PDA

Դիտել ողջ տարբերակը : Կաթողիկոսը և քաղաքականությունը



Ambrosine
21.03.2008, 21:36
Ես նոր թեմա եմ բացում, որովհետև կարծում եմ` հիմա այս թեման օգտակար է քաղաքականության բաժնում: Երբ ամեն ինչ հանգստանա, խնդրում եմ` բոլոր գրառումները տեղափոխեք Կրոն բաժնի <<Ինչի համար է կաթողիկոսը?>> թեմա: Եթե ավելի նպատակահարմար տարբերակ կա, վարվեք այդպես;)
Նախապես շնորհակալություն:)


Չենք կարող Ձեզ դիմել “Վեհափառ Տեր” դիմելաձեւով
Հայ Առաքելական Եկեղեցու մի խումբ հավատացյալներ եւ սպասավորներ այսօր Գարեգին 2-րդ կաթողիկոսին հղել են մի նամակ, որում, մասնավորապես, նշվում է հետեւյալը.

“Ցավոք, մենք չենք կարող Ձեզ դիմել “Վեհափառ Տեր”` Մայր Աթոռ ս. Էջմիածնի գահակալին սեպհական ու պատշաճ դիմելաձեւով: Մեզ մեծ անհանգստություն պատճառեց վերջին շրջանում կատարված բուռն ու ճակատագրական իրադարձությունների ընթացքում Մայր Աթոռի եւ անձամբ Ձեր դրսեւորած վարքագիծը: Այս դեպքում մենք չենք կարող ընդունել եկեղեցին պետությունից անջատված լինելու, “աշխարհիկ” գործերին չմիջամտելու եւ նմանօրինակ հնարավոր այլ բացատրություններն ու պատճառաբանությունները: Դրանք փարիսեցիական վատթարագույն օրինակներ են: Մեր պատմության մեջ միաձուլված են եղել ազատագրական ու կրոնական պատերազմները: Քանզի ամեն մի իրական հավատացյալ նախ եւ առաջ իր երկրի, պետության քաղաղաքացին է, ուստիեւ իր պարտքը պետք է կատարի առաջինը հենց հավատի թելադրանքով: Առավել եւս` երբ խոսքը վերաբերում է հոգեւոր հովվին, առավել եւս` հովվապետին: Դարձյալ` մեր պատմությունը տարբեր կարգի հոգեւորականների, այդ թվում նաեւ կաթողիկոսների հարյուրավոր օրինակներն ունի, թե ինչպես են նրանք իրենց դրսեւորել նման դեպքերում: Հիշենք թեկուզ վերջին նմանօրինակ փաստը` երբ երջանկահիշատակ Վազգեն Առաջին վեհափառ հայրապետը Մոսկվայում “աշխարհիկ” քայլի դիմեց` հացադուլ հայտարարեց հանուն Արցախի “աշխարհիկ” խնդրի:

Այն, ինչ տեղի ունեցավ վերջին շրջանում ու շարունակվում է առ այսօր, նույն խնդիրն է ըստ էության: Նվաճողը, բռնացողը, հարստահարիչը, ազատազրկողը, լլկողը, սպանողը, այո°, սովորաբար օտարն է լինում: Սակայն դա ամենեւին պարտադիր պայման չէ, եւ պատմությունն ունի նաեւ դրա, ճիշտ է` ավելի սակավ, սակայն բավարար ու համոզիչ օրինակներ: Օտարի նվաճողի վարքագիծը դեռ ինչ-որ տեղ բնական ու սպասելի է` նվաճվածին հնազանդ պահելու համար նա այլ ձեւ չունի: Դրան էլ հակադրվում է նվաճված ժողովրդի ազգային-ազատագրական պայքարը որպես նրա սրբազան իրավունք: Իսկ երբ իրեն վատթարագույն օտարի նման է պահում սեփական իշխանությունը, դա տասնապատիկ ավելի զայրացուցիչ է ու արգահատելի, տասնապատիկ ավելի վիրավորական ու անհանդուրժելի: Ուստիեւ դրա դեմ բարձրացած պայքարը նույնպես ազգային-ազատագրական է, նույնքան սրբազան, իր բնույթով ու խնդիրներով նման Ավարայրին ու Սարդարապատին:

Մենք ոչինչ չենք չափազանցնում: Մեր ժողովրդի ու Ձեր հոտի դեմ ահա 10 տարի սեփական երկրում, սեփական իշխանության կողմից իրականացվում է օտարին հատուկ մի քաղաքականություն, ինչի հետեւանքով`

- ընչազուրկ էր դարձել բնակչության 99 տոկոսը, իսկ մեկ տոկոսը լողում էր առատության մեջ.

