PDA

Դիտել ողջ տարբերակը : Ընտրախախտումներ...



Ծով
19.02.2008, 23:48
Այստեղ տեղադրում ենք բոլոր ընտրախախտումները, ինչպես նաև պատմում տեսածը սեփական աչքերով։ Այստեղ բանբասանք չի թույլատրվում...կամ էլ խոսում ենք փաստերով...

Modigliani
19.02.2008, 23:51
ես առավոտ շուտ Լեննականում իմ աչքերով եմ տեսել, թե ոնց ՀԵՆՑ ՏԵՂԱՄԱՍԻ ԱՌԱՋ գազելների մեջ 5000ական դրամ ընտրակաշառք էին բաժանում անձնագրի ցույց տալու դեպքում, հետո նույնիսկ առանց անձնագիր, բան, ուղղակի մարդա 5000 դրամ տալիս էին ու ասում որ Սերժին ընտրեն

ավելացնեմ , որ էտ տեղամասում, որտեղ ես էի ընտրում, թիվ 26 տեղամաս, Գյումրի, ոչ մի վստահված անձ չկար, բացի Սերժականներից , էտի -ճշտած բան ա, որովհետև հերս բարձր հարցրեց - ստեղ ով ա Լևոնի վստահված անձը - պատասխան - սաղս Սերժական ենք հոպար ջան :D

ինձ թվում ա, ամեն ինչ պարզ ա...

Artgeo
19.02.2008, 23:58
ես առավոտ շուտ Լեննականում իմ աչքերով եմ տեսել, թե ոնց ՀԵՆՑ ՏԵՂԱՄԱՍԻ ԱՌԱՋ գազելների մեջ 5000ական դրամ ընտրակաշառք էին բաժանում անձնագրի ցույց տալու դեպքում, հետո նույնիսկ առանց անձնագիր, բան, ուղղակի մարդա 5000 դրամ տալիս էին ու ասում որ Սերժին ընտրեն

ավելացնեմ , որ էտ տեղամասում, որտեղ ես էի ընտրում, թիվ 26 տեղամաս, Գյումրի, ոչ մի վստահված անձ չկար, բացի Սերժականներից , էտի -ճշտած բան ա, որովհետև հերս բարձր հարցրեց - ստեղ ով ա Լևոնի վստահված անձը - պատասխան - սաղս Սերժական ենք հոպար ջան :D

ինձ թվում ա, ամեն ինչ պարզ ա...

http://asparez.am/news/news2008feb/19.2.2008electoral-brib-gyumri.htm
19 | 02 | 2008 | 22:00 | Ընտրակաշառք Գյումրու Անի թաղամասում, 19.2.2008, 12:00
http://asparez.am/news/news2008feb/news2008feb-fotos/DSC00086.JPG
http://asparez.am/news/news2008feb/news2008feb-fotos/DSC00085.JPG
http://asparez.am/news/news2008feb/news2008feb-fotos/DSC00082.JPG
http://asparez.am/news/news2008feb/news2008feb-fotos/DSC00119.JPG
http://asparez.am/news/news2008feb/news2008feb-fotos/DSC00103.JPG
http://asparez.am/news/news2008feb/news2008feb-fotos/DSC00104.JPG

Modigliani
20.02.2008, 00:01
ամենահետաքրքիրն էն ա, որ Սերժի շտաբերի առաջ կանգնած էին մենակ թանգանոծ ավտոներ ու բոլորն առան համարների , ախր իրանք իրանց պալիտ են անում էհ :D

P.S. - չմտածեք, որ չգիտեմ ճիշտ գրելու ձևը, ուղղակի խոսակցական եմ գրում էլի :D

Ներսես_AM
20.02.2008, 00:19
Իմ աչքերով տեսած լկտիություն:

քվեարկեցի ու մոտեցա որ ծրարը գցեմ: Այդ պահին տիպիկ հայկական սևազգեստ արտաքինով մի 20 հոգի մտան դպրոց ու գնացին ներս: Մի քանի հանձնաժողովականների ու երևի դիտորդի "էս ուր եք գնում, ու՞ր եք գնում»-ին ոչ մեկ չի արձագանքում քշած գնում են: Մի 30 վարկյան հետո հայտնվում է դպրոցի տնօրեն Ադամյանը վերոհիշյալ մարդկանց ուղեկցությամբ ու տեղի է ունենում հետևյալը: (Ադամյանի խոսքերը կարդալուց պատկերացրեք լկտի, փողոցային տոնով խոսող ձայն, որ տարրական հարգանք չունի տարեց կին դիտորդի նկատմամբ)
__ Արա էտ ովեր ստե բան ասում ու՞ր եք գնում, հը՞ն:
__ Եսքան մարդ էս ու՞ր են սենց գալիս,__ հարցնում է տարեց կինը:
__ Իմ մոտ էին եկել, հարց կա՞:
__ Ինչ գործ ունեն այսքան մարդ ընտրատեղամաս մտնելու:
__ Ինչա է՞: Բանա՞ եղել: Թե ընտրությունների հետ կապված բանա եղել գրի ըտեղ:
__ Այսօր աշխատանքային օր չէ: Ինչ գործ ունեն ձեր մոտ գան ու մտնեն տեղամաս:
__ Քո ինչ գործ, ինչ գործ ունեին: Գրի եկել էին ՉԻՇԻԿ անեին!!!!!!!!!!!!!!!!!,__ գոռաց ու դուրս եկավ տեղամասից:
__ Հասարակական զուգարանա ինչա, հեսա գրեմ 00 կպցնեմ դպրոցի ճակատին թող գան չիշիկ անեն,__ մռմռաց քթի տակ ծեր կինը:

Ծով
20.02.2008, 00:34
ԲԱՆԴԱՆ ՂԵԿԱՎԱՐՈՒՄ ԷՐ ՀՈՎՀԱՆՆԵՍ ՇԱՀԻՆՅԱՆԸՙ
[23:52] 19 Փետրվարի, 2008

Այսօր ժամը 19.30 –ի սահմաններում ՚Ա1+ՙ- ը ահազանգ ստացավ, որ 4/26 տեղամասում Լեւոն Տեր-Պետրոսյանի վստահված անձանց ծեծի են ենթարկել եւ դուրս հանել տեղամասից: Տեղամասում մեզ դիմավորեց հանձնաժողովի նախագահը եւ տեղեկացրեց, որ ժամը 19-ի սահմաններում Լեւոն Տեր-Պետրոսյանի վստահված անձինք դուրս են եկել եւ այլեւս չեն վերադարձել: ՕԵԿ-ի, ՀՅԴ-ի եւ մյուս հանձնաժողովականներն ու վստահված անձինք վստահեցնում էին, որ իրենք տեղամասի ներսում ոչինչ չեն լսել:

Ի դեպ, մեզ հետ ահազանգով տեղամաս էին ժամանել նաեւ դիտորդներ ԱՊՀ, ԵԱՀԿ եւ ԵԽԽՎ առաքելություններից: Նրանք սակայն տեղում ոչինչ չհայտնաբերելով` զրուցել էին իրենց պատկերացմամբ` ընդդիմադիր ՕԵԿ-ի հանձնաժողովի անդամի եւ վստահված անձի հետ, որոնք հերքել էին ծեծի կամ որեւէ խախտման փաստ, զրուցել էին նաեւ տեղամասի տարածքում հերթապահություն իրականացնող ոստիկանների հետ, որոնք բնականաբար եւս հերքել էին ծեծի փաստը:

Ավելին, ժամը 20.00-ին, երբ փակվեց ընտրական տեղամասը, առանց Լեւոն Տեր-Պետրոսյանի վստահված անձանց սկսեցին ամփոփել քվեարկության գործընթացը: 20.10-ից տեղամաս ժամանեց ՀՀ նախկին վարչապետ, Տեր-Պետրոսյանի շտաբի անդամ Հրանտ Բագրատյանը՝ նախագահի թեկնածուի վստահված անձի հետ: հանձնաժողովի նախագահը համառորեն չէր բացում դուռը եւ չէր լսում Բագրատյանին: Նա նաեւ հրաժարվում էր մեզ դուրս թողնել տեղամասից՝ վստահեցնելով, որ նախ մենք մտել ենք եւ իրավունք չունենք դուրս գալ, ապա, երբ մենք իրազեկեցինք հանձնաժողովի նախագահին մեր իրավունքների մասին, պատճառաբանեց, որ եթե դուռը բացի կարող են ՚լցվել ներսՙ:

՚Լցվողներըՙ 3 հոգի էին, որոնցից պաշտպանվելու նպատակով հանձնաժողովի նախագահը ահազանգեց ոստիկանություն, որ մի ՚100 հոգի շրջապատել են իրենցՙ: 5 րոպե անց ոստիկանության մեծ ջոկատ՝ 5 ավտոմեքենայով, ընդ որում մեկը՝ ԵՐԱԶ, ժամանեցին դեպքի վայր, կարգի հրավիրելու իրենց սահմանադրական իրավունքները պաշտպանել փորձող 3 հոգու: Նրանց համար էլ անսպասելի էր այն, ինչ տեսան տեղում՝ 3 հոգի, եւ երկու լրագրող: Ի դեպ, մինչ մեր տեղամասից դուրս գալը, մենք փորձեցինք ԿԸՀ-ից պարզաբանում ստանալ, թե ինչու մեզ թույլ չեն տալիս դուրս գալ տեղամասից: Եւ երբ մեր բջջայինի վրա զանգ եկավ, եւ մեզ խնդրեցին փոխանցել հանձնաժողովի նախագահիn, պարզվեց, որ զանգահարողը ոչ թե ԿԸՀ-ից էր, այլ Հրանտ Բագրատյանը, որը այլ ելք հանձնաժողովի նախագահի հետ խոսելու չէր գտել: Այս փաստը ԵԱՀԿ եւ ԱՊՀ դիտորդական առաքելությունը որակեց որպես ճնշում հանձնաժողովի վրա եւ գրանցեց ՚Ա1+ՙ-ի լրագրողի եւ օպերատորի անունները, որպես ՚իրավախախտներՙ եւ խոստացան, որ մեր անունները կզետեղվեն իրենց զեկույցներում: Իսկ երբ մենք հարցրինք, թե իրենց արդյոք չի՞ հետաքրքրում, թե որտեղ են Լեւոն Տեր-Պետրոսյանի վստահված անձինք, Անդրեյ Սմիրնովը ԱՊՀ դիտորդական առաքելությունից եւ Մոսկովկովա Տատյանան ԵԱՀԿ առաքելությունից պատասխանեցին, որ ծեծի փաստ իրենք չեն հայտնաբերել, դա եղել է կեղծ ահազանգ, ոստիկաններն էլ հերքել են ծեծի փաստը, իսկ մեր գործունեությունը նրանց թվաց ակնհայտ խոչընդոտում:

Մենք դիտորդներին ներկայացնում ենք այն մարդկանց դեմքերը, որոնք ծեծի են ենթարկվել: ՚Ա1+ՙ-ը նրանց հետ զրուցեց Արաբկիրի Տեր-Պետրոսյանի շտաբում: Նրանք պատմեցին, թե ինչպես են մի քանի ավտոմեքենաներով, մոտ 40 ջիպ ավտոմեքենաներով լցվել տեղամասի բակ եւ ծեծի ենթարկել Լեւոն Տեր-Պետրոսյանի վստահված անձին եւ դիտորդին, ներսում գտնվող դիտորդին էլ դուրս են հրավիրել եւ բառացի ասել՝ ՚Տեր-Պետրոսյանի մարդիկ ստեղ անելիք չունեն, էլ հետ չգաքՙ: Տեղամաս ներխուժած եւ վստահված անձանց ծեծի ենթարկած ՚բանդանՙ, ըստ տուժողների, ՚ղեկավարել է անձամբ Արաբկիրի թաղապետ, ՀՀԿ խորհրդի անդամ Հովիկ Շահինյանըՙ:

Ի դեպ, դիտորդները, որոնք ամբողջ օրվա ընթացքում հետեւել էին ընթացքին, մեզ հետ զրույցում վստահեցրին, որ ՚1200 ձայնից 800-ը Տեր-Պետրոսյանի օգտին են քվեարկված, դրա համար են խառնվելՙ:

՚Կատարվածը այլանդակություն է, այն սկսվեց 6.30-ից, երբ հանձնաժողովի սեյֆերը բացված էին, առանց հանձնաժողովի անդամների, այլանդակությունը շարունակվեց, ամբողջ ընթացքում Ջիպեր կային, որոնք պտտվում էին տեղամասից տեղամաս, լցնում, կեղծում, ահաբեկում, եւ գագաթնակետը 4/26-ն էր, երբ 60- 70 ջիպով հարձակվել էին տեղամասի վրա, դուրս հրել բոլոր, ոչ միայն Տեր-Պետրոսյանի վստահված անձանց, ծեծել-ջարդելով, գետնին արյունլվա պառկացնելով, ահաբեկելով շարունակել իրենց գործը: Ոստիկանությունը դեռ գործ չի հարուցել: Սա գռեհկության, չոբանության արտահայտություն էր, որ այստեղի խուլիգանը հավաքված՝ լակոտների կրիմինալի հետ խանգարում են ամբողջ պրեցեսըՙ,- այսօր հայտարարեց Արաբկիրի Լեւոն Տեր-Պետրոսյանի շտաբի պետ Արամ Մանուկյանը:

ChildOfTheSky
20.02.2008, 00:58
Հ Ա Յ Տ Ա Ր Ա Ր ՈՒ Թ Յ ՈՒ Ն
20.02.08 12:36
Հ Ա Յ Տ Ա Ր Ա Ր ՈՒ Թ Յ ՈՒ Ն


ք. Գյումրի 19 փետրվարի 2008թ.




