PDA

Դիտել ողջ տարբերակը : Հերթական սպանությունը բանակում



Artgeo
23.10.2007, 01:55
Սպանվել է ծիծաղելու համար. զինվորի սպանությունը ցույց է տալիս, որ բանակում զինակոչիկներին սպառնացող վտանգները չեն վերացել

21-ամյա Գեղամ Սերգոյանը բանակում երդվել էր անձնուրաց ծառայել Հայաստանի Հանրապետությանը, սակայն գնդակահարվեց ոչ թե երդումն ուրանալու, այլ պարզապես ծիծաղելու համար:

Այս տարվա ապրիլի 5-ը Սերգոյանի վերջին երեկոն էր. Ստեփանակերտի 56 հոգանոց ցուցադրական զորամասի հերթապահ մասում ընկերոջ հետ հեռուստացույց էր դիտում, երբ ներս է մտել զորամասի դասակի հրամանատար, լեյտենանտ Հենրիխ Գրիգորյանն ու կասկածելով, որ Սերգոյանը իր վրա է ծիծաղում, 15 սմ հեռավորությունից կրակել է զինվորի գլխին:

«Բառիս բուն իմաստով գնդակահարել են որդուս, ինչի՞ համար, թշնամի՞ էր»,- իր հարցի պատասխանը 7 ամիս անց էլ սպանված զինվորի հայրը` Ռոբերտ Միրզոյանը, չի ստացել:

Ասկերանի շրջանի զինդատախազության իրականացրած նախաքննության արձանագրության մեջ նշված է, որ մեղադրյալ Հենրիխ Գրիգորյանը զինմասից ստանալով «Մակարով» տեսակի ատրճանակ` դուրս է եկել ստուգման:

Վերադառնալով հերթապահ մաս` տեսել է, որ Սերգոյանը և մեկ այլ զինվոր հեռուստացույց են նայում ու ծիծաղում: Ներս է մտել, հարցրել Սերգոյանին, թե ինչո՞ւ է հողաթափերով և ոչ թե համազգեստին համապատասխան կոշիկներով: Սերգոյանը պատասխանել է, որ թույլտվություն ունի, քանի որ մի քանի օր առաջ են բութ մատի եղունգը հեռացրել: Այնուհետև մեղադրյալը սկսել է բղավել, թե ինչո՞ւ եք ծիծաղում:

Պատասխանել են` հեռուստացույցով զվարճալի ծրագիր է: Լեյտենանտն ասել է` չէ, ինձ վրա եք ծիծաղում, ու Սերգոյանին քաշելով պատի մոտ` կրակել է գլխին` ձախ ականջից ներքև:

Տեղի հոսպիտալում չեն կարողացել գնդակը հանել զինվորի ողնուղեղից և ՀՀ ՊՆ հոսպիտալից ավտոմեքենա են պահանջել ու նրան տեղափոխել Երևան:

«Բժիշկներն ասացին` ձեր տղան 99 տոկոսով մահացած է, պետք է պայքարենք մեկ տոկոսի համար: Գիշերվա 2-ին սկսեցին վիրահատությունը, ավարտվեց առավոտյան 8-ին, բայց դա էլ չփրկեց»,- ասում է վշտահար հայրը:

Փաստի առիթով քրեական գործ է հարուցվել: Գրիգորյանին սպառնում է մինչև 12 տարվա ազատազրկում:

Որդու մահից հետո Միրզոյանների ընտանիքն ապրում է արդարության հույսով, որն այս ամիսների ընթացքում քիչ-քիչ նվազել է:

«Հիմա ամեն ինչ անում են, որ մարդասպանի մեղքը մեղմացնեն: Քննությունն այնպես են սարքում, իբր սպանողը հոգեկան հիվանդ է կամ էլ վիրավորանքից դրդված է արել: Մեռածից փող չեն պոկի, իսկ մարդասպանից կարող են փող վերցնել, դա է մեր դատավարության չգրված օրենքը, և ամեն ինչ կանեն, որ շատ չնստի: Համ էլ ղարաբաղցի է, դատն էլ Ղարաբաղում է լինելու»,- զայրանում է Միրզոյանը:

Նա կասկածում է նաև տեղազննության հավաստիությանը, քանի որ դեպքի վայրի զննությունը ներկայացվել է էսքիզով, և ոչ թե լուսանկարներով:

}«Ամբողջ Ստեփանակերտում մի լուսանկարչական սարք չկա՞ր, որ նաև նկարեին»,- ասում է Միրզոյանը` զայրանալով, որ հրամանատարները դեպքից հետո էլ շարունակում են պաշտոնավարել:

«Ո՞ւր էին նայում, չէի՞ն ստուգում` ինչ լեյտենանտներ են ընդունում ծառայության ու պետության հաշվին դրանց 150.000 դրամ ($450) աշխատավարձ վճարում: Ես ընդամենը երեք օրվա ընթացքում պարզեցի, որ այդ մարդասպանը զենքը միշտ մատի վրա պտտեցնելով է ման եկել, բա էդ հրամանատար-գեներալները չէի՞ն տեսնում, ինչո՞ւ նրանց էլ պատասխանատվության չեն ենթարկում»:

Զայրույթն ու արցունքները խեղդում են որդեկորույս հորը, որն անգամ գումար չունի փաստաբան վարձելու համար, իսկ մարդասպանին պաշտպանելու է Հայաստանի լավագույն ու ամենաթանկ փաստաբաններից մեկը` Ռուբեն Ռշտունին:

«Չեմ հավատում արդար դատավճռին: Եթե ես վերահսկող զինդատախազ Ռուբեն Սարգսյանին հարցնում եմ, ախր ո՞նց են ծիծաղելու համար սպանում, նա, շարունակելով ժպտալ, ինձ ասում է` դե, էնպես է ծիծաղել, որ մարդը չի դիմացել, վերցրել` խփել է, ի՞նչ կա այդտեղ զարմանալու, ես էլ ինչ սպասեմ նրանցից»,- անհույս ասում է Միրզոյանը ու պահանջում, որ գոնե դատը տեղափոխեն Հայաստան:

Նա տարբեր ատյաններ է դիմել այդ պահանջով, զինդատախազությանը նման խնդրանքով դիմել է նաև ՀՀ մարդու իրավունքների պաշտպանը, սակայն առայժմ դրական պատասխան չկա:

«Միրզոյանն ու նրա ընտանիքի անդամներն ամեն անգամ Ղարաբաղ հասնելու և մնալու հնարավորություն չունեն: Դեռ հայտնի էլ չէ, թե քանի ամիս կձգվի դատավարությունը, նրանց վիճակն այնքան վատ է, որ նույնիսկ փաստաբան չեն կարող վարձել»,- ասում է Հայաստանի հելսինկյան կոմիտեի նախագահ Ավետիք Իշխանյանը:

Օրենքը պահանջում է, որ դատավարությունն ընթանա այնտեղ, որտեղ տեղի է ունեցել դեպքը, բայց սպանվածի հայրը հարցնում է, թե ինչ օրենքով են իր որդուն տարել Ղարաբաղ:

«Ի՞նչ օրենք, չկա նման օրենք, իմ երեխան երդում է տվել պաշտպանել Հայաստանի Հանրապետությունը, ոչ թե Ղարաբաղը: Գիտե՞ք` քանի պաշտոնյայի եմ ասել` ցույց տվեք ինձ էն օրենքը, որով իմ երեխային տարել եք Ղարաբաղ: Ոչ ոք չի կարողացել պատասխանել, քանի որ չկա նման օրենք»,- ասում է Միրզոյանը:

ՀՀ բանակում ժամկետային զինծառայողների սպանությունների դեպքերը բավական շատ են: Ըստ Իշխանյանի` ոչ պաշտոնական տվյալներով 2005-ին խաղաղ պայմաններում մահացել է 153 զինծառայող, պաշտոնական տվյալներով` 89-ը:

«Ամենասարսափելին այն է, որ մարդասպանների մեծ մասն այսօր ազատության մեջ է,- ասում է Հելսինկյան քաղաքացիական ասամբլեայի Վանաձորի գրասենյակի տնօրեն Արթուր Սաքունցը: - Հիմնականում դատվում են անմեղ երեխաներ, քանի որ չկա վերահսկողություն, քանի որ հրամանատարները նման սպանություններից հետո պաշտոնանկ արվելու փոխարեն կոչումի բարձրացում են ստանում»:

Գայանե Աբրահամյան
«ԱրմենիաՆաուի» թղթակից
http://www.armenianow.com/?action=viewArticle&AID=2550&lng=arm&IID=1156

Marduk
23.10.2007, 10:04
Ամեն տեղ էլ կան հոգեկան հիվանդներ: Քաղաքացիական կյանքում էլ լինում են այսպիսի սահմռկեցուցիչ դեպքեր, երբ մի խանգարված մարդ սկսում է աջ ու ձախ կրակել, ուղղակի բանակում այդպիսի դեպքերը ավելի մեծ հնչեղություն են ստանում:

Պետք չէ թացը չորի հետ խառնել: Մի քանի անձերի խանգարվածությունը վերագրել ամբողջ բանակին ու վարկաբեկել Բանակը որպես ինստիտուտ դա շատ դեստռուկտիֆ գործելակերպ է իսկ Սակունցին խորհուրդ կտայի օդից թվեր չկրակել:

Grieg
23.10.2007, 10:14
Ցավալի դեպք է , հուսանք որ հանցագործը կստանա համապատասխան պատիժը, հակառակ դեպքում պետք է քայլեր ձեռնարկել..
"իմ երեխան երդում է տվել պաշտպանել Հայաստանի Հանրապետությունը, ոչ թե Ղարաբաղը" այս մասը ըստ իս ուղղակի ամոթ է

Աթեիստ
23.10.2007, 10:30
Ամեն տեղ էլ կան հոգեկան հիվանդներ: Քաղաքացիական կյանքում էլ լինում են այսպիսի սահմռկեցուցիչ դեպքեր, երբ մի խանգարված մարդ սկսում է աջ ու ձախ կրակել, ուղղակի բանակում այդպիսի դեպքերը ավելի մեծ հնչեղություն են ստանում:

