PDA

Դիտել ողջ տարբերակը : Օրե՞նք, թե՞ կրիմինալ-օլիգարխների քմահաճույք



Artgeo
02.12.2007, 19:06
Ըստ Ձեզ Հայաստոնում այսօրվա դրությամբ ո՞րն է առաջնայինը, ըստ ինչի՞ են լուծվում քաղաքական հարցերը։ Օրենքի՞, թե՞ կրիմինալ-օլիգարխների քմահաճույքի։ Մի՞գուցե փողի։

REAL_ist
02.12.2007, 19:45
միանշանակա ԹԵ

schuschanik
02.12.2007, 19:45
նախընտրելի է, որ ընտրության մի քանի հնարավորություն լիներ հարցման մեջ, քանզի փողն ու իշխանական օլիգարխական քմահաճույքները մեր օրերում հանգուցված են ։ ;)
Եվ դա ոչ միայն ՀՀ ում այլ գլոբալ մասշտաբով, իզուր չեն ասում " ով վճարում է, նա էլ պատվիրում է երաժշտությունը" ։
Ուղղակի էս անտեր եվրոպական և արևմտյան կառույցները այնքան պռոֆեսիոնալ են ներկայացնում իրենց վարած քաղաքականությունը , որ մեղադրելու տեղ անգամ չի մնում։ Թող չթվա որ իրենք կաշառք չեն վերցնում, ուղղակի իրենց առաջնային նպատակը քաղաքացու հիմանարար իրավունքները հարգելն է, ինչը մեզ մոտ ցավոք սրտի բացակայում է։ Եվ եթե սահմանադրական երկրում սամանադրությունը ուժ չունի, ապա ինչպես ասում է լատինական ասացվածքը" ձուկը գլխից է հոտում" , և այդ ժանտախտը տարածվում է մինչև ոտքերը ։ ճի՛շտն ասած, Արտգեո, լավ կլիներ կոնկրետացնեիր թե որ հարցերի մասին է խոսքը, բայց եթե քաղաքական կամ աշխատանքային հարաբերություններն ի նկատի ունես, ապա միանշանակ մեզ մոտ մութ տեղը լույս են տալիս փողը և լավ իշխանական ծանոթը։

Հ.Գ. և դա նոր երևույթ չէ, մեր հասարակությունը միշտ էլ տառապել է այդ հիվանդությամբ.....

Artgeo
03.12.2007, 15:57
Զավեշտի հասնող տգիտություն
19:37 Yerevan | 15:37 GMT | Friday 30 November 2007
Հեղինե Մանուկյան

«Նոր ժամանակներ» կուսակցության ղեկավար Արամ Կարապետյանին ՀՀ-ում 10 տարվա մշտական բնակության տեղեկանք չտրամադրելը, այն դեպքում, երբ Կարապետյանը 2003-ին մասնակցել է նախագահական ընտրություններին եւ փաստորեն այն ժամանակ բավարարել է ՀՀ Սահմանադրության այդ պահանջին, վկայում է այս իշխանությունների զավեշտի հասնող տգիտության մասին:

Զավեշտն այն է, որ անձնագրերի եւ վիզաների վարչության պետը` Ալվինա Զաքարյանը, չի փոխվել. նա է 2003-ին Ա.Կարապետյանին տվել այդ տեղեկանքը եւ նա է 2007-ին մերժել նրան: Բացի այդ` Ա.Զաքարյանը չի վիճարկում Արամ Կարապետյանի քաղաքացիության հարցը եւ չի նշում, թե ինչն է պատճառը, որ այլ երկրի քաղաքացիություն չունեցող անձին չի տրամադրում նշված փաստաթուղթը: 2005թ.-ին Արամ Կարապետյանը նոր անձնագիր է ստացել, որտեղ առկա է համապատասխան կնիք, ըստ որի` նա 1992թ.-ից գրանցված է եւ բնակվում է Դավիթաշենի 26 շենքի 64 բնակարանում: Հենց այդ նույն հիմքով էլ այս տարվա մայիսին Կարապետյանին տրվել է համապատասխան փաստաթուղթ, որի հիման վրա էլ վերջինս իրավունք է ստացել մասնակցել ԱԺ ընտրություններին: «Դուրս է գալիս շատ հետաքրքիր մի բան` ըստ Սերժ Սարգսյանի, Գորիկ Հակոբյանի, Ռոբերտ Քոչարյանի` երբ պետք է` փաստաթուղթ գոյություն ունի, երբ պետք է` փաստաթուղթ գոյություն չունի: Շախիշախի (նկատի ունի շահնշահի) երկիրն է դառել` տղեք, աջ կանգնեք, տղեք, ձախ կանգնեք, օրենք ընդհանրապես չի գործում, բեսպրեդել, ես ուրիշ խոսք չեմ կարող ասել»:

Մենք փորձեցինք պարզել, թե ինչի հիման վրա, ինչ կերպ է հաշվարկվում մշտական բնակություն ունենալու ցենզը: Սահմանադրագետ Վարդան Պողոսյանը ասաց, որ այն հաշվարկվում է ըստ մշտական հաշվառման վերաբերյալ կարգի, այսինքն` սկսած այն օրվանից, երբ տվյալ քաղաքացին հաշվառվել է տվյալ հասցեում: Պրն Պողոսյանն ասաց նաեւ, որ «իրավակիրառական պրակտիկայում չկա համապատասխան չափման միավոր, ըստ որի հաշվառվի քաղաքացու բնակության ցենզը, թե տվյալ մարդը քանի օր, քանի վայրկյան է ապրել այդ հասցեում եւ այլն: Բավարար է միայն հաշվառված լինելը»: Իսկ ինչ վերաբերում է Արամ Կարապետյանին վերը նշված փաստաթուղթը չտրամադրելուն, դա, ըստ Պողոսյանի, միանշանակ քաղաքական պատվեր է եւ զուրկ իրավական բացատրությունից: Մնում է ենթադրել, որ ՆԺԿ ղեկավար Արամ Կարապետյանից իշխանություններն իրոք զգուշանում են, եւ վերջինիս ընտրական պայքարի ամենասկզբում լիկվիդացնելով, զերծ են մնում ինչ-ինչ վտանգներից: Չէ՞ որ Կարապետյանն իր ասուլիսներից մեկում խոստացել էր, որ գալիք ընտրությունների նախընտրական քարոզարշավի ժամանակ հեռուստատեսությամբ ներկայացնելու է պետական բարձրաստիճան չինովնիկների մասին զարհուրելի կոմպրոմատներ: Երեկ էլ ՆԺԿ ղեկավարը հայտարարեց, որ քանի որ որպես նախագահի թեկնածու չի կարող օգտվել հեռուստաեթերից, իր մոտ եղած «հաստափոր» դոսյեներն, այնուամենայնիվ, ներկայացնելու է հանրությանը: «Ես խնդրելու եմ, որ գրանցված թեկնածուներից ոմանք իրենց օրական եթերի մի բաժինը իմ փողով տրամադրեն ինձ: Յուրաքանչյուր ոք հեռուստատեսությամբ կարող է ելույթ ունենալ որեւէ թեկնածուի օգտին: Եթե իսկապես ընդդիմադիր են, եթե իսկապես մտածում են համակարգը փոխելու մասին, ուրեմն եթեր կտրամադրեն», - վստահեցրեց Կարապետյանը:

http://www.zhamanak.com/article/7675/

Norton
21.01.2009, 01:36
Ըստ Ձեզ Հայաստոնում այսօրվա դրությամբ ո՞րն է առաջնայինը, ըստ ինչի՞ են լուծվում քաղաքական հարցերը։ Օրենքի՞, թե՞ կրիմինալ-օլիգարխների քմահաճույքի։ Մի՞գուցե փողի։

Էս բոլորի միքսնա, մեկ-մեկ օրենքը գործումա, ավելի մեծ հարցերը հարցերը իշխանությունների քմահճույքով ու փողի ձևով, իսկ ավելի փոքրերը հիմնականում փողի:

Ambrosine
21.01.2009, 01:50
Էս բոլորի միքսնա, մեկ-մեկ օրենքը գործումա, ավելի մեծ հարցերը հարցերը իշխանությունների քմահճույքով ու փողի ձևով, իսկ ավելի փոքրերը հիմնականում փողի:
ՀՀ-ում փողն է տալիս իշխանություն