Ես՝ ՀՀ նախագահի թեկնածու Լ. Տեր-Պետրոսյանի վստահված անձ, Պահպանողական կուսակցության նախագահ Միքայել Հայրապետյանս, հայտարարում եմ, որ ս/թ. փետրվարի 19-ին՝ ընտրության օրը, ժամը 12:30-ի սահմաններում Գյումրի քաղաքի Գ. Սարյանի անվան դպրոցի տարածքում տեղակայված ընտրատեղամասի դիմաց խմբված անձանց մոտ տրցակով անձնագրեր տեսնելով՝ տեսանկարահանեցի այն առանց պետհամարանիշի ՙԲՄՎ՚ մակնիշի մեքենան, որի միջից դուրս եկած անձինք նստեցին ՙԺիգուլի 06՚ մակնիշի 45US478 պետհամարանիշի ավտոմեքենան, ուր բաժանեցին անձնագրերը: Նկատելով մեր նկարահանումը՝ ՙԲՄՎ՚-ի վարորդը արագ հեռացավ, քիչ անց վերադարձավ նույն մեքենայով՝ իր հետ բերելով այլ երիտասարդների, ովքեր փորձեցին կանգնեցնել մեր մեքենան: Մեր արագ հեռանալուց հետո նրանք որոշ ընթացք հետևեցին մեզ:
Սա մեր իրավունքներն իրացնելու հակաօրինական կանխման փորձ էր, որն ուղեկցվեց ահաբեկմամբ: Պատասխանատվությունը կատարվածի և հետագա ընթացքի համար կրում են պատկան մարմինները:
Սույն փաստերի տեսագրությունը տրամադրված է ՙԳԱԼԱ՚ հեռուստաընկերությանը:



ՊԿ Նախագահ՝ Միքայել Հայրապետյան




Հ.Գ. Սույն հայտարարությունը և տեսագրությունը օրվա երկրորդ կեսից պարբերաբար հեռարձակվում է Գյումրիի ՙԳԱԼԱ՚ հեռուստաընկերությամբ:

Ռուֆուս
20.02.2008, 01:16
ես առավոտ շուտ Լեննականում իմ աչքերով եմ տեսել, թե ոնց ՀԵՆՑ ՏԵՂԱՄԱՍԻ ԱՌԱՋ գազելների մեջ 5000ական դրամ ընտրակաշառք էին բաժանում անձնագրի ցույց տալու դեպքում, հետո նույնիսկ առանց անձնագիր, բան, ուղղակի մարդա 5000 դրամ տալիս էին ու ասում որ Սերժին ընտրեն

ավելացնեմ , որ էտ տեղամասում, որտեղ ես էի ընտրում, թիվ 26 տեղամաս, Գյումրի, ոչ մի վստահված անձ չկար, բացի Սերժականներից , էտի -ճշտած բան ա, որովհետև հերս բարձր հարցրեց - ստեղ ով ա Լևոնի վստահված անձը - պատասխան - սաղս Սերժական ենք հոպար ջան :D

ինձ թվում ա, ամեն ինչ պարզ ա...
Լրիվ նույն բանն էլ ես եմ տեսել Գյումրիում իմ ընտրատեղամասի դիմաց: Սերժականները 5000 դր էին բաժանում ընտրատեղամասի դիմաց կանգնած գազելի մեջ.....

Artgeo
20.02.2008, 02:31
Ա1+ՙ-Ի ՕՊԵՐԱՏՈՐԻՆ ԱՐԳԵԼԵԼ ԵՆ ՆԿԱՐԱՀԱՆԵԼ

[02:02] 20 Փետրվարի, 2008

՚Ա1+ՙ-ի օպերատորին արգելել են մուտք գործել թիվ 3/21 ընտրատեղամաս, որտեղ արդեն սկսվել էր ձայների հաշվարկը: Մեր օպերատորի այն դիտարկմանը, որ ըստ ՚Ընտրական օրենսգրքիՙ ԶԼՄ-ի ներկայացուցչին թույլատրվում է մուտք գործել ընտրատեղամաս ցանկացած ժամի, ընտրատեղամասի հանձնաժողովի անդամներից մեկը պատասխանել էր վիրավորական արտահայտություններով:

Նշված անձնավորությունը ոչ միայն թույլ չէր տվել մուտք գործել ընտրատեղամաս, այլեւ արգելել էր նկարահանել ընտրատարածքից դուրս:

քաղաքացի
20.02.2008, 03:00
Ասեմ ընտրախախտումներից մի դեպք:
Դիտորդների հետ մտանք ընտրատեղամաս, այնտեղ մեզ սուրճ առաջարկեցին: Նստեցինք խմելու ու էս մեր դիտորդներից մեկը հարցրեց, թե մոտավոր քանի ընտրող են մինջ այդ պահը քվեարկել: ՏԸՀ-ը նախագահը պատասխանեց, որ մոտավոր 400 քաղաքացի արդեն քվեարկել են: Իսկ երբ դուրս եկանք սենյակից, ավելի կոնկրետ հարցրեցինք ու պատասխանը կրկնակին էր՝ 950 քվեարկող են արդեն մտել: Փաստորեն մոտ 10 րոպեյում ընտրեցին 400-ից ավել քվեարկողներ: Իհարկե փորձեցին կռուտիտ լինել, բայց դե անտեղի էր:

Նման մի դեպք, երբ մի տեղամասից դուրս եկանք ու մի քանի այլ տեղեր զննելուց հետո վերադարձանք նույն հին տեղը՝ մասնակցությունը հասել էր 80%-ի, երբ դեռ ժամը 17:30 էր :think

Մի ուրիշ դեպք: Ընտրատեղամասերից մեկում մասնակցությունը հասել էր 90%-ի և դիտորդներից մեկը զարմացել էր տեսնելով ընտացուցակների մեջ ստորագրությունների պակասը: Ասում էր, որ այդ ցուցակում գրեթե կեսը դատարկ էին՝ անունների դիմաց ստորագրված չեն, բայց արկղում առկա են այդ ցուցակում ընդգրկվածների 90%-ի քվեները :think

Կան շատ ավելի բացահայտ խախտումներ հաշվառման ընթացքում առաջացած, բայց դրանք հրապարակելուց խուսափում եմ՝ վտանգավոր եմ համարում:

Ծով
20.02.2008, 03:48
ԾԵԾՈՂՆԵՐԸ ՌՈՒԲԵՆ ԳԵՎՈՐԳՅԱՆԻ ԵՂԲՈՐՈՐԴԻՆԵՐՆ ԵՆ
[02:34] 20 Փետրվարի, 2008

ԱՅԼ ՆԿԱՐՆԵՐ Դավիթաշենի նախկին թաղապետ Ռուբեն Գեւորգյանի եղբոր` Սամվելի տղաները` Արտյոմ եւ Արթուր Գեւորգյանները դաժան ծեծի են ենթարկել Դավիթաշենում Լեւոն Տեր-Պետրոսյանի նախընտրական շտաբի ակտիվիստներից Արթուր Վարդանյանին:

Ինչպես ՚Ա1+ՙ-ին տեղեկացրեց Դավիթաշենի Տեր-Պետրոսյանի կենտրոնական շտաբի պետ Միքայել Մարտիրոսյանը, Դավիթաշենի 2րդ թաղամասի 5/ 12 ընտրատարածքի հանձնաժողովի անդամ Սաթենիկ Խաչատրյանից ահազանգ են ստացել, որ Սերժ Սարգսյանի կողմնակիցները ճնշումների են ենթարկում` սկզբում կաշառքի տեսքով, իսկ այնուհետեւ ահաբեկելով Տեր-Պետրոսյանի վստահված անձանց: Արթուր Վարդանյանը փորձել է դիտորդներին տեղյակ պահել տեղի ունեցածի մասին: Տեր-Պետրոսյանի շտաբից, որն, ի դեպ, միակն է Դավթաշենում, նա 2 անձի հետ մեքենայով գնացել է թիվ 5/12 ընտրատարածք:

Ընտրատարածքի մոտ 02-002 ՚Պորշՙ եւ 50-002 ՚Տոյոտաՙ մակնիշի Ջիպերից դուրս են եկել Արտյոմ եւ Արթուր Գեւորգյաններն եւ իրենց համակիրների հետ դաժան ծեծի են ենթարկել Տեր-Պետրոսյանի շտաբի 3 ակտիվիստներին` Արթուր Վարդանյանին, Գեւորգ Սարգսյանին եւ Աժ պատգամավոր` Սասուն Միքայելյանի եղբոր որդուն:

Արթուր Վարդանյանը ՚Ա1+ՙ-ին նաեւ տեղեկացրեց, որ իերնց ծեծի ենթարկողները վերցրել են իրենց անձնագրերը եւ բջջային հեռախոսները: Նրանք ջարդուփշուր են արել նաեւ Տեր-Պետրոսյանի վստահված անձ Գեւորգ Սարգսյանի մեքնենա:


http://a1plus.am/amu/?page=issue&iid=57912

Ծով
20.02.2008, 04:08
:o Քիչ է մնում արդեն «Բռնություններ» թեմա բացեմ...