Պետք չէ թացը չորի հետ խառնել: Մի քանի անձերի խանգարվածությունը վերագրել ամբողջ բանակին ու վարկաբեկել Բանակը որպես ինստիտուտ դա շատ դեստռուկտիֆ գործելակերպ է իսկ Սակունցին խորհուրդ կտայի օդից թվեր չկրակել:

1. Նշեմ որ Սաքունցի խոսքերում թվեր չկան: Թվերից խոսում է Իշխանյանը, ընդ որում, ըստ նրա խոսքերի, 89-ը` պաշտոնական աղբյուրներից:

2. Դու ավելի հավաստի տվյալներ ունե՞ս, թե՞ պարզապես չես սիրում բանակի մասին վատ բաներ լսել:

Ավելացվել է 6 րոպե անց

Ցավալի դեպք է , հուսանք որ հանցագործը կստանա
համապատասխան պատիժը, հակառակ դեպքում պետք է քայլեր ձեռնարկել..
"իմ երեխան երդում է տվել պաշտպանել Հայաստանի Հանրապետությունը, ոչ թե Ղարաբաղը" այս մասը ըստ իս ուղղակի ամոթ է

Ես իմ ծառայության տարիներին (2001-2003թ) զրուցել եմ Ղարաբաղում ծառայած բազմաթիվ մարդկանց հետ, և ես երբեք ամոթանք չեմ տա այն մարդուն, որը կհրաժարվի պաշտպանել Ղարաբաղը:

Fantazy
23.10.2007, 10:44
Մեր բանակի վիճակը իրոք ողբերգական ա: Ես էլ նմանատիպ դեպք գիտեմ, երբ բանակում մի տղայի սառնասրտորեն կախել են (ստիպել են կախվի ու աթոռը բրդել են ոտքի տակից), իսկ դատել են ուրիշ մարդկանց: Իսկ քննիչը այնքան կաշառակեր էր, որ դեպքերից 3 ամիս անց գործ էր հարուցել այն բանի համար, որ ավագը ճաշարանի հերթապահից պահանջել էր իրեն հասանելիքը և չստանալով այն ապտակել էր այդ տղային: Մեղադրանքը ձևակերպել էր մոտավորապես այսպես. Լինելով ավագ չարաշահել է իր պաշտոնական դիրքը, իր խոցված ինքնքսիրությունը վերականգնելու համար դաժանաբար ծեծել է այդ տղային:
Այսքանից հետո արի ու հավատա, որ Հայաստանում արդարություն կա:

Այս ամենը տեղի է ունեցել Հայաստանում!!!

Մականուն
23.10.2007, 10:51
Պետք չէ թացը չորի հետ խառնել: Մի քանի անձերի խանգարվածությունը վերագրել ամբողջ բանակին ու վարկաբեկել Բանակը որպես ինստիտուտ դա շատ դեստռուկտիֆ գործելակերպ է իսկ Սակունցին խորհուրդ կտայի օդից թվեր չկրակել:

Մինչև ինձ արդեն նշվեց, որ Սաքունցը թվերի հետ կապ չունի, ուստի դրան չեմ անդրադառնա:
Խոսքը նրա մասին է, որ մեղմ ասած շատ դեպքերում բանակում կատարված հանցագործության համար պատասխանատվություն են կրում անմեղ զինվորները: Հրամանը քննարկում են միայն այն կատարելուց հետո, եթե ստացվի, եթե կենդանի մնաս, եթե… Ես անձամբ գիտեմ դեպք, երբ դատել են զինվորի, որը հրաման է կատարել: Հրամանատարին 2 անձի կյանք խլող ու 15 ի առողջությանը վնաս հասցնող հրաման տալու համար ոչինչ էլ չպատահեց, մի բան էլ խրախուսելու առիթ գտան, իբր թե փորձել է փրկել մարդկանց կյանքը… Ես տուժողներից մեկն եմ, դատավարության ժամանակ ներկա չգտնվեցի, քանի որ ծանր վիճակում հոսպիտալացված եմ եղել, բայց գտնվող տղաների խոսքերից ստացվեց, որ նրանց խոսքը դատարանը "շան տեղ" չի դրել:
Հիմա, եթե կարելի է, մի փոքր ավելի պարզ բացատրիր, թե որ ասվածի հետ համաձայն չես:

Պանդուխտ
23.10.2007, 11:26
Անկեղծ, կարելի չէ չցաւիլ ու չտառապիլ...ոչ մի հատուցում չի կարող ամոքել ծնողաց վիշտը, սակայն ես կասկածում եմ յօդուածը մէջբերողի մտադրութեան վրայ: Ինչու՞ այս պարագան.-

Այս տարվա ապրիլի 5-ը Սերգոյանի վերջին երեկոն էր
Արձանագրեց եւ ոչ այլ պարագայ մը...
Քանզի այստեղ ներքոյիշեալ տողը կար, մի տող որն ուզում են սրսկել հայի ուղեղում:

Օրենքը պահանջում է, որ դատավարությունն ընթանա այնտեղ, որտեղ տեղի է ունեցել դեպքը, բայց սպանվածի հայրը հարցնում է, թե ինչ օրենքով են իր որդուն տարել Ղարաբաղ:

Արշակ
23.10.2007, 14:21
Ամեն տեղ էլ կան հոգեկան հիվանդներ: Քաղաքացիական կյանքում էլ լինում են այսպիսի սահմռկեցուցիչ դեպքեր, երբ մի խանգարված մարդ սկսում է աջ ու ձախ կրակել, ուղղակի բանակում այդպիսի դեպքերը ավելի մեծ հնչեղություն են ստանում:
Ու դա լրիվ օբյեկտիվ է։ Երբ երկու ընկեր իրար ծեծում են հայրենի քուչում, մեծ աղմուկ հանելու կարիք չկա։ Բայց երբ մարդ են ծեծում/սպանում միլիցիայությունում, սա արդեն պետական խնդիր է ու պետք է աղմուկ բարձրացնել, քանի դեռ պրոբլեմը չի վերացել(չնայած միլիցիայությունում ծեծ ուտելն հասարակության կողմից արդեն որպես նորմալ երևույթ է ընկալվում)։
Նույն ձևով, երբ մեկը սպանվում է քաղաքացիական, անձնական կյանքում, այլ է, քան պետական կառույցներում սպանությունը։ Քանի դեռ նման սպանություններ են լինում, հասարակությունը պարտավոր է բողոքել ու պայքարել դրանց դեմ։ Մի տարում հարյուրին հասնող սպանությունները Հայաստանի պես փոքր երկրի բանակում մեղմ ասած փոքր թիվ չեն։ Ու քանի դեռ չեն պատժվում մեղավորները, նման սպանությունները շարունակվելու են։ Քանի դեռ «սովորական» են նման սպանությունները, մարդիկ մասսայական խուսափելու են բանակից։ Իսկ այդպիսի պայմաններում մարտունակ բանակ չի կարող լինել։


Պետք չէ թացը չորի հետ խառնել: Մի քանի անձերի խանգարվածությունը վերագրել ամբողջ բանակին ու վարկաբեկել Բանակը որպես ինստիտուտ դա շատ դեստռուկտիֆ գործելակերպ է իսկ Սակունցին խորհուրդ կտայի օդից թվեր չկրակել:
Հարգելի՛ Marduk, ոչ ոք այստեղ չի վարկաբեկել բանակը որպես պետական ինստիտուտ։ Բողոքում ենք այն խիստ բացասական երևույթների դեմ, որոնք կան բանակում ու որոնք իսկապես վարկաբեկում են բանակը ու ընդհանրապես պետական ապարատը։ Գլուխներս ջայլամի պես ավազի մեջ մտցնելով պրոբլեմները չեն վերանում։ Ինչքան էլ լռենք, փորձենք կոծկել նման դեպքերը, դրանից բանակն ավելի մարտունակ չի դառնում։ Բանակ գնացած զինվորից չես կոծկի իր շուրջը, իր հետ կատարվածը։ Դուխից ընկած զինվորը մեր չխոսելով ավելի մարտունակ չի դառնա։

Tigran Adunts
23.10.2007, 15:29
Պետք չի հայկական բանակին մեղադրել կատարվածի մեջ: Անտեղի սպանություններ ցանկացած տեղ էլ լինում են: Հայկական բանակի վիճակը տարածաշրջանի համեմատ ՇԱՏ ԼԱՎ վիճակում է գտնվում:
Ինչքան էլ կանոնավոր լինի բանակը, մեկա նման դեպքեր պատահում են(((

Աթեիստ
23.10.2007, 16:15
Պետք չի հայկական բանակին մեղադրել կատարվածի մեջ: Անտեղի սպանություններ ցանկացած տեղ էլ լինում են: Հայկական բանակի վիճակը տարածաշրջանի համեմատ ՇԱՏ ԼԱՎ վիճակում է գտնվում:
Ինչքան էլ կանոնավոր լինի բանակը, մեկա նման դեպքեր պատահում են(((

Միայն բանակում է (համենայն դեպս հայկական), որ անտեղի սպանությունների 99%-ի դեպքում կամ ոչ-ոք չի պատժվում, կամ պատժվում է որևէ քավության նոխազ:

Երբ մի զինվորն սպանում է 4 այլ զինվորների և ինքնասպան լինում, երբեք չեն մեղադրում ղեկավարությանը: Պրոբլեմը վերագրվում է միջանձնային սխալ հարաբերություններին, առանց քննարկելու թե ինչու առաջացան նման հարաբերությունները:

Array
23.10.2007, 16:22
Ցավալի բան ա,հասկանում եմ,որ հոր վիճակն էլ ա ցավալի, էտ էլ եմ հասկանում: Բայց ինչ ուզում եք ասեք, ավելի ցավալի ա մեր էս մտածելակերպը

Համ էլ ղարաբաղցի է, դատն էլ Ղարաբաղում է լինելու

«Ի՞նչ օրենք, չկա նման օրենք, իմ երեխան երդում է տվել պաշտպանել Հայաստանի Հանրապետությունը, ոչ թե Ղարաբաղը: Գիտե՞ք` քանի պաշտոնյայի եմ ասել` ցույց տվեք ինձ էն օրենքը, որով իմ երեխային տարել եք Ղարաբաղ: Ոչ ոք չի կարողացել պատասխանել, քանի որ չկա նման օրենք»,- ասում է Միրզոյանը: Ղարաբաղցին ու Հայաստանցին ո՞րն ա:Լավ ա չի ասում,թե իրա տղան երդվել էր պաշտպանել Երևանը (տարբերությունը ո՞րն ա)


