PDA

Դիտել ողջ տարբերակը : Կոսմետիկա՞, թե՞ գեղարարական անճաշակ նկարչություն



Էջեր : [1] 2

Cassiopeia
06.10.2006, 15:51
Ի՞նչ եք կարծում, հնարավոր է արդարացնել այն հանգամանքը, որ դիմացից քայլող աղջկա դեմքին բացի սեփական մաշկի գույնից երևում է ծիածանի բազմերանգ ու գունագեղ մի նկարչություն: Կոսմետիկան ինքնին թերությունները փակելու համար է: Սակայն դժվար չի նկատել, որ այն ոչ թե թաքցնում է այդ թերությունները, այլ հակառակը, վուլգար ու տհաճ տպավորություն է թողում… Մի՞թե դա ևս արտասահմանից ներխուժած սովորույթ է՝ բույն դրած ներկայիս իգական սեռի մոտ…

kiki
06.10.2006, 17:03
ես կոսլմետիկա չեմ օգտագործում տուշից ու թափանցիկ շրթներկից բացի ... գտնում եմ, որ երիտասարդ մաշկը չպետք է թունավորվի այդ քիմիայով , անգամ դեմքին դուրս եկած "տհաճությունները" չեն թաքցվում այդ զիբիլ պուդրայի կամ կրեմի տակ, անգամ հակառակ էֆեկտն են տալիս ՝ քիչ է որ դրանք երևում են, մի հատ էլ սպիտակ անբնական շերտ է դեմքի վրա ... ու բոլորն էլ տեսնում են թե ինչ է կատարվում ... մի խոսքով, այդ գումարը, որ ծախսվում է այդ անպետք քիմիայի վրա ավելի լավ է տրվի մաքրող միջոցներ ձեռք բերելու համար, քանի որ բոլոր երիտասարդներն էլ ունեն նման խնդիրներ : ավելի լավ չէ՞ գնել մաքրող միջոց ՝ օրինակ Քլին ընդ քլեյնը ասում են շատ լավն է , դե ես պրոբլեմ չեմ ունեցել , չեմ օգտագործել, բայց կարծեմ դա գովում են, ու հետո այդ պրոբլեմները գտնում եմ երբեմն հենց այդ քիմիայի հետևանքն են ...
այ տոն օրերին ՝ հարսանիք, ծնունդ, նոր տարի ... բնականաբար ինձ տոնական տեսք եմ տալիս, սիրում եմ երբ աչքերն են ընդգծվում, ու տեղը տեղին աչքերս արտահայտիչ եմ դարձնում, բայց միայն դա ՝ առանց այդ կրեմ ու պուդրա կոչվածների ... դեմքիս ոչինչ չեմ քսում ...
մի խոսքով, աշխատեք լինել բնական, դրանից լավը չկա ...

Lionne_en_Chasse
06.10.2006, 17:06
Հայերին բնորոշ բարդույթ՝ ամեն բացասական երևույթի համար մեղադրել արտասահմանին :) :
Արտասահմանում շպարվել ընդհնարպես չեն սիրում, հատկապես երիտասարդ տարիքում : Սկսում են 35-ից հետո: Իհարկե շպարվում են , ինչպես նշվեց միայն թերությունները քողարկելու համար, բայց այնքան նրբորեն, որ անգամ խոշորացույցով նայելիս չես նկատի շպարը:Եվ դա սխալ է, քանի որ արտասահմանցի կանայք կանացիությունից լրիվ զուրկ են ( թե հագնվելու, թե շպարվելու, թե ընդհանրապես կանացի շարժ ու ձևի / կեցվածքի լրիվ բացակայություն)...Այնքան է եղել հասարակական վայրերում չեմ գուշակել դիմացինս կին է թե տղամարդ , կամ քայլող զույգերից որը որն է ( եթե իհարկե միասեռ զույգ չեն :[ )
Ինչ վերաբերում է մեր հայ աղջիկներին, ապա գերակշռող մեծամասնությունը, ոչ թե քսվում է, այլ պռտվում (մեղմորեն ասած) և շատ անճաշակ ու վառ արտահայտիչ գույներով:
Անձամբ ես կարծում եմ, որ կինը/աղջիկը պետք է շպարվի , թեկուզ և արտահայտիչ բայց չափի մեջ , միայն դիմագծերը ընդգծելու համար ( այլ ոչ թե դիմագծեր նկարելու համար)

Arisol
06.10.2006, 17:45
Համաձայն եմ բոլոր գրվածների հետ: Ճիշտն ասած չգիտեմ, թե արտասահմանում առօրյայում աղջիկները/կանայք/ ինչպես են շպարվում, բայց, օրինակ, ֆիլմեր և հաղորդումներ նայելու ժամանակ ուշադրություն եմ դարձրել մակիյաժին և նկատել եմ, որ արտասահմանցիները շատ ճիշտ են շպարվում, այնպես, որ մակիյաժը համարյա թե չի երևում, այսինքն նրանք ճարպկորեն թաքցնում են իրենց թերությունները (եթե դրանք իհարկե կան) և ընդգծում են գեղեցիկ տեղերը, իսկ մեր՝ հայերի մոտ լրիվ հակառակ երևույթն է ընթանում՝ արտահայտիչ են դարձնում թերությունները և մի տոննա կրեմների, տյեների, պուդրայի և շրթներկի տակ թաքցնում են գեղեցիկ տեղերը:[ : Լիովին համաձայն եմ, որ կարիք չկա, որ ճահել աղջիկները կոսմետիկա օգտագործեն և իրենց կարծիքով «գեղեցկացնեն» իրենց, քանի որ ճահելությունը հենց ինքը գեղեցկություն է: Իհարկե, կան աղջիկներ, որոնք մակիյաժի կարիք են զգում, բայց այնուամենայնիվ հարկավոր է այն անել այնպես, որ միայն թերությունները ծածկվեն, այլ ոչ թե ծաղրածուի նման տարբեր երանգի պուդրաներ և տյեներ լինեն դեմքի վրա:[ : Շա՜տ եմ տեսնում աղջիկներ, որոնք ավելի շատ ծաղրանքի օբյեկտի են նմանեցնում իրենց մակիյաժով ու մտքումս ասում եմ «տեսնես տնից դուրս գալուց առաջ իրենց հայելու մեջ նայե՞լ են:think …»: Շատերին թվում է ՝ որքան շատ կոսմետիկա լինի դեմքին, այնքան ավելի գեղեցիկ և հրապուրիչ կլինեն, բայց չարաչար սխալվում են:nono, իրականում լրիվ հակառակն է:B : Մեկ էլ մի բանի վրա եմ զարմանում… Բա ո՞նց են տենցներին համբուրում տղաները:[ …Պատկերացնու՞մ եք, թե օրական որքա՜ն կոսմետիկա են ուտում խեղճ տղաները:[ :D …
Էհ, այս թեմայի շուրջն անվերջ կարող եմ խոսել, քանի որ այն ինձ շա՜տ է հուզում…
Ինչ վերաբերում է ինձ, ապա ասեմ, որ ես իմ 17 տարվա ընթացքում երբեք կոսմետիկա չեմ օգտագործել և նույնիսկ չեմ պատկերացնում, որ կգա մի ժամանակ, երբ կսկսեմ այն օգտագործել, քանի որ մի քանի անգամ տանը ձևի համար շպարվել եմ ու ինձ շատ դեկոմֆորտ էի զգում ու պատկերացնում էի, թե երեսս դիմակի տակ է և մարդիկ կծիծաղան իմ վրա, եթե այդպես փողոց դուրս գամ:D: Նաև իմ մաշկը այդ քիմիական նյութերը չի ընդունում:( , ալլերգիա է առաջանում, երեսս դուրս է տալիս:bl : Բայց օգտագործում եմ հիգիենիկ շրթներկ, այն էլ միայն այն դեպքում, երբ շրթունքներս ճաքճքած են լինում;) : Ու՜ֆ, էս ինչ շա՜տ գրեցի:D : Լավ, չձանձրացնեմ էլ;) , հերիք է այսքանը:) :

Esmeralda
06.10.2006, 20:48
Ընդհանրապես օգտվում եմ կոսմետիկայից...
Օրինակ, ընդհանուր դեմքին քսելու համար կրեմներ չեմ օգտագործում... օգտագործում եմ սովորական պուդրա, որի միջոցով պարզապես պաշտպանում եմ երեսս արտաքին միջավայրից(օրինակ՝ փողոցի փոշուց),քանի որ շատ զգայուն մաշկ ունեմ...
Աչքերիս մատիտ եմ քսում և երբեմն տուշ... Շրթներկ չեմ սիրում, գրեթե չեմ օգտագործում... չնայած ասում են, որ սազում է...
Շպարվելը չեմ համարում շատ կարևոր բան... այսինքն եթե չեմ հասցնում, կարող եմ նաև առանց դրա դուրս գալ տանից... Կան մարդիկ, որ համարում են, որ ինձ սազում է շպարված, կան մարդիկ, որոնց կարծիքով առանց դրա ավելի լավ է... մի խոսքով... ինչքան մարդ, այնքան կարծիք... Ինչևէ... չեմ կարծում, որ շպարվելը վատ երևույթ է... Մարդկանց չեմ դատապարտում դրա համար... պարզապես, իրոք, գեղեցիկ չէ, երբ դեմքը չափից դուրս գունազարդված է...

StrangeLittleGirl
06.10.2006, 23:12
Զզզզզզզզզզզզվում եմ կոսմետիկայից: Երբեմն հարկադրված ստիպված եմ եղել շպարվել (ասենք, բեմի համար): Ոնց որ դեմքիս վրա ավելորդ բաներ լինեին: Կներեք, բայց մինչև հիմա չեմ հասկանում կոսմետիկա օգտագործելու իմաստը: Էլ չեմ ասում դրա՝ մաշկին հասցրած վնասների մասին: Չեմ հասկանում, թե ինչու մարդիկ չեն գոհանում իրենց ունեցածով:

Aida
06.10.2006, 23:31
17 տարեկան եմ օգտագործում եմ միայն տուշ և թափանցիկ շրթներկ: Կյանքիս մեջ մի անգամ եմ լաաաավ պրտվել այսինքն պրտել են Վիպուսկնոյիս օրը...........իիիիիիիիինչ օր էր: Արտաքին տեսքիցս շատ գոհ էի:: Դեմ չեմ ամեն տեսակ կոսմետիկայի, գտնում եմ, որ դա շատ նորմալ երևույթ է: Վերջիվերջո աղջիկ ենք չէ, պետք է չէ տղաներից ինչ-որ բանով տարբերվենք, մեզ հետևենք: Չնայած համաձայն եմ, որ ամեն ինչը չափի մեջ է գեղեցիկ:
Եթե շպարվում ես դա չի նշանակում, որ քո դեմքը լի է թերություններով և դրանք թաքցնելու համար ես շպարվել, ամենևին էլ ոչ: Շպարվում են սեփական գեղեցկությունն ու յուրահատկությունը ընդգծելու համար: Համաձայն եմ կան աղջիկներ, որոնց շպարը սարսափելի տհաճություն է պատճառում, բայց դա շպարից չէ, դա աղջկա սեփական գեցեղկությունից է, որը բացակայում է:

Riddle
07.10.2006, 00:44
Պարզապես պետք չէ մոռանալ նաև մի բան, որ դիմահարդարանքի համար ևս, ինչպես օրինակ հագուստի համար, մեծ նշանակություն ունի տարիքը: Կինը պետք է անպայման հաշվի առնի, թե որ տարիքային խումբն է զարդարում: Օրինակ այն դիմահարդարանքը, որը գեղեցիկ է հասուն կնոջ դեմքին, երիտասարդ աղջկա դեմքին ծանր կթվա, կամ հակառակը՝ երիտասարդ աղջկա թարմությունն ընդգծող երանգները, փայլերը, կամ թափանցիկ շրթներկերը հասուն կնոջ դեմքին կարող են անհեթեթ երևալ:

Riddle
07.10.2006, 12:51
Ավելացնեմ նաև երկու կարևոր հանգամանք ևս. պետք է հաշվի առնել, թե որտեղ ես գտնվում, օրվա որ ժամին: Օրինակ առավոտյան, դասի գնալուց անհեթեթ է երեկոյան դիմահարդարանքը, մի շատ պարզունակ հանգամանք, որը մեր աղջիկները, հատկապես ուսանողուհիները, անողոքաբար ոտնահարում են: Իսկ հաջորդ պարզունակ, ու հաճախ մոռացվող հանգամանքն էլ այն է, որ դիմահարդարանքն էլ նորաձևություն ունի: Բնական է, որ առաջինը պետք է հաշվի առնել դեմքի առանձնահատկությունը, թե ինչ է ավելի հարմար դեմքին, բայց պետք չէ մոռանալ նաև, որ այն դիմահարդարանքի ձևը, կամ այն գույները, որոնք սազում են դեմքին, ու արդեն ժամանակավրեպ են, տեղին չեն: Մի բան, որի մասին նույնիսկ մեր աստղուհիներն են մոռանում:;)

Ուլուանա
08.10.2006, 09:43
Ես դեմ չեմ կոսմետիկյին, բայց, ինչպես շատերն արդեն նշել են, չափի մեջ։ Ինքս օգտագործում եմ թարթիչաներկ (տուշ), աչքի սև մատիտ և շրթներկ։ Իմ կարծիքով, չեմ չարաշահում։ Ինձ դուր է գալիս կոսմետիկայի օգտագործումը, օգտագործել եմ և մտադիր եմ միշտ էլ օգտագործել։ :P Բայց աշխատում եմ օգտագործել այնպես, որ անբնական տեսք չստանամ՝ միաժամանակ ընդգծելով առավելություններս ու թաքցնելով թերություններս, դե, հնարավորին չափ։

Այդ առումով նորաձևությանը, կարելի է ասել, չեմ հետևում. դիմահարդարվում եմ այնպես, ինչպես ինձ է դուր գալիս, և, ինչպես որ, իմ կարծիով, ինձ սազում է։ Իսկ դեմքս կրեմով պատելուց միշտ խուսափել եմ, որովհետև, թեև չեմ փորձել, բայց պատկերացնում եմ, որ բավականին տհաճ զգացողություն կլինի, Բյուրի ասած մաշկիդ վրա ինչ-որ ավելորդ բանի առկայության զգացողություն... :[ Բացի դրանից, շատ տհաճ է, երբ տեսնում եմ կրեմի ու դիմափոշու հաստ շերտով պատված, այսպես ասած՝ «գաջած» կամ «ծեփած» դեմքեր։ Միշտ մտածում եմ՝ տեսնես ի՞նչ է տաքցրած այդ հաստ շերտի տակ։ Համոզված եմ, որ շատ դեպքերում լրիվ նորմալ մաշկ, որը թաքցնելու կարիք չունի։ :think


Չեմ հասկանում, թե ինչու մարդիկ չեն գոհանում իրենց ունեցածով:

Բյուր, մարդկանց ունեցածը երբեմն քիչ է լինում, դրա համար էլ, բնականաբար, չեն գոհանում և կոսմետիկայի միջոցով փորձում են ավելի գեղեցկանալ։ Ուղղակի ոմանց հաջողվում է, ոմանց՝ ոչ։ ;)

StrangeLittleGirl
08.10.2006, 09:46
Բյուր, մարդկանց ունեցածը երբեմն քիչ է լինում, դրա համար էլ, բնականաբար, չեն գոհանում և կոսմետիկայի միջոցով փորձում են ավելի գեղեցկանալ։ Ուղղակի ոմանց հաջողվում է, ոմանց՝ ոչ։
Կներեք, բայց ցավակցում եմ այդ մարդկանց:

Ուլուանա
08.10.2006, 10:26
Կներեք, բայց ցավակցում եմ այդ մարդկանց:
Չեմ կարծում, թե ցավակցությունդ տեղին է... Եթե դու զզվում ես կոսմետիկայից, դա դեռ չի նշանակում, որ բոլորը պիտի զզվեն, կամ, որ օգտագործողները ցավակցության կարիք ունեն։

Artgeo
08.10.2006, 12:29
Չեմ կարծում, թե ցավակցությունդ տեղին է... Եթե դու զզվում ես կոսմետիկայից, դա դեռ չի նշանակում, որ բոլորը պիտի զզվեն, կամ, որ օգտագործողները ցավակցության կարիք ունեն։
էս աղջիկներով հավաքվել խոսում եք թե մյուս աղջիկները ինչ տեսք պետքա ունենա՞ն: ԼօԼ Տղեք մի հատ խորհուրդ մորհուրդ չտա՞նք :P

Ան որոշ աղջիկներ կոսմետիկա օգտագործելուց հետո իրոք կարեկցանքի ու ցավակցելու կարիք ունեն :[

Ուլուանա
08.10.2006, 12:40
էս աղջիկներով հավաքվել խոսում եք թե մյուս աղջիկները ինչ տեսք պետքա ունենա՞ն: ԼօԼ Տղեք մի հատ խորհուրդ մորհուրդ չտա՞նք :P

Ան որոշ աղջիկներ կոսմետիկա օգտագործելուց հետո իրոք կարեկցանքի ու ցավակցելու կարիք ունեն :[
Արտ, համաձայն եմ, որոշ աղջիկներ, բայց չի կարելի այդ որոշներին նկատի ունենալով՝ նման բան ասել կոսմետիկա օգտագործող բոլոր աղջիկների մասին անխտիր։

Իսկ ինչ վերաբերում է տղաների կարծիքներին, ապա շատ հետաքրքիր կլիներ, եթե այս թեմայում իրենց հեղինակավոր ու կարևոր կարծիքները հայտնեին նաև տղաները... Վերջիվերջո, աղջիկները հիմնականում հենց տղաների համար են փորձում գեղեցիկ լինել, և դա, կարծում եմ, բնական է։ Այնպես որ նրանց կարծիքն, ամեն դեպքում, հետաքրքիր է։ ;)

Cassiopeia
08.10.2006, 13:58
Շատ հետաքրքիր կլիներ, եթե այս թեմայում իրենց հեղինակավոր ու կարևոր կարծիքները հայտնեին նաև տղաները... Վերջիվերջո, աղջիկները հիմնականում հենց տղաների համար են փորձում գեղեցիկ լինել, և դա, կարծում եմ, բնական է։ Այնպես որ նրանց կարծիքն, ամեն դեպքում, հետաքրքիր է։ ;)
Համամիտ եմ, ու ոչ միայն նրա համար, որ հենց տղաների համար են գեղեցկանում աղջիկները, այլ նաև այն պարզ պատճառով, որ տղաների օրգանիզմը կամա թե ակամա հարստանում է այդ քիմիայով: Հետո ի՞նչ, որ գեղեցկությունը զոհեր է պահանջում…

Riddle
08.10.2006, 17:07
Կարծում եմ միանգամայն բնական է, որ աղջիկը ցանկանում է դիմահարդարման միջոցով ընդգծել աչքերը, շրթունքներին փայլ հախորդել և այլն (խոսքս չափի մեջ, աչք չծակող, ճաշակով և բնական դիմահարդարանքի մասին է): Այսինքն ես նորմալ եմ համարում կնոջ՝ ավելի գեղեցիկ երևալու ձգտումը: Հակառակը չեմ նորմալ համարում, և բոլորովին անմշակ դեմքերն ինձ դուր չեն գալիս::)

StrangeLittleGirl
08.10.2006, 18:44
Տղաների՞ համար գեղեցիկ լինել :D
Հազիվ էլ էդքան :D

Լոս
08.10.2006, 19:26
քսվել - չեմ ընդունում.

հ.գ. - բնական ռուլզ

կամ էլ ինչքան բնական, այնքան ռուլ.

StrangeLittleGirl
08.10.2006, 19:35
քսվել - չեմ ընդունում.

հ.գ. - բնական ռուլզ

կամ էլ ինչքան բնական, այնքան ռուլ.
Հարգեցի ;)
Դե տեսեք, թե տղաներն ինչ են ասում :P

Ուլուանա
08.10.2006, 19:38
Հարգեցի ;)
Դե տեսեք, թե տղաներն ինչ են ասում :P
Տղաները, ինչպես և աղջիկները, տարբեր են լինում։ :P

Ճիշտ է, դժվար թե որևէ տղա ասի, թե շատ է սիրում, երբ աղջիկը քսվում է։ Բայց կարելի է այնպես քսվել, որ տղաներն իսկի չնկատեն, որ աղջիկը քսված է։ :D Բա, այդպես էլ է պատահում։ ;)

Guest
08.10.2006, 19:41
Դե տեսեք, թե տղաներն ինչ են ասում :P

Դե ինչ պիտի ասեն տղաները, ԻՀԱՐԿԵ ՀԱՄԱՁԱՅՆ ԵՄ և ՔՈ և ԼՈՍ-ի հետ:
բոլորը ձեր նման մտածեին, համ ամեն համբույրից հետո չեինք սրբվի, համ հետագայում, ամուսնության ժամանակ ահագին էկոնոմիա կանեինք

StrangeLittleGirl
08.10.2006, 19:42
համ ամեն համբույրից հետո չեինք սրբվի
Նոր ես էլ էի դրա մասին մտածում, ուզում էի Անահիտին պատասխանել, որ հաստատ ոչ մի տղայի դուր չի գա շուրթերի փոխարեն շրթներկ համբուրելը :D

Artgeo
08.10.2006, 19:56
Նոր ես էլ էի դրա մասին մտածում, ուզում էի Անահիտին պատասխանել, որ հաստատ ոչ մի տղայի դուր չի գա շուրթերի փոխարեն շրթներկ համբուրելը :D
Չէ, ինչո՞ւ… Նոր շրթներկերը լավ հոտ ու համ ունեն :P

StrangeLittleGirl
08.10.2006, 19:57
Չէ, ինչո՞ւ… Նոր շրթներկերը լավ հոտ ու համ ունեն
Էդ հատուկ ձեզ համար են արել :D
…Ու թունավոր են :P

Ուլուանա
08.10.2006, 19:58
Նոր ես էլ էի դրա մասին մտածում, ուզում էի Անահիտին պատասխանել, որ հաստատ ոչ մի տղայի դուր չի գա շուրթերի փոխարեն շրթներկ համբուրելը :D
Դրա համար կարելի է համբուրվելուց առաջ մաքրել շրթներկը։ :D Կամ էլ չմաքրվող (չլղոզվող) շրթներկ քսել։ :P

Համ էլ տվյալ դեպքում խոսքը արտաքին գեղեցկության մասին էր, ոչ թե որոշակի դեպքերում կոսմետիկայի առաջացրած անհարմարությունների։

Մելիք
08.10.2006, 20:02
Տղաները, ինչպես և աղջիկները, տարբեր են լինում։ :P

Ճիշտ է, դժվար թե որևէ տղա ասի, թե շատ է սիրում, երբ աղջիկը քսվում է։ Բայց կարելի է այնպես քսվել, որ տղաներն իսկի չնկատեն, որ աղջիկը քսված է։ :D Բա, այդպես էլ է պատահում։ ;)
եթե տենց էլ ա լինում, դեմ չեմ::)

Riddle
08.10.2006, 20:08
եթե տենց էլ ա լինում, դեմ չեմ::)
Իհարկե լինում է: Լավագույն դիմահարդարանքը այն չէ, երբ ասում են. «Ինչ գեղեցիկ դիմահարդարանք ունես», այլ այն, երբ ասում են. «Ինչ գեղեցիկ ես»::)

Arisol
08.10.2006, 20:15
…Ու թունավոր են :P
:o Իսկ ես լսել եմ, թե շրթներկը պարունակում է իր մեջ մի այնպիսի քիմիական նյութ, որ… իիի, ո՞նց ասեմ է…որ…որ որոշ ցանկություններ է արթնացնում տղամարդկանց մոտ:oy :oy :oy :

Lionne_en_Chasse
08.10.2006, 22:28
Էսքան ժամանակ համբուրեցին չթունավորվեցին, հիմա նոր-նոր տղաները բացահայտեցին, որ շրթներկի մեջ կյանքի համար վնասակար թույներ են պարունակում
Զատո ինչ լավ է հնչում՝ Եկ համբուրեմ քո թունավոր շուրթերը ես գեթ մեկ անգամ ... սիրելիս ;) )))

StrangeLittleGirl
08.10.2006, 22:35
Կարող է անմիջապես չսպանել :D Դեռ ոչ ոք համբուրվելիս չի մահացել:
Բայց շրթներկները պարունակում են նյութեր, որոնք վնասակար են առողջության համար (այդ թվում և շրթներկ օգտագործող կնոջ)

Esmeralda
08.10.2006, 22:41
Մարդը կյանքում նման այնքան թույների հետ է առնչվում... որ, իմ կարծիքով, մի կերպ կդիմանա այդ մի "հարվածին" էլ...