ՎԱԽԵՆՈՒՄ ԵՆ ԴՌԱՆ ԱՄԵՆ ՄԻ ԶԱՆԳԻՑ
[23:59] 19 Փետրվարի, 2008

Շենքի 2 հարկ բարձրանալիս հարեւանը դուռը բացեց, ապա հետաքրքրվեց, թե ինչ է իրականում եղել:

՚Լեզուն կուլ էր գնացել, քաշքաշ ընկավ աստիճաններին, ես վախեցա հարցնել ինչ է եղել, հիմա էլ դուռը չեմ ծեծումՙ,-ասաց հարեւանուհին: Ապա, երբ դուռը ծեծեցինք ու ներս մտանք, փոքր երեխաները թաքնվեցին սենյակում` վախենալով, թե կարող է իրենց պապիկի հետեւից գուցե եկած լինենք: ՚Ա1+ՙ-ը այցելել էր Աբովյանում առավոտյան ծեծված թեկնածու Լեւոն Տեր-Պետրոսյանի վստահված անձ Սիմակ Դավթյանին, ում դեռ առավոտյան ծեծի էին ենթարկել:

53- ամյա Սիմակ Դավթյանը երկու անգամ սրտի կաթված է ունեցել եւ դաժան ծեծից հետո պարզապես կորցրել է գիտակցությունը, ապա ուշքի գալով` տուն հասել:

՚Ա1+ՙ-ի հետ խոսելոց առաջ նա ժամանակ խնդրեց իրեն կարգի բերելու, ապա կարճ կարճ ժամանակում դժվարությամբ պատմեց, թե ինչ է իրականում տեղի ունեցել:Ըստ նրա առավոտյան ընտրատարածքում, երբ հանել են կնիքը, այն թանաքոտել են նախքան ստուգելը ու ինքը բարձրաձայնել է, ապա արձանագրություն կազմել, որի տակ ստորագրել են ինքը եւ երկու դիտորդ ՚Հետո հանձնաժողով նախագահ Մարինան ինչ-որ տեղ զանգեց եւ ընդհամենը մի 2 րոպե հետո մի 5-6 սափրագլուխներ մտան ընտրատարածք եւ ինձ զոռով քաշեցին դուրս ու սկսեցին հարվածել մեջքիս գլխիս ու տենց զոռով մտցրին մեքենան ու մեքենայի մեջ սկսեցին ծեծել երեւ մի 15-20 մետր քշեցին, հետո կանգնեցին, ասացին, որ եթե այսպես շարունակես, ընտանիքդ կոչնչացնենքՙ,-պատմեց Սիմակ Դավթյանը:

Ապա նա նշեց, որ շտապօգնության առաջին օգնությունից հետո ուշքի է եկել ու նոր կարողացել է բացատրել` ինչ է կատարվում: Նշենք, որ նրա ընտանիքը խիստ ահաբեկված էր եւ անգամ ակնարկում էրն, որ զգույշ գրենք այս մասին, որ այլեւս չվնասեն իրենց:


...
:(
http://a1plus.am/amu/?page=issue&iid=57904

salatik
20.02.2008, 13:03
Մեր հավաքարարը, առավոտյան ինձ պատմեց, որ երեկ ինքը իրա անձնագրի տվյալների փոխարեն ստացելա 5000 դրամ ընտրակաշառք, պայմանով , որ ինքը պետքա ընտրի ՍՍ-ին:
Ինքը վերցրելա 5000 դրամը, բայց տվող աղջկան, որ ի միջի այլոց և ընտրատեղամասի անդամներիցա եղել, ասելա, որ շատ էր ուզում Արթուր Բաղդասարյանին իրա ձայնը տա, ու պատկերացրեք արդեն ընտրության ժամանակ, էս կնոջնա մոտենում հենց նույն աղջիկը ու տալիսա կարմիր գրիչ, որ կարմիրով նշումը անի:
Անվավեր ճանաչված կարմիր գրիչով նշումները հենց էս տարբերակներն են:

Fobus
20.02.2008, 14:25
Երևանի 4/6 ընտրատեղամասում եմ եղել առավոտը ժամը 7:50-ից: Ամեն ինչ ներմալ հունով էր ընթանում:
Ժամը 12:30-ին ընտրատեղամասի առաջ կանգնեց Toyota մակնիշի մեքենա առանց պետ.համարանիշի: Ինչքան էլ տարօրինակ էր, բայց ուղեվորները 75-95 տարեկան տատիկներ էին: Նրանք ընտրեցին և հեռացան: 15 րոպե անց նույն մեքենայի ուղեվորները այլ տատիկներ էին: Մեքենան մի քանի անգամ ևս հայտնվեց տարբեր ուղեվորներով: Հայտնվեցին նաև այլ մեքենաներ:
Ժամը 20:00-ին փակվեց տեղամասը և սկսվեցին հաշվարկներ և այլն:
Քանի դեռ ընտրատուփը չէր բացվել, ամեն ինչ նորմալ էր: Ընտրատուփի բացվելուց հետո սկսվեց լարված իրավիճակ: Շատ չմանրամասնեմ, բայց մի տղամարդ, որ որպես դիտորդ էր գրանցվել, խանգարում էր հանձնաժողովի աշխատանքներին, կռվի մեջ էր մտել Լևոն տեր-Պետրոսյանի վստահված անձի հետ: Հետո սկսվեց "քուչի բազար": Միլիցիայի աշխատակիցները չէին միջամտում նաև այն դեպքում, երբ նրանք իրար բրդում-քցում էին: Սպառնալիքով տեղամասը լքեցին ևս մեկ դիտորդ, վստահված անձիք և հանձնաժողովի անդամ:
Ընտրատարածքի մոտ հավաքվել էին 50-ից ավել մարդիկ: Ոչ մի լրատվամիջոց ներս չմտավ, ոչ մի օրինապահ չմիջամտեց:

Ավելացվել է 5 րոպե անց
Ավելացնեմ, որ եղել եմ նաև մոտ 20 ընտրատեղամասերում: Այնտեղ ամեն ինչ նորմալ էր ընթանում ցերեկը: Գիշերը երբ մտնում էի ընտրատարածքներ, ասում էին, որ եղել են լցոնումներ, եղել էր դեպք Շիրվանզադեի դպրոցում, որ մեկ անձ 2 անգամ արդեն ընտրած(երկու կնիքով) ընտրել էր նաև երրորդ անգամ: 4/9 տեղամասում գրանցվել էր լցոնման դեպք երկու անգամ: 5/22 ընտրատեղամասում ամեն ինչ նորմալ էր, բայց վստահվաձ անձիք չկային(այն ժամանակ, երբ եղել եմ այնտեղ):Մնացած տեղերում նորից գրանցվել էր տատիկների "հոսք":