- վախն ու սարսափը, կյանքի ու ապագայի անապահովության զգացումը դարձել էր համատարած.

- ստորացված, անարժանապատիվ, ճորտական կյանքով էին ապրում ոչ միայն ընչազուրկները, այլ նաեւ շատ թե քիչ ունեւորները.

- պանդխտությունը դարձել է համատարած. ամեն 3 ընտանիքից 2-ը պարզապես ապրել չի կարող, եթե աշխատող պանդուխտ չուղարկի դուրս.

- օրենքի փոխարեն ամենուր եւ վերից վար իշխանավորների կամքն է ու կամայականությունը.

- խաղաղ պայմաններում երկիրը դատարկվում է բնիկ բնակչույթունից տարեկան մի քանի տասնյակ հազար արտագաղթով:

Համեմատեք այս, բոլորին հայտնի ու անսակարկելի պատկերը 19-րդ դարում կամ 20-ի սկզբում Օսման կայսրության մեջ Արեւմտահայաստանի պատկերի հետ: Պակաս բան կա՞, եւ հօգուտ ո՞ր կողմի: Պակասում է 1915 թվականի եղեռնն ու ցեղասպանությո՞ւնը: Իսկ հոկտեմբերի 27-ի ոճի՞րը, իսկ տասնյակ ցինիկ ու անպատիժ սպանությունները, իսկ մարտի 1-ի անողորմ ու դաժան ջա՞րդը, խաղաղ ու անմեղ մարդկանց գնդակահարություննե՞րը: Թանկարժեք ու կարեւոր է ամեն մի մարդկային կյանք: Սակայն 1915-ի ցեղասպանության անուղղելի արդյունքը երկրի կորուստն էր` բնակչությունից զրկելու միջոցով: Ու ազգասպաններ են նրանք, ում քմահաճույքի, հարստանալու տենչի թե մոլագար ուղեղի պատճառով մի իրական, իր հետեւանքներով ոչնչով չտարբերվող ազգասպանություն է իրականացվում Հայաստանում ահա 10 տարի:

Այս ամենը Ձեր հոգեւոր հոտին չէ՞ր վերաբերում: Այս ամենը այդ հոտի հովվապետին չէ՞ր վերաբերում: Այս ամենը տեսնում ու հասկանում էին միլիոնավոր մարդիկ, որ դուրս եկան պայքարի, Դուք չէի՞ք տեսնում: Գեթ չէի՞ք տեսնում, որ հենց այս պետճառով էր Հայ Առաքելական եկեղեցու` հուսահատության եզրին հասած հարյուր հազարավոր հավատացյալներ դառնում հոգեւորսության առատ ասպարեզ: Մենք տեսնում էինք, բոլորը տեսնում էին: Ուստիեւ պայքարը ազգասպան ու հավատը վտանգող իշխանության դեմ, ազգային-ազատագրական է, մեզ համար` նաեւ հոգեւոր, նաեւ սրբազան, ինչպես Ավարայրը: Ամբողջ մի ժողովուրդ, որ նաեւ Ձեր հոգեւոր հոտն է, այդ պայքարն ավարտեց փառավոր հաղթանակով: Մինչդեռ այդ հաղթանակի դեմ դրվեց, օտարին հատուկ բարբարոսական մեթոդներով կատարված կեղծիքների հսկա մի աղբալեռ: Եւ Դուք, այդ ամենին ականատես ու վկա, ոչ միայն Ձեր ժողովրդի ու հոտի կողքին չեղաք` փարիսեցիաբար, այլեւ առաջինը շնորհավորեցիք` դավաճանաբար: Շնորհավորեցիք ազգասպան, հայանուն օտարին` իր տարած կեղծ հաղթանակի համար:

Ահա թե ինչու, որպես Հայ Առաքելական եկեղեցու 1700-ամյա Մայր Աթոռին նստած անձի, մենք չենք կարող Ձեզ դիմել “Վեհապառ տեր” հորջորջմամբ:

Եւ Ձեր խղճին եւ առ Աստված ունեցած հավատի իսկությանն ենք թողնում սեփական ժողովրդի նկատմամբ գործած ահավոր մեղքը քավելու ձեւի ընտրությունը: Հակառակ դեպքում այդ մեղքը բազմապատկվելու է Հայ Առաքելական Եկեղեցու տկարացմամբ ու հիմքերի խարխլմամբ: Եւ Ձեզ հիշելու են Վեստ Սարգսի կողքին:”
http://www.payqar.org/am/80/item/394/

Սաքուլ
22.03.2008, 01:40
Եկեք օբյեկտիվ լինենք: Խայտառակություն էր, որ Լևոն Տեր-Պետրոսյանը չընդունեց Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսին:

Norton
22.03.2008, 01:45
Խի,որ կաթողիկոսը սպեցին թողեց Սուրբ Սարգսում թաքնվեն էդ նորմալա?:o

Սաքուլ
22.03.2008, 02:09
Խի,որ կաթողիկոսը սպեցին թողեց Սուրբ Սարգսում թաքնվեն էդ նորմալա?:o

Ովա ասում, որ տենց բանա եղել? Որտեղից գիտես?
Եթե տենց բանա եղել, իհարկե դա աննորմալա, բայց դա այլ խոսալու թեմայա:
Կոնկրետ թեմա կա- թե խի Լևոնը չի ընդունել ու միանշանակ սա ոչ մի պարզաբանում չունի- խայտառակություն:

Ambrosine
22.03.2008, 12:00
Եկեք օբյեկտիվ լինենք: Խայտառակություն էր, որ Լևոն Տեր-Պետրոսյանը չընդունեց Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսին:

Խայտառակություն կլիներ, եթե ընդուներ: Էտ մարդը չգիտի կաթողիկոսի ֆունկցիաները: Ես մի ուրիշ կարգի հիասթափված եմ մեր կաթողիկոսից: Էնքան լավ, բարի, ժողովրդին ու Աստծուն նվիրված հոգևորականներ ունենք, թե խի են իրան կաթողիկոս դարձրել: Հիշում եմ արքեպիսկոպոս Աշճյանին, ինչ բարի, ազգին նվիրված մարդ էր

keyboard
22.03.2008, 12:06
Խայտառակություն կլիներ, եթե ընդուներ: Էտ մարդը չգիտի կաթողիկոսի ֆունկցիաները: Ես մի ուրիշ կարգի հիասթափված եմ մեր կաթողիկոսից: Էնքան լավ, բարի, ժողովրդին ու Աստծուն նվիրված հոգևորականներ ունենք, թե խի են իրան կաթողիկոս դարձրել: Հիշում եմ արքեպիսկոպոս Աշճյանին, ինչ բարի, ազգին նվիրված մարդ էր
Ես ուզում էի Աշճյանի մասին խոսել, անձամբ ճանաչում էի նրան, երջանկահիշատակ Մեսրոբ Արքեպիսկոպոս Աշճյանին, մեր դասարանին Մուղնիում գտնվոս Սբ. Գևորգ եկեղեցին տարավ, որը վերակառւցվում էր իր միջոցներով:
Երբ կաթողիկոսական ընտրությունները եղան, Աշճյանը հաղթել էր ինչպես Մանուկյանը 96-ին սակայն, մենք այն ժամանակ փոքր էինք, եկեղեցում աշխատողներն էին պատմում, լավ եմ հիշում:
Աշճյանի մահն էլ եմ առեղծվածային համարում: հետևությունները թողնում եմ Ձեզ:
Գարեգին Բ-ն նշանակվել, և ոչ մի դեպքում ընտրվել է և վերջ, որպեսզի կրոնական մանիպուլյացիա լինի:
Շնորհակալ եմ ուշադրության համար:
Իդեպ, եթե չմահանար, պիտի իր հետ Արևմտյան Հայաստան գնայի: Լացս գալիս է, որ հիշում եմ իր պատմածները այնտեղի մասին: Մեծ էր նա՝ մեծ, մեր ազգի մեծերից, որոնց թիվը գնալով քչանում է::(