ՀՀ բանակում ժամկետային զինծառայողների սպանությունների դեպքերը բավական շատ են: Ըստ Իշխանյանի` ոչ պաշտոնական տվյալներով 2005-ին խաղաղ պայմաններում մահացել է 153 զինծառայող, պաշտոնական տվյալներով` 89-ը:
Հա, հասկացանք,որ էտքան զինվոր ա սպանվել մեր բանակում 2005-ին,բայց ով ա ասում,որ բոլորը հայերի ձեռքով ,հը՞,բա պատերազմի մեջ ենք, ի՞նչ եք ուզում

Ավելացվել է 2 րոպե անց

Միայն բանակում է (համենայն դեպս հայկական), որ անտեղի սպանությունների 99%-ի դեպքում կամ ոչ-ոք չի պատժվում, կամ պատժվում է որևէ քավության նոխազ:
Իա:Lավ է:o էտ որտեղից քեզ էտ հաշվետվությունը

schuschanik
23.10.2007, 16:30
:( ձուկը գլխից է հոտում... եթե այսօրվա մեր Ազատ Անկախ ՀՀ– ում նույնիսկ փողոցով քայլելիս քաղաքացու կյանքն անգամ վտանգված է , որովհետև նա կարող է որևիցէ քաղաքական հաշվեհարդարի անմեղ զոհ դառնալ , ապա էլ ուր մնաց որ այդ ժանտախտով չվարակվեն նրա կողմից վերահսկվող կառույցները.

Ձայնալար
23.10.2007, 17:29
Չեմ կարծում թե շատ օրիգինալ միտք եմ հայտնում, բայց քանի դեռ սպան կարող է զինվորի հետ վարվել ինչպես անասունի հետ և մնալ անպատիժ, հաստատ կգտնվեն այդպիսի կիսամարդ «պագոնավորներ»: Իսկ ինչու՞ չեն ուզում երկրի ղեկավարները բանակը սարքել ոչ այդքան սարսափելի: Միգուցե չե՞ն ուզում հրաժարվել միլիոններից, որոնք ծախսում են մարդիկ բանակից ազատվելու, արձակուրդ վերցնելու, համեմատաբար նորմալ զորամասում ծառայելու և այլնի համար: Բացի այդ բանակը շատ լավ լծակ է որոշ մարդկանց վրա ազդելու համար՝ «խելոք մնա թե չէ տղայիդ բանակ կտանեմ»: Կամ միգուցե կան բոբո-բանակ պահելու այլ դրդապատճառներ, բայց մի բան հաստատ գիտեմ, որ բանակում կան խնդիրներ, որոնք մի շաբաթում կարելի է լուծել ու չեն լուծվում կամ լուծվում են 10 տարում:

Lider2006
23.10.2007, 19:02
Ամեն տեղ էլ կան հոգեկան հիվանդներ: Քաղաքացիական կյանքում էլ լինում են այսպիսի սահմռկեցուցիչ դեպքեր, երբ մի խանգարված մարդ սկսում է աջ ու ձախ կրակել, ուղղակի բանակում այդպիսի դեպքերը ավելի մեծ հնչեղություն են ստանում:
:

Բայց ետ աննոռմալին որ զենք եին տալիս, լեիտենենտի կոչում էին տալիս, ու հլ մի բան ել զենքով ուղարկում էին ստուգման, չգիտեին որ մեղմասած հոգեկան հիվանդա: քաղաքացիական կյնքում գոնե մարդ կարա իրա սենյակ մտած աննոռմալին ծեծի լարի, կամ չթողի որ իրա տուն մտնի: համել քաղ. կյանքում դժվարա զենք ճարելն ու պահելը: Ստացվեց որ ետ անասունին կոչում ու զենք տվողնա մեզավոր: Ետ տղու հոր տեղը լինեի դրան նստել հելնելուց հետո նույն ձևով կսպանեի,ու եթե դատի ժամանակ ասեի թե խի եմ սպանել հազիվ ել 3-4տարի տային:

Marduk
23.10.2007, 22:02
Ես իմ ծառայության տարիներին (2001-2003թ) զրուցել եմ Ղարաբաղում ծառայած բազմաթիվ մարդկանց հետ, և ես երբեք ամոթանք չեմ տա այն մարդուն, որը կհրաժարվի պաշտպանել Ղարաբաղը:

Ղարաբաղը կազմում է ՀԱՅԱՍՏԱՆԻ մաս: Եվ եթե ինչ որ մեկը ինձ փորձի ապացուցել որ Ղարաբաղը Հայաստան չի ես նրան ուղղակի հայ չեմ համարի: Այնպես որ այստեղ ամոթի խնդիր չի: Այստեղ Հայ լինել չլինելու խնդիր է:

Բանակում տեղի ունեցած ցանկացած սպանություն դատապարտելի է, և բոլոր հանցագործները պետք է ՊԱՏԺՎԵՆ, իսկ եթե չեն պատժվում ապա հասարակությունը կամ զոհերի հարազատները իրավունք ունի ԻՆՔՆՈՒՐՈՒՅՆ հաշվեհարդար տեսնել բացահայտ մարդասպանների հետ եթե դա չի անում պետական համակարգը:

Ինչ վերաբերվում է Իշխանյանին ու Սակունցին ապա ես այդ մարդկանց չեմ վստահում, այն պարզ պատճառով որովհետև նրանց կազմակերպությունները դրսից սնուցվող կազմակերպություններ են: Այսինքն նրանք օբյեկտիվ չեն, հատկապես բանակին վերաբերվող հարցերում:

Պանդուխտ
23.10.2007, 22:06
Ղարաբաղը կազմում է ՀԱՅԱՍՏԱՆԻ մաս:
:hands

Ավելացվել է 1 րոպե անց

Ղարաբաղը կազմում է ՀԱՅԱՍՏԱՆԻ մաս:
Իսկ այստեղ, կարող են ոմանք հասնել մոդերատորի կարգին, Արցախը համարելով հողը թուրքին:
Ափսոս քեզ հայ ժողովուրդ, այսպիսիներ կան ներսումդ:

Artgeo
23.10.2007, 22:26
Բանակում տեղի ունեցած ցանկացած սպանություն դատապարտելի է, և բոլոր հանցագործները պետք է ՊԱՏԺՎԵՆ, իսկ եթե չեն պատժվում ապա հասարակությունը կամ զոհերի հարազատները իրավունք ունի ԻՆՔՆՈՒՐՈՒՅՆ հաշվեհարդար տեսնել բացահայտ մարդասպանների հետ եթե դա չի անում պետական համակարգը:

Շատ հզոր էր: Այսինքն հարգելիս ըստ ձեզ Լինչի դատաստանները ավելի ու ավելի շա՞տ պիտի լինեն Հայաստանում: Սպանեցի՞ն քո ընկերոջը, սպանիր և դու: Շատ լավ կարգախոս է:

:[

dvgray
23.10.2007, 22:56
Ցավալի բան ա,հասկանում եմ,որ հոր վիճակն էլ ա ցավալի, էտ էլ եմ հասկանում: Բայց ինչ ուզում եք ասեք, ավելի ցավալի ա մեր էս մտածելակերպը

Աստված չանի իհարկե. բայց ստիպված եմ ուշքի գալու խնդրանքով դիմել բոլորիտ ու ասել, որ էլի Աստված չանի իհարկե սակայն երբ որ էտ երեխու տեղը կլիներ քո երեխեն, ապա էն ժամանակ կասեիր, թէ ինչն է ավելի ցավալի:
Լրիվ վայրենացե՞լ եք ի՞նչ է:
Ցինիկ վուլգարությունն էլ սահման ունի, խելքի եկեք:
Մարդը զավակ է կորցրել, իսկ դուք արվեստի ճյուղերից եք ճոռոմաբանում :[:
:(

Ambrosine
24.10.2007, 00:37
Ցավալի բան ա,հասկանում եմ,որ հոր վիճակն էլ ա ցավալի, էտ էլ եմ հասկանում: Բայց ինչ ուզում եք ասեք, ավելի ցավալի ա մեր էս մտածելակերպը
Ղարաբաղցին ու Հայաստանցին ո՞րն ա:Լավ ա չի ասում,թե իրա տղան երդվել էր պաշտպանել Երևանը (տարբերությունը ո՞րն ա)Ես կարծում եմ, որ այդ մարդը հուսահատությունից, արդեն չիմանալով, թե ինչ անի, որ պատժի ոճրագործին, կամ գոնե այն մարդկանց, որոնք իր որդուն տարել են Ղարաբաղ, դրա համար է ասել այսպես: Բայց մի կողմից էլ, սա շատ ուժեղ հաղթաթուղթ է հոր ձեռքում: Քանի որ իր որդին ՀՀ քաղաքացի է, իր քաղաքացիական պարտքը ՀՀ-ին, այլ ոչ թե ԼՂՀ-ին պաշտպանելն է, նա իրավական հիմք ունի դատի տալու զորակոչողներին: Հասկանում եմ, որ Ղարաբաղը մերն ա, բայց պաշտոնապես մեր ՀՀ-ի մեջ չի, մենք էլ ԼՂՀ քաղաքացիներ չենք

Աստված չանի իհարկե. բայց ստիպված եմ ուշքի գալու խնդրանքով դիմել բոլորիտ ու ասել, որ էլի Աստված չանի իհարկե սակայն երբ որ էտ երեխու տեղը կլիներ քո երեխեն, ապա էն ժամանակ կասեիր, թէ ինչն է ավելի ցավալի:
Լրիվ վայրենացե՞լ եք ի՞նչ է:
Ցինիկ վուլգարությունն էլ սահման ունի, խելքի եկեք:
Մարդը զավակ է կորցրել, իսկ դուք արվեստի ճյուղերից եք ճոռոմաբանում :[:
:(

Ես էի ուզում գրել այսպիսի տողեր: Այստեղ ուղղակի մենք մեզ տուժածների տեղը պետք է մի պահ դնենք: Եթե մի քիչ մեծ լինեի, ես այս ընտանիքին կօգնեի.......ավաղ.....