StrangeLittleGirl
20.02.2008, 16:56
Եթե միայն մեր տեսածն ենք պատմում, ապա տեսել եմ Լևոն Տեր-Պետրոսյանի վստահված անձի չափից դուրս լկտի պահվածք: Մեկ էլ քվեատուփը բացելիս մեկ դատարկ և մեկ երկու քվեով ծրար է եղել… Թե ինչու էր այդպես, ինքներդ մտածեք: Կարող էր կարուսել լինել, բայց կարող էր նաև երկու ցնդած տատիկ-պապիկի արածը լինել, որոնք շփոթել են ծրարները:

Sunny Stream
20.02.2008, 21:23
Էսօր լսել եմ ականատեսի մոտավոր պատմածը... գիտեր, որ հաստատ մի տեղ կգրեմ, շատ չմանրամասնեց.
Գառնին ոտքից գլուխ դաշնակցական է. Լևոնին թույլ չէին տվել իրենց մոտ միտինգ անել, հետ էին ուղարկել:
Երեկ, ասում են, հիմնական կռիվը եղել է դաշնակների ու սերժականների միջև: Ու Կռիվ է եղել: Սև մեքենաների շարասյունը մտել է Գառնի, ավտոմատավորները անմիջապես դուրս են եկել ու օդ կրակել... եղել է դանակահարություն: Թե որ կողմը ինչքանով է տուժել, տեղյակ չեմ, բայց մի քանի վիրավորներ կան:

:angry

ԱՅՑԵԼԱԾ ՏԵՂԱՄԱՍԵՐԻ 16 ՏՈԿՈՍՈՒՄ ՔՎԵՆԵՐԻ ՀԱՇՎԱՐԿԸ ԴԻՏՈՐԴՆԵՐԸ «ՎԱՏ» ԿԱՄ «ՇԱՏ ՎԱՏ» ԵՆ ԳՆԱՀԱՏՈՒՄ
ԵԱՀԿ/ԺՀՄԻԳ-ի դիտորդական առաքելության ղեկավար Ջոն Փրեսքոտը, ներկայացնելով միջազգային դիտորդական առաքելություն իրականացնող չորս կառույցների համատեղ նախնական եզրակացությունը փետրվարի 19-ի նախագահական ընտրությունների վերաբերյալ, ասաց, որ ընտրությունների անցկացումը թեև « հիմնականում համապատասխանում է եվրոպական չափանիշներին, այդուհանդերձ շատ խնդիրներ լուրջ մտահոգությունների տեղիք են տալիս,.... որոշ հարցեր ուսումնասիրության և քննության կարիք ունեն»։
2008-02-20 07:30


Արձանագրելով օրենսդրական ու իրավական դաշտի բարելավումները՝ դիտորդները մտահոգիչ են համարում հատկապես դրանց «փաստացի իրագործման խնդիրները»։

Դիտորդական առաքելության միջանկյալ զեկույցները շեշտադրել էին ընտրական գործընթացների նկատմամբ հասարակության վստահության պակասի խնդիրը։ Փետրվարի 19-ից հետո հրապարակված եզրակացությամբ դիտորդները փաստում են, որ «քվեների հաշվարկի գործընթացը չնպաստեց վստահության պակասը լրացնելուն»։ Քվեների հաշվարկի ընթացքը դիտորդական առաքելության կողմից գնահատվել է որպես «վատ» կամ «շատ վատ» այցելած տեղամասերի մոտ 16 տոկոսում։

Դիտորդները, որպես վստահության վերականգնման մեխանիզմ, նշում են ընտրախախտումների հետ կապված բողոքների արդյունավետ քննության ապահովումը։ Հարցին, թե նկատած ընտրախախտումները քվեարկության, քվեների հաշվարկի ընթացքում ազդել են արդյո՞ք ընտրությունների արդյունքների վրա, Փրեսքոտը պատասխանեց. «Մենք չենք մեկնաբանում արդյունքները, մեկնաբանում ենք փաստերը, գործընթացը։ Փորձում ենք ներկայացնել ամենամեծ եզրակացությունը։ Մեր նկատած փաստերը կազմում են ընտրական գործընթացի մի մասը, բայց ոչ մեծ մասը։ Զգալի մասն է թե՞ ոչ՝ կարևոր է պարզել»։
http://echannel.am/?topic_id=1429

Enipra
21.02.2008, 15:02
Առանց մեկնաբանությունների, նայեք...
ԹԵ ԻՆՉՊԵՍ ԷԻՆ ԼՑՈՆՈՒՄ ՓԵՏՐՎԱՐԻ 19-ԻՆ (VIDEO) (http://echannel.am/?topic_id=1435)

StrangeLittleGirl
22.02.2008, 00:29
9/31 տեղամասի մասին բոլորդ էլ գիտեք: Հենց հիմա իմ առջև դրված է արձանագրությունը: Ավելի ահավոր բան էլ գտա. ընդամենը 1 մարված քվեաթերթիկ է, չնայած քվեարկությանը մասնակցել է 1265 հոգի, իսկ հանձնաժողովին հատկացվել է 1885 քվեաթերթիկ: Ու՞ր են մնացած 619 քվեաթերթիկները:

Մեկ էլ մի բան: Ո՞վ գիտի, թե որտեղ է 14/52 տեղամասը: Այնտեղ միայն Սերժն է 161 ձայն հավաքել, մյուսները՝ 0, անվավեր՝ 0: Հետաքրքիր է, թե ովքեր են այդքան միաձայն, երբ անգամ մեկուսարանում Սերժը 100% չի հավաքել:

Enipra
22.02.2008, 02:54
Մեկ էլ մի բան: Ո՞վ գիտի, թե որտեղ է 14/52 տեղամասը: Այնտեղ միայն Սերժն է 161 ձայն հավաքել, մյուսները՝ 0, անվավեր՝ 0:
Արագածոտնի մարզ, գյուղ Չքնաղ /կարծես թե/
Լավ էլ չքնաղ ու "գոլդ" արդյունքներ են ապահովել :D

_DEATH_
22.02.2008, 12:57
Արագածոտնի մարզ, գյուղ Չքնաղ /կարծես թե/
Լավ էլ չքնաղ ու "գոլդ" արդյունքներ են ապահովել :D

էտ աչքիս էն գեղնա, որ ասում էին ընտրությունները բացա լինելու, գյուղապետը դասավորելա :D

Երվանդ
22.02.2008, 13:03
Մեր մոտ լռիվ դեմոկրատիա վիճակներա եղել, Մարտունի՝ գ. Զոլաքար, տղերքն ասում են լռիվ բաց քվեարկությունա եղել, ընդ որում մեկը գալիսա 7 անձնագրով ու ասումա որ ցուրտ էր՝ տնեցիք չեկան դրա համար, բայց ԼՏՊ-ին էին քվեարկելու, գալի 7 ձայն տալիսա գնումա:D, իսկ կողքի սենյակում վստահված անձինք հարբում են:D, առանց բացառության բոլորի վստահված անձիք, դե վերջում պարզա ինչ պիտի լիներ, բա սենց բաներ, միհատ կամեռայով մարդ լիներ էտ ամբողջը որպես ֆիլմ նկարեր, Կուստուրիցան ամոթից կմեռներ:D