Aida
08.10.2006, 22:54
Գիտես Բյուրակն տվյալ թեմայում քո արտահայտած մտքերից և ոչ մեկի հետ համաձայն չեմ և դրանք ինձ արդեն նյարդայնացնում են: Ես զարմանում եմ. դու համոզվա՞ծ ես, որ պատկանում ես իգական սեռին, թե՞ ինքդ էլ ես կասկածում: Համենայն դեպս ավելի լավ է շպարվել, քան առանց ինքն իրեն հայելու մեջ նայելու տնից դուրս գալ անցորդներին վախեցնելու նպատակով: Եթե ամեն մեկը քո պես մտածի ու՞ր կհասնենք: Մեր երկիրը կդառնա գազանանոց: Շպարվելը բոլորովին էլ վատ չէ: Ես կասեի հակառակը շատ ավելի լավ է, երբ տեսնում ես,որ դիմացինիդ մեջ կա ինչ-որ կանացիություն, որ նա ցանկանում է դուր գալ շրջապատին և հա՛ հենց տղաներին, որ նա իր կյանքում ունի ինչ-որ բանի հասնելու ձգտում: Ես ուղղակի չեմ հասկանում դու այսպես ես ասում, որ տեղի տղաներին դուր գաս, թե իրոք այդպես ես մտածում: Բա եթե ոչ տղաներին դուր գալու էլ ինչի՞ համար պետք է գեղեցկանալ: Շրթներկը իր մեջ ոչ մի թույն էլ չի պարունակում.ես դա օդից չեմ ասում ես նայել եմ համապատասխան հաղորդում: Իսկ եթե տղաներին դուր չի գալիս մեր կոսմետիկայի համը դա նրանց պրոբլեմն է: Ինձ էլ դուր չի գալիս նրանց շաբաթներով չսափրված դեմքը: Հա ու մեկ էլ ոչ բոլորն են շպարվում իրենց գեղեցկացնելու համար: Մեծամասամբ շպարվում են ԿԱՆԱՑԻՈՒԹՅՈՒՆԸ ԸՆԴԳԾԵԼՈՒ ՀԱՄԱՐ:

Հենո
08.10.2006, 22:59
Աիդա ջան քո հետ լիովին համամիտ եմ:

Lionne_en_Chasse
08.10.2006, 23:12
Ծխախոտը նոր հանգցրած համբուրվող տղայի փոխանցած թույների համեմատ շրթներկը անմահական շյքարի համ ունի ... էլ չեմ ասում հոտի մասին :[
Քանի անգամ եմ աղջիկներից լսել ՝ "ոնց որ էտ պահին մոխրամանի հետ համբուրվես :[ :[ :[ " արտահայտությունը
Պետք չէ ընկնել ծայրահեղությունների գիրկը

StrangeLittleGirl
08.10.2006, 23:16
Գիտես Բյուրակն տվյալ թեմայում քո արտահայտած մտքերից և ոչ մեկի հետ համաձայն չեմ և դրանք ինձ արդեն նյարդայնացնում են:
Դա քո խնդիրն է:

Ես զարմանում եմ. դու համոզվա՞ծ ես, որ պատկանում ես իգական սեռին, թե՞ ինքդ էլ ես կասկածում:
Այո՛, համոզված եմ: Իմ կարծիքով, իգական սեռին պատկանել-չպատկանելը շպարվել-չշպարվելով չի որոշվում:

Համենայն դեպս ավելի լավ է շպարվել, քան առանց ինքն իրեն հայելու մեջ նայելու տնից դուրս գալ անցորդներին վախեցնելու նպատակով:
Հայելու մեջ նայել-չնայելը շպարվել-չշպարվելու հետ կապ չունի:

Եթե ամեն մեկը քո պես մտածի ու՞ր կհասնենք: Մեր երկիրը կդառնա գազանանոց:
Արդեն գազանանոց է: Ի դեպ, մենակ Հայաստանում եմ տեսել, որ աղջիկները շպարվեն, մեկ էլ արտերկրում ռուս աղջիկներին (դե Ռուսաստանում վաղուց չեմ եղել, չեմ հիշում):

Շպարվելը բոլորովին էլ վատ չէ:
Իհարկե, վատ չէ նրանց համար, ովքեր անելիք չունեն:

Ես կասեի հակառակը շատ ավելի լավ է, երբ տեսնում ես,որ դիմացինիդ մեջ կա ինչ-որ կանացիություն,
Ամո՛թ այն աղջիկներին, որոնք շպարվելն է կանացի դարձնում:

որ նա ցանկանում է դուր գալ շրջապատին և հա՛ հենց տղաներին, որ նա իր կյանքում ունի ինչ-որ բանի հասնելու ձգտում:
Ցավակցում եմ այն աղջիկներին, որոնց կյանքի նպատակը տղաներին դուր գալն է: Հետո, եթե պետք է ես շպարված տեսքով տղաներին դուր գամ, ավելի լավ է դուր չգամ: Այդ դեպքում նրանց դուր կգամ ոչ թե ես, այլ սարքած մի դեմք: Իսկ եթե տղաներին դուր չեմ գալիս, դա արդեն նրանց խնդիրն է: Ես ինձ համար եմ ապրում, ոչ թե որևէ մեկին դուր գալու:

Ես ուղղակի չեմ հասկանում դու այսպես ես ասում, որ տեղի տղաներին դուր գաս, թե իրոք այդպես ես մտածում:
:D Չէ՛, տղաներին դուր գալու համար չեմ ասում: Միամտաբար ստացվեց, որ նրանց դուրը եկա:

Բա եթե ոչ տղաներին դուր գալու էլ ինչի՞ համար պետք է գեղեցկանալ:
Իսկ պե՞տք է գեղեցկանալ: Այսինքն, եթե դուք շպարվում եք, նշանակում է, որ ընդունում եք, որ այնքան էլ գեղեցիկ չեք: Ես այդպես չեմ մտածում իմ արտաքինի մասին, թեկուզ գեղեցկուհի էլ չեմ: :P

Շրթներկը իր մեջ ոչ մի թույն էլ չի պարունակում.ես դա օդից չեմ ասում ես նայել եմ համապատասխան հաղորդում:
Համապատասխան հաղորդումները հաճախ գովազդում են: Իրականում շատ էլ լավ պարունակում են: Ինձ համար հաղորդումները չափանիշ չեն:

Իսկ եթե տղաներին դուր չի գալիս մեր կոսմետիկայի համը դա նրանց պրոբլեմն է:
Հա՛, ճիշտ ես: Ըստ քո տրամաբանության, կարևորը կոսմետիկայի տեսքն է, ոչ թե համը:

Հա ու մեկ էլ ոչ բոլորն են շպարվում իրենց գեղեցկացնելու համար: Մեծամասամբ շպարվում են ԿԱՆԱՑԻՈՒԹՅՈՒՆԸ ԸՆԴԳԾԵԼՈՒ ՀԱՄԱՐ:
Դե… պարապ մարդիկ ուզում են իրենց կանացիությունն ընդգծել, իսկ ոչ պարապ մարդկանց կյանքում շա՜տ ավելի կարևոր բաներ կան:

Lionne_en_Chasse
08.10.2006, 23:27
Դե պարապ կանայք են միայն հագնվում, սանրվում, լվացվում ... իսկ կան խելացի կանայք , որոնց շատ ու շատ կարևոր գործեր են սպասում և նրանք նման անհեթեթ բաների համար ժամանակ չունեն
Բյուր քանի որ դու չես շպարվում , ուրեմն պատկանում ես աշխարհի ամենախելացի կանանց շարքին , որոնց թիվն այնքան քիչ է ....( բարեբախտաբար)
Կներես բայց քո ասածների մեջ տրամաբանություն ու ճշմարտացություն չեմ տեսնում , դու հիմա պարզապես հակաճառում ես ... տեղի չտալու / չզիճելու սկզբունքով

StrangeLittleGirl
08.10.2006, 23:37
Դե պարապ կանայք են միայն հագնվում, սանրվում, լվացվում ... իսկ կան խելացի կանայք , որոնց շատ ու շատ կարևոր գործեր են սպասում և նրանք նման անհեթեթ բաների համար ժամանակ չունեն
Բյուր քանի որ դու չես շպարվում , ուրեմն պատկանում ես աշխարհի ամենախելացի կանանց շարքին , որոնց թիվն այնքան քիչ է ....( բարեբախտաբար)
Կներես բայց քո ասածների մեջ տրամաբանություն ու ճշմարտացություն չեմ տեսնում , դու հիմա պարզապես հակաճառում ես ... տեղի չտալու / չզիճելու սկզբունքով
Շպարվելն ու անձնական հիգիենային հետևելը լրիվ տարբեր բաներ են: Այո՛, հագնվել, սանրվել, լվացվելուն պետք է ժամանակ տրամադրել, որովհետև դա անձնական հիգիենա է, որն անհրաժեշտ է: Քիչ չեն շպարված հայ աղջիկները, որոնք շաբաթը մեկ են լողանում, և ստիպված կիլոմետրերով հեռու ես փախչում նրանցից:
Եթե տրամաբանություն ու ճշմարտացիություն չես տեսնում, դա արդեն քո խնդիրն է: Ես չեմ հակաճառում: Շպարվելը սխալ եմ համարել ու միշտ էլ սխալ կհամարեմ:

Aida
08.10.2006, 23:38
Դա քո խնդիրն է:
Ես չեմ ասում, որ քոնն է:

Այո՛, համոզված եմ: Իմ կարծիքով, իգական սեռին պատկանել-չպատկանելը շպարվել-չշպարվելով չի որոշվում:
Դե եթե խորանանք հա, բայց ես չեմ խորանում: Համենայն դեպս փոցոցով քայլելիս էդ խորությունը չի երևում: Ու ես մենակ շպարվելու համար չէի ասում:

Հայելու մեջ նայել-չնայելը շպարվել-չշպարվելու հետ կապ չունի:
դու կարայիր չապացուցեիր, որ չես շպարվում, ես հավատում եմ: Ասեմ, որ շպարվելու համար ամենաառաջին բանը ինչ պետք է անես դա քեզ հայելու մեջ նայելն է: Դե քեզ չեմ մեղադրում, որ չգիտես:

Արդեն գազանանոց է: Ի դեպ, մենակ Հայաստանում եմ տեսել, որ աղջիկները շպարվեն, մեկ էլ արտերկրում ռուս աղջիկներին (դե Ռուսաստանում վաղուց չեմ եղել, չեմ հիշում):
Դու ավելի լավ ա հեռուստացույց նայիր,

Իհարկե, վատ չէ նրանց համար, ովքեր անելիք չունեն:
Ասեմ, որ չեմ կարծում, թե կանանց 90% անելու բան չունի: Շպարվելը դրան չի խանգարում:

Ամո՛թ այն աղջիկներին, որոնք շպարվելն է կանացի դարձնում:
Դե դու մեկա չես հասկանա: ռուսնեը մի լավ խոսք ունեն, բայց չեմ ասի: Չեմ սիրում վիրավորել:

Ցավակցում եմ այն աղջիկներին, որոնց կյանքի նպատակը տղաներին դուր գալն է: Հետո, եթե պետք է ես շպարված տեսքով տղաներին դուր գամ, ավելի լավ է դուր չգամ: Այդ դեպքում նրանց դուր կգամ ոչ թե ես, այլ սարքած մի դեմք: Իսկ եթե տղաներին դուր չեմ գալիս, դա արդեն նրանց խնդիրն է:
Այդտեղ ցավակցելու բան չկա: Երևի քո շրջապատում բոլորն այնպես են շպարվում, որ ամբողջ դեմքը փոխվում է:դրա համար էդ կարծիֆին ես: Ասեմ, որ հիմնականում այդպես չի: շպարը դիմակ չի, որ ամբողջ դեմքդ փոխի: Եվ շպարի վրա ոչ ոք չի սիրահարվում:

Չէ՛, տղաներին դուր գալու համար չեմ ասում: Միամտաբար ստացվեց, որ նրանց դուրը եկա:
Շատ ուրախ եմ քեզ համար:

Իսկ պե՞տք է գեղեցկանալ: Այսինքն, եթե դուք շպարվում եք, նշանակում է, որ ընդունում եք, որ այնքան էլ գեղեցիկ չեք: Ես այդպես չեմ մտածում իմ արտաքինի մասին, թեկուզ գեղեցկուհի էլ չեմ:
Գիտես ծիծաղս եկավ, որ գրածդ կարդացի: էն էլ ո՞վ ու՞մ ասեր էլի:

Հա՛, ճիշտ ես: Ըստ քո տրամաբանության, կարևորը կոսմետիկայի տեսքն է, ոչ թե համը:
Առաջարկում ես կոսմետիկա գնելիս հերթով համը փորձե՞մ:

Դե… պարապ մարդիկ ուզում են իրենց կանացիությունն ընդգծել, իսկ ոչ պարապ մարդկանց կյանքում շա՜տ ավելի կարևոր բաներ կան:
տենց բերանդ լիքը ասում ես շա՜տ ավելի կարևոր բաներ կան կարաս ասես օրինակ էդ ինչ կա քո կարևոր կյանքում, որ շպարվող մարդու կյանքում բացակայում ա՞:

Riddle
08.10.2006, 23:50
Դե պարապ կանայք են միայն հագնվում, սանրվում, լվացվում ... իսկ կան խելացի կանայք , որոնց շատ ու շատ կարևոր գործեր են սպասում և նրանք նման անհեթեթ բաների համար ժամանակ չունեն
Բյուր քանի որ դու չես շպարվում , ուրեմն պատկանում ես աշխարհի ամենախելացի կանանց շարքին , որոնց թիվն այնքան քիչ է ....( բարեբախտաբար)
Իմ կարծիքով ամենախելացի կանայք նրանք են, ովքեր կարողանում են համատեղել հմայիչ կին ու խելացի կին հասկացությունները մի մարմնի մեջ: Անխնամ կինը չի կարող հմայիչ լինել: Տղաներն էլ ֆորումում գրում են, որ բացարձակապես առանց կոսմետիկայի, անխնամ դեմքն են գերադասում, ու շարունակում են ուշադրություն դարձնել խնամված արտաքինով աղջիկների վրա::)

Մասսագետ
08.10.2006, 23:58
Դե պարապ կանայք են միայն հագնվում, սանրվում, լվացվում ... իսկ կան խելացի կանայք , որոնց շատ ու շատ կարևոր գործեր են սպասում և նրանք նման անհեթեթ բաների համար ժամանակ չունեն
Բյուր քանի որ դու չես շպարվում , ուրեմն պատկանում ես աշխարհի ամենախելացի կանանց շարքին , որոնց թիվն այնքան քիչ է ....( բարեբախտաբար)
Կներես բայց քո ասածների մեջ տրամաբանություն ու ճշմարտացություն չեմ տեսնում , դու հիմա պարզապես հակաճառում ես ... տեղի չտալու / չզիճելու սկզբունքով
Օրինակ, որը տրամաբանական չես համարում, այ սա՞.

Ցավակցում եմ այն աղջիկներին, որոնց կյանքի նպատակը տղաներին դուր գալն է: Հետո, եթե պետք է ես շպարված տեսքով տղաներին դուր գամ, ավելի լավ է դուր չգամ: Այդ դեպքում նրանց դուր կգամ ոչ թե ես, այլ սարքած մի դեմք: Իսկ եթե տղաներին դուր չեմ գալիս, դա արդեն նրանց խնդիրն է: Ես ինձ համար եմ ապրում, ոչ թե որևէ մեկին դուր գալու:

Չէ՛, լրիվ տրամաբանության ու ողջախոհության սահմաններում ա գտնվում:

Մասսագետ
09.10.2006, 00:03
Դե դու մեկա չես հասկանա: ռուսնեը մի լավ խոսք ունեն, բայց չեմ ասի: Չեմ սիրում վիրավորել:
Մի հատ նորից կարդա գրածդ, տե՛ս քանի անգամ ես վիրավորել: Նենց որ արխային էդ ռուսների խոսքնել կարայիր գրեիր ասես:

Lionne_en_Chasse
09.10.2006, 00:50
Օրինակ, որը տրամաբանական չես համարում, այ սա՞.

Ցավակցում եմ այն աղջիկներին, որոնց կյանքի նպատակը տղաներին դուր գալն է: Հետո, եթե պետք է ես շպարված տեսքով տղաներին դուր գամ, ավելի լավ է դուր չգամ: Այդ դեպքում նրանց դուր կգամ ոչ թե ես, այլ սարքած մի դեմք: Իսկ եթե տղաներին դուր չեմ գալիս, դա արդեն նրանց խնդիրն է: Ես ինձ համար եմ ապրում, ոչ թե որևէ մեկին դուր գալու:

Չէ՛, լրիվ տրամաբանության ու ողջախոհության սահմաններում ա գտնվում:

Կոնկրետ այդ մտքի դեմ ես ոչինչ չեմ արտահայտվել : Համաձայն եմ, որ եթե աղջիկը շպարվում է միայն տղաներին դուր գալու համար ( և դա է նրա կյանքի միակ նպատակը) ... կարող է համարվել դատարկագլուխ թեթևսոլիկ

StrangeLittleGirl
09.10.2006, 01:19
Դե եթե խորանանք հա, բայց ես չեմ խորանում: Համենայն դեպս փոցոցով քայլելիս էդ խորությունը չի երևում: Ու ես մենակ շպարվելու համար չէի ասում:
Բայց մենք մենակ շպարվելու մասին ենք խոսում:


դու կարայիր չապացուցեիր, որ չես շպարվում, ես հավատում եմ: Ասեմ, որ շպարվելու համար ամենաառաջին բանը ինչ պետք է անես դա քեզ հայելու մեջ նայելն է: Դե քեզ չեմ մեղադրում, որ չգիտես:
Դու լրիվ սխալ հասկացար ասածս: Ես ոչ մի բան էլ չէի փորձում ապացուցել, այլ ուզում էի ասել, որ միայն շպարվելիս չէ, որ հայելու մեջ նայում ես: Երևի քեզ համար է այդպես: Երևի դու սանրվելիս կամ հագուստդ ուղղելիս հայելու մեջ չես նայում, հա՞:

Դու ավելի լավ ա հեռուստացույց նայիր,
Կներես, բայց ես դեռ այդ մակարդակի չեմ իջել, որ հեռուստացույց նայեմ (նկատի ունեմ մեզ մոտ ցուցադրվողը): Ավելի լավ է՝ դու նայիր, որ քո ուղեղը արդուկեն, ասեն, թե շպարվելը լավ է, շատ առողջարար և այլն:


Ասեմ, որ չեմ կարծում, թե կանանց 90% անելու բան չունի: Շպարվելը դրան չի խանգարում:

Դեմ չեմ: Շպարվելը կարող է հինգ րոպե տևել: Բայց զբաղմունք ունեցողներին դա պետք չէ:

Դե դու մեկա չես հասկանա: ռուսնեը մի լավ խոսք ունեն, բայց չեմ ասի: Չեմ սիրում վիրավորել:
Դու շատ փոքր ես ինձ վիրավորելու համար:

Այդտեղ ցավակցելու բան չկա: Երևի քո շրջապատում բոլորն այնպես են շպարվում, որ ամբողջ դեմքը փոխվում է:դրա համար էդ կարծիֆին ես: Ասեմ, որ հիմնականում այդպես չի: շպարը դիմակ չի, որ ամբողջ դեմքդ փոխի: Եվ շպարի վրա ոչ ոք չի սիրահարվում:
Ես բնավ էլ դա նկատի չունեի: Ես հենց այդ «նուրբ» շպարի մասին էի ասում: Դեմքիդ վրա մի ավելորդ բիծը հերիք է, որ արդեն քո դեմքը չլինի:


Շատ ուրախ եմ քեզ համար:
Պետք չէ ուրախանալ ինձ համար: Ուղղակի ուշադրությունդ ուզում եմ հրավիրել այն փաստի վրա, որ տղաներն իրենք են խոստովանում, որ շպար չեն սիրում: Այնպես որ, հարգելի՛ս, իզուր տեղը մի՛ չարչարվիր:

Գիտես ծիծաղս եկավ, որ գրածդ կարդացի: էն էլ ո՞վ ու՞մ ասեր էլի:
Իսկ դու ինձ տեսե՞լ ես: Չնայած դա կապ չունի: Կարևորը ես իմ արտաքինից գոհ եմ: Իսկ թե ինչ են մտածում քեզ նման չբավարարվածները, արդեն ինձ բոլորովին չի հետաքրքրում:


Առաջարկում ես կոսմետիկա գնելիս հերթով համը փորձե՞մ:
Չէ՛, էլի սխալ հասկացար: Երևի դու մտավոր ինչ-որ խնդիրներ ունես: Ես նկատի ունեի, որ հետաքրքիր է, որ ուզում ես, որ քո տեսքը տղաներին դուր գա, բայց քո համի մասին չես մտածում:


տենց բերանդ լիքը ասում ես շա՜տ ավելի կարևոր բաներ կան կարաս ասես օրինակ էդ ինչ կա քո կարևոր կյանքում, որ շպարվող մարդու կյանքում բացակայում ա՞:

Կներես, բայց դու էնքա՜ն փոքր ես էդ ամեն ինչը հասկանալու համար: Փոքր տարիրքով նկատի չունեմ… Ինքդ հասկացիր, թե ինչով:

StrangeLittleGirl
09.10.2006, 01:23
Կոնկրետ այդ մտքի դեմ ես ոչինչ չեմ արտահայտվել : Համաձայն եմ, որ եթե աղջիկը շպարվում է միայն տղաներին դուր գալու համար ( և դա է նրա կյանքի միակ նպատակը) ... կարող է համարվել դատարկագլուխ թեթևսոլիկ
Բա մի ժամ ի՞նչ եմ ասում: Ես բացի դրանից, ուրիշ հիմնավորում չեմ տեսել այստեղ: Գուցե կարողանաք շպարվելու համար այնպիսի պատճառ ասել, որ ես ասեմ, թե ճիշտ եք…
Ինչ վերաբերում է խնամված լինելուն, կարող ես չշպարվել ու խնամված լինել: Դրանք բոլորովին նույնը չեն: Խնդրում եմ շպարվելը մի՛ շփոթեք անձնական հիգիենայի կանոնները պահելու հետ: Այո՛, պետք է դեմքն ամեն օր լվանալ, այո՛, պետք է ամեն օր լողանալ, պետք է սանրվել: Այս ամենն անելով թերևս կանայք ավելի խնամված կլինեն, քան շաբաթը մեկ լողանալով, բայց շպարվելով:

kiki
09.10.2006, 01:31
ժողովուրդ, ի՞նչ կապ ունի տղային դուր գալ չգալը ... հազար տղա , հազար կարծիք, մեկին մի բան է դուր գալիս, մյուսին մեկ այլ ... խոսեք միայն ձեր ու ձեր շպարի մասին: եթե մեկին դուր է գալիս իր արածը,ապա ես ինքս դեմ չեմ, բայց եթե դեմքը շատ լավն է ու այդ շպարը միայն ավելորդություն է, ապա ի՞նչ իմաստ ավելորդ քիմիա պեմքին կրելու մեջ...չկարողացա էդպես էլ հասկանալ, ու չեմ էլ հասկանա երևի ...
նամանավանդ, որ մեկ մեկ աղջիկները էն աստիճանի աբսուրդային տեսքի են հասցնում իրենց, որ ծաղրածուի դիմահարդարումից չես տարբերում ...
ո՞վ է ասում որ չպեք է քեզ հետևես...պետք է, էն էլ ինչքան է պետք ... բայց ամեն օր ծաղրածուի դեմք ընդունելն էլ մի բան չի ...
մի խոսքով, ես դեմ չեմ, ով ինչ ուզում է թող անի,իսկ ում պարզ չի թե ինչ կարծիք ունեմ այս թեմայի վերաբերյալ, թող կարդա իմ առաջին գրառումը ...

StrangeLittleGirl
09.10.2006, 01:33
մի խոսքով, ես դեմ չեմ, ով ինչ ուզում է թող անի
ա՛յ, հարգեցի գրածդ

Բարեկամ
09.10.2006, 07:10
Լավագույնն էն ա, երբ կինը կամ աղջիկը իրան էնքան պայծառ ու ներդաշնակ ա զգում , որ կոսմետիկայի կարիք չունի, սենց թե նենց ճառագում ա, հաճելի ա նայելը: Բայց դա հազվադեպա հաջողվում: Մյուս կողմից էլ կոսմետիկան հագուստի կամ սանրվածքի կամ զարդի պես մի բան ա. բնորոշում ա ճաշակը: Բյուրակնի ծայրահեղությունը՝ ոչ մի կոսմետիկ բիծ դեմքի վրա, իմ կարծիքով ուղղակի սկզբունք ա, այն չի կարող որոշել կոսմետիկ բծեր կրողների պարապությունը կամ գլխի պարունակությունը:

Artgeo
09.10.2006, 09:00
Թեման չեմ կարդացել, ժամանակ չկա :(
Ես կարծում եմ, որ կոսմետիկան որևէ արժանիք թեթևակի ընդգծելու կամ որևէ բնության սխալ թեթևակի թաքցնելու համար է: Ցավալի է, երբ աղջիկները չեն պահպանում կոսմետիկայի օգտագործման սահմանները: Երբ երեսին մի հատ էլ երես են սարքում մի քանի սմ հաստությամբ և տեղ-տեղ այդ մի քանի սմն թափվումա ծանրությունից:

Մի հատ ծանոթ աղջիկ ունեմ, որը պուդրան էր չարաշահում, իմ կոպիտ ձևով ասված խորհրդին հետևելով նա մի շաբաթ չօգտագործեց կոսմետիկա և... նա հիմա ընկեր ունի, ասեմ, որ դա նրան չէր հաջողվում մի քանի տարի :)

Kita
09.10.2006, 10:26
Ի՞նչ եք կարծում, հնարավոր է արդարացնել այն հանգամանքը, որ դիմացից քայլող աղջկա դեմքին բացի սեփական մաշկի գույնից երևում է ծիածանի բազմերանգ ու գունագեղ մի նկարչություն: Կոսմետիկան ինքնին թերությունները փակելու համար է: Սակայն դժվար չի նկատել, որ այն ոչ թե թաքցնում է այդ թերությունները, այլ հակառակը, վուլգար ու տհաճ տպավորություն է թողում… Մի՞թե դա ևս արտասահմանից ներխուժած սովորույթ է՝ բույն դրած ներկայիս իգական սեռի մոտ…
բայց արտասահմանում բավականին նորմալ են օգտագործւմ....
իսկ ես ուղղակի ալարում էլ եմ քսվել..... հետո մաքրելու մտքերը .....ուֆ.....
օգտագործում եմ միայն տուշ..... երբեմն անգույն շրթներկ, եթե չալարեմ..
նյարդերիս վրա ազդում է, որ բոլոր դասամիջոցներին կորսի աղջիկները քսվում են.....

Anul
09.10.2006, 10:47
չեմ գտնում, որ շպարվում են միայն թերությունները փակելու համար.
ես անձամբ օգտագործում եմ կոսմետիկա. ճիշտ է, մաշկիս ոչինչ չեմ քսում, բայց շատ եմ սիրում, երբ աչքերր քսված են լինում. շպարվում եմ ոչ թե ավելի գեղեցիկ լինելու համար, այլ որ ինձ տոնական զգամ, փոխված. դրանով նաև տրամադրությունս է բարձրանում.սիրում եմ հենց շպարվելու ընթացքը. այն ինչ-որ տեղ արվեստ եմ համարում. և կարծում եմ, որ եթե այդ պահին ցանկություն կա շպարվելու, կամ քեզ ինչ-որ տեղ փոխված զգալու, ապա չպետք է զսպել քեզ. մի օր դրա հավեսը ոնց էլ լինի կորում է. այնպես որ ,հերիք է անիմաստ տեղը մարդկանց քննադատել. այն էլ արտաքինը, ինչի քննադատումը ես միշտ անխելամտություն եմ համարել

Artgeo
09.10.2006, 11:01
չեմ գտնում, որ շպարվում են միայն թերությունները փակելու համար.
ես անձամբ օգտագործում եմ կոսմետիկա. ճիշտ է, մաշկիս ոչինչ չեմ քսում, բայց շատ եմ սիրում, երբ աչքերր քսված են լինում. շպարվում եմ ոչ թե ավելի գեղեցիկ լինելու համար, այլ որ ինձ տոնական զգամ, փոխված. դրանով նաև տրամադրությունս է բարձրանում.սիրում եմ հենց շպարվելու ընթացքը. այն ինչ-որ տեղ արվեստ եմ համարում. և կարծում եմ, որ եթե այդ պահին ցանկություն կա շպարվելու, կամ քեզ ինչ-որ տեղ փոխված զգալու, ապա չպետք է զսպել քեզ. մի օր դրա հավեսը ոնց էլ լինի կորում է. այնպես որ ,հերիք է անիմաստ տեղը մարդկանց քննադատել. այն էլ արտաքինը, ինչի քննադատումը ես միշտ անխելամտություն եմ համարել
Որ ասեմ աչքերդ շատ ես քսում, կնեղանա՞ս

Anul
09.10.2006, 11:13
իհարկե չեմ նեղանա Արտ ջան, նամանավանդ որ դու ես ասում :hands
ես փոքրուց այդ պրոբլեմն ունեցել եմ, երբ դպրոցում իմ բոլոր ուսուցիչները խոսում էին վրաս ` իբր աչքերս քսելու համար, բայց իմ աչքերին կոսմետիկայի նշույլ էլ չկար. չեմ ուզում դա գլուխ գովություն թվա, բայց իմ աչքերը բնականից շատ ընդգծված են, թարթիչներս էլ խիտ են ու երկար. կյանքում տուշ չեմ օգտագործել` չնայած քչերն են դրան հավատում. հիմա դու կասես, որ եթե աչքերս բնականաից ընդգծված են, էլ ինչու եմ ավելորդ քսում? կասեմ. նախ դա ևս մեկ անգամ ապացուցում է, որ չեն շպարվում միայն ավելի գեղեցիկ դառնալու համար. ես աչքերս քսում եմ, որովհետև անչափ սիրում եմ հենց այդ պրոցեսը, կամ երբ քսելուց հետո ինձ ավելի տոնական եմ զգում, ավելի կանացի. տղաներին մի քիչ դժվար է այդ ամենը հասկանալ

Ուլուանա
09.10.2006, 11:19
Ժողովուրդ, պետք չի ծայրահեղությունների մեջ ընկնել ու իրար վիրավորել։ Իմ կարծիքով, ոչ կոսմետիկա օգտագործողներն իրավունք ունեն չօգտագործողներին չխնամված կամ ո՛չ հմայիչ անվանելու, ո՛չ էլ չօգտագործողները օգտագործողներին պարապ, անլուրջ և այլն անվանելու։ Դա ամեն մարդու անձնական գործն է։ Մեկին դուր է գալիս, մյուսին՝ ոչ։ Ի վերջո, եթե մարդը ծաղրածուի պես ներկված դուրս է գալիս փողոց, ապա դա միմիայն նրա խնդիրն է, և եթե այդպես սխալ է, ապա դրանից միայն ինքն է տուժելու։ Եթե մարդն ընդհանրապես չի օգտագործում կոսմետիկա, ապա դա էլ է նրա անձնական գործը. եթե իրեն այդպես է լավ զգում, թող չքսվի։ Իսկ ինչ վերաբերում է տղաներին, ապա նրանց էլ ոչ ոք չի կարող ստիպել, որ սիրահարվեն, համբուրվեն, ընկերություն անեն կամ ամուսնանան դիմահարդարված աղջկա հետ, եթե իրենք չեն ուզում, և հակառակը։ Կյանքը ցույց է տալիս, որ և՛ դիմահարդարվողները, և՛ չդիմահարդարվողները արժանանում են ուշադրության և սիրո, այսինքն՝ գրավում են տղամարդկանց։ Այնպես որ կարիք չկա, որ այստեղ ամեն մեկը կրքոտ կերպով պաշտպանի իր տեսակետը՝ նսեմացնելով հակառակ տեսակետ կրողին։

Բյուր, իմ կարծիքով, դու ամենաշատն ես ծայրահեղությունների մեջ ընկնում՝ ասելով, որ դիմահարդարանք օգտագործող աղջիկները պարապ են, ուրիշ անելիք չունեն ու նրանց կյանքի նպատակը տղամարդկանց դուր գալն է։ Դրանից ավելի անհեթեթ հիմնավորում ու համապատասխան մարդկանց հասցրած վիրավորանք չէր կարող լինել։ Հուսով եմ, որ ինքդ էլ ես գիտակցում ասածիդ անտրամաբանականություն ու անհեթեթությունը։