Norton
21.01.2009, 01:53
ՀՀ-ում փողն է տալիս իշխանություն

Հա, բայց իշխանություններին թող տալով էլ ձեռք էս բերում արտոնություն:

REAL_ist
21.01.2009, 01:53
ՀՀ-ում փողն է տալիս իշխանություն
չէի ասի, մարդ կա շատ հարուստա բայց չեն թողում նորմալ աշխատի ու հարցեր էլ լուծել չի կարողանում, պետքա անպայման իշխանության կողմից լինես

Moon
21.01.2009, 02:28
Քվեարկել եմ 2-րդ տարբերակը, բայց ես 2-րդ ու 3-րդը կմիավորեի, որովհետև առանց էդ երկուսի մի քիչ Հայաստանի պատկերը փոխվում ա:think

Ambrosine
21.01.2009, 02:42
չէի ասի, մարդ կա շատ հարուստա բայց չեն թողում նորմալ աշխատի ու հարցեր էլ լուծել չի կարողանում, պետքա անպայման իշխանության կողմից լինես
Եթե հարուստ է, նշանակում է, որ մինչ հարստանալը եղել է իշխանության հետ, իսկ եթե այլևս չեն թողնում՝ աշխատի, նշանակում է, որ այնքան է առաջադիմել, որ իշխանությանը չի ենթարկվում
սա էլ ՀՀ-ի պատկերը
մի տեղ ուժն է ծնում իրավունք, ՀՀ-ում էլ փողն է ծնում իրավունք

REAL_ist
21.01.2009, 02:50
Եթե հարուստ է, նշանակում է, որ մինչ հարստանալը եղել է իշխանության հետ, իսկ եթե այլևս չեն թողնում՝ աշխատի, նշանակում է, որ այնքան է առաջադիմել, որ իշխանությանը չի ենթարկվում
Հայաստանում ուղղակի լիմիտա դրած, չեն թողի ավել հարստանաս, բայց կարաս արտասահմանում հարստանաս մեկա ստեղ փողդ ետքան դեր չի խաղա ինչքան իշխանությունը, ինչին էլ ուժի շնորհիվ են հասնում, տակ շտո Աստղ ջան ոնց քցում բռնում ես ուժն է ծնում իրավունք:D փողն էլ իրա դերը ունի պարզա բայց բավարար պայման չի

Mephistopheles
21.01.2009, 02:56
կասեի իշխանությամբ փող աշխատելու… իսկ "օրենք" կետն իզուր էլ դրել եք… այդ բառն անգամ շուտով բառարաններից պետք է հանել… մեզ մոտ "օրենքները "միայն հարսանիքի, կնունքի, մեռել թաղելու, քելեխ, խաշ ու խորոված ուտելու, բեյբի շաուեր անելու ժամանակ է գործում, էն էլ ոչ ոք չգիտի որն է ճիշտը

Ambrosine
21.01.2009, 03:02
Հայաստանում ուղղակի լիմիտա դրած, չեն թողի ավել հարստանաս, բայց կարաս արտասահմանում հարստանաս մեկա ստեղ փողդ ետքան դեր չի խաղա ինչքան իշխանությունը, ինչին էլ ուժի շնորհիվ են հասնում, տակ շտո Աստղ ջան ոնց քցում բռնում ես ուժն է ծնում իրավունք:D փողն էլ իրա դերը ունի պարզա բայց բավարար պայման չի
ոնց գցում-բռնում եմ Միխելսը ճիշտ ա :D /Օլիգարխիզացիայի երկաթե կանոնը/
Բայց նայի, ստեղ միանշանակ չես կարող ասել՝ իշխանությունը, ուժը.. ես գիտեմ պաշտոնավորներ, որ մյուս պաշտոնյաների պես չեն շորթում. ունեն իշխանություն որոշակի չափով, բայց չունեն փող ու հարկ եղած արտակարգ դրության պայմաններում, իրենք հասարակ քաղաքացիների պես կանգնում են դատարանի առջև: Իսկ եթե փող ունենային, չէին կանգնի. իշխանությունը օգուտ չունի իրենցից

