեպքում օբյեկտը մնում է պետության ձեռքերում, սակայն ներդրողները ստանում են վերջինիս բաժնեմասերի կեսը կամ մի մասը: Սա հնարավորություն է տալիս զարգացնել համակարգը առանց մտածելու , որ հեսա օտարները կգան ու կտանեն:
Մի խոսքով կիսաապազգայնացումը նաև առողջացման նշանակություն ունի: Միակողմանի նայելը սխալ է:

Artgeo
18.06.2011, 10:25
«Հարավկովկասյան երկաթուղու» տոմսերը թանկացել են մինչեւ 25 տոկոսով

17.06.2011
Հովհաննես Շողիկյան

«Հարավկովկասյան երկաթուղի» ընկերության ուղևորափոխադրումների տնօրինության պետ Գագիկ Մովսիսյանը Երեւան-Բաթումի գնացքի տոմսերի 1500-ից մինչեւ 4000 դրամով (կամ մինչեւ 25 տոկոսով) թանկացումը մեկնաբանում է շվեյցարական ֆրանկի թանկացման փաստով:

«Քանի որ ամբողջ աշխարհում երկաթգծի համար փոխարժեքը շվեյցարական ֆրանկն է, մեզ մոտ եւս հաշվարկը կատարվում է շվեյցարական ֆրանկով, հետո փոխարժեքով դառնում է դրամ: Քանի որ շվեյցարական ֆրանկը անցած տարվա համեմատ 25.9-ով թանկացել է, դրա համար գները մի փոքր ավելացել են», - ասաց Մովսիսյանը «Ազատություն» ռադիոկայանի հետ զրույցում` հավելելով. - «Մենք թանկացում չենք կատարել, մենք ստիպված եղանք փոխել տարիֆային քաղաքականությունը, որպեսզի ապահովենք գների որոշ իջեցում հունիս եւ սեպտեմբերին ամիսներին, քան լինելու է հուլիս, օգոստոս ամիսներին»:

Մովսիսյանի տեղեկություններով նախորդ տարի Հայաստանից դեպի Վրաստան է ուղեւորվել ընդհանուր առմամբ 80 հազար մարդ, որից 23 հազարին սպասարկել է երկաթուղին: Հարցին, թե տոմսերի անուղղակի թանկացման պատճառով ուղեւորահոսքը չի պակասի՞, Մովսիսյանը պատասխանեց. - «Քանի որ անցած տարի պահանջարկը շատ մեծ էր, չկարողացանք ամբողջությամբ բավարարել, այս տարի նախատեսում ենք մինչեւ 30-35 հազար ուղեւոր տեղափոխել` Հայաստանից դեպի ծովափ»:

Նախորդ տարի երկաթուղային կայարանում հսկայական հերթեր էին գոյանում, ավելին` երբեմն նույն տոմսը մի քանի անգամ էին վաճառում: Գագիկ Մովսիսյանը հավաստիացնում է, որ այս տարի նույնը չի կրկնվի:

«Այս տարի որոշում կայացվեց ստեղծել էքսպրես վաճառքի համակարգ, այն ներդրվել է արդեն, աշխատում է մայիսի 16-ից եւ կոչվում է «Օրիոն», որը պրակտիկորեն բացառում է տոմսերի կրկնակի վաճառքը եւ ապահովում է տոմսերի ձեւակերպման արագություն: Երբ գանձապահները քննություն էին հանձնում, 6 րոպեի ընթացքում ձեւակերպում էին 8 տոմս: Անցած տարիների ընթացքում, ձեռքով լրացնելու դեպքում, մեկ տոմսը ձեւակերպում էին մինչեւ 10-15 կամ 20 րոպեի ընթացքում», - ասաց Մովսիսյանը:

Պաշտոնյայի խոսքով` ներդրված ծրագիրը հնարավորություն կտա նաեւ խուսափել տոմսարկղերի մոտ մարդկանց կուտակումից: Այսուհետ հնարավոր չէ նախապես տոմսեր ամրագրել, սակայն կարելի է մեկնելուց առավելագույնը 40 օր առաջ գնել դրանք: Մովսիսյանը հավաստիացնում է, որ նախորդ տարվա համեմատ այս տարի Երեւանից դեպի Բաթումի գնացքը հասնում է 1.5 ժամ ավելի շուտ: Բացի այդ, ըստ նրա, աշխատանքներ են ընթանում Վրաստանի հետ` ուղեւորների տարանցիկ փոխադրման նպատակով:

«Կարող են Երեւանից շուտով ապահովել տոմսը Երեւան-Բաթումի, Բաթումի-Սոչի ուղությամբ: Այսինքն Երեւանից տոմսը գնեն, եթե ուզում են Ռուսաստան շարունակել ճանապարհը, ավելի էժան է լինելու, քան ինքնաթիռներով», - նշեց Մովսիսյանը:

Հիշեցնենք, որ 2008-2009 թվականներին «Հարավկովկասյան երկաթուղի»-ն որոշակիորեն թերացրել էր իր ստանձնած պարտավորությունների կատարման հարցում: Այդ մասին ժամանակին բարձրաձայնեց նաեւ Տրանսպորտի եւ կապի նախարարությունը: Այսօր «Ազատություն» ռադիոկայանի հետ զրույցում նախարար Մանուկ Վարդանյանն ասաց, որ այս տարվա առաջին եռամսյակում եւս որոշակի խնդիրներ կան:

«Երկու ուղղությամբ են հիմնականում ներդրումներ անում, հիմնականում ենթակառուցվածքի եւ շարժակազմի, երկու ուղղությամբ էլ թերացումներ կան», - ասաց նախարարը:

Գագիկ Մովսիսյանը չժխտեց, որ ընկերությունը որոշ հարցերում թերացել է:

«Եղանակային պայմանները թույլ չէին տալիս աշխատանքեր կատարելու: Ձմռանը գծի վրա աշխատել հնարավոր չէ, գծի նյութերի ներկրում արդեն մեծ տեմպերով սկսվել է, աշխատանքները սկսվել են», - հավաստիացրեց Մովսիսյանը:

http://www.azatutyun.am/content/article/24238048.html

:D :D :D

Վրաստանում լավ են աշխատում, նվազել ա ժամանակը :D
Բաթումի - Սոչի՞...