Ուլուանա
09.10.2006, 11:25
իհարկե չեմ նեղանա Արտ ջան, նամանավանդ որ դու ես ասում :hands
ես փոքրուց այդ պրոբլեմն ունեցել եմ, երբ դպրոցում իմ բոլոր ուսուցիչները խոսում էին վրաս ` իբր աչքերս քսելու համար, բայց իմ աչքերին կոսմետիկայի նշույլ էլ չկար. չեմ ուզում դա գլուխ գովություն թվա, բայց իմ աչքերը բնականից շատ ընդգծված են, թարթիչներս էլ խիտ են ու երկար. կյանքում տուշ չեմ օգտագործել` չնայած քչերն են դրան հավատում. հիմա դու կասես, որ եթե աչքերս բնականաից ընդգծված են, էլ ինչու եմ ավելորդ քսում? կասեմ. նախ դա ևս մեկ անգամ ապացուցում է, որ չեն շպարվում միայն ավելի գեղեցիկ դառնալու համար. ես աչքերս քսում եմ, որովհետև անչափ սիրում եմ հենց այդ պրոցեսը, կամ երբ քսելուց հետո ինձ ավելի տոնական եմ զգում, ավելի կանացի. տղաներին մի քիչ դժվար է այդ ամենը հասկանալ
Անուլ ջան, հուսով եմ, որ ինձնից էլ չես նեղանա, եթե ասեմ, որ դու իրոք աչքերդ շատ ես քսում, և դրանից անբնական տեսք են ստանում... Ի դեպ, խոսքը սև մատիտի մասին է, որը դու, իմ կարծիքով (և ոչ միայն իմ), մի քիչ չարաշահում ես։ :oy Համոզված եմ, որ առանց այդ մատիտի կամ գուցե այն ավելի քիչ քսելու դեպքում դու շատ ավելի գեղեցիկ կլինես։ ;) Հուսով եմ, որ չնեղացար։ Ուղղակի որ խոսք բացվեց, որոշեցի ես էլ իմ կարծիքն արտահայտեմ։:)

Anul
09.10.2006, 11:26
Ժողովուրդ, պետք չի ծայրահեղությունների մեջ ընկնել ու իրար վիրավորել։ Իմ կարծիքով, ոչ կոսմետիկա օգտագործողներն իրավունք ունեն չօգտագործողներին չխնամված կամ ո՛չ հմայիչ անվանելու, ո՛չ էլ չօգտագործողները օգտագործողներին պարապ, անլուրջ և այլն անվանելու։ Դա ամեն մարդու անձնական գործն է։ Մեկին դուր է գալիս, մյուսին՝ ոչ։ Ի վերջո, եթե մարդը ծաղրածուի պես ներկված դուրս է գալիս փողոց, ապա դա միմիայն նրա խնդիրն է, և եթե այդպես սխալ է, ապա դրանից միայն ինքն է տուժելու։ Եթե մարդն ընդհանրապես չի օգտագործում կոսմետիկա, ապա դա էլ է նրա անձնական գործը. եթե իրեն այդպես է լավ զգում, թող չքսվի։ Իսկ ինչ վերաբերում է տղաներին, ապա նրանց էլ ոչ ոք չի կարող ստիպել, որ սիրահարվեն, համբուրվեն, ընկերություն անեն կամ ամուսնանան դիմահարդարված աղջկա հետ, եթե իրենք չեն ուզում, և հակառակը։ Կյանքը ցույց է տալիս, որ և՛ դիմահարդարվողները, և՛ չդիմահարդարվողները արժանանում են ուշադրության և սիրո, այսինքն՝ գրավում են տղամարդկանց։ Այնպես որ կարիք չկա, որ այստեղ ամեն մեկը կրքոտ կերպով պաշտպանի իր տեսակետը՝ նսեմացնելով հակառակ տեսակետ կրողին։

Բյուր, իմ կարծիքով, դու ամենաշատն ես ծայրահեղությունների մեջ ընկնում՝ ասելով, որ դիմահարդարանք օգտագործող աղջիկները պարապ են, ուրիշ անելիք չունեն ու նրանց կյանքի նպատակը տղամարդկանց դուր գալն է։ Դրանից ավելի անհեթեթ հիմնավորում ու համապատասխան մարդկանց հասցրած վիրավորանք չէր կարող լինել։ Հուսով եմ, որ ինքդ էլ ես գիտակցում ասածիդ անտրամաբանականություն ու անհեթեթությունը։

հազիվ մեկը մի խելոք բան ասեց այս թեմայում

Aida
09.10.2006, 11:31
Ճիշտ ես Uluana ջան: Ես այլևս չեմ շարունակի, թե չէ ես իմն եմ պնդելու Բյուրակնը իրանը ու այդպես էլ ընդհանուր հայտարարի չենք գալու: Մենակ մի բան էլ ասեմ էլի. եթե հեռուստացույց ես նայում դա չի նշանակում, որ անմակարդակ ես: Բյուրակնի գրածը ասելու բան չէր:

StrangeLittleGirl
09.10.2006, 18:31
Բյուրակնի գրածը ասելու բան չէր:
Բալի՛կ ջան, դու ես առաջինը փորձել վիրավորել:

Բյուր, իմ կարծիքով, դու ամենաշատն ես ծայրահեղությունների մեջ ընկնում՝ ասելով, որ դիմահարդարանք օգտագործող աղջիկները պարապ են, ուրիշ անելիք չունեն ու նրանց կյանքի նպատակը տղամարդկանց դուր գալն է։ Դրանից ավելի անհեթեթ հիմնավորում ու համապատասխան մարդկանց հասցրած վիրավորանք չէր կարող լինել։ Հուսով եմ, որ ինքդ էլ ես գիտակցում ասածիդ անտրամաբանականություն ու անհեթեթությունը։
Ա՛ն, ես դա ինձնից չեմ հորինում: Դիմահարարդարանք օգտագործող աղջիկներից շատերը (այդ թվում նա, ում վիրավորել եմ ու լա՛վ էլ արել եմ) նշել են, որ դիմահարդարվում են տղաներին դուր գալու մասին: Իսկ ընդհանրապես «պարապ, ուրիշ անելիք չունենալ» ասելով ես լրիվ ուրիշ բան եմ նկատի ունեցել: Դա չի նշանակում, որ ես, ասենք, եթե ուզեի շպարվել, ժամանակ չէի ունենա: Չէ՛, կունենայի: Այստեղ խնդիրն ավելի խորն է: Փորձեք ինքներդ հասկանալ ;)
Ու կարդացեք նաև Բարեկամի գրածը:

Ուլուանա
09.10.2006, 18:59
Ա՛ն, ես դա ինձնից չեմ հորինում: Դիմահարարդարանք օգտագործող աղջիկներից շատերը (այդ թվում նա, ում վիրավորել եմ ու լա՛վ էլ արել եմ) նշել են, որ դիմահարդարվում են տղաներին դուր գալու մասին:
Բայց եթե այդպես են ասել, դա դեռ չի նշանակում, որ դա նրանց կյանքի նպատակն է։ Բացի դրանից, հիմնվելով մի քանիսի կարծիքների վրա՝ չի կարելի վիրավորել բոլորին։

Իսկ ընդհանրապես «պարապ, ուրիշ անելիք չունենալ» ասելով ես լրիվ ուրիշ բան եմ նկատի ունեցել: Դա չի նշանակում, որ ես, ասենք, եթե ուզեի շպարվել, ժամանակ չէի ունենա: Չէ՛, կունենայի: Այստեղ խնդիրն ավելի խորն է: Փորձեք ինքներդ հասկանալ։ ;)
Ուրեմն գրիր այն, ինչ նկատի ունես, ոչ թե մի բան գրիր, բայց լրիվ ուրիշ բան նկատի ունեցիր։ Բան ունես ասելու, ուղի՛ղ ասա։

Ու կարդացեք նաև Բարեկամի գրածը:
Բարեկամի գրածը կարդացի, լրիվ համաձայն եմ իր հետ, շատ հստակ, ընկալելի ու ընդունելի է ինձ համար, ինչը չէի ասի քո գրածների մասին։

StrangeLittleGirl
09.10.2006, 19:05
Ուղիղ եմ ասում, ուղղակի կա՛մ դուք կպած չեք ուզում հասկանալ, կա՛մ ես լավ չեմ ձևակերպում:

Լավագույնն էն ա, երբ կինը կամ աղջիկը իրան էնքան պայծառ ու ներդաշնակ ա զգում , որ կոսմետիկայի կարիք չունի, սենց թե նենց ճառագում ա, հաճելի ա նայելը:
«Պարապ» ասելով ես նկատի ունեի այն կանանց, որոնց կյանքում դատարկ բան կա, իրենք իրենց լիարժեք չեն զգում, դրա համար էլ կոսմետիկա են օգտագործում: Չնայած դու արդեն հակում ունես իմ գրառումները վիրավորական համարելու ու չհասկանալու: Այլևս վեճը չեմ շարունակում:

Ուլուանա
09.10.2006, 19:13
Ուղիղ եմ ասում, ուղղակի կա՛մ դուք կպած չեք ուզում հասկանալ, կա՛մ ես լավ չեմ ձևակերպում:

«Պարապ» ասելով ես նկատի ունեի այն կանանց, որոնց կյանքում դատարկ բան կա, իրենք իրենց լիարժեք չեն զգում, դրա համար էլ կոսմետիկա են օգտագործում: Չնայած դու արդեն հակում ունես իմ գրառումները վիրավորական համարելու ու չհասկանալու: Այլևս վեճը չեմ շարունակում:
Հա, հաստատ լավ չէիր ձևակերպել, որովհետև «պարապ» բառը ոչ մի կապ չունի քիչ առաջ ասածիդ հետ։

kiki
10.10.2006, 00:18
ինձ թվում է, ինձ էլ հնարավոր է ոմանք չհասկանան, դրա համար մի երկու խոսք էլ ասեմ ...
Անահիտը ճիշտ է, ամեն մեկը անում է այն, ինչ ուզում է, ես նշել եմ արդեն դա: Ու մենք այստեղ պարզապես զրուցում ու մեր կարծիքն ենք արտահայտու, պետք չէ անցնել վիրավորանքների ...
հարգելիներս, խոսեմ իմ տեղը : ես չեմ ասում որ պետք չէ ոչինչ օգտագործել ... ես ասում եմ, որ ամեն ինչ չափի մեջ է գեցղեցիկ, ու պետք չէ անել այն, ինչի կարիքը բոլորովին էլ չկա ...
այ այստեղ ոմանք նշեցին որ միայն տուշ ու շրթներկ են օգտագործում ... դա ինձ ուրախացնում է, ես էլ եմ այդպես անում, ու բոլորովին պետք չի հիմարություններ քսել դեմքին, պարզապես նրա համար միայն որ դրանք ստեղծված են դեմքին քսելու համար ... հավատացեք, ոմանք հենց այդպես էլ անում են ... իսկ մի քանի տարի հետո զարմացած նայում հայելուն ու չեն հասկանում թե ինչպե՞ս եղավ որ մաշկը արդեն սկսել է փառամել ու այն չի ...
բայց սա ամենօրյա դեմքի մասին էր ...
տոն օրերին իհարկե (ինձ մոտ տարվա մեջ 4-5 օր )կարելի է մի քիչ ազատություն տալ ու ընդգծել այն ինչ տրված է մեզ ՝ օրինակ աչքերը, ինչը ես եմ անում, բայց էլի չափի մեջ, չնայած ես շատ տեն և մատիտ եմ օգտագործում, բայց այսքան ժամանակ ոչ մեկը ինձ չի ասել, որ վատ է ստացվել, հակառակը բոլորը հավանում են ու նշում որ ես բավականին փոխվել եմ, ու դա է կարևորը ՝ տարբերվել սովորական առօրյա տեսքից ... պետք է նշել որ դեմքս էլի մնում է առանց որևէ քիմիայի ՝ ոչինչ չեմ քսում ...
պետք է իմանալ որտեղ և ինչ է հարմար, դա նաև հագուստին է վերաբերվում ... շատ հայ աղջիկներ ջինսի հետ այնպիսի մի երեկոյան դիմահարդարում են անում , որ Ջենիֆեր Լոպեսը կնախանձեր ու միայն նրա համար որ ասենք քննության են գնալու, կամ սովորական դասի ...
մի խոսքով, պետք է տարբերակել և հասկանալ թե ինչը որտեղ և երբ է սազում ...

Arisol
10.10.2006, 12:49
Համաձայն եմ Կիկիի հետ;) :

Riddle
10.10.2006, 14:46
Ես էլ եմ համաձայն, միայն մի փոքր տարբերությամբ: Մաշկի համար նախատեսված բարձրորակ կոսմետիկան չի վնասում մաշկը, և միանշանակ քիմիա ասել, ու բացարձակապես չօգտագործել այնքան էլ ճիշտ չէ: Պաշտպանական ֆունկցիա կատարող հատուկ կոսմետիկ միջոցներ կան, որոնք նախատեսված են ասենք շատ երկար ժամանակ արևի տակ կամ քամոտ վայրում գտնվելու դեպքում մաշկը այրվելուց կամ չորանալուց պաշտպանելու համար: Ես կողմնակից եմ շրջակա միջավ..... ներեցեք, մաշկի խնամքին և պաշտպանությանը, երբ դրա կարիքը կա: Մնացած դեպքերում, բնականաբար, իմաստ չկա:

Arisol
10.10.2006, 15:01
Ես էլ եմ համաձայն, միայն մի փոքր տարբերությամբ: Մաշկի համար նախատեսված բարձրորակ կոսմետիկան չի վնասում մաշկը, և միանշանակ քիմիա ասել, ու բացարձակապես չօգտագործել այնքան էլ ճիշտ չէ: Պաշտպանական ֆունկցիա կատարող հատուկ կոսմետիկ միջոցներ կան, որոնք նախատեսված են ասենք շատ երկար ժամանակ արևի տակ կամ քամոտ վայրում գտնվելու դեպքում մաշկը այրվելուց կամ չորանալուց պաշտպանելու համար: Ես կողմնակից եմ շրջակա միջավ..... ներեցեք, մաշկի խնամքին և պաշտպանությանը, երբ դրա կարիքը կա: Մնացած դեպքերում, բնականաբար, իմաստ չկա:
Կարծում եմ նկատի է ունեցվել տոնալնի կրեմերի և պուդրաների օգտագործումը, որոնք մեր աղջիկները չարաշահում են, իսկ այն, որ կան որոշ հատուկ կրեմներ, ինչպես դու արդեն նշեցիր, ապա այո՛, համաձայն եմ, որոշ դեպքերում դրանց կարիքը զգացվում է (դե տոնալնիի և պուդրայի կարիքն էլ է որոշների մոտ զգացվում, բայց օգտագործում են այնպիսի աղջիկները, որոնց մաշկն իդեալական է, կարիք չունեն դրանք օգտագործելու ու վատն էլ այն է, որ չարաշահում են:[ …):

kiki
10.10.2006, 16:26
Riddle ջան, բա ես էլ եմ դա ասում, եթե կարիք կա, ապա պետք է բուժել մաշկը, այլ ոչ թե 5էտաժանոց կրեմի ու պուդրայի շերտ սարքել դեմքին ... բնականաբար արևից կամ քամուց հատուկ պաշտպանական միջոցների մասին չեմ խոսում, լողափում և մեկ այլ տեղ պետք է իհարկե պաշտպանել մաշկը, չնայած ասեմ, որ ես դա էլ չեմ անում, սիրում եմ մուգ մաշկ ... :)

Մարիաննա
23.07.2007, 16:08
Ամենալավ կոսմետիկան այն է, որը չի նկատվում: Գլխավոր սկզբունքը դրանցիից հնարավորինս քիչ օգտվելն է: :)
Ես միայն տուշ եմ օգտագործում և չեմ սիրում անորակ տուշեր: :[ Քույրիկիս ասած. «Ճիշտ ընտրված ակնոցը՝ անորակ տուշից հազար անգամ լավ է»: :B Ձևափոխված ավելացում. «Ճիշտ ընտրված ու գրված բառերը՝ չգրված բառերից հազար անգամ լավ են»: :D

Second Chance
31.08.2007, 10:55
Չեմ սիրում երբ աղջիկները շատ խիստ ներկվում են:[ հատկապես վատ մաշկի առկայության դեպքում: Ոչ մեկին դատել չեմ ուզում :( բայց որ էդպիսի դեմք եմ տեսնում չեմ կարողանում ինձ զսպել որ չասեմ :D էս աղջկան որ մի հատ պոնչ անեմ թուշը կմնա ձեռս

A.r.p.i.
03.11.2009, 16:05
Ես ասեմ, որ կոսմետիկա շատ հազվադեպ եմ օգտագործում, այն էլ այն աստիճան քիչ, որ չի էլ նկատվում: Ընդհանրապես գտնում եմ, որ դա շատ անիմաստ գործա:

Yellow Raven
03.11.2009, 16:08
Չսիրածս բաննա, երբ աղջկա վրա բնական ոչ մի բան չի մնում, ամեն ինչ չափի մեջա գեղեցիկ:)

Yeghoyan
03.11.2009, 16:15
Ես ասեմ, որ կոսմետիկա շատ հազվադեպ եմ օգտագործում, այն էլ այն աստիճան քիչ, որ չի էլ նկատվում: Ընդհանրապես գտնում եմ, որ դա շատ անիմաստ գործա:

գործը ջհանդամը, բա ժամանակը :D
շենքի կողքի խանութ գնալու համար կես ժամ կորցնում են մենակ շպարվելու վրա:8

Սլիմ
03.11.2009, 16:17
Ես սիրում եմ քսվել, շատ եմ սիրում, չեմ սիրում տոնային կրեմեր, պուդրա, այ շատ սիրում եմ աչքերս քսել, լավ սև ու արտահայտիչ քսում եմ ու ինձ դուրա գալիս, շրթներկ էլ եմ քսում , բայց մեկ մեկ: Հա ու սիրում ու օգտագործում եմ ռումյանա, չգիտեմ հայերեն ոնց կլինի: Շատ բնականա լինում, ուղակի ընդգծված աչքեր:
Իսկ մաշկի որևէ թերություն փակելու համար հեչ պարտադիր չի ամբողջ դենքը կրեմել, կամ պուդրայի մեջ թաղել, կարելիա մենակ էտ մասին մի քիչ քսել, որ համ էլ չզգացվի:
Շպարված կինը ավելի խնամված տեսքա ունենում:)

Սլիմ
03.11.2009, 16:18
գործը ջհանդամը, բա ժամանակը :D
շենքի կողքի խանութ գնալու համար կես ժամ կորցնում են մենակ շպարվելու վրա:8

Խանութ գնալուց շպարվել? էն էլ շենքի կողքի?:o էտ չերեզչուռա:o

Yellow Raven
03.11.2009, 16:26
Ես սիրում եմ քսվել, շատ եմ սիրում, չեմ սիրում տոնային կրեմեր, պուդրա, այ շատ սիրում եմ աչքերս քսել, լավ սև ու արտահայտիչ քսում եմ ու ինձ դուրա գալիս, շրթներկ էլ եմ քսում , բայց մեկ մեկ: Հա ու սիրում ու օգտագործում եմ ռումյանա, չգիտեմ հայերեն ոնց կլինի: Շատ բնականա լինում, ուղակի ընդգծված աչքեր:
Իսկ մաշկի որևէ թերություն փակելու համար հեչ պարտադիր չի ամբողջ դենքը կրեմել, կամ պուդրայի մեջ թաղել, կարելիա մենակ էտ մասին մի քիչ քսել, որ համ էլ չզգացվի:
Շպարված կինը ավելի խնամված տեսքա ունենում:)
Ոչ միշտ է էդքան խնամքը գեղեցկացնում, ես աղջիկ գիտեմ, որ առանց շպարի/քիչ շպարված վիճակում շատ ավելի գեղեցիկ է, բայց չգիտես ինչի իրան նենցա պատում ամեն օր, որ մեկ-մեկ անցնում եմ կողքով ու չեմ ճանաչում:)

Yeghoyan
03.11.2009, 16:28
Խանութ գնալուց շպարվել? էն էլ շենքի կողքի?:o էտ չերեզչուռա:o

բա, շպարվել, դրա համար էլ ասում եմ անիմաստ զբաղմունքա, անիմաստ ժամանակի կորուստա:8 /ճանաչում եմ այդպիսի աղջիկների/
էդ նույն ժամանակը կարելի է ավելի հետաքրքիր ու օգտակար բանի համար կորցնել:

համ էլ տղաներին ավելի շատ դուր է գալիս բնականը, քան արհեստական ներկվածը: Խոսքը ոչ բոլոր շպարվածներին է վերաբերում, կան այնպիսինները որ դուրեկան են, հաճելի են, բայց կան նաև այնպիսինները որ նայում ես, էլ չես էլ ուզում հետը խոսես:[

Սլիմ
03.11.2009, 16:29
Ոչ միշտ է էդքան խնամքը գեղեցկացնում, ես աղջիկ գիտեմ, որ առանց շպարի/քիչ շպարված վիճակում շատ ավելի գեղեցիկ է, բայց չգիտես ինչի իրան նենցա պատում ամեն օր, որ մեկ-մեկ անցնում եմ կողքով ու չեմ ճանաչում:)

Տգեղացնումա սխալ մեյկապը, անգրագետ ձևով արված, իսկ եթե ճիշտ ընտրված գույներ լինեն ու գրագետ շպար , վստահ եղի ոչ մի սիրունիկ աղջկա ու անգամ գեշի չի տգեղացնի:
Ուղակի շատրեը չգիտեն ճիշտ շպարվել: Անգամ ունքերը հանելը, նայում ես լիքը ջղայն աղջկեք են նստած, պարզվումա ունքերնա սխալ հանած, իրանց դեմքին չսազող կտուրներա:

Սլիմ
03.11.2009, 16:30
բա, շպարվել, դրա համար էլ ասում եմ անիմաստ զբաղմունքա, անիմաստ ժամանակի կորուստա:8 /ճանաչում եմ այդպիսի աղջիկների/
էդ նույն ժամանակը կարելի է ավելի հետաքրքիր ու օգտակար բանի համար կորցնել:

համ էլ տղաներին ավելի շատ դուր է գալիս բնականը, քան արհեստական ներկվածը: Խոսքը ոչ բոլոր շպարվածներին է վերաբերում, կան այնպիսինները որ դուրեկան են, հաճելի են, բայց կան նաև այնպիսինները որ նայում ես, էլ չես էլ ուզում հետը խոսես:[

Տղաներին դուրա գալիս գեղեցիկը: Բնականը ոչ միշտա գեղեցիկ: Հետո ինչի եք մտածում որ եթե շպար , ապա անբնական?:o
Օրինակ ես առավոտյան չեմ հասցնում շպարվել, որովհետև ուշանում եմ, դրա համար շպարվում եմ աշխատանքային օրվա վերջում, հիմա էտ պրոցեսում եմ)))))))))))))))))))))))

Yeghoyan
03.11.2009, 16:32
Տղաներին դուրա գալիս գեղեցիկը: Բնականը ոչ միշտա գեղեցիկ: Հետո ինչի եք մտածում որ եթե շպար , ապա անբնական?:o

շպարի բնականը որնա՞:oy

Սլիմ
03.11.2009, 16:33
շպարի բնականը որնա՞:oy

առանց կրեմերի, առանց արտառոց գույների, ուղակի ընդգծված:)

Yeghoyan
03.11.2009, 16:34
առանց կրեմերի, առանց արտառոց գույների, ուղակի ընդգծված:)

ես գալու եմ քո մոտ դասընթացների:D լուրջ եմ ասում:8

Սլիմ
03.11.2009, 16:36
ես գալու եմ քո մոտ դասընթացների:D լուրջ եմ ասում:8

Ես լրիվ լուրջ կարամ օգնեմ: Սկզբի համար կարաս ինետից նայես , կան հատուկ դասընթացներ, իհարկե ոչ բոլորը, բայց ընտրի քո համար , քո դեմքին, մաշկի գույնին, գործի բնույթին համապատասխան էլէմենտներ;)

Yellow Raven
03.11.2009, 16:37
Սլիմը համոզեց:D Մենակ մի լրացում՝ սիրունությունը շատի մեջ չի;)

Օրինակ մեր կարկառուն դեմք Նազենի Հովհաննիսյանը:)) Չշպարված ինչ սիրունա, բայց մեկ-մեկ նայում ես ոնցոր կալաբոկ լինի կարմիր գունի, մոտավորապես սրա նման՝ :angry

Սլիմ
03.11.2009, 16:39
Սլիմը համոզեց:D Մենակ մի լրացում՝ սիրունությունը շատի մեջ չի;)

Օրինակ մեր կարկառուն դեմք Նազենի Հովհաննիսյանը:)) Չշպարված ինչ սիրունա, բայց մեկ-մեկ նայում ես ոնցոր կալաբոկ լինի կարմիր գունի, մոտավորապես սրա նման՝ :angry

Հա , էտ որ շատի մեջ չի, ես միշտ էլ համաձայն եմ եղել:)
Նազենիի մաշկը ահավոր որակիա, ինչքան ես հասցրել եմ էկրանին նկատել: Նախ պետքա մաշկը բուժել, եթե բուժվի: Թե չէ ոնց որ բաց վերքի վրա նյութ քսես:

AniwaR
03.11.2009, 16:50
Ես կարծես թե արդեն 19 տարեկան մեծ աղջիկ եմ, բայց նույնիսկ շրթներկ քսել չգիտեմ, էլ ուր մնաց աչքերս ներկեմ. ընենց կլղոզվի, կդառնամ սատանա (չեմ էլ ուզում փորձել): Ու զարմանում եմ, թե մյուսները ոնց են հասցնում, օրինակ, առավոտ շուտ (թեկուզ թեթևակի) շպարված գալ դասի: Եթե որոշեմ մի օր այդպիսի բան անել, 20 չէ, 50 րոպե ուշացած կհասնեմ դասի. բայց չեմ անի, ավելի լավ է մի կես ժամ ավել քնել: :lazy

Yevuk
03.11.2009, 16:52
Ես ինքս շպարվելու մեջ ոչ մի վատ բան չեմ տեսնում, սակայն, ինչպես ասում են, ամեն ինչ չափի մեջ է գեղեցիկ…
Ես ինքս սիրում եմ շպարվել, սակայն երբեք չափը չեմ անցնում… Հիմնականու քսում եմ աչքերը և վերջ…
Ծանոթ աղջիկները զարմանում են, երբ ասում եմ, ոչ շատ հաճախ դասի գնալուց չեմ շպարվում, քանի որ ժամանակ չունեմ

Kita
03.11.2009, 16:53
50 րոպե:D
Իմ քսվելը մակսիմում 5 րոպե է տևում:D ասենք ոտի վրա տուշ, դե քանի որ ես էլ օգտվում եմ Սլիմի ասած ուղղակի ընդգծված միջոցից:))
Բայց դե ես հիշում եմ` ոնց ինստում, մեր երեխեքը դասամիջոցների ընթացքում միայն քսվում էին:))

AniwaR
03.11.2009, 16:58
Իմ քսվելը մակսիմում 5 րոպե է տևում

Դա գալիս է վարժված լինելուց: Իսկ ինձ համար իսկապես ավելի լավ է այդ 5 րոպեն էլ քնել: :lazy

Ungrateful
03.11.2009, 17:10
Մինչև աղջկան առավոտ "Բարլուսով" չտեսնեմ՝ առաջարկություն չէմ անի: :mda :))

Enigmatic
03.11.2009, 17:10
Իսկ իմ պատրաստվելու մեծ մասը կազմում է շպարվելը:oy:))
Ես շեշտը դնում եմ իմ աչքերի վրա, իսկ շրթներկ բացարձակ չեմ օգտագործում: Իսկ չշպարվելը դա անգամ թափթվածության տպավորություն է թողնում: Օրինակ ես մի շատ ազդեցիկ, գել դասախոս ունեի, իրա ասածը օրենք էր ողջ համալսարանի համար:) ինքը միշտ ասում էր, երբ աղջիկը գալիս է դասի շպարված, իհարկե չափի մեջ, դա ցույց է տալիս այդ աղջկա խնամվածությունը և այն, որ նա իրեն հետևում է: Չգիտեմ իմ կարծիքով գոնե մինիմալ պետք է ամպայման շպարվել, վերջիվերջո շպարով մենք ընդգծում ենք մեր գեղեցկությունը ավելի;)

Արևհատիկ
03.11.2009, 17:18
Ես 4րդ կուրս եմ, դեռ էս տարվանից եմ սկսել աչքերս ներկել, այն էլ թեթևակի, որ նույնիսկ շատերը չեն նկատում: Բայց շրթներկը ձմռանը միշտ քսում եմ

Chuk
03.11.2009, 17:58
Սպասեք մի խելոք բան էլ ես ասեմ :))

Ամեն մարդ էլ (աղջիկ, տղա, էական չի) յուրովի գեղեցիկ ա: Ընդ որում գեղեցիկ ա բազմաձև: Մեկս կարող ենք էդ գեղեցկությունը նկատենք, մեկս չէ, մեկը կարող ա գեղեցկության մի ձևը նկատենք, մյուսն ուրիշ:

Երբ որ շպարվում են, շրջապատին պարտադրում են էն գեղեցկությունը, որ իրենք են տեսնում. ընգծում են իրենց մարմնի այն յուրահատկությունը, որն իրենց կարծիքով ա գեղեցիկ: Ու դրա համար էլ հեչ տարօրինակ չի, որ ես բազում գեղեցիկ աղջիկների գեղեցկությունը շպարված ժամանակ չեմ տեսնում, հասարակ պատճառով, իրենք ընդգծել են իրենց գեղեցկության էն մասը, որն ինձ համար հաճելի չի, գեղեցիկ չի, արտահայտիչ չի: Այլ կերպ ասած, ըստ իս, շպարումով մարդիկ հաճախ սահմանափակում են իրենց գեղեցկությունը:

Խոսքս չի գնում շատ համեստ շպարումների մասին, որոնք չեն ծածկում իրենց մյուս գեղեցկությունները՝ թողնելով մեկը, էն, որ իրենց կարծիքով է լավը:

Համա թե գրեցի :))

Չամիչ
03.11.2009, 18:27
Ես էլ եմ վերջերս լավ վարպետացել, մաքսիմում մի 10 րոպեում քսմսվում եմ:

Բախտս բերելա, նենց մազեր ունեմ, որ շատ հաճախ, առանց սանրվելու կարող եմ տանից դուրս գալ:)

Համաձայն եմ, իսկապես հազվադեպ են հանդիպում շաաաաատ տգեղ աղջիկներ: Բայց, ամեն քայլափոխի կարելի է հանդիպել արհեստականորեն իրենց տգեղացրած աղջիկների: Սխալ սանրվածք, մազերի ներկի սխալ գույն, ոչ գրագետ դիմահարդարում, անճաշակ հակու կապ եւ ծանոթ գեղեցկուհին սահուն կորպարանափոխվում է անծնոթ «հրեշտակի»:oy

Շատ դեպքերում աղջիկները կոնտուր մատիտի օգնությամբ ընդգծում են ոչ թե աչքի բնական ձեւը, այլ նոր աչք են նկարում, որը ոչ մի կապ չունի օրիգինալի հետ:
Այս դեպում կարելի է ընդամենը մեկ խորհուրդ տալ, եթե չեք կարողանում ընդգծել ձեր գեղեցկությունը, ապա ավելի լավ է ձեռք չտալ, կամ դիմել որակյալ մասնագետի օգնությանը:

Երկնային
03.11.2009, 18:54
Չափի մեջ պետք ա լինի ուղղակի :) օրինակ ես կրեմ կամ պուդրա մաշկիս չեմ քսի փչացնեմ… մենակ աչքերս եմ քսում… աչքերս որ քսած չեմ լինում նենց եմ ինձ զգում ոնց որ առավոտ նոր արթնացած չսանրված - գզգզված մազերով ու ճմրթված շորերով դասի կամ աշխատանքի գնացած լինեմ :))

Farfalla
03.11.2009, 19:00
Ամեն ինչ, ինչպես նաև շպարը չափի մեջ է գեղեցիկ: Կաևորը իմանաս թե քեզ ինչա սազում, իսկ ինչ ոչ: Շատ աղջիկների ամենամեծ խնդիրը նրանումա կայանում, որ իրանք հերիք չի չգիտեն թե իրանց ինչա սազում ու ինչը արժի ընդգծել, իրանք չգիտեն թե որտեղ ոնցա պետք շպարվել, այսինքն նույն ձև են շպարվում համ դասի կամ աշխատանքի համ հարսանիք գնալուց:

Second Chance
03.11.2009, 19:38
Ամեն դեպքում երբ հանդիպում եմ խիստ ներկված կանանց միշտ առաջին միտքս այն է, որ տվյալ անձը լուրջ հոգեբանական խնդիրներ ունի: Ու գիտեք գրեթե չեմ սխալվում:)

Նարե
03.11.2009, 23:33
Ամեն դեպքում երբ հանդիպում եմ խիստ ներկված կանանց միշտ առաջին միտքս այն է, որ տվյալ անձը լուրջ հոգեբանական խնդիրներ ունի: Ու գիտեք գրեթե չեմ սխալվում:)

հոգեբանական լուրջ խնդիրներ չունեմ, բայց քսվելուս հիմնական պատճառը օրինակ կոմպլեքսներս են, վայ ինչ լավ կլիներ կոմպլեքսներս վերանային:)

Enigmatic
04.11.2009, 00:03
Ամեն դեպքում երբ հանդիպում եմ խիստ ներկված կանանց միշտ առաջին միտքս այն է, որ տվյալ անձը լուրջ հոգեբանական խնդիրներ ունի: Ու գիտեք գրեթե չեմ սխալվում:)

Այ քեզ բաաան:pardon մարդ ուրեմն որ շպարվում ա, ուրեմ հոքեկան ա՞,կապ չունի ինչքան ա շպարվում, ու էտ ոչ մեկի գործն էլ չի, եթե իրեն տենց դուր ա գալիս, ուրեմ թող այդ չափով էլ շպարվի, իսկ մարդուն հոքեկան պիտակ կպցնելը էտ արդեն աբսուրդ ա:[ վայ-վայ էս ուր ենք հասել:[

Լուսաբեր
04.11.2009, 00:29
Այ քեզ բաաան:pardon մարդ ուրեմն որ շպարվում ա, ուրեմ հոքեկան ա՞,կապ չունի ինչքան ա շպարվում, ու էտ ոչ մեկի գործն էլ չի, եթե իրեն տենց դուր ա գալիս, ուրեմ թող այդ չափով էլ շպարվի, իսկ մարդուն հոքեկան պիտակ կպցնելը էտ արդեն աբսուրդ ա:[ վայ-վայ էս ուր ենք հասել:[

Լիա ջան, բայց մարդը շպարվելու մասին բան չի ասել , նշելա, որ խիստ ներկվածներն են այդպիսի տպավորություն թողնում, որը շատ բնականա ;) դա կա :)

Ամեն դեպքում երբ հանդիպում եմ խիստ ներկված կանանց միշտ առաջին միտքս այն է, որ տվյալ անձը լուրջ հոգեբանական խնդիրներ ունի:

Enigmatic
04.11.2009, 00:59
Իմ կոմպի պարապունքի տեղը մի աղջիկ կար, իմ հետ էր պարապում, ինքը ,Խիստ շպարված ասածը մեղմ ա ասված, իրանի համեմատ, ինքը ունքերի տեղը տատուաժ էր արել, ուրեմ վառ վարդագույն տատուաժ էր արել շուրթերից շատ վերև, որ հետո շրթներկ քսեր մեծացներ շուրթերը տեսողականորեն, շրթունքի վերևը տատուաժ էր արած, իբր խալ ա, մի խոսքով վուլգառության վերջն էր դա: Բայց ես դասի բերումով շփվում էի էտ աղջկա հետ ու ասեմ որ հեչ էլ խանգարված չէր էտ մարդը, նոռմալ մարդ ա, ինձ ինչ, իրան տենց ա դուր գալիս տենց ա շպարվում,համենայն դեպս ես չասեցի, որ ինքը գիժ ա:

Ուլուանա
04.11.2009, 01:15
Իմ կոմպի պարապունքի տեղը մի աղջիկ կար, իմ հետ էր պարապում, ինքը ,Խիստ շպարված ասածը մեղմ ա ասված, իրանի համեմատ, ինքը ունքերի տեղը տատուաժ էր արել, ուրեմ վառ վարդագույն տատուաժ էր արել շուրթերից շատ վերև, որ հետո շրթներկ քսեր մեծացներ շուրթերը տեսողականորեն, շրթունքի վերևը տատուաժ էր արած, իբր խալ ա, մի խոսքով վուլգառության վերջն էր դա: Բայց ես դասի բերումով շփվում էի էտ աղջկա հետ ու ասեմ որ հեչ էլ խանգարված չէր էտ մարդը, նոռմալ մարդ ա, ինձ ինչ, իրան տենց ա դուր գալիս տենց ա շպարվում,համենայն դեպս ես չասեցի, որ ինքը գիժ ա:
Լիա ջան, բայց կարծես ոչ ոք չի էլ պնդել, թե շատ շպարվողները գիժ են։ Հոգեբանական խնդիրներ ունենալու և գիժ լինելու միջև ահագին մեծ տարբերություն կա՝ չնայած այն հանգամանքին, որ առաջինի մեծ քանակությունը տեսականորեն կարող է ի վերջո հանգեցնել երկրորդին։

Բարեկամ
04.11.2009, 03:33
Նկատել եմ, որ այն աղջիկները, որոնք ամբողջովին սիրո մեջ են /նկատի ունեմ խորապես ու հիմնովին սիրված/, իրենց կյանքի էդ շրջանում դադարում են շպարվել, այսինքն զբաղվել իրենք իրենցով, քանի որ կարծես դրա կարիքը չկա: Ու միևնույն ժամանակ նկատել եմ, որ ամենից շատ շպարվում են այն աղջիկները, որոնց կյանքի էդ հատվածն առայժմ դատարկ է, և բնականաբար ու բնազդաբար արվում են նախապատրաստությունները գրավելու ու էդ դատարկը լցնելու համար :

dvgray
04.11.2009, 04:03
:D
հետաքրքիրն էն է, որ համարյա բոլորը շեշտում են, որ վատ է, երբ առանց հասկանալու թե ինչ ու ոնց, աղջիկը շպարվում է:
իսկ դուք գիտեք՞ թե ոնց է պեքտ :) որտեղից՞ դա գիտեք: հատուկ դասընթացներ՞ եք ավարտել թե՞ հոլիվուդում գրիմյոռ եք աշխատել:

Բարեկամ
04.11.2009, 04:06
:D
հետաքրքիրն էն է, որ համարյա բոլորը շեշտում են, որ վատ է, երբ առանց հասկանալու թե ինչ ու ոնց, աղջիկը շպարվում է:
իսկ դուք գիտեք՞ թե ոնց է պեքտ :) որտեղից՞ դա գիտեք: հատուկ դասընթացներ՞ եք ավարտել թե՞ հոլիվուդում գրիմյոռ եք աշխատել:

դիվի ջան, երբ օրինակ կահույք ես գնում, հեչ պարտադիր չի, որ ինտերիեր դիզայնի դասընթացներ անցած լինես, առաջնորդվում ես սեփական աչքին հաճո կամ ոչ լինելու հանգամանքով: Նույնը և կոսմետիկայի դեպքում - մեկին դուր ա գալիս տվյալ ձևի շպարվելը, մյուսին՝ ոչ: Բայց օրինակ ակնհայտորեն անճոռնի կահույքը դժվար թե մեկը գեղեցիկ համարի, նմանապես և ակնհայտորեն անճոռնի քսվածը: Վերջին հաշվով գոյություն ունի գեղեցկության պատկերացման մարդկային միջին թվաբանական :)

dvgray
04.11.2009, 04:40
դիվի ջան, երբ օրինակ կահույք ես գնում, հեչ պարտադիր չի, որ ինտերիեր դիզայնի դասընթացներ անցած լինես, առաջնորդվում ես սեփական աչքին հաճո կամ ոչ լինելու հանգամանքով: Նույնը և կոսմետիկայի դեպքում - մեկին դուր ա գալիս տվյալ ձևի շպարվելը, մյուսին՝ ոչ: Բայց օրինակ ակնհայտորեն անճոռնի կահույքը դժվար թե մեկը գեղեցիկ համարի, նմանապես և ակնհայտորեն անճոռնի քսվածը: Վերջին հաշվով գոյություն ունի գեղեցկության պատկերացման մարդկային միջին թվաբանական :)

Բարեկամ ջան: դիզայնի առումո ասեմ ,որ դա շատ անձնական է, և մաքսիմում կարող ես ձևավորել քո սեփական տունդ/սենյակտ: ու այդ ձևավորման ընթացքում շարժվում ես ձևավորված տիպերով: նունը նաև կոսմետիկայի առումով է: բոլոր շպարվողներն էլ շարժվում են ժուռնալ-մուռնալով: բայց քանի որ այդ ժուռնալների տեսականին շատ-շատ է, նմանապես էլ լիքը տարբեր տեսակներ կան:
քսվածքը առնվազն տիպաժային լուծում է: դերասանական հնարք, հայատնվելու ուրիշ իմիջով: այ մշտապես նույն շպարն է հոգնեցնող ու ձանձրալի: կարծում եմ ;) :D

Բարեկամ
04.11.2009, 04:59
Բարեկամ ջան: դիզայնի առումո ասեմ ,որ դա շատ անձնական է, և մաքսիմում կարող ես ձևավորել քո սեփական տունդ/սենյակտ: ու այդ ձևավորման ընթացքում շարժվում ես ձևավորված տիպերով: նունը նաև կոսմետիկայի առումով է: բոլոր շպարվողներն էլ շարժվում են ժուռնալ-մուռնալով: բայց քանի որ այդ ժուռնալների տեսականին շատ-շատ է, նմանապես էլ լիքը տարբեր տեսակներ կան:
քսվածքը առնվազն տիպաժային լուծում է: դերասանական հնարք, հայատնվելու ուրիշ իմիջով: այ մշտապես նույն շպարն է հոգնեցնող ու ձանձրալի: կարծում եմ ;) :D

մի անգամ, երբ դեռ դեռահաս էի ու տատանումների մեջ, մի հատ խելոք ծյոծյա սենց մի բան ասեց. կինը պետք ա քսվի, հակառակ դեպքում փնթիություն ա, բայց կինը պետք ա նենց քսված լինի, որ չհասկանաս թե որտեղ ա կոսմետիկան :8 ;)
Այսինքն էդ ներկակարությունը պետք ա դառնա ներդաշնակ գեղանկարչություն, որ նայելիս հաճելի լինի, գեղագիտական հաճույք պատճառի:


Ու վաբշե, գնալով սկսում եմ համոզվել, որ կինը հենց գեղագիտական հաճույք պատճառելու համար ստեղծված երևույթ ա, մնացած բաները՝ խելք, գիտելիք և այլն, արբանյակային հատկանիշներ են, որոնք կարող են լրացնել էն առաջին /գեղագիտական հաճույքի/ առաքելությունը, բայց երբևէ չեն կարող փոխարինել, ու վատագույնն ա՝ երբ խանգարում են :bad
Ու ընդհանրապես, հենց տղամարդը սկսում ա առաջնահերթությունը տալ կնոջից այլ սպասելիքների, քան հենց գեղագիտական հաճույքը փնտրել, գտնելն ու պարզապես վայելելն ա, մեծն դառնությունների ու հիասթափությունների ա ռաստ գալիս էդ տղամարդն իր կյանքում, ու հաճախ էդպես էլ չի հասկանում թե աղբյուրը էդ դառնությունների որտեղից էր գալիս, էնքան որ խրվում ա էդ թյուրիմացական սպասելիքների ու դրանց չարդարացման ճահճում, դեռ մի բան էլ կարող ա սկսի իրեն մեղադրել…

dvgray
04.11.2009, 05:18
մի անգամ, երբ դեռ դեռահաս էի ու տատանումների մեջ, մի հատ խելոք ծյոծյա սենց մի բան ասեց. կինը պետք ա քսվի, հակառակ դեպքում փնթիություն ա, բայց կինը պետք ա նենց քսված լինի, որ չհասկանաս թե որտեղ ա կոսմետիկան :8 ;)
Այսինքն էդ ներկակարությունը պետք ա դառնա ներդաշնակ գեղանկարչություն, որ նայելիս հաճելի լինի, գեղագիտական հաճույք պատճառի:


Ու վաբշե, գնալով սկսում եմ համոզվել, որ կինը հենց գեղագիտական հաճույք պատճառելու համար ստեղծված երևույթ ա, մնացած բաները՝ խելք, գիտելիք և այլն, արբանյակային հատկանիշներ են, որոնք կարող են լրացնել էն առաջին /գեղագիտական հաճույքի/ առաքելությունը, բայց երբևէ չեն կարող փոխարինել, ու վատագույնն ա՝ երբ խանգարում են :bad
Ու ընդհանրապես, հենց տղամարդը սկսում ա առաջնահերթությունը տալ կնոջից այլ սպասելիքների, քան հենց գեղագիտական հաճույքը փնտրել, գտնելն ու պարզապես վայելելն ա, մեծն դառնությունների ու հիասթափությունների ա ռաստ գալիս էդ տղամարդն իր կյանքում, ու հաճախ էդպես էլ չի հասկանում թե աղբյուրը էդ դառնությունների որտեղից էր գալիս, էնքան որ խրվում ա էդ թյուրիմացական սպասելիքների ու դրանց չարդարացման ճահճում, դեռ մի բան էլ կարող ա սկսի իրեն մեղադրել…
օրինակ, Մարգարետ Թետչերի "մարդը" իրա "կնգանից" գեղագիտական հաճույք ստանար՞ միայն: ;) :D
կամ Մադլին Օ՛ Բ-ի մադը, կամ Կոդոլիզի Ամուսինը :)
Բարեկամ ջան: էն հասարակությունում, որտեղ որ հիմա ես եմ ապրում, կանանց մեծ մասը ապրում են նախ առանձին, երկրորդ , իրանք էնքան "բիզնես"-ում են, որ… քսված մենակ սևերին են տեսնում…

Բարեկամ
04.11.2009, 05:24
օրինակ, Մարգարետ Թետչերի "մարդը" իրա "կնգանից" գեղագիտական հաճույք ստանար՞ միայն: ;) :D
կամ Մադլին Օ՛ Բ-ի մադը, կամ Կոդոլիզի Ամուսինը :)
Բարեկամ ջան: էն հասարակությունում, որտեղ որ հիմա ես եմ ապրում, կանանց մեծ մասը ապրում են նախ առանձին, երկրորդ , իրանք էնքան "բիզնես"-ում են, որ… քսված մենակ սևերին են տեսնում…

նախ միայն չէ, առաջին հերթին: Ու այո, հենց քո էդ նշած կանայք էլ, որ նայում ես, առաջին հերթին` տեղը-տեղին կին են, հետո նոր էդ նշածդ արբանյակային հասարակական բան-մաները, ու որ նայում ես իրենց, մտքում ժպտում ես` գիտես որտեղ ա խոցելի ;) Ասենք, Թետչերին մի թեթև նամյոկ, որ էդ կաստյումչիկն իրան էդքան էլ չի սազում, ու բրիտանական դիվանագիտության մեջ էդ օրը մի բան թարս կգնա :))

Իսկ ներկայիս հասարակության մեջ բիզնեսում խրված կանայք ոչ մի բանով չեն զիջում իրենց կանացիությունը /ինչքանով որ ես եմ տեսնում/: Անգամ ֆէշընի տենց կատեգորիա կա` business woman, այնպես որ բիզնեսը դա ընդամենը լալֆ-ստայլ ա, բայց ոչ էություն կնոջ համար, հավատա ;) թեև բացառություններ իհարկե լինում են, ու այն, որ դրանք բացառություններ են, արդեն հաստատում են կանոնը :)

Բարեկամ
04.11.2009, 06:06
օրինակ, Մարգարետ Թետչերի "մարդը" իրա "կնգանից" գեղագիտական հաճույք ստանար՞ միայն: ;) :D
կամ Մադլին Օ՛ Բ-ի մադը, կամ Կոդոլիզի Ամուսինը :)
Բարեկամ ջան: էն հասարակությունում, որտեղ որ հիմա ես եմ ապրում, կանանց մեծ մասը ապրում են նախ առանձին, երկրորդ , իրանք էնքան "բիզնես"-ում են, որ… քսված մենակ սևերին են տեսնում…

ու վաբշե, ինչ գիտես էդ հարգարժան տիկնանց ամուսիններն ինչքանով են գոհ իրանց կանանցից իրականում:)

dvgray
04.11.2009, 06:32
նախ միայն չէ, առաջին հերթին: Ու այո, հենց քո էդ նշած կանայք էլ, որ նայում ես, առաջին հերթին` տեղը-տեղին կին են, հետո նոր էդ նշածդ արբանյակային հասարակական բան-մաները, ու որ նայում ես իրենց, մտքում ժպտում ես` գիտես որտեղ ա խոցելի ;) Ասենք, Թետչերին մի թեթև նամյոկ, որ էդ կաստյումչիկն իրան էդքան էլ չի սազում, ու բրիտանական դիվանագիտության մեջ էդ օրը մի բան թարս կգնա :))

Իսկ ներկայիս հասարակության մեջ բիզնեսում խրված կանայք ոչ մի բանով չեն զիջում իրենց կանացիությունը /ինչքանով որ ես եմ տեսնում/: Անգամ ֆէշընի տենց կատեգորիա կա` business woman, այնպես որ բիզնեսը դա ընդամենը լալֆ-ստայլ ա, բայց ոչ էություն կնոջ համար, հավատա ;) թեև բացառություններ իհարկե լինում են, ու այն, որ դրանք բացառություններ են, արդեն հաստատում են կանոնը :)

այսինքն դու բացառում՞ ես, որ կարող են լինել հասարակություններ, որտեղ կին-գիտնականը ասենք լինի նույնքան նորմալ երևույթն, որքան տղամարդ-գիտնականը:
Ու վաբշե, որտեղից՞ է գալիս այն համոզմունքը, որ կինը կուկլա է: Ու տղամարդկանց դուր է գալիս որպես կուկլա: ինձ որպես կուկլա ոչ մի կին էլ չի գրավում: Կուկլնա կուկլա է, մարդը՝ մարդ:
կարծում եմ չափազանզ պուճուրիկ անկյան տակ է ՝ դիտարկել կնոջը որպես անբողջ գիտակից կյանքը գիշերային պորտապարի պատրաստվող էակի:
Չնայած՞ ;) ես կասկածում եմ, որ դու բանեցնում ես կնոջ՝ հազարամյակներով բանեցրած հին ու ազդեցիկ հնարքը՝ տղամադու գլուխ սիրելը :B :D

dvgray
04.11.2009, 06:32
ու վաբշե, ինչ գիտես էդ հարգարժան տիկնանց ամուսիններն ինչքանով են գոհ իրանց կանանցից իրականում:)

օրինակ կարելի է հարցնել դա Անգլիայի թագուհու ամուսնուց՝ երբ որ ձեր մոտերը երևա ;) :)

Բարեկամ
04.11.2009, 06:34
օրինակ կարելի է հարցնել դա Անգլիայի թագուհու ամուսնուց՝ երբ որ ձեր մոտերը երևա ;) :)

հարցրել եմ ;) ասել ա` օֆ է, մի հարցրու :sad

dvgray
04.11.2009, 06:38
հարցրել եմ ;) ասել ա` օֆ է, մի հարցրու :sad

կարող՞ եմ այսքանից եզրակացնել, որ դու համարում ես որ կինը ամեն խելքին վերաբերվող հարցերում ստորադաս է տղամարդուց

Բարեկամ
04.11.2009, 06:41
այսինքն դու բացառում՞ ես, որ կարող են լինել հասարակություններ, որտեղ կին-գիտնականը ասենք լինի նույնքան նորմալ երևույթն, որքան տղամարդ-գիտնականը:
Ու վաբշե, որտեղից՞ է գալիս այն համոզմունքը, որ կինը կուկլա է: Ու տղամարդկանց դուր է գալիս որպես կուկլա: ինձ որպես կուկլա ոչ մի կին էլ չի գրավում: Կուկլնա կուկլա է, մարդը՝ մարդ:
կարծում եմ չափազանզ պուճուրիկ անկյան տակ է ՝ դիտարկել կնոջը որպես անբողջ գիտակից կյանքը գիշերային պորտապարի պատրաստվող էակի:
Չնայած՞ ;) ես կասկածում եմ, որ դու բանեցնում ես կնոջ՝ հազարամյակներով բանեցրած հին ու ազդեցիկ հնարքը՝ տղամադու գլուխ սիրելը :B :D

ես ուրիշ հնարքներ եմ բանեցնում :))
կին-գիտնականը միջին թվաբանականով հաստատ անհամեմատելի ա տղամարդ-գիտնականի հետ՝ միջին թվաբանականով: Դե հա, պարզա, որ կան որոշ կին-գիտնականներ, որոնք գերազանցում են որոշ տղամարդ-գիտնականներին, բայց մենք առանձին դեպքերի մասին չենք խոսում, այլ երևույթի՝ միջին թվաբանականով:
կուկլա որ ասում ես՝ պատկերացնում եմ անուղեղ ու անկենդան ռոբոտ, պարզա, որ այդպիսինները անհետաքրքիր են տղամարդկանց համար կամ շուտ կորում ա հետաքրքրությունը: Բայց ես խոսում եմ կնոջ մասին՝ որպես ուղեղով ու իր տրամաբանությամբ էակի մասին, որը չի դավաճանում իր միջի կնոջը:

ու հետո, ինչ գիշերային պորտապար :8:o էդ իսկապես ոչ թե փոքր անկյան տակ նայել ա կնոջը՝ որպես էակի, այլ ասեղի անցքով՝ մութ սենյակում: Իզուր ես կնոջը էդքան թերագնահատում:

Բարեկամ
04.11.2009, 06:45
կարող՞ եմ այսքանից եզրակացնել, որ դու համարում ես որ կինը ամեն խելքին վերաբերվող հարցերում ստորադաս է տղամարդուց

չէ, խելքը կապ չունի: Ես ընդհանրապես չեմ ստորադասում, ոչ էլ գերադասում եմ: Ուղղակի ասում եմ, որ կինն ունի իր բնագավառը, տղամարդն՝ իրենը, ու դնել երկուսին խառնել ու կիսել՝ ստացվածը անվանելով "մարդ", դժբախտ, հակասական թյուրիմացություն կլինի էդ "մարդն" իր կյանքում:

dvgray
04.11.2009, 08:05
չէ, խելքը կապ չունի: Ես ընդհանրապես չեմ ստորադասում, ոչ էլ գերադասում եմ: Ուղղակի ասում եմ, որ կինն ունի իր բնագավառը, տղամարդն՝ իրենը, ու դնել երկուսին խառնել ու կիսել՝ ստացվածը անվանելով "մարդ", դժբախտ, հակասական թյուրիմացություն կլինի էդ "մարդն" իր կյանքում:

եթե խոսում ենք որպես ֆիզիոլոգիական էակ, ապա իսկապես կան ֆիզիոլոգիական տարբերություներ ու միջինանել ոչ միշտ է կարելի, չնայած կան օրգաններ որ անկախ սռից նույն տեսքը ունեն :aha
բայց եթե դիտարկենք որպես հասարակական էակ երկուսին էլ, ապա ինչու՞մ է այդ մոգական տրաբերակիչ նշանը, որի պատճառով կինը երբեք "մարդ" չի դառնա ;) :D /ըստ քեզ :)/
հիմա նայում էս կառավարության անդամներին, էքսպերտներին ու խորհրդականներին, համարյա ամեն տեղ աչքիտ կին է երևում… եքա գերմանիայի շեֆը արդեն երկրորդ անգամ էն /գեշ/ կնիկն ա դառնում ;) Նորվեգիայում ու Դանիայում/աշխարհի մասշտաբով ամենազարգացած երկիրը երևի/ կանանց մոնոպոլիա է պրոֆեսիոնալ ոլորտներում:

Բարեկամ
04.11.2009, 08:29
եթե խոսում ենք որպես ֆիզիոլոգիական էակ, ապա իսկապես կան ֆիզիոլոգիական տարբերություներ ու միջինանել ոչ միշտ է կարելի, չնայած կան օրգաններ որ անկախ սռից նույն տեսքը ունեն :aha
բայց եթե դիտարկենք որպես հասարակական էակ երկուսին էլ, ապա ինչու՞մ է այդ մոգական տրաբերակիչ նշանը, որի պատճառով կինը երբեք "մարդ" չի դառնա ;) :D /ըստ քեզ :)/
հիմա նայում էս կառավարության անդամներին, էքսպերտներին ու խորհրդականներին, համարյա ամեն տեղ աչքիտ կին է երևում… եքա գերմանիայի շեֆը արդեն երկրորդ անգամ էն /գեշ/ կնիկն ա դառնում ;) Նորվեգիայում ու Դանիայում/աշխարհի մասշտաբով ամենազարգացած երկիրը երևի/ կանանց մոնոպոլիա է պրոֆեսիոնալ ոլորտներում:


ես ասեցի մա՞րդ չի դառնա :8 չէ, ասածս էն էր, որ տեղեր կան, որ կինը մի ձև էն չի էլի, ոնց որ տղամարդը կլիներ էդ ոլորտում: Ու համ էլ, որ հիմա նշում ես առանձին դեպքեր, էդ մեկ անգամ ևս ապացուցում ա, որ արտառոց դեպքեր են ու ոչ օրինաչափ :)

Second Chance
04.11.2009, 12:13
Իմ կոմպի պարապունքի տեղը մի աղջիկ կար, իմ հետ էր պարապում, ինքը ,Խիստ շպարված ասածը մեղմ ա ասված, իրանի համեմատ, ինքը ունքերի տեղը տատուաժ էր արել, ուրեմ վառ վարդագույն տատուաժ էր արել շուրթերից շատ վերև, որ հետո շրթներկ քսեր մեծացներ շուրթերը տեսողականորեն, շրթունքի վերևը տատուաժ էր արած, իբր խալ ա, մի խոսքով վուլգառության վերջն էր դա: Բայց ես դասի բերումով շփվում էի էտ աղջկա հետ ու ասեմ որ հեչ էլ խանգարված չէր էտ մարդը, նոռմալ մարդ ա, ինձ ինչ, իրան տենց ա դուր գալիս տենց ա շպարվում,համենայն դեպս ես չասեցի, որ ինքը գիժ ա:
http://i.ehow.com/images/GlobalPhoto/Articles/4763114/clown_Full.jpghttp://1.bp.blogspot.com/_mmBw3uzPnJI/Smh_yAUCkMI/AAAAAAAAq8Q/7Tx1EmzARqQ/s400/bad_makeup_27.jpg

Enigmatic ջան հիմա ըստ քեզ այս կանանց մոտ ամենի՞նչ նորմալ է: Ինձ թվում է որ ոչ:

Սլիմ
04.11.2009, 13:09
Amina ջան պարտադիր չի ծայրահեղությունների գնալ ու ինչքան կտցրած կա դրանց օրինակ բերել, դրանց մոտ հոգեկան խանգարման ու քսվելու կապը նույնքանա , ոնց որ գիժը գզգզի մազերը ու դուրս գա, մենք էլ ասենք որ ինչ որ սանրվածք անելը խփնվածության նշանա: Իսկ իրանց ցնդածությունը երևումա ոչ թե նրանից որ շատ են քսվել, այլ, որ ուղակի սխալ ու իրանց չսազացող բաներ են արել: Հիմա ես քեզ կբերեմ օրինակ բավականին արտահայտիչ շպարով աղջիկների ու կտեսնես, որ իրանցից ոչ ոք գժի տպավորություն չի թողնում, որովհետև շպարվել եմ գրագետ:

Սլիմ
04.11.2009, 13:11
Կարելիա նաև էտքան շատ չքսվել, ուղղակի համաձայնի շպարը գեղեցկացնումա;)

Սլիմ
04.11.2009, 13:16
Հա մի բան էլ, նայեք ինչ բնական են , չնայած որ շպաչված են, ինչ որ մեկը անբնական բան կամ տգեղացնող բան տեսնումա?