ստացվում է մի զավեշտ, երբ իշխանությունը և փողը /կոռուպցիա/ սերտաճած են, ու չեն կարող մեկն առանց մյուսի գոյատևել:blink

Dorian
21.01.2009, 03:04
Պետությունն օլիգարխներին չի խանգարում հարցեր լուծել, օլիգարխներն էլ իրենց հերթին պետությանը չեն խանգարում ձևացնել, թե հարցեր լուծողն իրենք են ու օրենքը: Կան նաև բացառություններ... Վաճառվում են վերը նշվածների կողմից:

Տրիբուն
21.01.2009, 11:16
ինչ լավ թեմա եք թարմացրել

Ես պատասխանեցի «չգիտեմ», քանի որ հարցի իմաստը չեմ հասկացել: Ի՞նչ հարցերի լուծման մասին է խոսքը: Եթե գործող իշխանությունների կողմից լուծվող ինչ-որ հարցերի մասին է, ապա այդ հարցերը Հայաստանի ու հայ հասարակության հետ ոչ մի կապ չունեն: Դրանք հարցեր են, որոնք վերաբերվում են լուծողների անձնական բարեկեցությանը, տնեցիքին, բիզնեսին, ժամանցին, կայֆերին: Վերջին տաս տարում ՀՀ-ում ընդուված գրեթե բոլոր օրենքներն ու կառավարության որոշումները բացառապես նպատակաուղղված են եղել իշխանության ու դրան մոտ կանգնած մի քանի բաշիբոզուկների բիզնեսը զարգացնելուն: Տակը մնացած օրենքները, որոնք պիտի որ հասարակական օգտակարություն ենթադրեին, երբեք չեն գործադրվել - այսինք ընդունվել են ու ուղարկվել են գրողի ծոցը:

Մենք իշխանություն ահագին ժամանակ է չունենք: Ունենք մի խումբ միշտ սոված սադիստներ, որոնք երկրին վերաբերվում են իրենց հոր բոստանի պես:

Rammstein
21.01.2009, 11:35
Եթե հարուստ է, նշանակում է, որ մինչ հարստանալը եղել է իշխանության հետ
Այո, բայց իշխանությունն էլ է ժամանակի ընթացքում մեկի ձեռքից անցնում մյուսին։ Հնարավոր է` պարզապես այդ հարուստը նոր իշխանության հետ լեզու չի գտնում։

Քվեարկել եմ «Չգիտեմ», քանի որ մարդ բան չի հասկանում` մի օր կարողա (վախից) սկսեն օրենքով գործել, մյուս օրը թքած ունենան։ Իսկ եթե իշխանությունը թքած ունի օրենքի պահպանման վրա, ապա ինքնըստինքյան հարց լուծող է դառնում փողը։

Ambrosine
21.01.2009, 16:30
Այո, բայց իշխանությունն էլ է ժամանակի ընթացքում մեկի ձեռքից անցնում մյուսին։ Հնարավոր է` պարզապես այդ հարուստը նոր իշխանության հետ լեզու չի գտնում։

Քվեարկել եմ «Չգիտեմ», քանի որ մարդ բան չի հասկանում` մի օր կարողա (վախից) սկսեն օրենքով գործել, մյուս օրը թքած ունենան։ Իսկ եթե իշխանությունը թքած ունի օրենքի պահպանման վրա, ապա ինքնըստինքյան հարց լուծող է դառնում փողը։
Իսկ ես չեմ քվեարկել, բայց ինձ ահավոր հետաքրքիր է, թե Օրենքի օգտին քվեարկողն ով է: Չնայած, եթե հաշվի առնենք, թե թեման երբ է բացվել, մի քանի տարբերակ անցնում են մտքովս :think

իսկ իշխանությունների՝ օրենքին հետևելու առումով ասեմ, որ երբ պետությունն ու հասարակությունը շրջանցում են օրենքը, բարոյալքվում է իրավունքը, արժեզրկվում է գործող օրենսդրությունը, որն էլ հանգեցնում է պետաիրավական ոլորտի ոչնչացմանը: Եթե ինչ-որ բան բաց թողեցի, Ռեալիստը թող լրացնի;)