StrangeLittleGirl
22.02.2008, 21:05
Մեր մոտ լռիվ դեմոկրատիա վիճակներա եղել, Մարտունի՝ գ. Զոլաքար, տղերքն ասում են լռիվ բաց քվեարկությունա եղել, ընդ որում մեկը գալիսա 7 անձնագրով ու ասումա որ ցուրտ էր՝ տնեցիք չեկան դրա համար, բայց ԼՏՊ-ին էին քվեարկելու, գալի 7 ձայն տալիսա գնումա
Հետո էլ ԼՏՊ-ն կեղծիքներից կխոսի…

Երվանդ
23.02.2008, 18:55
Հետո էլ ԼՏՊ-ն կեղծիքներից կխոսի…

Բյուր բայց վերջում Սերժին լցել են, ԼՏՊ-ն իհարկե շատ մեղքեր ունի, բայց որ նրան մեղադրում ես նրանում որ ԿՀԸ համապատասխան տեղամասում չի ապահովվել օրենքի տառին համապատասխան քվեարկություն, երբ նախագահը ու հանձնաժողովի անդամների մեծ մասը հանրապետականներ են մի քիչ զարմանալիա :D

Ֆրեյա
23.02.2008, 19:54
Վերահաշվարկի արդյունքներով նորից ավելանում են Լևոնի և մյուս թեկնածուների ձայները: Ընտրատեղամասերում " ТУПО" վերցրել են բոլոր թեկնածուների թերթիկները և դրել են ՍՍ-ի կույտի մեջ:D:D:D
Այսօր խախտումները շարունակվում են !!!!!!!!!!!!!!!!!!!

Հիմա էլ չեն թողում վերահաշվարկեն ձեյները: Մի տեղամաս ոստիկաններ են եկել տարել թերթիկները մինչև վերահաշվելը, մյուս տեղում էլ ինչ-որ մեկը թերթիկները " ТУПО"վերցրել է և փախել::D
Որովհետև եթե հաշվեն, կպարզվի որ 30 տոկոս էլ չի հավաքել:D

Ավելացվել է 4 րոպե անց

Մեր մոտ լռիվ դեմոկրատիա վիճակներա եղել, Մարտունի՝ գ. Զոլաքար, տղերքն ասում են լռիվ բաց քվեարկությունա եղել, ընդ որում մեկը գալիսա 7 անձնագրով ու ասումա որ ցուրտ էր՝ տնեցիք չեկան դրա համար, բայց ԼՏՊ-ին էին քվեարկելու, գալի 7 ձայն տալիսա գնումա:D, իսկ կողքի սենյակում վստահված անձինք հարբում են:D, առանց բացառության բոլորի վստահված անձիք, դե վերջում պարզա ինչ պիտի լիներ, բա սենց բաներ, միհատ կամեռայով մարդ լիներ էտ ամբողջը որպես ֆիլմ նկարեր, Կուստուրիցան ամոթից կմեռներ:D

ԴԵ ԼԱՎ ԷԼԻ: Մեծ մարդիկ եք!!!!!
Երևի էտ 7 հոգու տեղն էլ հետո ստորագրել ա համ էլ , չէ:D
Բայց մինչև հիմա չեղավ, որ Լևոնին սխալմամբ կես ընտրաթերթիկ ավել լիներ:D

StrangeLittleGirl
24.02.2008, 16:53
Ի դեպ, երեկ մի ԲՀԿ-ական հպարտությամբ պատմում էր, թե ինչպես են Լևոնի վստահված անձանց առել ու իրենց գործն արել :D

StrangeLittleGirl
24.02.2008, 17:20
Ծեծ, լցոնում, ընտրակաշառք և, ինչպես սիրում է բնութագրել մամուլը՝ նկարչություն. սրանք են ընտրությունների մեթոդները վերջին 13 տարիներին, երբ նվազագույնի է հասցված մեկ ընտրող` մեկ ձայն դեմոկրատական սկզբունքը, և ընտրության ելքը որոշում են իշխանություն ունեցող թեկնածուի օգտին կատարված կեղծիքները: Ի՞նչ է փոխվել տարիների ընթացքում, ինչո՞վ էին տարբերվում այս ընտրությունները նախորդներից։

Եթե նախորդ ընտրություններում թեկնածուները հստակ բաժանված էին ընդդիմության և իշխանության, ապա այս անգամ այդ սահմանաբաժանն անցկացնելը դժվար էր, և որպես ընդդիմություն էին հանդես գալիս մարդիկ, որոնք թե կառավարության մեջ անդամներ ունեին, թե օլիգարխների աջակցությունն էին վայելում։

Հին վարչախումբը բախվում է իր ստեղծածի հետևանքներին
12 տարի առաջ, 10 տարի առաջ, 5 տարի առաջ անհնար էր պատկերացնել, որ մի կուսակցություն (Դաշնակցությունը), երեք նախարար ունենալով, կառաջադրի թեկնածու, որն իշխանություններին քննադատելով` կարող է այլընտրանք դառնալ, կամ մի թեկնածու՝ Լևոն Տեր-Պետրոսյանը, իշխանության նախագահի թեկնածուին մահացու մեղքերի մեջ մեղադրելով` բացահայտ կֆինանսավորվի գործարարների և ամենախոշոր օլիգարխներից մեկի՝ Խաչատուր Սուքիասյանի կողմից, որ գրեթե բոլոր հանդիպումներին նրա կողքին էր։

Այո, հարկային ճնշումներ եղան Սուքիասյանի դեմ, բայց դրանք մոծակի խայթոց են` համեմատած այն սպառնալիքի հետ, որ կարող էր կախվել 96-ին կամ 98-ին, եթե որևէ օլիգարխ մտքի ծայրով անցկացներ ընդդիմության թեկնածուին երկու կոպեկ տալ, էլ ո՞ւր մնաց նրա կողքին կանգներ։ (96-ին գործարար Ռուբեն Հայրապետյանը Վազգեն Մանուկյանին աջակցելու համար փախուստի մեջ էր, իսկ հայրը կալանավորվել էր։)

Ավտոբուսներով ընտրողներին ընտրատեղամասեր բերելը նախկինում միայն իշխանության մենաշնորհն էր, իսկ փետրվարի 20-ին ընտրողներ էին բերում Լևոն Տեր-Պետրոսյանի և Արթուր Բաղդասարյանի համար (մի չճշտված տեղեկությամբ` նաև Վահան Հովհաննիսյանի)` ենթադրաբար նախապես նրանց շահագրգռելով։ Չորս թեկնածուները անարգել ուժի ցուցադրում ներկայացրին և մրցում էին, թե ո՞վ ավելի մեծ հանրահավաք կանի և շրջաններից ով կարող է ավելի շատ մարդ բերել մայրաքաղաք։ Ժողովրդավարության աստիճանը չի ավելացել, բայց ավելի ազատական է դարձել Հայաստանը, եթե հետընտրական շրջանում իշխանությունները վրեժ չլուծեն իրենց «դավաճանած» օլիգարխներից։