Second Chance
04.11.2009, 13:20
Քանի որ շատերը թեմայում շպարվելը համարում են խնամված լինելու կամ երևալու գրավական հարկ եմ համարում խոսել դրա մասին:):
Շպարվելը ընդհանրապես կապ չունի խնամված լինելու հետ: Քանի որ շպարվելուց օգտագործվում է զուտ դեկորատիվ կոսմետիկա: Այսինքն շպարվելը դա լոկ զարդարանք է , բայց ոչ ամենևին խնամք: Դեմքի մաշկը խնամելու համար գոյություն ունեն հիգենիկ ,սնուցող , խոնավացնող նյութեր: Եվ դրանք են որ ապահովում են մեր մարմնի և մաշկի խնամքը, : Եվ դրանք են որ իսկապես խնամում սնուցում ու պաշտպանում են մեր մաշկը: Իսկ դեկորատիվ կոսմետիկ միջոցները ավելի շուտ վնասում են այն : Դրա համար օգտագործելիս անհրաժեշտ է գնել որակյալը, որոնք քիչ թե շատ անվնաս են: Պատկերացրեք դուք տանը մի բույս էք աճեցնում, որպեսզի նրան խնամեք , անհրաժեշտ է ժամանակին ջրել նրան, սնուցել, փոշիները մաքրել տերևների վրայից: Բայց եթե այդ խեղճ բույսի վրա կախեք տարբեր զանգուլակներ, տերևները ներկեք ինչ որ ներկերով նա դրանից խնամված չի լինի այլ պարզապես զարդարված: Այնպես որ սիրելի աղջիկներ եթե ցանկանում էք խնամված տեսք ունենալ պետք է առաջին հերթին հոգ տանեք հիգիենայի մասին՝ գործ ունենք հենց հիգենիկ կոսմետիկայի հետ:
Շատ աղջիկներ ես նկատել եմ ընդհանրապես դեմքին որևէ տեսակի խոնավացնող կամ սնուցող կրեմներ , որոնք շատ անհրաժեշտ են մաշկին, չեն քսում պատճառաբանելով, որ չեն ուզում իրենց մաշկը փչացնել: Սակայն կարող է աչքերն ու շուրթերը առատորեն ներկեն մտածելով որ չեն վնասում : Այդ պատճառով էլ մաշկը սկսում է թեփոտվել , կոշտանալ , աչքերի շուրջ առաջանում են վաղաժամ կնճիռներ , որոնք ցավոք ոչ մի դեկորատիվ միջոցով հնարավոր չէ ծածկել:
Ինչևէ պետք է հասկանալ , որ հատկապես այնսպիսի ոչ խոնավ երկրում, որ մենք ենք ապրում կանացի նուրբ մաշկը հարկավոր է շատ լրջորեն խնամել և պաշտպանել:
Խնդրում եմ չհասկանալ, որ ես դեմ եմ դեկորատիվ միջոցներին, պարզապես ուզում եմ նշել, որ կարելի է ունենալ հաճելի, խնամված տեսք առանց դրանց:):

Second Chance
04.11.2009, 13:24
Amina ջան պարտադիր չի ծայրահեղությունների գնալ ու ինչքան կտցրած կա դրանց օրինակ բերել, դրանց մոտ հոգեկան խանգարման ու քսվելու կապը նույնքանա , ոնց որ գիժը գզգզի մազերը ու դուրս գա, մենք էլ ասենք որ ինչ որ սանրվածք անելը խփնվածության նշանա: Իսկ իրանց ցնդածությունը երևումա ոչ թե նրանից որ շատ են քսվել, այլ, որ ուղակի սխալ ու իրանց չսազացող բաներ են արել: Հիմա ես քեզ կբերեմ օրինակ բավականին արտահայտիչ շպարով աղջիկների ու կտեսնես, որ իրանցից ոչ ոք գժի տպավորություն չի թողնում, որովհետև շպարվել եմ գրագետ:
Իմ նախորդ գրառման մեջ ես հենց խոսում էի ծայրահեղությունների մասին: Եվ այս նկարներն էլ դրեցի որպես դրանց օրինակ: Իսկ նորմալ ճաշակով շպարի վերաբերյալ ես ոչ մի բան չեմ ասել… Դրածդ օրինակները շատ լավն են:)

Rhayader
04.11.2009, 14:09
Ի՞նչ եք կարծում, հնարավոր է արդարացնել այն հանգամանքը, որ դիմացից քայլող աղջկա դեմքին բացի սեփական մաշկի գույնից երևում է ծիածանի բազմերանգ ու գունագեղ մի նկարչություն: Կոսմետիկան ինքնին թերությունները փակելու համար է: Սակայն դժվար չի նկատել, որ այն ոչ թե թաքցնում է այդ թերությունները, այլ հակառակը, վուլգար ու տհաճ տպավորություն է թողում… Մի՞թե դա ևս արտասահմանից ներխուժած սովորույթ է՝ բույն դրած ներկայիս իգական սեռի մոտ…

Իրականում արտիստիկ ու ճաշակով արած մեյքափը շատ գեղեցիկ կարող է լինել))) իսկ կոսմետիկան «թերությունները թաքցնելու համար» օգտագործելն, ըստ իս, հիմարություն է, եթե իսկապես սարսափելի չեն թերությունները:
Արվեստն ամեն տեղ էլ կարող է արտահայտվել:
http://th07.deviantart.net/fs44/300W/i/2009/109/6/2/Gothic_MakeUp___09___by_EmaChan.jpg
http://www.gothicdarling.com/wedding/gothic-bride-pic-s.jpg

Վերջապես մեր՝ մետալյուգաների քորփսփեյնթը.

http://fc03.deviantart.com/fs20/f/2007/248/2/2/Corpse_Paint_3_by_David_in_Chains.jpg
http://www.polyvore.com/cgi/img-thing?.out=jpg&size=l&tid=3140699
http://1.bp.blogspot.com/_jTK7vsL0rGs/R6WvHeRk8GI/AAAAAAAABB0/7-A3WwdQ2vw/s400/Gahl%2BPeter%2BBeste.jpg
http://th09.deviantart.net/fs27/300W/i/2008/142/5/e/__Bloody_Corpse_Paint___by_Chaura.jpg

Եթե դեկորատիվ էլ է մեյքափը, դրա մեջ ոչ մի վատ բան չկա)))
Կարևորը՝ ամեն ինչ արվի ճաշակով ու կոնտեքստի մեջ))) օրինակ՝ քորփսփեյնթը եթե փարթիների ու համերգների համար լավ է, ապա դրանով համալսարան գնալն առնվազն համարձակ, կոնֆլիկտային, մեր մեջ ասած՝ նաև հիմար քայլ է, որովհետև համալսարանը ոչ կոնֆլիկտների, ոչ էլ ուշադրություն գրավելու տեղ է: Նման մարդը համեմատելի է ամենասեքսուալ զգեստերը հագնող ու համալսարան որպես պոդիում գնացող օրիորդի հետ, որոնց մեր ժամանակներում անվանում էինք «տուպոյ ծիտ»:

Շինարար
04.11.2009, 14:11
Կարելիա նաև էտքան շատ չքսվել, ուղղակի համաձայնի շպարը գեղեցկացնումա;)

Ինձ Օրբակայտեն առանց շպարի ավելի դուր եկավ:)

Սլիմ
04.11.2009, 14:14
Ինձ Օրբակայտեն առանց շպարի ավելի դուր եկավ:)

Մի տեսակ ոնց որ անլվա լինի:mda

Rhayader
04.11.2009, 14:19
Մեկ էլ, մոռացա նշել, «вызывающе» դիտվող մեյքափը լավ է, սեքսուալ է դիտվում, ուշադրություն է գրավում:love բայց երբեք պետք չի անցնել սահմանը, որից հետո այն բնությագրվում է «вульгарно» բառով:
Ու հարցը բնավ չափի մեջ չի: Հայաստանում շատ աղջիկներ քիչ մեյքափով այնքան վուլգար տեսք են ստանում (նամանավանդ շրթունքները սխալ գույնի ու սխալ տեղում ընդգծելու, ունքերը սխալ քանդելու ու անորակ տուշ օգտագործելու պատճառով):
Իսկ «ներքին գեղեցկության» կոմունիստական գեշ պրոպոգանդիստուհիները, տարբեր կրոնական ու աղանդավորական կազմակերպությունները լավ են աշխատել (ոմն խարիզմատ մեր ինստիտուտում տարածում էր, որ շրթներկը կղանքից թորած յուղերից է պատրաստվում, տուշը՝ չղջիկի ծերտից, կրեմները՝ աբորտ արած երեխաների ուղեղներից), հիմա սեփական արտաքինին հետևելն էլ ինչ-որ ամոթալի բան է դարձել:
Ո՞վ է ասում՝ մարմնավաճառի տեսք է պետք ընդունել: Ոչ: Ամեն ինչ էլ կարելի ա նրբորեն, ճաշակով անել:
Թեչե վաղը-մյուս օրը կսկսեն պնդել, որ կտավի վրա նկարողներն էլ են գիժ, ու որ յուղաներկը կտավի թերությունները թաքցնելու համար է::D
Մարդու մարմինն ու հոգին կտավ են: Այսպես նայեք մեյքափին, բոդի-արտին ու պիրսինգներին մի կողմից, ինքնակրթությանը՝ մյուս կողմից:

Enigmatic
04.11.2009, 14:43
http://1.bp.blogspot.com/_mmBw3uzPnJI/Smh_yAUCkMI/AAAAAAAAq8Q/7Tx1EmzARqQ/s400/bad_makeup_27.jpg

Enigmatic ջան հիմա ըստ քեզ այս կանանց մոտ ամենի՞նչ նորմալ է: Ինձ թվում է որ ոչ:

Հավատա, իմ կոմպի տեղի աղջիկը շատ սրան նման ա դաժե, ու կարելիա ասել հենց սենց էլ քսվում ա:

Սլիմ
04.11.2009, 14:45
Հավատա, իմ կոմպի տեղի աղջիկը շատ սրան նման ա դաժե, ու կարելիա ասել հենց սենց էլ քսվում ա:

Կարողա նույն մարդնա:}

Enigmatic
04.11.2009, 14:48
Կարողա նույն մարդնա:}

Կարողա:think ինքը Բանգլադեշ ա ապրում: Լսի ոնցոր ինքն ա:think

Սլիմ
04.11.2009, 14:58
Կարողա:think ինքը Բանգլադեշ ա ապրում: Լսի ոնցոր ինքն ա:think

Է բերել են ինչքան անկապ մալյարի գործ կա ասում են մեյկապա, բա չջղայնանա մարդ ու քսվողներին էլ գիժ են հանում:angry Ray-ը ճիշտ էր գրել էն որ ասում են հոգին սիրուն լինի, էտ սաղ գեշերն են հորինել:D Կոսմետոլոգս ասում էր եթե աղջիկը տգեղա էտ իրա դժբախտություննա , իսկ եթե կիննա տգեղ էտ իրա մեղքնա:P

Second Chance
04.11.2009, 15:00
Է բերել են ինչքան անկապ մալյարի գործ կա ասում են մեյկապա, բա չջղայնանա մարդ ու քսվողներին էլ գիժ են հանում:angry Ray-ը ճիշտ էր գրել էն որ ասում են հոգին սիրուն լինի, էտ սաղ գեշերն են հորինել:D Կոսմետոլոգս ասում էր եթե աղջիկը տգեղա էտ իրա դժբախտություննա , իսկ եթե կիննա տգեղ էտ իրա մեղքնա:P
Սլիմ մի հատ կասես ովա՞ քսվողներին գիժ հանում: Խնդրում եմ կոնկրետ ապացույցներով հանդես գաս:

Enigmatic
04.11.2009, 15:00
Է բերել են ինչքան անկապ մալյարի գործ կա ասում են մեյկապա, բա չջղայնանա մարդ ու քսվողներին էլ գիժ են հանում:angry Ray-ը ճիշտ էր գրել էն որ ասում են հոգին սիրուն լինի, էտ սաղ գեշերն են հորինել:D Կոսմետոլոգս ասում էր եթե աղջիկը տգեղա էտ իրա դժբախտություննա , իսկ եթե կիննա տգեղ էտ իրա մեղքնա:P

Համաձայն եմ լրիվ:)

Սլիմ
04.11.2009, 15:07
Սլիմ մի հատ կասես ովա՞ քսվողներին գիժ հանում: Խնդրում եմ կոնկրետ ապացույցներով հանդես գաս:

Խնդիր չկա, բա դու ասես ու ես չապացուցեմ:D
էս դու չես գրել?

Ամեն դեպքում երբ հանդիպում եմ խիստ ներկված կանանց միշտ առաջին միտքս այն է, որ տվյալ անձը լուրջ հոգեբանական խնդիրներ ունի: Ու գիտեք գրեթե չեմ սխալվում:)

Ես ներքևում բերեցի խիստ ներկված կանաց նկարներ, որն էր լուրջ հոգեբանական խնդիրներ ունեցողի տպավորություն թողնում: Իսկ քո ներկայացրած նկարները խանգարված մարդիկ էին, դատելով իրանց ոչ թե շպարից այլ դեմքի արտահայտությունից:

Enigmatic
04.11.2009, 15:09
Ամինա ջան ի հարց տամ, էս իմ մեջ բերած նկարի մեջի աղջիկը հայ ա՞: Որովհետև իմ ասած աղջիկը ոնցոր լինի:think

Սլիմ
04.11.2009, 15:12
Ամինա ջան ի հարց տամ, էս իմ մեջ բերած նկարի մեջի աղջիկը հայ ա՞: Որովհետև իմ ասած աղջիկը ոնցոր լինի:think

Յա բա խալը չկա, ինքը չի լինի:D

Enigmatic
04.11.2009, 15:13
Յա բա խալը չկա, ինքը չի լինի:D

Կարողա էտ հետոյա արել:pardon

Second Chance
04.11.2009, 15:24
Խնդիր չկա, բա դու ասես ու ես չապացուցեմ:D
էս դու չես գրել?


Ես ներքևում բերեցի խիստ ներկված կանաց նկարներ, որն էր լուրջ հոգեբանական խնդիրներ ունեցողի տպավորություն թողնում: Իսկ քո ներկայացրած նկարները խանգարված մարդիկ էին, դատելով իրանց ոչ թե շպարից այլ դեմքի արտահայտությունից:
Սլիմ նախ իմ գրառման մեջ ընդհանրապես գիժ և քսված բառեր առկա չեն:
Խիստ ներկվածն ու քսվածը լրիվ տարբեր բաներ են: Շատ տարբեր է հոգեբանական խնդիր ունենալը և գիժ լինելը: Յուրաքնչյուր մարդ կարող է ունենալ որոշակի հոգեբանական դժվարություն, որոշներն էլ կարող են ավելի շատ ունենալ, կամ ավելի բարդ խնդիրներ ունեալ: Իսկ գիժը դա հոգեկան լիակատար խանգարում ունեցող մարդն է:

Մոդերատորական։ Գրառումը վիրավորական տարրեր պարունակելու պատճառով խմբագրված է։

Second Chance
04.11.2009, 15:25
Ամինա ջան ի հարց տամ, էս իմ մեջ բերած նկարի մեջի աղջիկը հայ ա՞: Որովհետև իմ ասած աղջիկը ոնցոր լինի:think
Չէ սա արտասահմանյան կայքից եմ վերցրել վատ մաեյքապ խորագրի տակ էր ;):

Rhayader
04.11.2009, 15:25
Յախք:[ ինչ նկար էր:
Ուֆ))) ժող, իսկ ծիծիկների մեյքափ լինու՞մ ա:


ինչքան անկապ մալյարի գործ կա
ես կասեի՝ անհաջող եվրոռեմոնտ:D շուշաբանդ եվրոպատուհաններն են պակասում:D

Rhayader
04.11.2009, 15:27
Չէ սա արտասահմանյան կայքից եմ վերցրել վատ մաեյքապ խորագրի տակ էր ;):

Փաստորեն, դու խոստովանում ես, որ մեյքափը քննադատող գրառման համար մեյքափի (վեյքափի:D) մոդել ես վերցրել անհաջող մեյքափը:think անարդար մարդ ես, Ամինա:}

Second Chance
04.11.2009, 15:29
Ամեն դեպքում երբ հանդիպում եմ խիստ ներկված կանանց միշտ առաջին միտքս այն է, որ տվյալ անձը լուրջ հոգեբանական խնդիրներ ունի: Ու գիտեք գրեթե չեմ սխալվում:)
Հա Սլիմ ու մեկել ուշադրություն դարձրու ընդգծածս բառին:)

Second Chance
04.11.2009, 15:31
Փաստորեն, դու խոստովանում ես, որ մեյքափը քննադատող գրառման համար մեյքափի (վեյքափի:D) մոդել ես վերցրել անհաջող մեյքափը:think անարդար մարդ ես, Ամինա:}
Շատ ներողություն որտե՞ղ ես կարդացել իմ մեյքափ քննադատող գրառումը: Եթե ուշադիր վերընթերցես գրառումները կտեսնես որ քո գրառումների մեջ ավելի շատ քննադատություն կա քան իմ:

Rhayader
04.11.2009, 15:40
Շատ ներողություն որտե՞ղ ես կարդացել իմ մեյքափ քննադատող գրառումը: Եթե ուշադիր վերընթերցես գրառումները կտեսնես որ քո գրառումների մեջ ավելի շատ քննադատություն կա քան իմ:

Լավ, արդեն «ատկազնյակ» գնաց:D

Սլիմ
04.11.2009, 15:46
Լավ, արդեն «ատկազնյակ» գնաց:D

Էտ էտպեսա, պարզվեց որ ներկվելը քսվելը չի, ու հոգեբանական խնդիրներ ունենալն էլ լրիվ նորմալ բանա, սաղ էլ ունեն ինչի մասինա խոսքը:

Չամիչ
04.11.2009, 16:08
Ուֆ))) ժող, իսկ ծիծիկների մեյքափ լինու՞մ ա:

Ինչու՞ ես ամեն անգամ նույն տառասխալը թույլ տալիս՝ ծիտիկ: Իսկական ծիտիկները մեյքափի կարիք չեն ունենում:

Yeghoyan
04.11.2009, 16:11
Երեխեք ջան մեկին դուր է գալիս շպարը, մյուսին՝ ոչ: Մեկին հաճելի է, մյուսին՝ ոչ /իբր թե թազա բան ասեցի էլի:))
Ամենքդ էլ ճիշտ եք ձեր ասածի մեջ, ամենքդ էլ նույն բանն եք ասում, բայց չգիտես ինչի իրար չեք հասկանում: Ոչ մեկին էլ հաճելի չի լինի քայլել անճոռնի ներկված երևույթի կողքով, իսկ նրբաճաշակ, ճիշտ շպարը բոլորին էլ հաճելի է ու գեղեցիկ: Այնպես որ սիրելի աղջիկներ ճիշտ շպարվեք, համ ձեր համար լավ կլինի, համ էլ ձեր հետ շփվող մարդկանց համար:
Մի բան էլ ասեմ:oy
Այս թեմայում գրառումներ ունեցող շատ աղջիկներ կան, որոնք չեն օգտագործում կոսմետիկա, հնարավոր է, որ նրանց օգնել պետք լինի ճիշտը ընտրել, ծայրահեղություններից դուրս եկեք ու այստեղ գրեք այն միջոցները որոնք ինչ-որ ձևով կկարողանան օգնել այդ աղջիկներին, ինչը ճիշտ կլինի, իսկ ինչը՝ ոչ;)

Rhayader
04.11.2009, 16:20
Ինչու՞ ես ամեն անգամ նույն տառասխալը թույլ տալիս՝ ծիտիկ: Իսկական ծիտիկները մեյքափի կարիք չեն ունենում:

ես չեմ սխալ անում, դու ես թլիկ:D ծիծիկ, сиська, boobie (tittie):love

Չամիչ
04.11.2009, 16:24
Էտ էտպեսա, պարզվեց որ ներկվելը քսվելը չի, ու հոգեբանական խնդիրներ ունենալն էլ լրիվ նորմալ բանա, սաղ էլ ունեն ինչի մասինա խոսքը:
__________________

Մակիյաժը շատ բան կարող է ասել մարդու մասին: Ամեն մարդ չի կարող լավ մակիյաժ անել, ձեռքի շնորք է պետք: Չէ՞ որ մակիյաժը մինի նկարչություն է: Բայց դե ինչպես հայտնի է, լինում են նաեւ անճաշակ նկարիչներ:
Ինչ որ չափով համամիտ եմ Ամինայի հետ, ադեկվատ ընկալողունակություն ունեցող մարդը չի կարող իրեն այդ չափ այլանդակել, ինչպես դա արել է նախորդ էջում տեղադրված նկարի միջի աղջիկը:
Հանդիպում են դեպքեր երբ զգում ես, որ դիմացինդ պարզապես չունի այն հմտությունները, որոնք պահանջվում են ճաշակով մակիյաժ անելու համար:
Բայց այս նկարի աղջկա դեպքը լրիվ այլ է: Լավ էլ հմտորեն կոնտուրի գծերը տարված են: Բայց ինչպես երեւում է նա բացարձակապես զուրկ է գեղեցիկն ու այլանդակը գնահատելու ադեկվատ ընկալումից:

Չամիչ
04.11.2009, 16:30
ես չեմ սխալ անում, դու ես թլիկ

Էէէէ, լավ էլի Rhayader, որ թլիկ լինեի կասեի տիտիկ:

Սլիմ
04.11.2009, 16:38
Մակիյաժը շատ բան կարող է ասել մարդու մասին: Ամեն մարդ չի կարող լավ մակիյաժ անել, ձեռքի շնորք է պետք: Չէ՞ որ մակիյաժը մինի նկարչություն է: Բայց դե ինչպես հայտնի է, լինում են նաեւ անճաշակ նկարիչներ:
Ինչ որ չափով համամիտ եմ Ամինայի հետ, ադեկվատ ընկալողունակություն ունեցող մարդը չի կարող իրեն այդ չափ այլանդակել, ինչպես դա արել է նախորդ էջում տեղադրված նկարի միջի աղջիկը:
Հանդիպում են դեպքեր երբ զգում ես, որ դիմացինդ պարզապես չունի այն հմտությունները, որոնք պահանջվում են ճաշակով մակիյաժ անելու համար:
Բայց այս նկարի աղջկա դեպքը լրիվ այլ է: Լավ էլ հմտորեն կոնտուրի գծերը տարված են: Բայց ինչպես երեւում է նա բացարձակապես զուրկ է գեղեցիկն ու այլանդակը գնահատելու ադեկվատ ընկալումից:

Համամիտ եմ , որ բարդա ու ոչ բոլորինա տրված լավ մակիյաժ անելը: Նկարի աղջկա մասին, տես Էնիգմատիկն էլ ասեղ որ աղջիկ գիտի նմանատիպ շպարով, ու որ հոգեկան չի էտ մարդը, հիմա կարա ինչ որ հոգեկան մեկն էլ `տղամարդ խայտառակ ձևով բեղերի դիզայն անի, դա չի նշանակում, որ էքստրավագանտ բեղերի դիզայնը կան ընդհանրապես բեղ պահելը հոգեկան խանգարման ինչ որ ապացույցա: Ես էլ բերեցի այսպես ասած ներկված մարդկանց նկարներ, որ շատ սիրուն տեսք ունեին: Իմ ասածն էլ էտա , որ շպարված կամ թեկուզ շատ շպարված մարդը պարտադիր չի տգեղ կամ հոգեկան լինի: Իմ ասածն էլ էտա , որ կարևորը ճիշտ շպար լինի, մարդուն համապատասխան: էտ ունքերը կոնկրետ էտ աղջկա համար չեն, կամ բերանը էտքան ընդգծելը մուգ գույնով: Էտ տիպի շպար մեկ ուրիշին կարողա սազեր, բայց ոչ էս մեկին:

Rhayader
04.11.2009, 16:55
Էէէէ, լավ էլի Rhayader, որ թլիկ լինեի կասեի տիտիկ:

Դու բառի կեսից ես հիշում, որ թլիկ ես:D

Չամիչ
04.11.2009, 17:07
Իմ ասածն էլ էտա , որ կարևորը ճիշտ շպար լինի, մարդուն համապատասխան: էտ ունքերը կոնկրետ էտ աղջկա համար չեն, կամ բերանը էտքան ընդգծելը մուգ գույնով: Էտ տիպի շպար մեկ ուրիշին կարողա սազեր, բայց ոչ էս մեկին:

Այդ աղջկա նկարը տեսնելիս առաջինը, որ գալիս է մտքիդ հետեւյալն է. « Էս գիժն ո՞վա»: Իմ խորին ընկալմամբ նա ոչ ադեկվատ տեսք ունի:
Համաձայն եմ, չի կարելի մարդկանց՝ առաջին հայացքից ստացած տպավորության վրա, անմիջապես, պիտակավորել: Վերջերս ընդունված է, ամեն մի թեթեւ թերույթուն նկատելիս, անմիջապես, մարդկանց հոգեկան են հանում: Սա շատ սխալ է: Ցանկացած մարդու վարքագծում էլ կարող են տեղ գտվել ոչ ադեկվատ դրսեւորումներ, բայց դա դեռ չի նշանակում, որ մարդը ընդհանուր առմամբ ոչ նորմալ է:
Կան,անբարո աղջիկներ, որոնք հատուկ, այդ կարգի շպարով ուզում են հայտնի դարձնել, ընդգծել սեփական կարգավիճակը: Հնարավոր է, որ նկարի աղջիկը հենց այդ դեպքն է: Բայց, եթե նորմալ վարքի տեր աղջիկն է այդ կերպ շպարվում, դա կարող է ոչ ճիշտ տպավորություն թողնել շրջապատի վրա: Չէ՞ որ ընդունված ասացվածք կա, принимают по одежке, провожают умом. Շատ դեպքերում, մարդկանց ենթագիտակցության մեջ արմատավորվում է դիմացինից ստացած հենց առաջին տպավորությունը:

No Broken Hearted Girl
04.11.2009, 19:35
Ժող ինչու եք օգտագործում մակյաժ և մեյքափ բառերը, եթե մենք ունենք շատ սիրուն հայերեն բառ՝ դիմահարդարում;)
Իսկ ինչ վերաբերվում է թեմային, կարող եմ ասել, որ ամեն ինչ չափի մեջ է գեղեցիկ:)

Rhayader
04.11.2009, 20:00
Ժող ինչու եք օգտագործում մակյաժ և մեյքափ բառերը, եթե մենք ունենք շատ սիրուն հայերեն բառ՝ դիմահարդարում;)
Իսկ ինչ վերաբերվում է թեմային, կարող եմ ասել, որ ամեն ինչ չափի մեջ է գեղեցիկ:)

Տերմինների հայկականացումը՝ նույնպես;)