ChildOfTheSky
22.03.2008, 12:26
Կաթողիկոսը վարկաբեկվել էր դեռ կաթողիկոս չդարձած ժամանակ , այդպիսի մարդը չպետք է դառնար կափողիկոս , մեր եկեղեցին շատ թույլ գտնվեց ` թույլ տալով այդպիսի մարդուն դառնալ կաթողիկոս : Նրա մասին այնքան ասեկոսեներ են պտտվում , որ ուղղակի պետք է կասեցնեին նրա կաթողիկոս դառնալը : Բոլորին հայտնի է նրա կապը Լուիզ-Սիմոն Մանուկյանի հետ , իսկ վերջերս նույնիսկ լսել եմ , որ նա ընտանիք ունի Պետերբուրգում :

dvgray
22.03.2008, 14:41
Կաթողիկոսը վարկաբեկվել էր դեռ կաթողիկոս չդարձած ժամանակ , այդպիսի մարդը չպետք է դառնար կափողիկոս , մեր եկեղեցին շատ թույլ գտնվեց ` թույլ տալով այդպիսի մարդուն դառնալ կաթողիկոս :
Եթե մոռացել ես, ապա հիշացնեմ, որ նրան "ընտրեցին" Վազգեն Սարգսյանի "ավտոմատների" տակ: Սաղին կոխեց մի դենյակ, ու ասեց, մինչև Գագոյին չընտրեք, ստեղից դուրս չեք գալու: Տերտերներն էլ որ սովածացան, "ընտրեցին" ու գնացին հաց ուտելու:
:D

Երվանդ
22.03.2008, 15:15
Եկեք օբյեկտիվ լինենք: Խայտառակություն էր, որ Լևոն Տեր-Պետրոսյանը չընդունեց Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսին:

Ճիշտա արել, որ հանկարծ ինչ որ հրաշքով մեր տուն գա եսել դուռը չեմ բացի, այ կաթողիկոսը լուսահոգի Վազգեն Առաջինն Ամենայն Հայոց Կաթողիկոսն էր, նա միշտ իր ժողովրդի կողքին էր, դրա համար նաև պետական պաշտոնյաները, և նույնիսկ Վազգեն Սարգսյանը քաշվում էին նրանից

Artgeo
22.03.2008, 15:19
Ճիշտա արել, որ հանկարծ ինչ որ հրաշքով մեր տուն գա եսել դուռը չեմ բացի, այ կաթողիկոսը լուսահոգի Վազգեն Առաջինն Ամենայն Հայոց Կաթողիկոսն էր, նա միշտ իր ժողովրդի կողքին էր, դրա համար նաև պետական պաշտոնյաները, և նույնիսկ Վազգեն Սարգսյանը քաշվում էին նրանից

+1 Ասելիքս ասեցիր :)

Ambrosine
22.03.2008, 17:15
Ես ուզում էի Աշճյանի մասին խոսել, անձամբ ճանաչում էի նրան, երջանկահիշատակ Մեսրոբ Արքեպիսկոպոս Աշճյանին, մեր դասարանին Մուղնիում գտնվոս Սբ. Գևորգ եկեղեցին տարավ, որը վերակառւցվում էր իր միջոցներով:
Երբ կաթողիկոսական ընտրությունները եղան, Աշճյանը հաղթել էր ինչպես Մանուկյանը 96-ին սակայն, մենք այն ժամանակ փոքր էինք, եկեղեցում աշխատողներն էին պատմում, լավ եմ հիշում:
Աշճյանի մահն էլ եմ առեղծվածային համարում: հետևությունները թողնում եմ Ձեզ:
Գարեգին Բ-ն նշանակվել, և ոչ մի դեպքում ընտրվել է և վերջ, որպեսզի կրոնական մանիպուլյացիա լինի:
Շնորհակալ եմ ուշադրության համար:
Իդեպ, եթե չմահանար, պիտի իր հետ Արևմտյան Հայաստան գնայի: Լացս գալիս է, որ հիշում եմ իր պատմածները այնտեղի մասին: Մեծ էր նա՝ մեծ, մեր ազգի մեծերից, որոնց թիվը գնալով քչանում է::(

Որ 2001 թվին նշվում էր 1700 ամյակը, բոլոր գործերով նա էր զբաղված: Հետո, որ իմացա մահացել է, իրոք, շատ տխրեցի:(

keyboard
22.03.2008, 17:25
Որ 2001 թվին նշվում էր 1700 ամյակը, բոլոր գործերով նա էր զբաղված: Հետո, որ իմացա մահացել է, իրոք, շատ տխրեցի:(
Այո նա 1700 ամյակի միջոցառումների ղեկավա տնօրենն էր, սակայն չեմ կարծում, որ իր մահով է մահացել, սա սուբյեկտիվ կարծիք է: Ես մինչև օրս նրա մահը հիշելուց ազդվում ու ափսոսում եմ:

Ambrosine
22.03.2008, 17:31
Այո նա 1700 ամյակի միջոցառումների ղեկավա տնօրենն էր, սակայն չեմ կարծում, որ իր մահով է մահացել, սա սուբյեկտիվ կարծիք է: Ես մինչև օրս նրա մահը հիշելուց ազդվում ու ափսոսում եմ:

Ինքը Ամերիկայում մահացավ, չէ, 2003-ին? Բայց մտքովս չի անցել, որ դա սարքված կարող ա լինի: Բայց այդ աստիճանի ստոր կարող էին գտնվել, որ սպանեն այդպիսի մարդու + հոգևորականի?:o:angry Չէ, գնալով էս մեր երկրի հանդեպ հիասթափությունս մեծանում ա: Ավելի համոզվում եմ, որ Պայքար, պայքար մինչև վերջ...

keyboard
22.03.2008, 17:39
Ինքը Ամերիկայում մահացավ, չէ, 2003-ին? Բայց մտքովս չի անցել, որ դա սարքված կարող ա լինի: Բայց այդ աստիճանի ստոր կարող էին գտնվել, որ սպանեն այդպիսի մարդու + հոգևորականի?:o:angry Չէ, գնալով էս մեր երկրի հանդեպ հիասթափությունս մեծանում ա: Ավելի համոզվում եմ, որ Պայքար, պայքար մինչև վերջ...
Դե ես համոզված չեմ դրանում ,սակայն անձնական շբումիցս չէի ասի, որ նա այդքան շուտ հրաժեշտ կտար կյանքին, նրան Անթիլիասում են թաղել, դիակը անգամ Հայաստան չբերեցին, դե դա նրա պատգամն էր, որ իրեն թաղեն իր ծննդավայրում, բայց ժողովուրդը չկարողացավ հրաժեշտ տալ նրան, այ դրա համար էլ կասկածելի է, այո:
Դե իհարկե, եթե ընտանիք ունենալ կարող են ուրեմն մարդ սպանելն էլ է սովորական գործ, որը պակաս սրբապղծություն չէ, որքան կուսակրոն եկեղեցականի համար երեխա ունենալն ու նրան քավոր կանգնելը:

Taurel. . . .
22.03.2008, 18:03
Ի՞նչու չի ընդւնել մեր կոկորդիլոսին ըըը կներեք կաթողիկոսին՝ լավա արել, որովհետև նախ ուշացել էր ու հետո սխալ հասցեով էր եկել, պետքա գնար Ռոբի մոտ՝ ինքն էր կոտորում ժաղավրդին............

salatik
22.03.2008, 23:37
Հաստատ կարող եմ ասել, որ Գարեգին Բ-ի ընտրության ժամանակ մանդատ ունեցողները Վազգեն Սարգսյանի ու մյուսների մահվան մասին իմացել են միայն ընտրությունից հետո, դե իհարկե Գարեգինին տեղյակ պահել էին, բայց ինքն էլ գիտեր, որ իմանային Վազգեն Սարգսյանի մահվամ մասին, իրան ոչ մեկ չէր ընտրի, քանի որ բոլորս էլ գիտենք Վազգենի ասածը ոչ մեկ չէր կարողանա այն ժամանակ չկատարեր, իսկ իմ կարծիքով Գարեգինին ինքն էր ասել, որ ընտրեն: Դրա համար ընտրությունը ավարտվելուց հետո միայն հայտնել են ողբերգության մասին:

Ինչ վերաբերվումա Լևոն Տեր-Պետրոսյանի կատարած քայլին, ես ոչ մի բան չեմ կարող ասել հակառակը, եթե ես էլ լինեի իրա տեղը չէի բացի իմ տան դուռը: Ժողովուրդը կանգնել էր Ազատության հրապարակում, բողոքում էր անարդար ընտրությունների համար, իսկ ինքը գնացել էր շնորհավորում էր Սերժ Սարգսյանին, որ կարողացավ կրիմինալի օգնությամբ նկարել 53%-ը:
Ու մինչև իրա փոխարեն մի նորմալ հոգևորական չլինի մեր կաթողիկոսը, ես հաստատ Էջմիածնի եկեղեցի չեմ գնա էլ: Իսկ վաղը ժամը 12-ին ոնց որ հայտարարվածա, գնալու եմ Սբ.Գրիգոր Լուսավորիչ եկեղեցի Սուրբ Զատիկի տոնի հետ կապված:

Smergh
23.03.2008, 00:19
...Ինչ վերաբերվումա Լևոն Տեր-Պետրոսյանի կատարած քայլին, ես ոչ մի բան չեմ կարող ասել հակառակը, եթե ես էլ լինեի իրա տեղը չէի բացի իմ տան դուռը: Ժողովուրդը կանգնել էր Ազատության հրապարակում, բողոքում էր անարդար ընտրությունների համար, իսկ ինքը գնացել էր շնորհավորում էր Սերժ Սարգսյանին, որ կարողացավ կրիմինալի օգնությամբ նկարել 53%-ը:
Ու մինչև իրա փոխարեն մի նորմալ հոգևորական չլինի մեր կաթողիկոսը, ես հաստատ Էջմիածնի եկեղեցի չեմ գնա էլ: Իսկ վաղը ժամը 12-ին ոնց որ հայտարարվածա, գնալու եմ Սբ.Գրիգոր Լուսավորիչ եկեղեցի Սուրբ Զատիկի տոնի հետ կապված:

Քրիստոս հարյավ ի մեռելոց, Ձեզ և մեզ սուրբ Ավետիս…

Հարգարժան salatik, ըստ ինձ՝ Դուք երկու սխալ միաժամանակ եք գործում
ա. "Սուրբ էջմիածին" եկեղեցին Նորին Սուրբ Օծություն Տեր Տեր Գարեգին Բ-ի սփականությունը չէ, այլ Վեհափառն այնտեղ ընդամենը ժամանակավոր Հովիվն է ի վերա յուրա ոչխարաց, այնպես որ կարող եք հանգիստ խղճով այցելել Սուրբ Էջմիածին՝ երբ կամենաք:
բ. Վեհափառը հենց նրա համար է Վեհափառ, որ մենք իրավունք չունենք նրա քայլերը գնահատելու, առավել ևս քննադատելու համար, ելնելով հոգևոր աշխարհում նրա զբաղեցրած բարձրագույն դիրքից:
Իսկ որ ԼՏՊ-ն հրաժարվել է ընդունել Նորին Սուրբ Օծությանը՝ դա մեկ անգամ ևս հաստատում է, որ առաջին անգամ նախագահն իր պաշտոնն ստանձնելիս իսկապես թալմուտի, այլ ոչ ավետարանի վրա է երդվել /այն ժամանակ մենք դեռևս սահմանադրություն չունեինք/ : Այս վերջին պնդումս կարող եմ հեշտությամբ ապացուցել բոլոր նրանց համար, ովքեր կասկածում են, կամ համարում են, որ դա հորինվածք է:

salatik
23.03.2008, 00:42
Սիրելիս, ես սխալ չեմ գործի եթե չգնամ Սբ.Էջմիածին, դա իմ անձնական գործն է: Ինքն ինձանից տարիքովա, հուսով եմ, որ հաջրդ կաթողիկսի օրոք կայցելեմ:
Իսկ ինչ մնումա ԼՏՊ-ի երդվելուն, ես դեմ չեմ լինի եթե ապացուցես:

Երվանդ
23.03.2008, 01:27
Քրիստոս հարյավ ի մեռելոց, Ձեզ և մեզ սուրբ Ավետիս…
Վեհափառը հենց նրա համար է Վեհափառ, որ մենք իրավունք չունենք նրա քայլերը գնահատելու, առավել ևս քննադատելու համար, ելնելով հոգևոր աշխարհում նրա զբաղեցրած բարձրագույն դիրքից:


Բարև ձեզզզ, մենք ունեցել ենք Պետրոս Գետադարձ անունով կաթողիկոս, որը պատմության մեջ հայտնի է որպես դավաճան, եթե հիշողությունս չի դավաճանում Վեստ Սարգիսի գործակիցն է եղել, հիմա ինչ իրավունք չունենք իրան ասենք որ դավաճանա, քանի որ զբաղեցրել է հոգևոր բարձր դիրք?????

Ambrosine
23.03.2008, 01:29
Բարև ձեզզզ, մենք ունեցել ենք Պետրոս Գետադարձ անունով կաթողիկոս, որը պատմության մեջ հայտնի է որպես դավաճան, եթե հիշողությունս չի դավաճանում Վեստ Սարգիսի գործակիցն է եղել, հիմա ինչ իրավունք չունենք իրան ասենք որ դավաճանա, քանի որ զբաղեցրել է հոգևոր բարձր դիրք?????

2-ի համար էլ դավաճան բառը քիչ ա: Դրանք մեր երկիրն են տվել Բյուզանդիային:angry