TigranM
24.10.2007, 01:02
Խոսքեր չեմ գտնում ասելու: Իրոք որ ահավոր է:
Թերարժեքության սինդրոմով տառապող այդպսի շիզոֆրենիկներին մահապատիժնելա քիչ: Ամենա ցավալին ենա, որ ոչ մի հեռուստատեսություն չի ահազանգել այս դեպքի մասին: Իսկ եթե ասենք մի ցնդած քաղաքական գործիչ ինչ որ հայտարարություն է անում օրը մի տաս անգամ ցուցադրում են:

Աթեիստ
24.10.2007, 09:00
Բոլոր իմ խոսքերը քննադատողներին (մասնավորապես Մարդուկ, Պանտուխտ)

Հայտարարում եմ
Ես չեմ պատրաստվում Ղարաբաղը ճանաչել որպես Հայաստանի մաս, քանի դեռ ինքը Ղարաբաղը դա չի ճանաչել (գոնե հոգու խորքում): Դուք չեք, որ պետք է որոշեք մարդու Հայ լինել կամ չլինելը:

Կրկնում եմ, Ես լսել եմ բազմաթիվ պատմություններ Ղարաբաղում ծառայած զինվորներից, Հայերի (կրկնում եմ Հայերի, ոչ թե Հայաստանցիների) նկատմամբ Ղարաբաղցիների վերաբերմունքի մասին, և դա ինձ հիմքեր է տալիս նրանց համարել բոլորովին այլ ԱԶԳ: !!!

Մականուն
24.10.2007, 09:36
Որքան հասկացա քննարկման թեման հանցագործությունից արդեն տեղափոխվել է Հայ և Ղարաբաղցի տարբերության քննարկմանը:
Եթե շփված և ինչու չէ ծառայած լինեիք Ղարաբաղում, ապա կիմանաիք, որ նշված տարբերությունը դրել են հենց Ղարաբաղցիները: Ղարաբաղում ՀՀ քաղաքացուն հայ չեն անվանում, նա Հայաստանցի է ու իրենցից երբեք չի էլ եղել:

Ուրվական
24.10.2007, 09:43
21-ամյա Գեղամ Սերգոյանը բանակում երդվել էր անձնուրաց ծառայել Հայաստանի Հանրապետությանը, սակայն գնդակահարվեց ոչ թե երդումն ուրանալու, այլ պարզապես ծիծաղելու համար:

«Բառիս բուն իմաստով գնդակահարել են որդուս, ինչի՞ համար, թշնամի՞ էր»,- իր հարցի պատասխանը 7 ամիս անց էլ սպանված զինվորի հայրը` Ռոբերտ Միրզոյանը, չի ստացել:



Կբացատրե՞ք սա: Այդ երբվանից են Հայաստանում հայրը և տղան տարբեր ազգանուններ ունենում:think:

Marduk
24.10.2007, 12:32
Հայտարարում եմ
Ես չեմ պատրաստվում Ղարաբաղը ճանաչել որպես Հայաստանի մաս, քանի դեռ ինքը Ղարաբաղը դա չի ճանաչել (գոնե հոգու խորքում): Դուք չեք, որ պետք է որոշեք մարդու Հայ լինել կամ չլինելը:

Իսկ ինչի համար է կռվել Ղարաբաղը ու ինչի համար են էդքան զոհ տվել, որ ի՞նչ լինեն: Հայաստան ասելով ես նկատի չունեմ ՀՀ: ՀՀ-ն դա իրավաբանական կատեգորիա է: Իսկ ՀԱՅԱՍՏԱՆԸ հոգևոր բարոյական: Այսօր Ղարաբաղը կազմում է Հայաստանի մաս ու միշտ էլ կազմելու, իսկ թե կոչվելու է ԼՂՀ , թե ՄՂՀ կամ էլ ինչ որ ՀՀ2 արդեն կարևոր չի:

Ես նորից եմ կրկնում, իմ համար, Հայ չի էն մարդը որը համարում է թե Ղարաբաղը դա Հայաստան չի: Ու կարևոր չի ինքը ինչացու է, երևանցի է, ղարաբաղցի է, թե սասունցի: Նույն ձևով այդ մարդը վաղը կարող է ասել թե Երևանը կամ Մեղրին դա Հայաստան չի որովհետև որոշ երևանցիներ իրենց չեն համարում Հայաստանի մաս իրենց սրտի խորքում: Ի դեպ այդպիսին լիքն են Երևանում: Երևանը այսօր կամաց կամաց դառնում է Հայաստանի ամենաապահայկականացած մասը, իր մենթալիտետով ու ներքին զգացողությամբ: Ցավոք

Apsara
24.10.2007, 13:04
Ահավոր ցավալի դեպքա, ինչ խոսք դեռ բոլոր համակարգերում էլ այդպիսի մարդիք աշխատում են, թե բանակում, թե հիվանդանոցներում, թե դպրոցներում, դա նրանիցա, որ ՀԾԲ-ի օգնությամբ են աշխատանքի ընդունվում, այլ ոչ թե իրենց սեփական կարողություններով:
Ցավակցում եմ նրա ընտանիքին, հիմի ինչ էլ լինի, ուզումա այդ մարդուն մահապատժի ենթարկեն, մեկ է որդուն հետ չես բերի:(

Հ.Գ. Կներեք թեմայից դուրս գրառում անելու համար:oy
:angryԺողովուրդ կարդում եմ, աչքերիս չհավատալով, ինչ ղարաբաղցի ինչ հայաստանցի, հայ ու վսո, կամ ով ասեց, որ ղարաբաղի բնակիչները այդպիսի տարբերություն են դնում, ախր բազմիցս եղել եմ այնտեղ, ճիշտ է չեմ ծառայել, բայց շփվել եմ, նորմալ մարդիք են նորմալ հայեր:
Ի դեպ երևի մեր պապերը էշ էին, որ գնացին պայքարեցին, կռվեցին, զոհվեցին, որ այսօր իրենց զավակները ասեն, "ես Ղարաբաղը Հայաստանի մաս չեմ համարի մինչև…", էս փոքր տեղը ռասիզմով եք տառապում:angry, եղաչ չեղածներս ինչա մեկ էլ սկսել եք առանձնացնել ըստ մարզերի, մնումա թաղամասերով առանձնացնեք ու հանձնաժողով դնեք, որ որոշի ովա հայ ով չէ:angry

հ.գ.2 մի հատ առանձին այսպիսի թեմա կաչող են բացել մոդեռները ու էս գրառումները տեղափոխել այնտեղ

Աթեիստ
24.10.2007, 13:14
Իսկ ինչի համար է կռվել Ղարաբաղը ու ինչի համար են էդքան զոհ տվել, որ ի՞նչ լինեն:

Արյուն թափելու և զոհ տալու փաստը դեռ երբեք չի համարվել պահանջի արդարացի լինելու ապացույց:


Ես նորից եմ կրկնում, իմ համար, Հայ չի էն մարդը որը համարում է թե Ղարաբաղը դա Հայաստան չի: Ու կարևոր չի ինքը ինչացու է, երևանցի է, ղարաբաղցի է, թե սասունցի:

Երբ նույն կերպ կսկսեն մտածել Ղարաբաղցիները (որոնց դու համարում ես Հայ, հակասելով ինքդ քեզ), ես էլ նրանց կհամարեմ Հայ:

Marduk
24.10.2007, 13:18
Աթեիստ

Ձեր խոսքերի մեջ կա հակասություններ և բացահայտ երկակի ստանդառտի կիրառում
Դուք գրում եք


Կրկնում եմ, Ես լսել եմ բազմաթիվ պատմություններ Ղարաբաղում ծառայած զինվորներից, Հայերի (կրկնում եմ Հայերի, ոչ թե Հայաստանցիների) նկատմամբ Ղարաբաղցիների վերաբերմունքի մասին, և դա ինձ հիմքեր է տալիս նրանց համարել բոլորովին այլ ԱԶԳ: !!!

Այսինքն դուք իրավունք ունեք որոշելու որ 150.000 -անոց հանրությունը հայ չի, և այլ ազգ է, իսկ դրանից հետ գրում եք


Դուք չեք, որ պետք է որոշեք մարդու Հայ լինել կամ չլինելը:

Այսինքն դուք իրավունք ունեք ինչ որ բաների հիման վրա որոշել թե 150.000 մարդը հայ են թե ոչ, իսկ ես ըստ ձեզ իրավունք չունեմ, ձեր սեգրեգացիոնիստական խոսքերի հիման վրա որոշելու դուք հայ եք թե ոչ:

Ձեր տրամաբանությամբ ես լիովին ունեմ դրա իրավունքը:

Ավելացվել է 8 րոպե անց

Երբ նույն կերպ կսկսեն մտածել Ղարաբաղցիները (որոնց դու համարում ես Հայ, հակասելով ինքդ քեզ), ես էլ նրանց կհամարեմ Հայ:

Ի դեպ մի քանի խոսք այս ֆորումի մոդերատորներին:

Երբ այս ֆորումում եմ, մեկն ու մեկը գրում է օրինակ որ բոլոր հրեաները ատում են հայերին ապա դա համարվում է անտիսեմիտիզմ ու կասեցվում է նման թեմաների առաջխաղացումը:

Այստեղ մարդիկ ազատորեն հայտարարում են թե բոլոր անխտիր բոլոր Ղարաբաղցիները իրենց հայ չեն զգում ու իրենց Հայաստան չեն համարում, և չգիտես ինչու մոդերատորական կազմը հանգիստ է նայում այդպիսի բացահայտ թշնամանքի հրահրման դեպքերին մի ամբողջ հասարակության հանդեպ:

Աթեիստ
24.10.2007, 13:52
Marduk-ին
1. Եթե որևէ օրինակ վրացի, որոշի որ իրեն ավելի հոգեհարազատ են հայերը, և ցանկանա դառնալ Հայաստանի քաղաքացի, ես առանց երկմտելու կընդունեմ նրան որպես հայ:
2. Եթե հայը, (ծագումով, անկախ քաղաքացիական պատկանելությունից) չի ցանկանցում լինել հայ, որ իրեն նույնացնեն հայերի հետ, ինչպե՞ս կարող եմ ես նրան համարել հայ:
Հայաստանում բնակվում են բազմաթիվ եզդիներ, որոնք Հայաստանի քաղաքացի են, բայց դրանով նրանք չդարձան Հայ, ընդամենը` ազգային փոքրամասնություն:
Իսկ Ղարաբաղցիները նույնիսկ Հայաստանի քաղաքացիություն չունեն:

Tigran Adunts
24.10.2007, 14:25
Միայն բանակում է (համենայն դեպս հայկական), որ անտեղի սպանությունների 99%-ի դեպքում կամ ոչ-ոք չի պատժվում, կամ պատժվում է որևէ քավության նոխազ:

99% անարդարություն նույնիսկ բանտերում չեն լինում: Էտ ինչ թվեր են? :O
Հետո էլ մենակ բանակում չի այդպես :))

dvgray
24.10.2007, 14:43
2. Եթե հայը, (ծագումով, անկախ քաղաքացիական պատկանելությունից) չի ցանկանցում լինել հայ, որ իրեն նույնացնեն հայերի հետ, ինչպե՞ս կարող եմ ես նրան համարել հայ:

Հարգելիս:
Բազմաթիվ անգամներ եղել եմ Արցախում, ունեմ մոտ բարեկամներ այնտեղ /ծնունդով ղարաբաղցի չեմ/:
Չբացառելով քո տեսախը ու լսածը, ասեմ ,որ երբևէ չեմ տեսել քո ասածը:

Ասեմ նաև իմ լսածը Արցախի բանակի մասին: Բավականին կազմակերպված բանակ է: Բավականին մաքուր /բառիս բոլոր իմաստներով/: Եթե ինչ-որ ծանոթ բարեկամ գնում է ծառայության, խորհուրդ եմ տալիս ամեն ինչ անել Արցախում ծառայելու համար: Ունեմ երկու մոտ զինվորականներ, որոնք կռվել, վիրավորվել, ծառայել ու ծառայում են այդ բանակում պատերազմի տարիներից սկսած: Համեմատել անգամ չի կարելի, այն ինչ որ տեսել ու լսել եմ նրանցից, քո գրածների հետ: Համեստ են, ձգտումների մեջ հավասարակշիռ: Ամեն մի նորակոչիկի համար այնպիսի ապրումներ են ունենում, որ նրանց սեփական ծնողներն անգամ չեն ունենում:
Բայց միևնույն ժամանակ բողոքում են մեր ակադեմիայի նորաթուխ սպաներից, որոնք սկսում են որոշ չափով ապականել Արցախի բանակը երևանյան հոռի, փողոցային բարքերով: Բողոքում են, որ նրանք վերացնում են սպա-զինվոր հարաբերությունների հարգանքը: Բողոքում են, ու կտրուկ միջոցներ ձեռք առնում նրանց կարգի բերելու համար :):
Մի խոսքով…

Մականուն
24.10.2007, 15:29
Բավականին կազմակերպված բանակ է: Բավականին մաքուր /բառիս բոլոր իմաստներով/: Եթե ինչ-որ ծանոթ բարեկամ գնում է ծառայության, խորհուրդ եմ տալիս ամեն ինչ անել Արցախում ծառայելու համար: Ունեմ երկու մոտ զինվորականներ, որոնք կռվել, վիրավորվել, ծառայել ու ծառայում են այդ բանակում պատերազմի տարիներից սկսած: Համեմատել անգամ չի կարելի, այն ինչ որ տեսել ու լսել եմ նրանցից, քո գրածների հետ: Համեստ են, ձգտումների մեջ հավասարակշիռ: Ամեն մի նորակոչիկի համար այնպիսի ապրումներ են ունենում, որ նրանց սեփական ծնողներն անգամ չեն ունենում:

Կներես, բայց սրտաճմլիկ տողեր ես գրել, որոնք մոտս թեթև ժպիտ առաջացրեցին: Դու ծառայե՞լ ես, որտե՞ղ:

dvgray
24.10.2007, 15:38
Կներես, բայց սրտաճմլիկ տողեր ես գրել, որոնք մոտս թեթև ժպիտ առաջացրեցին: Դու ծառայե՞լ ես, որտե՞ղ:

Կներես, բայց իմ անձնական զինվորական ուղին քննարկելու կարիք չկա:
Հ.Գ. Այժմ իմ այդ նշած մոտիկներից մեկը ակադեմիայում 6 ամսյա վերապրաստում է անցնում: Հարցեր ունե՞ս, կարող եմ կիրակի կազմակերպել հատուկ քո համար հանդիպում նրա հետ: Ասեմ, որ նա արդեն 15 և ավել տարի է, ծառայում է Ասկերանի զորամասում:
Հ.Գ. Ոչ մեկի սիրտն էլ ճմռելու ցանկություն չունեի, առավել ևս, հաշվի առնելով, որ գրականության բաժնում չենք: Գրել եմ այն, ինչ գիտեմ: Կարող եմ գրել նաև 1995թ. Արցախում գործարկված լազերի հետ կապված Արցախյան բանակի կադրային սպաների հետ իմ երկարատև շփման լիքը մանրամասներ: Եթե հետաքրքիր է: Սակայն դա ուրիշ թեմայի նյութ է ;):

Արշակ
24.10.2007, 15:50
Ես ղարաբաղցի եմ։ Ծնվել ու ապրել եմ Երևանում։ Պապս՝ Բագրատ Ուլուբաբյանը, ղարաբաղյան շարժման հիմնական նախաձեռնողներից ու ոգեշնչողներից մեկն է եղել։ Դժվար թե գտնվի որևէ ղարաբաղցի, որ չճանաչի նրան։ Ամբողջ կյանքում պայքարել ու ստեղծագործել է Արցախի ու Հայաստանի համար։ Բազմաթիվ մարդկանց համար նա ղարաբաղցու ու հայի էտալոն է եղել։
Ես ինձ միշտ ղարաբաղցի հայ եմ համարել։ Ու խորապես թքած ունեմ բոլոր նրանց վրա, ովքեր ղարաբաղցուն, գորիսեցուն կամ աբարանցուն հայ չեն համարում։



Իսկ Ղարաբաղցիները նույնիսկ Հայաստանի քաղաքացիություն չունեն:
Աթեիստ, իսկ են, որ այսօրվա քաղաքական իրավիճակում ղարաբաղցին ՀՀ քաղաքացիություն չունի, քեզ ոչ մի հիմք չի տալիս նրան հայ չհամարելու։ Վաղը եթե անձնագիրդ մեկը գողանա, չես դադարելու հորդ տղեն լինել։ Թե՞ դադարելու ես։ :think

Հ. Գ.
Գտնում եմ, որ այս վեճում մոդերատորական միջամտությունը տեղին չի լինի։

Մականուն
24.10.2007, 16:31
Այժմ իմ այդ նշած մոտիկներից մեկը ակադեմիայում 6 ամսյա վերապրաստում է անցնում: Հարցեր ունե՞ս, կարող եմ կիրակի կազմակերպել հատուկ քո համար հանդիպում նրա հետ: Ասեմ, որ նա արդեն 15 և ավել տարի է, ծառայում է Ասկերանի զորամասում

Խոսքը կադրային սպայի ծառայության մասին չէր, ինձ թվում է դա այնպես էլ պարզ էր: Ես խոսում եմ ՀՀ քաղաքացի ժամկետային զորակոչիկի ԼՂՀ-ի բանակում ծառայելու մասին:

Apsara
24.10.2007, 16:35
Խոսքը կադրային սպայի ծառայության մասին չէր, ինձ թվում է դա այնպես էլ պարզ էր: Ես խոսում եմ ՀՀ քաղաքացի ժամկետային զորակոչիկի ԼՂՀ-ի բանակում ծառայելու մասին:

Մականուն ջան, ճիշտն ասած 2 եղբայրներս էլ /մորաքրոջ տղաներ/ Ղարաբաղում են ծառայել, մեկծը քո հասակակիցն է ու ես գիտեմ թե ձեր ժամանակ ինչպես է եղել, բայց հիմա փոխվել է շատ բան ու բոլորն են ասում, որ ավելի լավ է Ղարաբաղում քան այստեղ:think

Մականուն
24.10.2007, 16:55
Մականուն ջան, ճիշտն ասած 2 եղբայրներս էլ /մորաքրոջ տղաներ/ Ղարաբաղում են ծառայել, մեկծը քո հասակակիցն է ու ես գիտեմ թե ձեր ժամանակ ինչպես է եղել, բայց հիմա փոխվել է շատ բան ու բոլորն են ասում, որ ավելի լավ է Ղարաբաղում քան այստեղ:think

Aspara ջան:), իմ տեղեկությունները ԼՂՀ բանակից իմ ծառայության տարիներից չեն, ավելի թարմ են: Ես էլ ծառայել եմ ոչ թե ԼՂՀ, այլ ՀՀ բանակում, բայց ոչ ՀՀ-ում, ոչ էլ ԼՂՀ-ում, այլ գրաված տարածքում: Ավելի պարզ ասած ՀՀ զորքն էր, բայց քանի որ պաշտոնապես ՀՀ բանակը չէր մասնակցում պատերազմին, դիտորդների համար դա ԼՂՀ բանակն էր ու դրա համար գրպանում պահում էի ԼՂՀ բանակի տարբերիչ նշաններ՝ պետք եկած ժամանակ հագուստին ամրացնելու համար:

dvgray
24.10.2007, 16:55
Մականուն;
Նույնը նաև քո նշած դեպքում: Բազմաթիվ ծառայող պատանիներ են վերադարձել Արցախից: Բողոքները եղել են ստանդարտ, ամբողջ բանակին վերաբերվող:
Զինվորը ամեն տեղ էլ զինվոր է: 18 տարեկան պատանի /երեխա/:
Միշտ էլ դեմ եմ եղել այդ տարիքում երեխային /այո ՝ երեխային, քանի որ 18 տարեկանում տղան հլա դեռ երեխա է/ բանակ զորակոչելուն: Դա պետք է արվի ավելի բարձր տարիքում /գոնե 21,22, 23/: Իսկ ավելի լավ է արվի ամեն տարի: Ու բոլորս տարեկան 1- 2 ամիս ծառայենք բանակում: Շվեցարական բանակի նման:
Դրանով շատ հարցեր կլուծվեր:
Պետք է հիշել, որ 18 տարեկան զորակոչը կրկնօրինակվել է սովետական բանակից, որտեղ կառավարման միակ ընդունված ձև դա զինվորին վախեցած պահելն էր:
Մեր բանակը պետք էր կառուցել ուրիշ սկզբունքի վրա: Առաջին հերթին իր տունը, ընտանիքը, երկիրը պահողի, պաշտպանողի արժանապատվության վրա: Փոքր, փոքրաթիվ երկիր ենք: Պետք է պարզ հասկանանք, որ եթե մեր երեխան 2 տարի, իր մարդկային կազմավորման շրջանում գտնվում է վախի միջավայրում, ապա դրա արդյունքների վրա վաղը, քաղաքացիական կյանքում լաց ենք լինելու:
Մեզ զոմբիներ բանակում պետք չեն: Մեզ պետք են մտածող, արժանապատիվ զինվորներ, քաղաքացիներ:

Մականուն
24.10.2007, 16:56
Մականուն ջան, ճիշտն ասած 2 եղբայրներս էլ /մորաքրոջ տղաներ/ Ղարաբաղում են ծառայել, մեկծը քո հասակակիցն է ու ես գիտեմ թե ձեր ժամանակ ինչպես է եղել, բայց հիմա փոխվել է շատ բան ու բոլորն են ասում, որ ավելի լավ է Ղարաբաղում քան այստեղ:think

Apsara ջան:), իմ տեղեկությունները ԼՂՀ բանակից իմ ծառայության տարիներից չեն, ավելի թարմ են: Ես էլ ծառայել եմ ոչ թե ԼՂՀ, այլ ՀՀ բանակում, բայց ոչ ՀՀ-ում, ոչ էլ ԼՂՀ-ում, այլ գրաված տարածքում: Ավելի պարզ ասած ՀՀ զորքն էր, բայց քանի որ պաշտոնապես ՀՀ բանակը չէր մասնակցում պատերազմին, դիտորդների համար դա ԼՂՀ բանակն էր ու դրա համար գրպանում պահում էի ԼՂՀ բանակի տարբերիչ նշաններ՝ պետք եկած ժամանակ հագուստին ամրացնելու համար:

Script
24.10.2007, 16:57
Ես ինձ միշտ ղարաբաղցի հայ եմ համարել։ Ու խորապես թքած ունեմ բոլոր նրանց վրա, ովքեր ղարաբաղցուն, գորիսեցուն կամ աբարանցուն հայ չեն համարում։

Աթեիստ, իսկ են, որ այսօրվա քաղաքական իրավիճակում ղարաբաղցին ՀՀ քաղաքացիություն չունի, քեզ ոչ մի հիմք չի տալիս նրան հայ չհամարելու։ Վաղը եթե անձնագիրդ մեկը գողանա, չես դադարելու հորդ տղեն լինել։ Թե՞ դադարելու ես։ :think



Չեմ կարծում որ գտնվի մեկը որը ղարաբաղցուն, գորիսեցուն կամ աբարանցուն հայ չի համարում, ուղակի շատ շատերը որ մի «կես ժամ » առաջ են եկել տարբեր շրջաններից իրանց Երևանցի են համարում ու շատ քչերն են որ քո պես հպարտորեն ասում են «Ես ինձ միշտ ղարաբաղցի հայ եմ համարել» : Դու շատ ճիշտ ես անձնագիրը ուղակի փաստաթուղթա,շատ Երևանում ծնվածներ ու անձնագրով հայեր կան որ լավա ծնված լինեին Կիրգիզիայում , կարևորը էնա ինչ որ զգում ես:

Մականուն
24.10.2007, 17:01
Մականուն;
Նույնը նաև քո նշած դեպքում: Բազմաթիվ ծառայող պատանիներ են վերադարձել Արցախից: Բողոքները եղել են ստանդարտ, ամբողջ բանակին վերաբերվող:
Զինվորը ամեն տեղ էլ զինվոր է: 18 տարեկան պատանի /երեխա/:
Միշտ էլ դեմ եմ եղել այդ տարիքում երեխային /այո ՝ երեխային, քանի որ 18 տարեկանում տղան հլա դեռ երեխա է/ բանակ զորակոչելուն: Դա պետք է արվի ավելի բարձր տարիքում /գոնե 21,22, 23/: Իսկ ավելի լավ է արվի ամեն տարի: Ու բոլորս տարեկան 1- 2 ամիս ծառայենք բանակում: Շվեցարական բանակի նման:
Դրանով շատ հարցեր կլուծվեր:
Պետք է հիշել, որ 18 տարեկան զորակոչը կրկնօրինակվել է սովետական բանակից, որտեղ կառավարման միակ ընդունված ձև դա զինվորին վախեցած պահելն էր:
Մեր բանակը պետք էր կառուցել ուրիշ սկզբունքի վրա: Առաջին հերթին իր տունը, ընտանիքը, երկիրը պահողի, պաշտպանողի արժանապատվության վրա: Փոքր, փոքրաթիվ երկիր ենք: Պետք է պարզ հասկանանք, որ եթե մեր երեխան 2 տարի, իր մարդկային կազմավորման շրջանում գտնվում է վախի միջավայրում, ապա դրա արդյունքների վրա վաղը, քաղաքացիական կյանքում լաց ենք լինելու:
Մեզ զոմբիներ բանակում պետք չեն: Մեզ պետք են մտածող, արժանապատիվ զինվորներ, քաղաքացիներ:

Ծառայության տարիքին վերբերող կարծիքդ լիովին կիսում եմ:

Array
24.10.2007, 17:06
Աստված չանի իհարկե. բայց ստիպված եմ ուշքի գալու խնդրանքով դիմել բոլորիտ ու ասել, որ էլի Աստված չանի իհարկե սակայն երբ որ էտ երեխու տեղը կլիներ քո երեխեն, ապա էն ժամանակ կասեիր, թէ ինչն է ավելի ցավալի:
Լրիվ վայրենացե՞լ եք ի՞նչ է:
Ցինիկ վուլգարությունն էլ սահման ունի, խելքի եկեք:
Մարդը զավակ է կորցրել, իսկ դուք արվեստի ճյուղերից եք ճոռոմաբանում :
Արա, ընկեր ջան, ես գիտեմ,թե որը իմ համար ավելի ցավալի կլինի,որ չիմանայի չէի գրի:Օրեկան քանի՞ մարդու տղայա մեռնում,խաբար ե՞ս:Սաղս էլ մեռնելու ենք էթանք վերջը, բայց էս մտածելակերպի պատճառով վաղը հայ ազգն ա մեռնելու:Թե որն ա ավելի ցավալի,դու ասա:
Լրիվ վայրենացե՞լ եք ի՞նչ է:
Ցինիկ վուլգարությունն էլ սահման ունի, խելքի եկեք:
Մարդը զավակ է կորցրել, իսկ դուք արվեստի ճյուղերից եք ճոռոմաբանում :
Իսկ էս տողերիդ ,ավելի լավ ա,չպատասխանեմ:
Կարող ա բառերի ու արտահայտությունների իմաստները չես ջոգում: Հայրենիքը քո համար արվեստի ճուղ ա՞: Մի հատ բառարանում նայի,ոնց որ խառնում ես:

Tigran Adunts
24.10.2007, 17:14
Ու խորապես թքած ունեմ բոլոր նրանց վրա, ովքեր ղարաբաղցուն, գորիսեցուն կամ աբարանցուն հայ չեն համարում։

Համամիտ եմ, բայց գորիսեցիների անունը ի՞նչի հատուկ նշեցիր :))
3-4 տարի է արդեն Երևանում եմ ապրում, բայց նույնիսկ չեմ էլ մտածել ինձ երևանցի կոչեմ ու հպարտ եմ, որ ԳՈՐԻՍԵՑԻ եմ:
Թող մեկը փորձի իմ մոտ մեկը արտահայտվի, որ գորիսեցիները հայ չեն, էտ ժամանակ ինքը հաստատ կփոշմանի, որ ....... (մնացածը ամոթա գրեմ)

Artgeo
24.10.2007, 18:32
Ժող, բայց տարօրինակ մտածելակերպ ունեք :) Բանակում սպանությունների շարանի քննարկումը դարձավ հայ լինելու կամ չլինելու մասին քննարկում: :think

Tigran Adunts
24.10.2007, 19:13
Ժող, բայց տարօրինակ մտածելակերպ ունեք :) Բանակում սպանությունների շարանի քննարկումը դարձավ հայ լինելու կամ չլինելու մասին քննարկում: :think

Հա բա չգիտե՞ս, պատերազմները ընդանրապես ուրիշ բաներից են սկսվում:

Ambrosine
24.10.2007, 20:04
Արա, ընկեր ջան, ես գիտեմ,թե որը իմ համար ավելի ցավալի կլինի,որ չիմանայի չէի գրի:Օրեկան քանի՞ մարդու տղայա մեռնում,խաբար ե՞ս:Սաղս էլ մեռնելու ենք էթանք վերջը, բայց էս մտածելակերպի պատճառով վաղը հայ ազգն ա մեռնելու:Թե որն ա ավելի ցավալի,դու ասա:
Իսկ էս տողերիդ ,ավելի լավ ա,չպատասխանեմ:
Կարող ա բառերի ու արտահայտությունների իմաստները չես ջոգում: Հայրենիքը քո համար արվեստի ճուղ ա՞: Մի հատ բառարանում նայի,ոնց որ խառնում ես:

Հա? Դե որ սաղս էլ մեռնելու ենք գնանք, հիմի ինչ? Էլ մեր ապրելը իմաստ չունի? Ուրիշ բան, որ դու ապրելու իմաստ չունես, ուրիշ բան, որ մենք դեռ նպատակներ ունենք կյանքում, թեկուզ հենց նման դեպքերի կանխմանը նպաստելը: Իսկ եթե քո համար միևնույն է, որ զինվորը սպանվում է ու հենց իր հրամանատարի ձեռքով, ուրեմն չեզոք դիրք գրավի ու իրավիճակը մի բարդացրու:
Այս թեման վերածվել է <<Ղարաբաղցին հայ է?>> թեմայի: Դե իհարկե հայ է: Դրանում ոչ մի կասկած: Դե ես էլ կյանքում Ղարաբաղում չեմ եղել, որ սեփական կարծիք հայտնեմ, միայն ուրիշների պատմելով եմ պատկերացում կազմում, բայց խոսքը մեր մեջ լավ բաներ չեմ լսել:(
Արդարադատության նախարարությունից մարդ կա ակումբում /եթե չեմ սխալվում moj անունով/ չէ? Հետաքրքիր կլիներ իր վարկածը կարդալ

Fobus
24.10.2007, 22:52
Լրիվ չեմ կարդացել, բայց առաջին տողը հերիք ա, որ պատասխանեմ:
Միշտ էլ եղել ա , կա ու միշտ էլ կլինի են , որ լսենք , որ բանակում սպանել են զինվոր կամ ծեծել են զինվոր : Կան մուսռ աֆիցեռներ ու կան լիքը լավ տղեք, որ դրանց հետ չեն կարում լեզու գտնեն ու ..........
անհնար ա , որ էս հարցը լուծվի ... միշտ էլ կլինեն մուսռ աֆիցեռներ ... կամ էլ ոչ աֆիցեռներ, ուղակի վատ մարդիկ:

Array
25.10.2007, 16:05
Հա? Դե որ սաղս էլ մեռնելու ենք գնանք, հիմի ինչ? Էլ մեր ապրելը իմաստ չունի? Ուրիշ բան, որ դու ապրելու իմաստ չունես, ուրիշ բան, որ մենք դեռ նպատակներ ունենք կյանքում, թեկուզ հենց նման դեպքերի կանխմանը նպաստելը: Իսկ եթե քո համար միևնույն է, որ զինվորը սպանվում է ու հենց իր հրամանատարի ձեռքով, ուրեմն չեզոք դիրք գրավի ու իրավիճակը մի բարդացրու:
Այս թեման վերածվել է <<Ղարաբաղցին հայ է?>> թեմայի: Դե իհարկե հայ է: Դրանում ոչ մի կասկած: Դե ես էլ կյանքում Ղարաբաղում չեմ եղել, որ սեփական կարծիք հայտնեմ, միայն ուրիշների պատմելով եմ պատկերացում կազմում, բայց խոսքը մեր մեջ լավ բաներ չեմ լսել:(
Արդարադատության նախարարությունից մարդ կա ակումբում /եթե չեմ սխալվում moj անունով/ չէ? Հետաքրքիր կլիներ իր վարկածը կարդալ

Ընկերուհի ջան:) , դու իմ գրածը կարդացի՞ր սաղ, չհասկացա՞ր ինչ էի ուզում ասել:Լավ,մի հատ էլ ասեմ,դժվար չի:
Եթե ասում եմ,որ իմ(ու յուրաքանչյուրի) կյանը չնչին է,համեմատած մեր ժողովրդի հարատևության հետ,դա չի նշանակում, որ ես ապրելու իմաստ չունեմ: Տենց որ մտածենք, ուրեմն գոյամարտերում իրենց կյանքերը զոհաբերած տղերքը,ինչ ա, քաղաքացիական կյանքում հեչ անելու բան չունեի՞ն, մեռնելու մեջ էի՞ն զբաղբունք գտե՞լ: Ուղղակի էտ մարդիկ իսկական մարդ էին, ու,մոռանալով իրենց ունեցած նպատատակները(չկասկածես,որ հաստատ կունենային) , գիտակցաբար մեռան մեզ համար,որ մենք ապրենք հիմա: Ու հիմա,եթե պետք լինի, մենք պիտի նույն կերպ վարվենք,որ մեր էրեխեքն էլ կարողանան ապրել, ոչ թե վախկոտի նման մեր կյանքի համա դողանք, կամ հենց մեր առյուծների արյան գնով ազատագրված հողը, հրաժարվենք պաշտպանել:
Մեզ հետո դրա համար չեն ներելու մեզանից հետո եկողները:
Էս էր իմ ասածը: Ես չասեցի, թե մեկ ա ինձ համար:

Արշակ
25.10.2007, 19:31
Array, չե՞ս կարծում որ շատ մեծ տարբերություն կա մեռնում ես պատերազմում հայրենիքդ պաշտպանելիս, թե անիմաստ տեղը ինչ–որ սպայի քմահաճույքի արդյունքում։

dvgray
25.10.2007, 21:26
Կան մուսռ աֆիցեռներ ու կան լիքը լավ տղեք, որ դրանց հետ չեն կարում լեզու գտնեն ու ..........
անհնար ա , որ էս հարցը լուծվի ... միշտ էլ կլինեն մուսռ աֆիցեռներ ... կամ էլ ոչ աֆիցեռներ, ուղակի վատ մարդիկ:
Կան նաև լավ սպաներ /"աֆիցեռներ"/: Ինքս բախտ եմ ունեցել ամենավատ ժամանակներում 3 ամիս ծառայել նրանցից մեկի, Լյոնյա Ազգալդյանի հետ: Եթե ստեղ գրեմ, թե ինչպիսի հրամանատար և մարդ էր նա, ապա հավանաբար շատերը նորից կհամարեն ցնորք:
Լավին եկեք ասենք՝ լավը, վատին՝ վատը:

Էսօր նորից զրուցում էինք բանակից: Խնդիրները էնքան շատ են, որ չես էլ հասկանում որից սկսես որտեղ վերջանես…

moj
25.10.2007, 21:29
Արդարադատության նախարարությունից մարդ կա ակումբում /եթե չեմ սխալվում moj անունով/ չէ? Հետաքրքիր կլիներ իր վարկածը կարդալ


Եթե նույնիսկ արդարադատության նախարարությունից եմ, ապա այդ նախարարությունը լիազորված չէ վարկածներ ունենալու, վարկածներն ունենում ու ստուգում են նախաքննական մարմինները, տվյալ դեպքում զինվորական դատախազությունը:

Իսկ իմ կարծիքը հետևյալն է...
Ըստ էության քննարկմանը մասնակցող բոլոր անդմները իրավացի են, մեկն ասում է որ այդ դեպքով չի կարելի բանակի մասին կարծիք կազմել, մյուսն ասում է, որ կարելի է քանի որ բարձրաստիճան սպաների ուշադրությունից դուրս են մնացել հոգեկան խանմգարումով սպաները... երկուսի հետ ել համաձայն եմ, բայց ավելի ճիշտ կլինի, որ կոնկրետ զորամասի և դրա կուրատոր բարձրաստիճան սպայից պատասխան ու պատասխանատվություն պահանջենք:

Այն, որ այդ լեյտենանտը հոգեկան խանգարում ունի չեմ ուզում կասկածի տակ դնել, քանի որ իր արարքը դրա վառ ապացույցն է, իսկ այն, որ նրան ցանկանում են պատժել մեղմ` դա օրենքի պահանջն է:

Մի խոսքով ցավակցում եմ այդ ընտանիքին և հույս հայտնում, որ արդարությունն իսկապես կայցելի և կլուսավորի իրենց:

Շնորհակալ եմ կարծիքս ուշադրության արժանացնելու համար:

Array
25.10.2007, 22:08
Array, չե՞ս կարծում որ շատ մեծ տարբերություն կա մեռնում ես պատերազմում հայրենիքդ պաշտպանելիս, թե անիմաստ տեղը ինչ–որ սպայի քմահաճույքի արդյունքում։

Արշակ ջան, սաղ խառնվեց իրար:Էտ չէր միտքս: Սկզբից կարդաս գրածներս,պարզ կլինի:

Ambrosine
26.10.2007, 00:18
Ընկերուհի ջան:) , դու իմ գրածը կարդացի՞ր սաղ, չհասկացա՞ր ինչ էի ուզում ասել:Լավ,մի հատ էլ ասեմ,դժվար չի:
Եթե ասում եմ,որ իմ(ու յուրաքանչյուրի) կյանը չնչին է,համեմատած մեր ժողովրդի հարատևության հետ,դա չի նշանակում, որ ես ապրելու իմաստ չունեմ: Տենց որ մտածենք, ուրեմն գոյամարտերում իրենց կյանքերը զոհաբերած տղերքը,ինչ ա, քաղաքացիական կյանքում հեչ անելու բան չունեի՞ն, մեռնելու մեջ էի՞ն զբաղբունք գտե՞լ: Ուղղակի էտ մարդիկ իսկական մարդ էին, ու,մոռանալով իրենց ունեցած նպատատակները(չկասկածես,որ հաստատ կունենային) , գիտակցաբար մեռան մեզ համար,որ մենք ապրենք հիմա: Ու հիմա,եթե պետք լինի, մենք պիտի նույն կերպ վարվենք,որ մեր էրեխեքն էլ կարողանան ապրել, ոչ թե վախկոտի նման մեր կյանքի համա դողանք, կամ հենց մեր առյուծների արյան գնով ազատագրված հողը, հրաժարվենք պաշտպանել:
Մեզ հետո դրա համար չեն ներելու մեզանից հետո եկողները:
Էս էր իմ ասածը: Ես չասեցի, թե մեկ ա ինձ համար:

Ընկեր ջան,:) չհասկացողը դու ես: Եթե սենց ջահել-ջահել անկապ, աննպատակ մեռնենք գնանք, էլ ազգ որտեղից կլինի? Ու հենց թեկուզ էս միջադեպը. Ղարաբաղում սպանում են երևանցու: Պարզ չի, որ Երևանում պիտի իրարանցում լինի: Եթե օրինակ երրորդ մասում սպանեն բանգլադեշցու, պարզա բաբգլադեշից կգնան երրորդ մաս, որ պատասխան հարված հասցնեն: Նույնը էս պատմության մեջ ա, եթե սպանվողի հայրը մի քիչ ազդեցիկ, հարուստ մարդ լիներ, հաստատ հենց Ղարաբաղում էտ <<հրամանատարի>> հարցերը անձամբ կլուծեր ու չէր սպասի, որ դատարանը վճիռ կայացնի: Ու սենց շարունակ տես ուր ա հասնում: Իրար սպանելով ուր ենք հասնելու, որ դու էլ ազգի պահպանությունից ես խոսում?
Ու ընդհանրապես հերիք ա էս հարցում խառնեք Ղարաբաղ-Երևան հարաբերությունները, եկեք էս հարցը քննարկենք որպես սպանության տեսակետից, այն էլ բանակում. որովհետև Գյումրիից էլ երևանցի զինվոր էին մահամերձ վիճակում բերել, բայց ոչ ոք այդ մասին չխոսեց: Ի դեպ, այս թեմայով լուրերով ինչ-որ բան ասել են?