Ուլուանա
04.11.2009, 20:57
Ես ինքս որոշ չափով շպարվում եմ, բայց միաժամանակ համաձայն եմ այն մտքին, որ շպարվելը խնամվածության հետ կապ չունի։ Մարդը կարող է շատ էլ խնամված լինել, բայց բոլորովին շպարված չլինել, կարող է շպարված լինել, բայց բոլորովին խնամված չլինել, իհարկե, կարող է և՛ շպարված լինել, և՛ խնամված։ Համենայնդեպս, չշպարվողներին չխնամվածության մեջ մեղադրելը, կարծում եմ, մի քիչ տգիտություն է։

http://i.ehow.com/images/GlobalPhoto/Articles/4763114/clown_Full.jpghttp://1.bp.blogspot.com/_mmBw3uzPnJI/Smh_yAUCkMI/AAAAAAAAq8Q/7Tx1EmzARqQ/s400/bad_makeup_27.jpg

Enigmatic ջան հիմա ըստ քեզ այս կանանց մոտ ամենի՞նչ նորմալ է: Ինձ թվում է որ ոչ:

Ինչ վերաբերում է հոգեբանական խնդիրներ ունենալուն, ինչը, չգիտես ինչու, էստեղ բազմիցս նույնացվեց գիժ լինելու հետ, ապա էդ արտահայտության տակ տվյալ դեպքում կարելի է հասկանալ, օրինակ, որ մարդը սեփական արտաքինն այն աստիճանի չի սիրում, իր բնական դիմագծերն այնքան տգեղ ու անհրապույր է համարում, որ փորձում է դրանք հիմնովին վերափոխել՝ ստանալով սկզբնական տեսքը գրեթե ոչնչով չհիշեցնող պատկեր։ Եթե դա հոգեբանական խնդիր չէ, ապա հոգեբանական խնդիրը ո՞րն է։ Պոզով–պոչո՞վ է լինում։ Ընդհանրապես սեփական արտաքինի հետ լուրջ «կոնֆլիկտի» մեջ լինելն արդեն իսկ հոգեբանական խնդիր կարելի է համարել, ինչն, իհարկե, բնավ չի նշանակում, թե մարդը գիժ է կամ հոգեկան հիվանդ։ Իսկ հոգեբանական խնդիրներ համարյա բոլորն էլ ունեն՝ այս կամ այն կերպ արտահայտված կամ չարտահայտված։ ;)

...էտ ունքերը կոնկրետ էտ աղջկա համար չեն, կամ բերանը էտքան ընդգծելը մուգ գույնով: Էտ տիպի շպար մեկ ուրիշին կարողա սազեր, բայց ոչ էս մեկին:
Կարծում եմ՝ էդ տեսակի ունքերը ոչ մեկին էլ չեն կարող գեղեցկացնել։ Ահավոր անբնական են՝ թե՛ դիրքով, թե՛ ձևով ու թե՛ բարակությամբ։ :[ Համ էլ ունքերը մարդու դիմախաղի կարևոր արտահայտիչներից են, իսկ էդպիսի՝ ճակատին նկարված ունքերը պատկերացնու՞մ եք, թե ինչ աղճատված ձևով ցույց կտան մարդու դեմքի արտահայտությունը։ :scare

Տերմինների հայկականացումը՝ նույնպես;)
Տերմի՞ն։ :o :D Եթե դա տերմին է, ուրեմն շատ քիչ բառեր կան, որոնք տերմին չեն։ Ի դեպ, բոլորովին էլ պարտադիր չի, որ «դիմահարդարանք» բառը թարգմանություն լինի։ Նույնիսկ եթե թարգմանություն է, ապա՝ տեղին։ :P

Rhayader
05.11.2009, 00:30
Ինչ վերաբերում է հոգեբանական խնդիրներ ունենալուն, ինչը, չգիտես ինչու, էստեղ բազմիցս նույնացվեց գիժ լինելու հետ, ապա էդ արտահայտության տակ տվյալ դեպքում կարելի է հասկանալ, օրինակ, որ մարդը սեփական արտաքինն այն աստիճանի չի սիրում, իր բնական դիմագծերն այնքան տգեղ ու անհրապույր է համարում, որ փորձում է դրանք հիմնովին վերափոխել՝ ստանալով սկզբնական տեսքը գրեթե ոչնչով չհիշեցնող պատկեր։ Եթե դա հոգեբանական խնդիր չէ, ապա հոգեբանական խնդիրը ո՞րն է։ Պոզով–պոչո՞վ է լինում։ Ընդհանրապես սեփական արտաքինի հետ լուրջ «կոնֆլիկտի» մեջ լինելն արդեն իսկ հոգեբանական խնդիր կարելի է համարել, ինչն, իհարկե, բնավ չի նշանակում, թե մարդը գիժ է կամ հոգեկան հիվանդ։ Իսկ հոգեբանական խնդիրներ համարյա բոլորն էլ ունեն՝ այս կամ այն կերպ արտահայտված կամ չարտահայտված։ ;)
Անուկ, արտաքինի հետ կոնֆլիկտի բերում են հասարակական նորմերն ու «մոդան», իսկ եթե նկարի աղջիկն արտաքինի վերափոխման միջոցով լուծել է այդ կոնֆլիկտը, ապա պսիխոանալիտիկ տեսանկյունից նա առողջ է:
Robbie Williams-ի «Break up» երգի տեսահոլովակում, օրինակ, մի աղջիկ կար, որի մեյքափն ինչքան գրոտեսկային ու արտառոց էր, այդքան էլ գեղեցիկ էր:
Այնպես որ, դա շատ անձնական է: Օրինակ, իմ կնիկը չի շպարվում, ես էլ համաձայն եմ նրա հետ՝ նրան շպարը միայն արհեստական կդարձներ: Բայց դեպքերը տարբեր են լինում, ու եթե մարդ գտնում է այն մեյքափը, որն իրեն առավել ներդաշնակ է, դա ոչ մի դեպքում վատ երևույթ չի: Անկախ մեյքափի քանակից:

Ungrateful
07.11.2009, 18:35
Կնոջ ամենա գեղեցիկ դիմահարդարումը` կիրքն է, պարզապես կոսմետիկա գնելն ավելի հեշտ է:

Ֆրեյա
08.11.2009, 13:13
Ժող, եթե մարդիկ կան, որ չափն անցնում են ու չեն իմանում, ինչպես ճիշտ շպարվել, դա չի նշանակում, որ շպարվել ընդհանրապես պետք չի, կամ էլ շպարը "չարիք" է...
Ուղղակի, ամեն ինչ պետք է օգտագործել մինչև պահը, քանի դեռ դա քեզ բարիք է տալիս... հենց չափն անցնում ես, սկսում է վնաս պատճառել:

Ինչ ուզում եք ասել, գրագետ ու չափի մեջ շպարը կարող է շա~տ փոխել կնոջ արտաքինը /նաև տաքցնել թերությունները ու հմայք հաղորդել/

Shushan-87
29.11.2009, 20:02
:Իհարկե մենք առօրյում ավելի հաճախ հանդիպում ենք ցավալի դեպքերի`անճաշակ և գունեղ շպարված աղջիկների,ինչը տհաճություն է պատճառում հասարակությանը:Ես գտնում եմ որ թեթև ,նրբագեղ, և կնոջը համապատասխան շպարը միայն կարող է ընդգծել նրա գեղեցկությունը և ոչ մի դեպքում հակառակը:Իսկ շպարի ընդհանրապես բացակայությունը կնոջը տալիս է չխնամված տեսք,իհակե խոսքը գնում է 20-ից բարձր տարիքային խմբի մասին:

Ungrateful
29.11.2009, 20:09
Իսկ շպարի ընդհանրապես բացակայությունը կնոջը տալիս է չխնամված տեսք,իհակե խոսքը գնում է 20-ից բարձր տարիքային խմբի մասին:

Չխնամված տե՞սք, հեհ..., ինչ որ ՆԵՐԿԸ` չի կարա "չխնամվածության տեսք" տա, համաձայն չեմ:

Մենուա
30.11.2009, 18:23
Ամեն ինչ գեղեցիկ է, երբ ներդաշնակ է…

tikopx
23.08.2010, 22:22
կասեմ հիմիկվա աղջիկների 20% ի մոտ գեղարարական անճաշակ նկարչություն

Ժունդիայի
23.08.2010, 22:24
Ես կասեի 21%ի մոտ:8

tikopx
23.08.2010, 22:25
միանգամից ասեմ իրանց ցույց տվողների մոտ

Dayana
23.08.2010, 22:25
կասեմ հիմիկվա աղջիկների 20% ի մոտ գեղարարական անճաշակ նկարչություն

Մենակ խնդրում եմ հիմա էլ չսկսեք քննարկել թույլ տա՞լ ընկերուհիներին շպարվել, թե՞չէ :stop

tikopx
23.08.2010, 22:26
Մենակ խնդրում եմ հիմա էլ չսկսեք քննարկել թույլ տա՞լ ընկերուհիներին շպարվել, թե՞չէ :stop

չէ հաստատ դրան չեմ հասնի, ես դեմ չեմ տենց բաների:D
ուղղակի շատ են հանդիպում փողոցում տենց քսվածներ

Ameli
27.06.2011, 10:33
Էէէէհ մեղկ լինեն մեր հայ աղջիկները /ոմոնք/, երեկոները արևածաղիկը վերցնում ընկնում են փողոցները /ուղղակի ման գալու, ուրիշ բան չմտածեք/, խեղճերը երեկոները մի կարգին տեղ՝ համերգ, թատրոն չեն գնում, դրա համար հըլը չեն հասկանում, որ մեյքափի համար նախատեսված փայլփլուն ստվերաներկերը, ընդհանրապես ամեն փայլուն բան կեսօրվա էն ճառագ շոգին չեն քսում ու գնում կողքի շուկա լոլիկ, կարտոֆիլ գնելու համար /նույնը նաև հագուստի առումով/:

Հ.Գ. այնուամենայնիվ, պետք է իմանալ, որտեղ ինչ հագնել, ինչպես քսվել ու նաև ինչ խոսել, էսքան բան:

Rhayader
28.10.2012, 16:59
Երկար ժամանակ ուզում էի այս թեմայում մի տեսահոլովակ տեղադրել, ու մոռանում էի: Խոսքը Ռոբբի Ուիլիամսի «Sexed Up»-ի մասին է.


http://www.youtube.com/watch?v=mBhqMwOl_ZE

Ասածս ինչ է, կոսմետիկայի՝ միայն թերությունները թաքցնելու նշանակություն ունենալու տեսանկյունը չափազանց սպարտյան է

http://2gags.com/wp-content/uploads/2012/08/this-is-sparta-7.jpg

Կոսմետիկան կարելի է կրեատիվ օգտագործել, չեմ կարծում, որ դա ավտոմատ անճաշակություն է դառնում: Ուրիշ հարց է, որ մարդիկ կրեատիվին նախընտրում են ստերեոտիպայինը, որը, մեղմ ասած, ոչ միշտ է ճաշակով:

Ամմէ
02.11.2012, 15:36
:)կոմպլեքս է էլի թերարժեքության : Առաջ ես լավ շպարվում էի չնայած առիթ էլ չկար , իսկ հիմա հազվադեպ կանեմ դա թե ոչ:

Moonwalker
29.11.2012, 18:59
Վերջերս նկատել եմ, որ դուրս սկսել են գալ աղջիկները, որոնք չեն օգտագործում շպար: Չհաշված միայն աչքերը (հատկապես, որ քսած ա լինում սյումե սթայլ :love):

Rhayader
29.11.2012, 23:44
Իսկ ինձ՝ Էմիլիի նման:))

https://twimg0-a.akamaihd.net/profile_images/1685667287/TwitPic.jpg

http://images1.fanpop.com/images/photos/2500000/Emilie-Autumn-emilie-autumn-2566372-500-727.jpg

Cassiopeia
31.07.2015, 14:43
Ոսկի ձեռքեր ունի Գոհար Ավետիսյանը։ Բայց մի տեսակ խղճում եմ էն տղաներին, ովքեր պիտի հանդիպեն երկրորդ նկարի միջի տիկնիկին ու մի քանի ժամ հետո խոր հիասթափություն ապրեն։

http://s26.postimg.org/kmbi4s77d/81119.jpg (http://postimage.org/)

http://s26.postimg.org/lnbqtwo6x/81120.jpg (http://postimage.org/)

http://s26.postimg.org/trf9kwl89/81122.jpg (http://postimage.org/)

http://s26.postimg.org/xza1tnmnt/81133.jpg (http://postimage.org/)


Բոլոր նկարներն այստեղ (http://neurod.ru/news/62660?feature=index)։

StrangeLittleGirl
31.07.2015, 15:37
Վերջինում չքսվածն ինձ ավելի շատ դուր էկավ:

Մուշու
31.07.2015, 15:42
Վերջինում չքսվածն ինձ ավելի շատ դուր էկավ:
Բայց մի թեթև խնամքը չէր խանգարի

StrangeLittleGirl
31.07.2015, 15:45
Բայց մի թեթև խնամքը չէր խանգարի

Զզվում եմ էդ խնամք բառից: Խնամքը ո՞րն ա: Ինձ համար մենակ մի տեսակ կա խնամքի. հնարավորինս առողջ ապրել:

Մուշու
31.07.2015, 15:48
Զզվում եմ էդ խնամք բառից: Խնամքը ո՞րն ա: Ինձ համար մենակ մի տեսակ կա խնամքի. հնարավորինս առողջ ապրել:
Այ հենց առողջ ապրելը շատ բան ա փոխում

Նաիրուհի
31.07.2015, 15:49
Զզվում եմ էդ խնամք բառից: Խնամքը ո՞րն ա: Ինձ համար մենակ մի տեսակ կա խնամքի. հնարավորինս առողջ ապրել:

էդ էն է, որ էլի ինչքան զրթուզիբիլ կա՝ քսում ես դեմքիդ, մենակ թե դրանք չմաքրած դուրս չես կարող գալ տնից։

Նարե91
31.07.2015, 20:08
Ինձ մեկ-մեկ թվում ա, որ էս տիպի նկարների մեջ՝ առանց շպար տարբերակները ոնց որ տգեղացնեն միտումնավոր, որ "после" տարբերակում իրանց արած աշխատանքի որակն ավելի ընդգծեն:

StrangeLittleGirl
31.07.2015, 20:13
Ինձ մեկ-մեկ թվում ա, որ էս տիպի նկարների մեջ՝ առանց շպար տարբերակները ոնց որ տգեղացնեն միտումնավոր, որ "после" տարբերակում իրանց արած աշխատանքի որակն ավելի ընդգծեն:
Համաձայն եմ: Ու ընդհանրապես պզուկները կոսմետիկայի տակ թաքցնելուց անառողջ բան չկա:

Նարե91
31.07.2015, 20:24
Համաձայն եմ: Ու ընդհանրապես պզուկները կոսմետիկայի տակ թաքցնելուց անառողջ բան չկա:
Ահա, ու տենց անողներին թվում ա, որ ծածկում են պզուկները, բայց տենց բան չկա՝ ավելի ա ընգծվում:
Հետո էդ լավացման պռոցեսն էլ ահագաին դանդաղում ա տոնային կրեմի հաստ շերտի տակ:

StrangeLittleGirl
31.07.2015, 20:25
Ահա, ու տենց անողներին թվում ա, որ ծածկում են պզուկները, բայց տենց բան չկա՝ ավելի ա ընգծվում:
Հետո էդ լավացման պռոցեսն էլ ահագաին դանդաղում ա տոնային կրեմի հաստ շերտի տակ:

Ես կասեի՝ նաև նպաստում ա շատացմանը: Իմ կարճ խելքով, էդ կրեմներ-բաները փակում են ծակոտիները ու խցանում ճարպագեղձերը՝ բորբոքման պատճառ դառնալով:

Ruby Rue
01.08.2015, 00:14
Ես չեմ հասկանում, սենց ֆոտոշարքերի համար միշտ պզուկներ ունեցող աղջիկների՞ են գտնում, որ ցույց տան թե ինչ «հրաշքներ» ա գործում իրենց շպարը։ Ամեն դեպքում, պզուկների առաջացման պատճառը պետք ա գտնել ու բուժել, ոչ թե թաղել գաջի տակ։
Իսկ շպարված ժամանակ էս աղջիկներն ահավոր արհեստական ու բարբի արտաքին ունեն, ինչն ընդհանրապես չի համընկնում սիրունության մասին իմ պատկերացումների հետ։ :)

Ուլուանա
01.08.2015, 09:01
Ահա, ու տենց անողներին թվում ա, որ ծածկում են պզուկները, բայց տենց բան չկա՝ ավելի ա ընգծվում:
Հետո էդ լավացման պռոցեսն էլ ահագաին դանդաղում ա տոնային կրեմի հաստ շերտի տակ:
Բայց դուք պատկերացնու՞մ եք, թե կրեմի ինչ հաստ շերտ ա պետք նման պզուկներն էդ աստիճանի աննկատ դարձնելու կամ, այլ կերպ ասած, գաջի մեջ հիմնովին թաղելու համար :o (ինչպես որ Վերայի դրած նկարներում են, էլի)։ Էդ շերտը պատկերացնելուց վատանում եմ...

GriFFin
01.08.2015, 10:27
Բայց դուք պատկերացնու՞մ եք, թե կրեմի ինչ հաստ շերտ ա պետք նման պզուկներն էդ աստիճանի աննկատ դարձնելու կամ, այլ կերպ ասած, գաջի մեջ հիմնովին թաղելու համար :o (ինչպես որ Վերայի դրած նկարներում են, էլի)։ Էդ շերտը պատկերացնելուց վատանում եմ...

Իրականում էդքան շատ չի: Շպարողից ու շպարվողից ա կախված:
Բան պատմեմ: Իմ խմբեցու մոտ ակնե կար ու կարելի ա ասել, որ ես երեք տարի նայել եմ թե ո՞նց են <<բուժվում>> նման խնդրից: Ինքը շատ էր նեղվում իրա դեմքից ( ինձ թվում ա մինչև նման իրավիճակում չհայտնվես չես հասկանա էդ ի՞նչ ա ), կոմպլեքսավորվում էր շատ: Ինքը լիքը տանալնի կրեմ էր օգտագործում, որ չերևա, բայց դե երևում էր: Մենք շատ էինք համոզում, որ չքսի, որովհետև ըստ մեզ դա վիճակը ավելի էր վատացնում: Ինքը մի որոշ ժամանակ եկավ առանց շպարի ու ես նկատեցի, որ ավելի վատ էր: Բոլորը խոսալուց նայում էին իրա դուրս տված մաշկին ( ակամայից նայում ես սպիտակ մաշկի վրա մեծ, կարմիր պզուկներին ), ասում էին, որ վիճակը վատացել ա, հիմար խորհուրդներ էին տալիս ու ինքը ահավոր նեղվում էր էդ ամենից: Հետո ես հասկացա, որ տարբերություն չկա տանալնի քսում էր թե՞ չէ: Իրականում վիճակը նույնն էր մնում: Հետո երկար բուժվում էր ու էլի շարունակում էր քսել: Ու վիճակը բուժումից լավացավ: Թե չէ շպարը կապ չուներ: Իրա համար ավելի հաճելի էր շպարված վիճակը, որը խնդիրը ավելի մեղմ էր ներկայացնում:
Ասածս ի՞նչ ա: Լավ մաշկ ունեցողը չգիտի էդ ի՞նչ ա: Պետք չի խորհուրդներ տալ: :D

GriFFin
01.08.2015, 10:39
Ինձ թվում ա մենակ ես եմ, որ սիրուն եմ համարում համ <<до>>ի տխուր ու մռթոշ դեմքով աղջիկներին, համ <<после>>-ի շքեղ, գրեթե կատարյալ աղջիկներին: Ու չեմ ընկալում ի՞նչ վատ բան կա գեղեցիկ լինելու մեջ, թեկուզ շպարված:
Ես նկատել եմ, որ հիմա մարդիկ սիրում են ասել <<Ես չեմ շպարվում, միայն մատիտ, շրթներկ ու մանիկյուռ եմ քսում>> կամ <<Ես բնական եմ շպարվում>>: Համաձայնեք, որ հակասական մտքեր են: Ես նկատել եմ, որ էն աղջիկներին ովքեր միշտ շպարված են ու մի օր չէ, ընկալվում են, որպես վատառողջ: Անկեղծ շատ եմ լսել: Իսկ մշտական բնական տեսք ունեցողները, երբ մի օր իրանց գեղեցկությունը ընդգծում են ավելի գեղեցիկ են ընկալվում: Ամեն մարդ իրան տարբեր ձևերում ա գեղեցիկ ընկալում:
Երեք վիդեո դնեմ, նայեք եթե ժամանակ ունեք, իմ խառը-խշտիկ միտքը ավելի լավ կընկալվի: :D
<<Բնական>> շպար

https://www.youtube.com/watch?v=890JgywKVck
Մշտական շպարվողը առանց շպարի

https://www.youtube.com/watch?v=CjWtqLLrKJk
Մշտական չշպարվողը շպարով

https://www.youtube.com/watch?v=xt_N5WpWPhE

Զաքար
02.08.2015, 12:51
Իսկ ինչ վերաբերում է տղաների կարծիքներին, ապա շատ հետաքրքիր կլիներ, եթե այս թեմայում իրենց հեղինակավոր ու կարևոր կարծիքները հայտնեին նաև տղաները... Վերջիվերջո, աղջիկները հիմնականում հենց տղաների համար են փորձում գեղեցիկ լինել, և դա, կարծում եմ, բնական է։ Այնպես որ նրանց կարծիքն, ամեն դեպքում, հետաքրքիր է։ ;)

Իմ կիրքը խիստ դատապարտում է արհեստական կերպերին։ Կանացի ցանկացած արհեստական դեմքեր, հոտեր ու համեր ինձ մոտ անկում են ապրում դեպի անհունը։ Իմ մեջի էրոտիկ մարդը, կնոջ մեջ հետաքրքրություն ու ցանկալի մարմին չի տեսնում, եթե կնոջից չի գալիս բնական հոտ ու չունի բնական համ։
Նախընտրություններս առաջ են եկել բնության հանդեպ իմ հավատարմության բանաձևից. սիրում եմ բնականը, սակայն ոչ բնական սերը։

Աթեիստ
02.08.2015, 13:36
Իմ կիրքը խիստ դատապարտում է արհեստական կերպերին։ Կանացի ցանկացած արհեստական դեմքեր, հոտեր ու համեր ինձ մոտ անկում են ապրում դեպի անհունը։ Իմ մեջի էրոտիկ մարդը, կնոջ մեջ հետաքրքրություն ու ցանկալի մարմին չի տեսնում, եթե կնոջից չի գալիս բնական հոտ ու չունի բնական համ։
Նախընտրություններս առաջ են եկել բնության հանդեպ իմ հավատարմության բանաձևից. սիրում եմ բնականը, սակայն ոչ բնական սերը։

Վերայի դրած նկարներում հետաքրքիր էր վարպետությունը, ոչ թե արդյունքը։
Այսինքն նույնիսկ եթե տենց ներկած դեմքը ուշադրությունս գրավեր, հաջորդ վարկյանին վանելու էր։

Բայց էս աղջիկներն էլ ակնհայտորեն դեմքի մաշկի խնդիրներ ունեին, ու ստեղ համաձայն եմ Գրիֆինի հետ, դեմ չեմ լինի, որ ինչ որ կերպ դա ծածկեն։ Բայց դա չափի մեջ, էլի։

Օրինակ Գրիֆինի բերած օրինակներում (վիդեոները չեմ նայել, խոսում եմ կադրերի մասին), 2 տարբերակն էլ նորմալ են, համ քսվածները համը չեն հանել, համ չքսված լրիվ ուտվող են։

StrangeLittleGirl
02.08.2015, 13:54
Վերայի դրած նկարներում հետաքրքիր էր վարպետությունը, ոչ թե արդյունքը։
Այսինքն նույնիսկ եթե տենց ներկած դեմքը ուշադրությունս գրավեր, հաջորդ վարկյանին վանելու էր։

Բայց էս աղջիկներն էլ ակնհայտորեն դեմքի մաշկի խնդիրներ ունեին, ու ստեղ համաձայն եմ Գրիֆինի հետ, դեմ չեմ լինի, որ ինչ որ կերպ դա ծածկեն։ Բայց դա չափի մեջ, էլի։

Օրինակ Գրիֆինի բերած օրինակներում (վիդեոները չեմ նայել, խոսում եմ կադրերի մասին), 2 տարբերակն էլ նորմալ են, համ քսվածները համը չեն հանել, համ չքսված լրիվ ուտվող են։
Գրիֆինի դրած երեք վիդեոներն էլ նայեցի: Առաջինը պարոդիա էր, հումոր էր արած բնական քսվելու մասին: Ասենք, ասում ա՝ աչքերիդ տեսքը բնական սարքենք, պռոշներիդ բնական գույն քսենք, մենք բնական չենք ծնվում և այլն: Երկրորդ վիդեոյի աղջիկը բնական ավելի սիրուն էր: Երրորդինն էլ, բայց երրորդի արհեստական սանրվածքն էր ավելի շատ ներվերիս վրա ազդում: Ու ընդհանրապես, երրորդը լիքը բաներում տուֆտում էր:

Զաքար
02.08.2015, 14:06
Բայց էս աղջիկներն էլ ակնհայտորեն դեմքի մաշկի խնդիրներ ունեին, ու ստեղ համաձայն եմ Գրիֆինի հետ, դեմ չեմ լինի, որ ինչ որ կերպ դա ծածկեն։ Բայց դա չափի մեջ, էլի։

Եղբայր, գեղեցիկի մասին իմ պատկերացումները շա՜տ անհատական են։ Ես նախընտրում եմ սիրել այնպես, ինչպես որ նա է։ Ա՜յ, եթե կան խնդիրներ, ապա կնախընտրեմ բուժել և ոչ թե քողարկել։

Աթեիստ
02.08.2015, 14:24
Եղբայր, գեղեցիկի մասին իմ պատկերացումները շա՜տ անհատական են։ Ես նախընտրում եմ սիրել այնպես, ինչպես որ նա է։ Ա՜յ, եթե կան խնդիրներ, ապա կնախընտրեմ բուժել և ոչ թե քողարկել։


Դե նույնիսկ բուժելու ընթացքում քողարկում են։ Վստահ եմ, որ տենց խնդիր ունեցող աղջիկն ինքն էլ նեղվելու ա, ու ամեն ինչ անելու ադա բուժելու համար։ Բայց ինչ ա թե փորձում ա բուժել, չի նշանակում, որ չպիտի փորձի քողարկել։ Մանավանդ եթե ինքը հույս ունի բուժվելուց հետո ունանալ այն տեսքը, ինչ ստանում է թեթև մակիաժով։

Մարդուն սիրում ենք ամբողջությամբ, ոչ թե մաս-մաս, ու նորմալ եմ համարում, որ չսիրեմ իրա պզուկը, ու դեմ լինեմ, որ նա փորձում է դրանից ազատվել ։)

Զաքար
02.08.2015, 14:32
Դե նույնիսկ բուժելու ընթացքում քողարկում են։ Վստահ եմ, որ տենց խնդիր ունեցող աղջիկն ինքն էլ նեղվելու ա, ու ամեն ինչ անելու ադա բուժելու համար։ Բայց ինչ ա թե փորձում ա բուժել, չի նշանակում, որ չպիտի փորձի քողարկել։ Մանավանդ եթե ինքը հույս ունի բուժվելուց հետո ունանալ այն տեսքը, ինչ ստանում է թեթև մակիաժով։

Մարդուն սիրում ենք ամբողջությամբ, ոչ թե մաս-մաս, ու նորմալ եմ համարում, որ չսիրեմ իրա պզուկը, ու դեմ լինեմ, որ նա փորձում է դրանից ազատվել ։)
Համաձայն եմ, բայց քողարկել ասելով նկատի ունեմ քսվելուն։
Մեկ-երկու անգամը նորմալ է։ Բայց հաստատ տանել չեմ կարող եթե կինս անընդհատ արհեստական երևույթներով լցվի։

StrangeLittleGirl
02.08.2015, 17:43
Լավ, մի հատ սենց հարց տամ: Ասենք, հասկացանք, որ դեմքի զանազան խնդիրներ ունեցող աղջիկները դրանք ծածկելու համար են գաջ քսում դեմքներին: Ասենք, դա անբնական ա ստացվում, բայց գուցե շատերի կարծիքով դա ավելի լավ ա, քան իրանց բնականը:
Բայց ախր ինչու՞ են խնդիր չունեցող աղջիկներն էլ գաջ քսում դեմքներին: Իրանց դու՞ր ա գալիս, որ դիմակ հագածի տպավորություն են թողնում, դիմակի գիծն էլ սիրուն էրևում ա դեմքի տակից:

GriFFin
02.08.2015, 17:47
Լավ, մի հատ սենց հարց տամ: Ասենք, հասկացանք, որ դեմքի զանազան խնդիրներ ունեցող աղջիկները դրանք ծածկելու համար են գաջ քսում դեմքներին: Ասենք, դա անբնական ա ստացվում, բայց գուցե շատերի կարծիքով դա ավելի լավ ա, քան իրանց բնականը:
Բայց ախր ինչու՞ են խնդիր չունեցող աղջիկներն էլ գաջ քսում դեմքներին: Իրանց դու՞ր ա գալիս, որ դիմակ հագածի տպավորություն են թողնում, դիմակի գիծն էլ սիրուն էրևում ա դեմքի տակից:

Որովհետև պիտի շպարվես դպրոցը ավարտելուց հետո :D

GriFFin
02.08.2015, 17:50
Գրիֆինի դրած երեք վիդեոներն էլ նայեցի: Առաջինը պարոդիա էր, հումոր էր արած բնական քսվելու մասին: Ասենք, ասում ա՝ աչքերիդ տեսքը բնական սարքենք, պռոշներիդ բնական գույն քսենք, մենք բնական չենք ծնվում և այլն: Երկրորդ վիդեոյի աղջիկը բնական ավելի սիրուն էր: Երրորդինն էլ, բայց երրորդի արհեստական սանրվածքն էր ավելի շատ ներվերիս վրա ազդում: Ու ընդհանրապես, երրորդը լիքը բաներում տուֆտում էր:

Իմ կարծիքով ինը բավականին տեղին ա կպնում: Հիմա Յություբով նայում ես, բոլոր վիդեոներում ասում են, որ բնական տեսք ենք ապահովում ու հետո լիքը շպար օգտագործում ու քո ասած գյաջը տոննեքով քսում:

GriFFin
02.08.2015, 17:51
Ինձ թվում ա հիմա <<բնական>> տեսքի կանայք էնքան քիչ են, որ շատերը չեն պատկերացնում էդ որն ա:

Զաքար
02.08.2015, 18:19
Լավ, մի հատ սենց հարց տամ: Ասենք, հասկացանք, որ դեմքի զանազան խնդիրներ ունեցող աղջիկները դրանք ծածկելու համար են գաջ քսում դեմքներին: Ասենք, դա անբնական ա ստացվում, բայց գուցե շատերի կարծիքով դա ավելի լավ ա, քան իրանց բնականը:
Բայց ախր ինչու՞ են խնդիր չունեցող աղջիկներն էլ գաջ քսում դեմքներին: Իրանց դու՞ր ա գալիս, որ դիմակ հագածի տպավորություն են թողնում, դիմակի գիծն էլ սիրուն էրևում ա դեմքի տակից:
Այսօր ինչպես միշտ, տեղի է ունենում «գեղեցիկ» կանանց ստանդարտացում։ Ուղղակի այսօրվա պատկերը հասել է չլսված մի հզորության, այնպես որ կանացի գեղեցկությունը դադարել է անձնական խորհուրդ ունենալ։ Կանացի գեղեցկությունը որոշվում է «Hollywood»-ով կամ ինչ-որ պետությամբ։
Ու վատն այն է որ գեղեցկության մեջ շեշտը դրված է կրքի առարկաների վրա. օրինակ ՝ շուրթերի, կրծքերի, հետույքի։ Եվ, քանի որ գեղեցիկի մեջ շեշտը դրված է կրքի առարկայի վրա, մարդն (կինը) ակամա փորձում է ամեն գնով այն արտահայտիչ դարձնել. բնականաբար շրթներկի միջոցով։
Որքանով հասկացել եմ այսօրվա կանանց մեծ մասը կամ ձգտում է ինչ-որ չափով նմանվել ամենախենթացնող աստղին կամ տառապում է, որ չի կարողանում ոչ մի կերպ նմանվել նրան։

StrangeLittleGirl
02.08.2015, 23:07
Ինձ թվում ա հիմա <<բնական>> տեսքի կանայք էնքան քիչ են, որ շատերը չեն պատկերացնում էդ որն ա:
Չէի ասի: Նայած հասարակություն: Էստեղ ոչ ոք սովորական օրերին չի քսվում: Մենակ փարթիների ժամանակ, էն էլ էլի ոչ բոլորը:

Որովհետև պիտի շպարվես դպրոցը ավարտելուց հետո :D
Լիզ, բայց կոնկրետ հենց էդ անտեր տոնային կրեմի մասին եմ ասում: Ախր դրա իմաստը ո՞րն ա, ի՞նչ հրաշք ա գործում էդ անտերը, որ ոչ պզուկոտ աղջիկը քսում ա դեմքին, ու արդյունքում ոնց որ դիմակ հագած լինի: Թե չէ մնացած բաները՝ շրթներկ, մատիտ, մասկարա և այլն, մի կերպ հասկանում եմ:

Մուշու
03.08.2015, 10:40
Լիզ, բայց կոնկրետ հենց էդ անտեր տոնային կրեմի մասին եմ ասում: Ախր դրա իմաստը ո՞րն ա, ի՞նչ հրաշք ա գործում էդ անտերը, որ ոչ պզուկոտ աղջիկը քսում ա դեմքին, ու արդյունքում ոնց որ դիմակ հագած լինի: Թե չէ մնացած բաները՝ շրթներկ, մատիտ, մասկարա և այլն, մի կերպ հասկանում եմ:

Հմ պաշտպանում ա իրան ինչպես անցանկալի և այնպես էլ ցանկալի համբույրներից :D Ըստ իս շատ քիչ տղա կա, որ համաձայն ա դեմքի կրեմ ուտել :)

Իսկ եթե լուրջ իմ կարծիքով իրանք մտածում են, որ տենց դեմքը ավելի հարթ , թավշյա և գեղեցիկ ա երևում, ինչը այդքան էլ ճիշտ չի : Մեզ այս հարցին պատասխանելու համար պետք ա մշտական շպարվող ակումբցի, որը միաժամանակ անթերի մաշկ և դիմագծեր ունի :

GriFFin
03.08.2015, 11:57
Չէի ասի: Նայած հասարակություն: Էստեղ ոչ ոք սովորական օրերին չի քսվում: Մենակ փարթիների ժամանակ, էն էլ էլի ոչ բոլորը:

Լիզ, բայց կոնկրետ հենց էդ անտեր տոնային կրեմի մասին եմ ասում: Ախր դրա իմաստը ո՞րն ա, ի՞նչ հրաշք ա գործում էդ անտերը, որ ոչ պզուկոտ աղջիկը քսում ա դեմքին, ու արդյունքում ոնց որ դիմակ հագած լինի: Թե չէ մնացած բաները՝ շրթներկ, մատիտ, մասկարա և այլն, մի կերպ հասկանում եմ:
Ես մենակ Հայաստանին եմ տեսել ու ստեղ շատ քիչ են։ Շաատ քիչ են։ Մնացած ոչ հայերը ինձանից 10 անգամ շատ էին շպարվում ու ճիշտ չեմ համարում իրանցով դատել իրանց հասարակությունը։ Բյուր, նենց ա, որ ես նոր եմ սկսել հետաքրքրվել էդ ամենով ու չեմ կարա ասեմ թե՞ ինչն ա ստիպում քսել։ Ամեն դեպքում համարում եմ, որ ճիշտ շպարվելուն չտիրապետելն ա, լիքը նրբություններ կան, որոնք մարդիկ չգիտեն։ Ավելին՝ լիքը մասնագետներ էլ չգիտեն։ Ճաշակի մասին չեմ խոսում էլի։ Իմ համար հիմա ավելի լավ ու գրավիչ են մարդիկ ( թե կանայք, թե տղամարդիկ), քան երբ ես դպրոցում էի։ Հիմա դժվար ա վուլգար լինելը։

GriFFin
03.08.2015, 12:00
Համ էլ սուբեկտիվ պահը կա։ Իմ խմբեցին ընտիր մաշկ ունի, բայց թուխ ա ու կարմիր թուշիկներով։ Այ ինքը շաաատ ա քսում ու իրոք շատի դեպքում նոր ծածկվում ա։

StrangeLittleGirl
03.08.2015, 12:22
Համ էլ սուբեկտիվ պահը կա։ Իմ խմբեցին ընտիր մաշկ ունի, բայց թուխ ա ու կարմիր թուշիկներով։ Այ ինքը շաաատ ա քսում ու իրոք շատի դեպքում նոր ծածկվում ա։

Բայց հենց էդ ա, եթե մաշկը թուխ ա, ու շատ ա քսում, դնչի տակից ու մարմնի մնացած մասերի իսկական գույնը էրևում ա, շատ արհեստական ա էրևում: Իսկ կարմիր թշերի վատը ո՞րն ա: Շատերը հատուկ կարմրացնում են թշերը:

GriFFin
03.08.2015, 14:41
Բայց հենց էդ ա, եթե մաշկը թուխ ա, ու շատ ա քսում, դնչի տակից ու մարմնի մնացած մասերի իսկական գույնը էրևում ա, շատ արհեստական ա էրևում: Իսկ կարմիր թշերի վատը ո՞րն ա: Շատերը հատուկ կարմրացնում են թշերը:
Միամիտ մարդ, մենակ թշերին չի քսում։ Ամբողջ դեմքին ա քսում ու էդ դեպքում նույն երանգն ա լինում։

StrangeLittleGirl
03.08.2015, 14:55
Միամիտ մարդ, մենակ թշերին չի քսում։ Ամբողջ դեմքին ա քսում ու էդ դեպքում նույն երանգն ա լինում։
Էդ եմ ասում. ամբողջ դեմքին քսած ա, բայց դնչի տակից գիծը շատ ուժեղ էրևում ա, ու դիմակի տպավորություն ա թողնում: Ահավոր շատ են տենց աղջիկները Հայաստանում: Շատ անդուր ա:

մարդագայլուկ
03.08.2015, 15:23
Ու նենց մի տեսակ կպչուն ու անդուր ա էդ տոնային կրեմը: Էն որ մի քանի շերտ քսում են դեմքներին, գալիս պաչում են, կեսը լղոզվում ա վրադ: :[

Ես արևապաշտպան կրեմից բացի դեմքիս ուրիշ բան չեմ քսում:

GriFFin
03.08.2015, 16:34
Էդ եմ ասում. ամբողջ դեմքին քսած ա, բայց դնչի տակից գիծը շատ ուժեղ էրևում ա, ու դիմակի տպավորություն ա թողնում: Ահավոր շատ են տենց աղջիկները Հայաստանում: Շատ անդուր ա:
Չեմ պատկերացնում ի՞նչ գծի մասին ա խոսքը։ Պարանոցին էլ պիտի քսեն))) Երեւ էդ ես ասում։
Հա, մարմնի մնացած մասերի հետ կապված։ Գույները ճիշտ պիտի ընտրես։ Ամեն ինչին ճիշտ պիտի մոտենաս։

GriFFin
03.08.2015, 16:38
Եթե մարդուն իրա արտաքինը դուր չի գալիս ու ինքը իրան գեղեցկացնում ա շպարով ՝ դրա մեջ վատ բան չկա։ Կարեւորը, որ էդ մարդն իրան լավ ա զգում։

StrangeLittleGirl
03.08.2015, 16:41
Չեմ պատկերացնում ի՞նչ գծի մասին ա խոսքը։ Պարանոցին էլ պիտի քսեն))) Երեւ էդ ես ասում։
Հա, բայց պարանոցին որպես կանոն չեն քսում, ու սենց սիրուն դիմակի գիծն էրևում ա: Ու մեկ ա, եթե նույնիսկ պարանոցին էլ քսեն, մարմնի ուրիշ մասերից էլ կարելի ա տեսնել գունային անհամապատասխանությունը, ու դա շատ խնդալու ա:


Եթե մարդուն իրա արտաքինը դուր չի գալիս ու ինքը իրան գեղեցկացնում ա շպարով ՝ դրա մեջ վատ բան չկա։ Կարեւորը, որ էդ մարդն իրան լավ ա զգում։
Ես էլ բան չունեմ ասելու, թող քսվեն, եթե դա իրանց ավելի ինքնավստահ ա դարձնում: Մարդիկ իրանց անիքնավստահությունը շպարով են ծածկում, ոմանք էլ պլաստիկ վիրահատություն են անում:

GriFFin
03.08.2015, 16:45
Հա, բայց պարանոցին որպես կանոն չեն քսում, ու սենց սիրուն դիմակի գիծն էրևում ա: Ու մեկ ա, եթե նույնիսկ պարանոցին էլ քսեն, մարմնի ուրիշ մասերից էլ կարելի ա տեսնել գունային անհամապատասխանությունը, ու դա շատ խնդալու ա:


Ես էլ բան չունեմ ասելու, թող քսվեն, եթե դա իրանց ավելի ինքնավստահ ա դարձնում: Մարդիկ իրանց անիքնավստահությունը շպարով են ծածկում, ոմանք էլ պլաստիկ վիրահատություն են անում:
Էհ, էդ նշանակում ա, որ չգիտեն ճիշտ ձեւը։ Կանայք իրանց ինքնագնահատականը միշտ էլ արտաքինով են բարձրացնում։ Էդ գենետիկա ա))

Գալաթեա
03.08.2015, 16:47
Մաշկ կա ու վերջապես տարիք կա, օրինակ իմինի 34-ից, որ էլ չես կարա չշպարվես, ինչքան էլ չգժվես էդ պրոցեսի համար....
Ես օրինակ աչքի տակերի սևության խնդիր ունեմ, որը եթե շպարով չքողարկեմ, դեմքս չհավաքած տեղաշորի տեսք կունենա։ Իսկ ոչ ոք պարտավոր չի իմ հոգնած դեմքը տեսնել։ Ինձ էլ առանձնապես հաճելի չի։
Տոնային կրեմը վատ բան չի, եթե գործածվում ա չափավոր և ճիշտ ձևով։ Բյուրի ասած՝ դնչի տակի թաշախուստով, որ դիմակ հագածի պես չլինես։
Պարզապես միշտ պետք ա գնել որակյալ կոսմետիկա. էն տեղերից ա որ փողն ափսոսալուց մենակ քեզ ես վնասում։

StrangeLittleGirl
03.08.2015, 16:53
Էհ, էդ նշանակում ա, որ չգիտեն ճիշտ ձեւը։ Կանայք իրանց ինքնագնահատականը միշտ էլ արտաքինով են բարձրացնում։ Էդ գենետիկա ա))
Հա, բան չունեմ ասելու, բայց արտաքինը մենակ կոսմետիկան չի: Նույն էդ դիմակավորները խնդիր չունեն նեղ շալվարներ հագնելու նենց, որ սաղ մսերը կողքերից թափվի: Բայց մի ուրիշն էլ ինքնագնահատականը բարձրացնում ա սաղ օրն իրան ժեշտին տալով: Էն ա, ստեղի կնանիք քեզ օրինակ: Չեն քսվում, բայց մի այլ կարգի մարզվում են, ոտերն էլ հանում, ցույց տալիս:

ivy
03.08.2015, 17:16
Գալ, ընդունում եմ ասածդ, բայց երևի մի քիչ շատ ես քննադատաբար մոտենում մաշկիդ: Պարզ է, որ ամեն տարիքն էլ էս կամ էն ձևով անդրադառնում է մաշկի վրա, բայց դա հո վատ չի: Ինչպես որ տարիքը վատ չի, էնպես էլ տարիքը ցույց տվող մաշկը վատ չի, դե իմ կարծիքով:
Ինչ բարձրորակ կրեմ էլ լինի, կոնկրետ ինձ ավելի հաճելի է, երբ դրա փոխարեն մաքուր մաշկն է երևում, թեկուզ և մի քիչ տարիքն առած, քան թե արհեստական միջամտությունը:
Չգիտեմ, ինձ համար բնական, մաքուր մաշկից լավը չկա, ինչքան էլ ընտիր լինի այն ծածկող կոսմետիկան:
Բայց ընդունում եմ, որ հակառակ կողմն էլ լավ փաստարկներ ունի՝ հօգուտ կոսմետիկայի:

Գալաթեա
03.08.2015, 17:26
Գալ, ընդունում եմ ասածդ, բայց երևի մի քիչ շատ ես քննադատաբար մոտենում մաշկիդ: Պարզ է, որ ամեն տարիքն էլ էս կամ էն ձևով անդրադառնում է մաշկի վրա, բայց դա հո վատ չի: Ինչպես որ տարիքը վատ չի, էնպես էլ տարիքը ցույց տվող մաշկը վատ չի, դե իմ կարծիքով:
Ինչ բարձրորակ կրեմ էլ լինի, կոնկրետ ինձ ավելի հաճելի է, երբ դրա փոխարեն մաքուր մաշկն է երևում, թեկուզ և մի քիչ տարիքն առած, քան թե արհեստական միջամտությունը:
Չգիտեմ, ինձ համար բնական, մաքուր մաշկից լավը չկա, ինչքան էլ ընտիր լինի այն ծածկող կոսմետիկան:
Բայց ընդունում եմ, որ հակառակ կողմն էլ լավ փաստարկներ ունի՝ հօգուտ կոսմետիկայի:
Ես էնքան տարիքը ցույց տվող մաշկից չեմ նեղվում, որքան էդ խնդրից, որ նշեցի, աչքերի տակի։
Դա շատերի մոտ ա լինում, բայց ինձ մոտ մի քիչ չերեզ չուռ վիճակներ են ու իսկապես տգեղ ա նայվում, երբ որ չեմ ծածկում։
Կարող ա՝ լավ կլիներ կարենայի թքած ունենալ դրա վրա, բայց դե չեմ կարողանում :)
Էդ էլ երևի կոմպլեքսի մի ձև ա։

GriFFin
03.08.2015, 19:02
Հա, բան չունեմ ասելու, բայց արտաքինը մենակ կոսմետիկան չի: Նույն էդ դիմակավորները խնդիր չունեն նեղ շալվարներ հագնելու նենց, որ սաղ մսերը կողքերից թափվի: Բայց մի ուրիշն էլ ինքնագնահատականը բարձրացնում ա սաղ օրն իրան ժեշտին տալով: Էն ա, ստեղի կնանիք քեզ օրինակ: Չեն քսվում, բայց մի այլ կարգի մարզվում են, ոտերն էլ հանում, ցույց տալիս:

Բյուր, հիմա ուզում ես ստեղի ժողովրդի արժեհամակարգից խոսա՞նք: :D Ասենք, մեկը mushu-ն քո բոլոր գրածները <<Շնորհակալություն>> ա անում: Բայց մեկը ինքը էն մարդկանից ա, որ լավ էլ ժամանակին շպարվել ա: Բայց հիմա քո սաղ ասածներին կողմ ա: Այսինքն իրա արժեհամակարգը փոխվել ա: Ժամանակ ա պետք:
Գալաթեայի ասածին ես էլ պատմեմ: Ինձ միշտ, միշտ էլի, երբ տեսնում են աչքերիս սևության համար հարցնում են. <<Հիվա՞նս ես:>> կամ <<Հոգնա՞ծ ես>> կամ <<Չես քնե՞լ>>: Ամենասիրածս էդ <<Էս աչքիդ տակի պարկանման գոյացությունը ի՞նչ ա>>: Դե արի ու բացատրի, որ իմ մոտ նորմալ ա, պարզապես շատերը թաքցնում են :D

StrangeLittleGirl
03.08.2015, 19:07
Բյուր, հիմա ուզում ես ստեղի ժողովրդի արժեհամակարգից խոսա՞նք: :D Ասենք, մեկը mushu-ն քո բոլոր գրածները <<Շնորհակալություն>> ա անում: Բայց մեկը ինքը էն մարդկանից ա, որ լավ էլ ժամանակին շպարվել ա: Բայց հիմա քո սաղ ասածներին կողմ ա: Այսինքն իրա արժեհամակարգը փոխվել ա: Ժամանակ ա պետք:
Գալաթեայի ասածին ես էլ պատմեմ: Ինձ միշտ, միշտ էլի, երբ տեսնում են աչքերիս սևության համար հարցնում են. <<Հիվա՞նս ես:>> կամ <<Հոգնա՞ծ ես>> կամ <<Չես քնե՞լ>>: Ամենասիրածս էդ <<Էս աչքիդ տակի պարկանման գոյացությունը ի՞նչ ա>>: Դե արի ու բացատրի, որ իմ մոտ նորմալ ա, պարզապես շատերը թաքցնում են :D
Ես էլ ասում եմ՝ ոնց ա Մուշուն էդքան խաբար կոսմետիկայից :D
Բայց հենց էն վիդեոյի նման ա. հենց քսվողը չի քսվում, միանգամից սկսում են տենց հարցեր տալ, թե՝ հիվա՞նդ ես, հոգնա՞ծ ես: Էդ պարկերից ես էլ ունեմ, մամաս էլ ունի: Մամայինս մի քիչ արտահայտված ա, մեկ-մեկ իրոք վախենալու ա դառնում, բայց ինքը երբեք չի թաքցնում: Ու արի ու տես, ինքը իրա տարիքի համեմատ ահագին ջահել ա էրևում: Ինքն էլ ա հազվադեպ քսվում ու քիչ:

Gayl
03.08.2015, 19:17
Եթե մարդուն իրա արտաքինը դուր չի գալիս ու ինքը իրան գեղեցկացնում ա շպարով ՝ դրա մեջ վատ բան չկա։ Կարեւորը, որ էդ մարդն իրան լավ ա զգում։
Չեմ կարծում, որ տենց մարդ կա ում ներկվելը դուրա գալիս, դա արվումա, որպեսզի շրջապատի մարդկանց դուր գա, թե չէ օրվա մեջ էտքան ժամանակ կորցնել շպարի վրա ու պրիտոմ տաս րոպեն մեկ թարմացնելն ու չգիտեմ ինչ անելը դժվար հաճելի լինի:

GriFFin
03.08.2015, 19:20
Ես էլ ասում եմ՝ ոնց ա Մուշուն էդքան խաբար կոսմետիկայից :D
Բայց հենց էն վիդեոյի նման ա. հենց քսվողը չի քսվում, միանգամից սկսում են տենց հարցեր տալ, թե՝ հիվա՞նդ ես, հոգնա՞ծ ես: Էդ պարկերից ես էլ ունեմ, մամաս էլ ունի: Մամայինս մի քիչ արտահայտված ա, մեկ-մեկ իրոք վախենալու ա դառնում, բայց ինքը երբեք չի թաքցնում: Ու արի ու տես, ինքը իրա տարիքի համեմատ ահագին ջահել ա էրևում: Ինքն էլ ա հազվադեպ քսվում ու քիչ:

Օրինակ՝ ես ժամանակ չունենալու ու շպարվել չիմանալու պատճառով չեմ անում: Հիմա մեկ-մեկ թատրոն գնալուց ( իրոք էդ ժամանակ հաճելի ա տարբերվելը առօրյայից):
Համ էլ ես նկատել եմ, որ ծնողից էլ ա շատ բան կախված: Իմ մաման չի շպարվել հետևաբար ես էլ կյանքում չեմ մտածել էդ ուղղությամբ: Դասընկերուհիներս էին լաաաավ շպարվող, բայց իրանք շատ չազդեցին իմ ալարկոտության վրա: Ստեղ հիմա 15 տարեկանները ինձանից մեծ են մեկ-մեկ երևում, որովհետև նորմալ ա էդ տարիքում շպարվելը:
Մեկ էլ գիտես ի՞նչն ա հետաքրքիր, իմ ծանոթ արտասահմանցիները լավ շպարվող են, բայց մերոնց պես չէ: Ասենք սև աչքերին ցերեկը չեն քսում :D

GriFFin
03.08.2015, 19:24
Չեմ կարծում, որ տենց մարդ կա ում ներկվելը դուրա գալիս, դա արվումա, որպեսզի շրջապատի մարդկանց դուր գա, թե չէ օրվա մեջ էտքան ժամանակ կորցնել շպարի վրա ու պրիտոմ տաս րոպեն մեկ թարմացնելն ու չգիտեմ ինչ անելը դժվար հաճելի լինի:

Ինձ թվում ա թեթև շպարը ոչ մեկին չի խանգարի: Եսիմ:
Չգիտեմ ու՞մ համար ա արվում, բայց արդյունքում մարդ իրան լավ ա զգում: Ինքնագնահատականը բարձրանում ա:
Ժամանակի առումով մենակ իմ համար կարամ ասել, որ շատ ա տանում իրոք: Դրա համար չեմ ծախսում, բայց մարդիկ կան լավ էլ արագ են անում: Մարդիկ կան դասից ուշանում են, բայց շպարված են գալիս:

Մուշու
03.08.2015, 19:33
Ճիշտ ա ասում Գրիֆֆինը, առաջին կուրսում շպարը մոտիկ ընկերուհիս էր , օրվա ընթացքում 2-3 անգամ շպար էի թարմացնում , բայց մեկ ա էն կրեմը որի անունը արտաբերել չեմ կարողանում չէի քսում :D Ես միշտ իրանից վախեցել եմ , ինձ իմ մաշկը դուր ա գալիս ու դիմափոշի էլ եթե օգտագործում եմ զուտ մաշկիս գույնը մի քիչ բացացնելու համար( կարմիր շրթներկը կապրիզ ա, ինքը մուգ մաշկին սազական չի) : Ես միշտ վստահ եմ եղել որ տարատեսակ կրեմները մաշկը վնասում են, ծերացնում ժամանակից շուտ : Հա ու չեմ ասի, որ հիմա չեմ շպարվում, շատ էլ լավ շպարվում եմ , բայց ինչ որ կարևոր հանդիպման/վայր գնալուց : Առօրյաում գերադասում եմ լինել բնական , քանզի ես գեղեցիկ եմ այնպիսին ինչպիսին կամ :D :D :D

Gayl
03.08.2015, 19:33
Ինձ թվում ա թեթև շպարը ոչ մեկին չի խանգարի: Եսիմ:
Չգիտեմ ու՞մ համար ա արվում, բայց արդյունքում մարդ իրան լավ ա զգում: Ինքնագնահատականը բարձրանում ա:
Ժամանակի առումով մենակ իմ համար կարամ ասել, որ շատ ա տանում իրոք: Դրա համար չեմ ծախսում, բայց մարդիկ կան լավ էլ արագ են անում: Մարդիկ կան դասից ուշանում են, բայց շպարված են գալիս:
Իհարկե չի խանգարի, սիրունա նայվում, բայց հենց չարաշահում են արդեն ցանկացածի համար զզվելիա:
Խի՞ չգիտես, յուրաքանչյուր մարդ շպարվումա, որ ավելի գեղեցիկ երևա ու ոչ թե իր այլ ուրիշ աչքերի համար:

GriFFin
03.08.2015, 19:53
Իհարկե չի խանգարի, սիրունա նայվում, բայց հենց չարաշահում են արդեն ցանկացածի համար զզվելիա:
Խի՞ չգիտես, յուրաքանչյուր մարդ շպարվումա, որ ավելի գեղեցիկ երևա ու ոչ թե իր այլ ուրիշ աչքերի համար:

Մարդը սոցիալական էակ ա)) Կարևորը, որ հիստերիկ բնույթ չկրի ուրիշի համար ինչ-որ բան անելը:
Ի դեպ, ես նոր նատեցի, որ էս թեման <<Էթիկա>> բաժնում ա: Իմ կարծիքով պիտի <<Մարդ և շրջակա միջավայր՝ Առողջ ապրելակերպ>>ում լինի: Էդ դեպքում <<խնամված տեսք>> արտահայտությունը առողջության տեսանկյունից կարելի ա քննարկել: Ես կսկսեմ <<լիքը ջուր խմեք>>ից:

Gayl
03.08.2015, 20:33
Ես կսկսեմ <<լիքը ջուր խմեք>>ից:

Խմեցինք...