Ընտրությունից ընտրություն արդեն սովորական են դարձել բռնությունների մասին լուրերը, իսկ եթե նկատի ունենանք, որ այս անգամ բռնությունների է ենթարկվում այն թիմը, որը ստեղծել է բռնություններով իշխանություն պահելու համակարգը, սովորականը զավեշտականի կվերածվի։

Ֆիլմերի ու գրքերի այն սյուժեները, ուր բանտի վերակացուների ու բանտարկյալների կամ դատավորների ու ամբաստանյալների տեղերը փոխվում են, գրեթե կատարվեց այս ընտրություններում, միայն մի տարբերությամբ՝ «վերակացուներն» ու «դատավորները» դարձան «կալանավոր» ու «դատվող», բայց հակառակը դեռ չի եղել։ Երեկվա ուրիշի կամքին բռնացող իշխանությունները դարձան բռնությունների զոհ։

Արտաշատում Լևոն Տեր-Պետրոսյանի թիմի դեմ բռնությունները, Շավարշ Քոչարյանի բնորոշմամբ՝ թեկնածուներից մեկին ծակեց իր սրած բիզը։ Նա նկատի ուներ, որ 95 թվականից սկսած` Տեր-Պետրոսյանի նախագահության օրոք և հետո էլ, գրեթե բոլոր ընտրարշավներում Արարատի մարզում ծեծվում էին ընդդիմության աջակիցները։ Մինչև 98 թվականը այդ բռնությունները կազմակերպում էին Վազգեն Սարգսյանի եղբայրները՝ Արմենը, որ բանտում է, և Արամը, որ հիմա Տեր-Պետրոսյանի կողքին է՝ ընդդեմ այդ բռնությունների։ Նրանք դա անում էին և Տեր-Պետրոսյանի համար, և Քոչարյանի։ Այդ սրած բիզը շարունակեց ծակել ընտրությունների օրը. ծեծվեցին Տեր-Պետրոսյանի բազմաթիվ վստահված անձինք, նաև մաքսային կոմիտեի նախկին պետ Երջանիկ Աբգարյանը և Ազգային անվտանգության ծառայության պետի նախկին տեղակալ Գուրգեն Եղիազարյանը։ Ընտրակեղծիքների դեմ բողոքում են նրանք, որոնք ստեղծել են ընտրակեղծիքներն ու թաղել ժողովրդավարությունը։ Եվ ոչ միայն 95-ի ու 96-ի ընտրություններում։ ՀՀՇ-ի նախագահ Արարատ Զուրաբյանը 98-ին աշխատում էր Ռոբերտ Քոչարյանի շտաբում ու կեղծում ընտրությունները հօգուտ այն թիմի, որն այսօր կեղծում է ընդդեմ իր թիմի։

Բայց ոչ բոլորն են «վերակացուից» վերածվել «կալանավորի»։ 95-ին ընդդիմության նախընտրական ցույցը կրակոցներով ցրող գործարար-երկրապահը Գյումրում ընտրակաշառք էր բաժանում իր նոր թեկնածուի համար և ընդդեմ նախկին ղեկավարի։

Իսկ նորարարությունը ելքի հարցումն էր (exit poll), որ առաջին անգամ կիրառվելով` դարձավ անհավաստի ու վերածվեց բացահայտ քարոզչական հնարքի: Լևոն Տեր-Պետրոսյանի ու Սերժ Սարգսյանի ելքի հարցումներն իրենց պատվիրատուներին էին առաջին փուլով հաղթանակ տվել, իսկ Արթուր Բաղդասարյանինը ավելի համեստ էր, նրան երկրորդ տեղն էր գցել երկրորդ փուլի ակնկալիքով։

Դեռ առաջին արդյունքները չստացված` «A1+»-ի կայքում երեկոյան 11-ի մոտ Լևոն Տեր-Պետրոսյանը հայտարարեց, որ առաջին փուլով հաղթել է, միայն ի տարբերություն 1996 թվականի` այս անգամ ինքը չի որոշողը, թե ով է հաղթել:

Եվ այդ որոշողը կրկին ժողովուրդը չէ։

www.armenianow.com (http://armenianow.com)

Արշակ
24.02.2008, 18:31
Ընդհանուր առմամբ համաձայն եմ վերը մեջբերված հոդվածի վերլուծությունների հետ, բայց սրանց հետ որպես եզրակացություն հաճախ շրջանառվում է այն միտքը, թե «Տեղն է նրան։ Ինքը ժամանակին կեղծել է, ուրեմն թողենք հիմա էլ իր դեմ կեղծեն» համաձայն չեմ, քանի որ, տեղն է, թե՝ ոչ, բայց ամեն դեպքում կեղծվում է նախ և առաջ ժողովրդի դեմ ու կեղծված ընտրությունների պատճառով մեկ է ամենաշատը տուժում է էլի ժողովուրդը։ Հետևաբար, էս պահին մի կողմ է պետք դնել վերջնական ստրկացման գնով անձից վրեժխնդիր լինելու մոլուցքն ու թույլ չտալ, որ կեղծիքն ու բռնությունը էլի մարսվի և Հայաստանը ևս մի տաս տարով ու գուցե արդեն անհուսալի սկի։

Artgeo
26.04.2008, 03:38
Հայ-հա՜յ… Եվրոպացիք բացում են քարտերը

Մեղադրանք`ընտրական գործընթացներին և դրա պաշտպաններին. ԵԽԽՎ դիտորդների զեկույցները բացահայտում են նրանց հիասթափությունը` ընտրակեղծիքները տեսնելու ու ոչինչ չանելու առնչությամբ


Published: 25 Ապրիլ, 2008
Խմբագրի կողմից` Հետևյալ մեկնաբանությունները անցյալ շաբաթ Եվրոպայի խորհրդի խորհրդարանական վեհաժողովի (ԵԽԽՎ) նիստի ժամանակ ներկայացվել են որպես Հայաստանի նախագահական ընտրություններում Եվրախորհրդի դիտորդական առաքելության երկու անդամների վկայություններ:

Մեկնաբանություններն ու տարածաշրջանային զարգացումներին վերաբերող այլ տեղեկություններ կարելի է գտնել Transition on Line ((www.tol.org) կայքում:

«Ես խորհրդարանական վեհաժողովում եմ 2007 թվականի հունվարից և դիտորդ եմ եղել չորս երկրներում` Թուրքիայում, Ուկրաինայում, Ռուսաստանում և Հայաստանում:
Հայաստանի ընտրություններն ամենավատն էին: Ընտրատեղամասերի բացումը և օրվա արձանագրությունները շատ վատ չէին, սակայն հաշվարկը իմ այցելած ընտրատեղամասերում պարզապես ահավոր էր: Այն ամենը, ինչ հնարավոր էր կեղծել, կեղծվել էր: Ընտրած ընտրողների, ինչպես նաև ընտրացուցակներում նշվածների թիվը, չի հաշվարկվել: Չեն հաշվարկվել նաև չօգտագործված քվեաթերթիկները: Արձանագրությունը, որում պետք է ամփոփվեին ընտրությունների արդյունքները, նախապես ստորագրվել է ընտրական հանձնաժողովների անդամների կողմից:
Ամենալուրջ միջադեպն այն էր, որ ինը թեկնածուներին պատկանող տրցակներում քվեաթերթիկները դնելիս հանձնաժողովի նախագահը բարձրաձայն սխալ անուն էր կարդում:
Նախագահը գիտեր` ինչ էր անում: Նա Լևոն Տեր-Պետրոսյանի օգտին տրված քվեարթերթիկները դնում էր վարչապետ Սերժ Սարգսյանի տրցակի մեջ: Հանձնաժողովի անդամները փորձում էին դա թաքցնել, որպեսզի ես չտեսնեմ:

Վերջնական հաշվարկի ժամանակ 100 քվեաթերթիկ չկար: Ես գիտեմ, որ ոչինչ չպետք է ասեի, բայց չկարողացա զսպել ինձ և ասացի` ինչ տեսել էի: Հանձնաժողովի անդամները ձևացրին, թե արագ հաշվում են և հետո որոշեցին, որ այդ ձայները պատկանում են ընտրություններում հաղթած թեկնածուին` Սերժ Սարգսյանին: Բոլոր թեկնածուները կարող էին վստահված անձինք ունենալ, որոնք կարող էին ներկա լինել ընտրություններին ու հաշվարկին, սակայն իմ այցելած ընտրատեղամասում կային միայն Սերժ Սարգսյանին ներկայացնող երեք երիտասարդներ: Այդ երեք երիտասարդները տհաճ մթնոլորտ էին ստեղծում տեղամասում: Իմ թարգմանիչը շատ վախեցած էր և խնդրեց այլևս բարձրաձայն ոչինչ չասել, միայն դիտարկել և նշել: Ես նկատեցի, որ բոլոր պատասխանատու անձինք շատ լավ գիտեին, թե ինչ են անում, և անհարմար էին զգում, որ ես կանգնած հետևում էի, թե ինչպես են ընտրակեղծիքներ կատարվում: Սակայն դա նրանց չխանգարեց անելու այն, ինչը նրանք, հավանաբար, նախապես որոշել էին, այն է` երաշխավորել, որ գործող վարչապետը ստանա բավարար ձայներ, որպեսզի երկրորդ փուլի անհրաժեշտություն չզգացվի: Եթե այն, ինչին ես ականատես եղա, տեղի ունենար ընտրատեղամասերի ընդամենը մեկ-տասներորդում, դա, իհարկե, կազդեր ընտրությունների արդյունքի վրա: Ես հայտնեցի այն ամենի մասին, ինչ տեսել էի և հյուրանոց վերադարձա հիասթափված, զայրացած ու հոգնած: Ողջ գիշեր չկարողացա քնել:

Ես խիստ քննադատաբար եմ վերաբերվում այն փաստին, որ հաջորդ օրվա մամուլի ասուլիսից դուք կարող էիք տպավորություն ստանալ, թե ընտրություններն անցկացվել են ամենաճիշտ միջոցներով և համապատասխանում են միջազգային չափորոշիչներին: Մի՞թե մենք դրանով օգնում ենք հայերին: Ես այդպես չեմ կարծում:

Ես նաև փորձեցի խորհրդարան գնալ և լուսանկարել, սակայն երեք ոստիկան և անվտանգության աշխատակիցները թույլ չտվեցին: Ես ռուսերեն հարցրեցի` ինչու՞, նրանք ինձ պատասխանեցին, որ խորհրդարանի նիստը «գաղտնի» է: Սա Հայաստանի ներկա իրավիճակի իրական պատկերն է: Եթե ժողովրդավարության պատվար հանդիսացող խորհրդարանը համարվում է գաղտնի, ապա խոսք չի կարող լինել ժողովրդավարության, թափանցիկության, մարդու իրավունքների և ազատ ու արդար ընտրությունների մասին»:

(Այս խոսքերը պատկանում են ԵԽԽՎ շվեդ պատգամավոր Մարիտա դե Պուղբե-Լունդինին: Երեք օր անց հայաստանյան ընտրությունների մասին իր դիտարկումները ներկայացրեց նաև հունգարացի պատգամավոր Մատիաշ Էորշին:)

«Հիմնախնդիրն այն է, որ մենք հաճախ հանդուրժում ենք կեղծված ընտրությունները: Եթե այցելեք վեհաժողովի կայքէջի «Նորություններ» բաժինը` կտեսնեք վերնագրեր` «Մեկ քայլ առաջ դեպի ժողովրդավարություն», բայց մենք բոլորս էլ գիտենք, որ դա ճիշտ չէ: Կարող են լինել որոշ բարելավումներ, սակայն շատ հաճախ խնդրո առարկա ընտրությունները կեղծված են լինում: Եթե մենք ուզում ենք օգտակար լինել այդ երկրներին, ապա պետք է առնվազն ասենք ճշմարտությունը: Շատ հաճախ, երբ քննարկում ենք մեր հարաբերությունները այն անդամ պետությունների հետ, որտեղ ժողովրդավարության պակաս կա, մենք կրկնում ենք, որ պետք է ավելի հիմնավոր խորհրդակցություններ անցկացնենք այդ երկրների իշխանությունների հետ, որպեսզի ընտրություններն ավելի լավ անցնեն, իսկ եթե կան ընտրական կամ վարչական թերություններ, մենք կարող ենք շատ բան անել` բարելավելու այդ ընտրությունները:

Գրողը տանի, ի՞նչ կարող ենք քննարկել այն իշխանությունների հետ մի երկրում, որտեղ ընտրությունները սարքած են, պետք է դա քննարկե՞նք այդ իշխանությունների հետ, պետք է ասե՞նք` մի արեք դա: Իհարկե, նրանք շատ լավ գիտեն, թե ինչ են անում: Ես չեմ կարծում, որ դա խորհրդակցելու խնդիր է: Հայաստանում գլխավոր հիմնախնդիրներից մեկը ընդհանուր անվստահությունն է ժողովրդավարական գործընթացների հանդեպ` կեղծված ընտրությունների պատճառով: Վերջում նրանք, ովքեր պարտություն են կրել, չեն կարող ընտրությունները ոչ լեգիտիմ հայտարարել այն ընթացակարգերի պատճառով, որոնց իրենք արդեն սովորել են: Իհարկե, կարևոր է, թե ով է հաղթում ընտրություններում, սակայն շատ ավելի կարևոր է, որ լայն հասարակայնությունը կարողանա վստահել ու ապավինել Սահմանադրությանը և ընտրական գործընթացներին:

Եվրոպայի ազատականների և ժողովրդավարների ընկերակցությունը լիովին աջակցում է զեկուցողների հանձնարարականներին, որոնք երկխոսության կոչ են անում: Կոչ է արվում նաև ազատ արձակել քաղբանտարկյալներին, սակայն այդ կետը ներկայացվում է ավելի մեղմ ձևակերպմամբ: Նաև կոչ է արվում վերացնել Ընտրական օրենսգրքի փոփոխությունները, որոնք հանգեցրին կեղծված ընտրությունների: Մենք կողմ ենք այդ կոչերին, բայց եթե անկեղծ լինենք, բոլորս էլ գիտենք, որ այդ նախապայմանները չեն բավարարվելու: Ես չեմ կարծում, որ քաղաքական միջավայրն այնպիսին է, որ կառավարությունը կարող է փոխզիջման գնալ»:

© Copyright ArmeniaNow.com (http://armenianow.com/?action=viewArticle&AID=2991&lng=arm&IID=1184&CID=2920)

http://www.tol.cz/look/TOL/article.tpl?IdLanguage=1&IdPublication=4&NrIssue=266&NrSection=2&NrArticle=19553&search=search&SearchKeywords=Armenia&SearchMode=on&SearchLevel=0