Armeno
26.10.2007, 14:36
Ղարաբաղում սպանում են երևանցու: Պարզ չի, որ Երևանում պիտի իրարանցում լինի: Եթե օրինակ երրորդ մասում սպանեն բանգլադեշցու, պարզա բաբգլադեշից կգնան երրորդ մաս, որ պատասխան հարված հասցնեն: Նույնը էս պատմության մեջ ա, եթե սպանվողի հայրը մի քիչ ազդեցիկ, հարուստ մարդ լիներ, հաստատ հենց Ղարաբաղում էտ <<հրամանատարի>> հարցերը անձամբ կլուծեր ու չէր սպասի, որ դատարանը վճիռ կայացնի: Ու սենց շարունակ տես ուր ա հասնում: Իրար սպանելով ուր ենք հասնելու, որ դու էլ ազգի պահպանությունից ես խոսում?
Ու ընդհանրապես հերիք ա էս հարցում խառնեք Ղարաբաղ-Երևան հարաբերությունները, եկեք էս հարցը քննարկենք որպես սպանության տեսակետից, այն էլ բանակում. որովհետև Գյումրիից էլ երևանցի զինվոր էին մահամերձ վիճակում բերել, բայց ոչ ոք այդ մասին չխոսեց: Ի դեպ, այս թեմայով լուրերով ինչ-որ բան ասել են?
Աստղ ջան նենց ես ասում ղարաբաղցի, երևանցի, ոնց-որ իրանք Թուրք լինեն,Համ էլ եթե բանգլադեշցու սպանեն, ապա բանգլադեշը չի գնա երրորդ մաս, այլ հանգուցյալի հարազատները, և ընկերները տարբեր տեղերից, երրորդ մասից էլ:
Բայց եթե թուրքը հային սպանի, ապա բոլոր հայերը կգնան թուրքիա…


Հ.Գ
Թեմայից էլ շեղվում ենք

Array
26.10.2007, 17:55
Ընկեր ջան,:) չհասկացողը դու ես: Եթե սենց ջահել-ջահել անկապ, աննպատակ մեռնենք գնանք, էլ ազգ որտեղից կլինի? Ու հենց թեկուզ էս միջադեպը. Ղարաբաղում սպանում են երևանցու: Պարզ չի, որ Երևանում պիտի իրարանցում լինի: Եթե օրինակ երրորդ մասում սպանեն բանգլադեշցու, պարզա բաբգլադեշից կգնան երրորդ մաս, որ պատասխան հարված հասցնեն: Նույնը էս պատմության մեջ ա, եթե սպանվողի հայրը մի քիչ ազդեցիկ, հարուստ մարդ լիներ, հաստատ հենց Ղարաբաղում էտ <<հրամանատարի>> հարցերը անձամբ կլուծեր ու չէր սպասի, որ դատարանը վճիռ կայացնի: Ու սենց շարունակ տես ուր ա հասնում: Իրար սպանելով ուր ենք հասնելու, որ դու էլ ազգի պահպանությունից ես խոսում?
Ու ընդհանրապես հերիք ա էս հարցում խառնեք Ղարաբաղ-Երևան հարաբերությունները, եկեք էս հարցը քննարկենք որպես սպանության տեսակետից, այն էլ բանակում. որովհետև Գյումրիից էլ երևանցի զինվոր էին մահամերձ վիճակում բերել, բայց ոչ ոք այդ մասին չխոսեց: Ի դեպ, այս թեմայով լուրերով ինչ-որ բան ասել են?

Աղջիկ ջան,խի ես քեզ չհասկացող ասեցի՞,որ հարձակվեցիր վրաս:o ուղղակի ես շատ պարզ էի գրել,կարող ա պահի տակ լավ տեղ չի հասել,տենց լինում ա,ոչինչ,էտ չի նշանակում,որ անհասկացող ես:
Հիմա ասածիդ վերաբերյալ. Ղարաբաղում Երևանցու չեն սպանել, Հայաստանում հայի են սպանել:Ու, եթե էտ տղեն երևանում սպանվեր,ու հարազատները անող լինեյին, քեզ թվում ա Երևանցուց հաշվեհարդար չէին տեսնի՞ :esim

Ambrosine
26.10.2007, 18:25
Ղարաբաղում Երևանցու չեն սպանել, Հայաստանում հայի են սպանել:Ու, եթե էտ տղեն երևանում սպանվեր,ու հարազատները անող լինեյին, քեզ թվում ա Երևանցուց հաշվեհարդար չէին տեսնի՞ :esim

Չիմանաս, թե ինձնից հայրենասեր ես::P Ինչքան նկատել եմ ակումբի գերակշիռ մասը բնական գիտությունների հետ ա կապված: Եթե դուք կենցաղում, ակումբում եք այս հարցերով մտահոգված, անընդհատ քննարկում, ցավ ապրում, ապա մենք էնքան ենք անցնում դասախոսությունների տեսքով, որ երազում էլ պատմությունից ենք խոսում: Նենց որ Ղարաբաղը իմ համար ոչ պակաս թանկ է, քան նույնիսկ ղարաբաղցիների համար:
Ւսկ Երևան ու Ղարաբաղ առանձնացնելը ու Հայաստան չասելը նույնն է, ինչ որ Երևանի օրինակը` Բանգլադեշ ու Երրորդ մաս:

Array
26.10.2007, 18:33
Չիմանաս, թե ինձնից հայրենասեր ես: Ինչքան նկատել եմ ակումբի գերակշիռ մասը բնական գիտությունների հետ ա կապված: Եթե դուք կենցաղում, ակումբում եք այս հարցերով մտահոգված, անընդհատ քննարկում, ցավ ապրում, ապա մենք էնքան ենք անցնում դասախոսությունների տեսքով, որ երազում էլ պատմությունից ենք խոսում: Նենց որ Ղարաբաղը իմ համար ոչ պակաս թանկ է, քան նույնիսկ ղարաբաղցիների համար:
Ւսկ Երևան ու Ղարաբաղ առանձնացնելը ու Հայաստան չասելը նույնն է, ինչ որ Երևանի օրինակը` Բանգլադեշ ու Երրորդ մաս::handsՀասկացանք իրար

Fobus
26.10.2007, 21:54
Կան նաև լավ սպաներ /"աֆիցեռներ"/: Ինքս բախտ եմ ունեցել ամենավատ ժամանակներում 3 ամիս ծառայել նրանցից մեկի, Լյոնյա Ազգալդյանի հետ: Եթե ստեղ գրեմ, թե ինչպիսի հրամանատար և մարդ էր նա, ապա հավանաբար շատերը նորից կհամարեն ցնորք:
Լավին եկեք ասենք՝ լավը, վատին՝ վատը:

Էսօր նորից զրուցում էինք բանակից: Խնդիրները էնքան շատ են, որ չես էլ հասկանում որից սկսես որտեղ վերջանես…

Ես չեմ ասում, որ լավ աֆիցեռներ չկան: բայց դե շատ քիչ են պատահում: սերժանտ կա, որ էլի լավ տղա չի, կապիտան էլ կա, ում մամայի մասին լավ չեն խոսում: բայց քանի որ ամենաշատը աֆիցեռներն են հայտնի որպես անբարոյականներ, դրա համար էր հենց իրանց մասին գրեցի:

Սամվել
27.10.2007, 00:40
Չեմ բացառում որ այդ ասվածը իրականություն է...
Բայց մյուս կողմից նայենք ամեն ինչին :think
Ինչից վերցրեցիք որ այն ինչ այդտեղ ներկայացվել է իրոք անհերքելի ճշմարտություն է...Այսինքն որ Տղան սպավել է հասկացանք բայց մի հատ ինձ ասեք ինչ գիտեք ընդհանրապես ով էր այդ տղան/մարդկային և հոգեբանական տեսանկյունից/ , Ինչ հարաբերությունների մեջ էր նա այդ Սերժանտի հետ...միգուցե այդ սպանոթյունը ունեցել է դեռ շատ խորը արմատներ և այդ անհեթեթ դեպքը ուղակի պատրվակ է եղել Սերժանտի համար նրանից հաշվեհարդար տեսնելու...
Մի խոսքով այս գրածս մեկ այլ վարկած է...բայց դե դա հեռու չէ մեր այսօրվա իրականությունից... ամեն դեպքում իրականությանը մոտ չեմ համարում որ որևէ մեկը կարող է նման խաղաղ վեճը մարդասպանության վերածել և կործանել 2 /կամ ավելի/ կյանք ու ճակատագիր...ամեն դեպքում ինձ չի թվում որ այդ Սերժանտը այդքան հիմար ու տգետ է եղել որ չի գիտակցել իր արարքների հետևանքները...
Այլ խոսքերով ասած ամեն ինչ այնքան էլ պարզ չէ ինչքան թվում է
Իհարկե հեշտ է հոգեկան հիվանդ որակել Սերժանտին բացառելով մնացած վարկածները...բայց դե կարելի է մի քիչ ավելի խորը վերլուծել :B

Ամեն դեպքում ես նրան չեմ արդարացնում ընդհաակառակը նա մարդասպան է և բնականաբար պետք է կրի խստագույն պատիզ ընդհուպ մինչև մահ բայց դե այս դեպքը չի կարելի ընդհանրացնել ամբողջ բանակ հակացության հետ և փնովել բանակը որը այդքան անհրաժեշտ է մեր երկրին...

Հ.Գ. Իմիջայլոց dvgray-ի արտահայտած միքտը բանակի տարիքի հետ կապված և տվողության ու հաճախության բավակաին լավն է կարծում եմ արժի այն առանձնեցնել և քննարկել առանձին