StrangeLittleGirl
03.08.2015, 21:24
Օրինակ՝ ես ժամանակ չունենալու ու շպարվել չիմանալու պատճառով չեմ անում: Հիմա մեկ-մեկ թատրոն գնալուց ( իրոք էդ ժամանակ հաճելի ա տարբերվելը առօրյայից):
Համ էլ ես նկատել եմ, որ ծնողից էլ ա շատ բան կախված: Իմ մաման չի շպարվել հետևաբար ես էլ կյանքում չեմ մտածել էդ ուղղությամբ: Դասընկերուհիներս էին լաաաավ շպարվող, բայց իրանք շատ չազդեցին իմ ալարկոտության վրա: Ստեղ հիմա 15 տարեկանները ինձանից մեծ են մեկ-մեկ երևում, որովհետև նորմալ ա էդ տարիքում շպարվելը:
Մեկ էլ գիտես ի՞նչն ա հետաքրքիր, իմ ծանոթ արտասահմանցիները լավ շպարվող են, բայց մերոնց պես չէ: Ասենք սև աչքերին ցերեկը չեն քսում :D

Լիզ, կոնկրետ ինձ համար ժամանակը մեծ դեր ունի: Եթե ես պիտի ընտրեմ առավոտյան լողանալու կամ շպարվելու միջև, ընտրում եմ լողանալը: Եթե պիտի ընտրեմ նախաճաշելու ու շպարվելու միջև, ընտրում եմ նախաճաշելը: Եթե պիտի ընտրեմ քնելու ու շպարվելու միջև, ընտրում եմ քնելը: Ես էլ եմ երբեմն շպարվում, բայց շա՜տ թեթև, էն էլ մենակ երեկոյան:

Ու համաձայն եմ, որ մամաները մեծ դեր ունեն: Ինչ տեսել, էն էլ սովորել ենք:

Մուշու
03.08.2015, 22:44
Ու համաձայն եմ, որ մամաները մեծ դեր ունեն: Ինչ տեսել, էն էլ սովորել ենք:

Մամաների պահը նենց համաձայն չեմ ձեր հետ :/ Ինչ ինձ հիշում եմ մամաս շպարվում ա , ես մանկուց ժամերով նստում նայում էի ոնց ա շպարվում ու ոչ մի անգամ չեմ մտածել, որ ուզում եմ շպարվել : Կասեմ ավելի մի բան էլ հակառակ էֆեկտն ա եղել , չնայած նրան որ շպարված ժամանակ մամաս շատ ավելի սիրուն ա :

GriFFin
03.08.2015, 22:58
Մամաների պահը նենց համաձայն չեմ ձեր հետ :/ Ինչ ինձ հիշում եմ մամաս շպարվում ա , ես մանկուց ժամերով նստում նայում էի ոնց ա շպարվում ու ոչ մի անգամ չեմ մտածել, որ ուզում եմ շպարվել : Կասեմ ավելի մի բան էլ հակառակ էֆեկտն ա եղել , չնայած նրան որ շպարված ժամանակ մամաս շատ ավելի սիրուն ա :

Ինչու՞ էիր ժամերով նայում:

Մուշու
03.08.2015, 23:02
Ինչու՞ էիր ժամերով նայում:
Մտածում էի իմասսստտտըըըըըը :)

Գալաթեա
03.08.2015, 23:46
Էդ աչքերի տակի պահը մաշկի գույնից ա կախված ժող։
Օրինակ ձեր վրա Բյուր ու Լիզ, ես դա բացարձակ չեմ նկատել, էն դեպքում որ ես դրա վրա միշտ ուշադրություն եմ դարձնում, բզիկ ա։
Իմ մաշկը որ տեղից թուխ ա, էդ մասերն էլ ավելի սև, հիվանդագին անդուր ա նայվում...
Ուրիշները դեռ ջհանդամ, ես հայելու մեջ նայելուց զարզանդում եմ։
Մի անգամ հատուկ ձեր խաթր հանդիպման եմ գալու, Բյուր, որ դու էլ լինես, էդ սևերս տենց թողած։
Էն որ ասում ա՝ կնկարվեմ ուժաստ ֆիլմում առանց գրիմի։ Շաքարներդ բարձրանա։

StrangeLittleGirl
03.08.2015, 23:53
Էդ աչքերի տակի պահը մաշկի գույնից ա կախված ժող։
Օրինակ ձեր վրա Բյուր ու Լիզ, ես դա բացարձակ չեմ նկատել, էն դեպքում որ ես դրա վրա միշտ ուշադրություն եմ դարձնում, բզիկ ա։
Իմ մաշկը որ տեղից թուխ ա, էդ մասերն էլ ավելի սև, հիվանդագին անդուր ա նայվում...
Ուրիշները դեռ ջհանդամ, ես հայելու մեջ նայելուց զարզանդում եմ։
Մի անգամ հատուկ ձեր խաթր հանդիպման եմ գալու, Բյուր, որ դու էլ լինես, էդ սևերս տենց թողած։
Էն որ ասում ա՝ կնկարվեմ ուժաստ ֆիլմում առանց գրիմի։ Շաքարներդ բարձրանա։

Լավ ա, նախօրոք պատրաստվենք, որ հանկարծ չասենք՝ ի՞նչ ա էղել, հոգնա՞ծ ես, գիշերը չե՞ս քնել :))

Ուլուանա
04.08.2015, 00:16
Ու համաձայն եմ, որ մամաները մեծ դեր ունեն: Ինչ տեսել, էն էլ սովորել ենք:
Մի կողմից թվում ա, թե տենց ա, բայց մյուս կողմից՝ չէի ասի։ Համենայնդեպս, հակառակ դեպքերն էլ են ահագին շատ, երբ մայրն ընդհանրապես չի շպարվում, բայց աղջիկը թունդ շպարվող է դառնում։ Ինչպես նաև հակառակը. երբ թունդ շպարվող մայրը ոչ մի կերպ չի կարողանում համոզել իր աղջկան գոնե մի քիչ շպարվել :D։

ivy
04.08.2015, 00:18
Եթե ես ինչ տեսնեի, էն էլ սովորեի, հիմա մի հատ ծիտ էի լինելու, բայց աչքիս ես լրիվ ուրիշ տեղ եմ նայել, մամաս էլ ա էդ կարծիքին :))

StrangeLittleGirl
04.08.2015, 00:22
Եթե ես ինչ տեսնեի, էն էլ սովորեի, հիմա մի հատ ծիտ էի լինելու, բայց աչքիս ես լրիվ ուրիշ տեղ եմ նայել, մամաս էլ ա էդ կարծիքին :))
Հա բայց քույրդ ճիշտ ուղղությամբ ա նայել ուրեմն :))

GriFFin
04.08.2015, 00:33
Էդ աչքերի տակի պահը մաշկի գույնից ա կախված ժող։
Օրինակ ձեր վրա Բյուր ու Լիզ, ես դա բացարձակ չեմ նկատել, էն դեպքում որ ես դրա վրա միշտ ուշադրություն եմ դարձնում, բզիկ ա։
Իմ մաշկը որ տեղից թուխ ա, էդ մասերն էլ ավելի սև, հիվանդագին անդուր ա նայվում...
Ուրիշները դեռ ջհանդամ, ես հայելու մեջ նայելուց զարզանդում եմ։
Մի անգամ հատուկ ձեր խաթր հանդիպման եմ գալու, Բյուր, որ դու էլ լինես, էդ սևերս տենց թողած։
Էն որ ասում ա՝ կնկարվեմ ուժաստ ֆիլմում առանց գրիմի։ Շաքարներդ բարձրանա։

Իսկ ես սիրում եմ իմ աչքի տակի սև պարկերը :D Մուդռի տեսք ա տալիս:

Ուլուանա
04.08.2015, 00:45
Չգիտեմ՝ ինչքանով է հետաքրքիր, բայց մի քիչ իմ մասին պատմեմ։

Մամաս միշտ շպարվել է։ Ինձ էլ, ինչ մեղս թաքցնեմ, դեռ փոքրուց շատ էր գրավում շպարվելը։ Ո՜նց էի անհամբեր սպասում, թե երբ եմ մեծանալու, որ ես էլ մամայիս պես կարողանամ շպարվել։ Փոքր ժամանակ էլ հենց մամաս մի քիչ երկար ժամանակով տեղ էր գնում, ես չտեսավարի հարձակվում էի մամայիս կոսմետիկայի վրա, ու բոլոր հնարավոր ձևերով փորձարկում ամեն ինչ :))։ Ինքն էլ միշտ հետո նկատում էր ու ջղայնանում։ Ամեն անգամ որոշում էի, որ էլ չեմ անելու, բայց հենց հարմար առիթ էր ստեղծվում, գայթակղությանը չէի դիմանում :D։ Նույնիսկ հատուկ պատկերացնում էի, թե ինչ ձևով, ինչ գույներով եմ քսվելու, երբ մեծանամ։ Տասներորդ դասարանում առիթների ժամանակ (դպրոցից դուրս) շպարվում էի, երբեմն շատ թունդ։ Առաջին կուրսում էլ։ Հետո քիչ–քիչ սկսեցի ավելի թեթև շպարվել։ Բայց էլի առանց շպարի երբեք տնից դուրս չէի գա։ Իհարկե, տարբեր իրավիճակների համար տարբեր ձևով։ ԱՄՆ տեղափոխվելուց հետո առանց շպարի կամ համարյա առանց շպարի տնից դուրս գալը քիչ–քիչ տանելի դարձավ։ Հիմա երբեմն նույնիսկ լրիվ առանց շպարի տեսքս ինձ դուր է գալիս, բայց դե ոչ միշտ։ Շպարից լրիվ հրաժարվել ամեն դեպքում մտադիր չեմ, համենայնդեպս, առայժմ ցանկություն չունեմ։ Բայց հիմա շատ ավելի թեթև եմ շպարվում ու ոչ միշտ։ Հիմա մի տեսակ ավելի շատ եմ սկսել գնահատել բնականությունը։ Հետո էն միտքը, որ մշտապես քսվողին մի օր չքսված տեսնում են, հիվանդ, գունատ կամ գիշերը չքնած է թվում, ահագին վանող է ու մտածելու տեղիք տվող։ Նաև երևի ինքնագնահատականի ընդհանուր բարձրացում ունեմ արտաքինի հետ կապված։

Բայց տոնալնի կրեմ երբեք չեմ օգտագործել։ Մի անգամ՝ կարծեմ ավելի քան 15 տարի առաջ, փորձի համար քսեցի, էնքան տհաճ զգացողություն էր, մաքրեցի։ Անձամբ ինձ համար դրա օգտագործումն արդարացված է միայն հատուկ ինչ–որ շատ անցանկալի դետալներ քողարկելու համար (պզուկներ, աչքերի տակի մուգ բծեր, ինչ–որ արտառոց անհարթություն և այլն)։ Էդ առումով երևի իրոք չարժե քննադատել ուրիշներին, հատկապես որ չգիտես, թե ինչեր են քողարկված էդ կրեմի տակ...

Հիմա որ հիշում եմ, թե ոնց էի շպարվում 17-18 տարի առաջ, վատանում եմ... Ու ընդհանրապես հիմա որ մինչև քսան տարեկան աղջիկների եմ տեսնում թունդ շպարված, ահավոր ափսոսում եմ էդ շպարի տակ թաղված թարմությունն ու գեղեցկությունը։

GriFFin
04.08.2015, 00:53
Իմ դեպքում հակառակն ա հավես, երբ քնած եմ լինում, առողջ եմ ու հոգնած չեմ: Ու եթե շպարված եմ ուրեմն <<առիթ կա>> :D

Նարե91
04.08.2015, 10:40
Գիտե՞ք՝ մտածում եմ, որ շպարվելը հիմնականում սովորույթ ա: Բացատրեմ՝ ինչու:

Ուսանողական ու առավելևս դպրոցական տարիներին խուսափում էի շպար օգտագործել,
առանձնապես կարիք էլ չկար, բայց կողքից անընդհատ ասում էին. «աղջիկ ես, քեզ մի քիչ հետևի, գոնե մի թեթև շպար օգտագործի»:
Բայց ինչ մեղքս թաքցնեմ, իրոք ինձ չէր ձգում էդ ամենը:
Հետո, երբ մաշկային խնդիրներ ունեցա, սկսեցի բուժիչ տոնային քսուքներ օգտագործել, դե որ էդ անտերն էլ քսում ես, կողքից սկսում
ես աչք էլ քսել, շուրթեր ներկել ու տենց ստացվում ա, որ տեղը տեղին շպարվում ես: Ու երբ մաշկս լավացավ, դադար տվեցի,
սկսեցի ոչինչ չօգտագործել, բայց ի զարման ինձ, առանց շպարի տեսնողները, մի տեսակ էին նայում՝ թե բա էս ի՞նչ ա տեսքդ,
հիվանդ ե՞ս, լացած ե՞ս: Ու նորից սկսեցի կոսմետիկա օգտագործել: :( Սովորույթ ա էլի, ոնց սովորում ես տենց էլ գնում ա:
Բայց հետաքրքիր էր, որ ուսանողական ու դպրոցական տարիներին, երբ միշտ առանց շպարի էի, ոչ ոք չէր ասում,
որ հիվանդ, լացած ու անդուր եմ: Երևի բացի էն, որ մենք ինքներս ենք մեզ սովորեցնում, նաև շրջապատին էլ ենք սովորեցնում:

GriFFin
04.08.2015, 10:42
Էդ <<լացած տեսքը>> էլի եմ լսել։ Չեմ հասկանում ինչի՞ց են ենթադրում)

Նարե91
04.08.2015, 10:46
Էդ <<լացած տեսքը>> էլի եմ լսել։ Չեմ հասկանում ինչի՞ց են ենթադրում)

Երևի էդ աչքերի տակի պարկիկներից: Ես էլ ունեմ դրանցից, բայց ոչ էդքան արտահայտված, ու երբ չեմ շպարվում, դրանք լավ երևում են ու թվում ա՝ լացել եմ: :))

GriFFin
04.08.2015, 10:47
Երևի էդ աչքերի տակի պարկիկներից: Ես էլ ունեմ դրանցից, բայց ոչ էդքան արտահայտված, ու երբ չեմ շպարվում, դրանք լավ երևում են ու թվում ա՝ լացել եմ: :))
Ինձ ասում են . <<Ո՞վ ա աչքիդ խփել>>։ :)

Ուլուանա
04.08.2015, 21:28
Գիտե՞ք՝ մտածում եմ, որ շպարվելը հիմնականում սովորույթ ա: Բացատրեմ՝ ինչու:

Ուսանողական ու առավելևս դպրոցական տարիներին խուսափում էի շպար օգտագործել,
առանձնապես կարիք էլ չկար, բայց կողքից անընդհատ ասում էին. «աղջիկ ես, քեզ մի քիչ հետևի, գոնե մի թեթև շպար օգտագործի»:
Բայց ինչ մեղքս թաքցնեմ, իրոք ինձ չէր ձգում էդ ամենը:
Հետո, երբ մաշկային խնդիրներ ունեցա, սկսեցի բուժիչ տոնային քսուքներ օգտագործել, դե որ էդ անտերն էլ քսում ես, կողքից սկսում
ես աչք էլ քսել, շուրթեր ներկել ու տենց ստացվում ա, որ տեղը տեղին շպարվում ես: Ու երբ մաշկս լավացավ, դադար տվեցի,
սկսեցի ոչինչ չօգտագործել, բայց ի զարման ինձ, առանց շպարի տեսնողները, մի տեսակ էին նայում՝ թե բա էս ի՞նչ ա տեսքդ,
հիվանդ ե՞ս, լացած ե՞ս: Ու նորից սկսեցի կոսմետիկա օգտագործել: :( Սովորույթ ա էլի, ոնց սովորում ես տենց էլ գնում ա:
Բայց հետաքրքիր էր, որ ուսանողական ու դպրոցական տարիներին, երբ միշտ առանց շպարի էի, ոչ ոք չէր ասում,
որ հիվանդ, լացած ու անդուր եմ: Երևի բացի էն, որ մենք ինքներս ենք մեզ սովորեցնում, նաև շրջապատին էլ ենք սովորեցնում:
Եթե իսկապես չես ուզում շպարվել, կարող ես անցումը սահուն դարձնել. սկզբում ինչ–որ բան դադարում ես օգտագործել կամ ավելի թեթև ես քսում, էդպես մի որոշ ժամանակ, հետո մի ուրիշ բան, և այդպես շարունակ, մինչև մի օր բոլորի համար աննկատ լրիվ դադարում ես շպարվել :))։ Ընդհանրապես սահուն անցումները շատ հարցերում են փրկում։

ivy
31.12.2016, 02:55
Հայաստանյան ինչ-որ միջոցառումների նկարներ որ նայում եմ, հիմնականում բոլոր կանայք ծայրից ծայր շպարված են։
Դա համարվում է գեղեցի՞կ։ Ինչքան էլ պրոֆեսիոնալ ու գրագետ լինի շպարը. ո՞նց կարող է դա ավելի սիրուն լինել, քան բնական դեմքը։
Ինձ թվում է, մի քիչը` ոչինչ, բայց ակնհայտորեն գունավորված դեմքը ահագին վանող է։
Հայաստանում ոնց որ թե չափը լրիվ անցնում են։ Ու ոնց որ թե դա սիրուն է համարվում։

Ruby Rue
31.12.2016, 03:33
Հայաստանյան ինչ-որ միջոցառումների նկարներ որ նայում եմ, հիմնականում բոլոր կանայք ծայրից ծայր շպարված են։
Դա համարվում է գեղեցի՞կ։ Ինչքան էլ պրոֆեսիոնալ ու գրագետ լինի շպարը. ո՞նց կարող է դա ավելի սիրուն լինել, քան բնական դեմքը։
Ինձ թվում է, մի քիչը` ոչինչ, բայց ակնհայտորեն գունավորված դեմքը ահագին վանող է։
Հայաստանում ոնց որ թե չափը լրիվ անցնում են։ Ու ոնց որ թե դա սիրուն է համարվում։

Ինձ ավելի շատ ոչ թե շպարն ա վանում (չնայած շպարն էլ մեղմ ասած իմ ճաշակով չի), այլ էն փաստը, որ բոլորը նույն ձև կամ համարյա նույն ձև են շպարվում, ու մարդ դժվարանում ա դեմքեր հիշի։ Էդ մոդա ընկած շպարը դեմքի բոլոր յուրահատուկ գծերը փակելու ու բոլորի վրա նույնը դեմքը նկարելու էֆեկտ ա տալիս։

Յոհաննես
31.12.2016, 03:40
Ինձ ավելի շատ ոչ թե շպարն ա վանում (չնայած շպարն էլ մեղմ ասած իմ ճաշակով չի), այլ էն փաստը, որ բոլորը նույն ձև կամ համարյա նույն ձև են շպարվում, ու մարդ դժվարանում ա դեմքեր հիշի։ Էդ մոդա ընկած շպարը դեմքի բոլոր յուրահատուկ գծերը փակելու ու բոլորի վրա նույնը դեմքը նկարելու էֆեկտ ա տալիս։

կներեք էլի,էդ շպարը նույն գաջը չի՞

Ուլուանա
31.12.2016, 03:42
Ինձ ավելի շատ ոչ թե շպարն ա վանում (չնայած շպարն էլ մեղմ ասած իմ ճաշակով չի), այլ էն փաստը, որ բոլորը նույն ձև կամ համարյա նույն ձև են շպարվում, ու մարդ դժվարանում ա դեմքեր հիշի։ Էդ մոդա ընկած շպարը դեմքի բոլոր յուրահատուկ գծերը փակելու ու բոլորի վրա նույնը դեմքը նկարելու էֆեկտ ա տալիս։
Հա, ու, փաստորեն, մարդկանց չի հուզում, որ էդ շպարված դեմքը կարող ա շատ քիչ ընդհանուր բան ունենալ իրանց իսկական դեմքի հետ, կարևորը՝ սիրուն լինի (դե, առնվազն ըստ ընդունված չափանիշների)։ Կարծես մարդու իսկական դեմքն ընդամենը օգտագործվում ա որպես հիմք՝ վրան նոր դեմք կառուցելու/նկարելու համար։

Ուլուանա
31.12.2016, 03:44
կներեք էլի,էդ շպարը նույն գաջը չի՞
Ընդհանրապես շպարը դիմահարդարանքն ա (макияж), բայց հա, շպար կա, որ գաջ ա։

Յոհաննես
31.12.2016, 03:48
Ընդհանրապես շպարը դիմահարդարանքն ա (макияж), բայց հա, շպար կա, որ գաջ ա։

ահ,շնորհակալ եմ։
Ու էստեղից մի հարց էլ է ծագում,համբուրվելու ժամանակ իրանց ընկերիներին գաջ կուլ տալը հաճելի՞ է ։Ճ ախր էդ պահերը տենց էլ չհասկացա էլի։

ivy
31.12.2016, 17:03
Էս ֆոտոշարքի հղումը (http://el.am/manuk-aleksanyan-fashion-show-2016-17/) վերջերս ֆեյսբուքում էլ էի դրել, կողքից էլ գրել` գիշերվա երազ։

Մարդիկ "սիրունացել", եկել են. ինձ լուրջ վախենալու են թվում` բացառությամբ էն մի երկու հոգու, որոնց վրա կոսմետիկան քիչ է կամ չկա:
Ու մենակ սենց իվենթները չեն, որ էս գույների մեջ են. ֆեյսբուքում աչքովս լիքը ընկնում են էս կարգի գաջված երիտասարդ կանանց/աղջիկների նկարներ, որոնք արժանանում են գերագույն հիացմունքի։
Զարմանալու բան է։

Յոհաննես
31.12.2016, 17:24
Էս ֆոտոշարքի հղումը (http://el.am/manuk-aleksanyan-fashion-show-2016-17/) վերջերս ֆեյսբուքում էլ էի դրել, կողքից էլ գրել` գիշերվա երազ։

Մարդիկ "սիրունացել", եկել են. ինձ լուրջ վախենալու են թվում` բացառությամբ էն մի երկու հոգու, որոնց վրա կոսմետիկան քիչ է կամ չկա:
Ու մենակ սենց իվենթները չեն, որ էս գույների մեջ են. ֆեյսբուքում աչքովս լիքը ընկնում են էս կարգի գաջված երիտասարդ կանանց/աղջիկների նկարներ, որոնք արժանանում են գերագույն հիացմունքի։
Զարմանալու բան է։

Էս իվենթները հլը հեչ,սաղ համալսարանը գյաջա։Դեմքերը որ շպածելով քերես մի 5տոն գաջ կհելնի։

Արշակ
31.12.2016, 19:16
Էն օրը մի ծանոթ աղջկա հետ լանչ եմ գնացել, մեկ էլ զգում եմ, որ լանչի ընթացքում էս աղջիկը մի ձևի սիրունացավ աչքիս։ Սկզբում տարօրինակ ա թվում․ ո՞նց կարա տենց բան լինի։ Հետո գլխի ընկա, որ ուտելու ընթացքում շուրթերի «գաջն» ա մաքրվել :D

Մի խոսքով, աղջիկներ ջան, ինչ կլինի, մի քսվեք էլի, առանց կոսմետիկայի շատ ավելի սիրուն ու գրավիչ եք։ Ֆիզիկական ու հոգեկան հիգիենային հետևելը հերիք ա, իսկ գաջվելը գեշացնում ա :(

GriFFin
01.01.2017, 03:18
Տենաս, իմ նկարները նայելուց էլ եք սենց նեղվու՞մ։
Մեկ էլ էդ գաջ բառը։ Լավ, ամոթ ա էլի արդեն։ Եթե դիմացինը չի համապատասխանում ձեր չափանիշներին ուրեմն պետք ա տենց տգեղ արտահայտվել։ Էսքան ժամանակ ա չի եղել, որ շպարված մարդկանց մասին տենց բան ասեմ, կամ չշպարվածին ասեմ՝ փնթի, ինքը իրան չի հետևում։ Ամեն մարդ թող անի էն ինչ իրան դուր ա գալիս։

Apsara
01.01.2017, 03:39
Էս ֆոտոշարքի հղումը (http://el.am/manuk-aleksanyan-fashion-show-2016-17/) վերջերս ֆեյսբուքում էլ էի դրել, կողքից էլ գրել` գիշերվա երազ։

Մարդիկ "սիրունացել", եկել են. ինձ լուրջ վախենալու են թվում` բացառությամբ էն մի երկու հոգու, որոնց վրա կոսմետիկան քիչ է կամ չկա:
Ու մենակ սենց իվենթները չեն, որ էս գույների մեջ են. ֆեյսբուքում աչքովս լիքը ընկնում են էս կարգի գաջված երիտասարդ կանանց/աղջիկների նկարներ, որոնք արժանանում են գերագույն հիացմունքի։
Զարմանալու բան է։

Այվի ջան, էստեղի կանայք առիթներին են տենց հավեսով շպարվում, իսկ անճաշակ ա ստացվում միայն այն պատճառով, որ նորմալ մասնագետ չկա, ով երեսի յուրահատկությունները կընդգծի:

Մի դեպք պատմեմ, մի աղջիկ խնդրեց գնամ ու իր համար մոդել լինեմ, որ դեմքս շպարի, իր ուսուցիչն էլ հավանի կամ սխալների ուղղում անի: Դե գնացի, բայց նենց վատ, նենց վատ ստացվեց իր գործը, իսկ բոլոր 3 դասատուներն էլ գովեցին: Ասում եմ, բայց տեսեք, ինձ ման աչքերի երկելու ձևը չի սազում, ես ավելի վանող եմ դառել, իսկ սովորեցնողը ինձ պատասխաում ա, որ էսօր էս դասն ա, ու աշակերտը կարգին նկարել ա դեմքիս: Էհ, բա դրանից հետո ինչ ես ուզում, որ գնաս լիքը փող տաս, իրանք իրանց իմացածը նկարեն ու վսո:

Apsara
01.01.2017, 03:43
Տենաս, իմ նկարները նայելուց էլ եք սենց նեղվու՞մ։
Մեկ էլ էդ գաջ բառը։ Լավ, ամոթ ա էլի արդեն։ Եթե դիմացինը չի համապատասխանում ձեր չափանիշներին ուրեմն պետք ա տենց տգեղ արտահայտվել։ Էսքան ժամանակ ա չի եղել, որ շպարված մարդկանց մասին տենց բան ասեմ, կամ չշպարվածին ասեմ՝ փնթի, ինքը իրան չի հետևում։ Ամեն մարդ թող անի էն ինչ իրան դուր ա գալիս։

Տես, Գրիֆֆին, դու չես ասում, բայց կոնկրետ իմ դասարանի ու հետո կուրսի աղջիկները չէին զլանում ասեն, որ ես խի չեմ քսվում, հա հենց էդ բառով, որ ամոթ ա, աղջիկ եմ վերջապես, լսարանում բռնում լղոզում էին, իսկ ես սարսափում եմ իմ՝ քսված տարբերակից: Սիրում եմ, երբ աղջիկը խնամված ա ու թեթև ընդգծում ա իր շուրթերը, աչքերը, կամ ունի էքստրավագանտ շպարվելու ձև, որ իրան ահավոր սազում ա, յուրահատուկ ա ու աչքին հաճելի: Բայց հաճախ մեր աղջիկները վրիպում են և գեղեցկանալու փոխարեն դառնում ծաղրի առարկա:

GriFFin
01.01.2017, 04:09
Տես, Գրիֆֆին, դու չես ասում, բայց կոնկրետ իմ դասարանի ու հետո կուրսի աղջիկները չէին զլանում ասեն, որ ես խի չեմ քսվում, հա հենց էդ բառով, որ ամոթ ա, աղջիկ եմ վերջապես, լսարանում բռնում լղոզում էին, իսկ ես սարսափում եմ իմ՝ քսված տարբերակից: Սիրում եմ, երբ աղջիկը խնամված ա ու թեթև ընդգծում ա իր շուրթերը, աչքերը, կամ ունի էքստրավագանտ շպարվելու ձև, որ իրան ահավոր սազում ա, յուրահատուկ ա ու աչքին հաճելի: Բայց հաճախ մեր աղջիկները վրիպում են և գեղեցկանալու փոխարեն դառնում ծաղրի առարկա:
Էհ, հիմա ճիշտը էն ա, որ դու թեքվես ու էդ մարդկանց ասե՞ս՝ այ քայլող գաջ։ Տենց բան չես անի, չէ՞։ Հաստատ քեզ հազար տարի պետք չի։
Ես չեմ հասկանում ոչ ծաղրողներին, ոչ նրանց ովքեր ծաղրանքից փոխվում են։
Ինձ չպարվելու համար չեն ծաղրել կյանքում, բայց տարիների ընթացքում զգացի, որ ինձ ավելի շատ, գեղեցիկ են համարում շպարված։ Ու էդ էս պահի դրությամբ նորմալ ա՝ մենք դա ենք տեսնում։
Ես, ինքս ինձ, տրամադրությունից կախված մեկ գորիլա եմ համրում, մեկ Վիկտորիա Սիքրեթի հրեշտակ ու հոգով-սրտով երկու դեպքում էլ թքած ունեմ ոչ կարևոր մարդկանց ասածի վրա։
Հիմա ինձ, իմ քաշի, հասակի, բռփեջ( չգիտեմ էս ոնց ա ճիշտ գրվում) մազերի, ոտքերիս երկրորդ մատիս բթից երկար լինելու և այլն, և այլնի համար ծաղրում են։ Ի՞նչ, ոտերս ու փորս կտրեմ, մազերս միշտ ֆենեմ ու սովամահ լինեմ, որ հաճոյանամ ուրիշներին։ Խի՞։
Իմ ասածը էն ա, որ ավելի լավ ա սովորեցնել դիմացինին կամ էն մարդկանց ում համար մեր խոսքը արժեք ունի, որ հարգալից լինեն դիմացինի նկատմամբ, չպիտակավոտեն։ Ու էդ ամեն ինչին ա վերաբերվում էլի՝ նայած կինոյից, կարդացած գրքից, սիրած ուտելիքից, հոբբիից մինչև սեռական կողմնորոշում, կրոնական դավանանք։ Ինձ դու չես վնասում, արարքներդ օրենքի սահմանում են՝ ֆսո, ինչ ուզում ես արա։ Չգիտեմ, կարող ա ես եմ անտարբեր մարդ, բայց ինձ վաբշե չի հուզում դիմացինի արածները։ Ու միակ բանը, որ կուզենայի էդ՝ իմ էս անտարբեր վիճակը ու նման փիլիսոփայությունը դեռահաս տարիքում լիներ։